ربيعة : عنداك تفيق ومنسمعوهاش راه شيبتناا مكتنعس مكتهني حد
اميرة : لا خليت الباب مفتوح باش حتا الا بكات نسمعها
راضية : والله يرضي عليك ابنتي واش بدلتي ليها ولا شنو
اميرة : اه حيت تقياات
ربيعة : الله علاش مالها كيفاش تقياات
اميرة : كنت كنشوف ماما كتهز لدراري العضمان ومكنتش عارفة علاش كدير هكاك. واحد نهار سولتها وقالت ليا الحلق كيكون طايح وميقدر حد لا ياكل لا يشرب وحسيت انا لين هاكا ملي قلبت ليها عنقهاا لقيتو منفوخ وقلت راه عضمان طايحين توكلت على الله وهزيتهم ليها لقيتهم طايبيين وسبحان الله عاد خوات رضاعتها ونعست
ربيعة : عندااك يكون طرات ليها شي حاجة
اميرة : لا خالتي الحمد الله مزيانة نوضي شوفيها الا بغيتي..
ربيعة : واخاا معليش خليهاا ناعسة وزيدي كولي نتي..
اميرة : واخاا هاهواا حدايا باسم الله
الحاج : زيد هاد الفخيض الله يرضي عليك
يعقوب : لااا والله حتاا زندتهااا عجباتني شلاضة كترر ضربت فيهاا حتااا عمرتهاا
الحاج : بصحتك قبل عليناا وخلاص
يعقوب : الخير والعضر اعمي متقولش هاكاا.
الحاج : ايوا كمل لياا
يعقوب : ايوا وصافي طلقناا كلها شد تيقاارو وبنتي هاناا كنهزهاا ونربيهاا راسي امي منقدرش نعول عليهااا مريضة بزاف ايوا بنات لي معااناا مرة مرة يهزوها يبدلولهاا وخلاص
الحاج : والله يحسن عوانك اولدي ماشي سااهل هادشي
يعقوب : ايواا يصاوب الحنان وصاافي.
كلات اميرة معاهم شوية وتوخرات اللور رجعات لبيتها طل على لين واش فاقت ولا مزال ناعسة.. شدت الباب ومشات تكات حداها بقات كدوز يديهاا على راس لين تغطات وغطات لين معاها حتا داهاا نعاس حداهاا..
عيااو ميسولو على اميرة ويعيطوا عليها والو. ناضت فاخيته دخلات لبيت اميرة لقاتها ناعسة ومعنقة لين لصدرهاا.. رجعت لصالون
فاخيته : نوضي نوضي معاايا تشوفي
ربيعة : شنو يااك لباس
فاخيته : وغا نوضي تشوفي العشق ممنوع ههه
تمات فاخيته غاديا فالاول وربيعة موراهاا دخلاتها لبيت عند اميرة شافت فيهم ربيعة ودموع تغرغروا ليها فعينيها شافت ف اميرة الحنان والعطف.. وجعوا جلسوا مجموعين وضارت الهضرة على اميرة كل واحد كيمدح فيهاا من جهة. عاودو لربيعة على قصتة زواجها وكيف مات راجلهااا تآتراات بزاف وفنفس الوقت تصدماات كيفاش فتاة فعمر الزهور باقي خصهاا تلعب وتمتع بالحياة كتزوج وتمشي لدار الغريب والمشكيل الكبير كترجع لدارهم ارملة متوفي ليهاا الزوج ديالهاا الله يواليه برحمته. ربيعة وصلات بيها الدرجة حتا بكاات ومصبراتش.. حديث طوال بزااف. حتا هبط يعقوب وسعيد بقا واقف فالباب
يعقوب : هههههههههه ههههههخههههه ااااه ياااربي ضحكت من قلبي حتاا حرقني فمي خههههههههه ههههه امي نتي علاام والله
ربيعة : كيفاش ضحكتك اش ضحكك فهادشي شنوو قلت
يعقوب : صافي صافي قلبي الموضوع ههه خليناا نضورو فخاطرناا
ربيعة : وهضرت معاك ديرلي خاطري حشومة عليك
يعقوب : امي واش عارفة راسك اش كتقولي ولااا لاا واش فااهمه ولا غاا داوية شغندير انا ب بنت مزال صغيرة نديهاا نربيها حتا هياا ولا شنو مقاادني هد الغطسة لي اناا فيهاا نزيد حتا هادي يهديك الله امي فكري
ربيعة : حبس حبس هنا
يعقوب : شنوو علاش
ربيعة : وااا باركي الطوموبيل فهاد القنت..
حبس يعقوب طوموبيل فجنب وضار شاف فموو
ربيعة : نتاا مشفتي معرفتي نتاا لي غا داوي ومعاارفش راسك اش كتقول بنت صغيرة وتباارك الله بسلامتها عقلهااا كتر من عقلي وحادكة كلشي فيها
يعقوب : ايواا وانا مالي راه امي عندي31 عام ماشي تاالفة ليا شيارة غنتزوج بنت مزال قد جدر فخضي
ربيعة : ههه زعمة نتااا راك كبير
يعقوب : يااا وشنوو اجي تشوفي شحال فارق السن بينتنااا واصلا انا علاش كنحرق الضوء معااك انا ممزوجش
ربيعة : علاش كتعكس الامور زعمة غاا قول
يعقوب : وامي الحبيبة ملي نتي باغاااها حتاا لهاد الدرجة هااا ولدك معاذ خطبيهاا ليه الله يكمل بالخير.
يعقوب : والله ماا غادي ندم امي غا الله يكمل بالخير.
ربيعة : ودوز لياا نمرة د خوك نهضر معاه
يعقوب : فااش
ربيعة : واا فالبنت ماالك اري لهنى..
يعقوب : 📞 تيييت تيييت
معاذ : الوو
يعقوب : فين صاافاا
معاذ : مزيان شنوو ياك لباس
يعقوب : امك بغات تهضر معاك
معاذ : وااخا شي 15 دقيقة نعاود نصوني راني فالامحتان
يعقوب : اوك ، قطع
ربيعة : وعلى الله غير يبغي
يعقوب : غيبغي من دقيقتوو ههه غاا تهناي من هاد الناحية ولكن غاا هزي المسؤولية عروستك ولدك مزال كيقرا هههههههههه هههههه اناري شنو مشيناا دابا
ربيعة : يلاه زيد
طاح الضلام وشتاء خيط من السماء رجع يعقوب وامو هوا طلع الفوق عند الرجال وامو دخلت لداخل شوية يعقوب صونى ليه تليفون معااذ... هبطو ليها سعيد..دخلت لواحد البيت صغير حدا كوزينة.. هضرات مع معاذ اقترحات عليه موضوع زواج ورحب بالفكرة.. قطعت ربيعة مع ولدها وخرجت محمسة لعندهم
الحاج : ايوا صافي قولي ليهم يلبسوا شي حاجة وحنا هابطين
راضية : ايوا واخا صافي .
