الأرملة الصغيرة الجزء 22

ربيعة : اوووه على فرحة هه ممتيقاااش (كتبوس فيها ) هنية عليك ابنتي 

اسماء : خصناا نديرو شي مفاجئة ليعقووب 

ربيعة : ههه غيفرح بزاااف.. اميرة غتوااتيك الكريشة ههه

اسماء : بعدا حتا لين ايكون عندها خوها ولا ختهاا لي يونسهاا.. 

عنقااتها ربيعة ونعساتها فحجرهااا واسماء ناضت جابت مانطة صغيرة غطاتها بيهاا 

ربيعة : (بصوت خافت ) اسماء نقسي لديك تلفاازة 

اسماء : واخاا . انصوني على امهاا قولها ليها 

ربيعة : شكون فاخيته 

اسماء : اه نفرحهم ههه بهاد الخبيرة بعداا

..

اتصلت اسماء ب فاخيته وعلماتها بحمل بنتهاا لي نزل عليها بحال الجبل.. وهكاك اتصلت بحنان ونزهة وشركت معاهم هاد الخباار لي فرحهم.. غرقت اميرة فنعااسها مكمشة رجليها لفمها وربيعة معنقااها بيد وحدة.. خدم يعقوب نص نهاار ورجع بحالو لدار لقاهم جالسين كلهم.. حيد صباطو ودخل تكاا حداهم ..

اسماء : (عنقاتو ) على سلامتك توحشتك بزااف 

يعقوب : حتا انا. امي هديك لاش ناعسة تما طلع لبيتها وتنعس راه كيدخل ولدك كيدخل حميد 

ربيعة : لا ولدي هاهياا مغطية ومسكينة كانت جالسة معاناا حتا داها نعاس مجاتش نفيقها 

يعقوب : طاب الغداا 

ربيعة : ميكون غاا طاب اولدي اسماء شوفي جميلة تحط انا غنوض اميرة 

يعقوب : انطلع نبدل حوايجي ونجي 

اسماء : (كتغمزها ) بصوت خافت : قوليلوو قوليلو 

ربيعة : وسيري خلااص 

يعقوب : مالك شغتقوولي

ربيعة : وحتا لبلاتي دابا سير نتا بدل حوايجك ونتي سيرو حطو الغداا 

شاف فيهم يعقوب وقلب وجهوا طلع بحالو..

ربيعة : (كتهززها ) اميرة اميرة نوض احبيبة نوض تغدا 

اميرة : انن و واخ احح راسي 

ربيعة : نوضي احبيبة تغداي وطلعي لبيتك نعسي 

اميرة : (جلست ) راسي كيقطعني بالحريق ايي

ربيعة : انا نعطيك كينة د حريق راسي ملي تغداي يلاه 

اسماء : (جاية ) هاا امورة فااقت يلاه نوضوو لطبلة .. 

ناضت اميرة مشاات بشوية عليها لحمام غسلات وجها ويديها ورجعات طلقات بيعقووب هابط مع الدروج شاف فيها ومشاا نيشاان وهياا زايدة بشوية عليها.. تجمعوا كلهم فوق الطبلة طويلة فراس ديالها جالس يعقوب وحداه على يمين ربيعة وحداهاا اميرة هازة لين فيديهاا وفشمالو اسماء وانيس حداها.. شدات اسماء موس فيديهاا كتقطع الخبز وهياا كتهضر 

اسماء : امي درتي لياا تشويق هه هضري ولا نهضر انا 

ربيعة : هههههههه اييه ايوا (شافت فيه ) ولدي اميرة حاملة

هز راسو شاف فيها وهيا حانية راسها كتشوف فالطبلة ..دار ابتسامة جانبية 

يعقوب : مزياان 

اسماء : مالك مفرحانش زعمة هههه 

يعقوب : (ضحكة سفراء) ههه لاا بالعكس احم المهم باسم الله.. 

سماو الله كيتغداو ويهضرو واميرة حداهم ساكتة دخل معاذ لقاهم مجموعين لاح جاكيط ديالو وجلس كيتغداا معاهم مكيهضر حد جالس قبالت اميرة لي مهزاتش عينيها فيه.. سلاو غداهم وناضو جلسوا فالصالة واميرة مكمشة فربيعة اسماء كتجمع الطبلة مع جميلة غسلات يديها وجلسات حدهم.. برونشا معاذ تليفونو مع سارج وغادي جيهت الدروج...

يعقوب : معاذ اجي 

معاذ : (ضار عندو مطلع حاجبو ) شنو

يعقوب : جلس 

رجع معاذ حط صندالتو وجلس حدا اسماء ..ويعقوب جلس مربع يديه ومفرق رجليه .. 

يعقوب : اسماء عرفتي علاش عيطت ليك 

اسماء : نتشاوفو وصاافي 

يعقوب : خوك طلب بحقو ف ورث باه لي قال عليناا انا كنتصرف فيه كيف بغيت وبغا...

ربيعة : (قطعاتو ) يعقوب صاافي 

يعقوب : امي سكتي عفااك .. صافي قررت .. المهم اليوم غنفرقو هادشي وكل واحد ياخد رزقو والله يفرقنا بلا ذنوب 

معاذ : (ناض ) مفارقينش غيبقاا كلشي مجموع وكلشي فيدك نتا انا مباغي والو 

يعقوب : هه متحلمش صافي غاا دوز جلس وخليناا نتفااهموا..

معاذ : واناا مبقيتش باغي نفرق صافي نساا لي قلت وسمحلي عارف راسي غلطت وانا اصلا مقادر على والو فياا غا الهضرة 

يعقوب : تكون فيك الهضرة ولا متكونش انا صاافي داباا مكيهمني والوو رزقك شدوو رميه ولا سدقوو ولا دير بيه لي باغي المهم اناا نتهنى من فريع

اسماء : معرفتش علاش جابدين ليناا هاد الورث يعقوب بغاا حقو عطيه ليه انا غنخلي رزقي مجموع معااك نتااا .. مخليتي مدرتي على قبلناا وبابا كان قاصح معاناا ونتا عونتينااا وبزاف انا خيرك منسياااهش انا مفرقااش 

يعقوب : بغيتو ولا مبغيتوووش مكيهمنيش انا اليووم غنفرتك هادشي كلها يدير لي بغاا واناا فهاد الويكاند غنخرج من هناا 

ربيعة : لااااااااااا يعقوب شهادشييي 

يعقوب : امي هادا معطى الله طلاقيت انا وخالد وهضرت معاه فالموضوع ومشيناا نشوفو شي حاجة هادي 5 اياام عاد لقيناا واحد سكنة فالعمارة فموقع زوين ومفيهاش سكان بزاف قررت امي ونهار تبغي تجي عندي او حتا تسكني معايااا منكرهش.

سكتات ربيعة وهياا شادة راسها غاا بزز دموع تكرنو ليها بين عينيهاا .. 

معاذ : يعقوب الله يهديك منوصلوش حتاا لهادشي غلطت سمحلي اصااحبي صاافي نسى 

يعقوب : نسيت هضرتك وداكشي لي قلتي ولكن باغي نمشي نشوف فين نعيش هاني ..هادا مكان ونهار تبغيو تجيو عندي لا نتاا لا امي لا ختي لا العائلة مرحباا معنديش مشكيل ..

اسماء : حسيت بيك بحالا حكمتي علينا بالاعدام

يعقوب : ههه عادي متماا والوو اصلا لابد يجي يوم ويتفرق المهم نبدااو على باركت الله انحسبو كلشي ونشوفو كل واحد فينا شحال غيجيه ...

هز يعقوب ورقة وستيلو حداه وكيحسب ليهم شحال باع هادي وهادي حتا جمع الحساب د كلشي من غير الدار لي هوما فيهاا . وكان هاداك اخر كلاموا.. سمحت فيهم ربيعة ومشات لبيتها واميرة بقاات غا جالسة حداهم كتصنط ناض معاذ خرج برا ويعقوب شد لين كيبووس فيهاا ويجغدد.. هزها وطلعها لبيتو بقاات اسماء واميرة جالسين حدا بعضيااتهم شوية اسماء صونى ليها تليفون.. شافت لقات فاخيته..

اسماء : اووه هادي ماماك 

اميرة : بصح جوبيها 

اسماء : هاكي هضري معاها نتي شدي...

مدات ليها تليفون واميرة جوبات 

اميرة : الو ماما سلام 

فاخيته : سلام كيف دايرة كيف بقيتي 

اميرة : الحمد الله وانتي وبابا وزياد والميمة جدو كلشي لباس 

فاخيته : الحمد الله هضرت معاها لوستك فصباح واش بصح 

اميرة : اه اماما داتني عند طبيبة 

فاخيته : وانا شنو قلت ليك وقتو هادا و...

اميرة : (قطعاتها ) متقوليلي والوو اماما نتي غاا كتهضري وصافي محاسة بياا معارفاني كيف دايرة هادا هوا همك انا الا عطاني الله مرحباا بيه مدايرة والو من ديك الهضرة لي كتقولي وبسبااب هادشي هانا فالمشااكيل وصداع حتا لفين غنوصل متصلحات لياا من حتاا جهة.. هاكي شدي 

قطعات اميرة المكالمة ومدات ل أسماء تليفون وهياا منهاارة من جديد كتبكي بحر جهدهاا حتا سمعها معاذ لي كان برا دخل بقاا غا واقف كيشوف بلاما يهضر وهياا كتزيد تغوت وتنتف فالمخااد لي حداها وتشهق واسماء كتحاول تهذنها وكتعيط ليهم هبط يعقوب من الفوق كيخلف مافهم والو وربيعة خارجة من بيتها كتجري جيهتهم..

هبط يعقوب حط لين فالأرض ومشاا وقف حداهاا

يعقوب : شكاين علاش كتغوتي مالناا 

اسماء : صافي اخوياا مكاين والوو اميرة صافي سكتي احبيبة 

ربيعة : (شدات فيها ) الله ياابنتي شهاد الحالة مالك شكون عصبك 

اسماء : ماما صافي خليوهاا دابااا (عنقااتهاا ) 

يعقوب : طلعي لبيتك 

اسماء : غاا خليها ايعقوب دابا بل...

