الأرملة الصغيرة الجزء الثامن

2019

محتوى القصة

رواية الأرملة الصغيرة

حنا مكنااش كنهضروا معاه وحتا هوا كان حاسب فراسو بزااف... 
رباب : اهه اه وي عفتوا ناري وداباا شنو غديري اسكعة 
ايمان :صراحة انا وليت كنبغيه اختي عجبتني شخصيتو وطيبتوو ولكن هاد عائلتو محملتها مقبلتها وبنتوو كتقيل تغرنك. وحلت 
رباب : جيبي شي مربية وهني راسك من جهة البنت اما عائلتوو حسبيهم مكينينش
ايمان : يااا اختي راه تزوج بياا على بنتو ولكن انا كنشوف راسي مقدراش عليهاا اووف شهاد الغيسة لي انا فيها
رباب : ايواا لي بغاا نونو يصبر ليل كولوو نتي لي بغيتي اختي وداباا شوفي اش ديري
ايمان : ملقيت مندير تلفاات ليا 
رباب: وشدرتي فالبلاان ديالك 
ايمان : مدرناا والو مبغااش قالك مكيحس بحتاا حاجة من جهتي خليتوو 
رباب : وعلاش زعمة 
ايمان : ايوا سوليه نتي نيت يلاه نخليك دابا من بعد نهضروا. راه بنت فااقت 
رباب : اووك تهلا ههه الله يعينك على البزز 
... قطعت ايمان ورمات تليفون على فراش ودارت يديها على خصرهاا وبقات كتشوف فلين وهيا كتفركل فبلاصتهاا.. جلسات فطرف نموسية وجرت عندهاا البيسي حطاتوو حداهاا، كتقلب فيه.. ومرة مرة تشوف فالبنت... دوزات عشية كلهاا هكاك غير كتشااطي وتقلب فالجروبات وجوجل... على كيفاش طيح شي حد فشبكة ويبغيهاا كل واحد عطاها فكرة وبقاات كتخمم فيهم.. طاح الضلام ويعقوب عجبااتو الجلسة مع عائلتوو على براد د اتااي كاس مور،كاس.. فوج معاهم، نساوه فالقديم وجديد.. حتا بانت ليه ايمان هابطة بقميس فالابيض وصندالة طالون وشان ملوي عليهاا ورداه لور بمكيااج خفيف.. وهازة لين فيديها لابسة حويجاات شتوية فالخضر مبرد وطربوش فوق راسهاا وصبيبط فالاكحل. جات كيووت...شافها يعقوب ابتسم وحدر عينو الارض جات جلساات حداه على انضار عائلتوو وبناتهم لي كيطلعوا ويهبطو فيها.. 
يعقوب : درتيهاا زوينة ملي هبطتي 
ايمان : ههه وضروري مجاتش نبقاا لفووق بوحدي 
يعقوب : هه دغياا تقلبتي 
ايمان : خاصني غاا نولف وصافي مزال حشماانة منهم.. 
معاذ :( داخل مع باب ) هاااااا واحد سلاام عليكم 
خالة 1: ايواا مجلستي معانااا مهضرتي معاناا اش شاغلك 
اسماء : هادا رجع شاد تليفون ليل نهاار تقول عندو مشااريع 
خالة 1: هادي باينة شيي مراا جاية فالطريق 
معاذ : هههه احيي قلبي على مرااا ( كيشوف ف ايمان) زوااج خليناااه لشي بعضيين انااا داير مناقس..

يعقوب : اهاااه ايوا اش داير فقرايتك 
معاذ : هاحناا غاديين مزيان 
يعقوب : وبقاا تقول ليا غاديين راه كتباان لياا راجع بلوور وكنسول عليك مكتمشي لاا لمحاضرة لا للجمعية 
معاذ : وغير مكنلقاش فرصة بعد المرات وصافي مي راه كنمشي يعقوب : دابااا نشووف 
خالد : (ناض) ايواا فين مشينا
يعقوب : زيد يلاه 
ناض يعقوب خرج هوا وخالد لبرا جلسوا فالجردة كيداكرواا على نهار دغداا. وايمان بقاات جالسة حداهم لا هضرة لا كلام غاا سكات وكتلعب غرجلين لين .. تجمعوا البنات حداهاا كيبغيو يجبدو معاهاا الهضرة وهياا دافعة كبير معطات اعتباار لحتااا وحدة فيهم كتهضر بالقياااس.. ملي شافوهاا البنات على داك الحال توخروا لور فهمواا القضية. بقات جالسة حداهم كتشرب فالعصير وضرب فكعب غزال.. 
ايمان : خالتي واش تشدي ليا لين! 
ربيعة : (كطلع فيها وتهبط) مصاب نهز غير راسي عطيهاا لسميرة 
ايمان : اوك مغسي (مشات معوجة سيفتها) 
زليخة (مرات لوسها ): كون شديتي بنت ولدك اربيعة شهاشي حشوومة كااع 
ربيعة : بنت ولدي ملي نبغيها غنمشي ليهاا نهزها ماشي حتا تعطيها لياا هياا ملي جات وهيااا هازة خنافرهاا لسما شكااين اختي لا هضرة فحال ناس لا صواب تقولي فين كابرة 
عائشة (اختها ) : وصراحة فهادي عندك الحق ولكن راه ولدك داباا لي ختارهاا وتزوجهاا ولي عطاا الله عطااه المهم نتي بقااي بعيد الله يرضي عليك باش متجي حتا سبة على يدك 
ربيعة : لااا لااا اختي بيني وبينها غاا الخير، معندي مندير بيها لا هيا ولا لي يجي معااهاا 
فتحية (اخت) : الله يسترنااا وصافي مخرج ليناا سعد فهاد العرايس 
ربيعة : هه سعد شمن سعد الله يهذيك هادي نيتك. سعد مخرجش لينا حتا فولادناا عسااك فعرايسناا 
فتحية : لوااه اختي نتي ولدك غزال وكيموووت فيك نهار لي تكوني مريضة ونهضر معاه فالواتساب كنلقااه بحال الحوتة لي كيخرجوها، من الماء كيفرطط غاا بوحدوو عليك كيعااود لياا وهوا مخلووع 
ربيعة : هه كاين ولكن دابا داكشي مغيبقااش غتروموو ليهاا وانا مغيبقاا ليا لا ولد لا والو 
زليخة : نعلي شيطااان هالعااار براكة علينا من هضرة خاوية 
ربيعة : ايوا داباا تشوفي 
مشات ايمان لكوزينة عيطات لسميرة عطاتهاا لين وعلماتها ملي تعيط ليهاا عاد طلعهاا ليها.. طلعات من دروج دالكوزية لصالون والعائلة مجموعة مضوراتش وجهها جيهتهم وقلباات الضورة لدروج لي كيطلعوا لبيتهاا... يلاه هيا وصلات لراس وهياا تلقاا معاذ متكي على حدايد ددروج كيطلع ويهبط فتليفون...

ايمان : فين ممشيت غتخرج لياا نتا ولا شنوو
معاذ : هاااادي دارنااا ابنت المعودة لااااخرااا نكون هناااا ولا لهيه اش حرق شطااتك غتحكمي فيا ولا
ايمان : لااا اجي ضربني حسن بانتي لياا مجهد مع راسك 
معاذ : ههههه كنشووف فيك من نيتيي حجاااب ههههه وسترة يالالة جاا معاك الدين 
ايمان : ههه شوف حالتك نتا لول يااا ولد فقيه ياا حسرة وخوه سيد عارف بينوو وبين الله وانساان صالح واموا غادياا وكتسبح ولدهاا مدلل مفشش يمشي يتقحبن مع لي يسوااااا ولي ميسوااا وعطيها لدرووكاا ولالة ومالي سير تشوف فمن تلسق راك مغتشد مني حتا خرية 
معاذ : الصمت 
ايمان : تسلاااو ليك ياااك وسير هبط بحالك غبر من ساحتي وعطيني شبر تيساااع راني بعيدة عليك كل البعد باش تلحقني.. 
شافت فيه ايمان شوفة حاااارة خلااتو ساااكت فبلاصتو ودخلات لبيتها وزدحاات الباب. هوا هبط مع الدروج ملتازم بالصمت ديالوو.. 
يعقوب وخالد خرجوا ضايريين حتا أذنات عليهم المغرب فالزنقة مشاو صلاو وبقا جالسين مع امام فواحد السدة حتا وصلات العشاء صلاو عشاء ورجعوا بحالهم لدار.. دخلو بقاو جالسين حتا بداو يخملو طبلة باش يحطو العشااء وهوا يرمق يعقوب سميرة محملة لين فصدرها وكتسخر بيهاا ناض عندها جرها من بديها حتا وقفهاا حدا بوطاجي. 
يعقوب : فين ايمان لي نتي شادة بنت 
سميرة : راه طلعات لبيتها قالت لياا حتا نعيط ليك عاد طلعيها لياا
يعقوب : وشنو تكون كدير لفوق 
سميرة : والله مااعرفت انا نمشي نشوف 
يعقوب : اري البنت عليك داباا وحطي لينا العشاء وانا غنطلع عندهاا من بعد... قولي لجميلة طلع موراهاا تجي تعشى 
سميرة : طلعناا ليها عشاا ديالهاا مبغاتش تهبط.. 
يعقوب : اهااااه واخاا 
.. شد يعقوب بنتوو هزهاا وهيا ناعسة حطها فوق سداري وضور عليها المخاد باش مطيحش.. 
وتعشى مع عائلتو شوية هز تفاحة ومشا جلس بعيد عليهم حدا لين. واحد ربع ساعة ورجع جمع نوضااا هز بنتو وطلع بيها لفوق يلاه حل الباب... ""

يلاه حل الباب تفااجئ بالبيت كيف داير .. متول ومزيين بالشموع والورد مشتت فالارض.. هز عينو فالايمان لقاااها صابغة شعرها فالكرونة مغلووق ومبوكلي.. لابسة دوبيااس فالحمر فوقانية ديالها طويلة واصلة حتا الارض ومفتوحة من الوسط وصدرهاا واقف ومعري من الجناب لابسة بنطوفة ... حاذرة عينيها فالارض وهوا يلاه خطف شوفة فيها وضور وجهوا لجهة لاخرة شد الباب برجلوو وزاد حط بنتو فبلاصتها وحيد ليها لهاية من فمها وغطاهاا مزيان.. يلاه بغا يقلب وجهواا لقا ايمان وقفات حدااه كتشوف فيه بعينين برائة والشووق.. شادة يد فيد 
يعقوب : مالك 
ايمان : امم والوو 
يعقوب : شهاد لوون دايرة فشعرك 
ايمان : معجبكش! 
يعقوب : الصمت 
ايمان : الا معجبكش نحيدو ماشي مشكيل 
يعقوب : سوقك هداك ديري لي بغيتي
ايمان : ياااك هاااكا 
يعقوب : كيفاش مالك
ايمان : هياا ممهتمش بيا وعندك زايد نااقص واخا انا درت هادشي على ودك
يعقوب : هههه باغاا تشديني زعمة
ايمان : (قربات عندو) باغا نشدك وباغااك تكون لياا بوحدي وباغا نعيش معاك غا نتا ونفني حيااتي معااك (عنقااتو من خصرو) مزال مهداك الله مزال متقتي فياا مزال محسيتي بيااا! 
يعقوب : (الصمت) 
ايمان : شنو نقدر ندير باش تكون عندي بلاصة فقلبك شنوو ندير باش تبغيني كيف كنبغيك ونعيشوو فحال افضل من هادا 
عنقاتو ايماان وصدرها مقرب لصدروا وكتزيد تزير عليه وتحكحك معاه ملقا ميدير شد ليها فخصرها وتجاوب معاها.. حتاا حس براسو ضعااف حداهاا وو..... احم كيزدح 😑
يعقوب: ( رخا منهاا ) غنمشي لحمام سمحيلي (مشاا) 
خلاهاا يعقوب كتشوف فيه ودموع مغرغرين فعينيهاا.. جلساات فطرف نموسية.. ويعقوب دخل لحمام غسل وجهوا ويديه وبقاا واحل حدا المرايا كيشوف فملامح وجهواا لي تغيرو ف البلاصة.. وكيفكر اش يدير واش يخرج لبراا ولا صافي هناا وحبس يدير ليها خاطرهاا..

شدات ايمان الباب بالساروت ودفعات الزربية صغيرة لي مفرشة فوسط البيت ورمات فردة دالبانطوفة حدا الماريو جلست فالارض وطعات كسوة التحانية لفوق وشدات فرجليها وطلقاتها بغووتة سمعهاا يعقوب كتحوح خرج طاير لقاها طايحة فالارض وشادة فرجليها... حنا لعندهاا 
يعقوب : شكاين يااك لباس مالك اش وقع 
ايمان : ائ اهئ اهئ زلقاات لياا رجلي مع الزربية احح كتقطعني بالحريق 
يعقوب :(اممممممم 😄) نوضي نديك لطبيب 
ايمان : كيفاش وراه منقدرش نوض عااوني 
يعقوب : ايوا صافي بقاي فبلاصتك انا نعيط لطبيب يجي لهنى (خارج) 
ايمان : لاا لاا غير اجي بلاش دابا نولي بخير ندلكهاا غاا بزيت 
يعقوب : لاا ضروري يشوفك طبيب ونمشيو نديرو راديو 
ايمان : لاا صافي مكاين لاش غا اجي هزني راه مقدراش نوض 

يعقوب غلباااتو ضحكة وكيحاول يتلف مشاا لبلاصتوو وتكاا هز نضاضرو وكتاب لبسهم وجلس كيقراه وايمان تعجباااات فيه كيفاش خلاها هكاك 
ايمان : غنبقاا انا جالسة هنا ولا شنوو ايييي اح رجلي اجي عوني نووض 
يعقوب : نوضي على سلامتك راك تشافيتي هههه اميي على فرشة 
ايمان :(تزيرات) ياااك ايعقوب حشومة عليك انا والله حتا كتقطعني رجلي بالحريق اهئ اهئ ومخليني هكاا 
يعقوب : اولا متحلفيش، على كذووب ثانيااا نوضي راه مفياا لي يمشي مع قوالب صافي 

شافت فيه ايمان وهيا كدمع بقاات ساحتة مع الارض وشادة فجنب نموسية ويعقوب غيتفركع بالضحك حبسها غاا بزز طلعات فوق نموسية وتمدات كتمسح عينيهاا كتشوف فالسقف وحوايجهاا طالعين لفوق كيباانو فخاضها وسدرها لي كيتهز غاا بوحدوا.. كيحاول يعقوب يقلب شوفة من جيهتهاا ولكن والو مقدرش يتحكم فراسوو وهيا زادت عندو ورمات يديها فوق صدروا زادت شعلاتو كتر كيسد عينوو ويحلهاا وباغي يبقاا بعيد ولكن والوو فالبلاصة حط نضاضروا فجنب فوق، مجر هوا وكتاب.. وضار شاف فيهاا حس ان عافية شااعلة فيه. شد ليها فيديهااا بقوة وطلع فوقهاا عينيهاا فعينو كيتأمل فكل بلاصة فوجهها. حناا عليها كتر وطبع قبلة طويلة فمها كيبووس فيها بلهفة زاد زيرر عليها كترر برجلو وهياا كتجاوب معاه فالقبلات وكيحيد ليها فحوايجها رماهم فالارض وهيا كطلع ليه تيشورط ديالو بزربة وشادة فيه كتوحوح ... محبسش وبقاا على نفس الوضع.. وكيزييد يجهل كترر شد ليهاا شعرهاا بقوة حتا غوتااات كلاا ليهاا فمهاا كولو حتاا ولات كترجااا غير ايمتاا يحبس..

