أنقذوني عبيقة كيبغيني الجزء الثامن

جلس للعربي مقابل مع عبيقة ..كيغزل فيديه بالفقصة ..حس براسو تشمت ..عبيقة لي كان جالس بكل رجولة طالق يديه على المخدة لي متكي عليها رياض ..كان الصقيل شي كيشوف فشي ..حتى طلعات فتيحة مطلعة فيديها الصينية ..بالزربة تدخلات مروى بابتسااامة..

مروى:نعاونك أخالتي!!

فتيحة:لا لا غير رتاحي ..

وعاودات نزلات تجيب ما تبقى من الضيافة ..

فبيتها كتمشي وتجي بتوتر لي فيها ما مهنيها ..هزات جلايلها وخرجااات ..كتمشا على صباع رجليها ..حتي وصلات لصالا فين جالسين ..وطلات بشوية حتى قشعات عبيقة هو ورياض لي كان جالس فبلاصة لي ممكن ليها تشوفو .عكسهم هوما لي كانو مدرقين ...بتاسمااات وهي كتشوف فيه بقميجة بيضة مع ڤيسط گري وسروال گري سليم .. مقاد شعرو الأشقر و لحيتو الذهبية بطريقة زوينة..مبتاسم وكيهضر هو وسيمو وفتيحة لي كتسول عليه وعلى أصلو وفصلو ...بجنبو رياض بقميجة كحلة وسروال حكل مطلع شعرو للفوق ومربع يديه ..لي شافو يقول بعقلو ..اما هو منبع التشيطين .. جاتها لحالة عليه خاصها تشوفو وربي كبير..كون ما وصاتها فتيحة وقراصتها ..تدخل وتجلس حداهم دير راسها غير هبيلة..

بالزربة جبدات التلفون ..وصيفطات ليه ميساج..

أيلول:أجي للطواليط دابة..

يالاه بغا يجاوب فتيحة وهو يسمع الميساج ..عتاذر وفتح التلفون..تساؤل وعاود صيفط ليها..

عبيقة: أشمن طواليط !! مفهمتش..

أيلول:قول لماما ولا معاد توريه ليك مهم اجي بغيت نشوفك ماصوقيش ..

بتاااسم وهو كيقرا الميساج حتى بانو سنيناتو لي ماغاديش نقوليكم بيضين كيلمعو كيف اللؤلؤ ..راكم عارفين سنان لي كيكميو ..بياضهم على قد الحال المهم نقيين و ماشي صفرين ومستفين ..يااااء في وصلتونا ..(نرجعو لموضوعنا) بتاسم على حماقها ..

بتاسم على حماقها ..حنحن بإحراج طالب من فتيحة توريه الطواليط ..بغات تصيفط معاه معاد لكن عتارض وطلب منها تنعتها ليه ..بعد ما خدا النعت ..وقف وخرج من الصالا مخلي فتيحة كتردد بصوت خافت..

فتيحة:ماشاء الله شحال طويل يعلم الله اش موكلينو واليديه..

ومع الطواليط جات حدااا بيت شنيولة ..غير وصل وصيفط ليها ميساااج بلي راه جا..معرفها منين خرجاات ليه كي سيدنا قدر...طاايرة عليه معنقاااه من كرشو ..هزها حتى عنقااتو من عنقو ..مخليها معلقة فيه ..حتى حسها باغا تفك من قبضتو عاد حطها ..شادها من جوج صبيعات كيضور فيها ..ورامقها بابتسامة وهو كيشوف فيها كظور والكانظورة كضور معاها ..

أيلول:كيف جيتك؟

عبيقة:تهبلي عمري..ولكن لاش معيطة ليا باغا تشري ليا مونتيف ...

أيلول:(عوجات فمها)ياااك وانا لي بغير نشوفك سري ..

عبيقة: توحشتك ..

أيلول:أنا كتر ..اجي نقوليك..

عبيقة:قولي هانا..

أيلول:وااا لا فوذنك..

عبيقة:وعلاش..

أيلول:(كتوشوش)مابغيت حد يسمعنا ..

حرك راسو كيضحك وتحنا لعندها عاطيها ودنو ..وغير قرب لعندها ضورات وجهها لعند فمو ..وبااستو حاطا يديها على حنكو ..عكسو هو لي كان مصدوم من جرأتها المفاجئة ..حتى كملات على خاطرها وهربااات لبيتها كتضحك ..قايلة ليه قبل ما تمشي.

أيلول:مسح العكر احبيبي..

دخل لطواليط لي كانت فيها مرايا ..جبد كلينيكس من جيبو كيمسح فداك لعكر لي حلف ما يتمسح ..

عبيية:(كيضحك وكيمسح) وناري على هبيلة ههه ودابة اش جا ما يمسح هاد الزبل..

رجع لعندهم مبتاسم بعد ما نقااا وجهو مزيان ومابقا فيه والو ..وغير جلس كولشي تلفت ليه كيشوفو فيه باستغراب ومروى وفتيحة قلبو وجههم مكايشوفوش كاع لجيهتو ..شككوه فرااسو ..

