عند دار البارودي كيدق الباب بجهد جات زهرة حلات الباب
شهاب:كاينة صفااء؟؟؟؟
زهرة باستغراب:اه فبيتها علاش؟؟
تنحات جانبا و مشا طلع كيجري تحت انظار العائلة لي كانو مجموعين و هوما كيشوفو.. تبعاتو تشوف مالو و تبعوهم حتا امجد و محمد ثم الدار كاملة.. كيحل فالباب لقااه مسدوود
شهاب :كاااين شيي سااروت آخر لهاد البيت
مشات زهرة لواحد الفيترين كينا تما جبدات الضوبل ديال السوارت خداهم من عندها كيجرب فيهم و لكن حتا واحد ماتحل وسط الأنظار المذهولة ديالهوم
مروة:يمكن مركباه من لداخل
محمد:ولدي علاش هدشي كامل...
باقي ماكملش هضرتو حتا فرع شهاب الباب و دخلو كلهوم كيطلو حتا تصدمو
كانت صفاء مرخية و عينيها مغمضين نصها الفوقاني فوق الناموسية و النص لاخر فالارض و يدها على التيلي و دموعها نشفو على خدها.. مشا عندها بزربة و مخلوع عليها نوضها حط يدو تحت راسها و هي مرخية كيصرفق فيها و هي مكتجاوبش
شهاب:عيطو على لووومبيلونص
زهرة بدات كتبكي حداها:عماد سيييير عيط اش كتسناااا
عماد عاد فاق من صدمتو مشا كيجري لبرا هز الفيكس ديال الدار كيضور فالارقام و هو مخلوع
امجد حتا هو مخلوع و الحزن بادي على ملامحو:زهرة جيبي شي حاجة فيقيها بيها جيبي البصلة ولا السوارت
و شهاب باقي كيحاول يفيقها فيها اما محمد مشا كيقلب فالبيرو ديالها و تحت الناموسية و ربج البيت كامل و هو كيقلب و لكن مالقا والو و زهرة حداه كتبكي و منال كتواسي فيها
بوشعيب دخل بعدما سمع الصداع بصدم
عماد دخل كينهج:صافي راه وصلات لومبيلونص راهم لتحت قدام الجردة
هزها بالزربة و هبطها الدروج لقا الباب ديال لومبيلونص محلول و مخرجين واحد الباياص حطها فيه و طلع معاها هو و زهرة و لاخرين مشاو فاللوطو ديال محمد تابعين لومبيلونص واحد كيخبط عليها فصدرها :ماااكتنفسش... عطيني الاكسيجين
مدوه ليه و شهاب فحيرة كيشوف فالمنظر لي قدامو.. البنت لي كيبغي لي اول وحدة دق ليها قلبو كتموت قدامو و هو ماقادر يدير والو و زهرة كتشوف فبنتها و كتبكي
شهاب شافو توقف:مااالك زگيتي... كمل شغلك
هو:صافي الحمد لله دقات القلب اعتادلو
شهاب تنهد بعمق و كييتسنا ايمتا يوصلو للوبيطال
#####
فالغرفة لي فيها هنادي و امين و بينما هي متوترة و كتطل بنص عين و تعوج تهبطها على الكاس بدا كيتدق الباب بجهد.. ومات ليه بعينيها باش يجبد الساروت و يحل عليها الباب
طلع النفس و ناض حلو دخلات ممرضة بهلع:دكتورة هناجي السي عصام باغيك
امين:اشنو بغا هاد عصام؟؟
الممرضة:واحد المريضة جات فحالة مستعجلة تخنقات
ركبات هنادي السماعات ديالها و بدات غادياا خارجة حتا تصدمات من المريضة لي هي صفاء.. شدات فيهل زهرة بدموعها:عفااك ابنتي لاما عتقيها
هنادي هدآتها و مشات كتجري و هي مخلوعة كتر منهوم دخلوها للغرفة و بقا شهاب برا هو و العائلة لي عاد وصلو حايرين فهاد المشكل لي تسلط عليهم و كلهوم رجاء باش انها ترجع ليهوم و شهاب حاط راسو على الحيط لي متكي عليه و ساهي حتا صونا عليه التيلي كانت مليكة
مليكة:تشطنت عليك اولدي.. فين تعطلتي ؟؟
شهاب:ماشي وقتو عفاك
مليكة:لا راك خلعتيني قولي شنو وقاع
شهاب بقلة صبر:صفاء تخنقات
مليكة شهقت :ويلي استغفر الله.. كيبقات دبا
شهاب:عاد كنتسناو فالطبيب يخرج من عندها
مليكة:هاني جااية... (كتغوت) سعييدة.. جيبي لي السوارت دااباااااا (مع شهاب) صافي قطع و ماتديرش فبالك ها انا غغنجي
قطع عليها و رجع لحالتو حتا جات عندو زهرة
زهرة :معرفتش باش نقدر نشكرك. كونما نتا كون وقع ليها ما خيب و...
شهاب :شششش اخالتي تا دبا تا حاجة ماغتوقع.. صفاء غترجع كيف عارفها كلشي غير تهناو
زهرة حركات براسها و بقات واقفة حداه
داز الوقت على نفس الحال و الصمت يعم المكان و الشمس كتغيب وصلات مليكة كتقرقب بالطالون
بدات مليكة على غير عادتها كتواسي فيهم و مشات سلمات على افراد العائلة لاخرين
حتا جا الطبيب بخطى متثاقلة
الطبيب:ماعندي مانخبي عليكم.. البنت عندها الضيقة و متعالجاتش من شحااال
محمد:اه راه مني كانت صغيرة و هي عندها و لكن مابقاوش جاوها هاد النوبات من شحاال
شهاب بقا غير كشوف و مصدوم بهاد الهضرة لي كيسمع و كيفكر علاش ماقالت ليه والو على هدشي
الطبيب:المهم.. كيأسفني نقوليكم....
هنادي دخلات للقاعة اي كانت فيها هي و امين لقاتو باقي گالس
امين:صافي نمشيو؟
هنادي:امين.. المريضة لي جات دبا.. هي صفاء
امين :صفاء ختك؟؟
هنادي :اه غنضطر نبقا هنا حتا فالليل.
امين:كيف بقات بعدا
هنادي:نتسناوها تفيق
امين:و علاش غتبقاي خلي الامر بأيدي الأطباء نتي غير متدربة
هنادي:ميمكنش خصني نشوف الحالة عن قرب.
امين:ياله للدار ترتاحي.. شوية و رجعي
هنادي:مغنقدرش العائلة كلهوم هنا حتا انا غنبقا هنا
امين:ياله نمشيو عندهوم
خرجو من القاعة و مشاو على طول الكولوار لقاو الطبيب ياله وقف معاهوم
الطبيب:المهم.. كيأسفني نقوليكم انها بقات مدة طويلة بلا اوكسيجين.. نتسناوها تفيق..