فالبلااصة بحالا تهزات يد وضربات يعقووب بطرشة.. شااف ف ايماان وعينيه حوومر وناض تهز من عليها جمع يديه بقوة ودخل لحمام وهيا كتجر عليها ليزار ومصدووومة من تصرف لي دار معاهاا يعقووب عطااتها لبكاا فصمت.. ويعقووب دخل لحمام بقاا عطيهاااا لماااء بااارد حتا برد على خاطرواا وتهذن... توضاا واغتسل هز فوطة لواها عليه وخرج مشاا نيشان لماريو بلاماا يضور وجهواا جهتهااا رجع لحمام لبس حوايجوو تما..وعلق فوطة وصبن شورط ديالوو تماا غا بشمبوان عصروا وهزو فيدوو. وخرج طلع نيشاان لسطح نشروا فواحد قنت ودار ليه مقبط. وهبط مع الدروج حتا وصل لقاع لقاا كلشي مشاا ينعس بقاات غا سميرة وجميلة كيخملوو ويشطبوا.. 
يعقوب : مزال منعستواا 
جميلة : حتا نخملوو هادشي باش يصبح كلشي نقي 
يعقوب : مزياان الله يعينكم 
خرج يعقوب لبراا كيضور فجردة والبرد كيقصص وشي لي طرا بينوو وبين ايماان كيضوور بين عينيه.. مشاا لجهة الباب لي كيخرجوا منهاا تما كاين محابق كباار جلس فطرف وبقاا كيضور عينوو حتا كتبان ليه ايماان كطل من سرجم مور الزااج.. 
يعقوب : (بصمت) اووف لاحول 
ايمان : يعقووب يعقوووووب 
يعقوب :(دار ليها اشارة براسو اش كاين) 
ايمان : (بصوت منخفض) اجيي طلع نهضر معااك.. 
ناض يعقووب دخل لداخل لقاا مكاين حد كلشي مشاا لبلاصتو بقاا داير يديه على خصرواا كيخمم.. مشاا هبط لبيت لي حدا كوزينة كينعسوا فيها بنات لقاهم كيهضروا لدااخل دق عليهم 
يعقوب : ✊🏻✊🏻 سميرة 
سميرة : شي حد هادا كيدق 
جميلة : ديري زيف فوق راسك وسيري شووفي 
سميرة : (كتلبس) انااا جايااا.. 
توخر يعقوب لور وسميرة حلات الباب 
سميرة : دقيتي 
يعقوب : وي الاا عندكم ماانطة زايدة عطيهاالي الله يحفضك 
سميرة : (تعجباات) اهه واخااا انا نجيبهاا ليك 
يعقوب : واخاا انا غادي..
مشا يعقوب دار مخدة فوق مخدة تكاا فوق فراش ودار يدو فوق راسو.. 
جميلة : اويلي ومال بيتوو
سميرة : ههه مكرهتش، نعرف والله ولكن ملقيت جهد
جميلة : والله لا نعست حتا نعرف ههه سيري سييري
مشات سميرة عطاتو مانطة جديدة يلاه جبداتهاا.. سدات بيباان وطفات ضواو ورجعات بحالهاا ويعقوب بقاا كيضور ويتقلب حتا داه نعاس

خرجاات جميلة بالحفى من البيت كتسلت يلاه قربات حدا الدروج وهيا تسمع الباب لوراني كيتحل رجعاات طايرة لبيت رداتو وخلاتو مشقق كطل منو شافت معاذ دخل وشدوو موراه بالساقطة طلع فالدروج دالكوزينة حتا خرج فالصالة الكبيرة لقااها خاوية يلاه طلق عينوو مزيان وهوا يبان ليه يعقوب ناعس وعاطي بالضهر... بقاا كيضور فعينيه حط سبرديلة ديالو فجنب الدروج وطلع كيتسلت بتقاشر حتا وصل لبيت يعقوب حط وذنو على باب كيتسنط.. 
ايمان : وراااه فهمت وكنحااول ندير جهدي ولكن والو
رباب : ضربليك ولد حرام كلشي فزيروو هههه
ايمان : تهجرييه القحبة شحال بكيت والله 
رباب : ايوا وامتاا غتسالا وقتها 
ايمان : هادي ماشي العادية انا خديت الغاالية وكتبقاا عادية حتا يدخل بياا 
رباب : ااااه ومزيان هادي يااهبيلة ايمتاا مكاان هاهوا هداك جهليه مراا خراا. 
ايمان : والله حتا ندمواا على هادشي وهانا فين حلفت ليك 
رباب : اي جديد علميني راه كيبقا بالي معااك 
ايمان : اووك سيري تصبحي على خير.. 
رباب : موااح عليك حيااتي 
قطعات ايمان مع رباب ومعاذ كلشي داز مع وذنو ماات بالضحك.. بغا يحل الباب لقاه مسدود دق جوج دقات يلاه فتحات ليه ايماان وهوا يدخل لداااخل 
ايمان : واش مسطي ولاا حمق ولااا معند جدر والديك اصل 
معاذ : (جلس على نموسية ) ههه اصل!! كتهضري على اصل ياا شريفة عفيفة ونتي مخورة من كل جهة نسيتي اياااامك! نسيتي وقتك فين كنتي كدوزيه!! نسيتي صحاابك لي خليتيهم مسطريين واحد حدا واحد..! خليتي كلشي ومجيتي غاااا لخوويا هواا لي بقااا ليك وهوا راه مضرووووب حتا لعضم مشخشخ بغاا غا شكون يخرجوا من الحر لي هواا فيه ودبا زعمة دايرة بكااارة راه صافي قطعتي الواد ونشفوو رجليك 
ايمان: كتهذذني ياااك وااخاا هادشي حنااا صباح نفضييوه وغتباان على حقيقتك وديك ساعة شووف اش غدير هاا ماماك مريضة تطرا فيها شي حاجة ضبر راسك وخوك ملي تنوض تقاتل نتا ويااه فكهاا ياامن وحلتيهاا انا بزااف عليك واخا ترفع لسماا وتنزل الارض راه معندك منين تشدني هاد الهضرة عمر بيهاا ودنك وفكر فيهااا مزيااان عاد اجي هضر مع سيااادك..

ايمان : وداباا نوض خرج علياا من هناا 
معاذ : امم سليتي وقيلة يااك ولالة انا مخرجش هنا غنبقاا حتا يصبح صبااح امي الا بغاات طرا فيهاا شي حاجة طرا مسوقيش وخووويا يجي يواجهنيي ونشوفو شكون يصفيها لاخور واش حناا، كنا هانيين حتا خرجتي لينا نتي من جنب تشتتي شملناا فدقة! الا بغيتي غوتي غوتي على حرررررر جهدك الا بغيتيي تعاودي ليه سيري هاهوااا ناعس غاا لتحت سيري قوليليه خوك كيتحشش ويشرب ويقصرر وعاطيهاا لزهواا اش فيها كيفمااا كنت كنبقاا راجل.. وكيفماا كنتي مكنجيش نشد بنت ونكوزهااا ونبول فيهاا كيف بغيت من لاخر ايماااا خوي علينااا وسيري تقودي فشي جهة ولا والله القسم حتا نصفيهااا لخرية لي ولداااتك وخويااا عطيه بتيقااار يجيب مربية لي تربي ليه بنتوو اماا نتي معندك فاش تنفعيناا والهضرة تسلااات (نااض) سمعتيي ياااك وداباا نتي ضوري هاد شي فموخك باااي الحب 
خرج معااذ كيشووف فيها شوفة العدوو وزدح الباب... 
يلا سمعاات جميلة معاذ ناض وخارج طااارت ضربااتهاا بجرية حتا وصلت لبيت وسدات عليها كتلهت 
سميرة : مالك شكاين 
جميلة : ههههههههههه ههههههههه سميرة : اويلي نتي فعاار الله قوليلي مالك 
جميلة : ههههههههههه ههههههههههه 😂😂😂😂 اويلي البولة غتهبط بقوة الضحك 
سميرة : ضحكيناا معاك اش تما واش يعقوب طلع ولا شنو عااوديلي
جميلة : وعععع هههههه زدق معاذ صاحب ايماان وايمااان متقوبة خهههههههههههههههههه ايواااا وشي كيحلف فشي بحالا كنتفرج فمغمرات همتارو هههههه 
سميرة : 😣😣😣 حلفي اويلي هادشي مكيضحكش اختي حشومة كاااع يعقوب بقااا فياا والله لا خوه فربح ولا هاد العوجة فربح 
جميلة : الزغبي الكعبي هههههههههه معندو زهر لا فالمراا الاولة واخاا حتا هياا كانت سليعفااانة مع راسها ومسهلاش ولكن ايمان قالت ليهاا جلسي فطرف نتي متعرفيش 
سميرة : هند نقولوو الله يرحمها وصافي واخاا فوجهواا كانت كتبين ليه محبة وفضهروا كطعنوا تلقايه مسكين غاادي بنيتوو ودنيا جمعات عليه غا مساخيط
جميلة : من اول اختي متسرطااطش لياا عرفتهاا بنت حرام مقطرة وبالخصوص ملي عرفت صاحبت هند اويلييي 

جميلة : باينة هادي غتنوض شي روينة.. 
سميرة : وعلاش ناوية هادي عوتاني الله ينجي هاد العائلة واخاا من نهار حطينااا رجليناا هنا مقالو ليناا حتا كلمة وهوما حااسبيناا بحال عائلتهم والحاجة مخيرة يعطيوهاا ليناا تغزبناا على حبابناا فالمغرب ولقينا حباب حسن ملي خليني 
جميلة : معرفتش اش يقدر يكون غذاااا خايفة بزاااف والله 
سميرة : الله يحفض وصافي اختي. دخل، معاذ لبيتوو شاد بيسي كيشاطي. وايمان بقاات كضور وتنتف فالغطى كتبرد غدايدهااا حتا فيقات لين من نعاس وحلات فمهاا حرام واش بغاات تسدوو من البكاا وغوااات 
ايمان :سكتينااا الله يعطيك حلاقم ابنت الحرااااام منين خرجتي لياا حتا نتي تكافيت حتاا مع هاد خراا لي عندي بقاالي غااا نهزك 
لين : اععع اننن اهئ اهپئ اهئ اهئ 😭😭😭 اعععععع اننن هئ اهئ 
ايمان : هاانتي بقااي هنا زغرتي حتا تعياااي اختفووووو يقطع دراري وميجي معاهمم لي يجي يبزطك تماا حتا يخرجواا مساارنك تفوو. (دارت فوذنيها سمعات) 
--------------------- 
سمير: جميلة واااا جميلة 
جميلة: انن اشنوو 
سميرة : ماشي لين كتبكي شي تريبية صغيرة لفووق مبغاتش تسكت 
جميلة: (كتحك عينيهاا) لا ماااعرفت يمكن 
سميرة : شنوو نوض نشوف 
جميلة : جلسي معندك فين تمشي 
سميرة : بقات فياا يااختي 
جميلة : نوضي شوفي اناا غنعس 
سميرة : واخاا

سمعات أسماء غوات ناضت مطفووجة من بلاصتها خلات راجلها ناعس وخرجات غادياا مع الكولوار حتا وصلات لبيت يعقوب ،حلاتو لقات ايماان شعرها منتووف وطالع فالسما وكتجدب غا بوحدهاا والبنيتة مرارة ديالها غتخرج بقوة البكاا مشات طايرة هزات لين كتراري بيهاا وتحاول تسكتهاا 
ايمان : ااا كنت كنقلب على رضااعة ملقيتهااش 
اسماء : الصمت
ايمان : اري نشدها عليك سيري ترتاحي نتي 
اسماء : حيدي خليني نمشي.. 
خرجات اسماء ب لين كتراري بيها حتا سكتات وايمان شدات الباب وعطاااتها لنحيط وجديب... 
🌳اصبحناا واصبح الملك لله 🌳
فاقت ايماان كتحل عينيهاا غاا بزز لقات ماريو محلول وخاوي ناضت من بلاصتهاا كتقلب وتشوف لقاات حوايج يعقوب مكينينش لبساات بينوار طويل وشان فوق راسها وهبطت كطير والكحل مجلخ هابط ليها على عينها.. وصلات لصالة لقاات كلشي مجموع كيفطر ومعاذ هاز لين كيلعب ليها فيديها هوا وبنت خالتو شافتو ايمان قلبات وجهها وهوا ضحك ضحكة خفيفة 
ايمان : فين يعقوب 
ربيعة : جايا من كوري قوليهاا عاد هبطتي من الجبل قوليهاا مقريااش ومعرفاش قوليهاا هادا صواب هادي الهضرة بحال الناس وياااحسرة راني ماشي بوحدي مع خوتي. 