ماافهم والو ضور عينيه عليهم واحد واحد لكان شي كيشوف فشي ..ومرة مرة كيضربو عليه طليلة ...حتى وصل لعند سيمو لي كان كيحرك ليه فعينيه ..مافهموش وحرك فمو بمعنى شنو ..عااود حرك ليه عينيه لجيهت السروال وباينة فملاميحو بلي شاد الضحكة بالسيف عليه ... 

للحضة فهم البلان سرط ريقو وهو كيهبط عينيه بالحركة البطيئة لجيهت المعلم..لي ما إن استقرت عينيه عليه ..زاااد خرجهم كتر ما هوما خارجين من هول لمنضر 🤣🤣..كان داير علام ..لا لا ماشي علام خيمة كبيرة ..شاد النايل سات متجه نحو الأعلى..أقرب مخدة صغيرة كانت حدااه هزها بتلعتم حطها فوق من حجرو ..جابد من جيبو كلينيكس كيمسح فقطرات لعرق لي خرجو ليه من شدة الحرج..

باش يتدااارك هاد الموقف لي ماتبغيهش لعدوه غمز لسيمو باش يهضر ..أما هو معندوش لكمارة لي يدوي بيها..

السيمو:السي العربي كيف غادي مجال التعليم!!

العربي:أحم غير ماغادي وكيتكفس أولدي..

السيمو:الله يهدي علينا هاد الوزارة وخلاص..

العربي :أمين.أمين..نمشي نصلي انا شوية ونرجع !!

الكل:الله يتقبل..

وقف وغمز لفتيحة تبعو ..غير دخلت لبيتهم ..دار عندها مضهشر..

العربي:لا لا الولد جاعر ..مايليقش لينا البنت..

فتيحة:على ما لو ..على مزيناتو راجل..

العربي:وماشتيش داك القيطون لي كان ناصب...

فتيحة:(حشمات) ويلي العربي..صلي صلي ماخليش ناس كيتسناو..

خرجات كتضحك مخبية وجهها بزيفها ..نعل الشيطان وصلا صلاتو ..مستيش أعمي العربي..راه بنتك لي جاعرة هي لي جعراتو .. 

كباات ليهم أتاي وضايفاتهم أحسن ضيااافة ..حتى رجع العربي ..تقاد السيمو فالجلسة ..وحنحن باش يلفت الإنتباه..

السيمو:أحم السي العربي كيف عارفين ليوم جينا طالبين راغبين فيد بنتكم أيلول لخويا أيغد ..

العربي:اوا اش نقول ليكم ..نتشاااورو مع البنت ...فتيحة كلمي أيلول..

مشات عندها لبيت لقاتها كتمشي وتجي غير دخلات طارت لعند مها كتسولها على كولشي ..

فتيحة:تي تبتي أدرية هنا..ايدي تكلمي لباااك..

دفعات ففتيحة وتماات خارجة حتا جرتها من شعرها مرجعااها ..

فتيحة:تي مالك طيري عليا ..تبتي ودخلي حانية راسك..

أيلول:واخا واخا..

رجعات لمرايا قدات شعرها لي خسرات ليها فتيحة ..عاد تمشات هي وياها حتى وصلو لصالا ..دخلات حانية وجهها ..كتمشى بخطوات تابتة ومرزنة وعينين عبيقة غادي ياكلوها أكل..

جلساات فبلاصة خاااوية حانية راسها ماعاوداتش هزاتو..تبعتها فتيحة جلسات جنبها ..

العربي:أيلول هاد الناس جاو يخطبوك ..اش قلتي..

هزات عينيها بشوية بدون ما تطلع راسها ..شافت فعبيقة لي غمزها عاض على فمو ..بالزربة عاودات هبطاتو حشمااانة زعمة..وهضرات بشوية..

أيلول:أشمن واحد فيهم.

كلهم خرجو عينيهم من هضرتها شي حابس الضحكة وشي قلب وجهووو..أكترهم عبيقة لي تصدم

العربي:هااداك هاداك الزعر ..

ماعاوداتش جاوبات ..نزلات تاني راسها للأرض مخلية عبيقة كيتحلف عليها وكيختار شن يدير ليها ملي يشدها..

العربي:(شافها سكتات)هااا اش قلتي..

السيمو:السكوت علامة الرضا...

عبيقة:(بارتياح)نقراو الفاتحة..

هزو كفوفهم كيقراو فالفاتحة وحتا أيلول معاهم ..العربي كيقرا ومغزف فنفسو على الشمتة لي شمتو عبيقة ولي زادت شمتاتو بنتو لي كان متوقع انها ترفض ..من نيتو ترفض وهي سيمانة وهي تقاد فراسها..

عبيقة:أحم أحم نديرو كتيب الكتاب من هنا لسيمانة والعرس من هنا لشهر ..

فتيحة:ولاش هاد الزربة كاملة ..

عبيقة:خير و البر عاجله..

العربي:ماقلتي عيب ..شحال غادي تعطي فالصداق !!

