صورة مصغرة لـالأم العازبة الجزء العاشر

الأم العازبة الجزء العاشر

L3acher
رواية الأم العازبة الفصل الثاني

جلست ممتيقاش لي واقفة حداها ..طول هاد المدة وهما قالبين كندا وسيدني باش يلقاوها وهي حداهم فدبي ...بقات ساهية كتفكر مدة طلعت راسها لقات غير الفراغ عفت كانت خرجات تكمل خدمتها لي كتعاون بيها راسها بحكم سطاج مكيخلصوش فيه وهي مبغاتش تبقى مثقلة على نوال وولادها بركة غير سكنة لي ساكنة باطل ...مبغاتش ثقل كتر حتى بمصروفها شخصي هي وولادها ..ومنين بدات سطاج عرفات بلي محتاجين فام دمنياج ليلية تقاد امور المكاتب من بعد ميخرجو الموظفين وجاتها علي قد نية دفعات ليهم وتقبلات ..كترجي فصباح دوز سطاجها مكترجع حتى ليل من بعد مكتكمل الميناج ديالها كان باقيلها غير بيرو ديال سيكيريتي وتكمل وبصدفة مشافتش فنجان ديال لقهوة فوق واحد الخزنة وكان فيه شوية وهو يتكب عليها بهدل ليها حالتها وكسوتها بقات غير كتنكر وتسوط وققرات متبدلش كسوتها تاخذها تصبنها وفصباح ترجعها ومنها متوسخش كسوتها لي كانت لابسة صباح ...الماس لي فاقت من سهوتها اول واحد جا فبالها تفرحو هو رعاد بقات كدور لنمرتو ووالو مكيشدش ليها مطفي جلسات كتترعد ولحد الان ممتيقاش بلي لقات عفت ...ولكن المها منظرها كيفاش مرت رعاد هنري توصل بيها لمواصيل لديك درجة كتنظف من مور عباد الله ..وهي لي تقدر تخدم عندها جيش بحالو ...تجلس غير تآمر وتنهي ..هي لي دبا كتذل لمن والا وتجمع من مور لي يسوى ولي ميسواش ..بقات فيها كتر من الاول جمعا كاع لي كتعرفو عليها ولي زادت دبا شافتو وقررات تعاونها ومتخليهاش مزال تتكرفس كتر من لي تكرفسات... ناضت خارجة كتزرب وتدعي الله تلقاها مزال كاينة بقات كتقلب حتى لقاتها خارجة من واحد المكتب صغير غرفة ديال الكاميرات والحراسة الخاصة بالبنك..
الماس بصوت مرتافع :عفت...عفت
عفت لي كانت قاصدة لباب باش تخرج هازة صاكها وكسوتها معلقاها فيدها دارت شافت فيها بابتسامة:مزال محتاجة شي مساعدة ؟
الماس قربات عندها بخطى مسرعة:لااا احبيبة شكرا بغيت غير نشكرك بفضلك قدرت نكمل خدمتي ... (شافت فيديها) خارجة دبا؟
عفت:ولو امدام هذا واجب عليا مدرت حتى حاجة ...اااه خارجة كملت شغالي و بنتي مريضة خاصني نمشي عندها
الماس:ممكن نوصلك الا معندك حتى مانع ...
عفت:مكان لاش نعذبك..
قاطعتها الماس:بالعكس غادي نفرح الا وصلتك ..وخا نرد ليك غير جزء من داك شي لي درتي..راك معرفاش بفضلك اش غادي يوقع (كتشوف فيها بفرحة)
عفت بابتسامة:شكرا امدام
خرجو والماس لقات شيفور قالت ليه العنوان لي عطاتو ليها عفت لي كانت حشمانة منها بزاف ..وصلوها والماس هبطات توادعت معاها عفت وشكراتها وطلبات منها تطلع ضيفها شي حاجة ولكن الماس تحجات بالوقت وواعدتها فرصة اخرى تجي عندها ..عفت ارتاحت ليها وخا هي حلفات من زمان مثيق فحد ولكن الماس بابتسامتها وعفويتها معاها تعاملت معاها بتواضع عكس المدراء لي كيتكبرو ويتعفرو على الموضفين وخاصتا لي كيديرو الميناج ..معرفت علاش كيحتاقروهم وهما فالاصل حسن منهم بزااف...دخلت عفت كتجري والماس بقات كتحقق بالعمارة مزيان بابتسامة 
الماس تنهدات:واخيييرااا..
طلعات فطوموبيل ورجعان طول طريق وهي كتتخيل ردت فعل جساس منين تقولها ليه ...اما ردت فعل رعاد وها تعيا تتخيل كستحيل طيح فيها ..هي اكثر وحدة عارفة مقدار حبو لمراتو ..وصلت لدار كان ظلام كلشي مطفي عرفات راسها قفراتها معاه ولكن عندها لي يشفع ليها ..خبر يخليه يتقلب فالحين لاسعد واحد ..ويهنى بالو وضميرو يرتاح ...دخلات بكل اناقة وثقة مبتاسمة شافت ضوء خافت جاي من بيروه اتاجهات ليه...حلات غير بلاتي لقاتو شاد كاس ديال ويسكي وكيقرى كتاب مقابل مع لبالكون ديال زاج وسينفونية بيتهوفن المفضلة عندهم بزوج مخدمها كان جالس عاطي بظهر لباب حيدات سباطها وتمشات على طراف اصابعها حتى لعندو عنقاتو وباستو فعنقو ..دور وجهو شاف فيها عاقد حجبانو ورجع شاف فساعة
الماس:جست كالم داون بب...عارفة غالطة ولكن ماشي لخاطري تعطلت 
جساس بجدية:الا بقيتي هكذا غادي تخليني نرجع نفكر فموضوع الخدمة امدام 
الماس دارت حيدات ليه لكاس ولكتاب من يديه وجلسات فحجرو حاطة يدها مور عنقو والاخرى كتلعب بيها فلحيتو:اممم منضنش...لو كان نقولك حاجة نتا تترجاني نبقى فالخدمة على طول
جساس طلع حاجب ونزل حاجب استفزاز:انا..نترجاك نتي ..ههه قديمة(طلع وهبط فيها باغي يعصبها) مبقاتش شي حاجة لي تخليني نترجاك (الماس ضرباتو لكتفو و بغات تنوض ..جساس بصوت حنين)نتي بذاتك كل رجايا فالله 
الماس:جساس 
جساس:عيون قلب جساس
الماس غمضات عينيها ونطقات بزربة) شفت عفت
جساس شاف فيها ممتيقش:شكون شفتي؟😨😨
الماس:شفت عفت ..مرات رعاد..

الماس غمضات عينيها ونطقات بزربة) شفت عفت 
جساس شاف فيها ممتيقش:شكون شفتي؟
الماس:شفت عفت ..مرات رعاد
جساس:اش كتهترفي نتي..شاربة شي حاجة لا..فين كتعرفيها نتي باش تعرفيها 
الماس باصرار:والله اجساس الا شفت عفت ..وهدرت معاها وهي بلسانها قاتلي سميتها عفت هنري
جساس نوضها وناض كيمسح شعرو بيدو ويسوط:الماس هاد الموضوع نتي عارفة ماشي دبال ضحك...عفت ...رعاد...فين شفتيها؟
الماس بغصة:كدير لميناج فالبنك 
جساس دار شاف فيها بصدمة:شنو كدير ؟؟؟؟
الماس كتحاول تبردو:غير بدوام جزئي هي ..هي كتسطاجي تما فقسم الالكترونيات..وانا ...وانا غذا نوقع قرار تعيينها ....
جساس جلس فالكرسي كينهج بصوت حزين:الماس متأكدة هي عفت
الماس:هي صراحة انا عمري شفت صورتها ولكن من وصفك ليها وسميتها استنتجت بلي نفس شخص..وانا وصلتها لفين ساكنة ..يعني نقدرو نتأكدو
جساس بصوت مرتافع:كنقولك واش متأكدة مكنستنتجوش هنا ..الماس نتي عارفة رعاد اش كيعني ليه الا لقاها 
الماس بخوف:تهدن عفاك ..شوف انا غذا غادي نشوفها و..و..نصورها ليك ياك و ديك ساعة نتأكدو واش هي ولا لا ...
جساس طلع فيها عينيه:الماس عنداك تكوني تهورتي وعلمتي رعاد؟
الماس:لاااا..لاااا...انا كاع مفكرت نعلمو ...لاااا (فنفسها) الحمد لله يا ربي لي مشدش ليا الخط ....
عفت طلعات لقات نور وفهد فدارها مع نعمة لي ممدودة فوق سريرها حنيكاتها حومر وعينيها ذابلين ونوال حداها كتعبر ليها فالحرارة وفهد واقف هاز اركان ..عفت جلسات حدا نعمة كتتحسس جبينها وتبوسو ليها وشدات يديداتها صغار كتبوس فيهم
عفت بخوف :مالك احبيبة ..مالكي لماما اش كيوجعك؟
نعمة دارت تمخشات فيها بصوت متقطع:كر..شي 

فهد:راه خذيتها لطبيب ودارو لازم متخافيش ..وشربات دوا ..دبا تصبح مزيانة
عفت:اش عندها ..شوفو كيف رجعات دابلة وحرارتها ...سمحيلي اماما عارفة مقصرة معاكم ...شمحت فولادي حتى...
نور:عيب عليك تقولي هاد الهدرة...نتي راك منك راجل منك مرأة ليهم ...نوضي دوشي وبدلي حالتك ..شوفي غير حالتك غادي تعرفي بلي نتي ام ممنهاش زوج ...محاربة مع زمان على وديتهم ..نوضي نعمة راه مزيانة ..نتي لي ..
سكتها فهد:نوور...عفت ختي غير هني بالك راه معندها والو..غير كثرت من لبيسكوي ونتي عارفة كيضرها الا كلات منو بزاف ...نوضي ارتاحي نتي ليلة انا ونور جالسين معاهم
عفت :لاا اخويا مكان علاش نعذبكم ..يكفي نور نهار كولو وهي معاهم ونتا طول نهار فالخدمة ...وهما اصلا ميقدروش ينعسو بعاد عليا ...
نور ناضت باست ليها راسها:عمرك تقولي بلي نتي مقصرة فحقهم...
فهد خرج هو ونور وهي ناضت دوشات بزربة ودارت كسوتها فالماكينة تتصبن وجدات سندويش ليها ولاركان وسوب لنعمة وكلاتهم وعطات نعمة دواها وبقات ليل كولو ولادها ناعسين وهي سهرانة على راحتهم منعست حتى بدا ضوء يطلع غير غمضات عينها شوية غفات والمنبه بدا كيصوني... فاقت كتعجز اول حاجة شافت نعمة حرارتها لقاتها عادية باستها فجبهتها وناضت دخلات لدوش وخرجات لبسات بيجامة وجدات لفطور وحطاتو ورجعات فيقاتهم بلكشايف ودوشات ليهم ولبسات ليهم ..قررات اليوم تخلي نعمة ترتاح متسيفطهاش تقرا اتاصلات بالميس ديالها علماتها فطرتهم وهبطات نعمة عند نور وهبطات لعند نوال صبحات عليها وتوادعت معاها حيتاش نوال مسافرة لفلسطين مدة وترجع...خذات اركان فطريقها لحضانة ديالو ومشات لخدمة دخلات بكامل اناقتها لابسة غوب طويلة لاسقة على طايتها فرمادي مغلوق وفوقها كاب على شكل فيست كلاص بيضاء مع صندالة طالون سوداء سماطي وبوشيط سوداء وشال اسود ستيل تركي وعقد فسومو ورمادي مفتوح ومغلوق وميك اب هادئ ..كلشي بقى كيشوف فيها تغير لي رجع فيها ملحوظ..دخلت لبيروها وجات عندها سكرتيرة ديال المدير ..علماتها تمشي عندو...ناضت عفت قاصدة لبيرو ديال سعد وهي توقفها لبنت ...
لبنت:مدام عفت...المدير العام لي باغيك ..مدام الماس
عفت بصدمة:باغياني انا؟؟؟..مشات مخلوعة خايفة ليوقفو سطاج ديالها ..دقات ودخلات لقات الماس واقفة كتستناها بابتسامة لابسة غوب قصيرة حد ركبة رمادي مفتوح وفوق منها كاب اسود حد ركبة مع سباط طالون اسود وطالقة شعرها مع ميك اب نود 
الماس:صباح الخير ..كيف صبحات لبنوتة
عفت بابتسامة وتردد:صباح نور..مزيانة يسول فيك الخير.. 
(بخوف) مدام قالولي بغيتيني
الماس:جلسي تفضلي...تشربي شي حاجة
عفت:لا شكرا...
الماس جلسات وحطات حداها وراق دفعاتهم جيهت عفت:نتمنى تقبلي الوظيفة وتوقعي على اوراق قبولك معانا
عفت ممتيقاش:نعاااام.؟؟؟نوقع شنو؟
الماس ضحكات لعفويتها:يمكن ممرتاحاش معانا ..وبغيتي غير امتى تسالي سطاج
عفت بفرحة :بصح ..بصح غادي تعيينوني هنا..غادي نرجع موظفة بحالهم
الماس:اكيد ..بصح قبل خاصك توقعي هاد لوراق ..نتي انسانة تستاحقي هاد المنصب ..
عفت هزات ستيلو كان فوق لوراق وقعاتهم وهي طايرة بالفرحة وكتتحقق كن توقيع ..الماس استغلات الوضع وصوراتها بلا متعيق وسيفطاتها لجساس..لي غير شاف صورة رجع كيصوني ليها 
الماس:مرحبا بيك معانا..دبا تقدري تمشي لخدمتك ونتمنى ليك توفيق
عفت:شكراااا شكرااا بزاف ..وانا غادي ندير لي فجهدي باش نكون قد ثيقتك
غير خرجات الماس جا بات عليه 
جساس:خرجي راني حدا لبنك 
الماس :وخا ..انا جاية ......

