هنادي قطعات عليها بلا جواب حيت شوهاتها و كتضور فعينيها و هوما كيشوفو فيها باشتغراب دارت ليهم ضحكة صفرة و ضارت للزاج
######
فدار البارودي
دخلوا كامي و فهد للدار لي غير دخلو سمعو الغوات مشاو بالزربة دخلوا حتا كيلقاو الدنيا مقربلة زهرة معنقة جميلة لي كتبكي وجميل كينgر. .
جميل :شتيي تربيتك فين وصلاتنا هاهو ولا يهرب من الدار معرفناه فين صد..كن خليتيني نربيه ملي كان بعلوك كوراه طلع مقااد ولكن تي مكتسمعيش فين ما نبغي نربيه (كيعيب فيها)الا متسوطوش راه غيتعقد وادابا شوفي فين وصلناا
محمد كيفكر وباين عليه الانزعاج حداه سيف لي هاز تيليفونو كيعيط وتاهو باينة عليه معصب وبوشعيب هاز موكحلتو كيضور وكيغوت. .
بوشعيب :اليووم طيح الروووح عرفتو لاشافهم هاد العينين بربي تانتيري فيهم ...على ااخر ياامنا يوليو يهربو من الدار هاي هاي سايبات ماعليهم حكام اتسناو انا لي رخفت ليهم السمطة من ليوم ماكاين عاقج لولة مشات للمدينة خرا مع الرجال لاخرا هاربة خارجة بلا خبار راجلها ووحدة خرا هاربة من الدار ومادين معاهم الحاج هاويلي باغين يقتلوني ولكن كولشي من داك المستوه تاع ولدك..
مسعودة :اييواا ماال ولدي ااش داار..
بوشعيب :ميكوون عاهو لي دااهم..راه قالوها دوز عل الواد الهرهوري لا دوز على السكوتي. .عاساكت على خبيزتو وكيضرب عامن لتحت..
مسعودة بدات تشابي بيديها :ااهياا لاهلا يحييك ولا يطول زمان على يدييك وليدي مربي ولكن خرجو رجليه الشواري نهار ترافg مع داك كحل السيفة يخخ طريقو كيف وجهو كحلة زحلة الله يحضر السلامة. .
فهد مفهم واالو مع كيهضرو فدقة وكيغوتو :غيير بشوية وااحد وااحد باش نفهم..
محمد :تعالا اولدي جلسو بعدا..
مشاو فهد وكاميليا حداه..محمد :رتيل خدات الطوموبيل تاع سيف ومشاو هي وصفاء وداو معاهم جلول وميمون و معاهم حتا الحاج..
فهد :وفيين مشاو. .
محمد :هادشي لي بااغبن نعرفو..
خبط سيف تيليفون وناض :يخخ توحدة مكتجاوب.
محمد :عارفين راسهم ااش دايرات ميقدروش يجاوبو.
سيف :انا راه منقدرش نبقى عاجالس تقدر تكون واقعة ليهم شي حاجة..
بوشعيب :اممم هادووك توقع ليهم شي حاجة هادوك راه جنيات بسيفة إنس سباحاتولاه معرفتش لمن خرجو شتي هاد الشيب هما سبابو اما كوراني باقي ندك وندردك عايش الشباب..
سيف :راهم هازين الطوموبيل والمخيرة فيهم متعرف تافين كاين الفران. .
محمد :لا راه رتيل مدوزة البيرمي. .
سيف :واخا ولكن راك عارفهم لا تلاقاو دوك الجوجات كيغامرو وبزااف.
فهد :عندك الحق ولكن معندنا منديرو
عند البنات.
فدوار سيدي الفراقشي...
صفاء لي كانت دايرة ليهم صعصع بنو قمقم فالدوار بديك الهراوة ماحست تاشدها شي حد من لور وجاها صوت انتوي ولكن مرجل فنفس الوقت..
وهي كتركل ليها بداو جايين حتا لاخرين بااش يشدوها حيت شافوها غتغلب حادة..عاشافتهم صفاء وهو يتزاد معاها الزايد وبدأت تركل وتنفض ولي جا عندها تجمعها معاها برجلها..
صفر :ياالااه شد..بععد واتا بعد. .(هزت رجلها وركلاتو للمركز)يالله شد بقيتي تزريط تاجبتيها فقشاوشك...سي الفقيه تاقا الله وسيير تركن قبل لانصدقك مفوتة فيك شي دقة
فالطوموبيل كانت رتيل مهبطة رأسها على تيلي ديالها و ديال صفاء كتقطع على سيف ومحمد لي كيعيطو ليهم شوية بدا ينغز فيها ميمون و مزگاش
رتيل بعصبية:واداك الهيش تفرق عليا قبل لانلصق ملتك مع ديك الجاجة
ميمون عاشافها حمرت فيه تركن بلاصتو وبرك يطل على صفيفو لي منوضاها مع دوك الجقلة. .هبطت رتيل راسها كتخندش تاحست بواحد النغزة فجنبها تالبنكرياس سلم على الرية لي من جهة لاخرا يالاه ضارت تعرعر وهي تلقا لحاج أمجد لي نغزها بعكازو. .
رتيل :واللحااج واش تفليبيتي فعقلك..رالك تقبتي ليا الدوارة اصحبي مالك على هااد اللعب الباسل..
أمجد :اللعب هو لي لاعباه بنت عمك..
رتيل ضورت راسها بصدمة ملقاتش صفاء وهي تشد راسها:مييمتي نسيناها كحالت على جد جدودنا كاملين
أمجد عاود نغزها من الجهة لاخرا :انا جدي مات بعدا
رتيل صهلت فيه:الحااااااج راااك بعقلك راه واللهتا نتساخطو هنا..
أمجد :صافي صافي.. .المهم رااه بنت عمك شاادينها
ضورت رتيل راسها وهي تبان ليها عالغبارية نايضة وصفيفو خدامة فركيل..رتيل دغيا دورت الكونطاكط وكسيراات خلات عالغبرة وبداان غادا بالجههههد باتجاههم باش تخلعهوم و تفرتكهوم
ديك الجقلة عااشاافو الطوموبيل جاية بسرعة عندهوم هزو جليلباتهم وفرتحو أما حادة طلقت صفاء هاد لاخيرة لي كانت كتركل ومع الجهد ديالها رجعت لور ومقدرتش تشد رأسها وتلاحت ..رتيل ضربت واحد الفراان تالصق جلول وميمون وامجد و سكينة فنفس الجاجة وخرجو يجريو
جلول :وااهي سيدي ربي فين غبرت الدرية.. زعما تكون اختافات بحال دكشي ديال الفضائيين؟؟
سكينة:تاا سكت
رتيل:وا توما قلبو فيناياااا
عند هنادي
دخلو للدار لي كانت فيلا بجريدة صغيرة و لكن بديكور فخم.. طرومبولين ديال نور كاينة فالجانب الايسر.. و الجانب الايمن بيسين على شكل دائري حداها 2كراسا ديال البرونزاج كتوسطهوم طبيلة زجاجية.. دخلو من الباب الرئيسي لي حلو ليهم امين و دخلو و تبعهوم.. غير وصل تلاحت فيه نورسين كتعنق فيه
نورة:بااابي توحشتك علاس تاتغبر عليا و تخليني معا لابون؟؟
امين:هدشي لي غيفيدك ابنتي و نتي خاصك فهاد الوقت تكبري
نورسين:مبعيتش ناكل دكسي و مبعيتس نكبر صافي
امين عنقها:صافي غير سكتي اجي غنتغداو كاملين.
هنادي كتشوف فداك الراجل لي ديما صارم فكلامو و فطريقة تعاملو تحول فجأة تحول لأب حنيين.. طبعا غايكون رجل ضريف الا كان كيتعامل مع بنتو بهاد الطريقة.. يمكن شي نهار يبدل رأيو فهنادي .. نفضات الافكار لي كيجيوها و ابتاسمات ليهم
نور تلفتات عندهوم و شهقات:جبتي معاك هاد الساحرة... ماسي هي لي عا تطيب لينا ياك؟
امين ضار لقاها كتشوف فهنادي:حشومة تقولي هاكا..
نور مشات عند خديجة:ميمة عفاك طيبي لينا نتي ماشي هي
خديجة:اه هدشي لي غيكون ابنتي هنادي ضيفة عندنا اليوم
نورسين:ميغسي..و نتي اكوتل لااس جيتي ؟؟
كوتر:نتي شتك خرجتي فكلشي.. شوري
نورة خرجات ليها لسانها و مشات شافت فهنادي بتخنزيرة طفولية و طلعات لبيتها باش تلعب
امين للمربية:صافي يمكن ليك تمشي.. جبد بزطامو عطاها واحد القدر مالي و مشات.. و حتاهو مشا لبيتو يبدل حوايجو.. و خديجة و كوتر و هنادي مشاو للكوزينة
خديجة حلات التلاجة:اشنو تبغيو تاكلو البنات
هنادي:غير لي كاين نطيبوه.. ولي تبغي نورة
كوتر طلات على التلاجة:نديرو شي حاجة ساهلة
خديجة:بحالاش؟؟
كوتر:الخضرة سوتي مع لاصوص صوجا
هنادي:انا نعرف نصاوبها نعاونكوم؟
خديجة:ضربي دورة بعدا على الدار مزيان باش مني تجي ليها تكوني عارفة كلشي و حافضاها.. و بدلي حوايجك عاااد جي
هنادي :ماشي مشكل دبا نمشي للدار و نبدلهوم
كوتر جراتها :اجي راه كاين واحد البيت حاطة فيه حوايجي ديال الدار
مروة:غا يرجعو انا متأكدة غيير دايرين من الحبة قبة..
كامي:مااعرت.. قولي اش كنتي بغيتي تقولي
مروة عودات ليها لي وقع من اللول حتال دبا
كامي:زعما يكونو بجووج كيغيرو عليك لاا ميمكنش 😂😂😂.. و لكن رااه صدفة زويينة وااو تلاقيتو كاااملين و حتا ياسين لي 5شنين ماشفناه
مروة:ماشتيش وائل لي وليت فينما نضور نلقاه انا بعدت من المدينة غير باش مانشوفوش و دبا غنبقا معاه 15 يوم
ضارت وراها و حلات عينيها على جهدهوم مصدومة
كامي: مالك.. مروة... ايهو
############
فالدواار.
باقين كيضورو فراسهم كيقلبو على صفاء لي بحالة نشقت الأرض وبلعتها تاكيسمعو صوتها كيغوت. .
صفاء :وااعتقوو... زيييدو جرووني. .
ضورو راسهم وهو يبان ليهم واحد المخلوق مشعكك وgااع موسخ خارج من المطمور ورجليه لي باقين مدلين
جلول كيضحك بهستيريا:هههههه ميمون التاني (خنزرات فيه و جمع الضحكة)
ميمون عاشفها غوت بسمية صفاء وطاح الأرض اما رتيل بدات غادا جيهتها جا أمجد جرها للور وجمع جليليبيتو ومشا عند صفاء جلس حداها قفازي كيدوز على شعرها :الله على بنيتي الله وااش هاد الحالة ياكما كانو باغين يشويوك.
جات ليه رتيل مغزفة :الحاج ياغتنوض ياغنلوحك من تم..
أمجد تكحز :ااتسناي تي راك كتقلبي عليا..
ماداتهاش فيه رتيل وشدت صفاء من يدها كتعاونها طلع كاملة حتا خرجت وهو يقرب امجد كيطل على المطمور وضار عند صفاء..
أمجد :بنيتي كاين شي گميحة فهاد المطمور؟؟
صفاء :ااه راه حفض الله كانو فيه الخناشي أما كن gعما طلعت... كح كح
أمجد جا من وراها :وااسمحيليا ابنيتي طلعتي طلعتي جيبي لينا معاك عاخنيشة.
سكينة :جلول متحگرش على الدراري الصغار مالك حگاار. .
جلول :ا. .زعما راني قبيح
سكينة :ومتباانش على الصغار بان قدام لي قدك..
جلول :ا. .الا متفهميش غالاط راني عاكنربي فيه باش تعرفي كنعرف نربي دراري صغار خاصني غا مرا
سكينة :ربيتي تاراسك بقا لك عاتربي دراري صغار.
جلول :عرفتي ديك البهيمة لي عندنا فالجردة
سكينة :ااه مالها. .