هزات أيلول عينيها بصدمة ..من وقاحة باباها ...بتاسم عبيقة بسخرية وجاوب..

عبيقة:لي بغات أيلول نعطيه ليها...

وجهاا بقدر ما سميمر رجع حمر ....العربي رجع غير يخنزر ويميق..جبدات مروى من صاكها الخواتم ديال الذهب ..ناض جلس حداها وهو حاضي المعلم لقااه نعس ..لبسو لبعضياتهم لخواتم ..ولبسها الذهب لي جاب ليها كامل..خداااو تصاور للذكرى.. وأيلول داايرة فيها الرزانة والتباتة ..حطو العشااا وتجمعو كاملين على الطبلة ..جالسة ومقابل معاها زمانها وحداه جالس العربي..حيدات لبلغة من رجليها بشوية وبدات تقلب على رجلو ..غير قاستها وبدات تمحكك معاها ..وخدااامة كتنقب من الصلاد لي قداامها ..حتى سمعات تحنحينت العربي..

العربي:أحم رجلي هاديك أبنتي..

خرجات عينيها من الحشمة ..زادت هبطااات راسها كتر فحال النعااامة ..مخلية عبيقة كيضحك عليها بالحس حيت فهم لبلان من اللول ..هي لي ماضرباتش لحسااب وغلطات فالرجل..

كملات داك لعشااا مهبطة راسها .حشمات تحشيمة العمر ..

تجمعو الرجال فقنت واحد والعيادات فقنت واحد ..مروى وأيلول لي نكرو راه كيعرفو راسهم (من نهار العيد ميلاد)..تزنگ وجهها ملي خنزر فيها العربي ..صدفة ملي حصلها كتشوف فعريس الغفلة ..بالزربة قلباات عينيها ..

عاودات حطااات فتيحة الضيافة ولكن هاد لمرة حطات العصير والحلوة مع الگاطو لي جابو ..غمز عبيقة لمروى لي كااان موصيها قبل ما يدخلو لعندهم ..فهمااتو وضارت لعند فتيحة..

مروى:خالتي واخا نخليو لعريس يهضر مع عروستنا جوج دقايق بوحدهم....من حقهم هه ولا لا

فتيحة:اه اه ضروري ..

وبدون متشااور مع العربي ولا تحاشيها ليه..

فتيحة:أيلول..بنتي سيري نتي وخطيبك لبيت لجلاس(نفس لبيت لي هضر فيه عبيقة والعربي)..

وقفات حانية راسها كيف حلفات عليها ماماها ماعاوداتش هزاتر ..وتبعها عبيقة مخليين العربي غادي يبخ الدم ...مصبر راسو بحاااجة وحدة انها غادي تزوج وتغبر كمارتها عليه 🤷🏻‍♀..

وغير دخلو لداك لبيت لي كان بلا بااب مفتوح كااامل ولكن ماكيبانوش ليهم..دارت عندو مبتااسمة ..ولكن فاجئها ملي خلاها مشا جلس بعيد عليها..

أيلول:هاااء مالك...ندمتي ياك غير قول ندمتي..

عبيقة:ألااااا ..ولكن ماقاد على تحشيمة آخرة مع واليديك..بقااي بعيدة..

أيلول:علاش..

عبيقة:القيطون أختي القيطون شافوه..

أيلول:مفهمتش اشمن قيطون..واش لي غادي نديرو فيه العرس !!

بدااا كيضحك على هظرتها ومزياان نيت لي مفهمااتوش ..ناض من بلاصتو جلس حدااها كيتصورو ويصورو فالخوااتم ..هضرو على العرس وخدااا كااع أفكارها وبآشنو كانت كتحلم ..باغي يحقق ليها جزء بسيط منهم..نساااو راسهم...تمااا حتا سمعو فتيحة من ورااا الحيط كتعيط ..عاد جمعو الوقفة ولكن قبل مااا يخرج تفقد المسائيل ورجع كل حاجة لمكاانها الطبيعي ..خاصة انهم داارو شوية ليبيتيز ..ورجعو لعندهم فين كانو جالسين....

كملو عشيتهم ناشطين ضااحكين حتااا ضربااات 7 عاد خرجو من عندهم بعد ما زاادو تافقو على الأمور وحطو النقط على الحروف ..مخليين قلب أيلول كيرفرف بالفرحة ..وغير خرجو من الصالا وناضو معاهم لباب ..طلات عليهم من الدروج حتا سدو لبااب وهي تضربها بجرية وحدة حتااال بيتها ..خاايفة من العربي ليخرج فيها غداايدو على شنو دارت..مسحات وجهها من الماكيااج وطواات هاديك الگانظورة ..من تماااك مخرجااتش من بيتها حتاال الصباح كتفيق على تلفونها كيڤيبري من تحت المخدة ..كون مابرزطها ولالله لا نااضت ولا جاوبات..كان الحوبينو ديالها هو لي كيصوني ..جاوبااات بصوت مدعدع بالنعاااس ..سادة عينيها بجوج وحاطا المشقوف فوق ودنيها..

