صورة مصغرة لـقصة عندما يعشق الوريث

قصة عندما يعشق الوريث

qisat 9isat 3indama 3ichq 3ich9 
رواية عندما يعشق الوريث

عائلة موريلي The Morreley
من أغنى العائلات العريقة في العالم اصلها يهودي مغربي الممتلكات ديال هاد العائلة لا تعد ولا تحصى(قصور في جميع أنحاء العالم و شركات كبيرة ناجحة في جميع الاختصاصات و أسهم كثييييرة في أشهر الشركات الأجنبية عندهم صفقات عمل مع جميع الدول في العالم و مستشفيات و مدارس او أراضي فلاحية كبيرة و مزرعات في المغرب وأمريكا و الصين ومصانع منتشرة فالعالم..عدة مناجم بأفريقيا وعندها شعار و رمز خاص بها ...ثروتهم هاائلة لدرجة أن الدول كتاخد قروض منهم...) هاد العائلة البرجوازية جمعات الثروة ديالها بعد الحرب العالمية او انتقلت للمغرب واسثثمراتها في مشاريع ناجحة اللي ضاعفات ثروتهم او قرروا جدود هاد العائلة يستقروا في المغرب او من تما او هاد العائلة كتحقق نجاحات ساحقة فالعالم او كتعتبر من أغنى عشر العائلات فالعالم...
#في القصر المغربي 
هو القصر الرئيسي ديال العائلة،أقل ما يقال عليه انه رااائع لأنو جنة فوق الأرض،من أجمل وأكبر القصور في العالم...
#تحلات البوابة الرئيسية ديال القصر اللي منحوت فيها بلون الذهب الشعار ديال العائلة و الرمز ديالها لي هو جوج سيوفا ديال المبارزة متقاطعين وقطعة نحاسية منحوت فيها أسد...دخلات سيارة فيراري كحلة آخر ما كاين، مصنوعة تحت الطلب مامنهاش جوج فالعالم، مظهرها كيوحي على القوة والجبروت والغموض ديال صاحبها....عبرات الاوطو الحديقة اللي فيها أجمل أنواع الورود وأندرها و نافورات الماء لي عاطيينها ديكور هاائل و الخدم كيقطعو الأشجار على أشكال متنوعة و جميع أنواع السيارات الفاخرة لي تخطر على البال واقفين فالباركينغ ديال القصر.... فرانات بالجهد حتى تحاكو الروايض مع الأرض قدام الباب ديال القصر او تحل الباب ديال الاوطو او خرج هو بخطوات متوازنة كلهم ثقة كيسد بيديه اللي فيها الروليكس الذهبية(أغلى ساعة فالعالم) مصنوعة خصيصا على قبلو لا فيست ديال الكوستار الأنيق بلون الغري اللي لابس كيبانو غير كتافو العراض و عروقو اللي خارجين من عنقو زايدينو جاذبية على جاذبية و بالوشام لي جيهة قلبو واخد ليه بلاصة من صدرو العريض لعنقو كيتمشا بكل غرور فوق الرخام ديال الممر الواسع دالقصر اللي مزين بأغلى اللوحات التشكيلية او التحف الفنية "بيكاسو- دافيتشي-فان غوع..." كتحس براسك فشي متحف...
#على طاولة الأكل الطويلة،اللي عامرة بكل ما لذ وطاب من الأكلات العالمية ، الكراسي المصنوعة بأغلى أنواع الخشب فالعالم او منحوت على ظهورهم الرمز العائلي؛ إلا واحد اللي كتلاحظ الإختلاف ديالو حيت بالإضافة للرمز منحوت عليه اسم بالعربية والهبرية"لغة غير مفهومة" و هو لي خاوي أما العائلة كلها مجموعة من أعمام او ولاد او بنات الأعمام اوكيترأس الطاولة رجل في ستينيات باين على ملامحو الغضب والفخر و الصرامة فنفس الوقت هو رغم الكبر فالسن ما بايناش فيه لابس كوستار فالكحل او فالكرسي اللي جنبو جالسا مرتو اللي ملامحها كلهم فخر او غرور هي مرأة فالخمسينيات مي مابايناش فيها مهتمة بصحتها او الرشاقة ديالها شعرها دايرا ليه مشيطة كلاسيكية و أنيقة فلباسها.. العائلة كاين اللي فرحان كاين اللي نظراتو كلها حقد او هادشي واضح على وجوههم ...كاياكلو في صمت،اوالخدم كيحطو ليهم بكل لباقة... حتى دخل هو بكامل أناقتو وغرورو...

الأعين كاملا ولات عليه مامتوقعينش حضورو إلا الأب ديالو اللي ماهزش راسو او بقا كياكل بعدم اهتمام أما واحد بنت عمو صافي دابت..كلشي حاضيه أما هو كيتمشا بخطوات محسوبة جيهة الكرسي لي مقابل مع باه وبقا كيتأمل الإسم المنحوت لمدة مامسوقش لنظراتهم اللي كيختارقوه جلس بلا ماينطق بحتى حرف او هز راسو او يا ريتو ما هزو.. البنات صافي سالا معاهم ما عرفو باش تبلاو .. وجهو ما بيض ما سمر فيهم واحد اللون حنطي حروفو كحلين كايبينو صرامتو او قوتو لي ما ليها مثيل وعينيه اللي فالبني المفتوووح لدرجة كايبانو بحال الصفر الغامق او فيهم واحد البريق خاص لي مميزهم أما اللحية المطراسية اللي كاتعطيك انطباع أنو شخص جدي..جسمو رياضي بامتياز بنيتو ضخمة،عضلاتو باينين من الكوستار..هو ملاكم متمرس و عنيف عمر شي واحد قدر يهزمو و هدي غير هواية كيمارسها.... هو رجل أعمال ناجح بزااف و مشهور فعالم البيزنيس لدرجة الأعمال ديال العائلة كلها بين يديه ، الأب ديالو رغم الصرامة ديالو او طبعو لي صعيب إلّا أنو كيتيق فولدو بزاف حيت على الرغم أنو كان فالبداية ديالو ما عمرو اعتمد على باه او كوّن شركتو الخاصة اللي دابا كَتعتبر من منافسي الشركات العالمية او الأولى فمجالها او فضل يدمجها مع مجموعة شركات موريلي الشي لي زاد من نسبة الأرباح ديالهم،
باختصار على الرغم انو الأملاك مكتوبة ليه من طرف الجد ديالو لكن هو فضل يستحق لقب "الوريث" او بالفعل استحقو لانو شخص حاد الذكاء او صعيب الواحد يتعامل معاه قلبو قاسي او ماكيرحمش.. لي كايخونو كيقتلو بلاما يفكر اولا يتردد.. هو يوسف موريلي☆ سماه جدو، عائلتو هي الوحيدة لي كتقول ليه يوسف أما هو معروف باسم أوس ومن لا يعرفه فعمرو 27عام والخبرة ديالو ماعندش راجل فالخمسينات،عمرو كان فعلاقة جدية،كيمل من بنت كيدوز لغيرها علاقاتو عابرة ماكتفوتش نهار هادشي إلا كتر، عامين ماجا للمغرب و السبب غير معروف... 
جالسين كياكلو فصمت و الأم ديالو (سامانثا)غير كضحك او عينيها مغرغرين بالفرحة حيت ولدها جا على الرغم أنو كانت كتمشي عندو ديما لأمريكا هي وختو إلا أنو هاد المرة مختلفة..سالاو الماكلة او ناض الأب(كارل): يوسف تبعني للمكتب (مشا)
يوسف(دار إمائة براسو بمعنى واخا ودار ابتسامة ساحرة للأم ديالو لي بادلاتها ليه او هي غطير بالفرحة او مفتاخرة بولدها حيت ولا حديث كل الناس او مشا تبع باه تحت نظرات الكل لي مستغربين علاش مادواش معاهم)
#فالمكتب 
جلس كارل فالمكتب ديالو او جلس أوس قدامو دار رجل فوق رجل او كيتسناه يدوي..
كارل( مهبط راسو او كايسيني على شي وراق):متأكد هادشي اللي باغي دير؟ 
أوس(دار ضحكة جانبية): تاحاجة ما تخفا عليك... 
كارل (هز راسو و شاف فيه): علاه فين عمر شي حاجة خفات عليا؟ قول ليا السبب الحقيقي علاش رجعتي.
أوس(طول الشوفة فباه او بغا يبدل الموضوع):هو دار الذنب او يستاهل العقوبة(ناض)أنا مشغول دابا كنستأذن منك(يالاه غادي يخرج من الباب او هو ينطق كارل)
كارل: ماتهورش هو كيبقا واحد منا او الموضوع ما يستاهلش!
أوس(زير على القبضة ديالو و عينيه ولاو حمرين بالغضب): لحد الآن أنا مامتهورش(وخرج)
#فالصالون 
العائلة مجتمعة إلا مو وختو او كلا يلغي بلغاه 
العم(سامويل): أنا بعدا مابقيت فاهم والو فهاد الدري...يغبر فخطرة و يجي على غفلة..مستحيل نفهموه شي نهار!
مراتو(مارثا باستهزاء):هه علا زعما ماعارفوش حنا راه مكنهموه فوالو و نزيدك هو من المستحيل تعرف شنو تحت راسو هه علا نسيتي..(قاطعها صوتو اللي باين عليه الغضب و هو لا كان غضبان غير حفر قبرك):شالوم(السلام بالعبرية..الكل بادلو السلام جلس وحول نظراتو لولد عمو دافيد> يتيم،الأم ديالو ماتت وهي كتولدو أما الأب ديالو فمات فظروف غامضة لحد الآن ماعرفوش السبب مكيحملش الشعرة فهاد العائلة لانو كيتوقع أنها السبب فالموت ديال باه او ديما كيحاول اختلاس مبالغ كبيرة ديال الفلوس ويتحدى أوس ولكن معامن هو!!..تدخل فشي صفقات مشبوهين او ديما العائلة كيديرو عين شافت او عين غمضات ولكن ارتكب واحد الخطأ اللي أوس مستحيل يقدر يسامحو عليه<...
دافيد(غيموت بالخلعة او كيصطنع القوة):هه ولد عمي مفاجئة زوينة هادي و...
أوس(قاطعو بشوفاتو ديال القتيلة لي فنفس الوقت بملامح باردة)
دافيد: احم..يوسف كنظن خاصنا ندويو و..
أوس(دار ضحكة استهزاء):ماشي هنا (ناض او سد الصدفة ديال الكوستار)تبعني(مشا)..

دافيد ما استغربش من التصرف ديالو أصلا الكلمة ديالو هيا لي عمرها طيح للارض او أي واحد كيحسب ألف حساب عاد يدوي معاه شكون ما بغا يكون وكيف لا وهو "الوريث "..
تبعو بلا كلمة بلا جوج او مشا أوس ركب فالاوطو ديالو او كسيرا بأقصى سرعة..فحين أن دافيد كيبقلل بعينيه او خايف من خيالو ومشا ركب فسيارة فاخرة او كسيرا باش يقدر يلحق عليه..
#عند أوس
غادي بأقصى سرعة ماكيوقف لافالضوء الاحمر لا فعلامة سطووب واخا طريق عامرة و شكون هادا اللي يقدر يدوي معاه ولا يحاسبو البوليس غير كيشوفو البلاكة ديال الاوطو الي فيها سميتو كيتراجعو...تسمع صوت فران مجهد فواحد الجرف عالي وسط الشجر وتحت منو كاين البحر..كان أوس..ما جا فين يخرج من لوطو حتى كان دافيد وقف طونوبيلتو وراه حيت عارف ايلا مشا حتى تعطل ذنوبو على راسو.. تمشا أوس لجيهة الجرف بلا مايشوف فجيهتو او وقف مفيكسي عينيه فنقطة وحدة او تبعو دافيد كيفيبري بالخلعة حيت عارف انو دارها قد راسو و دابا هو ما غايدويش مع ولد عمو إنما غايدوي مع وحش بصفة إنسان..
دافيد: اوس ش..شنو واقع؟علاش جينا هنا؟
أوس(عينيه حمرين بالأعصاب و عروقو شويا و يخرجو و مزير على القبضة ديالو):الصمت
دافيد(عينو على أوس لا يمشي يفلت فيه شي دقة):و..واش نتا بيخير؟
أوس(دار شاف فيه شوفة ديال القتيلة كتجمد الما فالركابي عينيه حمرييين وكيدوي كارز علا سنانو):علااااش تقرب لجيهتهاااا(ضربو حتى رعف و شدو من الكول ديال القاميجة و دافيد كايبان قدامو بحال الكميشة ودورو جيهة الحد ديال الجرف مامترددش باش يلوحو..ذكرى منها دازت قدام عينيه فلحضة كان غايتهور و يندم حيت مستحيل تسامحو..رجع دورو و شنق عليه)
دووي...علااااش؟واااش باغي تموت؟ ساخي بروحك (بقا كيضربو و الدم سايح و هو ما ممسوقش..دافيد عيا ما يقاوم ولكن فالآخر فقد الوعي..خلاه أوس منشور فالأرض وشاف فيه بنظرة باردة او جمع القبضة ديالو و ضرب الباب ديال الاوطو حتى عواج..ركب وديمارا بحالا ما دار واالو)
#واقف بلوطو حدا البحر ،كانت البلاصة خاوية بحكم هي من ممتلكاتهم و تا واحد معندو الحق يدخل ليها من غيرهم(ايااه تا من البحر ما موقرينوش) ..منضر جد رااائع مع غروب الشمس.. كايتبسم غير بوحدو وهو كيتأمل واحد الصورة (سبحان مبدل الأحوال) حطها على قلبو لمدة طويلة و تنهد عاد رجعها بلاصتها و حرك الاوطو متجه للقصر حتى جاه اتصال شاف النمرة و جاوب بالزربة: كاين شي جديد؟
المتصل(متفاجئ بالسرعة اللي جاوبو بيها): ااا سيدي الصراحة هو..
أوس(فرانا وسط الطريق وهو صاعر):دووووي...واش واقعا ليهااا شي حاجة..متصعرش ديلمي..دوي(ويخرج الهضرة بزز)
الشخص(متفاجئ بالسرعة لي جاوبو بيها):ااا..لاا أسيدي..غير هو حبيت نعلمكم بلي هي فالمطار دابا..عائلتها مسافرة وهي كتودعهم...تآمرنا بشي حاجة أسيدي..
أوس(قطع بلاما يجاوب..قلب الطريق للمطار و يديه كايعرقو بوحدهم..قلبو كيضرب بالجهد و معارفش علاش..عامين وهو كيتسنا هاد النهار اللي يعاود يتلاقا بيها..أسئلة بزاف كايدورو ليه فراسو..حاير فأمرو خايف لا متتقبلوش...واش يبان ليها ولا يبقى فالخفاء احسن؟واش تقدر تقبلو ولا لا؟..

