الأرملة الصغيرة الجزء 27 والأخير

ولو الكل مجموعين والامور غادياا بخير الا وكل واحد شاد فقلبوو وصابر على ماا داز.. فينماا دوز من بيت جدهاا وفينماا تفكرت بلاصتو.. قلبهاا كيتقبط وكدخل لبيتهاا تبكي وتريح راسهاا شوية عاد كتمشي تغسل وجهها وترجع تجلس معاهم.. يعقوب حاس بالنقص الكبيير من جهة امو لي صابر غاا بزز.. مول دارهاا لي كان خوهاا وباهاا وعشرت سنين.. فارقهاا فرمشة عين بحالا عمرو مكاان ولا عاش مقدراش تصبر لالة راضية غاا كيتلفوا وكل واحد شاد فقلبو وحامد الله على ماا نزل... نهار العيد داز ممل بحالو بحال ثاني عيد.. يوم الثالت مور الغداا. خرج يعقوب هوا واميرة وخرجو بنات يغيرو الجو شوية.. دخلو لقهوة وجلسو فيهاا .. يعقوب : انا كنت قلت ليك خاصناا نهضروا ولكن ملقيتش كيفااش اميرة : فهمااك وحتاا انا كنت باغاا غا نخرج قنت ياا يعقوب قنت.. مبقيش باغاا نرجع لفرانسااا وبالخصوص الوحدة تماا منقدرش منقدرش يعقوب : اووف شغادي نقولك وحلت عييت منخمم واناا براسي مكرهتش ندخل المغرب المهم اناا غنمشي لطنجة حيت هضرت انا وليد يشوف لياا سكنة تماا صغيرة وصيفط لياا تصاور د شحال من وحدة.. انا بغيتها تكون حدا المدرسة وحدا الروض وقريبة لكلشي ومن بعد غنرجع لفرانساا.. نجيب وراقياا ونرصي الامور تماا وندخل فمراا لمغرب نخدم فشي كلينيك هناا حتا يحن الله وندير عيادة ديالي اميرة : معندكش الفلوس يعقوب : وراه خاص صحاااح .. الا شريت الدار راه مغيبقااش بزااف فهمتي ولا كنفكر ف خالد يعاوني حتا نرجع ليه فلوسو اميرة : مصااب كون كان عندي والله بلاما تقولهاا لحتاا واحد يعقوب : عرفتي باش تعاونيني !! غير تقاابلي وليداتك ودارك وبس.. هادشي لي خاصني اميرة : الله يسهل عليك الامور يعقوب : امين.. اميرة : واخاا نمشي معاك لطنجة يعقوب : مكاين لاش حتا لمن بعد الا خديت شي حاجة عاد نديك هانتي غتبقااي مع امك وجداتك ياك كنتي باغاا تبقااي معاهم ولا اميرة : نتاا ايمتاا غتمشي لطنجة واش بوحدك يعقوب : غدا غنمشي. غندوز تماا شي يومين ونرجع.. انمشيو اناا ومعاذ اميرة : (بترجي ) ديني معااك عفااك راه مبغيتش نبقاا فدارناا قنت بزاااف واصلا جدو كان هواا كلشي فديك الدار وداباا ولات ضلام منقدرش حتا نجلس فيها يعقوب : ماعرفت اميرة : على خاطرك.. يلاه نمشيو (وقفت ) يعقوب : جلسي فين مااشا مالك تاني وصاافي دابا نشوف اميرة : اناا بغيت نمشي معاك فينماا مشيتي مبقيتش باغاا نبقاا بوحدي واخاا مع عائلتي يعقوب : امم اوك صافي.. اميرة : داباا مغنرجعوش لفرانساا يعقوب : غنرجع غير اناا وصافي اميرة : اجي علاش مندخلوش لين لجامع تقرا قرآن كاينين وليدات صغاار كيقريوهم يعقوب : لين مزال يلاه عندهاا 3 سنين وزيادة مزال على الجامع حتا تكبر شوية ندخلوهاا لروض هواا الأول تعرف الحروف بعداا .. بقااي تهضري معاها بالعربية وحاولي تعلميها وتوريهاا اميرة : وراه كنهضر معاهاا وهضرتها مزال ملوية هه يعقوب : كتبقاا فياا غا هبة معدياا عليهاا لين اميرة : مصااب منلقااش معاهم صعوبة يعقوب : داباا بقاا شهر وتكمل هبة عام خاصناا نردو البال معاهم بجووج اميرة : ضروري يعقوب : يلاه نتمشااو شوية باش نرجعوا لدار. ناض يعقوب هاز هبة واميرة شادة فيدين لين كيتمشااو ويفكروا فحياتهم جاية.. حتا طاح الضلام.. ورجعوا بحالهم لدار.. تعشاو وقصروا وهوما مجمعين. كل واحد مشاا لبيتو شي كيطيب نعاسو شي طاح طيحة وحدة.. شي كيخم فالجاي وكيف غيكمل حياتو.. حتا صبح الحال.. صبحات اميرة فايقة وناشطة ملهوفة حيت غتساافر وتبدل الجو.. توضات وصلاة ودخلت الكوزينة مع جداتهاا كيوجدوا هياا وياهاا لفطور.. حتا ناض الكل وفطروا وجمعوا الدار .. واميرة كتجمع حويجات خفاف ديهم معاهاا وكتجمع حويجاات لبنياات دياولهاا.. تغداو وناضو يلبسو حوايجهم. خلاو اسماء متكية على سمية مجمعين ولاو كيتفاهمواا ومرتاحين لبعضيااتهم . سلموا على الكل وخرجواا شادين الطريق لطنجة..

مريم : فرحانة بزااااف ملي شفت المسج ديالك وقلتيليااا غنتشااوفوو والله متصورييش فرحتي قداش واخاا كنت، كنقول من موحال يجي شي نهار ونطلاقا معاك ولكن اوووف ههه معرفتش كيفااش نعبر على فرحتي..

شافت اميرة المسج كتقرا وابتساامة حب وفرحة وشوق مرسوومة على وجهها.. وجوبااتهاا.. 

اميرة : اناا قلبي كيدق هه احساس غريب نعرفك فهاد العالم ازرق ونرتااح ليك ونحس بيك قريبة ليااا.. هادشي لي خلاني جااياا باش نشوفك مريم : الله يجيبكم على خير فين وصلتو داباا 

اميرة : تطواان مبقااتش بزاف حتا نرصيو امورناا ونقولهالوو ويحن الله مصااب غاا يبغي وميتعكسش معااياا 

مريم : اناا غنبقااا ندعي حتاا نشوفك 

اميرة : الله يسمع منك.. نخليك داباا باش منعيقش حداه حتاا نوصل ونهضروا ❤ خلات ليها رساالة وضورات وجهها لعند معاذ لور كتشوف فبنات لي كينقزوا عليه وهواا عاطيهم الخاطر.. 

اميرة : يعقوب عندمن غنمشيو 

يعقوب : نتي بغيتي غاا تجي مقلتي لا فين عندمن غنمشيو لا والو نبقااو ف طوموبيل 

اميرة : اواه نباتو هناا 

معاذ : لا نديرو قيطوون حدا صور المعكاازين 

اميرة : فين جاا هاداا ديوني ليه يعقوب ديناا ليه 

يعقوب : واخاا.. المهم وليد راه غيخلي ليناا سكنة من السكناات د نسيبو لي كيكريهم.. تماا غنزلو 

اميرة : توحشت رباب بزااف والله مشوقة نشوفها 

يعقوب : قال لياا وليد مكينااش ف دار مشاات لجبل عند عائلتها ولكن هاد اليومين غتجي. 

اميرة : ونلحق نشوفهاا 

يعقوب : يمكن.. 

كمل يعقوب طريقوو مرة يهضروا مرة يسكتوا.. حتا دخلو لطنجة. واميرة باغاا طير بالفرحة عينيهاا مع زاج كتشوف الدنياا كيف دايرة . حتا وصلوو لعمرات لي كيشوفو فالبحر .. كيكريهم وليد لسيااح ولناس لي كيجيو يخيموا فطنجة فالصيف.. صوناا يعقوب على وليد.. وبقاا كيتسنااه شوية حتاا جاا.. ودخلهم لدار طبقة الرابعة لي خاوية... عطاهم الساروت ودخلو ليهاا.. وهواا هبط بحالو.. واميرة كضور تشوف ارجاء البيت كيف دايرين وفراشهاا الزوين بدل يعقوب حوايجواا.. خلاهاا كتستف حويجاات وخرج عند وليد لي كان كيتسنااه لتحت مشاا هوا ويااه يشوفو السكنة لي قاليه.. حيدت لبناات صبيبطاتهم وحوايجهم ومشاات لحمام طلقاات السخون وهزت الفوطات وشمبوان ومشطة وشي لاخور.. ودخلت البنات يدوشوو فركاات ليهم وحكااتهم وحدة بوحدة.. نشفااتهم بالفوطة ولوات عليهم فوطات خرين ودخلاتهم لبيت لبساات ليهم حويجاتهم ولوات عليهم طريبشات سخان وشعلات ليهم التلفاازة يتفرجوا.. 

اميرة : لين حضي ختك عندك طيحيهاا ولا ضربيهاا تفرجوا شوية ونجي

لين : نن اوك 

اميرة : يلاه هاناا مشيت

خلاتهم كيتفرجوا ويضحكوا على الرسووم...ومشات هزت فوطة ديالهاا وبينوار . وحوايجهاا حطتهم فوق النموسية هزت لي غتحتااج ودخلت الحمام فزكاات شعرهاا ودارت ليه شمبوان وجمعاتو.. جبدات الكريم لي كتجيب ليها اسماء كل مرة من نهار تزوجت ... دهنااتوو فالجسم ديالهاا وتحت ابطها وخلاتو حتا بداا ينشف ومسحاتو بزغب بكلشي.. مخلات حتاا حاجة كضور... عاد بدات تحك ومشطاات شعرهاا هبطاات ليه الصابون كامل شللت وخرج لبيت.. عطرت راسها كيف كانت موالفة بالمسك لي معروفة بيه وميخطهاش... عاد لبست حويجااتهاا جداد لي كانت خدات قبل متجي المغرب.. زادت فوقها البينوار بالقب ديالو نشفت شعرهاا وخلات خصلاتو هابطة على عنقهاا دارت فوقها القب وخرجت عند بنات لقاات هبة نعست ولين مزال كتفرج... حطت هبة فبلاصتهاا وغطااتهاا ورجعت جلست حداا لين معنقااهاا وتليفون فيدهاا مجمعة مع مريم.... حتا رجع دخل يعقوب وكان طاح الضلام اميرة : على سلامتك يعقوب : الله يسلمك بصحتكم شي تدويشة هادي اميرة : هه اه غاا دوشت لبناات وقلت نسخن جنابي شاف فيها يعقوب كيطلع ويهبط ابتساامة جانبية.. واقف حداهم كيحك لحيتو يعقوب : ميرا بدلي لبنات حوايجهم غنخرجوا نتعشااو برا اميرة : ولكن هبة ناعسة ولين عياانة غينعسوا ليناا براا يعقوب : وغاا نوضي فيقي هبة ولين مزال متنعس اميرة : لا الا فيقتهااا تبقاا تبكي هناا غيتخسر فيها نعااس...فين معاذ يعقوب : اووك لي بغيتي اناا نجيبو من برا .. معاذ قالي غيباات مع شي واحد كيعرفواا المهم اناا غادي

اميرة : واخاا خرج يعقوب واميرة طلت على لين لقاات عينيهاا ذبالو ميتة بالنعاس قدااتهاا فوق الفوطوي غطاتها وجلست كتفرج حداهاا حتا رجع هاز العشاء فيدو حطو حداها فالطبلة وقف كيحيد لافيست ديالوو.. اميرة : وعلاش جبتي العشاء كون قضيناا باش مكان وصاافي يعقوب : باش غتقضي يلاه زيدي كولي عارف راسي تعطلت... تسناي نغسل يدي ونجي.. اميرة : طياب د الزنقة كيشهي كيعجبني اناا امم شحال لذيذ هاد الحوت يعقوب (من الكوزينة ) متكترييش فيه بزااف اميرة : ههه كيعجبني بزااف.. وقف حداهاا كيمسح يدو وقال : وحتاا نتي كتعجبيني وبزاااف بزااف... هزت عينيهاا فيه فرحانة من كلام لي قال ليهاا وكانت مشتااقة تسمعها منو بعد الصدمات لي دازت ف ايامهم موت مور خراا.. وفديك الاياام مقربووش من بعضياااتهم ولاا عبرو على احاسيسهم كل واحد مجروح فجهة... من جهة الام والسند والصديقة ونبع الحنان لي سهرات وقرات ورباات... ومن جهو اميرة لي فقداات امهاا ثانية لي خداات بلاصة كبيرة فقلبهاا.. واب روحي استاذهاا وقدوتهاا لي حلت عينيهاا فيه.. فقدو الاعزاء وحياتهم ترونت ومشاعيرهم بردت .. ويوم بعد اليوم كيحاولو يتعاايشو مع الوقت وينسااو شوية واخاا حباب مكيتنساااوش ومكيخرجووش من القلب بسهولة..جلس حداهاا كيتعشااو ويديو ويجيبو فالهضرة.. اميرة : ودابا شنو ملقيتيش لي تناسبك يعقوب : كاين وموجدين مي الموقع معجبنيش.. باغي بلاصة تكون عامرة فهمتي ماشي خاوية وسكان قلال.. هاد البلاصة لي مشيت ليهاا الديور لي فيها غاا صحاب الريف لي عايشيين براا تخااف تمشي تماا دنياا خاوية اميرة : خير ايمتاا مااجا ينفع المهم الله يسر ليم تلقا ما احسن يعقوب : ان شااااء الله غداا انشوفوو جهة خرا حدا مرجاان على الله اميرة : حتا ديك جهة زوينة عجباتني اناا داك المرة فاش كناا جيناا يعقوب : عاقلة ملي كناا جيناا خديناا الببوش اميرة : ههه كانت شتاا كطيح وكناا جالسين فدوك بردات لي كيدوز منهم طوبيس يعقوب : وي الاياام كطيح اميرة : يعقووب نهضر معاك ومضورش فياا يعقوب : شي حااجة تماا عوتاني اميرة : الصمت يعقوب : قولي شنو اميرة : كنت هضرت ليك على مريم بنت لي كنعرفها فالفيس يعقوب : مغتشوفيهاااش صافي سدي الموضوع.. شافت فيه والدمووع مكرونين ليهاا فشفر عينيهاا حطت الشدق من يديهاا وتوخرت اللور حابسة البكية لي باغاا تخرجهاا يعقوب : زيدي تعشااي مالك اميرة : مخصنيش شبعت يعقوب : عاد قلناا باسم الله زعمة دغياا شبعتي زيدي خلاص اميرة : معرفتش علاش كدير معاياا هاكاا علاش علااش فينمااا نجي نهضر معاااك تندمني وتسكتني وشفيهاا كااع الا شفت هاد البنت غتعضني ولا ضرني علاش اناا جاية هناا اصلا كون غاا بقيت فدارناا حسن لياا.. يعقوب : داباا نتي على ود من ماا كان باغاا تنوضي صدااع وتردي فياا الحق لياا.. شكون ضمنهاا ليك شكون عرفك بيهاا شكون قال صالحة هاد نيتك غتخرجك فشيي صدااع وانااا ديك سااعة منعقلش عليك فهمتيي منعقلش علييك ضبري راسك ديك ساعة سكتات اميرة وفينماا تهبط شي دمعة تمسحها بيديهاا قبل متباان . خلاتو تما وناضت هزت لين دخلاتهاا لبيت نعاس.. حطتها حدا ختهاا وبداات تقادد ليهم الفوطوي العريض وطويل فرشااتو وحطاتهم بجوج بيهم تماا غطاتهم مزياان وخففت الحوايج عليهاا وتكات فبلاصتهاا مرة تهز عينيهاا تشوف فالبناات مرة فالسقف كطيب نعاسهاا بضوران فوق فراشهاا مرة يمين مرة شمال.. حتا دخل يعقوب لبيت بدل حوايجو بقاا بشورط ودخل حداهاا لبلاصتو....