طلعو لطيارة كيستاعدو للاقلاع الوجهة الارض المقدسة ..مكة المكرمة ...كان لابس عباءة بيضاء مقصر شعرو وريحتو كلها مسك ..والحاجة حداه نفس شي مستعدين كل الاستعداد لبداية مناسك العمرة غير حس بطيارة بدات تقلع بدا بدعاء سفر. الحاجة غير كتسمع وكتحس بشعور الفخر تجاهو وخا مشوشة على عفت ونعمة 
رعاد:"باسم الله ..الله اكبر ..الله اكبر..الله اكبر..سبحان الذي سخر لنا هذا وما كنا له مقرنين وانا الى ربنا لمنقلبون..اللهم انا نسألك في سفرنا هذا البر والتقوى ومن العمل ما ترضى..اللهم هون علينا سفرنا هذا وطوي عنا بعده ..اللهم انت الصاحب في السفر والخليفة في الأهل..اللهم إني أعوذ بك من عثاء السفر وكئابة المنظر وسوء المنقلب في المال" والأهل....
طول مسافت السفر وهو كيلبي لله ويدعي بصوت مسموع والحاجة بصوت منخافض كتردد معاه ..وصلو لميقات "قرن المنازل"او ما يسمى ب "سيل" اغتاسلو ووتطيب برائحة المسك وتخلص من المَخِيطْ...لبس إزار ورداء ملابس الخاصة بالإحرام..والحاجة لبسات لباس شرعي مصاحب بالبرقع وليكات كحلين فيديها وتقاشر كحلين فرجليها كيبانو غير عينيها صلاو ركعتين بنية الولوج في العمرة ..منين كمل قال رعاد دعاء
رعاد:"اللهم لبيك عمرة ...من بعدها باشر فتلبية:لبيك اللهم لبيك ..لبيك لا شريك لك لبيك..ان الحمد ونعمة لك وشكر لا شريك لك"..بقى هكذاك حتى وصل لبيت شريف...سبقة رجلو ليمنى وقال دعاء
رعاد:"باسم الله وصلاة وسلام على رسول الله ..اعوذ بالله العظيم وبوجهه الكريم وسلطانه القديم من شيطان الرجيم..اللهم افتح لي ابواب رحمتك "..
غير دخل لمكة دار الإطباع وهو ابراز الكتف الايمن والحاجة على جنبو متبع ليه العين فكل خطوة وكتدعي معاه فسرها ...
من بعد دازو لمرحلة الاشواط ولي هي 7 ..اولها الحجر الاسود هزو باليد يمنى وتقبل و بدا فذكر
رعاد:"باسم الله ..والله اكبر" ...كان البيت على يساره وقال دعاء:"اللهم ايمانا بك وتصديقا بكتابك ووفاءا بعده واتباعا لسنة نبيك محمد صلى الله عليه وسلم "...كمل طواف بدعاء لي فقلبو وكيطل من اللع يجمع شملو مع مرتو وبنتو ..غافل على ولدو لي تزاد وهو معارف عليه والو...كيدعي من قلبو ربي يسير طريقو يغفر ليه لي داز...كمل طواف بذكر وآيات قرآنية..وصل وكان ركن ديال الكعبة الايمن..قال:"باسم الله..والله اكبر "
وبقا كيطوف بين ركن الايمن والحجر السود وكيردد:"ربنا اتنا في الدنيا حسنة وفي الاخرة حسنة وقنا عذاب النار "هو كيردد جهرا والحاجة كتردد حداه سرا ...لي دارها كديرها معاه....
اتم 7 اشواط طوافا واتخذ مقام ابراهيم عليه سلام مصلى استقبل القبلة وصلى ركعتين الاولى بسورة الكافرو وثانية بسورة الاخلاص ..اتباعا لسنة نبي وما استحب ..من بعد مكمل صلاتو ودعى ..رجع لحجر الاسود يتمم رجم ....من بعد اتاجه هو والحاجة لبئر زمزم شربو منو ...واتاخذو الاتجاه للمسعى ...وهو كيقرب من صفا قرا جهرا:"ان صفا والمرو من شعائر الله فمن اتخذ البيت اواعتمر فلا جناح عليه ان يطوف بهما ومن تطوع خير فإن الله شاكر عليم"
بقى غاذي طالع حتى بانت ليه الكعبة استقبل القبلة وباشر فدعاء رفع يديه لسما:"الله اكبر ..لا إلاه الا الله والله اكبر..لا إلاه الا الله وحده لا شريك له ،له الملك وله الحمد يحيي ويميت وهو على كل شيء قدير ..الا إلاه الا الله وحده انجز وعده ونصر عبده وهزم الأحزاب وحده"كمل دعاء وبقى كيدعي الله فلي خالج خاطرو على امل الاستجابة مع تكرار لدعا 3 المرات..
نزل للمروى حتى وصل للعلم الاول وبدى كيسرع فالمشي قدر الامكان هنا الحاجة بقات بعيدة عليه بحكم المرأة مكتقدرش تزرب فمشيتها وتتمشى باعتدال حتى وصلو العلم الثاني ورجع حتى للمروى واستقبل القبلة وبقى كيردد نفس الدعاء لي قبل ونفس شعائر لي سبقو فصفا ورجع نزل من المروى متجه نحو صفا بنفس طريقة الاولى كيزرب والحاجة من بعدو وخطوات ثقيلة وكتدعي مع ولدها ويرجع ليها ربي ينتها وترجع فرحتهم ويحفظهم من كل شر ... وبقى هكذاك فبقية سعيه كيدعي ويقرا ما تيسر من القرآن ويذكر الله حتى اتم 7 اشواط ذهابا ورجوعا ...وبقاليه اخر منسك لي هو حلق الرأس ..كان ممكن يكتفي غير بتقصير ولكن رسول كان يفضل الحلق الكلي لرأس وهذا ما ظهر في دعائه ثلاثي لحالقي الرأس ...اتم العمرة ديالو ...ورجع هو والحاجة لمكان اقامتهم ...من بعد متعشاو وكلها وشد شومبر ديالو ....هكذا داز شهر عندو كان ملح فدعاء ...وكيتمنى ربي يستاجب ليه ويجمع شملو ويغفر ليه لي داز من حياتو ..والهفوات والغفلة لي كان فيها ..... ..

.. اليوم كان اخر نهار ليهم فالعمرة داز شهر ..شهر وهما منقاطعين هلى العالم الخارجي ..استغلو كل لحظة فداك المقام للعبادة ورعاد كان بعض المرات كيدخل لمركز العلمي استافد بزاف وخذا معلومات كان جاهلهم ..لدرجة حس براسو بلي كان مسلم غير بسمية ...تبدلو بزاف الافكار فراسو رجع واحد اخر ..رعاد لي وصل لديار شريفة غير رعاد لي دبا راجع لكندا مساخيش يرجع ولكن لضرورة احكام ...قرر يرجع لكندا تحت اصرار من الحاجة..لمكان لي عاشت فيه اغلب سنين عمرها والمكان لي جمعها مع احن زوح واطيب قلب مكان دفنو واصلو ..وبلا ذكرياتها مع نعمة وعفت...وصلو لكندا لنفس لفيلا لي عاشو فيها ..قصر هنري...لي رجعو رعاد بضعف ثمن لي باعو بيه ...لانو كان باعو بلا خبار الحاجة فلحظة غضب...هو ماشي غير مكان ساكنين فيه..هو ميراث العائلة هو حاجة مقدسة عند الحاجة ....دازت 5 ايام كان خدام وسهى فصورتين لي فوق لبيرو ديالو ضحك بلا هواه ..تفكر لكتكوتة لي احتلات قلبو من اول مشافها "لارين" بنت جساس وصورة ثانية كانت لنعمة وهي مجلخة بشكلاط بقى كيشوف لفرق بيناتهم..لارين هادئة عكس نعمة لمشاغبة بقى كيتخيل كيفاش تكون دبا بنتو لي وخا ماشي من صلبو ولكن الكيمياء بيناتهم من ديما كانت علاقتو بيها خاصة متميزة كيحس بلي هو سند ليها .. شاف فالاجوندا رقمية وهو يتفكر بلي عيد.ميلاد لارين بعد 4 ايام ......

▪▪▪▪ دازت شهر .. تبدلو فيها بزاف ديال الحاجات .. عفت اللي ولات وضعيتها المادية مستقرة .. قدرات تخلص الديون اللي كانو عندها .. و شرات لبها و لولادها أي حاجة خاصاهم. . حوايج كلشي .. و بفضل اجتهادها ف مدة السطاج و عاد تدخل الماس .. قدرات تاخد بريم. . و ماضيعاتوش. . سبقاتو باش خدات طوموبيل. . واخا صغيرة و لكن تهنات من الطرونسبور. . علاقتها ب الماس كذلك تطورات. . ما بقاتش بيناتهم الرسميات اللي بين المدير و الموظف. . بالعكس الماس رتاحت ل عفت و عفويتها ... و حتى ألماس كانت متواضعة بزاف قدرات تدخل ل قلب عفت و رتاح ليها خاطرها. . أما جساس مكلف رجالو فينما تحركات عفت كايتبعوها كي ظلها .. على ما يرجع رعاد .. 
بحال كل صباح ... فاقت عفت ناشطة .. بهاد التغير اللي وقع ف حياتها .. قدرات تحقق ذاتها و ربي جازاها بصبر ها. . دخلات خدات حمام سخون .. رتاحت فيه مزيان و رخات عظيماتها. . خرجات و نشفات راسها .. لبسات سروال نواغ كلاص و شوميز كريمي. . و طالون فالنواغ. و شال فيه البيج و النواغ. دارت ماكياج خفيف . ركزت على عينيها برزت لونهم مزيان .. دارت ريحتها .. و مشات فيقات أركان و نعمة ب مشقة الأنفس كي ديما .. لبساتهم و فطرو مجموعين. . خرجو من الدار و ركبو فاللوطو الجديدة. . خدات كل واحد ل مدرسته و توجهات ل خدمتها. . فرحانة و متحمسة كي ديما .. دخلات بخطوات ثابثة و هازة راسها .. 
دخلات للمكتب ديالها و باشرات فالعمل ديالعا .. قدرات ب ذكائها أنها تكلف ماشي غي بالانفورماتيك ديال الفرع فاش خدامة .. لا بل ديال الفروع كاملين .. من نهار بدت معاهم عمرهم لقاو شي مشكل مازال ف لا فالغيشيات لا ف كلشي ... 
كانت مركزة مع خدمتها و كاتشرب قهوتها. حتى تدق الباب .. هزات راسها و قالت:: تفضل .. 
حل الباب و دخل ب أناقته المعهودة و ابتسامة على وجهو المصدر ديالها هو شوفت عفت .. جلس قدامها و سرح رجليه. . 
سعد: اوا من نهار دفنوه ما زاروه. . 
عفت: و الله إلى غي الخدمة ولا كثيرة .. راك عارف تكلفت ب كلشي .. مابقيتش كانلقا اللون فين نحط راسي. . 
سعد:اوا رخفي على راسك شويا .. راه مازال محتاجينك و بغيناك. . غمزها و هي حمارو حناكها و حشمت. . و ما غير ألماس دخلات على هاد الجملة اللي قال .. 
خنزرات فيه مللي شافت نظراته ليها و باللي واخد راحته ف مكتبها. . حنحنات و هي تنطق 
الماس: اوا ا سيدي جمع راسك شويا .. السيدة رآه مزوجة.. واقيلة .. 
سعد توتر: مدام الماس. صباح النور . 
الماس: ماحملاتوش: صباح الخير .. عفت يالاه معايا للبيرو بغيتك ف شيحاجة .. 
ضربات فيه و دازت .. ناضت عفت تبعاتها و بقا متبعها و مخنزر .. 
مشات عفت مع الماس للبيرو. دخلو و سدو الباب .. 
عفت: مدام الماس. . خاصك شيحاجة 
الماس: ياك قلتها ليه 100 مرة ألماس. . أنا سميتي الماس. . 
عفت: ههه ديزولي. . حينت الخدمة زعما .. 
الماس: ولو . احححم بغيت نسولك .. ديما كانسمعك كاتقولي ولدي و بنتي . عمرني شفتهم. . 
عفت: ههه غي ما كتابش و صافي .. 
الماس: تعذبتي بزاف بوحدك. . مع جوج وليدات هنايا. . 
عفت: تنهدات :اوا اش غاندير .. الظروف قوى مننا 
الماس: شحال عندهم دابا 
عفت:نعمة 5 سنين و اركان عامين .. 
الماس: اوا الله يخلهم ليك 
عفت: و يخلي ليك بنتك. 
الماس: داكشي نيت فاش بغيتك. . بنتي لارين من دابا 4 ايام غاتكمل عام .. 
عفت: بفرحة: العمر كله انشاء الله. . الله يخليها ليك 
الماس: اميين .. و راك عارفة ضروري من عيد ميلاد.. داكشي باش مرحبا بيك نتي و ليداتك. . 
عفت:ربي يخليك .. نجيو علاش لا .. 
الماس: شكرا بزاف .. 
كملو هضرتهم. . و عفت مشات كملات خدمتها و هاكة داز نهارهم. . 
فالليل ف قصر جساس .. لابس حوايج الدار و هاز التيلي فيديه .. 
جساس: اوا على سلامتنا مللي جاوبتي. . 
رعاد:و عليكم السلام و رحمة الله و بركاته. ..
جساس:ههههه اواه. . عمرة مقبولة انشاء الله ليك و للحاجة .. كي راكم. . تساراحيتو شويا .. 
رعاد:الحمدلله شكون اللي ما يرتاحش و هو كان وسط داك المكان .. الله يرزق كل مسلم بزيارته. . 
جساس: اميين .. اوا 
رعاد: هاحنا. .
جساس: المهم غانقوليك جوج كلمات .. و ماعندكش الحق ترفض. . 
رعاد: جاتك حالتك عاوتاني. . 
جساس:من دابا 4 ايام عيد ميلاد لارين .. و ضروري تحضر و لا غادي نخسر مع ديلمك ديال بصح. 
رعاد:كالم كالم . بلا سبان واش انا باقي جديد بيتي توسخي ليا الضواسا عاوتاني. . و على انا نقدر مانجيش. . راه الكتكوتة ديالنا هديك ... 
جساس: اوا غي علمتك. . يالاه تلاح .. بيناتنا التيلي. . 
قطع جساس . و دار عند الماس اللي كانت على اعصابها 
ألماس : واش قبل ؟؟ 
جساس:بيان سوغ بزز منه 
الماس:اوووف و اخيرا .. الحمل اللي سنين هادي و نتا هازو ف رقبتك. . أخيرا غايتجمعو و تصحح غلطك...

