قصة السلالة المجنونة

الظلام و الصقيل جايين 4 لبنات كيتسلتو للكوزينة كيتسمع غير التوشويش ديالهم و كيبان غير ضو البيل فشعكاكت كل وحدة منهم .ضااارت وحدة شافت فالبنات بنظرة حازمة

صفاء :يلاه البنات نفرقو المهام....انا نقلب فالبلاكارات

رتيل :انا بعدا خليو عليا لبلاكارات العالية حيت انا الطويلة فيكم

مروى :انا نقلب فالتلاجة و الفيترينات ديال الزاج

كاميليا :وانا شنو ندير😅

صفاء :نتي أكاراميلو غتحدي العك لايحصلنا شي واحد

مشات كاميليا وشرعو البنات فعملية البحت .هادو هوما ولاد عائلة البارودي..و بيني و بينكم راهم البارود ديال بصح💥.العافية الزرقة كيقولو للبلا طير و انا نطير

نبداو بمروى و صفاء ...توأم حقيقي من نفس الملامح و شخصيات مختلفة.

*مروى لي كتبان للعائلة انها متبتة و مرزنة حيت كتبين ليهم غير الوجه البريء😇 و غالبا بحال هاد النوع كيكون خطر من ايييران... كتميز انها عندها قدرات عقلية زاايدة على لاخرين🤓و كتستعملهم غالبا غير فالتاحراميااات و الدليل انها مصاطحة شي 10 لفيكتيمات فدقة ....هي لي كتوجه الفرقة للوقاية من اي خطر .واخا ذكية الا انه مني كتجمع مع هاد الخليقات كتبدل 180 درجة

*صفاء الضاسرة المدودة ديال الدار كتجي لبنادم فاص و كود هدشي لي مخليها مفروشة قدام العائلة بطاايرانها و بأنها شعالة العوافي حيت عاطياها غير للمصايب👹 *

*رتيل بنت عم هاد الجوجات....واحد العيشورية دمها سخون خاصها غير معامن....خارجة لباها العسكري من الجنب اما خلاص مني كتحط ليد مع صفاء ....قنبولة و كتفركع💣*

*كاميليا بنت عمتهم الملقبة بكاراميلو هي الفتاة الحنون الساذجة نوعا ما😳 .....نظرا لأن الفيزيبلات ديال مخها ماكيخدموش الا فالأوقات الخاطئة و اكثرية كيتسوطاو.....هي الوحيدة عند واليديها لي خدامين ففرنسا و خلاوها معاهم.....كتموت على تركياا و الأفلاام التركية الرومانسية....*

رجوع الى الواقع

حتا جات كاميليا عاوتاني نغزات مروة حتا قفزات

كاميليا بخوف:مبغيتش نبقا بوحدي كنخاف

صفاء غوتات من الجهة لاخرة بالهمس :وااش غتمشيبي فحااالك ولا لا؟

كاميليا بتذمر :نتوما عارفيني كنخاااف

اوووف.. مشاات كتجر فرجليها من تما مبقاوش سمعو حسها .

صفاء :وااالقييتو لقييتوو😰.

تجمعووو البنااات فالبلاكار

مروى :يلاه جمعي الشجاعة ديالك وحليه نشوفو اشمن خير كاين

مروى 🤓

صفاء 😤

رتيل 😠

كاميليا 😟

جراتو صفاء عندها يلاه بغات تحلوو حتا شعل حداها واحد البيل على العينين 👀دواحد راس التيمومة كيفرنس

......:هااا ....حصلتكووم ألمعوقبات ..بغيتو تاخدو الحلوة بلا بياا 😏.

رتيل :ماشي وقتك أجلوول .....نووض تgعد😠 .

جلوول خنزر😬: الرتيلة (رتيل)ماشيي سووقك..واافييناهياا ختي gرملو (كاميليا)هي لي كتفهمني😍

هزات رتيل موس🔪 :غتجمع الوقفة ولا غنطلعو معاك😈 .

مع الخلعا جا بغا يوقف سطح راسو مه السقف دالبلاكار وغوت :وااااميي🤕

كانت هاد الغوتة كفيلة باش تفيق مالين دار ولكن ماشي تفيق كاميليا لي فسابع نوماتها 😴فالباب .

دخل بوشعيب هاز مكحلة وكيغوت .😤

بوشعيب :واالبااروود....الهاجم يموت شرع😲.....أباااان ولا خفتي (على الدخلة تعكل بكاميليا ومع ذلك كمل هضرتو مشبح)...هااجم عليا فقلب دااري....ااناا بوشعيب ولد أمجد . نغزو الحاج أمجد :وااسميي عبد المجيد أأاااالمسخووط😖 .هداا هو كبيير العائلة سميتو أمجد 👴محاملش سميتو لي كتبينو برهوش وديما داعي فداك لي سماه ماخلاهش يرتاح فقبرو

بوشعيب :اييه ولد عبد المجيد العسكري حاربت مع لاليمان والضالمان والبرطقيز...يجي مكمل بحالك يفيقني من نعاس😤 .

رتيل شعلات الضو وهزات يديها .

رتيل :بااا...مالها طالعة لك رااه غي كنقلبو على سطل دالحلوة

محمد :على سطل دالحلوة😕؟؟gولووها لخالتكم زهرة تعطيكم .

جلول :تامالك طيح علك رموك بياجورووو😒.....كون بغات تدوقنا كووراه gاعما كنقلبو هنا فلييل بحاال الطوبة الصلعة .

صفاء دفعاتو :أشنااهي هااد الطووبة الصلعة عوتاني😓.....هاد الساعة مكاين الصلع بوزغبة قدك .😑

جلوول دفعها بدورو :وااماالك مااقارياش الفرانسوية هي chauve sourisr

مروى خبطات جبهتها وماداتهاش فيه :واارااه قهرااتنا بالفقاص المحرووق والحلوة الgاسية تعطيها للضيااف😧 .

محمد :منكم ليها تgعدو ترgدو ونتوما دايرين كي مووكة ماتنعسو ماتخلييو لي ينعس (بدا خارج وتم راجع)..ااه جمعو عليا ديك الخليقة من قدام الباب...وتا أشعيب غا جمع ديك الموكحلة راها خاويا اصلا .

رتيل :هيهيهييي حصلتي😛

طلعو الرجال ينعسو وبقاو الكليكة كيضورو فعينيهم .

جلول

مروى :فخباركم بلي ديك بابا عجينة كتقلب على خلا دار بوها😑 .

جلول :☝ايوا....مدويوش ليااا بحاالوكا..على gرملو .

صفاء شداتو من لكول :نااااري..مك تااليووم تمووت شهيد 😡.

""تحماو عليه رتيل ومروى....شدوه من ايدييه و من رجليه... وخرجوه جهة لابسين...""

مروى :نوريك كيفاااش كتنفس الحووتة 😉.

رتيل :لا...نوريوه كييفااش كندفنوو المييت 😈.

جلول :انا لي غنورييكم جرية النمر المقنع😏......هووووويااااااااههه.....

""بدا كيفركل بين يدييهم ""

""شداتوو صفاء زيرات عليه من عنقوو حتاا خرجوو عينييه👀""

""هناا رتيل ومروى بدااو كيزعلوو فيه بااغين يلووحووه فلابيسيين ""

جلول :ويييييع...غيااكلني...القرش😱 .

صفاء :ششششش.....سكت ولا ناكلك اناااا👹.....

جلول بخوف :اووكيي😨

رتيل :1....2.....3...

""بشاااااااااااااخ""

""جلووول مبقااش كيباان حتل لتحت مشاو و خلاوه كيبقبق ...... وهووما رااجعيين بان لهم الحاج أمجد مخشي فالبلاكار كيحل فالسطل ..وكيغنيي بصوتو المخرشش كشي راديو قديييم📻 .""

أمجد :وييلييي....كنتي بين يدييااا وخلييتك طيري ويليي وييلي🎶 ...تعاالي لياا آااااجييي نردوو لياام ياا الحلوووة يااا الحلواااااة🎼(تحية لي قراوها بلحن) .....

صفاء :هااداا...اااش...كيديير...

أمجد :وااااميي هادشي غي فقاس😨....يااااوهاادي تخوييرة ساانك ساانك 😰....

رتيل :الحاااج....شهااد الهضرة 😞.

أمجد :تصبحوو على خيير

""مشاا كل وااحد تخشاا فبلاصتوو وجلوول بااقيي حااتل كيتجاالب فالماا ""

**جلول ولد الجارديني🌹✂....عضو من الفرقة..هو المقموع المكلخ فييهم.😕...مخو شاادو كلاكاج...هادشي لاكان عندو ااااصلاا😰....كيقرا مع البنات فنفس المدرسة.....ودارهم كينا فالفيلا لدااخل...**

🌞صبح الصباح🌞

فايطاج خاص بالبنات... (كامي_رتيل_مروى_صفاء)...