شادة عينيهاا ومبغااتش تقلب وجهها فيه... هز تليفون كيطلع ويهبط فيه حتاا عياا وهياا حرام واش نعاس جاهاا.. طاب جنبها من نعسة عليه بغاات ضور مقدرات بغات تبقاا لحمهاا تنملات استسلمت وضارت حست بيه كيتقلب لجهة خرا.. قالت صافي نعس عينياا طابو انحلهم نشووف... حلتهم بشوية بحالا كانت ناعسة شافتو ناعس على جنبو شمال كيشوف فيها مربع يديه.. رجعت قلبت وجها لجهة خراا بغاا يتقرب منهاا فينماا يجي يحط يدو عليها يخاف تغوت ولا تنفر منو... صبرو تسالااا وتقرب منهاا كتر شدهاا من ذراعهاا وضورهاا عندو شافت فيه وقلباات وجهها قرب منها كتر حتاا لسقهاا معاه وقرب لشفايفهاا ناعسة الموردة.. قبلهاا بدون ردة فعل منهاا وقال... يعقوب : منخصرش ليك الخاطر غداا شوفي لي بغيتي ونخرجك فين بغيتيي غاا متقلقيش .. تغرغرواا عينيهاا بقوة الفرحة شافت فيه وابتسماات كتشتت النضر من حولهاا حشمانة من نضراتو ليهاا ويديه لي شاادين يديهاا لعندو حس بيها رطاابت ومبقااتش مقلقة منوو شاف فيها وطلع حاجبو باغي يعرف جوابهاا .. مقدرات تنطق بحتا كلمة وهززت ليه راسها ... خشاهاا فصدرواا لي كينهج وسخونية لي طاالعة معاااه مخلاتووش يتلذذ بشفاايفهاا كترر بضورهاا تجوباات معاه خلاتوو كيدير كلشي من غير عينيها لي مقدرينش يركزو مع عينيه وحرارة طالعة مع عنقها استمتعواا بوقتهم حلال طيباا وساعات كدوز... خلاهاا سخفاانة حدااه وتكاا حداهاا وجرهاا لعندو كيدوز يديه على حنيكاتها وعوينااتها وهياا مكمشة فالماانطة مرة مرة تهز عينيها فيه وخدوودهاا حومر... يعقوب : كيقولو اناا مراءة ففراشها مع راجلهاا خاصها تكون عاهرة ... باش يستمتعواا كتر ولكن لي شفت العكسس. اناا حشوومية ديالي لي مقدرااش حتا تشوف فعيني واالدة ياا حسرة متعة ديالي معاهاا ميوصلهاا حد كتعجبينيي هاكاا.. ولكن امم غاا خليك هاكا حسن اميرة : هه ضحكات وغطاات وجهها مقدراتش تبقاا كتشوف مزال.. حيد عليها الغطاا هوا يجر وهياا تجر تخشى تحتهاا وكملو حتاا تسالا ليه السوفل وغلبهاا نعااس عاد جر عليهاا الغطى ونعساات.. ناض دخل لحمام اغتسل ولبس حوايجواا هز الصلاة ومشاا فرشها فالصالون وبداا كيصلي بصوت خافت.. حتا وذن الفجر عاد صلاه ورجع لبلاصتو نعس حداهاا يعقوب : ميراا.... مرمورتي...... ياا ام البنااات..... وااامدام...... والحاااجة.... ههه لين فيقي مك راه مبغااتش تفيق لين : ماماا ماااماا ونووضي .. باباا فيقها نتاا مبغاتش تنوض يعقوب : وااميرة نوضي تحركي خلاص هههه ونتي شاربة كينة د فاار اوو شحال وحناا نعيطو ونفيقو لين : ماااااامااااااا مااااااااامااااا كانت غارقة فنعااسهاا حتاا سمعات كل واحد كيفيقها من جهة ناضت مخلووعة وشنيفاتهاا حوومر كتحااول تحل عينيها من شعى شافت يعقوب جالس حداهاا مكبط وكشكول على عنقو شادة الضحكة ولين من جهة خراا كتشوف فيهاا وتفيقهاا خرجت اميرة يديهاا وهزت راسها بغات تجلس وهيا تفكر راسهاا ملابسة والو... بغاات لين تخرج وهياا تشوف سوتيان طايحين فالارض هزاتهم ورجعت حدا ماماهاا وقالت لين : ماما هادو ديالك طاحو ليك هناا طلقهاا يعقوب بضحكة حتاا تسمعاات فالدار كلها اميرة حمر وجهها وخطفتها منهاا بدرعانهاا معرييت كيباان عنقهاا ووكتاافهاا ملابسة والو شافتهاا لين وكترجع تشوف ف يعقوب لي شاد نيفو بيديه وكيضحك لين : ماما مالك ملبساش حوايجك هئ ها سروالك شوفي فين طايح (هزتو ) اميرة : والو احبيبة غاا جاني الصهد فليل وصافي سيري عندك ختك يعقوب : اه ههههه والله حتاا جاهاا الصهد مجهد ف ليل الله يحسن العوان. مفهماات منهم والوو وضحكت باهاا ضحكااتهاا وطلقااتهاا حتا هياا حدااه اميرة : ههه خرجهااا يعقوووب خرجها يعقوب : عرفتي شحال ماا ضحكت هاكااا والله حتاا هاد لين علااام سيري احبيبة سيري هاحناا جاايين.. خرجت لين ويعقوب شاد ف اميرة وهياا كتلوي الحوايج وتلووح عليه. لبساات بينوارهاا فبلاصتها خلاتو كيجمع الفراش. ومشات الحمام...

حمحمااات وتكسلاات وخرجت لقاات يعقوب كيذهن الفرمااج لهبة ف بتيبانة صغيرة مشات لبست حوايجهاا وصلاة فبيتهاا عاد خرجاات هزة تليفون كتشوف السااعة... اميرة : اوااه داباا 1:09 د نهاار الضهر وذناات يعقوب : صبحتي مكمشة عييت منفيق اناا نجر الفراش ونتي تجري اميرة : مفطنتش براسي فقاش فيقتي اجي اماما ديالي اجي.. يعقوب : نضت مع ديك 10 لقيت لين فايقة كضور هناا عاد لبست وخليتهاا كتفرج وخرجت جبت الفطور.. اميرة : شنو احبيبة خصك شنو علاش كتبكي احبيبة ديالي يعقوب : عطيها ترضع راهاا جيعانة اميرة : وهاهياا تاكل خبيزة راه عييت بالرضاعة يعقوب : كملي ليهاا واخاا غا عام ونص باش يصحااح العضيم ديالهاا حليب د زنقة معندو باش ينفعهاا ولا غيشبعها اميرة : احح وبشوية ايي بشوياااا ولات كتعض وغاا كتهرنن يعقوب : سنينااات الفوقاانيين خارجين ههه راها مخصرة اميرة : ويني فطور هادا هه دير ليناا حتا الغداا يعقوب : شبان ليك نديرو شي غداا فالرميلات اميرة : فين جات هادي يعقوب : وراه كناا مشيناا ليهاا فيها الغابة زوية ناس كيكونو تماا.. ناخدو طاجين والقوام ونمشيو تماا اميرة : يااااه صاافي نمشيو وييي ههه فرحتيني يعقوب : المهم اناا غنمشي نشوف وليد داباا عشية نتشااوفوا اميرة : (بأسى ) ووو.. مريم يعقوب : حتا لمن بعد اميرة : يااك وق... واخا صافي قلبات وجهها تاني ويعقوب عاطيهاا العين باغي يشوف ردة فعلهاا يعقوب : كتقلقي دغياا واش معنديش القااادر نضحك معاك ولا نشد فيك عادي فينماا نهضر تغضبي اميرة : وانتاا كتقولي حتا لمن بعد غدا تقولي يلاه نمشيو يااك قلتي يومين وغتمشي يعقوب : هضرت ماشي طبقت اناا مزال مغنمشي وزيدون داباا مزال ناس عاد كيتغداو وفشغالاتهم غنديك اناا عند الناس من داباا خلي حتاا لعشية ونديك اميرة : وغنبقاا بوحدي اناا هنا .. ديني عندهاا وفعشية نرجع مبغااش يزيد معاهاا فالهضرة كتر وقال.. يعقوب : بدلو حوايجكم شوية نرجع ونديك حطت هبة حداا ختااهاا وناضت تشعلقت فيه كتعنق يعقوب : الله يرزقني معاك الصبر اميرة : ههه امين امين هه يعقوب : لبسي شي حاجة طويلة ..فين غطلقااك هياا اميرة : عندك صولد فالتليفون نصوني عليهاا نشوف فين نطلقااو يعقوب : اه شدي.. اتصلات بيها ولا مجيب ... حتا طلع ليعقوب الزعف واميرة كتساايس.. حتا جوبااتهاا وسولاتهاا اميرة فين يطلقااو ومع الاسف مقدرااتش تخرج داك النهار باش طلاقااهاا وطلباات منهاا مريم تجي تزورهاا فدارهاا... اميرة : مقدراتش تخرج اليوم وقالت لياا نجي عندهاا لدارهم يعقوب : الله اكبر من زنقة لدار.. ايوا ومن بعد دوزي تجلسي معندك فين تمشي اميرة : ياااااك اهئ اهئ واناا قلت ليهاا غنجي عندك يعقوب : وااش حمقة انخليك تمشي عندك نااس ننعرفوووش وجههم حتاا كيف داير شوية لبااس نتي غطلعي ليااا السكر تخرج طلقااك برا مرحباا مبغااتش صافي راه درت معاك فووق الخاطر اميرة : صافي اجي اهبة نبدلك ليكوش اجي.. جرت هبة دخلاتهاا لبيت نعاس وهياا دموعهاا هابطين مبغااوش يتحبسو كتبدل ليهاا وتبكي. خرج يعقوب وبقاات غا لين فوسط دار كتفرج .. خرجت حداها هبة كتلعب واميرة عطااتهاا غاا لنحيط والبكاا حتا تخنقت... ورجعت خرجت جلست معاهم ومرة مرة دوز يديها على حنااكهاا تمسح دموعهاا سمعات تليفون كيصوني وناضت تشوف شكون لقاات يعقوب قطعت عليه ورجعت لبلاصتهاا رجع صونى ومدتهااش فيه حتا وصلهاا مسج مكتوب فيه.. لبسي حوايجك دغياا اناا غنجي نديك لعندهاا .. شافت المسج وبقاات هازة تليفون فيديهاا ورجعت لبلاصتهاا مدتهااش فيه.. رجع صونى وصونى ولا رد... حتا حل الباب يعقوب : كنصووني وكنصووني جااوبي نوضي لبسي حوايجك يلاه اميرة : مغديااش صافي معندي فين نمشي يعقوب : بلاا عصب نوضي خلاص مفياا لي يهضر راه من قبيلة وهياا كتصوني علياا ديك البنت وترغب..دوزاتلي حتا امهاا هضرات معااياا نوضي يلاه دغياا راه وليد كيتسنااني.. ناضت اميرة فرحااانة غطير غطيييير ولكن دايرة فيهاا مقلقة.. دخلات البناات لبساات ليهم كسيوات ديالهم وسبيبطاات مشطات ليهم شعرهم بالزربة وزيناتو ليهم بالمقيبضاات ولبست عبايتهاا وصباطهاا قدات زيفهاا وهزت صاكها.. وخرجت عندو.. سد الباب وهبطو مع الدروج..

شدو الطريق واميرة كتهضر مع مريم كتنعت ليهاا فين هوماا ومنين تمشي... لبلاصة لي فيها. يعقوب بعيدة بزاااف على سكنة لي عطاهم وليد... عيااو ميخيطو فالزناقي وهوماا تالفيين حتااا سخن راس يعقوب وبغاا يقلب الضورة وكل ساعة ينعل الشيطاان حتاا خدم الجي بي اس... وبداا يقلب على شارع لي قالت ليهم مريم... فاتت العصرر عااد وصلو ليه .. وبداو يتسنااوهاا طلقااهم تيك تيك تيك... قلب اميرة كيضرب بالجهد كا اول لقااء فحيااتهاا مع وحدة عرفااتها فالعالم الأزرق... كتحضي الطرقااان فينماا تباان شي بنت تقوول هياا.. يعقوب : غدخلي بيديك خاوية اميرة : لا خاصني ناخد شي حاجة شنو ناخد.. يعقوب : صبري اناا جاي.. خرج من الطوموبيل غاادي مع الشاارع واميرة يديها بردواا عليهااا كل مرة تشوف ف تليفون وتحضي ولين كطل هياا وهبة... شوية حتا وصلهاا مسج مريم : انا حدا رومبوان فينك خرجت اميرة من الطوموبيل وطلقاات عينيهاا مع الرومباان كتبان ليها بنت مطويلاش..ومقصيراش.. فرمتهاا مقادة.. متحجبة هازة تليفون فيديهاا.. شيرات ليها اميرة بيديهاا حتا شافتهاا.. خلات البناات فالطوموبيل ومشاات جيهتهاا. والبنت جايااا جيهتهاا كل وحدة كتشتت النضر.. حشماانين من بعضيااتهم او نقولو دهشااانين .. حتا طلقااو وتبااادلو العنااااااق الحاااار ... حست اميرة بحال جزء من عائلتهاا بعد مدة طويلة عاد كتااب وشاافتوو.. تخلطو دموع الفرحة مع ابتسااامة المتباادلة.. وكل وحدة كتحقق فلاخرة ممتيقينش. او واش هادي لي انا كنت كنهضر معاهاا مشااو متعانقين لجهة طوموبيل طلعت هيا واميرة لور.. شدت لين كتبوس فيهاا وتعنق وجلست هبة فحجرهاا واميرة كتأمل فيهاا.. هاد لقااء خلا المحبة تزيد تكبر حتا رجع يعقوب هاز كرطونة كبيرة فيدو... حل الباب لقاا مريم جالسة حداا اميرة مدت ليه يديها سلم عليهاا وطلع لبلاصتو.. مريم : سمحليااا بزااف على هاد التعذيبة د اليوم وحتا طريق معرفتوهااش يعقوب : لا معليش هانياا نتي لي هضرتي معايا قبيلة ياك مريم : هه اه اناا ودوزت ليك ماماا.. يعقوب : واخاا.. داركم مزال بعيدة مريم : لا غير ضور من ديك رومبواان وسير مع شارع نيشان غتباان ليك الزنقة دخل معاها يعقوب : هادي لي لهيه مريم : اه هاديك... زاد يعقوب واميرة ومريم معاااانقييين.. ويعقووب كل مرة يعلي عينوو فالمراياا يلقااوهم مدرعين وحدة تشووف ف وحدة... حتا دخلو مع زنقة طويلة . ونعتات ليه مريم باب دار عاد حبس.. هبطت اميرة وشير ليهاا يعقوب تهز كرطونة.. ومريم شادة لين فيد وهبة معنقاهاا بيد خراا.. بقاا يعقوب واقف كيتسنااهم يدخلوو. زادت عندو اميرة اميرة : عشية دوز موراياا يعقوب : سوليهاا واش كاين شي حد فالدار بعدا اميرة : صبر .. مريم اجي شكون معاكم فدار مريم : غاا انا وماما وخوتي علاش اميرة : دراري حتا هوماا مريم : لا مكاين حتا ولد علاش اميرة : غا راجلي داباا غيشك ولا ماعرفت غنوحل معاه.. مريم : هئ حتاا هواا غيدخل. خلات اميرة واقفة وزادت عندو مريم : زيد اخاي مرحباا بيك دخل يعقوب : لا مكااين لاش ياك هانياا الامور بعداا مريم : والله يااا خاي الا كون هاني بحالا فالدار ديالوم زيد دخل تأكد وجلس معاناا ماشي مشكيل. يعقوب : لاا ماشي مشكيل صافي.. مريم : وغاا زيد شوف ورجع هبط الا بغيتي. مهنااه بال.. وخرج دخل معاهم زادت مريم فالاول واميرة تبعااهاا ويعقوب موراهم هاز لين.. طلعوا لطابق الثالت .. وطلقااتهم امهاا بسلام عائلة محتشمة وعينيهم فالأرض. استقبلاتو امهاا بكلامها الحنين بحال الأم ديالو تأكد من الأمان بلاماا يحيد صباطوو.. استأذن منهم وهبط مع الدروج. حطت اميرة كرطونة فوق الطبلة ..وسلمت عليهم كلهم تسلم وتعااود بحالا عائلتهاا وكاانت غايبة عليهم.. مريم مقصراتش من جهدهاا يلاه جلست اميرة حطاات ليهاا سينية.. فيهاا طبسيل التمر معمر وكااس د الحليب.. كترحب بيهاا ...

