أوس(بملامح جامدة):أوامري كانت تجيبوه لعندي و ما عطيتش أمر باش تضربوا..(وجه المسدس)إذن خالفتي الأمر..
الكارد(رجليه خواو...فشل.. كايشوف موتو قريبة ليه و قدام عينيه و ما قادر يدير والو....)
أوس(بابتسامة استهزاء...تيرا جيهة قلبو و طاح الكارد على وقفتو..): تجاوزت القلب بإنشين...المرة الجاية إلا أوامري ماتفنذاتش بالحرف...ماتلومو إلا نفسكم..(شاف فالكارد لي تيرا فيه كيتألم)هزوه عليا من هنا و خرجو ليه القرطاسة بلا مخدر.
سندو واحد منهم و مشا باش ينفذ الأوامر و يعقم الجرح...
#برجوازيين...وزراء...و حتى رؤساء مايوصلوش لسلطة هاد العائلة و نفوذها و كيفاش مسيطرة على العالم و فارضة قوتها عليه...
أوس(رجع جيهة الشخص..وقال للكارد الرئيسي):مازال
محتاجو....عالجوه(دار باش يمشي ووقفو صوت أحمد)
أحمد(كيلهث و كايخرج الكلام غير بزز): علاش مانهضروش دابا...أموسيو موريلي؟؟
أوس(لمح الاستهزاء فكلامو و دار عندو):متأكد
أآغا....(خشا يديه فجيبو)واخا..شناهيا علاقتك مع مالك الجابري..
أحمد(شاف فيه):ماكنعرفوش.
أوس(باستهزاء):آغا أحمد...لي حاول يختارق شبكة موريلي..ماشي مرة ماشي جوج...و ماقدرش...
زعما كتظن غانتيقك... أنا غانقوليك...مالك الجابري
كايهددك بعائلتك و إلا مابغيتيش تنفذ أمرو غايقتلهم
... ونتا بطبيعة كاتختارق منظمات عالمية و كاتحول الملايير للمافيا لي مترأسها هو....وهادشي باش تنقذ عائلتك..
أحمد(تجمعو فيه كاع الأحاسيس..ولكن ماكانش خايف على راسو قد ماكان خايف على عائلتو.)
أوس: عائلتك..غدا فالصباح يكونو عندك
أحمد(شاف فيه و الدموع محجرين فعينيه):
و المقابل؟!
أوس(باستهزاء):غاتخدم لصالحي أنا.
أحمد(مصدوم):كيفاش؟زعما ماغاديش تقتلني!!
أوس:إلا أوامري تنفذات فعلاش غادي تموت(بحدة)
ولكن إلا شفت الخيانة ماكانرحمش..و ماشي غير نتا..
عائلتك حتى هي غاتموت معاك...(مشا و خلا وراه
شخص بعداتو قساوة الدنيا على عائلتو...ختو الصغيرة و الأم ديالو مصدر تهديد بالنسبة ليه...نادم على النهار
لي فكر يخليهم فيه)
#أوس(موجه كلامو للكارد):الإجتماعات لي عندي يتلغاو و مانبغيش شي اتصال إلا فحالة طارئة (حل ليه واحد من الكارد الباب ديال لوطو)و بالنسبة للصحافة تكلفوا نتوما..حتى واحد ما يعرف بلاصتي و لا الوجهة لي غادي ليها...مفهوم؟
الكارد:بالطبع أموسيو
(دخل للوطو كسيرا و مامخلي وراه غير العجاجة)
#أيات
دخلو للدار و بداو كايقيسو فالحوايج لي شراو
ماقاداهم فرحة و بالأخص أيات لي أخيرا غاتقدر تحقق حلمها و تشوف الزهرة لي من ديما و هي
كاتسنا فالنهار لي تقدر تشوفها...
#تسريع الأحداث
ولات الأيام روتينية بالنسبة لأيات...أيامها محصورة
مابين الجامعة والدار و مرة مرة تخرج مع ميساء
لي ماخلات ما شرات...الفلوس لي كايعطيوها واليديها
تحطو كاملين فالحوايج و الماكياج و أيات تدور تدور
و تنكر عليها على التبذير لي فيها.....
#أخيرا ليلة ماقبل الرحلة...متحمسة بلا قياس..خايفة شوية...فرحتها ماكتوصفش...و حاسة بهاد الرحلة عمرها غاتنسا ليها...نعسات أيات و هي على أمل يكون الغد أفضل من اليوم......
# لأول مرة فاقت بوحدها....مشات للحمام دارت روتينها....دوشات و لبسات حوايجها و رشات من ريحتها...مشات فيقات ميساء....مشات للكوزينة
صيبات ليهم الفطور...جات ميساء فطرو و هبطو بجوج...
أيات هازة باليزة صغيرة و ميساء مضاربة مع جوج
شانطات قدهم قد السخط...
خداو طاكسي باش يوصلهم للجامعة حيت ما عندها
فين تخلي لوطو....وصلو...دخلو للداخل...الدنيا كانت
عامرة...جوج حافلات فخمة ديال الجامعة واقفين....
مشاو البنات قدام وحدة فيهم و تجمعو مع شي بنات...جا عندهم حتى حسام و وقف حداهم..
كلشي وصل إذن علاش باقين واقفين...مشات أيات عند المنظم باش تسولو...
أيات:كلشي وصل...واش مازال غانتسناو؟؟(يالاه بغا يجاوبها و هو يوقفو صوت رجولي مألوف ليها)تقدرو تمشيو بلا بيا؟
أيات(دارت عندو و تصدمات ملي شافتو...هي سمعاتو
فاش قال غايمشي معاهم...و لكن مايصحابش ليها غايمشي بصح):اه...(هزات كتافها بعدم اهتمام)اوا..
#تفرقو و ركبو...كل مجموعة خدات حافلة...أيات طلعات مع ميساء و حسام و جات معاهم حتى إيناس
و الطبقة ديالها...جلسات ميساء و أيات حدا بعضياتهم
حتى وقف عليهم حسام...
حسام:أيات..نتبادلو البلايص أعشيرتي..
أيات(هزات حاجب و هبطات الآخر):شناهوااا..سير
أعشيري ضرب الدورة...زوينة هادي.
ميساء(كتصبغ فيها):وا صافي أأيات...حتى نتي...البلاصة لي خدا ماعجباتوش..ما فيها باس تتبادلو!
أيات(ميقات فيها):هي لا نظتي نتي و خليتيه مسيكين
يجلس..
ميساء غوباشت و سكتات😒...حسام كان غادي راجع
حتى وقفاتو...
أيات(ناضت):وقف..وقف...قطعتو ليا فالقلب...هانا غادة..إوا عقلو على خيري😏أنا مشيت...هزات الساك أ دو ديالها و مشات كتقلب على بلاصة....
#أوس
جالس فالآخر ديال الحافلة..عينيه عليها...مراقب تحركاتها...شافها ناضت و من بعد مابقا بان ليه والو...جات إيناس وقفات عليه و درقاتها...
إيناس(كاتبحلس عليه):سمحليا...واخا نجلس حداك...
البلايص كاملين عامرين.
أوس(بلاما يشوف فيها):لا...
إيناس(تحرجات حيت الأغلبية سمعوه...و مشات رجعات لبلاصتها....الحافلة عمرات...بلاصة وحدة لي
بقات هي لي حداه...أيات غادة و كاتشوف فالبلايص
و لقات كلشي عامر..تنهدات و كانت غاترجع حتى شافت بلاصة خاوية....ابتسمات و مشات جلسات...حيدات الساك من ظهرها...و دورات راسها لجيهة الأخرى..
