زادت كريمة فالأول لابسة لتام رهيف عىلى وجهها والبنات موراها واسماء غير حالة فمها فالدار طلعوا لفوق وعيطوا على سعيد يكلم ليهم يعقوب خرج عندهم.
اسماء : وشفتك طلعتي نيشان يلاه
يعقوب : فين غنمشي
اسمااء : وتركبو الخواتم وتصورو مالك مفاهمش
يعقوب : سيري هبطي من هنى براكة من خيطي بيطي حداا رجال يلاه هبط
اسماء : (جراتو ) وزيد حداانا براكة من هاد العنصرية ديالك لي مغتفيدك فوالو
يعقوب : هبطي ولا مغيعجبك حال .
رجع يعقوب دخل عند الرجال جلس معاهم.. واسماء هبطت معصبة قريبة تبكي خلات بنات فالدروج واقفين . مشات عند مرات خالها نزهة نيشاان هضرات ليها فوذنها
اسماء : نوضي عفااك هضري مع داك كحل العفطة راه مبغاش يهبط
نزهة : ومالو هاداا
اسمااء : ونوضي عفااك عصبني غيبقااو الناس يشوفو فينا. هااكا
. ناضت نزهة كتجر ف قفطاانها دخلت فوسط البنات وبدات تعيط ليعقوب من الدروج خرج عندهاا بحال التور محمر
نزهة : دوز تهبط قدامي
يعقوب : ماشي زدتو فيه غندخل فوسط نساا نبرز حداهم وكلهم ملتمين
نزهة : دووز تهبط دير صوابك ولازم عليك راك جاي قاصد الحلال ماشي داخل هاجم عليهم فهامتك مزعترة
يعقوب : والله يخليك هبطواا بلا صداع الراس ولا ندير مناقص من هادشي كاامل
نزهة : ياك واخاا وهانتاا سير بلاماا نزيد نصدعك وعيط لياا على عبد الكبير نهضر معاك
يعقوب : اوووف وصافي زيدي قدامي يلاه
هبطو كيصليو على النبي وبزغاريت شادين فيه مدخلينه. ناضت ربيعة قدات لولدها بلاصتوا حدا اميرة. واميرة كتسرط الريق بصعووبة ويديهاا كيترعدوا.. دخل قال سلام عليكم وعينيه فالارض جلسووه حدااها هواا مقجوج وهياا شدااهاا الرعدة بجوجهم كيشوفو فالارض وناس غير كيزغرتوا ويكبرو على سيد الخلق وقفت حداهم راضية مدات ليه كاس دالحليب وتمر هز تمرة وضار عند اميرة نفس الشيئ ضارت عندو هزات عينيها فيه تبادلو النضرات بيناتهم زاد عندهاا كيوكلها تمرة قطعات منها شنتوفة وحطاتها تحت لساانها شد كاس د الحليب من مو وزاد عندها يشربوا ليهاا شربات جغمة وبعدات راسها. نفس الشيئ فاخيته عطات لبنتهاا تمرة مكلاتها ل يعقوب لي كيقول مع بالو..
يعقوب : شغل البراهش هااداا لعفواا.
حتا هوا مكانتش كرشوا كبيرة عض منها وحطاتها اميرة ومدات ليها كاس ماعرفت كيف غدير تشربوا عمرها شرباات شي حد ضرت عندو نيشاان كتقاادد فالجلسة وبالها مع الكاس عندك تكفحوا عليه. شربو منو وشاف فيها بحنية وكلشي كيصور فيهم وعايشيين مع اللقطة الرومنسية لي كدوز قبالت عينيهم.. مكلات ربيعة ليعقوب خاتم شدو من عندها واميرة مكلات يديها اول مرة يعقوب غيشد فيهم روطب بزاف وصبيعات صغيوريين وضفيرات مقاادين ركب ليها الخاتم على زغاريت الحاضرين. كيلبس ويشووف فعينيهاا وهكاك هياا كتشوف فيه كتلقاا كيشوف فيها وترجع تهبط عينيها فقماا تشوف فيه تلقااه كيشوف فيهاا حماارو خدوودهاا وبقات كتشوف فالارض. مكلات ليها فاخيته خاتم وشدات يد يعقوب كتركب ليه اسمااء كانت كتصور فيديوو. عطات لعبير تكمل التصوير وطارت عندهم شدت ليعقوب فيدو وزيدااتها مع يد اميرة يتشادو فبعضياتهم وزيدااتهم بجوجهم الوسط جنب لجنب... وكأن يدين كيهضروا مع بعضهم وكيتعاارفوا. هز يعقوب عينو لقاا كلشي جاي جهت اميرة مفهم والو اضطر انه يضور يشوف فيها لقااهاا كتبكي دموعها هابطين فصمت وصدرهاا كيطلع ويهبط بالشهقة. زير ليها يعقوب على يديها بلاماا يفهم او يعرف علاش دار معاها هكاك. شاف فالارض بلاما يهضر معاها ولا يقول ليها حتا كلمة جاه احساس غريب قلبوا مرتاااح وفرحان. كيتسائل مع بالو شنو كاين شنو كيطراا فياا. كيسد عينوو وكيرجع يفتحهاا رجع ضار عند اميرة لقاهم كيمسحوا ليها عينيها.. ضارت عندو شافت فيه ابتسم ليها ابتساامة خاارجة من الأعماااق نفس الشيئ تجوبات معاه اميرة وابتسمت ابتسامة خفيفة وكانت عبير شادة القنت وقايمة بالواجب خدات احسن صورة لأميرة ويعقوب شاديين فيدين بعضياتهم وابتساامة منورة وجههم..ف صدق من قال الطيبون للطيبات
فاخيته من البعيد عاطية العين ليعقوب كطلع وتهبط فيه . وهوا لاحض شوفاتهاا لي ماشي هوماا هدوك. كيطلع عينو فيها ويرجع يهبطهاا.. هبط عندهم زياد كيدركد فالدروج
زياد: الميمة قاليكم با سيدي طلعوا لفوق عمي يعقوب واميرة
راضية : اه واخا سير قوليه هاهوماا جايين ..
