السلالة المجنونة الجزء 11

من تأليف ساومي ليان
2019

محتوى القصة

رواية السلالة المجنونة

أمجد كينقز بشويية :بووشعاايب شكااندييرو. .
بوشعيب تاواحد جاي كيجري :الريااضة ابااا. ..
أمجد :اييه هاد المgدورة لي قاال عمك...
فهد :ولااش...
أمجد :واابغيت نولي بحال طانسيو بات فوخريليطو..gااع يحماقو عليه واخا هو عندو واحد الصدر قدااش مع واحد الطحشة مربعة فيها تلاتة العgاابي و..
بوشعيب :ياالله الواليد كممل. ..
أمجد :فرقني علك ظابا رااني كنهضر. ..
فهد :الحاج نخليك. ...
وبدا غادي جهة كامي وجلول أما أمجد عاشافهم :واادااك برقوق العرس تاابعد من الطفلة راها حااملة دابا تصدق موحمة علك وتخرج لينا شي فيخرة بحاالك...
فهد وقف عليهم مخنزر :كااميليا.. 
هزت راسها فيه حمرة من البكا مع هي دغيا كتخمج هبط عندها جلس قفازي ودار يديه على وجهها...
فهد :كاامي حبيبتي ماالك...
كامي طلقت من جلول :فااهد ااااهي اناا راني كلت اشكلاط لي جبتي لياا...(بقا عاكيشوف فيها جابت ليها الضحكة بدوك التعابير للكثير بوجهها)...ااااهي مغتعنقنييش...
فهد جرها من عنقها لصدرو كيضحك :هههه هبيلة تااعي...
كامي لقاتها من الجنة والناس تمخشت فيه مزيان وشدت بيديها بجوج فتيشورت تاعو و بقات تنحط بحال شي بعلوكة و عمرات ليه التريكو كامل بالدموع و الخناين
جلول حاط يدو على حنكو:وااو.. رومانتك😍
امجد لاح الحبل لي كان كينقز بيه و برك يشوف:ايه ايه المسخ.. انا فيامات الحاجة كلتوم (تف تف دكرنا السمن و العسل) كنت نحشم ندوي معاها قدام مي و با.. و هادو ولاو يتماخشو بالعلالي.. فييين ياماتنا حنا.. ضار لقا حتى بوشعيب ساهي كيشوف:تا شتي هادو مبقاوش يحشمو.. اييه يالاه كانوا براهش يتعالكوا عند راسنا كبروا و ولاو.. ستغفرطلاه
امجد:وااهيااا.وااا زاوجا اليمامة
متكلموش او بعبارة اخرة دارو راسهم ماسمعوهش
امجد:وا راه معاكم كندوي
بدات خارجة جميلة من لباب لوراني ديال الكوزينة بغات تلوح جلدة ديال اللحم لي شاط لعطعوط حتا بان ليها داك المنظر لاحت اللحم و مشات تجري غمضات لجلول عينيه لي كان حال فمو فيهم:المسخ المسخ المسخ... دووز تدخل تا هدشي لي مقابل يشويني فيك
دخلاتو لدار بزز منو و هو كيتركل :لن اساامحك ياا امااه
جميلة :وا گعلا تسامحني.. ويلي ويلي على البعلوك
جلول تنتر منها:وا مي خليني نتعلم
جميلة:هاويلي على قلة الحياا.. راك باقي tfol اش باغي تعلم.. هاااك.. بركت تقرص فيه.. هااا ليي باغي يتعلم المسخ.. و لكن كلشي من هاادووك لي مايستحياايوش باركين يتمعشقو ليا تحت الليمونات (شجر الليمون) هاحااي هلى الدري.. سير لبيتك ترگد.. سيير يتبعك البلا و الجلا و البياات فالخلا
جلول:وا صاافي اموي صافييي
و مشا كيتعكل برجليه

فلوبيطال ديال اميين.. او بالضبط فالمكتب لي خبطو و خرج معصب للوجهة لي كيلقا فيها راحتو
جاية كوتر كتسلت باش تدخل للمكتب حتا تفاجآت بيه محلول..دخلات كتطل بعينيها مابان ليها حتا واحد.. هي فالغالب ديما ماكيخليهاش تدخل عندو للبيرو سوا كان كاين سوا لا.. هاد المرة تجرآت و دخلات كتقلب عليه.. حلات الطواليت كتقلب ملقاتوش.. كانت بغات تفاجؤو و لكن دوماج ملقاتوش.. سرحات عينيها فالارجاء ديال المكتب الكبيير كيبانوا ليها ليزانفيطاسيو ديال العرس مجليين فالارض هوما و شي ستيلوات و ملفات لي لاحهم من بعد ما خرج معصب
كوتر فنفسها:واا هياا شي عراسية فاعلة تاركة.. نييت نجبد ديك التكشيطة لي عاماين و هي مخزونة فداك الماريو عمرني لبستها.. هااا و لكن شكون قاليا راني معروضة... لا لا كيين 3 ديال ليزانفيطاسيو.. يعنيي انااا و اميين و نوورسيين.... و لكن علاش متكونش خالتي خديجة مسكينة مامخلياني ناقصة من والو.. غنعطيها ليها و انا بلاش مانمشيش.. معرت معرت حتانشوف.. بعدا هاد العرس ديالمن انا لي باركة نخطط.... سيف الاسماعيلي و رتييل البارودي.. البارودي.. هاد السمية ماخافياااش عليااا...... دييييك عود لاباني لي لااصقة ليا فشهبووبيي.. ايييه ولاااه ا خالتي خديديج لامشيتي اااناا ليي غادية 
هزاتهوم خشاتهوم فصاكها و مشاات
حتا بانت ليها واحد الممرضة خارجة من قسم الجراحات:عفاك.. ممكن نسولك؟؟ 
الممرضة بعجرفة:وي سولي 
كوتر خنزرات فيها:مهم... معرفتيش امين فين مشا؟؟ 
الممرضة:اولا سميتو موسيو امين.. تانيا شكون نتي لي كتسولي عليه؟؟ 
كوتر بتمياق:انا ختو 🙂
ممرضة جمعات راسها:اا سمحي ليا امادموزيل رااه غير حييت واحد الوحدةديما كتسولني عليه و.. و 
كوتر:بلا بلا بلا.. فين نقدر نلقاه او فيين مشا
ممرضة:خرج معصب و خبط الباب و مشا خرج
كوتر صافي عرفتو فين مشا و نقصي من ديك البوخ لي فيك ولا نفشو ليك فهمتيني.. ابب.. يلاه تشاو 
لكمالة من بعد و غتعرفوها حبوباتي

عند هنادي لي بعدما عياات من البكا فعلا اصعب حاجة هي تبغي شي حاجة ماديالكش اساسا.. من اللول مكانش خاصها تعمق فهاد الحب الباطل لي خرجات منو خاوية.. ندمات و كرهات النهار لي قررات تخرج فيه للشوبينغ ديال الهباال مع البنات ندمات على اي نهار تلاقات فيه معاه.. ندمات على الاعتذار لي قدماتو له حيت كون گعما اعتاذرات مكانش غيوقع هدشي كامل.. جبدات الصلاية ديالها و مشات توضات و لبسات عبايتها و بدات كتصلي.. غير سجدات و بداو دموعها كيطيحو بلا متحس كتدعي فالله و كتنخصص... كتدعي فالله ينسيها واحد الشخص كانت هي كتدعي انها تبقا معاه.. تناقض صعييب بين الوضع اللول و هاذا... كملات جوج ركعات.. جمعات الصلاية و كملات فالبكا.. حيدات العباية و ناضت تشبحات فوق الناموسية شعلات التلفازة لقات افلام تركية بادية و اول مرة مغتنجاذبش لشي ممثل .. اكيد حيت قلبها عامر بواحد اخر.. كتشوف فالتلفازة و ساهية:كيفاش اهنادي عطيتي لراسك الفرصة باش تبغي واحد مزوج و ببنتو.. كييفاش واش على قلة الرجال.. دبا انا غنتسما خطافة الرجال.. كل مرة گالسة معاه فالقهوة و دييماا لاصقة فيه... كان خاصني نستنتج هدشي من اللول.. غير من حركاتو الباردة و.... كملات فالبكا عوتاتي حتا تحل لباب و دخلات اشراق.. شافتها كتبكي و عينيها منفوخين:هاانادي... ماللك كتبكي.. مشات جرات ليها وجها بين يديها.. شكون بكااك قولي ليا.. سمعات رتيل الهضرة و ذخلات عندهوم:الخواادرية مالك؟؟؟
هنادي :مامالي والو غير بعدو مني
رتيل:و اللهماا نتزعزع حتا تقولي ليا.. و هدا لي بكاك واللهتا نجبد لمو عينو
هنادي كتخبط فالمخااد:انا لي بكيت راسي ااانااا السباب..حتا واحد مابكاني. تلاحيت فواحد المتاهة انا لي خااسرة فاللخر... و مكنتش عاارفة و حتاهو ماعاارف والو
مروة متكية على الباب كتشوف فيها بحسرة:على امين؟
هنادي :و شكون غيدير فيا هاد الحالة قدو شكووون
اشراق:مالو عاودي لينا كل حاجة بالتفصيل
هنادي شافت فيهم بألم:مزوج
كلهوم:ككيفاااش... جات مروة كتجري كتمسح ليها وجهها :ششووفي.. غيكون غير شي سوء تففاههم و.. ومفهمتييش... مييمكنش
اشراق :واش قالها ليك؟؟ 
هنادي عودات ليهم كلشي و بالبكا و النحيط 
تلاحت فيها ىتيل كتعنق فيها :ماينفعش تبقاي متكية و كتبكي عليه بحال شي مسطية... هنااك ربي منو.. ماحدك باقا مدرتي حتاحاجة خيب من هدشي 
اشراق:انا فالعشية عندي الطيارة نتي كتبكي 
هنادي طلقات من رتيل و مشات عنقاتها:غتبقا بلااصتك اشريقة 
اشراق:عندي فكرة.. نهبط انا وياك للبحر؟؟ 
هنادي:مافياش غير سيري 
اشراق:بالبييجااما.. شي خرجة مسطية بحال الشوبينغ ديال ديك المرة 
هنادي بقات كتشوف فجهة وحدة و كملات البكا و هاد المرة بجهد:اييييييعع اناااا عاد بدييت ننسا و فكرتيني فأول مرة تلاقيت معاه هئ هئ 
رتيل:نوضي باراكة عليك راك طيبتي عينيك نووضي 
لاحت عليها مروة زيفها و عطاتها السوارت ديال اللوطو و مشات هي و اشراق للبحر يشمو الهوا و منها يتغداو 
خرجو من البيت هي و اشراق و رتيل و مروة كل وحدة مشات لبيتها 
خرجات هنادي كتحر فرجليها و عينيها منفوخين بالبكا و حمرين.. تصادفات مع غهد و كامي لي جايين معانقين و كامي كتوصل ليه حد كتفو و غاجين كيضحكو.. لوهلة تخيلات راسها هي و امين فهاد اللقطة و دازت دمعة هاربة من عينيها و لكن دغيا حيدات هاد الافكار بعدما شافتو عنق اشراق كيسلم عليها حيت مغيرجعش فالعشية.. و شاف فيها لقاها كتبكي و عينيها حمرين 
كامي:هنادي ماالك ؟؟؟!! و مشات شدات ليها فايدها 
جا فهد دخل ليها شعرها فالزيف و عنقها عناق اخوي.. مسح ليها دموعها:معرفتش شكون بكا ليا ختي التانية و بدا كيضحك
نسيت مقلتش ليكم.. هنادي و اشراق مراضعين اذن هناجي و فهد خووت بالرضاعة
هنادي :بادلاتو الضحكة:دبا عاد تفكرتي راني ختك !! 
كامي شافتها مقلقة:تمشي معانا نتغداو برا.. تشهيت السوشي و غنمشي ناكلو يلاه معانا 
هنادي :لا بلا منحرم عليكم انا غير غنمشي نضرب دويرة نفوح و نرجع متقلقوش.. فهدووش... تهلاا فكاراميلو و مشات و خلاتهوم كيشوفو فيها 
تبعاتها اشراق كتعتر فالبانطوفا و طلعو نيشاان للبحر..
كانت 4 ديال العشية و باقين ماتغدا حتا واحد فييهم 
عند صفيفو و شهبوبها 
وصلو لواحد الريسطو يلاه بغاو يجلسو حتا بدا التيلي دياال شهاب كيصوني :الو.... وي.. ضروري؟؟.. معاش تقريبا... كان خاصكوم تعلموني قبل.... واخا انشوف كيندير... 
صفاء:ياك ماكين باس. 
شهاب:طلبي لي بغيتي انا غنمشي لواحد النجوة كنت انا الرئيس ديالها و مخاصنيش نتعطل 
صفاءنمشي معاك 😍
شهاب:ميمكنش راه 
صفاء شدات فيديه:عفاك عفاك عفاااااك
شهاب:عاارفك كتطيري و غتديري شي موصيبة لاهوما تبقاي هنا و غنكمل و نرجع ليك 
صفاء:هاد المرة غندير عقليي و مندييرش الصداع 
شهاب بدا كيضحك لهضرتها الطفولية:كتفكريني فبنت خويا الصغيرة.... نوضي يلاه و لكن كنقسم ليك الااا درتي شي مصيبة غن... 
قاطعاتو:مايكون غير خااطرك كلمة دياال الرجال

كيكوو😄 (كوتر)
كيكوو😄 (كوتر)

مشات صفاء مع شهاب ل الندوة لي عنوانها المرأة و الاكتئاب و بما ان شهاب طبيب نفسي فهو الرئيس ديالها حيت هدا هو اختصاصو و هو اجرى بالاسبا و النواتج و الحلول
مني بدا الاجتماع و صفاء حاطة يدها على حنكها كتشوف و مرة مرة تسرق نظرة من شهاب لي كيهضر بجدية 
واحد:على ما قلتي اسي الدكتور ان الفلوس ماشي هوما لي كيضمنو السعادة.. حيت اغلب حالات الانتحار كانت من سيدات موفرة ليهم گااع حاجياتهم و من هنا نقدرو نقولو بلي الفلوس هوما آخر اسباب الاكتئاب 
صفاء هزات غيه راسها :اشكون قالها ليك اسيدي؟؟ محتاااجين الفلوس قالاك علااه الا مخديناش البينگاا باش غنعيشو 
غمز السيد لشهاب باش يسكتها و يخليه يكمل:عفوا..احم المهم..اكدت الاحصائيات ان اغلب مشاكل المرأة مرتكزة حول الراجل سوا كان راجلها او خطيبها او كيكون طرف من حياتها العاطفيه كيكون من اهم اسباب الاكتئاب ديالها ... اذن بااش تخلص من المشاكل ديالها خاصها متخلييش شي راجل يدخل لحياتها و السلاام 
صفاء دوات لشهاب فودنو:واش رضوى تحولات لراجل و انا مفخباريش؟.. تا هذا اش كيخرمز 
شهاب:راه باقي مبتدئ خليه يهضر
السيد 2:انا ضد الافكار ديالك.. المرأة محتاجة رااجل.. او محتاجة بالأحرى ل شخص سوا كان خوها ولا باها ولا اي فرد من عائلتها يحتويها (صفيو النية) 
فلتات صفاء من شهاب:وا راه كلنا شابعين احتواء من طرف الدولة و جلالة الملك حتاهو يحتوينا بحنانه و عطفه و بالقرعة المقدسة و بكل اداة مقمقمة تتوغل في الاعماق(دبا غير خسرو النية) سمعات التقرقيب برا:عااش الماليك الله يطول فعمر سيدنا 
السيد 3:لالة واش غتخلينا نكملو الله يرضي عليك 
صفاء:و نتا ممكن تسكت حيت ماشي سوقك
السيد 3:اشنو قلتي
صفاء:كيف سمعتي.. و متبقاش تقرقب صباطك صدعتيني
و رجعات لوضعيتها متكية بملل
و كملو هوما هضرتهم لي كتعتبرها خاوية و بقات كتشوف جهة شهاب لي منتابه معاهم و كيشرح ليهم بيديه و هي ذاايبة فتفاصيلو:الله يا ربي الله اش هاد الزين عطاني ماي گود (my god)
شهاب تحنا عند ودنها و كيهضر و كيشوف فلاخرين بابتسامة مصطنعة:مني تفكري.. فكري بشوية ماشي كلشي يسمعك اش كتقولي.. و بعدي من الميكرو شوهتينا 🙂
صفاء حطات يدها على فمها و خرجات عينيها:اوماي سيدي ربي.. زعما نكون خورتها بالمزيان ياك؟؟
ضربها بصباعو لراسها:تخصار الهضرة نتفاهمو عليه من بعد
صفاء بلا مبالاة :اوك بب😒
بقات متكية ساهية مرة كتشوف فيه مرة كتشوف فهادوك لي كيبلابليو حداها و مافاهمة منهوم والو.. وصل الوقت و خرج كل واحد مشا للوجهة ديالو ناض شهاب هز الفيست ديالو من ورا الكرسي و جا بغا ينوض صفاء لقاها ناعسة.. ضورها حركها و لا مجيب بحالا ميتة.. و بلا منحتاج نعاود ليكم على حمار الليل لي كيضربها و هي ناعسة هزات يديها حتال للسما و خبطاتو.. هدشي طبعا بلا متحس.. معرف باش تبلا و خااصو يردها ليها.. قرب ليها مزيااان ركز فملامحها و شد ليها نيفها بصباعو حتا نقزات:ايه ايه كنت غنموت
شهاب:باش لمرة الجاية نوريك تصرفقيني🙄
شهاب :يقطع فراقشي الا صرفقتك هابب (سدات فمها بعدما عرفات مرة خرا انها كتفكر بجهد) داز من حداها كيضحك و خربق ليها شعرها:نوضي نتغداو راه فيا الجووع
* * * *
عند هنادي لي باركة سااهية فالبحر و كتفكر فهجشي لي وقع ليها.. لي قلب ليها حياتها سفاها على علاها فظرف نهااار.. داز قدام عينيها شريط دوك الايام لي دوزاتهم معاه.. الضحك لي ضحكو فالوقت دياال الروبو فالخدمة.. و فاش تجرح من يدو على قبلها.. و قاد ليها الزيف مني طاح ليها.. المواقف الرجولية ديالو گااع دازت قدامها.. راجل مستحيل يتعود نهاائيا واخا تفكر تبغي واحد اخور فبلاصتو (و انقل فؤادك حيتما شئت من الهوى ما الحب الا للحبيب الاول) طااحت دمعة على حناكها لي تنفخو بالبكا 
اشراق:هنادي... غتمرضي بهاد البكا صافي اعتابري ماوقع والو و هدشي كاامل غايتصلح مع الوقت 
هنادي :و لكن راااه فقلبي ااشرااق.. اه كلشي غيتصلح و انا غتبقا عنجي ديك العقدة و عمرني غنساها 
اشراق:نتي قربتي تتخرجي طبيبة.. بقا ليك 5 شهور...فكري بإيجابية.. حياتك غتولي ملكك.. مغتبقايش تصرفي بفلوس باك
قاطعاتها:و غنبقا نشوفو كل نهاار... كل دقيقة كل...هئ يااربي 
اشراق كتحاول تهدئها:اوكي اعتابريه كاين هنا و جا عندك.. اشنو غتقولي ليه؟؟ 
هنادي شافت فيها مطولا و انفاحرات بالبكا :نتا خرجتي عليااا.. من اللول ماكااانش خاصك تقرب مني... من اللوول متوهمنييش بشي حاجة مستحيلة... معمرني غنسمح ليك معمرني غنسمح لرااسي.. اا.. 
و تلاقت الأعين و توالت الصدمات و طواالت الشوف بيناتهوم.. ضارت اشراق باش تشوف لقاتو هو.. و شكون غييرو 
* * *

