جر ليها يديها ودارو ليها فصبعها جاها فنن وهو هاداك.. كان عبارة عن خاتم فاللون الذهبي و الوسط واحد الجوهرة بلورية كتبري مع الضو
سيف :غناخدو هادا
رتيل للبائع:و الخواتم تاع الرجاال؟!
سيف :ااه فكرتيني....عمي عبد الرحمان وجدتي ليا داك الخاتم..
البائع :ااه اولدي...هاهو...
جبد من ديك البواطة خاتم ديال النقرة الحرة عندو طابع رجولي...شداتو رتيل كتقلب وهي تبان ليها شي كتبة فيه من للداخل.....كانت مكتوبة رتيل بواحد الطريقة زويينة وضايرة عليها s....
رتيل :وااااو سيف نتا لي قلتيها ليه..
البائع :ماشي انا لي صيبتو راه سيف لي نحتها..
رتيل بصدمة :ميمكنش. ..سيف (ضارت كتشوف فيه وعينيها كيبرييو من الفرحة وهو اكتفا بابتسامة...حتا حس بيدها شدات فيدو وفرحتها ماقاداها)
سيف :خودي شي حاجة خرا..
رتيل :بلااش بارااكة
سيف:لي بغيتي
رتيل:اجي حتا انا نركبو ليك
سيف:ههه واخا (خدا الخاتم و عطاه ليها.. ركباتو ليه و شافت فعينيه لي كيبريو) حنحن البائع.. عاد وعاو براسهم.. مشا سيف خلصو و ضار عند رتيل
سيف:نمشيو نتغداو دبا ياك ؟؟
رتيل:اههه مكرهتش فيا الموت ديال الجوع
* * *
عند صفاء لي هزات لي بقا من ليزانفيطاسيو خدات جوجات و مشات كتنقز للوبيطال.. وقفات عند السكرتيرة لي ولات عارفاها
السكرتيرة :هههه كاين و مسالي غير دخلي
مشات صفاء دخلات عندو للمكتب لقاتو طايح فواحد الكتاب كيقرا فيه
صفاء:مكتعياش مت لقراية لقراية.. قوليا غير باشنو كتفيدك
شهاب:هههه جيتي الموصيبة.. لا هاد المرة كتاب خاص بالخدمة كنقرا على شي امراض نفسية
صفاء:عرفتي.. كنفكر حتا انا نبدا نقرا الروايات
شهاب:وقتما حتاجيتي شي حاجة انا كاين
ناض من الكرسي و مشا للواحد الخزانة كبيرة فيها بزاف ديال الكتوبة.. هز 4 و جا عندها عطاهم ليها:هادو جوج روايات مي عبارة عند ديوانات شعرية و خواطر و تانيين كتوبة ديال الفيزيك و واحد ديال التاريخ
صفاء:انا بغيت شي حاجة ديال القتيل و البوليس و دكشي ديال اگاثا كريستي
شهاب بدا يضحك:انا معنديش هدشي.. الا كان كيعجبك هاد النوع فكنفضل تفرجي ففيلم غيجيك حسن.. خاصك شي حاجة تنمي الذكاء ديالك و تعمر الرصيد ديالك
صفاء:وخا مفهمتش هدشي لي قلتي غنقرا هادشي على حسابك.. (لقاتو كيشوف فيها و هي توتر كيف العادة) احم عرفتي شنو؟! راك معروض لواحد العرس من بعد 3 ايام
شهاب:صدفة زوينة هادي.. من بعد 3ليام كين عرس ديال واحد الصديق مقرب
صفاء شداات فيه فيديه و قريبة منو:عفاك جي جي..دوز عند صاحبك و دوز عندنا حتا حناراني باغاك نتا لي تجي(و كتدوي و كأنها مزروبة باغا تمشي)
شهاب بدون شعور قرب منها و طبع قبلة فحنكها.. حسات بشنايفو تحطو على حنكها الرطب و انفاسو كتضرب فودنها بقات حالا عينيها على وسعهوم بلا مترمش مشااات من هاد العالام.. شهاب شافها هاكاك بدا كيضحك ضحكتو المعهودة
صفاء شدات فحنكها كتلمس فيه و خرجات من البيرو مصدومة بلا متهضر اما هو بقا غير كيشوف فرد الفعل ديالها.. حتال هاد الدرجة متوقعاتهاش؟!.. اما هي فغادا و كتفرنس بحال الهبيلة.. كانت قالت لهنادي تلقا ليها باللوطو.. وصلات حداها و طلعات باقا كتفرنس
هنادي :اسبحان الله؟!
صفاء :باسني
هنادي بصدمة:شييهاااب؟؟
صفاء:و شكون غيرو
هناجي خبطات الفولون :هاااوييلي على البعلوكة عندها 19 عام و تباست و انا 27 و باقي حنكي ماقاسو حد... و نتي اش درتي؟!
صفاء:مادرت والو خرجت من عندو بلا منهضر بقا كيضحك على ردة فعلي وااععععع انا حمااارة
هنادي:سكتي ولا نقلب بوك بهاد الطوموبيل راني ماخاسرة والو
صفاء:وا شتي نتيا عقلي عليا غتديه سييد الرجال
هنادي:يكون بحال امين
صفاء:امييين نييت
هنادي بدات تغوت:وش كانقوليك امين مزوج و باغاني نجخل عليهم ضرة.. واااتش نتي منيتك واش باغا تجهليني
صفاء تخلعت:كالما كالما
* * *
عند شهاب لي قرا ليزانفيطاسيو ديال صفاء و تصدم.. حتال هاد الدرجة صدفة وحدة
العشية.. فدار البارودي البنات كلهم مستفات على واحد الكاتالوغ ديال الكساوي ديال العرس و كيختارو مع رتيل لي مكرهاتش تدوز البرزة غير بتوني ديال الرجا حتا صونات ليهم اشراق
كانت كوتر كتشوف فيهم بحزن...خوها لي ماحيلتو للخدمة ولا تربية بنتو ومحوالاتو بااش ميخليش ليها ولو فىااغ فحياتها ومتحسش بالنقص متقمص دور الأب والأم فنفس الوقت ولي صعيب انه نورسين من الاطفال لي قبااح وشااقين ولكن دغياا كدخل الخاطر بشطارتها. .
كوتر :اححم امين شنو قررتي. .
امين ضار عندها :فااش...
كوتر :غنمشيو للعرس. ..؟؟
امين :بفففف كوتر غتبقاي تجبدي ليا هاد الموضوع..
كوتر :عاافااك امين دير ليا خاطري نبدلو غيير الجو..
نورسين :تااناا بعيت نمسي..
كوتر :امين حتا نورسين كطلبك. .
ضار كيشوف فنورسين لقاها هازة فيه عينيها ببراءة ومشابكة يديها بحالة كترجاه وفمهاا مايل الجناب بطفولية شي لي خلا قرارو يتبدل من الرفض للقبول بسباب هاد الشويطينة..
امين :صاافي واخا....ولكن غتمشيو غير نتوما انا مافيااش. .
كوتر :يااااس شكراا خووياا. .
نورسين حلت فمها كضحك مع بغات ضور تعنقو كان داافع الكورسي وناض للبيتو كيتنهد وخلا وراه دوك الجوجات غير كيبقلو....دخل لبيتو وتلاح على الناموسية بتعب كيشوف فالسقف وكيفكر فحيااتو وهنادي لي دخلات بدون سابق اندار خلاتو يتعلق بيها هاكا...ناض جلس ودار يديه فشعرو كينفض دوك الأفكار ضور راسو بانت ليها صورتها...كتشبه للنورسين طبق الاصل...تماك زااد تخربق ضرب فالناموسية وناض حيد التيشورت ودخل للدوش....الما كينزل عليه ومكرهش ينزل معاه اادوك الافكار لي فرااسو فلخر خرج هاكااك شرب فانيدة تاع الراس وتكا نعس...
فدار البارودي البنات كلهم مستفات على واحد الكاتالوغ ديال الذساوي ديال العرس و كيختارو مع رتيل لس مكرهاتش تدوز البرزة غير بتوني ديال الرجا حتا صونات ليهم اشراق
هنادي جرات التيلي هي اللولة:شوروووقتيي توحشناك
اشراق:حولكم كتعيطو ليا انا بعدا ساخطة عليكم
كامي:متشديش فقلبك اختي اشراق راه هاد المدعوقات مبقاش عندهم الوقت
مروة:صافا عليك؟!
اشراق:عندي ليكم واحد الخبار مقودة
امينة كانت دايزة و سمعات هاد الكلمة:توما شكون هاد قليلة الحيا لي كتدوي
صفاء:بنتك اخالطي
امينة:بحال والو نتوما لي علمتوها ليها هي مكتعرفش تهضر بالداريجة اصلا
رتيل:الله يسمح ليك.. مشات امينة وخلاتهوم كيهضرو
هنادي:طلقينا للفراجة اش وقع
اشراق:انا فالصراحة كنت كنبغي...
هنادي :ريااااض؟؟
اشراق:اهه ❤️❤️❤️
هنادي :و اللهتا كنت عارفاها دوك الشوفات ماشي تالهيه
صفاء حاطة ديها على حنكها و ساهية كتفرنس:زيدي قولي اش وقع؟
اشراق:فاش كنت غاديا لاسبانيا مجاش سلم عليا و سيفط ليه ميساج.. حتا تفاجئت بيه مورايا.. مفكرش و جا عنقني و تا انا عنقتو.. حنا بجوج عارفين راسنا كنبغيو بعضياتنا و لكن حتا واحد مهضر.. حتا قالها ليا هو
لبنات غوتو كلهم فدقة:ااا واااااو
صفاء:رومااانتيك احححح عليكم
اشراق:باقا كتوحوحي فينما ندوي توحوحي
صفاء:و اش ندير.. و لكن تي راه هدشي وااعر
رتيل:و اشنو قلتي ليه نتي
اشراق:قلت ليه تااناا... ولكن الطيارة جات و مشيت
هنادي:وااو هدشي بزااف بحال الافلام.. شتي راه تبعك حتال المطار
اشراق:اه بصح دبا مابقا عليا ايمتا نجي للمغرب باش نشوفو
رتيل:ليوا كيدايرة مع تازوفريت.. اش كتطيبي؟
اشراق:تصحابيني مخموجة بحالك.. ماكين غير الباستيشيو و الباسطا و البيتزاا
مروة:كتعرفي تطيبي العوجة و حنا عندنا كتديري فيها كيليميني؟
اشراق:هههههه مالي انا لي مطيباهم راه غير كنشريهم من عند 'بيدرو' جارنا لي حل سناك حدانا.. ماكين غير القص.. و فااابووور
كامي جمعات فمها:ناري سعداااتك شهيتيني و ماكين تا فهد لي نلصق فيه يشري ليا
اشراق: عيطي ليه
بعد يومين لي داازو غيير فالتحضيرات كامي غير جالسة وتشوف ممخلينها دير واالو....هنادي كتخرج مع المراوات كتنسي بالتجهيزات...مروى باقا كتفكر فداك الشاب لي وقف علييها...أما عرسانا حلفو عليهم ميبقاوش يتلاقاو ولكن راه تلاقاو عابريوس القاصحين دايرينه ليهم على قد فمهم كل نهار ملاقين. ...
جاات الشعالة تاع صفاء ومروى كيدقو على رتيل لي فاقت مضهشرة..بدات كتكسل وتسرح فرجليها ويديها تاقاست شي حاجة ضورت راسها مخلوعة وهي تقفز وشدت على قلبها..
رتيل :ااهيا ربي منين جا هادا...سيف وااسيف وااابناادم وااتافيق..
سيف حل عين وخلا لخرت :ماالنااا. ..ااش كاين..
رتيل :يخخخ ماجايب خبار كي ميت العاصر. ..تااشبيتك هنا...
مروى :صفيفو ديك الكسوة فين باغا ها تلحg لك كامي قصر منك وواصلة ليها فوق الركابي...
صفاء :اناا غاتجيني حد الفخذ.😈
هنادي :بااش يشدك محمد يgرض لك دوك الركابي
صفاء :واالوو غالبسها.
مروى :واتي راه قصييرة بزااف
صفاء :ماشي سوقكم
هنادي :مننك للرااسك. ..
لبست صفاء ديك الغوب ودارت سلسلة رقيقة جوهرية .لبسات صباط طالون فالفضي (argenté) وخلات شعرها مطلوق وصيباتو عادي ولصقاتو من الفوق بلالاك واخا عارفة راسها غتكحلها من بعد بحال فعرس كامي(الا تفكرتو) ...أما وجهها دارت مكياج ديال السهرات
كونتورينغ.ايلاينر فاغابوبياغ بلبلو نوي وفوقو البغيون وركبات الشفار من بعد دارت فاغاجو فالماغون مع عكر ماغون غااامق...وزينات صبيعاتها بخويتمات رقاق مع gورميط فيد وحدة....كانت اطلالتها جريئة .. بالنسبة لمروة لبسات كسوة خزية مع ماكياج بسيط كيبين ملامحها الطفولية .. اما هنادي لبسات كسوة طويلة فالشيبي مع حجاب لي عطاها رونق خاص بينها كلاس مع ماكياج زايد على الايام العادية. و كاميليا كسوة حمرة مع ماكياج خفيف حيت وجهها مع الحمل ولا حساس و اي حاجة كتنوض ليها الحبوب باقين مكملوش لبسهم وصلات لاغوب...لبسات رتيل واحد شورط ايلاستيك كيجمع الطرمة مع سوتيانات بلا صماطي كيتجمعو بسيور من الوسط عاد لبسات فوقهم لاغوب لي كانت مزيييرة من الفوق ومحلولة من الصدر جاية بسميطات بدونطيل ومقبوطة عند الخصر وتنفخاات من التحت كانت طوييلة ومنفوخة بحال دياال أميرات الديزني...لبسات معاها صباط طالون عاالي بالبيض ومزين بالجواهر كاامل.....وقفات كتشوف راسها فالمراية برضى تاام..جات وااااععرررة بمعنى الكلمة كتبان بحال شي اميرة خارجة من سطور شي قصة جاو البنات يعنقو فيها ويضحكو وفرحااناات بفرحة ختهم. ..
كامي :انبقاا نشوفك لعل وعسى تخرج بنتي ولا ولدي بحاالك..
مروى :مصبتي علامن توحمي غاعلى عمي بوش بلا الموسطاج...
رتيل :عرفتي الواليد كان مطيح نص بنات المغرب بداك الموسطاج هههه......واصلا مالي كيجيتكم. ..
مروى :اممم شلا تي مكحلاها علينا انا لي غنطيح تييتيييز بالخزي
هنادي :كيقولو الرجال عيوننا تحب العاريات ولكن قلوبنا تعشق المحترماات ههههه (وبركت تقلي ليهم فالسم ....طلعت زهرة ومنال وامينة كيقراو على بنااتهم فالقرآن خايفين عليهم من العين وهوما كي الصفيحات ضرب فيهم العين وترجع للمولاها.....قرب الوقت باش يمشيو خرجت رتيل مضاربة مع جلايلها وبدات هابطة بجنابها الحلاقم صفيفو ومروى وكامي وهنادي من بعدهم والمراوات حامينها للتحت بالصلاة والسلام كانت العايلة كاملو مجموعة و حنان و شي عيالات واقفين فالدروج كيرشو فالما بالريحة.. وسيف كان لتحت وسط الجوق حدا الدقايقية.. لي كان لابس كومبلي كحل مطرطق عليه مع شوميز بيضة حال ليها صديفات الفوقانيين وشعرو مرجعو للور والضحيكة ديما على وجهو مع هز راسو شاف رتيل بقا عاكيبقل حال فمو فيها وهي تغمزو قرب عندها وهو غير مدهوش باس ليها جبهتها وبقا كيشوف فيها...
