ديمارا الموطور بالجهد وبسرعة خيالية دارها بلعاني باش تشد فيه أيلول وفعلا داكشي لي دارت معنقاه من اللور وفين ما يجهد تخشا فيه..ومع ضهرو عريض يديها مكيتلاقاوش كتضطر تشد ليه بتجاكيط ..كيحس بيها كتغرس فيه ضفارها كتشدو التبوريشة..فين ماداز يتلفتو يشوفو فيه خصوصت مع موطورو كيدير واحد الصوت لي يخليك تبع ليع لعين من بعيد..وزيدو على هادشي ان موطور عبيقة معروف ..ولي داز من حداه كيخليه يتساؤل شكون هادي لي راكبة معاه..وهو بلعاني دار ليها الكاسك باش متعرفش ويصدق مشري ليها شي صدااع..
بعد 10 دقايق ..كيوقف قدام قهوة "قهوة نوتيلا" هي قهوة ديال الشيشا..نزل وحيد ليها الكاسك..عاونها حتى نزلات مع جاتها الدوخة..كتمشا مسندة ليه على كتفو وهو شاد ليها فيدها كيمشيها..دخلو ومشاو نيشان لاطيراس..جلسو فطبلة بعيدة على الناس وكطل على البحر..جر ليها الكورسي فحال الناس لجانتلمان..بتاسمات ليه وجلسات ورجعات حليمة لعادتها لقديمة. وبدات عملية التبرگيك..بداية من الكراسا والطبالي ..مرورا بالكوبل لي ضايرين بيهم نزولا لناس لي كيشيشو ..مع أول مرة تجي لفحال هاظ البلايص ..تزعزعات أ ولات غير حالا فمها..خلاها على راحتها تستكشف المكان..وملي،شافها طولات قرر يقاطها من تأملها..
عبيقة:عجباتك البلاصة..
أيلول:اه زوينة مخيبينها غير هادوك(كوبل تايتباوسو)وهادوك(تيشيشو)..
ضور وجهو شاف جوج شابكينها تشلقيم..شاف فيهم عادي وقلب وجهو لشيشا..رجع شاف فيها حيد الكاسكيط وحك راسو من اللور وكيضحك عليها..كان غادي يجيب الشيشة .جاب الله علماتو قبل ..اما كون نفرات منو..
كتافات بابتسامة..ورجع السرباي فيديه بلاطو فيه طلاباتهم حط العصير والگلاص..كحزهم عبيقة جيهت أيلول..وقرب ليه القهوة..شرب منها وشاف أيلول ماشرباتش غير مساوية النضر مرة فعبيقة ومرة فالبحر
عبيقة:شربي عصيرك..
أيلول:(بينها وبين راسها)لا لا متشربيش أ أيلول إنه فخ باينة فحال الأفلام داير ليا شي كينة فالعصير باش ندوخ ويديني يكويني..لا فحال والو يكويني هنا..الله يا ميمتي باينة عليه كواي أحح أگلبي يخلط ليا ل allé. مع rotoure ..قودتيها اش جاك تجي معاه..قالتها فتيحة الدودة لي فيا مازال مابغات تبرد..
قاطع حبل أفكارها عبيقة لي فهمها فاش كتفكر..السيد دا خبرة..
عبيقة:سميتي ماعارفها حد من غير ولدي..وملي وليتي عليا ومحسوبة مني ضروري متعرفيها..
أيلول:(بلهفة)قول..
عبيقة:سميتي ..
أيلول:(بلهفة)قول..
عبيقة:سميتي ..
قبل مايكمل هضرتو صونا التلفون عتاذر منها وناض من الطبلة فاتجاه الباب لي كيخرج لاطيراس..كان صاحبو السيمو..لي علمو بلي السلعة وصلات وعلمو بشنو تباع وشنو لي ماتباعش يعني عموما هضرو على أمور الخدمة ومن بعد سولو على ولدو وأحوالهم..
ملي ناض من الطبلة وعطاها بالضهر ضربات بيدها على الطبلة نافخة فمها بغيض و كتلعن حضها .على شوية كانت أتعرف سميتو..بعد ما قطع مكالمتو رجع عندها بابتسامة على وجهو ..لقاها حاطة يديها على حنكها وجارا لكاس عندها كتشرب من لاباي وباين عليها قاتلها الملل..عرف شنو كيضور فعقلها وعرفها متشوقة تعرف سميتو بابتسامة سولها..
عبيقة:إوا فين خليناها...
قفزات بالفرحة كتجاوبو متشوقة..
أيلول:بقينا فسميتك..كنتي غادي تقول ليا سميتك ومشيتي
أيلول:فشكل ..زوينة وفنفس الوقت مختالفة..وجات معاك..
عبيقة:ولكن انا ماجيتش معاها..
ايلول:وعلاش مكتحملهاش..
هز التلفون شاف فالساعة وعاود رجعو لبلاصتو وشاف فيها كانت كتسناه يعاود ليها..
عببقة:دابة 11و 40 دقيقة ..غادي تعطلي نتي وأنتعطل على رياض..
أيلول:(دلات قنوفتها)و ماغاديش تعاود ليا..
ناض من كرسيه وقفها وهز ليها شكارتها باش يمشيو..
عبيقة:الحصة الجاية ..
ايلول:اوووف أيبقا ضارني راسي..
عبيقة:فضولية ههه.
خرج شادها من يديها باينة فيه فرحان بلا قياس..ركب فموطورو فاتجاه مدرسة رياض..
وصل لمدرسة مع 12 بيلة نيشان..لقا الولاد كيخرجو..بان ليه ولدو خارج خاشي يديه فالجيب ديال السروال..شافهم فوق الموطور..جا عندهم كيجري فرحان وفنفس الوقت بزاف لحوايج كيضورو فداك العقل صغيور لي عندو..منهم اش كدير ايلول مع باه ..وكيتساؤل علاش كيشوفهم مع بعضياتهم بزاف..نفض الأفكار من عقلو..بعد ما رمى السلام عليهم فحال شي واحد بعقلو..وركب القدام حيت لور عامر..وديمارا بسرعة قبل ما يشوفها العربي..جاب الله الأساتيذة كيخرجو من الباب اللوراني.. أما كون نهارها ميطلعش فيه الشمس..
قبل ما يدخلو للدرب حطها وتسناها حتى تمشات قدامو. وبقا تابعها بالموطور هو وولدو.. باش ميبسل عليها حد وفحالا كيقوليهم هادي ديااالي وكتخصني..حتى وصلات لدارهم ودخلات عاد مشا لدارو..خلا الموطور قدام باب الدار..عارف ماكاين لي يقيسو وأصلا حتى واحد مايقدر يقرب ليه..غير إلا بغا يفتح عليه بيبان جهنم...
غير سد الباب وجا بغا يضور يدخل فحالو لقا رياض واقف مطلع حاجب ومهبط لاخر..ومخنزر ..مربع يديه جيهت صدرو. وكيشوف بتركيز فعبيقة..
قرب من ولدو كيضحك..هزو بشكارتو معنقو..وداخل بيه لداخل كيبوس فيه ولاخر كيبعد وجهو زعما راه مقلق ..
عبيقة:غادي ناااكلوك البرهوش..
رياض:ماغاديش تلفني بالهضرة..هدر اش كاين تما..
عبيقة:ماكاين واالو من داكشي،لي فبالك البرهوش..
رياض:واخة دابة نشوفو..
عبيقة:فيك جوع!!
رياض:غادي نموت بالجوع..
حطو من يديه..وشحطو لطرمتو
عبيقة:يالاه طلع بدل حوايجك..انا نطيب لغدا..
طلع بدل حوايجو وطواهم تحت تهديدات عبيقة ..ونزل عندو لقاه فالكووزينة كيقطع فبطاطا على شكل فريت..طيبو غداهم فجو مرح ممسوقينش لمشاكيل..خالقين السعادة من والو..حط الطبلة تغداو وغسلو لماعن..وخرج رياض يلعب بعد ما خلاه باه بزز..