عند فهد و كامي لي وصلو لواحد الريسطو حدا البحر و بغا يدير فيها جنتلمان جر ليها الكرسي و هي مشات گلسات حدا الشرجم و خلاتو.. ههه جرو و گلس فيه هو النيت
فهد عيط لسيرفور:عفاك جيب ليها سوشي ب...
كامي:لا لا مبقيتش باغاه.. بغيت الحريرة بالحمص
السيرفور:لا هادي ماكيناش.. مي كاينة واحد لاسوب بحالها تقريبا مي زايدة عليها الحلزون
كامي فرحات:اه اه جيبها ليا.. (ببرائة) و نتا افهدووش؟
فهد شاف فيها بمعنى اش هدشي :مهم.. بغيت لازانيا
مشا السيرفور
كامي بدلع:مالك افهدووشيي مقلق
فهد ابتسم لطريقتها فالهضرة جا قرب ليها و جر ليها نيفها:و لي عندو بحالك يتقلق... نتي لي مالك هاد الايام باغا تضربيني
كامي شدات فيه:نضربك و منخلي لي يضربك
فهد:شتي مني كتضرافي شحال كتباني زوينة
كامي:هي انا كنت خايبة
فهد :بدينا تاني.. شفتي شحال وليتي عصبية
كامي حطات ايدها على وجهها:انا براسي معرفت مالي يمكن مع الحمل ولا.. معرفتش.
فهد خربق ليها شعرها:ماشي مشكل هاد الايام كااملة غتدوز.. باقي 8شهور و يتزاد عندنا وليد ولا بنية و يكون بحاالك و يعمر علينا الدار
كامي سااهية كتخيل فدكشي لي كيقول ليها
فهد:خاصنا نمشيو عند الطبيبة باش نتأكدو من الصحة ديالو و نشوفو ليك حتانتي هاد العصبية تحيد منك
كامي هزات راسها مصدومة:الطططبييبة؟؟ ؟
فهد:اه مالك؟؟
كامي قربات لعندو بهمس:كنخاف من الاطباء بزااف
فهد:علاه بالسلامة غتولديه فالدار؟؟
كامي حلات عينيها:لا لا ميمكنش... مفكرتش فهدشي
فهد:احبيبتي تكالماي راه شي حاجة عادية
كامي غوتات حتا كلشي ضار عندها كلشي:شي حاجة عادية حيت ماشي نتا لي غتولدو و تعذب فيه... (بشوية) اوبس.. سمحليا نفاعلت شوية
فهد:كاميليا هادي هي سنة الحياة نتي غتعذبي فالولادة و من بعد انا غنتكلف بكلشي ماكين لاش تصدعي راسك
كاميليا:شوف.. عفاك مبغيتش نمشي عند الطبيبة... الولادة ماشي مشكل باقي ليها 8شهور. ولكن الطبيبة نو هي نو
فهد:راه مغديرش لك شي حاجة صعييبة
كامي:فهد.. كيفاش كيقلبو الجنين؟؟
فهد :و مني معارفاش لاش كتبكي عليا من الصباح
كامي:لا لا مبكييتش بلا باطل.. دبا قوليا
فهد:كيحطو واحد الكريم(ليان:معرفتش اش كيقولو ليه) على الكرش و كيخدمو ليكوكغافي و كيطلع فl'ecran الجنين و كيتسمعو دقات القلب ديالو
كامي :صافي ؟؟؟ ااو انا يحسابلي غيكون دم😒
فهد بغا يعصبها:و لكن فالولادة مكيينش غير الدم... الدم و شي حاجات خراااين 
كامي تخلعات:لا.. لاا.. عفاك.. متفكرنييش... (داز قدام عينيها شريط الولادة لي وراتو ليها ديك صفاء الصگعة باش تخلعها) ناري لااا مييمكنش انا مفكرتش فهدشي
جا السيرفور حط ليهم دكشي
كامي بغات تنسا و تبدل الموضوع:فراسك اللازانيا ديال المغرب غتجيك باسلة مقارنة مع اسبانيا حيت اسبانانياا مشهورة بلي باط و اللازانيا
فهد:لا راه الطاليان لي معروف بهدشي 
كامي عرفات راسها غبية و مرضاتش:اه ايواا صافي حيت عنكوم نفس اللغة قلت يمكن عندكوم نفس الماكلة (و خبطات راسها) اش هاد الهضرة اكاميليا تجلجتي 
فهد :ههههه لا ماشي نفس اللغة غيير شي كلمات لي مشابهين 
كامي بضحكة صفرة:ااه.. هههه.. دابا حنا مني غتوصل القراية غنمشيو لاسبانيا ياك... و انا حاملة كيندير نقرا؟؟
فهد:يمكن ليك تبركي فالدار حتا تولدي و قراي..و الولد خليه عند الوليدة 
كامي:كول كول هدشي باااقيي عليه الحال حتا يزيد و نسميوه سعيد 
فهد:و خااصك من دبا تعلمي اللغة باش تهضري بيها تماا 
كامي:كتزدني هم على هم.. هزات اللازانيا و وكلاتها ليه 
فهد:كيجاتك دييك الحريرة لي شربتي 😂
كامي:من دااكشي... واعرة 😋
فهد:هذا هو المهم. .. خودي ليك شي حاجة اخرا
* * *
خليونا من هادو 
نمشيو عند شهاب و صفيفو 
دخلو للريسطو و گلسو جا السيرفور طلبو اش بغاو 
صفاء لقاتو ساكت و معرفات متقول :امم عاود ليا على راسك كتر 
شهاب:شنو تبغي تعرفي متلا 
صفاء:اي حاجة 
شهاب:عندي 31 سنة... 
قاطعاتو:عارفة 
شهاب :كنسكن فحي ******..... 
صفاء قربات بذهول:حلف... واااو اذن نتا برجوازي 
شهاب:الاااا اش كتخربقي راه حي عاادي بحال ديالكم غير فيه الناس عندهوم مناصب و صافي
صفاء:احياااني على التواضع.. اييه زيد 
شهاب:الوليد مات فاش كنت فالباك و بقات الوليدة لي مربياني انا و خوتي... عندي ختي التوأم.. 
صفاء:وااااااو حتانتا عندك التوأم ديالك... صدفة مقو...اا هيهي صدفة زويينة 
شهاب :وخليني نكمل.. سميتها.... 
صفاء:اه سميتها الشهبة (شاف فيها بعدم فهم) زعماا نتا شهاب و هي الشهبة. احم.. اوك كمل
شهاب:سميتها شهد مزوجة و خويا كبير سميتو عبدالصمد مزوج و عندو بنت 
صفاء:اذن كاين غيير نتا و مك فالداار.. (وااو الا تزوجنا الراااحة و السياحة) 
شهاب:يمكن.. مي مرة مرة كنمشي لداري 
صفاء(:واااو هي بوكو حبة.. اصلا المرأة لا يهمها المال تريد رجلاً يحتويها) 
شهاب:و نتي؟؟
صفاء:مالي؟؟.. اا.. اوك.. انا صفاء البارودي عندي ختي توأم سميتها مروة راك عارفها.. و ختي كبيرة سميتها هنادي طبيبة.. و عندي واحد النابغة خويا الصغير سميتو امين واناري اش كيدير للقراية.. زعما منقوولش ليك.. وا فاات مروة و هنادي 
شهاب:هي نتي الكسولة فيهم 
صفاء:لا.. دبا.. فهمتيني غلاط.. زعما..... اه انا الكسولة فيهم و لكن جبت 16 فالباك واخا النص غير بالنقلة و لكن رااه القراية فالدمااغ 
شهاب :اهاه و شنو كتفكري تديري 
صفاء:نولي بسيكوباط 😁
شهاب:اش كتقولي؟؟
صفاء:زعما نولي بحالك 
شهاب:بسيكولوگ
صفاء:هزات كتافها:بحال بحاال
شهاب:لا.. بسيكوباط هي هبيل..
صفاء:هدوك لي كيشاليو بحوايجهوم فالدروبة؟ ؟
شهاب:اييااه 
صفاء ترخاو عليها ايديها و شدات فالطبلة:ناري على شوهة 
شهاب بدا كيضحك و تحطات الماكلة قدامهم و بداو ياكلو في صمت و هي كتجنب تشوف فيه 
صفاء:اخ نسيت مكملتش ليك... عندي واحد جدي سبيطار غير بوحدو.و عندي كلب سميتو بنعطية و كنعيطو ليه عطعوط
شهاب:كتدوي منيتك؟؟. 
صفاء:متقاطعنيش.. عمي عسكري و بنتو الوحيدة سميتها رتيل... و عندي.........
و كمللات ليه السلالة كاملة حتا تقادات ليها الكاسيطة و سكتات... شوية.. الراجل لي مواراها طاح ليه البزطام و ماشافوش.. تحنات هزاتو و ضارت عندو :خووياا.. راه طاح ليك بزطامك هاك هاهو 
و تصدمااات.. اخر واحد توقعاتو يكووون تماااا 

صفاء بضحكة صفراء:هههه اش كتدير هنا
* * *عند هنادي لي بقات كتشوف فيه بعينين مدمعين و هو حتا هو كيشوف فيها بحسرة
حتا نقزات اشراق انا غنمشي نجيب الما تقدرو تبغيو تهضرو
و مشات
جا برك حداها و بقا كيشوف فالبحر و حتا هي.. و بجوجهم كيفكروا فحاجة وحدة
"'و لأننا بنفس الكبرياء سيطول الصمت'"
حتا نطقات هنادي:البحر كيريح النفس ياك؟
امين:لا.. مني جيت بقيت كيفما انا.. ماتبدل والو
هنادي:مالك؟
امين بابتسامة جانبية كيشوف فيها بنص عين:مبروك عليك
هنادي بعدم فهم:الله يبارك فيك.. علاش؟؟
امين ساهي فالبحر:خاصك تكوني فرحانة لاش جاية كتبكي هنا
هنادي :ماشي ديما كنلقاو دكشي لي بغينا
امين :مني نتي ماباغاش علاش وافقتي؟
هنادي معرفاهش علا اش كيهضر :اش كتقول نتا؟؟
امين:والو نسااي... عندك الحق ماشي ديما كنلقاو دكشي لي بغينا
هنادي كتمسح فدموعها:يمكن.. حتا نتا مقلق باينة.. دكشي علاش جيتي هنا اولا؟!
امين :لا لا انا كنجي هنا غير باش.. ن.. نرتاح و صافي
هنادي هذا غيكون تخاصم مع مرتو و جاي هنا :امم.. يمكن
امين : ماكين لاش تقلقي.. كلشي يمكن لينا نبدلوه و نرجعوه كيف بغينا خاصنا غير الإرادة
هنادي طاحو دموعها و هي كتشوف فيه:الا القدر و النصيب.. هدا كيبغينا نقبلوا عليه و نرضاو.. صافي
امين شاف فيها و رجع كيشوف فالبحر:هادي عندك فيها الحق..
و رجعو للصمت ديالهم عوتاني و اشراق من بعيد كتشوف فيهم بحسرة
هنادي فنفسها:هكذا كتقتلني هضر قول شي حاجة غير نبرد بيها شوية.. بغيت غير شي حاجة تقوليا فيقي راكي غير كتحلمي و لكن لا... هدشي بصح رضاي اهنادي بالواقع هذا ماشي ليك.. مزوج غير بعدي منو... (و حتا امين كان كيفكر بهاد الطريقة) 
* * *
عند صفاء الصگعة لي فينما حطات رجلها كتلقا ضاية ديال الغيس كتعمر ليها كمارتها.. طبعا داك الرجل كان....
صفاء بضحكة صفرة:هيهي اش كتدير هنا
فهد:راه انا لي خصني نسولك اش كتديري هنا و شكون هداك؟
صفاء بهمس:هههه هذا.. ا. ا شهاب... شوف حتال لدار و نهضرو راك فاهم كلشي غلط عفاك عفاك متهضرش
فهد:بهاد الطيران ديالك غتجيبيها فراسك.. دزتي غير حيت فرحان و مبغيتش نخرب نهاري بيك.. يلاه ضوري
صفاء:الله يزيدك فرح على فرح.. (لقات كاميليا كتدير ليها بعينيها:راك كحلتيها).. ههه كاامي.. و دارت ليها بايباي و حيدات الابتسامة المصطنعة هوما ناضوا حيت كملو و فهد باقي كيخنزر فيها و غادين و كامي كتدير ليها بايباي
شهاب:شكون هادو ؟؟
صفاء كتضور فعينيها بابتشامة و ضرصة العقل كتبان ليها:غيير كنعرفهوم
شهاب صغر عينيه بشك:هااد العينين عندك كيكذبو.. غي قولي شكون
صفاء:هاديك البنت لي كانت معاه هي كاميليا لي عاودت ليك عليها.. و.. هداك... هو خو ختي هنادي بالرضاعة.. بحاال خويا حتا انا
شهاب:و مالهوم مابركوش معانا غير نتعرفو عليهم
صفاء(نتا باغي تخرج ليا على مستقبالي ولا مالك) لا لا كانوا مزروبين.. مع هي حاملة و (بدات تدخل و تخرج فالهضرة) و عياات و معرت معرت.. بيناتهوم اخويا.. حتا تخطبني و تعارفوا
شهاب:انشاء الله
صفاء:بدلات الموضوع:شنو هوما الهوايات ديالك؟؟
شهاب :صراحة.. كيعجبوني نقرا الكتوبة
صفاء:اه بحال كن خائنا تكن اجمل؟؟ واعرة ديك الرواية
شهاب:لا كنقرا الديوانات الشعرية و القصائد و كتب علم النفس حيت كيعاونوني فالخدمة ديالي 
صفاء :نتاا مامنكش جوج.. نتا ماشي بحالهوم..كتعرف نزار قباني؟؟
شهاب:ههه ضروري
صفاء:ايوا تعنب عليا بالشعر ديالو
شهاب :؟؟؟
صفاء :زعما قوليا شي كلمات قالهم على المرأة و عجبوك
شهاب:حبك يا عميقة العينين تصوف تطوف عبادة... حبك كالموت و الولادة.. صعب ان يعاد مرتين
صفاء ذاابت:الله يا ربي الله خدشي گااع قالوا.. ناري كون كنت فزمان نزار قباني كون... لا لا شهابيي حسن... طحت للمرة الألف
شهاب:خاصك تحيدي منك واحد القاعدة متبقايش تفكري بجهد حيت سمعتك اش كتقولي
صفاء:لا راه هاد المرة بغيتك تسمع.. صافي شبعت گهمتيني
شهاب:يلاه نتمشاو جنب البحر؟؟
صفاء:اه يلاه 😍بشرط.. غنحطو التيليفونات هنا و كلشي هنا نخليوهم عند السيرفور و نمشيو باش نبقاو براحتنا
خرجو بعدما خلص شهاب و حيدو صبابطهوم و كيمشيو حفيانين..
صفاء ببدات زاعمة كتدخل و جاراه معاها من يدو و الكسوة كلها عمرات ليها بالما و حتاهو سروالو عمر بالما و باقي مسايرها فهبالها و تابعها حتا جات واحد الموجة شريرة ضرباتها حتا لصقات معاه ومايجي وجهها عافصدرو ومع الخلعة شدات ليه فالگرافات و يدها لوخرا على صدرو ومع سادة عينيها بدات كتحسس فاش شادة وكتلقا شي حاجة قاصحة حلت عينيها بالزربة وهي تلقا يديها تساراو فوق عضلات صدرو ومع الما... شوميز لصقات عليه وداكشي على الهوااء مباشرة...منقوولش لييكم هزت عينيها لي تلاقاو مع عيونو نااعسين وشفارو طوال بقات كنشووف فيه وكتحقق من ملامحو و حتا هو كيتأمل فكل انش فوجهها و النمش الخفيف لي فوق نيفها و عينيها الزورق لي بحال داك البحر لي ضاير بيهم و البؤبؤ ديالهم غادي و كيكبار كلما طولات الشوفة فيه....عقلهم وقف من الخدمة وخلا كولشي فيد قلبهم لي كيرقص على نغمات العشق والحب وقليل الحيا كيعطيهم دوك الأفكار صطغفرطلاه....استسلمو لدوك الأحاسيس لي تبناو فهاد اللحضة و بدا كيقرب ليها بواحد الطريقة بطيئة كتخليهم يتخيلو دوك الانشات لي بينهم كيلومطرات...حتاهيا بدورها بدات كتقرب ليه بحال شي مغناطيس جاارها مستسلمة لكلشي بقات مسافة قلييلة بين وجاههم حتا... تراااخخ لاحتهم واحد الموجة للأرض فيقتهم من داك السبات لي كانو فيه بجووج... طاحت فوقو نيشان ومع الما توgضت دغيا ناضت من عليه وجهها حممر وعينيها ولاو عاكيضورو وكترجع شعرها لور لي لصق عليها...هي واخا طيارة وفريفرة ولكن تجيعا لصح حشوومية.. ناضت ضورات شعرها ورا ودنخا و كتضور فعينيها كينمس
شهاب: عاق بيها تحرجات غير من عينيها لي يضورو و دفعها حتا طاحت فالما ضارت شافت فيه لقاتو كيضحك منيتو... رشات عليه الما معصبة حيت غفلها
شهاب تحنا عندها باستفزاز:خايفة على شعرك لايخسر اه؟؟
جراتو من لگرافات لي مدلية تلاح حداها مي على وجهو و ناضو بجوج و ضحكهوم كيتسمع حتال ايينا جهة 

عند هنادي لي شافت بلي الصمت مطول و مبغاتش تبقا گالسة حسات براسها مخنوقة
امين هز فيها راسو و وقف:تبغي نوصلك حيت كتباني ليا ماشي تالهيه (امين جمع راسك السيدة قريبة تزوج و نتا باغي توصلها)
هنادي :لا شكرا معايا اشراق.... مشات و ضارت شافت فيه.. تهلا فنورسين و...
مشات بلا متكمل حيت بلا متحس و قبل متنطق كلمة(مراتك) دموعها طاحوا مبغاتش تبين ضعفها قداموا
طلعات فاللوطو و بقات ساهية كتشوف فزاج.. فكرات اشراق تعنقها و تواسيها و لكن شافت راسها غير غتزيد عليها و خلاتها تفش على خاطرها
مشاو للدار هزات اشراق الباليزات ديالها و سلمات عليهم واحد واحد
زهرة:ابنيتي راني حطيت ليك فقيقصات فواحد البواطة فالباليزة
امينة:تغطاي راك مني تنزلي من الطيارة يشحطك البرد
اشراق:واخا اماما و طاتي.. باي
وصلات عند جلول لقاتو مخمج بالبكا:اييعع غنتوحشووك اصفرة الشعكاكة
اشراق عنقاتو:حتا انا ولكن لعاام الجاي غنرجع.. و همسات ليه فودنو:شعري اورنج اللوين
قربات عند محمد سلمات عليه:بنتي دييها فقرايتك لي تنفعك
اشراق:وخا اعمي
قربات لبوشعيب مد ليها ايدو باش تبوسها.. تحنات و هو يجرها و عنقها:اييه استغلي الفرصة راني معنقك.. بنتي و عمرتي عنقتها.. زيدي راك بحال بنيتي كتفكريني فالمرحومة مي كلتوم بهاد السالف
مشات عند رتيل عنقاتها بحال الدراري:لاحفظك نطلاقاو لعام الجاي ولا نجي عندك انا و حبينو سيف
اشراق:مسخوطة دبا تلقاي المكحلة عند جبهتك
مشات عند كامي :تهلاي ليا فولد خويا حتا تجي عندنا و انا نقابلك برااااسي
كامي:ربي يخليك... نتلاقاو
مروة عنقاتها بحرارة:هاد العام دوزنا مغامرات بزاف و مكانش يحسابلينا نتي هاكا.. مي... غنتوحشوك و صافي
اشراق قربو يطيحو دموعها:حتا انا
شافت ففهد و شاف فيها:سلمات عليه :راه بقا لينا غي شهر و نتلاقاو
مشات عند امجد لقاتو حال فمو فالتلفازة :الحاج
امجد مدعوق:هااش بغيتي
اشراق :مغتسلمش عليا؟؟
امجد:جايا من لاندوشين؟!
اشراق:لا غادية لاسبانيا
امجد ناض من فوق السداري:حلفي بالله.. و مالك ما قلتيها ليا
اشراق:وا راه قلتها لك السمانة لي فاتت
امجد:مفكرتينيش.. يخخ تفوو
اشراق :مال اش كنتي باغي تدير ؟؟
امجد كيطنز:جامع ليك شي صريفة نعطيها ليك تعاوني بيها على الزمان
اشراق باست ليه يديه:لهلا يخطيك علينا
امجد ميق فيها : و تيقتي.. راه غير بغيت نكتب لي شي حويجات تجيبيهم ليا معاك المرة الجاية
اشراق :على راسي و عيني غير عيط عليا و وصي ليبغيتي
امجد:الله يخلف عليك دبا سيري لا تمشي عليك الطيارة تصدقي تابعاها و ناسيا البالز... و خليني نتفرج فهاد الفريدو راه ضرب شونطال و غتدعيه
اشراق:هههه يالاه بسلامة عليكوم.. سلمو على صفاء
... خرجات من الدار جا تبعها عطعوط ودعاتو عاد مشات.. طلعات مع الشيفور حتا جات هنادي كتجري خرحات و عنقاتها كتبكي :غنتوحشك بزااف.. حياتي كاملة ملقيتش شي صاحبتي تفهمني قدك نتي (مدات ليها واحد البراسلي ديالها) هاكي هذا ديالي... مكتوبة فيه سميتي باش تفكريني بيه و تعانقوا 
مشات للمطار .. سمعات النداء ديال الطيارة ديالها. ورسلات ميساج لواحد النمرة:بسلامة.. يمكن معندكش الوقت باش نتوادعو
ومشات خارجة واخا باقا 30دقيقة للاقلاع.. حتا سمعات واحد الصوت موراها
... :اشراق تسناي
* * *
عند شهاب و صفاء لي بقاو يلعبو بالما و من بعد مشاو كلاو ليزويتخ (المحار) وخا معجبش صفاء و لكن كتاكل على قبلو
طلعو فالطوموبيل و كان الليل بدا كيطيح و هوما فازگين.. وصلوا للدار.. هبطات من اللوطو ودعاتو.. هبطات و تبعها عطاها الفيست ديالو:تغطاي على البرد على البرد
صفاء :شكرا بابتسامة مرهقة و دخلا و هو مشا للدار
دخلات صفاء كتسلت من الباب اللوراني ديال الكوزينة.. احح الحمد لله ليوم كاين الشوا غايكونو طلعو للسطح يشويو كاينة فرصة نبدل حويجي.. بدات غادية باتجاه الشجرة لي كتسلقها باش تطلع لبيتها ديريكت.. و لكن دوماج.. الزاج الكوزينة كان محلول
فهد كان كيشرب فالما حتا قشعها دايزة:صفااء
صفاء توقفات عن الحركة و ضارت بالعرض البطيء.:فهد
فهد:دابا غتشرحي ليا اش دكشي لي شفت قبيلة
صفاء:دابا هو.. هو دك البسيكوباط..اا البسيكولوغ لي كنت متبعة عندو و انا تخلعت من العيادة ديالو و قاليا نخرجو برا و منها نتغداو و يسولني شي اسئلة
فهد:اهاااه.. وعلاش فازگة؟؟
صفاء:و علاش كتسول
فهد:على مصلاحتك الطايشة
صفاء:انا عارفة مصلحتي افهد
فهد مشا و خلاها:انا حذرتك حيت الا مشا باباك حتا ساق الخبار غتكحليها.. انا غنسترك و هدشي غايبقا بيناتنا و لكن واياك تهوري و تديري شي حاجة ماشي تالهيه
صفاء فنفسها:وا لي سمعك يقول غير شي عطاية انا.. راني شريفة عفيفة.. و لكن لعواقب ديال هدشي لي قال... 
مشات خرجات للشجرة تسلقاتها و دخلات من الشرجم و حيدات حويجها و دارت راسها يلاه فاقت من النعاس و ناضت كتمتل عليهم
طلعات للسطح لقاتهوم كيشويو كل واحد و اشنو كيدير اما امينة فغير كتشوي و تعطي لكاميليا ماقاداها فرحة بيها
صفاء كتخمج فعينيها:ماما اش كتديرو؟؟
زهرة:كنخملو.. واراه باينة اش كنديرو.. علاش منزلتيش تسلمي على بنت عمك اشراق
صفاء بصوت مضهصص:كنت ناااعسة
فهد هز راسو فيها كيفاش صرعات الدور
امجد:اسكتي باراكة من الكذوب
صفاء خافت يكون عرفها:عععلاش؟ 
امجد:مني كتفيقي كيكون وجهك گااع عامر بداك الماكياج لي كتديري. ها الخضر ها الزرق ها الخنوني... راية السبليون فوجهك.. هز عكازو حطو ليها عند راسها.. اقولي فين كنتي 
ضار كلشي كيشوف فيها كيتسناو الجواب
فهد لي كان كينش لأمينة القضبان لي كتشوي:راها غتكون كانت شادة التيليفون كيف العادة حتا نسات راسها
صفاء:العزز الخوادري.. اااا بغيت نقول.. اه كنت شاداه و نسيت الوقت 
امجد:شتي الكذوب راه حراام متبقايش تكذبي
صفاء :امجد كون ماشي انا لي كابرة معاك نتيقك اابليس.. نقوليهوم فعايلك 
امجد:سميتي عبد المجيد المسخوطة 