جلول :واراه انا لي مربيها وتي باركة ضحكي عليا
سكينة :حولو مستوه بحالك..الحاجة لي متشبه للمولاها حرام..
جلول تابعها:اا..ولا راه..
أمجد؛ جلووووووووووول..
جلول قفز :هاني جاي..
فالمخيم:
مروة شرعات عينيها فالبالكو لي حداها.. كان وائل گالس فوق الفوتوي و ضاير ناحيتها و لكت شافها قلب النظر ديالو للغابة لي قدامو و هي بقات حالة عينيها.
مروة:اش هاد الصدف اربي علاااش كيوقع ليا هاكا
وائل:ماالك خارجة فهاد البرد
مروة بارتباك:ها.. غير.. غير هاضرة فالتيلي و صافي
وائل شافها اش لابسة و شار بلا مبالاة:غايضربك البرد و باقا الرحلة عاد بدات
مروة شافت راسها اش لابسة لقات غير بينوار فوق الركبة و شعرها الفازگ مطلوق كيتحرك مع البرد.. دخلات بالزربة سدات البيبان و بركات فوق ل فوتوي لي مقابل مع النافذة و كملات هضرتها مع كامي
لبسات هنادي البيجامة لي كانت عبارة عن تريكو بارد فالأبيض فيه نونوس كيوت بالخزي و كولون ديالو فالخزي حتاهو.. و طلقات شعرها..هزات حوايجها طواتهم حطاتهم فوق الناموسية و خرجات كتجمع فشعرها بان ليها لباب ديال واحد الغرفة محلول طلات بعينيها بانت ليها نورسين كتلعب بوحدها
دخلات عندها:مال نورة كتلعب بوحدها
نورة:كنقوليك ديما ماشي سوقك فيا
هنادي:عارفاك مكتحملينيش و لكن انا هنا باش نتصالحو
نورة:و علااس غنتصالح مع وحدة خدات ليا بابا
هنادي:لاا انا ماغاناخدوش ليك بالعكس.. غنولي ليك بحال ماماك و نتي لي قلتيها ليه ياك؟؟
نور:قلتها و لكن ماسي عليك.. بغيت شي وحدة ضريفة
هنادي :و انا اشنو درت ليك؟؟
نور:واالو ولكن فالرسوم ديما ديك ماماك الجديدة كتكون ساحرة سريرة سفتها فصوندغيو
هنادي :فالرسوم و ماشي فالواقع انا وياك غنتفاهمو
نور:مستحيل و ناضت طلعات فوق الناموسية و بركات هازة الطابليت كتلعب... هنادي حلفات حتا تصالح معاها مشات بركات حداها كتفرج فباربي.. حطات يديها فشعر نور كتحسس فالالتوائات لي فيه حيت كورلي.. فهاد الاتناء كان امين جاي باغي يدخل عند نورسين باش يبرك معاها حتا لقاها هي و هنادي فوق الناموسية كيتفرجو و هنادي كتحك ليها فشعرها.. و لكن تراجع عن الدخول مني نتابه لهنادي محايدة الحجاب ديالها و عرف انها غتضايق الا شافها.. و مشا رجع لبيتو
##### فاللوطو لي فالدوار
بزز تالبنات حتا طلعو من بعد ما هزو للامجد جوج الخناشي مدوهم ليه وجرهم جلول وميمون وسكينة كتعاون فيهم ماطلعو تاتغفرو ليهم جميع الدنوب اما صفاء كانت غطيح ليهم تم حيت تخنقات..جرو دوك الخناشي دارهم فالكوفر الشلاهبي لاخر.. و مع غيطلعو تسمعت قرطاسة تطلقات فالسما ضارو كيشوفو بان ليهم جيش تاع بنادم جاي كيجري و يعتر فجلايلو.. .دغيا ركبو وسدو البيبان ديمارات رتيل وكسيرات أما لآخرين عاتحركت اللوطو بداو يشيرو بالحجر وتابعينهم وكانو هازين تامكحلات حيت كيستعملوهم فالماسم.
أمجد :فكروني عافياماتي ملي كنت نشير بالحجر على الفرانسيس ملي كانو شادينا..ولا الغزوات لي كنا فيها فالندلس كنت نشير على الكفار عابلمسن هوما راهم بالسيوفة قداش وانا عابالحجر كينشير..فلقت هتلر جاتو هنا فالgنة اما داك الكافر تاع رضوان بن عبد السلام تاهو كان شديتو بطبتو بالعصا..
صفاء شداتو كتگلس فيه حيت كان كيهضر ويعبر وينوض ويجلس تامعسهم كاملين :تافعاار الله اجدي رااك بديتي تفالج فهضرتك.. اش جاب رضوان للأندلس لهتلر للفراسيس.. شور شوية و برك
أمجد :طلقي طلقي مني انا راه غنرجمكم كاملين الكفارة يخخ هجووووووم إلى الجهاااد.
وبدأ يتمدد كيحل فالشرجم تاتشرع دغيا رتيل طلعااتو اوتوماتيك ومع ميمون جالس حدا الشرجم وماتسد ليه عاعلى شعكاكتو..
ياسين:كنا جيت نتسجل حيت انا عندي العام التاني هنا.. و تلاقيت معاها فاش جات تدوز الكونكور..
مروة:مزيان (و كملات النديغ و السريط)
ياسين:بغيت نسولك
حطات الماكلة و شافت فيه باستغراب
ياسين بعد تفكير:شنو بينك و بين وائل؟؟
مروة ضرات عينيها:والو.. كان كيقرا معايا و صافي علاش هاد السؤال
ياسين:لا غير حيت جاتني تصرفاتو فشي شكل معاك
مروة بدلات الموضوع :نمشيو من هنا!!... مليت
ياسين:كاينة واحد البلاصة جنب الواد
مروة وقفات و جراتو من يدو:ياله نمشيو دااباا
ياسين و هو كيضحك:غا بشوية مالك مزروبة
غير وقف و شدات فيه بيديها بزوج لاصقة فيه و كتضحك حتا كيبانو ضراسها و كتشوف بانتصار فوائل حاضيهم من البالكو و ياسين مستغرب من حركاتها
#########
عند هنادي لي حطات زيفها على شعرها و لواتو عليها بشكل مهمل و هبطات تعاونهوم.. تفكرات ان خديحة قالت ليها تستكشف الدار.. حلات الباب الأول كان مجرد صالون مغربي من الطراز الرفيع و ديطابلو معلقين فالحيط و شراجم زجاجيين مدخلين ليها الضو..ضارت قلبات فالبيوتة كلهم.. وصلات لواحد في آخر الممر.. كان هو الوحيد لي تما.. بدات كتمشى ناحيتو و هي مترددة.. دفعات المقبض ديالو بشوية و دخلات لقات البيت ماداخلش ليه الضو بشكل كبير و مربج... واسع و كبير فالاسود و الرمادي مع ناموسية دائرية الشكل مقابلة معاها بلازما فالحيط.. و دولاب كلو مرايات و كيتوسط هدشي زربية من الجلد الأسود و فالجانب الآخر فايوز كبير كيضيء الغرفة لي طاغي عليها الظلام ..و الوراق كلهوم مجليين فوق الناموسية اضافة الى البيسي لي شاعل.. مشات كتقرب بشوية باش تزيد تستكشفو مزال.. حتا وقفها صوت رجالي فيه بحة معينة
ضارت عندو بالعرض البطيء و هو واقف فالباب ديال البيت و كيشوف فيها بنظرات استفهام و هي بدات تضور فعينيها
امين :نفهم اش كنتي كتديري فبيتي؟؟
هنادي :اا غير بغيت نستكشف البيوت و صافي
امين دخل :اه راه الدار واسعة و لكت بيتي لا
هنادي:راه غير بيت و غير كنشوف ماقربت ليك لوالو
امين:انا ماقلتش ليك قلبتي و عارف انك مغتقربي لوالو و لكن هاد البيت بالضبط فالدار كااملة مادخليش ليه
هنادي طلعات للنفس :انا غانخرج و هدشي ماكيعنيش انك غلبتيني فالهضرة غير حيت كوتر و خالتي خاصني نعاونهم
آمين ماتبدلاتش ملامحو مشان خرجات من البيت غادبا و كتعاير :الغول لاخر بحالا معرفت اشنو عندو فهاد البيت الله يستر انا علاش قبلت بيه بغيت غا نفهم حتا واحد ناحط عليا السيف باش نوافق و شو كيكيعاملني على البدية معرت اش فيوقع من بعد.. بففففف
خديجة :بسم الله علك ابنتي مالك حاية كتهضري بوحدك.
هنادي:لا لا غير كندندن... كنغني
خديجة :ياله غسلي يديك و اجي تغداي
هنادي :كملتو؟؟و انا حتا قلت نجي نعاونكم.
خديجة:ماشي مشكل.. طلعي عيطي على امين
هنادي :لا امبوسيبل
خديجة باستغراب:علاش ؟؟
هنادي :اا بغيت نقول.. انا عاد شفتو قبيلة و مبغيتش نعاوج نشوفو (خديجة ملامحها كيزيدو يستغربو.. هنادي وكلات امرها لله و بغات تفك باي طريقة) بصراحة كنحشم
خديجة ضحكات:ياويلي ابنيتي راه غيولي راجلك السيمانة الجاية خيدي منك الحشمة راه كلنا جينا بيها النهار اللول
هنادي بادلاتها الضحك و هي غير مسايراها
خديجة:ياله سربي عيطي عليه يتغدا كوراه عيا من الخروج
هناجي زفرات بقلة حيلة:واخا
و طلعات عوتاني على سعدها ووعدها تكلمو
########
فالمخيم
باركين ياسين و مروة فوق واحد القارب صغير كاين بين الارض و الواد يعني مامحركش وسط الما غير محطوط .الواد كيبان وسط الجبال لي كتعلوهم الفوق طبقات ثلجية ماذابتش واخا الصيف و السكون طاغي على المكان بحيت ماكيتسمع حتا صوت من غير نباح ديال كلاب المزارع لي تما و صوتهوم و هوما كيهضرو
ياسين:قولي ليا.. خواتاتك اش دارو و دبا
مروة ساهية فالواد:تزوجو
ياسين:هههههه داوي معك منيتي
مروة :تا انا هاضرا مينيتي
ياسين ضحك بجهد :هااادووك تزوجو ميمكنش نتيقك.. يعني غيكونو تبدلو مبقاوش كيطيرو و عزيز عليهم المصايب
مروة:لا لا هداك نيفو ديال التبرهيش خلاةه شحااال هدا (تطلقات ملامحو براحة) ولاو كتر من هكاك طلعو الليفل ولاو يديرو المصايب خارج اطار المدرسة.. حتال شي نهار و نعاود ليك اشنو وقع فهاد العطلة
ياسين :بغيت غير نفهم رتيل كيغاتكون و هي مزوجة.. رااه بزااف غاتكون مشيبة راجلها ولا صفاء لي من صغرنا كانت كل مرة كتبغي واحد كيدارت تا تزوجت
مروة:لا هادي باقا مامزوجاش.. غير رتيل و كاميليا
ياسين:كاميليا يجي معاها الزواج.. ضريفة و حنينة.....