ملامح الصدمة طغات على الكل و حتا هنادي لي ياله جات.. غمضات عينيها و زفرات بألم
زهرة كتبكي: اللااه على بنيتي
شهاب مبقاش كيحس باللي ضاير بيه غير كيشوف و عينيه ماكيرمشوش بزاف هاد الاخبار كلها لي سمع قدامو فهاد الدقيقة
الطبيب:ماتخلعووووش غتكون بيخير ان شاء الله.. الا طولات غدا غتفيق غير خصها الراحة... تنهدو بنوع من الارتياح
محمد:شكرا بزاف
بدا غادي حتا شدو شهاب بملامح باردة او نوعا ما مدمرة لدرجة مابقاش عندو تعابير فوجهو:نقدرو نشوفوها
طبيب:ماتدخلوش كاملين حيت غيخصها شوية الهدوء
محمد :غندخل انا.. و زهرة و امجد (شاف فيهم كاملين و شاف بعينين شهاب عرف شنو كيضور فيهم) و شهاب
دخلو للغرفة عندها كانت كلها اجهزة مركبة ليها فصدرها لي مغطي غير بايزار و مغمضة عينيها كتبان بحال شي ملاك مستلقي ناعس.. و لكن ماشي هاكا.. هي وحدة وقفات على حافة الحياة و دبا راجعة فالطريق ديالها
قربات منها زهرة كتبوس فيها:احح ابنيتي كتشوي فقلبي درك.. فيقي عفاك و منبقاش نعايرك منبقاش ننوضك تغسلي لماعن غير نوضي
محمد:ماشي وقتو ازهرة (بقا غي كيشوف فيها بشفقة و شاف نظرات شهاب و جا عند زهرة:ياله نخرجو تال من بعد و ندخلو)
خرجو من الغرفة وخلوها مع شهاب لي قرب منها و گلس فالكرسي المقابل ليهاو شد فيديهاا. و جر عليها ليزار غطاها:غيكون جاك البرد.. علاش ماقلتيش ليا هدشي لي سمعت قبيلة.. علاش خبيتي عليا.. وش فعلا كنت كنبان ليك دك الشخص لي ماكيديهاش فيك.. انا بصح واحد الشخص افعالو ماكتبررش شنو فالداخل ديالو ولكن تيقيني الا قتليك نتي اول وحدة تعاملت معاها بهاد الطريقة.. عفاك غير فيقي.ننقدرو نعوض گااع دكشي لي فات.. نقدر نصلح گاع الاغلاط لي درت.. نقدرو نرجعو احسن مما كنا... نرجعو نقرا عليك الكتوبة و تجي عندي للبيرو نضحكو وتبداي بافعالك و تصرفاتك لي كيضحكوني... رجعي و كنقسم ليك بالله ماغاتعاودي تشوفي السبيطار الا مني تبغي تولدي اول ولد عندنا.. اه غير تفيقي غادي نتزوج بيك حيت عارف كلشي و دبا حتا حاجة ماكتخبا
و هي مغمضة عينيها.. دازت دمعة مخبية من عينها و هبطات ليها المخدة و شهاب فعينيه الندم خصوصا مني شاف دمعتها.. اكيد هي دبا كتسمعو......................
دخل الطبيب لعندو:الا سمحتي ممكن تخليها ترتاح دبا
شهاب وقف و بقا شاج ليها فيدها.. شاف فيها النظرة الاخيرة و طلق منها ببطئ و مشا.. جسد بلا روح
تلقات ليه مليكة:كيبقات واش فاقت ؟؟
حرك راسو بالنفي و مشا گلس.. مشات هي و رجعات بيديها فيهم اكسبريسو ليه و لزهرة و محمد اما لاخرين كانو مشاو بعدما طمنو على حالتها
مليكة :ياله حتال غدا و رجع
شهاب:غير سيري حتال غدا ونجي
زهرة:غير سير رتاح اولدي و شكرا حيت كونما نتا ماكناش غنعرفو اشنو واقع ليها
شهاب:انا غنبقا هنا حتا تفيق
مليكة هزات يديها باستسلام و تنهدات:الله يشافيها (و مشات)
#######
هنادي مشات للدار هي و امين (دار البارودي و نور بقات مع كوتر).. وصلو للدار عيانين و تلقات ليهم رتيل فالباب لي ذانت جات هي و سيف مني ياله سمعو الخبر
هنادي:نتي هنا؟؟
رتيل بقلق:فاقت ولا مزال
هنادي :باقي
رتيل بأسف:صافي... اه امين ماشفتكش.. تفضل
دخلو بجوج كانت الحداش دالليل.. دخلو للبيت دخلات هنادي للدوش بدلات حويجها تما.. و خرجات لبيت باها و جابت بيجاما بأمين و سدات الباب وراها و هبطات.. كان الصقيل كلشي دخل لبيتو ينعس.. دخلات للكوزينة جبدات الغدا سخناتو و خدات عصير من التلاجة و حظات كلشي فبلاطو و طلعات.. استأذنات و دخلات(واخا بيتها) كان بدل حوايجو.. حطات العشا و شعلات التلفازة و بركات ساهية
امين:راك كتخممي فيا بعدا.. اجي تعشاي حتانتي
هنادي:معندو منين يدوز
امين رجع اللور و برك حداها:ختك غادي تفيق ان شاء الله راه الحالة ديالها ماشي خطيرة لهاد الدرجة
هنادي:و الا مافاقتش
امين:ماكانش يسحابلي هنادي متشائمة.. تفائلي شوية و اجي راه من الفطور ماكليتي واقيلة
تقادات فالگلسة و هزات فورشيط و بدات كتاكل حتا شافتو ساهي فيها:كول مالك كتشوف فيا
امين ضحك و جا گلس حداها كلا غير شوية و رجع اللور و هي باقا كتاكل :كون ماحزرناكش كنتي غتنعسي بالجوع
هنادي شافت فيه و حبسات الضحكة كون ضحكات كون تشتت ليها فمها....