فهدوش😌😌
فهدوش😌😌

كانوا عارضين حتا على سيف و باه و مو حتاهوما
زهرة:حنان تي بنتك اكرام مالها محضرات؟؟
حنان:مشات عند عمها للبلاد بقا ماجاتش.. نيت حتاهيا كيعجبوها الفرااخ و الماعز و الخيوانات لي تم 
منال:ايوا قولو ليها تجي باش تختار الحوايج لي باغا و علامن تبغي تعرض
حنان كتقطع فاللحم:بحال والو تجي غدا ولا بعدو راه شهر و هي تم كترات.
زهرة:و فخبارها سيف خطب؟؟
حنان:فخباارها راه غير قلة العقل ديالها مبغاتش تجي.. قاتليك بقرة ولدات عجل ليموني و بغات تبقا معاه حتا يكبر.. ههههه
صفاء ضورات عينيها بانت ليها كامي ضايرين بيها سيف و امينة هازينها فوق ريوسهوم اللحمة لي طابت يعطيوها ليها هي اللولة.. ضورات عينيها لقات جلول و امجد كيتفرجو فالبيت ديال السطح.. وقفات عليهم كي المردة
صفاء:امجد.. شتك ضسرتي..الضو كتخلصو من جيبك؟؟
امجد:و كتخلصيه نتي اعوجة الحناك 
صفاء:طفي التلفازة راك تبليتي بهاد المسلسلات 
امجد كيقلب فالاداعات:لاهوما هوما ولا بلية التيرسي 
صفاء غوتات:على نتااا كنتي مبلي بالقمرة الحااج
امجد سد ليها فمها:شش سكتي يعطيك الصمك.. جبد ليها الف ريال خضرة من جيبو:هاكي تعاوني بيها على الزمان
صفاء:واا فلووس الحرام معندي مندير بيهم ماكيسهلش فيهم الله
امجد:و نتي تعرفي الله بعدا خودي و سكتي.. تعاوني بيها غير نتي و داك بوركابي
صفاء:الحاج انا شااك فيك كنتي داير فوكونط بسمية دريا و كتجسس عليا يااك... گرر..
امجد:كيطنز:اه و كنت داخل للگروبات ديالكوم كنقرا الوصفات ديال التبييض.. وا جمعي راسك اهيا و عرفي راسك معامن
صفاء:اطفو.. بان ليها جلول حال فمو گنفاتو للقلقولة و مشات.. يخخ سلعة كيدايرة
مشات كتضور من واحد لواحد حتا بانت ليها مروة شادة تيلي و كتكتب بزربة و مركزة
صفاء قربات ليها لوجها:بااععع
طاح ليها التيلي و هزاتو بزربة و بضحكة صفرا:نعام ااختي
صفاء كتصغر عينيها بشك:اش كتديري فهاد المشقوف ؟؟اه؟؟
مروة :هيهي.. وووالو غغغير...
صفاء غوتات بلعاني باش تخلعها و غلضات صوتها :قولي شكون كين فهاد التيلي..=كتضور عليها بشك=. و علاش طاح ليك مني شفتيني.... فيه وائ....
سدات ليها فمها:اه اه فيه وائل غير سكتي
صفاء:اش بينك و بينو؟
مروة:ماشي شغلك؟؟
صفاء شهقات:بابااااا
مروة:انا نقوليك غير سكتي
صفاء:هي دابا
مروة:كنبغيه صافي هنيتي
صفاء :هايهاي على البعلوكة كبرتي؟؟
مروة:راني قدي قدك الفهيمة
صفاء:انا كبر منك ب 5 دقايق دونك زمي فمك
مروة:دابا نوضي فحالك
صفاء:اه بصح نيت نشوف دوك زوجا اليمامة فيناوما
مروة بلا مبالاة:رتيل و سيف؟.. راهم لتحت فالجردة
صفاء:اييه نمشي نحرمها عليهم
مروة:نحرمووها علييهم.
لاحت التيلي و مشات كتجري
دازت صفاء من حدا باباها و بوشعيب و بابات سيف سلمات عليهم :عمي بوش بنتك فيناهيا؟؟
بوشعيب :كتحفظ لاش بغيتيها
صفاء:امم بااينة نوض شوف بنتك اعموو
بوشعيب :وش مكاتشوفينيش داوي مع السيد
صفاء:وا قول مبغيتيش تحصلها
بابات سيف مع متدين بزاف بدا غيير كيحنحن باش تسكت هوما عارفينها مع سيف
صفاء :وا دزتو على وجه الحاج (باست ليه راسو) اما نشتت ليكم المجمع.. تهلاو
* * *
عند سيف و الرتيلة
خرجات رتيل من الكوزينة هازاا واحد الولافة ديال الگلاس فيديها ومشات باتجاه واحد الجليسة مقادة فيها طبيلة متوسطة بالزاج ودايرين بيها ديفوطوي بالgري والبيض كان سيف منشور فوق واحد الفوتوي ومسرح رجليه فوق الطبلة ..وقفت عليه ومشات جلست فالفوتوي قدامو وهو يغوبش ناض تسوخر ودار ليها بيدو زعما هابلاصتك. 
رتيل :نوووو. .
سيف :تجي ولا نجي..
هوات كتافهتا:جي 
ناض سيف على وعدو و گلس حداها و هي بعدات
جرها حتا فربها منو :هادي هي بلااصتك... (رتيل ماجاوباتوش ومضورة وجهها لجهة لوخرا وهازا قنانفها للسما)...ماال الزيين معفر (مد يدو جر ليها شفايفها )هاادو خاص مهم تقطاع. .
ضارت ليه مغوبشة :تامالك مصوفج رااني كنحس بيهم ماشي ملصقااهم. .
ححط يديه على كتفها هو ليها وجهها حتاهو و كيشوف فعينيها :ملي كتحسي بيهم حسي بيا تانا..
رتيل :ماالي محاسااش بيك...
سيف حط يدو على قلبو :ااه يا بنت البارودي عيناك أربكت قلبا تاب عن الحب
رتيل حدرت راسها كتلعب بصباعها :هههههه وااهيا ولد الإسماعيلي نتا لي تكايس على هاد القلب...
هز راسها بصبعو :متهبطيش عينيك ملي نكون نهضر معاك..
بقاا كيشوف فيها وعينيه كيزلقو للشفايفها يالاه بدا نازل وهي تهز شوكولا من داك البول وحطاتها ليه ففمو. .
سيف :شنوو دابا كتمنعيني. ..عرفتي الفريز مع الشوكولا شحال كيكون زويين وبنيين...
رتيل :ولكن مكاينش لفريز. ..
سيف دوز صبعو على شفتها التحتانية :وهادي شناهية 
وهبط على فمها كيبوس بشوية كانت قبلة فرنسية ممزوجة بطعم الشوكولاتة....غمضات عينيها وخلاتو هو لي متحكم فكولشي ودارت يديها ورا عنقو كتلعب بشعرو من لور أما هو كل ما كيقول باراكة كيزيد يغرق وسط تغرها وكيطالب بالمزيد يديه كانو فخصرها رؤوس اصابعو كيديهم ويجيبهم بشويية فوق خصرها شي لي كيخلي التيووريشة كتسرا فعروقها وأحاسيس جديدة كتنو بدااخلها...بدات راجعة بلور وهو جاي فوقها حتا تكاو تااتسمع صوت شهقة...حلت رتيل عينيها ودفعت سيف من صدرو ناض مضهشر ماعارف راسو باش تبلا ورتيل مشدتش توازن تاعها طاحت من فوق الفوتوي
رتيل و سيف :نعاام

حتا وقفو عليهم صفاء و مروة كي الزلط
صفاء:استغفر الله اش كتديرو هنا.. بوحدكوم و... 
سيف:وا مرااتي اعباد الله
صفاء:هاي هاي على الحووب و دكشي
مروة:عندنا هنا دار الدعارة.. حتا تمشيو لداركوم و ارا ما... ازطغفر الله
سيف غمض عينيه بعصاب حيت حرموا عليه هادو اللحظة
رتيل:ادوك الحلاقم سيروا تفرقوا عليا ياك راجلي
مروة:كنا نقولو صفاء لي مدودة صدقتي كتر منها
صفاء خنزرات فيها:كتهضرو عليا ف غيابي واخا حتال من بعد... و نتا انسيبي مقادرش تصبر حتال مورا العرس؟؟
سيف بهمس:راه غير مني باقي صابر حتال دبا الحمد لله 
صفاء و مروة فدقة :سمعنااك 
سيف:عرفتكوم سمعتوني 
رتيل:دبا سيروا فحالكوم
مروة و صفاء :لاااا
صفاء :الخلوة حراام الشيطان تالتكما 
رتيل:بحالا نتي و شهاب معرت اش كتبقاو تديرو 
صفاء بفخر:فيي اطاار الاحطرام الله يخليك 
مروة:امم باينة 
رتيل:مروة نفكرك فياماتك شحال كنتي دايرة من واحد؟؟ 
مروة:لا دبا ماعندي تاواحد..لونلي 
صفاء:كديديبة و وائل لي قلتي ليا كتبغيه 
رتيل حلات فمها اما سيف تفرگع حداهم بالضحك
سيف:وائل ولد خالتي؟؟ ههههههه
صفاء :اييه وييلي و كااتجوانطا عليه
مروة:يييي ابتلعيني ايتها الارض.. (بركات للأرض كتشوف فيهم) سييف عفااك و معزة رتيل عندك متقولهاش ليه
سيف:لا لا متخافيش هههه و لكن داك المصنگع تاهو يبغيوه 😂😂😂
مروة خنزرات فصفاء كتحلف عليها بعينيها
صفاء كتستفز فيها:باش تعلمي تدخلي بيني و بين شهبوبي
و بداو كيهضرو هضرة تجبد هضرة 
* * *
الفوق فالسطح حطو الماكلة و جلول بارك و يشرب فالموناضة حطو الماكلة و هنادي يلااه طالعة مگلوبة وصلات و تلاحت حداهم فديك الگلسة لي مفرشينها فالسطح تحت ضو القمر و طبلة صغيرة الوسط حاطين فيها اللحم و الخبز و شلادة و دكشي لي كيتحط مع اللحم(ماطيشة و بصلة و كمون و ملح) 
هنادي :علاش ماشويتوش فالجردة لتحت كاين فين نجلسو و الديكور مقاد
نقز جميل :و داك البهيمة ديال صفيفو كيشم ريحة اللحم ماكيتشاورش كيلحگ و يهز اللحمة الملييحة و يهرب (عطعوط) 
جاي امجد كيتعنگر:اممم الجو زويين ليوم
محمد:شي تيليفون كيصوني لا؟؟ 
امجد:ايه هاهو مليوح فلرض.. هاد البهايم هادو التيليفون غالي و هوما لايحينو (هزو بالمقلوب معرف منين ايجيه) 
هنادي :وا قرا بعدا شكون كيعيط 
امجد مرضاش يقوليهم معرفتش:هاك اوليدي جلول قرا راه نسيت نضاضري 
جلول :علاه نتا كتدير نضاضر؟؟
امجد:وا قرا و سكوت براكة من الفهامات 
جلول كيتهجا:الززز.. الزيييت ب.. بال.. بالفروونسي... 
امجد:عاودها كاملة الكاسول
جلول :الزيت بالفرونسي
امجد :بنيتي هنادي شناوا الزيت بالفرونسي
هنادي :هو ل... 
قاطعها جلول :هو l'huile اجدي 
جميلة من بعيد :الويل تغرق فييه اوليدي 
جلول بغا يشرح:وا مي لويل هو الزيت ب.... 
جميل :ماتردش لهضرة على مك و زيد تاكل 
امجد:هيهيهي وليني دكية هاد الطفلة.. كنت حاگرها المكلخة لاخرة.. لوييل..اييه و شكون هاد الويل 
[بغيت غير نشرح ليكم. سماتو الويل حيت قريبة لوائل]
خشا التيليفون فجيبو حتال من بعد و يعرف 
هنادي :و دوك الحلاقم و الرتيلة و سيف مغياكلوش 
زهرة:كولي و خليهم كون بغاو ياكلو كون جاو 
حتا وقفات عليهم رتيل:ياك ابا متفكرتينيش 
حنان:اجي ابنتي بركي حدايا
بوشعيب:سيري لبلاصتك حتا يوصلك خبزك.
رتيل:وابا راني كبرت خاصني ناكل مع الكبار 
سيف:غير يلاه بحال بحال اصلا هنا كاين الضيق 
جميل نوض جلول من بلاصتو:نوض تگعد نتا شتك ولفتي الگلسة.. سير برك مع گرانك 
جلول :و انا مالي ديما ديما حاگرني
جميل :اجي اولدي سيف گلس حدانا نتا راك ضيف 
سيف :لا لا غير خلي جلول كالس ماشي مشل نگلس تما 
بوشعيب فودن جميل :جرو عندك يگلس حداك ماخاصوش يگلس حدا ديك رتيل راها تضور بيه و انا نعرفها 
جميل:اااولااهتا تگلس حدايا 
بابات سيف :صافي اسيف عمك جميل حلف عليك 
سيف زفر و جا گلس حداهم بنفرة:صفاء كتففصو من بعيد و كتشير ليه على رتيل لي گالسة حدا جلول 
اما مروة ماداتها فحد و بركات وسطهوم.. و صفاء ضاراها كرشها من المحار لي كلات فالبحر 

رتيل جرت جلول من ودنو :يااك المسخووط لاش مجلستيش حدا بووك...
جلول :واااي وااهيا وااختي رتيلة واعاطلقي راه بوك لي حرش با يحلف على سيف...
رتيل :امممم باا....مايرحم مايخلي رحمة ربي تنزل يخخخ.... (ضارت عند صفاء لقاتها شادة كرشها)...واتي مالك تكوفرتي. ..
صفاء :ااهيا ربي غنموووت. ..كرشي كتقطع. ..
رتيل :هاااه نتي رااك دشنتي وبديتي فللاعمال والبروجيات وحناا محرما علينا تا رسم المخطط..
جلول :ياااه حليلي كتهضري بالقراية. ..
رتيل :وااشتي راه عامكنبغيش ندفع كبيير...
صفاء :ضبري بيا على شي فاانيد ولا دوا...
رتيل :لا لا فوتيني علك تصدق واقعة لك شي حاجة ولا لي فكرشك وتسبيها فيا...
صفاء بصدمة :زعماا نكون حااملة...هااااه (دارت يدها على فمها)من صباح لدابا حملت...
رتيل خبطت جنابها :هاااااويلي هي هاادشي بالصح...ااش درتي المزغووبة...
صفاء :سترينا اابنط عمي...قربي نقوول لك...
جات رتيل ماطية راسها تسمع وهو يدخل فيها جلول براسو وحاط ودنو تاهو يسمع ....
رتيل :سيير انا بغييت لك التوفيس الهيش....العما والمعمياات وضفاار الجنياات المgدوور...
جميلة كتغوت :وااديكاايه بعدي لياا من للطفل لاتحgرووش علييه. ..
رتيل :ولدك راه يخرج على قبييلة وتجييه قليلة...
صفاء :ادااك المصمك لااش خااشي نيفك بعد لهييه. .
جلول :اناا معورط لاما خليني نسمع...
صفاء كتشالي بداك القضيب لي عندها :غتمشي ولا نطلع مع مك هااد الزلااg....
جلول خااف ومشا يجري :ااامووووي عااتقي. ..
صفاء :ايييش التريكة النااقصة...
رتيل شنقت عليها :اادوي الصووبيصة. ..
صفاء :وادابا......... (خوات عليها المزيودة كااملة)
رتيل خاشية الدغمة ففمهاا قداش وكتخمم :امممم دابا هو ماباسكش. .
صفاء :اللاا (جغمت من الموناضة)....
رتيل :اييوا نوضي على سلامتك مكااين بو بجااغط. .
صفاء حطت يدها على كرشها ودوات بحزن :انا مااحملاش ايييييييع...
رتيل :نووض الله يقزبك مابقيتي تحشمي...كوولي كولي. .
صفاء :ناري غاانمشي للطواليط...
رتيل :مدي لياا دااك الحاار. ..
مشات صفاء لاحتو ليها وهبطت للطواليط...رتيل ضورت راسها ومشات جهة الشواية هزت قضيب مقااد باللحم وكبات علييه الشونية هزاتو ومشات باتجاه بوشعيب وكضحك ضحكة بريئة. .
رتيل :باا... . بوشعيب :شنوو..
رتيل :عرفتي عااشفت هااد الزلاg ولحم لي فيه تشهييتو لك....
بوشعيب مع عزيز عليه الماكلة :اييه يرضي علييك..شتي تي راك عزييز واخا نعيرك ااعلا مصلااحتك. .
رتيل :تانا اباا منفووتكش. ..
جر اللحمة لولة دخلها تبعها التانية سرط ودخل لخرا ...تماك عينيه تقلبو البيض ولا حمر والحمورية غادا وكطلع ليه لوجهو مالقا ااش يقوول كيحس بالعافية شاعلة ليه الداخل. ....عينيه غرغرو....حط القضيب وبرك كيشووف وصاابر كوولشي هزو عينيهم فيه مستغربين من حالتو...إلا سيف لي عاشافو دغيا ضور وجهو لعند رتيل لي عاشافتو بدات كضور فعينيها...أما مروى بركت كدير ليها بيدها تهرب.....
●●عند صفيفوو...
هبطت فداك الضلام للطواليط لي كاينين فداك الطابق غسلت بديها ووجهها وبدات غادا تاكتسمع شي حس للتحت تناساتو ودارت كان تاحاجة ماكاينة لكن تسمع نفس الحس وشي صوت غريب مع توشويش. .ودنيها تقلشو...ضورت راسها كتقلب...والو الطابق مافيه تاحد من غيير الصقييل والضلاام. ...الخوف بدا كيدخل معاها ولكن كابرات وبدات غادا فالكولوار كتقلب حلت الباب لول وطلت مكين تاحاجة شوية تفكرت مشات نيشان للبيتها....مع دخلت شعلت الضو كتمشي من هنا وترجع من هنا فلخر مشات للدريسينغ نيشان لواحد البلاصة فيها غيير اللوازم تاع البحر مايووات لي كاش دياولهم شورطات تاع البحر مع الطرابش وكاسكيطات وحتى لبسات الخاصات بالعومان والغطس معلقين وحداهم كاينين النضاضر تاع الما ولي كيدارو فالرجل (معرفتش شنو سميتهم )ومابانت ليها عاديك ديال التنفس هزاتها مع طويلة طفات الضو وخرجات غادا كضور فالكولوار وفين ما تحل شي باب تنقز وتبدا تشالي بديك العصا كتصحب راسها طفراتو...بقات كتقلب ووالو مكاين تاشي حاجة قربات حدا الدروج وهي تسمع الحس عرفاتو من التحت حيدت الصندالة هزتها فيديها وبدات هابطة مع الدرووج بشويية كتسلت ضورت راسها فالصالونات واالو الحال مضلم غير الضو تاع القمر لي داخل من الزاج هو لي مضوي....كملت الدروج كضور فراسها وهي تسمع الحس غادي وكيقرب ضورت راسها بان ليها شي خيال من الكوزينة مع ضو خفيف والأصوات الغريبة باقا معرفتش تاشناهوما مشات لسقت مع الحيط وبدات غادا كتسلت لاصقة معاه تانقزت قدام باب الكوزينة وبركت تشالي بديك العصا. ..
صفاء :الهاجم يموت شرع يالااه باان الجباان ولا خايف ومخبي ورا الجدران...تفووو الافلام دارو فيا حالة وليت نهضر بحالهم..المهم ادااكاايه اتخرج ولا خفتي من سيادك ليووم نعيدو علك...
باقا مكملتش هضرتها حلت عينيها حيت كانت ساداهم وكتشير....تصدمات من لي قدامهاا ويديها ترخاو عليها وطاحت للأرض فااشلة..
رتيل مشات فيها مع شعيبة...😉

