معاذ : ونتي مالك فااش واحلة اصلاا الهضرة بزااف كتفطر
اسماء : هههه صيام بلا صلااة غا بالسمية
معاذ : وشكون قاالك اختي مصليتش واصلاا نتي شدخلك بيني وبين لي خلقني واااا بنادم مريض بالهضرة
عبير : اسماء هادي الله صافي قلبي على سيد
..
ضور وجهواا وطلع بحالو لبيتو وبقااو هوماا شادين الهضرة والضحك... واميرة تقنتاات فوق واحد الفوطوي بعيد على تلفاازة وهضرتهم جبدات كتاب الله وحلاتو كتقراا فيه بخشووع داز الوقت حتا سمعات فالتلفاازة " لبيك اللهم لبيك... لبيك لا شريك لك لبيك .. ان حمدا ونعمت لك والمللك لا شريك لك ... حطات راسهاا وبقاات كتأمل فالحجااج لي غااديين وهياا كتردد معاهم وفينماا يوصل وقت الصلاة كتنوض تصلي وتدعي وكرشها كتلواا بقوة الجوع وصاابرة .. دوزت نهارهاا كامل هكاك.. حتا وصلات العشية وهياا كدعي فوقفة عرفه والدموع هابطين من عينيها .. واسماء وعبير حداهاا مقشبين وشاديين ف جميلة حتا وصلات العشية وقرباات تغرب المغرب..دخل يعقوب وخالد وجميلة غادة جاية كتحط فوق الطبلة وتقاادد. فرقوا صيامهم ودازت ليلتهم فجو عائلي جميل
🎈اصبح الملك لله 🎈
صبحو مبكرين لابسين البلدي وطبلة عاامرة بالحلوياات والمملحاات وسواني .. كيبااركوا العيد لبعضياتهم ولأحباب والعائلة تاصلو بكلشي وحتا من الحاج مصطفى اتاصلو بيه وباركو ليه فطروا.. وخرج معاذ ويعقوب وخالد مشاو لكورنة واميرة وربيعة مشااو عند العائلة يباركو ليهم .. رجعوا الدار وبقااو جالسين حتاا دخلات طوموبيل كبيرة طويلة خارج منهاا يعقوب هوا اول وخالد معاه وراجل لابس طبلية بيضاء طويلة تحت الركبة شي خرج يشووف واميرة بقاات واقفة مور زاج لداخل كتشووف. خرجوا 3 د حوالا واحد مور واحد دخل معاذ هاز واحد على كتفوا نيشاان لكوزينة ولاخر خالد ويعقوب واقف كيخلص راجل.. دخلو التالث علقووه حتا هواا .. كلشي مشاا يشوف واميرة بقاات غاا واقفة كتشوف فيهم حتا دخل يعقوب غادي جهت الكوزينة يلاه شافهاا واقفة مشاا عندهاا نيشان
ربيعة : لا ولدي صطح حسن هاهواا كبير ومزلج نفرشووه ونجلسوا تماا
يعقوب : لي بغيتوو ..
طلعات جميلة هياا اسماء هازين جوج زرابي فيديهم..وانيس متبع ليهم مخااد ومعااذ كيقااد معاهم.. خلا يعقوب خالد مزال كيقطع وضار عند اميرة لي مزال واقفة حداهم.. شدهاا من يديها وخرجواا براا
يعقوب : مالك غير سااهية طلعي معاهم لفوق
اميرة : وانت
يعقوب : هاناا غنطلع خاصناا غاا نكملو هادشي
اميرة : وصاافي حتااا تكمل ونطلعوا اناا ويااك
يعقوب : هههه يااك واخاا جلسي هناا حتا نكمل
اميرة : واخا..
جلساات فبلاصتهاا كتسنااه وهوا مزال فالكوزينة مع خالد وربيعة كيقطعوا ويغسلو ويفرزو.حتا كملوا عاد طلعوا كلهم لقااو الفراش مقااد والسطح نص ديالو كاامل ضااير بااقصب لقيق مسقفين بيه ولويااات مزيينين بوردات ديالهم..وطبالي محطوطين وشواياات عليهم ومجيمرات جلس يعقوب فالأرض واميرة حداه جالسة فالكرسي...
