ادم: (بصوت خافت) كنبغيك... كسيريت وكنحاول نخليه فايق.. وصلت وخرجت كنغوت وهما يجيو كيجريو هزوه مدخلينو لغرفة العمليات وانا تابعاه..... جلست فالارض كنبكي وندعي معاه حتى جا جود
جود: (عنقها) تهدني اختي عفاك
انا: (كنحس بشي حريق) حتى واحد مخرج عنداك تكون وقعاتلو شي حاجة
جود: ادم قوي وغادي ينفذ منها
انا: اييي اييي
جود: (تخلع) مالك
انا: افف غادي نولد.. جوووود عتقني..... ناض كيجري جاب معاه الفرملية.. هزها حطها فالكرسي ومشات كتجري بيها للبلوك...... جود بقا حاير مرة كيطل عليها مرة كيطل على ادم.. حتى تفكر ياسين وهو يعيطلو لي غير سمع الخبار خلا كلشي ومشا طاير للكلينييك...... عند نوميديا لي كتغوت لربي لي خلقها
الطبيبة: تهدني ابنتي ودفعي
انا: اف اف ااااااااااا.... شوية خرج اللول... طارو بيه الفرمليات نظفوه ولواوه غير فواحد الزيف.... وبقات نوميديا كتحارب حتى خرج الثاني.... غير خرج وهي تغيب.... هزو الفرمليات الثاني نظفوه ولواوه حتى هو عاد دارو بيها نظفوها ولبسوها حوايج الصبيطار ونقلوها لغرفة.......... نمشيو قدام غرفة ادم... كانت العائلة مفرقة شي قدام ادم شي قدام نوميديا.... خرج الطبيب
ام ادم: عفاك كيبقا ولدي
الطبيب: حنا درنا لي علينا..
الطبيب: حنا درنا لي علينا.. والحمد لله نجحاتلو العملية خاصو غير الراحة.. متخافيش الحاجة ولدك راه قوي
ام ادم: الحمد لله.... خرجات الطبيبة من عند نوميديا
بابا: شكرااا...... عائلة نوميديا دخلو عندها باسوها وهي كانت ناعسة.. ناضو يمشيو يشوفو ادم بقاو كيسولو حتى لقاوها.... دخلو لقاو العائلة مجمعة عندو وهو مخنزر
ماما: على سلامتك اولدي
ادم: (مخنزر) فين نوميديا علاش حتى واحد مكايجاوبني
ياسين: نوميديا ولدات مبروك
ادم: (تصدم) كيفاش مزال الحال على الولادة
ياسين: راه بالخلعة شدها وجع الولادة
ادم: (نتر الصيروم) ديني لعندها
ام ادم: جلس اولدي راك عاد درتي عملية
ادم: (شاد جنبو وبالسيف باش واقف) واش غتديوني ولا نمشي نقلب عليها
جود: زيد اصاحبي نديك.... تسند عليه ومشاو.. دخلو عندها وخرج..... ادم شافها ناعسة جبد واحد الكرسي جلس وكيدوز يديه على راسها
انا: (حطيت راسي على صدرو) كلشي هان فاش شفتك بصحيحتك
ادم: (بابتسامة) كنبغيك.. شفتي ولادنا
انا: (جلست) اويلي gاع مشفتهم
ادم: انا نمشي نهضر مع الفرملية
انا: لا جلس نتا مزال مريض.. راه دبا يدخل شي حد من العائلة ونقولوهالو
دخلات العائلة لقاتهم معانقين طمنو عليهم
انا: ياسين عفاك سير سول فين الولاد.. مزال مكملت هضرتها حتى دخلو جوج فرمليات كل وحدة هازة واحد..
الفرملية: السلام... مداتلي واحد وقلبي بدا كيضرب ودموعي شداهم غير بزز ولاخور شدو ادم لي كان حتى هو متأثر..
بابا: مبروك عليكم اولادي
انا: الله يبارك فيك ابابا... وينو شحال رطب وزوين
ادم: زوينين بزاف
الفرملية: سي ادم خاصك تمشي للغرفة ديالك راه ياله خرجتي من العملية وخاصك ترتاح
ادم: لا انا غنبقا حدا مراتي
الفرملية: مي...
