خلاها حالة فمها و زاد .. كانت غاتشير عليه براسو .. ومن كثرة ما هو عاجبو راسو قال ليها مكاتعرفييش .. حسات بالصدرها كيطلع و ينزل و عصبها بالمعقول .. ضورات رلسها و بان ليها على شاد خولة فجهة و مروان عاطيهم بالضهر و كيكمي فالجهة الثانية هزات صاكها و مشات عندهم .. غير شافتها خولة تقادات فالوقفة ..
- خولة .. أمضرا!!
-المى .." شافت فعلي " .. غاندوي بصراحة و بللاااا ماتنحاز ليه .. هاد السيد غاااية فالفضاضة .. مكيعرفش يتعامل مع البنات .. مافهمتش .. حسيت بيه بحال لا هاز من جهتي واخة ماكانعرفو مكيعرفني ..
- علي .. كنضن كين شي سوء تفاهم ..
-المى ..مكين بو سوء تفاهم .. انشان مستفز .. مغروووور .. عاجبو مخو .. انا يدوي معايا بديك الطريقة ..
- علي .." طلع فيها حاجب و ربع يديه " .. عارفة راسك علامن كادوي ولا لا!!
- المى .. وقفات حدا مروان" .. قلت رأيي و لي ماعجبوش الحال سوقو هذاك ..
- علي .. هذاك لي ماعاجبكش الآنسة هو لي غاتاكلي معاه طرف تالخبز فهمتي !! و زيد عليها الآنسة ليك الشرف انك تشوفي السي جلال الهلالي !! " طلع و نزل فيها" .. خصك تكوني فخورة براسك حيت قبل يشوفك .. مكيشوفش اي وحدة ..
- المى .." خزرات فيه" .. و هو قبل يشوفني غير باش ينقص معايا الهضرة .. و باش يبيني قليلة قدامو و انا ماعاش ولا كان لي يدوي معاي بهاد الطريقة ..
-علي .. "بان عليه بلي تعصب " جمعي رايك بلا مانتخليني نتصرف معاك تصرف مايعجبكش اي حاجة نقبلها ليك الا الهضرة على جلال ..
- المى .."بتهكم" ..مالو مزوج بيك ..
- علي .. " ضار عن مروان" ..بانت ليا لالاهم بغات تخرج على راسها و هي مزالة ماوقعات حتى العقد !!
- مروان .." كيتفتف" تهدن اصاحبي .. ماقصداتش .." شد لألمى فيدها و ضغط عليها" ....
- خولة .." بتردد" .. اه ماقصداتش .. المى فاش كاتعصب كاتولي هكذا تقول اي حاجة .. الله يخليك ماتديش عليها ..
- على .." شاف فيها و طواااش الشوفة .. و شد ذقنها بزوج صباع " .. غاندير راسي ماسمعت والو من هادشي غير على جال عيونك انتي اي سمرا .. 😉.."تحنى على كتفها باسها فيه .. خذا يدها حد لها كارت فيزيت ديالو و دار لها بيدو باي باي خلاها غا كاتشوف .. و المى تا هي صغرات فيهم عينيها و نطرات يديها من مروان .. و قبل ما تا واحد فيهم يدوي نطقات هي بعصبية ..
-المى ... تا حد فيكم ماينطق بكلمة .. وصلنا للدار الله يخليك ..
ضربات فيهم و زادت ديريكت خرجات بقاو غا كيشوفو فبعضياتهم .. وصلو عليها و كسيرا بيههم مروان بلا ميتكلم كي وصلهم للبلاصة ديال ديما مشات هاد المرو ماتسناتوش تا يمشي و تا هو غير نزلو كسيراماعاجبو حال ..
المى .." دارت الساروت فالباب" .. ولد الكلبة ماقال ليا تا اش تشربي غير من باب الذوق ..
- المى .. هذاك الزمر ..طلعات ديريكت لبيتها و خولة تابعاها من اللور" .. كون شتي الطريقة باش دوا معايا .. تقولي حاس بيا ماشي من مستواهم .. ماعرفتش نظرتو ليا كانت فشي شكل .. تصوري .. سولتو واش هاد الشروط قالهم لكااااع لي غايخدمو معانا فاالفيلم قال ليا كاشي كولنم شاك فيهم .. شاك فيا غير انا!! و علاش هاااا .."رمات الصاك و الصباط" علااش شاك فيا؛! كيعرفني!! اكيد شي حد قاليه عليا شي حاجة .. ميمكنش يعاملني بهاد الطريقة .. قلل مني بزااف ..
- خولة .."وقفات قدامها" .. واش من نيتك !! السيد عمرو خدم معاك.. كي بغيتيه يتيق فيك خصوصا انك ماعندكش تجارب .. اول فيلم هو لي غايدفع فين فلوسو .. واش عند بالك غير اجي و ثيق ..
- المى .. " حيدات ديك الكسوة و مشات للماريو جبدات منو بيجامة شورط و ضوني لبساتهم" .. انا حااسة بيه فحال لا كان كيهيني بسبب المستوى المااادي ماشي الفيلم .. مفهمتش قال ليا بنات المغرب غير كيخرجو كيربيو جناح .... يالله قولي ليا خايف على فلووسو ..
- خولة .. نتي عندك عقدة من المستويات و صاافي اختي .. المى .. ماتكونيش هكذا غاتنوضي فراسك السكر غير بسبب الفلوس و المستويااات ..
- خولة .." شداتها من كتافها" .. اويلي واش حماقيتي .. واش الفقر عييب .. شوفي .. كلي على الناااس فالدرب و الدرب لي تحت منا كي عايشين .. بالنسبة ليهم حنااا راه مرفهييين .. على الاقل كاناكلو مزيان و نشربومزيااان و نتكساااو مزيااان .. شوفي الناس كين لي اللبسة ماكاملاش عليه .. حلي عينيك .. و شووفي تحت منك شوية ..
دوزات المى ديك الليلة فالتخمام .. ملي خرجات خولة من عندها و هي جالسة فوق نموسيتها ..هزات تيليفونها كي شافت ميساج من عند مروان كاتب لها تتصل بيه الى بردات ..بلا ماتجاوبو دارت التيليفون مود أفيون و حطات راسها على المخدة كاتخمم فاللقاء ديال اليوم .. أما جلال كي طلع للسويت ديالو بقات ألمى كدور فبالو .. الوقفة ديالها .. و المشية ديالها .. طريقة السلام و الابتسام .. و اكثر حاجة قتلااتو هي نضرتها .. عيونها كانو عاديين بلون العسل الصافي كيف جا فبالو كي شاف فيهم ولكن النظرة ديالها قتالة .. قتالة لدرجة باقة بين عينيه!!!
- جلال " ابتسم بسخرية و حك راسو " .. بفف .. تأثيرهم قوي ..!! "حيد التيشرت و تلاح على الكانابي هز الطابليت و فتح الفيديو ديال المى .. دوزو من الدراما تا وصلو للإغراء و بدى كيتفرج و على شفايفو نفس الابتسامة .." صنف جديد خصو يتجرب ..
رمى الطابليت فاش سمع الدقان فالباب و هز التيليكوموند فتح منها الباب دخل علي مخنزر ..
- جلال .." على فمو ضحكة مامفهوماش" .. باش سباتني ههههههههههه ..
- علي .. " جلس قدامو و دار يديه على ركابو" .. عارف راسك خورتيها معاها!!
- جلال .. اش خورت ..! و مع من !! شكون هي اصلا .. هههه .. و زيدون انا شىحت ليها السيستيم ديال الخدمة ديالي و صافي .. !!
- علي .." شاف فيه باستغراب!!" .. سمعتيني اش قلت؟؟ عايراتك قدامي؟؟
-جلال... هههه و تعاير كاع اش قضات .. اامهم ماقداتش تفتح فمها قدامي ..اما ورايا هذا كيذل على انها جبانه ..
- علي ..لا حول و لا قوة الا بالله .." ضرب يد بيد" .. واش نتا بنادم و لا شنو .. وانيت عندها الصح فداكشي لي قالت..
-جلال .. " سرح بعييد و تخايل عينيها قدامو .. العسل الصافي!! حوتجبها و هي عاقداهم مبينين مدى تمردها .. حواجبها و هي مطلعة واحد و منزلة الثاني بغرور و عنجهية فحال لا كاتقول للي قدامها انا لي كينة و مكينش حسن مني ..!! هادشي كلو شافو فعينيها .. لأن جلال اكثر واحد يقدر يقرى عيون لي قدامو بكل مهارة .. و هادشي لي خلاه يتعامل معاها بديك الطريقة .. باش يعرفها بأنه ماشي جلال الهلال لي يتشاف بهاد النظرة .. لا !! هو لي يشوف بيها لي قدامو .." ..
- علي .. " كيشير ليه .." وااا ساط .. وااا العمالة .. فين مشيتي !! كندوي معاك .. حاول تلطف الجو مع ديك خيتي .. الله يحفك مافيا لي يضرب مرا بسببك ..
- جلال ..مالي مزوج بيك .. 😐
- علي .. " ضرب فيه تخنزيرة" .. نفس الكلمة لي خلاتني شوية و نمد عليها يدي ..
-جلال .." خذا القرعة تالويسكي لي كانت محطوطة فوق الطبلة لگاها لفمو " كاتعرفني كي دير فالخدمه ..كون كان الأمر كيتعلق بحوايج اخرى كنت نتساهل....😉
-علي ..وا يا صاحبي مطوورك مكيعياااش ..
- جلال.."شير عليه بالقرعة كون ما شدها كانت تفلقو" .. كول راسك .. تبعني على **بي تا هو ..!
-علي .."شرب من القرعة و حطها" ..كندوي بصح ..فينما نضور نلقاك مقنت شي وحدة ..! ولكن غايتقطع على مك الضو و الما فالمغرب .. ههههههههههه..
- جلال .." هز الطابليت و بدا كيكمل الفيديو ديال ألمى " .. علاش غايتقطع عليا الضو و الخير قدامي ..😉..
- علي .." سمع الاغنية ديال الفيديو عرفو كيدوي على ألمى" .. غاتكفت عليها مثلا!!
- جلال .." خزر فيه" .. التكفات خليناه ليك .. انا عندي مع التطبيق على ارض الواقع ..
- علي .. بااز ليك .. و باش عرفتيها غاتشد ليك ..!! البنت ماساهلاش من هضرتي معاها عرفتها حاضية صواريها ..!!
-جلال.. "ضحك بعصبية" .. لا باينه حاضية صواريها مع داك الشماتة لي كيسمسر فيها و هي ماجايبة لدنيا خبار ..
-علي .. امم و شكون قال ليك نتا هي ماعارفاش !!
- جلال .. " عوج فمو بعدم اهتمام" .. ماشغليش فهادشي مكيهمنيش .. و زيدون الدرية بينه متفتحه .. 😉 .. راك شتي اللباس .. و داك الدور ديال الاغراء ..
-علي .." برقو عينيه" .. احححح على داك الدور خلاني نقيم .. واااا جووو و قيم عليه ههههههه
-جلال .. "ضحك باستهزاء" وكاتقول ليا صعيبة ..
-علي .. ممكن تكون منفتحة ولكن حاضية راسها ..!!
- جلال .. " طلع فيه راسو" كادوي فحال لاغاندي بنت من الليسي و نضحك عليها!! انا عندي طريق وحدة .. ليلة مقابل ثمنها و الله يعاون العاونات ..
- علي .. هادي هي الخدمة و السيستيم و النمي .. طززز ..
- جلال .. " تقاد فالجلسة و شاف فيه مزيان مع ابتسامة عريضة مستفزة" .. بغيتي يبقى عليا التقليد؟؟؟ وا لي لقى شي تقبة و ماسدهاااش كيبقى عليه التقليد العشير .. ههههه ..
ناض و خلا علي كيضحااك على هضرتو ..!!
ناض و خلا علي كيضحااك على هضرتو و اتجه هو لجهة البار خذا الشيشة من البلاكار و جهزها داها لفين كان جالس و بدا كيشيش حتى جاه اتصال ..
- جلال ... الواليدة ..صافا !!
- حياة .." الأم ديالو" ..حبيبي .. حشومة علييكي جيتي للمغرب و ماكلفتي خاطرك تا تجي تشوف ماماك ..
- جلال. .لا احبيبتي غانجي عندك غدا .. غير كانرتاح. . و كانت عندي خدمة ضروري نقضيها
قطع عليها يالله كانت غاتجاوبو ساعة كان اسرع منها هز التيشرت لي كان لابس خرگها بالزربة و هزالسوارت تالاوطو و التيليفون ..
-علي .." وقف " ياك لاباس اش واقع ..!!
-جلال ..مشاكل عائلية ..
هادشي لي خسر عليه و مشا ركب الاوطو ديالو مكسيري للقصر العظيم ..هذا هو اشم بيت العائلة .. خااارج على المدينة بكيلوميترات .. بعيد عن صخب المدينة و شوارعها المزدحمة .. بعيد عن البشر .. بوحدو فالخلاااء .. وقف الاوطو بعد مادخلها تال الباب تالقصر و نزل جاعر رجليه و هو كيضربهم بعصبية فالأرض كانو فكالا غايضرب الزنزال ديك البلاصة كاملة كي وصل لساحة لي وسط القصر غوت عليهم تا بدا صدى صوتو كيتردد فالقصر ..
-جلال .. أفييييييييينكووووووم ...!!! وااااااناااس .. فيييينكم .. كووولشي يحضر عندي داااابا... كريييييييم الهلااااالي .. نزل عندي دروووووك .. بلا ميتسنى حتى واحد طلع فالسانسور ومشا ديريكت لغرفة كريم ولد عمو لي يالله كان غايحل الباب و لقى جلال فوجهو..