ايمان : سمحيلي غير ملقيتش يعقوب وحويجوا مكينينش هبطت نعرف اش كاين، 
ربيعة : مشاا يقضي صوالحو مغديش يبقاا مقابل غا سوق عيلات وخوا خاوي.. زيدون شهاد الحالة لي هابطة فيها ولوسك وراجل لوستك هناا جبناك غاا باش تعطيهاا لنعاس والهضرة ولا شنو والبنت كترعرع حداك 
اسماء : صافي امي قلبيي موضوع وبلاما تزيدي تعصبي البنت انا غنقابلهاا محدي هناا ونهار نكون غادية بحالي نعيط لصحبتي تجي تقابلها 
عبير : لا حول ولا قوة الا بالله 
زليخة : ايوا صافي هنيوناا وخليونا مجمعين فخااطرنا 
... 
بقات ايمان كتشوف فيهم واحد بواحد ودموع مغرغرين ليها فعينيها خلاتهم وطلعاات بحالهاا ومعاذ بقاا كيشوف فيهاا وسنانو كاازين. دخلات لبيتهاا كضور تالفة كتفكر اش غدير هزات تليفون لقات يعقوب مصيفط ليها مسج. 
يعقوب 💬 : صباح خير هادي نمرتي المهم انا خرجت بكري راني وصلت غنتعطل شي ايمات الا حتاجيتي شي حاجة صوني لياا سلام. 
ايمان : اووووف. 
شدات ايمان نمرة وصوناات عليه تليفون كيصوني ومكاين لي يرد.. جلساات على طرف نموسية كتخمم وضور فعينيها شحاال. دخلات لحمام دوشاات ولبسات حوايجها سروال جين وقميجة فوق ركبة لواة على راسها شان ودارت ميكااب خفيف وسندالة طالون عالية. جمعاات دوزانها وهبطاات مع الدروج دخلات لكوزينة لقاات سميرة كتغسل ثلاجة وجميلة كتحك الموااعن وطنجرة حداهاا كتصفر.. عمرات كاس دالما شرباات وخرجات من باب لوراني. بقاات وحدة كتشوف فوحدة مفهموا حتاا حاجة تبعااتها جميلة كطل شفتها كتهضر مع حميد حل ليها الباب وخرجاات.. 
جميلة اوووو الله حتا نشريهااااا ليهاا غاا بلاتي 
سميرة : دخلي سوق راسك وبعدي على صدااع بيناتهم اصحبتي 
جميلة : هه غا صبري بلاتي وتشوفي 
معاذ :(هاابط مع الدروج) اش تماا مالكم 
سميرة : والو غير كنهضروا وصافي 
معاذ : اش مطيبين لغذا 
سميرة : لالة ربيعة قالت ليا ندير بريوات دجاج ونطيب الضوارة تشهاوهاا هاهياا كطيب 
معاذ : واخاا، مزيان (ضار موراه كيطل) سمعوني بجوجكم 
سميرة : نعام هااحناا، 
جميلة : الله يسمعناا خير 
معاذ : شي وحدة فيكم طلع، لفووق دير راسهاا غتشطب الدروج وشوفو ليا ديك ايماان واش تماا وشكدير 
جميلة : وصراحة عاد خرجات من هناا، 
سميرة : (حمرات فيها) انا مشفتش 
جميلة : المهم انا شفتها خرجات من هاد باب 
معاذ : ايمتااا 
جميلة : عاد داباا شوية 
معاذ : ههه عليهاا لقات هاد جيهة مسلكااهاا اذن ههه باش منشوفوهاش حناا خارجة
جميلة : الصمت 
معاذ : (جبد 200 درهم مغربية) هاكوو شدو شريو بيهاا شي حاجة ويلا شفتووو اي، حاجة علمووني صافي 
جميلة : الله يخلفهااا عليك اخوويا وااخاا 
معاذ : يلاه، سلاام(خرج) 
خرج معاذ من تما وجميلة عطيااه العين حتا خرج وسد موراه حميد الباب 
سميرة : حراام عليك والله 
جميلة : حرام عليااا نخلي سيد فدار غفلووون ونخليو بنت ساقطة دير مبغاات راه خوتناا هادو ومن حقناا نوقفوا معاهم 
سميرة : ايواا ايه، بصح ضروري شفتي الفلوس ونتي يتقلبو ليك نواامر 
جميلة : نقصموا انا وياك مالني هبيلة نخليك بلاش 
سميرة: حيدي خليني نشوف كرشة واش طابت باش نستف البريوات فالفران يطيبوو دغيا 
جميلة : وشلاضة 
سميرة : ديريهاا نتي يلي شادة 200 درهم 
جميلة : ههه واخاا ياالالة..

هز معاذ طوموبيل وخرج طااير غادي وكيصووني على دراري لي كيعرفوا ايمان واش غطلاقاا شي. واحد فيهم حتا واحد معندو خباار بقاليه غير احمد كيصوني عليه والوو دون رد... مشاا عندو لدار طالع فعمارة كيشوف قداموا وموراه لعلى تبان ليه ايمان خارجة من شي قنت حتا وصل لباب بقاا كيصووني يصووني، حتا خرج عندو احمد عرياان وبالحفى لابس شورط فوق ركبة عاد كيحك عينوو من نعاس 
معاذ :(غنبقاو واقفين هناا ولا شنو حيد ندخل 
احمد : راه معايا البنت اصااحبي فين غدخل 
معاذ : شكون هاد بنت ايمان ولا احمد : هههه ايمان اترات عليك نتاااا ياكما كتبغيهااا لا اصاحبي ماشي هياا 
معاذ : وحيد نشوفهاا 

احمد : اويلي، من نيتك اش غتشووف فيهاا وهيا مزال نااعسة سير اصاحبي قضي الا عندك شي غرااد 
معاذ : كتلعب علياا داباا ياك هادي هياا صحبة 
احمد : والله مكااينة شي ايمان وتلااح اصاحبي خليني عليك فهاد صبااح.. 
معاذ : (مشا) 
شاف فيه معااذ بحرر وهبط فحالو مع الدروج مشاا لطوموبيلتوو يلاه بغاا يديماري وهوا يرجع يحبس جبد كارو شعلوو بقاا كيسف فيه حتا سلاه زاد تانيي وهوا حاضي شكوون غيخرج. من 11 دنهار حتا 4 دالعشية وهوا حاضي حتا بان ليه احمد خارج هوا واحد البنت شعرها مقطع كاري وزعر وضعيفة لابسة كسوة قصيرة وصباط بلا حااني. واقفين كيشدو طاكسي حقق معاذ فيهاا مزيااان حتاا، عرفهاا 
معاذ : سير يااا احمد الله يحرق جد باااااك بقاات ليك غاا بنت مول لبار، تجيبهاا لعندك واناا مشحط هناا.. 
رجع معاذ بسرعة لدار دخل من باب لوراني كيف العادة لقاا جميلة وسميرة جالسين فجردة كينقبوا زريعة 
معاذ : جاات هادي ولا مزال 
جميلة : مزال مجاات ملي، خرجت 
معاذ : اووك مزياان. بااا حميد (كيعيط) 
حميد : هييه!! واش نجي 
معاذ : هاااناا جاي عندك... 
مشاا معاذ لعند حميد لي فجيهة خرا كيقصص وراق الشجر لي زايدين... 
معاذ : شريف الله يعاون 
حميد : الله يرضي عليك اولدي هاحناا
معاذ : شوف غتمشي تشد داك الباب بالمعراض يااك ومتحلووش فمراا
حميد : ويلا بغا شي حد يدخل 
معاذ : وهضر معااك اعمي حميد خليه مسدوود ميتحلش واخاا تسمع دقاان متجااوبش 
حميد : وااخاا صافي 
معاذ : تغديتي ولا مزال 
حميد : كليت شي براكة واخا المعدة هلكااتني 
معاذ : عندي شي خنيشاات دابا نهبطهم ليك مزياانين لمعدة 
حميد : الله يرزقك اولدي هلكاتني 
معاذ : معليش نخليك داباا هاناا مشيت.. 
رجع معاذ داز من حدا جميلة وسميرة . 
معاذ : نقصي شوية من ديك زريعة راهاا كدير مصاارن 
جميلة : وبليااا غا خليها على الله هههه 
معاذ : ههههه 
سميرة : نسخن ليك الغداا 
معاذ : اناا نسخنوا راسي غاا جلسوا 
دخل معاذ لكوزينة حل طنجرة لقاا مزال خير هز طاجين حط فيه الماكلة وزادهاا حاار والكامون وردهاا تسخن.. هز غطار لقاا بريوات مستفين تماا هز شي حاجة فطبسيل ودارهاا فسينة كبيرة وهز شلاضة من تلاجة ودارهاا فطبسيل بمعلقتها وحطهاا حدا بريوات.. بغاا غادية جاي يطلل على جردة واش غيدخل شي حد كيلقا غا سميرة مجمعة هيا وجميلة مع حميد.. رجع لقاا ماكلة تشحراات مزياان وريحتها كتشهي حط طاجين فواحد طبسيل وتحت منو زيف والخبز ومشاا لصالون جبرهم مجمعيين 

جلس معاذ حداهم كيتغداا وكيقشب مع بناات خالتو وخولاتوو شادين فيه 
عائشة : دير ليناا شي عراسية محدناا معاكم 
معاذ : لقيتي لياااا شي حد
زليخة (مرات عمو) : وبااز نتاا عاد نقلبوو ليك حنااا تلقاا عندك مدينة كلهاا 
معاذ : ههه رجوع الله، امرات عمي من نيتك مكااينة حتا وحدة دااباا والووو ناشفة (كيشوف فبنت خالتو ) احم زيدو تاكلوو معاياا 
عائشة : غا خشي حناا زندناهاا 
زليخة : ربيعة شفت عروستك كاعما هبطاات مزال حاجبة ولاا 
ربيعة : خطيني منهاا اختي انا مكيبقاا فياا غاا ولدي 
معاذ : ولدك معمي، امي كيقلب على توالف بريق ناشف. 
هوما عاد كيهضرو حتا كتبان ليهم ايماان داخلة مع الباب بديك تقزيبة شافتهاا ربيعة تصدمات ومعاذ فرنس حيت دخلات من باب كبير ديال الدار على عينيهم وفنفس الوقت كرز على سناانو كيتغدد كلشي بقاا كيشووف ملقااو ميقولوو يلاه هيا طالعة وهياا تنوض اسماء. 
اسماء : فين بسلامة اختي حناا عاقدين عليك فبيتك ونتي عاد داخلة معرفنااك لا منين خرجتي ولا ايمتاا واش ممزوجة معندك راجل معندك مسؤولية 
ايمان : لي مزوجة بيه هوا لي، عطاااني اذن نخرج فقاش مبغيت وايمتاا مبغيت اختي 
اسماء : ولي مزوج بيك قالك خرجي هاااكاا شبه عارية!! وتخرجي بوحدك وفين بسلامة 
ايمان : قضيت شغالي وجيت الله يعاون (طلعات كتجري) 
ربيعة : (دارت يديها على راسها) 
منى بنت عائشة : ياااخالتي تسليييم هادي كانت فالمغرب يااحسرة كانت مسكينة مقجوجة يلاه جات لهنى تفرعنات اماا حناا خلقناا هنا ويدينا منقدررش نعريوهم حداا خوتنا عسااك هادي بهااد حوايج 
عائشة : سكتي نتي بزااف عليهاا توصلناا ربيعة معروفة ولادهاا راهم باينين يتضرب، بيهم المثل ولكن هادي مااعرفت شمن دعوة لي خرجااتها فيكم 
ربيعة: صاافي صاافي قلبوو عليناا الهضرة ضبر راسهاا صافيي سلينااا 
بقات ربيعة كتغدد فبلاصتهاا وخوتهاا كيستطلفوا معاذ سلت وطلع لفووق بلاماا يرد ليه شي حد البال حتا وقف عند راسها 
ايمان: الله يخليهاااااااا سلعة علاش طالع عندي ازمر شباااغي
معاذ : فين كنتي 
ايمان : مزوج بياا اسلكوووط باش نقوليك فين كنت ملكني اولد القحبة خرج عليااا ولا والله حتاا نفرج فيك الخلق ونقوليهم جيتيي هاجم عليااا

مسعود : والجائزة الاولى تسلم..... لي.......(تشويق)..... المقرئ يعقووب بن طهى السملالي تسفيقااتكم ليه وشكرا على مجهوود 
يعقوب : لك الحمد والشكر ياارب الحمد الله يسسسسس 
خالد : (عنقوو) مبروك الموصيبة واخاا لي، شافك يقول متكلاصيش حتا مرتبة التالثة 
يعقوب : يعطيك الدل ههههه (ناض للمنصة) 
مسعود : وبالنسبة للمرتبة ثانية فيحتلهاا... الراائع.... والمبدع.... .... .... خالد العثمااني ويتفضل مشكوور لستلامه الجائزة .. 
ناض خالد اول شي عنق صااحبو للمرة ثانياا 
خالد : اخخخختف علييك 
يعقوب : سم لي فيك وانا شغندير ليك 
ستلم خالد الجائزة ديالوو ورجع وقف حداا صاحبو وبقاات اللجنة كتعيط للفائزين لخرين من بعد خداو صور تذكاارية.. ومشااو للاوطيل لي مجاور مع البيت للقرآني طلعوا لطابق ثاني تما كانوو خدم فكل جهة يعقوب وخالد خداو طبلة لي فجهة السرجم كطل على الشارع لي كولو اضواء والجو ديالوو رائع والمفرقعات فالسماا. بقااو كيتفرجوا حتا عمرت طبلة ديالهم بناس.. وجابو ليهم العشاء والمشروباات والحلويات على اشكال وخالد ملي كيحل فموو حرام واش كيسكت عزيز عليه الضحك وتقشااب ويشد فكلشي نشط ليهم الطبلة وكلشي كيشوف فالطبلة ديالهم وكيضحكواا معاهم ويعقوب كيحط دغمة فمواا ويسهى كيشووف فالسماا شحااال عاد كيرد البال لخالد ويضور عندو حداا وذنو 
يعقوب : سكتناا اصاااحبي شوية 
خالد : ضحك ومولاهاا ربي 
يعقوب : تهجروا الحبيب( قلب وجهواا) 
خالد: كولوو كولو مديوش على هادا راه معقد 
يعقوب : 😑
.. تعشاو وناضو كل واحد مشا لاشومبر ديالوو ويعقوب هوا وخالد عندهم شومبر وحدة فيهاا جوج فراش .. بدلو حوايجهم وكل واحد شد بلاصتو 
خالد : داباا غدا فين غادي نتا 
يعقوب : عندي امتحاان على نبوري خليني نعس 
خالد : ايواا وشنو اخور
يعقوب : الصمت 
خالد : نعستي ولا 
يعقوب : ايوااا صمك خلينااا نعسوا مال ...،
خالد : مال امي غاا كملهاا 
يعقوب : (طلع ليه الزعف) كتقنطنيي هاكااا خالد نعس الله يرحم واليدين راني تبعني شلاا حاجة. 
خالد : اوك (طفى الضوء) تصبح على خير 
يعقوب : الصمت 
...... 
معاذ : فرجيهم يلاه عرعريي غوتي نوضي عيطي بالعداااااو وقولي ليهم ويك وييييك اعباد الله 
ايمان : والله لا خليتهااا فيك اولد العاهرة وهاانا فين قلتها ليك. 
فرمشة عين شد معاذ الباب برجلوو وتلاح علييهاا فوق الفراش

