هبطات داكشي لكوزينة ورجعات للفوق ..كتقلب فالبيوت لي كاينين لفوق حتاا طاحت فبيتو ..لقاتو فسابع نومة ..غطاااتو من البرد ورجعات عند لكبيدة ..لقاتو حال عينيه بواحد الطريقة خلاتها كتكرشخ عليه بالضحك..مخرج عينيه وحالف لا يسدهم ..
أيلول:واههههههه مالك داير هاكا ..
عبيقة:(غوبش)اه ضحكي نتي لي جات مع مك ..
أيلول:ههه علاش مالي ..
عبيقة:راني ماباغيش نسد عينيا باش منعسش حيت كنتسنااا فيك..
أيلول:وصافي صافي (قالتها فحالا كتهضر مع ولد)
عبيقة:بعدي مني ..
تخشااات حداه ..
أيلول:مالو ولدي انا مالو اش بغاا..
عبيقة:عنقيني ..
أيلول:هااااا لي مابغيناش واالا لا ..
عبيقة:خههه مالك اختي ..
أيلول:ملي قلتي ختي والله حتااا نعنقك ..
جمعااتو لعندها كامل معنقاه وهو مخشي فيها ..واخة مقداتش تعنقو كااامل حيت مقارنة بالحجم ديالها كبير عليها بزااف بقات معاه كتفقد حرارتو مرة مرة وتمشط ليه فشعرو بصبعاانو حتااا نعس
..ضربات على الساعة لي فالحيط لقاتها تلاتة ونص ..ناري تناكت على جد جدودها ..رخااات يديها عليه حيت كان نعس ..وخرجات من الفراش بشوية تلوات بليزار قربت ليه باستو فراسو ..جات تشوف فيه لقاااتو فاق ..ناض قافز ملي شافها غادا بوحدها ..
عبيقة:(بصوت كيخلع)فين غادا ..
أيلول:للدار ..تتتت تعطلت
عبيقة:وكونتي خارجة بوحدك بسلامة ..
أيلول:اه علاش ..الدار غير جوج خطوات ..
خنزر فيه وخرج من الفراش كيسد فالكابيتشو ديال التوني..
أيلول:فين غادي ..
عبيقة:نوصلك..
أيلول:ولكن نتا راك مريض ..انا أنمشي بوحدي ..
عبيقة: برييت ..تحركي قدامي ..
خرجو من الدار مسافة جوج دقايق تقريبا كانو قدام الدااار ..خدااا من عندها السااروت حل لباب دارت ليه باي باي بيديها ودخلات ..مع جااا راجع فحالو بانو ليه جوج دراري شادين واحد القنت بجنب داار أيلول ..عاد مازاد تفقص وتعصب ..على كون خرجات بوحدها شنو كان يقدر يوقع ..بالفقصة مشاا ليهم ..
عبيقة:تحركو تقودو من هنا ..
الدراري كيعرفوه مزيان وعارفينو خاسر ..جرو بعضياتهم بالسيف حيت جايبين الكاو .ومشاو من تما ..ضار واحد منهم شاف فيه ..
عبيقة:وااااا زب***ي بقا حاضي تانجي نفرعهم لمك ..
دازت ديك الليلة بيخير وعلى خير ..وجاااو موراها ليالي كانت أيلول غير كتساعف فيهم مع العربي لي زااد كرهها فحياتها كتر..كتقول مع راسها مابقا والو ونتهنا ونعيش مع لي كنبغي حيااة جديدة
أيلول:وا كنسمعك .. هظر ..أيغد أيغد
عبيقة:وييي حبي مكانش عندك الريزو يمكن !! ...
أيلول:يمكن ..
عبيقة:نشفات للحنة ولا مازال ..
كتشوف فيديها لي منقوشين كاملين مع صباغة باج غامق ..وباتسامة مزينة وجهها ..
دازت ليلة حنتهم لي كانت بسيطة كتجمع غير لعائلة وصحابهم ..نقشات غير بزز ..كل مرة تشوف فأيغد وتضحك عليه ..حيت عدوه للحنة..شطحو ونشطو وكل مشاااا لدارهم حيت تاابعهم نهار طويل غدا لي هو ليلة عرسهم ..نهارهم لكبير ..لي حلمو بيه طول حياتهم ..ليلة لي غادي يوليو فيها قلب واحد ..منعسااات ديك ليلة حتااا دخلات عليها فتيحة على غفلة باغا تاخد شي تخربيقة من أمور العرس حيت خبااو كولشي فبيت أيلول على السحر والعين خصوصا أن الدار مخلطة بالناس ..لقاتها مازال كتهظر فالتلفون حيحااات عليها حتااا قطعات بحجة ان تحت عينيها غادي يصبح كحل ..
على النبوري ..فيقاتها ماماها باش تمشي للحمام..مع 7 ونص كانت كتفطر وفنفس الوقت كتهضر مع أيغد لي صبح لاباس عليه وناض يقاابل عرسو ..ويوقف على كولشي بيديه ..
وصلات الحمام هي وبنات خالتها جوج أواحد بنت عمتها ..خلصو الطيابة لي عزلات ليهم بلاصة بوحدهم ..قادوها بالشمع حاطين قدامهم الورد مجفف والغاسول والحنة ..جلسوها الوسط كيصليو على النبي ويغنيو..
