تيفاوين : من اليوم غنعيش على ود الناس لي كيبغيوني على ودكم غنعيش انا حياتي هكا مبغيت حتى حد توقع ليه شحاجة بسبابي انور انا عارفة غي كتحس بالامتنان من جيهتي لاغير وغتجي لي تنسيك فيا بسهولة
محمد: مالكي واقفة بحال هكا
تيفاوين : لا والو ههه غي كنفكر
محمد: اه يلا سربي باش نخرجو يلا يلا
تيفاوين : هانتا كتشوفني واجدة شوف نتا غي راسك ههه
محمد:يلا يلا
خرجو من الدار وبقاو كيدورو من بلاصة لبلاصة دورها فكاع لبلايص لي بغات بركو تغداو فواحد المجمع عائلي صلاو الضهر تما وكملو الدوران ديالهم وملي صلاو المغرب فالجامع رجعو بحالهم ناشطين ومقررين باش اقضيو هاد الايام بخير
دخلو للدار ناشطين بركو فالصالون كيدويو شوية كل واحد جبد تليفونو كيتكونيكتاو تيفاوين طالعة فالفايس شوية وهي ضور شافت فمحمد
تيفاوين : محمد مباغيش تزوج
محمد هز عينو شاف فيها وضحك
تيفاوين : والله تا معاك بالمعقول
محمد دور عينيه وهز تيليفون قدامها
تيفاوين :ممم زعما تكون كتعجبك شي وحدااااة يااااك
محمد: تيفاوين
تيفاوين : وكتعجبك يااااك كديرة زوينة
هز عينو كيتفكر وكيتأمل
تيفاوين : اشنو من هنا ولا من البلاد
محمد: باز منين طاح عليك هادشي فهاد الليل
تيفاوين ضورات قادات الجلسة قدامو مربعة رجليها
كتشوف فيه شوفة الدراري الصغار
تيفاوين : شلحة ياك شلحة
محمد: ومن بعد
تيفاوين :قالو ناس زمان من لم يتزوج شلحة اكل طعاما بلا ملحة ومرض بالقرحة وحرم من المتعة وعاش حياته في لمحة بدون فرحة ههههههه
محمد : ههه منين جبتي هاد العجب
تيفاوين : الفايسبوك ياك ياك عندك الحق
محمد : هههه لا هادي ساليتي معايا لا علاش امنا حواء تخلقات شلحة
محمد : اولا اولا هاديك هي لي مشات معاه تيفاوين كان جدي كيقول ليا الله ارحمو حيت براني غرها الطمع فيه ولقات لي تستاحق هي لي مشات معاه برجليه
تيفاوين : با كيقول لينا اي وحدة يوقع ليها كما وقع لديك البنت
محمد : ماشي اي وحدة شحال ونتي معايا
تيفاوين : شهراين دبا علاش
محمد : وعلاش مخرجتيش ملي مكنتش فالدار ومشيتي عرفتي شحال من واحد وعلاش هي فنهار واحد مشات معاه ورجعات حاملة علاش كنت خايفة مني ولا علا راسك انا واخا تكوني خايفة مني ماكنتش حداك وتقدري ديري اي حاجة من ورايا
تيفاوين : كنت خايفة من لي خلقني و على راسي
محمد : علاش خايفة من لي خلقك
تيفاوين : حيت هادشي مكايرضيهش و
محمد: واشنو
تيفاوين : ومالي تسطيت نتيق فشي حد
محمد : منين تعلمتي هادشي
تيفاوين : نتا لي علمتيني
محمد : انا معلمتكش باش تعاوديه ليا باش تديري بيه مكيعلموكمش فالبلاد باش تولي عارفة راسك اشخاصك تديري بغاو اخليوكم ديما كتخافو منهم باغين اخليوك ديما مكلخة مكتعرفيش باش ابقاو ديما حاكمين هما
تيفاوين : ولكن ديك البنت ضحك عليها ومبغاوش توقع نفس الحاجة
محمد : داكشي علاش كيزوجوكم ونتوما عندكم 9 سنين ونوضي الله اجيبك على خير ديك البنت كانت غي حكاية كيخلعوكم بيها وصافي اصلا غي كذبة ومن اللخر علاش مكيقريوكمش يالله
محمد: غنمشي للبيرو واقع ليا واحد المشكل غنمشي نحلو نقدر نتعطل العشية