يالله كان غايعنقو تا جرو من قرفادتو و تم نازا بيه الدروج ديال أربع طبقات و الطابق لي نزل منو كيخرج منو شي حد يطل ولكن تا حد ماقدر يدوي غير تابعينو بلا مينطقو تا كلمة .. عارفينو معصب و جلال فاش كيتعصب ماغايكفيهش يحرق بيهم داك القصر كامل.. تا حاجة من مقاومات كريم مانفعات .. غوت .. و ضرب برجليه و يديه و وااالو .. مافهمش شنو دار لجلال مع انو كان عزيز عليه و عمرو مد عليه يديه... و كانت هادي اول مرة .. وصلو للساحة لي وسط القصر و رماه جا مشبح فالأرض .. أفيييييينكم بلاااا ماتخباااو بااانو...
- حياة .." جات عندو عنقاتو و باس لها راسها .." .. عافاك اولدي ماديرش شي حاجة تندم عليها ..الله يحفظك و يخليك ليا اولدي ..
كولشي تشوووكا .. و شي ولا يشوف فشي و خصووووصا سليمان و حميد .. هاد الجوج تشوكاو كثر من كريم .. حيت عارف بلي جلال مكاتخبى عليه تا كبيرة و صغيرة .. فينما مشا عندو جواسيسو ..!! بدا كريم كيتخلع و يزيد يتخلع فينما كيطلع راسو كيشوف الجمر لي فعينين جلال ..
- أمينة ..( مرات عم جلال و أم كريم ) .."شافت فيه بغل و مشات عند ولدها ديريكت تحنات عليه سنداتو تا ناض" .. ااااش دار ليك الولد تا تعاملو بهاد الطريقة .. هااا اش دار ليك مالك جاااي بعجاجتك .. شكوووون رمااااك علينااا عاوتاني ..
- جلال ..-بعد على مو" .. شنو رماني عليكم ..مصااايب ولدك لي ماعرفتييييش تربيه هوما لي رماااوني عليكم ..سولي ولدك حبيبك اااش دااار .." شاف فيهم كاملين" .. بااااغييين تمرمدو ديلمي فالأرض ولا شنوووووو .. وااااش عارفين شكووون اناااا واااش عارفين شكووون نتوما .. و عااارفين قيييمة الاسم لي هااازين ..
سليمان ..(أب جلال) .. اش كايقوول ليك رايك نتا فينما تجي تنوض السكوندار .. اش واقع مااالو اش دار كاااع تا تعاملو بهاد الطريقة دياال الهمج و الحلالف. .
- ..جلال..." شاف فيه بتعابير مامفسراش" اهلا اهلا ابي الحنون .. هههههه شريييك السيد كريييم المحترم فالجريمة ..
- حياة .. جلاااال ..
- جلال .. الواليدة ماتدخليش نتي الله يخليك .. بقاي بعيدة .."رجع عند كريم و جرو من عند مو تا بعدات عليه خايفة يجيب فيها شي دقة ني براسها .. شدو من قرفادتو و بدا كيحرك فيه" .. اااشنووو.. ساااحي ولا مدروووگي .. هاااا .. شبعتي شمااان الكلب و تقلبو ليك العينين ..مابقيتيش كاتشوف قدامك .. هاااااا.." جمع بونياا عطاها ليه للوجه" ..فقتييييي ولا مزاااال ..
-كريم .." كلو كيترع .." هز يديه مسح الدم لي خارج من نيفو و فمو" .. ق..قووول ليا ش..شنووو درت ليك اخوويا..!!
- جلال .." غمض عينيه بعصبية و عاود حلهم" .. مااااخوووكش انااا .. ماااخوكش .. شتي نهااار وليتي كاتعاااطا و ضرب لحمك مابقيتيش خويا من دا النهار رميتك ورايا .. وياما نصحت فيك بالخااطر .. بالحق هاد المرة تماديتي فوق القياااس .. وصلات بيك تقتل بنادم و تخليه مرمي فالطريق ماتطلب ليه تا لي يعتقو؟؟ هااااا ..
كولشي تشوووكا .. و شي ولا يشوف فشي و خصووووصا سليمان و حميد .. هاد الجوج تشوكاو كثر من كريم .. حيت عارف بلي جلال مكاتخبى عليه تا كبيرة و صغيرة .. فينما مشا عندو جواسيسو ..!! بدا كريم كيتخلع و يزيد يتخلع فينما كيطلع راسو كيشوف الجمر لي فعينين جلال
نزل عليه بكروووشي تا طاح للأرض و غوتات مو بحر جهدها .. و كولشي سكت فاش سمعو زوج دقات على ارضية من عكازو «عبد العظيم مختار الهلالي» .. الجد.. او كبير العائلة .. لي كيحتارمو الكبير و الصغير و يخافو منو حيت كلمتو كي السيف .. كولشي حدر الراس حتال جلال هو لي بقى مرفوع ااراس و تمشى بخطى ثابتة تال عندوو مد ليه يديه قبلها ..
- جلال ... با .. كي ديرة صحتك!؟
-عبد العظيم" .. او كنتي مراعي لصحتي يا ولد كنتي جيتي مرة مرة تطمئن عليا .. ولا غير هز سماعة التيليفون و سول عليا ..
- جلال .. " ابتسم " كانسول عليك يوميا الحاج ...ماتنساش عيني هنا فكل مكان ..
- عبد العضيم .." ضرب عليه على كتفو"و انا عطيتك الحق .."شاف جهة أمينة لي كانت منهارة و كاتبكي بحرقة و تشوف فولدها كينهج و كلو دمايات مع انو عاد كلا براكة خفيفة مزال ماداقش عصا جلال ..رجع شاف ف حميد" .. اش دار ولدك !!
-حميد .." وجهو تزنگ و قرب عندو منزل راسو" ..ضرب شي حد بالطنوبيل .. ولكن و الله ماكان قاصد غير بالغلط الحاج ..
- عبد العضيم.. "شاف فيهم و مشا جلس فالكرسي الخاص بيه لي كان على شكل عرش" لي دار الذنب يستاهل العقوبة .. و أموركم راني مسلمها لجلال .. هو الوحيد لي كانشوفو قادر يوقف كل واحد فيكم عن حدو.. انا كبرت .. و المرض زاد بيا .. و مشاكلكم عاد مازايدة كاتكبر ..
- جلال .." بتساؤل" .. يعني الحاج اي قرار اتخدتو ماغاتعترضش عليه؟؟
- عبد العظيم .. لي انا واتق منو هو ان قراراتك كيف ما كانو .. و مهما مانو كيوجعو.. اكيد فيهم مصلحة للعايلة ..
- عبد العظيم .." ببرود" ولدك كنتي تفكري فيه و تربيه من قبل ما يظيع من يديك ..
- جلال .. مشا وقف على كرين و جرو تا وقفو" .. غاتخرج من المغرب .. لأي بلاد .. و المعروف لي غاندير فيه هو غانخليك تعزل البلاد لي بغيتيها .. مانعاودش نشوف وجهك مرة اخرى .. ولا نسمع علك خبار ..كيف ما بغاو يكونو .. غاتكون مىاقب .. و لا تهورتي ولا درتي اي مصيبة فحال كي موالف .. بربي مانرحمك .. كاتفهاااام .. ماغااااديش نرحمك ..
- اجلال..بايتي تبعي ولدك .. مرحبا .. سيري معاه و غانكون تهنيت من مشاكلكم بزوج ..
.امينة .."رجعات اللور .." ..
- جلال ..مزيااان ..دابا راكي عاقلة .." شاف جهة كريم .." .. دردب لبيتك ..مانشوفش وجهك تا نعرف اش طار لداك بنادم لي ضربتي واش ميت ولا حر ..و نشوفو اش غانديرو فهاد المصيبة و كيفاش نفكوها عاد غاتسافر .. و من دابا لديك الساعة مانبغيش نشوف وجهك ..الخروج ممنوع ..
-كريم .. طلع فيه راسو" مابغيتش نسافر ..
- جلال .. ماكانتشاورش مع ملتك ..لي كين قلتو .. و لي قلتو يتنفذ و دير فبالك راك تحت المراقبة ..فينما كنتي تكون .." شير ليه براسو .." بييتك ..
طلع كريم حاني راسو و تبعاتو امينة شدات فيه .. اما جلاا كان تيتنفس بسرعة و صدرو تيطلع و ينزل .. خلا كاع لي حاضرين حالين فامهم .. تا من جدو تعجب على هاد الشخصية لي ولات عندو و لي كاتنمو كل كرة اكثر من لي قبل لدرجة انو يوقف لكولشي ويتخد قرارات منو لديتو .. لكن تا هو كان واثق ان جلال هو لي غايقدر يسير العائلة بعد منو .. ...
جلال.. ." شاف فيهم كاملين .." .. الهلاااالي .. سميتنا كاااملين مفهووووووم .. و لي حاااول يوسخها ماغايكفينيش فيه هاد المرة نفيو بعيد علينا .. هاد المرة غاتكلفوو حيااااتو .. مفهووووم .. لي بغااا يعيش تحت سقف الهيلالية يحترم القوانين لي كااانو .. و يحترم القوانين لي حطيت .. ماتنساوش ان اي واحد فيكم يقدر يوسخ صورتي و سمعتي و انت لي يقرب ليا نحر ديلمو .. مفهوووووووم ..
كمل هضرتو و خرج مكشكش حلاهم غا كيشوفو و يعاودو يشوفو اما عبد العظيم هو الوحيد لي كانت ابتسامة رضى باينة على وجهو ..
كمل هضرتو و خرج مكشكش خلاهم غا كيشوفو و يعاودو يشوفو اما عبد العظيم هو الوحيد لي كانت ابتسامة رضى باينة على وجهو.. هز الاوطو ديالو و كسيرا ديريكت للاوطيل فين كان طلع للسويت ديالو لقى علي مشا و نيت هكذا حسن ليه باش ميخرجش فيه العصاب لي فيه الى سولو على شي حاجة..نصل حوايجو لبس شورط ..هز تيليفونو و نزل للاصال لي فالاوطيل لبس القفازات ديال البوكس و بدا كيتريني ..
اما المى كي صبح الصباح لبسات شورط قصير فالوسود و ضوني تا هو فالأسود .. جمعات شعرها كوتشوفال و دارت نضاضرها .. لبسات سيادري ديالها و نزلتت بلا حس ديريكت خرجات ضرباتها بجرية عولة على السبور.. ماحسات براسها تا تخشات فقنت ديال الدريربة .. حلات عينيها كيبان ليها قدامها عبد الجليل بقات مدة وهي كاتشوف فيه مصدومة و حالة فمها بشوية..
- عبد الجليل .." عاقد حواجبو" .. ممكن نفهم علاش تتهربي مني .. و حتى السرجم لي كنا تنتشاوفو فيه مابقيتيش تتحليه !!
-عبد الجليل .." جرها من يديها و زير عليها" .. تماديتي بزااف اعبير .."كانت غاتقاطعو و هو يسكتها" .. تااااا كلمة .. ماتنطقيش .. اااه عبير .. عبييير .. فهمتي .. دخليها لمخك ..عبييير .. ماتبقايش عايشة فالأوهام و رجليك فوق السحاب .. عيقتي .. نزلي عندنا شوية نزلي ..شكووون انا بغيتي تعرفي شكون انا ..انا واحد الحماار كيبغيك من نهار شافك و هو كيتعذب بديك كلمة خويا لي تتلوحيها عليه عن قضد و نتي عاارفاني كانقتها منك .. بغيتي تعرفي شكون انا ..انا متحمل دلعك .. و هبالك .. و كانشوفك خارجة داخلة فنصاصة تاللليل .. معرية كثر ما نتي لابسة و مع ذلك سااكت و صابر كامقول دابا دير عقلها و تعرف ان الله حق .. ولكن نتي ولا بغيتي توووبي .. ولا بغيتي تعقلي ..
- المى .." كاتحاول تفك يدها منو " .. عبد الجليل بعد مني .. تنا ماكانديرش شي حاااجة باااش نتووب ..اناااا كانحاول نخدم و نحسن المستوى ديالي ..
- عبد الجليل .. تحسني مستواك!!! تزوجي بيا ..
- المى .." حلات فيه فمها" .. ماتطنزش عليا الله اعبد الجليل .. بعد عليا الله يخليك حيد يديك ضريتينيييي..
- عبد الجليل .."زاد زير عليها" .. مكانطنزش عليك ..تزوجي بياااا .. و غاتشوفي المستوى فاش غانعيشك .. بغيتي غا تخرجي من ام هاد الدرب .. نخرجك .. نديك نسكنك فأحسن بلاصة .. نعيشك مخيرة مايخصك معايا تا خير واخة نعرف نتسلف و نتكلف تا تقنعي. .
- المى .. ههههه" ضحكات بعصبية و طلعات فيه عينيها لي بداو كيحمارو بدموع ماقابلاش طيحهم" ..اوا!! و الى ماقنعتش!!! .. عيني كبيييرة اعبد الجليل .. كبر من برطمة فمكان راقي !! كبر من عيشة مستووورة!! هااادي اناااا .. اناااااا هكذاا !!! بغيت نعيش ففيلا ..ماشي برطمة .. بغيت بدل الطنوبيل زوووج .. بغيت و بغيييت و هادشي ماااشي فيد مهندس اعبد الجليل ..
- عبد الجليل .. "طلق من معصمها و كيحاول يتهدن مع ان صدرو عاد ما زايد كيطلع و ينزل بقوة فحال لا كيتريني .."و هادشي باااش غاتحققيه ا.. "ابتسامة استهزاء" ألمى ..
