خديجة: يمكن حيت نتي مكتلبسيش دك لباس لي لمعري كتار من المغطي وحيت نتي محتارمة وممزوقاش كيف لمونيكا دعاشورة
حسان:خديجا سكتي
خديجة :هاء علاه انا شنو قلت
سيلين: شنو قلتي ؟
تيسير:وصافي سكتو عوتان تنوضوها تاني فيكم غي صداع
مونيا:اش قلتي
خديجة: نعام نعام
سيلين: excuse my
حسان:ومشيتي فيها
تيسير:هههه لا مقلت والو
مونيا:وهيداك
تيسير:عنداك ضربيني
حسان:منصحكش اتيسير راها واعرة فدق
تيسير:ومعندي ميسالك
العربي دخل بعكازتو كيطقطق سلم على تيسير وعلى سيلين وهو كيطل على صدرها وقبل ميجلس شاف فسداري عنداك تكون شي حاجة عملاتها فيه جلس وشاف فخديجة وهي تحول عينيها وهو هبط عينيه وبدا كيستغفر الله ناضت طامو نزلات العشا تعشاو ومشا كل واحد لبيتو مونيا فرشات فالارض ونعسات وسيلين نعسات فوق ناموسية
. اصبحنا واصبح الملك لله
فاقت خديجة فصباح بكري دخلات لعند مونيا فيقاتها ناضت مبوقة بنعاس غسلات وجهها ودخلو للكوزينة خديجة كتعجن وتوري مونيا وهاد الاخيرة كتحاول تتعلم عملو لمسمن يطيب مني وجد حطو كلشي فوق طابلة ناض حسان لابس عليه تشيرط فالحمر وسروال كحل وجلس تبعاتو طامو و العربي
خديجة :سماع انعلمك واحد درس زوين خاصك تقول الحقيقة الا اذا ضطريتي تكدب والا كذبتي خاصك تكون صريح فكذوبك الا ادا كنت صريح مع الكداب و الكداب ايتيق مقلتي من كدوب داكساعة كيكون الكدوب اصرح من الصراحة و الصراحة اكذب من الكذب وكيوليو كيف كيف فهمتي
حسان:هاه شنو
خديجة: مفهمتيش اوا نمشي حتى تفهمني... يلاه ناضت وهو يرجع يجلسها حسان:جلسي سمعيني انا عارف راسي غلطت معاك البارح جرحتك وقلت كلام مخاصنيش نقولو مهم انا مقصدتش انا.. انا كنعتاذر سمحيلي
خديجة:مسمعتكش
حسان:قلتلك سمحلي
خديجة :ها مسمعتكش
حسان: ضحكي عليا و اجي نسمعالك من جيهة تانية (قلبها فوق الفراش وجا فوق منها
طامو:صاوبو غي بيضات وتوماطيش وشي طورطية صغيرة يوجدو دغيا
تيسير: سيلين متبقايش تقربي لشي حاجة مكتعرفيلاش
سيلين:والله مبلعاني
تيسير:صافي سكتي
مشات خديجة ومونيا طيبو ووجدو داكشي فنص ساعة حطو فوق طابلة وبداو كيتغداو
تيسير:وهدا هو الغدا
خديجة:ايه سعداتو لي يتزوج بمونيا تشبعو شهيوات وعاد زوينة مناقصها والو
طامو: اسعدي ببنتي يانا
تيسير:واكولو كولو
تغداو وناضو جمعو طابلة خرج حسان هو وتيسير مشاو للقهوة حيت حسان خدا كونجي من الخدمة بما انه يلاه زوج وتيسير اصلا عندو شركة وهو مولاها جلسو فالقهوة كيتقهواو
حسان:وكيفاش القضية دسيلين؟
تيسير:خههه متخممش بزاف من بعد وتفهم كلشي ونتا كيفاش حتى تزوجتي
حسان:لقيت لبنت لي على ذوقي معندهاش مع الولاد وعمر شي حد قاصها من غيري واخا فيها تشيطين
تيسير:الحب الحب
حسان:واسير سير
. عند خديجة
بعد مكملو غسيل لمواعن دخلو لبيت دخديجة ومونيا جبدات ورقة وستيلو وبدات كتعلم خديجة الارقام و ابحروف
مونيا:همم دبا بعد معرفتي لحروف عاوديهم كلهم بلا متشوفيهم وخا ماشي مرتبين
خديجة:الف ياء تاء جيم راء......