طلع زياد هاز جلايل جلابتو وكيجر فالبلغة فاخيته زادت عند بنتها وفيديها شان بيض كبير لواتو على اميرة ودخلات ليها شعرها لي خارج وجراتو ليها القدام باش يغطي وجهها . ربيعة جات عند يعقوب نوضاتو هوا واميرة مطلعينهم بالزغااريت وصلات على النبي .. عيلات وقفوا فالباب مور الريدو واميرة دخلات هيا ويعقوب يلاه شافت باهاا وجدها خطفات يديها من يد يعقوب وبعدات حس بيهاا ممرتحاش دارو ليهم بلاصتهم مشاو جلسوا فيهاا واميرة عينيها فالارض وحشمة غالبة عليهاا حدا باهاا وجدها وخوالهاا والطلبة لي جالسين والعدول. عدلان .كانو جالسين فكراساا ديالهم حدا اميرة ويعقوب..
عدل 1: سلام عليكم الله يكمل بالخير
يعقوب : امين شكرا
عدل 1 : اسم الكامل الله يحفضك
يعقوب : يعقوب بن طهى سملالي
عدل 1: قابل ب السيدة اميرة زوجة ليك
يعقوب : نعم طبعا
عدل 1 : اسم كامل لالة
اميرة : (بصوت خافت ) اميرة صدقي
العدل 1 : قابلة بالسيد يعقوب كا زوج ليك
اميرة : (تحت اللسان ) امم
العدل : واش قابلة بالسيد يعقوب بصوت منخفض الله يرضي عليك
اميرة : نعم
العدل : اذن موافقة ماشاء الله، بارك الله لكما وباركة عليكما وجمع بينكما بخير ... نعلنكم كا زوج وزوجة الله يكمل بالخير...
مضيو لياا هناا ...
جلس يعقوب فبلاصتو داير يدو على فمو واميرة حنات راسها وناضت خرجت هبطوها بالزغاريت واسماء واقفة فالباب واحلة بالميسجات على يعقوب بغااتو ينوض يهبط معاهم عدفاتو وهواا ينوض يخرج عندهاا
يعقوب : غاا دردبي من هناا ولا ميعجبك معاياا حال شوفي رجال شي داخل شي خارج ونتي غتبقااي ضوري ليا هنا بهاد الوجه. متسيفطي متهضريني داباا ويلاه تقلع من هناا
هبطت اسماء طالعة ليهاا القردة وشادة دموعهاا بزز. دخلت لقاات اميرة جالسة فبلاصتهاا وكتشوف فالارض بعينين دابلين. نوضات واحد البنية صغيرة كانت جالسة حداهاا وجلست حداا اميرة وعنقااتهااا
اسماء : مال حبي غضبااان شوو بك ياا عيوني
اميرة : لاا والوو ممليش
اسماء : مبروك عليك فرحت ليك من قلبي اختي حيت غتكوني مرات خوياا
اميرة : لهلا يخطيك اختي
اسماء : اذن غنكونو صحبات امم ههه
اميرة : ان شاء الله اختي
اسماء : داك بو راس عييت فيه يهبط يجلس معاناا وحرام واش بغاا
اميرة : شكون هواا
اسماء : هه راجلك
اميرة ؛ الصمت
.. اسماء كضور عينيهاا كتشوف ف اميرة كتلقااها ساهية وراسهاا يعلم الله شمن قارة شاد.. كتشووف فيهاا وحدة مألمة وعينيهاا حومر دابلين وجهاا مخطوف كتحاول تهضر معاهاا وتفهم منهاا اش كاين والوو غير مماليش. ،كل واحد شاد قنت كيجمع ويتعاودو ورجال الفوق كيتسمع من عندهم الذكر والأمداح. حطو لناس اتاي والحلوة وقطعوا ليهم لاطارط... قصروا بيناتهم. تعشااو مع بعضيااتهم ملي تفرقوا المعروضين ومشاو الطلبة بحالهم بقااو غير مالين دار واهل يعقوب. اميرة دخلوها لبيتهاا ودخلات معاهاا اسماء وعبير حلفو حرام واش يطلقو منها.
عبد الكبير : شنو درناا اسيدي داباا
الحاج : وااا شغادي نقولك الحمد، الله الامور تيسرات وحلالهم تم على خير وبخير. نديرو حفلة بسيطة وتبارك الله
عبد الكبير : الموعد المحدد ايمتاا فنضرك
الحاج : منقدر نقوليك صراحة والوو كلشي بين يديك دابا
عبد الكبير : ههه اذن نديو بنتناا ونمشيو
الحاج : دابا تمشي مسكينة. صراحة مساخيش بيهاا همي كلو كان نزوجهاا لسيد متخلق وتكون فدارو كيفماا عندي اناا ويعقوب جاا متاخر هه
عبد الكبير : الخير فيماا اختاره الله. المهم يوم الجمعة باذن الله ديرو حفلتكم وحناا غنديرو حفلتناا وغناخدوا بنتناا ان شاء الله شبان ليك اسي احمد
احمد : مرحبا مدام هياا بعقدهاا مبقاا لياا منقول سوى دعواتناا ليهم بالتيسير
الحاج : واخاا مزيان ان شاء الله
عبد الكبير : وهاا ولدي يعقوب كيسمع نقوليكم كلشي .. داباا غيبقاو معايا فالدار بنتكم غتكون مرات ولدي وغتجي لدارهم ثانية بيدماا وجدوا الوراق والله يفرقناا بلاا ذنوب
خالد : انن وحناا فين غنمشيو ملي غتستقبل ولدك
عبد الكبير : داركم كلكم غتعمروا علياا
يعقوب : خالي اناا قلت مع بالي تبقاا فدارهم حتاا يوجدوا الوراق. وعاد نديرو هاد الليلة ونمشيو نيشان ،
عبد الكبير : شوف وسكت الله يرضي على ولدي وااخاا بيني وبين سيد.
