صورة مصغرة لـقصة الأرملة الصغيرة

قصة الأرملة الصغيرة

qisat 9isat saghira 
رواية الأرملة الصغيرة

قصة واقعية عاشتها واحد الاخت تحية ليهاا قصة كتجمع مابين الحب الضياع العناد
معانات ديال المجتمع الدراما حزن والفرح شوية دالسفالة المهم من كل فن طرب.. 

" باسم الله .....الله اكبر الله اكبر... لا اله الا الله ... الحمد الله رب العالمين الرحمان الرحيم.... اياك نعبد واياك نستعين.... الله اكبر.... سمعا الله لمن حمده... السلام عليكم ورحمة الله وبركاته " السلام عليكم ورحمة الله وبركاته..

(دعاء) إلهي اني ببابك واقفة.. وبرحمتك عالقة.. وبكرمك طامعة.. ولعفوك قاصدة.. ولرضاك راجية..فلا تحرمني من حبك،وعفوك ورضاك.. يااكرم من سؤل ويا اجود من اعطى يالهي ما تفضلت به من فضلك علينا فتممه وما وهبت لنا من كرمك فلا تسلبه اللهم احفض امي وابي ورزقهما الصحة والعافية ورزقني ياارحم راحمين بقوة والصبر ونجاح امين اميين..

الجدة : (حلات باب ) تقبل الله بنتي أميرة مزال فايقة راه 5 دابا اش مفيقك ! 
اميرة : امين الميمة نعست شوية ونضت لقيام الليل حتا آذن الفجر عاد صليت كنت غنوضك وقلت راكي عيانة بتمارة دالبارح 
الجدة : (دخلات) ايوا ابنتي الله يرضي عليك مزيانة مع واليديك ومع الله هادا هوا ربح مصاب لو كانو كاع البنات بحالك 
اميرة: حتا انا الميمة مفربح غير الله يلطف بنا 
الجدة : (عنقات اميرة جالسة فوق صلاية ) نعس احبيبة شوية باش ترتاحي راه صباح العيد مع 7 وجدك خاصو غيمشي يصلي وانا غنوجد فطور ونوضك 

أميرة: مسخيتش الميمة برمضان دغيا طار ولفتو ولفت اجواء ديالو 

الميمة : ايوا ابنتي دنيا هيا هادي معند الانسان ميدير 😘😘 يلاه نعسي 

اميرة: شوية الميمة عاد نعس حتا نقرا شوية د قرآن وملي تفيقي فيقيني معاك نوجدو الفطور 
الجدة : غارتاحي المرضية راكي ضربتي تمارة فهاد الشهر الفضيل. الله يصبحك على خير ابنتي 
اميرة: (شدات راس جداتها وطبعات قبلة على جبين ) الله يخليك ليااا الحنينة وانتي من اهل الخير „ 

خرجات الجدة من بيت أميرة ومشات لبلاصتها.. واميرة ناضت لفيترينة جبدات قرآن باستو ورجعات لبلاصتها فوق صلاية ومتوجهة للقبلة كتقرا بتجويد وبصوت منخفض وخشوووع ودموع مغرغرين فعينيها حتا بدات الشميسة كطلع ومضوية فبيت اميرة وصوت مساجد كيتسمع الله اكبر الله اكبر...وسبحان الله والحمد الله. ولا اله الا الله.. شدات كتابها وضامتو لصدرهاا وخدها حمر بقوة البكاا باستو وناضت رجعاتو لبلاصتو حيدات لباس صلاة ولبسات بيجامة مستورة وجمعات شعرها سفنجة وخرجت من بيتها كتستغفر الله....
الساعة تشير 6:30 صباحا... توجهات أميرة نيشان لكوزينة ردات مقراج دالماء يطيب وجبدات طويسات دالحلوة ورغيفات حطاتهم فوق طبلة دالكوزينة وحطات طبيسلات وجلسات فوق الكرسي كتستف وتقاد فيهم.. 
الجدة : (دخلات) صباح الخير سبقتيني وباااز 
اميرة: ههه منعستش (باست يد الميمة) 
الجدة : الله يرضي عليك (جلسات حداها) انكمل عليك وسيري نعسي ورتاحي ليك شوية
اميرة : لا لا انا غنكمل هادشي ونخرج نحط فوق طبلة غير سيري نوضي باسيدي يمشي لجامع 
الجدة : راه فاااق توضئ وصلى راه كيبدل حوايجوا 
اميرة: ايوا الحمد الله .. 
الجدة : كملي هادشي انا نوجد اتاي ونخرجو يفطر باك سيدك عاد يمشي 
... كملات اميرة طبيسلاتها وتويلها والميمة وجدات اتاي والسينية ومشاو الصالون حطو فطور وتجمعات العائلة الجد والجدة وواولادهم واحفادهم ماشاء الله وريحة تبخيرة والعود فايحة الدنيا وتهليلات العيد .. اميرة اسم على مسمى حتا وحدة متوصلها فاخلاقهاا وتربيتها وقرايتها كلشي كيبغيهاا وكلشي كيحتارمها....تزادت اميرة فمدينة فاس فوسط عائلة متدينة محافضة ناس لي صوتهم ميتسمعش من الزنقة الام ديالها لالة
"فاخيته" والأب "مولاي احمد " اميرة كانت اول مولودة عند امها تزادت معاها الفرحة وهنى لالة فخيتة مقداتهاا فرحة ببنتها مكانت كتخليها تخص من حتا حاجة وسي احمد كانت الضوء دعينوو فششهاا بزااف عاشت اميرة طفولة عادية ولكن ربي نزل ليها ايمان فقلبهاا كانت كتصيفطها لالة فاخيته لروض مع الخال ديالها سعيد هوا يديها ويرجعها وغير تجي تعطيها تاكل وتبدل ليها وتلبس ليها جلابة والفلور وتصيفطها لجامع اميرتنا سكووتية وحشومية وبكااية والمحنة ديالها زايدة شبهات الام ديالهاا وهيا كتكبر كبر معاها حب دين وحب صلاة وحب الله والواليدين عمرها بكات واليديها ولا جرحات شي حد فين ماا مشات تخلي بلاصتها نقية موراهاا وكلشي كيقول ونعمه التربية وملي وصلات اميرة ل 8 سنوات تزاد عندهم مولود واخيرا جا اخ ديال اميرتنا لي تلعب معاه وتحس بطعم الأخوة حنجرتها تبحبحات بقوة زغاريت واخا مكتعرفش ههه المهم فرحة ومدير عمرات الدار بالعائلة والاحباب عائلة سي احمد وعائلة لالة فاخيته لي جاو من مكناس.. كلها منين جاي معروضين لعقيقة المولود الجديد وجات الميمة ومجاتش بيديها خاوين جابت لالة اميرة قفطان خدماتو ليها بالرندة بسلهام ديالوو ونهار السبوع ودار عامرة لبسااتو جات فحال شي ملاك وغطات شعرها ولبسات شربيل فرحانة براسهاا دخل من هنا وتخرج من هنا ضور حتا تعيا وترجع تبوس الميمة لي كانت جالسة مع ناس وكلشي كيقول تبارك الله... ونهار لي جات الميمة ترجع بحالها لمكناس اميرة حرااام واش بغات تفك مبغاتهااش تمشي وبقات معاهم الميمة والجد رجع لمكناس هوا وليدتو ولادهم. حتا وصلات وقت القراية وبغات الميمة تمشي لدارها وهيا من طبعها كتجيها ناقصة تبقا فدار نسيبها متعداش حتا سيمانا ولكن على قبل اميرة بقات.

الجدة: اميرة ونعلي شيطان ابنتي خليني نمشي بحالي راه باك مبقاليه والو ويجري عليا.. 
سي احمد: حاشة ولله ياا الميمة مرحبا بيك دار دارك وراكي فمرتبة الام ديالي الله يرحمها عمرني حسيت بلي ميمتي ميتة والله شاهد عليا 
الجدة: ايوا يا ولدي نمشي نشوف دار اش ناقصها وشنو خاصها 
فاخيته: مكنسخاش بيك امي والله 
الجدة: ايوا ابنتي نتي وتكوني تخلي راجلك بوحدو وتمشي ضايف! ايوا الله يجعل البراكة غنوض نجمع حويجاتي وغدا نهبط لاكار نشد تران. 
اميرة: اننننن اهئ اهئ اهئ اهئئ 😭😭😭😭😭 اععع ننن اههئ اهئ 
الجدة: وصافي احبيبة الله يرضي عليك خليني على خاطري باش مرة خرا نجي نزورك 
اميرة: 😢😢 لااا لاااا انا بغيتك تبقاي معايااا اهئ اهئ 
سي احمد: عرفتي شنو! لقيت ليك الحل 
اميرة: شنوو هوا ابابا عفاااك 😢
سي احمد: هانتي ندفعوا ليك انتقال المكناس وسيري قراي حدا جداتك تما وملي تبغي تجي انا نجي موراك شنو قلتي... 
اميرة: 😍😍 (عنقاااتو) الله يخليلي اغلى بابااااااا يوبييييي على فرحة اه اه واخااااااا صافي تفقنا 
سي احمد: ههه عجباتك هادي 
الجدة : ايوا انا مكرهتش وكنت بغيت نقولها ليكم ولكن خفت لامتبغيوش وقلت اللهم نسكت حسن ليا 
سي احمد: حنا عارفين بنتناا غتكون عندك بحالا كاينة هنا مكاين حتا شي فرق ايوا وملي توحشنا ونتوحشوها نجيو موراهاا فاخيته شنو قلتي 
فاخيته: 😢 ايوا معندي منقول حداكم 
اميرة: ماما انا غنمشي مع الميمة ديالي ونتي هانتي عندك وليدك غيونسك وفليل يدير ليك الموسيقى 😄
فاخيته: يااكي اجنية صافي ايواا واخا عليك خاصميني 
سي احمد : عههه 
الجدة : 😂😂