شي كيطيب وشي كيشوي وشي ملهي فالتليفون.. وربيعة كتنشر القديد على حساب اميرة وجالسة حداهم فوق المجمر كتطيب ليهاا الخليع..نسجمات اميرة معاهم فحديثهم ونشااط ديالهم داز عيد فالصبااح ممل وفالعشية مسخااوش بنهار يدوز دغيااا.. صباح جديد وتاني عيد وكيف عادتهم المبخر هوا لي كيصبح عند اغلب المغاربة كيفطروا بيه وكانت لالة ربيعة قاادة ومقدوودة كيف صلاة الفجر وجدات كسكااس ديالهاا وكل شوية مقبلاه حتاا طاابت وناضت وجدات الفطور بنفسها عاد فيقاات جميلة وبداو كيفيقوو واحد مور واحد.. دوزو اجواء العيد و رجعت الأيام كيف كانت بعدماا كل واحد رجع لدارو وكيدوزو ايامهم عاادي.. ربيعة ومعاذ بعد العيد مبااشرة نزلو المغرب ومعاهم جميلة لي مشاات تزور اهلهاا.. بقاات غاا اميرة فدارها كتوجد شغلهاا بزز مع العياء والفشل لي شاادهاا ومرة مرة يخرجهاا يعقوب بعدماا يجي من خدمة.. دخل الشهر " الثامن " لي تحشو ليهاا الرجلين والقدرة مبقااتش حتاا باش تنفس ولو بعدماا رجعت ربيعة من السفر وكل مرة تجي طل عليها وتصبن ليهاا حوايجهاا وتقااد الدار هياا وجميلة وبعد مرات اسماء .. كان يووم باارد بزااف وشتاء بدات طيح واميرة مور الزاج حاضية نقيطاات الهابطين مع الزااج. وعينيهاا منفووخين بقوة البكاا لي مبغاش يحبس من شدة الخوف والوجع لي حااسة برااسهاا كتقطع.. ومكان فجهدهاا غاا تكاا ف فراش وكترجاا غير ايمتاا يدخل يعقوب.. حتا كمل خدمتوا ورجع بكري بقاا شااد فيهاا وكيحااول معاها تمشي وتكاابر.. هز ليها مونطو ديالها لبسو ليها ولواا عليها شانها وهز صباطها كيلبس ليها.. شد فيهاا وحل الباب خرجات لين كتجري وشد الباب وهبطو مع لاسنسور وهواا شاد فيها حتا وصلهاا لطوموبيل وزادو نيشاان.. وقفوا حداا بوتيك د الحويجاات وخرج شااد فيها ولين شادة ليها فيديها لاخرا... دخلو لمحل ديال حويجاات صغاار ديال ترابي جلسهاا يعقوب فوق الكرسي واستقبلاتهم صاحبة المحل ب ابتساامة عريضة وقفاات حداا اميرة كتهضر معاهاا وكتحاول تهذنها .. ويعقوب كيهز حويجاات ويوريهاا ويحط وصاحبة المحل كتجمع.. خدا بطانياات صغاار وفريشاات سخااانين وصااك د حويجااتها وخرجواا من تماا وشتاء كتنقط . وداز لبوتيك اخر خداا بيجامات وتقيشرات سخاان ليهااوحويجات لين.. عاد قلب الضورة راجع لدارر وهواا كيهضر فالتليفون خاشي ااسمعاات فوذنيه
يعقوب : صافي ان شااء الله طريق السلامة داك ساعة صوني
مشات اسماء تحل الباب لقاات معاذ ومعاه الحاج مصطفى وفاخيته وراضية .. هزت اميرة عينيهاا كتشووف شكون وممتيقاااش عينيهاا اش كتشوووف.. بالحرر لي فيها وبالوجع لي حاشي ليها ركاابي ناضت بخطواات بطيئة وعبير شادة فيديهاا خلات فاخيته اسماء كتسلم على راضية ودخلاات كتخلف برجليها لعند بنتهاا عنقااتهاا واميرة بضورهاا زيرااات عليها وفاخيته كتسارا على وجهها كاامل بقبلاااتها الحاارة وعينيهم مدمعين بقاا واقف الحاج حاذر راسو للأرض بعدماا سلم عليه يعقوب واستقبلوو. شافتو اميرة وناضت بشوية عليهاا حنات على يد جدهاا خطفها وعنقهاا وكيبوس ليها ف راسهاا وكيرضي عليهاا. عاد لحقاات راضية نوبتهاا لي كتشهق بقوة البكااا عنقاااتهاا وكتبووس فيهاا جلسوها ففراشها وغطاوهاا وهوا حداهاا فاخيته على اليمين وراضية على شماال معنقينهاا.