يعقوب : (بالجهد) نوضي طلعي لبيتك راه ضهرت معاك 

معاذ : يعقوب صافي تهذن 

ناضت اميرة غاديا كتزطم فدموعها طلعات بحالها وربيعة جلست حاطة يديها على راسها كتستلطف ..واسماء كتحاول تهذنو. 

يعقوب : هادي مالهاا دايرة هاد الحالة 

اسماء : صونات عليا امها دوزتها ليها كانت كتهضر عادي حتا ناضت كتغوت وتبكي وتخبط فراسها مفهمت والوو 

يعقوب : شدي لين معاك .. 

هزت اسماء لين حطاتها فحجرها ويعقوب طلع كيخلف فالدروج شي لي خلاا ربيعة خافت على اميرة من يعقوب بالخصوص فحالة ما كيكون معصب.. كتدعي فنفسهاا وطالقة وذنيهاا .. حل يعقوب عليها باب بيتها لقااها فالأرض جالسة منهارة بالبكاا وصدرهاا كيطلع ويهبط بالزربة 

يعقوب : مالك مع امك اش كاين 

اميرة : اهئ اهئ اهئ اهئ 😭😭😢😢 اهئ 

يعقوب : علاش غوتي هاكاا وخدامة كتنتفي فحوايجك هضري 

اميرة : اهئ اهئ خليني دابا عفاك اهئ اهئ مقدراش نهضر 

يعقوب : شقالت ليك امك تاني شي فلاش جديد

اميرة : اهئ ماحتا لمن بعد ونقولك صافي 

يعقوب : نوضي تكعدي من الأرض باردة غطلع ليك مع كرشك ..

ناضت اميرة جلست فطرف الفراش شاف فيها وضور وجهوا زدح الباب وزاد.. وهيا فشاات خاطرهاا بكات حتا شبعت وتكمشت فالمانطة دخلات عندها اسماء تخشات حداها عنقااتها وكتبوس ليها فجبهتها دوزات نهارهاا كامل معاها حتا طاح الضلام ويعقوب خداا وقت جلس فيه مع امو لي مقدراش تفارقوا ويمشي يسكن فجهة خرا حاول يقنعها ويصبرها. وهوا معنقها ويبوس ليها فراسها ويديها هبطاات عندهم اسماء جلست معاهم.. 

جميلة : الحاجة وجد العشاء 

يعقوب : اجي بعداا سميرة مزال مجات 

جميلة : مزال مشغولة مع توجادها الملاك حيت قرب عرسها 

يعقوب : وي عارف مي خصها تجي تخلص ف 14 يوم لي خدمت فيه 

جميلة : صراحة خلصة ديالي عطيتها ليها وقالت لياا ملي نتخلص انا ناخدها ويمكن ليك تأكد دابا تصوني عليك 

يعقوب : لا لا مبينتناش.. واخا 

ربيعة : غاا حطي ابنتي نتعشاو بكري شوية باش نعس.

ربيعة : يعقوب تعيط على اميرة تعشى 

اسماء : خليتها ناعسة بلاتي نطلع ليها عشاها

ربيعة : ولكن ابنتي راها مريضة ونتي كتشوفي مكتاكلش مزيان 

يعقوب : غا خليها بلاتي 

ربيعة : لي بغيتو...

جلسوا يتعشاو ب ثلاتة بيهم ولين جالسة فالأرض كتسفق بيديها وتقفز مع موسيقى د الرسوم المتحركة لي ف تلفاازة 

اسماء : هههه شوف شوف لين كيف كتقفز هههه وينوو 

ربيعة : العيشورية لاخراا 

اسماء : عندهاا عام ياك ايعقوب

يعقوب : عام وشهر و3 اياام دمها تقييل مزال مكتسرح الهضرة كتوقف وطيح 

اسماء : ههه سبحان الله مبيناش فيها وكاين لي عندها عام وكتزوي وتمشي 

يعقوب : كلها وكيفااش 

ربيعة : حتا نتاا كنتي فتي عامين ويلاه كتقول بابا ماما وتخرج حروف بزز 

يعقوب : لا امي هه متقوليهاش

ربيعة : والله شنو يحساب ليك هاكا بنتك كتشبه ليك ههه 

اسماء : (شافت فيه ) شنو باغي ايعقوب بنيتة ولا وليد ماعرف اميرة شنو غتولد ليناا 

يعقوب :شي سبع غيخرج فيه 

انيس : ههه 

اسماء : ضحك فياا ولدي محشوماش عليك هههه 

يعقوب : ايوا نتي شوفي اش كتقولي واش انا بيدي شي حاجة لي مقدرة ومكتبهاا الله هيا لي غتكون المهم صورة مكمولة وتفك على خير هادا الربح

اسماء : فرحان يااك يااه باينة فوجهك 

ربيعة : خلي خوك يتعشى الكاسيطة ومالو ميفرح وغيولي اب من جديد اولا ولدي

يعقوب : قوليها ليهااا

اسماء : هاي هاي شغادي تسمي الا كانت بنت ولا ولد

يعقوب : وخليناا نتعشااو ونعقلوو عليه سكتي شوية

اسماء : ههه يااك وهانتاا كتاكل مشداش يدك داباا غاا جاوبني اش غتسمي كنتي مغتسميش انا نسمي ليكم ههه شبان ليك 

يعقوب : غتسمي لي ولدت وتعذبت عليه سيري ولدي وسمي ولادك 

اسماء : عبرتي علياا نيت

ربيعة : هه اجي نسيت مسولتك عبير ولدات 

يعقوب : وي ولدات وليد ملي جيت انا كنتي مزال مجيتي نتي

ناضت اسماء لكوزينة هزت العشاء فالسينية وطلعاتو لأميرة لقاتها فايقة شادة القرآن فيديها كتقراا حطات ليها تعشاات وهياا مجمعة معاها هبطاات بحالها واميرة فبلاصتها على أمل يدخل عندها يعقوب فالوقت لي هبطات فيه اسماء طلع يعقوب بحالو لفوق كيف عادتو فالمكان لي ختار ينعس فيه فالصالون من جهة السرجم طلق المانطة ودخل لبلاصتو شد تليفون فيدو

ناضت اميرة شوية عليها خرجات طلات من الفوق كتبان ليها غا اسماء جالسة هيا ومعاذ مشات بخطوات بطيئة بالحفى وهيا يبان ليها يعقوب متكي على الضلام غا ضوء تليفون ضارب فوجهوا.

حيدت صندالة من رجليها حطاتها فالدروج لي كيطلعوا الفوق ودخلات لداخل غادية عندو بشوية ..ضور يعقوب وجهوا جيهتها مد يديه الحيط فوق راسو شعل الضوء هزت كرسي وجلست قبالتو 

يعقوب : ؟ مالك 

اميرة : خصني نهضر معاك عفااك 

يعقوب : (شاف فتيفون ) فاش 

اميرة : فكلشي بغيت نعاودلك وفهمني ومتغوتش علياا عفاك 

يعقوب : الصمت 

اميرة : انا عارفة راسي درت غلط كبيير وكبير بزاف معاك مكانش عليا نهضر معاها واخا كنت مدطرة نهضر معاها.. فهمني عفاك انا ماما شغادي نقولك بحالا عقداتني فنفسي كتحكم فيا من الصغيرة لكبيرة وكدخل فالمواضيع لي بعاد عليها .. عارفة هيا امي ولداتني وتعذبات عليا ولكن نصارحك مكنحسش بحنان ديالهاا بصفة نهاااائية كنبغيها بزاف وكنبغي نتقرب ليها ولكن مكنقدرش طبعها قاصح بزاف حتا وليت نخاف منهااا ووو... هيا قالت لياا من... ديرش معاك داكشي زعمة ميكون بيناتنا والو ولا نشرب الفانيد باش منحملش وصراحة خفت من كلامها وخفت منك حتا نتا نهضر معاك ومتبغيش ولا ينوض شي مشكيل. بغيت نهضر مع اسماء وخفتها تمشي تقولها بغيت نهضر مع خالتي حشمت منها والله شاهد. بانت لياا غا عبير هيا الوحيدة لي قدرت نزعم ونهضر معاهاا. صراحة واخا نتوما معايا ومجموعين كنحس براسي بوحدي فهاد البلاد مقدرتش نولف ونتعايش مع الوضع حس بياا عفااك انا ماشي لخاطري .. 

يعقوب : واخا ودابا شنو باغا 

اميرة : بغااك تسمحلي عفاك (بكاء شديد ) 

يعقوب : الصمت 

اميرة : عفاك دابا بلاما تسكت وتخليني بحال الحمقة والله حتاا عارفة راسي ماشي غير غلطت شي حاجة كتر وداباا سمحلي عفااك عمرني دابا نخرج شي كلمة علي فمو واخاا يطراا لي طراا ونحلف ليك بالله العضيم فالقرآن ياك وعدتيني وقلتي ليا عمرك تخليني وانا هادي اللولة وهادي تالية تسمعني مرة خرا قلت شي حاجة قطع لسااني عفاااك الله يرحم الوالد فين حط راسو ويوسع ربي قبرو ( دموعهاا هابطين على الخدود) يكفيني هاد الأيام لي دازو تكرهت فيهم انا معندي زهر ف والو لا عائلتي ولا ناس لقراب ليااا شنو ندير معرفتش..

يعقوب : سمعيني....

اميرة : هانا قولي 

حط تليفون وضور وجهوا كيشووف فيها عاقد حجبانو...

يعقوب باش نقرا مسج مراتي كاتبة فيه لصحبتها ولا لمها كااع ولا لشي وحدة قريبة ليهاا. انا ممرتحاش مع راجلي فالفراش وهوا باغي غا داكشي رديتي بحال شي مكبووت اووووووووووف ..

وهوا صعيب كنخاف منو

قنت جيبيلي الكينة ومبغاش نحمل وكداا وكدا (دار اشارة بيدو ) كيف تجيك جوبيني !! 