بعد ما دخلات لدارهم..حيدات صباطها ومشات نيشان لكووزينة ..سخفانة بالجوع..جلسات فصالا مونجي كتسنا مها تعتقها بشي حاجة...حاطة يديها على حناكها وتتفكر فشنو طرا..عاد طلعات معاها الشاهدة راها تصاحبات معاه معرفات تبكي حيت عارفاه صعيب وقاصح ولا تضحك حيت زوين وكيعجبها..
أيلول:(كتهضر بشوية وحاطا يديها على قلبها)أيغد سميتو أيغد...الله ياقلبي وعلى أيغد..عبيقة أيغد..أيغد عبيقة..لا لا أيغد زوينة نبقا نعيط ليه بيها..اووف كيف غادي ندير معاه وأنا معمرني تصاحبت..
قاطعات ماماها حديتها مع نفسها..حاطا قدامها طبسيل ديال اللوبيا وطبسيل صغير ديال الحار..شافتو نسات أيغد وميجي منو.جمعات شعرها شفنحة وبدات كتلتاهم ..حتى كملات الطبسيل لحسات صباعها وطلبات مها تزيدها..جرات عليها بالصندالة..ناضت بزعاف باقي فيها الجوع..
طلعات لبيت ..لبسات قميجة بيضة وخلات نفس السروال ولبسات بالغينة جمعات شعرها ديل حصان بدلات لكتوبة حيت قاريا فالعشية..شافت الساعة لقاتها قريبة ضرب الوحدة ..نزلات لقات مها موجدة ليها طبسيل اخر ناضت عندها فرحانة باستها ومشات تاكل..هي واللوبيا قصة عشق لا تنتهي..
كملات وغسلات يديها..من بعد خرجات شادة الطريق لمدراستها وصلات وطلعات لقسم شدات بلاصتها وبدا الدرس..
بعد ما طمن على ولدو وعطاه السوارت أ وصاه ميبقاش فالزنقة بزاف ..توجه لمقر العمل ديالو..لبس صولوبيط ديال الميكانيك..ومشا كيصاوب فشي ماطر خاسرين..
كملات حصصها مع 3..هزات شكارتها وخرجات غادا فطريق حتى كيوقف عليها عبيقة..لي كان غادي عندها ليسي يتسناها حتى تخرج..شافت فيه بتعجب..
أيلول:أيغد..
عبيقة:(حيد الكاسك)أححح على سميتي..
أيلول:(بغنج)عجباتك..
عبيقة:بزااف ولكن مازال مكنحملهاش..عرفتي منين مسمعت سميتي..!!
أيلول:هي غادي تعاود ليا قصتك ياك.
عبيقة:ماكاتنسايش زعما!!
أيلول:لا وتقول..
عبيقة:واخة نعاود ليك ألالة..يالاه ركبي نتحركو من هنا
أيلول:فين غادي نمشيو..
عبيقة:ركبي وتعرفي..
حيد الكاسك وعطاه ليها دارتو ركبات وراه..
أيلول:منتعطلوش صافي..
عبيقة:أوكاي..شدي فيا..
عنقاتو من اللور شادة فيه من التجاكيط وكسيرا بسرعة..مخلي وراه غير العجاجة..
ماوقف غير فالبحر نزل هو اللول وحيد ليها الكاسك..وعاونها حتى نزلات ..خلاتو كايبلاصي الموطور باش مايطيحش..وسبقاتو وقفات فالحافة فين كاين الصخر كتفرج فالماج .طلقات يديها بحال الطائر وسدات عينيها كتستنشق أكبر كمية ممكنة من الهواء ..حيدات البانضة لي كانت جامعة بيها شعرها وخلاتو للريح كيلعب بيه نسات العالم وعاشت تواني من الحرية..
جلس فوق الموطور مربع يديه كيتفرج فيها ..حتى حسات براسها رتاحت عاد ضارت عندو كتجمع فشعرها..بتاسمات ليه بتسامتها الغبية المعهودة.. بقا غير كيشوف فيها قربات منو شوية كتفرك يديها بتوتر من هاد الموقف ..نضراتو ليها لبكوها أ وتروها ..
عبيقة:رتاحيتي !!
أيلول:(حركات راسها)بزاااف..
عبيقة:كيعجبك لبحر..
أيلول:اه...
بتاسم ليه وسكت تاني ..وهي شعلات فيها العافية كتسناه غير إمتا يهضر ويبدا يعاود ليها..لي فيها مامهنيها وفضولها قتلها. فقررات تعاود تسولو..
أيلول:ماغديش تعاود ليا..
عبيقة:(بابتسامة)ولايني فضولية مع راسك..
أيلول:أحم سمحلي..
قرب يديه ليديها وشدهم مقربها ليه..هي فحالا ضربها الضو مع أول مرة يشد ليها شي ولد فيدها..نزلات راسها بسرعة شافت فيديهم لي مشابكين وهزات راسها فيه كان غير كيبتاسم.قلبهت بدا كيضرب بجهد..هادشي غير شد ليها فيديها علم الله لا باسها أما لا كواها موصييبة..
عبيقة:مادام واعدتك نقوليك..فراه غادي نقوليك..
ماما بيسان أغلو أصلها تركي ..تلاقا معاها بابا فسفرة لي دار لتركيا باش يكمل قرايتو.
بغاها وبغاتو تزوجو..وجيت أنا لدنيا وسماتني الوليدة أيغد..بعد ماتزاديت أنا بسبع سنين الواليدة جاها سرطان(عينيه دمعو) سرطان فالدم للأسف ماكتاشفاتوش بكري وافتها المنية الله يرحمها..
أيلول:(بتأسف)الله يرحمها..
عبيقة:مور ما توفات ماما مقدرش الواليد يبقا فتركياا..هزني وفأول رحلة للمغرب جينا..عشت معاه هنا فكازا ..كان ديما كيعاود ليا على ماما وبلي ورت لون عينيا من عندها.. ديما كنت كنهضر مع جدي واخة مكنفهموش ولكن تيبقا غير شوف فيا نشوف فيك.ملي كملت 18 عام مات الواليد بكسيدة الله يرحمو ..و طلب جدي نجي عندو لتركيا يشوفني..وبحكم عندي الجنسية تركية..متعطلتش فالوراق ودغيا مشيت لتركيا(دار ليها إشارة بيدو فحالا طار) مشيت وتلاقيت جدي وخوالي كنت كنعرف شي كلمات بتركية بفضلهم تواصلت معاهم فاليوم التالت عندهم..كنعقل شفتها نازلة من. الدروج بكسوتها البيضة وشعرها الأشقر ..من بعد عرفتها بنت خالي هزال ..طحت على زنافري وليت كنبغيها ..تقربت منها وتعارفنا ولات حتى هيا كتبغيني..كونا كنموتو على بعضياتنا .. كانت كتعجبها سميتي بزاف حيت سمية نادرة..كانت كتقول ليا بلي سميتي جات مع شخصيتي
أيلول:(بغيرة)اهاه كمل..
عبيقة:وقع لي وقع وحملات(بتاسم)كنت فرحان وكتت ناوي نتزوج بيها قبل ماتبان كرشها..ساعة تصدمت صدمة عمري ..بلي ماباغاش هاد الولد وغادي تنزلو..عتارضت وقلت ليها على جتتي ..حاولت نهضر معاها ونعرف السبب مادام كنبغيها وكتبغيني فين كين لمشكل..تبدلات 180 درجة ولات كتخرج بزاف ومبقاتش كتبغيني نكون معاها..وأنا مع هبيل كنت خايفها تنزل الولد داكشي علاش تبعتها وياريتني ماتبعتها..
عبيقة:تبعتها ويريت ماتبعتها.داكشي لي شفت كان كافي نكرهها ونكره النهار لي عرفتها فيه..
أيلول:علاش شنو شفتي
عبيقة:(ضحك بمرارة)شفتها هي واحد التركي..كيف خلقهم الله ملطين خدامين على ولادهم(حطات أيلول يديها على فمها من الصدمة)فديك الساعات عقلي وقف .. وليت تنقول واش داكشي لي حاملا بيه مني ..واش من صلبي..شديت خونا سلختو عصا حتى گر بلي يالاه جا من اليونان لبارح وبلي كان فيها شهراين..وهي حاملا ب 2 الأسابيع ادا ولدي عاد رتاحيت..ولكن عرفت بلي كانت كتعرفو قبل متعرفني وكانت مقردناني..راداني كامبو فديك تركيا ولا زبي(مسح على وجهو )استغفر الله سمحيليا..
