ادم: انا نطلع نشوف نوميديا حيت حالتها ماشي هي هاديك
ام ادم: راه ولدها لي مات الله يصبرها.. سير اولدي عند مراتك..... طلع لعندها لقاها متكية وكتشوف فالفراغ
ادم: (جلس على ركابيه وكيدوز يديه على شعرها) نوميديا
انا: نعام
ادم: حاولي تكوني قوية عفاك.. انا منقدرش نعيش بلا بيك
انا: منين تولدت معمري شفت النهار الزوين.. دازو عليا مصايب الدنيا كاملة.. مرضت بالسرطان.. تعرضت للاغتصاب وكون غير كان من غريب لا من الشخص لي كنبغي.. ولدي مات... ودبا نقدر نموت فاي لحظة..... صافي الجهد لي فيا مشا
ادم: عفاكي سمحيلي... بقا كيبكي بحال دري الصغير اول مرة نشوفو هكا
ادم: واخة... هزها ادم وهي شبه مغيبة داها نيشان للدار.. طلعها وبدليها وجاب الفطور بدا كيوكلها عاد بدات كتحل عينيها شوية..... هكا داز كثر من شهر وادم خلا خدمتو وبقا مقابلها غير هي مخلا حتى واحد يقربليها... هو لي كيدوشليها ويلبسها ويوكلها.. و واحد النهار لقاها حزينة وجبد الصباغة وبدا كيصباغليها ظفارها.. بقات كتموت بالضحك.... المهم دارليها كلشي... ماماها كتجي غير طل عليها مخلهاش ادم دير شي حاجة كيقوليها جلسي شوفي بنتك وصافي...... اليوم غادي يخرجو التحاليل باش يشوفو واش تصفا الدم
الطبيب: (كيقرا التحاليل) الحمد الله دبا مدام نوميديا دمها نقي
انا: (دموعي نازلين) علاش درتي فيا هكا.. عمرك حسستيني بلي عندي اخ يدافع عليا.. كنت كنحس براسي بوحدي.. رغم انك كاين... ماشي بهاد السهولة نقدر نسمحليك واخة تشوفني كنضحك.. قلبي مجروح.. كلكم اذيتوني بدون استثناء... نتا وبابا حطمتوني.. تعرضت للاغتصاب وملقيت حتى واحد بجنبي يدافع عليا..
ياسين: (بصدمة) اغتصااب😳
انا: هئ هئ كنت بوحدي وتألمت بوووحدي.. كان عارف معندي لي يدافع عليا داكشي علاش دار هكاك
ياسين: (تعصب) شكون هدا هضريييي
انا: علاش باغي تعرف.. الى عرفتي زعما غادي تغير شي حاجة
ياسين: نوميديااا متحمقنيش
انا: اعز شخص عندك.. لي ديما متافق معاه عليا... لي كتبغيه كثر مني.. ادم خو مراتك حبيبتك😭😭
ياسين: كيفاااش واش عارفة راسك اش كتقولي
انا: فنظرك علاش دار هكا ادم.. علاش جا بغا يخطبني ونعاودو من جديد... حيت فاش وهمكم بلي حنا رجعنا.. انا كنت كنعاني ودوزت سيمانة فالكلينيك
ياسين: واش كتهضري بالصح
انا: بطبيعة الحال مغاديش تيقني.. علاش شكون انا.. غير نوميديا البنت لي طالما تحكرات ومزال كتحكر... اما هو راه صاااحبك العزيز وخوك... ياك كتعتابرو خوك...... انا رجعت كنخاف منو كلما كنشوفو😢.. كنتفكر نهار اغتصابي.. كلما كنشوفو كنتفكر الاهانات ديالو ليا..... هربت وكنت محطمة حتى من الشخص لي بغيت قسا عليا... مشيت عند طبيبة ودرت فحص كيبين بلي