جساس: كانواعدك غانعوضهم و نخليهم يرجعو حسن من قبل .. 
باسها فراسها و عنقها. . 
▪▪▪▪▪▪ اليوم النهار الرابع. . اليوم المنتظر. . الماس و جساس على اعصابهم. . كايتسناو امت يوصل رعاد اللي طيارته تعطلات. . كلشي واجد 

حفلة و لا في الأحلام .. الجردة ديال القصر كاملة مزينة. الكلون و المنشطين ف جميع الاماكن. علاش لا و عيد ميلاد لارين بنيس. . الحفيدة الوحيدة لامبراطوريتهم. . الناس واقفة بيديها على كلشي باش ما تكون حتى حاجة ناقصة .. لابسة غوب غوز مزية عليها و دارة ماكياج جريئ. . بنتها حتى هي ملبسين ليها بحالها. . أما جساس ف لابس كوستار نواغ. . و هاز السيجار ف يديه و كايدور من قنت ل قنت. . 
عند عفت اللي كانت باقي واحلة مع ولادها . يالاه دوشات ليهم .. 
عفت:كاتغوت: نععععمة. . اجي خلاص .. راه مشا الحال . 
جات نعمة عندها ب بينوارها و حنيكاتها حمرين . نشفات ليعا شعرها و جمعاتو ليها كعكة الفوق .. لبسات ليها غوب الفوق ديالها ابيض و التحت كلوش و لونها موف. . دارت ليها هكر و سنسلة ديال الذهب .. أما أركان لبسات ليها شورط نواغ ديال الثوب و شوميز بيضا نص كم و جيلي فوقها رمادي و في لعيبات. . مشطات ليه شعرو و خلاتو كايتفرج. . 
دخلات دوشات حتى ل راسها بالخف .. خرجات و ذهنات جسمها مزيان .. لبسات غوب طويلة بالكمام فالاحمر. .. جات لاصقة عليها و برزت فورمتها مزيان اللي تحسنات من بعد الولادة .. دارت فولار بيج بحال الطالون و ساك حمر و فيه الذهبي. . اكسيسواراتها و ماكياج جريئ حتى هي عكر حمر ماط و رشات من ريحتها بلاك اوبيوم. شافت راسها آخر مرة و عجباتها النتيجة. حاسة بقلبها كايزدح هلى غير عادته و يديها كايرجفو. . قالت يمكن غي حينت شحال هادي ما مشات ل شي حفلة ... 
هزات الكادو و خرجات هي و ولادها ف اتجاه العنوان اللي عطاتها الماس. مسافة الطريق و كان وصلات .. نزلات و شدات ف أركان بيد و الكادو ف اليد الأخرى .. و نعمة قدامها. صوت الموسيقى مجهد و الضواو و الأجواء زوينين .. دخلات ب مشيتها الرزينة و عينيها كايقلبو على الماس. . و حاسة براسها متوترة. . شويا بانت ليعا جاية عندعا و ابتسامة على وجهها. . 
الماس:(مور ما تسالمو): أهلا اهلا نهار كبير هادا. . مرحبا بيك 
عفت: الله يبارك فيك . فينها لارين .. هاكي و هابي بيرثداي. . 
الماس: اوووه ميخسي حبيبة ..هادو وليداتك. 
باست نعمة اللي غي كاتبتاسم و تشوف ف المكان. و نزلات هزات أركان. . باستو بوسة طويلة حتى و سخات ليه حنكو بالعكر. . 
بلا ما تشعر نطقات:غي باباه. . كايشبه ليه بزاف .. 
عفت : كيفاش. .. باش عرفتيها 
الماس:با تعتق الموقف:ااا.. احححم لا زعما مللي ماكايجيبش فيك نتي يعني كايجيب ف باباه. . 
عفت بشك: اممم .. 
الماس: يالاه ندخلو .. 
دخلو للداخل .. و جلسات عفت ف واحد البلاصة .. كاتشوف ب عينيها .. أركان حداها كاينقز و نعمة مشات كاتلعب و تغني مع الأولاد. . 
داز شويا ديال الوقت .. و تم داخل .. لابس قميجة نص كم بيضا لاصقة عليه و سروال رمادي و موكاسان كحل. . أول مرة كايبدل ريحته ب عطر فيه العود و العنبر .. زادو جاذبية فوق جاذبية . موراه رجاله محملين ب الهدايا. . لمحوه جساس و ألماس من بعيد و مشاو عندو كايجريو .. 
تسالم معاه جساس ب سلام رجولي أما الناس غي من بعيد حينت قاليها ما بقاش كايسلم. . 
جساس: اوواه ا صاحبي فين تعطلتي و اش هادشي كامل جايب معاك. . 
رعاد: هادشي ماتعرفش ليه نتا .. 
الماس: فين الحاجة 
رعاد: ما قدرات تجي عيانة بالسفر .. 
جساس:احححم ..رعاد بغيتك جوج دقايق. . 
رعاد: وا خلينا هو الأول نشوفو الأميرة ديال الحفلة. 
جساس:ندويو و من بعد خود راحتك.

مشا رعاد مع جساس .. و دخلو للمكتب الي فالقصر الفوق .. 
أما الناس بقات التحت مع الضيوف .. 
داز شويا ديال الوقت . كانت عفت جالسة كاتشوف ف نعمة اللي كاتوريها شي حركات علمهوم ليعا الكلون. . و اركان ف جنبها كايلعب. . 
للحظة شمات ريحة غريبة عليها . و بدا قلبها كايضرب بجهد. حسات براسها تخنقات بحال الأكسجين مابقاش كايوصل ل ريتها. . بدات كاتنش على وجهها بيديها. . تفكرات أركان اللي مابقاتش سمعات حسو. . شافت ف جنبها مخلوعة. و مالقاتوش. . وقفات كاتشوف ف نعمة اللي ملامحها تقلبو و عينيها بداو كايلمعو. . حلات يديها و مشات كاتجري دازت من حدا عفت .. كاتغوت بكلمة بابا .. 
حسات عفت بالدنيا كادور بيها و ماقدراتش تشوف اش كاين من وراها. . سمعات صوت توحشاتو و شحال ما سمعاتو. قالت يمكن تخايلات. . و لكن شجعات راسها و تلفتات و ياريتها ما دارت. . لقاتو واقف قدامها. . حاجب عليعا الرؤيا بضخامته. . وجهه و ملامحه مامفسرينش يمكن غضب يمكن خزي و يمكن شوق .. ف يديه أركان و اليد أخرى نعمة مخشية فيه .. 
عفت ما صدقاتش اش كاتشوف. . عمرها توقعات باقي تشوفو مباشرة و حداها و لا هاز ولادها. . ما قدراتش تحمل الصدمة و لا بغات تهرب من الواقع .. خافت من ردة فعله و فضلات تفقد الوعي على أنها تواجهه. . طاحت عند رجليه مغمى عليها ..

▪▪▪▪ لما الناس بتموت الحياة بتستمر. . بس لما الناس بتبعد الحياة تقف. . غريب أن الموت أرحم من البعد .. يمكن لأن الموت حاسم أما الفراق فيه احتمالات. .... 

طاحت مغمى عليها عند رجليه .. حس براسو بوحدو ف ديك البلاصة .. يديه حس بيهم تشللو. . وذنيه كايصفرو. . اللحظة اللي سنين و هو كايتسناها. . امنيته الوحيدة .. اليوم قدرات تحقق .. حط نعمة و اركان دغيا و نزل على رجليه .. هز راسها حطه فوق فخضه و بدا كايضرب ف حنكها. . قربو الدموع يخرجو من عينيه اللي ولاو بحال شي نقطة ديال الدم .. هزها دغيا بين يديه.. و مشا طالع بيها للفوق .. موراه ألماس هازة أركان اللي كان كايبكي و نعمة تابعاهم حتى هي كاتبكي .. 
دخلها لأول بيت لقا قدامه. . دخلها ليه و حطها بشويا فوق الناموسية . بحال شي بيضة خايفها تهرس .. جلس حداها و كايحاول يفيق فيها .. جابت ليه الماس الريحة و رش ف يديه و كايشمها ليها و هي والو غايبة .. ما بقا داها لا ف نعمة لا ف أركان اللي كايبكيو .. عفت بوحدها اللي خدات عقله و باله .. غوت حتى قفزهم. . 
رعاد:عيييطووو للطبيب شكاتسناااااو! !! 
مشات الماس كاتجري تعيط ليه .. و خدات معاها الأولاد .. بقا هو بحال الموجع. . يوقف و يجلس. . كل شويا يقيس وجهها و يعاد يجمع قبضة يده و يزدحها مع الحيط... 
سمع الدقان و تحل الباب و دخل الطبيب ... 
الطبيب: مالها؟؟ 
رعاد معصب و جاهل غي بوحدو: واااااش كاتسطا عليا .. كاتسولني انا مالها .. راه خدمتك واقيلة هادي 
جساس:تهدن ا صاحبي .. كلشي غايكون مزيان .. 
بقا رعاد واقف على الطبيب و كايدوز على لحيته بيديه و وجهه حمر .. كمل الطبيب و ناض وقف 
رعاد: مالها باقي ما فاقت. . 
الطبيب: عادي ماشي شيحاجة صعيبة غي شي صدمة تلقاتها خلاتها تفقد الوعي .. غي شويا و تفيق ..
خرج الطبيب و معاه جساس و ألماس و بقا هو بوحدو معاها فالبيت .. جلس حداها و شد يديها بين يديه .. كايبوس هم و يشم ريحتهم. . ما شعرش حتى لقا راسو معنقها بجهد و خاشي وجهه ف عنقها. . دموعه نزله. . يمكن خوف يمكن شوق و يمكن فرحة و شكر حينت رجعات ليه .. بقا معنقها بجهد و كايبوس جبهتها و حناكها. ريحتها باقي نفسها. . ما تبدلاتش. . و فرح كثر مللي لقاها دايرة الحجاب .. بغا يشبع منها هي الأولى عاد ينوض يشوف نعمة و ولده اللي ماعارف حتى سميته ... و لا شحال ف عمره. . بقا خاشيها فيه و معنقها. . عينيه حمرين و صدره كايطلع و ينزل و كايتنفس بزربة. .. 
تحل الباب و دخلات عندهم الناس هازة أركان و معاها نعمة اللي باقي كاتبكي .. تخلعات على ماماها. . 
ناض من حداها و هو مساخيش بيها .. وقف و قرب من نعمة .. مسح ليها دموعها و باسها ف راسها بوسة طويلة .. 
حتى هي عنقاتو 
نعمة: باقي كاتشهق: مالها ماما ...
رعاد:والو غي عيانة شويا ...و ناعسة دابا ..
نعمة: و لكن ماكانش فيها النعاس قبيلة ...
رعاد: وا صافي هاهي شويا و تفيق .. ما توحشتيش باباك. . 
زادت تخشات فيه:توحشتك بزاف .. ماباقيش تسافر و تخلينا. 
رعاد: على شكون قاليك كنت مسافر .. 
نعمة: ماما ...
باس ليها يدياتها الصغار: ماعمرني باقي نخليكم من بعد ما رجعت لقيتكم. .. 
ناض وقف و شاف أركان هازاه ألماس. .. 
مد يديه باش يهزه و اركان تخبى ف ألماس. . 
حس رعاد بغصة ف قلبه و كرز على سنيه ب غضب ...
اركان: ما..ماما. . 
الماس: ماما ا حبيبي دايرة دودو. . 
اركان: نئ ماما ماما.. 
رعاد: اجي نديك عند ماماك ... 
بقا كايشوف فيه شحال و هو يمد ليه يديه .. هزه رعاد و خشاه فيه بقوة ..قطعة منه هو و محبوبته. . شحال و هو كايتمناها. . هاهو اليوم بين يديه .. حقق ف ملامحه مزيان كايشبه ليه بزاف من غير العينين ... عنقه و غرقه بوسان. . عاد دااه حدا عفت ..
خلا حداها ولادها و بقا واقف كايشوف فيهم .. أخيرا قدر يلقاهم. . أخيرا غايرجع ليه النور لحياته. . و الفرحة ... داز شويا ديال الوقت و بدات كاتحرك ... راسها كايحرقها و عظامها حاسة بيهم ثقال ... عينيها باقي مسدودين و كاتمتم ب فمها كلمات مامفهومينش. . 
عفت: انمممم. . انننن. . و.. ولادي ... 
رعاد ما قدرش يتقدم عندها خلاها تفيق على خاطرها يكفي يشوفها من بعيد ... 
حلات عينيها بصعوبة و قدرات تنوض تجلس .. شافت ف جنبها و لقات نعمة و اركان .. خدات كل واحد ف حضنها معناقاهم و كاطبطب على ظهرهم. .. 
عفت: شششش صافي صافي ها ماما فاقت .. وا صافي أركان. . هاني حداك ... 
بعداتهم عليها شويا و هزات عينيها بان ليعا واقف على النت ديال البلاكار. . طاوي يده و كايشوف فيها بملامح ممحية. . للحظة خلعها. . و لكن قوات راسها و نطقات. مللي شافتو جاي ف اتجاهها: حبس تم.. 
رعاد: بغيت ولادي .. 
عفت: شكون انت ماكان عرفكش. . و على اشمن ولاد كادوي. . 
نطقات الماس اللي كانت واقفة فالباب: عفت بلا ما تصعبيها عليكم كثر 
شافت فيها عفت بنظرة كاتخوف:نتي بالضبط ماتدويش. . وثقت فيك ولكن حتى نتي بحالهم. .. يا خسارة ثقتي فيك...

ناضت واخا حاسة براسها عيانة. . و هزات أركان. .. دازت من حظا رعاد اللي واقف ببرود. . وهو يشدها من مرفقها. . 
عفت من تحت سنانها:حيييد عليا يديك. ..
رعاد:و إلى مابيتش. .. 
عفت: نعمة شدي ف خوك و خرجو تسناوني. .. برة ... 
خرجو و دارت عندو: قلت ليك رخي يدي ... 
رعاد: كايشوف فيها بملامح باردة عكس العافية اللي شاعل فقلبه: ماراخيش. .. 
ماشعراتش عفت حتى عطاتو باليد الأخرى بجهدها كامل ..سرفقاتو حتى دار ... 
الماس حطات يديها على فمها بصدمة أما عفت بقات كاتشوف ف عينيه كاتحداه ماخايفاش منه ...

بقات كاتشوف فيه بتحدي ماخايفاش منه .. أما هو الشر و الغضب كيخرجو من عينيه .. 
رعااد بصوت كايخلع : واش ل ديلمك باقي ماتبتيش. .. 
عفت: طلقني خليني نمشي بحالي .. 
رعاد:داك للباب هو اللي ماغاتعتبيهش. .. 
بدأت كاتغوت: طلللللق. . كستحيل نبقا دقيقة خرا فدار داك الكلب ... 
رعاد:اش كاتخربقي تاني .. ماعندك فين تمشي . خسنا نتفاهمو على هادشي كامل اللي درتي .. 
عفت:اييه اييه .. نتفاهمو. . ديما انا الضحية ..أما هو اللي سبب ف كلشي اللي وقع لينا باقي نتا وياه كي سمن مع العسل .. ياااك. . سمع .. نتا صفحة و طويتها. . ماضي و نادمة عليه .. مابقات بيناتنا لا هضرة لا كلام .. دخل هادشي مزيان لوذنيك. . 
رعاد: عفت رآه كاتزيدي تجهليني. . خلينا ندويو ماحد باقي مبرد. . 

