ميمون هاز راسو فالسما و ملامحو مجموعين مع الشمس حارة :حنا فاش كانت كتذوز من الدوار كنا كنبداو نشيرو عليها بالحجر.. كان صاحبي معاذ و فاروق كيبداو يتلاغطو:واا والوحش جاي هربو.. و كيبداو ناس الذوار يجريو هربانين
جلول ميق فيه:تفو على جاهلين
ميمون تحولات ملامحو الحزن:طوحشتهووم (بدا يدمع و جلول كيواسي فيه)
#########
فالمخيم
بدا كيضلام الحال و مروى باقا مرجعاتش...وائل تقلق عليها و خرج يقلب و تبعو ياسين لي كل واحد مشا يقلب فقنت..محد وائل مكيلقاهاش و هو كيزيد يخاف عليها..شغايكون مصيرها فهاد الليل لي كيتسمع فيه غا صوت ذياب و ففمو غير سميتها...حتا حل عينين بدهشة
#فلاش_باك
كانت مروى غادة معفرة و كتبرغم:علاش داك لحيماري كيتدخل ليا فحياتي ..وعلاش يعايرهوم..هما فالصراحة غاديال لمعيور و لكن النفس و الدم لي مشاركينهم..واخا يستاهلو كتر على دكشي لي دوزنا عليه
محسات براسها حتا ترفعات..كانت مصيدة مديرينها فالارض ديك لي كتكون عبارة على حبل على شكل مستدير فالأرض كيتعفط عليها و كترفع راسك لتحت و رجليك معلقين
وائل طاح فالأرض كيضحك على و هي شعرها مقلوب و نضاضرها طايحين
مروة:فبلاصة داك الضحك الخاوي جي فكني
مشا عندها و تفرقع بالضحك
مروى:كضحك قدامي بلا حشمة بلا حيا..نتا سباب
وائل:صافي لقيتي على من تجيبي سبتك..راك نتي لي مجبتيش نظاظرك و مشفتيش هاد المصيدة
مروى:يااك...دبا انا عورة
واىل:واش انا قلت هادشي
مروى:لا غاقولها اخويااا... نشدك نفلعصك
وائل:اولا انا ما خو حد تانيا ليل هدا عرفي راسك شكتقولي
مروى اكتافات بالسكوت حتا بان ليها واحد المنظر وااعر بزااف...كانت الدنيا مظلمة مضويها غير القمر و حشرات مضويين لاسقين فالشجر كيبينو الورد لي فالالوان تحت منها...لاصقين دوك الحشرات فالاوراق بواحد التناسق كل مرة تزيد فالبريق شي وحدة
وائل ضار كيتأمل المنظر:عجبك هادشي
مروى:بزااف...انا اصلا كيعجبني نتأمل فعظمة الخالق
وائل:مم عندك جانب من المغامرة و الاستكشاف
مروى مزالة منباهرة فداكشي كتدوي بلا متشوف فييه:اه بصح كنحماق على هدشي و لكن مكينش معامن... واا فكني بعدا
وائل اكتفى بالصمت و جبد موس صغير من جيبو قطع بيه الحبل و شدها قبل لاتطيح وجلسو فوق واحد الخشبة فالشجرة كانت مليوحة على شكل كرسي
وائل:لا لا...خاصك تعرفي بلي انا و رهام مبيناتنا والو
مروى:.و انا...انا مالي
وائل:بلا مديري فيها ممهتماش راني عايق بيك
مروى بابتسامة مصطنعة: باش عايق ..راه غي كيجيب ليك الله
وائل:مم صافي صافي...كيدايرا فعلاقتك مع ياسين
مروى:شتكم تيقتوها😂انا و ياسين غي معرفة تاع صغر و صافي لاا غير...كيبقا بالنسبة ليا أخ و صافي
وائل:ولكن هو لا
مروى:كيفاش..شغيكون مثلا
وائل:حنا رجال و كنفهمو بعضياتنا
مروى:ش..شكتخربق نوض يلاه نمشيو
ففيلة الاسماعيلي
جالسين على الصالة امونجي كيتعشاو بصمت ونضرات عائشة حاقدة على رتيل لي ممسوقااش ليها وجالسة كتخشي فوجهها شوية جبدت تيليفونها وبدات كتميساجا وكتضحك.. تحنا سيف عند ودنها
سيف بهمس و نظراتو على افراد العائلة :رتيل حيدي التيلي راه حنا كنتعشاو
رتيل بلا مبالاة واهتمامها على تيلي حيت كانت كتقرا شي لعيبات فواحد الgروب لي دخلوها ليه البنات بزز وكتاخد شي افكار لداكشي لي باغا دير :سييف تال من بعد مامسالياش
سمعتها عائشة بغات تبخ الدم بالاعصاب وهي كتشوفها منخلة حفيدها ومعاطياهش اهمية يعني هي ديما هاكا بدات كتسوط ماعاجبها حال على هاد الخطية لي داها تمدات تاخد القريعة تاع الكامون وهي ضرب الجبانية تاع لاسوب لي قدام رتيل لي كانت گالسة حتا ناضت قافزة وكتنقز من السخونية لي ضرباتها
رتيل :وااااع اش درتيييي رااااه هااد الزمر سخوون
عائشة :ماالي ااش درت ليك gااع مشفتكش..
رتبل :وللاه يدي لي ضرااتي درتيها بلعااني
سيف ناض عندها:صاافي ارتيل موقع والو..
رتيل :لاا وقااع دارتها بلعااني..
عائشة ببرود :مشفتكش..
سيف تحت فمو :صاافي ارتيل راه مشاافتكش. .
رتيل:وااا راااه شافتني غييير كتمهبل علييكم
عبد الله:الله يهديك ابنتي ديري بحالا ماوقع والو ومسحيها فيا
سيف :صاافي ارتيل بلا متجبدي الصداع
رتيل :بففففف اوكي اوكي انا غنمشي واللهتا غير حشمت اما كون... الله ينعل الشيطان
عائشة تحت نيفها :الشيطان هو بنادم..
