يعقوب : المهم متعطليش وربي بالك ملي تبغي تقطعي الشارع وحضي بنات عندك يطرا شي حاجة ولا لين تفلت ليك وتمشي التلف هااناا فين نوصيك ردي بالك..
اميرة : لا كون هاني صافي
يعقوب : اوك انا غنخلي ليك الفلووس المهم ملي غنخرج من الخدمة انمشي نيشان نشوف دار لي قلت ليك. وعاد العشية نرجع لدار
اميرة : صافي واخاا الله يسر ليك
يعقوب : امين.. الكوتشي عرفتي كيف تحليه يااك راني وريتك نهار جبتو
اميرة : اه فهمت كيف نحلو وكيف نركب البوشيط
يعقوب : ايوا واخاا كملو فطورهم وهوماا مجمعين خرج يعقوب الخدمة واميرة كطل من السرجم حتاا شافتو مشا عاد رجعت لبيت جبدات المونطو د لين والكسوة السخونة د هبة . وخرجات كتلبس ليهاا وتلوي الكاشكول على عنقهم وليقاات فيديهم لبسااتهم مزياان عااد دخلت تبدل حوايجهاا مونطو وسروال وليبوط والشان وصاك حرفت بيه عاد مشاات وجدت بيبرون هبة. والبيسكويت لين فعلبة صغيرة. جمعات كلشي وركباات الكوتشي والبوشيط صغير د هبة.. حطاتهم بجوج حدا بعضيااتهم وهياا كتسايس مع لين باش متقيصش ختهاا ولا ضربهاا. غطاتهم وهزت السوارت والتليفون والفلوس،لي حط ليهاا عاد خرجت هبطت مع السانسور.. وزادت كتجر فالكوتشي مع الطريطوار...
مشاات نيشااان مع الطريق حتا وصلات لعند صاحب المحل لي كيبيع جميع لوازم الخياطة .. خدات من عندو لويناات 4 الوان جوج مفتوحين وجوج غامقين.. وسينتات صغار لي غتزوق بيهم.. وكملت طريقها لجردة بعيدة حدا البحر... عاد وقفت الكوتشي وجلست على الكراساا لي تماا ولين كتنقز حداهاا وتلعب مع الوليدات لي تماا... عطاات لهبة رضااعة وبقاات عاطية العين مع لين.. حتا رجعت حداهاا كتجر فيهاا تشري ليهاا بحال الوليدات خرين.. شافت راجل كبير.. جالسة مع بنت صغيرة كانت الحفيدة ديالو وطلباتو
رجعت لبلاصتها كتحل ليه تشيبس وتهز شكلاط بيديهاا ودير هبة فمهاا ولين كتبجغط حداهاا وتعاود ليهاا. رجعت جلستهاا حدا ختهاا.. ورجعت مع الطريق حتا وصلت لدار.. وطلعوا بحالهم خلات هبة فالكوتشي ولين شادة تليكومند كتقلب فالتلفاازة بدلت اميرة حوايجهاا وخرجت دارت ليهاا براعم للأطفال ومشات الكوزينة.. بدات توجد فالغداا كانت قريبة العصر.. خلاتو كيطيب وصلاة عاد جلست حداهم كتبداا التوكة الجديدة.. صونات على مريم فالواتساب وبدات كتجمع معاهاا وكتعاود، ليها على الخدمة لي باغاا دير ومريم كتعطيهاا العباار وشحال من غرزة تخدم.. محساتش بالوقت لي كيطير دغياا مجات فين تكمل جوج ساعااات. ولين ناعسة حداهاا هياا وهبة حتا كملات نص توكة ويديها بداات تخفاف ومن شدة الحر لي فيهاا ونيتهاا لي باغاا تعلم.. حلفت متوصل العشية حتاا تكون سلاتهاا.. ونيت داكشي لي كاان دارت بالهاا فيهاا وصابرة على كرشهاا لي كتغرغر بالجوع.. حتا كملات الخيط عاد ناضت حطات شوية دالماكلة كلات وجمعت الطبلة. ورجعت صونات على مريم توريهاا كيفااش تزوق وكيفاش تبداا الطربووش ومريم على عادتهاا شادة معاهاا الخااطر وصابرة مرة تزعف مرة تميك حتاا فهمات وبدات كتخدم عادي.. طاح الضلام واميرة مزال مغروس على خدمة. فاقت لين وكلاتها وجلست كتلعب بالعابها رضعاات هبة لي بصداع لين فااقت.. وبقات ملاهياا معاهاا كترضع فيها حتا دخل يعقوب.. حطات ليه الماكلة وجلست حداه كتوريه خدمتهاا وكتعاود ليه كيف دوزت نهارهاا وهواا هكاك .. دوزت 3 ايام وهياا على الخدمة توجد وتحدق فيهاا وتقادد وتزوق بالبابيون لي صوباات من سينتاات نعس يعقوب ونعست لين وهبة ومنعساات هياا حتا كملات وحطاتهم فالصالون.. عاد مشات لبلاصتها ونعست.. صباح نهاار جديد فايقة على النبوري كيف عادتهاا كتخبز مسيمناات صغار واتاي كيتشحر حداهاا.. دخل عندهاا يعقوب عاقد حجباانو وكيتسال مع راسو شافت مقابلة مقلة دالخبيز كتقلب المسمنة وابتاسم ومشاا جيهتهاا وعنقهاا
يعقوب: الله الله على رواايح والمسمناات
اميرة : هه توحشتيهم
يعقوب : توحشتهم ايه ولكن هادو ماشي بحال لي موالف ناكل غاا ريحة امم
شد مسمنة وضرب نصهاا فدقة واقف حداهاا كيمضغ وهياا كضحك
اميرة : وااا سير غسل غاا وجهك
يعقوب ؛ ههه مكاين لاش عتقي دغيااا حطي حطي..هه
اميرة : واخاا اناا نخرج دابا هاك خرج لياا هاد الطبسيل وشكلاط والفروماج راه تما
يعقوب : وحناا علاش انخرجوا هناا نيت نفطروا هه حط يعقوب طبسيل فوق الطبلة غسل وجهواا فلابابو وجر كرسي جلس عليه.. وهيا كتحط حداه وتخوي ليه فطروا بجوجهم وناض مشاا لبس حوايجوا وخرج لخدمتواا. واميرة بدات فروتينهاا اليومي كتشقى واخاا المساحة صغيرة كتحاول تلف وقتهاا فطرات لين وهبة وجبدات الصوف يلاه بدات خدمة خراا وهياا تسمع الدقاان مجهد..
حطت الصوفة من يديهاا ولوات على راسهاا الشان وناضت مفزوعة لباب حلتهاا .. لقاات مرا كبيرة فالسن عامرة لابسة جلابة حمرة وزيف رهيف فوق راسهاا كيبان عنقهاا وخصلات شعرهاا خارجين وطالون فالرجل وراجل بالكوستيم والمونطو حداهاا.. .... يعقوب هنا اميرة : لا ماشي هنا شكون نتي .... بغات دخل : فين لين اميرة : حدك تماا اشريفة شكون نتي بعداا وعلاش كتسولي على لين ... حيدي من حدايا ولا نخصر معاك سيفتي اجي نتي هياا لي جايبينها غتربي ليناا بنتناا ايواا ربي غاا راسك ونتي...... اميرة : جمعي فمك الله يخليك مكنعايرش فيك باش تجي عندي لداري وتعايري فيا شكون نتي بعداا وشمن بنت عندي الراجل : بنت بنتي هناا لين وحناا جيناا موراهاا المرأة : شنو قال ليك واش جاي الراجل : اه جاي دخلي هزي البنت اميرة : اش غتهز وشكون عطاااك الحق دخل لداري وتهز بنتي المرأة : شمن بنت عندك اناا غنخصر سيفتي معااك خرجات المرأة عينيهاا ف اميرة ودفعااتهاا بكتفهاا ودرمت لداااخل واميرة كترعد فبلاصتها دخلات هزت لين وزيرات عليهااا وبدااات كتغوت مصبرااتش ومقدراتش دافع بالقوة وملقاات غا الغوات اميرة : مغنااخديييهاااااش ويلا بنت بنتكم سيرو عندوو هواا يعطيهاا ليكم خرجواا عليااا مرأة : اسمعي اش غنقولي ليك طلقي البنت ولا... سمعات سليمة الجارة الجزائرية د اميرة هضرتهم لي واصلة مع الدروج وهياا طالعة هازة فيديهاا متقلة حتا وقفت فالباب كتشوف اميرة لداخل شادة لين وراجل واقف فالباب حطات التقدية ديالهاا ودخلات عندهاا سليمة : شكاين هناا اميرة شكون هادو اميرة : عتقي عفااك صوني على يعقوب هادو بغااو ياخدو لين سليمة : وشكون غيكونو هادو كااع باش ياخدو البنت شمن دخلة عندهم المرأة : هادي بنت بنتي واناا غناخدهاا منخليهااش مع هادي لي معرفنااهاا شكون عااد جات لبارح تهز لياا البنت رخي البنت لهنى حسن منتفاهم معاك سليمة : تفاهمي معااياا اناا هاناا حداك ولا غاا لقيتي بنت صغيرة غتحطي الغلبة ديالك عليهاا البنت مخرجااش من هنااا حتاا يجي بااهااا ويعطيهاا ليكم عاد خرجوهاا اميرة اري نمرة نصوني عليه.. حلت اميرة تليفونهاا وعطات ل سليمة تسجل الرقم.. يلاه هياا بداات تصوني واميرة كتسكت ف هبة لي بداات تبكي واحلة مع لين لي مشعلقة فيهاا وخافت.. يعقوب : سلام عليكم الراجل : سلام يعقوب بغيناا نهضروا معاك دخل يعقوب شاد اميرة لي عينيهاا مدمعين شادة لين بالخلعة وسليمة حدااهاا والباب مترع على لي طالع ولي هابط.. وقال يعقوب : شريف دخل لداخل الراجل : و.. يعقوب : دخل لداخل باش نهضروا مزيان.. دخل الراجل ويعقوب قال يعقوب : سليمة الله يخليك اختي مشكيل عائلي الا ممكن .. سليمة : اه واخاا خوياا معليش اناا نروح. خرجت سليمة هزت ميكتهاا وطلعت بحالهاا زدح الباب ودخل كيشوف فالارض يعقوب : شباغيي داباا اشريف المرأة : بغيناا بنت بنتناا نربيوها حناا وتكبر معاناا متكونش عند البراني يعقوب : اول حاجة انا مهضرتش معاك نتي هضرت مع السيد وزيدوون اناا غنهضر من لاخر.. واش اناا ميت ولا معدوووم ولا مقطوع لياا يد ولا رجل لي غتلا بياا نعطيكم بنتي. امها ماتت ومن تماا امهاا هاهياا حداهاا .(شار بيدو ) ماشي نتوماا غبرتواا حتاا عييتو مجيتوش حتا تشوفوهاا ولو غاا من البعيد عااد جاايين تفهموا علياا داباا وباغيين البنت بشمن حق جايين ليهااا وبالاخص نتي لي هاجمة على مراتي وفداري شكون عطااك الحق واناا قلت ليكم نتشااوفوو براا فالزنقة ماشي هناا مرأة : سمع هاديك بنت بنتي واناا مغاديش ... يعقوب : وسيري هاد الهضرة كوليهااا .. ولو كانت بنتك براااسهاا مزال عايشة كون راهااا ..... خليني سااكت بلاماا نجهل على وحدة راهااا فدار الحق. البنت عمركم مغادي تشوفوهاا ولا غتاخدوهااا ونهاار يتعاود هادشي راه غنتصرف معاكم بطريقة خرااا واخا نوصلو فين ماا وصلنااا وخرجوا علياا براا راني مزال حتاا لهاد الساعة مكااالمي معاكم المرأة : الحق فيناا حنا نهار لي جيتي وعطينااك بنتناا عاد بنتي على حقيقتك داباا كنتي مخبع الخبث ديالك .. يعقوب: الحق فياا اناا والغلط مني اناا لي من نهاار الأول مكانش علياا نقصد باب داركم.. وبنتك كانت من مخيرااات وامهاا من اللفعااات حتاا رجعاات كفس منك شوفي حالتك راه مبقاا ليك قد ماافاات فهاد الدنيااا وخرجوا عليااا داباا حسن م.. الراجل : يعقوب حناا مبغينااش نوصلوا معااك لهاد المواصل كلهاا حناا عرفناا بنتناا غلطاات وكانت مع واحد اخور كتهضر معاه مور ضهرك والخروج وكداا حنا داباا قلناا ليك غاا بنت حنا .. يعقوب : بنتك الله يرحمهاا مساامحهااا دنياا واخره.. دارت شلا واخاا كنت باغيهاا والله شاهد هوا الله معليناا المهم الله يرحهاا وبنتي عمر شي حد مغيااخدهاا معاه ولو يكون شكون مكان.. الباب الله يخليك .. شاف راجل ف يعقوب وحل الباب خرج والمرأة كطلع فيه وتهبط مكرهاااه.. قلبت وجهها وزادت.. وهواا مشاا لباب زدحهاا موراهم ورجع شد لين و جلس حدا اميرة معنقهااا..