بانت ليها إيناس كتشوف فيها مصدومة...هي شافت
أيات ملي كانت غادة قاصدة البلاصة و فرحات يسحابليها غايقمعها...و لكن جلسات حداه بلاما تدوي
و لا تستأذن...ماشافتوش...و لكن غير دورات راسها و هي تشوفو...كان جالس فالجنب ديال الشرجم و كان وجهو داير للجيهة الأخرى...بقات كتحقق فيه...عرفاتو و باغا تدوي معاه و خايفة...دورات راسها للجيهة المعاكسة ليه بخيبة أمل...
أيات(فرحات و شدات فيديه عن غير قصد):اه..اه...شكرا بزااف..
أوس(فييينااهوا...جامد بحال الثلج...عينيه ماكايتحركوش إلا لا بغا يشوف فيها...
واش هذا لي كان غايقتل شخص على سبب تافه وبلا ما يأنبو ضميرو....دابا حتى يديه ماقادرش يحركها...
أيات(شافت فيديه):سمحليا...المهم إلا كان فيها إزعاج..
نبقا غير هنا..
أوس(ناض من البلاصة و هو مرفوع)
أيات(كتشوف فيه باستغراب)
أوس(بالشوية):واش..واش ماباغاش تجلسي فيها؟
أيات(ناضت و مشات جلسات فبلاصتو تحت نظرات إيناس لي كتبخ الدم فبلاصتها....
#تحركات الحافلة و أيات غير كتضحك و أوس غير ساهي فيها و فابتسامتها لي أول مرة يشوفها عن قرب...فاش كتضحك..غمازاتها كايبانو و عينيها كايبريو...
#من بعد مدة ديال الطريق...كاين لي ناعس.و كاين لي غير متكي..هي ناعسة و متكية على كتفو....و هو كارز على يديه لي عرقو...قلبو دقاتو عااالية...العروق لي فعنقها برزوا...هادشي غير حيت راسها على كتفو.....
#أيات
عيات ماتقاوم فالنعاس و لكن فالآخر استسلمات و نعسات....ماحساتش براسها حتى تكات عليه...
حضنو دافئ و قلبو لي كيضرب بالجههد و عضلاتو لي
ديما مشدوين دابا مرخوفين...عجبها الدفئ و الحنان لي حسات بيه...وهي كاتبان كي الدرية الصغيرة قدام صدرو العريض....
#هو لي شافو يقول غير جامد...عينيه مغمضين و صدرو هو الوحيد لي كيطلع و ينزل...ماشي باش يتنفس..و لكن باش يشم ريحتها لي عمرها فارقاتو...
أشعة الشمس برزطاتها...بدات كتحل عويناتها بالشوية
و كترمش بيهم...هزات يديها و مسحات جنب فمها...و يدها تحطات على صدرو بلاما تقصد...حلات عينيها
على جهدهم بالصدمة....هزات راسها من فوقو...و بدات كتشوف فيه....
#حس بيها بدات كتفيق...كايشوف فيها بحالا كايشوف شروق الشمس....صورتها ديما بين عينيه و لكن أول
مرة يكون قريب ليها لهاد الدرجة....دور راسو بثثاقل للجيهة الأخرى....و هي كتشوف فيه بإحراج...دورات راسها للزاجة كاتسب و تعاير فراسها حيت نعسات عليه...مادواتش معاه.
من بعد دقائق...جمعات شجاعتها و دارت عندو..
أيات:سمحليا...بغيت ندوز.
أوس(الصمت..مادارش عندها)
أيات:واش ماسمعتينيش...راه قلت ليك باغا ندوز.
أوس(على نفس الوضعية...ماكيشوفش فيها):و فين؟(شاف فالحافلة لي البلايص فيها عاملين و ابتسم باستهزاء)
أيات(دورات راسها معصبة...عارفة ما عندها حتى حل
من غير تجلس حداه...)
#إيناس
مربعة يديها و على وجهها نظرة حقد كبيرة ... كتشوف فيه كيفاش معاملها....
المحطة كتطل على مناظر زويينة و حداها غابة كبيرة....كلشي هبط و دخل للقهوة وهي واقفة على برا كتصور...و كتحاول تستغل كل ثانية من هاد الرحلة و تاخد ما أمكن من الذكريات معاها....طبعها
كتحماق على الطبيعة...شافت الغابة و مشات جيهتها
غادة و كتصور فأي حاجة قدامها...شافت واحد الطائر
زوين و بقات كتصور فيه حتى سمعات سميتها و دارت..
إيناس(جايا كتعوج و هازة كأس ديال القهوة فيديها):أيات..
علاش جيتي هنا؟كلشي كايرتاحو و كايشربو القهوة...
المهم أنا جبت ليك معايا..
أيات(كتضحك على المشية لي دايرة..و مع لابسا الطالون و كاين التراب و الحجر..كملات):ههه شكرا.
(باستهزاء)عارفاك ماتنسايش.
إيناس(قربات توصل عندها و هي مبتسمة...ولكن واحد اللحضة دارت راسها تعكلات مع الجذع ديال شجرة و الكاس غايجي لأيات فوجهها و لكن جا هو من العدم و وقف قدامها و تكب عليه فصدرو لي كيطلع و ينزل بكثرة العصب....وجهو حمررر بالأعصاب و عروقو خرجو..وحش بصفة إنسان واقف....قلبو دقاتو ارتافعات حتى ولاو كايتسمعو....
أوس(شد إيناس من شعرها بقووة):اشششنو كنتي باغا
ديررري؟(صرفقها حتى طاحت للأرض كتبكي)دووووي...
إيناس كتبكي وتشهق حدا رجليه...دفعها برجليه بقووة و رعفات و مشا جيهة أيات لي حاطا يديها على فمها من كثرة الصدمة..شدها من يديها و زير عليها بحالا غاتهرب..
أوس(عروق عنقو خارجيين...ملامحو ماكايبشروش
بالخير...مرفوع ماعارفش آش كايدير ولا آش كا يقول...و كايدوي كارز على سنانو):آش جابك لهنا...(كيغوت)واش باغا تحمقيييني... نتي ماباغاااش تحسي بيااااا؟!!...(شافت فيه باستغراب و كترمش بعينيها و تحاول تستوعب آش سمعات..و هو عاد وعا براسو و رخف عليها)
أيات(تنثرات منو معصبة):ونتا آش مشا ليك؟ما عمرك
تحط عليا يديك مازال...و نزيدك نتا لي وقفتي بيناتنا...
أوس(برد أعصابو و كايحاول يطفي النار لي شاعلة ليه فقلبو...ماباغيش يكشف مشاعرو ليها...خشا يديه فجيبو و قال باستهزاء):هاد الحوايج لي كبات عليهم القهوة واخا تبيع راسها ماتشريهومش..
أيات(باستهزاء):إذن فنظرك المرأة غير سلعة كاتباع و تشرا ياك؟
أوس(تعصب و يالاه غايجاوبها و هي تقاطعو)
أيات:صافي..دير بحالا ماشفتينيش و ما عمرك سمعتي
هاد الهدرة...(مشات و خلاتو متبعها بعينيه...تنهد بحسرة...زير على يديه و مشا جيهة إيناس لي كانت مغيبة هز ليها راسها...و ضغط على فكها و هي غير كاتنين و ماقدراش تدوي
أوس(كايغوت):شنو درتي فالكاس...دووي....
إيناس(كاتخرج الهدرة بزز):ما..درت فيه...والو.
أوس(زير عليها كثر و هي كتألم و ماباغاش تدوي...سمع شي خطوات كايقربو و شي بنت كتعيط على إيناس...