مروة ضرباتو بدراعها:سكت راها مرت الراجل
ياسين:و نتي؟؟
مروة:مالي؟؟... اههه لا لا ماعندي والو هاد العام غنقابل غير قرايتي
ياسين :اه باقا صغيرة على الزواج مزال رتيل كتبان كبيرة شوية نتوما لا 😂
مروة:بحالا حگرتيني راحنا قصيرات و لكن متصورش اش نقدرو نديرو
ياسين:اصافي غير گلسي😂
مروة گلسات و رجعات سهات عوتاني فالواد:فراسك وليت كنحس بحياتي مملة من نهار بديت نتفرق على بنات عمي و حياتي غاديا و كتولي روتينية
ياسين:هادي هي الحياة ماشي ديما كنلقاو دكشي لي بغينا
عنج هنادي طلعات للبيت عندو لقات الباب غير مردود دفعاتو بشوية بصباع يديها دخلات هو ماشافهاش.. كان شاد شي وراق بين يديه
هنادي وقفات مقادة:احم احم
امين هز فيها راسو باستفهام
هنادي:هبط تتغدى
امين عاود شاف فالوراق:صافي غير هبطي انا غنتبعك
هنادي:وا راه خالتي قالت ليك هبط جبا راه الغدا غايبرد
امين ضور الفكرة فراسو:ولا شتي.. بقاي واحد الدقيقة
ناض هز الوراق من فوق الناموسية حطها الفيترين الرخامية و ناض عندها و بلا حتا كلمة جرها من يدها الشي لي خلاها مشرعة عينيها كتشوف بعدم فهم.. بداو غادين هابطين فالدروج و هو شاد فيها و هي مافاهمة والو قربو للباب ديال الصال امونجي و جرها عندو و حيط يديه محاوط كتافها و دخلو الشي لي خلا خديجة و كوتر كيتغامزو بيناتهم.. جر ليها الكرسي و گلسات فيه و هي كتضور فعينيها و كوتر حابسة الضحك غير بزز و نورسين معصبة.. مشا هو گلس فبلاصتو
امين مسح ليها على راسها:لا ابنتي هادي غتولي ماماك و غتبقا معانا فالدار و غتولي ديالها حتاهي منحتاجوش نبقاو نعاودو الهضرة
نورسين بطفولية:هدشي عارفاه ولكن ماتافقناش انك تعنقها و المرة الجاية اشنو غتديرو
امين بدا كيحل فالصدايف الفوقانيين من القاميجة كيبرد على راسو من هاد الهضرة لي قالت هاد الجنية حرجاتو قدام هناجي و قدام خالتو و ختو.. اما هنادي هبطات راسها على الطبسيل مبقاتش هزاتو
كملو للماكلة في صمت حتا واحد ماهز راسو.. ناضت كوتر جمعات الطبلة و عاوناتها هناجي و خديحة مرة مرة تغمز لأمين بعينيها توريه هنادي اش كادير..
هنادي :صافي اخالتي انا غنمشي دبا
خديجة:لاواه بقاي معانا مازال
هنادي:و الله مانصيب انا غنطلع نلبس حوايجي و نهبط
خديجة:ايوا لي عجبك
طلعات هنادي بدلات حوايجها لبسات لي كانت لابسة و هبطات عندهوم باقين باركين
هنادي :كوتر راه رديت البيجاما للماريو.. انا غنمشي بسلامة
امين:تسناي انا نوصلك
هنادي:لا بلا متعدب راسك انا نشد طاكسي
امين وقف و هز الساروت من بلاصتو و مشا قدامها:قلت ليك ياله
هنادي وكلات امرها لله و تبعاتو طلعات القدام و مشاو في صمت ماهضروش الطريق كاملة.. وصلو قدام الدار لقات بوشعيب هاز مكحلتو و بارك فالباب
هبطو من اللوطو و مشات هنادي باتجاهو
هنادي :ياك مكاين باس؟؟
بوشعيب مدوااش
امين مج ليه يدو:السلام سي بوشعيب
بوشعيب قفز و مد لي يديه بجوج كيسلم عليه :اميين.. كيداير لاباس علك
امين:الحمد لله ياك لاباس
بوشعيب بدا يشور فعينيه:لا واالو باس غير كنشمشم فالهوا صافي
امين:اييه ايوا نخليك على خير
بوشعيب:دوز دخل تشرب معانا اتاي
امين:لا ماقدرش شكرا.. بسلامة
بوشعيب:بسلامة اولدي
مشا امين و هنادي كتضور فعينيها و جخلات للدار لقاتها مقربلة
هنادي بصوت مرتفع:اااش.... هاااااد..... الشييي
########
ليل بدا كيطيح فطريقهم.. كولشي نعس إلا جنيات تاع صفاء ورتيل لي بقاو فيقات. .اصلا رتيل كتسوق وصفاء مونساها .كانو مخدمين موسيقى هادئة تاطفاتها رتيل بزعفة
صفاء :اماالك ؟؟
رتيل :طلع ليا الدم مافيا لي سمع لشي حاجة.
صفاء :و نتي ماباغاش تسمعي و انا مالي
رتيل:مابانش ليك القضية لي حنا فيها
صفاء:مالنا اش درنا لهلا يطيح علينا باطل
رتيل :يالله طلع معايا الصبع وبديت نفكر فحريرتي مع سيف..
سرباو ماكلتهوم دغيا من الجوع حيت من الفطور ماكلاو واخا دك دانون مادار ليهم والو
حتا بان ليهم ميموت كيخبط فدانون مع الطبلة
جراتو صفاء:اويلي تا اش كتدير
ميمون ببلاهة:كتجبد فالمخ
رتيل:ياا المنونخ هاداك راه غير بلاستيك
ميمون خشاه ففمو كيمص فيه و كيدير الصوت
صفاء :اش كتدير عوتاني
ميمون:بقا فيه المذااق بغيت نحيدو.. و كنمضي السناان
صفاء:تمضي السناان نتا بيرجي غنطلقوك على شفار الله ينعل طواسلك
رتيل:كليتو واا تهزو حتا تردو ليا فلوسي
امجد ناض سبقها غير حلات اللوطو و هو يتخشا هو اللول القدام
انطالقو باتجاه الدار لي كانت بعيدة غير بشي 600 ميترو
فالمخيم
مروة:ياله راه طاح الليل
ياسين:اه داز الوقت دغيا
مروة:نكملو السهرة فلوبيرج اللييلة
ياسين:هههههه ياله
وصلو للوبيرج لقاو المجموعة ضايرين بشي واحد كيعزف الگيتار و كيغني بصوت شجي.. تقدمات خطوات القدام لقاتو هو.. صاحب دعوتها.. وائل.. كلشي منغم باللحن ديالو و متبعينو بإحساس.. و نباح دالكلاب و صوت الصراصير كيعطي سمفونية من نوع آخر.. جرات ياسين و مشات حداهم واقفة متكية على شجرة كتصنط ليه.. مكانتش عارفة بلي عندو هاد الموهبة.. شافها شادة فياسين و حبس.. تلفتو كاملين كيشوفو فاش كيشوف
نقزات رهام:اجيو بركو معاناا مالكم واقفين بوحدكم
خنزرات فيها مروة و مشات بركات وسط المجمع هي و ياسين
ولد:غني لينا شي حاجة بمناسبة هاد الجوج
ياسين:سكت اصحبي من التبرهيش
وائل شاف فيها كيمثل اللا مبالاة و بقا كيغني :if i locked away........... و الگيتار اصلا كيعطي للأغنية طابع آخر هادئ و مريح و هي كتشوف فيه و عينيها كيبينو كلشي و لكن شكوون حاول يقرا اش فيهم
#####
عند دوك المساخيط لي غير دخلو للدار باقين ماحطو حتا صبابطهوم فالباب وقفو عليهم كاملين كي قباضين الرواح
محمد:تقولو ليا فين كنتو داااااباااااااا
صفاء هزات يديها باستسلام و مخرجة عينيها و هي من قوة الخلعة تقدر تديرها فسروالها.. حيت عارفة ان محمد واخا هادئ الا انه الا تعصب كيتاخد قرارات صعييبة.. بحال نهار سيفطهم للمنفى.. تفكرات دك النهار و تشد عليها قلبها.. جلول و ميمون غير كيضورو فعينيهم و رتيل ماخايفة من والو حيت سيف مابانش قدامها هي الوحيدة لي رتاحت فهاد الموقف
امينة:و نتا الحاج راك بعقلك زعما
امجد كيحلف بيديه :و اللاااه القااسام الا هوما لي خطفووني و داوني معاهم..
ميمون:ياك سولناك و قلتي لينا اااه
امجد خرج فيه عينيه:الكافارة بالله وكلوني واحد الدوا باش نقوليهم ااه و نمشي معاهم
بوشعيب:باقي مابغيتي تتوب الحاج!!
مسعودة جاية فركة و كتزرب فالمشية:فيناوا دااك المصنضل تاع ولد ولدي.. جيتي اميمين.. ضصرتي...ضصراتك المدينة لمك وليتي تخرج فالكراول لي خدامين بالضو
ميمون :بلاتي احنة غير نشرح لك
تحتات عليه بالقريص :هاااا لي يهرب.. شد
و هو كيغوت و كيبرد فيها نفس الوقت
محمد مربع يديه:باقي كنتسنا جوابكم
صفاء :هانتا.. دبا سكينة غيجوجوها و مشينا نجيبوها.
محمد:و لاااش ماقلتوهااش لينا... كون قلتوها كون مشينا حنا معااكم
صفاء مشات كتعنق فيه:واصافي ابابا
محمد بعد منها:انا ما بات حد بعدي مني
صفاء:وا الوليد راه ماشي بووحدي راه حتا رتيل و ميمون و جلول و امجد
جميل:غاا صبري جلول غاياكل واحد السلخة عمرو كلاها.. وليدي عمرك جربتي تكون فازگ و يتحط عليك سلك ديال الضو؟؟
جلول كيندغ فضفارو:للاا و لكن باين خايب
جميل:لا لا هدشي لي درتيه نتا زويين
جلول مشا هرب لبيتهوم و تخزن
صفاء لقاتهم كلهوم كيشوفو فيها:و باقي امجد و رتيل مالكم حطيتو عليا غير انا
بوشعيب كيدوي معقول:رتيل كون ماكانتش مزوجة حق مولانا كون سلختها بالسمطة.. و لكن الزهر عندك ابنتي.. لقيتي راجلك ولد الناس و تايق فيك و نتي شفرتي ليه الطوموبيل و هربتي بيها.. خساارة تربيتي فيك.. اش غيقول عليك... اش غيقولو نسابك الا ساقو الخبار.. كون غير كنتي باقا مسؤووليتي واللااه ابنيتي تانربيك و لكن خساارة
رتيل تأترات:وا با واللااه مادرتها بلعاني غير الشيطان ولد الحرام
زهرة :الشيطان هو صفيفو عارفاها هي لي حرشاتك
صفاء مخرجة عينيها لي حمرين كتحس بالذنب و كتدير ليها بايدها واش انا
رتيل:فيناوا سيف؟؟
بوشعيب بلامبالاة:مشا للدار
رتيل:معندوش لوطو!!!