كملات العشا و حطاتو فوق البيرو و رجعات تغطات ضارت للجهة لاخرة و نعسات اما هو بقا موقف المخدة.. رجليه مسرحين و داير يديه مورا راسو (بهاد الطريقة🙆) و على شفاهو ابتسامة خفيفة مزينة وجهو.. حتا ضارت عندو:واش مغتطفيش الضو
امين زفر و طفاه و ضار للجهة لاخرة حتا هو و نعسو
فالصباح.. فلوبيطال.. واحد الكائن اصفر اللون فاق كيضور فعينيه.. ماعارف اشنو واقع بغات تدير فيها دراما و تبدا تغوت (فين انا شكون جابني...) و لكن عرفات ماكاينش معامن.. بركات شافت السيروم راكب ليها و شافت تيلي طايح فالارض.. تحنات هزاتو كان ديال شهاب.. ابتاسمات بمكر.. شافت شحال فالساعة لقاتها 7 ديال الصباح..هزات السيروم ديالها و مشات باتجاه الشرجم.. طلات منو كتشوف الشمس لي عاد طلعات و لي اول مرة غتشوفها فحياتها نظرا لأنها كتفيق حتال الوحدة ديال النهار.. استنشقات هواء الصباح بانتعاش و ضارت غادية للطواليت.. جرات السيروم معاها دخلات قضات حاجتها و خرجات تشوف الأوفياء لي بقاو معاها.. على الباب بان ليها شهاب بارك مقابل معاها و مرجع راسو اللور مغمض عينيه و زهرة و محمد كذلك.. مشات باستهوم فراسهوم و تقابلات مع شهاب.. حلات الكام ديال التيلي ديالو و بركات كتصور فيه.. بركات حداه و دارت سيلفي و هو ناعس و بقات باركة حداهم بملل كتسناهم يفيقو.. حتا ضور شهاب راسو و حل عينيه شوية و عاود غمضهوم و رجع حلهوم عوتاني بصدمة.. قاد الگلسة ديالو و حط يدو على كتفها باهتمام:ايمتا فقتي
صفاء و كأن شيئا لم يكن:قبيييلة
شهاب بهمس:و علاش مقلتيهاش ليا
صفاء:مبغيتش نفيقك
شهاب:كي كتحسي دبا
صفاء تكسلات باليد لي مافيهاش السيروم و دارت ليه بيديها :بييس✌️✌️
فاقت زهرة بشوية حتا بانت ليها باركة كتهضر مع شهاب و بلا اندار بداات تعنق و تبوس فيها الشي لي خلا حتا محمد يفيق و بدات عملية التعناق و الهضرة ديال السبيطارات
صفاء :وا صافي راه ياله كنت معك غالبارح
زهرة:تشطنت علك ابنيتي
صفاء:متبقايش تشطني معايا انا غنعيش بزز على كلشي
محمد:بنتي خصك تشكري شهاب لي ليه كل الفضل راه هو لي عتقك
صفاء خبطات ليه على كتف شهاب بفخر:شتي الوليد دير فك شوية النفس تانتا وولي عتقني و لو غير مرة
محمد:ايوا الله يمسخك باقا تامارتاحيتي و كتهضري هاكا شوفي حالتك كي صفرة
زهرة نغزاتها برجلها و شافت فشهاب زعما كوني تحشمي: راه هنادي لي مسحاتو ليك اش كتبركمي
صفاء رجعات لبركتها المعتادة:صافي كملو نعاسكوم تايكمل السيروم و نقولها ليكم و نرجعو لدارنا راه الحال بارد هنا
شهاب:دخلي للبيت رتاحي و الغطا تجيبو معاها شي وحدة من الدار
صفاء:مبغيتش نبقا بوحدي
شهاب وقف و شد فيدها كيعاونها توقف و هي كتدير راسها ماقادراش و معكزة عليه زعما و هو عايق بيها كتفشش.. و زهرة دايرة صبعها على حنكها:وييليي ولاد اليوم مبقاوش يحشمو.. غا شفتي باك ملاهي و درتي مابغيتي.. ايوا يا زهرة اش ولدتي.. غا الخلاا
######
فالدار بوشعيب كان فالجردة معنق مكحلتو و عاصر على قهوة كحلة عالصباح بكري و مخدم الراديو كيتصنط للمسابقات حتا صونا عليه محمد:الو خويي.. كيبقيتو من جهة الدرية... هاااه.. فااقت.. هااا فرحي.. هااادي خباار زيينة (هز المكحلة و رما قرطاسة فالهواا بالفرحة)
الشي لي خلا كلشي يفيق.. حتا من امين لي عاد حلات ليه النعسة فاق على اتر الصوت لي معرفش منين جا و بدا يفيق فهنادي لي غاطة فسابع نومها
هنادي:اممممممم
امين بهمس:واش عاجي عندك هاد الصوت
هنادي حلات عينيها:هداك غا بوشعيب كيجرب فالمكحلة..
امين:ميسحابليش نعاسة...
ناض دار روتينو ااصباحي و لبس حوايجو و خرج هبط لتحت لفا كلشي مجموع على بوشعيب.. هادي هي وسيلتو باش يجمع عليه كلشي
لمجد حفيان و مداير الطاقية على عينيه و مامركبش فمو و كيهدر و يرش الدفال عليهم :توما قولو لاش فيقتونا عل الصبيح
بوشعيب واقف فوق الطبلة:الدودة فااقت
بدا كلشي يصفق و جلول كيعنق فميمون و يبارك ليه و سعيدة و كحيلة كيزغرتو و منال تعانقت هي و امينة و كلشي فرحان... داز امين من حداهم و كيف لي سبقوه.. حتا هو تفاجأ من هاد الكم الهائل ديال التفاهة لي فيهم.. سلم عليهم و طلع للوطو باش يمشي للخدمة حتا تحل الباب لي من حداه كانت هنادي لي طالعة كتضحك بعدما سمعات هاد الخبار
هنادي:فراسك صفاء فاقت.. سمعتها ولبست حوايجي دغيا و جيت
امين:قلت ليك تفائلي بالخير.. هانتي رجعتي لكلامي
فاقت رتيل على اتر الصداع فالجردة فيقات سيف حداها و لبسات بينوارها و هبطات بعينيها مغمضين
رتيل :ماالناا اش كااين.. الداار فيها الميت و نتوما كتفرنسو هنا
بوشعيب نزل عليها بالمكحلة للراس :تي مال فمك باري منك.. ماماتتش راه باقا عايشة
رتيل :صافي الا ماماتتش اليوم تموت غدا اش غتخسرو الا كلينا كسكسوها اليوم يخخ مكتغتانموش الفرص
ميمون جاي كيعوج فرجليه:الرتيلة... صفيفو فاقت
رتيل شافت فيه بذهول و حلات فمها و نقزات:تسناااوني نمشي نلبس حوايجي
جميلة:تانا غنمشي معاكم موجدة ليها واحد الشوربة ديال الدجاج تفيدهاا
منال:الله يهديك اجيجي راه عندهوم الماكلة فالسبيطار
امجد:هاي هاي هاي.. زيدي تانتي اسعيدة و مسعود و نمشيو نديرو عليها التورة فالسبيطار.. اشدو رجليكم عندكوم انا الجد الكبير و انا لي غنحكم
بعد ربع ساعة مدكسين كلهوم فاللوطو ديال بوشعيب و ديال سيف و شي فوق شي و امجد داير يديه على حناكو بارك وسط ميمون و جلول و بارك فوقو دعبل كيتكسل عليه و هوما كيتدافعو و مشعودة لاصقة مع الباب و لي فيها ماكافيها
مسعوجة بضحكة مدعدعة:پاپاپاپا على الجد الكبير لي كلمتو فوق كلشي.هاااه
بوشعيب مع فيه العاصاب مبقاش كيتحكم فالفولون حتا ولات اللوطو كتمايل فالطريق و كيتسمع غير الكلاكسون و ميمون و جلول و امجد بداو يتغاوتو تا وقفات اللوطو.. دفع امجد ميمون لي من جهة الباب و خرج.. حل على بزشعيب الباب نزلو و ركب فبلاصتو:تا باغي تقتلني و انا باقي شباب.. طلع اللور مع گرانك
و ديمارا باتجاه السبيطار
#######
اما فاللوطو لاخرة.. سيف طالق ليهم الموسيقى و امينة كتحير غتوصل كي شي دجاجة منتوفة للسبيطار و جميلة مرة مرة كتذوق من الشوربة واش باقا سخونة و جميل متكي على الشرجم كيخمم و عماد كيشطح مع امينة و رتيل دايرة يدها على راسها مبرأة من هاد بويا عمر لي ولا عندهوم فالطوموبيل
صفاء واقفة هي و شهاب فالبالكو ديال الغرفة ديالها و الصمت سيد الموقف.. . ربما الصمت هو طريقة تواصل عقولهم او قلوبهم.. و كل واحد عارف لاخر اشنو باغي يقول و لكن حتا واحد ماتجرأ يقاطع لغة قلوبهم و فنفس اللحظة هضرو
صفاء:شهاب خصني نفهم كلشي
شهاب:صفاء خصني نفهم كلشي
صفاء:شرح نتا الاول
شهاب:خاصك نتي تقولي اشنو فهمتي باش نشرحو ليك
صفاء تنهدات و هضرت:تعقل فاش كنا فدار عمي عبد الله و حنان و بركتي نتا و سيف كتهضرو..
