الأرملة الصغيرة الجزء 24

صباح الحال فاقت اميرة على الوجع فكرشهاا وسخانة طالعة عليهاا... لقاات غاا لين ناعسة حداهاا ناضت من بلاصتها بزز شادة فكرشهاا مشاات لصالون طلعاات الريدو وشعلات تلفاازة وجلست حداهاا كتصنت على راسهاا .. شوية عااد ناضت لحمام دارت دوش خفيف وبدلت حوايجهاا صلاة ..وجمعت بيتهاا غطات لين ومشات توجد الغداا حتا سمعت الدقاان فالباب.. شعلات على الطنجرة غسلت يديهاا وخرجت تشوف شكون لقاات سليمة واقفة فالباب.. سلمات عليها ودخلاتهاا لداخل تجلس معاهاا. سلاه جلسو وهياا تخرج لين بشعكاكتهاا وبتغوبيشتهاا معتاادة كل صبااح..

سليمة : جي عند خالتو حبيبة اجي نبوسك 

اميرة : اجي بوسيهاا اقنديشة ههههه

لين : وعععغغغرررررر 😭😭😭

سليمة : هههههه سكتي هانتي بكيتيهاا 

اميرة : ديما كتصبح مغوبشة وسبحان الله ايمتاا منقوليهاا قنديشة تنوض تبكي كتفهمها 

سليمة : مزياان شكديري غا دار علاش مغاديش ترجعي تكمل قرايتك 

اميرة : اختي شغاادي نقوليك داباا بنت مريضة وانا حسيت براسي تقلت من داباا مقدراش حتا نزيد وصبحت كرشي كتحرقني بزااف وزادتني الضرسة غتهبلني ومنعات علياا طبيبة منااخد حتا دواء وحتا دواء د حريق راس هوا لاخر مناخدوش 

سليمة : وراه ضروري حاولي على راسك احبيبة راكي مزال صغيرة ومتزيديش تولدي عندك جوج وليدات باركة عليك راه تربية صعيبة فهاد الوقت ونتي مزال صغيرة بزااف...

اميرة : ان شاء الله اختي واخا صبري شوية نوجد سينية ونجي 

سليمة : لا حبيبة الله يخلف منقدش عليه 

اميرة : ميمكنش و....

سليمة : والله والله غاا جلسي مراا خرا.. شكديري داباا اتبقااي غاا جالسة والملل 

اميرة : صراحة بغيت نشغل راسي وبغيت نتعلم كروشيه والحمد الله واحد البنت ضريفة بزاف علمتني وقفاات معاياا حتا وجدت توكة صغيرة لين ولكن مجاتش قدها 

سليمة : هااا وريني نشوف 

اميرة : انا نجيبهاا صبري..

ناضت اميرة دخلت لبيت هزت ميكة صغيرة فيها توكة وخرجتهاا لسليمة كتشوفهاا.. ولين حداهم مكمشة كتفرج فالرسوم..

سليمة : هادشي زوين بزااف والله عجبني 

اميرة : ولكن خصاارة مجاتش قدها

سليمة : اممم اميرة شوفي ممكن تخدميلي وحدة بحال هادي !! ختي ولدت بنت واناا مكرهتش ناخدها ليهاا كادو !

اميرة : (بتوتر) معرفااش اختي حيت يعقوب بزز باش خلاني نخدم هادي بنتو ومبغااش ومعجبااتوش ملي خدمتها حسيت براسي فاشلة ويدي بردو على هاد الخدمة.....

سليمة: لا لااااااا ابدااا متقوليش هاد الكلام روعة هاد الخدمة اناا عجبتني توافقي تبيعي ليااا هادي

اميرة : (بدهشة ) بصح ! هادي عجبااتك وبااغاا تاخديها 

سليمة : (بجدية ) شوفي انااا بغيتهتا بيعيهاا ليااا نخلصك فيهاا داباا وبتمن كتر مطلبي شحال خديتي صوف وتمن يديك 

اميرة : اناا معرفااش اختي والله وملقيت منقوليك

سليمة : اذن متقولي والوو انا ملي غادي نخرج غنااخد بابي كادو ونغلفهاا المهم اريهاا لياا انا نطلع نجيب ليك الفلوس 

اميرة : (بخجل ) واخاا بصحتك

ناضت سليمة شدتها فيديهاا وطلعت بحالهاا لفوق واميرة جلست كتخمم كيفاش غتهضر مع يعقوب وتقوليه باعتهاا وردة فعلوو كيفاش غتكون وشنو غدير بالفلوووس .. طلات على طنجرتهاا لقاتها كتسفر خلاتهاا ورجت جلست كتوكل لين بيسكويت بالحليب حتا دفعت سليمة لباب لي خلاتهاا مفتوحة جلست حداا اميرة ومدات ليهاا فلوس 

سليمة : خودي رزقك الله يجيب ليك التيسير فعلا فرحت حيت كنت كنفكر فالكادو وحلت مبغيتش ناخد حاجة عادية او حوايج 

اميرة : بصحتك اختي شحال هناا دالفلوس انا بغيت غاا تمن صوف اما يدي معليش 

سليمة : خودي وزيدي شري صوف وخدمي بصحتك نخليك غنمشي لسنطر راني تعطلت بزاف 

اميرة : واخا اختي سمحيلي وشكرا بزاف نتمنى تعجب ختك...

خرجت سليمة اميرة سدت موراها الباب وحلت يديهاا كتلقا تمن مضوبل 3 د مرات... فرحت بزااف وتخماام قاتلهاا حطت الفلوس فوق الطبلة وخلات لين مخرجة عينيها فالتلفازة وكتاكل خبيزة بالشكلاط.. قبلات ماكلتهاا وتليفون فيديهاا كتصوني على عبير جوبااتهاا

عبير : حبيبة اميرة لباس

اميرة : بخير اختي وانتي 

عبير : مزياان اموركم

اميرة : بخير اختي محتجااك صراحة ومكرهتكش تجي عندي الا قدرتي

عبير : داباا ؟؟

اميرة : اه الا قدرتي 

عبير : امم اوك نحااول انصوني على خالد نعلمو ونبدل لولدي ونجي

اميرة : واخاا اختي انا نتسناك وحاولي تزربي عفااااك 

عبير : واخاا

طفاات اميرة على ماكلتهاا ومشات بدلت لين ليكوش وحوايجها وجمعت ليها شعرهاا خلاتها كضور وكتغني دخلت لبيتها بدلت حويجااتها وقداات زيفهاا وجلست براا كطلع وتهبط فالتليفون وطلل فالسرجم هزت الفلووس لي عطاتها سليمة وقلباات ف صاكها تفتفاات على الفلووس لي عندهاا كتجمع هناا وهناا.. دارتهم فالبزطام وحشاتو فالصاك ..ورجعت طل حتا شافت طاكسي وقف وخرجت منو عبير هازة ولدهاا وكتحل الكوفر تجبد الكوتشي

شدت السرجم وطفات التلفازة هزت صاكهاا ولين فيديهاا وخرجت .. نيشان حتا هبطت لتحت لقات عبير داخلة بالكوتشي فيه ولدهاا.. وقفوو كيتساااالموا.. 

اميرة : زيد اختي يلاه 

عبير : اويلي فين 

اميرة : محتجااك بزاف ويلاه نزيدو مع الطريق ونقولك 

عبير : واخا حطي لين حدا عمر ونزيدو راها متقلاك 

اميرة : عنداك تريشوو راها كتنتف 

عبير : تنتف ولدي نريشهاا هههه غاا حطيها 

اميرة : ههه كتغلبني ياا اختي.. 

حطت لين حدا عمر عنقتوو وكتبووس فيه

لين : ماااام بيبي يو 

اميرة : اه حبيبة هداااك بيبي صغيور ماشي بيبييو ههههه

عبير : يلاه زيد... 

زادو مع طريطوار عبير كدفع واميرة حداهاا شادة فزراعهاا عودات ليهاا قضية دالكروشيه كيف تعلمت وكيفاش خداتها منهاا سليمة..

عبير : ابون ؟؟ مزيااان هادشي ايوا وشنوو داباا 

اميرة : (وقفتها ) شوفي انا حسبااك ختي ونتي راكي عارفة اش كان بيني وبين يعقوب وعودت ليك بلي كان عندنااا مشاكيل انا بغيتك تعاونيني وتاخدي معاايا شي مكانة زوينة ولا شي حاجة وفكرت منخدهااش من فلووسو واخا كاين شي صرف عندي ديالو هههه المهم شنو قلتي

عبير : هاي هاي ههه دخلات عليك الرومنسيااااااا ولاا اهئ اهئ ياااا حلاو لاووو.... خخخخ 

اميرة : (ضربتها لذراعهاا ) وسكتينااا ههه انا ديماا كيجيب لياا واليوم بغيت حتا انا ناخد ليه شي حاجة يلبسهاا وتعجبو

عبير : امم واخاا هياا غديروو شي ليلة رومنسياااا ياا لالة ههه 

اميرة : لا لااا والله نيتي غا ناخد ليه شي حاجة وصافي

عبير : وشفيهاا الا خديتي شي طارت وشميعات وريدات وزوقتي الدنيااا وفرحتيه بالكادو وشي ليلة غزالة تبقااا ليه فالذكرى 

اميرة : صافي زيدي 

عبير : نتي هياا نتي مكتبدليش هه 

اميرة : اجي نشوفوو هاد الحانوت شوفي اش فيه

عبير : اجي ندخلو ليه. 

دخلو لمحل الأول معجبتهم حتاا حاجة وزادو لواحد اخر لقااو فيه داكشي زوين وتمن منااسب.. وبمسااعدة عبير لي كتعلمهاا الحساب دالفلوس بالعملة فالفرنسية جدبااتها اميرة واحد مكانة مزينة بلأحجاار صغيورين سومااتها ولقااتهاا غالية وتمن لي عندها مكافيهاااش

اميرة : معنديش هاد الفلوس يااا اختي عوتاني لا حول يلاه نمشيو بحالناا

عبير : مغاديش نمشيو ديرهاا لياا عفاك بغيت ناخد هادي

...... واخا 

اميرة : اعبير والله معندي هاد الفلوس باش نخلصهاا 

عبير : انا غنكمل ليك وسكتيناا

اميرة : لااا عفااك شو... 

عبير : وصافي صافي صاااافي 

اميرة : شوفي مضنيش عيطت عليك باش تعطيني فلووس ولا نديرها سبة والله اعبير سمحيلي عفاك 

عبير : واش مسطية ولا ماالك شكون قالك هاد ضنيت ماا ضنيت بقيتي غاا كتخوري نتي 

اميرة : انا غنرجعهم ليك اختي ف اقرب وقت 

..... تفضلي بصحة 

عبير : شكرا... يلاهي زيدي نمشيو... راه فلوس غترضيهم غترضيهم هههه 

خرجو من المحل غااديين مع الطريق... 