بوشعيب :مشا غير عند دار الحاج عبد الله.. شفتي باش تعرفييه ولد النااس مشا بلا مايعايرك ولا يهضر معااك هااكاا نتي جازيتيه
منال:هاد المرة مغندافعش عليكم منكوم ليهم و اتاخدو فيهم اي اجراء بغيتو حيت القضية كبييرة هاد المرة ماشي طيش شباب ولا مراهقة
رتيل بغات تتفك حيت عرفات راسها قوداتها:واراه صفاء مولات الفكرة
صفاء:يااااك ارتيلة بيعتيني العجل.. وا راه جلول مولاها
رتيل عودات خشات البوط فرجلها و حلات الباب
بوشعيب:فين غادا عوتاني
رتيل:عند سييف
و خرجات خلات صفاء غاتحماق:هاهي المسخوطة تفكات و انا غيديرو ليا الإعدام شنقا بالرصاص.. كحلتها.... (بان ليها امجد كيتسلت طالع) اااجي ا عبد المجيد فين هارب
محمد:شووفي نتي الاااا ماقاديتيش راسك واللهتا ندير فيك شي حاجة نندم عليها.. عيقتي علينا هاد الصيف واااه..العام دوزناه غاديين جايين للإدارة.. ديما مضاربة و كتزرعي السم ديالك.. ديما شرك لايحاه فكل بلاصة واش مابغيتيش تتوبي.. ديما تشري الصداع وسط بنادم و وصلتي محرشة البنت على راجلها.... البنات كلهووم طلعو مربيات و داخلات سوق راسهوم الااااا نتي
محمد:اه قاارنتك بيهم حيت بحالك بحالهم فكلشي و لكن نتي دييما فالصداع
بوشعيب:حتا رتيل معاها
محمد:رتيل مكتجيبش التبرية من الجيران كل مرة.. .. رتيل ماعمرها ماتضاربات مع بنت التايكة.. رتيل ماكتضلش مقصرة مع الزوافرية فالدار
صفاء شافت فيه بنظرات واهنة:هدا هو كلامك اللخر؟؟
محمد:هدشي سكتت عليه حتا عييت و جا الوقت باش ندوي...نقطة و فيضات الكاس دبا هاد المشكل لي كتظنوه بسيط راه خلق موشكل مابين المرا و راجلها و علم اللاااه اش درتو فالعروبية
صفاء :واخا
طلعات لبيتها كتجري مقاومة دموعها مارضاتش بهضرتو قدام العائلة كاملة هزات فاليز صغيرة عمراتها بالحوايج لي جاو قدامها فالماريو و خرجات من الشرجم لي فبيتها و هبطات من الشرجم و نقزات جرات الكلب من صمطتو عل الاقل غايدافع عليها شي واحد.. جات فبالها گااع الهضرة لي قال:مسمومة.. الشريرة.. كتمشي مع الزوافرية للدار (زيكو و الشاو و عبد الباسط).. كتضارب مع الجيران...بصراحة هدشي كلو صحيح و لكن الطريقة باش قالها جارحة.. غاادية و كتشوف فالليل و ساهية معارفاش فين تمشي غير كتفكر
########
عند رتيل لي دخلات للدار ديال واليدين سيف.. باست يدين عبد الله لي كان فالصالون كيقرا القرآن
عبد الله:كيدايرة لاباس علك؟؟
رتيل بزربة:الحمد لله.. فين سيف الحاج
عبد الله:مني جا و هو فبيتو مالكوم ابنتي ياك مكاين موشكيل بيناتكوم شتو ماهواش مزيان
رتيل:كااين الحااج..غير الله يدير شي تاويل
عبدالله ربت ليها على يديها:متخليوش مشاكل بساط يكبرو ابنتي فكوهوم بيناتكوم بالفهامة و بالعقل
رتيل تنهدات:هكاك الحاج.. تهلا
طلعات كتجري حلات عليه البيت لقاتو واقف فالبالكو قربات عندو و تصدماات
عند رتيل لي شافت سيف فالبالكو و تصدمات.. كان حاط رجليه فوق الطبلة و الدخان طالع من حداه.. مشات باتجاهو كتجري خداتو ليه من يدو بالزربة و عفطات عليه.. كانت سيجارة
رتيل:واش نتاا منيتك كتبخ فهاد المرض
سيف ببرود:هدشي ماكيعنيكش
رتيل شدات ليه فيديه:سيف ماتديرش هاكا راه غير كبرتي الموضوع مايستاهلش
سيف طلق منها :بصح الموضوع مايستاهلش و لكن باش انك تكذبي عليا او تسرقي اللوطو هاجي منقبلهاش
رتيل:انا خديتها باش...
سيف حط صبعو على فمها:مامحتاجاش تفسري
رتيل طلعات النفس :وخا.. و لكن مبغيتش هدشي يزيد عن حدو بغيتك ترتب گااع دكشي لي باغي تقولو عارفة بلي هادا مشكل بسييط و يمكن خدا كتر من الحجم ديالو
سيف كيحارك راسو بالنفي :مايسحابليش غتستغلي دكشي لي كندير معاك.. جيتي عندي للبيرو و تبحلستي باش تاخدي السوارت هادو ماشي فعايل ديال بنت بعقلها ارتيل
رتيل:شوف انا مافكرتش جوج مرات حيت بانت ليا سكينة فمشظل كبير
سيف:ماعارفش شكون هاد سكينة و لكن كون طلبتي الأذن كنت غنخلييييك
رتيل: غايخرج علك اسيف عالأقل لبروبليم يبقا منحاصر هنا ماشي يوليو متراكمين كتر بسباب هاد الزبل لي كتبخو
سيف ناض دخل للبيت:كنت غير حاطو.
و دخل للدوش خلاها هاضرة بوحدها بحال الحمقة.. تنهدات و هبطات بركات حدا عبد الله لي كيسبح و يستغفر
شاف فيها باستفهام... جات قربات منو
رتيل:حنونة ماكيناش؟
عبد الله:مشات تبات عند صاحبتها هي و اكرام
رتيل:اه صافي
عبد الله:امدرا ابنتي صلحتو الامور
رتيل بأسف:لا هو مخلانيش حتا نشرح ليه
عبد الله:انا مافاهمش نوع الموشكيل و لكن راه بالحوار كوولشي كيتحل سمعو لبعضياتكم و ديرو عقلكوم راه سيف بعقلو و حتا نتي كبرتي.
رتيل:نسولك اعمي؟؟
عبدالله:ايه سولي مرحبا
رتيل:شنو سباب انكم بقيتو نتا و مرتك مع بعضياتكم هااد العوام كلها بلا مشاكل بلا واالو و هاانيين
عبد الله:كوولشي كيدوز من مشاكل ابنتي.. حنا من واحد الجيل لي الا تهرسات شي حاجة كنصلحوها مكنرميوهاش
رتيل ضوراتها فعقلها عاد استوعباتها:يعني انا و سيف نقدرو نتصالحو
عبدالله:اكييد ابنتي اكييد
رتيل:ايوا على هاد الهضرة الزيينة غنوض نطيب لعمي واااحد الطاجين مانعودش لك
عبدالله:ههههه هاكا نبغيك كوني قادة
رتيل:راني ماكنصرعوش و لكن غندير جهدي
رتيل مشات فرحانة كتنقز واخا انها مانصالحاتش مع سيف و لكن عالأقل ضمنات واحد بصيص الأمل باش انهم يصلحو الامور بيناتهم
########
عند صفاء خارجة من الدار قريبة تبكي و كتفكر گااع هضرتو و عطعوط سابقها.. حتا وقفات فجأة حالة عينيها:اويلي انا فين غادا فنصاص الليل اويلي و يشد مي شي سكايري يغتاصبني اويلي وعدي على الهويعة بقات حاضية الافلام تا خرجو عليها. الافلام راه كتكون كتصب الشتا و كيجي بطل رومانسي يعتقها انا شكوون غايجي لدينمي شكوون... اويلي و فين حطيت راسي و كيندير نرجع.. عطعووط... اطاااك
مشا كيجري و حتا هي كتجري تابعاه دارتو سبة باش تجري ترجع للدار قبل مايلقمها شي شمكار و الزنقة ضلمة مافيهاش الضواو.. رصلات للجرب ديالهم و طلع معاه القالب عوتاني:فين عزة النفس و دكشي فييين..ناااري غيسحابوني غير قليلة النفس لي راجعة عندهوم.. اصلا ماشي سوقي دار باا هادي و لي معجبوش الحال راه الباب قدامو.. و لك بلاتي هو جرحني بهضرتو.. صاافااء آر يو سيريوس.. انا ماكنتجرحش من هضرتو زايدة ناقصة.. علاش تعصبت و شدااني البكية؟؟ لااوعلم يمكن تأترت.. ندخل بعدا و يحن الله
دخلات للدار لقاتهوم باركين فالصالون و هنادي كتهضر
هنادي:بابا راها باقا صغيرة و قلتي ليها ديك الهضرة
محمد:عصبتني حياتها كلها و انا كنجمع ليها
..هنادي:بابا البنا طااايشة وتقدر من بعد هضرتك تدير شي حاجة براسها
محمد:زدتي فيه تااتياا
هبط عماد كيجري:وااهيااا.. واراه ماكينااش فبيتها و ماريوها محلول و محيدين منو شي حوايج.
و خرجات كتضور فعينيها بان ليها غير واحد القنيتة مضرقة على البرد. حلات الخيمة و هزات الغطا و دخلات شعلات الضو هازة رواية لي باقا ماكملاتهاش ديال شهاب تحت الضو ديال البيل و هوما فالدار حاضيها عماد و ميمون من الشرجم
########
عند رتيل
واقفة فالكوزينة تالفة على البزار وكتقلب عليه..هزت واحدة من دوك القريعات لي كتكون فيهم العطرية و بلا دستور خشاتو فنيفها تشم ومع طلعات النفس طلع ليها البزار مع عينيها ونيفها حطت دغيا القرعة كتعطس وكتمسح فعينيها لي كيحرقوها ولاو حمرين.. مشات دغيا للافابو كتغسل وجهها بالزربة حيت دعقها الصونيت لي على الباب مسحات وجهها دغيا ومشات زرباانة حلت الباب وهي تلقا حنان واكرام.
حنان :موشكييل. .متبقايش راخفة فراسك..والعشا راه متحرقش كامل راه يالاه بدا. .ودابا زيدي نداوي ليك يديك..
رتيل :لا لا بلا متعدبي راسك انا غنطلع نداويها. .
حنان :لي بغيتي انا نمشي نجمع الكوزينة
رتيل بدات غادا ورجعت :والعشاا؟؟
حنان دارت يدها على جبهتها :ههه واش نتي دابا همك غير العشا..
رتيل :بغيتينا نباتو بالجوع راه منقدرش
حنان بابتسامة حنينة :غير سيري انا غنحطو ونزيد عليه شي حوايج من التلاجة..وملي تسالي هبطي نتي وسيف تعشاو
رتيل :واخاا.
مشات شادة يدها لي عاطياها الحريق على الجهد وسنانها كيتحكو بالتقصيحة..بدات طالعة فالدروج بشويية كأنها ماباغاش تشوف نضراتو المعاتبة ليها ولا بعدو عليها رغم قربو حيت ولا كيتحاشاها. .طلقات زفرة طويلة وهي طالعة كتجر فرجليها وكتافها هابطين كدليل على تخمامها. .شوية وهي تجلس فالدرجة وحطت يدها على حنكها كتفكر ومرة مرة كتحك نيفها لي باقي كيحرقهاا
وناضت طلعات النفس وهبطتها وكملت طريقها وصلت للبيت تاكتبغي تحل الباب وكتحيد يدها من على البواني..باقا حاطة يدها كتشاور واش تدخل حتا كتحس بالباب تجر تاهي تجرت معاه تاتخبطت هزت رأسها كتحك فجبهتها وهي تلقا سيف عاقدهم واقف كيشوف فيها
########
متكية صفاء فالخيمة و مركزة بالكتاب لي كتقرا فيه (الثقوب السوداء و الكواكب الناشئة) .. قرات ديوان شعري و قرات رواية و دبا كتقرا فكتاب علمي ديال العالم ستيفن هاوكينغ و مامقفلة فيه والو غير كتقرا.. حتا عيات ماتخدز الموطور جيلل مخها لي تسوطا بقوة التفكير.. هزات التيلي و صونات ليه..عنج شهاب لي كان گالس مع مليكة بعد مامشات من عندهوم حنان حتا سمع التيلي كيصوني..شاف سميتها و جاوب بسرعة و هو طالع لغرفتو
شهاب:كنت غير بغيت نسولك كيبقيتي.. مني تخنقتي و سخفتي
صفاء:اااه لا لا مزياان
شهاب تنهد:باقا مابغيتيش تقولي شنو عندك ياك؟ ؟
صفاء ارتابكات:ااا.. قلت ليك.. مما.. عندي والو
شهاب مبغاش يبقا يأنسيستي عليها: ايوا الحمد لله.
صفاء:قول ليا.. شنوهوما الثقوب السوداء
شهاب:بديتي تقراي داك الكتاب؟؟
صفاء :بصاراحة قريتو و مفهمت فيه حتا حاجة
شهاب:باش تعرفي شحال دماغك خاوي خاصك تعمريه بهدشي
صفاء:فاات عليا الفووت
شهاب :بااقااا تتعلمي.. شنو لي مافهمتيش؟
صفاء:الثقوب السوداء
شهاب حك ذقنو كيفكر:هو واحد المنطقة فالفضاء.. تقيلة بزاااف واخا الحجم ديالها صغير.. و الجاذبية فيها كتجر اي حاجة حتا الضو ماكيفلتش منها
صفاء:مفهمتش 😶
شهاب:هدا هو الشرح المبسط دياالها
صفاء:دبا انا فهمتك اشنو قصدتي و لكن شي حاجات كاينين فهاد الكتاب غرييبيين
شهاب:مني غتقربي تكملي غتفهمي كلشي
صفاء :اه دبا انا ياله فالصفحة 10
شهاب:عتابري هاد الكتب كادو من عندي.. خليهم عندك و غنجيب ليك وحدين خراين باش يعاونوك فالمجال لي غتقراي فيه صافي؟؟
صفاء:شكرا
شهاب:لا مابيناتتاش.