فالسطح. ..
مروى كانت كديير بيديها حركات للرتيل بااش تهرب..لاخرا يالاه فهمتها ضارت كتسلت وهي تجر من صمطة تاع سروالها. ...شدة تاع البوليس ضورت راسها بضحكة متوترة...
رتيل :هههه الواليد كي جاك اللحم..
بوشعيب كيدوي بصوت مبحوح شي لي كيدل على أنه شااد الكحبة بزز :تجييك فالرااس ااااحححك يااك ابنت الحراام باغا تقتليني ااولااهلاا كانت لك...
رتل :هههههه حااشا الواليد ااش هاد الهضرة...
بوشعيب :اااححك ليووم تشوفي القمرة في عز النهاار..
رتيل :يااحلياي غاانشوف رااسي. ..مهم الوااليد شووف راه غشمووك فحقك تاع اللحم..
بوشعيب ضار بالزربة :اادووكايه حق...
نقز عماد :وااشد شد...
ضار لقا عارييح ورتيل كتجري هبط هز بلغتو حبيبتو لمساند الرسمي فالتربية. .وقنص علييها وسيفطها ليها للضهر....وهي مع الضحكة غالباها من شكلو لي حابس الكحبة وداكشي لي دارت والضربة لي فشلتها ولات كبان بحال شي زومبي معوااق بدييك الجرية. .
رتيل :وااهياا الواليد حشوومة عليك شوهتينا قدام النسااب. .
بوشعيب :يالااه يعرفو راسهم دااو خطية...
منال :شعيب رجع جلس خلي عليك البنت..
بوشعيب :هاديك ااحزوك كووووحك مسخووطة اااحححووك انا بغيت لك اكووووحك. .
رتيل :لا دعيش لادعيش الواليد أبواب للسما مفتوحة..
بوشعيب لقا راسو مزيير وهو يهبط يكحب على خاطرو...أما لالة رتيل لقاتها من الجنة والناس مشات تقندت فبلاصتو وحدا سيف لي مال عندها كيدوي فودنها....
سيف :اديك الجنية ماحشمتي زعما راه بوك..
رتيل :عرفتو بويا مالي ناكراه. ..
سيف :والله يعطينا وجهك..
رتيل :لااش باغييه. ..
سيف :ندخل بيه حمام العيالات...
رتيل :لا عادخل ونشد خووياا نحروو. ..
سيف خنزر فيها :خويا تااني. ..خاص دوك القنانف الشونية...
رتيل دارت يدها على فمها وبركت تشوف أما باه بدا كيحنحن باش يفهمو ريوسهم ومنال وزهرة وجميلة وحنان كيتغامزو عليهم....
●●عند صفيفوو....
لي باقا جالسة فلرض وشادة فقلبها...
صفاء :اااش كدييروو 
كان أمجد وجلول خاشين راسهم...ضور أمجد راسو وشي حاجة لاصقة ليه فنيفو...
أمجد :ااهيا نااري عاضوري كي المقدم تلقطي فالخبارات. ..
صفاء ناضت كتقرب عندهم ومصغرة عينيها :هااه حصلتو الكفاارة شكااديرو....
أمجد :كنسرحو الببوش. ...لااش جااية. ..
صفاء :طيرتوها مني نصحبكم عاشفارة. .
أمجد :ولااش جاية زعماا...
صفاء دارت ديك العصا قدامو :نداافع علييكم...
أمجد :بهاادي. ..باغا تخرييه ولا تعطيها ليه يحك بيها ضهرو....طرررر اوليدي طرررر عولناا علك بكري...
صفاء:وااداابا ااش كديرو هناا..
هز جلول راسو وعطس مشات عندو صفاء ضورت ليه وجهو وهي تلقا عينيه مدمعيين ونيفو حممر ضورت راسها لقاتهم حااطين بواطة تاع البزار محلولة والبزار مليوح فوق البوطاجي...
صفاء ضربت فخاضها :هااااويلي كتنفحو البزار....
أمجد سد ليها فمها :ستري ماستر الله حمييمتك...
صفاء :واعاقوليا تااقدك راه شدو الركنة كيسبحو ويصليو باش يغسلو عضامهم من المونكاار ونتاا ياالااه جااتك المراهقة. ..
أمجد :تااتياا خلينا نعيشو الشباب...
صفاء :ومزيينك بوجه....تاشبقا لك من شباب وتا تكوفرتي كي الكمشة تاع السحوور...
أمجد هز عليها العكاز :هااديك عوجة الرجلين شفتك ضسرتي ووليتي تهزي وتحطي كتاار من الكوكوط...هاودني مننك...
جلول :الله يهدييكم مضاربوش...
صفاء :نتاا سكووت غاانمشي نقوولها لخالتي جميلة..
جلول تلاح عليها :وااهياا خيتي السفة اناا معورط إلا موي....هانتي تانتي لا بغيتي تنفحي معانا نستروك. .
صفاء :أعود بالله...اناا مانكمي منسكر مانتحشش حرااام هاادشي...
بدا داخل بوشعيب :اااش كدييرو هنااياا. ..
أمجد قفز وضار كيشوف فيه :هاانتاا تشوف اوليدي حصلت هاد جوج سلااgط كيتنفحو. .
بوشعيب بصدمة :النفحة. ..
أمجد :واكن عاكانت النفحة نحمدو الله واتا راه البزار تريكة الفقر...
صفاء تصدمت مالقات ماتقول وعاحالة فمها فداك السيد لي دغياا بدل سيفتو وبرك يتمسكن...
بوشعيب :هااحاي ابليهووديين وليتو تنفحو ليا وسط الداار هاااه ادوييو ...جلوول الهيش خرجتي ليها طاي طاي ولكن كولشي من ديك العورااجة لي حدااك هي راس البلا وشعالة العوافي....
صفاء :ا...اناا...
أمجد :اييه حضيو ولاادكم ماابقااات تقة. ..
وبدا غادي حادر راسو...
بوشعيب :زييدو قداامي تاانتفااهم معااكم ااتسنااو راني نحسب لييكم... (ظاز جلول عطاه لوسط الضهر)...واخا على طاسيلتك العزي.... (دازت صفاء من حداه بجنب مع هز بوشعيب يدو يعطيها وهي تهرو تحنا كيضحك عودت هراتو من جهة اوخرا)ااهيا وااديك الزرمومية بعدي اايه الاا ااهياا...
صفاء :وارااك غاية اعمي بووش....
ومشاات كتجري تبعهم تاهو طلعو لعند لاخرين....كملوو داك العشا فللضحك والنشااط....ملي كملو تساالمو مع سيف ووالديه ومشاو لداارهم وبقااو لاخرين البنات تسلتو هبطو وخلاو المراوات واحلين فديك الرويينة...وكيف ديما طفااو الضوااو وكولشي تخشاا فبلاصتو....
الغد....أصبحنا وأصبح الملك لله...
خرج من الدوش مدور الفوطة على نصو ولوخرا ملوية على عنقو

.ضور رااسو باانت ليه غارقة فنعاسها. ..مشا باتجاهها وجلس فجنبها كيشوف فيها دوز يديه على حنيكاتها المطيبزين ومع حاطة وجهها على المخدة شفايفها خرجو وكانو محاولين شوييية ومع الصهد حنيكاتها حميمريين ويديها جامعاهم قدامها....تبسم ملي تفكر انو ليوم غانشوفو لبيبي لي دخل الفرحة القلوب الداار كااملة وهو فرحتو فرحتين انو كيتسناه ولد والتانية انو من مرتو حبيبتو...هبط طبع قبلة على خدها جنب فمها ووحدة خرا على جبينها يالاه هابط لفمها وهو يشوف شفاارها كيتحركو. ..
فهد :اممممم دايرة رااسك نااعسة....
حلت عويناتها كتشوف فيه بحب :هههه لاا..عير مبغيتش نقاطعك. ..
فهد :ياااك....
وهبط عليها بالبوساان وهي كضحااك...هادا حالها ففترة الحمل مرة تفييق راشقة ليها ونااشطة ومرة تفيق متصبحييش عليها عاضور وتنgر وتغوت..
كامي :هههههه فااهد بارااكة (شدات وجهو بين يديها )شووف شعرك باقي فاازg وبارك كضوور....اراا الفوطة..
عطاها الفوطة وناض تقاد فجلستو وهي وقفات قدامو وبركت تنشف ليه فشعرو...شوية وهي تحس بيه هز تيشورت لي كانت لابسة على كرشها وحط يدو عليها..
فهد :ليووم غانمشيو نشوفو ثمرة حبنا اكاامي...
حطت يديها على يدو :مامتيقاش بلي فداخلي كتنمو رووح...ومن أغلى شخص...
فهد :شفتي الأقدار شكون كان يقول نقدرو نتجمعو كنتي بحاال شي حلم بعييد عليا عمرو يتحقق ولكن بمشيئة اله سبحانه هاوا جامعناا وكيتسنانا فرد تالت للاسرتناا الصغيرة. ...
كامي :متشوقة غيير ايمتاا نهزو بين يدي ونرضعو ونكبرووه. ..
فهد عنقها من كرشها :قريب ان شااء الله... (هزت فيها راسو)..سير لبسي غاانمشيو عند الطبيبة. .
كامي :هي الولة..
مشات دوشات بالزربة وخرجات لقات فهد كيلبس فحوايجو...مشات للدريسينغ لبسات سروال جينز لااصق مع بيل سميطات بيض عاادي ودارت فوقهم كيمونو فالبوردو طوييل تالتحت محلول وفيه حزام من الوسط لبسات صنيديلة كحلة دومي طالون فالكحل فيها غير صميطة من حدا الصباع والصمطة لي كتسد بيها مشات قدام المرايا اكتفات غير بايكخون على حساب الشمس وكاكاويط للشفايفها مع ماسكارا اما شعرها دارت ليه سبولة من الفوق مرخوفة وخلات الgصيصة خارجة هزت صاط صغيور كحل ومشات عند فهد...
فهد :وااجدة....
كامي :ياالااه...
●●●فجهة خرا من الفيلا
كان بوشعيب جاالس للأرض كينهج وعرقاان ولابس لبسة العسكر كيبان وسطها بحال جوج ظراهم زرييعة مكوغطة ولاوي على عنقو فوطة (نفس الشي هو وفهد غي نتوما كتبغيو الكفاارة )...ورتيل وااقفة ليه عند رااسو كتحسب لييه فاش كان كيدير سبوور زعماا....
رتيل:وا تفكر ابا يامات الگيرة و خدم 
بوش جمع الوقفة:اييه فكرتيني.. ف 1992 مشيت من طنحة للگويرة على رجلي.. و الا كدبت تنزل عليك النعلة
رتيل:وا دعي على راسك ابا انا باقا باغا نتزوج
بوش:شناااواا؟؟ اضسرتي ارتيلة 
رتيل:با ....با العدو هاجم 
مشا كيجري تخبا:اي.... مي ...ربي ...مولاي 
رتيل:خهههههع واا غير كنضحك معاك 
بدا خارج كيتحلف:اهيااا.. العدو ممعاهش اللعب.. بااقاا معرفتي بحقوو.. ايواا منسمعكش جبدتيه على فمك 
رتيل:گلس گلس كمل لونطريما نتا باين اش كنتي كتدير فالگيرا 
بوش:اش كنت كندير؟؟ 
رتيل:كنتي كتصبن شراوط صحاب القشلة 
بوش:نعام.... نعام..؟؟( هربات و بدا تابعها )
رتيل:وا با غير ضاحكين مالك معقد 
بوش:لاش تكذبي لاااش...راه كنت ندير النوبة انا و صاحبي عبد الله انا الخميس و هو السبت
رتيل حبسات:و الاتنين اش كنتو تديرو؟ ؟
بوشعيب :كنا كنتناوبو على التسيااق...
رتيل :هاي هاي على شعيبة كانتي كي رابحة الحولة فالقشلة واعاكتجي هنا كتنفخ علينا رييشك لي يشةوفك يقول هادا يحط لوييز. ..
بوشعيب :صgعة لياام جمعي رااسك معاياا....اييه الياام ضواارة ملي ولات بنت كرشي تعايرني اش خلات للبراني مايقوول...
رتيل :اناا مااشي بنت كرشك. ..
بوشعيب :وبنت ااش...
رتيل :صطغفرطلاه زييد الوااليد كممل لونطريما تااعك....بغيت انعرف لاش مداايراهاا. ..
بوشعيب :على حناا سااهلين مع مك..
رتيل شافت فيه بنص عين ونغزاتو :هااي هاي على شعيبة والبغو. ..با كتبغي موي
بوشعيب :وااتي كون تحشمي...
رتيل :اولهتاا كتحبها. ..عاملي تزنكتي رااك طايح على زناافرك. ...احح على البغوو العور....
بوشعيب :لقيتييي بحاالو بعداا...
رتيل :اااه...
بوشعيب :اممم تاهاداك بغو طااح الحك وصاب غطاه. ..البغوو المعمش هو ديالكم. ..يخخخ يخلييها سلعة نمشي نتوضا نصلي...
رتيل :امممم واارااك طولانطي اباا...
خرج بوشعيب من تم وبدا هابط حتا لقا محمد لابس وااقف وباينة عليه كيتسنا شي حد. ..
بوشعيب :محمد ااش كتسناا وشفتك لابس فيين غادي..
محمد :كنتسناا فمروى غانديها دوز واحد الامتحان..
بوشعيب :وااخيرا شي وحدة فيهم تفكرت قراايتها...لاخرين معرت ااش غيديرو. ..
محمد :كل واحد غايتبع للمسار لي كيعطي فيه وحنا نزيدهم غير الخير..
بوشعيب :يليق ليهم عاشي جوق تاع العونيات ومعاهم داك جويليلي يضرب الكمانجة...
بدات هاابطة مروى :يااك تاهيا خدمة اعمي...
بوشعيب :كن عا درتيها. ..مالايقيينش مالايقينش. .
مروى :يالاه تهلا اعمي...
هبطت من الدروج ومشات جهة باها يالاه غيحلو الباب يخرجو وهي تبدا جاية زهرة تجري...
زهرة :ماااروى تسنااي. ..
مروى :ويي ماما شنو بغيتي...
زهرة :هااكي ابنيتي زبييب والgرgااع. ..
مروى خادت شوية باش دير ليها خاطرها...ضارت تمشي وهي توقفها تاني وجات جميلة تجري هازة فيدها كأس ديال الحليب...
زهرة :هااكي احبيبتي كأس ديال الحليب جابتو خالتك جميلة من البلاد...
مروى :امممم لااا إماما ماباغا واالو...
زهرة :وااشربي غيير الحلييب. ..
مروى :لااا اماما ماقاداش. ..
زهرة :وااديري ليا خاطري وشربي غير شوية..
محمد :زهرة طلقي البنت راه مافيها ماياكل واصلا غانتعطلو تاتكمل ونديها تااكل
مروى :ااتوطالوغ ماما باي باي خالتو جيجي دعي معايا..
جميلة :سيير ابنيتي الله يفتح علك أبواب الخير سيري ابنيتي الله ينجحك ولله يفرشك ويغطيك بالرضا سيري ابنيتي الله يعطيك شي نقرة فين يغبر نحاسك. .
مروى ضارت عندها :ااخالتي راه غانمشي للامتحان ماشي للعرس ولا الحمام نضبر على راسي...
جميلة :وامادييش عليا ابنيتي...
مروة قلبات جيبها:ماشتوش واحد التيليفون خليتو البارح فالسطح؟؟ 
زهرة:غير سيري ابنيتي ختا ترجعي و غتلقايه فبلاصتو راك تعطلتي
* * *
عند امجد لي فاق مستعد يخندش داك المشقوف واخا ما عرف منين يجيه عيط على محمد لي لقاه غادي
امجد:وليدي عفاااك عاوني
محمد:تسنا الوليد حتا نرجع راني مزروب مروة عندها امتحان
امجد:اش بغات تجير بشي قراية سير زوجها و هنينا
محمد :ااش خاصك؟؟
امجد:شوف ليا هاد المشقوف 
محمد:راه فيه الكود
امجد:وا حلو 
محمد:واراه كتحلو بوجهها 
امجد:هاو هدشي گاع يديرو هاد البياسة؟ (هز كتافو) :ايوا ديرو 
محمد:كيبان ليك عندي عينين خضرين و شعر كاري؟ 
امجد:اييه ماقراوكوم والو.. حياتي كاملة و انا نقري فيكم وخدمتي مزيااااااان و باقي متعرفش تحل غيير تويليفين
محمد:سير عند مولاتو مروة تحلو ليك 
امجد حل عينيه ببلاهة:علاه هذا ديال بنتك مروة؟. 
محمد:وايه 
امجد:الله يخلف عليك.. و نااض فرحان و عاود رجع.. قلتي كيخدم بالوجه ياك؟؟ 
و مشاا طالع لبيت صفاء بمكر.. لحگ و فرع الباب بلا ميدق 

و مشاا طالع لبيت صفاء بمكر.. لحگ و فرع الباب بلا ميدق لقاها مشبحة معنقة مخدة.. جر ليها المخدة بشويييية بلا ماتحس.. بدات كتحسس فبلاصة المخدة مالقاتهاش.. حتا ناضت بزربة خلعات امجد تا قفز جاها بوغطاط.. و راكم عارفينها كيكاتنوض.بشعرها المشعكك و عينيها مغمضين :راجلي.. فيناوا ياله كان ناعس هنا باقي گعما جا شتو تعطل.( عودات تكات)اه نسيت انا گعما مزوجة الله يتبتنا على الشهادة..
و نعسات بحالا تا حاجة موقعات 
امجد كيميق فيها:بابابا الطناش ديال النهار هادي و هي ياله ضربها حمار ليل... تي موضرة و تا حمارك موضر كتر منك.. تريكة وحدة طفوو... (غوت) انوضي الالااا راك غملتي البيت بالضلمة لي فيه ايخ اييخ.. مكتحليش ليه الشراجم تا عطات فيه ريحة النعاس 
صفاء ناضت مقلوبة :شتك كتشمشم.. ياكما تبادلتي الدور مع عطعوطي؟؟ 
امجد:نوضي الله يغبر ليك الشقف قراناتك راهم ناضو جمعو الدار و خملو و صوبو المسمن و الملاوي 
صفاء (فخاطرها:نصاوب ليك ال*لاوي لاواه) اواا اجدو قراناتي هاهوما.. كاميليا مشات لعند الطبيبة مع راجلها. رتيل راه كتريني هي و باها.. و مروة راه يا اما ناعسة اما مشاا تدوز الكونكور.. شكون بقا.. وانا اصلا ماعندي مندير لاهوما نبقا ناعسة. 
امجد:عندك ماتديري.. (قرب لودنها) مروة مدايرة الكود لهاد التيليفون بكمارتها.. و ماكينش لي يعاوني قدك حيت نتي وياها فوطوكوبي 
صفاء حلات فمها من الذكاء ديالو:و صدقتي مطيور 
امجد:سدي فمك لموت كتضوور 
صفاء:و لااش بغيته بالسلامة؟؟ 
امجد:بغيت نعرف شكون لويل 
صفاء:اه بلا متمحن راسك.. راه واحد الدري كان كيقرا معانا سميتو ويل 
امجد:ابااء هاد اليامات ولاو لي جات على فمهم يسميوها لولادهوم.. لويييل..و لكن علاش كيصوني عليها مع نصاصات الليل؟؟ 
صفاء بشر:نحلو ليك اجدي و تعطيني 100 درهم؟؟ 
امجد:واخااا الطميميعة
صفاء :حلااالاا طيبا ياك؟؟ 
امجد:كله بما يرضي الله 
صفاء :و نعم بالله.. فوت عليا غير فلوس القمرة.. ارا داك التيلي 
امجد:وا سيري غسلي كمارتك و نتي يشوفك هاد المشقوف يتفلاشا
صفاء ناضت كتخبط هزات démaquillant و هزات القطن و بدات تمسح قدام المراية 
امجد:اييه يامات كانت المرحومة كتدير الكحل و العكر الفاسي كان كيبقا لاصق فيها. و هاد العجب لي خرجو كيتحايد دغياا.. فيين يامك يا كلتوم 
و كالعادة فينما كتجبد هاد السمية كتوقع شي حاجة. صفاء طاحت ليها القرعة كاملة تدفگات و بقا فيها غير شوية لتحت
صفاء ناضت كتغوت:واا الحااج اش قلتيي 
هزات واحد التريكو مليوح بركات تمسح تمسح و بزز حتا تمسحات 
صفاء بدات تدمع:وااعع شريتو غاالي خسرت فيه فلوسي كاملين وكلتك اللاااه امي كلتوم نتي مرتاحة فقبرك و كتعذبينا معاك فهاد الدنيا 
●●عند كاميليا وفهد...
واقفين قدام الموبل لي فيه الطبيبة وكامي مزييرة بيديها على يد فهد من كترة الخوف ضار عندها شاد حنيكاتها بين يديه...
فهد :كامي حبيبتي تهدني مكاين منااش تخاافي. .
كامي :اناا رااه ماكنحملش سبيطارات ولا حتا ريحتهم وتا الأطباء...
فهد :ودابا ماباغاش تشوفي بنتنا ولا ولدنا...
كامي بتوتر :بااغاا...
فهد :اييوا على قبلو ولا قبلها غاطلعي....واصلا عاادي مكااين تاحاجة كتخلع. .
كامي بطفولية :يااك مغدgش ليا البراا. .
فهد :لا الهبييلة تاعي. ..
دخلو للعمارة طلعو فاللاسانسوغ وكامي مازال كطرطق صباعها من التوتر وفهد كيهدن فيها دخلو ومشاو للقاعة الانتظار حيت ديجا خايدين غونديفو. .كامي تهدنات شوية ملي شافت ديك الكابيني لي كانت مقادة على حساب نفسية الحوامل لي اكتريا كتكون مهزوزى كانت كتحيد الغمة بالوانها وديكوراتها متلا فالحيط كاملين معلقين تصيورات وليدات صغار بمختلف الوضعيات مع ديكور تاع نصف امرأة حاملة ويديها على كرشها كاينين دي طابلو فيهم نصائح للمراة بصفة عامة زيد عليها دوك المجلات وخصوصا لي خاصين بالحوامل وماكلتهم وشنو لي خاصها دير ولي ماديرش النصايح كيفية التعامل مع الطفل وبزاااف دازت عليهم كامي كاملين ولي مقراتهاش تصور سميتها باش تشريهم. ..دوزو مدة قليلة كيتسناو وجات نوبتهم دخلو من الباب ويديهم فبعض جلسوو فكرايسا قدام الطبيبة لي ستقبلتهم بابتسامة كانت مرة فاوايل الأربعينيات تقريبا...
الطبيبة :باين ليا يالله مزوجبين. .
فهد :اااه مدة قصييرة باش تزوجناا..
الطبيبة :يااك مكاين بأس...عندكم شي مشكل..
فهد :نوووو غير مرتي حاملة وبغينا نطمانو على البيبي..
الطبيبة :ااه مبروك مسبقا...شحاال عندك ابنتي..
كامي :شهر تقريبا بااش عرفتهاا ومزعمتش نجي ندوز..
الطبيبة :وعلااش...
كامي :كنخااف من السبيطارات...
الطبيبة :ليووم مغتبقايش تخافي منهم ملي تشوفي الجنين تولي باغا غير ايمتاا يجي الغونديفو لاخر. ..ااجيو معايا...
تبعوها للجهة خرا من المكتب لي كان مغطي بسيتاار...
قالت لها تكا فوق الباياص دارت لي قالت ليها وهزت البيل على كرشها...دارت ليها واحد الجيل على كرشها وبدات كدوز ليها بديك الآلة تاع الايكو. ..فهد جلس جنبها ويديهم فبعض متوترين ومتشوقين ايمتا يشوفو ولدهم....
فهد :فيناهو الجنين ...
الطبيبة :شفتوو هاد النقيطة لي هناا راه هو الجنين..
كامي وركت على يد فهد :وااش هو غير قد هاكا...
الطبيبة :هههه ااه باقي يالاه غيربي الأطراف ويكبر...
فهد :سبحان الله...
الطبيبة :تبغييو تسمعو دقات القلب تااعو..
كامي بفرحة :ااه ااه مكرهتش...
برونشات الة خرا وداكشي(البنات انا راه لاعلاقة بهاد شي قبلو على الوصف هههه)المهم تسناو شي شوية وهو يبدا يتسمعو دقات القلب بشوية..كامي دارت يديها على فمها وعينيها مرمشووش من غير الدمووع لي بداو يطيحو وهي كتسمع قلب كينبض بداخلها حياة كتنمو داخلها احساس جدييد احتل كيانها وشوق كبيير لرؤية هاد الحياة لي بداخلها ضورت عينيها وهي تلقا فهد عينيه غير على التلفازة لي قدامو وعينيه مغرغرين وركت ليه على يدو وضار كيشوف فيها....هبطات دمعة خفيفة من عينيه مسحها وقرب للكامي باسها فجبينهاا بوسة طويلة كيعبر بيها عن شوكرو ليها لهاد الكادو أما هي غمضات عينيها تاطاحو دموعها لي على سبة وبركت تنخصص بعد منها وحط يديه كيمسح ليها فحناكها وكيسكتها...أما الطبيبة فهمت راسها ناضت وخلاتهم على خاطرهم. ..
فهد :كراامييلا حبييبتيي ششششش...علاش كتبكي..
كامي :ااهي دم...ووع الفرحة ااهي اافهد....ش...شفتي لبيبي قدااش وسمعتي قلبو اااهي (كضحك والدموع محبسوش)كينبض بحالنا هههه ممتيقاش بلي فداخلي كااينة روح كتاكل وكتنفس وتكبر بحاالنا افهد...
فهد :شفتوو. ... ششش كولشي ليك بالبكاء....شكرا لييك اكاامي على هااد الفرحة عمرني كنت نتخياها. ..
كامي عنقاتو :تاناا.... الله يدومهاا فرحة...
فهد :يالااه نمشيو عند الطبيبة (خاد مشوار مسح ليها كرشها وعاونها تقاد حوايجها ومشاو عند الطبيبة.)
الطبيبة :المهم دابا عندك شهر وتلات أسابيع....البيبي صحتو مزياانة وكولشي عندك مزياان غير نتي خااصك شي فيتامينات بااش متصاابي بواالو وتكون صحتكم نتي البيبي بيخيير....وكل غونديفو جيو باش طمنو على صحتكم. ...ااه ومتنساايش الفاكسان لي عندك هاهو الوقت لي خاصك ديريها. ..
كامي :شكرا دكتورة. ..
فهد :دابا حنا مساكنينش هنا وقريب غنسافرو. ..
الطبيبة :اممم إلى مكان عندها والو وتبعات طخيطمون لي عطيتها متلا متعصبش مديرش شي مجهود متكترش من ماكلة الزنقة وتكتب من الخضر والفواكه بزااف وتبعد على أي حاجة ترهقها ماتمشي لعند الطبيبة حتاا يدوز شي شهر هاكاك...وبالنسبة ليكم نتمنا ملي توصلو تمشي و عند شي طبيبة ولا طبيب ديال النساء بااش يتبع حالتها من لول...
فهد :شكرا ادكتورة على كولشي وغانديرو بنصايحك. .
طبيبة:هادا وااجب. .والله يفك وحايلك على خيير..
كامي :اميين..
خرجو من عند الطبيبة والفرحة غتخرج من عينييم وماقاداهم لأرض
فهد :فيين نمشيو دابا..
كامي :هاد الأيام كنخرجو بزااف خلينا نجلسو مع الدار..
فهد :اممممم على رااحتك. ..ولكن نتي مفاطراش. .
كامي :تشهييت الكرعيين... (قالتها وعينيها خارجين وبركت تلمط) 
فهد :تاتفطري ونقولوها للواليدة. .
كامي :اممم شحاال مشهيااهم نبقا غير نشوف فيهم..
فهد :زيدي زيدي نتي راك غاطسطاي ليا هنا...