لزم الصمت وعينيه كيشوفو غاا ف لين ويبوس فيهاا... واميرة كتهز عينيهاا فيه وتعاود طيحهاا للأرض ملقات متقول فالشي لي سمعاتوو.. ومهنااهااا حال وقالت اميرة : واش بصح كنتي با... باغيهاا و... خانتك يعقوب : كن طاوي الموضوع باش منهضروش فيه ومنرجعووش اللور ونجبدو القديم... مي كنضن غنعاود نفتح معااك الموضوع ونشرح ليك لي كاين.. اميرة : مكهتش يعقوب : نوضي ابابا سيري لعبي لهيه شوية لين : ونوت تانا يعقوب : واخاا غاا سيري انا نجي ونلعب معاك. يلاه .. خلاهاا مشات جبدت صندوق الألعاب ديالهاا كتفتف فيهم.. وضار عند اميرة يعقوب : ملي كنت صغير وكنفكر فالزواج. كنت معول على بابا ولا ماما غيشوفو لياا وحدة من العائلة وغنتزوجهاا.. حيت مكانتش عندي تيقة فالبنات من خلال داكشي لي كنت كنشوف.. وبالخصوص ملي كنمشي المغرب. واحد الشوية غنقول ليك كنت بحالا معقد من ناحية البنات. وصدفة واحد نهاار صدفاتني مع هند مراتي اللولة لي هياا ام لين.. كناا اناا وخالد فواحد المسارية حتاا شفتهاا تماا. وبغيت نتجااهلهاا ومنقااش مركز غاا عليهاا ولكن تماا حسيت بقلبي مال ليهاا ومقدرتش تجي العشية وحناا راجعين ومنكونش تعرفت عليهاا وحتا قلتهاا ل خالد وشبع ضحك وداك الوقت كان هوااا كيهضر مع عبير وكيوجدو للخطبة ديالهم.. وصيفطتوا لعندهاا خداا نمرتهاا وهياا عرفااتني اناا لي صيفطتوا المهم.. رجعت لدار وقلت غنشوف معاهاا الا كانت بنت ناس مرحباا ويلا كانت شي فريفيطة الله يعااون.. مغنكذبش عليك ونبداا نزوق الكلام ولا نغطي شي حوايج صراحة عجبااتني وبزااف وهضرت معاهاا ورتاحيت ليهاا بعفويتها وهضرتهاا المرزنة المهم لقيت الوصف ي اناا باغي واهم من هادشي كانت صغيرة علياا ب عامين هاكاا كنت باغي،المرا تكون كبيرة وشاربة عقلهاا نتفااهموا اناا وياهاا ونعيشو بيهم.. هضرناا بزاف وغاا فالتليفون وشاد حدودي.. تشاوفناا مرة . ومن تماا قررت نزيد نعرفهاا اكثر وهضرت مع امي فالموضوع ورحبات بالفكرة وقالتهاا لبابا ومشاو معاياا خطبولي وبعدماا درناا العقد تعمقت معاهاا اكثر فحيااتناا الجاية. كنت فرحاان بزاف وعاجبني الحال ونهار تزوجناا وملي جات لدارنا.. هههه عاد عرفت حقيقتهاا ومن حبي ليها القوي كنت بحالا كنغطي.. وهياا ديما كانت كتجيب لياا اعذار واكااذيب المهم حاصول ومااا فيه. فلاخر عرفهاا انهاا بوجه اخور والحق كولوو ماشي فيهاا فهاد جلاخة لي ولدااتهاا.. ومدوزنااش بزاف حملت ومن تماا وحناا علاقتناا مكركبة وحتا وصلناا نقطعوا الهضرة فمراا وتافقنا نطلقواا المهم حتا ولدت وماهياا الا اياام قليلة تحقنت بالغااز د الحمام وماتت.. وهكاك بقاا قلبي مايل ليها وتزوجت بصحبتهاا غاا على ود بنتي وحتاا هيا نفس الشيئ كانت كتباان مزياانة وتيقي بياا تزوجت بيهاا غاا على ود لين وعمرني معاشرتهاا مرة وحدة تقربت منهاا ومدرناا والو وصافي هادا مكان.. حتا جيتي نتي. وقلت اوووف واش انا متكافيتش حتاا مع الكبار عسااك وحدة صغيرة يمكن حكرتك بزااف وكانت شوفتي فيك ناقصة.. قلت عادي حتا هيا ندوزها بحال الخرين.. طلعتك وهبطتك. ولقيتك مشبهتي لحد.. ويريت لو كنت عرفتك نتي اللولة واخاا تكانت غاا 10 سنين والله .. اميرة : باقي بالك معاها داباا يعقوب : ميراا عفااك اناا كنجاوبك مي بغيتك تيقي بيا ماشي دوزي الهضرة فوذنك وصافي اميرة : اه واخا قولي يعقوب : بحالااااا عمرني بغيتهااا وبحالا عمرني عرفتهاااا والله لا هيا ولا لاخرة. وداباا فعيني كاين 3 نتي ...لين ...وهبة نسااي هاد الموضووع اناا صارحتك باش امور تكون موضحة عندك المهم صافي.. طول وقت لي كيهضر فيه وهياا كتسمع ليه وقلبهاا كيضرب بقوة وحابسة الدمعة مبغااتوش يهضر على حبو ل هند وفلاخر طمأنهاا بكلامواا.. وهبطو دموع من عينيهاا وهواا كيشوف فيهاا وحس بيهاا. ضحك وعاود شاف فيهاا يعقوب : مالك هه غرتي ولاا اميرة : لاا لا. صافي اناا مرتاحة دابا ملي عرفت يعقوب : اناا داباا قلبي داتو وحدة خراا... مصاااب كون عرفتهاا شحال هادااا زوينة وحنينة وبكاية ههه وفوق هادشي حادكة.. وجاات معاهااا الأمومة هه سميتها اميرة بفرحة من كلامو والدموع نازلين من عينيها قالت : اناا اول مرة فحياتي وتيق بيااا عاد كنعرف شناهواا الحب وعاد كنبغي راجل من قلبي وليت كندوز الوقت بزز فالدار وكنقول غاا ايمتا تجي واخا نتاا كتجيك عادية ديك الدخلة ديالك ولكن اناا قلبي من داخل كيطيير مصاب كون تزوجت بيك نتاا اللول ومصااب كون بقيناا فالمغرب و... تلفت شاف فيهاا وهواا كيهزز راسوا والابتسااامة مرسومة على وجهواا تقرب منهاا وعنقهااا لصدروا بالجهد لي فيه وطلق تنهيدة طووويلة...
حساات براسهاا بحالا كانت هازة حمل فوق كتاافهاا وحطااتو وحست براسهاا تقواات ملي عتارفت ليه بلي فقلبهاا .. تواعدوا بيناتهم يبقااو متفاهمين وحتاا واحد ميعلى فوق لاخر ويربيو وليداتهم كيف ترباو هوماا وحسن بكثر... يعقوب لقاا لي كان باغي من اول ورتاح بالو وهنى واميرة حسات اناا بيبان السماء تفتحواا فوجهها.. وقلبهاا غطير من الفرحة.. وهادشي زاد قوة علاقتهم كثر..فاليوم موالي يعقوب واميرة مشاو يشوفو الدار لي غيااخدو.. وخلاهاا هياا تختار فين باغا تسكن.. وهواا غير كيوريهاا . ختارو دار صغيرة فيهاا سفلي وفوقي وجردة مضورة بيهاا صغيورة عجباتها اميرة ب الوانهاا مبهجة وديكوراتهاا سفلي مكون من واسعة كبيرة مقصومة 3 صالونات وكوزينة والفوق. جوج بيوت د نعاس ومقعد صغير وحمام والدوش .. عجبااتهاا وتفاهم يعقوب مع مولاها ورجعوا بحالهم كيجعوا حوايجهم وفراشهم.. دازت يومين. وفصبااح بكري ناض يعقوب هز الحوايج ديالهم وبعض من اثات لي هز ليه الكوفر.. ومشاا هوا واميرة وبناتو وصلهاا وخلاهاا كتخمل وتسيق وتمسح الحيوط.. واسمااء لحقااتهاا كتعاونها.. ويعقوب مشاا كرا طوموبيل كبيرة يجيب حوايج لخرين والفراش فرشوا الدار وقادو صالون وبيت اخور عل حساب الفراش لي عندهم.. ودخلت الكوزينة كتجبد المواعن من الكارطونة وكتستف.. خلاو كلشي نقي ودار كتشعل عاد جلسو يرتاحو كانت العشية.. جاب ليهم يعقوب غداا من براا. وعيطو للحاجة ربيعة جات عندهم هياا وجميلة قصروا معاهم فدار وتعشااو وهوماا كيتنااقشوا .. ربيعة : ولدي كاينة غا انا وخوك ختك مرة مرة عااد كتجي نتاا هكاك.. جميلة تمشي تشوف خدمة خراا وانا ديك المويكلة نديرها حداها ونهار نبغي نشقى راه غنعيط لمراا تعاوني يعقوب : امي الله يهديك واصلاا اناا كنت باغي نقوليك اجي جلسي معاناا فدار وهناا بدلي الجو كتر ونهاار تبغي تمشي عند معاذ هواا يجي ولا سيري شوفي دار ورجعي ربيعة : الله يرضي عليك ويفرشك بالرضاا ضروري غنجي عندك اولدي كون هاني وحتاا نتاا ولكن باش نسكن معاك غاا بلاماا تقولهاا لياا واخاا لو كنت غاا بوحدي اناا باغاا نبقاا فداري ونتفكر راجلي ملي كن يدوز من حداياا داك الدار مكرهتش نبيعوهاا ولكن. عندي ذكريااتي كلهاا فيها يعقوب : ايوا وشنو داباا اناا كنت معول تجي عندي ربيعة : وغنجي عند ولدي علاش شحال عندي من يعقوب ولكن اولدي منقدرش نسكن معاك وجميلة الله يجيب ليها التسير.. جميلة : ولفتكم بزااف والله ... مشكيلة حتا الخدمة مكيناش يعقوب : جميلة تخدمي عندي هناا جميلة : بصح هنا عندكم يعقوب : اه هانتي كتشوفي اميرة جوج وليدات ودار راكي عارفة جميلة : مكرهتش والله من دابا.. رحبت بالفكرة وعجبهاا الحال..وحتاا ربيعة تهنات من جهة جميلة لي كانت واحلة فين غتخدم.. داهم يعقوب وصلهم لدار..ورجعت معاه جميلة جامعة حوايجهاا وعطاهاا بيتهاا. وجلس معاها هوا واميرة كيوريهاا شنو دير وعاطيهاا الحرية تدير مبغااات بحالا فدارهم وتجلس معاهم بحالا ختهم كان شرطو عليهاا ترد البال وبزااف لهبة ولين.. والماكلة تصاوب على راحتها..بقاات اميرة كتشوف فيه ب استغرااب.. مفهماات والو علاش كلشي عطااه ليهاا وهياا مغدير والو... طلعوا لبيتهم وفيديهم هبة وخلاو لين مزال هياا وجميلة كيتفرجوا.. جلسوا بجوج وقال يعقوب يعقوب : غدااا شتي من غداا غترجعي لدار القرآن والجامع راه جوج مرات كيصونيو عليااا فكرت حتاا عيت غنتعذبوا ف الروض نديوهم ونجيبوهم وعااد دار.وكدا اللهم جميلة حتاا هياا محتاجة خدمة تربي وترد البال هبة رضعيهاا فالصبااح وليل مزيااان ونهاار تبداا تعطيها البيبرون وصافي اميرة : و.. ولكن شغندير فالدار ال.. يعقوب : غتقري البنات ونتي غتكملي قرايتك اميرة : ولكن اناا سليت الحفض شغادي نقراا يعقوب : غنقراي حتاا تاخدي الشهادة ديالك. ياا لالة.. وتوصلي بعيد واناا معاك .. ضواا عليهاا الدنياا . وفرحهاا بكلامواا دوزو ليلتهم الرومنسية كيطفيو نار حبهم فبعضيااتهم حتاا صبح الصبااح. عاد نعسو شوية.. وناض يعقوب مزرووب دوش وخرج كيلبس حوايجواا بزربة وكينوض اميرة لي غاارقة فنعااسهاا. هبط لقاا فطور موجود. هز طرف د كيكة وخرج كياكل فيه براا.. حتاا تنصص النهاار عاد فاقت اميرة على غوات هبة رضعااتهاا وبقاات متكية حداهاا وكتخمم . ناضت لبست حوايجهاا وهبطت لتحت عطات هبة ل جميلة ورجعت طلعت بحالهاا دوشت وصلاة وجمعت دوزانهاا شافت فالتليفون لقاات يعقوب مسيفط مسج....