الحاج : ههه ايوا بينااتكم حناا دابا بعااد
يعقوب : مبغيت نرون حد ولا نفتن حد بياا صراحة. عاد نمشيو والتكرفيص
عبد الكبير : ورااه هضرت معااك وقلت ليك صافي ماالك سكتناا.
اسماء : تباارك الله انا ملي كنت فدارنا وقبل منتزوج كاان مزير علياا خوياا بزااف يحفضني ويديني لجاامع ويقايل حاضيني ملي نخرج من المدرسة كاان معيشني فالرعب
عبير : عبر عليك نتي كنتي كتمشي طلقااي حاتم
اسماء : هههه اويلي على حاتم شحال كليت دالعصى من عند هاد بوو طلوع د يعقوب
اميرة : زيدي كملي وعلاش وقفتي من الحفض وهوا احسن شيئ هواا القرآن الرفيق ديالناا فالدنياا والأخره
اسماء : كيف قلت ليك كان خوياا مزيرني بزااف ملي تزوجت صافي تكاسلت عليه بزااف واخا كان يصوني علياا ويسولني بقيت بقيت حتاا نسيتو يااختي رجعت كنهزوا قليل
اميرة : شيطاان لعنه الله اختي كيخليك تكاااسل عليه كوني صديقة لكتاب الله غيكووون الرفيق والمنيس والمريح ليك كوني على يقين انااا منقدرش نستغنى عليه نيهائيا
اسماء : مصااب نكون بحالك والله سعدااتك حتا يعقوب غتعجبيه بزااف حتاا هوا كان ديماا كيتمنى مراا تكون عندو بحالك.
فاخيته : (كدق) ✊🏻✊🏻
اميرة : دخل
فاخيته : شكديرو هنا
اسماء : والووو غير مجمعين
فاخيته : انا عاد قاددت لكل واحد بلاصتو ودراري فرشت عليهم فالارض فين غتنعسوا نتوما
...نسجمات اميرة مع اسماء لي ضحوكية وفمهاا غاا محلول شبهاات ل خالد لي مكيسكتش من الضحك والهضرة ليلتهم دازت غزالة. تنصص الليل وكلشي نااعس. وحتا من عبير عياات صابرة وتغلباات بالنعاس هزات الفراش فرشااتو ونعست فالارض.. غاا اسماء تجلجوا عينييها وبقاات شادة مع اميرة جماامع. شوية اميرة ستاذنات من اسماء تمشي لحمام. مشاات وبقاات اسماء حاضيااها هاهياا غتجي هااهياا غتدخل. ناضت لبسات صندالة وخرجت تشوف فين هياا. لقات الضوء مطفي فحمام وغاا الضلام ..بقاات زايدة شوية وهيا تبان ليها اميرة فواحد القنت مضلم مفرشة سجادة وكتصلي. دخلات اسماء لحمام بشوية بلاماا دير الحس توضاات حتا هياا. ورجعت دخلت لبيت لبست جلابة جاتها واسعة وطويلة ودارت زيف فوق راسهاا وخرجت مشاات عند اميرة. لقاتهاا كتحي ضارت عندهاا اميرة وبتسمات ليها فوجهها وناضو بجوج كيصليو حتا سمعوا الفجر كيآذن صلاوه بجوج حدا بعضياااتهم ورجعوا البيت. كيهضروا بالحس حطات اميرة راسها على اسماء ولقاات صدرهاا حنين. سولاتهاا على زواجهاا الاول واميرة عودات ليها كلشي بالتفصيل ودموعهاا سابقينهاا عودات ليهاا كيفاش مكانش عندها الغراد بالزواج وكيفاش بغااتو ومصبراتش على فراقوو. كتعااود وقلبهاا غيخرج من بلاصتوو تذكرات الشيئ لي حرقهاا فقلبهاا وكتحاول تنسااه وتبداا من جديد ولكن حكوو على الجرح.. عبير مع بدلات البلاصة عياات متقلب كيديها نعاس وترجع تفيق. عاطيااهم بالضهر سمعاات حديثهم وبكا د اميرة ود اسماء لي حتاا هيا مصبراتش وتاتراات بزاف بالموت د يونس
اسماء : عفاااك متكذبيش عليا مزاال كتبغيه
اميرة : بزااااف بزاااااف متصوريش
اسماء : وعلاش قبلتي بزواج من خوياا بصراحة غاا قولي ونتي بالك مع اخور
اميرة : معرفتش اختي معرفتش .
ناضت عبير من بلاصتهاا وعنقاات اميرة بالجهد جااتهاا الغمة ملي شافتهاا فديك الحالة شدات ليهاا فيديها
عبير : اميرة حبيبة نتي مزال صغيرة وصغيرة بزاااف وعاد غتفمهي الحيااة وعاد غتعيشي الحب د بصح كوني على يقين
اسماء : شوفي والله وكنتي مع خويا مرزنة والله متلقاي معاه كراام شتي كرام دالمشكيل مكاينش اناا خويااا واخاا قبيح بزااف وطبعوا بحال الزمر ولكن والله حتا يديرك فوق راسوا هاادي كوني هاانياا منهااا وغيبغيك ويعيشك احسن عيشة تيقي بيااا.
