قصة صاحبة العيون الزرقاء

من تأليف سلوى شتيوي
2019قصة كاملة سفالة محدودة

محتوى القصة

رواية صاحبة العيون الزرقاء

قصتي كتجمع مابين الدراما التشويق الاثارة الحب الرومانسية السفالة مي بحدود 😂😂
بعنوان صاحبة العيون الزرقاء

👑 مقدمة 👑
عندما يكون الجميع ضدك.. ضد احلامك.. ضد اهدافك... ضد طموحاتك... لا تيأس بل حارب... حارب من اجل نفسك.. من اجل تحقيق ذاتك.. ابتعد عن الاشخاص الذي تحطمك.. كن وحيييدا.. كن متميزا.. كن قويااا.. اذا كان تحقيق حلمك في الهروب.. فاهرب دون ان تلتفت للوراء.... اتبع عقلك وقلبك... لكن لا تجعل قلبك يسيطر على عقلك.. ولا عقلك يسيطر على قلبك.. لا تكوني مثل البطلة عقلها سيطر على قلبها.... ادعوكم للمرة الثالثة ان تبحرو معي فقصة مختلفة عن قبلها.. قصة صاحبة العيون الزرقاء تقول لكم مرحبا بكم... شدو الاحزمة لنغوص في عااالم نوميديا


الخدامة: ختي نوضي راه 7 هادي غادي تعطلي على الامتحان ديالك
انا: (كنتكسل) صباح الخيير
الخدامة: ههه صباح النوور هانا مشيت نحط الفطور عنداك ترجعي تنعسي
انا: اوكي.. دخلت غسلت وجهي وتوضيت خرجت صليت صلاتي ولبست حوايجي عبارة عن سروال كحل مقطع فالركابي مع تيشورت فالبيض وكونفيرس بيضة هزيت صاكي وهبطت كنجري لقيت ماما وبابا وخويا جالسين كيفطرو
ماما: صباح الخير اميرتي
انا: صباح النور ماماتي
بابا: (بصوت صارم) اش داك اللبس لابسة
ماما: (كتغمز فيه) خليها راه مزال صغيرة
ياسين: عندو الحق لبسي شي حاجة مقادة
انا: (حادرة راسي) نخليكوم عندي امتحان.. مشيت كنجري ركبت فالطموبيل كسيريت ودموعي على خدي كيف العادة...
الكاتبة: نعرفكوم على البطلة ديالنا... نوميديا 20 عام شعرها كحل وقصير العنين زورق وكبار.. بيضة وجسمها منحوت طولها 1.61.. شخصيتها طيبة وضحوكية عزيزة على كلشي عندها خوها واحد سميتو ياسين قاصح معاها وديما كتلقاه تابعها وباباها صارم معاها كثر من القياس بالنسبة ليه البنت خاصها تجلس غير فالدار حتى يجي رجل يتزوجها.. باباها وخوها ديما كيبكيوها وكل صباح تقريبا كتخرج مقلقة من الدار.. اما الام ديالها حنيينة معاها بزاف مي معندها جهد لباها... نوميديا هاد العام غادي تشد الاجازة ديالها فالفيزياء وكتمنى تكمل قرايتها برا مي متأكدة بلي باباها وخوها مغاديينش يخليوها.. واخة هكاك دفعات لجامعات على حساب الماستر ديالها..
وصلت للفاك مسحت دموعي درت نضاضري ومشيت دوزت اخر نهار عندي خرجت تلاقيت صاحبتي سارة صحابات من الابتدائي هي قصيرة عليا شوية وشعرها قهوي وطويل عينيها كوحل وسميمرة
سارة: حبيبتي كيدوزتي
انا: مزياان الحمد لله ونتيي
سارة: حتى انا الحمد لله.. هي العشية نخرجو
انا: هههههههه ضحكتيني واخة مافيا لي يضحك
سارة: علاش
انا: على اساس نقدر نخرج
سارة: ممم اوكي متقلقيش ياله نمشيو
انا: اوكي.. خرجنا توادعنا وركبت طموبيلتي ومشيت للدار وصلت لقيتهم عاد بغاو يتغداو مشيت غسلت يدي وجلست كنتغداو
ماما: (بابتسامة) كيدوزتي ابنتي
انا: مزياان اماما الحمد لله ان شاء الله مغادي يخرج والو للرطرباج خاصني نبدا نقلب باش ندفع للماستر
بابا: اشمن ماستر ولا زبل انا صبرت غير على قبل ماماك وتافقنا تشدي الاجازة وتجلسي فالدار حتى تزوجي
انا: (حابسة البكية) واخة ابابا.. طلعت كنجري لبيتي سديت الباب وجلست كنبكي......

انا: (دموعي شلال) هئ هئ علاش بغاو يحرموني من حلمي الوحيد هو نقرا ونكون راسي.. ياا ربي ماعندي غيرك لي نشكيلو ياربي توقع معجزة لي تخليني نكمل قرايتي.. ههه حتى انا حمقة كنت عوالة نطلبو نكمل قرايتي فالمانيا اففف ياربي عاوني.. نضت بدلت وصليت صلاتي وانا نتكا.. هكا دازت 2سيمانات وخرجو النقط الحمد لله فاليديت وصيفطاتلي واحد الجامعة فالمانيا على قبولها فرحت مي بالزربة اختفت ضحكتي فاش تفكرت بابا مغايخلنيش حطيت البيسي وانا نعس حتى فقت على صوت التليفون
انا: (بصوت ناعس) الو
سارة: هئ هئ هئ
انا: (تخلعت) سارة مالكي
سارة: بابا غادي يقتلني
انا: اويلي مااالك
سارة: قفرتها اختي ضيعت شرفي
انا: ناري معامن
سارة: هئ هئ خوك
انا: (مصدومة) خويا انااا
سارة: اه حنا كنبغيو بعضياتنا هادي عامين مي هو بزز عليا باش منقولهاش ليك
انا: (اييه اسي ياسين وانا جالس محرم عليا حتى الخروج واخة) شنو غاديري دبا
سارة: معرفتش الى عرف بابا غادي يقتلني انا وياه
انا: نتي عارفة علاقتي معاه.. منقدرش نهدر معاه فهادشي شوفي نتي قوليلو يجي يتزوجك
سارة: واخة اختي هانا غنشوف
انا: يكون خير ان شاء الله.. قطعت معاها وجلست كنفكر كيفاش خويا لي كيقولي ديما لبسي الطويل قدر يدير علاقة جنسية خارج اطار الزواج تصدمت نضت نزلت لتحت لقيتو متكي وكيتفرج بحال موقع والو
انا: خويا نقدر نخرج غدا
ياسين: فين بالسلامة
انا: غير عند سارة توحشتها شحال هادي مهضرت معاها
ياسين: (رجع حمر) ا احم لا جلسي فالدار
انا: (داير الزبلة قد راسك ومزال زايدها بالحكام) ممم اوكي.. بقيت جالسة حتى تعشينا شوية كنسمعو الباب كيدق بالجهد مشات الخدامة تحل وهو يدخل اب سارة وماماها وسارة حالتها حالة انا شفتها عرفتهم عرفو مشيت كنجري عنقتها وهي كتخنصص فصدري..
بابا: اشنو واقع هنا
اب سارة: سول ولدك اش دار
بابا: (شاف فياسين) شنو واقع
ياسين: (تلف) معرفتش
اب سارة: اييه معارفش وبنتي لي ضيعتيها فشرفها
ماما: (تصدمات) كيفااااش
ام سارة: (كتبكي) اه اختي ولدكم تفلالي على البنت
اب سارة: لي نطولوه نقصروه اما ولدكم يدخل الحبس ولا يتزوج بيها مي حسب اعرافنا وتقاليدنا
بابا: (باستغراب) وشناهيا هاد الاعراف

