دخلات لامار وهوما مابغاوش يدخلو قالو يمكن الامر شخصي بيناتهم ..لامار في شافتو ابتسمات وشدات موراها لباااب وضحكات ليه
لامار : هااانااا احبيبي ...
اسد : مممالك اللامار .. ش شنو كان واقع ليك . ؟ نتي بيخخيرر قق قربي عندي
لامار مافهمتوش مالو مخلوع هاكا ... وقربات بشوية كتفهم واش واقع و كلسات حداه وهو شد وججها كيشوف فيها و فعنقها ويديها كيتأكد مواقع ليه والو و الخلعة فعينيه ....
لامار : م مواقع ليا والو . . هانا معاك ( وترها بداك الشوفات )
لامار : ههههه واش حماقيتي ؟ راه هادي هي هضضضرتي ديما معاك .... دابا عاد شتيها
اسد : ههه عارف ... ولاكن ليوم عاد ركزت مزيان ... ( كيشوف فيها مبتسم بحب كبير فععنيه ومقرب ليها بزااف وهي كضور بعينيها وترررهاا بحالا اول مرة غايعنقها خاشي يدو تحت البودي ... ) علاش .. ك كتابني حشمانة مفهمتش ههه واش ماباغيانيش ن نشوف فيك.. ع عاد عرفتني ل ليوم ولا شنو ..
لامار : هههههه ماااشي هاكااك ههه معرفتش وصااافي ههه .... اوا متشوفش فيا هاكاااااك( طلعات فيه عينيها وهي تووسعهم ) .... اوووه!!!! ( عاد ردااات لبال لطربوش فوق راسو كاع مكيبانو تحتو الفاصمات ) حيدووووليك ليبونض احبيبي ؟؟؟؟؟؟( جات تحيد ليه طربوش هو يشد يدها )
اسد : اغييييط اغيييط .. ماتقيسييهش
لامار : ههههههه غير خلييني راه ديجاااا شششتفك قرعو ليييك هههه .. كنكون معاهم فاش كيبدلو ليك الفاصمات .... راه عندك الشعر دابااا مالك والله تا كببرررر ....حيدوليك القصييصة وصافي ههههه
اسد : وانوضي احبيبة جيبيهاليا عفاك .. وسبادرين ديالي و تيليفوني و جيبي معاك تاعادل .. م مكنش صحافة م ماتشم تاخبار ... و وهاد كدبة دكونجي اعمري م مدازتش عليا ... و ومغادوزش على ل للي كليون ( لامار شدات على راسها ) ....ودوزي عند دكتورة قوليلها .. ت تعطيك و واحد ضوسي راه هي عارفاه ... ل لي هضرنا عليه بغيت نشوفو ... ونمشيو داك ساع
لامار : اسد بحالا حمااقيتي لااا .. ززززعما ره هضضرناااا خليك هنا تاااااتبرا اولي طرف دمكالة مدخلش لفمك من غير سيروووم باش غاااتمشا ....
اسد : ا .. اش غانبقا هنا ك كندير على هاد سرير .. واش ا انا والد ... صافابا! ..
اسد : داااكوغ ... داكوغ .. يلاه سيري ديري اش قتليك و اجي .. ماتعطليش ارووحي راني ب باققي م مشبعت منك و وتابوسة م ماخديناها ك كي عباد الله ....ت توحشاتني قالك ( شاف عندو بنتو ) ش شفتي عاد الخايبة د ماماك شفتي
لامار : ياااربي الصبر ... غانديها هي راها الجوع قتلها مكلات والو منغير رضعتها ...نعطيها لوحدة من لبنات توكلها ونمشي نجيبليك ديكشي امري الله ...و هاد ضوسي ... ديالاش بعدا
اسد : د كوب د دافخيك ل لي غ غاتنضم ف فصوماال .. باركاا من الفضول ... ق قوليه ليها غاتعرفو ر راه ط طلبتو ل ليهم قبيلة .. فين د دراااري؟؟؟؟
لامار : ر رلااه غي .. غي على براااا بغاو يخليونا ب بحوج
وما ليها براسسو وووخرجااات هازة قسم وعاضة عى شفايفها اش غادير دابا معاه .
غي لامار خرجات واسد حيد الغطااا عليه .. وبدا تاني كييحاااووول يووقف ويزيررر على يدييييه وسسناانووو تاكيعيا وييرجع يكككلس مقدرش يلوح الخطوة مزيان .... و ينوض تاني يحااوووول ..
برا
اريج : لااامار ؟؟؟؟ ندخلوو عندو ؟ راه مزيان
لامار : غير دخلو ... فففف انا لي غانولي غيبوبة بلاصتو .... قالك بغا سبادرين و جاكيت يخرج ... وزادها بغا تيليفونو وعادل .. اووووف ياربي مغايخليش راسو يرتاح تايليووووم
اريج : ناري راسو شحال قااااسح
لامار : راه سول فدراري عيطو ليهم يجيو بلا مايحس بشي حاجة مننرونوش عليه كولشي يلاه عرفني كنت مصدومة وعلى شوفات كان كيدر فيا كنقول دااباا يغيب تاني . ونزيدو نقولوليه عدنان هنااا وكان معانا وغي فقتي مشااا .. مهم غايتععصب نييشان ....