جاات الكسالة او ماتسمى بالطيابة غسلات ليها لحمها مزيان هو وشعرها ..خرجات قبل لبنات حناكها مزنگيك بقوة السخونية ..ملوية فبينوارها ..فرشات فوطة وتوسدات صاكها .وتسرحات تترد النفس ..بينما خرجو بنات عائلتها ..وفعلا ماكاملات 20 دقيقة بدااو يخرجو وحدة وراا وحدة ..لبسو حوايجهم وتوجهو نيشان الصالون مع جوايه 10 ..
غير دخلات للصالون جات عندها لكوافورة كتغوت عليها حيت تعطلات ..جرااتها من يديها مدخلاها دير لاصير ..
الكوافورة:يالاه يالاه راه معطلين ..حيدي حوايجك .
أيلول:حوايجي لاش!!
الك:وراه غادي نديرو لاصير ..
أيلول:ياك غادي نحيد الزغب من وجهي ومن يدي ولاشش نحيد حوايجي كاملين أيضربني البرد أختي!!
الك:وداااك السلطان لي عندك تمااا مناوياش تحيديه!!
أيلول:شناااهوا !!
شيرات ليها للتحت ..مع الخلعة شداات فيه كتضور راسها بلا ..هاديك الكوافورة جاتها الضحكة عليها..جلساتها فداك البياص وبدات تهضر معاها وتفهمها وتشرح ليها ..بزز وبمشقة الأنفس باش قدرات تقنعها ومع نيت كانت حشماانة كملات الباهية ..
حيداا السروال وبداو فالعملية وأيلول كل مرة تجمع رجليها ..تفقصات ديك الكوافورة وبغااات تندب حناكها ..
نقص من السرعة شوية وبقاا صايك بيد وحدة واليد التانية قربهااا لوجهها .وطلع الطرحة لفوق راسها ..ليتوقف الكون فديك اللحضة فعينيها المارون المكحلين من للداخل ومع الشمس ضاربة فيهم جمال من نوع آخر ..لحضة سكون وتمعن ..رجع من تأملو صوتهااا كيذكرو بالطريق ..رجع مركز فالطريق جابد من جيبو كلينيكس ..مسح قطرات من العرق خانوه ونزلو من جبهتو وهو كيشوف فعينيها طامع فكتر وكتر ..
خباات فمها بيديها كتضحك عليه وهو ممركزش فاالسيااقة تالف باغي يرجع يكمل فيها الشوفة ..
أيلول:هااااا مقلتيش ليا كيف جيتك..
عبيقة:جاتني فالراس أحبي ..
جبداات تلفونها كتسنابي معاه وتصور فراسها وفيه ...حتاااا وصلت للدرب..لي كانت فيه قااعة متنقلة ..مبينية على طول الشاريع من بداية دار واليديها لتقريبا فايتة دااارها هي وياه ..من بعيد كيبانو ليها الناس المعروضين..فأبهى حلة خارجين يستقبلوها مع فرقة الدقاايقية ..بدون شعور بدات كتڤيبري غير بوحدها والفرحة شداتها من صبعها الصغير ..
عبيقة:(وهو شاد يديها) سمحيليا هادشي لي قدرت ندير ليك ..غير قاعة متنقلة ..
أيلول:أويلي على مسطي كيف داااير ..وراه هاد لقاعة ومكنتش كنحلم بيها ..ولبس قدك يواتيك العمر ..
باس يديها تحت نضرات الجميع لي كيطاالو عليهم من الطوموبيل ..تحت أنغاام الدقاايقة ..نزل كيسد فالصدفة ديال الكوستيم ..مشااا لجيهتها حل عليها الباب ..كانت هبطات على راسها الطرحة قبل مايوصلو ..عاونها حتااا خرجات ..جا عندهم رياض كيجري بكوستيم رمادي وبابيون رمادية ..كيتعلق فباباه ..هزو بااسو من فمو ..وهبطو ..عاود مشا لعند أيلول لي تحناات عندو وهزات الفوال غير شوية وباستو حتااا هيا ..شاابكو يديهم ودخلو والنكاافات كيصليو على النبي ..
توجهو لبرزتهم لي كانت فالبيض مع جوج مخيدات فالجناب..وجوج ساريات مزينين بالورد جنبهم ..القاعة كانت متوسطة فاللون الغوز بارد والبيض وكذلك الطوابل والكراسا ..عامرة غير بعائلتها وصحابو وشي نااس كيعرفهم ..
قالت ليه النگافة يحيد عليها الطرحة ..وهو غير مخنزر ..حيدها ليها والكاميرات كتصور ..
النگافة:قرب ليها وبوسها من جبهتها باش نصوروكم..
عبيقة:(مخنزر) كنعرف نبوس مراااتي الشريفة ..متعاوديش ضوري هنا ..
النگافة:(بقات كترمش) وخدمتي !!
عبيقة:ديريها من بعيد ..
مشات ديك النگافة لي بقات مصدومة موالفة بالعرسان كيوت وضريفين وكيحشمو ..هادا معندوش وجه المراگية ... باسها من جبهتها ..كيشم فريحتها حلف لا هو حيد شلاقمو من وجهها حتااا بعدااات راسها كتضحك عليه وعلى وجهو كيف ولا..