رتيل :بايس ليا جبهتي مالي جظاك. .
سيف :على انا كرهت ولكن عاحشمنا من بوك وبا....(سكت وبقا كيشوف فيها )تاا بربي تانا لي واخد الزين...خيابي عااشوية فين باغا توصلي
رتيل :باغا نسكت لجدك القلب..
سيف :واارااك سكتيه من شحال هادي...
جميل :سيااادناا يالله نتحرك باش نجي و مع الوقت...
سيف شاف فالساعة :ااه راه تعطلناا...
خرجو من الفيلا محيحين كل واحد هز طوموبيلتو دا فيها شي حد معاه وديماراو بقاو غير العرسان لي مشاو بووحدهم. الطريق كاملة و سيف شاد فايديها و مرة مرة كيخطف شوفة منها و هي من ركبات و هي كتشوف فيه.. معمرها تخيلات راسها غتطيح فشي واحد و لكن ها اش كان مخبي ليها القدر
4 ديال العشية...
هبط سيف حل لرتيل الباب ومد ليها يدو باش تهبط وهي مضاربة غير مع ديك الكسوة...
سيف جر رتيل لي باقا كضور فراسها مفاهمة والو والبنات دغيا هبطو وقفو مع الناس...طلقاات موسيقى رومانسية كدليل على دخول العرسان...كولشي ضار كيشوف فرتيل لي خاشية يدها فيد سيف وبداو داخلين من الممر لي مخصينو ليهم كان كاامل مرشوش بورد مجفف احمر وفالجنااب الممر محدود بشميعات معطرة بالحمر والبيض....جمعوا gااع الوليدات الصغار وعطاوهم سليلات فيهم الورد وكل واحد عندو وريقة وملي كتقربو و حداهم العرسان خاصو يمشي يعطي ديك الوريقة لرتيل....جا الوليد اللول كيجري بكوستيم كحل وشوميز بيضة والسبيبيط عطاها للورقة ملي هبطات عندو رتيل باسها ومشا كيجري...وقفات كتقرا فالورقة لي مكتوب فييها
"هل خلق الجمال ليختصر عيناك....ام عيناك خلقت ..لتقنعني ان لا جمال بعدها""
#قلم_صفصف_ورتيلة
دارت يظها على فمها وهزات عينها فسيف لي كان كيبادلها نضراتو العاشقة ترسمات ابتسامة خفيفة على ثغرها وحنات راسها مشاو تاني وجات عندها بنيتة عطاتها تاهي بقاو غادين وكل مرة كيعطيها واحد وفنما كتقرا دوك الكلمات كيزيد قلبها فالخفقان مشاعر مختاالفة منوضة الحرب فداخلها مشاعر خوف وحزن من فراق خواتاتها وواليدها فراق الدار لي حلت فيها عينيها وعاشت فيها أجمل أيامها وامرهم. ..ولكن هاد الأحاسيس كاملة كتلاشا ملي كتشوف رااجلها وحبهم لي كيكبر يوم ورا يوم وشنو كيدير على قبلها وكتفكر أيامهم عمرها مقالت ليه تاكلمة مقادة وهو مسايرها. ...فين غتلقا راجل هاكا حسن من ماكانت كتخيل...
فلخر تاع داك الممر واقف عماد كينفخ ومقجوج بديك الكرافاطة لي دايرين ليه وراسو طيتبخ بدوك جوج اقزام لي مصدعيمو كان امين النابغة ونورسين بنت امين مضاربين...(عاد عقت بلي دايرة جوج امين)
بقات معاه مروى بالهضرة وكتجر فيه تاناض معاها وجراتو دخلو يشطحو واخا محنها بالعفيط ولكن عايشين الحياة إما صفاء ضورت راسها كتبرگگ حتا بان ليها شهاب گالس فالطبلة المقابلة ليها.. تلاقاو عينيهم و توقف الزمن حداهم.. كان لابس كوستيم فالgري مع بابيو فالحمر و الحوايج لاصقين ليه على العضلات ديالو اما هو فهام بين نظراتها و طريقة شعرها و لبسها الجريئ لي عمرو شافها هاكداك.. رسل ليها بوسة فالهوا و ناضت عندو تسلم عليه وقف يتسناها جرها من ايدها بلا هضرة و بداو فالرقص ديالهم و عينيهم مقاربين كيشوفو فبعضياتهم بحب.. هو لي تفتن بملامحها و هي لي طااحت فنظراتو و هوما غاديين مع انغام الموسيقى و كيتحركو برشاقة همس فودنها:'عينيك كأنهما الطمأنينة بعد التوبة'
ارتاعشات من هضرتو و بادلاتو ابتسامة و بصوت رقيق:هدشي علاش كنبغيك.. و كملو الرقص و كأن حتا واحد ماضاير بيهم.. و كأنهم بوحدهم.كملات الأغنية و يا ريتها ماكملاتش حيت خلات صفاء باغا تجدب حيت حرماتها من هاد اللحظة
شهاب بعينين كيبريو:جيتي زوينة
صفاء:هه شكرا.. حتانتا.. (حتا بانت ليها زهرة كتشوف فيها بعينين فيهم الشر)واعع تناكت على جد جدودي.. باي و الا شفتيني غبرت سول عليا
شهاب بقا غير كيشوف مفهم والو
عند العرسان مشاو كيضورو على الناس يرحبو بيهم والناس كيباركو ليهم.. فلخر مشاو تقنتو فكراسا تاعهم كيتعنبو على بعضياتهم والناس غيير قلال كل واحد ااش كيدير كان عرس كاالم باغاني غربية هاادية...كانت هنادي هازة جلايلها وغادا كتعوج كيف ديما وهازة نيفها للفوق لكن هادشي كامل ختل ملي شافتو داخل بمشيتو الرجولية وديك التغوبييشة لكتعطيه هالة جدابة ضور راسو وشافها بقا لتواني مصدوم من طلتها وكتبان كيف الوردة مفتحة ففصل الربيع بزيفها لي عطيها رونق خااص...رجع للواقع وبدا جاي عندها أما هي فكل خطوة كيخطيها باتجاهها كل ما الجروح كيتفتحو وعينيها كيتغرغرو بالدموع هزات راسها للفوق كتحاول ما أمكن تكبح دموعها رسمات ابتسامة واهية على شفتيها بزز عندو حتا هي مدات يدها سلمات ليه وهو فراسو ويشوف كانو موضرة ليه شي حاجة. .
امين :مبرووك مادرتو. ..
هنادي :الله يبارك فيك...
امين :احمم شفتك بوحدك فين هو العريس..
هنادي بعدم فهم :اينا عريس؟!! راه مع عروستو. .
امين بصدمة :كييفااش..على هادا مااشي عرسك..
هنادي :واقيلة مقريتيش لي زانفيطاسيون ههه هدا عرس بنت عمي...
امين :لا مايمكنش يعني نتي مغتزوجيش. ..
هنادي بحزن :باغيني نتزوج...
امين :علاش لا نتي بنت الناس ضريفة ومخلقة تستاهلي هاد الفرحة...
هنادي بغصة :الله يجيب شي ولد الناس.
وهوما كيهضرو كانت حضيااهم وكتسجل فراسها شنو غديير ومضاربة مع ديك البعلوكة لي باغا تخصر عليهم الجو
نورسين :واااطلقيني عانمسي عند بابا...
كوتر :جلسي لرض شوفي باباك مشغوول. .
نورسين بقات كتشوف فيها فلخر طيرت ليها يدها بواحد العضة تاطلقتها ومشات كتجري تاتساطحت مع محمد أمين. ..
عند الحيبان تاعنا كانو جالسين فوق الرملة كيتعنبو على بعضياتهم قداام البخر تاشاف سيف شي حد كيعرفو نااض ساس حوايجو وجر معاه رتيل غادي باتجاه داك الشخص...وصلو حداه كان فالتقادة ديال سيف جا سلم عليه و تعانقو عناق رجولي ومع دار حلت رتيل فمها.
رتيل:هدا نتا؟؟
عند هنادي وأمين.
يلااه غايدوي وهي تسمع الغوتة تاع نورسين ضار لقاها جاية تجري تلاحت عليه ومحمد امين تابعها....ضارت نورسين لصقت فرجلين امين وكتغوت وهنادي دغيا شدت محمد أمين مفاهمة والو...
محمد أمين :طلقيني عليها نوريها شكون العور. ..
نورسين كطل عليه من ورا باها :واالعول نينينيييي ..
محمد أمين بدا جي ليها وهي تشدو هنادي وهو كيتركل :عننننن طلقيني طلقيني..صغيورة لاخرة
نورسين :هادا سميتو بوكلاز المكلخ وتانيا نتا اي كدوي تا شعرك رطب بعدا....
هنادي:وااهيا ربي...محمد سيير عند عماد...
يالاه غضور عند امين وهي تجي عندهم مروى..
مروى :هنادي تعاالي تكلمي لإشراق راه مديرين ليها أبيل فيديو.
هنادي :اااه واخا...امين نخليك دابا...
عند رتيل وسيف....
ضار داك الشخص وهي حلت فمها فيه وتاهو من خلال ملامحو عرفهاا. ..
شهاب :رتيل...
رتيل :واللهتا شهاب...
سيف :كتعرفو بعضيااتكم. ..
رتيل :ااه هو البسيكوباط زعما طبيب تاع المفروحين ودابا عندو صفاء هي الهبيلة لي كيداويها.. زعما
سيف :سميتو بسيكولوغ.
شهاب :هههههه سلعة وحدة هي وبنت عمها...
رتيل :كيفاش كتعرفو...
سيف :صديق الطفولة. ..
رتيل :ااااه واانخليكم دابا...
هزت شطايطها ومشات نيشان عند صفيفو لي كانت باركة تخشي فالحلوة وهي توقف عليها كي ملك الموت...
رتيل :حيدي دابا يجيوك الحناش فليل ومع تي ناقصة دود منعاودش لك...
صفاء :وابقااي حاضيااني سيري عند رااجلك. ..
رتيل :نمشي ومنقوولش لك التنقنيقة الجديدة..
صفاء شدت فيها بجوج يدين :عيشتك لاماقولي. ..
رتيل :سي شهاب صدق صحيب سيف من الصغر..
صفاء :ربي ربي؟؟
رتيل :خبيرة مافيهاش تخرشيش ونزيدك راه جا.
صفاء تحلو ليها العينين:وايلي مشفتينيش قبيلة شطحت معاه ولا كنتي كتعنبي على سيف... فيناهو بعدا؟
رتيل تاهي كتقلب تاحست بصفاء كتنخض فيها...
صفاء :شووفي لك صفرة الكماارة دغيا لصقت فييه...
رتيل :انا لي عليا درتو....جبت لك
صفاء :هانا غنوريها اش كنسوا
هزات التيليفون ضورات لواحد النمرة:الو.... سكران عوتاتي اصگع؟!.. نتا ماغتهدا حتا يصيفطوك للغبار... وا شوف شوف بلا متبقا تخربق عليا... بغيتك دااباا تجي للبحر راه كاين واحد العرس ديال رتيل علاش ماجيتيش حتال من بعد و نتحاسبو.. موهيم جي دبا... تهلا
صفااء 😂😂❤️
كاميلياا 😍😍
مروى 💖💖
سكينة 😍😍واتاها الجو ديال المدينة
هنادي و الشيبي 💘💘
و عرووستنا رتيل👰👰👰
صفاء:هاحح لقيت لي يهنيني من هاد الخليقة.
مشات رتيل وخلاتها كتفكر شوية بدات داخلة الشهبة لابسة واحد التكشيطة بالحمر كتبري كتبان من تلات ولاد فارس(بس:هادي سميت عروبيتنا 😂) كتبرق وحداها لبنى بتكشيطة فالفانيدي عامرة موزون و مركبة التاج زعما ضد فالعروس.. دازت حداها سكينة حيداتو ليها و هرساتو
لبنى:نتي مكتحشميش؟!
سكينة:متطلعيش ضد فرتيل حيت متكونش ليك ابنت الشهبة
لبنى زفرات و تبعات عبد الباسط لي جاي ويتعكل عابوحدو وعينيه حمرات و زيكو نيشان عند امنية و الشو داير فيها بعقلو مشا برك هو و البشير مع الرجال....مشات الشهبة لجهة المراوات لي قدها وخلات تريكتها مزلعة مشاو سلمو على صفيفو وبقا معاها عبد الباسط....
شهاب:فاش عطيتيني لانفي كان ديجا سيف عطاني.. و اكتاشفت بلي كتعرفو بعضياتكم.. مبغيتش نقولها حتا تعرفوها نتوما بوحدكم
صفاء:راك مطيور ابب
شهاب:اجي تتعرفي على الوليدة
صفاء برقو عينيها:اه اه يالاه
فواحد الطابلة گالسة حنان و مامات شهاب لي فاسية كيهضرو
لالة مليكة كتنطق القاف بالألف و الراء بالغين :شماشي نقولك يا لالة حنان لبارح سقمت واحد الأكلة بالبيض مصلوق و الروز و شي تخيربيقات جات من دكشي الرفيع.. سيدي عبد الصمد و سيدي شهاب عجباتهوم.. دوقت منها حتى شهد و راجلها
حنان :ايوا حتا تسيفطي ليا المقادير
مليكة :انشاء الله الحبيبة دقلبي
حنان:زيديك حليوات
مليكة:لالا الله يكتر خيرك.. كيشتي انا الطبيب قالي متكتريشي فالحلوة
الشهبة:مرا ديال الزمان.. توقف معاك فالحزة .. عزيزة عليها عائلتها و تدير كلشي على ودهوم.. حاجتها ديالها رااسها و متسامحش فحقها و غيير هو كتعامل مع الواحد على حساب تاعامولو معاها.
