صورة مصغرة لـقصة عاشقة الثراء

قصة عاشقة الثراء

qisat 9isat 3aachi9at atara2
رواية عاشقة الثراء

الحياة .. كاتبغي دائما يكون الواحد على بال .. كين لي عرق و نشف حتى غير مستواه و كين لي قبطها باردة .. كين لي ورث من عند واليديه .. و كين لي خدم على راسو.. الانسان بطبيعتو كيموت على الفلوس .. طبعا .. شكون فينا لي مكيحلمش يعيش فقصر !! و يكون عندو الخدم و الحشم يلبيو طلباتو !؟ شكون فينا مكيحلمش يركب ..''جاگوار .. ولا المازاراتي " كاع كنحلمو و فالأخير كانصبرو روسنا بزوج كلمات ...'' هادوك لي عندهم هادشي اش قضى ليهم؟؟ واش غايديوه معاهم لقبر!! المهم هو راحة البال .!! نهار يمرض ماغاديش ينفعو هادشي ..!! الفلوس غييير وسخ الدنيا !! .. و زييد و زيد من الأقاويل لي غرسوهم فينا واليدينا .. لكن هي مكانش هذا هو رأيها .. هي .. عاشقة الثراء .. مكاتقبل بهاد الأمثال ديال جدودنا و واليدينا .. كيحكمها المنطق .. و كيحكمها عقلها و كذلك أحلامها لي مصرة أنها تحققها مهما كلفها .. مع ان فالحقيقة الرضى حاجة مزيانة حيت القناعة كنز لا يفنى .. و الطمااع ديما غادي شمال .. ولكن كيبقاو الفلوس هوما مفتاح السعادة حيت بيهم تقدر تحقق كاع احلامك لي غايخليوك تكون سعيد سطحيا .. أما داخليا حاجة أخرى .. 
لي وقف قدام ألمى و قال لها بلي الفلوس وسخ الدنيا .. كاترد عليه ب .." البشر هو وسخ الدنيا .. أما الفلوس .. هوما السعاده .. هوما الحياة .. هوما كل شيء ... هوما الحياة..
كاتهمها حاجة وحدة .. هي دخل لعام المشاهير بأي طريقة .. تدخل لعالم الأثرياء و تعيش معاهم .. ي تربى فيها هاد الهوس بالثراء .. يمكن حيت معاشتش وسط عائلة مترابطة .. يمكن حيت كانت دائما وحيدة !! تربى فيها حب الثراء و العيشة المرفهة .. المهم أنها مكاتستسلمش و كيف بغات حياتها غاتعيشها لكن فالأخير غاتكتشف الحقائق لي وراء الثراء و الحياة لي كانت كاتحلم بيها ..!! ..

كيف عادتها جالسة بكل خيلاء و غرور فأحسن مقاهي الدار البيضاء .. حاطة رجل على رجل و كاتاخد فنجان القهوة ترتشف منو بطريقة اريستوقراطية .. لي شافها يقول بنت العز و اكل الوز .. حجبانها ديما مطلعاهم فحال لا لي قدامها عمرهم يوصلوها مع ان الحزقة ضارباها للوذنين لكن دائما كيفما كاتقول .. بريستيجي أهم من اي شيء .. دائما كاتختار المقاهي لي كيجلسو فيهم الشخصيات المرمووقة و الناس لي عندهم الحبة .. و غالبا ما كيتزللو عليها ولاد رجال الاعمال و الناس لي لاباس عليهم .. بالحق هي طموحها اكبر من انها تبغي واحد ولد رجل اعمال .. مدلل ابوه و امو .. كاتبروفيتي فيهم و تاخد لي بغات و تسل بحال الشعره من العجين .. انها تتديهم لأغلى الماركات يشرو لها كل ما حلات عليه فمها خصها غير ترضى عليهم .. كاتاخد لي بغات بعدها تقول ليهم سوري .. ماتفاهمناش .. هادي هي الكلمه لي كاتخسر عليهم و مكيهمها حتى واحد .. حطات فنجانها كي شافت واحد مقابل معاها كيشووف فيها .. طلعات فيه و نزلات و دورات وجها .. تا هو مكانش من العاجزين .. هز قهوتو و مشا وقف عليها ..
-مادموزيل !! نقدر نجلس معاك ..
-''شافت فالطبالي لي فالكافي و رجعات طلعات و نزلات فيه بغرور .." هاد الكاافي كااامله مافيهاش لي طابل خاويين؟؟ بانت لك غا ديالي ..
-"جلس و ابتسم ليها" .. واش لي شاف هاد الجمال يدوز و يخليه الله يهديك !! 
-اوكي .. ديجا غانوض .. استمتع بوقتك .."ضحكات لو بطريقه مستفزة .."
-قبط لها فيدها" لاه لاه لاه فين ماشية .. بغيتك فمضوع مهم ..جلسي انا ماشي كاندصر عليك انت باغيك فبلان اااخر 
-طلعات حاجبها و شافت فيدو لي شدات فيدها " اولا حيد عليا يديك هذا لي غيشدني بهاد الطريقة مزال ماتزاد !! ثانيا شكون نتا باش تشركني معاك موااضيع!! كانعرفك؟
-حيد يديه و ابتسم ليها" انا كانعرفك !! .. شوفي غانجيك من اللخر .. بغيتك فخدمة مباش ميمشيش بالك بعيد .. انا مصور اعلانات . 
-"غا سمعات مصور اعلانات و هي تجلس" .. اممم و شنو المطلوب مني ..!!
- عندنا واحد الاعلان خاصانا ليه مودل .. صراحة من شحال هادي و انا كانجي لهنا و كل نهار كانراقبك .. كيف كادوي كيف كاتجلسي كيف كاتمشاي .. هكذا محتاااجين وحدة برينسيسة تبين للناس المنتوج ديالنا .. ملكة على عرشها .. و بمنتوجنا تزييد رقي و جمال .. اش بان ليك !؟
- ياك نتا غير مصور !؟
-شنو هادي دابا استهانة بقدراتي و لا كيفاش؟!
-"حركات كتافها بعدم اهتمام" اوا نتا قلتي مصور .. "تكات على الكرسي .." سوو!! اش داك لهادشي عندو ماليه!!
-"كيحك لحيتو بعصبية مارضاش '' الماركه ديال صاحبي .. و هو كلفني بكولشي .. خصك تعرفي بلي انا ماشي غير مصور و صافي اتيتيز .. ..
- ''طلعات فيه حاجبها" .. مزيان .. اشنو المطلوب مني دابا!!
- المطلوب منك باين .."حطي يدو على الطابلة و كيشوف.فعينيها الواسعين مبااشرة" ... بغيناااك نتي .. هاد الاشهار فحال لا دار عليك نتي .. نفس الوصف لي عطاني لقيتو فيك.. طريقة الجلوس .. طريقة الاكل .. طريقه الهضرة .. الشوفه ..! يعني ماغانلقاش معاك مشكل .. و ماتهزيش هم للخلاص .. كانخلصو مزيان .. زائد الى عجبتي مول شي ماشي بعيد تولي نتي الوجه الاعلاني ديال ماركتو .. 
- اممم .. 
- اوا اش قلتي اتيتيز ..!!
-" هزات راسها و صاكها و وقفات'' خليني نفكر ..!!
-"مد ليها كارت فيزيت " .. الى فكرتي جاوبيني .. ماتعطليش عليا عندنا يومين ..
-"خذاتها بزوج صباع" تمام ..
دارت نضاراتها و تمشات قدامو بديك المشية ديالها لي كاتخليهم غا كيشوفو و فعلا بقى متبعها و كيحك لحيتو هز تيليفونو اتصل بياحبو يبشرو ..أما ألمى مباشرة خذات طاكسي من قدام الريسطو عطاتو العنوان ديال دارها...

كي وصلات للدرب ديالها كيف ما كاتقول ليه درب المزاليط .. و هي ضرب البوز خزرات تخنزيرة ديال القلب هاد نزلات من الطاكسي بعد ما خلصاتو .. و كيف العادة قبل ما دخل بداو المضايقات و الضسارة ديال الشماكرية لي كيوقفو فراس الدرب .. و خصوصات واحد الرباعة حاطين عابها حيت كادخل و تخرج مكادوي مع حد و لي دوا معاها كاتعطيه جوابو 
-عليوا .. "قرب ليها و كيشر لحدا رجليها تا وقفات .." عندااك عنداك!! !!
-ألمى... شنووو؟؟
- عليوا .."حط يدو على قلبو" عفطتييلي على قلبي!!
-ألمى ...خزرات فيه و حطات يديها على خصرها" اوا هز أعضائك من تحت رجلي .. 
-حميدة .. "ريوگو سالو" جات معاك الحطة العود ..!!
-ألمى ... تجيك فالراااس حيد من قدامي .. مسخ كي دير ..
-حميدة .. تواضع معانا ازين ... أنا بعدا كاتحمقيييني .. اححححح .."حط يدو على سكرو كيحك فيه" خصوصا فاش كاتلبسي ديك البيجاما ديال النمر و تهبطي لباتيسري ديال الشاريع .. 
-عليوا ... "ضرب ليه فيديه" اااححح حكيتي على الضبرة اعشيري شكلااااطة كانبغي نسرطها .. حق ربي لا ندير عليك المستحيل غير عطينا كليمه ..
-حميدة... تا را نبيع عليها ذهب الواليدة ..
-عليوا .... ههههههههههه ابعدا نتا مك خليتي ليها شي ذهب المسخوط ..
-ألمى ...حيدو عليا من طريق خليوني ندوز ولا غانطلب ليكم الپوليس ..😡
-عليوا ... اي خوفتيني .. هههههه كيليميني مامي غطيني ..
-حميدة .."زاد قرب ليها "ماسخيييتش احبيبه😍😍
-عبد الجليل ..(جارهم مهندس و عايش مع الام ديالو و زوج خواتاتو بعد ما توفى باه) "جا وقف عليهم مخنزر و جر ألمى دارها وراه " ياك لباس مالكم كل نهار مضورينها!؟ ماغاتحشموش 
-حميدة .. ختك ؟؟ ألااا !! موووك؟؟ ألااا !! خطيبتك؟؟ ألااا!! .. تكونش صحيبتك أضرافات!!
-عبد الجليل .."جرو من قرفادتو مخضو مزيان بحيت هو صحيح و مبودر عليهم لا طلقو يطيح مشبح فالارض" سوق مك !! راني ولد الدرب مامكتوباش على كمارتي كيليميني .. نخلطكم بزوج و يشيط الصرف ..!! 
-عليوا... وا صاافي اعشيري طلق منو غاتقجو .. 
-عبد الجليل ... مانعاودش نشوفكم كادورو بيها و الا بربي مانعقل عليكم .. هاني علمتكم .."طلق منو بالجهد" 
- حميدة ..."غادي كيبعد و كينگر" غا لقيتيني عاد فايق أما نن .. عاجبينك بادرك أولد ..
علقو قبل ميدور ليهم اما ألمى ماتت بالضحك ورا ضهرو .. دار عندها و بقى كيسوووف فيها حتى سكتات عاد نطق ..
-عبد الجليل .. كضحكي!! عاجبك الحال .. 
-ألمى ... شفتي نتا راك البطل ديالي .. هههه .. عبرتي عليهم... 
- عبد الجليل .. "خزر فيها " كنقول ليك ديما هاد اللباس لي لابسة ماشي ديال هاد القنت واش باغية تحمقيني .. اليوم شفتهم كيتبسلو عليك ..و غدا مانكونش شكون غايوقفهم عند حدهم!!
-ألمى.. خلاص عليا اعبدو ماتبداش عاوتاني .. يالله نمشيو .. 
- "مكرهش ينتفها" .. زيدي قدامي زيدي و نتي عاقدة كرشك كي تمنية .. 
-ألمى .."تنهدات و تمشات قدامو" .. ايمتااا يعفو عليا الله من هاد الدرب .. اووف .. تقهرت .. تصور كانشري طالون كانلبس فيه زوج مرات و كيتنجر و لا يتهرس مع طريق المحفرة .. و خلاص لا لبست شي سبادري بيضة تترجع كحله .. و المشكلة كانشريهم غاليين .. " شافت فيه" انا مكيهمونيش الفلوس بتاتا لي كانصرف على راسي بالحق حاجتي عزيزة عليا مكانبغيهاش تخسر ..😏
- عبد الجليل .. ههههههههههه ..شتي نتي مامنكش زوج .. دابا تاعت الله هذا درب يلبسو فيه الناس الطالون .. و تي غا كاتلبسي الطالون الدرب لاخر كيجيب لك الخبار !!
-ألمى .. اوا شنو ندير !! 
-عبد الجليل .. ماعندك ما ديري غير تبدلي طريقة حياتك شوية اعبير!! 
-ألمى .."خزرات فيه" سميتي ألمى .. ماتعاودش تنطق ديك عبير على فمك .. 
-عبد الجليل .. ههههههههههه ألمى ..ألمى ..سمحي ليا .. ههههه
-ألمى ... تهجبرو .. اجي نقول ليك كنبغي ديما نسولك و كنسى !! 
-عبد الجليل ..اشنو!!
-ألمى .. دابا نتا مهندس ..!! كاتخلص مزيان .. شاري طونوبيل ميحلمش بيها المخير فهاد الدرب المنحوس!! و من لبسك زعما كاتبان شخصية و خواتاتك تا هوما زهيرة طبيبة و بطونوبيلتها و شيماء كاتقرا و قريب تخرج تا هي علاش ماتمشيوش تسكنو فبلاصة اخرى تكون راقية و زوينه مافهمتش اش لاحكم لهاد القنت .. اااش جاك تا تسكن هنا فهاد الدرب !!
-عبد ااجليل .. "كيحك لحيتو" .. خصك تعرفي بلي كون ما كبرت فهاد الدرب مانوليش هكذا !! لا انا لا خواتاتي ..شتي الحرمان لي ذقناه و كيف كنا كنشوفو الواليد الله يرحمو مقاتل باش يكبرنا و يقرينا باش نكونو كيف كاتشوفي دابا .. "وصلو قدام دارها لي كانت مقابلة مع دارو .. طلع راسو فدارو" ..شتي هاد الدار عندنا فيها ذكريات الطفوله .. شي حوايج ميتنساوش .. داكشي علاش لا انا ولا الخوادريات قدرنا نخليوها تا الواليدة متعلقة بدارها بزاف ..
-ألمى .."طلعات فيه حاجبها" .. شفتي نتا بكل اختصار وجه الفقر .. حيد عليا .."صيفطات ليه بوسة فالهواء" باااي 
بقى كيشوف فيها بنفس النظرات لي من ديما كان كيشوف فيها بيهم ..من اول نهار طاحو عينيه على عينيها ..سحراتو كيف كاتسحر بزاف بديك الشوفة لي كاتعطيهم ..الأغلبية كانت نظرتهم مختلفة عليه هو ليها.. كي كيشوفها عينيه كيبرقو ببريق مختلف .. تنهد و ابتسم عاد دخل لدارو ..

طلعات لدارهم لي كانت متكونة من زوج طبقات .. دارت الساروت فالباب و دخلات لقات الام ديالها كاتوجد فالطبلة ديال الماكلة .. الدار ديالهم واخة كانتفدرب صغير و الناس فقراء على قدهم ..لكن هوما كانت عندهم اكبر دار فيه .. واخةماكاتعداش مائة متر لكن فيها زوج طبقات .. و من الداخل مرتبة و مقادة الصالون مفرش على حقو و طريقو واخة الفراش بسيط لكنو راقي و نقي .. و المريح تا هو .. بفوتويات فالاسود و طبيلة ديال زاج .. فيها مزهرية من الوسط .. الصال امونجي بالطبلة و الكراسى ديالها .. و الفوق فيه غرفة ألمى و ختها اما الام ديالهم دايرة البيت ديالها فالتحت ...
-ألمى .. حب الحب ..
-عائشة ..جيتي ..!
-ألمى ..لا مزال بالحق صيفطتني نجي ..!!
-عائشة .."رمات عليها السيغفييت" ..الله يمسخك ..
-ألمى .." مشات سلمات عليها بالوجه" .. توحشتك يا الحبيبه ..
-عائشة ..يه الحبيبة من الصباح ماتشاوفنا !! حضرتك مشغولة ماعرفنا فاش ..
-ألمى .. فين السلطة الرابعة !! 
-عائشة .. راهي فبيتها ..شتي نتوما غانطلب معاكم الشرع .. وحدة النهار و مطال و هي تسفگ ليا فالزناقي !! و وحدة النهار و مطال و هي مقابلة ليا ديك المشقوف لي غانهرسو شي نهار على راسها ..😡..
-خولة .."دخلات عليهم" سمعتك .. سمعتك .. باغيين تهرسو ليا ولدي!! 
-ألمى...ماحشمتيش مخشية فبيتك و ماما كاتشقى !!
-خولة .." قلبات فيها وجها" انا غسلت الماعن .. و نتي شنو درتي النهار كلو و نتي فالزنقة او !!
-ألمى .." بغرور" حبيبتي واش انا وياك مساويات .. انا فام دافيغ .. و نتي شو !! تا قرايتك مابغيتي تمشي ليها!!
-عائشة .." حطات سطل و جفاف قدام ألمى .." نوبتك تجفي ..
-خولة .."كاضحك عليها" ههههههههههه ههههههههههه جفي على قلبك .. فام دميناج !! قالك فام دافيغ ههههههه 
-ألمى .. " هزات صباطها بغات تشير عليها ساعا لقاتها طارت من حداها" .. و الله لا بقات فيك .. وا ماما واااا مامااا واش انا ديال الجفاف حرام عليك وا غيتهرسو لي الضفار ..
-عائشة .. و مالي انا خدامتكم !! جفي شمن ضفار لا تهرسو لسقيهم .. 
-ألمى .. " نفخات قنانفها"و الله تا عيب هادشي وحدة بحالي انا تجفف عييب عليكم .. 
-عائشة ...سربينا جفي را بغينا نتغداو
مشات و خلاتها كاتشوف ظفارها و كاتشوف فالسطل و تنگر تا عيات و هي طلع لبسات بيجاما شورط قصيور حد الفخض و دوني معري كثر لي مغطي و نزلات تضرب الجفاف على قلبها بالغدايد رجعات الارضية كاتبرق .. و كي خرجات الما للزنقة لي داز يطل عليها و يشوف فيها مع داكشي لي لابسة نيت ماخلات شايب ما خلات صغير لي داز يحنزز عاد يمشي .. كي كملات دخلات ديريكت للدوش حيدات عليها ريحة العرق و دوشات بمستحضرات الاستحمام ديالها الغالية طبعا .. لانها من النوع لي ميحطش حاجة رخيصة على لحمو .. كملات حمامها و مشات لبسات كولون أزرق غامق مع تيشرت فالأبيض فيها كتابة بالأزرق .. ضربات بشعرها و خلاتو مطلوق على راحتو عاد مشات لصال امونجي لقات عائشة حطات الماكلة تلاحت على الكرسي ..
-عائشة .. " عاجبها الحال" اتبارك الله عليك .. خليتي النقاوا تتشقشق .. هكذا نبغيك حادگة بحال مك مانبغيش شي موسخة تقول على بنات معگازات و لا معفونات .. نهار تمشي لدار رتجلك يقول عليك ديت و عرفت اش ديت ماشي ديت مرا ماتشقى ما طيب .. 
-ألمى .. مامي .. حبيبتي .. انا ماغانتزوجش شي مزلوط نخدم و نشقى عليه .. انا غانتزوج لي يجيب ليا الخدم و الحشم و اي حاجة حتااال بين رجلي .. غانتزوج لي عيشني فالقصور .. و يحط لي الفلوس بالدولار قدام عيني .. 
- عائشة .. الله يا الكبيدة حلمي على قدك أبعداا .. بالحق حنا نترجاو الله .. تا حاجة ما بعيدة عند الله .. ماتعرفي ربي اش مخبي ليك ..
ألمى .. "حطات يديها على خدها" مخبي ليا كل خير انشاااء الله .. و دابا تشووفي .. 
-عائشة .. انشاء الله .. مالنا نكرهو ليك .. .. ااااااولااا الله يحرق طواسك بووووك .. وا نزلي اديك اااه ..