#فالمطار
شي غادي شي جاي ،شي واقف شي جالس..الناس كلهم ما كاينش اللي شافها و ماقالش لاحول ولا قوة إلا بالله كتبكي و تنوح فحضن باها و هو كيهدن فيها...
الأب:إوا صافي أبنتي الله يرضي عليك،ست شهور دغيا غادي تدوز و هاحنا معاك مسحي دموعك عافا بنتي. 
الأم(راضية): أيات يهديك الله أبنتي واش بغيتينا نديرو بناقص؟راه منبغيش نشوف دموعك صافي احبيبة باراكا من البكا (تلاحت أيات على مها كتبكي وشعرها البني الطويل مغطي على وجهها ونضاضرها فزكو بالدموع)
ميساء(صاحبتها الروح الروح من الصغر جات معاها للمطار باش يودعو عائلة أيات اللي مسافرين لفرنسا.. باها بروفيسور فالجامعة و جاه انتقال لمدة ست شهور فقط لجامعة فرنسية..ميساء كتنغز فيها باش تسكت من البكا)
الأب(مهدي):نتي عارفا أبنتي كون ما الجامعة ديالك اللي ما بغيتيش تغيبي عليها أنا منخليكش بوحدك...
قاطعهم النداء ديال الطيارة المتجهة لفرنسا و دار مهدي عند بنتو وعنقها بالجهد و حتى هي مزيرة عليه و كتنخصص....
مهدي: تهلاي فراسك اأميرتي و ماديريش البسالة راني حافضك غير نمشيو ديري لينا الزردة فالدار و خلي تيليفونك ديما شاعل (خنزرات فيه أيات)ههه و نتي أديك شنيولا(على ميساء) ياك دويتي مع عبد الله و الغالية (واليديها) باش تجلسي مع أيات هاد المدة.
ميساء(غطير بالفرحة):اه اأعمي ما تخافش راه بغاو اصلا بالفرحات عليهم باش يالاه يجيبوا ليا شي خوياا هههه و تانتوما شكون بحالكم غادين لمدينة العشاااق(باريس) هه(مهدي غير كايضحك و راضية حشمات و تزنكات)
راضية(عنقات بنتها بالدموع وحتى ميساء):أيات تهلاي فراسك و ما تاكليش ماكلة الزنقة ههه اصلا منحتاجش نوصيك على قرايتك او نتي اشنيولا ردي البال لراسك و سلمي على ماماك بزاف بزاف.
مهدي(عنقهم وباس لبنتو على راسها و هو حابس الدموع بزز بعدهم عليه وقال):بسلامة أحبيبة (شاف فمرتو)يالاه أراضية راحنا معطلين..
مشاو معاهم حتى عطاو الباسبور و التيكي و اختفاو عن الأنظار.. ميساء ما حسات بالقرصة منين جاتها ميساء:اااااااحح حشوماا عليك آاااش درت ليك اختي(و كتحك جيهة القرصة) 
أيات(كتهدر من تحت سنانها): هادي باش يلاه تعلمي تسدي داك الفم عندك واش بغيتيهم يديرو بناقص و نقولو باي باي لا ليبيرتي(liberté)ولا؟ قالت لك مدينة العشاق ماحشمتيش أاا
ميساء: وااا صافي أالساطة راه غير كنا ضاحكين اصلا ما وقع والو(شافت فيها) واش مغتحيديش دوك قاع الكيسان من عينيك و ديك الطاكية ديال الزوفري؟ راه كتباني بحال شي شفارة أالمسخوطة 
أيات: ميسااااء حبيبتي خليني معاك مزيانة الله يرضي علك او زيدي قدامي ناخدو حوايجك من داركم
ميساء:لاااا تانا ماغاداش معاك تاتحيدي دوك الكيسان اللي لابسا!!
أيات:اووووف منك.. (حيدات النظاظر وبانو عينيها اللي ما شاء الله أجمل عيون تقدر تشوفهم هما فواحد اللون غريب مايل للغري و الخضر الغااامق كيبرييو بحال الالماس و رموشها طوااال و كحليين حجبانها مطراسيين من عند الله و النويف عندها منقاد و فمها الممتلئ فالغوز الغامق كاتبان بحالا معكراه و البشرة بيضا بحال السحاب أو الشعر فالمارون المفتوح عمرها صبغاتو و لاطاي ديالها خطيييرة الكرش لاأثر لها واخا كتضل تاكل..هي رياضية ،دخلات للنادي ديال الكاراتيه وهي باقا صغيرة كانت فعمرها 12 عام ،خدات السمطة الكحلة من بعد عامين فقط فعوض اربع سنين ودابا هي لاعبة كاراتيه متمرسة ولكن مكاتشاركش بالمباريات واخا جاوها فرص ما كتعوضش ولكن فضلات تركز على الجامعة فعمرها دابا 21 عام و كتقرا بأرقى الجامعات فالمغرب حيت خدات منحة دراسية كاملة واليديها ديما مفتاخرين بيها شخصيتها مختلفة هي اجتماعية بزاف ضحوكية و هبيلة مقطعة الوراق و لي مميزها هي شجاعتها ما كتسكتش على الضلم و هادشي كيسميوه البعض حماق ولكن هي كتسميه شجاعة كتخاف بزاف ولكن دافعة الجبهة حنينة بزاف قلبها كبير كتسامح و تنسا دغيا ولكن الكمال لله حتى هي عندها سلبياتها هي سريعة الغضب دغيا كتنفاعل وتشعل و هادشي ديما جابد ليها الصداع و المشاكل..كتسامح و كتعطي فرصة ثانية ولكن كتآمن أن لي كيعاود نفس الخطأ للمرة الثالثة كتولي عندو عادة والعادة مستحيل تتبدل..سميتها مختلفة >أيات<ولكن حتى هي مختلفة سماها باباها على أيات القرآن الكريم عمرها فرطات فصلاتها و ديما الصلاة فوقتها واخا تشوفها مفروحة شويا..
أما ميساء فهي بنت زوينة و غزالة شعرها كحل و طويل و بشرتها ما هي سمرا ما هي بيضا عينيها كبار و عسليين كتلبس ديما الستيل و الكساوي عكس أيات اللي ما ماكتحملش الكساوي وديما السراول و السبرديلات كتقرا مع أيات فنفس الجامعة ديما مناكرين..الحاجة الوحيدة اللي كيتافقو عليها هي الماكلة هه بجوجهم كيشوفو الماكلة كيحواالوا و كينساو العالم الخارجي حتى يشبعو...

#فالليل مع 20:00
خرجو من المطار وهما مرة يضحكو مرة يتناكرو..لله يستر حال و أحوال هاد الجوجات داربين الدنيا بركلة و مامسوقينش لبنادم و الدراري كاملين كيشوفو فأيات بإعجاب و هي مجايبا خبار للبركان اللي وراها و ما بقا ليه واالو وينفجر عينيه ولاو نقطة ديال الدم عروقو خارجيين بزز باش كيطلع النفس ويهبطها..
#عند أوس
وصل للمطار و طونوبيلات رونج روفر كحلين ديال لي كارد وراه..هبط هو بكل شهامة و بواحد الهيبة خطيرة كتحتم عليك أنك تحترمو..تبعوه لي كارد حبسهم بحركة من يديه و دخل بوحدو المدير جا كيجري باش يستقبلو و الناس كاملا كتشوف فيه بإعجاب والبنات شويا ويذوبو...
المدير: مرحبا أسيدي مرحبا نورتونا اليوم فاش..( وهما كيتمشاو قاطعو أوس غير بعينيه و المدير حنا راسو وسكت)
أوس:(الصمت و كيقلب بعينيه بلهفة حتى وقع النظر ديالو عليها.. كان كيتمشى حتى توقف و مابقا قادر يزيد حتى خطوة..واقف كيشوف فيها كيتفحصها بعينيه وكيشوف أشنو غيرات فيها السنين.. كضحك معا صاحبتها و مامسوقاش للعالم و هو لي ماكرهش يخبيها على العالم وحتى حد ميشوف ابتسامتها لي كتسحرو و كتخليه بلا عقل و عينيها لي كيذوبوه.. #أوس الموريلي اللي كيتضرب بيه المثل و قدوة للعالم...بنت عادية و شجاعة خلاتو مهووس بها و ماكيفكر فحتى بنت من غيرها حاول بزاف يكذّب مشاعرو و يدفنهم و بعد عليها لمدة عامين لكن غير ما كيزيد يعشقها كثر وكثر... ما فيقو من سهوتو غير نظرات الدراري لي كلها إعجاب ليها ..هي كتلبس حوايج عاديين و مستورين إلا أنو جمالها وأنوثتها طاغيين عليها واخا تعيا ما تخبي..ولا بحال البركان اللي كايجي قدامو كيلوحو و غادي بخطوات متسارعة جيهتها و هو كيطلع النفس غير بزز..
#عند آيات
خرجنا من المطار و حنا كننمو فعباد الله غير الله يسمح لينا مايمكنش نكون أنا وهاد المسخوطة بلا ما نديرو شي بلان عوج وحنا غادين للباركينغ فين حاطة لوطو ديالي (kia) صغيرة وعلى قدي حتى كنسمع واحد الكلب كاينبح علينا ميكت جوج مرات ولكن الثالثة وقفت تنهدت وأنا ندور ناويا على خزيت..
أنا(بالغوات):يا الحمار..الكلب الاخور يا عيفة الرجال اتا خرج عندي نوريك تزنزين كيداير(مبانش ليا كنقلب عليه و كنغوت ولكن غبر ليه الآثر)الله يغبر ليك الشقف يا الشماتة علاش مخبي.. هه ياكما خايف(درت عند ميساء) أويلي فين مشا هادا ياك سمعتيه بعدا؟ ناري الشماتة مخبي كنت باغا نبرد فيه جنوني😤
ميساء:ههه اهيا ناري.. مافراسيش مصاحبا مع بدر هاري هه زيدي كون راه تخلع و نتي ما خليتي فيه غا اللي نسيتي
أنا:دوزي يالاه لخربتكم تجيبي حوايجك..
مشينا ركبنا ووديماريت يلاه رجعت مارش أريير وأنا نضرب شي طونوبيل تصدمت...وليت كنولول غير فبلاصتي ميساء خرجات وأنا باقا تحت الصدمة..واش نخرج ولا نسلت وأنا كنفكر فشي طريقة باش نتمسكن حتى غوتات عليا ديك جنية باش نخرج...سقطرت شويا ديال الما على عيني عاد خرجت معولا ندير ليهم دراما مغربية و تما كانت صدمة عمري...