مليكة:ايي ريحتيني اختي الله يفتح عليك
الشهبة:و نسولك تانا؟؟لاش بغيتيها؟؟
مليكة:بغيت نزوجها لولدي
الشهبة حكت شعرها الصفر لي فيه الشيب لي خارج ليها من الزيف لي مطلعاه تال الگنة:ايوا شتي واخا هي هاكا.. و لكن مكتستحياش.. مكتخرجش من عندي فالدار.. و كيشتي انا عندي غير الزوافرية.. و تقيل تلعب معاهم و تخرج معاهم.. ماكيتفارقوش.. و كتطير و تنزل من المقلة.. و نفسها سخونة كتعاير و تضارب و لكن كتبرد القلب..ديما مناتفة فالدرب.. ديما جايبة التبرية لواليديها.. و جدها ساااخط عليها
مليكة:اربي ربي اش هادشي طاح فيه ولدي
الشهبة:قولي ليه يهرب بحوايجو محدو صحيح دبا تحركليه شي مجيمرات راه كتعرف شي مشعوذات عندنا فالدرب
*** عند رتيل و سيف
رتيل:دبا واش منيتك غناكل بالموس و الفورشيط.. راه ميمكنش
سيف:غير جربي..راه ساهل
رتيل:نتا كول و شبع و انا خليني نتهاوش
سيف:قولي بسم الله و بداي باراكة من التفنزيز
رتيل:وينوو كتاكل بالموس و الفورشيط.. وا ماكيتبعصص غير المكرفص.. كول بيديك و هنينا
سيف:عرفتي شنو.. غنوكلك انا.. منها نبان مهلي فيك و منها تاكلي و تسدي فمك
رتيل:اهاه واخا
قطع طرف كبير و خشاه ليخا ففمها حتا خرجو عينيها.. و جا الكاميرا مان خدا ليها صورة هي وياه هاكداك و مشا كيقلب على شي تصاور عفوية يصورهوم حيت هدا هو الهدف ديال العرس فالبحر.. يكون كلشي طبيعي بلا تفنزيز
عند مروة و سكينة و صفاء و هنادي و امنية و اميمة و كاميليا لي گالسن فطبلة وحدة كيقرقبو الناب
امنية:ناري شوفو ليك ديك الكتكوتة شعرها غزال
اميمة:حتا عينيها
ضورات هنادي وجهها:اه هاديك هي نورسين بنت مول الشي
امنية:بااينة باها شي تيتيز
هنادي :تييتييز من داكشي و لكن خصارة مزوج
سكينة:وا شوفي مها كيكاتاكل و ناسياها
هنادي :ماشي مها هاديك عمتها.. مها مجاتش
صفاء:هاديك راها واحد اللفعة مسمومة مقطرة متسوا ماتصلاح
هنادي :بقات فيا نور مسكينة مكاتاكلش.. غير كتشوف فباباها
كاميليا:باباها هو لي بارك حدا فهد؟؟
هنادي :ويي هو هاداك
أمنية :وا تيتييز اختي.. تفتحات ليا الشهية
مروة كتاكل مامسوقاش:نتوما فهاج العمر خاصكوم تكونو كتفكرو غير فمستقبالكم ماشي فالتيتيز و الخوا الخاوي
صفاء:القراية خليناها ليك... هنادي معرت مال جيك نور ماكاتاكلش
هنادي وقفات:كولو هانا جايا
مشات عند نورسين لقاتها عاقدة الغوباشة و مربعة يديها
هنادي طلات عليها:نوورة
نورسين بنفس الطريقة كطنز:هنادي
هنادي :مال الزوينة مكاتاكلش
نورسين بنفس الطريقة عوتاني:و نتي مالك اخالتي؟
هنادي ضارت عنج كوتر لي لقاتها كتشوف فيها و كتخمم:علاش مكتوكليهاش
كوتر :اانا... هي مكتبغيش تاكل ليا حتال من بعد و تمشي عند باباها
هنادي :لا البنت باقا صغيرة وكليها معاك باش تولي تفهم
نورسين:و نتي لي كتاكلي كتفهمي؟؟؟
كوتر خنزرات فيها:ماشي هاكا كنهضرو مع الناس
نورسين خرجات لسانها و رجعات كتشوف فباباها
هنادي جرات كرسي و گلسات حداها:تبغي نوكلك
نورسين:absolument pas
هنادي:شكون علمك الفرونسي
نورسين:اللسوم (الرسوم)
هنادي:و الرسوم معلموكش تاكلي فالوقت و تغداي فالوقت.
نورسين:اسنو بغيتي
هنادي :بغيتك تاكلي
نورسين بدات تضراف:مكنعرفش ناكل بوحدي
هنادي:واخا نوكلك؟؟
نورسين بلا مبالاة:واخا
هنادي هزات الفورشيط و غاديا بيها عند فمها.. حلات هناجي فمها باش حتا نورسيت تحلو و هدشي لي كان و جا المصور عوتاني فهاداللقطة و صورهوم بجوجات
هنادي :شفتي.. هانتي دبا كليتي..زيديك هادي
و بقات كتوكلها و كتضحك و امين من بعيد كيشوف فحركاتهم.. اما كوتر كتشوف فيهم و فبالها الف مطرقة كتخبط
كملو الماكلة و جاو السرباية هزوها و هاد المرة قالت ليهم زهرة يخدمو الشعبي حيت العرس بلا شعبي ما عرس ماوالو
غير خدموه و ناضو لي فيهم الجدبة.. الشهبة و لبنى هوما اللولات كيلوزو بحال الشيخات. وديك لبنى كتشطح بحال الطراكس ماكين غير آرا.. و لكن وصلات واحد اللقطة بغات تدير فسها معلمة.. بغات تشقلب و عكلاتها الرملة طاحت بحالا راكبها بوعنينيز.. ناض عنقها معوح.. برداتها و تكمشات و مشات تگلس و بقات غير الشهبة.. حتا بدات جايا حنان و اكرام (خت سيف) ناضو بالشطيح و الرديح و تبعاتهم زهرة لي كتشطح و مراعية للناس لي حداها.. و جات منال من بعد
زهرة كتشطح و داوية:وا منال ياك قلتي ماخلاكش بوشعيب تشطحي
منال:وا عرس بنتي بغيتيني نتسطا
جرات عماد يدخل معاها و بدات تشطح هي وياه و دخلو صفاء و هنادي و سكينة لي مشاو بدلو الكشاوي و لبسو تكاشط حتاهوما عجبهوم الجو و دخلو بردو الهوايش
رتيل گلسات حتا عيات و لكن جاتها الحالة و ناضت حرات عماد من عند منال و بدات تشطح معاه و منال شادا ليهم الميزان
منال:هاك هاك على لالة العروووسة
رتيل :و بغيتيني نتسطا
دخلات نورسين و كوتر كيشطحو بشوية عليهم و كتر الصداع و البحر خاوي فيه غير هوما كيشطحو بحال المهابيل
كاميليا بركات حدا سيف و كتنگر:دبا علاش منشطحش؟
فهد:الطبيبة قاتليك متديريش مجهود بزاف
كاميليا:غير شطيحة صغييورة
فهد:لا هي لا.. راني خايف عليك نتي و البيبي لي فكرشك احياتي.
كامي:امم مكتغيرش عليا زعما
فهد:ضروري واش الدنيا مخلطة و تنوضي تشطحي
كامي:وينو يخليك ليلي
عند البنات لي كيشطحو
مروة لي غير كتصفق:صفاء سيري جهة شهاب و شطحي باش يشوفك مزيااااااان
داز لرتيل و قبل مايحطها عليها رجعات اللور:الوليد انا عروسة.. تانيا العروسة مكتشطحش انا كنت غير كنعلق ليها
و ضار عند صفاء بشر :هي نتي لي كنتي مجمعة عليك بنادم و كتشطحيييي؟
صفاء:عمو خليني غير نشرح ليك
بوشعيب :ماتشرحي ليا مانشرح ليك... (ضار عند شي بنات) ياك هي لي كنتو ضايرين بيها
كوتر:اه اعمي.. صفاء
بوشعيب :هااانااا... و مني نقولولسك نوضي تشقاي تقولي لا ضارني ضهري و عند الشطيح گالسة تشتفي الله يتعل بوها قاعيدة.. تال للدار و نشوفو
صفاء مرضاتش:واخا
داز الوقت دغيا غي فتقرقيب الناب و النميمة حتا وصلات اللقطة لي غتلوح فيها الورد.. تستفو البنات موراها و صفاء و كوتر كيشوفو فبعضياتهوم بشر:زعما يا أنا يا نتي... بدات رتيل كتحسب.. واحد جوج تلاتة.. و هووبب... شداتها هنادي لي فرحانة و متيقة بلي هي لي غتبعها😂
كوتر هنا تأكدات من الفكرة لي عندها و حان وقت التنفيذ و لكن حتال للدار.. و دابا حاان موعد الفراق...
كانت رتيل شادة فيد سيف وكوولشي واقف عليهم...تقدم فهد وشاد معاه كامي وقفو قدامهم...
فهد :سيف رتيل امانة عندك راها فمقام ختي ومانبغيش ليها الضرر تهلا فيها راه واخا كطير ولسانها سابقها ولكن ساعف معاها ودير ليها عقلها....
سيف ربت ليه على كتفو :متخاافش فوق عينيا...
رتيل :عندااك ترمش وطيحني. ..
فهد :ههههههههه هاديك فريفرة ديري عقلك راك دابا مزوجة ونقصي من قصوحية الراس والهضرة..
رتيل كتمتل عليه :يااك اخاي جلول هادا مانسوا عندك..
جلول بدا يدمع وهو يتلاح عليها بتعنيقة :وااهياا خيتي رتييلة معزتك راه عالم بيها عالله...كتقطري لياا من قليبي عاارفك كنتي كضربيني وتعايريني على مصلااحتي حيت انا منسوااش...اش ندير بلا بييك...رااه تفوتيني رجليا يخرجو للشواري. انا راني شلگوط منسواش.. راني خاص لي يضربني باش نتهز
رتيل عنقاتو :وااجلولي رااني نضربك ومانخلي لي يضربك..
بوشعيب جا جر جلول :حيد تاامشاركني تافبنتي....وليدي سيف ااش نقول لك الله معاك والله يصبرك مع هاد الخطية....كيقولو بلي الله ادا احب عبدا ابتلاه وبنيتي ديرها ابتلاء من عند ربي...
رتيل :يااك اباا والهما صدقتي..
بوشعيب :واالحقيقة غتخلي بلااصتك ابنيتي...عويينة وحيدة غاتمشي وتخليني.... ااش ندير بلا بك...شكون يلعب معايا الكارطة ويقمر معايا...اييععع هئ هئ
رتيل :سيير اباا راك شوهتينا.
بوشعيب :هااه واتهلاي فالدري راه ولد الناس واخا ميستاهلكش ولكن معندنا منديرو...تهلااي فييه.. بقا فيا سيف مسكين هئ هئ
منال جات كتمسح دموعها وقفات قدام سيف...
منال :ولدي سيف حناا عطيناك بنية وحدة طرف من كبدتنا امناها عليك امانة فعنقك حافظ عليها ...
سيف :كاين شي حد غيأدي عيونو اخاالتي متخمييش بنتك فامان وكن مكنتش قد المسؤولية منجيش ندق باب ظاركم. .
منال :عارفاك اولدي ولد النااس ولكن بنتي راه شوية قبييحة. ..
ابتسامات ليه بامتنان وضارت عند رتيل وشدات وجها بين يديها :رتيل ديري عقلك ابنتي نتي دبا وليتي مرة مزوجة عندك مسؤوليات وبزاف ديال الحواايج ديري عقلك وحلو اي حاجة بالعقل ونقصي من ديك النفخة تااعك اوكي حبيبتي...)عنقاتها)ااه احبيبتي غتخلي بلااصتك خااوية كيندير على فراقك..
رتيل اكتفات بالصمت وبادلاتها العناق وعينيها كيبرييو من الدموع لي حابسة....والو دوك الدموع مبغااتش تهبطهم لا هي لا صفاء لي كتشوف من بعيد و حابسة دموعها بزز جر بوشعيب منال لي مقدرتش وبركت تنوح تماك...بقاو يتسالمو ويتعانقو والبكا داير فيهم حاالة...
رتيل :واابغيت انفهم لاش كتبكيو انا راه فرحاانة غنتهنا منكم..
أمجد :انا سااخط علك المسخوطة معرفتش لمن خرجتي..قلبك حجر الله يحضر السلامة. ..
رتيل:غنتوحش دوك ليام ديال الليسي و غنتوحش دكشي لي كنا مخططين ليه فاش كنا صغار بجوج.. و لكن هاني كبرت و تزوجت و حتا حاجة من دكشي محققناها
صفاء كتضحك:يعني نحنا فااشلااات هاهاهيهيهي
دارو هاي فايف.. رتيل:يحيا الفشل
هنادي جات كتعنق و تنخصص:ياله تافقت انا وياك و ولينا كنهضرو غتمشي.. حشومة عليك
رتيل:وا سكتي الشارفة شكتي
هنادي حبسات لبكا:شارفة؟؟ياله 27عام البعلوكة هااي
رتيل:واصافي غير ضحكنا معاك
هنادي :صافي و جيري ليه دوك الكابكايك لي علمتك
مروى لحقت عليهم :واالخلعة طلقي مني..
رتيل خرجت عينيها :جيتي اسخاارة إبليس هه
هنادي:هههههه شوفي كي ولات صفرة...
رتيل خنزرت فيهم وبدات غادا :رااه انا لي غنغتاصبو وهانتوما غتشوفو. ..
مروى :😱غتصوري لينا فيديو...
رتيل :وماالي بنت ليكم جوني ولا مياا. ..
حست بشي حاجة كتهضر فودنها :وااخاا على مك فين كتعرفي هاد الجووج..
ضارت وهي تلقا صاحب دعوتها...بابتسامة متوترة :جوني هو عمي جميل ولا ديك الأغنية جوني جوني ياس بابا ايتن شوgر نو بابا...
سيف :😒زيدي قداامي...
رتيل :ياالااه اعشرااني تهلاااو. ..
طلعو فلوطو وزاادو وخلااو العايلة كتشووف بحزن من فراق بنت من بنااتهم لي كانو عااطين الحياة لدييك الداار وهاهو وصل وقتهم مرة على مرة كتنقص وحدة...
هزو شطاايطهم وكل وااحد ركب فطوموبيلاتهم وزادو.....طلع بوشعيب ومنال وهي باقا كتبكي على بنتها دخلو للبيتهم ومشات جليدست فالناموسية جبدت واحد الألبوم من الكوافوز الصغير تكات كتشوف فتصاور بنتها ملي كانت صغيرة وكتبكي...
بوشعيب :واديك المرة تاقاي الله رااه هادي هي سنة الحياة.
منال :ااجي تشوفها...هنا كانت يالاه دخلات المدرسة اااهي هناا عقلتي ملي تزاد عماد وهي محاملاهش...
بوشعيب جلس حداها والدمعة طاحت ن عينيه :ايه الياام دغيا كدوز يالاه البارح كنت شادها بين يدي غير طريف ديال الحم ودابا ولات مرة مزوجة بدارها براجلها. ..
بوشعيب:نتي راه فمك باري منك.. واش بغيتي ليلة عرس بنتك نسيفطك لدار باك.. دوزي ترگدي
منال:واخا هاهيا جايا.. لحگات غمات راسها و نعسات
كان الصقييل وكل وااحد فبيتو....كولشي ناعس إلا الشباب باقين شادين تيليفونات...ديك الفيلا لي عمرها متلقاها صااقلة دايمن نايضة كيف سوق الا فنصاصات ليل لي كتكون صااقلة ولكن هااد السكات تكسر بواحد الغوتة عاالمية..
رتيل :وااخااا.....واااااااااااوووو هااادي هي الحياة. ..
سيف :ههههههه واتي جلسي لرض اديك المسطية. ..
رتيل :ماالي. ...ااااااااااااااعععععع....
كانت طوموبيل وقفات ومع السرعة جاتهم على غفلة رتيل كانت مشاداش فراسها....حبستها عازاجة أما كن طارت وسيف غير تنحض ههه...
سيف جر عندو رتيل وكيقلب فيها :حبييبتي ماواقع ليك واالو يااك....
رتيل :لا لا متخاافش نتاا..
سيف :واالو. ..انا غنهبط نشوف شنو واقع ونرجع..