- المى .. "كاتحك يديها و تشوف فيه مخنزرة و عينيها حمرييز بكثرة ماتعصبات" غااانخدم - عبد الجليل .." ضحك باستهزاء " .. ههههههههههه تخدمي .. تخدمي فاااش ..!! شنو هي هاد الخدمة لي غاتوكل الشهد .. و تسكنك فالقصووور .. شنووو هي الخدمة لي تخليك ماترجعي تال الفجر .. ؟؟
- المى .." عضات على سنانها" .. اااش كاتقصد بتلميحاتك؟؟
- عبد الجليل .. كون ما كان لي فبالي صحيح ماغاديش تفهميني .. ؟؟
- المى .."حسات براسها تجرحات هاد المرة بصح" خصارة اعبد الجليل ..و الله الى خصارة .. عرفتي علاش ماغانزيدش معاك تا كلمة ..!! حيت كنتي عشيري .. !! عرفني شنو هي هاد الكلمة .. يعني كنتي عزيز .. و انا الناس لي عزاز عليا ماكانبغيش نخصر معاهم الهضرة .. " هوات لي صبعها لبين عينيه" .. ولكن واااخة تعزاز تا تعيا .. انفوا تخصر معايا ضواااصا ماعانعقل على حياة مها هاد الصحبة لي كانت بيناتنا .. عمرك كنتي كاتعامل معايا هكذا اعبد الجليل .. خسااارة ..
- عبد الجليل .." لوا شفتو بسخرية" ..فعلا خساااارة و اكبر خسارة ليا على عيمان فاتو ..عرفتي شنو ..سمحي ليا .. حيت بصح نتي ماتليقيش ليا ..نتي تليقي تبقاي هكذا .. هههه .. زوينة .. ولكن غير للشوف .. حاجة اخرى ماتليقيش ليها .. خليت ليك الراحة .. يااا .. ألمى ..😉...
غمزها و مشا فحالو .. خلاها غا كاتشوف و صدرها كيطلع و ينزل بالأعصاب ... الدموع فعينيها كينغزوها ولكن ماشي ألمى لي تبكي على ود خضرة تافهة فنضرها .. ولكن ماتنكرش ان هضرتهو جرحاتها خصوصا انها عارفاه غالط فضنو بيها ..هزرات راسها و نيفها اكثر بغرور و شافت للفوق كأن شيء لم يكن .. وكملات الجرا ديالها
..جرات حتى عيات .. خرجات كاااع الطاقة السلبية لي كاخلها .. بانت ليها جريدة قدامها و مشات جلسات فيها .. كانت ديك الوقيتة الشميسة بداات تتسخن .. و هي كاتنهج و صدرها ماقدش يوقف من عنفو .. تفكرات احلامها من جديد .. الأحلام لي ولات تتراودها بكثرة .. .. يمكن اكثر من اي وقت قبل .. هادي يومين ماشافت النعاس .. و مقابلتها مع جلال و الصداع لي ناض مع عبد الجليل كمل عليها .. بقات جالسة كاتشوف فلي غادي و لي جاي تا حسات براسها عيات و مشات لكافي فطرات عاد عاودات نزلات للدار ... مع الدخلة تلقات ليها عايشة و هازة صندالة فيدها..
- عايشة .." عاكدة زيف على راسها" .. عليا باليمين و ماتزيدي قدامي ضروووك تقولي ليا اش كين و فين كاتمشي و تجي نتي و ديك المغصوبة لي مكسلة الفوق تا نخلطكم بزوووج ..
- المى .." حلات فيها فمها " بلا ضريب.. انا غانقول ليك كولشي ...ندخلو بعدا ..
- عايشة.."حيدات لبها من قدام الباب تا دخلات..سدات الباب و تبعاتها .." .. يالله سرسبي ..
- المى .." جلسات فالصالون و حطات رجل على رجل" .. جاتني خدمة ..
- المى .. قادة براسي اماما .. غير خليني مني ليهم .. و زيدون من ايمتااا و هوما كينهمهم ..مكيحملونيش اصلا غير زايدة على قلبهم و هادشي كانحس بيه دينا ملي كانشوف علاقتهم مع خولة .. خليني ساكتة و ماتقلبيش عليا المواجع عافاك...
- عائشة .. اوا اش غانقول ليك .. ديري لي بغيتي .. ولكن عنداااك تندوي.. ديك الطريق ديال التمثيل .. عوجة .. و لي سلكها خصو يكون ولد سيدي و مولاي ..
- المى .. ابتسمات ليها " .. تا انا بنت لالة و مولاتي .. لي رباتني و كبراتني تا ولاو كتافي قد هكذا .. ماتخافيش عليا .. بنتك راجلي غير مغطية بتوب الأنوثة ..
- عايشة .." باستها فحنكها".. الله يسهل عليك .. " تنهدات فاش ناضت من حدانا المى بقات تتشوف فيها مدة .." .. العالم الله لاين غانوصلوو ابنتي .. العالم الله ..
.. طلعات ديريكت لبيتها ماسولاتش على خولة حيت عرفاتها نزلات لافاك ..و مشات لدوش .. دوشات و خرجات مسحات لحمها و دهناتو بكريم عاد رشات الريحة المفضلة ديالها باش تبقى فيها الريحة .. نزات لاتروس لي فيها السبايغ تاع الضفار ديالها و مشات جلسات فوق الناموسية هزات صباغة حمرا و جلسات تتصبغ ضفار رجليها و قاداتهم مزيان عاد دازت ليديها و فودنيها لي كيت كاتصنط ل ديسباسيتو.. تا وصلها ميساج من مروان ..
- مروان ...المى فينك ضروري مع الستة ديال العشية تكوني واجدة غانجيك باش نمشيو تسيني معاهم العقد ..
- المى .. اوكي!! نفس البلاصة فين كاتسناني ديما ..
مشات هزات من البلاكار حوايجها لي كانو عبارة عن تيشرت فالغوز فقط .. و شورط قضير تحت منها فالاسود ماباينش .. كانت نازلة تا غطات ليها المؤخرة ديالها و لبسات معاها سبادري بيضا و هزات تيليفونها دارتو فساكادو بيض .. دارت مكياج خفيف و نزلات تتجري تلاقات مع خولة دايرة السوارت فالباب .....
- خولة .." هزات كتافها " ..اصلا نتي لا احساس و لا مشاعر .. لوح ثلج ..
بقاو كيتمازحو تا وصلو عند مروان لي كان واقف حدا الاوطو ديالو شافهم و نو يبتسم .. سلم على خولة باليد و المى سلم عليها بلا بيز و فتح ليها الباب ركبات حداه .. الطريق كاملة و هو كيبلابلي و يضحك غا بوحدو .. هذا هو هم مروان و دابا غايزول .. من اول نهار شافها عرف راسو غايرب الشهد من وراها .. خدمتو مكانتش غير رئيس مجلس ادارة ديال شركة .. لا كيبروفيتي تا فالعارضات .. دائما كيجيب الجديد .. طبعا عن طريق وسيم المصور .. .. و فاش كيشد العمولة ديالو كيقسم هو وياه داكشي كيف بغاو .. لي كيهمو دابا هي المى توقع العقد باش جلال يوقع لو الشيك .. .. و دابا ماقاداه فرحة .. غايزيد مبلغ محترم للرصيد ديالو ..!!
وصلو لنفس الفندق لي تلاقاو فيه مع جلال .. عقدات حواجبها فالاول ماحاملاهش ولكن فيساع فكاتهم.. نزلو من الاوطو و اتجهو ديريكت للريسطو ديال الاوطيل كي وصلو بان ليهم علي كيتسناهم و كيشيش ..
- مروان .." وقف حداه" .. صحةةة ..
- علي .. طلع ىاسو فيه و وقف" .. اهلا كي دير ..
- مروان .. صافا ..
-, علي .." عينيه مشاو ديريكت لخولة مد ليها يده و تا هي بادلاتو السلام و ماعاجبهاش الحال على تعاملو معاها اخر مرة" ..كي ديرة ..
- خولة .." طلعات عينيها فيه و نزلاتهم فيساع فاش حسات بصبعو كيتحسس يدها من الداخل .. دغيا جراتها منو و خزىات فيه" .. لاباس عليا ..
- علي .." .. ضحك بالجنب وشاف جهة المى .." .. المى .. كي ديرة لاباس عليك .. كانعتاذر على اخر مرة مكانتش الهضرة ديالي مزيانة معاك ولكن انا هكذا .. و هادشي غاتعرفيه من بعد .. فاش نتعاشرو ..!!
- المى ..", طلعات فيه حاجبها" .. و انا اصلا اشنو يخليني نتعاشر معاكم .. عندي خدمة جاية نديرها و نمشي بحالي .. سيتو يا ريت تعاملو معايا على هاد الاساس ..
- علي .. " ضحك ضحكة عالية".. ههههههههههه مانضمنش ليك .. على العموم .. جلال كيتسناك فالمكتب الفوق ..
- علي .." .. بادلها نفس النضرة" .. علاه مافخباااركش .. الاوطيل كلو ديال جلال ..
- .. المى .." حلات فمها".. بصح😨
- علي .. بصح .. يالله طلعي راه كيتسناك!!" شير لموضفة ديال الفندق".. الله يخليك وصليها لمستر جلال ..
تبعاتها المى كاضور فعينيها .. فدلك الاوطيل ماكسات لا بسانسور ركبوه ولا بمشية فكولوارات .. ماحسات براسها تا وصلو لغرفة فآخر طابق ..فتحات ليها الموضفة بعد ما خذات الادن .. دخلات بشوية كضور فعينيها ..تا بان ليها السي جلال جالس فوق المكتب و عاطي بضهرو للباب .. بقات مدة كاتأمل فيه من اللور .. كاضور راسها لليمين .. و للشمال .. ضهرو العريييض .. و درعااانو الأعرض .. و شعرو المصفف بطريقة مميزة باينة ليها من اللور .. ماحسات براسها تا حنحنات ..
- المى .. -احم ..
- جلال .." ضور راسو لعندها .. طلع و نزل فيها زوج مرات و عاود دور راسو عليها .." زيدي .. ..
- المى .." طلعات راسها للفوق و تمت غادية تا وصلات لعندو جلسات فالكرسي لي قدام المكتب بلا ماتنطق ولا كلمة", ..
- جلال .."وا بلا كيضور لعندها" .. الناس فالعادة كاتدخل على شي حد كاتقول السلام عليكم .. ولا نتي من اليهود!
- .. المى .. سلام ...
- جلال .."دار عندها مخنزر .. رمى التيليفون لي كان فيديه و جلس على الكرسي تالمكتب .." ..مكانش يصحابلي غاتعاودي تحطي رجلك هنا ..
-المى .. "باستفسار" علاش؟
- جلال .. هههه .. وجهك اخر مرة مكانش كيبشر بالخير .. كان كيبان ليا فيه بلي كنتي باغية تقتليني فديك اللحظة ..
-المى .." صغرات فيه عينيها و دوات فنفسها"(لحد الان مكرهتش نقتلك ..)
- جلال .."دغيا لقطها من عينيها" .. باينة واحد فينا غايقتل الثاني .. .. و اكيد ماغاتكونيش نتي ...
- المى.. قالو ليا غانوقع شي عقد ..!!
- جلال .."جرك راسو بالايجاب و عينيه عليها .. كيتفحص كل انش من وجهها .. عينيها .. نيفها .. شعرها لي كان فحال الظلام .. انا قوامها ماندويوش عليهم .. مراا مغربية بتضاريس منحووتة .. الصدر و المؤخرة ..و خصوووصا الصكر .. استقرو عينيه عليه .. ماعاق براسو تا ضربات يديها بالمكتب .. عاد طلع لبها عينيه و على شفايفو ابتسامة جانبية"..مستعدة تسيني العقد!!.. بالشروط لي قلت ليك .!!
- المى .." حرات كاتفها"..اصلا هادوك ما شروط ما والو..هذاك العادي ديالي😕
-جلال .." عاود حرك عينيها على وجها كامل فلحظة كيفقد تركيزو و هادشي ماشي غير الهاد المرة لي وقعات ليه تا المرة الفايتة .. كي كيشوف فيها مكيبقى عارف فاين يشوف بالضبط .. نزل عينه من فمها لعنقها وقفلت بيه الوقت فديك اللحضة .. وقفو عينيه فقط على عنقها كيشوف و يعاود يشوف مامسدقش عينه ..طلع وجهو لقاها كاتشوف فيه باستغراب .. و هو عينيه غير على عنقها .. او المعنى الاصح .. السنسلة لي فعنقها ..حس بالما نشف فحلقو .. عصر عينيه بصباعو بزوج و عاود شاف فعنقها .. نفس السنسلة .. تشتت انتباهو فلحظة و جر العقد مدو ليها و عينيه مزال عليها .. " هاكي..
شافت فيه باستغراي و خذاتو من عندو .. بدات كاتقرا و كل سطر تتخراه تتشوف فيه و هو عينيه موال فعنقها"
....تشتت انتباهو فلحظة و جر العقد مدو ليها و عينيه مزال عليها .. " هاكي..
- المى .." خذاتو من عندو مخنزرة .. و بدات تتقرى فيه بتركيز و دقة .. و ماكاتفلت حتى بند من بنودو غير ماتقراها و تفهمو .. و هو متبعها بعينيه و مرة مرة كاتمشي ليه عينيه للسنسلة .. حتى طلعات راسها و شافت فيه عاد طلع عينيه شاف فعينيها مباشرة" اخر شرط حاطينو هنا ممتفقاش عليه!! و باين مزيود ليا فقط ..!!
- جلال .." طلع فيها حاجبو" .. اواه .. علاش شكون نتي باش تزيدو على ودك شروط فالعقد لي كاع الممثلين ديالنا وقعو عليه؟؟
- المى ..." عوجات فيه فمهابطريقة طفولية جابت ليه الضحك"..اوا كيفاش طووول مدة التمثيل ديال الفيلم غانكون تحت عينيكم ..!!