يعقوب : عندااكي تنسااي متشربيش دواء وميجي فين يوصل شهر حتا تكون الكريشة ههه المهم لي بغيت نقولك سيري لجامع مع العصر راه غيكونو كيتسناوك تمااا .ردي البالل مزيااان تهلاي فراسك.. شافت مسج ديالو وهياا كضحك وغطير بالفرحة شادة فيديهاا بجوج وكتحمد الله وتشكرواا.. رجعت هبطاات عند جميلة جالسة حداهاا كيتجمعواا.. رضعاات هبة حتاا شبعاات.. وناضت لكوزينة مع جميلة كتوجد لغدا.. تغداو بجوجهم.. وملي قرباات توصل العشية.. لبساات اميرة حوايجهاا وخرجات غادية بشوية عليهاا والخلعة شاداهاا. حتا وصلات لجامع لقاات ناس بداو يتجامعواا. صلاة تحية المسجد وجلست فالقنت كتستغفر حتا اذنت العصر وصلاو جماعة. عاذ توجهاات عند امام هضرات معاه فالموضوع وقاليها امام : مرحبا ابنتي نتي تبارك الله طريقة النطق ديالك وتجويدك وقرأتك سليمة بدون اخطااء وموفقة وحاملة لكتاب الله وجدك عاد تعرفت عليه مأخر من اطيب خلق الله بغينااك تقري هاد الشبات وتوجهيهم وتعليميهم.. ونتي طبعاا بخلصتك ان شاء الله اميرة : جزاك الله بخير. ان شاء الله امام : اه وعندناا مسبقااات وامسيااات قرأنية وليلي الذكر غتكوني حاضرة وبقوة معانا فرمضان بحول الله وبعدو كاين الخير اميرة : الا بغاا الزوج ديالي نتمنى امام : حتاا هواا غيكون حاضر وغيكونو جوائز بحول الله الله يوفقك. اميرة : اللهم امين فرحتيني بزاف جزاك الله عناا الف خير.. ابتسماات فوجهواا.. وخرجت مشاات لدار قرآن لقااتهم تجمعوا حاليهم مصاحفهم كيراجعواا سفقوا عليهاا ورحبوا بيهاا من جديد ولقاات بنات خرين تزادو جداد.. جلست فوق الكرسي وبدات معاهم.... ومن تماا وهياا كتجتااهد ودير كلمااا فجهدهااا باش توصل لهدفهااا مركزة مع حاجة وحدة تاخد الشهادة من المجلس العلمي وتقري بنيتات لي تماا وتحببهم فالدين واسلام كانت كتنضم وقتهاا كتعطي وقتهاا فصباح بكري لبنيااتهاا ومور الضهر تمشي لقرايتهاا وبعد لعصر تمشي لعند تلاميذهااا لي ولاو ملهفييين عليهااا وكيتسناوهاا غاا ايمتاا تجي .. .. بعدماا كانت كتسالي الحصة د القرأن كتعطيهم درس صغير مرة على حجااب.. مرة على الكذب... مرة على بر الواليدين خلات الناس لي تماا ميسخاااوش يمشيو بحالهم ويتمنااو لو ساعة تزيد ويبقااو يتصنتواا ليهاا.. حتا ولاو كيسجلو مقاطع من دروسهاا وكيحتافضوا بيهم.. كل مرة يسمعوا ليهاا ... كلشي تعلق بيهاا وبكلمااتهاا لي كيدخلو لقلب اشهر قليلة حتاا وصل شعبان.. كانو فيه المسبقاات كثيرة حول السيرة النبوية وتجويد والقراءة والدروس... دوزات كلشي وتسناات النتيجة لي غيعلنو عليهاا بلاخر د رمضاان .. جاا رمضاان شهر الفضيل طول نهارهاا كتعاود تقرا القرآن باش تختموا من جديد وهياا كتدعي خلات حتاا جميلة لي معاهاا فدار رجعت ملهفة على الدين وصلاة واسلام اش كيقول وعلاش كينهي... مباشرة بعد صلاة المغرب اميرة ويعقوب كيتوجهواا للمسجد يصليو بجوج.. وتبات كتقري البنات حتاا يوصل وقت الصحور عاد يرجعو.. وهاكاا داز رمضاان حتا وصلت ليلة 27 ... امسية قرأنية حاضرين فيهاا العائلة يعقوب.. ام ديالو وختو وراجلهاا ومعاذ وجميلة عبير وخالد.. واميرة لي جالسة حدااا يعقوب.. والقاعة عامرة بالناس نساء ورجال صغاار وكباار بعدمااا سمعو ما ترتل من الذكر الحكيم... عيط رئيس مجلس العلمي.. على اميرة صدقي تطلع فوق المنصة وتعطيهم الدرس على ليلة القدر.. متحكمااتش فراسهاا وبقاات كترعد جالسة فبلاصتهاا ويعقوب كينوض فيهااا ويشجعهاا ناضت غادياا بخطوات بطيئة حتا وقفت حداهم.. وجلس فالمكان مخصص ليهاا وحداها الميكروا.. كتشوف الكم الهائل من نااس وقلبهاا كيفيبرييي ولسااانهاا تلواا .. نعلاات الشيطاان وحولات تنسى بلي حداهاا شي حد.. وبذات كتعطيهم الدرس بارتبااك. حتا تطلقاات ولات كتهضر عادي وتعاود بصوتهاا الحنين وناس فيهاا كتصور وتسجل فيديواا ومقاطع صوتية .. ومرة مرة يدخل واحد وتجاوبو.. ولي شافهاا يقول عقلهااا مهااز والوو.. دوزات ساعة. وهياا كتعطيهم الدرس ويعقوب حاط يدو على فموو مركز معاهااا وربيعة بقوة الفرحة بكااات ومعاذ كيشووف فيهااا ومرة مرة يحذر عينو الأرض حشمان من نفسوا .. جلست مع متساابقاات لي معاهاا.. وعطات اللجنة اسمهاا هواا الاول خدات شهادتهااا لي من مدة وهياا كتسنااهاا وملهووووووفة عليهاا سجدت لله وهياا فقمة السعاااادة ودموع الفرح لي مبغااوش يتكفوا من عينيهاا كذالك فالسيرة.. كانت متوفقة بزاف وعطاوهاا جواائز قيمة وتسفيقااات كانت حااارة عليهااا
رجعوا لدار وهياا غطير بالفرحة.. وربيعة فيهاا تعنق وتبوس مفتااخرة بيهاا واسماء تقرصاات وجاتهاا الغيرة وبالخصوص ملي كتشوف ف يعقوب وكيدير ليها اشاراات بعينيه.. بحالا كيقوليهاا هانتي كتشوفي كلشي على عينييك. طلعو فالطوموبيل غديين لدار ربيعة.. ومعاذ داز عند جميلة داهاا هيا والبنات .. تجمعوا كلهم ديك الليلة على طبلة د الصحور والهضرة غاا على الليلة الرائعة لي دوزوهاا شللو فمهم وناضو كيصليوه ويقراو القرآن حتا وذن الفجر صلاو وكل واحد مشاا لبيتو.. خلات اميرة يعقوب مزال هواا وخالد كيصليو وربيعة جالسة كتسبح وحداها اسماء هازة قرآن فيديهاا بزز كتقلع حروفو وعبير مرة مرة ضور عندهاا كتصحح ليهاا.. قربات لبيتها يلاه بغاات تحط يديها على بواني د الباب سمعات هضرتوا من اللور.. قال معاذ : كنت غالط فيك والله القسم واليوم عااد عرفت شكون هياا مرات خوياا تبلوكيت ومقدرت نقوليك والو ملي كناا تما من غير نبارك ليك ونقول ليك الله يسهل امرك كتر اختي وتستااهلي ونتي خليتيني بكلامك.. نبدا نغير حياتي اميرة : الا كنتي مقتانع وعندك يقين باغي تشد طريقو توكل وحشااه واش يخيبك.. ويلا... كنتي ناوي تبداا وترجع فكلامك بقاا كيفماا نتاا حسن.. معاذ : ربي كبير والحمد الله لي ربي جمع عائلتناا بوحدة بحالك الله يجازيك.. اميرة : يجازيناا جميع الل قدرناا نردو شي حد لطريق صح.. ونخليو خالقناا راضي عليناا تصبح على خير.. هزز ليهاا راسو وابتساامة مرسومة على وجهواا داير يديه فجيب سروال وقلب الضورة لبيتو.. دخلات لبيتهاا وهيا فرحاانة وفرحتها لا توصف.. حيت دنياا مهماا ضحكناا ومهماا جريناا ومهماا تزوقناا ومهمااا قلنااا .. اوووف نسيو همهاا شوية .. ونفوجوا ونعيشو الحيااة اصلا غادا غاادا .. غيجي واحد الوقت غتندم فيه ندم شديد تبغي تبكي طير تنزل تمنى لو كنتي دير شي حاجة لي تقل ميزان حسنااتك ومغتلقاش. الوقت لي كان عاطيك الله دير فيه اش بغيتي مستغليتيش الفرصة لي كان عاطيك ونتي همك الوحيد هواا تخرج تساراا تفوج طلاقا صحباات.. وكلمة الوحيدة لي فمك هياا نغير الجو والروتين.. هادشي كلشي كيجيك عادي وكتقولي ضروري منو. ولكن الأهم من كل هاد الامور نتي غافلة عليه كل حاجة خاصناا نعطيوهاا حقهاا .. خروج بوقتو ونعاس بوقتو والخدمة بوقتهاا وزيرات بوقتهاا. كذالك فالدين لي حناا بعاد عليه كل البعد وكنخليو الامور هكاك مغطيين عليها وكنقولو حتاا لمن بعد. او الكلمة الشهيرة ايواا ان الله غفور رحيم.. انا مسلم انا كنشهد وووو. هادشي مكافيش .. اميرة ربي سبحانه وتعالى نزل فقلبهاا حب الدين حب الصلاة حب القرآن عايشة فعالم جميل بوحدهاا متمتعة بحلاوتو فمهاا كيشكر الله كل ساعة.. وكتحمدو كل دقيقة. ودعواتهاا مع جدهاا فكل ثانية.. حيت بفضلو وبالزياار ديالو وبالقصوة ديالو وصلها .. جالسة فوق الفراش وهبة حداهاا ناعسة كتحك ليهاا فرويسهاا حتاا دخل يعقوب عندها شد الباب وتخشى حداهاا فالفراش.. كيتأمل فعوينااتها وفرحاان بيهاا حيت رفعت ليه راسو .. مع عائلتو ومع معارف ديالو.. كا عادة كل المغاربة. الاسبوع الاخير من رمضان كيوجدو ل عيد الفطر.. من المأكولات شهيواات وتخمال دار.. وداك ثلاتة ايام دغياا طارت..، وصل يوم العيد وصبحوا كيباركوا لبعضيااتهم لي فدار وجلسو على طبلة د الفطور .. فطور مغربي 100%.. اتاصلو بالعائلة كيبااركوا ليهم العيد وكيدوزو التليفون من واحد لواحد..