ياسين: (قاطعها) صافي ماشي مشكل انا نمشي نشوف الى كاينة غرفة ديال جوج....... مشا ياسين سول ولقاها وهما يجيو جوج فرمليات جارين الكراسة ركبو فيهم نوميديا وادم.. جلسو كل واحد فناموسية وداروليهم ناموسية دالولاد فالوسط.... حطوهم من بعد ما أذن ليهم ادم فودنيهم
انا: عفاك اخالتي حتى تجيبيلي غذا حوايج الدراري
ام ادم: اه ابنتي الصباح بكري نجيبهوم ونجيبليك حوايجك نتي وادم
ادم: غير سيرو نتوما ترتاحو دبا
ياسين: نبقا معاكم انا
ادم: غير سير اخويا هانا كاين ويلا احتاجيت شي حاجة غادي نعيطليك
اب ادم: واخة اولدي هاحنا غنمشيو ومبروك مرة اخرى
انا: الله يبارك فيكم..... مشات العائلة وهوما تكاو فبلاصتهم
انا: تسنا نعاونك.... قربات لادم وحيداتلو التيشورت ولبساتو واحد جديد
ادم: (جرها جلسها فوق رجليه ومدور يديه على خصرها) توحشتك
انا: (حاطة يدي على وجهو) حتى انا.... قربو لبعضياتهم وغرقو فقبلة كتلخص شوقهم لبعض... فيقهم غوات زيد.. ناضت نومي لعندو وهزاتو باش ميفيقش خوه
انا: شش احبيبي بغيتي ترضع... جلسات وعطاتو يرضع وهو يبدا زياد فالغوات ناض ادم هزو كيسكت فيه حتى كملات مع زيد وعطاها زياد... نعسو وردهم ادم لبلاصتهم.. اما نوميديا تلاحت فوق الناموسية... جا عندها ادم
ادم: ههههه مالكي سخفتي
انا: جوج اعباد الله كيبغيتي نديرلهم
ادم: ههههه غادي نعاونك
انا: ممم نتا غير غادي تبرا وتمشي تخدم انا لي غادي نوحل
انا: ياله سيرو نتوما خليوني نهضر راه مغاديش ناكلهم
طه: لا انا باغي رجاء فشي هضرة
رجاء: غير سير عند خالتي هانا شوية ونجي
نور: حتى نتا سير معاه
انا: ياك سمعتهوم ياله وريوني عرض كتافكم..... مشاو وكل مرة يدورو يشوفو فينا
نور: ختي عاوديلي كلشي على سفيان
ادم: (جات تهضر نومي وقاطعها) هذا غلط ما دام نتي بغتيه وتخطبتو دونك مخصكش تبقاي تسولي عليه... راه علاقة بدون ثقة مكتكملش
نور: انا كنبغيه وتايقة فيه غير بغيت نعرف الماضي ديالو
انا: الماضي كيبقا ماضي دبا نتي الحاضر ديالو والمستقبل... لي بغيت نقوليكم هو تهلاو فيهم راه وخا تشوفهم كيضحكو ويلعبو.. راه معاكم نتوما حاجة اخرى... كيحسو بمسؤولية وانهم خاصهم يفرحكوم... ونصيحة متقلبوش فالماضي باش تعيشو مرتاحين... نتوما دبا بديتو صفحة جديدة وحياة جديدة.... ولي بغيت تعرفو انهم عرفو بزااف دالبنات ومعمر شي وحدة فيهم عرفها على والديه.... ومادام دار هاد الخطوة دونك نتوما ماشي كيف البنات الاخرين
رجاء: (بابتسامة) شكرا اختي ريحتيني بهاد الهضرة
نور: حتى انا
انا: عادي مبيناتناش.... شيرتليهم جايين مخنزرين وعوالين عليا البنات غير شافهم وطارت كل وحدة على خطيبها عنقاتو بقاو مصدومين
دازت شهرين غير فالدار ومع الولاد.. ادم ديما بجنبي وكيحسسني بلي انا اجمل امرأة فالعالم.... وليداتي كبرو تبارك الله وادم كان عند وعدو.. كيجي بكري كيعاوني فيهم وفالليل كنديرو النوبة فالفياق... كنت كندوش حتى سمعتو كيعيط
ادم: نوميديااا فينك