دخلت راضية لعند بناتها وعرايسها علماتهم رجال هابطين كل وحدة مشات تلبست لتامها بقات ربيعة جالسة مع راضية فالصالون دخل سي مصطفى تابعوا احمد قالو سلام عليكم من البعيد وجلسوا فالجيهة الاخرى من البيت قبالتهم دخل اسماعيل وسعيد ويعقوب وعموا سي حمزة كذالك سلموا من البعيد وجلسوا تالفين مفهموا والو..دخلو نساا تجمعوا كاملين ملي شافت اميرة دنيا تخلطت بقاات فبيتها
ربيعة : فين اميرة
راضية : وقيلة فبيتهاا
ربيعة : وعيطوا ليها حتا هياا تجي تجلس معانا
راضية : نوضي فااخيته عيطي عليها
فاخيته : واخا (مشاات..
بضع دقائق رجعت فاخيته وموراهاا اميرة لابسة كسوة طويلة كيف عادتهاا مستورة من راسها لرجليها. هازة لين فيديها يعقوب غير مطيح راسوا فالارض مهزهاا فحد.
اميرة : سلام عليكم ورحمة الله
جميعا : / عليكم سلام ورحمة الله
جلست اميرة فالطرف حداهم كتسائل بينهاا وبين راسهاا اش كاين.
ربيعة : سي الحاج انا عمرني وصلت لدارك ولا عرفت عائلتك واليوم جينا وشفنا وجهكم الكريم وتعرفت على وليدااتك وعائلتك الله يطول فعمرها
الحاج : (عينيه فاالارض ) الله يبارك فيك الشريفة يرحم الوالدين
ربيعة : وشغادي نقوليك غاا القلب وفين دفى واناا قلبي دفى فيكم ورتاح ليكم وقسدتكم والمقصود الله من لاخر انا ولدي خرجناا وهضرنا والله شاهد شحاال رتاح قلبي من جيهتكم ايوا طالبة يد بنتكم لولدي يعقوب الا قبلتوا بينا..
يعقوب ضار ضورة بحال البرق شااف فالمو وفالبلاصة قلب وجهواا عينيه خاارجين وصدروا كيطلع ويهبط بالزربة مشبك يديه ميلقاا ميقدم ولا ماا يوخر ..
اميرة هزات عينيهاا شافت فيعيوب ورجعت هبطااهم كتشوف ف لين.. كلشي تخطف وجهواا كلشي بداا كيتمتم حتا من سي الحاج ملقا ميقول ومع بنتو وراجل بنتو رافضين يزوجوا بنتهم.
الحاج : وااا شغادي نقول ملقيت منقول اشريفة هاا والديهاا هوما الراس وهوما اساس. الهضرة لي غنقول انا يعقوب الله يعمر ليه الدار جاي من نقلة طيبة وباااه انسااان عضييم انساان صدوق انساان متقي عارف بينو وبين لي خلقوا وزريعتوا خرجت نقية مرضية بحالوا يعقوب ديما متبع اخباروا وكلشي كيقول فيه كلمة طيبة
ربيعة : ايوا عرفت بلي كانت مزوجة ومات سيد لي كانت مزوجة بيه رتاحيت ليها فكلامها تصرفهاا طبعها حنانهاا وحتا ولدي رحب بالفكرة الا قبلتو علينا
يعقوب : (في صمت ) اووووف اوووووف
احمد : كلامك الالة هوا الكبير مرحباا ومنلقااوش حسن منكم وحسن من يعقوب. انا بنتي تصدماات بعد موت راجلهاا وكانت حالتها صعيبة بزاف. ومقلناا باش خرجناهاا من شي لي هياا فيه صراحة بغيناا شوية دالوقت وعاد يحن الله
فاخيته : اختي اناا تكويت كتر من مرة فهااد البنت اللولة تانية تالتة وهياا غادا كنتسنى غير شي نهاار نكون مع بنتي مرتااحة والله
ربيعة : ومالك دابا مبغيتيهاش تزوج ولا شنو متيقااش فياا ممرتحاش لياا !
فاخيته : حاشة وجهك ماشي د شي حاجة خايبة ولكن اختي راه فراقها كيجي صعيب بزااف ومنقدرش عليهاا كتجيني الغمة
ربيعة : سمعي مني الله يعطيك صحيحتك. حنا كانت عندناا دارنا فالرباط وبيعناهاا . وملي مات المرحوم وانا ولدي كنقولو خاصناا نرجعوا ناخدو شي دار هناا باش ملي نجيو نجيو لدارنا نيشاان. وخترناا مكناس حيت الهواء ديالهاا كيوالمني بزااف. وجينا لهنى منها نشفوكم منهاا سيد الحاج يمشي مع يعقوب يشوف شي ارض اولا دار نشريوهاا وربي سهل نشوفو هاد البنيتة وصراحة بغيتهاااا بزاف تيقي بياا حسبيني امك ولا ختك غتكون معايا بحال امها ثانية
فاخيته : الصمت
ربيعة : خليوني نهضر غير انا وياهااا والبنت الله يعطيكم الستر وسمحولي
.. خرج كلشي وبقات غاا ربيعة واحلة مع فاخيته كتهضر معاها وتحاول تقنع فيهاا.
ربيعة : هاانتي الهم لي هاازة نتي عطيني نهزوا انا مبغيتش ولدي يبقاا هاكاا غاا بوحدوا لا مرا لا حيااة مسكدة ونتي ماشي غنحرموك من بنتك ايمتا مبغيتي تجي تشوفيهاا اجي حتا حد مغيخليك تحرمي منها ..
فاخيته : معرفاش اختي معرفااااش
ربيعة : ديري يقينك فالله قبل مديري يقينك فالعبد عارفة بنتك مزال صغيرة وانا لي من المفروض نقوليك بلاماا تزوجيها وخلي بنتك ولكن والله العضيم اختي ونترزاا فصحتي
فاخيته : ليك يصلاح متقوليش هاكاا
ربيعة : حتا انا عندي بنتي وكنت خايفة عليهاا بزاف وتزوجت وبقيت بوحدي غا مع دراري ونتي عارفة بنااات كينفعوا مواتهم انا ملقيت حد واخا مرضت واخاا تهلكت. عروستي، اللولة الماء مكانتش كتجيبو لياا لهلا يوريك كيف عشت. وياا اختي مكانش هامني راسي كتر ماا هامني ولدي غاا تكون بنت ناس فجنبوا يكونو باغيين بعضيااتهم ولدي مغديش نشكروا ليك الحمد الله قااد يعيشهاا ويفرحهاا ويلبي ليهاا لي بغاات غاا توافق .