●●عند مروى....
خرجاات من القاعة لي دوزات فيها داك الكونكوغ مرتااحة وعاارفة راسها جايباها هبطات من داك المبنى ومشات للجردة لي قدامو كاانت كبييييرة ولكن عاامرة بالطلبة من مختلف الجنسيات هالبيض هالكحل هاصفر هاطويل هالقصير المهم لي بغيتي عزل وختاار ولكن كولشي هاز نيفو للسماا واكتريا ولد ماما وبابا مروى مكانتش حاملة داك الجو حيت مولفة تكون مع حلاقمها منوضينها عابوحدهم كيتعاملو بدون تصنع وفاقصين بناادم...ضورت راسها كتقلب وهي تمشي غير حدا واحد الشجرة لاحت صاكها و الكويرة لي هازة وتسرحت تماك ضهرها على الشجرة ورجليها مسرحين والناس حاضينها وهي تسمع واحد جماعة كاتهضر علييها..
بنت منهم :شوفو صاحبتنا فين جلسات ..
بنت 2 :هههههههههه مولفة بجلست السارحين. .
ولد 1:كتبان فيها بنت عايلة...
بنت 1:وي...
بنت 2 :نو سي با فغي غتكون بنت شي خدامة ولا شي حااجة هوما لي كيكونو هاكا...
الولد 2 :ولكن رااه تيييتيييزة. ...
بنت 2:اممم منين جااتها...
الولد 3:هههههه انتونا البنات واخا تكون حورية تقولو عليها خايبة...
بنت 2 :ااطون نسولو ياسين كنتيق فالدوق ديالو... 
مروى سمعاتهم وضحكات بتهكم..جبدات الكاسك دارتو وبركت كتمزك. ...
اما ديك البنت مشات لناحية واحد الولد جالس معاهم مي مامديهاش فيهم داير ليزيات وشاد واحد الغوومون قدامو كيقرا وغادي معاها فالريتم تاوقفات عليه ديك البنت)
بنت 2 :يااسيين. ..
ياسين :وي...
بنت 2 :بغييتك تعطيني رأيك فواحد البنت...
ياسين :بففف رهام عارفاني معنديش مع هاد السوق..
رهام :وااغيير شوفها...راها لهيه. ..
ياسين :ديك لي لابسة جينز...
كانت مروى لابسة سروال جينز مزيير..
مقطع من ركبة وحدة طاي هوت مع قبية خفيفة ميني فونطخ وعريضة فالموطاغد وفيها كتبة بالكحل فوق الصدر ولابسة صباردي فيلا بيضة وشعرها كيف ديما مطلوق حد عنقها مع مكياج خفييف صباحي...ماسكارا فاغاجو خوخي وعكر خوخي ونضيضراتها لي كيعطيوها انطباع شبابي ومتقف فنفس الوقت...
ياسين :لا ميمكنش هي....
رهام :ماالك...
جمع الرواية وحيد لي كيت وبدا غادي مخلي رهام كتغوت عليه....وصل عند مروى ووقف عليها...هاد لاخيرة لي كانت ساادة عينيها وكتموسق تاحست بضل حلت عينيها وهو يبان ليها شاب باقي صغير متيييييتز وطوييل وكنافو عرااض ولابس ومانتك باقا مفاقتش من الصدمة جلس حداها دااك التيتيز. ..
مروى شدت فراسها ورجعت للواقع :احممم باشمن حق جلستي حظايا. ..
ياسين ضار بقا كيشووف فيها كانو كيعرفها :باقا كيفما نتي عمرك ماتبدلي. ..
مروى :سمحليا كتعرفني. ..
ياسين :متقووليش معقلتييش علياا...
ففييلة البارودي...
تسمعت غوتة تفيق الموتة من القبر الدار تهزت وتحطت بسباابهاا.....بالضبط فبيت هنادي....كانو جالسات صفاء ورتيل وكامي وهنادي كاملات مسفحات غير بشورطات قصار وميني فوونطخ طاالقيين الهبرة واللحم يسرح. ..
كانت كامي متكية فوق الفوطوي وشادة بول تاع صالاد دوفخوي كتاكل وكضحك على رتيل لي مجبداها صفاء وهنادي كديرو ليها فلاصيغ. ..
رتيل :واااااااع بشويية ااتسنااو كتخرجو فيا الغداايد الصلgووطاات. ...واللهلا بقات فك اصفيفو عدهانتي غاتجي نوبتك ونتفك نتييف الدجااج بلا ماا...
صفاء :شووفي رااه غنوض ونخليك نص نص كي الدجاجة...
رتيل :ااااححح حيدو حيدو تااتبرد هاد الرجل عاد ديرو ليا لخرا...نووبتك اصفااء. ..
صفاء :اااهياا اابشويية عليااا...
هنادي :عقلتي نهار قتليك حيدي ليا الموسطاج وتي تلصقي بيا لاصيغ فحنكي وطيرتي ليا اللحمة وخليتي موسطاجي قدااش يحك تعبئة...
صفاء بتيجي :وااواللهما اناا وااواللهتا الحولة تاع مروى سيري امريوة انا بغييت لك التوونية فداك لي تحتك انا بغيت لك الجربة...
هنادي :المهم زييد جلسي هناا...
رتيل :هنادي شي زيت اللحفضاك. .
هنادي :اممم جونسون تقادا. ...كامي سيري هبطي جيبي شي زيت...
كامي :واخاا تسنااو. ..
تلواات فبينوار خفيف وهبطت كتقلب فالكوزينة حتا تلاقات مع فهد شاد لبيسي.. عنقاتو من اللور 
كامي:فيين الحب 
فهد ضار و شاف فيها و صفر:خارجة مبنجرة لينا هنايا مكايت باس؟؟ 
كامي:غير كنت مع البنات فالبيت و بغيت نحيب شي صخرة و لقيتك هنا
فهد:وا سيري طلعي ليهم صخرتهم راك الا بقيتي قدامي هاكا منعودش ليك شنو ندير 
كامي:هاناا غادا.. و بدات كتمشي بشوية ضد فيه
طلعات هازاا واحد القريعة طويلة وفيها رشاشة مدتها لهنادي. 
هنادي :قلنا ليك جيبي الزيت ماشي باتي تما
صفاء:وا بحال والو تلاقات مع فهد و... احم
كامي:هنادي ديري خدمتك ياك جبت ليكم الزيت ايوا صافي .
هنادي :واالمgلوبة منين جبتي هادا..
كامي :من الفيطخين لي التحت..
صفاء :هادا رااه جايبو الواليد من المعريض عاديال الدوا....حناا قلنا لك جيبي عازيت العود...
كامي :واراني قريت فيه انو مضاد للالتهابات. ..
رتيل :بفففف غا اريه راه شعلت فيا العاافية. ..
داارت منو وتحماو على صفيفو لي ولات كتركل وتغوت شوية طيرت رتيل وحدة وهي تغوت وركلت القريعة لي حداها تاع الزيت ومع زاج تشخشت...
رتيل :ناااري قواادت. .
كامي سيفطت ليها مخدة :ششششش ولدي كيسمع فك..
صفاء :ميييمتي ااش درت قفرنااهاا. ..
هزت هنادي القرعة لي تكب نصها...طاارت صفاء جابت معلقة كيهزو بيها الزيت ويكبو. ..
هنادي :وتعرفهاا ماما تخرجنا فجورنال الصباح...
كامي :نزيدو فيه الما...
هنادي :نتي عااسوكني. ..
كامي شافت فيها بعينين مغرغرين وبقات حابسة البكية فلخر طلقتها :واااااااااااع علاااش كتغوتي عليااا ااااهييي اناا اااهي ماالي كولشي يضوور فياااا اناااععععععع غاانقوولهاا لفااهد ااااااااعععععع ععهههه (نااضت بدات غادا)واااافااااهد. ...
جمعوا النوضة كاملات كيجريو شدوها...
رتيل :كامي حبييبتي تعاالي ندييرو لك مااسااج. ..
هنادي :عاايشتك إلا فهد...
صفاء :ويينوو كامي إلى شافك فهد كتبكي مغيبقاش يشوف فك حيت كتباني خاايبة .
كامي :وااااااااعععععع دابا باغا تقولي ليا بلي انا خاايبة..
رتيل :اللقوة العسرية اعوجة الحنااك...
صفاء كضرب فمها :هااك افمي هااك افمي..
هنادي :تعاالي تعاالي نديرو لك ماساج. ..
بزز تارجعوها وهوما يزاوgو ويطلبو. ..كملوو لااصيغ تااحلاقمهم خرجو....
هنادي :البناات البلان تاع العشية...صفاء :صااافي تاال العشية ونتلاقااو. ..
هنادي مشات للدوش دوش والبنات تاهوما خرجو دخلت صفاء لبيتها ورتيل تاهي مع حلت الباب دخلت وهي تصدم....
عند مروى...
جمعت قشها وناضت :سمحلياا معرفتكش. ..
وبدات غادا وخلاتو كيعيط :تسناااي....

ماداتهاش فييه وزاادت دازت من حدا دوك الجماعة وهوما يبدااو يهضرو عليها ضورت عينيها وهي تقشع رهام وهي توقف....
مروى :ضسرتي ارهاام. ...
رهام ضارت كتشوف فيها وهي تصدم :هاااااه مروى الباارودي. ..
مروى صرفقاتها تا عواج حنكها: مابقيتيش عاقلة علياا.الخير لي درناه فيك نسيتيه..المهم مصدقتيش دخلناك لداارناا وفشيتي سرنا..
رهام :ا... اناا...
مروى :اااه ماقلتش ليكم رهام تاهي كانت كتسرح معايا البقر لي عندناا ههه....رورو تشااو. ..
رهام :مروى تسنااي...
مروى :اممم معندييش الوقت....
مشاات وخلاتها حالة فمهاا....
الولد 1 حابس الضحكة على رهام:شكون هادي ؟؟
رهام باقا كتبرد:مشينا غالطين ادراري هادي عائلتهووم لاباااس عليهم سولني انا لي دخلت لدارهوم يسرحوا فيها الخيل النييت
البنت2:واايلي و بنت واحد لاباس عليه علاش غتتكا فالارض بحال رعاة البقر.. و غتصرفقك بهاج الطريقة الهمجية؟ 
ياسين:وا باراكة متاكلو فلحم بنادم تسحابوها بحالكوم.. كيدخلهوم شوية الفلوس كينفخو الريش.. راها ضاربة الدنيا بركلة گعما مصوقة ليكم
البنت2:حناا غيير دوينا و صافي
* * *
عند صفاء لي خارجة كتنقز بكسوة قصيرة فرحانة برجليها
رتيل:تبارك الله فين غاديا بالسلامة؟
صفاء:عند حبينو
رتيل:وا دينا معاك؟؟
صفاء قلزات ليها و مشات
رتيل: الخلا و الجلا.. يلاه ضارت بغات تمشي لقات منال و زهرة و جميلة واقفين عليها كي الزلط
رتيل بضحكة مصطنعة:طاطا.. ماما.. جيجي.. مالكم؟
زهرة هازة واحد المغرف كبير:دااباا غاتقولي لينا فين مشات هاجيك عودة الركابي
رتيل:اا مشات عند واحد صاحبتها غتمشي لفرنسا ليوم
منال:ياك نتوما معنكومش صحاباات و النص فبنات المدرسة تناتفتو معاهم؟
رتيل:وا سولوها هي انا مالي؟.
جميلة:بلا مطنزي علينا.. كنتي واقفة معاها فالباب
رتيل:نقوولييكم و متضربوهاش.. و متضربونيش؟؟
زهرة تحلو عينيها:غيير قولي نسمع
رتيل:وصيتها تجيب ليا شي كادو لسيف حيت هي كتفهم فهدشي انا معنديش مع هدشي
زهرة ترخفات بعدما كانت معصبة
جميلة:شتو الدرية مسكينة غير ظالمينها..
زهرة:ههه انا نسحابها غاتلاقا مع شي دري ساعا بنتي صدقاا مربية.. مني تجي غنطلب منها السماح حيت شكيت فيها مسكينة
منال هي لي بقات مخرجة عينيها:بغيتي تشري كادو لسيف؟
رتيل بتوتر:ااه
منال تلاحت فيها شاداها:و علاش مقلتيهاش ليا نشري لنسيبي احححسن كادو
رتيل:صافي دبا فات الفوت
زهرة:لا مزاال.. عيطي على حنان قولي ليها تخرجوا تشريو الدهاز ديال العروس
رتيل :وا بلاش اطاطا مبغيتش دكشي ديال التقاليد ديالكم.
جميلة :و اش غتلبسي فدار راجلك و اش غتلبسي لرااجلك.. توگدي معانا و سيرو خرجوا
رتيل:اووفف واخا واخا و لكن حتا نتغداو
* * *
عند صفاء مشات عند شهاب للكلينيك.. وصلات بان ليها السيكتور عامر.. مشات عند السيكريتير:ختي ممكن نسولك؟ موسيو شهاب مسالي دبا؟
السكرتير :لا امدموزيل باقي كاين هاد الناس كاملين.. تبغي شي غونديفو؟.
صفاء:لا لا انا صديقتو و بغيت نشوفو
السكرتير :desolé مي دابا عامر عندو.
صاء:وشحال باقي ديال الوقت تقريبا
السكرتير :الا بغيتي تسناي راه بقات غير شي ساعتين هاكاك
صفاء:واخا ماشي مشكل
مشات گلسات باش تسناه.. كله يهون في سبيل شهاب
* * *
عند رتيل لي تغدات و بغات تسلت
رتيل:تصبحوا على خير 
منال:اجي فين بغيتي تمشي سيري لبسي حوايجك باش نخرجو 
رتيل:عاافااك الوليدة اجليها 
منال:ميمكنش راه عيطت عليها و درنا نخرجو مع هاد الوقيتة 
رتيلة:واخا هانا غادا 
منال:و متلبسيش حوايج بحال ديال الزوافرية باني مأنتكة قدام عدوزتك 
رتيل ضرب ليها الجرس فدماغها.. لبسات بالزربة و هبطات 
منال:هاويلي على البنت سيري بدلي 
كانت لابسة تريكو لاكوست مع سروال دجين مشرط و سبرديلة كوبرا 
رتيل:علااش اماما راه عاجباني 
منال:دويت معاك.. طلعي بدلي 
....... هبطات مرة خرا لابسة جاكيت أديداس مع سروال دجبن عادي و ايرماكس كحلة و كاسكيطة
منال:بييتك 
رتيل:مالو؟؟
منال غمضات عينيها كتغوت و صوتها كيرقااق كلما غوتات كتر :طلعي لبيتك بدلي عليا هاد الشراوط 
رتيل:اا.. وارا معنديش حوايج ديال البنات 
منال:كيفاش معندكش عندك قالاك سيري تلبسي راه تعطلنا 
رتيل:صافي بلا منمشيو
منال:سيري دااباا طلعي عند كاميليا خودي شي لبسة (بقات ساكتة و كتشوف فرتيل كتشوف فيها زعما منيتك؟) طلعييي دااابااااا
رتيل:ها اهياا.. طلعات كتشتف لبيت كامي دخلات مدرمة حلات الباب و ياا ليتها محلاتوش.. كانت كاميليا و فهد كيتبادلو قبل فرنسية و كيتسمع صوت كامي حدا الباب ديال الدوش واقفين.حلات فمها من الصدمة عاودات سدات الباب محدهوم مشافوهاش و هبطات مصدومة من دكشي لي شافت.. كاميليا طلع منها هدشي كامل 
منال:اش قلت لييك انا؟؟ 
رتيل:ماما الباب كيدق 
مشات حلاتو لقات حنان.. سلمات عليها و خرجات نيشان للطوموبيل دخلات اللور بصدمتها 
سيف كيشوف فيها من المراية :متسلميش نتيا؟؟...
رتيل:لهلا يوريك اشنو شفت 
سيف ضار عندها :اشنو شفتي؟؟ 
رتيل:فهد و كاميلي كانوا كي... ناري لا منقولش
سيف:عاادي.. عند بالك حنا مني غنتزوجو اشنو غنديرو 
متلا؟حنا راه غنديرو كتاار من دكشي لي شفتي 
رتيل سدات ليه فمو:ششششش اللقوة تفوو 
دخلات حنان لقدام و منال اللور حدا رتيل
حنان:ايوا ابنتي كيدايرا لاباس عليك؟؟ 
رتيل:الحمدلله اخالتي 
حنان:كيدوزتي نهارك بيخير 
رتيل:كلشي مزيان كيدايرة نتي؟؟ 
حنان:لاباس ابنتي.. من ليوم اعتابري راسك بنتي كيفما كتعاملك منال نعاملك حتا انا 
رتيل:واخا اماما التانية ههه
سيف بقا حال فمو من هاد الضرافة لي طاحت عليها عاد دابا كانت كتغوت 
حنان:سيف نتا غتبرك فشي قهوة و تخلينا حنا العيالات نتقداو ياك؟؟
سيف :اه مالي غنبقا نتسارا معاكم؟! 
رتيل:الله يعز الحكام
منال نغزاتها باش تسكت و هي واالو لا حياة لمن تنادي 
رتيل:قولي ليا اخالتي نتي رجاوية ولا ودادية؟؟ 
حنان:انا غير مع لي رابح 
رتيل:و نتا اسيف 
سيف سايق:رجاوي 
رتيل:العززز.. حنا دارنا كلهوم رجاويين الا داك عماد راس الطنگ ودادي.. و امين معندوش مع الكورة هو و باه. تريكة وحدة 
منال يديها طابو بالقريص و هي بااقا داوية فاللخر خلاتها تعبر ولي ليها ليها