جلسواا حداا بعضيااتهم لساانهم تقيل اش غيقوولوو واش غيعااودو ومنين غيبدااو ... لباس لباااس اووه على فرحة واخيرااا طلاقيناا هادي هياا الهضرة لي كضور عندهم.. وام مريم معجبة ب اميرة بطيبتهاا صوتهاا الخافت لي كتهضر بيه عينيهاا منزلين فالأرض حشماانة منهم .. خلاتهاا مريم مجمعة مع خوتهاا بنات وامهاا ومشات توجد السينية د اتاي.. بدات كتحط فوق الطبلة وتستف وتعمر ولي حطااتو مكافيهاا وكيجيهاا قليل.. نعتات ليهاا اميرة تهز الكرطونة من حداهم.. دخلاتها الكوزينة وحطاات طارط كبيرة فطبسيل وااسع.. وخرجااتها ليهم حطتها فوق الطبلة.. وجلست حداا اميرة مرة تهز لين تبووس وتعااود مرة تهز هبة مرة تهزهم لجوج وهياا مقادااهاا فرحة.. تزيد لأميرة وتحط حداهاا.. ضيفااتهاا بقلب كبير .. وناضت تشوف غداهاا فين وصل واخاا الوقت متأخر... اغلب ناس طنجة غداهم كيكون حتا لعشية.. عكس بيت اميرة لي 12 د نهار يكون واجد.. كيف كان يدخل الحاج مصطفى من الجامع يحطو الغداا... قرباات تأذن المغرب. عااد حطو المحمر فطبسيل ب دغميرتو وشليضااتو وخيرات الله .. بقااو جالسين مجموعين وهضرتهم كانت عاادية حيت ملقاوش كيف ينفاردو لوحدهم ويهضروا على راحتهم. غاا هضرة تجبد خرا فلأمور العادية.. دخلات مريم لبيتهاا جبدات جوح بلاستيكات.. وجرت لين لعندهاا وحلت وحدة من دوك البلاستيكات. فيهم توكاا بكسوتهاا وطربووشهاا فلون جميل بزااف لبسااتهاا ليهاا ولين فرحاانة وكتمشي توقف فوق السداري وتشوف راسهاا كيف جات معاهاا ضور فرحانة براسها.. لبساات وحدة خراا لهبة قدهاا مكبيرة ماا صغيرة وهزتهاا فيديهاا تشوف راسهاا حتاا هيا فالمراياا.. اميرة فرحانة عاجبهاا الحال والجو لي عندهم وطيبة عائلة مريم.. ومريم لي دارت فووووق جهدهااا.. حتاا وقفاات طوموبيل فالباب كانت فاتت العشاء. رسل لأميرة مسج تهبط عندو.. جمعت النوضة ديالهاا كتسلم عليهم وهواا كيحصروا فيها تزيد تقصر معاهم. هبطو معاهاا حتا لباب دار كلهم.. كيعاودو بالسلام ويعقوب عاطيهم العين كيشوف تصرفهم معاهاا. قربات عندو مريم... وشكراتو بزااف حيت عطاهاا فرصة تشوف اميرة وتعرف عليهاا عن قرب... يعقوب : حتاا هياا كتقيل كتهضر غاا عليك عفو الله وصافي مريم : واناا كنموووت عليهااا واخاا عندي خواتااتي ولكن كنحس بيهاا هياا كتر من ختي تيق بياا الا قلت ليك نتاا محضووض عندك مرا بحال هادي الله يدوم ليكم ويسهل عليكم يعقوب : حتاا نتي الله يكمل عليك نتي ومعاذ محضووض حيت عرف عائلة بحالكم... تصدماات مريم ملي قاليهاا هاد الهضرة.. حيت كانت دايرة هياا واميرة يعقوب ميعرفش بقصت حبهم هياا ومعاذ.. والا غينوض شي صدااع بين يعقوب واميرة على ود هاد البلاان. فرحت من جهة وتلفت من جيه خراا عندااك يضور ف اميرة بغاا تهضر معاهاا وملقااتش كيفاش تسالمواا ومشاات اميرة طلعت حدا يعقوب ولين وهبة من اللور وزادو

يعقوب : ضريفة 

اميرة : ههه بصح 

يعقوب : امم كتنوعروا موراياا يااك

اميرة : علاش 

يعقوب : نتي لي عرفتي مريم على معاذ يااك 

اميرة : وصراحة اه ولكن هادشي شحااالل هادي عرفتي مدة يعقوب : عرفت كلشي عاودلي معااذ 

اميرة : سمحلي كنت باغا نقولهالك غير خفت ضور فياا 

يعقوب : اييه تخافي نتي هضرناا معاك خرجتي فينا عينيك اميرة : هههه كون كنتي تشوف شدارو معاايا والله ناس طيبين وكرام

يعقوب : مزياان بصحة.. معاذ كيف ساق الخباار قالي علاش مقلتوهاليش نمشي معاكم 

اميرة : ههه نسيتو كو غا قلتهاا ليه 

يعقوب : فين غيمشي فيين زعمة اناا دخلت وجلست اناا غا امنت عليك وصافي 

اميرة : اجي نقولك نتاا مكتسلمش على نساء ههه كيف طرا ليك مع مريم

يعقوب : غاا سكتي حشمت فبلاصتهاا مدت لياا يديهاا مكلت ليهاا صبعااني شغندير 

اميرة : ههه جاتها مسكينة عاادية.. 

يعقوب : هاد لعيبات واش هياا لي لبسااتهم لين وهبة 

اميرة : اه كيف جاوك

يعقوب : امم زوينين.. عندهاا خدمة مجهدة ماشي بحالك شديتي فزواقة وحدة 

اميرة : وعلاه نتاا كنتي كتخليني نخدم بعداا

يعقوب : كنت زماان داباا تعلمي غاا لولادك الالة 

اميرة : هه ضروري حتا نسكنو فطنجة.. 

يعقوب : يلاه نتعشااو عاد نمشيو لدار 

اميرة : اناا شبعانة

يعقوب : شبعاانة تفرجي فياا حتا نتعشى ونمشيو... وقفوا فريسطو معروفة فمدينة طنجة.. جميلة وكتشوف فالبحر من سراجمها العالية... حطو ليهم العشاء تفتحاات ليها اميرة شهية وجلسوا كيتعشاو وتوكل وليدااتها.. ضارو شوية فالكورنيش د ملاباطاا ورجعوا بحالهم لدار... شد يعقوب كتااب كيقرا فيه..واميرة تليفون كتهضر مع مريم وبنات كيلعبواا... حتا تأخر الوقت عاد شدو بلايصهم... صباح بكري فاق يعقوب وفيق معاه اميرة وتليفون كيصوني على معاذ.. . لبسو حوايجهم واميرة كضفر لين شعرهاا... 

يعقوب : غنمشيو نفطروا ابخي نمشيو نتسخروا اش غنحتاجو عاد نمشيو معاذ هاهوا جاي.. 

اميرة : واخاا شنو غطيب فهاد الطاجين

يعقوب : حنا غنشوفو المهم نبدلو الجو 

اميرة : خصارة اسماء مكيناااش معاناا 

يعقوب : اسماء خاصهاا تشوف دارهاا وراجلهاا لي صااااابر فوووووق فووووق القيااااس راه غاا كيحشم مناا وصافي اماا هواا كون راه طلقهاا حتا راجل ميقبل بهادشي عييت منهضر معاهاا وداباا دير لي بغاات ..حيت الا هضرت اتقول غاا قنت منهاا وباغي نتفك خليتهاا غتزيد يتكفس حالهم عيا وراجلهاا.. المهم خلي حتاا نرجعوا ونهضر معاهاا ونحاول ندير ليهاا عقلهاا مصاب غاا تفهم.. 

اميرة : متستاااهل ايعقوب بقاات فياا عندي عزيزة بزاف وغاا نية 

يعقوب : نتوماا كلكم نيااات وهبال طاغي عليكم 

اميرة : هههههه هبيلة اناا؟ 

يعقوب : وجاا معاك 

اميرة : ههه شوف صوني

يعقوب : تريمبو جاا 

اميرة : شكون معاذ هه

يعقوب : وي... يلاه هزي حوايجك وزيدي نهبطو لين شدي فياا.ميراا الباب سديه مزياان 

اميرة : واخاا .. 

هبطوا لتحت لقااو معاذ مزال مشقلب بالنعااس.. مشااو لجهة المقاهي .. ودخلو لوحدة ناس قلال فيها ونضيفة.. خداو فطورهم.. كيفطروا ويذاكروا.. 

معاذ : اشقاار حسن 

يعقوب : باغين غاا نبدلو الجو اصااحبي فشي جهة خاوية المهم نمشيو لشي سويقة ناخدو لي غنحتاجو وعاد نمشيو 

اميرة : يعقوب واخا نعيط امريم تمشي معاناا 

يعقوب : عاد شفتيها لبارح ولا 

اميرة : واا تخرج معاناا شاف فيها معاذ وابتااسم عجبو تفكيرهااا.. عطاهاا تليفونوو تصوني عليهاا ويعقوب خلاهاا على خاطرها.. 

اميرة : داباا شنو متقدريش تجي

مريم : غنحااول وصافي ومصاب نقدر 

اميرة : حناا مزال ممشيناا نتسنااوك حتاا تسالي وعاد اجي مريم : صافي واخاا.. 

يعقوب : مالها

اميرة : العجين عندهاا خامر

معاذ : هههههههه هههههه ههههههههه اوووف

اميرة : هههه مالك علاش كضحك

يعقوب : هههههه وقولي ليهاا تجيب معاهاا الخبز سخوون بلاماا ناخدوه من المخبزة

معاذ : ههههههه كووو كووو هههههههه ههه الطيف الله يخرج هاد الضحك على خير 

يعقوب : مراا حادكة عندك ونتاا كضحك عليهاا

معاذ : كنضحك على الطريقة لي هضرات بيها مراتك اخوياااا سطااتني ولي ضحكني كتر هوا مريم فينماا تهضر معاهاا تقوليك الخبز خامر ولا كنطيبو ولا كنعجن

يعقوب : امم طالقة عليك سلوكية باش تقوليك اه حقى انااا حادكة 

معاذ : نوو فريمون حادكة والله وبصح مااشي غاا هكاك كليت من عندهاا خلااص

يعقوب : هه ايواا المسخ داابا شحال غنبقااو نتسنااو

اميرة : غاا سيرو نتوماا اناا غنبقاا هناا وملي تجي نتسناووكم بجوح.. 

يعقوب : حتا هادا نضر.. يلاه وعنداك تمشيو لشي بلاصة ولا طلقي من يدين البنات وشاارع 

اميرة : لا كون هاني والله غاا سير...

مشاا يعقوب ومعاذ واميرة كتكمل فطورها هياا وبنوتاااتهاا ومكونيكطياا مع مريم.. وتختار معاها حوايج لي غتلبس.. حتا كملت شغلهاا وقدات راسهال تصورت لأميرة باش تعطيهاا رايهااا.. مدحاات وشكراات فيهاا اميرة عاد خرجت شدت الطاكسي حتا وصلت لعندهاا تسالموا وعلى عادتهم وحدة مبغاات طلق من خراا... جلسة حداا بعضيااتهم وجابو لمريم فطورها حتاا هيا.. وجلسوا شادين الهضرة. مريم : قلب دياليييي غيخرج من بلاصتوو بصح حتا معاذ ايمشي معاناا اميرة : اييه ياا حبيبة حتاا هوا مريم : شنو لابس وكيف داير اميرة : كيفماا باغاه نتي ههه وقف يعقوب بالطووبيل لتحت.. كلاكصوناا وعلى اشارة لأميرة تهبط.. كل وحدة هزت بنت وهبطو بحالهم...

يعقوب : مريم لباس 

مريم : الحمد الله كيف صبحتو نتوماا بخير 

معاذ : طوب هه سليتي شغلك 

مريم : اه عاد كملت... 

يعقوب : ميرا ها كلشي جبنااه ونتي ومريم عندكم الخدمة ليوم 

اميرة : مريم لي كتعرف طيب مكلتها لذيذة 

مريم : لا ولا صافي اناا عاد كنتعلم قبلي علياا وصافي

كل واحد فيهم كيشتت نضر اميرة حاضياا نضرات مريم ومعاذ لي جالس حدا يعقوب ويعقوب كل شوية يعلي عينو فيهم.. حتا وصلو وخرجوا كل واحد شنو هاز فيديه.. خداو طبلتهم وجلسو يرتاحو وهوماا كيجبدو تقديتهم.. وبداو يوجدو طاجينهم. ومعاذ كيشعل حداهم العافية.. يعقوب شد فيدين لين وهبة وغادية معاهم بخطوات بطيئة يتسراو. 

معاذ : مشيتو لباارح ومقلتوهاليش

اميرة : ههه ومكانش حسابلي 

مريم : وعلاه كنتي عتجيبو معاك 

معاذ : ااه العايلة غنجي عندك ونجلس مع خالتي نتحتوو بيدمااا توجدي لينااا شي بريريد شفيهاا

اميرة : هههه نتا خلاص ولكن ماماهاا ضريفة بزااف عرفنتي والله حتا بحال خالتي ربيعة الله يرحمها اجي تشاوفتو داك نهار عاودولي

معاذ : شغنعااود ليك ههه تعاودليك مريم 

مريم : كنت مشغولة بزاف يلاه شفتو واحد نص ساعة ورجعت بحال 

معاذ : اقللل من نص ساعة كانت خيفاانة من باها وقيلة 

مريم : وداباا خليناا نكملو شغلناا 

يعقوب : كملتوو 

اميرة : مزال يعقوب : تشربو اتااي 

معاذ : وااخاا جيب.. خلاهم يعقوب كيكملو توجادهم ومشاا جاب ليهم اتااي.. وتدواز ديالو .. جلسة فالمنضر جميل وهواء نقي... مستمتعين وغداا حداهم كيطيب... ناض معاذ وغمز مريم تنوض معاه.. تشادو باليدين ومشااو... شاف فيهم يعقوب وضور وجهوا ف 

اميرة 

يعقوب : الله على راحة واخيراا ناضو كانو دايرين ليا التقلة اميرة : ههه علاش مساكن حشومة عليك هياا ضريفة وهواا يستااهل يفرح فحياتو

يعقوب : امم فري.. ايواا زين شهادشي 

اميرة : ههه شنوو 

يعقوب : لين سيري عند عمو راه لهيه شفتيه فين غادي تبعيه لين : هواا بعيدد

يعقوب : معاااااااااذ

معاذ : هيييه شنوو شير ليه بيدو يطلاقاا لين لي كتجري جيهتواا. بقات حداهم هبة كتهز شطيباات والحجر كتلعب بيهم فالأرض وضار عند اميرة 

يعقوب : ملحضتيش واحد الحاجة 

اميرة : هه شنو

يعقوب : تفورميتي شوية زياانيتي كتر ماا كنتي ناس ولاو ياكلو فالزنقة يضحكوا ويخرجو فيناا عينين شهادشي 

اميرة : ههههههههههههه وا ههههه 

يعقوب : الحمقة ضحكي بشوية راه ناس حداناا 

اميرة : ونتاا ضحكتيني وعلاه شفيهاا الا كليت فالزنقة واخاا هياا صراحة فشكل

يعقوب : واش كلشي هبيل بحالك ولا غاا نتي هاكا

اميرة : ههه لا غااااا هههههههههه اناا بوحد

يعقوب : وسبحان مبذل احوال تسليم

اميرة : وبقاا غاا حضيني اناا 

يعقوب : اجي نقولك تفكرت واحد الحاجة 

اميرة : اماا هيا 

يعقوب : عقلتي على اول ليلة فاش كنتي جيتي عروسة فدار خالي 

اميرة : (بخجل ) مالها 

يعقوب : عرفتيي كنت حاسبك ماشي بنت والله... ولكن ملي شفت تصرف ديالك معاياا وكيف كاانت حالتك ديك ساعة استغربت .. واش هادي عمرهاا ما... 

اميرة : بلاماا نهضروا فداكشي صافي قلب الموضوع سيد مات الله يرحموا معندناا علاش نهض... زاد لوجهها بصوت خافت وقال : انا مهضرتش عليه ومجبدتووش كااع.. اناا كنهضر كيفاش طراا وجرا واش نتي مبغيتيش ولا .. شنوو ضرني راسي 

اميرة : سمعني.. اناا مكنتش عارفة فدوك الامور ولا كنت كنحس بشي حاجة سواا الخوف لي طاغي علياا كاين لي كيجيه هادشي تاافه وغاا اناا كنتبوحط ولكن الله عالم ماا بياا وديماا كنت نطلب الله ميقربش ليااا.. حيت ماشي هاكاا كنت باغاا راجل.. هوا كان المهم بلاماا نهضر الله يسمح ليه. كان ديماا يتقرب مني ولكن مطراا والو 

يعقوب : هههه وجيتي فيدي ومن ليلتك

اميرة : هههه صافي بعد مني فركتيني نتاا كاع 

يعقوب : اجي نكح ليك 

اميرة : هههههه قديمة

يعقوب : اههمم زعمة وليتي فايقة عايقة.. 

اميرة : بحال هكاك ايوا عاودلي...

مريم : يعني غتعطل بزاف 

معاذ : وي اناا شرحت ليك الوضع وراسي مزال مشتت معارفش حتاا شمن طريق غنشد. وداباا كتباان لياا نكمل قرايتي بعدا وعاد يحن الله 

مريم : يعني مغيكون والو 

معاذ : علاش مااغيكون والو متيقااش فيااا ولا 

مريم : سمعني امعاذ انا بغيتك وكنت كنتسنااك غاا ايمتاا تجي لمغرب وهانتاا كتشوف شحال وانا معاك.. وداباا نتا ناوي تغبر تاني وسير فقاش تجي وغنبقاا نتسنااك حتاا شي نهار مغطلقاانيش كاع 

معاذ : كيفاش زعمة 

مريم : صافي والو اناا غنمشي بحالي داباا 

معاذ : اجي لهناا فين غتمشي حناا مزال كنهضروا .. واش على حسااب داك الدري لي قلتي غيخطبك 

مريم : اه واناا واخاا منبغيش راه عائلتي غيزوجوني حيت كيقولو مزياان ومن عائلة وراني سبق وهضرت معاك الا كنتي باغيني اجي هضر مع باا حيت مبيدي والو 

معاذ : هضري معاهم نتي ورفضي وقولي ليهم مبغااش راه حتاا حاجة ماا بزز..