أنا:ويلي ويلي ويلي اش هادشي كنشوف ناااااري ميمتي...مشيت فييها(ههه المسخوطة ضربات فيرااري من شوفتها كتجيب ليك الرعشة فالقلب هه اححح وتشعل تشوفي فيها وجهك)😭اليوما نمشي للسيلون(الحبس)و يدوزوني فدوزييم و نقول ليهم أنا غا مضيليما ويجي الواليد يخرجني كفالة ( بدات تغبن) 😢أهئ أهئ..
ميساء(ممسوقاش):ياختي تي تشوفي الحديدة كيدايرة احححح اقلبي فيراااري كاع وااا تيشوفي هادي ماشي فيراري عادية محال واش منها جوج...
ماعرت مولاها كي غيكون بلاتي نجبد تيليفوني ندير معاها شي سيلفي نفقص بيه العديان ههه 
أنا(كضرب فجنابها وكتندب فحناكها):هاوييلي واش نندب هك ولا هك تشي كنقول ليك ضربنا الطونوبيل و نتي كتقولي سيلفي يا المصعورة دابا نسيلفي مك فالسبيطار ونتي دايرا الجبص غااابلاتي نفك هاد الحريرة ونفضا ليك..
ميساء(ممسوقاش ليها وكضرب فالسيلفيات مع راسها)
أيات(كدور راسها وتشوف واش شافها شي واحد...لقات الباركينغ خاوي):اوووف الحمد الله ما قشعني حد (دارت عند ميساء وجراتها) تي زيدي يالاه فحالنا..الليل هادا دابا يجي مولاها يخلي دار بونا
ميساء:تي تسناي غا يجي مولاها نتصورو معاه تا هو حرااام علييك اصحيبتي ضربي ليه الفيراري وتهربي تسناي غا نصلحوها ليه و نعتاذرو😉 (ومشات جلسات
فالطروطوار)
أيات:😒ايااااه تا هادا نظر سيري كعدي لهيه و تسنايه يجي و من جمعة لجمعة نجيب لحبيبتي القفة تا العكاشة مزيانة هادي..اتيي سيري تكمشي دابا هاد خير مولانا كامل(كتنعت للأوطو) ويطمع فيّ أنا نصايبها ليه أودي الحمد الله غير ماوقع لكيّْتي والو (زعماkiaهه..شافت فميساء) شوفي نتي غا نعطيك جوج خيارات و جوج بصلات ياااإما غاتبعيني وغاديري السوميط لوميط🤐🤐ولا بقاي هنا تايجيبو ليا خبارك يالاه تلاحي هاد الساعة(مشات يالاه غاتطلع وهي تجي ميساء ركبات ودارت السمطة هه..دارت أيات و بقات كتشوف فلوطو حتى دوات معاها ميساء عاد ركبات وانطلقو)
#عند أوس
بقا تابعها و عينيه محيدهومش عليها واخا كيغلي بالأعصاب إلا أنو مجرد مايشوفها قلبو كيبدا يدق بالزربة بحالا كان كيجري و يديه كيعرقو غير بوحدهم وهنا بدا الوحش كايبان..صدرو العريض كيطلع وينزل..جمع يديه على شكل قبضة وسرع فخطواتو... (لقد دق ناقوس الخطر🔔🔔) شاف واحد دري تابعها و كيتغزل بيها(مشيتي فيها يا وليدي ملقيتي علامن غي هي.. الصراحة بقيتي في😔)ماحس براسو حتى جرو وهو معصب لواحد الدرجة ماتتصورش...و داه لواحد لبلاصة مدرقة عليها و هنا بدأت عملية التفرشيخ..الدري ما بقا فيه مايتشاف..وجهو عامر بالدم و مغيب...ماحس براسو حتى قالو ليه لي غارد بلي مات(ماتخافوش ماماتش غير دار ليه عاهة مستدامة😂قالو ليه هاكاك غير باش يهدنوه حيت عارفينو ما غينوض حتى يصفيها ليه)
أوس(دار عند واحد من لي غارد وكيغوت):هادا ميبقاش يبان ليا كيدور بسااااحتها لااا هو لا غيرووو ولا غانقبر ديلمكم كاملين فهتوووو (بالغواات)...حناو راسهم و سكتو و هما كيقفقفو عمرهم شافوه معصب تا لهاد الدرجة)قاد الكول ديال القاميجة و جبد منديل من الجيب الفوقاني ديال الكوستار لي منقوش فيه بالذهبي نفس الكلمة لي كانت فالكرسي...ومسح بيه الدم لي فيديه و رجعو فين كان و مشا ديريكت جيهة لوطو ديالو يالاه غايحل الباب وهو يقشع الضربة حيد النظاظر الكلاس لي لابس وشاف فيها عاقد غوباشتو (ناري قفاارت😂 زهرك اليوما غير فالأعصاب) شاف فواحد من الغارد معصب..
الغارد(كيفيبري بالخلعة):غدا فالصباح يكون عندك أسيدي...(على لي ضرب ليه لوطو)
مشا مكسيري مجاوبوش..الغارد مسكين عاد تنفس الصعداء و مشا..

#عند آيات
وصلنا لدار ميساء اللي طلعات نيشان لبيتها باش تجيب شوانطها سلمت على واليدين ميساء 》ناس ضريفين و الضحكة ديما على وجوههم..ميسورين ماديا تقريبا بحال عائلتها عزيزة عليهم أيات بزااف فالأصل كانو جيرانهم لكن عائلة أيات انتقالو من الحي لي كانو ساكنين فيه و بعد مدة حتى عائلة ميساء انتقلت ولكن عمرهم قطعو التواصل اللي كان جامعهم وديما كيزورو بعضياتهم و أم ميساء و أم أيات صحابات الروح الروح《 ..جلست معاهم كنتعاودو ونضحكو حتى هبطت ميساء مضاربة مع جوج شوانط قدهم قد السخط..توادعات مع عائلتها وهبطنا الشوانط وأنا كنكر عليها..
أنا(كنسوط عليها):اووف الله اختي الله آاااش هازة كاع فهاد الشوانط ياك حوايجي كاينين أالبكْرة لبسي منهم
ميساء:لا أختي غير بالصحة اوييلي نتي حس كسوة ولا طالون ميدورش عندك غير تجين على خوه والسبرديلات كيتشايرو بحال الزوفري..الصراحة كنشك فيك واش دري...
أنا:ياااك اسلييعفانة...أااانا الزين ولاطاي كولشي كاين و تقولي عليا زوفري واااخا(لاحت ليها الشانطة)ايوا هزيهم راسك االساااطة أنا مشيت باااي😤(مشات وخلاتها مضاربة مع الشوانط و ميساء كتسب و تنكر من تحت نيفها)
هبطات أيات للطونوبيل يلاه اتركب صونا ليها التيلي قلبات لقات نمرة "إناس" عوجات سيفتها حيت ماعندهاش معاها كتجيها متكبرة وعاجبها راسها مع هي لاباس عليها و من الطبقة الراقية.. وكل مرة مصاحبا مع واحد فشكل كتقرا معاها فنفس الجامعة .. هي بنت زعرا وزوينا.. كتغير من أيات بزااف و ماااكتحملهاش إن صح التعبير كتحسدها على كل شي رغم أنو أيات ماكترتاحش ليها إلا أنو كتعاملها مزيان و عمرها هضرات عليها خايب واخا عارفا عليها بزاف ديال حوايج خايبين..كتقول غاتبدل..
إناس مكتبينش الكره ديالها ليها و ديما ضاحكا فوجهها و كتسنا غير الفرصة باش تدمرها (النفاق بعينيه)...دوزات لابيل وجاوباتها..

أنا(ركبت فلوطو):ألو..
إيناس(كتدوي و شي واحد مبرزطها):ألو...(شي دري معنقها و مامخليهاش تدوي)ههه زكا خليني نهدر فالتيلي هه..ألو حبيبا واش كتسمعيني ههه
أنا( هاويلي😦أستغفرت الله العظيم ماتحشم ماترمش هاد خييتي😒): كان..كانسمعك...احم آااش واقع و..واش حداك شي واحد؟
إيناس:ههه وي آدم هاذا هه راه كيسلم عليك هه
أنا(و كتقوليها بوجهك حمر اختشي ناري أنا حشمت فبلاصتك):احم..امم أوك.
إيناس:المهم شوفي أنا عيطت ليك حيت غدا فالليل أنا والكليكة غادين للكلوب وبغيتك تجي معانا..آش قلتي؟
أنا: لا غير عفيني.. راك عارفاني دوك البلايص ما بيني وبينهم غير الخير والإحسان(مع هاد الجملة دخلات ميساء و لاحت الشوانط اللور وخطفات ليها التيلي و بدات كدوي)
ميساء:ألو ..آاااه إيناس.. هه إيمتا و فين؟..لا متقوليهاش هه بطبيعة الحال عرفتو ..أووك غير سيرو حنا نلحقو عليكم(كتنتر باش ناخد ليها التيلي ماجيت فين نحيد السمطة حتى قطعات) ..يالاه باي دابا(قطعات و أنا كنخنر فيها...)
# عند إيناس(بعدما قطعات معاها ميساء):ههه نشوفو زهرك ألالا أيات واش غاينفعك غدا(بابتسامة خبيثة)
# نرجعو عند الدريات 
أنا:شكوووون قالك الااالة أنا غادة لشي جايحة كحلة معاهم..يا حصراا راك عارفاني مكنحملش دوك البلايص ونتي براسك مكيعجبوكش.. آاااش باغا تمشي ديري فيهم السلغوطة..غا بلاتي راحنا مازال قدام داركم نقولها ليهم و ديك الساعة لا بقيتي عتبتي تا الباب هو الآخر أجي عكري ليا بالدوا الحمر😡(تكيت على الكوسان وكنسوط)
ميساء(دايرا فيها مقلقا): ياااك أناا اللي هازة لك الهم و باغاك تفوجي على راسك و تجربي بلايص جداد او...(قاطعاتها أيات)
أنا:أاانا أختي ماباغاش نجرب واش بزز اوووف منك تي شكون قالك قولي ليها جايين..(هزيت يدي وأنا كندعي عليها🙏)سيري بغيت لك المصارن والحلاقم والسخانة وبوصفير والحكة وقلة الضفار 😤يخخخ.. سمعي نقولك أنا ماغاداش باغا تمشي سيري الله يعاونك ولكن ديري فبالك خبارك غاتوصل غاتوصل لواليديك..المهم الله يقدرني على فعل الخير😌.
ميساء:اهييا ناري ميمتي على دعاوي عندك اشوفي لا مرضت غا توحلي فيا غا نتي هه دابا سيري خلينا نمشيو نعسو..غدا نعيطو نقولو ليها ماغادينش اووف بقيتي على خاطرك
أنا: واديريها من لول ونتي خاص تاندعي علك عاد ديري عقلك هيهيهي..(غاديين فالطريق و يتناكرو تاوصلو..وصلو للعمارة الفاخرة فين ساكنة أيات سطاسيونات طونوبيلتها ومشات وخلاتها ثاني مضاربا مع شوانطها جاب الله كاين الأسانسور..طلعو وحلات أيات الباب و بانت الدار لي فاخرة بمعنى الكلمة..فيها جوج صالونات واحد بلدي و واحد عصري ..و الكوزينة اللي 100%امريكية.. و 4 ديال البيوت...مشات أيات ورات لميساء بيتها اللي كان زوين وديجا مصايباه على قبلها وخلاتها تستف حوايجها و خرجات لبيتها باش تبدل..حلات الباب و شعلات الضو...وبانت الغرفة ديالها.. وااو ديكور هادئ بالأبيض وفيه نقط كبار بالكحل كيدل على تناقض شخصيتها..سرير واسع فيه زخرفة زوينة من التحت..ماريو كبير و طابل دو نوي معمراها غير بالماكانات و الاكسسوارات..المكياج قليل حيت ماكديروش..ولكن اللي كيلفت الانتباه هي واحد البلاصة اللي مخصصاها للجوائز و الشهادات ديالها جامعاهم من وهي صغيرة حتى كبرات و وسط منهم واحد الجائزة متوسطة الحجم كتلمع💎..
مشات للماريو جبدات بيجاما صيفية و مشات الحمام غسلات وجهها و توضات خرجات ولبسات بيجامتها جمعات شعرها باش ميعنكشهاش و لبسات عبايتها ديال الصلاة و دارت الزيف مشات عند ميساء باش تقول ليها تصلي لقاتها كتسجد تبسمات و مشات لبيتها صلات صلاتها و حيدات العباية و الزيف طلقات شعرها و مشات حيدات الريدو وحلات البالكون دارت بغات تمشي و هي تلفت بالزربة للعمارة اللي مقابلا معاهم شافت ضو خافت تشعل فالبيت اللي أونفاص معاها تخلعات حيت العمارة كاملا ما ساكن فيها تا واحد و مرة مرة كيجيو يديرو ليها الميناج ويمشيو..بقات كتشوف شحال وشعرها كيديه الريح وكايجيبو تا كيبان ليها شي خيال ماكيتحركش..بقات شحال كتحقق
فيه ولكن ماكيبان ليها والو..
ميساء(دخلات راسها من الباب):أياات فييينك (مشات عندها للبالكون)أياااااات
أيات(قفزات وحطات ايديها على قلبها):أهيا ناري أختي تي ديري الحس طيرتيها مني خلعة.
ميساء:وااا راه عيطت راه نتي اللي صمكة (جاراها من يديها) زيدي يالاه جاني جوع!!
أيات:بلاتي تسناي(مشات جيهة البالكون كتشوف فداك الخيال اللي جامد قدام البالكون ديالو بحالا كيشوف جيهتها تخلعات و قلبها بدا كيضرب بالجهد..سدات البالكون دغيا بحالا كتهرب منو و تبعات ميساء للكوزينة....