مونيا:واداكرتك قوية
خديجة:وشنو يسحابلك
مونيا:اوكي عطيني شي كلمة كتبتدا بحرف الالف
خديجة:هممم ارنب
مونيا:وبتاء
خديجة:توت
مونيا:وبالقاف
خديجة:قحبة
مونيا:ويلي مين تعلمتي هاد الكلام
خديجة:هخه كنت كنخرج كنلبس جلابت با وصباطو ونغطي وجهي ونخرج كنمشي ونجلس فلقهوة وكنبقا نطصنت على لولاد ونعا كتكون عامرة كنخرج بلا منخلص وحد مكيعيق بيا
مونيا:ويلي ويلي على مسخوطة نتي زعمة حمقة مقطعة لوراق والله حاصني نتعلم منك
خديجة:وتي داكشي،كيجي على غرادة ودبا كملي
مونيا: شي كلمة بحرف الباء
خديجة:بغرير
مونيا:واتي شمن بغرير خههه هادي داريجة بغيت لغة العربية
خديجة: انا عارفك كتكذب عليا انا دخلت عليك ففيسباك (فيسبوك)باسم مرات سراق زيت ونتا قلتيلي راك مزوج ووالد
حسان:وينو كتبكي على هادشي نونو سكتي صاف سمعيني انا غي قلت هكاك باش تيقي اقسم لكي يمينا و انا عندي فبالي بنت وحدة هي نتي حيت عارفك اش كتسواي فخبارك انا وليت كنحماق عليك ولكن علاش عملتي مرات سراق زيت كون عملتي شي حاجة اخرى
خديجة:معجبكش صاف المرة الجاية نعمل مرات الخنزير
حسان:وات شكون انا خنزير لمك كتقلبي على شي قتلة دالعصا
خديجة: وازيدي دبا تانمشيو لدار ماما ونعطيك وحدة جديدة وهيا لي لبسها اتعجبو
مشاو لدار دعويشة غي وصلو بداو يدقو حتى حلا وهي تقول:من حقك اولدي تردها لدار راها شيطانة راها كتنقز وفعايلية اصلا عرافتك اتردها من نهار لول
خديجة: مي
حسان: ههههخخ مهم نخليكم دك ساعة ونرجع موراهم... مشا حسان دخلات خديجة وسيلين وعويشة خاصها غي تعرف شكون هي سيلين خرجات جدات خديجة عباسة سلمات على خديجة وعانقاتها
عباسة بهمس: شكون هديك مونيكة
خديجة: واتهلاي فيها راها مكتسواش
عباسة: كوني هانيا.... قربات عند سيلين سلمات عليها وعانقاتها حتى كانت اتخنق وطلقاتها: هيه كتشبهي لبنت عمت خالي زوييينة الله يحجبك من العين اتفو اتفو...دفلات ليها فوجها
سيلين: ايخ علاش دفلتي عليا (مسحات وجهها )
عباسة: هادو عاداتنا الهبيلة بش حد ميعينك دخلي دخلي ايه خديجة دك ساعة عطيها متلبس توتوتو بقيتي فيا احبيبتي معندك متلبسي كيف كيقولو لي زوين معندو زهر
خرجو ولي شاف سيلين كيبدا يضحك عليها وهي مرضاتش ومعرفاتش علاش كيضحكو عليها جاو الولاد وبداو كيقولو:وا الحمقة و ا الحمقة... هزو الحجر وبداو يشيرو عليها وهي بدات كتغوت وتجري وهوما تابعينها وخديجة كتموت بضحك حتى كتحس بشي يد جبداتها وصرفقاتها ومن غيره
حسان:علاش خرجتي ومتسنيتينيش لدين مك وعاد زايداها بتجرجير فحال بنات ق** زيدي قدامي لدار عمرك باقا تمشي ولا تخرجي لشي بلاصة من غير معايا