دوزو جوج لبسات لغوز بيبي والزرقة تيركوا ..كل وحدة وستيلها ..فكل لبسة كان كيتبهر فيها كتر وكتر ..حطو لعشا لي كان الدجاج محمر ..تبعوه باللحم والبرقوق ..والبسطيلة حلوة ..والديسير والموناضة ..جلسو فطبلتهم الملكية ..لعرسان أواليديها و خوها ورياض وسيمو ومراتو ..لكاميرا كتصور وهو ماعلابالوش كيقطع ليها بالموس ويحط قدامها ..ما مصوق الكاميرا لا للعربي لي كيخنزر فيهم ..كيهز بالفورشيط واخا مكيعرف منين يشدها ..أويكلها وهي غير كتسرط وتقول ليه زيدني ..مباشرة مور لغدا لبسات اللبسة الفاسية وطلعوها فالطيفور هي وياه بجبدور صفرة..قربو ليهم الطيافر وقف وقرب لعندها متلين لينا اللقطة لي فكل عرس كتدار ..باسها فراسها ..كملو بيهم الضورة فالطيفور ..ناض أيغد كيشطح والمغني كيردد
"ولاهيلا بصح لعريس كيشطح" ..
داارت حتا لبسة خضرة ونقشات قدام لكاميرا واحد الصبيع خلاتو خاوي لهاد اللحضة ..ولابد ماتسالي ليلة العمر بالكسوة البيضة ..بغوب بيضة مزيرة من الصدر بالدونتيل فالكمايم ..مزيرة حتا من الخصر ومطلوقة من لتحت فحال البرانسيس ..مع شعر مطلوق على طولتو وتاج صغير جامع ليها القدام منفوخ ..عكر غوز ومكياج ملائكي(خفيف) بوكي بيض وسطو جوج وردات غوز ..خارجين من دار واليديها حيت هي فين بدلو حوايجهم ..شاد فيها راجلها وحلالها بكوستار كحل ..قميجة بيضة وبابيون كحلة بابتسامة لامعة دخلو للقاعة لتتفاجئ من گاطو ربعة الطبقات محطوط فطابل جنب جلستهم ..شافت فيه ..كتافا بابتساامة وكملو طريقهم ..تحت أنغام .."طلي بالأبيض"
موصفتش بزاف فالعرس باش منحمضهاش ..
واقفين الناس المعروضين كيصفقو كلهم ناس شعبيين من أجياء شعبية ..حس البراهش لي تيكونو مجمعين قدام العراسات مكاينش ..الخوف وميدير ..ماماها جابسة البكية غير بزز..رياض كيصفر ويصفق ومعاذ .كيبلاني فداك الگاطو منين يدوز ليه ..تواني معدودات كانو قدام جلستهم ..طلبات منهم النگافة من بعيد يوقفو ياخدو صور ..وفعلا داكشي لي دارو ..وهو ما لي كيختارو اشمن بوز يديرو ..شبعو تصاور ..ورجعو جلسو فبلاصتهم والصواني ديال أتاي مع البلاطوات الحلوة كيتفرقو ..عياات صابرة تتگليط تابعة واحد السرباي بعينيها فينما داز تبعو بشوفاتها وهو جاري معاها..
عبيقة:نجيبلك نمرتو ..!!
أيلول:(بدون شعور) جيب ليا داك لبلاطو لي فيديه..
بتاسم حتا بانو سنانو ..وقف كيسد فالكوستار ..وهي كاسناه شنو غادي يدير ..وشوش شي حاجة لكاميرامان باش ميصورش ..ومشا لعند السربايا ..وبنادم حاضيه اش باغي يدير ..هز من عندو لبلاطو كااامل وجابو ليها ..حطو ليها فوق ركابيها وهي ريوگها سايلين .لي زوين فيهم بجوج صون صوقك ..
عبيقة:بصحتك الحب كولي رزقك..
قالت بسم الله وبدات هادي تنفع هادي ضر .
أيلول:(فمها عامر)بغيت اتاي ندوز بيه..
عبيقة:مضسريش تاني ..
شافت فيه قالبة فمها بلعاني ..ناض بلا هواه جاب ليها كاس وجا ..كملات مسح ليها فمها ونفض ليها كسوتها من الفتات ..جات النگافة ومن بعيد تاني..طلبات منهم يوقفو باش يقطعو للكاطو ..قطعاتو شادة فيديها ..والمصور كيصور وكلاتو طرف أوكلها حتا هو ..ورجعو لبرزتهم ..مخلي السرباي المكلف يسربي الناس ويفرق عليهم ..معرفاتش امتا تسللو الدموع لعينيها ..اكيد ماغاديش تبكي حيت اتفرق باباها ولكن اكيد غادي تبكي على فراق ماماها ..خوها ..ولا يمكن يكونو دموع فرح ..أخيرا تهنات من جحيم العربي ..زادوها قطرات الدموع جمال من نوع أخر ..جا وقت الفراق ..شد ليها فيديها وقفو خارجين تحت أنغام ..