اميرة : لهلا يخطيك اختي ..فين نمشيو داباا 

عبير : نديرو شي كافي اناوياك شبان ليك 

اميرة : فين ! غنتعطل يقدر يجي يعقوب ف اي وقت 

عبير : صوني عليه شوفيه واش جاي ولا جااا ولا مزال 

اميرة : معنديش صولد

عبير : اطط هاكي صوني من عندي 

اميرة : عندي ميسجاات انصيفط ليه مسج خاوي يرجع يصووني علياا 

عبير : واخاا اجي نجلسو هناا فهاد الجردة نرتااحو 

اميرة : هاهواا مشاا (جلست ) اووه لين نعساات حتا هياا مسكينة 

عبير : عمر لين ... امم لين عمر .. نزوجهم 

اميرة : هههه لين كتر من ولدك

عبير : وشفيهاااا غاا خصهاا متكونش بحالك.. 

اميرة : (شادة تليفون ) اوو يعقوب كيصووني انجاوب ... الو سلام عليكم

يعقوب : عليكم سلام وي شي حاجة 

اميرة : امم اااا وي فينك داباا 

يعقوب : فالخدمة فين غنكون 

اميرة ؛ ايمتاا غتجي

يعقوب : مزال شوية يلاه راني مزروب بلاتي نجي.. 

اميرة : واخا الله يعاونك... (قطعت ) مزال فالخدمة 

عبير : ايوا يلاه بينااا ناخدو شي حااجة عاد نمشيو بحالناا

اميرة : واخاا.. 

مشااو جلسوو فمقهى فيهاا سفلي والثاني كيشوف فالبرج كيتمتعوا بالجو الجميل.. خداو طلبااتهم وجلسوا كيتجمعواا 

عبير : داباا مزيانة عااقتك معاه كنقصد داكشي لي عاودتيلي ...؟ 

تفكرات اميرة الهضرة د يعقوب وخوفهاا لا تخرج شي كلمة تاني شافت فيهاا 

اميرة : مزياان دابا الحمد،الله

عبير : هيا ولفتي والأمور هانياا

اميرة : اه الحمد الله 

عبير : اوك الله يكمل فرحتك 

اميرة : امين اختي اجي نسولك ولادة ساهلة !

عبير : ههه كلها وكيف كتجيه اناا جاتني صعيبة بزااف حتا حسيت بالموت 

اميرة : حلفي بالله 

عبير : غاا كنضحك هه

جلسوا شوية كيهضروا وجمعوا النوضة خرجوا من المقهى وتماو غااديين مع الطريق... حتا قربت اميرة لدار وعبير وقفت طاكسي ومشاات بحالها كملت اميرة طريقهاا هازة لين وكيس صغير فيه مكانة بالعلبة ديالهاا.. طلعت لدار يلاه حلت الباب وهيا تلقااا يعقوب جالس فوسط الدار مربع يديه وعينيه مركزة مع الباب....

شافتو اميرة جالس شدت الباب وضارت عندو . 

اميرة : سلام عاد جيتي 

يعقوب : الصمت 

اميرة : انا خرجت نتسخر وجيت 

حطت اميرة لين مشاات عندو عنقتوو باسهاا وعطاها شكلاط ديالهاا جلست كتااكل فيه... 

يعقوب : اهاه مزيان وعلاش جاية داباا مزال الحال كن غاا بقيتي مزال شوية كتر من ساعتين وانااا فدار ونتي خارجة شمن سخرة عندك لي غااديا تجيبيهاا شنو ناقصك فدار وخليتك تحتاجيه باش غتجيبيه نتي شنو طلبتيني عليه ومجبتووش ليك 

اميرة : لا ماشي سخرة دار اام غير شي حاجة بغيت ناخدها و..راني صونيت عليك وقلتي ليا فالخدمة كنت باغا نشرح ليك ونتاا كنتي مزروب 

يعقوب : كتت فدار داك ساعة وبغيت نشوف حتا لشمن ساعة غدخلي سااعة خديتي راحتك وجاتك من الجنة وناس ونسيتي راسك. ديالمن ديك نمرة لي مصونياا علياا بيهاا وفين كنتي عااد رشقاات ليك 

اميرة : غاا قولي علاش كتغوت فينماا نهضر معاك واش كل مرة دير معاياا هاكا حشومة عليك والله انا قلت ليك.بغيت ناخد غاا شي سخرة ومخرجتش بوحدي عيطت ل عبير تمشي معااياا وعيطت ليك كنت باغاا نقولهاا ليك معطيتينيش فرصة.

يعقوب : هههههههههه بصصصح مزياان بغيتي تخرجي معاهاا باش تعاودي ليهاا فاص ا فاااص يااك ماشي بالميسجاات باش يعقوب ميشوف والو وميعرف حتا حاجة من داكشي لي كيضوور بيناتكم هادشي لي كااين يااك دابا صافي وليتي عارفة زناقي تخرجي تمشي فين بغيتي ومعامن بغيتي وتخرجي ايمتاا مبغيتي ومتعلميني متاخدي اذن ماا والوو عندك اناا هناا حيط مخلياااني فالدار ولا مأمناني فالخدمة باش ديري لي باغااا ! وحتتاااااا لاخر عااد زعمة اه حقى راني كنت غنعلمك اشمن فاايدة تعلميني حتاا لاخر هادشي ماشي حتاا بزاف باش جيتي وعرفتي شي بلايص اماا لي جاي يعلم الله شنو يطراا ولا اش يوقع.. 

خلاتو اميرة واقف عينيه خاارجين فيهاا حوومر ومزيرة على قبضة يدوو ودخلت البيت وسدت عليهاا بشوية جلست فالأرض وهيااا قلبهاا غيخرج من بلااصتو من القاااصح لي عطاهااا. انهاارت بالبكااا وشهيقهااا واصل لبراا. خلا يعقوب لين كتلعب بالعابها فالأرض ودخل عندهاا 

يعقوب : دابااا مالنااا غا هضرة جوج تنوضي تبكي بقاا فيك الحال يااك الالة شنو نقوول انا لي ممعتبرش فهاد الدار واش حتا كاين ولا لااا... 

اميرة : اهئ اهئ 😭 عرفتي شنوو انا ندمت على هاد الزوااح معندي زهر 😭😭

يعقوب : تشوفي انااااا ضووبل ديالك كنت مهني اش داني لشي ز ...

يعقوب : كنت مريض وغاا ماازدت مرضت كتر نوضي تكعدي من الأرض 

حنات اميرة راسها الأرض وهواا واقف عند راسهاا صدرهاا كيطلع ويهبط.. شافهاا فحالة خايبة بزااف وغاا كترعد..شدهاا من يديها كينوض فيها وهياا كتنتف يديها مبغااش تشد فيه هزها بزز منهاا جلسهاا فطرف فراش وعنقهاا لصدروا كيسكت فيهاا. نترات يديها منو وناضت خرجت براا هزت الصاك كتحلو وهواا تبعهاا واقف كيشوف اش غتجبد .. جبدات كيس د توب صغير فيه علبة مضورة مداتو ليه شدو منهاا 

اميرة : هاااا علاش.. 

دخلت لبيتها خلاتو كيشوف فديك العلبة فتحهاا ولقاا فيها مكانة زوينة ابتاااسم ابتسااامة مخطوفة ورجع عقد حجبانوو شدها فيديه ورجع عندهاا. لقااها كتبدل حوايجهاا.. 

يعقوب : شكون عطاك هادي 

اميرة : شريتها 

يعقوب : شكون عطااك الفلوس ولا هزيتي من المجر ؟

اميرة : (بتردد) بعت التوكة لي جات لين صغيرة وكملت شي حاجة من عندي 

يعقوب : لمن بعتيها 

اميرة : سليمة استاذة بغاتهاا لبنت ختهاا 

يعقوب : خليتك مخصووصة باش تمشي تبيعي لديك مراا ياك علاش كديري جهدك ومقدااارك باش تعصبيني وتحرقي دمي هاكااا غا قولي شنو ندير معاااك .. مكنبغيش نأديك وكنحاااول نتماالك اعصاابي كتر من اللازم راني كديري اغلاط ف اغلاااط وكتشوفي راه مني لافوووت . شفيهاا الا قلتيهاا ليااا نعطيك فلووس وخودي لي بااغااا سوا ليك ولا ليااا ونجي من الخدمة ونخرج علاش تخرجي بوحدك ولا مع هاديك ..

اميرة : شوف عفااك مبقيتش بغيت نهضر كرشي كتقطعني بالحريق وراسي كيفرع شقيقة . غنشرح وغنفهك مغتفهمنيش ومغتعطينيش حتاا من وقتك هانتاا داك المكانة رميهاا ولا هرسها. انا ماشي سرقت ولا مديت يدي لناس انا خدمت وبعتهااا وبغيت نفرحك واخاا غاا شوية من شي حاجة خدمتهاا انا بنفسي ونشوفك مرتااح من جهتي وعاجبك الحال ساعة كنلقاااك باغي غير ايمتاا دابز معاياا ودرت جهدي باش نشريهاا واخا الفلووس مكملاتش لياا انااا مزااااوكة وجه الميمة خليني داباااا مع راسي راني غادي ن.... مقدراش نزيد نهضر مزال خليني عليك ...

شاف فيهاا يعقوب وهزز راسو خرج وسد موراه الباب.. بقااات بوحدهاا كتفركل فالفرااش . 

صباح الصباح... وصبحت اميرة راسهاا تقيل بقوة حريق بايتة ناعسة على جهة وحدة حتااا طااابت كتحل عينيها المنفووخين بزز.. لقاات لين ناعسة حداهاا مكمشة فالماانطة.. ناضت بشوية علييهاا والدوخة شاداااهاا... جرت صندالتهاا وخرجت برا. غاادية جهة الحمام وهوا يبان ليهاا يعقوب جالس فالكوزينة على كرسي وكاس د القهوة حداه ويدو فالتليفون على راسو شاف فيهاا وقلب وجهواا.. 

دخلت عندو بخطوات بطيئة كتشووف فيه وباغاا تهضر..

اميرة : صباح الخير ...غتمشي داباا لخدمة 

يعقوب : الصمت 

اميرة : يعقو....