أيلول:(بتفهم)لا لا ماشي مشكل..كمل..
فعز غضبو من الذكرايات لي مازال كتلاحقو بتاسم..
عبيقة:مامفاكاش بعدا..(سكت)المهم كنت باغي نشدها نسلخ مها عصا نبرد فيها جنوني ملاميحها نبدلهم ليها ولكن تصابت حاملا..هددتها بلي غادي نقول لباها كولشي مع هوما من عائلة محافضة كانو يقتلوها وميعقلوش عليها..هددتها وقبلات تجي معايا المغرب حتى تولد وتعطيني لولد ومنعاودش نشوف كمارتها ..جلسات معايا 9 شهر فهاد الفترة كتت مقابل ماكلتها ونديها لطبيب عكسها هي كانت مستهترة ومتديهاش فداكشي لي فكرشها..المهم هي هاديك ولدات بيخير وعلى خير..تصوري أ أيلول مبغاتش حتى تشوفو ولا ترضعو غير ولدات مشات فحالها .. متصوقتش لمت مها صافي عفتها وكرهتتها..عرفتي ملي هزيت ولدي وشفت فعويناتو (بتاسم) واحد الإحساس نساني فكاع داك العداب لي تعدبت دبحت عليه وسميتو رياض وسميت راسي عبيقة حيت كانت كتعجبها سميت أيغد ..وها انا عايش مع ولدي مت بيخير..
أيلول:ومعودتيش شفتيها؛!
عبيقة:لا من نهار الولادة ماعاودت شفتها.ولكت عيطت وسولت لقيتها فدارهم فتركيا..صافي من تم
أيلول:وقصة وشمن قصة هادي عندك أ با عبيقة..فحال الأفلام...
ضحك بعدوبة..
أيلول:اجي ورياض مكيسولكش على مو..
عبيقة:هادشي لي قاهرني .. ملي كبر شوية ولا كيسول بزاف صونيت لديك المسخة لقيتها تزوجات طلبتها تجي تشوفو ولا نجيبو ليها بنت لحرام مابغاتش..
أيلول:(بجزن)كون تلاقاه متسخاش تفرقو..مسكين رياض..
عبيقة: نسااي دابة ولي فيها الخير هي لي تكون..
أيلول:(تنهدات)ونعم بالله..
عبيقة:هانتي عرفتي قصتي لي ماعارفها حد رتاحيتي دابة..راسك صافا..ماغاديش يبقا ضارك دابة..
دار ليها براسو زعما صافي دار ليها الكاسك أوصلها وقبل ما يدخلو لدرب نزلها وبقا وراها حتى دخلات لدارهم عاد مشا لدارو..لقا رياض كيتفرج فالتلفازة باسو وطلع يبدل..
دخلات لدار لقات باباها مشا لجامع يصلي المغرب تنهدات براحة مافيها لي يسمع هضرتو لي كتسمم النفس..حيدات بالغينتها فالباب ..طلات فالكوزينة ملقاتش ماماها ..طلعات لفوق لقاتها جالسة هي ومعاد كيتفرجو فسامحيني نتابهات ليها مها وسولاتها بتشكيك...
فتيحة:فين كتتي حتال هاد الوقت أزرگة الكراوع..
أيلول:فالمدرسة..
فتيحة:ياك خرجتي مع تلاتة..
أيلول:اه كان خاصنا نخرجو مع التلاتة ولكن استاذ الإجتماعيات زادنا حصص ..مع الوطني قرب راكي عارفا مابقا ليه والو..
فتيحة:اااه اوا الله يعاونك أبنيتي.وتنجحي وتسدي لينا فم باك..
أيلول:(هزات يديها لسما)أميين..فتيحة فيا الجوع..
فتيحة:بدلي جوايجك بعدا ونزلي راه ماكلتك فوق الطابلة
مشات لبيتها لبسات كل بيجامة من قنت ولبسات التقاشر وخشاتهم فالسروال ..جمعات شعرها شفنجة ..ونزلات كتجري فالدروج قاتلها الجوع..لقات الماكلة فصالامونجي نقضات عليه..كملات وطلعات فحالها لصالا والله الماعن مغسلاتهم ولا جمعات طبلتها..
جلسات حداهم كتفرج فالتلفازة حتى دخل العربي..جلسات معاهم شوية وناضت كتسلت هربانة منو ومن تخنزيراتو حتى وصلات لبيتها ودخلات طرقات الباب بساروت ..تلاحت فوق الناموسية كتبتاسم وتضحك غير بوحدها كي الحمقة طالقة يديها على طول السرير..
أيلول:صمتي حتا صمتي وفطرتي على تركي..الله ياقلبي غادي يسكت (خصرات سيفتها)قاليك كان يبغيها وكيموت عليها...سيري يا هزال بنت اوغلو بغيت ليك دقة با حنيني بغيت ليك الدودة فالطرمة يا مدودة لالياتها ..ولكن دارت مزية لي خلاتو ..كون ما خلاتوش كون ما تلاقيناش..
عبست وجهها فحالا باغا تبكي..
أيلول:بقا فيا رياض مسكين..واش لي عندو داك الزين يخليه..بغيت ليها الگرد ..قحبة تركيا لاخرة
مع اخر كلمة قال ..لاح الكارو من يديه وحط القهوة فالأرض وبسرعة تمشا فاتجاههم..وبحركة بسيطة. شد الولد من قرفادتو ..معلقو ورجليه مهزووين من الأرض..أيلول ولات غير كتولول..
عبيقة:عاود اش قلتي البرهوش..
الولد:والله اخاي عبيقة ما قلت شي حاجة..
عبيقة(تيديه ويجيبو):والكدوب من الفوق لمك..واش عرفتي هادي لي،سبتيها شكون..
الولد:(كيقفق)السموحات اخويا والله ما نعاود بربي ما عرفتها معاك..
عبيقة:قول ليها سمحيليا..
هز راسو فأيلول لي مخرجة راسها من الحديد كطل..
أيللول:طلقو عفاااك.
خنزر فيها.دار فيها واحد الشوفة بردات ليها الما فالركابي..
تلاحت ففراشها مغمية وجهها كطلع النفس غير بزز مازال متسرطاتش ليها..
أيلول:لا واش من نيتو ..غادي يعاملني هاكا ونسكت ليه غدا نفاريها مع زامل بوه..يمشي يقود..(كتنهج)انا يقول ليا طلعي تقودي..هاي هاي على زرق العينين ضسر وبغا يديرني تحت الصباط..صافي غادا كل يشد طريقو من حدنا مازال مدرنا فالطجين مايتحرق..كيصحاب ليه راسو بجوج كلمات غادي،يدوخني..كلمة وحدة كافية..احم احم رجوع الله..
بقات كتهضر مع راسها معرفتش شحال ديال الوقت حتى غفات حالا فمها ..
ماكتفيق الصباح الا على مها كتفيقها شافت فالساعة لي معلقة فالحيط كانت 6 ونص..ناضت بكسل كبير كتمشى غير بزز فاتجاه الطواليط..لقتتها عامرة..تكات على الباب مبوقة بالنعاس..حتى خرج معاد من الطواليط دفل عليها وهرب ..الجهد لي يتبعو ماكاينش..حلفات عليه..ودخلات كتبول وسادا عينيها..ناضت بزز تاني غسلات وجهها وحكات سنانها ..ورجعات لبيتها..مشطات شعرها وضفراتو مافيها لي يصاوب فهاد الصباح..لبساات اول سروال لقات سروال كحل .وتريكو بيض واسع مع سبرديلة بيصة ..هزات صاك فيه كتوبتها ونزلات تفطر ..
