يعقوب : هبطي تغداي عندك نيت هاد الفورمة دالشبعة ههه
اميرة : لا والله مفيا لي ياكل غا هبط
يعقوب : وزيدي قدامي
اميرة : ولين غنخليوها بوحدها
يعقوب : انا غنهزها غا زيدي
.. حلات اميرة الباب وبقات واقفة كتسنى يعقوب هز لين فيدو وخرج سد الباب بالسااروت وشد لأميرة فيديهاا وزير عليهم وهبطوا ملي وصلو لقاع الدروج لقاوهم كيستفوا الطبالي والبنات جالسين بقات وحدة كتشوف ف وحدة ومتبعين يعقوب واميرة بعينيهم
نعيمة : بنتي مقالت ليهاا حتا كلمة د العيب غا كتسولها وهيا لي دافعة كبير بحال بنت وزير الدخيلية حتا الهضرة مكتهضرهاش بحال الخلق
ربيعة : هادشي ولا عندك معيور نيشاان
اميرة مصبرااتش انهاارت باابكاا ...عنقااتها عبير وصداعهم وصل حتا لعند رجال دخل يعقوب هوا الاول
يعقوب : شكاين هناا مالكم اميرة مالك
زليخة : غا مع هاد الخطية لي عطاانا الله كل مرة حاشية لبنت هضرة فشكل
يعقوب : هاااا لي قلنااا وشحال يااا امي هضرت معااك وقلت ليك مخصناا لا عائلة لااا حتااا واحد هاانتي وقفتي عند كلامي هادو داباا علاش باش ينكدوها عليناا ولا شنو
عبد الكبير : علاش مالها معاها
زليخة : وكل ساعة واش مطلقة واش هجالة فين غتمشي شغديرو ايواا زادت فيهم
رجاء : كبرتوا الموضوع حتا لهاد الدرجة زعمة راكم عااملين مزية ونتوما كل شهر عندكم عروسة العقبة ل 4
يعقوب : ماشي داري هادي اما كن مخليت حتاا شي بنت الجيفة تبقاا عندي هنا
عبد الكبير : خرجوا علياا من داري كلكم واحد بواااحد
مشاا يعقوب شد اميرة من يديهاا وطلعها يلاه وصلو الفوق عنقهاا لصدروا وجلس كيسكت فيهاا
اميرة : اهئ اهئ انا الله مقلت ليها شي حاجة باش تجبدني ولا تأديني
يعقوب : ششش صافي دابااا اجي دخلي لبيتك
دخلها يعقوب لداخل ومسح ليها عينيها كيحاول يهذنها
يعقوب : صافي الله يرضي عليك مكاين والو داباا حنا عارفين هادو مستواهم كيف داير غير ماما الله يهديها غاا متجمع عليناا البشار بلا فايدة ولكن هنا غتحد ومع كلشي
اميرة : الصمت
يعقوب : يلاه صافي داباا رتاحي مع راسك انا غنهبط اوكي
اميرة : واخاا
هبط يعقوب وقف ف جوج درجات اللخريين لقااهم خارجين بالصيكانهم كيدمعوا فعينيهم حاضي اش غيكون
عبد الكبير : صافي تفركتات الجوقة يلاه كملو غداكم وهنيوناا
اميرة : كنحاول نسااه جيت لهنى تفكرت راسي ملي دخلت لدارهم وانا معاكم تفكرت ملي كنت مجموعة بعائلتوا مفهمتش صراحة هادشي واخا كنحاول نساه مقدراش فقماا نصلي كندعي معاه وشحال بكيت هاد الصباااح وشحال بكيييت الله يرحموا ويوسع عليه
عبير : شتي احبيبة نتي دابا مزوجة اولا هداك السيد مات الله يرحموا حاولي تنسايه وتبغي داباا راجلك
اميرة : عارفة خاصني نسااه ونحيدوا من قلبي ولكن معرفتش،اش غندير كندعي من قلبي ربي ينسيني ومنبقااش ديراه فبالي ليل نهار
اسماء : صراحة محسيتي بحتاا حاجة من جهة يعقوب
اميرة : والو
عبير : صعيب عليها مسكينة
اسماء : وكيف درتي لبارح خليتيه ونعستي معاه عادي
اميرة : يقدر يجيك عادي نتي اختي ولكن انا لا تعذبت لدرجة لاا توصف وخفت منوو وحتا ضحكات ديالو خوفوني حسيت بيه....