فاخيته : الصمت
ربيعة : ايواا ربي عالم انا مطالبة والوو غير هاد البنيتة لولدي تكون ليه مراا ونص وعاارفة ضني مغيخيبش فيها.
فاخيته : وشوفي معاهااا هيا هااهيا حداك
ربيعة : هههه ضروري زعمة .بنتي شنو قلتي نتي
اميرة : الله يسهل عليه فشي بنت الناس لي تكون بيه ولي تصلاح ليه سمحيلي بزاف ولكن مبغاش نتزوج لا داباا لا من بعد بعد وغير متحاوليش معايااا اخالتي اناا قلبي صاافي وغندعي معااه يجيب ليه الله حسن مني
يعقوب : لقيناا خير حتاا فالكبيرة لي شاربة عقلهااا بقاات لياا غاا وحدة غدوز موراهقتهاا عندي
ربيعة : الا نتااا مسطي وتاالفة ليك شاشية شغندير ليك انااا المهم مسوقيش الا عندك القدرة سير هضر معاهم وقوليم مخصنيش وتهنى وشنو غيطراا كاع والو..
ربيعة زادت كملت على ما بيه بكلامهاا يعقوب بقاا غا يشوف اش غيدير ملقاا ميدير.. سوى يسكت ويكمل الحريرة لي بدااتهاا ليه اموو....
جمع يعقوووب نفس عميييق وطلقوااا فخطراا.. كمل طريقوا هوا واموا ساكتين بجوج.. مشاو يشوفو الارض جاتهم فواحد الركبة عالية بزااف ودنيا خاوية فيها رجع قلب الضورة الدار هبط عندو سي الحاج واحمد مشاو معااه يشوفو على الله يلقااو شي حاجة.
فاخيته : اناا هادشي لي مبغاااش يدخل لياا فراسي ملي جاو ونتي هازة بنتهم شكاين مشواقة فدراري ولا عجبااتك المراا ولدهاا صافي مبقيتيش تقشعيناا حناا
اميرة : ماما هضري بشوية علاش زعمة كتغوتي هااكاا !
فاخيته : نهضر كيف بغيت بالغوات ولا بالسكااات شنو درت اناا حتا بنت وحدة وغيطرطق قلبي عليهاا بقوة الفقصة
فاخيته : ياااك امي عجباااك بنتي تمشي عند واحد غريب شبعاان عيلات من هاادي مااتت هادي طلقت هادي مصااحبين هاذي هادي ويعلم الله شحال عندو فعمروا وعايش فطرف دنياا انا بنتي مشاافت متشوفت اخير يااامهاا تمشي تمسح خرا د البراهش
اميرة: كوني تحشمي امي شوية هاديك غير صبية معارفة والوو راه مسكينة ميقرب ليهاا حد راهاا دود..
فاخيته : خههه خرجت شوية عمرااتك مزياان عليناا يااك مبقيتي تشوفي لا امك لا حبابك صااافي وعمرناا معرفنااهم ولا دريناهم بزااف على هاد المحبة كلهاا زعمة دغياا بغااتك لولدهاا وهيا همهاا كامل تربي ليهم وتمشي ضربي توامر كحلة على قلبك
اميرة : ماماا عفااك قلبي الموضوع
فاخيته : اهه غنقلبوا ضروري حيت مبقيتيش كتسمعي لياا حيت عماات ليك عينيك حيت لقاات مصلحتهااا فيك طيبة لي فيك استغلاااتهاا باش تربح باش توصل .. نيتهاا خايبة وجهاا فيه الدغينة سبحان الله الواحد كتكون معااشروا سنين ويبغي يخطب يمشي يسول ويعااود وهادي زعمة دغياا بغاااتنا لعنة اللله وعليها ليوم الدين تفوو
اميرة ؛ امي بلااما تمرضي راسك انا وفقت على هاد الزواج وصافي هادي كلمتي الاولة هادي كلمتي لاخرا ..
دار نهار.. فاخيته شادة القنت كتغدد فبلاصتها وامها وعيلات خوتها كيصبرو فيها.. اميرة عمرات رضاعة لين وشدات عليها باب بيتها وبقات تماا مخرجاتش. نعسااتها وغطاتها مزيان من البرد.. وحلاات فردة د السرجم كطل منها حتا كتبان ليها طوموبيل داخلة الدرب رجعت باللور كطل وترجع تخباا بان ليها جدهاا خرج هوا اول كيفتح الباب وسي احمد دخلو وربيعة خرجت موراهم وتمات داخلة الدار.. يعقوب هز وراقيه وتم خارج مع الباب طوموبيل باش ضار شاف الفوق قشع اميرة وهي فالبلاصة دخلت ولسقت مع الحيط وصدرها كيطلع ويهبط بوحدوا...
الحاج : طلع اولدي لفوق راه خاوي مكاين حد رتاح ولا دوش ولا نعس دار دارك
يعقوب : بارك الله فيك اعمي (طلع )
الحاج :سي حمرة يااكما خلينااك بوحدك
حمزة ؛ وجمعناااا حنا واسماعيل وعتمان ههه متخممش
عتمان : تفاهمناا بالمعقول بحالا كنتعارفوا من مدة
الحاج : ايواا هادا هوا الربح تغديتو ولا مزال
اسماعيل : مبغاوش قاليك حتا تجيو نتوما
الحاج : ايوا دابا راه عصر علاين يآذن اش كتسنااو بحال بحال سعيد نوض قوليهم يسخنوا الغداا.
دخل يعقوب البيت قلع حوايجوا ودخل الحمام دوش، دوش خفيف ..مسح ولبس حوايجوا سروال كحل.. وتيشورط فالكري وتقاشر فالكحل .مشاا المحفضة ديالو هز زيت الخاص بيه.. ذهن شعروا ورجعوا اللور.. ولبس نضااضروا وتكاا بقا طالع هابط فالفيس كيشوف اش الجديد ملقاا ميعجب حطوو ورجع ناض.. وقف قبالت السرجم خدا سيلفي وكتب "Yakoub" وبرطجاه فالصفحة ديالوو.. لبس صندالتوا وخرج حل الباب وطل يشوف اش كاين التحت كيسمع غير الهضرة خارجة من جوج جيهاات نساء كيهضروا فجهة ورجال كيهضروا فجهة يلاه بغا يرجع البيت وهوا يشوف اميرة هابطة مع الدوج هازة فيديها بطانية صغيرة د لين وحويجات لي صبنت ليها مهبطاهم من السطح..