مريم : كلشي كتجيه ساهلة هاد الهضرة فرض رايك ورفض وكداا عندكم نتوماا سالكة حناا لا معاذ كنشوف ضيعت وقت ف والو

معاذ : مالك كتزربي فالامور ماالك ثاني وصبري المهم فين كيكون باك 

مريم : مبقاااتش فين كيكون بقات كيفاش غتهضر معاه. غتقولو كنعرف بنتك وكنخرجوا ؟؟ 

معاذ : شنو الحل داباا نتي لي صعبتيهاا داباا 

مريم : ديكشي علاش اناا عيطت لأميرة تجي عندي لدار وداكشي علاش صونيت على يعقوب وطلبتوو يجيبهاا وبغيت امي تشوفو وعائلتي وفرحوا بزااف وماما عودات لبابا يعني الحل هوا اميرة تجي تهضر مع ماماا ويعقوب يهضر مع بابا وديرو بلي غاا من طرف اميرة يعني اناا مكنعرفكش فهمتي 

معاذ : اناا نشوف يكون خير يلاه نمشيو يعقوب كيعيط.. 

مريم : صبر نقولك 

معاذ : شنو 

مريم : مستااعدة نبقا معاك ونعاونك ونوقف بجنبك ماشي همي غاا زواج.. ولكن راني عودت ليك على حياتي وشنو كنعااني بغيت نرتااح ولقيت فيك موصفاات لي باغاا وهاانتاا غاا هضر مع باباا ويوافق وسير حتاا 5 سنين من جهتي اناا 

معاذ : صافي ولا عليك. ان شاء الله .. 

شد ليهاا فيديهاا ورجعوا لعندهم جلسو حداهم واميرة كتقلب الطاجين لي كيغلي وريحة فايحة.. شدت لين فيدين ختهاا ومشاو جلسو فكرسي اخور حداهم.. ومعاذ كيصور فيهم ويلعب معاهم.. وعاطيهاا لسيلفياات..

طاب غداهم.. وجلسو عليه كيصوطو مريم بحشمتها من يعقوب ومعاذ هزت لين فيديهاا كتبرد ليها وتوكلهاا ومرة مرة تخطف لقيمة... مقدراش تاكل حداهم. اميرة بضورهاا غاا فمها سابقهاا كتاكل غاا بزز وعينيها كيضورو فشكون كيشوف فيهاا.. وصلو يعقوب مسج.. وناض من حداهم مشاا لجهة واحد شجرة كيصوني وبداا يهضر.. ناض عندو معاذ غادي عندو وهواا يسمعوا قال 

يعقوب : المهم شحال مكاان خالد نعول عليك .. صافي. لا لا ماشي دابا حتا يوجدوا المهم نتاا متنساااش راني مرون... الله يعاون 

معاذ : يعقوب شنو تماا 

يعقوب : والو هضرت غاا مع خالد

معاذ : محتاج فلوس 

يعقوب : اييه.. يلاه سير كمل غداك 

معاذ : شحال خاصك 

يعقوب : علاش

معاذ : وهضر قول شحال محتااج 

يعقوب : زبالة 

معاذ : وعلاش قلتيهاا خالد هاناا غنشد الفلوس وخودها 

يعقوب : خلي فلوسك عندك راك نتا محتاجها كتر مني 

معاذ : شهاد الهضرة سمع ديالك ديالي... وديالي ديالك من داباا لفوق اناا مزال، غنحتااجك واناا فاشماا حتاجيتيني هاناا غتلقااني ...لي كانت جامعاناا ماتت وداباا حناا غنبقااو مجموعين ومعاونين 

يعقوب : نتاا مزال عندك القراياا ومزال غدير مستقبلك ودير شركة ديالك لي كنتي باغي سير الله يسهل عليك واناا راه غنضبر راسي

معاذ : مبقيتش غنقرا صافي

يعقوب : وعلاش 

معاذ : سمع من لاخر اناا الا مشيت لفرانساا سير فقااش نرجع ومريم مبغااتش قالت لياا متقدرش تسناني كتر بغات زواج 

يعقوب : ايواا 

معاذ : ايوا معارفش اش غندير .. اناا كنت باغي نكمل قرايتي ونضمن مستقبلي عاد نرجع وندخل لبلاد وندير داكشي لي كنفكر فيه ولكن 

يعقوب : هياا مبغاتش تبقاا معلقة وخافت تخليها من بعد وراه يمكن يجيهاا شي حد .. 

معاذ : يمكن 

يعقوب : معاذ نتاا مزال صغير على زواج ومعندك لا خدمة لا حتاا حاجة شنو غتعيش بالفلوس لي عندك وتبداا تنش الذبااان لاا فكر مزيااان وهاناا معاك 

معاذ : قولي نتاا شنو ندير هناا وحلت 

يعقوب : الا كنتي قادر تخدم وتوفر ليهاا سكنة وحاجيات ديالهاا وقاد بدراري والمسؤولية لي صعييبة تزوج بيهاا .. كنتي مقادرش قلهاا ليهاا من لاخر وخلي بنت تشوف رزقهاا فجهة خرا 

معاذ : تفوو مبغيتش نطيح فهادشي اصلا اناا باغي نكمل القرايااا

يعقوب : ايواا شنو ديهاا معاك 

معاذ : الا مشيت راه غنكري بيت مع دراري نسكن فيه.. اما الفلوس مغنحطش فيهاا يدي حيت باغي نرجع وندير شي حاجة .. هياا بنت ناس واناا بغيتهاا ولكن تقجيت 

يعقوب : يلاه نجلسو معاهم ونهضروا تماا حداهم وهياا تقوليناا لي يسلكهاا..

اميرة : ماعرفت فاش كيهضروا 

مريم : ماعرفت اميرة اناا هضرت مع معاذ من لاخر قلت ليه الا باغيني جيو لدارناا

اميرة : حلفي اوووه ياا اختي الله يكمل ليك بالخير شنوو قاليك 

مريم : حسيت بيه مباغيش بهادشي لي قلت ليه حيت هوا ناوي يرجع لفرانسا وسير شحال باش يرجع عااد .. 

اميرة : (بلأسىى ) صافي احييبة ديالي متبكييش مريمتي صاافي علاش هاد الدميعات صافي اناا غنهضر معاه 

مريم : اهئ لا اهئ اهئ اهئ لا متقولي ليه والو صافي الله يسهل عليه معندي مندير 

اميرة : لاا متقوليش هاكاا ضروري نلقااو حل..

هاهوااما جاايين مسحي ذموعك صافي عفاااك...

يعقوب : ميراا كلشي مزياان 

اميرة : اه الحمد الله.. 

يعقوب : معاذ احم زيد

معاذ : شغنزيد زيد نتاا 

يعقوب : هه المهم اختي مريم الهضرة من لاخر معاذ هضر معايا وعاودلي شكاين بقضيتكم .. هوا دابا مزال خاصو يقراا وعاد من داباا 3 سنين عاد يوجد راسو ويبداا خدمتو نتي واش قادرة تسنايه وتعاوني معاه ولا لااا ...

مريم : الصمت 

يعقوب : الا لقيتي ليناا نتي حل لي يرضيك مدام نتوما باغيين بعضكم احسن حاجة 

مريم : معرفتش ويلا مشاا ومرجعش 

يعقوب : ههه نربطوه بسنسلة شوفي كنهضروا معاك فالواقع واناا لي كنهضر معااك ماشي هواا قولي اش يرضيك واش يتقدم لدار ولا يمشي يقراا وغيرجع وهاناا عاطيك عهد الله 

معاذ : مريم اناا مكنتفلاش كنهضروا معاك نيشاان عطيناا شي حل لي يرضيك 

مريم : اجي لدارناا كيف قلت ليك وهضر مع عائلتي وتفاهموا وديك ساعة الا بغيتي تمشي اناا غنتسنااك حيت منقدرش نتسنااك راه عودت ليك لي كاين 

معاذ : يعقوب !

يعقوب : كلامك على صواب واخاا فين نقدرو نشوف باك ولا فين نمشيو عندو 

مريم : لا م.. المهم اناا عودت لمعاذ 

معاذ : وي عارف يعقوب خاصناا نمشيو كلناا واميرة غتوسط يعنى هياا لي عرفااتهاا وشافتهاا واليديهاا صعاب شوية 

يعقوب : واخاا.. الحاجة اميرة داباا الصور ديالك اميرة : هه مزال محجيت اناا غنبداا غاا نتفافاا اناري اش غنقول 

معاذ : قوليلهاا طالبين ضيف الله وهوماا يفهموا اش كاين 

اميرة : مريم ههه كنحشم من ماماك 

مريم : لا عادي 

يعقوب : مالك شي حاجة اختي شنو كاين 

مريم : لا... و... والو والو 

ناضت من حداهم غادياا بعينين مدمعين كتمسح فيه. تبعاتهاا اميرة ويعقوب 

اميرة : مالك امريم علااش كتبكي شنو بكاك 

يعقوب : قولي ليناا اش كاين وحناا معاك فهميناا.. 

عنقاات اميرة وقالت بصوت خافت 

مريم : حتا الا مشاا موحال يرجع عاد مزال غيفكر فياا اهئ اهئ ولا يعرفنيي واناا حتا قلت صافي جاا ولكن معندي زهر 

اميرة : مريم سمعي مكنلعبوش حناا فالدين الا عطيناااك كلمة غنوفيوهاا واخا يطراا لي طراا..سوا الا حد الله اجلناا وصافي سمعيني يعقوب الا عطااك كلمة راه غيوفيها راه بحال باه وحناا غنمشيو عند عائلتك وغنخطبوك من عندهم وغتبقااي قريبة ليناا.ونزيدك معاذ ماشي الا مشاا مغيرجعش ..غيبقاا يجي يشوفك ويمشي 

يعقوب : هاهياا جوبااتك وكلمة هياا كلشي 

اميرة : ويلاه نجلسوا راه معاذ كيشوف فيناا مفهم والو زيدي 

مريم : لا غنمشي دابا تعطلت بزااف

اميرة : مزال شوية حناا نوصلوك

مريم : لا صافي انشد طاكسي ونمشي 

اميرة : معاااذ اجي.. 

يعقوب : ردي لبال لراسك وحنا ان شاء الله غنهضروا معاك ف ليل.. 

مريم : واخاا شكرا بزاف

. 

معاذ : شنو مالكم 

يعقوب : مريم غتمشي سير وصلهاا وحناا هناا

معاذ : واخاا يلاه نمشيو... 

شد ليهاا فيديهاا ومشاو ويعقوب جلس هوا واميرة يكملو غداهم لي برد ومتبعين معاذ ومريم بعينيهم حتاا مبقاوش كيبانو ... كملو نهارهم فالمساارية وضوران تمتعوا بالجو الجميل جمعوا مواعنهم وحطوهم فالكوفر طاح الضلام عاد رجعوا لدار.. جلسوا يرتاحوا واميرة مكونيكطياا مع مريم وكيتفااهموا على نهار لي يمشيو فيه لعندهم ... ومع يعقوب مبقااش ليه الوقت بزااف خصو يمشي. تافقوا على لاغد ليه فالعشية مور المغرب... علموا معاذ وبدات اميرة كتفكر شنو تقول وكيف تبداا معاهاا الهضرة.. دخل يعقوب لعشااا عشات بناات ولبساات ليهم حويجاتهم ونعستهم وبقاات هياا ويعقوب كيذاكروا على الموضوع... ويجبدو القديم وجديد اتصلو بعائلة مريم وعلماتهم اميرة غداا يجيو عندهم ورحبوو بيهاا ... 

صباح بكري .. فاقو الحباب بلعب فوق فراشهم يضااربو بالمخاااد ويعقوب مزير امين غاا بالهراان فين مااقاصهاا تغوت وخرجوا كيتجراو. فاقت لين على صداعه وخرجت ديخااناا بالنعااس شدوهاا كيدوخواا فيها ويطيطشوهاا بيديهم.. لبسوا حوايجهم وفيقاات هبة لبساات ليهاا وخرجواا يفطروا.. تسراو شوية على رجليهم حتا خلط عليهم معاذ جلسوا كيذاكروا ويعاااودو نفس الهضرة وتوتر باين على وجههم ... وصلات العشية واميرة كتقادد حوايجهاا قبالت المراياا وتلبس لوليداتهاا ويعقوب ومعاذ كيتسناوهاا لتحت..

طلعت اللور هازة هبة لي غاا كتهرنن كتنوض السنان ولين حدا عمها كيلعب ليهاا فشعرهاا.. وصلو لدار وحبس يعقوب طوموبيل.. فتحوا ليهم صحاب الدار الباب واستقلبوهم فدارهم المتواضعة ... جلسوا كلهم فصالون كبير ريحة مريم مكضووورش حداهم عياات اميرة مضور عينيهاا غاا خوتهاا لي تما هضروا عاادي شوية .. حتا ملقااو ميقولو وعلى يعقوب حاجبو ل اميرة تهضر لي تلفاات ومعرفت منين تبدا.. 

اميرة : خالتي. .. ام.. مريم فين هيا 

... كترد العشاا شوية وتجي

اميرة : ام ر واخاا ااا 

خالتي نتي عارفة انا من مدة مطويلة وانا كتعرف بنتك الله يعمرهاا دار رتاحيت ليها بزاف. و دابا خو راجلي بغاا يزوج واناا قلت ليه كاينة واحد بنت مزيانة وجيناا طالبين ضيف الله الا قبلتو 

... مرحبا بيكم ابنتي ولكن انا معندي منقول ها باهاا هوا كلشي

يعقوب : واخا. الشريف الموضوع لي جيناا عليه هانتاا عارفواا وحناا راه قصدناكم حيت سولناا عليكم ولقيناكم من ناس خيار 

... ايوا الا مكتبهاا ليكم الله اناا معندي منقول هوماا كاينين شي ناس هاضرين فيها ولكن مكاين والو 

يعقوب : شريف حناا مغنعطيوش الكلمة ونمشيو حنا جايين بنيتنا حسنة خوياا هاهواا كيسمع حناا ليلة مكرهنااش نذاكروا فكلشي غاا هوا ميكون لا عكس لا والو 

.... لهلا يعكسهاا على شي مسلم.. منين نتوماا وفين ساكنين وخوك خدام شكيدير 

يعقوب : كناا عايشيين ففرانساا بعد موت الوالدين دخلناا لبلاد انا ومراتي غنسكنو هناا الا كتااب خوياا مزال كيكمل قرايتو ولكن بغاا يكمل دينو 

... ايوا اولدي زواج مسؤولية وخاصو الخدمة وخوك مزال كيقرا كيفاش

يعقوب : سمع اشريف خوياا قادر على زواااج كون هاني من هاد الناحية .. غنديرو لي يلزم وغيمشي يكمل شغلو وكيف يرجع غيدير العرس ويستقر هناا 

... ماعرفت اولدي هادشي عندكم مشربك .. 

ليل كاامل حتاا كيقولوو صافي امور تقداات ويرجع باهاا يقلب عليهم ويضرب ليهم كلشي فالزيرو . ويعقوب كيسااايس ويحااول يخليه يقتااانع... حتا طلع ليه الزعف ومبقااا ميقوليه ... سكت وهضر معاذ واميرة كتحااول تهضر مع امهاا تقنع باهاا بعد هضرة د سعاااات ومشااا حال.. عاد ترضااو وتافقو يديرو الخطبة... يعقوب خاصو يسافر هوا ومعاذ ملقاو كيف يديرو يأجلو الخطبة لمن بعد.. وكانت فرحة العمر لي عمرهااا كانت كتصورهاااا مريم... ملي سمعات يوم السبت ب ليل الخطبة.. وكان باقي 3 اياام زرب عليهم معاذ وقاليهم نديرو العقد شيئ لي خلاا يعقوب تفافااا حداه غلبااتو الضحكة وبقاا متمر عليهاا وملقاا ميقول سواا يزيد يقنع باهاا على ود العقد ترضاو وتفاهموا .. دموع التوترر دموع الخوف دموع القهرة لي جاتهااا .. رجعوا دموع الفرحة باغاااا دير جناااااح وطير فالسمااء معرفتش كيفااااش غتعبر بفرحتهاااا واش تغوت لربي لي خلقهااا ولا تنقز مور الباب كتسنط... حتاا دخلات عندهاا اميرة وتعااانقووو بالجهد شدات ليهاا مريم راسها كتبووس فيه وتبووس ليهاا يديهااا من شدت الفرحة بكاااو بجوجهم وهوماا معانقين .. خرجت عندهم وحطات ليهم اختهاا العشاء كلاو لي قسم الله.. وناضو مشااو بحالهم واميرة كتعنق وسخاااااتش بيهاا ومشوقة تشوفهاا يوم السبت بحال العروسة...