عفت: اصلا فين عمرك سمعتي ليا .. ديما كلامك هو اللي خسو يكون .. فين عمرك عطيتيني شي فرصة . 
رعاد:و نتي اللي درتي ساهل هاااا. . 
عفت: اييه انا خايبة و مانسواش و قحبة و كلشي .. وا طلقني نمشي ف حالي .. 
رعاد:عففففت رآه غانهرس ليك داك الفم .. 
عفت: هي اللي باقي ما درتيش أما كلشي راك درتيه و جربتيه. . قد كلمتك قد دراعك. . و لكن خسارة كاتبين 
رجولتك على امرأة. . أما الشماتة اللي بحالك و اللي باقي كادوي معاه و جالسين دابا فدارو مادرتي ليه والو. . 
رعاد:كاحاول يبرد: عفت .. سي داك الفم و لا غاتندمي. 
عفت راني نادمة من شحال هادي .. من نهار شفت كمارتكم. . لا نتا لا هو .. 
رعاد: دابا لاش كل شويا كاتجبديه هو ظ. هادشي بيناتنا حنا اتا وياك .. 
عفت: لا .. لا نتا غالط .. و لكن منين غاتعرف و نتا عمرك سمعتي ليا .. تيقتي اش بغيتي.. عذبتيني هنتيني. . اغتاصبتيني. . قتلتي أي حاجة زوينة فيا .. عمرني نسمح ليك سمعتي ( بدات كاتبكي) عمرني فحياتي نسمح. . ليك ظلمتيني. . و طعنتيني. . و ما سمعتيش للحقيقة كاملة ظ. خديتي غي داكشي اللي عاجبك. . و ماخليتينش نقوليك اش واقع.. 
رعاد: عفت اش كاتخربقي. . 
عفت : اييه خليني كانخربق .. كانخربق أما نتا نهار لحتيني فالزنقا بحال الكلبة .. و خديتي ليا بنتي .. و حرقتيني. . ضربتيني. . هنتيني. .كرامتي مرمديها و عفستي عليها .. حتى داك الوقت كنت كانخربق .. خليني .. خليني نخربق .. حسن و لا نكون بحالك نتا وصاحبك. . خليك هاكا .. مقلوبة عليك القفة. اللي جا يضحك عليك .. و يلعب ورا ظهرك. . عمرك غاتولي بنادم عمرك تولي راجل. .. 
رعاد صبر حتى عيا .. فاض الكأس و قدرات ب كلامها تستافزه. . ماشعرش حتى قجها من عنقها. . و بقا دافعها جتى لصقها مع الحيط .. و رجليها تهزه من الارض .. وجهها ولا حمر .. و عيات ماتفركل. . رجع بحال الوحش. . عروقه خارجين و عينيه حمرين كايخلعو. . كان غايقتلها. كون ماتدخلات ألماس حيداتها من بين يديه بحال الجثة طاحت على ركابيها فاشلة. . كاترجع النفس .. حيدات فولارها و طاح شعرها على وجهها و كتافها. . كاتنهج و تحاول تنفس .. و كاتشهق. . أما رعاد واقف قدامها كي قباض الأرواح. بغا يطرطق. . هزات راسها فيه و قالت:عمرني نسمح ليك .. كل مرة كانتاكد باللي نتا حمار .. شماتة .. 
رعاد: راه غانقتل ديلمك على عاد الهضرة .. 
عفت طاحت كاتبكي و تغوت بجهد:ااااه قتلني. . قتلني .. و هنيني. عيييت حتى قلت حياتي تقادات وه رجعتي بنتي فيها و خربقتيها. . عييت منك .. كانكرهك. هئ هئ كانكرهك. . نتا وياه .. كانكرهكم بجوج .. هئ هئ .. 
رعاد:علاش كل شويا كاتدخليه حتى هو فالهضرة .. 
عفت:حينت هو سبب هادشي كامل . حينت هو وراك غي داكشي اللي كان من مصلحته. و خبا الحقيقة .. حينت هو سبابنا ف العذاب .. ربي بوحدو اللي عالم و شاهد. . و ربي اللي غاياخد ليا حقي منكم بجوج .. على طغيانكم ور ظلمكم. ... 
رعاد:دوي بلا الغاز و لا ماعمرك باقي تحلمي تشوفي ولادك سمعتي ... نطقيييي. .. 
جالسة عفت فالأرض .. وجهها حمر و عامر دموع .. شعرها مطلوق .. و ماكياجها تجلخ. . حالتها تشفي العدو. . 
تنفسات بالجهد و نطقات :عرفتي اشناهيا أسوء حاجة .. هي مللي تكون واصلة فيك العظم .. و يجي شيحد يكمل عليك . يظلمك. . يطعنك. . يعذبك و يرجعك نتا اللي غالط. . ما يشوفش قداش نتا عيان و مهموم. . يمكن كون مان بابا عايش مانوصلش لهاد الحالة .. كون حماني من جساس و منك .. عقلتي مللي تزوجنا .. و جا جساس اول مرة .. من تما بدا عذابي.. هو كان كايهددني بيك .. دخل لحياتنا بحال شي سوسة. . حرم عليا الفرحة و نغص عيشتي. . 
رعاد: ولكن .. 
قاطعاتو كاتغوت بصوتها باح بالبكا: سككككت. سكت خليني نكمل .. ليوم انا غاندوي. . بزز منك تسمعني واخا غي مرة وحدة .. خليني نخفف شويا مم الحمل اللي هازة .. 
جساس اللي نتا باقي كاتجي عندو و جالس دابا فدارو .. هددني. .. خلاني نولي خدامة عنده .. باش ما يفضحنيش ليك .. باش مايوريكش الفديو. . دوز عليا العذاب ... ماكانش كايخلي ني نمشي للجامعة .. كايديني نخدم عندو. . و ماشي مرة ماشي جوج تحرش بيا و انا صابرة و ساكتة على قبل من .. على قبل سيادتكم. . حينت كنتي مريض .. مابغيتش نزيدك بهمي. . ولمن شكون تسوق ليا انا .. من اول غلطة ظلمتيني و عذبتيني. . صاحبك .. صاحبك هو السبب ف كلشي .. و عمرني نسامحه حتى لغدا قدام الله....

و حتى نتا راك وليتي كثر منه.. سير صفي حساباتك معاه هو الأول عاد جي عندي أنا. . ما تحكرش غي على الحيط القصير. .. 
وقفات عفت بصعوبة. . مسحات دموعها .. جمعات شعرها و دارت فولارها. . دازت من حداه .. و هو باقي كايستوعب هضرتها. عرف باللي كلشي بسباب جساس .. جساس اللي سامح ليه و دغيا رجعات علاقتهم بحال قبل .. بسبابه. . ضاعت منه حب حياته و ضيع سنين من عمره بعيد عليها و بعيد على و ولده اللي ماكانش عارفو غاع واش تزاد. . 
عفت:انا مبقيتش خوافة بحال قبل .. انا دابا عفت وحدة خرا .. عفت القديمة ماتت .. انا امرأة قسات عليها الدنيا .. داز عليا بزاف..اللي خلاني نتكسر من الداخل .. و اللي تهرستي من الداخل مستحيل تقدر ترجع بحال قبل .. حينت جزء منك كايتبدل. . كاتولي انسان اخر .. انسان تقتلات فيه الحياة واخا باقي حي .. إلى بغيتي ولادك .. انا ماغانحرمكش منهم. . راه دوك اللي وراوك بلاصتي .. غايوريوك داري. . جي و شوفهم. . و لكن انا .. مستحيل نسمح ليك .. مستحيل نقدر نرجع ليك. بالعكس .. درتي فيا خير كبير مللي جيتي برجليك. . باش نطلقو. . قبل ماكنتش قادرة ندير طلاق غيابي حينت ماعارفاش فين كاين .. ولمن دابا سهلتي عليا المأمورية. . 
مشات عفت و خلاتو مصدوم . رجليه مابقاوش هازينو. . كلشي تدمر .. كلشي مشا و تبخر بحال عمرو ماكان ..

نزل بخطوات سريعة كايقلب عليه و عينيه حمرين ... لمحو من بعيد .. جالس .. مشا عندو بسرعة و جره من الكول ديال القميجة. . و ضربه ببونية للوجه. . باقي جساس ماعرفش راسو باش تبلا و لا شكون ضربو. . زادو وحدة خرا .. حتى جا طايح فالأرض و الدم نازل من نيفه.. جلس فوقه و بقا كايضرب فيه كايبرد السم و الأعصاب .. أما جساس ماقدرش يدافع على راسو .. حينت غفلو و عاد رعاد تخول لوحش. . 
رعاد: كون غي مرة وحدة راجل .. مالك ديما شماتة .. 
جساس:كايحاول يتفك من قبضة يديه: اش كاتخرا نتا تاني. واش جهلتي ؟؟
رعاد: شماتة و كلب .. كنتي كاتقوا على بنت .. هاااا دوي .. اشنو درتي ليها ... دوي الشماتة. 
جساس: نوض من فوقي و نقوليك كلشي ..
رعاد: و مالك ما درتيها من شحال هادا هاااا ولكن الغدار كايبقا ما غدار. . 
طلق منه و ناض كينهج. . و كيمسح على وجهه بعصبية. . أما جساس ناض كيمسح ف وجهه اللي ولا كله دم .. و وقف قدامه و عاود ليه كلشي .. رعاد نع كل كلمة كايزيد يكره راسو. . شاف قداش ظلمها .. ف عود ما يجي من جهتها و يحميها كمل على مابيها. . و زاد عذبها. . مابقاش جاوب جساس .. حده خسر عليه جوج كلمات:طلعتي واحد ميسواش. . خليتي الإنتقام يعمل ليك عينيك و ظلمتيها معاك . مازال نتحاسبو على هادشي كامل .. 
دفل حدا رجليه و مشا خرج .. خلا جساس معصب و ألماس مصدومة من هادشي اللي سمعات ... 
▪▪▪ ركب فاللوطو اللي أمرهم يجيبو ليه .. لامبورغيني. . حينت آخر صفقة دار ربح فيها القناطر ديال الفلوس .. عيط لواحد من رجاله و عطاه عنوان عفت حينت كلفهم يتبعوها و يبقاو مراقبينها. . دار gps و كسيرا. . ما وقف حتى ل قدام العمارة. . بقا واقف حداها من بعد ما سكت اللوطو. . و رجع راسو اللور و حط يدو على عنقه كايلتاقط أنفاسه. كلشي جا على غفلة .. اليوم كان عامر أحداث .. ولكن واخا هاكاك قلبه كايرفرف بالفرحة .. أخيرا لقا عفت .. و زادت فرحته ب ولده. ااه هي غلطات مللي خبات عليه و لمن مادازش عليها قليل .. و حلف حتى يرجع يكسب قلبها من جديد و يرجعو حسن من كي كانو و يعوضها على أي حاجة خايبة دازت منها. . 

داز ديك الليلة على كل واحد فيهم طويلة .. رعاد اللي ما غمضش عينيه مقابل غي العمارة و امت يشوفها خارجة من الباب أما عفت مللي رجعات بحالها و نعسات ولادها عطاتها للبكاء. . ماقدراتش حتى هي تنعس. . عارفة باللي دابا رعاد مستحيل يعاود يتفرق منها .. مستحيل يخليها تبعد. . صبحو عينيها حمرين و منفوخين. . ماعندها خاطر لوالو .. دوشات باش تصحصح. . و لبسات عباية طويلة ف الكاكي. . و شال بيج بحال الصباط و الساك .. فيقات نعمة و اركان .. و لبساتهم حتى هما. . فطرو وخرجو .. نزلو للباب و عينيها مقبلين لا يخرج ليها من شي قنت .. مللي مبانش 
ليها ارتاحت. . و ركبات فاللوطو دياال و توجهات فااتجاه المدرسة و رعاد حتى هو تبعها .. عينيه حتى هو حمرين مع ماناعسش. . و لمن شوفاتو جادين بحال الصقر و تخنزيرتو كاتخلع. . 
حطات ولادها فمدرستهم و توجهات ل خدمتها. . دخلات و رعاد بقا برة حاضيها. . 
أما هي دخلات لبيروها و باين فيها العيا .. مادوات مع حد ما تكلمت. . دارت خدمتها و حاولات تلها فيها و تنسا. . حتى وصلات وقت الخروج مع العصر .. خرجات من جديد بملامح ممحية. . ركبات فاللوطو و مشات تجيب ولادها .. و رعاد بحال ديما تابعها كي ظلها. . ماملش و ماعياش. . حدو شارب القهوة الكحلة. . وصلات لدارها و نزلو .. و نعمة مصدعة ليعا راسها ب بغيت بابا بغيت بابا و هي كاتقوليها رآه خدام .. خلاها حتى طلعات و تسنا شويا عاد نزل .. بكل رجولة و هيبة و تخنزيرة .. 
طلع فالدروج حتى لآخر ايطاج. . دق فالباب و بقا واقف كايتسنا و يدندن ب فمه. . 
حلات ليه عفت الباب و تصدمات .. مللي لقاتو قدامها د دارها ليعا قد فمها و جا .. كايخنزر فيها و لابس تيشورت و كابيشو غري محلول و داير القب. . توحشاتو بزاف .. ماكرهاتش تنقز عليه بتعنيقة و ترما ف حضنه و لكن كلما كاتفكر اش دوز عليعا كاتحط حجرة فوق قلبها. . قوات راسها و دووات: اش بيتي لاش جاي ؟؟ 
رعاد: جاي نشوف ولادي...