شافتو اميرة وحنات راسها بغات تزيد وهوا بغاا يخوي ليها طريق رجع بلور وهياا تجي فطريقوو عوتاني كتبغي تمشي فجهة خرا كيزدق هوا مخاطي معاهاا.. واحد ساعة حس براسوا بحالا كيلعب معاهاا نيشان وقف.. !
يعقوب : زيدي اختي
خطفت اميرة شوفة فيه لقااتو عاقد حجبانو ومكمش فمو وهوا كيحااول ميشوفش فيهاا وعينيه مكيديوه غيرر ليها .. هبطات بشوية عليها حتا وصلت لتحت وسي السيد متبعهاا بعينيه حتا دخلات الداخل .. رجع قااد الوقفة ديالوو ودخل لداخل يلاه سرح رجليه فوق السداري وهوا يسمع دقان
يعقوب : هادي مالهاا رجعت عوتاني
ناض يفتح الباب لقاا سعيد واقف
سعيد : نعستي ولاا
يعقوب : لاا غاا متكي
سعيد : ويلاه تهبط تغداا
يعقوب : واخاا هانا جاي موراك..
هبط سعيد ويعقوب هز تليفونو وجر سندالتوو وهبط. لقاهم كيستفوا الماكلة فوق الطبلة..
الحاج : تقطع الخبز نتااا ولا خايف تشرف هه
يعقوب : اههههههه اناا شارف خلووق باسم الله هاكوو
سعيد : لاا مزال شباب شهاد الهضرة منور
يعقوب : تبارك الله عليك هادا لطف منك
..
احمد : يلاه باليو محدوا سخون
يعقوب : وطويجن مبرع هاادا ولكن غاا خليوه يبرد شوية هاحناا مجمعين ..
يعقوب تآقلم مع الجو ديالهم وتفاهموا مع بعضيااتهم سماو الله وتغداو مجموعين. وجلسوا على براد د اتاي.. حتاا دارت 5:30 دالعشية
يعقوب : الحاج الله يخلف عليك وشكرا على حسن الضيافة وكرم لي كرمتوناا . غنبقااو على اتصال ان شاء الله ونهضروا فموضوعناا طبعاا..
الحاج : هاانتاا مقصر معاناا
يعقوب : صاافي هاادشي راه فوق القيااس جلسناا وشركنا الطعاام والخير جاي فالطريق باذن الله ..دابا خليت ليكم الراحة والهنى .. وفالقريب غنعااودو نتشااوفوا. فالوقت لي يعقوب كيهضر مع الحاج كتب مسج لموا وقاليهاا يلاه نمشيوو. كانت هي كتلبس فجلابتهاا. ومشات عند اميرة لبيتها لقااتها كتلعب مع لين سلمت عليها وتعاانقوا بالجهد..
ربيعة : عطيني نمرتك نصوني عليك
اميرة : معنديش تليفون
ربيعة : يااه خصاارة والله معليش يكون خير صاافي!! تهلاي فراسك
باست اميرة لين وعطااتها ليهاا. وخرجت هيا وياها لوسط الدار ربيعة تسالمت مع الكل وكتشكرهم على ضيافة .. خرج يعقوب بغاا يقول سلام من البعيد عيطات ليه امو يجي يسلم زادت قجتوو كتر فين غيدخل فمجمع نسا وكلهم دايرين لتام لمن غيمد يدوو بقاا كيتسائل بوحدو .. خرج الحاج هوا وحمزة هبطوا التحت.. ويعقوب تم زايد بشوية وقف حدا راضية مدات ليه يديهاا سلم عليها
ربيعة : هادي ام اميرة سلم
زاد يعقوب عند فاخيته سلم عليهاا وضار شاف ف اميرة شوفة مخطوفة . بقاات لاسقة ليه فدماغ.. ابتسم ليهاا وهز لين من عند امو ورجع بخطوات بطيئة لور وهبط.
ربيعة : وان شاء الله غنتشااوفو فالقريب تهلاو فراسكم سلام عليكم.
حمزة : واا دابا غير سيرو نتوما انا غنمشي عند شي ناس نطلقاو فكازا ان شاء الله...
يعقوب : واخاا تليفون بيناتناا..
مشاا حمزة شد طاكسي ويعقوب زاد مهضر متكلم
ربيعة : وهاانتاا شتي بنت مباشرة كيف جاتك
يعقوب : بنادم واقف على رجليه كيف غتجيني
ربيعة : مال والديك داباا منفخ معجبكش الحال ولا
يعقوب : خصك تعرفي ندمت على عمري.. ندمت، علاش جيت لهاد المغرب كااع ندمت علااش نجيبك معااايا لعند نااس برانيين وتزدقي خاطبة لياا والمشكيل تيقتك وقلت صافي غتخطب ل معاذ درتيلي خااوية ف عامرة وحطيتيني بوجهي شغندير اناا داباا غاا قولي ولسي الحاج لي كنحسبواا بحال باا مباغي لاا نتحشم معاه ولا نتقاابح معاه
ربيعة : ياا كيتك يااا خلاك كون كنتي تفهم وتعرف كون بزاف ميتقال وكون لقيتي بحال هاد بنت بوس الارض وحمد الله
يعقوب : لوااه غنلحس الحيوط امي راه غرقااان كتر من قياس عاد باش تجي نتي تقلبي لياا على هم من جيهة خراا علاش زعمة علااش نوض اناا عاد نربي طلعت فيهاا عيني وهبطتهااا ملقيت منقول سوى العفوو الله
ربيعة : فين غادي داباا
يعقوب : ماعرفت اناا غاا زايد
ربيعة : ديك دار عجباتك صافي غتاخدهاا
يعقوب : اه
ربيعة : امم شحال اخر تمن خلاهاا ليك
يعقوب : 51 مليون
ربيعة : ايوا وشنو غدير داباا
يعقوب : ايوا راه قلنا غنمشيو عند عمتي
ربيعة : شحال ديال الطريق..؟ وشحال غنجلسوا
يعقوب : شي نص ساعة هاد الليلة وغدا نمشيو
ربيعة: واخاا.
