السلالة المجنونة الجزء 19 والأخير

من تأليف ساومي ليان
2019

محتوى القصة

رواية السلالة المجنونة

دخلو البنات لبيت جلول لقاو متكي كيبكي
صفاء:اويلي نتا غادي لميريكان و كتبكي
رتيل:نوض اساط مالك مرا؟
جلول:مانقدرش على فراقكوم الجنيات
مروو عنقاتو:حتا حنا مغنقدرووش خصوصا انا غنبقا بوحدي
جلول :المدودة غتمشي مع راجلها و رتيلة تاهي و نتي امريوة بغيت نبقا معااك
رتيل :راه غنبقاو نهضرو معاك ديما بحال كاراميلو
جلول بدا يزيد فالصوت:ايييييع و خيتي گرملو غنتوحشها غنمشي بلا مانودعها
صفاء:راه سولت قالو ليا ماغتمشي حتا تحضر لعرسي و گرملو غتكون فالعرس
جلول مسح خنونتو بكمو:يااه فرحتوني (بداو يفرنسو تاهوما حتا عوتاني رجع كيبكي) و سوكااينة بغيت نطزوج بيها
مروة:بغيتي تزوج بيها و نتا ماقاري ما خدام ما ردام؟؟
جلول:وانا راني بغيتها
رتيل:انوض تگعد البرهوش ضسرتي.. سير لميريكان ضبر على راسك تجي تلقانا كنتسناوك
جلول:و ميمون صاحبي مسكين؟؟
فهاد الاتناء تسمع الدقان بالجهد فالباب
#######
خرجات هنادي لابسة بيجامتها و دخلات للكوزينة حتا سمعات صوت امين كيعيط عليها 
امين:اشنو كتديري؟ 
هنادي:غنخربق شي حاجة للعشا 
امين:اجي بركي غنكومونضيوه من برا 
نور :بصح اجي تفرجي راه باباتي موجد فيلم زوين 
حطات هنادي دكشي لي فيدها و جات بركات حداهم فوق الفوتوي و وسطهوم نور كتاكل البوبكورن و مافاهمة والو غي كتفرج و كتشوف فالاجواء المكهربة لي ضايرة بيها

حتا تسمع الخبيط فالباب الكبير ديال الجردة.. كانن راجل كبير فالعمر لابس جلابة وداير الرزة (داك الزيف لي كيدوروه على راسهم)موسطاجو كبير كي النارد فوق فمو وعاقد حجبانو ناوي على يخ زيت وموراه رجال باينين بوليس
بوليسي :واسي المقدم ماشفنا حد هنا..
المقدم :لا اسيدي انا متيقن بلي دوك الشفارة القتالة هنا..
البوليسي :من قبيلة ونتا دق مكاين جواب..
من بعد ماسمعو الخبيط جا داك القوم ديال البشر كلهوم كيوشوشو مورا الباب مورا الباب مخلوعين معارفين اش واقع وبوشعيب واقف القدام..
بوشعيب :متخافوش محدي انا هنا مكين لي يقيصكم انا نفديكم بكولشي تيقو فيا وبقاو ورايا الان حنا العدو امامنا والدار وراءنا وكيف تعلمت فالقشلة مخصناش نستسلمو ونواجهو العدو
صفاء :عمو ممكن تعاود هادشي نصورك
بوشعيب ضحك تابانت ليه ضرسة العقل مسوسة :ههه اايه تسناي نقاد (بدا يقاد فالكول تاع البيجامة ويفرنس وصفاء كتصور فيه شبعانة ضحك ولكن بشر) 
رتيل قاطعاتهم :واالخوت واتوما حلو الباب خلينا نشوفو شكون كاين
جلول مخبي لور :ولكانو البانضية.. 
رتيل :ميخلعنا حد حيد خليني نمشي نحل
بوشعيب دار قدامها المكحلة :جلسي لرض هاي على اخر يامي تولي سيقاني مرا انا لي غنحل وانا لي غنتولاهم
كان المقدم باقي كيتشاور مع البوليسي تاقاطعهم الباب كيتحل بانت منو الموكحلة لي تحطت على نيف البوليسي وموراها ضهر الفارس المغوار شعيبة راس التقيبة نافخ صدرو وهاز راسو للفوق ولكن عاشاف البوليس واشنو داير لاح الموكحلة وتقاد دار التحية..
البوليسي للمقدم :واش هادا منهم..
بوشعيب :الا اسي الشاف واش انا باين عليا فعايل الحراميين انا مع البلاد احب بلادي ومت ولادي
جلول نقز من لور و باقي وجهو منفوخ بالبكا :والادمين تاع المغريب سيمو مول القرعة..
جروه صفاء ورتيل تحتهم لا يزبلها كتر ماهي عورة وهاد المرة داخل المخزن..ميمون كان كيتسلت وكيطل من ورا بوشعيب حتا غوت :واامووووي واسي المقدم جا
سعيدة خبطت جنابها :هااااوييلي
مسعودة ممتيقاش :تغرgي فيه اتريكة الناقصة وتا شساير تقول
المقدم من برا :هاهو ولدهم هاهو..
مسعودة ملي شافت المقدم ووراه البوليس الما طاح ليها فالركابي فمها بياض ولات عاتفتف
المقدم :الشريف هادو هوما لي نوضو الفتنة فالدوار وسرقو ليا التراكتور وجاو فواحد السيد غريب وشعلو العافية فالدوار.
مسعود :والله اسيدي ماحنا انا نكدب وهو تنزل عليه النعلة
البوليس :دابا المهم هو انكم غتجيو معانا باش نفكو هاد الحريرة..
امجد :لالة مسيعيدة فين ما مشيتي تخربيها عممر هاد الدار موصل ليها المخزن عاجيتي تي وهي تقلب ماكتمرgييش
مسعودة ولات عكضور فراسها وهي دوي بصوت خافت غير عادتها:سي عبد المجيد عيشتك لاما سترنا حنا زعما عائلة
البوليس :دخلو هزوهم عليا..
جلول مشا تلاح على ميمون :لاااا متااخدوووهش ليا راهو لي نكسااب راه غا طفل 
دخلو البوليس جرو معاهم سعيدة وهي كتبكي ومسعود حاني راسو بندم ومسعودة معارفة مدير اما عائلتنا ملقاو كيف يديرو من غير يهضرو مع البوليس لي طمنوهم مغيوقع والو وداو معاهم حتا فريحة حيت ميخليوهاش بوحدها اما ميمون لي مفرقوش جلول بجوج بغااو يتسطاو حتا من دعبل جا كيضور على رجلين ميمون واول مرة دار واحد الصوت ولكن غريب وحزين...تسد الباب وفرقهم الحزن لي اجتاح عليهم فديك اللحضة وملقاو كيف يديرو من غير يتفرقو على بيوتهم... صحيح انهم فاللول مكانوش كيتحاملو و لكن عمرو عليهم الدار و مع الوقت ولفوهوم

فالصباح فايق امجد كيتكسل و مخدم فيروز و كيشطح معاها و كيضيب فاومليت حتا دخلات زهرة كتحز فالزيف
زهرة:مالك فايق فهاد الوقت مامولفاش لك
امجد جا حداها كيشطح:فرحي معاييا راه وجوه النحس بعدو منا
زهرة:حشومة علك
امجد:مالك سايرة تحشمي فيا.. اقلت الصاراحة.
زهرة:و مساكن معرفناهوم واكلين ولا جيعانين
امجد:اشوفي نتي.. نحثلك ديتي ليهم رزقي من الماكلة نتبعك ليهم.. ها ودني منك
زهرة:الله يهديك الحاج.. و داز كترد فالفطور و جات جميلة و منال حتاهوما.. و تجمعو العائلة فالفطور و هاد المرة فالصالون حيت امجد محتافل بغياب هادوك.
رتيل:عرفتي اسيف.. حياتي كلها و انا معاهم و هاد الثالون ماعمرني بركت فيه حتال المناسبات
صفاء:ههههههه خلاوك تا مشيتي و دارو مبغاو
محمد:شتك فايقة بكري و لابسة حوايجك ياك ماكين باس
زهرة:هضرات معايا مليكة مامات شهاب قالت ليا بلي صفاء مبغاتش خطبة نيشان عرس و غنمشيو نشريو اللوازم
بوشعيب:تي هاد العائلة راه كان فيها شي عكس و مافكوه ولاد الحرام تالهاد العطلة.. بنات البارودي كلهوم تزوجو دقة وحدة
رتيل :هداك غا نتا مبقيتيش كتدعي فينا
صفاء :زعما دعوتو كانت مقبولة!!
و رجعو كيفرنسو كيف عادتهوم حتا ناضت صفاء :مي لبسي جلابتك وياله راه تعطلنا
زهرة:وا فطري بعدا
صفاء:مافياش.. غي ياله (طلات فالتيلي) اصلا شهاب قاليا نوجد راسي راه قربو يجيو
ناضت زهرة طلعات لبيتهم الفوق و خلتهوم
بوشعيب:واراك ناشط الحاج
بوشعيب:ايه و مالي مجاتش معايا.. تفكيت من جيك السحارة ديال مسعودة(شاف فميمون كيضحك و هو يخنزر) سد فمك نتا راه من تما غتبدا الاعاقة
ميمون :و طا ساير تنهصر ليا فحنا گدامي
امجد:و لااش تفرنس
ميمون هز يدو و هبط على الخبز كياكل
امجد:حمدتك يا ربي و شكرتك تهنيت منهوم و خوات عليا الدار و غتنقص ليا فالفاكتورة ديال الضو
تسمع الدقان فالباب.....
########
فاقت هنادي لقات راسها باقة ناعسة فالفوتوي و امين حتاهو و نور متكية عليهم.. البارح غالبهوم النعاس وسط الفيلم بعدما تعشاو.. ناضت كتكسل حيت ضرها ظهرها من النعسة باركة.. صوبات قهوتها و القهوة ديال امين و الحليب بالشوكولا لنور و بركات كتشرب و عينيها ناعسين.. دخل امين خدا الطاس ديالو و برك مقابل ليها
هنادي:تعطلنا على الخدمة ياله
امين ببحة فصوتو بسبب النعاس و عينيه حالهوم و لكن ناعسين :بلا منمشيو ليوم للخدمة
هنادي:لا ضروري انا خصني نمشي
امين:انا المدير و انا لي كنقرر ثافي ماغيوقع والو الا غيبتي نهار واحد
هنادي بشك:معرفتش.. و لكن علاش بعدا
امين:دبا تعرفي علاش.. من بعد
هنادي:من شحاال و نتا كتقوليا من بعد من بعد و مزال مفهمت تا حاجة من هدشي لي كتدير 
امين:غنعاود نقوليك خدمي الذكاء ديالك و غتفهمي 
هنادي شربات من كاسها و بقات كتفكر فهاد الغامض لي قدامها مبقاات فهماات والو هي فالعادة كتفهمها طايرة و لكن هاد المرة مجابتهاش