يعقوب : اه علاش 

اميرة : بغيتك ديني عند خالتي ربيعة خصني نمشي عندهاا 

يعقوب : الصمت 

اميرة : قول 

يعقوب : اليوم رونديفو طبيب د لين وغداا رونديفوو طبيب ديالك نتي خلي حتاا لبعد غداا ونديك عندها 

اميرة : قنت بزااف 

هز يعقوب عينو فيهاا وهوااا كااز على سنانو وقاليهاا : يلاه لبسي حوايجك ويلاه 

بقاات كتشوف فيه وخايفة من ردة فعل ديالو رجعت اللور مشاات الحمام توضات ومشاات دغياا لبيت بدلات حوايجهاا وصلاة تمااا لبساات لين مونطو ديالهاا هزت ليها حوايجها وهزتهاا وهياا ناعسة.. خرجت بيها بقاات واقفة فالباب كوزينة كتشووف ف يعقووب لي وجهواا حمرر بحال مطيشة.. ناض غسل كاسو قلبو فالشبكة.. وخرج هوا الأول كينتر وهياا سدت الباب موراها وتبعااتو فالدرووج حتاا كانت غطيح بالسخفة لي جاتهاا... طلعت حداه فالطوموبيل وزاد ... طريق كلها وغير الصمت حتا وصلو لدارر.. لقااو ربيعة فالجردة كتسقي الحبق وخزاامة لي غارسااهم عندهاا فالباب..شافتهم وهياا تجي جيهتهم عنقاااتهاا اميرة وهيا كتبووس لين باس ليها يعقوب يدو ورجع باللور. عند اميرة شد من عندهاا لين وتم غاادي جيهت الطوموبيل.. 

ربيعة : ولدي فين غاادي ماالك 

يعقوب : الصمت 

مشاات عندو ربيعة كتجري وقفت حداه قبل ميديماري حط لين موراه نااعسة .

ربيعة : اويلي مالك هاكا شكااين فين غااادي بالبنت 

كيحاول يتمالك اعصااابو وااخا الهضرة كيخرجهااا بزز : امي شوية ونجي صااافي شوية ونجي عفاااك .. 

حلت ربيعة الباب عليه وجرتو من يدو باغاا تعرف اش كاين وقف حداهااا كيسوووط 

جات اميرة جهت الطوموبيل وقفت من جهة خراا 

اميرة : يعقوب اناا غنمشي معاك يل...

قبل متكمل هضرتهاا ضار عندهاا بسرعة البرق 

يعقوب : وبالأخص نتي مقالك حد لا تمشي معاايا ولا تشركي معايااا طريق بغيتي امي هانتي عندهاا .....

ربيعة : اويلي استغفر الله العضيم ومااالك اولدي على حاالتك ... يعقوب نعل الشيطااان اولدي شكااين.. 

رجع يعقوب دخل فالطوموبيل زدح الباب وخرج بسرعة خلاهااا كترعد فبلاصتهااااا ودموعهاا واصلين لعنقهاا.. شدااتها ربيعة عنقااتها وداتهاا بشوية لداااخل بلاماا تسولهاا او تزيد على ما بيهاا .... 

فالسااعة لي خرج يعقوب من دار غااادي جهت الكلينيك وراسوو مرفوووع حتا وصل وقف الطوموبيل فالباركينغ لي فيه طوموبيلات ديال الموضفين... هز لين فيديهاا وهياا مزال نااعسة وطلع بيها لفووق لقاا طبيب ديالهاا عندو عملية وبقاا شاد فيها حتا فاقت وجلس كيلعب معاهاا وهياا مغوبشة.. غادي جاي بيهاا حتا سالا دكتور وطلع يشوف المرضى لي عندهم الرونديفوو.. سرباا الأول وثاني لي كانو سابقين يعقوب حتا جات نوبتوو ودخل عندو كيقشب هوا وياه حل لياا اللسقة والفاصمة كيشوف يديهاا لقاا غراز تجمع ويديهاا ولات شوية ..عيط لفرملية.. طلعات عندو هزت لين وداتها لغرفة اخرى كيحيدو فيهاا الغراز مشاا معاهاا يعقوب شاد فيهاا. جلسوها فوق البيااص وهزت الفرملية لقااط صغير بحال نتاف وبداات كتحيد ليهاا غراز بشوية وهيااا كتبكي وتغرغررر لربي لي خلقهاا حتاا ولات زرقة... كملت ودارت ليها دواء وفاصمة صغيرة على يديهاا ويعقوب تليفون ديالوو كيصووني كل مرة يقوليهم اناا جااي. هزهاا فيدوو حطها موراه وطلع راجع لدار وهواا كيحاول يسكتها ويتلف ليها الحريق لي فيهاا .

ملي دخلت ربيعة هياا واميرة لداخل وهياا على بكاااا وتنخطيط وكتعااود ليهاا وربيعة فاا كتسنط ملقاات متقول .. سمعات طوموبيل دخلت ونااضت طايرة خرجت لبراا لقاات يعقوب هاز لين فيدو وجااي جهت الباب .. وقفاااتوو كتشوف فيه 

..

ربيعة : زعمة هضرت معاك ولا شهادشي اش طراا تاني مراتك مرارتهااا غتخرج بقوة البكاا تفكراات مسكينة ملي جاات وااش مكتحشم ماا ستحيتي مالك وليتي هاااكا غاا كتلسق دارت شي حاجة دوزهاا صبر فحقك راه بيناتكم ولد ولا بنتك جاي فالطريق فين غتوصلو

يعقوب : امي كتر من ساعة وهومااا كيصونيو عليااا ممساااليش نهضر فهادشي الل....

ربيعة : والله من هناا لا خرجتي حتتاا تهضر وتقول شكاااين متخليييش مراتك هاكا دخل شوف كيف دايرة حالتها تشقي العدااا

شاف يعقوب جميلة كتمسح السرااجم وهواا يعيط ليهاا دار اشارة بيدو وجات عندو.. 

ربيعة : شدي لين ديها فطريها راها مزال مكلات وعندااك يديها تعقريها فيهاا. 

جميلة : واخاا.. 

شدتها جميلة ودخلت ويعقوب جر ربيعة وبعد على الباب وهواا غيتفركع. 

يعقوب : شوفي الا نتي الأمور غتجيك عادية اناا لا لا لا لاااااااا .. انا طلع ليااا الزعف منين غنبدااا واش غنقوول شي حوايج منقدرش كااع نخرجهم من فمي معاك.. المهم هاد البنت كدير غاا لي فراسهاا مكتعرف لا تشااور ولا طلب الإذن غاا غادية .. تخرج فين بغاات ومعامن بغاات بلاماا نعرف ولات عاطية وقتهاا غاا مع التليفون وصحبااات وقوة الهضرة وتمسحهاا فلاخر وعيييييييبت ساااكت وكنقوول بلاما نهضر حتا تفهم راسهاا انا بحالاا مكاااينش واخااا كنقوليهاا لي ضرك ولي قلقك قوليها ليا اناا الأول.. وليناا بحال خوت والله ماشي مزوجيين ناضت تعلم داك التخربيق ماعرفت اش سميتو كااع مشاات تبيعوا لجيران حقى ماا حقى قالك شرات لياا بيها مكانة مشاات تسراات على خاطرهاا حتا شبعت واناا فدار راني صونيت عليك وسولتك واش هياا معااك وقلتي لياا لاا.. حتاا رشقااات ليهاا عاد جاية كتبحلس شنو زعمة هادشي يرضييك امي يااااك.. كون بغاات تخرج نخرجهااا اناا ولاا غااا تقوولهاا تقولي فلان اناا خارجة واحد شوية ونجي هياا كتخلط العرارم حتاا كنولي كنغلي بووحدي 

ربيعة : وراه قالت لياا خرجت مع عبير 

يعقوب : فنضرك امي عبير غتخرج بلاماا تقولهاا لخالد .....وجاوبي،؟؟ عمر عبير معتباااات حتا يعرف وحتاا يعطيهاا الاذن وهياا معندهاش القااادر تقوليه لا وهادشي هياا هناا كبرات وعارفة البلاد.. وهادي لي عاد جات الباارح كدير لي بغاات.. وماشي غير هادشي لي ضارني فخاطري راه شي اخور بلاماا نهضر فيه.. واناا بحالا مكااينش 

ربيعة : هههههه زدتي فيه بلااااا قياااس نتا هههه اويلي من نيتك 

يعقوب : جاتك عاادية يااك.. تخرج اليوم.. وغداا.... بعدو.... بوحدهاا معامن بغااات هادشي غاا زدت فيه انااا . وحتا اليوم ملي قلت ليهاا رونديفوو د لين متسوقاااتش وبغاات تجي وجبتهاا عاادي ياااك امر جاك تافه اووك.. 

خلاهاا تابعاه وكتحاول تهضر معاه خلاهاا وزاد مع الطريق..

بدلت اميرة حوايجهاا وقياالة نهار كامل شاادة لين وكتجمع هياا و ربيعة وكل ساعة كتقول هاهواا غيدخل هااهواا غيعيط ليهاا.. وربيعة واحلة معاهاا فالهضرة ملقاات معامن تجي حتا جاات عبير هازة ولدهاا فيديهاا دخلات لقاات اميرة عينيهاا طايبين باابكاا .. كتحاول تفهم اش كاين وشنو كيضور بيناتهم خلات ولدها حدا لين كتبوسو وشادة فيديه وزادت عندهم كتسول.. 

ربيعة : ايوا ياا بنتي غا هاد جوج مكيتفااهموش هياا كازة من جيه وهوا هكاك وطلقاااو هوا صبرو قليل وبحالو بحال باطل وهياا معرفاات كيفاش تصرف 

عبير : ههههههوجيتي تغضبي فداارهم علام نتي عاودي شكاين خرجي لي عندك ياك غاا لبارح كناا خارجين ونتي باغاا تفرحيه زعمة اش طراا مالو هادل تاني 

اميرة : صافي اعبير مغادي نقول والو ومعندي والو صاافي بلاما تبقااي تسولي 

عبير : لاا غنسول وغنعرف اش كااين هضري خرجي لي فقلبك 

ربيعة : اميرة واش تليفونك لي كيفيبري فوق الطبلة ! 

اميرة : اه وقيلة انشووف ..

ناضت اميرة حلت صاكهاا لقات باباهاا كيصووني عليهاا. خرجت لبراا وهيا تجاوب 

اميرة : بابااتوحشتك بزااف كيف دايرة ماما وزياد كلشي بخير 

احمد : الحمد الله ابنتي ونتوما كلشي بخير يعقوب والبنيتة صغيرة

اميرة : هاحنا الحمد،الله ماما حداك 

احمد : اه هاهيا حداياا. شدي افاخيته

فاخيته : اميرة كيف بقيتي 

سمعاات اميرة صوت امهاا وهياا تنهاار بالبكاا وكتخرج الهضرة مقطعة.. 

اميرة : ماما مامااااا محتجاااك باغا نهضر معاك عفااك حيدي من حداا بابااا 

ضورات فاخيته وجهها لعند احمد لقااتو كيعلق مرايا فالحيط شدت تليفون ومشاات الحمام طلقاات الماء وخرجت راسها من سرجم كطل وتهضر 

فاخيته : باك كان حداياا انا عاد دخلت لحمام عاودي بالزربة اش كاين قبل متسالا التعبئة.. 

