راضية : ايوا قال سيدك فالعشية غنمشيو حتا هوا راه مخلي الجامع
فاخيته : اااه ياا امي على غتمشيو شكتقولي بقااي معاياا
راضية : هاا بنتك حداااك ردي ليها البال ولبنتك ناس المهم شفنااكم وداباا هانتوماا على خير ونترجاو الله تولي بنتي مشاافياا معاافياا هادا الربح
اميرة : ان شاء الله الميمة مسخيااش بيك
راضية : وعلاه اناا شحال عندي منك يخليك ليلي ياا ضوو عيني كنبقاا ساااهية وكنتفكر اميرة غتبعد وتمشي لبلاد نصارا بعيدة وغريبة القلب ديالي كيتهز من بلاصتو واخاا الدار نااقصة بلا بيك وكنشوفك فكل قنت ونتفكر هضرتك ولكن معندناا منديرو نترجااو الله هاد ولد ناس يكون بيك ويديرك كيف كان يدير ليك جدك.
اميرة : ان شاء الله اميمتي غندعي معاك فكل صلاتي باش يسهلك ربي وتمشي الحج
راضية : وربي غيتقبلهااا منك راني عارفة ههه.
دار بدات كتخواا من جديد حطات ليهم لي قصم الله تغداو خلاو طبلة هكاك وناضو يلبسوا حوايجهم. حنى شي الحاج على اميرة عنقهاا وكيبووس ليهاا فراسهااا ويبغي يبوس ليهاا يديهاا وهياا تخطفها. محاسش براسو حتا بداو الدمووع كيهبطوا ليه من عينو ويطيحوا على لحيتو الطويلة البيضاء. شد ليهاا فيديهاا وهياا كتمسح عينيهاا ونيفهاا
الحاج : والله حتاا صبرت راسك كتر من قيااس وملي شفتك ضعاافيت بنتي نتي. سمحيلي الا قصرت فحقك ويلا كنتي باغا شي حاجة ومقضيتهااش ليك. و
اميرة : با سيدي خاصني نحنى على رجليك ونبووسهاا كنضن لولاك لامااا كنت قريت القرآن وعرفت معنااه لولاك لاماا تقربت الا الله وتحببت فالدين جزاك الله الف خير اسئل العلي القدير ان يجعله لك فالميزان المقبول باذن الله ملي كنشووفك كنذووب من الحياء واللهبة لأنك فعلاا قدوتي في هاديه الحيااة واخاا اباا سيدي ندير لي درت منقدرش نرد ليك غاا شوية من لي درتي معاايااا. دعي معاايااا عفااك نكمل ما بقي لين من كتاب الله وربي يوفقني ف دنيتي عسى ان اجد مااا اقدم لآخرتي..
الحاج : دعواتي ليك مكيحبسووش لا ليل لا نهااار استودعك الله بنيتي. الله يجيبلك لي فيهاا الخير... بينماا الحاج كيهضر مع بنتو راضية كتوصي بنتهاا فالكوزينة على اميرة ولين .. وحنان واقفة حداهم احمد جالس فوق السداري وحال فمو استغرب فطريقة الكلام بنتو مع جدهاا ومعاملتهاا ليه ومعاملتو ليهاااا.. بيناتهم واحد الإنسجاام عجيب ... خرج الحاج وتبعوه الأخرون بعدماا سلموا على اميرة. خرج معاهم احمد وفاخيته بقاات جالسة مع بنتها هازة ليهاا فيديها...
نهار بنهاار فاخيته تحزمااات وقفات وقفة د (الصح ) كتنوض بكري توجد شغلهاا حتا تفيق اميرة على على خااطرهاا عاد تمشي تخرجهاا وديهاا الحمام وتقابلهاا تحط ليهاا الفطور وتوجد رضاعة لين حتا تفيق وتعطيها ترضع مقابلاهاا نهار دوش ليهاا نهار لا.. كل مرة حاضياها عندااك تفزك وطيب ليها لحيمتهاا شادة الوقت معاهاا وتحطها فالأرض تحبو شرات ليهاا العااب باش تلاهاا والعجيلة تجلسهاا فيهاا وتمشي بيهاا... طابت اميرة بالجلاس ونعاس توحشت توقف وتصحح رجليهاا.. نهار كولو وهياا جالسة وفقماا تسمع أذان تصلي فوقتهاا ... دازت ايااام وهوماا على نفس الحال لحضاات اميرة اهتمام امهاا وتغيرها فطبعهاا وكيفاش ولات تصرف مع لين وتعامل معاهااا مزياان شي لي فرحهاا بزاف وخلا بالهاا هاني وفنفس الوقت حولات فاخيته تقرب لبنتهااا واخااا ديما كتحس بيهاا وبين بنتهاا واحد الحاجز كتبغي كتر ومكتقدرش كتبغي تهضر ومكتعرفش تعبر.. كتغيير من الهضرة والضحكة د بنتهاا مع يعقوب كتحس بفراغ كبير بالهاا كولو والوسواس لي فيهااا خلاهاا تفكر ان معندهاش قمة عند بنتهاا وهياا زايد نااقص فجأ.... جا غريب ولات ديالو وعندو الحق فيهاا من كل جهة وهياا لي امهاا معندهااش الحق فبنتها وهيا من ناس لي كتبغي تملك على الحاجة. ونفس الشيئ طراا ليها مع بنتهاا باغاا تملكهاااا وباغاا تكون ليهاا بوحدهاا وميشركهاا حد الصديقة والأخت والإبنة ولكن كتولي محبطة ملي كتكون فالكوزينة وضور وجهها لصالون وتشوف بنتهاا قالبة وجهها لجهة خراا وكتهضر عاادي.. كترضهااا غاا لبكااا .. فاخيته بحكم بنتهاا معاشتش معاهاا ومعرفااش عقليتهاا واخاا كتبغي تقرب منهاا معرفااش حتاا منين تبداا الهضرة كتلزم السكوووت وداك السكوت كيرجع ليهاا غا بالعصب كتولي تخرج على فمهااا هضرة قاصحة لي كتجرح الطرف الثاني .