خديجة:واع طلق مني
حسان:زيدي براكة متغوتي زيدي شوهتينا
تحنات خديجة ليدو وعضاتها طلق منها وغوت وهي تطلق رجليها لريح موقفات حتى وصلات لدار ومن حسن حظها خلات سيلين الباب محلولة دخلات مباشرة لبيتها وتخبات تحت الناموسية
.سيلين:وا اهئ اهئ ضربوني بالحجار
مونيا و تيسير:حابسين الضحكة حيت منضرها كيضحك بديك جلابة وعاد شعرها تشعكك وترون ووجهها ولا كلو حمار
تيسير:ههه احم صاف متبكيش
طامو:وصاف اسيسين را خديجة عزيز عليها ضحك ميسحبلهاش ايوقع هكا وعاد خافت عليك من كلام ناس عليها عطاتك جلابت باها ايه مالها جبهتك
مشا حسان معصب جبر البيت خاوي رجع خرج كيقلب عليها برا والو خرج من دار وتوجه لعند عويشة لتكون رجعات لتماك دق الباب وحلات عباسة
عباسة:اهلا اهلا بولدي حسان دخل دخل تجلس مرحبا زارتنا البركة را يلاه نزل اتاي دخل
حسان:لا جيت غير مور خديجة
عباسة:خديجة مشات قبايلة هي وديك التعريجة
حسان:اه شكرا انا انمشي
المختار طل عليه:دخل اولدي دخل خالتك دارت رفيسة لعشا بقا حتى تعشا معانا
حسان:لا مرة اخرى عندي شغول بزاف يلاه بسلامة... مشا وبدا كيدور عليها فالاخير رجع لدار شاعل دخل لبيتو وهو يبان ليه رجل تحت ناموسية قرب طل بانت ليه ناعسة جبدها من رجلها وهي فسابع نومة هزها ونزلها فوق الفراش زول ليها جلابة فطنات بيه ومبغاتش تحل عينها خافت عنداك يتعشا بيها بشي قتلة مدها وغطاها ونعس قدامها
ناض تيسير وتبع سيلين دق الباب ودخل لقاها كتبكي وكتجمع حوايجها تبعاتهم مونيا كتصنت من مور الباب
تيسير:سيلين غادي تمشي ولكن نتي واعدتيني انك تخلي مونيا تغير وحنا يلاه فالبداية
سيلين كتهضر بجهد:مستحيل نبقا ولو دقيقة انا تعرضت للاهانة نتا عارفني كنت عايشة فامريكا وعاد يتيمة مين غدي نعرف هاديك جلابت الرجال وخا عائلتي مغربية ولكن ماتو وانا صغيرة وانا دبا مبقاش كيهمني انها هانتك نهار قلتي ليها كتبغيك مكيهمنيش صافي راها مكتبغيكش نساها عليك ونساني معاها اوف
مونيا بعدات من الباب وهي مصدومة مشات لبيتها وبدات كتبكي بعد متذكرات منين كان عندها 14 سنة كانت كتبغيه ولكن كانت متكبرة وحاسبة فراسها كتقول هداك غي حب عابر جا عندها وعبر عن حبو ليها ولكن هي قدام الجميع هانتو قدام تلاميد وكلشي داك نهار سافر مشا لامريكة قرا تماك ورجع خدمتو فرباط وهي ندمت وعاد مزادت بغاتو ولكن متوقعتش انه يكون باقي عاقل بقات كتبكي وتندب فراسها وغبائها
مونيا:سمعني...انا انا كنعتاذر سمحلي حيت عملت هيداك مراعيتش لمشاعر ديالك ولا للعشرة لي كانت بيناتنا قبل منتبدل ملي مشيتي عرفت معزتك عندي وبلي انا كنبغيك
تيسير:مزيان