اميرة: 😅😅 غير كنضحك معاك ولكن ميمتي منقدرش نتفارق معاهاا 😛 ... 
داز نهار جميل تعشاو مجموعين جمعاات فاخيته لأميرة حويجاتهاا وهيا كتبكي واخا غادي تمشي مع الام ديالهاا مسخاتش بيها وجاتها الغمة تبقا غير بوحدها صباح نهار جديد واميرة طايرة بالفرحة توضات وصلاة ولبسات حويجاتها وخرجات من بيتها فطرو مجموعين ودعات امها بالبكاا مسخااتش ببنتها وصلهم سي احمد بسياتو لاكار قطع ليهم بلاصة حتا ركبو وشدو بلاصتهم وقلع تران ورجع بحالو سي احمد... 
من داك نهار واميرة عايشة مع جداتها من بعد ما جاب ليهاا انتقال وشدات بلاصتها فالقراية حتا وصلات الثنوية كانت كل عام تنجح وتجيب نقطة مزيانة الجد مصطفى امام مسجد انسان معقوول كيعرف بينو وبين لي خلقو من نهار لي جات عندو اميرة رباها احسن تربية فصباح المدرسة والفعشية تمشي عندو المسجد يحفضها القرآن هيا والبنات كانت متفوقة وناجحة الميمة مكانتش مقصرة من جيهتهاا كانت دايرة الواجب ديالها علماتها الشغل بتويلي وفوقت الفراغ كدير شوية دالصنعة دير كسيوات دالصوف بالكروشيه ولا تخدم سربيتات بالرندة المهم كتلاهي يديها فالمسجد تعرفات على صديقة وحدة لي ولات عزيزة عليها يمشيو بجوج ويجيو بجوج وكانت فعلاااا بيناتهم صداقة الحقيقة ...!!

صباح العيد والأسرة السعيدة مجموعة على طبلة الفطور ... فطرو مجموعين سي مصطفى الجد ديال اميرة واخوالها مشاو المسجد وهوما بقاو مجمين وكيتاصلو بالاهل يباركو ليهم العيد واميرة ملي شدات الهضرة مع امها مبغات تفك.. دخلو الجيران لعند لالة راضية الجدة ديال اميرة يباركو ليها العيد وكلشي كيشوف ف اميرة باعجاب تبارك الله البنت بدات تكبر 16 سنة ولاطاي فنة عندهاا كلشي فبلاصتو مزايد مناقص وعندها ستيلها الخاص فاللباس مستورة من راسها لرجليها وفولارها مكيتحيدش من فوق راسها سوى الا كان جدها وجدتها وخوالاتها انا خوالها ب 3 كتحشم منهم واخا هكاك وعندها ابتسامة خفيفة كتسلم بلباقة على ناس وكلامها فحدود كاع بنات جيران كيغيرو منها .. وديما كيبغيو يزعموا عليها يتصاحبو معاها ولكن هياا مكتعطي اهمية لحتى واحد! مكيعرفوها واش كاينة فدار ولا لاا فصباح كيوصلها خالها سعيد لي مزال صغير حتا هوا 23 سنة بسيارتو لمدرسة ويخليها حتا دخل ويمشي ويرجع موراها قبل متخرج ويرجعها لدار تغير ملابسها وتصلي صلاتها وتاكل ما قسم ليها الله وتساعد جدتها فشغل البيت وتاخد قسط من راحة وبعد صلاة العصر كيرجع ياخدها سعيد المسجد ويمشي بحالو تقرا عند جدها وملي تسالي بعد صلاة المغرب كترجع برفقة جدها سي مصطفى لدار.. القضية ديال الخروج وتسارا وتمشى بوحدها مكيناش كتخرج غير مع جدتها وقليييل او الا بغات تغير الجو الويكاند كياخدها جدها لشي جردة او غابة يكونو فيها ناس محتارمين ويبقاو نهار كامل حتا يطيح الضلاام...

سلمات اميرة ورجعات جلسات فبلاصتها وكتشوف غير فالارض طلع عين وتهبط عين وناس مجموعين ناشطين وكيشاركو مالين دار كاس داتاي وحلوة حتا ناضو مشاو بحالهم ورجع سي مصطفى لدار مع وليداتو ناشطين .. واميرة ناضت هيا وخالتها لي مخطوبة لكوزينة يوجدو الغدا.. كل واحد باش تكلف حتا حسات اميرة شي حد عنقها بقوة...

اميرة: مامااااااااااااااااااااا😍 (ضرباتها بتعنيقة)
فاخيته: ايييه اناااا هههههه هانا جيت 
اميرة: توحشتك توحشتك بزااااف واخيرا انا قلت غتجي حتا لعشية 
فاخيته: من الفجر وانا كنوض فباك باش نجيو بكري نفطرو معاكم زعمة واخا هكاك تعطلنا دابا 12:15 دقيقة 
اميرة: 😘😘 خليني نبوس دابا هههه من بعد عاد عودلي ههه توحشتك ومنقدرش نجي نبقا معاك 
فاخيته: ياكي ياكي وانا لي كنقول ايمتا غير نوصل عندك باااز بعدي مني 
اميرة : ههههه 
الجدة: ههه امضرا فين وصلتو فغداكم 
مريم: (كتسلم على ختها ) هاحنا علاين اماماا يلاه نخرجوا لصالون الصهد هناا.. 
اميرة: سيرو نتوما انا نجيب العاصير والحلوة ونجي 
الجدة: الله يرضي على بنتي نيت نبردو حرارة 

وجدات اميرة بلاطو ديالها ديال الحلوة والعاصير ومشات جلسات حداهم هوما كيهضروا وياكلوا وكيجمعوا وهيا بحال ديما غير كتشوف وتضحك مشا سي مصطفى هوا وسي احمد يصليو فالمسجد واميرة وخالتها مريم ناضو لكوزينة يكملوا شغالهم فتوجاد الغدا .. تجمعوا العائلة تغداو وبقاو مجمعين اجواء العيد بحال لي معروف كتكون دار العامرة كلشي كيجي يبارك العيد ودراري صغار كيلعبوا ومعاهم سي مصطفى لي جالس فوق الزربية وكيلعب مع حفادو ماشاء الله نور ساطع من وجهوا لباسو ابيض ديما ولحية مزين الوجه ديالو وداير طريبيش ابيض مشبك.. داز يوم جميل واخا كان فيه شوية ديال التعب .. داز اسبوع مور العيد وفهاد الاسبوع دار مكانتش كتخوا من الغادي والجاي ولالة فاخيته دوزات اسبوع فدار اهلها ورجعات مشات بحالها هيا ولدها زياد وسي احمد رجعات الايام عادية واميرة رجعات لروتين اليومي ومع العطلة غير كتسالي شغالها كتمشي لصالون غير هيا وجدها منعازلين يحفضها ويعطيها فالقواعد ويعلمها كيف تقرا بلا اغلاط.. حتا جا نهار لي صونات وحدة من جيران على لالة راضية وعرضاتها لعرس بنتها لي غيكون بيوم السبت شكراتها لالة راضية وبركات ليها ودخلات بحالها وقالتها لسي مصطفى ولكن رفض انهم يمشو بحكم عرس غيكون فيه غنى وشطيح رفض وبعدما رغباتو لالة راضية وطلباتو يخليهم يمشيو واخا غير نص ساعة واقف واخا هوا معجبوو حال.. 

سي مصطفى : كااع هادشي لي قلت ليك اليوم وكتبتيه حفضيه فأي وقت نقدر نقوليك عرضيه علياا 
اميرة: واخا اجدو ان شاء الله 
سي مصطفى: هاد مجلد لي كتكتبي فيه هادشي احتافضي بيه وكل مرة راجعيه باش متنساي والو 
اميرة: ديما كنراجعوا الله يوفقني 
سي مصطفى: يلاه نوضي حطيه مع الكتب لهيه ورجعي نكملو 
اميرة : واخا .. اليوم واش غنعرض عليك القرآن ؟ 
سي مصطفى: اجي بعدا جلسي 
اميرة: هانا باسم الله 
سي مصطفى: المرة فايته ابنتي رجعنا موضوع من اخلاق القرآن بالأيات ديالهم شنو قال عز وجل فكتاب ديالو العزيز فكل صورة وقلت ليك حفضيهم فين شنو درتي! 
اميرة: اه حفضتهم وراجعتهم مزيان 
سي مصطفى: امم ايوا دابا غتقوليهم لياا كلهم نشوف 
اميرة: واخا منين نبدا 
سي مصطفى : امم نبداو من الصدق هوا الأول 
اميرة: واخا بالنسبة الصدق قال سيدي ربي ياأيها الذين ءامنوا اتقوا الله وكونوا مع الصادقين... 
سي مصطفى: واخا والتواضع ؟ 
اميرة: واحفض جناحك لمن اتبعك من المؤمينين... 
سي مصطفى : مزيان والرفق! 
اميرة: اذهبا الى فرعون انه طغى فقولا له قولا لينا لعله يتذكر او يخشى 
سي مصطفى: الصبر! 
اميرة: يا ايها الذين امنوا اصبروا وصابروو 
سي مصطفى: الرحمة ؟؟
اميرة: واحفض لهما جناح الذل من الرحمة وقول رب ارحمهما كما ربياني صغيراا 
سي مصطفى: مزياان وبالنسبة للحياء! 
اميرة: ألم يعلم بأن الله يرى
سي مصطفى: والأمانة ؟ 
اميرة: امم نن اااآ فاعفوا عنهم..... 
سي مصطفى: (قطعهاا) لاا غلطتي ماشي هياا 
اميرة: ااااوه ياا ربي نسات ليا هادي 
سي مصطفى محفضتيش مزيان 
اميرة: لا لا والله حفضت غير نساني شيطان الله يخزيه 
سي مصطفى : واخاا يلاه إن الله يامركم...! 
اميرة: ااااممم اووه إن الله يامركم بالمعروف! 
سي مصطفى: لااا 
اميرة : مشكيلة 😞😞
سي مصطفى: بشوية عليك فكري انا مغديش نقوليك 
اميرة: ان الله يامركم أن تؤدوا الأمنت إلى اهلهاا!!!! 
سي مصطفى: مزيان هكاك 
اميرة: لله الحمد،😊 
سي مصطفى: العفوا ؟ 
اميرة : فأعف عنهم واصفح ان الله يحب المحسنين
سي مصطفى: ممتاز الشكر ؟ 
اميرة : وإذ تأذن ربكم لئن شكرتم لأزيدنكم ولئن كفرتم إن عذابي لشديد.. 
راضية : (داخلة ) سي مصطفى صافي الله يجعل البراكة راه بنت حلقها نشف من صباح (حطات اتاي ) 
سي مصطفى: هادي راه بنتي وبغيتها تكون من الصالحات المتقيات راضي عليها الله والواليدين 
اميرة: 😊
راضية: وشربو دابا كويس د اتاي ورتاحوا 
سي مصطفى: حتا نكملو مبقاليناش بزاف 
راضية: لي بغيتو هاني نمشي نجيب واحد القميص كنخدموا لشي ناس مهمين.. 
اميرة : بصح بصح لمن الميمة راضية : منقولكش كملي مع باك سيدك هانا جاية 
سي مصطفى : يلاه ابنتي تكلمنا على شكر ودابا الإستقامة! 
اميرة: بالنسبة الإستقامة قالى عز وجل فكتابه العزيز فاستقم كما أمرت ومن تاب معك .. 
راضية : (جلسات حداهم ) 😊 
سي مصطفى: سلامة الصدر ؟ 
اميرة: والذين جاءو من بعدهم يقولون ربنا اغفر لنا ولإخواننا الذين سبقونا بالإيمان ولا تجعل في قلوبنا غلا للذين آمنوا....
474