كاراميليا و مروى كيفيقو بكري يمشيو....أما واحد التنائي رتيل وصفاء👭 .....معندهمش وقت محدد ديال الفياق.

فاقت رتيل شافت الساعة لقاتها تسعود...ومايمكنش لها تغيب حيت ليوم لكونفوكاسيون ديال الوطني..فاقت كتجري لبسات حوايجها بان لها بيت صفاء باقي مسدود...فرعاتو ودخلات وكتزعزع فيها..

صفاء مقلوبة :ااااش كاااين صبحناا عالله

رتيل :وااتي نووضيي لمك ليووم المووتشو يقلز لنا وسط القييسم .

صفاء بعينين ناعسين :علاااه شحاال فالساااعة..

رتيل بشوية عليها :ياالاه تسعود ونص ...

صفاء :اييواا وااخا بااقي الحاال...شنااواااا😨

""ناضت كتجري بدات خارجة حتا وقفاتها رتيل...""

رتيل :غتمشي بهاااد الحاالة؟؟

""كانت صفاء لابسة ميني فونتخ وسروال ديال النعاس""

صفاء :مالها هاد الحالة...راه هادا الستيل...واصلا انا المظهر هو آخر همي

رتيل :عنداك غي يشوفك بااك...

صفاء :فين عمر الوااليد دواا على اللبس....زيدي قدامي..

""مشاااو كيجرييو للبااب حتاا وقف علييهم شعيب...لي gااع النهار وهو هااز المكحلة وكيضور....""

شعيب :واامياااا خلييفة....

رتيل :هااوييليي حاااي ....باا شرفتي وهترتي...

شعيب صوب عليها بمكحلتو :تيي راااك...كتقلبي على خلاا داار بووك....

صفاء بلا مبالاة :لوااليد قاال ليناا...بليي رااهاا خااوية..

بوشعيب :اييواا خلي باك ينفعك (صوب المكحلة فسما)

وااااالحاااافييظ الللللله (بااااااااق)💥

رتيل :وااااااامييي😱 (علقوو)

بوشعيب :المرة الجاااية تجيي فك.....واااتيي وقفي ابنت محماااد...غااصبريي دباا نقوولها البااك.

صفاء :سييير قوووولهااا..

شعيب تابعها :شتك ماابقيييتييش تحشمي ...

صفاء زادت السرعة :واااااتفراااق علياا...رااه غنسقط

شعيب :على نتي نااجحة بعدا..على هااد السييفة لي غااديا بها ولاهلا طفرتيه..

""تعكل بحجرة وطااح""

رتيل تمات راجعة :واااباا

جرااتها صفاء :تيي يلااه..رااه غيير كيدييرها بلعااني...

شعيب :هااكاا مااماا....رااني سااخط عليكم بجووجاات..

""علقو البناات هربانين حتا وصلوو لابيسين""

رتيل :اوييليي حي فيناوا جلول ....

صفاء :واااش كتسنايه يبقاا حي زعماا

رتيل :الله....الله..غيكون داب زعما ..؟؟؟

""جلول لي كان مربع فالgازو وداير بيه الدبان وهو كيسحاب ليه راهم فراشات...مع جلسة كيووت وداير بيه الورد (بلعمان-خبيزة-الشرياط :هاادو هووما احسن نباتات بالنسبة لجلول ) ""

جلول كيتحلون :راااه غااسكاار لي كيدووب فالماا.😍.

رتيل :السكر..رااه كيتجمع عليه النمل والنحل مااشي الدبان

جلول :ومااالوو الدبان مااشي رااجل.

صفاء :الدباان كيتجمع غيي على الزبل..

جلول قلب عينيه :طلييه ان شاء الله..وااابقااو تاابعيينيي اناا رااه مغاانمشييش....حيت ضاربني البرد.

رتيل :نتاا رااه ضااربك الله...؛؛جرات صفاء وخرجو...

<<فلاااااااش باااااك🔙>>

⏰من بعد ما البنات طلعو باش ينعسو من بعد ديك الليلة.. كاميليا لي كانت باقا مشبحة حدا البااب ماداها فييها حد....ناضت هزاات الصناارة ديال محمد ومشات جهة لابيسين.... نعم انه بوغطااط...

كاميليا :اااححح الحاال مشمش اليووم 🌞ااه .من ٧

""رمات الصناارة حتا كتفاجئ بهاا تقييلة .""

كاميليا :الله الله ليووما نفطرو بالقرش🐋 .

"بقات كاتجااار معاها تابان لها جلووول ""

جلول :اااع.......عتقتييينيي😣

""تشبح فالارض وهو يغمض عينيه ""

كاميليا بصدمة :نااريي ميي ماات😱 .

""جمعها معااها جلول بتمرمييقة :يمووت عدويا ليي مايبغيني😒....زيدي دخليني لداار.....

كاميليا فاقت :شتك كتشرط😕 .

جلول كيتمسكن :شوفيي رااه لا مت...غنقولييهم نتي لي قتلتييني😌 (اللوووجيك اعباد الله)

كاميليا بزعفة :يخخ ...تفوو... زيد قدااميي😤.

🏫في المدرسة العليا ديال المدينة🏫

جالسين جوج بنات شاادين العسة على طوااليطاات فالوقت ديال الاستراحة

مروى :هااد الزمرااات تعطلوو

كاميليا :تيي ولاهلا دخل حد الا وحنا مجموعين ..

"حتا تكبو عليهم .."

صفاء :شتو ماتقدرو تديرو حتا حاجة بلا بينا

و دارت هاي فايف هي و رتيل

"تم داخل وااحد المزغب بحال القرد وقفاتو رتيل ""

رتيل :فييين غاااديي اشرييف..

الولد :دااا..داااخل الطوااليط

مروى ببرودة : 5درااهم

الولد :شنوووو....تاتغسلوو الطوااليت بفااني..

صفاء :اييه وااخا..نتلاقاو موورا ليسي...رتيل وجدي الماطريال.

بدا داخل وهي تشقمو رتيل:تعالا الخوينز تا فين غاادي

الولد تنفض منها :واااغاادي ندير بيبي

رتيل لاحتو على صفاء :هااكي ضبرت لك على خدمة..كيليميني تفو

صفاء دفعاتو برا:سير خرج قبل لانجير فيك شرع يدي

شداتو مروة ركلاتو لترمتو تا طاح ساجد وجات ترمتو معلقة وتسمعات و تماات خاارجة وااحد البنت شداتها مروى""

مروى :ااوقفيي.. بحالا نسيتي شي حاجة

البنت :هااكيي

""كملو البنات خدمتهم غتكونو كتسائلو مالهم على هاد الحالة واش ماكينش ادارة تسائل فهاد الموضوع.هاد المجموعة جامعين شي اسرار تقدر تخرب حياة المدير لي هو صديق قريب للعائلة منها الخيانة ديالو لمراتو و اخد الرشوة من عند شي آباء على قبل النقط لولادهم دكشي علاش مخليهم دايرين ما بغاو فالمؤسسة...ضارو لقاو دك المزغب باقي مكسل كي بوبراايص.

كاميليا :نووض أ أشكم (حبيبي بالتركية)..راك عيقتي..واخا يكون طايح علك رموك برملتو.

ناضو البنات وخلاوه .

رتيل :البناات..مفياش لي يدخل عند داك لموتشو..بقا..يقرا..يقرا..حتا تمسخ

صفاء :يلاه نقزو الصور

مروى :اوييليي..انا عندي سمعة مزياانة...مغنخرجش على رااسي بتحنقييزة..

رتيل :زييدي..راك غيجي نهااار تشوهيي

كاميليا كتبقلل :انا ااخر مرة نقزت..نقزت فيها السطر

مروى وصفاء ورتيل خنزرو :يخخخ على حااااامضة..

صفاء:غنكاسيو صافي ياك كاتبين الدروس و الفيزيك يفهمو لينا الوليد

""زعمات صفاء وطلعات هي اللولة فوق الحيط وتبعاتها رتيل مزروبة..""

""بان لهم داك المgنفد جااي كيجري وكيشالي بيدييه""

جلول :واااا السفة (صفاء) واااااارتيلة (رتيل)....وااارجعوو رجعوو...رااه قتاالت الجران جاية

""صفاء مع الخلعة رجعات لور ضرباات رتيل برجلهاا تاتلاحو...بااااااااق.....تجمع كولشي عند الشراجم كيطلو.....""

كاميليا :واااا أردووغاااااان..

تلااحوو منشوراات فوق كاميليا..مسكينة ديماا كتجي فيهاا الدقة ...

مروى :واانااريي..قتلتووو كاارااميلوو..

""فهااد الاثناء...جلوول لاح سبرديلتو هي لولااا...جاات المروى فنييفهاا....وهي تدووخ طااحت دووودة...على لاخريين.."

جلوول نقز الصور :واااgرملوو(تلاح فووق منهم)

""سمعوو الوقووف دياال لوطو ورا الصور ديال الليسي.ناضوو بدون تفكيير كيقاادوو حالتهم..""