بعد ما كملات خرجات لمدراستها ..قرات و كملات حصصها مع 10 وجات خارجة وهو يبان ليها سيبير مقابل مع الليسي ..شافت شحال عندها فجيبها ومشات لعندو ..دخلات لقات السلام لقات ولد لي مقابلو..جبدات ليه لكتاب ديال الإجتماعيات فيه الملخصات قالت ليه يدير ليها التصغير لكتاب كامل..
مسافة الطريق كان قدام نفس القهوة لي مشاو ليها اول مرة"كافي نوتيلا" نزلات بعد ما حطات الكاسك ..حيدات الطابلية خشاتها فالصاك.وقفات كتسناه حتى بلاصا الموطور..عاد شد ليها فيدها غادي وجارها معاه ..وهاد لمرة مطلعوش..نزلو لاكاب لتحت مع نازلة من الدروج..مع ضربتها ريحة الدخاخن ديال الشيشة والگارو..ساطت بيديها قدام وجهها ..جرها حتى جلسو فواحد الفوطوي ..جلس وحط يديه ورا ضهرها ..هي باقا مدهوشة كتشوف فداك المناضر لي وصفتها بالمقززة..بنات باينين من ليسيات(ليسي) فحالها هي دابة شادين الشيشة وكيشيشو..والولاد شادين الكااارو ولي كوبل كيتباوسو وشي كيلمس فشي.. ..والوسط كاين طاولة ديال البيلياردو مجمعوعين عليها جوج ولاد وبنت كيلعبو..وغير بالكشايف باش شافتهم مع الدخاخن ولاكاب الدنيا مزموتة..دارت عند عبيقة كتكحب..وسرعان ما خرجو عينيها من الصدمة ملي لقات السرباي حاط حداه الشيشة وكيقاد ليه فيها...كمل شغلو ومشا ..
أيلول: أيغد.
نتتر من الشيشة ونفخ الدخان لفوق مخرجو من نيفو وفمو..
عبيقة:نعااام..
أيلول:شنو هاد البلاصة لي جايبني ليها..
عبيقة:مالها معجباتكش..هاكي جربي
مد ليها التيو ديال الشيشة ودفعاتو من حداها بالنترة ..وقفات كتشوف فيه عينيها حمرين وناوية على خزيت..
أيلول:هاداك التيو زيدو. فطرمتك..جايبني هنا بنت ليك شيخة..
هزات صاكها ..وطلعات فالدروج كتجري .. حط من يدو داكشي..وتبعها كيضحك..لقها قربت توصل للباب لي كيخرج على برا..شدها من كتافها مضورها عندو بالجهد..وسرعان ما شافتو بدا كتنتر منو بكل قوتها..
أيلول:طلق مني الحشايشي لخانز..
عبيقة:ايلول سكتي..
أيلول:طلق الشمكار لي حطك طلق..
عبيقة:(خنزر فيها حتى الما برد ليها فالركابي)تسكتي ولا نمرمقها مع مك..
قطعات حسها معاوداتش الهضرة..دفعها قدامو ناحية الباب حتى خرجو..دار ليها تاني الكاسك وركبات تحت تخنزيراتو..
بعد 10 دقايق كيوقف قدام ريسطورو أنيق ومتواضع ماشي شي حاجة هاي كلاص المهم نقي..دخلو ليه وجلسو فطابلة كان المطعم شوية خاوي..جا ااسرباي عطاهم لموني وبقا واقف عليهم ..
السرباي:نهاركم مبروك..شنو بغيتو طلبو..
عبيقة:أيلول شنو بغيتي..
أيلول:السم..
خنزر فيها حتى قلبات وجهها..
عبيقة:جيب جوج بيتزات بولي مع واحد طاكوس و جوج كولا..
مشا السرباي بعد ما خدا طلباتهم ..ورجع كيشوف فأيلول..
عبيقة:دابة قولي ليا شنو لي عصبك..
فحالا كانت كتسناه غير يسولها وتفرگع عليه وفعلا تشتات عليه بكل معنى الكلمة...
أيلول:شنو لي عصبني.عصباتني ديك البلاصة ديال الشيخات لي ديتيني ليها..باغي تخرج عليا ..تتقول ليا جربي..باغي تخرجني للطريق الشمكار ..اسيدي لاش جاي عندي كون خليتيني ندي بحتي ونمشي لدارنا..ولا شم فيا العربي الريحة نااري ميمتي قفارت عليا..
كان حاط يد على حنكو وكيتصنت ليها..حتى سكتات على خاطرها ومد ليها كاس ديال الما..
عبيقة:أتكوني شحفتي بقوة الهضرة..مسكتيش
خدات من عندو الكاس ونزلات عليه دقة وحدة..وربعات يديها كتشوف فيه..راني قلت ليكم لسانها سليط ومبري منها..
عبيقة:احم..تقدري تقولي كنت داير ليك اختبار ونجحتي فيه...
أيلول:اختبار قلتي بنت ليك فأر تجارب..اهاه وديالاش هاد لختبار بالسلامة..
عبيقة:بغيت نشوفك واش غادي تبغي تشيشي ولا لا..
أيلول:وكون جربت شنو كان ايوقع..
عبيقة:جوج تصرفيقات ونديك لداركم..
أيلول:ولكن ..اش غادي دير واللهم نسكت حيت الهضرة بزااف..
قرب حاط يديه فوق الطبلة ومشابكهم..
عبيقة:لا غير هضري بغيت نسمعك..
ايلول:البارح...
وقبل ماتكمل هضرتها خرجو كشاكشو وحمر فيها مزيان..
عبيقة:عندك الوجه لي تهضري على لبارح..بغيت غير نفهم اشنو كنتي باغا تصنعي..
أيلول:غير بغيت نصحو..
عبيقة:الالة نصحي غيرر راسك..فكازا حتى واحد مكيتقبل النصيحة من عند حد ..
أيلول:فهمنا فهمنا..ماباقا نصح حد..غير هو الله يخلي ليك ولدك متبقاش تغوت عليا وتخصر الهضرة واش انا ناقصني..
عبيقة:نحااول منواعدكش...
مولاتش جاوباتو ..رجع راسو لور .فرحان حيت مابغاتش تشيش ونجحات فالإختبار..حيت هو مابغاهاش كعلاقة عابرة..ملي،شافها مفاهمة مع ولدو وكتهضر معاه وشادا ليه الخاطر ولا كيفكر فمستقبل جامعهم بتلاتة..خصوصا هو عارف ولدو شخصية عنيدة وقاصحة...
جاب ليهم السرباي الماكلة..ودارت أيلول شرع يديها مزيان ضربت بيتزا وطاكوس..مع أيغد ماشي من نوع لي كاييقا مقابلك فالماكلة..خدات راحتها.وتبادلو أطراف الحديت فهاد الغدا وزادو تعارفو...
أيلول:الحمد الله ..شبعت..
عبيقة:بصحتك...
خشا يديه فجيب ديال التجاكيطة كيجبد شي حاجة ..كانت كتمسح فمها غير شافتو خاشي يديه فالجيب قلشات ودنيها وركزات عينيها عليه..ضرها راسها خاصها تعرف شنو أيجبد..الفضول والتبرگيگ بلية الله ينجينا وينجيكم..بقات حاضياه كي التابعة حتى جبد بواطة ديال الكارطون متوسطة..حطها فوق الطبلة ودفعها جيهتها..هبطات وجهها باش تشوفها ..وهوما يتحللو عينيها من الصدمة..والفرحة والدهشة ..كان تلفون سامسونغ النوط 8.. جديد باقي بكارطونتو ..هزات عينيها فيه كتشوف فيه بدهشة..
أيلول:(حركات حجبانها)ديالمن هادا..
عبيقة:(بابتسامة)ديالك..
أيلول:ههه ديالي ..كيفاش ..
عبيقة:كي فاس مع مكناس...
أيلول:دوختيني والله..
عبيقة:(مع ضحيكة)وهاداك هو المطلوب..هادا جبتو ليك باش نبقاو نهضرو ..راه فيه حتا لكارط سيم..
أيلول:ههه لا نتا أكيد حماقيتي..منقدرش نقبلو ..
عبيقة:وعلاش بالسلامة؟؟
أيلول:ملي غادي نديه للدار غير قول ليا شنو نقول للعربي..والله حتى يقتلني..