-ألمى .. "سدات ودنيها" .. ودني اماما وذني .. اش بغيتيها .. انا غاناكل ماغانتسناش .. "كاتشوف فالطبلة.." فين الفورشيط و الموس !؟
- عائشة ..غاتاكلي البيتزا بالفورشيط و الموس !؟
- ألمى .. و علاه بااش غاناكلهم ..نتي عارفاني باش كاناكل ديما .. 
-خولة .. "جات من وراها و خطفات مورصو ديال البيتزا من قدامهاخشاتو فمها" .. هكذا كاتكتل البيتزا يا روحي .. !
-ألمى .. بااز يا ختي باز .. "خزرات فيها '' مهاوشة صافي ..!!
-عائشة .. جيبي لختك فورشيط .. 
-خولة .."بركات حداها" تجيب لراسها انا مالي ..!!
-عائشة .. راني دوييت .. 
-ألمى .."بغرور" فازي ما شيغي فازي ..
مشات خولة كاضرب بجلايلها جابت ليها لي بغات و جلسو كياكلو كي كملو طلعات بقات خولة كاتجمع الطبلة و تغسل لماعن اما أما ألمى طلعات لبيتهاو تكات على نموسيتها جرات صاكها لعندها و خذات منو التيليفون و الكارت فيزيت لي عطاها داك لي تلاقات معاه فالكافي كاتشووف فيها .. بقات مدة كاتفكر فالعرض ديالو .. واخة دافعة كبير لكن في قرارة نفسها باغية تقبل بالعرض .. ولا باش تبان للعالم و وجها يتعرف ..ثانيا حيت محتاجة الفلوس لي غاتخلصهم من الاعلان .. بقات تتفكر تا جاهة ميساج من عند عبد الجليل .. نزات تيليفونها و بان ليها الاسم لي كاتبة عليه و لي موالفة كاتلقبو بيه .. "البراءة و هادشي راجع لوجهو و نضرتو لي كاتقول عليها دائما بريئة .. 
-عبد الجليل ..!? Cc cv 📨
-ألمى .."اتصلات بيه "راك عارفني صافا عاد تلاقينا .. اش بغيتي !!
-عبد الجليل ..بفف .. مكاتعرفيش دوي الله يحضر السلامه ..
-ألمى .. عرفتي شنو درتي ليا ..قطعتي عليا تفكيري .. "شافت خولة داخلة و شيرات ليها براسها جات تخشات فيها و دارت ودنيها على التيليفون كاتسمع .. " ..
-عبد الجليل ...قاطعت تفكيرك .. كاتصنعي ناواوي نتي. . 
-ألمى .. سوقك اش مشا ليك نتا ! 
-عبد الجليل .. احم بغيت ندوي معاك فواحد الموضوع ..!!
-ألمى .. دوي!؟
عبد الجليل .. صراحة .. كانحس بالراحة فاش كانسمع صوتك ..
-ألمى ..امممم .."كاتشوف فضفارها " اوا ..!
-عبد المجيد .. اوا اوا ..فينما ندوي معاك كانحس براسي مابقيتش مهموم .. دائما فاش كانتزير فشي مشكل كاتوقفي معايا و تعطيني افكار باش نحلو ابسط حاجا البروجي الي لقيتي ليا ليه الحل .. ماعرفتش كيفاش نشكرك ....! 
-ألمى .. هذا واجب .. عادي جدا .. و زيدون تا حاجة ماكادار فابور خذيت النسبة ديالي .. يعني فحال لا خدمت معاك و صافي ..
-عبد الجليل ..لا انا وليت كانحس بيك قريبة ليا بزاف ..
-خولة ..GPS نتا ههههههه
-ألمى .."نغزاتها" هاء ..
-عبد الجليل ..كين شي حد حداك !؟
-ألمى ..أ .. غا خولة كادوي فالتيليفووون ..
-عبد الجليل .. اه واخة .. كنت كنقول ليك كانحس بيك قريبة ليا ..و حتى خواتاتي كاتعجبيهم ديما كادكرك شيماء ..و
-ألمى .." مابغاتش تعطيه امل فشي حاجة و هي عارفاه لاش كيلمح " .. اه راكم بحال خوتي ..شيماء عزيزة عليا و راهي صاحبة خولة ..و نتا خويا لي ماعنديش و اهم حاجة حنا جيران .. 
-عبد الجليل .." خاب ضنو و حنا راسو معصب " اه خوك .. واخة .. نخليك دابا تصبحي على خير ..
-ألمى .. و انت من أهل الخير ..
-خولة .."حطات يديها على راسها" .. غاتبقاااي بااايرة .. بقاي هكذا لي جا رضيه تا تضفري الشيب المنحوسه ..
-ألمى .. سوقك نتي .. أنا أحلامي ابعد من كدة بكتيييير ..
-خولة .. و ماااالو جليل .. عندو طونوبيل و قالت ليا شيماء دفع فشي دار .. و اهم حاجة زوين .. و خدام مزيان .. ماشي مزلوط .. مالك على النفخة الخاوية ..

-خولة .. و ماااالو جليل .. عندو طونوبيل و قالت ليا شيماء دفع فشي دار .. و اهم حاجة زوين .. و خدام مزيان .. ماشي مزلوط .. مالك على النفخة الخاوية ..
-ألمى .. يا روحي انا أحلامي ماشي مجرد دار و طنوبيل .. انا كانحلم بحوايج اخرى .. انا باغية راجل يعيشن ملكة .. باغية المال و الجاه .. باغية نعيش فقصر .. باغية نتشهر .. باغية يقولو الناس شووفو هادي ألمى مرات فلان الفلاني ..باغية يتكتبو على مقالات على العرس الأسطوري ديالي انا و اكبر رجال الاعمال و لا واحد من المشاهير .. " وقفات و مشات للكوافوز جلسات فيه بطريقة ريستوقراطية" ..بغيت راجلي يكون شخصية أسطورية .. فهمتيني .. ماشي مهندش ساكن فدرب المزاليط و فاش تقول ليه علاش ماتحولتيش منو يقول ليك عندي ذكريات فدارنا .. ذكريات كنتو تتصنعو فيها الفلوس الله ينعل لي ميحشم ..
-خولة .. نتي خاصك شي شيباني ملعق .. اا بغيتي هادشي لي كاتقولي ..
-ألمى ..غانشير عليك قالك شيباني ..
-خولة .."مكونيكطيا و كادوي .." .. احقا .. لقيتي ليوم شي فيكتيم و لا ناشفة ..
- ألمى ..والو كين غا القديم ..
-خولة ..هي الجفاف ..
- المى.."جبدات من جيب الشورط كارت فيزيت .."جبت حاجة اخرى !! 
-خولة "طيرات ليها الكارت من يديها" اش هذا .. 
-ألمى .. هذا واحد خونا تلاقيت معاه اليوم فالكافي.. و قال ليا بغى مودل لشي منتوج .. قالك عجييتو .. 
-خولة .."برقو عينيها" بصح و شنو قلتي ليه؟؟
-ألمى" ... قلت ليه غانفكر و نرد عليك ..!!
- خولة .. مياك ما ناوسة ترفضي!! هاودني منك هادي هي فرصتك باش تشهري .. 
-ألمى .. هاذا غير اشهار غايدوز فالدوزيم و شكون رد ليا انا البال ... لكن الحاجة المغرية لي قال لي هي اني الى عجبت مول شي غانولي الوجه الاعلاني للمنتوج ..
-خولة ..هااالعاار😍 واااو وافقي اصاحبتي ماصيعيش عليك الفرصة !!
-ألمى ... امم زعماا نزعم!! 
-خولة.. وا باااز تقول عمرك درتي شي اشهار و لا بانت كمارتك فشي حاجة ..
-ألمى .. وا صاحبتي ماشي فحال المجالات و ديك التخربيق بحال التلفازة !!
-خولة .. شوفي الى بغيتي نصيحتي!! توكلي على الله!!
-ألمى ..اوكي .. صافي غانوافق ماعندي مانخسر اصلا ...."خذات منها الكارت و اتصلات بيه ..".... الو .. 
- وي شكون معايا !!
- ألمى .. "باختصار" ألمى ..
-"كان بارك ناض وقف" اه عرفتك .. مكنتش متوقع غاتتصلي بهاد السرعة .. بالحق شكرا بزاف حيت ديجا حنا روطار ..
-ألمى .. علاياش كتشكرني و انا مزال ماعطيتكش الموافقة !!
- .. ههههه مجرد انك تسمعيني صوتك هذي حاجة خصني نشكرك عليها!!
-خولة .." حابسة الضحة" العناااب ..
-المى .. "شيرات لها باش تسكت" .. على العموم انا بغيت مقول لك بلي موافقة .. صراحة عرضك مكنتش مهتمة ليه و جاوني عروض فحال هادو بزاف تالمرات و ديما كنرفضهم .. لكن بما انو الصيف و ماعندي ميدار قلت نجرب ..
- أكيد ماغاتندميش ..تقي بيا .. 
-ألمى .. بالنسبة للثقة مابيناتناش .. الوغ غانشوف بعيني و كون اكيد انا حد ميقدر يضحك عليا حيت ماساهلاش و لي فكر فيها غايكون لعب فعداد عمرو !! حيت الشوهة لي ممكن ندير ليه عمرو شافها ..
-ههههههه ماتخافيش حنا شركة معروفة و عندنا اسمنا فالساوق و كانتفاداو ما أمكن الصداع .. و الشوهة ..
- ألمى ..اوكي نتمنى .. 
-ااه حقا .. مسولتينيش على سميتي!؟
-ألمى .."هزات حاجب و حطات لاخر " و شنو بغيت سميتك ..
- وايلي على شنو بغيتي سميتي ..هههه ..غايكون بيناتنا خدمة .. على العموم .. سميتي وسيم .. وسيم الراجي ..
-ألمى .. متشرفين ..
- وسيم ...الشرف كلو ليا .. على العموم غدا انشاء الله الى بغيتي نجي عندك تال دارك نديك باش نتوجهو للشركة ..
-ألمى .. "صعقها" .. ااا ..امم لا ماتجي فين عطيني غير العنوان و نتلاقاو فالشركة ..
-وسيم ..واخة غايوصلك دابا فميساج .. 
-ألمى ..أوكي .. شكرا ..
قطعات عليه ..رمات التيليفون و حطات رجل على رجل بغرور ..
-خولة .. يا برووودة قلبك اختي ,..
-ألمى .. "طلعات فيها عينيها" علاش !؟مالي ..
-خولة .. كون كنت بلاصتك كنت غانموت بالفرحة .. 
- ألمى .."ابتسمات بالجنب " .. هادي هي نقطة الاختلاف بيني و بينك .. "عاودات شافت فيها بتركيز و تنهدات" .. هوما فالصراحة نقط اختلاف كثار .. بالحق خصك تعلمي داائما تكوني ثقيلة فتعاملك مع اي واحد و عمرك تبينيةديك الفرحة السادجة ديالك .. 
-خولة .. " طلعات فيها حاجبها" .. كنفضل نكون عفوية .. مكانبغيش نلبس ماسكات على وجهي.. 
-ألمى .."هزات كتافها" .. اوا الحياة مكاتمشيش بعفوبة .. كوني أكيدة و هادشي غاتعلميه مع الوقت و لكن خصك تعرفي انو اي واحد بينتي ليه ضعفك او اعجابك بشي حاجة غايحاول يستغلك بديك النقطة ديال الضعف ديالك .. و هذا ضعف .. و أنا مستحيل نقبل بالضعف .. واخة يقولو عليا باردة القلب.. "صيفطات ليها بوسة فالهواء "..
-خولة .."بقات كتشوف فيها موووودة" ايمتا غاتلاقاي معاه!؟
-ألمى ..وا غداا .."صغرات فيها عينيعا" و ماتحلميش .. ماغانديكش معايا ..!
-خولة .."دارت فيها عينين المشة و لوات شفايفها للتحت" .. ختك أنا .. عااافاك عافاااك ... 
-ألمى .."قلبات عينيها" .. غاتمرضيني أخولة و نتي عارفاني كنتعصب دغيا ..

-خولة .." ببراءة" فحال الكتكوت فينما حطيني غانبقى ..!!
-ألمى .."شدات فراسها" غانتشوه .. لالا بااينة غانتشوه ..
-خولة .." قربات لحداها و شنقات عليها بتعنيقه" .. لا عاش ولا كان لي يشوه الكوين ألمى ..
-ألمى..باغية غا حاجتك حيدي عليا .."دفعاتها و مشات لبلاصتها" .. سيري و سدي داك الباب معاك ..بغيت ناخد قسط كاافي من الراحة باش نفيق أونفورم ..
-خولة .."صيفطات ليها بوسة فالهواء" .. أوامر الملكة .. 😍..
خرجات تتنقز لبيتها و مشات ديريكت للماريو ديالها وجدات اش تلبس للغد فاش غاتمشي مع 
-ألمى .. أما المعنية بالأمر نعسات ولا على بالها .. و ماعاطياش للموضوع أهمية أصلا ...غفات و كيف العادة قبل الفجر .. نفس الأحلام لي كاتراودها وجه رجل كبير كيقرب لعندها و هي ناعسة فحال لا مكتفة مكاتقدرش تنوض ولا تتكلم ولا تغوت .. احساس انك مكتف و ماقادرش تتحرك ميقدر يقدرو غير لب مجربو .. فكل مرة كاتحاول تشوف وجهو و ماكاتقدرش دائما وجهو ماواضحش ..كيجي يقرب حتال عندها و يبداي يهضر و يتكلم بطريقة مامفهوماش و يقيس لها فشعرها ..شوية كاتحس راسها في بلاط كبييير فحال ساحة ديال شي قصر ولا مكان كبير .. و مجموعين حولها ناس كثااار فحال لا مكيشوفوشهاش و هب متكية وسطهم مكتفة و هوما كيضحكو يهضرو بطريقة ماكاتفهمهاش .. شوية كاتسمع صوت وليد صغيير كيغوت و فلحضة كتنتقل لغرقة أخرى فيها غير هي و رولاكس جاي منو الغوات ديال دراري صغار ..بقاات فداك الحلم حتى أذن الفجر .. كي سمعات "الله أكبر" و هي تقفز فحال لا كانت فايقة و كاتسناه غير يمتاش يأذن ..
-ألمى .."شدات فالسنسلة لي معلقة فصدرها و كاتنهج" .. أعوذ بالله من الشيطان .. أعوذ بالله من الشيطان الرجيم .... اووف .. يا ربي ..
ناضت كاتخبط فجلايلها دخلات لطواليط قضات حاجتها و غسلات وجها .. ورجعات لبلاصتها تخشات فيها و نعساااات بمشقة الأنفس حتا سمعات خولة كاتعيط عليها سدات ودنيها و كمشات عينيها . 
-خولة .."جلسات حداها.. عرفات شنو بيها" ..عاوتاني !!
-ألمى" مانعست تا حسيت روحي غاتخرج خليني عافاك راسي كيلعبو فيه القرودة ..!!
-خولة .. وا صافي نوضي اصلا نعاس فاتت وقتو ولا نسيتي الموعد اوووف وا نووضي ..
-ألمى ..الموعد يتسنى .. نعاسي نو ..!!
-خولة... عافاك اصاحبتي نووضي اووف ماتعصبينيش ..
-ألمى... اللهم طولك يا رووووووح😕 معرفتش واش انا لكبيرة ولا نتي ..يخ ..
-خولة. .. هاني غانسبقك لتحت ..
ناضت طالع ليها الديم و هي اصلا كتنوض معصبة و معنكشة مشات للدوش طرفات حالتها بلا متقيس شعرها ..و رجعات لبيتها مشات للباكار طبعا ألمى لا تليق بها إلا الأناقة .. و اي حاجة من البلاكار ديالها غاتكون ذات ذوق رفيع .. خذات سولوبيط بميني جيب يالله واصلة للفخض ديال الدان فالاورونج ..لبساتو مع شوميزة بيضاء سامبل و موكاسان فالقهوي فحال السمطة ..دارت فيديها ساعة غالية هدية من هدايا واحد من الضحايا ديالها و خاتم بسيط فيديها و ياليد الأخرى دارت فيها سنيسلة صغيورة .. مشطات شعرها و طلقاتو على راحتو ..أما المكياج دات نو ميك اب ميك اب .. مكيبانش بالمرة انها ديرة شي حاجة لوجها ... رشات ريحتها و هي تم داخلة عندها خولة لقاتها كاتصور فالمراية ..
- خولة .."حاطة يديها على خصرها " اوا تبارك الله عليك .. انا نص نهار كانتسناك لابسة و واجدة و ماكية .. و نتي باركة ليا هنا كاتصوري ...
-ألمى ..."ضارت بالعرض البطيء و طلعات فيها حاجبها" .. اش هادشي لابسة !!
-خولة .. "نزلات عبنيها كاتشوف فراسها" .. سيرفيت ..مالها !؟