يعقوب مشا لزيارة عمتو لي من مدة طويلة مزرهااش. عندهاا غير البناات. تعشاا معاهم وقرر يخرج يبات ف اوطيل واخاا اصروا عليه ولكن مبغااش.. جلس فكافي بعدما احتجر غرفة ليه. لقاا مو مصيفطاا ليه عراام دالميسجاات ومزال كتكتب وتصيفط شد كونكسيوون وبقاا داير يدو على لحيتوو واحل كيخمم رجع هز تليفون كيقرا دوك الميسجات كلهم لياا تالف ورجع طلق كنكسيون قرا لي عاد طلعوا ليه وشد تليفون سجل ليهاا مسج صوتي ..
▶____________
يعقوب : شوفي مبقاالي منقول واصلاا ما عندي منقدم ولا من آخر.. هانتي تكلفي بكلشي وكملي هاد الحريرة لي بديتيهاا كناا معولين نجلسوا هناا 15 يوم ولا قل زدقتاا غنجلسواا شهر وشوف تشووف. هاناا هضرت..
ردت عليه ربيعة
▶____________
ربيعة : خصناا نجلسوا ونهضروا غدا صافي يلاه سير تصبح على خير انا غنعس داباا..
سمع يعقوب مسج ديالهاا كمل كاسو وناض طلع لاشومبر.. تكاا خداا راحتوا غا بوحدوا ..حتا نعس وصبااح الصبح دوش وبدل حوايجوا وهبط يفطر فجو جميل.. عمر الكريشة مزياان وناض كيتمشى. صيفط ل ربيعة لقااهاا قارسة على تليفون فالبلاصة جوبااتو. وعلماتو يجي موراهاا داكشي لي كان. داز موراها وبقاا واقف كيتسنااها من البعيد بلاماا يمشي عندهم .حتا جاات عندو
ربيعة : صباح الخير عاد فقتي ولاا
يعقوب : (باس يديها ) لاا كنت فايق بكري كيف صبحتي نتي مزياان
ربيعة : الحمد الله علاش مبغيتيش تبات
يعقوب : ايوااا لقيت غاا عيااقة والبشوووق فدااك الدار حتا رجال مكينينش شغادي نبقا ندير تماا
يعقوب : فلوس موجداش كلهاا داباا عااد غنهضر مع خالد نشوف ..
ربيعة : وخالد يبغي
يعقوب : ومالوو ميبغي الا مابغاا بالخاطر كاين بزز !!
ربيعة : هههه يحسن عوانو معاك ايوا ومن بعد،
يعقوب : غنعطي لعمي حمزة يتكلف لياا بكلشي وملي يحتاج شي حاجة غيلقاني حداه..
ربيعة : ايوا مزياان الله يسر وخلاص
حبس يعقوب فمقهى عائلية فيها الكاالم.. خدا هوا وزارة ربيعة بلاصة زوينة.. جاب ليهم النادل العصير وجلسواا كل واحد كيشوف ف جيهة.
ربيعة : يعقوب
يعقوب : ؟؟؟
ربيعة : داباا غنهضروا نيشاان. حنا من ديماا كنتناقشوا بالخصوص شي حاجة مهمة وكتخص العائلة .. انا امك وباغا ليك غاا الخير كيف ماا كان الحال كنبغي نحيدهاا مني ونزيدهاا ليك. انا ماشي معرفاش اش كندير اولاا غاا باغاا نزوجك ولكن العكس لي شفتوا فديك البنت خلاني نرتاح ليهاا خلاني نبغيهاا ليك وتكون مراتك متقصحش راسك كتر توكل على الله واتصل بالوالد ديالهاا وهضر معاه مباشرة .. ونعيطوا لختك وراجلهاا وحبابناا ونمشيو نديرو صوابناا
يعقوب : الصمت
ربيعة : وهضر اش التي
يعقوب : امي دخلت عليك بالله واش عاد بقاالياا انا منقول نتي درتي كلشي قضيتي الغراد واش عاد غنقول انا شي حاجة
ربيعة : عمرني مشفت غناان ولا ريت غنان قد لي فيك لااا حول وصافي ...شنو داباا
يعقوب : وصافي
ربيعة : صافي اش !! شنو غنديرو
يعقوب : خليني نتفك بعداا مع دار وعاد نشوفو هادشي
ربيعة: وملي تفك مع الدار اش غدير
يعقوب : وااامشكيلة هااادي معاك امي وحتا نتشااور مع خالي عاد يحن الله ونبيناا عليه السلام صافي نطويو هاد الصفحة.
سكتات ربيعة وبقات هازة كاسهاا كتشرب فيه هكاك يعقوب قلب وجهوا كيشوف فجهة خراا..
يعقوب : شنو نمشيو ولا مزال جالسة
ربيعة : زيد يلاه شغادي نبقاو نديرو هناا..
ناضت ربيعة تبعت ولدهاا الطوموبيل زادو شوية البومبة عاد كملوا طريقهم نيشاان الرباط... وصلوا بكري لعند سي عبد الكبير.. يلاه ربيعة حيدات جلابتهاا جات جلست حداهم لقاتهم كيهضروا على الاراض والدار... بقات كتشوف فيعقوب ودير ليه اشارة بعينها زعمة يهضر وهوا كيدير راسو مكيشوفش كاع.. سي عبد الكبير دارو بدات كتعمر جاو وليداتو المزوجين وليداتهم دوزو عشيتهم كيهضروا على الاياام القديمة كل واحد كيعاود على زمانو وايااموا. صلاو رجال العشاء جماعتا.. وحطوا ليهم العشااء خروف مشوي فسينية كبيرة وطبلة ضايرة كلها بشلايض والطريفات دالجبن ولاصوص سماو الله شاركين الصعام ومجمعهم كان زاهي بتقشاب سي عبد الكبير مع وليداتو ونسابو. جمعوا الدنياا والقصارة عاد بدات وربيعة عاد ضحكااات ملي سمعات ولدها جبد الموضوع ديال الزواج..