اميرة : مامااا وقفت على هضرتك ماماا ندمت بزااف لي مسمعتش لكلامك والله تكرهت وعييت بزااف ملقيت فين نعطي راسي عاااد حسيت يحرقتك من جهتي وع...تييت ....تيييت

تقطعت المكالمة واميرة شادة تليفون فيديهاا كتسنى واش غتعااود امها تصوني عليهاا حتاا عيات ورجعت دخلت لدااخل

اميرة : عبير عندك مكالمة للمغرب ! 

عبير : وي بغيتي تهضري 

اميرة : اه محتجااها ضروري 

عبير : واخا .... هاكي.. 

عطاتها عبير تليفون ورجعت خرجت جلست فوق الكرسي كتصوني جاوبها الأب ديالهاا قطعت وصونات فرقم الأم.. مرة اللولة والثااانية بدون رد..

حتا لمرة ثالتة عااد جوبااتهاا 

اميرة : ماما هادي انا اميرة 

فاخيته : اميرة اه راني كنت حداا باك ملقيت كيف نجاوبك عااد قلت ليه انطلع لسطح نهبط الزربية ياك لباس 

اميرة : ماما غنهضر معاك وعفااك قوليلي اش ندير راه وحلت. يعقوب ولا شااعل غاا بوحدو ديماا كيغوت ديماا باغي السبة لي درتهاا مكتعجبو وكيفماا تصرفت كيحسبني انا غالطة هانتي شوفي ملي فرقو الورت ومبقااش مع دارهم ومشيناا لدار خرا بغيت نتعلم شي حاجة..... (عودات ليها كلشي) وصافي ملي جاب لين مااجاا ولا عيط ولا قالي حتاا حاجة.. امي كتسمعيني شنو ندير معاه .. 

فاخيته :هااااااا لي قلنااا كنت عااارفة مغتقديش على الزواج وكنت عاارفة مغديش تقدري تهزي المسؤولية ..واش كنتي كضني امك باغاا ليك الشرر .. اي ام فهاد الدنياا كتمنى بنتهاا تكون حسن منهاا وتعيش لي معاشتووش امهاا وتوصل لغراضها زواج ملحوووق ياااا بنتي ملحوق وداباا بنادم يشبع ويقنع ويطلع ليه الخز لراسو خلاص كن كنت اناا د راسي ومهنية خللااص. كنت كنوصيك لمصلاااحتك ونبغي مطيحيش فالغلط لي دزت منوو اناا 

اميرة : داباا عاد دقت وحسيت بكلامك ياا ميمتي شوفي عفااك مغيعااوني حد من غيرك انا مزاوكة فيك سمحيلي على داكشي كاامل وقوليلي اش ندير

فاخيته : داباا نتي كتغلطي بزااااف .. تزوجتي وحملتي ولي عطااه الله عطاااه معندناا منديرو دابااا غنقوليك شي هضرة ديري بيهااا ولا رميها موراك.. راجلك دابا هوا خوك هوا صاحبك وهوا كلشي .. متخرجي ولا تعتبي حتا تشاوريه وحتااا يبغي هواا ويعطيك الاذن وهادشي كاااين حتا فالدين .. رضى كيبداا من رضى الله هوا الأول .. وموراهاا رضات الوالدين وملي بنت كتزوج خاصها طيع راجلها وتكون مرضية عندو ويااااااابنتي اناا دوزت عامين شفت فيهم الويل مع بااااك ومع اناا كنت عنيدة ومكنتفاهمش كنت كنقووول لبلا طير ولا نطير معااااه نرد موراه الهضرة ونغوت عليه ونسبووو حيت مكنتش باغاااه ومحملاااااش فيه الشعرة وديمااا كنقوليهاا غااا جبلي بن جبلي الخااانز ولهلا يوريك ولكن ملي عرفت بقيمتووو وعرفت غلطي عااد عرفت راسي اش درت وهواا صبر معايااا وفلاخر صبرو تقاادة حتا وليت انااا نرغب ونزاااوك ونحزر ماشي بنهار ولا بسيماناا ضرب عليااا فخطرااا حتا ندمني على نهار لي تزدت فيه... واخاا داباا كنتنااقشو ولكن عاادي.. هادشي لي خصك ابنتي الله يفرشك بالرضى وحسبيني صحبتك دابااا مبقيتش امك خلي هضرتك مع ناس عادية بنسبة 20% وتاباااقي كولو لراجلك لي غيدووم ليك ولي غيهزك ولي غيكووون بيك. ماااتخرجي حتا تشاوريه ومااا تهضري مع شي حد حتا تقوليهاا ليه ولي ضراك فخاطرك شاركيه بيهاا وشدي داباا فيه بسناااااااانك واخااا يكون هواا جداااام وغاا كيلسق حنانك وكلامك وطاعتك ليه غتخليه يتردع ويولي غاا ايمتاا يساالي ويرجع لدارو. ملي تبغي تغضبي غضبي فدارك وحداااه وبكي عليه ماشي عند اموو ملي تبغي تشري شي حاجة واخاا ليه هواا شدي فيه وديه معاك وشريهاا حداه وعطيهاا ليه وملي تبغي تخرجي بووووحدك نعاود نقولهاا ليك ضروري ومأكد تعلمييه وماشي غاا تعلميه وتخرجي حتااا يبغي سيري بسيااااااااسة ونقسم ليك عليهااا بالله حتااا يهزك فوووق راسو وسمحي فحقك ياااابنتي وراه مكاينش شي جوج تزوجو وتهنااو راه ضروري من مشاااكيل اجي واش عمرو ضربك 

اميرة : لا ماما معمرو مربني ولا هز علياا يديه 

فاخيته : ايوا حمدي الله . وشنو دابا

اميرة : معرفاااش

فاخيته : بغيتك تكوني من نااس لي كيديرو الغلط ويستافدو منو ماشي يعااودوه داباا ماشي،كل مرة غيسمح ليك ويدوزهاا ليك رجاال احيااني خاااصك تسايسي معاه بحال ترابي صغير... 

خالد : مالك اصااحبي عوتاني

يعقوب : شغيكوون والو 

خالد : ياكماا شي مشكيل مع المرا 

يعقوب : (تنهد) 

خالد : امم هكاك قولي.. ايوا ؟؟ قولي شكاين 

يعقوب : الصمت 

خالد : اوك على خاطرك ... مزال كتصوني عليك ايماان 

يعقوب : نسى عليااا سميتهاا صافي خليني جالس معاك حسن منوض نمشي بحالي 

خالد : وليتي عصبي ضووبل ياا صااحبي نموت ونعرف مالك..

شاف فيه يعقوب حط كاس من يدوو وناض وهواا يشدو خالد

خالد : اجلس اصاحبي شكااين ماالك عاودلي 

يعقوب : ماماااليش وصاافي سدييناا 

خالد : عرفتي شنوو. حناا راه بحال بحال شباان ليك نضربوهاا بشي تزويجة 

يعقوب : ههههههههههه بااز 

خالد : هاا نتاا ضحكتي على سلاامتناا ههه ايماان ديماا كتصوني عليك وتبدلت وتحجبت ايواا قضي الغرااد وعيش حيااة 

يعقوب : هبيل نتاا لا 

خالد : عطيتك فكرة وصافي

يعقوب : امم نخمم فهادشي

خالد : بصح !!

يعقوب : الله يعطيك المسخ.. اناا عاد مزال غنتزوج ولا نفكر فهاد الخرايف ديالك وايماان جوج مرات وانا كنبدل فالنمرة .. سواا هداهاا الله ولا باقاا كيفماا هيا.. تزوج غاا نتا لي من صغرك ونتاا كتقولي ملي غنكبر غنتزوج ب 4 ولا نسيتي

خالد : مراا ودري وتقجيت غاا سكت 

يعقوب : خلص معاك هاد القهوة اناا غادي لداار 

خالد : خليناا مزال شوية 

يعقوب : غنمشي ندير شي حاجة ناكلهاا ونعس راه 10:30 د ليل هادي... 

خلا يعقوب خالد مزال جالس وتم غاادي على رجليه كيتمشى بخطواات بطيئة.. حتا وصل لدار طلع شعل ضواو غا سكات تكاا فوق الفراش وجبد تليفون لقاا مكلماات فائتة من عند اميرة... حط تليفون وناض توضى وصلى وناض لكوزينة كيخربق ماا ياكل.. عمر فالخبز وجلس حدا تلفاازة كيااكل ويتفرج حتاا غلبو نعاس ودخل لبلاصتو... 

جميلة : مبغاتش تاكل اخالتي 

ربيعة : وشكدير هياا دابا 

جميلة : متكية فبلاصتها منعسة لين حداهاا 

ربيعة : ملي كلات معانا فكسكروط مهبطاات النعمة لا حول ولا قوة الا بالله 

جميلة : الله يتاويهم لخير ياربي 

ربيعة : اميين شي خبار على سميرة توحشناها مسكينة ملي تزوجت ماا عرفناا خبارها 

جميلة : لبااس عليهاا كنهضروا انا وياهاا مرة مرة. قالت لياا شهرهاا الأول كتوحم 

ربيعة : ايوا هنية عليها الحمد الله... 

جميلة : المهم تصبحي على خير اناا غنمشي لبيتي ويلا حتاجيتيني عيطيلي 

ربيعة : الله يرضي عليك ابنتي... 

كل واحد شد بيتو ونعس. واميرة قالت حرام واش تبلاقي شفرين بايتة ليلة كولها وهياا غير على البكاا وتهرنين وطل كل ساعة على يعقوب كتلقااه مكاينش وحلت وتلفت وبغاات تهضر معاه ومااقدرت..فلاخر وهياا كتمسح دموعهاا كتباات ليه كلمة وطولاتهااا بزااااااف توحشتتتتتتتتتتتتتتتتتتتتتك...ورسلاتها ليه طلع ليهاا بلي موصلووش المسج وماشاافوش ومهنااهاا خاطرها.. دخلت وبداات تصوني ليه برقم مجهوول .. حتا كيحل الخط وتقطعواا عليه المهم تسمع صوتو ورجعت صيفطااات ليه مسج فرقم ديالو 

اميرة : نعستي ولا فاايق ؟؟ كليتي شوية ؟ ....