عبير : هادشي لي قالت ليك اسماء فعلاا كاين حاولي تنسااي هاد السيد واخاا فعلا من المستحيل تنسايه بسهولة ولكن قلبك غيعمر بحب واحد اخورر ويعقوب بحال خوياا حتا اناا واخاا ف حدود الله يعمر ليه الدار
اميرة. مكانتش ليهاا هادي فالحسباان جاهاا كلشي متاابع. الخطوبة ! العقد ! الزواج ! فمدة قصيرة بزاف هادشي كاامل حماارو عينييهاا وحساات براسها تقجت شدااها البكية وملقاات فين طلقهاا . ربعاات يديهاا وقوندات فبلاصتها وهيا تسمع خطوات شي حد داخل مع الباب. علات عينيهاا وهوا يبان ليهاا يعقوب داخل جاي جيهتهم.
يعقوب : سلام عليكم صباح الخير
ربيعة : الله يااودي عييت منصوني عييت منصيفط كنتي ميت..
يعقوب : كنت فاايق غاا بقيت فبلاصتي.
حط يعقوب صندالتو ودخل حنا على راس اموو ومرات خالو. وصل لراضية بغاا يمد ليها يدو يسلم عليهاا ناضت وحنات على كتافو شيئ لي خلاا يعقوب كبرات فعينيه وباس ليها راسهاا بابتساامة عرييضة عاد ضار عند اميرة لي جاالسة حدا ربيعة ومد ليها يدو..
يعقوب : لباس
اميرة : الحمد لله
جلس يعقوب حداا راضية قبالت اميرة لي امو جالسة فجنبهاا ومرات خالو فالوسط شادة سداري بوحدهاا متكية فيه .. اميرة حنات راسهاا الارض مقدراش تشوف فيه الشيئ لي خلاا يعقوب لقاا فرصة باش مرة مرة يخطف شوفة فيهاا ...
هبط يعقوب موراه وعبد الكبير ودراري الاخرين. وهبطوا نساء وحدة مور وحدة وعبير متقلة بالكريشة وهازة لين فيديها بقاات معاهم غير اسماء فدار مشات طايرة السرجم طل عليهم.. طوموبيلات مسطريين وحدة حداا وحدة. حتا شافتهم ديمراو وزادوو عااد رتااحت وسدت السرجم
فاخيته : هادي الله يسمح لياا منها كتجيني حمقة ههه
راضية : اويلي سكتي عندك تسمعك حشومة
اميرة : 😂😂
اسماء : هاانا جيت واخيراا تفكوا ومشاو الله على راحة
فاخيته : اتبقااي معانا
اسماء : ااه ياااختي حتاا تمشي معاايا ختي الصغيرة
راضية : تهلاو فبعضياتكم وشي يحن فشي وحتا وحدة متقلق من لاخراا كونو حنان الله يرضي عليكم
اسماء : والله اخااالتي متخاافي ولا توصيني لا اناا لا ماما لا عبير والله منخليوهااا تخصهاا حتا حاجة واناا اخييرا غنفرح ملي غتكون عندي اختي والله
فاخيته : (تنهدت ) ايواا مصاب
،، على طبع اسماء ضحووكية وعلى طبع اميرة لي العكس ديالهاا كتيق بزااف وقليل فين كضحك. وهازة فقلبهاا من بزاف دجيهات. اولهم يونس رحمه الله... ثاني حاجة فراق عائلتهاا لي متشبتة بهم لدرجة كبيرة بزاف.. حاجة خراا لي مدمرااهاا ومخليااها فاشلة هيا خوفهاا من يعقوب وكوابيس كيتجمعوا عليها بالخصوص ملي كتفكر انه تزوج جوج مراات وهيا زوجة الثالتة كيفاش غتصرف معاه وكيفاش غتعاايش معاه وحتاا الهضرة مكتخرجهااش كتلتاازم غير بالصمت...حاجة لي كتقضي عليهاا فمراا هيا البعد كتسمع "فرنساا " يعني وااحد البلاد بعيدة بزاف ومغيكون فجنبها لا الأم ديالهاا لي ولداتهاا ولا جداتهاا لي كبراتهاا ولا جدهاا لي هوا الأب ثاني ليهاا ولا والد ديالهاا لي حتاا هوا كيبغي بنتو لدرجة كبيرة بزااف ولكن ملي تقدم لخطبتها يعقوب وشاف انه شخص مناسب ليها وافق.. اميرة فين ممشاات ومعامن مكانت بالهاا كيمشي بعييد تفكير رون ليهاا راسهاا ومرضهاا فنفسيتهاا. ولو دارت صلاة الاستخارة ماشي مرة مااشي جوج.. اسماء اختارت تستاغل هاد الفرصة محدها مع اميرة يبقاو بجوج ويتعاودو مع بعضيااتهم وتعاونهاا فالتوجااد والجميع لي غتحتااج. مقصراتش من جهدهاا مع اميرة لي شافتهاا كديرو تمشي تكملوا معااهاا ونشيطة فشغلها واخاا زرقة فالطياب حادكة غاا فلي باط وسليق البيض .. وحتا من شغل دار متعرف ليه بلحق النفس لي فيهاا والمحبة د اميرة خلاتهاا متجلس متفاارق اميرة .. ناضت تسيق معااهاا وتحك معاهاا المواعن وتخمل وتلمط وانبهراات فحداكة د اميرة ولو فسن صغير وكتزيد البوطة طيب وتوجد .. كاا عادتهاا راضية فرحانة نص فرحة.. بااغيااا تزوج بنتهاا الصغيورة ولكن مسخياااش بيهااا حيت غتخلي عليهاا الدار خاوية مراا خرا. وفاخيته غتنفاااجر غتحمااق مزال القضية دهااد الزواج متسرطاات ليها كتجمع لبنتهاا وتوجد لبنتهااا وهياا غير ساكتة...
اسماء فين ممشات هازة المشقوف وكل دقيقة تصيفط ليعقوب مسج هاحناا فالقيصرية..هااحناا كنخملوا.. هاحناا كنجمعوا ... هاحناا غنعسوا. فقصااتو بميسجاتها
اسماء : مكتجوبش يااك وتصبح على خير..