يومين دازت على العيد ناشطيين... هانيين فرحاانين. ربيعة متكية حداهم وعينيهاا كيدوزو مع ولادها واحد مور واحد... وترجع تشوف فالدار وتسترجع الذكرياات .. حتا كيصوني تليفون يعقوب لقا اسم سعيد جاوبو وكيهضر معاه دوز ليه اميرة... ومن بعد حنان وراضية.. وكلام اهل اميرة.. هاد المرة ناقص وكيهضروا ببرود وكلشي استغرب من طريقة هضرتهم. واميرة لي تفزع قلبهاا وبداات كتسول راضية لي كتهضر ومع البكاا مفهماات منهاا اميرة والو وشدت سمية تليفون هياا الوحيدة لي متبتة فيهم وقالت... سمية : ختي اميرة عمي راه مريض بزااف معدووم شوفي واش تلحقيه ولا لاا الا قدرتي اجي تسامحي معاه.. كانت الصدمة قوي وبزاااف على اميرة لي تهز قلبهاا وهياا كترعد ممتيقااش اش كتسمع عطاات ليعقوب تليفون وشدت وجهاا بيديهاا وهيااا كتبكي بحرقة والدموووع حاريين هابطين طايبين من عينيها كلشي تجمع عليهاا كيعنقو فيهاا ويحاولو يصبروهاا بكلامهم وكيقولو راه غاا مريض راه ماشي مات. يهذيك الله اميرة نعلي شيطاان غتمشي تشوفيه وغيولي بخير الله يهديك.. وهياا مكتسمع حتاا كلمة من هادشي كامل ربيعة الجهد لي فيهاا تقطع وجهها ذبال وعينيهاا ولاو بحواوق كوحل كتغطيهم غاا بكريم.. واخاا هكاك بايينين ويديها غاا كترعد. ولات كتنوض بصوعوبة وتجلس بالحريق فيهااا. جلست حداا اميرة وهيا فاشلة مقدرااتش حتاا تصبرهاا ولا تحاول تقويها فمهاا مكيقدرش حتاا يخرج الهضرة بقاات شوية معنقااهاا وحاطاهاا على صدرهاا حتا طلعهاا يعقوب لبيتهاا كيحاول يهذنهاا ويشوف كيف يدير يمشي ومع الخدمة كيف غيتصرف وحل... دخلات ربيعة لبيتهاا وسدت عليهاا تغطات وبقاات متكية كتبكي فصمممت. العين كتشوف فالسماء لقاااتهاا بعيييدة وترجع تهبط لأرض.. وتلقا راسها فيهاا مبقاا جهد لوالو... كل مرة اميرة تهز تليفون تصوني وتاصل بيهم مرة يقولوليها عياان بزااف مرا يقولوليهاا هاهواا شوية.. تلفاات حتا شنو غدير.. نهار كامل على مطولو وهياا كتسنى غاا خبار يعقوب اش غيقوليهاا واش يمشيو ولا مزال.. حتاا رجع مأخز بليل. ،
ناضت عندو بلهفة كتسولوو وكتسنااه اش غيقول.. يعقوب : انا معنديش كيف ندير نمشي غنصيفط معاك اسماء وراجلهاا يديوك.. اميرة : ونتاا مغتمشيش يعقوب : معنديش كيف ندير ماشي غاا اجي ومشي فهمتي راه اناا براسي مزير وباغي نمشي المهم انا غنلحق عليك اميرة : واخاا انا نقولهاا لماما .. ناض يعقوب دخل لدوش.. واميرة دوزت المكالمة لأمها.. اميرة : ماما كيف داير جدو دابا فاخيته : ايوا ابنتي الحمد الله وصافي اميرة : ماما اناا غنجي انا واسماء وراجلها صافي فاخيته : وراجلك نتي مغاديش يجي اميرة : عندو الخدمة ملقاش كيف يدير قالي غيلحق عليا... ... ماما مالك مكتجاوبيش ماما... كتسمع غاا الهضرة غريقة بيناتهم مفرزات منهم والو وهيااكتعيط على امهاا. حتا جوباتها راضية . راضية : اميرة بنتي اميرة : امي لالة مالكم شنو كاين راضية : شوفي ابنتي مكاين لاش تجي داباا خلي حتا تجي نتي وراجلك اميرة : امي لالة منقدرش نبقاا بغيت نشوف جدو بغيت نجي عندكم راه عقلي مبقااش معاياا بالي معاكم باغاا نجي راضية : تبتي الله يرضي عليك.. راه جدك لي قالك حتا تجي نتي وراجلك خليه حتاا يكمل شغلو وعاد اجيو على راحتكم. وجدك ابنتي داباا يحمد الله دابا يولي بخير وعلى خير اميرة : اميي لالة راه اناا مقدرااش والله مبقيت قادرة نزيد ضربة هناا بغيت ... الحاج بصوت مبحوووح وضعيف كيخرج هضرة بزز منو.. قال : بنتي الله يرضي عليك سمعي لهضرة راه عندك وليداتك وراكي فبلاد بعيدة حتاا يسالي راجلك شغلو واجي الله يرضي عليك اميرة : باسيدي انا توحشتك بزااف ومنقدرش نبقاا هناا بلاما شوفك ونتاا مريض واناا ماشي حدااك عفااك الحاج : سمعي مني الله يرضي عليك صافي خليت ليك الراحة.. قطعت المكالمة وعطااتهاا لبكاا ونحيط وهيا مربعة رجليهاا فوق الفراش.. حتا خرج يعقوب وجلس حداهاا كيبدل حوايجواا وكيهضر معاهاا ويصبرهاا بكلاموا... عند الحاجة ربيعة لي ف بيتها كتشوف فالسقف وكتقرااا وتستغفر بعينيهاا وكل مرة يوقف حلقهاا وتقول صافي ساعتهاا وصلات . تكات على جنبهاا ونعست شوية. طاح الضلام حساات اميرة بالخنقة ومحتااجة تجلس مع ربيعة . هبطت عندها لبيتهاا دقت مجوبهاا حد.. وفتحت الباب ودخلت لقااتهاا ناعسة. جلست حداها فالكرسي وكتشوف فيها وفحالتها لي دهورات كتر. بقاات جالسة شوية حتا حلت عينيهاا وابتساامات فوجهها وقالت ربيعة : اميرة فقاش جيتي ابنتي اميرة : غاا شوية اخالتي كيف بقيتي ربيعة ؛ فالرحمة دالله اميرة : خالتي نتي عيانة بزاف انقول ليعقوب يديك لطبيب ربيعة : مغادي نمشي لا لطبيب ولا حتاا بلاصة غنبقاا فبلاصتي ابنتي حتا ياخد ربي العمر اميرة : خالتي مزال ربي مطول فعمرك.. ومعرفناا شكون ساابق علاش كتقولي هاكاا
ربيعة : اااخ ياا بنتي مزال صغيرة ومزال دنياا توريك بزااف.. اناا عنييت ومرضي كاان طوويل من شحال هادي وامل مبقاش اميرة : الأمل كولوو فلي خلقك حشااه واش يخيبك هواا بلاك هوا قادر يشفيك خالتي اناا بنتك ماشي غا مرات ولدك وباغا نشوفك مرتاحة ومشاافياا معافياا وليداتناا يكبروا حداك ومعاك عفااك متفقديش الامل اناا نهضر مع يعقوب يجي ونتي هضري معاه ونديوك لكلينيك وتعالجي عفااك ربيعة : ياا بنتي وشكنقولك راني هضرت معاك راه من مدة واناا كنتعاالج.. وهاد بلاكار (نعتات بيديهاا ) كون كنتي تشوفي شحال مصطوكي بالدوياات .. وراه اناا درت جوج عملياات وعمر شي حد عرف يااا اميرة .. داباا عرفتي قنت من راسي ومن هاد العيشة ياا بنتي وليت نتمنى غاا نهار.... اووف اميرة : اهئ اهئ اهئ علاااش اخالتي علااااش حناا مكنعيشووش هانيين علاش اخالتي ايمتاا اهئ اهئ مكنبغيوو اهئ اهئ قح قح نرتاحو كتجيناا شي حاجة من الجنب .. ربيعة : علاش كتبكي داباا امر الله ابنتي الحمد الله على كل حال راضية بقضااء الله اميرة : ونعم بالله .. خالتي شنو نقدر ندير قوليلي ربيعة : ههه باغااك تبقااي كيفماا نتي قلبك نقي بيض هاني مهااز حقد مهااز دغينة مسالمة لكلشي.. دياااهاا فدارك وراجلك هادشي تباارك الله. وصبري راسك نهاار ضعافي وتحسي براسك بوحدك.. وديماا عولي على راسك.. متسناايش شي حد غيجي ويكون بيك ويوقفك على رجليك ياا بنتي الوقت خياابت الله يجعل ربي يكون معاك اميرة : عرفتي ديماا اخالتي ملي كنت كنجلس،فمجمع د نسااء وكيبقااو يهضروا على عكايز كنخااف بزااف وكنقول حتاا اناا شي نهار حماتي غتكون قاصحة معااياا وتعطيني غاا شقاا وتحقد علياا ومااعرفت.. وهادشي جربتو ف زواجي اول.. وملي عرفتك اخالتي عمرني وتيقي بياا عمرني حسيت بيك حمااتي.. حاسة بيك ماماا وانساانة قريبة لياا عمرك اخالتي مجرحتيني ولا سمعت منك شي حاجة ديماا كنت كنتمنى نبقا معاك فدار ونسكن معاك ونجمع معاااك ونخرج معاك ونحمحم ليك يااه على الدنياا كيف دايرة ربيعة : هاكاا دنياا دايرة ياا بنتي غتمشيو المغرب اميرة : مبغااش جدو قالي حتا يسالي يعقوب شغلو عاد نمشيو انا وياه ربيعة : الا وليت شوية غنمشي معاكم حتا اناا اميرة : بصح اخااالتي ربيعة : حناا مع تسير الله.. هوما مزال كيهضروا.. دخل يعقوب عندهم وهواا كيهضر فالتليفون .. جلس حداهم باس لمو يديهاا يعقوب : ميرا سيماناا داخلة غنمشيو ان شاء الله اميرة : بزااف ايعقوب يعقوب : معندناا منديرو ولا سيري نتي واناا نلحق عليك اميرة : مبغااش جدو مصااب يولي شوية ونمشيو على خاطرناا ربيعة : الله يشافيه.. ولدي حتاا انا غنمشي معاكم ان شاء الله يعقوب : احسن حاجة منهاا تبدلي الجو منهاا تشوفي الحباب ربيعة : ان شاء الله..