انا كنت عذراء فاش قاصني... عرفتي علاش اغتاصبني حيت مشافش الدم... ضربني ومحنش فيا... خدمني عندو وانا مقدراش حتى نتمشا... وفاش طرطقت فوجهو اغتاصبني بدون رحمة.. بدون ميشفق على حالتي.. يقول هادي اول مرة ليها بشوية عليها... غوت وبكيت.. رغبتو😢 مي هو مدهاش فيا.. كمل شغلو وناض خلاني مقدراش نوقف.. خلاني منهارة.. منكسرة.. شديت التيليفون ملقيت لمن نعيط... اخي الوحيد راه فصفو.. لبست حوايجي وخرجت تما فين مشيت للطبيبة وصيفطلو الوثائق.. كنت عوالة نهرب وهاد المرة بدون رجعة مي مكتابش وضرباتني طموبيل... عيطولو وعلموه.. ووصلوه شهادة كتبين بلي انا عذراء.. عااد جا طلب مني السماحة... مي مكنخليهش يقيصني.. حيت خايفة ومجروحة ومكان عندي لمن نشكي.. معنديش الظهر لي نحتمي بيه... فين كنتي نتا من هادشي كااامل.. فين كنتي فاش كانت ملاكك الصغيرة كتغتصب وتهان... غادي تقول علاش قبلت بادم دبا... حيت للاسف مزال كنبغيه وخا قلبي مجروح منو بزااااف.. مي كنبغيه😭😭
ياسين: (عنقني وزير عليا) سمحيلي اختيي.. غادي ندموو على هادشي لي دار
انا: انا عاودتليك باش نرتاح حيت كنت غادي نطرطق.. وبلا ماتقولو والو وضيع الصداقة ديالكم
ياسين: اش كتخربقي.. نتي اهم منهم كلهم.. نتي ختي الصغيرة
انا: عفاك مدير والو.. انا باغا نعطيه فرصة مي بغيت نخوي قلبي.. ونتا حليتي الجرح داكشي علاش عاودتليك.. كلشي مجمع عليا.. وحتى فقدان ولدي مزال مأثر عليا
ياسين: (مسحليها دموعها) شنو بغيتي ندير نديرو غير كوني بخير
انا: معندك مدير صافي داكشي فات
ياسين: (تنهد) ياله نرجعو للدار... شدني من يدي وركبنا وهو يكسيري........ عند ياسين لي مصدوم وكيلعن فراسو.. شاف فختو لقاها دايرة راسها على الزاج وساهية.... وصلو للدار جا ينزل وهي تشدو من يدو
انا: انا مسامحاك من قلبي.. كتبقا خويا الوحيد والسند ديالي.. وخا يوقع لي يوقع.... باستو فحنكو وهبطات بقا متبعها بعينيه حتى دخلات... نزلو دموعو وسب راسو حيت مكانش بجنبها وخلاها معدبة...
ادم: اوكي.... ديمارا ياسين وهو يكسيري موقف حتى وصل.. نزل لقا ادم جالس كيتسناه
ادم: ا... قاطعو ياسين ببونية لوجهو... مالك اصاحبي واش تسطيتي
ياسين: كنت حاسبك خويا ساعة طلعتي شماتة
ادم: اش هاد الهضرة كتقول.. شنو درتليك
ياسين: ختي ا ادم.. ختي الوحيدة اغتاصبتيها علاااش
ادم: (بصدمة) كيفاش
ياسين: بلا ما تبهلل عليا.. قبيلة عاوداتلي كولشي وهي كتبكي.. عاوداتلي وانا كنشوف فعينيها الانكسار.. كانت منهارة وحزينة.... مي فاللخر قالت بلي كتبغيك داكشي علاش سامحاتك.. رغم داكشي لي درتي فيها هي مسامحاك... مي انا لا.. كنت غاالط فيك بزااااف... عمري فكرت انك تقدر دير هادشي