تيفاوين : واخا مايكون باس
سدات الباب ودخلات داكشي
تيفاوين : جا فالوقت نوضو غسلو يديكم يلا
مشات جابت طبسيل كبات فيه الحوت والبطاطا وكبات ليهم لاصوص
سمات الله وبداو كياكلو كبات ليهم اتاي وبقات كتاكا مضغة وكتفكر كانت ساهية كتشوف فزينب لي طلعات عينيها شافت فيها كيسحاب ليها حاضياها
كانت تيفاوين كتفكر فالاخبار لي عطاها خوها الصباح بلي واخيرا راجل تيليلا هضر معاهم وكان كلامو فالتلفون تهديدات لتيليلا تنهدات كتفكر اش غيوقع الى جا
الضاوية : بنتي تيفاوين مالكي مكتاكليش
تيفاوين هزات عينيها شافت فيها : خالتي بغيت نسولك
الضاوية : مرحبا
تيفاوين : واحد صاحبتي تزوجات من البلاد وراجلها فمراكش وخبارو مكتوصلهاش وهي عندها ولد عندو عام ونص مات ليها هادي شهر تقريبا المهم عاد ساق راجلها الخبار وناض كيعايرها فالتلفون وباينة غيمشي البلاد معرفتش اخالتي اش غيوقع ليها واش غادير
تيفاوين سكتات كتشوف فيها كتفكر فمصير تيليلا من بعد هادشي كامل
الضاوية : سكتي الله اقطع ليك الحس
تيفاوين : خالتي طهلاي فبناتك وردي ليهم البال ومتبقايش تدعي عليهم را بناتك هادوك وعفاك لي بغاو تكون ليهم البنت وصا عليها الرسول ويكفي انك تعنقيها وتقولي ليها كنبغيك ابنتي
دخلو للدار دازت من حداه تيفاوين حادرة عينيها كتشوف فالارض كانت شاداها الرعدة وقلبها بغا اسكت هو باينة فيه معصب منها متبعها بعينيه وسد الباب موراه
زينب كانت ملاحضة شدة التوتر لي كاين فهاد اللحضات
اما الضاوية فمقلوبة عليها القفة
طلعات تيفاوين عينيها كتشوف فالدار عكس الدار لي عايشة فيها وعكس محمد لي دوقو بلدي انور دوقو عصري فالفراش الصالون فيه لي فوتوي والروينة نايضة
الضاوية : النهار لي نلقا حوايجك مجموعين نزغرت
انور : هههه
زينب : لي فيه شي قاعدة فيه وداكشي علاش قلنا ليه اتزوج
الضاوية : يلا نبداو باسم الله
انور: اوا غنكون فبيتي ملي تبغيو شحاجة عيطو ليا
دخل بيتو سد عليه
زينب حيدات القاميجة ولبسات بيجامة طويلة كانت لابساها ملي خملو الدار لتحتانية جمعات شعرها اما الضاوية فحيدات الجلابة ديالها كانت لابسة تحت منها البجامة العريضة
تيفاوين جمعات يدين العباية وهزاتها من اللتحت ربطاتها فالحزام
تيفاوين : يلا منين انبداو
شافت زينب فالضاوية لي شافت فيها ايضا وقالو بجوج مشيرين بصباعهم
الضاوية وزينب : غتعاونينا هكا
كيهزو الفوتوي كيمسحوه ويدوزو الجفاف تحت منو ويرجعوه لبلاصتو جهة لجهة حتا سلاو الصالون دخلو للكوزينة سيقوها مزيان ولات كتبري ودوزو على البيوت الاخرين وحدة من ورا الاخرى جفوهم مفيهمش تمارة حبت خاويين كلشي سيقوه بركو استراحو شوية عيطات الضاوية لانور باش اسيقو بيتو خرج عندهم
زينب : من الصباح وهي تعيط عليك
انور: ها انا راني هزيت النموسية غي سيقو
زينب : الله ارضي عليك وليتي تفهم
انور: ههه رجعتيني مكلخ
الضاوية : هههه الله اهدي ماخلق
انور: غنمشي نجيب ماناكلو باينة قهركم الجوع
زينب: ايييه ايييه اانور متنسانيش
انور: هه اشنو ههه الشكلاط هههه مكتنسايش
زينب: غي متنسانيش نتا منساش انا