صفاء:تصبح على خير
شهاب:و نتي بخير
قطعات عليه و استلقا فوق التخت ديالو كيفكر فبزاف ديال الحاجات متضاربين فدماغو و ملقاش ليهم حل و اولهم مرض صفاء بي ماباحتش ليه بيه و معرفش السبب.. اما هي حلات الخيمة من الغشاء الفوقاني كتشوف فالنجوم و فالقمر لي مغطيه السحاب الاسود.. و كتفكر.. علاش علاقتها مع شهاب باردة لهاد الدرجة.. هو صحيح كيسول فيها و كيتشطن عليها و لكن حاسة بلي كاين خلل فهاد العلاقة لي يمكن من اللول غالطة... ختمات تقاطع افكارها بهاد الجملة:'اووف هدشي مجرد تهيئات ننعس حسن ليا' و تغطات و سدات الخيمة و نعسات
فالدار ميمون:صاافي رگدااات
محمد :تسماو شوية حتا يديها النعاس باش متبقاش قادرة تنوض
يالاه بغات تدخل وهو يشدها من دراعها ودورها عندو..وبدا كيقرب عندها بالعرض البطيئ و انفاسو كتضرب فيها غمضت عينيها كتسنا شي حاجة حتا فاجئها صوتو
سيف :حلي عينيك
رتيل بحرج :اااا... واخا.. (بشوية) يخخخ على موقف
صغر عينيه فيها اما هي ولات عكضور فيهم حيت مقدراتش تشوف فيه من قوة هاد الموقف ماتبغيهش لعدوك
سيف :ماال عينيك حمرين؟؟
رتيل :ا..دابا (دارت ليها الطن زعما تقدر تبقا فيه بالدموع وهي تبدا تعوج وتغبن)..اا. .شتي بسبابك ااهي بكيت.. انا رتيل بنت بوشعيب عمري بكيت على بوركابي جيتي تا بكيتيني ااههي شتي باش تعرف محبتك وانا منقدرش على فراقك
سيف هز راسو حيت كان محني عندها وبقا كيشوف فيها وهي كتلوا وتغبن جاتها ساهلة مع عينيها باقين مغرغرين من البزار والضران تاع الحرقة..
سيف بتشكيك:متأكدة من هدشي لي كتقولي
رتيل دارت يديها على وجهها و ضورات عينها كتفكر و بدات تبكي بلعاني:ايييعع و ماكاتييقش فيا عوتاني
هبط يدو وشدها من يدها ولكن دغيا فلتات منو وغوتات وضارت لجهة لاخرا كتنقز وتنش على يدها جا دغيا قدامها مخلوع شد يدها بين يديه وهو يلقاها حممرررة والجلدة مهزوزة واتار الحرق عليها
سيف مخلوع :مالك شنوو وقع ليك..
رتيل :اااهي وااراه تحرقت.
سيف :وصاابرة عليها واش باغا تسطيني؟؟
رتيل :وااسكووت اااهي باراكة غير حريقها.
سيف :بففف زيدي قدامي
رتيل حبسات البكا و بدات تفرنس بابتسامة نصر جرها معاه دغيا للدوش گلسها فوق لاشاص وضار جبد علبة الإسعافات وجا قدامها جلس قفازي جر يدها عندو وبدأ كيجبد فالدوا لي غيحتاج..
رتيل :احححح بشويية.
سيف هز فيها عينو :باش حسيتي
رتيل بتفاجؤ :ا..بالألم والخوف و..معرفتش..
سيف :بحال هاكا نتي دايمن كتحطيني فهاد المواقف لي مكنعرف مندير فيهم كنحااول ماامكن نتعامل معاك بطريقة تفكيرك ولكن نتي دايمن كتخصريها بطيشك دايمن لي كنقولو كتلوحيه وراك بحالة كنكب للما على الرملة..علاش مكتااخديش رأيي فقراارااتك..
رتيل :سيف انا.... .
سيف :نتي شنو نتي شنو ارتيل كتعامليني بحال شي واحد تانوي فحياتك الوقت لي قاليك راسك راك مزوجة راه كتعامليني على أساس راجلك الوقت لي قاليك راسك كتصرفي كأنك لوحدك باقاا سيينغل متابعينكش مسؤوليات ماوراكش واحد الشخص كيتسنا منك شحاال من حاجة ولي هو راجلك راني مااشي صاحبك بيناتنا غير الحب وديك الهضرة ولا يجمعونا عادوك لمواقف نهار سنينا على ديك الورقة راه سنينا على أننا غنكونو جوج فواحد اي قرار غنقررو فيه بجوج اي حاجة غنتشاركوها بجوج مااشي حتا نجي ونلقا مرتي المصون كتخطط مورايا..واش عارفة ارتيل المواقف لي كتحطيني فيهم اش عارفة ولالا..(رتيل بدات كتحرك راسها بااه)..لا ارتيل راك معارفااش..انا نهار لول قتليك راه مغنمنعك من تاحاجة حيت عارفك باقا صغيرة فواحد السن طايش باقا باغا شحال من حاجة ولكن شاركيني قولي ليا عالاقل متخلينيش مخلوع ماعارفك فين مشيتي.. شنو وااقع لك..بحال هاكا ارتيل كتدمري شحال من حاجة..
سيف جر يدها :دايمن ماقاصداش..ايمتا غتوعااي..وليت كنمشي للخدمة وعقلي غير معاك لا ديري شي موشكيل ..غنخليك فكري فهادشي لي قلت ليك وضوريه فمخك مزياان لعل وعسى يعطي شي نتيجة
كمل هضرتو وناض وهي متبعاه بعينيها غير خرج وهي طيح دمعة من عينيها..دغيا هزات رأسها باش ميهبطوش دموعها وبقات كتشوف فالسقف وكتفكر هضرتو لي كانت عامرة بتنهداتو ونبرتو لي كانت نوعا ما حزينة عينيه لي زادو تعمقو فلونهم الأسود..هبطت راسها بحزن كتشوف فيدها لي مضمدة وسمعات صوت إكرام كتعيط ليهم مسحات دموعها وناضت خرجات لقاتو كيتسناها..زاد حداها وبدا هابط وهي وراه حانية راسها. .ملي وصلو لقاو لآخرين كيتسناوهم جا سلم على حنان واكرام لي كانو معارفين والو وعبد الله غير شاف ملامحهم عرفهم مصلحوش الوضع..
گلسو كيتغداو فصمت..و مشا كل واحد ينعس فبيتو..سيف و رتيل كل واحد عطا بالضهر للآخر و نعسو كيتسمع غير اصوات تنهداتهم و افكار رتيل مبغاوش يحبسو
#######
فالصباااح ديال صفيفو يعني الطناش
صفاء ضرباتها الفيقة على صوت تيلي ديالها كيصوني.. ضورات عينيها فالمكان كتسترجع اش وقع لبارح و التيلي رااه كييغني.. حيدات شعرها من وجهها و طاحت للرض مشقلبة.. 'اويلي كنت ناعسة فالخيمة اش جابني هنا؟؟' .. جاوبات عل التيلي بعينيها مقلوبين
صفاء :اش بغيتي عندي مع النبوري
رتيل:عندي لييك واااحد الخبار
صفاء:الشاو خرج من الحبس؟؟
رتيل:وا لااا
صفاء:لبنى تطلقت؟؟
رتيل:تي مال مك لي ضاربك ضاربك على ديك الدار
صفاء: و اشنووو
رتيل:شهاب و مو معروضيز عندنا اليوم
صفاء جمعات الوقفة:داوية بصح يااك؟؟
رتيل:واييه راه قالوها ليا البااارح مني جات من عندهوم حنان
صفاء:اييه هادي خبار زينة... اش جايين يديرو ؟؟
رتيل:اكرام ربحات ميدالية فالملاكمة و غيعاودو يجيو يباركو ليها
صفاء:ياله قطعي قطعي راه عندي شلا مايدار
رتيل:راك تانتي معروضة نتي و الدار
صفاء ضوراتها فراسها:واخا دبا نقولها ليهم 😈
رتيل:واعنداك تجيك الدودة عوتاني
صفاء :كوني هانية 😇
قطعو على بعضياتهم ناضت صفاء كتكسل رااشقة ليها نازلة كاتمختر فالدروج.. لقاتهم كملو الفطور و باركين يهضرو
صفاء حطات يديها على الطبلة:دااابااا تقولو ليا كيدرت وصلت لبيتي؟؟
جلول ضور راسو بالنفي و على ملامحو الخوف و مشا كيزرب لبيتو
عماد :وا راه بقينا غير بتلاتة شكون غيهزها فينا
زهرة:انا بعدا كيضروني كتافي
محمد:ماعندنا كينديرو.. زيد جرها معايا
حلو الخيمة و جرها محمد من رجليها بشوية و عماد شدها من يديها و غاديرن طالعين بيها فالدروج حطوها فوق الناموسية و خرجو و هي مكاينااش فهاد العالم راها فسابع نوماتها
#باك
ميمون:راه هوما لي هزوك شفتهوم بهاد العينين
عماد:ديها فماكلتك و سكت
صفاء:بصح هدشي لي سمعت
محمد:ااييه دبا اجي تفطري
صفاء جرات الكرسي و گلسات:شتي راني قلت ليك راك متخطانيش..حنان الا و دكشي... مد ليا الطاس ديال القهوة
گلسات كتفطر و هي كتفكر واش تقولها ليهم ولا لا اما هوما فكل واحد ناض يقضي شغالو حتا من مسعودة و سعيدة و كحيلة ولاو يعاونو فالشقا ديال الدار معاهم و مسعود ولا يعاون جميل فالشغال ديال الجردة و بوشعيب و امجد ديما گالسين واحد متبع مسلسلات وواحد مبلي بالجورنال و السبسي.. محمد ديما خدام يا اما فالبيسي فالدار ولا فالخدمة.. صفاء راه تقاداو ليها مبقات لقات معامن.. حتا كاميليا مبقاتش كتبرك بزاف فالدار عاطياها غير للخروج مع فهد حيت مبقاش ليهم بزاف فالمغرب .. اما جلول و ميمون فگااع النهار وهوما يتخابطو..