عند صفاء لي دازت عندها ساعة و نص بان ليها باقي معطل.. قررات تخرج تجيب الغدا حيت باينة غيكون ممغديش
دخلات للريسطو بان ليها وائل گالس حتا وقفات عليه
صفاء:فين الويل صافا
وائل وقف عندها :مروة.. عيطت ليك البارح بزاف ديال المرات و مجاوبتيش علاش
صفاء:هاء.. علاش بغيتيني
وائل شك فيها:غير بغيت نسولك اشمن ايكول درتي؟؟
صفاء:ااا دبا انا مع الصباح دوزت كونكور ديال باش نولي مهندسة
وائل هنا عاق:اشنو سميت ليكول؟؟؟
صفاء:ااا.. معقلتش
وائل:صفاء مزال مبغيتي تحيدي منك هاد الفضول؟؟
صفاء:ااا شكون صفاء
وائل:بلا ماطنزي عليا نتي صفاء و بااينة للعمى
صفاء:باينة للعمى و نتا مبانتش ليك.. وا غير قلنا نجيو نسلمو عليك هجرتيه لينا
وائل:صافا؟؟😏
صفاء:لحمد لله
وائل:نتي مزال ماقررتي شنو غتديري؟.
صفاء:اتا غنولي بسيكولوغ
وائل:مزيان و لكن نتي صعيب عليك التخصص العلمي
صفاء:شناوا؟ ؟بحالا حگرتيني لا؟؟
وائل:لا لا غير من قرايتك بان ليا العربون
صفاء:غندير التمريض ولا التسيير 
وائل:مزيان
صفاء:bon.. غتكون فالعرس ياك؟؟
وائل:ضروري راه ولد خالتي العريس
صفاء:ايه صافي.. دبا باي راني مزروبة
وائل:تهلاي... و گلس و هي مشات كاتنقز للكلينيك لي فيه شهاب لقات الدنيا كتصفر 
مشات دخلات للبيرو بان ليها واحد گالس فوق الباياص واقف عليه شهاب كيدون فشي حاجات 
صفاء:اوو صوري.. و ضارت بغات تخرج تخليهم يكملو خدمتهو حتا وقفها شهاب بصوتو:غير بقاي راه قريب نكملو
صفاء:هي لي متعاودش و مشات گلسات فالكرسي ديال البيرو كتسناه يكمل
شهاب:bon غتاخد هاد الدوايات لي هوما مضادات الاكتئاب حيت المشاكل اترو عليك بشكل سلبي 
الشاب:واخا ادكتور شكرا 
شهاب:عاود رجع عندي الشهر الجاي و حاول متخليش المشاكل ديالك يسيطرو عليك 
الشاب:غندير بالنصائح ديالك... و خرج
ضار شهاب عند صفاء:مالك جيتي فهاد الوقت
صفاء:غير توحشتك و قلت نجي نشوفك
شهاب:ها انا قدامك شوفي فيا 😂
صفاء:وا من قبيلة و انا نشوف فيك عرفتس كتبان غااية فاش كتدوي بجدية.. دبا قوليا واش تغديتي ولا مزال؟
شهاب :اش كيبان ليك؟؟
صفاء:اه بصح انا من الوحدة و انا هنا مخرجتيش.. واحد تابع واحد
شهاب:من لوحدة و نتي كتسناي فيا؟ ؟
صفاء:وي 😋
شهاب:مكانش خاصك تديري هاكا.. عيطي عليا ديك الساعة باش نخرج عندك 
صفاء:لا لا بلا متهز ليا الهم.. المهيم هاهو الغدا نتغداو بجوج ماشي مشكل حيت حتا انا متغديتش
شهاب:يلاه اري معندك راه نيت فيا الجوع 
صفاء:ايوا شتيي 
حطات قدامو طاكوس و الفريت و الكانيت ديالو
و حطات قدامها حتا هي دكشي ديالها 
شهاب يلاه جا بغا يبدا حتا وقفاتو:حبس حبس ممكن نتبادلو بالموناضة 😶مكتعجبنيش هاواي
شهاب:اه ماشي مشكل خودي لي بغيتي
صفاء:ههه يلاه دابا بدا
بداو كياكلو في صمت الشي لي خلا صفاء تمل.. شهاب حس بيها غير بدوك العينين لي كيضورو
شهاب:كتبانليا حياتك عامرة غير مصائب و كوارث غير من داك الشيطان لي ديما لاعب ليك بدماغك
صفاء :اه من صغري و انا كنلوح راسي للعافية
شهاب:عاودي ليا على شي موصيبة درتيها فاش كنتي صغيرة؟
صفاء:اممم تسنا نفكر.... اه واحد المرة ماكنتش حافظة للامتحان ديال الرابع ابتدائي.. درت فوكونط بسمية المدير و لحت شي تصاور ديالو و سيفطت انفي لگااع الأساتذة لي كيقريوني و قلت ليهم يصورو ليا الامتحانات باش نتطالع عليهم و هوما منيتهوم سيفطوه ليا
شهاب حط الماكلة و بدا يضحك و سنانو البيضين المستفين كيبانو: ههههههه لا نتي بزاف و شنو وقع من بعد؟
صفاء :صافي دوزت الامتحانات و جبت مزيان.. مي واحد النهار شي استاذ عاق بهدشي و وصلها للمدير و طلب من الاساتذة الاعتذار و واخا قلبوا على مول الفعلة محصلوهش.. اصلا مستحيل يحصلوني عند بالهوم راني خبز ربي فطبگو
شهاب:نتي فتتي گااع السطاجات نييشان للمدير 
صفاء :زعما نتا عمرك ما ضحكتي عليهم هاكدا ولا خدمتي ذكائك فتاحراميات؟! 
شهاب:لا لا انا عاقل على راسي كنت ضريف 😂 كانوا البنات لي كبر مني كيجيو تابعيتي باش يبوسوني و انا كنت مكلخ كنهرب ليهم 
صفاء:كيفاش كنتي مكلخ.. بحالا باغي لي يبوسك لا؟؟
شهاب:مالك كتفهمي كلشي غلط راه غير ضحكنا معاك
صفاء:متضحكش معايا
شهاب قرب منها و كيتأمل فعينيها البلوريين لي حالاهم ببلاهة و كترمش:كتغيري؟ 
صفاء توترات:انا؟؟.. لا.. عادي
شهاب غادي و كيقرب:امم بااينة.. غير قولي الحقيقة عينيك كيكذبوك
صفاء مبقاش قادها الكرسي لي باركة عليه شدتها الحالة عاوتاني مني شافت فعينيه المعسلين كيشوفو فيها :ااناا غغير بغيت ندوي و صافي متديش عليا
و هو كيقرب و هي كتذوب فبلاصتها:متأكدة؟؟
صفاء:ااه
حيد ليها لموطارد من جنب فمها:هاكدا حسن و دار فيها ابتسامة 
صفاء تنفسات الصعداء و لكن فخاطرها:يخخ كون غير باسني
* * *
فلباب ديال الكلينيك نازلة كوتر كتسنا فأمين لي غيجي يديها.. وقفات الرونج ديالو قدامها.. حلات الباب القدامي باش تطلع لقات نور گالسة
كوتر:يلاه احبيبة طلعي اللور خلي عميتو تگلس
نور خرجات ليها لسانها:طوموبيلة بابا ندير فيها لي بغيت
كوتر:راه غنقطع ليك لسانك لي كيقول هاد الهضرة
نور:بابا هضر معاها
امين:حشومة خاصنا نحتارمو لي كبر منا
نور ضارت عند كوتر:سمعتيه اشنو قال.. ايوا ركبي اللور
كوتر:واراني كبر منك البخوشة
نور كتعيب فيها:نينينينين.. (خنزرات) ركبي اللور
امين:غير طلعي اللور اكوتر 
نور سدات عليها الباب فوجها.. قربات كوتر للزاج ديالها و خرجات لسانها و حلات الباب اللور بالنفخة و بركات الوسط.. جات بغات تبوس امين من حنكو و هي تسبقها كوتر
كوتر:تي مالك مسيميمة
نور:بابا نبوسو بوووحدي
كوتر حسات بالقمع:اوكي.. وتعصبات و تكات اللور
امين ديمارا اللوطو:منيتك تعصبتي من نورسين
نور ببرائة:عصبتها؟؟ واش حيت مخليتكش تبوسي بابا؟؟
كوتر :ااه
نور:صافي غير باش لمرة الجاية ديري فبالك متبوسييهش اوكي؟؟
كوتر رققات صوتها:اوكي...
نورسين:بابا بغيت هابي ميل
كوتر:لا متديهاش رحنا مزروبين
نورسين وقفات فوق الكرسي ديال اللوطو و غوتات:بغيييت مااكدووونااالد
كوتر:وليني نتي واحد الضاسرة
نورسين:ياك قتليك قبيلة متهضريش ششششش.. عفااك اباباااااااا يلااه
امين:بشرط... متلعبيش فدوك اللعاب.. غناخدو ليك هابي ميل كوليه و نمشيو
نورسين:merci papaaa
امين:ضحتك هي كلشي بالنسبة ليا ابنتي
كوتر:بحالا نسيتوتي راني هنا
امين:غرتي مني انا و بنتي؟؟
كوتر:نزل نزل نتا ضريف غير مع بنتك و انا عطيني القاصح
هبطو من اللوطو نورسين شادا فيد باباها
كوتر:زيد ضسرها عليك كتر زييد.. شتي هاد شبر و نص غتجي على آخرتك اخويا و عقل عليا
امين:كوتر بلا متزيدي فيه البنت باقا صغيرة و باغا تلعب و تضحك.. هي عند بالها بلي كلشي تفلية
مشاو خداو دكشي لي بغاو و گلسو و نورسين كتضور فعينيها بشر
كوتر:'صافي صافي كالما.. دبا بغيت نسولك
امين:گولي مالك؟!.
كوتر بخوف:ديك المرة دخلت للبيرو عندك و لقيت ديزانفيطاسيو ديال شي عرس فالأرض و هزيتهوم.. كانو ديال شي بنت سميتها......
قاطعها:دخلي فالموضوع
كوتر:المهم.. كانوا كينين 4 ديال ليزانفيطاسيو و معرفتش ديالمن
امين:انا و نتي و نورسين و خالتي خديجة
كوتر:يااي و اخيرا غنمشيو لشي عرس
امين:شكون قاليك حنا غادين ؟؟
كوتر:لاااا متديرهاش.. شوف بقات ليها 4ايام فكر مزياان
امين:ان شاء الله... (تلفت حداه) فيين نور؟؟؟
كوتر:كانت هنا غير دبا
امين وقف من بلاصتو كيضور فعينيه الا بانت ليه.. ناض مخلوع كيقلب عليها:نووووور
تبعاتو كوتر كتجري و كتقلب حتاهيا.. و الناس كيشوفو فيهم 

عند نورسين لي غفلات كوتر و امين ومشات كتلعب فهادوك الالعاب لي منعها امين منهوم
حتا بدات تغاوت هي وواحد كبر منها:مالك نتا؟؟
الولد:نتي لي حيدي من هنا انا لي جيت اللول
نور:عاود اشنو قلتي؟؟
الولد بعجرفة طفولية:كيف سمعتي
نور حطات يدها على خصرها:و الا مبغيتش؟؟
الولد:بزز منك اصغيورة
نور صرفقاتو:نزيدك وحدة خلا(خرا) الا قلتي ليا صغيلة (صغيرة) .espèce des p'tit gobelin
الولد صعراتو و تقريبا هوما كانو على بعد 6 ميترو من الارض دفعها من الفوق غوتات:باباااا
سمع امين صوتها و ضار حتا شافها ظتلاوح من الفوق:نورسيييين
هنادي لي كانت حاضرة المشاجرة من اللول و بغات تفكهوم مي تفكرات بلي عندها ماماها و منها ليها هي ماشي سوقها حتا بانت ليها نور تدفعات من الفوق و لحسن الحظ كانت حداها و شداتها.. طاحت فايدها و طاحت معاها هنادي مع العلو ديال اللعبة تقلات عليها و طاحوا بجوجات فالارض
امين لقاهم طاحوا بجوجات جا كيجري عاون هنادي باش تنوض و حتا نور لي غير ناضت شعلات :هادي نتي عاوتاني سفتك فلوبيطال و سفتك هنا؟؟خليني نفلجك فيه..(نفرجك)
الولد:اووبس سمحيليا مقصدتش
نور جعرات و لكن طريقتها الطفولية فالهضرة ماتبدلاتش :واا هبط غييل نهضل معاك مغنضلبكش
هنادي قاست ليها شعرها:متعصبيش عليه خليه يغوت حتا يعيا
نور:c pas ton affaire اطاتي
هنادي تصدمات من رد هاد البعلوكة
امين:نوور حشومة.. البنت عاوناتك قولي ليها شكرا ماشي تعيريها.. يلا طلبي منها السماح
نور خرجات لسانها:ماقلتش ليها عاونيني هي لي زات (جات)
و هربات و خلات هنادي حالة فمها من هضرتها
كوتر:غير سمحي لينا راه هي قبيحة هاكا مع كولشي حتا معايا انا
هنادي:لا ماشي مشكل غير ردي لبال لبنتك اختي
كوتر:لا حاطاها فعينيا غير غفلنا عليها انا و امين
هنادي حسات بغصة فقلبها:هههه ماشي مشكل هادو هوما الصغار فيهم الصداع
امين:هنادي شكرا بزااف على هدشي لي درتي
هنادي ضارت غاديا:ماشي مشكل هدا واجب.. باي
و مشات و قلبها كيضرب من دكشي لي شافت.. هو و مراتو عايشين السعادة و هي كتبكي عليهم و لكن هاد المرة لا.. مغتبكيش عليهم اهنادي
* * *
عند رتيل لي كيجبدو ليها تقيس و هي تمنات الارض تشق و تبلعها من دكشي لي كيجبدو ليها:ها الكسوة المشبكة ها الشورط مع الديباردو ديالو ها البينوار الشفاف.. كلشي جبدوه ليا و هي غير كتحط فلي ساشي بلا ماتقيص
حنان هزات واحد الشوميز دونوي فالحمر مشروكة و ظهرها عريان و مشبكة من الصدر:هاكي ابنتي شوفي هادي واش قدك
رتيل:وااخالتي واش باغا فيا الخدمة؟!
حنان:علااه مالك.. تجيك من دكشي الرفيع
رتيل كتدوي تحت نيفها:اودي نتي ماعارفة والو و مغتعرفيش اش كنعاني مع ولدك
منال:شدي من عند خالتك ارتيل
رتيل:واخا واخا.. يلاه دابا راه رجليا طابو بالدوران
حنان:منال واش تقدينا كلشي؟!
منال:باقي خاصنا لي كريم و الزيوت و دكشي ديال التجميل
رتيل:ها العاار الا سيرو بوحدكوم انا نعيط على سيف نمشيو
حنان:لاواه ابنيتي خاصك تختاري لي يعجبك
رتيل:كنتيق فالذوق ديالك اطاطا.. حتانتي اماما.. باي
جبدات التيلي ضورات لسيف و قالت ليه البلاصة باش يجي يديها.. حتا وقف عليها الشو:الخوادرية؟؟ صافي نسيتينا 
رتيل:غير مع الوقت العشير صافا؟؟ 
الشو:طروونكييل.. احيااني عليك الزغبية صافي غتزوجي؟! 
رتيل:و اش كيبانليك.. مالو ميجيش معايا الزوااج ؟؟
الشو:لالا يجي معااك غي هو مكناش معولين عليك نتي لي تسبقي خواتاتك 
رتيل:و شكون بغيتي تزوج.. هنادي ملاهيا مع خدمتها مروة مع قرايتها. صفاء.... 
الشو:لا لا صفاء و الزواج خطاان متوازيان لا يلتقيان.. هاديك كل نهار مزعوطة فواحد كيغادير تزوج 
رتيل:ايوا نوض على سلامتك.. هاديك هي لي غتزوج مورايا غير عقل علياا 
الشو:واا مااعرتش انا معايشش معاكم 
حتا وقف عليهم سيف:السلام عليكم 
الشو:واعاليكم السلام شكون معايا 
رتيل شدات فسيف:هدا هو خاتيبي 
الشو:سلم عليه :مبروك مادرتو لعقوبة ليا و تهلاو 
مشا و خلاهم 
سيف:شكون هذا لي واقفة معاه؟! 
رتيل:ولد دربنا 
سيف:نتي مبغيتيش تبعدي من هاد التبرهيش؟؟ 
رتيل:دبا حيت هضرت معاه كيتسما تبرهيش؟! 
سيف:طلعي للوطو مجاتش نتناقشوا فالزنقة 