كتشوف فيهم نضرات وحدة بغات تقتلهم
مبغاتهمش ادويو بحال هكا نهاءيا حسات بضغط كبير حسات بالقهرة حسات بلي كيخونها مع زينب ههه واش غيتسناها حياتو كاملة لا لا علاش ايتسناها ياك هي لي رفضاتو تنهدات
حيد عينو جهة زينب وشاف فتيفاوين شاف فالحزن لي خلاها تحدر عينيها حس بلي كتغير عليه لدرجة ان البسمة لي مكتفارقهاش مسحاتها علاش كيحس بلي هاد البنت كتبغيه ولكن رفضاتو ضيق عينيه وكان احساسو كيقول ليه الصح وبلي هادشي فيه ان وخرج من الدار
تيفاوين شافت فالمصحف لي محطوط فوق البلاكار عرفاتو هو لي هدات ليه تبسمات
زينب : انور تبدل بزاااف امي وجهو ماشي بحال ديما
الضاوية: هه واقلة حيت غيخطب داكشي علاش
زينب: ولا كيبان ليا بحال الا حزين بزززززاف
الضاوية : ميسحابش ليا كتقراي الوجوه
زينب : لواه اليدين
تيفاوين غي كتشوف فيهم وصافي ساكتة
الضاوية : مالكي ابنتي
تيفاوين : والو غي عييت شوية وصافي غنمشي نشرب ونجي
تمشات فحزن دخلات الكوزينة وقفات كتقلب وسط الكيسان هزات كاس شربات جغمة ديال الماء والكاس جامد مابين شفافها وعقلها شارد كتفكر فان هاد الشخص فنهار سلب عقلها قلبها تفكيرها ماشي هو نفس الشخص لي فاحلامها لكن هو لي غزا قلبها سمعات صوتو من حدا الباب
انور : مالكي
شدات الكاس فيديها لي كيرجفو شافت فيه شللات الكاس و رجعاتو لبلاصتو تنهدات وتمشات باغا تخرج
انور هز يدو حطهم قدامها مانعها تخرج
انور: علاش
تيفاوين : خليني نخرج عفاك
شاف فيها كانت حادرة عينيها كتشوف فالارض
تيفاوين : خليني ندوز
انور : علاش كنت كتشوفي فيا قبيلة علاش جيتي واش كتغيري من زينب
طلعات عينيها شافت فيه بصدمة كيقرا افكارها
تيفاوين كتقصد السخرية : هه
انور : علاش موافقتيش
تيفاوين اكتفت على انها تشوف قدامها وتنخلو
انور: نتي نتي خليتيني نتمسك بامل انن لقيت لي تفهمني لكن نتي دمرتيني
تيفاوين بلعات ريقها وباين عليها الندم حيت جات لدارو
انور: عطيتي امل نعيش كاي شخص
تيفاوين : خليني نمشي بحالي احسن
انور : مغتمشيش حتى تسمعيني
تيفاوين : انا مبغيت نسمع والو
انور: علاش قولي علاش خليتيني نتعلق بيك
تيفاوين : نتا لي بغيتي انا مضربتكش باش
زينب : احححح
ضار انور شاف فيها حط داكشي لي هاز وتمشى للبيت لي فيها الضاوية
تيفاوين : ياربي منحتيني قلب لي نحس بيه وعقل نفكر بيه باربي باسمك العضيم ياجليل تشوف من حالي ومتعذبش قلبي بعقلي فقلبي كيقول نبغيه وعقلي كيفول بيعيه
يارب في دينك لشنو الحل ملي نقرا كتابك يامولاي نسا الدنيا ومافيها وملي نسدو يطيح هو على بالي
هبطات يذيها في حسرة واعتازمات على النسيان بذكر الله هبطات للدار دخلات للكوزينة باغة تصايب بيتزا لاول مرة كتشوف واش كلشي كاين
هزات تيليفون صونات على محمد
تيفاوين : محمد ملي تجي جيب معاك واحد نص كيلو فورص ومتعطلش
قطعات وتمشات لبيت محمد سدات عينيها كتشوف الحياة كتقارن راسها مابين اول يوم وهاد اليوم قدرات تولف تشوف اكتر مما كلنت مكتشوفش حتا نسات راسها بلي كانت عمية
دخلات للبيتو وهي تشوف ديك القرعة ديال سانيكروا مشات لجيهتها هزاتها وهي تفكر التصويرة لي حيد ديها محمد وخباها