رتيل :نهبط معااك....
سيف :لا لا غير بقاي البرد عليك...
هبط فلوطو لقا الدخاخن خاارجة زفر بقلة حيلة ودوز يدو على شعرو وبقا كيمشي يجي كيفكر شنو يدير عيط فتيلي على ديبانااج. وطلع عند رتيل لي بقاات عاكتشووف وضارها راسها تعرف..
رتيل :شنوو واقع..
سيف :سالا الماا ومعندييش بفففف....عيطت لديباناج ولكن خااص الوقت يالاه توصل...شنو نديرو..
بقااو جاالسين كيتسنااو فديبانااج رتيل ترخات وجاها النعاس تكحزات عند سيف ةتكات على كتفو تاهو مكانش من العااجزين جر راسها عند صدرو وضور يدو عليها وبقا كيحك فراسها تاانعسات...دااز الوقت وهو غير حاضي ملامحها كتبان هاادية وهي نااعسة عكس ملي كتفيق العافية الزرgة اله يحضر السلامة ولكن شخصيتها جات مع ملامحها الحادين والمتيرين عكس كامي متلا ولا حتا صفاء لي ملامحهاا طفولية وبريئيين أما مروى ملامحها هاديين كيعطيو نطباع على شخصيتها الهادية ولكن كضرب عامن التحت....سيف بقا مرة يشوف فيها مرة كيهز تيلي يصورها ولا يلعب بيه فلخر حط راسو على راسها ونعس تاهو تااسمع الدقان فالزاج حل عينيه بان ليه سيد من الخدمات قاد راس رتيل وهبط عندهم تافق معاهم على كولشي وعطاهم الفلوس داز عند رتيل كيفيق فيها...
سيف :رتيل حبيبتي فيقي يالااه...واارتييل بفففف ميتة رااتيل....
هزت يدها تالفوق ومع مرخية وعطاتها ليه للوجه وضارت كتبرgم و نااعسة سيف كمدها حيت عارفها مواعياش وناعسة أما كن دفنها....هزهاا تاخرجها من لوطو ووقفها عليها كيفيق فيها بزز تاخلت عينيها مغوبشة وطاالعة ليها القردة. ..
رتيل :ماالناا..
سيف :يميلو ليااا كتر ماهو مايل...
رتيل :هااه بب مالك فوجهك. .
سيف :على انا سااهل معاك...
رتيل :نااري ضربتك ملي كنت ناعسة...واللهما كنحس احبيبي سمح لياا
روسيف :ديريها يزلg فيها جمل وطلبي سماح. .
رتيل تخشات فيه :انا حبييبتي لا ماستمحيش ليا لمن تسمح...
سيف :تاقاي الله راه حنا فالزنقة. .
رتيل :ااه نسييت وااش...غنمشييو على رجليينا. ..
سيف :بففف معرفتش...لوطيل بعيد...
رتيل :نعيطو على شي واحد...
سيف :بففف كوولشي نااعس (بقا كيفكر)..اطون. .نمشييو للدار قرييبة. ..
رتيل :اييناا داار. ..
سيف :يالااه نوصلوو....
جرها معاه وخلاو لوطو هزتها ديبانااج بقاو غادين فداك ليل ورتيل كتجر فديك الكسوة عصبتها مع طويلة وهي معندهاش مع هاادشي والطالون قهرها فرجليها ملي وصلت بيها للعضم جلست لرض...
سيف :دغيا سخفتي. ..
رتيل :وتقوول منزييد تاخطوة قهرني عاد جوج ميترو..
سيف :رااه غنتعطبو. .
رتيل :هزني..
سيف :زيدي زيدي...
تحنا عندها وهي تعلقت فضهرو ركبها..بدا غادي وديك الغوب عصباتو...بقااو غادين شي شوية رتيل عيات من الركبة هبطها..... ديك الطريق لي كانت نوعا ما خااوية...تاخرجو ليهم واحد تلاتة كان واحد طويل وعريض ولاخر قصر منو شوية ورقيوق ولاخر طويييل ورقيييق كي المصران...
.........1:تباارك اله على قيس وليلى عايشين الرومانسية..
........2 :وااتا رااه باقا بالبيض gااع....
سيف بقاا عاكيشوف فيهم مصغر عينيه وكيحرك فصباعو ورتيل باين ليها فيهم البلان...
..........3:شوف العشير طلع داكشي لي عندك تا والاختش وق**** من هناا...
سيف :ولاا مبغيتش. ..
..........3 :غنبدا لمك مصاارنك هناا...
..........2:لا اصاحبي انا مابغيتيبش واالو من غيير ديك التشييتيزة لي معاه...
..........1:وااييه اصااح ليووماا ليلة زااهي....
ماحس تاا جاتو واحد البونية من حيت لا يدري باقي معاقل
.تاجاتو وحدة خراا لاحتو عند صاحبو لي ضهشر بقا عاكيشوف وهو يعطيه سيف بروسية تادوخو على القبلة...شدهم بجوج خلطهم حيت راه عامنفوخين اعلا الخوا كي الشفنج....رتيل ملي شافتهم هاكاك رجعت لور كتفرج وعاجبها الحال تاحست بشي حد جرهاا بالجهد ضارت لقاتو داك السبسي لي معاهم...
رتيل :يااك ماا بردو علك عضاامك. .
....... 3:اااه وبغييتك تسخنييهم. .
رتبل :هي لولة...
لواات ليه ديك ليد لي شادها بيها وهزت رجلها عطاتو للضهر تاجا على فمو وبركت تشتف عليه بالطالون تادغدغ خرجت فيه gااع غدايدها. .فلخر دفلت عليه وبدات غادا عند سيف لي كان كيتسناها باقين مهضروش ضرب فيه الضو مجهد تاع شي طوموبيل كانت بيكوب مخرشة وقفت وهبط منها راجل كبير هاز فيدو هراوى. .
راجل :شنوو دارو ليكم هااد الكفاارة...ياكما شفروكم
سيف :ياينة عليهم حالة شافرينا. .
الراجل :والحقيقة غزيتو فيهم كانو محنين بنادم هنايا..
رتيل :لي خشا راسو فالنخالة كينقبو الدجاج..
الراجل :عندك الحق...نتوما ااش جابكم لهناا. ..
سيف :خسرات لينا طوموبيل...
الراجل :ااه واازيدو نوصلكم. ..
سيف :الله يكتر خييرك....
حل ليهم لور وطلعو واخا كانت مخرشة ولكن حمظو اله ملي لقاو شكون يوصلهم. ..
سيف :ههههههه الرومانسية ابب يوم عمرو مايتنسا...ولكن عجبتيني فسليبخ. .
رتيل :بطبيعة الخاال راني ملي كنت صغيرة وانا فلي صال كنتعلم فنون الظفاع..
شيف جرها عندو عنقها :يخليلي المجريمة تااعي..
رتيل :هههههه لي دوا ياكل دواا. ..
سيف :بالصح خليك هاكا..دابا نتمنا من جييهتك.
رتيل :كن هااني...
ضحك سيف وبقاو معانقين لور وكيشوفو فالسماء لي كانت مضوية غير بالقمر والنجوم لي باينين بزااف ديك الليلة بحالة متافقين مع السما ودايرين ليهم مفاجأة رومانسية بدوك الضوااو لي كيزينو السما ويخليك مبهور بعضمة لخالق سبحانه ويعطييو منضر رووماانسي....
وصلهم للبلاصة لي بغاو شكرو موول البيكوب وهبطو....
كان حي راااقي فيه غيير العمارات قداامهم جرييداات. ...وقفو قدان واحد الموويل كان بابو كبيير وااقف قدامو العساس لي غير شاف سيف سلم عليه وحل الباب....هز سيف لي فاليز ورتيل عاتابعاه كضور فعينيها...طلعو فلاسانسور وهي غير سااكتة....وقفو فالطابق لي باغين خرج سيف وتبعاتو رتيل تااوقفو قدام واحد الباب حط سيف لي فاليز وجبد السوارت حل الباب ودار الطريق لرتيل تدخل...
سيف :مرحبا بييك فدارك. ..
رتيل :دياالمن هااد الداار...
سيف :مسلفهاا. ..دياالمن متلا....بطبيعة الخاال دياالي..
رتيل دخلت كدور فراسها :اممم زوييينة....
.خلو للبيت لي كان كبير وزويين كان مصبوغ بالبيض والgري واتاتها بالكحل فحال الناموسية لي كانت كبييرة ومفرشة بكوفرلي كحل وكاينين فوطويات صغار دايرين فالجنب مقابلين مع البالكون لي كيطل على الجريدة....عاد ديك الطابي الدايرة الوسط بالgري والكحل والبيض....وفالجوايه لاخرة كاين باب الدوش وباب للدريسينغ روم....(المهم انا لا بقيتو نابعيني فالشرح راه مكنتقاداش نمشييو المعقول)..رتيل مشات جلسات فوق الناموسية كتلعب برجليها تا شافت سيف حط لي فاليز ولاح لافيست وبدا كيحل فصدايف ديال القاميجة هي عاشافتو كحلت بالعما وقفزت على حركة الدفاع عن النفس...
رتيل :اادااك عوج السيفة شكاادير. ..
سيف ببلاهة :كنبدل...
رتيل :باييتا نية...
سيف بقا كيشوف عاد فهم :هههههههههه خاايفة مني..
رتيل وقفات عادي :ا..اناا مكنخااف من حد...
سيف كيقرب ليها بنظرات شر :امممم زعماا.....احنا غنشوفو. ..
سيف بغا عايشدها يهضر معاها ضار حداها وهي تنقز من فوق الناموسية لاحت عليه السباط وهزت الكسوة ونقزت جرية وحدة للباب خرجت كتغوت...سيف ضرب ايدو مع جبهتو...
سيف :الله يا ربي الله هادي غتشوهني مع الجيراان. ...واارتييل اعاوقفي ااندوي معااك...
وتبعهاا أما هي كملت فجراها وزادت فالغوات....مشاات للكوزينة ضارت على الصالة امونجي ودارت ليه الكراسة لي عكلوه وهي هربت مشات ليه للصالون كتنقز فوق الصداد فلخر بانت ليه عالكسوة جرها منها وهي طيح على فمها فوق الصداري وجا ليها شدها...
رتيل :هههههه واهو بعد لمرات سخونية الراس كترجع بالبرودة....
سيف :دبا غير. ...(تسمع الدقان فالباب)...شتي هانتي شوهتينا مع الجيران...
مشا حل الباب وهي تابعاه كطل بنص عين كي المشة كانت مرة كبيرة وراجل وبنت شابة...
المرة :اماالك اوليدي سيف على هااد الصدااع...
رتيل وااعتقووني. ..
سيف رد الباب وخشاها موراه ساد ليها فمها ورجع كيشوف فيهم :ههه غير كنت كنتفرج ونسيت زدت الصوت...
الراجل :مامالفااش لييك...
سيف :ههههههه سمحوليا...
البنت بمياعة :سيف لاباس عليك...
رتيل عاسمعت صوت بنت عينيها تحلو وبركت تجبد وهو حابسها وراسو لي كيطل عليهم...
سيف :الحمد الله اختي...
البنت طلعت معاها الصعدة من القمعة والمرأة زادت كضور فراسها بلا حول ولا قوة الا بالله....أما سيف حس بيدو طارت بواحد العضة كقفز خبط الباب وضار عندها لقاها مخنزرة...
سيف :مافيها ميتشاف ههع.. (خنزر) ااجي لااش غوتي بعتقوني. .
رتيل كضور فعينيها :واابغيت انضحك. .
سيف بدا غادي :ودبا تهجريه...
دخل البيت كيبدل وخلا رتيل كضور فعينيها وكتخمم ااش غدير فهاد الحريرة فلخر وكلت أمرها لله لي ليها ليها...مشات للجهة الباب شهيق زفير ودخلت كتقلب عليه لقاتو متكي لابس شورط كحل مع تيشورت بيض بقات كتشووف فيه وغادا تاتسطحت مع الحيط وgدت راسها ومشات للطواليط كضارب مع الالكسوة تحلها والو مبغاتش خرجت تاني كطل عليه وهو شاد تيلي كيلعب مشات باتجاهو نغزاتو. .
سيف :شنوو..
رتيل :حل ليا الكسوة..
تكاحز سيف بلا ميهضر جلست عطياه بالض8ر بدا كيحل فالسنسلة....قاصو روووس صباعو ضهرها لي خلاو القشعريرة تجري فعروقها كانت انفاسو تقيلة وكيشوف فيها ولكن فلخر زفر ورجع شد تيليفونو انا عي هزت كسوتها ومشات جرت لافاليز لدوش حيدت الكسوة وحيدات ظاك البيرميدة لي زيراتها ومشات كتقلب فلا فاليز لقات عاخيطو بوصيحة فلخر حلت جيب الفوقاني وكتشوف فيه بحب جبدات توني عريض وشورطو حيدات توك لي سوتيان ولبسات تيشورت وشروط جبدات ديماكيون من صامصونيط لي مع الفاليز ديماكيات وجهها وغسلاتو من بعد حلات شعرها وخلاتو مطلوق وزعمت خرجت أما هو عاشافها وهو يحبس الضحكة ماداتهاش فيه ومشات تخشات فالناموسية نافخة ريشها وهزت تاهي تيليفونها ممديهاش فيه وعينيها مرودو مرة كيمشيو يشوفو فيه..
سيف لاح تيليفونو :تااعطلاه واش هادي حالة وحدين بالاه مزوجبين. ..
رتيل :نتا لي بديتي...
سيف :ااش درت اناا...واش انا لي شوهتك مع الجيران ولا عابغيتي تهضري معايا بديت نطير ونزل...
رتيل :وااتا راه. ..من الاخر راه عالخوف
سيف :شنوو...دابا خايفة مني انا مالي ااش غندير لك..
رتيل بنص عين :زااشوف نتاا..
سيف ضار عندها جر وجهها عندو :شووفي عارفك خايفة ومتورة من هادشي ولكن هادشي رااه ميستااهلش تال هاد الحد انا راه مغنبزز علك تاحاجة كوولشي بخاطرك إلى مكنتيش مرتاحة ماشي مشكل على خاطرك...
رتيل :صاافي انعسوو. .
سيف :أودي صبر أيوب معااك نعسو نعسو. ..
ضار حيد التيشورت وهي عا حالة فمها فيه وفجسمو وكتكززز فحوايجها (بان ليا هي لي غطير عليه) طفا الضو وتكا وجرها عندو حطت راسها على صدرو...بدات كتسرط فريقها وعينيها كيضورو وكتفكر..
بقات رتيل كتفكر وضور فعينيها تاخرجات بقرار واحد...ناضت من فوق صدرو وتمدات للفايوز شعلاتو وضارت عند سيف كتشوف فيه هاد الأخير لي بقاا غير كيشوف فيها معرف نالها...
سيف :مالك...
رتيل :ااححم شوف فكرت ولقيت أن هادشي تابعني تابعني...
سيف :شوفي رتيل على خاطرك. ..
سمحات لنفسها غمضات عينيها وقربات شفاهها من شفايفو وطبعات قبلة خفيفة على شفايفو كانت كفيلة باش تعطيه الاوكي هز يدو دارها ورا راسها ورجع لاقا شفاههم فقبلة خرا عمييقة حااملة مشااعر كتييرة تخالطات انفاسهم وشفاههم لعدة دقايق وقلوبهم كيرقصو على سمفونية العشق....