اسماء : كملي
اميرة : صافي
عبير : خليهاا على خاطرهاا
اسماء : لا هضري قولي
اميرة : هوا عندو تجريبة كبيرة فهاد الحياة تزوج وعاود تزوج واناا عاد جيت هوا مولف عكس ديالي اناا لي ربي شاهد اول مرة فحياتي نحس ونعرف ونفهم هادشي كان عقلي كيقول روحي غتزهق وزاد خوفي كمل علياا اكثر واش غتيقو بياا الا قلت ليكم انا جالسة معاكم داباا وكنترعد من الداخل ديالي تيقو بياا الا قلت ليكم اصعب احساس ملي نكون انا ويااه فبيت واحد
اميرة : رمضان شهر الرياان رتل رتل ايات ...سمع صور القراءن
....ماشبعنا من الحسناات .. شيخ المسجد بيأذن من الفجرية لسحور ...
يعقوب : (دخل) هاي هاي على نااس وصويت كملي زيدي
اميرة : الصمت
يعقوب : كملي هادي لي كنتي كتقوليها عجباتني
اميرة : محفضهاش بزاف
يعقوب : قولي شي وحدة خرا
اميرة : معرفاش
يعقوب : مالك مقلقااك شي حاجة
اميرة : لا والو
يعقوب : شفتك هاد القفطان مسخيتيش بيه هاد النهار
اميرة : غير مرتاحة فيه وصافي
يعقوب : امم هكاك اك
كانت كتطوي كمام لين شد ليها يعقوب فيديها وتكا فوق الفراش معلي عينو كيشوف فوجهها وهيا مركزة غير مع لين شدها من يديها وجرها لعندو فوق منو ودخل يدو بين خصرها وزير عليهاا
اميرة : هاا البنت غطيح خليني نقاددها
يعقوب : مغطيح ماا والو غاا بقااي فبلاصتك
ركز يعقوب فعينيهااا كيتأمل فيهم وكيسولهم فين كنتوو هادي شحال واميرة ملقات مدير كتشوف غاا فالعقاد والسفيفة لي فجبادور لي لابس شد ليها وجهها وجرها لعندو حتا تلسقات جبهتهاا مع جبهتواا وطبع قبلة طويلة فمها بغاات تهرب وجهها وتجمع الوقفة ولكن هواا حكمهاا مزيان وغاا مزاد زير عليهاا ..