طلعات رتيل للوطو و گلسات مربعة يديها:نعام اخويا؟!
سيف ديمارا اللوطو:اولا انا ماشي خوك.. تانيا شكون هو باش توقفي معاه هاكاك فالزنقة
رتيل:وا راه ولد دربنا لقاني واقفة جا سلم عليا و سولني عليك
سيف:مكانش فخباري دربكوم فيه هاد الاشكال
رتيل:راهم 3 هاكاك.. قصة طوييلة كيفاش جاو للدرب حتال من بعد و نعاودها ليك
سيف:وا الموهيم انا هضرت معاك داك الهضرة الخاوية و تخياط الدروبة مع اي واحد غير نسايه
رتيل:واش بغيتي تزوجني ولا تقطع عليا حياتي
سيف بدا كيتعصب:حياتك معاياا ارتيل و دابا صاافي سالينا
رتيل:نتا واقلة تسطيتي.. حطني هنا
سيف:سكتي حتاا نوصلو للدار
رتيل بدات تحل فالباب و هو يبلوكيه لها:وا طرطقي دبا
رتيل:واحل لباب بغيت نهبط
سيف:حتا توصلي لداركم و هبطي
رتيل:اوف منك اسيف اوففف
وصلو للدار هبطات معصبة.. لا لا مخبطاتش لباب عليه خلاتو محلول و مشات.. هبط على سعدو و وعدو سدو و مشا لدارو
* * *
عند امين و نورسين
امين :نوور اش قلت ليك قبل منجيو
نور مهبطة راسها:منلعبش ف les jouets
امين :و علاش طلعتي فيهم
نور بدات تدمع:و نتا كتهضل مع عميتو كوتل و مخليني انا بوحدي.. معلفتش اشنو نديل
امين:وش بغيتيني منهضرش مع ختي؟! ماحشوماش؟!
نور:و متنسانيش لاني معاك هئ هئ
امين:يلاه اجي ابابا.. عنقها.. ولي سمعي الهضرة
كوتر:وينوو شحال كيوت.
هادي هي علاقة امين بنور.. واخا مكتسمعش للهضرة و قبيحة الا انه كتعز عليه مني كتبكي و معمرو حاول يضربها ولا يغوت عليها.. اما هنادي فكانت كتشوف فيهم من بعيد بحسرة بلا متنزل ولا دمعة منها و هزات صاكها خلات صحاباتها باركين و مشات بلا متهضر.. طلعات فاللوطو و مشات للدار.. نسات بلي كوتر هي اخت امين لي تلاقات معاها فالمول ماشي مراتو.. 
على الدخلة تلاقات مع رتيل طالعة معصبة.. تبعاتها للبيت فرعات الباب و دخلات:امالنا؟!
رتيل:والو
هنادي:قولي مالك معصبة ولا راني مغنخرجش من هاد البيت
رتيل:داك سيف الكيدار
هنادي ربعات يديها:ماالو
رتيل:لقاني واقفة مع الشو و بدا يغوت عليا
هنادي :اوييليي على الدرية مخطوبة و باقا كتوقف مع ولاد التايكة.. هادوك راه كنقوليكم شحاال من مرة راهم ماشي تاع العشرة و غيخرجو عليكم
رتيل:واراه كبرنا معاهم الساطة و بغيتيني نتزوج و نساهم
هنادي :اه.. راك دبا براجلك هو لي عندو الحق يوقف معاك شي واحد خور لا.. و راه عندو لحق يغوت عليك..
رتيل تهدنات:وا هو فصاراحة مغوتش عليا.. دوا باحترام انا لي غوتت و قلت ليه ماشي سوقك فيا.. هي فين تعصب
هنادي حطات يدها على حنكها:نتي البعلوكة غنضربك شي نهار على هاد اللسان.. كون كنت فبلاصتو كون جمعتها معاك.. نوضي عيطي عليه تصالحو.
رتيل:تال غدا دابا مافياش
هنادي :ايوا الله يجيب لينا شي واحد يدير معانا هاكا
رتيل بأسف:فين وصلتي مع امين
هنادي بضحكة شاحبة:تلاقيت معاه فماكدو قبيلة
رتيل:و شنو وقع
هنادي :كنت واقفة فالبلاصة ديال الدراري الصغار واخا مكنحملهومش.. حتا بانت ليا نور بنتو كتعاير مع شي واحد. رتيل:بلاتي بلاتي هاد نور شحال عندها بالسلامة
هنادي :3 حتال 4 سنين... معرفتش بالضبط
رتيل :واي واي هادي غتطلع بحالي انا و صفيفو.. زيدي
هنادي:صافي سمعتها كتضارب شوية و هو يدفعها دك الدري من الفوق ديال اللعبة (رتيل شهقات) انا كنت قريبة و شديتها طحت انا وياها.. جا امين نوضني و نوضها.. و هي مسكتاتش.. بركات تغوت عليا قاتليا مقلتش ليك عاونيني.. هضر معاها امين باش تطلب مني السماح.. عرفتي شنو دارت... ههه خرجات ليه لسانها و هربات.. ماماها حتاهيا كانت تما و قاتليا بلي نور كتعامل مع كلشي هاكا.. و صافي هدشي لي وقع
رتيل:نساي عليك الزمر و يالاه نمشيو نخرجو نديرو شي شوبينغ فاعل تارك
هنادي :وا انا كرهت الشوبينغ و مايجي منو من داك النهار لي تلاقيت مع امين😢😭
رتيل طبطبات عليها:وا صافي صافي سكتي راه مكنعرفش نواسي
هنادي مسحات دموعها:اش بانليك نعلمك تصاوبي لكاب كيك
رتيل :شناهوما هادو ؟!
هنادي :كيكات صغااار افهيمة 😕
رتيل:لا بلاش الله يخلف على كيكة جميلة و زهرة.. كتوكل الدار كاملة و يشيط منها للكلب
هنادي غمزاتها:وا تولي تديرها لسيف الحمارة
رتيل:وا راه اصلا مخاصم معايا
هنادي :وا تي حيدي منك العگز و نوضي
بدلو حوايجهوم لبسو بيجاماتهم و هبطو للكوزينة
هنادي :دبا ماحد منال ماكيناش مني تجي فاجئيها
رتيل :و نفاجئ حتا حنونة (حنان)و دارو هاي فايف بجوج
* * *
هبطات صفاء من اللوطو ديال شهاب دايخة من دكشي لي كلات شدات فالباب هزات راسها بانت ليها لبنى و الشهبة كيطلو عليها
لبنى:اتباارك الله على بنت الحااج
صفاء:بوونبااا... جرا علييك راجلك لدار بااك؟!
لبنى:ايواا و نتي لقيتي الراجل لي يجري عليك..يااك ديما مع مول هاد الفيراااري يوصلك حتال لباب اولااا؟!
صفاء:واا نووضي على سلامتك هادي ماشي فيراااري.. آل فيراري آل.. و بعدا نتي لقيتي لي عندو الحديد اتريكة ربعمية مكمشة.. نسيتي ياماتك فاش كان داك كحل الراس جايب واحد الأونو مخرشة و يضورك بيها لاكوط و يرجعك.. ادويي. هاد راجلك مايكون غير لقا فضيحتك فشي قنت و ترا علييك.. وااا سييريي دخلي لداركوم بردي على راسك
دفعاتها الشهبة تدخل للدار :هدشي لي بغيتي لمك هاهيا شوهاتنا فالدرب يا كنقوليك تفرقي على بنات الحاج
عند صفاء لي دخلات مقلوبة للدار عرگاتها طاكوس و موناضة.. دخلات نيشان للكوزينة تشرب حتا لقات داك الديكور.. هنادي واقفة على رتيل لي لابسة طابلية و كتطرب فالعجين
صفاء جايا بشوية كتسلت:شي مش مات ليوم
رتيل:متخليونيش نحداگ فخاطري
هنادي :فين كنتي اصگعة
رتيل هزات الطراب بالزربة حتا ترش عليها دكشي :اجي لمك نتي... غير مشيتي و وقفت عليا الوزارة كتسول فين غادا.. قلت ليهم سخرتك تجيبي كادو لسيف.. ناضو قاليك حگا ما حگا نعيطو على حنان و نخرجو.. ايوا راه رجليا طابو بسبابك اعوجة الحناك
صفاء:غزاو فيك بغيتها ليك النييت
هنادي:متقوليش ليا كنتي مع شهاب
صفاء تكات على البوطاحي و بفخر:ااه
رتيل كملات:فين وصلتي معاه
هنادي قربات منها:اجي متقولييش لياا تصاحبتي معاه
صفاء:اااايه
هنادي :مسخووطة نتي كيدرتي ليها
صفاء:راه عودت ليك مالك فيك الزهايمر
رتيل:اهاه و اشنو وقع ليوم
صفاء:استنتجت انه بااارد
هنادي خرجات عينيها و دوات بهمس:كيفاش؟!
صفاء:ديك المرة مشينا للبحر و لعبنا بالما و ما قربش ليا زعما احم احم
هنادي جراتها من الكول ديال الكسوة:و نتي باغاه يشلقمك فالبحر الدودة
صفاء:وا زعما غير لو جيست.. و ليوم مشيت عندو لابسة هاد الكسوة لي حد فخضي.. و ماشاف فيا ما قاليا جيتي زوينة ما قاليا توحشتك واا حتا مني بدا كيقرب و كيشوف فيا بديك الطريقة لل.. موهيم جا كيقرب و انا قلت صاافي هدا طاح و لكن حايد ليا غير الموطارد من فمي و رجع لبلاصتو 
رتيل:سعداتك.. انا داك المنونخ فينما تلاقينا ي..
هنادي:سكتي متكملييييش رني عارفة سيف كيداير.. و نتي البعلوكة.. هدا راااه راجل و نص شدي فيه بسنانك مني ماقربش ليك يعني باغي دكشي فالحلال ماشي فالحرام 
صفاء:اييييه عندك الحق .. احح عليه و صافي
رتيل:سمعتك كتغاوتي فالزنقة معامن تاني؟!
صفاء:مع ديك بنت الشهبة مبغاتش تفرقني عليها وااه.. حتا قلنا صافي تزوجات غتهنينا من صداعها و جايا دبا قاتليك انا كيحطوني الطوموبيلات فالباب..
هنادي :ايوا فرجينا فيها توحشنا الفراجة
صفاء:تدير شي حاجة خرا هاد المرة واللهما نزگلها
هنادي ضارت عند رتيل:اوييليي حبسي باراكة راك غترضيها عجينة خامرة.. زيدي الحليب
خرجات صفاء من لكوزينة طالعة لبيتها و خلاتهم
هنادي:دبا زيدي غير السكر و خلطي و حطي فالكيسان.. يلاه هانا مشيت راه عندي مايدار.. و متجهديش الفران.. خلي غير 180 درجة
رتيل ضارت كتقلب على السكر لقاتو فالبلاكار هزاتو كبات منو معلقة.. تفكرات بلي السكر كيخلي لكيك حسن بغات تزيد معلقة خرا و هو يتحل ليك الغلاقة و تكب ليها كامل
رتيل:واهيا ناري كحالت كحالت 
خلطاتها و خشاتها فالفران:امم 180 مغيطيبش دغيا ندير 200 باش غيي تجي ماما و حنونة يلقاوها سخونة احح عليا وخلاص 

دخلات منال هي و حنات للدار يحطو دكشي لب تقداو حتا بدات منال كتشم شي ريحة زويينة
منال:هنادي اش كتخربقي عاوتاني هي شي وصفة خرا؟! 
هنادي :غير ضلمتيني امنولتي راه رتيل لي كتصاوب فكاب كيك
منال كتضحك:لاواه لاواه متزيديش فيه كذبي و قيسي
هنادي :ايوا سيري طلي عليها لاماتيقتينيش
حنان:متحگريش الدرية راها تتعلم
جرات منال حنان و دخلو للكوزينة كتبان ليهم مضاربة مع المواعن لي توسخو بالكيك
منال حلات فمها.. اما حنان ففخورة بمرت ولدها:تبارك الله على مرات ولدي حادگة
ضارت رتيل بفخر:شتي احنونتي راني كنتعلم
حنان:مزيان تتعلمي و حتا مني غتجي لدار راجلك نبقا معاك حتا تعلمي
رتيل:ربي اخليك ليا
منال:رتيل صافا؟؟ماواقع والو ياك ؟؟
رتيل:الوليدة كتستهزئي بالقدرااات ديالي
منال باقا مصدومة:و لكن انا شحال كنطلبك تصاوبي معايا شي خلطة مكتبغييش؟!
رتيل:هاديك نتي.. و هادي عدوزتي مامات راجلي.. كااين فرق
حنان كتشمشم:ريحة الحراق لاا؟!
رتيل لاحت دكشي لي فايدها و مشات كتجري طفات الفران طلات عليها:صافي صافي ماوقع والو.. حنونة حيدي جلابيتك و اجي تذوقي معانا
حنان:هي اللولة لبنيتي نشوف اول تجربة ليك كيغتصدق
وراتها منال فيت تعلقها و بقات لابسة بيجامتها لي لتحت
منال:غير حيدي زيفك راه الرجال خارجين يتفرجو فالماتش
حيدات حنان الزيف ضوراتو عليها و جات كتعاون فرتيل تخرجها من الفران حطوها و صاوبات منال اتاي و هبطات هنادي عاوناتهم حطو حدها المملحات و المكسرات و حطوهم فالصالون.. و عيطو على صفاء تجي تاكل
جات دخلات مدرمة:خالتشييي جيتي
حنان:يجيك الخير كيدايرة؟ 
صفاء سلمات:لاباس و نتي؟؟
حنان:الحمدلله
صفاء:هانتي ذووقي هدشي لي صاوبات رتيل الا عجبك (تحت نيفها:باينة مغيعجبكش)غتولي تصاوبو ليك دييما فالدار
حنان:ايوا گلسي تانتي ذوقي
هز كل واحد وحدة الا رتيل لي كتشوف فيهم.. حتا عواجو ملامح حنان و منال فجأة و مع ذلك كملو المضيغ بزز باش ميحرجوهاش..
هنادي ذاقتها و تصدمات:كبي كبي اتااي
منال:ياك مكتشربيش اتاي
هنادي :واا غير كبي
كباتو ليها و سكحاتو كامل فذقة و ناضت:سمحوليا انا دايرة ريجيم مكاناكلش هدشي بغيت غي نذوق.. رتيل الله يعطيك الموت.. اا الله يعطيك الصحة
حنان و منال باقين كيبززو فيها.. رتيل:كيجاتكم
حنان:تبارك الله عليك
صفاء غير حطاتها ففمها رجعاتها فايدها:اشمن تبارك الله عليك اخالتي
منال كتغمز فيها تسكت
صفاء:واا ماالحة ابنادمة هاويلي تغالط ليك السكر مع الملح؟!!!
رتيل:ياك بجوجهم بيضين
منال خبطات راسها من الموقف لي حطات فيه رتيل راسها
حنان بدات تضحك باش تهدن لوضع:ماشي مشكل راك يلاه كتعلمي
رتيل:هههه اه بصح
رتيل بشوية:بففف كنت خازنة حق سيف ساعا بلا منعطيه ليه
سمعاتها حنان:لا ابنتيي عطييه ليه باش يعرفك كتعلمي على ودها. عطيني حقو نديه ليه.
رتيل:واراه مغيعجبوش
حنان:بزز منو يعجبو
رتيل بشر:هي اللولة احنونة
مشات للكوزينة كتجري هزات بواطة حطات فيها جوج كاب كيك و حيدات ليهم الكاغط واحد كتبات فيه:sorry.. والتاني كتبات فيه:كملهوم بجوج الا كنتي راجل.. ضحكات و رجعات الكيك لبلاصتها و سدت البواطة و مشات كتنقز عطاتها لحنان لي لقاتها كتلبس فالجلابة
رتيل:هاكا اخالتي و سلمي على سيف و عمي عبد الله
حنان:واخا ابنتي مبلغ
مشات لدارها خلات رتيل فرحانة حتا ضارت لقات حنان واقفة عليها بمغرف
رتيل :ماما.. مالك
منال:يميلوا ليك ابنيتي.. واش قدام عدوزتك و كتقولي راك ماعارفاش الفرق بين السكر و الملح.. دوزي قدامي للكوزينة
رتيل:وا مانا راني عييت.
منال :اويلي باقي ليك 5 للعرس و مكتعرفيش لكوزينة اش فيها 
رتيل :واخا اماما خليني غير نمشي للطواليت و نرجع 
منال حطات المغرف فعنقها:معااامن نتيي... قداامي 
رتيل دازت قدامها و غاجيا كتشتف:واخا امنال ضسرتي ضسرتي
منال دخلات ليها المغرف مع ضلوعها:زييديي باراكة من النگير 
* * *
عند مروة لي جايا داخلة هي و محمد للدار و كيفما قالت رتيل محمد معندوش مع الكورة
محمد:كيدوزتي
مروة:النجاح مضمون ابابا
محمد:ايوا الله يكمل.. شعلي ديك التلفازة نشوفو اش بادي
حتا بدا داخل بوشعيب حادر راسو و داير يدو ورا ظهرو وامجد و جلول و جميل جايين كينقزوا :وااا غلبناهم
مروة:ياكما عطاوكوم الجائزة فبلاصتهوم
صفاء سمعات الغوات و نزلات كتجري:شكون كان لاعب.. المغرب و شنو؟؟؟
جلول شافيها باستهزاء:تي مريضة.. راه ماشي المغرب لي لاعب
صفاء:الراجا و الوداد؟!
امجد:هههه قالت ليك الراجا و الوداد
صفاء:هي الريال لاعبة؟؟
جميل:الاااا
صفاء:وا دوختوني شكون لاعب.. و مالك اعمو جاي كاعي
بوشعيب:غلبونا
صفاء:نتا معامن كنتي و شكون كان لاعب
امجد: خريبگة و بركاان.. و هو ختار خريبگة و خسرت 
صفاء:ياء خلعتونا.. وا نيت نتوما لي تجي معاكم بركان
دخل بوشعيب گلس:مروة قلبي هاد الاذاعة و ديري لينا الاداعة ديال البهايم
تستفو كلهوم فوق السدادر و حتا رتيل بعدما عيات من منال كتوريها فالعطرية و توريها السميات و جكشي جات تلاحت حداهم... خدمو ناسيونال جيوغرافي كيتفرجو فواحد القنبولة كتصاوب.. وبوشعيب جاتو الحالة عوتاني

بوشعيب جاتو الحالة عاوتاني و تفكر يامات الگيرة 
بوش:اييه انا بعدا كيبورش عليا لحمي فاش كنتفرج فهدشي 
صفاء:اويلي اعمي وليتي تعيف من القنبول 
بوش كيعيب فيها:اممممم جميلنا فالفم... واتي راه هاد القنبولة لي كيدويو عليها تفرگعات فكازاواوي.. اا.. كازا نيگرا... مووهيم معقلتش على السمية 
مروة غير مبالية بيه:اممم بحالا كنتي معاهم 
بوش تگعد فوق السداري كيعبر:اييه كنت معاهم. القنبولة تفرگعات فالليمن.. انا راه كنت من هاد الجيه.. فالليسر
رتيل شادة معاه الستون واخا عارفاه كيكدب:ايييه و عاود لينا اش درتي 
بوش نغامس فالدور:انا غيير بانو ليا الدخاخن و انا نهز كوميرة عمرتها بالزيتووون و بديت غادي داخل فالدخان انا نصحاابهم كيشويو... حتا قاليا واحد الجينيرال من الفرانسيس:اايه طواا.. با بوووجي... طرونكييل... كووغ كووغ.. جري جري زعما 
هنادي :وا عمي راك تعديتي على الفرونسي.. اش هدشي 
بوش:عايني غنكمل... ايوا قلت لييه :اااش كاين.. قاليا رااه ناضت.. وانا النوووض (وقف فوق السداري) 
صفاء:فين نايض راك غتنطح السقف 
بوش:نايض نحل الباب راه معرت شكون كيدق
ناض على سعدو و عدو يحل
هنادي :رتيل هاد باك عالام بوحدو
رتيل:كيعجبني نتصنط ليه حيت عارفاه كيكدب
صفاء:هو يكدب و انا نلعن فالكداب حتا سكت😂😂
حتا تمات داخلة سكينة هازة صاكها و داخلة
صفاء:سووكااينة.. وتلاحت عنقاتها و جاو البنات حتاهوما كيسلمو عليها.. جلول كان سااهي حتا بانت ليه:ياااي جييتييي
سكينة بحشمة:جلوووول.. لابااس
جلول:انا غا شفتك و وليت لاباس
سكينة غطات وجهها بزيف حتا لقاو جميل فوق راسهم:مااا حشمتوو ماستحييتوو ما قلتو ربي كاين ما قلتو جوونيي كااين هااا؟؟ادوي اداك المطنگ
جلول:وا با راه بحال ختي
سكينة:يخوي ايك الضراس
امجد من بعيد:الرضاااا ابنيتي
مشات سكينة سلمات عليهم واحد واحد
جلول:ماتسلميش عليهم بالوجه
سكينة:و نتا مالك؟؟
جلول:اناا راااه نفسي هنن.. منرضاااااكش تسلمي على شي حد
رتيل:الله يرضي عليك اجلول كبرتي و ضسرتي
جلول بجدية غبية:سكتي تي.. يلاه نتي دوزي قدامي سلمي على موي
صفاء:الله يعز الحكام
و كملو الليلة كيتفرجو تعشاو و نعسو
* * *
اصبحنا و اصبح الملك لله
صفاء مكسلة فالبيت حتا سمعات التيلي كيصوني.. حلاتو لقاتو زيكو كيعيط:هدا اش بغا عندي عل الصبيح
زيكو:وااا صفيفو 
صفاء بصوت منغنغ:اش بغيتي عندي صبحنا عالله
زيكو :تي مالمك فينما نضور نلقاك معصبة؟! 
صفاء :مي خليها عليك فالتيقار و زيد قوليا اش مفيقيني راني ناوية نرجع ننعس 
زيكو:صافي غير نعسي كنت غير بغيت نقوليك شي حاجة
صفاء:قووول 
زيكو:لا غيير نعسي 
صفاء ناضت بركات:الله ينعل جد بوه نعااس معاكم.. قول اش بغيتي 
زيكو:جبت بياسة جديدة نقصرو بيها فالبلاي 
صفاء :حلف حلف... واخا ايمتا نتلاقاو 
زيكو:وقتما بغيتي الخوادرية
صفاء:واخا نفطر و نخرج عندك 
زيكو:شحال خاصك ديال الوقت..
صفاء:شيي سااعتين 
زيكو:هاوه زدتي فيه
صفاء:واراه خصني نضبر فشي تخريجة راع ميخليونيش دارنا نخرج 
زيكو:قولي ليهم جايا عند الشهبة
صفاء:هيهيهي دكي مع راسك... راهم عارفين الشهبة عندها غير العزارا فالدار ميخليونيش نجي 
زيكو:ايوا صافي ضبري لراسك.. انا نتسناك.. تشاو 
صفاء:تهلا 
ناضت تكسلات دخلات للدوش غسلات ديك الحريرة لي فوجهها و هبطات 
***فالكوزينة 
واقفة رتيل هي و منال
منال:عاودي مورايا.. هادي ورقة سيدنا موسى 
رتيل:ورقة موسى 
منال:واا سيدنا موسى 
رتيل:وانا راه مكنقووول سيدي لحد.. سيدنا هو الله
منال:واراه سميتها هاكاك واش باغا تجهليني 
رتيل بلا مبالاة:ورقة سيدنا موسى 
منال:مزيانة.. هادي شناهيا ؟؟
رتيل:هادي.. اا..اكتيرة.. هادي صوجا.. هادي.. هادا كامون و هادا نافع
منال:هانتي شتي راك دغيا كتعلمي 
صفاء :صبحنا عالله 
منال:النااس كيقولو صبااح لخير 
صفاء كطنز:صبااح النوور هيهيهي (و جمعات التغوبيشة) 
رتيل:امالك عاقداها؟؟
صفاء:معيط عليا داك ولد الشهبة نقصرو بلاي و فيقنا عل النبوري
منال:ياك كنقوليك فرقي عليك دوك الجماعة 
صفاء:راهم ضريفين غير مكتفهموهومش.. كاين شي فطور؟! 
رتيل:تاخدي العصير لي صايبت؟ 
صفاء:اوهووو.. ديالاش بعدا؟؟
رتيل:ديال الليمون.. واللهتا غيعجبك 
صفاء:ياك فيه غير الليمون و السكر اش غيعجبني فيه متلا؟! 
منال:لا لا رتيل بدات كتعلم غير شجعيها 
صفاء:اري اري نشوفو هاد العجب 
مدات ليها الكاس شربات الجغمة اللولة و تبعاتها شي لاخر 
صفاء:واا هو فالصراحة عااديي بحال العصير لاخر و صافي 
رتيل :غرتي الشعيبية غرتي 
منال :طلعي بدلي دوك الحوايج بعدا و رتاحي شوية ابنتي 
طلعات رتيل غير حلات لباب ديال بيتها و هي تصدم 