أصبحنا وأصبح الملك لله....
ضربتها الفيقة بسباب الشمس لي دخلات من البالكون هزت راسها مغوبشة وهي تلقا رجلين عند راسها ناضت بالزربة لقات راسها حاطة رجليها على المخدة وراسها عند رجلين سيف
رتيل :يااه على الرومانسية صابحة مgلوبة يخخخ
ضورت رجليها تنوض وهي تحس بالضو ضربها تحت كرشها غمضت عينيها وزيرت على ليزار :سير انا شبغيت لك عالgرد فداك لي مايتسما فلعصني ولد العبد (ضارت عندو باغا تخنقو)شو المفدعس لاخر ناعس بحالة مداير والو
خادت شهيق وزفير وجمعت الصويت و:سااااااااييييف🤓
سيف معرف راسو باش تبلا ناض مقلوب ضور راسو لقاها كتشوف فيه ببراءة :ماالنا ااش كاين؟😕
سيف مسح على وجهو :ااش هاد الزهر اربي واش الناس كيفيقو بالورد والبوسان💋 وانا فايق على صوت لارااف اله يحفض😬
رتيل :هااظي هي انا احبي خااصك تولفني😊
سيف :ااه بوستي.😋
رتيل :النبg ماكفااكش البارح.😒
سيف :البااارح. .أما دابا راه اليووم😑
رتيل :لا قنوفتي ضاراني🙄.
سيف جرها عندو :أمم انشووف مالها...شكون دار لك هاكا😶
رتيل :نتاا.😓
سيف :راك نتي تي لي بنينة. . ااجي نداويها لك (وباسها بوسة خفيفة أما هي بقات غير كترمش عاود باسها فعويناتها)يخليلي هاد العوينات الخوضر😍.
رتيل :حتاا نتا😘
نااض سيف لدوش وهي مبغاتش بقات جالسة كتكزز وحاسة بالحريق مي مبغاتش تقوليه....ضورت راسها هزت تيليكوموند شعلت تيلي كتقلب بملل وتا حاجة معاجباها تااخرج سيف مدور علية فوطة وشعرو طايح على عويناتو هي بقات حاضية واحد القطرة طاحت ليه من شعرو ومشات على نيفو تم شفايفو من بعد للصدرو ودازت على سيكس باكس حتا وصلات للفوطة ورتيل عاحالة فمها وطتغزز فشفايفها غمزها ومشا لبس غير شورط فالبلو ماغين وخلا فوطة صغيرة على عنقو كيمسح شعرو مشا باتجاهها وجلس حداها. .
سيف :مكااينش الحشمة بيناتنا انا وياك واحد ولي ضراتك ضرني. 😬
رتيل كتشوف فيه بنص عين :امممم على كداااب. 😐
سيف دار يدو على ضهرها ولخرا تحت رجليها وهزها :ههههههه زيدي معنظكش مع الرومانسية...
رتيل :الله على ركبة صاافي مغنبقاض نمشي على رجلياا.😂
سيف :ههههههه هانتي دوشي انا غنمشي للفارماسي ونجي😘
رتيل :اووكي بب
****فخربة عائلة البارود
فالبيت لي كيتفرجو فيه.. بعدما فطرو مشا محمد يناقش مع جلول
محمد:دبا اينا تخصص باغي تديرو اجلول
جلول:بغيت نولي طبيب 😐
محمد :دوي بالعقول.. واش قادر على لافاك؟؟ ولا تدير غير التكوين؟؟
جلول:التكوين لي غندير هو نكُوَن حدا موي
جميل صنگعو:تا دوي بالمعقول😠
محمد:دبا راني داوي معاك من نيتي راه حتا لافاك موحالش واش تدخل ليها راه غير غنواسط ليك 😤
جلول:لااا اعمي هادي جريمة😕 بغيتيني نكون من صحاب باك صاحبي باش يضحكو عليا😖انا نفسي هيين👈 صافي غندخل للعسكر😷
جميل:موي موي على فورمة العسكر فيينك اشعيبة تجي تشوف😦😦
محمد :وا دابا نتا غير لي جات على فمك تقولها .. تا اش جاب هادي لهادي
جلول:شي حاجة عندها علاقة بالسيونس!! 😅
محمد:وا هضرتك مخربقة كتر من حياتك😡
جلول(كيهضر بحال داك السيكيريتيتي لي فالدرب):نولي كنصور الناس فكارط ناسيونيل ياالاااه🤓فين الموشكيل🙂 انا ما في قلبي على لساني😎انا انساان صرييح🤗 انا مرييض نفسااوي انا مريض😢
دخلات هي للدوش وهو مشا لبس دغيا تيشورت وخرج للفارماسي لي كان غير حداهم....رجع هاز الدوا عطاه ليها ومشا جمع دوك ليزارات وكولشي ودار كوفرلي ااخور ومشا لكوزينة....خرجت من الدوش لابسة بينوار فالبيض وشعرها باقي سارد والابتسامة على وجهها اول مرة تنووض مقادة سمعت تيلي كيصوني لقاات الحلاقم معيطين ليها ابيل فيديو
مروى :وااشووفي لك ناايضة ضااحكة.
صفاء :يااحليلي الحلوة كتقاد المجاج. .
رتيل :وا الكوا دوا
صفاء :انا بعدا غنتبعك ابب رااه الحب ديالي عرفني على ميمتو.
مروى :يااك الحلووفة انا لي صدقت مخورة..
جلول مع دخلت سمعها :واامااما كتقوول الكلام الخاايب.
مروى :نعل بووك سكت...
رتيل يالاه غتدوي سمعات الصونيت قطعات عليهم ومشات بشوييية عليها مع حلت الباب مع فمها تشرع بالصدمة
ومشاا كيتركل ويتجبد خبط الباب وهي بقات غير حالة فمها وكتشوف فيه🙄
عند جلول.
هابط من الدروج كيخبط ويعير مع الشقمة حط رجلو على الحافة تاع الدرجة ويجي طايح على ترمتو ومزلg من الدروج كيدردب.
جلول :واااهيااا المااالييك وااهياا سيدي بووعبييد الشرقي واتريمتي لي نكساب رزاوني فيها...ضربتني بالعين الكفاارة باله انا دعييتكم لله اهيااا ربي ربي.😭😭😭😭
نااض يعكز شاد تحت ضهرو وخرج للجردة عند عطعوط كيفلي ليه تااسمع تيليفونو كيصوني (شتوو هاجلول داير تيليفون).مع شاف الاسم وهو يتحل ليه فمو كي البغل كيضحاااك....
رتيلة يالاه فاقت
سيف.....
عند رتيل وسيف💏
حلت الباب وهو يتحل فمها معاه ملي شافت واحد لوحة نشكيلية قدام لباب كانت بنت شابة والماكياج لي دايرة فيه شوية من ملامحها واخا هاكاك جات كي لاباني فالبرد ولابسة واحد البيجامة مطرطقة عليها وهازا فيديها بلاطو فيه كاس ديال العصير مع كيك الشوكولا على شكل قليب وتوست
كاان صقيييل فالعماارة إلا صوت نورسين لي كاسر الدنيا كانت لاباغطومون gااع مقلوبة وكوتر تابعة نورسين.
كوتر :نووورسييين واادييك الجحموومة اااجي خلااص راه غيجي الطخونسبووغ.
نورسين :لاا ماابعييتس نمسي...بعييت بابا..
كوتر :باباك غيغضب علك لا مامشيتيش.
ضارت عندها نورسين دايرة يديها على خصرها وهازة حاجب ومهبطة لاخر :اولا بابيتو عمرو يعضب من نورسين وتانيا انا مبعيتس نمسي هي معنمسيس.
كوتر شدتها :ااجي لبسي خلااص...راه اول العام هدا سيري تعرفي على صحاب جداد
نورسين:معندي مندير بالصحابات
تلاحت عليها كوتر لبستها بالتغباان والغوات وقادات ليها شعرها لي ديما بوكلي ومطلوق لبستها صباطها
امين:كوتر شكرا بزاف حيت كتعتاني بنورسين مي بلا ما تشغلي راسك انا قاد بيها...لا بغيتي سيري عند خالتي خديجة رتاحي. ...
كوتر :لا راك خويا وهادشي واجبي..
هدا امين ماكيرضاش يثقل على شي واحد عارف انه بإمكانو يعتاني بنورسين غير بوحدو و لكن كوتر هي لي حاسة و عارفة بلي نورسسن محتاجة العنصر الانثوي فالدار باش تكبر بكيفية طبيعية.. اما خديجة فهي خالتهم لي مربياهم بعدما ماتو واليديهم فحادثة سير و هوما صغار.. .
فلخر هبطت نور غضباانة مابااغاش تفطر تبعتها كوتر كيتسنااو فالطخونسبوغ غير جا طلعات نورسين خرجات لسانها لكوتر وطلعت هازا نيفها كيف ديما بكسيوتها البيضة وكوتر كضحك عليها...تفكرت داكشي لي باغا طلعت دغيا للدار هزات تيلي ودوزات النمرة لي غتنفد ليها داكشي لي باغا
كوتر :الوو******لاباس عليك..
........... :لا بأس ونتي...كيداير امين
كوتر :حمد الله أما امين راك عارفاه كيف ديما
........ :الله على حبيبي كيهلك فراسو.. كنقوليه راك ماقادش و لكن ماكيسمعش
كوتر :المهم بغيتك فواحد لحاجة
........ :اما هي...
كوتر :دك الموضوع لي هضرت معاك داك النهار خاصنا نطبقوه ونتي لي غتبداي. ..ااه تانرجع من الخدمة ونعاود ليك بالتفصيل
****عند جلول لي مشا ضرب واحد الكومبلي و كرافاتا قدييمة و جاي خارج كيتعوج
مروة:جلووول.. يكما مرندف؟؟
جلول بنفخة:جبتيها لاصقة
مروة:هاويلي داوي منيتك
جلول:اوومماالك.. ماتجيش معايا ؟
مروة:و شكون هاد تعيسة الحظ
جلول:مزهاااارة لي غتدي بحالي..و طنبغييها
نقزات كاميليا مني سمعات كلمتو الاخيرة:عاود لينا قصة الحب ليك معاها
جلول:كنت مشارك ف واحد الگروب ديال التعارف و لقستها تما و هضرت معاها.. هي مغربية ميريكانية ااايه.. و لكن انا فاللول مقبلتش عليها
مروة و كامي فدقة:وعلااااش
جلول:معنديش مع الفرانصاوية ديال ميرسكان
مروة:لا لا باين العربون.. اهااه
جلول:عايني نكمل.. ايوا هي مطلقة 5 لمرات عندها دري من الراجل اللول و درية من الراجل التالت و توام دراري من الراجل الرابع و اللخر مبقاش معاها بزاف و مات.. اااه ولكن لابااااااس عليها.. قاتليا غيير تزوج بيا و ميخصك خير (و دار يديه ورا ضهرو و بدا يدوي بحشمة:) و انا الصاراحة بغيت نكمل ديني
كامي:صليتي تا الصلا بقا ليك غير الزواج
مروة غمزاتها:حنا بغينا الجديد حياتنا ولات مملة:جلووووول غيير سيير الله يسهل عييك غييير قبل عليها
جلول :واا بزااف علك المسلووق هادا راه لون الشوكولا الفاهيم يخخ بناادم بااقي قديم
السيرفور:دخل دخل مابغيتش نبقا نهضر معاك حيت ممنوع علينا نتعايرو
جلول هز راسو و تم داخل كيضور راسو بين الناس حتا بانت ليه وحدة جالسة لابسة ومقادة وجالسة كتشوف فالبحر القلوبة ترسمو ليه فعينيه داار يدو ملس شعرو وبدا غادي (البنات لاعقلتو على بنات لالة منانة...المدني ملي تلاقا مع السعدية كي كان كيدير المشية)جا وراهاا وحط يدو على عينيها وفمو محلول تاضرست العقل كتبان لي باقي منوضش ولكن تجمعات نلي ضاارت.... تصدم بسكينة دايرة رجل على رجل لابسة فيست و سروال (علموها البنات كيفاش تلبس) و حل فمو...حط يدو على الكرسي جلس وكيستنتج فالصدمة وكيتفتف و شاداه البكية:فينايا ماريا مو بيبي
سكينة :اجي ندوي معاك.. غير قرب و جراتو من الكول :تا شتك بحالا باغي تدير ليا زندق حزلق
جلول بشوية:الناس اسوكيننة النااس
سكينة كتنخض فيه:الناس؟؟ ويكونو الناس واللهتا ندخل فك بگند و اللهما نحير فيك.. ادوي؟؟(هو كيشرح و هي كتعير حتا شداتو من العنق عليه) نقجك دابا نقجك
حتا وقف عليهوم داك السيرفور الحول:هدا نتا عوتاني
جلول:سير خنتناقش مع المادام
السيرفور:نسيتي فاش ضربتيني بقصرية الكافر بالله نتا و دوك المگنفدات خواتاتك (الا عقلتو فاش مشاو مع مروة تلاقا مع داك الفيكتيم زيد و ضاربو فهاد القهوة و جلول خبطو بقصرية)
جلول:اااايواا جمع راسك راك كتعاير ليا فحلقوماتي راني نخرج فيك(ضار عند سكينة لي مخرجة عينيها و باقا شانقة عليه.. بلهجة بريستيجية) اطون بيبي نهضر مع السيد
سكينة تصدمات فيه و طلقاتو
جلول:شووف ااا سي السيرفور انا حاليااا گالس مع المادام.. دكشي كان يامات المهارقة (المراهقة) دبا درت عقلي
السيرفور:درتي عقلك و گعما درتي ليا دوك الغرزات على راسي.. دبا فدي
جلول:هاا؟؟
السيرفور:غرم ليا دكشي لي خسرت بسبابك
جلول:يكما مكتوب عليا هنايا كنطبع الدرهم.. سير حتا تجيب شهادة طبية (نغامس فالدور) و ماتجي حتا يجي ولي امرك
السيرفور زفر:العفووو مع هاد الكمارة.. اش حب خاطرك
سكينة نقزات:زعزع بيان گلاصي
جلول:راه غنوض نزعزعك بشي بونية.. شوف كيكة ديك لي فيها الكوك الوسط و نهضم بأتاي
السيرفور :و المدام؟
جلول:خود اشنو بغات
سكينة:بفف كرواصا
السيرفور:و باش تهضمي
سكينة:غا خليني لي يشوف هاد الكمارة يهضم غير بالفقصة
جلول خرج فيها عينيه زعما اناااا؟!