تيفاوين : غنثلب عليها وغناخدها ههه
مشات كتقلب فالبلاكلر مكاين والو البيرو المجر ديالو مسدود والماريو نفس الحاجة بقلبات البلاكار تاني لي حدا النموسية في امل تلقى شي حاجة شوية لاحضات تصويرة مليوحة فالارض تحت النموسية تكات وجراتها بيديها كانت مقلوبة
هزاتها وقلباتها كمشات حجبانها
تيفاوين : هادي انا ملي كنا باقي صغار لا ميمكنش لا محمد لا
تفكرات كلامو ملي قال ليها مستحيل تكون من نصيبي هاد البنت
تيفاوين : اشنو غدير غتبقا حياتك كلها تبغي تيليلا وتفكر فيها وتشوف تصويرتها وتعذب راسك مخفتيش على نفسك تحاسب عليها مفكرتيش اشغيوقع لمي وبا
متفكر فتاواحد فكر غي فراسك
محمد: نتي باغا تزوجي بعلي قولي
تيفاوين : الامر مكيتعلقش بواش
محمد: نتي معندكش قلب لهاد الدرجة
تيفاوين : اشكتقول نتا انا كنفكر فمصلاحة ديال كلشي قبل من راسي
محمد: وشكون شكون كيفكر فيك نتي
تيفاوين : متقلبش الموضوع
محمد: اه كنبغي تيليلا ولكن مغندفنش راسي بحالك مغنضحيش بحياتي لي غنعيشها مرة وحدة غندير المستحيل باش نحقق احلامي واش يحساب ليك غنتزوج بحالك نتي لي غتزوجي بشارف عمرك شفتيه ولا غي دويتي معاه قتلي راسك حسن
حلات الباب ودخلات للدار دخلات لبيتها لي مبقاش بيتها من اليوم
حلات الصاك لي كانت هازة جبدات منو كتاب كاتبة فيه كل لحضة دوزاتها فالدار البيضاء
تيفاوين : كتابي العزيز سمح ليا منقدرش نديك معايا منقدرش نغامر مبغيتش شي حد اعرفني لا كنقرا ولا كنكتب غنخليك هنا كما خليت قلبي باست الكتاب حلات الماريو وبقات مضاربة معاه حتى تخشى فواحد القنت ميقدرش اشوفو شيحد
خرجات سدات الباب مزيان ديال الدار تأكدات منو طلعات راسها شافت فالدروج الفوقاني
تيفاوين : انور
بلعات ريقها وطلعات كتجري وقفات حدا باب دار كتنهج دقات الباب دغيا حل بحال الى كان واقف حداه
شاف فيها بحال الى تصدم تراجع اللور شوية بحال الى غيسد الباب
وسط السوق غالبا فيه الرجالة بزااف لي كيتقضاو والعيالات قلال تيفاوين مداتهاش فالناس لا فلباسهم ولا فطريقتهم المعيشية اكتر ما عجباتها اللهجة لي كيمتازو بيها فهي كتسمع اكتر مما كتشوف الى عقلتو فهي كانت عمية
تيفاوين : واو هاد اللبسة زوينة
محمد : اه اه بغيتيها
تيفاوين : لا اخويا ماشي لي نقول ليك زوين تشريه ليا ههه
محمد : اوا لي عجبك
تيفاوين: الله اخليك ليا اخويا العزيز
كملو الضورة فالسويقة ورجعو لوطيل بان ليهم الجو ماشي نوغمال
وقف محمد حدا واحد مول الحانوت باغي اشري شي حاجة كانت تيفاوين واقفة كتشوف فالناس غادية جاية
هزات عينيها حدا لوطيل اذ بيها كتشوف واحد الشاب كيشوف فيها كل واحد فيهم تصدم فالاخر بلعات ريقها ممصدقاش عينيها مفيقها من سهوتها الا قطرات الشتاء لي طاحو على وجهها المحمر
تراجعات شوية لور عند خوها وعينيها متبتين على الشاب لي نساحب وسط صراع الاعين وتاجه الاوطيل كيجري لا يفزك
تيفاوين هزات نفس غمضات عينيها وحلاتهم
تيفاوين : ممصدقاش راسي لا انا شفتو لا لا انور