سي مصطفى : الله يرضي عليك ويكون منك ويجعلها من الصالحين.. 
اميرة: اللهم آمين آمين 
سي مصطفى: كوبي ابنتي شي كاس وجيبي ليا ديك التسابيح راه محطوط حدا المصحف 
اميرة: واخا جدو 
راضية: ماشاء الله هاد بنت مضوية علينا هاد دار متبتة ومرزنة 
سي مصطفى: كلشي من تربية ياا راضية هاحنا عطانا الله 3 دراري وجوج بنات فاخيته مزوجة فدارها ومريم هاهيا غتزوج والدراري مفيهم ربح لا ابراهيم ولا اسماعيل مزوجين وبولادهم ومتشوف حتا واحد مسكد كل نهار نسمعوا غوات فدار واحد مع مراتو 
راضية: ايوا يا سي مصطفى كل نعجة تعلق من كراعهاا بجوجهم ختارو يتزوجوا بيمن بغاو ودارو لي بغاو مشورونا محشاوها ليناا حتا وجدوا عااد قالك يلاه تخطبوا معاناا ياك حنا بعدا معلينا لومة مشينا درنا صوابنا معاهم وكل واحد عطيناه سكنة معانا فدار ايوا يضبروا راسهم الله يسهل عليهم يدير كل واحد دارو ويكونو مفرقين وليداتهم كيجيو عندي كنحط ليهم لي كتب الله ويمشيو هادا جهدنا 
سي مصطفى: واحد سعيد ماعرفت فين هوا! 
اميرة : (جلسات حداهم) هاك اباسيدي 
سي مصطفى : الله يفرشك بالرضى 
امين : آمين ☺
راضية: سعيد واحل غير مع كونكور خاصو يدفع البوليس 
سي مصطفى: ماعرفت هاد دري غتكون منو الكاينة ولا حتا هوا غيرجع بحال خوتو شريت 3 كرجات كل واحد خدا واحد بقا ليا انا غا هداك لي داير فيه السلعة حتا يجي عوتاتي سعيد يقوليا الواليد خاصني داك الحانوت 
راضية: لا موحال انا سبق ليا قلتها ليه قلتو بلاما كل ساعة تمرض راسك وتدفع ليهم هاهو حانوت دباك عمرو بالسلعة وقضي الغراد مبغاش قالي داكشي لي بقا 
سي مصطفى: هاي هاي لا داكشي لي بقاا غا نعطيه الحانوت ونمشي انا نكري واحد اخور باش ولدك يخدم 
راضية: هههههه كلشي يفوت اسي مصطفى ايوا حتا هوا مبغاش قاليك انا مقريتش باش فلاخر نمشي نبيع ونشري 
سي مصطفى: ايوا يضبروا راسهم 
راضية هادا مكان اميرة خوي لجدك اتاي راه طلقات فيه الشيبة 
اميرة: واخا الميمة 
سي مصطفى: شنو قوليا دابا غتمشيو العرس 
راضية ان شاء الله الا كتاب قلتها لمريم مبغااتش تمشي غنمشيو غير انا واميرة 
سي مصطفى: كون غا درتو مناقس من هاد العرس وجلستوا فدار 
راضية: مجاتش حشومة جيران والمرا كتسالني رزقها خاصني نرضو ليها 
سي مصطفى: ايوا سيري نتي بوحدك وانا خليلي بنتي غتقصر معايا حتا ترجعي 
اميرة: ههه 
راضية: لا لا غنديها معايا تنشط شوية حتا هيا مسكينة مكتمشي لفين غاا دار وجامع عوتاني تجيها القراية 
سي مصطفى: وعرفتي شنو نشوفوها هيا واش تبغي تمشي معاك ولاا تبقا معايا ويلاه ههه 
اميرة: هههه 
راضية: 😒 غتمشي معايا واصلا هيا باغا تمشي 
سي مصطفى: ممعناش حتا نشوفو شنو قلتي ابنتي تبقاي ولا تمشي! 
اميرة: انا معندي منقول بغيتوتي نمشي غادي نمشي مبغيتوش هانا جالسة هه 
سي مصطفى: ايوا معندك متمشي ديري تما غتكون دنيا مخلطة وصداع راس غير جلسي رتاحي حسن ليك 
راضية: دابا كتقلب البنت علياا ياك ايوا اسيدي غنديها معايا يلاه غاا برد 
سي مصطفى: هههه الله يجيب تسير دابا فقاش عندهم هاد الموليمة 
راضية: غدا بليل عندهم العرس غير حط لينا نحيلة 
سي مصطفى: هئ ياهدشي بالفلوس
راضية: اناري انمشي عند الناس بوجهي وهوما كيسلوني رزقهم 
سي مصطفى: شحال غادي تاخدي ليهم فهاد نحيلة 
راضية: ايوا ديك 100 درهم 
سي مصطفى: غا 50 درهم علاش 100 درهم 
راضية : وراها جات عندك فجوج رجال جوجتيهم واش نسيتي 
سي مصطفى: وهيا شحال جابت ليك على هاد الحساب 
راضية: ايوا مغديش نبقا عاقلة على ديك الوقت لي دخلات كتكمسها ليا فيدي باش غنعرف شحال جابو 
سي مصطفى: سمعي خودي ليها 50 درهم والله يجعل البراكة ويلا كانت شي موليمة خرا عوتاني خودي ليها 50 درهم 
راضية: 😒😒 
سي مصطفى: ولا هنيونا من شي عرس كاع 
راضية: وصافي صافي دابا 
اميرة نوضي ابنتي شوفي طنجرة شنو دارت واش طابت ويلا كانت مزال زيديها الماء راها تكون نشفات 
اميرة: باقي مطابت يحساب ليا طفيتي عليها 
راضية: جدك جاب لينا لحم دشي عجل شارف وقيلة عيات البوطة مترني 
اميرة : واخا (مشات ) 
سي مصطفى : مولف انا نجيب ليك الشارف الشويرفة 😉
راضية: (كطل ) اويلي سكت عنداك يكون شي حد فولادك طالع فالدروج ويسمعك 
سي مصطفى: سم بكم عمين فهم لا يرجعون هههه مكاين حد غير اجي نتحتو شوية. 
راضية : راك شرفتي زعمة وحفادك وصلو لزواج نعل شيطان... 
سي مصطفى: الالة ومال لي شرف ميزيدش يعيش نقتلوه ومنحسبوهش! 
راضية: سكت سكت ها شي حد طالع .. 
سعيد : 😁😁 سلام عليكم 
راضية : عليكم سلام خبار الخير 
سعيد: مكاين غير الخير... الوالد (باس يد باه) 

سي مصطفى: الله يرضي عليك اش تما 
سعيد: واخيرا حن الله غنمشي ندوز على الله.. 
سي مصطفى: ايوا على سلامتك 
راضية: الله يسر ..