مشات للكوزينة و طيبو شي حاجة خفيفة باش يتعشاو و كلاو فجو ديال الضحك او التقشاب سالاو و بغاو يتفرجو فشي فيلم و كالعادة بداو كيضاربو على شكون يختاروا.. ميساء بغاتو يكون رومنسي و أيات بغاتو فيه الأكشن والمضاربة ولا الرعب👹 فالأخير دارو بناقص و ناضو مشاو ينعسو.. دخلات أيات لبيتها و مشات الحمام غسلات سنانها و تخشات فبلاصتها و ماهي إلا دقائق قليلة حتى نعسات..
نمشيو عند أوس اللي وصل للقصر وهو خاص غا اللي يجبدو باش يفدي الغضب اللي كيحس بيه و كلشي كيتفادا يهضر معاه دخل للغرفة ديالو اللي متميزة بطابع رجوووولي بامتياز اللون ديالها رصاصي غامق فيه نقيطات حكلين كيشبه بزااف لبيت آيات كاين غير اختلاف دالألوان.. أما الأثاث.. أعجز عن التعبير😮 غير الكلاس و الغاااااالي السرير ملكي بامتياز و كوافوز كبيير مصنوع بأجود أنواع الخشب فيه سطورة بالذهب و باب الدريسينغ مكتوبة فيه سميتو بالذهبي..هو بوحدو كبر من شقة.. فيه جميع أنواع الملابس ولكن أغلبية الحوايج عملية غير الطوكسيدو و لي كوستار المصنوعة تحت الطلب و لكوليكسيون ديال الساعات اللي مصنوعة خصيصا على قبلو و كل مجر كيتحل غير بجهاز التحكم..مشا ديريكت نصل حوايجو دخل للدوش وهو كيغلي بالغضب و كيحاول يبرد على راسو بالما بارد..دوش وخرج لاوي عليه فوطة على نصو التحتاني و فوطة صغيرة كينشف بيها شعرو اللي كيقطر على جسمو المنحوت..العضلات السداسية المشدودة،الكتاف العراض و وشم غريب بالعبرية -العربية فصدرو "هو نفسو لي كان فالمنديل"..مشا ديريكت للدريسينغ لبس حوايجو اللي عبارة على تيشرت كحل وتجين زرق غامق و كاط كحل ولاح عليه كويرة كحلة و دار ساعة رياضية من لكوليكسيون ديال الساعات ديالو و رش من ريحتو (بلا مانذكرو أنها مصنوعة خصيصا ليه..اللعاقة وما دير😒)و خرج وهو هابط سمع مو كتعيط عليه..
(الأم)سامانثا: ولدي يوسف فين غادي يالاه جيتي من السفر و خاصك ترتاح.
أوس(دار عندها ويد وحدة فجيبو وقال بصوت رجولي هادئ):ما عيانش و خصني نمشي عندي شي شغل مهم.
سامانثا:و فين غادي أولدي؟راه...(قاطعها أوس)
أوس(باس ليها راسها):لداري
سامانثا(تبسمات بحزن): واخا..بسلامة(مشا وبقات كتشوف فيه حتى اختفى وحسات بيدين كيحاوطو خصرها ماتحركاتش وبقات على نفس الوضعية و تبسمات)كنظن باللي مخاصكش تبزز عليه شي حاجة ماباغيهاش أكارل راه ولدنا هاداك و أنا مباغاش نشوفو تعيس فحياتو.
كارل(عقد حجبانو و رجعها قدامو):وعلاش غادي يكون تعيس فحياتو مافهمتش..؟
سامانثا(ارتبكت):ااا لا ماشي هاكاك غير هو مستحيل يقبل بزواج مدبر.
كارل(تبسم ابتسامة ساحرة):و علاش لا؟ على زواجنا مكانش مدبر هه باقا عاقلة كنتي باقا صغيرة و ماكتحملينيش وديما دايرا ليا المصايب وأنا كل نهار كنزيد نتعلق بيك و بهبالك.. أنا متأكد من القرار ديالي ولدي هاداك و مغايعارضش كلامي.
سامانثا(حشمات): امم عاقلة واخا دير اللي يبان ليك
كارل:ههه يالاه نمشيو..(حركات راسها بالإيجاب و شد ليها ايديها و دخلو)
مشا بخطوات ثابتة وخرج مد ليه واحد من لي كارد لكونطاكط ديال لومبركيني كحلة(مكحلها علينا🖤) ركب و مشا مكسيري تحت نظرات آنا(آن ماري)اللي كتغلي فبلاصتها و عينيها كلهم حقد وكتتوعد بالشر... 
¤نعرفكم على عائلة #موريلي 
الأب: كارل موريلي 66 عام وباقي كايبان شباب
..رئيس مجلس الإدارة للمجموعة المالية و نائب رئيس مجلس الشيوخ الأمريكي(الكونغرس)... عندو شغف بالفن التشكيلي كان الحلم ديالو يكون رسام ولكن حلمو مستحيل لأنو كان الابن البكر للعائلة وكيتوجب عليه يتولى أعمال العائلة و داكشي علاش تخلى على الحلم وخضع للواقع.. شخصيتو قوية و صارم.
الأم:سامانثا موريلي 52 عام زوينة بزاف محافظة على جمالها و رشاقتها.. شخصية اجتماعية و حنينة بزاف كتترأس بزاف دالجمعيات الخيرية..تزوجت بكارل وهي بنت 17عام كان زواجهم مدبر ولكن مع الوقت ولات بينهم قصة حب قوية.
*الأعمام(سامويل): صغر من كارل هو مادي بلا قياس وطماع،همو الوحيد هو الفلوس..مزوج بمارثا اللي حتا هي نسخة طبق الأصل عليه(طاح الحك وصاب غطاه)ولادهم:جاكوب و آن ماري
(يعقوب):متوفي فضروف غامضة هادي عشر سنين.. ولدو الوحيد هو دافيد. 
* أولاد الأعمام
(جاكوب):23 عام بوكوووص وأبو بنات.. زهواااني..زعر و العينين خضرين😍(كيقرا فالجامعة..)..كيبغي بنت عمو سارة من الصغر ولكن هي معارفاش..كيعبر ليها على الحب ديالو غير من خلال سيطرتو عليها وتحكمو بيها..
(سارة"أخت أوس"):21 عام بنت آية من الجمال غير هي ملامحها كحلين كتشبه لخوها بزااف(أوس)و مفاهمين ..حتا هي شخصيتها عنيدة و قوية وماعندهاش مع الصحابات..و انطوائية بزاف(باقا فالجامعة)
(آن ماري):25عام زينها كاوري كتشبه لخوها جايكوب بزاف فالشكل.. متكبرة و مدللة بطبعها كتحماق على أوس وهو عمرو عبرها و ديما صادها 
وفالأخير كاين (دافيد) :26عام..زينو على قدو...شخصية ضعيفة و متكبر..(حكايتو فبداية القصة)

☀️أصبحنا و أصبح الملك لله 
#عند آيات اللي ناعسة ما عليها ما بيها حتى كطيح حداها واحد الرعدة ناضت قافزة و لاحتها برجليها للأرض...
أيات(عين محلولة وعين مسدودة):سيري الله يلكيها لك أالكلبة هاكا كيفيقو الناس..
ميساء(طايحة فلأرض وكضحك):ههههههههه😂😂مصدقتيش ساهلة أالشعيبية دغيا طوعتيني اااي... اووف وا صافي نوضي أالزمرة راه 9:30هادي ونتي باقا خامرة..
أيات(رجعات نعسات💤):سيري فرقيني علك الحد هدا
ميساء(جرات عليها الغطا):واااا نوضي أصحبتي عطيني نقصي ونتي جايباني هنا باش تقتليني بالجوع.
أيات(فاقت):يييخ ياك عارفة الكوزينة فين جات لاش مصدعاني😠
ميساء:هيهيهي الكوزينة اا..منعرف مال البوطة مبغاتش تشعل ليا و حتى...(أيات طارت للكوزينة لقاتها مدوزة عليها الحرب..الغاز شاعل ريحتو مجهدة خنقاتها و البيض مهرس فالأرض و التلاجة محلولة و داكشي اللي كان فيها محطوط فوق البوطاجي)
أيات(طفات الغاز و حلات الشراجم ديال الدار كاملين رجعات للكوزينة لقاتها كتجمع فيها..دارت يديها على جنابها و هزات حاجب و حطات الآخر كتشوف فيها): أ تبارك الله على لالة مولاتي..واش باغا تقتلينا اختي عاد تهناي.
ميساء(دارت عندها):اوا كون كنتي حادكة بحالي كن فقتي بكري و صيبتي لينا ما نجغددو🙄
أيات:تاكلي فيه الجغديد انشاء الله اووف(تفكرات شي حاجة وبدات كضحك)ههههه 
ميساء:باسم الله عليك احبيبتي مالك..
أيات(باقا كضحك):هههه دابا هادشي اللي غاديري للموسيو المستقبلي هههه لالا نتي غاتحرقي ليه الدار عاد تهناي ههه
ميساء:هااااا(ضحكة باتول الشريرة)ومااالو غادي ياخد الزين والثباتة والحشمة و الحداكة...شكووون بحالو!
أيات:هههه سيري حتا تلاقايه بعدا ..زيدي نصاوبو الفطور راه عندي لاصال اليوما..
ميساء:اه تأنا عندي اليوما حصة مع الأستاذ دالرقص ...اااي ياختي شحااال تووتوز😍.
أيات:هه نتي كل شي عندك توتوز زيدي زيدي..
جمعو البنات ديك الروينة و طيبو فطورهم وكلاو بالزربة وجمعو ومشاو باش يصليو و يلبسو..مشات أيات للحمام وتوضات وخرجت لبست عبايتها والشال ديالها..كتصلي وأشعة الشمس كدخل لغرفتها وكضوي على وجهها بحال الملاك..دارت الدعاء و ناضت عاد نتابهات للبالكون اللي كانت حلاتو باش تخرج الريحة ديال الغاز..سداتو..غافلة على عينيه اللي كانت كتختارقها فكل حركة وإيمانها كيختارق قلبو ويخليه يضعاف..
مشات جبدات حوايج ديال سبورت..كولون حكل مزيرnike و الفوق ديالو هابط و مريح فالكحل وسبرديلة نايك دارت ساعتها وهزات ساك ديال سبورت كحل دارت فيه اللبسة ديال الكاراتيه و هزات سالوبيط ديال تجين و تي-شيرت بيض وكونفيرسة بيضا باش تلبسهم ملي تخرج و خدات تيليفونها..وجهها خلاتو طبيعي و شعرها جمعاتو كعكة مهملة و هزات نضاضر كحلين لبساتهم وخرجات..لقات ميساء سالات حتى هي لابسا سبورت هبطو ومشاو هبطو للوطو وكسيرات..

#عند أوس وصل لواحد العمارة وطلع للطابق الأخير حل الباب و دخل كانت الشقة فاخرة بامتياز..فراش تقليدي فالصالون الأول وعصري فالصالون الثاني ..أول حاجة دار حل البالكون ديال الغرفة ديالو لي كتشبه لغرفتو فالقصر غير هادي صغر منها و بقا مركز فنقطة وحدة و على وجهو نظرة حزينة شاف الضو تشعل فالغرفة اللي مقابلا معاه قلبو بدا كيدق و الحزن اللي كان باين فعينيه تحول لنظرة شوق كبيير و عتاب بقا واقف لمدة طويلة ماتحركش من بلاصتو حتى تحل البالكون ديال الغرفة اللي مقابلا معاه وتحل معاه قلبو..ايديه بداو كيعرقو..إحساس محال شي واحد جربو من غيرو هو اللي كيتعذب كل نهار كل ساعة كل دقيقة و كل ثانية..كيحبس راسو بززز باش ميرجعش عندها يشوفها واخا غير من بعيد و يشم ريحتها اللي عمرها فارقاتو و يقول ليها شحال كيتعذب و كيموت وهو بعيد علييها واخا خبارها كاملين عندو..كيتساءل واش عمر شي واحد بغا بحال اللي كيعشقها هو؟سؤال جوابو واضح حيت وبكل بساطة هو ماشي غير كيعشقها..لا..هو يعطي حياتو كاملة على قبل ضحكة منها..كيموت فكل تفصيل فيها..تعدى مرحلة العشق بأشواط كثيييرة..عشقو ماعندو حدود..ما يقدر يغمض عينيه إلّا على صورتها.. هو ضحية عشق مستحيل...دابا هاهو واقف قدامها واخا هي مكتشوفوش لأنو الضو قليل فبيتو يكفي أنو شافها وجات عينو على عينيها اللي كيسحروه و الريح كيضربو فوجهها و كيطير شعرها بكل رقة..شعلات فيه نار الغيرة وعلاش لا وهو مكرهش يكون هو الريح اللي كيقيس وجهها..بغا يكون هو الهوا اللي كتتنفسو..بقا متبع معاها أي حركة كديرها حتى دخلات..و بقا هو كيشوف فين كانت واقفا وشوية طلع راسو للسما وغمض عينيه وتنهد بحالا هاز جبولة فوق كتافو ومن بعد مدة دخل و حيد التيشرت و بقا بالتجين وتلاح فوق الناموسية هز تصويرتها شاف فيها ورجع حطها و ثواني قليلة لقاتو ناعس..
#عند دافيد
فاق ولقا راسو منشور فالأرض و الضلام طاح كيحاول ينوض و كيرجع يطيح..مقدرش ينوض و مشا تكا على الاوطو ديالو وزير على يديه وعينيه معميين بالغضب ركب بصعوبة و كسيرا..مشا للفيلا ديالو حيت ماحاملش يشوفوه وهو كلو مضروب..دخل لغرفتو و مشا تحت الدوش كيبرد أعصابو وخرج مشا جاب علبة الإسعافات و ودار بوماض لوجهو ولبس حوايجو و مشا للمكتب ديالو تمشا بخطوات مدروسة جيهة المكتبة جبد واحد الكتاب وفجأة تقسمات المكتبة على جوج ودخل هو وسطها وشعل الضو ورجعات المكتبة كي كانت...جلس فواحد الفوطوي الوسط وعمر كاس ديال الشراب وكيشرب منو و يشوف فالحيط لي كلو صور والوسط علامة استفهام كبيرة ومرة مرة يبتسم حيت مهما أوس جا حتى لهنا و حذرو ما يقربش ليها إلا وأنو قرب يوصل ليها ويعرفها شكون هي..(أوس عرف بلي دافيد كيتحرى فالموضوع ديال أيات وحالف حتى يعرف شكون هي...