عفت: ولادك جي شوفهم بالنهار ماشي حتى الليل .. 
رعاد: بلا قوة الفهامات خدي خليني ندخل .. 
دفعها بجهد و دخل بحال الدار دار باه. سدات هي الباب و تبعاته كاتغوت. . 
عفت: هييي ا سي . فين داخل مدرم كي التران. . 
رعاد: فين نعمة ؟؟ و ) بصوت حزين) و و اركان .. 
حسات به عفت و بصوته: نعمة التحت عند شي جيران كاتلعب مع ولادهم و اركان فالبيت كايتفرج. .
ماجاوبهاش و دخل كايقلب بعينيه حتى بان ليه بيت واحد اصلا هو اللي كاين .. بيتها ديال النعاس .. كان غالب عليه الطابع الانثوي. . شاف أركان فوق الناموسية كايرضع و كايتفرج. . مشا جلس حداه و هزو عنده باسه فوق رأسه. . 
عفت: وقفات عليه:نوض خرج من هنا .. 
هو عاطيها طلعها و نزلها و لمح مزيان شنو لابسة ... 
كانت لابسة كولون كحل .. و تيشورت غوز بيبي طالع على الكرش و صندالة ديال الصبع و جامعة شعرها الطويل من الجناب. .. بقا كايشوف فيعا كي كاتحرك و تعبر ب فمها و يديها معصبة . ماقدر يركز ف حتى كلمة من اللي قالت .. عينيه كانو غي مع شفايفها. . هي دوات حتى عيات و شافتو عاطيها مشي و هي تخرج من البيت و ردخات عليهم الباب .. 
بقا رعاد كايلعب مع ولده و يتحسر على حالتهم. حتى داتهم عينيهم بجوج و غفاو. . رعاد اللي كان الليل كامل فايق عيا .. و اخيرا لقا الراحة و نعس .. و وولده ف حضنه. . 
أما عفت دخلات الكوزينة كتنكر غي بوحدها معصبة. . و بدات كاطيب العشا ... 
داز الوقت و ماحساتش بيه .. حتى كاتشمو ريحته و حسات بنفسه. . عرفات انه موراها بلا ما ضور. . توترات و مابقات عارفة مادير .. حاسة ب نظراته كايختارقو كل جزء من جسمها اللي ولا حسن من قبل .. بقات غي تالفة كاتهز حاجة و تحط حاجة .. حتى نطق 
رعاد: سمحي ليا ... 
على إثر هاد الكلمة قلبها تهز و دارت عنده: ههه شحال ساهلة ياك .. ساهلة تقال و لكن صعيب تطبق .. نتا ماحنيتيش فيا ظلمتيني و عذبتيني و حتى انا عمرني نسمح ليك .. 
رعاد: على قبل ولادنا عطيني فرصة خرا .. باراك غي عامين اللي ضاعت .. خلينا نتجمعو. . 
عفت: هزات كأس و لاحتو حتى تهرس و تشتت: شفتي هاد الكأس كي تهرس. . يالاه جمعو. و رجعو كي كان ..هاكاك انا .. مستحيل كلمة سمحي لي ترجعني كي كنت قبل .. صافي حنا وصلنا ل طريق مسدود. . تلقينا حوت نتفارقو خوت. . ولادك رآه جي شوفهم وقتما بغيتي مانحبسكش. . طلقني ا ولد الناس .. 
هز عينيه فيها ببرود. . : هديك هي اللي عمرها تكون .. غي تهناي. . 
خنزرات فيه و بدات كاتغوت: واش نتا مريض .. وا بغيت نطلق ا عباد الله .. عطيني التساع فرقني عليك .. مابقات حتى حاجة كاتجمعنا بجوج .. الل بينا سالا.. صفحة و طويناها. . 
رعاد: سكتي .. سكتي راع الولد ناعس. 
عفت:ماساااااكتاش. . سير عندك هاديك و طلق سراحي انا .. 
رعاد بعدم فهم: كيفاش .. اش كاتخربقي تاني .. شكون هديك .. 
عفت: بلا ماتحس: ديك اللي كادير ليك المفاجآت و كاتبان نتا وياها ف البرامج. . ( قالت هادشي و هي كاترجف) 
رعاد: فهم البلان عرفها كانت متبعة أخباره : امممم انا بغيتكم بجوج .. نتي مت ولادي و هي حاجة خرا .. 
تنهدات عفت و عطاتو بالظهر كاتمتم: تفو على زامل ..حمار كلب .. 
بدأت كاتجمع فداك الزاج اللي دارت و عقلها غايب حتى تجرحات ف يديها .. غوتات و شدات ف يديها و جا عندها كايجري و الخوف باين ف عينيه .. تنترات منه و مشات للحمام .. أما هو بقا متبعها بعينيه و كايتنهد. . 
غسلات يديها و دارت فاصما و كلامه كايدور ف عقلها .. يعني هديك باقي كاينة ف حياتو. . و لاش رجع عندها هي .. اش بأي باغي منها إلى لقا وحدة خرا و كايبغيها. . خرجها من سهوتها الصونيت ديال الباب .. خرجات دغيا من لحمام .. و لقاتو غادي بايحل. . 
عفت:الأخ .. لين غادي دار باك هادي..شكون نتا 
باش تحل الباب ... 
عطاتو بالظهر و مشات كاتلوز تحل .. حلات الباب و تحل معاه فمها بالصدمة .. آخر واحد فكرات انه يجي عندها للدار .. هاهو واقف قدامها .. ماعرفات مادير واش تقوليه دخل و لا تجري عليه ... و سمعات خطوات رعاد غاديين غاديين و كايقربو ليها ..

غسلات يديها و دارت فاصما و كلامه كايدور ف عقلها .. يعني هديك باقي كاينة ف حياتو. . و لاش رجع عندها هي .. اش بأي باغي منها إلى لقا وحدة خرا و كايبغيها. . خرجها من سهوتها الصونيت ديال الباب .. خرجات دغيا من لحمام .. و لقاتو غادي بايحل. . 
عفت:الأخ .. لين غادي دار باك هادي..شكون نتا 
باش تحل الباب ... 
عطاتو بالظهر و مشات كاتلوز تحل .. حلات الباب و تحل معاه فمها بالصدمة .. آخر واحد فكرات انه يجي عندها للدار .. هاهو واقف قدامها .. ماعرفات مادير واش تقوليه دخل و لا تجري عليه ... و سمعات خطوات رعاد غاديين غاديين و كايقربو ليها ..
عفت بصدمة وخوف:سعد؟!!! اش كدير هنا
سعد مصدوم من جمالها ..اول مرة يشوفها هكذاك بلا حجاب ..سلبات ليه عقلو 
رعاد كان كيحيد ساعتو منتابهش شكون لي فالباب:هادي نعمة لي جات؟
عفت دارت شافت فيه ورجعات شافت فسعد:زيد دخل مرحبا...جيت فالموعد نيشان متعطلتش ملتازم كيف عادتك
سعد دخل مفاهم والو ورعاد كيشوف فيهم طلع حاجب ونزل الاخر تنحنح عاد نتابه ليه سعد
رعاد موجه كلامو لعفت:شكون الاخ ؟
عفت كتستافزو:هذا سعد زميلي فالخدمة وانسان مميز فحياتي..سعد مرحبا ..
دخلو سعد وعفت سعد لي معرف باش تبلا ورعاد لي تعصب ومتحكم فاعصابو بسيف ومبرد جلس فوق كرسي كيشوف فيهم وعفت مرة مرة كظور تشوف ردت فعلو ولاول مرة كتتجرأ وتهدر معا هكذاك وتضحك بديك طريقة وسعد لقاها من الجنة وناس..مهموش رعاد لي معاهم بغا يستغل الفرصة ...وفبالو بلي حتى هي كتبادلو نفس شعور ودار فرضية بانها فالخدمة مبغاتش تتعدى الحدود على حساب الموضفين الاخرين ...بقاو كيهدرو حتى ناضت عفت
عفت:سعد سمحلي 5 دقايق نحط لعشا ...اكيد راك جيعان من بعد نهار ديال الخدمة ..ومن حسن حظك اليوم درت طجين مغربي غير على حسابك
سعد:مكان علاش تشقي راسك .. غير شوفتك براكة عليا 
رعاد كارز على سنانو ومتحكم على اعصابو بسيف ومبين انو مبرد و ممأثرش عليه الوضع تنهد ونحنح:مدام بنتك شفتك نسيتيها
عفت مجاوباتوش ومشات حطات لعشا ليهم ب 3 خافت لتحط غير لزوج ويقلب عليها طابلة جتامعو كيتعشاو ورعاد كلاهم بعينيه ومحملش سعد ..وكيتحلف فعفت..بقاو يتعشاو حتى شاف المنظر لي فاض الكاس بيه
سعد هز لعفت يديها وباسها:الله يعطيك صحة وخلاص..متميزة فكلشي 
رعاد ضرب طبلة وبلغواات:هنا وحبس ... ناض جبد عفت من يدها بنتير ووقف سعد بغا يشدو عطاه براس دوخو ودخلها لبيت لي فيها اركان سد عليها ورجع عند سعد مخلا فيه غير لي نسا وسعد حتى هو مكانش ساهل ...صوتهم تسمع فالعمارة كاملة ..جابر وفهد سمعو صوت جاي من جيهة دار عفت وطلعو كيجريو وشي جيران حتى هما خرجو كيشوفو اش وقع رعاد كان خرج سعد عند لباب شانق عليه
رعاد:بنت لقحبة يماك زامل جالس تتزلل على مرتي حدايا ...
فهد جا بقى كيحاول يفكهم وجابر وقف مصدوم من شخص لي حداه منين جا هذا وفوقاش جا رعاد حلف ميطلق منو بنسبة ليه سعد تجاوز كاع الخطوط الحمرا لمنطقتو المحضورة...جات نعمة كتجري مخلوعة وكتغوت بسميتو
نعمة:بابا..بابا...
رعاد سمعها وحس بيها تعلقت برجلو بعد من سعد لي غير طلقو فشل فالارض هزو فهد وواحظ جار بعدوه من تما ورعاد هز نعمة كيسكت فيها واعصابو كيغليو حالف حتى يصفيها ليه ...عندو زهر لي جات نعمة لو كان مطلقو حتى تزهق روحو..دخل وسد لباب خذا نعمة لبيتها حتى تهدنات وناض حل لباب على عفت لقاها حالسة على طرف ناموسية واركان ناعس داز من حداها مشافش فيها هز اركان وجا خارج بيه
عفت بخوف شداتو من دراعو:فين غادي بيه..حط الولد..
رعاد نفض يدو منها خرج حط اركان مع نعمة وركع على رجليه حداها
رعاد:حبيبة تعشيتي؟
نعمة:ااه ابابا ماما نور عطاتني سباغيتي وعصير زوين 
رعاد:اووه بصحة على قلبك ابابا... دبا بابا بغا منك واحد طلب صغيورة يا الاميرة ديالي ..تعاونيني فيه؟
نعمة اااه ابابا ..(نغمة شافت عفت واقفة حدا الباب كتشوف فيهم نعمة بفرحة) ماما😍
رعاد.دار شاف فيها مخنزر ودار عند نعمة بابتسامة:حبيبة دبا غادي تنعسي حدا خوك ومتخرجيش من لبيت صافي
نعمة:بغيتك تجلس حتى نتا معانا وماما حتى هي
رعاد:انا هنا ا بابا معندي فين نمشي..دبا غادي نجلس مع ماما شوية وفصباح ناخذ لميرتي لبلاصة زوينة غادي تعجبك
نعمة:وخا انا نعس باش يجي صباح فيسع ..باستو فحنكو ومشات عند عفت باستها ورجعات نعسات حدا اركان ..عفت تنهدات ودخلات طلقات ليهم القرآن فالبيت وخرجات لقات رعاد واقف على الحافة ديال لباب عاقد غوباشتو ..غير جات حداه جرها من ذراعها لبيت وسد عليهم 
عفت بلغوات:شنو كتحساب راسك..ممنحقكش تعاملني هكذا فهمت

رعاد كارز على سنانو وعروقو بارزين:لحد الان متحكم فراسي بزز متسمعينيش صوتك خير منخلط جدك هاد ساعة...واش المك كنبالك ميخي ..شكون داك ولد زنى لي مدخلة لدارك امدام ...ولا قوليلي موالفة بدخل وخرج اااا...
عفت:ماشي سوقك ندير مبغيت...سير تحكم فديك خيتي ظيالك انا فرقني عليك ...معليك حكام عليا فهمت..والا عندك ولو شوية ديال الكرامة طلقني...طلقني اخويا مبغياتكش
رعاد قرب منها حتى مبقى كيفرق بينهم غير سنتمترات:عمرك تحلمي بيها...نتي ديالي..(هز صبعو حطو ليها فراسها)دخلي هاد الهدرة لهنا(غفلها شدها من عنقها باسها بوسة طويلة خنقها بيها صدمها معرفت مدير غمضات عينيها وحطت يدها على صدرو وانساجمات معاه حتى فصلها هو وهي خرجت عينيها فيه مدة عاد استوعبات اش دارت ..
عفت دفعاتو:بعد مني الهماجي تفووو كنكرهك)بقات كتمسح فمها وهو كيشوف فيها 
رعاد بابتسامة جنب:بقى كتبغيني ...
عفت بنظرة حاقدة:حلم ...بصوت مخنوق:علاش جيت سير فين كنت رجع كنا مزيانين بلا بيك
رعاد شاف فيها بجدية:غذا وجدي راسك ..ولادي بعدو عليا وعلى بلادهم بما فيه الكفاية
عفت:ولادي وانا معندنا فين نمشيو ..سير رجع لبلادك وكمل كيف كنت عايش ..حنا هنا بلادنا ..وهنا عائلتنا وحياتنا
رعاد جلس على طرف ناموسية:بغيتي تجلسي جلسي ..ولادي غاديين معايا ..ونتي عارفة مزيان اش نقدر ندير ...ميحتاش تفكري
عفت بانفعال شنقت عليه:نقتلك ارعاد ..نقتلك ومنخليكش تحرمني منهم....شكون نتا باش تاخذهم..(كتضرب فصدرها) اناااا ..انااا لي شفت لويل عليهم..انا لي مخليت مدرت على جالهم ..باغي تجي نتا وتاخذهم ...قسما برب الكعبة ونحلف باش يحلفو نسا لحرات حتى نخلي العالم كولو يحكي بسيرتك...
رعاد بقات فيه ولكن مبغاش يمشي جيهتها:هاد دراما كاملة متنفعش معايا بغيتي ولادك وجدي راسك وياله معاهم...(بجدية) ولكن باش نخليهم ليك مستحيل ...
عفت جلسات حدا رجليه:علاش كدير فيا هكذا ..علاش كتعذبو فيا ..باش غلط معاكم ...مكفاكش لي درتو..
رعاد شد وجها بين يديه:حبيبتي نعلي شيطان وخلينا نرجعو كيف كنا..انا ندمان على كل لحظة غلط فحقك فيها..انا عشت عامين فجحيم ونتوما بعاد عليا...
عفت بعدات عليه من بعد مجات بين عينيها تصويرتو هو وانابيث
عفت:كذاااب ...نتا واحد اناني ...نتا ...غادي نقولك زوج كلمات من غيرهم راني حمارة الا زدت هدرتك....ولادي تاخذهم على جثتي ...
رعاد شاف فيها بيأس عرف طريقو مزال طويلة باستفزاز:وخا الالة مناخذهمش(عفت شافت فيه بفرحة) ..ولكن جالس هنا معاهم...ومعندي فين نمشي ..دار هنا عجباتني وريحاتني وصراحة مراتي شهيواتها لذاذ منسخاش بيهم 
عفت بنفاذ صبر ومع حلفات متزيد اهدر ناضت بدات كتشتف على لفراش وكاع روايحها ومكياجها حطاتو الارض وكتعض فلوسايد وهو حابس ضحكة على منظرها ....