سكينة:وي بيبي عليك نتا
جلول:اوكي
سكينة:وا اجي كلس نكملو موضوعنا
جلول:اينا موضوع
سكينة:غي گلس و نهضرو
جلول:حلفي ماتقيصيني.. حلفي متضربيني
سكينة:غير اجي
جلول:قولي وا حق ربي الفوقاني
سكينة:وا اجي
جلول:قولي واحق سيدي بوعبيد الشرقي مول المجمر
سكينة وقفات شداتو من گرفادتو و گلساتو
جلول :انا اصلا كنت جاي باش نتلاقا مع ماريا
سكينة:وا انا هياا ماريا
جلول:علاه نتي مطلقة و كتمشي لماريكان وانا مافي خبريش؟
صفاء عنقات الكتاب بتفاهة:ياااي.. كيهضر على واحد الجوج كيبايو بعضياهوم.. هوما ولاد عم و مخلاهمش باباها يتزوجو و بغا يزوحها بواحد اخور و هو بقا كيمشي عندها كل نهار للدار و يقول ليها واش الشعر.. احح واعر بحال لي كيقولوليا شهبوبي
مروة حلات عينيها و ضارت مصدومة:شهاب كيقول ليك الشعر؟
صفاء:خواطر شعر بحال بحال مووهييم كيقول واحد الهضرة.. اا بنيييينة بحالا...
قاطعاتها مروة :وا ربي كيعطي الفول غير لي معندو ضراس.. صفاء ولاو يهضرو معاها بلغة ادبية.. هاا ماقلتها تا انا
صفاء:بحال حگرتيني مالني منستاهلش
مرة خبطات التيليكومود مع السداري:واش نتي لي ماقارية حتا نبگة مقادة و جاب ليك ربي واحد قااري و واااعي و خداام وااعر و لاباااس عليييه و مو فاسية البريستيج و دكشي
صفاء:و السم و دكشي... خمسة و خماامس و الحرمل فالكمااامس لي ماعجبتو فاقصاه و لي حسدني يدير بحالي
مروة هزات التيليكوموض و رجعات تقلب فالاذاعات:صافي صافي غير سكتي
حتا دخل محمد:صفاء رجعي النضاضر لختك و نتي امروة مالك على هاد التجليخة فوجهك
مروة:بابا واش صافا؟
محمد ستغفر الله:ااه نتي هي مروة.. الله يتبتنا عل الشهادة.. صفاء اش جاك ليوم.. حمدتك يااا ربي و شكرتك عشت تا شفت مروة كتفرج و صفاء كتقرا.. سيري ابنتي راني راضي عليك
صفاء :راكم غييير مكتفهمونيش اما انا عزيييزة عليا القراية
مشات هي و مروة لقاوها واقفة فالمرح الكبير ديال الدار كتسلم على الدار وصلات عند امجد و برك يعنق:اااهياا بنيتي غنتوحش مسيمنات من يديك و نفيق الصبااح نلقاك وجدتي الفطور (نقص فالصوت) انا فصاراحة كنت باغيك لوليدي جلول (و رجع يتنخصص) و لكن عاارفك مغتقبليش على داك الخطية
سكينة:و شكون قالها لك، (خرج امجد فيها عينيه) اا بغيت نقول.. راه هو لي ماغيقبلش على وحدة بحالي
نقزات مروة تدارك الموقف:بصح الرجال كيخافو من الزين..غيؤ كتبان ليهم شي تيتيزة يبعدو منها
سكينة يضحكة مرتبكة:اييه اختي مروة.. با عبد المجيد تدوز بيخير.. اجي امريوة
جراتها عنقاتها بحرارة و جرات صفاء حتاهي لي بادلاتها العناق و همسات فودنها:عارفة هدشي بسباب داك المكمل ديال جلول و لكن ولاهلا بقات فيه راه واحد الكنيمة منو ماكاين
سكينة:راك عارفو لي كاين اخيتي و لكن اش عند القلب مايدير...طاطاا جيجييي
جميلة:تعاالي يا كبيدتي عنقيني راه ربي شاهد دايراك كتر من بنتي.. رجعي عندنا عيشتك ابنيتي راه ولدي جلول كايقدرش يعيش يلا بيك.
عماد:تفكرت نهار البنات سيفطتوهوم عند دوك لي ميتسماوش (مسعودة كحيلة ميمون) و بغيت تانا نمشي نشوف ديك المحطة كيدايرة
بوشعيب :تا اش فكرك فداك النهار ابليهودي
عماد:بابا خليني نمشي
محمد:ياله زيد قدامي
سكينة غادية و كتدير ليهم باي باي و عينيها كيدوزو بالدموع.. مشاو خرجو من الدار ركبو فاللوطو و مشاز باتجاه المحطة ديال الكيران
'' فالدار.. وصل جلول كينهج :افين هي.. افين.. فينايا؟؟
امجد:عاايشة مولات الواد؟؟؟؟ ؟
جلول :الااا... دييك... سوكاايناااا
امجد بلا مبالاة:هاء خلعتيني.. راها مشات اوليدي للبلاد
جلول ندب حنكو:هاويلي طليتو خضر
امجد:امالك تنگر ماكاين باس ؟؟
جلول:وابا راااه....... انا غنتبع سكينة
امجد:و فين بالسلامة
جلول ببلاهة:للبلاد
امجد:و هي غاديا عند دار بوها و نتا مالك
جلول :اااه بصح.. و لكن الحب لا يعرف لامبوسيييبل.. هيااااااا
و مشا خرج كيجري باغي يمشي للمحطة.. وصل للنص ديال الطريق و عيااا و شد الطاكسي رجع للدار تكمش
****فالمحطة
سكينة :بسلامة اعمي.. بسلامة اعماد
عماد:اجي اجي نسولك.. هاد الصاك منين شريتيه عجبني
سكينة منيتها:جابتو ليا عمتي محجوبة من الطاليان
عماد:وااااااااو
محمد خبط جبهتو بقلة حيلة مع هاد الخليقة لي حداه
.فلاباغطومون تاع سيف ورتيل....
كانو جالسين فالبيت كيتفرجو فالماتش والمشكيلة كل واحد من فرقة ومضااربين بيناتهم...
رتيل :هاااه وااللهتاا غش...تفووو..
سيف كيقلي ليها فالسم :وااراه اللعابة فركين. ..
رتيل :بزااف علك رااه خورووهم. ..
سيف ضار شاف فيها بنص عين :عاودي شقلتي😒
رتيل :هههههه شوق شوف الحكم صفر عليهم عندهم كورة. .هاااه غيمااركييو...مغتحيدش ديك الشوفة... (بقا كيشووف فيها وهي تمشي حداه بتست ليه راسو)هااه نتا يالاه عمتبقاش مقلق ازيين دياالي..
سيف :جدك انا..
رتيل :تاا راك المبارك بي بست لك راسك جدي راه سااخط عليا من الثغر....عاقلة عليها بحال البارح كان سجد كيصلي ومتبان ليا عاواحد التيمومة عطيتها للقدم ولا كي العربي العرج اله يدكرو بالخير واشحال شبع فيا معيور أما نهار تزادز الدريات طاح ليه الفم فالطواليط والموشكيلة كلن كيتوضا من تم كفر على الصالة مابقا حط جبهتو على لرض..
سيف :الله يقزبك ومالو كيمشي مع العاصر لجامع. .
رتبل :هاانتا قلتيها مع العاصر حيت كتكون سعاد الكوافورة دايزة من تم. ..
قربات منو بشويية وأنفسهم السخان تخلطو مع بعض جمعت الشجاعة ديالها وطبعات قبلة خفيفة على شفايفو ورجعت لور مزينكة...
سيف :هادا ماشي عدل هاادي ماشي بوسة..
رتبل :اا....
جرها عندو وتلاحمت شفاههم فقبلة طويلة خلاتهم يغرقو فبحر الأحاسيس لي مجتاحة عليهم فهاد اللحضة..كان صقيييل على عكس قبيلة وهوما عايشين فعالمهم الخاص تااتخبطو مع الواقع ملي تسمع وااحد الصوت....
●●●عند سكينة....
و هي غادية باتجاه الكار الساك شد ليها فواحد الحديدة و مني جراتو باش تحيدو تفكات السمطة ديالو وتقطع من لتحت و طاحو حوايجها فالارض.. بركات كتجمع فيهم و جا تبعها عماد كيولول كي المرا:ويلي ويلي سمحي ليا اختي سكينة ولاهما قصدت
سكينة:ماشي مشكل.. لا اعمي محمد غير نوض انا نجمع
محمد:لا مافيها عيب ابنيتي
سكينة:ربي يخليك.. رجعو كيعمرو فالصاك و لكن مقطع من لتحت يعني لي حطوها كتطيح
محمد:تسناي هنا انا غنمشي للطوموبيل الا لقيت واحد الصاك كان تما
سكينة :واخا اعمي
مشا و خلا عماد عينيه كيضورو.. باغي يهضر و لكن مقدرش.. حطات سكينة يدها على خصرها:مالك اعماد
عماد :نقولك شي هضرة و متقلقيش؟
سكينة :غيير قول
عماد:جلول واكل الجوانط علك
سكينة:اشناهيا هادي
عماد:زعما.. زعما كيب.. كيبغيك
سكينة لاحت الصاك من ايدها:و باش عرفتيها؟؟
عماد:شتي جلول انا من نهار عقلت و انا كنعرفو.. كابر معاه.. و عارف بلي عمرو ماعامل شي بنت كيفما عاملك
سكينة:كيفاش زعما. ومالو ديما مخشي مع البنات
عماد:هادوك راه بحال خواتاتو.. انا كنهضر على المعاملة عمرو ماضسر شي واحد بحالك
سكينة :سكت سكت البعلوك هاد الهضرة كبر منك
عماد:هاك افمي
جا محمد هاز واحد الصاك خاوي.. هزوه عمروه بالحوايج و سيفطوها للكار بعدما سلمو عليها للمرة الاخيرة
كان غادي وينgرز ويمسح وجهو فكمايمو... كامي مع على سبة قلبتها مندبة والبنات بقاو غير كيبقلو بيناتهم...أما جلول مشا قلب سمية الفايسبوك (متعطيه ليكم نينيني)لأمير الأحزان وبدا كيقلب على طرق الانتحار حلال...وطالق اغنية مالي يانا ومعندي زهر...
عند سيف ورتيل
جالسيين كيتباوسو ويتمعشقو تاتسمع صوت المعلق كيغوت :هااااااااداااااااف وااالااا اااارواااااالع...
رتيل مع الخلعة عضت لسيف شنايفو رجعت لور خلاتو شادها معرف باش تبلا ضارت وهي تخبط جنابها
رتيل :ميمتي خسرنا😱
سيف شاد قنوفتو وكيضحك :وااارباااحنااكم....يعني تحدي لي درناا😈
رتيل :لا لا مقابلاش🤒
سيف :معندك كلمة😕
رتيل :عندك بلاي؟؟
سيف :هههه اااه
رتيل :صاافي نلعبو واي خسر يطيب العشا😁
سيف :وااخاا الآلة نوضي😶
نااضو تgعدو مشاو للمرح لي كانو فيه ديفوطوي بالكحل ومخيدات بالبيض مع طاولة وطابية ضيرة تحت من الطبلة مع دي طابلو فالحيط ومقابلة معاهم تلفاز كبييرة تحتها طابل ديالها غير بالزاج وفيها شي كتوبة....مشات رتيل جلست كتاكل فاللوز و الگرگاع وهو كيقاد فالبلاي
سيف :كملت....لي خسر غيطيب🙄
رتيل :اووكي متاافقين😋.
سيف :ختاري لي بغيتي
رتيل :نلعبو السباق والكورة🤓
سيف :نبدااو😃
دارو فلول مااتش ختارو الفرق لي بغااو وبركو يلعبو ورتيل مقربلة الدنيا بالغوات تاااكملو وكانت رتيل لي رابحة....ضربتها بوااحد الركزة وللتزغريت مدارتهاش تاملي كانت غتزوج
سيف :جلسي احنينتي تي فعار الله اصلا باقي لينا السباق😐
رتيل :وااخاا مربووحة نشاعلاه😜
جلست تااني كيلعبوو وااخا كان شحال مرة سيف كي رخف معاها ولكن غلبهاا وبركت تنغرز عليه تم
سيف :واماارضيتييش😂
رتيل :لا لا ااصلا انا معندييش بيرمي🙄
يف :ويينوو مهم نوضي طيبي العشاا😂
رتيل :مكن..
قاطعها صوت تيليفونها كيصوني هزاتو لقات الحلاقم معيطين ليها....
صفاء :اا فيين الطحبة ولا صاافي الحلوة نسااتك فينا🙄
مروى :كوراه قهراتو مسكين عاارفينك مهاوشة😒
صفاء :متقهرتيش..زعما السيد الطولة والتجرييدة😳
مروى :واتي راك عارفاها واخا تفلعص تصبر😂
صفاء :عاادراهاا ....حااسة بك ابب😋
رتيل عاحلت فمها فيها وبقات كتهز راسها فسيف وترجعو للتيلي هاد الاخير لي جمع الضحكة وناض تgعد يخليهم على خااطرهم
رتيل :ااححم فراسكم بلي سيف كان كيسمع فيكم...
مروى :نااري وييلي لااا😨
صفاء :تشوهنا مع النسيب😳
رتيل :لاش معيطين ليا يالاه دويت معاكم😡
مروى :موحشين فكمارتك راه بااغينك فواحد البلان😈
رتيل :لا انا تزوجت ودرت عقلي عافا الله عما سلف🤐
صفاء :والهتاا نبربق ختي...توgدي معانا رااه ميا خليفة توب ونتي لا....عاارفاك وااحد بنت الحرام مقطرة😏
بدا خارج فهد كيقلب عليها تاشافها مشا باتجاههم سلم عليهم...
فهد :انا غناخد منكم كامي شي شوية ونرجعها ليكم هههه...
مروى :سيرو سيرو توما لي صااددقة ليكم...
جر فهد كامي ومشاو طلعو للبيتهم
جر فهد كامي ومشاو طلعو للبيتهم وهي تلقا لي فاليز محطوطين دورت راسها عليه ومشات باتجاه الناموسية تلاحت عليها كتغبن زفر بحرق ومشا باتجاهها تكا حداها
فهد :كراميلا حبيبتي ميبقاش فيك الحاال
كامي :ااهي اااهي علاش مغيبقاش فيا الحال ..على فراق الدار لي تربيت فيها من صغري على فراق جدي ولا على فراق خوالي اااهي ولا علا فرااق خواتاتي ااهي عمرنا عمرنا تخيلنا نتفرقوو اااهي ولكن كل وحدة بدات كدير حياتها اااهي اااهي مبغييتش نمشي افهد مبغيبتش😭...ااهش مبغيتش نبقا بوحدي😭😭
فهد جرها عندو زيرها :ششششش متقووليش هاكا انا معااك ونتي ماشي بوحدك عارف صعيبة عليك فلول ولكن فلخر غتاقلمي مع الوضع عارف صعيبة تفرقي مع سنين من حياتك لكن راه قدامك مستقبل ولي غيكون معايا اون بليس راه ماشي صاافي مغتبقاايش تشوفيهم بالعكس الوقت لي بغيتي نجيو عندهم ونتي غتبقاي ديما على اتصال معاهم وزيدي عليها انو إشراق كتسنا فيك بفارغ الصبر😘
كامي جمعت البكية :وااخاا قنعتيني مي غنتوحشهم😢
فهد :طبيعي هادشي وراه هادي هي سنة الحياة😏(هبط باسها فشفايفها بقبلة خفيفة )ودابا نوضي نجمعو الحواايج راه موعد السفر قرب😋
كامي كتمسح دموعها اوكي حبيبي
ناضت بشوية عليها غسلت وجهها وخرجات عندو لقات لي فاليز حاطهم خاص غير يعمرو....بدات تجبد فالحوايج وتقاد وبعد المرات كتهضر مع كرشها زعما مع البيبي وفهد غير حاضيها وكيضحك وكيجمع معاها...ملي كملت هبطت للكوزينة هزت السقاطة وخرجت عند البنات لقات حتا هنادي جات عندهم جلست حداهم بااينة فيها غتبكي
مروى :الحب صعييب ولكن حب الشوكلاط كتاار منو اااهيي
ثم ضورت راسها شافتهم وهي دفع كامي :ياالعوجاات كتااكلو وحنا مخليينا كنحطو. ..(خطفت ليهم الطاسة)اارااي لهناا...