عبيقة:كييبان ليا غير درتي السبة..
ايلول:لا والله ا أغيد ما هاكاك ولكن بابا مانع عليا التلفون حتى نجح..
عبيقة:واخا لي بان ليك..
قربا يديها من يديه ترددات فاللول ولكن زعمات وشدات ليه فيديه..غير حاطاهم من الفوق..
بتاسم ليها بحب وحط يديه فوق يديها وزير عليهم..هنا ختنا تحلات طروا بياس والتبوريشة طلعات معاها..
عبيقة:سيري غسلي يديك باش نمشيو..
ستغربات من هضرتو حيت يديها مافيهم والو..مشات لطواليط نيت تشوف كمارتها كيف دايرة..
ها التلفون لي جاب ليها..بنت الهم مابغاتوش طلقوني على القحبة يماها😯..ناس مبتقدرش النعمة 😒
رجعات من الحمام بعد ما غسلات يديها ..لقاتو خلص ..هزات صاكها وتمشاو جيهت الباب..ركبو فالسكوتر ..مسافة الطريق كان قدام السيبر..نزلات كطير ماباغاهش يدخل معاها..
هزو حطو قدامو فحالا هو لي سايق السكوتر..وصل للدرب ..بلاصا الموطور..ودخل نيشان للكوزينة يطيب لغداا..
دخلات لدارهم لقات كولشي كاين..حطات شكارتها وجلسات معاهم فالصالا كترد النفس من الدروج والطريق..شوية بدا باباها كيشمشم..ايلول مسكينة صفارت وخضارت..
العربي:كنشم فحال ريحت الكارو..
جاب الله نقزات مها عاتقاها فاللحضة الأخيرة..
فتيحة:معلوم ماتشمها..راه تيضلو يكميو قدام باب الدار ..تكون الريحة دخلات من الشرجم..
أيلول:اه ..بصح..(ناضت هازا صاكها كتمشى بعيدة من باها)ماما فيا الجوع..
فتيحة:راه اتاي فالكوزينة..بدلي حوايجك بعدا
مشات كتجريي لبيت دخلات وسدات عليها حيدات دوك الحوايج لي فيهم الريحة ..رشات ليهم بارفام عاد ولا شوية ومشات الريحة..طواتهم فالماريو يالله جات خارجة وهي تسمع الصونيط مجهد..كيسحاب ليها فالزنقة..ساعة مجهد عندها فالبيت..تبعات مصدر الصوت لقاتو جاي من صاكها..بدات كتندب ..حلات السنسلة ..وهي تبان ليها الكارطونة لي وراها أيغد..
حلات السنسلة ديال الصاك..وهي تبان ليها الكارطونة لي وراها أيغد..جبداتها والقفقافة شاداها ولات كتفيبري..حلات الكارطونة..حيداات دغيا الشارجور وليزيات لي كانو فوق التلفون..جبداتو وهي طلع ليها فالسمية عبيقة..دغيا دارتو صيلونص ومشات كتجري لباب تأكدات واش مسورت ورجعات طلعات فوق الناموسية مقربة للشرجم باش ميسمعوهاش...قبلات المكالمة وعينيها على الباب خايفة يجي باباها..
أيغد:الو الحب..
أيلول:اويلي حاي باغي تخرج عليا ..
أيغد:خبيه وماغاديش نخرج عليك..ولكن راه كان ضروري منو..
أيلول:ولا شافو بابا ..ولا ماما
أيغد:خبيه ومايشوفو حد..
أيلول:حشومة عليك والله..
أيغد:التلفون مافيه حتى نمرة من غير نمرتي..نلقا شي نمرة زايدى نحر مك..
أيلول:كتهددني!!
أيغد:نو بب غير كنعلمك...
أيلول:واخة واخة يالله بالسلامة دابة خاصني نمشي..
أيغد:اجي بعدا قارية فالعشية
أيلول:لا..
أيغد:اوكي ..فالليل راه نعيط ليك...
ايلول:واخة..
وقطع عليها المكالمة..وبدات كضور فعينيها فين تخبي التلفون..رداتو لكارطونتو. وخشاتو تحت الناموسية وهو فمود صيلونص..وحطات قدام الكارطونة الصبابط والسبرديلات مخابياها بيهم..ومشات حتال الباب تشوف واش كيبان وحتى تأكدات ان كولشي طبيعي عاد خرجات لكوزينة..حاسا براسها فحالا كانت هازا قنبولة..
رياض:عفاك أبابا ..راني داير مع العشران .باش نلعبو البي..
عبيقة:أييييه العشران البرهوش..
رياض: وا صافي الله يحفضك اعبيقة..
عبيقة:بفف واخة ..متفوتش ساعة فالزنقة..وملي تخرج خرج معاك السوارت..
رياض:العز ..
وجا كيجري عند باباه تعلق فيه حتى هزو باسو وخرج..ركب فالموطور وديمارا فاتجاه لاصال..غير خرج باه..طلع لبيتو لبس حوايجو حيت كان غير بالشورط فالدار..سورت الباب ..ودارهم فعنقو..
(عبيقة عارفو ديما كيتلف السوارت داكشي علاش دارهم ليه فسنسلة ديال النقرة طويلة شوية باش مايطيحوش ليه)
جالسة فديك العتبة كضور فعينيها حتى بان ليها عبيقة خارج ..ديمارا الموطور وركب..بقات متبعاه بعينيها وبتسامة غبية فوجهها..كتسناه يدوز من حداها ويهضر..ساعة داز مكسيري ماداهاش فيها..خلاها بلاكة..وفمها تال ودنيها مبتاسمة زعما... شافت حتى عيات ورجعات لتبرگيگها تاني..شادا ديك الخمسة دراهم فيديها كارزة عليها..خايفاها تهرب... شوية بان ليها رياض خارج لابس شورط ديال التجينز وتيشورطة صفرة ..بقات حاضياه حتى سورت الباب ودار السنسلة فعنقو فرحات حيت خرج..وقفات غادا كتمشا لجيهتو وكتعيط ليه..
أيلول:ريااااض أ رياااض
دار لجيهتها شافها بدا حتى هاو كيبتاسم..
رياض:(بفرح)أيلوووول
مشا لجيهتها كيجري ..حتى تلاقاو فنص الطريق..تعلق فيها حتى هزاتو..غير بزز مع ختنا مسكينة معندها صحة ..شبعات فيه بوسان من الحناك عاد حطاتو..
أيلول:فين غااادي ..
رياض:خرجت نلعب..الساعة مابان ليا حد..
ايلول:نلعب أنا وياك !!
رياض:(شاف فيها باستغراب)كتعرفي تلعبي البي
حركات راسها شمال ويمين..بمعنى لا ..
رياض:امم واخة أجي نعلمك...
أيلول:وبلاتي بعدا نمشي لشي حانوت ..عاد نلعبو..
رياض:واخة..(ببراءة) عارفة الحانوت فين جا
أيلول:لا..
رياض:نمشي معاك..نوريك وتعطيني درهم..
أيلول:ههه زيد يالاه..بغيت نشري زريعة وبولو
رياض:واخة..ولكن الگلاي بعيد شوية..
أيلول:ماشي مشكل.
شد ليها فيديها غادين كيتمشاو حتى خرجو شوية من الدرب..وضارو مع واحد الزنقة فيها بحال القوس..وكل قنت فداك القوس فيه مجموعة من الدراري تيتكيفو..شافتهم تخلعات وزيرات على يد رياض وهو شادها من يدها وجارها وراه..حتى وقف واحد خونا شاد الحشيش فيديه وخدام كيمعس فيه بصبعو..
الولد:الكحل فين كنوحل.. حوتا عوامة ..أحح الشعر الطويل.(هضر بواحد الصوت رقيق ولكن بجهد)ككسكسنيي
مع اخر كلمة قال سمعو رياض..ضار مخنزر كيشوف فداك الولد شوفت القتيلة..جر ايلول معاه ورجع لجيهتو..
رياض:مالك أخونا..