- جلال .. " حط يد على يد .." .. يعني .. غادي تعيشي على حسابنا .. و غاتعيشي فالمكان لي نختاروه حنا .. و غانصرفو عليك .. اش بغيتي مزال؟؟؟
- المى .." ضحكات بالجنب".. يعني إقامة جبرية؟؟
- جلال .." خزر فيها".. اقامة جبرية مرفهة ..!!
- المى .. بايت غا نعرف واش كاااع ااممثلين ديال الفيلم كاتعاملهم بهاد الطريقة .. و كولهم سناو على نفس العقد لي غانسني عليه انا؟؟
- المى .. "شافت فيه ببرود مصطنع" .. مكنسولش على حاجة تتهمك !! تنسول على حاجة تتهمني .. خدمتي !! شي حاجة خاصة بيااا ..!! مستقبلي .. هادشي ماعندك نتا و لا اي واحد علاقة بيه يا ريت نتا تفهم هادشي و دخلو لدماغك .."
- جلال .." شاف فيها معجب .. " .. وا لسانك مبري منك .. ولكن ماعليش انا لي غانعرف كيفاش نتعامل معاه ..!!" ضحك بالجنب .. وقعي الى بغيتي توقعي .. مامساليش ليك عندي شلا ميدار ..
- المى .." خذات ستيلو بعصبية .. قدر يستفزها و يخرج فيها الاعصاب بديك النضرة المستفزة ديالو .. وقعات العقد و حطات الستيلو فبلاصتو .." ..انا لي مامسالياش ل...
ماجات فين تكمل هضرتها تا سمعات الباب تحل و وصرخة نسائية باينة من صوتها فرحانة .. دورات راسها بانت ليها شابة في سنها تقريبا زوينة و كاضحك عينيها على جلال لي تا هو كي دورات راسها لقاتو وقف كيشوف فيها مبتسم .. فلحظة جات تتجري و تلاححت عليه عنقاتو تا جلس فوق الكرسي ديالو كيضحك و هي اكثر منو كاتعنق فيه و تقول ماعنقت. .
-جلال .." شد لها وجها بين يديها" .. تا انا توحشتك الغزالة ديالي .. كنت غانجي عندك اليوم ..
- ولكن انا كيف العادة .. سبقتك حيت انا كانبغيك اكثر من لي كاتبغيني نتا. .
-جلال .. " ضربها لنيفها" .. لا هادي ممتفقش معاك فيها ..
-ههههههههه😍 توحشتك ااااععع ..،'' عاودات تلاحت عليه و عنقاتو ..
فهاد اللحضة حسات المى بالصهدة طالعة معاها من رجليها تال ودنيها ..ماحملاتش الجيست جالسة بيناتهم و نوما كيتحابو و يتعانقو و مديرين ليها تا اعتبار.. هزات صاكها بكل هدوء دارتو فضهىها و تمات غادية .. شافها جلال و ماحاولش يدوي معاها .. زائد انو كان اهتمامو كامل فديك اللحضة على اللي جيالسة على ركابيه و كاتعنق فيه واخة عرف ألمى طلع ليها الدم حيت ماداوهاش فيها .. و مع ذلك السنسلة بقات فبالو .. بقات فبالو و بين عينيه
مع ذلك السنسلة بقات فبالو .. بقات فبالو و بين عينيه لكن حاول يشغل رايو بيعيد عنها مع رجوى ..
-رجوى .." غوبشات و ربعات يديها بغضب طفولي " .. ياااك اصلا انا عااارفاااك مابقيتيش كاتبغيني ..لكن ليا الله .. حب من طرف وااحد هءهءه😫
- جلال .. ههه جلسي من البسالة البرهوشة ....!
- رجوى .. برهوشة .. هاهاااي داه كااان زماان انا دابا شووفني كي وليت كبرا و زيانيت ..😍
- جلال .." دار راسو كيبقلب عند رجليها" ..فين زين فينو .. فينو!!
- رجوى .. خزرات فيه حشووومه عليييك ..😓 و انا لي توحشتك .." دورات راسها" ويلي فين ديك البنت لي كانت جالسة هنا؟؟؟
- جلال.. مشات!
-رجوى .."حطات يدها على فمها"..ويلي حشومه ..ماسلمتش عليها .. و كنت .." حطات يدها على صدرها"..هيييييء..ياك ماتكون فهماتنا غلط؟؟ ويلي ويلي!!
- جلال..." ضحكاتو" ..ههه..و علاه نتي كيهمك شي منظر ..و زيدون تخبط رايها مع الحيط لا ماعجبها حال ..ختي الصغيرة و فرحات بيا فين الاشكال .." صغر فيها عينيه" .. غير هو ديك الحركات خليهم تا ميكونش حدغريب .. نتي تيصحاب ليك راسك باقة صغيرة و نتي وليتي قدي فالطول ..
- جلال .." تنهد بقلة حيلة و عاود شاف فيها" .. واخة الالة .. مانواعدكش على حسب الطلب ..
-رجوى" .. بتردد" ..بغيت نخدم ..!!
- جلال .." طلع فيها حجبانو" .. نعاام!!
- رجوى .. ناضت لعندو و شدات ليه فيدو" .. عافاااك.. عييت من الدار .. مليت و تقهرت .. مكنخرجش .. و مكانشوفش الناس .. و ماكاندير فحياتي والو .. حاسة بشبابي غايضرع..
- رجوى .." نزلات راسها" .. ديجا دويت مع جدي فالموضوع .. قال ليا شوفي مع خوك جلال هو لي مكلف بيكم ..
- جلال .. تنهد" .. واخة الالة باش نحيدو عليك الملل غانعطيك رئاسة مجلس ادارة الفرع الصغيور لي عندنا هنا ..!! مشات .. هادشي غير حيت عارف مجال دراستك و بلي كنتي متفوقة اما و الله لا خدمتيها .. و متأكد غاتعرفي كيفاش تديري الخدمة
- رجوى..." بعدم تصديق" .. لا بزااف هادشي من اين لك بهذا الكرم 😍.. كنتي رافض نخدم .. شكرا بزااف
- جلال ..تكى على الكرسي ديالو و صغر فيها عينيه" .. نجيو دابا للمعقول !!! بربي يا رجوة يل بنتي حياة .. و نشوووف ضلك كيدير دغانيش و ديري زيگزاگ مايكفيني ندبحك و نشرب من دمك .. سعتييي ..!!
- رجوى .." بلعات ريقها" .. اه مانديرش و الله ..بغيت غير نخدك صافي ..
- جلال .. اوا هاكذاك .. هانتي غاتخدمي و غانشوفو اش غاديري فهاد الخدمة ..
-رجوى .. كل خير انشاااء الله كل خير ..😍..
عداتا نساء الهلالي مكيخدموش .. !! علاش .. هادي عادة عندهم الجد الكبير ماسمحش لبناتو يخدمو و الجد فبد العظيم تا هو كان متزمت فهاد القضية .. و دابا بما ان جلال هو لي كيتخد اغلب القرارات .. ختو كانت بالنسبة ليه هي احسن و انقى حاجة فديك العائلة .. ماعمىو ماقدر يرفض ليها حتى طلب من لي كانت صغيرة ...!
،بمجرد ما مشات المى .. قرب علىي لعند خولة و قبط فيديها .. مروان شافو بقى غا حال عينيه و ودنيه كيبرگگ تا شير ليه علي بحجبانو ..
-علي .. سي مروان .. واخة تسمح لينا واخد الدقيقة .. بغيت ندوي مع خولة ..؟
- مروان .. ناض جمع رايو" .. ايه ايه مرحبا ..
- علي .. يحفضااك ..!
خلاهم مروان بوحدهم و مشا كانو جالسين فنفس البلاصة الفي أي بي. . مقنتة و معزولة على باقي الريسدو ديال الاوطيل جاية كاطل على منضر رائع و كاتبان روعتو فالليل اكثر فاش كيشعىو الضواو الملونة .. بقى كيشوف فيها و هي مشوكياا من الجرئة ديالو ..كانت هاد المرة طبيعية .. ماديرة حتى نقطة تالمكياج .. و زادت زيانت فعينيه .. اصلا خولة من النوع لي ملامحو بارزين حيت سميمرة ..
- علي .. مالك ساكتة؟؟
- خولة .." شافت فيه " .. اش بغيتيني نقول؟؟
- علي .. ههه اي حاجة تخرجنا من هاد جو الكئابة ..
- خولة .. ماعندي مانقول .." دورات وجها كاطل على المنضر لي قدامها" ..
- علي .." مد يديه قبط لها فيديها .. و فاش قاوماتو زير عليها حتى وعتها"'' علاش كانحس بيك مكاتحملينيش ..!!
- خولة .." خزرات فيه " بعد يديك عليا الله يخليك ..
- علي .." بابتسامة مرحبة" .. و الى مابغيتش !!
-خولة .." شافت فيه بملامح شرسة" .. قلت ليك بعد يديك عليا. .!!
- علي .." مزير على يديها و كيتحسسها من الداخل" .. كاتعجبيني!!
- خولة .. "وسعات عينيها" .. و من بعد؟؟
- على .. و من بعد؟؟ هههه و من بعد بغيتك!! بغتك تكوني ديالي !!
-خولة .." ضحكات بعصبية .." ههههههههههه على اساس انا مونيكة ولا شي حاجة باغي تشريها!! .
- علي .. حاشاا ..نتي غاتكوني حبيبة علي مرزوق ..!
- خولة .. حبيبلة علي مرزوق .. ههههههه .."حناا راسها و يديها مزالين فيدي" .. باش حسيت و نتا كاتقولها!! .."طلعات فيه عينيها" ..باش حسيتي !! غير اجي و كون حبيب خولة ..!! شوف اسي علي مرزوق .. انا ماباغا نكون حبيبة حد .. فهمتي ..خلي بيني و بينك مساحة احتىام الله يحفضك!! و زول هاد الافكار من راسك حيت انا ماشي اي واحد يجي يلعب عليا !! اوكيي؟؟
- علي .. " ابتسم ابتسامة مستفزة'' .. و انا باغيك .. و لا بغيتك غاناخدك طيري تنزلي نتي غاتكوني .. ديااالي .. و حبيبة علي مرزوق ..!! اوكي؟؟
- خولة .. " بظات تجنن عليه و تىطى '' .. طللللق مني اازمر طلق .. من ايمتا كاتعرفني باااش نعجبك هي زوج مىات شفتيني .. حيد عليا يديك بحالك انا عارفاهم اش كيبغيك .. و غانقول ليك حاااجة وحدة دااكشي لي باااغي ماغاتلقاهش عندي .. انا ماااشي من هادوك لي على بالك .. لا انا لا المى .. ميغركمش اللباس و الطريقة دالتعامل وسط كل وحدة فينا لبؤة مستعدة تحارب اي واحد ماكيحترمش راسوو .. فهمتيي ..!
- علي .. شوكاتو مسكين" .. هادشي كلو فيك .. شبر و نص و لسانك فيه ميترو و نص .. و تا انا يا لالة طيري تنزلي نتي ديالي و دابا عاد زدت تمسكت بيك نشوفو هاد قصوحيات الراس فين غادية بيك ..!
- خولة .. " صغرات فيه عينيها" ..و الى قلت ليك انا عندي علاقة مع واحد !!
- علي .." ضحك بعصبية " .. غانقول ليك ساااهل عليا نحيه .. و نجي بلاصتو!! ..😉
- خولة .. " كون ما خافت من الشوهة كون غوتات لربي لي حلقها و تجمع عليه أمة لا إله الا الله على هاد العصب لي ركب فيها" ..نتا ماشي طبيعي .. و الله ما طبيعي .. واش بزز الباشاار مابغيييتش .. تا حاجة ما بزز ..اصلا انا عرفتك ماتسواش من تصرفاتك معايا فأول لقاء .. ولكن انا لي حمارة ماوقفتكش عند حدك. .،.😡😡
- علي .." عجباتو و هي معصبة" .. علاه مافخباركش ازوينة ..؟!! انا مكيناش شي حاجة لي تقدر توقفني عند حدي ..!!😉
- خولة .. حسبي الله عليك من حيوااان ..
- علي .." ضرب فيها واااحد مولاتي خزرة " .. شوفي .. هضرتي قلتها ..يا تردعي يا نردع مك بلهلا يطريه ليك ..!!
فهاد الوقيتة خرجات المى كيف العادة من عند جلال مزنفرة ..ماحملاتش راسها بديك التصرف لي دارو ليها .. واحد و وحدة كيتعانقو و قدامها ..! ؛و تا واحد فيهم ماعاطيها ولو شوية تالقيمة و يحتىم وجودها .. هادشي خصو يكون منو هو حيت خدامة معاه هو ...! ماشي يشوف فيها بنص عين و هو كيزير على لوخرى باش ماطلقوش .. " شيرات قدام راسها باش تطرد داك المنظر المحرج من قدام عينيها .. و كملات طريقها لعند خولة و مروان ... بدات تتقلب عليهم تا بان ليها علي شاد فيد خولةةو كيضحك و هي ملامحها متهجمة و معصبة .. و هي اكثر وحدة كاتعرفها الى وصلات بيها ااطوب فالأعصاب غاتقربل لاوطيل كامل .. مشات وقفات عيلهم و حطات يديها فوق الطابلة ..
- المى .. " طلعات فيهم حجبانها" ..شنو واقع هنا؟؟؟
- المى .. " طلعات فيهم حجبانها" ..شنو واقع هنا؟؟؟
-خولة .. " حسات بالفرج " فييين تعطلتي اصااحبتي ..
- المى .." كاتشوف فيدين على لي شاد فيها و تا هو عاق بيها مطلقش". .. كنت تنسيني العقد و على فكرة ماتعطلتش!! اش واقع هنا .." كاتشوف فيهم بزوج" ..