يعقوب : غنبلووكيك
اسماء : vu
اميرة حيدات زيفها حطاتو فالجنب وجلست قبالت اسماء فوق الفراش مربعة رجليهاا.. لابسة قندورة خفيفة. نص كم اميرة : غنعسوا داباا ولا مزال قصارة
اسماء : صبري احبيبة نشوف واحد المسج.
فتحات اسماء الكاميرة من الواتساب وحيدات الاضاءة ديال الضوء وبقات كتمتم بفمها زعمة راني كنقرا المسج وخداات صورة لأميرة وهياا هازة كتاب لدكتور ابراهيم الفقي لي اميرة من المحبااات ديالو ولقراءة الكتب ديالو.
اسماء : اميرة
اميرة : (هزت عينيهاا ) نعام اختي
اسماء لتقطات صورة اخرى لأميرة مباشرة بعدماا هزات راسهاا. وصيفطااتهم ليعقوب بجوج وحطات تليفون فالجنب وبقاات جماعة مع اميرة شوية بغات تشوف اش كاين رجعت دخلت الواتساب لقاااتو
اسماء : اويلي بلوووكاني لاا والله حتاا بلوكاني
اميرة : شكون هواا
اسماء : صافي واالو مكاين والو زيدي..
كان فبيتو لابس غير شورط فوق الركبة طاوي رجل وطالق رجل ومتكي كل مرة كيدخل الواتساب يمشي مبااشرة لعند اسماء يشوف اش صيفطت كيلقااهاا جامعة عرام دالميسجاات كيخلي ليهاا vu ويخرج. والزوينة لي دارت هياا صيفطات ليه هاد جوج تصااور
يعقوب: على سلاامتك فين كنتي من قبل ونتي مرضااني غاا بالميسجات البايخة...
دخل يعقوب اول شيئ خلا ليهاا بلووك ودخل لتصااور بجوج يكبر يشووف فيهاا ويتأمل فيهاا مزياان ويعاود يشوف صورة اخرى هكاك بايت ليلة كلهاا فلاخر خلى تليفون مشعول. والصورة مكبرة قبالتو كيشوف فيهاا حتا داه نعااس.
يوم واحد يفصلناا عن ليلة العمر.. ليلة لي غتكون اخر ليلة لأميرة فبيتهاا لي عندهاا ذكرياات جد جميلة مع الاهل وحباب.. اول ماا فطروا فاخيته علمات بنتهاا تجبد حوايجها جداد لي خداو ليها ولي جابو ليهاا اهل العريس والحوايج لي كانو فالمصبنة كلهم تطويهم.. داكشي نيت لي كاان اسماء واميرة جلسواا كاا عادتهم غا الهضرة كيطويو. حتا كيسمعوا الصداع جاي من براا خرجوا كيطيروا يشوفو اش كاين. !
احمد : صافي برد الله يخليك
راضية : لاحول ولا قوة الاا بالله فين هواا داباا
الحاج : يكون فين مااابغاا يكون ميجي عندي ميدخل لداري ميشوف وجهي لاا دابااا ولا ملي نموت مسوقيش فيه.
احمد : ودابا شنو غيدعيوه ولا كيفاش
الحاج : قلب علياا الهضرة يمشيو حتاا يعدموه خرج من قلبي هادي ماشي التربية لي ربيت وهاداا ماشي ولدي لي كنت معول عليه ومفضلوو على خرين
اميرة نساات علاقة سعيد بسمية وضنت ان كلام سمية لي كانت كتقول ليها بلي كتعاشروا غير كذوب ومضنتش انه مزاال معااها. تفجأاات وتلفاات ملقاات متقوول. كلشي كيهضر وكلشي مرون وسي مصطفى تليفونوو مكيسكتش من الصوني من عند اب سمية. لي كيقطع عليه واخر كلمتو كانت. بينك وبينو انا بعيد ومسوقيش قتلوه ولا حبسوه لا عذبووه انا مبقااش ولدي. كيقولو لي تلف كيشد الاض واميرة تلفت ومشات لبيتها خلات اسماء كتهضر مع مريم ودخلات لبيتهاا كانت على وضوء اول شي دارتو هيا اقاامت صلاتها. باش دعي معاه ويفرج ربي هااد الهم لي غيهز وهوا مزال مخدام مقاد بمسؤولية.. ورجعت ناضت كتكمل حوايج بالطوياان ويديها فاشلين عليها دخلات عندهاا اسماء كتجمع معاها..
الحاج : داباا نتوما سيرو كملو شغلكم وفرحوا بالبنت نسااو علياا هادشي كامل وميبقاش يتجبد حسوا مرة خراا
راضية : راه ولدك تااقي الله اهاد الراجل
الحاج : مولديش الالة الا ولدك نتي ربحي بيه انا مصوقيش بعيد علياا داري ميجيهاا ليهاا وبابي ميعتب عليهاا ونبيناا عليه السلام.
راضية جلست فالارض كتبكي وتشهق وكل واحد بالو مرون وعقلو طايش كيفكروا غاا فيه وبالموصيبة لي قلب عليهااا وجابها فراسوا..
هبط الحاج السفلي خاوي بقا جالس تما بوحدو.. وهبط عندو احمد جلس حداه
احمد : كنضن اعمي نتا لي فيك الحق لو كنتي قبلتي بزواجوا من شحال هادي مكانش يكون هادشي
الحاج : واااخا كلامك هوا كبير. وشنو فنضرك انا نمشي نعطي الصداق !! انا لي نمشي نشري شغل المرا !! انا لي غنزوجوا !! انا لي غنسرف عليه وعلى مراتو نهار لي يجيبهاا غاا قولي فنضرك واش هادا علاش نزوجوا انا ؟؟ وجااوبني
احمد: الصمت
الحاج : السيد ممزططش حتا راسو وغيتزوج منين غيبدااه ومنين غيسااليه مخدام ماا ردام الا نعس هاهواا تماا والله ومفيقااتو امو ولا نوضت ليه انا لا نااض شنو ندير غداا ولا بعد غدا يجيوه الولاد نوض انا نربي ليه ونسرف عليه وقوول هضر
احمد : والله مااعرفت صراحة عندك الحق
الحاج : ايواا سكت من اول .. انا هضرت معاه ماشي مرا ماشي جوج. اولدي سير خدم بغيتي تكري سيير بغيتي تبني فوق مرحباا ونهار تبغي تخطب انا نعاونك ونهاار تحتاجني انا نكمل ليك لي مزال خصك وقد بالمراا هادشي فيه العيب !!