جلسو كيهضروا وحتا وجد العشاء.. وخرجوا تعشاو وبقااو قصاارين حتاا فات الحال.. كل واحد مشاا لبيتو.. لاغد ليه. دوزو نهارهم عادي غاا دار ونفس الروتين واميرة واحلة غاا مع بنات هبة بدات تحبو شوية.. ولين تزادو فيهاا عشرة ولات عنيدة وكتسبق يديهاا قبل فمها وغيرة قااتلاهاا من جهة هبة لي كيهزهاا كلشي ويوكلوهاا ويخرجوهاا ويشريو ليها.. مبقاات كتخلي حتا واحد يهضرهاا ولا يلبسهاا ولا يدوش ليها.. كمل يعقوب خدمتواا وفالعشية رجع لدار عند امو.. لقااهاا جالسة فالصالة شادة تساابيح فيديهاا مغطية بالبينوار والمانطة واميرة حداهاا كترضع هبة ولين كتلعب بالألعاب حداهم.. تغداا وجلس معاهم حتاا فات الحال عاد ناضت اميرة كتجمع حوايجهاا بعدماا كان ارسل ليهاا يعقوب مسج توجد راسهاا باش فالعشية يرجعوا لدار .. كانت جامعة شي حاجة وطلعت كملت الباقي وهبطت لابسة حوايجهاا .. خلاو جميلة مقابلة. ربيعة سلموا عليهاا ومشاو بحالهم حتا وصلو الدار.. جلست رتاحت شوية خلات لين كتلعب وتنقز فوق كتاف يعقوب وهواا شاد معاهاا الخاطر.. دخلات هبة لحمام طلقاات السخون دوشاات ليهاا ولواات عليهاا بينوار ديالهاا المعلق.. وجمعات ليهاا راسهاا بالفوطة وطلعتاا لبيت نعاس لبسات ليهاا ورضعااتهاا حتا نعست. حطاتها فبلاصتها وهزت الحوايج د لين وهبطت.. باغاا دوش ليهاا ولين كتعرعر وتبكي وتنتف وتغدد واميرة دايرة معاها كتر من الخاطر. حتا دخل يعقوب وغوت عليهاا وخلاها كتبكي فصمت خايفة منو عااد استسلمت ليهاا وخلاتهاا دوشاات ليهاا ونشفاااتها ولبساات ليهاا حويجاتها ولوات عليهاا شان غليض من البرد القااصح.. ودخلاتها فالغطى حداا يعقوب.. سيقاات حمام خلاتو نقي وريحة دالورد خارجة منو ومشاات لكوزينة جمعاتهاا وجفاتهاا عاد دوشت ولبست مزيااان.. ودخلت حداهم كتفرج. اميرة : يعقوب انقولك واحد الحاجة شاف فيهاا وقال : ياك لباس اميرة : خالتي مريضة بزااف وحالتهاا كتزيد غاا تكفس .. ومن نهار اول قالت لياا مريضة وبالضبط معرفااش المرض لي فيها واخاا قالت لياا منقولكش مقدرتش نبقاا ساكتة ونتاا متعرف والو سمحلي والله ولكن هياا طلباتني بقاا يعقوب كيشوف فيهااا ... وقلب وجهواا هز تليفون كيكتب بالزربة ويصيفط ويعاود يكتب ويصيفط.. كيوصلوه ميسجاات يقراا ويعاود يجااوب وهواا غاا ساكت ومرة مرة يتنهد ويسووط... دار القرآن مبقااتش كتمشي ليهاا بقوة عقلهاا مترون وبالهاا غاا مع السفر.. وصورة جدهاا قبالتهاا لي مكتفارقش عينيهاا ، كل صبااح كتفيق على روتينهاا اليومي.. تخمال وطيااب ودير فالخااطر لين .. نهار واحد. ناضت بكري وجدت شغلهاا ومشاات زارت الحاجة ربيعة لقااتهاا مزال على نفس الحال دوزات معاهاا وقت كيديو ويجيبو فالهضرة حتا رجعاات بحالهاا. الجو فدار مخصر عندهم شي كيشوف فالشرق وشي فالغرب وحتا واحد ماا هاني يعقوب من جهت امو لي كل نهاااار يمشي يزورهاا ويطمئن على حالتها عاد يرجع لدار .. واميرة لي واحلة مع تليفون كل نهار تصوني صباح وعشية تعرف خباار جدهاا... دازت يومين بالخف وسيمانا كدوز واميرة كتسنى غاا يعقوب يقوليهاا يلاه غنمشيو. عشاات بنياتهاا.. ونعسااتهم وجلست كتخدم كروشيه ويعقوب شاد كتاب كيقراا فيه.. حتا تأخر الوقت واميرة تغلباات بالنعااس ومشات لبلاصتها عاد لحقهاا يعقوب وتكاا ف بلاصتو.. 3:30.. تليفون د يعقوب كيصوني ويعاااود وهواا غارق فنعااسوا. ناضت اميرة مخلوعة شعلات الضوء من حداهااا ونوضااتو هز تليفون جاوب.. يعقوب : الوو معاذ : داباا تكون هناا اجي دغياا
معاذ : واخا.. هزت راسهاا ب لاا وقالت بصوت مبحوووح متقطع وخاافت : لا ولدي لا مغ. ..اديش ن نخرج من هناا معندك علاش تعيط ل لل... الله يرضي عليكم واحد بواحد
يعقوب : امي علاش نتي هاكا علاش ديماا خازنة فقلبك ديماا كتبقااي معلقة بوحدك واش حتاا لهاد الدرجة حناا مغنقدروش نعاونوك علاش زعمة خبعتي علياا مرضك واش المرض معاه اللعب
ربيعة : مبغيتش نبرزطك احبيبي ونتاا براسك عالم بيك غاا الله.. قدر الله عليا معندي مندير. ملي مات باك واناا عايشة بحالا غاا بزز استغفر الله العضيم وكنتمنى ديماا غاا كون لحقت عليه و..
يعقوب : وحنا مفكرتيش فيناا حنا ماشي ولادك كيف غنكونو من بعد وكيفاش غنعيشو ونكملو حيااتنا علاش امي كتقتلي راسك بزز من نهار حليت عيني فهاد الدنياا وانا كنشوفك ديماا مستسلمة لهاد الحياة.. عمرني شفتك قوية وكتحداي لي واقف فطريقك
ربيعة : ايوا راك شفتي كلشي بعينيك المهم انا فرحانة براسي عندي ولد بحالك ومنخاافش عليك اميرة زيدي ابنتي عندي اجي ... مالك كتبكي مالك ابنتي اناا حداك علاش كتبكي .. قرباات حداهاا اميرة ودموعهاا سابقينهاا مقدراش تهز فيهاا عينيهاا عنقااتهاا وجلس فجنبهاا وربيعة كتهز يديهاا وتمسح ليها عينيها متكية وكدوزهم بعينيهاا واحد بواحد.. ومرة مرة تشوف ف يعقوب وتبتاسم فوجهوا ودوز يديهاا على لحيتو... شي خارج وشي كيدخل فاقت لين وجات عندهم جلساات حدا جداتهاا وعنقااتها وكتبوس فيهاا.. شافتهم كلهم كيبكيو وعينيهم حومر بدات كتبكي واخاا مفاهمة والو يعقوب متحركش من بلاصتوو واميرة جلست حداهاا وشادة ليها فيديهاا مطلقااتش منها ومقدراتش تعتب على باب بيتهاا وتخليها .. فات الفجر وشمس بدات طلع وهوماا مزالين على نفس الحال.. وربيعة حداهم كتشوف فيهم وكتخرج هضرتهاا ببطئ : بقااو مجموعين اولادي متفاارقووش وكونو متفاهمين ومتحاانين على بعضااتكم ختي عائشة فتحية ولادي ولادكم قح قح راني.. ر.. را. رااني عليكم معمدة دابا
ضور يعقوب وجهواا مقادرش يزيذ يشوف فيهاا كيمسح دموعوو لي مقدرش يوقفهم هز تليفون وخرج برا.. اتصل بالاسعااف... واميرة بقاات مركزة فعينيهاا وفمهاا وملامحهاا كل مرة صدرهاا كيتهز.. تحل عينيهاا بزز وترجع تسدهم.. اسماء معاذ.. فجنبهاا وعبير واقفة حداهم كتبكي فصمت. فتحية وعائشة ضايرين على الفراش حداهاا ولادهم واقفين غاا كيشوفو.. جلس يعقوب حداا رجليهاا ودخل يدو تحت الفراش قلب رجليهاا لي لقااهم بحال الثلج ورجع شاف فيهااا لقا فمهاا حلاه بصعوبة هزت عينيهاا فالسماء ..ويديهاا وقفتهاا هازة السبابة وطيحت راسهاا جهت اميرة وعينيهاا محلولين شاف فيهاا يعقوب بالصدمة وقف وقال. يعقوب : ان لله واناا اليه راجعون خرجوا الله يخليكم
خافت اميرة من الهضرة لي سمعات من فم يعقوب اول مرة يموت شي حد حداهااا وتشوفو مبااشرة.. ناضت وقلباات وجهها للحيط كتبكي بحرقة ويديها كيترعدوا وفمهاا كيتقرقب ممتيقاااش اش كتشوف سمعات اسماء ان لله وانا اليه راجعوون... تخطف وجهها وتقلبت على امها بسرعة البرق كتعنق فيهاا وتبووس وتهزز ليهااا راسهاا وهياا كتغوت ممتيقااش ان امهاا قدوتها سندها الصدر الحنين صديقتهاا لي كانت هازة هبالهاا ومسايسة معاهاا.. لي ديماا كانت واقفة فجنبهاا واخاا تزبلهاا فوق القيااس.. كانت حنينة فيهااا كتبكي بدمووع حاارين كيهبطوا على وجه امهاا كتهززهاا وتعنقهاا لصدرهااا كتردد كلمة وحدة بالغواات... "متخلينيش امي متخلينيش " خوالتهاا كيجروا فيهاا باغيين يخرجوها يبوسوو فيهاا ويرغبوو تهذن تزادو فيهااا عشرة بحالا صعرت ... معاذ بعدهاا وجر على امو المانطة غطااهاا كلها .. وقلب وجهوا وعينيه حوومر لعند خووه.. عنقوو ويعقوب دار يدو مور ضهروا وطبطب عليه.. خرجوا اسماء وكلشي تساامح معاهاا وخرجوا جلسوا فالصالون كلشي كيبكي.. بقاا غاا يعقوب بوحدوا فالبيت.. عرا على وجهها شاف فيهاا والدموع شلال من عينيه وقال يعقوب : الله يسمح لياا منك .. الله يرحمك ويوسع عليك والله يلحقناا بيك مسلمين .. هادشي لي كنتي باغياا !! وخليتيناا حناا مشويين عليك.. ولكن قدر الله حنى على راسهاا باسهاا ورجع غطاهاا وخرج.. دار كحلة وكل واحد قلبو غيسكت بقوة البكاا مصبروش على فراقهاا.. شادين القنت واميرة وعبير شاادين ف اسماء لي طلعاات عليهاا الضبابة بقوة البكاا مبقااتش كتقشع فين كتزطم وهوماا مسايسين معاهاا.. وصل الحاج عبد الكبير ونزهة بكري.. بعدماا كان علمهم معاذ قبل يومين انها عياانة وكانت نيتهم يجيو يطلو عليهاا مباشرة كيف وصلو لفرنساا يلاه هوما فالمطار.. اتصل بيهم ولدهم سليمان وعلمهم انهاا ماتت ومول امانة خداا امانتوو.. شدو طريق لدار وهوماا ممتيقينش اش كيسمعوا.. الوقت كيدوز بسرعة.. ودار بدات تخلط بناس شي داخل وشي الخارج كيعزيو .. اميرة لبست جلابتهاا بيضاء وشانهاا وتقاشرهاا. وهكاك اسماء لبست قميص امها ابيض ولوات على راسها زيف.. جلسوا نساء بوحدهم ورجال بوحدهم .