عبير بغات تخرج من الصالا مونجي حتى وقفها صوت موسى الخشن:وقفييييي
هي وقفات لا بل قفزات مفزوعة كاتشوف قبالتها عينيها خارجين و متأكدة هضرتو موجهة ليها، بلعات ريقها بثوثر .. مينا و جنة و ايمي شافو فيه باستغراب
جنة:ولدي مالك؟
موسى مداهاش فيها .. شاف فعدن شوفاتو كانو بارديين عكس القلق اللي مستوطنو، رجع شاف فعبير وقال:دووري شوفي فيااا
عبير تزااد معاها الزاايد .. صدرها كايطلع ووينزل و الثوووثثثثر و هااالة من الخووووف تمكناات منهااا .. البوولة حساتها غاتخرجلها .. راه ماركبش فيها غي الرعب حاجة زاااايدة .. بقات دايرة هكاك ماستاجباتش لأمرو .. اما هو مللي شافها كي دايرة و مشافتش فيه .. شكوكو فحالا بداو كايتأكدولو .. خطى خطوة جيهتها والكل كايشوف فيه باستغراب .. حتى وصل لموراها و حط يدو على كتفها، مع حط يدو مع غمضات عينها و دمعةة نزلات من عينيها سااايلة على طوول خذها بسلاسة
موسى بحدة:دوووري
عبير زاادت حنات راسها لتحت كاتعصصصر فيديييها مباغااش تدوور .. حتى تسمع صووت غووتةة عاالية .. دار موسى شاف فكاتي .. حيت الغوتة جاية منها .. كانت شادة على كرشها وحمممممرى و بااينة كاتوجع، مشا جيهتها طاااير و حط يدو على كرشها
موسى بقلق:كاتي واش بخيير شنو وااقعلك (تجمع علييهم كوولشي كايشوفو فكاتي .. اما عبير دارت بنص عين شافت فيهم مشغولين و هي تشدها بجررية غادة كااتجريي لبيييتها، موسى هز كاتي بين يدو و مشا خارج بيها كايطيير .. خايف على ولدو .. اما هي فزيراااات علييه و رجعاات كوولها عرقااانة و كاتعضضض على سناانهااا بألم)
موسى بهمس:هششش صافي غانمشيو للسبيطار صبرييي (دخلها للطموبيل كانو وصلولها و مشا لبلاصتو .. ديمارا بسرعة منطاالق للمشفى و كل شوية يدور يشوف فيها .. هي بدا الوجع كايخفلها .. كاتنفس بسرعة و تمسد كرشها اللي بدات كاتبان شوية .. وصلو للمشفى و نزل بسرعة جيهتها هزها ثاني و مشا بيها طاااير لداخل)
موسى بصوت عااللي:شييي طبييب يعتقناااا
واحد الطبيب كان دايز قشعو .. مشا لعندو بالزربة و جاو شي ممرضات عندو بالباياص البيض .. هو حطها فوقو و مشاو بيها لواحد الغرفة .. مانعينو يدخل معاهم
دازت مدة شي نص ساعة .. خرج عندو الطبيب مبتاسم
موسى:ولدي بخير؟
الطبيب:اه بخير ماتخافش .. حاجة عادية يجيها مغص دابا حيت حجم الجنين كايوساع فكرشها .. زائد كانضن تخلعات ولا وقعاتلها شي حاجة اثرات على نفسيتها، حيت حتى هاد الاسباب كايخليوها تتأثر فحال هكاك .. الموهيم هي دابا نعسات .. عطيناها مسكن، تقدر تدخل عندها
موسى:وفوقاش نخرجها؟
الطبيب بعد تفكير:غدا .. حالتها ماشي حرجة و لا فيها حاجة خطيرة .. غير تبع مع شي طبيب نسائي، الموهيم دابا غانمشي .. بالشفاء العاجل ليها
موسى بتاسملو بهدوء .. هو مشا و موسى دخل لعندها لغرفتها، كانت ناااعسة .. هو جلس فالكرسي جنبها حط يدو على كرشها و بتاسم ابتسامتو الهاادئة:مزيان اللي نتا بخيير .. باباك متشوق يشووفك
🎉صباح يوم جديييد🎉
نااعس بعمق على كرشو حتى سمع صوت تليفونو اللي زعجو، تململ بانزعاج من بلاصتو .. و مد يدو لصوت الهاتف كايقلب عليه .. حتى حط يدو عليه و جاوب مغمض عينيه
نورس ببحة رجولية دالصباح:الووو
إيمي بنبرة حنونة:صباح الخيير ولييديي
نورس:صباح النور الكبيدة
ايمي بابتسامة:ولدي الحبيب .. بصح الخبر اللي سمعت؟
نورس باستغراب:شنو سمعتي (ناض جلس كايمسح على وجهو)
ايمي:على ديك البنت اللي غنيتي معاها آخر اغنية ليك .. صرحات للصحافة على انكم فعلاقة
نورس بتفاجئ؛كيييفااااش؟؟ مافهمتش!!
ايمي:بلا مادير راسك معارفش راه الفايسبوك و الانسطا كووولشي داوي عليكم .. قالك جيتو مواتيين .. بصح جيتو مع بعضكم
نورس ناض وقف كايمسح على وجهو:ممم واخا .. الواليدة غانقطع عندي شي شغل
ايمي باستغراب:وااخا .. واضرب طليلة عندنا
نورس:واخا صافي بسلامة (قطع و دور عينو للبيسي قبالتو، طل عليه و خدم دوك الكاميرات دالمراقبة اللي دارلها فدارها، بانتلو باقا فبيت النعاس شاااخرة .. بتاسم باستهزاء) هه انا وياك فعلااقة جدية ههه ممممم هاد الخبر غادفعي ثمنو
(هز تليفونو ثاني دخل للفايس كايقلب على الخبر .. حتى طلعلو فالباج دالفانز ديالو)
⚡صرحت المغنية نورسين .. التي شاركت المغني الشهير نورس العوماري الفيديو كليب ديالو الاخير .. انهم على علاقة رسمية من مدة طوييلة .. و هذه العلاقة هي السبب لكي ينتجو عملهم الجدييد الذي اكتسح عاالم الفن و الاغاني و الفيديو كليبات حاليا⚡
ضحك باستهزاء و ناض غادي للدوش كايسلت سروالو و كالصونو:هانا لقيت سبب نشوفك مبااشرة بلا مانعذب راسي فالكاميرات 😏
.
.
.
...
ايمي مللي قطع عليها نورس شافت فتليفونها باستغراب و ناضت عند عدنان اللي كايلبس عليه وقفات فجنبو كاتشوف فيه
ايمي:عدنان .. سمعتي الخبر الجديد على ولدك؟
عدنان شاف فيها:اه سمعت
ايمي بتذمر؛عدنااااان علاش حاسك بعيد على الولاد مكاتصونيلهمش مكادويش معاهم!
عدنان بهدوء:كاندوي معاهم غي نتي مكاتشوفينيش .. راه كوثر غي ول البارح دويت معاها و كانت فالكلينيك و نورس حتى هو غي مؤخرا .. ماشي ماعنديش قلب باش مانطمنش عليهم و هوما بعاد عليا
ايمي قربات عندو عنقاتو:واغي حيت مكاتكونش معايا مكانعرفش .. انقولك غانمشييو لشي رحلة يااك .. بليييز راني قنطاانة و عارفاك حتى نتا مليتي من جو الخدمة .. ناخدو جنة و عدن حتى هوما بلييييز
عدنان بتاسم مجبدلها حنكها:واخا اعمري غي نساليو شي لعيبات فالخدمة و ناخذو اجازة مفتوووحة على قبل عويناتك (ايمي بتاسماتلو هو قرب باسها بهدووء من فمها و بعد كايمسح على وجهها) يلاهي نهبطو دابا باش تقدو تكملو التجهيزات نتي و جنة لعيد ميلاد مينا .. غاتكمل 19 ياك؟
ايمي تأبطات ذراعو خارجين من البيت:اه 19 و فخبارك فشهر 12 حتى كوثر غاتكمل 25
عدنان بتاسم:هههه وي فخباري .. راه عارف ولادي فوقاش خالقين مايحتاجش تفكريني .. لمافخباركش راني كانتشوش عليهم كثر منك
ايمي ومأتلو بابتسامة:عاارفاك احبيبي .. زيد زيد نفطرو كاتضن يكون موسى جا هو و ديك البنت
عدنان:ماعرفتش؟
ايمي بتساؤل:و البارح شفتيه شنو دار لديك الخدامة .. يكون كايعرفها؟
عدنان:ماعرفتش؟
ايمي هزات كتوفها بمعنى مانعرف و هبطو لواحد الصالة طوييلة اخرى دالاكل .. غير الصالة مونجي دالبارح .. غي دخلو ترمات فدوى على باها معنقاه .. هو شدها كايضحك باسها و جلس و جلسها فوق حجرو كايضحك معاها .. هوما جلسو على الطبلة و ايمي شافت فمينا اللي كاترغب فعدن
مينا:بليييز ابابا بلييييز، غي اليوم و غدا .. بعد غدا غانجي .. راها رغباتني و بقات بوحدها فالداار
جنة كاتغمزو .. شافتها فرصة يوجدو للعيد ميلاد على خاطرهم:عدن حبيبي خليها تمشي عندها يفوجو شوية
عدن كايشوف فيها و يفكر .. شوية طاحت فبالو عبير و موسى شنو دار البارح .. فكر يبعدها هاد اليوماين عليها علاما يلقى شي حل:واخا سيري ولكن غتاخدي معاك الخادمة الخاصة بيك
عدن ومألها براسو هي نقزات علييه عنقااتو بقوووة وبااستو بقوووة فحنكوو حتى نغزاتها جنة مغوبشة:اييوى .. ديك البوسة كووولهاا🤨 بعديلي من رااجلييي
مينا ضحكات و نقزات عليها معنقاها حتى هي:الحبييبة دياالي الله يخلييك لييلييي هههه .. انا كانبغيييك
جنة باستهزاء:صبغيني صبغيينييي
مينا وقفات:مكانصبغش انا كانقول الصرااحة هنههه، يلااه هانا غانمشيي، غانعيط على عبير (مشات كاتجري .. بقات جنة كاتشوف فيها و كاضحك)
.
