حبيبي الأصم الجزء 215

من تأليف كاميليا جود
2019

محتوى القصة

رواية حبيبي الأصم

حياة : اا بب . بعدي خليني نمشي ( كدفع ليه صدرو وحشمانة تقيص قيه ) 
سفيان : مااااباغيييييش نببببعد احياااااة ...( علا يدو وشد وجهها وشاف فعنيها وهي ولات حممررررررة و راسها سخون بقوة مابكات ) ماااباااغييش ... وفنفس الوقت ماباغيش نقققرب ... ماباغيش نضيعك ااحيااة .... 
حياااة دفعااتو عليها كتتررمش 
حياة : مقالك حد لا قرب لابعد ...لا ضيع لا صلح .. بعد غير من طريق .. 
مشاااات كتجججري وهو متبعها بعينو تاوصلات لبوسط ديالها وقفات كتلهت بحالا كانت هربانة من شي حد وشادة على قلبببهاااا وراسها سخوووون وكلسا كتفكر وتعاود كلامو مع ودنيها ...
حياة : هادا اش كيحاول يقول ؟؟؟؟ اشنو كيحاول يدير ؟؟؟؟؟ ... 
باقا كتفكر بانليها داز من حداهاا ووودخل لمكتتبووو وبقات غي كتشوف 
حياة : واش كيبغيني ؟ ولا كيعزني ؟ لا كيحترمني ؟ ولا بحال قسم ؟ ولا شنووو ؟؟؟؟؟ مابقيت فاهما فهادا والو انا ... كيفاش منقدرش نضيعك .... علاش الى بغاني غايبغيني بحال البنات لوووخرين ؟يتسلا بيا ليلة ويلوحني ؟ مممفهمتش ؟ وشنو زعم اواش انا ماشي فالمستوى لي نكون فيه مرااتو فالحلال ؟! ولا انا غي بنت العروبية ... بقاات غي كتشوف لقات هاد الحريرة مغاتفكها منها الا لامار .. ومشات دخلات عنها لمكتب لقاتها كتخدم فالبيسي 
حياة :لاماار .. ناخد شوية من وقتك ؟ 
لامار : ( شافت عندها ) وي تفضلي ... 
دخلات كلساااات على لكرسي حداها ولامار تقلبات عندها بعينيها مستفسرة 
لامار : اش كاين ؟ مال وجهك كنتي كتبكي !!!
حياة : صرااحة اه ( هبطات راسها مدة ورجعات كلعاتو فيه كتحكم فدوك دموع ) ... موهيم نتي عاارفاني كنحسبك كتر من ختي ... داكشي علاش ضاروري مانتشاور معاك فواحد الحاجة 
لامار : هضضري ياك لاباس ؟ ياك ماقادكش سالير ؟
حياة : ل ال ااش كتقووولي ... قااادني وشايط كاع ... الامر مامتعقلش بالخدمة
لامار : اهاه ؟ ...
حياة : متعلق بيااا .... صراحة الامار .. تقاضااا صبببري..... صافي بغيت نواااجه مصيري بخيرو وشروو ... بغيت نمشي عندو ونقوليه انا كنبغييييك ... صاافي عيييييييت 
لامار : لسفيااان ؟ 
حياة : وشكون من غيرو ... بغيت نمشي ونقولهاليه .. مابقيتش قادة نعيش فالشك ....نهار نقول كنعجيو نهار نقول لا ... ونبني ونريب غي راسي ...خصني نتأكد ونعرف راسي من رجليا .... قلبي كياقطع .. قبيلة شفتو مع وحدة فواحد الحالة معندي مانوصف فييها ... ومنقدرش تانبين غيرتي ونحيح عليهم ... منقدرش تانقوليها بجججهد ويسمع العالم كامل ان سفيان ديالي 
لامار : شنو دابا باغا تمشي عندوو هااكا ... سلام سفيان انا كبيغيك صافاابااا ؟ 
حياة : واش غانديرر ا الامار صااافي عييييت اختي عيييييت ... انا رااه كنبغيييه من كل قلبي ... كنبغيه بزااف منقدرش نبقا صااابرة .. كل مكنشوفو كنتعدب ...علاش عليا ؟!!! نمشي نقولها ونتهنى .. وكيف مكان الجواب مهم نبرد
لامار : واش حمقة ؟؟؟؟ تمشي هاكا عندو ؟ تبهدلي براسك ؟ راه حتى الى كان كيبغيك راه غااطيحي براسك فين عمرك شفتي وحدة مشات هي كاتقول للولد كتبغيه ؟؟ لاواه احياة وزعما نتي بنت خالتي .. وانا عارفا خوالاتي علاش قادين ... وعارفا ان النفس عندنا فوق الخناااافر ... كنمرمدو الوااحدد فطحين الزااااج عاد كنرطابو ليه ... وتمشي نتي تقوليليو كنبغيك ؟ اه انا سفيان عندي عزيز بحال واحد من خوتي وحتا نتي و منبغيش ليكم بجوج الضر و لا التمرميد .. ولاكت مجاااتش .. هادا خو راجلى وكنعرف كيفاش كيفكرو مكيحملوش البنت الرخيصة ... لابغيتي تكسبييهم خضضضك تشيبيهم ... كيويليو يهترفو بيك داك الساع ... كيوليو يطلبو غا السلاك و الفكاك وكلامك لي يكون ارا غي ترحميهم .. واخا تاهوما ماساهلينش ولاكن مخصكش تكوني معاهم ضعيفة ...خلييه هوووو يجي يقولهاليك ماشي نتي الحمقة ... بدلو شوية الادوار ...ديري اش كيدير ليك هو كيعدبك ؟ باش تاهو تعدبيه 
حياة : هادي فحالة لاكان كيبغيني .. ولا كان لا ؟ نبقا نموت انا بوحدي .. ضرووووري خصني نعرف ... لا غانقوليهاليه مغانصربش ومني نعرف الجوابىعاد نشوف كيف نتصرف
لامار : ( تنهدات ورجعات بالكرسي لور مربعة يديها ) لااا احياة لا .. صافي ا الالة ملي مصرة .. انا نقولها ليه ونقوليه غييي لاحظت الامر مغانقوليهش قالتها ليا حياة ... منها نعرف رد فعلو ... ومنهااا تانتي تبقا كرامتك محفوظة يعني تايلا كان رد فعلو سلبي... نقولو انا غي جابلي الله .... تاهي مكاتبغيكش ... الكراامة احياة الكرامة الكرامة ثم الحب ،لحب لي دلي فيه ماعندك مادري بيه 
حياة : تاهادي فكرة مزيانة...قوليهاليه .. وبصح غاندير حاجة خايبة ونتجسس عليكم بغيت نسمع اش غايقول بودني 
لامار : الالة دبر راسك ..يلاه سيري عيطي ليه يجي عندي 
حياة : لا ل عيطي ليه نتي عفاك مابغاش نشوف فوجهو 
لامار : نتي كنتي باغا تمشي تقوليليه كنبغيك كاع ههه باز ... صاافي انا غانعيط ليه ... وتفكري ديما الكرامة الكرااامة عاد الحب .. ولاد عكوزتي كتعجبهم لبنت لي تشطحهم احياة .. ماشي الرخييصة

ابتسمات ليها حياة وخرجات لبوست ديابها كتغززز ضفارها كاع كلاتهم متشوووقة تسمع الرد ديالو واش تاهو كيحس شي حاجة اتجااهها 
عند سفيان .. 