شد ليهاا معاذ فمهااا وبقا فيهاا بتسرفييق وهياا كتحاول تقمشواا ومكتلحقش ليه هبط ليهاا وجهاا بتكربيشة فوجهاا وبقاا كيجر ليها فشعرها حتا طرطق ليها زغباااتهاا من الجدر وحناا على وذنهاا. 
معاذ : هااااالعاااار لميمة نطلبك هبطي هاااكاا وقولي ليهم راني كنت معاك وراني كندير وندير باش نسليوو هاد خراااا وتمشي تقودي عليناااا من هناا .... 
طلق منهاا معاذ ورجع بلوور وهياا شادة فوجهاا وكتبكي خرج وزدح الباب هبط كيجري حتا خرج على برااا وبقاا واقف حاط يدو على خصرواا وكيحك لحيتوو كيخمم اش غيدير وكيفاش غيتفك حتا كيسمع صداع الفووق وامو وعائلتو طالعين كيجريو رجع دخل وطلع حتا هواا يلاه وصل حداا باب بقاا واقف بعيد.. ايماان جبدات الماريو كااامل كتشرك فحواايج وترعرععع على حر جهدهاا وكتهرس فالفيزان لي فالجنااب هزات طبلة دالزاج وطلخاتهاا مع الحيط وكتجدب وتنتفف فراسهااا كلشي بقاا كيشوف فيهاا مقدروا لاا يزيدو ولااا يبقااو فبلااصتهم يلاه قربات عندهاا عبير هزات طرف دالزاج وجهااتو جيهت عنقهاا 
ايمااان : يقرب لياا شي حد والله حتا نصفييها ليه بعدووو 
عبير : عيطوو لحميد ولا معاذ دغيااا عندااك طيح شي روح 
ربيعة : عجبك هاد الفزع لي منوضاا ليناا 
عائشة : رجوع الله مالك على حاالتك علاش دايرة هادشي فراسك 
ايمان : بعدووو ولاا والله حتااا ندير شي موصيبة 
قربات عندهاا عبير باش تحاول تهذنها وهيا تشلطها ايماان لليد خلات غاا دميات كتقطع شداتها اسماء وهبطااتهاا التحت تلوي ليهاا البانضة على يديهاا 
ايمان : قلت ليكم حتاااااااا حد ميقرب ليااا علاش جااايا علاااش دخل معاذ كيجي لداخل وهياا حطات زاجة حدا عنقها جرهاا من يديهاا وجمع معااهاا بتسرفيقة 
معاذ : مال اصلك صعرتي ولاااا شنووو فيك جنون نحيدوهم منك مريضة نديوك لطبيب فيك الصعر نديوك طبيب حماق 
ربيعة : معااااااذ طلق منهااا صافي طلق منهاا 
معاذ : هادي امي شي نهاار طيح علينااا روح وتغبرناا كلنا فالحبس 
فتحية :(دخلات عنقاتها) نعلو شيطان مالك ابنتي اش وصلك لهاد مواصل كلهاا شنو لي جاك واش خاصم عليك شي حد ولا قالك شي حد شي هضرة، 
ايماان : (نترات ليهاا يديها) بعدي مني متشديش فيااا 
فتحية : عليهاا قالوهاا حن على حمار يغزز ليك وذنيك هانا بنتي سمحي لياا 
ايمان : الحمار هوا لي خلاني هنااا مع ربااعة دهجيج خرجوو علياا 
ربيعة : حتاا وحدة منشوفهااا مرا خراا هناا هبطووا يلاه 
معاذ : حمااار هوا لي معرفش بربيك ابنت الكلب الله يعطيك المسخ كتر مااهواا فيك تففف 
ربيعة : الا مهبطتيش من هنااا منتاااا ولدي مااا انااا مك 
معاذ : مسمعتيهاش اش كتخرج على فمها
ربيعة : الاا نتاا ولدي وراضع مني هبط من هناااا انا مفرشة ليك الرضاا 
هبط كلشي وتبعهمم معااذ مغدد ضارت عندهاا ربيعة.. 
ربيعة : هاادا جهدك ابنتي عليناا الله يخلف عليك.. دخلنااك لدارناا وحسبناااك مناا واخا معارفين حسبك من نسبك وسيماانا مدوزتيهااش حتا خرجتي الحرر لي فيك وطعنتي فينااا وفوالادي ايوا مبقاا ميتقال بينك وبين راجلك حناا بعاد عليك .. 
هبطت ربيعة بخطوات بطيئة كتشهق وتهبط جوج دمعاات من العين حتاا وصلات لمقعد كان كلشي جالس تماا كيصوووط بالعصب. شدات فراسها وعطاتها لبكاا تبرد على راسها

دوزو عشيتهم كلهم مغددين ومعاذ خرج ومرجعش.. حطو ليهم العشاء شي نقب شوية شي محطش يدو.. فليل ناضت ايماان دوزاات النمرة كتصووني على يعقووب كان هواا غارق نعاس وخالد كان مزال فاايق كيهضر مع عبير بالميسجاات عودات ليه كلشي.. يلاه سمع تليفون كيفيبري دار ليه وضع صامت وخلاه وكل مرة كيباان ليه الضو د تليفون كيشعل فلاخر صيفطات مسج هز خالد تليفون وهوا مراقب يعقوب عنداك يفيق هبط الشاشة الفوقانية باش يطلع ليه مسج كامل يقراه من براا.. 
ايمان 💬: يعقوب سلام علاش مكتردش علياا واش مباغيش تهضر معايا ولا شنوو توحشتك بزااف بزااف كون كنتي تعرف، اش طرا فياا اليوم لهلا يوريك عائلتك تكرفصوو علياا بالمعقول وهرسوا ليك كلشي وقالولي، غير يجي راجلك نعودو ليه كلشي داباا اجي عفااك فرق لياا ولا بغيت داري بوحدي منعاازلة عليهم عفاااك راني غنحماق. 
حط خالد تليفون وكتب لمراتو داكشي لي قرا سالا الهضرة مع عبير وحط تليفوني فجنب وبقاا كيخم اش غيدير وكيفاش غيتصرف. الا قراا يعقوب المسج غيصبح راجع لدار وغيضيع مستقبل ديالوو. بعد تفكير طوييل شد خالد تليفون حلوو ومسج داك المسج والمكلماات الفائتة وبقاا حاضي تليفون عنداك يجي شي مسج اخر حتا تاخر الوقت وتغلب عااد نعس.. 
☂ صبح الحال ☂
الجوو باارد براا وشتاء كتنشنش والعائلة كيفطروا فالصالة لي فيها طبلة طوييلة بكراساا ديالهاا وكتشوف فالجردة والشتاء كتنشنش... 
ربيعة : مسخيتش بيكم والله 
فتحية : (كتعنقها) الله يخلف وهااد المرة نوبتك الالة خاصك تجي عندناا 
ربيعة : والله مكرهت وليني غنجي ان شاء الله 
زليخة (كتسلم ) : الجلسة معاك غزالة اختي ونتي محبتك كبيرة بزااف عندناا الله يدومها، سلمي، على يعقوب ملي يجي والله يدير ليكم تااويل دالخير 
عائشة : ختي تهلاااي بفراسك غيبقاا بالي معااك والله 
ربيعة : حتاااا نتوما والله الله يوصلكم على خير. 

خرجو خوت ربيعة عائشة وفتحية ومرات لوسها زليخة وبناتهم شي طلع فطوموبيل دمعاذ شي طلع فطوموبيل د منى بنت عائشة وخرجوا وحدة مور وحدة كيشيروو بيديهم حتا مشااو وحميد كيسد، مواهم الباب هاز، مضل فوق راسوو.. 
ربيعة : عندااك تمشي حتاا نتي 
عبير : هه لا لا حتاا يجي خالد منقدرش نخليكم 
اسماء : ايواا شحال عندك داباا 
عبير : 4 شهور 
اسماء : هااي هايي غتواتيك الكريشة 
عبير : ملي كنتفكر الولدة كنتبوورش يااختي والله 
اسماء : ايواا الله يفك وحاايلك على خير المهم صورة مكمولة وتفكي بخير 
ربيعة : كلشي غيدووز بخير ان شاء الله غا تهنااي، 
عبير : ان شاء الله. 
هبطات ايماان لابسة بيجاما وسندالة دالصبع جامعة شعرها بالقراسة دخلات لكوزينة جبرت جميلة كتعجن وسميرة كتنصب الغداا 
ايمان : فين مندخل انااا لهاد الكوزينة نلقااكم كطيبو مكينش شي نهار ديروو ريجيم 
جميلة : الصمت 
سميرة : الصمت، 
ايمان : يلاه شي وحدة فيكم طلع تخمل ديك روينة وتجمع داكشي. 
سميرة / جميلة : الصمت 
ايمان : معامن كنهضر اناا 
جميلة : ختي راه تبارك الله عندك يديك سيري جمعي شطايطك لي رونتي بيديك حناا مالناا 
ايماان : الله تحل ليكم الفم راكم كتخلصوو زعمة 
سميرة : ومالك كتخلصيناا نتي لا كتجبديها ليناا من جيبك راه ماشي خدم عندك سيري ديري خدم ديالك يتصخر عليك

هزات ايمان البالة وشطابة وطلعات كتنتر غاا بوحدهاا جمعات دنياا وشطبات الزاج لي مشتت ولمطاات الفراش ركنات داك الوسخ فجنب لا الكوزينة طلعت سطل دزبل جمعات فيه كلشي ودوزت جفاف فالبيت وخرجت علياا لحطات كل حاجة فبلاصتها غسلات يديها فلابابوو وجهها ومشات لصالة لقاتهم جمااعين شافتهاا ربيعة وقلباات عينيها لجهة خرا هكاك اسماء وعبير جرت كرسي وجلسات حداهم 
ايمان : صباح خير عليكم 
رداتها عليهاا غير عبير اما ربيعة واسماء بقااو غاا ساكتين.. جرات عبير بلاطو لحداهاا خوات راسها الحليب وهزات بتيباانة دهناتهاا بالكنفيتير كتاكل فيهاا ولوخرين ممسوق ليهاا حد 
عبير : دابا راجلك مزال مغادي يجي 
اسماء : قال غيضور على عئلتو يشوفهم عاد غيجي 
ربيعة : عرفتي انا توحشت انيس
اسماء : ايوا هوا لسق فبااه كيقولو واالو نمشي معااك 
عبير : خليه يفوج حتاا هوا شوية 
لين : اننننغررررر غررر 

عبير : (ناضت مشات جهتك الكوتشي) ويينووو زين فااق كيضحك ههههه خالتي اجي تشوفي كضحك ههه سبحان الله 
ربيعة : هديك كضحك مع ملائكتهاا غاا خليهاا هاهياا غتعاود تنعس.. 


بعدمااا دازت 20 يووم... فاقت عبير على قبلات خالد كيبوس فكل جهة وكيدااعب كرش مراتتوو لي توحشهااا ناضت مخلووعة يلاه رمقااتو عنقااتو بالجهد كانت ساعة 5 د صبااح والبرد كيشحطط دخل حدااها وعنقهاا حتاا نعسوا.. 

فهاد 20 يوم ربيعة اكثرية فبيتهاا ولي كيبغيها كيجي عندها يجلس معاهاا.. كانت كتقيل نهاار ومطال وهياا شادة قرآن فيديهاا كتقراا ومرا مراا تشعل تلفاازة تفرج ف دكتور الفايد ولا نبيل عياشي تسمع اش غيقولوو على عشوب .. اسماء بليل ونهاار وهيا مقابلة لين مبقااش تشبع نعاس فخاطرهاا ومرة مرة تهزهاا معاهاا عبير وترضعها وتنعسها. اماا ايماان عطاتهاا غير الماكلة تهبط تغرف راسهاا وطلع تاكل ونعااس وملي تنوض تشعل اغااني خليجية وتجلس تشطح ولا تحل الفيس بووك وتشاطي مع هادااا وهداااك. متلفة فالوقت ومرة مرة كيصوني عليهاا يعقوب يطمئن عليهاا وهيا معوداتش جبدت معاه داكشي... ونفس شيئ كيصوني على ماماه واخاا حس، انا الأم ديالوو هضرتهاا مغيرة وقليلة خلاهاا على خاطرها.. معاذ كينوض فصباح يمشي لقرايتو ويعطيهاا لخروجات فالعشية كيجي يطيييح كااو. وبعد على ايمان مبقاااش، كيشوفهاا كاع.