.
.
دازت مدة قصيرة كانو بجوجهم واجدين .. مينا وعبير اللي خدات معاها حوايج عاديين ماشي دالخدم بطلب من مينا .. و حتى مينا هازة باليزة صغييورة مربعة بين يديها .. خرجو لبرا و ركبو مع الشيفور و كيف ديما، سيارة دفع رباعية عامرة كارد كور موراهم
الشيفور بابتسامة:بنتي مينا بخيير؟؟ ياكما وقعاتلك شي حاجة ديك الخطرة
مينا بابتسامة منزاعجة:لا اعمي ماوقع والو كولشي بخيير (هو ومألها و نطالق .. فنفس الوقت اللي خارجين فيه هوما .. سيارة موسى كانت داخلة بسرعة لدااخل .. دازو السيارات من قدام بعضهم .. عبير كانت فرحانة لانها خارجة من القصر يعني مغاتشوفش موسى هاد الايامات، اما هو فداخل لداخل و متشوق يشوف وجهها .. حيت شكك و كايضن شكو فمحلو و ان عدن جابها للقصر باش يخبيها عليه)
.
جنة غادة فكولوار طوييل .. لابسة كسوة قصيرة حد الركبة فالبيض و شعرها مطلوق على راحتو .. ابتسامة خفيفة على وجهها، مشات لواحد البيت حلات بابو و هي تمحى ابتسامتها و شهقات بقوة كاتشوف فشي حد مباينش .. ولكن يد هازة فردي فالكحل منيشة علييها، هي بغات تترااجع اللور و هو يتسمع صوت رصااصة خرجات من الفردي نييييشااان لقلبها حتى طاحت على طوولتها عينيها مفتوحين و الدم معمر الارض قداامهاااااا
.
.
.
ميييييييي (ناض جالس كوولوو عرقان و حممممر و كاينهج فحالا كان مشارك فشي سبااق للجري السرييع، بلع ريقو كايمسح على جبهتو بيدو و شعرو الكحل رادو اللور .. حط يدو على قلبو بألللم حاس بنغزة فيه ووقف بالزربة بالو مشغول على جنة .. خصوصا بعد هاد الكااابووس اللي حلم بيه .. هز تليفونو كان فوق واحد الطبلة قريبة لفراشو و دار بريفي فحال البارح و حط تليفونو عند وذنو كايتسناها تجاوب، .. رنة، جوج، ثلاثة، كايتسنى و يعااود وماا من مجييب .. قلبو حاس بيه غايخرج و كياكلو علييها .. فكر ففكرة ان عدن نبهها ماتجاوبش على البريفي .. بقالو حل واحد يصونيلها بنمرتو الخااصة، عض على شفتو التحتية بقوة و دار نمرتها كايتسناها تجاوب
.
.
....
هي كانت جالسة فالجردة و جامعة عليها مجموعة من الخدم كاتخبرهم على عيد ميلاد مينا و التجهيزات .. منهم حتى إكرام اللي كاتشوف فيها بششر و شوفاتها ليها كايخلعو .. سمعات تليفونها كايصوني ثاني .. شافت فيه باغا تقطع و هوما يخرجو عينيها فنمرة يوسف .. ابتسامة عرييضة ترسمات على فمها و مشات من قدام دوك الخدامات بعدما جاوباتو كاضحك
جنة بابتسامة:ولديي حبييبييي .. منين دفنووه مزاارووه .. فين غاايب هاا؟؟ توحشتك بزاااف .. هادي هي ديالك تسافر بلا ماتشوفنيي هممم .. دابا رجعتي للمغريب يااك؟؟ (هضرتها خرجات دفعة وحدة ماخلاتلوش مجال حتى ينطق)
هو تنهد بعمق و براااحة مللي سمع صوتها بخير .. بتاسم بحررقة و قال:انا بخيير أ (سكت شوية و قال بحررقة كثر و احساس بتأنييب الضمييير) مااما .. توحشتك
جنة حسات بصوتو ماشي حتال لهيه .. جلسات فوق واحد الكراسة كايكونو جنب لابيسين و قالت بقلق:
جنة بقلق:مال صوتك؟ .. واش فيك شي حاجة؟ .. مرييض؟؟
يوسف عض شفتو التحتية و حرك راسو بلا فحالا كاتشوفو:لااا .. انا بخييير .. غي شوية دالروااح (تنهد ثااني بعمق) انا باقي مسافر .. جيت للمغرب ولكن ماشي فكازاا
جنة:مممم اااه وا اجي دغيا توحشتك اناا .. نتا كادوي غي مع عدن .. راه كايوصلي خباارك😒
يوسف بتاسم:واخا، قريبب نجي انشاء الله .. الواليدة غانقطع عندي شي خدمة ضرورية
جنة بابتسامة:واخا احبيبي .. غانبقى نصونيلك بسلامة (تقطع الخط .. هي بتاسمات كاتشوف فالتليفون و ناضت رجعات عند الخدامات ثاني كاتوصيهم)
اما هو فكرز على يدو بقووة و مشا جيهت الدوش .. يحيد العرق اللي عرقو فداك الكاابووس .. ووااخا طممن علييها قلبو باقي كاينغصو و حاس بشي حاجة ماشي هي هاديك أتوقع
.
.
.
موسى وقف بعدما قاد لكاتي مخدة تحت راسها:ردي البال لراسك .. راه على هادشي قتلك ماتصلاحلكش الطيارة و نتي جايا كاتجريي .. راه لاوقعات لولدي شي حااجةة ماتلومي غي راسك
كاتي ومآتلو براسها و حانية عينيها لتحت .. حاسة بقهرة .. اما هو فخنزر فيها و مشا خارج من بيتها هابط لتحت .. نيييشااااان للكوزينة .. دخل كانو الخدامات رجعو لخدمتهم .. شافوه تجمعو قدامو بصف طوييل .. على حسب اول مرة يدخل للكوزينة، هو دور عينو علييهم .. جات عينيه على اكرام شادة موووس بين يديها كانت كاتغسلو و مزيييييرة علييه .. ماكرهاتش تغرزولو فقلبو .. واخا عارفاه ماشي هو مصطفى الا ان الشبه بيناتهم كااافي باش يخليها تحقد علييه، هو عيا مايحقق فوجه الخدامات ماقشعش وجهها .. شاف فرئيسة الخدم اللي عاد دخلتت للكوزينة .. شافتو و قربات عندو بالزربة
م.حجيبة:موسيو موسى .. شحب الخاطر؟
موسى ببرود هاز راسو لفوق:واحد الخدامة سميتها عبير .. فينها؟
م.حجيبة بلعات ريقها و حنات راسها .. كاتفكر فحوار داز بينها و بين عدن فالصباح
🔙🔙🔙
عدن بصرامة:ماشي قلنا حتال السيمانة الجااية؟؟ كنت عواال نبعدو من هنا علاما تبدا هي خدمتها
م.حجيبة حانية راسها:استسمح اسيدي راها هي اللي قالتلي بغات تبدا الخدمة هنا، على داكشي كلفتها بالانسة الصغيرة، حيت هي مامتطلباش و ظريفة .. و نتا وصيتيني مانعطيهاش شي خدمة كثييرة
عدن تنهد و حط يدو على لحيتو كايفكر:الموهيم من هادشي كووولووو، لا سولك موسى على شي وحدة سميتها عبير، قوليلو كاينة ولكن وريلو شي وحدة اخرى غيرها فهمتي
م.حجيبة:اه اسيدي راه كاينة خدامة اخرى سميتها عبير .. غانقولو هي اللي كاينة
عدن ومألها:صافي .. يلاه رجعي لخدمتك
🔚🔚🔚
رجعات راسها اللور مللي فاجئها موسى و فرقع صباعو قبالت عينيها .. كانت سااهية .. هي حنحنات بثوثر:اه اه اسيدي .. راها هادي عبير اللي كاينة (نيشات لواحد البنت .. قصيرة و سميمرة شوية و شعرها كحل غاامق، موسى دار شاف فيها طلعها و هبطها .. ماشي نفس الطول .. ماشي نفس لون الشعر .. ماشي نفس الفورمة، ضحك باستهزاء و قلب عينو عليها)
موسى بهدوء:واخا (دار خارج من الكوزينة بابتسامة جانبية، دابا تأكدلو شكو .. هاديك اللي وراتهالو حجيبة ابدااا ماشي هي اللي شافها الباارح .. سترجع مواصفاتها، شعرها الطوييييل و فورمتها القتالة بديك اللبسة دالخدم .. طوولتها و بشرتها البيضة .. نفس بشرة عبير اللي زرقهالها .. مشا خارج من القصر كايتمتم فنفسو) تعياا تخبيها غانلقااهاا .. ماشي انا اللي تستغبيني ألواليد 😏