وبالخصوص ملي كتفكر غتمشي عليها لبلاد بعيدة.. ماشي هياا مكنااس لي اقرب مدينة ليهاا بل كيلوميترات..... براا وجواا ..
جلساات قبالتهاا كتأمل فوجهها واميرة ساهية كتقراا كتاب الله. هزت راسها ف امهاا لقاات عينيها حومر باست المصحك وحطاتو فالجنب فوق كوان
اميرة : ماما مالك.
ناضت فاخيته عندهاا عنقاااتهااا ومبغاااتش طلق والدموع هابطين من عينيهاا. اميرة مفهماات والوو ولكن رتاحت ملي ضمتهاا امها لصدرها عاد بالها رتااح..
حولات فاخيته تقرب لبنتهاا ففترة وجيزة وتبين ليهاا حبهاا واخاا طبعهااا صعيب وباغاا تمتاالك بنتهاا ولكن كتصبر راسهااا واميرة شركاتها شحال من حاجة وكتعاود ليهاا على راسهاا فدار جدها وكيفاش عاشت وكيفاش كيتعامل معاهاا يعقوب فكلامو طبعوا حولات اميرة توصل لفكره لفااخيته فاخيته من جهة طمأنات على بنتهااا وعااد بدات تفهمهاا وتعرف عقليتهاا ولو لسنهاا صغير ولكن كتعرف كيفاش تصرف وكيفاش تعامل وكيفاش قنعات امهاا.. يوم بعد يوم فاخيته كتزيد تقرب لأميرة نفس الشئ اميرة فهمات طبع امها ولات كدير غاا سياستهاا... " عطلة دالربيع " جات وكلشي راحة. فصباااح جميل والشمس سااطعة اميرة جالسة فصالون متكية على رجل امها جاهاا اتصال من يعقوب جوبات عليه وسولهاا كيف ديماا على احوال وطلب منها دوز ليه فاخيته يهضر معاهاا. هضرت معاه بشوية وعطااتو صوابو.. طلب منها تسمح ل أميرة تمشي لرباط حيت نهاد فالطريق جايا هياا وخوهاا لفااس يديو اميرة ... تقجااااات وبغاات تنفاااجر وفلاخر قاليهاا..
يعقوب : الا بغيتي حتا نتي سيري معاهاا ولدك راه العطلة دابااا دوزي شي ايمات ويرجعوك
فاخيته : واخا مرحباا بيهم يكون خير...
هضر معاها يعقوب بجدية ومقصح هضرتواا فاخيته وحلات ليهاا من جديد بعدمااا كانت تقول لبااااس اخيراا تهنيت.... جاهاا صداع من جهة خرا.. وصل وقت الغدا جاا احمد يتغداا وهوما ضايرين على طبلة قالت ليه كلشي وافق وبغاااهاا تمشي وتقاابل بنتهاا ولكن شرط عليهاا متعطلش .. بعدماا سلاو ناضت لبيت تشوف شمن حوايج غتجمع دارتهم فصاك وحطاتهم فجنب عشية وصلوهم الضيااف رحبوا بيهم وجلسو معاهم وعلموهم بلي لغدااا غيمشيو.. وغيتبعوا ليهاا مع طبيب اخر . تعشااو وكل واحد شاد بلاصتو سي احمد شااد جمامع مع سليمان على سياسة والأخباار... نهاد دخلاتها فاخيته لبيت اميرة ينعسوا بجوج فرشات ليها وقدات ليها بلاصتها. وناضت تجمع الحوايج مع اميرة مخلات حتا حاجة حطو شوانط جوج وحدة فوق وحدة وصاك دلين وحويجاتها وصبابطهاا .. خلاو غاا الحوايج لي غادي يلبسوا .
صباح الحاال صبحاات فاخيته مزياان هاانيااا وضحكة فوجهها لي عودات اميرة تصبح عليهاا.. فاقو نهاد ناضت تحداك مع فاخيته فالكوزينة واميرة يلاه ناضت من نعاس وهوا يصوني عليهاا يعقوب شداات معاه الهضرة حتاا دخلو عندهاا يخرجوهاا تفطر عاد دارت تليفون يتشارحاا وخرجت..