"عم أفرح انا عم ألبس خاتم عمري بالإيد💕يارا"
خرجو قدام للقاعة فين واقفة الطومبيلة ديال عبيقة لي مزوقة بزاف والمضهر ديالها كيدل على انه عرس ..واقفين وراها المعروضين ربعهم تقريبا .خارجين يودعوها ..تقدماات ماماها عنقاااتها ..وما إن حضناااتها بدااو دموعهم فالإنهيااارر.بزز باش تفارقو ..قربو سلمو عليها واحد ورااا لاخر ..عبيقة ما فاهم والو غير كيحك فراسو باغي يمشي خلاص ومن ناحية أخرة بقاات فيه ..بان ليها العربي جاي لعندها يودعها بالزربة ركباات فالطوموبيل خلاتهم غير كيشوفو فيها .. وركب حداها حتااا كان غادي يديماري وهي تشوف رياض كيتنخصص ..قالت لمهاا تجيبو ليها..جلسااتو فحجرهااا كتسكت فيه ..عبيقة نسااه گاااع عاد تفكرو ..ضورو عندو وبقااا تيحزر فيه ..
عبيقة:عاااار ربي لمااا سكتي ..سرواالي غادي النصلو عليك هنا ..
مع كانت حابسة الضحكة ..طلقاااتها بزز حتااا خرجات ليها الخنونة على شكل نفااخة كبيرة من نيفها ..خلاتو كااز عليها بالضحك ..بالزربة مسحات نيفها ..وضرباات الطم احتراما للكرامتها لتبهدلات ..هو عندو عادي دغيااا قلبها غناااااا
تيغني وكيدق عليها وهي أصلا مافاهماااهش اش كيقصد جابدا التلفون وكتصور بعد ما سكتات من البكااا .
غادي وكيغني ناااشط ...وحتااا هي كتر منو ..جاها على گاانتها ماكاين غير الشطيح والرديح ..دغيااا نسات دموعها وقلبتها ضحك...
أيلول:حبيبي ..
عبيقة:نعااام أعمري ...
أيلول:جاني الجوووووووع..
عبيقة:هاااحنا قربنا نوصلو لوطيل وكولي ..
أيلول:لا داابة فيا الجوع والله ..
عبيقة:مايكون غير خاطرك ..
قلب الدورة راجع لملگدونالدز كان داااز عليها فطريقو ..بغااا يطلب المااكلة غير من الطوموبيل ..ساعة دخلو للداخل تحت إصرار أيلول لي مكتبغيش تااكل مزروبة ..كولشي الناس لي كانو جالسين تما كيشوفو فيهم..وهو هاز ليها طرف الكسوة باش متعكلش ..بغوبها البيضة كتبااان فيها فحال الملائكة ...جلسها فالطبلة ومشاا يضوموندي لماااكلة ..ورجع لعندها بينماا وجدات ..شااد ليها يديها وكيضحكو ..مرة يبوس ليها يديها مرة يجرها من شعرها ويرجع يقاد ليها التااج .. ..مهم خالقين جو بيناااتهم مخليين كولشي كيشوف فيهم..حتااااا وجدااات لماكلة مشااا جاب ليها "هابي ميل "وليه هو خداا غير گاافي يرد بيها المجاااج وملي بغاا يخلص قالت ليه البنت لي مقابلة لاكيص:
البنت:نو موسيو الحساب مدفوع من طرف المحل بمناسبة زواجكم ..
بتااسم ليها و رجع لعند مراتو ..مخرجها من تماااا غير بزز ..وكملو طريقهم من جديد للأوطيل ..
دااخلين للأوطيل سانك إطوال نص فلوسو حطهم فيه والنص لاخر فالعرس ..دازو لغيسبصيون ياخدو السوارا وكولشي حاضيهم ..طلعو فالساانسور ..مخليين لي مكلف بالحقائب يتبع ليهم لباگااج ..
حل ليها الباب قال بسم الله وذخلو ..مع دخلو مع تلاح فوق االناموسية بعياااه ..
عبيقة:ففففف عيييت بالله ..
أيلول:تااا أنااا كحاااز شوية ..
جمع رجليه مخلي ليها لبلاصة ...وترمااات تاهيا حدداااه وكسوتها خباااتو كامل خلات غير راسو لي كيبان ..شوية فحالا تفكر شي حااجة وناض واااقف كيشوف فيها ...هي كانت مغمضة عينيها
عبيقة:أيلول نوضي ماشي وقت النعاس ..(بشر)تابعاانا لخدمة أحبي ..
تسمع الدقان فالباب .مشااا حل لقاه السيد لي مكلف وصل ..خدا من عند و لفاليز ..ضور معاه ومشااا فحالو ..رجع عندها لقاها مازال سادة عينيها ولكن ماناعساش غير مسترخية ..دار ليها الطياارة حتااا ناضت ..
حلات عينيها وبغات تنوض ولكن لكسوة حبسااتها .منضرها جاب ليه الضحكة ..جرها من يديها حتااا وقفات وجااا من وراها ..كيهضر فودنيها بشوية بطريقة بورشاتها .
عبيقة:مصهدااتكش هاد لكسوة ..
أيلول:(كتنهد)بزااف ..
عبيقة:حيديها باش تخفافي شوية ..
أيلول :واخا..ارااا لفاليز لهنا ..
عطاها ليها كانت موايان ..دخلاتها معاها ودخلات... تلاح تاني فوق الناموسية كيحلم ويتخيل ..