اب سارة: بنتكم تزوج بولدنا
بابا: كيفاش مفهمتش
اب سارة: حيت ولادنا بجوج دارو فضيحة قبل الزواج دونك خاص ولدي يتزوج ببنتك باش سارة تزوج بياسين
بابا: (سكت شوية كيفكر) اوكي صافي موافقين
اب سارة: من هنا يومين ايجي ولدي ونجيو باش نكتبو العقد
بابا: ان شاء الله.. انا نزلات عليا ديك الهضرة بحال السم معقلت على راسي حتى سخفت
ماما: بنتي هئ هئ بنتي فيقي
ياسين: مال هادي عوتاني فيها الفشوش بلا قياس.. طلع وخلاها وباباها شاف فيها وكمل طريقو بقات معاها ماماها حتى فاقت وشدات فيها طلعاتها لبيتها
انا: هئ هئ ماما مبغيتش نتزوج مزال بغا نكمل قرايتي ونحقق ذاتي عفاك متخليهومش يزوجوني
ماما: هئ هئ سمحيلي ابنتي مقادراش نعاونك
انا: هئ ميمكنش نتزوج انا مزال صغيرة
ماما: اش غادي نقوليك ابنتي الله يعاونك وتوقع شي معجزة باش متزوجيش.. مشات ماما وخلاتني غارقة فدموعي دخلت للدوش دوشت وتوضيت حطيت الصلاية وبديت كنصلي وندعي الليل كامل حتى اذن الفجر صليتو وخرجت للبالكون جلست كنشوف فالسما وكندعي ربي يعاوني.. دخلت لبيتي تكيت وانا نعس... صبح الصباح فقت مع 10 هبطت لتحت كان نهار الاحد جالسين كيفطرو جلست بلاصتي بديت كنفطر شوية هزيت راسي وانا نهضر
انا: بابا انا مبغيتش نتزوج.. بابا هز راسو فيا بالعرض البطيء
بابا: علاش شكون خدا رأيك
انا: بابا هادي حياتي وانا لي خاصني نقرر شنو ندير فيها
بابا: ايييه زيدي اش اخور
انا: المهم هادشي لي بغيت نقول راني قلتو.. ناض بابا جرني من شعري وجلس كيصرفق فيا ويعاير
بابا: على اخر يامي تجي برهوشة تقولي شنو ندير.. الحمارة والله يا ولديك حتى تزوجي بيه بغيتي ولا كرهتي
انا: هئ هئ عفاك ابابا مبغيتش نتزوج بغيت نقرا
ياسين: بابا بلا متعصب معاها غير طلقهالي انا نفرجك فيها.. دفعني بابا حتى طحت ونزل عليا ياسين بالضرب والتصرفيق حتى شداتني السخفة وهو يوقف دفل عليا ومشا.. بحال الى انا لي فسدت وجبتليهوم العار الله ياربي نزل عليا رحمتك نضت بزز طلعت كنجر فرجليا حتى وصلت لبيتي دخلت مشيت نيشان المرايا لقيت وجهي كلو حمر بقيت شحال وانا كنبكي حتى طاحتلي واحد الفكرة فراسي صافي قررت اش غاندير وقفت لبست بالزربة هزيت شي وراق وخرجت بالتخبية ركبت طموبيلتي وانا نكسيري مشيت بعت طموبيل جابتلي 9 دالمليون غادي تسولو علاش انا قررت نهرب صافي مابقا عندي حتى حل اخر ركبت طاكسي وانا معنقة صاكي وصلت وطلعت كنجري لبيتي خبعت الفلوس مزياان غير سديت الماريو وهو يدخل خويا كيف التور الهايج شفتو وبديت كنرجع باللور
ياسين: حماارة فين كنتي
انا: (كنتفتف) ا حتا بلاصة غير هنا فالدار
ياسين: كتفلاي عليا.. جبدني من شعري.. فين كنتي جيت ملقيتش طموبيلتك
انا: هئ هئ راه غير خسرات وديتها للكراج
ياسين: (طلق مني ودفعني) المرة جاية علميني وانا لي نديها
انا: (بحزن) واخة.. خرج من بيتي ودخلت انا دوشت ساليت توضيت وصليت صلاتي هزيت البيسي حليت الايميل ديالي وانا نحل فمي...

لقيت جامعة اخرى قبلاتني فواحد الماستر حسن من اللولاني فرحت بديت كنضحك غير بوحدي صيفطليهم الكونفيرماسيون ديالي وسديت البيسي وبديت كنفكر كيفاش غاندير نخرج من الدار بقيت هكاك حتى نعست.. فالعشية فيقاتني ماما وكانو عينيها منفوخين بالبكا
انا: (بخوف) ماما مالكي
ماما: (عنقاتني) بنتي غدا اديري العقد وبعد غدا العرس.. تصدمت متوقعتش بهاد السرعة كيغاندير نهرب فهاد الوقت هبطت لتحت معصبة لقيت بابا وياسين جالسين كيهدرو ويضحكو
انا: (بالغوات) انا مغاديش نتزوج ماشي شي حد يدير الزبايل وانا لي نصحح ليه الغلط ديالو ونتا (مع ياسين) ماشي شغلي دخل الحبس ولا موت انا مالي علاش اتزوجوني واش لهاد الدرجة متقلة عليكم
ياسين: (جاي جيهتي) شفت مك نتي ضسرتي
انا: (تعصبت) مالي واش انا لي فسدت ولا نتا.. غير قلت هاد الهدرة وهو ينقز عليا بدا كيضرب حتى غيبت.. 
*في دار سارة*
اب سارة: سمعني نتا غتزوجها بزز منك
ادم: بابا انا مزال مباغي نتزوج ياله كملت قرايتي وعاد غنبدا الخدمة
اب سارة: نتا غادي تخدم معايا فشركتي وصافي سدينا الموضوع.. طلع ادم معصب داز على بيت ختو سارة وهو يدخل لقاها جالسة كتخمم مشا جلس حداها وعنقها
سارة: هئ هئ سمحلي اخويا بزاف
ادم: ششش صافي تهدني مكاين حتى مشكل
سارة: بقيتي فيا نتا ونوميديا
ادم: علاش مالها هي
سارة: وراه هي لي غادي تزوج بها
ادم: (بصدمة) كيفاش دبا اخت هداك لي غادي تزوجي هي نوميديا صاحبتك
سارة: اه وهي مبغاش تزوج بغات تكمل قرايتها
ادم: (فخاطرو اييه دبا صاحبة العينين الزورق اتولي مرتي معرفت كيف ولات مي باينة اتكون زادت زيانت) احم صافي سكتي لي فيها الخير هي لغتكون
سارة: ان شاء الله.. خرج ادم من بيت ختو وهو يبتاسم دخل بيتو تكا وغمض عينيه وهو يتفكر
#قبل_7_سنين
ادم: صاحبة العينين الزورق جات عندنا
نوميديا: متبقاش تقولي هكا انا سميتي نوميييديا
ادم: هههه برهوشة
نوميديا: (بدات كدمع) لا انا كبيرة عندي 13 عام هئ هئ.. قربليها ومسح دموعها
ادم: هاد العنين الزوينين مخاصهومش يبكيو اوكي الزوينة
نوميديا: (ابتسمت بعفوية) واخة ياله انا غنمشي نطلع عند سارة
ادم: (ساهي فعينيها) اوكي.. مي قبل عطيني بوسة
نوميديا: ههههه حدر عندي ونتا طويل بحال الزرافة
ادم: ههههههههه انا زرافة
نوميديا: غير كنضحك معاك.. تعلات باستو فحنكو وحتى هو باسها فحنكها عاد مشا