منال:صفاء واقفة واقفة سيري حلي
مشات صفاء حلات حتا تمو داخلين مسعودة و كحيلة و سعيدة و مسعود و فريحة كينهجو كل واحد تشبح فوق سداري بالعيا اما امجد بقا غير حال فمو
امجد:ماحكموش عليكم بالمؤبد
سعيدة:لا معندهومش الدليل و حنا دبا مبرعين
فريحة:*حنا مبرئين ماشي مبرعين
سعيدة مغمضة عينيها:كيف كيف
بوشعيب بسم:قوليا امسيعيد كيجاك السيلون
مسعود :دوك الناس كوراما... اش منك يا لوبيا اش منك يا خبز بالفورص.. دكشي زين.
كحيلة:غا هو خصروها مجابوش لينا مانط و كان البرد
امجد :تفو تا قلت تهنيت من كمامركم
مسعودة :مغتهناش منا اسي عبد المجيد
امجد:يخخخ الله يخليها سلعة فيكم و انا نقول مال كلتوم كانت قليلة النفس كانت كتشبه ليكم
صفاء:وامااامااا هبطي راه شهاب كيتسنانا برا هو و مليكة 
هبطات زهرة و ركبو معاهوم بعدما تسالمو و تسألو على الاخبار و دكشي 
#######
فدار امين 
فاقت نورو دخلات للكوزينة مدات ليها هنادي الكاس ديالها و فطورها و فطراتها 
امين:سيرو لبسو حوايجكوم
هنادي:علاش 
امين:كتسولي بزاف.. غنديرو شي جولة فالبحر باليخت
نور بفرح:بصح 
امين:اه ابنتي ياله كملي فطورك و نمشيو 
هو طلع للغرفة ديالو يبدل حوايجو و عيط على لي كانت كتشرف على الشقا ديال الدار قبل ماتجي هنادي على ود شي موضوع هضر معاها فيه فالتيلي و هبط 
امين:طلعي نتي لبسي انا نفطر نورسين 
نورسين:اصلا انا شبعت.. ماما هنادي نتي لي غتقولي ليا شنو نلبس ياك 
هنادي شدات فيها:واخا ابنتي الصغيرة
و شداتها من نيفها بطفولية و طلعو الفوق 
########
########
شهاب:فين غتمشيو؟
صفاء:للموول
زهرة: راه مغنلقاو والو من دكشي لي خصنا تما
مليكة:بصح اشهاب حطنا انا و زهرة فسونطر ديال المدينة نتقداو دكشي لي خاص 
صفاء :اه حطهوم هنا و نرجع انا وياك للمول ناخدو دكشي لي بغينا 
زهرة قرصاتها و تحت سنانها:تبتي شوية ياهاد الزرمومية 
و دكشي لي دار حطهوم فالمدينة و مشا هو و صفاء للمول... هبطو قابطين فيد بعضياتهوم و دخلو
صفاء:شنو غنشريو بعدا من هنا 
شهاب بعد تفكير:غتديري احسن شوبينغ.. نتوما البنات كيعجبكوم هدشي 
صفاء:اه بصح من شحال مبقيت جيت لهنا حيت الوليد منع عليا لاكارت ديالو
شهاب:صافي كملتي ليه لاكارت و غتقادي ليا ديالي حتاهي 😂
صفاء:وجد راسك

جات الخادمة و هضرات مع امين فالباب و دخلات اما هو هز سلة ديال الماكلة و حط فيها دكشي لي غيحتاجو و مشا حطها فالكوفر
خرجات هنادي هازة نور فيديها و لابسين تقريبا نفس اللبسة لقاو امين كيتسناهم فاللوطو..

لابسين تقريبا نفس اللبسة

هاد الاخير لي باقي مامصدقش الانسجام لي وقع بين نور و هنادي فهاد الوقت لقصير.. و معجب كذلك بالشكل ديالهم كأم و بنتها
حطات هنادي نور فالكرسي الخاص بيها اللور و ركبات ليها السمطة و رجعات گلسات القدام مع ابتسامتها لي مكتفارقهاش
انطالقو باتجاه البحر.. دخلو من الاتجاه لاخر للمنطقة لي فيها غير اليخوت و البواخر.. و طلعو فاليخت و مشات هنادي كتستكشف فيه عوتاني حيت ديك المرة ماسنحاتش ليها الفرصة مزيان و عاد دبا الجو ملائم لجولة بحرية. الشميمشة طالعة و السما صافية مع شوية السحاب الابيض
امت امين فكان دخل لغرفة القيادة و بدا اليخت كيدخل للبحر اكتر
######
عند صفاء لي مني دخلات و هي كتقيس و شهاب بارك حاط يد على حنكو نادم علاش جابها لهنا
صفاء :بفففف ماعجباتني تا حاجة من هدشي 
شهاب:ساعة و نتي غير كتقيسي و فاللخر ماعجبك والو
صفاء ردات دكشي لبلاصتو و شداتو من يدو و جراتو دخلو للبوتيك لي حداه و بقات كتشوف فواحد التريكو صوفي لاغج و لكن ملقاتش الملصق لي فيه الثمن.. وقفات ومدة من العاملات تما 
صفاء :شوفي..هدا شحال الثمن ديالو؟؟
العاملة:900 درهم 
صفاء حلات عينيها:غالي 
العاملة بابتسامة:الغالي للغالية 
صفاء:بغيت شي حاجة رخيصة 
العاملة تحولات ملامحها لصدمة من اجابتها اما شهاب خبط جبهتو من هاد الموصيبة لي مكتردش البال للهضرة لي كتقول
#########
فالدار 
مروة ملقات ميدار فكرات زعما يكون وصل ولا مزال.. هزات التيلي ديالها شافت لقاتو اونلاين.. حتا فجأة تسيفط ميساج و طلعات ليه vu ديك الساعة.. خبطات راسها حيت دخلات للكونف بيناتهوم و لكن بدات تقرا الميساج
*عارف ان هاد الميساج ماغيبدل والو و لكن ذان خصني نقولها ليك من شحال، هادي.. من نهار الماتش و نتي ساكنة عقلي و من بعد سكنتي قلبي.. هاد الهضرة قلتها دبا حيت من قبل كنت متخوف من الرد ديالك حيت شخصيتك متناقضة كل مرة و اشنو.. مرة مفروحة و خالقة السعادة مرةمعقدة وباغا غير تعايري.. و لكن دبا مبقا عندي منخسر.. صافي مغنتلاقاو الا بعد 4 سنوات ولا 5 و تهلاي فراسك *
مروة قرات هاد العبارات و احساس غريب اجتاحها و الضمير ديالها كيقول ليها جاوبيه و قمعيه و لكن قلبها كيقول شحال قدك تخزني و تبيني انك باردة.. خلات اصابعها يكتبو جكشي لي جا فبالها يا ربحة يا دبحة
*علاش مقلتيهاش من شحال؟ كوراه حنا دبا عايشين مزيان.. علاش سكتي حتا ولا دكشي لي كنفكرو فيه شبه مستحيل عاد هضرتي*
وائل* بجوجنا غالطين.. حتا نتي كان خاصك تهضري.. مع ان مشاعري ليك كانت باينة بزاف و كلشي لاحظهوم الا نتي *
مروة *دبا فات الفوت و الامر مبقاش فيدينا.. نتسناو الوقت تشافينا و ننساو بعضيتنا دغيا*
وائل*مفاتش الوقت. حتالين غتبقاي تمثلي انك مامسوقاش حتا تجيبيها فراسك.. واخا نكون بقيت فالمغرب ماغيكون يمكن لينا نديرو والو.. حنا باقين صغار في كل الاحوال.. غنرجع بعدما نكمل قرايتي و غتكوني حتانتي كملتي و نفرحو مع بعضياتنا غير صبري هاد الاعوام*
مروة*ههههه غندوز عام غتنسا كلشي لي داز و عتدير حياة جديدة تما و غتنسا شكون مروة*
وائل *تيقي بيا و تسنايني*
شافت الميساج و سدات التيلي و شعور الندم حاط بيها.. نجمات علاش ماصارحاتوش من اللول.. هي كانت عارفة هدشي كامل :خلي الكبرياء ديالك ينفعك دبا

عند هنادي لي مشات هي و نور دخلو على امين لي كان سكت اليخت وسط البحر و هبط يرتاح فالجناح الاخر من اليخت (اليخت غير صغير فيه غرفة القيادة الفوق و لتحت كاين غرفة و مستودع فيه وسائل الانقاذ) 
نور :بابا بغينا نتغداو
هنادي حطات يديها على فمها:نسيت الغدااا مفكرتش فيه 
امين :جبت شي سوندويشات و عصير نتغداو و نرجعو
نور:لا غنبقاو مزال بليز
امين هز السلة و بدا كيحط فوق الطبلة الصغيرة لي لوسط و هنادي عوناتو حتا ستفو كلشي.. بداو فالأكل ديالهوم في صمت
كيتسمع غير صوت الامواج فالساحل و صوت النوارس لي كيقلبو على الوجبة ديالهم فهاد البحر
امين :فهاد الوقت كيكونو الدلافين كيخرجو من لما مني نكملو ننوضو نشوفو
هنادي بفضول:بصح😍
#######
فدار البارودي
يعدما كملو الغدا بركو يتساراحو كل واحد شد سداري و بركو يتعاودو 
مسعودة :مجيد تعقل على ياماتك فالدوار 
امجد كيغمز بنص عينتي اينا دوار يهديك الله
جلول :عاودي لينا احنا
مسعودة:امجد فاش ياله خطب كلتوم كان حماال.. كيهز الياجور و السيمة.. و كان مسلووت تقول عمرو داق النعمة و كان كيلبس حوايج كبر منو و ديما شاد سروالو بسلك 
سعيد :كانو ولاد الدوار ديما تابعينو بالحجر حيت كان كيشفر ليهم التبن يعمر بيه مضربتو 
امجد:صافي سكتوني اااو مالكوم راه دكشي داز عليه 40 عام
كحيلة:حنا مكنساوش
امجد:سكتي نتي راك گعما كنتي مزيودة اصلا 
مسعودة:ابلاتي نكمل.. كان كيتوسد المخاد معمرين بالتبن لي كيشفرهوم و يتم جاي يتبوزق على خيتي كلثوم لي كانت عا هويعة و يبدا طالقها عليها :انا عندي الفيلات و الطوموبيلات و هي كانت متيقاه تال نهار تزوجو و فرش ليهم با فالكوري بجوج.
امجد:غتسدي فمك ولا نجري علك من الدار.. راني جيت للمدينة و دخلت فبيعة و شرية و ربحت فلوس صحيحة و شريت دار هن و عاد تزادو بوشعيب و محمد تعاونا تا طلعنا هاد الفيلا 
امين (الصغير) :و من هنا كنستنتجو ان التعاون سر النجاح وان الحياة ديما فيها امل و ان الجانب المشرق ماكيبان حتا كينقاطعو گاع السبل و.. 
امجد قاطعو:الله يرضي علك لاما هنينا 
امين:بغينا غا نعاونوك فالحوار 
عماد :و علاش فينما كيدوي معاك بابا كتقوليه خرج عليا من داري 
امجد:توما مالكم قوات فيكم الهضرة.. نوضو تديرو القيلولة بقاو مقابليني