داز نهار عادي فدار سي مصطفى حتا صبح نهار جديد وكيف ديما صبحات اميرة كتعاون راضية فشغل البيت كان يوم الجمعة وبعد صلاة الضهر تجمعوا العائلة على طبلة الغدا داز نهارهم كيف ديما الميمة خرجات هيا واميرة مشاو لعند الخياطة خدات ليها لبسة فالغوز مفتوح بصباطها وشان مشبك خفيف ضارو شوية فالقسارية ورجعو بحالهم الدار لبسات اميرة لبستها وقدات شانها جميلة من عند الله بلاما دير لا مكياج لا والوو عيات فيها الميمة دير غير الكحل والو مبغاتش جات فنة كتحمق.. لبسات الميمة قميصها ودارت جلابتها ولتامها على وجها وخرجوا غاديين لدار العرس لي فنس الحومة اجواء جميلة ضواو والشعبي كيخبط دخلو الدار وناس كلشي رمى عينوو على اميرة اول مرة تحضر فشي عرس موالفين كيشوفوها غير خارجة من الدار كتركب فالسيارة وتزيد وفالعشية ترجع فالسيارة ودخل لدار مكتبان ليهم لا فسطح لا فسراجم.. سلموا على مامات العروسة وبناتها والعائلة لي كانو كيستقبلو الناس وبعض من الجيران ملي شافو راضية هيا واميرة جايين جيهتهم ناضو يسلموا عليهم كلشي عندو راضية عزيزة ودايرينها فمرتبة كبيرة لا هيا ولا سي مصطفى... 
راضية: اجي ابنتي جلسي هنا حدا اخت العروسة 
اميرة: واخا سلام اختي 
....مرحبا بيكم 
اميرة: 😊 

.....1 هيي شوفي هاديك لي لهيه كبرات غير من لبارح اليوم 
......2 يااختي بااز لي يعيش مع هاد مو لحية وهاد مولات لتام مسكينة هاد درية مكتخرج ماكدرج تقولي فالحبس 
... 1 واييه لاحضتها حتا انا عمرني شفتها خارجة بوحدها يحسن عوانها 
.....3 ديوها فراسكم شوية ملي كتشوفو شي حد شاد تيقارو تنوضو تنموا فيه 
....1 اممم ميحسابش لينا اختي 
.....3 ايوا الله يعفواا 

راضية : هاهياا عروسة طالعة تبارك الله
اميرة: 😍 فنة كتحمق الله يحجبها 
راضية: الله يلحقني بيك حتا نتي نشوفك عروسة 
اميرة: ☺ احم واخا 
راضية: شنو واخاا ههههه حشمتي زعمة 
اميرة: هههه لا 
راضية: ايوا ابنتي شحال مبقيتي غتزوجي وغتخليني بوحدي بعدما ولفتك 
اميرة: منقدرش نخليك انا مغديش نتزوج اصلا غنبقاا غير معاك ومع باسيدي بارك علياا 
راضية: الله يغطيك برضاه الحبيبة .. 
اميرة: 😧الميمة دخلو رجال ناري ويعرف با سيدي عمروا يخلينا نخرجوا 
راضية: اييه ناري يلاه نجلسوا مور ناس هادو صحاب العمارية والمصور غيبقاو يدوزو من حدانا 
اميرة: نوضي نمشيو فحالنا حسن لينا 
راضية: لا غير نوضي نجلسوا شوية وعاد نمشيو اجي لهنى لهاد القنت 
اميرة: هنا حسن كون غاا جلسنا من اول.. 
راضية: مشكيلة هادي عوتاني بعدنا عليهم من الهيه وجايين يدوزو لينا كاميرة حدا كمامرنا انا غندير لتامي 
اميرة : نوضي الميمة نمشيو مخصنا صداع جينا نجلسوا شوية ندموا عليهاا 
راضية: زيدي ابنتي عندك الحق يلاه نمشيو 
الجارة: فين غاديين رجعوا 
راضية: الله يجعل كلشي مبروك مسعود الحبيبة الله يجعل البراكة المهم جينا عندك 
الجارة : حشومة كاع وصبري غا شوية نجيب ليكم حقكم من الزردة 
راضية: الله يجعل البراكة بصحتكم 
الجارة : لا لا والله حتا توقفي هنا هانا جاياا دابا... 
راضية: الله يخلف عليك 
اميرة: كون غاا زدتي بززتي عليها مخصنا والو 
راضية: سكتينا خلينا نديو رزقنا ههه 
اميرة : الميمة غير يلاهي انا محصورة بغيت نمشي لطواليط 
راضية سيري هبطي لتحت راه طواليط كاين حدا الدرج 
اميرة: ويلاه معايا انمشي بوحدي 
راضية: وغير سيري انا جايا موراك بيدما تجي لمرا
اميرة: واخا انا هابطة ودابا وانا جيت بقاي هنا عنداكي تمشي لشي بلاصة وتلفي لياا 
راضية: ههه لا غا سيري غتجبريني حداك 

اميرة: فين غنلقا انا هاد طواليط 3 مرات وانا طالعة هابطة مناقس نرجع بحالي 
.... علاش كتقلب احبيبة 
اميرة: نتي اخت العروسة يااك كنقلب على طواليط وملقيتوش 
.... اه هيا انا وهيا نتي كدوزي من حداه وطلعي من حداه ومبانش ليه هه 
اميرة: بصح مشفتووش 
....اجي معاياا انا نوريه ليك... 
يونس: سعاد فين غاديا 
سعاد: والو غادي غير نوري البنت طواليط 
يونس: اممم وااخا مزيان فين كريم 
سعاد: راه كيلبس التحت غيطلعوا العروسو داباا وسير حتا نتا لبس باش نتصوروا 
يونس: (كيشوف فاميرة ) واخاا 
سعاد: ويلاه حيد من طريق ونتا عينيك حوالوو 
اميرة: 😤 
يونس: تهلااي 
سعاد: هههه مسخوط 
اميرة: مالو هاداا 
سعاد: هههه لا لا والوو غا زيدي ها طواليط 
اميرة: اوك شكرا 

يونس: بس بس اجي 
سعاد: اشنو ياك لباس 
يونس : يلاه نطلعوا لفوق
سعاد : زيد يلاه 
يونس: قوليليااا شكون هادي 
سعاد: هادي بنت جيران. قليل فين كتبان 
يونس: علاش مالها 
سعاد: جدهااا امام مسجد واحد السيد صعيب مكيخليهاش تخرج ولا طلل ولا حتا حاجة قول بحالا فالحبس 
يونس: اواااه هادشي كامل 
ومالو هاداا 
سعاد : قول الله يستر 
يونس : نخليك نمشي نشوف دراري فين وصلو 
سعاد: اوك متعطلش 


اميرة: (خارجة من طواليط ) 
يونس: احم سلام 
اميرة: شهاد قلة احترام واقف ليا فباب طواليط 
يونس: راكي خرجتي زعمة ماشي باقا فيه 
اميرة: حيد خليني ندوز 
يونس : (مد يديه ) يونس وانت 
اميرة: 😠😠 (درمات فيه وزادت 
يونس: معقدة هادي 
اميرة: الله يهديك على نفسك 
يونس: هههه مسكينة 
راضية : (هابطة فالدروج ) اميرة هانا ابنتي تعطلت ياكي 
اميرة: لا الميمة غير يلاه نمشيو داباا 
راضية: زيدي يكون جدك مزال فايق زعمة 
اميرة : ماعرفت يكون مزال كيساين فينا... 
( وصلو لدار )
اميرة: نصوني 
راضية: لا عندي سوارت 
باسم الله دخلي ابنتي 
اميرة: الضو مزال مشعول هادا باينة جدو مزال فايق ولا حبيبي سعيد 
راضية: مزال كيساينو فدجاج ههه 
اميرة: بااسيدي مزال فايق. (باست ليه يدو ) 
سي مصطفى : اييه كنا مجمعين انا واحد السيد كان معايا عاد مشاا 
راضية: وليتي تجيب لينا رجال لدار 
سي مصطفى: علاه عمري جبت شي حد ونتوما هناا.. 
راضية : وماعرفت هادشي مزال سخون نحط ليكم تاكلو ولاا ختا لغدا 
سي مصطفى: انا مخسنيش شوفي اميرة الا بغات عطيها 
اميرة : لا ميمة مبغيتش انا غادي نمشي لبيتي نبدل حوايجي ونعس 
راضية: واخا ابنتي 
اميرة: با سيدي تصبح على خير الميمة ليلتك مبروك 
راضية / سي مصطفى: الله يرضي عليك 
دخلات اميرة لبيتها وسدات عليها بدلات حويجاتها وغسلات وجها و جمعات شعرها سفنجة ومشات حلات سرجم دوزات ليه الريدو وبقات كطل من موراه كتشوف مالين العرس.. كيحنيوا العريس وخوه يونس واقف حداه كتشووف فيه وكتذكر لقطة لي شافتو فيها مباشرة...

بقات كضور فبيتها صغيور مكون من فراش على قدها وماريو صغير فالحيط ومكتبة صغيرة خاصة بالكتب الدينية وحداها طاولة بالكرسي ديالها 
.. كل شوية تمشي طلل وترجع لبلاصتها وكتشوف باعجاب فيونس اول مرة فالحياة كيلفت اينتباه ديالها لشي شخص حتا غلبها نعاس وطاحت دودة.. 
🌴 اصبحنا واصبح الملك لله 🌴
فاقت اميرة كاعادتها خرجات من بيتها غسلات وجهها وتوضات وصلاة الصبح توجهات الصالون لقات الميمة موجدة الفطور وجالسة هيا وسي مصطفى كيفطروا.. حنات على يد جدها وجدتها باستهم وجلسات حداهم فطروا مجموعين وناض كل واحد يقضي شغالو 
اميرة سلات شغلها ودخلات لبيتها حلات سرجم وبقات كطل من مور الريدو تشوف واش يبان ليها يونس ساعة والوو ملقات غاا دنيا كتصفر بقات متكية فبلاصتها حتا داها نعاس.. فاقت على صوت جدتها كتنوضهاا جات عندها الصديقة ديالها لي كتقرا معاها فنفس المسجد وبعد اذن من جدهاا خلاها تبقا تجي مرة مرة عند اميرة حيت عرفها بنت ناس والاب ديالها انسان محترم وحتا هوا متدين 

راضية: هاهيا ابنتي فبيتها دخلي عندها 
اميرة: اهلاااااااان سكينة (تعانقوو) توحشتك 
سكينة: كون كنتي تشوفيني انااا كترر 
اميرة: غبرتي اصحبتي حتا تليفون معنديش نسول فيك 
سكينة: خصارة والله كون كان عندك غير نوكيا تقضي بيه الغراض.. 
اميرة: والله خصارة 
سكينة: نوضي سدي الباب باش نحيد خمار ديالي عنداك يجي شي حد فخوالك. 
اميرة: واخا جلسي انا نسدها 
سكينة: الله الحرارة اصحبتي ايااو نتنفس بعدا شوية 
اميرة: صلاة على نبي لي شافك بالخمار ميقولش هاد زين كولو مجموع فيك الله يحجبك 
سكينة: جلسي جلسي براكة متصبغي فيا ههه والله منوصلك واخا تنطابق السماء على الارض 
اميرة: ودابا نتي لي كتصبغي فيااا ههه ماشي انا هههه 
سكينة : انا شهادة لله اختي... ايواا شنو جديدك