#الحاضر
*في الكلينيك*
بديت كنحل عيني حاسة بجسمي كلو مرخي مقاداش نتحرك كلشي كيضرني شفت لقيت ماما ناعسة فوق الفوتوي نضت غير بشوية وبزز كنتحرك دخلت للطواليط وانا نشوف وجهي فالمرايا تخلعت كانت واحد العين زرقة ووجهي فيه لطراس ديال الضرب بقيت كنبكي بالغوات حتا جات ماما حلات عليا
ماما: (مخلوعة) بنتي مالك
انا: هئ هئ بغيت نموت
ماما: الله يسترك ابنتي اجي خرجي من طواليط وتهدني وميكون غير الخير ان شاء الله
انا: اشمن خير وهوما غدا غادي يزوجوني.. اشمن خير هئ هئ.. هزيت يدي وضربت المرايا ماما غوتات وهو يدخل خويا وبابا شافوني وتصدمو.. مشا ياسين كيجري جاب الطبيبة خرجاتهم برة وبقيت غير انا وياها
انا: (دموعي نازلين) عفاك بغيت نطلب منك طلب
طبيبة: (بقات فيها) شنو بغيتي ابنتي
انا: عطيني شهادة طبية وبغيتك تعطيهالي بالتخبية حتى واحد ميشوفها
طبيبة: واخة ابنتي
انا: شكرا بزااف... كملات الطبيبة شغلها حيداتلي الزاج لي دخلي دارتلي الفاصمة
طبيبة: هانا غادا للمكتب نكتب ليك الشهادة ونرجع
انا: اوكي... خرجات الطبيبة وبقيت متكية
ماما: عفاك كيف بقات بنتي
طبيبة: دبا مزيان تسناو يتسالاليها السيروم وتقدرو تديوها مي حالتها النفسية ممزياناش خاصكم تهتمو بها شوية
ياسين: اوكي شكرا دكتورة... شفتي بسالة بنتك فين وصلاتنا
ماما: (هزات يديها وصرفقاتو) سكت راه نتا هو الحمار نتا وديك لي باغي تزوجو... بغيتيها تزوجها من اللول بلا مادير الحرام وختك اشرف منك ومن هاديك سمعني مزيااان الى حطيتي يدك عليها مرة اخرى غادي نقطعهاليك.. ياسين حدر راسو وخرج وهو معصب
بابا: علاش ضربتي ياسين
ماما: وعلاش نتوما ضربتو نوميديا واش هي ماشي بنتك ااه واش ولدتها بوحدي
بابا: (تنهد) البنت مصيرها الزواج ودير دارها ووليداتها وحنا دبا عطينا الكلمة للناس مغاديش نتراجعو ولا بغيتي ولدك يدخل للحبس.. ماما سكتات ودخلات لعندي كملات نص ساعة جات طبيبة وعطاتني الشهادة بالتخبية لبست حوايجي بمساعدة ماما وخرجاتني مشينا للدار وصلت عاونوني طلعت لبيتي بدلت وخبعت الشهادة وانا نعس.. صبح الصباح دخلت توضيت وخرجت صليت ودعيت ربي يعاوني هبطت نفطر لقيت نايضة الروينة كلشي كيوجد للعقد طلعت لبيتي هزيت الباليزة وبديت كنجمع حوايجي.. جمعت كولشي صبابطي كاملين وحوايجي ومكياج ديالي كلشي جمعتو مبقا والو.. حتى من الفلوس حطيتهوم فواحد الصاك لي درتو فالباليزة وحطيتهوم فالجنب ديال البيت وجلست كنفكر وانا نوض نلبس ونزلت ياله حطيت يدي على الباب
ياسين: (بالغوات) فين غادا بالسلامة
انا: بغيت نخرج نشم الهوا
ياسين: غادي طلعي دبا لبيتك قبل مانقتلك فبلاصتك..

انا: اوكي.. طلعت لبيتي وكنخبط رجلي مع الارض.. لا مايمكنش صافي غادي نتزوج بقيت كنفكر حتى داتني عيني فقت على يدين كيفيقوني
ماما: حبيبة ماماها فيقي راه مابقا والو ويجيو
انا: (بصوت مخنوق) مبغيتش اماما عفاك
ماما: (عنقاتني) كلشي غيدوز بخير ياله احبيبتي نوضي... وقفاتني ماما كانت بغات تجيبلي الكوافورة مي مقبلتش لبست قفطان فالبيض جا مع طايتي هي هاديك كان ممكن كون تزوجت بخاطري يعجبني راسي مي دبا كيبانلي بلي انا ابشع وحدة فهاد اللبس درت مكياج خفيف مي ديك الزروقية كتبان دارتلي ماما زيف على وجهي سمعنا الزغاريت لتحت تزير عليا قلبي شداتني ماما من يدي منزلاني وصلت كنت حانية راسي جلست حدا العدول ومن جهة الاخرى راجلي المستقبلي مشفتش جيهتو ومعارفا حتى شكلو حيت هادي 6سنين مشفتو كان مشا يقرا برا.. بدا كيهضر العدول وانا سرحت بتفكيري كنفكر كون كان عندي اخ واب مزيانين كون دبا مدوزين العطلة فشي بلاصة... بديت كنبتاسم بوحدي حتى فيقني سؤال العدول لي عاودو كثر من مرة
العدول: نوميديا بنيس نتي قابلة تزوجي ادم البناني 
انا: (حابسة البكية) اه
العدول: هاك ابنتي سني هنا.. شديت ستيلو ويدي كيترعدو شفت لقيتو سنا وانا نسني هزيت راسي لقيت بابا كيبتاسم كرهتو فديك اللحظة
ادم: الى سمحتو بغيت نهضر مع نوميديا بوحدنا
بابا: (مبتاسم) اه اولدي نوميديا طلعي راجلك لبيتك
انا: (حادرة راسي) واخة.. طلعت وهو تابعني من اللور حليت الباب ودخلت هو دخل من مورايا وسد الباب مشيت جلست فوق الفوطوي وهو جا جلس فوق الطبلة قدامي
ادم: (نتابه ليديها ملويا الفاصمة عليها) مال يديك.. جا يشدها وانا نحيدها بالزربة.. احم المهم بغيت نهضر معاك ممكن تحيدي الغطا من على وجهك
انا: (شفت فيه وعيني عامرين بالدموع وانا نحيد الغطا شافني تصدم) مالك تصدمتي هادشي وقعلي بسبابك نتا وعائلتك
ادم: كيفاش شكون ضربك واش باباك.. حركت راسي بالنفي.. خوك
انا: اه
ادم: (بقات فيه مد يديه ومسحليها دموعها) هاد العنين الزورق مخاصهومش يبكيو
انا: (هزيت راسي تصدمت اوااه مزال عاقل)
ادم: (باسني فحنكي) متبكيش الزوينة.. بعدت وجهي وحدرت راسي.. (تنهد) ياله تصبحي على خير
انا: الصمت... ناض خرج بقيت متبعاه بعيني وقلبي كيضرب بجهد شوية سمعت الصداع خرجت من بيتي طليت من الدروج وانا نشوف ادم كيضرب خويا
ادم: (بالغوات) اااخر مرة تحط يديك عليها سمعتي.. خرج وزدح الباب رجعت لبيتي كنجري دخلت وسديت الباب فرحت حيت كاين شي حد قدر يدافع عليا مي واخة هكاك انا محاملاش هاد الزواج وخطتي غادي نكملها ولي بغا يوقع يوقع مكيهمنيش..