أيلول:ألوووووو 

عبيقة:لحب باقي ناعس ولا...

أيلول:قطع قطع ..

عبيقة:اش نقطع ..

أيلول:فيااا لموت النعاس والله من بعد ونهضرو...

عييقة:نحسب حد تلاتة متفيقيش تلقايني فوق راسك..

سكتااات كتسمع ليه كتستعد ترجع تتعس..بدااا كيحسب ..

عبيقة:(بصوت حاد).واحد....جوج..تلااا..

قبل مااا يكمل ناااضت قاافزة تريكو لببيجامة طاالع كيبين صدرها ..والسروال نازل ليها السليب كيبان ..لابسة تقشيرة اه وتقشيرة لا..اما الشعر فشاااد جميع الإتجاهات..

أيلول:هانا فقت فقت والله ..

عبيقة:برااااااافو ..دابا غادي تنوضي بحال الناس العاقلين الشاطرين تلبسي حوايجك أنا نص ساعة ونكون عندك...

أيلول :فين أتكون عندي فيييين !!

عبيقة:قدام داركم ..

أيلول:(صرفقات حنكها)أويلي باغي تخرج عليا نتا..ناري ويشوفناا العربي

عبيقة:الله يستر صافا با ولا مالك راني خاطبك واقيلة..ومن هنا لسيمانة أتكوني مرتي

أيلول :خاطبنيييي !! مرتتتتك !! إمتاااا بااايت كتحلم ولا مالك...

عبييقة:واش كتهضري من نيتك..نسيتي بصح نووو تتفلااي..

أيلول:والله معاك بصح.

عبيقة: ..لبارح ..جينا انا لكوستيم ولكانضورة ..مروى سيمو .. التشلقيم..المعلم وقف ..العكر فالفم 

خرجااات عينيها ملي تفكرااات حيت بصح نسات وهي هاكا ديما ملي كتفيق كتفقد الذاكرة..

أيلول:الله يمسخك..قوول كده ياشيخ 

عبيقة:يالاه لبسي نصوني عليك نزلي ..

أيلول:أوكي أخاتشيبي ....

قطع عليها كيضحك ..نااضت سدات الشرجم عاد حيدات حويجها بقاات غير بدوبيااس ..لبسااات سروال بيض مع ضوني بيض بلا كمايم خشاتها فالسروال مع بوليرو طويل أواسع غوز بيبي وصبرديلة بيضة ..مسحات وجهها بلانجيت باش تحيد لعمش لعگز ومايدير ..عاد دارت ماكياج خفيف بزااف ..مشطات شعرها وبلاكاتو بالخف وجمعاتو كوب شوفال ..حتا سالات وضرباات تصيورات قدام لمرايا ..عاد سرات معاها جبدات التلفون من صدرها دوزات نمرتو وغير جااوب بدون ماتقول ألو..

أيلول :لا لا أخويا ماخارجاش معاك ..سير تنديرو العقد وجي ديني مرة وحدة..

عبيقة:أمالك...

أيلول:يشوفني لعربي خاارجة ينحيني والله تيضرب ليا االطر راني غادا نهز البوط..

عبيقة:البوط!! ونااري راني صونيت ليه قبل وعلمتو ..

أيلول:(حاطا يذها على نصها)وماقال والو..

عبيقة:والو...

أيلول :نخرج عادي..زعما نحل لباب ونخرج..

عبيقة:لا نقزي من الشرجم..ملي تكوني خارجااا قوليها ليه عاد خرجي..

أيلول:أك أك فهمنا ..تلاح الحب توحشتك والله..

عبيقة:هبيلة والله..

قطعااات عليه مرجعة التلفون لمكاانو الطبيعي ..حلات لباب ..تمشات حتال الصالا فين سمعات هضرتهم..وبدون متدخل عيطااات لماماها..

أيلول:ماما ماماااا..

العربي:(من لداخل)لالة العروسة فاقت ..

فتيحة:لا حول ولا قوة الا بالله..هانا جااااية ..

خرجات عندها مبتااسمة ليها على الله تغطي ليها شوية النقص..

فتيحة:الصلا علي النبي ..

أيلول:ماما انا خارجة صافي قوليها لراجلك...

فتيحة:ومعامن خارجة ..

أيلول :(قلبات عينيها) مع ..خطيبي أختي 

فتيحة:ههه الله يمسخك ..راه صونا الصباح وعلمنا..شتي الترابي شتي الصواب ..

أيلول:شفت شاااافت (بدا كيفيبري فصدرها عرفاتو هو) ..يالاه باي..

وهي هابطة فالدروج طلات عليها ..

فتيحة:تبتي تبتي خلي الزرع ينبت..

أيلول :وراااه نبت خاصو غير لي يحصدو ..تاندوز ندير ليه لاصير..

رجعات لصالا كتضحك مخبية وجهها بزيفها وهادي هي عادتها ملي كتحشم....