كانت جالسة فالغرفة ممستوعباش الامر قدامها جالس محمد كيشوف مالها هي كتقول فراسها اشغتقول ليه واش غتقول ليه الحقيقة ولا لا لا ميمكنش يمكن انها غي كتخايلو لا اقل ولا اكتر هادشي مستحيل اشغيدير انور هنا هه غي راسها لي كيتخايل
محمد: ساليتي
هزات عينيها شافت فيه
تيفاوين : فاش
محمد : من التخمام اشنو واقع ليك كنتي مزيان حتى تقلبتي
طلعات تيفاوين للفوق دخلات للبيت سداتها محمد غي كيشوف فيها دخلات جلسات على النموسية ذيالها
وكتخمم تفكرات لي لحضة وجهو وبتاسمات وقالت مع راسها
تيفاوين : عمرني شفت شي بطل فشي قصة كيعتقها من السقوط وكيشدها فالقب الناس كيشدوهم اوووف اوووف ههه على انا بحال هادوك انا شكون وهما شكون
محمد: شربتي
تيفاوين كاع ماجاوباتو مسمعاتوش حيت مركزة
محمد غوت : وا تيفاوين
تيفاوين : نعام
محمد هز حجبانو : نعااااام يلا يلا نخرجو حسن
خرجو من الاوتيل كيدورو فالفلاج كيستكشفو الطبيعة وارجاء الحي فاحد قرى جهة شفشاون
بوحدها باركة فوسط البيت ديال الاوطيل كانت بعد تلاتة ايام من وجودهم فهاد الفيلاج تيفاوين كتسنى فمحمد لي اكتر من تلاثة السوايع وهو غابر اذ به كيحل الباب وكيسدو من وراه شافت فيه تيفاوين
تيفاوين : فين كنتي
محمد شاف فيها جمع يديه وضيق عينيه
محمد : تيفاوين
تيفاوين شافت فيه الطريقة لي قال بيها سميتها ماشي عادية
تيفاوين :اشنو
محمد: مالك هاد الايامات
تأكدات من داكشي لي قال ليها راسها شاف انور حتى هو
تيفاوين : مماليش والو غي حيت غنرجع للبلاد
محمد :ممم
حيد العقدة لي فيديه تمشا وجا برك حداها هي غي كتشوف فيه وراسها كيقول اش غتقول ليه
دوجة من هول ما سمعو ودنيها محساتش بالتلفون لي تحيد ليها وسط يديها والضفار لي دازو على صباعها خلاوهم ادوزو بالدم
محمد : مي ومي مي كتسمعيني
لكن ماسمع الت صوت ادريس
محمد تصدم وعرف راسو الحصلة لي حصلها : با
ادريس خرجو عروقو كينبح ويغوت ويجذب فالتلفون صوتو كيدور فوسط البيت وكيتسمع صدى صراخو وسخطو على تصرف تيفاوين ومحمد
محمد غي ساكت مكيدويش معرفش باش تبلا
ادريس من بعد نوبة الغضب وهستيرية الكلام الذميم
تهدن وقال : مغنخيركش مابين السخط والرضى حيت نتا اصلا مسخوط باك ولكن غنخيرك مابين مك ولا تجيب تيفاوين غتكونو هنا مع الفجر الليلة قبل من غدا
ولا مك غترجم فبلاصتكم وكنقسم ليك بلي مغنرحمهاش
قطع التلفون محمد وقف فبلاصتو اشغيدير اش هاد الحصلة لي حصلها الحيرة البأس تنهد وتنهد كيطلب الله فهاذ الحصلة
تيفاوين : غيقتلها غيقتلها
ضار محمد تصدم ملي شاف ختو تيفاوين
محمد: شكون غيقتل شكون مغيوقع والو
تيفاوين: سمعتو سمعت غواتو انا عارفة با غيقتلها
محمد ورك على يديه وخدا نفس حيت عارف باه كداير
فالصباح الباكر كيحل انور عينيه فاق ناشط دخل دوش وخرج لبس حوايجو باغي اخرج من البيت ولقا واحد الورقة هزها لقاها رسالة حلها وبدا كيقرا ممصدقش:
انور نتا واحد الشخص مزيااان ولكن مكتساتهلش وحدة بحالي وحدة لي حياتها كلها مشاكيل ونحس وحدة لي مغتلقاش لا ماضي ولا مستقبل غتساني وغتعيش حياتك عتابر انني عمري كنت انا دبا غنكون وسط بلادي ومتأكدة مغتلاقانيش ومستحيل توصل ليا انور كنشكرك لوفاءك وانا خليت قلبي معاك حتى النهار نموت