عند رتيل. .
مع دخلت لقات داك العجل ديال سيف مسرح فوق الناموسية....
رتيل :بسمحلرحييم فين ما نمشي نلقااك. ..
سيف :فين كنتي من قبيلة وانا كنتسنا. ..
بدات غادا للدريسينغ:ماشتيش حالتي
سيف :ههههههه واتي مالك...
رتيل :تسناا انا جااية...
هزات بيجامتها و دخلات للدوش تبدل 
سيف بقا كيدور فالبيت وتيلي تاع رتيل صدعو بالصونيت بدا غادي يطفيه وهو يبانو ليه شلاا سمياات...غوبش وهز تيلي دارو فجيبو كيتسناها تا خرجت...لقاتو كيدور ورابط 112...
رتيل :تامالك كضور كي فرطوطو. ..
سيف :تعالي لهناا...
رتيل :اللله يسمعنا خبار الخير...
عاقربت ليه وهو يشدها من ودنها وهبط عندها باش يشوف فعينيها وجبد تيلي شعلو قدامها :ااش هادشي عندك هنا..
رتيل :هااه ايناوا. ...اراا نشوف طلعو..
طلق منهاا ورجع وقف وهاز تيلي الفوق وخلاها كتعلق فيه باغا تاخدو. ..
رتيل :وااساايف اارا لهناا انشووف...(شافتو مسمعش ليها وهي تدور يديها على عنقو وبدات كتحلون عليه )ساايف حبيبي عطيني تيلي...
هبط عينيه عندها :ياالاه بان ليك التحلوين. .
رتيل كتمسل فعويينااتها :اارالياا تيلي...
سيف :لاا... 
رجعت لور وجراتو من يدو جلساتو فوق الفوتوي ولبقتها حداه كتلعب ليه بالكول تاع التيشورت...
رتيل :سيف الإسماعيلي متعرفش شحاال كنبغييك...عرفتي نتا هو أول وااحد طحت فيه..
سيف :انا حفرة...
رتيل :ألاا زعما بغيتك....انا راني خضرة ومكنعرفش نعبر ولكن هادشي بعد العشرة والدوام غيبان لك قداش انا كنبغييك. ..
كانت كتهضر وعينيها فتيلي عاشافتو غادي معاها فالريتم وهي تبدا تماطا للتيلي عابشوية عاوصلت ليه وهو يهز يدو..
سيف :تو تو ازويينة...تصحبي رااسك طفرتييه...
رتيل لوات شفايفها :وادابا عطيني تيليفوني. ..
سيف :مبغيتش نقلبو قبيلة بلا خبارك حيت ماشي من حقي....ودابا غتحليه بخاطرك وقدامي. ..
رتيل بخوف :هاااه ن. .حلو...هههههه بلااش. ..سيف مباغيناش نتخاصمو يااك عاد هضرنا لبارح فالليل و تصالحنا..واعطيني تيلي وخلي المخبي مستوور....
سيف كيشوف فيها بنص عين :فاستطاعتي نحلو ونخليك تسطحي راسك مع الحيط...
رتيل بتردد :هااه صاافي واخا اراا...هانتاا مدخلش لواتس لتصاور للفيس بلااش منهم هههه...
ضحكة متوترة...حلاتو ومداتو للسيف وشاداها القفقافة. ....شدو بغا يجر ووالو مطلقاتوش وكدعي...
رتيل :يااربي توقع شي معجيجة....ياربي واللهتا نولي نصلي..
سيف :غيصليو علك لما طلقتيش تيلي. ..
رتيل لاحتو ليه بنترة :هاااك مالي gااع هادا خوف انا راه كنخاف عامن ربي...
سيف :أمم دابا نشووفو. ..
شد تيلي ودخل للميساجات لي غيفرgعو تيلي ويعانون ليه عاسميات دراري مجبديين. ...
رتيل نقزت :هاانتاا شتي مروان هو مروى وااحق اللله...سفيان هي صفاء واللهما كنكدب وكريمو هو مول لاصال وزيكو هو زيكو وعبد الباسط هو عبد الباسط والشاو هو سيمو. .و گرملو هي كامي و مهند هو هنادي 
سيف :اممم وشي لاخر...
رتيل :عشرااني. ..
سيف :تبارك الله تباارك الله....مزيان مزياان....هادو وهااد الطوف لاش دايراها فالفون ديكخون. .
رتيل :كنت باغا بحال لحيتو ..(دار فيها😒)..اا..وازعما فورمتو. ..تارااه كيدير السكوات للتكبير. ..
سيف :انا مقريت والو دابا ومااقلت والو المهم تصويرة نبغيها تحيد والدراري نقصي الهضرة معااهم...
رتيل :حااضر. ..ااجي ارا خرشاشك تانا نشووف...
سيف :ومااتعاتقييش...
رتيل :واالو..يالااه اارا. ..
جبد على سعدو ووعدو تيلي عطاه ليها وبركت تبقشش تدخل وتخرج ولقاتو داير تصويرتها فالفون ديكخون. .
رتيل :ااجي منين جاتك هاد التصويرة..
سيف :صورتها ونتي معايقة. .
رتيل :هادي راه دخل عليها للحبس. ..اجي تصويرتي خايدها من انسطا. ..
بقاات ضور كانو عندو غير شي تصاور قلال دياالو وديالها هي وشي تصاور ديالهم بجوج....دخلت الواتس وهي تشهق....
رتيل :واانااري على كحل العفطة داير علياا الضرة...
سيف :فيين..
رتيل شنقت علييه :شكوون ديك المنتوفة لي عندك كاتب عليها...ا...ma vie...هااه... (هزت تيلي)اممم عينيها مقاربين كي دكر تاع البرغوت. ..
سيف :ههههههههههه عمرني شفت شي حد كيعااير فراسو..
رتيل :ماال عينياا خضريي. ..ا. ..اااه تصويرتي (رجعت كتشوف فتيلي)واللهيلا صدقت هي اناا..
سيف :اممم مكتيقيش فيا...
رتيل :وكيف ما درتي لياا...
سيف :اناا عارفك ماديري واالو...وماقتليك والو غير بلوكيت لك شي دراري حيت راك معيقة فالهضرة وااه باقي غنتفاهم معاك على ديك تخصار الهضرة..
رتيل كتضور فعينيها :اناا. ..عاضلمتيني. ..
سيف :بعدي مني...
رتيل لصقت فيه :امم زيين مقلق علياا.....gعماا جات معاك التقليقة اصحبي اصلا انا راني كنتجوانطا علك شتي لااالقيتك مع شي وحدة خراا نمشي نقجها ونجي لك نجبد لك دوك الودنين ونبقا لاصقة فك تاا تمووت
شد وجهها بين يديه :شووفي عمر عيني تشوف فبنت المرا من غيرك اولا ماشي من أخلاقي وتانيا راه ناقصة لرجولتي وتالتا عطيت عهد للراسي وكن مابغيتك ونويتك للحلال gعماا نجي نعتب باب داركم مابغيتش ندخل من الشرجم ونخلي لي سوا ولي مايسواش يحل علك فمو لي ينقص من قيمتك وداك التبرهيش وااكبرت عليه مانكرش كنت صغيير ودوزتها ولكن ملي كبرت ودرت عقلي ولا كيبان لي داكشي غير قلة العقل...
رتيل :شوف واخا تشوف gااع دوك الدراري لي عندي عممر ولد المرا ماهز فيا العين حيت لي دارها خليت دار بوه وعممر هاد القلب ماحركو شي حد ولكن نتا حاجة خرا واخا فلول كنت كنصدرك وندير راسي ممدايهاش فيك ولكن قلبي عالم بيه غير الله وغروري لي كان مانعني من انتي نقول ليك باش كنحس ولكن ملي جيتي للدارنا تماك زاد حبي ليك وبرهنتي على حبك الحقيقي ليا وانا فهاد اللحضة كنحمد الله لي حطك فطريقي. ..
طلع راسو باسها فجبهتها قبلة طويلة وهبط راسو حط جبهتو على جبهتها...
سيف :كييف قتلييك داك النهار""عيناك أربكت قلبا تاب عن الحب""عينيك سطاوني....(وباسها بين عينيها)
رتيل :صافي غير عينيا...
سيف :كلك كلك محمقاني لكن لون عينيك مميز...اممممم بحال الزيتون...خاااصني نسميك زيتوونة. ..
رتيل ضربااتو لكتفو :تاخلينا مقاادين. ..
سيف :كاالك زيتوونة سيف ولا زيتونة قلبي يالااه انا نحماق على الزيتون انولي ناكلو على قبلك..
رتيل :هههههه نوض تgعد راه ولات عاجباك الجلسة هنا..
سيف :كتجري عليا واخا انا غنوض..
ناض باش يمشي وهي تجرو تارجع بلاصتو وتلاحت عليه عنقاتو كتمخشش فيه :لاا غير بقا مكنسخاش بيك والله...
سيف بدا كيحك ليها فشعرها :تاناا..ولكن قرييب نبقا معاك تانطلع ليك فالراس...(رتيل حركت راسها بلا.)ااجي شفتك مسفحة علينا ليوم...(هبط راسو لقاها صااقلة وهو يجلسها قدامو)على ماشفت كاين ولد عمتك هنا وداك الولد لي قدكم تاهو وكضوري قدامهم هاكا..
رتيل :ماالهاا عاادي..(كانت لابسة ميني فونطخ فالبيض وشورط قصييير gري وكولشي باين ومدفg)
سيف عقد حجبانو بالمزياان :لا معااديش. ..مولفة ضوري هاكا كون عاحيدتيهم حسن...
رتيل كتبوهل عليه وكتشوف فراسها :واايلي مالها عاادي واصلا لابسين ابحال مرتو وجلول راه عاملايكة. ..
سيف :هانتي قلتيها هاديك راه مرتو ونتي بنت خالو وجلول موسطاجو يعمر جوج سدادر...
رتيل :معندو عقل. ..
سيف :واخا مايكون حد راه عيب تلبسيهم حتا حدا باك ارتيل شوفي كولشي باين...هادا راه مبقاش شورط شوفي فين واصل وهاد البيل لي كرشك كاملة بااينة وصظرك خارج هاكة راه ماشي صغيرة ونغمضو عليك عينينا زعما راك كبرتي وبعقلك شوية الاحترام..
رتيل فتحت يديها :واااو شحال كتبان زويين ملي كتادب تعالا نعنقك...(عنقاتو)ااكون هاني مالي مسطية نخرج بحالهاكة واصلا كن خرجت هاكا كن شعيبة خوا فيا جويجتو. ..
سيف :صاافي لبسي ليهم ليا عا انا...
رتيل :مزياان تبارك الله ياك من قبيلة وتاتخطب عليا مانلبسش هوكا. .
سيف :ااه قدام الناس انا راه عاراجلك (وكيدير فيها البراءة)
رتيل :ااحيااني علك...ولكن كي كتجي ملي كتكون مادب وكتهضر بالعقل
سيف :العقل داه ليا هاد ريشبوند عندك هنا...
رتيل دفعت ليه راسو :تامالك قليل الحياا يالله كنت نشكر فك..
سيف :ماالي كدبت اصلا احقي وحارميني منو انا راني معدب. ..
رتيل :وييتك ويتك محيدين لك الرضاعة..
سيف :ااتسناي بقاات عا4ياام . .
رتيل :اخحخحح ونتهنى من هاد الداار...
سيف :ا.....
باقي يالاه غتهضر وهو يتفرع الباب ودخلت صفاء كي الجنية :وااادحشاا واافين. ..ااهياا ربي تامنين جيتي...وفين مانضور نلقااك....ااش جاابك. ..
سيف :جاابني الغراام فنصاصات الليل..
صفاء :الصباح هدا اعشيري.. زهرك طاايح اخويا 
سيف :وااييه وشي بنادم مابغا يرحمنا. ..
صفاء :واطاح حبك على حجرة....تي اش ملغجا السيد تاولا عايهترف بك..
رتيل :ماانقولش لك سر المهناا. ..وتاانيا لااش فاارعة الباب ماالنا ياك لاباس منخاافوش. ..
صفاء :صاافي من اليوم غانولي ندق. ..نخاف على أخلاقي تفسد..
رتيل :اممم شلا ودابا للاش جاية..
صفاء :كنت باغاك تخرجي معاايا..
سيف :.تانا جيت على حساب تخرجي معايا نشريو شي حااجة...
رتيل :ياالااه دgي غاانمشي مع غااجلي قرة عيني..
صفاء خصرت وجهها :يااك يااك كتقلي ليا فالسم راه قالوها البايرة ملي كتزوج كاتبلوكي كولشي ولكن عاتسناو ساتزوج وستندمون...
رتيل :الماا والشطابة حتال قاع البحر...
مشاات صفيفو تااني للبيتها تكسلت فوق الناموسية وجاوبت زيكو...
صفاء :سااط رتيل خارجة يعني مغنجيش. .
زيكو :وااجي عابوحدك نلعبوو شي طرح.
صفاء :بالصح ماكاين مايدار. ..واخا انا جاية..

ناضت قلعت البينوار لي كانت ملوية فيه ومشات جبدت فراشة طوياة صيفية مافيها لاحزام لا والو وقصيرة فالكحل لبستها ودارت واحد الزيف على راسها وخلات شعرها مطلوق من تحتو وخرجت كتسلت مشات للبيت عماد لقااتو خاشي راسو فالبيسي كيلعب هزت ليه صندالتو من حداه وهو ماحاسش بيها ومشات علقت...صفيفو وحبها للصنادل الدراري ويكونو كبر منها وقفت
حدا الباب لبسات ديك الصندالة لي جات كبر منها ولكن واخا هاكاك جاتها زوينة مع رجيلاتها صغيورين وبيضيين ومسبغة ضفار فالكحل والصندالة فالكحل ومكتوبة نايك بالبيض وهزت الgاندورة من جهة دارتها تحت طابgها وخرجت كتبان مرة تاع لدار ولكن شبابية وشالوطية وكوولشي مجمع فيها
حتا سمعات شي مراوات كيهضرو:تي شفتي هادي هي بنت الحاج 
المرا2:مبايناش فيها اختي 
المرا3:مالها؟! 
المرا1:ماشتيش قاليك كيحطوها الطوموبيلات فالباب و قاليك نزلات دايخة لبارح واقيلة حاملة 
المرا3:وا مسكينة دارت فيه التقة هاهي جابتها فراسها.. مبايناش فيها مسكينة.. علام زيناتها درية 
المرا2:واييه كيطيحو فيها غير بنات الناس 
حتا وقفات عليهم كالموت:السلامو عليكم 
هوما:وا عليكم السلام 
صفاء:بلاا متديرو ليا فيها ضريفات سمعتكووم اش قلتو... شكون وصل ليكم هاد الهضرة.(بقاو كيشوفو)وا دويو مالكم سكتو 
كلهوم بقاو ساكتات حيت عارفينها اش غتدير فيهم حتا دوات وحدة:لبنى بنت الشهبة 
صفاء:ديك الضبعة مازال تابعاتي.. هانا غنوريها.. نسمع هاد الهضرة تقالت مرة خرا فالدرب اخالتشي منعاودش ليك.. غنديرليكم ماغندير لديك منفوخة الكرش لبنى.. اوكي؟! 
و مشات ناوية على خزيت.. وصلات لباب دارها وغوتات:وااا لبنىى.. وا هبطي راه عمتك السعدية جاات من تارودانت.. هبطي سلمي عليها 
لبنى هبطات تجري :يااحليلي عمتي 
مع خرجات من لباب شنقات عليها:هاا جابك الله... انا هي هاديك لي حطها صاحبها و حملات منو؟؟ ادوي الكافرة بالله؟؟؟ 
لبنى:مالي كدبت😏 
جراتها صفاء من شعرها و هبطاتها للرض كتقمش فيها:هااا لي تديع خباري فالدرب و تكدب باش تطلع على ظهري 
لبنى:وااا عتقو الروح محدها كاينة
صفاء:الرووح هي لي غتطيح ليووم ابنت الشهبة 
لبنى:واا عتقوني 
صفاء باقا فوق منها كتشنتف:ادوي.. ونتي شعرك خناز بالوصفات ديال البيض الكرضة... دوي امشعكة الحجبان..يالي كانت تخيط هي و موسى ولد العربي الدروبة فاللخر تزوجات ولد خالتها... ادوي اصگعة... و تجي دابا تعايري فلالياتك.. انا شرف منك الخانزة عاد طلقات منها بعدما بردات غدايدها كتنهج:هااادابا مزيان.
خلاتها بركات كتنفس و مشات كتدق عاوتاني على الشهبة وهي تخرج ليها...
الشهبة :سلامو عليكم ااش كااين...فين لبنى؟ 
صفاء:مسخرة دبا ترجع 
الشهبة:مالك جايا تنهجي؟! 
صفاء:موي الشهبة البوليس جااي يدي ولدك...
الشهبة خبطت جنابها :هاااوييلي على الزغبي ااش داار..
صفاء :كاانو كيقلبو علييه شحال هادا بسباب الحشيش والبارح شدوه كيشفر هو وااحد الواحد وملي شدوهم هرب ودابا كيقلبو عليه..
الشهبة شدت فقلبها وغوتت :وييييييك وييييك ولدي غاايديوه لياا ويرزيييوني فييه....
من بعد هاد الغوتة تزدلت للأرض سخفانة.....صفاء شافت فيها ه هوكااك وهي تحيد الزيف من على راسها وقالت"ان لله وإن إليه راجعون "تخطاتها:هاد القبيلة دغيا يسخفو.. هاهي هادي تفكيت منها بلا منوسخ السمعة ديالي
ودخلت تجري للكوزينة شربت الما عاد مشات عند الدراري.
صفاء :واااااعااتقوو... ويييك وييييك مكم ماتت ....
ولادها سمعوها نااضو يتجاارااو لقاوها باقا مسرحة فالباب هزووها دخلوها للداخل...
زيكو :تيي ااش درتي المسخووطة... 
صفاء:وااكنت عاكنضحك معااهاا...
زيكو :عاارف ضحكك تاع البناية..
صفاء :لاهلا ينزل علينا شي باطل ماضربتها مالحgتها. ..
الباشير جاي كيفرنس باس لصفااء راسها :سيير اله يرضي علييك...
الشهبة فاقت :البااشير. ..
الباشير قفز وضار مصدوم :تووما اييناا مسخووط فيكم نوضها..
عبد الباسط :اناا الوااليد..
الباشير :سيير اوليدي انا سااخط علك دنياا وااخرة سير اوليدي لاماسمحتش لك راه معندك فيين تباات...
عبد الباسط :عطلااه فيين.....ارض الله واسعة...
الباشير :قهرتووني وشهمتوني....دعييتكم للله...
وبداا غادي بمشيتو المعهودة كي البطريق أما الشهبة عاحلت عينيها وشافت صفاء رجعت تلاحت نعست...جر زيكو صفاء للصالون لاخر وجلسوو يلعبو بالبلاي مخااطرين. ..
●●عند رتيل وسيف...
رتيل :فيين غنمشييو...
سيف :نشرييو الخاتم....
رتيل :وهادا. ..
سيف :لا خااص واحد ااخور وناخدو شي حواايج خرااين. ..المهم سير لبسي حواايجك راه معطلين...
رتيل :وااخاا....
خرج سيف باش تلبس على خاطرها.. هبط لقا الحاج امجد حال فمو فالتلفازة:الحاج صباح الخير 
امجد:بسملحمرحيم... تا منين خرجتي 
سيف:كنت الفوق 
امجد:بتتي لفوق؟؟و انا لي نعرف لفوق فيه غير لبنات.. هااا بتتي مع رتيل المسخوط؟؟ 
سيف:اش هاد الباطل انا عاد جيت غي دبا 
امجد:ومنين دخلتي؟؟ 
سيف:من البالكو 
امجد:اه صافي.. برك برك نعاود لك على هاد الموسلسال
عند رتيل لي كتجبد فالحوايج وتلوح فلخر لبسات سروال جينز فاتح بوي فراند كامل مقطع مع تيشورت gريي مقطع من العنق فيه وريدات مطروزين بالحمر ولبسات سبادري بيضة...شعرها جمعاتو كعكة الفوق مهملة وخلات زغيبات هاابطين على وجهها لي دارت ليه غير ايكخون مع ماسكارا وهي تزعم ودارت خط رقيق تاع الايلاينر مع فاغابوبياغ gري خفييف وفاخاجو غوج خفييف وكريم ديال الفريز لفمها كيعطي شوية اللون...دارت تيلي فجيبها ودردبت مع الدروج عند سيف لقاات أمجد شادو جاالس يعاود ليه على فوخريليطو وتريكتو. ..
رتيل :الحااج طلق ليا الراجل دابا تبلييه. ..
أمجد :ايييه خفتيه لا يولي يهترف لك بخوريانا مرت خوسيه...
رتيل :وااتااطلق الحاااج. ..
أمجد :سيير اوليدي شفت هاد المجعورة كتنهض فيا ولكن اتسناي يجي باك ونقوليها ليه بلي وليتي تعايرني وتنهصريني قريب تولي تسوطيني. ..
رتيل :الحااج أمجد سير شرب دواك وسيير تنعس...
أمجد :عبد لمجبيد المسخووطة...اناا سااخط علييكم كااملين...سيير ابوويا لهلاا يحرق فك شي عضم على هاد السمية لي خلات كولشي يشمت فياا...
سيف :هاداك وجهك ولا قفاك ماحشمتي كتعصبي فجدك. .
رتيل :هاداك يتعصب وهو كي الشييبة العااصية....شتي هاداك راه يفرتك قبيلة وتجيه قليلة عاابتمسكيين..
سيف :واارااكم عائلة داكشي عندكم فالدم....ااجي ماالك على هااد البسة المشروطة...
رتيل :هااحنا بدينا تااني..
سيف :وماالي قلت شي عيب كاملة مشروطة وزايداها بالتحزيمة.
رتيل :رااه ستييل اصحبي . ..
سيف جر ليها تيشورت :بغيت انفهم هادا لاش حالينو من هاد الجهة...باغا ترضعي زعما. ..
رتيل :هههههه شتي كيتفايلو لينا بالولاد
سيف :عاجيتني معطلين أما كن طلعتك تبدلي هااد الحالة..
رتيل :كون هاني مغتلقا باش تبدل لياا...
سيف :نلبسك خنشة ونزيدك قداامي..
رتيل :يااه...اصلا تانتاا متبقاش تلبس الكحل...
سيف :هلااش. ..
رتيل :كتباان تييتيييز. ..
سيف :عاارف رااسي (وغمزها)
رتيل :عاالي بغا يطلع لك لي سونتيمو...
طلعو للوطو وتحركو ماوقفو حتال قدام واحد القصارية فسها غير لبوتيكات لي خااصة بالدهايبية والمجوهرات...هبط سيف جر معاه رتيل ودخلو للواحد المحل....
البائع :مرحبا مرحبا بسي سيف...
سيف :عمي عبد الرحمان كيداير لابااس...
البائع رجل كبير فالسن :الحمد الله.....شكون هاد الزوينة لي معاك
سيف جر حداه رتيل :هااادي زوجة المستقبل هههه..
البائع :واايلي نتا غتزوج.....مبرووك مادرتوو...جيتو مواتيين
رتيل :الله يبارك فك...
سيف :يالاه كاين شي خواتم ولا لا...
البائع :من زهركم كاين واحد المجموعة جديدة..تسناو
دخل داك البائع للواحد البلاصة وخرج جايب فيديه شي تلاتة البلايك فيهم خواتم ديال المرياج حطهم ليهم وبركو يختتارو. ..
رتيل :بغيت شي واحد يكون سامبل و عادي.

يتبع ...

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.