هاز تليفون كيقرا مسج ويعاودو دوز نمرة وحطو على وذنو كيتسنى الرد.. فديك الوقيتة اميرة شادة تليفون فيديها وخايفة ترد ويغوت ولا يقوول ليهاا شي حاجة لي تبقاا فيها كتحرق .. حتا تقطعت المكالمة وتناادم معاهاا الحال علاش مجوباااش وبدااات تدعي وتمنى يعااود يصووني عليهاا حتاا فيبرا تاني فيديهاا وهياا ف تردد عااد جوباتو 

اميرة : سلام ...ااام .. يعق... مزال فايق 

يعقوب : الصمت 

اميرة : صيفطت ليك ميسج فالواتساب شفتيه 

يعقوب : لا اش فيه 

اميرة : غاا كتبت ليك شي حاجة وصافي 

يعقوب : شنو هاد الحاجة قوليهاا ليا 

اميرة : مقلق مني يااك. شوف بغيت نهضر معاك 

يعقوب : هضري 

اميرة : حتا نشوفك 

يعقوب : لاا هضري هناا 

اميرة : بغيتك تيق فياا ومتبقااش تشك بلي اناا كنعاود شي حاجة ل عبير اقسم بالله مكنقول شي حاجة هضرتناا عادية انا ويااها. ونهار بغيت نخرج راه مبغيتش نخرج بوحدي وقلت ليهاا تمشي معاياا ونتاا معجبكش الحال 

يعقوب : نجي موراك داباا 

اميرة : ااا... ممااا ... داباا كلشي ناعس معندي كيف ندير وحال مشاا دابا راه فايتة 3 د ليل 

يعقوب : وهاهوماا ناعسين

اميرة : غدا ان شاء الله دوز مورايااا صافي 

يعقوب : واخاا 

اميرة : ممقلقش مني يااك 

يعقوب : المهم نعسي داباا مشا الحال غداا رونديفو عندك انا غندوز موراك صبااح بكري 

اميرة : واخا تصبح فراحة لله 

يعقوب : وتانتي

رجعت لبلاصتهاا وهياا ضاااحكة دخلت لملف الصور.. كتشوف ف صور ديالو تكبرهم وتأمل فيهم... حتا مشا الوقت وهياا مزال فايقة.. وصبح عليهاا الحال وهيا مزال كتقلب فبلاصتها.. صلاة وبقاات حاضية الباب من سرجم بيتهاا كتسنااه ايمتاا غيدخل.

لبساات حوايجها وجمات دوزانهاا فصاكهاا حتا كتسمع طوموبيل دخلت طللت عليه من الفوق لقااتو كيهضر مع حميد.. رجعت بلور كتفيق ف لين وتبووس فيها باش تحل عينيهاا ناضت كتنتف وضرب بيديهاا وهياا كتغوت... حتا وقف يعقوب حدا اميرة بالحس كتسكت ف لين.. شافتوو بقاات غاا كتمتم 

اميرة : صباح خير ايمتاا طلعتي

يعقوب : صبااح نور غاا داباا لباب مفتوح 

اميرة : بغيت نوض لين ساعة ناضت مخصرة تاني 

يعقوب : واخاا نمشيو دابا

اميرة : لي بغيتي ..

هز يعقوب لين واميرة هزت صاكها وهبطت موراه.. وقفااتهم ربيعة كتحصر فيهم يفطروا..

يعقوب : داباا نرجعوا دابا مزروبين 

ربيعة : ورد بالك وسع خاطرك شوية الله يرضي عليك.. 

ابتااسم فوجههل باس ليهاا راسها وخرج واميرة سلماات عليهاا وخرجت موراه... طلعوا فالطوموبيل ولين موراهم كتسفق بيديها وتغوت واميرة كل مرة ضور عندهاا وتخطف شوفة من يعقوب.. 

يعقوب : طبيبة غدخل حتا 9:30.. دابا مزال الحال يلاه تمانية وربع نفطروا فشي بلاصة عاد نمشيو صافي

اميرة : لي بغيتي ... ااا ... نعستي مزيان 

يعقوب : منعستش 

اميرة : بصح حتا انا منعسش ليل كامل 

يعقوب : وعلاش مالك 

اميرة : غاا هكاك وصافي وانت 

يعقوب : خفت بوحدي

اميرة : هههههههههه بصح 

حابس الضحكة : امم اجي نفطرو هناا هاد بلاصة زوينة 

اميرة : واخاا. 

هبط يعقوب هوا واميرة دخلو لمقهى صغيرة خداو بلايصهم وجلسو كيفطروا وبجوجهم.. عينيهم غاا على لين كل واحد كيوكلها من جيه وكيلعبو معاهاا. حتا وصل الوقت ومشاو لطبيبة..حتا وصل وقتهم ودخلو عندها رحبات بيهم وطلعت اميرة على البياص وطبيبة جلست حداها هازة الة صغيرة راسهاا مكور كدوزو على كرشها... ويعقوب عينيه مع تلفازة صغيرة كيشوف الجنين لي كيتحرك وعينيه مع اميرة.. 

طبيبة : واش كتااكلي ولا والو 

اميرة : م..

يعقوب : مكلتها ضعيفة بزااف 

طبيبة : ولااااا راه غتهلكي راسك ولي فكرشك خاصك تاكلي مزيااان .. كيف غيخرج هاد الوليد 

طبيبة : صراحة مبااينش لياا يمكن شهر 7/8 يباان ليناا خاصك تهتمي براسك بزاف .. يلاه نوضي داباا مسحات ليها كرشهاا وهبطاات ليها حوايجها وجلسو معاها كيهضروا..

طبيبة : عندك شي مشاكيل ! 

اميرة : لاا معنديش

طبيبة : كتعصبي بزااف ؟ 

يعقوب : دازو شي امور هاد الايام 

طبيبة : ايواا هااا لااا ماشي،هاكاا راه خاصك الراحة ونفسيتك تكون مزياانة حااولي على راسك .. يعقوب حتاا نتاا راه عندك دور كبير تقابلهاا وتهتم بيها ومتخليهااش تقلق 

يعقوب : ان شاء الله شكرا بزاف 

طبيبة : مغاديش تمشي لكلينيك 

يعقوب : حتا 11 غتكوني تماا 

طبيبة : لاا مغاديش نمشي ليوم سلم لياا على الجميع 

يعقوب : شكرا الله يعاونك 

اميرة : شكرا بزاف اختي 

طبيبة : ولو ردي البال راسك..

خرجو من عندهاا غااديين جهت الدار حتا وصلو وطلع معاها حتا لفووق حط لين وقف حداهاا .. 

اميرة : شنوو نطيب لغداا 

يعقوب : سمحيليااا بزااف .. 

اميرة : لا نتا لي خصك تسمح

يعقوب : لاا اناا غلطت معاك ومكانش علياا نغوت عليك فريمون سمحلي 

اميرة : هه صافي واخاا 

يعقوب : نخليك منتعطلش على خدمة عشية نتشاوفوو 

اميرة : واخا صبر.. 

حطت اميرة صاك ديالها ودخلت البيت حلت المجر جبدت منو العلبة لي فيها الساعة وخرجااتهاا ليه وهوا كيشوف فيهاا هزتهاا وعطاتها ليه 

اميرة : بغيتك تلبسهاا وتقبلها 

هز عينو كيشوف فيهاا ويعاود يشوف يديهاا لي مادة ليه الساعة حيد المكانة لي فيدو حطها ليهاا فيديه ولبس لي جابت ليه وهواا مبتااسم... باس ليهاا راسها بقوة وخرج.. نقزاات من الفرحة حتا بدات كرشها كتحرقهاا .. جلست كتستاارح شوية وتبووس وتدغدغ ف لين... شعلات ليها تلفاازة خلاتها مشغوولة بالفراجة ودخلت لبيتهاا بدلت حوايجهاا وخرجت كتقاادد الدنياا وتسيق وتمسح الطبالي وتجر.. حتا خلات الدنياا كتشعل ودخلات الكوزينة كطيب ومرة مرة طل على لين حاضيااها حتا وجدت مكلتهاا وغرفات لين شوية فالطبسيل خرجاتو ليها كتوكلها حتاا شبعت وبقاات كتفرج حتاا نعست.. دخلاتها اميرة لبيت وغطااتهاا هزت حوايجها ودخلت الحمام ... سخنااات عضاامهاا حتااا رتاااحت وشللت لبست حوايجهاا ودخلت الكوزينة كتحك وجهها بالسكر دوزت عليه صاابونة وجلست كضوور فعينيها وصلات 6 عشية وهواا مزال ماا جاا.. دخلت لبيتها كتشوف راسها فالمراية لابسة بيجامة د القطن غليضة د البرد.. وبنطوفة فرجليها جبدات الحوايج كتشوف اش غتلبس هزت تيشورط نص كم رهيف وبيجامة وردية سخوونة بالسنسلة لبسااتهم.. وحيدات زيف حياتي من راسها وهزت فوطة كتنشف بيها راسهاا لواتو سفنجة صغيرة وشداتو بمقبض وهدلك المطلوق هبطتو على كتافهاا..خرجت خصلات من شعرها وهزت مااسكراا كتحااول تجبد شفيراتهاا وهيااا حالة عينيها ويديها كيترعدو حتا كتجخمطو وتعاود تمسح وتقاادد... خرجت كتسخن الماكلة حتاا سمعت الباب تحل ومشاات جيهتوو عنقااتوو وهواا متقل هاز فيدو... وبوكلي دالورد فيد خراا.. عطااه ليهاا

اميرة : واااو فنيون زوين بزااف 

يعقوب : مغيكونش زوين بحاللك ديريه فالماء.. 

عمرات فاز دالزاج بالماء وجبدت الوريدات وحدة بوحدة كصااوبهم فيه.. حطاتو فطبلة دالصالون خرج يعقوب من الحمام صلا صلاتو وهياا كتحط فوق الطبلة.. جلسو كيتعشااو وهوا كيجمعوا .. 

يعقوب : هاناا قوليلي شنو 

اميرة : بغيتك تيق فيااا.. اناا عارفة راسي غلطت ولكن داباا سمحلي من ناحية الهضرة عمرني نخرج شي حاااحة على فمي كتخص... نا واناا خرجت كانت نيتي نفرحك 

يعقوب : واناا نيتي خايف عليك لا طرااا شي حاجة ولا يتعرض ليك شي حد شكون عرف.. شلااااا ميضور لياا فراسي ملي نجي ومنلقااااكش حتا انا مقلت ليك والو كنتي تعلميني وتشرحيلي كلشي كنت نتفهم.. 

اميرة : نتاا عارفني فدارناا مكان عندي لا صحبات لا خروج لا والوو غاا دار مكرهتش تخليني نهضر عادي مع بنات مفيها والو ولا نخرج واخا غاا فالجردة حداناا حتا اناا راني كنقنط وكنبغي نبدل بلاصة بخرا.. 

يعقوب : الصمت 

اميرة : تيق فياا عفااك 

يعقوب : من لاخر انا ماشي شاك فيك .. ولا معنديش تيقة. المهم من هاد قوة الهضرة بزاف.. متخرجي حتاا تقوليهاالي باش تكون ف بالي ... هضرة فالتليفون ف حدود وصافي وبالخصوص مع اسماااااء وعبير نقولها ونأكد عليهاا.. 

اميرة : صافي واخاا 

يعقوب : عندي ليك شي خباار 

اميرة : بصح ديلاش! 

