خرج يعقوب ..واميرة ناضت بدلات حوايجهاا لبساات يسجامتهاا وطوات قفطان د مولاتو لوات زيفها فوق راسهاا وخرجت مشاات نيشاان لحمام تغسل وجهها خرجت.. موضياا مشات لعندهم صالون سلمات عليهم وفرشت صلاية كتصلي حداهم.. هبط يعقوب جلس معاهم فطروا واميرة معنقة امهاا دوزو نهاار كامل وهوما مع بعضيااتهم غااا يضورو يضورو ويتباااوسوااا ويبكيوو.. داز عليهم نهااار صعيب وصل ليل وكان اصعب بكثيراا.... غداا اميرة غتوذعهم غداا اميرة غتشد الطريق الرباط.. باش توجد راسهاا ليوم لي موااه.. حول كلشي يصبر الاااااااااااااااااااا فاخيته وامها وباهاا لي مبغااتش تسرط ليهم.... الحاج لي من طبعوا قاااسي وكلمتو هيا لي تكون ضعااف وهبطوا دموع من عينيه على بنتوو لي غتبعد عليه... واحمد واقف فالقنت بحالا غاا براني حتا حد مشااف فيه.. خرجاات عندو اميرة عنقااتو وحنات على يديه كتبوووسهاا وراسها حاني الأرض وهياا كلها حياء منوو.. ليلة كانت خااصة بالتوديع يعقوب طلع لعند رجال شد سداري نعس تماا. وفاخيته دخلات عند بنتهااا كتمسح دموعهااا ..
خرج يعقوب فالأول وفيدو لين واميرة كتفتف واش ناسياا شي حاجة مجمعتهااش.. مخلات حتاا حاجة. لبست صندالة وخرجت لقاات الهضرة لفوق عبد الكبير وسليمان ونزهة جالسين كيفطروا وبالكون محلول حداهم.. سلم يعقوب وجلس معاهم كيتوادعوا بالهضرة حتا خرجت اميرة موراه... سلمت على نزهة وعبد الكبير. سلمت على سليمان من البعيد.. وجلست حتاا هياا دموعهاا على شفر د عينيها كتبكي...
جلسوا وفطروا وتشاوفو.. وسمعوا لنصائح نزهة لي كتوصي يعقوب وتعااود وهياا براسها كتبكي وترعد مسخيااش بيهم غيخويو عليها الدار هبطوا الحوايج وقفواا حدا الباب كيتسالمواا واميرة كتنخطط والقلب ديالهااا غيسكت بقوة الخلعة والدهشة.. ضارت بيهاا الدنيااا بعد ساعة وهوماا مشاادين وكيتسالمواا وعاد فاقت نهاد من نعاس وعاد جات تسلم هيا وخديجة وخوتهاا خرين... على بركة الله شدو طريق لمدينة الدار البيضاء لين جلسوها لور فبوشيط ديالها ناعسة طريق كلهاا ويعقوب كيضور وجهوا لعند اميرة لي قلبهاا غيخرج وحرام واش برداات ولا نفسها رتاحت... مرة يهضر معاها مرة يضور وجهواا وهوا غادي بسرعة حتا وصلوا لمطار.... دار اجرءات ديالو القنونية.. واميرة جالسة فوق كرسي وكضور عينيهاا اول مرة تشوف مطار فحيااتهاا وناس شي داخل شي خارج واجاانب بزااف...شادة لين وهوا خرج براا... كيضور عينو هناا ولهيه حتاا كتشوفو اميرة سلم على شي حد عطاه سوارت وسلم عليه بالدرعاان وابتساامة .. ورجع لعندها..
جلست ربيعة الوسط ومعاذ حداهاا من شمال واميرة فجنبهاا ويعقوب حداهاا كتحط ليها وتزيد ليها حداها ولين طالقينهاا فالأرض كتحبوو حتا كتوصل الدروج وترجع لعندهم...
كتشوف راسها برانية فوسط عائلة جديدة واول مرة دخل الدارهم .. سلاو غداهم وطلعهاا يعقوب لبيتهاا تعرف عليه ..
ملي رجع يعقوب لفرانساا باش يقااد الوراق بعد تفكير قرر يبدل بيتو لي جاا حدا الدروج وختار واحد اخور حدا الصالون لي عندهم من جهة لاخراا.. بعدما جاب لي صلحوه من جديد وصبغوه وفرشوه وقاادو لين حتا هياا فراشهاا حداهم ..
كضور عينيها الذابلين فيه ب ابتساامة مخطوفة..
يعقوب : عجبك بيتك جديد
اميرة : اه زوين ..
يعقوب : انخليك دابا المهم ستفي حوايجك فالماريو و بدلي عليك ورتاحي بلاتي ونطلع لعندك صافي ..