اميرة : ماما ممتيقااش هه والله فرحتوووني بزااف
فااخيته : كنت كنتمنى نجي عندك ياا بنتي ونشوفك ونطل عليك ليل نهار كندعي والحمد الله يعقوب وقف معااناا وقفة د الصح الله يجاازيك اخوياا ويخلف ليك ماا ضاع بالملاايين ملي عطيتيني هاد الفرصة نجي ونشوف بنتي هديك هياا الدنياا وماافيها
يعقوب : متقوليش هاكا الله يااودي وشكون غيتجمع ليهاا من غير حبابها وهياا براسهاا محتااجة ليكم وكل مرة تقولي توحشتهم
راضية : درتي اولدي جهدك ومقدارك انا كنت ناوية نمشي نعاود الحاج ساعة ملي صوناا عليناا يعقوب وقاليناا مور العيد اجيو صافي قلت اللهم نوجد ونمشي نشوف بنتي والحج عاام جاي ونمشي ليه..
اميرة : الميمة نتوما عندكم وراق ولكن ماما معندهااش
فاخيته : ههه ياابنتي وكون تشووفي عيط ليناا يعقوب لعند بااك وقاليه نوض توجد ليهاا باسبور ساعة تكلف بكلشي مسكين شحال د جررا من هناا ولهيه عااد تفكيناا
اميرة : والحمد الله بعداا باباا ملي بغاا
فاخيته: (شارت بيديهاا ليعقووب ) هااادااا ياا بنتي هادااا هواا لي بقاا معااه كيساايس حتا قنعوا اما انا كان يصبح علياا ب لاا ويمسي ب لاا. سير ايعقوب الله يعطيك ماا ناوي فخاطرك
يعقوب : امين. عادي متمنى والوو
ربيعة : تعذباات مسكينة بزاف لهلا يوريك اختي
راضية : ايوا شهرهاا جاي الله يفكها على خير وبخير
فاخيته : امين يااربي شنو عندك ابنتي ولد ولا بنت
اميرة : معرفااش امي
يعقوب : المهم صورة مكمولة وانهاا تفك على خير هادا الأهم اما ولد ولا بنت كلها كيجي برزقوا
فاخيته : اييه عندك الحق..(كتشوف دار ) تبارك الله دار غزاالة الله يكمل ليكم بالخير
يعقوب : هادي غير مكرية اصلاا صغيرة وجات بعيدة على كلشي ضروري غنبدلووها اما ايلا عجباات اميرة نبقااو فيها..
ربيعة : حتاا يسهل الله اولدي وشري دار
يعقوب : ملي غيسهل الله امي غنهبط المغرب ونكمل لي بادي تما..
اسماء : حسن مدير بحراا نبقاا نجي عندك ديماا
معاذ : مكاينش العشاء اليوم ولا شنوو !
عبير : اه نوض اسماء نطيبو انا ويااك ونوجدو اتااي
اسماء : واخا...
دخلات اسماء وعبير لكوزينة كيشوفو اش غيوجدوا... ويعقوب دخل موراهم طفى على البوطة لي كتبقبق..
يعقوب : هاد الصوبة خرجيها ل أميرة تشربها دابا
اسماء : اوووه نتاا طيبتيهاا وريحة كتشهييي
يعقوب : وداباا خرجيلهاا تاكل شوية وجدو اتاي راهم جاو على طرييق
.رجع يعقوب دخل عندهم الصالون وجلس حداا الحاج كيجمع ومعاذ حداهم شاد تليفون .. واميرة فوسط الدار ضايرين بيهاا حبابهاا وجارتهاا جالسة معاهم حتا هياا.. بتقاالة وجدو السينية وقاادو الطبلة وشركواا طعاام.. وعيير بقاات فالكوزينة مقابلة الطيااب.. بعدماا تعشااو كل واحد مشاا لدارو من غير ربيعة لي بقاات معاهم .. نعس الحاج فوق سداري حداا يعقوب. فرشات راضية فوق الفوطوي لي فبيت نعاس د اميرة ونعساات بقاات فاخيته هازة لين كضور بيهاا حتاا نعساات فيديهاا وحطااتهاا تخشاات فاخيته حداا بنتهاا كتعنق فيهاا وتبووس فيديهاا وكيهضروا بصوت خاافت... واميرة حداهاا شادة فجنبهاا والدموع شلال هابطين من عينيهاا لي مقدرااتش تسكت... تنصص ليل وكلشي نعس ومكااااين غاا الصمت كيف كضور عينيهاا كتلقا اكلشي نااعس حتا كتبغي تفيق شي حد وكتقول لا لا جاو عياانين مكاين لاش نوضهم مخلوعين.. عياات صابرة وصبرهاا تحد وانينهاا وصوتهاا بداا كيجهااااد وهياا مفرقة رجليها. وحاسة بالرووح غتزهق حتاا بداات كتغوت وكتعيط
فااق كلشي على غوااتهااا مجموعين عليهاا طار يعقوب من بلاصتوو ودخل عندها والحاج موراه مقدرش يدخل خافهاا تكون عريانة او شي حاجة بقاا واقف فالباب.. كيدوز يدو على وجهها وشااد فيدييهاا بقوة وعينيه فيهم علامة الخوف والقلل وبالوو مااشي معاه كيردد كلمة وحدة ...