اميرة: والو اختي غير حفاضة ومراجعة ودار لبارح كنا انا والميمة فواحد العرس ايوا جيت مهلووكة.. 
سكينة: امم مزيان بصحتك فالعشر ايام اواخر ممشيتيش لجامع ولا شنو 
اميرة: غاا سكتي متفكرينيش جاتني الحبيبة الحباب نهار 25 تعصبت وانا فهاد العشر عاد كنبغي نجتاهد فالصلاة وقيام الليل 
سكينة: خصاارة وحق الله 3 ايام دازت فنة فالمسجد العلمي 
اميرة: بصح شنو درتو حقة 
سكينة: كان عندنا الحفض بالتجويد وامتحان فالسيرة النبوية وكانت اللجنة وياااااااااااا الحبيبة واحد الولد عرفتي كيفتن بالزين سميتو يعقوب كان مع اللجنة صوتو كيحمق وشعروا رادو اللور والقدة ولاطاي يااا ربي سيدي جيب لياا راجل بحالو 
اميرة: ههه استغفري الله راكي غتجهلي 
سكينة: والله وكون كنتي نتي حتا يعجبك بيوضية ماشاء الله والايمان مضوي على وجهوا عندو واحد الصوت فالقراية والله منقدر نوصفوا ليك 
اميرة: زدتي فيه حتاا نتي راه غير عبد بحال العباد الله يهديك.. 
سكينة: لقيناه حناا هعهه 
اميرة: (ناضت كطل فالسرجم مور ريدو ) امم مزيان 
سكينة: شنوو مزيان علامن كطلي تماا 
اميرة: لا والوو غا كنشوف 
سكينة: (ناضت مشات جيهتها ) شكون هداك 
اميرة: اه شنوو منعرف ليه يلاه نرجعوا نجلسوا 
سكينة: امم كري كري الزوغبية هههه شكون هادا 
اميرة: وصافي منعرف فين وصلتي فالحفض 
سكينة: بااقي ياااختي شحال يلاه حفضت 44 حزب مزال وانت 
اميرة: حتا انا مزال دابا 53 الله يعيناا نكملوه 

راضية: (دخلات ) اميرة باك سيدك خرج. اجيو تشربو اتاي 
اميرة: واخا الميمة حنا جايين.. 
خرجت اميرة وسكينة جلسوا مع لالة راضية ومريم مجمعين كل مرة يجبدو موضوع فشكل.. حتا قربات تأذن المغرب وناضت سكينة مشات بحالها باش متعطلش واميرة ومريم ناضو يوجدو العشاء وراضية بقات كتخدم فالقميص ديالها حتا دخل سي مصطفى بقاو مجمعين وتعشاو مجموعين كيف عادة اميرة وسي مصطفى بقاو فايقين كتعرض عليه ويراجعوا داكشي لي قراهاا حتا تاخر الوقت.... 
ناض كل واحد مشا لبيتو ينعس واميرة دخلات لبيتها سدات عليها وحلات سرجم كيف العادة تشوف واش كاين شي حد ملقات حتا واحد جاها الملل جلسات على فالبيرو ديالها الصغيور وجبدات ورقة وستيلو وبدات كترسم من خيالهاا حتا غلبها نعاس ومشات لبلاصتها تنعس وفبالها غا داك يونس تشوفو...

داز اسبوع ونهار على نهار.. نفس الروتين عند اميرة شغل والحفاضة و جلسة مع العائلة ونعاس

صباح نهار جديد باين غاا من صباحوا... سي مصطفى مشا لجامع كيف عادة ولالة راضية ناضت توجد الغدا اميرة صبحات نااعسة خلاتها راضية حتا تنوض على خاطرها. فاقت زينت البنات غسلات وجهها وتوجهات الكوزينة حنات على يد جداتها باستها رجعات لصالون فطرات وناضت تجمع الدار خملاات سيقات جمعات كلشي مخلات موراهاا حتا حاجة... وجد الغدا دخل سي مصطفى من جامع وتبعااتو بنتو مريم لي كتقري وليدات صفار القرآن فواحد الروض حتا هيا دايرة خمار.. حطات الغدا لالة راضية وتجمعوا الحباب تغداو وكل واحد مشا يرتاح فبيتو جمعات اميرة طبلة ورجعات جلسات حدا جداتها لي كتكمل القميص. بقاو مجمعين حتا تعشات العشية وتبرد الحال ناضت اميرة دارت مقراج دالماء يطيب باش دير كسكروط... وهيا تسمع الصوني 🛎📞 
اميرة: الميمة شي حد كيصوني فالباب 
راضية : واخا انا نجاوب من الانتيرفون 
راضية: اهلان لالة زهور... واخا... مرحبااا مرحبااا انا نفتح ليك باب 
اميرة: (خارجة من الكوزينة كتمسح يديها من الماء ) شكون الميمة 
راضية: الله يرضي على بنتي هبطي طلاقاي جارتنا لالة زهور راها طالعة فالدروج هيا واحد السيدة معاها 
اميرة: واخاا 
زهور: مالين دار فينكم 
اميرة: مرحبا خالتي طلعي مرحبا بيك 
زهور: تبارك الله تبارك الله.. الله يحضر فيك البراكة ابنتي 
اميرة: (كيتسالموا) مرحبا بيكم دار داركم دخلو راه الميمة فالصالون 
زهور: الله يرضي عليك حنا نمشيو عندها 
راضية: اهلان زارتنا البراكة اميرة سيري ابنتي ديري اتاي 
زهور: مكاين لاش ابنتي تعدبي راسك غاا جلسي 
فاطمة : ابنتي غاا رتاح مجبتناش غير الماكلة .

اميرة: لا حشومة انا جاية داباا... 
دخلات اميرة كوزينة بالخفة لي عطاها الله وجدات السينية وحطات الحلوة وسخنات رغيفاات وقريشلات كل حاجة حطاتها فبلاصتها وعمر شهيوات ميخطاو من الدار لالة راضية ربااات وعرفات اش تربي... راضية وزهور وفاطمة بقاو مجمعين حتا دخلات عندهم اميرة دافعة طبلة صغيرة دالحديد بروايض ديالها حاطة فيها كلشي ودخلاتها الصالون الكبير بلدي بالزليج العربي ومزين بالزاج العراقي والترية كبيرة قد خلااا.. حطات كلشي على طبلة بشوية وبلباقة...
زهور: علااش محني راسك ابنتي غا جي كلسي معانا 
اميرة: هانا جيت اخالتي غير قبلي علينا وصافي 
راضية: قهوة ولا اتاي الحباب 
زهور: راكي عرفاني منستغناش على القهوة ديالي هه 
فاطمة ؛ حتا انا غير القهوة هه 
راضية: ههه كوبي ليهم ابنتي القهوة وكبي لينا اتاي الله يفرشك بالرضى... 
اميرة: (كتكب ) باسم الله مرحبا. 
راضية: جلسي ابنتي حدانا 
اميرة: هانا الميمة 
زهور: ايواا جبدي اختي راضية البنيتة شنو كاين 
راضية: ههه اييه سمعي ابنتي لالة زهور راكي عارفة جارتنا لي عاد زوجات بنتها وهادي لالة فاطمة مامات راجل بنتها جات تخطبك لولدها يونس 
اميرة: (😳 تصدمات) وناضت من حداهم 
راضية: ههه غا حشمات 
زهور: اويلي درية حمارت دغيا هههه 
فاطمة: هاكا كيكونوو بنات الاصل ماشي بحال دوك المقزدرين.. 
راضية : (كتعيط ) اميرة اميرة فينك ابنتي اجي 
اميرة: (فبيتها ) غير الصمت وعينيهاا مغرغرين بالدموع

راضية: سمحوليا هانا جايا نوض نشوفهاا. 
فاطمة: خودي راحتك اختي 

راضية: اميرة بنتي مالك 
اميرة: الصمت 
راضية: هضري ابنتي اشنو عندك 
اميرة: الصمت 
راضية: خرجي معايا اجي مع ناس عطيهم صوابهم وخلينا نشوفو شنو كاين.. فيه خير مرحبا مفيه خير الله يعرضو سلامة 
اميرة: لا ميمة غاا خرجي نتي انا مجياش خليني غاا بوحدي 
راضية: بنتي متقلقينيش الله يرضي عليك سمعي مني يلاه زيدي خرجي حدايا...

خرجات اميرة وجهها مزنك تخلطات عليهاا حشمة مع صدمة مفهمات والووو وتعجبات انسان لي لفت انتباه ديالهااا هوا لي غيجي يخطبهاا او هادشي العجب.. المهم خرجات لالة راضية شادة فيد اميرة وجلستها بينها وبين فاطمة.. 
فاطمة : شوفي ابنتي انا معرفت راسي من رجلي زوجت ولدي وملي رجع وجاب مراتو معاه يونس لسقني قالي والوووو تخطبيلي واحد بنت عجباتني والله شاهد عليا مكنت حاسباك هاكاا 
زهور: لالة راضية يونس تبارك الله عليه غزال شهوة منو بلاما نشكروا ليك خدام وعندو سكنة ديالو حتا هوا مع باه غتكون بنتكم جارت بنتي ههه الا قبلتو عليناا راه مغنخيبوش ضنكم.. 
فاطمة: كيف قالت زهور تشاورو مع البنيتة ومع مول دار واليديها وسولو على ولدنا ولهلا يحشمنا 
راضية: كلامك معقول اختي ايوا حتا يجي جدها ونهضروا معاه فهاد الموضوع ونعيطو لباها ونقولو ليه هادشي 
فاطمة: انا بعدا نديرها بحال بنتي وهاهياا زهور عرفاني 
راضية: باينة فوجوهكم ولاد ناس الله يلاقينا مع ماحسن مناا 
اميرة: مهضرات مقالت حتا كلمة غير حادرة راسها فالارض وكتسمع دوزو عشيتهم ومشاو ناس فحالهم وبقات غير راضية هيا وبنت بنتهاا. فالصالون.. 
راضية: ايوا ابنتي ايلا كنتو مكتابين مغادي يفرقكم حد الله يجيب ليك تسير 😢
اميرة: الميمة اناا مبغااش نتزوج خليني غير معاك مقادة على مسؤولية خليني غير قراية وباسيدي ونتي هادا ربح لي عندي فهاد دنيا 
راضية: شحال ابنتي قدك متبقاي هنا غتزوجي غتزوجي وغتمشي لدارك شوفي نوضي دابا سيري غسلي وجهك واجي جمعي هادشي انا غنمشي نرد العشاء دابا وباك سيدك دخل من الجامع 
اميرة: واخاا 😢 