-علىي .." قاطع خولة لي بغات تدوي" ..شنو غايكون واقع مثلا !!
- خولة ..." خلاتو تهى و هي طلق منو بجهد" .. اووف اخطبوط صافي ..
- علي .." جابت ليه الضحك "..ههههههه..واخة عليك الخايبة ..
- المى .." شافت فيه بنص عين و سلمات عليه " ميغسي .... يالله اخولة ..
ناضت خولة بلا ماتشوف فيه حتى .. سبقات المى لي رجعات رمقاتو بنضرة فشي شكل فحال لا كاتحذرو و تا هو فهم الشوفة ديالها.. ابتسم بالجنب و حرك ليها راسو... تبعات خولة لي كانت تتزرب باغية غير ايمتا تخرج من ديك الاوطيل لي حسات بيه خنقها فهاد الدقائق لي كان حابسها فيهم علي بين يديه .. غير خرجات و. هي تنهد و تنفسات بالجهد ..
- المى ..شداتها من دراعها" .. اش جلسك مع هاد الثور بوحدكم ..
- خولة .. الله يغرق لبووه الشقف .. علاه ماشي قالك انا من اليوم ديالو .. يالله دوي نتي. .
- المى .. هاااء؟؟؟ ههههههههههه كيفاش ديالو!!
- خولة .. زيدي زدي نعاود ليك فالطريق ..
المى .. ويلي ماغايوصلناش داك مروان ..حقا فينو؟؟
- خولة .. " خزرات فيها" .. و الله لا مشيت معاه هو لي خلاني بوحدي مع داك الخرا ..
- المى .. زيدي نيت مافيا لي يشوف فكمارتو و يبدى يستنطق فيا عاوتاني ..
شدو فبعضياتهم و تمو غاديات .. كان الحال بدا كيضلام وصلو ابلاصة فين غايلياو طاكسيات و شدو طاكسي ديريكت لدارهم و فالطريق كل وحدة عاودات للثانية على شنو وقع ليها تا وصلو لدارهم ... كمل داك النهار كلو فالجماعة .. كملو جماعتهم و مشات خولة لبلاصتها تنعس و المى تا هي نعسات ..لكن اشمن نعاس هذا لي شابع كوابيس و احلام مزعجة ليها لي بقات كاتصارع فيهم حتى فاقت مفزوووعه على صوت التيليفون كيصووني و هادي كانت اول مرة مكاديرش ليه مود افيون عاد تنعس لكن من حسن الحض هاد النهار خلااتو شاعل ..
-المى .." عينيها كيتلسقو و معنكشة" ..شنووو
- علي .. كيقولو الناس ألو ..
- المى .." غوبشات" .. و الناس مكيتصلوش فهاد الوقت .. " شافت فالساعة" الخمسة تالصبااح ابنادم هادي ..؟؟
- علي .. علاش ناعسة؟؟
- المى.." غوتات بجهد" لا نايضة كانشطح مع الجنووون ..
- علي .. ههههههههههه يصحابلي غاتكونيسهرانة .. ولا فشي نايت كلوب ..
- علي .." تكرشخ عليها بالضحك" .. ههههههههههه مزال كاع ماعرفتيني و باركة تتعايري ..
- المى .. لحد الآن ماعايرتش .. 😡 بقى شوية هكذا و تشوف غانعل سلسفيل باين باك ..
- علي .. اوووه اووه كااالما ..معاك علي مرزوق .. بغيت نقول ليك بلي هانصيفط ليك السيناريو فالايمايل ديالك ..الى كان ممكن باسيه ليا فميساج!!
- المى .." سدات عين و حلات عين و عضات على شفتها" .. اووكي..
- علي .."بمزاح" .. واش نتي ديما هكذا ؟؟ لادوا بعاك شي حد فهاد الوقت كاتخرجي فيه!!
- المى .. لي مفيقني من نعاسي علاش كيقلب!!
- علي .. هههه خلا دار بوه .. ههههههههههه ..
- المى ..اوا هانتا جاوبتي راسك ...
علي .. واخة الالة .. هادو اوامر الشاف جلال ..و عندك وقت قصيييير باش تراجعي دروسك ههههه خصك تكوني ضابطة الدور مزياان و لا جلال غايتنيرفا و الى تنيرفا غ..
- المى .." قاطعاتو" .. الى تنيفا غايشرب البحر .. حيت انا غايصور مني غير خو كلامو ..
- علي .. اوكي بديتي تخرجي على الهضرة و هاد المرة ماغانضمنش اش ندير .. صيفطي ليا الايمايل .. انا كانتسنى ..
طفات عليه التيلي قبل ما يكمل و صيفطات ليه الايمايل ديالها فالواتساب و طفات تيليفون حطاتو حدا راسها و رجعات تكات...استرجعات الحلم لي عاودات حلمات بيه..ماشي مرة ماشي زوج كاتحلم بنفس الحلم .. كل مرة فين كاتلقى راسها .. مرة فقصر مرة بين ناس مكاتعرفهمش و كاتشوفهم و مكيبانوش لبها وجوهم و هوما مكيشوفوهاش .. مرة كاتلقى راسها مع تربية فبيت واحد .. من كثرة ما كانت تتحلم بداكشي مابقاتش قادرة تستحمل .. لا نعاس تتنعسو مقاد .. لا احلام طبيعية .. غمضات عينيها كاتحاول تنعس لكن والو طار من عينيها .. ناضت ديريكت للدوش خوات فالبينوار باندوش ديالها لي برائحة الياسمين .. و زيت الياسمين تا هي .. و تخشات فيه .. بقات مووودة و هي متكية تا حسات براسها بيخير عاد ناضت غسلات شعرها و شللات حالتها .. خرجات من البينوار بعد ما خواتو و مسحات بالفوطة .. و دارت اخرى على شعرها .. نشفاتو مزيان و مشات خذات كسيوة قصيورة صيفية لبسات و خلتت شعرها فازگ و مطلوق .. دارت ليه لاموس من القدام و مشطاتو .. و دارت كلوص خلى ليها لون احمر طبيعي ..هادي هي الحاجة لي كاتخليها تنسى الصداع ديال الاحلام تاعها كل صباح لكن هاد المرة ماقداتش .. راسها عاود درها و حسات بغمة على قلبها .. فتحات تيليفونها وصلاتها ايمايل من عند علي فتحاتو لقات فيه السيناريو و مشات للبيسي فتحاتو منو .. بدات تتقرى فيه و الصداع عاد مكيزيد عليها .. لقات يديها غاديين ديركت للتيليفونها و اتصلتت بالرقم لي حافضاااتو كثر من رقمها
..فتحات تيليفونها وصلاتها ايمايل من عند علي فتحاتو لقات فيه السيناريو و مشات للبيسي فتحاتو منو .. بدات تتقرى فيه و الصداع عاد مكيزيد عليها ..لقات يديها غاديين ديركت للتيليفونها و اتصلتت بالرقم لي حافضاااتو كثر من رقمها ..
- المى .. دكتورة .. كيدراا ..!!
-الطبيبة ..(طبيبة نفسية ديال المى) الحمد لله ابنتي .. و نتي ..! كيف حالك!!
- المى .. عييت .. عييت ادكتورة من نهار منعتي عليا الدوا تالنعاس و انا حالتي حالة .. مكانعس و الى نعست كيبداو الاحلام يروبلوني ..
- الطبيبة ..اجي عندي للعيادة ..
- المى .. إيمتا!! واش دابا!!
- الطبيبة ..حالتك صعيبة كيبان لي ..عندك شي حل اخر ..
- ااه غانجي ..غانجي دابا ..
خشات تيليفونها فااجيب و مشات ديريكت شدات طاكسي ملات عليه العنوان فين كينة الطبيبة ديالها كي وصلات دخلاتها السكرتيرة ديريكت بتوصية من الطبيبة طبعا ..
- المى .. صباح الخير دكتورة .." سلمات عليها" ..سمحي ليا ..ماخذيتش موعد قبل راك عارفة ..
- المى .. مكين تا جديد ..نفس الحلم كيتكرر و انا عييت ..عييت بزاف ..
- الطبيبة .. شوفي ابنتي .. " مشات جلسات قدامها" .. الاحلام ديالك ماشي دوا لي غايتحكم فيهم ..الدوا دورو ينعسك فقط ..
- المى .. راسي غاينفجر .. فاش كنفيق مكانعاودش نعس .. تيقي بيا عييت لدرجة ماتصوريهاش و انا عاد مقبلة على خدمة و حياة جديدة ميمكنش ندخل ليها مدمرة !!! مابقييييتش باغغية نحلم ..صافي اكتفيييت..
-الطبيبة .. "ضحكات بخفة" ..ههه الحلم ماشي حاجة كانختاروها .. الاحلام راهامرحلة أساسية من مراحل النوم .. اي نعم الحلم بنفس الشيء كيتردد كل مرة صعيب و حاجة غريبة ولكن مانقدوش نتحكمو فشي حاجة ماشي بيدينا !!.. مكينش شي حد لي مكيحلمش .. و خصك تعرفي انو تقريبا خمسة و تسعين بالمئة من الأحلام كانساوها بمجرد ماكانفيقو ..
- المى .. "كاتحك يديها" ولكن انا ..الحلم لي كانحلم بيه هو هو .. و مؤخرا تزاد عليه شي حوايج .. ولكن الحلم هو هو ..و ماكانسى فيه والو .. الا مرااات قليلة مكانحلمش .. نهائيا. .
- الطبيبة ..شوفي .. الدماغ ففترة النوم .. كيختلف بزااف على الدماغ ديالك و نتي فايقة .. الوضيفة ديال المخ فأوقات النوم ماشي هي لي كاتكون فاوقات الفياق .. المخ فالنعاس مكيسمحش للذاكرة انها تخدم بالطريقة العادية تاع النهار كامل ..هادشي علاش عملية التخزين كاتولي ضعيييفة فالذاكرة ديالنا ..
- المى .. دكتورة الله يخليك هادشي ماغانستوعبوش حاليا .. عطيني اي حاجة تخفف عليا اي حاجة ....
- الطبيبة .."حنات راسها" للأسف .. ماعندي مانعطيك .. نتي خاصك تحملي .. و تزييدي تحملي .. راني عارفاك قوية و دزتي من محن كثيييرة .. ماشي حلم هو لي غادي يدير فيك هاد الحالة .. ولا شنو بديتي تتستسلمي!!
- المى .. "حنات راسها" عمري ماغانستسلم ولكن هادشي فوق طاقتي
- الطبيبة .... توتو .. عمرك تقولي كينة حاجة فوق طاقتك .. ماشي المى هي لي تقول هادالكلام..شوفي فيا ..
المى .." طلعات فيعا راسها. "
- الطبيبة .. مابغيتكش تستسىمي ..واخة .. كيف واجهتي مشاكلك لاخرين ..واجهي حتى هذا .. حاولي تخدمي .. تشغلي بالك فشي حاجة .. باش تنساي هاد الاحلام راه غير نفسيتك هي لي كاتوهمك بلي كينة شي حاجة من وراهم ..مدام ماكاتشوفيش فيه ناس فايتة لك شايفاهم اذا غا كاوهمي .. حاولي تشغلي راسك و تفكيرك بحوايج اخرين ..
-المى .. انا غانبدى ااخدمة ..
- الطبيبة ..بصاااح على سلامتك مبروك و فاش غاتخدمي ..!!
- المى .. ههه ممثلة تخايلي !! و بطلة ديال فيلم ..
-الطبيبة .." ابتسامة لطيفة .."اصلا هذا هو مجالك .. و هو لي غايجي معاك ..
- المى .. نتمنى يكون الحال كيف ما قلتي ليا .. نكون غير كنتوهم ..
- الطبيبة .. انشاء الله ..
-المى .. " ناضت هزات تيليفونها " شكرا حيت سمعتيني ..و شكرا حيت كل مرة تتوقفي معايا ..
- الطبيبة .. هاذا واجبي حبيبتي .. تهلاي فراسك ولا لقيتي شي مشكل رجعي ليا .. رقمي عندك وقت ما حتاجيتيني اتصلي واخة يكون فالليل. .
- المى .." سلمات عليها بالوجه" .. شكرا بزاف ..
خرجات المى مرتاحة نسبيا من الجانب النفسي ديالها ....
فات أسبوع على زيارتها للطبيبة و كيف قالت ليها دارت انغمسات فالسيناريو لي كانت تتحفض و تفهم فيه و النهار و مطال و هي كاتمثل يا فبيتها يا فالصالون ولات شخصيتها مطبقاها على الشخصية ديال بطلة الفيلم فحياتها ااعادية ..كان فيلم تاريخي كيحكي على بنت مغربية فأيام الاستعمار .. كي كانت حياتها و كي كانت تتبغي شاب من عمرها و كيفاش ولات ىاقصة عند المستعمرين و معاناتها معاهم و مع ذلك عمرها فقدات كبريائها و غرورها .. وكانو بزااف تاللقطات الجريئة .. و بما ان الفيلم مغيتمثلش بالمغربية .. كان فيه الاغراء و بزاف تالحوايج لي صدموها فاش بدات تتقرا ولكن مع الوقت تعودات عليهم و هي كاتمثل قدام المراية .. لانو لا بغات تعترض ماعندهاش الحق حيت سينات على العرض و قبلات الشروط قبل ماتقرى السيناريو .. لكن مع ذلك الاحلام لي كاتراودها مزالة كاتراودها بالحق تلهات عليهم و مابغاتش تزيد تفكر فيهم .. كاتحاول تعامل معاهم كأحلام فقط .. لا غير كيف ما قالت ليها الطبيبة .. جمعات حوايجها لي غاتدي معاها فالفاليز و كاع مكياجها مجوهراتها .. و اي حاجة غاتحتاج ..