انا: هانا فالدوش
ادم: (دخل) سربي
انا: علاش
ادم: غادي نخرجو
انا: فين
ادم: من بعد وتعرفي
انا: والدراري كيغانديرلهوم
ادم: غتبقى حداهم ماما راني هضرت معاها
انا: اوكي... خرج ادم وانا كملت التدواش بالزربة.. فين غاديين باش نعرف شنو نلبس
ادم: (قربليها وباسها ففمها) لي لبستي كيجي معاك
انا: (تزنكت) واخة... جبدت كسوة فالبيض قصيرة من القدام كتوصل حد الركبة وطويلة من اللور.. نشفت شعري بالزربة ودرتلو شدة مهملة... درت فوندوتان مع ايلاينر وفراجو وكلوس فالغوز.. رشيت ريحتي.... وانا ندور لقيت ادم جالس كيشوف فيا ويبتاسم
انا: (مزنكة) انا واجدة
ادم: (باسها فعنقها) كتحمقي حبيبتي
انا: ميرسي
ادم: مممم هاد العنق خاصاه شي حاجة
انا: شنو
ادم: (جبد سنسلة رقيقة من الذهب الابيض) هادي... ركبهاليها.. كيجاتك
انا: (كتشوف فالمراية) زوينة بزااف
ادم: (معنقها من اللور) نتي كثر
انا: (دمعو عيني) كنبغيك
ادم: مالك
انا: والو غير من الفرحة
ادم: انا عارف بلي مليتي.. شهراين ونتي فالدار واحلة غير مع الولاد.. وبغيت نبدلو الجو انا وياك
انا: (بستو ففمو) الله يخليك ليا
ادم: (بابتسامة) ياله نمشيو دبا قبل مايفيقو ونصدقو واحلين هههه
انا: ههههه واخة..... ركبنا فالطموبيل وهو يديماري.... بقينا مدة وحنا غاديين وادم مركز مع الطريق ومبغاش يقولي فين غاديين.... حتى كنشوف راسنا فحي راقي فيه غير الفيلات مي متباعدين... شوية وقفنا قدام وحدة.. حل ادم غير بتيليكموند الباب ودخلنا.... كانت جردة كبيرة وزوينة وخا الليل مي كانو فيها بولات فالارض لي عطا جمالية للمكان.. وقف ادم نزل وجا حلي الباب بابتسامة
انا: حياتي فين حنا
ادم: (بابتسامة) دبا تعرفي
جرها ادم من خصرها وبقاو غاديين.. حل الباب ودخلو.. شعل الضو وانا نحل فمي فالتصميم.. كانت واعرة
انا: ديالمن هاد الفيلا
ادم: (معنقها من اللور) ديالنا
انا: (بصدمة) واش بالصح
ادم: عمري كدبت عليك
انا: لا
ادم: اجي معايا... جرني من يدي خرجنا للجردة كان مصاوب جلسة رومانسية... جلسي...... جلست ومشا كيجري دخل وبدا كيحط العشا... وانا منبهرة من هادشي.. كنشوف فيه كنلقاه فرحان ومتحمس.. كمل وجا جلس قدامي
ادم: (بابتسامة) ياله كولي.... بدينا كناكلو داكشي كان لذيييذ.. كان كيشوف فيا بطريقة فشكل.. عينيه عامرين بالحب والاعجاب والشوق.. كان ساكت مي عينيه قالو كلشي كملنا وهو ينوض شدني من يديه وجرني
ادم: دبا عاد نشوفو الدار ولي بغيتي نبدلوه نبدلوه
انا: تايقة فذوقك
ادم: (باسني فحنكي) احح شحال توحشتك
انا: حتى انا توحشتك.... وراني الكوزينة كانت كبيرة وعصرية مزيج من اللون الابيض والحمر... صالون كبيير تقليدي... وحداه صالون عصري... فوسط الفيلا كانت طبلة كبيرة ديال الخشب زوييونة... نزلنا للكاف كان داير بيت عامرة بالالات الموسيقية
ادم: مرة مرة بغيت نسمع صوت مراتي الحبيبة.. وحتى عزفها على البيانو
انا: (بخجل) واخة... لقيت داير واحد البيت بحال السينما حمقاااتني..