تيفاوين
انور : علاش علاش اتيفاوين علاش
فوسط سوق اكذز قرابة ورززات فوسط الشميشة لي عطات بريقها فالجو البارد لي كاين فالجبال
كانو وسط اللوطو ديال محمد
تيفاوين : مغتجاوبش على التليليفون
محمد: را انور لي كيصوني من الصباح
تيفاوين : انا السباب فهادشي
محمد تنهد هز التلفون كمش. حجبانو
محمد : ماشي انور هادا
خرج من اللوتو شوية دخل فرحان
تيفاوين : اشنو واقع
محمد: ممصدقش تاصل بيا المحامي المحامي لي عطاني المكتب ديالو وقال ليا بلي تقبلت
تيفاوين : فاش تقبلتي مفهمت والو
محمد : برا القنصلية اووف ممتيقش
ضحك خدا نفس عميقة وكأنو كيشكر الله شافت فيه تيفاوين : فين غتمشي
محمد: هز يدو دوزها قدام عينيه
محمد : اميريكا
تيفاوين : ميريكان واو سعداتك
محمد: سمحيليا مخصنيش
تيفاوين : خويا سير عيش حياتك ونسا نسا هاد الحياة لي عشناها مبغيتش وعمرني بصراحة بغيت نحشمك بهاد الطريقة مع شي حد ولكن انا حدرتك من الاول وكون غي سمعتي كلامي دبا سوق خلينا نمشيو للبلاد باش نفضيو هادشي كامل
محمد : اوووف اوووف غنلقى حل اكيد غنلقى حل غي بلاتي غيتحاسبو على هادشي كامل غنمشي نجيب ماناكلو
تيفاوين : امتا غنمشيو
محمد : مغندخلو للبلاد حتى يقرب الفجر انشاء الله
تيفاوين : ومي
محمد: عاد اليوم غنكملو شهراين ومنقدروش نمشيو قدام الناس ومي مغيوقع ليها والو با مغيدير والو قبل ميشاور علي
تيفاوين : الله ياخد فيه الحق
مع بزوغ الفجر واقفين امام الواد تحنات تيفاوين حدا الواد كان عامر بزااف بالماء وجاري هزات من تراب الارض وقاستها وحسسات نفسها
محمد : يلا
هزات حوايجها وقطعو الواد بالزربة قبل مايديهم
تيفاوين : بلاتي بلاتي
محمد: اشنو
تحنات تاني وقاست الارض وهزات التراب وغسلات يديها فالواد شافت قدامها وكانها كتودع راسها وهي حرة كتودع ذيك الحياة
تيفاوين : عرفتي الفرق مابين ديك الارض وهادي
محمد: اشنو
تيفاوين : نفس الارض غي هادي كنتمشى عليها وهاديك لا وعلاش حيتاش انا بنت انا دابا غارقة فالضلام وحققتي العهد اخويا ورجعتيني للدار باش احبسوني
غنضحي اه غنضحي براسي حسن من مي لي تعذبات بزاف خويا العزيز مبغيتكش ترجع لهاد البلاذ مزال ونهار ترجع بغيتك ترجع ليها ملي تكون حرة نهار تمشي مترجعش الا وبلادنا حرة وداك النهار مغيجيش مغيجيش
طق طق كانت دوجة واقفة هي وادريس حدا الباب كيتسناو بفارغ الصبر ادقو
نقز ادريس حل الباب كانت ضلمة حالكة وصوت نباح الكلاب مجهد دخلات تيفاوين ومحمد ونقزات دوجة على تيفاوين كتعنقها وكتبكي
تيفاوين : ايسحاب ليا سخيتي بيا ابنتي
تيفاوين : متقوليش امي بحال هكا
تيفاوين هزات يديها شدات بيهم راس مها كتمعن فيها
تيفاوين : مي
دوجة : كتشوفيني ابنتي كتشوفيني
تيفاوين : اه اه امي كتشوف وجهك لي كينور هاد الدار
دورات عينيها شافت فادريس : با
شاف فيها دار مشا لبيتو
محمد: حتي حد مبقا كيعبرني فهاد الدار
تلاحت عليه دوجة كتعنقو وكتبكي ماشي ساهلة عمر تيفاوين مغابت على عينيها
تيفاوين الجزء الرابع
محتوى القصة
التنقل بين الأجزاء