اليوم يوم التصور فاقت المى على الشميسة سخونة دخلات لها من السرجم..تكسلات عاد ناضت خرجات من بيتها مشات لحمام قضات حاجتها و خذات دوش خفيف.. حكات سنينلتها و مشات صاوبلت شعرها .. و دارت مكياج خفيف عاد لبسات حوايجها لي كانو عبارة عن دوني مخطط بالأبيض و الأزرق فاتح و سروال جينز لاسق عليها مع سبادري نايك فالأبيض .. ..
هزات فاليزتها و صاكها فيه كاع داكشي لي هاتحتاج معاها و دارتو على كتفها عاد نزلتت لقات عايشة كاتحط الفطور ..
- المى .. صباح الفل .." عنقاتها و باستها فنحنكها" ..
- المى .. " حلسات فوق الكرسي و هزات البريق كاتكب لراسها قهوة" .. اه صافي .. دارو معايا اليوم ..
- عايشة ..امم مزيان .. فين غاتمشي ؟
- المى ..غانمشيو لمراكش ..
- عايشة .." تكات على الطبلة و شافت فيها" .. تهلاي فراسك .. و ماتخلي تا حد يلعب بيك المى .. انا تايقة فيك داكشي علاش كانخليك ديري لي بغيتي .. سمعتيني !!
- المى .." خذات ليها يدها" .. و انا عمري غانخيبك .. غير تهناي احبيبتي ..
- عايشة .." جلشات كاتحط ليها باش تفطر فالطبسيل" ..الله يحجبك من العين .. " قرات عليها المعوذات ..الله يبعد عليك الضرر و لي باغيه ليك .. اااخ ماعرفتش كي غاندير نخليك تسافري ..
- المى .. انشاء الله غايكمل الفيلم و غانجيك بوضعية حسن من هادي ..
- عايشة .. الله يرزقك من واسع ابوابو
- المى .. ااامين يا ربي .. خولة مزال ماغاتفيق ..
- خولة .."عنقاتها من اللور" .. و علاه انا نقدر مانودعكش قبل لا تمشي ..! صباح الحب ..
- عايشة .." قرصات كل وحدة من جيه" .. هاااي هاااي على الكليبات تحل ليهم الفم ..
- خولة .. اااااو .. خههههه حشومه عليك .. عرفتي لي كيجاوب بالعنف كايكون داائما على خطأ و كيبغي يقنع الطرف الثاني بوجهة نضرو الخاطئة اصلا ..
- المى .. هاي هاي على الفيلسوفه .. هههههه .
بقاتو على الضحك حتى سمعات رسالة من تيليفونها .. خذاتو لقات رقم علي ..(سلام الى كنتي واجدة خرجي لقدام الباب غاتلقاي سيارة بتوصية منا .. ركبي فيها هي غاتوصلك تال مراكش .. ) تصدمات بالمعقول .. بغات تسولو كيفاش عرف العنوان ديال دارهم و هي كاتحاول تخبي على كولشي حتى مروان ما قالتوش ليه...خزرات فالتيليفون قبل لا تسدو و تحطو فصاكها .. ناضت هزاتو ..
شيرات ليهم و جرات فاليزتها ..عاودات ضارت عندهم.. قلبها كان كيضرب بطريقة غير عادية .. ابتسمات ليهم و خرجات سدات الباب لقات قدانو نييت رونج فالأسود زاج ديالنا فيمي .. واقف قدامها وتحد الكوسطو غير شافها مشا عندها خذا منها الفاليز حطها فالكوف و فتح ادليها الباب لوراني ركبات و سدو عليها ..
كي تحركات الاوطو من الزنقة بقات عينيها معلقة عليها .. تنهدات و حلات السرجم كاتشوف فالديرو ديال «درب المزاليط» كيف كاتسميه .. اادرب لي كبرات فيه و هي ماحاملاهش .. و لأول مرة كاتحس باحساس غريب .. قلبها كانو دقاتو مامرتبينش و عندها احساس كبير ان هاد الدرب هادي ااخر مرة فاترجع ليه .. خروجها من الدرب لحياة جديدة .. غاتكتشف خباياها .. و تعيش حياة هي ختارتها ..! اش غاتبغي اكثر من هادشي !! لكن حياتها كي غاتكون من بعد ما خرجات ليها .. الله هو الوحيد لي عالم بيها .. تنهدات و حطات راسها على الكوسان مغمضة عينيها الطريق كاملة و هي متكية حتى وصلو ...
كان جالس فالبالكون ديال اوطيل (les jardins de l'agdale) في مراكش كيتمنضر فالطبيعة لي قدامو هو فالحقيقة ماشي من الناس لي كاتستهويهم الطبيعة لدرجة يجلس يتأمل فيها ولكن فديك اللحظة الجو كان ساحر واخة سخون شوية .. لكن هو بالو كان مع الء
سنسلة ديال ألمى .. و مع المى نفسها .. من نهار شافها عينيها دخلوه فدوامة كان كيحاربهم باش ميبقاوش فبالو ولكن ترسخو فعقلو و مابغاوش يفارقوه .. نضرة الكبرياء لي عندها قلبات ليه بلبالة فراسو .. و العقد كان كووم تاني .. رجع بالضاكرة سنين اللور ..
+فلاش باك+
قبل سنواااات فاش كان في مركز رعاية الطفولة .. بعد ما دوز فيها شهرين كاملين .. مكانش منسجم مع تا واحد من النهار الأول و هو غير ساكت مكينطق بحتى كلمة .. عياو يسولوه على سميتو .. باباه ..ماماه ..و والو .. .. فديك الليلة كان جالس مقابل مع الباب ديال الجردة .. كيشوف فالباب مباشرة .. فحال لا كان كيتسنى شي واحد من واليديه مع انو فقد الأمل بعد ما حاول اخر مرة يهرب و وقفوه حيت الحراسة مشددة تما البق ميزهق .. من ديك الوقيته منعو عليه يتململ بلا ميكونو حاضيينو خصوصا انو لا عصى گرات فيه ولا هضرة كيدوي فحال كاع لي كانو تما هذا غير انو كان فينما يقرب ليه شي دري واخة يكون باغي غير يتعرف عليه كيعطيه علاش يقلب و خصوصا انو كان كيلعب الجيدو .. .. لكن مع الوقت ولا مكالمي .. اولا حيت لي معاه مابقاوش كيقربو ليه حيت عرفو السيستيم ديالو معقد .. و تانيا انو نوعا ما استسلم .. طبعا المقاومات ديال طفل ماشي هوما ديال واحد كبير ..
فهاد الأيام قفل تمانية سنوات ..و فنفس يوم عيد ميلادو .. جات '' إينجل'' كيف نطق أول ما شافها .. شاف خيال رجل ضخم فالجردة حط كوان ديال الوليدات الصغار .. ضرب السرسار ديال الدار و مشا .. قبل ماينوض هو للباب سبقاتو وحدة من الي خدامات تما مشات تشوف شكون مالقات حد هزات السليلة و دخلات بيها ديك الشاع ناض دخل تابعها ..حطاتها فالمكتب و .. كان عبارة عن سليلة ديال القصب زوينة فيها وريدات بالغوز .. و مفرشة بالغوز و معاها صاك تا ه اما لي كان داخلها حاجة اخرى ..بنوتة بسم الله ما شاء الله .. وجها مدور و عويناتها كبار و كحلين فحال سواد الليل .. كانت كاتشوف بعويناتها بلا ماتغوت .. بلا ما ينطق مد صبعو حطو على يديتها و شدات فيه .. لوات صبيعاتها على صبعو بدات تضحك .. و تا هو ابتسم بدون شعور و نطق كلمة وحدة"إينجل" .. الكلمة لي خلات الموظفات لي تما نغزو بعضياتهم و شافو فيه .. و كانت هادي اول مرة يسمعو صوتو ..
- الموظفة١ .." كاتشوف فالرضيعة و حاطة يدها على صدرها" الله يا ربي شكون هادي لي عندها خاطر تخلي تريبية فحال هادي ..مسيكينة مزالة ما قفلات تا اربع شهور..
- الموظفة٢... تلقايها جايباها من الحرام ..راك عارفة ..
- الموظفة ١ ..شوفي تا هاذ الولد لي مكيدوي مع حد مكيبغي حد حماق عليها. .. ااااخ يا بنيتي .. و شكون يشوفها و ميبغيهاش ..
- الموظفة ٢ .. " قربات ليها و بانت لها السنسلة " .. شوفي يا ختي على سنسلة ديرة فعنقها شحال غزالة .." بغات تحيدها ليها و هي تحبسها الثانية" ..
- الموظفة ١... " خزرات فيها " .. من ايمتا كانشفرو ..!!حطي السنسلة و خلي عليك البنت ..
- الموظفة ٢.. ويلي يا ختي شمن شفرة غاتبقي ليا تهمة .. انا غا بغيت نحيدها و نخبيها تا تجي المديرة ..
- الموظفة ١..نتي عارفة مزيااان بلي المديرة كاتقول لينا لا جا نزيل جديد و دير شي كورميط و لا شي حاجة نخليوها لو .. ماتعرفي مها تكون معلماها بيها ..
- الموظفة ٢.." جمعتت يديها" .. يا ختي اول مرة يجي شي حد من هاد البراهش هاااز فعنقو .. هادشي باين عليه غاالي .
- الموظفة ١.. . و حنا مالنا غالي ولا ماغاليش .. خلي السنسلة فبلاصتها
عينيه بقات على ديك السنسلة كسشوووف فيها .. كانت ذهبية فيها جوهرة فالأحمر بلون دم الغزال على شكل قلب و فوق منو تاج .. .. شدها بيديه و قلبها لقاها مكتوب عليها اسم "عبير" ..
من ديك الليلة .. ولات عبير هي الحياة بالنسبة ليه .. رغم انها رضيعة كان كيمشي يجلس حدا راسها و يبقى يدوي معاها فحال لا كيدوي مع شي حظ فسنو .. كولشي فداك الملجأ تعجب ليه .. بعد ما كان منطوي على راسو ولا كيدوي مع عبير .. و يضحك معاها .. حتى البيبرونة فاش كاتصاوبها الموضفة كيخدها من عندها بلا كلمه بلا زوج و كيرضعها .. حتى الكوش .. كان تيوقف حدا المربية حتى تبدلو ليها و مرة على مرة ولا هو لي كيبدلو ليها .. ابسط تفاصيلها كان كيديرهم.. هادشي لأنو كان تيشوف فيها وجه ختو الصغيورة لي تخطف و خلاها يالله تزادت مزال حتى ما شبع منها .. و وجعا لي كان تيسحرو عويناتها المرمشين كثر من القياس .. فاش كاتشوفو تاتبدى تبجغط و تضحاااك معاه .. و تا هي ولفاتو .. لدرجة فاش كانت تاتبكي فالليل كاتمشي المربية حتى تفيقو باش يسكتها ..
قاطع أفكارو صوت الفون دسالو لي كان تيصوني ..لي كان تيصوني ..
- جلال .. مزيان .. خليه يخدم مزيان دابا .. لي باغي يفوت جلال الهلالي ..مزال ما حطاتوش مو ..
- محسن .. تا انا علمت على جبهتو الزامل بوه ..
ابتسم بالجنب و قبل مايجاوبو بانت ليه المى من البالكون داخلة و قدامها موضف من لوطيل و الشيفور لي صيفط معاها تا هو وراها .. و هي غادية هازة راسها للسما .. خنافرها مرفوعين كثر .. و عينيها كيشوفو الفوق .. المشية مشية النعامة كيف العادة .. صغر عينيه و تبعهم ليها تا اختفت من قدامو عاد وعى لراسو و طفى التيليفون على محسن بلا مينطق معاه تا كلمة ...
وصلو ألمى للغرفة ديالها لي كلنت على شكل سويت كي دخلات ليها تسناتهم تا خرجو و هي تلاح على النموسية .. كاتشووف فالغرفة و تعاود تشوف عمرها بركات فشي بلاصة فحال هادي .. بقات مووودة على ديك الحالة حتى استوعبات و هي تجر الصاك ديالها خذات تيليفونها اتصلات بخولة بالفيديو.. .
- خولة ..حبيبتي كي وصلتي. ..
- المى .. صااافا و نتوما كي ديرين؟؟
-خولة .. ههههههههههه توحشناك مزال كاع ما ديتي تا نهار ..
- المى .. يا ريت كنتو معايا.." مشات وقفات فالبالكون و ضورات ليها الكام" ..شوفي على مناضر .. كيشهيو غا فالجلوووس و الكالم ..
بقات مجمعة معاها مدة و هي طفي تيلي و تكات على البالكون كاتستمتع بالمنظر لي قدامها و الكالم .. و الابتسامة العريضة على وجهها كاتبين انها فرحانة و بدات تتغير حياتها للمنحى لي هي بغات تسلكو... بقات جالسة شوية قبل ما تطلب من خدمة توصيل الغرف الغداء لعندها ما كلو ببلاش 😂.. و مشات لقات الدوش كلو مصاوب بالورد و ريحة الخزامة و الياسمين طالعة من البينوار لي كلو متناتر عليه وريقات الورد الأحمر و البنفسجي .. نصلات حوايجها و تخشات فيطلقاااات راسها و استرخات ..حتى بدات تتحس بالنعاس مافيقها من استرخائها غير صوت الباب كيدق .. عرفات انها خدمة التوصيل فالفندق و ناضت هزات البينوار لي كان معلق تما لبساتو جاها حد الفخض و داىت فوطو على راسها قلباتها للور .. لبسات بانطوفة ديال البينوار و خرجات فتحات الباب.. كانيصحاب ليها من الفندق .. لكن لقات قدامها شخص ثاااني.. طلعات فيه من رجليه تال راسو .. كان لابس شورط فوق الركبة فالأسود و تيشرت فالأبيض .. مع سبادري .. .. مگلضم و فورمتو فريميجة هي هاديك من الفوق عريض و غادي و كيرقاق .. اما وجهو كلام ثااني .. خلاها غير حالة فمها .. باين من ملامحو ماشي مغربي ..