اميرة : الصمت 

يعقوب : الا نتي جاتك عاادي انا لاا عمرني نويتهااا كااع حتا كنتصدم بداكشي لي شافت عيني. دابا طرا هادشي من بعد شغيكون تصيفطي ليهاا تصاور تعاودي بالتفااصيل انا نحمد الله لي مدرتش معاك شي تصرف خاايب لهاد الدرجة طيحتييي بياا وخليتيني بحالا داير شي فضيحة سبق وهضرت معاك وصيتك وقلت ليك الهضرة لي بيناتنا تكووون كيفماا كانت متخرج سوا دابزنا ولا فرحناا ولا تعاودناا بيناتناا اش دخل الخلق بين راجل ومرتوا امك معندهاش الحق نهاائيا تجي تفهم وتوريك اش غديري حساتني بلي انا معندي دخلة وهيا الراي هياا شوار تحكم فيناا كيف بغاات .. راني صبرت معاك كتر من القياااس وعارف واخاا ندوزو هادشي غيجي كترر منو وضوبل ههه غتبقااي على نفس الحال يطراا لي طراا تعاودي يحساب ليا غاا اسماء لي فمها محلول ساعة نتي قلتيلها جلسي فطرف راني ضوبل ديالك .. المهم سيري تنعسي دابااا راه الحال متأخر.

اميرة : مغديش نمشي حتا تسمحلي وتنسى هادشي كامل والله منعاود متاايبة لله 

يعقوب : متحلفيش خلاص صاافي داباا

اميرة : وجه الله متزيدش عليا كتر من هاكاا عفااك الا كنتي بصح....با..باغي....باغيني ... 

يعقوب : باغيك وحيت باغيك بغيت نبقاا بعيد ..

اميرة : دابا اتسمحلي ياك صافي الا درت شي حاجة ضربني كااع والله.. ربي يعطيك مكتمنى شوف فياا لوجه ... و...ولدك 

يعقوب : (غلباتو الضحكة ) ياك قلتي مبغااش الولاد ولا ومالك داباا

اميرة : لا باغاه والحمد الله عليه عطاهلي الله هادي الفرحة 

يعقوب : وسيري تنعسي 

اميرة : حتا تمشي معايا يلاه نوض...

يعقوب : ولفت هناا غا سيري

اميرة : (شدات فيديه ) الله يعطيني اللقوة اناا كاع موصيبة اهئ اهئ اهئ عفاااك صافي نوض

يعقوب : مريضة فمخك ولاا شهاد الدعااوي عوتاني اوف وحيدي انوض راسي..

اميرة : لاا نوض انبقا شادة فيك..

هز تليفون فيدو هوا وشارج واميرة شادة فيديه دفعات مانطة يلاه وقف وهيا تعنقوو بحرر جهدهاا ..

دوز يديه بجوج على ضهرها وزيرهاا لعندو .. شافت فيه وعينيها حومر ومبتاسمة فوجهوا .. حنى عليها باسها فجبهتهاا وهزهاا بين ذرعانيه معنقهاا حتا حطها فوق فراشو شد الباب ورجع لعندهاا وهياا تلاح عليه معنقاااه زادت لوجهوا وباستو فخدو دوز معاها ليلة عامرة بالحب والشوق لبعضيااتهم خلاها تنساجم معاه وتحاول ترخى وتطلق فكلامهاا و فتصرفاتها ... ليلة دازت غاا دالهضرة والقبلات بيناتهم وهوما معنقين بعضيااتهم طرحات عليه اميرة فكرة انهم يصليو بجوجهم قيام الليل وتكون ليلة خااصة عمرهاا دارت.. وناضت هيا اللولة جددات وضوئها من جديد بعدماا يعقوب ناض يبدل حوايجو لبس قندورة بالكمام جات وبدات تلبس حوايجهاا وهوا مشاا توضى ورجع عندها دوز ريرو شد الباب وخلاا غاا ضوء خافت .. فرش زربية صغيرة وفوق منها صلاية.. وقام صلاتو وهيا موراه على يدو د يمين..كيقراا صوت خاافت وهيا موراه فصمت متبعة معاها حتا كيركع ويسجد... حتا سلاو وجلسوا حدا بعضياتهم كيدعيوو بقلب صاافي ونقي.. حتا سمعوا الفجر كيوذن صلاو بجوج وطولوا فصلاتهم بعدماا سلاو رجعوا لبلايصهم وتكمسوا فالمانطة .. كيحك ليها راسها ويديه كيدوزهم على كرشهاا حتا داهم نعاس.. 

صباح الجمعة .. 

ناضت اميرة بشوية عليها كتلقاا غاا بلاصت يعقوب وهوا مكاينش.. تكسلات وناضت فالبلااصة مدهشرة بالنعاس جرت زيفها قداتو ومشات الحمام غسلات وجهها وهبطاات تخلف.. لقات مكاين حد والهضرة براا فجردة خرجات عندهم لقاتهم مفرشين فرااشة ديال الدوم كبيرة وفوقها زربية والمخااد وطبلة صغيرة فالوسط حاطين الفطوور كيفطروا برا. حنات على ربيعة باست ليها يديها وباست اسماء وانيس وجميلة جالسة حداهم.. جلست معاهم كتفطر 

اميرة : خالتي فين يعقوب 

ربيعة : مشاا ابنتي لخدمة اليوم جمعة غيجي قبل صلاة الضهر باش يمشي لجامع 

اميرة : اااه نسيت واخاا..

ربيعة : شوية ويجي قال ليا عندهم شي عملية غيكملو ويجي..

اميرة : واخاا اخالتي نمشيو حتا حنا لجامع 

ربيعة : ههه انا نشوف معاه ولا قوليها ليه نتي 

اميرة : صافي هه حتا يجي .....

بعدما فطرت وجلست معاهم كتهضر وهيا فنهار ماشي بحال نهورات لي دازو ابتساامة عريضة وبالها غاا مع الباب ايمتا يدخل.. ناضت طلعت لبيتها هزات حويجاتها فيديها وفوطة ودخلت الحمام حطاتهم فجنب عمرات السطل بالماء وجراتو عندها وبدات كتدوش وتحك وتشلل حتا كمداات ضلوعهاا نشفاات ودهنات من الكريم خاص بيها د المسك.. تحت الابط وبين الفخضين.. ومور وذنيها لبسات حويجاتها ملوية على راسها زيف حياتي وشان غليض جمعات الحمام وخرجت مشاات لبيتها من شدة البرودة دخلت فالغطى كتفيبري حتا دفاات مزياان وهياا تشوف الباب ويعقوب داخل يلاه رمقاتو ناضت من بلاصتها بسرعة ومشاات عنقااتو هزها كيضور بيها ويبوس فيها شدات ليه وجهوا بيديها صغيوريين وحنات على جبهتوا وطبعت قبلة كبيرة وعنقااتو بيديهاا .. 

يعقوب : هه سليتي ولا مزال 

اميرة : هه مزال 

يعقوب : هيا مكاين صلاة اليوم ههه غاا نشدو هاد الباب

اميرة : ههههه لا لا نمشيو يلاه دابا

يعقوب : كيفاش 

اميرة : اه نسيت واخا نمشي حتا انا وخالتي واسماء لجامع عفااك عفاك 

يعقوب : احسن صلاة للمرأة هيا دار غاا بقاو هنا وصافي

اميرة : ولكن فالجامع اجر مضاعف عفااك (بشوفة بريئة ) 

يعقوب : سيرو 

اميرة : لهلاا يخطيك واش جامع وحدة ولا كيفاش وفين كاينة 

يعقوب : راه امي كتعرفها هيا فطابق سفلي تما ناس من كل الدول انا حتا ندوش عاد غنمشي الأول غيوذن دابا غاا سيرو تصنتو لدرس 

اميرة : واخا شنو نلبس 

يعقوب : حوايجك وصافي غطي رجليك وصافي 

اميرة : واخا 

حط يعقوب مكانتو ولافيست لي لابس هز فوطة ومشا لحمام واميرة حلات ماريو جبدات منو عبايتها فاللون ازرق غامق مزينة بالدانتيل بالأبيض من صدر ويدين حطاتها فوق الفراش وجبدات مونطو كرونة من كدويات لي كان جاب ليها بعد عودة ديالو من السفر... وبدات تلبس فيهم نشفات شعرها ولبسات شانها وهزت مصحف صغير وبعض الكتب دينية ومسبحة حطاتهم فصاكها لبسات تقاشرها وصباطها. يلاه هيا خارجة وهيا طلاقاا يعقوب راجع المااء كيقطر على صدروا..

يعقوب : (شوفة اعجاب ) ماشاء الله . الله يتقبل

اميرة : لياا وليك نتشاوفو بلاتي 

دار ليها اشارة براسو وهبطت كتخلف فالدروج.. لقات اسماء طالقة شعرهاا كتلوي خصلاتو على صبعها ومكونكطيااا كطرطق المسكة وربيعة فبيتها عيطات ليها

اميرة : خالتي اخاالتي يلاه نمشييو 

ربيعة : طلات عليها ) بصح غتمشي 

اميرة : اه ويلاه قبل ميوذن..

ربيعة : هاناا جايا..

زادت اميرة عند اسماء حيدات ليها تليفون من يديها 

اميرة : نوضي يلاه تمشي معانا لجامع 

اسماء : مفياا لي يمشي داباا غاا خليني

اميرة : لا نوضي تمشي معانا نصليو ونجيو وكملي على هضرتك تليفون مغيهربش

اسماء : مفياا لي يصلي اصاحبتي حتا لمن بعد داباا لا 

اميرة : وشنو سبب علاش مكتصليش 

اسماء : اميرة وصافي عفااك اري تليفون لهنى .. راه معنديش الكانة

اميرة : معطيااكش نوضي تمشي معاناا اختي عفااك غا نص ساعة ونرجعوا مدات مجابت وربي غيجعلها ليك بالحسناات ونووضي 

اسماء : ولاا لااا لااااااا وصافي 

اميرة : والله حتاا تنوضي ومتحنتينيش يلاه معاناا .. حنا نتسناو توضااو ولبسي ويلاه غاا دغياا.. 