ماكاملاش 6 دقايق سمع لباب كيتحل ... وقف كيشوف فالباب وكيتسناها تخرج وعقلو كينسج صور من رحم الخيال ..لينصدم صدمة عمره ..لدرجة انه وقف عن الكلام وعن الحركة ..كيتأمل فهاد لعجب لي خرج ليه من الحمام ...دازت من حداه وتخشااات فالفراش كتهضر معاه زعما ..
والو السيد مصدوم ..شبه غائب عن العالم ..بسيف ميتصدم صدمة عمرو وفليلة العمر من الفوق...بلاتي نوصفها ليكم خاصها وقتها بووحدو هادي ..خرجات لابسة بيجامة سخونة فالگري مصور فيها ميكي ماوس ومن لتحت لابسة كول مونطي كحل مغطي ليها عنقها كامل ..تقاشر طوال خاشياهم فالسروال حتااا هوما سخان بزااف ..جامعة شعرها باااتشة بزيف حياااتي ..ومعرت اش دااهنة لوجهها كيبري ..اودي الهضرة بزاف والسكات حسن ..
تواني وهو كيحاول يستوعب هادشي لي شااف ..عاد قدر يضور عندها ..تنهد كيحاااول يضبط اعصابو ..عارف راسو تزوج بهبيلة ..
عبيقة:أيلول اش هادشي !!
أيلول:شنو ماالي !!
عبيقة:اش هادشي لابسة احبيبة
حيدات لغطا كتشوف فراسها وفحوايجها .
أيلول:امممم بيجامة ..تقاشر وكول مونطي من لتحت ..علاش ؟؟
عبيقة:اللهم طولك ياااا روح...
ناض دخل لحمام فين كاينة لفاليز مخليها غير كتشوف فيه ..حل لفاليز ..وبدااا كيقلب وسط حوايجها ..حتااا لقاا شنو بغااا ورجع لعندها تاااني ..
كاان هاز فيديه شوميز حمرة من الساطان مامشبكة ما والو جايا سامبل وبجوج خويطات شادينها من الكتاف...فيها فرقة صغيرة من جيهة وحدة مشدودة ببابيون حمرة حتا هي ..هاازو فيديه طالقو كااامل شادو غير من دوك لخيوطة كيوريه ليها ..
ناضت وقفات حداه بالجهد لي فيها ..كتقيس فالتوب ديال الشوميز
أيلول:اللللله شحال رطب وملس ..كيبري
عبيقة:عجبك!!
أيلول:اه زويين ..ففنن
عبيقة:تجربيه ؟؟
أيلول:اممممم لا بلاش عياااانة مافيا لي يحيد ويعاود يلبس... اصلا راه البرد ..
عبيقة:(حط يديه على وجهو من قوة العصاب)الصبر اربي الصبر ..غير نوضي راه البيت كليماتيزي !!
أيلول: فففففف
عبيقة:واغير ديري ليا خاطري عفاااك احبيبة ..
أيلول :واخا..
خدات من عندو الشوميز .. ومشات سدات عليها فالحمام..لبسااتو جاها لاصق حيت اصلا شراااوه عبااار عليها ملي خرجاات هي وياه واحد النهار يتساراو ..
فالحمام:
كتمشط فشعرهاا على طولتو لي حيدات ليا الزيف وكتضحك ..
أيلول :واااع هههههه بقا ليه غير يجي يشدني بزز ..هههههه أنحمقو ليوم...عجباااتني هاد التبهلة لي درت عليه ..
من برا:
عبيقة:كبيدة طلقينا لفراجة ..
أيلول:جوج دقايق ..وأنا معاك
كملات ضحكها على خاااطرها ماخرجات من الحمام حتااا سمعاتو كيدق عليها باغي يفرع الباب ..مسحات داك العجب لي كانت ذاهنة لوجهتا ..دارت گلوز وخرجات كتمشى بالحفى على صبااع رجليها ..
لي غير شاافها وقف أوقف معاه حتا الشي لاخر...
بقااات واقفة فبلاصتها ..مهبطة راسها للأرض زعما حشماانة ..عيااا يبقا صاابر فالآخير مشا لعندها ..كيضور فيها بجوج صبعاان باش يشوفها كيف جات ..وهي كيف الهبيلة كتضور من نيتها ..وشعرها كيضور معاها كاامل حتاا كيضربو فوجهو ..محااسش بيه ..عقلو ماااحاضرش معاه ..عقلو معاها ..
جرها من يديها كيف الأمانة مجلسها على طرف الناموسية..غير كيشوف فيها كتفرك فيديها من شدة التوتر ..معرف منين يبداها .ماشي مكيعرفش وإنما الحلال شي حاااجة آخرة مختلفة تمااااما عن الحرام لي كان مولف بيه ..بهدوء قرب يديه من شعرها لي طاايح على عينيها مرجعو ورااا ودنيها ..وهي غير قاس ليها ودنيها ركب فيها الجهل ..والسخااانة طلعااات معاها..بيني وبينكم بغاااتو غير إيمتا يبدا فالمبااشر ..ملي شافتو عااود رجع غير يشوف فيها ..تقلبااات لجيهتها بااغا تتعس زعما ..
عبيقة:اش كديري ..
أيلول:(وهي كتغطا)أنعس عيييت ..
عبيقة:واااا لا لا تم لااا...