ادم: سمعني كون كنتي بلاصتي غادي دير ماكثر نتا معارفش شنو وقع
ياسين: عارف كولشييي... هي عاوداتلي... فاش ملقيتيهاش بنت بالنسبة ليك.. ديها للطبيب اولا جري عليها... مي منسمحلكش تهينها وتغتاصبها... عاد فهمت نظراتها فالحفل.. كانت مختالفة على قبل.. شفت حزن عميق فعينيها مي كدبت راسي
ادم: وراه حتى نتا عدبتيها.. جاي تحاسبني غير انا....... نقز عليه ياسين بالضرب حتى خرج دمو.. وهو يوقف
ياسين: نتا عارف مزيان الحقيقة.. دونك بلا ماتحماق عليا.. كنعتارف بلي طريقتي فالتعامل كانت غالطة... مي كتبقى ختي الوحيدة... ترضى ندير لختك هكاك... الى جات سارة لعندك كتبكي ومزرقليها الوجه باش غادي تحس ااه... فنظرك شنو كان احساسي فاش ختي جالسة قدامي كتبكي وتشهق وهي كتعاودلي على شنو وقعليها.... نوميديا تعدبات بزاااف وحنا كلنا السبب... داك النهار عاونتك باش مطلقهاش حيت قلت ندير بعدا حاجة وحدة زوينة لختي نفرحها.. ماشي نزيد نعدبها
ادم: انا ندمت بزااف على داكشي لي درت وطلبت منها السماحة ماشي مرة ماشي جوج.. وكنطلب منك حتى نتا السماحة
ياسين: الا الاغتصاب ا ادم منسمحليكش.. كون ضربتيها ومغتصبتيهاش نسمحليك... مي نتا هنتي ختي....... مشا ياسين وهو منهار لحزن ختو وخلا ادم مليوح فالارض وكيبكي فصمت حيت عرف بلي مزال مجروحة منو بزااف
رجع ياسين للدار وطلع نيشان عند ختو.. حل الباب لقاها جالسة فالفتوي وساهية
ادم: (تنهد) اوكي لي بغيتي...... تكيت وحاسة بلي ادم كيشوف فيا.. شوية تكا فبلاصتو عاد ارتاحيت ونعست
عند ادم لي بقا كيفكر فتصرفها وفهم بلي مزال ممستاعدة دير علاقة... بقا كيفكر حتى نعس
صبح الصباح فاقت نوميديا لقات راسها ناعسة فوق صدر ادم ابتاسمات.. باستو فحنكو وناضت دخلات للدوش.. حل عينيه ادم وهو كيبتاسم حيت حس بيها فاش باستو.. دوشات ولبسات بيجامتها وهي تخرج
انا: (بابتسامة) صباح الخير😄
ادم: صباح الورد والياسمين😍
انا: رتاحيتي شوية
ادم: عاد كتسولي.. وانا ناعس حدا اجمل بنت ومنرتاحش
انا: (تزنكت) الصمت
ادم: هههه اش بانليك نفطرو برا
انا: ممم واخة انا نلبس ونمشيو
ادم: اوكي نغسل ونلبس حوايجي حتا انا... دخل للحمام ونضت بالزربة لبست قبل مايخرج.. خرج لابس حوايجو
ادم: (مدور يديه على خصري وباسني فحنكي) جيتي فنة
انا: (مزنكة) شكرا.. نمشيو
ادم: اوكي.. شدني من يدي وهبطنا بجوج
انا/ادم: صباح الخير
الكل: صباح الخير
ماما: اجيو تفطرو
انا: غادي نخرجو دبا نفطرو برا
ماما: واخة مي متعطليش راه خاصنا نبداو نوجدو
انا: واخة احبيبة.. ركبنا الطموبيل وهو يكسيري موقف حتى لواحد الكافي زوينة... طلبنا الفطور وبدينا كناكلو
ادم: فين باغة دوزي شهر العسل
انا: ممم معرفتش