مروى :ااري لهن...
كامي:وارا جايباه ليا انا زعما
هنادي:احي نتي تاكلي.. صفاء سيري طلعي فحالك قراي ماينفعك راه بقا ليك يوماين على الكونكوغ
صفاء تصدمت:شششحاال قلتي؟؟
هنادي كتاكل و تفقص فيها:يووومااين بالحساب
صفاء:ناري لا...
مشات طلعات كتجري لبيتها جبدات الكتوبة.. لقات راسها حافضة نوعا ما و لكن لقات راسها مافاهمة والو فالتمارين ديال الكتاب.. و طاحت عليها غيير فكرة وحدة شهاب و صفاء ابيل فيديو
صفاء:زعما نقدر على التمريض؟؟
شهاب:كنتخايلك نتي ممرضة و نتي تمرضي قبيبة
صفاء:لا لا راه غندير عقلي... شي عام
شهاب:دبا نتي راك ذكية غير كتديري راسك مكلخة
صفاء ببلادة:لا انا مكلخة اصلا
شهاب:هههه بغيت غير نفهم مناش خايفة؟
صفاء:وا راه دكشي صعيب و انا اصلا معنديش مع القراية
شهاب:ايوا بداي تبريباري
صفاء:واراه واا بديت البريباراسيو.. كنبدا مع الطناش دالنهار حتال الجوج.. و فالليل مني كينعس كلشي مكنلقا مايدار كنبدا نحفظ و نراجع
شهاب:حاولي تفيقي بكري و راجعي حيت مع الصباح كتدخل الافكار بالزربة للدماغ
صفاء:الله يخليك هضر معايا باحترام و دخل التمريض فالهضرة
شهاب مفهمهاش شنو قصدات:صافي غير ديري فبالك راك غتنجحي غير ديري مجهود باش تحفضي
صفاء:ان شاء الله من فمك لربي
شهاب:دبا شنو لي خلاك بالضبط تختاري التمريض.. كان يمكن ليك تديري لافاك و تدوزي هانيا
صفاء:وا لا انا راه بغيت نولي ممرضة و صافي
شهاب:علاش؟
صفاء خفضات من صوتها:بغيت نخدم حداك باش نبقا نصبح عليك و نمسي عليك
حتا دخلات مروة فرعات الباب:معااامن كتهضري
صفاء ببرود:سدي الباب و خرجي
مروة:مامفاوتاش من هنا حتا تقولي
صفاء:واااش نتي مغتفوتينيش عليك اعباد الله تفرقي عليا و نتي فينما تحفا ليك الجرية تجي عندي انا عندي هنايا تجمع تاع قلة مايدار.. سيري اوااا فحالاتك خليني نهضر على خاطري.
شهاب:تكالماي اصفاء راه ختك هاديك و متعصبيش راه ماقالت والو
مروة:هااااا اذن كنتي كتهضري معااه
صفاء:اه كاين شي مشكل
مروة:لا غير بغيت نسولك.. مومكيين نگلس حداك و مندييرش صداع
صفاء:دوگي فيحالاتك.. ياك جريتو عليا
مروة:تفو هاهيا غادا..
صفاء:مشية بلا رجعة
شهاب:ههه واش علاقتكوم هاكا
صفاء:كل مرة و اشنو..
شهاب:شنو باقا مافاهماش
صفاء:شي تمارين فالكتاب ديال البريباراسيو
شهاب:دوزي عندي للبيرو نخدمهوم معاك؟
صفاء:تقدر الا لقيتي شي فرصة تجي عندنا للدار؟؟
شهاب:الا كانو واليديك معندهوم حتا موشكيل واخا
صفاء:غدا فالصباح؟
شهاب:معاش تقريبا؟
صفاء:امم الطناش
شهاب:هذا راه مبقاش صباح
صفاء:هدشي لي عطا الله انا هاد الوقت عااد كنفيق
شهاب:واخا غنحاول نجي مع الوقيتة
صفاء:شكراا بزااف...باي
هبطات تجري عند محمد
صفاء تلاحت عليه:بابابابابابابابا
محمد:نعااااام
صفاء كتنهج من الدروج:مفهمتش واحد اللعيبة فالكتاب لي شريت ديال البريباراسيو و غنعيط على واحد كنعرفو يجي يشرحو ليا بلييييييز
محمد:بشرط.. تگلسو فالمرح ديال الدار لي لتحت
صفاء:و علاش
محمد:عارفينك كتطيري من المقلة و غتبقاي تحت عينينا
صفاء :واخاا مشااااات
محمد:الله يرضي علك
صفاء:😈😈😈😈😈
.●●عند رتيل وسيف...
وقفات لوطو فحي شعبي كان باقي فايق كولشي كيتهابش واخا ليل هبطو من طوموبيل ومشات رتيل شدت فسيف وجراتو...دخلو فبحال السويقة حتا وصلو لواحد البلاصة الدخاخن خارجة مشات رتيل نيشان عند واحد الكروسة مقادة واقف عليها راجل كبير لحيتو بيضة ولابس طابلية بيضة وبارك كيشوي فدااكشي لي قدامو..
رتيل :با حسان كيفدااير...
هز راسو...شاف فيها وهي ترسم ابتسامة بشوشة على وجهو وبدا كيرحب بيها دليل على انو كيعرفها :بنتي رتيل لاباس علييك...
رتيل :الحمد اله با حسان...كيداير نتا لاباس الصحيحة..
با حسان :واهانتي كتشوفي الصحة العدوة ولكن هاحنا نعديو. ..الحمد اله على كل حال...نتاا ولدي لاباس..
سيف :الحمد اله اعمي...
با حسان دار حركة لرتيل شكون هادا :هاادا هو عمارة داري..😉😂
با حسان :مباارك ماادرتو. ..الله يكمل بالخير...
سيف :اميين...
رتيل :با حسان كيف ديما...😉
با حسان :ضرووري ...
مشات جبدت كراسة تاع الميكة حطاتهم جلس سيف وجلسات تاهي كي تبادلوا أطراف الحديث على كيفاش كتعرف هاد البلاصة وعلاقتهم مع با حسان حتا سمعو واحد الجماعة تاع الدراري...
.......... :وااتشا ورق ليا على قيس وليلى. ..
........... :ماجاهم التشعناب عا فدرب المضاهسيس
رتبل ضارت تشوف وهي تصدم بكليكتهاا. ..
رتيل :صطيكة..😲
صطيكة :ختي رتيل هاادي نتي..
رتيل :لا ..انا هاديك...
صطيكة جا سلم عليها باليد :وااختي راك غبرتي تازيانيتي..
سيف :مدوزيينها. ...واللهتا ايام ليسي عمرهم مايتنساو كنا انا وشهاب واحد الدراري كليكة مجمعين أعلى يخخ زيت..
رتيل :شهاب مابايناش فيه...
سيف :لا لا شهاب كان مرزن مي ضروري ندخلووه معانا وكان كينقلنا ههههه واللهتا اياام....
رتيل :هناا شحال تبعنا با وتخبينا عليه فدار فاطيمة العرجة وشحال ضاربنا مع مومنة حيت طيحنا ليها الباب ولا كنديرو ليها الصداع ولا نسلخو ليها ولدها وبزااف للحواايج...
سيف :صاافي تااحنا نعيشو بحاال هاد الاياام..
رتيل :بالصح..
سيف :ااه ندييرو الزباايل بجووج هههه...
رتيل عنقاتو :شتي تااا مامنكش جووج...
بادلها العناق وديماراو مشااو....وقفو قدام واحد الجرف كيطل على البحر....خرجو وهزو معاهم داكشي وجلسوو فالحافة مدلين رجليهم وكيااكلو..كاان منضر تشوك رومانتيك بديك السما الصافية ولي مزينها القمر مع النجيمات لي سااطعين فالبحر عطاوه رونق خاص مع صوت الماج لي كيتسطحو مع الصخور....
رتيل :شفتي هاد البلايص حسن من لي كنتي غدينا ليهم..
سيف :عندك الحق...الماكلة واعرة والجلسة حدا البحر ومع بنت البارودي راه هادي هي الحياة.
رتيل حطت راسها على كتفو :شكون كان يقول ولد الاسماعيلي غيطيح بنت البارودي...
سيغ :كوولشي مقدر....
رتيل :كنحمد اله صباح وعشية حيت حطك فطريقي😌
سيف دار يدو ورا خصرها وجرها عندو كتر وحط دقنو على راسها :هههههه قوليها لراسك شكان كيقولك فااش مكنتيش كتقبلي
رتيل :هههههه هانتا قلتيها راسي قااصح....عزيز عليا نشد الضد ومعندييش مع التعبير على المحاسيس😅 هههه جاتني بحالة غنطيح من قيمتي لاعتارفت باش كنحس بحالة كنعلن أنني خااسرة قداامك وانا هاادشي معنديش معااه شخصيتي صعيبة وقاصحة عمرني قبلت على شي علاقة مع الجنس لااخر تفادا حدود الصداقة....بالصح اكتر عشراني دراري حيت لقيت فيهم لي ملقيتوش فالبنات ولكن عممر شي حد فات الحدود حيت من لول الواحد لاعطيتيه جوابو وحسستيه بقيمتك راه غيعطيك قيمة وزائد أن عندي صحابات وحدين هوما صفاء مروى وكامي وجلولي هههه واخا دري وهنادي واخا مكنتلاقاوش انا وياها بزاف مي هادو خواتااتي صحاباتي كوولشي بالنسبة لياا....😍
سيف :انا كنغير. .😒
رتيل هزت فيه راسها :هههههه منيتك.😅
سيف كيتمرgن عليها:واابصح غرت. ..انا مهدرتيش علياا
رتيل :هههه نتاا هو الحب والحياة وكوولشي❤...كنتوفاا علك وكناكل الجوانط على قبلك....كنتجوانطا علك اولد الإسماعيلي..ماما حنان وعمي عبد اله هوما لي يعرفو يولدو....😂💋
سيف :هههه باراكة باراكة سديتي ليا الشهية بالتعناب تااعك..
خديجة :نورسين حبيبتي نوضي عند عميتو كوتر تعطيك لي بونبز لي جبت ليك..
نورسين ناضت كتنقز :واخاا المييمة...(ومشات)
خديجة :ولدي انا عارفاك وحافضاك راني مربياك من الصغر من بعد ماماتت ختي اله يرحمها...ونهار المرحومة نور مراتك ماتت وخلات نورسين لحمة فيدينا مبغيتيش تزوج وتجيب شي وحدة لي تكرفس عليها عدرناك وقلنا خايف عليها....ربيتيها ونعم التربية عمرك حرمتها من شي حاجة كنتي باها ومها ولكن راه غادا وكتكبر وغادا وكتحس بغياب مها...
امين بدا كيتعصب :من اللخر...شنو كااين. .
خديجة :نورسين راه محتاجة لام اامين خاصها لي تربيها وتكون بجنبها وتهز عليك الحمل حتا نتا راك واخا صابر لكن غيجي واحد النهار مغتبقاش قاد وحتا نورسين رااه خاصها لي يفهمها من طينتها خاصها مرة لي تكون معاها نتا محيلتك للخدمة محيلتك ليها دايمن مجلزقين بجوج هلااش لي مديرش دارك تكون فخدمتك مهني بالك على بنتك حيت غتكون وحدة فدارك كتسناها تبدل ليها تسمع ليها توكلها تمشي معاها لاماكنتيش نتا هي غتكون بجنبها مرضات غداويها راه ماشي دايمن نتا معاها شحال من مرة كتبقا بوحدها فالدار لا قدر الله وقعات ليها شي حاجة شكون غيجيب ليها أخبار ونحيدو هادشي كاامل...نفسيتها عارفها باش كتحس ولا لا راه واخا كتبين بلي مافيها والو ولكن لا راه عاكتشوف شي ولد مع مو كتزير وكتولي عاكتكزز علاش مكتبغي تواحد يجي عندك بحال كتبغي تصرف داكشي علك نتاا ....حس بييهاا. ..
امين مزير على سنانو :خالتي خديجة دوينا فهاد الموضوع شحال هادا وسديناه عممر بنت المرا غندخلها على بنتي تكرفس ليا عليها حيت انا قادر على ترتدبيتها ومغنطلب تاحد قادر بيها وبرااسي من أحسن منبقاش نسمع هاد الموضوع ولا مغتبقاوش تشوفو هاد الكماارة...(ونااض)
خديجة :كينين بنات الناس لي غيتهلاو فبنتك وغيربيوها حسن من تربيتك فكر اولدي فالموضوع راه هادشي خااص بنورسين هي اللولة فكر اللله يرضي علييك....