""دخلاات بخطواات تااابتة وااحد البنت شاابة..مزيزة على الحاالة حيدات نضااضر دالشمس.. وتقدمات نحو مكتب المديير..بلا مباالاة بهم ..""

المدير ناض قاافز :الآآنسة هناادي....شرفتييناا بقدوومك..بيخيير ؟؟

هنادي سلماات علييه باليد :لابااس..أسعادة المدير..نتاا صاافاا..؟؟

مدير :(فخاطرو:مممم منهاار دخلو ليها قبيلتك وعمرني شفت السعادة) هه الحمد الله. ..تفضلي..

هنادي ضورات عينيها فالمكان بابتسامة :اممم. المدرسة بااقاا كييفماا خلييتهاا...وخاا دازت 5 سنيين على قدومي لهاا...

المدير :اااه ابنتي...عمرناا منسااو كفءاات دياالك...كنتي هاازاا المدرسة الفووق.. (مااشي بحاال دووك المقوبعين دياال خووتك)

هناادي :رااك عاارفنيي علااش جيت..نسول على البناات.

""كاانو البناات متكين على البااب كيتصنطوو حتاا جاا جلوول كيجري باغي يتسنط دفعهم وهو يتحل وطااحو""

صفاء دارت رااسهاا ماافخباارهاا واالوو :الخواادرية... شكااديريي هناا.

هنادي 😌

المدير

***اييه هنادي هي أخت صفاء ومروى لكبيرة..عندها 26 سنة كتقراا الطب..وبما أنهم كيدييروو التجاارب على الجراان🐸فمسمين علييها قتالت الجران..مغاايرة على البناات من حيث الشخصية...عقلاانية..هادئة..وكتفكر غيير بالعقل...و واخاا هااكااك ماسلمااتش من الجينات الغبية ديال عائلتهاا...وواااحد الزهوانية منها مكاان..مهلية فرااسهاا💅..وكتآمن بالمظااهر....**

هنادي (بلا مبالاة على صفاء): مهم😒....

جلول قااطعهاا :واااقمعة..

مدير خبط البيرو :احتاارم رااسك..رااك فمكتب المدير..

)جلول قفز)

المدير جمع فمو..

""مروى مشاات جييهتوو وحطاات يدهاا على كتفوو..""

مروى :إذااا كنت أنت معاادلة فأناا الحل..

جلول دمعو عينييه وخاا ماا فااهم واالو...

صفاء :عشيريي..الدم وااحد..وخاا يخونوك..حنا معااك..

""جلول بدا يتنخصص...

جاتت كااميليا حتا هي كتبكي حالا يدييهاا.""

كاميليا :جلووول اييييي

جلول عنقهاا :gرملوووو ايييييع

"بقااو يتبكااو وهنادي والمدير غير كيبقلو😕..""

المدير لهنادي :هادوو ماالهم ؟؟

هنادي كتافات بالتبقليل ومجااوبااتوش ..

تاانقز جلوول كيفرنس وخنوونتو دايزة :واااع قمعة😜..

هنادي غمضات عينيها ودارت عند المدير :كيما قتليك..اناا جيت نسول على هاد التلاتيي.. (على رتيل وصفاء وجلوول )

كاميليا ببلاهة :واناااا ؟؟؟

المدير :اييه تبارك الله على هاد الجوجات...نموذج فالاخلاق...بعداا مروى كنضن هي لي غتكون الخليفة ديالك..دمااغها نقي ومرزنة...

مروى :لهلا يورييك...أ..أ...ربي يخليييك.(ضحكة صفرة )...

""دووك التلاتي جااو ورا هنادي وبدااو يتحلفو و هما كيقفقفو بلخلعة

جلول لي مااعارف واالو غي كيخرج فعينيه👀 ومرة مرة كيقلز..""

المدير بخوف :أ..أ...تااهادوك غي ضالمينهم رااهم الضراافاات...خاصهم غاا.. (رتيل قجات رااسها زعماا غنقتلك)...أ.. ..مخااصهم وااالوو.

هنادي عاقت بهم :ممكن تخليوني مع السيد المدير ..

مروى :ممكن تسكتي

هنادي :ممكن تدخلي سوق رااسك

جلول :واااقمعة...

مروى مرضاتش :سوقي فصندوقي انا نخرا ونتي دووقيي...

المدير :واااع على معفيينة..أجي على ذكر هااد الكلمة الله يخزيهاا....شكون كيضل وااقف على الطوااليطاات كيشد الفلووس..

كاميليا :كوولنااااا....ولكن رااهاا صريفة صحييحة كدخل

صفاء :واااع طليتو خضر.........أ....فاللوااان..

رتيل :وييك وييك...على شووهة..

جلول :أسيييدي المدير☝..حناا كنسااعدو فالنمو الاقتصاادي ديال السكويلة..ومنه الحفااظ على البيئة السكويلية...والتريكو...

كاامي :هااي هااي على جلول والعربية الفصحة😍..

مروى :وترييكو لااش..

جلول ببلاهة :لااابسووو

رتيل مشاات عند المدير فودنو :حقي نقسمو معااك...انا مية فالمية💯ونتاا الباقي....

المدير داار ضحكة حتاا تسدو عينيه لي مكيبااانوش مع دوك الحنااك :مشااااااات.

مروى سمعاتهم :بقيتو تقرااو تاتسطيتوو..

""خرج المدير مع هنادي تسالمو حس بشي حاجة دخلات شركات ليه الكلاويي مع المعدة..دار بانت ليه صفاء كتنغز فيه

صفاء :اووستاااااد...وااااأوووستااد..تكلم لييهم

المدير قفز :شكوون

صفاء :خلييني محتاارماااك....تكللم لماالين المكاان😈

ودااتو لمكتب مع دخل هز رااسوو وهو يلقاا العصابة....مروى جالسة فوق المكتب بدوك نظرات ديال لغانغ..رتيل جالسة فالكرسي وحااطة رجليها على المكتب....وااقف حداااها جلول...هز عينيه لقا صفاء وكامي وااقفين علييه كي الزلط...""

صفاء :شنووو قاالك هاادااك الطاارو دراسك..

رتيل : ممم واقلة نسيتي مرتك لي كتخوونها مع دييك الاستاذة...شداكشي قلتيه لهنادي لي كحلتي لنا معاها الضوسي...ها؟؟

المدير كيقاد فنضاضرو :والله تااا نضربكم بتقريير..

رتيل كتوجد :انا لي غنضربها لك بشوهة

صفاء شدااتها :لاا...لاا...غي نعيطوو على الحكومة ونرجعو اللووور...

المدير تخلع :لا....لااا.....اناا مزاااوg..إلااا توورية (مرتوو)..

جلول :اممم بغيتيناا نسمحوو لك ..

المدير كيمسح العرق :اييه.

جلول :غتمشي تجبد ليا من الخزانة 2ستيلوات زرقين..خضرين ..حمرين..4كنانش(دفتار كتاب) كبار..كنانش صغار..وكاارني..

كامي :وكاارني لااش.

جلول :نقيدو فييه الكريدي لي كنتساالوه لصحاب الطوااليطات .

رتيل :شنااوا...تااوالله ومحااط لناا منيوول (مليون) ماايتgعد من هناا..

المدير :انا مليوون...كنحشم تاانطلبها من ربي فالسجوود.

مروى :على نتاا..كتصلي..كنصحبك يهوودي..

صفاء :ورااه حناا لي يهووديين..لي باركين ندييو ونجييبو معااه فالهضرة...

كامي :صاافي...صاافي..شوو غتعطي لجلوولتي دااكشي لي بغاا ومرييضناا معندوو بااس

جلوول :الله يعزك أgرملووو

""خرج جلوول كيفرنس كي رااس المشوط وفرحاان..بهاادوك الكناانش لي عطااه وكيحسب فالورااق شوية وهو يغوت ""

جلوول :آااااااتسناااو

صفاء :الحلااقم...ماالك

جلول :قولبني عطااني كنااش مكتوب فيه تلات مية ورقة وهو فييه مية وخمسيين ...

""ضرباات مروى جبهتها بيدهااا من كترة غبااء هااد المخلووق العجيييب..""

مروى :دييك هناادي كتوصل المدرسة كتسيف....كتبدا دير فها هاااي كلااس...

صفاء :بفووووو..بناادم مووناافييق...

اكيد كتسائلو كيفاش هوما منوضين هاد الحالة فااكؤسسة و بافين كاتاخدو معاهم تا اجراء ببساطة حيا المدير كانو عندو ديون كتيرة و جدهوم هو لي سددهم عليه و منكرش الخير ديالو و صابر على هاد المصيبات

""مشااو وصلوو لفييلتهم دخلوو من البااب لووراني..تفااديا من أي هجووم..تنقز جلوول""

جلوول :واااااع شووفو الكراطن كيمشييو بووحدهم..