علم يعقوب جميلة تعيط على نساا يعاونوهاا ف شغل الجنازة طياب وتوجاد .. عيطت على معارفهاا مغاربة.. كانو كيقلبو على الخدمة. اقل من ساعة. وصلو لدار ودخلو نيشاان لكوزينة كيوجدو اتاي لناس لي جايين من بعيد على الطريق صيفط ولد خالتو لعند جزار ياخد اللحم لي غيوجدوا بيهاا... بوحدو وقف على شغلو وجنازة امو دار الاجرءات اللزمة لدفن.. ومقابل نااس لي كيطيبو ويوجدو كسكسو ودجاج لي غيتغداو بيه العزاية والطلبة لي غيجيو.. بعد صلاة العصر دفنوها ومكتاب الله خلاهاا تدفن حدا قبر زوجها . السيد الحاج عبد الفتاح طهى السملالي.. وقف يعقوب كيتأمل فقبرهم ودموعو هابطين مقاادرش يتخيل انااا العزاز ماتوو... جلس حداهم هاز كفوفوو كيقراا ويدعي ويديه كيترعدواا.. ناض مع الناس ورجعو لدار هضر مع عيلات يشلطوا فشغلهم ويقابلو الناس وميخليو حتا واحد يخرج بلا ماكلة طلع لبيتو وسد عليه وبقاا بوحدوو جبد صلايتوو كيصلي ويدعي معاهم ويطلب الله يوسع قبرهم ويسامحهم الا دارو شي غلط فحياتهم.. وكل مرة يقراا صورة عليهم طلعت عندو اميرة لقااتو شاد قرآن بين يديه كيقراا مهزش عينوو فيها.. ورجعت خرجت وسدت موراهاا الباب وهبطت كتمسح دموعها جلست فالدروج وكدوز عينيهاا فالدار كيف غتكون وكيف غتحلا بلا لالة ربيعة ونعم الأم... ونعم الحماة .. ونعمة المرأة نقية الصبورة.. لي على قبلهاا كانو يتجامعواا لي على قبلهاا كانو يتجراو يجمعهم العيد وعواشر ..
صوني تليفون يعقوب محبسش.. اتصال من كل جهة صحاابو.. عائلة.. خدامين معاه .. اهل اميرة لي براسهم ملقااوش كيف يديرو يجيو ومقابلين الحاج لي دوره مريض.. هضر الحاج مع يعقوب عزاه وحاول يصبروا... قطع المكالة ورجعوا تاصلو ب اميرة كانت جالسة مع نساء واسمااء حداهاا عزاوهاا وهضر معاهاا جدهاا طمئنهاا على حالو وطلب منها دوز ليه اسماء شدت التليفون بيديهاا كيترعدوا وصوتهاا متقطع كتهضر وكتسمع لكلام الحاج.. لي كصبرها وعرض عليها تمشي عندهم لمكناس حتاا تقاد نفسيتهاا.. وصل الليل.. هزت اميرة الماكلة حطاتها فسينية وطلعت لعند يعقوب لقااتو متكي فبلاصتو كيشوف فالسقف. حطت السينية فوق الطبلة ومشات جلست حداه شدت ليه فيديه وزيراات عليهاا وهواا غير ' الصمممت ' كتشوف فيه وكطلبو ياكل وهوا غير كيحرك راسو.. شمال يمين ب " لا " قرباات عندو وعنقاااتوو وبكاات فصدرواا كتخرج لي فقلبهااا انهاارت حداه.. حتا رجع هواا لي كيصبرهاا ويسايس معاهاا... ايام كدوز دغياا وصورة ربيعة فعينين الجميع مكتفارقهمش .. كل صباح كيصبحواا على نفس الحال.. عينين منفوخين وحالهم مغير.. الهضرة قليلة وكل واحد شاد قنت وسااهيين .. بدات الدار تخواا من العزاية.. ولاو كيجيو غير جوج 3 يجلسو شوية ويمشيو.. سيمانا دازت .. وهوماا كيحاولوو يسايسو مع الوقت .. خداا يعقوب كونجي.. وقرر يهبط المغرب هوا وخوتو واميرة.. تسخرواا خداو لي غيحتاجواا ولي غيديو معاهم قطعوا البيي وبداو يجمعوا حوايجهم.. وكيودعوا دارهم لي اصلاا مبقاا حد غيسكن فيهاا ولا غيرجعوا ليهاا ولات ضلام فعينيهم .. من حتاا معاذ قرر انه يبيعهاا ويمشي يسكن مع خالو فالمغرب... وصل النهار لي غيسافروا فيه.. بعناق حااار كتودع اميرة جميلة ودموعهم نازلة مسخااوش من بعضيااتهم. حتا جميلة مشات تشوف حياتهاا ولكن هاد المرة فدارهاا ومع راجلهاا. لي لاقاهاا بيه معاذ ... حميد... بدوره مصبرش وعنق يعقوب وباس ليه راسو.. شكروا حيت دار فيه خير كبير سكنو فدارو وعاونو يجمع براكة د الفلوس.. وحتا هوا قرر يرجع لبلادو ويدير شي محل د بيع وشرا .. خرجوا من الدار كلهم.. وقفو فالباب كيشوفوو فيهاا وعلى الذكرياات لي دوزو فيهااا. يعقوب صدروا كيطلع وينزل نيفوو ولا بحال احمر الشفااه.. حمرررر وعينيه تغرغروااا حتاا هبطواا دموعواا فلحضة وحدة...وضور وجهواا ودخل الطوموبيل مقاادرش مزال يشوف فدار شير ليهم بيدو طلعات اميرة حداه وطلع معاذ واسماء لور وحداهم لين معنقة عمهاا وهبة شداهاا اسماء بيديهاا كتعتق فيهاا وتبووس.. حميد مشا هوا وجميلة بحالهم هازيين حوايجهم.. ديماراا يعقوب طوموبيل وزاد .. للمطار طلاقاا تما خالد لي كان كيتسنااه. توادعواا وخلا ليه طوموبيل حتا يرجع دارو الاجرءات القانونية فالمطار وجلسوا فالكافي كيتسناو .. حتا سمعوا المراا كتهضر فالميكروا. عاد ناضو متوجهيين للطيارة..
بعدماا وصلو لدار البيضاء. وخدا يعقوب السيارة ديالو من عند سليم الصديق ديالو لي ديماا كيخليهاا عندوو.. رتاحواا تغداو وشدو الطريق مباشرة لمكناس.. سعات قليلة حتا وصلو وتوجهوا نيشاان لدار. كان طاح الضلام... وقفوا فالباب كيدقواا واميرة كتهز عينيهاا فالدار من براا وتفكر ذكريااتهاا لي دوزات فدارهم... فتحات سمية الباب لي تغيرو ملامحهاا وضعاافت مع الرضااعة وترابي.. عنقاات اميرة على حرر جهدهاا تعنق وتبوووس فيهاا.. سلمات على اسماء ويعقوب ومعاذ عزاتهم.. وهزت هبة فيديهاا كتبوس فيهاا وفرحاانة بيهاا.. طلعاات اميرة هيا اللولة كتجري فالدروج واللهبة د جدهااا عاطية من الدار.. والتبووريشة كتقرص ليهاا لحمهاا طلقااتهاا حنان وفاخيته لدروج يسلمواا ويعااودو ويكرعواا فيهاا. شافت راسهاا مغتفلتش من سلامهم درماات فكلشي ودخلات لصالون لداخل.. لقاتو مجبد فوق السداري لابس فوقية ييضاء وطاقية حدا راسو هيا وتسابيح والقرآن مغطي بجوج منطااات.. ملامح ديالو كتبين انه عياان بزااف والجهد مبقااش. شافت ابتاسم فوجهاا وهز يدو بجوج باغي يدرعهاا... قرباات منو بخطواات بطيئة.. حشماانة منو وفنفس الوقت خايفة منو واخاا معندهااش علاش تخااف وعلاش تحشم وعلاش يتهز قلبهاا ولكن تربيتهااا كانت هكاك .. هواا لي خلاهاا تحتاارمواا وحتاا عينيهاا طيحهم الارض ومتبقااش مبحصة فيه.. قربات عندوو وفمهااا فمهاا كيترعددد ودموعهااا هابطييين بحال الروبيني لي كنخليوه مطلوووق. جات عينيهاا منفوخين. وكملات بالبكااا وهيااكتشوفو ق وضع عمرهاا شافتوو فيه ولا تخيلاتو يكون هكاك... ديماا واقف حداهاا ب جلابة بيضاء بسلهاامهاا والرزة فوق راسو وشوفااتو الصارمة وصوتو الغليض لي كيخليهاا تفافاا اش تقول... عنقاااتوو و روح ديالهاا باغااا تخرج كتبكيي وتبكيييي وتبكييي.. بحالا كتشكي عليه بالبكاا ديالهاا وكتخرج ماا فقلبها ليه ف صمت... شدات يدوو كتبوس فيهاا وتحنى على جبهتواا وكتافوو.. مقدراااتش تصبر او طلق منو..وهواا بصوت عياان : الله يرضي عليك ابنتي الله يرضي عليك الله يفرشك بالرضى ويغطيك بيه نتي وضنايت ضنااايت اناا محبس ليك الرضى... جلساات حداه مقدراش تصبر راسها ولا تسكت.. حتا شدها من يديهاا اسماعيل خالهاا. عنقهاا كيبوس فيهاا ويصبرهاا. هكاك ابراهيم وسعيد وحنان وكريمة لي رجعوا عندهاا وراضية لي عنقاات ومقدرات طلق منها.. سلم يعقوب وجلس حداه كيسولو على حالو وكيف بقاا هكاك معاذ سلم وجلس فالطرف. قالب وجهواا.. وقف موراهم كتشوف كيفاش عائلة مجموعة وملموومة كلماا كتشوف راضية كتفكر امهااا.. وكلماا كتشوف الحاج.. كتشوف باهااا .. انهاار ومقدراااش تصبر طاحت فالزليج وجلست على النحيط فصمت.. وذاتهاا كترعد.. ضارو عندهاا هزوهاا كيصبروا فيهاا وجلسوهاا حدا الحاج.. مد يديه لولدو سعيد وليعقوب نوضوه وجلسوه وغطااوه.. شد فيد اسماء وجرهاا لعندو كيبوس فراسهاا ويسكتهاا وينصحهاا. ان هاذا مكتاب الله والموت حق على كل مخلوق فهاد الدنياا..وهياا غير كتنخصص فبلاصتهاا مقدراش تحبس دموعهاا. خلاوهاا على خاطرهاا دخلوهاا البيت ومشاو جلسو معاهاا. واميرة بقاات بجنب جدهاا معنقاااه وكل مرة ضور تشوف فيه وتبوس ليه راسو.. اسماء فاخيته كتواسيهااا وتصبرهاا وتقراا عليهااا باش متعواجش ليهم بقوة البكاا.. حتاا تقلبو عينيهاا وبدات كترعد وراسهاا مرفووع.. ناض يعقوب كيطير دخل عندها شد ليهاا فصبعهااا وبرك عليه وبداا يقرااا عليهااا يقراا. حتاا رجعاات لوعيهاا وفاقت كضور عينيهاا فيهم وترجع تهبطها... تأخر الحال وصلات 1:00 د ليل عااد بداو يجمعوا فيهم واحد بواحد يعشيوهم. ومن طبعهم ولي ولفوا علييه قبل متوذن العشاء كيتعشاااو .. واليوم الجو مخصر عندهم.. جلساات اميرة حداا جدها وحداهاا اسماء معنقااهاا.. وكلهم ضايرين على جوج طبالي.. حطو العشاء اللحم بالخرشووف . شي كيمد يدو وشي مقاادرش حتاا يشوف فالماكلة وهوماا شادين معاهم الخاطر سمية هزت لين فحجرهاا كتوكلهاا عجبااتهاا بالزعورية ديالهاا وهضرتهاا الفرنسية كتحاول معاهاا تنطق العربية وكتبقاا تعوااج ليهاا. فاخيته شادة هبة كترفس ليهاا الخبز فالمريقة وبطاطة. وتوكلهاا. كلشي خداا بلاصتو شي مشاا ينعس شي مشاا يسهر ويكمل البكاا ديالو.. واميرة حدا راس جدهاا مقدراتش تخليه.. قربات سداري لعندو وفرشت حداه وجلست كتأمل فيه وهواا ناعس يديه مطلوقين حداه.. غطاتو ورجعت لبلاصتهاا.. حتا طلع الصباح..