يعقوب : وينوو ههه كنشوف فيك من نيتي..واش نيت نتي لي شفتك نهاار الخطبة عند سيد الحاج ولا كذبت .. ناس ولدو ورجعوا واليدين جات معاك اماما اميرة هههه يلاه عطيهاا خلاص ترضع
مشاا لبياص لي مقابلهاا مزال خاوي نعس عليه ودار ذراعو على عينوو ويد خراا فوق كرشوا واميرة مزال واحلة كتعضيهاا ترضع وهياا عاضة على شنايفهاا وكترجاا غاا ايمتا تطلقهاا وتنعس.. مرة طلقهاا وتنوض تبكي ومراا تشدهاا حتاا تنعس..بشوية حطاتها اميرة حداهاا وغطااتها بالمانطة وناضت بشوية عليهااا مزيرة شادة فالفرااش وقفت وغاادية بخطوات بطيئة ورجليهاا فااشلين عليهاا والدوخة قاالباااهاا.. قرباات لحمام وهياا تحس بيدو بجوج شادينهاا من لور ضارت عندو قبل متهضر سولها
يعقوب : داخلة لحمام
اميرة : اه مزيرة بزااف غاا سير نتاا انا غندخل.
شد ليها فيديهااا ودخلها بشوية.. فزك لاساش بالمااء سخون عاد طلع ليها كسوة وبدا كيعاونهاا تحيد
اميرة : يعقوب عفااك غاا سير نتاا انا شوية ونخرج
يعقوب : وصافي خلااص بشوية جلسي
اميرة : واخاا وجيب لياا واحد الفوطة من برا بغيت نديرها
يعقوب : اهاه واخا صبري...
بسرعة حيداات الفوطة لي كانت دايرة ورمتهاا فالقب وجلست كتقطع ناافخة حنااااكهااا وكاسووط والتوزوييز والسخوونية طالعة معاهااا طلقاات الماء يلاه بغاات توضى دخل يعقوب هاز فوطة فيدو وقريعة صغيرة فيدو
يعقوب : حناا ماشي جيران ولا معرفة . حنا نفس وحدة لي غضرك غضرني ولي تفرحك بلا شك غتفرحني.. غاا كوني كتسمعي الهضرة . يلاه نعسي داباا ورتاحي محدهاا ناعسة هانا حداك الا بغيتي شي حاجة
اميرة : واخاا تصبح على خير
يعقوب : حتا نتي
نعساات وبالهاا مرتاحة وابتساامة مرسومة على وجهها.. كتدعي ف نفسهااا وتستغفرر وعينيهاا مع بنوتة لي نااعسة حداهاا.. حتا كيسوط فيهاا النعاس وكتنوض مخلووعة من البكاا كتجبد ليهاا صدرهاا تعطيهاا ترضع.. وتنعسهاا بايتة واحلة معاهااا ومرة مرة ضور وجهها فيعقوب لي غااارق ف نعااسوا وعلامة التعب باينة على وجههوا... هزت تليفونهاا وشعلاتو لقاات كلشي كيبارك ليهاا جوبات كلشي ودخلات لميسجات مريم.. قراتهم وضارت صورات بنتهاا وصيفطااتهاا ليهاا وجوبااتهاا على ميسجااتهااا. احد مور واحد. وحطات تليفون حداه ونعست.. صباح الصبااح وصبح كلشي مجموعين عليها بعدماا جاب ليهاا يعقوب الفطور فطراات ومشا هبط لخدمتوا. دوزو معاها وقت الزيارة ومشاو بحالهم بقاات معاهاا غاا فاخيته . حتا وصل وقت الغداا جابو ليها الماكلة نقباات منهاا شوية ولاخر عطاتو لفاخيته تاكلوو.. شوية دخلات اسماء هازة صاك فيديهاا فيهاا جوج طساات صغاار.. وشوية دالخبز... حلاتهم ليها فوق طبلة غرفاات ليهاا المرقة د دجاج البلدي وعطاااتهاا تشربهاا وكتااكل طرف دخبز. حطات ليهاا فخيضاات د جاج فطبسيل وطبسيل اخور فيه شلاضة د الخضر.. وبدات توكلهاا فاخيته واسماء جالسة حداهاا وصلات وبداا يطيح الضلام عاد جاا يعقوب بعدما مشاا لدار دوش وبدل حوايجوا عاد رجع عندها.. لقاا اسماء براا كتهضر فالتليفون.. ودخل عندهم لداخل لقاا فاخيته كتبدل لبنيتة حويجاات وقف حداهم كيتئمل فيهااا... يديهاا صغيورييين وراسها لي كيباانو فيه غا عوينات وجسمهاا النحيل.. كملات ليها وعطاوهاا بيبون تعاون بيه. لقلت الحليب لي ف اميرة حتا نعساات وحطاتها حداا اميرة ويعقوب معنقهاا بيد وجالسة فالطرف حداها وكيقاادد ليهاا الشال بيدو ويدخل ليها خصلات شعرهاا.. دخلات اسمااء عندهم شافت ف فاخيته وقالت
دوز معاهاا ليلة كيفماا الليلة المااضية مرة يهضروا مرة يسكتوا جااب ليهاا العشاء السخوون تعشااو هواا ويااهاا.. تكاا فجنب فراش حداهاا عنقهاا بيدوو وكيطبع قبلات على وجهها وكيحك ليها فشعرهاا حتاا نعساات..