بدلت حوايجي ونعست وانا كندعي ربي يعاوني غدا.... صبح الصباح فقت لبست وهزيت صاكي نزلت فطرت
انا: ماما انا خارجة واحد الساعة ونرجع
ياسين: جلسي للارض معندك فين تخرجي
انا: ونتا سوقك الى نسيتي نفكرك بلي انا ماشي تحت مسؤوليتك عندي راجلي وراني تشاورت معاه و وافق.. ياسين سكت وبابا بدا كيبتاسم خليتهم وخرجت شديت طاكسي نيشان للكوميسارية
الضابط: نعام الالة فاش نقدر نعاونك
انا: (جبدت شهادة طبية) بغيت نشكي على خويا
الضابط: هو لي ضربك
انا: اه
الضابط: ياله دبا قوليلي سميتو وفين ساكن وعاوديلي بالضبط شنو وقع
انا: عاودتلو كولشي.. من بعد سنيت على اقوالي قالولي من هنا ساعة ايمشيو يشدوه.. مشيت للبنكا هزيت gاع الفلوس لي كانو عندي فالكونط كانت شي 4 دالمليون... رجعت للدار بطاكسي وصلت طلعت نيشان لبيتي.. زدت دوك الفلوس على الاخرين وخبعتهوم... دخلت من بعدما درت صباعية دالما ليدي للدوش.. دوشت اخر تدويشة عندي فهاد الدار تقاديت مزيان وشفت واش منسيت حتى حاجة بالاخص وراقي تأكدت من كولشي ومشيت جلست شوية سمعت الدقان نزلت وانا نلقا البوليس
البوليس: كاين ياسين بنيس
ياسين: هو انا شنو كاين
البوليس: زيد معانا وفالكوميسارية غادي تعرف
بابا: شنو واقع وعلاش غادي تديو ولدي
البوليس: حنا معارفين والو اسيدي فالكوميسارية غادي تعرفو... داوه البوليس وتبعو بابا الدنيا ترونات انا مشيت كنجري لبيتي هزيت صاكي وجريت 2 باليزات نزلت جيت نخرج وهو يوقفني واحد الصوت...
*عند ادم*
فاش مشيت لعندهوم نكتبو العقد مترددتش للحظة انني نقبل حيت عارف نوميديا غادي تكون فنة واصلا انا كانت كتعجبني من الصغر.. وصلنا وجلسنا شوية هاهيا نازلة بقفطان بيض جا مع لطاي ديالها واعرة جلسات كانت كترعد.. المهم فاش كتبنا العقد وطلعنا تصدمت فيها كانت كولها زرقة ملاحمها مبانوليش مزيان وباينة فيها محاملنيش.. فاش قربتليها وبستها فحنكها مكرهتش نبقا هكاك حيت ريحتها كتهبل... نزلت وانا نشوف خوها محسيت براسي حتى بديت كنضربو تعصبت فاش عرفت بلي ضربها هادي مراتي دبا حتى واحد معندو الحق يقيسها....
نعرفكوم على ادم.... ادم 26 سنة طويل وصدرو عريض شوية... العنين كوحل والشعر قهوي.. شخصيتو ضريف مع الجنس اللطيف ومتفاهم مي فاش يتعصب هربي... مشا لبرا كمل قرايتو يعني مشافش نوميديا كتر من 6 سنين.. عوال يبدا الخدمة مع الاب ديالو..
بالنسبة لسارة وياسين كتبو العقد من مور ادم ونوميديا

*عند نوميديا*
جيت خارجة حتى وقفني صوت ماما
ماما: (بصوت حزين) كنت عارفاك غادي تبغي تهربي
انا: (مشيت كنجري لعندها عنقتها) ماما سمحيلي مي خاصني نمشي بغيت نحقق حلمي لي لطالما حلمت بيه
ماما: عارفة ابنتي سيري الله ينقي طريقك من الشوك حضي راسك ومتنسايش ماماك هئ هئ
انا: وانا نقدر غير نوصل ونقاد اموري انبدا نهدر معاك ديما نتي راك روحي
ماما: (عنقاتها) عارفة ياله احبيبة سيري قبل مايرجعو
انا: بسلامة اماما.. بستها وتعانقنا وانا نمشي شديت طاكسي وصلني لمحطة الطران تسنيت شوية وجا ركبت ومشيت نيشان لكازا وصلت وانا نشد طاكسي للمطار لي ديجا خديت بيي من الانترنيت.. لقيت الطيارة بقاتليها ساعة.. مشيت جلست كندعي الله يدوز كلشي بخير وخا عندي تخوف من المجهول وشنو كيتسناني.... وصلات الوقيتة ركبت وما هي الا دقائق حتى طارت حسيت بنوعا ما من الراحة وكنقول 《القادم اجمل》نعست فيقاتني غير المضيفة اعلنت على وصولي لمكان غريب.. هبطت وهنا فين شداتني الخلعة ونوعا ما من الندم معارفاش شنوو كيتسناني هنا ومن حسن الحظ كنت كنتقن اللغة الالمانية مع انا من عشاق اللغات وبطبيعة الحال كنت دايرة السونطر بالتخبية على مالين الدار.. كملت الاجراءات خرجت وشديت طاكسي وصلني للاوطيل عادي على قد فلوسي طلعت دوشت حيدت عليا العيا ونعست فقت فالليل جابولي العشا كليت وانا نرجع نعس...
*في الفيلا*
من بعد مامشات نوميديا لبسات ماماها الحوايج وتبعاتهم للكوميسارية
الضابط: انسة نوميديا بنيس قدمات شكاية ضدك بتهمة الضرب والعنف
ياسين: (تصدم) ك.. كيفاااش
الضابط: هاك هاهوما اقوالها.. شد ياسين كيقرا تصدم ومفكرش بلي تقدر تشكي عليه ودخلو للحبس
بابا: (مصدوم) لا اسيدي راه مضربهاش غير كتكدب
الضابط: المهم هو ضروري يبات هنا حتى الغدا وتجي الانسة نوميديا ونواجههم.. ملقاو مايديرو من غير يقبلو ناضت الام والاب يمشيو
بابا: (معصب) واش هاد البنت تسطات واش كاين شي حد كيدخل خوه للحبس
ماما: (ياربي وقف مع بنتي وحميها فينما كانت) تهدن ايوسف وفكر بالعقل واش هو وصلها للصبيطار ونتوما غير زايدين فيه
بابا: (سكت حيت مرتو عندها الحق)... وصلو لبيت نوميديا حل الاب الباب وهو يدخل ملقهاش مي تصدم من داكشي لي مكتوب فالمراية...《انا مشيت بحالي بلا متقلبو عليا.. كنكرهكم》
بابا: كيفاش فين مشات بنتك
ماما: (بصدمة مصطنعة) اناري فين بنتي... هئ هئ جيبلي بنتي لعندي عفاك ايوسف
بابا: صافي تهدني غادي نلقاوها.. صبح الصباح مشاو للكوميسارية وحيت مجاتش نوميديا فرجو عليه قالوهالو فالطريق تعصب مشا دخل نيشان للبيت كيقلب مالقا حتى حاجة gاع الحوايج داتهم مي لقا ورقة هزها وبدا كيقرا..