خرجااات قدام الباب مخبية وجهها بيديها على الشمس وكتضور فراسها كتقلب عليه ..وقدااامها واقفة واحد الطوموبيل Mégane كحلة ..كتكلاكصوني عليها ..رجعات لقداام باب دارهم مبعدة على الطوموبيل خايفة يجي ويخلطها هي ولي كيكلاكصوني ..جبدات التلفون من صدرها غير بالريط ..وبدااات تصوني ليه ..وغير جااوب تحطاات عليه..

أيلول:فينك السي هادي هي غير نصوني هبطي ..من الصباااح وانا نتسناااا فيك ..

عبيقة:هانا حبي قداامك..وكنشوفك گاااع..

أيلول:فينك اويلي تتسطااا عليا..

عبيقة:سي كنحمااق عليك..

بدات كتفرنس حتااا بان ليها خااارج من ديك الطوموبيل حبيب قلبها..بسروال تجينز زرق مقطع ..وقميجة سادها حتال لعنق زرقة ..وببروتكان كحل ..حلات فمهااا حتال ودنيها ولكن ماشي فيه ولا فوسامتو ..حلات فمها فالطومبيل لي نزل منها..قرب حتال عندها كيقاد فسروالو سد ليها فمها ..وقرب سلم عليها بلابيز ..مرجعها من سهوتها ..دغيا دفعاتو حشمااانة زعما..لي شافها مايقولش هادي هي نيت لي شبعاات فيه تباويس نهار خطبتهم...

عبيقة:واش الحب..

أيلول:فين هو الموطور !!

عبيقة:فالكاراج ..

أيلول :وديالمن هادي ..عرفتي واااعرة..

عبيقة:شريتها...

أيلول:حلف ..

عبيقة:ولينا فالحلوف دابة 😐

أيلول:وااااعرة بصحتك..

عبيقة:(غادي بيها يركبها)بصحتنا عمري..واركبي خلاص بغيتي يهبط لعربي يصدق لاصق فينا..

حل ليها البااب حتا ركبات وسدو ..عاد رجع لبلاصتو ركب ..قاد ليها السمطة منتاهز الفرصة وبايسها من عنقها مخليها مبوورشة ..قاد لراسو السمطة وكسيراااا..

أيلول :فين هو ريااض ..

عبيقة:بقااا فالكاراج مع السيمو..

أيلول:كون غير جبتيه توحشتووو..

عبيقة؛ورااه هو لي مابغاش يجي..

أيلول:اااه..(ضارت لعندو حاطااا يذيها فحناكها)جااا معاك السوگاان..

جر ليها نيفها كيضحك ..ويجرها من شعرها وتجر ليه هي ودنيه ..حتااا وصلو للمول (موروكو مول)

شراااو گاااع داكشي لي خااصهم من أمور العرس والجهاز ..سالاو تقديتهم ودازو تغداااو ..مور لغدااا داها لعند النگاافة ختاارت اللباسي ونوع الماكياج ..مرجعهااا للدار حتاال 8 ديال الليل ..بعد ما شافو حتااا الطريطور ..غير دخلات للدار بدااا عليها العربي بالنگير ..قلبااات عينيها كتعيب فيه ..ودخلات لعند ماماها للكوزينة ..جلسات فالكورسي كتشرب فالماااا ..دااارت عندها فتيحة متكية على اليوطااجي ..كتستنطق فيها حتاااا جبداات منها گاااع التفاصيل عااد سكتات وكملات غسيل لمااعن ..نتااهزات الفرصة أن ماماها ضااايرة لجيهة لاخرة وجبدااات التلفون من صدرها ..

أيلول:ماما شو في شنو شرااا ليا !!

فتيحة:تبااارك الله .باينة عليه غالي أصگعة لياام..

أيلول :ألاااا راه شراه غير بونوكازيون راه ماشي جديد..

فتيحة:هااا جاب ليك الله تلفون ..كنتي فارعا لينا راسنااا عليه..

أيلول :ناااري نسيت داكشي لي شريت عند عبيقة..

فتيحة:تي لاش تتگولي ليه عععع عبيقة ..وهو عند و سمية على مزيناتها أغيد ..

أيلول:ههه لا أميمة سميتو أيغد أييييغد الياا عاد الغااا..

فتيحة:أيغد أيغد ..تي شكون سماه هاد السمية الملاوطة ..

أيلول:مابقااتش زينة..غير متسگداتش ليك ولات ملاوطة ..

بقاااو يضحكو مجمعين...حتاااا طاب العشاااا ونساحبات أيلول بحجة انها شبعااانة ..اما هي باغا غير تفك من نضرات باباها ..

حيدات حوايجها وتخشاات ففراشها كتبقشش فالتلفون بدون ماتسورت الباب ولا تخبااا ونيت هي هادشي علاش كدباات على ماماها الله يسمح ليها ....