ريتاج(كاتدور وسط الشجر):إيناااس...إينااس(شافتها طايحا و مشات كتجري جيهتها و تحنات على ركبتها)إيناس نتي بيخير...أشنو وقع؟
أوس(جا من وراها):ماغاتجاوبكش هي و لكن أنا لي غانجوبك...(وقفات و دارت عندو و الخلعة طالعا معاها..هو كرز على القبضة ديالو حتى خرجو عروقو)حالتك غاتولي بحالها إلا ما قلتيش ليا شنو درتو
فالكاس..
إيناس(بدات كاتنييين من الألم..و لكن بحالا كتسكتها)
ريتاج(دارت شافت فيها و رجعات شافت فيه.):أنا ..أنا
أوس(قاطعها):الكذوب عقابو خايب و ماغاتقدريش
تتحمليه...(غوت)دويييي.
ريتاج(قفزها و طاحت كتبكي):اهئ..الكاس فيه مادة كيماوية كتشوه الوجه...اهئ...أنا مادرت والو...اهئ..
سمحليا(طلعات راسها و شافت فالقهوة لي مكبوبة
عليه...و هو مرفوع ما بقا كايسمع واالو من بعد ما قالت ليه كتشوه الوجه...نسا بلي المادة تكبات عليه هو و ماشي هي...معصب و مخلوع و يديه لي زير علييهم كثثر عرقانين و رجع جوج خطوات اللور...ريتاج مسحات دموعها و قالت)و لكن...
ريتاج(مسحات دموعها و قالت):و لكن ماكتأثرش إلا
ماقاستش الوجه...
(المادة لي دارو ليها كتأثر غير على الوجه بمعنى إلا مسات بلاصة أخرى ماكايوقع والو من غير حروق و لكن شي مرات الحروق كتكون خايبة)
أوس(ماكيسمع والو...معصب و يديه لي زير علييهم رخاهم و مشا جيهتها شنق عليها حتى خرجو عينيها): دابا شنووو كتظني غايوقع ليكم بجوووج.
ريتاج(تخنقات):ع..عافاك س..سمح ليا..أنا ماكنتش عارفا حتى لليوما....أ..أنا مادرت و..والو..
أوس(معصب و يقدر يقتلها بلاما يندم):الشر و الحقد كايخرج على مولاه...
إلا مابغيتوش تموتو على يدي...الطريق لي تدوز منها
هي تخويوها...(كيغوت)واااااااش فهمتي.
ريتاج(استغربات و ومآت ليه براسها عاد طلقها بقوة حتى طاحت للأرض كتبكي....)
أوس:الرحلة سالات و الجامعة خرجتو منها...(زير على يديه..هو ماباغيش يتهور غير على قبلها...هاد الرحلة هي أملو باش يخليها تقرب ولو غير شوية)
تخطاهم و داز....غادي معصب...وجهو حمررر....لي
شافو كايتبرم عليه...دخل للمحطة وو مشا للحمام
جاعر....خوا الماء على راسو باش يبرد و لكن العافية
لي شاعلة فقلبو حتى واحد من غيرها ما يقدر يطفيها....هو عمرو ما خاف حتى لليوم...كان متخوف
و بزااف لا توقع ليها شي حاجة...قلبو غايسكت...
و عروقو بارزين...
خرج و مشا للحافلة حيد التي شيرت لي لابس و
صدرو باقي كيطلع و ينزل و الوشام لي جيهة قلبو
واضح و كبير...
#ميساء...
ميساء جالسة مع حسام فالمطعم كاياكلو...
ميساء(كتهدر بالشوية):حسام.
حسام(هز راسو):امم
ميساء(هبطات راسها):واش سمحتي ليا؟
حسام(تنهد):هاد الموضوع قديم و أنا نسيتو..
ميساء(فرحات): واش بصح...سمحتي ليا صافي!!
حسام(ابتسم و اومأ ليها براسو بآه)
قاطعاتهم أيات لي دخلات للمطعم كتجري و جلسات
حداهم....شربات كأس دالما دقا وحدة و حطاتو...و هما غير كايشوفو فيها...
ميساء:مالك...شنو واقع؟!
أيات(كتنهج و تهدر):لهلا يوريك..
ميساء(قربات ليها باش تعاود ليها و شافو بجوج فحسام لي كان حاني راسو كاياكل)
حسام(هز راسو و شاف فيهم):لا لا و لا...أنا مانايضش من هنا...
أيات(خنرات فيه)
حسام(ناض):ها هو نايض.
#مشا و شافت فميساء و عاودات ليها كلشي....
ميساء(مصدومة كتضحك):هههه قصة عندك هادي...
أيات:راه داويا معاك.
ميساء:واش كتضحكي عليا نتي كتقوليا أوس موريلي
هو لي عتقك..
أيات:ما عتقنيش...كان غير دايز و تكفحات عليه..
ميساء:ونتي باش عرفتيها حاطا شي حاجة فالقهوة؟؟!
أيات(خنزرات فيها)
ميساء:شناهيا الخطة دابا؟!! واخا على حسب داكشي لي قلتي راه ماغايبقاش عندها الوجه تعاود..
أيات(شافت فيها):و أنا مالي؟؟ هو انتقم منها غير حيت كبات عليه القهوة...و لكن أنا عندي طريقتي الخاصة...هي لي بدات و أنا لي غانكمل...
ميساء(فرحانة):حلفي...واخا ماجاش معاك الشر ولكن
هي لي جبدات.
أيات(ناضت):نوضي يالاه نطلعو...
ميساء(ناضت):أنا غانمشي للحمام..سبقيني...
خرجات أيات من المطعم و غادة جيهة الحافلة و تفكيرها كامل مشوش....
طالعة للداخل و كتدوي مع راسها...
أيات طالعا للداخل و كتدوي مع راسها...
أيات:دابا أنا مالي كانفكر فيه..يعاود لراسو هو لي مخشي وسطنا(وقفات فالدرجة الأولى)و لكن إلا ديك
العوجة حاطا شي حاجة ماشي تا لهيه...(زادت)خاصني على الأقل نعتاذر منو...
طلعات الفوق يالاه غاتحيد الساك لي فظهرها...
وهي تحبس..تصدمات ...كتشوف فيه و ترمش بعينيها بحالا مامتيقاش...شافت عضلاتو لي بحال الحديد و الوشم لي مرسوم باحتراف على صدرو العريض لي آثار حمرة ديال الحريق باينا عليه..هي عمرها تجذبات للمظاهر و لكن شي حاجة فيه خلاتها واقفا كاتشوف فيه...و هو غير كيشوف فيها ساكت و كيحقق فملامحها....ضرباتها الفيقة...غوتات و دارت للجيهة الأخرى مغمضة عينيها...
أيات: أويلي...ل...لبس عليك...راك ماكاينش بوحدك.
أوس(الصمت...كايشوف فيها)
أيات(مغمضة عينيها و كارزة على يديها)
أوس(غادي و كيقرب ليها و وقف وارها و كيشم فشعرها مغمض عينيه... )
أيات:واش ساليتي؟!! نقدر ندور؟
أوس(ترخى وهو كيستنشق ريحتها...هي المخدر و المهدئ الوحيد ديالو...فاش سمعها حل عينيه ورجع فخطواتو اللور..)
أيات(فاش ماجاوبهاش...تعصبات و كانت غادة خارجة حتى وقفها صوتو)
أوس:وقفي..
أيات(وقفات و دارت عندو...كان لابس تي شيرت كحل...عضلاتو خارجين و الوشام باين منو شوية...علات راسها بمعنى..شنو..)
ماكايعنيش أني قلت مايكونوش فوارق بيني و بين الطلاب تعتابروني صديق معاكم...(قرب ليها ويديه فجيبو)إلا كنتي كتعرفيني مزيان غاتعرفي بلي الوريث
ماكايعطيش الفرصة فين يتعاود نفس الغلط...و لكن
بما أني قلت ماغانكونش معاكم هنا بصفتي فرد من موريلي...(تنهد و قال بقسوة)غانمسح ليك حيت نتي باقا ماكتعرفيني.