شهاب ضار عندها باهتمام:اه كملي
صفاء:سمعت هضرتكوم
شهاب :خاصك تكوني فرحانة
صفاء بعدم فهم:و لكن نتا قلتي ليه بلي كنت مجرد صديقة و انك غير داير ليا خاطري انا مكنبغيش نكون تقيلة
شهاب هبط راسو لمستواها و عينيه فعينيها:الهبيلة علاش كتفهمي كلشي بالمقلوب.. نتي ماسمعتيش الهضرة كاملة... انا قلت ليه دكشي كان فاش ياله تلاقينا.. اما حاليا حاجة خراا
صفاء البؤبؤ ديال عينيها وساع:ككيفاش
شهاب:انا ديما مكنبينش المشاعر ديالي لشي واحد.. اي واحد الا نتي..صفاء انا كن....
تفرع الباب و جاي جلول داخل هاز النفاخات و ميمون فرحان و العائلة كلهوم بداو داخلين
مروة:وائل؟؟ هاداك غير صدييق و عاوني و شكراا ليه بزااف نتا لي اش كتقول
زبير:مابيناتكوم والو؟؟
مروة :اش غيكون متلا
زبير وقف:تفوو و انا كنت معول على عراسية.. اطفوو
و خرج برجليه العوحين خلاها حالة فمها حتا جا دخل عوتاني:خرجي را الكار جا
و بدا يغوت فالكولوار:واااخرجو ولا نمشيو و نخلييوكم
خرجو كاملين هابطين فالدروج و شي فالسانسور و مروة كتقلب بعينيها على وائل لي غبر ليه الاتر
و طلعو فالكار و گلسات بأسف فالكرسي ديالها... ضورات عينيها حتا لقاتو داير القب على راسو
مروة:فين كنتي شحال قلبت عليك
وائل:كتقلبي علياا؟؟
مروة:ااا غير ملقيت مندير و صافي
وائل:ها انا
مروة بغات تبدل الموضوع:اايمتا الدخول؟؟
وائل:باقي اسبوع واحد
مروة:ااه صافي
#######.
فلوبيطال خرجات صفاء بغات تضرب ضورة فهاد لوبيطال تشوفو كيداير حيت هنا كانت تاني مرة غتلاقا مع شهاب و هنا تكونات الصداقة ديالهم.. حتا بانت ليها مليكة جاية كتعوج كحلات بالعما و قلبات الطريق
مليكة شافتها و بدات جاية تجري و الطالون كيقرقب :اه هاهي
صفاء ضارت بالعرض البطيء مخنزرة:نعام
مليكة طلعاتها و نزلاتها:جينا نجيرو الصواب زعما
صفاء:شكرا و مشات
مليكة ضوراتها عندها:مالك خضرة هاكا
صفاء:نتي لي مالك كتعاملي هاكا ولا خفتيني نمشي عند الله ساخطة علك
مليكة بغضب:يشويني فيك اش كتقول!
صفاء:انا لي معرفت اشنو كتخيطي نتي
مليكة:ايوا الله يغصبني انا لي جاية نسول فيك ولكن نتي ماشي ديال هدشي.. بسلامة
صفاء بابتسامة غبية و كتدير بسلامة بايدها:باي باي طاطا
مشات مليكة و سدات عليها الباب داللوطو ديالها بالزعاف و مشاات و صفاء باقا كتدير باي باي لابسة ديك اللبسة ديال لوبيطال فايتة ليها الركبة و رجليها معرين و شعرها مشعكك و معلق حداها السيروم لي عودو ركبوه ليها بحال شي وحدة خارجة من سجن قارا
تفكرات التيلي ديال شهاب فجيبها خربقات فيه شي حاجات و مشات باتجاه دوك المساعير.. لقاتو هو قدام الآلة ديال القهوة خدا ليها حتا هي و بركو بجوج
شهاب زفر:قريت الرسالة ديالك و كان ضروري خص نفهم منك كلشي مني عيطت ليك كنتي مخنوقة و طلبتي شي واحد يعتقك و جيت
صفاء بعيون لامعين:وااو.. (و بدات كتشوف عوتاني ماحشمات ما رمشات حتا خرج سيف و رتيل)
رتيل:هاي هاي قلنا زعما راك غتتوبي و ننتي غير مازايدة فيه طلقي من السيد
صفاء :ماشي سووقك.. (شافت سيف خارج) ايييي نسيبيي مبقيناش شفناك ولا بدلاتك علينا هاد الاخت
سيف:ماكين لا تبدال لا والو غير مع الخدمة و صافي.. كيبقيتي
صفاء:كيراك كتشوفني
سيف:ايوا اشهاب حتانتا كيبقيتي؟😉
شهاب :كلشي مزيان 👍😉
سيف:كنتي قلتي بلي عندك اجتماع على ود ااعيادة لي غتحل
شهاب:صافي مغنمشيش ليه
صفاء وقفات كذلك:و علااش؟؟
شهاب:منمشيش و نخليك فهاد الحالة
صفاء:اشمن حالة الله يهديك راك عارفني.. سيير
شهاب:كتجري عليا
صفاء :على مصلاحتك غير سير
ضحك و جر ليها حناكها و مشا
صفاء غوتات:واا زيز على الحاالة متمشييش ببييجاامااا
رتيل نغزاتها:سكتينا
صفاء:واراه غيضحكو عليه هيهيهي
#######
فالمحطة
هابطة مروة كتعاقر مع صاكها و كرشها كتغوت بالجوع كتسنا فشي واحد يجي يديها.. و لكن حتا واحد ماجا و بدات خارجة كتضور فعينيها حتا وقف حداها وائل
وائل:مجاوش ليك
مروة :دبا عاد اكتاشفت بلي غير مربيني
وائل:ياله نوصلك ؟
مروة:باش متلا
وائل شير ليها بصبعو للسكوتر ديالو لي حاطو بعيد و فوقو الكاسك.. مشات معاه و طلعو
وائل:شدي مزيان
مروة راجعة اللور و شادة فالجزء اللوراني من السكوتر
وائل:منك لراسك
كسيرا بجهد حتا تخلعات و شدات فيه كرزات عليه
مروة:وااا نقص فالسرعة
وائل:مبغيتيش توصلي دغيا
مروة:وا راااه الا بقينا هاكا مغنوصلووش گاع
وائل:امممم كان اسحابلي عندك مع المغاامرة
مروة:انا معندي مع والو غيييير نقصص
وائل بدا كينقص فالسرعة حيت اصلا قربو يوصلو
هبطات و دارت باي باي ة عي دايخة.. تذات على الباب و وركات على الصونيت ديال الدار و لكن لا من مجيب.. بقات تصوني و تعاود.. جمعات راسها و صونات عوتاني
مروة:اويلي الدار خاوية.. اول مرة فالتاريخ
شافت بلي حتا واحد ماكين و هي تشير بصاكها لاحتو مورا الصور و بدات بالتحنقيز و مع هي قصيرة مكتقدرش توصل
وائل:هادبك الهيشة اش كتديري
مروة ضارت عندو:مكتشوفش.. غير سير انا قادة بشغالي
وائل نزل وجا عندها:الا نقزتي الصور غتلقاي لباب لداخل مسدود.