الحاج : شوفي اليوم تمشيو تجيبوهاا لي كانت مزوجة بيه مات الله يرحمواا هادي مدة وهيا معاهم شهاادشي معندهااش دارهم 
راضية : والحااااج وراه لهلا يعطيك حالتها حناا كرهناا نجيبو بنتناا لعندنا وهياا مع ناس برانين 
الحاج : شوفي ديري لي بغيييتي ديي المهم البنت تجيبوهااااا الله يجعل البراكة 
راضية : واا يكون خير ان شااء الله. شدرتي مع داك السيد 
الحاج : والوو قلت ليه حتا نتشاور مع امها وجداتهاا ونرد عليكم يلاه صليناا الضهر عااود، سولني قلت ليه يكون خيرر 
راضية : مااعرفت واش تبغي ولاا 
الحاج : ولخاطرهاا راه داباا هجالة شكون غيقبل بيها الله يهديك وحناا مجتمع ديالناا مكيرحمش 
راضية : اييه عندك الحق وهاد سيد شنو كيدير وشحال فعمرو 
الحاج : عندو 36 عام وعندو مطعم ديالو كيترزق بيه الله 
راضية : ايواا واخاا الله يجيب تسير.
هاناا غنخرج دابا نشر صابون ايواا فعشية نمشيو نجيبوها 
الحاج : ان شااء الله.. 
سلات راضية شغالهاا ولبست لتامهاا هيا وكريمة وخرجواا غاديين مع الطريق وكيهضروا على خطيب جديد لي جاا يتقدم لأميرة... وقفوا حدا واحد الحانوت خداو حليب والسكر وزادو مكملين طريقهم حتا دقواا فالباب فتحات ليهم وصال كرشهاا خارجة عندها 7 شهور طلعوا لفوق سلموا على مالين دار وجلسوا معاهم. سمية كانت متكية فالصالون عاد فاقت كتحك عينيها سلمات عليهم ومشاات تعيط لأميرة. فتحات البااب لقااتهاا ساجدة فالارض كتصلي بقات واقفة شحال كتسناهااا حتا سلماات وربعت رجليها كتسبح.. 
سمية : ختي أميرة نوضي تكلمي لجداتك جاات هياا ومرات خالك 
بلاما تهضر اميرة دارت ليها اشارة براسهاا ويديهاا زعمة غاا سيري اناا جاية. خلاتها سمية ومشات هزت حليب وسكر ودخلاتهم لكوزينة وبداات توجد فكسكرووط. خرجت اميرة بلبااس الصلاة ابيض مغطييااااا من راسهاا لقااعهاا غير يديهاا لي كيبااانوو وعينيهاا كحاالو بالقوة البكااا وسهير لي داز عليهاا وعينيهاا حومر وزادت ضعاافت بقلة الماكلة والراحة ملي كتنوض فصباح نفسهاا مكتهنيهااش مكترضاش، تشوف فاطمة كدير شي شغل وهيا مربعة يديهاا واخاا كتوجد وطيب وتحرق فيديهاا وهكاك مكتاكلش حتاا كيبقاو عليهاا، شحال عاد كدوز الدغمة. حنات على يد جدااتهااا وباست ليهاا راسهاا وهكاك كريمة سلمات عليهاا وجلساات حداهم. غير كتشوف وساكتة

راضية : بنتي واشهراين ونتي هنى يلاه بحاك 
اميرة : الصمت 
راضية : راه جدك توحشك امك باك ملي مشاو لفااس مرجعوا وحنا درناا ليك خاطرك ودابا الله يجعل الباركة 
فاطمة : ولفنااها صراحة وماشي شي وحدة لي خفيفة دايرة بحال الحجرة فين محطيتيها تبقا واخا فالاول جاتني قاصحة كانت كتفكرني بيونس ولكن مع مدة ولفت 
هوما كيهضروا بينااتهم واميرة كتبكي فصمت وحاذرة راسها ... فينماا تسمع سميتووو ولا الهضرة عليه بحالا كيجيهاا الصعر... لدرجة انها دخلات فحالة نفسية صعيبة بزااف واخاا كتحاول تصبر راسهاا وتخلي علاجهاا الصلاة والقرب من الله ولكن والوو الحرقة د يونس مزال كطلع وتهبط فيهاا.. 
راضية : امك ابنتي ضارهاا خاطرها من جيهتك بزاف ومقدراش تجي لهنى وتشوفك الله يرضي عليك الا كنت، انا ميمتك دبصح نوضي يلاه معاايا 
اميرة : صافي واخا ان شاء الله.. 
كريمة؛ واخيراا الحمد الله 
راضية : ونوضي جمعي حويجاتك الله يفرشك بالرضى باش نمشيو قبل المغرب راكي عارفة جدك خصها بكري نكونو فدار 
اميرة : واخا (ناضت مشات ) 
فاطمة : ولواه ماشي داخلين لجامع حتا ندوزو عشيتنا ونشركوا طعام عاد سيرو.. 
راضية : الله يخلف عليك بحراا نوصلوو بكري 
فاطمة : وصافي هضرنااا هانتوما جالسين.. وصال نوضي عفاا بنتي وجدي مع سمية دغياا راها مزال واحلة فدوك مسمنات 
وصال : وااخا خالتي.. 

دخلات اميرة لبيتهااا كتشوف وتحدق من بلاصة لبلاصة وتسترجع ذكريااتها كلهم . بدلات حوايجهاا وجمعات كلشي فصاك وهزات تصاور د يونس حطاتهم فغشا د برا وحطاتهم فوق حوايج وشدات سنسلة هزات صاكهاا ودموع مغزغريين مصبرااتش وخرجت حطات صاك وجلست حدا جدااتها عنقااتها وكتحول تصبر فيهاا واميرة بحال، الخشبة مكدير حتا ردة فعل غير سااكتة.

حطات وصال وسمية الماكلة كلشي زاد يسمي الله واميرة بقاات فبلاصتها ناضت فاطمة جلسات جنبهاا و دهنات، ليهاا مسمنة بفروماج وعطااتها ليها وهياا كتعنق وتبووس فيها 
سمية : ختي اميرة نخوي ليك قهوة ولا اتاي 
فاطمة : خوي ليها غاا حليب بوحدو ولا اتاي بنعنااع هيا مكتشربش، القهوة
سمية : واخا هياا الأولى احسن كاس لأغلى اميرة ديالنااا
راضية : الله يكبر بيك ابنتي 
سمية : وعلاش شحال، عندنااا من اميرة كنمووتو عليهاا وربي شاهد 
راضية : على قد نيتك يجاازيك الله وحتا نتي ساعتك قرباات غير دوز هاد محنة ويسهل الله 
سمية :حشمت (سكتات) 
فاطمة : ملقاوش حسن منكم والله ملي قالهاا لياا راجلي هضر معاه سيد الحاج فرحت وسعيد الله يعمرهاا دار حتا هواا
راضية : ايوا الله يجيبناا فصوااب اختي يكون خير كيف قلت ليك يدوز، هدشي ويحن الله عاد نهضرواا. 

بقااو كيتهااوذو حتا لشي وقت واميرة يلاه عضاات جوج دغماات ولخرا حطاتها فطبلة مزادتش عيااو فيهاا والوو.. 
راضية : هادا تليفوني، كيصوني شوفي لياا شكون 
كريمة : امم هادا سعيد ولدك جاوبي 
راضية: الوو سعيد... نعام فينك .... لا حنا مزال عندهم.... صافي واخاا حنا نتسنااوك.. 
كريمة : مالو شنو بغا
راضية: قال غيجي موراناا يديناا 
كريمة : الله على راحة كنت، كنخمم جاا موصلناا حتا لدار 
راضية : ودغياا لبسي لتامك راه داباا وهوا جاا 
فاطمة : مشي مزروبين يدخل يشرب معانا اتاي وعاد سيرو
راضية : لواه فين غادي يدخل معاناا وحنا غا نسا 
فاطمة : راه بحال ولدنااا يدخل مرحباا بيه.. 
دازت 10 دقائق وهوا يعاود يتاصل سعيد ب الام ديالو.. جوبااتووو لقااتو واقف فالباب 
فاطمة : سمية هبطي حولي ليهه يطلع لهنى
سمية : احم وااخاا. هبطات سمية كتجري فالدروج فتحات الباب وهوا واقف فالطوموبيل كيشوف فيهاا. شيرات ليه عاد خرج عندها ودخل معاهاا لبااسيوو ورد، الباب وعنقهاا بالجهد 
سعيد : تووووحشتك بزااااف 
سمية : حتاا اناا متصورش 
فاطمة : سمية وااا سمية 
سمية : هاناا جاية.. زيد اسعيد نطلعوا عندك يشوفناا شي حد 
سعيد : لااا غير قولي ليهم يهبطوا بلاش 
سمية : ودابا طلع غيير سلم وهبط بحالك 
... طلعت سمية فالاول وسعيد موراها دخلو لصالة هيا جلسات فجنب حدا مرات خوها وسعيد سلم ورجع بلور 
فاطمة : زيد اولي زيد جلس سمي الله 
سعيد : الله يخلف الله يجعل الباركة. 
فاطمة : شرب غير كاس د اتاي ولا قهوة المهم غير نشركوا الطعاام 
سعيد : عاد شربتهم داباا فالقهوة مرا خرا ان شاء الله... امي نوضوو يلاه نمشيوو

هبط سعيد فالاول.. واميرة عنقاات فاااطمة ومبغااتش طلق منهااا وسلماات على سمية وصال هزت صاكها وهبطات لطابق السفلي دفعات الباب ودخلت توجهت نيشاان لبيت نعاس لقاات اسيا ناعسة شداتهاا هكاك وعنقااتهاوكتبووس فيها.. فاقت اسياا على دموع اميرة لي ناازلين من عينيهاا. تجوباات معاهااا وطلبات منها السمااحة على اي غلط دارت معااها مقدراتش تصبر راسها كتر هزت صاكهاا وخرجت لقاات سمية واقفة فالباب عوداات سلمت عليها وطلعات فالطوموبيل حدا كريمة وزادوو....ف 5 دقائق وصلوو لدار طلعوا كلهم واميرة لقات جدها جالس مشات سلمات عليها باست ليه راسو ويدوو وبقااات ساكتة كيهضر، معاها جدها كتجااوبو على قد السؤال وصافي تجمعوا عليهاا خوالهاا ابراهيم وسماعيل سلمات عليهم بقاات شوية وناضت لبيتهاا. ..دخلت وسدات عليهااا حطت حوايجهاا وبقاات كتشوف وتفكر نهار العرس لي، دخل معاهاا يونس وكاان شاد فيهااا... طلعت فوق الفراش حست بعيااء شديد مقداتش تشد فراسها يلاه حطت راسهاا على مخدة نعسااات.. دوزات اميرة ليل كولوو وهيااا ناعسة بغااو يفيقووها تعشى ولكن لقاوها واخدة راحتها خلاوهاا على خاطرها.. حتا صبح الحال وكانت ساعة 10 د، صبااااح 🌳 عااد، بدات اميرة كتحل عينيها بزز... 

اميرة : احح كتافي اييي انا شحال نعستت. اااه ااااه (كتفوه) رمات المانطة وناضت كتحك فعينيها لواة عليهاا شانهاا وجرت صندالتهاا وخرجت ، لقاات خالتها مريم عاطياا بالضهر كتهضر مع شي نساء وكتوريهم بالإشرااات مفهمت والوو.. دخلات الحمام غسلاات سنينتاااهاا توضات وخرجت مشات لبيتها صلاة الصبح لي مااشي من عوايدهاا تآخروا ... دعاات وطلباات ربي يخفف عليهاا.. كان البرد والشتاء خيط من السمااء مكتفتر لا ليل لاا نهار الجو لي اميرة كتمووت عليه وبالخصوص تمشي فيه ومشوقة تخرج ولكن معندهاا كيف دير وبدات كتفكر وتخطط لشي حيلة بااش يخرجووهاا.. لبساات بيجاامة سخونة ديال الشتااء فاللون غامق بلو ماري.. لوات زيف فوق راسهاا وتقيشرات وخرجت لصالة دايرة يديها فالجيب كتقزقز بالبرد... 
حنان : هاا زين صبح منور هااا لفن صبااح مبوقص 
اميرة : ههه صباح الخير (باستها) كيف صبحتي 
حنان : مزيااان. وانتي شوية داابا! 
اميرة : الحمد الله فين الميمة وكلشي 
حنان : نتي وقيلة مفخباارك والو 
اميرة : لاا معرفاش 
حنان : ايوا مريم راه عندهاا العرس وداباا كيوجدوا ليه يلاه كانو معااها ممولين الحفلات راه غدير القاعة فالصالة الكبيرة 
اميرة : ياااه عندهاا العرس الله يكمل ليها ياارب 
حنان : امين الله يجيب تسير لكلشي شنو تفطري داباا ولا بلاتي 
اميرة : تشهيت قريشلات د الميمة 
حنان : ههه والله حتا كاينين كبي اتاي انا نمشي، نجيبهم ليك راه درناهم للعروسة انا نمشي نسرق ليك شي وحدة 
اميرة : واخااا هه 
كبات اميرة اتاي وجلست كتفطر وتغمس خبز فزويتة وتفرج فقناة مغربية فيهاا الذكر.. حتا رجعت حنان هازة قرشالة فيديهاا وبيضاات مطيبين فالزيت.. 
اميرة : علاش مطيبة هاد البيض براكة علياا 
حنان : كولي هااالعاااار شوفي حالتك كيف رجعت اويلي مبقيناا نعرفوو ضهرك من كرشك طيحتي كتر ماا كنتي عليه وهادشي لابسة غليض وكتبااني هاكاا اما الا حيدتي هادشي يعلم الله 
اميرة : ايوا الحمد، الله على كل حال خالتو امتاا عندها العرس ايناا نهار 
حنان : امم مزال 4 ايام اليووم الاثنين جمعة السبت حنة والعرس 
اميرة : واخاا 
حنان : شغادي تلبسي نتي 
اميرة : لي كان اختي وانتي 
حنان : ايواا نكريو وصافي.. 