فطرو دغياا وناضو يلبسو حوايجهم ويجمعوا بكاجهم هبط ليهم سي احمد وسليمان حوايج لتحت وفاخيته قدات لتامهااا وهزت لين ونهاد لبست حوايجهاا هزة صاكها فيديها طلع احمد باش يهز اميرة رفضاات وهبطت راسهاا كتفورصي على ركيلة رجليها غااا كتحطهاا هابطة شادة فالصور الحيط كتوجع مقدراتش عاد تزيد تكمل جلساات فالدروج وهبطااات ساحتة حتاا لقااع عاد شداات فيهاا فاخيته ونهاد وطلعوها لفوق. طلعات حدااها فاخيته هازة لين وزياد فجنبهم طلعات نهاد القدام دارو اشارة ل احمد د وداع بقااا هوا واقف فالباب وخرين زادو . " مع سليمان وختو مطلوقين وعندهم مع تقشاااب طريق كلهاا وهوماا جماعين وكيضحكواا محسووش براسهم حتاا وذنات عليهم المغرب فالطريق... وصلو قبل آذان العشاء كانت نزهة على احرر من الجمر باستقباال اميرة لي يلاه خرجت من طوموبيل عنقاااتهاا وكتبوووس فيهاا شدو فيها كلهم مدخلينهاا وهيا كتعرج حتاا وصلو الداخل استقبلهاا سي عبد الكبير ب طبعوا الجميل وكلامو الحلو... وحفاادو وناس لي معاه... بغاو يطلعوهاا فالدروج مبغاااتش وطلعت فعذااااب شديد حيت واخاا بالركيلات مكتعرفش تمشي بيهم بزااق وكتفورصي على رجليها ... طلعاات كتزيذ وتروح حتاا وصلااات بيتهاا حلاتو ليهاا نزهة مفرش مقاد كلشي فبلاصتو . دخلوها وتجمعوا عليهاا فرحانين وبالزغاااارت. ليلة دازت عندهم زاهية فرحاانين ناشطين.. تعشاو وناس ناضو ينعشوا وفاخيته فرشات حدا بنتها فالارض وجلسو كيجمعوا حتا غلبهم نعااس ولين مكعورة حداهم..
وبكل جنون هاا هو حبيبي الحنون طيب المجنون بحبي مفتون له فقط سأكون ...
دخل بلهفة واللهبة شداه من الباب على عينو ف نافدة البيت ديالها لقاه محلول وموزين ريدو هز فيديو بوكي د الورد وبواطة كبيرة فيدو ودخل طلقاااتو نزهة بتعنيقة من الباب دخل لداخل سلم على الجميع وعلى فااخيته لي شاافتوو تشوكاات وملقاات فين دير وجهها عااادي ب ابتسااامتو الجميلة كأنه شيئ لم يكن رجع بلور وقلب وجهوا طلع مع الدروج دق جوج دقاات سمع صوتها من داخل قالت
أميرة : دخل
حل الباب جات عينيهاا فعينيه هزت راسها وحلت فمها وعينيهاا تغرغروا بالدموع ممتيقااش واش هادشي لي كتشوفو بصح ولا
اميرة : (بصوت طفولي بريئ ) يعقوب
دوز عينيه مع رجليهاا لي مهزوها فوق المخدة وملوية عليها الفاصمة ورجل خرا طلقاهاا حداها بغاات تنوض وتقااد فالجلسة شد الباب وتم جاي جيهتهاا حط داكشي من يدو وحنى عليهاا كمشهاا فصدروا ....
تجوباات معاه وعنقاتها بالجهد لي فيهاا وعينيها كيدمعوا رخف عليهاا وشاف فيهاا شاد ليها يديها بيد ويد اخر شاد بيهاا حنكهاا
يعقوب : شوية داباا كيف بقيتي
اميرة : الحمد الله .. على سلامتك ايمتاا جيتي مقلتي ليا والو واخا هضرنا فالصباح بكري
مشاا حيد صباطو وحطو حدا باب وهز بينوار ديالو وشورط ودخل لحمام حلات اميرة ديك البواطة المذهبة من براا...لقاات شكلاط بكل الأشكاال مستفين فقويلباات على شكل ورد.. على شكل قلب ..على شكل شميعاات حطاتهاا حداها وهياا كتمسح دموعهااا من شدة الفرحة وكدعي فنفسهاا وتحمد الله حيت شاافتو على خير... جمعت شعرهااا سفنجة وشدااتو ب مقبض هزت رجليهاا قداتها فوق المخدة وبقاات متكية وقلبهاا غيطير بالفرحة بسرعة دار دوش خفيف وخرج لابس بينوار وفوطة فوق راسو كيمسح بهاا قرب ليهاا ب ابتساامة فوجهواا رمى فوطةفوق الكرسي ودخل حداها فالفراش وعنقهاااااا كيبووس فيهااا فحنيكاتهاا وعنقهاا وجبهتهااا... دار يديه تحت راسهاا وحكمهاا حدا وجهوااا كيتأمل فعينيهااا وشوفاتهاا لي كيذوبوا هز ليهاا يديها وحطهاا عليه فوق ضهرو هز ليهاا راسو باش تبادلو نفس الشيئ.. طلقت راسهاا شوية وزادت عندو ويديها شادة فيه من لور ..
يعقوب : نتمنى مرة خراا منبعدووش على بعضياااتنا ونبقااو قراب ومفاااهمين انا توحشتك بزااف خلاص مبقيتش قادر كاااع نزيد نصبر ..
اميرة : الحمد الله على سلامتك عاد فرحت وعاد حسيت بالأمااان...
يعقوب : مخديتيش شكلاط ديالك
اميرة : حتا نعطي لكلشي ولا
يعقوب : جبتو غاا ليك نتي مجتووش لشي حد اخور .. عندي ميررااا وحدة لي سكنات قلبي
اميرة : هه .. انا سميتي اميرة علاش كتقول ليا ميرا
يعقوب : من طبعي الحاجة مشروكة معنديش معااهااا اميرة ديالهم وميرااا ديالي بوحدي بنتي ثانية
اميرة : توحشت خالتي ربيعة بزااف
يعقوب : حتااا هيااا ملهووفة كتقيل تهضر غاا عليك حتا ناس لي عندناا فدار ولاو عارفينكم بوصفك بكلشي
اميرة : وعلاش مجااتش معاك
يعقوب : دابا نتي لي غتمشي عندهااا نوبة فيك
اميرة : ان شاء الله شفتي لين راهاا مع ماما هبطاتها معاها
يعقوب : شكون داهاا ف لين الله يهديك والله مرديت ليها غاا مديت يدي وطلعت نيشاان ...