مريم : الله يعمرها دار اختي معندك منااش تخافي كون كنتي تشوفي عجوزتها شحال عجباتهاا
لاحها تحتو وحناا على عنقهاا كيبووس فيه وتبوريشاا طالعة معاها كتشوف فيه بعينين بارئين وكتحرك راسهاا يمين يساار بحال كترغبوا يحبس
يعقوب : متشوق لغداا نخرجوا من هنى نكون غير انا وياك راس ؟؟ فراس ومكاين حد معاناا
اميرة : هادا علاش باغيني
يعقوب : كيفاش
اميرة : سمحلي اخويا ولكن انا تزوجت غير على ود البنيتة ديالك وخالتي ماشي على .... غرضك نتا
يعقوب : (ناض من عليها ) كيفاش زعمة
اميرة : هادشي مخصنيش منو انا الهدف ديالي الوحيد مقريت مكونت راسي المهم عندي هوا نربي هاد البنيتة ونكون مع خالتي الا حتاجت شي حاجة
يعقوب : (عاقد حجبانو) علاش كتقولي هاد الهضرة بحال هاكا اش جاك فبالك باش تقولي هاد هدشي
اميرة : حسيت بيك باغيني غير على شي حاجة خرا لي انا مقدراش عليهاا وصافي
يعقوب شاف فيهااا وحذر عينووو فلأرض كيجمع انفاسوا
يعقوب : دابا نتي هاشي لي بان ليك ملقيتي متقولي من غير هادشي
اميرة : الصمت
هز يعقوب حوايجوا ودخل الحمام لبسهم وخرح نيشان مع الباب واميرة ناضت موراه سدت الباب من الداخل ومشات الماريو جبدات حويجاتها قندورة طويلة كيف العادة هادا مكتلبس ملي كتكون فدار طلقت شعرها وعاود جمعاتو سفنجة ودارت عليه فولارها ... وجلست حدا لين كتخمم فهضرتها لي قالت ليه وفالهضرة لي قال ليهاا هزات لين فيديها وبقاات كضور بيهاا وتراري وتغني ليهاا حتا نعسات حطاتها حداها فالفراش ومشات الطل فالسرجم. لقات كلشي خرج الجردة طالقين حسيرة وفوقها زربية ومنطاات مطلوقين ومخاد وجالسين جماعين وكيضحكوا وخالد جالس معاهم حتاا هوا ويعقوب مبعد عليهم متكي وشاد تليفون فيدو.. خلات السرجم محلول ومشات طفات ضوء البيت باش متبانش ليهم كتطل. رجعت وبقات حاضية يعقوب واش غينوض واش غيهضر معاهم ولكن بقا على نفس الحال .. حتا ملات اميرة ودخلت وسدتو. مشات تكات حدا لين وطاحت دودة فبلاصتهاا.
حتا صبح الحال
عاد فطنات اميرة براسهاا وفاقت من نعاس حلات عينيها كتشوف فالحيط الضوء داخل مع السرجم بهر الحال لقات راسها مغطية بالمانطة مكمسة فيها ضارت بشوية لقاات يعقوب ناعس حداها عاطيها بالضهر ولين فجنبو من جيهة لخرى.. رجعت ضارت وسدت عينيها كاشوف واش غيفيق واش غيضور لعندها واش غيهضرها. بقات هكاك اكثر من ساعة حتا طاب جنبهاا من نعسة عليه ..كتسمع لين فاقت وبدات كتبجغط حداهم ويسفق بيديها وتغرغرر
يعقوب : (فاق ) مغتسكتيش نتي
لين : دغرر ولاغغلرر
يعقوب : فقتي الفارة ناشطة امم (هزها فوق كرشو) اووبا شنو داباا شنوو نتخااصموا نتناتفوا (كيهرهاا)
لين : 😂😂😂😂 رغغغغ دااغ دد كرر
يعقوب : شنوو كتعايري معايا قولي القنية شكون هادي لي ناعسة حداناا .وقولي امم
لين : ببرر با ر با به بااه
يعقوب : هههههه ناري غتقولي بابااا الله الله والله حتا ناوية تقول بابا هههه
يعقوب : ااااف اااف افف خنزتيهااا ياا خوينزة خااصناا نمشيو عند الميمة تبدل ليك يااك باش ديري فطيرة وتاكلي ف الفيم وديري هم همم يااك
.. هزهاا يعقوب فصدروا ومشا حل فردة د الماريو هز منها ليكوش وسروال بيض هوا كبيبط ديالو وكلينيكس ديالهاا ومشا حل الباب وخرج.. لابس سروال كري د نعاس وتيشورط دالقطن فالبيض وهبط لعندهم التحت.. الطابق سفلي كامل مفصل لصالون كبار وصلات صغار و2 كوزينات وحمامات.. والطابق الثاني خاص بيوت النعاس وبلكونات لي كيطلو على الجردة.. وصلات خاصيين بالضيوف البرانيين.