مجوبتهااش اسماء وبقاات كتشوف فالأرض. حطات اميرة تليفونها حداها وجراتها من يديها كتنوض فيها.. منوضاتهاا غاا بزز.. وداتها لحمام حتا توضاات وخرجات وربيعة كتسنى فيهم لبساات حوايجها بالزربة وخرجو مشاادين فبعضاايهم خرجوا ب 3 خلاو لين شداها جميلة وانيس كيلعب معاها.. 

غادية معاهم اميرة فالطريق وهياا فرحاانة وعاد حست بانها عايشة وقلبها مرتااح وبالهاا كاامل مع يعقوب.. غادية فالطريق كتستغفر وتدعي.. وذن الأول دخلو لمسجد لقااو بعض الناس قلالين. جلسو فالطرف كيتصنتو لدرس لي كيعطيه الامام...وهيا تفكر اميرة جدهاا سي مصطفى ملي كانت تمشي لمسجد وتجلس مع ناس وتسمع صوت جدها دمعوا عينيها من شدة الشوق ليه توحشاات الصدر الحنين استاذها ورفيقها الأول لي خلاها تحبب فالدين.... اداو صلاتهم فخشووع وقرات بعض الصور القرأنية.. وهوماا مربعين رجليهم كاين لي خرج كاين لي مزال.. ناضو بحالهم لبسو صبابطهم وتموا غاديين مع الطريق راجعين لدار..

رجعوا لدار اميرة حيدات المونطو وهزت لين كتبووس فياا وتقفز.. دخل يعقوب هاز صلاية فيدو لابس فوقية وسندالة د صبع جلس حداا اميرة وشد بنتو كيجغدد فيهاا قملات ربيعة على يديها ودخلات الكوزينة تسقي كسكسو.. وانيس كيتسخ معاهم.. تجمعوا على طبلة وجلسو كيتغداو عيطو لجميلة تجلس معاهم ويتشاركو طعاام الا معاذ لي قليل فين يبان .. عمرات اميرة كرشهاا معلقة مور خراا وكلشي كيزيد ليها ويكبر بيها نهارهم داز غا فالجموع والضحك مرة شادين ف يعقوب مرة ف اميرة...وصلات العشية ويعقوب خرج باش يصفي امورو ...عول لاغدا يتحول لدارو الجديدة خلا اميرة معاهم ومشا فلقاء مع صحابو بجوج طلاقا صاحب الدار عطاه الخلصة ديالو الأولة ومشاا يشوف الفراش والأتات.. ولوازم لي غيحتاجو. دوز نهار صعيييب ومتعب رجع فيه لدار حتا فات منتصف ليل.. كانت اميرة واقفة فالسرجم ويديها بجوج على فمها كتشوف حميد جالس على كرسي فالجردة وفيدو كتاب كيقرا...و كتسناا غاا ايمتاا يتحل الباب الباب كبير وتشوف يعقوب داخل .. متهنى بالها ومرتاحت حتا شافت طوموبيل جاية وكتكلاكصووني فالباب .. شدات الشرجم ودوزات ريدو ومشات المراية تشوف راسهاا واش مقادة... لابسة شوميز دونوي بكمام طوال وهياا طويلة حتا القاع بتقيشرات قصاار فالبيض. ولابسة من فوق بينوار من البرد وشعرها مطلوق ملوية عليها شان وعنقها كيباان وخصلات شعرها خارجة.. طلات على لين لقاتها غارقة فالنعاس غطاتها مزيان طفاات الضوء خرجت كتسلت بالحفى تشوف فينو لقااتو واقف كياكل تفااحة ومجمع مع ربيعة .. رجعت بحالهاا شدت الباب بشوية ودخلت لبلاصتها تكمشاات حتا كتسمع الباب تحل ورجع تسد والضوء تشعل شدات عينيها وقلبهاا كيضرب ف %..

يعقوب : (كيبدل حوايجو) ميراا ميراا...

اميرة : انن

يعقوب : ناعسة !! 

اميرة : (جلست ) هههه لا كنت باغا نخلعك غاا ماعرفت كيف تلفت وغلبتني ضحكة 

يعقوب : (عنقها ) ههههه ومالك كون نضتي ايمتا طلعتي بحالك 

اميرة : قبيلة شحال تسنيتك وتعطلتي 

يعقوب : علاش كتسنايني زعمة توحشتيني 

اميرة : بزاف هههه فين مشيتي هاد النهار 

يعقوب : خلصت مول الدار لي غنسكنو فيها وخديت الفراش انا ودراري صحابي فرشناها ايوا قاديناا الامور عاد سليناا 

اميرة : كون غا بقيناا هناا مع خالتي ربيعة وخوتك والله مجمووعين

يعقوب : لا ميرا احسن شيئ هوا تيقار. وبغاو نبقاو مجموعين هوما يجيو عندي واخا ناخد دار كبيرة المهم منسمعش الهضرة ونبقاا مرتاح بووحدي 

اميرة : لي بغيتي شنو شريتي 

يعقوب : فرشت بيت نعاس.. واحد صالة وفوطوي فمقعد صغير ايوا واحد صاحبي خداا داكشي ديال الكوزينة ماشي بزااف ...عاد غداا انكملوو ونهار الأحد ان شاء الله نشوفو حياتناا فدارناا جديدة 

اميرة : انبقااو غاا حنا 

يعقوب : وبنتناااا والله على راحة لبسي كيف بغيتي نعسي فيقي وهاحناا مهنيين.. 

اميرة : (بالاسى ) واخا الله يسر

يعقوب : سمعي فين ساكنين حنا مع شارع طويل حداه جردة تما روض ديال اطفاال ... غنسجلو لين تماا. نوضي دابااا تحزمي مزياااان غتقراي حيت غتحتااجي اللغة وبزاف جوج سعات صبااح وجوج سعات عشية واناا غنكمل معاااك ومن بعد شوفي شغاديري ولي غيريحك باش تلهاي ومتبقاايش غاا جالسة 

اميرة : شنو بحالاش معندي مندير انجلس غا ف الدار وصافي 

يعقوب : واحد القضية خصك تعرفيهاا نساء ورجال فهاد البلاد واصلين فوق 60 عام وكتررر وكيخدموا وراحة مكيشوفوهاش ماشي على الفلووس ولكن كيأمنو بلي العمل عباادة متهمكش الفلوووس يهمك انك تحركي وديري شي حاجة نتي مرتاحة فيهاا واخا غير لدارك تعلقيها وتشوفي فيهاا 

اميرة : معرفااش شنو بحالاش قولي نتااا 

يعقوب : المهم تقراي اللغة وتولي شربااهاا ويحن الله..

ناض يعقوب مشا لحمام دوش.. دوش خفيف يخفف على العياء ديالو.. ورجعت لابس غاا بينوار وفوطة فووق الراس البرد كيبس ... لقاا اميرة مزال فبلاصتها فايقة مغطيا بالمانطة واصلة ليها حتا لفمهاا ونيفهاا بارد.. شد الباب وطفى الضوء ومشاا دخل حداهاا جرها لعندوو كيهر فيهاا ويبووس وهياا منسااجمة معاهااا وابتساامة صغيرة مرسومة على وجهها وحياءهاا غالبهااا مقدراتش تحكم او تقااوم واستسلماات بين يديه فجو جميل والأنفااس مخلطة كتسمع غاا قبلاتهم وكلامهم خاافت .. هزهاا فوق منو كيبووس فيها بلهفة ففمها ومغرصهاا فصدروو الدافي هز ليها شان لي على راسهاا رماه وجر بيديه خصلات شعرهاا لنيفوو كيشم ويدخل صبيعااتو فيهم ويجرها لعندهاا صبروا وشوقو ليهاا خلاه ميصبرش مزال جبد بيديه حزام د بينوار حلو كتر مطلعوا ليها على يديهاا حيدو ورماه موراها كانت فقمة الأناقة والروعة ولباس لي لابسة عطاهاا جمالية خااصة... وبين مفاتنهاا اكثرر لي خلات يعقوب ضعاف حداها قلبها على ضهرهاا بشوية وحنى عليها كيطلع لباسها لفوق خلاها كيف يومها لي تزادت فيه... ليلتهم كانت طويلة فرغ كااع طاقتو فيهاا شبع رغبتوو وزاد انسجامها معاه .. خلاها ترتااح وتطلق معاه اكثر ... 

اصبحنا لله... 

فاقت اميرة لقات راسها مكمشة مغطية بالمانطة وشعرها هابط على عينيهاا لقات يعقوب غا بلاصتو هزت يديها دوزات شعر من على عينيها وضارت موراها تشوف لين لقاات غا بلاصتها.. ناضت جلست كتلبس حوايجهاا بالزربة وكتقلب الفراش واش فيه شي حاجة.. قدات الفراش يلاه هيا كتجبد فيه وهوا يدخل يعقوب شاد لين من يديها بجوج كيمشيها فالأرض... مشات عندها حنات باستها وهزت راسها تشوف ف يعقوب وجهها حمر وشعرها الأكحل مسبسب على صدرهاا ... 

يعقوب : عاد نايضة ياا خوينزة امم 

اميرة : عاد حليت عيني صباح الخير 

يعقوب : صباح .... (ابتسامة ) وهاحناا مهنيين شتي غاا نتي كيعجبك تفشي عليا هه 

اميرة : الصمت .... انمشي لحمام 

يعقوب : يلاه واخاا انا هابط لتحت.. شوية غنطلع عندي ليك شي حاجة

اميرة : بصح شنوو 

يعقوب : وانا قلت ليك شوية ونطلع ونعطيك..