-ألمى .."هزات صاكها حطات فيه التيليفون " .. ماغاتمشيش معايا .. قرضي اللرض
-خولة .."طاح فمها اللرض" اويييلي حراااام عليك😭😭 عوااالة من البارح و بت فرحانه ..
-ألمى .. واش انا غادية ندير بيك السبور فالبحر!؟ الاله غاديين لشركة محترمة .. ماشي لمدرسة ..
-خولة .. وا راه ماعرفت ما نلبس .. عافاااك ..
-ألمى .. اوووف .. 
جراتها من يديها و داتها للبلاكار جبدات ليها كسوة قصيرة صيري فالأسود باليدين و الكول .. مع طالون أحمر ديال الدان .. جمعات ليها كعكة مهملة .. اما المكياج ديجا كانت ديراه .. عطاتها حلقات على شكل شوشيات فالأحمر بحال لون الكعب .. عاد طلقاتها ..
-خولة .."كتشوف فراسها فالمراية" .. اااح حبيييت .. 😍
-ألمى .."تكات على الكوافوز تتشوف فيها" .. اول حاجة .. ديك الابتسامه ديالك ماعندي مندير بيها مانشوفهاش تم . قوة الهضرة ماعنديش ماندير بيها ..كنفضل تسكتي تماما و منسمعشي حسك ..
-خولة .. ويلي ولي دوا معايا ؛!!
- ألمى .. تا حد ماغايدوي معاك غرضهم بيا انا نتي غير غادية معايا .. اوا تكمشي قبل لا نغير رأيي .. ممكن؟؟
-خولة" سدات فمها بيديها" .. ولا حرف ..
-ألمى ..اوكي مزيان .. 
خرجات هازة زنافرها كيف العادية لقات عائشة حطات الفطور و جالسة تتسنا فيهم .. ابتسمات و مشات باست ليها راسها..
- ألمى ... حب الحب .. صباح النور ..
- عائشة .. صباح الورد ..هاي هاي على الزين عاوتاني .." شافت فيهم بزوج ".. اوا انا لي والدة الزين ..فين غاديين بالسلامه ..
-ألمى..."تكمشو ملامح وجها" .. احم ..غاديين عندي خدمة على برا و بنتك لسقات فيا ..
- عائشة .."طلعات فيها حاجبها" شمن خدمه!!
- ألمى .. "خذات الفورشيت تتاكل بيها المورتاديلا.." خدمة و صافي .. واحد الشركة بغات عارضة للمنتوجات ديالهم و طلبوني انا ..
- عائشة ..هاكيني هاكاوااا .. غاتباني فالتلفازة!! ..
-ألمى ..اوا قااالو!!
-عائشة .."برقو عينيها" .. الله ينوي لك لي فبالك ابنتي ..
-ألمى ..اميين احبيبتي ..
-عائشة .."دورات عينيها لجهة خولة لي كانت تتاكل بشراااهة" الماكلة ماغاتسالاش ابنتي .. بشوية .. 
-خولة ..فيا الجوووووع ..
-ألمى .. كولي جناابك .. غاطرطقي ليا الكسوة ..
- خولة ... تخافيش عليه فالحفض و الصون ..
عائشة .. انا حاجة وحدة بغيت نعرفها .. ختك عندها خدمة .. و غادية ليها .. و نتي لاش لاسقاها ؟؟ 
-خولة .."حطات ااماكلة و شافت فمها" .. علاه مافخباااركش .. !
-عائشة.. "لوات شفايفها" .. لا مافخباريش أخويتي ..
-خولة ...راه كاترضعني..
- عائشة .."صيفطات عليها زيتونه جاتها فالجبهة .." غير ديال العضان ....
-خولة... ياك بعدا شهية..😌
-ألمى .. "ناضت وقفات بهدوء جبدات المعقم دارتو فيديها و هزات صاكها .. باست عائشة فحنكها" .. يالله مامي انا مشيت ..
- عائشة ..الله يجيب لي فيه الخير و يبعد عليكم ولاد و بنات الحرام ..
-ألمى ..امين ..
خرجات من الباب و تبعاتها خولة تا هي مع الخرجة بان لها البراءة خارج من البابديال دارهم ..
-عبد الجليل.. "شافها و هو يبتسم" نهاري غايدوز حلو ..
- ألمى .."بادلاتو الابتسامه" .. هههه .. صباح الخير ..
-عبد الجليل ..صباح الجمال .."شاف خولة وراها" صباح الخير خولة ..
-خولة .." ابتسمات بخجل" .. صباح النور ..
-عبد الجليل .. خارجين بزوج !! فين ماشيين نوصلكم فطريقي ..
-ألمى .. جاتني خدمة و هادي لاسقه فيا ههه .. 
- عبد الجليل .." فتح ليها الباب ديال الاوطو" .. تفضلي ..غانوصلكم. ..
-ألمى .."ابتسامه صفراء" .. اه اوكي .. 
-عبد الجليل .."فتح الباب لخولة تا هي" تفضلي يا أميرة .. جيتي زوينه اليوم ما السر!!
-خولة .."غمزاتو .. لمسات الكوين ..😉
-عبد الجليل .. جر نيفها بين صباعو" ديك النهار عاد كنتي برهوشه دغيا كبرتي .. 
سد لها الباب و اتجل لمكانو .. انطلق ديريكت بعد ما عطاتو اللوكيشن ديال الشركة دخلها فال GPS ما هي إلا دقائق وصلو و نزل فتح ليهم الباب يالله غايمشي تا بان ليه واحد جاي عندهم و ألمى شيرات ليه و هو يوقف تيشوف فيهم ..
-وسيم .. صباح الورد و الياسمين .."خذا يدها باسها برقي .." .. أشرقت الأنوار على هاد الشركة .. 
-ألمى .."رمات عليه نضرة عابرة و طلعات راسها كتشوف فالبناية لي كانت كبيييرة و فيها كينة الشركة .." ميغسي ..

-وسيم .."شاف جهة خولة طلع و نزل فيها " .. شكون هاد الزويونه ..!؟
-ألمى .."شافت خولة غاتجاوب و هي تسبقها فالهضرة" .. ماتركزش بزاف هادي ختي الضغيرة .. 
- وسيم .."خدا يد خولة باسها حتى هيو عينيه على عينيها" .. ما شاء الله .. مامي نحلة عشان جابت العسل ده ..
- ألمى .. " جاتها هضرتو حامضة ماكرهاتش تفلقو" .. هاها .. 🤨🤨
-وسيم .. ابتسم و مد ليها يديها باش تشد فيه" .. تفضلي .. كيتسناوك ..
- عبد الجليل .."خزر فيه .. و جر ألمى من دراعها دارها جنبو" .. 
- ألمى .. "خزرات فيه و نطرات يديها " .. مالنا .. اش كيصحاب ليك راسك تا تشد فيا بهاد الطريقة .. 
- عبد الجليل ... طلق منها و عينيه عاقدهم فوسيم لي بادلو نفس الحدة" .. ماشي اي واحد يمد لبك يديه تقبطي فيها أعبير ..
- ألمى .. اوووه .. و نتتا اش مشا ليك .. شكون نتا !!
- عبد الجليل ... "شاف فيها مطول عينيه فعينيها" .. انا شكون!! كاتسوليني انا هاد السؤال!؟
- ألمى .. اه كنسولك نتا .. نتا عاارفني مزيان مكانبغيش هاد الأسلوب نشد فلي بغيت ....
- عبد الجليل .. "غمض عينيه و عاود فتحهم" .. خايف عليك .. و نتي عارفة شنو نتي بالنسبه ليا ..اوكي .. كانخاف عليك من اي واحد ..
-, ألمى .."تنهدات و رجعات ضارت عندو" مابغيت نكون والو لبك .. عافاك ..ماتخافش عليا انا بمية راجل .. غير تهنى .. شكرا حيت وصلتينا ..
-وسيم .."ضحك بالجنب", .. ألمى .. واخه نمشيو الناس تيتسناونا!!
ألمى .. "تخطات يدين لي كان ماد ليها و تمشات قدامو" ديك الحركة ماتعاودهاش .. 
- خولة .."مشات عند جليل سلمات عليه بالوجه" خويا ماتقلقش ماتقلقش منها.. من الصباح مكانتش نورمال ..
-عبد الجليل ماديريش فبالك مزيان لي جيتي معاها مارتاحيتش لداك خينا .. سيري و خليك معاها ..
- خولة.. اوكي .. 
مشات خولة لحقات عليهم و توجهو ديريكت للطابق لي فيه الشركة .. كي دخلو لي دازو من حداه كيبدا يشوف و يحنزز شكون هاد المقزبات لي داخلين للشركة مع وسيم .. توجهو ديريكت لمكتب المدير العام دخل وسيم بلا دقان و تبعوه البنات تا هوما .. 
-وسيم .. صباح الخير امروان ... 
-مروان .."نطق قبل مايطلع راسو "..وا مانعرف ايمتا غاتأدب اصاحبي كانقول ليك ديما دق"طلع راسو و تشوكا" .. قبل ماتفتح الباب"نطقها بشوية و عينيه كيدورو من خولة لألمى..
-وسيم ... ههههههههههه شتك تبلوكيتي ياكما نفلاشيك .."جلس و حط رجليه على الطبلة" .. هي ألمى لي دويت ليك عليها .."شير ليه على ألمى .." ..و هادي الأميرة أختها خولة ..
-مروان .." وقف و توجه لعندهم وقف قدام ألمى بقى كيشوووف فيها و هي بدورها بادلاتو نفس النضرة بوقااحة .. و حاجبها طاع مانزلاتوش من لي خرجات فعبد الجليل .." ..اول مرة فحياااتك أوسيم كاتدير شي حاجة زينه .. بهرتيني .. فريمون بهرتيني هاد المرة .."مد يدو خذا يدها لي كانت على الصاك ديالها و قبلها بمنتهى اللطافة" .. متشرفين آنسة ألمى .. 
-ألمى .." ابتسمات بالجنب .." الشرف ليا ..موسيو !!! ..
-مروان ..هههه .. مروان .. "شاف فخولة. لي واقفة حدا ألمى " .. مرحبا بيك مادموزيل ..
خولة .. شكرا ..😊
-ألمى .."بقات مدة كطلع و تنزل فيه مدير شركة و باقي صغير و زوين.." مسيو مروان .. ممكن نتكلمو فالخدمة الله يخليك .. عندي شلا حوايج يتقضاو ..
-مروان .."طلع فيها حاجبو .." .. اوه .. اوكي تفضلي .. باينة عليك عملية فوق القياس ..
-ألمى .. " مطلعة نيفها و كبريائها كاملو حطاتو قدامو" ..هادشي علاش جيت ..😊...
جلسات و حطات رجل على رجل جبد لها العقد و شرح لها طريقة الخدمة .. ..
-مروان... "تكى على ااكرسي كيشوووف فيها و يطلع و ينزل فكاع قنات وجها" ..صراحة لي بغيتو و احسن ..
-ألمى .. "دارت راسها فحال لا ماسمعاتوش .." عندكم فحال العقد شرط ميمكنش ليا نقبلو ..
-مروان .." بقى فنفس البوزيسيون" .. اشنو هو هاد الشرط!!
-ألمى.. اني منقدرش نكون عارضة فشي ماركة اخرى !!
-مروان... كملي القراية ..!! الا إذا فسختي معانا العقد او انتهت مدة التعاقد ..!!
-ألمى .. اممم.. 
- مروان ..بالنسبة فلوس .. "خذا منها العقد و رجع لها الضعف ديال الرقم المكتوب" حيت تستاهلي ..أكثر حتى من هذا😉..
- ألمى ...."عضات على شفتها التحتية" .. اوه .. دابا نقدر نوقع .. 
-مروان. ..." بديك الحركة بورشاتو مكرهش يبوسها من فمها غا حشم" .. و انا سعيد بالخدمة معاك .. جد جد سعيد ..

-ألمى .." ابتسمات الابتسامه لي ناادرا مكاتبتسمها بعد ما وقعات ".. و انا أسعد ..
- وسيم ..اوه .. اوا الحمد لله ملي اتفقتو .. 
- ألمى .. اه دابا ايمتا غايكون عندي التصوير !! .. 
- مروان .." حطي راسو على يديه فوق البيرو و شاف فيها مصغر عينيه" الى قلت ليك دابا تقبلي!!
-ألمى .. .. ولكن انا ماعوالاش !!....
- مروان ..كولشي واجد عندنا فالوكالة .. يعني ماعندك ماتعولي ماعليك غير تجلسي كي الأميرة و تصوري ..
- ألمى .. امم .. اه حاجة نسيت ما قلتهاش لبك .. ضرويري غاتعطيوني نسخة من الصور ..
- مروان .."ساهي فيها" حلوة .. حلوة ..😍
- وسيم .. اححححم .. واش شريف وا القياده .. وااا العماله .. 
-مروان .. "ماشافش فين " اش غاندير تلفت ماعرفت دابا منين نبدا ..
-ألمى .."بخجل مصطنع كاترمش عويناتها" .. غير بشوية عليك ..
- مروان .. هههه ..يالله تفضلي معايا ديجا حنا معطلين بيومين .. نزلتي علينا فحال الرحمه ..
-ألمى .. وقفتو قادات حوايجها و شافت فيه بكل غرور مخلوط مع الابتسامه الي زايدة عليها سحرها الخاص على الجنس الآخر ..فتح ليها الباب و خرجات هي تبعاتها خولة .. جا يتبعها وسيم و هو يدفعو و زاد خلاه غا كيشوف و يضرب يد بيد .. قالك ما دير خير ما يطرى باس ..
مشاو من تما ديريكت للمكان المخصص بالتصوير ..وقف مروان فالوسط صفق زوج خطرات باش يتجمعو الموضفين ..تجمعو و كلهم تيشوفو فألمى و خواة 
-مروان ... سمعوني مزيان أخيرا .. لقينا العارضة المناسبة للمنتوج ديالنا .. كانقدم ليكم ألمى .. على العموم .. غادي تجهزو ليا المعدات و تتصلو بصحاب المكيج و الشعر و اللباس دابا يحضرو فينما كانو مانبغيوش ناخدو من وقت الآنسه بزاف .. يالله تفضلو جهزو معدات التصوير فالغرفة لي خصصناها لها للفوطوشوت ..

ناضت فبهم الحريگة عطاهم نصف ساعة باش يجدو و هو خذا ألمى فجولة فالشركة هي و خولةمن بعد رجعو للمكتب ديالو ...
-مروان .. سمحو ليا ماسولتكمش اش تشربو!؟
- ألمى .. كافي نواغ ..بلا سكر ..
-خولة .. عصير الليمون ..
-مروان .. طلبات الأميرات أوامر .. "طلب السكريتيرة تجيب ليه طلباتهم" ..امم .. انسة خولة كاتقراي ولا خدامه !!
- ألمى .. "ابتسمات ليه " .. كاتقرى ..!
- مروان .."بادلها الابتسامه" .. اه مزيان ..باقة صغيرة .. ارا ماتقراي ..
- خولة .. هههه واه ..
-مروان.. ألمى .. عطيني الكارت ناسيونال ديالك .. باش نكملو الاجرائات ..
-ألمى .."مداتها ليه" .. تفضل ..!
- مروان .. شاف فيها .. عبير!!
-ألمى .. اه عبير ..
-مروان .. "صغر فيها عينيه" .. يه متشرفين و ألمى منين جات!؟
-ألمى ..عبير سميتي فالأوراق .. و المى سميتي لي تربيت و عشت عليها .. زائد ماعنديش مع عبير .. 
- مروان ..و حتى ألمى واعرة 😍..
-السكريتيرة .."دقات قبل ما دخل و حطات لهم المشاريب" .. مستر مروان قالو لك كولشي واجد ..
- مروان .. واخو يشربو الآنسات الضيافة و يجيو ..؛
-ألمى .."وقفات و هزات صاكها" الله يخليك .. بلا منضيعو الوقت فحال لا شربناها .. 
-مروان .."ناض حتى هو " .. واخة على راحتك .. تفضلو ..
هو أصلا مروان ما عياش من الهضرة مع ألمى و لي جات على فمو بسم الله مكيحبسش سولها على الصاسيلة و الفاصيلة ديال جدودها و طبعا هي كتجاوب على لي حبات .. .خولة هي ماعلا بالهاش هزات العصير ديالها و تبعاتهم للمكان لي غايصورو فيه .. جات وحدة باش تساعد ألمى خذات منها الصاك و داتها للمكان المخصص باللباس لبساتها كسوة فالغوز بيبي فيه وريدات من التوب نيت و مبين لها النص فالصدر .. كلو اسطراسات براقة عاطيينها رونق و اطلالة راقية .. جاو عندها اختصاصيين الشعر و الميك اب كل واحد فين خدام .. جمع لها شعرها و دار لها بيريك طبيعي قصير فلون شعرها نيت الميك اب جاها تقيل .. ماتغيروش ملامحها بزاف لانها متعودة على المكياج لكن بالنسبة ليهم شافوها بميك اب خفيف الى منعدم جاتهم مختلفة و ساااحرة للأنظار .. كي خرجات لعندهم كولهم حلو فامهم مع تقاسيم جسمها الأنتوية بارزين كثر من القياس لان الفستان كان منفوش من التحت و من الفوق مبين التقاطيع ديال الصدر كيف ما هي .. عاونوها تا وصلات للمكان لي هاتصور فيه .. خذا لها وسيم عدة صور فردية .. عاد جا أخصائي تجميل هو لي كان معاها فالاعلان صورو فيديو دغيا انسجمات مع الكاميرا فحال لا متعودة عليها و اي حركة كيقولو لها تديرها كاتزيد عليها بهراتها السحرية الخاصة و كاطلع حسن من لي قالو لها ..هكذا سالاو الاعلان و كلهم عجباتهم و تبهرو بأدائها لي وصفوه بأحسن من رائع لأنهم عادتا كيتعطلو فالتصوير اكثر من يومين غير باش يلسقو شي بشي ..في ساع اتفقو معاها على الاعلان الثاني لي غايكون اعلان للبارفان .. ...
-ألمى .."وقفو قدام الشركة و شيرو لطاكسي ..عاد تنهدات " اوووه ماكنتش متصورة غايدوز هادشي بهاد السرعة ..!! 
- خولة ..انا بقيت غا كنشوف .. كي درتي ليها الله و اعلم .. 