الولد:(حط يديه علر شعرو )سير ابابي سير تلعب مع قرانك ..خلينا نهضرو مع التوت
ولات غير كتبيض فعينيها ..وتتشوف فداك خونا كيطلعها بشوفة شهوانية..رياض مسكين صعر..حيد ليه يديه من فوق شعرو بالنترة حتى حس بيديه مشات وجات..مسكين گاع الجهد لي عندو حطو..خونا مرضاش ..
خونا مرضاش ..ولا تيقول أواه برهوش وتصور عليا..
دفع رياض حتى كان غادي يطيح..أيلول ..مابقا كايبان ليها والو قدامها..دفعات الولد حتا كان غادي يطيح رجعتها ليه وبدات تجعوق..
وعلى إتر غواتها وتجعويقها..لفتو ليهم الإنتباه وگاع الولاد لي كانو تما قربو ليهم باغين يشوفو شنو واقع ومن بين هادوك لي كانو تما.كان حتى مروان..غير شاف أيلول عقل عليها ومع الجوقة ماشافش رياض حيت قصيور ماكايبانش..دخل فديك الدائرة لي دارو وتدخل فآخر لحضة قبل ما يصرفق داك الولد أيلول..متدخل بشكل قوي شاد لخونا يديه قبل ماتوصل لوجهها..وغير شاف رياض كحل بالعما..ولا كيشوف فالولد لي .دفعو وفحالا كيتأسف عليه..حيت عارف عبيقة إلا مشا حتا صاق الخبار قوادت على جد بوهم الكلب. فداك الدرب..
الولد:طلق أصاحبي طلق..خاليني نربي القحبة مها..
أيلول:هي مك نيت الحمار
مروان:الا مسديتيش فمك نتا لي غادي تعاود ليك تربية..
الولد:واا طلق أزبي..خليني نوريها الحمار
مروان:واش عرفتي هادي مرات من..وعرفتي هاد ولدمن..
الولد:شكون يكون باه گاااع ..
مروان:إوا أسيدي انا درت لي عليا...باباه هو عبيقة..وهادي مراتو..
جاتو مسكين صدمة تلاتية الأبعاد ..ولا غير كيقفقف..
الولد:قلتي ععععععبيقة ..من نيتك داوي..
مروان:من ريتي ازبي الحاصول قودتيها..
نفض يدو من يد مروان ومشا بزربة لعند رياض..كيطلب فالسماحة..
الولد:خويا سمحليا والله ما قصدت..برجولة متقولهاش لباباك..ختي سمحي ليا والله مانعاود..
رياض:بربي لا بقات فيك..
أيلول:جنس كيداير تفووو.
رياض:زيدي نتي قدامي..ونتا الدمدومة لا بقات فيك راني ماشي زريقة ولد عبيقة..
جر ايلول وخلاو خونا غادي يبول فسروالو من الخلعة..ودراري لي كانو كل شد بلاصتو خايفين لايشركهم عبيقة معاه.. رياض حتى بعد منهم شوية وهو يهز حجرة كبيرة..ضربو بيها جتى جات ليه فالرجل..حتى شافها جات فيه عد كمل الطريق هو وأيلول غاديين للحانوت..
تمشاو غير شوية الطريق كاملة ورياض مغوبش واخا صغير وعندو غير 7 سنين إلا وبنفسو وماكايرضاش..لدرجة باقي كتطلع فيه وتهبط ومتسرطش ليه لبلان لي دار ليه هاد خونا وحالف يرجعها ليه مدوبلة..حتى وصلو للگلاي شرات جوج بولوات ديال درهم و تلاتة دراهم زريعة.. ورجعو فحالهم من طريق أخرة تحت إصرار وطلب أيلول..معجبهاش داك الجو الكئيب لي هوما فيه فقررات تكسر داك الصمت..مدات ليه بولو.
أيلول:هاكا تبرد ليك شوية..
شاق فيها بمعنى واش من نيتك..
أيلول:مالك واش غادي تبقا عاقدهم..أصلا ماطرا والو..واهاكا..شد من عندي..
شاف حتى عيا وشد من عندها بولو ..شد ليها فيديها غادين مشادين وكيمصو فداك بولو..ودغيا قلبوها ضحك...قولها يا فم وضحك عليها..حتى وصلو للدرب ...وجلسو فواحد الطريطوار جا مابين دار عبيقة ودار أيلول فرقو ديك تلاتة دراهم زريعة بيناتهم وجلسو بطقطقو فيها ..شادين تاني النميمة..واخا رياض باقي برهوش جاها على گانتها برد ليها القلب فالحضية..
وكل مشا دخل لدارو...رياض غير دخل غسل حالتو وشد الطابليط ملهي فاللعاب..وايلول مشات طلعات لبيتها سورتاتو..وجبدات التلفون من تحت الناموسية وبقات كتخربق فيه..من واحد الناحية فرحانة بيه ومن ناحية اخرة خايفة ..مجرد التفكير أن باباها حصل عندها التلفون كتبغي تقتلها..
عجبها التلفون فيديها بقات شاداه كي الحمقة وكتفرنس..أنسطالات الواتساب و الفايسبوك..والسناب.وأهم شيئ اللعاب عمراتو لعاب..بقات سادا عليها فالبيت حتى دقات عليها مها كتعلمها تجي تاكل... دخلات لصالا لقات باباها مازال ماجا.
"الحمد الله لي مازال ماجا ناكل بعدا على خاطري". كانت هادي الجملة لي نطقات بيها أيلول وهي تتجلس فالسداري..تجمعو على طبلة ديال كاسكروط هي وماماها وخوها..ومقابلين التلفزة..حتى كيسمعو الغوات والسبان بتخصار الهضرة جاي من الزنقة ..عرفات شي واحد مدابز ومعطاتش لأمر أهمية..حيت من نهار جات لكازا وهي يوميا كتسمع تخصار الهصرة وكتفرج فالمدابزات.
ولكن غير تفكرت هضرة رياض ملي قاليها..واخا منقولهاش ليه انا غادي توصلو توصلو..برد ليها الما فالركابي وقفزات ملي سمعات شي واحد كيعيط عليه بجهد
" صافي اخاي عبيقة غادي تقتلو"
ناضت طايرة كتجري لبيتها طلعات فوق الناموسية وتعلقات فالشرجم غير حلاتو وهي تشهق من داكشي لي شافت..
كان عريان من الفوق غير بالشورط لبيض..العرق نازل معاه من وجهو نزولا لضهرو ..شاد الولد لي عاير أيلول ورياض.. ملصقو مع الحيط..وكيدخل ليه فالبونيات..يدو لي كيضرب بيها محلولة ليه وكتسيل بالدم..حطات يديها على فمها مصدومة من المنضر وتأسفات على حال داك الولد ..خصوصا ملي شافت حاجبو محلول والدم كيسيل ليه من نيفو .وجهو مابقاش كيبان ولي،صدمها كتر أن كولشي كيتفرج وحتى واحد ماقدر يفكو..
عبيقة:واخا ميكونش ولدي الشماتة متحگرش على ولد صغير..كون راجل الزامل..
الولد:هادي وتوبا..
عبيقة:(ضربو ببونية لوجهو)تتقول ليها قحبة أولد القحبة..شفتيها تتقحب مع باك الزامل..نتا لي جبدتي نحل على كرك..
بقا كيعطيه فالدق حتى سخف ..ولاحو من يديه ..هز صاكادو ديال ديال لاصال ومشا لدارو كأن شيأ لم يكن..
غير تحرك من حداه عبيقة طاح الولد سخفان..تسناوه حتى دخل لدار عاد مشاو عندو الناس لي كانو كيتفرجو كيديرو ليه الإسعافات الأولية لي هي البصلة والما..حتى فاق شوية وداوه لدارهم كيتلاوح كيف الشرويطة..
غير دخل لدار..خبط لباب حتى قفز رياض لي كان فالصالا كيتفرج فالطابليط..دخل ولاح الصاكادو ديالو..وتوجه نيشان لرياض هزو من قرفادتو..مسكين تخلع ولا غير كيضور فعينيه خصوصا ملي،شاف الدم كيقطر من يدو..
رياض:نسيت أعبيقة نسيت صافي هادي والتوبة أطلق طلق..