من بعد طلعنا الفوق
ادم: (واقف قدام واحد الباب) هذا بيت ولادنا.... حلو كان فنيون فيه جوج ناموسيات فالزرق و واحد البلاصة فيها الالعاب
ادم: (كيوريني واحد الجهاز) هدا فاش يفيقو فالليل يبكيو.. عندنا واحد الجهاز تاحنا فبيتنا غادي نسمعهوم
انا: اوكي😍😍.... دزنا لبيوت الاخرين كانو جوج ديال الضياف و وحدة خاوية ومصبوغة بالغوز
انا: علاش هادي خاوية
ادم: (حط يديه على كرشي) هادي غتكون بيت بنتنا ان شاء الله... بغيت بنت كتشبه ليك وبالاخص دوك العوينات الزورق
انا: (مزنكة) ههههه ان شاء الله
ادم: واخييييرا بيتنا... حل الباب وانا نحل فمي كانت فالابيض مي لي واعر داكشي لي محطوط فوق الناموسية.. كانو دي بوكي دفلوغ فالاحمر وشكلهم واعر وخارجين منهم نفاخات على شكل قلب
انا: (دمعو عيني) اوووووه
ادم: عجباتك الدار
انا: كتحمقق... عنقتو وتحشيت فيه
ادم: (كيبوس راسها) كنبغيك وانا واعدتك غتكون عندنا دار ديالنا... دار انا وياك لي نحكمو فيها ونربيو ولادنا على طريقتنا.. ناخذو راحتنا.. نلبسو لي بغينا.. ندابزو.. نضحكو.. نلعبو... نكونو حرين فحياتنا.. مثلا هاد النهار بغينا نبقاو جالسين غير فبيتنا حتى واحد ميقولينا مالكم.... يعني داكشي لي بغينا نديرو غنديروه
ادم قربليها وغرقو فقبلة لي وصلاتهم حتى للناموسية........... كل واحد روى شوقو من الاخر.. هاد المرة حتى واحد مقاطعهم وحتى هما محبسو حتى شرقات الشمس.... نوميديا طاحت نعسات حتى من حوايجها ملبساتهم... تعانقو ونعسو........ فاق ادم لقا نومي غارقة فنعاسها بقا كيضحك وبقات فيه على البارح حيت هلكها.. مي راه بالسيف ديما محرمينها عليه ولادو..... ناض لبس شورطو ونزل للطموبيل هز واحد الصاك وطلع... دخل دوش ولبس شورط جديد... عاد مشا عند نومي
ادم: حياتي.. فيقي راه 3 دالعشية هادي
انا: خليني نزيد شوية
ادم: مزال تابعنا نمشيو نجمعو حوايجنا من الدار لهيه
انا: اححح تشهيتك نزل نبوسك.... نزل ادم وهو كيموت بالضحك عليها.. شدات وجهو بيديها وهي تبوسو... ياله كمل شغلك... مشات جبدات داكشي لي باغا من الثلاجة... وبدات كطيب وهو حاضيها ومبتاسم... كملات وتجمعو فالطبلة ديال الكوزينة كياكلو ويضحكو.. خالقين السعادة غير مع بعضياتهم...
ادم: ماكلتك كتحمق😍😍😍.. شفتي عندي الحق فاش قلت نسكنو بوحدنا.. دبا كون كنا تما منقدروش نلبسو هكا ونزلو
انا: وي بالصح عندك الحق... كملو وجمعو داكشي.. شي كيدوز الصابون شي كيشلل.. حطوهم وطلعو يلبسو باش يمشيو.. لقات نوميديا جابليها لبسة عبارة عن سروال بيض مع قميجة فالغوز باارد.. بقات كتبتسم عجبها دوقو... لبسات وهو لبس شورط ديال التجين مع تيشورت بيض وكونفيرس بيضة.... ركبو الطموبيل وتحركو فاتجاه الدار
ام ادم: فين تعطلتو اولدي
ادم: ماما راه خديت دار والبارح ديت نوميديا وريتهاليها واليوم غادي نمشيو نسكنو تما
ام ادم: (بحزن) غادي تخليونا بوحدنا
ادم: راه حنا فنفس المدينة وغتبقاي تجي عندنا ونجيو عندك
ام ادم: اوى اش غنقوليكم اولدي الله يسهل عليكم ويفرحكم
ادم: امييين
انا: خالتي ياك بعدا ممقلقاش
ام ادم: هههه لا ابنتي ياله نوضي جمعي حوايجك هانا نصيفط الخدامة تعاونك
انا: (بستليها يديها) الله يخليك لينا.... طلعات نوميديا لقات ولادها ناعسين.. جبدات الباليزات وبدات كتحط جات الخدامة عاوناتها حتى جمعو حوايجها هي وادم... طلع ادم هز داكشي نزلو وهي بدات كتجمع حوايج ولادها... كملات وجا هزهم ادم عاد طلع عندها كل واحد هز ولد ونزلو... تسالمو مع العائلة وركبو طموبيلتهم من بعد مقادو ولادهم فبلاصتهم......... من بعد دقائق وصلو لدارهم... هبطو ولادهم هما اللوالة لي كانو ناعسين طلعهم للبيت حطو كل واحد فبلاصتو.... عاد نزلو تعاونو على الحوايج وخا مخلهاش مي بقات لاصقاه حتى عاوناتو.... طلعو كلشي ودازت لبيت ولادها هو اللول.. رتبات حوايجهم كاملين غير كملات وهما يفيقو عطاتهم رضعو وبدلاتليهم... وحطاتهم فبلايصهم.. خرجات وخلاتهم كيلعبو برجيلاتهم... دخلات لبيتها لقات ادم بدا كيستف كملات معاه... غير سالاو وهي تجلس فالارض
ادم: عييتي
انا: ويي.. جاني جوع ونعاس
ادم: عرفتي شنو اجي دوشي وندوموندي على بيتزا
انا: اوكي.... ناضت للدوش وهو يتبعها من بعد مادموندا دوشو بجوج ومبغاش يقيسها حيت شافها عيانة كملو وهما يخرجو ياله لبس شورطو ادم وهو يسمع الصونيط خلا نومي كتلبس ونزل هو لقا البيتزا خلصو وطلع...... لقا مراتو لابسة بيجامة حد الركبة وشفافة كتبين دوبياس...