ادم: ممم اوكي دبا نشوف..... كملنا ماكلتنا وهو يرجعني للدار.. تلقاتلي ماما فالباب وجراتني معاها.... مشينا تلاقينا مامات ادم ودزنا للقاعة نشوفوها.. كانت كبيرة وزوينة عجباتني.... هضرنا معاه وتافقنا على النهار... دزنا عند واحد النكافة مي معجبنيش داكشي لي عندها.. ومشينا للمول تقدينا الحوايج لي خاصيني بعدا.. وخلينا النكافة حتى الغدا........ هكا داز الوقت غير من هادي لهادي حتى سخفت... اليوم عندي الحنا... لبست قفطاني الخضر وجلست فالبرزة شوية سمعنا الدقايقية والصداع.. قلبي بدا كيضرب بالجهد بحال الى اول مرة نشوفو... شوية كيبانلي حبيبي داخل باللباس التقليدي عبارة عن جبادور وبلغة صفرا.. جا كيحمق... جلس حدايا والضحكة مفارقاتوش.. بدات النقاشة كتنقشلي.. والموسيقى مطلوقة والبنات والدراري كيشطحو
ادم: (كيهضر فودني) جيتي كتحمقي
انا: (مزنكة) حتى نتا
ادم: شنو لي حتا انا
انا: جيتي بوكوص
ادم: هههه بالصح
انا: ويي جا معاك اللباس التقليدي
ادم: صافي نبقا نلبسو ديما لحبيبتي
انا: هههه الله يخليك ليا
ادم: امين ويخليك ليا... داز نهار زويين برفقة حبيبي لي محبسش من كلام الغزل
وصل الليل ومشا كلشي.. رجعات الفيلا خاوية طلعت لبيتي دوشت.. لبست بيجامتي ياله تحشيت فبلاصتي وهو يتحل الباب لقيت بابا لي جا
بابا: نقدر معاك
انا: (جلست) اه تفضل
بابا: كنعتادر ابنتي.. عارف راسي كنت قاصح معاك ومعمري حسستك بحنان الاب.. مي لي باغيك تعرفي انك ديما كنتي وغتبقاي فخر بالنسبة ليا.... لطالما كنتي من الاوائل فقرايتك كنت كنفرح كثر منك وخا مكنبينش ليك.. وفاش رجعتي ونتي بشهادة الدكتوراة زدتي كبرتي فعيني.. نقدتيني من الحبس حيت قلبك كبير ومكتحقديش على الواحد... اصلا كيفاش هاد العينين الزورق البريئين والقلب الابيض يحقدو على شي حد.... عاقل مزياان على النهار لي تولدتي فيه اول مرة شفتك فيها واول مرة هزيتك.. وشفت عينيك بكيت حيت فكرتيني فعمتك الله يرحمها.. كتشبهليها بزاااف.. نفس الضحكة ونفس التصرفات... مي للاسف قتلها بابا حيت بالنسبة ليه ضيعات شرفها وحتى ماتت عاد عرفنا الحقيقة وبلي كانت بريئة.... كنت قاصح معاك باش تخافي ديري شي حاجة مي كنت غلطان ونتمنى تسمحيلي ابنتي
انا: لا لا بغيت اجي.... كحزت وهو يتكا وتكيت حتا انا بقيت كنشوف فيه حس بيا وهو يدور لعندي.. جبدني لعندو وحطيت راسي على صدرو
بابا: كنبغيك ابنتي كثر ماتصوري
انا: هئ هئ حتا انا😭
بابا: (كيدوز يديه على راسي) براكة من البكا عفاك ابنتي
انا: (كنمسح دموعي) واخة ابابا... شوية تحل الباب
ماما: كتخونوني
بابا: هههه اجي نعسي حدانا... جات ماما تحشات حدايا رجعت انا فوسطهوم... بقينا كنهضرو ونضحكو حتى نعسنا وحنا معنقين بعضياتنا........... صبح الصباح فقت على شي حد كيلعب فوجهي