جالسين فديك الطنطينة كيف عادتهم...حتا طاحت عليهم فكرة
ميمون شد جلول من يدو و بدا غادي بيه للاكاف لواحد لبيت صغير ومسدود و مضلم و عاامر بشبكات العنكبوت
جلول:تاشتك وليتي تعرف فهاد لباتيما حسن مني
ميمون:ششش دبا يسمعونا لي مكيتسماوش
مشا ميمون كيتسلت و جبد وحدة من زنطيطها و خرج
جلول غوت بخال لبنات بصوت رقيييق:اااااااا
ميمون:هاويلي تاسكت راه غا طوبة.. شووف شوووف راه بحال لمشيش
جلول بدا كيترخف شوية:و فين نحطوها
ميمون:شتي داك طاج فين ساكنين.. ااا سميتو لاكاب
جلول:اهاه افهيم؟؟
ميمون:غنحطوها فبيت الراحة ديالو
جلول:و مشتيش لا دخلات كحيلة
ميمون:تالا هاديك راه مكيدخل ليها حد...تا داك لكرسي حنا راه گعما عدنا فدوار و مايعرفوش ليه
جلول حط يدو على فمو:ولاهيلا بصح جري جري حطو
مشا ميمون بلخف حطها ورجع
فدار واليدين سيف
اكرام:ماماا.. صافي وجدت لي سالاد و العصيير
حنان:طلي على الگراتان واش تحمر الفروماج.. و قولي لرتيل تزيد الكروفيت فالبايلا
اكرام:وااخاا
كانو معاونين مع بعضياتهم.. حنان كتجمع فالدار و اكرام كتصاوب انواع التحلية و رتيل كتوريها حنان اشنو تدير باش تقاد البايلا و الكراتان بالبيشاميل و الفرماج و لاداند مع ليباط فالفران.. وجدو راسهم.. سمعو الصونيت فالباب مشات تيل حلات لقاتها صفيفو
رتيل:لاش جيتو دبا؟؟
صفاء:راه الوحدة هادي
رتيل:فيناوما الدار؟؟
صفاء:تؤ تؤ... جيت بوحدي
رتيل بهمس و بعصبية:اويلي يااك قلت ليك قوليها ليهم
صفاء:وا صافي
رتيل:وا راه حنان عرضات عليهم حتاهوما اش غنقول ليها
صفاء:نضبرو فشي كذبة
رتيل:انا لي دايرة فيك راسي و قلتها ليك نتي اما كون قلتها لأمجد يجي و بالفرحات عليه و يجيب معاه تا الجيران
صفاء دفعاتها:حيدي خليني ندخل نسلم
دخلات لقاتهم فالكوزينة سلمات عليهم و كيهضرو
حنان:مالهم ماجاو؟؟
صفاء حكات تحت ودنها:ايييي... دبا انا قلتها لييهم.. و لكن مسااكن جاااهم عزو مووهييم
حنان:اربي السلامة عزو ديال من
صفاء:بنت عم ولد خال خو ربيب خت الشهبة
حنان:مسكيينة.. باش ماتت؟؟
صفاء:ماتت بديك الجلابة الصفرة لي ايفازي و مبرهشة بالفانيدي من لتحت
جلول خبط على راسو:نرجعو لموضوعنا..ولا شتي نوض نسولو لفاميلة.. هدشي كبير علينا
ناضو دخلو لدار كيتجاراو لقاو جميلة كتكرط فلرض
جميلة:اتا فين غادي بداك الغيس مشتيناش كنجفو
جلول:تي راه عندنا مشروع
جميلة:ياكما شي مصيبة هادي
جلول مغمض عينيه :كوني هانية امي
دخلو و مشاو عند لحاج امجد:با با...ربينا طوبة عطينا شي نصائح على تربيتها
امجد كيحساب ليه غاكايطنز:فرش ليها 4000 ريال باش متوسخش الدار...ولا سير سول سبونجبوب تا كااع
ضار عند بوشعيب لي حتاوا صحبهوم اكيتفلاو حيت ديما مطلعينها عليه
بوشعيب:عطيها ماحيا..و حضي معاها راه مرة مرة كتنطح
جلول:شكرا عمو
و مشاو عند مسعود لي كان كيقطع فالورد
ميمون:با ربينا واحد الحيوان عطينا كيفاش نربيوه و اش غنوكلوه
مسعود:ربيتي تا راسك بقا لك غا حيوان...و وكلتي تا راسك بقا لك غاتوكلو
جلول:صافي امسعود شششش
مسعود:شو بلكيدار كيهز عليا صوتو
جلول جر ميمون:وانتا مامعاك هضرة ماكتحببش الحوار
ميمون:اجي واش باغي توكل الطوبة
جلول:هاء...وعلاش كنضورو من صباح
ميمون: وا راها كتاكل لفروماج المسطي
جلول:باش عرفتيها
ميمون:شتها ف طومو جيري
جلول شدو من لكتف و بدا يدي و يجيب فيه:تا حنا اش كنا نحوسو من صباح اليهودي يا الكالاخ
ميمون:اتا طلق اتا طلق
جلول:سير شفر شي فرماجة من ديك الماكينة(تلاجة)
ميمون:حاضر يا مولاي
#######
نهار الأول من المخيم..كانت الشمس فكل بلاصة و الحرااارة...الغابة خاويا كيتسمع غير صفير تاع المدير ديال الكامب و هو كيتمشى بحال العسكري:اذن..كيفما كتعرفو هاد المخيم جمع المتفوقين كتشجيع ليهم...اليوم الاول غنبداوه بالصيد...اكيد كلكم كتعرفو ليه
مروى هزت يديها:اناا ماكنعرفش
كمال(القائد) حاول يتجاهلها:احم.. كنطلب من كل واحد فيكم يتوجة لهيه(شار لواحد المستودع)و ياخد الصنارة و باش نسهلوها عليكم...غتخدمو على شكل ثنائيات لي غيتغيرو حسب طبيعة النشاط(جبد لا ليست ديال سميات)سعد مع ليلى-مراد و ريان_رهام عثمان...مروى و وائل
مروة:لا ميمكنش.. شيف انا بغييت نبدل الفرقة
القائد ببرود:مستحيل (و كمل النداء ديالو)
ضربت مروى رجلها مع الارض بغير رضى وبركت تنفخ..شاف فيها وائل وجا حداها دوا بشوية..
وايل :بشوية علييك لا يطرطق ليك شي عرق..غتفرقي معاه غير جوج سوايع..
مروى خلاتو تاكمل هضرتو يالاه غتجاوبو وهو يزسد بقات كتشوف فيه بغيض مكرهتش تهز داك الحجر تفلقو ولكن تمالكت راسها وبدات غادا جهة المستودع لي كان كبيير وفييه جمييع اللوازم واحد البلاصة مختصة فاللوازم تاع الصيد..مشات حدا وائل لي كان كيختار داكشي لي باغي وهي عاكتشوف فيه حيت ختنا لا علاقة بهاظشي..
مروى :اححممم نعاونك..
وائل بلا ميهز فيها راسو :هزي هاد الصندوق..
تحنات مروى باغا تهزو ووالو مقدؤتش ناضت تاني وعاودت تحنات كتهز فيه والو هزت رأسها تقولين مقدرته وهي تلقاه غادي خارج وحشمت تقولها ليه.كمدتها وهزاتو بزز وبدات تابعاه حتا تلاقات مع ياسين..
خادو من الارض وبداو غادين بجوج كيتحتو حتا ضار وائل ملقاهاش حداه وسمع ضحكها غمض عينيه بغير رضى حيت عرفها معامن..ضار بالزربة وجا عندهم وقف عليهم كي مول للكرا..
زايل :كنضن اانسة مروى راك معايا فليكيب..
مروى :ااه علاش..
وائل هز حاجبو :ونتاا اسي ياسين شكادير هنا..
مروى :راه الصندوق جاني تقيل وهو يعاوني..
وايل :اامم وعلاش كتلاحي الحاجة معارفاهاش.. (مد ليها الصنارات حبت خفاف وجر الصندوق من عند ياسين)..يالاه زيدي قدامي راه تعطلنا.
مروى لياسين :بااي.
دار ليها بيدور باي باي غير بعدو وهو يضحك بخبت. . الكل مشا جهة البحيرة ومروى نظراتها لوائل كتوحي بعدم الرضى...طلع وائل فواحد الفلوكة لفلوكة صغيرة وسط البحر...فيها كاع معدات السلامة..جا القائد عند مروى بدأ كيعطيهم التعليمات ديال انها تركب الطعم..تلوح الصنارة و تسناها حتا تشد فيها شي حوتة و مشا و خلاها كتحاول تركب تاكتلوح رجلها تبغي طلع وترجع..
وائل :ياللااه..
مروى :معرفتش كيفاش نطلع..
ناض وايل على سعدو ووعدو مد ليها يدو حطات كفها فكفو وشدات فيه مزيان وغمضت عينيها ونقزت دغيا لوا يدو عليها باش مترجعش للور والقارب بدا كيتحرك هزت عينيها فيه بحال شي مشيشة وهي تلقاه عاقدهم تاهي عاشافت شوفاتو وهي تقرم حواجبها وطلقت منو رجعت للور جلسو فبلايصهم خدم القارب و بداو كيجدفو باش يوصلو للوسط ديال البحيرة..
مروة قتلها الملل و بغات تجبد الهضرة:و جذف مزيان
وائل:شنو كنبان ليك كندير؟؟
مروة سداات فمها و كملات حيت هي اصلا غير كتضور.. هو لي كيدور بقوة
عند واحد المساخيط
مشا ميمون كيتسلت للكوزينة ملقا فيها حد.. ضور عينيه كي النمس.. حل التلاجة بالعرض البطيء حتل سمع غوتة حداه و قفز شاد فقلبو
ضور قبو و هز باكية ديال كيري لاحها كلها فيه :زيد قدامي نجريو فالخير.. وريني فينايا هاد الطوبة
هبطو للاكاف
ميمون:هاهو
امجد:فيناوا شت كاين هن غير الضلمة
جلول شعل الضو و مع شعلو امجد نقز من بلاصتو مخلوع:تا شناوا هدا؟؟
ميمون بغباء:طوبة
جلول بدا يفكر:نااي واقيلة مش
امجد جرهم من گرفادتهوم:دااباا تقولو ليا منين جبتوه
ميمون:واا لقيناه غير هنا
امجد طلقهوم و تصدم :ميمتي انا عايش مع هدا حياتي كلها
هزو كتافهم زعما معارفينش.. بدا كيقرب منو امجد عكازو و هو فنفس البوزيسيو.. عينيه كل وحدة فجيه و فمو محلول و نيبانو لتحتانيين خارجين و راسو عوج بدون حراك
امجد:تا شتو ماتحركش
ميمون بغا يبكي:شناوا هدا؟ ؟؟
امجد:مش.. مسكون بسملحمرحم شتو ماتحركش
جلول عاد سرات معاه:ناري كيخلع تا كيفاش هزيتيه
ميمون:وانا نصحبو طوبة
امجد حل فرماجة و بدا كيقربها ليه بشوية بشوية و هو باقي فنفس الحركة ماتململش ملامحو جامدة.. فرمشة عين انقض على يد امجد عضها و رجع للبوزيسيو ديالو كيما كان خلا امجد كيتحرق شاد صبعو:ويلي ميي قلت ليه يعض الفرماجة عض صبعيي..هدا ماشي مش و ماشي طوبة
ميمون بغباء:هذا أَسَدٌ (قراوها بالشكل.. شافهوم كيشوفو فيه مخنزرين) واراه علمها ليا جلول مع الحيوانات
لمجد شداتو البكية:عضني.. غيكون عاداني بشي مرض و انا مسكيين على سبة.. غنمووت بكري
جلول :متخافش راه داير الفاكسر
امجد:شكون دارو ليه؟؟
ميمون و جلول :ماليين المكااان😨
و هربو كيضحكو خلاوه تابعهوم و المش ماتحركش
######
كانت كل وحدة ملهية فشغلها الا صفيفو شادة للتيليفون و كتصور فرتيل كتشقا حتا تسمع صوت الصونيت فالدار.. نفضات حنان قميصها لانكون وحلات فيه شي حاجة
حنان:البنات مقادات كلشي مزيان؟؟
البنات:كلشي هو هداك
حنان :ياله وحدة فيكم تمشي تحل
وهي تبدا غادا لالة صفيفو كتمختر وكتلوك فالمسكة كي شيخة الگياطن:انا نخل غير كملو نتوما
مع حلت الباب حلت فمها فشهاب لي كان لابس سروال كحل مع شوميز خفيفة فالبيض مزييرة عليه و عاقد جاكيت خفيفة على كتافو وشعرو مقاد كتر من حياتها وملامحو الهادئة لي كتبعت الراااحة فالنفس بحال صفيفو لي حطت دراعها على البواني وبركت كتنهد وكتشوف فيه بعينين لامعين و هو كذلك..اما مليكة لي كانت لابسة جليليبة بالبلون كاسي مطرزة بالفاسي بللييد مع بليغة تاع الصم الحر والزويف على راسها وباقا مجبدة ومقادة نقول عندها غير 30 عام.. .ميقت فصفاء دفعتها بكتفها غير بالريط ومشات عند حنان كتسلم عليها أما شهاب دغيا شد صفاء لي كانت أعلى سبة دغيا فقدات توازنها..
شهاب فيقها بهاد الحركة👌 (ضرب صباعو مع بعضياتهم قدام عينيها بتش تفيق من الگلبة) :ايهو
صفاء توگدت :هااه ااه..مرحبا مرحبا..فيناهيا خالتي
مليكة من بعيد :يشويني فيك تانكون خالتك
شهاب باغي يلطف الجو غمز لمو:صفاء صافا عليك كيبقيتي
يلاه رجعت لور باش يدخل شهاب وهو يتسمع واحد الصوت انتوي ولكن بلهجة غريبة على المغربية
فالمخيم📣
بالضبط فالبحيرة لي كاينة فديك المنطقة لي جاية من واحد الواد تماك..القوارب غير منتاشرين تاع المشاركين كل زوج مضامنين ومشاركين كيصيدو وكل واحد عايش اللحظة الا مروى لي رابطة غوباشتها وجامعة يديها قدامها كتشوف فوائل بغيض وكتنفخ..
مروى :اوووف ااش ظاني ندوي معااك..يخخخ بناادم كي داير..
ضاارت كتنفخ وتعير بصوت منغنغ بحالة شاداها البكية وهو بقا عاكيشوف فيها فلخر بقات فيه..مد يدو للما وهز شوية ورشو عليها وهي ضور ليه..