جلست كتنهج من بعد مرونات لبيت وجلسا مربعة رجليها فالوسط كتبكي وتشهق وتهز فمكياجها لمشتت وزاج ديال روايحها شافت فيه ودموع فعينيها:مكياااااجيييي ااااااه اميمتي روايحي ..(بيأس) رعااااااااد اهيء اهيء (هزت باليط ديال فرابوبيير ماك) مكياجي ..كلشي بسبابك
رعاد حابس ضحكة على منظرها شعرها مشعكك والكولون رجل طالعة ورجل هابطة وجلستها وطريقة باش كتهز وتلومو على شنو دارت:مالي انا لي قتلك هرسيهم
عفت:سكككتتت كلشي بسبابك اهي اهي واااااع لماما بغيت مكياجي ...وسيدي ربي بارفاناتي....شحال وانا نجمع ونقتاصد ....وبسباب هاد زبل رزيت راسي فيهم (ناضت وجهات صبعها فوجهو) شوف نتا ...بسبابك ضاعولي صوالحي...ونتا لي غادي تعوضني عليهم فهمت
رعاد هز يديه مستسلم كيهز راسو بالايجاو وميت بضحك:ههههه فهمت ههه فهمت ههههه...(كيشير لشعرها باغي يعصبها) لمرايا
عفت حطت يديها على خصرها وكتهزز برجلها :شنو ..شنو كتقول مالها لمرايا..اويلي يكما حتى هي هرستها(دارت تشوف وهي تتصدم من منظرها بقات كتردد عبارة خلات رعاد كيبكي بضحك تأكد بلي مسطية بلا وراق كتنش بيديها) انصرفي..انصرفي ايتها روح شريرة..لاااااا ...لاااا...اويلي هادي انا (حطت يدها على وجها ومحملاتش يشوفها بداك المنظر)
ناض رعاد.وقف من موراها وحيد يديها على وجها وهو بحالي معنقها وهمس فودنها:تعرفي بجميع حالاتك كتحمقيني ..نتي اجمل ما شافت عيني..ملاكي انا(باسها فعنقها بورشها )
عفت ابتاسمات عجباتها هدرتو غيبها تقول نومها مغنطيسيا :بصح انا زوينة
رعاد:نتي و من بعدك القمر 
عفت تكاكات بالوضع وهي تعقد غوباشتها بعدات عليه:شوف نتا متبقاش تقرب مني ولا والله حتى نتقندش على زين صافي..مزيان تبارك الله..شوف متبقاش دور بساحتي ..سير..سيير عند ديك العوجة ديالك هي لي تصلاح ليك ..(ضرباتو بشعرها ومشات حلات لباب دخلات لبيت ولادها ونعسات حداهم ..معرفاش علاش فرحانة حيتاش هو معاهم ..علاش مرتاخة حيتاش رجع ودبا كتتشارك معاه نفس الاكسجين لي فدار ...نعسات وفصباح فاقت بكري كيف موالفة فيقات ولادها ودوشات ليهم وليها لبساتهم لنعمة ليونيفورم ديال المدرسة واركان شورط دجين وتريكو بولو ابيض مع سبادرين بيضاء وكاسكيط فالاسود وهي لبسات جوب بيضاء طويلة لاسقة على طايتها وشميز كحلا قصيرة من القدام وشال كحل وسبادرين بيضاء ودارت غير ايكرون ديال شمس وقلم رسمات بيه عينيها وكلوص بريون هادو لي بقاو ليها تحسرات على مكياجها لي فلبوبيل كتشوف ليمارك لي ضيعات وكتتحلف تنتاقم بيه حيتاش هو سباب دارت نظارات شمسية وخرجات شافتو ناعس فالفوتاي لي فصالون معذب ابتاسمات ومشات فطرات هي وولادها 
عفت بابتسامة جانبية اركان حبيبي ..نعمة روحي ...منفيقوش بابا 
نعمة:ااه اماما يفطر معانا ياك
عفت هزات كاس ديال لما فيه مكعبات ثلج:هي لولة ..انا نفيقو ليكم..مشات بخطى ثابتة وقفات عند راسو وهزات لكاس وكباتو عليه فوجهو كتطلع وتنزل حتى لصدرو وهو مفولج معارف باش تبلى ناض كينهج وهي كتضحك على منظر ديالو
عفت:معنديش اوطيل هنا اسي محمد ..تكعد شوف فين تمشي ...
رعاد بلغوات:تسطيتي لاااا.واش كاين شي حد كيفيق بعقلو واحد ناعس بهاد شكل
عفت رجعات كتتمشى لطبلة وكتقلي ليه سم وتتعوج:شكون قالك انا بعقلي 
نعمة واركان كيضحكو عليهم 
عفت:يلاااه تايم فور سكول ...جو ..جو ..جو 
نعمة :اووه مااام ..بليز ليت اس ويذ داد ...ا ميس هيم 
عفت:جيت اب....جو ...لعشية جلسي مع يور داد ...دبا دراسة ..ياله ..ياله..يااااالاااااه
رعاد لي خرج من دوش كيمسح وجهو بفوطة:فين خارجة بديك الحالة ..هذاك حجاب عند والديك
عفت خارجة هازة ساك شانيل صغير اسود فيدها:عاجبني حالتي هكذا...ونخرج بدوبيس نتا اش مشى ليك..
رعاد:عفت راه غادي نن...شاف نعمة واركان كيشوفو فيه:صباح الخير بعوينات باباهم
نعمة مشات باستو واركان غير كيشوف فيه 
رعاد مد يديه ليه:مغاديش تجي عند بابا البطل
عفت:سبحان الله عارفك اش كتسوى ...
وهما هكذاك سمعو دق فالباب 
رعاد جبدها وغادي يحل كيتحلف: بربي ويكون داك ميخي حتى نسيفط ولديه لرموك هاد صباح...حل وهو يتصدم بنت لابسة حجابها كانت نور لي طلعات تستفسر من عفت لخبار لي قالها ليها فهد بلي راجلها رجع بقات كتشوف فيه وترمش حتى جات عفت خرجات وجبداتها معاها وولادها لاحقين عليها ...دارت شافت فيه
عفت:نتمنى منلقاكش هنا منين نرجع...

هبطات عفت مع نور ودخلات عندها لقات فهد كيفطر صبحات عليه واعتاذرات منو على ليلة لفايتة وفهماتو اش وقع
فهد:دبا نتي ختي وانا غادي نجيك صراحة..مدرتي فيها ميصلح ..عندو صح يقتلو ومياخذ عليه حتى نهار ..واش جالس كيتغزل فيك قدام راجلك
نور:واش حماقيتي مدخلة راجل غريب و مخلياه كيتصرف هكذاك...مدرتيهاش حتى مين مكانش دبا اش غادي ينويها....ناري الحمد لله لي مدار ليك والو ..
عفت:ودبا صافي ..انا كنت بغيت غير نغيرو وننتاقم منو شوية ولكن ولد لحرام شوهنا فالعمارة
فهد:زيدي ..زيدي لخدمتك قالك تغيرو ..نتوما بنسوان غير الله يحضر سلامة من داك لعقل لي عندكم ..شيطان حط اسلحتو كاملة قدامكم 
نور:عفت ...جلسي معايا غير 5 دقايق ...فهد.حبيبي خود.دراري نتا لسكول بليز
فهد:زيدو اخالو خليو هاد لسمومات بحدهم ..مبقيتش كنتيق نخليكم معاهم ..وبالهصوص نتي انعومتي يفسدولك اخلاقك
نعمة :انا زوينة اخالو فهد
فهد:نتي راكي زين ديال العالم ..(شاف فعفت) ديري عقلك ..خرج وخلاهم
نور:ناري يا ختي منين شفتو خلعني ...متيقتش منين حا فهد وحكالي اش وقع ..قالي مقدروش يفكوه من بين يديه حتى جات نعمة كتبكي وتغوت هي لي خلاتو يطلقو ..خرجوه مكيقدرش يطلع نفس ووجهو مجلخ بدم
عفت:اويلي قولي والله..ناري مسكين سعد بقى فيا...تعرفي انا راه كان حابسني فالبيت..صراحة دالله كنت غير دافعة جبهة حداه اما انا كنت غادي نطلقها فسروالي بالخوف منو....بصح والله منخليها فيه
نور:بيني وبينك مزال كتبغيه...علاش معاندة وكديري هاد تصرفات
عفت تنهدات:نتي عارفة لي دار فيا ماشي قليل ..ولي عشتو منقدرش ننساه...
نور:نعلي شيطان وفكري فولادك قبل كلشي ...ولادك محتاجينكم بزوج فجنبهم...وعلى ما لاحظت تصرفو مع نعمة لي ماشي بنتو نيشان راه انسان مزيان ..غير ضروف لي دارت ليكم داك شي ..
عفت:مهم نخليك راه تعطلت على الخدمة ..حتى لعشية 
خرجات كتجري طلعات فطوموبيلتها ولاحظات لمرجيني تابعاها دارت مع واحد درب ومزا من موراها عرفاتو هو 
عفت :وخا اسي رعاد ...بغيتي نلعبو غير لقط مع لفار انا نيت محتاجة نرجع لايام طفولة هههه بقات كدور فشوارع حتى مبقاتش كتشوفو من موراها وقفات على جنب كتشوف من موراها
عفت:اويلي هذا فين هو ....
رعاد وقف قدامها حتى تسمع صوت جراير فالارض وترسمو نزل عاقد حجبانو عندها دق فزاج ديالها ونزلاتها كتهدر وهي معفرة
عفت:مالك الاخ علاش مصدعني
رعاد:واش معند ولديك شغل ..صابحة تخيطي دروبة
عفت:ونتا ماالك.. كنحفظ طرقان عندك شي مشكل ..مخلص عليا لمازوط...شاري ليا طوموبيل ...وانا مفخباريش..ياك رزقي وانا حرة فيه
رعاد:عفت ..رجعي لدار معند.جد بوك خدمة 
عفت:شناااهوا (ضحكت استهزاء) ههه ما فيا لي يضحك سير ابابا لشغالك وفرقني عليك..قالك ما كان خدمة..بغات ديماري طوموبيل وهو يدخل راسو حيد سوارت
رعاد:ودبا بقاي تتشمشي هنا ..مشا جيهت طوموبيلتو وهي تخرج كتجري من موراه شداتو من ذراعو
عفت:هبلت لااا.عطيني ساروت
رعاد:مطلع يدو لي شادو بيها ومطلع حاجبو:وصلتي ليه خوذيه
عفت:اش هاد تبرهيش ..عطيني ساروت
رعاد:دبا عاد بان ليك تبرهيش صباح لي مفيقاني مفولج مكانش تبرهيش..حتى دبا ها هو (كيلعب بيه لفوق)خوذيه
عفت بقات كتتجبد باغيا توصل ليه 
عفت:وعطيني المرض ....عطينيييييييي
..رعاااد
رعاد هبط وجهو عندها:بوسة تاخذيه
عفت حلات عينيها:شوف عطيني ساروت براكة من لبسالة ..راه تعطلت
رعاد:بوسة تاخذيه...تكى على طوموبيلتو ...شحال ما تعطلتي طلب غادي يزيد
عفت: ربح بيه (دارت بغات تشد طاكسي وهو يجبدها من يدها دورها عندو وعنقها خشاها فيه) غادي ناخذها كنواعدك وبخاطرك...
طلقها وشد يدها حط ساروت فيها باسها فجبهتها:دبا سيري..وها ودني منك لقاك تهدري مع داك شماتة ...
عفت مشات بلا متجاوبو قلبها كيقولها سامحيه ..وعقلها كيقولها لا..مضاربة مع احساسها وكرامتها..داز نهارها فالخدمة عادي مشافتش سعد ...من بعد عرفات بلي مجاش الخدمة داك نهار ..عرفات بلي رعاد.خلاا عشتو مزيان .. شافت الماس ومبغاتش تهدر معاها خرجات ولقاتو واقف كيستناها ومعاه اركان ونعمة طلعات فطوموبيلتها وابتاسمات
عفت:رجعتي لمراهقة اسي رعاد هههه..داير سبة بدراري
رجعات لدار طلعات وهو طالع من موراها هاز اركان فيد ونعمة فوق عنقو كيضحكو معاه واركان كيلعب ليه فلحيتو ونعمة كتخربش ليه شعرو ..دارت شافت فيهم وعجبها منظرهم دخلت نيشان دوشات ولبسات شورط بلومارين حد ركبة فيه بوندة لتحت ومزير عليها مع طريكو قصير ابيض معقود جيهة صرة فيه كتابة فلبو مارين ظفرات شعرها دارت جيهت ناموسية لقات فالقنت فاليز عرفاتخا ديالو و علبة كبير محطوطة شافت يمين يسار استغربات منين دخلات مكان حتى حاجة تنا منين جات هادي فتحاتها ولقات اشكال وانواع ديال لماركات العالمية فالمكياج والبرفانات لعلك ترضى شافت ورقة 
رعاد:بكل لغات العالم احبك..ابتاسمات
عفت:نتا قلبتي عليا ..صبر على اش جايك احنيني هههه
...دارت ميك اب بارد ورشات بارفان من لي جاب ليها ..وخرجات كتتعوج وجدات لكوتي لولادها ومشات بغات تبدل ليهم لقاتو بدل ليهم هو وجالسين كيتفرجو فرسوم رعاد مسرح رجليه فوق طبلة واركان جالس فحجرو ونعمة متوسدة رجلو كيلعب ليها فشعرها..
عفت:تايف فور ايت ...اجيو ياله
ناضت نعمة واركان مشاو غسلو يديهم و رعاد تابعهم شافها اش لابسة وبلع ريقو وجلس كيستغفر ويدعي الله يصبرو 

جلسو كياكلو وهي بلعاني كتلعب بصبعها فمها وكتاكل شكلا بلمعلقة بطريقة مثيرة وهو كيعراق فبلاصتو وكيسوط ناض دخل لدوش كيغسل فوجهو وينهج
رعاد:صبر يا ربي صبر. ..راه اعفت كتلعبي بنار ...
خرج لقاها بدلات لابسة بونطاكور دجين وصدرية بيضاء وسبادرية بيضاء جمعات طبلة وغسلات لماعن دخلات لبيت قادت شعرها وطلقاتو وخرجات بابتسامة..لقات نعمة كملات الهوم وورك ديالها ورعاد جالس متبع معاهت
عفت:ساليتي احبيبة ؟
نعمة:يس مام...كملت وبابا قالي انا ذكية 
عفت:نتي احبيبتي مجتهدة ..(كتحك يديها مع بعضهم وكدير شوفة ديال سوبريز)ودبا عمدي ليك كادو زوين..تايم فور دانص
نعمة ناضت كتنقز:يووووبييييي ماما غادي تشطح لينا ...اركااان ...اركاااان ماما غادي دير لينا موسيقى 
رعاد تنهد وبغى ينوض شداتو نعمة:بابا جلس معانا . ماما زوينة غادي تشطح ونتا معانا
رعاد جلس بلهلا يجازي ليه
عفت طلقات لموسيقى "Mi Mala" وجلسات كتلوز فيها باغراء وكدير حركات وتلعب بشعرها وتضحك وممسوقاش ليه خو لي غاظي ينفاجر اما نعمة فكتحاول تقلدها وحتى هي كتلعب بشعرها واركان كيدور فبلاصتو ويسفق ويضحك ..موقفات حتى سمعات لباب ديال لبيت تزدح وجلسات كتضحك الوضع غادي كسف عاجبها ..دخلات وجدات لعشا سلطة صحية وخضر مبخرة وباط بالبيشاميل فالفران ودارت عصير فواكه مشكلة لنعمة واركان وهي كتفات بالماء اما رعاد مبغاش يخرج يتعشى وهذا كان لصالحها وجدات ليه بلاطو فيه من كل ما وجدت وعصير ديال لفوكا والفواكه الجافة ...دخلاتو ليه وكان فدوش كيدوش خرجات كتضحك
عفت:يسلملي عقلي شرير انا ههههههه...(شافت فولادها ) دوش يلاه وحكو سنانكم ....5 دقايق نلقاكم فلفراش جووووو....ناضو كيجريو دارو اش قالت هي جمعات طبلة ونظفات لمكان ودخلات لبيت ولادها حكاتلهم قصة حتى نعسو ونعسات حداهم.... اما رعاد فتعشا وصورتها وهي كتشطح مبغاتش تمحى ليه حس بلعطش ونزل على كاس لعصير دقة وحدة ...ماستوعب اش دار حتى كملو 
رعاد:بنت لحراااام...ناوية فيا الخدمة...حتى نتي اعفت ...الله يصبرني هاد ليلة وصافي ....و ميمتي العذااااب ....