دخلات صفاء و زهرة هازين ليساشي فيديهم و دخلو للدار لقاوهوم باقين عاصرين على اتاي و مسعودة كتعاود ليهم 
امجد:زيدي تجغضري راك من صباح و تي خارجة 
صفاء:لا تغدينا فريسطو معاهم 
امجد:شكون جوا معاك نتي انا داوي مع زهرة 
صفاء بلعات القمعة و مشات گلسات معاهم
محمد:تافقتو على شي حاجة؟ 
صفاء:العرس غنديروه فواحد البلاصة زوييينة و هادئة و كانت الفكرة ديالي 
محمد:انا عارف هادئة ديالك 
صفاء:لا هاد المرة تيق فيا امحيمد 
منال:اهاه و نتي قلتي العرس الشهر الجاي ياك... ايوا فين لي زانفيطاسيو؟؟ 
صفاء:انا لي غنقاد دكشي لي غيكون مكتوب فيهم 
محمد:قولي لينا بعدا ماشي تديري دكشي لي فراسك 
صفاء:ياك العرس عرسي انا 
محمد:و الضياف ضيافي انا.. ياله دوي و قولي علاش طاوية 
صفاء :هنتا... اول حاجة ممنوع شي وحدة تلبس التاج 
قاطعتها زهرة :الله يا بنيتي و مالك على هاد السم 
صفاء بنص عين:خليني نكمل.. ميجيبوش البجاغط بزاف 
منال:اصلا العائلة معندهومش الصغار بزاف 
صفاء:امم.. مايتعطلوش على الموعد ولا ميدخلوش... و حتا وحدة ماتلبس شي كسوة بيضة او قفطان بيض.. مسكتروش المايكاب انا مباغاش الطابلوات ديال بيكاسو فعرسي.. ميشدوش التيليفون فالعرس الا الا بغاو يصورو... لي بغا يحط تصاور العرس يدير هاشتاغ صفاء شهاب باش يسهال عليا نوصل ليهم
زهرة :وا راه ابنيتي تا واحد مايحضر 
صفاء:دكشي لي بغيت تانا 
محمد:و مالك على حالتك
صفاء:المهم هدشي غيتكتب فبطاقة الدعوة و نكتب لتحت مرحبا بيكم و صافي
##########
باست هنادي ونورسين لي نعسات مباشرة بعدما رجعو من رؤية الدلافين.. وقاداتها وخرجات كتقلب على امين ملقاتوش فغرفة القيادة وحتا الغرف لاخرين بقا ليها غير للفوق طلعات وهي تلقاه متكي فرولاكس ومداير يديه ورا راسو كيشوف فالسما لي كانت مزينة بخيوط ذهبية ديال الشمس لي بدات كتغرب حسات بالبرد وهبطات هزات واحد الغطايات خفااف تماك تلوات فوحدة وطلعات عند امين قربات حداه بلا ميحس وحطات عليه الغطا وهو عاد حس بوجودها حل عينيه لي تلقاو مع وجها قريب ليه غير شافتو حل عينيه دهشرات ورجعت لور مفزوعة كانت غطيح كون ماشدهاش
امين :مالك تخلعتي؟؟
هنادي :و..والو غيركنت كنصحبك ناعس تاحليتي عينيك
امين :لا مكنتش ناعس كنت غير كنترولاكسا.(وتكاحز ودار بيدو لهنادي تجلس حداه )
هنادي :احسن حاجة الهدوء وصوت البحر مع الطبيعة كتشعر بواحد الراحة.
امين كان كيشووف فيها :كاين الفرق بيناتكم وبزااف
هنادي ضارت عندو متساءلة :شكون هي.؟؟
امين بدا كيهضر بلا ميحس :نتي وليلى (بانو علامات استفهام على ملامح هنادي دليل على عدم معرفتها بالشخص)مامات نور.
هنادي سمعاتو وهي تحس بالغيرة نوعا ما رغم انها كدير شحال من حاجة على قبلهم وضحات باقي الاختلاف واضح ليه.. اشنو باغيها دير باش يحسها ولو شوية من القيمة لي عاطي لليلى هاهي بغاتو وتقدر عمر شي وحدة متبغيه لهاد الدرجة وبغات بنتو وكتعاملها اكتر من بنتها شنو غدير حارت مع هاد الراجل واش غيبقا شبح ليلى تابعهم بطبيعة الحال راها هي مرتو وكيموت عليها والدليل انو مكيقدرش ينساها ومن نهار مشات دات فرحتو بففف هنادي واش غتولي تغيري من واحد ميت الله يرحمها نوض نتgعد..
كان الانسحاب هو احسن حل يالاه غتنوض وهو يشد دراعها
امين :مباغاش تسمعيني حتا لاخر.
كانت بين نارين باغا تعرف شنو غيقول وشنو دارت ليلى تخلاتو غارق فهيامها وراس اخر كيقول ليها غتندم وهي كتسمعو كيعاود على لي بغاها فلخر وكلات امرها لله وبقات معاه مشا للحافة كيشوف فالبحر وبدا يهضر

امين :كانت عندي 10 ملي مات الواليد والواليدة كنا مسافرين ودرنا اكسيدون لي نجا منها انا وختي كوتر كانت عندها غير عامين بين نهار وليلة ولينا يتاما محسيناش بداكشي فدوك الايام مع الدار عامرة ولكن غير سالاو دوك الايام عاد وعيت بشنو داير بيا لقيت راسي بوحدي غير انا وكوتر تجمعو gاع العائلة يتافقو عند من نمشيو والكل هارب من المسؤولية تاجات خالتي خديجة هي لي داتنا رباتنا وعمرها حساتنا بشي حاجة اما واحد عمي كان برا هو لي تكفل بلوبيطال حيت كان شريك هو والواليد وكل شهر كيسيفط لينا حصتنا ولي حتاجيناها كيكون معانا كبرت وقريت حتا جا الوقت باش نشد الادارة فاتو شي شهورة ومات عمي كانت تاتي صدمة ولكن هادي هي الحياة كملت خدمتي وحاولت نرجع ولو شوية لخالتي خديجة لي كانت امنيتها هي تشوف ولادي والعائلة اقتارحو عليا بنت عمي لي هي ليلى تلاقيت معاها هضرنا وتعرفنا كانت انسانة يتمناها اي واحد زويينة وهادئة(هنا هنادي بدات تلعن فراسها اش داها تسمع هادشي )تزوجنا زواج تقليدي الاعجاب مع المدة كيتقلب حب دوزنا ايام متنساش حتا اليوم جابت ليا التيست تاع الحمل وكان بوزيتيف كان احسن خبر بالنسبة ليا ولكن هي لاحضتها مكانتش فرحانة وبالصح داكشي لي بان ليا مع الايام كانت دسما باغا السبة باش دير الكورطاج قلت ان هادشي غير هرمونات دوزنا دوك 9 شهور بزز غير ولداتها مبغاتش حتا تشوف فيها ولا تشدها عطاوني للبنت شوية (سكت وهز راسو كأنو كيدكر شي حادتة مؤلمة )كيبانو ليا الاطباء كيدخلو ويخرجو دازت ساعة حتا خرج الطبيب كيقوليا بلي ماتت..
غير سمعاتو هنادي دارت يدها على فمها وكترمش:هااه ك..يفاش وعلااش..
حدر راسو :نتاحرات..ملي بقات فغرفة العمليات فاقت من السخفة و مني وعات هزات مقص من الادوات لوبيغاصيون وضربات عروق يديها ملي جاو يعتقوها ملقاو ميعتقو وشخصو الاطباء بلي جاها اكتئاب حاد مابعد الولادة
هنادي ملقاتوش مدير من غير تواسيه حطات يدها على كتفو كتربت عليه :امين معرفت منقوليك والله ولكن... 
قاطعها امين :هادا قضاء وقدر انا كافحت وربيت نور مدة 4سنين بوحدي واخا خالتي خديجة وكوتر عاونوني والحمد الله ربي سيفطك لينا (جر يدها من على كتفو ودارها بين كفو لي كان بارد عكس يدين هنادي)يمكن كن بقات ليلى مغتربيش نور هاكا يمكن كانت غتكون ام سيئة حيت هي فلول كانت حياتها دايرة على الخروج الشوبينغ صحابها اما حياتها الزوجية كانت فواحد الزون لي غير زايدة ناقصة زواجنا من لول كان غلطة ولكن قلت غيتقاد ملي زادت نور ولكن وقع لي وقع عشت 4سنين وسط الضغط محيلتي لنور ولا للخدمة ولا الموت ليلى المهم اهنادي انا عودت ليك ماضي تاعي ومعول ننساه وندفنو ورايا كانو معمرو داز وبغيت نبني مستقبلي معاك فلول بديت كنحس باحاسيس مختلطة ولكن دفنتهم خفتك لاماتقبليهمش ولا نور هي العائق لامتقبليهاش ومتعامليهاش مزيان لكن هادشي كامل عكستيه ومشاعري تطورو من جيهتك
كانو عينيه كي بينو كلشي(سكت لوهلة وكممل)هنادي انا كنبغييك وباغي نكمل معاك حياتي نكبرو نور مع بعضياتنا وحتا ولادنا لاخرين ان شاء الله نبقاو ديما مع بعضياتنا.. و هنادي باقا مذهولة من هاد الهضرة لي عمرها تصوراتها غتكون من عندو