أيات(ربعات يديها):إلا بغيتي الإحترام خاصو يكون متبادل و أنا أصلا ماكنعرفك ماكتعرفني...(باستهزاء)كنت باغا نعتاذر منك الساعة واقيلا تستاهل داكشي لي وقع ليك...
جلسات فبلاصتها القديمة و دارت ساكها قدامها بعصبية...ابتسم وهو كيشوف فعصبيتها...هاد الرحلة
من شحال وهو كيتسناها غير باش يزيد يتعرف كثر عليها..
طباعها لي واخا عارفهم واحد بواحد و لكن باغي يقربها ليه....
جلس حداها و هي كتشوف فيه معصبة..
أيات:نوض هادي بلاصة صاحبتي.
أوس(الصمت....تكا و غمض عينيه بحالا ناعس...
كولشي داخل ساكت كيشوف فيهم....و هي كاتسنا غير ميساء تدخل تعتقها....طلع حسام و تبعاتو ميساء كيضحكو غير شافت أوس فبلاصتها كحلات بالعمى....
دارت نص شوفة فأيات و كملات طريقها....
أيات فرحات فاش شافتها ولكن غير مشات تخطاتها جمعات الضحكة و بقات كترمش فعينيها....شافت فيه لقاتو باقي متكي..شافت فالحرقة لي فصدرو..كيفاش ماحاساش بيها وهي حرقة خايبة...أنبها ضميرها و لكن هي نفضات فكرة أنها تعتذار منو ملي شافت الغرور لي
مبني عليه هاد الشخص...دارت لي كيت فوذنيها و سهات كتشوف فالطريق....
#فالقصر.
واقفة فالدريسينغ ديالها كتجبد فالحوايج و تديهم للباليزة حتى دخلات عليها آنا...شافت فيها و رجعات كملات ماكانت كايدير...
آنا: غادة للرحلة؟
سارة(باستهزاء):هي الصراحة ماكرهتش نمشي معاك لطوكيو ولكن ماكانهدرش لغتهم.
آنا: الرحلة ديالي لغيتها و باغا نجرب شي حاجة جديدة...
سارة(سدات الباليزة):و حتى أنا نتمنى تلقاي هاد الحاجة...المهم أنا غانمشي دابا...باي.
جا الخادم هز ليها الشانطة و خرجات...حطها ليها فلوطو و هي مشات ودعات واليديها و خرجات للموستانغ ديالها(نوع نادر ديال سيارات السباق)لي قدام الباب الرئيسي...
#جايكوب كان متكي على الفيراري ديالو و حداه وحدة معنقها من خصرها..لباسها معري كثر من مغطي...دار وشافها خارجة...زاد زير عليها وهي عاجبها الحال و كتلمس فوجهو.....شافت فيهم
بعدم مبالاة و كانت غاتدخل للوطو حتى وقفها صوتو
جايكوب: وقفي...غاتركبي معايا...
سارة(كتشوف فيه باشمئزاز و ماجاوباتوش)
جايكوب(النظرة لي من ديما كيكرها...نظرة الإشمئزاز لي كتدير فيه ماكايتحملهاش و كاتخليه يكره راسو...)
سارة(ضحكات):هه شحال من وحدة غاتوحشو ماشي غير نتي....إلا جيت نحسب ماغانساليش(ركبات)نخليكم دابا(كسيراات و مشات خلاتهم واقفين...جايك طلق منها بغضب و مشا ركب فلوطو و كسيرا مخلي وراه وحدة باغا تتشق الأرض و تبلعها)
#وصلوا لوحدة من المناطق لي غايزورو....ساحلية و البحر شاد منها النص....كلشي هبط و بقات هيا اللخرة..
دارت الساك فظهرها...و نظاظرها ديال الشمس و هبطات...شافت فيهم لقات المؤطر كايهدر معاهم....ضربات الدورة و بقات غادة كتمشا محادة مع البحر و كتشوف فيه...شافت واحد البنت لي وجهها ماكايبانش مع الكاميرة لي هازة كتصور بيها...تبسمات و رجعات شافت فالبحر...الرمال ذهبية الماء صافي و الشمس ساطعة فيه...سبحان الله...منظر كيفرح و ينعش النفس... منظر كلشي كيشوفو و لكن قليل لي عارف قيمتو....
ساهية كتشوف فالبحر حتى وقفات عليها نفس البنت...
#أيات
ساهية كتشوف فالبحر حتى وقفات عليها نفس البنت...
البنت(جبدات كارط فيه عنوان):عافاك فين كاينين هاد
الأكواخ؟
أيات(شافتهم و رجعات كتشوف فيها):واش نتي جايا للرحلة؟؟
البنت(عاد طلعات راسها و شافتها و ابتسمت):اه..واش حتى نتي؟!
حتى لقاو راسهم قدام راسهم قدام أكواخ صغيرة مصنوعة من الخشب....لقاو المؤطر كيفرق عليهم الغرف فالأكواخ...و مشاو وقفو حداهم...
المؤطر:إذن كلشي واضح كل جوج غايتشاركو كوخ...
اختارو شركاؤكم و تفضلو دخلو.
جات ميساء وقفات حدا أيات و بداو كيضحكو...
مشات البنت عند المؤطر لي كان سالا مع الطلاب و كلا مشا للكوخ لي اختارو.. وقفات قدامو..
البنت:كانفضل ناخدو غير بوحدي...
المؤطر:الأكواخ لي هنا كاملين محجوزين من قبل الجامعة...و حنا عندنا أوامر..سمحيليا...(قلب شي وراق)بلاتي..واش نتي مسجلة بعدا فالرحلة.
البنت:احم..كنت مشغولة و ماتسجلتش....ماشي مشكل..سجلني دابا.
المؤطر(كيضحك): ههه..التسجيل كايكون فالجامعة و راه حبس فاش بدات الرحلة ونتي كنتي مشغولة....و حتى الإقامة ماكتعطاش...
البنت(قاطعاتو): الجامعة لي كتهدر عليها ديال العائلة..
من الأحسن ليك تسجلني ولا غير بدا تقلب على خدمة
أخرى...(خدات ليه القلم من يديه و هو غير مصدوم...
كتبات السمية و المعطيات لي غايحتاجهم يسجلها)و دابا فين هو الكوخ لي غاناخد؟
المؤطر(عاد فاق من الصدمة):احم..سمحيليا كلشي عمر
و لكن أنا غانحجز ليك فأحسن فندق كاين هنا باش تاخدي راحتك كثر.
البنت(عقدات غوباشتها و يالاه غاتدوي حتى قاطعها
صوت جا من موراهم)
أيات(مع المؤطر):سمحليا ولكن راه الباب مابغاش يتحل لينا (عاد شافتها)هادي نتي..علاش مازال مادخلتي؟واقع شي مشكل؟
البنت:ماواقع والو...غير الإقامات كلهم عامرين..
المؤطر:سمحيليا عافاك...غانحجزو ليك دابا فأحسن
فندق فالمنطقة على مايتحل المشكل...
أيات(شافت فيها):علاش ماتبقايش معانا؟
زعما أنا وصاحبتي ماعندناش مشكل بالعكس..
المؤطر(شاف فيها):واش متأكدة؟!!
أيات:اه..علاش لا(شافت فالبنت)واش تبغي؟
البنت(ابتسمت):شكرا ولكن...
أيات(قاطعاتها):صافي بلا ولكن...غاتمشي معايا(مع المؤطر)واخا تمشي معانا تشوف الباب عافاك.