مشادين فبعضياتهم ومعاانقين ونيفهم ملاسق بجوج... هوا كيعاود ليهاا على سفر كيف داز وشدار وفين مشااا والوريقات لي تقاادو ليها وهياا كتعاوذ ليه امورهاا عادية لي دازت منهاا... دقات عليهم نزهة ناض يعقوب غادي لباب وكيشد ف البينوار ديالو فتح الباب..
نزهة : ولدي واجيو تغداو راه العصر علاين توذن
يعقوب : شوفي لي وجدتوه لي كاان جيبيه لهنى عفااك مكاين لاش نخرجوا
نزهة : واخا اولدي ..
مشات نزهة ويعقوب شد الباب ورجع لعندها جلس فجنب النموسية هز ليها رجلهاا حطها مطلوقة فوق رجليه كيقيص ليهاا صبيعاتهاا البردانين وكيشوف ليها الهرسة.. لي ف رجليهااا
ضار عندهاا شاف فيها وهيا كتشوف فيه بعينين لامعين فيهم الحزن ..
خديجة :علاش غتفقصي بالعكس فرحي حيت عندك بنت غزالة وتزوجهااا راجل بمعنى الكلمة الله يكمل ليهم واللهم لاا حسد. نتي مزاال صغيرة زيدي ولدي انا حتاا درت 31 عام عاد تزوجت ههه وهاناا عاد ولدت الولد اللول وعاد ولدت الثاني متابعين ههه تقولي كنجاهد مصااب كون تزوجت صغيرة كون راني دايرة بنتي هياا صحبتي وختي اللله على احساس
صلات اميرة فوق الفراش حتا سلات.. ناض يعقوب لبس فوقية رجالية خفيفة فالمووف بااارد .. وصندالة د الصبع قدات زيفهاا بغات تهز العصى باش توقف وهوا يهزهاا يعقوب بين ذرعانو حل الباب وهبط شااد فيها ملي قربرو
اميرة : عفاااك عفااااك عفاااك هبطني غاا هنى عمي عبد الكبير جالس التحت هواا وماما وخالتي نرهة حشووومة والله هبطني عفاااك
يعقوب : واخاا يجي....... المهم مغاديش لي معجبو حال يشرب البحر انا مهبط مراتي علاه ماالي
ناض يعقوب مشا لكوزينة قبالت اميرة كل مرة ضور وجهها تشوف فيه لقااتو كيخلط بالطراااب حضيااه اش غيدير يلاه هوا كيقلب وجهو لجيهتهاا يحل الثلاجة وهيا تقلب وجهها لجهة خراا... جالسين جماعين على رجالهم والكوزينة.... كل وحدة كتهضر من جهة واميرة جالسة حداهم غاا كضحك وتهزز راسهاا..وفاخيته جالسة قبالت بنتهاا عينيهاا كيطلاقاااو فعينيها كتشوف فيهاا بحنية وفرحانة من جهتها مع العائلة الجديدة لي كتصرف بكل طلاقة ..
ريحة بدات كتوصلهم غاا كيشمشموا وجااعوا .. خرج يعقوب هاز السينية ف يدو وهوماا كيموتو بالضحك وحدة كتشوف ف وحدة رجع الكوزينة هز جوج طباسل فيدو واحد د كريب مذهون بشكلاط واحد د الحلوة مشكلة... حطهم فوق الطبلة وجلس
نزهة : الله ياا ولدي وعلاش مكلف راسك ههه كون غا جلستي نشوفوك حشومة كااع
خديجة : اويلي حشوومة كااع حنا هناا شوف شحال من ولية جالسة ونتا تنوض توجد هههه يعقوب : وقاالووهااا ناس زمان عطي لبووه رجليه جابوووه اطط نهز سينيتي نمشي بحالي الله يهنيكم
هز يعقوب تليفون ف يدو كيتميسااجا مع صحابو فينما يضور وجهور يلقا اميرة لي جالسة حداه بيناتهم زياد سااهية فيه كيضور وجهوا وكيكمل وهوا عاطيها الشوفة بنص العين ...
دخل سي عبد الكبير لي صلا صلاة المغرب عاد داخل جلس معاهم كيقشبوو دخلو ولادهم وتجمعوا مقصرين فاخيته ناضت هيا ونهاد وخديجة الكوزينة يوجدوا العشاء ناض يعقوب جلس حدا خالو قبالت اميرة .. واميرة شداتها نزهة بالهضرة والجمعية بيناتهم... حتا وجدوا العشاء وتاخر الحاال.. عاد حطو وتعشاو مجموعين ... بقاات جالسين شوية..استأذن سي عبد الكبير يمشي ينعس كذالك ولادو بقااو غاا النساء ويعقوب...
عطاها يعقوب عباية ديالها سامبل نفس الستيل لي كترتاح فيه.. لبسااتها وقدات زيفهاا فبلاصتها بلاما تشوف فالمرايا جاب ليها يعقوب صباط حنى على ركابيه لبسو ليها وجهة لاخرا لي فيها الجبص طوا الشنافة اللورانية د صباط وخشاا ليها صباع رجليها وقفهاا بشوية عليهاا وخرج شاد فيها هبطها فالدروج بشوية حتا هبطو لتحت. يلاه هوا شاد فيها وغاديين جيهت الباب وهوا يعيط ليه عبد الكبير..