غير طلقو وقاسو رجليه لأرض ضربها بجرية وحدة حتال بيتو..عارف باه ملي كيكون فهاد الحالة واصل لأقصى درجة فعصابو..حسن ليه ميضورش بجيهتو..
طلع لفوق نيشان للحمام..طلق على يديه الما حتى مشا الدم كامل ..جبد بومادا من البلاكار لي فوق المرايا ..دارها للجرحة لي فيدو ولوا عليها فاصمة ..دخل لبيتو بدل وتلاح فالناموسية مازال متصرطاتش ليه ..كيتحلف على ايلول وكيتوعد ليها .شوية هز يديه وهو يشم ريحة العرق ..مع جا من لاصال وهاد الكومبا لي دار زاد عرق ..ناض بزربة لدوش طلق لما دافي وجلس تيتشلبط..
بعد ما شافتهم هزوه..دخلات راسها وجلسات كترد نفس وتسترجع هادشي لي شافت ..سهات تاني وبدات ككتفكر فهادشي لي طرا ..تتخيط وتفصل غير بوحدها..حتى قفزات ملي سمعات باب بيتها تحل وشهقات ملي شافت باها هو لي حل لباب هاز فيديه سمطة..
شافت لباها فعينيه..لقاتهم حمرين..ومخرجهم كيشوف فيها ساخط..وغير دخل وسد الباب وضورو بساروت..تكمشات شادا القنت ..وبداو دموعها كينزلو تلقائيا ..عارفا راسها غادي تاكول أكبر سلخة ديال العصا ليوم..لي كان كيضور ليها فبالها وباها كيقرب ليها..هو شنو دارت شنو سبب هاد قتلة لعصا لي جاياها..
حتى كايقاطعها بها لي تراما لشرجم سدو ماباغيش الشوهة زعما ..محسات براسها غير كتستنجد بماماها تجي تفكها..لي غير سمعات بنتها كتعيط ليها جات كتجري كدق فالباب يحل ليها ..
تلاح عليها جارها من شعرها..وفتانية كان جارها حتى طاحت من الناموسية وتخبط ليها راسها مع الأرض..حتى تآوهات بألم وزادت وتيرة بكاها ولكن شكون تصوق ليها..هز يديه لي فيها السمطا حتال السما وبدا كيضربها ويدو وفين جات وكشاكشو خارجين ..خبات وجهها بيديها وكتافات بالبكا والأنين بجهد ..
ماماها عيات مدق وتغوت وتخبط فالباب حتى حلقها تجرج وصوتها بح..ملقات جهد وتكات على الباب كتبكي بحرقة لألم بنتها..فحين أيلول باقا لداخل كتاكل فالعصا لي للحد الآن مازال ماعارفاش السبب..
العربي:يا بنت لحرام وليتي تسلگطي ليا وليتي ضوري فالزناقي..
العربي:ألالة كبدتك غير نتي..هادا غير إنذار ..لمرة لجاية ندبحها ونشرب من دمها..
دفعاتو ودخلات ..خبطات عليه الباب وضورات الساروت..تحنات جالسة على ركابيها كتشوف فبنتها باقا مخبية وجهها وكتنخصص..ملقات راسها غير تتبكي وتتخبط فحناكها ..جراتها عندها معنقاها بجهد ..تباكاو حتى بردو قلبهم..عوناتها حتى ناضت تغسل وجهها...فين ما تمشات كتقصح..غسلات وجهها من الدموع ..ورجعات تخشات فناموسيتها كتبكي..خلاتها مها بوحدها وخرجات من البيت..بقات كتبكي وكتسائل على سبب لعصا لحد الآن مازال ماعارفاتش..من نهار عقلات على راسها وهي كتاكل فالعصا على أسباب تافهة متلا كتاكل لعصا إلا نسات مسداتش لباب..إلا محيداتش الزغب من المشطة..إلا ماطواتش ليه حوايجو..المهم أسباب جد تافهة..
دوش على خاطر خاطرو ..خارج من الدوش كينشف فشعرو لابس شورط كحل وإيكسا حمرة ..حط لفوطة ومشا طل على رياض لي لقاه كيحفض لخلعة ومدير ..تبسم حيت عارف إلا محفضوش ميحفضش ..عرفو مخلوع منو..دخل وتلاح نعس فناموسية رياض
هي معصبة وزادت تعصبات منو محسات براسها غير كتعاود ليه وتحول بكائها لغوات ..وهو غير كيسمع ليها ومزير على يديه..حتى عودات ليه كولشي ورجعات كتبكي..
عبيقة:(بعد التلفون من ودنو)ولد القحبة هادا..(عاود رجعو)صافي شش سكتي من البكا دابة..جاوبيني ايلول أيلول..
أيلول:واخا(مسحات عينيها بكمها)
عبيقة:ماتخافيش ماغاديش طولي عندو ..صبري..كون ما جاني باك كون فرجتك فيه..ولكن شكون عرف دابا نصيفط ليه شي شمكار يقاد ليه ضلوعو..
أيلول:لا لا عندااك..ايغد عنداك ديرها..
عبيقة:صافي صافي فهمنا ..
أيلول:خاصني نقطع دابة بسلامة
عبيقة:واخا أحبي..رتاحي مع راسك.. فليل راه نعيط ليك..
أيلول:واخا ..
وقطعات لمكالمة..وبدات كتبتاسم غير بوحدها حسات بلي شي واحد مهتم بيها ..دغيا ناضت كتمسح عينيها وكطل من الشرجم.وهادي هي أيلول لهبيلة..أما عبيقة مسكين غير قطع معاها هز الكاس لي كان حداه وخبطو حتال تهرس مبرد فيه غدايدو مدام انه عاجز وماقادر يدير والو كيبقا باباها هاداك..
نعل شيطان ومشا.جاب الشطابة والبالا وجمع داك الزاج لا يصدق مجروج بيه رياض..خدا داك لما لي فالمقراج ودارو فكاسرونة ودار فيها ليباط..وجد لاصوص..قاد الطباسل حطهم فوق الطابلة وعيط على رياض يتعشى..جالسين فطابلة تياكلو فصمت..عبيقة بالو مع أيلول..ورياض ضارب الطم خايف يجيبها فعضامو كيسحاب ليه مازال معصب منو .. شاف حتى عيا وقرر يهضر.حيت ممولفش هاد السكات بينو وبين باباه..مولفين النشاط حتى شاط..
بعد 20 دقيقة كان واقف قدام "أسواق السلام"..بلاصا المطور فالباركينغ ونزل ..دخلو وخدا من الدخلة شبكة متوسطة الحجم ..مشاو نيشان لجيهت الصقاطا ..ورياض غير تابعو مافاهم والو..ولكن غير شاف الحلوة ولي شيبس مشا كيجري ليهم..خدا شيبس حلو تما وبدا كاياكل فيه..فحين عبيقة بدا كيهز من الشكلاط والحلوة والبيسكوي لي تما وخدا حتى تشيبسات وكانيطات ديال موناضا..عمر ديك الشبكة ومشا لاكيص..كانت فيه بنت شعرها زعر فوق كتافها وعينيين زرقين باينين غير عدسات ..مع عكر حمر أراكا من بعيد..وقميجة ببضة مع شال قصير داير على عنقها..
كانت مهبطة راسها كتقرا فشي وراق وملي سمعات الشبكة تحطات فوق الكونطوار هزات عينيها وياريتها مهزاتهم..غير شافتو عينيها حوالو ..ولا قلبها كيضرب فحالا شافت العلام..كيف لا وهي غير شافت عينيه الزمرديتين داخت..تقادات فالجلسة دافعة صدرها لقدام..مبينة مافاتينها..بدا كيهز من الشبكة ويحط ليها وهي تتهز وكتحسب وعينيها عليه .
عاد نتابهات لوجود رياض وقررات تهضر معاه كطريقة للفت الإنتباه..كيسحابليها بحالو بحال دوك الوليدات الصغار الطبيعييه لي كيكونو كيوت لي ضحك معاه يحشم..
البنت:عينيك زوينين فحال عينيا..