مشا معاهم و لقاو ميساء قدام الباب..حل ليهم و دخلو...ميساء كتسولها على البنت بعينيها و تنغز فيها..
أيات(مع البنت):أنا وياك غانتشاركو فالناموسية حيت الآنسة لي معايا كتشخر و تركل بالليل مانتيقش فيها..(بداو كيضحكو و ميساء تزنكات و دارت فيها مقلقة..)
ميساء:ياااك...اوك شكرا أنا غانمشي إلا كنت غانصدعك...(هزات شوانطها و تمات غادة و ماحسات
بالتعنيقة منين نزلات عليها...)
أيات(معنقاها من اللور و كتضحك):إلا مشيتي نتي..معامن غانضارب و معامن غانتعاير...و شكون غايبدا يتعنب على الدراري...ههه راه غير ضاحكة ماتقلقيش مني..(ميساء غلباتها الضحكة و بداو كيضحكو بجوج...و هي غير كتشوف فيهم...شحال تمنات تكون عندها صاحبتها لي تشارك معاها ضحكتها و دموعها و لكن ماكايشوفو فيها غير كنيتها و ثروة عائلتها..هادشي علاش هي انطوائية وقليل فاش كتهدر
مع شي واحد....ساهية حتى وقفو حداها البنات..
أيات(بابتسامة):تصوري من قبيلا وأنا كندوي معاك و ماسولتكش على سميتك.
البنت(بادلاتها الابتسامة):أنا سارة و نتي؟!!
أيات:هه أنا أيات وهاد العوجة هي ميساء ههه
ميساء(ضرباتها لراسها و ابتاسمات للبنت):أنا ميساء..و إلا كتعرفي شي تيتيز عرفينا عليه حتى حنا (غمزاتها)
بداو كيضحكو و يتعاودو حتى وصل وقت الغداء و مشاو للمطعم فين مجموع كلشي...
#داخلين و كيضحكو و هي كيف ديما غافلة على الأعين لي مراقباها و ساهي فضحكتها لي كل مرة كتجذبو ليها....لقاو طابلة خاوية و مشاو جلسو فيها
طلبو لي بغاو و بداو كاياكلو و يهدرو حتى وقف عليهم بنظراتو المعهودة و وقفتو لي ماكتزعزهاش الريح...غير هزات عينيها و شافتو وحلات ليها و قلبات وجهها و سارة غير شافتو مشات عندو عنقاتو و هو غير كايشوف فأيات لي تصدمات فاش شافتها ناضت
عندو..
سارة(دارت عندهم):البنات..هادا خويا يوسف...(شافت فيه و عينيها كايبريو بالفرحة)هادو صحاباتي..أيات و ميساء...
أيات(محنية على الماكلة ومامسوقاش)
ميساء(كتشوف فيه):م..متشرفين.
سارة:جلس معانا.
أوس(عينيه عليها):لا معايا جايك...مرة أخرى..
سارة:امتا وصل؟!
أوس:وصل قبيلا..أنا مشيت دابا...نهدرو من بعد.
مشا و كملو ماكلتهم بالضحك...كل وحدة فيهم ارتاحت للأخرى و مافكروش فالإختلافات لي بيناتهم ...سالاو و ناضو...البرنامج ديال الرحلة ماغايبدا حتى لغدا داكشي باش قررو يخرجو هاد العشية و يدورو فهاد المدينة....غادين و يضحكو..كاع الزناقي خيطوهم...و حتى قنت ماخلاوها...لعبو فالملاهي...
و مشاو للبحر جلسو فيه و الشمس ديال الغروب مقابلة...كلهم سكتو..كايشوفو فهاد المنظر لي ديما كيشوفوه و لكن مستحيل يملو منو...الشمس
لي من حدها هابطا و لونها كايتغير تدريجيا للأحمر ..انعكاسات واضح على الماء الصافي ديال البحر...تنهدات ميساء و كسرات الهدوء لي كانو فيه...
ميساء:صحابات فنهار واحد...الصراحة ماعمرني شفتها
أيات(ضحكات):الأصدقاء ماكايتحسبوش بالأيام ولا الأعوام...صديق هو شخص ارتاحيتي ونتا معاه و ثقتي فيه و أمنتي على أسرارك عندو و بالك مرتاح... هاد الصديق لحد الآن كان عندي غير واحد(شافت فسارة)ولكن دابا متأكدة ولاو عندي جوج.
سارة(ابتسمات):للصراحة...عمرني درت الصحابات..و هادي أول مرة نرتاح مع شي واحد لهاد الدرجة..شكرا بزاف حيت اعتبرتوني صاحبتكم واخا غير اليوم باش تلاقينا...
بداو كايضحكو...شافو الظلام بدا يطيح و ناضو جمعو الوقفة...وصلو و أيات مع الدخلة تفكرات شي حاجة و مشات و خلاتهم غير كايشوفو فيها...وقفات قدام الصيدلية...كتفكر مع راسها...هي حاسا بالذنب اتجاهو ولكن حلفات لاتسوقات...و لكن طبيعتها أحسن من أنها تشوف شي واحد مآذي بسبابها و ماتعاونوش واخا متكبر و مغرور...
دخلات و خدات بوماد و رجعات كتقلب على الكوخ لي
فيه...ماعارفاتوش و مشات عند واحد من الموظفين...
أيات:عافاك فين هو الكوخ ديال...ديال...امم(نسات على الكنية) رئيس الجامعة.
الموظف:موسيو موريلي ماباغي حتى واحد يزعجو دابا...تفضلي حتى للصباح و رجعي .
أيات:واخا صافي شكرا..(كانت غادة حتى وقفات ودارت شافت البلاكة لي معلقة بالجنب ديال واحد الكوخ كبيير...عرفاتو مايكون غير ديالو...مشات وقفات
قدام الباب...ماباغاش تدق و تخلف بوعدها و لكن أنبها
داك الضمير لي ديما خارج عليها...جمعات يديها على شكل قبضة و يالاه بغات تدق حتى تحل الباب....
جمعات يديها على شكل قبضة و يالاه بغات تدق حتى تحل الباب....وقفات مصدومة يديها باقا فبلاصتها كاتشوف و ترمش بعينيها....واقف قدامها و عينيه عليها
و ساهي فحركة رموشها حتى هبطات عينيها و شافت البوماد لي جابت...مداتها ليه مدورة وجهها..
أيات:احم...بسبابي تحرقتي....سمحليا
أوس(هبط راسو و شاف فيديها و رجع شاف فيها)
أيات(فخاطرها:مغرور متكبر يخخخ و لكن الغلط مني أنا لي جايا نعتذر من واحد بحالو....يالاه بغات تحيد يديها و هو يشدها بقوة بحالا كانت غاتهرب....توعتات فيديها و بدات كتنتر ليه):طلق مني...واش نتا مسطي..
حيد يديك..(مامسوقش لهدرتها و ساهي فعينيها...ماحساتش بيه حتى خدا ليها البوماد من يديها.
أوس(شدها عندو):تقدري تمشي دابا.
أيات(نثرات يديها بغضب):نتا راك ماشي طبيعي...سير
شوف فين تعالج...(مشات بالزعفة و شادة فيديها حيت تقسحات فيها...)
أوس(ابتسم):حتى واحد ما عندو العلاج ديالي من غيرك...(شدها فيديه و كايشوف فيها...دخل و
حطها قدام عينيه كايبتسم غير بوحدو...حل الصدافي
ديال القاميجة حل البوماد و دار منها شوية...عاد انتابه
للحرقة لي فيه... هو و ماحسش بيها و لكن هي انتابهات ليها...كيضحك غير بوحدو...هو عارف غير
حسات بالذنب اتجاهو...و لكن ماهموش...المهم حسات
بشي حاجة اتجاهو...واخا يكون كره هو متقبلو يكفي أنو شعور حسات بيه اتجاهو....ماغمض عينيه غير بزز...