شد لبسي وجمع ضوسي عندو اجتماع مع الاميين العام .. يلاه كيلبس الفيست هو يصوني ليه لفيكس 
سفيان : وي ... وي لامار! .. راه عندي اجتماع نسالي وندوز عندك .. شي حاجة مهمة ؟ ... داكوغ نسالي وندوز .. 
قطع عليها وخرج وحياة غي شافتو خرج من لبيرو ديالو قفزات سعا بانليها هبط فسانسور عاد تفمرات عنهم اجتماع وكلسات كتسنى ..
عند اريج 
نعسو قسم هي ورقية وكلسو كيشربو اتاي ... تاسمعو الاذان ديال الظهر 
رقية : انا نوض ابنتي نتوضى هانتي حداك لبنت ابنييتي
اريج : (كانت كتشوف لتيل ) واخا اخالتي .. 
مشات وهي كالسة كتميساجا مع يونس تاشافت ابيل داخلاها ... نمرة باباها هادي! شدتها الخلعة ياك هوما مزااال عندهم الحال تكون يلاه خمسة د صبح ولا ستة .. وجاوبات 
اريج : باباااا ؟؟؟؟ 
احمد : اريييج .. شحال ونا نصوني على يونس مال نمرتو طافية ... 
اريج :ااء . ل .. ل لا م مابقاش مخدمها هاديك ... كنسمع حداك صداع فينك ابابا ؟ وعلاش فايق بكري 
احمد : راني دخلت للمغرب يلاه باقي فالمطار ...
اريج : نعااااام ؟؟؟؟؟ وااااش بصح 
احمد :واش بااقين هنا ولا رجعتو لكندا ؟
اريج: ( تخربقااات مكتعرفش تكدب على باباها وحتى لا قالت لا .. نمرة لي مخدمة كتخدمها غي فالمغرب ماشي بحال باها عندو انترناسيونال ) اا .. ص صرااحة باااقين ابابا 
احمد :وهدا خبر مزيااان هي راااكم فدااار ! 
اريج : لا لاااا .. انا مع لامار ابابا 
احمد:اوا صافي اجي نتلقاو فداارر انا فطيريقي ليها ( كيرركب فطموبيل ) تووحشتكم وبغيت نشوف بنتي واش بدلها الحمل ... 
اريج : ها ؟ اا .. و .. وااخا .. واخا ابابا ... 
حطات تيليفون وشدات على راسها 
اريج : ااااربي اش هاد الموووصيبة ...ناري غايشوف يونس مكاينش وغايشك ... 
بدات كتصوني ليونس 
يونس : حبي 
اريج : يووونس .. بابا عيط لي .. جا لمغرب شوية غايكون فدار و قالي بغيت نشوفوكم ماعرفت ماتقول ولا ندير 
يونس : شششش غابشوية عليك عااادي ... واش باباك براني علينا ؟ صافي قوليلو اش كاين بشرررط يخليها سر بين العائلة تاهو ماشي غريب ... حسن من الكدوب ... مغايسامحكش عليهم راك عارفاه ...
اريج : نسول لامار بعدا .. معععرفتش 
يونس : واااسوليها ... يلاه احبيبتي بلاتي غانعاود ليك راني فلبيرو ... الى مشيتي شوفي شيفور يوصلك ماتصوكيش تجيك شي دوخة على طريق .. لااافيوووو بب 
اريج : لافيو تو ...
قطعات عليه وبقات كتشطح برجليها وكتباات مسج للامار قالتها ليها ... ولامار وافقات ... وناضت هزات صاكها وعلمات رقية بلي غاااتمشي ... ومشات لشيفور يوصلها ...
عند سفيان .... 
سلا الاجتماع ديالو .... وطلع ديريكت عند لامار .... دخل عنها وحياة ناضت بززربة مشات وقفات فلباب كتسمع 
لامار : سفياان زييييد
سفيان : ياك لابس ؟
لامار : ووكككلس مالك ... 
شفسان : (كلس ) انا راه ولا راااكبني الرعب .. ياكما شي مشكل عاوتاني!!!! 
لامار : ههه لا لا مكاين تاشي مشكل حمد الله ... غيييير كنت كالسة بوحدي وقلت نشربو لنا وياك شي كافي اش باليييك ..