ناااعسة بعمق على كرشها، الغطا هارب عليها مليوح فاللرض و هي لايحة كل رجل فجييه .. دوك السليب و السوتيان اللي لابساهم نشفو عليها .. شعرها مغطي ضهرها كووولوو و مؤخرتها باينة متوسطة الحجم و مكورة و خارجة شوية .. تململات بشووووية بعدما شبعاات و تكهمات بالنعاس .. على حسب نعساات بكرييي، دارت ناعسة على ضهرها كاتشوف فالسقوف و شادة راسها بين يديها حاسة بيه غايتششق بالشقييقة اللي فيه، تنهداات و غمضات عينها كاتحاول تتفكر كي جات للدار حيت عاقلة على راسها كانت فالبار، ولكن بلاتي بلااتي .. ملامح وجهها تقلصو و حجبانها تعقدو و فمها عوجاتو للجنب و هي كاتحقق فالسقف .. ماشي ديال بيتها .. دورات عينيها على البيت كوولو عاقدة حجبانها مكاانش بيتها .. ناضت طاافجة وقفات كادور فراسها فالبيت و مشات كاطير لبابو حلاتو بلا ماتنتابه لراسها شنو لابسة ولا بالاحرى شنو ملابساش 👙، خرجات لبرا كادور عينيها فداك الصالون اللي كان فيه واحد الفوطوي طويييييل حمر و فالارض زربية مدورة صغيرة كحلة والشرجم محلوول مع بلازما صغيرة معلقة فالحيط .. هي حلات فمها باغا تفكر فين سبقلها شافت هاد الصالون حتى سمعات صوت شي حاجة طاحت تهرسات .. دورات راسها بالزربة تشوف شنو كاين، كان سافاش خارج من كوزينتو و هاز فنجان قهوة و لكن طاحلو بالمنظر اللي شااف، حس بداك اللي تحتو بدا كايداحس مع سروالو و هو يحني راسو بالزربة
سافاش علا فيها نص عين و قلب وجهو عليها:سيري لبسي شي حاجة
كوثر بتسائل؛شكاتقصد (حنات عينيها تشوف شنو لابسة و هي تخرجهم .. دارت داك الصوت دالمشة اللي كاتعصر ثااني و عينيها مخرجااهم فرااسها و قفزاات) اععععع شنووو وااااققققع هنااااا (نقزاات علييه شانقاه من البيل اللي لابسس) اششش درتيييلي يالسلكووووط، خرجتيي علياا يااك خذيييتييها خذيييتييها .. طرطقتيييهاااا .. ثقبتيييييهاااااا هئهئ خرجتييي عليااااا😭😭😭
سافاش شاف فيها باستفهام مفاهمش علاش كادوي:علاش داوية نتي؟ شنو خديت و شنو تقبت؟
كوثر مخرجة فيه عينييها:ثقبتييليي خرزتي يا ولد القححبة .. شنو كايثقبو النااااس هااااا .. سمعنييي من اليوووم غاتمشي تخطبنيي من والييدياا سير حتى للمغرب مكايهمنييييش، نتاا درتي الغلااااط صلللحوو يالسلكوووط
سافا بقا كايشوف فيها حابس الضحكة موودة و هي كاتشوف فيه عينيها مدمعين و مدلية شفتها التحتية فحال شي بنوتة صغييورة، هو طلقها بضحكة من اعمااااقو و شد على فموو كايضحك:هههههههه لا لا نتييي غاتجييبييي آخرتييي ههههههههه من نيتك دااوية؟؟
كوثر بالنهطة:من خرزتي يالمكبووت .. شفتيني بنت زويينة و معاقلاش على شنو كانديير و ستاغليتيني و فتحتيينيي .. حكييتييييينيييي (خرجات شهقة من فمها و حطات يدها على فمها تحبسهااا كاتشوف فيه بتفاااجئ) ناااريي بابا غايقتلنيي لاساقليي الخباااااار😭😭😭😭😭😭
سافاش مابقاش قادر رجع حمممممممممر حاابس الضحكة حتى طلقها ثاانيي بصصووت اعلى من قبللللل كايضرب فالحييط:واااااهاهاهاهااااااا🤣🤣🤣 طيرتيييييينيييي بالدمووووع (مسح دمعة نازلة من عينو .. هي سهاات فصوت ضحكتو العاالية فنفس الوقت كاتشوف فيه بعصبية .. هو طلعها و هبطها بعينو وعض على شفتو التحتية و قرب لوجهها لدرجة كبيييييرة) للصراااحة .. كنت بااغي ندير اللي قلتي، ولكننن (هبط عينو على طوول جسمها .. هي حطات يدها على صدرها على شكل X) سبقلي قتلك نتي ماشي من نوعي المفضل ياااك .. (بلع ريقو و قال بهمس فيه نوع من الشهوة ولكن حابسها بالزز) واخا كانشوف فيك دابا تقريبا عريانة ولكن ماحركتي فيا وااالوووو
كوثر رمشات باستمرار متفااجئة من هضرتو:اشنووووو؟؟؟ .. ماشي من نووعك المفضضل؟ مكاانحرك فيييك وااالوووو؟؟ واااش نتاااااا من داااك النووووع (حطات يدها على فمها و شهقت) ناااري ماكنتش عارفااك gaaaaay
سافاش خرج فيها عينو متفااجئ من استنتااجها البليييد اللي خرجااتلوو، بلع ريقو و حنحن باغي يدافع على رجوولتوو .. قال بصوت خشن:لاكنت كيفما قلتي ماكنتش بستك ول البارح
كوثر:ولكن قلتيي ماشي من نوعك المفضل؟؟ 😨
سافاش قلب عينو:ماعجبتينييييشششش مكاتعنيييش انني زاااملللل اكوووثر .. راانيي راجلل و نحوييك نتيي مع عشرة اخرييين
كوثر شهقات ثاني:ناااارييي خسرتيي الهضضرة😨
سافاش بقلة صبر:راك ماتخلينيش غي نخسر الهضرة راني نقود معاك السوااايع على هاد القلاوي اللي خرجتي من فمك
سافاش مشا لبيتو بلا مايجاوبها .. هز سروالها ياخدولها و داز مور واحد التيشرت ديالو يعطيهلها على حسب ديالها موسخ بالتقيا
سافاش مدلها الحوايج:هاكي وراه تقييتي على راصك عليها قلعتلك حواايجك، ماشي قد الشراب ماتقربييلووش و نتي طحتي بالكااو غي بكاااس
كوثر نترات من عندو دوك الحوايج قالبة قنوفتها و مشات بيهم لبيتو تبدل عليها و هي م
كاتسب فييه فنفسها:الزامل القوااد الضبع قالك مكانعجبووش، خاصنيي نعجبو علاشش مانعجبووش، لا لا هادشي ماشي معقول .. علااش مكانعجببووش شنو ناقصني (وقفات قبالت واحد المراية فبيتو) الطووولة .. الفوورمةة زوينة .. الشعر العويينات .. البشرة .. مامزغبااش مافيا حتى دييفو .. صوتي زويين و حمقة علااش مكانعجبوووش🤔 .. تكون عاجباااه شي وحدة اخرى😱 غانقتل زاملبوها😡 لاماكنتش كانعجبو انا كايعجبني و غانولي نعجبو (طلعات سروالها و شدات تيشرتو غاتلبسو و هي تبتاسم كاتشوف فيه بحب و عينين كايبرقو) واللهتا تولي كاتهترف بيا فحال دوك اللي كايوكلوهم زغبة الفار اليتيم ووذن الناموسة الهجااالة .. داناا بنت مبعرفش مستحييل ههههه😈 (لبسات تيشرتو و و قادات شعرها طلقاتو على طوول ضهرها، شافت فوجهها المراية كان زويين .. شدات حنوكها قرصاتهم مزياااان حتى تزنكو و خرجات لعندو لبرا كاتبتاسم، هو طلعها و هبطها و بتاسم نص تبسيمة .. جالس فوق داك الفوطوي الحمر .. هي حنحنات و ردات شعرها مور وذنها .. ديييك الحركة خلاتو يحل فيها فمو .. بانت جذابة بديك الضحيكة البرييئة و دوك العوينات .. هي شيراتلو بيديها)
كوثر:انا غادا بسلامة
هو ومألها براسو و هي دارت خارجة كاتسب فيه .. ماكرهاتوش يقولها زيدي بقاي معايا .. ولكن اللي معارفاهش هي .. هو انه باغي مااا امكن يبعدها عليه، مباغيهاش تتأذى ولا توقعلها شي حاجة بسبابو .. براكة غي دوك اللي خسرهم فالماضي .. تنهد و تكا كايتفرج فالبلازما قبالتو ولكن فالحقيقة هو فبالو غيي ملامحها دقبايلة و صوتها و هضرتها و جسمها الصغيييور اللي ماكرهش يعصرو بين يدو .. تنهد حاط يدو على قلبو و قال باللغة العربية الفصحى:رفقا بقلبي يا جميلتي
جالسة بملل كاتخربق فالتليفون اللي جابولها ياسين بعدما ناضت و فطرات و جمعات شوية الدار، دخلات الفايس ديالها القديم و الانسطا و الواتس بنمرتها الجديدة، كاتدخل على اصدقائها القدام فالفايسبوك يعطيوها نمرة الواتساب و اللي دخلات عليه كايجاوبها بحراارة و ترحييب .. عكس الماضي مكانو كايدويو معاها غي فاش كايبغيو حاجتهم ولا باش يضيعو وقتهم معاها، هي مبتاسمة باستهزاء كادوي مع واحد البنت .. هاديك بالضبط اكبر مستغلة على وجه الكرة الارضية