- ألمى .. "ضربات شعرها بيديها ورجعاتو للور بغرور'' .. اوا راه الكوين ألمى ماشي هي اي واحد .. 
- خولة..."جراتها يركبو فالتاكسي" زيدي زيدي و نتي شنتي .. 
- ألمى... بشوية عليك الزمر ..
قبطو طاكسي و اتجهو ديريكت لدارهم دخلات بعد ما سلمات على ماماها مشات ديريكت لبيتها سدات عليها و جبدات الشيك .. هذا اكبر مبلغ كاتشدو لحد الآن .. خباتو فالصامصونيت ديالها و دخلات للدوش دوشات و خرجات لقات تيليفونها كيصوني .. 
- ألمى ..خولة .. حبيبة انا غير حداك علاش تتصلي بيا !!
- خولة .. شوفي حنا مشينا لدار عبد الجليل عيد ميلاد ختو اليوما و عرضات علينا .. قالت ليك ماما الى ساليتي اجي .. جيت قبيلة نقولها ليك لقيتك نعستي فالدوش. .
- ألمى .. لا مجياش .. ماعندي ما ندير تم .. و زيدون انا عيت اليوم غانعس .. 
- خولة .. اجي اجي الجو غزال طالقين الشعبي مكاتسمعيش ..
- ألمى .."لوات شفايفها" .. انا كنقول منين جاي الصداع .. ماخصنيش .. غير خليوني نعس .. 
- خولة .. سيري نعسي .. وش نكد .. 
طفات عليها التيليفون مشات لبلاصتها تكات فيها و جبدات الكاندي تتسلى بيهم و دور فالانستغرام ديال الكردياشنز لي غايحمقوها ماخلات كيلي جينر ماخلات كيم كارديشن .. ماخلات كلوي .. بقلت تتفرج فيهم تا وصلوها تصاور من عند وسيم .. دخلات للواتساب لقاتهم ديال الاعلان .. هزاتهم ديك الساع حطاتهم فالانستغرام و دارت الهاشتاغ للماركة حطات قبل منهم😂.. 
- ألمى .."رجعات شافت فالصفحة ديال كيم كارداشيان و طولااات فيها الشوفه" .. هاني جاية غانوصلك غانوصلك ...😌...

- في مكان ااخر تحديدا لندن-

كان متكي و حاط يدو تحت راسو ..دور وجهو لعندها و هو يقلب سيفتو .. هادي هي حالتو دائما .. بعد ما كيسالي المممارسة معاها كيتبدل مزاجو ..!!معاها طبعا و مع غيرها حيت ماشي هي الاولى و لا الاخيرة فحياتو .. تنهد و حاول يهدأ من انفاسو لي بداو كيتسارعو ..هو براسو ماعارفش علاش كيتعصب من مور الممارسة واخة يكون استمتع حتى يعيا ولكن فالاخير كي كيحط راسو كيبداو انفاسو يتسارعو ..رمى ليزار بعد من حداها خذا البوكسر ديالو لبسو و مشا فتح البالكون .. تكى بيديه على ااحديدات ديالو و استعد للفحة الهوااء البارد لي هبات عليه .. استنشق منها كمية كبيييرة و عاود زفر عدة مرات .. حتى سمعها تحركات من فوق النموسية ..

-مادلين .. "عاقدة حواجبها "???Jallal
-جلال ... شنو؟؟
-مادلين ..."كتكلم بالانجليزية "واش حماقيتي ؟؟ لاش فاتح علينا الباب فهاد البرد !؟ "طلعات و نزلات فيه " هااء .. و واقف عريان .. !؟
- جلال .."طلع فيها حاجب و نزل لاخر و دوا بصوت شبه مسموع و بالدارجة" المجنونة هي مك .. الصباحاتولله .
-مادلين .. اش كتقول !؟ كل مرة كنقول لبك مكانفهمش العربية .. 
-جلال .. "ضحك باستهزاء " .. هادشي لي مصبرني على ديلمك ..😏
-مادلين ..."قلبات عينيها و تأففات" اووف .. هانتا كتعاودها يا جلال .. !! عافاك تكلم معايا بلغة نقدر نفهمها ..!!
-جلال .."قرب ليها و حط عينيه على عينيها مباشرة .." اوكي !! قلت ليك يا مادي خصك تنعسي .. "غمزها " كيبان ليا عييتك الليلة بما فيه الكفاية .. ياكما بغيتي نعاودوها!؟؟ 
-مادلين .."ضحكات ,بديك الضحكة السافلة ديالها و شافت فعينيه بعويناتها الزورق .." حبيبي الأسد ..😉 "نزلاات عنيها لجسمها لي كان عريان قدامو و كلو عامر بطبايع و الآثار ديال يديه لي خلفاتها الممارسة العنيفة ديالو معاها .." .. اوه .. رديتي لي جسمي فحال شي لوحة فنية ...
-جلال .." غمزها " شنو .. ماعجباتكش !؟
-مادلين .."ناضت فجأة و لصقات معاه و ضورات يديها على عنقو بطريقة متوحشة" .. أجمل من لوحات بيكاسو .. .. 😍
-جلال .." بعدها عليها و دور عينيه كيقلب على تيليفونو" .. كيبان ليا مزالة باغية تكملي لي بقى من الليل ..
-مادلين ..."عضات شفتها و ابتسمات " راك عارفني مكانشبعش منك احياتي .."شافت فيه بمرح" .. غانتلاقاو غدا اكييد ياك!!
-جلال .. " كيخربق فتيليفونو".. لا .. عندي ميدار..
-مادلين .."جمعات ديك الضحكة " ..ماعندكش ليا الوقت نهائيا يا جلال فينما كنلقى وقيتة معاك كاتصدمني بالبعد موراها مباشرة .. !! تال إيمتا غيستمر هاد الوضغ الوضع!؟
-جلال .."بعدم اهتمام '' هادشي لي عندي ! عجبك ولا ماعجبكش .. !!
- مادلين...كانتوحشك بزاف ..😫
-جلال ... "طلع فيها حاجبو"هادشي لي عندي ..نتي عارفة مزياان بلي «انا لست رجلا لامرأة واحدة ..»

مادلين .." ماحملاتش راسها" .. ضربات برجليها " خصارة .. !!!
دورات ليه ضهرها العريان و تكات على الجنب الثاني و نعسات خلااتو هو كان كيقلب فالتيليفون .. دور راسو شافها ناعسة و عاطياه ترمتها 😂.. رما التيليفون و ناض ديريكت لدوش دوش و حيد عليه الوسخ ..و رجع للبيت كانت ديك خيتي مزالها ناعسة .. خذا حوايجو لبسهم و هز كاع داكشي لي كيخصو قبل ما يخرج ألقى عليها نضرة كاتجمع (الاشمئزاز و السخرية و الازدراء ) ماحس معاها بحتى حاجة من غير رخصها! مع انو عندو عقلية گاورية و عاش حياتو على برا بالحق عندو واحد العرق مغربي كينغز فيه ... خرج ديريكت ركب طونوبيلتو و اتجه للفيلا ديالو مع الدخلة كيلقى غير صاحبو جالس فالجردة ..
-علي..فين كنتي أصاحبي!!
-جلال .."بعدم اهتمام" ..مع مدلين .. 
-علي.. ههههههههههه هي زهاو الناس عاوتاني ..!!
- جلال .."تلاح على الكنابي باهمال'' ديما زاهي هني بالك ..
-علي ..سعدااااتك اعشيري ..!! 
-جلال ..على قلة الق**ب !!
-علي ..ماشي كولشي بحال مادلين ..😉
-جلال ..ينعل ديلمها مدلين .. اودي فينما لقيتي شي تقبة سدها و هنينا ..
-علي .. عندنا الخدمة فالمغرب اعشيري !! 
-جلال .. سير نتا .. انا ماغاديش ..
-علي.. هاكاواا هههههه 
-جلال ..ياك نتا المخرج!؟..
-علي..و نتا منتج !!
-جلال .."ناض حيد التيشرت و تم داخل للفيلا " ماغانساليش منك ..تفوو ..
-علي ..ماباغيش تشوف بلادك اصاحبي .. نكار اصلو ..
-جلال .."هز كورة كانت حداه عطاها ليه لكرش " سوق مك!!
-علي ..او .. الله ينعل الزامل بوك ثفوو .. 
-جلال... ايمتا هاد المشية بالسلامة!؟
-أسامة .. في أقرب وقت ممكن .. أشنو غادي!؟
-جلال .. مافهمتش انا شنو لزومو هادشي .. ختار عرمة ديالي العارضات هنايا و هني لديمي ك**ها
-علي..بغينا جمال عربي فالفيلم اصاحبي .. و السيناريست قالك اسيدي زار المغرب شي خطرة و لفت انتباهو جمال المغربيات ..!! و على هاد الاساس كتب السيناريو .. على بنت من اصول مغربية .. اوا اش نقولو ليه ختار وحدة من هنا !! ماجاتش ..
-جلال .. خرا شحال ديال التفلسيف ... 
-علي ...اشنو نديرو نازل ولا منازلش ..
-جلال.. خليني نمخمخ .. 
- علي ..وا صااااحبي .. راه فلوووسنا لي حاطين .. و داك الفيلم نشاعلاااه الى غايدير البوز ..
- جلال .."حط يديه على فمو" .. دوي مع عشيرك يشوف لينا شي وحدة من تم يصيفطها ..
- .. علي.."ضرب يد بيد" .. لا حول ولا قوة الا بالله ..وا السيد قال ليك الفيلم نصو فالمغرب اصاحبي ..
-جلال .."طول فيه الشوفة" .. نوض قود عليا .. نوض .. 
- علي .. هاهو ناايض .. ولكن دير فبالك ضرور غاتمشي .. ميمكنش ليا نمشي بوحدي .. نتا المنتج انا غا خدام معاك ..
- جلال ..اوا لابااس مزال عاقل واش خدام عندي .. نوض قود الله يرحم باك ..
-علي .. هاهو نايض .." هز سوارتو و تيليفونو" .. هاد اليومين خصنا نمشيو ..
ماجاوبوش دخل ديريكت للفيلا و طلع للطابق لي كان دير فيه صال دالسبور و بدا كيتريني و ماحاملش الفكرة ديال انو هايرجع للمغرب ..

-فلاش باك قبل عشرين عام - 

...البداية ...
كانت الوقت ليل .. ماعرفش شكون هوما .. و منين جاو .. لي فبالو .. هو انو جاو عندو ناس من المدرسة و خذاوه على أساس هايوصلوه لدارهم عند والديه ..!! كيفاش وصل لهاد المكان .. و شحال ديال الوقت ماعرفش .. طريق طويييلة .. ساعات كثيييرة .. دقاااائق ثقيلة .. عينيه مغطيين .. و يديه مكثفين .. مع أنو طفل فالسابعة من عمرو ماهايقدرش يهرب .. صوت المحرك ديال السيارة فاش كيتحرك .. صوت ضحكاتهم و هوما كيتهامسو عليه ...
.. -. فين انا ..!!! فين ماما ..!؟ فييين بابا ...
كيسمع غير صوت قهقهاتهم .. 
-باباك .. ههههه هاحنا غاديين عندو ..!!..
-علاش بعدنا .. علاش رابطيني .. علاش مغطين عيني!!؟
لا صوت غير صوت ضحكاتهم ... و فاش عياو من الحاحو و صدعهم رشو عليه مخدر خلاه ينعس و ميجيب للدنيا أخبار .. كملو طريقهم و ضميرهم مرتاح .. خاطفينو ز لاين غاديين بيه ..!! للمجهول .. فتح عينيه !! سواد في سواد .. كاااع لي ضاير بيه بلون الضلام .. سد عينيه و عاود فتحهم .. كأنو ضرير مكيبصر والو... 
-ماماااااااااا ... بااااااباااااا ...جدييييييي ..
صراخز كيتعالاااا و الضلام عاد ما زايد .. حط راسو على الكرسي لي كان مربوط فيه و سااالو الدموع من عينيه .. صورة امو وباه مافارف
قاتوش .. فودنيه صوت امو كاتبكي .. و قدام عينيه دموعها.. غصة فحلقو حس بيها و هادي كانت أول مرة يحس بالألم .. سمع ش
صوت جاي من البعيد .. سكت شهقاتو و فتح ودنيييه مزيييان كيتصنط مناين جاي الصوت .. سمع بخفوووت .. 
-أيمتا غايجي الطبيب ..!!
- بعد نص ساعة ...
- سير شوفو واش فاق .."رما ليه الشكلاط" .. سكتو بهادي على ما يجي الطبيب ..
مشا لعندو فتح ليه يديه و عطاع الشكلاط .. خذاها من عندو .. كأي طفل كيشوف الشكلاط و كيزيغو عينيه .. لكن فحال الانذار جاتو من دااخل قلبو .. صوت أمو و هي كاتوصيه. . 
- لي عطاك شي حاجة تاكلها ماتاخدهاش .. و الى خذيتيها ماتاكلهاش .. 
بعد المرات حتى المجرمين كيطيح عليه الغباء .. ولا يمكن اطمئنان من ان الضحية أضعف من انو يقاوم او يهرب ..رجع لمكانو وخلاه مع قطعة الشوكولاته.. اشنو يدير ليها!! ياكلها ولا يخليها .. وقف و مكيقشع حتى حاجة قدامو .. حط يديه على عينيه و حيد الشريط لي كان رابطهم .. بشوية بشوية .. الصورة بدات كتوضاح .. الضلام .. الضلام .. لكن ماشي فحال الأول .. مزال صوت الهضرة كيسمتو بعيد .. بشوية وبلا حس تبع الصوت منين جاي .. حتى وصاااح ليه .. كان الباب مقفووول .. لكن الصوت واااضح ..
- الكلاوي بشحال غانبيعوهم ..!!
- خمسة تالمليون ..
- ماشي قلال ..!؟
- ماتكونش طماع .. كينة الكبدة .. و القلب مزال صغير و كيضرب ..ههههههه ...
- و العينين !! ..
- غانشوفو شحال نطلبو فيهم ..الجلدة ديلمها هي اللخرة غانبيعها..
- ههههههههههه بيييع بيييع ...
كأنهم كيتكلمو على الدوارة ديال حولي !! عقل طفل ما استوعبش الكلام ماعرفش بلي كانو كيتكلمو على أعضائو و كيفاش و بشحال يبيعوهم..و لكن لي فهمو .. انو فخطر .. و خصو ولابد ينفد بجلدو .. دار للجهة الثانية من الغرفة .. بان ليه سرجم عالي لكن مطرق .. تمشا بشوية وبلا صوت حتى وصل عندو .. طولو ماساعفو يوصل للسرجم .. دور راسو بان ليه الكرسي لي كان جالس عليه مشا كيجري بلا حس .. رما الشوكولاتة للأرض و هز الكرسي بشوية حتى وصلو للسرجم .. وقف عليه و فتحو بشوية حيت كان مصدي و كيدير الصوت .. طل من و لقى راسو فالسفلية ولحسن حضو .. بلا ميفكر تلاح من السرجم تقسح فرجلو لكن طلقها للريح ...ماوقف حتى بانت ليه سكة ديال القطار .. مشا تخشى تكت سقيفة حداها قطار مهرس .. و مهجور باينة عليه دير حاذثة .. كان كلو محروق و مصدي .. ماغايهز غير راسو ياخذ نفسو حتى بانو ليه مجموعة من دراري فعمرو و كبر منو .. كل واحد شاد فيديه ميكة و قرعة كينفخ و يشم و ماهنااش ..كل واحد شاد موجة فشكااال .. كولشي داز بالزربة .. الخوف لي كان فقلبو تحول لجسمو كامل شداتو الرعدة .. و فجأة بانو ليه المتشردين لي طانو حداه كيجريو .. و هاربين .. غمض عينيه و بقى فبلاصتو .. ماحس غير بيد كاتجر فيه .. طلع عينو لقاه بولسي. .
تنفس الصعداء .
دائما فبالو ان البوليس هوما مركز الأمن و الأمان .. تشبت بيه و طلبو يديه عند واليديه .. خذاوه من تما دارو ليه فحص لقاو دمو نقي ..من تما بقى عندهم لعل شي حد يجي يسول فيه .. لكن حد ما جا ..!! مكانش فمدينتو ..و ماعرفش راسو فين !! تلاثة أيام كاملها قضاها فالمركز .. حتى يأسو ان شي حد هايجي يسول فيه و هوما يديوه لدار لرعاية الأطفال .. من القصوور للخيريات .. 
-الرجوع للواقع- ... ماحسش حتى ضرب راسو يالحيط و رممى القفازات ديال بوكس .. حط يديه على حدادات عاش كيتريني حس بالدوخة من الضربة لي عطى لراسو .. بدا سدرو كيطلع و ينزل بطريقة تخليك تشك انو في اي لحضة غايوقف ليه القلب .. استرجع توازنو و غوت غوتة تردد صداها فالطااابق كااامل على ذكرى كاتضرووو فقلبو أكثر من الف طعنة ....