سفيان : هه....( هبط راسو كيضحك كيحك فلحيتو ورجع شاف فيها ) من لخخرررر امرات خويا منلخخخر ههه

لامار : ههههه باش كتعجبني كتفهمني ههه .. موهيييم ... كالسة مع راسي ماعليا مابيا ... ونا يطيييح فباالي واحد الضووسي كياكل فراسي كي شي قممملة ... 
سفيان : ( بالعكز ) نووووو الامار بليييز .. خدمنا بزاف ليوووم ...باغي نمشي نتغدا ...
لامار : مااااشي لخدمة ابنادم خليني نكمل هضرتي ... مهم مؤخرا وليت كنشوف علاقتك مع حيااة وصداقتكم ... ولاكن بان ليا بحالا تعديتو الصداقة ياكما بيناتكم شي حاجة ؟؟؟؟ ها ؟ 
سفيان : هههه ... نعام ؟ هههه بيناتنا حيط .. هي برا و انا معاك هنا ! صافابا !!! اش غاايكون بيناتنا .. 
لامار : ومااعرفت انا غا قلت ... شفت مكتفارقوش .. كاتفااهمو بزااف ... ززعما .. ماكاين وللو ! 
سفيان : شغايكون ؟ 
لامار : شي علاااقة 
سفيان : دالحوايج !!
لامار : لا د لبزاااطم .. سفيان راه كندوي على غولاسيون 
سفيان : دياالمن ! 
لامار : ديالك نتا 
سفيان : معامن ؟
لامار : ياااااااصبرك يارب ... مع حيااااااة
سفيان : مال حياة ياكما مريييضة ؟
لامار : راااااه انا لي غااااتمرض جد والدياااا ... علااااااش كترااااوغ ؟؟؟؟ هضضررر نيشااان ( سفيان غي كيضحك كيعحبو يفقص الواحد )
سفيان : ( كمل ضحكتو مزيااان و شاف فيها بجدية ) قاتليك على لبلان دقبيلة اذن!!! 
لامار : اشمن بلان !!! 
سفيان : دابا نتي .. من داك المطااااارق كاملين لي عندك فالراس .. وهاد ضوااااسا كاملين لي محطوطين .. وديك الاجوندا الpلان.. درتي ايسباااس فعقلك وفكرتي فهاد الموضوع غي هاكاك ؟ الله يهديك هههه ... ااش قالت ليك !!! 
لامار : رااااه قتليك مقالت ليا والو .. واش ابنادم عيب لاسولتك ! ياك نتا كتقوليا نتي صديقتي وختي ومرات خويا .. اوا عاودلي ... كتبغي شي وحدة من غييرها؟ 
سفيان : ااه ( حياة طرطقااات عينيها كتسمع من لباب ) 
لامار : اء ؟ وعلاش مكنعرفوهاش 
سفيان : كتعرفيها
لامار : شكون
سفيان : بنتك
لامار : ( ضرباتو بستيلو وحياة عاد ردات النفس ) زممممر طيرتيها مني .. شكييكووو قالاك تديك قسم نتا تدخليا لبنت ل طرونسيس.. بلا زيكزاك ودوي معايا مباااشرة .... واش داك لبنت .. حيااة .. كتحس من جيهتها بشيي حاااااجة .. هادشي لي بغيت نعرف 
سفيان غي كيشوف فيها وهبط راسو كييضحك ضحكة خفييفة وكيضور فراسو
عند حياة ..
مقققلشة ودنيها كتتصنط على لباالب .. كتسمع غي ضحك دسفياان تاوقفات عليها سنااء كي رعااد
حياة : ( قفزاات ) خخللععتيني ازمررر 
سناء : كتتصننطتي على لبيرو د مدااام لامار؟؟؟؟ 
حياة : لااااا اشمن كنتسنط راه كنت باغا ندخل ... اش بغيتي 
سناء : ممممم شدي هادو ديهم لبيرو د موسيو فؤاد ... ووقفي عليهم حتا يساليهم عاد دخليهم لمدام للامااررر توقعهم وفاكسيهم لموااليهم 
حياة : واااخااا ( شداتهم بالعككز ومشاااات كتتفووور حيت قاطعوها فاللحظة الحاسمة ... ماشية بززربة تعطييه ضوسي باش ترجع دغيااااا تسمع) 
عند لامار
لامار : مااالك كضحك ؟ .
سفيان : علاش كتسولي هاد الاسئلة مفهمتش .. 
لامار : سؤااال عادي مالك !مكتيقش فيا ... انا غي لاحظت وصافي يمكن ... كتشوف فيك شي نظرات ظنيتهم اعجاب ومنعرف
سفيان : ( رجع قلب نظرة جدية على وجهو) انا عااارفها جات دوات معاك .. بقا فيها الحال على لفلاش ديال قبيلة وهو لي خلاها تجي تهضر معاك .. سمعيني الامار .. بنسبة لداكشي انا مطرا بيني وبين داك خيتي والو جات لبيرو وتلاحت ... و لوخرا فتحات لباب ... وانا مطايحش على راسي ... عارفها كتغيييير من راسهاا... اه كنراوغ .. ولاكن ماشي مكنفهمش ... غير كيعجبني ندعي الغباء نوعا ما .. باش نحمي شي شخص من شر عقلي ... 
لامار : مفهمتش .... دابا واش نتا عارفها كتبغييك ؟ 
سفيان : عارف ... هي دابا كتقول هدااا عمى .. هدا مكيشوفش ... ولاكن انا راه شاايف ... وكنشوف حتى اش مكيبانش ليهاا ... 
لامار : ونتا واش ... واش مكتبغييهاش !!!!! زعما علاش ماتكونش بيناتكم شي علاقة ؟ فين غاتبقا لي تبغيك بحالها 
سفيان : لامار نتي راك عارفيني ... نهار نقرر ندير علاقة .. غانشدها من يديها ونديها لعدول ... لي نبغيها تكون مرتي ... مغانجرجرهاش معايا فعلاقة غير شرعية ... و لا نبقا نخيط بيها درووبة ...عمرني دررررت علاقة فحيااااتي ... وعمرني وهمت شي وحدة باسم الحب .. اه كنعرف لبنات بلا قياس وكلهم عارفين انني غي مدوز ااوقت.. وعمرني استغليت شي وحدة لاني عارف زمان كيضور ... و نهار نبغي علاقة ! غانتزووج ديريكت .... 