رجعوا لدار وهوماا فرحاانين مشاا معاذ لعند صاحبو لي كيباات عندو ديماا... هاز جبل وخايف من المسؤولية لي تزعم فيهااا مبقااتش فالهضرة بقات فالفعل.. جبد تليفون من جيبو كيهضر مع مريم حس بيهاا ان فرحة كتجي ليها فالعروق.. هادشي لي كان باغي ولكن مبغهاش تمرمد معاه وتكرفص. دار حاجة وحدة قبالت عينو انه يدير المستحيل على قبلهاا وفنفس الوقت يوصل لهدف ديالو.... 

لغدا ليه مشا عندهم لدار لقاا اميرة كتفطر البنات ويعقوب كيقراا كتاب فيدو.. جلسوا مجمعين وكيتفااهموا على الخطبة لمن غيعيطو وشنو غيديو فيديهم.. 

اول حاجة هيااا هز يعقوب تليفون اتصل ب اسماء وعلمهاا تجي من حقهاا حتا هياا تعطي رأيهاا وتشوف اش تاخد معاهم.. عرض على اهل اميرة ومقدر حتا واحد فيهم يجي.. شدت اسماء تران جاية لطنجة... اتصلو لعمو حمزة لي فالدار البيضاء وخالو عبد الكبير ولالة نزهة يجيو يمشيو معاهم لخطبة.. قبلو وتافقو لغدا ليه يجيو.. خرجوا براا تغداو ومشااو لقيصارية يختارو اش غيديو ..دازو على ذهايبي يشوفو خاتم واميرة كتعبرو على صبعهاا الكبير ختارو ليهاا احسن مااكاين خلصوه ومشاو يشوفوو حوايج.. ولي غيديو فالخطبة.. دوزو وقت غاا فالدوران حتا وصلات العشية واتصلت بيهم اسماء لي وصلت.. مشاو طلقوهاا ف محطة تران مزال حالهاا مكفس وجهها شااحب وحزين ... رجعوا ياخدو الحوايج واميرة واسمااء كيختاارو ومعاذ ويعقوب كيتسابقو على خلاص.. لي خداوه كيجيهم قليل.. يعقوب بغاا يفرح بخوه ويشوفو حتاا هواا فدارو دازو دمعات مع عينيه ملي تفكر امو وباه لي فهاد الوقت مخليين بلاصة كبيرة خاوية... الحمد الله هاداا مكتب الله مسح عينيه وقلب وجهوا فيهم كمل معاهم شراا.. دومنداو على بلاطوياات دالحلوة والفاكية ومشاو تجمعوا على طبل دالعشاء.. واسماء عينيهاا غاا فالطبلة 

ويعقوب كيعنق فيها و ويحاول يسايسهااا تعشاو ورجعوا لدار كلهم نعساات اميرة واسماء فبيت نعاس ويعقوب هواا ومعاذ فالصالون وبنات مخشيين فالوسط بين امهم وعمتهم.. لاغد ليه كيف لبارح مشاو تسخروا ليهم حويجات لي غيلبسوا .. يعقوب ختار لمعاذ كوستيم .. خداو لي غيحتااجو ورجعو لدار يوجد على حساب ناس عائلة لي غتمشي معاهم.. خرج معاذ جاب العشاء واميرة واسماء كيستفوا ويقاادو... العشاء كتأذن عاد وصلو ومشاا يعقوب يطلقااهم.. واحد مور واحد... حتا تجمعوا كلهم على براد د اتاي . تعشاو وهوما كيهضروا على الخطبة وناس لي غيخطبو من عندهم.. نهار المعلوم دغياا وصلو جالسين كلهم فالصالون كيقاادو الحوايج وخنيشات الحناء وسكر منقوش ومزين.. والورد لي مشتت.. نهار دغياا طار ومحسوش بيه.. تقاادو لبسو حوايجهم وتزينو وخرجوا شادين الطريق لدار مريم... لي كانت ف ابهى حله لابسة كسوة على شكل لبسة وفوق راسهاا التاج وشعرها بوكلي مطلووق حد خصرهااا ويديهاا محنيين ... ومكيااج خفيف مزين وجهها حنيكاتهاا موردين جالسة فوسط الناس كيزغرتواا وفرحانين بيهااا.. جلسة حداهاا اميرة من جنبهاا شمال ومعاذ من جهة اليمين مشاديين فيدين بعضياااتهم.. شربو لبعضياتهم الحليب ولبسو خواتم على انضاار الجميع... واسماء شادة كاميرة كاتصور... مشاا معاذ عند الرجال.. قراو الفاتحة ...

بحول الله وقوته... كلشي داز بخير وعلى خير... مالين دار كانو فقمة السعادة ... وحباب معاذ فرحانين بيه وفنفس الوقت عينيهم مدمعين كلشي تفكر.. الحاج عبد الفتاح ولالة ربيعة.. لي بلاصتهم خااااوية .. رجعوا لدار لقاا يعقوب وليد موجد ليه سكنة خراا خاوية لعائلتو .. يباتو فيهاا... 

صباح الحال خرجهم يعقوب فطروا برا فجو روعة عااالي كيطل على كورنيش مرقالة جميلة ضورهم فطنجة حتاا وصلات العشية عاد شي شد طريق لرباط...وشي شد طريق الدار البيضاء ..اميرة واسماء .. كيتعاودو بيناتهم ويفشوا خاطرهم . و يعقوب هواا ومعاذ جلسو بوحدهم كيحاولو يقاادو امورهم وكيتفاهموا على السفر. وشغديرو فالجاي معتامدين على راسهم كيفاش يواجهواا جميع الصعوباات باش يوصلوا لهدفهم... بجوج محتاجين لبعضيااتهم .. معاذ قرر يعطي لخوه جميع فلوسو باش يوجد العيادة ديالو.. ولو يعقوب مبغاااش بزز عليه ياخدهم احسن ماياخدهم من عند خالد " كاسلف " عاد قبل يعقوب وترخف عليه حمل تقيييل... فاليوم موالي مشاا هواا وليد يشوفو سكنة المناسبة لي غيختااروا بعد نهاار شااق.. لقاا لي بغاا بارطمة للبيع فموقع مناسب وحدا كلشي... هضر مع مولاهاا وتفاهوا على تمن. ودارو فداك الاسبوع يقضيو الغراد رجع لعند اميرة كيوريهاا تصاور بيوت والكوزينة وكيشاورها كيفاش يفرشوهاا وباش يسبغوهاا واسماء ومعاذ حتا هوماا كيعطيو رأيهم. 

فصباح بكري خرج يعقوب هوا ومعاذ واميرة دازو مور مريم وباباهاا ومشاو عند العدول. تكاتبو وامور ميسرة .. يعقوب بقااليه مسمار واحد يطرقواا مع مول الدار باش يمشي يكمل على شغل ويجيب وريقاات خدمتوا ويرجع. فداك الاسبووع يوميااا معاذ ومريم يطلقااو تقربوا من بعضيااتهم كتر.. اميرة واسماء ضوران كيحاولو يبذلو الجو.. وينساااو همهم شوية... يعقوب طلع هبط جري من هناا لهنااا على ود دار حتاا يسر الله وخداا سويرتاتو.. الله على راحة واخيراا.... تنهد تنهيدة طوووويلة خرج فيهاا التقل لي كان هاز وكيقول موحال واش امور تيسر ولكن بفضل الله امور مشااات على خير... بعناااق حاار ودعات مريم معاذ وشهقة شداهاااا مسخيااا بحتااا واحد.. واميرة لي مبغااتش تفرق عليهاا.. رجعوا بحالهم لمكنااس دارهم شبعاانة غمة وحزن مزال منسااو ومزال جرحهم عميق كتر... كيف حطاات اسماء رجليهاا فدار رجعات بيهاا سينتاا لور وشدتهاا السخاانة من الحلق واميرة لي كلماا تفكر تحااول تهذن راسهاا بالاستغفااار وترطب قلبهااا بهادال مكتاب الله. جمعوا حويجااتهم فصبااح بكري ودعوا جميع العائلة من صغير لكبير ويعقوب فيت اميرة كيعنق فيهاا ويوصي ويعااود تحضي بنات ومتخرجش بوحدها ومتبعدش وترد لبال لراسهاا .. عطاهاا مبلغ من الفلوس الا حتاجت شي حااجة.. وخرج وهياا مقدراش تفاارق عليه مقدراااش حتا تحبس ذنوعهااا.. شدو الطريق معاذ ويعقوب لدار البيضاء.. العشية عندهم طيااارة... رجعات اميرة غاا دار وروتين حاضياا بنات وكتسنى غااا ليل ايمتاا يجي باش ينعس كلشي وتبااات ليل كولو وهياا تهضر مع شريك حيااتهااا لي كلماا تسمع صوتوو كتشعل فيهاا العافية حيت ماشي حداهااا ومشتااقة ليهااا واخاا غاا تناكر معاه ومتبقااش بوحدهاا واخاا هيا فوسط اهلهااا..

معاذ : ياكماا كتعجني ههه 

مريم : لا ههه كنخدم واحد قفطان 

معاذ : عندااك ديري بحال هاديك لي مشاو يخطبوهاا لقاوهاا مسكينة يديهاا غاا العجينة قالوليها سمحي ليناا ابنتي نوضنااك على عجينتك قالت ليهم لاا هادي دلبااح ههه 

مريم : هههههههههههههه ههههه كتمعني عليااا حشومة عليك علاش اناا كندير هاكاا 

معاذ : ههه وماعرفت ههه نقولك وحدة خراا 

مريم : زيد ههه 

معاذ : قالك هادي وحدة جاو خطبوهاا شي ناس.. جات هياا حداهم فرشات صلايتهاا وبدات تصلي حداهم وام الولد كتشوف فيهاا وتغمز ولدهااا زعمة فرحانة بعروستهاا. ملي كملات البنت صلاا وضارت عندهم جلست حداهم قالت ليهم ام الولد تبارك الله تبااارك الله وكتصلي .. قالت ليهاا البنت وهادشي اخالتي بلا وضوء كون كنتي تشوفي ملي كنتوضااا 

مريم : ههههههههههخهههههههه وحرااام عليك قتلتيني بالضحك كوووووووههههه 

معاذ : هه هادشي لي باغي مشوق نرجع فالقريب ونشوفك ونعيشو فدار وحدة 

مريم : ان شاء الله اناا ديماا غنبقااا ندعي معااك 

معاذ : لهلا يخطيك علياا.. اناا نمشي ندوش باش نخرج وديك ساعة نصوني عليك نكملو الهضرة براا... 

يعقوب : ومتمشيش 

اميرة : عفااك وكاين غاا نسااا وعيطولي حتاا اناا نمشي مكرهتش نبدل الجو داباا 9 اياام ملي مشيتي واناا معتبتش على باب وداباا ناس غا قبالتناا حشومة عليك 

يعقوب : كون كان سبوع طهارة كون مشيتي مي عيد الميلاد مكاين لاش شوية ورجعي لدار صافي 

اميرة : واخااا لهلا يخطيك عليااااااا توحشتكك توحشتك بزاااااااااف والله والله جي دغياااااا عفااك 

يعقوب : هاد الهضرة غتخليني نطيييح ونجيي داباااا كنموت فيك 

اميرة : اناااا كتر ضوبل ضوووبل ديالك عرفتي مخنوووقة بزااف والله الميمة كتمشي لجامع ماما رجعت لفاس عيلات خوالي مقابلين غا مدرسة د ولادهم وحتاا اسماء ملي مشاات لفرانسااا مبقيتش كنلقاا معامن نتوانس 

يعقوب : راه مروناااهاا هياا وحاتم هواا مكيراعيش لضروفهاا ونفسيتهاا وهيااا مكديهاش فولدهاا ومكتسمعش الهضرة وحلت معاهم..

اميرة : الله يصاوب ليهم ويسهل الامور بيناتهم ميستاااهلوش المشاكيل والله 

يعقوب : ميرااا ديالي تهلاااي لياا فراسك نبغي منشووف حتاا تخربيشة فيك عطيي لوقت راسك كتر ماشي غاا دراري ودار 

اميرة : واخااا فقااش اتجي

يعقوب : مبقااش بزاف غدا انمشي الادارة نهز وراقيااا ونشوف ناس لي تمااا ونجي بعد غدااا 

اميرة : الله يجيبك على خير ويعااونك

يعقوب : شنو نجيب ل أميرتي الغااااالية معاياا شنووو حاب خاطرهاا 

ااميرة : نتتااااا نتااا وصافي جي بخير وعلى خيير 

يعقوب : هاد الهضرة غاا ف تليفون نهاار نجي ضربي الطم ههه 

اميرة : بصح توحشتك منبغييش ربي يفرقني عليك ومصااب نموت اناا قبل منك حيت الا بقيت بوحدي غنحمااااق ونتشواااا فقلبي 

يعقوب : وتبغي نتشواا اناا ف بلاصتك ؟ كيف غيكون فيااا بعدك فكرتي ولا غاا هضرتي 

اميرة : نتمنى يحد ليناا ربي اجل بجوح فدقيقة وحدة كيفمااا مجموعة بيك فالدنيااا نتجاامعوااا حتاا فالجنة 

يعقوب : ان شاء الله حبيبة ديالي ... تهلاي ليااا فراسك موعدناا ف ليل ونهضروا 

اميرة : واخاا وقولي شنو نلبس 

يعقوب : عبايتك احبيبة وصافي ومديريش المكياااج الله يرضي عليك 

اميرة : صافي واخاا. الله يعاونك... 

مشاات لسرجم طل على بنات لقاتهم مزال كيلعبواا حداا باب ...ورجعت تكات فالصالون كتفرج.. 

عمران : مكاينش باباك هناا 

كتجاوبو بصعوبة وهضرتهاا مخلطة لساانهاا ملوي : نوو سافر 

عمران : غتعيشوا هناا فمكناس ولا غترجعوا بحالكم 

لين : معرفاش 

عمران : شكون علمك العربية مرا فايتة غاا كضحكي عليا

لين : هههه بابا وماما كيهضروا بالعربية نتاا داك الخطرة كتهضر فشكل مفهمتكش 

عمران : الصمت 

لين : كتقرا 

عمران : اه ف رابع ونتي 

لين : مكنقراش مزال 

عمران : غتجيو عندناا فعشية لعيد ميلاد د ختي 

لين : معرفاش 

عمران : اناا نجي موراك صاافي

لين : ماما متبغيش

عمران : اناا نطلبهااا وتخليك عفاك 

لين : لا متبغيش 

عمران : اناا نرغبهاا ولا نقول لختي تمشي طلبهاا صافي

لين : اوك مغسي

ابتسماات فوجهواا وضارت بغات تمشي بحالهاا وهواا يشد ليهاا فيديهاا عطاهاا ورقة مطويااا شافتهاا مفهمات والو شدتهاا فيديهاا ورجعت لدار طالعة فدروج وهياا كتحل ديك الورقة جلست فالدرجة كتشوف فيها مرسوم قلب ومكتوب فيهاا ....

من عمران 💕. الى لين احبك ❤ جوتيم 

قراتهاا ومفهماات ضحكت وطلعت لبيت حطت ديك الورقة فالمجر دالماريو ومشات لعند اميرة لصالون كانت كتوكل هبة ومتكية كتفرج جلست حدهم مقابلة رسوم... ومرة مرة ملي تسمع صوتو تمشي لسرجم طل عليه . وصلاوالعشية لبست ليهم اميرة حويجاتهم ولبست عبايتهاا خلاتهم مع حنان مقابلاهم وخرجت هياا وسمية لمحل كبير .. خدات منوو شكلاط بالشكال ونواع بلاطو منو خدات مكانة بالبواطة ديالهااا ورجعت لباب لقاات لين وهبة ولد سمية واقفين فالباب كيتسناو ماماهم تجي. ودخلو لدار لي فيها لانيف والموسيقى مسموعة حتاا لبراا.. دخلت اميرة كتسلم على ناس طالعة مع الدروج وهياا طلاقاا مع عمران شاف فيهاا بابتسااامة عريضة بدلاتو نفس الشيئ حنات عليه اميرة باستو.. وطلعوا لفوق كان كلشي محطوط ونااس مجموعين جلست اميرة حاطة فحجرها هبة ولين حداهاا مع وليدات كتلعب وضور... هز عمران وردة من فوق الطبلة ومدها لين شدتهاا منو فرقوا الشكلاط والحلوة وهواا كيهز ويمد ليهاا ويحط حداهاا وسمية عااطيااهم العين وتنغز ف اميرة تشوف.. لاحضوا اش داير عمران ب لين وعينيه غاا معاهاا حتا عيطت ليهاا اميرة وجات جلست حداهاا خلاهم عمران جالسين فوق الطبلة وقف حدا لين جلس جلس فجنبهااا واميرة مستغربة من جهة وشادة الضحكة من جهة خراا حاضياا تصرفاات عمراان 

عمران : طاتي زوينة بنتك الله يخليهاا ليكم 

اميرة : ههه امين الله يحفضك 

قطعوا الحلوة وفرقوا على ناس الحاضرين وكلات اميرة حلوة لوليداتهاا وتمت خااارجة هياا وسمية وناس كيحصروا فيهاا .. حتا وقفت فدار دارهم كتحل الباب بسوات وقف عليها عمران وقال 

عمران : خالتي سكنو هناا 

اميرة : شنو 

عمران : واش غتبقااو ساكنين هناا 

اميرة : لا غنمشيو لطنجة اناا جيت غاا عند الميمة راضية علاش 

عمران : بصح غتسكنو فطنجة علاش متبقااوش هناا 

اميرة : ههه علاش على ود لين 

عمران : الصمت 

اميرة : حناا تماا دارناا ولكن غنبقاو نجيو مرة مرة ان شااء الله 

عمران : واخاا شكرا.. حنى راسو ومشاا 

اميرة حلت الباب وطلعت لبيت تكات ترتااح.. شمت الريحة د العشااا جاياا من الكوزينة ناضت تشوف لقاات السفة المدفونة من يدين لالة راضية كتحط فالطبسيل غسلات يديهاا وخرجت معاهاا كتحط فوق الطبلة .