راضية : (داخلة) صبااح خيير نضتي
اميرة : (حنات على يديها) عاد نضت قبيلة 
حنان : نهز معااك 
راضية : غاا جلسي خليني نرتاح بعدا 
حنان :شنو جبتي 
راضية : هانا جبت الحلوة دالعرس وتقضيناا لي خاصنااا وعاد نرجعوا مور لغدا نكملوو لي باقي 
حنان : ايوا وخاا

راضية: اميرة شوي داباا ابنتي 
اميرة : الحمد الله ماما مغديش تجي 
راضية : غذا غيجيو باباك كانت عندو طوموبيل خاسرة ايوا ملي هضرت مع ماماك قالتلي غذا غيجيو 
اميرة : توحشتهم بزااااف الميمة والله 
راضية؛ كون كنتي تشوفي هيااا اش داز عليهااا غير حنا مكنبغيوش نهضروا ونزيدو على ماا بيك 
اميرة : الصمت 
راضية : فطري ابنتي الله يرضي عليك.. ونتي احنان نوضي حطي هاد السطولة فبيت نعاس عندااك يلقاهم سعيد يدخل فيهم طول وعرض ودوك شمع علقيه بميكتو باش ميتقرضش 
حنان : هه واخاا... 
كلشي ناض يقضي شغلو واميرة فطرات ومسحات يديها ورجعت بلوور كتشوف شي غادي شي جاي شي طالع فالدروج شي نازل... ناضت طفات تلفزة وجمعات الكيسان فالسينية ودخلاتهم لكوزينة لقاات مقراج دالماء كيسفرر... ودنياا معمرة بالمواعن... جمعات كمامهاا وبداات كتغسل حاجة بحااجة وتمسح هادي وتحط هادييي دخلات كريمة هازة بانيوو فيديها فيه بيبي مذبووح لقاتها وااحلة مع المواعن.. 
كريمة : اميرة صبااح الخير مالك على حالتك انا غنكمل شغلي ونغسلهم 
اميرة : وعلاش انا محنية ولا معطوبة غتبقااو نتوما تصاوبو شغل وتمدو لياا 
كريمة : ههه نفسك حارة بحال امك سمحيلياا وصافي لباارح كنا غنغسلوو دوك المواعن غير عييت وصافي. 
اميرة : بحال بحال وسيري على قد جهدك اختي 
كريمة : واخاا نتي غسليهم وانا غنريش هاد بيبي باش نطيبوو الغذااا 
اميرة : صافي واخاا... 
جلسات كريمة وحطات بانيو فوق الطبلة كتريش فيه واميرة غسلات المواعن كلهم وحطات كل حاجة فبلاصتها.. وجبدات كوكوت وبدات تقطع البصل ودير فالعطرية كتقيم .. 
كريمة : شكديري الله يهديك انا نصب 
اميرة : لا غير قطعيه ليااا .. انا يدي مزال مكيساعفوني وانا غنطيب غير سيري شوفي شنو ديري.. 
داكشي لي كاان .. كريمة سلات وعطاات الأميرة لي غطيب ومشاات واميرة بقاات مقابلة كتشحر فيه حتا عطاا ريحتو وسدات عليه دوزات جفااف فالكوزينة هزت شطابة وخرجااات كتجمع فالبيووت وضرب فالمخااد وتلمط.. حتا خلات كلشي كيشعل والسراج كلشي مشدوود الدار دافية... جلساات شوية ترتااح حتا واحد مكاين فالطبق لي فيه هياا. كتسمع غير الهضرة لفووق والتحت .. رجعت ناضت لبست صندالتهاا.. وطلعات لفووق

دخلت عندهم لقاات دنياا عامرة بالرجال كيقاادو فالقااعة لي غيجلسوا فيهاا.. وهيا توخر لور.. عاد شافت راضية ومريم وحنان وكريمة جالسين ومعاهم جوج عيلات.. 
بشرى : اهلااااااان اميرة تبااااارك الله 
اميرة : بشرى كيف دايرة 
بشرى : الحمد الله توحشتك. كيف بقيتي مع فراق راج..... 
راضية : (زطمات على رجليها) سكتيييي 
بشرى : الله يصبرك اختي 
اميرة : امين 
مريم : اجي اميرة نتشااور معاك نتي نلبس هادي فالبيج ولا حمر "! 
اميرة : انشووف... امم بيج حسن زوينة وغتجي معاك 
كريمة : بشرى تبارك الله عندها لبساات فنين ملي زينات لأميرة طلعاتهاا غزالة والله باينة حتا مريم غتكون فنة 
بشرى : الله يجازيكم على هاد تيقة لي دايرين فيا..، ودابا شتاء بغيت غا نفهم فين غتصاوبو هادشي وكيفاش غدوزو هاد العرس والغريب فالامر ان قليل لي كيدير العرس فهاد الوقت باارذ 
مريم : معندناا منديرو اختي كنا متافقين غنديروه .. ايوا ملي طرا لي طرا مليينااا جهد.. واجلناه واصلا غنديرو فالصالة وراكي شفتيهاا كبيرة بحال القاعة 
بشرى : وي تباارك الله داركم كبيرة ومتسعة غير طبقة وحدة تهز ليكم كلشي
مريم : وي وفالكراج غنذبحوا ونطيبوا وحنا مغديش نعيطوا لناس بزاف غندير على قدي 
حنان : ايوا تبارك الله مزيان .. 
.. خلاتهم اميرة كيهضروا وهبطات بحالهاا تشوف ماكلتها فين وصلات... قبلاتها حتا طابت وخضراتوو.. وجمعات كلشي ومشات تصلي الضهر.. دخلت لبيتهاا تكات فوق الفراش دايرة يديها تحت راسها وكتشوف فالسقف والصورة د يونس حرام واش كتفاارق عقلهاا ناضت حلات الماريو وهزات الحوايج جبدات من تحتهم تصاوروو.. ورجعت لبلاصتها كتشوف فيهم وحدة بوحدة... بكااات حتاا عيااات فشاات قلبهاا على خاطرهاا حتتا بردااات ورتااحت حطاتهم تحت المخدة وتكات.. دخل جدها كيعيط مجاوبو حد توجه نيشان لبيتهاا مقدر لا يدق ولا يحل الباب. عنداك تكون عرياان اوو اوو.. غير عيط من البعيد... 
الحاج : اميرة اموورة
سمعاتو اميرة كيعيط قدات زيفهاا وخرجت كتجري لعندوو عنقااتو بالجهد كتبوس فيه وتبكي ... جرها معاه لصالة جلسواا كيهضروا كيسترجعوا لياالي لي كانو يقصروا فيها على حفاضة ومراجة ومواضيع الدينية لي كان كيجبد معاهاا. حساات بسينتاا رجعات بيهاا لور مع اول حبيب ..ولو ماشي مدة طويلة ولكن فراقهاا مع يونس خلاهاا تحس انهاا مدة وهياا كتعرفو وخسراتووو.... دوك 4 الاياام دغياا طارو بحال رمشة عين. نفس الروتين ديال توجاد العرس.. واميرة
حتا هياا مجلسات مرتاحت غير شغل وجميع معاهم. حتاا وصل النهار الحنة...

كلشي فبلاصتوو كلشي مقااد... طاح الضلام والعائلة بدات كتجمع.. ولالة العروسة خرجوهاا بالزغاريت دايرة ليزار فوق راسهاا.. دوها نيشان لبلاصتهاا.. كان كلشي لابس ومقاد اميرة لابسة قميص خفيف فالخضر بارد.. وملوية عليها شانها .. زغازيت قالبة دنيا والحناية شدات بلاصتها وبداات مساعدة ديالها كتعمر ليها فالحنة وهيا كتحني ليها يديها.. وكلشي كيمدح ويذكر فسيدنا وحبيبناا رسول الله مكاين غاا بنادر وتعارج وروايح د الزهر قابلة دنياا... حنات ليهاا يديها ورجليها ونساء مشاو عمرو اتاي بنعنااع.. وبلاطوات دالحلووة وخرجوا كيفرقوا على ضياف واميرة شادة غير واحد القنت وجالسة بوحدها كتشوف فمريم وعينيهاا مغرغريين. حنات البنات لي مع عروسة صحباتهاا وبنات خولاتهاا وحنان وكريمة وحتاا من فاخيتة دارت واحد، اليد... الا اميرة لي رفضااات تجي فيديهاا ولا ديرهاا.. داز الوقت وعطاو لناس العشاء وتفرقت الجوقة... سعيد واسماعيل كيوصلوا فالناس لي بعاااد والشتاء كتخبطط على الجهد.. 

صباح الحال... صبحات شميسة عاطية فسرجم د اميرة فاقت حسات بشي يد معنقااهاا.. ضرت وهياا تلقا امهاا ناعسة ومعنقة فيها ضارت اميرة فرحاانة عنقاااتها بالجهد حتا فاقت فاخيته.. جلسوا وبداو كيهضروا شوية... 
فاخيته : بنتي يلاه معاياا قولي لجدك اناا بغيت نمشي، مع ماما انااا مشوقة فيك تجلسي معاياا ونشوفك ونحس بيك يلاه معاايا عفااك 
اميرة : حتاا اناا مكرهتش والله واخا صافي يدوز العرس، غنمشي معاك.. 
فاخيته : اححح وااااااخيرة قلبي، ضرني على هاد سنين لي نتي بنتي والداااك من كرشي، ومعنديييش الحق فيك 
اميرة : ماما اناا بنتك نمشي معاك ونبقااا معااك وملي نتوحش، الميمة نجيو نشوفوهم ونمشييو...

بقات اميرة فبلاصتهاا متكية وامهاا خرجت توجد معاهم الفطور.. حتا فاقو الضياف ولادهم كيغوتو شي باغي ياكل شي باغي يرضع شي طالعين فالدروج كيتجراو شي كينقز عيات اميرة متقلب على جيهات فالاخر جمعت نوضة وخرجت يلاه حلات الباب لقاات جوج دراري براهش كيلعبوو البي حدا الباب 
اميرة: شكديرو نلعب معاكم 
... دروكا متعرفيش نتياا لهادشي
اميرة : منين نتاا
....حنا من عبدا 
اميرة : فين جات ولدمن نتا، 
....انا ولد رشيدة مرات مراد 
اميرة : 😕 معرفتكمش واخاا لعبو.. (مشات.. 
غسلات وجهها ودخلات لصالة مفهماات والو ناس عمرهاا شافتهم .. بدات من الطرف كتسلم عليهم وهوما ملي كيشدو فيك مكيبغيو يطلقوا مكملاتهم اميرة حتا طاح كتافهاا لي سلم علييهاا يدق ليهاا على ضهرهاا جلساات فالطرف حدا وداد بنت خالت امها هازة ولدها فيديها عطياه البزولة كترضعوا. ابتسمات اميرة فوجههم وحنات راسهاا... 
راضية : اميرة 
اميرة : نعام الميمة 
راضية : هاديك ابنتي زكية بنت سي عبد السلام جات هيا ولادها وهاديك لبنى مرات لوسها جاو من عبدا وهادي ختي مينة وبناتها نصيرة وحورية ساكنين فالرشيدية هوما وخوهم راهم التحت عاد كتاب لينا نتشااوفو بعد سنين.. وهادوك بنات خالي حميدة وزهور وصافية.. 
اميرة غلباتها الضحكة ومقدراتش تصبر بدات كدوز يديها على وجهها وتحك حاجبهاا باش تلف. 
اميرة : اهه مرحبا بيهم 
راضية : راهم بعااد نتي موحال واش تعرفيهم كناا كنتطلاقاو غاا فزرهون ملي كنا كنمشيو كنتي نتي مزال معرفاش 
اميرة : اه ولكن هادي فرصة نعرفهم 
فاخيته : اميرة تفطري 
اميرة : واخا 
فاخيته : يلاه جيبي شي كرسي اجي قربي لطبلة 
اميرة : لاا غا خليني هناا 
ناضت اميرة هزات جوج حلوات وكاس فيديها ورجعات لبلاصتهاا.. دخلات مريم بحنتها وسوالفهاا مطلوقين صلاو على نبي وجلسوها فالوسط وحماوها زغااريت ومدح كيف عادتهم واميرة غير كتسفق بيديهاا ومبتاسمة...

وصلات العشية دخلو سربيات والطيبات والمصوريين وزيانة دنيا بدات كتعمر وكتخلط... كل واحد منين جااي شاادين قنت كيلبسوا ويعمر فوجهم المكيااج مخلاو فين يزيدو باللوان غاا لي لبس كيدخل القاعة يتسابق يشد البلاصة حدا العروسة... اميرة تابعة غا دراري عنداك يطيح شي حد فالدروج ولا يفيق شي حد كلشي خلاها كتحضي ولادو وهوا مشااو يديرو فالسيلفياات.. يلاه هيا علات عينيها وهيا تلقا سمية طالعة فاادروج كتجر فواحد التكشيطة هيا وامها وصال .. فرحات بشوفتهم وعنقاااتهم وحدة بوحدة... كلهم دخلو القاعة كيسلموا وفاخيته جرات اميرة لبيت.. 
فاخيته : نتي مغتلبسي مغتجلسي مع ناس اتبقاي تابعة البزز 
اميرة : وهوماا قالو لياا نحظي ولادهم 
فاخيته : اااه الا قالو ليك رمي راسك فالبير سيري رميه هاكي لبسي قفطاانك. ولبسي ذهبك واجي ندير ليك المكيااج نقاادد ليك هاد الوجه لي رجع حاالتوو 
اميرة لاا اماما مدايرة بوو مكياج انلبس وصافي 
فاخيته : وسمعي مني الله يرضي عليك 
اميرة : (كتلبس ) وديري لياا خاطري عفااك امي والله مخاصني 
فاخيته : والله حتا ديري الكحل يلاه اجيي 
اميرة : اننن😣😣
فاخيته : وصااافي هاكي لبسي هاد شان هادا يجيك مع قفطان.. شدي بلاصتك ولي نوضك ولا لي سخرك متنوضي، ليه نتي، ماشي خدااامة عندهم. حنا عائلتنااا فيهاا غاا نفخة على خوة مصلحينش ودافعين كبير واخا زبل البهايم مزال ليهم فرجليهم.. 
اميرة : اااااي عينيي احح 
فاخيته : وراه مزيان للعينين اري العين الاخرا 
اميرة : اماما كيشوط اش زايدة فهاد الكحل 
فاخيته : راه مدقوق على اليد.. بلاتي نمسح ليك.. 
اميرة : خالتي لبساات ولا مزال 
فاخيته : دابا غيدخلووهاا غير سربي دغياا فين المضمة 
اميرة : هاهيااا امي حداك 
فاخيته : تفافيت انااا كاااعع. هانتيي، صافي مزيان يلاه لبسي صباطك ولا شربيلك وسيري...

لبساات اميرة شربيلها مشات كتجر فيه لقات دنيا عمارت يلاه جلساات فواحد الكرسي وهيا توقف عند راسها مرا 
.... نوضي اخيتي، من هنا هادي بلاصتي 
اميرة : اااه واخاا سمحيلي هاكي (ناضت) 
شدات بلاصة خرا فالقنت حدا مرا عامرة ودايرة ولدهاا فحجرها كل مرة يهز رجلو ويهبط بيهاا على اميرة عياات كتبعد رجليهاا والوو.. رجعت ناضت من تما وجلست فكرسي اخر حدا سمية وفاطمة 

.....1 الله يستر البنت واحلة خاصهاا غير تبان فالكاميرة 
.....2 واش هادي لي مات ليهاا الراجل 
....1 اايه هيا هادي شووفي شووفي هديك راهاا عجوزتهاا مشاات طايرة تجلس حداها باش الا باقي ليهاا شي عزري تلسقو ليه 
....2 تسليم اختي بنت قد القمل زوجوهاا مدوزااتش حتا 3 شهور، رجعات هجالة تقول فيهم النحس
.....1 ديك جدهاا يااختي كيعاودو عليه درويش غير مراتوو وبنات سحارين 
....2 ايوا بحال والوو دابا هادي غتبقاا هجالة شكون غيديهاا فيهاا ولا يساومهاا..