يعقوب : احم امم.. خالي راك فمرتبة باا واليوم انا بغيت نهضر معاك قدام خالتي وليداتك .. الحفيدة ديال سي مصطفى لي مشينا عندو بغيتك تمشي معاياا و تخطبها لياا الا جات على خاطرك وكانت ضروفك الصحية تسمح
عبد الكبير : الله اكبر مااشاء الله شنو اسمهاا ذكرني؟
يعقوب : ما عرفت 😒
ربيعة : اميرة اميرة
عبد الكبير : اه فعلاا ملي مشيت لمكناس ديك المرا شفتها فالمسجد كتعرض عليه القرآن طيبة ديك بنية ماشاء الله
ربيعة : اه الله يعمرها دار انا اول مرة نشوفهاا وتعلقت بيها لدرجة كبيرة بزاف وحتا عائلتها ناس فالمستوى
عبد الكبير ؛ الحمد الله غتجمع بنقلة الطيبة الف مبروك اولدي
يعقوب : الله يبارك فيك
عبد الكبير : واش غتمشي عندهم هاد الايام ولا حتا غتمشي وترجع ؟
يعقوب : لاا حتا غنمشي ان شاء الله ونسالي اموري عاد نرجع ويحن الله.
ربيعة : 😵😵😳😠 (اويلي لااا هااادا مالوو)
عبد الكبير : هضرتي مع باهاا
يعقوب : اه هضرنا معاهم كلهم
عبد الكبير : وفقاات البنت
ربيعة: اهه اه مواافقة
عبد الكبير : اذن علاش هاد التعطال كامل وعاد تمشي وتجي اولدي خير البر عاجله توكل على الله فهاد الاسبوع خطب ودير لازم ديالك ولي تقالت عليك خفافت علياا لي نقصااك نكملهاا ليك. ولي حتاجيتيهاا انا نزيدهاا ليك
يعقوب : الله يجازيك ولكن مكاين لاش هاد الزربة كاملة حتا تكون الامور مقاادة ويحن الله
عبد الكبير : علاش مالك ايناا امور لي ممقداش نقادوها معاك شوف مدام بغيتي تخطب من داك السيد انااا معااك حتا تاخد مراتك ونتهنااو منك هههه
يعقوب : ههه
عبد الكبير : هانتاا اتاصل بولي امرها وخبروا بلي حنا غنجيو يحدد معاناا النهار بالضبط وحناا على استعداد..
يعقوب : واخاا ان شاء الله
ساعة تشير 3:00 صباح يعقوب مزال كيتقلب فبلاصتوا حرام واش قال نعاس يطل عليه. جلس جالس وبقا كيحك راسو.. ناض توضى وفرش سجادة ديالو وقام صلاتو استخارة لرب العالمين. طول فالسجوود وفالتخشع والدعااء. وناض لبلاصتو نعس لاغدا فالصبااح فاق معطل ..كيحك عينوو لقا ساعة 11 د نهاار فاق مشاا غسل وجهوا وعمر كاس دالماء خرج كيشرب فيه وكيطل من السرجم هز تليفونو ودوز النمرة لسي مصطفى هضر معاه وعطاه اخر كلمة انه باغي يخطب من عندو رحب الحاج مصطفى بالفكرة وقالهاا لأحمد... وشاركوهاا مع ملين دار.. خبار ملي وصلت ل أميرة انهااارت من جديد بغاات تحماق مصبرااتش. كتنطق غير ب اسم يونس لي هاازة صورتوو وذكرياتو فقلبهاا. متحملاتش تسمع انهاا غتكون مع واحد اخر ف فراش اخر ويعاملهاا معاملة سيئة انه اكبر منهاا وغيبعدهاا على اهلهاا كتشهق بقوة وكترعد غاا بوحدهاا ودموعهااا هابطين شلاال سناانهاا كيتقرقبواا والدوخة شدااهاا طااحت فالارض وتكمشاات مع الحيط كتنهد وتنفس بصعوبة كبيرة وفمخيلتهااا انه غيضربهاا غيتكرفس عليهاا غيغربهاا غيحرمها من عائلتهاا. نفسيتهاا دمرت وفنفس الوقت كتهضر بووحدهاا. دخلات عندهاا راضية لقااتهاا فأسوء حااال سدات الباب بزربة عندااك تجي فاخيته وتلقاا بنتها هكاك غتوااجه مع الوالي وتالي على قبل متزوجش بنتهاا .. عنقااتها راضية وكتحااول تسكتهاا قبل ميجي شي حد واميرة مكتسمع ماا كتشوف راسهاا غيتفجر بقوة الحريق.. وعقلهاا طاير.. كيشوف غير الكوابس وهياا صاحية دخلت فجئة كريمة لعندهم لقات اميرة طاايحة وراضية كتعنق فيهاا وتبوس وتسكتها شدو الباب بالساروت وجروها الفراشهاا بكااات حتاا نشفواا عينيها من الدموع وقلبهاا طاب حتا كان غيخرج من بلاصتوو بقوة العيااا نعساات على صدر راضية لي بداات كتقرا عليها القرآن حتا ترخاات حطات ليها راسها بشوية على مخدة وغطاتها مزيان وجرت كريمة خرجوا بجوجهم.
راضية : الا كنتي بنتي انااا مزاوكة فيك متقولي حتاا حاجة، الله يرحم ميمتك
كريمة : قلبي غيسكت فبلاصتهاا اخالتي كوني هاانيا والله متخافي
راضية : انمشي نشوف فاخيته ونتي مرة مرة طلي عليهاا الله يفرجهاا فوجهك
كريمة : ولعلى عليك واخا غا سيري...
موعد لي حددوا للخطبة كان اقل من اسبووع ومع النهار القصير والوقت ضيق.. كلشي كيتجااارا من جهة،، يعقوب عطى الأم ديالو لالة ربيعة مقدر من الفلوس على ود يتسخروا للخطبة. مقصراش لالة نزهة مرات خالو وبناتهاا مخلاو مشراو من حويجات لأميرة تفصيلات ديال القفاطن وجلالب ملابس الداخلية حويجات دالقطن .. جوج صبابط.. جوج صنادل شينان.. شرابل. صاك صغير عاامر بالمكياج علاش مااقلبتي وكادوات لأهلها جدها وجدتهاا والام ديالها. عمروا شانطة كبيرة وشانطة صغيرة . عاد مشاو دارو الدومند على البلاطوياات دالحلوة على الاشكاال وغير الرفيع. ربيعة بقوة الفرحة بغاات طير ولي شراتو كيجيهاا قليل.. خداو الحناء والورد والزهر دوزو يوومين تقداو فيها من كلشي ويعقووب عطيها غاا لتوريكة. ملي يعياا من هاد الجهة يورك على جهة خراا. يخرج برا لجردة يبقاا يضور ويرجع يجلس. عبد الكبير هاز قرآن فيدو وجالس على كرسي وداير نضيضرات حدا باب . عاطي العين ليعقوب لي غاا كيضور فالمساحة الواسعة لي حدا الدار .. ابتاسم وخلاه على خاطروا حتا شافوو جاي جيهتوا
عبد الكبير : مالك اولدي وااحل وهاز فقلبك طلقهااا وخلي الامر لله
يعقوب : اوووه اوووه هاد ختك شي نهااار غتوقف ليا القلب
عبد الكبير : ههههه ختي غتفش ليك الروايض لواه ههههه شوف احمد الله وتوكل عليه ماعرفتي خير فين كاين
يعقوب : غتييق فياا الا قلت ليك خاايف !! وبالخصوص على بنتي
عبد الكبير : من حقك ولكن غاا خوي راسك مدام انا قلبي مرتاح وامك هكاك. اذن الامور على ماايرام درتي استخارتك !؟
احمد : ايوا راه ناس بعااد وشحال خصهم سير واجيي نتوكلوا على الله خطبة وعقد والله يجعل البراكة
الحاج : الله يرضي عليك عاارف بنتي غتعيش هاانياا مع هاد السيد كون مكنتش تاايق فيه كااعماا نوافق
احمد : باينة على وجهوا الله يكمل على خير .