كفضات اميرة على يديها كتغسل الماعن وتبكي فصمت وراضية حداها كتوجد العشاء و تمسح كيسان وتستف فالفيترية دخل سي مصطفى لدار.. ومشات عندو راضية جلسات معاه وخلات اميرة مقابلة العشاء.. عودات ليه على ناس لي جاو وبغاو يخطبوا بنتهم رحب بالفكرة وفديك الوقيتة تاصل بسي احمد وعودليه كلشي وقالها حتا لفاخيته لي جاتها خبار بحال الصدمة معرفات متقدم ولا متاخر...!! بنتها ولداتها وكبراتها وفلاخر مشات لمدينة خراا عند جداتها فاخيته حاسة بالنقص من جيهت بنتهاا ولكن معندها مدير كتحاول تنسي راسهاا فزياد ولدهااا. ودابا ملي جاتها خبار بنتها جاوهااا الخطاب بحالا جاتها خبار بنتهاا ماتت عطاتها لنحيط والبكااا حرام واش بغااات تسكت وسي احمد كيصبر فيهاا.. لاغد ليه مشا سي مصطفى لجامع يصلي بناس صلاة الضهر من بعد ما سلاو تقدم عندو سي العربي راجل زهور لعند مصطفى جلس حداه وشدو لغى .. جبدو موضوع ديال الزواج العربي هضر على يونس واخلاقوو وخدمتوا وافق سي مصطفى وحددوا نهار لي يجيو فيه كان بنهار الجمعة... رجع لدار سي مصطفى وجبد مع راضية الهضرة وعيطو لسي احمد ومراتو يجيوو... بداو العائلة فتحضيرات ديال نهار المعلوم تجمعوا يوجدوا الحلوة وشهيوات وتخمال... اميرة هاد الوقت كولوو غير محسية معرفت متقدر مااتاخر.. تشورات معاها الجدة والأم وخوالاتهاا والو ماعطاتهم حتا راس الخيط خلات ليهم الامور كلها فيديهم... بعد مدة من الهضرة عاد وفقات وقالت ليهم (لي يرضيكم يرضيني ونتوما تعرفوا مصلاحتي فيناهياا ) وصل النهار المعلوم تمجعوا العائلة فدار سي مصطفى رجال بوحدهم والنساء بوحدهم شادين الهضرة فوضوعهم.. سي مصطفى وسي احمد عجبهم الولد حشومي وباين عليه ولد ناس.. وافقوا يعطيو لالة اميرة ليونس وناضو كيباركوا مع بعضياتهم ونساء ناضو بزغاريت فرحانين غير فاخيته لي مقدرااااتش تستحمل ودخلات لطواليط وسداات عليها وانفجرااات بالبكاا.

الحاجة ربيعة: حميد فين يعقوب مزال مهبط يفطر 
حميد: لالة راه مزال فبيتو دقيت عليه مجوبنيش 
ربيعة: واخا سير شوف شغلك انا نطلع عندو نشوفوو.. 

ربيعة: (كدق✊🏻 ) يعقوب.. يعقووب..!! ولدي واش نتاا هناا!! جاوبني عفااك حل ليا الباب 
يعقوب : (حل الباب ورجع لبلاصتو ) شنو الواليدة 
ربيعة: (عنقاتو ) ولدي مديرش فراسك هاكا الله يرضي عليك راه كنشوفك فهاد الحال كنزيد نمرض حتا اناا.. 
يعقوب: الواليدة خليني بوحدي الله يرحم الواليدين 
ربيعة: عندك اولدي لمن تشكي! عندك اولدي لمن تعاود! صافي غير نمشي اناا يااك!! واخا هانا مشا ونخليك فراحتك 
يعقوب: !! (ملقا ميقول ) واليدة شدي الباب ورجعي جلسي 
ربيعة: هانا اولدي اجي جلس حدايا وقول ليا اشنو كاين 
يعقوب: نتي عارفة امي بلي نتي الوحيدة لي كنرتاح ليها كتر.. وبلي نتي قريبة ليا كتر من اي واحد اخر ومحبة لي بيني وبينك فشكل بحال صحاب. شغادي نقوليك كنحس براسي بحالا انا لي مت ماشي هند لي ماتت 
ربيعة: ولدي نتا لي ديما كنتي كتهضر ليا على الصبر ولا لاا ؟؟ ملي مات باك شنو كنتي كتقولي! ملي مرض خوك شنو كنتي كتقولي كلامك هوا الوحيد لي كان مصبرني وكنقول كلشي من المكتاااب عارفك كنتي كتبغي مراتك ومتقبلتيش الوفاة ديالهاا وجاتك صدمة كبيرة ولكن شنو المعمول اولدي انا منزلة عليك الرضى حبووس حاول تخرج وتخرج معاك لين وبدل الجو وغتخفاف عليك. 
يعقوب: بصح فكرتيني فين هيا لين دابا! 
ربيعة: راني عطيتها رضاعة ونعستها متخافش عليهاا. 
يعقوب: اوك انا غندوش ونمشي نشوفها 
ربيعة: واخا اولدي الله يرضي عليك 
_________________

بعدما ترضاو العائلة وافق سي مصطفى وسي احمد على يونس... بداو فتحضيرات الخطوبة لي غيديروها بعد اسبوعين .. وكيف كتعرفوا التقاليد المغربية والعرس المغربي وتوجااد ديالووو كيحتاج شحال من حاجة... سي مصطفى سيد مسك عليه الله بخيرو بخميروا ممخصوص من حتاا حاجة وبقوة محبتو لبنت بنتوو بغا يدير ليها العرس دالرفيع ويفرحهاا. اميرتناا دخلها الهم والغم بعدماا كان راسها خاوي من هادشي..من احلامها كانت كتمنى تكمل قرايتها وتجتاهد فحفض كتاب الله... كانت كتمنى تكون داعية اسلامية وريحة دزوااج مكنتش كتفكر فيه ولا مدخلاه لراسهاا... بحالا هيا مخلقاتش باش تزوج ..! 

اميرة: دابا شنو صافي انا غنتزوج وغنمشي نسكن مع راجل غنبعد على عائلتي.. غنبعد على ميمتي وماما لي رباوني.. جدو لي كان مفششني غنخليه .. هاد ليلة غندير قيام الليل وندعي الله لي فيها خير تجيني انا مبيدي والو ولكن الامر كله بيد الله هوا يبين ليا الخيرو فينوو..

راضية: (دخلات ) اميرة مالك ابنتي 
اميرة: لا والو الميمة غير جالسة 
راضية: طاب العشاء ولا مزال جدك خاصو ينعس 
اميرة: شعرية هاهيا طابت انا غندير ليها غير الحليب ونخرج دابا 
راضية : واخا انا غادي نخرج المعالق وتبعيني 
اميرة: واخا الميمة... 

طيبات اميرة عشاها وحطاتو لملين دار يلاه كلات جوج دغيمات ورجعات اللور حابسة دالعمة فعينيها.. تسناتهم حتا سلاو وخملات عليهم الطبلة دخلات كلشي لكوزينة غسلات الماعن الصغيرة جمعات دنيا خلات كلشي كيشعل.. توضات صلاة ومشات لوسط الدار جالسة حدا جدها لي شاد كتاب كيقراه وجداتها لي شادة قميص مزال كتخدم فيه كتشوف فجدها كيتغرغوا عينيها وتشوف فجداتها نفس الشيئ حتا مبقااتش قادرة تصبر وناضت دخلات لبيتها ونفجرات بالبكاا.. هيا الصراحة كتجي قاسحة بزااف بالخصوص هاد النوع دالبنات لي كيكونو بحال اميرة... 

فشات قلبهاا حتا برد. وناضت قامت الصلاة دارت صلاة استخارة ودعات وترجات الله ..رتاحت شوية حطات راسها على المخدة حتا نعسااات ...

صباح الصبح وشميسة غزالة داخلة من سرجم د اميرة ناضت كيف العادة بدلات حويجاتها وجمعات شعرها خرجات لقات جداتها وجدها كيفطروا غسلات وجهها وجلسات حداهم كتفطر.

فطروا وناض سي مصطفى مشا لبيتو ورجع عطا لراضية 4000 درهم ليديها و خرج.. 

راضية: اميرة اليوم ابنتي غنمشيو لقيصارية غنتقضاو انا وياك وخالتك مريم وحنان وجميلة عيلات خوالك شي حويجات ليك وغنشريو توب لقفطان ندفعوه ليك عند الخياطة 
اميرة: وماما مغديش تجي 
راضية: لا ابنتي معندها كيف دير قالت ليا غتجي حتا لسيمانا جايا.
اميرة: واخا الميمة شنو انوض ندير لغدا دابا 
راضية: لي كتب الله كلشي حداك لي جاك ساهل ديريه انا غادي نخرج مغديش نتعطل ونرجع 
اميرة: وا..... 
📞🛎
راضية: نوضي نوضي ابنتي شوفي شكون كيصوني جاوبي فالانتيرفون 
اميرة: واخااا... 
الوو. اه طلعي انا فتحت ليك الباب.. 
راضية: شكون جا 
اميرة: هادي غير سكينة جات عندي 
راضية: اه واخا وسيري لبيت نعاس جيبيلي جلابتي ولتامي بعدا 
اميرة: واخا الميمة 
..
سكينة: خالتي سلام عليكم 
راضية: اهلان سكينة مرحبا بيك كيف دايرة كيف دايرة ماما 
سكينة: الحمد الله اخالتي كتسلم عليكم فين اميرة 
راضية: مشات غير لبيتي تجيب ليا جلابتي نخرج نقضي شي غراد ونرجع 
سكينة: واخاا فيها خير اخالتي 
اميرة: الميمة هاكي جلابتك (مدات ليها ) اهلان سكينة توحشتك 
سكينة: حتااا انا (كيتسالمواا) حتا نتي مبقيتيش كتباني ولا كتجي لجامع 
راضية: هانا مشيت اميرة عنداكي تلهاي فالهضرة ويجي باك سيدك يلقا الغدا مزال 
اميرة: لا الميمة كوني هانيا غنوض داباا.. 