اميرة : صافي واخا 

خرج يعقوب واميرة جمعت حوايجها ستفاتفهم فالماريو.. وجبدات حوايج خرين دوبياس و تريكو بيض دالقطن بسروالو.. وليباا فالبيض .. وساية بيضاء مع كبوط بالبيج مغلوق وشان.. حطاتهم فجنب ومشات لحمام طبقات الغسل ديالها كيف وراها يعقوب.. وتوضات وخرجت بالبينوار بدلات حويجاتها وصلات صلاتها.. يلاه هيا كتسلم ويعقوب دخل.. حل المحفضة ديالو وجبد لوحة إلكترونية... شادها فيدو كيحل فيهاا. سلمات ورفعات يديهاا شوية وناضت غادية جيهتوا 

مدو ليهاا .. 

اميرة : ديالمن هادا 

يعقوب : ديالك

اميرة : بصح مغنعرفش كيف نخدموا 

يعقوب : جلسي انا غنوريك دخلت ليك واحد التطبيق كيقري الفرنسية بالنطق والكتبة بداي بيه.. 

جلس يعقوب كيوريهاا فيها منين دخل وهادي لاش كتصلاح... عطاه ليها كتخدموا بيديهاا وهوا ناض لبس لافيست ديالوو. وقفت كتشوف فيه وفرحة خارجة من عينيهاا عنقها وخرجوا بجوجهم هابطين لتحت خرجت معاه حتا لبراا وزاد.. عاد رجعت بحالهاا لقاات غا اسماء متكية كتفرج وتهضر فتليفون وهيا جرت كرسي حدا سرجم وجلست كتشوف ف الكلمات والطرجمة ديالهاا...

خدا يعقوب ما بقي من الأغراض للمنزل الجديد.. ودوز يوم اخر متعب ... رجع معطل لدار بعدما تعشااو مجموعين كل واحد مشا لبيتو.. ويعقوب واميرة طلعوا لبيتهم ولين عاد طفات عليها الشمعة تغوت وتسفق بيديها.. طلقوها فالارض كتحبوو. واميرة كتشوف فيه ومحمسة تقوليها اش حفضاات وشنو عرفاات تقول. وهيا كتخرج الكلمة من فمها وهوا كيغلبوو الضحك ويتمرر ويعاود يوريها كيف تنطقهاا.. بايت مشيب معاهاا ... 

صباح جديد... غير كل صباح بعد فطور ساخن واميرة كتفتف فجناابهاا ناضت مشات لكوزينة لقاات جميلة فاتحة الكام كتهضر مع عائلتها.. طفات التليفون وناضت عندها .. 

جميلة : ختي خصك شي حاجة 

اميرة : اه بغيت نسولك 

جميلة : اه قوليلي مالك 

اميرة : صافي بلاش والوو

خلات جميلة غاا كتشوف مفهمات والو ورجعت لعندهم لقاات يعقوب معنق امو وكيسكت فيها بعدماا عرفات انه صافي هادا اخر يوم ليه معاهاا... 

عنقااتها اميرة وكتحااول تهذن فيهاا وتبووسهاا فيهاا.. حتا تهذناات وطلع يعقوب هوا واميرة كيجمعوا حويجاتهم بصغير بالكبير وحويجات لين ومنطات ديالهاا كلشي هبطو يعقوب لتحت.... وداهم لكوفر خلاهم تما.. ورجع كيبوس يدين اموو ويراضيها ويطلب منها المساامحة الا غلط فحقها.. هكاك اميرة لي مقدراتش ربيعة تفرقهاا.. توادعوا مع بعضياتهم واسماء معنقة اميرة على حررر جهدهاا وتبوس فيهاا. هز يعقوب لين بين يدو وخرجها حطها فالكوفر واميرة طلعت حدله وتوكل على الله قاصد دارو جديدة وهوا غاديين فالطريق

اميرة : يعقوب 

يعقوب : وي حبيبة 

اميرة : اجي.. اام ..كتباع الحريرة هنا فشي بلاصة 

يعقوب : وي كاينة مي بعيدة واش بغيتي حريرة 

اميرة : اه مكرهتش مشهياهااا بزاااف ومقدرتش نقول لخالتي ديرها 

يعقوب : ومالك على حالتك نرجعوا لدار

اميرة : لا خالتي عياانة نتاا كتشوفها مسكينة انا مكرهتش الا كان شي محل تكون فيه 

يعقوب : جااك الوحم عليهاولا 

اميرة : وقيلة هياا لي بالي معاهاا كتر سبحاان الله كانت عندي عزيزة من صغري ومزال حتا لداباا 

يعقوب : واخاا نديك طرحيي قلبك فيهاا ويلا باغاا شي حاجة خرا هاناا نديك فين بغيتي

اميرة : لا صافي بغيت غاا حريرة 

يعقوب : واخاا نمشيو نيشااان عاد نمشيو لداار . 

اميرة : صافي واخا 

يعقوب : مزال كتجيك تقياا بزاف 

اميرة : اه بالخصوص الا شميت شي ريحة مكنقدرش نصبر 

يعقوب : معليش داباا تفوتك ان شاء الله 

داها يعقوب لمطعم فيه الجالية المغربية كيوجدو فيه شهيوات وحريرة وصوباات كلشي بالتاويل وحسن الاستقباال. ضيفوهم فبلاصة جميلة لداخل.. 

اميرة : يعقووووب شبااااكية شوف شوف 

يعقوب : بغيتيهاا 

اميرة : ااااااه عفاك وقوليه الحامض وخبز مع الحريرة 

يعقوب : واخا شنو اخور 

اميرة : صاافي غاا هادشي.. 

مشا يعقوب واميرة كتشوفو مجمع معاه وكيكب الحريرة فسوبيرة صغيرة بزليفااتها وحامضة والخبز والشباكية والبريوات حلويين ومالحين وشلاضة ومعسل .. رجع يعقوب جلس قبالتهاا والنادل حط الطلب ومشاا.. 

حنات اميرة راسهاا ضرباات الزلافة اللولة سلاتها وزادت ثانية وهياا كتسووط وصدرهاا سخن زادت الثالتة وهياا كدوز بالشبااكية ودير بريوة مالحة فالخبز وتاااكل ويعقوب حال فمووو فيهاا..

سمع يعقوب لين كتبكي فالطوموبيل فاقت من نعاس مشا كيجري حل ليها بوشيط وهزها فيدوو رجع بيها لعند اميرة شداتها منو وجلست كتبردليها حريرة تاكل الحمصة وتعطيها المويها... وقفوها فالكرسي حاطة يديهاا على طبلة كتفرج...

كلات اميرة وعمرات كرشها مزياان بقاا فالسوبيرة شوية قوعااتهاا فالزلاجة وشربااتهاا عاد توخرات الله.. 

يعقوب : صافي شبعتي 

اميرة : اه نتا مالك مكليتيش 

يعقوب : لا مخصنييش نمشيو ولا تزيدي 

اميرة : اجي نقولك 

يعقوب : شنو 

اميرة : ميبغيش يعطيني حريرة فشي طاسة ولا كسرونة نديوها معانا 

يعقوب : وهانتي يزيدك هناا حتاا تشبعي 

اميرة : لا دابا لاا شبعت ناخدها معايا لدار حتا يجيني جوع. 

يعقوب : اهاااه واخا انا نقولها ليه يلاه نمشيو 

اميرة : اه يلاه 

خرجت اميرة هازة لين فيديهاا طلعت فالطوموبيل كتسناه .. وحاطاها فوق فخضها وهوا هضر مع صاحب المحل وجبد الفلوس خلصو وعطاه طاسة كبيرة عاامرة بالحريرة سخونة حطها موراهم وطلع لبلاصتو

يعقوب : هانا جبتها ليك باقي شي ولا نزيدو 

اميرة : لا صافي انمشيو .. 

قلب الضورة ومشاا نيشااان الدار وهوا كيقشب عليهاا حتا وصلوو ودخل حويجااتو كلهم طلعوا فلاسنسور لطابق الرابع.. دخلو واميرة كدوز عينيهاا مع السكنة من باب... عبارة عن حمام حدا باب وقبالتو كوزينة صغيورة وقبالتها بيت نعاس جاا فراس.. وعلى اليمين وسط دار صغيرة وعلى يدها د شمال صالون واسع عندو جوج سراجم كباار كيطل على الزنقة ..دخلت اميرة تزيد تشوف وتعرف على الدار عجبها اللون لي فالحيط... فصالون كبير وفوسط الدار نفس اللون الحمر وبعض زوقات بالأسود.. وحتا الفراش وديكور وبيت نعاس بلان كاصي غاامق.. مع القهوي وحتا النموسية الفطى ديالها تواتاا مع اللون... رجعت خرجت شفت فيهاا وهياا عجباهاا دار جديدة.. رجعت الكوزينة شعلت الضوء كتهزز راسها عاجبها الحال رجعت لعندو 

اميرة : هادشي فنن كيحمق حتا انا كيعجوني الواان مغلوقة بحال هاكاا 

يعقوب : المهم عجبك يااك 

اميرة : اااه بزاااف صافي سليتي كلشي مبقا داباا والو

يعقوب : لا مزال مخديت الثلاجة مخلصة ومزال مجبتهاا ومزال شي ميعناات جبت قليل المهم نقضيو دابا حتا يحن الله وتلفاازة انا غنجيبها داباا درت ليها بلاصتها راهيا (نعت ليها ) مول دار هبط لياا خيط دالبالابور المهم غير نلسق وصافي

اميرة : صافي ان شاء الله . اجي نمشي معاك الا حتاجيتي نهز معاك 

يعقوب : لا والو عليك غتنوضي داباا نتي حطي لين فالعجيلة راه لباارح ملي كنت جاي درتها فالطوموبيل وجبتها باش تسهال الامور... حطيها تما ودخلي ستفي الحوايج فداك الماريو وقاادي داكشي راكي عارفة 

اميرة : اااه صافي واخا انا ندخل داباا...