دخل يعقوب لصالون لقا خالو سي عبد الكبير جالس كيجمع هوا وخالد ومعاذ وجالسة حداهم لالة ربيعة ولالة نزهة.. وعبير واسماء مقنتين شادين البيسي فيديهم.
يعقوب : صبااح الخير عليكم جميعا
عبد الكبير : فقتي بكري
يعقوب : ولهلا يزيد كتر هههه
ربيعة : فين اميرة
يعقوب : مزال ناعسة
عبد الكبير : ايوا ايمتا غتسافروا
يعقوب : بلااتي شوية ان شاء الله ..امي واخاا تبدليلها عفااك
دخلت اميرة لأول مرة غتشوف خالد ومعاذ تلفات اش غدير واضطرت تمكل يديها وتسلم عليهم .. دازت لعند سي عبد الكبير حنات على يدو وخطفها سلمات على خولات يعقوب ومرات عمو وبناتهم جرتها عبير دارت ليها بلاصة حداها جلساتها فيهاا.
وصلات اميرة لباب وحنات راسها كتسنط شنو كاين لداخل بقاات واقفة مقدرات لا دخل لا تعيط.. شوية وهيا ترجع تحني على الباب ودقت جوج دقات
اميرة : واش كتلبس
حل يعقوب لباب وبقاا واقف كيطلع ويهبط فيها
يعقوب : مالك واقفة هناا
اميرة : يحسابلي كتلبس حوايجك ولا شي حاجة
يعقوب : وهاانا كنلبس ولا عريان كاع اش فيهاا ماشي غدخل عندي امي ..سدي الباب موراك
دخلت اميرة وسدت الباب موراها وبقاات واقفة حدا ماريو
يعقوب : غتجمعي حوايجك
اميرة : واخا
يعقوب : يلاه جمعيهم دغياا انا داخل ندوش دغيا ونجي
.. قلع يعقوب تيشورط ديالو وبقاا غا بشورط فوق ركبة هز فوطة ديالو ودخل الحمام واميرة كتخطف شوفاات فيه. جبدات شانطتها وبدات كتستف فيها حوايجهاا وتجمع المسائل ديالهاا .. خرج يعقوب الماء كيقطع من شعروا على لحموا لاوي عليه فوطة وفوطة خرا كيمسح بيهاا راسوا ...مشا نيشان كيجبد حوايجوا من الماريو
يعقوب : سليتي
اميرة : اه صافي
يعقوب : ونوضي شوفي شنو غادي تلبسي
ناضت اميرة حلت جهة لخرا د الماريو جبدات جلابتها بالقميص ديالهاا وشانها وفنيتات ديالو وتقيشراتها سدت الباب ومشات دخلت الحمام شدت عليهاا وجلست كتبدل حوايجهاا يعقوب واقف بلاكة كيشوف بالحر لي فيه والغضب لي خارج من عينيه قلب وجهوا كيبدل
يعقوب : لا حول ولا قوة الا بالله...
لبس سروال كحل وقميجة فالزرق ولافيست من فوق .. مشا حدا المراياا مشط شعروا ولبس مكانتو وجر صباطو حداهم . كيلبس تقاشر. وهيا تخرج اميرة
اميرة : انا سليت
لابسة جلابتها ومقادة زيفهاا ولابسة صباطها لي طالع بالفوق بحال البونتيو مكيبانوش رجليها . مشات الماريو جبدت صاكها حرفاتو مع صدرها ودات فيه بواطة ديالهاا . وكتاب الله وبعض من الكتب الدينية
يعقوب : لبسي الخاتم ديالك
اميرة : اه واخا نسيتو
يعقوب : كملتي جميع د كلشي
اميرة : اه صافي
يعقوب : يلاه هبطي انا هابط موراك.
📞تيييت 📞تيييييت ..