خرجات راضية وبقات اميرة غير هيا وسكينة عاد لقاات لمن تفرغ قلبهاا..

اميرة: يلاه ندخلو لكوزينة ماعرفت حتا شنو غنطيب اليوم 
سكينة: انا غنحيد جلابتي وندخل معاك „ ياك مغيجي حد دابا 
اميرة: لا باسيدي مزال ميجي غير حيدي واصلا الا سمع الهضرة مغديش يطلع لا هوا لا حبيبي.. 
سكينة : واخا ... اههه حقا مبرووك ناس غيتزوجوو ههه راه قالتها ليا ختي قالتها ليها خالتك مريم 
اميرة : بعدي مني راه طالع لياا زعف 
سكينة: هههه ياالحمقة نتي المسعودة غتزوجي وتجبري شكون يعنقك ويسخنك فجوف الليل. هاكي علقي هاد جلابة عنداك تكمش 
اميرة: الممسوخة شهاد الهضرة د زنقة 
هانا علقتها مور الباب 
.زيدي مورايا 
سكينة: اويلي ههه على الهضرة د زنقة وراه هادشي بصح 
اميرة: حيدي حيدي نشوف هاد الفيترينة اش فيها نشوف شنو ندير 
سكينة: وديري غا العدس واري ليا نجلس هنا نحط فوق طبلة نقشر ليك بطاطة نديرو الفريت وشلاضة ونتي صوبي شغلك 
اميرة: بصح! اوكي واخاا ونوضي غسليها راسك انا نقي هاد العدس 
سكينة ؛ ههه نعاونوك الموصيبة تندميناا 
اميرة: عرفتي والله حتا بديت نتلف على القبلة اصحبتي فياا واحد الخلعة لااا توصف تيقي بيااا والله عمرني فكرت نتزوج ولا غنكون عايشة مع شي ولد فدار وحدة 
سكينة: اييه الالة غتزوجي وتباتوو معانقين وتاكلي الحلوة 
اميرة: اينا حلوة 
سكينة: كوا هههه 
اميرة: شنوو! والله مافهمت 
سكينة: سكتي سكتي انا غنقول شي فضيحة المفضوحة هانتي غتزوجي وتفهمي كلشي 
اميرة: وباااز عليك نتي بعدا فين عارفة هادشي كامل 
سكينة: ودابا اصحبتي ماشي حنا غا دايرين الخمار راه حنا منسواو منصلاحوا. راه هادشي كولو معروف وباين زواج ضروري والمعاشرة زوجية ضرورية هادي هيا سنة الحياااة يا اميرة ونتي خاصكي تعرفي كلشي وتقراي على حياة الزوجية من طاق طاق حتا لسلام عليكم... واش فهمتي واحيدي يدك على وجهك وباركة متبقاي فيا ساهية 
اميرة: كتزيدي تخوفيني والله نتي باش عارفة هادشي 
سكينة: انا هادشي عارفاااه منذ قديم الزمن بغيناا غا راجل بغيناا غا داك المقرئ يعقوووب احيي نديرو فعيني 
اميرة: نتي غيهبلك هادا الله يلطف بيك 
سكينة : هه ايوا غاا كوني قادة وغتعيشيي احسن عيشة 
اميرة: ماعرفت اختي والله. انا ديك نهار مشيت لعرس دجيران وشفتو صراحة زوين ولكن مضنيتش غيجي يخطب 
سكينة: احح احح عليهاا كنتي مقابلة السرجم يا عفريته هههههه هانتي حصلتي 
اميرة: وصافي داباا اوووووف ياااربي 😢
سكينة: ومرضتينااا يا صحبتي بزااف اوو زدتي فيه عنداك غير من بعد تفرعي ليا راسي بيه كل ساعة تجي تعاودي ليا عليه 
اميرة: كتيقي فياا ولاا لاا...؟ 
سكينة: اممم 😒
اميرة: (شدات ليها فيديها) واقسم بالله اختي الا مرعووووودة وخايفة ومرونة ومغير حالي بزااف حاسة براسي هزيت واحد مسؤولية صعيبة وتقيلة ! بغيت نشرح ليك ولكن منقدرش نوصف ليك حالي 
سكينة: دابا من لاخر اش باغا وشنو لي غيريحك!

اميرة: صراحة براسي معرفتش مكرهتش نبقاا غا فدارنا ونبقا مهنية 
سكينة: اميرة حطي داك طبسيل من يدك واجي نقوليك 
اميرة: وغاا هضري دابا 
سكينة: لا نتي لا انا كنعرفوا ربي وكنعرفو لي حلل الله ولي حرموا ياك ولا لاا! 
اميرة: ايه كاين 
سكينة: هانتي دابا نتي مع جداتك وجدك مااا كتخرجي ماكتسراي ماوللو فوقت القراية يديوك ويجيبوك وفوقت جامع يديوك ويجيبوك... فداركم كبرتي ومعندكش الحق لا طلعي تعرشي فسطح يحال عباد الله لا والو. شنو خاصك جاب ليك الله راجل كامل مكمول ...
اميرة: (غير كتسنت ) 

سكينة: مكمول وعلى ما سمعت غيسكنك غير بوحدك غتهناي من موو وطاسيلتوو كاملة رشقات ليك توجدي الماكلة وجديها مرشقاتش ليك هانتي مكوزة ملي تجوعي طيبي جوج بيضات وهانتي شبعانة وملي تقنطي خرجي نتي وراجلك ضربيها بضورة عاالمية وفليل علياا ليا فراقش 😉 احم.. 
اميرة: صافي غاا سكتي وقفي 
سكينة: انا لي بنت مكتهضريش معاياا نيشان وملي تمشي عندو ديك ساعة ديري معاه هادشي وباز 
اميرة: وااااا سكينة نتي والله مفهناااني ولا حاسة بيااا انا عندي خوف من هادشي عمرني تخيلتو ولا فكرت فيه ولا حتاا ضنيت غن....
سكينة : نتي راه مغتقدري تهضري لا مع جداتك ولا مع خالتك ولا مع ماماك فهادشي يااك ؟ 
اميرة: اويلي لاااااااا عمرني منفكر حتا فيهاا واخا هوما يهضروا ليا على هاذشي انا منسمعووش نوض من حداهم 
سكينة: عارفة حنا هاكا واليدينا دايرين عندهم كلشي عيب وحشومة ماشي كيجيو يهضروا معانا وكداا. المهم لمن غتقدري تعاودي وتحتاجي المساعدة 
اميرة : معرفتش بالضبط والله 
سكينة: سمعي انا عارفة صغيرة والكبيرة وغنفعك فحياتك كلهاا بما انك مغتقدر تهضر مع حتا واحد هاناا موجودة فاي حاجة نعاونك 
اميرة: 😞 واش نتي سبق ليك تزوجتي باش عارفة هادشي 
سكينة : واميرة بلا مرض واهدشي كلشي عارفوو دابا تصوري داك نهار كنت خارجة من الجامع مشيت الحانوت تسخرت وطالعة لدار اويلي حتا كنرمي عيني كنلقا ولد مقنت واحد القردة مع الحيط وخدام كيخبط فيهاا البنت يلاه تكون بلغات ولا مزال هادوك وعارفين الجن الكحل باسم الله ونتي مزال معارفة والو... 
اميرة : انا ختي معندي تليفون ماكنتفرج فتلفازة ممعاشرة ناس. من خلاقيت وانا غااا قراية وحفاضة والمراجعة وصلاتي ونعاس صافي... انا دوزت يدي فهاد العدس انسد عليها طيب 
سكينة: ودغياا عنداك يجيو يلقاو الغدا مزال.. شوفي انا معاك نقريك هادشي نجيب ليك كتب المهم تفهمي وتعرفي راسك.. اجي ايمتا عندك العرس 
اميرة: سمعت الميمة كتهضر هيا وخالتي قالو مغيدوزونيش العدول فالكاغيط وقالو مانعرف اش غيديرو باش يدوزوني مفهمت والوو 
سكينة ؛ امم يمكن يعطيو فلوس مثلا ولا شي خطة بيناتهم ماتعرفي زعمة تقريبا ايمتا غتجوزي.. 
اميرة: معرفاش بضبط 
سكينة: المهم كلشي علياا كلشي نفهموا ليك قبل الوقت يلاه ديري زيت يغلى هانا قطعت هاد بطاطة.. نغسل يدي باش نصاوب شلاضة.. 
اميرة: واخاا انا نقليها غير خليها تقطر من الماء.. 
سكينة: هههه اجي اجي شوفي واحد الحاجة احم هه يعقوب حط فالباج ديالو فالفيس واحد طوف جديدة اجي تشوفيهاا...
اميرة: وريني نشوف " هوا هادااا 
سكينة: اييه يا الحبيبة كيف جاك 
اميرة: مبيهش زوين راسو ماشي ليك ولا ليا 
سكينة: زوين لياا الحبيبة عههه غيكون من نصيبي راه كنبات ندعي ليل كولوو..،

فاخيته: احمد بنتي باقة صغيرة ومعرفة والو فزواج علاش تسرعتوا هاكا 
احمد: سمعي بنت كبرات ومن احسن دير دارها شحال مطال الزمان غتزوج يا فاخيته هادشي خاصكي تفهميه متبقايش كل ساعة تبكي عليهاا 
فاخيته: والبنت شحال وهيا بعيدة علياا ومكنتش قادرة نهضر ولا نقول لمي شي حاجة كنخاف عنداك يطير ليها وتحسبها مني ناقصة ودابا غتزوج وغتسكن فمكناس علاش انا ولدت كاااع قلبي مقبووط عليااا وخيفاانة على بنتي بزااف 
احمد ؛ وغير كيجيب ليك الله راه عادي دابا تولف وديك ساعة تبقا تجي عندك وتمشي عندها ماشي شي بعد الله يهديك.
فاخيته: نتوما رجال قلبكم قاصح ومكتحسوش بهاد الحرقة لي كنحسوا بيها حنا واخاا مكبراتش معاياا واخا بعيدة عليا زواجها غيجيني حاار وغتزيد تبعد .. 
احمد: انا وحلت معاك سيري صوني على الوالد ديالك وقوليلوو انا مغديش نزوج بنتي وهاحنا مهنيين .. 
فاخيته ؛ اويلي اناا عمري هزيت عيني فبابا ولا قدرت حتا نتشاور معاه كنت كنجلس حداه بحالا جالسة على جمرر.. جيل ديالنا وتربينا ماشي هوا هاد الجيل.. 
احمد: المهم بنتك دير دارهاا ونفرحوا بيهااا معندنا منديرو عطينا لناس الكلمة ومغديش نرجعوا فيها 
... 