احمد : فعلا مقلتي العيب . المشكيل اول والاخير فيه اسمحلي انا لي غلطت ومفهمتش الامور
الحاج : ايواا كلشي غيقول انا ممزيانش واناا لي مبغيتش ولكن كلها حسابو فراسو ودابا الا كان رااجل. يقد براسو ويمشي يدير لي خاصوا يداار وميورينيش وجهوا احسن ليه ولياا.
احمد : لاحول ولا قوة الا بالله ملقيت منقول والله
الحاج : يلاه نوض طلع لفوق عند اسمااعيل ذبحوا دغياا وعطيو ليهم يغسلو داكشي ونتوما فصلو اللحم قادو كلشي متخليو حتاا حاجة عاد هبطوا
احمد : واخا نتاا مغطلعش
الحاج : مفياا لي يطلع غاا سيرو نتوماا كافيين بالغراد.
طفات اميرة تليفزيون ومشات هيا واسماء لبيتهاا دخلو وسدو عليهم الباب ..
اسماء : عاوديلي حسبيني انا ختك ولا صحبتك تيقي فياا تيقة عمياء لي غنقد بيهاا عفاك اميرة انا براسي نفش عليك قلبي ونعاود ليك لي عندي.
اميرة : بحلاش شنو غنقوليك
اسماء : لي بغيتي المهم لي ضارك فخاطرك ولي كتشوفيه مضيق عليك
اميرة : بصراحة ! مبغاش نتزوج بخوك ولا بحتى شي حد اخور فهاد الساعة حيت كنحس براسي غنتكرفص اولا غنضيع كيجيوني افكاار فراسي مرضوني
اسماء : علاش زعمة من اينا ناحية خرجي لي فقلبك
اميرة : انا من صغري مكنتش عارفة شنو هوا زواج.. كنعرف البنت كتكبر كيجي شي حد يتزوجها كتمشي لدارها بعد عام كتجي هازة ترببة فيديهاا وهياا غادة هادي الفكرة لي كانت فبالي انا كنقول سعداات لي كمل قرايتو وسعدات لي خدم وكون راسو وسعداات لي وصل لأهدافوا .. ماشي بحالي انا تزوجت سيد مكنعرفوش وبعيد علياا وفهامتوا فشكل ولقيت صعوبة كبيرة كيفاش غنعيش معاه
اسماء : وعلاش نتي قلتيلي كتبغيه
اميرة : معرفتش واش كنبغيه ولا شنو المهم كنبغيه
اسماء ؛ ههههههههههههههههههههههه اهاه زيدي
اميرة : علاش كضحكي علياا
اسماء : لا والو غاا زيدي كملي
اميرة : والمهم .....(الصمت )... فشكل
اسماء : وهضري علاش كتبعكي فالهضرة
اميرة : غاا مكنعرف منين نبداا نهضر وصافي
اسماء: ايوا كملي
اميرة : كنت كنحس بيه باغي غير يتكرفص علياا وصافي هادا لي كان كيخليني نخاف منو وبالخصوص ملي كان كيقرب ليا. نجي نوصف ليك احساس لي كنت نحسوا منقدرش صراحة لحمي كيتشوك شعر راسي كيوقف كنبقاا كنترعد غا بوحدي كنخااف بزاف واخاا شحال من مرة كنبغي نقوي راسي ولكن مكنتش كنقدر.
اسماء : وكيفاش قدرتي تخليه يدخل بيك !!
اميرة : ان من .. (الصمت) مااقدرتش
اسماء : شنو لي مقدرتيش
اميرة : مقدرتش نخليه يدخل... المهم انا مزال عذراء
اسماء : (حلات فمها) وجه الله اواااه بصح ؟؟؟؟
اميرة : اه والله اختي واخا كيترمى علياا وكيبغي ديماا ولكن اناا نفسيتي خايبة بزاف. اعلم ان الله عز وجل . كيأمر اي زوجة تلبي لزوجها طلب ديالو وحاجتو وانا شغادي نقوليك كنت فكل صلاتي كندعي ونبكي ونطلب من ربي يسمح لياا ويقويني على هادشي ولكن مقدرتش. وكنت كنقول صافي ملي غنمشي معاه لقنيطرة غنحااول مااامكن نستسلم ليه واخاا يدير فياا لي بغاا ولكن قدر الله ماشاء فعل توفى رحمه الله
اسماء : غتيقي بيا الا قلت ليك يحساب لياا صافي مهني بيك ولو هكاك مكانش عندناا مشكيل عاادي جداا. ولكن ملي قلتيهاا لياا تعجبت فيك والله واخا كنشوف ان اغلب د بناات ولو مكيمشيوش عند وجال كيفرعواا راسهم بالعادة السيرية فقط باش يشبعوا رغبتهم.
اميرة : الله يستر اختي ..كنشوف راسي فشكل بحالي معيشاش فوق هاد الارض والله ديما محبوسة ..غير دار والحفاضة لا تليفون لا خروج لا اقسم لك يا اختي حتا سرجم الا شافني فيه باسيدي ينوض لياا. الحمد الله على كل حال ..