《عارفة بلي نتا اياسين لي غتكون لقيتي هاد الرسالة حيت بابا ايكون تعصب وبدا كيسب فيا ويمشي مي نتا لا كتقلب على الله نكون تخبعت فالماريو ولا من تحت الناموسية.. لا هاد المرة مختالفة هاد المرة مخايفاش من انك ضربني باش نتخبا نو هاد المرة هربت لاتمام حلمي.... كنت كنتمنى يكون عندي اخ حنون يشد بيدي ويكون ديما فجنبي فاش نحتاج شي حاجة... للاسف هادشي كيبقا احلام.. ياسين كنكرهك اه كنكرهك نتا وبابا معمري شفت بنت مكتحملش باباها وخوها حتا ليا انا... البارح فاش ضربك راجلي _ههههه لي مبززين عليا وgاع معارفاه حتى كيداير_ حيت بقيت فيه وهو شافني غير دقائق.. كنت كنتمنى نبقى فيك نتا ياك حنا خوت ونفس الدم كيجري فعروقنا.. كرهت الرجال بسبابكوم.. انا مشيت دبا وخا تقلبو عليا مغاتلقاونيش مشيت نكون راسي ونكمل قرايتي لي كنحلم بيها.. ضحيتكم نوميديا.. اكرهكم》بقا مصدوم وشاد الورقة ولاول مرة غادي طيح دمعة من عينو والديه تصدمو وهو يمشي باه خدا الورقة وجلس كيقرا حتى هو تصدم وحس بالندم وبدا كيقول يمكن زيرناها كثر من القياس....
*عند نوميديا* 
فقت الصباح توضيت وصليت صلاتي درت مكياج يغطيلي الطبايع ولبست حوايجي وانا نزل فطرت وخرجت كنقلب على دار وشي خدمة بقيت نهار كامل وانا كندور ووالو عييت وانا نرجع للاوطيل تعشيت ونعست قررت غدا نمشي للجامعة نقاد بعدا داكشي عاد نشوف.. صبح الصباح فقت دوشت وصليت لبست حوايجي ونزلت شديت طاكسي وقفت قدام الجامعة خديت نفس ودخلت داكشي فشكل بديت كنقلب على مكتب المدير حتى لقيتو دقيت وانا ندخل
#الحوار_بالالمانية
انا: سلام
المدير: سلام فاش ممكن نعاونك
انا: احم انا كنت دفعت ليكم طلب على قبل الماستر ديالي ووصلني القبول ديالكم
المدير: اه اوكي جلسي وقوليلي شنو سميتك
انا: (جلست) نوميديا بنيس.. بدا كيقلب فالبيسي وهو يشوف فيا
المدير: وي بالصح واش بغيتي تسجلي دبا
انا: (بفرحة) وي الى كان ممكن
المدير: اوكي.. عيط على وحدة داتني معاها وعطيتها gاع داكشي لي طلبات وكانو شي فلوس ضروريين ديال التسجيل الحمد لله قدني داكشي تسجلت ورجعت عند المدير سنا شي وراق وعطاهم لهاديك وانا عطاني 2 وراق
المدير: هاد الورقة اتعاونك الى بغيتي تخدمي وهادي خليها عندك باش فاش تبدا القرايا تخرجي لكارط ديال الطالب
انا: اوكي شكرا
المدير: القرايا غادي تبدا شهر 9 
انا: واخة.. مي عفاك انا عندي الفيزا غير ديال شهرين سياحة وبغيت ناخد ديال القراية
المدير: اوكي هادي اتعاونك تاخذيها.. المهم غادي تجمعي هاد الوراق لي هنا وسيري للقنصلية
انا: اوكي شكرا بزاف
المدير: الله يعاونك

مشيت للاوطيل هزيت الوراق لي محتاجة ومشيت للقنصلية دفعتليهم داكشي... ومشيت تغذيت برا بقيت كنتسارا حتى ظلام الحال... فرحت حيت هادي اول مرة نخرج بلا مانخاف.. شريت نمرة جديدة عاد رجعت للاوطيل تعشيت وطلعت لبيتي...
*في الفيلا*
كانو جالسين وشادين راسهم حتى دخل عندهم ادم مع والديه وسارة..
اب سارة: سلام عليكم
بابا: (حادر راسو) وعليكم السلام
ادم: (كيدور عينيه) فين نوميديا
ياسين: هربات
ادم: كيفاااش.. نتابه للورقة لي شاد ياسين مشا نترها منو وبدا كيقرا... جلس وشد راسو
ادم: كيفاش عطاكم قلبكم ديرو فيها هكا واش ماشي بنتكم ونتا باين فيك ديما كضربها مكاينش شي حد كيكره عائلتو بلا سبب
ياسين: غير سوء تفاهم دبا نلقاها معندها فين تمشي.. ادم تعصب وهو يخرج خايف عليها وهي مزال صغيرة معارفا فالدنيا والو..
اب سارة: على هاد الحساب مابقا عرس دونك يدوزو شي يامات واجي خود مرتك ديرو حفلة صغيرة والله يكمل عليكم بالخير
بابا: ان شاء الله... مشاو وبقا بابا وياسين جالسين كيفكرو اما ماما طلعات تصلي وتدعي معايا........ ماما جالسة فالبالكون كتفكر فبنتها شنو واقعليها حتى صونا تيليفونها هزاتو لقات نمرة بريفي جاوبات
ماما: الو
نوميديا: ماماتي توحشتك
ماما: (بفرحة) هئ هئ الحمد لله ابنتي نتي بخير ياك
نوميديا: ويي متخافيش عليا انا بخيير الحمد الله كيدايرة نتي لباس
ماما: منين سمعتك انا بخيير
نوميديا: انبقا كل نهار نهضر معاك منقدرش ندوز نهاري بلا مانسمع صوتك
ماما: بالصح ابنتي
نوميديا: ويي علاش شحال عندي من ماما
ماما: الله يرضي عليك
نوميديا: اميين فخبارك هاد الصباح تسجلت فالماستر وشهر9 غادي نبدا انا فرحانة بزااف
ماما: الحمد لله.. الله يفرحك وفين جالسة دبا
نوميديا: راني فاوطيل دبا
ماما: ايوا مزيان.. حضي راسك مزياان ومتقيش فبنادم بالزربة كوليي مزيان وتغطاي اوكي
نوميديا: واخة امامتي كوني هانية.. ياله حتى الغدا ونهدر معاك
ماما: واخة ابنتي الله يعاونك
نوميديا: اميين... قطعت مع نوميديا عاد حسيت بالراحة فاش اطمأنيت على بنتي حاولت نخبي فرحتي باش ميعيقوش الاخرين..

دازت #3_شهور عيااو ميقلبو ووالو صافي استسلمو اما خوها وباباها حاسين بالندم على داكشي لي دارو فيها.. بالنسبة لادم مخلا حتى قنت مقلب فيه ووالو حتى هو استسلم وقال دبا تعيا وترجع.. بدا الخدمة مع باباه فالشركة ومخلي الشرطة تكمل البحت
*عند نوميديا*
دازت 2سيمانات لقيت خدمة الحمد لله فواحد الريسطو مرة كنسربي الناس مرة كنتكلف بغسيل الماعن المهم كنشد الفلوس.. دبا دازت 3شهور الحمد لله خرجاتلي الفيزا واموري مقادة... لقيت دار انتقلت ليها مي مسكنتش بوحدي ساكنة مع جوج دراري متخافوش راهم زوامل ومزوجين ببعضياتهم داكشي علاش مرتاحة.. اصلا منقدرش نخلص الكرا بوحدي ودبا بدات القراية قاديت الخدمة مع وقت قرايتي الى قريت الصباح كنخدم فالعشية ولا العكس.. كنعيا بزاف مي معندي مندير خاصني نقرا ونبين ليهم بلي هما على خطأ والبنت قادة تحقق انجازات...
دانييل: نومي (اسم دلع نوميديا) نوضي تمشي تقراي براكة من النعاس (الحوار بالالمانية)
انا: ممم خليني نزيد شوية
دانييل: نوضي ولا نعيط على جان
انا: افف صافي هانا نايضة ونتوما فيكوم غير النgير الله يستر... نضت دوشت خرجت صليت صلاتي ومشيت لقيتهوم جالسين كيفطرو
جان: (كيتحلون) حبيبة اجي تفطري
انا: غادي ناكل فالجامعة راني تعطلت
دانييل: اوكي نتلقاو فالليل
انا: اوكي كيجيت بعدا زوينة
جان: كتحمقي كون كنت راجل منخليكش تفلتي مني
انا: هههه ميرسيي.. بستهوم ومشيت قريت وهكا دازت 2سيمانات حتى للنهار لي سافرو فيه جان ودانييل خلاولي حقهم من فلوس الكرا زدت فلوسي وخبعتهم.. مشيت نخدم ومبقى فجيبي حتى ريال ساليت خدمتي ورجعت للدار كليت شي تخربيق كان فالتلاجة وسهرت مع القراية حتى داني نعاس... دازت يومين خلصت الكرا ومزال ماخلصوني فالخدمة وانا هادا نهار محطيت الماكلة ففمي قتلني غير جوع قريت ومشيت للخدمة..
انا: موسيو مزال مغادي نتخلصو
شاف: باقي 4ايام على الخلاص
انا: (بالدارجة) الله ياربي انبقى بالجوع 4ايام اخرى... مشيت خدمت وانا فيا السخفة دخلت للكوزينة كنتسلت لقيت الماكلة غير محطوطة ياله حطيت دغمة ففمي وهو يوقف عليا الشاف
شاف: اش هادشي كديري مخليا خدمتك وجايا كتاكلي هنا
انا: احم سمحيلي
شاف: حطي حوايج الخدمة وسيري فحالك
انا: لا عفاك سمحلي
شاف: خرجي ومنشوفش كمارتك عندي
انا: وعطيني فلوسي
شاف: كتسرقي وبغاني نعطيك الفلوس ياله برااا.. لحت على وجهو الحوايج وخرجت تعصبت والسخفة شاداني والجوع والحكرة كلشي تجمع عليا.. بقيت غادا وكنبكي فالطريق حتى جيت نقطع الشانطي منتبهتش للطموبيل لي جايا حتى فرانات حدا رجلي انا بالخلعة سخفت..