انا: (حليت عيني) وينو شكون هاد الزوينة.. بنت من نتي
...: اوى كون كنتي كتجي طلي عليا كون عرفتي بنت من
انا: ملاااااك
ملاك: اللقوى... حطيت البنت ونقزت عليها عنقتها
انا: توحشتك الزبلة
ملاك: حتى انا المعاقة
انا: سمحيلي مبقيتش معاقة انا دبا مزوجة
ملاك: هههه الله يكمل عليكم بالخير
انا: امييين
ملاك: يياله سيري غسلي وجهك وبدلي باش نمشيو للصالون
انا: اوكي.... دخلت قضيت حاجتي وغسلت وجهي.. خرجت لبست حوايجي وانا نزل مشيت كنجري نقزت على امين
انا: توحشتك
امين: حتى انا توحشتك اشنيولة
انا: دبا انا شنيولة
طه: ديما كنقولهاليك ومكتيقيش
انا: هههههه مك
طه: ماما هاهيا كتعايرك عاود
ام طه: بعد من البنت راك نتا لي كتجبدها
انا: (عنقتها) توحشتك
ام طه: كون تشوفي انا ابنتي
اب طه: مبروك عليك ابنتي
انا: باباتي.. عنقتو.. الله يبارك فيك
طه: انا خلاص متعنقينيش
انا: لا... جا عنقني ولا نقولو خنقني
طه: توحشتككك
انا: كح كح طلق راك قتلتيني
طه: مطالقكش ياله
انا: جاان جيتي حتا نتا
طه: (طلقني) فينو
انا: ههههههههههههههه عارفاليك دواك... جا بغا يشدني وانا نهرب وكلشي بقا كيضحك عليه
فطرنا مجموعين بابا خرج هو واب امين اما ماما بقات مجمعة مع مامات امين... وياسين هو وطه وامين خرجو... وانا وملاك وسارة مشينا للصالون........ دوزنا النهار كامل تما وصلات 7 دالعشية... كنت لابسة قفطان فالبيض مع مشيطة ومكياج... بداو البنات دالصالون كيصليو عالنبي.. شوية جات سارة كتعلمني بلي راه كيتسناو برا... خرجت لقيت حبيبي كيتسناني شافني وجا لعندي
ادم: (باس يدي بجوج) جيتي كتحمقي احبيبة
انا: حتى نتا جيتي زوين... شدني من يدي مشينا ركبنا فالطموبيل وتبعنا ياسين مع مراتو وامين مع ملاك.... وصلت للقاعة استقبلونا الدقايقية..... بدا العرس سخفت غير بالتبدال حتى وصلنا لاخر وحدة... لبست كسوة دالعرايس جا عندي بابا
بابا: (باس راسي) تبارك الله.. الله يفرحك ابنتي
انا: امييين... شدني من يدي ونزلنا تعرضلي ادم وهو لابس كوستيم ومفركس خداني من عند بابا
ادم: (عينيه دمعو) كتحمقي
انا: (حطيت يدي على وجهو) كنبغيك.. وقفنا فوسط القاعة وفيدي الميكروفون.. تطلق اللحن وبديت كنغني وحنا كنرقصو... ادم كيشوف فيا بكل حب وهو مدور يديه على خصري... وانا حاطة يد مور عنقو ويد شادة بيها الميكروفون... كملت الغنا وهو يعنقني ادم وهزني
انا: هههه حطني دبا نطيحو
ادم: كنبغيك اميرتيي... شوية جا ياسين باسني فراسي
ياسين: مبروك اختي والله يخليك ديما فرحانة
انا: الله يبارك فيا اخويا
ادم: ياسين مغتباركليش حتى انا