مروة ماسمعاتش هضرتو و حطات رجلها فواحد الطوبة خاوية و شدات بيديها.. ياله جات بغات تنقز و هي تطيح من الجهة لاخرة و تسمعات غوتتها
وائل خبط راسو:اش كنتسنا من وحدة شبعات تنقاز فالليسي
مروة :واا عتاااااااااااااق
وائل:ماااللك
مروة :وااااااععع هاااد بنعطية جاي عندي
و بدات هاربة و هو تابعها
وائل:صبري
و نقز حتا هو الحيط و جا جرها بزربة و دخلو لبيت لي كيحط فيه جوني لمعدات ديال الجردة و سدو عليهم بينما يمشي
##########
فلوبيطال
صفاء:صافي سالا هاد العجب ياله
دخل محمد لي كان هاز فيديه الدوا:شربي بعدا الدوا وياله
شرباتو و كل واحد طلع فاللوطو ديالو كيفما جاو و لكن صفاء طلعات غير هي وامين فاللوطو ديالهم و الشي لاخر تزاحمو كيف جاو.. دخلو للدار و كيف العادة كل واحد تزوع فقنت
مايجي غير جميل كيقلب و سمع التخرشيش فبيت الخزين و بدا كيقرب و هو مخلوع
فلوبيطال
هنادي باركة فالبيرو ديال امين كتشوف شي وثائق و هو كيشوف معاها
امين:بعدا خرجات سليمة و موقع ليها والو
هنادي:الحمد لله
امين:صدقتي مخلوعة على والو
هنادي:راه اول مرة غتوقع ليها هادي 10 سنين
امين بعد صمت:مكتفكريش ترجعي للدار
هنادي:شوف هنا خاصك تسني باش نديهم للسكريتيرة
امين خدا الوراق من ايدها و حطهوم فوق البيرو:هنادي....... الدار خاوية بلا بيك
هنادي:حتا تحس بغلطك و اصلا انا طلبت الطلاق
امين:عارفك مكتقصديش ها الهضرة
هنادي بدلات الموضوع:فين خليتي نورسين؟
امين بلامبالاة:مع جداها..
هنادي :حشومة عليك جيبها للدار
امين:كتوجد للحفلة ديال بداية السنة و انا مكنعرفش لدكشي ديال البنات راه كوتر كتعونها
هنادي:ككيفاش؟
امين:خلينا من نور دبا.. عشية غنرجع انا وياك للدار
هنادي:قوليا بعدا هاد الحفلة اش كيكون فيها
امين:مسابقات مع الآباء و الصغار.. اغاني ليهم.. دكشي ديال لي قدهوم و صافي
مروة:كون غير متتي و هنيتينا عل الاقل تمشي معذبة نيشان للجنة دبا غتبقاي تديري غا فالذنوب
صفاء خصرات سيفتها:اييخخ لا احساس لا ضمير تفوو.. اصلا شهاب هو لي خاف عليا فسكم كاملينو بقا مشطون معايا (و بدات تنهد و تفكرات موصيبتها)
ناضت من حداهم دخلت لبيتها هزات التيلي و صونات عليه
#####
عند شهاب لي دازت 5 دقايق و هو فالاجتماع و كيشرح ليهم طريقة العمل لي كيخدم بيها.. حتا فيبرا التيلي فجيبو و تطلقات اغنية شيرين (كدة يا قلبي اخدت مني كل حاااجة حلوة فيا.. كدة هتمشي و تسبني وحدي فالحياة و الدنياا دياا) تصنطو ليها راه تشووك مؤثرة
تصدم من الصونيت و بدا كيجبد فالتيلي وسط ذهول الناس لي معاه.. استأذن منهم و خرج و جاوب
شهاب:نتي لي بدلتيها يااك
صفاء كتموت بالضحك :كييجاتك.. زويينة ياك
شهاب:دبا غيير واااش منيتك ؟؟
صفاء :سمعتي بعدا الكلمات ولا لا؟؟
شهاب:وش باغا فيا الشوهة وسطهوم.
صفاء كتحبس فالضحكة:صافي غير ماتقلقش ليا بغيتك غير تعرف الاحساس ديالي فاش خليتيني و صافي..كدة يا قلبي هتمشي و تسبني وحدي.. فهمتي
شهاب:قطعي راه خصني ندخل
صفاء :بلاتي نكمل ليك الاغنية و تعرف مزيااان باش حسيت
مخلاهاش تكمل و قطع
صفاء :هييه كان يسحابلي قشابتو واسعة.