تخشاااا حداها فالفراش غير بالشورط ومن الفوق عريااان ..عااد مازاد كمل عليها بالبيااان ..ومع كااانت متكية على ضهرها وحااطة يديها بجوج على كرشها ..جاتو سااهلة دغيا نزل عندها كيفرق فبوسااات خفاف جنب فمها وفوق فمها نيت ...واخة مكتعرفش بقاات غير متبعاااه ..عاايشة اللحظة بكل تفاصيلها ..ولكن غير شاافتو حبس كيحل فسيور الشورط بيد وحدة ..دخل معاها الزاايد ..حبساااتو مبعد ليه يديو من فوق صدرها ..عرفهااا خايفة ومخلوعة ..عنقها عندو كيهمس فودنيها ..
عبيقة:غير من الفوق ماتخافيش ..
أيلول:(بنفس النبرة) لا خاايفة ..
عبيقة:ماغاديش تخلي حبيبك بلاش ..نطرطق انا هممم
أيلول:طفي الضووو
عبيقة:(كيتنهد )غير خليه ...
أيلول:لا طفيه ..
عببيقة:انديرو حل زوين تسنااي ..
بعدها من صدرو ونااض من النااموسية فتجااه لانگااصة ديال الضو ..كانت فيها واحد اللعيبة تقدري تزيدي فحدة الضوء وتنقصيه .مشا هو نقص منو خلا غير شوية ..ورجع لعندها يكمل ماااا بداا ..
لقاها غير كتشوف بعينيها مبلگااهم فيه وااخة الضلام شوية ..كولشي كيبان تقريبا ..رجع كيبوس فيها غير بشوية باغيها تجاوب معاه ومتبقاش خليفة منو ..وفعلا نجح فهادشي..بدا صوت تنهاادها كيتسمع فأرجاء الغرفة ..متازج مع سكون الليل ..حيد ليها الشوميز غير بالخف ..بدا كيقيص فيها كاااملة وهي مع كل حركة كتهز بالتبوريشة ..نزل يديه غير بشوية باش يحيد ليها السليب .وهي تخلع حطات يديها فوف من يديه مانعاااه يهبطو ...باسها فحنكها بشرية كطريقة منو باش يهدنها ومتبقاش خايفة..
عبيقة:ماتخافيش .
أيلول:أيغد ..بلاش .
عبيقة:ماغادي ندير ليك والو ..متخافيش أحبيبة ..
تنهداات بحيرة بين شعور انها تخليه يدر لي بغا حيت حتااا هيا عاجبها الحال ولا تمنعو حيت خايفة بزاف ..
مع سمع تنهيدتها رجع كمل كيحيد ليها فالسليب ..حتا نزلو ليها كاامل ورماه وراه ..ومع كانت سادة عينيها ..مشافتوش وهو كيحيد فالشورط متبعو البوكسر ..حتى تسمع صوتها غوتاااات بأعلى صوتها ..لي تسمع فداك الطاابق كامل .كدليل على ان ليلة الدخلة دازت ..تبعوها دموع من قوة الألم لي حسات بيها ..نزل لعندها معنقها وهو مازال فمرحلة الإيلاج(يعني مازال مدخلو فيها )..
عبيقة:ونتي من نيتك متيقاني ..لاحنا جايين لاوطيل باش نديرو قيام الليل ..راه جايين نفرتكو الرمااانة ..
أيلول:صافي غير سكت خليني نتصنت لعضاامي ..
قبلو على سفاالتي مكنعرفش نكتب فيها مزيان .. 😂
معارفش علاش مقاادرش يجمع فمو من الإبتساامة ..فرحان حيت ملكها قلبا وقالبا ..جسدا وروحا ..بقا وااقف فوق راسها حتى قبلات تنوض تدوش ..دخلو بجوج للدوش كل ودوش لراسو ..ماكايناش ديك لقضية ديال دوش ليها وغسل ليها شعرها ..حدو عاونها شوية وصاافي ..كملو تدواشهم كل لبس بينوارو وهي لاوية على شعرها فوطة ..هزها مخرجها ..وحطها وسط البيت ..
عبيقة:داابة اتمشااي شوية الفركة ..
أيلول:أأأأيغد بلا متزيد عليا ..والله حتا موعتة بزاف ..
شد ليها يدها باسها كاعتذار ...شدها من يديها كيمشيها شوية فالبيت..حتااا قالت ليه بلي عيات ..رجعات تكات فالناموسية ..ومشا هو جاب ليها حوايجها حطهم حداها ومشا يلبس حوايجو ..رجع لقاها كتلبس فالفوقاني ديال البيجامة ..نشفات شعرها بالفوطة وذهنات ليه السيروم ..باش ميطلعش السما فالصبام ويصدق مشوهها مع عريس الغفلة ..وتخشااات حداه فالفراش هو لي كان سبقها ..عنقها لعندو ..كيشم فريحة شعرها لي تخلطات مع ريحة السيروم والشمبوان ..
عبيقة:أول ليلة لينا كي جاااتك!!
أيلول:ماسخة فحالك..
عبيقة:لاااابد من المسخ العمر ..
أيلول:(عنقااتو)نعس نعس الماسخ ..