سخفات نوميديا وهو يخرج واحد الشاب شافها لقاها سخفانة مي الحمد لله مضربهاش هزها فطموبيلتو ومشا نيشان للكلينيك تعرضاتلو مراتو وعلامات التساؤل واضحة على وجهها
...: امين شكون هادي
امين: حياتي ملاك راه كنت غنضربها وسخفات شوفي مالها
ملاك: واخة احبيبي زيد دخلها هنا... حطها وبدات كتقلبها الطبيبة ملاك
ملاك: باينة فيها مكانتش واكلة داكشي علاش سخفات راه درتليها السيروم
امين: اوكي فاقت دبا ولا لا
ملاك: وي اجي ندخلو عندها
حليت عيني لقيت راسي فالكلينيك شوية دخلات عندي الطبيبة وشي راجل معاها..
الطبيبة: كيبقيتي دبا
انا: سافا شنو وقع
الطبيبة: (مبتاسمة) راجلي كان غادي يضربك بالطموبيل وسخفتي وهو يجيبك لهنا
انا: اه شكرا سمحلي عدبتك
امين: مكاين حتى مشكل.. نخليوك ترتاحي شوية
انا: شكرا.. خرجو وانا نهز صاكي جبدت تليفوني وصونيت على ماما اتكون تخلعات عليا
ماما: الو بنتي لباس عليك
انا: لباس اماما ونتي
ماما: الحمد لله تخلعت فاش مصونتيش
انا: متخافيش احبيبتي راه غير ياله خرجت من الجامعة.. دخلات ملاك
ماما: ياك نتي بخير مخاصك والو
انا: (حابسة البكية) لا مخاصني والو هانا دبا فالدار وغادي نجبد نراجع شوية
ماما: واخة الله ينجحك
انا: امين ياله نخليك دبا احبيبتي... قطعت ومسحت دموعي
ملاك: (قرباتليها وهدرات بالدارجة) نتي مغربية
انا: (بصدمة) وي حتى نتي
ملاك: ههه وي انا وراجلي مغاربة
انا: (بابتسامة حزن) مزيان الله يخليكوم لبعضياتكم
ملاك: اميين.. مم نسولك
انا: وي مرحبا
ملاك: بانلي الحزن فعينيك عتابريني ختك وعاوديلي.. انا غير قالت هكاك وانا نتفركع بالبكا محتاجة نعاود لشي حد ونخوي قلبي بقيت كنعاودليها على gاع داكشي لي وقعلي من اهانات وعنف معنوي وجسدي حتى قررو يحبسوني من القرايا ويزوجوني.. شفت فيها لقيت دموعها نازلين ساليت وهي تعنقني
ملاك: نتي مزال صغيرة ودزتي من هادشي كامل الله معاك احبيبة... قابلاتني معاها شدات وجهي ومسحات دموعي... من اليوم عتابريني ختك وامين غيكون بحال خوك وحسن من خوك الحقيقي
انا: (بابتسامة) شكرا اختي
ملاك: ياله نوضي
انا: فين
ملاك: تمشي معايا للدار

انا: لا اختي شكرا انا راني كارية
ملاك: ممم اوكي مي عطيني نمرتك 
انا: اوكي ******
ملاك: اوكي زيدي نوصلك معايا للدار
انا: واخة... وقفت هزيت صاكي ومشيت معاها ركبت معاها فطموبيلتها وريتها الطريق وصلنا ونزلات معايا دخلنا للدار
ملاك: فين كاينة الكوزينة
انا: راهيا علاش شنو بغيتي
ملاك: اوكي هانا راجعة... مشات ملاك حلات ثلاجة بغات ديرلها شي حاجة تاكلها ساعة ملقات والو وهي تعيط لراجلها وصاتو يتقدا وصيفطاتلو العنوان.. رجعات جلسات حدا نوميديا
ملاك: اوى قوليلي اش كتقراي
انا: دايرة ماستر على الطاقات المتجددة
ملاك: مزياان تبارك الله عليك 
انا: الله يبارك فيك
ملاك: كيف كديري تصرفي على راسك
انا: كنخدم مي الصباح جراو عليا ومبغاش يخلصني
ملاك: ولد الحرام غدا نمشيو عندو يعطيك فلوسك
انا: ان شاء الله.. شوية سمعت الصونيط جيت نوض
ملاك: غير خليك انحل انا.. مشات حلات حتى دخلات هي وراجلها وهو هاز الميكات فيديه
امين: اهلا ختي كيبقيتي شوية دبا
انا: اه حمد الله شنو هادشي فيديك
امين: عرضنا راسنا للعشا 
انا: (تزنكت) مرحبا بيكم مي مكانش عليك تعدب راسك انا نخرج نتقدا
امين: لا عادي ماشي شي حاجة
انا: شكرا.. خديت من عندو الميكات ودخلت للكوزينة بديت كنطيب وانا متلهفة انني ناكل.. راني كنعرف نطيب حيت كنت فوقت فراغي كنجلس نعاون الخدامة وماما فالطياب وتعلمت كلشي الحمد لله
ملاك: بقات فيا هاد البنت
امين: علاش مالها
ملاك: عاوداتلو كلشي
امين: (بقات فيه) غدا انمشي معاها عند هداك تاخد فلوسها ولا غادي نحبسو ومن بعد نديها للريسطو ديالي تخدم تما حيت مغاديش تبغي تجلس معانا
ملاك: وي شكرا احبيبي
امين: وينو على حبيبتي قلبها بيض
ملاك: هههه كنبغيك.. هانا نايضة نعاونها
امين: اوكي حياتي... جات عندي ملاك عاوناتني باينة عليها شبعانة مي ضريفة بزاف ومتواضعة عجباتني سالينا وحطينا العشا... من حوايج راجلها وطريقة هدرتو كيبان شي رجل اعمال مكيهضرش بزاف كملنا وتوادعنا انا جمعت داكشي غسلت الماعن دخلت دوشت وخرجت لبست حوايجي وبقيت سهرانة مع قرايتي حتى عييت وانا نعس...