ادم: اححح اش هاد الزين عندي
انا: (بخجل) ادم
ادم: (باسها فعنقها) يا عيون ادم
انا: ممم وصلات البيتزا ياله عطيني ناكل
ادم؛ اش بانليك نزلو لتحت نتفرجو فشي فيلم وناكلوها
انا: اه واخة صبر نهز الجهاز باش الى بكاو نسمعهوم... مشات هزاتو ودازو طلو على ولادهم لقاوهم ناعسين.. عاد نزلو مشات كتجري نوميديا وهي تلاح فوق داك الفوتوي الكبير ومع رطب عجبها الحال... اما ادم كيضحك عليها
ادم: (دار الفيلم ومشا جلس حداها) ياله هاهي البيتزا
انا: (عمرات فمها) الله يخليك ليا
ادم: (باسها ففمها) اححح شحال بنينة
انا: انا ولا البيتزا
ادم: هههههه نتي
انا: (ناضت من بلاصتها وتحشات فيه رجعات ظهرها ملاصقة مع صدرو) كنبغيك
ادم: ههههه اش كديري... دبا انا مناكلش
انا: (دارت لعندو وعطاتو من طرفها) منقدرش نخلي حبيبي بالجوع
ادم: (دور يديه على خصرها) يخليك ليلي..... كلاو وتفرجو فالفيلم.. كان رومانسي وحتى هما قلبوها رومانسية
انا: هاا شفتي اش قتليك.. نزل معاك واحد من الدراري وسير حليهم انا 5 دقايق نتبعك
ادم: اوكي... هز ادم زيد ونزل حليهم تسالمو ودخلو للصالون... اما نوميديا كانت كملات شعرها دارت مكياج خفيف ولبسات قفطان سامبل.. طلقات شعرها شافت راسها فالمراية وعجبها.. هزات زياد ونزلات....... كانو مجمعين العائلة حتى شافوها نازلة.. ادم حمقاتو بقا متبعليها العين.....