دخل يعقوب جلس حدا خالو وبقاا كيتفرج معاه فالجزيرة بلاماا يهضر ولا يقول حتا شي كلمة..
عبد الكبير : غدا ان شاء الله جمع وراقيك باش ملي نمشيو غتكاتب نتاا والسيدة والله يرضي بلاا هضرة بزااف هضرت ونوض الله يعرضك سلامة. بقاا يعقوب حال فيه فموا غاا كيشووف بحالا هزيتي يدك وطرشتيه. ناض باغي يااكل جنابو مشاا نيشاان عندو موو حل فموا وسد وذنيه مداتهاش فيه وزادت. وبقاا كيفش خااطروا فنزهة وهيا كتحااول تهذن فيه.
كلشي تجمع كلشي تقاادد.. كلشي وااجد.. وصل النهاار المعلووم كان يوم الخميس. فطر سي عبد الكبير هوا ولالة نزهة ولالة ربيعة كيف عادتهم حيت من عوايدهم كيفيقوا بكري، عاد بداو بنات ودراري كيهبطوا .
عبد الكبير : ماشي يعقووب تعطل واش باقي مناض
سليمان : مااعرفت مالو هدااك ضرباتني الفيقة على صبااح كنسمع الطوموبيل خارجة طليقوو لقيتو خرج ومشاا كيطير
نزهة : هههههه طلعتوا ليه الزعف
ربيعة : والله اختي وكون كنتي تشوفي ديك البنيتة والله حتا دخل لخااطرك فدقيقة وحدة ماشااء الله بغيت نوصفهاا ومقديت وانا لو مكنتش شفت فيهاا خير كاعمااا نصدع راسي
عبد الكبير : فعلاا معك حق. سيد الحاج . حاار بزااف وكيبغي كلمتوا مطيحش الارض حيت هواا معقول بزاف الا مشيتي معاه نيشاان راك رابح ويلا لويتي معاه طريق غير مرة يلويهاا عليك حيااتك كاملة. ديما فين ماا مشاا ياخد معاه ديك بنية رائعة وطيبة بلا مجاملة لأن فعلا حاملة لكتاب الله ولو فسن صغير ربي نعم عليهاا بعقل وتربية حسنة
ربيعة : وهادا لي باغاا انا لولدي ولهلا يحشمناا مع بعضيااتنا
عبد الكبير : شنو داباا مساليين كلشي
نزهة ؛ ايه سليناا كلشي مقااد
عبد الكبير : ايوا نوضو وجدوا ليناا الغداا باش نتغداو بكري ونشدو طريق نمشيو بشوية علينا.
نزهة : واخاا ويفطروا البنات باش يعاونووناا.
خرج يعقوب بكري. لابس سروال فبلو مااري مغلووق وتيشورط نص كم فالاسود. ولافيست بنفس اللون سروال وصباط كحل. رد شعروا لورر هز تليفونو والكونطاكط ديال طوموبيل والوراق ديالوو وخرج.. رمى لا في ست لوور وطلع غاادي فآقسى سرعة...
وصل يعقوب لمدينة مكناس على ساعة 11 د صباح طلقااه سي احمد الباب تسالمواا ودخلوا الداخل لسفلي لي كان فيه الحاج مصطفى متكي تماا مع ولادو ونسابوو. خواو ليعقوب كاس د اتاي وسمى معاهم الله كيفطروا مجموعين..
رجع يعقوب الرومبوان وبقاا متبع مع سعيد حتا خرجوا فالقيسارية.. وبقااو داخلين الداخل حتا وصلو عند الذهيبي. خرجوا كلهم وفاخيته شادة فبنتها عندااك طيح حتا دخلو السيد رااجل كبير فالسن لابس جلابة بلدية مخدومة بالبرشماان وطربوش حمر فوق راس. سلم عليه يعقوب .. وبدا يهضر معاه
المختار : شحاب الخاطر اولدي
يعقوب : بغيناا نشوفو خاتم د زواج
المختار : مرحباا تفضل هاك شوف لي عجبك.
يعقوب : (شاف ف اميرة ) زيدي ..
تقدمت اميرة وقفت حدا يعقوب راسهاا واصل لتحت كتاافو خصهاا حتا تعلي راسها عاد تشوفوو والقلدة ديالوو عامرة .. زيد ليها الخواتم تشوف لي عجبهاا بقاات كتشوف فيهم واحد بواحد معرفت متختاار.
يعقوب : هزي لي عجبك وقيصيه شوفيه واش يجي قدك
بقاات اميرة كتشوف معرفت متختاار داخت فيهم ويعقوب بحالا كتلعب ليه على اعصاابو بداا يحماارو وذنيه. جر عندو ديك اللوحة ديال الخواتم وبقاا كيشوف فيهم. عجبوا واحد وعطاه ليها
يعقوب : قيسي هادا واش يجي قدك.
شداتو منو اميرة ودخلاتو فصبعهاا جاها واسع
عطاها يعقوب واحد اخر نفس الشيئ جاهاا كبير على صبعها.
يعقوب : المهم شوفي نتي لي عاجبك ونقولوليه يعطينا صغير ديالو ولا ينقص ليناا منو
اميرة : معرفاش شوف نتاا لي بغيتي
يعقوب : ايوا ماشي انا لي غنلبسوا شوفي لي عجبك وجاك على دوقك ناخدوه.