لامار : انا عارفة ان زواج هو المعقول .. ولاكن تيقني مغاتلقاش بنت للمعقول حسن من حياة 
سفيان : وشكون قال العكس 
لامار : بااغيها اذن ! 
سفيان : هه! كاين شي كلمة كتعبر كتر!! 
لامار : ( بفرحة ) نووو ؟؟؟؟ اواااا ماااااااالك ابنادنم
سفيان : اشنوو ؟؟؟؟
لامار : زعما .. طير بيها . قولها ليييها ... 
سفيان : نربط علاقة ؟؟؟
لامار : اااه 
سفيان : نتزوج يعني ؟
لامار : ااااه 
سفيان : بقاااصر ؟ 
لامار : ( جمعات ضحكتها ) ها ؟ !!!

سفيان : باقا قاصر اشمن زواج كتهضري عليه ! 
لامار : اشمن قااصرر ازمر !! لبنت قربات دير 19 عام اش كتخربق 
سفيان : راه واخا تكون عشرين ... فعيني قاصر .. قاصر فزواج مكتعنيش 18 عام .. منقدرش نغصب شي وحدة فطفوولتها آلامار .. واش هي اصلا هربات من زواج دير مستقبلها نجيبها ليه تاني ....
لامار : هاء ؟ هي هرباات من زواج تقلدي واحد لي مغايبغيهاش ... لي مغايحافظش عليها ... لي مغايخليهاش تكمل قرايتها ولا تحقق طموحاتها ونتا كنضن ماشي منهاد النوع 
سفيان : زواج الامار مسؤولية ..نهار نتزوج غااانبغي وليدات غانبغي نلقا مراتي ديما مسالية ليا ولدارها ... ماشي وحدة عاد كتحقق فحيااتها .. عند بالك نهار تولد وتقدر تكون تاهي بحال اريج تتولد توام ! غايبقا ليها شي عقل تحفظ وتقرا و تحققق مستقبل ! هي براسها مغاتتبقاش ليها الكانة ... كنشوفها واحد البنت فواحد السن زوين ... فواااحد السن ديال وحدة كطلع درجة درجة فحياتها ...هدا هو السن لي غاتندم عليه لاضيعاتو ... مكيتعاودش جوج دمرات .. هادشي مكيعنيش انني مغانديهاش .. هانا مورها تعثرات نمد ليها يدي نطلعها.... نحميها ... بربي مغايقرب ليها شي حد ... ولاكن نهار توصل.. وتححق كاع طموحاتها وعلى الاقل تخرج .. اضعف الايماان غير تخرج فالكلية ... راه غانربط معاها علاقة و بالاحرى راه غانتزوجها ... ولاكن مستحيل نغصب وحدة فهاد السن ..فعلاقة ديال زواج والججنس و المسؤووليااات والدراري ..راكي عارفا لي كاين ... 
لامار : اه بصح ... ولاكن هانتا كتشوفني انا فوقاش حققت حياتي؟؟ تاتزوجت .. يعني خاااص غير تعرف توفق فحياتها بين ولادها وراجلها وقرايتها 
سفيان : لا لامار .. صعيبة على وحدة فالسن ديالها راه تكون عندي ختي قدها منقدرش نزووجهااا .. راه مستحيل ... و نبغيها لبنت الناس ؟ عارف راسي كيفاش داير ... وخاايفها تندم معايا منبعد وتقوليا غصبتيني فحياتي و ضيعتي عليا مستقبلي لي كنت كنبنيه ... داك ساع غانوض نجيف راسي .. لامار حتى اانا باغيها ونجيك لصراااحة داك لبنت منهار شفتها حمقااتني ...راه تقلبي فوارقي تلقاي غي وجهها لي مرسوم مكتبعدليش من عيني .. براااءة .. احتراام .. جمال طبيعي .. حششمة .. شي حوايح لي قربو ينقااارضو ... عيييت ننمنع راسي مانطيحش فيها كنشوفها وندير راسي مشتهاش غي باش ماانبغيهاش عارف صعيب لابغيت من قلبي ... ولاكن بلا خاطري لقيت راسي طحت فعينيها وضحتها وشعرها تالودنيا ....راه كندير مجهوود كبير ومانع راسي غير على قبلها ... كنشوف لغدا.. مكنشووفش غير لليوم .. ... اه شحال من مرة كنضعاف حتا كنقرب نقوليها كولشي ونرجع نرااوغ وندير راسي هبيل .. عارف راسي لامشيت تاتزوجتها مغاانصبرش ... مغيار .. ووغانبغي لولااااد . و غاانبغيها تعطيني وقت كتر .. غاانغير من لوراق لاداتهم وخلاتني .. مغانخليهاش تحفظ لامتحاناتها ... وحدة كتقرااا ... راه ديما غاتلقايها مع الوراق كتحفظ ...وغانوضووو دباز غير على داك الوراق .. وشتي لاسمعت منها ضيعت معاك حياتي والله لاامار وربي المعبود تندير شي حاجة فراسي .. من وانا صغير وانا كنسمع الوالدة كتقول هاد الهضرة للواليد ..تعقدت منها ..وعاطي وعد قدام لي خلقني .. انني مستحيل نضيع حياة شي بنت .. بغيتها تحقق مستقبالها تاخد راحتها تحفظ تقرا تراجع .. ونهار تخرج وتكون وصلات لواحد السن لي تقدر على مسؤولية زواج وتربية ابناء ... غاانديرها بنتي ومرتي .. كنبغيها مكيعنيش نكون اناني كيعني اانني نحافظ عليها ..نكون باباها قبل مانكون حبيبها .راه اصلا نهار ندخلها لداري ونشوفها غانكره راسي لي غصبتها فداك السن( لامار غي مربعة يدها وكاتسمع ليه ) وونزيدك حاجة اخرى .. بعد مرات كنقول هادشي عندو حل .. تقدر توفق بين حياتها و المسؤولية .. ولاكن خايف يكون حبها ليا غي نزوة مراهقة .. هي باقا مراهقة .. كنخاف ملي يشدها الزواج ويشدها الصح ... تندم وتبدل ... انا راه معنديش مشكل من غداا هاهي دياالي .. تانا مابقا ليا صبر ..ولاكن هادشي لمصلاحتها 
لامار : ماعرفت مانقولك اسفيان 
سفيان : ااه زوين تلقا شي واحد كتبغيه.. ولاكن راه تخاف ليه على حياتو حسن .. لاكان حبك وقلة صبرك عليه غايدمرو ليه حياتو بناقص منو حب.. واش بنتك تكون فسنها غاتزوجيها ! لااا...بغيت حبنا انا وياها يبقا هاكدا بريء .. هي باغاني و انا باغيها ونهار يجي الوقت المناسب نتقدمو للحلال .. بلا داك تفاهات ديال علاقة غير شرعية وحبيبة و حبيبي ومعرفت اش ..وهي تاخاتم مافيديها .. لا لامار انا ماشي بحال هاكدا ..لي نبغيه لبنتي نبغيه لبنت ناس ...