خرج يعقوب.. واميرة سدات موراه الباب ومشات حطت لين فعجيلة ديالها .. حيدات حوايجها لبساات بيجامة وحلت الشوانط.. هزت زيف صغير كتمسح بلاكارات دالماريو وبداات تستف كل واحد حوايجوا . قمايج معلقين فجيهة وسراول مطويين فجهة.. حتا عمراتو وخوات شوانط خلات غاا تكاشطها وقفاطن وقمايص لواتهم ف زيف بحال الرزمة ودارتهم فصاك كبيرة وحطاتو فجنب الماريو من التحت... خرجت مشات الكوزينة ولين كضور حداهاا.. لقااتها مخبرة والوسخ فالزليج.. لقاات طاسة فيهاا باكية د الصابون والحلفة ديالو ولوازم كلها .. خلطات الصابون بالماء مع معطر وبداات تحك ودوز يديهاا حتا ضارت عليها فمرا ببلاكاراتهاا بكلشي ... وبدات تشلل مرجاات الأرض وجبدات جفاف مزال فميكتو وبداات تجفف وتعصر فلابابو وتنشف. خلات الكوزينة تنشف. ومشات الحمام جبدات الصطولة دارت فيهم الصابون وخرجت كتمسح الحيوط والديكورات.. وجلست كدوز جفاف حتا دق يعقوب ...

مسحات يديها فجنابها ومشات تحل الباب لقااتو هاز تلفاازة وكيس فيدوو شدات منو كيس صغير فيه التليكومند والكابليلات.. وشدت الباب حط تلفازة فوق الطبلة وجلس كيرد النفس 

يعقوب : شكديري 

اميرة : غا قلت نسيق هادشي ونقاادد عاد نجلس 

يعقوب : وحتاا لمن بعد.. المهم الفراش هاهواا فبلاصتو 

اميرة : وغنبقااو فالغبرة شوف الارض كيف دايرة اناا سليت حيوط غير نجفف وصافي.. 

يعقوب : يلاه واخاا.. 

كملات تجفااف وهواا كيسووط من التقل لي هز... 

كملات حتا وصلت لباب ودخلت الحمام حتا هوا عطااتو حقو بالنقااوة والحكاان .. رجعت لقاات يعقوب مشعلق على كرسي هاز تلفاازة كيعلقهاا فبلاصتها .. مشات شدات بيه الكرسي وهيا شادة فسروالو عندااك يطيح....

كمل تلصااق وشعلهاا عااد هبط جرهاا لعندو بيد وحدة وطبع قبلة طويلة فوق جبهتهاا... 

جلسوا يرتاحوو شوية... ولين كتلعب حداهم فوق الفراش ...

يعقوب : نخرجوا شوية.. 

اميرة : فين غنمشيو داباا هيا المغرب وذناات لقيتيني يلاه نايضة نصليهاا 

يعقوب : ونوضي تانا نيت نايض نصلي ونخرجوا 

اميرة : صافي واخاا....

لبست حوايجهاا عبايتهاا طويلة بتقيشرات كوحل قداات زيفهاا وعينيها مع لين عندااك طيح.. لقااتو توضى وجاي كيهبط فكمامووو دار ليها اشارة براسو تبعيني شافت لين لقااتها ملاهية ف العاابها...ومشات لعند يعقوب فرشو صلايتهم فوق الزربية صغيرة وسط الصالون... وبداو كيصليو يلاه قشعااتهم لين وهيا تهبط الأرض غاادياا عندهم برجيلاتهاا تطيح وتنوض تكمل حتا وصلات عندهم يلاه يعقوب غيسجد وهياا تربع رجليهاا حداه كضحك وتمشي تشعلق فيه وهواا كيبعد راسوو ناض يكمل على الركعة الأخيرة وهياا ترجع تجلس فبلاصتهاا معلياا عينيهاا فيهم وكتضحك وتبجغطط.. 

سجد يعقوب مرا خرا واميرة موراه فجنبو اليمين .. شافتهاا لين ومشاا ركبت ليهاا على راسها وضحك حالة فمهاا عليهاا كدير ليهاا(اووبا ) هز راسو يعقوب مبقااتش كتباان حداه خافهاا تمشي طيح.. تحى وسلم وهياا تبان ليه فوق راسهاخاشيا رجيلاتها بجوج ف عنق اميرة وهيا مزال ساجدة 

يعقوب : ههعهه الله ينعل خنايزك نوضي مزياااان 

هزهاا من عليهاا وهياا كتغوت وتبكي بغاات تبقى فوق منها. هزت اميرة راسهاا عاد كملات صلاتهاا سلمات وناضت جاية ليهاا ..

يعقوب : هييه بعدي لياا من بنتي 

اميرة : حيد عليهاا ليووم نااكلهاا 

يعقوب : ههههه لاا الحبيبة كولي شي حاجة خراا بنتي فالتيقااار 

اميرة : يااك واخاا... 

قلبات اميرة وجهها كتشوف فالارض بتغوبيشة وطلعق لين غادي جيهتهاا... ضارت اميرة بسرعة البرق شدااتهاا ولواات عليهاا كتبووس فيهاا وتعضعض ف كرشها ويعقوب كيفك بنتو لي قلبهاا غيسكت من شدة الضحك. 

لبست لين مونطو وصبيبط ديالها هزهاا يعقوب طفاو الضواو وخرجوا.. هابطين فالسانسور...قطعوا الشانطي غااديين للباركينغ... يدو ف يد اميرة شاد فيها بقوة .. طلعت اميرة وعطااها لين تشدهاا. وطلع هوا لبلاصتوو وزادو غااديين مع شوارع باريس الجميلة بالأضواءها الساحرة .. طالقة اميرة عينيهاا مع شارع.. وصلوو لسوبر مارشي صغير ... خرجات اميرة شادة لين دخلو لداخل.. شد يعقوب شاريون فيدو ودخل كيهز هادي وهادي ويحط

اميرة : شنو هادشي لاش 

يعقوب : تقضية ل دار منلقااش ااحسن من اليوم غدا خدمة غنجي عياان ميكون فياا لي يخرح

اميرة : اه واخاا شنو غتاخد 

يعقوب : غناخد دابا غير لي مغديش يضيع بيدماا جبت الثلاجة نهار الثلاثاء.. 

تقداا يعقوب كل ماا غيحتاج لدار وداز يخلص جمعو ليه وخرج براا حط كلشي فالكوفر ورجع لعند اميرة لي كانت مزالة كضور تماا

يعقوب : ميمي خاصك شي حاجة 

اميرة : ااااامم 

يعقوب : قولي خصك شي حاجة 

اميرة : ديك شكلااطة راهيااا شفتيهاا 

يعقوب : اطط.. هادي 

اميرة : (بخجل ) اه 

يعقوب : اهاه واخا شنو شي حاجة خرا 

اميرة : الصمت 

يعقوب : قولي اش باغاا محدناا هناا لي بغيتي 

اميرة : رااهياا ماعرفت اش سميتها كتباع عندناا فالسوق ولا عند مول حانوت 

يعقوب : هادي 

اميرة : ااه 

يعقوب : (كيقرا غلاف ) نوكاا داللوز هاكي شي حاجة خرا 

اميرة : لا صاافي براكة شكرااا بزااف 

يعقوب : هه حموقة الا خصك شي حاجة قوليهاا.. يلاه 

خلص لي خداا وخرجو .. مشاو لمحل اخر فيه الأواني.. دخل يعقوب هوا واميرة كيشوفو اش غيااخدو خداا لي لازم وخرجوا بحالهم.. وهوماا راجعين وهياا اميرة ترمق محل لي شربات فيه الحريرة ضارت عند يعقوب 

اميرة : يعقوب 

يعقوب : وي 

اميرة : يلاه نمشيو نشربو الحريرة هداك مزال حال محالو 

يعقوب : وراها عندك فالدار دابا تحماض 

اميرة : (بالاسى ) هديك غنخليها حتا ليل

يعقوب : نيت داباا ليل ههه اوك يلاه 

قلب يعقوب طريق ورجع المطع.. دخلو جلسوا فبلاصة خاوية كانت دنياا عامرة.. واميرة ضورات وجها عطاتهم بالضهر جاب ليهم نادل طلب ..واميرة زيداات زلافة لعندهاا وحنات عليها ويعقوب شاد لين فحجرو عطيهاا مدلينة كتاكل فيهاا. وهوا كيدوز المعلقة فزلافة د حريرة لي حدااه... شربهاا وتوخر اللور... حتا سلات وهزت راسها 

يعقوب : واش حتاا لهاد الدرجة مشهياهاا ههه سبحان الله 

اميرة : اه كتعجبني وهياا لي كتجيني فبالي 

يعقوب : واخا. نقولو يزيدك 

اميرة : لاا صافي بلاش يلاه نمشيو..

مسحات فمها بزيف صغير هزاه فيديها ويعقوب خلص ورجعوا لطوموبيل غاديين ادار

دخلت اميرة لاسنسور و يعقوب هز الحاجيات لي جاب حط ناس حدا اميرة ومشاا هز نص لاخر عاد طلعوا بحالهم لفووق...مشات اميرة لبيت حطت لين لي غارقة نعااس ورجعت تعاون يعقوب دخل معاه.. حتا دخلو كلشي وبداو كيستفوا صلاو صلاة العشاء...عاد طلقو مانطة صغيرة ودخلو فيهاا متكي يعقوب واميرة فجنبو معنقهاا جلسوا كيتفرجو ويهضروا...

اميرة : غدا معياش غادي لخدمة 

يعقوب : مع ديك 7:45 باش 8 نكون تما

اميرة : وايمتا غتجي 

يعقوب : ديك 2 هكاك ويلا كنت مسالي نقدر نجي بكري 

اميرة : واخا.. شنو كتاكل ملي كتسالي 

يعقوب : كنقضي باش مكان ولا كنمشي ندير شي سوندويتش 

اميرة : الصمت

يعقوب : علاش 

اميرة : غا سولتك وصافي 

يعقوب : اوك 

اميرة : (بالاسى ) داك النهار غوت على ماما وندمت بزاااف .. ومكرهتش تصوني على بابا نهضر معاهاا ونهضر مع الميمة الا. كانت عندك المكالمة 

يعقوب : وعلاش غوتي عليهاا 

اميرة : واا.... على حساب ديك الهضرة لي كانت تقولي 

يعقوب : واخاا كن كانت ضربااتك مديريش معاها هكاك واخا تكون هياا غالطة غتولي نتي لي متسوايش وتقلق منك هياا فعلا معندهااش الحق دخل وبالخصوص فهاد الامور لي بين المرا وراجلهاا ولكن نتي غلطتي المهم معليناا داباا فات الفوت مرا خراا سواا هيا ولا غيرها واخاا يضرك بنادم متجبديش عيبك 

اميرة : محيستش براسي والله حتا لاخر عااد ندمت 

يعقوب : المهم انا غنصووني نشوف...