يعقوب : بغيت تحليل لهادشي واش ديما غنبقااو نهضروا فيه هضري معاياا نيشاان ومن لاخر وحتاا انا غنقوليك هضرتي راكي عارفااني علامن كنهضر . الا مبغانيش راه من اليوم منقرب ليك وغنبقاو عادي ..
اميرة : دابا نتا ك...
يعقوب : دابا انا كيهمني غاا هادشي !! يا هادا المقصود ديالك وكنت عارفك تاني غتجبدي نفس الهضرة هههه باشي تغطي بيها (بشوفة جدية ) ديجااا هضرناا شتي نااس راه كيفكروا بعييد وحناا مزالين واحلين غاا فهاد الشي . انا باغي نهضر معاك وتقوليلي مالك باش حاسة اشنو خصك واش ناقصك كااع سياسة درتهااا معاك...
اميرة : ا...
يعقوب : اطط اطط متقوليش لياا تاني وحقى تزوجت غاا على قبل لين راه هادشي حمااض (بعصبية ) حيت اناا فعلا كنت باغي نتزوج غاا على قبل بنتي مي دابااا لا وليت كنشوف جوج بنتي وامهاا لي هياا نتي... عطيني من لاخر سبب مقنع لي كيخليك بعيدة عيااا وقابلة وجهك كنحس بيك بحال كتنقصي مني ولا..... المهم انا ماشي غنحبسك فدار ولا غتحسي بالقنط ..بالعكس غنقاد اموري وغنخرجك وغتقرااي وغديري شلاا حوايج باش تعمري وقتك وديري حتا نتي شي حاجة فحياتك لي تكوني مرتاحة فيهاا... فري انا باغيك نتي قبل من شي حاجة خرا ومنقدرش ندير شي حاجة نتي مبغهاش.. مي طبعك وسمحيلي مرضني وبزاااف ومنقدرش نصبر على زمتة ديالك كتر من هاكا... وهناا كيتطحوا شلاااا اسئلة ياا ايماا مبغانيش اناا ياا ايمتاا ممرتحاش معاياا ياا ايماا بالك فشي حوايج خرين بلاما نقولهم.
اميرة : (عطياه بجنبها كتشوف فالأرض ) عرفتي مخصني والو والله معندي فين نمشي ومكاين لاش نقرا هاد الفرانساوية غنبقاا غا فالدار مع لين وصافي وسمح ليا نتا ولكن انا هاكا معرفتش معرفت منقولك (شافت فيه ) سمحلي وصافي
شاف فيها بعصبية كيهزز راسوا هز لين من فوق فراش كتمص فكمها وتكا حداها ..
دخلات ربيعة هازة صاكها فيديها لقات يعقوب جالسة فالأرض فوق الزربية تابع لين كيلعب معاها
ربيعة : سلام
يعقوب : عليكم سلام امي فين كنتي
ربيعة : غير عند شي ناس كنعرفهم كب حداك شي كاس د الماء
يعقوب :هاكي
ربيعة : فين اميرة
يعقوب : لفووق يععيع اوبااا
ربيعة : ومالها مهبطاااش
يعقوب : ماااعرفت
ربيعة : شوف فياا ياكماا مدابزيين
يعقوب : (ببرود) نو مكاين لاش
ربيعة : (كتعيط) اميرة اميرة
اميرة : (من الفوق ) نعام اخالتي
ربيعة : هبطي ابنتي هبطي
دخل معاذ وهز راسو يعقوب فيه
معاذ : سلااام
يعقوب : خرج برا انا جاي
معاذ : فين علاش
يعقوب : وخرج انا لاحقك
خرج معاذ كيتسناه وهوا تبعوا
معاذ : شكاين
يعقوب : نلقاا عندك كارو فالجيب مرة خراا نخصر ليك كمارتك ومرة خراا نلقاك جالس مع رباعة د شماكرية ومعاكم بنات زناقي راه ميعجبك معاياا حال
معاذ : ايناا بناات الله يهديك واا..