""ضاارو كيتصدمو برجييلاات كي عوييداات بوولو لابسيين حلومة...وصبيعااتو كيلعبوو...مع طلعو عينيهم طااحوو الكرااطن..باان وااحد المخلوق...شعروو صفر مسبووغ بديكاباج لي شاط على مرتو....كحل مشوط...طوييل ومسلووت...مااتفرقش بينو وبين نواار الشمس🌻..سميتوو جميل..ولكن لا علاقة له بالجمال.وهو الجاردينيي...باات جلول...""

جلول :وااابااا.....جمييل.

غنفدو :كااانgوولييك..وليي gوليا..باابا جوني..

مروى :شووف أعمي جميل...هااديك الكلمة..بلاا مااتبقا دوور علييها..رااه كتسماا تخصاار الهضرة فمجتمعنا..

جميل هز كتاافو :مااشي شغلي...سميتي جووني هي جووني..

مروى :كنكبو الماا فالرملة..

جلوول :بااينة غتجي بحاال نسكوييك...

""طلعوو البنات لبرطما لي فييها بيوتهم وجلول تاابعهم

صفاء :شنووو؟؟؟

جلول بقاا يدور فعينيه :بغيت شراايبة..

رتيل :الما مقطووع فدااركم...

كاميليا :صاافي..حشومة علييكم غاا خلييوه ..

جلول :ربي يخليك أgرملوو....

مروى :بوووكييمووناات...بوركابي قااليا نتلاقااو..يلاااه تبعووني نسطييوه وااحد شووية..

الفرقة :يلاااااااه

مروى :جلوول....ماالك..مهااضرااش معااك..كتشوهني..

جلول شد ليها فركاابيها :حمييمتك منبقااش نعااود😣...ماندييرش البساالة..

رتيل :ياااك ضااربك البرد..

جلول :شكوون gااالهاا لك.

صفاء :ناااريي قااال شكووون..

مروى تنهداات :ياالااه سيير لبس شيي حااجة كلااس وجيي...

جلول :يااااااااي (مشاا طااير)

بعد دقائق تلاقااو كلهم فالجردة...وحلوو فمهم...

رتيل :جلووووووول...

كامي :تباارك الله..الزيين ولااطااي..كوولشي كااين..

جلول خرج لساانو لرتيل :شتي نااس لي كيفهمو

رتيل :وااااش يعرف القرد فالفرييز

مروى :نسيتي دييك...ياااومنكدب شااي🎶؟؟

صفاء :زييدو..زييدو..أماا شيفوور مكاينش لي عندوو شي فرااقش يخدمهم

""غاادين فطرييق ومقرقبين النااب ""

كامي :جلوولتي....مقلتيش لياا..شبااغي ديير وراا البااك

جلول هبط رااسو بالحشمة :غنتزوج...

مروى :شنااواا😨...وااتاا ااش بااغيي تخدم ..

جلول :أناا غنااخدهاا خداامة...بااش تصرف عليا

كامي خنزراات :جلوول..توgد معااياا.

جلول :صاافي غنولي بيلووط

مروى :عول ديير بييهم كسييدة فالسماا..

صفاء حلاات فمها :صاام حتاا صام..وفطر على جراانة

جلول :توووماا سيييروو..اصلاا البااك كيعني bienvenue au chômage

مروى بصدمة :واااش فااهم رااسك...اااش كتقوول..شكوون فهمك...

جلول :بحاالا حااgرااني

رتيل :لا رااه حاgرااك نيييتت

كامي :اااصلا هو كيجيييو يفهمووه 2 كلمااات...كيبقاا فااضحناا بييهم...

""داازو من حداا وااحد زوجاا ليماامة كيتعنب علييهاا""

الولد :وااش نتي سفة ولا دفة ولا علييك نتوفاا..

رتيل من بعيد :وااش ..نتاا عنييبة..ولاا اتااي بالشييبة

الولد :كوون نعرف الداار...نجيب مي والسكاار..

صفاء من بعيد :كوون مااعرفناك حماار نسيفطو مك السبيطاار.....

مروى :اممممم الشعر زعماا😩...

رتيل :واااالللن يتزوجكييي😆...

الدرية شدااتها البكية :وااش بالصح😟...

الولد :على نتي..كتسناايني نتزوج بييك😰 ...

جلول :ويييع قمعة😂...

الدرية طلقاات البكية :صااافي تفاارقنا😭 (ومشاات)

الولد هز كتاافو :لماا والشطاابا (داار عندهم )شكرا على هاد الحسنة.. (وزااد فحاالو)

صفاء :ليووما تلووح ليك تصييورااتك فالمجمر😏..

رتيل :لاا غيي تمشي لgرووب يشبعو فيه البناات دعواات😌..

كامي :باالااه..ياانتصااحبوو كااملين..ياانخربووهااا😛..

(وزااادو فحلااتهم )

مروى :شووفوو تخبااو...حناا ندخلوو لريسطوو..وتكبوو علييناا...اووكي ؟؟؟

جلول :لاا..أختيي مااشي أوووكيي.

""صفاء كالعادة جرااتو من الكوول وتخبااو وراا الشجر""

ججلول بالكلاص 😂😂😂

جلول بالكلاص لي بغاات الحلال هاهو مووجود😂😂😂

مروى :سلاام

زيد :سلاام..دخليي

مروى :ماال القهوة تاااع باااك...

زيد :هههههه...غيير زييديي

يلااه جلسوو وهو ينقز جلول :هيييلوووو...

رتيل بزعفة وهازا خناافرها لسماا :سلااام عليكم...

صفاء :لاا سلاام على طعاام...

كامي :هووشكاالدنييز (مرحبا بالتركية )

مروى بضحكة شرييرة 😈:هاادو عاائلتي...غاا قلت لييهم كوولشي على حساابك..وقاالوولي واالوو نمشييو نشووفوو نسييبناا...

زيد ضااقت بييه ومع بتساامة مصطنعة :مرحباا...شنوو تااخدوو..

كامي :تااخدك المووت..

صفاء :لبييصارة..ولووبياا...والسردين مشوي..ونهضم بأتااي.

مروى :2 بيتزاات رويال...مع 3 كيسان ديال بانااشي.

رتيل :لي بااط🍝..وجووج كيسان عصير🍸..ودبانة مشوية..وجرانة مقلية

زيد بغا يدير صوااب ومفقوص :وبااش غتهضمي..

رتيل :غاا خلييني..لي شااف وجهك غيهضم غاابالفقصة

كامي :انااا جييب ليا كوولشي فووق 60 dh

جلول هااز الموني (menu) :اممم اناا بغييت قصرية ديال كسكسو مع اييتروو داللبن..وقصرية صغيرة ديال الرفيسة بشيي فرووج بلدي وتكوون مسgية مزيااان ...مع شي طبسيل ديال المرقة بالفريت..و2 بوكاديوساات..وبغييت نهضم ب4 درااهم زرييعة..

""كوولشي خرج فييه عينييه"

كاميليا :رااه ماالف كيااكل كتاار من هااكا...بغييتو خوويا جلوول مسكيين يبقاا بالجووع..

رتيل :هاادي ماشي كرش رااها شااكوش دعمتي نهار كتساافر😰...

زيد :لااوااه لااوااه (تنهد بالفقصة ومبغااش يبين )

صفاء :بحاالا تفقصتي أنسييبي

زيد :هه لاا..لا.. (حطو قدامهم دااكشي )كوولوو

كامي :ونتا ااش غتااكل؟؟ .

زيد :غنااكل جناابي..أ..أ..غي كوولو بالصحة...

""جلول تقوول عمروو مااداق النعمة...غااا تحطت لقصرية وكب فييها لبن..وبداا يااكل كوولشي فدقة..كيلgم ويخشي يدوو كاامللاا...

معس كوولشيؤ ولgم لقمة هاازهاا بجووج يديين تفلق رووناالدوو وكلااهااا...""

رتيل :هااداك فم ولا قاادووس..

جلوول بفموو عاامر :هااداا مستقبل ناامووس...

""بداات خنوونتوو كطل ماا مسحهاا غي بكموو ويدو وهز لقمة ومدها لزيد ...""

زيد (مخصر وجهو حيت عااف) :احم..لاا ...بلاااش...

جلول :وتاا كووول النعمة gاااعماا كنفخوو علييهاا

(يلااه بغا يدوي خشااها ليه ففمو )

""زيد هز كااس دلماا بداا يشرب وهي توحل نقز علييه جلوول بدقاات لضهر تاسااسو تقوول كيطبل فأحيدووس 👏وكيدوي وفمو عاامر بكسكسوو تقوول غي مدفع كيتفرgع""

جلوول :حلاااال علك...تشرg لعمتك خت بووك...أصgع😦..

نقزاات صفاء فووق الكرسي :ياااااومرحباا بيييكم😃..

كملات مروى :كوولشي على حسااب هااداا😉...