اسماء : عرفتي وعرف يعقوب هادشي ياا اميرة والله حتاا يتصووطاا فيك
تكمشت اسماء فوق سداري وهزت تليفون تشوف اش قال يعقوب لقاتو مصيفط ليهاا مسج صوتي طويل..
يعقوب : ▶----------------
قسمت فمي بالله والله لا دوزتها ليك واخا يبقاا فيا عرق واحد كيزدح هاانا فين قلتها ليك وعقلي عليهاا مزياان انا ماشي صاحبك ولا شي واحد تالف تجي وتهضري معايا فهاد الموضوع تاافه لي مكيهضر فيه حد الله ينعل لي ربااك السايبة لاخرة ويلاماا وريتك وجهك فالمرايااا بزقي عليااا فهاد القمقوم
...تزعزع قلب اسماء ملي سمعت مسج د يعقوب وهوا كيهضر معاها بهاد الطريقة معرفت راسها باش تبلات حتا كتحس براسها دموع هبطوا بلا حس. ناضت الحمام وجلساات فوق لاصاش كتبكي وتشهق...
فاخيته : حناا مزال مكنعرفوهم لا كيفاش دايرين ولا كيفاش طبيعتهم ديري احتياطك ومتيقي فحد وحتا من هاد اسماء اووهوا لا تزكمي معاهاا بشي كلمة
اميرة : اينا هضرة علاش انا شنو لي عندي وغنقولو
فاخيته : كنعطيك مثال وصافي مع الوقت
اميرة : الصمت
فاخيته : وهاانتي حضي راسك مزياان عندااك ....(الصمت) .. تحملي منو نتي ممزروبااش على راسك خليناا حتا نشوفو هاد الناس كيف دايرين شربي الفنيد ولا حاولي شحال من مرة تجاهليه قوليه مريضة فيا العادة ولا شي حاجة صافي
اميرة : الصمت
فاخيته : كنهضر معااك ماشي كنجود ليك القرآن هناا مالك غير ساكتة واش كتفهمي شكنقوليك
بشرى : مور الضهر غتكون عندك البرزة الاولة اول مرة نزين لعروسة بالنهار
اميرة: اه قالو غيديروه بالنهار
بشرى : الله يكمل بالخير اختي باسم الله على بركة الله.
جلسات اميرة فوق الكرسي وبشرى حيدات جلابتهاا وحيدات زيفها وجبدات المتريال ديالها كامل حطتو فوق الفراش والمساعدات ديالهاا بجوج معااها. وحيت عارفين اميرة شنو كتبغي وشنو مكتبغيش. وحدة شدات ليها ضفيراتها كتبردهم ليها ولاخرة كتصاوب مع بشرى شعر.. واسماء غير كضور حداهم وتميسااجا .. الناس المعروضين لي هوما غير العائلة والمعرفة بداو يدخلوو وراضية كتستقبلهم. والطرب الأندلسي مطلوق. سي الصويري...خدات بشرى 2 سعات ونص باش طلع اميرة ف ابهى حلى جااات كتحمق لا من المشطة د الشعر ولا من المكياج ولا من اللبسة العروس فلون شيبي مبرد مطرز من راسو لقااعوا جاتها هياا هاديك بشرى دارت اكثر من جهدهاا حتا بدااا العرق كيقطر من عليهاا.. شافت اميرة راسها فالمراية وابتسماات وشكرات بشرى على مجهودهاا لي دارت معاها. لبسوها صباط طالون فالنقري.. ولبسوهاا ذهب ديالها وناضت كتصور مع اسماء.. خرجت بشرى تشوف واش جاا كلشي لقات صالونات كلشي عاامر وملين دار كلشي لابس ورجعت البيت لقات اسماء لبساات تكشيطة ديالهاا والبنات كيقاادو ليهاا المكيااج بعد نص ساعة. سلاو وخرجوا اميرة بالزغااريت وفجنبهاا اسماء لي كتصور بالفيديو..برزوهاا فوسط الصالة الكبيرة فجو عائلي وفاخيته كتباان من البعيد غير كتمسح فعينيهاا . ملحضتهاش اميرة حيت عينيهاا غاا فالارض. ناضت اسماء بعدماا شافتهاا ومشات عندهاا عنقاتها وكتصبر فيهاا بداو كيجيبو اتاي والحلوة واميرة جالسة معاهم.. وناس كتغني مع الاندلسي وفرحانين والكميرة كضور على العائلة والبخصوص اميرة لي كطلعهاا من راسهاا لرجليها تصورو معاها عائلتهاا وناضوها لبيتهاا يلبسوا ليها اللبسة الثانية ولي هيا الأخيرة.. كانت ديك ساعة العصر فايتة. اميرة طلبات منهم يعطيوهاا وقت بسيط تصلي فيه وفعلا ملي حيدو ليهاا لبسة وداكشي لي متقلة بيه صلاة بهدوء وخشوع كيف عادتهاا. وهوما كيجمعوا حداهاا حتا سلات.. لبسوهاا اللبسة ثانية فلون غوز بيبي و جلسوها فوق الكرسي كيقادو ليهاا مكيااج اخر ومشطة اخرى.. حتاا كيسمعوا طوموبيلااات داخلين وكيكلاكصونين واسماء طارت لسرجم كطل...
اسماء : هاهوماا جاو
كان الحاج مصطفى فالباب بابتساامتوا العريضة هوا ونسيبوو اب اميرة فالباب كيستقبلو الناس لي جاو رجال طبعاا. دخلوهم لداخل ونساء تموا طالعين وطلاقاوهم اهل العروسة بالزغااريت وصلات على نبي. كانو عيلات خاوالو وخوالاتو عائشة وفتحية ومرات عموا زليخة ولادهم لي اول مرة غيجيو وغيتعرفوا على العائلة.. قرباات المغرب تأذن .. وعيطو ليعقوب يطلع عندهم طلع ب 66 كشيفة.. دخلاتو خالتو عند العروسة لبيت تما كانت مخبعة اسماء غاا هوا دخل وهيا تلف ليها القبلة شاف فيهاا وضور وجهوا .. بشرى لبست زيفها عاد ضارت عندو.