يعقوب : رجعي رجعي الحاج كيصوني رجعت اميرة وايتسامة ترسمات على وجهها..
يعقوب : مولاي اهلان وسهلان سلام عليكم
الحاج : عليكم سلام وغبرتي عييت منصوني وحتا من فاخيته عيات متصوني تهضر مع بنتها والو صافي نسيتونا لباس عليك بعدا نتا والعائلة
يعقوب : الحمد الله مزياان غير تليفون كنحطوا بعيد ولا كنشوف المكالمة وكنقول من بعد نعيط وكنسى والله
الحاج : فين اميرة حداك
يعقوب : ااه هاهياا هاكي..
اميرة : باسيدي سلام عليكم لباس كيف بقيتي
الحاج : وعليكم سلام ورحمة الله شحال خليتي عليناا دار خاوية ياا بنتي
اميرة : الحمد الله 😭😭😭😭 توحشتك بزااف اماما اهئ اهئ
فاخيته : حتا حناا دابا نجيو ان شاء الله غير دوز هاد الايام
اميرة : الميمة فين هياا وكيف دايرة..
فاخيته : من ديك ليلة وهيا مريضة ناضت عليها المعدة عوتاني هاهياا مزالة عياانة هاكيهاا
اميرة : الميمة ديالي كيف بقيتي سلامتك
راضية : ابنتي كيف دايرة........
بقات اميرة شادة الهضرة مع امهاا وجداتها وباهاا وعائلتها من واحد لواحد وكتبكي وتشهق ويعقوب لبس صباطو وبقا واقف حداهاا غير كيشوف فيهاا وفالارض ... سلات اميرة مكالمتها مع اهلها وعطات ليعقوب تليفون و هبطت مع الدروج بشوية كتمسح عينيها حتا وصل عليها يعقوب هاز جوج شنطات فيدو وصاكادو معلقو دخلت اميرة سلمات عليهم وعنقاتها ربيعة خلات يعقوب مزال كيهضر مع خالو وجرت اميرة لبرا الباب ..
ربيعة : هانتي شوفي الله يرضي على بنتي وسعي خااطرك وصبري معااه ويلا تعصب خليه حتا يبرد وعاودي هضري معاه. هانتي فوجي ورتاحي ليك هاد الايااام ونبغي ملي ترجعوا ان شاء الله تكونو موالمين هانيين صافي
يعقوب : مشيناا
ربيعة : هانتوما غاديين
اميرة : واخا اخالتي لهلا يخطيك دابا نهضروا معاك ان شاء الله
ربيعة : حتا انا غنصوني ليكم ضروري بسلامة
خرج يعقوب هوا اول حط باليزات فالكوفر وطلع فالطوموبيل حل لأميرة لباب من الداخل وطلعت حداه.. وديماراا خارج من الدار على براكتي الله
يعقوب : ديري حزام السلامة
اميرة : اه واخا نسيتو
يعقوب : الصمت
اميرة : الصمت ...
زاد يعقوب كيصوك وعينيه غاا مع الطريق واميرة حساات بالراحة حيت مهضرهاا مقاليها حتا كلمة وفنفس الوقت خوفهاا سكوت ديالو والشوفة لي داير.. قلبت وجهاا كتشوف لي غادي ولي جاي وطوموبيلات مزاحمين سهااات فيهم وعقلها مشاا بعيد خرجوا من الرباط وبعدوا بزااف ولا واحد فيهم هضر مع لاخر
📞تييييت 📞تييييت
يعقوب : انعااام
خالد : فين وصلتي
يعقوب : ايواا عاد كنت حداك هادي جوج سوايع
خالد : هههه عطيني عنوان ديال ديك طبيبة لي قلتيلي
يعقوب : الولادة ولا واش مرات صاحبناا !!
خالد : وي هاديك بغيت ناخد عبير عندها دوز ليها
يعقوب : واخا انا نقلب ليك على رقم وانت اتصل بيهم صافي
خالد : واخاا اصاحبي
يعقوب : يلاه تهلا
خالد : زير مزياان اولد العم ...