نورسين:اه اخيتي عجبتو عليها درنا الفيديو كليب ماكنتش كانقولك غانمشي بعيييد
البنت:واراه كلشي داوي على هادشي ونتي بفمك قلتيها لشي صحافية
نورسين فنفسها:اوييلييي انااا .. مادويت مع حد .. ولكن دووك الحماااراات الكواافووراات البركاكااتت، ناااري اليوم يحوينييي بالمعيوور .. (خلات vu للبنت و مشات كاتقلب على الخبر فالانسطا .. عيات دور دور دور ووالو ماطلعاتلها حتى حاجة ماعرفاتش فين تدخل، زفرات الهوى من فمها بسخط و قلبات عينيها) يقول اللي بغا يقوول .. اصلا هاد الخبر غايزييد يشهرنييي😍 هاااح علياا .. انطل على ليفانز دياوليي (علات يدها كاتسيلفا و تبووزا طالقة شعرها، تصورات شي ستة دالتصاور و ختارت منهم وحدة بالزعر ووحدة بالكحل قديمة عندها .. حطاتهم فبروفايلها فالانسطا اللي نداهشات من عدد الابوني اللي نضافتلها .. من 200 حتال 3000 وحدة فمدة وجييزة .. كتبات على الصور) "الاشقر ام الاسود؟"
بتاسمات كاتشوف فيهم كايجمعو ليجييم فالحيين و الكمونطيرات .. الضحكة وصلاتها لفيين وولفين و كاتشوف فالاراء اللي كانو الاغلبية كايشيرو للاسود، ولكن فالحين تجمعات مع شي محسادات بداو كايعيبو فيها و يطاكيو صحاباتهم يكملو، هي بلوكاتهم و حطات التليفون و مشات للبيت دالنعاس كاتفرج فالحوايج اللي جابلها ياسين .. جبدات كسوة فالحمر قصيرة و كاتجي مكروزة .. توبها ديال القميجات و تصميمها جد روعة، ضحكات عينيها كايلمعو بإعجاب ..
.. حيدات شنو كانت لابسة و لبساتها، مشات للمراية و فتحات واحد لاطخوس دالماكياج و بدات تماكي .. دارت الفوندوتان و ماجاوره و ختماتها بتعكيرة فالحميمر باااارد .. برز شفايفها .. مع سلات العكر مع سمعات صوت الصوني فالباب .. حكات شعرها بتساؤل كاتفكر شكون يكون جا عندها، خرجات من البيت و مشات تحل الباب، مع حلاتها مع حلات عينيها فيه .. كان واقف ببرود حاني راسو على تليفونو كايتسنى الباب يتفتح، علا عينو فيها بهدوووء و هو يتشوووكا .. قلبو تهزز و تححط و خرج تنهييدة من اعمااقو على منضرها الجذاب و المغري قبالتو، دوز لسانو على شفتو التحتية بحركة شهوانية ودفعها لداخل و دخل غادي داخل، هي باقا مصدوومة حتى دفعها عاد توكضاات و مشات عندو طاايرة كاتغوووت
نورسين:هييي شكاااديير .. مالك هااجم عليااا .. خررج فحاالككك
نورس جلس فوق الفوطوي فالصالون ممرح و علا فيها حاجبو بجدية:هاكا عاملتك مللي سكنتي عندي؟ (هي مركات بدات كادور فعينيها .. اما هو فطلعها و هبطها بعينييه كايصكانيها ماوقف حتى لصباع رجليها كايشوف فيهم بتعابير ممحية .. شوية حنحن و قاد جلستو شاف فعينيها مباشرة) جيبيلي كاس دالما احبيبتي (نورسين حسات بسطل دالما مثللج تخوى عليها بديك حبيبتي، جابتلها الرعشة .. صدرها بدا كايطلع ويهبط بسرعة و كاتشوف فيه بشوفات بريئين .. هو طلع جنب شفايفو بابتسامة خبيثة ووجرها من يدها حتى جلسات فوق حجرو، تداركات الامر بغات توقف ولكنو زير عليها و زيرلها على خصرها حتى توجعاات و خرجات صوت خفييف من فمها، شفايفها تحلو بطريقة جذاابة خلات نورس يبلع ريقو مركز بعينيه عليهم، هي طلعات يدها مع يدو غادة بيها لصدرو باش دفعو زعما اما هو فحس فحالا شعلات فيه الضو الخضضر قلبها على الفوطوي و جا فوقها كايشوف فعينيها مبااشرة بشهوة و هي كاتشوف فيه بتوثر و تبلع فريقها .. همسات بصوت خفييف .. زااد الطين بلة وزااد من شدة اثارتها لييه .. خلاتو يتجنن باغي يذوق الشهد من شفايفها)
نورسين بصوت خفيف:نوووض فحالك .. ش شكاادير عنديي
نورس نيم عينو فشفايفها قرب بشووية و قال بهمس كايبورش:جيت نشوف حبيبتي، ماشي نتتي اللي صرحتي بيها للصحافة همم؟؟ جيت نشوفك و ناخذ جرعة منك باش نقدر ندوز نهااري
نورسين أنفاسها تخرببقو .. حطات يدها على صدرو غادفعو و لكن هو تكا بصدرو على صدرها كثثر و قرب لوجهها كثثر و كثثثر، غمض عيينو كايشم ريحة انفااسها المنعشة وريحة عكرها اللي كانت كاتجذب، زااااد قرب حتى حط شفايفو فوق شفايفها .. غي تحطو شفايفو ترفعاات ذااايبة و هو ترفع معااها .. حرك شفايفو ببطئ جااار شفتها التحتيية و هي حلات فمها عاطياهاالو .. كايبووسها و يجرها و يمصها .. حاسة بقلبها كايضرب بسرعة كبييرة و بهاد اللمسات تقامت حررب أهلية فوسطهم بجوووج .. هي مغمضة عينيها و هو مغمض عينيه مخليين احساسهم كايدوي .. و بوستو الخفيفة فوق شفتها الفوقية خلاتها هي تحرك شفايفها بموازاة معاه و تقبلوو حتى هي .. حس بيها بادلاتو البوسة و هو يزيييد يتعممق مبتاسسم فوسط البووسة .. خشا لسانو فوسط لسانها كايتمذق فجووفها و مذااقو العسيليي الطاازج .. سخوونية فمهم خلات اجسامهم يسخنوو كثر و نسبة الادرينالين تطلعلهم كثثر و الهرموونات يتحركو عندها هي كثثثر .. حركات يدها بهدووء و حاوطااتو كاتلعب بشعرو بين اصابع يدييها و هو هبط من شفايفها لعنقها كايبووس بوسات متقطعة و يقيص ففخاضها و مؤخررتها تحت الكسوة اللي لاابسة مدخل يدوو .. حتى قفزهم صووت الباااب والدقاان و الصوني .. فحالا البولييس جاااو كايدقو
مينا جالسة مع مروى فبيتها، هي اللي عيطاتلها تجي تدوز عندها يوماين حيت واليديها مسافرين و بحجة انها خايفة تبقى بوحدها ..
مروى بتساؤل:قولييليي شنو وققع و كيفاش و علاش خطفك .. نااري بالي بقا معاك يالصااطة من داك النهار
مينا تنهدات كاتفكر داك النهار و السلخة اللي كلا يوسف غمضات عينها بألم .. متألمة لمجرد انها تفكراتو تضرب .. تنهدات و قالت بهدووء:والو اصاحبتي .. حتانا معارفة مانقولك والله حاسة بالخنقة بهاد الوضع و السر اللي مخبياه على ماما .. اففففف
مروى بتساؤل:شمن سر وضحيي؟؟
مينا نفات براسها:والو والو .. راه غي شي مشاكيل فالعائلة و صافي .. نتي شنو اخبارك مع جواد ديالك (غمزاتها)
مروى ضحكات:هههه مزيانين .. دابا سافر عندو شي مؤتمرات على برا
مينا باستغراب شافت فيها:باااباا اناا؟؟ لا بالعكس هههه
مروى:جاني كايخلع ههههه عندو هيبة كاتخلعني هههه
مينا ضحكات:حمقة نتيي هههه (دورو عينيهم فالصالون كانت عبير ناعسة فوق الفوطوي ملوية على بعضها مانعساتش الليل كولو البارح بالكوابيس و صوت موسى ملاحقها على هكاك غفات دابا، مينا شافتها .. رجعات شافت فمروى ودارتلها يدها على فمها زعما سكتي)
مينا:وي عاارفة .. اجي نخربقو هنااا على الله نخرجو شي عجب كايتنكل ههههه
مروى ضحكات و مشات للثلاجة كايشوفو شنو يجبدو بجوج .. الدار كانت عبارة عن شقة كبيييرة 150 ميترو .. وااسعة و مهوية يرتاح فيها الواحد .. هوما شافو شنو غايصنعو تم ..