صباح جديد فاقت ألمى على الضوء ديال الشميسة لي جاية من السرجم بعد صراع مع الكوابيس بالليل .. ناضت هزات تيليفونها لقاتو مطرطق بلي زابيل من عبد جليل ..
- ألمى .." اتصلات بيه" .. ماقالوش ليك بلي هذا سميتو الصباح و الناس كيكونو ناعسين فهاد الوقت ..
-عبد الجليل... ههههههههههه .. فيقتك .. مزيان قرب الضهر و نتي ناعسة ..
- ألمى .." قلبات عيها بنفاذ صبر" .. أشنو بغيتي!!
- عبد الجليل ..احم .. بغيت نعتذر على البارح ماقديتش نشوفو كيقيسك ..
- ألمى ... علاش ماباغيش تفهم علاش ..عبد الجليل .. ماكانبغيش نجرحك عرفتي علاش!؟ حيت نتااا خوويااا .. خويا الكبير .. كون كان شي حد ااخر كون طليتو بللا مانفكر ...!
-عبد الجليل .."طلع ليه الدم " ماخوكش .. ديري فبالك ماااخوكش انا .. عندي تلاتة تالخوت و كافيني الله يحفضك ..
- ألمى .." فايقة معنكشة شدات التيليفون براسها و كتفها و مدات يديها كاتغسلهم فلافابو تالدوش" ..يحصل ليك الشرف تكون خويا .. على العمووم اسي جليل هادشي لي عندي .. و ميمكنش ليا نحطك فمكانة أخرى .. صوري .. 
قطعات عليه بقى غير كيشوف .. فالتيليفون و يطلع عينيه لسرجم ديالها فهاد الوقت كانت عيون فن سرجم اخر مراقبينو .. كان باينة على وجهو معصب ضرب رجليه بالرويضة ديال الاوطو و دخل ليها زعفان رما الكارطابل ديالو ديال الخدمة و كسيرا بلا خاطر .. اما ألمى حطات تيليفون فجيبها .. غسلات وجها و سنينتها و مشات لبيتها بدلات حوايجها لبسات شورط قصير و ديرباردور ديال السبور بزوج فالأسود مع كاسكيط على شعرها .. دارت مكياج خفيف و هزات ساط علقاتو على خصرها حطات فيه التيلي ديالها و النضاضر .. لبسات سبادري ديالها كحلة و نزلات لقات غير خولة لي جالسة فالطبلة و كضرب برجليها ..
-ألمى ..''جلسات و هزات تفاحة '' مالك ياك لاباس!!
- خولة.. مالي كي جيتك ؟؟
- ألمى .. ''طلعات فيها حاجبها" مانعرف ليك .. فين ماما !!
- خولة ..السوق ..!
-ألمى .." حطات التفاحة و ناضت فحالها هزات القرعة ديال السبور ديالها فيها الماء و الحامض" .. اوكي ..
ماجات فين توصل للباب تا ناضت خولة وقفات قدامها ....
- خولة .. علاش كاديري معاه فحال هكذا !!
- ألمى.."دارت يديها على الخصرها" ... شكون هو هذا؟؟
- خولة .. عبد الجليل ..علاش كتعامليه فحال هكذا !!
- ألمى .. كيفاش !! كاتحاسبيني و لا شنو مفهمتش !! و مالي كي كنعاملو جا يشكي ليك ولا شنو!!!
- خولة .. واش تصطيتي .. شكون هذا لي يجي يتشكى ليا عبد الجليل .. من نيتك !! هو بعدا يرضى يشكي ليا يصحاب لك برهوش من دوك البراهش لي تتعرفي .. راه راجل بعقلو هذاااك ..
- ألمى .. هاي هاي .. وليتي توقفي قدامي .. شنو بغيتي دابا انا غادية ندير السبور و مامسالياش للمناطحة معاك اخولة ..
- خولة .. " وجها تزنغ .." عرفتي شنو خصاارة فيك عبد الجليل و الله كيبغيك و نتي ديما كتقللي من قيمتو .. بالحق نهار يضيع من يديك عاد غاتحسي بلي ضؤعتي راجل ماشي كيليميني ..
-ألمى .. " طلعات فيها حاجبها" .. اوووه سي مينيون .. حيدي من قدامي يااله ..
- خولة .. ماتستاهليش .. و الله ماتستاهلي ..
- ألمى .." دفعاتها تا كانت هاطيح" وا فهمنا حيدي من قدامي .. يخ ..
خرجات و ردخات الباب من وراها خلات خولة عينيها بغاو يدمعو مشات ديريكت لشاربع شدات طاكسي للبحر ..دارت الكيت فودنيها و نزلات تتجري جنب البحر و تدير الحركات .. هادي هي عادتها كل صباح مكاتغفلش على السبور .. و اكلها ديما منتضم ..و القرعة دالما فيها قطع تالحاكض دائما مرافقاها ..

- ألمى .." سمعات تيليفونها كيصوني هزاتو بانت ليها نمرة غريبة عليها" .. وي شكون معايا!!؟
- صباح الجمال .. معاك مروان ..
- ألمى .. "طلعات حاجبها و كاتنهج "شكون مروان؟؟
- مروان .. وايلي على شكون مروان ..!! مروان مديرك ..
- ألمى ... مديري !!.. ههههههههههه ايه الأوفر داه.. على فكرة انا ماعنديش مدير ..مديري هو راسي ..لكن على العموم عرفتك .. 
- مروان .. نتي و الله ماتفهمتي ليا .. 
- ..ألمى .. "ابتسمات بجنب فمها" ماتبقاش تفكر حيت غاتفهم تسطى ..!!
- مروان .. عندك شي مانع الى حاولت نفهمك ..!! فيك حاجة شداتني و انا مانقدرش تجدبني شي حاجة و مانحاولش نتقرب ليها و نفهمها..
-ألمى .. اممم ..شنو المطلوب مني .. شنو سبب هاد الاتصال .. 
-مروان .. خير ..خييير .. بغيت نعرض علبك الليلة للعشاء ..اش ضهر ليك !
- ألمى ..امم علاش !؟
- .. مروان .. اعتبريه لقاء تعارف .. زائد انو ماشي عشاء عادي .. هذا عيد ميلادي و حبيت نحتفل بيه مع الصحاب و مابغيتكش تكوني ناقصة ..
-ألمى .. ..امم ..منقدرش ..ماعرفتش خصني بزاف الى بغيت نخرج .. خصني نمشي ندير شوببنغ .. و خصني نمشي لبيوتي سانتر زائد الكادو ديالك ميمكنش نجي بلا كادو خايبة فحقي يعني لا كنتي باغي تعرض عليا خصك تخلي لي خبر من قبل بيومين .. 
-مروان .. ههههههههههه هادشي كامل ..اولا الالة تعارفنا غير البارح .. ثانيا الغزالة بالنسبة ليا حضورك هو الكادو .. و أهم حاجة كولشي غايوصلك للدار عطينا غير العنوان و ريحي بالك ..
- ألمى .. "طلعات حاجبها '' مفهمتش كيفاش زعمة !!
- مروان .. ههه عطيني العنوان و غاتفهمي كولشي غير هو مع الربعة تالعشية كوني فالدار باش ميوصلوش الناس و يلقاوك مكيناش ....
- ألمى ..اوكي .. انا غانصيفط ليك اللوكيشن شي شوية ..!
- مروان .. تمام .. نشوفك بالليل ..
-المى .." مستغربة" اوكيي.."قطعات الاتصال ..ركزات عينيها على البحر و عضات على شفتها التحتية مع ضحكة مفشكلة" .. ههههههههههه مزال كاع ما حاولت معاك .. بفف .. دمدومة و ساهل ينضحك عليك ..
ابتسمات بالجنب و كملات ااجري ديالها حتال نص الطريق و شدات طاكسي لدارهم كي دخلات صيفطات ليه اللوكيشن و مشات ديريكت للدوش حيدات عليها العرق و هزلت الشيك ديالها و مشات للبنك حولاتو على حسابها و من تما ديريكت للمول مع اول محل بانت ليها كسيوة فضية كاتبري و قصيرة بزاف يالله واصلة للفخض من الشوفة الاولى سحراتها مشلت خذاتها مع انها غالية بالحق هي مكاتستخصر حتى حاجة فراسها خصوصا انها كاتبغي تبان قدام الناس ..ماخداتلهاش صباط فكرات انها عندها صندالة فالفضي مزلة مالبساتهاش و تجي مع الكسوة .. من تما مشات لماركة معروفة خذات ليه براصلي فضي كادو .. باش ماتبانش فقيرة حقيرة قدامو😁 كملات الشوبينغ ديالها و وصلات مع الربعة قل قسم .. مع الدخلة يالله سدات الباب و هي تسمع السرسار تاع دار ..
- ألمى .. " فتحات الباب بانت ليها بنت هازة فاليز ... و ولد هاز زوج كرطونات كبار.. طلعات فييهم حجبانها " .. نعام!!
- الولد..مادموزيل ألمى ؟؟
- .. ألمى . وي !؟ شكون نتوما ..!!
- الولد ... حنا من طرف السيد مروان ..!!
- ألمى .. ااهااه .. تفضلو ..!!
دخلو سبقاتهم لبيتها و تبعوها ماكان حد فالدار .. حط لها الكراطن فوق الناموسية ..
- .. الولد .. هادو هدية من عند السيد مروان .. 
- ألمى ..'.. اهاه ..نشوفو هاد السيد مروان اش مصيفط لينا .." مشات فتحات الكرطونة الاولى لقات فوق منها كارت بالأحمر .. حيداتو و هزات الكسوة لي كانت مزيرة من الفوق و عريانة من الصدر و من جهة الخصر منفوخة حتال تحت الركبة .. و كولها كاتبرق .. حطاتها و هزات الكارت حلاتها ..«عيت نتخايلك فيه ختاريتو بنفسي ..انا أكيد غاتجي فيه ملكة »...." .. اش هاد الاوفر يا اخي .." خذات الكرطونة الثانية لقات فيها صندالة عالية فالاحمر تا هي كاتبارگ .. و بواطة فيها لي زاكسيسوار ديالها لي كانو عبارة عن كوليي خفيف فيه فراشة بالاحمر و حلقات ديالها .. حطات داكشي كلو ودارت تتشوف فيهم ..
- ألمى .. باقة شي حاجة!؟
- مزلة نصايبو لبك المكياج و الشعر .. المستر صيفطنا ليك مخصوص ماعرفتينيش؟! انا لي ماكيت ليك فالاعلان ..
- ألمى .. "طلعات فيها حاجبها" .. معقلتش .. شحال قدني نعقل .. على العموم .. انا واجدة مالي ليا و سيرو فحالكم حيت عندي ميدار ..

بقاو تيشوفو فبعضياتهم البنت ماحملاتش المى و والولد بقى كيشوف مابغاش يخرج شي كلمة غير حابس راسو و كون مامخلصو مروان دوبل كان يهز قشو و يدردب مع الدروج .. جلسات فوق كرسي و بدا تيصايب ليها الشعر دارو لها كيرلي خفيف و البنت الثانية تدير ليها فالمكياج لي اعتمدات فيه اللون الفضي و الغوز مع لمسات فالأسود تحت طلب ألمى .. و كيفما تخايلات راسها طاعاتو ليها البنت .. كملو لها شكىاتهم غير من باب الذوق و صافي .. مشاو فحالهم و بدات هي تتشوف فراسها عجبها الحال على الجيست لي دار مروان .. تا واحد من الدمادم لي كانو معاها عمرو فكر بهاد الطريقة و هي انسانة بطبعها تحب التغيير .. لبسات الكسوة لي خذات و معاها سوندال عالية .. مابغاتش تلبس داكشي لي صيفط ليها باش ماتبانش ملهوفة صبغات ضفارها فالوقت لي بقات ليها و تمات نازلة تلاقات مع مها داخلة للدار ..
- ألمى .. هاي هاي على عايشة فين كنتي دايعة !!
- عائشة .." طلعات و نزلات فيها" .. كنت عند خالتك .. و نتي فين غادية!!
- ألمى .. معروضة لعيد ميلاد ..
-عائشة .." خزرات فيها" دي معاك ختك 
- خولة .." كانت شادة تيليفونها و ليوحة فوق السداري" .. ماماااشيااا فين ..
- ألمى .." هزات مناخرها و سلمات على مها بالوجه" باي احبيبتي ماغاديش نتعطل ..
- عائشة .. " مشات لبلاكار حدا الباب مدات ليها الجاكيط" هاكي لبسي هادي البرد على برا ..
-ألمى .." قرصاتها فحنكها" .. يخليلي لي تيفكر فياا .. 
صيفطات ليها بوسة فالهواء و خرجات كي سدات الباب و هي تشوف تيليفون كيشوفني .. 
- ألمى ..الو .. وي ..
- مروان ... فينك يا جميلة ..!!
- ألمى ..فدارنا يالله خرجت كانتسنى اللوكيشن باش نجي ..
- مروان .. فينك نجي ليك دابا ..
- ألمى .."بنفاذ صبر " صيفط ليا لوكيشن فين نتا عافاك ..ولا نرجع فحالي. .
- مروان .. هههه .. واخة الالة ميكون غير خاطرك ..
كي طفات معاه الاتصال وصلها اللوكيشن ديك الساع شدات طاكسي ....

دخلات للمكان لي كان عبارة عن ديسكو فالباب حياوها و خذاو من عندها الجاكيط ديالها .. استغلات ديك الكولوار لي كان خاوي و بدات تتشوف فرجليها كي جاو فالصندالة و رجيلاتها مصبغين بالكحل .. ماشافتش داك لي كان قدامها كيتسنافيها هي دونا عن الضيوف ديالو كاملين حتى تزادحات معاه..
- ألمى .."حكات فراسها" أووبس .. سمحليا ..ااه نتا !
- مروان .."عقد حواجبو" علاش مالبستيش داكشي لي صيفطت لكي .. كنت كانتسنى وقتاش نشوفك بيه ..
-ألمى .." ربعات يديها " مامتعوداش نلبس من عند حد .. 
-مروان .."بقى مووودة تيشوف فيها عاد نطق" مرحبا بيك نورتي ...
-ألمى .. "قبطات فيه"شكرا ...
دخللت معاه للديسكو لي كانت فيه الموسيقى صاااخبة .. و مجموعة من الاصدقاء ديال مروان و الموضفين لي معاه فالشركة مجمعين و كيشطحو شافوه جاي و اغلابيتهم مشات عينيه ليديه ويديها لي كانو مشادين و بداو يتغامزو عليها .. 
-مروان ..."وقف قدامهم " .. مرحبا بييكم .. نعرفكم على ألمى العارضة الجديدة ديال الشركة..
بداو يرحبو بيها معاهم .. شي من قلبو و شي كيطلع و ينزل .. بالحق كانت هي مطلعة مناخرها للسما و كاتسلم غير بصباعها الشيء لي خلى بعض البنات مايحملوهاش .. و اصلا ملي دخلات و شافوها شاده فمروان ماحملوهاش .. لأن ملوان كان بالنسبة ليهم الصيد الفاخر ..شاب و لباس عليه بالحق معروف انو عينو زايغة و نسوانجي .. مكيفلت حتى فرصة باش يطح البنات فشباكو ..
مشات ألمى جلسات فبلاصة بعيدة عليهم و خلاتو يكمل الترحيب ديالو و يرقي مع ضيوفو .. بقاتهي مدة جالسة بوحدها و كاتشوف فمجموعة من البنات تيخزرو فيها تا مشات وحدة منهم تاتلسق على مروان و تا ه استحلاها .. ملي دخلات يديها فيديه كانت هي محط الأنضار ماشي حيت زوينة .. هي جمالها مغربي عادي .. يمكن أجمل من بزاف ولكن كينين بزاف أجمل منها .. لكن فيها شي حاجة تخلي اي راجل يتشد ليها .. نظرة من عينها تخليه يطيح فشباكها .. ابتسامتها الناذرة تخايه يشوفها أجمل نساء الكون ..كبريائها و غرورها كيجذبو أي شخص كيف ما بغا يكون يكون ..داكشي علاش دغيا كيطيحو فالشبكة .. 
.
-وسيم. .."جلس حداها" مال الزين مكشر 
- ألمى .. "طلع ليها الدم "ندمت علاش جيت منكذبش عليك ..
- وسيم .. علاش؟؟ .. شوفي الناس مستمتعين .. و ناشطين .. ونتي جالسة هنا .. !! وحدك؟
- ألمى .. " دورات وجها لعندو" .. أنا جيت على ود خوك ولا شكيجيك .. حيت لانيف ديالو اليوم .. ماشي جيت نشطح و لا يمشي و يخليني هنا بوحدي ..!
- وسيم ..واه واه هادي كامله تقليقة
ناض من حداها مشا تكلم لمروان فوذنيه .. استأذن من لي كان تيرقص معاها بقات غا تتشوف فيه ماعاجيها حال .. مشا ديريكت عند ألمى جلس قريب ليها و دوا فودنيها..
-مروان ..قال ليا وسيم بغيتي تمشي ..
-ألمى .. "خذات من صاكها البراسلي لي كان فبواطة كحلة مداتو ليه" .. الكادو ديالك ..
- مروان .." خذاه من عندها حلو و ابسم .. " .. لبسيه ليا ..
- ألمى .."طلعات فيه حاجبها" .. نعام !! مالك مگروضين ليك اليدين ..!
- مروان .. ماشغلكش لبسيه ليا !!
- ألمى .." قلبات عينيها و خذاتو من عندو لبساتو ليه" ..
-مروان .."مبتسم" شكرا على الكادو 
- ألمى ... العفو .." بغات توقف و هو يدها من يدها" .. 
-مروان .. فاين ماشية!
- ألمى .."شافت فالساعة لي فيدها" فحاالي !!
-مروان ..لالا مانقباش .. وايلي .. 
- المى .. واش انا دتبا خذيت رأيك .. را وقت نعاسي وصلات ماعندي ماندير هنا .. 
قطعات حذيثهم ديك خيتي لي كانت تتشطح معاه هي و صحاباتها وقفو عليهم..كاتشوف فيديه لي كانت شادة فيديها..