طلعت رتيل كتخبط ومعصبة من هاد الستون لي وقع ليها غيزيد يأزم الوضع...كملو لاخرين العشا فجو مكهرب وسيف سيفط اكرام تقول للرتيل تبدل حوايجها باش يرجعو للدارهم كانت ترخفات شوية وناضت معولة تعتادر من سيف.. كانت واقفة وحالة فمها تال ودنيها كتفرنس فرحاانة حيت غيرجعو لدارهم هي وسيف وتماك غتونس بيه تصلاح معاه..لبسات حوايجها وتقادت وهبطات لقاتهم كاملين مجموعين فالصالون سلمات على عبد الله وحنان واكرام غير وصلات عند عائشة قلبات عينيها وبدات هابطة تسلم عليها ولكن عاسمعت كلامها تصدمات من داك الخبر لي طاح عليها بحال الصاعقة
########
وصلو لوبيرج و تلقا ليهم لكوتش الجديد ..لاخر لي كان عندهوم فلول تبدل و حا هدا
الذوتش قصير و حاز يدو على خصرو:هايهايهاي..توما غين داخلين سيبة هناو؟؟
وائل ببرود:كنضن بلي هادشي مكيهمكش
زبير:تاشتك تعاير..خرج عليا برا مغتباتوش هنا
وائل دفع فيه و دخل هو و مروى و جلسو حدا جماعة تا جاب الكوتش كرسي و جلس حداهم كيرمش بعينيه حاط يدو تحت ذقنو متكي عليه
الكوتش:نعرفكم براسي...انا سميتني عزوز الزوبير
بنت:سميتك عزوز ولا زبير
عزوز:فصاراحة سميتي زبير و كنيتي الزبانات و لذن كتعجبني عزووز❤
مروة كتخمم:تفو تهنيت من قبيلة الكلاخ لي عندنا فالدار لقيت وزين كامل مجموع فهاد المخلوق لي قدامي..كون غير تجمع هو و امجد و جلول ميمون و مسعود و جميل و البشير و دارو شي جمعية ديال المعوقين
كانت عائشة كدوي وعلى فمها ابتسامة استهزاء :علاش غتسلمي عليا وانا غنمشي معاكم
بعدت منها رتيل مصدومة :كي..كيفااش..
عايشة بنظرات شيطانية :اه غنمشي معاكم..
رتيل بصدمة :لا لا ميمكنش
خنزرت فيها عائشة :مال الدار دارك ولا انا جايا عندك انا راه غنمشي مع حفيدي سيف حبيبي
وناضت دفعتها بكتفها وبدات غادا كتعقز بعكازها اما رتيل ملقات كيف الدير غير كتكزز ماكفاها فيل زادها فيلة تاع عايشة هي لي ناقصاها وضربت ليها البلان تبعتهم كتنفخ وتخبط رجليها مع الارض دارت باي باي للكل لي واقفين فالباب الخارج ودارت غادا للطوموبيل حتا لقات لالة عائشة مقندة تماك فالبلاصة القدامية.. تنفسات مزياان ومشات حلت الباب لوراني وطلعات بالنترة وخبطت الباب موراها اما عايشة شدت على قلبها..
عائشة :امال الباب شداار ليك.
رتيل تحت نيفها :الدار ليك فهاد النهار شكون مسلطك عليا دايرة كي عضم الهندية
عائشة تاهي كتبرgم :يخخ على مجعورة بلانا بيها الله ولكن عابيا ولا بيك منساش بيك داك المعيور..
كملو ديك الطريق غير بالنgيير كل وحدة تبخ فجيه وسيف عاكيضور عينيه بيناتهم شهموه الشيب الخضر غينوضوه ليه و غير كيتنهد حيت عارف اش غيكون تابعهوم فالدار
######
ففيلة امين
بالضبط فالجردة لي حاطين فيها صال امونجي كبيرة فوقها انواع المأكولات ومجموعين العائلة أمجد محمد بوشعيب زهرة منال صفاء عماد محمد امين جميلة وجميل جلول وميمون لي جابوه بوحدو حيت فاميلتو مبغاوش يجيو معولين على سيبة فالدار وعادا امين وهنادي وخديجة وكوثر ونورسين كان العشا فجو هادئ على غير العادة والأضاءة بضو بيض خفييف مع الجو لي كان هادئ ومرة مرة كيتحرك البرد بشويية ومع امجد مكيجلسش..
امجد :يااومرحبااا بييكم كااملين الدار داركم متحشموش..
بوشعيب بهمس :شتك كترحب بحالا الدار كنتي تبني فيها طوبة طوبة..
صفاء :قصوحية الوجه خايدينها مننك الحااج...(ودوات تحت نيفها)وجهو قصح من ركبتو..
جلول عاسمعها وهو ينقز :نااري الحااج عبد المجيد عيرااتك..قااتليك يااك وجهك قصح من ركبتك..
امجد:وانا ماشي حاااج شكون قالها لك
صفاء بانتصار لجلول:القاا
جلول:ياك انا كندافع علك و نتا ساير تنهصر فيا
جميلة تحت سنانها:غتسكت ولا نرجع مك للدار
جلول طم فمو كيتسنا فشس واحد يدوي و لكن الصمت
خديجة:نورسين تصالحتي مع طاطا هنادي ياك؟
نورسين:هاد الساحرة الشريرة؟؟
كلشي حل عينيه بصدمة حتا ابتاسمات ليهم:اه تصالحنا و طيبنا كيك فالصباح
كوتر :اول مرة غنشوف عروسة كتفيق تصايب كيك 😂
خديجة:كنقوليك ولي سكتي
وكملو العشا في هدوء كيتسمع غير تقرقيب الفراشط و الحنحنات
صفاء فايقة عالنبوري هادي هي للوقيتة لي كيفيق فيها بوشعيب.. بعدما يأسات من قبولها فالتمريض..و دخلات ديريكت عليه لي كان كيمسح فالمكحلة حتا هزها ليها فوجها
بوش بجهد:النار عالخاطار الهاجم يموت شرع
صفاء رجعات اللور:ررااه لققيت الباب محلول
بوش:ديك الساع سديه و دقي عاد حلي
صفاء:ياك اعمو انا جايا عندك باش توريني قواعد العساكرية الكبار بحااااالك و نتا هاز عليا السلاح باغي تقتلني
بوش كيميق:مكااانش خاصك تستسلمي واخا هاز عليك السلاح.. هادي هي القاعدة اللولة لي خاصك تتعلمي
صفاء دفعات الجبهة:اناا غاا خلعتيني اما كون خرجتي معايا دراع كون را.....