""نااضو الكليان هاالي كيااخد المقلي هاا لمشويي..""

زيد بهمس ومعصب :ااش درتي😠..

رتيل دفعااتو :تداار لمك فالعمر 😒 ....

زيد :سكتي نتي مدااويش معااك😡....

""ضاارو كلهم كيتسنااو الجملة الشهييرة دياال جلوول ""

وهو يخرج عينييه :ماالكم😰 ؟؟؟

كامي :مااديوش علييه...رااه ملي كاايكوون كيااكل كيطيير لييه الرييززوو😬...

جلول تشااش خاارج لييه من فمو :عينوو (تسنااو)عينوو حتاا نسرط وهاانا معااكم😀..

مروى :نسااو علييكم هااد المgنفد...نتاا أزيدووش رااك عاايرتي لياا بنت العميييم😑....

رتييل طبطباات على كتفها :متخاافيش مكنخلييش دقتي😉 ..

شنقاات علييه كترااري بييه :أاانااا رتيل بنت بووشعيب العسكري يجي ميخي بحاالك يعاايرني..

زيد :وااغير نتفااهموو.

رتيل :فكر فييهاا قبل مااتقمعني ودااباااا...يلااه المسااعيير هجوووم...

""نااضوو كلهم شي يضرب شي يقرص شي يعض شي ينتف ....وياا وييلوو إلى تدخل شي سرباي يشركووه معااهم.....بحاال وااحد العور بنضااضر دياال قااع الكااس👓 دخل يفك شركووه مع زيد....قسمو ليه الزااج دياال النضااضر...ولاا غكيعمش وجلول كيلgم ويخشي ففمو....وبعض المرات لا جاو حدااه يضرب....مهم يفدي دقتو وخلاهم حتاا سلااو وطااح زيد فووق الكرسي سخفاان....هز كااس فييه جغمة داللبن دفل فيها وشير علييه بييه....تماا ناااضو ماالين القهوة شي يخبط فشي....ودخلو البوليس ترونت القضية والفرقة تمو خارجين كيتسلتو حتاا غوت جلوول..""

جلول :واااانسييت القصرية..

ضارو البوليس ودااك الحول بداا يغوت :رااهما لي نوضو الصدااع

جلول مادااهاااش فييهم ومشاا هز القصرية وهرب...

الحول السرباي :واارد القصرية ألحمااار....وااروود..

""شير عليه بقرعة جاات الجلول فراسو الحمد لله كاانت غاا بلااستيك..""

خرجو من القهوة كيجرييو وصل جلول حدا وااحد الكلب🐶 لااح الكسكسو فالطاسة دياال الكلب ورجع عند السربااي ""

جلول :أناا واللهماا تبقاا فياا الدقة...قبييلة فرشخوو ليك النضااضر...أنااغنفرشخ لييك المخ..على بركة بووياا جمييل...باااااااق

(فشخ علييه القصريية حتاا سخف وهراااب)

رجع عند الكلب ودفعوو بخصروو :كحز لهييه بغيت نااكل..

(يلااه جاا بغااا يلgم وهي تجروو كاامي)

ومشااو الفييلا كيجرييو على الدخلة تلااقااو بمحمد جاي من لافااك (أستاد تما)..

محمد (باات صفاء ومروى وهنادي) :الشبااب....ماالكم كاتنهجو؟؟..

كامي :وااالو أعمي محمد....غير مع الصهد والبرد....

""سداات لها صفاء فمهاا حيبت خدموو ليها الفيزييبلات دمخها ومعرفااتش تمتل....""

جلول دخل لدارهم داايخ

""جميلة أم جلول مرة غليضة و سمرة كتعااون المروات فالشقاا...""

جميلة :واااالحنش بووسكة...فين غاادي بديك الحاالة

جلول :رااني تعرضت لوااحد موولاي سنااك..وضربت وااحد موولاتي قصعة مع اللبن امممم(مص صبعاانو)

جميلة :داااير كي المنشاار طاالع وااكل هاابط وااكل..

جلول :خمسة وخميس عليا من عين الحااسوود (كيمسل فعوييناتو)...

""دااز الوقت جلول غاادي جااي لطوااليط كي الموجعة ..""

جلول :آآاامييي..آآااميي.. غنمووت نوصييكم حقي من الورت..ميااخدوو حد...

جميلة :ايييناا ورت؟؟....حناا رااه منكساابو منعلاامو...

""جلول دخل طوااليط غي نااض ورك على لاشاص وهي تفرgع من الجهة لااخرة (بلاصة الدووش)نقز جلوول بلاا سرواال طااح على قلقوولتو...""

جلول :آآااامييي.. .آااش هااداا...الإرهااب...ولااو يفرgعوو بالخراا💩..واااناارييي وتعاالي تعاالي....تشووفيي طوااليط..تقيااات.....

""جميلة جايا كتجري كي البطة وهاازا فيديا مجمر ريحتوو تعطعط ....""

جميلة :واااهياا...ربييي...عويينة وحدة رزاااونيي فييهاا..

جلول من لدااخل وبااقي مكسل :شووفي بالعين لااخرة

جميلة :لاا..لااا...تاابااين لياا مسااحييش....الله يااولييديي سحروو لك الكفاارة بالله.....غداا نمشييو نفووسخووك عند مرواان بن عبد السلاام....

جلول خاارج كيهز فسرواالو :هاادااك رااه برااسو....خااص لي يفووسخوو...حيدي من قداامي...

دخلاات جميلة لطواليط وهي تصدم :سيير أولييدي كييفماا فرgعتي لياا الكاابينة...الله يفرgع لك المراارة....سيير أولييديي كييماا بووشييتي لياا القرقاارة....الله يبووشي لك المصراان (استمراات فدعااوي البلااا)..

عند البناات لي كاانو داايرين بيجاامة باارتي وماا على باالهمش حتاا كيسمعوو أصواات :باااق....بييييق..

نقزاات كامي :شنوو هااداا..

صفاء :واانووضوو..نشووفوو شكااين...

""خرجوو البناات كيتسلتوو..""

رتيل :الصوت جااي من طوااليط..

مروى :نااري...ونلقااو فيييها شيي حد....غيبووشييهاا ليناا...ويييع

☆دقاات كامي بشوية.

رتيل :تييي حيديي...واااش من نيتك..حيديي (بداات كدق الدقاان تااع البووليس شوية ماا تفرع البااب)

""خرج جلول كيتكسل وتاابعااه الرييحة...""

صفاء :وناااري...فرعتييي القاادووس

جلول :لا رااهم مصاارني لي شوية.... وميتفرgعوو😤...حيدووو من قدااامي...

☆سداات كاامي طوااليت وهي زااماا على نييفهاا...

توجهوو البناات جهة بييتهم بااش يكملووو الحفلة...وجلوول تاابعهم..☆

مروى :أداااك عوج السييفة....فييين غاادي

جلول ببلاهة :أ.....غااادي تاابعكم....راه

رتيل :وفييين..

جلول :في ترمة الفييل.....ويييع قمعة. ..

كامي :صااافي غااخلييوه معاانا. .

صفاء :تييي...غااقوولي ليااا..وااش سااحر لييك...

رتيل :صااافي...ياااك تااهو عضو من المجمووعة...

جلول :ههههههههه أناا هو المعدة..

كامي :نتاا رااك الدواارة كااملة...

مروى :نتاا هو المصراان شخصياا...زيييد وباارااكة من الهضرة...

☆دخلوو لبييت وداارو دواارة وتربعوو بااش يلعبوو action vérité /حكمة أو صرااحة....وجلوول شااد نص الداائرة مكسل لييهم تماا كي سgيطة دالحولي.....دوروو القرعة جاات فجلول مع رتيل ...☆☆

رتيل :أناا بغييت حكمة..

جلول :امم....مضربنييش سييماانة...

رتيل :شنااواا؟؟؟...سيماانة كااملة...ونتاا أخوووياا وجهك غيير دياال تمرمييق..

جلول :تااناا ملاااعبش(بزعفة )

صفاء :لهلااا يلعبوو لمك...

كامي :حشووومة علييكم...راااه مسكيين معندووش خووتو يلعبوو معااه..

جلول كالعادة تأتر :نتي لي كتفهمييني أgرملوو... اييييييييع ...

مروى :صاافي..صاافي بدلوو هاااد اللعبة...يلاااه نلعبوو بالمخااد...

جلول شرع فموو :ياااااه...بحاال الgور...

☆هز كل وااحد منهم وساادة وبدااو كيلعبوو بشوية الشي لي خلاا جلول يقنط....مباانت لييه غااوااحد موولااتي مسند محطووطة بووحدهاا فوااحد القنت.. مشاا لييهاا هزهاا ومع ابتسامة دياال المعوقيين...☆☆

جلول :gرملووووو...

وخبطهاا بييها بالجججههههد حتاا طااحت سخفااانة..

جلول تصدم :ياااء.....واااش نتيي مصوبة من الفرمااج..