هنادي عمرها ضنات راسها غتسمع هاد الهضرة ومن امين بقات غير كتحل وتسد فعينيها ممتيقاش هادشي تمنات تقوليه عاود عاود نسجلك باش ملي تفيق من هاد الحلم تلقا شي حاجة تفكر هاد الحلمة حيت ميمكنش تكون حقيقة امين ملي ملقا منها جواب بدا كيتمالكو الندم علاش دوا ناض من حداها ومشا شد فالحافة تاع اليخت كيشوف فالبحر لي ولا لونو برتقالي حيت الشمس لي كاتغيب عاكسة نورها.. .تحرك البرد بحالة ناوي يفيق هنادي من صدمتها وداكشي لي كان غير ملقاتوش قدامها قفزت وضارت حتا شافتو واقف فالحافة ومنساوش هنادي عندها داك العرق المكلخ والمسلسع تاع البارودي بداو كيجيوها شي افكار
هنادي :اويلي هادا واقف على الحافة نااري غينتاحر😱يحليلي غنتاحر حيت كيصحبني مكنبغيهش😍هنادي توgدي الراجل غينتاخر وتي جالسة هنا😐لا جا البوليس وقالو ليا انا لي دفعتو نووض نقدو..
هزت راسها بالزربة و بدات تجري
هنادي :اااااميين لاااا..
امين غير سمعها ضار معرف مالها تاكتبان ليه كتجري ومع الجهد وصلت للحافة ومقدرتش تشد التوازن ودوك الحديدات شادين غير النص مع وصلت كانت غتقلب كن مشدهاش امين من خصرها فاخر لحضة ورجعها..
امين :وااش تسطيتي مالك؟؟
هنادي باقا مفاقتش من الصدمة غير كترمش شوسة وهي ضحك ببلاهة وعنقاتو.
هنادي:يااه امين نتا حي ياك مغتنتاحرش..
بعدها عليه امين باستغراب :هنادي مالك..
لالة هنادي عاد فاقت وبدات تفرنس :امين كنتي كدوي من نيتك قبيلة..
امين :لا كنت كنضحك..
وضار كينعل راسو على هاد الزربة تاحس بيديها ضارو على خصرو من لور واخا مقاصوش بعضياتهم
هنادي :حتا انا كنبغيك اامين ومن قدييم من اول لقاء بيناتنا ملي كنتي فالمؤتمر ولكن نهار شفت معاك كوتر ونور كنصحبها مرتك وبنتك تماك تراجعت من بعد عرفتها ختك ولكن بقات نور يعني نتا مزوج دكشي علش كنت فينما كتكون نتا كنخوي البلاصة حتا جيتو خطبتوني عرفتي اول مرة تشدني ديك الحيرة مفهمت والو كنتي فظ فالتعامل تاعك وعارف غير القميع حاولت نبعد منك ولكن قلبي مقدرش ومشيئة ربي فوق كولشي وجمعنا فدار وحدة وتحقات الحمد الله..
ضورها عندو امين بابتسامة كبيرة مرسومة على وجهو وشد وجهها بين كفوفو :كنتمنا تسمحي ليا على لي فات كنت كنحاول ماامكن نبعدك باش منتعلقش بيك ولمن من دابا عممر شي حاجة متفرقنا كنواعدك..
كان جواب هنادي غير تهبط عينيها للارض حشمانة وامين انضارو محيدوش من عليها حسات بانفاسو السخونة كيقربو من وجهها هزات بسرعة عينيها لي تغمضو من بعد ماتلاقاو شفاههم فقبلة لاول مرة..هنادي كانت غطيح كن مدورش يدو على خصرها دامت قبلتهم لثواني جمعات گاع احاسيسهوم حتا تحبس النفس من هنادي وبعدو على بعضهم مساخينش وامين داير ابتسامة صغيرة على وجهو ملي مخلي واحد التأتير قوي على هنادي لي كتبان الواحد قاصحة وهي كدوب غير بكلمة ولكن ماشي من اي واحد..خشا امين يدو فالفيست جبد واحد البواطة خاد منها واحد السنسلة من الدهب الأبيض رقيقة لي كانو فيها جوج قلوب صغيورين مرصعين بمجوهرات صغاء كيبريو و محفور عليهم الحرف الاول من اسم كل واحد فيهم ضورها ودارها ليها فعنقها وهي غير كتشوف الفرحة شاداها من صباع رجليها ومن هادشي كامل كانو واحد العوينات حاضينهم بمكر وكيضحكو بطفولية

#بعد_شهر
كانت العشية داخلة صفاء عبر الممر المحاط بالورود و فوق منها اقواس ديال الورود البيضاء و قابطة فيد محمد لي مدخلها و فالمقابل ديالها واقف شهاب ببدلتو الرسمية و حداه واقفة مليكة لي قربات تبكي بالفرحة.. و فالشجيرات مدلين قنينات زجاجيين بالورد البرتقالي.. كيضفيو طابع البساطة على العرس..و كذلك بولات صفرين عاطين رونق بسيط و ممتاز على الطبالي ديال المدعوين.. كل طبلة كتوسطها باقة ديال الورد فالألوان و بطاقة مكتوب عليها بخط مائل" welcome ".. و عاد فالجهة الرئيسية لي فيها الاهل القراب كاين اضواء بيضاء خافتة مكتبانش مقارنة مع ضوء النهار و هدشي كامل قدام واحد الدار فاخرة وسط الجبال و فوق التلة لي منها يمكن يبانليك الويجان و الانهار
اكيد كتسائلو اش هدشي... هادي الفيرمة ديال عائلة شهاب و لي شافتها صفاء فالاقتراحات ديال البلايص ديال العرس (البلاصة الهادئة لي قالتها لمحمد) و عجباتها لهدوئها و للمناظر لي فيها و قررو انهم يديرو عرس هنا و مايكونش تقليدي بل عصري بكل ما للكلمة من معنى
دخلو و حط محمد يد صفاء فيد شهاب :هاهي بنتي امانة عندك تهلاو فبعضياتكم 
و رجع لمكان في گالسة العائلة كاملة كيضحكو ناشطين و موسيقى هادئة فالارجاء.. حتا جات عندها مايا (مرات عبد الصمد خو شهاب) 
مايا:هلأ فهمت ليش قلتيلي رح تكوني معايا طيلة حياتي
صفاء:كنت عارفة ان هاد النهار غيجي 
مايا :طلعتو متفقين من ورا ظهورنا يعني.. مبروك عليكو
صفاء:الله يبارك فيك و تعانقو.. جا عبد الصمد سلم عليهم و بارك ليهم حتاهو و مشا گلس فالجهة الخاصة بالعئلة الاقرب لي فيها دار البارودي و دار شهاب 
رتيل فودن هنادي:شوف الصوبيصة دايرة فيها مصوابة كتسلم على الضياف حانية راسها 
هنادي:ميمكنش تصبر بزاف هاكا غتسيف 
مروة:براكة من النميمة راه ختكوم زعما 
حتا بدا ميمون جاي باتجاه صفاء بخطوات بطيئة و حزيين و حشمان فنفس الوقت.. و دوا فودن شهاب 
ميمون بهمس كيغني بصوت متقطع :راني خليتها ليك امانة تهلا فيها و متعذبهاش.. هاديييك... احم احم (دار واحد الضحكة غبية و بدا يعنق فيه و يعاود) ياو مبارك و مسعود.. هاا الفرحة شدتني من كعلالتي
صفاء خنزرات:ليمون سير برك فبلاصتك ولا نگندف خويا 
ميمون هبط راسو و مشا عند جلول لي كان بارك و يخمم للطيارة لي عندو غدا الصباح بكري
بدات داخلة كاميليا بقفطانها الاسود مامركباش المضمة حيت كرشها برزات.. و فهد لي شاد فيديها و حداهم اشراق بغوب فالاحمر طويلة و الابتسامة المشرقة على فمها 
دخلو باتجاه فين واقف شهاب و صفاء حتا تلاحت عليها اشراق من حيت لاتدري 
صفاء:اش هدشي.. (شهقات بفرحة و تلاحت كتعنق فيها) شريقة جيتييي 😍😍
اشراق:مبروك عليك البعلوكة 
سلم شهاب على فهد سلام رجولي و باركو لبعضياتهوم و لبنات باقين كيزويو 
صفاء:گرملووووووو (و عنقاتها حتا هي) 
كاميليا:ماهنيتي حتا ديتيه 
صفاء :ديتو ديتو والله ما خليتو و الله مانخليه 
سلمات على فهد:شفتي بقيتي حاضيني هاني تزوجت بيه
شهاب:ماخليتي حتا واحد و مقلتيهاش ليه گاع هادي فرحة 
صفاء:كتاار من فرحة
جرات البنات و بداو غادين باتجاه الطبلة لي باركين فيها البنات 
رتيل كانت لابسة قفطان كحل و مزوق بالفضي ناضت باتجاههم تلاحت فكاميليا كتعنق فيها و اشراق مشات تعانق هي و هنادي
و الفرحة واصلة ليهم حتال ودنيهم حيت تجمعو و اخيرا 
########
ميمون:وا جلولتي مالك معبس 
جلول:انا غدا غنمشي نميريكان و مانعرف تا نجوي بالميريكانية 
ميمون كيواسي فيه بحزن:صافي صافي غا سكت 
جلول:كنعرف غا طانكيو و هاپي نيو وير 
ميمون:صافي لي دوا معاك بالميريكانية قوليه هدشي غتضهشرو 
جلول بنص عين:ربي ربي 
ميمون:واييه تيق فخيك ميمون 
جلول عنقو:ميمون جوطيم 
ميمون ببلاهة:شنايا هادي؟؟ 
جلول:هي العدس بالالمانية 
ميمون:ننوض نديرو شي موصيبة نختمو بيها ياماتنا
جلول مسح دموعو و ابتاسم:بحالاش 
ميمون :نوض راني كتاشفت واحد الحاجة واااعرة

توجهوا عرسانا للجهة الطبلة لي فيها العدول كانت طبلة طوييلة فوقها ناب بالبيض ومنتور عليه ورد مجفف فالبيض والصفر وحداها جوج كراسا كبار مقادين ديال العرسان بجنبهم لي غيشهدو وقدامهم العدول وحاط قدامو الكتاب لي غيسينيو فيه..جلسات صفاء هي وشهاب وجلس محمد ومليكة غيشهدو وبدا العدول فهضرتو المملة
العدول :شهاب متقي واش تقبل تكون زوج للصفاء البارودي في السراء والضراء والفرح والقرح و تكملو حياكوم مع بعضكوم
ضار شهاب عند صفاء بابتسامة وجاوب :ااه قابل..
ومد الكتاب للشهاب سينا كولشي بدا كيصفق والبنات حامينها بالتصفاار من بعد جات نوبة صفاء..
العدول :صفاء البارودي واش تقبلي تكوني زوجة للشهاب.... 
صفاء دغيا قاطعاتو وقالت :ااه ااه قابلة.
العدول بقا عاكيشوف وهي تمد جرت الكتاب يالاه غتسيني مبغاش يكتب الستيلو عاودت والو مبغااش بداات كتخطط فالناب عالله يكتب ووالو (دودة شكادير🐸) 
صفاء :شهااد الزهر واخا نكون يهودية اوه.
كولشي بقا عاكيبقلل وصحاب الحسنات بداو يوشوشو مليكة دغيا ناضت تنقد الموقف سيفطت واحد الخدامة جابت ستيلو من للمكتب لي فالدار وجات تجري مداتو ليها..هزات صفاء راسها وشكراتها بابتسامة كبيرة.
صفاء :شكرا طاطا
مليكة تفاجأت من كلمة طاطا ولكن دغيا تداركت الوضع وشافت فيها بابتسامة حنينة ومشات جلسات بلاصتها..
مرة خرا مع حطت صفاء يدها فوق الكتاب تسمع الدرديك بالجهد والغوات مع هزت راسها كتبان ليها غير الغبرة نايضة شوية كتبان شعكاكة ميمون قداش كتهز وتحط وجلول كيبان فيه عاراس وفمو مشرع كيغوت... محمد بانو ليه جايين باتجاهو ناض حتاهو خوا المجال و مليكة هربات ناضت و كلشي مضهشر و صفاء معنقة الكتاب