#عند أوس
️فاق على أشعة الشمس لي كضرب فوجهو و برزطاتو☀️..ناض باش يسد الريدو حتى شافها هي..》أيات《اللي خلات قلبو يدق لأول مرة..البنت لي كتستنزف كل جزء من جسمو..البنت اللي يبيع الدنيا وما فيها على قبل ولو لمسة حنينة منها..البنت اللي كل قطرة من دمو كتنادي بسميتها..كانت كتصلي وأشعة الشمس منورة على وجهها..يديه كيرجفو و عينيه ماكيرمشوش مفيكسيين عليها..كتبان بحال الملاك..ولكن هي واش عارفا بالوجود ديالو؟..عارفا باللي كاين وحش كيرجفو الناس ملي كيسمعو سميتو وكيوصل حتى لعندها ويبدا يرجف غير بوحدو ..جمالها أخااذ..وأنوثتها طاغية..براءتها باينة من عينيها..متشبت بها لدرجة الموت..كيبقا السؤال اللي كيدمرو كل ثانية ..واش تقدر شي نهار تبغيه؟..بقا على نفس الوضعية لمدة طويلة حتى شافها مشات عاد وعا على راسو..و مشا دخل للدوش حط يديه على الحيط..كيفكر أشمن خطوة يدير باش على الأقل تلاحظ وجودو..خرج(بلاااما نهدرو على العضلاات😍)مشا للدريسينغ ختار كوستار فالكحل و القاميجة فالكري لبسو هز سباط بني كلاااس كيبري..ختار ساعة و دارها و شعرو مرجعو اللور رش من البارفان ديالو..وخرج لقا الخدامات كيوجدو الفطور مشا جلس فطاولة الأكل..غير هزو عينيهم وهما يتصدمو من وسامة هاد الملاك اللي قدامهم ولاو كيتسابقو شكون تحط ليه..وهو ماكينش فهاد العالم..فيقو من سهوتو غيى التيلي اللي كيصوني هزو وجاوب..
أوس:امم 
كارل(معصب):يوسف..واش عارف شنو درتي؟زعما ولد عمك هاداك..واش على قبل مناقصة تافهة تدير فيه ديك الحالة.
أوس(كيجاوب بكل برودة):ماكيهمنيش..ميكت ليه شحال من مرة غير على قبلك(تعصب وزير على القبضة ديالو)ولكن أي حاجة كتخصها ماغاديش مايقربش ليها حيت ما غاديش نرحموو!!
كارل:شنو؟شناهيا لي مخاصوش يقرب ليها؟شرح ليا آش باغي تقول؟!
أوس(عاد وعا مع راسو وعرف شنو قال):أمور الأعمال فيدي أنا ومنبغيش اللي يتدخل فيها..أنا عارفك كتحس بالذنب اتجاهو وهذا هو العذر لي عندك باش تبرر اخطائو ولكن أنا لا..سمح ليا خاصني نمشي دابا قطع معاه وبدا كيرشف من قهوتو و شهيتو مسدودة..ناض هز سوارت لوطو وخرج..ديمارا وكسيرا ماوقف تا الباب ديال لاصال..طونوبيلتها مكايناش يعني باقا مجاتش....
نمشيو عند آيات لي وصلات ميساء عاد مشات كتموسق فالطريق حتى وصلات ووقفات لوطو ومشات دخلات..كانت صال كبيرة فيها ثلاتة الطوابق.. كل طابق وشنو فيه..كلها زجاجبية..منظرها رائع وجات فمنطقة راقية..
أيات(قشعات المدرب الكاراتيه ديالها كيهضر مع شي دراري..جات موراه و دارت ضحكة شريرة😈وغوتات ليه حدا ودنيه):🤣هااا وااحد السلااام عليكم(قفزاتو مسكين من بلاصتو وهربات..)
جلال{رجل كبير فالخمسينيات وتقول واش باينا فيه كايبان باقي شباب ورياضي هو مدرب كاراتيه محترف وصارم..مزوج و عندو جوج بنات..عزيييزة عليه أيات بزاف دايرها كثر من بنتو..ولكن ديما فاقصاه و منوضا ليه الشيب بزبايلها هه.. بالغوات😡):أيااااااات والله لابقات فيك كبرتي وهاد الزبايل مباغينش يتحدو ليك...(تبعها معصب وهي كتجري وضحك..دارت باش تشوفو واش باقي وهي تدخل فواحد الحيط(احم احم..بغيت نقول بنادم😅ريحتو دخلات معاها و عجباتها ولكن تداركت الموقف)
أيات(كتحك جبهتها وتعاير مغمضة عينيها):تفوو..اش هادشي اااي..واش نتا عور ابنادم تسحاب راسك ربيتي البادر تجي تفلعص علينا بيهم هنا ولا( ويلي ويلي😨على شوهتي😨تي اش درتي المزغوبة😓..دارت بعين مسدودة والأخرى محلولة عند جلال اللي كان تابعها ويديها باقا فجبهتها)عمو جلال ااا حق مولانا مدرتها بلعاني راه غير بغيت نضحك معاك شويا وصافي😅(شاافتو كيشوف وراها مصدوم وملامحو حزينة..دوزات يديها قدام وجهو وما دار حتى ردة فعل ودارت باش تشوف فيمن كيشوف..)

دارت باش تشوف فيمن كايشوف.. ولكن مالقات تاواحد..رجعات كتشوف فجلال اللي كان باقي على نفس الوضعية..
أيات: عمي جلال أشنو واقع؟شكون شفتي؟
جلال(وعا على راسو):لا تاواحد..ماشفت تا واحد(شويا شاف فيها وطلع حاجب ونزل الآخر)راه منسيتش ليك داكشي لي درتي قبيلا..غير صبري حتى يسالي التدريب ونتحاسب معاك..
أيات(كدور فعينيها ):👀هيهي عميمي جلااال مادرتهاش بلعاني(دلات شنيفاتها)واش مقلق مني؟
جلال(يالاه كان باغي يشنتف ليها شعرها بحالي كان كايدير ليها ملي كانت صغيرة وهو يشوف وراها وجمع يديه):هه علاه كاين شي واحد كيتقلق من بنتو الهبيلة ههه زيدي دخلي للتدريب باراكا من التفلية..(دخل جلال و تبعاتو أيات..نخليوها تتدرب نمشيو عند أوس لي تسنا أيات حتى وصلات و بقا متبعها بعينيه حتى دخلات..تبعها..كان غادي بخطوات متسارعة و كيقلب عليها بعينيه حتى تساطح مع شي واحد...هادي ريحتها مستحيل تتغالط ليه..بقا مغمض عينيه كيستنشق من عبير ريحتها..حلهم وشافها كيفاش كتهضر وتحرك شفايفها...كان حلم وتحقق بالنسبة ليه... كان متوتر بززاااف من قربها ليه..و كيما العادة يديه كايترعدو وقلبو كيضرررب..هادشي غير ماشافتش فيه ودغيا دورات وجهها وحتى هو معاها...شاف فجلال بنظرة كلها حقد وغضب ولكن مابايناش عليه الصدمة.. و مشا قبل ماتدور..ومشا تقابل مع جلال بلاما تشوفو ويديه فجيبو..شافو غادي يحط يدو عليها..زير على القبضة ديالو وعينيه ولاو نقطة ديال الدم...هو و ماعمرو حط يديه عليها..خايف عليها من راسو... يجي واحد آخر يبغي يقيسها..مجرد أنو يفكر فهادشي كيبغي يحماق..كان غادي جيهتو وهو شاعل حتى شافو بعد يديه عاد وقف ولكن نارو ماطفاتش.. شافها دخلات..بقا واقف تما لمدة... هو عارف جلال كيعتبر أيات بحال بنتو ولكن تا واحد معندو حق يشوف فيها بحرا يمسها...خرج وركب فلومبركيني ديالو😍الاتجاه المقر الرئيسي لمجموعة الشركات الكبرى ديالهم يعني الفرع الرئيسي للمغرب(أكبر شركة رائدة فالمغرب)وصل تحت نضرات الجميع..حل ليه البواب الباب ديال لوطو وخرج كيتمشا بخطوات مدروسة ومتسارعة...>Morreley Group Of Companies >MGOCمن أكبر الشركات الأجنبية فالمغرب كتحتل أعلى المراتب بالعالم فالمجال الاقتصادي خصوصا من بعد ما دمجها مع شركتو الخاصة...جا المدير التنفيذي كيجري باش يستقبلو...عندو كاريزما خطيرة كتخلي البنات مبهوضين وباغين ولو نظرة منو..حضور قوووي و هيبة جهنمية كتزرع الرعب فالموضفين..ماكيحملش التهاون فالخدمة.. هو القدام و المدير وراه غير ساكت..طلع هو فالمصعد الفخم المخصص ليه ديال رئيس الشركة يالاه كان المدير بغا يطلع معاه طلع راسو وشاف فيه ببرودة خاشي يديه فجيبو والمدير حنا راسو وخرج.....

#عند أيات
سالات الحصة مشات دوشات ولبسات الحوايج لي جابت وخلات شعرها على راحتو مطلوق وفازغ خرجات من لاصال من بعد ما ودعات صحابها و المدرب ديالها..ركبات لوطو و دارت نظاظرها ديال الشمس وديمارات الاتجاه معهد الرقص ديال ميساء حيت غايمشيو يتغداو..
#عند أوس
طلع و دخل للبيرو ديالو لي كاين فالطابق الأخير..😍 البيرو مصنوع من السبستان>أغلى نوع ديال الخشب فالعالم<.. وفالواجهة منقوش فيه رمز العائلة.. بالجهة الاخرى طاولة الإجتماعات طويلة وكيترأسها كرسي بحال لي كان فالقصر حتا هو منقوشة فيه نفس الكلمة الغريبة...هندسة المكتب رائعة و راااقية..لون الأخضر الملكي طاغي عليه..... 
#واقف قدام النافذة الكبيرة ديال المكتب لي مصنوعة من زجاج الكريستال كيطل على المدينة كاملة ويديه فجيبو وعينيه فبلاصة وحدة..سمع الدقان فالباب وعطا الإذن بالدخول بلاما يتحرك من بلاصتو..دخل عندو المدير والسكريتيرا ديالو..
المدير(هاز ضوسيي مدو ليه وهو حاني راسو وأوس باقي على نفس الوضعية):مسيو موريلي..هادا هو تقرير النسبة المئوية ديال هاد العامين..اا مسيو واش تبغي نديرو تقديم ونشرح لك كلشي بالتفصيل.
أوس(حيد ايد من جيبو وخدا الضوسي بلاما يشوف فيه حطو فالبيرو):خرج دابا..و علم المدراء بلي غايكون اجتماع من هنا لعشرة دقايق...
المدير: واخا أمسيو(خرج والسكريتيرة ماكرهاتش تلاح عليه..كالتو بعينيها..كتشوف فيه عاضا على شفايفها وكتبرز فمفاتنها....)
ندى(السكريتيرة..كتحلون فالهدرة):مسيو موريلي..واش تبغي شي حاجة اخرى؟
أوس(جلس فالبيرو وهز الضوسي وملي هدرات طلع راسو شاف فيها بملامح باردة وعقد غوباشتو... فهمت راسها و خرجات حانية الراس...تكا راسو على ضهر الكرسي و مشا فسهوتو لي كاتكون أيات هي بطلتها... جا عندو المدير خبرو ببداية الإجتماع.. خرج أوس والمدير من وراه..مشاو لغرفة الإجتماعات الخاصة بالمدراء فقط المجهزة بأحدث وأفخم الأجهزة ..دخل هو بكل هبة.. الشي لي خلا الكل منباهر بشخصيتو .جلس وترأس الطاولة عاد جلسو هما بعدما لقاو عليه السلام وهو اكتفا بإيمائة براسو وعلن على بداية الإجتماع...
#عند آيات 
صونات على ميساء وعلماتها بلي وصلات.. تسنات شي نص ساعة....حتى ولاو القرودة كيلعبو ليها فوق راسها يالاه بغات تدخل عندها وهي تشوف لالاهم ميساء هابطا كضحك مع شي واحد..
أيات(كانت متكية على لوطو دايرة النظاظر ومربعة يديها وكتوعد بالشر على ميساء لي خلاتها كتسنا فهاد الشمس..غير شافتها حيدات نظاظر و حلات عينيها على جهدهم):وااا..نتي لي جات معاك الالة(مشات جيهتها ووقفات عليها وماشافتش جيهة الشخص لي مع ميساء)ايييه ضحكي وتجبدي ليا مع راساتك وأنا مخلياني منشورة نتسنا فهاد الشمس لي حرقات ليا مخي😡..أنا لي حمارة كنتسنا فيك أما كون مشيت....