مروى :نااااري.....أسgععع اااش درتييي...

جلول :داار لك...درت كييفماا كااديروو نتووماا...

مروى شاافت فرتيل :زعماا تبقاا عاايشة...

جلول :ياااه...خااصها التنفس اصطناااعي...

جرااتو صفاء :تااازييييد المووك..

جلول :دباا غتتفهمووني....لاا..

صفاء :وااخاا نفهمووك....مغااتفهمش ألمستووه.

رتيل :فخباارك...هاااديك المخدة رااه فييها أدواات الدفااع ديااولي...إلى هجم عليا العدو(3do ) فلييل..

جلول :ماالك يصحااب لييك رااسك فالقشلة...ولاا باا بووشعيب عمر لييك دااك الطاانطوو...

رتيل خبطااتو لرااسو :داااكشي كبيير علييك أسااط...

جلول بقاا حاال عينيه :ياااك تااافقناا...gاعماا ضربيني لمدة سييماانة...واصلااا اناا اييمتااا غنكبر....

☆☆صفاء ومروى ماادااوهااش فييهم ومشااو كيفيقوو فكاامي...☆☆

دييك السااعة سمعوو أغنية تركيية خداامة جلوول بداا كيشطح معااهاا...

هزاات رتيل تيلييفون كامي لي كيصووني لقااتهاا مامااها وغوتااات..

رتيل لااحت تيلي :مك...مك....مك...مهااا كتصوونيي

مروى :جااوبييهاا....

صفاء :نتي صاافاا باا..خلييهاا تصووني حتاا تعياا...

جاا جلول كيحبوو هز تيلي وجااوب :فيين أخاالتي عطووش..

عواطف :يخويي لك الضرااس...فيين بنتي؟؟

جلول :وااهو فالصرااحة بنتك...

خطفاات لييه مروى التيلي :سلااام...عمييتوو لاابااس..

عواطف :لاابااس أبنتي فيين كاامييليا..

صفاء :فييين أعمطيي ....توحشنااك...

عواطف :حتاا أنااا....

رتيل :كييدااير رااجلك...أ..أ...بغيييت نقوول كييدااير عميي...

عواطف :لاا باااس..كلموو لياا كاامييليا...

صفاء :بنتك مصخرة...

عواطف :علااه من إييمتاا بنتي كتصخر.

مروى :لاا راااه مصخرى مع الوااليد..

عواطف :يلااه عيطت على خووياا محمد قاالياا رااه نااعس...

مروى :أواااه....

صفاء :هيهيهيييي راااك شااركتي معااناا فكاامييرة خفية...

جلول خطف لييهم تييلي :صاارااحة أعطووش...بنتك مااااتتت..

عواطف تصدماات :واااااااشنووو قلتييييي.

كاامي غاا سمعاات الغوتة نااضت كتحنقز :ألووو ماااماا..لابااس..

عواطف :الله يلييgيهاا لييك الكداااب....

جلول :ااااااكنضحااك....ويييع كرشيي عوتاانيي....

""ونااض كيجريي لطوااليط...""

عواطف :صاافيي...أبنتي كنن غير بغيت نسولك وتش كتحفظي؟

كامي :وي ماما كملت كووولشي

عواطف:الله يرضى علك

كامي :بيييزووو ماماا...بسلاامة (قطعاات)

رتيل :والله لاا بقاات فييك أجلووول...

""نااضووو كاامليين جهة طوااليط..""

""صفاء طفاات الضو😈...""

جلول :واااااميي...عينيااا تفرgعووو...

كامي عودات شعلات الضو :حشوومة عليييكم..

مروى :شوية ماا خرج علييناا..ونتياا بااقاا كداافعي علييه.

جلول :الله يخلييكم بالخلااا.حيدووو هاااني خاارج..

""خرج جلول وكالعادة الريحة تاابعااه ودباانة خضراا...مشااو لبييت عااود تااني كيتسنااو فشيي مووصييبة توقع....حتاا كيسمعوو غرغرغرغررر...""

جلول :كااميي هنييناا.. (الصوت بااقي محبسش)

كامي :واللهمااا أنااا..

مروى :صفااء..زميي كرشك..مااايكوونوو غيي مصاارنك

صفاء :ححقق مووولااانااا مااا أنااا (غرغرغرررر تااني)

كامي وجلول قد قد :ماا تكوونيي غيي نتيي أرتيييل...

رتيل :شنااواا...من نيتكم (الصوت مبغااش يتحبس)

تلفتوو كلهم عند جلول :جلووووووول..

جلول نتف مروى بشوية :هاادي رااهاا مااكلة الحراام لي وكلتييناا.. ..

مروى :تااااكل جناابك.....راااك نتاا لي تلااحييتي على القصعة بحاالا تقوول كاانوو سااديين علك...

صفاء :شتوو شغاادييرو...سييروو ترgدوو قبل لاا نديير فمكم شيي مصيييبة...

جلول :حاااضر مولااتي...

""كلشي خرج فييه عينييه بصدمة..""

🌞أصبحناا وأصبح الملك لله🌞

فااقت مروى هي اللولاااا قاافزة :وييييييع 8:30 تعطلللت.

""مشااات بجراا كتفرع لبيييباان دالبناات وطاالقاا الحلوووق بااش ينووضوو.....""

رتيل :عوووك عوووك.....ليوووم ينحرنااا عبووش بووقنووفة.

صفاء دخلاات عندهاا البييت مزروووبة :أويييليي مااتقوولييهااش..

مروى من بعييد وكااتجااراا :العاام قرب يساالي ونتي بااقاا محاافدااش لوومبلواا (الجدول الزمااني)...

""8:50 والبناات كيجدبوو ويتجرااو ومقضااو وااالوو...وخرجوو ببييجاامااتهم....""

كاميليا :جلووووووول...

""مكااملاااش جووج دقاايق بااان لييهم جلوول جااي كيجري وحتاا هو ببيجاامتوو لي كاانت مشرووكة فلغري وفييها ودنيين حماار (لي فشريك)ومووو كتجري تاابعااه ...""

جميلة :وااادااك السgعع راااك دييتي كتووبتي ديااال الطبخ..

جلول :نهااار كوولوو ونتي تقرااي فييهم...وهلكتييناا بالعدس واللوووبيااا...مصاارني ولااو لااويين..

جميلة :وااااااسرررر بووك الكللب شبعتي خبز أبلملg لااخر...ولييتي تعيب على النععممة...

جلول حبس جراا وداار بصدمة :بااا الكللب..أ..أ..أهاااه حتااا يجيي ونقوولهاا لييه....

جميلة :وااهاااك أولييدي غاا حليييبببة بااش gاااعماا تسخف...

جلول :واااااا مييي...صاافيي رااني صااايم....

جميلة :هااااااء اللله يرضي علييك أولييدي...

ركبوو مع الشيفوور وعفطة وحددة المدرااسة..مع الدخلة وقفهم العسااس (بااقي صغير يعني لا دوا يرعف)...

العساس :هيييييه فيين مدرميين تصحاابووهاا تااع باااكم..

رتيل :ومااالهاا تاعتك...حييد ولاا نجندخخك...

العساس :نتي أخررتك غنجرييو علييك...نييشاان العووكااشة..

مروى :شكوون تووماا..

صفاء :نااااني شكوون...الله يخزييهاا كلمة..

رتيل شداتو من الكول :رااااه هااداا آاااخر عاام عندي أسااط ونودعكم....ولاا دخلت البنيقة غنعييش قاااايدة علييهم حييت غندخل على مك...

""دييك السااعاات تمااات دااخلة وااحد البنت رقييوقة ومهلية فرااسهاا...كتعوج وهاازة زناافرهاا لسماا..""

رهام :سعيد غيير خلييهم يدخلوو على حساابي..

كامي :وماااالك تي شكوون..

صفاء :تييي سكتيي بااركة من تخصااار الهضرة...

رهام :رااه حييت عندهم فرض مفاجئ...

**رهام بنت كتقرا مع البناات هي زويينة ماافييها ميتعاب غي هي رقيقة على البناات لي فورمتهم مقاادة وفنة مي عندها طااي ماانكان ملامحها مسمومين ومعياااقة هادشي لي كيخلي البناات يناافقوها مي رتيل وصفاء مكاايشمووهاش وقرااية والحاجة الغريبة عزيييييزة على الحااج أمجد**

رهام المسييميييمة 😈

☆☆جلول غييير سمع هااد الكلمة ودخل فييهم طوول وعرض تم غاادي القسم...رتيل ومروى وصفاء وكامي باان لييهم هرب تبعووه..دخلوو القسم لقااوهم باادييين وجلول كيتنااgر مع الأستااد...☆☆

جلول هااز صبعوو :سمعني أهيااا...خااف منيي.

الاستاد حااط يدو على خصرو :وعلااش بالسلامة..

جلول :أشووف رااني صاايم..رااني ندعي علييك...