ياسين: لا مي غادي نحذرك الى شفت دمعة من عينيها.. غندير تصرف مغايعجبكش
ادم: وكل مرة احبيبة... نساي داكشي لي فات حنا ولاد اليوم
انا: واخة احياتي
ادم: نوضي لبسي بعدا عاد نعسي... لبسنا حوايجنا عاد نعسنا.... فقت على ادم كيحركني
ادم: حياتي نوضي راه وصلنا
انا: ممم خليني نعس
ادم: نوضي احبيبة نوصلو ونعسي
انا: (كنتفوه) واخة... نضت لبست عليا غير عباية وخرجنا لقينا طموبيل كتسنانا ركبنا وحنا نتحركو... معقلت على راسي حتى نعست على كتف ادم
عند ادم لي شافها نعسات ومبغاش يفيقها هزها بين يديه ودخلها لبيت النعاس.. تبعو الشيفور دخل الصيكان ومشا... ادم دوش وهو يتلاح نعس حداها.............. فقت وانا مبوقة لقيت حبيبي ناعس حدايا... دخلت للحمام بديت كندوش حتى كنحس بشي حد واقف من مورايا.. درت بالزربة
انا: (توترت) اش كدير هنا
ادم: هههه جيت ندوش لحبيبتي
انا: نو غير خرج انا غندوش بوحدي
ادم: لا انا لي غندوشليك.... بدا كيغسلي ومطلقني حتى تهلكت وندمت gاع حيت دخلت للدوش... هزيت الفوطة وخرجت بالزربة... تبعني لاوي الفوطة على نصو
ادم: اححح اجي لهنا تشهيتك
انا: لا والله لا كانت ليك.. مكفاكش داكشي لي عاد درتي فالحمام
ادم: ههههه ونتي لي لذيذة
انا: ادم عفااااك راني عييت
ادم: ههه صافي الالة ياله لبسي باش نخرجو.... مشيت بالزربة لبست لا يصدق مبدل رأيو... خرجنا وعاد بديت كنكتاشف البلاصة مزيااان
انا: ممم معرفتش مي نمشيو نكتاشفو البلاصة اليوم بعدا باش عاد يبان لينا فين غنمشيو
ادم: واخة ياله نوضي... شديتو من يدو ومشينا تسارينا داز وقت زويين.. وتسحرت بجمال ميامي... دخلنا للدار مع 9 دالليل وجايبين العشا معانا
انا: ممم ادم
ادم: ويي
انا: خرج جيبلي عصير
ادم: نديروه هنا
انا: لا تشهيت ديال برا
ادم: راه عييت بالدوران مقادش
انا: (درت راسي مقلقة) صافي بلاش
ادم: (تنهد) اوكي انا غنمشي نجيبوليك
انا: (فرحت) ياااي شكرا... خرج ادم ومشيت كنطير للدوش دوشت ولبست واحد شوميز دونوي فالحمر كلو خيوطة مبغيتش ندير مكياج.. درت غير كريم مرطب لوجهي وايلاينر رشيت ريحتي.. وجلست
انا: صافي تهدني كلشي غيدوز مزيان.... نااري جا
ادم: نوميديا نوميديااا فينك... دخل للبيت وهو يتصدم بالمنظر لي شاف.... احححح اقلبي بغيتي تقتليني نتي
انا: (تزنكت) ادم
ادم: (كيقرب) يا روح ادم.. يا عقل ادم.. يا قلب ادم.. شدني من خصري.. اش هاد الفنون هدا ياربي.. واش انا مزوج بانسانة ولا ملاك
انا: ادددم🙈🙈
ادم: هههه يخليلي الحشومية ديالي
انا: (بغات تعلا تبوسو ساعة موصلاتش) هبط لعندي
ادم: ههههه قصيورة... جلس فوق الناموسية.. ياله هانا الالة