رجع دخل للقاعة و كلش و كأن شيئا لم يقع و هوما كيشوفو باستغراب
شهاب:نكملو الاجتماع ولا غتبقاو تشوفو فيا؟
######
دخلات صفاء للبيت عند البنات عوتاني
مروة:اجي نتي اش درتي مع جدات سيف سمعتها جات عندكوم
رتيل:جات غير باش تشعل الصداع و لكن صافي عرفات راسها غالطة و رجعات عند ختها للداخلة
مروة:بعدا تهنيتي منها
رتيل:عزات عليا
صفاء:ويلي على قليبة النفس تعقلي اش دارت ليك نهار لي تلاقيتي معاها و نسيتي اش دارت ليك من بعد
رتيل :راها طلبات السماحة و زيدون راها مرا شارفة
مروة:منبقايش تصنطي لهاديك راها واحد الحقووودة مكتنساش دقتها
رتيل:اه ويلي مقلتش ليك.. فرااسك مليكة غير سمعاتك متي.. اا بغيت نقول سخفتي و جات كتجري مع نصاص الليل
صفاء حلات فمها :اويييلاي
رتيل:اه و شفتك واقفة معاها اش كنتي كتقولي
صفاء عاضة علة شفايفها :جريت عليها
رتيل:طلييتووو خضر
مروة:واش منيتك المكلخة... راه هي الطريق باش تدوزي لشهاب وا بركي دبااا بلاش تفوو گنس نااقص
صفاء :اويلي و اشنو غندير دبااا ويلي عمييتهااا بالمزيان
رتيل:المراا راه حنينة غا مكتبينش
صفاء:وانا نقول شهاب لمن كيشبه.. تريكة وحدة
مروة:خاصك تصالحي معاهاا
صفاء بدات تفكر و ضربات ليها فكرة فراسها و خرجات بلا حتا كلمة طلعات لبيتها
لبسات حوايجها و هزات التيلي ديالها فايدها و خرجات شافت السوارت ديال للوطو ديال هنادي معلقين ضربات لها فكرة فراسها و هزاتهوم.. خرجاتها من الگراج و مشات باتجاه دار مليكة
صفاء مزيدة الكرسي القدام و ضهرها محني حيت ياله كتعلم تسوق:پاپاپا كنت حاقرة راسي راني سواگة من الطراز الرفيع
وصلات قدام الدار و هبطات سدات اللوطو و مشات دقات خرجات ليها نفس الخادمة
صفاء:كاينة مليكة
خادمة :اه تفضلي راها فالصالة
ابتاسمات ليها صفاء و دخلات لقاتها كتبرض فظفارها بالفقايص
صفاء :ملييييكة.. ملااااك
مليكة :نسيتي شي حاجة مقلتيهاش قبيلة
صفاء بركات:انا جيت باش نطلب السماحة
مليكة كتشوف بنص عين:ماشي مشكل
صفاء :وا لا لا ماشي هكا بغيتك تجاوبي انا اصلا مكنطلب السماحة من حد
مليكة :شنو بغيتيني نعمل.. نتي غير سمعيني الهضرة كل مرة و جي قول ليا نسمح ليك
صفاء:واصافي ماتكونيش باردة
مليكة ظهرات على فمها ابتسامة :صافي
صفاء تلاحت فيها عنقاتها:ياااي
مليكة كتضحك:وا بعدي خنقتيني راه غير على وجه ولدي شهاب
صفاء :و اش جاب شهاب الهضرة
مليكة:مافخبارك والو
صفاء دلات ودنيها :بالعمااا
مليكة بهمس:ولدي شهاب من نهار تفارقتو و هو غير زاعف
صفاء:اربي ربي
مليكة:ايييه و ماقاليك والو اخر
صفاء:لااا
مليكة:راه باغي يتزوج بيك و... ويلي انا اش كنقول خىيه هو يقول ليك كلشي انا اش دخلني بينكوم
صفاء :حلفي حتا قال هاد الهضرة (عودات عنقاتها) واااو
مليكة :نوضي بعدا نديرو شي گوتي راك اول مرة غتجي عندنا
صفاء:اه هانا نايضة 😁
#########
هنادي خرجات بعدما سالات المناوبة ديالها ملقاتش اللوطو ديالها و تفكرات بلي جات مع امين.. ضربات راسها و قررات تكمل الطريق على رجليها حتا حسات بشي واحد جرها من يدها
ضربات راسها و قررات تكمل الطريق على رجليها حتا حسات بشي واحد جرها من يدها
مليكة دارت اشارة لشهاب باش يمشي معاها للباب.. ناض معاها
شهاب :بلاتي نوصلك مالك مزروبة
صفاء مشات عندو و عنقاتو بالفرحة و حتاهو بادلها العناق
صفاء:فراسك نتا اوووعر وااحد كنحمااق علييك
شهاب و ايدو فشعرها:حتا انا
صفاء تحلو عينيها و بدات كترخف عليه و تراجعات اللور شافت ليه فعينيه و يديها باقين فظهرو
صفاء:بصح هدشي لي كتقول؟
شهاب بتاسم ليها و شد حناكها بيديه و هبط لشنايفها بقبلة طويلة جمعات الاحاسيس ديالو لي كبتهوم شحال هدا.. بعد منها هو متأمل فالبؤبؤ ديال عينيها الزورق كيوساع
طلعو للوطو و هي ساهية و كتلمس فففمها بصدمة.. ديمارا و يد مشابكة مع يديها
شهاب بدب الموضوع:مغنساش ليك اشنو درتي قبيلة..
صفاء ببلاهة و باقا الابتسامة الغبية على وجهها:اشنو درت
شهاب :التيلي نتي لي بدلتي ليه الصونيت و درتيها بلعاني صونيتي عليا فالاجتماع
صفاء:غي بغيت نضحك معاك
هز يديها و طبع عليهم قبلة خفيفة اما هي فمبقاتش فهاد العالم و الضحكة واصلة ليها لودنيها
وصلو للدار و نزلات هي اللولة و هبط حتا هو معاها.. جبدات الساروت من صاكها و حلات الباب ديال الدار و دخلو و ضارت تسد الباب حتا بانت ليها هنادي جاية كتجري كتدير اشارة بيديها باش تخلي الباب محلول
هنادي:خلي الباب محلول
صفاء حلات الباب كتر و غوتات:وااا مفخباركش.. تكلااصيت اناا التاالتة فالعاالم فالميدسيين
هنادي خنزرات:مالك على الكذوب و اصلا نتي دفعتي للطب؟؟
السيد:و حنا فالخدمة اي وسيلة تحتاجيها باش ترسمي غنجهزوها ليك و ليكن في علمك المؤسسة غتطور ليك هاد المهارات لي غتولي مصقولة
رتيل:ربي يخليك و خرجات هي و سيف شادين فيد بعضياتهوم و الفرحة ماقاداهاش
سيف:قتليك بلي الفكرة ديالي غتنجح
رتيل:سيف شكراااا بزااف كونما نتا مكانتش غتطيح عليا هاد الفكرة
سيف:متشكرينيش راني راجلك
رتيل:احسن زوج.
#####
عند هنادي
دخلات للمكتب ديال امين بحذر.. لقاتو گالس فالمكتب
هنادي:نقدر نحيد واحد الساعتين من المناوبة ديالي عنجي شي شغل مهم
امين:خوجي الأذن عند الدكتور عصام
هنادي عاقت بيه كيديرها ضد:اه واخا
امين:على كل حال انا عنمشي دبا عندك شي هضرة تبغي تقوليها؟
هنادي بابتسامة مستفزة :لاغير سير
وقفو قدام واحد البارك
صفاء :لاش جيباني لهاد الخلا
مروة:هدا ماشي خلا هجا راه منتجع
صفاء:وجع؟؟؟
مروة:استنشقي الهواء النقي و سكتي
صفاء:انا مكنضيعش الوقت.