صفاء دخلاات القسم :هاااوااحد السلام علييكم...

كلشي هز راااسوو :وااعلييكم السلاام...

جلول جرها من شعرها :آااجي قنعي الأوووستااظ يعااود لييينا الفرض...

مروى سبقااتهاا كتجري :أووووستااديي العزييز...سعاادة الأووستااد...اووستااد...أووستااد (ناااري نسييت سميتوو)..أووستااد فلاان..عااود لييناا الفرض.

الاستاد :جلسو بحاال لاخرين ودوزوو...خيير مني.

""نااضوو شي وحديين من القسم حتاا هووماا معااهم حييت جااهم صعييب حتاا نقز وااحد القرد دااير نضااضر مدورين وبلق ونغناغ هز صبعوو وقاال..""

.......:أستااد ممكن تزييدني ونقة مزدوجة...

""وهبط رااسو يكمل حتاا خبطااتو صفاء لرااس معرف رااسو بااش تبلاا تاا تسطح لييه رااسوو مع الطااولة هز رااسو شااف كوولشي كيخنزر وهو يضرب الطم..""

جلول طلع فوق البيرو :تاا ماالناا طاالبيينك...راااه فلووسناا لي كنحطووهااا هناا...وحناا لي كنخلصووك بااش تقرييناا..

صفاء :مك..مكك...مك..عمروو دوااا ومني دواا تزغبووا لييه الحلااقم...

كامي :جلوولتي...هبط..هبط..العصاب ممزياانش لييك..

جلول :مااالوو غيخلعني (تلفت عند الاستااد)تااا ماالك كتخراااهاا وااقفة.

""صفاء ومروى جرووه بالججهد من الكوول...""

مروى بهمس :واااسgع رااك خرجتي عليينااا....جيينيي تكحلهاا عمييتييها..

جلول :شكون عمييت...مااقاادين على بااطل.

صفاء صنgعااتو :آااشووف ...دااباا ندوزوو الفرض ولاا ماايعجبك حاال...

""جلول بقا كيضور فعينييه..وجر الاستااد من gرفااط وخرجوو براا...""

●●بعد دقائق ●●

""دخل الاستاد وتابعو جلول مهبط رااسو كيتنخصصوكيمسح خنوونتو لي عمراات لييه مووسطااجوو والاستتااد عطااهم الادن بااش يبدااو..""

""وملي بدااو وصفاء ورتيل كيضورو فعويينااتهم👀 إلااا جلول مربع ومشباااح..""

رتيل :جلوول المحلوول ماالك طروونكييل....تاااخدم دباا تحسب السفنج..وااش كااتسناا يطييح علك الوحي؟؟

جلول بتقة :لاا...أناا غنتسناا حتاال الدقييقة 90 بااش طراا شيي مووعجيييجة (معجزة)ولاا معرت موعزييجة ونمااركي نقطة بحاال المنتخااب...

صفاء :ومااا تعرف تمااركاا علك....

""جلول عاااد سراات معااه وبداا يتييفتف....""

مروى لي جاها داكشي ساااهل ودغياا كملاات..وبداات المهمة دياالهاا لي هي ديير الخيير فولااد عاائلتهاا..

مروى لجلول :شد..ششد..تبقاا فالقلب..

""خلااتو تدار الاستاد وشيراات علييه بسبرديلة فيها النقلة دياال الفرض كاامل...خدااهاا جلول وداار خنزر فييهاا..""

جلول :مخاانزااش بحاال دياالي..>

صفاء :تفووو على gنس...نقل وسيفط لييناا معااك..

""تكااا جلول على الورقة منااض حتاا كملهاا و هناا بداا يتكسل ويديير حركاات ريااضية بااش يسيفط الورقة الهاادوك جووج حلقووماات لي لور كيتبربصوو...طاااحت لييه..بداا جااي الاستاد جيييهتوو بنظراات شرييرة وحقوودة..جلول مااعرف رااسو بااش تبلاا...دااقت بييه نااض خشااهاا ففموو وسرطهاا...""

الاستاد :ياااك gلتي صاايم..

جلو تصدم :ويييييييع فطرت (وبداا يديير فدمووع تمااسييح بااش يبقاا فييه وينساا أمر النقلة...)

""فهااد الاتنااء رتيل وصفاء و كاامي نقلوو من عند مروى وسلااو..نااضت كامي جراات جلول بااش يخرجو كلهم فدقة وبكري شي لي صدم الاستاد...""

صفاء : تهلاااو...

""خرجوو كيقلبوو علااش يدييروو حتاا دخلوو القااعة الثاانية لي غيقرااو فييهاا...من بعدما ضوروو عينييهم وشاافوو فبعضيااتهم بنضراات شيطاانية..""

رتيل :آاااش باان لييكم ندييرو لصقة الاستااد..

صفاء :نحلوو ليه الكرسي...

مروى :نديييرهم بجووج...

كامي :وباااش...🤔ذ

""نقزاات رتيل خرجاات من لي بووط طوورنوفيس لي مراافققهاا دييماا....(وسيلة للدفااع الوقت والزمان هاادا ههه)""

رتيل :هاابااش..

""مشاااو كيتجاارااو حلوو البوولووناات دالكرسي خلااااوهم لااصقين غي شويي حتاا دخل جلوول كينقز كي النعجة..""

جلول :خرجوو خرجوو..عبووش بوو قنووفة جاااي...

""خرجوو دغياا...ماادخلوو تااتستف كوولشي فالقسم تم دااخل وااحد الاستااد ميحطهااش على لأرض لي مسااعيااهش وهااز خنييفرااتو كي بلاارج...بداا يخطب علييهم وكوولشيي فييه النعااس..""

الاستاد وهو وااقف :عطيييوني شي مثاال على التفاؤل..

صفاء :هزووو بناا العلاام...

رتيل :زييدو بناا القدااام..ولاا خياابت دباا تزياان...🎶🎶

القسم :واادااادااا هاااادااادااا...

""جلول كيزغرت بالقلووزي كي الشييخة الصمكة...""

الاستاد خبط الطاابلة :آاااش هاااد الصدااع...سكتووناا... ونتووماا أشييخاات واااد زم ماتجييو حتاا تجييبوو أوليااء اوومووركم....

رتيل :وااعنداااك منيي يجي.. تبداا تفتف...

صفاء :حدااري من بااهاا رااه هو المخزن عسكري كونوليل(كلونيل)....كلمة جووج يتييري فك..مزاال الوااليد معااه السلااكة..

الاستااد :واااااخرجوو عليااا برااا...

صفاء ورتيل فدقة :يااواااش تيي قديي يااوااجمعي علياا شطاايطك وخرجي علياا براا مي داداا عداا عدااا...🎶🎶

""جمعوو دراابلهم بالزربة وخرجوو خبطوو علييه البااب مخليين لييه القسم كينغل تقول غي مووسم جاايبيين فييه الشييخاات واللعباات..""

""مع الخرجة باان ليييهم دااك زطييو النح تااع الحاارس العاام الشكااام لي كل مرة كيوصل خباارهم لماامات صفاء لي موصيااه علييهم...مااشي بالخيير..موصيااه فيينماا يدييرو شي مووصيبة يباالي بييهم بشيي عقوووبة هي هاادييك...""

صفاء :مك...مك..مك..علقي قبل ماايشووفناا...

حتاا غوت من بعييد :ماادمووزييل البااروودي آااجييو وااحد الدقييقة...

""رتيل شاافت فصفاء وهزاات يدييهاا ومشااو عندوو بابتسااوة مصطنعة"

طلعهم ونزلهم :اااااش خاااارجين دييرو؟؟؟

صفاء :نسيقوو السااحة....اااش كيبااان لييك...

رتيل :هيهيهيهبييي متدييش علييهااا..

الحارس العام ببرود :ااااش خااارجييين دييرو؟؟؟

صفاء :كييشتي راااه خااصناا الطبااشير...هاااحنااا غااديين نجييبووه..

هو :امممممم ولكن حنااا كنستعملوو لمااركوور فالطاابلو..

رتيل :اااااه راااه عندناا وااحد تجربة..

هو :ولكن أدواات دياال التجاارب كينيين فالمختبر...

رتيل :هااادي تجربة من نوع اااااخر...

هوو :ولكن حنناا....

قااطعااتو صفاء :تاا من صبااح...ونتااا كتكنكن علييناا ماالناا منخاافووش..

هو بااقي مبرد :أحتااارمي راااسك...ولااا داابااا نوصلهاا لماماك...

صفاء لبدااتهاا ..هو :داابااا قووليليي علاااششش خااارجيين...

رتيل بلاامباالاة :خرجنااا الأستاااد...صااافي بقييتي على خاااطرك..😒

هو ضاار بداا غاادي :تبعووني للمكتب..

●•فالقسم•●

"" الأستاد كمل الدرس وجاا بااغي يجلس..""