بقا رعاد الليل كامل وهو كايتقلب ف بلاصتو ... حلف النعاس مايجيه. . غي كايغمض عينه كايجي منظرها و هي كاتشطح ف باله .. توحشها بزاف .. بغا يمشي ينعس حداها و يعنقها. يشم ريحتها و يضمها ليه .. هاهما تحت سقف واحد و لكن ماعندوش الحق فيها .. مايقدرش يقرب .. بحال شي حاجة محظورة. . بلكشايف باش قدر ينعس ....
▪▪▪▪▪ صبح صباح جديد .. نهار جديد .. شرقات شمس قوية .. و النهار باين من صباح باللي غايكون سخون بزاف .. و لحسن الحظ كان اليوم الجمعة ... يعني اليوم إجازة .. ماكاينة لا قرايا لا خدمة .... 
فاقت عفت على صوت أركان كايبكي. .. فاقت و هي ماقاداش حينت اليوم بغات زعما تصبح ناعسة شويا ولكن شكون خلاها. .. 
هزاتو عندها و كان عرقان و وجهه حمر داكشي باش ماقدرش ينعس باقي ... 
عفت: شششش مال حبيبي ماله. . شششش صافي ... 
ناضت بدلات ليه حوايجو. . و صايبات ليه بيبرون و رجعات تخشات ف الناموسية. . و هازاه عندها. . رضعاتو. . و ماباش ينعس. . تنهدات .. و حيدات بيجامتها اللي كانت لابسة .. و السوتيان. . قلبات ب عينيها و بان ليها بينوار حريري ف الموف و فيه وريدات. . لاحتو عليها بلا ماتسدو. . و عطات ل أركان بزولتها. واخا مابقاش عندها الحليب و لمن هو باقي مولف هاد القاعدة باش ينعس .. حينت مادازش بزاف باش فطماتو. .. تكات و نعساتو فوق يديها كايلعب بيها ف فمه ..داتها عينيها و نعسات هي وياه عاود .... 
وصلات 10 .. فاق رعاد.. تكسل مزيان و ناض .. كايسمع الحس مقطوع فالدار .. خرج من البيت و بقا كايقلب بعينيه ..والو ماكاين تاحد .. بان ليه البيت لآخر مسدود. .. حله و طل. . و ياريته ما دارها. . بانت ليه ناعسة و صدرها كله خارج و البينوار مامغطي والو. ... و شعرها مليوح حداها. . منظرها كان جذاب بزاف .. بلع ريقه و سد الباب بجهد و خرج .. على إثر الصوت .. فاقت عفت كاتحك ف عينيها .. قادت بينوارها و سداتو. . فيقات نعمة و اركان بالبوسان و الهران. . و دخلاتهم دوشات ليهم .. نشفات ليهم شعرهم و لبساتهم غي حوايج خفاف حينت الصهد .. 
دوشات حتى هي .. بلا ما تقيس شعرها .. خرجات و ذهنات لحمها ب كريم مرطب عاد ذهنات ب زيت ديال the body shop كاتخلي الجسم كايبري و لونه ذهبي بحال البرونزاج. .. لبسات ملابسها الداخلية و بيجاما سميطات و حد الركبة. جمعات شعرها بطريقة مهملة .. و دارت جلوز. .. خرجات من البيت و لقاتو حاط ليهم كايفطرو و هو كايفطر معاهم .. غي وقفات حداهم و هو يبدأ كايخنزر فيها .. ماداتهاش فيه و جلسات حتى هي كاتفطر .. هو عين عليها و عين على اش كاياكل. .. كملات و مسحات فمها و ناضت ... 
عفت:نعمة .. نوضي يالاه تمشي معايا .. 
نقز رعاد: فين بالسلامة .. 
عفت: سوووقك. .. وا دخول الصحة هادا ... 
رعاد: كايحاول يبرد ما باش يغوت قدام الدراري: عفت رآه غانوض ليك. ..
عفت: وراه بزاف هادشي .. وااااه دير ليا المينوط مع يديك و تهنا و فين ما كنت غادية يالاه معايا ... 
مشات و خلاتو قبل ما يجاوبها. .. 
لبسات سورفيت اديداس. . كولون كحل و الفوق طويل مغطي اللور. .. حتى هو كحل و فيه اديداس بالبيض .. لبسات باسكيط و دارت فولارها. . هزات سوارتها و الفلوس و الفون. .. خرجات من البيت و غي كاتحرك كلشي كايتحرك معاها .. دازت من قدامو ... شادة ف نعمة .. حلات الباب و خرجات .. و خلاتو كايتغدد هاز اركان ... 
جلس فالصالون و حاطو فوق رجليه .. و كايتفرج. . ولكن عقله معاها .. ماقدرش يخرج و معاه أركان .. و عاد كاين الصهد بزاف ....
دازت هو الأول عند نوال و نور .. قالت ليهم باللي عارضاهم لغدا اليوم .. حينت نوال قالت ليعا بغات تعرف على راجلها. . 
خرجات و ركبات فاللوطو ديالها و توجهات لأقرب سوبيرمارشي. .. دخلات هي و نعمة جارين الشاريو. . و تقدات غاع اللي خاسها. . من خضرة و لحم و فواكه و بيسكويات و دانونات لولادها. . خرجات من تما محملة و مجملة. ... و الشمس فوق راسهم كاتحرق. .. 
ركبو عاود و كسيرات للدار ... 
رجعات لا هازة داكشي كامل و سخفانة. . حلات الباب و دخلات رمات داكشي وسط الدار و جلسات تلتاقط أنفاسها. .. شافها رعاد و جا عندها .. 
رعاد: مال ديلمك راسك قاسح .. ديك الساع قوليها نمشي انا. . شوفي كي رجعتي 
عفت: شوف عافاك باراك غي صهد الزنقا ماتزدينيش حتى نتا ... و زايدون باش غاتعرف انا شنو باغية و شنو خاسني. . 
رعاد:وا غي قوليها ديك الساع و نعطيك غي الفلوس بعدا 
خنزرات فيه: فلوسك خليهم ليك .. عندي فلوسي الحمدلله مامحتاجاش ل شي حد غريب يصرف عليا و يمن عليا من بعد 
تنهد: راك مراتي واقيلة .. و هدوك ولادي .. و عاد ديك الخدمة اللي فرحانة بيها و منها جايبة فلوسك .. راه قربتي تجلسي منها.. 
ميقات فيه و ناضت .. : واااخ حلم ... 
ضرباتو ب يديها و دازت من حداه .. و خلاتو واقف كايدير لاحول ولا قوة الا بالله. . اللي دارها معاها وحلة مابقا عرف اش يدير. . 
تنهد و مشا هز داكشي للكوزينة. .. و ستفو ف الثلاجة. . و رجع .. هز حوايجو و دخل للحمام يدوش حينت مللي خرجات ما قدرش يدوش و اركان معاه .. 
خرجات عفت من البيت لابسة بيجامتها ديال الصباح .. قلبات ب عينيها و مابانش ليها ... 
عفت: نعمة فين رآه باباك ؟؟ 
نعمة: دخل يدوش .. 
عفت امممم ( ابتاسمات ب شر ) ... دخلات للكوزينة لفين كاين الشوفو. . وهي تطفيه و هي كاضحك. .. 
سمعاتو صوته كايعيط من فوسط الدوش و ماداتهاش فيه و مشات كاتنقي ف الخضرة باش طيب ..

خرج من الدوش و هو ناوي على خزيت. . لابس شورت ديال الدار فيه سيور فالكحل و تيشورت ابيض لاصق عليه .. هاز فوطة كيمسح بيها شعره .. عرفها فالكوزينة و هو يمشي عندها .. 
سمعات حسو و دارت .. واقف و شعره باقي فازك .. و فمه حمر .. بقات كاتشوفيه حتى قفزها صوته: واش كاتقلبي عليا .. هاااا. باقي صابر غي على قبل نعمة و اركان .. 
عفت: متوترة: .. سير.سير و نتا فين ما كانت شيحاجة سبيها فيا انا .. 
رعاد:حينت نتي الشيطان كايحط كرسي و يجلس يتعلم من فعايلك. . 
خنزرات فيه: ايييه حينت تعلمت منك ا إبليس ... 
رعاد: ما حرامش عليك خليتيني ندوش بالما بارد .. 
عفت: ماعنديش انا هنا فندق السي عيسى باش دوش ليا بالما سخون .. بغيتي الدوش سخون سير الاوطيل تاحد ما حبسك .. 
كايدوي و يقرب ليها و هي متكية على الرخامة. . 
وصل و حاصرها بيديه. . و كايدوي بشويا و ريحته دخلات ل أعماقها. . رجليها هازينها غي بزز غي صابرة .. 
رعاد: ماعندي فين نمشي تنا معاك واخا تكوني ف جهنم. . 
غفلها و باس ليعا فمها .. و مشا كايضحك و خلاها باقي واقفة فبلاصتها مصدومة. .. 
فاقت من سهوتها و بدات كاتغوت و تعاير فيه ... و رجعات لاش كانت كادير .. 
ردات كسكس كايطيب و جمعات الدنيا و مشات توضأ ... 
عفت: نعمة ... نعمة ..
نعمة: نعام ا ماما .. 
عفت: ديري ليا المسلسل راع غايبدا. . 
مشات صلات و رجعات جلسات فالصالون فين كاين حتى رعاد .. شافت ف التلفازة و لقاتو داير الأخبار ...
عفت: راه واقيلة بغيت نتفرج .. 
رعاد: حتى يساليو. .
عفت:و الله حتى عيقتي. .أرا التيليكوموند و سير شوف إلى عندك ما يدار ديرو .. 
رعاد:هاد الساعة شغلي كامل هو نتي . 
عفت: رعاد العار باراك .. راه غاتفوتني الحلقة. . ارا بلا خرا. . 
دار عندها مخنزر: غاتصلحي فمك و لا نصلحه ليك بزز ..ؤاه ولادك الآلة كايسمعو. . 
ماجاوباتوش و حيدات ليه التيليكوموند و بدلات ل داكشي اللي بغات .. جاها الصهد و هي تشعل لكليما. . 
رعاد: طفيها انا يالاه دوشت ... 
عفت: و انا اللي من الصباح غارقة ف ديك الكوزينة .. ما بقيتش فيك جاني الصهد .. نوض بدل ساعة بخرا و خليني نتفرج ف خاطري .. 
ماجاوبهاش و بقا ف بلاصتو كايبقشش ف تيليفونو. .. 
كملات تفراجها و ناضت طلات على الغدا. .ومشات لبسات عباية ديال الدار فالابيض و فيها الدوغي. . و لاحت شال على راسها .. سمعات الباب و مشات حلات ... 
عفت:أهلا اهلا .. سلمات على نوال و نور .. و فهد بيديها. . 
نوال: الله .. شحال هادي ما درتي شي شهيوة ديال المغرب .. اممم الريحة كاتشهي. ..
عفت:هههه ياااك دغيا نسيتي كلشي وا غي عقلي ... دخلو دخلو .. 
دخلو للصالون و رعاد ماش وقف كايشوف شكون جا هاجم عليهم .. 
عفت: اااحم. . ماما نوال هادا رعاد بابات نعمة و اركان. . 
نوال: مرحبا ا ولدي .. مرحبا بيك عندنا .. 
رعاد: هااا الله يبارك فيك الآلة .. 
جلسو كلهم و عفت مشات للكوزينة مع نور .. 
نور: ياااختي راجلك غزال .. 
عفت: خنزرات فيها:جمعي راسك.. دابا يسمعك فهد و يوريك غزال كيدايرة. . 
نور: ههه غري الشعيبية غرتي ..
نور: سيري تخراي .. 
نور: اوا (غمزاتها) شت وجهك منور . هي فرحتي القريد. . 
عفت حناكها حمارو و دغيا سدات ليها فمها: اويلي على المسخوطة شتك طيرتي البلاكة دقة ووحدة .. حشمي شوي ....
نور: امممم كاتحشمي زعما .. الله يعطينا وجهك .