ميساء(قاطعاتها كتغمز فيها و تنغز وتشير ليها براسها على الشخص لي حداها): ههه حبيبة أيات..ياكما تعطلت عليك.
أيات(أويلي هادي مالها طاح عليها العجب😒..دورات راسها للجنب وهي تشوف واحد البوكوص😍اشمنك يا عضلات اشمنك يا عينين زرقين والشعر طايح على عينيه..طلعاتو وهبطاتو من راسو تال رجليه وشافت فميساء و ربعات يديها زعما شرحي ليا..)
ميساء(شافت فأيات وفهماتها):هه هادا عمر يالاه التاحق للمعهد اليوم هو المدرب الجديد..(دارت عند عمر)..عمر هادي هي صاحبتي الانتيم أيات( تبسم ليها و الضحكة واصلا ليه حتى لوذنيه..مد يدو لأيات باش يسلم عليها...سلمات عليه وهي مستغربة من هاد الخليقة لي معاها عرفاتو كيعجبها من الأداب لي ولا فيها)
عمر:متشرفين.
أيات(دارت ضحيكة شريرة😈..شافت فميساء ورجعت شافت فيه): هيهي مشرفين(دارت جيهة ميساء)واش المدرب القديم لي كان كيعجبك مشا ولا شنو؟
ميساء(وسعات عينيها على جهدهم كتحلف عليها و ودعات عمر بالزربة وجرات أيات لي كضحك وفرحانة حيت رجعات ليها الصرف..
#الطريق..أيات كتسوك وكاضحك فينما تفكرات البلان..
ميساء(معصبة):واصافي النم..عجبك الحال دابا..
أيات:ههه باش تعلمي هاد المرة تقولبيني ههه
ميساء:أوووف واصافي مادير خير مايطرا باس بغينا غير نعاونوك ندمتينا.
أيات(شافت فيها..ورجعات كتشوف فالطريق):بالسلامة
والعافيّة أنا ايمتا شكيت عليك؟
ميساء: هو لي قاليا باغي يدوي معاك وأنا أختي شفتو تيتيز وأنا ندوخ وزايدون أنا عارفاك لاقلتها ليك مغاتبغيش تجي..داكشي علاش..(قاطعاتها أيات)
أيات:داكشي علاش جاراني معاك لعند الطبيب وأنا يسحابلي غير خايفة بحال المرة اللولا..الساعة لاااا الدرية دايرة ليا موعد مع الطبيب.
ميساء:إيوا صافي حتا نتي ماتزيديش فيه..الراجل شافك عجبتيه وجا دوا معايا عليك..اش فيها كاع؟
أيات:يا المصيبة راه شحال من مرة قلت لك داكشي ديال الدراري خاطيني وماكنفكرش فيه دابا.
ميساء:صافي واخا..وأنا لاش حارماني من رزقي أختي😒..(رجعات راسها اللور)احح اقلبي..ياك شفتيه شحال متوتز😍.
أيات:ههه هبطي هبطي راه وصلنا...
هبطو البنات من لوطو ودخلو للمطعم جلسو فبلاصة ديما كتجلس فيها أيات حيت بعيدة على الصداع وكطل على البحر..طلبو لي بغاو و ميساء غير كتدور فعينيها باغا تدوي و مترددة..الشي لي لاحضاتو أيات.
أيات(حطات يديها على خدها كتشوف فيها): آش كيدور لك فداك المخ؟ 
ميساء: إيناس عاودات عيطات عليا باش تأكد علينا نمشيو..بلييز خلينا نخرجو شويا نبدلو الجو راها بواط معروفة وماكيدخلو ليها غير شكون وشكون..وزايدون راه غايمشيو معانا ولاد و بنات من الجامعة..اش قلتي؟

أيات(استغربت من إناس حيت ماموالفاش ليها وعرفات القضية فيها إن وفنفس الوقت مابغاتش تخسر الخاطر لصاحبتها):اممم واخا ولكن بشرط.
ميساء(ماقاداها فرحة ناضت عنقاتها):اححح عليك تانحبك أنا..عارفاك ماتقديش تخسري ليا خاطري الزين ديالي.
أيات:احم واقيلا ماسمعتينيش ملي قلت لك بشرط.
ميساء(رجعات بلاصتها مغوبشة وربعات يديها): اشناهوا هاد الشرط بالسلامة.
أيات(جبدات ورقة وستيلو وتبسمات😈):غادي تمشي معايا للرحلة الإستكشافية ابب هذا هو الشرط ديالي.
ميساء(ميقات فيها):شناااهوا...😢ياااك باغا تديني معاك باش ياكلني الناموس والذبان...ونتي عارفاني ماكنحملش التخييم ياك أختي هادي هيا الصحبة.
أيات(هزات الورقة):ايوا سيري بوحدك أنا مالي😉(عارفاها كاتخاف وماتقدرش تمشي بوحدها..يالاه كانت باغا ترجع الورقة للساك وهي تنطرها ليها ميساء مخنزرة وبدات كتقرا فيها)يا الخانزة..ايمتا وقع الواليد على هاد الالتزام؟
أيات(رجعات شعرها ورا ودنيها بطريقة جذابة كتفرنس):هادي أيات وأجرك على الله..هه البارح الالة فاش مشينا لداركم باش تاخدي حوايجك درت اللازم وقنعتهم حيت عرفو بلي حتى بابا خلاني نمشي(تفكرات شي حاجة وضربات جيهتها بكف يديها)ويلي ويعرفني الواليد غادية لشي نايت كلوب يقبرني مافيهاش..
ميساء:حتى نتي ماعندو منين يعرف لا ماقلتي ليه والو.
أيات:اووف واخا..ولكن نعلمك من هنا راه ساعتين منفوتوهومش تما.
ميساء: واااخا الالة شي حاجة اخرى..(كتسيني فالورقة) اوف باش تدينا ساعتين للكلوب خاصك تجريني معاك جوج سيمانات على قدهم فالخلاوات😑.
أيات:تي اشمن خلاوات..الله يخليك بالخلا هادي راه رحلة استكشافية المكلخة..(عينيها كيبريو بالفرحة حيت كاتموت فالطبيعة والخضورية وكتحماق على الورود لذلك فالبالكون ديالها ديما تلقايهم عندها..و عزيز عليها تعتني بيهم)واش عارفا شحال غاتكون الطبيعة خضرة وزوينة خاصة فهاد الموسم اه وحاجة اخرى عرفتي بلي واحد الزهرة كتفتح غير مرة وحدة فعشر سنين كاينة غير فديك المنطقة(حطات يديها على حناكها و دورات راسها كتشوف فالبحر وتنهدات)اييي شحال متحمسة نشوفها بالأخص إلا تفتحات كتكون روووعة....واش عارفا سميتها(دارت جيهة ميساء لقاتها بدات كاتخشي فوجهها تنهدات وبدأت كتاكل حتى هيا..وقالت)ميساء!!
ميساء:امممم شكاين؟
أيات(غتلعب ليها على الوتر الحساس ديالها😈):واش عارفة فهد حتى هو غادي😌.
ميساء(شافت فيها):ربي ربي حتى هو غايمشي.
أيات:على أنا فين عمرني كذبت عليك😉..اجي قولي ليا واش كتبغيه ولا غير إعجاب؟؟
ميساء:راك عارفة ختك زهوانية و ديما تابعة التيتيز.. يعني باقي ماجاش هادا لي يطيحني على زنافري هه (ضحكات أيات وكملو غداهم لي من سابع المستحيلات أنو يكون فصمت سالاو ومشات ميساء لwc وبقات أيات كتمنضر فالبحر حتى صونا ليها تيلي..شافت نمرة غريبة ديال الخارج تبسمات حيت عرفات الاتصال من عند واليديها ودوزات الخط)
أيات:ألو بابا صافي وصلتوا؟!
سي مهدي:ألو الأميرة ديالي ..اه راه يالاه خرجنا من المطار(كيدوي مع مراتو لي مدابزة معاه على قبل تيلي)بلاتي يا هاد المرا خليني ندوي مع بنتي.
لالة راضية:ايه ايه بنتك غانتا مالي أنا كنت مسخرة ليك ولا.
أيات(تفرقعات بالضحك):هههههه دوز لي الواليدة راني توحشتها.
سي مهدي:توحشتيها غا هي أنا لا؟
أيات:ههه تتوحشتكم بجوج غير دوزها لي.
سي مهدي:هه صافي هاكيها(عطا تيلي للالة راضية لي غير سمعات صوتها بدات كتبكي)
أنا:أويلي اماما علاش كتبكي؟
ماما:اهئ مالك أبنتي راسك قاصح علاش ماتجيش و تكملي العام ديالك هنا.
أنا:أويلي على الواليدة راه غير ست شهور هادي ماتزيديش فيه..ياك غير البارح دوينا فهادشي.
ماما:صافي صافي واخا.. شوفي حظي راسك أبنتي مانحاتجش نوصيك و..(قاطعها سي مهدي)
بابا:اوا صافي راكي طيبتي البنت مسكينة يوماين هادي ونتي توصي وتعاودي تا حفضاتهم!
ماما:اوف منك حتى نتايا بحالك بحال بنتك غير الله يستر وصافي(ودعو أيات وقطعو معاها)
لالة راضية: غتكون بخير ياك ؟أنا قلبي مقبوط عليا ومامرتاحاش كون غير قنعتيها تجي هنا...وزدتيها بديك الرحلة لي خليتيها تمشي ليها.
سي مهدي:راضية متكبريش الموضوع..هاديك بنتي وأنا عارفها..ومتخافيش راني وصيت واليدين ميساء يطلو عليهم مرة مرة وبالنسبة للرحلة غير كوني هانية..هي بغات تمشي و أنا ما غاديش نمنعها غير حيت حنا ماكاينينش.. و زايدون التيليفون لاش دايرينو (ابتاسم ليها وهي كذلك..ركبو فالطاكسي باش يمشيو للدار لي عطاتو الجامعة..عطاوه العنوان وانطالقو)
أما أيات لي من بعد ما قطعات مع واليديها..جات ميساء خلصو ماكلتهم وشدو طريقهم للدار......

#الإجتماع:
جالس بشموخ مترأس الإجتماع ومركز مع العرض لي كيقدموه حتى سالاو وكايتسناو ردة فعلو....ومأ ليهم أوس براسو عاد اطمئنو وعرفو بلي العرض نال إعجابو...خرج من القاعة الإجتماع هو الأول عاد تبعوه ...مشا للبيرو و جلس..فجأة تفكر الحادثة ديال لوطو..تعصب بزاف وحالف تايندم مول الفعلة..هو غرضو غير يفدي دقتو...حيت مستحيل يخليها فشي واحد كيفما كان يكون....وأعدى حاجة عندو هو شي واحد يمد يدو على حاجتو...ديك الساعة ماكتبقاش معاه الهدرة..باقي وسط أفكارو حتى وصلو e-mail...ابتسم بمكر وحلو....كان فيه معلومات على صاحب لوطو و فيديو من الكاميرا ديال الباركينغ على كيفاش وقع الحادث..وهنا كانت الصدمة...
صدفة ماكانش ضارب حسابها..كيقرا ويعاود فسميتها...مامتيقش..حل الفيديو بلهفة وشاف كلشي وقلبو مع كل حركة ديالها كاترتفع دقاتو...ساهي كيشوف فكل حركاتها وتقاسيمها.. ضحكتها..وتعابير وجهها لي حافضهم..ما وعى براسو إلا على صوت تيلي لي كيصوني ليه..عصبو..هزو وجاوب وهو باقي تحت تأثير الصدمة ....
الشخص:مسيو موريلي..شرفتي المغرب وأنا أخر من يعلم؟!
أوس( دار ضحكة جانبية و قال ):من المفروض تقول ليا على سلامتك أو لا؟
الشخص(كيضحك):واخا أمسيو هيا اللولة..علا سلامتك..اوا فين نتا دابا؟ خاصنا ضروري نتلاقاو.
أوس:أنا فالشركة الرئيسية..(شاف فالساعة فيدو)ولكن ضروري نمشي للقصر نتغدا معاهم..ملي رجعت ماجلستش معاهم بزاف..دوز عندي تما..
الشخص:أوك، لي بغيتي...
أوس(قطع معاه وسد البيسي بعدما لقا نظرة أخيرة على صورتها..خرج من الشركة..و لقا لوطو واقفا قدام المبنى..ركب وكسيرا و هي شاغلا بالو وقلبو.. كايبتسم غير بوحدو..الاتجاه القصر فين كاينة العائلة كلها من غير دافيد..
#القصر 
كل فرد من هاد العائلة فاش مشغول..عند سارة لي كانت راجعا من الحديقة ديال القصر طالعا لغرفتها هازة كتاب كانت كتقرا فيه..و جامعة شعرها كعكة مهملة..تلاقات مع آنا هابطة كاتبان يالاه فايقا من النعاس..وقفاتها..
سارة: آنا..راه الوحدة هادي ونتي يالاه فايقا..
آنا(وقفات بالزعفة): ماسوقش..كنت بايتا فحفلة ونتي أصلا مالك؟..(تخطاتها كتنفخ)
سارة(دارت ابتسامة استهزاء و تمات طالعة..يالاه غاتدخل لغرفتها وهي تلاقى بجايكوب(جايك) ولد عمها..كيتمشى فممر الغرف بكامل أناقتو...دورات وجهها وكانت غادي تدخل لبيتها حتى وقفها صوتو..
جايك(وقف كايشوف فيها وقال): الناس كيقولو صباح الخير..
سارة(ماكتشوفش جيهتو):صباح الخير(دخلات لبيتها وسدات الباب..زفر جايك بعصبية وهبط لتحت..جايك كايبغيها من الصغر و ديما متحكم فيها وفلباسها وهي على هادشي ماكتحملوش زيادة على هادشي كتكره النسونجية ديالو..كايجيها باقي طايش فتصرفاتو..
نمشيو عند آنا لي هبطات عند العائلة صبحات عليهم وعرفات من مها بلي أوس جاي....مشات طايرا لبيتها كتعزل وتختار آش غاتلبس قلبات الدريسينغ كامل سفاه على علاه..طلعات ليها الخدامة فطور متأخر " Brunch" شربات غير قهوة وفالأخير اختارت كسوة المعري فيها كثر من المغطي كحلة نص ضهرها باين لبساتها ودارت ميكاب صارخ ولبسات طالون حمر و جمعات شعرها كو دو شوفال جات زويينة..وهبطات عند العائلة..أما سارة لبسات كسوة صيفية فالبلو سيال شيك و لبسات معاها صنيديلة بيضة عالية طلقات شعرها..كاتبان كيوت و غزالة وهبطات حتى هي...