لامار : لاكنتي خايف ماتزوجهاش دابا؟ لكن على لاقل ريحها واعترف ليها 
سفيان : لاقلت ليها شي حاجة صافي هي راحنا مرتبطين ... غانسمع منها غير داك حبيبي ولا ظير شي شوفة ماشي تالهيه وانا على سبة .. مغااانحافظش عليها وبربي عليها لاعقلت لي فيا كافيني و شاد راسي بزز .. اللهم خليييني ضاابط رااسي وخلي لبنت محفوظة تاانتزوجها بلا مندير شي حاجة نندم عليها.. منقدرش نبقا فشي علاقة بلا من.ير والة خصك تفهمي .. اللهم نبعد حسن تانهار لي نشوفها تقد على زواج .. نقوليها باسم الله على سنة الله ورسوله ...

لامار : مهم ... انا غير قلت زعما ندخل بيناتكم حيت كنت كنضن معارف والو .. ولاكن ملي صدقتي نتا عااارف وكتبغيها وكتبلاني لبعيد بحال هاكا .. ماغانزيدكم غي الله يكمل بالخير ... ولاكن هي عاوتاني راه معدبها وماعارفاكش الى كتفكر هاكا راه تقدر تخسرها رد بالك ...
سفيان : لا لا عاارفهااا والله لابغات شي حد من غيري ... انااا عندي الكود د هادك متفكريش فيها .. ومن ليوم مابقاش لي يهز الهم احياة وانا كاين ... 
لامار : اه اقلبي هههت احترم مشاعري ونا راجلي كوما 
سفيان: ههه خليني نرد غي صررف ... على شنو كنتو ديرو فيا 
لامار : ( تكات على لكرسي معليا راسها لفوق وعينيها حمارو ) تووووحشتو .. تووحشت خوووك بزاف اسفيااااان .... توحشت هضرتو .. بسااالتو .. وخا تا اعصااابو ... نكيرو .. اابحة دصوتو . عينيه ملي كيركز فشوفة فيا وانا ساهية ... اهتمانو بابسط الاشياء لي كتعلق بيا .... ( كتنهد عمييييقة زمسحات دمعتها ) بافيلي قطرة وكاسي يفيض ... عاللع يفيق قبل ماندير شي حاجة فراسي .. غيابو كييدمر و صبري قليل .... ضاغطة على راسي بزاااف باش نتأقلم ونتعايش ونتا عارف الضغط اش كيولد .. الانفجااار ...خايففة ننفجر شي نهار وتخوني طاقتي ...خايفة يطيح القناع لي متتبتاه بزز فوق وجهي اليائس البائس .. 
سفيان : لامار ( جبد ليها يدها باش تكلس مقادة على لكرسي ) زيدي صبري ربي مكخيبيش عبدو الصبار .. وديما قولي هدا غير رهان .. وهصك تربحيه ... اعتبري ليام كتحداك .. ونتي راه قد التحدي .. ماتفكريش بسلبية عفاك ..
لامار : كنحاول و كنحاول وكنحاول وباقا كنحاول وغانبقا كنحاول تايمل الصبر من صبر ديال صبري لي باغي يبقا صابر 
سفيان : هاكاك نبغيك .. وتفكري ديما انو واخا مكاينش اسد دابا ..نتي ماشي بوحدك .. ديري فيا اسد وباك وخوتك .. تااايفيق وعطني بتقار نمشي نشوف حياتي ههه نبقا مقابك 
لامار : (ضحكها بزز) ماسوقيش ههه.. 