نعرفكوم على ملاك وامين.... ملاك 25 سنة من اصول مغربية طويلة.. شعرها زعر وطويل لطاي حوتة وراكم عارفينها هي طبيبة... امين 29 سنة من اصول مغربية ايضا سمر وطويل الصدر عريض واللحية مطراسية من اشهر المحاميين فالمانيا وعندو سلسلة من المطاعم يعني خاانز فلوس هههه... تزوجو بعد قصة حب كبييرة كانو كيبغيو بعضياتهم 5سنين عاد تزوجو هادي عام دبا وكيحماقو على بعضياتهم......
صبح الصباح نضت توضيت وصليت مشيت للكوزينة وجدت الفطور جلست كنفطر بشوية عليا حيت مقارية حتى العشية شوية عيطاتلي شي نمرة غريبة وانا نجاوب
انا: الو
ملاك: الو انا ملاك سافا
انا: وي حمد لله ونتي
ملاك: وي سافا شوفي واحد نص ساعة ايجي عندك راجلي وسيرو لداك الريسطو لي كنتي خدامة فيه
انا: (توترت) علاش نتي مغتجيش
ملاك: لا اختي انا خدامة راه شوية ويجي امين ياله باي
انا: بسلامة.. نضت جمعت داكشي بالزربة ومشيت لبست (سروال فالزرق مع قميجة فالبيض قصيرة من القدام وطويلة من اللور مع صباط طالون فالزرق هزيت صاكي وانا نزل لقيتو كيتسناني وانا نطلع
امين: اهلا سافا
انا: حمد الله ونتا
امين: وي حمد الله فين كنتي خدامة
انا: ف****
امين: اوكي... ديمارا والصمت سيد الموقف حتى وصلنا نزلنا ومشينا دخلنا داك الشاف شافني وجاي لعندي مي غير شاف امين وهو يتلون انا بقيت غير كنشوف لحد الان مزال معرفت شكون هو امين..
امين: (بصرامة) سلام موسيو جاك
جاك: اهلا موسيو امين مرحبا بيك
امين: انا جيت على قبل نوميديا قاتليا بلي مخلصتيهاش فخدمتها
جاك: لا ماشي هكاك غير نمرتها مشاتلي اما كنت عوال نعطيها فلوسها
امين: هي دبا نيت... مشا لاخر كيجري جابلي فلوسي ومدهوملي قلبت لقيت ديال الشهر كامل واخة مخدمتش 4ايام
انا: (فخاطري اييه اسي جاك وانا جالسة نرغب فيك بقيتي كتهز عليا ودبا بكلمة وحدة جبتي فلوسي ونتا حادر الراس الله يمسخك)
امين: نوميديا نمشيو
انا: اوكي.. مشينا ركبت معاه وبقينا غاديين.. احم فين غاديين
امين: من بعد وتعرفي.. بقينا غاديين وانا فكرة تديني وفكرة تجيبني الصراحة خفت منو يمشي يدير فيا شي فضيحة حتى واحد ميسيقلي الخبار بقيت جالسة كنقرا القران وكندعي الله.. حتى وقفنا قدام واحد الريسطو كبير وباين بلي كيدخلوه غير الناس الهاي شفت فيه بتساؤل
امين: مالكي كتشوفي فيا هاكا زيدي ندخلو
انا: ممم شنو جينا نديرو هنا
امين: وغير نزلي بعدا وندخلو عاد نهضرو
انا: اوكيي

دخلنا لداك الريسطو حليت فمي كان مصمم بطريقة وااعرة وفنفس الوقت راقي بقيت تابعاه حتى دخل للبيرو وجلس
امين: نوميديا جلسي
انا: (جلست) الصمت
امين: مم تقبلي تخدمي هنا
انا: (بلهفة) وييي مي خاصني نوجد الوراق بعدا ونشوف المسؤول اش غيقول
امين: هههههههه ضحكتيني راه الريسطو ديالي يعني بلا دوك الوراق
انا: (بصدمة) واايلي صافي صافي قابلة اخويا
امين: اوكي غدا تبداي الخدمة
انا: (بفرحة) شكراااا... مشينا انا وياه وعرفني على لي خدامين تما وهدر مع المسؤول وان شاء الله غنبدا الخدمة وبخلصة حسن من لي فات الحمد لله.. رجعني للدار شكرتو ودخلت وانا نلقا جان ودانييل
جان: حبيبتي سافا توشحتك.. مواااح
انا: سافا ونتوما فين غبرتو
دانييل: غير مع الخدمة وصافي توحشناك
انا: حتى انا توحشتكوم
جان: ايوا اش كتعاودي
انا: عاودتليهوم داكشي لي وقع
جان: (كيدمع) هئ ناري حرام عليه ونتي بقيتي بالجوع كان عليك تعيطيلينا
دانييل: وي جان عندو الحق كان عليك احبيبة تعيطيلينا.. خنزر فيه جان وهو يجي دانييل عنقو... غرتي احبيبة صافي منعاود نقولها لحتى واحد
جان: (كيضحك) كنحماق عليك انا.... بقيت غير كنشوف فيهم وانا حابسة الضحكة... مشيت صليت وتغديت وانا نمشي للجامعة نقرا ساليت رجعت للدار بقيت مجمعة مع دانييل وجان وجدنا العشا مجموعين كليت وانا نمشي نعس.... صبح الصباح فقت توضيت وصليت لبست حوايجي فطرت وهزيت كتوباتي ومشيت نقرا.. ساليت مشيت تغديت غير فالزنقة وشديت الطريق للريسطو دخلت وجا عندي المسؤول
سيباستيان: مرحبا انسة نوميديا
انا: ميرسي
سيباستيان: اجي معايا.. تبعتو وراني البيت فين نحط حوايجي ونلبس ديال الخدمة.. قبل ماتبداي اجي تغداي
انا: تغديت شكرا
سيباستيان: اوكي مي راه بامكانك تغداي هنا حنا دايرينها مع gاع لي كيخدمو هنا
انا: (فرحت نقص عليا شوية دالمصروف) اوكي ميرسي... بدلت حوايجي و وراني جهة لي مكلفة بها داز نهار الخدمة زوين ومع الناس غير الشبعانين ساليت مشيت لبست حوايجي خرجت وانا نلقا ملاك وامين فالطموبيل مشيت نسلم عليهم
انا: اهلا ختي سافا
ملاك: وي حمد لله ونتي
انا: سافا حمد لله
امين: كيدرتي مع الخدمة
انا: مزياانة شكرا بزاف والله يخليكوم لبعضياتكم
امين وملاك: امييين.. وصلوني للدار وتافقنا الويكاند ندوزو عندهوم..... دازت سيمانة مابين الخدمة والقراية وصل الويكاند لبست حوايجي ومشيت..

حوايج

وصلت كانت فيلا كبيرة وزوينة رحبات بيا ملاك دخلنا وبدينا مجمعين شوية لحق علينا راجلها امين لي عاد تعرفت عليه صدق هبيل فيه غير الضحك.. شحال هادي مضحكت بحال هكا

دازو ايام وكنت مشيت عند ملاك جالسين فالجردة كنهدرو
ملاك: (كتوريني فيديو) شوفي كتعرف تغني
انا: (بغرور) وي مي ماشي بحالي
ملاك: ههههه شوفليك البنت هاي هاي تايقة فراسك.. ياله سمعينا نشوفو
انا: خاصك بعدا تقوليلي واش قادة تسمعي لصوتي بلا ماتسخفي
ملاك: هههه اوووه ياله بداي نشوفو هاد الصوت
انا: اوكي.. خديت من عندها طيل طلقت لحن ديال اغنية "when we were young-adele" بديت كنغني ساليت لقيت البنت حالة فمها فيا والتصفاق من مورايا درت وانا نلقا امين حشمت منو
ملاك: وااااااو صوتك واااعر
انا: (مزنكة) ههه ميرسي
امين: تبارك الله عليك صوتك روعة
انا: شكرا
ملاك: (شافت فامين) حبيبي كنضن المشكلة تحلات
امين: (شاف فيا) ويي داكشي لي بانلي حتا انا
انا: مالكم اينا مشكلة
ملاك: (شافت فيه وهي تشوف فيا وبدات تهضر) امين كان كيقلب على شي حد كيعرف يغني باش يخدم فالريسطو وكنظن دبا لقينا المغني
انا: (بصدمة) كتهدرو عليا انا
امين: لا مع خيالك ومعامن غنهدرو
ملاك: هههه وي معاك
انا: دبا بغيتوني نغني فالريسطو
امين: وي الى قبلتي
انا: ممم منقدرش كنحشم
ملاك: نوو غير تشجعي ديما البداية كتكون صعيبة مي من بعد كتولي عادي
انا: (بعد تفكير) اوكي
امين: دونك هاد الليلة نبداو
انا: واخة.. تغديت معاهم ومشيت للريسطو وصلني امين خدمت وتافقت نحبس الخدمة مع 8 نرتاح ونتعشا باش 9 نغني وداكشي لي درت كملت مشيت كليت ولبست حوايجي خرجت كانت ملاك وامين جالسين شديت الميكروفون ويديا كيترعدو.. خديت شهيق زفير وبديت كنغني غمضت عيني ساليت وانا نسمع التصفاق فرحت بزاف بقيت غير كنضحك وبداو كيطلبو المزيد زدتهم جوج ساليت مشيت عند امين وملاك لي كان واضح على وجههم الاعجاب
امين: تبارك الله عليك اختي روعة
انا: شكرا ربي يخليك
امين: دونك صافي تافقنا اترجعي تغني وغادي نخلصك يعني بحال كتخدمي 2 خدمات
انا: (بفرحة) اوكي.. وصلوني للدار سلمت عليهم وطلعت
جان: فين تعطلتي
انا: بديت كنخدم خدمة تانية
دانييل: اينا خدمة
انا: كنغني فداك الريسطو لي خدامة فيه
جان: وااو خاصني نشوفك كتغني
انا: مرحباا بيكم.. ياله نخليكم دبا بونوي
جان: بونوي الزين... دخلت لبيتي دوشت وصليت صلاتي وانا نعس...