كان جلول وميمون مشاو فكو العودان من الاسطبل وكل واحد ركب فوق واحد وخلاو لاخرين وراهم وبداو جايين ومامشاو ليهم عاجهة العرس..العرس تقربل كولشي ولا يغوت والعودان عاكيدخلو فالطوابل كولشي تقلب..اما العود تاع ميمون مابانت ليه غير الطبلة تاع العرسان قصدها شهاب غير شافو ناض كيجر فصفاء لي كزونت على الكتاب باغا تسيني وشهاب كيجر فيها وهي والو..
شهاب كيغوت عليها :صاافااء نووضي دغياا..
صفاء محنية على الكتاب :واالاا اشهااب (وبدا كتنفخ على الستيلو باش يعطي المداد كتر حيت خافت لا يدير ليها كيف لول )وااشهبوبي طللق خليي.... 
باقي مكملتهاش جرها شهاب بالزربة والعود دخل فالطابلة شتتها وميمون كيغوت ويبكي... اما صفاء مداتها فحد من غير انها حاطة يديها على صدر شهاب وكتشوف فيه بهيام..
صفاء :شهبوبي تحديت الصعاب وسينيت واش عرفتي (بدات تحسب بصباعها)الستيلو تعكس وجا الستيلو تاني ودخل العود وكان غيمعسني ومع دلك سنيت و.باقا مكملتهاش جرها عنجو لحضنو عنقها مخلاهاش تكمل وتاهي ستحلاتها حاوطات يديها على ظهرو..هدشي اكيد بعدما تهدآت الحرب لي ناضت تقلبت سكاات وهدوووء من بعد ما لعودان خرجو بحال الا متافقين قلالين الحيا يشوفو ديك اللحضة كولشي دار كيشوفو فزوجا اليمامة لي عيشين..
مروة :.ياك اصفيفو كبرنا فكرش وحدة وخرجنا نهار واحد وقرينا فبلاصة وحظة وكولشي نديروه بجوج وصصل للتعناق و الرومانسية وتي تقلبي عليا..سأقول لربي كل شيء
وضارت كتكمدها تالقات كامي شادة فهد باش ميشوفش قلة الحيا.. اما هنادي دارت يديها على عينين نور باش متشوفش ساعة العفريتة حيدات يديها وضارت مخنزرة عند امين وهنادي..
نور :علاش سديتي عينيا بيديك.
هنادي :ا..حشومة تشوفي هادشي.
نور دارت يدها على خصرها :امم وتوما علاش كتشوفو (كان جوابها غير الصمت وكيشوفو فيها مدهوشين حتا قلباتها ضحك ودوات بمكر)اصلا انا سفتكم بزوز دك النهار فاليحت نتا ابابا بستي ماما علاس حسمتو دبا
هنادي وجهها حماار ولات باغا غير تسد ليها فمها وامين تدهش من هاد المخلوقة..
امين :منين شفتي هادشي
نور :لي عندو عويناتو ايسوف كوولسي..
وبدات كضحك شدها امين كيهر فيها وحتا هنادي..
اما رتيل كانت سااهية كتشوف فالخوا تاجا سيف من وراها و حط يديه على كتفها و گلس فالكرسي المجاور ليها
رتيل:مال حبيبي مقلقة 
رتيل :سير سير عرفتي شحال فرحانة حيت صفاء لقات واحد بحال شهاب
سيف :بالصح غتفاهم معاه وهو لي يليق ليها يشد ليها هبالها و متبت
رتيل :و..
باقي مكملتش تسمع صوت البارود ومن غيره شعيبة لي كان واقف فوق الكرسي وهاز الموكحلة تيرا فالسما قفز كولشي حتا قفزات صفاء و بعدات منو:ماري تفو الدودة شداتني قدام هاد امة محمد.. اويلي ياك غا تعنيقة

بوشعيب :المنكر وسط الدار مبقيتو تحشمو
جلول :هيهيه ياك تجوجو وولا عندهم كناش 
امجد:الرضاا.. انا شكون ولدت من غيير بوشعيب. عندو النفي على بنات العائلة (بدا يزيد فالصوت) سمعتي امحييمد.. المسخووط 
بوشعيب:لاحافظك ابا 
ميمون شاداه البكية:ياااه عاج سرات معايا صفيفو مشات كن بين يديا 
بوشعيب خزن المكحلة فالساك ديالها و ركبها فظهرو:ياله ياله براكة من الهضرة راه مول الكاميرة جا..
جلول غوت :وااتسنااااوني..
مشاو كلهوم جهة الواد لي محاط بالاشجار الكثيفة و كاين الوسط واحد القارب صغير ديالهوم و لكن غير مستعمل حيت الصيف هدا و الما كيكون قليل و لكن الاهم انه عاطي حمالية خاصة للمكان
وقفو عرسانا جنب البحيرة باش ياخدو صورة تذكارية وقفات و هو محاوط خصرها و الفرحة باينة من خلال الابتسامة المشرقة ديالو و صفاء كذلك لي عينيها كيبانو لامعين بالفرحة
المصور:ياله.. غنصور تصاور متابعين فكل فلاش بدلو.. 1...2..... و فهاد اللحظة صفاء عاد بغات تقاد الپوز و تعكلات بالكسوة الطويلة و.. ضرب الفلاش و هي تلاحت فالبحيرة لي عامرة خز و كلشي كيشوف بصدمة و شهاب بدا كينوض فيها و كيعاونها توقف و المصور باقي كيصور.. الصورة اللولة ياله غتطيح.. التانية طاحت و كيبان غير شهاب لي ضار يشدها و ملقا ميشد.. التالتة هزات راسها و شادة فيد شهاب باش تطلع.. و الرابعة وقفات و عامرة بالخز.. من اللخر التصاور كلهوم جاو هكاك.. حيدات الخز من شعرها و هي كتضحك مكايناش هنا
شهاب:شوفي حالتك و كتضحكي
صفاء:اكثر حاجة واعرة وقعات فالعرس هي هادي
شهاب:كتفلاي.. شوفي راسك كيوليتي
صفاء:ماشي مشكل المهم غتبقا ذكرى زوينة 
شهاب غلباتو الضحكة و بدا كيساعدها تحيد الخز من فوق كتافها عاد جات و اخيرا شي تصويرة عفوية و زوينة.. و فهاد الاثناء تسمعات صرخة

كانت كامي لي طاحت للأرض بالوجع و كتغوت
فهد مخلوع:كاميليا نوضي
اشراق:ماشي وقتو حتا نرجعو لسبانيا
كامي:عتقوني كنمووووووت
فهد:ماكينش شي طبيب هنا؟؟
مليكة :منين غيجي فهاد الجبل؟؟
وحدة:انا طبيبة الولادة غنعاونها و لكن خاص شي وحدة تدخل معايا
هنادي:حتا انا طبيبة واخا ماشي ديال الولادة و لكن غنعاونك
مليكة:راه البيت ديالي فالجهة على الليمن 
كامي:وا سربيو
هزها فهد و هي قابطة ليه فجهة الصدر ديال الفيست و مغمضة عينيها كتغوت و صفاء باركة اللور حاطة يدها على حنكها:عرس زين هدا
شهاب:ياك نتي لي باغا شي حاجة توقع و تبقا ذكرى
صفاء:ماشي لهاد الدرجة
مروة:راه بنت عمتك زعما مالك مسيميمة
صفاء عاد وعات و جمعات الوقفة:اويلي كتولد؟؟ هناااااا
رتيل:ابشوية علك مالك تخلعتي
صفاء:و الا وقعات ليها شي حاجة غتكون بسبابي.. ناري اش جاني ندير عرس هنا
شهاب:بلا متخافي ماغيوقع والو هنادي معاها و طبيبة معاها
حتا تسمعات صرخة ديالها بجهد و صوت بيبي صغير كيبكي.. بعدما قطعو الحبل السري و دارو الاجراءات الاولية.. خداو لحوايج لي كانو فالكوفر ديال اللوطو ديال فهد لي جابتهوم كاميليا معاها من سبانيا تحسبا لأي ظرف بحال هدا جابتهوم ليهم اشراق.. لبسوها و غطاوها مزيان... و حطوها بين يدين فهد لي لمعو عينيه بفرحة عمرو حس بحالها و جا گلس حدا كاميليا كيتأملو ف ثمرة الحب بينو و بينها وهمس بصوت خافت.. بسمة..لي غتدخلي البسمة على قلوبنا..و كاميليا دموعها دايزين بالفرحة
دخلات صفاء كتجري و لكن غير شافتها فايقة تلاشات ملامح الخوف من عينيها و قربات ناحيتهوم
كامي:كتشبه ليك افهد
فهد:و لكن لعينين ديالك
صفاء خنزرات:الله يهديكم الجرية ياله فعمرها جوج دقايق و كتشوفو لمن كتشبه.. لكن بيني و بينكوم كتشبه لبطاطا قصبية تمامااا
كامي:سمحليا خربت عليك العرس
صفاء:العرس سالا اصلا كنا باغينو خفيف ثافي ياك كلينا شبعنا تصورنا صافي الله يجعل البراكة
دخلات رتيل و مروة كيضحكو و باركو ليهم بعدما گلسو..خرجات صفاء تصدر المدعوين لي اصلا مكانتش باغاهوم من اللول.. مشات سلمات عليهوم و قالت ليها بسلامة باش يفهمو راسهوم و رجعات العائلة دخلو كاملين عند كاميليا 
امينة:الحااج.. ادن للدرية فودنها 
امجد بغا السبة:الا لاا انا ماموضيش 
جميلة:صافي الحاج عرفناك مكتحملش التيلاد و لكن راه ولد بنتك هدا. امجد شاف فيها بنص عين و هبط عينيه للبنت لي سادة عينيها و رق قلبو و خداها من يد فهد و ادن ليها فودنها العائلة كلها فرحانة بهدشي. حتا دخلات بنت شهبة و غليوضة شوية ضارت صفاء كنشوف باستغراب حيت معرفتهاش