سفيان : انا معاك الالة حاضي لخويا رزقو تايفيق .. وديما كنحسدو على مراة صباارة بحالك و بالقوة ديالك
لامار : اوا الحمد الله ماحيتيش فيامي ههه موهيم اش ناوي ديير نتا دابا 
سفيان: والو غانكمل هاكا وصافي ...والله يعطني الصبر ههه ووهضرتنا تبقا بيناتنا ماتقوليلها والو ... كليير ؟ 
لامار : بيناتكم اودي .. غير هو شوف ليها شي حل لبنت غاتحماق ... وبعد من قوة لبنات علاش كتعدبها 
سفيان :ودابا داخلنا عليك بالله خووياااا كوما ومشاكل كلها فوق راسنا . عندي عقل داابنات انا ! راه داك خيتي ماعرفتهاااا منين سلاطت 
لامار : عطني سميتها والله عندي لابقات 
سفيان : معرفتش سولي سناء شكون طلعات ضوسي د الاحتماع ... واحد خيتي شكلها يعطيك الخبار .. مهم الامار تقت فيك وعاودت ليك ... ماتقوليها والو لا قوليلها ماقتليه الو ... مهم خليها هاكاك ... تانشوف اش ندير معاهااا وصافي ومن الاحسن حاولي تانتي تقنعيها تشوف لمستقبلها وهادشي منبعد 
لامار : داكشي لي غاننيدر ...حقا ..اريج عيطاتليا ..جا باباها وقاتليا واش تقوليه على اسد . قتليها قوليليه ... حشومة نقوليها خبي على باباك .. ماجاتش 
سفيان : وي .. ارا غي مايقولهاش لداك الحيوان لاخوررر 
لامار : اوا الى ناض عليه جلددو وطاب عليه لحمو يجي عندي .. الى ماااسيفطتووو يتقنننت مع خووتو تاهو راه باقية بلاصة خاوية انا ماشي بنت رقية ... على وجه اريج وصافي ورتاج .. عندي عزاااازين ... خصوصي ارييج كتر من ختي 
حيااة ماقالت تاسلا داك ضوسي بتبعصيص ديااو وجات كتجري لاحتو فالبوسط ومشات كتصنت 
سفيان : تانا كنحسبها بحااال ختي ... معمرك تشوفي عيبها هاديد .. حنييييمدنة وضرييييفة وضحوكية وكووول ... 
لامار : على دنيا كيدايرا لاقتنا ههه 
سفيان :وي سي فغي .. ديما كنقولها .. هي سبحان الله معندهاش خووها .. وانا معنديش ختي .. لاقانا الله ههه نكون خوها وتكون ختي ... ضرافااات والله تاعندي عزيزة وكنتمنى ليها غير الخيير داك الاخت ... مهم غاانوض نتغدا .. يالاه ونسيني 
لامار : لا لاااا ماعندي كانة غانسالي هادشي وغانمشي لدار توحشت بنتي غي سير ... .
سفيان : بوووسيهالي 
حياة اصلا رجلين مبقاوش ليها ولاكن واخا هاكاك هربااات من لباب باش مايشوفها و مشات ماعرفاش فين غي هريانة .. وهو خرج طل على لبوسط باليه خاوي ومشااا هبط يتغدا ... وهي بقات واقفة فواحد كولوار متكية على لحيط قلبها كيضرب ونفسها كطلع وتهبط .. وشدات على فمها عينيها حماااااارووو 
حياة : لااا لاا .. ل .. ل . لا انا ماسمعتش مزيان ... ك كيفاش ختو ؟؟؟؟ كيفاش بحال ختوووووو ( مقداتش تحكم فراسها وبدات تضرررب فراسها وتريش ) مااااااااختت حد انا مااخخخختت حد ماااااااخخخخخت حددددد ( كتبكي بجججهد)
خرجات وحدة من واحد لبيرو سمعات غواتها وجات عندها 
-حياااة .. حياااة ماالك ؟؟؟؟ 
حياة : علاش يقول ليا ختوووو علللاااااش ماااخت حد امااا ماخخخخت حد يمشي يببعد مني ماااختووووووووووش ( طاحت كتبكي وداك لبنت ماعرفاتها مالها ودخلاتها معاها ليبيييرووو وعطاتها تشرب ) 
- تهددني احبيبة تهدني ...شدي تشششربي .. 
بدات حياة كتشرب و الما كيقطر عليها وهي كتنخصص كاع ريشات راسها 
حياة : مككيسوااااش علاش كيلعب بقلبي علاااااش .. واش اختي .. واش كنبان صصغيرة ( وقفات كتجمع البكية ديالها وكتهضر بهستيرية ) شوفي فيا مزيان .. كيف كنبان لييك ها 
- لا كتباني كبيرة ؟ ... ماالكي فهمني اش واقع ليك 
- وعلاش كايحسبني صغيرة علاش يقوليا بحال ختو ... علاااش يبووووسسسني وعلاش يقررب ليااااا 
- حياة راه مفتهش علاش كتهضري واش شي حد استغلك !

حياة : ( كلسات كتبكي شادة راسها ) كاان عندي اممممل.. جييت صبااح فرحااااانة ....جيييت متشوقة نشوف غير شي تلميييح يفررررححني .. كنبغيييه اختي كنبببغيه وهو حاااسبني بنت صغيرة وقاليك بحاااااال ختووووو 
- واش خدام معانا 
حياة بدات كتحرك راسها بآه 
- نااااري ياصاحبتي خااايبة بزاف... كيفاش يقوليك صغيرة ؟ كتباني كبيرة مشاءالله كولشي هنا مزعوطين فيك غي شكلك ولبسك كيخليهم يحتارموك ومايضسروش عليك .. تيقي فراسك اصاحبتي ... يمكن هداا معندو دووق لي يرفضك نتي 
حياة : كييحسبننني قااليك غي بحال ختووو .... معنيديش خويا وبغا يكون هو خويا شكون شكااااا عليه شكوووووون 
- صافي تههدني دااباااا .. وكيفاش نتي تعلقتي بواحد حااسبك بحال ختو اصاحيبة ... كنتزعطو فلي كيبدي ليناا اهتمام 
- الاهتمام لي عطاني معطاهليش تا باااا لي ولدني ... كنقوليك قرررب لياااا وباااسني كيشوف فيا فششكل ... وديما كيلوح ليا شي هههضرة ...
- اوا اذن هدا راه عينو فيك .. غي يمكن مزاعمش 
حياة: (كتهضر وتشهق وتمسح دموع بواحد منديل مطروز ديما عندها صاوباتو ليها ماماها )كان عندي امل يكون معجب بيا ...ماااااشي فخطرة وحدة نسمع راني بحال ختووووو 
- شوفي فيا احياة انا كبيرة علييك وكنعرف الرجال اش كيسواو .. مكااينش هدالي كيعتبر شي وحدة مكتجيهش بحال ختو ... مكايناش اخوة بين ولد وبنت .. مدام مامرااضعييين ما شقاق راه ماكينش شي قانون يمنعو يشوف فيها ..