رتاج : غاندخل نحاول نهضر معاه يقدر يسمع مني
لامار : حياة حبيبة عفاااك .. غي هبطي لتحت غايعطيوك الماكلة ديال قسم فواحد لبواط و وكليها ليا عفااااااااك راها بجوع ... غاانمشي لدار دغيا ونجي
حياة : صاااافي واخااا اختي على راس والعيييين اجججججي عندي الفارة ااججي ( هزاتها ) غانعيك تاعلى سارة نفرررحها جيت بلا عقل ماقلت ليها والو ....
دكتورة : ويي ضروري راه مكلفين بيه الممرضات تقدري تمشي ويوريوك كولشي ... ردو لبال بزاف لصحتو للنفسية .. وحاولي ماتخليهش يبقا فالبلايص لي فيهم الصدااااع بزاااااف ولا الغوااات... ولا اي حاجة من هاد القبييل ...
لامارر : علاش ؟ ياك هو مكيسمعش الصوت ؟
دكتورة : اا .. ا اه اه مكيسمعش ...ولاكن الدماغ ديالو كيسمع .. لذااا من الاحسن يبعد من البلايص لي فينا صداع يولف على الاقل هاد المدة ...
لامار : صافي كوني هانية
دكتورة : بنسبة لصحة الجنسية ديالو ... غايكملها بشكل طبيعي ولاكن ماااااشي دااابااا ..لانها كتحتاج مجهود كبير من دماغو.... حنا عارفينو انو مهتهم بزااااف بصحتو الججنسية لانو عندو دكتورو الخاص فيها كنضن غايكون قالها ليه ... وحتى نتي حاولي تهضري معاه انو علاقة فهاد لاسبوع من الاحسن يتفاداها ...ويرتااااح ..
لامار : لا لااا اكيد هاشي لي غاييكون ... قاليا شي ضوسي ما ضوووسي بغاه نجيبو ليه منعندك !!! ديالاش ؟؟؟؟
سفيان : لاااا نعاودو ليييييه علااااش منعاودش ليه تكدبو ليااا انا على خويا .. صبر نحسب ليك منيييين نبدااا .... مهم فاش تضضربتي يونس تلاح من سطح هذا لي واقف قدامك غا واحد كيشبه ليه لقيتو فالمحطة وجبتو نضحكو عليك بيه .. انا نقلت لحشيش من كتامة لييبيا و تشديت ودابا غي هارب من الحبس .. مراتك ردات داك دار بواط دونوي داهل كتر من الخارج و الخارج طخي فاتيكي ... و شركة ناضت فيها العافية ...
اسد : نوووض من كداامي
سفيان : ههههه عنداك ضرررررب ههه اصاحبي اش غاديييي يوقع كولشي مزيااااان صمنا رمضااااان اااعتكفنا .... شهر ونتا ومراتك غي فدار باش مايشوفك حد ويقول راكم ماشي فالعمرررة .. حنا رجعنا نخدمو عادي يونس عاد كيف جا من كاندا واريج بقات مع مراااتك ... من بعد العيد بدات كارجع لخدمتها تافقققتي ... عال العاااال ... بنتك راه كل مرة وعندمن تللقاها .. مرة جداتها مرة اريج مرة عند لامار ... خوك راه قرب يولد و هاد خوك هذا قرب يتزوج ....( حياة طرطقاااات عينيها ) اش غايكون طرا ...
اسد :و .. علاش ك كتهضرو هاكا ب بزربة و وكولشي ك كيشوف عند لاخور و ورادين لبال مع الكلام ..و ونتوما ب بجوج بابنين ل ليا م معصبين .. ا اش كاين ؟؟؟؟
يونس : علاش غااانتعصبو وحنا فقتي باركا غي الفرررحة ... راه غي العيا وصافي نوض على رجلييك باش نمشيو نعسووو
اسد وااللو مقتنعش بهضرتهم ... كيفهمم من عينيهم باااااينة عليهم العصبية وخا فمهم ضاحك عينيهم مغوبشين ... وكيقول يجيب تيليفونو بعدا ويعرف اش كاين ... و يونس كييهضر معاه اما سفيان تقلب بانتليه حياة كتوكل فقسم وبدا يطلع معاها ويهبط اش لابسة وكيضور فراسو ينوض يدير فيها شي فضييييحة سروال دجين مطططرطق وفيه تقطيعات و تيشورررت مزييرة تاهية غي سماااطي ووفوقها فيست حمرة كيف كااانت فالخدمة كييف جااات ....و بدا يتنهد يمييك علييييهااا على الاقل دابا ... ورجع ضار شاف عندو كيهضرو معاه تاجات لاماررر هازة واحد صاك صغيييييرر فيديها ..
اسد : فاااينالي ... عطيييني
لامار : لااااا مغانعطيكش ... ومعندك فين تمشي .. عاد هضرت مع الدكتورة وقالت ليا خصك تبقا
اسد : وغي اجججي.. اجي نتي بعدا
حطات داك صاااك وقربات عندوو عطاتو داك ضوسي
لامار : هاااهووو مااافيه واللو غي مصدع راسك
حلو كيقرااه ويعلي فحاجبووو... لقا مكاين والو لي كغااف ... ولاكن واخا هاكاك محملش يقرا داك صدمة .. كيتخييلها نااعسة فشومبر بلا حركة مكيحملش تايفكر فداك المنظرر ووشد داك الملف لاحو على واحد طابل وجرها عندو معنقها معععنكشة
حبيبي الأصم الجزء 238
محتوى القصة
التنقل بين الأجزاء