بوش كيقرب ليها:كوون شنووو؟ ادوي المعوقفة... دوي كون اش؟؟
صفاء تهدنات و ببرائة:ككون علمتيني ندافع بلا سلاح
منال بدات تحل فعينيها:سيري الا عندك مايدار بقاي مقابلة هدا؟؟
بوش:هادي تاني قاعدة خاص راسك يكون صغير و تكوني كتصنطي..منال نعسي خلينا نخدمو.. دباا... علااش بغيتي تمشي للعسكر؟؟
صفاء بابتسامة:نولي عسكرية
بوش:اللقوة.. هاادي القاعدة الرابعة.. مااخااصكش تقولي للعدو اش تحت راااسك
صفاء:و فينايا القاعدة التالتة شتك نقزتيها
بوش:هااااااااا... . باااش تدخلي للعسكر خاصك بعدا تدخلي سووق راسك.. هادي القاعدة الخامسة
بوشعيب تمرح على الفوتوي:ياله عرفتيها.. سيري سيري ترگدي راه التسعود هادي
#######
فالمخيم
كان الزبير بارذ فالطبلة ديال البنات شاد معاهوم الحتيت
زوبير:فخباركم انا راني كنت مسحور
مروة:تا راك براسك سحور
زوبير:متقاطعينيش...(شاف فسقف)كنعقل كنت يالاه مزوج...ديك زغبية ديال المدام...سحرات ليا حقا ما حقا منشوفش غيرها
مروى:لاواه لاواه...تا وجهك كاع متقب تقول كانو كيجربو فك القرطاس...تا سير قالاك ساحرا ليك ...كوراها ساحرا ليك غا باش تبعد منها خليقتك
زوبير:تي شتك تعايري...اتا بربي ماساير نتمالغ انا هنا..كانت مشات عند واحد الشوافة الله يخليها بالخلا...قاتليها تجيب ليها حليب حمارة نافسة ..و بزاق كلبة ميتة حشاكم..و شوك قنفود عاقر و بول حمارة سيدي قاسم
مروى:بااز لك أزوبير بااز
بنت:تا صراحة ازوبير وجهك كي guellass مافك مايتسحر
زوبير:هاكااوا..توما شتكم تعايرو...ايه..ايه خويو قليبكم...انا راه لي كتشوفني كطيح فيا
مروى:كيطيح ليها الما فالركابي ياك
زوبير:تفو على معقدين..سري لي جاي جالس معاكم
بنت:وايه متقلقش رانا غا شادين فك
زوبير:وا طلقو مني لا كنتو شادين فيا هاهاهاهاه
بقاو كيشوفو فيه بعدم فهم و هو كيفرنس
كانت هنادي جالسة ودايرة يدها على حنكها كتشوف فالفراغ بملل ومعاجبها حال وهي تجي على بالها نور واش غتكون كديير ناضت طالعة عندها دخلات لبيتها وهي تلقاها جالسة فواحد المكتب صغيور بالكريسي ديالو وباركة كترسم
هنادي :نوور شكديري
نور :كنلسم
هنادي :ومال البيت فهاد الحالة؟؟
نور :معلفتس كيفاس نجمعو حيت كانت الميمة ولا كوتر لي كيزمعوه..
هنادي :امممم يالاه نجمعوه انا ويااك؟
نور بفرح :اووكي
ناضت نور كتنقز بدات كتهز وتعطيها وهنادي كتقاد الحوايج لي موسخين حطاتهم فالسلة لي باقين علقاتهم ومشات كتقاد فاللعاب حتا بانت ليها واحد المونيكة تارت انتباهها كانت بالزاج ولابسة واحد الغوب فالصفر بحال تاع لابيل ايلا بيت وشعرها ماغون طويل ورطب وجمالها بحال تاع الاميرات البريطانيات ولا الفرنسيات لي كانو فالقديم هزاتها هنادي كتشوف فيها بإعجاب وكتفكر مونيكتها لي كانت عندها بحالها..بدات كدوز يديها عليها وهي ساهية ولكن شهقات ملي جات عندها نور كتنقز وكتغوت
نور كتغوت بفرح :واااو لقييت البوندو دياالي لي كنت كنقلب علييه
ومع جاتها على غفلة وغوتتها لي خرجتها من سهوتها تخلعات وتملصت ليها المونيكة من يدها وهي تطيح للارض و تشمع صوت الزاج تهرس و انتشر القزع الزجاحية فالأرض... المونيكة تهرسات وتبعها غوت نور لي مشات كتجري لعند مونيكتها كتغوت وتبكي
هنادي بشفقة :نوور عاافاك غير سمعي راك نتي خلعتيني وانا.
نور زادت فالفوليم وبركت كتغوت و هناجي كتسكت فيها :واالااااا بعدي منييي نتي درتيها بللعاني
#####
صفاء متكية فوق ناموسيتها كتشوف فتصاورهوم لي عندها فالتيلي و كتأملهوم بحزن:الله يا رربي انا ضيعت هاد الزين كامل.. هو اصلا گعما كيبغيني.. بداو عينيها كي حمارو و الدموع على طرفهوم حتا دخل امجد خبات التيليفون تحت تريكو
امجد:صافي صافي طيقت مغنقول لتا حد راه عندك غير اري دوقيني
صفاء:وا مناش؟؟
امجد:واكلة شي حاجة؟
صفاء:بالعما.. من فطوري كليت جوج محراشات بالفرماج و كاس داتاي و مسمنة بالعسل و واحد الكيكة ديال منال ديال الشكلاط صااااااافي
امجد:ابنيتي راك بطرتي و تغديتي و تعشيتي.. نتي راه ماخاصكش تاكلي 3 خرا
صفاء:وا البروبليم راه دبا فيا الجووع
امجد هز صلاية من لبيت و مشا كيتعكل هو و جلابتو
صفاء:امممم باغي يصلي
فالعشية فدار امين
بداو السوارت كيتقرقبو فالباب و لكن هنادي كانت دايرة الساقطة (كتخاف بوحدها).. ناضت بعدما كانت كتفرج فالتلفازة.. حلا الباب و حيد المونطو ديالو حيت الجو بدا كيبرد و سلم عليها و دخل برك يرتاح فوق الفوتوي و مشا هي طلعات عند نور لي لقاتها سادة عليها.. حلات الباب و دخلات عندها بشوية و همسات فودنها
امين بعصبية:اش ديك الهضرة كتقولي للبنت مكفااكش بليي معندهاش مها و نتي كتكملي عليها.. حتا قلت انكم تصالحتو و لكن صدق دكشي غيير قدامي.. خيبتي نظرتي فيكك اهناادي
هنادي كتغوت :راانيي مقلت ليها والو نتا لي اش هدشي كتقول جاي كتلوح عليا فهضرة قالتها ليك بنت صغيير
امين:بنت صغيرة هي لي غتقول لحقيقة
هنادي :اييه و انا كذابة.. صافي هدشي لي بانليا و انا كنت كنقول فراسي....... صافي ماكيهمش
خرجات هو خبط قبضتو مع الحيط بالغضب مكانش باغي يوقليها هاد الهضرة بهاد الطريقة و لكن هضرة نور بقات ليه على مسامع ديالو.. مشات لبيت كوتر هزات الباليزة ديالها لي كانت باقي فبلاصتها محيداتش منو حوايجها و قادات زيفها فالمراية و حابسة دموعها ماينزلوش.. احساس بالظلم انه ماتاقش فيها و تاق فالهضرة لي قالت نور لي هي ماعارفاهاش اصلا
هنادي :نهار غتعرف خطأك غتعرفني فين غنكون
امين:هنادي.....