انا: (تزنكت) سكت شوية... جلست فوق رجليه وبديت كنبوس فيه.................. غرقو فعالم الحب والرومانسية.... محبسو حتى الفجر عاد ناضو دوشو وكلاو العشا لي كان برد.. من بعد تحشاو فبعضياتهم ونعسو...... صبح الصباح فاق ادم لقاها محشية فيه وغارقة فالنعاس بقا كيبتاسم
ادم: (تعصب) صافي الالة هاني خارج..... خرج ادم معصب وهي بقات كدور فالبيت حتى عيات وهي تلاح فالناموسية نعسات........ فاقت مقلوبة وقلبها مروع.. ناضت كتجري للطواليط بقات كترد حتى حسات بالسخفة... غسلات وجهها وهي تخرج.. ضربات فادم لي كان مخنزر غير شافها وهو يتخلع حيت كانت صفرة
ادم: نوميديا مالك
انا: (شدات فيه) معرفتش شادني شي دوخة
ادم: اجي جلسي... متكية عليه وغادة حتى غيبت
ادم: (كانت غادي طيح وهو يشدها) نوميديا نوميدياااا... حطها فوق الناموسية وجبد كسوة لبسليهاليها... هزها وخرج كيجري بدا كيسول الناس حتى لقا واحد العيادة.. دخل شافوه الناس وسمحولو يدخل هو اللول... حطها فوق الباياص وبدا الطبيب كيفحصها
ادم: (بالانجليزية) عفاك شنو عندها
الطبيب: مبروك المدام حاملة عندها دبا 3 اسابيع
ادم: واش بالصح
الطبيب: وي غير هو خاصها تهتم بالاكل ديالها.. ومتعييش راسها حتى يستقر الحمل مزيان
ادم: (فرحان) اه اه ضروري.. ودبا مالها مغيبة
الطبيب: هانا ضربتليها ابرة.. من هنا شي ساعة غادي تفيق بامكانك تديها دبا
ادم: (دور يديه على خصري) كنبغيك... باسها ففمها ومشاو كيتسراو وحتافلو بالحمل......... هكا دازت 3ايام وهاهما اليوم جالسين فالطيارة لي منطلقة لجزر هاواي
انا: (متكية على كتفو) كنبغيك
ادم: (باتسامة) وانا كنعشقك....... وصلو وانطالقت رحلتهم عوتاني فاكتشاف المنطقة حتى عيات نومي عاد رجعو
انا: (كتفوه) كنموت بالنعاس
ادم: اجي ندوشليك بالزربة ونعسي... جرها دخلها للدوش دوشليها وخرج لبسليها غير دوبياس وهي تلاح تنعس.. عاد دخل هو دوش ولبس غير شورط... جا تحشا حداها ونعس حتى هو.......... صبح الصباح فاقو ابطالنا بجوج.. لبسو الحوايج وخرجو فطرو وبقاو كيتساراو شوية نوميديا شافت الدلافين وحلفات حتى دخل تعوم معاهم.. بقات كتنكر عليه حتى خلاها
انا: افف خفت
ادم: ياك نتي لي بغيتي
انا: ويلا عضوني
ادم: نو هما كائنات لطيفة
انا: اف اف هانا داخلة..... دخلات وهو تبعها كيضحك عليها.... بقات كتقيس فواحد وشوية بشوية صافي مشا الخوف وجلسات كتلعب والضحك وتصور معاه... حتى عيات عاد خرجو
انا: ياااي زوين بزاااف
ادم: (مدور يديه على خصرها) نتيي كثر
انا: (تزنكت) ميرسي
ادم: هههه حشومية.... مشاو تغذاو ودازو للدار بدلو حوايجهم وعاودو خرجو.... هكا دوزو 2سيمانات وهما عاطيينها غير للضحك واللعب وممارسة الحب بالتأكيد...... وهاد المرة وجهتهم فرنسا وبالضبط باريس مدينة الحب....