دخلات البنت و تقدم نحوها شهاب عنقها تحت انظار صفاء لي كتشتاعل بالغيرة حتا جا صوت مليكة فودنها. مليكة:مالك تضهشرتي راه هادي هي شهد 
صفاء:اااااه ختو توأم... و لكن مكتشبهش ليه گاع
مليكة:اكيد راهم اجناس مختلفة
مشات كليكة كتعنق و تبوس فيها كذلك و بدات تسلم على العائلة حتا وصلات لعند صفاء. 
شهد بعربية معلثمة:تبارك الله على مرت خويا.. شهاب راك عرفتي تختارها. 
صفاء سلمات عليها :شووكرااا
شهد:شكون هاد الكتكوتات (على كاميليا و بسمة). 
صفاء :هادي بنت عمني كاميليا يلاه ولدات دبا 
شهد سلمات عليها :على سلامتك و اخيرا تزاج شي بيبي فهاد الجبل.. شنو سميتها
كاميليا بصوت منهك:بسمة 
شهد :مبروك عليكم 
مليكة:ماجبتيش معاك راجلك و بنتك
شهد:نن بقاو فسويسرا على ود قرايتهوم.. غنبقا معتكوم غير لأيام معدودات و نرجع 
شهاب:دبا حنا لي خصنا نمشيو حيت قرب وقت الطيارة
محمد:ياله بسلامة عليكم 
و جا عنق صفاء :تهلاو فبعضياتكم اولدي 
شهاب:ماتوصينيش على عينيا 
جات زهرة بحزن:راني واخا كنعيرك راك عزيزة عليا 
صفاء :علاه كاينة شي وحدة مكتحملش بنتها؟؟. 
زهرة :تي مالك خضرة تعلمي حلاوة اللسان اويلي. 
صفاء:ماما سلمي عليا خلاث و خليني ندير الصواب مع لاخرين و نهرب عفاكم....اجي اجلولتي اجي نتا لي غنتوحشك فيهم
جلول طغاو عليه ملامح الحزن و جا كيجر فرجليه باتجاهها و تلاح فيها كيبكي و حتا هي دموعها بقاو واحلين مبغاتش تطيحهوم
صفاء:جلول تهلا فراسك و كول مزيان و نعس مزيان 
جلول:غنتوحشك و نتوحشهوم كاامليين 😭😭😭😭😭. 
صفاء :مانبكيش ازمر خلي الماكياج ديالي مقاد.. بسلامة 
مشا شهاب سلم عليهم حتا هو و سلمات حتا هي و هزات الفاليزات و مشات سابقاه فرحانة ماشي حالة وحدة مغادرة عائلتها هز ليها شهاب الفاليزات من يديها و مشا حطتوم فالكوفر ياله بغات تطلع و حرها من يديها ضورها عندو و حط يديها على خصؤها و كيشوف فيها بوله:و اخيرا وليتي ديالي 
صفاء كتشوف بعينين معسلين:و اخيرا غنتجمعو مع بعضنا 
و غرقو وسط قبلة طوييلة كتعبر على گااع مشاعرهوم و شوقهوم لبعضياتهوم.. 
عاد طلعو و مشاو باتجاه المطار
######################
بعد خمس سنوات
كان الصباح و الجو مغيم حيت ياله صبات الشتا خارج من المطار رجل دو بشرة حنطية بنظارات شمسية سوداء مغطية على عينيه لابس سروال كاروات اصفر و اسود و بالغين ڤانس و قميجة فالاصفر.. ستيل ديالو الخااص لي حتا واحد مالابسو الشي لي خلا گاع الانظار موجهة ليه.. و هو هابط فالدروج خارج المطار لي اونفاص مع الشانطي تكركب فالدريجات الصغار و طاح نيشان قدام الطاكسي لي جاي مسرع و عفطات فواحد الحفرة عامرة غيس جيال الشطا ماتجي غير فوجه الراجل لي طاح.. ناض بكل روح رياضية و كلو ولا ما و غيس.. استنشق عبير هوا بلادو لي 5 سنين ماشافو.. حط الباليزات و هو كيترقب فالسما لي كتندر بشتاء قريبة تطيح عوتاني.. و بدون شعور سجد فوق ارض بلادو العزيزة.. الغربة نارها صعيبة و ميحس بيها غير لي تكوا بيها.. هز راسو و برك مغمض عينيه عاد ناض.. بغا يهز الباليزات لقاهوم طارو من حداه

جلول:واا شد شد 
بان ليه واحد الشاب كيجري و دافع الشاريو ديال لي فاليز حتا وقفو واحد العساس ديال الطوموبيلات شنق عليه.. عاد جا جلول خدا الباليزات و مشا بحالو خلاهوم مشانقين غير مبالي بهدشي لي وقع حيت طيلة هاد الاعوام فامريكا تعرض لما كفس بسبب السذاجة ديالو.. الاستغلال من طرف صحابو و عدم اتقانو للغة حتا داز عام و هو تما.. و لكن لطالما كان شخصية محبوبة من طرف البنات و حتا الدراري كان عزيز عليهم بخفة الدم ديالو و الطريقة كيفاش كينطق الحروف كيخلي طبع ديال الكوميديا فالقسم
خرج من المطار و مد صبعو للشانطي كيتسنا فشي طاكسي يجي و لكن كيدوزو طاكسيات خاويين و كيمشيو نظرا للشكل ديالو الموسخ 
و اخيرا داز واحد الخطاف هو لي قبل عليه و دخل كيتزاحم مع لي حداه بزز تا برك 
#########
فدار البارودي 
باركة جميلة فالكوزينة كتقطع المسمن دياال الرفيسة بعدما وجدات اللحم بالبرقوق و السفة غير حيت وليدها جلول جاي و كيموت على هدشي 
دخل امجد لؤ باقي كيما هو ماتبدلش و طفا الضو :واش الضو مضوي و نتي مشعلة الضو.. الفاكتورة تي لي كتخلصيها؟؟ 
جميلة مجاوباتوش حيت مشغولة 
حتا بجا كيتقدم نحوها :هاي هاي هتي على مرت جوني.. تي اش هدشي كامل 
جميلة :فرحانة بوليدي جلول غيجي 
امجد:و تي فرحانة و انا تقام عليا ببومزوي 
جميلة:عيشتك عيشتك اعبج المجيد سير بعدا توضا صلي ليك الفجر راه الطناش هادي ونتا باقي 
امجد:سَوقك اه ساوقك؟؟؟ 
حتا احل الباب و دخل جلول كيجري تلاح فمو و هي تعنق و تبوس ماقاداها فرحة.. تفك منو و ترجع تبوسو حتا عيات 
جميلة :مالك اوليدي حالتك هوك دايرة
جلول:طحت امي 
جميلة:الله على وليدي و ولي شوف قدامك 
جلول :صافي لي فات مات.. فيا الجوع 
جميلة:اوليدي سير غسل يديك و بدل هد الدرابل و جي تاكل شوف اش موجدة ليك 
جلول باس ليها راسها :الله على ميمتي كتفهمني 
امجد:ايه ايه كول ليا رزقي
جلول عاد شافو و مشا كيعنق و يبوس فيه:مجوووودييي توحشتك بزااااااااف بزااااف مبقيت لقيت معاامن نشد الستوون
جميل دخل:وااهلن.. واهلن الگااوري جا
جلول تلاح فيه كيعنق فيه و جميل فاللول باجلو العناق من بعج ولا باغي غير يبعد 
جلول :دبا انا لي تجي معايا يقولو عليا جوني 
جميل خنزر:ايوا جمع فمك ولا نهرسو ليك 
جلول :انا غنمشي نبدل حوايجي و نجي نسرط
و هو غادي تلاقا مع مروة ياله فايقة هي و زهرة و محمد و رجع لعملية التعناق و البوسان من كترة الشوق جيالو ليهوم.. فراق جام 5 كان صعيب يزاف بالنسية ليه.. خرج للجردة بغة يسلم على بنعطية.. مشا كيقلب و لكن مالقا والو

... . :داتو صفاء معاها لدارها هادي 4 سنين 
جلوب ضار و عينيه بداو يبريو :سووكااينة 
و مشا بثبات هاد المرة وحاول يحيد العرق المكلخ و يبان بعقلو.. غير قرب و تلاخ بالسالام يسلم و يعاود
جلول:وا سوكاينة ياوتي لاباس.. اش كتعودي..غبرتي 
سكينة :ؤاك نتا لي غبرتي 
جلول توقف للحظة كيفكر و عاد كمل التسلام:اه عدك الصح.. ياو لابااااس
سكينة حدرات راسها:الحمد لله
جلول :وا سوكاينة.. راني رجعت باش نتجوج بك 
سكينة :ويلي ست دبا يسمعونا 
جلول :و يسمعونا مالي كنقول شي حاجة عيب (خنزر بغباء) ياكما تكوني ماموافقاش 
سكينة:لا لا مواافقة.. غير هو خالتي معرفت اش غتقول 
جلول :بالفرحااات عليها غا قبلي لينا 
سكينة بدات تضحك حشمانة و هو يضسر: الحلووفة ديالي تاعت لي يخطفك مايرجع تايموت ليه باه(جلول كيتعنب)
سكينة:اويلي تاقا الله اشمن تخطفني تايموت باك الله ينجيه 
هاد تم داخل مسعود و مسعودة من السوق و معاهوم مسمون هاز التقدية..لا لا هدا باقي هبيل ماتبدلش بحالهوم و مشا نيشان تلاح على جلول من اللور كيعنق فيه خلعو و ناضو كيضحكو و يتعانقو بحال المهابيل كيفما كانو كيديرو مني كانو صغار او بالاحرى قبل 5 سنوات
#######
باركين كيتغداو كلهوم فالصال امونحي حتا نقز جميل
جميل :جلول راك كبرتي.. و امجد.. اااا عبد المجيد راه جاب الصرديات ديال العائلة و لكن بغيتك تانتا تعوا على راسك و تجيب حولي تانتا
جلول :كون هاني ابا اراني كومونضيتو من لونطيرنيت (الانترنيت)
جميل:هاااا... الموهيم عندي يكون مليح
و بدات يتفركل باش يوصل لجيبو جبد 700 درهم عطاها ليه
جلول:الله يخلف
جميل: هاديك هي لي غتشري بيها الحولي
جلول:صافي تنبدل الكومونض و نختار لي بهاد التمن...غيوصل اليوم فالليل
جميل:واراه خاصو يوصل ليوم راه غدا العيد
ميمون:فراسك الدار بقات خاوية بلا بيك
جلول :عارف راسي مهم ليكم و متخطاونيش
كحيلة:و اش جبتي لينا من تم
جلول :برعتكوم روايح و شكلاط
مروة خبطات جبهتها :طليتو خضر غيبداو يعطرو لينا هنايا
جلول:و تي امروو جبت ليك كالكيلاطريص كتخدم بالشمش
امين :سميتها الطاقة الشمسية
جلول:سكت نتا انا لي كنفهم راه معاك جلول الميريكاني
. عماد :كاتضصرش عوتاني
امجد خبط الطبلة و خرج عينيه:ادوك الصعالك كولوو يمشي كل واحد فيكم لبيتو متبقاوش تلاغطو ليا عند الطبلة