زيرها لعندو كيضحك ...وماهي إلا دقائق حتى سمع شخيرها خفيف .يحمد الله لي جا فيه الخفيف اما كون جاااه التقيل كون هرب من حداها ..وماجا فين يستوعب انها كتشخر حتى طلقتها عليه بحزقة نوووو اعتذر قنبلة نووية تلاتية الأبعاد سد نيفو كيضحك بجهد عليها وتقول واش تقلبات ولا تململات بالعكس زادت زيرات عليه كتر..
عبيقة:(وهو كيبوس ليها راسها وكيضحك ) أوديي على ليلة العمر
قاد ليها راسها على المخدة عاد حبسات من الشخير وغمض عينيه بااش ينعس ..عندو عادي لأنه عارف حتى واحد ما كامل وانها انسان فحالها فحالو والكمال غير ديال الله ..كيفما هو كيحزق وكيشخر فراه نورمالمون حتا هي تكون هاكاك ..
للغد ليه مفااقو حتال الجوج ديال العشية..جاب الله فاقت قبل منو أما كون راه هرب وزاد خلفة ..أول حاجة دارت صاوبات شعرها بالزربة ولبسات قفطان جوهارة باج ..وحلقات على الوجه شوية ..بزز باش كتمشى كتحس بالمااس مخشيين فيها ..طرفات ليفاليز فالجنب وجمعات ديك لاغوب والكوستيم ديالو والحوايج لي كانو مشتتين تمااا فالأرض ..عاد مشااات ليه تفيقو ..جلسات جنب ..حداه فين ناعس كتحك ليه فراااسو ..وهو بدا كيفيق مستحلي يديها على شعرو .
أيلول:فيق الحبيب ديالي ..فييق..
عبيقة:هممممم
أيلول :وانوض جوج هادي ..
عبيقة:غير جوج دقايق أحفصة جووووج دقايق
وقفات كتشوف فيه مصدومة ..
أيلول:نعااااام يا روح أمك..
حل عينيه كيشوف فيها حااابس الضحكة قدر الإمكااان ..
خلاتو ومشات جلسات فالفوطوي قالبة عليه وجهها وكتبكي فصمت ..بقاااا غير كيشوف فيها وكيضحك ..خرج من الناااموسية لابس غير الشورط ..وجلس حداااا رجليها كيطل عليها من لتحت..وهي ممصوقااش ليه غير كتبكي وتمسح بكماايمها ..
عبيقة:ومااالو الحب كيبكي مااالو
لا رد من طرفها فقط الدموع..تتهد نادم كااع لي ضحك معاها وناض جلس حدااها معنقها لعندو كيبوس فراسها وهي تتنتر منو مابغاهش يقرب ليها گاااع ..
عبيقة:والله لا راك هبيلة أأيلول بالله ..
أيلول:اه هبيلة حيت كنتيق فيك ياااك..
عبيقة:مسحي عينيك ..الله ينعل بو لي يضحك معاك مازال ..والله القسم حتااا غير بغيت نضحك معاك ..راني شفتك جايا تفيقيني وبغيت نضحك معاك والله ..(غير كتشوف ) فففف وصاافي ..
باس ليها راسها نازل لحنااكها ..حتا وصل لفمها وهي تقلب عليه وجهها ..نايضة فحالها
.خلاتو غير كيحك فالضهر ديال رااسو ..حيران ونادم لي ضحك معاها ميصحاابلوش واش غادي تقلق لهاد الدرجة ..
بستة وستين كشيفة باش قدر يهديها ..ويراضيها .دوش وخرج عندها لقاهم جاابو ليهم الفطور ..فطر هو وياها كيضحك عليها على البارح والشوهة لي شوهاتو فالأوطيل ملي دخل بيها وطلقاات ديك الغوتة العجيبة ... ومع هي مقزرة كتر منو ممصوقاش ليه كتخشي فوجهها ..لبسات كسوة بيضة مع تجاكيطة التجين وااسعة وسبرديلة بيضة ..جمعات شعرها شفنجة مفخفخة حيت مامصاوباش شعرها ..دارت ميكاب خفيف ونضاضر فعينيها ..فالمقابل لبس هو تجينز شورط قصير بااهت تيشورط بيض فيه كتاابة فالكحل وحتا هو سبرديلة بيضة ..
هزات صاكها وتشادو من اليدين خارجين جار الفالييز ..وهي النقيش مع الصبااغة غوز بيبي مزينة ليها يديها ..
مسافة الطريق كانو فالمطاار ..كتساالم مع ماماها لي جابت ليها رياض حيت غادي معاهم ..
تحنى عبيقة عند معاد لي شاداه البكية باغي يمشي معاهم حتا هو ولكن مالقا ليه جهد ..
أيغد:متبكيش البطاال ..كون كان عندك باسبور بربي تااا نديك..
معاد:ورياض لاش غادي !!
أيغد:حيت هو أصلا مزيود تمااك ..فهمتيني ..
معاد:فهمتك (باغي يبكي)
أيغد:غير نرجعو نمشيو نكملو العطلة فمارتيل ..كلمة الرجال ..
معاذ :وقول والله ..
أيغد:والله العظيم .