تعشاو مع بعضياتهم وتكات على صدر جداتهاا كتفكر ايام لي كانت تخشى فصدرهاا وفشتاء دخل حداهاا الفراش دفيهاا حتا تنعس عاد تهزهاا لبلاصتها تفكرت نهار كانت دخلهاا لكوزينة تعلمهاا وتقريهاا تنصحهاا مكذبووش لي قااالو دير خير ونساااه.. تكون حاجة نساتو ومبقااتش حتاا عاقلة عليه واميرة مزال كلشي قبالت عينيها.. مشات لبلاصتهاا وشدت الهضرة مع يعقوب حتاا قرب يصبح الصبااح عااد نعست.. وناضت فاايت الحال.. لقاات لي تغداا تغدااا ولي خرج خرج... عاد صبحت كتكسل... وجداات حمام ديالهااا ودخلت تكسل عضيمااتهاا وتنضف راسهاا.. عايشة روتينها اليومي عاادي كتسنااا غاا ايمتااا يصبح الصباح باش تشوف يعقوب قبالت عينيهاا... سعدات جداتهاا فجميع شغل دار مخلاتهاا مشطونة مع حتاا حاجة.. فليل مكان لا اتصال لا والو حيت كان غينعس بكري باش يشد الطريق لاغدااا.. دوزات ليلتهاا غا فالهضرة مع مريم.. وفالجديد ديالهم.. صباح بكري بقوة الفرحة عينيهاا تزلجواا ريحة د نعاس مكضورش وجدات مع جداتهاا لفطور وفطروا غاا بجوح بيهم وناضت توجد الغداا .. وبالهاا غا مع تليفون ايمتاا يصوني ولا طوموبيل ايمتاا توقف فالباب... وصلات العشية وهيااا كتسنى ملهوووفة حتا سمعت الهضرة فالدروج رجال طالعين. ناضت بلهفة لدروج تشوف شكون. لقات وجه جديد فشكل جديد واناااقة ليست كاا المعتااد.. بعدماا كان شعروا الكثيف كيمشطو ويردو الور ولحية صغيرة قصيرة على وجهواا.. هاد المرة محسن شعرواا بحال كاع رجال قليل ولحية كثيفة مزينة وجهوا الجميل مقادة 

. جسم رياضي منحووت لابس تيشورط لاسقة على لحم كحلة وسروال جين وسبادري عالية وصاك على كتافواا ويد هازة جاكيطة د الكوير فيدوو.. 

هبطت كتجري لعندو بعدماا حلات ليه سمية الباب تشعلقت فيه حتا تهزو رجليها فوق الأرض وهواا معنقهااا وكيضور بيها.. حشمت منهم سمية وطلعاات بحالها طلت عليهم راضية من لفوق شافتهم هكاك . ورجع راسها اللور بزربة.. طلعواا معانقين تبووس فيه وتعااود وهواا نفس الشيئ حتا وصلو لفوق عاد طلقت منوو خلاتو يدخل.. وطلعت لسطح تهبط لين وهبة لي كيلعبو تما بطيطوشاا .. دخلاتهم لعندو شافتو لين مشاات عندو كتجري .. عطاها صاك عاامر بسقااطة شدتو هياا وهبة خواوه فوق الطبلة وتجمعوا عليها وليدات لي فدار كلهم. 

راضية : كيف بقاا خوك اولدي واختك شوية داباا 

يعقوب : الحمد الله الحاجة نعديو مع الوقت 

راضية : ايوا الله يصاوب ليك اولدي ويسهلهاا عليكم كيف وصلتي مع سفر سليتي امورك بعدا تماا 

يعقوب : اه صافي داباا نرتاحو شوية ونشوفو حيااتناا هناا 

راضية : اللهم هنا ولا فبلاد نصارا ايوا نوض نوجد ليكم شي كاس د اتاي 

يعقوب : لا حاجة غا جلسي مكاين لاش شربت قهوة ملي وصلت

راضية : لواه لواه صبر شوية ونجي.. 

ناضت من حدااهم راضية ويعقوب متبعهاا بعينيه حتا دخلت لكوزينة شد ليها فذراعهاا وطيحهاا فوق الفراااش وعينيه مع لي جااي. كيبوس فيهاا بلهفة وهياا غاا كتبعدواا خايفة يجي شي حد... حتا سمعوا دراري جايين جيهتهم عاد خلاهاا تنوض.. 

يعقوب : كون تشووفي شحال موحش فيك 

اميرة : اناا لااا هه

يعقوب : اهااه من نيتك 

اميرة : هههه اه من نيتي 

يعقوب : واخاا لالة يلاه الله يهنيك نمشي بحالي اناا منين جيت... شافتو اش غيدير هز جاكيطتوا وتم نايض.. وهيا تشعلق فيه شداه 

اميرة : حشومة تمشي ونتااا عاد جاي على طريق هه نديرو معاك غا صواب بعداا هههه 

يعقوب : بصوت خافت ) فوق الطبلة ولا فوق فراش امم 

اميرة : ههه وجلس 

يعقوب : على وجه خالتي ندوزهاا ليك...

اميرة : الله يجيب ليناا فوجه من ندوزو عاودلي شنو درتي

يعقوب : من لاخر غدا انمشيو لطنجة 

مريم : حلف صافي غنمشيو 

يعقوب : وي ان شاء الله.. راه من نهار مشيت واناا كنهضر مع وليد ورحاب يشوفو لياا فراش وداكشي ديال الكوزينة.. 

اميرة : ايوا وشنو داباا 

يعقوب : صيفطلي تصاورد وديكورات ديال الصالونات صيفت ليه الفلوس باش يشري وباش يصبغ دار يعاوهاا من جديد ايواا داباا غيبقاا غا نجيبو الفراش ونفشروا 

اميرة : حتا نسيقو ونجمعوها غدا معياش غنمشيو 

يعقوب : على الصبح. نوصلو تما بكري نمشيو نشوفو مع وليد داكشي ونشوف دار فين وصلات فالصليح ايوا وصافي 

اميرة : ان شاء الله.. 

يعقوب : حتاا نرصيو امورناا وعاد غنتفااهموا على شحال من حاجة.. هبة ديالي اجي احبيبة عندي اجي اوبااا توحشتي بابا ..

اميرة : دوزاتهاا علياا كل ليلة تبات تهرنن وخاطرهاا مخصر 

يعقوب : ايواا ضروري 

اميرة : مكرهتش ندخلهم بجوج يقراو فالجامع 

يعقوب : واش نتي فالت ليك الريزو ولاا بنت عام وشهر غتمشي غدخلها لجامع 

اميرة : ولين عندهاا داباا 3 سنين وزيادة ندخلوهاا 

يعقوب : واميرة يهديك حتا تكبر شوية هكاك 6 سنين بعدااا وديك ساعة ضروري ندخلوهاا ونقريوهاا غا هوا مزال داباا 

راضية : اميرة اجي خرجي معاياا ابنتي سينية 

اميرة : وااخاا الميمة اناا جاياا...

سمعات صوني تليفونهاا وهوما مجموعين حول طبلة على براد اتاي وفئيئصات وحليوات فيلالية ودواز اتاي ... ناضت تجاوب لقات مريم دخلات معاهاا فالموضووع نيشاان وقالت مريم : اميرة دياليييي حبيبتي انا يوم فرحانة بزاااف اميرة : فرحيني معااك شنو كاين مريم : ختي ولدت وختي قالت لياا نسمي لي بغيت واناا معنديش شي وحدة اغلى منك ومن سميتك وان شاااء الله ناوية نسمي بنت ختي اميرة ومكرهتش تكون بحالك اميرة : ههه غتكون حسن مني حيت انااا مقصرة كتر من قيااس الله يصلحهاا ومبروك الزيااادة دخل عليكم برزق اختي مريم : يااااربي اغلى اميرتي بصوت خافت : حتااا اناا فرحانة بزاااف والله مريم : لااااااااا متقوليش يعقوب جاا اميرة : وكون تجي تشوفي قلبي كيف كيضرب وكيف فرحااانة متصوريييش ياختي مصوريش.. ياااربي العقبة ليك يجي معاذ دغياا ويكمل ربي رجاكم .. مريم : بكيتيني هه ان شاء الله شحال فرحت ليك قطعوا المكالمة ورجعت اميرة لبلاصتهاا مكملين جمامع ديالهم.. وصلات العشية خرجوا غادين مسااريين ومعاهم لين من غير هبة لي خلاوهاا مريضة بسنان فدار... تقضاو لي غيحتاجو لدار كلماا هواا تقليدي ومعروفة بيه المدينة مكنااس.. شراو لين وهبة شريبلات د الصم وقنيديرات وهوماا ضايرين رجعوا فوقت معطل لدار بعد وجبة العشاء وقصارة كل واحد مشاا لبيتو ... دوز يعقوب ليلتو مع معشوقتواا فجو رومانسي هاادئ ...صباح بكري صبحواا ناشطين دخل يعقوب مع الحاجة لكوزينة كيعاونها ويضور ليهاا الحرشة يحمرهاا من جنابهاا وهيا حداه كتفيض الحليب وتوجد سينية واميرة دوشاات ليهاا ولبنااتهاا وكبطاتهم مزيان كان يعقوب هوا وسمية كيخرجوا الفطور جلست اميرة فالوسط مدت يديها هياا اللولة متسناات حد.. حتاا ضارو كلهم على طبلة عيلات خوالهاا حتا فطروا رجالهم وصيفطو وليداتهم لمدرسة عاد دخلو عندهم يشركواا طعام... ناضت اميرة لبست حوايجهاا وجمعت بيتهاا وسلمت على صحااب دار وبالخصوص جداتهاا لي مسخاتش بيهاا خرجت لين هياا اللولة لباب شادة فيد ختهاا وتبعهم يعقوب واميرة... شافت عمران واقف فباب دارهم كيشوف فيهاا هزت يديهاا شيرات ليه وبتسمات ليه وطوموبيل غادياا وهياا مزال عينيها قلباهم لور كتشوف فيه. حتا ضارو على طريق وزادو نيشاان لفاس عند امهاا لي مكانتش متوقعة مجيئهاا... رحباات بيهم بفرحة كبيييرة ... ضيفاات بنتهاا وراجلهاا وليداتهاا.. مقصراتش من جهدهاا لا هياا لا احمد.. تغداو معاهم.. عاد خرجواا كيتوااعدوا.. وشدو الطريق نيشان لمدينة طنجة .. طريق كلهاا وهواا غاا الضحك ويتباادلو القبل بينااتهم وبناتهم ناعسين لور... وقفواا فطريق طلقواا رجليهم شوية عاد رجعوا كملو طريقهم... حتا وصلو لطنجة وكانو فضيافة رحاب لي ستقبلتهااااا بعناااق حاار دخلتهم لصالون حتاا جاا وليد تعشااو قصروا شوية كيهضروا على دار واتات راقي لي خداو وديكوات لي صاوبو فدار ملي كانو كيصلحوااا. تقة د يعقوب ف ووليد ممشااتش غا هكاك كان قد الكلمة ودار لي عجب يعقوب ناضت رحاب شادة فيد لين ودخلو لبيت يهضروا ويجمعوا مع بعضياتهم ويتعاودو على جديدهم.. فرحت رحاب كانت كبيرة بزااف ملي شافت هاد التغيير لي طراا ف اميرة وهاد الفرحة لي مرسومة على وجههم بجوج. لين لقاات صحبتهاا لي بنت رحاب لي وقت كامل وهوماا كيلعبو دخلاتهم لبيتهم وعطاتهم العابهاا يلعبو بيهم. مشاات لثلاجة وجابت ليهم شكلاط وكل مرة تبووس هبة وتجبد ليهاا حنيكااتها...صباح بكري بعدماا دوزو ليلتهم عند رحاب.. يعقوب شاف جوج نساء مشااو دارو ليه الميناج على دار خلاهم ومشاو يجيبهم فراش.. عاد لحقت عليهم اميرة ورحااب فرشوا معاهم وقادو كل حاجة فبلاصتهاا نهار كولوو. ولي مزال محتاجينهاا كيمشيو يااخدوهاا داز نهار متعب وفنفس الوقت فرحة لي هايمة ف اميرة على شكل دارهاا وديكورات لي مزينينهاا بضوئهاا الحمر الخافت دار دافية.. والكااااالم فيهاا... هناا غيبداو من جديد ويكملو حياتهم كيفمااا هوماا باغيين .. داز شهر .. ويوم بعد يوم كيوفلو دارهم يعقوب ولا خدام ف كلينيك كبير فطنجة نص نهار ديالو كولو فالخدمة حتاا كيرجع بعد الضهر.... لين دخلت لروض تبداا شوية الحروف.. خدات اميرة معاهاا وقت باش تحيد ليهاا ليكوش فمراا و تعلمهاا دخل لحمام وتوريهاا كيف دير توضااا ولو فسن صغير بدات كتخفض واخاا مكطبقش داكشي ولكن كتسمع الهضرة وفينماا تلقاا اميرة الفرصة.. تهز القراءن صغيرة وتجلسها حداهاا كتقريهاا قل هوا الله أحد وصورة الفاتحة والصور قصارين .. وفنفسها كدعي لي خلقهاا تكون بنتهاا حسن منهاا ومقربة الله ومتلهااش بصحبات والدنياا وهمومهاا حارصة فوق القيااس ودايرة فبالهاا وقتها كولو غتعطيه لوليداتهاا باش يكونو احسن منهااا ويعليو بيهاا.. ولات لين فينماا تشوف اميرة كتصلي كتمشي حداهاا دير بحالهاا وتبقا طل عليهاا ملي تهز يديهاا دعي دير بحالهاا وعينيهاا معاهاا ملي تبغي طيب تنوض معاهااا وتبقاا تشعلق فوق الكرسي تغسل معاها مواعن ولو اميرة مكتبغيش وتبقاا تسايس معاهاا لين بعناادهااا كتبغي دير غاا لي فراسهاا.. ولات اميرة دايرة الخاطر توقفهاا حدا لابابو وتوقف حداهاا مقابلاهاا ...

مدوزة روتينهاا اليومي.. غا الدار .. وكل صبااح تفطر لين وتاخدهاا لروض.. وترجع توجد غداهاا وتحدق بالدار وتجلس على كروشيه حتا يوصل وقت خروج لين عاد تهز هبة فيديهاا وتمشي تجيبهاا. بدات تولف بشوارع طنجة مدينة جديدة حياة جديدة مسؤولية صعيبة لي هازة كتحاول تكون قد المستوى ..فصبااح مشمش كحتط الفطور ليعقوب لي غادي لخدمة.. جلسوا كيفطروا بجوجهم ... شاف فيهاا وطول شوفتو فيهاا وقال 

يعقوب : عندي ليك خباار 

اميرة : يااك لباس 

يعقوب : غاا خير نتشااور معاك عجبك الحال مرحباا مقدرتيش نتي تعرفي 

اميرة : قولي بعداا شنو شوقتيني 

يعقوب : من المجلس العلمي باغيين شي وحدة تقري بنات فواحد النادي غيفتحوه السيماناا جاية وقلت الا كنتي مستاعدة وتبغي نشوف ليك 

اميرة : بصح !!! لااا 

يعقوب : اييه كنهضر معاك بصح 

اميرة : وهبة ولين لمن غنخليهم منقدرش نمشي 

يعقوب : لين غنبدلو ليهاا الوقت تولي تقراا فالعشية حيت هاد حصة غيبقاو يديروهاا فالعشية من غير نهار الخميس لي غتكون صباح

اميرة : وشحال الوقت 

يعقوب : متخلعيش ماشي غتبقاااي نهار كولوو تماا راه غاا من 2 ل 5 ... صافي وهبة غندخلوهاا لروض د وليدات صغاار ولكن غاا فالساعة لي غتمشي نتي فيهاا وبس شبااان ليك 

اميرة : معرفتش والله.. وفين جاا هاد النادي وشنو فيه 

يعقوب : سفلي كيعلموا فيه ينقشو الذهب وداكشي.. فوق مقصوم كاين ورشة الرسم وكاين ورشة صناعة التقليدية.. 