فالليل باقين سكان البيت مانعسوش كيتسمع الدقان ناض جلول بمشية عاادية ماشي فركة كيف قبل حل لقاه الحولي حاطينو فكرطونة.. خلص و دخل فرحااان 
جميل :شدكشي؟؟؟ 
جلول:حولي ابا 
جميل جمع النوضة:هاويلي جايبينو ليك فكرطونة قد هوك؟؟ 
جلول:غيكون كيوساع.. تسنا نحل
حب الكرطونة وهو ينقز حولي رقييق
جوني:تا شهاد الحيوان جايب بيا
جلول ببلاهة:حولي 
جميل صنگعو:تا مالي قتليك مش ألكيدار
جلول:و تاعاطيني 700 درهم شبغيتيني نجيب لك بيها ابا طونيك...اصلا العيد غا سنة و الرسول كيقول...
جميل قاطعو:هووششش...متجبدش السيرة النبوية على درقوشك دبا تحرفها كتر من اخلاقك...ونتا ساير تقول فيها بلا وضو...اجي اداك راس تيمومة...موضي؟
جلول:ا....ا...
جميل:ااه ولا كتيمم الحمار لي ولدك...نوض تهز تصلي قدك قدك بغلة با الله يرحمو و باقي تابعك على الصلاة
جلول مشا و هاز فيديه داك الخروف طلعو لسطح...حيت الحولي عزيز عليه خاف يتخالط ليه مع الصرديات ديال العائلة
#######
صبح صباح...العيد و الاجواء ديالو الحلاوي على الطابلة...
زهرة فايقا بتسلام و تبارك ليهم فالعيد...امجد كان جالس و يخطف الحلوة و يلوحها فقبو...مروة نزلات كتدردك حيت هي لي كاينة
مروة:جدو جدو...عطيني لعيدية
امجد:شناهيا هادي عاوتاني..شي حاجة كتكال
مروى:الا فلوس العيد ابا عبد المجيد
امجد:غا ملي قلتي هاد الكلمة والله ما نهسرها فوجهك
مروى:شنايا عبد المجيد؟اراه غا جات ليا مع القافية..ماشي مشكل غا كحب
جبد امجد لفلوس من بزطامو..ها 10 دراهم ها 20 درهم ها 50 درهم و شي صريفة...
امجد:هاكي
مروى هزات فيه عينيها:شنايا هادي
امجد:20 سنتيم...و قسميها نتي و خويك امين و بقات عندي هاد 1 سنتيم لعماد مسكين
مروى:شناوااا...
امجد:مالك كتنهصري...حنا راه كنا نشريو بيها دار فزماننا...هااا بنيتي كرملو جات...كحزي لهيه(على مروى)..ويتك ويتك على لبعلوكة كبرت
كاميليا تلاحت عليه:توحشتك اجدو...بسمة اجي سلمي على جدك...
جات تلاحت عليه حتاهي:جدو كيداير(كدوي بعربية مخربقة)
امجد:بيني بيني
بسمة :سنو؟؟ 
فهد:هديك راها بالطاليانية الحاج
امجد:ماشي موشكل...ها بنيتي جات...نلعبو لعبة؟
بسمة:سناهي
امجد ب همس ليها:الافيشات...و لي خسر يحط 10 دراهم
بسمة:لا
امجد:هاه؟
بسمة:قتليك لا..نو
امجد:تفو كان يحساب ليا غتخرجي عبيطة بحال لبيدعة تاعت مك ساعاك خرجتي ليها من جنب...من ليوم انا ماسميتيش جدو...ولي عيطي عليا مولاي
ميرال:كيفاش 
امجد:ماشي ضروري تفهمي...
تا تسمعات لغوتة تاع جلول
جلول:وااااا ماااليييين لخيمة
جميلة مخلوعة:امالك اوليدي
و طلعو كلهم يتجاراو لسطح...لقاو لحولي تاع جلول فوق لحافة ديال الحيط و علاين يطيح
جلول:عتقو ليا الحيوان دبا يموت...واااع ربيت عليه الكلوة
و فديك التانية شاف قيهم الحولي شوفة اخيرة و تلاح تخبل مع سلوكة ضربو الضو و تلاح نيشان فلابيسين....جلول يالات بغا يتبعو و هما بشدوه...شوية ماسخف ليهم ...
مروى:موتة متمناهاش لعدوك
جميل:تا كيفاش تا هرب ياك كنتي ساد عليه
جلول سكت شوية مسح خنونتو بكمو و باقي كيتنخصص:قبل مانمشي للمصلى حليت عليه دفة باش گعما يتخنق
جميل:شو ولد الكلبة...راه قلت ليكم ماكين تماراش من هاد الكحلوش
جميلة:وليدي مسيكسن غيتعقد و باقي ياله جا
هبطات مروى عند الخروف قلابيسين لقاتو كيدور على القرقارة...حتا سرطاتو حيت كانت واسعة و هو رقيي بزاف
مروى ببرودة:مسكين
تمات داخلة رتيل و سيف و صفاء و شهاب باش تجمع العائلة كاملة و كل اسرة جايبة الحولي ديالها اول هيد غيدوزوه مع بعضياتهوم من بعد زواج البنات و لكن غير هاج الكرة على وجه جلول
رتيل:ميساء (3 سنين)رميساء(عامين)اجيو دخلو راه مكينش الكلب ...واااا مروى البايرة وا فيين
مروى:فحلقومة الفيل
صفاء:امالهم هدوك كينوحو لفوق
مروى:جلول سخف
رتيل:اويلي علاش
و عودات ليهم شوقع
صفاء:تارا بسيف...الحولي غا سمع راسو شراه جلول و هو ينطاحر 
مروى:و نتوما شكاتعاودو
صفاء:انا معندي مانعاود...داك لكنينيك نهار كلو و انا خيطي بيطي
رتيل:انا باقا واحلة مع واحد العرض ديال الازياء كنحاول نكل التصميم ديالهوم
مروى:ماعرفتش...نقدر نبدا نسطاجي شهر جاي حيت غنخدم فشركة تاع صحيب امجد...
رتيل:مروى لبايرة غتولي تخلص كتر منا
صفاء:وا هانتي تشوفي
نزلو العائلة و بداو فدبيح...امجد هو لي كيدبح و جميل كيسلخ.و لمهام متفرقة حتا بالنسبة للعيالات...جالسين فالجردة و الملل ضاير بيهم...

تغداو فجو لا يخلو من الضحك ديالهوم و جلول مسكين من قوة الصدمة بقا يسكح غا فالموناضة و الكفتة بلا خبز بقا فيه الحولي.. بركو يتصنطو لعظامهوم فديك الگليسة فالجردة حتا دوا امجد:اييه اليام شكون لي قال هاد المتعوسات يتزوجو..
صفاء:حنتنااك 
امجد:نتي بعدا مبغاتش تحيد منك هاد اللسان طويل كلهوم دارو عقلهوم الا نتي و الرتيلة. 
رتيل كتشرب فالموناضة و مكتصنطش ليهم حتا سمعات سميتها :مالك كتجبدني دبا اش درت لك 
رميساء:رتيل حسومة تهضلي معاه هاكا 
رتيل :تي ولي قولي ليا ماما حشومة تهضري معايا هاكا 
رميساء:رتييل رتييلة (و مشات كتجري تلعب مع بسمة) 
بوشعيب:قلب البرمة على فمها تطلع البنت تشبه لمها 
صفاء:هدشي علاش كنكره البعالك 
شهاب:غتبدلي رأيك مع الوقت و هاحنا غنشوفو (صفاء بدات تضور فعينيها و طاح فبالها واحد الامر كانت بغات تستاشر مع البنات و نساتو) 
امجد:الله يعز الحكام انا كون كان عنجي شي وحدة بحالها كون كل كلمة معاها طرشة 
شهاب:امالك الحاج راها سكوتية غا كتجي لهنا كتولي هاكا 
صفاء دارت نظرات ملائكية و غمضات عينيها و هبطات فمها بابتشامة صغيرة بحالا غيترسم تاج ديال الملاك فوق راسها 
امجد با يشوف فاللخر تلفت و دار الصوت ديال شرب اتاي 
حتا دخلات هنادي و فايدها ولد صغير لابس تجاكيت و جاير طاقية و مكوغطاه على البرد و حداها امين و نورسين لي ولا عندها 9 سنوات مشات نيشان بركات حدا امجد :جدو صافا؟؟ 
امجد بحنان:هادي بنيتي لي تفهمني و تسول فيا.. طالعة لمها تبارك الله الصوااب و لاداب.. 
هنادي و امين مشاو سلمو عليهم و بركو معاهم 
زهرة:اري ليا مراد نشدو (خداتو من عندها) الله الله على حبيب جداه تباارك الله 
جا جميل و كيشوف فيهم بنص عين:مروة تكلمي لشي واحد برا 
مروة باستغراب:شكون
جميل:وا سوليك تي نيت 
مروة ناضت كتشوف فجميل بتشكيك 
صفاء ومات لرتيل و كاميليا و هنادي يطلعو معاها بالزربة... دخلو لبيتها و سدات الباب و مشات كتقلب فصاكها
##########. 
عند مروة لي خرجات ورا الباب لقاتو هو و من غيره.. وائل ببدلتو الجلدية السوداء كيف العادة و لكن شي حاجة مبدلة فيه.. كانت ملامح الصغر تحيدات و طغا عليها الجدية نوعا ما و حتا الفورمة ديالو لي تقادات.. هي بقات غير كتشوف.. دازت عامين و انقاطعت عن الهضرة معاه.. ظنات انه غيكون نساها و بدل رأيو مع الوقت و لكن توقعها كان غالط كليا.. هاهو وفا بوعدو و رجع مرة اخرة 