صباح جديد .. صبحات الطبيبة مختصة فالتوليد عند اميرة كتطمأن على حالتهاا وكتوريهاا وتعطيهاا نصائح كيفااش تهز بنتهاا وكيفااش ترضع وخرجاات ليها بعض الأدوية. عطاتهاا وقت وعطاتها ورقة الخروج.. وخرجاات بحالهاا. مباشرة دخلات اسماء وفاخيته عندهاا جابو ليها الفطور وزلافة مغلفة فيهاا البيض مطيب بالفليو .. هبط يعقوب لخدمتو.. رصى امورو ورجع لعندهم لقاا اسماء جمعات ليها الحويجات.. وفاخيته كتقااد ليهاا زيفهاا. شد فيها يعقوب وتم خارج بيها بشوية عليهاا وافاخيته هازة ليها البنيتة واسماء الحوايج .. هبطوا فلاسنسور. ومشاو لطوموبيل غاديين لدار...
دخلو لدار الحاجة ربيعة... لي طلقااتهم فالباب هياا وراضية لابسين فوطات جلايل وجاو جيهتهاا يسلموا عليهاا. ومدخلينهاا لداخل.. عنقااتهاا جميلة وفرحاات بيهاا.. جلسوهاا فالصالون وجابو ليهاا المنطاات غطاوهاا بيهم... من البرد هبط الحاج من الفوق هواا وخالد حنى على راسها باسو ليهاا وفرح بيها وخالد سلم من البعيد غاا ب فموا وجلسو كلهم حداهاا
يعقوب : اميرة شوية
اميرة : اه الحمد الله
يعقوب : فكرتي فالبارح شنو لي قلت ليك
اميرة : شوف نتااا ولا خالتي اناا ملقيت حتا سمية
يعقوب : لا قولي نتي شنو باغاا معند الحق حتاا واحد.. نتي تعذبتي وتمحنتي باش ولدتي. دابا نتي عطيهاا اسم ...
معاذ : عندك الحق... واش مشيتي عندهم بعداا
يعقوب : اه مشيت خصني اليوم نحطهاا فالدفتر العائلي...
معاذ : عطاا الله سمياات نعاونووك ههه
يعقوب : اميرة قولي نتي
اميرة : اا.. وااا سميوها هبة
يعقوب : هبة !! بغيتي نسميهاا هبة
اميرة : اه . حيت هياا فعلا هبة من عند الله والحمد الله عليهاا الحاج : الله اكبر الله يكبر عقلك ابنتي
يعقوب : (بفرحة ) واخااا ههه مزياان .. يلاه نخليكم نتشااوفواا عشية ان شااء الله.