فالطريق للقصر..واقف أوس فالإشارة الحمراء بالصف الأمامي..ساهي كايفكر...حتى جاه اتصال....
الشخص(بدون سابق إنذار):نتسابقو!!
أوس(تبسم باستهزاء و دور راسو لليمين..شاف بورش حمرة ديال السباق..رجع شاف قدامو وقال فالتيلي):متأكد ماغادينش تندم بحال المرة لي فاتت!!
الشخص:ههه متأكد وأنت باقي كيفما كنتي ديما واثق من راسك و(شاف فيه)مغرور.
أوس(ابتسم باستهزاء):باراكا من الهدرة الخاوية ووريني...(شاف فيه من الزاجة)..Ready(مستعد)
الشخص(شاف فيه):Ready...انطلقو بسرعة كبييرة 
وكلشي كايشوف جيهتهم مصدومين من هاد الناس لي حولو الطريق العام لحلبة سباق....غاديين بنفس الوتيرة وفين ما جات قدامهم شي طونوبيل كايتجاوزوها...جاب الله الطريق مرخوفة و خاويا شويا..ملي قربو يوصلو لقصر.. قرّب الشخص لاوطو ديال أوس وهبط الزاجة...كان شاب فأواخر العشرينيات..بوكووص و ملامحو عربية بامتياز..بنيتو قوية وشخصيتو مرحة وفنفس الوقت باينا عليه الصرامة..#جهاد العماري.. من أب مغربي مسلم وأم يهودية سلمت من بعد زواجها..#العماري عائلة ثرييية و نسبها عريق ...عندهم ابن واحد لي هو جهاد..أعز صديق لأوس..ماكيهمهومش اختلاف الديانات..المهم أنهم لقاو فبعضياتهم أصدقاء كايوقفو مع بعضهم فالكبيرة والصغيرة والخايبة و الزوينة..
هما كثر من خوت من أيام الجامعة..هادي عامين فاش سافر أوس مابقاوش على تواصل..والاتصال لي جاه فالمكتب كان من جهاد....صوت المحركات مجهد كايتسمع..ردو ديك الطريق حلبة ديال السباق..وصلو للغابة لي حدا القصر وهنا غادي يبان لينا أوس كينقص فالسرعة وجهاد عاد ما كيزيد فيها..جهاد تولى المقدمة تبسم وشاف فالمرايا لي كتوري اللور....ولكن ماكينش حس شي طونوبيل أخرى من غير ديالو....بحالا غير بوحدو فالطريق..استغرب وبقى كيشوف وراه من المرايا حتى وقفات جنبو لوطو ديال أوس لي كان طافي صوت المحرك باش مايتسمعش وغادي محاد معاه باش مايبانش ليه ..كان راسم على وجهو ابتسامة استهزاء...شاف فيه وكسيراااا بالجهد ما وقف حتى لقدام البوابة ديال القصر ودخل بالشوية حتى وقف قدام الباب الرئيسي وخرج من لوطو عاد بان ليه جهاد داخل..تكى على لوطو وتسناه حتى وصل على خاطرو..خرج جهاد من لوطو باغي يبخ الدم...
ضرب أوس على كتف صاحبو بقوة وقال:better luck next time("حظ أوفر المرة الجاية"....
جهاد(معصب ولكن غلباتو الضحكة):ههه أوك.(قرب لأوس)ههه أجي نقولك....آناا باقا كتدور بيك ههه عقلتي على نهار اعتارفات ليك و..(خنزر فيه وشير ليه بيديه زعما دخل ولا ما يعجبك حال..جهاد جمع الضحكة ودخل تابعو أوس خاشي يديه فالجيب و مغوبش...دخلوا فين كانت العائلة مجموعة...و سارة غير شافت خوها وهي تجري عندو عنقاتو مع الدخلة...
سارة(فوذنيه):علاش ما بقيتيش معانا البارح؟(جات قدامو وابتسمت)...المهم راه عندي بزاف مانعاود ليك..(خربق ليها شعرها وخنزرات فيه ودلات شنايفها)ما بقيتش صغيرة أخويا..حرام عليك.(ابتسم ليها أوس وعنقها من كتفها بيد وحدة..وهي عاد قشعات جهاد... لي مادخلش عندهم...هادي أول مرة العائلة تشوفو ولا تعرفو ولكن سارة وجايكوب وآنا كايعرفوه..
سارة(سلمات عليه):جهاااد مفاجئة زوينة هادي...تفضل دخل..
جهاد(كايضحك عليها): الناس والصواب..هه واخا شكرا..
دخل جهاد عند العائلة و سلم عليهم وجلس..عاد دخل أوس معنق ختو بيد وحدة....
ناض جايكوب مبتسم سلم عليه سلام رجولي حار وجلس أوس وسط عائلتو من بعد ما لقا عليهم السلام..واحد آنا فيييناهيا ماحتشم ماترمش كاتشوف فيه بالعلالي وسااهية...
سامويل(العم..):ولدي جهاد ههه ماقلتش لينا شنو هو المجال ديال عائلتكم....

جهاد(شاف فسامويل):العماري..كنيتي العماري..
العائلة كاملة تصدمات من غير لي عارفينو.. سامويل(تعصب..ناض جمع الوقفة ووجه كلامو لأوس):يوسف آش هادشي؟
أوس(طلع راسو و شاف فيه..خنزر وجمع الوقفة وتمشا لجيهتو دار يدو فجيبو وقال):فيناهوا المشكل؟
سامويل:المشكل كاين فهاد العائلة...أنا مستحيل نجتمع مع مسلم فبلاصة وحدة!!
جهاد(ماعجباتوش هدرتو وهو من النوع لي كايتعصب على أتفه الحوايج بحرا يهينوه فدينو ..كان غايجمع الوقفة وينوض ليه....و لكن وقفو أوس بحركة من يديه ووجه كلامو لعمو)
أوس(بملامح باردة):تفضل خرج ...حتى واحد ماغايمنعك..
جايكوب(تعصب بالطريقة لي هدر بيها باه على جهاد ولكن فنفس الوقت ماعجبوش كلام يوسف مع باه)
كارل(تعصب وجمع الوقفة):يوسف..واش عارف اش كاتقول؟راه عمك هادا..
أوس(ماتسوقش ليه و مركز شوفاتو على سامويل و كيحقق فملامحو لي كلهم خوف مغطياهم شجاعة مزيفة):تفضل معايا أعمي(ركز على هاد الكلمة ودار ابتسامة استهزاء)..عندنا شي مسائل خاصنا ناقشوهم..(خرج أوس وتبعو سامويل لونو مخطوف حيت تأكد بلي عرف كلشي..تمشا أوس بخطوات محسوبة و دخل للمكتب ديالو لي كان أقل ما يقال عنه روووعة..كيشبه تقريبا للمكتب لي فالشركة......دخل سامويل 
لقاه جالس فالبيرو....
أوس دار ليه إشارة بيديه زعما جلس...
جلس وهو كيصطنع القوة..
سامويل:آش كاين أولدي..احم..خبار الخير 
أوس(باستهزاء): ما تخافش..كل خير(بقا غادي ليه بواحد الضوسي مع البيرو حتى وقفو حداه و دار ليه بالإشارة "هزو"..شاف فيه سامويل كيستفسر بعينيه ولكن أوس ملامحو ممحية ما كيفسرو والو...
هز الضوسي..حلو وهنا تبدلو ملامحو للأسوأ..بدا كلو كيرجف ماقادرش يهز فيه العين....)
#عند آيات
وصلو للدار و ميساء كتدعي عليها حيت كتسوك بالزربة..
دخلو وميساء توصي و تعاود على الحفلة ديال البواط و أيات كتطمأن فيها ورغم ذلك عاد ما زايدة فيه..جراتها أيات بالزعفة و دخلاتها لبيتها وسدات عليها عاد تنفسات و دخلات حتى هي لبسات بيجامتها و تلاحت فالسرير على وقفتها بالعيا... يالاه غمضات عينيها...فجأة جا فبالها الشخص لي اصطدمات به...جلست فالفراش و ربعات رجليها كتفكر فيه... علاش كتفكر فيه و هي حتى وجهو ماشافتوش ولكن ريحتو ماخافياش عليها... لكن علاش كتفكري فيه أأيات؟؟...عندها إحساس قوي بلي كتعرفو وفايت ليها شايفاه ولكن فين و امتا؟؟!.... هزات كتافها بللا مبالاة و خربقات شعرها بيديها وتكات كتشوف فالسقف حتى استسلمات للنعاس......

#فالمكتب 
جالس أوس كيحقق فملامح سامويل لي واضح عليهم الخوف و وجهو تخلطو فيه اللوان ويديه كيترعدو.. 
أوس(بملامح باردة):غانعطيك جوج دقايق تشرح ليا(دار ليه إشارة بيديه زعما "بدا")
سامويل(الخلعة شاداه من صبعو الصغير): الأمر...الأمر خارج عن سيطرتي..كنتي مسافر و باعتباري من العائلة فمن حقي...(قاطعو أوس بشوفاتو المعهودة لي كتطيح منك النص...)
أوس: حقك...من ايمتا ولا من حقك تاخد قرارات فبلاصتي..وصلات بيك الجرأة تتحدى أوامري وتعصاني...مانظنش باغي تشوف وجهي الآخر أااعمي(باستهزاء)
سامويل(بصوت منخفض):الموضوع ما يستاهلش هادشي كامل..
أوس(قاطعو وهو مزير على يديه حتى بانو عروقو):أواامري هي لي تتمشا بيها الإمبراطورية كااملة و مااا نسمحش لشي مخلوق كيف ما كان يخالفها وأنت ماشي غير خالفتيها انت تحديتيني..(رخف على يديه)سبق لي و عطيت لائحة بالدول لي يقدرو يشاركوا معانا فالأسهم.. و إسرائيل ما كانتش منهم...ونتا حيت من العائلة غانعطيك فرصة تشرح ليا السبب لي خلاك تزيدها(دار رجل على رجل..كيدوز بطريقة رجولية على لحيتو وكيتسنا فالجواب)
سامويل:يوسف...ما فهمتش علاش رافض فكرة أننا نتشاركو معاهم..جانا طلب من الرئيس شخصيا باش نأسسو فروع لشركاتنا تما..هادشي راه فمصلحتنا.
أوس(بضحكة استهزاء):هادشي فمصلحتك نتا..(شاف فيه)باغي تترأس المجموعة لي غا تأسس فإسرائيل...و هادشي بلا خباري..
سامويل(تخلطو عليه..ما كانش متوقع أنو يعرف بالموضوع..بقا كيشوف فيه مصدوم..)
أوس(كيسيني على واحد الورقة):بلاما تفاجئ..من النهار لي قررتي فيه هادشي وأنا عارف..(شاف فيه ولاح ليه الورقة لي كان كيوقع عليها)ولكن كنت باغي نعرف واش غتوصل بيك الجرأة تديرها فعلا...
سامويل(خداها و هو كيشوف فيه..قراها وعلامات الصدمة باينااا عليه):يوسف...هادشي ما يمكنش..نتا مايمكنش..لا مايمكنش ليك(ناض وقف صاعر ماعارفش آش كايقول)هاداك حقي و نتا مااايمكنش ليك تحيدو ليا..ماشي من حقك(لاح الورقة فوق البيرو معصب)
أوس(كيشوف فيه بملامح ممحية داير رجل فوق رجل..ابتسم باستهزاء وناض عندو بخطوات كلهم غرور...) 