بعد مااا تقااد كولشي أوجد على حقو وطريقو بقاات تلتياام للعرس ..وغير لباارح عاد داارو العقد واليوم العربي حابسها من الخروج خاايفها تدير هي ويااه شي زبلة 🙄 كيف قاال..كتهضر معااه غير فالتلفون ولا بالليل ملي كينعس كووولشي كيجي تحت من شرجهم ويبدااو يترومانساو .. ضربااات عليها الجوج ونص ومازال ما صونا ..حاارت علاش معيطش ليها من الصباح ..وتلفاات بيها الأرض ..

مرة تطل من الشرجم عليه مرة ترجع لفراشها ..ولا تبقاا تمشي وتجي ..معقلاتش على راسها إمتا نعساات وهي كتسناااه يصوني ففراشها ..فااقت لقات راسها معنقة التلفون ..بعد ماتفوهااات وتكسلات ورجعات ليها الذاكرة .دغيا قلبات التلفون على أي مكاالمة منو ولكن خااب ضنها ملي ملقااات والو ..خسرااات ملامح وجهاا ونااضت كتحبو وهي كتنتر بسخط ..قضات حاجتها وغسلات كمارتها ..ونزلات تفطر .بعدااا باش تعجبني هاد أيلول يطرااا لي يطراا كرشها هي اللولة لا هلا يقلب ..الماكلة هي الأولى ..كملات على خاطر خااطرها وبقاات فالكوزينة مجمعة معااا فتيحة لي مسكتااتش من الهضرة وهي كتعاود على العرس وعلامن عرضت وبلي خاص كولشي يكون كامل مكمول .. وهي حتاا شبعت كرشها وعرفاات لمااكلة فين مشات عااد تفكرات سي أيغد لي معرفاااه فين غاطس ..غير ضارت فتيحة لعندها لقات غير الكورسي خاوي ..كانت وصلات لبيتها وكتصوني عليه مرة وجوج وتلاتة حتااا عيات وخبطات التلفون من الأرض ..ومشااات كطل عليه من الشرجم والعجيب انها لقات طوموبيلتو كاينة ..لي ماكانتش گااع لباارح ..بالزربة هزات تلفونها من الأرض جمعاتو وركبات ليه الباطري لي طرح منو .شعلاتو وبدااات تصوني ولا من مجيب بدون فائدة .. رجعات گلسات فسريرها حاطة يديها على حنااكها وكتفكر والبكية شااداها ..جاتها فشكل متهضرش معاه وهي ولفاات هضرتو ..غزلو ..كلامو البااسل ..ضحكتو .من الأخير توحشااتو و بأي طريقة خاصها تشوفو أو على الأقل غير تهضر معاه أيلول:توحشت راجلي أعبااد الله ..فففف فين غابر ياكما ندم 

وهرب .. ..عقداات حجباانها وبدات تفكر بشر ..

أيلول:حتاا قلت نتوب وندير عقلي حيت أنتزوج الساعة شكون خلاك بغيتو غير التحرميات انااا مولاتهم ..

تسنااات حتا فاتت 12 ديال الليل ..بعد ما تأكدات أن باباها نعس ..وكذلك ماماها وخوها ..هزات ليزار تلمدات بيه كاااملة ..إيه إيه هو نفسو بتااع العيد ميلاد ..خلات غير عينيها لي كيباانو ..خشات تلفونها فصدرها ..هزات سوارت الداار (الديب كدار بيه غير مرة )..

وحتى وصلات للدروج وهي ترجع طاايرة لبيتها ..حلات لمجر لي بجنب فرااشها ..جبدات نسخة من العقد ..حيت لأصلي بقااا عند ماماخا..كمشااتو مزيان وخشاتو جنب خوه فصدرها ..

أيلول:(وهي كتخشيه) الوقت والزمان هادا ..وأنا غادا هاجمة عليه بالليل ..بصدقو هاجمين علينا صحاب الحال نلقاااو الحجة والدليل ..

زادت تمخشااات مزيان فداك ليزار ..نزلات بالحس فالدروج حتااا حلات لبااب ..وهي تضربها جرية وحدة حتاال دااارو ..احم بغيت نقول دارهههم ..دقااات جوج دقاات وحطات ودنيها على الحيط كتسمع فخطوات شي حد جااي ..حتااا تحل لبااب وكانت أطيح كون مااا شدها حماار أحلامها ...

أيلول:أرسول الله ..

عبيقة:أيلول!!.

دفعاتو عليها ودخلات ..متسناتوش يقولها ليها ..داخلة وكتهضر ..

أيلول:إييه أيلول اسيدي ..(دارت عندو بنضرة درامية مصطانعاها )مررراتك ..

عبيقة:اش جابك فهاد لوقت ..

أيلول:(رجعات عند و حتا لصقت معاه كتخنزر ) خسرت عليك سهرة يمكن ..

بعد عليها شوية ماااد يديه كيوريها فحالتو ..

عبيقة:تعت الله هادي حالة شي واحد سهران ..شو في مزيان ..