الحاج : الله يسر اولدي ويجعلهاا زيادة مبروكة
يعقوب : امين اميين... خرج يعقوب هوا وخالد والحاج دخل هوا ومعاذ لصالون اخر.. كيطل على جهة اللورانية د دار... وجلس معاه تماا كيقراا حداه القرآن وكيعطيه بعض الدروس فالدين. ومعاذ جالس حدااه غاا كيسووط باغي غاا ايمتاا يتفك .... جااه الملل وبغاا ينوض ويطلع لبيتوو وفلحضة..ترجااع وبقاا جالس كيتصنت ليه وحاضي فمو اش كيخرج وهواا غاا كيهزز ليه راسوا... تسمع صوت طوموبيلات جوج دخلواا.. والهضرة بزااف خرجاات راضية مع ربيعة لبراا وفاخيته بقاات جالسة حداا اميرة كتعلي عينيهاا فالدار وفالأرض وديكورات مزينين الصالون ومحيبقاات لي طالعين مع الدروج.. واميرة كتحااول تشوف من حائط الزجاجي لي فالصالون كيشوف فالجردة.. شكون جاا وشكون داخل. مباان ليهاا حد. دخل الحاج عبد الكبير هوا اول.. جاا عند اميرة ناضت عندو حنات على يدو وباست ليه كتافو عنقهاا بيديه كيطبطب عليهاا.. ومشا دخل عند الحاج لصالون.. تبعااتو نزهة لي جاية جيهت اميرة كتخلف هازة فيديهاا كادو مغلف كبييير.. عنقااتها على حرر جهدهاا..كتبوسها والدموع ف عينيها من قوة الفرحة والشوق.. تبعاتهم نهاد سلموا وجلسوا كيهضرواا على الولادة وكل واحد كيعااود على راسوو شنو داز عليه. وربيعة غاادية جاية كتقاابل الطيابهاا وجميلة معاها كتسخر وتحط فوق الطبلة. وذناات العصر.. عاد دخل يعقوب... وحطات ليهم ربيعة 2 قصرياات د الرفيسة وحدة لرجال وحدة نساء ... كلشي كيزيد حداا اميرة ويوكلهاا ويعنقواا ويبوسو فيهاا وهياا بالهاا غاا مع هبة لي كتغوت من جيهاا ومن لين لي باغاا تهزهاا من جهة خراا.. كلات معاهم معذبة حتا ناضت فاخيته وجداات البيبون.. بدلات ليها ليكوش وجلساات حدا السرجم كنرضعهاا وتحلج بيهاا.. كلات اميرة فخاطرهاا لقمة ليها ولقمة لين لي جلساات فحجرهاا ومبغاات تاكل من يد حتاا واحد من غير اميرة لي عطااتها الخاطر.. .. لمة العائلة والأحبة لي تجمعواا على اميرة ومحسااتش بكرام واحد د القنت او الوحدة لي كانت كتحس براسهاا عايشة فيهاا. كل نهار كيجي واحد.. ودار كتزيد تعمر.. مرة العائلة .. مرة صحبات اسماء مرة المعاارف د ربيعة وجيرانها المغاربة لي حداهاا.. كل نهار كدوزو اميرة كتحاول تأقلم مع الوضع الجديد.. والتربية لي تزادت كيفااش تعطيهاا وقت وتقاابلهاا من جهة ومن جهة اخرى لين لي كيتزاد فيهاا تشيطين نهار على نهاار... يوم بقاا على السبوع .. صبحات فاخيته كتغسل هبة لبساات ليهاا حويجااتهاا بويض ورضعاتهاا كيف عادتهاا من نهار دخلات لدار وهياا لي كتهزها توكلهاا تنعسهاا وتقاابلهاا.. خلاتهاا ناعسة ودخلات اميرة لحمام. دوشاات ليهاا وكمدات ليها عضيماتهاا.. وخرجااتها بالبينوار والفوطاات ملويين على راسها.. خلاتهاا كتبدل حوايجها.. جابادور حد الركبة بسروالو وشانو ودارت كتخمل وتجمع ليهاا الغطى والطوي الحوايج لي فالماريو... كملات التبدال وجلست حداها..
فاخيته : ياا بنتي وتباارك الله دار كبيرة يخيلو فيهاا الخيوول وبيتك هانتي تواااسع وناسك شهوة منهم ونتي سااكنة ف بارطمة بحال القبر..
فاخيته : كنت غاالطة فيه فالأول كان كيجيني قااصح. بديك شوفاااتو ديالواا ساعة معندي منساالوا وحتااا نتي حطي راسك بين رجليك وبقااي تعرفي فمك اش كتخرجي وشنو كديري متبقاايش غاا كتهضري بلا فرناات ولا ديري لي ف رأيك .. راه هناا معندك لا بااك لا خاك لا جدك .. سواا راجلك لي هواا كلشي الله يتاويكم ويخاااويكم
اميرة : امين ياااربي . والله اماما حتاا ضريف واخاا بعد المراات كنخااف منو بحالا كنت كنخااف من جدي ملي كندير شي حاجة طبعوا بحالو سبحان الله
فاخيته : رجال كلهم هاكاا غاا الله يحضر السلامة وصافي
ناضت باست البنوتة لي ناعسة فالبوشيط ديالهاا محطوطة فوق السداري.. ورجعت حداا اميرة.
رحاب : شعنقوولك عييت منفكر شعنجيبلك فالكاديواا ايوا فكرت حتاا عييت وختااريت نجيب شي حاجة لي تبقا ديما..
اميرة : وجهك كتر من كلشي وهاد الدخلة. ديالك لي فرحااتني ماشي ضروري تجيب فيدك ..
رحاب : سكت راه بحال بنتي ولا ختي.. شوف.