مروى :زgاا من التبرهييش ااوه بععد مني فرقني علك..
وائل :داابا مالك على هاد الحاالة..
مرزى :ضور الله حفضك دير شغلك وخليني علك..
وائل بعناد :لا..ياك بغيتينا نخدمو كفريق..
مروى :لا مبغييتش..
وائل :ودابا مالك..صافي سمحيليا حيت غوت علك..
مروى :لاا..
عاود هز شوية النا فيدو ورشو عليها هي مع جاتها على غفلة وهي تقفز وناضت ومع القارب أعلى سبة بدا كيميل وهي غادا معاه..
مروى :واأااااااااااائل...
وائل دغيا لاح لي فيدو وجرها من يدها تاجات عندو وتخبطت مع صدرو جا جالس وهي فوقو..دار صبعو على دقنها وهز ليها رأسها تاتقابلو عينيه مع عينيها لي مكمشاهم غير حست بالقارب زgاا وهي تحلهم تلاقاو مع عينيه ووائل لاول مرة فك غوباشتو لي ولات كترسم ليه بزااف فايام المخيم سمحو لبعضهم يبقاو قراب لدقائق وانفاسهم كتمزج مع بعض وفدييك اللحظة كان وااحد الشخص كياخد ليهم صور بابتسامة معرفتش مغزاها وااش نية حسنة ولا شريرة..اما مروى رؤيتها غادة وكضبب ووائل غادي وكيبان ليها بعيد ديك الساعة شدتها الدوخة دفعاتو وبدات كتقلب. .
مد ليها لي بغات وضار كيقاد ديالو ورجع كيشوف فيها وهو يلقاها باقا مضاربة معاها..
وائل :نسيتي على شنو قاليك القائد..
مروة حكت راسعا بحرج :مكنتش مدايرة نعاه عقلي..
وائل :ماشي مشكيل.قربي نعلمك..
قربات حداه وجلست شوية بدا كيقرب ليها وهي كتبعد وجهها لي تزننك ولكن خابت ضنونها ملي طلع راسو وجبد شي حاجة من وراها وهو راسم واحد الابتسامة خفيفة على وجهو. .
تسمع واحد الصوت جاي داخل و صوت بلهجة غريبة.. صفاء بعدما كانت متبعة شهاب بالعين.. ضارت باتجاه الصوت.. لمحات مرا زوينة محجبة لابشة كسوة طويلة فالسومو مع حجاب ابيض هازة فيدها بنت صغيرة(فخاطرها: شكون هادي عوتاني)
صفاء طلعاتها و نزلاتها:امم مزيان.. انا الحمد الله و نتي؟؟
البنت:منيحة
تصوخرات صفاء اللور خلاتها تدخل.. جا موراها راجل الطولة و التجريدة صفاء بقات غير كتبقلل (فخاطرها:ت قول الزين عندهوم سلالة.. ماشاء الله.. و لكن شهبوبي حسن منو بزااف)
سلمات عليه باليد و كان شاد فيدو ولد يكون فعمر الست سنوات
دخلو للصالون الكبير و حنان ترحب و تعااود.. مشات صفاء گلسات حداهم فالصالون دايرة رجل على رجل
رتيل كتغمز ليها بعينيها باش تنوض و هي كتومي ليها باش تهني راسها و تمشي.. ضربات يدها مع فخضها و مشات تعاون اكرام اما حنان فباركة تهضر هي و مليكة.. صفاء ضارت عند ديك البنت
صفاء بابتسامة مصطنعة:شنو كتجي لشهاب؟؟
البنت:انا بكون مرت اخوه لَشهاب
صفاء فرحات مني ماشي شي بنت خالتو حيت الصراحة تتقال لبنت مافيها مايتعاب و من حقها تخاف على راسها.. و بركت تعنق فيها و تعاود:و مالك ما قلتيها من قبيلة
البنت:مافي مشكلة.. إليلي.. شو اسمك؟
صفاء:سميتي صفاء و نتي؟؟
البنت:اسمي مايا
صفاء:متشرفيين
مايا:شو بتقربي للست حنان؟؟
صفاء:بنت عم مرت ولدها
مايا:؟؟؟
صفاء بهمس:انا صديقة شهاب و صافي
مايا:ااااا.. بفهم من كلامك انكن رفأة... منيح..(شيرات جهة خو شهاب) هاد بيكون جوزي عبد الصمد و هاد لي ماسك ايدو ابننا علي و هاي بنتي ليندا
صفاء (ناري كنكره لبعالك) :امم زوينين
مايا بابتسامة زينات وجهها المبشور:من زوقك
صفاء كتافات بابتسامة و مراقبة شهاب گالس فواحد الجهة هو و سيف و عبد الصمد.كان كيهضر برزانة و هي مراقبة تحركاتو و فمو كيفاش كيتحرك و كيفاش كيحرك يديه و هو كيهضر.. بغات تهضر معاه و لكن معندهاش كيف تدير ضارت عند مايا لي كانت كتحط السكاتة لبنتها باش تسكت
صفاء :كاين شي فرد ناقص من عائلتكوم ياك؟؟
مايا:مافهمت أصدك؟
صفاء :شهاب كان قاليا عندو التوأم ديالو
مايا:ااا أصدك شهد.. هي اختو متجوزة.. بس ما قالك انها بتسكون في سويسرا
صفاء حلات فمها:هااء.. واو ها الأم فاسية و النسيبة لبنانية و الأخت سويسرية..كيفاش عايشين هادو
مايا ماسمعاتهاش و كملات كتسكت فبنتها لي عاد فاقت و مسكتاتش من لبكا و صفاء باغا تسطا من غواتها حيت اصلا كيف قلت معندهاش مع الصغار
حنان جات عندها:آري ابنتي نشدها عليك
مايا:لأ مافي داعي اعزبك
حنان:غير عطيها ليا و رتاحي نتي شوية راها قهراتك بالغوات
هبطات عينيها كتشوف فديك الكتكوتة ل يكتشوف فيها ببرائة و عينيها الرماديتان كيرمشو مع ابتسامة صغييرة و صفاء كتشوف بمياعة
########
فالمخيم
وائل :يالااه قادي الصنارة تااعك
مروة بدات كتقاد فيها :امم وااش هاكا..
وائل :لا... (ضور يدو من ورا ضهرها وشد يدها كيقاد بيها باش تشد التعليمات )غتحطي هاادي هنا وتعقدي عليها هاد الخيط بحاال هاكا
مروة :يااي صيبتها
وايل هبط عندها راسو :طبييعة الحال مالنا كنلعبو هنا
هزت راسها فيه وهوما يتلاقاو عينيهم ومع ديك الشميسة ماحاراش بزااف ضاربة فيهم وخرير الما كيتسمع عطااهم منضر زويين حنحن وائل وبعد وحتا مروة بدورها فهمات راسها وقلبوها ضحك باش ينسييو
كانت مروى جالسة وحالة فمها عند ودنيها كضحك وتقلي السم للوائل لي كان جالس جامعهم وكيشوف قداامو تاضار على تحركات القارب لي جاي من تحركات مروى حيت كانت كترنح ملي حست بالصنارة كتحرك
مروة :للا راه البرااعة تااعي...هههههههه شحال جمعت علييك
وائل :متنسايش انا لي علمتك يعني السر فيا
مروة :ل....
يلااه غتجااوبو وهي تسكت وبقات كتشوف فوااحد الجهة بعيون مبهمة ولكن متلالاة فنفس الوقت كيعبر على إعجابها
وائل :مروة فين سرحتي.. ..
وعات :هااه ااه...انا معاك..
وائل :ياللاه خاصنا نرجعو راه سالا الوقت..
مروة :ااه اووكي..
رجعو جميع القوارب على ضفة البحيرة
ناضت صفاء لبيت آخر فيه لي غير لي فوتوي بركات فوق واحد و كتطرطق فالمسكة و بقات كتشوف فالبنت الصغيرة لي كتشوف فيها ببرائة و هي كتشوف فيها و كتخرح فعينيها و لسانها باش تخلعها حتا غوتات البنت و قفزات صفاء حتا لقات شهاب بارك حداها
شهاب:خلعاتك؟؟
صفاء:ههههه اش غيخلعني فيها متلا
شهاب:لا هاضر مع البنت
صفاء حكات قفاها كتبرد فالقمعة حتا حسات بيدو فوق كتفها
شهاب: زعما تقلقتي
صفاء :علاه انا نتقلق منك و ضربات كفها مع كفو لي كيساوي ضعف يديها
شهاب:.. بغيت نقوليك شي هضرة و لكن ماشي دبا
صفاء:ايوا شتيي دبا باغي تخليني بلا غدا غنبقا نفكر
شهاب:هادي غتعلمك تصبري
دلات شفايفها دليل على عدم رضاها وهو يمد شهاب يدو للجنب شفايفها وجرهم تاترسمات ابتسامة وغمزها..
شهاب :الضحكة كتجي معااك حسن😉
غير سمعاتو وهي تشرع فمها كتكركر ولكن جمعتها ملي بدات البنت كتبكي..هزاتها قدامها كتزعل فيها والو..
صفاء :صافي صاافي وااس واس..يااء مالك باااع..
غير نطقت بيها وعوجت سيفتها ناوية ضحكها وهي طلق البنت وااحد الغوتة تاخلعت صفاء وتنفضت ومع مشاداش البنت مزيان كانت غتزلق ليها كون مشدهاش شهاب من لور..
شهاب:واش عمرك هزيتي دري صغير؟؟
صفاء حركات راسها بالنفي.. تنهد جا موراها:اولا راك ماشاداهاش مزيان معنكشاها فالتكية...( شد يديها و حطها تحت البنت و اليد التانية قادها تحت راسها) و دابا حطي لها السكاتة ففمها وبقاي تهزيها بشوييية هاكا
دارت دكشي لي كيقوليها و هي ساهية فملامحو لي مركزين معاها وطريقة هضرتو لي كتمتاز بالسكوون والتقالة وديك البحة فصوتو الهاادئ جات مع ملامحو الهادئين كان كيشرح ليها وصفاء حالة فمها فيه كتحلم بالعرس والولاد ملي غيولدو وانو الدرية بنتهم كتبتسم تلقائيا حتا جات مخربة اللحظات
رتيل: ياله تتغداو
صفاء مخسرة سيفتها :يخخ مترحمي متخلي رحمة ربي تنزل
شهاب:ياله عطيني البنت حتا تمشي تغسلي يديك
عطاتها ليه كيف قال...و خلا ليها مساحة باش تزيد قدامو و هو غادي موراها بمشية رجالية و يديه فجيابو دخل للصالون.. كانت الماكلة مرصفة فوق الطابلة بشتى انواعها گلس فوق الكرسي المقابل لمليكة
مليكة:قوليلي الالة حنان.. سي عبدالله فين هو؟
حنان:كان باغي يشوفكم و لكن ماكتابش.. خاصو يمشي يجيب الحاجة من المطار
صفاء فودن رتيل:وايلي واش ديك الشارفة لي عايراتك اول مرة جيتي لهنا؟؟
رتيل:ويلي انا نسييتها.. حنونة علاش الحاجة محضراتش للعرس؟؟
حنان: مشات للداخلة عند ختها
رتيل باستغراب:مشات بالطيارة للداخلة؟؟
حنان:اه راه بعيدة علينا بزاف
رتيل:فخبارها بلي تزوجنا انا و سيف؟
حنان بارتباك:ممازعمناش نقولولها ليها
رتيل :اويلي
مليكة:وايلي اختي حنان ماعملتو فيها مايليق.. حسومة وااه كان خصكوم عالقليلة تعلموها مسكينة
حنان:راها صعيبة فتعاملها الا ساقت الخبار بلي عرسنا بلا بيها كانت غتشد اول طيارة و تجي
امجد :الاا وااحريرتكم..(شافو فيه ببلاهة)وادااك العفريت ولا معرت جن لي للتحت..
جلول :واللهما عرفنا..
امجد :دبا واش غتربيوه ولا لا
ميمون:اه اه عافاك
امجد:واخا و شنو تسميوه؟؟
جلول:كاسبر 😍
ميمون و امجدحلو فيه فمهوم:من نيتك
جلول:مالكم سمية موضيرن
امجد:نسميوه بنكيران؟؟
ميمون:لا لا نسميوه دعبل بليييز
امجد:اايه؟؟شنايا هادي
ميمون:اا سمية.