يلاه بداا يبهر الحال واميرة مزال عينيهاا الذابلين المنفوخين متشدو ولا تغمضو ليل كامل.. سمعت التقرقيب فالكوزينة عرفاات جدتهاا غتكون كتوجد الفطور... ناضت من بلاصتهاا بالحفى لابسة غاا تقاشر .. وطلعت الفوق بشوية طللات من الباب لقات كل واحد ناعس ف بلاصة ويعقوب فواحد القنت مكمش والغطى مطيح حداه. هزاتو اميرة غطاتو بيه حل عينو فيهاا لقااهاا كتغطيه شاف فيهاا ورجع شد عينوو.. جلست حداه كتسنااه واش غيهضر ولا غيقوول ليها شي كلمة ... حنات على راسو باستو وقلبت وجهها جهت الباب.. هبطت بحالهاا لتحت.هزت سندالة دالحمام فيديهاا ودخلات توضاات ومشاات صلااة ورجعت حداا جدهاا. لي فاق مدت ليه تيمومة .. وبدا يصلي بالرمش عينوو وفموا.. صحاب دار بداو يفيقوو وكل واحد كيغسل وجهواا ويهبط لتحت..واميرة كتقااد فالفراش.. وهبة موراهاا كتحبو وطيح غادياا مع السدادر.. حتا وقفت حداا الحاج لي كان كيصلي بقاات كتشوف فيه وف لحيتو الكثيفة .. كمل صلاتو وهزهاا من الارض حطها حداه كيبوسها ويدوز يدو على شعرهاا الكحل القويي بالقصيصة من القدام.. كلشي تجمع على طبلة وفاخيته وكريمة وحنان غاديين جايين،كيحطوا الفطور .. من غير يعقوب... طلعات عندو اميرة بشوية.. شافتو من الباب كيسجد فرق الصلاية دخلت وجلست فالطرف متبعة ليه العين... حتا سلم وهز يدو كيدعي.. شافت موراهاا واش طالع شي حد.. ومشاات عندو.. جلست حداه على الصلاية وعنقااتو هز يديه كيدوزهاا مور ضهرهاا ابتاسم ابتسامة مخطوفة.. فوجهها وقلب وجهوا باغي يهز القران وهياا تشدو من يدو ونوضااتوو.. كترجااه وطلبو يهبط يفطر معاهم.. بزز باش هبط لقاا كلشي مزال كيتسنااه.. فطروا مجموعين دايين جايبين فالهضرة.. حتا ناض معاذ وقال معاذ : بصحتكم. المهم غنخليكم داباا غنمشي الحاج خليت ليك الراحة كل واحد كيشدو من جهة يجلسووه بزز عليه وهوا رفض كيسلم عليهم واحد بواحد.. من الصغير للكبير... وداز عند الحاج باس ليه راسو وعنقواا وشير لخوه بيديه يتبعواا ناض موراه يعقوب.. واميرة مهناهاا حالهاا تبعاتهم. شافتهم اسماء وبالوسواس لي جاهاا ناضت عندهم تشوف اش كاين . شاف فيهم معاذ وقال : مالكم شكاين اسماء : فين غاادي معاذ : بلاماا تسوليني.. هارب من نفسي وهاد الضيق لي فيا.. راه مضروبين بمزود واحد. ،يعقوب عطيني سوارت طوموبيل بغيت نمشي يعقوب : فين غتمشي واش لرباط ولا معاذ : لاا (شاف ف اميرة ) المهم عطيني سوارت. غنمشي ونرجع يعقوب : وقول فين غتمشي مالك وعندمن معاذ : غادي لطنجة غنشوف شي ناس وصافي واري يعقوب : رد البال راسك ولي حتاجيتيهاا هاناا فقاش مبغيتي معاذ : واخاا.. مد ليه يعقوب كونطاكط د طوموبيل وهبط كيجري فالدروج بقاات اميرة تالفة ملقاات متقول ولا مدير.. رجعوا جلسوا كلهم كيكملو فطورهم سمعات اميرة مسج وصلهاا ف نمرتهاا. جبدات تليفون من بيجامتها وقرات المسج ... اميرة انا غادي لطنجة بغيت نشوف مريم .. عطيني نمرتهاا الله يخليك راهااا بدلاتهاا ملي دابزناا داك المرة ومعاودنااش هضرنا.. انا معاذ.. شافت المسج وبداات غاا كتفتف..باغاا تشوف كيفاش تنوض. دارت السبة ب هبة لي فمهاا مرون بالشكلاط ويديهاا هزتهاا وداتهاا لابابو غسلات ليهاا. وجبدت التليفون كتكتب بالزربة. اميرة : علاه ايمتاا دابزتواا اناا مفراسي والو وحتاا هيا مقالتليش جاوبني دغياا... شاف المسج دغيا وجاوبهاا معاذ : قبل موت ماماا كناا دابزناا. ومن بعد صونات علياا بواحد النمرة عزاتني وهضرنا عادي وحتاا انا مكانتش عندي الكانة ليهاا. وصونات علياا بلا قياس ليل نهار ومكنتش كنجاوبها راكي عارفة لي كاين .. وهياا حسباتهاا اناا مزال مكنهضرهااش ومن تماا ديك نمرة مطفياا المهم هضري معاهاا نتي وعطيني النمرة اناا نصوني عليهاا.. شافت اميرة مسج ديالوو.. وبدات كتخمم وهياا تالفة مبغاتش تزيد معاه فالهضرة كتر... صيفطات ليه نمرة...ورجعت لبلاصتهاا
الحماس لي كان... والهضرة لي مكانتش كتسالا .. والفرحة والبهجة لي كانت فدار مبقااتش.. كل واحد فيهم ساهي يعقوب. طلع بحالو لفوق بغاا يبقاا بوحدوا.. دراري كل واحد مشاا لشغلوا عيلات مقابلين غاا تخمال والكوزينة والضيااف لي كيجيو عندهم يطلوو على الحاج.. اميرة حاضية غاا هبة ومقابلة لين ومرة مرة تخمل معاهم ولا توجد معاهم.. وميسجات لي كيجيوهاا واحد مور واحد... من عند مريم لي كتشي من جهة.. ومعاذ من جهة تلفاات وملقاات مدير وكتبت ليهم ميسجات بجوح بيهم.. مسج لمعاذ : معاذ اناا اخويا مغادي نهضر معاهاا مغادي نطلبهاا شوف بيناتكم انا غدا بعد غداا متلومونيش ولا تقولوو اناا لي سببت ليكم صداع ولا شي حاجة المهم مرتاحيتيش معاهاا قوليهاا الله يعاون وصافي ويلا كنتي بصح باغيهاا متملش من صوني عليهاا وطلبهاا نتااا وسايس معاهاا نتاا عفااك انا مبغاش ينوض شي صدااع وونوليو اناا ويعقوب فالمشاكيل ويشد معاياا الضد... √ مسج لمريم : ختي مريم سمعيني معاذ كيبغيك بزاااف غاا هواا عصبي وطبعوا هكاك لي غنقوليك اناا صبري معاه.. ماشي هوا بدلك ولا عندو وحدة غيرك ولا كيتفلا عليك.. انا لو كنت لاحضت هادشي نقولهاا ليك منخليكش ضيعي معاه. ولكن تيقي بياا راه باغييك.. ومع موت خالتي راه ولا كيحس براسوا باغي لي يسمع ليه ولي يحس بيه.. اناا كنبغي نهضر معاه ولكن مكنقدرش خوه براسوو مأزم ختو بلاماا نعاودلك. هوا مبغاش يمشي عند خوالو ولا عمامو بغا يجي عندك نتي وتفهميه نتي وتعطيه فرصة نتي.. هانتي كتشوفي يومين وهواا تماا فطنجة. من نهاار لي مشاا وهواا كيطلب فياا نعطيه النمرة وعطيتهاا ليه. وكيهضر معاك ومكتجاوبيهش حشومة عليك ايلا كنتي مبغيااهش قوليهاا ليه نيشان متخليهش هاكاا اناا بقااا فياا والله شاد دموعوا غاا بزز.. والمهم بيناتكم اناا مبغااش نكون سباب فصداعكم هضروا وضحوا الامور بيناتكم تفاهمتوا الله يسر متفاهمتوش الله يجيب لكل واحد فيكم التسير.. والمهم خليوني اناا بعيدة وراكي عزيزة علياا بزااف وكنحس بيك ختي ماشي صحبتي.. والله شاهد المهم قراي المسج ديالي وردي علياا باش نتهنى
.. شاف معاذ المسج ومجاوبش.. وشافت مريم مسج وصيفطاات ليهاا.. مريم : واخاا اناا خارجة بلاتي لعندو اناا غنصوني عليه داباا. وفليل نهضر معاك .. شافت اميرة مسج وصيفطااتو لمعاذ وقالت ليه اميرة : هاهياا اش قالت ليااا وهادا جهدي عليك حتاا نتاا حاول ترطاب شوية معاها. الله يسر الامور.. معاذ : ملقيت منقولك. المهم الله يجاازيك .. جلست كدور عينيهاا وتفكر فيهم بجوح وكتخاايل كيفاش غيطلقااو وكيفاش غيسلموا وكيفاش غتكون نضراتهم.. لأول مرة ملي تعارفواا... بقاا بالهاا معاهم وكل مرة تقول راه طلقااو لا وقيلة باقي. لا راه يكون جالسين ولا كيتسراو ولا...... حتا وقف عليهاا يعقوب وقال يعقوب : باسم الله عليك مالك اميرة : والوو غاا راسي مرون وصافي يعقوب : خصناا نهضروا ولكن ماشي هناا وماشي داباا حتاا نخرجواا اميرة : صافي واخااا دوزو 12 يوم على المجيئ ديالهم للمغرب.. وحالت سي مصطفى باقيااا كيفماا هيااوكتزيد تسوء كتر... حتاا مبقااش كيجلس فمراا ولا يوقف. ولاو يديرو ليه ليكووش ويوكلوه بحال الصبي لي عاد تزاد فيه غاا العين لي كيشوفوو وكيدوزهم واحد بواحد.. وناس غاا داخلين يطلوو ساء حال اميرة لي كتحس بكبدتهااا كتشوااا وهياا كتشوف جدهاا ف اكفس حال مقدراتش تصبر تجيهاا صدمة خراا بعد صدمة الحاجة ربيعة لي خلااات اثر كبييير فقلبهاا ونفسيتهاا.. كتستعين غاا بالله بالاستغفار والدعااء ليه بالشفااء رجع معاذ وجاو عائلة يعقوب لي بدورهم باغيين يطلو عليه.. والعائلة اميرة لي جاو من جبل غفسااي و من زرهوون ومدن خرين... القرآن مطلوق فالدار والحاج شاد ل أميرة فيديهاا وابتسامة مرسومة على وجهوا.. كيهضر بشوية ويبقاا ساكت ويعاود يهضر ويرتاح... الحاج : تزوجناا ..