سدات الباب موراها و خرجات. اللوطو ديالها كانت فالگاراج هزاتها و مشات ديريكت للدار دالباروجي و هي كتفكر فشي كذبة تقولها ميمكنش ياله تزوجو ب 4ايام و تجي عندهوم
عند صفاء لي يلاه فاقت من القيلولة و ناضت كيف عادتها كارهة البشر و عينيها مقلوبين غير استوعبت اش ضاير بيها هزات التيلي وسط الضلمة حلاتو قلبات واش جا شي ميساج من شهاب.. والو واخا تلاقاو غير البارح ماسيفط والو ولكن سرها هي لي كتقول ليه ديك الهضرة.. بقات كتصغر فعينيها باش تشوف تصويرتو حتا وركات على لابيل و بدا كيصوني تخلعات و دغيا بدات كتطفي فيه.. عاد تفكرات بلي مني كتنعس كتديزاكتيفي الويفي و رتاحت.. اكتيفاتو و ديك التانية طلعات ليها (typing... ) طللقات غوتة و لاحت المشقوف فوق الناموسية و هي كتسنا فهاد الميساج و هي كتنفس بجهد و بفرحة هزات مخدة كتعض فيها زعما شنو يكون كيكتب
عند شهاب لي كان بحال لبوزيسيو ديالها.. وسط الغرفة المظلمة من غير ضوء التيلي.. تناقض هضرتها بين دكشي لي قالت قدامي و دكشي لي قالت فاش كان فاللوطو خلاه فحيرة من امرو.. كان هاد النهار ناوي يعتارف ليها و لكن تقلبات الموازين.. و هدشي لي خلاه من ليلة البارح و هو كيفكر فهاد الموضوع و بعد تردد واش يسيفط ولا لا عاود قرا الميشاج لي كتب[انا عارف ان الأمر تحتو شي حاجة و متأكد بلي هضرتك كانت غير تمثيلية.. عارف راسك قاسح و مغتعتارفيش دغيا و لكن كنكتب ليك حيت توحشتك.. و بزاف.. سيفطي شي ميساج واخا غير بالخطأ..ديري راسك مكلخة كيف ديما و سولي... شي حاجة يمكن ليها تحايد هاد السكات لي بيناتنا.. صوتك باقي كيتردد فالذهن ديالي.. ولفت صداعك و فريع الراس ديالك.. شرحي ليا اش واقع)] سيفطها و حل عينيه بصدمة........
######
عند هنادي لي تصنعات الابتسامة و بدات داخلة للدار سبمات على جميلة لي لقاتها كتنقي القمح فالجردة .. دخلات للكوزينة لقات زهرة كتفرج فسامحيني و كتاكل فالكوكاو واللوز
هنادي:مامااا هاد لفيلم مبغاش يسالي
زهرة حطات الطبسيل من يدها و جايا باستغراب:هنادي اش واقع؟؟؟ مالك جايا
هنادي :اويلي مابقا حد يجي لدارهوم
زهرة:ياك ياله 4 باش كنا عندكوم.. ياكما واقع شي مشكل بينك و بين امين
هنادي:بديتي تخربقي عوتاني
زهرة:و مالك
هنادي:امين جاتو خدمة مهمة فمدينة اخرة و كان خاصو يمشي و نور خلاها مع خديجة حيت انا غنكون خدامة.. و مقدرتش نبقا بوحدي فالدار
زهرة كتحاول تصدقها و لكن فالداخل ديالها كاين واحد الاحساس بلي شي حاجة واقعة و احساس الام ماكيكذبش
زهرة:راه الدار دارك سيري حطي حوايجك.. مالك جايبة هاد الصاك كامل
هنادي:كتعرفيني كنبدل الحوايج 3 المرات فالنهار
زهرة:ياله طلعي لبيتك ترتاحي
هنادي:بابا ماكاينش؟؟
زهرة:الدار خاوية كلهوم خرجو كاينة غا انا و جميلة و صفيفو الفوق
طلعات هنادي حلات الباب على صفاء لقاتها كتغوت و تبكي و كتضحك .. ما فهمات والو فهاد المخلوق لي قدامها
هنادي:مالك تسطيتي
صفاء :درتها درتهاااااااا.. يااس
هنادي:اش درتي المسخوطة
صفاء كتنقز فوق الناموسية و دموعها دايزين:هاهاهاهاهاااااا
هنادي:صافي داك نص عقل لي كان عندك طار
فالمخيم بالضبط فالجردة تاع لوبيرج كانو منظمين حفلة الاجواء صاخبة الموسيقى على الجهههد الضواو كيجيبو الدوخة وبنادم كل واحد شكيدير هالي مستمتع وكسشطح وخالقها هالي مكواني كياكل و يتبنن كاين لي كيتعنب المهم كل واحد وهمو ومريوة مسكينة شادة واحد القنيتة حاطة يدها على حنكها طالع ليها الدم حيت ملقات مديير ومعندها معامن حتا حست بشي حد نغزها تاقفزت دارت مخلوعة حتا لقات داك البينتة تاع عزوز..
خنزرت فيه ودوات :ماالنا ااش باغي
عزوز لي كان لابس كولون مذهب و تريكو محلول حتال الكرش .وجاي دافع الصدر كيشمشم كي السلووgي
مروة:نتا هو لي غناو عليك سيدي يتيبو مذهب و سدرو مزغب.. راك النيت فورمة الستيلو
عزوز ماداهاش فهضرتها :حلي فمك
مروى هزت حاجبها باستفهام :علاش
بقا كيشوف فيها وهو يشدها من فكها وشم فمها
عزوز بارتياح :صافي مشاربة واالو
مروة دفعاتو :شهاااد الفعاايل ديال البراهش مالنا؟؟
عزوز كيقلب وهو مصغر عبنيه :سمعت شي جدورة باغين يدخلو الشراب ولكن نساو بلي عزوز الكوتش مكدووزش علييه
دفعاتو وخلاتو كيضور فراسو وكيقلب فبنادم..اما هي بدات غادا وهي تشوف وائل واقف مع جماعة تاع الدراري وعطاوه قرعة ديال الزاج ومشا وهو عيط ليهم ولكن مسمعوهش
وائل :وااسماعيل راني مكن..
مكملهاش تاوقفت عليه مروة بحال مول الكرا دايرة يدها على خصرها وكطلع وتنزل فيه..
مروة :صدقتي من لي كيقلب عليهم عزوز..
وائل :علاش غيقلب عليا؟
مروة :صدقتي كتشرب اسكايري هاااه
وائل :ماشي ديالي وكنت غنرجعها ليهم..
مروة تمدات خطفتها ليه :لا بلاش تانا باغا ندووق
وائل دار فيها واحد الشووفة و جرها ليها:كتهضري من نيتك
مروة عودات جرتها:من جدر نيتي غير ارا شي كاس...ا..لا..لا..بلاش بغيت نجرب نشرب من القرعة بحال الافلام..