يعقوب : علاش خرجتي من قرايتك اش ناقصك مالك مدير بحال قرانك ونتااا خرجتي ليها بطاي طاي
معاذ : خويا راني كبير ماشي عاد غتوريني نتاا اش ندير اصلاا مكاين ميدار
يعقوب : كيفماا كنحتارمك احتارمني باا مرباكش هاكاا بغاك تقراا وبغاك دير مستقبلك وحتا اناا باغيك دير شي حاجة وخطيني من قبوحااات بلاما ندير معاك شي تصرف تندم عليه
معاذ : (بالاستهزاء ) ديهاا فراسك اصاحبي واناا غاا خطيني قاد ب راسي وعندي شلاا ميدااار وغندير لي مدرتيش نتاا داباا فهاد الزماان كلشي غادي غاا بالفلووس ونهار نعول ندير فرمشة عين
يعقوب : اهااااه مزياان هياا الا شمرتي على ذراعك ودرتي شي حاجة بصح غاا كون حسن مني ونبوس ليك راسك دااك سااعة مي متعولش عليا انا فقضية د فلوس امم هه
معاذ : هه حسيتي براسك واقيلة عندي فلوسي ورزقي لي كتصرف بيه نتا كيف باغي اسيدهم يعقوب..متمتع ليك مع راسك كل مرة مرا ف شكل وشفتي كلشي تمجهد عليك وجايب درياا صغيرة كون تزوجتي على 15 كون راها بنتك ههه باش تحكمهاا زعمة ههه راك الحبيب كتصرف ف رزقي لي اناا محروم منو بيعتي الاراضي وبعتي الدار وخزنتي الفلوووس حتا دير ماا باغي تررر لمن خلاناا لوالد وعاد جاي تعطيني مواعض فالتربية سير اولد ميمتي شوف معامن ورزقي غناخدو سوا بالخاطر ولا صحة غاا دابا معندي غراد اما نهار نتحزم عول عليا
طلع معاذ فيه وهبط وزاد
سمع يعقوب صداع الداخل ورجع غادي بشوية حتاا دخل وقف فالباب كيشوف اميرة هزات لين وتكمشت حداا تلفازة ومعاذ كيهضر ويضرب يديه فالطبلة
ربيعة : بوجهك حمر كتهضر وتغوت علياا !! بوجهك حمر كتهضر على رزقك شكون حرمك منوو شكون داه ليك .. ياك نهار لي مات باك.. وخوك جمعكم وقاليكم نقصموا باش منتصادعووش وكلهاا يدي رزقوا لا نتا لا ختك قلتو خليو رزقناا مجموع وكيفماا كان با خدام علينا غيبقاا يعقوب بحال بانا وهوا يتصرف فكلشي وهكاك مكيدير حتاا خطوة حتا يتشاور معاكم وملي كتبغي الفلووس كتمشي تاخدهااا بلاما حتا تشاور وضيعهم فالخنز وداباا عاد جاي امعاذ تهضر .. دار شكون قابلهاا شكون صلحهاا و دخل ليها الكراي بلادكم وزيتونكم شكون كان يدير ليه خدامة واقف على شغلووو ويجيب ديك البراكة ويحطهاا ونتاا كتاخدها باردة .. مضارب تمارة ياولدي من حقك تهضر وتغوت وتهرس عليناا فالطبالي مراعيتيش لياا انا امك كون غاا كنت ميتة وباغي حقك نقولوو وانا هادشي لي كتهضر عليه راه كتر من نص ديالي باغي تورتني واناا حية ولا كيفااش.. وديك الدار انا بغيت نبيعهاا وتشاور معاياا خوك وقلت ليه بيعهاا وفلوسها راهم فالبانك هوما والأرض لي فالعروبية
معاذ : الصمت
يعقوب : ماشي من حقي ناخد ليك حقك انا ماشي حرامي ولا باغي نحوس كلشي وخاصك تعرف بلي مصروف والأمور العادية كنت كنخلصهم من جيبي من رزقي لي كنااخد.. وشتي الا كانت هاد الدار غتجي فحقك ف اناا ف أقرب وقت غادي نخويها ونخليهاا ليك ديك بيها مبغيتي انا كافيني قبر نعس ونجلس ونرتاح فيه.. ومتكونش عندي الصحيحة ومستفة ونضيعهاا ف ليلة راك عارفني علامن كنهضر
معاذ : (ضار عندو )
يعقوب : امي يمكن الهضرة تسلات هنا. وانا اليوم حسيت ب راسي غلطت بزااف اماا من نهار اللول نعطيه لي باغي واخاا هوا رفض وحلف كون غااا قصحت قلبي ونزيد معندي علاش نصدع راسي ونخلي خويا يمسح فياا رجليه كيف بغاا ... يلاه نخليكم
دار يعقوب يديه فجيبوو ومشا بخطوات بطيئة حتا طلع مع الدروج واميرة كترعد مفهماات والو شادة لين فيديهاا وساكتة...
ربيعة : عجبك هادشي ياااك ايوا الله يخلف عليك ..
ضورات ربيعة وجهها ودموعهاا مغرغريين ومعاذ ناض خرج لبراا بلاما يزيد حتا كلمة بقاات اميرة كتشوف فيها بغات تسولها وتهضر معاها ومقدرات دير حتا خطوة بقاات سااكتة ولين كتجر ليها فشعرهاا وتنتف.. جبدات تليفونها من الجيب كتكتب مسج.
يعقوب : 📞....