ولدناا ..وربيناا وكبرنااا.. والحمد الله وليداتناا بوليداتهم .. غنوصيكم سوا بقيت فالحياة ولا مت ربيو ولادكم على لي قال الله وعلى لي قال النبي متلهيكمش الدنياا وتفتنكم وضيعوا راسكم ولادكم راه دنياا غضحك ليكم مرة وتنكدهاا عليكم طول العمر ولكن لي صحح حبلو بينو وبين لي خلقواا غيعاونو وغيوقف معاه ويصلح ليه وليداتو. كنت ديماا كنتمنى ولادي يخرجوا رجال الدين. قاريين القرآن ودايرين بيه ولكن مقدرتش واخاا كنت داير جهدي ولكن ربي عطاناا اطيب خلقوا اميرة بنتي الله يرضي عليك كيف كنت كنتمنى وكيف كنت باغي نشوفك هاناا كنشوفك داباا شتي ابنتي مدام غادياا فهاد الطريق ها ربي فتح ليك بابو هانتي بشهادتك وهانتي كنتي اللولة فبزاف د ناس كانو معاك من دول خرين الحمد الله .. وهانتي بمول دارك وليداتك غيكبروا معااك تفهميهم ويفهموك.. بغيت نوصيك واخاا ماعرفت واش ديري بوصيتي ولا لاا.. بغيت بنيااتك يوليو بحال امهم فطبيعتهاا وحشمتهاا وذاكائهاا واحترامهاا للناس هاداا لي.كنتمنى .. يعقوب هاهيااا اماانة عندك الواليدة ديالك اولدي توفاات هاهياا ديرها امك ختك بنتك كلشي فيهاا متخليش شي حاجة ضيق ليك صدرك لي ضرتك جي عندهااا وفش عليهاا خاطرك. بنتي كوني مع راجلك فالحارة والحلوة عمرك تخليه ولا تفرطي فيه اناا رضي عليك .. فاخيته بنتي سمحيلي كنت معذبك معايااا حتاا نتي تهلاي فراجلك ودارك وحيدي منك عناد والغضبة وتهلاي فامك بعدي مريم بنتي الله يعليك على خير. تولدي صالح ان شاء الله. سعيد... ابراهيم .. اسماعيل... ح... ك...... ضورهم كلهم كيوصي ويعااااود وابتسامة مرسومة على وجهوا مقدروش حتاا يسمعوا ليه هانيين بكاا غالبهم. ... الصالون ولاا عاامر بالنااس كلشي جالس غا كيشوف والدموع نازلين .. الوقت دغياا طار وهوماا مزالين جالسين كيهضروا مع الحاج ... عشااو الضيااف بالصغير والكبير.. وكل واحد فرشوا ليه بلاصتوو اميرة مبغااتش تفك تمشي تنعس فبيتهاا حراام واش بغاات وقررت تنعس حداه فسداري اخور وتبقاا معاه.. وداكشي لي كان شدات ليه فيديه وهوااا كينصحهااا ويطلبهااا دير عقلهاا وتقابل دارهاا وهياا كتواعدواا ودموعهاا سابقينهاا.. بقاا فايق وهياا تغلبت بالنعاس حتاا كديهاا عينيهاا وترجع تفيق كتلقااه مزال فايقة كيسبح بصبعاانوو ويرجع يديهاا نعاس... صباح الحال فاقت اميرة كتحك عينيهاا لقات شافت فجدهاا لي قابل وجهواا للجهة خراا ونعستو ماشي طبيعية.. كتشوف فيه وتعااود تحقق. خرجت كتجري كتعيط فالدروج ليعقوب حتاا ناض كلشي هابط كيجري وراضية دخلات لبيت طاايرة تشوف دخل يعقوب هوا والحاج عبد الكبير.. وقال عبد الكبير : براكة فراسكم لاحول ولا قوة الا بالله
طاحت فباب الكوزينة ملي سمعات كل واحد فيهم كيقول .. ان لله واناا اليه راجعون .. لا حول ولا قوة الا بالله.. براكة فراسكم من شدة الصدمة حتاا دموعهاا مهبطووش فالبلاصة طلعت معاهاا السخاااانة مع الرجفة وقلبهاا كيضرب بالجهد.. ممتيقاااش نهاااااائيا ان العزاز ماتو. ان جدهاا مات لي كان فمرتبة اب ديالهاا واكثر.. كتحس بيه. وترتاح ليه وتحن ليه. كتر من باهاا حساات ان الدنياا كحالت فعينيهاا واناا هادي هياا نهاية الحيااة..ومبقااش علاش تعيش ولا تكمل حيااتهااا نفسيتهاا دمرات.. وصدرهاا كيطلع بالحرجااات وهوماا واقفين عليهااا ويعقوب كيحاول ينوضهاا وهياا مبقااو ليهاا رجلين توقف عليهم راسهااا ترفع مبقاات كتحس بحد.. بحالا كتحلم ... شريط حيااتهاا كيدوز قبالت عينيهاا من نهاار لي جات الجدة عندهم لفااس وقالت ل فاخيته اناا غناخد اميرة تقراا عندي ومن تماا وهيااا تربيها توكلهاا دوش ليهاا تنعسهاا ملي تمرض تنعس حداا راسهاا.. جدهاا لي كانت اللهبة ديالو كضرب من باب زنقة فاش كيكون داخل... كتسمع كلشي كيهضر بشوية وينقصوا لتلفااازة ويجلسوا نيشان .. محتارمينه ومقدرينه وقيمتواا عالية .. من صغرواا وهوا فالجامع كيديه باه ويقيل يحفض وفليل يجي يعرض على باه ويلا لقااه محافضش يحملوه ويعطيوه الفلقة حتااا كيديرهم فسروالو.. ولا كيوقفوا مع الشجر الزيتوون ويفزك القطيب بالماء ويبداا يعطي فيه.. كبر على دين وبغااا ولادو يكونو بحالوا ولكن هاد الجيل واخاا دير لي درتي ميحتارموك لا نتاا باهم لا باغي مصلاحتهم. وكيف كيقولوو نهيه نهيه ويلا عمى سير وخليه. وكان ديماا متبعهم بنصائح ديالوو ويوصي فيهم ويعااود.. وبفضل الله .. بنوتة صغيرة من نهار جات عندو شاف فيهاا وقال. هادي لي غتكون منهاا الكاينة... وداكشي لي كان باغي يوصلو فولادو كلهم وصلو ف اميرة لي غتكون ابنة صالحة دعي معاه وتصدق عليه مور الموت ديالو.. دار كلهم من سفلي لفوقي لفوق منو لسطح.. كلشي عااااااامر والدااخل كتر من الخاارج... واميرة غاا كدوز عينيهاا فالناس ولي هضر معاهاا مكتجااوبو.. موتو خلاهااا تصدم صدمة كبير بزاااف .. حتا وصلات العصر بعدماا غسلوه وداروه فالمحمل خارجيين بيه تبعااتو اميرة كتجري وتغوت.. عمر صوتهاا متعلى ولا تسمع لزنقة. حتا الوقت لي شافتو مخرجينه كطلبهم ميخرجووهش ويخليوه. ويعقوب فيهاا كيصبر ويعنق ويسكت.. رجعو حطو المحمل .. وعرات على وجهواا شافتو وكانت هاديك اخر مرة تشوفوو فيهاا باست ليه جبهتوااا. عاد هبطو دموعهاا رجعوهاا كيجلسواا فيهاا ويشربوهاا وهياا غاا ساخية كترعد.. حتا سخفاات بين يدين يعقوب . دخلهاا لبيتهاا وهواا شاد دموعواا غاا بزز مقادرش يصبر وباغي يصبرهااا وهياا معنقاااااه ومقدرااش طلق منوو خلات ليه تريكواا لي لابس عاامر دموع وخنونة .. باش يموتو ليك العزاز وفشهر واحد .. احساس مغيحس بيه غاا اي مجربوا ودايز منوو.. حتا من الماكلة قطعوهاا واخاا خيرات الله موجودة.. من كسكس بقواامواا ومن دجاج المحمر غاا شايط. ومن اللحومات بالبرقوق وطيباات كيوجدوا على جهد.. اميرة الماء ولات كتشربو بزز.. غاا بيتهاا مكتخرج ماا كتعتب ويعقوب مقابلهااا يجيب ليهاا الماكلة ويبزز عليهاا تااكل غاا باش ترضع بنتهاا والوو دموع نازلين مع خدودهاا وعينيهاا فالسرجم كتشووف.. نهار ثالت على موتوو.. جمعوا الطلبة كيقراو وعشاو العزاية لي جاو وهوماا واقفين على الجهد.. قدر الله عليهم. والحمد الله على كل حال.. كيحاولوو ينسااو كيحاولوو يتلفواا كيحاولو يخففو على بعضياااتهم ولكن حتا حد مقدر .. الاياام كدوز دغياا وهواا على ابواب العيد الأضحى.. داز شهر لي كان اصعب شهر فحيااتهم على موت حبابهم. يعقوب مرة هاهواا ف الرباط مرة هاهواا ف الدار بيضاء.. مرة فاس باغي غااا يضور وينسى ينسى الضايقة بيه وملقاا حل... فصباح عادي ككل يوم فاقوو كيفطروا وبلاصة الحاج حداهم ساهية فيهاا اميرة كتشووف وتنهد وترجع تشوف فالطبلة.. مشاا يعقوب هواا واسماعيل واحمد يااخدو الأضاحي د العيد وعيلات فدار مولفين يوجدواا بالفرحة وكيتسنااو غا ايمتاا يوصل نهار ولكن هاد المرة كيوجدواا فصمت والحزن باين فعينيهم..
الأرملة الصغيرة الجزء 26
محتوى القصة
التنقل بين الأجزاء