كل شوية يشوف صورتها قدامو....
#أيات
دخلات عليهم بحال الرعدة معصبة و ماعاجبها حال....
كايشوفو فبعضياتهم و يرجعو يشوفو فيها...مشات بدلات حوايجها و وقفات قدامهم..
أيات:وااش أنا نبقا ندير كولشي...(مدات ليهم شي حوايج)ديال من هادو..و علاش محطوطين فالحمام؟
ميساء:بسم الله عليك....هادوك راه ديالك...مالك دايخة
سارة(غلباتها الضحكة و ماقدراتش تصبر):ههههه لا لا هادي بزاف...هههه
ميساء(كتضحك):هههه هاد شي غير شوية من بزاف..
باقي ماشفتي والو..
أيات(تزنكات و غلباتها تكات الضحكة و تلاحت حداهم كتضحك...بجوج كلمات قدرو يفاجيو عليها...)
ضحكو و هدرو حتال النص الليل...عاد مشاو ينعسو...نعسات سارة حدا أيات و ميساء بوحدها...
يالاه غايغمضو عينيهم و هما يسمعو شخير خفيف...
شافو فبعضياتهم و هما يبداو يضحكو حتى نعسو...
صبح الصباح و شرقات الشمس☀️ و فاقو أبطالنا على أشعتها...
فاقت أيات هي اللولة متحمسة.....دخلات للحمام و
رجعات فيقاتهم....لبسو حوايجهم و خرجو مشاو للمطعم فين كايتجمعو باش يفطرو...تلاقاو مع حسام و عرفوها عليه و جلس معاهم....سالاو فطورهم حتى كانو غاينوضو يمشيو وهو يدخل عليهم المؤطر...
المؤطر: اليوم بما أنو اليوم الأول....كانظن البحر أحسن
وجهة لينا و لكن ماشي هادا...كاين واحد بعيد شوية على هاد المنطقة...و غادي انطالقو دابا باش نوصلو بكري....(مشا سبقهم و دخلو تبعوه للحافلة...هو ماكانش...و هادشي لي لاحضاتو أيات..جلسات مع سارة و انطلقو...و من بعد مدة ديال الطريق لي دازت غير فالتسطية و الضحك...وصلو للبحر...مختلف و أمواجو عالية...تفرقو و كلا مشا مع صحابو...مشات أيات اختارت بلاصة بعيدة شوية و جلسو فيها البنات و حسام....كاين لي دخل للبحر يعوم و كاين لي كيلعب...و هما جالسين...ناض حسام وقف قدامهم...
حسام:واش جايين باش نبقاو جالسين...نوضو يالاه.
أيات:ههه أنا لي عارفا نتا علاش جاي...بلا ما تفلسف علينا و قول آش بغيتي؟!
حسام:نلعبو.
ميساء:أشنو؟
حسام(كيبتسم):Volley Ball(كرة الطائرة)
أيات:اه...كنتي البطل ديال الجامعة فيها(غمزاتو)باغي
تدير فيها واعر قدام شي ناس..
ساط فيها و مشا كيلعب مع الدراري خلاهم كيموتو عليه بالضحك...ناضت و نوضاتهم بجوج...
أيات(مع سارة):كتعرفي تلعبي؟!!
سارة:ههه شوية(شافت فيها)ماتقوليش ليا باغا تلعبي مع الولاد؟
أيات:ههه كتفهمييني نتي...زيدو يالاه نمشيو...
ميساء:أويلي راك عارفاني ماعنديش معاها.
أيات:اتي زيدي دغيا تعلمي...مشاو و وقفو عليهم...
حسام(شاف فيهم):مالكم؟علاش جيتو؟!!
أيات(ماجاوباتش و شافت فالدراري الآخرين):واخا
ننضمو ليكم..
واحد فيهم(كايشوف فيها): بالطبيعة الحال تقدرو...
بنات ضد ولاد؟؟
أيات(ابتسمات):لقيتيني كنفكر فيها..(ابتسم ليها و قاطعهم صوت حسام..
حسام(باستهزاء):واش كتدوي بالصح!! باغا تلعبي ضد الدراري؟!!
أيات(كتشوف فيه و تضحك ماجاوباتوش...خدات من عندهم الكرة و بداو....فالأول بداو بالشوية و لكن فاش
شافوهم الدراري بداو كايتجهدو..سرعو الإيقاع حتا هما..كلشي وقف كيشوف فيهم....فاجأتهم....ماكتخليش ليهم الفرصة فين يسجلو عليها و لكن حتى هيا ماقدراتش تسجل عليهم...هي من جيه و سارة من جيه و ميساء واقفة اللور كتحرك غير راسها معاهم😂...مرة يسجلو عليهم و مرة يسجلو هما....خداو وقت باش يرتاحو و مشات أيات وقفات قدام ميساء كتضحك..حتى جات حداهم سارة...
أيات:ماكاتديري ماكتديري والو...علاش ماتعتقيناش؟
ميساء(مستغربة):كيفاش؟
أيات(قربات ليها لوذنيها و هدرات)
ميساء(كتضحك):ههه هادشي كامل غايخرج منك.
أيات:زيدي زيدي باراكا من الهدرة..
بداو اللعب مرة أخرى...ماركاو عليهم الدراري و شوية من بعد سجلات عليهم أيات...قربو يساليو و هما باقين فتعادل....دارت أيات عند ميساء و غمزاتها...
ميساء(حيدات تجاكيط لي كانت لابسا بطريقة مغرية خلات الدراري غير حالين فمهم):اوووف
الصهد!
أيات بدات كتضحك...و ماركات عليهم و هما باقين مغيبين😂...طاحو البنات للأرض كيضحكو و عينيهم سايلين بالدموع...
الدراري مارضاوش قدام الناس لي كايشوفو فيهم و مشاو...
بقا غير حسام معاهم جر ميساء و مشاو باش يعومو...
و مشات سارة معاهم و بقات أيات بوحدها....
ناضت غادة محادة مع البحر....و على رمالو المذهبة كتمشا بثتاقل....وقفات شوية كتستنشق الهواء النقي
لي محيط بيها...علات راسها و شافت صخرة عالية بحال الجرف كاينقزو منها للبحر...دارت و طلعات ليه...حيدات حوايجها و بقات بشورط قصير و تي شيرت طالع على خصرها...خدات نفس عميق كتستعد بيه باش تنقز......
خدات نفس عميق كتستعد بيه باش تنقز و الريح كيضرب فشعرها...نقزات باحترافية و تلاحت كتعوم....مابقاتش كاتبان مع الامواج العالية....بقات مدة طويلة عاد خرجات لبسات حوايجها و جلسات
فالرملة كتمنضر حتى وقف عليها شي خيال....هزات
راسها بالشوية..و هي تشوفو واقف حداها...كلو كايقطر
بالماء وعينيه لي حمرين بالعصب كايشوفو فالبحر....حالتو كتخوف...
بقات مدة كتحقق فيه...صدرو كيطلع
و ينزل....ناضت وقفات و تمشات بالإتجاه المعاكس
ديالو....ماحاولش يوقفها و مادارش لجيهتها...
#أوس
فاق و لقا الوقت معطل...لبس عليه وخرج....
ركب فلوطو و كسيرا فاتجاه البحر....
#فرانا بالجههد و خرج من لوطو....تمشا بخطوات مسرعة جيهتها مزير على يديه....كانت واقفا فوق الصخرة...البلاصة كانت خاوية..ماكايتسمع والو من غير صوت الأمواج....