مروة:صافي انا غنمشي نجيب شي حاجة ناكلوها الا بغيتي تحركي غير تحركي
صفاء طلعاتها و نزلاتها و مشات... سمعات الصونيت ديال التيلي
صفاء:الو خطيبي
شهاب:لاباس عليك اخطيبتي 😂
صفاء:الحمد لله
شهاب:فينك دبا؟
صفاء:خرجاتني مروة لواحد الخلا وهانا واقفة كنتسنا فيها
شهاب:شوفي الشجرة لي قدامك
دارت يديها على عينيها من الشمش :اه مالها
شهاب:كين فيها واحد السهم ياك
صفاء:ايااه
شهاب:غيديك لسهم اخر و بقاي تابعاهم حتا توصلي لواحد البلاصة
صفاء:شناهي هاد البلاصة
شهاب :توصلي و تعرفي و قطع
صفاء جمعات راسها و بدات غادية بان ليها كيدي اليمين.. مشات حتا بان ليها عمود كهربائي كيدي اليسار تبعاتو.. ز شجرة كتدي الأمام و كرسي فيه اليمين عوتاني.. بقات غادية حتا حلات فمها بصدمة
كان ريسطو فخم و الاثاث راقي و ضوء الشموع لي كيعطي رونق خاص و لكن كاين غير طابل دائرية وحدة الوسطو كرسي مقايل لآخر في الاحمر.. شافت سهم فالحيط كيشير للبلاصة انها تگلس تما.. مشات مذهولة گلسات و هي كتستكشف فالمكان حتا فجأة.. تسمع انفجار خفييف و طاح عليها ورق ديال الورد الاحمر من الفوق و الطبلة كاملة عمرات.. دارت يدها على فمها اولا حيت تخلعات وتانيا حيت كتوقعاتش هدشي كامل من شهاب.. جا السيرفور حط الاطباق و العصائر قدامها
عاد خرج شهاب من تما و كان لابس فيست بيضة و سروال اسود (ماكيبدلش هاد اللون)
تقدم بخطوات رصينة و گلس مقابل ليها
صفاء:نتا لي درتي هدشي كامل؟
شهاب:اه و كلو باش نعوضك على گاع دكشي لي وقع ليك بسبابي
صفاء:غير ديك الكلمة لي سمعتها منك البارح شفاتني من گاع دكشي لي فات
شهاب:و لكن هكا غتكوني تشافيتي و تحسنتي كتر..
صفاء بغات تضحك هزات راسها الفوق حيت الناس مني كيحشمو كيهبطو راسهوم و هي كتطلعو.. حلات عينيها لقات السقق مكتوب فيه شي عبارة.. بقات كتحرك فراسها باش تشوف لقاتها "I LOVE UU"
حطات يدها على وجهها و هاد المرة ولات حمرة :ميمكنش هدشي كلو دقة وحدة ميمكنش
شهاب شد ليها فيديها:كلشي يمكن معايا انا
صفاء:صراحة صدمتيني فيك مايسحابليش هاكا
شهاب:من اليوم عاد غتعرفي شهاب الحقيقي
صفاء حطات يديها على الطابلة و قربات منو عطاتو قبلة خفيفة فحنكو :هدا احسن نهار فحياتي
شهاب:انا لا (حلات عينيها بصدمة) احسن نهار عندي هو نهار غنتجمعو تحت سقف واحد و نهار كتلبسي الكسوة البيضة و غتشني على لاكت و نهار لي غنهزو بنتنا او ولدنا اللول بين يدينا و كنواعدك
صفاء بداو دموعها كيدوزو و بدات تبكي ليه تما:وانا راه منقدرش على هدشي كامل.. بلاتي نسخف.
شهاب:نتغداو بعدا منبقاوش غير كنهضرو.
صفاء:اه طبعااا
و خدات الفورسيط و بدات تاكل بلباقة لأول مرة و هو غير كيشوف فملامحها البريئة واخا هي شيطانة
صفاء عيات من البريستيج و هزات واحد الكيك صغيرة خشاتها كاملة فممها حتا ناض شهاب
شهاب:ماشي كاملة
صفاء بفمها عامر و مخرجة عينيها:علاش
بدات كتسرط بشوية بشوية حتا وصلات لشي حاجة وحلات ليها فالحلق و حلات عينيها مزيااان
شهاب:ها اشنوو قتليييك
صفاء وقفات و بدات تكحب و لاحت كلشي من فمها الحمد لله كان غير شوية لي بقا و جبدات خاتم جيال المارياج فالفضي و كتوسطو جوهرة فاخرة من الوسط و هي فوسط الذهول ديالها و شادة دك الخاتم بجوج صباع خداه من ايدها و جر الاصبع ديالها و ركبو ليها
شهاب:صفاء تقبلي تزوجي بيا.
صفاء بجات كتضحك بجهد:قاابلة قااابلة
شهاب ضحك و عنقها و هي باقا وسط فرحتها
كملو الغدا فجو زوين و خرجو يتمشاو و يديهم مشابكين حتا قاطعات صمتهوم صفاء:شهاب..
شهاب:روح شهاب
صفاء:بغيت نسولك.. المرض ديالي مغيأتر والو على علاقتنا
شهاب:كنواعدك بلي معايا عمرك غتمشي للوبيطال.. الا باش تولدي ولادنا
صفاء:سمحليا حيت مقلتهاش ليك شحال هدا
شهاب:دكشي فات و دبا من ليوم مبغيت حتا حاجة تبقا مخبية بيناتنا
صفاء ابتاسمات ليه و كملو الطريق كيهضرو
######
حيدات هنادي الطابلية و لبسات حوايجها و مشات طلات على لبيرو ديال امين لقاتو باقي گعما جا.. زفرات و مشات خدات طوموبيلتها لي جابها ليها محمد و مشات باتجاه مدرسة نورسين.. دخلات سمعات الصداع جاي من قاعة الاحتفالات.. دخلات بهدوء لقات البنات فوق المنصة و نور الضحكة مختافية من وجهها.. دخلات و بركات فمقعد حدا امين
امين ضار عندها و رجع شاف فنور
هنادي:مال نور؟
امين :كنت قلت ليك بلي نور كيبقا فيها الحال مني كتشوف البنات مع ماماهم و هي لا.