وطابق الثالت فيه خياطة وفصالة وقاعة خاصة لصلاة وحداهاا قسم ديال قراية د القرآن.. جات ف ***** 

اميرة : هادشي زوين ولكن بعيدة

يعقوب : غتبقااي تمشي فالطوبيس دغياا يوصلك لتماا. لقيتي طوبيس عاامر خودي طاكسي.. منهاا تلاهي وقتك ولكن خاصك تكوني قاااااااد على كلشي 

اميرة : صافي نتمنى داباا نتاا غتهضر معاهم 

يعقوب : وي خصني وريقاتك وشهادة لي خديتي ففرانسااا ويكون خير.. من بعد عاد تمشي نتي ويهضروا معاك هاد،السونطر ديال الدولة يلاه بادي 

اميرة : ان شاء الله 

يعقوب : نخليك داباا نمشي لخدمة..فعشية خرجيهم للألعاب يلعبو شوية دخليهم بكري 

اميرة : واخاا رد البال راسك 

يعقوب : لهلا يخطيك عليااا ياا اغلى ماااعندي 

باس ليهاا راسهاا وناضت معاه حتااا هبط فالدروج عاد سدت الباب وجمعت دارهاا وهياا كتهضر مع مريم وتعاود ليهاا على لي قال يعقوب.... فداك الاسبووع اميرة راسهاا مرون غاا فالتفكير واش هادشي غيكمل ولا لا واش غتيسر الامور وللا غاا هضرة ودايزة... وفينماا تسول يعقوب يقوليهاا حتا يصونيو عليا.. داز شهر ودخل الشهر الثاني ومكاين والو حتاا نسات اميرة دااك الموضوع... رجعت يعقوب من خدمة فعشية وابتسااامة مرسومة على وجهواا.. ملي جلسوا وبداو يتعشااو علمهاا بلي الاثنين غتبدااا وغيكون يوم غاا لتعااارف فقط... وبعدهاا عاد غيبدااو ... دوز يومين وهوماا كيخرجواا شرا ليهاا حويجاات كابااات طوال كيوصلو تحت الركبة مع سراول توب على اشكاال... وقمايح ستيلهم جميل مع صيات طوال.. وصبابط شي حااني شي عااالي .. صيكان فولارات رجعواا متقلين. باش كل نهار تمشي انيقة ومستورة فنفس الوقت بلباسهاا المحتشم... رصى امورو مع روض لي فيهاا لين ومع الروض لي غيحط فيها هبة لي حتاا هيا ولات تخطخط بلا قياس وتنبش صباح الاثنين... اميرة صبحت مبكرة وجدت فطورهاا وحطتو وجدت غداهاا خلاتو كيطيب جمعت دارهااا وتسناات حتا رجع يعقوب من خدمة بكري... تغداو وناضت تلبس حوايجهاا وتقاادد زيفهاا قبالت مرايا..

لبساات لين ولهبة كبطاتهم مزياان ... وخرجوا كل وحدة داوها لروض ديالهاا وزادو نيشاان لنادي وصلهاا يعقوب وطلع معاهااا لفوق دنياااا فايضة بالناااااس دهشاات اميرة فيهم دخل معاها يعقوب لادارة .. جلسو مع المديرة تعارفوا مع بعضيااتهم وشرحاات ليهاا كاع الامور.. وطلعاات معاهاا لطابق ثالت لي فيه القسم ديالهاا... لقااتو عامر كتر مااا لتحت وقفاتهاا المديرة حدا صبورة كبيرة خاصة بناس خياطة ضرباات فالسبورة حتاا كلشي سكت وشااف فيهم وحدة بوحدة كيتغاامزواا عينيهم مع اميرة لي فقمة الجمااال رقتهاا بياضهاا ناصع لي منور وجهاا ... لباسهاا المحتشم عيونهاا العسلية فااتحة كيف واقف مستقيمة... وحدااها يعقوب شاد ليهاا فيديهاا وعينيه فالارض غاا كيتسنط... علنت المديرة بلي كاينة حصة القرآن لي بغاا يتسجل فيهااا

.. وعرفتهم ب اميرة هياا استاذة ديال القرآن .. الصدمة كانت عليهم قوية كيفااااااش هادي هيااا استااذة ؟؟؟؟ هادي موحال حتاا حزب سبح واش قرياااه عسااك تقريني !! شكون هاداا لي معاهااا. بعداا يمكن خوها.. ولا يكون راجلهاا لا لاا موحال اوو علاه هادي غتكون مزوجة. شوفي صغيرة بزااف غيكون غاا خوهاا جاا يوصلهاا وصافي ااه هادشي لي كااين غاا خوهاا... كترت الهضرة بلاا قيااس كلشي كيشوف فيهم...مرة ب اعجااب مرة ب غيرة ... مرة بحقد وعلاش هادشي هوما براسهم معرفووش.. تقدمت اميرة وهضرت

اميرة : سلام عليكم انا اميرة صدقي عمري 19 سنة حافضة لكتاب الله عز وجل بقواعده وتفسيره استاذة بحول الله وقوته.. لي بغاات تنضم ليناا وتمشي معاناا فطريق لي ترضي الله مرحباا بكم 

رجعت لور وابتساامة مرسومة على وجهها كلشي تعجب من طريقة هضرتها بصوت خافت حنون وشوفاتهاا ساحرة.. كاين لي بغاهاا غا من طريقة هضرتهاا كاين لي بغاهاا غاا حيت زوينة وبغاات ديرهاا كاا صديقة... وكاين لي قلبهاا فيه بالايماان ولكن كيغرها شيطااان وكتبقاا مترددة.. خلاتهم اميرة يتعلقوا بيهاا من كلامهاا وتحببهم فالدين ويتسجلو عندهاا بلاماا يتردوا... جلس يعقوب واميرة فالطاولة.. والمديرة جبدت الملف لي بغاا يتسجل.. شدو الصف وحدة مور وحدة كيتسجلوا ولي قرب عند المديرة كيبقاا يتأمل ف اميرة ويبتااسموا فوجههاا... وصل تسجيل ل 66 د ناس... بردو يدين اميرة ملي شاافت اوو واش هادو كاملين غنقريهم انااا !! تخلعت وتففااات وبداات غا كدعي ربي يسهل امرهااا تصويت عطاهم لمدة يومين فقط... يعني حتا لي مزال متسجل غداا يتسجل... دخلاتهاا لقسم ديالهااا كبير وطويل فيه كراسا يجلسوا فيهم جوج مع جوج وطبلة حداهم غاديين بالصفوفة جلسوا تماا البنات لي تسجلو كلهم .. خدات اميرة طباشير وبداات معاهم اول درس كيفاش يبداو يقراو القرآن باش تكون قرآة و الحفض صحيح.. عطاتهم اقل من ساعة.. علماتهم ب لغداا مع 2:00 كلشي يكون حاضر بالفوقت بلا تعطااال ويكونو موضيين ويجيبو القرآن وجوج دفاتر واحد دالوسخ واحد يكتبو فيه كلشي مضبوط... خرجت سلمت على المديرة وهبطت بحالهاا عند يعقوب لي كان كيتسناهاا لتحت.. وبنات فالسراجم مشعلقين كيطلو عليهاا...

خداو وقت يمشيو يغيروا فيه الجو...ويااخدو راحتهم فالهضرة .. يدين مشاادين فبعضياتهم وهوماا غاديين مع كورنيش جنب البحر.. وهواء كيضرب فيهم.. داز راجل من حداهم دافع كروسة بانت ليهم صوفاا واميرة تلواات عليهاا مرة الفايتة مع يعقوب ملحقتهااش .. ومشاا هاد المرة شراهاا ليهاا عطات لكلشي بالضهر وبدات تخشي فمهااا وتلحس صبيعاتها ويعقوب كيشوف فيهاا ويضحك جلسوا فكراسا كيشوفو فالبحر حاطة راسهاا على كتفواا .. 

اميرة : عجبني الحال بزاف 

يعقوب : واناا على ودك ندير بزاااف باغي نشوفك فرحانة واصلة لداكشي لي باغاا

اميرة : عرفتي عمرني فحيااااتك كنت نقول نتزوج شي حد بحالك هاد ايام تالية وليت كنحس بيك قريب لياا بزاف ومعاوني بعد زواج الاول كنت كنقول تماا حبست حياتك وصافي عمر نهار الابيض نشوفو.. ولكن سبحان الله اجي كن طلبتها منك كنتي تبغي زعمة دخلني لهاد نادي ؟ 

يعقوب :يمكن 

اميرة : هاا شتي مكنتيش تبغي ههه 

يعقوب : نوو مي حيت نتي مبقيتيش كيف كنتي.. بعداا تسمعي الهضرة وديري بيهاا وتفكري ولكن نزيدك من هادشي كولو .. انا راه مبقاليش شي حد فهاد الدنياا لي ندير عليه شي حااجة من غيرك نتي وهاد القنياات لي عندناا ..اناا عندي عائلة وباغي نوصلهااا باغي نفرحهاا باغي نعيشواا هانيين صداع وحريق راس معندناا منديرو بيه

وشتي ملي كتكون تيقة ومحبة من القلب راه ربي كيسرها وصافي 

اميرة : بصح لهلا يخطيك.طاحت لياا فبالي فكرة نتشاور معاك فيهاا. 

يعقوب : اما هياا

اميرة : مريم غاا دار علاش فنضرك منقولش ليها تجي تقرا معانا فاالسنطر قرآن يااك غا جالسة فالدار

يعقوب : ايواا شوفي راجلهاا واش يغي بعدا موحال

اميرة : نيت داباا نصيفط ليهاا نقولهاا ليهاا وتشوفوو واش يبغي.

يعقوب : ههه مزروبة تسنااي غا تشوفي راسك واش تزطيهاا 

اميرة : ههه لا غاا خليني نهضر معاهاا هاهواا كيصوني.. 

اتصلات بيهاا اميرة وعلماتهاا بنادي لي كااين دخل تقراا معاهاا القرآن... عجبتها الفكرة وخلات حتاا تهضر مع معاذ وعائلتها وفالعشية عاد ترد عليهاا .. رجعوا لروض هزو لين ودازو مور هبة داوهم للألعاب ضورهم يعقوب شوية عاد رجعواا لدار.. جمعت دارهاا وقدات مسائلهاا وجلست حداا لين لي كتكتب حداها الحروف وتعاودهم. وهياا مكونكطياا مع مريم فرحاتها بالخباار هياا اللولة بلي عائلتها بغااو ومعاذ حتاا هوا عجبو الحال حيت اميرة غتكون معاهاا .. فاليوم الموالي بعدماا كملت شغلهاا ودات وليداتهاا لروض.. شدت طوبيس ومشاات لنادي وقفت فالشارع كتسنى مريم .. حتاا وصلت لعندهاا ودخلو بجوج تسجلت مريم عندهاا فقسم القرآن وخدات ليهاا اميرة بلاصة فالطاولة الأولى باش تكون قريبة ليهاا.. تزادو ناس كتر فالتسجيل وصل العدد ل 76 .. وتسد قسم وجلست اميرة فطبلتها لي كتشوف فيهم كلهم صغار وكباار مسنين من 18 سنة لفوق... طباشير وكتبت التاريخ والموضوع لي غيبداو يقراو عليه حلت كتابهاا وبدااات كتقراا م الاخر بالصور صغاار... وهوما كيرددو موراهاا بصوت عالي حتا كملو القراءة.. وناضت غادية مع الصف كتهضر مع وحدة بوحدة كيقراو الصورة وهياا كتصحح ليهم.. حتا وصلت لجهة الاخرة واول طاولة لي فيهاا مريم .. ابتسماات فوجهها وعينيهاا كيلمعواا وهياا كتسنط لقراءتهاا.. حتاا كملت ورجعت لبلاصتهاا كتكتب فالصبورة القواعد وطريقة نطق.. حتا كملت الحصة وخرجت هياا ومريم لقااعة لي كيجلسواا فيها وبنات خارجين وحدة مور وحدة كيتعجبوا فهادي الجديدة لي عاد دخلت وكيفااش اميرة مطلوقة معااها.. خرجوا بجوج بيهم معانقيين ضارو شوية وهوماا مجمعين وحدة تشكي على خراا وهوماا ضااحكين تفارقواا بعنااق حااار وديماا مشتااقيت لبعضيااتهم حيت الحب صافي لي مادخلاش فيه المصلحة والحسد والبغض كيكون ديمااا خارج من القلب كتحس جزء منك ناقسك .. تفارقواا كل وحدة فيهم شدت طوبيس ومشااو رجعت اميرة هزت بنيااتهااا ورجعت لدار.. لروتينهاا اليومي... هاكاا مشاات حياتهاا فحب الدين ومساعدة الأخري وديماا بينهاا وبين تلاميذهااا غاا سلام . عمرهاا خلات شي تطاول عليهااا ولا دير معاهاا معرفة.. كلشي كيشوف طبيعتتها مع مريم..لي ولاو يحسدو صداقتهم ويتمنااو لو يتفاارقواا.. شي لي عمرو مغيكون .. وقتها فارغ منسااتش كروشيه تخدم لوليداتهاا ومع مريم مبقااوش يتفارقواا ولات تعلمها تخدم لسواني ولطبالي وديكورات غاا بالكروشيه.. ولات نشيطة فشغلهاا فيااقها ديماا بكري مع الفجر.. تصلي وتقرا ما تيسر من القرآن.. مقابلة وليدااتهاا ومول دارهاا لي داير جهدوا معاهاا وبعض المرات يخليهاا مرتاحة.. وينوض بيديه يوجد ويشقى معاهاا .. ولات عندهاا معارف مع جيرانهاا وتعطي لخااطر لكل واحد قرب عندهاا..

ودازت 4 شهور

اميرة : داباا نوض نقولهاا ليهاا هههه 

يعقوب : صبحنااا على الله هضرناا معاك تندميناا ياك قلت ليك ماتقولي والوو حتا يوصل 

اميرة : علاش خليني نفرحهاا عفااك 

يعقوب : وهوااا مبغاااش قالي متقولوهااش ليهاا بغاا حتا يمشي عندهاا مالك كتسبقي الأحداث 

اميرة : منااقص 

يعقوب : ايوا سيد باغي يتروماانسااا ويفاااجئ مرتوا ونتي كطيري هههه

اميرة : هاي هاي على معاذ وصراحة ولد ناس غا داك فرانساا كانت خارجة عليه 

يعقوب : على اساس داك ولا كيصلي بناس ف مكة ههه راه مزال كيفماا هوااا غا الكارو قطعوا ومبقااش كيمشي يقصر مع دوك ... المهم الله يهديه وصافي

اميرة : كيصلي بعدا ياك

يعقوب : بينو وبين لي خلقوا كلشي عارفواا ماشي عاد غنقريوه ولا نوريوه.. 

اميرة : الله يهديه وينور طريقوا ويسر ليهم ربي الامور هوا ومريم 

يعقوب : كلشي بيد الله. المهم اناا غنمشي لاصاال وملي غيوصل انمشي عندو لمطار نجيبو ونجي المهم نتي قادي كلشي هاد نهار مغاديش تمشي لنادي قلتيلي 

اميرة : اه مغاديش نمشي اضراب ملي دخلت لتماا غيبت نهار واحد ملي كنت مريضة اليوم عاد رتاحيت

يعقوب : ياكمااا بديتي تعياي 

اميرة : لاا عاجبني الحال وبزاف وحتاا من مريم مركزة معايا 

يعقوب : مزيااان واناا مغاديش تقريني وتعطيني دروس 

اميرة : ههههه وشحال تخلصني 

يعقوب : نخليك دابا تعطلت 

اميرة : ههههههههههههه منغليش عليك غاا جي.. 

يعقوب : غنعطيك قلبي تحتاافضي عليه وتبقااي بجنبي وربي ميحرمنيش منك 

اميرة : هه هاناا معاك متخاافش نهرب ليك 

يعقوب : حمقة واناا داير راسي فيك ايلاه نخليك

اميرة : هههههههه الله يعاونك .. 

الجو بااارد مع شتيوة كتنقط لواا يعقوب كشكول كحل بالبيض على عنقو ولبس كوير ديالو وخرج.. هاز صاك ف يدو.. كملت اميرة فطورهاا وتكات حداه مغطية فمانطة كتفرج وتليفون فيديهاا..

صيفط ليهاا يعقوب رسالة ... 

يعقوب : ونووضي تكعدي ونتي شديتي الركنة راني كنشووفك ههه 

شافت المسج ...صيفطااات ليه قليب وحداه : داباا دابااا نايضة.. 