-هاي ..
- المى .." حاطة يديها على خصرها و مطلعة حاجب و منزلة لاخر" .. هاي!
- ... نتي ألمى ؟؟
- المى .. وي؟؟
- .. " طلع و نزل فيها و ابتسم" .. انا بيتر !! " مد ليها يدو"
- المى .." شافت فيه و مامداتش يدها" .. متشرفين و من بعد؟؟
- بيتر .." شير بيديه" .. نونو خودي راحتك .. انا من كثرة ما سمعتهم كيدويو عليك جاني فضول نتعرف عليك .. داكشي علاش جيت بلا موعد سمحي لي ..
-المى ...." ابتسمات ليه" .. لا مكين حتى مشكل .. تفضل دخل ..
دخل بيتر تبعها و هي رضات الباب تا كان غايتسد و قبل ما يوصلو لفين غايجلسو تخبط عليهم الباب على الجهد دارت تشوف شكون بان ليها جلال عاقد حواجبو و باينة عليه معصب.. اما بيتر ضحك بالجنب و شاف فيه بطريقة استفزاتو..
- جلال .. " قرب ليه و مسح نيفو بصبعو .. ضور راسو و عاود شاف ليه فعينيه" اش بان ليك تخرج بكرامتك !!
- بيتر .. " طلع حجبانو مستغرب" عفوا!!!
-جلال.. " زير على سنانو و دفعو بيديه فصدرو بشوية.." .. قلت ليك خرج بكرامتك .. قبل لا تخرج بلا كرامه .. و بلا خدمة . خايبة قدام اللل .." شاف بنص عين فألمى لي كانت تتشوف فيهم مصدومة" الغزالة لي غاتمثل معاك ..
- بيتر .." بعد عليه مخنزر و شاف فألمى" .. نشوفك من بعد اوكي ..!!
- المى .." حركات ليه راسها بالايجاب "
عاود شاف فجلال و خرجزدح موراه الباب .. اما جلال بقى لثواني على نفس الوقفة ماشافش فألمى تا سمعها نطقات ..
- المى .." مطلعة حجبانها" .. ممكن تعرف اش هادشي وقع دابا!!
- جلال .." حدي ليها الفوطة على شعرها حتى طاح على وجهها و ساستو ورماها ..جرها من الكول ديال البينوار تا ولا وجهو حدا وجهاا .." و نهرس ليك راسك الى بغيتي ..
- المى .." خزرات فيه و بدات تضربو فينما جا باش يطلقها وووالو فحال لا شادها باللقاط" .. حيييياد عليااا شكووون نتااا .. شكوووون نتا لي تعاملني بهاد الطريقة الهمجية ..😡
- جلال .."شد ليها يديها بيدو" .. هاي هاي على الوعورية .. "طلقها من و شحطها لفخضها تا خلاها تتوزوز.. " .. مال حمار بوك مكاااتسمعييش هاااا!!
-جلال .."ضحك بالجنب" .. هههه كون مابغيتيني نحط عليك يدي كاع ماتخرجي هكذا .. عريانة .. " طلع و نزل فيها و عض على شفتو التحتية"
- المى ..."خزرات فيه و كانت على وضعية الهجوووم الى حاول يقرب ليها تعطيه للماتريال ديريكت .." ماتفكرررررش فشي حاااجة اقليل الأدب .. حيت غاتلقى لي ميعجبكش..😡😡😡
-جلال .." شاف فصدرها لي كان تيطلع و ينزل بجهد و مشات عينيه ديريكت للسنسلة لي عمرو نسااها .. .. من دينا كانت فبالو لكن لحد الآن مامتيقش واش هي هادي .. و ماباغيش يقول لراسو بلي غير تشابه فالسناسل .. تخربق دماغو هي استغلات انو سها و تنطرات منو مشات تتجري لجهة الباب فتحاتو و خزرات فيه
- المى ..خراااج .. خرج عليا من هناااا .. و الى رجعتي مرة اخرى متلوم غير راسك ..
- جلال ..."دار راسو ماسمع والو من هضرتها .. مشا قرب ليها و تنفس بالجهد تا وصلاتها نفسو السخونة" هاد المرة ندوزها بشريبة تالما .. لكن المرة الجاية غايكون ليا تصرف ااااخر معاك .. مفهووم؟؟ قلت ليك ماعندي ماندير بالتقحبين ..دخلي شي حد لعندك ماتلومي غير راسك .." كان غايمشي بلا ميتسناها تدوي لكن عاود رجع وقف قدامها و ابتسم باستهزاء .." .. ميغروكش هاد زوج كليمات لي قال ليك هاد الزامل .. فينما بانت ليه شي وحدة باين فيها شوية ديال الضو كيتزلل عليها ..
خرج و خلا فمها منفرج متفرج😂 ردخات الباب و دخلات معصبة الوسادة اللولة لي بانت ليها قدامها فوق الفوطوي .. هزاتها عضات فيها و غوتات على حر جهدها''.. اما جلاا مشا منرفز .. ماعرف راسو منرفز منها .. ولا من راسو و لا من الموقف .. كان دير الكاميرات فالبيت ديالها باش يبقى مراقبهاو يقدر يوصل للحقيقة بغاها تبقى تحت عينو طول الوقت و هادشي من نهار شاف السنسلة فعنقها .. دخل لسويت ديالو مكشكش .. مشا ديريكت للبار هز قرعة لقاها لفمو و غمض عينيه .. عاود شعل التلفازة لي مبرونشيها مع الكاميرات ديال بيتها و بانت ليه غادية جاية كاتعض فالوسادة و تغوت و تسب فيه وجها كان حمر بالأعضاب .. و مرة مرة تطل على يديه لي مصورة في فخضها ولات حمرااا و بانت فيها النفوخية .. فلحظة مشات التغوبيشة و جات بلاصتها البتسامة .. و الابتسامة جات بلاصتها ضحكة .. و قهقهة بصوت عالي ..
-جلال .. ههههههههههه .. داك اللسان خص ديلمو يتقطع .. " تلاح على الكنابي دار يدو تحت راسو و كيسمع لسبان لي عمر شي حد قد يسبو بيه .." .. ههههههههههه دوك الزنافر غانزل ديلمهم للأرض غير صبري عليا ..
جبد كارو كيكمي تا بانت ليه السيدة عاودات حلات الباب بحالتها نييت لي كانت فيها ..بينوار قصير .. دخل ليها السيرفور الغدا مشات لصاكها خدات منو ورقة نقدية مداتها ليه و مشات حادر راسو .. مشات جلسات تتشوف فديك الماكلة تا عيات و بدات تاتاكل متيولة .. و بشوية عليها كل لقمة كاتحطها فمها بالفورشيط كاتكون صغيييورة و حاطة رجل على رجل الطريقة باش جالسة ديالها تقول باركة مع الناس.. كملات ماكلتها علىىى خاطر خاطرها و سي جلال مزال ماملشو و هو كيتفرج فيها و يشوفها شنو كدير.غسلات يديها و رجعات مشات للفاليز ديالها و خدات منها الحوايج و تخبط هنا و الهيه هي هادي المى فاش كاتعصب كاتولي باغية تبرد فأي حاجة .. جبداتكيلوط لبساتو و هي انصل البينوار هادشي كلو تحت نضرات جلال لي تبلوكا نااض جلس مبرق عينيه كاتبان ليه غا الطرماااحة فالسترينغ اما صدر كان عاطيه بالضهر😂.. لبسات سوتياماتها و لبسات على داكشي تيشرت فالأسود و شورط قصيييور معاه و سبادري فالأحمر .. دارت مكياج خفيف و عكر حمررر .. هزات تيليفونها دارتو فالجيب و تمات خارجة .. هو غا شافها خارجة و عقد غوباشتو بضيق ..
خرجات المى من ببتها كادور فراسها و دور .. تتستنشق الهوااء لعل وعسى تهدى .. ألمى من ديما كبريائها فوق كل شيء .. غالبا كاتكون واصلة بيها للعضم و ماكاتبكيش .. مكاترضاش طيح الدموووع الا ناااادرا .. حتى بينها و بين نفسها .. دائما تدعي القوة واخة كاتحس بالضعف شحال من خطرة لكن عمرها اعترفات بيه .. بالنسبة ليها دوك البنات لي كيمثلو دور الضحايا فاش كاتوقع ليهم شي حاجة غير عديمات الشخصية .. حيت بالنسبة ليها اي وحدة وقعات فشي حفرة كاتحاول و تحاول حتى طلع منها ماشي نبكي و تنذب حضها ..
تشغل جلال مع اوراق ديال الخدمة بعد ما خرجات المى من الشومبر ديالها .. .. اما هي بعد ما ضارت فالمكان و استنشقات بعض الهواء بانت ليها بلاصة بعيدة على الناس لي تيعومو و الهراج ديالهم .. جلسات على رولاكس و طلبات عضير باش تبرد الفقصة ديال جلال .. بقات مدة جالسة و دايرة الكيت فودنيها .. لفتات انتباه بزاف ديال الرجال من النعسة لي كان ديرة على الرولاكسو ..حتى دركولا يدين دورات رايها بانت ليها بنت غاتكون فنفس عمرها تقريب .. لابسة مايو فالأسودو ديرة عليه كاش فالأحمر .. قوامها كان هو هداك طايتها زوينة ..طلعات راسها مصغرة فيها عينيها بسبب الشمس و شافت فيها كانت زوينة وجهها بشوش و مبتسمة .. شعرها قصير فيات ودنيها لكنها جذابة و حلوة
-سلااام ..
- المى .." تقادات فالجلسة ", سلام ..
- "ابتسامة عريضة" نتي المى ياك؟؟
- المى .. " طلعات فيها حاجب و نزلات لاخر" .. واه!!
- مدات ليها يدها تصافحها" و انا سرور .." جلسات حداها" ..صراحة سمعت عليك بزااف من الطاقم ديال التصوير و الاعداد و حتى بيتر قال ليا تعرف عليك هبلتيه .. مقدرتش نقاوم دابا فاش شفتك جيت عندك ..
- المى .." كاتشوف فيها معجبة" .. علاش كاتحسسوني بلي انا كائن فضائي و كل واحد كيجي يشوفو شوية؟؟
- سرور .. ههههههههههه " دفعاتها بخفة و هادشي ماعجبش المى" .. هههههه دمك عسل .. و نتي كلك عسل😍
- المى .." قلبات عينيعا" .. شكرا!
- سرور .. كاتباني ليا مزمتة على رايك شوية .. شوفي معايا انا فكي البشرة .. باراااكااا عليا غير ضغط الخدمة..مانبغيش نشوفك تا نتب مغوبشة فوجهي ..!!
- المى .." طلعات فيها حجبانها" .. و علاش اختي انا لي جيت عندك نتي لي جيتي عندي سو تقبليني كيفما انا !!
- سرور .. "طلعات حجبانها فألمى " ..عادي نتقبلك كيف ما نتي اصلا جيت غير نتعرف عليك و قلت مع راسي بما انك ماكاتعرفي تا حد هنا .. سو غادي تكوني محتاجة الوناسة ..!! داكشي علاش جيت نتعرف علبك .. هذا غير اني من كثرة مكنسمع عليك و على جمالك و غرورك كيف كيقولو عليك حيت ماكادخلي مع حد .. حبيت نتعرف عليك اكثر و نصيرو صحابات !! طبعا الى بغيتي .. حيت انا تقريبا هنا كيقولو عليا نفس الهضرة .. اولا لاني مكانعطيهمش بزاف تالوقت .. مرااااا مرة لا دويت معاهم .. تانيا .. شحال من واحد فيهم على الرجال كندوي .. كيبغي يتقرب ليا و كانصدو .. يعني شحال من حلووف دايب .. بلحق مكنعطيهمش وقت .. و هادشي علاش كيسميوني المغرورة .. خههه و فاش جيتي نتي جاو كيقولو ليا جات لي تونسك فغرو ك ..
- المى .." فىدات وجها و حسات براسها فحال لا رتاحت ليها" ..هدماشي دائما الغرور هو لي كيكون سبب الحدود لي كاتحطي مع البشر ..
- سرور .. و هادشي قليل لي غايفهمو.. هههه.. خصوصا انا بما اني مساعدة مول شي ..يعني مستر جلال مكيبغيش بزاف الهضرة و العلاقات مع الموضفين .. يعني منقدرش نبقى غا مقابلة جمايعهم ..
- المى .." شافت فيها" .. نتي المساعدة ديالو!!!
- سرور ..ههه اااه ..
- المى .." نطقات بعفوية" .. و نتي كيفاش حتى متقبلاه ووكاتستحمليه؟؟
- سرور .. ههههههههههه صراحة منكدبش عليك هو بزااف تالمرات تيطلع ليا الدم و كيخلعني بعض الخطرات .. بالحق مانقدرش نخدم مع شي حد ااخر .. منقدرش نتخايل راسي اصلا خدامة فشي مكتب غير المكتب ديال جلال الهلالي ..
- سرور .." وقفات و ضحكات لبها" .. انا غانمشي دابا نااخد شور .. و نلبس و نرجع الى لقيتك هنا هو هذاك سينون الشومبر ديالي حدا تاعك غانجي عندك !! اوكي ..
- المى .. تمام ..