جا لعندهم وسلمات عليه اميرة
عبد الكبير : شدرتي
يعقوب : غنخمم ونرد ليك باش مكان
عبد الكبير : واخا الله يسر..
خرجوا وطلعهاا يعقوب حداه وطلع هوا لبلاصتو وديمارا طوموبيل خاررج...
يعقوب : ميراا انجلسوا فشي بلاصة باش نهضروا
اميرة : اه واخا ..
وصل لجردة كبيرة عامرة بالناس جايبين ولادهم يلعبو خرجهاا بشوية على انضارغ الجميع كيشوفو فيهم وكيف شاد فيهاا وكيزيدهاا بشوية عليها...غ هز فراشة صغيرة بحال الزربية من اللور وفرشها على الكرسي وجلسها عليه... جلس حداهاا..
يعقوب : شوفي انبدا ليك من الأول باش تفهمي الأمور كيف دايرة ونيت نجاوبك على سؤالكف داك نهار
اميرة : واخا.
يعقوب : الوالد الله يرحموا كانت حالتو ضعيفة بزاف مفحالهومش باه مات وماخلاا ليهم غاا 13 د زيتونات ودار د الطوبية .. كان صغير وحافض كتاب الله كامل.. وكيمشي كيتقاتل مع زمان باش يجيب طرف دالخبز هوا وخوتو لدار.. مشا خدم ف السوااق مع الكزارة ومشاا يسقط الزيتون ويتكارا مع ناس مخلاا مدار شي كيسرفوا وشي كيخبعواا وهوا كيكبر وهوا كيجمع الفلووس.. نفسوا كانت حاارة بزاف خلاتو يدير النفس ويدير لي مداروهش خوتو شرا الزيتون والأرض كانت خدمتوا غاا الفلاحة الحرث بالجويجة والزيتون والحصاد كيبيع ويكبر شغلو ودار جوج بحيرات كبااار لي كدخل ليه المنفعة لدارو ولبيع وشرا ديالو.
يعقوب : المهم مو ماتت وبقا بوحدو حيت خوتو عزلو عليه .
والسيد طاهر العلوي لي هوا جدي باها د امي لي كان ساكن فالمدينة ..الله يرحموا كان عاطيه الله من خيروا وسيد متدين وعارف بينو وبين الله. كان بابا ملي كيطحن الزيت الطنحة اللولة د مسلالة الحلوة كيجيبها ليه هههه هادي كان معروف بيها واحد زيت اسمها علوانة..
اميرة : هههه اه عرفتهاا كتحمقني
يعقوب : هيه شفتي ها حنا بحال بحال . وتما شاف امي وعجبااتو وخطبهاا من عندهم واخا كان بابا مستواه ماشي مستواها ومعايش فالمدينة قبلات بيه ماما وتزوجاتو ومشات عاشت معاه واخا امي لالة لي هياا جداتي حرااام واش بغااات... المهم معليناا دابا. حولات تعايش مع الطبيعة وتصبر وعونات بابا بزاااف وكانت جامعة ليه رزقو شحال مااعطاهااا ينسيهااا فيه بالشهوراااا وملي يرجع يحسب يلقاا كلشي هوا هداك محطاتش يديهاا كبرات فعينيه وتاق فيهاا كتر وجمع شي براكة دالفلوس دوزت عامين عاد حملت.. بابا فكر يبيع كلشي ويمشي لمدينة وماما حتا هيا وفقاات وفترة د الحمل ديالها مات جدي وخلا رزقوا وفرقو ورتهم لي جاا لماما فحقهاا الكثيير والكثير. شداتو ماما وعطاتو لبابا وقالت ليه رزقك خليه متبيعوش فالوقت د الزيتون نديو معاناا الخدامة وهانتاا تجمع رزقك وتفلح فلاحتك. بززات عليه عاد وافق داكشي لي كاان.. خداو دار فالمدينة صغيرة غير سفلية وعاشو فيها غاا بالياجور صبرواا وصلحوا وبناو فوق منهاا وزادو بناو تالث ماما كانت ولدت وملي داز السبوع مات ليه كان ولد سماتو محمد مرضاات مور الموت ديالو وطولات مولدش عاد جيت اناا من بعد،، كان امورهم تقدات شوية.. فاض الخير عليهم ولداتني انا كنعقل كناا كنمشيو انا ولاد عمامي صغااار بزاف معاهم العروبية
اميرة : (ساهية فيه )
يعقوب: عاد جاا فلاخر بابا قاليه صاحبو يلاه تمشي معايا لاسبانياا بابا واقف وخلا ماما معذبة كتقول موحال واش يجي كانت فديك الوقت حاملة ب اسماء طول الغيبة بزاف حتا عيط ليناا من فرانساا.. خدا دار صغيرة وقاليناا راه قادد امورو تماا وغيرجع وغيديناا معاه. كانت اسماء داخلة ف 3 سنين وفعلا رجع وداناا معاه وعشناا تما واخاا كنااااا مزيرييين بزاف عشانا مكنااش نلحقوه كملناا قرايتناا كنمشيو ونجيو دار فالأول سدوهاا وفلاخر بابا ملي دخلات عليه الفلووس ويسر ربي امرو رجع الدار وكمل البني رابع ودخل الكراي لدار والأراضي كراهم لناس يحرثو فيهم
والزيتون كيعطيه بالنص شي حد مثلا يسقطو ليه ويطحن ليه ويصيفط لينا النص دار دالعروبية باعهاا .. فهمتي داباا ومات بابا وصيتوو اخيرة قالي انا ايلا مت نتاا مول كلشي داباا تصرف كيف بغيتي بيع لي بغيتي كلشي ديالك ومات. وماما كلفااتني بكلشي وخوتي معندهم غراد فوالو كان مني كلشي وهزيت مسؤوليتهم مكنتش خداام ومعندي منين تجيني الفلووس داك الكراا ديال الدار والعروبية هوا لي كان عاتقناا منو كناكلو منو كنقراو منو كنقضيو كلشي.. ومع بديت كندير ليالي قرأنية ونشارك فمسبقاات دينية راه كنضور الحركة شوية فهمتي
اميرة : اه وانا فالأول تعجبت والله دابا فهمت مزياان
يعقوب : المهم شرحت ليك من جهة من جهة خرااا نقولك دابا موضوعنااا الا قبلتيه..