.لبسة الثانية لي لبسات اميرة كانت كيف سبق وذكرت فاللون الغوز بيبي بمكيااج جد راقي وجديد..وحتا من مشطة روعة.. وتاج فوق راسهاا كيلمع والشبكة هابطة مع ضهرهاا .. شاف فيهاا يعقوب باعجاب.. وابتاسم فوجهها كذالك هيا تجوبات معاه وحنات راسها شد ليها فيديها وتموا خارجين مع الباب ونكافات كيزغرتوا غاديين ببطئ واسماء مشات لجنب اميرة ولسقت فيها وعينيها كيفرفروا بحال شي شفاار. جلسوهم فبلاصتهم شادين فيدين بعضيااتهم. يعقوب لابس جبادور فالابيض وبلغتوا. وشعرو رادو لور كيف عادة وريحتواا عاطية.. تصورو مع كاع العائلة واحدة بواحد.. وبقااو جالسين شوية. كيفرقوا " طارط " عطاو لأميرة طبسيلهاا وحتا يعقوب. حطو ليهم فالطبلة لي حداهم والكاميرة شدااهم لي طلبو منهم يوكلو بعضيااتهم داكشي نيت لي طرا يعقوب تصرف عادي كيوكلهاا. وهكاك اميرة زعماات كتشوف فيه بشوفاتها حنان. خداو احسن صور جاو منسااجمين مع بعضياتهم ..
ناضو لسفرة العشاء لي كل طبلة مجموعين فيهاا العائلات. واميرة ويعقوب جلسوا فسفرتهم لي ضايرة بيهم عائلتهم فاخيتة وراضية على يمين اميرة واسماء ونزهة والبقية على شمال يعقوب.. والطبالي الاخرين مجموعين فيهم العائلات اخرى
يعقوب مضورش وجهوا ف اسماء وحتاا هياا غير حاضياا طرافهاا كتشوف فيه نص شوف.. ونزهة وعائلتوا جماعين معاه واميرة غير كتشوف ومبتاسمة. حطوا ليهم العشاء وسماو الله اميرة كتغمس غير مريقة وتاكلهاا يعقوب ناضت من حداه اسماء تبدلات هيا ونزهة بالبلايص جلست نزهة حدا يعقوب كيجمعوا وكيتعشاو عادي ممسوقين لحد...وفاخيته كتقطع وتحط لبنتها واميرة والو شهية تسداات ليهاا مع نااس مخلطة وزاد كمل عليها يعقوب. هزو داك الطبيسل وجابو طبسيل اخر نفس شي اميرة غير كتشمم المرقة فالخبز وتبداا تلوي فيهاا .. يعقوب سلا عشاه ناض غسل يدو وهبط عند الرجال التحت .. والزيانة نوضات اميرة دخلاتها البيت ومنعاات ميدخل حتاا شي حد اخر . هبطات الريدو وسدات الباب بالساروت وجبدات لأميرة دو بياس فالابيض فوق الركبة حيدات ليها اللبسة والمجوهرات لي لابسة..خلات ليها غا الشعر ومكياج خفيف..
لبساتهم اميرة بسرعة وجابت ليها بشرى جلابة كتلبس ليهاا فيها بشوية باش متخصر ليهاا والو .. لوات عليها زيف بيض مشبك. ولبسات ليها السلهاام بيض طويل مغطيهاا من راسها لرجليهاا. وحلاتها جالسة فالطرف وخرجت علماتهم بلي صافي سلات. علموا الرجال خرج كلشي برا ماا عدة يعقوب لي بقا الداخل كيتسناهاا تهبط... طلعوا خوالهاا كيهبطوا ليها حوايجهاا وكدواتها لي،جابو ليها الناس. عاد خرجوهاا تسلماات مع عائلتها لي حتااا حد مقدر يصبر على فراقها وبالاخص امها لي كتشوف مشات عليهاا اغلى معندهاا. هبطوها فالدروج وطلقاهاا يعقوب شد ليهاا فيديهاا وخرجوا البراا على عينين الجيران والاحباب والعائلة طلعوها فالسيارة هيا ويعقوب لور. وطلعت حداهم نزهة لي جلست حدا اميرة وعبير جالسة القدام حدا خالد لي صايك بيهم. وزادوو وحدة مور وحدة مور وحدة.. لي غتنعس تمشي ولي مزالة هانا غنكمل ولي نعساات غدا تقراهاا.
اميرة مكانش عندهاا الصبر الكافي باش تقوي راسهاا علات ليها نزهة قب ديال السلهام خلات ليها غي شبكة رهيفة هابطة على وجهها اميرة انهااارت بالبكاا مصبرااتش ضارت عندها عبير شادة ليهاا فيديهاا وكتحاول تهذنها ونزهة حتا هيا غلبووها الدموع وعنقاتها وكتحااول تسكتهاا وتصبرهاا ولكن حرام واش قالت تسكت يعقوب متكي على جنب ..وداير يدو على لحيتوا ومسرح عينوا برا. خالد بقاات فيه وتأتر بزاف ومقدرش يبقا ساكت وهوا من طبعوا ضحوكي وكيبغي يهضر.
خالد : وصااافي الله يرضي عليك مكااين لاش بكاا عادي حنا عائلتك تاانياا ومتخصك حتا حاجة معاانا وحتاا من يعقوب بلاما نقوليك عليه يديرك فعينوو اولا
يعقوب : (تحت اللسان ) يلويلك لساان
خالد : ههه شتي هاهواا قالك ضروري الله يرضي عليك هادا فرحك مكاين لاش تزيدي تبكي عفااك مسحي دموعك اختي
الأرملة الصغيرة الجزء 11
محتوى القصة
التنقل بين الأجزاء