مابقاش عارف راسو آش كايدير....شافها من التحت تلاحت...مابقا كايسمع والو من غير دقات قلبو المجهدييين....شوية مابقاتش بانت ليه....كايدور راسو و يقلب عليها بعينيه وسط البحر...يديه عرقو و كايرجف غير بوحدو..ماحس براسو حتى تلاح فالماء كيعوم و يقلب عليها بعينيه..نسى التخوف ديالو
من البحر و من الأمواج....ملي كان صغير حتى لدابا
عمرو قاس الماء ديال البحر و لا قرب ليه حيت كان غرق و قلبو توقف لمدة...ماعتقوه غير بمعجزة و من داك النهار عمرو قرب جيهتو....ولكن هو براسو ماعرفش كيفاش حتى لقا راسو وسط الماء كايقلب عليها بهيسترية و كل شوية يسترجع ذكريات على الحادثة لي وقعات ليه...و لكن شكون مسوق ليهم...دور راسو بثثاقل وبانت ليه خارجة...سخط...غضب..خاف..فرح...غااار.. عشقها و بغاها بكل جوارحو... الوحيدة لي ملي كيشوفها قلبو
كيدق ليها بحالا أول مرة يشوفها....
#سارة
عيات و مشات تكات على ظهرها كتشمش حتى وقف عليها خيال و درق عليها الشمس..حيدات نظاظرها
كتشوف فيه مصدومة...
سارة:نتا؟؟؟
جايكوب(باستهزاء):و شكون من غيري!(شاف فيها)
علاش..ماقالش ليك يوسف وصلت البارح.
سارة(دارت نظاظرها و رجعات تكات):قالها ليا و لكن
آش كادير هنا؟
جايكوب(جلس حداها):جيت للبحر(شاف فيها)عندك
شي مشكل؟
سارة(بتعجب):قلت زعما تكون مخشي مع شي وحدة..
جايكوب(كايشوف فيها):واش غير على هادشي ماكتحملينيش.
أيات(بلعات ريقها و ضحكات):داوي معايا؟؟ علاه أنا فين سمعتيني دويت؟؟
أوس(ابتسم)
أيات(ساهية كتشوف فضحكتو لي أول مرة تشوفها...
ديما مغوبش و عاقد حجبانو ابتسمت وقالت بلا هواها):ضحكتك زوينة..
أوس(جمد فبلاصتو..بحالا غير كايتخايل فكلامها و ما خرج هدرتو غير بزز):ا..ا..اشنو قلتي؟؟؟
أيات(عاد وعات على راسها و عرفات آش قالت...دورات راسها كتلعب بصباعها):ا..ا..زعما بغيت
نقول..م..ماتبقاش تغوبش...اه..هادشي لي بغيت نقول(شافت فيه محرجة فين عمرها توقعات تدوي مع شي واحد بهاد الطريقة...هي براسها ماحساتش حتى خرجات هاد الهدرة من فمها...)احم صافي صافي يالاه نمشيو..
(سبقاتو بخطوات مسرعة بحالا كاتفاداه...
وجها حمر..محرجة..معصبة..ماعارفاش كيفاش حتى دوات هاكاك مع شي واحد وبالأخص معاه هو...واحد متكبر
و مغرور كيفما مسمياه هي...و لكن هي واش عارفا هاد
*المغرور آش كايقاسي كل نهار ببعدو عليها...هي مستحيل شي نهار تقدر تعرف مقدار حبو ليها...
من أول لحظة شافها فيها و هي ساكنة قلبو و عقلو...حاول و دار مافجهدو باش ينساها...و لكن ماكانش عارف بلي ببعدو عليها غير ماغايزيد عشقو ليها....
وعا على راسو و عرف شنو وقع...واش كيحلم؟ لا هو فحقيقة...و أجمل حقيقة عرفها فحياتو هي هاد البنت لي كتخلي قلبو يدق بلا هواه...تبعها و الضحكة مرسومة على وجهو....وقفات على غفلة عند واحد المحل...شافت وراها و مالقاتوش...تنهدات بارتياح
و دخلات للمحل كتشوف فاللوحات المعلقة فالحيط
و السناسل القدام...مشات هزات وحدة بسيطة عجباتها
كان كاتتوسطها حجيرة صغيرة كتلمع فالأبيض...و اختارت جوج آخرين كايتشابهو..غير اللون لي مختلف...خلصات و خرجات من المحل كتتمشى و تشوف فالأرجاء
توقف هنا و توقف لهيه...حتى خدات لي عجبها و أغلبيتهم لعائلتها و مانساتش حتى حفيظة و بناتها...
غادة فطريقها حتى انتابهات لواحد المراية ديال واحد المحل مسدود..جبدات السنسلة لي شرات و تحمسات
باش تلبسها....حاطاها على عنقها كتشوف فيها و تبتسم....مابغاتش تسد ليها...عقدات حجبانها و تعصبات
حتى كانت غاتهبط يديها و هي تحس بنفس سخونة
ضاربة ليها فعنقها...يد كترجف شدات ليها فيديها
نفسو السخونة لي كتضرب ليها فعنقها بورشاتها..حسات بيديه كايبعدو فشعرها و رجعو كامل
فالجنب...شد يديها لي كانت شادة بيها السنسلة و سدها ليها و هو خاشي راسي فعنقها...عينيه مسدودين كايستنشق ريحتها بحال إلا كان مقطوع من الأوكسجين ديالو....
حسات بالسخونية فعنقها...تبورشات...سد ليها السنسلة و رجع ليها شعرها وراها...دارت عندو بالشوية و التقاو
أعينهم...هبطات راسها و شافت فالعقد...
أيات:ش..شكرا..
أوس(ابتسم):ماتحتاجيش تشكريني...جاتك زوينة و بزاف..ذوقك متميز..
أيات(ابتسمت):شكرا...(شافت الساعة) تعطلنا عليهم واقيلا يالاه نمشيو..
مشاو وقفو فالبلاصة لي تفارقو فيها حتى لحقو عليهم...و ما رجعو للإقامات ديالهم حتى لليل..
دخلو و ارتاحو وناضت أيات جبدات ليهم السناسل لي
جابت ليهم...
ميساء(كتشوف فالعقد وترجع تشوف فيها):لا..واش متأكدة نتي هي أيات لي كنعرف...منين جات هاد الضرافات كاملة🙄.
أيات(خداتو من عندها):صافي ماعجبكش...عندي لمن نعطيه..
ميساء(رجعاتو):غا ضاحكا متزيديش فيه..
سارة:ههه عجبني بزاف...ذوقك متميز..
أيات(تفكرات هدرة أوس و ابتسمت):هه شكرا..حتى داك المغرور عجباتو..
سارة(تعجبات):علامن داويا؟؟
أيات:على خوك!!
سارة(تصدمات):و..واش داوية على يوسف؟؟
أيات:على شحال عندك من خوك؟؟
سارة(مصدومة..قالت بالشوية):منين طاحت عليه هاد اللباقة كاملة؟؟
أيات:قلتي شي حاجة؟
سارة(شافت فيها و ابتسمت):لا والو..
أيات(بادلاتها الابتسامة):إوا زيدو يالاه نعسو...غدا آخر نهار عندنا هنا...
ميساء(طاح عليها الظيم):غانخيمو فيها...زعما فالغابة؟!!
أيات:لا يا الهبيلة حتى لثلاثة الأيام الأخيرة عاد غانخيمو...دبا غادين للجبال ههه و كاين منتجع تما ماتخافيش!!
ميساء:و مالك سهلتي ديك 3أيام راه غانرجع حالتي
بالقريص...و عندي حساسية من داك العجب..
أيات:صافي كاسيطتك حفظتها...زيدي تنعسي دابا...