اميرة : اه قولي
يعقوب : خالي قالي شي حد بغاا يشري الزيتون كامل والأراضي وقالك شي حد بغاا يشري الدار نا فكرت حتاا عييت ومتردد
اميرة : (بحماس ) نعطيك الرأي ديالي
يعقوب : هوا لي محتاجو
اميرة: وشاور مع خالتي ربيعة هيا لي تقدر تقولك اش دير
يعقوب : ميرااا راه هياا اللولة هضرت معاهاا وقالت ليااا معندي منقولك باش اناا جيت نسولك نتي
اميرة : خلي الزيتون يااك وبيع الأرض .. زيتون كيجي على عامين هادا الا كانت شتاء المهم يصلح لدار والماكلة والأرض معندها فاش تنفعك من غير كرا يعني مغاديش تمشي تفلح يااك.
ايوا ودار قالي عقلي غاا خليهاا بلاما تبيعهاا حيت ملي تبغي ترجع لمغرب ترجع لداركم
يعقوب : ههه فكرت مزياان
اميرة : فاش
يعقوب : غنبيعهااا
اميرة : علااااش
يعقوب : كنرتااح بالجو د طنجة
وناسهاا صراحة وصحابي لي تماا والمعرفة لي عندي غنبيع دارناا لي فالجديدة كاينة.. وغناخدهاا ف طنجة شباان ليك
اميرة : ياه فكرتيني ف رباب
يعقوب : اذن شنو داباا
اميرة : وعلى آله بيعهاا وخود شي سكنة فطنجة ..
حول يفهمها ويوصل ليها الفكرة وهياا حلات وذنيهاا وخدمات عقلها .. شدو الهضرة وحديثهم كاان طويل حتااا رصاو امورهم وتغداو وسراهاا شوية ف مدينة الرباط
العشاء كتقول الله اكبر وهوما عاد راجعين لدار دخل يعقوب طاير لقااو فاخيته جاسة هيا وخديجة برا كيتجمعوا يلاه شافوهم تموا داخلين كاملين بيهم الداخل ويعقوب شاد فيهاا جلسوا التحت مع خالو ولادو تعشااو وطلعوا بحالهم.. بدل يعقوب حوايجوا واميرة حيدات عبايتها ولبسات غاا قندورة خفيفة... شاف فيهاا يعقوب كيتأمل فيهااا وعينيه خارجين فيهاا..
يعقوب : هاانا غندوز ليك هاد شي وغداا نديك عند طبيب نشوفو اش غيقوول وغتخلصي ياا الحبيبة بضوبل غاا تسنااي
اميرة : الصمت
يعقوب : (كيجبدها ) عندااك متبقااايش ساكتة وضوري عينيك تماا
اميرة : انا دابا مريضة و....
يعقوب : عرفناااك ابنت ختي مريضة ومطبووووخة وعيااانة ارااا مضوري وتنوعري وتبووحطي هاناا نعطيك شهر كاع اخوور وغيتسالا..
اميرة : (جلست حداه بغات تفلت ) اجي بعدا ياك انا بغيت هادشي غاا على قبل لين نربيها ونقابلها ونيتي كانت تبات معاياا ونبدل ليها ونقااد ليها وصافي
يعقوب : داباا ملي مضيتي عند العدول نهار جاو لداركم قلتي انا تزوجت غا باش نربيهاا امم
اميرة : لااا
تكا يعقوب فوق نموسية طالق رجليه ومفرقهم..واميرة جالسة من جهة خرا كتشوف فيه
يعقوب : ايواا يا لالة هداك سميتو عقد النكاااح😌 يعني من حقي نتمتع بمراتي كيف بغيت وفأي وقت واخاا 24/24 سااعة فهمتي شتي واخاا تكوني دايرة الحديد هادا مغاديش يمنع انه تكون بيناتناا.
ضار عندها غمزهاا
يعقوب : ( حمر عينيه فيها بغاا يزيرهاا ) فهمتي ! وراه من واجبك كاا زوجة تحني راسك وتنازلي وتعطيني حقي فيك يا لالة
تفكر الجانب ديني لي مايلة ليه اميرة وكدير بيه وبغا يشدها منو
يعقوب : هادشي ماشي انا لي كنقولو راك نتي خاصك تعرفيه مفروض عليك بحال االصلاة ايوا عوتاني الا مبغيتيش خلي نعلة تنزل عليك ليل كامل...
قلب وجهوا لجهة خراا حابس الضحكة كيتعصر فبلاصتو وكيتسنى ردة فعل ديالها...
اميرة : ماشي حشومة عليك دير لياا هاكا . داباا نتا كتبزز علياا ومحاسش بياا وبالحريق لي فياا (كدمع )
مزال مخرجات هضرتهاا حتا ضار بسرعة البرق وعينييه خاارجين
يعقوب : ديجااا دويت معااك وقلت ليك نسااي هادوووك نسااي كنت مزوج نساااي هاد المرض لي كل مرة جبدااه ليااا واش كديريهاا بلعااني ولاا شنو اناااااا مع امي ومكنبغيهاااش تجبد ليااا حس القديييم مرا خرا متعرفي منين جاتك شي.......