يعقوب : غنمشيو لتطوان هاد الليلة نباتو تماا وغدا نضورو فيها شوية ومن بعد نمشيو لطنجة صافي
يعقوب : ضرباتك نفس عليه هههه وينوو على حب وشحال باين فعينيك
اميرة : حرام عليك والله
يعقوب : لا محرام علياا والو والله حتاا نموت ونعرف كيفااش خلاك بلاماا يعفس عليك ولا يقيسك زعمة او بالمفهوم واضح يعاشرك يدخل بيك كنتعجب صراحة
اميرة : هوا بعدا مدارش معايا لي درتي نتا باغي غير تزوج على حاجتك غدا بعد غدا تمشي عوتاني تجيب مرا خرا وهانتاا غادي وانا نيتي والله حتا كانت غير على ود بنتك وخالتي ربيعة مهامني حتا حاجة خرا. داك السيد بغيتو ومخصنيش نقول هاد الهضرة حيت مات الله يرحموا وحيت خديت واحد باغي غاا راسو وحاجتوواا
يعقوب : الله يرضي عليك هاكاا نبغيك كتفهي الأمور بكل وضوح بلاما نبرزط راسي معاك. بنتي معشراش عليك تهزيهاا ولا تربيهاا ونتي براسك خاصك تربية من جديد. وانا راه فعلاا تزوجت بيك غاا على قلبي تشطحي ليا تقصري ليااا ومع البرد جااا نلقاا لي يسخن لياا العضامي بيدماا شفت شي بنوتة خرا زوينة وبوقوصة وهياا غادة شبان ليك فهادشي
اميرة : الصمت
يعقوب : تحدوا ليك دابااا ولا !!
اميرة : رجعني بحالي ديني لدارناا
يعقوب : الصمت
اميرة : صافي انا مباغااكش اخاي رجعني بحالي هالعااار لميمة . ديني نجلس مع امي وعائلتي حسن لياا
يعقوب : ايواا وشنو ندير اناا مع واليديك لي عطاوك لياا وهوما فراسهم هادشي كااامل بلي تزوجت بيك غاا لياا شنو نقوليهم ونتي براسك موافقة وتزوجتي بيااا هادشي ماشي هوا هداك. ندوزو غا شهر صحيح وديك ساعة نديك لداركم اوكي ؟؟
لتزمات أميرة بالصمت والبكاا .. ويعقوب قلب وجهوا وكمل طريقوا ومرة مرة يضور يشوف بلور ويخط شوفة ف اميرة..
وصلات العشية وقرب الضلام يطيح دخلو لتطوان.. وصلو لأوطيل
يعقوب : انا جاي
خرج يعقوب من الطوموبيل ودوز مكالمة وهوا غادي حتا شافتو اميرة دخل وبقاات جالسة عطياه العين كتسناه.. بعد شوية رجع وهز الباليزات ودخلهم تعطل عاد رجع وطلع حداها
يعقوب : فشيتي قلبك شوية
اميرة : الصمت
زاد يعقوب بقاا غادي مع الطريق واميرة كطل وتشوف ناس وتسمع هضرتهم والجو ديالهم حتا وقف يعقوب فواحد المقهى كبيرة هبط وسد الباب ومشاا جيهت اميرة حل ليها الباب
يعقوب : مسخيتيش اتبقاي تما
هبط اميرة وزاد يعقوب وهيا زايدة حداه قرب ليهاا وشد ليها فدراعها مضورش وجهوا جيهتهاا دخلو الداخل وبقااوو غاديين واحد المساحة طويلة عاد وصلو لدروج. طلعوا الفوق كانو فيه الناس قلال جلسوا فواحد الطبلة بعيدة .. ومع غروب الشمس والجو ولا اروع
يعقوب : ايواا فين خليناهاا
اميرة : شنو باغي داباا
يعقوب : باغيك نتي