📞

فاخيته : الو 

يعقوب : سلام عليكم كيف دايرة لباس .. انا يعقوب 

فاخيته : (بالزعفة) الحمد الله 

يعقوب : المهم بنتك بغاات تهضر معاك هاهياا...شدي

اميرة : ماما 

فاخيته : الصمت 

اميرة : كيف دايرة لباس كيف بقيتي وكيف داير بابا 

فاخيته : الحمد الله 

اميرة : ماما سمحيلي على ديك المرة ماشي لخاطري غوت عليك والله سمحيلي عفاااك 

فاخيته : معندي علاش نسمح ليك نستاهلهاا منك ياا بنتي تغوتي وتقطعي عليك حيت اناا لي مضرورة ومبغااكش طيحي فااش طحت اناا وكيف كيقولو انا بالشحمة لفمك ونتي بالعود لعيني ... قطعت

طيحاات راسها فالأرض بحزن ويعقوب كيشوف فيها ناض جلس حداها وعنقهاا

يعقوب : معليك والوو نتي غلطتي وطلبتي المساامحة وماماك الا بغات تقصح راسها تقضي الغراد هيا لي غتندم فلاخر نتي فواحد المرحلة صعيبة شوية وهيا مرعاتش ليك اذن خليها.. عرفتي انا غنصوني على الحاج ونعطيك تهضري معاه 

اميرة : اه واخاا 

يعقوب : هاهواا كيصوني 

اميرة : يقدر يكون...

يعقوب : عليكم سلاام الحاج لباس عليك 

الحاج : الحمد،الله اولدي ونتوماا وبنتي شوية 

يعقوب : الحمد،الله ياكماا نعست

الحاج : لقيتيني نايض نعس اولدي اميرة حداك 

يعقوب : وي هاهياا... 

اميرة : بااسيدي سلام عليكم لباس عليك 

الحاج : الحمد الله ابنتي سبحان الله بالي ديما معاك. ولفتي شوية 

اميرة : اه الحمد الله مزيان ميمة حداك .. 

هضرت مع الجميع افراد اسرتهاا.. من الصغير لكبير ويعقوب عاطيها الخاطر وكيشوف فيهاا وفالتلفاازة... حتا كملات على خاطرها وقطعات المكالمة.. حطت تليفون على الطبلة وتكات حداا يعقوب فوق الفوطوي وعنقااتوو بحر جهدهااا وجهها فصدروا.. كذالك هوا تجاوب معاهاا وعنقهاا لعندو حس بيهاا مقهوورة وحاسة بالوحدة ومجروحة من جهة امهاا بقاات هكاك بلاماا تحرك. حتا حس بيهاا نعساات ناض بشوية نقص لتلفاازة ومشاا الكوزينة شعل الضوء ودار المقلة تسخن كب فيها شوية د الزيت يسخن وهرس 3 بيضاات ورش عليهم الملحة والكامون قلاهم وحطهم فطبسيل وهز باكيطة صغيرة من ميكتهاا وداهم لطبلة حدا اميرة حط بشوية.. تعشا على قد ولاخر غطاه وناض كيمسح يدوو. طفى تلفاازة وهز اميرة بين يديها وهياا مكمشة غاارقة فنعاسها دخلهاا لبيتها حطها حدا لين وغطاها ورجع طفاا الضواو ورجع دخل لبلاصتو دايرين لين فالوسط بقاا كيتقلب من جهة لجهة حتاا داه نعااس.. 

فالصبااح بكري مزال مطلعاات الشمس .. ناضت اميرة مزيرة حلات عينيهاا لقاات يعقوب مقلوب لجهة خراا ناضت مشاات الحمام .. وتوضاات وخرجاات فمراا شافت الساعة لقاات 6 د صبااح.. فرشات الصلاية ضلات ورجعت لبلاصتها.. تفكرت يعقوب غيمشي لخدمة.. وهيا ترجع تنووض مشاات بشوية دخلات الكوزينة وشدت الباب عليهاا باش ميتسمعش التقرقيب.. دارت الماء يطيب وبدات تستف فالسينية...طيبات القهوة والحليب دارتهم فطرموسات د الزااج حطات مدلينات صغار فطبسيل والزبدة والعسل والزيتون وفرماج فطبيسلات صغاار والخبز مقطع وحلت الباب بدات كتحط بشوية بلا تقرقيب...

وتشوف اش غتزيد مزال.. 

فاق يعقوب داز حداا طبلة وانبهر من الفطور لي محطوط... لقاها فالكوزينة كتفتف اش تزيد مشااا عنقهااا وشااد راسهاا كيبوسو 

يعقوب : صبااااح نوووور علاش نايضة كنت انا نقضي باش مكان وصافي 

اميرة : صباح الورد... لا واخاا متمشيش بلا فطوور 

يعقوب : لهلاااا يخطيك علياا انمشي نغسل وجهي ونجي 

اميرة : (ابتسامة ) اه واخاا... 

رجعت بحالها شعلات التلفاازة وجلست كتسنااه. خرج كيمسح وجهوا مشا صلاا قبالتهاا فالصالون ورجع جلس حداهاا وهيا كتكب القهوة وتحط حداه.. 

يعقوب : شكرا بزاف وسمحيلي 

اميرة : غنبقاا بوحدي داباا 

يعقوب : نبقاا معاك 

اميرة : لا سير شوف خدمتك راه ناس محتاجين ليك الله يعينك

يعقوب : (شاف فيها ) مكاانش طلب ديالي كبير.. كان بسيط وبزاااف .. نكون مزوج ببنت الناس لي نرتااح معاهاا فسقف واحد هانيين سوا كليناا القليل ولا كتير متسمع عيبي منسمع عيبهاا والحمد الله لي ربي كمل رجاياا 

اميرة : الحمد الله .. انزيد نسخن ليك كاسك 

يعقوب : لا براك صاافي نتي لي مفطرتييش كولي شوية 

اميرة : انوض نسخن الحريرة 

يعقوب : ههه واخا بصحتك 

دخلات اميرة لكوزينة ويعقوب ناض بدل حوايجوا ولبس صبااطو مدات ليه المحفضة ديالو شدها منهاا حنى على راسها

يعقوب : حاولي على راسك وحضي لين معاك الله يرضي عليك 

اميرة : واخا كون هااني

خرج وشدات الباب موراه ودخلت بحالهاا لقااات الحريرة سخنات هزت الكسرونة وزلافة صغيرة ومعلقة وحامضة وخرج حطاتهم فوق الطبلة حطت مخدة فالأرض وربعت رجليها جلست عليهاا وجلست كتشرب فالحريرة... حتا وقفاات عليها لين جاية كتحبو شداتها اميرة كتبووس فيهاا وتهر برداات ليها شوية دالحريرة وجلست كتشربها.. حتا كملاات هزتهاا حطاتها فالارض فوق زربية حيدات ليها الحويجات وليكوش مسحات ليهاا وناضت هازها من يديها بجوج مشات الحمام حطاتها فالبانيوو وطلقاات الماء معتدل... ولين كتفركل وتفطط فرحانة بالماء وكترش فيديهاا .. هزت اميرة شمبوان ديالهاا وبدلات تغسل ليها غاا بيديهاا وتمش شعرهاا دوزات ليهاا لحيمتها ولواتها فالفوطة وداتها لبيت شدات الباب نشفات ليها ولبسااتها حويجاتها سخان لوات ليها زيف رقيق وطربوش وهزاتها لبرا حطاتها فوق الفوطوي .. برداات ليها الحليب وعطاتو ليها فالرضااعة وهيا معنقة فيهاا حتا سمعت دقاان فالباب..

خلات لين شادة رضاعة بيديها وناضت تحل الباب.. لقاات مرا كبيرة فالعمر.. وطويلة شعرها اشقر لابسة كبوط بالعنق وجاكيط دالجلد فوقها وصاية قصيرة مع ليباا كحلة... شافت فيها اميرة وابتسامات فوجهها 

اميرة : نعام اختي 

.... على بالي راكي الجارة جديدة فهاد العمارة 

اميرة : اه اختي شكون نتي 

.... اسمي سليمة راني نسكن لفوق فطاج الخامس مدابياا نتعرف على جارتي جديدة 

اميرة : مرحبا انا سميتي اميرة نتي ايناا بلاد 

سليمة : دزاير ونتي من الموروك يااك 

اميرة : اه دخلي مرحبا بيك 

سليمة : يعطيك صحة (دخلت ) وينو راهي بنتك 

اميرة : اه بنتي 

سليمة : الله يبارك .. هاد اليومين كنت نشوف زوج تاعك يدخل في البكاج تاعو عيطت لزوجي gلتلو ارواح حمدي هز مع جارك .. نتمناو نكون معرفة خير 

اميرة : ان شاء الله . ربي يجازيه بالخير تشربي القهوة مدي يدك، لقيتيني مزال حاطة طبلة د الفطور 

سليمة : الله يسلمك عزيزتي نيت راني عاد هزيت الطابلة يكتر خيرك تباني مزال شابة صغيرة قداش عمرك 

اميرة : امممم عندي 17 عام وانتي 

سليمة : الله يبارك انا 26 نخليك نتشاوفو امورة فساعة خير وتهلاي ليااا فالكتكوتة تاعك ربي يصلحها 

اميرة : شكرا اختي ان شاء الله..

ناضت سليمة فتحت الباب خرجت واميرة سدات موراهاا الباب ورجعت جلست فبلاصتهااا 

اميرة : واخيراا لقيت وحدة حتتاا الا بغيت نهضر تفهمني .. 