وائل:هانا وفيت بوعدي و رجعت.
مروة غرغرو عينيها:ميمكنش لهاد الدرجة زعما؟؟
وائل بابتسامة استهزاء:يعني نتي لي نسيتيني و خلفتي بالوعد
مروة:لا انا عمري نسيتك.. انا ديما مفكراك.. نتا لي مبقيتيش كتهضر معايا هادي عامين
وائل:بغيت نختابر الصبر ديالك و نشوف واش فعلا كتبغيني ولا غير حب عابر
مروة تلاحت فيه عنقاتو و دموعها صافي دازو و هي كتبرد فحر الشوق ديالها ليه:گااع هاد الاعوام اي دازو مقادراش ننساك
وائل مبدلها العناق:حتا انا و الحب ديالي ليك ماتغير الا و زاد كتر
مروة:حتا انا حتا انا حتا اناا
########
فالبيت البنات كيتسناو فهاد ختنا اش غتجبد
هنادي:مالك من الصباح و نتي تقلبي طلقينا للفراجة
صفاء جبدات تيست من الصاك و وراتو ليهم بخوف:شنو كيعني هدا ؟؟
هنادي خداتو و قلباتو و ظهرات ابتسامة على وجهها:مبروك عليك
صفاء:ك.. ك. ككيفاش
هنادي:راك حاملة
صفاء بصدمة:لا ميمكنش (تجمعو عليها رتيل و كاميليا كيعنقو فيها حتا غوتات) لااااااااااااااااااااا
لتحت فالجردة سمع شهاب صوتها و ناض بلا ميفكر كيقلب عليها وسط الدار ملقاهاش و طلع للبيت كيجري حلو بلا استإذان لقا دموعها دايزين و البنات كيضحكو
شهاب قرب جهتها:مااالك ؟؟
غمزاتهوم هنادي و خرجو ب 3 و خلاوهوم مع بعضهوم
شهاب:مال روحي
هزات عينيها العامرين بالدموع و كتشهق:شهاب انا مبغيتش هدشي يوقع... 5سنين وانا كنحاول
شهاب:تنفسي مزيان و قولي مالك
صفاء:انا حاملة هئ هئ هئ
شهاب ضمها عندو و كرزها:هدا خبر زويين علاش كتبكي
صفاء:انا مكنعرفش لبراهش و كيعصبووني
شهاب قابلها مع عينيه:كتقولي هاكا غير حيت مجربتي تكوني ام.. مية بالمية غيتبدل هدشي فهاد السيمانة بالضبط.. مني غتحسي بلي كاينة واحد الروح كتكبر فالاحشاء ديالك غتولي باغا غير ايمتا تشوفيه 
صفاء :دبا انا راه ماشي مكنحملش البعالك هئ.. (مسحات نيفها بكمها) انا راه كنخاف منهوم.. كنخاف نقتلهوم ولا نطيحهوم 
شهاب:غادي تعلمي مع الوقت و الوليدة غتبقا معاك و رادة ليكم بجوج البال غير تهناي 
صفاء رجعات عنقاتو و بدات تخبس بالبكا:طمنتيني و الله.. من نهار تزوجنا و نتا كتغديني بالطاقة الايجابية.. احسن زوج هو نتا 
شهاب:ياله تقوليها لعائلة 
صفاء شدات فيه كتر:بقا هاكا شوية عفاك 
شهاب دكشي لي دار و عنقها كذلك:احسن خبر سمعتو فحياتي و اخيرا غيولي عندي ولد او بنت قطعة منك و مني 
صفاء مغمضة عينيها و كتصنط لييه

حتا دخل امين الصغير بلا ميدق و مشا گلس فوق الناموسية كيشوف فيهوم من فوق نضاضرو لي بدلهوم رجعهوم مضورين و خضرين.. كيتسناهم يساليو على خاطرهوم.. حتا ضارو عندو بالعرض البطيئ
صفاء:اش داخل نتا تدير
امين:ساليو بعدا عاد نهضر
شهاب:خوك مبرد مع راسو
امين:عادي عادي راه غا ختي و راجلها 
صفاء:شنو بغيتي
امين:الحاج امجد عاقد اجتماع مع العائلة كلها و خاص كلشي يكون حاضر
شهاب:اه واخا سير هبط و حنا غنتبعوك
امين ناض و مشا فحالو
شهاب شد وجهها بين يديه و كيمسح دموع لي بقاو:صافي غسلي وجهك و ياله نهبطو
########
فالجردة
امجد داير يجو مورا ظهرو و كيمشي و يجي و باركين العائلة كلهوم فالطابلة المستطيلة الكبيرة ديال الجردة
عماد :لاش جمعتينا
امجد:باقين جوج فردات و شهاب
رتيل:امم شهاب زعما راك قدستيه مني عزلتيه على الفردات
امجد:سكتي نتي و هنيني
امين:صفاء و شهاب فبيتهوم
امجد:قلتي ليهم ايحيو ولا لا المسخوط
امين:قلتها قلتها
بدا جاي شهاب و صفاء مشادين فبعضياتهوم بهدوء و گلسو فالمقعدين الشاغرين لي بقاو
امجد:نبدااا
بوشعيب:باقا ديك مروة
امجد:خليها اصلا گاعما مهمة
منال :كتدير لينا التشويق 
كانت العائلة كلهااا مجموعة [رتيل و سيف و بناتهم و فهد و كامي و بسمة و هنادي و امين و نورسين و صفاء و شهاب و امين الصغير و عماد و زهرة و محمد و بوشعيب و منال و جميل و جميلة و جلول و سكينة و فريحة و مسعودة و كحيلة و سعيدة و مسعود و حتا بنعطية و دعبل واقفين حداهم] 
امجد:بما انكم غتدوزو معانا هاد السيمانة.. و بما اننا مغنتاسعووش فهاد الدار 
محمد:يهديك الله الحاج الدار كبيرة و قادانا و فايتانا 
امجد:مكندويش على الكبر.. كندوي على...... 
عماد باغي يتفك :قول قول اش كاين 
امجد:اسكووت المورااهيق خليني ندوي.....

امجد:اسكووت المورااهيق خليني ندوي.. حنا بزاف و كل واحد يلغي بلغاه و انا بزاف عليا هدشي و حيت حنا بزاف راكم غير كتزيجو عليا فالمصاريف 
محمد:حشومة تقول هاد الهضرة الحاج
امجد:دااري ندير لي عجبني.. ماعلينا.. اول حاجة:ممنوع الضواو يبقاو شاعلين ورا الحضاش ديال الليل. 
سيف فودن رتيل بمكر :جدك ماكيفكرش لينا 
رتيل:تا مالك كتفكر غير فهدشي 
سيف:و فاش غنفكر متلا.. نسمعو شنو غيقول عوتاني 
امجد:التلفازة متشعل الا للأخباار ديال الوحدة ولا ديال التسعوود و تطفا 
كاميليا:اويلي اجدو و انا فاش غنتفرج؟؟
فهد:صافي اكاميليا تفرجي فالبيسي و سمعي لهضرتو 
امجد غوت:الاااا.. حتا البيسي ميشعلش كيخسر ليا الضو 
كاميليا ربعات يديها و غوبشات كتسناه يكمل زابورو 
امجد:منلقاااش الشارجورات لاصقين فالحيوطة و نتوما البراهش(عماد و امين و نورسين) نلقااكم مقنتين ليا فشي ركن فالدار بدوك البريزات بحال المحابق نفشخ دوك التيليفونات على وجهكوم
نورسين زفرات بعدم رضا:حشومة عليك اجدو راه مغنبقاوش نجيو عندك 
امجد:لهلا
هنادي خرجات فيها عينيها:نورة.. حشوومة تهضري مع جدك هاكا طلبي السماح 
نورسين ببرود:لا 
هنادي:امين شدني على هاد البنت راها غتسطيني 
امين:تهدني انا غنهضر معاها 
امين شدها من ودنها:طلبي السماح من جدك 
نورسين بدات تضحك بجهد و كتتفك منو و هو غالبلتو الضحكة و ضحك و هنادي كتفقص:ماما شدي مراد غادي ننوض ليها 
نورسين:صافي ماما كيپ كالم غير كنضحك انا و پاپي.. جدو ديزولي 
هنادي رجعات لبلاصتها:هاكاك 
امجد:الما لي تغسلو بيه الخضرة ماتلوحوهش 
منال:اه نصاوبو بيه شوربة 
امجد:لااا... غتسقيو بيه الجردة 
بوشعيب:وا لا زدتي فيه راه تاحنا كنخلصو معاه الفاكتورات و مكنديروش هاد الحالة
زهرة:واللهيلا اش هاد التزقريم
صفاء فودن شهاب:بغيت الشكلاط 
شهاب:منين غنجيبو الحوانت سادين دابا 
سمعهوم امجد:اه اه و حاجة خرا.. التبوزيق و التشراط فالماكلة ممنوووع منعا كلياا.. لي تحطات تتكال
جلول كيفرنس:انا معاك فهاد القضية ابااا 
صفاء:وا ميمكنش وااااه 
امجد:ماترضيش عليا الهضرة 
صفاء: واش مناكلش دكشي لي كنتوحم عليه 
الكل:نعااام؟؟؟ 
صفاء نقثات فالثوت و بدات تضور فعينيها:راني حاملة 
و عم الثمت في المكان و كلشي كيشوف فيها حتا نقز امين:حول عمي شهاب كان معنقك قبيلة 
شد امجد فالكرسي و برك و شداتو السخفة
صفاء:اويلي تا مالك شدوك المسلمين؟ 
امجد كينهج:ناري ماقداتنا نتي غتزيدينا جنون كتر منك 
صفاء:تا مالك ماتعرفش تهضر قول غا مبروك زعما 
زهرة:ياك تي متحمليش الصغار و هادي 5 سنين و تي ماتجبديش حسهوم 
صفاء كطنز:لا اماما اجي دخلي بيني و بين راجلي و شوفينا اش كنديرو 
زهرة غمزتها باش تسد فمها حيت لي حات على لسانها كتقولها 
محمد:مبروك عليك ابنيتي يتربا فعزكوم غا هو نتي معصبة غا راسك و تزيديك بالوحم يحسن عوان شهاب معاك.. ولجي عليك بالصبر 
حتا دخلات مروة شادة فيد وائل و كتضحك و ضارت الانظار كلها عندهوم و هوما يتصدمو
وائل:هادي خمس سنين دخلنا عاديين و قلتو نجوجوهم و دبا داخلين هاكا و مقلتو والو 
امجد شافهوم و بدا يترخى:هاويلي باغين يقتلوني 
مروة:بابا.. ماما.. جدو.. لافامي..انا و وائل غنتزوجو 
محمد:و بشوارمن؟؟ 
مروة:راه القرن 21 كنقررو و نتوما توافقو 
زهرة حالة فمها:و ملي نتوما تافقتو حنا نزيدوكوم غا الصلا و السلام
امجد مغمض عينيه و مسرح فوق الكرسي و كينوح:ويلي ويلي هادي بغات تجري على اخرتي 
نقز جلول من بعد ماعيات جميلة تقرصو:و انا تانا قررت نتزوج مع سكينة و كنا متافقين هادي خمس سنين و دبا صافي جمعت راسي 
امجد هز راسو:ها واحد الجنية غتولد جنون خراين.. ها وحدة جايبة راجل و بغات تزوجو.. و واحد المسطول ماهز تا سروالو و باغي يتزوج لا لا ميمكنش 
و طاح سخف 
الكل غوتو:امجد 
امجد حل عينيه بعصبية:وا سميتي عبد المجيييد المساخيط 

النهاية 
نتمنا تكون عجباتكوم القصة عطيوني رأيكوم فيها و نتلاقاو الا طاحت عليا شي فكرة ديال شي قصة اخرى..
شكرا على وفائكم و تتبعكم

السفالة في القصة
كيفاش يمكن نصنفو هاد القصة؟
  • بدون سفالة
  • القليل من السفالة
  • سفالة مفرطة

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.