انا: اووووه البيت كيطل على برج ايفل😍😍
ادم: (معنقها من اللور) انا لي قلتليهم يعطيونا بيت كيطل عليه
انا: (درت لعندو وحطيت يدي على كتافو) هاد الوقت عمري مانساه شكرا بزااف
ادم: متقوليش هكا ومزال غندورو العالم كامل ان شاء الله.. حياة وحدة لي كاينة ولازم نعيشوها
انا: بعض المرات كنقول كون غير مهربتش وبقيت معاك من اللول
ادم: (بابتسامة) لا غلط... انا دبا عاجبني الحال كثر حيت قارية وواعية.. وفأي حضور لينا لشي حفلة متاكد غادي تحمريلي وجهي.... انا كنبغيك اه وكيفما كنتي.. مي فاش نحضرو لشي مؤتمر ولا اجتماع نبغي نشوف مراتي كتهضر وتناقش.. حيت هكا كنزيد نفتاخر بيك
انا: اووه الله يخليك ليا.. دخلنا للبيت لقيت البيتزا محطوطة
ادم: انا طلبتهاليك عارفك كتحماقي عليها
انا: (خسرات وجهها) يااع محملتهاش
ادم: (بتعجب) من نيتك كتهضري.. ياك نتي كتحماقي عليها
دازت 3شهور وهوما غير كيدورو مشاو لفرنسا، كندا، اسبانيا، امريكا، جزر المالديف، واخيرا لندن..... دوزو وقت زويين مع بعضياتهم ومغامرات... ركبو المنطاد.. تزلجو فكندا.. مشاو للغابات... خيمو تما دوزو شي ليالي غير منهم للسما.... كرش نوميديا يوم عن يوم كتكبر... طفاو تيليفوناتهم وبقاو غير هما عايشين وضاحكين.. خاالقين السعادة مع بعضياتهم..... اليوم واخيرا راجعين للمغرب... هبطو فالمطار وكانو عالمين العائلة يعني كلشي كيتسناهم فدار والدين ادم...... ياله ياسين لي جا يستقبلهم... والاهم حتى واحد مفخبارو الحمل ديال نوميديا........ وصلو وهي تقشع نوميديا خوها مشات كتجري عنقاتو
دازو ايام وشهوور وكرش نوميديا يوم عن يوم كتكبر.. مبقاتش كتمشي للشركة.. مي ادم مبزز عليها الرياضة وقادليها غرفة بالالات الرياضية وكتجي كل صباح مدربة.. الشركة رجعات حسن من كيف كانت وهادشي كامل راجع لفضل ديك المناقصة والشراكة لي دارو مع شركة كوريا... نوميديا جالسة فبيتها لابسة شورط قصير واكس وكرشها عريانة... هازة تفاحة كتاكل وكتقرا فكتاب على عناية الاطفال فاش ياله كيتولدو.... دخل ادم شافها وابتاسم... قرب لعندها باسها فحنكها وكرشها
ادم: اش كدير حبيبتي
انا: كنقرا وصافي.. عييتي ياك
ادم: شوية.. انا ندخل ندوش ونجي عندك
انا: اوكي.... دخل ادم دوش لبس شورطو وتحشا حدا نوميديا
انا: عنقني... عنقها وهي مزيرة عليه حتى سمعها كتبكي
ادم: (ردها قدامو) مالك
انا: قلبي مزير عليا خايفة
ادم: ششش استعيذي بالله ومغيكون غير الخير
انا: (تنهدت) ان شاء الله... عنقها وبقا كيلعبليها فشعرها حتى نعسات عاد نعس............ داز شهر اخر ودخلات فشهرها 9 مشاو للطبيبة لي متبعة معاها..... هما خارجين وكيضحكو حتى وقف عليهم واحد شافتو وهي تصدم
معاذ: حبيبة انا جيت.. افف نتي حاملة دبا.. عاودتي تزوجتي بيه😭😭.. (كيمسح دموعو) لا لا ميمكنش نتي ديالي وانا غنكون اب لولدك ويلا بغيتي نعطيوه ولدو نعطيوهلو المهم تكوني معايا.. حيت انا لي كنبغيك
انا: (مخبعة فادم) ادمم
ادم: (حط يدو على يديها) متخافيش احبيبتي.. ونتا سير من هنا.. ياله انومي
ادم: (رد نومي موراه) غادي نعيطليك للبوليس الى ممشيتيش
معاذ: جيب لي بغيتي انا غادي ندي نوميديا... جا يجبدها وهو ينقز عليه ادم بقاو كيدابزو وانا غنموت بالخلعة... شوية تسمع صوت القرطاس.. حبسو الحركة وانا دموعي نازلين حتى شفتو طاح وقاميجتو البيضة رجعات حمرة... غوت لربي لي خلقني
صاحبة العيون الزرقاء الجزء الثامن
محتوى القصة
التنقل بين الأجزاء