دخلات راضية على غفلة والهضرة كلهاا دازت مع وذنهااا شي لي خلاهااا دمراات بهادشي، لي سمعت. كيف كيقولو الهضرة دالعيب دغيااا كتوصل.. وفعلا وصلاتها سخونة مدارت، حتا ردت فعل بقاات ساكتة ورجعت خرجت بحالهاا تشوف طيابة شنو خصهاا... دخلو العروسة للمرة الاولة بليزارر. وتبدال الشرابل هدي قاعدة طنجاوية... ورجعوا خرجوهاا لبسوها لبسة ثانية.. برزوهاا والسربياات كيتجراو... كيفرقوا فالطارط والعصير.. هبطوا العروسة ولبسوهاا لبسة ثالتة... دازت ليلة غزالة... كلشي نشط وكلشي شرب واميرة هياا وسمية متفارقووش بايتة كتعاود ليهاا سمية على سعيد وشنو كيخططوا ليه.. ملي وصل الفجر سالا العرس عشاو الناس كلشي بدا يتفرق... هزات راضية طباسل مغسولين باش تهبط لطيابة تحط فيهم وهياا تجي نيشاان مع ... 
....1 هادا عرس هااادا! جنازة تقولي دايرين لينا امداح واش حنا جاايين نشطروا ولا نجلسوا كنشهقوا 
.....2 هههههه ضحكتيني ايواا الله يستر وصاافي غاا خليهاا على الله وصافي.. 
راضية : الله يخلف، عليكم الله يكتر خيركم قلتو كتر من قياااس... 
بزقاات فوجههم راضية ورجعات بحالهاا.. وهوما هبطوا كيزطموا على الخلعة. 

عشاو لي باقيين وكلشي تفرق كل واحد شد بلاصة تزندح فيهاا اميرة تشقلباات بالنعاس نعست بقفطاانها.. صبح الحال كلشي حال فموو فاخيته كيف عادتهاا ناضت تجمع، دنياا ودير الفطور مع الناس 
راضية : فاخيته بغيت نهضر معاك فواحد، الموضوع 
فاخيته : ديلاش امي شنوو. 

راضية : اميرة جاوهاا شي خطاب وراه هضروا مع باك سيمانا جاية غادي يجيو 
يلاه سمعات فاخيته هاد الهضرة كانت كتحل كرطون دالحليب رماتو فالارض وخرجت.. تبعاتها راضية كتعيط ليهاا حرام واش ضورت وجها جيهتها.. رجعت راضية بحالها جمعات داكشي وهيا تهبط حنان وكريمة وداد وسناء بنات ختهاا كيوجدوا معاها الفطور.. حطو فوق طبلة وبقات راضية كتخمم سيناا دايااهاا.. فطروا ناس واميرة فاقت لقات امهاا عينيهاا حومر ودايرة يديهاا على حناكهاا.. لبسات حايجها وخرجات هيا وامها جلسوا مع الناس.. وصل وقت الغدا جبدو داك الدجاج واللحم سخنوه تغداو بيه. مور الضهر جاو حباب العريس ياخدو العروسة. لبسوها جلابة بقميصهاا وفوق منهاا سلهاام سلمات على الجميع ومشات.. مشات معاهاا كريمة وراجلها وراجل حنان وسعيد يوصلو العروسة ويحضروا معاهم لعرس العريس لي فالرباط عاد غيرجعواا ... 

راضية : دابا علاش هازة خنافرك لسماا شكاين 
فاخيته : (كتغسل المواعن) الصمت 
راضية : وهضري جااوبي 
حطات فاخيته مواعن من يديها ومسحات يديها فوطة د جلايل وضارت عند امه... 
فاخيته : بنتي وحرمتوني منها فصغرها وكبرهاا... اااه ربيتو عليها الكبدة ولفتووهاا ولكن هادشي امي مغديش يخليكم تحكموا فيها كيف بغيتوو زوجتوهاا لياا صغيرة غصبتوها فشبابهااا وطفولتهااا كتعرفوا غا البنت قلشت تزوجوهاا.. الوقت هادا تبدل ورجعوا حوايج خرين

فاخيته : راه صبرت وصبرت وصبرت كتر من لازم حتا وليت كنشرب فانيد شهادشي امي راعي لياا شوية انا مغديش نعطي بنتي واصلا بنتي غناخدهاا معاياا نشبع منهااا ونشوفهاا كيف ناس... 
راضية : زعمة نتي كتبغيهاا كتر مني وغنبغي ليها الخير كتر مني وهيا كبدتي الثانية نحيدها مني ونعطيهاا ليها... 
فاخيته : امي صافي سليناا حنا غداا غاديين وصافي..
حنان : مالكم علاش هاد صداع كامل 
فاخيته : بغاو يزوجو بنتي مراا خرا ويطعنووهاا فصحتها وشبابهاا.. 
بعدما مشات العروسة ودنياا خوات بقاات غا حنان وفاخيته وراضية كل واحد كيشوف فجهة شي مكيهضر شي.. حنان كتشوف فيهم بجوج بغاات تقاد الامور ومعرفاات منين تبداهاا. اميرة ساقت الخبار ولكن مهضرات متكلمااات بقاات غاا ساكتة وحاذرة راسهاا بحال المحابسي لي غادي يحكموا عليه.. 
وصال الليل.. وراضية دخلات لبيتها عودات كلشي الحاج المصطفى كان حيد جلابتو وشد بلاصتو رجع ناض.. لبسهاا وخرج عيط لأحمد لي كان متكي، فالصالون هوا ولدو.. هبطو التحت .. وعود ليه كلشي. 
الحاج : يعني بنت ماشي، هياا مطلقة وماشي هياا ميت ليها الراجل واحسن شيئ هيا البنت فدارها مع راجلهاا ودير وليداتها 
احمد : واا سيد الحاج والله ماعرفت منقوليك المهم يكون خير انا نفكر ونحاول نقنع المرا ونرد عليك غير هاد السيد متفرطش فيه.. 
الحاج : هوا قال لياا انا صابر عليك ايوا حناا خصناا نفرحوا بنتناا ونتهنااو 
احمد : عند الحق هاكاا كتجي تقلة كبيرة ايوا الله يكون خير. 
طلعوا بحالهم ضواو مطفين شي نااعس وشي عاد كيطيب نعاااسو. اميرة نعساات معنقاها فاخيته وكتشوف فالسقف وترجع تشوف فبنتهااا وتمسح دموعهاا.. حتا نعسات حتا هيااا.

ربيعة : مقالكش ايمتا غيرجع
خالد : والو اخالتي قالي غير سلم على كلشي وصافي 
ربيعة : وعلاش صونى عليك غا نتا ومصوناش عليا اناا 
خالد: والله ماعرفت حتا هو رجعت هضرتوا قليلة 
ربيعة: اوكي مزياان خليه 
عبير : خالتي يكون مشغول ولا عندو شي، حاجة مهمة ماتعرفي
ربيعة : دابا صوقوو هداك يدير لي بغاا .. 

ايمان : توحشتك 
يعقوب : قريب نجي، ان شاء الله فين لين معاك 
ايمان : والو من داك نهار خداتها ختك ومبقاتش كتبغي تعطيها لياا 
يعقوب : المهم نتي متهضري مع حد متكلمي حد بقااي فبيتك حتا نجي ونشوف شنو اندير.. 
ايمان : انا فبيتي كنخرج ناكل برا ونرجع نجي راني ايمتاا ما كنبغي نخرج كنقولها ليك 
يعقوب : اووك مزيان المهم نخليك دابا عندي شي شغل 
ايمان : تهلا لياا فراسك بزااف كنموت عليك. 
يعقوب : شكرا (قطع).. 

ايمان : اخخخ ويلاماا خليتك تكره لي ولداتك منتسماااش انا ايماان امي لي ولداتني ومنسمحش ليها تمرمدني عسااك هاد جلايخ.. المهم نكمل القضية لي بديتهاا باش نشد يعقووب ومنخليهش يفلت ويولي كيبغينيي كترر.. فين ديك نمرة فيين فيين امم هااهياا رحيمة 

📞تيييييت 📞تييييييت 

رحيمة : الوو 
ايمان : اختي انا ايمان 
رحيمة : اه ايماان شنو درتي
ايمان : ربي وقف معاياا ههه راه عييت منقلب هناا حرام واش لقيت شي شورط ديالو وطلعت لسطح صدفة ولقيت سليب منشور فواحد القنت ليلة لي كان مسافر صبنو فالطواليط وشفتو مطلعوا فيدو ونساه فالسطح يااختي ملي لقيتوو حسيت بحالا ربي واقف معاياا باش نتقرب ليعقووب.. 
رحيمة : اجي بيناتناا واش يكون مزال موسخ!! مثلا فيه شي حاجة 
ايمان : لاا لقيتو ياابس 
رحيمة : ايوا واخا المهم انا ملي، هضرتي معاياا راه كنت ف الفقيه بن صالح عند واحد المراا كتعرف فهادشي مزياان وقلت ليها عليك وعطاتني شي عشوب مطحونين وشي خيلوطة بحال العسل كتلسق بوحدها وشبة مدقوقة نطلقااو ونشرح ليك كلشي اش ديري 
ايمان : ياااختي منساااش خيرك الا وقفتي معايا اناا قلبي طااايب مكرهتش نربح قلبوو ويولي، يبغينيي 
رحيمة : وييه مشكيلة مع هاد الرجال حتا انا اختي وحلت مع هاد الرااجل وجيبت شي عشوب غنيرهم ليه 
ايمان : وااخا حبيبة دابا فقاش نطلقااو 
رحيمة : اجي عندي هاد العشية الا بغيتي نجلسوا نتشاوفوا ونهضروا فموضوعناا 
ايمان : صافي واخا عشية نكون عندك...

اسماء : الله الله... الله يامولاناا الله الله تنعسلي بنيتي ...الله الله ..الله اشششش اششش 
عبير : نعساات وقيلة 
اسماء : ااه طيحات ليك كتفي اختي مبقااتش كتبغي تنعس اختي، فالارض ولا، فوق فراش خاصني نبقاا غاا هزاهاا 
عبير : مشكيلة ولفاات اليد 
اسماء : وييه ومرات خوياا كتبورد على خاطرهاا 
عبير : قلناا غتعاون معاه وغتهز بنتو ساعة بنت الحرام باغا غا راسها
اسماء : محل ديالي غا مشدود يااختي فرقت حوايج نااس وجيت حتا لايمتا غنبقاا هاكاا 
عبير : صبري هادشي فيه خير ان شاء الله وغتجزاي 
اسماء : مصاب الله يجعل العمل للله وصافي.... 
عبير : ويلاه ندخلو بحالناا البرد هناا وحتا داك طربوش رقيق عندك يضربها البرد 
اسماء : يلاه اختي...
دوشات ايماان وصبغات ضفرانها وقدات وجهها.. ولبساات سروال الابيض د توب قصير شوية مع طالون.. وقميجة فالغوز مبرد تحت خصرها وشان رهيف خارجين منو خصلات الشعرر مع الجناب وكابة د الجلد قصيرة فالاكحل ..هبطات فالدروج وخرجات على برا على عينين خالد وحاتم ومعاذ لي جالسين فالجردة.. كتشوف غير قدامها مداتهاا فحد ومهضرت مع حد. خرجت شدات طاكسي ومشاات لواحد سناك بقات جالسة فيه جابدة تليفون كتشاطي تغدات تماا حتا وصلات العشية ومشات عند رحيمة لي كانت كتسناهاا... 

طلعات فالعمارة طابع الرابع .. دقاات جوج دقاات خرج عندها ايوب ولد رحيمة حل ليها الباب سلمات عليه.. وعاد خرجت رحيمة من الكوزينة كتمسح يديها.. لاطاي ديالها عامرة بزااف لابسة فراشة وشعرها مقطع حد كتاف ومشدود بجبادة والقصة هابطة على عينيها .. سلمات عليها ودخلو جلسوا فالصالون كيهضروا وايوب حال فمو ف سبايستون هوا وخوه عندو عام وشي.. جالس فالعجيلة كيمشي ويجي بيها.. 
ايمان : ايواا شكتعاودي 
رحيمة : هااحنا مع تربية دراري والمشي والمجي
ايمان : كيف خليتي العائلة 
رحيمة : الحمد الله اخيتي كلشي، مزيان
ايمان : المهم فوجتي
رحيمة : اشمن تفويجة الله يهديك فين ماا مشيت راجل خانقني صعيب يااختي 
ايمان : ايوا وشغادي ديري ليه هوا هنا بعدا ولا 
رحيمة : راه فالقهوة غيجي حتا لنص ليل.. صبري هاناا جاية 
مشات رحيمة وبقات ايمان كدوز عينيها مع الدار والفراش وتشوف فدراري 
ايمان : (تحت اللسان) فراش دالفرشي هاداا وقيلة لي كيرميوه النصارة كتهزوو هاديي احح قلبي ضرني عليك اااف ريحة دالبول قالبة من هاد المخااد يخخ.. دراري كيف دايرين كوحل مفرنسين بحال باهم بااز فين عايشة هدي ومعامن وعاد مزال باغا دير لراجلها المحبة هادا غا طلقي منووو وعطيه هاد فرانس ديالوو اااااااوف..