.. هوما شافو شنو غايصنعو تم .. كل وحدة جبدات حاجة و مشاو كايشوفو كي يديرو يطيبو
.
.
.
..
نورس ناض من فوق منها كاينهج .. كايشوف فعنقها اللي خلا فيه اثر بووسة .. حمرة بقا بااين .. اما هي فكاتشوف فيه مصدومة من الحلة اللي تحلاات قداامو .. بلعات ريقها و عضات على شفتها التحتية و ناضت بالزربة جلسات كادور فعينيها، هو وقف و خربق شعرو بسخط .. ماشبعش من طعمها الخااص .. كانت بين يديه فحال شي قطعة كييك دالشوكوولا الايطااليةة ماتسخايش منوو .. مشا للباب اللي باقي كايتدق و حلو بالجهد مخنزر حتى كان غايطييح ياسين اللي كانت متكي على الباب ماشداتو غي فاتي اللي معااه
ياسين:اب اب اب اب .. بشووية ابااياا كنتي غاتجيبني على زناافري، زايدون شكادير هناا؟؟
نورس مخنزر فيه:شبانلك؟
نورسين جات وقفات من موراه .. شفايفها حووومر بالمصاان و مزنكة:ههه جييتووو
نورس شاف فيها وهو يضرب الباب بيدو حتى قفزو .. منضرها هيجو هو و فكر فياسين .. حتى هو راجل و كاايحسس .. اكييد غايحس فحاالو .. تعصصب ماحس براسو غي مغووت بصوت عالي:تقاااودي لبسي شي حاجة مستووورةةةة
نورسين خلعها صوتو العالي .. مع مفافية من شنو طرا ومأتلو براسها بالزربة و مشات كاطيير جيهت بيتها تبدل .. ياسين ضحك و دخل لداخل تابعاه فاتي كااتضحك حتى هي
ياسين بصوت عالي:واقااطع فييها النفس، الله يعزز الحكااام .. هههه شنو كنتو كاديرو قبل مانجيو .. تعطلتو باش تحلو
نورس جلسو قبالتو بعدما جلسو هوما فالصالون .. خنزر فيه كان غايخصر الهضرة لولا فاتي اللي قدامهم:كنت كانلعب مع خطيبتي (غمزو)
فاتي ضحكات بالحس و نغزات ياسين .. قربات لوذنو همساتلو:قاطعناهم .. نتا على دقة كاديير
ياسين غمزها:خليهم حتى يتزوجو ماشي من داابااا ههههه
جات نورسين لعندهم بسروال و تيشرت ديال الدار و جلسات جنب فاتي قبالت نورس اللي طلعها و هبطها بعينيه .. ركز الشوفة فشعرها مخنزر و قلب عينيه .. هي عضات على شفتها التحتية و حانية راسها حتى قفزها ياسين اللي قال:واامرت خوويااا مبروك عليكم 5 دالمليون ديال لي vu غي من ول البارح
نورسين حلات فيه فمها:اواااااه😱
ياسين:ياااه و بااقي تطلع حتال 200 غا صبري هههه مولفين اغاني نورس كايفوتوها .. قوليلي بعدا .. واش بصح نتي اللي قلتي للصحافة انكم فعلاقة جدية ولا جابوها من راسهم؟
نورسين فهاد اللحضة ولات كاتعاير لياسين الجذوور و الارحاام .. خنزرات فيه و شافت فنورس بنص عين هو كايشوف فيها ببرود:اه انا قلتهالهم ..
فاتي كاتشجعها:هااكا حسن باش اللي كانت حاطالك عليه العين تجمع راسها
نورسين شافت فيها و نسات راسها:واايييه كون شفتي كيفاش كانو داويين عليه عصبوني .. و عاد سولاتني وحدة فيهم واش حنا مرتابطيين كنت غاننفي حتى سمعت لوخرى كاتقولها لا راه كايبغي وحدة ماتت وقصة حبهم كانت مزعطرة و معرووفة و ديك الويلة اللي ماتت كان كايبغييها و كداكدااشي .. لاوااه النممم .. ماحسيت براسي حتى قلتلهم اننا مع بعضنا
شافت فيهم مخرجين عينيهم موراها .. هي عضات على شفتها التحتية مفكراه راه معاهم .. دارت بشووية تشوف فيه حتى حسات بطرررشة قلباتلها وجهها تفااجأتت .. شدات على حنكها حاسة بشي حاجة سخووونة سايلة من نيفها اكييد الدم، فاتي شهقاات و ياسين وقف و شد نورس اللي غي سمعها جبدات سيرة نورسين (الميتة) وقالت عليها وييلة حس بالجنوونة كايدورو عند راسو، هي علات فيه عينيها شادة على حنكها و هو باغي يدفع ياسين باش ينقزلها
نورسين وقفات شادةة فمها بيدها و صدرها طالع ناازل كاترعددد .. الدمووع سايليين من عينييها و حاسة بقلبها كاايبكيي و نسبة حقدها على نورس و ديك الويلة كيفما قالت عليها .. كايزيييد .. خلاتهم بديك الحاالة ووهو هايج باغي غي كيفاش يدوزلها .. مشات كاطييير لبيتها و سدات عليها البااب .. هضرتو كاتعاود فمخها و تعاود .. جرحها بزااف، اما هو فجلس كاينهج فوق الفوطوي كايشوف فلارض بعصبية:ماعندهااش الحق تقول علييها وييلة .. نورسيين ماشي وييلةةة
نورس خنزر فيه ووقف:حتى هي شنوو قاالت عليييهاا .. هااديييك هي اللي مانسمح لحتى شييي مخلوووق يجبدها بكلمة دالعييب .. ابداااا واخا تكوون هييييي
ياسين ومألوو شاف ففاتي:فاتي بقاي معاها اليوم .. غانمشيو انا و نورس نبدلو الساعة بلوخرى
نورس نفا براسو:مغاااديي فيين .. حتى تنفي داك الخبر اللي قااالتووو .. فووقاش انا رتابطت بييها همم؟ من فووقاش
ياسين جرو خارج بيه لبرا:سكتتتت ازبييي وااش ماملااحضش رااك جرحتييها بهضرتك .. واش نتاا نورماال .. عاد يوماين هاديي كنتي مهرس تصاور نورسييين على قبلهااا و اليووم هجتي عليها فحال البحر و كاتعااير فييها و تجرح فيها بهضررتك .. دابا تخاايل تمشيي ثاانيي و ماترجعش مانعرفووش فين صفااات
ياسين باستهزااء:نتاااا شاااك عندك انفصااااام .. شهاد الدخول و الخرووج فالهضرة عندك؟؟
نورس تكا على طموبيلتو باغي يمتالك اعصابو:فهمنيي ايااسييين .. انا ملخبطط بين الماضي و الحااضر .. مباغييش نخوون نورسيين و فنفس الوقت كاننجاارف مع هاادي اللي هنااا، كانحس بالذذنب مللي كانقربلهاا .. دييمااا كايوقعلي هااكاا .. حتى ليووم و عاد مللي قالت عليها وييلة و ذكرااتها فحالا فكراتني فييها وشععلت .. حسيت براسي كانغلييي .. ماعرفتش شنو وققعلي اناا برااسي معارفش نتحكم فرااسي .. بااغييي نرتاااح
ياسين طبطب على كتفو كايتنهد:والا بغيتي ترتااح .. خاصك تبعد منها .. خلييها تبني حيااتها ونتا بقا مع مااضيك و البنت اللي كاتبغيي .. هي خلييها علييك حياتها عاد بداات كاتقاااد
نورس خنزر فيه عينييه انقضووو بحدةة و غووت بصوت كايخللع:هاااديي اللي عمررها تحلللم بيييهااا .. عمرنني نتفررق معاااهاااااا ولا نخلييها تعييش هاانيية .. بااش تقحببن كيي بغاات .. راني عاارفها فيها الدودة و زهوااانية مع كررها اللي تشوفو تطييح فييه، واناا اللي غانحدهم لدينمهاا .. اناااا اللي غانعررفلهاااا (ركب فطموبيلتو ونطاالق بسرعة و هو باغي يبدل ساعة باخرى .. اما ياسين فتنهد كايحك على راسو و دار راجع عندهم للدار .. حاس براسو كايغلي و حاس بهاد الجوج غايحمقووووه)