ناضت الكوزينة تشوف اش غدير ولين كتلعب فالارض وتشوف فالتلفاازة..

لقاات غاا الخضرة قشراتهاا ونصباات ماكلتها ورداتهاا طيب جمعات القشور وغسلات داكشي وخرجت بحالهاا هازة لوحة الاكترونية ديالها طالعة هابطة كتقرا فداكشي هزت لين ومشاات السرجم طل ومقابلة مكلتها كل مرة تمشي طل عليهاا حتا طابت وتقلات وطفاات عليها.. مشات هزت الشكلاط لي كان خداا ليها يعقوب ورجعت تكات فوق الفراش كتقلب فالتلفااازة وتاكل وتوكل لين معاهاا.. ناضت صلاة الضهر بالكشاايف مع لين ورجعت جلسااتها ومشات جابت ليها شوية دالماكلة بطاطة وشيفلور والقريعة كتمعس ليهاا وتوكلهاا حتا عمرات كرشهاا.. بقااو هكاك حتا دخل يعقوب

دخل يعقوب.. ومدخل الماكلة فيدو حطهاا فوق الطبلة باس بنتو ومرتوو وجلس كيرد النفس. عودات ليه اميرة على جارة لي زارتهاا وعلى صباحها كيف دوزاتو.. 

يعقوب : وي راجلها الله يعمرها دار هز وستف معاياا حتاا بقاا العرق هابط عليه بحالا خاوي عليه الماء وهيا هبطااات ليناا الماكلة الله يجازيهم بالخير.. غير هوا نخليو علاقتناا فحدود ومنضسروا عليناا حد 

اميرة : واخا. نحط ليك تغداا 

يعقوب : علاش وجدتي شي حاجة 

اميرة : اه وجدت لي كتب الله الا قبلتي عليه وعجبك . واخاا انا محملتش نشم ريحتو طيبتوو غاا بزز 

يعقوب : علاش مالك 

اميرة : غير غيلفني وصاافي مبغيتش 

يعقوب : اووك انا جبت الماكلة كوليهاا نتي راهاا نقية.. تعجبك 

ناضت اميرة حطات ليه الغدا وهوا كيغسل يدو حداهاا وهياا جبدات الماكلة لي،جاب حطاتها فطبسيل وخرجاتها تغداو بجوجهم وكيوكلوو لين معاهم 

يعقوب : غدا بحول الله مخدامش صبااح غداا غنديك نسجلك فالمدرسة لي قلت ليك ولين فالروض واناا غنقضي شغلي وناخد الحاجياات لي خاصني الثلاجة وشي لاخر باش لي حطيناها مضيع.. 

اميرة : ان شاء الله خايفة بزاف من هاد القراياا

يعقوب : غيعجبك الحال بزااف وغتولفي.. 

اميرة : واخاا الله معين.. 

كملو غداهم ورتاحو.. فالعشية خرجوا تنزهوا شوية مع شوارع على رجليهم جلسو فجردة صغيرة مخضرة ومزينهاا الورد فكل الالوان . حتا طاح الضلام ورجعوا بحالهم وكانت ليلتهم كاا باقي لايالي حميمية حتا صبح الصبح عااد نعسو غميضة ناضو قاادو راسهم وفطرو عاد خرجوا. نيشان لنادي خاص بتعليم اللغة واميرة ضربااتها اللهبة والخوف من الباب تعجبت فشكل لباسهم وهضرتهم لي ممفهومااش... سجلها يعقوب ودخلت لداخل تشد بلاصتها وتعرف على استاذتها.. ولحسن حضها كانت الأستاذة هيا سليمة جارتها تسالمو مع بعضيااتهم ويعقوب مضور وجهوا كيشوف فالارض.. شدات بلاصتها منفردة وكانت فالصف الأول لي ختارو ليها يعقوب دنياا كانت مخلطة نساء ورجال.. لهادا بغااها اللهم تجلس بوحدهاا ولا يجلس حداها شي حد غريب... باست لين وخرج يعقوب هازهاا فيدو مشا الروض سجلها فيه وخلص الشهر ديالو وخلاهاا تماا مع الوليدت الصغاار والمربياات.. ومشاا يقضيي شغلو من اول نهار اميرة بالهاا رتااح وعجبها الجو.. وناس لي تما اغلبية كيهضرو بالعربية وجاايين يقراو الفرنسية.. نوعاا ماا داز نهار جميل حتاا تعشاات العشية عاد زاد موراها يعقوب وقف كيتسناها

رجعو الدار واميرة دخلت تشوف التلاجة ومواعن خرين لي زاد عمر تلاجتو بلي خصو... بعدماا رتاحو وجلسو كيجمعو واميرة كتعاود ليعقوب على يومها الأول .. كلاو لي قصم ليهم الله من الشي لي شاط فالغداا سخنوه وقضاو بيه.. ناض جبدت الدفتر وستيلو وتعاود النطق بداكشي لي قرات ويعقوب متبع معاها.. حتا كملو ليلتهم على خير وصباح نهار جديد واميرة فايقة على نبوري صبحات كترد مصارنهاا حتاا تجرح حلقهاا.. غسلات المواعن د ليل وجدات الفطوور. وكتحط ناض يعقوب كيكمل معاها الحطاان.. وكيعاود يوصيهااا وياااك الصحاب.. ويااك المعارف.... ويااك تخرجي الهضرة او تعطي نمرتك... سلاو فطورهم وناضو قادو حوايجهم وتوكلو على الله خرجوا. وصل لين هيا اللولة عاد وصل اميرة وزاد لخدمتو...

يوم بعد اليوم.. اميرة كتخرج من فترة الوحم ديالها لي دوزاتها كلهاا بالهاا مع الحريرة والليمون حاامض فين ما مشاات هاهياا هازة ليمونة تعصر فمهاا وتاكل الشتب ديالهاا ..وكل يوم ملي كان يرجع يعقوب يجيب ليها فيدو طاسة من عند صاحب المحل.. وميكة عامرة بالحامض.. 

فالاسبوع الأول من قرايتها كان يعقوب يومياا يوصلها ويحفضها الطريق ويوريهاا منين تمشي ومنين تجي باش تختاصر الطريق وتبعد على قوة الشانطياات.. وفوقت فراغهم كانو كل مرة يمشيو يزورو الحاجة ربيعة بعدما بقات غاا بوحدهاا هيا وجميلة. فالاسبووع تاني كان يعقوب كيخرج هوا الأول حتا كتسالي اميرة شغلها عاد كتلبس عليهاا ولين وتخرج وتسد الباب موراهاا مزيان تمشي توصلها الروض عاد تمشي لقرايتهاا... تقربات من سليمة ولات علاقتهم مطلوقة يهضروا عادي وهيا كتعامل مع اميرة بهداوة وحنية وكتقريهاا مزياان تحفضهاا وتراجع معاهاا اكثر... وداز الشهر الأول واميرة بدات تطلق فمها فاللغة وكتحس براسهاا غاادية فتقدم .. كانت مرة مرة تاصل ب امها ولو كلامها قليل وكتبين انهاا مقلقة منها ولكن اميرة كتحاول تخليها على خاطرهاا ومتزيدش عليهاا جدها وجدتهاا.. لي منسااتهمش كل مرة تاصل وتحاول تعرف اخبارهم وجديدهم...وديما على تواصل مع نزهة بعدماا يعقوب خدا ليها تليفون لي تواصل بيه مع قراب ليهاا.

دخلو فالشهر الكريم شعباان واميرة بداا كيجيها العيااء على الأول وكانت ديماا مصرة انها تصوم واخاا نهار الطويل . وكذالك يعقوب كل الاثنين وخميس كيصومو مع بعضهم.. 

لساانهاا بداا يتسرح فاللغة وكتهضر عادي بدون غلط .. شي لي خلاا يعقوب ولاا كيهضر معاها باللغة فرنسية ويكون حوارهم بيهاا واخا بعض الأحيان اميرة كتفهم ولكن باش تجاوب مكتعرفش. هاد النقص خلاهاا تزيد تجتاهد وتعلم كتر.. جاتها اميرة فكرة انها دير كونط فيسبووك لأول مرة.. بحكم كتشوف عبير اسماء الأصدقاء لي معاها كلشي عندو الا هياا.. قالتها ليعقووب بعد اعترااض كل يوم جاا نهار لي وافق فيه وقادوو ليها وحط وردة فالصورة الشخصية.. اميرة بدااو ميجيوها طلبات الصداقة بلا قيااس وبالخصوص من عند دراري حيد يعقوب طلب الصداقة وخلاها تاكسيبطي غاا البنات لي كيبان حسابهم نقي.. فالويكااند يوم الجمعة بالعشية اميرة مشاات هيا ويعقوب ولين عند ربيعة وتلقات تماا ب عبير واسماء. لي جاو يباركو العواشر .. وتافقو يديرو الشباكية وسلو والمالح والحلو ويوجدو لشهر الفضييل واميرة كلهاا شوق باش تعلم ودير يديها معاهم .. تقداا ليهم يعقوب وخالد ومعاذ لي خص وتجمعو كلهم شي كيحمر طحين شي كيهرمش لووز كلهاا واش كيديروو خلطوو بانيوو كبير ديال سلو قصموه على 4 سطولة وشااط الخير.. وبدااو كيوجدو فالشباكية جالسين غاا فوق الزربية شي كيعجن وشي كيجيب جرارات وليطاان فين يحطوو ولين بداا كيتسرح ليهاا اللساان تغوت وتعيط بابا ماماا.. وكلمات خرين لي كيخرجواا بزز.. طلقاات عبير العجين واميرة شادة بصبيبعاتهاا كتشكل هياا وبيعة وجميلة وعبير كتقلي واسماء كتفرج وتااكل.. 

دوزو 3 اياام فالتوجااد وهوما مجموعين. حتا لحد فالعشية كل واحد خداا رزقوا ومشاا بحالوو .. استمرت الأيام على حالهاا حتا وصل الشهر الكريم...

يتبع ...