رجعات رحيمة هازة ميكة كحلة عطاتها لايمان وجلسات هيا جبدات ورقة ملوية مجموع فيها عرام دالعشوب.. 
رحيمة : هادو غنديرهم ليه فالماكلة 
ايمان : ونتي غتاكلي معاه 
رحيمة : اه ولكن انا مغدي يدير لياا والو هوا لي غيكر فيه 
ايمان : هكااك واخا وانا هادشي كيف ندير ليه 
رحيمة : هانتي جيبي سليب ديالو وهادشي لي عطيتك راه يابس خصك غير طحنيه مزيااان وتخلطيه ب هاد قريعة هادشي لي فيها راه بحال العسل كيلسق ايوا ملي غتخلطيه غتذهني بيه سليب ديالو وغتطويه وتمشي لشي بلاصة بعيدة فيها الشجر وتعلقيه ولا غير الجردة الا عندكم ميوصلها حد وميشوفها حد علقيه فيها وخليه تما حتا يدوز 40 يوم ومن بعد ديري فكيرة وحرقيه حتا يولي رمااد ايوا وهنا غتبدا خدمة خرا ايمان : واجي صبر صبر انا غنبقا هاد 40 يوم كلها كنتسنى واناا صابرة عاد شنو غيكون اخر
رحيمة : متسبقيش الاحداث كيف تعلقيها راه غيبداا يعطيك اهمية ويحتاارمك ويدافع عليك ونهار على نهار هادشي غيزيذ كترر ويولي يبغيك 
ايمان : ايوا كملي 
رحيمة : ايوا يا لالة ملي تحرقيه ويولي رماد.. بقاي طيبي ليه نتي ورااااس دالمعلقة كتعرفييي راس فقط ديريه فالاول طياب باش ميبانش وكنوصييك متكترييش باش متجيك المزقة كحلة ولا شي حاجة ويحس 
ايمان : صافي ولا عليك واخا هادشي باين لياا طويل
رحيمة : تيقي بياا الا بغيتي تكسبي راجلك... 
ايمان : مغنسااكش الا تقضى غراضي 
رحيمة؛ المهم نتي تهنااي وتوصلي لي باغاا راه حناا خوت... 

ورجعات ايماان لدار وهازة معاها شيئ لي عطاتها رحيمة.. جلسات فطرف النموسية كتفكر وكضور فعينيهاااا.. حطاتهم فالجنب وخلات حتا نعس كلشي وضواو مطفيين وساعة متأخرة د ليل.. حلات بابهاا وهبطات بالحفى كضور فعينيها وحاضي من لور والقدام عنداك يكون شي حد مزال، فايق ولا شي حد تبعها... وصلات الكوزينة شعلات الضو تقلب بالزربة على طحاانة هزاتها وطفات الضو بالزربة وطلعات كتخلف على جوج درجات حتا وصلت لبيتهاا عاد شهدت..

حطات الطحانة قنتاتها فجنب البيت .. لسقات ليها البريز وجلست ربعات رجليها فالارض وجرت عندها دوك العشوب وبدات كتطحن فيهم حتا رجعاتهم بحال الفرص.. دارتهم فطاسة صغيرة وجمعات دوك ميكات لواتهم.. ناضت من بلاصتها حطات ديك طاسة فالماريو وهزات تيشورط ديالها مسحات بيها ديك طحانة هزاتها وهزات دوك ميكات وهبطت كتسلت مع الدروج.. وصلت لكوزينة حطات ديك طحانة بلاصتها ورمات دوك الميكات ورجعت بحالها لبيتها طفات الضو وتكات فبلاصتها وعينيها كيبرقواا حتا داها نعاس.. 

🌳 صباح الصبااح 🌳

سميرة : جيبي ليا ديك كاس دالعصير نطحن شي فروي 
جميلة : اجي ليه انا مقابلة بغرير عندك يتحرق 
سميرة : هئ مال هاد طحانة هاكا واش طحنتي فيها شي حاجة 
جميلة : لاا مقستهاش كاع علاش اش فيها 
سميرة : ماعرفتش اش هادشي يااختي ٱااااف على ريحة اجي اجي شوفي 
جميلة : يكون شي حد طحن فيها شي حاجة 
سميرة : لعجب حتا ل 11 د ليل وحنا هناا مهزهاا حد مطحن حد 
جميلة : ايوا ماعرفت اختي مسحيهاا وديري هاد، العصير دغيا راه تعطلناا بالفطور.. 

خالد : صراحة وليت كنخاف عليه بزااف 
عبير : حتا انا وليت مخلوعة يااخالد دابا فقاش غنمشيو بحالناا 
خالد : ايوا حتا يجي راه منقدرش نمشي ونخلي مو بوحدها 
عبير : توحشت داري والكالم كنشوف هاد ايمان كيجيني، منها الخوف. 
خالد : اووف غموصيبة وصافي .. المهم مبقا قدما فات يكون خير ان شاء الله 
عبير : واخا ويلاه نهبطوا 
ع
خالد : هبطي نتي انا ندوش ونهبط موراك. ... 
لبسات عبير بينوارها ودارت زيفها وبقات غاديا مع الكولوار حتا وصلت لدروج وبقات كتشوف فباب ايماان.. ورجعت هبط بحالها.. وصلت لصالة لقات ربيعة كتصلي جلسات فطرف فطوي كتقلب فالتلفازة خلات صباحيات دوزيم وبقات كتفرج فيهم حتا سلات ربيعة. 
ربيعة : بنتي يسعد صباحك 
عبير : خالتي صباح الخير كيف صبحتي 
ربيعة : بعيد عليك ياابنتي راني بايتة كنمووت 
عبير وخالتي نديوك انا وخالد لطبيب 
ربيعة : ايييي، ماشي مشكيل ماشي، شي حاجة..

فاقت ايمان بشعرها مشنتف وعينيها مغرغرين بالكحل واصل ليها حتا لحناكهاا وبيجامة نص كم وطولها واصل حد الركبة !.. جلست على الفراش وبقات كضور فعينيها.. وتعوج فشنايفهاا ناضت غسلت وجهها.. ومسحات بالفوطة وخرجت هبطت مع الدروج دازت على الصالة... فالطابق السفلي كاين باسيوو كبير بزااف و2 ديال الصالوناات واحد كيطل على برا واحد فالداخل وفالجهة خرا كاين مقعد خاص بالاكل فيها طبلة طويلة بالمقاعد ديالها ومخاد فالارض لي بغاا يجلس .. دازت من تما حدا ربيعة وعبير. واسماء وانيس شاد لين كيلعب معاهاا مهضرات حد قلبات عينيها ودخلات الكوزينة.. بقات دايرة يديها على جنابها وكتشوف اش غدير حلات الثلاجة هزت قرعة دالحليب وهزت طبسيل من شبكة عمراتو بالفواكه.. هزت تمر من كرطونتو و2 بتيبنات دارتهم فسينية وزادت يلاه حطت رجليها فالدرجة وهيا تلقا خالد وحاتم هابطين شافت فيهم وزادت وخالد بقااو 10 يطلعوه و 10 يهبطووه بشنوو هاد الحالة لي هابطة فيها ورجال معمرين.. طلعت وزدحت الباب تكات فوق فراشهاا كتاكل وتشاطي وتسجل فيلي اوديو مع صحابهاا .. حتا عمرات كرشها وحطات داكشي فجنب. وناضت كطل فالسرجم لقاات الحال صاحي وشميسة. جبدات الشورط د يعقوب وداك شي سائل لي عطاتها حيمة بحال العسل. والعشوب مطحونين وحطااهم حداها وربعات رجليها .. حلات ديك طاسة وبقات كتكب عليها داك العسل وهياا كتحرك حتا عقد ورجع بحال شكلاط.. طلقاات داك السليب وبقاات كدهن فيه من كل جهة تقلب هناا ولهيه ذهن وتعاااود حتا عمراتو كاامل ولواتو فخرقة بيضااء وحزماتو

ايمان : دابا كيفاش غنهبطها حداهم وكيفاش غندير نعلقها فشي شجرة .. عندهم هاد الجردة عامرة بالشجر وليني طواالو اووف موصيبة .. 
طلاات من السرجم وبقات كتبلااني وتشوف اش غدير وكيفااش.. يلاه هيا كضور عينيها وهيا تلقاا بيت صغير عندو باب محلولة كيبان فيها سلوم وحدايد ومجموعة من ربل.. حسات ان بيباان الجنة تفتحوا ليها واخيراا... 
هزت ديك حزمة وخرجات يلاه تمات هابطة فالدروج وهيا ترد البال غيشوفوها عندها وبحال والو يتبعوهاا.. رجعات بحالها وبقات كتخمم.. دازت سااعة... سعتااين وهياا مزال تالفة وحايرة كيفاش غتصرف فكرت تصاوبها بليل ولكن ضلام ومتقدرش، تشعل الضو حيت يقدر يطل، شي حد بقاات فالضلام خاافت اذن الحال الوحيد هوا فنهار وقبل ميجي يعقوب.. طلات فالسرجم ملقاات حد رمات داك الحزمة قالقنت وبقات حضيااها عنداك يجي شي حد... 
ايمان : دابا غيكونو كيفطروا مجموعين حتا ايلا هبطت مع الدروج ومشيت، لكوزينة مغيشوفني، حد حتا الا شافني شي حد غنقوليه نهز بيض الحمام من شجرة ومريضناا، معندو باس.. اوف هاد، سميرة وديك عوجة ماعرفت فين يكونو لاتبعني شي وحدة فيهم عوتاني يخخ دايرين بحال الذبان يلاه حلت الباب وبغات تخرج كتبان ليها سميرة هيا وجميلة فاتحين البيبان ديال البيوت كيخملو وخارجين بالماء كيسيقوااا 
ايمان : ههه اكيد ربي واقف معايا... لقات فرصة كبيرة وبيبان تفتحواا فوجهاا خرجت وشدات بيتها وهابطة فالدروج كتسلت بسندالة دصبع وكضور فعينيهاا باغا تسلت لكوزينة باش تخرج يلاه وصلت ولقاع وبغات ضور.. 
معاذ : قريبة تخرجي ليناا عرياانة نيشان مبقااش بزاف 
ايمان : الصمت 
معاذ : قبيلة هابطة هاكا حدا صاحب راجلك وراجل ختووو واناا خوه ودابا عوتاني هابطة بهاد الحالة واش حاسبة راسك كديري لينا العرض ولا شنوو ممربياش 
يلاه سمعوا الغوات كلشي ناض من بلاتو وخرج لباسيوو. 
ايمان : مربي بعدا نتاا ياا الزامل ولا جاي تبين عليا قدراتك عييت منصبر ونسكت عليك ونتاا حرام واش بغيتي تحشم ولا تبعد من طريقي انا حرة فراسي واش مزوج بياا باش تحكمني. 
ربيعة : ولدي دخل بحالك تفطر خليك من هادي
ايمان : هادي الالة لي كتهضري عليهاا راها مأصلة عليك وعلى ولادك جايين تستعمروني كلكم مزوجين بيااا 
ربيعة عياات متصبر وكطلع النفس وتهبطوا بالزربة وبنتها وعبير غاا ساكتين نفس الشيئ خالد وحاتم.. غير معاذ لي كيهضر 
ربيعة : (زادت عنها) هاد الدار لي عرفتيها نتي ولي دخلتي ليها محدك فيها والله لاا زدت فيها ساعة وحدة وخليك هانتي هنا انا ماا بديتك مجبت لهناا بينك وبين لي، جابك
ايمان : لهلا باش تزيديه الماء وشطاابة حاسبة راسك غتبوردي علياا كيف بغيتي نتي ولادك حتا يجي ونقوليه هادشي كااامل بالحرف وديك ساعة شوفي 
ربيعة : ايوا قبل ميجي هاناا غاديااا 
ايمان : ايواا ها الباب زيدي معاهاا قبل منشد ونزدحك معاهاا.. 
يعقوب : زدحيهاا ويلاه قضي الغراد سربي دغياا اش كتسنااي..

ايمان : يعقوب كن كنتي تشوف كيف دوزت هاد الاياام معاهم كل واحد، يمرمد فيا رجليه كيف بغات.. 
يعقوب : الصمت 
ايمان : من خووك جاا تهجم علياا فبيتي من خدمات كل وحدة تعطيني شلاط ختك حرمااتني من البنت منهزها منقيسهاا امك كل مرة تخشي لياا هضرة فشكل .. وليت جفاف انا هناا .. 
فجأ ❗.. يعقوب سالا امورو وبلاما يعلم حتا شي حد شد طيارة ورجع لفرساا عيا يعقوب ميكلاكصوني على باب باش حميد يفتح والو دون الرد خرج من الطوموبيل ودخل على الباب لوراني لي كيكون اغلبية مفتوح بالخصوص فالصبااح يلاه وهوا زايد مع الدخلة كيسمع الغوات لداخل بقا زايد بخطوات بطيئة كيسمع كلامهم وكلام ايماان وصوتها لي كيتسمع منين ولين.. وقف فالباب بلاما يرد ليه حتا شي حد البال.. لابس سروال اكحل وصباط طااالع شوية على رجل بحال بوط ولافيست غليضة وكشكول على عنقو وصاك هازو فوق كتافوا وشانطة صغيرة فيدو.. اول شي زاد عند اموو هز يديها باسها وباس ليها راسهاا وهياا كتشهق خلاها ومشاا جيهت اسماء شد يد لين وباسهاا. وعنقها وهيا فيد ختووو وعينيه مغرغرين عامرين بالشوق موحش بنتوو. 
يعقوب : طلعي لفوق نتي 
ايمان : واخاا 
خالد : يعقووب اجي اصاحبي نهضر معاك 
يعقوب : بالااخص نتاااااا متهضرنيييش متكلمنييش علااش مخليك انااا هناا حاطك ديكورر علاش داير تقتي كلها فيك واي حاجة طرات علمني 
خالد : جلس واجي نشرح ليك بعدااا 
يعقوب : قلب عليا هااد ساعة الله يرحم بااك 
حميد : سلام عليكم على سلامة سي يعقوب 
يعقوب : شحاال وانا نكلاكصوني فباب شحال وانا كنصوني عليك حتا نتاا مبقاات فيك فايدة حتا نتا خدام غاا برشوق وملي نكون انااا هناا.. ميمكنش لياا نقضي شغلي وانا مرتااح هاااني منقدر نعول على حد شمن فاايدة فيكم لا نتااا ولا هواا 
حميد : سمح لياا اناا كنت فالجامع عاد جيت مكنتش عارفك غتجي دابا غا سمحلي 
يعقوب : قلب علياا دابا هاك سوارت سير دخل طوموبيل. 
حميد : واخا... لالة ربيعة شي حاجة لقيتها ملوي واقيلة طاحت من السرجم لي كيخملو فيه سميرة وجميلة 
ربيعة : مااعرفت سولهم 
حميد : هاهياا حدا باب ملي يهبطوا نقولها ليهم. .

يتبع ...

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.