جلول ضار عند كامي ومروى :هاادووك اااايييه...عندااكم تبدااو ضحكوو لاا نتفرشووو...😒

""بااااااق طاااح الأستااد على قلقوولتوو وجااو فرااقشو معلقيين وهو ينقز جلول هو اللول كيضحااااك وتبعووه القسم كاامل....""

""جاااو شي تلااميد كيوقفوو فييه وغيير وقف بقاات دييك القااعدة ديااال الكرسي لاااصقة ليييه فالسرواال بفعل اللصقة..بداااو يجروو فييها حتاا تقطع معااهاا السرواال والأستاد بداا ككيضرg فكييلوطو دياال سبوونج بووب...والقسم ناااضت فييه الهيلاالة بحاالاا دااخل البووياا عووماار فياامااتو....أماا جلول ومروة وكاامي تسلتوو بشوووييية علييهم خاارجين قبل لاا يعييقوو بييهم...""

جلول :كنااا غنتفضحوو..😥كامي :كووووون مااضحكتييش أرااس التييموومة...صاافيي رااه عااق بييناا...

مروى :يلااه نمشييو للمكتبة ندييروو السبة بالكتووبة قبل لاانكحلووهاا...

جلول :أناا كنمشي للموووكتاابة غي بااش نلعب فدووك البااييسياات (pc )..فييهم لعااب التلبييس..واااعريين...

جرااتو كاامي :زييد..زييد وحنااا مداايريين فييك رااسناا...

دخل جلول هو اللول برجلوو لييمنية :أعووود بك من الخبت والخبائت...

مروى صنgعااتو :نتاا الطوااليط تدخل لييهاا مgدم والمكتبة كت...

قااطعهاا جلول :أولا سمييتهاا الكاانييف مااشي الطوااليت....كييلييوييني (كييليميني)

""دخلو وجلول بداا يجري باتجااه البييسي..تاا كتباان ليييه هااديك حارسة المكتبة جااياا..""

الحارسة..:هدووووووء فالمكتبة...

جلول مرضااش يتعااير :وهاااحنااا هدووء فالمكباااتة...

المتبااكة..أ..أ..المكبووتة؟؟؟

""الحارسة ضرباات على رااسهاا بقلة حييلة ورجعاات لخدمتها لاا يتسووطاا لييها شي عررق مع هاااد المخلووق لي دييماا مشيبهاا...""

""جلوول لي لقاا واااحد البعلووكة بااركة فالبيسي لي مواالف كيجلس فييه.. و كتقراا على الفللك...""

""جلول جاا بالجنب وتحناا وشاااف فييهاا بتميااق..ورجع شااف فدااكشيي لي كتقراا وعااود شااف فيييهاا...بقاا يشووف هووك وهووك..حتاا تبلووكاا لييه سييستاام دياال مخووو..هزز الكرسي وكفااهاا حتاا تلااحت وجلس بلااصتهاا وشد البيسي كأن شيئا لم يكن..دييك البرهووشة بداات تنخصث وطلقاات واااحد الزوية...""

""جلول ضاار بالعرض البطييئ وغلض صوتوو :غتسكتي ولاا نقتلك هناا...

""البنت تزراات وهرباات...""

جلول :الله يهدي المرااهقيين..ليي شاافهاا كتفرج فكوكب زمردة وكوكب اكشن ورياضة (كيقصد الكوااكب فعلم الفلك مي هو عاارف غي تااع سباايستون)..يقوول هناا نباات...

""عند رتيل وصفاء لي عند الحارس العام فالمكتب..""

هو :عااودوو لياا شنوو وقع؟؟!!

رتيل :واااحااق الررب...ماادرناا شي حااجة غيير جااوبناا على السؤااال..

صفاء :زعماا يكوون غلاااط؟؟!!

هو :من صباااح وأناا نتعاااقر معاااكم وماابغييتووش تgروو...

صفاء :ومزيااان مني فهمتي راااسك...رااك غيير كضيع فالحجرة...

هو :أنااا غنعيط للأستااد نستفسر منوو...

رتيل فودن صفاء:ااااش gااال

صفاء بدورهاا :غاايستفسف ستر (غاايستفسر)بفووو...😡

""هو بداا كيعيط المرة اللولاا ومااجاااوبش..""

رتيل :إلى جااوبك جيي عكر لياا بالخراا البلدي...😑

هو :نعااام؟؟

رتيل بابتسامة :غيير عييط مااتدييش علياا☺ (خنزراات)

""المرة التااانية وكذلك مجااوبش..""

صفاء :غيير بقااا تضيع فالوقت..راااه والللهلاا جااوب..

""عااود المرة التاالتة ومااجااوبش..""

""بداا تلييفوون رتيل كيصووني....نمرة مكتوب علييها :عمااتشاا...""

رتيل :أستااد ممكن طوااايت..

هو بلاا ماا يهز رااسوو :مااتعطلييش...

دخلاات لطوااليت وجااوباات :اااش بغييتي؟؟

عماد:راه الشيفور كيتسنا فيكم نتي و ديك الجماعة راكم تعطلتو

رتيل: شوف.. سير جر جلول من موسطاشو هو و مروة و كاميليا.. انا و صفاء غنتعطلو

عماد:أمالكم ا سخارات ابليس

رتيل:تا راه درنا واحد الموصيبة اش جا مافكها..

عماد:فينكم دابا؟ ؟

رتيل: حنا عند الحارس العام و راه كيعيط على الاوستاذ يستفتف ستر (يستفسر) منو و باقي باقي ماكيجاوبش.. تقريبا راها المرة العاشرة

عماد:أواااااه!!

رتيل خبطات راسها:تفو ندمتينا نعلبوك

قطعات عليه و لحقات عاوتاني على صفاء لمكتب الحارس العام

رتيل لصفاء بملامح موترة:باقي مجاوبش؟؟

صفاء بلا مبالاة :باقي(حتا حلات عينيها على جهدهم و ضارت عند رتيل بالعرض البطئ) ماتقولييش ليا عاودتي البلان لعماد

رتيل بأسف:اه اه غير سكتي

الحارس العام:سكتونا ايهيا.... سلام استاذ

رتيل و صفاء خبطو على رأسهم و قالو فدقة :سير ا عماتشا بغيت ربي لا يسهل عليك

دابا عاد ولا بإمكاني نوصف ليكم عماد.. هو الأخ الاضغر ديال رتيل فعمرو 14سنة.. قواس و منحوس من الدرجة اللولة.. نرجعو أعوام قبل مني كان عندو 8سنين.. فاش كانو مسافرين و كيتساراو فزناقي.. دازو من تحت واحد الصخرة.. دازو تحت منها العائلة كاملة و بقا هو اللخر.. يلاه داز تحت منها.. ماكملاتش دقيقة و طاحت.. و من تما و هو ملقب بالمنحوس.. و داك الجزء الغبي من العائلة كيقول بلي الزهر ديالو كلو تكب ليه تما و تقادا...... رجوع إلى الواقع

الحارس العام:ممكن تقولي شنو البروبليم لي وقع ليك مع البارودي

الاستاذ:بالضبط هادوك الجوج ميدخلو عندي حتا يجيبو لحمار تاع بوهم

الحرس العام ضار عند البنات:قاليكم غدا ماتجيو حتا تجيبو الحمار تاع بوكم

صفاء حطات ايدها على فمها:ويلي ويلي اش هاد الوقااحة

الحارس رجع باغي يدوي و لقا الاستاذ قطع

رتيل:وااع قمعة😎

صفاء خنزرات فيها:متقلديش ليا جلولتي

في المكتبة::::

جلول گالس كيلعب اعاب التلبيس و معلابالوش حتا دخل عندو عماد على غفلة..عماد:شكادير؟

جلول مركز مع البيسي و عاض فمو:(كيطنز) كنوكل فالكلاب.. شوف هاد البهيمة كيداير.. زوين ياك

عماد :من نيتك؟؟

جلول:لا من ريتي.. تا واش كتشوفنيي شكاندير و كتسول فيا؟؟

عماد:واا مزيان هاد البيسي مني قبل عليك و باقي ماخسر من اول السنة و انت تعذب فيه

جلول:تا تصحابو بحال داك المشقوف ديال الحاج عبد المجيد..

عماد:وا وصفو ليا باش نقول لبابا يشري ليا بحالو

جلول ميق فيه:داك بوشعيب ايشريه ليك؟؟ مهم (حط ايدو على البيسي مع ابتسامتو المعهودة) هاد الآلة فيها آخر ماخرج فالوينداوز.. وينداوز سبعة طبعا (وجهو قاصح و كمل) و فيه حتا ديك اللعبة ديال كاندي كراش🍭🍬🍫🍰

عماد حط يدو على البيسي كيتلمس فيه :واااااااو.. هادشي وااعر

فنظركم اش غيوقع من بعد هاد التقويسة 55😂😂

يتبع ...

قصة السلالة المجنونة

محتوى القصة

التنقل بين الأجزاء