دااز داك النهار عادي لاشيء يذكر، نورسين دوزات اللي بقا فنهارها فبيتها سادة عليها و كاتفكر فهضرت نورس اللي جرحاتها وتبكي .. ماحلاتش الباب لا لفاتي لا لياسين .. حتى مشاو بحالهم .. اما نورس فمشا لدارو و سد عليه فبيتو شاد تصويرت حبيبتو الميتة بين يدو .. غي كايتأمل فيها و يتنهد .. فحلا كايعتاذر منها، فحالا حاس بالذنب جيهتها حيت مكايتحكمش بمشاعرو .. حاس بأنه نقض بوعدو ليها .. على انه ماينساهاش ومايخونهاش و مايبغي حتى وحدة اخرى من غيييرها .. هاد التشقلبات الجديدة اللي ولا فيها غاتحمقو، .. اما مينا و مروى فدوزو نهارهم بتجارب دالطبخ حتى فيقو عبير اللي مشات عندهم عتقاتهم و دارت مكرونة بصوص طوماط جات بنييينة و كل شوية كاتنهد خايفة من حيااتها .. خايفة تزيد تعيش نهار آخر تتصدم فيه ... هااكا داز نهارهم كولهم .. كل واحد وفاش كايفكر و كل واحد و فيمن كايفكر .. شي كايبكي و شي كايبتاسم بالزز و شي ساد على راسو ماخرجش و شي شاد كارو كايبرد فيه حنينو وشوقو فحال يوسف .. اللي ولا نهارو عبارة عن تفكيير فتفكيير فندم فشووق فحنيين لاياماتو القديمة .. تنهد راد راسو اللور و هو جالس فالبالكون دبيتو و الحلم اللي حلمو الصباح كل شوية كايجي لبالو و كايحاول ينفييه و انه غي قلق بسباب بعدو عليهم
⚡أصبحنا و اصبح الملك لله⚡
صباح جديد و احداث جديدة بالنسبة لبعض ابطالنا🔥
جنب الكورنيش .. مع صوت المواج و الطيووور و الهوى العلييل .. كاتجري بشوية عليها .. لابسة سورفيت فالكحل و شعرها الاشقر دايرالو كوت شوفال مع ليزيات فوذنيها و كل فكرها مع احداث البارحة و كيفاش نورس تقلب 180% غيي حيت سمعها قالت على حبيبتو وييلة، حسسها بأنها ماعندهاش اهمية فحياتو .. حسسها فحالا هي بالنسبة ليه مجرد عاهرة غايدوز بيها وقتو ويلوحها، ولكن هي ماشي من دااك النووع .. هي غاتبعد منوو غاتفاادااه كليا، صافي مابقاتش شي حاجة سميتها نورس فحياتها، و اول خطوة غاديرها هي اللي قرراتها دابا .. وقفات كاتستارح شوية و كاتزفر الهوى من فمها وتنهج .. تقابلات مع البحر و هزات الفون ديالها .. دارت سيلفي مع اشعة الشمس
.. دارت سيلفي مع اشعة الشمس و ابتسامة مزيفة .. مشاتت لصفحتها نيييشان .. حطات الصورة مع تعليق "صباح الرياضة و النشاط، باغا نوضح حاجة وهي اننا انا و نورس العوماري بيننا فقط عمل غنائي و صداقة، مكاينش علاقة حب ولا ارتباط .. خرجو الاشاعات فأماكن اخرى" نشرات المنشور و ملامحها عاابسة .. كيف البارح فالحين بدا يجمعلها التفاعل .. و بدا كايطلعولها لي طاغ .. دخلات لواحد و هي تلقى فواحد الصفحة مبوسطيين بوسطها و مطاغيينها هي و نورس .. شافت سميتو بلا تفكير ضغطات عليها و دخلات لصفحتو كاتسارى فيها، كان داير صور قليلة اغلبيتهم فشي حفلة و لا شي فيديو كليب كايصورو .. ولكن الي لفت انتباهها صورة فيها هو و نورسين (الميتة) كايشوفو فبعضهم يعني عاطيين للكاميرا بجنبهم، اول مرة تشوف صورة ليهم بجوج .. حيت فدارو كاينين غي تصاورها معلقين .. عضات على شفتها التحتية بقووة .. حاسة براسها مقهووورة، علاش لدابا باقي عايش على أطلال الماضي؟ علاش مايبغيهاش؟ شنو فيها ناقص؟ لا جاو للمقارنة فهي حسن من لوخرى بكولشي .. علاش هو مقادرش ينساها؟ واش خاصها تموت ولا توقع فيها شي موصيبة باش يبغيها؟ وصلات بيها لأنها تتخيل راسها واقعالها شي موصيبة و هو عند راسها ندمان على الشي اللي دارو فيها، بتاسمات باستهزاء و دارت غادة فحالها .. كاتمشى بهدووء حانية راسها حتى بدات كاتسمع وشوشات عليها زعجوها
..:ماشي هاديك ديك المغنية اللي بانت جديدة؟
..:اه هي شوفي زوينة مباشرة
..:اجي نتصورو معاها
هي سمعات ديك نتصورو معاها قلبات الطريق للجيهة الثانية غادة حانية راسها .. ماعندهاش المورال لهادشي .. هوما شافوها قلبات الطريق ماعجبهومش الحال .. وحدة فيهم ضحكات باستهزاء
.. (بصوت عالي):شوووفللللك القحححبة منخلاانا .. بنتي مغنية غااجووج كلمات و مطلعك دااك صحيبك صحابلك راك رجعتي شي حااجة ولااا
.. باستهزاء:واتلقاايه شبع فيها حوى عااد قبل يغني معاها هاهاهااا
طلقوها بضحكة عالية .. كاع اللي كانو فديك المنطقة دارو كايشوفو فيها هي وقفات معصبة غاطرطق .. دارت شافت فيهم شوفات فحال القرطاس و تاجهاات عندهم بعصبية
تاجهاات عندهم بعصبية ودفعات وحدة منهم كانت رقييقة حتى طاااحت للأرض .. شافت فالثانية كانت غليضة و عامرة و قصيصرة .. عرفات راسها مغاتقدرش عليها طلقات حلووقهاا
نورسين بعصبية:القححبة هيييي اللي ماعرفاتش تربييك يا قليلة التربية .. انا بزااف عليكم كوولكم و مربية و عاااااارفةة اخلاقي .. نعلملتكم يابنات الزنى
الرقيقة وقفات و شافت فالغلييضة .. رجعو شافو فييها بعصبية و تلااحو علييها كاينتفو، نوورسين بدات تغووت و حتى هي دارت حقها كاتنتف و تقمش و تععض لا استوجب الامر و غواتها مسمووع .. هوما بجوج تحامااو علييها خصووصا الغلييضة .. اما هي بغات تستخدم معاهم حركات الكراطي ديالها ولكن محكومة مزيان مالقات كيي ديير و هي شادالها يدها و ملوياهالها مور ضهرها بقوووة حساتها غاتهرسلها حتى دمعاتلها عيينها و كاتنترلهم .. ديك الرقييقة كاضحك هازة تليفونها كاتصورها و الناس حتى هوما شي كايتفرج شي كايصور حتى تسمع صووت رجولي مور البناات
الصووت بنبرة عالية:هادشي اللي كاديرو غادخلو عليه للحبس
الغليضة طلقات من نورسين اللي شدات يدها كاتبكي ضرااتها ووجهها مقمووش و شعرها مشعكك حانية راسها للارض .. هوما شافو فداك الراجل قدامهم و بداو يتمتمو
الرقيقة:ه ه هيي اللي جبدااتنااا دافعنا على راسنا
الراجل بجدية:لا جينا نشوفو، راها هي المتضررة و هي اللي تدخلكم تكلاصاو شي عام للوحدة بتهمة الاعتدااء
الغليضة :لا لا ص صافي سمحيلنا اخيتي ح حنا غلطناا
نورسين كاتشوف فيدها عاطياها الحريق .. غي عاضة على شفتها التحتية و ساكتةة .. هوما ماتسناوش مزال فالحيين غا سمعو القضية فيها الحبس سلتو .. اما داك الشخص فنزل تقابل معاها و شدلها يدها بين يدو كايشوف فيها .. حيت كانت شاداها و كاتشوف فيها
الشخص بقلق؛واش نتي بخير؟
نورسين ومأتلو براسها بأه و جرات يدها، هو حقق فيها الشوفة حتى حل عينو على آخرهم و قال:اوهووووه .. الشعيبية الكلوشارة!!
نورسين هاد اللقب سابقلها سامعاه .. و من عند شخص معين، هو الوحيد اللي كان كايقولولها .. حققات فيه الشوفة باستغراب حتى عقلاتو هوو نيييت بنفس صوتو ..