يعقوب : لبارح مشيت نصلي العشااء فالجامع ولقيت الامام باغي شي وحدة تقري وليدات صغااار مع واحد المرا كبيرة.. وقلت ليه غنتشااور معاك ونرد عليه . وفكرت وقلت حتاا الا بغيتي تكملي قرايتك عندوو فالقرآن شباان ليك...هوا كيهضر وهياا عينيهاا تغرغروا بقوة الفرحة حلات فمهاا ونطقاات 

اميرة : لااااااا متقولهاااش بصح !! واش بصح عفااك 

يعقوب : وي الا كنتي باغا طبعاا. ساعة يومياا عادة الأحد..

اميرة : مكرهتش نمشيييو من داباا والله العضيم حتا فرحت بزاف 

يعقوب : المهم لين غنرجعوهاا لروض وغبدلو ليها الوقت فعوض ماا كنا كناخدوهاا ف صباح داباا غناخدوها ف عشية وندوزو موراهاا ملي ندوز موراك انا ..

اميرة : واخا وايمتاا غيبداو القراءة 

يعقوب : بعد صلاة المغرب.. 

اميرة : اووه الله يسر يارب ياااارب ...فرحت بزاااف ومنساااااااش ليك هاد الفرحة..

يعقوب : كنقلب على راحتك والحاجة لي غتنفعك 

اميرة : فقااش دابا غنبداا..

يعقوب : غداا فالعشية ملي غنجي من الخدمة غنمشيو وتسجلي عندو ويعد صلاة المغرب غتبدااي 

اميرة : (بخجل ) و.... وااا...وااش ك..كيخلصوا 

يعقوب : هه باغاا تخلصي 

اميرة : لااا. ماا..

يعقوب : وي غيخلصوو 

اميرة : لاا انا مخصنيش الخلااص والله العضيم اناا باغاا نقري الوليدات في سبيل الله واخاا نمشي غاا على رجلي بلاما توصلني 

يعقوب : اكيد غتبقااي تمشي بوحدك حيت غنبقاا نخدم نهاار كامل ونتي لي غتاخدي لين لروض وتمشي حتا ندوز موراكم اناا ..وبالنسبة لخلاص هواا لي قالي واخاا رفضت وكنت غنخلصك اناا من عندي 

اميرة : لا لااا مبغيتش فمراا فلووس اناا باغاا نقري وناخد اجر من عند الله ويكون راضي علياا هاداا منتمنى 

يعقوب : يكون خير بحول الله...

تعشااو وحديثهم كان طويل واميرة فرحتها كانت كبيرة وبزاف.. هز يعقوب لين حطهاا بلاصتهاا وغطاهاا ودخل لبلاصتو حتا جمعات اميرة الدنياا وطفاات الضواو عاد دخلت لبيتهاا شدت الباب ودخلت فبلاصتها لقات يعقوب مزال هاز كتب الله فيدو كيقراا... جلساات حداه كتأمل فيه والفرحة خاارجة من عينيهاا شافها وابتسم حل المجر حط فيه القرآن مغطي بزيف وسدو تخشى ضار عندها كيشوف فيها بشوق كبير حناا راسو لجيهتهاا وهياا كطلع وتهبط فعينيهاا تكاات بيديها فوق المخدة وهزت راسها لعندو حطاات قبلة صغيرة على حنكوو خشى يدوو من تحت ضهرهاا وجرهاا لعندو وغير عينيهم لي كيهضروا.. دوزو ليلة دافية عامرة بالحب والحنااان والشوق لبعضياااتهم.... 

صباح الحال... وصبح يعقوب هااز لين لي بغات تنوض وتعقرات من يديهاا لابس بينوار صقير... فاقت اميرة على غواتهاا ويعقوب خرج لصالون كيسكت فيهاا.. جرت حوايجهاا كتلبس بزربة وتجمع شعرهاا.. خرجت مطفووجة 

اميرة : ( بخجل منو) مالها...

يعقوب : غاا تعقرات من يديهاا شوية كيف صبحتي 

اميرة : مزيان ... غدخل الحمام !

يعقوب : لاغاا دخلي نتي انا مزال شوية 

اميرة : واخا..

رجعات لبيتها جمعات حويجاتهاا ومشات لحمام .. خرجات ملوية فوطة على راسها ولابسة حويجاتهاا مشات طلات عليهم فالبيت لقااتو متكي كيلعب مع لين.. 

يعقوب : هااا مامي جات بصحة 

اميرة : يعطيك الصحة انشدهاا عليك نوض نتاا عنداك تعطل على الخدمة يعقوب : مزال الحال راه عا... (كيشوف فالساعة ) 7:00 نوضااتناا هاد القنية مقاشعينش حتا طريق 

اميرة : هه اجي حبيبة عندي اجي نهزك.. هزاتهاا اميرة ومشاات بيها لكوينة حطاتها فوق الكرسي وبدات كتوجد الفطورحداهاا حطااتو وجلست كتبرد ليها الحليب وتوكلها خرجت يعقوب كيمسح شعروا مشات لبيت بدل حوايجو...وجلسوا كيفطروا 

يعقوب : المهم عشية صاافي ومن تماا غنمشو لعند واليدة 

اميرة : وكمل فطورك بعداا 

يعقوب : نن صافي يلاه نوصل تافقناا ! 

اميرة : صافي ان شاء الله..

باس ليهاا جبهتهاا وشداات ليه فيدوو وزيراات عليهاا.. خرج وابتساامة مرسومة على وجهوا... وبقاات متبعااه بعينيهاا وهياا باغاا تنقز من الفرحة... تفتحات ليها الشهية صباح كولوو وهياا حدا طبلة شادة تليفون كتشارك فرحتها مع صديقة جديدة... وكتجمع مع امها من تليفون سعيد... وجدت غدااهاا وطفات عليه رجعت جلست فبلاصتهاا تاا غلبهاا نعاس ونعساات حداا لين فوق الفوطوي حتاا وصلاات العشية عاد فاقت على عضاات وتجبااد ونتيف من عند لين لي كتنوض فيها 

اميرة : ايييي نوضي ليا على شعري 

ايي نتفتيني..وااانوضي خلااص.. احح هاهئ اهئ اميي 

فلتاات راسهاا بالكشاايف مع العنيدة د لين لي جالسة ليها على شعرها وكتنتف من جهة خراا.. خلاتها كضور وتشطح..وناضت توضاات ومشات حداهاا كتصلي بدات تنقز عليهاا وتنتف ليهاا الصلاية من الأرض. مكملات حتا شهد عليهاا الله . بدلات ليها ليكوش وقداات ليها حويجاتها. وناضت بدلات حوايجها وكتقاادد زيفهاا. حتا دخل يعقوب... تغداو وجمعوا امورهم لبساات تقيشراتها مع العباية واسعة وشان طويل مغطي نص صدرها وشاعرهاا بالكاامل كيباان غاا الضورة د الوجه ويدين.. هز يعقوب لين وخرجوا شدو لباب ومشاو خلاو لين فالزوض وقلبو الطريق نيشاان للمسجد.. وراهاا يعقوب منين تمشي ودخلات لمكان لي فيه النساء كيصليو القت عليهم السلام صلاة تحية المسجد وجلست فالطرف.. هزت كتاب الله كتقرا

حتا أذن المؤذن ونااضو تصاافوا كيصليو .. بعد الصلاة جلسو النساء كيقراو القرآن واميرة كتشوف فيهم وحدة بوحدة وترجع تهبط عينيهاا الأرض حتا سمعاات فيبرو ف تليفونهاا عرفاتو يعقوب خرجت لقااتو واقف فالباب.. 

اميرة : نعام هاناا 

يعقوب : دخلي من هناا راه كيسجل البنات لي غيقراو قوليلو انا من طرف يعقوب وهواا غيعرفك 

اميرة : واخاا.. ام... اجي كيعرف العربية يااك 

يعقوب : هه مغربي مغربي نيت 

اميرة : هه لاا 

يعقوب : ايه يلاه الله يوفق من بعد ندوز موراك 

اميرة : ولكن شغندير ملي غندخل عندوو 

يعقوب : غاا دخلي هواا غيقووليك كلشي... 

مشاا يعقوب واميرة دخلات بخطوات بطيئة كتسنى حتاا تخواا الدنياا... تسجلو الناس ودخلو على باب خراا.. حتا بقاات غاا اميرة منهاا لسيد.. 

.... تفضلي 

اميرة : سلام عليكم ورحمة الله وبركاته .. ام... انا اميرة من طرف يعقوب يمكن قا...

.... وي قالياا عليك اذن نتي لي غتكوني كتقري وليدات 

اميرة : ان شاء الله مكرهتش الله يقدرني 

... واخا انا نعمر ليك الملف ديالك بالمعلومات لي عطاني يعقوب .. حيت كيفماا غتقري بنيتات صغار حتا نتي غتقراي وتكملي لي بديتي ان شاء الله 

اميرة : اه قالياا على هادشي واناا فرحانة بزااف 

... مرحباا المهم قاعة جوج راها لفوق فيهاا وليدات راهم مزال كيدخلو.. بداي معاهم بصور صغاار 

اميرة : واخا شكرا بزااف.. 

مشاات اميرة تابعة الناس حتا وصلات لدروج وطعاات لقاات قاعة حدا قاعة كلهم بابهم محلول شي فيه صغار شي فيه الكباار وعينيهاا مع الأرقاام وقفاات حدا قاعة 2 وقلبهاا غيخرج من قوة الخلعة والفرحة تخلطاات عليهاا.. دخلات لقاات البيت مفرشين فيه زرابي وكتب الدين معمريين ف خزناات صغاار.. 

اميرة : سلام عليكم 

جميعا ..عليكم سلام 

ابتسمات اميرة فوجههم وبقاات تالفة اش غتقوول ولا شنو غدير 

حتا دخل السيد لي هضر معاهاا فالأول ..وقف حداهم. وقال بالفرنسية

..... هادي الأستاذة الجديدة ديالكم لتازموا الاحترام وديماا تكونو فالوقت ..

عاود ليهم الكلمة بالعربية... ابتاسم فوجه اميرة ودخل لقااعة خراا.. سدات اميرة الباب وتوجهات بخطوات بطيئة لمكانهاا كتشوف فيهم واحد بواحد وحشمانة منهم.. عودات سلماات عليهم وعرفتهم براسها وحتاا هوما كل واحد(ة) عرفوها على راسهم ومنين.... لقاات جنسيات من كل بلاد عايشين ففرنساا ومتشبتين بدينهم دخلوهم واليديهم يقراو ويحفضو كتاب الله...