هنادي شافت فيها بحزن:لا نور عندها ماماها
المقدمة ديال العرض:كنطلبو من الام ديال كل مشاركة تطلع للمنصة للمسابقة ديال الطبخ
امين:غنمشي نجيب نور مخصهاش تشارك
المقدمة :و غتكون للفائزات معانا جائزة(جبدات مجسم ذهبي فيه مرا و بنتها هازين كيك) بهاد الشكل
هنادي شدات فيد امين:غي گلس.. نور خصها تربح
و عطاتو الصاك ديالها و ناضت هو ابتاسم ليها برضا و كيشكرها بعينيه و مشات طلعات للمنصة و شدات فيد نور لي عاج طلعات عينيها مني شافت هنادي تلاحت فيها كتعنقها:كنت عارفاك غتجي
هنادي:و انا نخلي بنتي؟
مشا كل فريق للطبلة لي غيبداو فيها بالطبخ. نور:اشنو غنطيبو
هنادي:قاليك شي حاجة د التحلية و تكون ساهلة
نور:نديرو الكابكيك لي درناه ديك المرة
هنادي ضربات هاي فايف معاها و بداو فالعمل ديالهوم
##########
عند مروة لي كانت واا رجعات للدار حيت كانت غير مجرد استدراج لصفاء لعند شهاب.. دخلات و شعلات التلفازة كتفرج حتا وصلها ميساج من عند وائل :خرجي انا كنتسناك فالملعب ديال الليسي لي قرينا فيه
كملو هنادي و نور هوما اللولين و هزو يديهم عاد تبعاتهوم فرق اخرة و دبا جا وقت التذوق.. خداو الاطباق و مكتوب الاسم ديال الام و البنت فلتحت ديال الطبسيل
نور:زعما غنربحو
هنادي :الا عجباتهوم الاكلة ديالنا
و فالجمهور امين هاز التيلي ديالو و كيصور فيهم و هوما كيهضرو.. حتا جات المقدمة باش تعلن على الفائزين
المقدمة:و الجائزة ديالنا غتكون من نصيب الثنائي...... نور و هناادي
هبطات هنادي عنقات نور لي فرحات بزاف و قدمو ليهم الجائزة تحت تصفيقات الجمهور و المشاركين
المقدمة عطات الجائزة لهنادي لي گلسات القرفصاء و شداتها هي و نور و عينيهوم لمعو بالفرحة.. قدمات لنور الميكرو و قالت ليها تقول شي حاجة على ماماها
نور خدات الميكرو و كلشي سكت كيتسناوها اش غتقول و امين كيطلب انها متخصرش الحفلة حتال الاخير
نور بقات كنشوف فهنادي و فباباها:ماما هنادي نتي احسن ماما فالعالم و مبقاتس سميتك الساحرة السريرة ولا سميتك ماما هنادي و باستها و الجمهور كيصفقو واخا ما فهمو والو و امين وقف كيصفق ليها بفخر و الجمهور عرفوه هو باباها
#######
وقفات مروة قدام الملعب كتفكر نهار لعبو هنا و تعادلو و فاش بركات حداه فاش تضاربو حتا جا موراها و گلس فنفس البلاصة لي گلسو فيها شحال هدا
مروة:علاش عيطتي عليا
وائل:مبغيتش نقوليك هدشي فاش كنا فالمخيم
مروة باهتمام :علاش؟
وائل:انا غنخرج برا المغرب غنمشي لفرنسا و غنكمل الدراسة تما.
مروة بحزن:و ايمتا غترجع؟؟
وائل :معرفتش.. يمكن من بعد شي 5 و نجي نخدم هنا
مروة وقفات:صافي بسلامة
وائل:ماشي هاكا زعما حنا صحاب
مروة عنقاتو كتبكي:خواتاتي ملهوم مشاو و نتا لي بقيتي ليا و غتمشي 😭
وائل:هاد المرحلة كان ضروري ندوزو منها
مروة:كنت معولة ندوزو اعوام زوينين فلجامعة
وائل بحزن:مكتابش لينا
مروة: ايمتا غتمشي
وائل :ليوم فالليل
مروة:مبقاش الوقت بزاف سير وجد اشنو خاصك.. غنبقا ديما مفكراك حتا ترجع
وائل جبد من جيبو واحد الورقة و عطاها ليها :شوفي شنو فيها. مروة بذهول:واعرة بزااف
كانت رسمة فيها وجهها و مرسومة باحترافية
مروة كتضحك وسط دموعها:نتا لي رسمتيها
وائل:فاش كنتي ناعسة فلوبيرج
مروة بقات غير كتشوف و كتبكي و فمها مبتسم
تعانقو عناق الاصدقاء و مشا كل واحد لوجهتو.. دخلات للدار معبسة لقات صفاء واقفة فوق الطبلة و مضورة بيها كلشي
صفاء كتوريهم الخاتم:واللهتا خطبني شفتووو.. فينم ازهرة لي كنتي تقولي ليا العور لي غيديني اجي طلي على العور
زهرة:وا هبطي لمك من فوق الطبلة غتهرسيها باقا تا ماكملتها فالخلاص
صفاء هبطات و بقات كتشوف بانتصار:و نتا امجيد باقي كتقوليا البايرة المخموجة أدوييي
امجد:سكتي راه غيطلقك فنهارك ميمكنش شي واحد يصبر لك
صفاء:و نتا اشعيبة كتقول ليا مدودة.. ديك الدودة هي لي زوجاتني..فهمتووو
بوشعيب:يخخخ گنس ممربيش.. وا محيمد فينك اجي طل على بنتك.. راك والد غا الخلا و الجلا
صفاء:هانا غنخوي عليكم الدار الشهر الجااي و تهناو من كمارتي
زهرة:علاه نتوما تافقتو
صفاء:وا تا بابا متافق.. نيشان العرس و منبقااش نتلفت عندكم
زهرة:شتي نتي مننهار ولدتك عرفتك مسخوطة
صفاء ببرود:صافي راك مكذبتيش
رتيل لي كانت جات هي و سيف من بعدما تغداو باش يخبروهم بالتسجيل ديالها
بوشعيب:صافي هدشي لي بغيتو.. و نتي ارتيلة اشمن موصيبة جايبة لينا
رتيل:با راني دخلت تسجلت فجامعة التصميم
منال:سعدي و فرحي ببنيتي غتولي مصممة كبيرة
بوشعيب:شتي الخبارات الزينين (و كان كلشي ناشط فرحان و كيضحك)
جميلة:وا تانا عندي ليكم خبار زيينة
امجد:دوي تانتي فرحينا
جميلة:دوي اجميل
جميل:سميتي جوني.. موهيم لي بغيت نقوليكم راه ولدي جلول طلع فالقرعة ديال ميريكان
تحولات ملامحهوم فجأة لعبوس و طغا الحزن على المكان
جميلة:مالكوم مفرحتوش ليا لوليدي
امجد بحزن:فيناوا دابا؟؟
جميلة:راه فبيتو مافخباروش هدشي كونما جميل و محمد لي تدخلو ليه كوراه بقا مشومي لينا هنا
مروة فخاطرها:رتيل مشات كرملو مشات هنادي مشات صفاء غتمشي وائل لي بقا ليا مشا و جلول لي معمر علينا الدار تاهو غيمشي.. مرحبا بيك امروة فواحد 5 سنين ديال الوحدة
حلو البنات لاكام مع كاميليا لي ولات فشهرها السابع و كرشها بانت كتر و بقاو كيهضرو معاها مونسينها هي و اشراق
اشراق:نتي ارتيلة اش درتي فقرايتك
رتيل:تسجلت عاد اليوم فالتصميم
اشراق :صافي من ليوم حوايجي غيكونو من تصميمك انا نضبر على شي خياط يخيطهوم
السلالة المجنونة الجزء 18
محتوى القصة
التنقل بين الأجزاء