طلعاااتو وهبطاااتو مزيااان ..كان بتقاشر سخااان و سروال توني هاابط عليه كامل مهلهل ..وقبية سخونة خارج من جيبها اليمين بزااف ديال كلينيكس ..وشعرو مخربق ..ونيفو حمر مع هو بيض بانت فيه ...قربااات ليه بخطوات بطيئة حااطة يديها على راسو ..خسرات وجهها وهي كتحسس حرارتو لي كانت طاالعة بزااف ..

أيلول :حبيبي حرارتك طالعة بزااف ..

هبط لعندها حااط راسو لعند كتفها بحالا معنقها ولكن يديه مطلوقين فالهواا..

عبيقة:(بتعب )كنمووووت..راسي أيتشقق..

أيلول:ششش يموت عدوك أعمري ..أجي أجي..

شداااتو من يديه مطلعااه فدروج وهو غير تابعها معندوش الجهد 

.أيلول:فين هو بيتك...

عبيقة:هاادا ..

حلاتو ودخلات ..دورات عينيها باغا تمارس هوايتها المفضلة ولكن تداركات لموقف وهي تتقول ماشي وقتو ..

جلسااتو فطرف السرير ..وبداات كتحيد ليه فالقبية .. 

عبيقة مريض 😓

مزاال أنزيدكم ..توحشتكم الزبلات 💙💙

جلسااتو فطرف السرير ..وبداات كتحيد ليه فالقبية ..

عبيقة:اش كديري ..

أيلول :عملية اغتصاب بسيطة وتعود المياه لمجراها..

ضحك بطرف فمو على هضرتها .

عبيقة:تاال دابة ..لي معنديش الجهد ..

أيلول:غير كنضحك أبب ..نتا طالعة ليك السخاانة ..ماخاصكش تزيد تسخن ..خاصك تدوش واش تقدر ..!!

حرك ليها حجباانو الزعرين بمعنى لا ..تنهداات ولاحت داك ليزار..فجنب الناموسية ..

أيلول :فين هو الدوش ..

عبيقة:رااه هو هاداك لي قدامك..

خلاتو تماااك نااعس ودخلات لدوش توجدو ..

أيلول:أحححح عند و الدوش بالبيت(سهات بتفكيرها المنحرف) ويلي ستغفرتلاه عليها كلمة(تحية للفريز🍓)..

جوج دقايق رجعاات عندو بعد ماا قادات الدوش وشعلات الشوفو ..بنفس الطريقة جراااتو للداخل..غير دخل جلس على لاشاص (الطواليط ..واهاديك فين تيجلسو معرفتش سميتها يااه 😑) عياان مهدوود ..

أيلول:حيد حوايجك ....

عبيقة:لا أختييي حتا نديرو لعرس .

أيلول:ههه فيك مايضحك بعدا ..

عبيقة:عيان والله حيديهم ليا نتي ..اه وعنداك تستغليني وتستغلي البرائة ديالي راني عايق بيك..

بدات كتحيد ليه حوايجو وهي كتضحك وهو معاونها ..حتااا خلاتو غير بالبوكسر خزي..مصدومة من الكم الهائل ديال العضلات لي فكتافو .صدرو .كرشو ..وفخاضو و ضهرو ..

وقفات شوية كتنش على راسها وهي مازال كتشوف فيه ...

عبيقة:مالك ..

أيلول:كاين الصهد ..(سكتات)يااك..

عيقة:حيت لحمام السخون ..

كاينة الزملة أختشي ماشي الصهد ..دخلاتو لبانيو ديال الحمام لي كان فيه كورسي صغير ديال الميكا .وجاات من وراه جالسة على الحااشية ديال البانيو كتهز الرشاش وكتخوي عليه الما داافي ..دورات راسها لسلة لي معلقة جنبها لي فيها الدوزان ديال الحمام ..حطاتها حداها وبدات تقلب حتااا لقاات لكيس والصابون البلدي ..

أيلول:(وهي كتقلب )حبي من إمتا مدوشتي ..

عبيقة:يوماين دابة ..كنت مريض ..

أيلول:(بينها وبين راسها) السيد نقااا من راسي انا لي كندوش من السيمانة لسيمانة ..

هزات داك الصابون البلدي وبدات تهدهن ليه فلحمو ..عاوداات شلاتو ..شوية هزات لكيس وبدات تحك ليه ..حتا قفز ودار عندها مخلوع تيبرد فضهرو لي حرداااتو منو مع كان سااهي ..

عبيقة:أححح اش هادا ..

أيلول:(هزات يدها لعندو كتوريه )كيس ..

عبيقة:أبشوية عليا أحبي قصحتيني ..

بااستو فكتفو مخلياااه مبورش ببوستها ..وكملات الحكااان ..فركاااتو كامل مخلية حنيكااتو حمرين ودازت لشعرو حتا هو فركاتو مزيااان عجبها مع رطب .. دارت ليه الخرقة والصابون وأوقفات خارجة فحالها مخليااه برغوتو بعد مااا قالت ليه يتسنااا شوية ..سدات عليه الباب باش ميدخلش البرد ويزيد يمرض ..حلات لماريو وجبدات ليه بوكسر كحل وضوني بيض وتوني گرونة ..رجعات دخلاتهم ليه لقاتو متكي على جنب الحيط..