ابتسمات فوجهم مرة تهضر بالعربية ومرة كتهضر بالفرنسية معوجة.. حلت كتاب الله كبير وبدات معاهم من لاخر.. بالصور قصاار كتقراا وكتشرح معنى وليدات حلو كتابهم وبداو كيقراو واحد مور واحد.. وهياا كتصحح ليهم وبالخصوص مع الغربيين لي الكلمة مكتخرجش ليهم مقاادة واخاا كتعياا متحااول معاهم.. اذناات صلاة العشاء.. ونتهنى الوقت جمعوا وليدات كتوباتهم وبداو خارجيين بشوية واحد مور واحد حتا خرجوا ..عاد خرجت اميرة موراهم وصلات قسم 4 لقاات نساء لي صلاو معاهاا وغيرهم كيقراو تماا وكيتعلموا حتاا هوماا خارجين بحالهم. هبطاات مع الدروج ومشاات نيشاان متوجها للمسجد دخلت لبلاصة نساء.. وصلاو جماعة وتوجهوا كلهم فقااعة كبيرة عامرة بالنساء.. كل وحدة كتهضر على شحال من حزب حافضة وقواعد ولقااو انا اميرة هياا الوحيد لي مبقااش ليهاا بزاف وتكمل كتاب الله كاامل بداا معاهم الأستااذ من جديد كيقري من الأول واميرة متبعة معاهم.. خلاهم كيقراو وتوجه عند اميرة كيقري فيها فين وقفاات وكيصحح ليها الأغلاط.. حتاا داز الوقت وخرجواا كلهم بقاات كضور عينيهاا فالزنقة حتا شافت يعقوب كيشير بيدو جيهتهاا... عاد مشات عندو طايرة... طريق كلها وهيا كتعاود ليه اش طرا وكيف داز اول نهار..حتا وصلوو لدار.. يعقوب هاز لين واميرة هازة كرطونة دالحلوة فيديهاا دخلو وهوماا فرحاانين كلشي تفااجئ بيهم سلمواوو جلسوا كيهضروا ويتعااودو والهضرة كلهاا غاا على اميرة لي رجعات تقراا وتكمل لي بادية...تعشااو مجموعين وبقااو قصاارين حتاا فات الحال..حصراتهم ربيعة يباتو عندهاا وطلعوا لييتهم لفوق لي من نهار خواوه وهواا مسدود... من غير نهار لي باتت فيه اميرة .. 

صبااح الصبااح. صبحاات اميرة على بووسااان حنااكهاا طابو يلاه حلات عينيهاا وهياا تلقاا اسماء واقفة حدا راسهاا.. فيقااتهاا وهبطوا لتحت فطروا كلهم فجو زوين .. خرج يعقوب مشاا لخدمتوا...وبقااو هوماا جالسين كيتجمعوا.. ناضت ربيعة دخلات الكوزينة عند جميلة كتوجد معاهاا الغداا بقاات غا اسماء ومعاذ مع اميرة.. 

معاذ : كيف دايرة امورك داباا مزياان 

اميرة : لبااس الحمد الله 

معاذ : الله يحسن عوانك مع هاد قاصح 

اميرة : هه واا شغادي نقولك كتجي شي وقت دالعصب ولكن كدوز...

معاذ : غيجيه داباا شي بيبي صغير غيجبر فااش يتلاهااا هه 

اميرة : هه ان شاء الله.. 

اسماء : كوووون كنتي تشوفي انااا شكاان يدير ليااا ويلي....

اسماء : ويلي ويلي كل نهااار قتلة دالعصى 

اميرة : علاش ههه 

معاذ : كانت سايبة بزااف اوووو 

اميرة : ههههه بصح 

اسماء : سكت نتاا المااسخ شوف غااا حالتك عااد هضر علياا اناا 

اميرة : داباا حناا مكندابزوش غاا كنهضروا 

اسماء : مهم تزوجت لي باغاا ومووت 

معاذ : ههه طفرتيه.. كون عرف مسكين شحال كلات مراتو د العصى 

اميرة : ههه كون راه قتل يعقوب 

معاذ : ههههههههه هاانتي دويتي 

اميرة : اجي نتاا مغاديش تزوج 

معاذ : واناا كرهت،

اميرة : وتباارك الله مناقصك والوو توكل على الله 

معاذ : مبقااوش

اميرة : لااا مزال موجودين بناات الناس غاا خصك نتاا تعرف تختاار لي تصلح ليك 

معاذ : امم معندكش شي ختك ؟ انا بغيت شي وحدة بحالك 

اسماء : ههههه الله اكبر 

اميرة : (بصدمة ) شهاد الهضرة كتهضر معاياا بيهاا واش عا....

معاذ: ههه لاااا لااا متفهمينيش غلط ميمشيش بالك بعيد قصدت وحدة تكون متدينة زعمة بحال طبعك نتي فهمتي 

اسماء : ههههه معاذ احم 

معاذ : مالك نتي 

اميرة : كاين حسن مني ب الف درجااات.. ونتاا وسمحلي على هاد الكلمة الا باغي بنت متدينة راه نتا الأول خاصك تكون متدين.. ووو... وانا سبق وشفتك كتكمي بعد عليه غيضرك غاا فصحتك وغيتلفك على دينك.. راجع نفسك اولاا وبنت ناس غيجيبهاا ليك الله بلا نواية.. 

اسماء : الله اكبر هههه هااا كلاام.. نتاا مقصر لياا مع تيتيز واجي قول باغي بنت ناس متدينة خخخ 

اميرة : (بخجل ) حنات راسها فالأرض 

معاذ : نهدم ليك فمك نتي ولاا ديها فراسك حسن منقلب كمارتي 

اسماء : امم غاا لي شاط على بوو ضلوع د خوك تكملوو نتاا سير تركد هه 

اميرة : وصافي داباا. فهمتيني امعاذ 

معاذ : ختي اميرة وشنو باغيا لياا شي مكفسة شوفي لياا مع ختك ولا بناات خالتك 

اميرة : ههه معنديش ختي ومعنديش بنات خالتي 

معاذ : ايوا وشنو معمول 

اميرة : واناا قلت ليك نتاا كتصلي بعدا 

اسماء : القبلة مكيعرفهاااش فين كاينة نحلف ليك عليهاا بقااليه غاا يصلي 

معاذ : والله حتا نهرس عليك هااد الكاس. سير ت.... هانتي غتخليني نخرج من فمي لي ميرضييك 

اسماء : باسم الله نتاا فعاار الله ياا لطيف..

معاذ : تفوو.. شوفي اختي اميرة رمضاان كولوو دوزتوو صلاة غاا خرج وراكي عارفة...لي كاين واصلا صلاة حلهاا ساهل 

اميرة : صلاة ماشي غاا بالهضرة ولا الله اكبر الله اكبر.. سبحان الله وبحمده سبحان الله العضيم

خصك تكون مقرب لله بقلبك هواا الأول وتكوون مشتااق تسجد ليه وتقراا بخشوووع وقلبك يرتااح. دين ماشي غاا بالفم ديك بالقلب وروح وخوف من الله عز وجل.. لي خلقك وحسن صورتك وعطااك من خيرو ومخلااك مخصووص من والو.. واغلب راهم يتمناااو غاا ربع ديالك..ونتاا ماشاااء الله تمنااك اي وحدة خليك عندك نفس حارة باغي لي خلقك كتر من المخلوق وكلمتك مسمووعة وعندك شهامة ولو تكوون عصبي ولا كتغلط فحق ناس را.... 

اسماء : اميرة كانت شادة طريق نيشااان وشوية وهياا تزلق هههه وينوو يعقوب اثر فيك ياا خيتي عصبية وكتغلط كدقي عليه ياا عفريتة 

تحبساات ليهاا الهضرة فالحلق وبدات غا كتمتم ملقاات متجااوب حذرات عينيهاا فالأرض وقالت : لاا .. م.. ماشي عليه.. ان

معاذ: هه والمهم كملي 

اميرة : وصافي هادشي لي كاين.. 

معاذ : وهياش دابا تشوفي لياا 

اميرة : هاد الساعة عندي غاا واحد صحبتي ولكن معمرني شفتها مباشرة عرفتهاا غا فالفيس بوك 

معاذ : ايواا خلاص هادوك كاعماا كيزدقوا 

اميرة : لا والله حتا الله يعمرهاا دار ضريفة بزااف. 

معاذ : ام وشوفي نجربو حضناا 

اميرة : لا ايلا كنتي باغيها لزواج 

معاذ : ياا من حمارة لطياارة نيشان ههه غاا نعرفوها بعداا ونشوفوها عااد زواج كيجي من بعد 

اميرة : والمهم حتاا تبغي ونهضر معاها 

معاذ : نيت داباا هضري معاهاا وقولي ليها اش كاين واناا نسمع 

اميرة : ههه لاا وحتا لمن بعد

معاذ : ودابا مالك اش خاسرة هه اميرة : واخا صبر نصيفط ليها..

صيفطاات اميرة مسج... وتسناات الجواب.. حتا كان الجواب فمكالمة لي طوالت بزاف من وذن اميرة لوذن معاذ لي شد تليفون وخرج براا كيهضر.. 

بعد مرور شهرين ... 

يعقوب : امي تمشي معاناا 

ربيعة : لا غاا سيرو نتوماا الله يجيب ليكم تيسير .

معاذ : وطاقناا اصااحبي دغياا 

يعقوب : هاناا جاي..

هبط يعقوب مع الدروج وهوا يطلاقا اميرة كتشطب الصالون هز عينو لفووق وشاف معاذ لقااه برا كيهضر فالتليفون 

ومشاا جيهتها.. 

يعقوب : شكيدير توت 

اميرة : ههه عييت بالجلاس نضت نتحرك شوية 

يعقوب : حتا انا مقلتش ليك جلسي تحركي وملي تسالي تمشاااااي.. 

اميرة : واخاا. غاديين تاخدو حوالا ؟ 

يعقوب : وي تمشي معاناا 

اميرة : هه لا لا حتا تجيبوه ونشوفو 

يعقوب : ههه حساب ليك عندناا صطح د عمي مصطفى غتبقااي تشوفيه صباح وعشية وتشربيه 

معاذ : وااااااااااااا بنااادم 

يعقوب : وهااناا جاااي...

يعقوب : المهم راه غنشريوهم وغيبقاو تماا. حتاا نهار العيد عاااد غنجيبوهم ان شاء الله

اميرة : علاش شحال خديتو 

يعقوب : جوج..يلاه نخليك نتشااوفوو فالعشية

اميرة : واخاا الله يعاونك 

خرج يعقوب وكملات اميرة شغلهاا.. حتا وصلات العشية.. عاد تجمعوا كلهم وتغداو مجموعين..

يعقوب : الا سليتي خصناا نمشيو راه اليوم اخر نهار وغيبدااو بكري 

اميرة : اه صافي سليت انا نطلع نبدل حوايجي ونهبط 

يعقوب : واخاا.. 

طلعات اميرة وبقاا يعقوب جالسة معاهم كيلعب بالفورشيط فالطبسيل

ربيعة : متصورش شحال قلبي مبهج وفرحاانة بزااف وليتو موالمين مرتاحين هاانيين بعدماا كانت هياا تشوف فالشرق ونتاا فالغرب عااد قلبي رتاح..