#أيات
فاقت وهي كتكسل حتى دخلات عليها ميساء كي الرعدة هازة جوج كساوي ودايرا ماسك خضر لوجهها وشعرها دايرا ليها فيليلات باش يتبوكلا كاتبان كي باسم الله الرحمن الرحيم😦
أيات(كتكسل وتفاوه على خاطرها..ولكن غير شافتها و هي تكحل بالعمى ناضت قافزة من الفراش و وقفات فوق منو):😨😨أنا معاااك بالله و الشرع لما بعدي مني.. أويييلي ميمتي معايا الجنون فالدار أهئ ...راه والله و تسكنيني حتى نخرج لك من مصارنك..ها عار ربي لما سيري فحالك....أهئ..ميسااااااء...ميساااااء..
تي زيدي راه مالين المكان معانا فالدار...
ميساء(ما فاهما والو..هازة حاجب ومهبطةالآخر):تي مال طاسيلتك كاتغوتي؟!!
أيات(هبطات من الفراش ):نتييي هادي الجحمومة..تفوو ينعل طواسلك..خلعتيني(شافت فيها)اتي مالك على حالتك؟!!
ميساء:الالة..ماسوقكش..راك ماعارفاش التيتيز كايكونو أشكال وأنواع فداك النايت كلوب😍😍..احم وحنا بطبيعة الحال خاصنا نبانوا حسن من دوك عويدات الند لي كاينين تما(شافت فيها كاتقاد فبلاصتها باغا ترجع تنعس وخرجات عينيها) والله ثم والله وما تنوضي من داك الفراش..غير نساي ديك الرحلة لي فاضحانا بيها😤.
أيات(ناضت ساخطة):آش باغا دابا؟راه باقي الحال!!
ميساء(وراتها الكساوي و الضحكة واصلا ليها حتى لوذنيها):إينا وحدا حسن؟😁
أيات(كتشوف فالكساوي وترجع تشوف فيها):هههههههه😂😂😂وااا مي كرشي ههههه..علاش غاتلبسي نتي كاع...سيري عريانا😂😂ههه بشاااخ تاعت الله هادو كساوي..هه قولي مايو..اليوما عميمي عبد الله يحيدك من الحالة المدنية..ههه.
ميساء😏:ايه ايه ضحكي..أنا لي حمارة جايا نتشاور معاك..نتي آش عرفك أصلا هادشي ديال البنات😁أنا مشيت و ماتجيش دويني..
أيات:هه سيري وسدي معاك الباب..
ميساء(وصلات جيهة الباب ووقفات):كانقولك أنا غادة!!
أيات(شافت فيها):إيوا سيري..لاش باقا واقفا😌
ميساء(خرجات وسدات الباب..أيات يالاه غاترجع تنعس وهي تحل عليها الباب):اوا عنداك ترجعي تنعسي(دخلات كتجر فرجليها)دابا ماغاتقوليش ليا فين لي حسن😑
أيات(شافت فالكساوي ونيشات ليها على وحدة كحلة قصيرة..النص الفوقاني مرصع بالحجر والتحت منفوخة):ههه هادي حسن!!

مرصع بالحجر والتحت منفوخة

ميساء(فرحات):ههه أوك.. ونتي؟فيناهوما حوايجك..ماااتقوليش ليا ما وجدتيهومش😤
أيات: تا مالني غاديا لعرس؟سيري فيحالاتك وملي توجدي غاتلقايني ساليت.
ميساء:هاحنا غانشوفو..عنداك تلبسي شي تجين ولا سبرديلة تشوهينا مع التيتيز😑.
أيات(ميقات فيها عاد خرجات..ناضت مشات للحمام..دارت دوش خفيف وخرجات..مشات كتشوف فحوايجها حارت حيت ماعندهاش كساوي ديال الحفلات...لمحات واحد الكسوة حمرة ومنقطة بالمحل بسميطة كحلة الوسط طويلة ومحلولة من جيهة الفخاض..كاتبان خطييرة و خدات صباط كحل كلاس طالع..جبدات معاهم كويرة كحلة ديال الجلد وساك كحل خطير لبسات الكسوة ونشفات شعرها وصيباتو سامويل وبوكلاتو من التحت😍دارت غير أيلاينر و غلظات الخط..عينيها كبار ولونهم بارز و الأيلاينر غير ما زادهم جاذبية كثر..دارت عكر كرونة ماط لحد الآن عمرها استعملاتو..جاها خطير مع شنيفاتها المنفوخين..هزات خاتم و براصلي و ساعة جاوها مع شكل يديها خطاااار...دخلات ميساء كاتقاد فالحلقات لي دايرا...غير شافتها تصدمات...بقات واقفا فبلاصتها....

#أوس
سامويل(عاد وعا براسو آش قال):احم..ماقصدتش ولكن..(ناض)الأسهم حق وراثي فعائلتنا..كل فرد عندو حق فيهم...
أوس(قاطعو):حقك فالأسهم غادي يولي من نصيب الوريث(وصل عندو ووقف قدامو داير يديه فجيبو و نظراتو كلها غرور كيشوف فيه):تبغيني نفهم من كلامك ما باغيش توقع على تنازلك على الأسهم!(سامويل هبط راسو كايتسناه يكمل..ابتسم أوس باستهزاء وقال)فهاد الحالة غايبقا عندك خيار واحد!خاصك تعاقب على حسب قانون و أصول العائلة..
سامويل(تصدم):ش..شنوو؟
أوس(قاد الكوستار بيديه):ختار لي عجبك(خرج وهو راسم على وجهو ضحكة استهزاء..مخلي وراه سامويل لي جلس فالكرسي شاد فراسو)
#خرج أوس عند العائلة وجهاد لي كانو مجموعين فالجردة..لا لا هادي ماشي جردة..هااادي حديقة😮😮...متميزة بطابع فارسي-مغربي من ناحية الديكور...و شكل النافورات لي كتجري بالما كيلفت الانتباه....جلس معاهم فالطبلة و كل واحد وراه خادم كيحط ليه...
كارل:يوسف..فيناهوا عمك..واش ماغايجيش يتغدا ؟!
يوسف: مانظنش...
#بداو كاياكلو فصمت...وآنا عينيها غير على أوس..هز عينيه لقاها كتشوف فيه..ضرب فيها واااحد مولاتي تخنزيرة وهبط عينيه...كملو ماكلتهم واستأذن منهم أوس و مشا...تبعو جهاد..
جهاد(كيتمشا معاه):فين غادي دابا؟ خلينا نسهرو شويا اليوما...شحال هادي ماتجمعنا..
أوس(وقف و قال بعدم اهتمام):لا..خاصني نمشي دابا...مرة أخرى.. 
جايكوب(جا من وراهم):ههه سمعت حس شي سهرة..زعما تحلى ليكم بلا بيا؟!!
جهاد(دار عندو):ههه..دوي مع ولد عمك(شاف فأوس)كايبان ليا عندو شي حاجة مهمة..داكشي لاش مابغاش يمشي معانا..
أوس(جاوب وهو متحكم فراسو غير بزز):جهاد..كنظن بلي تعطلتي..من بعد و نهضرو...
جهاد:هه واخا واخا هاهو غادي(شاف فجايكوب)نتا غاتمشي ياك؟
جايكوب:هههه فينما كان التيتيز غانكون أنا..
سارة(وقفات عليهم):إيوا الله يخليها قاعدة أولدي عمي..
جايكوب(كيشوف فالكسوة لي لابسا):نتي أولا سيري حيدي ديك الكسوة لي لابسا ولا ماغايعجبك حال..
سارة(ميقات فيه):ونتا مالك؟هاد الحكام الخاوي ماتديروش عليا أنا..
جايكوب(تعصب من طريقة هدرتها معاه):سيري دخلي فحالك دابا قبل مانتعصب كثر...
سارة(كتستفزو):هه ماجاياش عندك..واقفا مع خويا.
*جايكوب يالاه كان باغي يدوي وهو يقاطعو أوس.
أوس:صافي بلا هاد الحركات ديال الدراري..(دار عند جهاد) باقي ماباغيش تمشي..
جهاد:ههه أنا ما غادي فين حتى تمشي معانا نسهرو واحد الشوية فالبواط...آشنو قلتي؟
سارة(عينيها كيبريو بالفرحة):اه..اه نمشيو(دارت عند خوها)غاتمشي معانا ياك؟
*دخلات آنا(آن ماري) كتعوج فمشيتها و الصوت ديال الطالون مالي الدنيا...قالت و عينيها على أوس:آشنو واقع؟
جهاد:بغينا نمشيو للبواط اليوم بالليل..تمشي معانا؟
آنا(كتشوف فأوس):واش حتى أوس غادي؟
جهاد(حابس الضحكة بزز): اوا هنا فين كاين المشكل..أوس ماغايمشيش..
سارة(شدات ليه فذراعو):عاافاك...يالاه شحال هادي كنتي ديما تخرج معانا شنو تبدل دابا؟
أوس(خشا يديه فجيبو):beseder(واخا بالعبرية)
*عنقاتو و مشات كتجري لغرفتها باغا تطير من الفرحة..حيت عمرها مشات لهاد البلايص..كيفما قلت هي انطوائية.. زيادة على أن جايكوب ماكيخليهاش تمشي(ايييه الحكام)تبعاتها آنا و فرحتها ماكتوصفش...طلعات لبيتها و الخدامات كيحطو ليها الكساوي وهي كتعزل و تختار ماعاجبها حال.....

#أيات
أيات:مالكي مصدومة...أوييلي ماجاتش معايا ياك؟غانمشي نبدلها حسن..(مشات حلات البلاكار)
ميساء(حبساتها):وقفففي..من نيتك آش باغا تبدلي؟ايييي أقلبي جيتي كتحمقييي..وااو..نتمنى كون كانو عندي بحال عينيك..
أيات:ههه لا لا..نتي كاتباني ليا ماشفتيش راسك فالمراية..جيتي غزاالة..هه اليوم الطايح كثر من النايض.
ميساء:ايوا زيدي يالاه نطيحو بنادم..ههه عنداك غانطيح أنا بهاد الطالون!! هه
ضحكات أيات و خرجو البنات و ميساء كل شوية تخوي بيها رجليها وتبغي تطيح حتى كتشدها أيات و هي شبعانة فيها ضحك حيت لابساه طويل وصعيب الواحد يمشي بيه....
#فالقصر
كل واحد و آش كايدير وعقلو فين...أوس لي النهار كلو وهي شاغلا تفكيرو...ماكاتدوزش ثانية بلاما يفكر فيها.. 
#يقدر يتحول الإعجاب لحب...و يمكن يتحول الحب لعشق...و لكن نادراً ما كيكون بل مستحيل يكون العشق لحد الهوووس ..لحد الجنووون...لحد الموووت...عشقها من أول نظرة..هي السهل الممتنع والعشق المستحيل بالنسبة ليه.... آش عندو ما يدير قدام دقات قلبو لي كايتسمعو من بعيد من لي تقرب ليه ولا غير تشوف فيه واخا غير من بعيد....هي لي ماعارفاش حتى بوجودو..حيت و بكل بساطة هو ما عمرو ما حاول....عشق و وله عدوه اختلاف #دياناتهم و #طبقاتهم الإجتماعية ..هو ما هامو والو..ماهاماه حتى حاجة...ولكن كايبقا السؤال..واش هي شي نهار تقدر تبغيه رغم اختلافاتهم واخا غيير قطرة فبحر عشقو ليها.... 
#واقف قدام النافذة الكبيرة لي كتطل على الجردة لي كاتبان بحال شي لوحة فنية مرسومة خاصة مع غروب الشمس... كيشوف فنقطة وحدة ما كيتحركش...حتى تحطات يد على كتفو...
جهاد:شكون هي؟
أوس(دور راسو و شاف فيه باستغراب...)
جهاد:ماتحتاجش تخبي عليا...من تصرفاتك واضح كلشي...(ابتسم)هادي عامين كنت عارف كلشي ولكن بغيتك انت تعاود ليا عليها..
أوس(خنزر فيه):ما عندك ما تعرف عليها..حيت وبكل بساطة ماكنخلي حتى واحد يعرف عليها شي حاجة.
جهاد(كيضحك بالصدمة د):هه وااو حتى لهاد الدرجة..على الأقل غير سميتها..
أوس(رجع كايشوف قدامو وتنهد):أياات.
جهاد(تصدم):م..مسلمة؟!!
أوس(الصمت..ماجاوبوش)
جهاد(الصمت...واقفين بجوج كيشوفو فالحديقة والصمت مسيطر على المكان وما كيتسمع غير صوت الماء ديال النافورة هابط كيجري.....)

يتبع ...