علقاات دوك الحوايج بجنب فالفوطة ومشات قداامو هازة ليه راسو باش يشوف فيها....كتشوف فيه بحنان وكتهضو معاه بحال شي bébé ..

أيلول:هاانتا احبي ..تشلل من الصابون ومسح بالفوطة..مسح مزيااان سمعتي مزيان لا تمرض ليا بزاف ..ولبس حوايجك ..انا نوجد ليك صوبة ونجي ..صافي أعمري ..

حرك ليها غير راسو ..باستو فراسو وخرجات ..نيشان لكوزينة غسلات شي ماعن لقاتهم تما (شهدوووو هانتوما شهدووو غسلات لماعن الله أكبر)..

حلات التلاجة جبدات لخضرة بطاطا .خيزو اللفت ..الگرعة .. نقاتهم وغسلاتهم مزيان ..صلقاتهم مع الزيت والملح والبزار ..تسنات حتاا بردووو وطحناتهم فالمولينيكس ..خوات ليه فزلافة وزادت شوية لبزار من الفوق حطات طريفات الحامض فطبيسل وشوية الخبز ومعلاقة وفوطة صغيرة ..قادات داك لبلاطو مزياان ..ومع عجبهاااا بزااف وأول مرة تصاوب شي حاجة متولة هاكا...جبدات التلفون صورااتو وتصوراات معااه سيلفي ..السيدة ياااخواتي مش طبيعية بكرر مش طبيعية ..طلعاات بشوية عليها لايتكفح داكشي وتريب الحفلة ..مالقااتوش فالبيت..عرفاتو مازال فالحمام..وغير دخلات عبسااات وجهها حيت بصح بقااا فيها وهي كتشوف فيه مازال برغوتو نااعس ..حاط راسو على الحيط ..ويديه جامعهم وخاشيهم بين فخاضو ..تحنات على ركابيها كتفيق فيه بشوية حتااا حل عويناتو شوية ..وبدات تشلل فيه ..عطاتو صندالتو أوقفااتو قدامها ..جاامعة فمها كتخمم فداك الگرصون كي غادي دير تحيدو ليه باش تلبسو واحد جديد ..

أيلول:هاانتا بب عاوني صافي ..أفففف على وجلة 

هو غير حرك راسو باه ما فاهم والو 

جابت الفوطة لواتها على نصو ..وطلعات يديها معاااه وهي غادي تموت بالحشمة وقالبة عليه وجهها ..هو غير مهبط راسو لعندها وكيطل عليها بتبسيمة عياانة ..حتااا هبطااتو وهز رجليه ...هزاتو ورماتو فالبانيو حداها حتاا تصبنو حيت فزگ ..جابت الجديد وتحنات لعند رجليه ..هزهم شوية وبدات كطلع فيه ..حتى وصلات للمركز وهي تخرج عينيها ملي حسات بيديها قاسو شي حاجة ..

أيلول:قست شي حاجة ..اويلي قست تمااا..

عبيقة:اش قستي(طانز عليها واخا مريض هو اصلا حس بيها قاست لمعلم وفهاااد اللحضة قاام واستقام وامتدت العروق )..

أيلول:احم والو ..وااالو 

حيدات ليه لفوطة بعد ما طلعات ليه البوكسر لتنصدم الصدمة التاالتة لها داخل هادا الحمام ..ملي شافت حبيبي فالشيبي واقف باغي يسلم عليها ..زرباات عليه لبساتو السروال كتولول فخاطرها على رجليها وفين جابوها ..كملات ليه االحوايج وخرجاتو .نيشان لفراشو وهو باغي غير فين يطيح ..سولاتو على الدوااا نعتو ليها ..شرباتو ليه ..وجابت ديك الصوبا كتوكل فيه وتغمس ليه بالخبز ....

حل عينيه غير بزز كيتقااتل مع النعاااس ماباغيش يسد عينيه ويتحرم من شوفتها وهي كتهتم فيه حيت من زمااان ما هتم بيه شي واحد هاكا ..هز ليها يديها لي كانت حاطة فوق كرشو ..حتاال فمو وباسها فكف يديها حتااا تسمعااات لبوسة مع سكون الليل ..ومع فمو سخون بالحرارة لي طالعااه جات لبوسة هي هاديك ..غطاتو فبلاصتو وجات حداه كتمشط ليه فشعرو بالمشطة لي لقات حداها فوق الكوافوز .كملات وباستو فرااسو ..خايفة عليه وفنفس الوقت كتفقد حرارتو لي لقاتها نزلات شوية ..طلات عليه لقاتو نعس..حلات لباب مخرجة معاها البلاطو حتاا كتسمعو عيط ليها ..

عبيقة:أيلول ..

أيلول:هممم ..

عبيقة:خليك معايا..

أيلول:(بتاسمات ليه ) نهبط هادشي ونطل على رياض ونجي ..

عبيقة:واخا...

يتبع ...

الجزء الأخير بعد قليل ..