- مروااان غاتمشي معايا لدار فاش يسالي لانيف .. يااك ..!
- مروان ..."كيحك لحيتو بحرج" .. لا غير عذريني انرجس ...
- نرجس ... ههههههههههه كين البديل ولا شنو .."طلعات و نزلات فألمى ..تا هي مجاوباتهاش و ماشافتش فيها اصلا" ..
-مروان... نرجس ماتزيديش على الخطوط ااحمراء ..
-نرجس .. "جلسات حداه و لسقات عليه" عافااااك غايعجبك لحال فحال اخر مرة ماتحرمناش من هاد اللحظة ..
-ألمى .."طلقات منو ماعجباتهاش الهضرة و ماعجبهاش الموقف ".. انا غانمشي .. ليلة سعيدة ..
-نرجس .. "بتهكم" اووووه الآنسة ماعجبهاش الجو و لا مارضاتش بينا ولا شنو .. 
-ألمى .."دورات عينيها ليها طلعات و نزلات فيها" .. اووه .. سمحي لي ماشفتكش .. مارديتش البال واش كينه شي وحدة هنا من الأصل تا دويتي .. 
- نرجس .."مارضاتش " مالي احبيبة لابسه طاقية الاخفااا 
-ألمى..."بعدم اهتمام" الناس لي ماشي مهمين مكانشوفهمش😊..
- نرجس ..."وقفات و عينيها عامرين حقد" .. السم خارج من عينيك الله يحفض .. شكون نتي شكون نتي لي جاية تشدي بلاصتي الليلة شكون ..
- ألمى .." شوكاتها .. و فضلات تبقى محافضة على بريستيجها" مروان .. نتلاقاو مرة اخرى تكون الاجواء صافية كيبان ليا الجو معكر حاليا .. عيد ميلاد سعيد ..😊
-مروان .."شدها من يديها قبل ماتمشي" .. تسناي نمشيو نتعشاو فشي بلاصة حسن .." قرب لنرجس و صغر فيها عينيه " .. كملي لانيف بوحدك نتي و هاد القشلة دصحاباتك لي ماعرفت اصلا شكون عرض عليهم و فاش تساليو سيري لدارك و ديهم معاك .. يالله يونسوك .. 
خلاها كاتشوف عينيها قربو يدطيحو و جر ألمى من يديها خرجو خداو الجاكيط ديالها و زادو .. جابو ليه الاوطو لقدام ديسكو حل ليها البا و ركب تا هو ...
- مروان .. فين تفضلي العشاء ..!!
- ألمى .. بقات غا كتشوف" .. هاا .. بلاش غير وصلني لبلاصة نشد منها طاكسي ..
- مروان .. " طلع فيها حاجب" .. كاتهينيني دابا!! ..
- ألمى .."بتردد" شكون هاديك حبيبتك!؟
-مروان .. " كيحك لحيتو" .. كانت ..! 
- ألمى .. و دابا !!
- مروان..." شاف فيها بنص عين .. " .. امم .. دابا .. دابا مابيني و بينعا والو يعني دابا سيليبيخير و ماخاصني تا خير .. و نتي !!
- ألمى .." ضحكات ضحكة ليها معنى '' .. سيليبيخير .. و ماخاصني تا خير .. 

وقف الاوطو ديالو قدام مطعم راقي و نزل فتح ليها الباب دخلو للىيسطو خذاو داكشي لي بغاو و بقا حاضيها كاتاكل .. عينيه حوالو و هو متبع دغامي لي كادير و كي كاتاكل تا طلعات فيه عينيها ..
- ألمى .. "حطات الفورشيت و شافت فيه" .. مالك!؟
- مروان .. والو ازينه ..
- ألمى .."حناكها حمارو" .. امم .. خصر لك عيد الميلاد بالحق صراحة بغيتها فديك القردة .. 
-مروان ..ياك الشريرة ههههه ..
-ألمى..نكدب عليك .. دخلاتني حامية و انا مامعتبراهاش اصلا .. 
- مروان ..هههه ماديريش فبالك ..غارت من جمالك ..
- ألمى .."حطات يد على يد" دابا ندويو على الخدمة 
-مروان ..ايه تفضلي..
-ألمى ..اش نتفضل!! نتا لي تفضل قول ليا واش باقة ليا شي خدمة معاكم ولا شنو ..
- مروان .. هههههه ايه الالة مانقدوش نستغناو على هاد ااجمال غايطيرو بيك .. داكشي علاش اعضاء الادارة كاع شافو تصاورك و حماقو عليك .. و غدا انشاء الله عندك جلسة تصوير ديال البارفان...
-ألمى .."وقفلت مشوكيا " اويلي ايمتا كنتو ناويين تعلموني!!
-مروان .. عادتا مكانعلو العارضات تاال نهار التصوير ..
-ألمى .. "خزرات فيه هذااا راه سميتو استهتار ..!!
-مروان .. گاااع !! ههههه اوا الالة سمحي لينا ماغاديش تعاود .. 
-ألمى .. يالله خصنا نمشيو كيخصني نعس مزيان باش نفيق وجهي اونفورم!!
-مروان .."طلب الحساب ديال العشا .." .. واخة الالة ميكون غير خاطرك ..
بعد ما خلص مشاو ديريكت للوطو ديالو ركبو هطاتو عنوان قريب لدارهم لعمارات فالحي طبعا مارضاتش تديه لدرب المزاليط كيف كاتسميه .. و هادي حاجة ماكاترضاهاش مع كاع الناس لي كاتعرفهم ديما كاتجيبهم للحي لي ورا الدرب ديالها حيت فيه لي موبل كثار و زوينين باين عليهم الضو على الدرب ديالهم .. وقفات قدام الباب تالعمارة و ما مشات تا مشا مع انو اصر عليها انو ميمشي تا دخل .. ديك ساع كي مشا دخلات من دريبة ديريكت لدرب ديالهم و دخلات لدارهم بلا ميشوفها حد .. من غير جلال لي كان شافها فاش خرجات و ماقدرش ينعس تا ترجع .. كان مقابل السرجم .. ومادخل تا شافها دارت السوارت فالباب .. الفار لعب فعبو حست جات معطلة .. جا فبالو ديريكت انها كادير شي حاجة غلط ..ماحماش راسو جاوه عدة تخيلات فراسها . ديك الساع هز تيلي بغا يتصل بيها لكن تراجع في اخر لحظة و ضرب بالسرجم سدو ومشا تكى فبلاصتو ..
اما ألمى دخلات بدلات عليها و ابسات بيجامتها .. لقاات كولشي ناعس حيت رجعات معطلة و مشات تا هي تخشات فبلاصتها و نعسااات .. 
الغد ليه فاقت بكري كيف دوشلت و نزلات فطرات معاهم كانت خولة مزلة مفگوعة مكادويش معاها و ألمى ماشي من النوع لي كيحزر .. لي بغا يتفگع يتفگع هي ماكيهمها حد .. بعد الفطور طلعات لبيتها لبسات حواءجها و جمعات شعرها اكتفت فقط بگلوص و ماسكارا خلات وجها على طبيعتو حيت أصلا غادي يعاودو يماكيو ليها و هزلت صاكها و خرجات ديريكت للشركة هاد المرة ماداتش معاها خولة و ماوصلهاش عبد الجليلي حسات نوعا ما بالوحدة بالحق فكرات فالشهرة و الفلوس لي هايجيوها من ورا هادشي كامل و هي تهز راسها ودخلات .. مشات ديريكت لمكتب مروان رحب بيها كيف العادة و داها بنفسو للتصوير .. كملات التصوير ديالها و عرضها للغدا .... هكذا فاتت أيام و أيام حتى ولات ألمى كاتحتكر الالكاطالوگ كامل فجميع المنتجات .. سواء مكياج شامبو .. عطور .. هذا غير الاعلانات لي كيدوزو فالتلفزة .. أما علاقتها مع مروان .. تطورات أكثر و أكثر .. ولا تيدوي معاها كل ساع فالفون .. و كيطلب يتلاقى معاها و كثرة الهدايا لي كيوصلوها منو هذا غير الحفلات لي كيطلب منها تمشي معاه ليهم .. و طبعا هي كاتشوقو ولا دوقو ما كيطول منها غير بوسة فالحنك ولا سلام بلا بيز .. ومكاتخليهش يتجاوز حدودو .. أخرو بوسة فالكتف لا كانت معرياه .. .. اما علاقتها مع خولة تحسنات و لي صالحاتهم هي عائشة واخة ماكانتش عارفة السبب ديال خصومتهم ولكن هي مكاتبغيش تشوف بناتها مخاصمين و لا مكيتهاضروش ..و هكذا ولات تتخرج معاها الى بغات تلاقى بمروان واخا مكيعجبوش الحال ولكن ماعندو ميدير .. ميقدر يقول تا كلمة لألمى ...

واحد النهار كانو جالسين فريسطو حدا البحر .. كانت هي و خولة كيدويو و قدامهم مروان كيشوووف فيها و حاط بدو على فمو ..
- مروان .. ألمى ..!! مكاتفكريش تمثلي !!
-ألمى .."اشفت فيه بنص عين و دوات بشوية مع خولة " .. هاهو بدا يخرف عاوتاني!!" .. شافت فيه و ابتسمات ليه" .. علاش عندك ليا شي فيلم؟؟
- مروان..."كيحك لحيتو" .. و نضبرو ليك .. مالك قليلة عندي ولا !!
- خولة.. ايه نتا عاد هاتقلب و مسبق العصى قدام الغنم !! .. ههههه
-مروان .. شوفي نجيك من اللخر .. عندي عشيري كيخدم مع منتج مشهوور .. بالحق هو مشهور على برا أكثر .. ولكن قرر يدير فيلم ممتلين ديالو مغاربة .. هو .. صاحبي لي هو خدام معاه جا من شحال هادي .. كيقلب على ممتلاث و كذا ..! ولكن للأسف البارح عاد قال لي بلي راه فالمغرب .. 
- ألمى .. " طلعات فيه حاجبها" .. علاش للأسف .. المهم قالها لك ..!
- مروان .. للأسف حيت لقى ممثلة .. لقى أغلب الممثلات ديال الفيلم .. بقات ليه غير وحدة..
- ألمى .. أهاه ..!
- مروان .. داكشي علاش سولتك واش تبغي تمثلي .. يعني .. واش مهتمة ! ..
-, ألمى .. "دارت ليها فالراس .. و هادي حاجة مكانتش متوقعاها ولا كانت ليها على البال .." .. امممم ..
- خولة .."برقو عينيها" .. يااااي .. ممثلة كااع 
- ألمى .. "طلعات فيها حاجبها" مازال ما وافقت ..
- خولة .."خزرات فيها .." غاتواافقي .. 😡 فصة لا تعوض ..
- ألمى .. "قلبات فيها عييا و شافت فمروان " .. لنفرض وافقت شنو هو هاد الدور لي فانلعب .. !؟
- مروان .." حدر راسو " .. للأسف ماشي البطولة .. 
- .. ألمى .. "عوجات فمها لاجنب " .. و شنو؟؟..
- مروان .. كومبارس ..! دور ساهل و بسيييط غاتلعبيه و نتي مرتاحة ..

- ألمى .. "خزرات فيه" .. لا و الله ؟! ههههههههههه ضحكتيني ..أنا ألمى كومبارس .. لا بزاف !!!
- مروان .. " شد لها فيدها" .. و شنو فيها .. درجة درجة غاطلعي .. ألمى تيقي بيا هادي فصة لا تعوض الله يخليك .. غير فكري .. 
- ألمى ..انا مانلعبش كومبارس واخة نموت .. "نطرات يديها منو" .. شوف فيا ..!! شووف فيااا مزيااان .. واش هذا وجه كومبااارس .. لقطة بلا هضرة بلا كلام و لا ياكنا غانكون شي خدامة!! .. ههههه لا فريمون برافو عليك ..!!
- مروان .. " .. حدر عينيه" .. هو الصراحة شفت السيدة لي ختارو .. نتي احسن منها بمليون درجة .. ولكن ماعرفتش ..بغيت نقول ليك حل احسن ولكن انا عارفك كبريائك فوق كول شيء .. ..
- ألمى .. شنو هاد الحل!!
- مروان ... تلاقاي بيهم ..و تحاولي تقنعيهم بلي نتي أجدر بهاد الدور!؟ اش بان ليك!!
- ألمى .. "حلات فيه فمها" .. شكون هوما بالسلامة!!
- مروان ..الطاقم ديال الفيلم..!! المخرج .. السيناريست ..مساعد المنتج ..المنتج براسو لا لقيتيه ..هكذا تقدري تفوزي بالدور!! اش بان ليك ..
-ألمى .. "خزرات فيه" متحلمش..انااا المى نبوس ليدين باش نمثل .. لهاا يمثلو ليا .. هوما لا بغاوني لي يجيو تال عندي كاتفهم هوووما!!
-خولة .."جراتها من يدها تا دارت عندها" تما بقيتي .. "ضغطات على سنانها" .. الى ضيعتي هاد الفرصة عمري نسمعك كادوي على الشهرة أعبير ..
- .. ألمى .. واش من نيتك انا المى .. نمشي نرغبهم باااش نمثل فالفيلم ديالهم ؟؟؟
- مروان .. نزيدك .. الكاتب ديال السيناريو امريكي .. المخرج كذلك. .المنتج عندو جنسية امريكية ولكن اصولو مغربية .. الفيلم غايضرك نيييت .. ديري عقلك فراسك احبيبة ..
- المى .."شدات راسها" .. مستحيل نطيح من قيمتي و نرغبهم مستحيل ...
- مروان ..شكوون قال غاترغبيهم !!.. قلت ليك تلاقاي بيهم .. و تحاولي تقنعيهم بالتمثيل ديالك ..
- ألمى .."هزات حاجب و حطات خوه" .. و شنو!!
-مروان ..غانحاول نقنع عشيري يشوفك و ..
- .. المى .. "قاطعاتو" كيفاش تحاول تقنعو يشوفني ..ليه الشرف يتلقى مع الكويين .. هاهاي .. قالك نحاول نقنعو ...
- .. مروان ..ياااا بتي الى شاافك انا متأكد ماغايبغي غيرك فالفيلم .. بالحق نقنعو بالفكرة عموما الفكرة هي انك غاتمثلي قدام الطاقم .. و الى لقاو بلي التمثيل ديالك عجبهم بالمقارنه مع الاخرى كوني اكيدة الفيلم من نصيبك .. حيت هاد الناس عندهم وقت الخدمة خدمة .. 
- المى .." ضارت شافت فخولة لي شيرات ليها براسها باش توافق ... بيات مدة كادورها فراسها .. عرفات بلي لازمها ضحي فالأول باش توصل فالتالي .. و تحقق كل ما حلمات بيه .. و شجعها اكثر فكلامو انهم ماش مغاربة يعني الفيلم غايكون ناجح أكثر .." .. اممم .. واخة ..نشوفو اش غايطرا ..
- .. مروان .." ابتسامه عريضة" ..هادي نعتبرها موافقة .. يغني ندوي معاه!!
- المى .." هوات كتافها كاتصنع عدم الاهتمام" ..دوي معاه ..!!
- مروان .. واخو الالة ندوي معاه و نرد عليك الاخبار .. 

- جلال -
جالس فالمكتب ديالو كيسني اخر وراق عطاتو المساعدة الخاصة ديالو .. كان غادي ينزل للمغرب لولى الخدمة ديالو لي مكانش كيستاهن بيها مابغاش يخليها متراكمة عليه .. حيت هو بغض النضر عن شركة الانتاج لي عندو كيدير شركاات العائلة ديالو لي فالخارج .. و بما انهم مسلمينو زمام الأمور مايقدرش يتهاون ولا يعطي لاي واحد خدمتو هو .. داكشي علاش علي سبثو للمغرب مع الطاقم ديال الفيلم باش يشوفو الممثلاث لي هادي يمثلو فالفيلم على مايلحق عليه هو .. 
- جلال .." كيدوي بلا ميطلع عينيه" .. علي صيفط شي حاجة!؟
- المساعدة .. "مدات ليه الطابليت" .. وصلو فيديوهات من ربع ساعة تحب تشوفهم ..
- جلال .. " خزر فيها" .. و اش كاتسناي .. !!
حدرات عينيها و عطاتو الطابليت امرها بالانصراف و جلس كيشوف على خاطرو فالفيديوهات ديال الممثلات و الممثلين لي ختارو من بين بزاف طبعا .. غير شاف الفيديو ديال لي ختاروها بطلة جاه الضحك .. حتى رياكشن من لي قالو لها ماقدرات ديرها على اكمل وجه .. ديك الساع هز تيليفونو و اتصل بعلي ..
- جلال .. و الله ينعل زامل بووك ..
- علي ..- كان ناعس .. سمعو و حك ودنيه بصبعو" .. ياك لاباس!؟ ..
- جلال... واش باغي تخرج فديلمي السكر .. هاد الخرا هذا وافق عليه داك المخرج دالزب ..؟؟
- علي .. اا .. واش كدوي على الممثلين!!
-جلال .. " فتح درج المكتب خذا منو سيكار شعلو و صاط الدخان للفوق " كاندوي على خالتك ..!! .. اش داك الق**ي واش كضحكو عليا ولا كيفاش ..؛!! عند بالكم غانحط شي ريال على داك الخرا!! 
-علي..." كيحك جبهتو"..وا صاحبي راه لقينا كولشي عيان .. حتى جو طلع ليه دم .. 