عاد ضحك وفك الغوبااشة شوية ..سلمات على ماماها دغيا ملي سمعو النداء الأخير للرحلة الموجهة لتركيا 🛫✈✈
بعد الشوهة الكبيرة لي شوهااتو صگعة ليام فالطياارة ملي بدااات تقلع وحسات بقلبها تهز والرداان لي تقيات عليه عمرات ليه حاالتو كااملة كولشي تفرج فيه ..وصلو پأمان وسلام للديار التركية ..وبحكم هو مزيود فتركيا ..عارف فيها بزاف ..كرااا ليهم دار مفرشة فإسطمبول ..سااراها إسطمبول كااملة قنت بقنت ..عايشين السعااادة بتلاتة بيهم فحال أي أسرة عاادية ..صابر ليها على هباالها وعلى غواتها وعلى حماقها بكل بساطة بغاها بكل عيوبها قبل مزاياها واخا ماشفنا حتاا مزايا ..دوزو 20 يوم فتركيا ورجعو فحالهم للمغرب وكيف واعد عبيقة أيغد وعد الحر دين عليه ..كان قد كلمتو وداه لمرتيل جزر المالديف المغرب .. هو وفتيحة وأيلول ورياض ..اما العربي فبقاا تما كيقاد فأمور التقاعد والتنقل من جديد حيت ناوي يتحول من كازا ...
دااز عام ودازو معاه أيااام أفراح ..أحزان .انهيارات وهادي هي حال الدنيا مكتبقاش على حالها كل يوم وحكاايتو وكل نهار ونهارو ..فهاد العام تحولات فتيحة والعربي أولدهم للرباط تما شراااو دار بشي فلوس كان جامعهم السي هتلر لدواير الزمان ..
بشعر كحل قصير فايت الكتاف غير بشوية..قميجة كحلة وااسعة مع سالوبيط تجينز وسبرديلة كحلة ..فوق منهم كاب بيض نازل على كتاافها ..جارا رجليها فالدرب كتقلب عليه غير بعينيها ويديها وراا ضهرها ..بزز باش كتمشى..
شعرها لي قطعااتو بعد ما جاها الوحم عليه ..ولكن الغد ليه ندمااات عليه وبدات تبكي ...كانت تضل تفرج فالأنستغرام فتصاور البنات شعرهم قصير ..لي جاها جاها على الشعر القصير ..أيغد مسكين الزغب ديال ز**كو بلا ينتفو معاها ..شحفااتو بالمزيان تنوض بالليل وتبدااا تبكي خصوصا ملي قرب شهرها جاها اكتئاب ماقبل الولادة ..خافت تموت ..كانت فينما تفيق بليل تبكي ..تبدا توصيه على رياض وعلى بنتهم لي جايا فالطريق وتوصيه على راسو فحالة إلا ماتت ..تيعنقها ويسكتها ويصبرها ويبوس ليها راسها حتااا تسكت ..أما ملي لقاها مقطعة شعرها بغااا يندب طرمتو معااها ..ولكن ملي كيشوفها حااملة نعل الشيطان خاصة ان شعرها كان كيعجبو بزاااف ..
كرشها كبيرة وااينة ..تنفخات شوية بسباب الحمل ..الحنيكات غادي يطرطقو ..تقريبا شي جوج ديال لعشية الشمس حااارة ومع الصيف الدنيا كتصفر كولشي مبحر ولي مامبحرش مخبي فداارو ..حاطا يديها على جبهتها مخبية من الشمس وخاارجة تقلب على رياض لي سخرااتو يجيب ليها روشارج مشااا ما جا ..كتحس بنغيزات خفااف فجناب كرشها ..تمشااات حتااا وصلات للكاراج ..وغير بان ليها خارج قدام الباب كيلعب بالبيكاالة ..حمااتها للغواات..
معرف كيفاش حتااا وصلها للكلينيك الخاص لي كان ديجا حاجز ليها فيه شومبر مخلص وكولشي ..
غير شافوها جاو جوج فرمليات لعندها نيشان طلعوها للبلوك .. حيدو ليها حوايجها كيجهزو فيها للولادة ..لقاو الوالدة محلولة...من حدو كيسمع غوااتها وهو كيزيد يتكمش فبااه لأنه فعلااا تخلع عليها وندم لي متسخرش ليها خااصة ملي سمع الفرملية كتقول لعبيقة ماكانش عليها تمشااا
.باباه لي ماشي كتر منو ..عقلو أيخرج ..علم فتيحة لي شاادث الطريق للكازا هي والعربي ومعاد ..ربعة السواايع عاد تحبس حسها وتسمع صوت بكاء المولودة ..معقلش على راسو حتا حل لباب ودخل عليهم ..مضهشر من داك المنضر وكترت الدمايات ..كيشوف قدامو غير أيلول كتسد فعينيها وتحلهم ببطئ كتستعد بااش تنعس ..بااس ليها راسها وهي تحل عينيها ..جابت ليهم الطبيبة بنتهم لي تاافقو من قبل تسمى ندى ..حاطاها على صدرها ..ماهضروش گاااع غير كيشوف فيها وعينيه مغرغرين بالدموع ..بدون كلمة جبد التلفون بااش يااخد صورة للذكرى ..
عبيقة:ندى مرحبااا بيك فالعائلة.. كنبغيك أعمري ..
أيلول:وانا كتر 💙
وبهااكا تيكون خلص المشوار ..وكنتمنى تعجبكم النهاية ..💕
أنقذوني عبيقة كيبغيني الجزء التاسع والأخير
محتوى القصة
التنقل بين الأجزاء