ضار كيشوف وراه بطريقة مستفزة كيتأكد واش كتهضر معاه
رياض:معايا !!
البنت:اه معاك..
رياض:أنا بعدا عينيا دياولي اما نتي راه غير ليلونتي..خالتي جمعي صدرك غادي يضربك البرد
عبيقة حبس الضحكة..مابغاش يضحك ليها فوجها.هي وجهها ولا حمر ورجعات كتكمل فخدمتها ..أما بو زبايل رجع كياكل فشيبس فحالا ماقال والو ..واخا ضرب ليها رياض قمعة تموت ومتنساهاش..باقا مابغاتش تحشم ومرة مرة تهز عينيها فعبيقة..لي غير وصل لاكيص لاحض إعجابها راه قلت ليك الواد دا خبرة..ومع أخر كارطونة ديال الشكلاط ..هزاتها قدام عينيهم وكتبات نمرتها وحطاتها فالميكة..
نقز رياض جبد الباكية ديال الشكلاط لي فيها النمرة حاطها ليها فوق الكونطوار..
رياض:مزوج أختشي وبولدو..وهادي كادو من عندي
دخل لدار بعد ما خلا الموطور قدام باب الدار بلا ساروت بلا قفل..أصلا مايقد حتى واحد يقرب ليه غير إلا بغا يخلي دار بوه....دخل معاه دوك الميكات لكوزينة وخواهم..حاطهم فوق البوطاجي.. عزل 2 باكيات ديال الشكلاط..و2 شيبسات وكانيطا ديال كوكا عطاهم لرياض وصيفطو لصالا يتفرج فالروسوم ..حل لبلاكار لي فوف البوطاجي ..جبد واحد السلة ديال القش (فحال التبن) عندها منين تهز..حطها حداه وبدا كيستف فيها باكيات الشكلاط ..والشيبسات ولبيسكوي..ولكوكيز ولبيموات ..وحط حتى تلاتة كانيطات ديال الموناضا... خلاها محطوطة فوق البوطاجي بعد ما قادها مزيان وبشكل مرتب ..ومشا طلع لبيتو ..حيد حوايجو بقا غير بالبوكسر سد الشرجم على البرد .. ودخل للحمام طلق الشوفو ودخل يدوش..بعد نص ساعا خرج لاوي على نصو فوطة بيضة وفوطة صغيرة كينشف بيها شعرو..لاح الفوطة فوق الناموسية ومشا لماريو
( غير ماااريو سي عبيقة معندوش دريسنغ روم غا قبلو عليه ..)
جبد من المجر بوكسر كحل ..لبسو ورش ديودورن تحت بيطانو (السيد نقي يموت على النقى)
لبس توني رمادي سروال وقبية بلا سنسلة ..نشف شعرو مزيان بالفوطة ومشطو مرجعو لور بطريقة زوينة ..عاد نزل لعند ولدو لقاه نعس حال فمو ..هزو مكمشو بين يديه طالع بيه لفوق وكيبوس فيه من فمو..
حتا دخلو لبيت داه نيشان لطواليط بال وهو ساد عينيه غسل ليه ورجعو لبيت ..حيد ليه تجاكيطة وسروال خلاه غير بالشورط وإيكسا وغطاه مزيان سد الشرجم على البرد وعلى الصداع وسد جتى الباب وخرج..
. وكل شوية يطل على الساعة فالتلفون..حتى ضربات لوحدة ونص ..طفا التلفازة وناض لكوزينة..جبد لماكينة ديال القهوة وعصر لراسو قهوة كحلة بلا سكر ..خرج كورسيه لمعتاد حطو قدام الباب ورجع دخل هز ديك الشبكة والكاس..حط الشبكة ورا الباب ماكاتبانش وخرج جلس فداك الكورسي شاعل كارو وهازو هو و الكاس فيد وحدة واليد لاخرة شاد بيها التلفون..مدوز نمرة أيلول لي مدخلها ب "MaDaMty❤"حط التلفون على ودنو وكيتسناها تجاوب ..
نرجعو عند أيلول لي نسيناها مسكينة..بقات فبيتها ..حتى دقات عليها مها باش تنزل تعشا..عيات فيها ومابغاتش ..خلاتها على خااطرها..مور 10 دقايق رجعات هي ومعاد هو هاز الخبز وهي هازا طبسيل فيه مرقة ديال الدجاج. والفريت .حطو الطبسيل فالأرض وجلسو كيتعشاو مجموعين مخليين العربي يتعشا بوحدو ..كملو عشاهم فصمت .. غير معاد لي كان كيهضر مرة مرة باغي يضحك ختو حيت بقات فيها..واخا كايدابزو ديما ولكن راه داكشي طبيعي بين الخوت كتبقا ختو عزيزا عليه وعزيز عليها..خرجو بعد ما كملو ..مخليين أيلول كتصنت لعضامها...دايرا فيها بلعاني باقا مقلقة أما هي راه فشها قبيلة عبيقة ملي هضر معاها..باقا كطل من الشرجم فالسما لي تعمرات نجوم..حتى كتسمع تلفونها لي حاطاه تحت لمخدى كايڤيبري..حيت قبيلة مرجعاتوش لتحت ومع قاليها غادي يعيط فضلات تخليه غير حداها..طارت لباب سورتاتو..عاد جاوبات وهي كتخشا ففراشها..
أيلول:ألو..
عبيقة:ألو الحب..كي بقيتي..
أيلول:لاباااس ..ونتا..
عبيقة:طوب ..طلي من الشرجم..
أيلول:ههه شنو
عبيقة:وا تي طلي خلاص..
خرجات راسها من الشرجم ومشات عينيها نيشان ليه ..لي غير شافها بتاسم ليها وحتى هيا بتاسمات ليه.لا لا شرگات فمها هيا گااع..تعلقات حتى طلعات فالشرجم وتخشات فيه كاملا جامعا رجليها عندها..هو ولا غير كيضحك عليها وعلى زبايلها..حتى قادات بلاصتها مزيان عاد رجعات التلفون لودنها.. كيهضرو وكتشوف فيه وكيشوف فيها
أيلول:كاين واحد البرد زوين..كيرد النفس..
عبيقة:اه بصح..فخبارك قلت لرياض عليك
أيلول:(خرجات عينيها)أويلي وشنو قال أكيد معجبوش لحال..
عبيقة:لا بالعكس عجبو لحال وفرح حيت نتي عزيزة عليه
أيلول:ناري كنت كنحتارمو..دابة غادي نحشم منو..
عبيقة:من نيتك العمااالة..راه يالاه عندو 7 سنين..راه هو لي خاصو يحتارمك الشريفة..
نزلات من الناموسية كتقلب على شي حاجة..حتى بانو ليها ليزارات..ربطات وااحد مع واحد ومشات حلات واحد الباب صغيور كاين نيت فالگرياج(الحديد) شافها طلات وهو يقرب من حدا دارهم دلات ليه ليزار ..حزم الشبكة مزيان وتأكد أنها ماغاديش طيح ..عاد قاليها تجرها..وبقات تجر تجر حتى وصلاتها عندها غير شداتها وشافت الشكلاط الفرحة شداتها من صبعها الصغير ..حطاتها فوق الناموسية ورجعات كتهضر مع عبيقة..
أيلول:شكرا شكرا بزاااف
عبيقة:ماكايناش شكرا بيناتنا بصحتك
أيلول:علاش محنتي راسك...
عبيقة:ايلول غادي نتقلق..حبيبتي تستاهل..
أيلول:ههه ربي يخليك..
عبيقة:تضحكي لمك..اوا كولي وتكايسي لاتمرضي..
أيلول:نو ماتخاافش..
عبيقة:يالاه تصبحي على خير أحبي..
أيلول:تصبح على خير..
وقطع لمكالمة..وتلاحت على الشبكة تاتكول فالشكلاط ..كلات لي كلات ولي بقا خباتو فالماريو .ومشات تنعس فرحانة بهاد لجيست لي دار..وكتحس فحالا بدا كيدير بلاصتو فقلبها..
أنقذوني عبيقة كيبغيني الجزء الثالث
محتوى القصة
التنقل بين الأجزاء