هنادي :مييمكنش راه شهاب شفتو كيفاش كيشوف فيك و كيفاش كيهضر معاك و كيفاش هضر معانا اول مرة.. نتي راه حاطك فمرتبة خاصة لدرجة هو سكوتي مع كلشس و لكن معاك نتي كيتسطا
و خدا الكاس حطو فوق البيفي و طلع للبيت الفوق.. حل الباب لقا رهام هاضرة فالتيلي فالبالكو و كتمشي وتجي بعصبية
رهام:شووف راه الا ماجبتيش ليا دكشي لي قتليك و جيتي حتانتا دباا راه گاع لي بيناتنا عتابرو سالااا........... رااه مروة هاديك و اجرك عالله اي ها ولا ها تورقها......... دبا غير جي و من بعد نتفاهمو و نقوليك اشنو تدير
وائل سمع الهضرة على مروة و لكن ماعارفش شنو يدير دخل للدوش يتسنا شنو غادي يوقع
########
فدار البارودي هنادي وسط الدوش ديالهت كتفكر فهضرتو اكيد هو غيتيق نورسين و غيكدبها هي.. و لكن مكانش خاصو يتسرع فحكمو و يقول ديك الخضرة الجارحة.. و فراسها فكرة واحدة.. نفضات گاع هاد الأفكار من راسها و تلوات فالفوطة ديالها و خرجات تقابلات نع المراية و بركات كتنشف فشعرها و دندن
لتحت كانت زهرة كترحب فأمين و نورسين
زهرة:قالت لينا هنادي راك مسافر
امين استغرب من هضرتها:شنو قالت؟؟
زهرة :ايه علا هي علاش جات لهنا.. حيت نتا مسافر و نور عند خديجة
امين:ااه.. و لكن صافي رجعت.. فين هنادي
زهرة:مني جات و هي فبيتها الفوق
امين جر نور من يدها: هاحنا عندها الفوق
زهرة كتضور راسها بعلامة عاايقة بيكم:معاياا انا؟!!
امين طالع فالدروج:اشنو غتقولي ليها؟؟
نور :ديزولي انا مقصدتش انني نعايرك ولا نقول لبابي هاد الهضرة
امين:صافي مزياان
#####
عند صفاء لي هبطات تجغدر و طلعات للبيت خدمات البيسي كتقلب واش نجحات فالكونكور ولا لا.. لقانهزم مزال ما حطو.. ضورات عينيها فالغرفة لقاتها مربجة مافيها مايتلبق
ناضت و لأول مرة گفضات على ذراعها و ناضت كتطم فالفراش و ترجع كل حاجة لبلاصتها حتا لقات الروايات ديالو.. كيفاش نيات ماداتهومش ليه... ضارت فبالها فكرة و ابتاسمات ديك الابتسامة لي موراها كتوقع شي موصيبة.. و كملات الجميع... فكرات ترجع لعادتها القديمة و ترجع كيف كانت.. خدمات البولات لي محاطين بالمراية و هزات المايكاب ديالها و بركات تصبغ فداك الوجه.. هي زوينة و لكن موهبة الرسم و الصباغة مستحيل تضيعها... حتا بان ليها داك العكر الماجونطا لي كان قاليها شهاب مني كتجيرو كتبان بحال هاجوك لي مامزياناتش و دارت من الحبة قبة و تخاصمو و جا صالحها و عنقها.. (ااااااهعع) غوتات كتنفض هاد الذكرايات من راسها و هزات مقص باغا تصفيها ليه و لكن ديك الروح البخيلة فالدااخل ديالها كتقول ليها"" لاااش هاد الضيااع عطييه لهناادي كتمووت على هدشي ""
و فعلا هزاتو و بدات غاديا باتجاه غرفة هنادي
عند امين لي دق الباب على هنادي.. لكن ما من مجيب .. مكاينااش هي فهاد العالم بااركة كتغني بصوتها الجوهري.. حل الباب و دخل ببرود.. ضورات راسها بالعرض البطيئ و شرعات عينيها:اش داخل نتا تدير عندي
ضار سد الباب و صفاء ياله جايا.. ضوراتها فراسها و حطات ودنيها على لباب كتصنط على هضرتهوم
امين جا عندها:بغيت نصحح الغلط لي درت (و گلس فالكرسي المقابل ليها مشابك يديه مع بعضياتهوم)
هنادي :مزيان.. دبا تقدر تخرج
امين :مغنخرجش الا و نتي معايا
هنادي:كتحلم... (عاد حسات براسها اشنو دايرة و حطات يديها على صدرها و عنقها) و نتا لاش جاي مدرم خرج حتا نلبس حوايجي و دخل
امين هز حاجبو:مبغيتبش تفهمي راك مراتي
هنادي مع هاد الكلمة قلبها طاح للأرض و لكن هزاتو عزة النفس و دكشي:مراتك غير على الوراق دبا خرج
امين:انا قلت لي عندي دبا غتسمعي مزياان
هنادي زفرات بقلة حيلة :نعام
امين جر نور لي مشات تلاحت فهنادي عنقاتها و هنادي حتاهي بادلاتها العناق
نور:انا مقصدتش نقول لبابي هاد الهضرة سمحي ليا
هنادي :و لكن انا مامقلقاش منك احبيبتي
نور:و علاش جيتي هنا و خليتيني انا و بابا بوحدنا فالدار
. هنادي:و فنظرك علاش؟؟ (غمزاتها و نور فهماتها و هبطات من عندها و مشات لودن امين:مقلقة منك نتا ابابا)
امين حل عينيه:علاش اشنو قلت؟؟
هنادي :براكة من الطنز و تلوح المشكل على البنت لي معارفة والو
امين شد فيديها:عارف راسي غلطت و لكن راه غير فساعة غضب
هنادي:و تخويها فيا انا
امين:نتي كتعرفي الستريس ديال الخدمة و عاد نجي نلقا الصداع فالدار...
هنادي:السماحة طلبها من شي واحد جيتي فيه ولا عايرتيه اما باش تهين لواحد فكرامتو هنا سمحيليا مغتنفع فوالو
امين:شنو بغيتي دبا؟
هنادي:التيساع عفاك
امين زفر بقلة حيلة:بغيتي وقت... خوديه.. غير ماتعطليش.. و انا كنتسناك.. وقتما بغيتي تجي انا غنجي نديك
هنادي مربعة يديها:راني بطوموبيلتي
امين:عندك 3 ايام الا ماجيتيش انا لي غنجيبك
و ناض بدا خارج حل الباب طاحت صفاء قدامو.. بالزربة جمعات الوقفة :اهيهييه.. نسيبي لاباس عليك؟؟
امين:سولي ختك
و مشا و صفاء كتشوف فيهم و دخلات :مالك مع الراجل
هنادي :بيني و بين راجلي
صفاء :ضسرتي اشعيبية... مالك جريتي عليه
هنادي:راه قلت ليك ماشي سوقك
صفاء:صافي رجعتي هنادي القديمة..(شهقات)كان معاك و نتي لابسة هاكا
هنادي كتضور فعينيها:رراه راجلي مالك
صفاء:وا سمعت كلشي.. علامن سايرة تكذبي
هنادي:اشنو سمعتي نتي راك طولانطية
صفاء تكات فوق الناموسية :عاارفة بلي مزوجين غا فالورراق
هنادي:اهيه و من بعد
صفاء ضورات عينيها جهة الباب و رجعات كتشوف فيها.. بهمس: راه كيبغيك غير ماكيبينش
هنادي :وا باز ليك منين عرفتيها نتي
صفاء:السيد باغي يديك بزز منك و نتي ماباغاش.. شتي انا كون كان عندي بحالو كوراني نشد فيه بسناني
هنادي :حولك يا المدلولة خلاك شهاب
صفاء:انا لي خليتو و اصلا نسيتو
هنادي :كذابة
صفاء:وا صافي.. موهيم سيري رجعي لدارك
هنادي:خرجي خليني نبدل حوايجي
صفاء خارجة و كتغني:قرب على ناار الهوى شوو حاارة و...