- سرور .." كانت ماشية و هي تعاود ترجع مدات ليها التيليفون" .. خودي كتبي لي نمرتك .. باش تبقى عندي لا ملقيتكش نتصل بيك .." خذاتو من عندها و كتبات ليها نمرتها" .. امم العشية كينة صوارية هنا .. كولشي غايحضر اكيد غاتكوني ياك؟؟
- المى .. تا حد ما علمني!!
- سرور .. ههههه شكون بغيتيه يعلمك .. بحال هاد السواريات تيكونو كل ليلة .. كاع نزلاء الفندق يقدرو يحضرو ليها .. و كثيير من المرا تيجيبو دي زاغتيست .. و كيكونو فيها ناااس مهمين من كاع البلدان ..
- المى .." عضات على شفتها " .. امم اوكي غانكون ..
- سرور " بابتسامة عريضة" .. اوكيي ..
المى من ديما كانت من النوع لي ماكيديرش الصحابات .. هي فايت ليها جربات طبعا مكينش لي كيبغي يبقى بوخدو .. لكن ديما كاتعلق مع بنات الطبقة الهاي كلاس .... و كانت ديما فينما تكون شي وخدة مع صاحبها كيزيغو عينيه لألمى .. هذا سبب خلاهم يتهربو منها و ينبدوها من حياتهم .. داكشي علاش تا هي ديرة كرامة لراسهت و لي فيهم قربات ليهم مكاتعطيهاش وقت و حتى ماحاولاتش مرة اخرى دير صحابات .. لكن هاد المرة سرور هي لي جات عندها .. و فوقيتة كانت حاسة براسها وحدانية فديك البلاصة لانها كانت موالفة وجود خولة فكل لحظات حياتها .. الا هاد المرة ..
بعد ما مشات سرور بعد شوية نيت تبعاتها المى تا هي مشات لشومبر ديالها تلاحت على الناموسية و حيدات السبادري برجليها .. حيدات التيشرت بقات غير بالسوتيامات و الشورط و ضرباتنها بنعسة .. فهاد الوقيتة كان جلال خارج من الدوش و التيفي مزالة خدامة طلع راسو كيمسح فشعرو و مضور على تحتو الفوطة .. بانت ليه السيدة نكسلة على كرشها لابسة غا سوتيامات و الشورط مع النعسة مفشكلة نص طرماحتها باين من الشورط لي طلع..
- جلال .."زفر بجهد بنفس سخونه" ..هادشي لي كان ناقصك اجلال ..براافو ..
هدا التيليكوموند و طفاها دخل ديريكت لبلاكار خدا منو سروال ديال السورفيت بالكري و صوفيطمة بالأبيض مع سبادري بيضااء .. لبسهم و صايب شعرو بطريقتو مرجعو للرر .. رش بارفانو و مشا جلس فالبالكون هاز كارو كيكمي ..كيحاول يتفكر تفاصير عبير الصغيورة لي تفرق عليها نهار كانت عندها اربع سنين و شحال تحرق على هاد الفراق .. كانت معاها اجمل اربع سنين فحياتو.. دخلات لحياتو ببرائتها فضروف صعييبة و بالرغم من صغر سنو الا انو كان متعلق بيها كثر من القياس .. و نهار خرج من الخيرية كانت المى كاتبكي وتغوت باسمو.. منضر باقي بين عينيه رغم مرور كاااع هاد السنوات .. و رغم الانو كان خصو يكون فرحان الانو ماقدرش يفرح حيت خلى بنت قلبو !! خلاا روحو لي ولف وجودها فحياتو طول ديك الأربع سنوات لي دوزها فالملجئ ..!! مزال منضرها و ضحكتها بين عينيه .. حط يدو على راسو كيحاول يتفكر شي حاجة فيها باش يقدر يعرف المى واش هي نفسها عبير ولا لا.. غمض عينيه كيحاول يسترخي لانو اعصابو ديما مكروزين و هادي ولات عادة مكتسبة من سنين عمرو لي فاتو ..تفكر زوج حوايج .. خالة كبيرة شوية فوق بوطها .. و خالة أخرة فدرها حدا راس بزولتها و يا مصييييبتاه كي غايدير يشوف الخالة الثانية 😂من لي كانت صغيورة كان هو لي كيلبسها حوايجيها داكشي عاش عارف كاع تفاصيلها ...قاطع افكارو صوت الدقات على بابو .. مشا فتح لقى فوجهو علي ..
- علي .." طلع فيه حجبانو" .. قلت ماغانلقاكش هنا ..!
- جلال .." دخل و خلاه" فين غانكون مثلا. .
- علي .." تبعو" .. قلت غاتكون كاتصيد الحمام لي فالبارتي التحت.. و لااا تكون عند المى .. مثلا!!
- جلال .." ضرب فيه بتخنزيرة .. لا هنا .. لا هنا ..غير برد على مخك ..
- على .. " جلس على الكنابي" .. ههههه وا العجاااب اخر مرة كنتي كاتقول هضرة اخرا ..
- جلال .." بعدم اهتمام" ماعنديش الكلمة اش غادير ..
- علي .. صافي بدا كيموت ليك الحوت العشير ..😕
- جلال .. " خزر فيه " .. مخي مشغول هاد الايام
- علي .. باش ؟؟
- جلال ..مايخصكش .." هز باكية تالكارو دارها فجيبو و خذا تيليفونو" .. نازل ولا مطول هنا!؟
بلى ميتسناه يجاوبو خرج و خلاه تا هو هز قشو و تبعو نزلو مشا علي جاب ليهم ما يشربو اما جلال هز تبليفونو طبعا يشوف لالاهم لمى شنو كدير لقاها يالله كانت تتقلب تقليبة الثانية تا سمعات تيليفونها كيصوني و الباب كيديق خزر و طلع حاجبو كيخمم شكون جاها فديك الوقت ..شافها هزات تليفونها طلات فيه و رجعات لاحتو حداها يالله غاتقلب لجهة الثانية تا بدا الباب تاني كيدق ..شافت لجهة الباب و ناضت كاتنفخ و تسوط حلااات الباب و هي لابسة غا السوتيامات حل عينيه تا وقلو لفمو يالله كان غاينوض تا بانت ليه سرور المساعدة ديالو سلمات عليها و دخلاتها عاد طفى التيليفون و خشاه فجيبو بالحق عصباتو حيت حذرها و كان عند بالو غادي تسمع منو ساعة هي مكادير غا لي قال ليها مخها ...
.....
كان طالع ليها الديم مشات حلات الباب لقاتها سرور حاطة يدها على صدرها و كاتسنى فيها تحل ..
- سرور .. يا ختي عاد كنت غانطلب شي حد يجي يهرس الباب
- المى .." خزرات فيها" هادشي كلو و ماهرستيهش؟؟
- سرور " دفعاتها للداخل" .. دخلي و نتي عريانة ..
- المى .." ابتسمات بالجنب" .. على اساس كنتي لابسة حسن من هادشي قبيلة فالبيسين. .
- سرور.. "جلسات فوق الكانابي" .. امممواش كنتي ناعسة!!
- المى .. " مشات للبلاكار خدات منو كسوة كحلة قد الفخض و الفوقي ديالها فيه وريدات بالألوان حطاتهم فوق الناموسية .." ااش بان ليك؟؟
شدات فيها و خرجو ومع المى مكانتش متعودة على شي حد يتعامل معاها بهاد الطريقة من غير خولة .. لكن كاتحاول تأقلم مع الوضع مدام خولة مكيناش ..
شدات فيها و خرجو ومع المى مكانتش متعودة على شي حد يتعامل معاها بهاد الطريقة من غير خولة .. لكن كاتحاول تأقلم مع الوضع مدام خولة مكيناش ..
كي دخلو للحفلة لي كانت جهة البيسين و جاب الله لابسة صنيدلة ماغالياش كون واااجات على وجهها جراتها ديريكت للمكان لي كان جالس فيه بيتر كيشرب كاسو و مجمع مع شي وحدة ..و ماشافوش جلال لي فاش دخلو تبع ليهم العين و فاش شافهم جلسو مع
- سرور .. بيتوو .. صافااا ..
- بيتر .. " ناض وقف " ..اهلا .. قمرين مع بعضهم .. طغيتو على البارتي .." مد يدو لألمى"
- المى .. " مدات ليه يديها بابتسامة" .. شكراا
- سرور .." جلسات " اوا اش خبارك !! فين شادها و مع من .." شافت فالبنت لي كانت حداه" ..
- بيتر .." جلس حدا المى شير ليها بيديه " مكانعرفهاش .. جات جلسات حدايا و قالت لي واش نتا هو فلان .. و صافي. .
ناضت معاه و شد ليها فيديها خلاو كولشي كيتغامز .. البارتي كانت عامرة بالناس لي خدامين معاهم لي كانو جايين على ود الفيلم منهم الكاميرامان و المخرج و المساعدين ديال .. الممثله
ين تا هوما .. دخلو وسط الساحة و بداو يرقصو على اغاني صاخبة رقص عشوائي لكن هو كان كل شوية يحط يدو على بلاصة بحجة انو كين الزحام ..سي جلال عيا ميجمع ليها تيقول دابا تحشم دابا تحشم ..تا عبو و ناض علاين لاتقلب الطبلة فاش وقف مشا ديريكت قاصدهم يالله كان بيتر غاينزل يديه من ضهرها للمؤخرة ديالها حتى شدو جلال و زير عليه مزياااااان لواهت ليه بيد وحدة يا تعوج كلو
-, جلال .. " مفيكسي عينيه على عينين بيتر "دويت معاك!! و مكاتفهمش !!
- المى .. مستر جلااال طلق منو الله يخليك ماعندكش الحق دير هكذا شوهتينااا قدااام الناس. .
- جلال .." ضار لعندها بشوااااية و طلق بيتر تا جا طايح" .. طلعي لبيتك .. يالله ..
- المى .." بتحدي " .. و شكووون نتااا لي تملي عليا شنو ندير شكووون 😡
- جلال .." غوات عليها تا قفزات" قااااودييييي لبيتك مانشووفكش قدامي...
دورات راسهت بان ليها السقييييل كولشي كيحنزز مارضاتش ونطرات يدها من سرور و مشات تتجري لبيتها ..اما سرور مسكينة بقات غير حالة فمها و كتشوف ماعرفات تا مالهم. . خلاص جلال كان فحال البركان دمو كان كيغلي كيكره يقول الكلمة و يبقى يعاود فيها و لا ميسمعوش منو الهضرة .. موالف اوامرو يتنفدو من سكان .. مافخباروش واش كين لي كيقدر يقول لا ..
- جلال .." ضار عند بيتر" .. حسابي معاك مزال ما سالاش !!" شير ليه بصبعو بمعنى تسنى عليا. ." .. تزوميل ماعندي مانگجدر بيه .." داز كي الاعصار قدام و فطريقو داز على علي لي كان تيتفرج مستمتع 😂" .. تبعني لشومبر ..
كمل طريقو بلا ميضور اصلا هو سريع الغضب و مكيتحكمش بزاف فراسوفيساع تبعو علي كي سد الباب ضار عندو مكشكش ....
- جلال .." الورااااق ديال ديك خيتي فينهم .. !؟
- علي ... "بعدم فهم" .. شكون؟؟
- جلال ...شكووون ..المى ...
- علي .. عندي فالبيت ..؟؟
جلال .. "جبد كارو بدا كيكميي فيه" غبر جيبهم..
مشى علي مافاهم تا لعبة جاب كاع داكشي لي كيتعلق بألمى و رجع عندو عطاهم ليه. .
- علي .. كولشي تما حتى النسخة ديال لا كارط ناصيونال كينة تم !! مالها سرقات ليك شي حاجة!! .
- جلال .." شاف فيه و نزل عينيه على الوراق" .. صافي خرج و سد معاك الباب ..
شاف تا عيا و هو يخرج اما جلال جلس على الكنابي و تكى كيقرا فالوراق .. حتر لقا اسمها .. عبير الشرقي !! بقى مدووودة كيشوف و فااتح عينيه على وسعهم .. عبير .. بنتو الصغيورة لي رباها و هو اصلا كان طفل ... ماصدقش عينيه و شنو كيشووف .. عمرو نساها ولكن ااااخر حاجة كان كيتوقعها هي من بعد هاد السنين كااااملة يلقاها .. و غير الصدفة لي طيحو فيها . ا و خدامة فالفيلم لي هو خدام عليه ..!!
- جلال...."رمى دوك الوراق تشتتو و ضرب الطبلة برجليه تا وجعاتو" .. كبرتي لديلمك و وليتي قحبة .. براااافووو ..
ناض ديك الساعة بخطواتو الواثقة الرجولية جهة الباب و مشا ديريكت للغرفة ديالها فهاد الوقت كانت هي غادية جاية كاتخيط و تفصل فديك البيت و كاتعض فضفارها بالأعصاب .. بغات تهز اي حاجة قدامها تشخشخها ما حسات تا تفتح عليها الباب .. دارت تشوف شكون و هي تسعق .. رجعات اللور و خزرات فيه ..
- المى .. كيفاااش تا دخلتي لشووومبر .. خرج علياااااا
- جلال .." خزر فيها و تم مقرب ليها ".. اشنو ندير فديلمك دابا .. قولي ليا غير اش غاندير ..!!
- المى ..'' دارت يديها على خصرها". . غاتخرج عليا برا الى كان ممكن .. ماعندك مادير فبيتي باراكا غير شوهة لي دلتي لينا التحت. .
-جلال.. انا شنو قلت ليك من قبل .. العلاقات .. و التقحبين ماعندي ماندير بيه .. و نتي تحديتيني .. و عاكستيني .. علاش كااتقلبي يا ملتك ." قرب ليها كثر .. جمع شعرها فقبضة يدو و جرها تا خلا وجهو على وجهها و بدى كيتأمل فيها بهدووووء
عاشقة الثراء الجزء الثاني
محتوى القصة
التنقل بين الأجزاء