سكات كسكس ب سبع خضاري و وزادت فوقه التفاية و حطات اللبن .. و قادت الطبلة .. عيطات ليهم و جاو كايضحكو و رعاد معنق كتف نوال .. و دغيا اندامج معاهم.. 
جلسوا و سماو الله .. و بداو كاياكلو و عفت جالسة حدا رعاد و ماحاملاش راسها .. و هو كايشوف فيها غي بنص عين و يبتسم. .. 
نوال : امممم الله يعطيك الصحة بنين. . 
رعاد هز ليها يديها و باسها .. و حشمات قدامهم: من ديما مراتي اللي خرجاتها من هاد اليدين كاتكون لذيذة و زوينة بحالها. 
عفت غرقت ف حوايجها وز هما كايضحكو عليها ... 
كملو ماكلتهم ف جو من الضحك و رعاد فرح حينت عفت فهاد عامين كانت بين هاد الناس اللي معقولين و دايرينها منهم .. 
كملو و مشاو بحالهم و بقات هي كاتجمع الروينة. . سالات و خرجات للصالون و لقاتو ملبس ل نعمة و اركان حوايجهم و حتى هو . 
عفت دارت يدها على جنبها:فين عوالين بالسلامة ..
رعاد:كايسد صباطو و مادايهاش فيها : اليوم عطلة و الدراري دايهم يلعبو شويا ..
عفت: و بلا ما تشاور معايا .. ولادي ماعندهم فين يمشيو. 
رعاد:ما طلبتش رأيك ..
عفت:و باش عرفت انك غاترجع هم ليا و ماغاديش تاخد هم. . 
قرب ليها و غفلها ب بوسة ف حنكها. . 
رعاد: كون بغيت نديهم غانديك نتي الأولى عاد هما .. راك ماعارفاش بلاصتك قداش .. 
هز اركان و شد ف نعمة و خرج و خلاها مفقوسة. . ماكايرتاح حتى ينكدها عليها هي .... 
دوزات ديك العشية غي فالصابون و طويان الحوايج. . كملات و دارت قهوة و حليب و جلسات كاتفرج .. حتى سمعات هم داخلين. و صوت ضحكهم كاتسمع منين و لين ... 
دخلو و جاو عندها نعمة و اركان باسوها. .. 
عفت: امممم فين مشيتو. ...
نعمة: دانا بابا لواحد البارك كبيييير فيه الالعاب بزاااف. . و عرفتي هو كايلعب معانا ماشي بحالك كاتخافي. . 
عفت: اييه حينت ماعندوش القلب ... 
رعاد: غاندير راسي ماسمعتكش. .. 
عفت: اش داكشي جبتو معاكم ..
نعمة: بيبيتزا. ... 
جابت ليهم طباسل و كيسان و جلسو كايتعشاو. . اللي شافهم يقول أسرة متكاملة عمر الحزن و لا المشاكل طافو ي ساحتهم. . واخا مرة مرة .. عفت كايبان ليها رعاد ماشي حتى لهيه غي ساكت ماموالفاش ليه .. 
كملو و ناضت بدلات لولادها حوايجهم و نعساتهم. . و خرجات تطل على رعاد اللي كان ناعس فوق الفوطوي فالصالون .. ماحد ها كاتقرب و هي كاتسمع أنين .. دخلات و لقاتو وجهوو حمر و عرقان .. عينيه مغمضين و كايتمتم 
بكلمات مامفهومينش. .. مشات كاتجري عندو مخلوعة و جلسات على ركابيها فالأرض و كاتقيس ف وجهه و جبهته اللي كانو طايبين كيغليو. . 
عفت: رعاد .. رعاد .. واش كاتسمعني .. رعاد . . 
والا ماكايجاوبهاش. . و حتى ناعس معذب تما . ناضت دغيا فرشات فالأرض تما نيت .. و جابت أركان ناعس و نعمة و نعساتهم تما و غطاتهم. . و نوضاتو بزز لبيت النعاس. . جلسات و فوق الناموسية .. و حيدات ليه حوايجو و متوترة بحال كادير شي جريمة. . يديها كايرجفو و خايفة عليه .. هي السباب هي اللي خلاتو دوش بالما بارد و كملت عليه بالكليما. . خلاتو بالبوكسر و عاودات نوضاتو معكز عليها حتى للدوش و غسلات ليه ذات بالما دافي. . نشفات ليه بفوطة .. و لبساتو تيشورت و جات للتحت و حصلات. . بقات كاتشوف تا عيات و غمضات عينيها كاتحيد ليه البوكسر اللي فازك. . و لبسات ليه واحد اخر و حناكها ولاو حمرين و خايفة يدير شيحاجة ... لبساتو شورت ورجعاتو للناموسية. . و جابت الما فيه الثلج و فوطة و دارتها فوق راسو و ف عنقه. . كاتهزها سخونة و تعاود تبردها و تحطها. عطاتو مسكن و مخفض للحرارة. . و بقات الليل كامل معاه . حتى قرب الصباح .. ما حساتش على راسها حتى نعسات فوق الكرسي مقابلة معاه .... 
▪▪▪▪▪▪ صباح جديد ف حياتهم. . يمكن يكون بداية جديدة أو نهاية .... تسللات أشعة الشمس الحارة للبيت .. و ضايقات عفت و خلاتها تفيق بزز ... حلات عينيها كاتفكر راسها فين هي .. تفكرات دغيا اش وقع البارح و رعاد اللي مريض .. ناضت و لقات راسها بوحدها فوق الناموسية ... و هو ماكاينش .. قلبها بدا كايضرب بجهد .. خافت عليه .. يالاه بغات تحيد الغطا باش تنوض.. لمحات بوك ديال الورد الحمر و حداه ورقة ...
هزات الورد شماتو ريحتو زوينة .. و حلات الورقة .. كان فيها ♡♡ ورود لاحلى وردة ف حياتي .. البارح تأكدت باللي باقي كاتبغيني بحال قبل .. كانواعدك غانداوي جرحك و نرمم قلبك اللي تكسر. . خسك غي تعطيني فرصة .. و نقبل تجي مع الشيفور فالليل لهاد العنوان *** غانكون كانتسناك. . ♡♡

قراتها و تقلبو ملامحها لفرحة .. ماتقدرش تنكر باللي فينما شافتو قلبها كايولي كايرفرف و الفراشات ف كرشها بحال اول مرة كاتشوفو. .. جمعات شعرها و ناضت .. حطات الورد ف فاز. . عاد مشات تفيق نعمة ون أركان. . صايبات الفطور و فطرو. . و كاتشوف ف بلاصتو بقات خاوية .. غي نهار غبر عليها و حسات بالفرق .. وجوده ف حياتها ولا من ضروريات الحياة بالنسبة ليعا .. مستحيل تقدر تعيش بلا بيه مرة خرا ... كاتشوف ف نعمة و راكان فرحانين و كايضحكو. . حتى هما تبدلو مللي رجع . ولات فرحتهم كاملة مللي كايشوفو واليديهم بجوج معاهم. . هي حاسة بطعم اليتم و عارفة إحساسه .... 
دوزات نهارها غي فالدار و عقلها خدام كايحلل و يخطط ويبني. . درها راسها خسها تعرف اش داير ليها .. 
سمعت الدقان و مشا كاتجري حلات و لكن لقاتها غي نور .. دخلو و جلسو 
نور:اوا وجدي راسك و لا باقي ؟؟ 
خرجات فيها عيينيها:كيفاااش. . اش كاتخربقي 
نور: هههههه رآه فراسي حتى انا .. بلا ما تصدمي. . راه البارح جا عند ماما نوال .. و قاليها عافاك بيت ندير ل عفت مفاجأة فدا فالليل و بغيتك تشدي لينا الدراري .. 
عفت ضربات ف فخاضها: ويلي على الحيماري شوهني مع ماما .. ويلي ويلي .. ناري كي غاندير نشوف ف وجهها دابة. و فالليل.. غاتفهمها من الطيارة باللي غانديرو شيحاجة. . 
نور:و رآه غاديرو. . بقيتي فيا جامع ليك عامين كاملة .. غايجمعوك بياس ديتاشي. . 
عفت: عزاك اللي غانديرو. .. 
نور:ههه واخا دابا نشوفو ... 
قاطعهم صوت الباب .. مشات عفت حلات و لقات كارطونات محطوطين قدام الباب ... هزاتهم و دخلات ..
نور: اش هاداك شي .؟؟
عفت: علمي بعلمك .. هاحنا غانشوفو .. 
حلت عفت الأولى و لقات فيها صباط طالون نواغ لوبوتان. .. و الثانية فيها عقد من الألماس كايبري. ... و الثالثة فيها كسوة حمرة .. راقية و كلها حجر وةكاتلمع. . طويلة و باينة غاليية و مصممة ليها خصيصا. . 
نور: حالة فمها: واااااااااو شوفي هادشي شحال غزال ..
عفت: بلاتي شوفي كاينة معاهم ورقة ... 
■■■ فوق هادشي لبسي عابايتك و شالك و لا داك الباب ماغاتعتبيهش ■■■ 
خسرات ملامح وجهها: عمرو يدير شيحاجة و يخليها تكمل .. ديما خسو يزبلها. . 
نور:هههههههه و اللي كايعرف ليك .. غايحد ليك داك الطيران و التزقزيق اللي فيك ...
عفت كاتعيبها: نننن. ..
نور:نوضي نوضي دوشي و دوري بحالتك و تهلاي ليها ف الحلوى. . 
عفت:راه من الصباح كاتجبديني. .راه غاندير فيك يدي .. 
نور: واخا باش نوض نخربق اختي ملامح وجهها .. تصدقي جالسة .. مابقات لا مفاجأة لا ستة حمص.. 
عفت:حيدي خليني نوض .. 
مشات عفت فرحانة واخا كاتحاول تخبيها و لكن كاتبان ف وجهها .. دوشات مزيان .. و تهلات ف راسها و جسمها حنى ولات كاتشعل و ريحتها كاتحمق و لحمها ابيض و رطيطب. . نشفات شعرها .. و صايباتو ليعا نور بوكلي .... 
و جاها زوين بزاف ...دارت ماكياج خفيف و لكن العكر حمر ماط .. لبسات لاغوب اللي جاتها لاصقة .. و بينات طايتها مزيان. . الصباط و الكوليي. . و كانت واجدة. . شافت راسها فالمرايا .. تبهرات. شحال هادي ما دارت بحالتها و تقادات هاكا .. و نور غي كاتقرا عليها فالمعوذتين. . رشات من ريحتها. . و هزات كسوتها من القدام و توجهات للباب .. حينت كان ظلام الحال .. جات عندها نور كاتجري .. 
نور: واش جهلتي .. لبسي عابايتك. . 
خنزرات فيها و لبساتها الفوق و لاحت على راسها شال .. خرجات من الدار ونزلات من الدروج بشويا عليها كاتمختر يحال شي عروسة .... 
لقات هامر فالكحل بحال ليموزين و هي كبيرة ... و الشيفور حال الباب و منزل راسو .. طلعات و سد الباب و هي كاتشوف ف نور كادير ليعا باي باي .. حلات البوشيط اللي كانت هازة و ابتاسمات ب شر ....

حسات بالطريق طويلة. . و ماعرفاتش امت خلاص غاتوصل. 
دخلو ف طريق مظلمة .. شويا حتى تحل باب كبير ... و طريق طويلة ... فاللخر ديالها كايبان قصر كبير .. كله ضواو .. وقفات اللوطو و نزل الشيفور كايجري حل ليعا الباب. . و لقات رعاد واقف بكل اناقة ..لابس كوستيم كحل و شوميز بيضا و بابيون حمرا .. شد ليها يديها و نزلات و مشا الشيفور فاللوطو .. و خلاهم بجوج تما .. حيد ليها رعاد الشال و العباية و طاح شعرها .. و بانت قدامو بحال شي حورية. . عينيه كايلمعو وهو كايشوف حبيبته قدامه ب أجمل حالاتها .. غي دقات قلبهم و صوت الريح اللي كايتسمع. . باس يديها بجوج ..وص باش بين عينيها و كمل ب فمها .. و حتى هي ما حبساتوش. بادلاتو القبلة ..اللي كانت مليئة ب الشوق و الحب و الرغبة .. كل واحد فيهم بغا يقول لآخر باللي هو اللي موحشو كثر .. تباعدو شفايفهم باش يتنفسو. . و نزلات عفت عينيها ب خجل .. شد فيها و جرها من موراه .. دازو من حظا جردة كبيرة واخا الظلام مي باينة غاتكون رائعة بحال القصر اللي كايبان من هنا .. كان بيسين كبير على شكل دوفان و مليوح فيه الورد و الشمع .. تحل باب كبير و وقف قدامه رعاد .. 
رعاد: حبيبتي ..سبقي رجليك اليمنية .. 
عفت: ديالمن هاد الدار 
رعاد: ديالنا ... 
سبقاتو رجليها اليمنية و دخلات .. كان صالون كبير عصري غالب عليه اللون الكحل و البيض .. و بطبيعة الحال الورد الشمع اللي راسمين بيهم الطريق منين يدوزو .. دورها على القصر كامل و وراها كل بلاصة فيه .. كان رائع. . ملكي بامتياز. . كايليق ب عائلة هنري .. ختمو جولتهم باهم بلاصة .. تما .. على قولة رعاد .. كان غرفة النوم ديالهم . بحال شي جناح ديال اوطيل 5 نجوم .. مزوقينها بشكل رومانسي ... كلها ورود و شموع .. دخلو و وقفو حدا طبلة فين كان محطوط عشاء فاخر و كيسان فيهم مشروبات للطاقة. . 
رعاد: مرحبا بيك فدارك. . ا حياتي ... 
عفت متوترة: اححم رعاد ..
رعاد:عيون رعاد .. 
عفت: بغيت شريبا. . 
ابتاسم : ههه واخا الآلة نجيب ليك الما .. 
مشا رعاد يجيب ليها تشرب و هي تنهدات و جبدات من البوشيط ديالعا فنيدة و لاحت ها ف الكأس ديالو .. و جلسات كدور ف عينيها . 
رجع هاز ف يديه كأس د الما. . عطاه ليها و شرباتو و جلس قدامها .. بداو عشاهم ف جو رومانسي .. رعاد ماكايفلتش الفرصة فيت يتغزل بها و بجمالها. . و هي حشمانة. . 
كملو و شد ف يديها وقفها .. 
واخا بدا كايحس براسو فشلان. . هز يديه و دوزها على وجها بكل حب و حنان .. و يديه الأخرى ف خصرها. . مقربها ليه حتى كايفصل جزء صغير بين شفايفهم. . 
بدا كايهمس ليها حظا وذنيها و كايستنشف ف عبيرها. . بصوت خلاها تبورش : صعيب عليا بزاف ... 
أما هي غي كاتبلع ف ريقها. . 
رعاد: صعيب عليا بزاف ... نكون قريب منك و بعيد عليك ف نفس الوقت ... ( عينيه مغمضين) و كايدوز ب نيفه على عنقها : رحميني. . كنت مكلخ. . و حمار .. خليتك ضيعي من بين يديا. . سمحي ليا و عطيني فرصة .. خلينا نعيشو مع بعضنا. . مانقدرش علل فراقك. . نتي الهوا اللي كانتنفس. . رحميني و غفري ليا .. كانعشقك. . كانموت على تراب رجليك .. 
بلا سابق إنذار. . طار على شفايفها كايقبل بلهفة. . كايمص و يجر أما هي .. دموعها عمرو خدها. . ما حساتش حتى لقاتو طايح فوق السرير على كرشو. . و مفعول الدوا اللي عطاتو دار خدمتو. . كان رعاد غارق ف سابع نومة .. 
قاداتو ف بلاصتو و مسحات دموعها. . و مسحات على شعره:ماشي بهاد السهولة .. مانقدرش نسامح ليك بهاد السهولة على العذاب اللي دوزتي عليا ا راجلي العزيز .. 
خلاتو ناعس و ناضت كاتكتاشف الدار ..

كيجاكم تصرف عفت ؟ وكيفاش غاتكون ردة فعل رعاد ؟ 
يتبع ...