شيرات عليها بقرعة جابتها ليها فراسها
. خرجات و سدات الباب تنهدات هنادي و ظهرات على ثغرها ابتسامة خفيفة حتا عودات دخلات صفاء:نسيت ماعطيتكش هادي
هنادي :وااش باغا تسطيني خرجي برااااااا
لاحت ليها العكر و خرجات كتعوج خلاتها وسط افكارها.. علاش كيصر عليها انها ترجع؟؟ شنو السبب ياك هو لي قال ليها فاللول و قتما بغيتي تطلقي يطلقو؟ كيفاش بدل رأيو بهاد السرعة؟
فالمخيم
رهام ضورات عينيها و جات جراتها فوق ناموسيتها و حيدات ليها جاكيت لي كان لابسة تحتو غير ديباردور و هبطات ليها السماطي ديالو و خطاتها بليزار باش تبان راها معرية حتا سمعات الدقان و مشات تحل الباب و وائا كيراقب بدون اي حركة حتا يعرف علا اش ناوية
دخل راجل بلحية كثيفة و كيتمشى كيتمختر حيد الفيست ديالو و جا برك فالناموسية
رهام :ياله نشوفو واش غتبقاي تهزي راسك قدامهوم.. و لكن اول حاحة خاص سي وائل يجي يشوف هدشي... الكراش ديالو ناعسة لينا مع راجل وسط لوبيرج...
هزات التيلي ديالها صونات على وائل لي خرح من الدوش و فرمشة عيت تلاح كيكروشي فهدك الراجل لي ماعرف باش تبلا ولا كيحاول غير يدافع على راسو و لكن معامن.. وائل لي كيعرف غير يتفلا و يضحك بارك كيضارب دبا.. ناض من فوقو خلاه مسخسخ فالأرض و شد رهام من دراعها كارز عليها و كيغوت:نتي اشنو قضيتك؟؟ فين باغا توصلي.. مكفااكش شووهتك زايدااهاا بهدشي... دبااا غتهبطي معايااا لعند المسؤول على هدشي
رهام:وائل انا مادرت والو
وائل:انا ماشفتكش رااانيي من قبييلة واناا هناا برااااكة من الطنز.... يااله هبططييي
رهام:بلاتي غير نشرح ليك
مروة بدات كتحل عينيها دايخة بان ليها غير الراجل مشبح فالأرض و وائل عند راسها كيحرك فرهام بعصبية
وائل:اشنوو غتشرحي.. ضاربة بنت مسخفاهاا و محرشة عليها راجل.. باش تشوهيها ولا منعرف.. و باغااا تعيطي عليااا.. علاااش ؟ اااه.. بااش زعما تبدل نظرتي على مروة... رااذ غاالطة... مروة كنتييق فييهاو عااارفهاا مغتديرش حاجة بحال هادي.. فهمتي دبا
رهام كتنتر منو:ماالكوووم موكلاكووم شي حاجة.. كلكوم مروة مروة... ماالهاا اش زاايدها هي.. نتا و ياسين و بنات لوبيرج.......
قاطعها و جرها :غتهبطي داابااا...تسنايني و هنا و الااا نزلتي غتشوفي اشنو غيوقع ليك (طلق منها و مشا باتجاه مروة لي شافها فاقت نوضها و لبسها الجاكيت ديالها و بدون هضرة و مشا هز هاداك الرجل من كرفادتو و نوضو وقفو) اوقف ولا داير فيها ميت.. نوض دباا غنشوفو هاد التبرهيش ديالكوم فين غيوصل
هز الفيكس لي محطوط فوق الكوافوز عيط على المسؤولين ديال لوبيرج يطلعو عندو..
#####
فداك الليل..
جالس جلول و ميمون فواحد البيت مضيق فالقبو و مكمشين فمانطة و حاطين دعبل وسطهم...مشعلين تلفازة و كيتفرجو ففيلم ديال الرعب تا فرع عليهم جميل لباب
جلول بغوتة تاع لبنات:اااااااااع....داكشي لي فتلفازة خرج لينا هنا اميمين
بعد شي 8 دقايق وصلو...كانت مكتوبة واحد لافتة كبييرة.
جميل كيشوف فجلول بشر
جلول مافهم تا زفتة:شناوا
جميل:شناوا☺(شار ليه بعينيه باش يقرا)
جلول شاف فلافتة و بدا يتهجا:ح..خ..م...غ...
فالمخيم:
مساعدة:تقدر تقولينا السبب علاش عيطتي لينا كاملين اسيدي
وائل كينهج:انا غنقوليك.. هاد البنت (رهام) ضربات البنت على راسها سخفات (المساعدة شهقات) و حرشات هاد الراجل لي بشلاغمو يتحرش بيها و بغات تصورهوم تشوهها
المساعدة:هدشي خاصو تدخل المدير و نقدرو نعيطو على البوليس
شدات فيها رهام كتبكي:لا متعيطيش عليهوم عفاك
المساعدة:الأمر خارج عن ارادتي.. خاص حتا المسؤول عن المخيم يجي..
وائل:و شي طبيي راه باقا دايخة
قامت المساعدة بالاتصال بالطاقم الطبي لي كاين فلوبيرج لي غير وصلو مشاو باتجاها كيقلبو فيها و طلع المدير و رئيس المخيم لي شرحو ليهوم المزقف فالطريق و الزبير طالع سابقهوم
زبير:نتيا ارهااام عرفتك نتي مولات الفعلة
و تلاح كينتف فيها و مع هو قصيور كيطير و ينزل بزز حتا فكوها منو
زبير كيغوت:وا غا طلقووني عليها مغنضربهاش.. غير غنتفهاا
المدير غوت:سكتونا اا... نشوفو بعدا حل لهدشي... نتي غتمشي للمجلس التأديبي و نعيطو على ولي امرك و غتحرمي من الدراسة بالجامعة لمدة شهرين و نتا غنعيطو على البوليس يتفاهمو معاك
الرجل:عفااك اسيدي انا واللهما كنا باغي نجير شي حاجة راه هي لي قالت ليا هدشي و هدداتني.