مونيا: ما اتقول والو
تيسير:(الصمت)
ناضت مونيا وهي حاسة بلي كرامتها تهانت دخلات لبيتها وبدات كتبكي وتلعن اللحظة لي نهانت فيها
حسان يلاه جا يردهالها وهي تشدو طامو مفرقاتو منها غي بلهالايطريه
عند مونيا
بقات كتبكي فبيتها حتى دخل لعندها تيسير وهي تمسح دموعها
تيسير:مرضيتيش ياك هكا انا حسيت او اكتر شفتي ودبا سكوت حتى يجي خوك ومرتو ادا كانت مزيانة نخطبك من عندو نمشي نجيب مي و الواليد اه والعرس بغيتو مور سيمانة من الخطبة باش تكون فراسك خصني غي فوقاش نتزوجو حيت صبرت بما فيه الكفاية
مونيا:ها
تيسير قرب وباسها من خدها :نوضي غسلي وجهك يلاه ابكاية انا انخرج لبرا ليجيو ويفكرو غالطا
خرج ودخلات مونيا لدوش غسلات وجهها وهي طايرة من الفرحة
. عند خديجة
خرجو من المستشفى بعد مخلصو ركبو فالاوطو وتوجه مباشرة لسوق شرا الخضرة و الفواكه والحوت وداز للفرماصيا شرا دوا وداها لدار دخلو لقاو مونيا جالسة هي وتيسير ناضت مونيا كتجري خدات خديجة للبيت وعاودات ليها اش طرا وخديجة فرحات ليها بزاف وقالت ليها بلي هي حاملة مشات طامو غسلات الحوت وشرملاتو وحسان شعل الفحم بدا كيشوي و دار كلها عمرات بريحت الحوت خرجات خديجة وهي عايفة الريحة
خديجة: اخ شهاد الريحة تفو
حسان :دالحوت ياك مشهياه
خديجة:انا مشهياه مشوي ماشي ريحتو
حسان:وضروري ريحت تطلق
خديجة: هاء صرطها ولا سفها ريحة مبغيتش نشمها انا انرجع للبيت موصلاتوش ريحة غي يوجد جيبو
مشا تيسير ودازت يوماين جاب عائلتو وخطبو مونيا وكيف تافقو مور سيمانة تزوجو ومشاو لرباط اما خديجة فطيلت حملها كامل وهي كتتفشش على حسان وفترة الكونجي سلات داها معاه للمدينة فين كيخدم فطنجة فلاغجونص دطونوبيلات خدا خديجة لطبيب سمع عدل ليها صناتة وولات خديجة كتسمع مزيان دازو الاشهر كيطيرو حتال نهار لي اتولد فيه
ناض حسان هزها ونزل ركب فالاوطو مباشرة للمستشفى دخلها وهي كتغوت سبقوها هي لولة حيت لقاو الولد محلولة ولدات بعد اربع ساعات وعناء طويل بنت صغيورا وخديجة غيبات
@اصبحنا واصبح الملك لله
حلات عينيها خديجة لقات العائلة كلها مجموعة قدامها وحسان هاز مونيكة كتحرك
خديجة:اويلي فوقاش جيتو ونتا احسان كتلعب بمونيكا
الكل بدا كيضحك وحسان غنزر فيها ومدها ليها:هادي بنتك ابنادم
خديجة:ويلي صغيرة حبيبت ماماها فنيكيشتي
المختار:شنو اتسميها
حسان:ندى
خديجة:ندى العمر
مونيا:ويلي اسم كيحمق
بدات ندى العمر كتضحك وخديجة حنات راسها باستها وهي تشدها من شعرها مبغاتش تطلق كتجبدو وخديجة كتغوت مفكاتها غي مونيا
الصمكة الجزء الثاني والأخير
محتوى القصة
التنقل بين الأجزاء