جبدات من صاكهاا.. بواطة مغلفة .حلاتهاا سنسلة صغيرة داليد ذهب شدتهاا فيديهاا ولبسااتها ل هبة فيديهاا ورجعت عند اميرة.. جلسات حداهاا وحناات معاهاا وهوماا كيهضروا وكيراجعواا الأمور من اخر نهار تفارقواا. رتاحت اميرة من المعااودة ل رحااب لي عاقدة حجبااانهاا كتشوف فيهاا بغضب وكل ساعة تنطق لا حول ولا قوة الا بالله. كملات اميرة وسكتات رحااب شوية قالت
رحاب : مزال غنهضرواا بزااف ونتي خاصك لي يجبد ليك ذوك الودنين باش تفهمي وتعقلي شوية
اميرة : ههه لا حتاا لتجبااد لا انا كنرتااح ليك بزااف ومناافش الا عاودت ليك ويلا فشيت عليك خاطري... الحمد الله لي ربي لاقاني بيك .
فاخيته. وبالها مشاا بعيد مع التفكير وعينيها مع هبة لي غارقة فنعاسها فالبوشيط.. كلشي كيجمع ويضحك خولات يعقوب مرات عموا.. مرات خالو.. والأقارب لي كيجيو عندهم.. صالون ضااير بالنااس واميرة ساهية فيهم وعقلهاا ماشي معاهاا شريط حياتها كيدوز قبالت عينيهاا كيف كانت سكوتية.. فالقراياا فالدار .. حدا العائلة .. مع نفسهاا... فالجامع .. اول مرة بدات الحفض اول مرة تشبتت بالدين ودارت فبالهاا حاجة وحدة.. وقالت
اميرة : نتبع طريق الله هيااا لي دايمة لياا وهياا لي غتوصلني.. حبلهاا كان قوي بينهاا وبين الله.. ولو ديماا كتصادف نااس كيطيحواا بيهاا ويبغيو يحبطوهاا ولكن ايمانهاا ديماا كان قوي وحتاا حاجة مكتقضي فيهاا.. شحال من مرة ملات من الحيااة القااسية لي عايشة فيهاا وكتشوف راسهاا تحرماات من قرايتهاا وحريتهاا كاا باقي البناات .. ولكن فلاخر حمدت الله وشكراتو حيت لو كانت شافت وتخلطت بالنااس وعاشرت بنات ماشي من مستواهاا كانت غتكون بحالهم وتمشي فطريقهم وضيع راسهاا وضيع اهلهاا لي خايفين عليهااا وباغيين غاا مصلاحتهاا. حيت ملي كيكون عندك شي شخص عزيز تمنى حتاا شمش متشرقش فوجهواا ديماا يكون بجنبك بحال شي ديكور نتي بووحدك لي تحركوا وديماا مبعدواا عندك يجي شي حد " صدفة " ويهرسوا... وهاكا كانو عائلة اميرة بقوة حبهم ليهاا بغااو يملكوهاا ويحضيوها باش متغلطت.. وشافت اميرة حتاا عياات وابتسمات وقالت اميرة : شغندير بالقراية دالمدرسة فين غتوصلني كااع .. نخدم ! ندير مستقبلي !.. واناا عندي احسن مستقبل لي غينفعني ف دنيتي واخرتي والله راضي علياا.. ورفيقي يشفع لياا.. فرحانة يااربي حيت حببتيني فدينك وفرحاانة ياا ربي حيت ممشيتش فشي حاجة تقلقك مني والله يسمحلي من من با سيدي لي ديماا كنت كنقول مصااب كون غاا كبرت فدار ماما ومنكبرش فدار جدي كان واحد الوقت كيباان لياا كاع داكشي لي كيدير معاياا كره..ولكن كنت غالطة وبزاااف يااربي سمح ليااا واناا تايبة ليك.. وياربي جازيه على خيرو لياا..
فاخيته : اميرة واااااا هيييه مالك فين كتشوف اميرة : اااه.. لا غاا سهيت وصافي
اميرة : قولي مالك واش كتحرقك شي حاجة ولا مقلقة ولا شنو عاوديلي
ربيعة : والوو. حتا حاجة ش..