المسؤول :هدشي قولو ليهوم حنا ماشي شغلنا.. القضية راه فيها متضررين.. البنت سخفانة معرفناها واش غتفيق ولا لا و نتا كتقولينا هدداتني.. يااله خرجو
واحد من الطاقم الطبي:البنت ماعندها والو..شوية و غتفيق
المدير للمسؤول:خصنا نعيطو على ولي امرها
المسؤول:اه غدا فالصباح نعيط ليهوم
المدير:ياله نزلو خليوها ترتاح
وائل:ماشي مشكل الا بقيت معاها تقدر تحتاج شي حاجة
المدير بتفكير:ممكن
ابتاسم ليه و خرج و وائل كيشوف يندم. حيت مدافعش عليها قبل مايوقع هدشي.. حمد الله انه ماوقع ليها والو و گلس فالناموسية ديال رهام مراقبها
#######
جميل صنگعو:تا قرا مگود
جلول:وا انا مكنفهمش العربية
جميل:اش كتفهم البنگلاديشية.. قرا
جلول بقا كيتهجا بشوية عليه و ضار شاف فجميل و الدموع فعينيه:.جمعية ابتسامة للأطفال المتخلى عنهم ...هداا غير ممكن...انا لا اصدق
جميل:يا العور لاخرة ماشي هاديك
جلول تنهد:اوووه خلعتيني الله يعطك العذاب
جميل بصدمة:اشناوااا
جلول:غا ضاحك
جميل:قرا قرا...ياودي على الباك ياودي
جلول بدا كيتهجا عاوتاني و تلفت عند جميل:هاء...مقبرة اليهود.. شغانجي ندير هنايا
جميل:تسيق ليهم لقبورا و تصبن ليهم لكفن...(شدو من قرفادتو)راك لا متقاديتيش..نتحاما علك انا و ديك لمسكونة تاعت مك شي يعض شي يقرص....حتا نسيفطوك هنا
جميل:لا لا متعذبش ليا اوليدي... الا بغيتي دبا نبداو فالتطبيق غير هو الزربة مامزياناش
جلول هرب و كلاكيطتو كتضرب ليه فلرض بجهد و دعبل تابعو
واقفة قدام دريسينج حايرة ومعارفة اش تلبس و كتحر فرجليها بتوتر و كتحك فراسها حتا دوا العقل الباطني ديالها :دابا انا علاش كنقلب علا شنو نلبس نخرج هاكا وصافي.. (بدات غادا وهي تشوف راسها فالمراية لابسة سروال لاغج خضر فيه نقط بيضين و تيشيرت بيض فيه وردة خضرة الوسط و هي ترجع)لا لا غيشوف حالتي ايشفق عليا خاصني نبين بلي انا بيخيير بلا بيه..امم نلبس هادي
هزات كسوو بالموطارد مزيرة من الفوق وكم ومفتوحة من التحت فيها سميطة بالماغون ولبسات معاها ليبوتين فالماغون طالون ومشات كتخطط فكمارتها فلخر بقا ليها العكر نعلت الشيطان ودارتو خفيف هزات صاك صغيور والروايات لي عطاها وفوقهم واحد الظرف..
صفاء فخاطرها :اممم نرش ريحتي فالرسالة باش نبان عميقة..لا لا بلاش صفاء تبتي..
دارت شهيق زفير وخرجات شدات طاكسي نيشان للحي لي فيه شهاب...وقفات قدام الباب كتشاور مع راسها :غنعطيه كتوبتو وغنمشي.. ندوي معاه؟ ولا حن قلبي من جيهتو عارفاه ولد الحرام ديما جايب ليا الدل بفففف مخاصنيش نبقا نشوف فيه راه كيفشلني... مهم لي ليها ليها ومولاها سيدي ربي
صفاء حطات يدها على وجهها:عفاك لا لااا ولا الكرامة غتمشي فالكلام الفاحش..
ولكن الأنا الأعلى قوى منها.. هزات راسها و عوجات سيفتها و خرجات لسانهاحتا تحل الباب اوتوماتيك دفعاتو بيديها ماكين حد.. بدات داخلة حتا وصلات للباب ديال الدار هزت عينيها بلهفة ولكن لقات غير الخدامة..
الخدامة :السلام..
صفاء :ا..سالام.واش كاين شهاب
الخدامة باستفهام :وي علاش.
صفاء :بغيتو فشي حاجة..
الخدامة :سمحيليا هو دابا عطانا امر بلي مباغي يشوف حد الا بغيتي شي حاجة نوصلها ليه..
صفاء حنات راسها بحزن كانا باغا تعطيه كتوبتو ولكن الرغبة باش تشوفو كانت مسيطرة عليها كتر
صفاء :ممكن تعطيه هادو
خادتهم من عندها :اه واخا شنو سميتك باش نقولها ليه..
صفاء :ماتقولي ليه والو هو غيعرفني و بدات خارجة بأسى....
عند شهاب لي عاد فاق من النعاس.. هاد الأيام عندو عطلة حيت عاد حل العيادة الخاصة بيه و باقي مابداوش الأشغال فيها و كيفكر غير فصفاء.. ناض بتشاؤم حل الريدو ديال الشرفة... حتا كتبان ليه خارجة.. حك عينيه بدون تصديق و حلهون لقاها هي.. بدون تفكير بدا هابط كيجري فالدروج حتا شافتو الخادمة
هي:سولات عليك واحد البنت و.....
تخطاها و مشا خارج برا تابعها و لكن دغيا شدات طاكسي و مشات مشافتوش اما هو فعاد وعا براسو.. وقفات اللوطو ديال مليكة قدام الدار و خرجات منها هازة فيديها شي ساشيات
مليكة:ويلي ستغفورت الله العلي العظيم.. سيدي شهاب مالك خارج بهاد الحالة.. دخوول.. دخول لبس حوايجك
كان لابس غير سروال و من الفوق معري... مسح راسو و مشا دخل بقلة حيلة
#####
فالمخيم
مروة بدات كتحل فعينيها.. ناضت بنشاط دخلات للدوش دارت روتينها الصباحي خرجات كتكسل حتا بانليها وائل ناعس بارك فالناموسية لي حداها و مشات كتجري باتجاهو و بدات تفيق فيه
مروة:اش كتدير ليا نتا هنا فبيتي؟؟
وائل:فعوض ماتشكريني كتقولي هاكا
مروة وقفات و هي كترجع شريط الذاكرة ديالها اللور و تحولان ملامخها لعبوس حابسة البكية:كاتقولش ليا دكشي لي وقع بصح؟؟ وانا اسحابليا كنت غير كنحلم
وائل ناض عندها كيسكت فيها :صافي ماوقع والو
مروة:فين رهام و داك المزغب؟
وائل:رهام مشات للمجلس التأديبي و تحرمات شهرين من الدراسة و هداك معرفت اش دارو معاه البوليس
مروة شهقات:علااش البوولييس؟؟
حتا دخل زوبير كيهضر فالتيلي :اييه الحااج عبد المجيد بنتكوم مااااتت الباارح
امجد:ياه ياه ياه... الله يرحمها (و قطع و هو كيفرنس:هاانا تهنييت من وحدة مغتديش الورت ديالي)
مروة:تا شكون قلتي ليه راني مت؟؟
زبير:الحاج امجد... جدك
مروة خبطات فخاضها:و نتا منين كتعرفو
زبير:واايليي راه صاحبي... ياله تعرفت عليه غا قبيلة.. ولد الناس
مروة:و ما حشمتيش
زبير:وا كان عند بالي متي
مروة:عيط ليه دااابااااااا
زبير تخلع و ضور ليه لابيل:الو سي امجد.. ااا عبد المجيد.. بنتك مزال حية
امجد:هاااه.. يا قلتي ماتت
زبير:وقع غلط اسيدي
امجد:صورها ليا
زبير:واخا قطع شوية و تهبط لتحت تصور و تسيفط لك حيت هنا ماكينش الريزو
امجد:و نتا منين داوي معايا الكذاب.. الوو.. الوو
قطع
######
دخل شهاب للدار خدا الروايات من عند المساعدة طلعهوم لبيتو ولكن طاح الظرف من وسطهوم بلا ميشوفو حطهوم بلا مبالاة حيت هو مشغول بالتفكير فشي حل او مخرج لهدشي.لبس تريكو ديالو...و شعل التلفازة ينسي بيها شوية...