- جلال .."ناض تيمشي و يجي فالمكتب" داك الق**ي هو السبب .. بربي غانزل غير باش نتيري فمو و نرجع ..
- علي ..هههه تهذن اصاحبي .. واش نتا ماعجباتكش ..صافي .. نشوفو مانديرو نقلبو على غيرها .. انا بانت ليا هي مزيانة ..
- جلال ..بلا ماتمرض ديلمي اعلي ..اش مزيان فيها اش .. خرا .. عرفتي مايجيك مليح ..بعد غدا هاني نازل .. عندي غدا اجتماع فالشركة ..والباقي غانأجلو ..و فاش نجي غانخليها على ديلمكم كاملبن و اولكم داك جو دالزب..😡
-علي ..واغير تهدن اصاحبي .. غانصلحو كولشي ..
- جلال .." طلع ليه الدم بالمعقول .. يالله كان هايجاوبو تا دخلات المساعدة ديالو قاطعاتو" .. شكاين ..!!
- المساعدة ... "خلعوها عينيه و الشوفه لي دار فيها" .. و .. وصلاتني دابا خبار .. الشركة المنافسة لي كانت معانا .. خذات المناقصة اللخرة .. و ..
- جلال .." زير على يديه " .. براا .. وصيفطي ليا محسن ..
- المساعدة .... حالا .."حدلات راسها و خرجات دير لي قال ليها "..
-جلال .." تحكم فغضبو بصعوبة " .. فاش كاتتخلوض الوقت كاتخلوض فخطرة .. قلا**ي..
- علي .." سمع كولشي حيت كان مزال على الخط " ... شييت ..دارها مزال ولد الناجي ..
-جلال .. " كيحك فلحيت " .. تا انا غانديرها معاه .. غير صبر عليا .. 
-علي .. اش غادير ..! 
- جلال ..هادشي لي غاندير كنتي نتا لي خصك تكلف بيه .. ولكن بما انك مكينش .. محسن فالذمه .. و هو كيقلب غا فين يدير الشر .. 
- علي .. ههههههههههه عارف داك ولد القحبة دير كي الشيطان عايش وسط العافية و النجاسة .. 
- جلال .. و هادشي لي مطلوب ..يالله تلاح ساعتك سالات .. و فاش نجي نلقى كولشي هو هذاك ولا كنقسم ليك بربي نعلق ديلمكم من رجليكم .. 
قطع مع علي و هو يدق الباب ديال المكتب ديالو ديك الساعة و دخل محسن ..( لي هو موضف مسؤول على گاع الحرس و الرجال لي عند جلال و مسؤول على اي اعمال غير قانونية كاتخص جلال غانتعرفو عليهم من بعد و صاحبو فنفس الوقت تلاقى هو وياه فشي بار كان كارد كور فيه عن طريق علي ..لي كان صاحبو .. و هكذا ولاو كيتلاقاو بزاف و كيترينيو حيت جلال كان تيتريني بزاف و تلاقى بمحسن تا هو كثر منو حتال النهار لي عرض عليه الخدمة معاه ..)
-جلال .. فين مات شي يهودي تا لقيناك الحلوف 
-محسن .. "ضربو ببونية لكتفو" .. واش العشير .. 
- جلال .. " خزر فيه" العشير لهيه فداركم .. هنا حتارم راسك. .
- محسن .. ههههههه .. "ضحكتو هزات المكتب" واخة اسي جلال باشا .. ياك لاباس !! 
-جلال ..مصنع الحاج .. 
- محسن ..مالو!!؟
-جلال .. حرق مو . 
- محسن .. ايوا .." حك يد بيد" .. الخدمة ديال الصح غاتبدى ..هههههه ..
- جلال .. هادشي لي كيعجبك يالله نوض تلاح ..
خرج محسن ناشط حت يوم المنى هو لي جلال يطلب منو يقضي ليه غرض فحال هكذا .. اولا لانو كيتنشوا بقوتو تانيا فاش كيقضي المصلحة بنجاح كياخد الرضى من جلال و المكافئة طبعا كاتكون مبلغ محترم و على قد ما الخسائر مكيكونوش على قد ما كيزيد فالثمن ..أما جلال بقى كيمخمخ فراسو كيف العادة .. من ديما هو لي مستلم الشغل ديال العائلة لي على برا كامل و طبعا هو لي كيحكم فالعائلة .. الكلمه كلمتو .. و الشورة شورتو و يا ويل ويلو لي يدير شي حاجة بلا ميتشاور معاه .. من غير حبو و شغفو بعالم الأفلام و هادشي هو لي خلاه يدير شركة ديال الانتاج خاصة بيه غير هو مكاتحملش اسم للعائلة ..اما الاعمال ديال العائلة فشاد فيهن بيديه و سنانو .. و كيلجأ للإجرام بعد المرات باش يبقى دائما فالمقدمة و مايسبقو تا واحد .. و هادشي لي كيدير مع المنافسين ديالو 

دوزات ألمى نهارها فالبحر مع خولة طبعا على حسام مروان .. كملو نهارهم و رجعو للدار نعسات بكري باش الغد ليه تفيق اون فورم تمشي للتوغناج ..كي فاقت لقات خولة حدا راسها سابقاها ..
- المى .. بسم الله الرحمن الرحيم.. 
- خولة .. مالك !! "نطرات عليها ليزار" .. نوضي تگعدي احنينتي " ناضت حلات الفدريش ديال السرجم .. مع الحلة تلاقات عينيها بعيون عبد الجليل لي كان متكي على السرجم و كيشوف فالسرجم ديالها و باينة عليه التخمام ..ابتسمات ليه و بادلها الابتسامه و شير ليها بيديه .. تاهي شيرات ليه و دخلات فحالها .. لقات ألمى ضارت للجنب الثاني و هي تغوت ليها فودنيها تا نقزات .. مشات ديريكت للدوش كاتنگر خرجات لقاتها حاطة ليها حوايجها فوق الناموسية لي كانو عبارة عن سروال وااسع فالأحمر فيه وريدات بالأسود و الاخضر و الابيض و ضوني ابيض مبين لها الصدر.. لبسات معاه ستيامات بلا خيوط .. طلقات شعرها و دارت ماسكارا و عكر حمر ماط .. دارت مكانتها فيدها و هزات صاك بصميطة طويلة دايرة فيه العكر و مراية و تيليفونها .. داىت نضاضرها فوق راسها و هي دخل عليها خولة .. 
- خولة .."دايرة يديها على خصرها" .. وا تقول كاتوجدي لعرس .. 
- المى .. هادشي غا ماماكيتش ..
- خولة .. يالله اجي تفطري ..
- المى .. ماما كينة ..!!
- خولة .. لا مشات عند خالتي.. يالله زيدي راني وجدت ليك الفطور ..
مشات خولة و نزلات ألمى تابعاها و لقاتها موجدة ليها الفطور لي كاتبغي و كل حاجة مرتبة و محطوطة فيلاصتها .. و لعبات تا على لا ديكوغاصيون .. جلسات و بدات تتاكل ..
- المى .. فين مات شي يهودي حتى تخليتي على سعادة ولي العهد(التيليفون) و جيتي تكرمتي صايبتي لينا الفطور!!
- خولة .."ابتسمات " .. تفكرت نهار كنت كندوز الباك .. فقتي الصباح بكري و مسيتي شريتي ليا ميلفوي .. و الباكيط و صايبتي لي عصير .. و قاديتي الطبة مزيان .. و فاش قلت ليك علاش هادشي كلو .. قلتي ليا فاش العينين كيشوفو شي حاجة زوينة تفرحهم و لا شي حاجة كيبغيوها الدماغ كيعطي اشارات.. و هاد الاشارا كيريحو الجسم .. و هادشي غايخليك تىكزي و تنجحي .. و تا انا درت ليك حاجة تعجبك حيت التوغناج بحال شي اختبار ليك .. انشاء الله غاتنجحي .. منكدبش عليك .. بغيتك تولي ممثلة .. باش نولي نفوح عليهم و نقول ليهم شتو هاااديك راه ختي ههههه .. ممكن كاع نطلب منهم فلوس باش ياخدو توقيع منك ...
- المى .." ضحكاتها" .. طلعتي طماااعة الخوينزة !!
- خولة .. ههههههههههه لا بصح بقيتك تربي رييش كيف كاتحلمي .. و هادي هي الطريقة .. ماضيعيش الفرصة .. مابغيتكش تعولي على شي خراي من لي كتعرفي .. بغيتك تبداي مع راسك.. المهم انا قلت ليك و نتي تعرفي ..
- المى .." قرصاتها فحنكها" .. يا ختي شكووون ولا كيعرف يدوي .. " شدات ليها فيديها" عرفتي .. انا مابغيتش ندير لاباس بوخدي ..نتي من الاسباب لي مخلياني باغية ندير الفلوس ..بغيت نخرجك من هاد الحالة .. بغيت ندير ليك مدرسة نقريك مزيان و طلعي شي حاجة .. مابغيتكش تجلسي فالدار .. 
- خولة .." ابتسمات ليها و عنقاتها" .. الله يخليك ليا احبيبتي..يالله نوضي باش ماتعطليش .. نوضي..
- المى .. هزات صاكها و شيرات ليها" بيلااا .. تشاااو ..
خرجات المى ديريكت دخلات من دريبة تحيد عليها الطريق الطويلة و مع نيت كانت لابسة سبادري سهلات عليها المشية بالزربة .. وصلات للشارع و شدات طاكسي ديريكت للشركة ديال مروان حيت تما غايكون التوغناج .. دخلات للمكتب ديالو ديريكت بعد ما سمحات ليها السكريتيرة بالدخول .. 
- ألمى .. " حيدات النضاضر و ابتسمات نصف ابتسامه" .. بونجووغ ..
- مروان .." وقف و مشا لعندها سلم عليها بلا بيز" .. صباح الجمال الطبيعي. . 😵

- ألمى .." ضحكات بدلع" ..كيف راك ..
- مروان .." كيشوف فشفايفها مباشرة" .. غانولييي بيخير لو سقيتينا من شهد شفايفك ..!
- ألمى .." خزرات فيه" .. مروااااان ..😒
- مروان .. " ضحك بصوت عالي تا هز البيرو" .. صافي الالة صاافي .. ههه .. خوخة ماجاتش اليوم!!
- ألمى .. نو قالت غاتمشي للافاك ..
- .. مروان .. مزيان تا قرايتها غاتنفعها .. اوا ونتي ..!!
- .. المى .." طلعات فيه حاجبها" .. مالي انا!!
- مروان .. ههههه واجدة !! .. 
-المى .." لوات فمها لجنب" .. يس .. واجدة .. و هادشي كي شريبة تالماء بالنسبة ليا و دابا تشوف ..
- .. مروان ..نتمنى ..حيت اليوم وصلوني خبار من عند علي .. نار يا حبيبي ناااار ..
- ألمى .." باهتمام" .. شكون علي ..!! "صغرات عينيها'' و شمن اخبار!!
- مروان ..علي هو صاحبي لي قلت ليك خدام مع المنتج ديال الفيلم !! و الخبر الزويين الالة هو المنتج ماعجباتوش الممثلة و قال لهم يا تبدل بما احسن يا ماغايخسر ريال فالفيلم ..اش بان ليك .. ماشي فرصة ذهبية هادي ..!
- .. ألمى .." لمعو عينيها " .. باش تعرفني مزهارة ..!!.. هه
- مروان .." بحماااس" نبغيك تكوووني قنبوولة فكووولشي .. فهمتي .. تا حاجة ماتفلتيها !!.. اما من ناحية الجمال و الجاذبية مانخافش عليك نتي نامبر وان ..
-ألمى.." ضربات بشعرها للور" .. هاها .. ميغسي .. " عاودات قربات ليه و حطات يديها على المكتب" .. قول ليا شكون هاد المنتج!! واذ مشهور ..
- مروان ..ههه كاتسولي .. هذا الالة منتج مغربي كبييير و معروف فالخارج اكثر بحكم عاش تما و تربى برا عقليتو ولات كاورية .. دار لبزاف تالاغاني الانتاج و حتى الافلام .. ولكن عمرو دار شي حاجة مغربية .. و هادي اول مرة ..و سميتو جلال الهلالي ..
- .."ضربات يد بيد" .. عرفتوووو😯 هذااك .. دابا هذاك هو المنتج ديال الفيلم ..ههه .. واااو ..

-قاطعهم دخول السكرتيرة كاتقخبرهم بلي الطاقم ديال الفيلم وصل ..و فالغرفة لي خصصوها لهاد الاختبار كيف سماتو خولة .. خرجو من المكتب و اتجهو ديريكت للقاعة لي كانت بعيدة على المكاتب ديال الشركة .. فتحو الباب و دخل مروان وراه المى شادة فيدو غير دخلو نطراتها منو ... بانت ليها طبلة دويلة جالسين فيها ثلاثة تالناس .. زوج كبار و واحد شاب زعر و زوين بقات غا كتشوف فيه تا عاقت براسها و دورات وجها لعند مروان ..
-مروان .. علي خادي هي المى لي قلت ليك عليها ..
- علي.." طلع رايو كيشوف فيها .. دور راسو لجنب هادي هي حركتو المعتادة فاش كيبدى يشوف فشي وحدة ولا يتأمل شي حاجة" .. مرحبا ..!!
- المى .. ميسي ..
- فابيو.."المخرج.. ناض وقف تيشوف فيها .. كان رجل فالخمسينات .. شعرو طويل حد كتافو و مشعكك .. لابس سروال اسود و شوميز سوداء .. دار بصباعو غحال مربع الكاميرا و بدا يقرب و ليها و يبعد تا صحابت ليها راسها شي حمق تا علي شاف حركاتو و شداتو الضحكة .. " .. هي هااادي .. هادي هي نجمة ..!! " قال نجمة بعربية معكلة "
- المى .."طلعات فيه حاجبها" انا المى ماشي نجمة ..!
- فابيو .. "ضحك بصوت عالي" .. لا نجمه اسمك فالفيلم ..
- المى .." مزال ماعرفناش واش غانلعب الدور ولا لا !!
- علي .."صفق ليه يرجع بلاصتو" فابيو الله يخليك .." رجع شاف فألمى و ابتسم" .. مادموزيل ..شحال فعمرك؟؟
- المى .. خمسة و عشرين..
-علي ..تماام .. فايت ليك مثلتي ولا اول مرة !!
-المى .." ابتسمات بالجنب" .. اول مرة غانمثل .. ولكن انا متخرجة من المعهد العالي للمسرح ..
- مروان .."حل فيها فمو" .. بصح .. ماعاودتيش ليا هادشي ..
- المى .."ضربات بشعرها للور و ابتسمات بغرور" ..شي حوايج ماشي ضروري كولشي يعرفهم..!!
-علي .."عجباتو الطريقة باش كاتدوي و تقثها فروحها" .. شنو هوما الادوار لي تقدري تلعبي .. يعني شنو هو الصنف لي نقدرو نحطوك فيه..؟
- ألمى .. اي حاجة ..من غير الكوميديا ..مكانتقنهاش .. ولكن غانخدم عليها!
-جو ..(السيناريست) ..ماغانحتاجوش الكوميديا نهائيا !! الفيلم درامي بامتياز ..
- المى ..هكدا نقدر نقول لكم بلي انا نقدر نتقمص اي دور طلبتوه مني ..
- فابيو ..اوكي ..دابا هنا عندنا عدة اوراق ..! هادي الورقة فيها شخصية غاتقمصيها .. النوع ديال هاد الشخصية .. كئيبة !! مات لها الحبيب ديالها فحرب او غرق .. او مات موتة عادية.. المهم انو مات .. مابقاش ..!! حسات بروحها وحدها .. و حبيبها كان كيمثل ليها الحياة ..نتي غاتلعبي لنا دور هاد الانسانة ..كيفاش غاتهااااوى .. و كيفاش غاتدمر .. و كيفاش غاتوصل بيها الحالة لي هي فيها للانتحر !!
خذات ألمى الورقة من عندو قراتها و هي تحط الصاك ديالها و مشات للوسط تالقاعة .. وقفات و بدات تتكلم بكلمات مؤثرة ..و كادير حركات يخليو اي واحد يتفاعل معاها و يتأثر .. كاع طاقتها فرغاتها فداك المشهد كانو حاطين ليها تقطيرة ديال الدموع ديرها لعينها باش تبكي و تجي مواتية مع المشهد .. لكن هي كان ليها ىأي اااخر خرجات دموع من عندها و بانو عينيها منفوخين و حمرين .. خلاتهم غا كيشوفو فيها اش كادير .. و الكل تأثر بهاداك المشهد كي كملاتو بداو كيصفقو عليها .. و اولهم مروان ..
- علي .." كان تيصور وقف الكاميرا" .. برافو عليك .. هايلة ..
- المى .."مد ليها مروان باش تمسح دموعها .." شكراا ..
- علي ..." خذا ورقة ثانية شاف فيها و مدها لفابيو ..". 
- فابيو .."خذاها من عندو و بدا يقرا فيها ..هادي فيها دور راقصة .. بغيتك ترقصي .. بطريقة ملفتة .. بغيتك توضفي الاغراء فهاد المشهد .. فهمتيني .. الدلع ... الميوعة .. 
-المى .. اوكيي ..!
بدات تتلعب الدور ديالها بعد ما شعلو لها الموسيثى و بدات تتلوى بطريقة مثيرة .. و السروال لي كانت لابسة عازل ليها المؤخرة .. كانت تتمايل و تجلس فالأرض و تبدى تهز فيها و تحط حتى خلاتهم يقيمو علي ولا غا حال فمو اجا ما سدو ليه مروان خلاااص .. تا من النصارة بقاو غا كيشوفو و مع هي عندها المؤخرة الايفريقية الى غير كاتمشى كاتولي كولها تفيبري عساك لا كانت تتشطح .. كملو المشهد و بداو يمسحو فالعروقات تقول هوما لي كانو كيشطحو ..
- مروان .. صراحة برافو عليك .. 
-علي.. " شاف فمروان" ..درتيها هاد المرة زينة العشير..
-مروان ..عييب اختياري ..😉.. 
-علي .." كيشوف فالمى كيفاش تاتمسح جبهتها" ..تبارك الله عليك الانسة ..على العموم .. حنا غانتشاورو ببنلتنا و نخبروك .. لكن الر سمحتي .. لازم يشوفك المنتج عاد نقدرو نتخذو القرار ..
-المى .. فين غايشوفني ..
- علي .." ناض قرب ليها" .. الالة عارضينكم غدا العشا .. فأفخم فندق .. اش بان ليك .. منها نتعرفو اكثر ..
-المى .." بدلع .. " .. امم .. اوكييي.
- علي .."مد ليها يديه " .. يالله فرصة سعيدة .. غدا ماتنسايش الموعد .. " شاف فمروان .. تا لا نسات فكرها تا نتا معروض .. اه غانصيفط ليك فين و ايمتا ..