اميرة : خالتي راني ولفتك ونتي ماشي من عوايدك ديري هاكاا قولي لياا شنو كاين ولا متيقااش فيا
ربيعة : كرهت الوحدة من نهار مات السيد لي عطاني ربي معاه هاد الوليدات. وحتاا قلت ولدي تزوج بنت ناس وغيسكن معاياا ونتجمعوا فدار وحدة ونسي همي ساعة كل واحد كيشرق ف جهة.. واناا وليت كنتسنى غاا ساعتي والله عشت طفولتي واناا مكفسة... كبرت واناا مكفسة.. تزوجت عااد ضحكات لياا دنيا وفرحت. ونهار مات ماتو احلامي كلهم.. وحتاا من ولاد لي عندي كلها وفين مدهي.. يعقوب قراية خدمة بنت صغيرة مراتو مكفسة لاخر ولا غاا قصاير لوخراا غاا هبيلة وباغا تعيش كيف باغاا..كلماا كنقول غتقااد كتزيد تكفس ياا اميرة .. سواا بقيت ولا مت غنقوليك ابنتي.. الله يفرشك ويغطيك برضااه ويعليك..وقفي جنب راجلك وليداتك وعمرك متقهري لين ولا تحسبيهاا ماشي بنتك. وعمرك تنقصي من راجلك ولا تخليه يشوف جهة خراا. اسماء ديريهاا ختك ومعاذ هكاك حتا الا تزوج حاولي تجمعيهم. نتي صغيرة وبزااف ولكن ربي كبر فعقلك وراكي فاهمااني عفااك الاامااا سايسي وسااعفي وصبري الا باغا ديري شي حاجة على وجهي جمعي راجلك مع خوتوو وخاليكم حنان على بعضيااتكم
اميرة : خالتي راهم بحال خوتي والله شاهد ومتحتاااجيش تعاوديلي ولا تقوليلي ندير كتر من جهدي.. وربي يطول ليك فالعمر حتاا تشوفي ولاد ولادك كلهم
ربيعة : العلم لله واش نوصل ولا يوفى اجلي
اميرة : الله يحفض اخالتي علاش تقولي هاكاا .. الأعماار بيد الله وحناا معرفناا سابق من لاحق.
يعقوب : غاا جلسي صافي رضعي هادي راهاا دغياا كتجوع اميرة : طيبااتني حتا ل ايمتاا غتبقاا ترضع
يعقوب : حتا يوليو فيك العضومة هعهه
خلاهاا يعقوب واحلة شاد صدرهاا بيديهاا عاطية ل هبة ..ودخل هواا شمر على ذراعوا.. سلق بطاطة..والبيض وبدا يقطع فيهم طريفاات صغاار زاد عليهم التون والمااييس والروز والفروماج والصلصة البيضاء وبداا يخلط فطبق كبير.. هزو فيديو وهز فرشيطاات وخرج..عندهاا لقااهاا متكية كتفرج.. زادت معاه بغاات غاا دوق.. عجبهاا وكملات معااه وكتساابق فالماكلة ولين كتنقب حداهم.. وهوماا ضااحكين.. حتا كملو بالماكلة تشقلبات لين نعسات فوق الزربية وحلات فمهاا. وهبة بقاات فايقة كتمص فالكموسة د التمر وناعسة فالكوتشي صغيرة لي كيمشي بيهاا ويجي حتاا نعست.. وبقاا يعقوب معنق اميرة وهياا متكياا على صدروا..
يعقوب : اميرة الامور مزيرة بزاف من جهة هبة ومن جهة لين لي ولات شطاينياا بزااف. كنشوف بلي مغتقدريش على هزانهم بجوج وعلى دار.. يمكن خاص لي يعاونك داباا واخاا غا بيدماا يكبروا شوية وبالخصوص لين ..
اميرة : نحاول معاهم وصافي الله يقدرني
يعقوب : من احسن تجي شي وحدة تعاونك ويلاه بغيتي نعيط لجميلة..حيت امي قالت لياا مبقااتش.محتجاهاا وغتقوليها تشوف على راسها وانا كنخمم نعيط ليها وملي ناخدو الدار لاخراا وتكون متسعة تجي
اميرة : صافي واخاا يكون خير..
يعقوب : كيف وليتي حاسة راسك داباا مزياانة
اميرة : اه الحمد الله بخير
يعقوب : تحيدو ليك غراز
اميرة : اه تحيدو صافي
يعقوب : يعني وليتي بخييير مزياانة الحااسة لا بوجع لا تا حاجة يااك
اميرة : ههههه اه اه الحمد الله
يعقوب : اوووف وعلى سلاااامتنااا خاصني نزغرت هههه يلاه نوضي نحطو هادو فبلايصهم خلاص اميرة : علاش هه غا خليهم هناا هاهوماا مرتااحين... هز يعقوب لين حطها فبلاصتهاا.. وغطاهاا مزياان. واميرة دخلت موراه هازة هبة. حطاتها فالبوشيط وعلاتهاا وصلات حتاا فراش..قدامهاا غطاتها مزياان .. ويعقوب خرج طفى الضوء وتلفاازة دخل عندهاا يلاه هزت راسها وهو يعنقهاا من اللور وطيحهاا فوق الفراش.
الأرملة الصغيرة الجزء 25
محتوى القصة
التنقل بين الأجزاء