كان كيقشب حتاا نذماتو وخلاتو كيغلي من الداخل ديالو بكلامهاا لي حسباتو هياا عادي ضور وجهوا وتغطى خلا دموع هابطين على خدودهاا وفمهاا كيترعد كتشوف فيه حنات على فراش وتغطاات مد هوا يديه طفى الضوء .. كيتسمع غاا تنخصيص ديالهاا والشهييق والبكاااا داز الوقت حتا حس بيها نعساات وسقرات محس براسو حتا داه النعاس فساعة متأخرة فاق على صوت المنبه طفاه وناض توضا صلا .. وهيا كتخرشش فبلاصتها حس بيها فايقة
يعقوب : نوضي باش نمشيو لطبيب يلاه نلقاوه خاوي ..
سمعاتو وناضت بشوية عليها عينيها مطبووخين وشعرهاا طالع فالسماء. لبست البينوار ديالهاا صبح الحال بااارد. هزت العصى وناضت غادية بشوية عليهاا لبس هوا حوايجوا وجلس كيلبس ف مكانة ديالو خرجات هياا بشوية عليها لبساات حوايجها وجلست فوق الكرسي كتصلي لبست صباطها وحل الباب .. شد فيهاا مهبطها مع الدروج وغااا الصمت كلشي ناعس حل الباب ديال الدار خرجهاا طلعت فالطوموبيل وزادو .. دخلها الطبيب بشوية هبطها فلاسنسور الطابق السفلي لي كيكون فيه الدكتور لقاا 3 د ناس لي شادين السربيس وعندهم الورقة خلا اميرة جالسة فاق الكرسي ومشا خلص وقطع الورقة ديالو ورجع. بقااو تما كيتسناو حتا جاا ودخلو الناس فالأول عاد وصلاتهم النوبة ودخلو موراهم ...
فحصها الدكتور وشرحوا ليه الحالة وعطاوه الورقة د طبيب د فاس عطاها اسبوع فقط متمشيش عليهاا فمرا ومتعمدش عليهاا باش ميتشققش داك الجبص وترجع تحيدو من بعد عندو ... سلاو وخرجوا بحالهم راجعين الدار وهوا شاد فيها
#بعد 10 ايام
يوم بعد يوم من ساعة لي رجع فيها يعقوب من الطبيب مع اميرة جلس مع خالو واقترح عليه بما انه مزال لين شوية د الوقت باش عاد يرجع لفرنسا يستاغل الفرصة ويمشي الجديدة يشوف الشاري لدار ويمشي لعروبية يبيع الكطرات ويجي ناضي بعد تفكير طويل وضريب الحساب ..وافق وتافقو العشية يكونو فالجديدة باش لاغدا يطلاقااو مع السيد ...طيبو الغدا بكري والسينية دالفطور مزال محطوطة حطو وتغداووو ويعقوب كيتناقش هوا وخالو .. سلات اميرة وطلبات من امهاا طلعهاا لفوق لبيتهاا طلعاتهاا وسمعات الغوات د لين مشات كتجري لعندهاا.. يعقوب كيف سالا بالغدا مشاا غسل يديه وطلع نيشان البيت لقاا اميرة شادة تليفون فيديهاا. جبد شانطتو وبدا كيجع الحوايج ديالو فيها. مهنهااش خاطرهاا وهضرات
اميرة : فين غتمشي
يعقوب : عندي شي شغل على ود البيع غنمشي نشوف شكااين معارفش نقدر نتعطل المهم دي لبال راسك
اميرة : حتا نتاا ...... بزاف
يعقوب : المهم تبعي اش قال ليك طبيب متوقفيش وحنا بيناتناا تليفون .. جمع حوايجو وخرج هابط مع الدروج وهيااا عطااتهاا البكاااا معجبهاش تصرف ديالو معاها وطريقتو الباردة فالهضرة .. فشاات خاطرهاا حتا كتسمع صوت طوموبيل خرج زاد انهاارت كتر مااهياا منهاارة ارتاحت شوية ونعسات دخلو عندهاا مجموعين عليهاا عوتات ليه لي قال ليها الطبيب وهنا كلشي وقف معاهااا بالخصوص فاخيته لي ولات كتنعس حداهاا هيا ولين ولفاات كل ليلة تعاود لبنتها على راسهاا وتزيد تقربهاا منهاا كتر. بقااو على نفس الحال كيف اليوم كيف غداا. يجيبو ل أميرة الماكلة لبيت وفاخيته مقابلاهاا فالحمام اميرة وحلات غاا مع تليفون كل مرة طل على يعقوب حتا كتكتب مسج وترجع تمسحوا كتبرد غدايدهاا غا فالدموع حسات ان الألم خفاف شوية غاا الحبص لي مزير عليها... ولكن صبرات حتا يرجع.
يعقوب شد هوا وعبد الكبير طريق غاديين كيتعاودو على مشاريع كل واحد كيعطي رأي ديالو... وصلو ونزلو ف اوطيل بعدهاا طلاقاو سيد لي ياغي يشري ومتفاهمووش جاا واحد اخور نيت متفااهموش ثالت هواا لي تكتابت ليه بعد 5 ايام عاد لقااو شاري تفاهموا وترضاو وعلموا الكراي يعطيوهم مهلة باش يخرجوا حيت داخل شاري اخور خلا شاري الكرااي وبغااا يستاغل الفرصة . وداكشي لي كان. بعدهاا مشاو العروبية ارض جداد لي يعقووب سهى فيهاا ورجعت بيه الذاكرة لور واللهبة ديال ديك الأرض شداه.