لتحت ماليكة ياله جاية كتعوج بالطالون عطات الساشيات للخدامات يطلعوهوم لبيتها حتا جات عندها وحدة فيهم
الخادمة:للا مليكة.. سي شهاب طاحت ليه هاد الورقة من الكتوبة لي جابتهوم ليه واحد البنت
مليكة لمزاتها بهمس:اينا بنت؟
الخادمة: معرفتش سميتها..
مليكة:وصفيها ليا
الخادمة هي زويونة.. عيونها زورق.. و مكترة فالماكياج
مشات و مليكة بقات كتضور الظرف فيدها.. معرفاتش واش تحلو ولا تخلييه.. بعد تفكير.. شافت جنابها و دخلات للدوش تكب عليه الما و تخليه حتا يذوب.. هدي هي الفكرة الوحيدة لي طاحت فبالها
هنادي فاقت متناسية شنو واقع البارح.. مقدراتش تنعس من بعد الهضرة لي قالت ليها صفاء.. سالات العطلة ديالها دبا خاصها تبدا الخدمة.. دخلات للدوش دارت روتينها الصباحي و خرجات لبسات حوايجها مدارتش المايكاب من غير ماسكارا و هبطات كتقرقب فالطالون حتا بانت ليها صفاء داخلة و دموعها قراب ينزلو.. وقفاتها بيديها و شداتها من كتافها
عماد :فيه عرق البارودي.. حولو شاد ليك على الحمار كتر ماشاد على مروة
مليكة كتقرب الظرف من الما و لكن للحظة تراجعات على قرارها... تفكرات ان ولدها من نهار تلاقا بيها و هو ضاحك..و عاد ولا كيضحك مع العائلة و هادي مدة و هو ماكيهضر مع حد بسبابها.. هي عارفة ان سبب العزلة ديالو حاليا بسبابها.. لو كانت هاد الرسالة غترد ليه الحياة واجب عليها تعطيها ليه... فكرات شوية.. و لكن الا كانت فيها شي حاجة غتزيد عليه؟؟
فتحاتها هادا هو الحل... قراتها و ابتاسمات.. واخا مكتحملش صفاء و لكن من اجل سعادة ولدها غتعطيها ليه
طلعات لبيتو دقات لقاتو ساهي عوتاني فالتلفازة.. طفاتها ليه و گلسات مقابلة ليه:ولدي.. طاحت ليك هاد الرسالة من الروايات ديالك (مداتها ليه)
شهاب ناض عندها بصدمة و خداها حلها بالزربة قراها :
[لا اريد التحدث في الأمر.. لكن لا اريدك ان تصمت.. مازلت على استعداد بالانصات اليك.. ضم قلبي بالحكي عوضني فقر اللقى.. أما آن للغياب ان يغيب فنلتقي؟] ماحدو و هو كيتعمق فسطورها و ابتسامتو كتوساع و مليكة كتشوف فيه بابتسامة.. عاود قراها كيضحك و باس لمو راسها و بدا خارج
مليكة شداتو من كتفو :اجي فين غادي
شهاب استغرب :كتهضري بحالا ماقريتيش الرسالة قبل مني.. راني عارفك الوليدة
مليكة:وا صبر مالك غادي بهاد الحالة
شهاب:لا خصني نفهم كلشي
مليكة :الزربة مامزياناش اولدي.. عشية عيط لها و دير راسك مافخبارك والو.. هضر عادي قولها تلاقاو عاد شرح ليها غتدخول عليهم للدار هاكدااا؟؟
شهاب مسح على راسو و هو كيشوف:عندك الحق و لكن نعيط عليها دبا
عند هنادي لي بلاصات اللوطو ديالها فالباركينغ حتا جات حداها رونج بيضة... هزات راسها فلسائق كان هو.. امين لي شافها و دارها عن قصد و جا حداها
هنادي بدات تهبط فراسها و تنزل بشوية باش ماتبانش :يا ربي مايكونش شافني
حتا هو دار راسو ماشافهاش و بدا هابط بلا مبالاة هي عاد رجعات لبلاصتها و تنهدات حتا تحل عليها الباب من الجهة لي حداها قفزها.
امين بشر:تخباي حتا تعياي.. راني شفتك.
هنادي:هبط من طوموبيلتي
امين:باقا معطلة فهاد التفكير ديالك
هنادي:هبط دبا يفهمونا غلط
امين بابتسامة عريضة:نتي دكية علاش مني كنبرك معاك كتكلخي.. راه كلشي عارفنا مزوجين و باركو ليا و باقي خاصهوم يباركو ليك.. ياله هبطي
هنادي زفرات حيدات السمطة و نزلات و سدات اللوطو.. خرج تاهو و شد فيديها
هنادي:طلق علاش شاد خايفني نهرب
امين عاود شد فيديها و بدا غادي اما هي فماكان عليها الا تشد برضا و دخلو
فلوبيطال
دخلات هنادي للقاعة ديال الوثائق كتقلب بين الضواسا و كتشوف فالساعة حيت سالات المناوب ة ديالها حتا دخل امين و سد الباب موراه بالساروت و ضار عندها.. گلس فوق الكرسي و دار رجل على رجل كيستفز فيها
هنادي:حل الباب راه خصني ندي هاد التحاليل لدكتور عصام
هندي خداتو من عندو و گلسات كتضور فعينيها و هي كيبتاسم بحالا ماواقع والو
#######
وصلات العشية عند صفاء لي باقا باركة فبيتها حتا كتحس براسها مبقاتش كتطلع النفس حد الحد.. ناضت بركات حلات الشراجم بعدما كانو مطرقين.. كتحاول تطلعها و لكن مقدراتش و غادي و الاكسجين كيقل فرئة ديالها...ناضت كتحل فالقوابط بهستيرية و كتطلع الشهيق بصعوبة و دموعها بداو كيدوزو و البيت مسدود عليها بغات تنوض باش توصل ليه و لكن مقدراتش.. حتا بان ليها التيلي كيصوني فوق الناموسية واخيرا لقات شي حاجة تقدر تعتقها. .. و بلا متعرف شكون.. مدات يديها دوزات لابيل
صفاء بصوت متقطع:عفااك... ع. عتقني.. و.. راني..... (كتحاول تطلع النفس باش تهضر و لكن ماقدراتش و طاحت مغمى عليها)
السلالة المجنونة الجزء 17
محتوى القصة
التنقل بين الأجزاء