صفاء:الاسعافات الاولية.. دبا نتا متلا عندك اكسيدو(الله يحفظك)و طرا ليك شبه توقف فنبضات القلب و انا خصني نرجعو لوضعو الطبيعي
شهاب :هههههه وااخا الآلة
صفاء:وا تكا.. و دير راسك ميت
تكا شهاب فوق السداري و هي شابكات يديها مع بعضياتهوم و حطاتهوم على قلبو و حسات بيه كيفاش كيضرب.. و الدودة جاياها بالشوية بالشوية (فخاطرها:يا رربي واش هذا ندير معاه تجربة.. الله الله اش هدشي.. قلبو كيضرب وااو)
و بدات كتخبط بالشوية و كتقلب ليه زعما فالعرق ديال العنق واش باقي حي و عينيها قراب من عينيه المغمضين (صرع الدور) و هي كتقرب مازال.. كتصادف غير مع بوشعيب كيضور بمكحلتو كيف العادة و مايدخل غير على داك الديكور.. شهاب ناعس على ضهرو و هي شبه فوق منو و عينيها فعينيها فعنقو (زعما كتراقب داك العرق) و يديها فوق صدرو
بوشعيب صوب عليها المكحلة:هايهاي انا عندي عنايا دار الدعارة
جراتو من يدو و ناضو:التقلية ماكاناكلهاش انا.. و حتانتا مغاتاكلهاش.. عيب
دخلات للكوزينة ملقات تا واحد :منااال.. زهرة
دخل جلول كينقز:هااااي.. شكون هاد التوركي ؟؟
صنگعاتو:هدا استاذي
جلول:تي نوضي من الزفووط.. نتا بحالا فايت شايفك(حط يدو على حنكو كيفكر و هوما غير كيبقلو) هااااا.. نتا تلقينا معاك فاش مشينا نقلبو على الكنز فديك البلاد@
صفاء:ااايييه.. هو هاداك
جلول جا يعنق فيه و يكرز عليه :ياو مرحبا بيك.. الداار دارك.. شوف دوز ستاراح فميضعي (بيتي)
شهاب:شكرا.. انا دبا جيت غير نعاون صفاء فالقراية و نمشي
جلول :اشمن تمشي.. لا خيرك منساوهش غتبات معانا
صفاء:واراه قاليك غير غيقريني
جلول شاف فصفاء بشر:امم على القراية (ضار عند شهاب بهمس) راه غير كتفلا انا لي كابر معاها و كنعرفها.. هادي طاوية على شي حاجة (و غمزو واحد الغمزة غبية و حل معاها فمو)
صفاء:دبا فيناوما زهرة و منال
جلول حط يدو على خصرو و كيعوج الهضرة:و لااش بغيتيهوم
صفاء:نقلبو على مايتقص.. راه حطو لينا التقلية
جلول يدا يولول:هااويليي على التقلية
صفاء تصدمت:تا مالك ماكاتكلهاش؟؟
جلول:لا مادارو فيها مايليق زعما عندنا طبيب فالدار
شهاب:
صفاء:دبا قوليا فينااوما ؟
جلول:ااه.. راهم فالسطح كيصبنو فالزرابي
صفاء:هاويلي و اش غناكلو؟
جلول مشا حل التلاجة و جبد واحد الطبسيل مغلف بالسولوفان و كيضور فعينيه:هاد البريوات صايباتهوم الواليدة لعيد الميلود ديالي و لكن على وجهك.. حلاال عليك
شهاب:لا ماشي مشكل خليهم للحفلة ديالك
جلول كيخرج فعينيه:اولااهتا تاكلهوم.. و راك معروض.. و زيدون مي غتفرح الا شافتك راك نقذتينا من الموت (بدا دراما ديالو) كون مانتا.. كورا خيتي رتيلة قطعو ليها يدها.. و ماتزوجاتش... و تبقى عالة علينا.. كورا خيتي صفيفو ماتت.. كورا مريوة مسكينة خطاطفوها.. كورا ميمون.. اعع ميمون توحشطو
صفاء:صافي سكت گهمتينا فهمناك اش كتقصد
خرجهوم جلول من التلاجة حطهوم فالفورنو ديال الضو شعل عليهم تال الحد
صفاء:انقص اداك العزوة راك غتحرقهوم بحال وجهك نصدقو لا غدا لا عيد ميلاد
شهاب:و حيد السولوفان راه غيدوب عليهم
جلول:اييه نسيييت.. جبدها و حيدو و عاود دخلها و نقص فالحرارة
جلول :انا عندي واحد 100 درهم عطاها ليا باك كادو ديال عيد ميلود غنخرج نشري بيها بريوات خرااين
صفاء حلات فمها:جلول ياك لاباس؟؟
جلول :واليباس😊
صفاء:مامريضش.. ايمتا وليتي تصرف على...
جلول بفخر:ايوا انا راه درت عقلي وو.. وغنطزوج 😶
صفاء:هنية علك و اش غتاكل نتا وهاد المتعوسة؟؟
جلول:يصرف علينا با 😒
صفاء:جميل صرف عليك تانتا بقا غير على مرتك تاهي.. راك غير كتخور
شهاب جر ليها ودنها:تخصار الهضرة اش قلنا عليه.. دبا راه غتحرق ديك الماكلة لي حطيتو
جات صفاء خرجاتها من الفران و حطاتها فوق الطبلة
شهاب:لا ماتحطيهاش نيشان حيت..
كانت واا حطاتها فوق الطبلة نيشان و ذاب القلع و حتا الطبلة مع غير ديال البلاستيك تضغطات
شهاب:ها اشنو قتليك
جلول:الله يعاون انا بعدا مامعاكومش
هزات صفاء كتافها و هزات وحدة كتدك ففمها و كتدوي و فمها عامر:بدا تاكول مرحبا بيك
شهاب:لا شكرا غير كولي ياك باغين تدوزو بيهم العيد ميلاد
صفاء هزات وحدة و دخلاها ىيك لفمو:اولااهتا تاكل
شهاب فمو عامر و كيدير ليها بيدو غير بشوية و هي اما كتزيد تدخلها ليه و كتضحك حتا ضرصة العقل كتبان.. اتا دخل شعيبة بمكحلتو
بوشعيب:هااااااا.. حصلتك يا المدودة.. دبا نتي لي كتحرشي بيه وا كدبيني
بااقي كيجريو و كيضورو على الكوزينة دازت مروة من حدا شهاب خدا ليها الطاس من يدها و هزها الفوق و مروة بركات كتنهج.. و مع هو طوييييل هز يدو الفوق و خلا الكلب كيضور عليه و هاز الذيل ديالو.. شهاب:غيير بشوية.. الكلب وقف على رجليه مخرج لسانو كيلهت.. و بشوويية حطو ليه فالارض و حك ليه عنقو
مروة شدات فركابيها حتا دفعاتها صفاء من اللور
صفاء:دبا هاد المخلوق خلعك؟؟
مروة:بسيف اختي مايخلعني شوفي قداش.. قدك.. تقول كتوكليه دردك
صفاء:هو مسكين ضريف علاش كتخافي منو
مروة خرجات عينيها:لا ضريف بزااف.. شوكرااان اخويا شهاب.. صفاء سرحي بهيمتك تخرج علينا من الكوزينة راه الكلب حرااااام يدخل للدار.. مني كيدخل كيخرجو الملائكة
صفاء:واراه هاد الخربة عامرة غير بالشياطين فيناوما الملائكة
شهاب:صفاء.. نكملو التمارين لي بقاو؟؟
صفاء:ااه يلاه.. واخا مشبعتش مزيان غنهز معايا جوجات نديوهم لهيه و كول انا وحدة و نتا وحدة.. عطعوط مني تكمل خرج....
شهاب:راه ماكيفهمكش لاش كتحرقي فالحجرة
صفاء:الحجرة عندي مغتقاداش
شهاب:و علاش بالسلامة
صفاء:حيت نتا هو الطااقة ديالي
شهاب حاوط يدو على كتافها و بداو غادين :راه انا لي خاصني نتعنب عليك ماشي نتي
صفاء:و اخيرا قلتي هاد المصطلح
شهاب:من عاشر قوما صار منهم
صفاء:هي غتولي تهضر بحالي؟لا غير خليك هك
عند رتيل و سيف
كانت واقفة كتشوف فالماكلة لي صيبات وعلى وجهها ابتسامة فرحانة باش تشوف رايو حيت خدات وقت تعلم لهادشي هزات وريدة من الفاز تماك و خرجات من الكوزينة وهي دوز على المراية الكبييرة لي ديرينها فالمرح ومشات كتقاد فحوايجها لي لبسات كسوة فالخزي قصيرة ومع توبها ليكرا جاتها على طاايتهاا وملبست تحتها والو صاافي سيف يهتر ليوم وعاودت جمعت شعرها لي دارت ليه شفنجة مرخوفة وشداتو بقلام هزت البلاطو ومشات لجهة خرا مضرgة على البيوت لي كان فيه الات للرياضة وديال حمل الاتقال وصاك تاع البوكس مهم لي كيتحتاج. ..لقات سيف كيدير لطراكسيون لابس غير شورط فالزرق وعرقاان حطات للبلاطو فالأرض ومشات باتجاهو على صبيعاتها تاوصلت حداه...أما هو كان منغامس فالرياضة حتا كيحس بشي يدين دافيين عنقوه من لور وبوسة طبعات فكتفو...
سيف :وااهيا راه بهاد البوسة فشلتي ليا الركابي..
رتيل لي كانت تسرحت فوقو وهي كيطلع وينزل كيدير الطراكسيون(غيير الطراكسيون ههه) :هههه احح فقيهي صحيح
مشا سيف دوش دغيا لبس غير شورط وجا عندها كيتعنgر ومشاو للكوزينة...لقاها مقادة الطبلة وحاطة شلاا طباسل
سيف :لااا كي درتي لهاادشي
رتيل :الله يخلف على اليوتيوب.
سيف :أمم كولشي على الشمع
رتيل :دوق دوق وشووف
جر الكورسي جلس وجرها عندو جلسات على رجليه وخاد كيدوق.
سيف :اممم السالاد معندي مانقول
رتيل :الباسطا صيبتها مزيانة يااك؟؟
سيف :اممم واعرة
بداو ياكلو وكيعطيها راييو وهي فرحانة بداك شي لي دارت تاجات نوبة ديسير لي كانت دايرة فيه دي كيك بالفلان. ..مع داق منها سيف تلون ليه وجهو وعينيه خرجو...شافتو هاكاك ظاقت منهم وهي تخصر وجهها
رتيل :بلا متصبغني.
سيف :مفيهم مايتكاال
رتيل :نااري وانا صيبتهم بحب
سيف :فيهم مداق القرفة
رتيل :لا ميمكنش (ضورت راسها بان ليها المقادير لي حاطة)..اووبس درت القرفة فبلاصة الكاكاو...واافلون معرفتش كي صيبتو
سيف :ماشي مشكيل المهم هو انك درتي مجهوود
رتيل :من ليووم مغنبقا نقاد هاد الكيكات ااوه سيري ياهنادي انا شبغيت لك...كيما غرقتيني فهاد الوحلة الله يغرق لك الروايض سيري يا هنادي...
سيف :صافي صافي اش بغيتي عندهاا.
رتيل :يخخ شنو نديير..
سيف :أمم رتيل بغيت ندوي معاك فواحد الحاجة..
رتيل :ااه قوول...
سيف :عقلتي نهار جييت عندكم للدار وطلعت عندك...ونتي مكنتيش فالبيت...
رتيل :ااه عقلت...
سيف :دابا انا دخلت كنت كنشوف وهما يبانو ليا شي وراق فوق المكتب انا مقصدتش نشوفهم مي تارتني شي حاجة ومشيت هزيتهم ولقيتهم رسومات واش تااعك. .
امجد:كنتي كتقراي دبا راك مشبحة.. تي تسحياي من الراحل و بركي مقادة.. ناضت كتنگرة و گلسات مقادة
صفاء:واراه هاد السدادر كيضرو ف.. ف الظهر وااه عييت من الصباح و انا مقوصة ظهري.. و البيت عندي الفوق كرسي مرييح فينما نعيا نسند عليه كتفي
امجد:ايوا خرجس ليها طايطاي و قولي باغا تبركي الفوق.. اولااهلا كانت ليك
شهاب:يلاه تعالي كملي هاد التمرين
صفاء:وا باقي النهار طويييل
شهاب:انا راه غيخصني نمشي للدار نكمل شي خدمة
امجد تحيك فالگلسة:لا اوليديي و تقووول منخليك تمشي.. ليوم عيد ميلود جلول و غتحضر ليه.. و علاش ماتباتش معانا نتا گااع؟؟
شهاب:لا ماكين لاش راه دارنا نمشي نبات فيها
امجد:لا غتبات هي غتبات مانعودش الهضرة زعما راني حلفت
صفاء تحت سنانها:ايمتا حلفتي اناري
شهاب :ايوا معندي مانقوليك.. غنحضر لعيد ميلاد جلول و يكون خير
امجد:الخير هو تبات معانا
شهاب:ان شاء الله
امجد:سيرو طلعو قراو فبيت هادي و لكن واياااك تضور بيك راها واحد اللفعة ماتسواش
صفاء بالفرحة ناضت باست ليه راسو و طلعات و هو تبعها دخلات للبيت و لقات جميلة كتطم فيه.. و مشات باستها تاهي
صفاء:الله الله على جيجي كتجمع ليا فالبيت
جميلة:واراه كان حالتو و عرفتك نتي و السيد لي معاك غتبغيو تخدمو فيه و وقاديتو
صفاء تحت فمها:حمدتك يا ربي و شكرتك حيت كون دخل كون لقا السوتيانات و الگراسن غير مزلعين
دخل شهاب للبيت..لي هو بسيط.. مخطط بالگري و الگرونة و البيض مع ناموسية بلاصة و نص بفراش گري مقابلة مع الباب و فالجنب بيرو فوقو البيسي و الماريو لي كلو مراية و كوافوزها لي حاطة فوق منو الروايات لي عطاهم ليها.. خرجات جميلة من البيت و هو دخل مشا للروايات لي حاطة و هزهوم:قريتيهوم؟؟
صفاء بفخر :ويي
شهاب:العجب..كان عند بالي مغتقرايهمش
صفاء:قربت نكمل اللولة و غنبدا فالتانية.. الصراحة عجباتني
جبدات واحد المدكرة كحلة :كتبت گاع العبارات لي عجبوني هنا
شهاب:مزيان هاكدا غتبداي تعلمي فصاحة اللغة
صفاء:و الدار كاملين ستغربو فيا كيفاش وليت كنقرا
شهاب:ايوا من ليوم ماكين غير القراية حيت من بعد الكونكور غتبقاس تقراي باش يترسخ دكشي فدماغك
صفاء طاح فوق الناموسية:لاا متفكرتيش فييه. خايفة لا مانجحش فيه
شهاب جا برك حداها و حط يدو فشعرها عفويا:غتنجحي فيه انشاء الله.. و الا مانجحتيش دخلي للعسكر بحال عمك
صفاء ناضت و شعرها تشعكك:وا كتسطا عليا
شهاب:مالك نيت غير ديال العسكر حرشة😂
صفاء :الله يخلينا فصباغتنا..😌(تكات و هزات يدو حطتها فشعرها باش يكمل) و لكن حتا العسكر فكرة زوينة.
شهاب:و تقدري على 4 سنين بلا متشوفي واليديك؟الا فالأعياد
صفاء:هاء واليديا !! زيدني تا مئة عام من العزلة منتسوقش(سهات كتفكر) و لكن صعييبة عليا بلا بيك...
هزت عينيها فيه كيبريو وترسمات فوجهها ملامح الحزن..
صفاء :منقدرش نفكر راسي بلا بك والله عمرني تخيلت غيجي نهار ونولي محتاجة للنصف ااخر والحمد اله انك نتا هو نصفي وليت مكنقدرش نتخيل حياتي بلاا بك...معرفتش كيفااش مشاعري تطورت بهاد السرعة..إعجاب حب بل عشق بففف ولكن كولشي بتعاملك وحنييتك...😍
شهاب :كندعي الله أنني نكون قد متمنيااتك (مد صبعو لفمها وجرو تاترسمات ابتسامة كبيرة على وجهها)مكتجيش معاك التغوبييشة. ..😊
و هوما هاكداك كيتبادلو نضرات العشق تفرع الباب و دخلات هنادي و عاودات خرجات و دقات.. بركات صفاء مقادة و شهاب حايد يدو و دخلات
هنادي :احم.. صفاء كنتسناوك فالترتيبات ديال لانيف
صفاء :فاش بالسلامة
هنادي:باقي خاصنا الزواق ديال الجردة
صفاء:قولي لكامي راه عندها الذوق اما انا راني خراجة فهدشي
هنادي مصغرة عينيها بتشكيك:امم واخا (تلفتات عند شهاب بضحكة) انا ختها الكبيرة (و مدات يدها)
السلالة المجنونة الجزء 12
محتوى القصة
صفااء 😂😂❤️
كاميلياا 😍😍
مروى 💖💖
سكينة 😍😍واتاها الجو ديال المدينة
هنادي و الشيبي 💘💘
و عرووستنا رتيل👰👰👰
نورسيين 😍😍😍
#زيكو بالكلاص💓
رتيلة يالاه فاقت
سيف.....
هل تعلم...ان الدودة لي في صفاء اسرع من البرااق🚄🤓
التنقل بين الأجزاء