مشات كل وحدة شدات بلاصتها و نعسو..
الفجر:
دخلات شميشة زوينة كتسلل بخيوطها
المذهبة فغرفة البنات....و هما كل وحدة ناعسة و كل
وحدة و الحلم لي كتنسج فيه و تمناه إلا سارة الكابوس لي منين كانت صغيرة و هي تحلم بيه رجّع بيها الزمن اللور....
#بنت صغيرة كتبكي فغرفة مضلمة...شعرها هابط ليها على وجهها ودموعها شلال...
حوايجها مقطعين و باليين...آثار الضرب باينة فجسدها
الصغير كامل..وجهها شاحب و كلها كترعد
طلعات راسها و حبسو دموعها بالخلعة فاش سمعات خطوات كايقربو و أصوات كايهدرو...
شخص(بغضب): سيمانة وهي هنا...ماكاتشوفش الشمس و الماكلة ماكادوقهاش...(ضرب الطابلة) هددناهم بيها و ماجاناش جواب منهم...دابا أنا غانتصرف بطريقتي...(دخل عليها بحال الوحش و هي
كترعد و ماقاداش تدوي...وقف قدامها و صرفقها و شدها من شعرها وقال):عائلتك كايقتلو خوتنا المسلمين...عائلاتنا يموتو و نتوما تعيشو حياتكم بحالا
مادرتو والو...( شدها من فكها وزير عليها و كايدوي بنبرة وحشية) هادشي لي ماغايكونش ليكم...
الشرف ديالك و ديال عائلتك القتالة أنا لي غانغصبو
(بنت صغيرة مافاهمة والو من غير البكا ولكن حتى دموعها خانوها و نشفو كيقطع ليها حوايجها بكل وحشية...عيات ماتقاومو...و لكن حاكمها بقبضة يديه
و مزير عليها....حتى استسلمات و عيات و هو يوقف على الحركة...حلات عينيها بثتاقل و شافت شي واحد
هاز عليه فردي...و لكن لاحو ملي شاف المنظر ديالها
و مشا شنق عليه و هزو لاحو حتى تردخ مع الأرض..
عينيه حمرين بالأعصاب...تمشا لجيهتو بخطوات متسارعة...هزو و حكمو مع الحيط وقال بكل وحشية:
الموت هو لي ماتحلمش بيه دابا...غانخليك تتعذب حتى تولي تطلب الموت و ماتلقاهاش...لاحو للأرض
و انقض عليه بالضرب حتى ولاو دماياتو سايلين...
فقد الوعي و هو باقي كايضرب فيه...
مشا هز ختو الصغيرة بين يديه...و خرج بسرعة...
#عرقانة و كتقلب فبلاصتها...ناضت قافزة كتنهج
و شادة على قلبها...لبسات عليها كاش خرجات و جلسات مقابلة مع البحر....
حاولات جهدها باش تنسى و لكن غير ماكاتزيد تتفكر الأيام لي تعذبات فيهم غير حيت هي
بنت هاد العائلة و على قبل تمويل كاذب لي لصقوه فيهم(العائلة متهمة بأنها كتعطي تمويلات على قبل
الإرهاب و لكن هاد الاتهامات لا أساس لها من الصحة...
ماشي حبا فالإسلام..لا..ولكن عندهم علاقات قوية مع الدول و ماغيخاطروش بيهم....تعذبات لمدة ماكتتعداش سيمانة و لكن شافت فيهم أسوأ كوابيسها....
ساهية كتشوف فالبحر و تراقب أمواجو بحالا كاتشكي عليه...طاحت دمعة سخونة على عينيها... و لكن دغيا مسحاتها....جا جلس حداها شي واحد...دورات راسها و شافت فيها...ابتسمات ليها و رجعو بجوج كايشوفو فالأمواج العالية و البحر الهايج...
#أيات
فاقت على غفلة و مالقاتش سارة حداها...مشات للحمام مالقاتهاش...خرجات على برا و مالقاتهاش...
كانت غاتعاود تدخل حتى شافتها جالسة فالرملة
مقابلة مع البحر...مشات جلسات حداها بلا كلمة بلا جوج حيت عرفاتها مقلقة....
أيات(كسرات الصمت لي دام لمدة طويلة و قالت):
نمشيو؟؟
سارة(استغربات منها):واش ماغاتسولينيش؟
أيات(ابتسمات ليها):ماكاين لاش..عارفاك مقلقة دابا
و ماغاتعاودي والو...ولكن إلا بغيتي تخوي عليا راك
غاترتاحي كثر..
سارة:بصراحة...طفولتي ماكانتش عادية بحال كلشي..
(شافت فيها و عاودات ليها كلشي و أيات غير كاتسمع
ليها و ساكتة...)
أيات:و..واش هادشي بالصح؟
سارة(اومأت ليها براسها و طلقات العنان لدموعها)
أيات(عنقاتها و مازادت معاها حتى كلمة...مابغاتش تسولها دابا....
ناضو و مشاو دخلو لقاو ميساء فايقة...لبسو و مشاو
للحافلة...غير طلعو و هي تشوفو جالس فالبلاصة لي كانو فيها المرة الأولى...مشات جلسات حداه بلاما تدوي...هه خافت منو بعدما سمعات سارة آش قالت و عارفة لا بغات تبدل البلاصة ماغايبغيوش ..
أوس(بنبرة جدية):مالك؟؟
أيات(بلعات ريقها):ماماليش..
أوس(بابتسامة):ياكما خفتي مني بعدما سمعتيها آش قالت.
أيات(دارت شافت فيه):آش سمعت؟؟
أوس:كنت دايز من تما و شفتكم(شاف فيها)عاودات ليك كلشي؟
أيات(ومآت براسها):عاودات ليا على لي وقع ليها
أوس:واش كتظني بلي غلطت حيت قتلتو؟
أيات(شافت فيه):أنا ماشي الإنسان المناسب لي غايجاوبك على هاد السؤال..انا ماكانلومكش و لكن
كان عليك تخلي العدالة تاخد حقها و ماشي تطبق القانون بيديك.
أوس:القانون كاناخدو بيدي...(ابتسم)ماعرفتش علاش
كنسولك؟على ماشي من ديانتك و غاتدافعي عليه..
أيات(تعصبات):آش دخل الديانة للهدرة...هو ارتكب
غلط كبيير و كان خاصو يتعاقب و لكن ماشي بديك الطريقة و نزيدك أنا اختلاف الديانات أخر همي...كن كان كلامك مبني على الصح ماتكونش سارة صاحبتي..
أوس(شاف فيها):على هاد الحساب غاتقبلي بحب واحد من غير ديانتك؟؟
أيات:آش دخل شي فشي...أنا داويا فالشرق و نتا كتغرب..
أوس(زير على يديه):جاوبي
أيات(عصبها):لا مستحيل حتى لهادي ماغاديش نتقبلها
أوس(بحالا غرستي ليه خنجر فقلبو لي كيدق غير تسميتها..كان متوقع تقولها و لكن ماكانش عارف غايتألم لهاد الدرجة...دور راسو للجيهة الأخرى و سها)
#مالك
مالك(موجه كلامو لشي واحد):هي فالرحلة...هادي حاجة واضحة و لكن كيفاش ندير حتى نتعرف عليها؟
الشخص:ماعندناش معلومات عليها للأسف.
مالك:صافي سير و الغي الإجتماعات ديال الأيام الماجية(ابتسم ياستهزاء)غادي نبدل الجو شوية..
#أوس
وصلو لوجهتهم و قبل ما تخرج شافتو باقي جالس و ساهي..
عندما يعشق الوريث الجزء الثالث
محتوى القصة
التنقل بين الأجزاء