حققات فيه الشوفة باستغراب حتى عقلاتو هوو نيييت بنفس صوتو .. غي هو زيان شوية و طوال و صحااح كثثر:كبووور المشرمللل😨 .. لا لا واش هذا نتاااا (صدمها فحال داك التشالنج د تركتيني طب هااا🤣)
الشخص ضحك:هو بشحمو و لحمو ههههه .. نتي ماتبدلتيش غا لون الشعر
الشخص:من عندي يانا نشجعك ههههه الكحل كان مبينك قنبوولتن
نورسين شدات فيه و مشاو كايتمشاو:ههههههه عارفة راسي مقنبلة و عارفاك غاتقولي شكار راسو ثاني هههههه، نتا اللي تبدلتي فخطرة رجعتيي واحد آخر .. فيييينو غييث الرقييوق الخيبووع هههههه
غيث ضحك:هههههه واراه تبدلت باش نبدل مستقباالي ههه .. اجي ندخلو لديك الكافي عاوديلي عليك و نعاولك عليا .. تقريبا 3 سنين ماتشاوفنا
نورسين تبدلو تعاربيرها للحزن:مللي ماتت مي هنية
غيث تنهد ودخلو جلسو فواحد الطبلة جات لتحت كاطل على برا:الله يرحمها مسكينة، اصلا حسنلك اللي مشيتي من تم .. راه خواتاتها ردولها الدار دار ذعارة .. فينما كان شي مكبوت تجمع تما
نورسين تنهدات و شافت فيه بحزن:خلينا منها هي و عاودلي عليك .. شنو طرالك فهاد الثلث سنيين؟ تبعتي التلحيين و المووسيقى؟ .. فخبارك نفعتيني بدوك الدورات التعليمية اللي كنتي كاديرلي ههههه لحنت واحد الاغنية
غيث كايشوف فيها باعجاب .. هي كادوي و تعبر بيديها و تكمش ملامح وجهها على حسب اشكاتقول وتبتاسم:اواااه .. هي عاونتك هههههه وفين هاد الاغنية؟
نورسين جبدات تليفونها داك الساع وراتلو الفيديو كليب فاليوتيوب .. هو خرج عينو فيه خصووصا مللي شافها مع نورس كاتغني:اواااه .. نورس العومااري هذا ولا كذبت!!!!
مينا:لا لااا .. انا جبتك معايا ماشي باش تخدمي، راه خرجنا من القصر يعني ماافي خدمة .. زايدون دوينا فهاد الموضوع البارح و قتلك عتابريني فحال ختك الصغييرة ههههه
عبير شافت فيها و فابتسامتها البرييئة، بتاسمات حتى هي كاتشوف فيها و جات لبالها ختها .. سهاات كاتفكر فيها حتى قفزاتها مينا:صافي غاتمشي معانا .. والنيت حتى نتي تبدلي اللوك شوية .. تقطعي شعرك ولا تصبغيه ولا تسشوريه
مروى بحماس:شبانلك تفتحيلو اللون شوية .. كايبانلي غايجييك فننن .. ماشي زعاار يكون كراميلي مثلا ولا تعاوديلو نفس هاد اللون .. يرجع كايلمع
مينا حركات راسها بلا:تت حتى نبدلو علينا .. بدلي حتى نتي
عبير ومأتلها براسها و مشات جيهت البيت اللي عطاوهلها .. مروى جرات مينا و دخلو لبيتهم يشوفو مايلبسو، اما عبير فجبدات سلوبيط فالحكل لبسات فوقو تيشرت بيض و جمعات شعرها بواحد البانضة، و سبرديلة بيضة هي اللي كاتكساب .. بتاسمات لراسها فالمراية ووقفات خارجة من البيت تتسنى البنات
⚡نورس⚡
عاض على شفتو التحتية كايشوف فكاميرات المراقبة اللي مركبهوملها فدارها و يقلب عليها بعينيه، كااع الشي اللي طرا البارح تناساه و فاق اول حاجة دارها هي قلب علييها، مللي مبانتلوش فالدار جالوو فبالو الشي اللي قالو ياسين البارح .. على انها تمشي فحالها، فالحييين وقف مخنزر صدرو كايطلع و ينزل .. مشا كايطير للدريسينغ جبد حوايج من الطرف و خرج كايزرب بخطواتو .. باغي يتأكد بعيينو بصح كاينة ولالا .. ركب فسيارتو الفارهة و نتااقل بكلل سرررعة و فكرة انها تبعد عليه و مايعاودش يشوفها ولات فحال الوسوااس بالنسبة لييه، واخا تصرف معاها بطريقة خايبة البارح و جرحها .. الا انه مستحييييل يخليها تبعد علييه، هو من دابا حس براسو بدا كايتوحشها .. ديك البنت شوية بشوية كاتغلغل لحيااتوو تدخلها بلا اذن منوو .. قلبو كاتسربلو بشووية فحال شي وررم صعييب يزوول، افكاارو ولات مستوطنااهم حتى انه رجع قليييل فاش كايفكر فحبيبتو اللي ماتت، رغم انه كان كل نهار ماينعسش لامافكرش فيها .. دابا رجع قبل ماينعس كاتجي فبالو نورسين لحضاتهم الحميمية مع بعض .. قبلاتهم .. ولمساتهم لبعض كايستارجعهم فغيابها علييه، حبس الطموبيل قريب لدارها صدرو كايطلع و ينزل .. باغي يهبط يمشي يشوفها مي خااايف، خايف لمايلقااهااش .. زفر بقوة الهوى من فمو و خرج من سيارتو .. غي سد الباب و علا عينو قشع سيارة .. نوعية ميرسيدس وقفات قدام باب دارها، هو علا حاجبو كايشوف باستغراب خصوصا مللي نزل غيث من الطموبيل و مشا للباب الثانية حلها الباب و مدلها يدو تنزل .. حطات يدها على يدوو و هو يززييير على قبضتو .. حس ان ديك اليد كاتخصوو هو بووحدةة .. نزلات رجليها لبرات الطموبيل بسبرديلتها النايك .. و نزلات كوولها مقابلة مع غيث بابتسامة، هنااا خااصحكم تجييو تطلووو على السيي نوورس و الشووفاات الللي دااار فييهم و التزيييرة اللي زييير على يدوو و سنااانو و عينو اللي خرجووو حمرييييييييييين فيهم .. اسئلة كثيييرة راودااتو منهم .. شكوون هدااك؟ علاش قراب لبعضهم؟ علاش وصلها؟ علاش كاضحكلو؟ علاش كاتشوووف فيه؟ علاش كايشوف فيها .. نضراتو ليها نضراات اعجاااب .. افكاار كثييرة طااحت فباالو منهم
يمشيي يفرشخهم بجوووج .. يقتلها .. يحبسها عندو .. يخبيييها على العاالم .. علاش هي زوينة و ضحكتها آسرة .. خلاتو يتكوانسا كايشوف فيهم، حتى مشات دخلات للدار و هو ديمارا بسيارتو غادي فحالو، بغاا ينفاااجر نورس بقووة غييضوو .. مخوو كايتشقلبو فيه عدة افكاار منهم يمشي لدينمها يجرها من شعرها و يرجعها لدارو، ولكن مااشي هااكااا خاصو يتصرف، اكيييد غايرجعها لدارو .. تبقى بين عينييه و تحت رحمتو ولكن خاصو ليها شي خطة حييت هي مغناانة و العنااد كايمشييلها فدمها و مستحييل تترااجع، ضرب رجلو مع رويدة طووبيييلتو بكللل عصبيية وركب فالسياارة كايحك على رااسو .. باغي يتهدن بااش مايمشييش يفرشخها .. تكا براسو على الكرسي دطموبيلتو و جبد تليفونو داخل للكاميرات دالمراقبة يشوفها شنو غاديير، و ناااوي يندمها على هذا اللي وصلها .. غي تفكروو ثااني الجنوون حماولو كايركزو عند رااسو .. ضرب الفولوون بيدوو بقوة و غووووت بقووة بسمييتها فحالا باغيها جنبو و دااابا .. فحالا كايستنجذ بيها تجي و تعاونو و تخرجو من دوامة افكارو اللي دخل فييها، باغيها تجي عندو يعنقها و يشم ريحتها و يبووسها .. باغييي يملي شووقو منهاااا
مينا بابتسامة:انا بغيت غي نصايب شعري .. و نقاد ضفاري، هاد القردة اللي قدامي باغا تقطع شعرها شوية و عبورتي شعرها يتصبغ بشي لون فاتح ولكن ماشي الزعر مشااعشع .. غي فاتح شوية و صافي يكون كريمي
العاملات ومئولهم و جرو كل وحدة لكرسي و كل وحدة تكلفات بيها وحدة، عبير بتاسمات كاتشوف فديك اللي كاتقسملها شعرها باش تصبغو .. خلطات مواد مع بعضهم و هزات واحد الشيتة و بدات كاتديرهالها فشعرها تغمقهالها، حتى رجع شعرها ساارد بالصباغة و جابتلها واحد الطربوشة دارتولها علاما يشدلها اللون، فهاد الوقت كانت مينا سلاولها الشيشوار على حسب شعرها خفيف و دغيا كايتصايب، بقاات عندها غي وحدة كاتقادلها الضفار، اما مروى فقطعولها شعرها و دابا كايصايبوه ... مدة نص ساعة جات ديك اللي مكلفة بعبير خداتها تغسلها شعرها، البنات كانو سلاو كايتسناوها .. هي غسلولها و سلاو و خرجوها لبرا بفوطة فوق راسها
مينا وقفات مبتاسمة:عبوورتي بلييز تقدي تبقاي بوحدك .. حنا غانمشيو نديرو شوبينغ و نتي عاد غاتصايبي شعرك و النهار دغيا كايمشي
مينا بتاسمات:اوكي صافي هانا غانخلص و فالعشية نشوفوك باللوك الجديد ههههه
عبير بتاسمات حشمانة:واخا الله يكثر خيرك☺
مينا:اميين الله يكثر خير بابا باش يكثر خييريي هههههه هو اللي كايعطيني
عبير بتاسمات بحنية لباها هي:الله يخليهلك ياربي
مينا:اميين يالله نخليوك
مروى قربات باستها فحنكها:تهلاي احبيبة و تعقلي الدار؟؟
عبير:اه عاقلاها غي تهناو
مروى/مينا:واخا يلاه بااي باي
عبير شيراتلهم:بسلاامةة
.