حاتم : خويا يعقوب كيف داير
يعقوب : مزياان الحمد الله وانت اسماء انيس
حاتم : هه مزياان...ايوا مغاديش تزورناا خلاص
يعقوب : ان شاء الله.. فين اسماء كنصوني عليهاا كنلقااه طافي
ربيعة : من حقك تسولي.. هاد جدر فخضي خرج منو العجب كان يعقوب ديماا مزيرو ملي كان باه عايش غا مات ولا كيهضر غاا على الفلووس وعياا معاه خوه والو لي فراسو ف راسوو.. يعقوب من صغروا وهوا عزيز عليه قولي رباه هواا عمرو كان كيخليه يتخص من شي حاجة كان باه قااصح ومع هواا شيطاني ديماا كان مزيروا وكيلقاا غاا يعقوب حداه حتا كبر وهواا راد ليه البال وداباا هانتي كتشوفي بعينيك..
صباح الصباح.. حلات عينيها لقات يعقوب متكي حداها على الفراش ومغطي نصو بالبطنية هاز كتاب الله فيدو وكيقراا بعينيه حذرات عينيها ورجعت هزاتهم فيه ناضت وهياا كتشوف فيه شافها ورجع هبط عينو كيقرا...
اميرة : صباح الخير كيف صبحتي
هزز ليها يعقوب راسو وهوا كيقراا مشافش فيها كيدوز ف الصفحات
اميرة : مقلق مني يااك
يعقوب : الصمت
لبساات زيفها وهبطات بيجامة ديالها لي طالعة على خصرها جرت سندالة وناضت خرج مع باب ... شوية رجعت كتهبط فكمامها وكتمسح وجهها بالفوطة لبساات الكسوة بيضاء د الصلاة وفرشات الصلاية صلاة ورجعت طواتها وحطاتها فجنب وجلست كتشوف فيه .. مضورش وجهواا جيهتها خلاها هكاك حتا فاقت لين كتفركل وكتحااول توقف على فرااشها مد ليها يدوو وهيا كتبغي تعضو ناضت اميرة هزاتها من بلاصتها كتبوس فيهاا وكتقلب ليها من اللور هزات ليها الفراش ديالها فرشاتو فالأرض وحطاتها جبدات كلينكس فاازك ولاخر ناشف وليكوش والحوايج ورجعت جلست حداها كتحيد ليها وتمسح ليها ..بدلات ليها الحوايج وهزت ليكوش مشات دارتو فطارو وغسلت يديها ورجعت لقااتها غادياا كتحبوو جيهت باباهاا وهوا حط قرآن كيقوليها زيدي زيدي...
اميرة : غتهبط التحت
يعقوب : عمعمعم نعضك ولا نااكل ختاري وحدة
لين : اههغغرر بفرر با باا ببببفرر
يعقوب : ههههه كضحكي هاكي عضي باش يصحاحوو سنينات ههه
اميرة : (بصوت بطيئ ) مكتهضرش معاياا ..قولي شي حاجة
يعقوب : نمشيو عند جداا امم ..يلاه نوضيني باش نمشي معاك
يعقوب : (بعصبية ) شهاد الكتابة وشهاد الهضرة لي هناا ...دابا غاا لي بيناتناا تعاوديه وتولي سيرة ديالناا على فم واحد اخور (بالغوات ) واش مريضة ولا حمقة ولاا فاالت ليك حتا هااد الدرجة مطيحة بياا الأرض ومخلياا عبير تعرف صراير لي بيناتناا ومعاودة ليهاا لي اناا معارف منوو حتاا ربع (خبط تليفون مع الارض حتا تشخشخ ) هاااا تليفووون زيدي هضري وزيدي عااودي الله ينعل لي فكررر فهااد المرض معقدة مع راسك ولا مريضة نفسيااا ولا شي حاجة فيك نتي ..
اميرة : شوف فف ففهمنني ...
يعقوب : ههه شغنفهم منين غنفهم منين من ايناا جهة عبير مرات صاحبي ف حدووود عمرني سمعت عيبهاا او شي حاجة عليهاا وهياا هكاك معايا.. ف قمة الاحترام ودابا سيادتكم معاودة ليهاا قولي امك كتقيل تعمر فيك متخليهش يقيسك متحمليش وكتعاودي ليها ممرتحااش معاياا وكتخافي مني وانا صعيب وانا كنت مزوج وانا باغي غاا داكشي وبزز وكملتيهااا تجيب ليك معااها الكينة من. (بالغواات ) وووووشلا ميتقاال هادشي غاا لي قريت بلاا لي جوباتك هياا ..ماشي حمااضيني وزمرتي وطيبتيليييييي موخي بهااد الهضرة ديالك . كتخليني اناا لي من المفروض عليك تعاودي لياا كلشي وتمشي عند خرين... ختاريتيهاا يااك وسيري عندها انا من اليوم منعقل عليك ..
الأرملة الصغيرة الجزء 21
محتوى القصة
التنقل بين الأجزاء