قلب الأم مكيحس بيه حتا واحد غير لي مجرب نهار لي كتكون دار عامرة بالبنااات هاديك هيا جنة الدنيا ولكن ملي كتخواا كتولي ضلاام.. فاخيته بنتها مدوزاتش عندها بزاف وعاشت بعيدة عليها واخا بعيدة جدها رباهااا احسن تربية واكلة.. شاربة.. مربية.. محتارمة.. مطيعة.. حنينة بزاف.. بعيدة كل البعد عن شي حاجة اسمهاا المحرمات ولكن الدنياا كتوري بزاااف وعاد كتعري على نيابهاا للإنسان..

خالد: مالك اصاحبي غير ساهي خليها فيد الله دابا يفرجهاا من عندوو 
يعقوب: نتا مزوج ياك.. كتبغي مراتك.. ومتقدرش تعيش بلا بيها وهكاك انا يااخويا كنت متمني نكمل حياتي معاهاا ولكن ..
خالد: الله يرحمهاا هانتا ربي رزقك ببنيتة منها حاول تنسي فيها وتحاول ترجع كيف كنتي راه حالك مبقا يعجب اصاحبي 
يعقوب: حاولت نصبر راسي..حاول نسى حولت نبدل الجو وهكاك ومقدرتش كتجيني فبالي ليل ونهااااار معذب بزاااف ومكره 
خالد: عرفتي شنو مراتي ديما كتقولي خاصها تمشي المغرب عند واليديها تشوفهم انا غنديها هاد سيمانا وغنرجع وانت خلي لين عند الوالدة ديالك ويلاه انا وياك نساووو الدنياا ومن عليهاا 
يعقوب: فين غنمشيو! 
خالد: فين مبغيتي اصاحبي المهم نبدلو هاد الارض ..
يعقوب: ايوا حتا ترجع 
خالد: تفقناا! 
يعقوب: نشوف وصافي مااعرفت..
خالد: ايوا يكون خير خليها فيد الله..
يعقوب: شهر جاي عندنا واحد الليلة قرآنية فهولاندا ونتمنى نكون شوية 
خالد: راه حتا انا عيط علياا لي منضمها نمشيو بجوج ان شاء الله شبان ليك 
يعقوب: مشات يحن الله „ مزال مغنفرحوا بيك تولي اب 
خالد: احم هه راه قريب جايينا شي براكة فطريق 
يعقوب: ايوا قولها اصاحبي من صباح ونتا حشمان 
خالد: ههخ نو نوو كنت باغي نقولها ليك غاا نسيت.. شنو دابا اتبقاا هنا ولا 
يعقوب: ايه يضرب فياا الهواء شوية كيعجبني نشوف فالبحر من بعيد ونبقا متبعو بعيني 
خالد: واخاا اصاحبي رتاح مع راسك انا غنمشي نخلص هادشي 
يعقوب: وغاا سير فحالك انا غنخلص وغناخد قهوة خرا
خالد: اوكي تهلاا احبيبي محبتك فالقلب والله 
يعقوب : حتاا نتاا الله يعينك..

خرج خالد من المقهى لي كان متواجد فيها مع صديق الطفولة لي دوز معاه حلوة والحاارة يدابزو وعمر دبازهم يدوز عليه ليل محبة خالصة بيناتهم حتا كبرو وكملو قرايتهم ففرانساا ولاو من قراء المغاربة المشهورين. ناس كيعرفوا الله حق المعرفة ماشي بحال شي وحدين لي داخلين غاا جبهة وشادين الدين من قاعوو..

داز نهار مرون عند اميرة غير تفكير وحدة معارفة زواج بيدايتوو من نهايتو. ولات كتخمم غير فالهضرة دسكينة كتبغي تسولهاا ولكن الحشمة كتغلب عليهاا ومكتعرف ماتسول كتبقاا غاا تفافة.. من بعد متعشاو العائلة كل واحد شد بيتو ساد عليه كلشي نعس الاا اميرة حاطة راسها على المخدة وكتشوف فالسقف وترجع تسد عينيهاا وترجع تحلهم وكتخايل راسها عروسة لابسة الابيض وشاد ليها فيديهاا راجلها وترجع تنوض وتخلخل راسهااا باش تنسى ولكن مكيجيها فبالهاا غا هاد الزواج. 

اميرة: اوووف واش انا منفكرش فشي حاجة خراا من غير هاد زواج. انناهئ اهئ كون غاا ممشيتش لداك العرس كون غاا بقيت فدارنا شنو غندير دابا معندي مندير وعلاش اصلاا غنتزوج داباا وانا مزال يلاه عندي 16 عام واش انا تقلت على با سيدي وبغا يصيفطني ..نمشي لعندي مي احسن لياا ونكمل قرايتي تماا 😭😭😭😭 اوووه حاسة باحساس فشكل واش كلشي بحالي ولا غير انا هاكاا. واش انا طبيعية ولا غكنتوهن.. !! وقيلة معندي حل نفوض امري لله وصافي هادا مغندير...لا لا ولكن كيفاش ، مصاب غاا يجيني نعاس اللهم نعس ولا نبقاا نفكر فهادشي.. 

بقات اميرة مشطونة وراسها مرون حتا قرب آذن الفجر خرجات توضات.لقات جدها خارج الجامع وجداتها فصاالة الصغيرة كتسبح فوق الصلاية.. رجعات لبيتها شدات عليها لبسات لباس ابيض ديالها خاص بالصلاة فرشات صلايتها وصلاة ركعتين لله بخشوع ودعات لله يفرجها ويسهلهاا عليها سجدات وبكات وفرغات قلبها على الذي لا يغفل ولا ينام.. بعد اآذن الفجر اداتها فرضها ومباشرة نعساات.. طايحة طيحة وحدة حتا قربات الضهر ناضت مطفوجة شعرها طالع فسمااء والمخدة هاربة ليها والريدو داخل مع شقاق ديالو الشميسة.. ناضت كتحك عينيها وتفوه جمعات شعكاكتهاا ولبسات بيجامة طويلة وخرجات نيشاان لدوش غسلات وجهها ودخلات الكوزينة لقات جداتها كتوجد طاجين ..

اميرة: الميمة علاش منوضتينيش وخليتيني ناعسة 
راضية: ههه طللت عليك لقيتك مزندحة غاارقة فنعاس مبغيتش نوضك ابنتي. 
اميرة: واخا يلاه عيني نكمل عليك انا هادشي 
راضية: لا لا غا سيري تفطري راني خليت ليك فطورك تما وديك ساعة جمعي الدار 
اميرة: واخا فيناهوا جدو 
راضية: خرج قبايلة مشا لجامع راه الضهر دابا غتوذن 
اميرة: صافي واخا الميمة باقي شوية د الخليع لي جابت ماما 
راضية ايه راه مزال فسطل شوفي فالبلاكار لي لهيه حدا ثلاجة 
اميرة: هناا 
راضية: اه جيبي كرسي جبديه سخني لراسك وديري عليهم بيضات وفطري
اميرة: وااو ريحتو كتشهي 

سخنات اميرة اتاي وجدات فطورها وداتو لصالة وحطات كتاكل وكتفرج شدات تليكومند وجلسات كتقلب فالقنوات..اقراء..الرسالة.. ناس.. قراءن الكريم.. فور شباب.. طيور الجنة.. قنوات غير دينية ملقات فاش تفرج برامج كلها معاودة وشي كيطيبو فيها حتا بداات كتقلب ودخل فالقنوات الأجنيبة والعربية وشداتها من 1لقات دوزيم باديا فيه صباحيات دوزيم المغربية....كدا حتا وصلات القنوات الاجنية وهيا طيح فواحد اللقطة جات نيشان معاها قبلات ساخنة ومشهد مغري بزااف بقات غا كتفتف مرمشااتش وقف ليها الريق فاللحلق وهيا تقلب القناة فالبلاصة.وسرطات ريقهاا 

اميرة: يعع غيلووف يخخ استغفر الله العضيم 

وبقات كطل واش جا شي حد جاا .. وكتخلخل راسهاا باش متبقاش كتفكر ديك اللقطة...طاحت فواحد قناة خليجية خاصة بالموضة والجمال حطات التليكومند وبقات كتفرج وتغمس فشحيمة وتهز البيض ودوز باتاي 
.وعينيها على واحد المرا كيقاد ليها الراجل الحجبان حيدهم وكيعاودهم بالقلم كمشات سيفتها وتغيلفاات من المنضر ديال الحجبان كيف رجع ولباسها لي صدرها كيبان وراجل مرا مرا يدوز يدو جيهت صدرها..

يتبع ...