.
.
....
جالس جلسة رجولية فوق واحد الفوطوي .. شاد شي تصاور كايوصلوه .. هوما قلاال ولكن بالنسبة ليه منعشيين كايخليوه يحس براسو حيا من جدييد و هو كايشوف صورها .. بابتسامتها العفوية و خذوذها اللي ديما حمرين و عويناتها الزرقين اللامعيين .. ابتسامة خفيفة بانت على فمو
.. ابتسامة خفيفة بانت على فمو ضهرو دوك اللئالئ البيضة دسنانو و تنهد معنق التصاور:اخخخخخ عليك يا مينا اااااخ .. عذبتي قلبي و حرقتييه🔥
.
.
....
داخل مختبرو الابيض .. شاد عدة زجاجات فيهم سوائل بألوان مختلفة، عصارات ديال روايح مختلفة، هو تفكيرو فختو الصغيرة و عيد ميلادها دغدا و كلما تفكر تفصيل صغييور عليها .. كايترجمو على شكل عصارة و يحط منها شووية فديك الزجاجة اللي شكلها زويين و الريحة بدات كاتعطي منها زوينة .. دار عصارة الشوكولاطة فحالها و فحال حلاوتها .. الفانيليا فحال رقتها و بشرتها البيضا .. و الورد الجوري لونهم فحال خذوذها .. بتاسم كايشم بعمق من ديك الزجاجة .. كانت ريحة سبيشياال .. غلقها بواحد الغلاقة و خرج بيها لبرات المختبر، بان المكتب ديالو الكبيير .. لأن المختبر كان داخلو، حط الزجاجة و جلس فوق مكتبو و هو يسمع صوت تليفونو، كان أحد رجالو متاصلو .. غي جاوبو و سمع شنو قال .. قطع عليه فالحين و هز سوارت طموبيلتو و تااجه لباب المكتب هابط لتحت .. اللي داز من حداه كايلقي عليه التحية باحترام .. هو وجهو يكسووه البرووود، كايفكر غي فشنو سمع و ابتسامة خبييثة تشكلات جنب فمو، مشا لسيارتو اللي جابهالو عامل فالشركة حتى لبابها .. ركب و صاك بكل سرررعة عندو باغي يلحق عليها
.
.
.
...
نورس باقي جالس فسيارتو، كايشوفها ناااعسة فبيتها .. تنهد بعمق و خرج من طموبيلتو محاسش براسو شكايدير .. مشا لبابها و جبد نسخة من المفاتيح ديالها عطاهلو ياسين، دخل و سد الباب .. مع سدو مع غمض عينو كايستنشق ريحتها اللي ماالية الداار، تنهد كايدوز يدو على قلبو كايطبطب عليه .. فحالا كايواسييه، مشا نييشان لبيتها، حل الباب بهدوووء و دخل شافها ناعسة بعمق فوق الفراش مغطية بالكوفرلي، بلع ريقو كايقرب لعندها .. حتى جلس جنبها و مد يدو بشووووية حطها على شعرها ردو للجنب حيت كان مخبي تقاسيم وجهها، غي حيد الشعر عقد حجبانو باستغراب و نضراات حااادة عصبية .. كايشوف تحت عينها كاينة بلاصة زرقة .. و قمشة فحنكها .. تفكر فاش كانت دخلات للدار كانت شادة يدها و باينة عليها فحالا ضاراها ..
.. حيد عليها الكوفرلي و هز يدها كايشوف فيها .. كانت زرقة شوية .. عض على شفتو التحتية بققوة .. حاس براسو معصب لأقصى درجة .. شكون دار فيها هاد الحالة؟ شكوون قد يطول يدوو على ممتلكااتووو الخااصة؟ ينحييه من الوجووووود .. رد عليها الكوفرلي و ناض خارج من بيتها .. سد الباب و مشا للصالون عندها بعيد شوية على البيت .. جبد تليفونو كان كايصوني مع كان دايرلو الصيلونص ماسمعوش .. جاوب دغيا كان ياسين
ياسين باندفاع:شفتي الفيديو اللي تحط؟
نورس باستغراب:شمن فيديو؟
ياسين:نورسين كانت جنب البحر و شي وحدين تحاماو عليها كايضربوها
نورس عضض على سناانو بوااحد القووة، قربووو يتهرسووو قاال بههمس و صوووتووو كااايخلللع:شكوون هاادووو .. بغييتك اليووووووم دااااااباااا تجبدهملي .. تحت الارض طلعهم فالسمااا هبطهم فهمتيييي
ياسين بهدوء:وي فهمت اصلا كانقلب عليهم
نورس:صيفطلي هاد الفيديو دالنم
ياسين:واخا دابا غايوصلك
نوورس قطع و بقا غادي جاي فداك الصالون، كييفاش تحاماو عليها و ضربووها و هو مكانش معااهااا؟ داابااا زااااد اصرارو يردها لعندو لداارو .. تبقى تحت عيينو وويتأكد منها حتى حاجة ماتوقعلها .. شاف الفيديو وصللو فالواتساب، دخل طل عليه كانت ديك الغليضة مزييرالها على يدها و كاتضححك مع الرقيقة اللي كاتصور فيها و كل شوية كاتعطيها ضربة لجنابها ولا لشي بلاصة و تخبش فيها، حس بالجنوووون ركبووو فييه بهادشي اللي كايشوووف حتى بانلو داك اللي وصلها واقف عليهم تما حبس الفيديو .. هو حبس و هوما يششعوو عينييه بالسوااد و الغضضب، حد ماعندو الحق يقييصها .. حتى حدد من غيييرووو هوو غيي حتى يبانولو دوك الجووج و يديييهم يهرسهاالهم مع رجلييهم .. هادشي اللي توعدلهم فنفسو و هو كايعاود الفييديو و ينفث الهوى فحااال اللهييب من نييفو
.
.
.
...
وصل بسيارتو للبلاصة اللي سمعها من عند المتصل، بقا فوسط طموبيلتو كايشوف فواحد المحل باينة فيه قدييم، كان محلول .. حط يدو على الفولون كايضرب بصبعو عليه بتواالي و حاضي الباب دالمحل .. حتى قشعها خرجات و اخييييييييييييييرا لقاااها .. عينييه ضلللللمو بشوفااتهم و هو كايطلع و يهبط فييها .. بداك الصالوبيط و التيشرت و الشعر طويييل مسبسب مفتحالو اللون و باينة مسشو و الماكيااج و الابتسامة اللي على فمها ..دييك الابتساامة بالضبببط حس بيها ستاافزااااتووووو .. بتاسم بحححقد و عينيه كايشعو بالغضب، كااااااع داكشي اللي دارتو و باقا عندها الوجه اللي تماكي و تصبغ شعررها و تصاايب و تبتاااسم .. زييير على الفولون بييين يدو كايشوفها كاتسد داك المحل و هو باقي فوسط سيارتو مانزللش عندها .. ماعرفش علاش ولكن خاصو يفكرلها فضربة قاااضية
.
.
.
عبير بعدما خرجات من الصالون، قررات تمشي تطل على المحل دباها و تشوفو لاش يصلاح من غير الملبنة .. مقررة تكمل شهر دالخدمة تم تتخلص و تخرج تكري شي دار و تشوف خدمة اخرى .. حيت الرعب اللي عايشاه فداك القصر حد معايشو من غييرها .. مشات تفحصات المحل و شافت انه واسع و كبير و زوين خاصو تعديلات و تقدر تدير فيه اي حاجة بغاتها .. خرجات من المحل مبتاسمة كاتفكر تبدل مستقبلها .. جبدات ساروتها اللي كان فديك السلسلة على عنقها، سدات المحل و دارت غاتمشي و هي توقف بصدمة كاتشوف فيه واقف قباالتها، قلبها بدا كايضرب بسسسرعة و هي كاتسترجع ملامحو فعقلها .. هذا هووو .. اه هو و عمرو يتنساالها وعمرها نساااتو .. هو كان كايشوف فداك الباب مفتوح .. غي شافت فيه تاجه عندها بخطواات سراااااع كايجريييي و تلاااح علييها معنقهاا بقووة، هي رجعات اللور جووج خطواات و ابتسامة خفييفة ترسمات على فمها .. طلعات يدها حطاتها على شعرها كادوزها و زييرات عليه بين يديها و الدمووع بداو نازليين فحال الشلاال من عيينيييها
هو مزيير عليها بقوووة حتى بدا كايبكييي بعد بشووووية كايشوف فعينيها يتأكد واش هي و قال بصوت كايرجف:ع عبيير هادي نتيي يااك .. نتي هادي .. نتي ختي يااك
هي حركاتلو راسها بأه كاتبكييي و كاتحااول تبتااسملللو .. هو عااود عنقها بككل قوتتوو .. فنفس الوقت داك اللي فالطموبيل كايشووف فييهم بنضراات شرييرة كوولها حققد وعصبييية مفرررطة حاااس بيييها .. شوفاتو ليهم كااايخلعو
الثأر العنيف الجزء 12
محتوى القصة
التنقل بين الأجزاء