نفس الشيئ باع وجمع فليسااتو فالحساب ديالو دازت 10 اياام طايرة كانت اميرة فصباح كتشرب الصوبااا وشعلات التلفاازة كتفرج فبيتها وسااهياا وحاسة براسهاا قادرة تنوض وقادرة تزطم.. سمعات صوت طوموبيل دخلات ومشا رمات راسها كطل بان ليها يعقوب داخل قدات شغرهاا وكسوتها لي لابسة وجلساات كتسنى فيه بلهفة. شوية وهيا الباب تحل ويعقوب دخل كيطلع ويهبط فيهاا زادت عندو بخطواات بطيئة وعنقاااااتو على حر جهدهااا...
لوا يدو عليهااا وعنقها حتا هوا مبادلها نفس الشيئ..
جلس حداها معنقها وكيسولها على رجليها وهياا كتسولو على امورو.... فالعشية داهاا عند الطبيب شاف ليها راديو درجليهاا لقاهاا مزياانة وحيد ليها داك الصباااط لي من فوق عاد حيد ليها الجبص وحسااات برجليها ترخفااات واخاا حساااات بنغزة دالحريق... واخيرا ارتاحت وخرجت كتمشى برجليها عادي يلاه هوما غاديين فالطريق ويعقوب جاه اتصال لقاه من عند سي الحاج ... علمو بلي سمية ولدت وقبل وقتهاا وداباا يجيو باش يديرو 3 ايام والسبووع.. بارك ليه يعقوب وعطى تليفون ل أميرة تهضر مع معاه. دوز ليهاا راضية والجميع هضرات معاهم. وصلو لدار وقطعات المكالمة ودخلو قالوهاا لعيلات بغاو يمشيو وتافقو لاغدا نهار د 3 ايام غيمشيو على صباااح
شاد يعقوب تليفون فيدو كيتكونيكطااا واميرة متكية على كتف امها وتليفون فجيبهاا وهوما جمااعين الأسرة ب كامل.. اميرة عينيهاا محيدااتهمش من يعقوب كتأمل فيه بشوفااتو ابتسامتو تكشيرطو.. حتا تغرغروا ليها الدموع فعينيهاا... جلساات وجبدات تليفون من جيبها لقاتو فاتح. طلعات الكلافي كتكتب
اميرة : (شافت فيه ) يعقوب
يعقوب وصلو المسج كان مشغوول كيسمع لتسجيلات وليد.. حتا كمل واميرة حضيااه تهز عينيها وترجع تشوف ف تليفون .. جاوبو وخرج من محادثة بانت ليه اميرة رسلات هز عينو فيها لقاها كتشوف فيه
اميرة : مزال مقلق علياا ياك ..شوف الله يرحم باك سمح ليا بزااف عارفة راسي كل مرة كنجرحك بكلمة كتخرج من فمي بلاما نقصد اخر مرة نجبدهم والله غتسمح لياا ؟؟
يعقوب شاف المسج وحط تليفون فوق الطبلة وضور وجهوا لعند سليماان كيجمعوا شافتو معطهاش قمة ومجوبااش واخا كانت متوقعة تشوف مسج ديالو تقجت بحالا شي حد جيفها من عنقهاا ناضت من بلاصتها ومشاات لبيتهااا طلقااات دموعهاااا يهبطو حارقين ليهاا خدودهااا كتشهق وترعد وشناايفهاا كيترعدوا هزت تليفونهاا وبدات كتفكر معامن غتهضر وكيفاش غتصرف كتباات مسج طوييل ل عبير ضورات الكارة لراسهاا ورجعت مسحتوا تكات فبلاصتها واحلة ليهاا..
شوية جات فاخيته كدق عليها باش تعشى مجوبهاا حد بغاات تحل الباب لقااتو حتا هوا مسدود رجع عندهم..
فاخيته : غا حطو العشاء باينة نعساات
نزهة : اويلي تنعس بلاماا تعشى
فاخيته : وشحال من نهار هاكاا غاا حطو
عبد الكبير : خلي ليها حقهاا انزهة فقاش مناضت تاكلو
شاف فيهم يعقوب وعينيه كيضورو .. حطو تعشااو كاملين جلسوا جماعين شوية وناض يعقوب هوا اول.. هز تليفونو مشاا لبيتو..
حط يعقوب يدو يحل الباب لقااه مسدود جبد السوارت من جيبو وفتح الباب لقا الضوء مشعول واميرة مكيناش سمع الماء مطلوق فالحمام شد الباب ومشاا بدل حوايجوا خلا غاا البوكسور جبد فوقية لبسهاا وجلس كيحيد التقاشر وهيا تخرج اميرة لابسة بينوار طويل وملوية عليهاا الفوطة فوق راسها.
يعقوب : مالك مخرجتيش تعشاي جات موراك ماماك ومحليتيش
اميرة : كنت فالحمام سمعتها كتعيط ومجبرتش كيف ندير نخرج
يعقوب : اوك... طفي معاك الضوء ملي تسالي
تكى يعقوب فبلاصتو وشد عينيه قربات عندو وجلست حداه فجنب نموسية كتشوف فيه حل عينو كيشوف فيها شدات ليه فيدو وعينيهاا مطبووخين حومر..
الأرملة الصغيرة الجزء 19
محتوى القصة
التنقل بين الأجزاء