معاذ : وصراحة ضرفاات اميرة 

يعقوب : (قالب وجهوا ) امم... سلاك امي وصافي 

ربيعة : كاين شي رخا ولا 

معاذ : غاا الشحط .. غديريناا امي بولفااف والقديد 

ربيعة : اندير ليك كوح نوض جيب لي طيب ليك 

معاذ : ههه قريب تجي البراكة ف اختي اميرة 

ضور يعقوب وجهوا كيشوف فيه وحجباانو معقوودين كيتسناه اش غيخرج من فموا...

اسماء : دارت فيك خير كبير امي عروسة. جديدة جيااك فالطريق 

ربيعة : شناهوااا بصح ؟ 

معاذ : ههه اييه 

ربيعة : وشكون هاد البنت كنعرفوهاا حناا ولا 

اسماء : صاحبة اميرة سميتها مريم 

ربيعة : (اطمئن قلبها ) اهااه مزياان تايقة ف اميرة 

اسماء : هاي هاي شوفيلك امي 

ربيعة : ومالك من نهار دخلت لهاد الدار عمرك شفتي فيها شي عيب ولا دارت شي مشكيل 

اسماء : واااا هادشي مكنتيش كتقوليه فاللوالا 

يعقوب : قلبي الهضرة نتي بديتي تااني 

اسماء : الصمت

ربيعة : ايوا وهاد البنت كيف دايرة وفين ساكنة وشكون حبابهاا 

ربيعة : هياا من طنجة وناوي،نشوفهاا ملي نهبط للمغرب..مور العيد المهم بلاتي ندوزهاا ليك وهضري معاهاا 

هبطاات اميرة فالدروج ًلابسة كيف عادتهاا لباسها المستور المحتشم وكريشة خارجة صغيييورة مغطيااها ب شان طويل وعرييض.. وقف يعقوب ودار ليها اشاارة براسو تبعوا خرج.. وهزت كاس دالماء تشرب باش تبعوا وهياا تهضر معاهاا ربيعة 

ربيعة : مريم واش صحبتك ابنتي 

اميرة : ااا.. اه اخالتي 

ربيعة : هياا قوليلي هاد الفريوح غيتزوج 

اميرة : لا ماشي داباا حتا يطبق لي قلت ليه 

معاذ : وبديت كنطبق غاا تهنااي

اميرة : حتا نجي ونهضروا انمشي داباا لجامع 

ربيعة : الله يعاونك ابنتي 

معاذ : الله يسر 

اسماء : الفقيهة دعي معاناا ههه

اميرة : ان شاء الله ..

خرجت اميرة لعند يعقوب يلاه طلعت حداه وديماراا غادي نيشاان مع طريق..تلفت ليها وقال 

يعقوب : وليتي تزوجي ناس 

اميرة : شكون 

يعقوب : شدااك تعرفي معاذ على ديك البنت 

اميرة : ااه...ام.ااا .. داباا ...شوف شغادي نقوليك 

يعقوب : وعلاااش عرفتيها عليها وكيفاش هاد البلان 

اميرة : وااااا... سمع...ني هواا بغاا يتزوج قالي شوفيلي و...

يعقوب : دابا نتي رجعتيلي الوسيطة نكاافة غتزوجيهم هواا مضروب فالمخ وهياا معارفينهاا شكون هياا واش تكون فلاخر ينوض الصداع اااه حقى دعوا بيها الله هياا لي لقااتناا 

اميرة : الصمت 

يعقوب : كدخلي راسك فالتمزريك حتاا غتسمعي من ديك البنت ولا من هاد الموصيبة شي هضرة ونوليو فالعيب 

اميرة : الصمت 

يعقوب : شوفي غاا راسك وامورك خليك بعيدة على هادا ودااك خرجي سوق الخاوي اصلاا واخا تكون ديك البنت كتسجد ليل نهار ومن اطيب خلق الله هاد خييناا غيجي موراه غا صداع مغاديش يتفااهم وفلاخر هياا تقوليك منسمحش ليك لاقيتيني بهاداا..

ساهية فالزاج كتشوف طوموبيلات وناس الغادي والجاي.. حتا ضاار عندها

يعقوب : سمعتيني اش قلت ليك يااك ودخلي سوق راسك 

اميرة : (ضارت عندو ) يعقوب واش كنتي كتهضر فالتليفون ولا معاياا اش قلتي

يعقوب : براكة من التهيبيل ديالك راني هضرت 

اميرة : نتا غاا بحالك بحال الوقيدة ملي كتبغي تشعل تشعل هههه 

يعقوب : وراني كنهصر معاك بصح كلشي غيرجع ليك 

اميرة : سوا فرحو ولا قرحو لا قدر الله معندي مندير اصلا انا هضرت معاه قلتليه الا باغي بنت الناس صلح راسك نتاا هوا الأول عاد شوف بنت الناس 

يعقوب : جمعتو بعداا وتعاودتو 

اميرة : .. واا .شناهواا...وراه غاا هضرناا عادي كانت معانا حتا اسماء 

يعقوب : والمهم اليوم نهار لاخر ؟ فين وصلتي 

اميرة : بحول الله غادي نعرض هاد المدة هانتاا كتشوف دوزتهاا غاا حفاضة حتا من لين مرة تهزهاا خالتي مرة جميلة مسكينة سمحت فيها..

يعقوب : المهم هواا تكملي داباا كملتي الحفاضة 

اميرة : اه بقالياا غاا نعرض ان شاء الله واخاا مزال كنغلط غاا الله يعيني وصافي 

يعقوب : امين والوليدات ! ديماا كنت كنسولك كتقوليلي حتاا من البعد ونقوليك كلشي 

اميرة : ههه هادي كتر من 15 يوم مبقيتش كنقري دراري صغاار وليت كنقري الكبار وداكشي علاش مبغيتش نقوليك حيت بغيت حتاا نشوف راسي واش نقدر عليهم اوو القسم كامل عامر ملي كندخل كتشدني...

الدهشة والرجفة والله وكنت كنقول موحال يخليوني وغيردوني عند الدراري صغاار ولكن بتوفيق من الله هاناا غادياا معاهم.. يعقوب : هادشي كيفرح بزاااف الله يوفق ايوا اميرة : يوم عرفه بعد غداا غنصومو ياك يعقوب : ضروري ان شاء الله مي نتي لااا اميرة : غنصوووم غنصوووم واخاا نبقاا غاا ف بلاصتي ومنخليهش يعقوب : واش باغاا تخرجي على راسك نتي ولا مالك اميرة : لاا بالعكس هداك هوا لي كيعطيني القوة وربي غيعينيي يعقوب : الله يرزقناا الصبر اميرة : امين ههه المهم قالو ليناا يوم عرفه مور المغرب غاادي نتجاامعوا كلناا وغيديرو الدرس اوغيكون رئيس المجلس العلمي ورجال الدين وقالياا الأستااذ حتا نتاا غتكون معانا يعقوب : وي عاارف ان شااء الله اميرة : ياااه على فرحة تكون قريب الله وتحس بلي راضي عليك الله يوفقناا يعقوب : امين.. هاحناا وصلناا اميرة : نتشااوفو فالعشية يعقوب : ان شاء الله.. جر ليها راسهاا باسها فجبهتهاا وخرجت ب ابتساامة مرسومة على وجهها دخلات لدار القرآن لي حدا الجامع لقاات البنات مزال عاد كيدخلو. دوزت الحصة ديالهاا طوال نص نهار حتا وصلات المغرب هبطوا لجامع يصليو وخرجو بحالهم لقاات اميرة يعقوب واقف كيتسناهاا برا... طلعت حداه ومشاو لدار .. لقااو عبير يلاه دخلات وشانطتها محطوطة فالباب وخالد هاز ولدو على ركبتو. جلس حداه يعقوب واميرة سلمت وجلست حداهم كيهضروا على العيد وعلى كيف دايرة الأحوال .. خالد : خالتي جيناا. غنعيدو معاكم الا قلبتوو ربيعة : حلف الله ياااولدي وشحال فرحت واخيراا غنعيدو مجموعين بحالا ف بلادناا عبير : كناا غنعيدو مع ماما ولكن قلت نجي عندكم حسن. ماما معاها خوتي بجوج وعيلاته ولادهم قلت بلاماا نزيد حتا انا واصلا هنا كنرتاح كتر يعقوب : (تحت اللسان ) حسن مدرتي الممسوخ خالد : خديتي لياا الضحية معاك يعقوب : خديت ليك شواية شوي بيهاا قنينفاتك خالد : واا امور ولات لمجاريهاا على مكيباان ليا مع .. يعقوب : اصلا امور ديماا طوب غاا نتا كتنوا بوحدك شي حوايج مكاينينش خالد : اممم ام... احح اقلبي يعقوب : هههههههه سكتناا جميلة : خالتي العشاء وجد ربيعة : هاحناا نايضيين ابنتي غا حطي. ويلاه نوضو ناض كلشي تجمع على طبلة من غير معاذ لي مزال فوق الفوطوي متكي مرة يضحك مرة يعقد غوباشتو ربيعة: اااانوض نتا تكعد ولا غتعشااش اسماء : الله ينجيك اخوياا من .... خرج يعقوب فيها عينوو عرفهاا غتبداا تزرع تاني وهياا ضرب الطم.. معاذ : خلاوناا نتعشااو ولا نعسو فخاطرنا ربيعة : ااه الله يحسن عوانك معذب امسكين اتباقي الستر معاذ : هههه متفهموش فهادشي.. حطات جميلة العشاء وجلسوا كيتعشااو مرة يهضروا مرة يسكتو حتا فات الحال ودوزو ليلتهم بعد منتصف ليل كل واحد شد بلاصتو وصبااح بكري ناضو كل واحد طاير بحاجة. اسماء وجميلة تسيااق وجميع الدار.. ربيعة طيااب والكوزينة اميرة وعبير كيوجدو كيكات وبعض الحلوياات سهلة للعيد.. فالعشية خرجو كلهم لسوق يااخدو لي غيحتاجو.. بعدهاا مشاو للبوتيك خاص بالملابس خداو حويجاات حتا طاح الضلام عااد رجعوا للدار وليل كولوو وهوماا فايقين. بعد منتصف الليل. تجمعوا على الطبلة كيتصحروا من غير معاذ .. دورات اميرة ف عينيهاا حتا عياات خلاتهم جالسين وتمات طالعة لفوق.. ربيعة : اتنعسي ابنتي ولا اميرة : لا مزال انشوف غاا لين عندااك تفيق نطل عليها ونهبط ربيعة: اه واخا سيري.. طلعات بشوية وكل مرة ضور موراهاا حتا وصلات لفوق وطلات عليهم تأمناات بلي حتا واحد مغيطلع موراهاا وتوجهات نيشاان لبيت معاذ..

يتبع ...