-مروان .. واخة العشير .. " دور راسو لالمى .." .. يالله ترتاحي
خرجات هي و مروان مشاو ديريكت للمكتب ديالو كي وصلو تلاحت على الفوتوي متكية ..و هو وقف حدا راسها
-مروان .. علاش ماقلتيش ليا قارية التمثيل ..!!
- المى .. انا غير قريتو و صافي مجاش فبالي غايجي نهار لي ندخل فيه لفيلم حيت مكيعجبونيش افلام المغاربة داكشي علاش ..
- مروان .. لا بالصلاحة تبارك الله عليك ابدعتي ..
- المى .." شافت فيه بنص عين" .. و زعما غانعجب المنتج!؟
-مروان .. "جلس و حنا راسو" هذك فين بقات.. التفاهم معاه صعيب ..غايفكنا غير علي ..
- المى . " عوجات فمها" ..صعيب على راسو ما علياش .. اه حاجة اخرى خولة غاتكون معانا ..
- مروان .. علاش لا مرحبااا ..
- المى .." قفزات واقفة" ..خصني نخرج دبابا يالله نوجد راسي لغدا .." سلمات عليه بالوجه " .. باااي ..
شيرات ليه و قبل لا يجاوب كانت هي وصلات للباب .. جمع يديه و رجع لخدمتو اما المى مشات ديريكت لامول و اتصلات بخولة تلحق عليها و داكشي لي كان .. تسناتها فكافي فالمول تا جات عندها و توجهو للمحلات ماخلاو تا ماركة مادخلولهاش يدخلو هنا و يخرجو هنا تا لقاو اش بغاو .. خذات ألمى كسوة بيضاء على شكل مونطو مشدودة من القدام بحزام و عريانة من الصدر مبينا نص منو ..قصيورة حد الفخض خذات ليها صاك بروزي صغور و صنيدلة عالية تا هي ربرونزية .. و الاكسيسوارات فالابيض اما خولة خذات كسيوة فالأحمر مسانترية عليها و غير بصميطات جاية على طايتها هي هاذيك مع صندالة فالاسود سامبل و صاك تا هو فالاسود صغير .. بعد ما سالاو و مشاو للريسطو كلو علد نزلو للدار .. دوزو العشية كاملة و هوما غا الضحك ...
-المى .." كانت تتمشط شعرها و مقابله مع المراية ساهية تا دخلات عليها خولة قفزاتها" ..يا الهماااج بشوية كيدخلو الناس ..
- خولة " جاية هازة تيليفون تتشير بيه و على وجهها ابتسامة عرييضة " .. اااجي تشووفي ااااه با قلبي اااه ..
- ألمى .." طلعات فيها حاجبها" .. ياك لاباس!!
خولة .." حطات ليها التيليفون قدام وجها" .. شوفي اختي العضلات و الزين .. ااااحح😍
- المى .."طيرات منها التيليفون" ..شوووفي الطونوبيييل و القصر لي موراتها😍
- خولة " دفعاتها" .. يخليك بالخلا هادشي فاش فاالحة !!
-المى .. حققات فوجهو" .. هذا ماشي داك المنتج .!؟
- خولة ..تلاحت فوق الناموسية" .. واش غير منتج و سكتي .. هاهاااي .. هذا منتج و رجل اعمال يا لالة كيدير اعمال عائلتو كاملة .. 
- المى .. "سعات فيه" .. قال ليا مروان التعامل معاه ماشي ساهل ..
-خولة .. الى مكانش ساهل تسهلو ألمى .. مانخافش عليك اعشيرتي!!
-المى .." كاتكبر صورتو" امم وصل عاد دابا للمغرب .. صراحة زويين ..
-خولة .. هو زين زيييين ..انا شفتو قلبي ولا يشطح الزومبااا ..
- المى" ..طفات ليها التيليفون و حاتو ليها فيديها" سيري تنعسي .. و خليني نعس .. 
دفعاتها تا خرجات من الباب و مشات هزات تيليفونها كاتقلب فالانسغرام ديالو تا لقاتو و بدات تتفلي فيه حتى داها النعاس..

#صباح جديد فاقت المى هادي المرة قبل من خولة و هادي تعتبر من المعجزات .. دخلات خذات دوش و لبسات سيرفيت ديالها ضربات بشعرها و خلاتو على راحتو مطلوق .. هوات نضاضرها و تيليفونها و خرجات يالله كانت هادخل عند خولة تا حلات هي الباب و خرجات لابسة كسوة قصيرة و ديرة نضاضر فوق راسها
- خولة .. صبااحو .. جيت نفيقك لقيتك فالدووش ما السر!!
- المى ..اوا الواحد خصو يولي يفيق بكري ..
- خولة .." دفعاتها تزيد قدامها" .. زيدي زيدي دارها جلال الهلالي .. ههههههههههه ..
- المى .. "خزرات فيها ''الله يمسخك ..
- خولة .. هو انا قلت حاجة!!
- عائشة .." وقفات عليهم" .. خارجين !! و بلا فطور ..!! و بلا ماتقولو ليا تا صباح الخير .. سيرو تا ترجعو عاد نتفاهمو!! خصني نفهم اش كطبخو تم ..
- خولة .." باستها" ..صباااح النووور ..
-عائشة .. فين غاديين البنات لالة منانة ..
-المى .. "باستها فحنكها" .. من بعد و نشرحو ليك .. 
خرجو خلاوها غا كاتشوف مشاو ديريكت لسونطر دبيوتي ضارو بالحالة و تقادو مزيااان عاد رجعو يلبسو .. و مالقاوش عائشة فالدار .. خذاو راحتهم على الآخر ..

-جلال-
-علي ..وا مكنتش عارف لوطيل ديالكم اصاحبي ..صدمتيني العشير ..و انا لي كنقول عارف عليك كولشي..
-جلال .."ضحك بالجنب" ..بزاف دالحوايج غايصدموك مزال .. 
-علي.." كيشوف فالساعة ديالو" .. ثفو .. الله يخليها قاعيدة .. هاد الخرا دار معانا التسعود دابا جاية للعشرة ..
-جلال .."كيضرب نترات من السيگار ديالو" ..شتي كون ما كنت جالس فلوطيل بربي مانتسناه .. بالحق عندو الزهر بارك هنا و معندي ميدار ..
-علي .. عادي المغاربه هوما هادو مكيحتارموش الوقت ..
-جلال .. مالنا حنا گور .. كاع مغاربه ...
-علي .. نطلبو عشانا و نوضو نقودو .. !!
-جلال .. حنجر غانتا ..انا غانشرب ..!
-علي .. ضبر مخك ..
عيط على السيرفور طلب عشاه و جلال حتى هو طلب ويسكي. ...و فهاد الوقيتة وصل مروات مع ألمى و خولة ...
- خولة حالة فمها فالاوطيل لي كان أكبر وطيل فكازا .. و غا الحديد نيييت و نيت لي كيوقف قدامو .. " .. وااااااو ..
-ألمى .."سدات لها فمها بصبعها " زمي دلقوشك شوهتينا ..!,
-خولة .." نغزاتها" اختي هادشي عمري شفت بحالو 😑..
-ألمى ... مزااال غاتشوووفي مادام أنا ختك غير وجدي ليا راسك للمفاجئات ..!
-خولة .."لمعو عينيها بالفرحة" اااجي طلي على بناتك اميي ..
-ألمى .. وا دوي بشوية الزمر شوهتيني ..
-خولة ... "سدات فمها " غير الفرحة 😍
-مروان .. "باستفهام" .. آنسات ياك ما كين شي مشكل!؟
-ألمى .."خزرات فخولة بديك الشوفة ديال هادشي لي بغيتي!؟" اا .. لالا والو .. 
-مروان ... اوا يالله راه تعطلنا بزاف على الناس .. 
-ألمى ... امم .. اوكي ..

كملو طريقهم و لقاو ترحيب من الاستقبال فاش خبروهم بلي عندهم موعد مع جلال الهلالي رحبو بيهم أكثر و دخلوهم ديريكت.. فهاد الوقيتة ألمى كانت كاتموت بالفرحة .. حسات بأحلامها بداو كيتحققو .. حسات بلي بدات تتشق طريقها لي ختارتها ..و الفرحة ديال انها غاتشوف المنتج جلال فيس تو فيس.. ماشي هير فالتصاور .. و هي دابا فأكبر فندق فيك يا كازا .. فينما دور راسها تلقى الناس الهاي كلاس .. باينين .. من لباسهم .. هضرتهم .. طريقة تالأكل ديالهم .. الجلسة ديالهم .. تا من وجوههم باينين ابتسمات و هزات كتافها كثر و طلعات نيفها للسما .. رجليها غادين .. خطوة خطوة بمويوعة .. كاع داكشي لي تعلماتو من الافلام .. و من السنوات لي فاتو جا الوقت فاش طبقو .. كي وصلو للطابل المعلومة لي كانت خاصة و بعيدة عن الأنظار .. الدغمة لي كان علي غادي بيها لفمو طاحت .. فاش بان ليه مروان على يدو اليمين ألمى بجمالها و طلتها البهية الراقية .. و خولة فالجنب الثاني تا هي بطلتها البريئة الخجولة .. عينيه خرجو من بلاصتهم بدون سابق انذار و حنحن بصوت محشرج تا شاف لجهتو جلال مخنزر فيه رد ليه البال فين تيشوف دور عينيه كي شافها فحاال لا حجبات الرؤية ديالو لأي حاجة أخرى غيرها ..نيفها مهزوز للسما .. مشية النعامة رجل قدام رجل مع ان الطالون و شعرها المتوسط الطول مستقر على كتافها و زغيبات من القدام كيطيرو على وجها .. يد شادة بيها صاكها بطريقة ملفتة و عينيها كيشوفو غير القدام .. ممبتسماش ولكن شفايفها ديرين فحال لا مبتسمة للجنب .. محسش بيهم وقفو قدامو كان بالو مزال معاها و عينيه مفيكسيين عليها ..جلال مكانش كيرد بالو للبنات واخة تنعس معاه مكيردش البال لملامحها المهم غندو تكون مبهجة للنضر و التحالبل ديالها قدامو .. و حاجة اخرى كاع التقابي مشابهين😂 ولكن هادي لفتاتو فيها شيحاجة بالحق تبخرات في شااع فاش تكلم مروان ..
-مروان ..السلام .. "ناض علي و سلم عليه سلام رجولي" .. ياكما تعطلنا ..
-علي .."عينيه كيدورو بين خولة و ألمى و كيوقفو عند خولة .. " .. شوية .. شوية و صافي ..
- جلال .." قلب عينيه و شاف فمروان " .. فاش دير مع شي حد موعد حاول تحترمو .. الناس عندها مشاغل ماشي مساليين لحضراتكم ..
- مروان" طلع حجبانو باستغراب و شاف فعلي" .. راكم عارفين الآنسات كيبغيو الوقت باش يوجدو ..
- علي .."بغا يخرجهم من داك الجو .. مد يديه لخولة " .. ماعرفتيناش على الآنسة ..!!
-مروان ..هادي الصغيورة خولة ....
-خولة .. '' ابتسمات و مدات ليه يديها باسها بكل لباقة" ....
- علي .."بابتسامة عريضة .." .. مرحباا متشرفين الآنسة خولة .. " مد يديه لألمى .." المى .. مرحبا ..
- المى .."بابتسامه خفيفة" ..ميغسي ..!

شافت جيهة جلال لقاتو مضور راسو لاجه الثانية و شاد السيگار فيديه و اليد الثانية شاد بيها كاس كيشرب منو و يعاود يخوي .. ماعجبهاش الحال من ديك الطريقة حسات بيه شاف فيها فالاول بالحق في ساع دور وجهو و ماتلاش دايها فيها و تا هي دورات وجها و جلسات حدا مروان لي شد فيدها و سحب ليها الكرسي باش تجلس ..

شافت جيهة جلال لقاتو مضور راسو لاجه الثانية و شاد السيگار فيديه و اليد الثانية شاد بيها كاس كيشرب منو و يعاود يخوي .. ماعجبهاش الحال من ديك الطريقة حسات بيه شاف فيها فالاول بالحق في ساع دور وجهو و ماتلاش دايها فيها و تا هي دورات وجها و جلسات حدا مروان لي شد فيدها و سحب ليها الكرسي باش تجلس ..و تا هي ماحيداتش يديها من يديه بانو كأنهم حبيبين .. عينيه مشات ديريكت ليديهم و لوى شفتو لجنب و عاود نطر من السيگار ديالو و صاط للفوق .. 
-علي ..."شاف فخولة .. هو اصلا ماحيدش عليها عينيه لدرجة انها حسات بيه كيتفحصها و ماحملاتش الديكور .. " انسة خولة تا هي ممثلة!!
- ألمى ..", كاتسنى فخولة تجاوب و فاش بانت ليها مارتاحتش تقادات هي فالجلسة و شاف فعلي" ..خولة مزالة كاتقرى فلافاك ..
- علي .. امم .. مزيان .. كيبان ليا كاتحشم..
- المى .. ههه وي ..
-جلال .. " طفى السيگار ديالو و شاف فيهم" .. فين الممثلة!!.. 
- علي ..المى ..!!
- جلال .. واخة .. خليوني ندوي مع الآنسة على انفراد ..
- علي .." وقف و حنحن .. غي شاف عينين جلال كيوساعو و هو يتحنا عليه دوا فودنيه بشوية " ..بشوية على الدرية راك كاتشوف من فضيلة النواعم بلا ماتزير معاها و تزهق منا .. تمتيلها رائع ..
- جلال .. ارا ليا ديك الطابليت نشوف هاد التمتيل الرائع و تلاح .. دي معاك داك خيناا ماحملتش كمارتو ..
- علي .. داك خيناا لي محملتيش هو لي جاب لينا الآنسة .. و كيتسنى فعمولتو .. شنو يصحاب ليك غايعطيها لينا فابور باش نربحو من وراها..
-جلال .. كيسمسر فالبنات هذا ولا كيفاش!!
- علي .. فحال هكذاك .. هو كيتلاقى بعارضات بزاف و لي بغا شي وحدة على شي غرض كي تمثيل ولا مودل ولا لي كان .. هو كياخد عمولتو و من بعد منو ليها .. 
- جلال .. ههههههههههه " شاف يد المى لي مزلة شادة فيه و كل شوية كيتحنا يدوي لها فودنها" ولد القحبة .. كيسمسر فيها و هي مجايبة لدنيا خبار .... 
- علي ..هادشي لي بغات الوقت دابا .. المهم دابا نتا ماتقصحش معاها ..
- جلال .."كيحك فلحيتو" .. هضرتي غانقولها ماعجبهاش الحال تنطح راسها بالحيط .. يالله تلاح..
علي شاف تا عيا و قال لخولة و مروان يمشيو معا .. ..مشاو للجهة الثانية لي كان فيها المسبح .. اما المى بقات معاه فديك البلاصة لي كانت معزولة على الناس .. و هاديك البلاصة بالذات خاصة بال Vip.. 
- جلال .. تمام .. " شاف مباشرة فعينيها" .. باش تعرفي السيستيم ديال خدمتي ..انا ماشي كأي واحد كيرمي فلوسو و يزيد .. !! انا كانوقف على خدمتي تا كاتكمل .. يعني امادموزيل غاتلقايني فوجهك طيييلة الفترة ديال التصوير .. لي غاتكون فالمغرب و فشيكاغو .. و بلايص اخرين .. " كيديوي و كيشوف فعينيها ماتلفت لاي بلاصة ثانية حتى زعزعها بعينيه" نبغي الانضباط فالخدمة .. الوقت هو الوقت ..و اي حاجة تعيق طريقك من جهة الخدمة ديالك تجنبيها .. حيت انا لي كاندفع .. ومكانبغيش فيلم من افلامي يضيعو .. اه وحاجة اخرى العلاقات الغرامية و داك التصلگيط ماعندي ماندير بيه نهار تسالي لفيلم الله يعرضك السلامه ديري لي بغيتي لي كيهمني انا هو ديك الفترة ديال ست شهور ولا قل كاع لي غاتبقايها معانا مانبغيش فيها حس تصلگيط ..مفهوم!!
- ألمى .." طلعات حجبانها و شافت فيه بتعالي"... اولا تسي جلال انا مكانخلطش بين حياتي الشخصية و العملية .. ثانيا ماعندكش الحق تقول ليا شنو ندير و شنو منديرش .. لي كيهمك نتا هو فترة التصوير و لي انا اكيدة انها غاتكون مدة قصيرة .. اما الفترة لي انا غانكون فيها معاكم فهاد الفيلم .. ماعندك فييها تا دخل .. 
- جلال .."حط يدو على لحيتو وصغر فيها عينيه " كاتهمني السمعة ديال الطاقم كامل الالة .." هز السيغار ديالو و عاود شعلو" ..مانبغي تا حاجة تشغل الممثلين ديالي .. و زيادة على لك المغربيات معروفات فاش كيديرو الجناح أجا ماشدهم .. و انا عندي شلاااا ميداار .. ماغانبقاش نضور عليك و مقابلك فين مشيتي و مع من ..
- المى .." دمها بدا كيغلي .." ..كلتقول هاد الكلام و نتا مغربي كون كنوي براني اش غاتقول .. بفف .. زائد انا عارفة حدودي اسي جلال الهلالي .. 
- جلال .. انا وياك دابا ماجالسينش باش نتناقشو فهاد التخربيق ..انا جيت هنا باش نوضح ليك طريقة الخدمة ديالي .. " خذا الطابليت " .. واخة مزال ماعرفت تمثيلك كيف دير .. "شعل الطابليت و بدا كيتفرج اما هي تجنبات تجاوبو تفرج فالفيديو كاامل بدون ما يقطعو و لي عجبو اكثر دور الاغراء لي عطاوها .. هوما عطاوها اصعب زوج حاجات باش يعرفوها واش تلبق للدور ولا لا .. عجبو تمثيلها اكثر من ديال الاولى بألف مرة .. طلع راسو و شاف فيها" .. عندك مع..😉
- المى .."عقدات حواجبها" .. كيفاش!؟
- جلال .." "ضحك ضحكة مامفهوماش و حط الطابليت عاد شاف فيها مرة اخرى ..قبل نا يهز كاسو و ينزل عليه دقة وحدة " عجبني تمثيلك و هادي بداية زوينة ..
- المى .. " طلعات خنافرها للسما بغرور" .. 
- جلال .. اوف اوف .. نزلي شوية تنفختي بزاف .." قلب عينيه و ناض هز تيليفونو و سوارتو بغا يمشي و هي توقفو بهضرتها ..
- المى ..هاد الشروط قلتيهم لكاع الممثلين ديال هاد الفيلم ..!!
- جلال .." شاف فيها بنص عين و عطاها بالضهر " .. لا .. حيت ماشاكش فيهم كاملين .. 
خلاها حالة فمها و زاد .. كانت غاتشير عليه بكاسو .. ومن كثرة ما هو عاجبو راسو قال ليها مكاتعرفييش ...

يتبع ...