اميرة : عودولي عليك واحد انسان واعي وفاهم وكتعرف بينك وبين سيدي ربي ولكن بان لياا فيك العكس عزيز عليك تجرح الواحد وتجبد شي حد بعيد عليك مأداك بوالو
يعقوب : امم متيقنة من هضرتك
اميرة : هادشي لي شفت فيك معرفتش من نهار جيتي عندناا واناا قلبي مقبوط وحاسة باحساس غريب والخوف كنعياا منحااول نتماالك راسي ونقول هادشي لي وسوسة من عند الشيطان ولكن كنلاحض انا فعلا لي كنت خايفة منو طحت فيه .معرفتش علاش كيطرا لياا هاكا ومعرفتش علاش كنتعذب واخاا مكنجرح حد ومكنقيس حد وهكاك ممهناش
يعقوب هههه مبقيتيش سكوتية صافي
اميرة : اولد ناس انا نجيك من لاخر انا مباغاا لا زواج لا حتاا حاجة . مكرهتش غير نرجع لدارنا وناكل طرف دالخبز هاني مع عائلتي مقدراش لا عليك ولاا على طبعك ولا هادشي لي باغي عطا الله بنات ناس انا معندك مدير بياا..
تكا يعقوب على الكرسي وعاض على صبعوا بالجنب وكيشوف فيها وكيسمع لهضرتها لي جاتو بحال السم كيقطر فقلبوا. تقاد فجلستوا وربع يديه
يعقوب : اهااه كملي
اميرة : مبقا منكمل لي عندي قلتو ليك
يعقوب : اوووف ..سمعي معرفتش كيفااش غنهضر معااك وكيفاش غتفهمي الهضرة ولكن غنهضر .. اولا !! الا بغيتي كاع منقربش ليك .... الصمت ... مرحباا معنديش مشكيل ومن اليوووم .. ثانيا بنتي انا قاد بيهاا بغيتي تهزيهاا عادي سوقك هدااك... اولاا اناا ماشي كيف وصفتيني نتي باغي غير راسي وحاجتي ولا ماعرفت ديك تخربيق .. لو كان هادا الغرض ديالي اقسم لك متلقايني حدااك وكن بقيت غا مع لي كنت معاهاا.نزيدك حاجة خرا فمك نتي بوق ولي عودتي ليهاا باف !! اش داااك واش خلاااك تمشي تعااودي قصة حياتك لأسماء وتقولي ليهااا اه حقى مزال كنبغي راجلي الاول ! شوية لباس نتي كتفهي عندك شي وعي !! عارفة شكتخرحي على فمك وزيدون انا وصيتك وقلت ليك امورنااا تبقاا بيناتنا ويعلم الله اش خرجتي اخور من غير هاد الهضرة .. تكوني عودتي ليهاا كلشي وعطيتيها تفصيل كااع وحنا عندناا ديك موصيبة من نهار حطاتها امي فهاد الأرض وهياا غاا كتزرع وتحط متعرف لا عيب لا حشومة تشوف مجمع د ناس والكلمة مخيرة تحطهاا عمرهااا سترات حتاا كلمة وعااد غاديا عندها نتي تعاودي ليها هادشي .. كنحتاارمك حيت مزال صغيرة ومعارفة والو وكنقول معليش نصبر عليك ولكن كنضن انا كنت غاالط وبزااف علاش طيحت راسي فهاادشي
" وبغيتك "
داك السيد مات الله يرحموا ويوسع عليه انا مجبدتوش بالعيب باش نجرحك انا غير هضرت باش نوضح هاد الحب د والو منين طاح عليك. غنخليك على خاطرك ضبري راسك..غندوزو شي يومين ولا 3 وغنرجعوا لرباط المهم ..
الأرملة الصغيرة الجزء 13
محتوى القصة
التنقل بين الأجزاء