اميرة : غير شوف نتاا انا معرفاش
بدل يعقوب ديك لوحة وعطاه الذهيبي لوحة خراا كيشوف ويقلب عجبوو واحد بزاف وجاه صغير عطاه لأميرة تقيصوا جاها مرخوف شوية على صبعاا
اميرة : كبير
يعقوب : معليش غير خليه دابا يغلاض صبعك. (ضار عند فاخيته ) شوفيه كيف جاك زوين ولا نبدلوه
فاخيته : زوين ومآذب
يعقوب : اذن ناخدوه !
فاخيته : شوف على حساب جيبك نتا
يعقوب : هه لا ماشي مشكيل .. شحال هادا تخليه لياا اخر تمن
. خلص يعقوب السيد وخدا الخاتم فقجير ديالوو. حمر وفيه خميسة من الفوق وقف حدا اميرة عااد شافهاا مباشرة وعن قرب وصحح فيها مزياان وهي كذلك. عطاه ليها ليديهاا
يعقوب : بصحتك
اميرة عينيها تغرغوا بالدموع شافت فيه بشوفااتهاا حنان لقاتوو عاقد حجباانو وضاحك نص ضحكة.
يعقوب : طلق اري لهنى هاناا جاي. شدها يعقوب ومشاا دخل الفرماسي كيتسنى الناس يخويو باش ياخد الدواء. واميرة مور الزاج كتشووف فيه كطلعوا من راسوو لرجليه وعقلهاا طايش ف الكوابس رجع يعقوب شاد نص عين من الشمس لي ضاربة فيه. طلع وزاد عطى لفاخيته الدواء وكمل طريقوا حتا وصلو الدار..حل سعيد الباب وطلعت اميرة وموراهاا فاخيتها لفوق ويعقوب دخل عند الرجال لي جالسين فالسفلي..
كلشي باغي يشوف الخاتم ويقيسوا على يديه كلشي عجبو وكيسول على تمن ديالوو. اميرة جلست حداهم فالصالة متكية. و فاخيته دخلت نيشان الكوزينة غسلت جوج تفاحات مزيان وخرجت. بدات كتنقي فيهم وتعطي الأميرة وتبزز عليهاا تاكلهم. كملت وحدة بزز. وبقاات متكية حداهم
راضية : زوين شحال هادا
فاخيته : مئة وربعين
راضية : اوااه زوين صراحة
كريمة : بصحتها تستاااهل
حنان : الله يجعل سعدك حسن منك وتناالي داكشي لي باغاا..
اميرة : امين
راضية : ودابا صافي سيرو طلعوا شوفو الطيابة الا خصها شي حاجة باش يطيب هادشي دغياا وبكري
فاخيته : والغدا طاب
راضية : طاب كناا غا كنتسناوكم تعطلتو 3:00 داباا
فاخيته : دينا اميرة لطبيب خرج ليها دواء عاد مشينا نشريه خاتم
فاخيته : والله هههه شحال فجهدوا يكون كااع 28 / 27 / كااع 29 ؟؟؟؟ انا عندي 34 عام هههه قول قدي وخلاص
اميرة : هههههههههه
حطوا الغدا لرجال..وحطوا الغدا لنساء وبزز باش زيدو اميرة تااكل معاهم . كياكلو وكيخمموا اشغيديرو ويبلانيو اميرة فوسطهم بحال ديماا غاا ساكتة وكتسمع ماا كتقول اييه ماا كتقول لاا وحتا الا شاوروها كتقول ليهم ديرو لي بغيتوا. ناضوا جمعوا الدنياا وقادو كلشي. وتباخر خارجة من الطيافر صغاار.. ومريم وحنان كيقادو البلاصة لي غيجلس فيها يعقوب واميرة... قرب يآذن المغرب جاه يعقوب اتصال من عند الام ديالو. بلي قربوا يوصلوا مشاا هز طوموبيلتو وزاد يطلاقااهم بعد 15 دقيقة جاو 3 طوموبيلات. بقا يعقوب غاا حال فموا 'شكون هادوا لي جايين كاملين ... اوو مفهم تاازفتة مشا لعندهم وهوا يبان ليه خالد خارح من الطوموبيل بالكوستيم والقلدة و معاذ خارج من جهة خراا. حتا هواا مسكسف بحال شي عريس. كلشي خرج لي فطوموبيلات تفااجئ.. اسماء ورجلهاا ولدهم وعبير بالكريشة حتاا هياا خوالو جوج وعيلاتهم ولادهم. وعموا حمزة ولادو. وامو جاية بواحد مولاتي تكشيطة من داكشي رفيع كلشي جاي كيجرجر. كانت المفاجئة كبيرة بالنسبة ليعقوب لي مكانش كيتصورهااا لالة ربيعة قاامت بالواجب وحضرات كلشي. اللليلة زاهية. جابو ليعقوب كستيم من داكشي حرام واش بغا يلبسها ساعة لا خالد ولا معاذ ولا سليمان ولا حاتم ولا دراري كلهم تفكو معاه دخلوه بزز منو الطوموبيل لبس قميجة والكستيم والكرفاط...ودخل خالد كيذهن ليه فالشعر ويصوط ريحة. ويعقوب جاهل عليه .شي كيقادد ليه وشي كيمسح ليه صباط. كل واحد كيطير من جهة. خرج يعقوب ومشاا معاه معاذ وخالد طلعوا فالطوموبيل وكلشي طلع لبلاصتوا وزاد..حتا قربوا داخلين الدرب بداا كيكلاكصوني سليماان وحاتم لي صاايكين من الللور زعف عليهم يعقوب حتاا حد مداهاا فيه .. جيران كل واحد كيطل من جهة يديو ميعاودو هبطوا نساء من الطوموبيلات خارجين بالزغااريت وكل واحد هازة فيدوو حاجة. دخلوا الدار وطلعوا عند النساء نيشان كانو عيلات الفوق كيتسنااوهم اول مرة غيتشااوفو واول مرة غيتعارفوا..كل وحدة كتجر تكشيطة ديالهاا من جهة.. فاخيته عجبهاا الحال كلشي مصواب ومتواضعين.. عائلت يعقوب كيشوفو فزخرفة والديكور والزاج لي ف دار سي حاج. كل بيت يحرك فيه الخيل... وكل بيت وفراشو كلشي اصيلي وتقليدي داكشي متول 100%... انباهرواا ب فاخيته الام ...لي كتبان صغيرة فوجهها. العائلات بجوج هنى بالهم ورتااحوا. ل بعضيااتهم.
الأرملة الصغيرة الجزء العاشر
محتوى القصة
التنقل بين الأجزاء