انا: مرحباااا.... سلمات عليهم كاملين وعطات زياد لعكوزتها اما ماماها كانت شادة زيد.... ناضت للكوزينة وجدات بالزربة اتاي اما الكاطو كانت ديجا مستفاه.. خرجات هازة الصينية حطاتها ومشات هزات الكاطو حطاتو..... جلسو مجمعين على الهضرة والضحك حتى شبعو.... وهي تنوض نومي سخنات داكشي وبدات كتحط...... تعشاو وكلشي شكر ماكلتها اما ادم اكثر واحد فرحان ومفتاخر بمراتو.... كملو وكلشي خرج للجردة جلسو..... تعاونات نوميديا هي وسارة على داكشي جمعوه.. حطوه فالكوزينة وهزو العصير وطارطات صغار...... وجلسو مجمعين والجو زوين... نوميديا طلعات ولادها حطاتهم بلاصتها عاد جات جلسات حدا ادم
ياسين: حيت كلنا مجمعين بغيت نقوليكم واحد الحاجة.. شاف فادم وبتاسم... انا شريت الفيلا لي قبالت هادي غير هو مزال مكملتها فالفراش من هنا يومين عاد غتكمل
سارة: (دمعو عينيها) يعني
ياسين: (بابتسامة) غادي نسكنو فيها.. عارفك نتي ونوميديا صحابات داكشي علاش قررنا انا وادم نشريو فيلات حدا حدا غير هو كمل الفراش قبل مني هههه
انا: وااااو واخيرا غادي نلقا معامن نتجمع ونرجعو كيف كنا... ناضو تعانقو وجلسو كينقزو... اما الباقي كلهم كيضحكو عليهم
مشات العائلة وخا كانو بغاو يشوفو دار ياسين مي حلف حتى يكملها عاد يشوفوها.. دخلات نوميديا بدلات حوايجها وغسلات وجهها من المكياج وهي تحشا فالفراش.... جا ادم عنقها من اللور
ادم: عييتي
انا: شوية وصافي
ادم: نديرليك مساج
انا: كتعرف بعدا
ادم: حكرتيني دبا.. ياله حيدي تيشورت هاني جاي..... ناض جاب واحد زيت لقا نومي متكية على كرشها... جلس على رجليها وحليها صمطة ديال السوتيان... وبدا كيديرلها مساج... هي ترخاات بقا مدة هكاك.. طل عليها لقاها ناعسة ناض غسل يديه ورجع سدليها السمطة وغطاها عاد نعس هو............. دازت #شهوور كلهم حب وعشق بيناتهم... ياسين انتقل للفيلا ساعة ندمهم حيت سكنو حدا بعضياتهم... سارة ونوميديا رجعو كيف كانو وكثر.. ديما ملاصقين وكل مرة فدار وحدة فيهم.. والحاجة الزوينة هي سارة حاملة وقربات تولد... عندها ولد ياسين طار بالفرحة فاش عرف......... كيف العادة جالسة فالدار والدراري بداو كيحبو اوى حمقوني كنظل نقلب عليهم عاد كنلقاهم... دبا عندهم عام😍😍.....
انا: (كنقلب) زيييد زياااااد.. فينكم راكم شيبتوني
ادم: (عاد دخل) هههه مالك
انا: هئ هئ ولاادك حمقوني.. عيييت
ادم: (تصدم) شش صافي بلا بكا معندهم فين يمشيو.. شوية تلقايهم هنا
انا: (عنقاتو) ريحتك زوينة
ادم: هههه شكرا... بقات كتبوسو فعنقو وهو شاد راسو بزز شوية حسو بشي حد شادهم من رجليهم
ادم: ههههه واخة الالة.... بدا كياكل ويوكلها حتى شبعو.. وهو يوقف وهزها معاه بين يديه وهي غادي طير بالفرحة.. طلعو لبيت الولاد طلو عليهم لقاوهم ناعسين فالارض.. هزهوم ادم حطهوم فناموسيتهم وهو يدور عند نومي لقاها مادة يديها
انا: الله يخليك لينا........ صبح الصباح عاد عيط ادم على العائلة علمهم.... جاو طلو عليها وباركوليها..... دوزات يومين فالكلينيك............. #بعد_مرور اشهر اليوم فايقة لقات حداها بوكي كبير دالورد فالبيض.. وفيه كارط مكتوب عليها...《الى معشوقتي صباح الخير.. اليوم اتممنا 9 سنوات..... لا زلت اتذكر ذاك اليوم.. كنت مشوش وانت حزينة... لكن الجميل في الامر هو تلك القبلة على خدك الجميل.. واستنشاق رائحتك الرائعة... رغما اننا اجتمعنا بعد 6 سنوات... الا انني كنت كل سنة احتفل به لوحدي...... لكن هذه المرة احتفل به معك انتي واولادنا الثلاث...... سانتظر لقياك اليوم على احر من الجمر مع الساعة 8 مساءا... احبك》
انا: (هزات بنتها) ياسمين حبيبتي شفتي باباك شحال كيبغيني.... معمري ندمت حيت بغيتو... ومعمرني غادي ندم حيت يستاهل....... دوزات النهار مع ولادها ب3.. مبغاتش تبدا الخدمة حتى يكبرو شوية... بغات تعطيهم وقتهم الكافي من الرعاية....... دبا 7 دالعشية لبسات كسيوة طويلة وزوينة فالابيض.. طلقات شعرها ودارت مكياج خفيف...... سمعات صوت الطموبيل وهي تنزل خرجات لقاتو مبوكص وواقف كيتسناها
صاحبة العيون الزرقاء الجزء التاسع والأخير
محتوى القصة
التنقل بين الأجزاء