حياة : واااسيري قوليهاليه .. والله دابا ويقولي بحال ختو تانقولو هاد الهضرة ...
- ناري !!! وتاااانتي على هضرة بااينا كنتي لاسقة فيه و ماعطتيش العز لراااسك داكشي علاش ... 
- اشمن عزز .. اااشمن زمر ... رااااه كنبغيييه راه معمرني بغبييت فحيااااااتي من قبل .. معمرني ... بغييتو لدرررجة كنتتتتقطع عليه كيفاش غاندير لهاد العز ونا غي كنشوفو كولشي فيا كيضعاف كنولي نتمنى غي نظرة ...
- وهااادشي لي خلاه يوصفك بحال ختو ياا دمدوومة ... كنتي كتبانيللي عايقة ساعة صدقني غي منونخة ...مدايراش كرامة لراسك .. وديما حداه بهاد الشكل لبسيط وعمري شتك بدلتي ستيل وكتجي باللبسة ثلاثة دمرات فسيمانة..راه لي لبستيها ليوم ماتعاوديها تالسيمانة جايا .. وداك الشعر لي غزاال ومجموع مسكين بحالا خارجا من الحمام .. وداك زيف فيديك كي الشارفات لي كيريكو وضفارك كاع كتاكليهم وهاد لورونج لي لابسة ومكتعرفيش تنااسقي ونتي قصيرة وكتزيدي تلبسي لبلاا .. زيرو اصااااحبتي كيفاش بغيتيه يلتفت ليك! بهاد الشكل وهاد اللبس وهاد الهضرة و مواثقاش فراسك ومكتبينيش شخصيتك مغايخليهش حتى ييشوف فيك بنظرة اعججباااااب وبغيتيه يبغيك كاع! التفت بعدا ! خصك تأتيريه عاد تسناي تلميح ... ببدلي شكككلك وجججربي 
حياة : ( كتمسح دموعها ) كيفاش 
- تزززيزي .. ديري مكيااج سكدي داك شعر ... الى بغيتي تباااني كبيرة راه نتي لي كتبني راسك صغيرة .. بنت ختي 12 عام وكتبان كبر منك بتزياز ومكياج وطالون ... وزعما كتباانيلي عندك لاطاي خطييرة ديما كنحسدك عليييها عررفتي لاطاي ديالك كيقلبو عليها بالفتيلة و القنديل والسكوات والعجب الكحل .. ليهونش و المؤخرة والكرش وااالو ... والبياااض راه شي وحدة عندها هاد الجسم تلبس غس شورط طييح نص فلي واقفين 
حياة: اشمن شورط الله يهديك منقدرش نعري ... انا كنعرفو هو كيقول على دوك المعريات غي عاهرات 
- هاااا فييك .. عليهم علامن كتنوض الفتنة وكيعواجو ليهم العنااااق ....
حياة : لا لا هو ماشي من النوع لي كيبغي لبنت لمعرية ااه هو كيعجبوه ولاكن انا بغيتو يبغيني بقلبو وهو ميبغيش لحلال داك لمعرية وداك زواق 
-نتي بووووهالية ... اواااا ملي كيعجبو زواق ديريه وخليييييييه يتعججب يييك وجرججريييه ماتعطيهش راس الخيط وتكبري داك ساع خليه كي لكلب موراك ماتعطيه لاليلة د التسلية لا ليلة د الحلال يبقا حاير معاك ... يوولي تابعك يقولك غطي راسك ووونتي تععععرااي وبكيه كيفما بكاك .. راه ماتعرفيش رجال بحالي ... الراجل لي يقولك حنا لي نبغيوها لحلال نيغيوها مغطية ترارارا...شحال من وحدة كتكون غا قوادة كيديها وكيلبس لواليدها لحجاب غي بسباب شخصيتها.. راه ااراجل غاتسحرو شي وحدة بلا طاي و بالعقلية والثقة فالنفس واخا تكون بدو بيااااس غايديها ويسترها ويمشي عليها حكامو ويتبرع بيها بكدب عليك الكداب لي يقولك مغربي ديالنا ماتعجبوش الهبرة و الزين يلقاها يشبط بيديه وسنانو ... ججمغي راسك اصااااحبتي ...
حياة بقات غي كترمش كتشوف فيها وترجع تشوف فراسها .... ولوخرا تبسمات ليها ومدات يدها 
نيهال : سمتي نيهااال ... الى بغيتي راه نقدر نعاونك .... 
حيااة بقات غي كترمش .... وسلمات عليها 
نيهال : انا راه كنعرفك .. شكون مكعرفش سكريتيرة د مادام لامار ولاكن نتي يمككن غي كتشوفيني .. مهم هاكي هنا غاتلقاي نمرتي لابدلتي رايك اجي عندي .... تيقيني غانشطحو ليك هادا لي دار فيك الحاالة على الصبع الصغير اش قلتي ؟ 
حياة : معرفتش .. منقدررررش 
نيهال : شدي نمرررتي عندك وخليك تاتفكري ... واش تبغي تنتقمي لكرامتك وهاد البكا لي بكاك .. ولا تبغي تبقاي مدلولة حداه كيما ختو ...

بقات كتشوف فيها وخدات عليها داك الورقة ومشات لدووش غسلات وجهها ومشات للبوسط ديالهاا وهي تشوف داك ضوسي خصها دخلو للامار عاااد قفزاااات وناضت هزاتو ودخلات عليها لبيرو لقاتها كتلبس فلفيست ديالها غاتخرج 
لامار : حياة ! مكنتيش فالبوسط شحال وانا نصوني لفيكس 
حياة : اا لا .. مشيت ديت هاد ضوسي لموسيو فؤاد صافي راه واجد غي وقعي عليه .. 
لامار : فففففف كنت خارجة .. اريه نسني دغيا . 