امجد:مشااات.. ياله نهبطو عند دعبل عوتاني باش يولف سميتو
جلول:اااه و نعلموه البيانو بحال دكشي ديال الافلام
امجد ميق فيه وجرهم قداامو و بداو هابطين عوتاني..وامجد كل مرة يجبد دوك الحجابات لي عطاتو جميلة باش متقيصو تاحاجة ملي وصلو وهوما يشرعو عينيهم...
صفاء:كنا بغينا عا نسولوك كالك دغيا شعلتي
مليكة بنفخة:شنو بغيتي
صفاء بلامبالاة:صافي مبقيتش باغا
مليكة:ايوا لهلا
رتيل بهمس:اش كنتي بغيتي تقولي ليها
صفاء:كنت غنكحلها على راسي لحمدلله سكتت
رتيل :ايوا هوكاك لجمي فمك
صفاء:مايا عاودي لينا على لبنان
مايا:بصراحة.. شتقتلو لهداك البلد.. بعدني بتزكر ايامي مع رفقاتي و اهلي
صفاء بأسف :علاش اشنو وقع ليهم؟؟
مايا :والاشي... لساتن هنيك لهيك اشتقتلون
صفاء:ها.. احسابلي ماتو
مايا:بعيد الشر عليهن
رتيل:كنت سمعت بلي كنتي ممرضة ياك؟؟
صفاء تحلو عينيها مع هاد الكلمة
مايا:ايه بس مالحقت اوازن بين شغلي و بيتي لهيك استقلت
صفاء :حتا انا هدشي لي كنفكر ندير..
مليكة هضرات تلقائيا بلا متوعا:اويلي يشويني فيك.. الناس كتفتش على الشغل بالفتيلة و القنديل و نتي باغا الدار (وعات بهضرتها) اانا غير قولت و صافي حيت اصلا الدار مافيها ما يدار
صفاء فراسها(يااه باغا مرت ولدها خدامة) :حتانا راه غير كنهضر.. اخاالتي(وركات على هاد الكلمة) اصلا انا كتعجبني الخدمة و القراية
رتيل:و النعاس نسيتيه؟
اكرام:النعاس حتا حد ميهضر عليه حيت كلنا كنحماقو عليه
مليكة مخاطبة اكرام:و كيعجبك تديري شغل د الدار؟؟
اكرام :بالعما
مليكة ضورات فمها بعدم رضا
مايا:نحنا ايجينا اليوم عشان نبارك لاك الميدالية لي فزتي فيها.. عنجد عايلتك فخورين فيكي و نحنا كمان.. مانسيتي انّا رفقة
اكرام:مالني غنسا الله يبارك فيك
مليكة :و لكن ابنتي هاد السپور راه ديال الرجال
اكرام:شكون قالها ليك.. الملاكمة خاصة بگااع الفئات
عبد الصمد صونا عليه التيلي و ناض بعدما استسمح منهوم و
مايا مسحات فمها بالسيرفييت لي فوق فخاضها و رجعات اللور
اما مليكة فباقا كتاكل بشوية عليها بالموس و الفورشيط و شهاب و سيف باركين حداهم.. و صفاء مقابلة معاه كتاكل و مرة مرة تسرق شوفة فيه
سيف:فين وصلتي فالخدمة
شهاب:صافي فتحت العيادة الخاصة بيا.. غير بالأمراض النفسية صافي
سيف:هي نقولو مبروك
شهاب:الله يبارك فيك
صفاء بصدمة:و علااش ماقولتيهاش ليا
كلهوم ضارو كيشوفو فيها باستفهام و رتيل كتعفط عليها تحت من الطبلة
صفاء:اااه.. يعني هدشي لي كنتي بغيتي تقولو قبيلة فاش دخلتي عندي للبيت انا وليندا و...
و لاخرين ملامحهم غاديا و كتستفهم كتر و مافاهمين والو و شهاب كيشوف فيها بمعنى(آش قلتي هاد اللحظة) و يكحكح
صفاء وعات براسها و غيرات الموضوع:مرحبا بيك امليك
مليكة :ما قولتيها حتا كمل كولشي الماكلة
صفاء:المهم هو لوجيست (و ابتسامة غبية)
جا عبد الصمد قبل مايبداو يطرحو عليها تساؤلات:مايا ياله غنمشيو دبا
مايا :حراام.. بعدني بدي احكي مع البنات شوي
عبد الصمد:جاني غرض مهم فمدينة آخرة و نتوما خاصكوم تمشيو معايا.. ياله ا علي لبس صباطك
مايا مشات غسلات يديها و رجعات سلمات عليهم
مايا:انشاء الله بنلتقي المرة الجاية.. صفاء ارتحتلك كتيير بتمنى تيجي لهون عشان نلتقي مرة تانية اوكي؟؟
ناضت اكرام و رتيل و حتا صفاء يجمعو الطابلة و حنان باقا باركة مع مليكة
مليكة :ايوا بنتك اكرام اش دارت ورا الباك
حنان :بغات تكمل فالملاكمة
مليكة:وايلي هي بنت اش دخلها لهدشي
حنان :قلنااهاا ليها و لكن راسها قاصح اختي
مليكة :ايوا خلااص بنات اليووم..
حنان:تولي كوتش فشي صال منها تلاها شوية
مليكة :و ماناوياش تتزوج؟؟
حنان:قاتليك يا لالة مامدخلاش الفكرة لدماغها
مليكة:يعني باقا مامرتبطة بحد
حنان:لالا (بدات تضحك) دوا فيها واحد ولد عمها و لكن مبغاتش
مليكة:و ماالو
حنان:هههه ماخدام ما ردام عاطيها غير السريط و المريط و شي مايشيط
مليكة:ايوا يشويني فالويل اش داخل يدير فالمعمعة.. ولدي شهاب تبارك الله بدارو و خدمتو و طوموبيلتو و بكولشي..
صفاء دخلات مع هاد الهضرة الاخيرة لي فهمات مغزاها و ضربات فيها تخنزيرة ديال القتيل و مشات للكوزينة بزربة شربات كاس كبير ديال الما و هي كتغدد على هاد الهضرة.. اويلي السيد ماباغيهاش و هي كتلصق فيه بنت صاحبتها اش هاد اللوجيك.
فالصالون
حنان:وايكون خيرش حنا منلقاوش حسن منكوم.. نجيبو اتاي ولا قهوة؟
صفاء معرفاتش شنو هاد الصدفة.. فنهار واحد او فساعة وحدة.. واحد فرحان حيت وحدة كتبغيه.. و لاخر قريب يبكي حيت هداك لي كان كيظنوا كيبغيه صدق غير شاد ليها الخاطر. ها٠ بصوت مخنوق :مبروك عليكم هي شي عراسية؟ (كتحل فالباب ديال الدار)
زيكو:انشاء الله علاش لا (سكت للحظات كيشوف فيها) الخوادرية ماالك.. شكون قلقك؟؟
صفاء كتمسح فعينيها بابتسامة:ما مالي والو العشير
زيكو شدها من كتفها قبل ماتدخل :تي قولي ليا شكون قلقك نجبد لمو عينو
صفاء دخلات لجردة ديال الدار و هو تبعها:واش مبغيتش تقولي ليا شكون هذا؟؟ انا غنلقااه راسي و غنوريه
صفاء حيت معندهاش خوها كبير كتعتابر ولاد التايكة هوما خوتها.. واخا شماكرية ولكن حنان عليها و عمرهوم تجاوزوا الحدود معاها.. و اقرب واحد ليها هو زيكو.. لوهلة غلبوها دموعها و بقات كتحبس فيهم و بصوت متقطع:انا فرحانة ليك بزاف الله يكمل عليكم بالخير
زيكو:بلا متبقاي تديري فيها شجااعة قدامي لا كنتي تعرفي تبكي غيير بكي
هاد الكلمات كانوا كفيلين باش تبدا تبكي و طلقات دموعها كتبكي و هو كيواسي فيها
صفاء :زيكو متدير حتا حاجة تندم عليها.. الا تضاربتي معاه راه يكوغطك و يجمعك.. ماتقدرش عليه غير بقا بعيد
زيكو بعصبية:هانا غنمشي و غنعاود نرجع و غنقز من البالكو ديال بيت لبنى لديك الشجرة و نطلع للبالكو ديال بيتك غتحليي علياا ولا نتفاهم معاك.. تشاو
صفاء بدون جواب دخلات كتجري و طلعات لبيتها حمدات الله حيت حتا واحد ماتعرض ليها يسولها و سداات عليها و نزلات مع الحيط منهارة كتبكي :اش دخلني انا لهاد المعمعة من اللول.. انا كنت عارفاه مكيبغينيش و لكن قلت بلي مع الوقت يقدر يبغيني و لكن لا.. مبغانيش و انا كي اللصقة لاصقة فيه مخليتو تايتنفس.. كنت عارفة هدشي من اللول انا لي كنت ضبعة.. هو عمرو ماقاليا كنبغيك و انا مفكرتش فهدشي گااع.. هادي درس ليك اصفيفو درس مزياااااااان..
تفكرات انه مني تقلق متبكيش.. تنوض تكتب شي جملة تعبر بيها على گااع دكشي لي كتحس بيه.. بركات فالبيرو و فكرات مطولا و هي كترسم فذاكرتها ملامح وجهو مني قاليها (ماعمرك تبكي.. حاولي تهزي ستيلو و ورقة كتبي اؤ حاجة كتحسي بها و دكشي گااع لي معصبك غتحسي به طاح فالورقة) ترسمات نصف ابتسامة واهنة على شفتها و حطات القلم لي كيرتجف على الورق و كتبات "وجدت بك ذاتي.. اريتك روحي.. استندت اليك.. طلبت الوصل منك.. كنت لك و لأجلك وملاذك.. قلي كيف رحبت هكذا و جعلتني الملم بقاياي في العتمة؟؟"
ناضت لفوق الناموسية و تكات و حاولات تنعس غير باش متبكيش و نعسات بالفعل كتفكر فگااع ذكراياتهم الزوينة لي دوزو.. نهار مشاو للبحر.. نهار عرس رتيل.. و ديك القبلة.. زعما تكون مجرد قبلة صداقة.. يمكن.. و مو لي مكتحملهاش و هي كتلصق... واش فعلا هدشي كلو تلاشا.. و مشا فالفراغ.. و حتاحاجةمن هدشي ما حقيقة مجرد وهم.. نعسات كتغالب دموعها
#####
نكملو الهضرة ديال شهاب و سيف
سيف:و دبا كتحس جيهتها بشي حاجة?
شهاب:كنحس ببزاف ديال الحاجات.. مي لي عارف انني كنتوحشها دغيا و مكنبغيش شي واحد يقرب ليها من غيري كتعجبني فحركاتها الطفولية و حتا فاش كتبغي تدير فيها شمكارة مكتعرفش حيت ملامحها بريئة.. و لكن فنفس الوقت مازعمتش.. البنت باقا صغيرة
سيف كيضحك:هي نقوولو مبرووك...صاافي راك طحتي اصحبي
شهاب بجدية:هانتا ندمتيني
سيف شاد كرشو كيضحك:وايلي على السي شهاب لي ماعمرو بغا شي وحدة.. شكون قال غايجي هاد النهار
شهاب:صافي راه هي اصلا مافخبارها والو من هدشي لي قلت لك.
سيف:واا غير توكل و سير قولها ليها راه غتفرح كتر منك
شهاب بشك:و زعما تقبل تزوج.. حيت هي لي كيبان ليا انها باقا باغا تعيش حياتها و يمكن تكون كتعتابر هدشي غير نزوة عابرة
سيف بهمس:حتا انا ديك الزرمومية كانت باغا تعييش حياتها و باغا تلعب و تضحك و تزوجات بيا و هاحنا بيخير
رتيل وقفات عليهم هازا القهوة:كتنممو فيا
سيف:وا وجهك غير ديال النميمة
رتيل:ياك اسيدي واخا تانتفاهموا من بعد
شهاب:هز الكاس و كيطنز على سيف:ايوااا الزواج زين كيف قلتي 😂😂
السلالة المجنونة الجزء 15
محتوى القصة
التنقل بين الأجزاء