صبح الصباح مشيت للخدمة ساليت تغديت ومشيت للجامعة قريت جيت خارجة وهو يتعرضلي واحد الولد
...: سلام سافا
انا: وي ونتا
...: مزيان انا شفتك شحال من مرة وبغيت نتعرف عليك الى كان ممكن
انا: احم سمحلي مزروبة.. صونا تليفونو
...: (بالدارجة) اش بغيتي راني دبا كنهضر مع واحد التزيزة... ايه خليني دبا نهضر معاها راها جالسة كتشوف فيا بدوك العوينات الزورق احح قلبي ضرني هانا انقطع
انا: (بالدارجة) اوا سير الله يمسخك اولدي
...: (بصدمة) نتي مغربية
انا: هههه ويي انا سميتي نوميديا
...: انا سفيان متشرفين انسة نوميديا
انا: حتى انا ياله نخليك دبا راني خدامة
سفيان: اوكي نوميديا مي غدا نتلقاو ونعرفك على الكليكة راني جامع غير المغاربة
انا: هههه اوكي ان شاء الله.. توادعنا ومشيت للريسطو تعشيت وبديت كنغني ساليت لقيت غير امين لي كاين وانا نمشي لعندو
انا: سلام
امين: اهلا المغنية ديالنا
انا: هههه اشمن مغنية الله يهديك.. المهم انا طاحتلي فكرة فراسي وبغيت نقولهاليك
امين: انا كنسمع
انا: فكرت اننا نديرو واحد اللوحة الكترونية تعلقها فداك الحيط ونبدا نزل كل نهار 6دالاغاني والكليان يبدا يصوت على شنو باغي يسمع وانا فاش نبغي نبدا اناخد 3 لوالا ومنها يكون الكليان حتى هو كيساهم وهادشي غادي يعجبهوم
امين: فكرة زوينة صافي من هنا يومين نكون درتها
انا: اوكي اوا نخليك دبا نمشي للدار
امين: بلاتي نوصلك
انا: اوكي.. ركبت معاه وحنا غاديين فالطريق
امين: بالصح داكشي لي قالتلي ملاك
انا: شنو قالتليك
امين: بلي باباك وخوك بززو عليك تزوجي
انا: (بحزن) للاسف اه اصلا انا عمري حسيت بالحب ديالهم ديما كيغوتو عليا ومكاين غير السبان والضرب وحتى فاش غلط خويا مع صاحبتي انا لي خاصني نصحح غلطو ونتزوج بخوها
امين: وتزوجتي بيه
انا: وي ملقيت كيندير نهرب فداك الوقت
امين: وكيدرتي هربتي
انا: فاش ضربني وصلت للصبيطار ورغبت الطبيبة تعطيني شهادة طبية خديتها ومشيت ديكلاريت بيه غير جاو البوليس داه وبابا تبعو انا هربت حيت كنت مزال ممشيت مع راجلي لدارو لي مزال معارفة حتى شكلو كيداير شفتو فاش كتبت العقد مي محققتش فيه يعني نشوفو دبا منعرفوش
امين: (وصلنا للدار وحبس الطموبيل) تقبلي نكون خوك
انا: (دموعي نزلو) مي مغاتكونش بحال خويا الحقيقي
امين: ههه لا بالعكس انكون حسسن منو
انا: اوكي خويا هئ هئ
امين: (عنقني) وصافي بلا بكا ولا غادي نضربك ههه
انا: (كنمسح دموعي) ههه اوكي صافي
امين: ياله اختي الصغيورة سيري لدارك حتى الغدا
انا: اوكي بونويي وسلم على مراة خويا
امين: هههه مرحبا بسلامك.. طلعت لدار تجمعت شوية مع الدراري عاد دخلت لبيتي دوشت ونعست...

صبح الصباح لبست حوايجي

صبح الصباح لبست حوايجي

درت مكياج خفيف ومشيت للجامعة انا داخلة حتى وقف عليا سفيان
سفيان: احح على زين بلادي
انا: هههه تسطيتي نتا
سفيان: نتي السباب
انا: اهيا تجمع معايا لانصدق جامعة خويا بشي نص
سفيان: قاصحة مع راسك
انا: ويييي
سفيان: ههه زيدي نعرفك على الكليكة
انا: اوكي.. مشينا عندهوم كانو جوج بنات وجوج دراري
سفيان: كنعرفكم هادي صديقتي جديدة نوميديا.. هادو نهيلة وزينب واكرم و نضال
نوميديا: متشرفين
نهيلة: نتي مغربية
نوميديا: وي
الكل: متشرفين
زينب: نتي كتقراي معايا كنشوفك فالقسم مي مكنتش عارفة بلي نتي مغربية
انا: اااه
سفيان: كيجاتكوم نوميديا زوينة
نضال: (بحدة) حشم شوية متديش عليه راه هكا داير
انا: (رجعت حمرة) احم ماشي مشكل نخليكوم دبا
زينب: ياله نمشيو انا وياك
انا: اوكي باي.. مشيت انا وزينب جلسنا حدا بعضياتنا ضريفة وزويونة قرينا وتعرفنا على بعضياتنا وصلات الوقيتة دالغدا وانا نشد الطريق للريسطو
#نعرفكوم_على_الكليكة
سفيان 22 سنة عام التاني فالماستر ضريف وهبيل وزير نساء بامتياز طويل وبيض شعرو كحل وعينيه كري
اكرم 22 سنة عام التاني فالماستر ضحوكي وضارب الدنيا بركلة طويل وصدرو عريض سمر وعينيه كوحل
نضال 22 سنة عام التاني فالماستر جدي طويل والعضلات السداسية بيض وشعرو كحل
زينب 21 سنة كتقرا مع نوميديا حمقة وغير ضاحكة سميمرة وشعرها زعر قصيرة عليا شوي
نهيلة 22 سنة كتقرا مع الدراري حتا هيا عامها التاني فالماستر حشومية وضريفة بيضة وشعرها مكربي وزعر...
وصلت للريسطو جلست كنخدم من هادي لهادي ساليت ومشيت غنيت رجعت للدار عييت قريت شوية وانا نعس هكا دازت شهرين مابين الخدمة والجامعة وامين وملاك لي رجعو كتر من خوتي وحتى من الكليكة رجعنا كنتلقاو فالويكاند وجاو شحال من مرة حضرولي وانا كنغني.. الريسطو تشهر بزاف ورجع فاش كنقرب نغني كيعمر بزاف حتى مكيلقاو فين يجلسو تعرفت مابين الناس وكلشي كيحتارمني الحمد لله.... هاد الايام كنحس بالعيا والدوخة وهاد السيمانة ديال الامتحانات كنضن غير من التوتر وقلة الماكلة...

توقعااااتكم مال نوميديا
يتبع ...

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.