عكاتو ليه قربات كتقرا وتيسني وتهضر 
لامار : غاندوز لمدرسة لي سول فيا مغانجيش ليوم لهنا بغي المواعيد باغا نكلس شوية مع بنتي( عطاتو ليها وهي تشوف عينيها منفوخيين) 
لامار : حياة راه باقي خصنا نهصرو فداك الموضوع 
حياة : بللاش اختي .. سمعت لي خصووووو يتسمع 
لامار : اشنو سمعتي كولشي ؟؟
حياة : ااااه ...وعفاك لاكنت عزيزة صافي متعاوديش تجبدي ليا هاد المضووع 
لامار : هي فهمتي قصدو ...ممزيااان هاكا حسن ليكم 
حياة : ( مكرهة ) ححسن بزااااف .. 
جاا ماشية وبقات واقفة شحاااال فلباب ورجعات ضارت ولامار كانت كتشوف لتيلفون كطل على اسد 
حياة : لامااررر 
لامار : ممم ( عينيها على تيل )
حياة : واش نقدر نطلب منك طلب وماترديهش فوجهي.. ااخر طلب
لامار : ( شافت ليها ) وي ؟
حياة : ممكن ناخد كونجي ؟ عارفة راسي يلاه خديت ديال العيد ... ولاكن سبقي ليا ديال الربيع دابا.. محتاجااااه بززااف نرتاااااااح من هاد الهضرة لي سمعت معند سفيااااان .. بغيت نمشي حتااااا نتقببلها ونستوعبها ونرجع ... واخا ؟ مغااناخدش بواف دالوقت ... غير 15 يوم اختي ... .
لامار بقات غي كتشوف ... 
لامار : صافي واخا سيري عند سناااء تعطيه ليك ووقعيه وخرجي ... خصك ترتاحي شوية نييت .. 
حياو : شكرا بزااااف الاماررر شكرا ... 
خرجااات ولامار مشات ....كملات حياة خدمتها وهزات صاكها وخدات الكونجي ديالها ومشات ديريكت لداارها ... 
سارة : ودابا غي قوليلي فين غادية علاش كتجمعي دوك الحوايج ...
حياة : ماشيا لدوااارناا اسارة توحشت ماما .
سارة : يلاه كنت تمااا ؟ 
حياة : توحشتهم عاوتاني .. صاافي عطاتني لامار كونجي 
سارة : وتخوي عليا دار تاااني 
حياة : ( عنقاتها ) مغانتعطلش احبيبة ولاكن تيقني ..... غانصدمك فاش غانرجع 
سارة : اء ؟ ...
حياة : موهييم انا مشيييييت ... 
ودعاتها وجرات فاليز ديالها وهبطات تالباب دالعمارة وجبدات تيل 
حياة : نييهال ... انا حيااااة ....صافي راه فكرت.. شوية ونسيفطليك عنوان لوطيل لي غانكلس فيه اجي عندي لتما....
قطعات علبها ومشات لكيششي تيرات فلوسها.. وشدات تاكسي لواحد الاوطيل .....

عند اريج ... 
وصلها شيفور لحدا فيلا ديالهم يلاع نزلات بانتليها طموبيل تما عرفاتو سبقها ... حيت المطار قريب و منطقة c دروكان جات بعييييدة على لمدينة .. دخلات بالفرحة تشوف باباها توحشاتو ... غي حلات لباب لقاتو غايطلع لدروج وهي تنقز عليه من لور عنقاتووووو 
اريج : توووححححشششت بابااااااااتي اناااااا 
ضااار عندها عنقها عندو 
احمد : بنننتي الحبيييبة ( باس ليها راسها ) تانا توحشتكم كتتسلم علييييك ختك بزااااف راني كنت معاها لبارح فصبااح ...
اريج : توحشتها تاهي .. كيف وصلتي بيخير ؟ اش هاد المفاجأة 
احمد : جييييت على قبل شي حاجة عندي مع اسد وانمشي مكانش يحسابتني غالقاكم فالمغرررب .. كيت قلتلي غاترجعو من العمرة ديريكت لكندا ... و فين راجلك 
اريج : م .. ماجاش ابابا .. مهم طراااو بزااااف دالحوااااايج .. 
احمد : ياك لاباس لي بيبي مزياااان !!! 
اريج : لا لااا مزيانين .... مهم اااجي نكلسو بعدا ونههضرو 
جراتو من يدو وكلسو وهي ناعسة فحظنو 
احمد : شووووشتيني يااااك لابااااس!!! 
طاارق كان هابط فدروج سمع الهضرة ورجع بدرجة لور 
اريج : خليك مني دابا ... نتاا بيييخير ؟؟؟؟ كيف بقيتي مبقاااوش كيحرقوك رجليك
احمد : لا لاااا ريجيم نافعني ... خليتي سي اسد فدار ولا فالشركة ؟ خصني نهضر معاه ... جيت خصيصا باش نشوفوو ونمشي ... مابغيتش نهضر معاه غي فتيليلون 
اريج : ياك لاباس اشمن موضوع ؟ 
احمد : مضووع ديال طارق ولد عمك .. كان عطاه شي كونطرا فيها سبع شهور مايدخلش لمغرب .. وكملات لكونترا .. ورغبني ندخل ليهم يخليه يبقا تاني... صراحة ورجهي طيحو ليا فتراب ولاكن دااير بوجه عمك وضااافي ... 
اريج : ( تنهدات ) موحال واش يقبل ابابا ... وموحال تاواش تلقاه باش تهضر معاه ... 
احمد : علاش مسافرين ولا شنو ؟؟؟؟ 
اريج : بابااا .. سمححلي حيت خبيت عليك ولاكن كان هاد الشهرررر مضغوط بزاف.. مهم اسد .... اسد راه دار اكسيدون وهادي دابا شهر ونص وهو كووما مسكين ... 
طاااارق وسسسسع عينو واحمد تصددددم وناض وقف 
احمد : شنوو ؟؟؟؟؟؟

يتبع ...

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.