حطت التليفون يتشاارجاا وجهدت شوية فالتلفاازة كتسنت لطيور الجنة خملت الصالون الكبير لي كيطل على الشارع... وسط الدار لي فيهاا كيجلسواا .. سيقاات وجمعات دنيا خلات غا فطور بنياااتهاا.. ودخلات المواعن لكوزينة غسلت الصغيرة على الكبيرة وجبدت الدجاج لي كان عندها مشرمل فالثلاجة وبدات كطيب وتوجد فالشلايض ويديهاا ميزربوا قبل ميجيو... وعينيها غاا مع الساعة حتاا سمعت بكاا د هبة مسحت يديهاا ومشاات كطير تشوف مالهاا لقااتهاا طاحت فالأرض وهياا ناعسة.. هزتهاا لين ودخلاتها حداهاا فالفراش معنقااهاا وكتسكت فيهااا. عجبهاا اميرة الجو لي شافتهم فيه.. ولات لين حنينة مع ختهاا ولو هياا عنيدة فنفس الوقت كتحنن قلبهاا .. نوضااتهم اميرة باش يفطرواا بقاو فبلايصهم ومشاات تكمل شغلهاا حتا.. وصلهاا مسج من عند يعقوب .. 

يعقوب : عيطي لمريم قوليليهاا تجي عندك داباا 

اميرة : وعلاش يااك مبغيتيش

يعقوب : معاذ وصل هوا لي قالهاا ليااا عيطي ليهاا تجي 

اميرة : واش جايين داباا فينكم 

يعقوب : شوية ونجييو .. 

شافت المسج واتصلات بمريم... علمااتهاا تجي عندعا ضروري محتجاهاا .. قطعت وكملت شغلهاا.. دخلت لبيتهاا بدلت حوايجهاا وقدات راسهاا وزيفهاا ودخلت لبيت بنيااتهاا لي كيلعبوا فبلاصتهم ويهروا بعضياتهم وضحكهم واصل لتحت... جلست معاهم اميرة كتلعب معاهم وتكى على فراش وتهزهم على رجليهاا.. لبسات ليهم حويجاتهم وداتهم لحمام وحدة مور وحدة.. ومشااو كيفطروا ويتفرجواا حتا سمعوا الدقاان ناضت لين تحل الباب وهواا يعنقهاااااا معاذ هاز صاك فيدو ويعقوب جار ليه الشانطة من اللور ولي صاكادو معلقين فصدروا... خرجت اميرة من الكوزينة كتمسح يديهاا... بقاات واقفة تماا دخل معاذ سلمت عليه من بعيد بلاماا تمد يديهااا عنق هبة وجلسها فوق ركبتواا وعينيه مع الدار كيبااارك ويعاود ليهم عجبااتو من ديكورهاا ولونهاا دافي... دخلت اميرة تكمل شغلها فالكوزينة دخل يعقوب معاهاا بعدماا حيد لافيست ديالو يعاونهاا ومعاذ بقاا كيلعب مع هبة ويجبد ليهاا فالشكلاط والحلوياات على اشكاال. سمع الدقاان تمت خارجة اميرة تحل وهوا يقول ليهاا

معاذ : لاا لا غاا رجعي اناا نحل ولا عليك .. 

اميرة : ههه واخاا. 

دخلات لداخل ومعاذ مشاا حل الباب تصدماات ملي شاافتوااا وهادشي مكااانش فالحسبااان وكان غير متوقع تشوفوو فهاداك اليوم .. تكلضم وضلوعو تنفخواا بقوة الريااضة شعروا بحال يعقوب ولباسوا وشهامتو ولا معاذ اخور... خرج برا وسد الباب وعنقهاا بكلمااا فجهدواا مبغااتش طلق منو وعموعهاا سابقيين بقوة الفرحة... دخلو لداخل تلقاتها اميرة سلمت عليهاا. وجلسوا فالصالون. حدا بعضيااتم.. حطاات اميرة غداا ويعقوب كيخرج ويحط معاهاا.. كملوا وجلسوا حدا بعضيااتهم كيتغداو ويتناقشوا .. 

يعقوب : وداباا شحال غتبقا هنا 

معاذ : ماشي بزاف غاا بيدماا يوصل وقت الامتحاان وغنرجع 

يعقوب : ايوا مزيان المهم مرة مرة طل وصافي..

معاذ : داكشي لي كاين ونتا فين وصلتي فالعيادة ديالك.. 

يعقوب : كملناا اصلاح وخديناا الأجهزة د الخدمة سيماناا جاية غنبداو الا كتاب

معاذ : الله يكمل ليك هاانتااا وصلتي

يعقوب : وحتاا نتتاا غتوصل.. الله يسر ليك اصااحبي.. 

معاذ : امين توحشت شي نااس داكشي علاش جيت 

يعقوب : اممم هكاك اسيدي ايواا دوك ناس راه ولاو يقراو عند واحد استاذة من داكشي 

اميرة : ههه ههه

مريم : اجيو تقراو معاناا بلاصتكم كاينة ههه 

معاذ : مصااااب كون كانت 

يعقوب : داباا امورك هانياا يااك

معاذ : والله حتاا بخير هاحناا غاديين

اميرة ولفتي شوية 

اميرة : ولفت بزااف بحالا دوك ناس كنت كنعرفهم كاين مزياانين وكاين لي الله يهديهم وصافي 

.. حديثهم كان طويل عاودو فيه كلشي القديم والجديد ولي جاي.. حتا وصلت العشية خرجوا كلهم مشااو بدلوا الجو.. وصلوا مريم لدارهم ورجعوا لدار كملو قصارتهم وهوماا مجمعين مع مريم ف تليفون.. حتا تأخر الحال نعست اميرة بناتهاا دخلت لبيتهاا ترتاح من عياء ...

صبااح بكري... فاقت اميرة لقاات يعقوب مزال ناعس حداهاا.. لبست حوايجهاا وبينوارهاا وخرجت دير الماء يطيب لفطور... وهياا تلقاا معاذ مقنت فواحد الطرف طالق سجادة وهواا حاني عليهاا راسوا ويرجع يهزوا ويعاود يسجد.. شي حاجة تهزت فقلبهاا ملي شافتو هكاك حتاا تغرغروا عينيها بقوة الفرحة.. مشات بخطوات بطيئة باش مديرش الحس .. دخلت لكوزينة خلات الماء كيطييب ومشاات لحمام توضاات ودخلت لبيتهاا لقاات يعقوب كيتكسل... فرشاات حداه وصلااة وضارت عندو بلهفة 

اميرة : كون تشوف معاذ كيف لقيتو كيصلي مسكين ومخشع 

يعقوب (بصوت مزال ناعس ) هه وكون شفتيه لبارح ملي دخلتي تنعسي.. بايت كيصلي.. وفلاخر هز مصحف وتكمش فالمانطة كيقراا.. نعست وفقت بغيت نمشي نشرب لقيتو مزال فايق كيفماا خليتو 

اميرة : سبحان مبذل الأحوال فرحت ليه 

يعقوب : انك لا تهدي من احببت ولكن الله يهدي من يشاء... الله يتبتواا 

اميرة : يااربي امين اناا غنمشي ندير الفطور باش نوجد لغداا بكري ونمشي لنادي 

يعقوب : حتاا اناا نايض اللله (كيتكسل...

خرجت اميرة دازت بلاماا يشوفهاا وهياا طالقة عينيها نص شوفة لقاتو مزال كيفماا هوا هاز قرآن فيدو ويد شمال متكي بيهاا على سداري... دخلت وجدت فطورهاا وسخناات مسيمنااتهاا لي كتوجدهم وديرهم فالثلاجة فوق الحاجة.. ستفاات كلشي وبدات تخرج وتحط فوق الطبلة وهوا مضور وجهواا.. حتا كملت ودخلت لبيت بنات طل عليهم لقااتهم ناعسين هزت عليهم غطاء ورجعت خرجت بحالهاا لقااتو هاز تليفون ويعقوب كيمسح وجهواا كيهضروا هواا ويااه.. 

معاذ : ختي اميرة صباح خير

اميرة : صباح النور عليك نعستي مزيان

معاذ : فوق مزياان الله يحفضك ... 

اميرة : وزيد لطبلة خوي قهيوة اتاي لي بغيتي هاهواا حداك..

معاذ : خير كولوو زيدو نتوماا 

اميرة : هاناا جايا... 

دخلت لبيتها هزت تليفون برونشااتو مع شارج.. يلاه بغاات تجلس وهيا تسمع دقاان فالباب...مشاات حلت وهيااا تلقاا مريم... سلمت عليهاا ودخلات لداخل عنقت معااذ جلست حداه 

اميرة : شهاد التبكيرة ههه 

مريم : حتا نعاس والله مااانعست كنت نتسنى غاا صباح ايمتاا يطلع

اميرة : ههه مسكينة وليل ماا غاكيزيد يطوال ههه 

ناض من فوق الصلاية وقال : يحسن عوان مرضكم صعيب ههه

معاذ: ههههه احيااني عليك 

يعقوب : متشوفش فياا ههه

مريم : ونتاا سابقو فالحرفة هه

يعقوب : خليوني نفطر ايمشي علياا الحال على الخدمة .. 

فطرو كلهم وناض يعقوب لبس حوايجوا ومشاا... واميرة ناضت توجد غداها وخلات معاذ ومريم جالسين بوحدهم وعلى خاطرهم.. فاقو بنيتات وغسلات ليهم وجههم وصيفطااتهم لصالون يفطروا... حتاا وصلات الساعة ديالهاا طفات على مكلتهاا ودخلت لبيتهاا لبست حوايجهاا ولبساات لبنيااتها.. وخرجوا هاد المرة مشاات بوحدهاا لنادي ..بلا مريم لي فضلت وقتهاا دوزو مع معاذ حتا يمشي عاد ترجع لنادي.. دخلت لقسم دوزت حصتهاا دخلت عندها المديرة خرجتهاا من القسم وقفتها حداا كاع البنات بلي كيقراو عندهاا بكلشي وعطاتها ورقة من المجلس العلمي.. كل يوم جمعة تعطي درس حول موضوع معين... عجبتهاا الفكرة ومشاات بحالها وهياا كتفكر فيهاا.. دازت مور بنيااتها ورجعت لدار لقاات مكاين حد... صوبات شغلهاا وجلست حتاا دخل يعقوب ومعاه معاذ... لي دوز وقتوا مع مريم حتا وصلهاا لدارهم عاد طلاقاا بيعقوب ورجع هوا وياه.. دوز معاهم 5 ايام.. ومشاا بحالو وفكل وقت كتلقااه اميرة خاوي عندها كتجلس بوحدهاا بعيدة على صداع بناتهاا وتلفاازة وتجلس تكتب موضوع ديني.. لي غتهضر عليه فالدرس.. وصل نهار الجمعة... فصباح بكري وجدت كسكس ديالهاا وعرضات على مريم ماماهاا ورحاب وليداتهاا. يتغداو معاهاا جمعاتهم كلهم منها شركوا طعام منهاا تعارفوا... بعد الغداا كل وحدة مشاات بحالها واميرة سقات ليعقوب غداه غطات عليه. وخرجت هياا ومريم مشاديين فبعضيااتهم.. وكان هداك النهار خاص بالدرس... جلسوا يرتاحوا بيدماا تجمعوا البنات كلهم فقاعة وحدة طويلة بزاااف واسعة بحال قاعة افراح... شي حداا شي... تجمعوا كلهم بالأساتذة بالتلاميذ بالمديرة جلسوا يتصنتوا ليهاا... وقفاات اميرة قدام 167 بنت هادو غير تلاميذ لي تماا بلا خرين وقفقاااافة شداهاا شافت فااوراق وبقاات شداهم بيهاا شافت فيهم بعد السلام وصلاة على رسول الله... دخلت معاهم فالموضوع...على 

" الصلاة " ...

لي هياا عماذ الدين وعلاش كنخليوهاا وعلاش كنقطعوها وكيفااش نصلحوا راسناا ونتشبتوا بيهاا. كلشي جاه الأمر تاافه وبدااو يقلبوا عينيهم وحدة تشوف فلاخراا... باغيين غاا حصة امتااا تسالا... تعمقت اميرة معاهم فالموضوع كتر وهضرات من اعمااق قلبهااا كتخرج احااسيسهااا خلاتهم يحسوا بالذنب... خلاتهم يحسوا انهم فعلااا مقصريين.. خلاتهم يشوفو ان الأمر كبييير بزاااف وخصهم يعطيوه اهمية كتر فكتر... ماشي ساهل او تافه.. حوارهاا كان طوييييل الصممممممت فالقاعة كلهااا من غير صوتهاا الحنين لي كيعطي الدرس ومرة مرة تشوف ف وراقهااا...

اميرة : وصلاة على اشرف الخلق سيدناا ونبيناا محمد صلى الله عليه وسلم... 

هزت وراقهاا وكاس د الماء تشرب وكلشي بدا يجمع لوازم ديالهم يمشيو بحالهم.. وقفت مريم وهزت يديهاا كتسفق تسفيقااات حارة على حبيبتهاا اختهاا اغلى صديقة ... شي كيشوف فشي بداو كيسفقوا وحدة مور وحدة.. حتا ناض كلشي هز كيسفقوا عليها... شافت فيهاا اميرة بخجل وعنقااتهاا على انضار الجميع.... تفارقوا كيف ديماا كل وحدة مشاات بحالهم ... يلاه اميرة بغاات تاخد طوبيس وهواا يوقف عليهاا يعقوب بطوموبيل وموراه بنياتو.. طلعت حداه عنقااتو بالفرحة..وبدات تعاود ليه وهيا باغاا طير بالفرحة... طول وقتهاا وهياا كتزيد تجتااهد وتبغي تعطي كتر.. باش تخلي اي بنت تراجع نفسهاا ودينهاا لي مفرطة فيه... مبقااتش اميرة بين جوج... قسم القرايا وقاعة د الدرس... بعد كل حصة كتاخد نصف ساعة من وقتهاا تسمع لبنت من بنات لي عندهاا كيناقشوا موضوع خاص فحياتهم او مشكيل.. كبرت المحبة كتر واميرة ولفت روتينها اليومي.. كتعيش ف سعادة كبيرة.. والفضل كولو كيرجع لجدها الحاج مصطفى بعد الله عز وجل.. خداو مبلغ من خلصتها لي كتاخد شهرياا وصيفطااتهاا لأمهاا تقضي بيهاا لي بغات وتشري الا حتاجت شي حاجة وتاخد بيسي تبقاا تهضر معاهاا يوميا فالسكايب... يشوفو بعضيااتهم ومبلغ اخر منساتش جدتهاا وصيفطاتو ليهاا وفكل مرة كتلقاا الفرصة كتسافر هيا ويعقوب وليداتها لفاس تشوف امهاا ودوز على جداتها فالويكاند وترجع بحالهاا.. . قبل متنعس يومياا ضروري متاصل ب اسماء لي ولات نفسيتهاا كيف كانت ورجعت لخدمتهااا وكتحااول تعايش بوحدهاا مع راجلها وانيس.. كذالك لالة نزهة لي اميرة كتجيهاا بحال حماتها ديماا على اتصال وكيتفااهموا مع بعضيااتهم كتر.. تزادت خلصت اميرة وبدات كتجمع باش فالمستقبل دير مشروع خيري هادي كاا فكرة مزال لحد الأن عندها... شهر رمضان على ابواب.. حبسو النادي .. وعطات اميرة وقتهاا لدارهاا وتوجااد.. لسفر باغاا دوز رمضاان عند جداتهاا مجموعة بيهم.. تقدات لي خاصهاا وفليلة رمضان شدو طريق لمكنااس وصلو مع وقت الصحور ..

لقاو الحاجة راضية كتوجد الصحور... وفاخيته وختها مريم كيخرجوا معاهم... سلموا وجلسوا يرتاحوا.. جبدت ليهم اميرة طويسات فيهم الشباكية صوباتهاا بنفسهاا مع بريوات مالحين وحلويين.. وسلو بقواموا.. حطوهم فوق الطبلة تصحروا وصلاو الفجر وبقااو مجمعين حتا طلع النهار. عاد نعست اميرة شوية من عياء د السفر والوقوف فالكوزينة.. قربات الضهر عاد فاقت ومن عادة جدتها كتجود حريرتها بكري وضورها مع العصر... وقفات معاهاا اميرة شوية فالكوزينة.. ويعقوب غاا متكي فالصالون شاد قرآن كيقراا ومرة مرة يجاوب فالتليفون على ميسجات لي كيوصلوه من عند خالد.. حتا وصلات المغرب.. فطر يعقوب ومشاا لتراويح مع سعيد ورجع تعشاا معاهم كيوصي ويعاود ف اميرة ترد بالها مع بنات.. سلم على جميع وشد الطريق لطنجة.. كل ليلة بعد التراويح.. كيخرجوا الناس يطلقوا رجليهم ولاو كيمشيو لجردة عاامرة بالناس كيجيبو وليداتهم يبدلو الجو تماا ... فينماا تجلس لين تلقاا عمران مقبلهاا كيلعب الكورة تخلي اميرة مجمعة وتمشي جهت الوليدات تلعب معاهم وعمران شحال مكان عندو درهم جوج 10 دريال يمشي يشري ليهاا بيهاا ويعطيهاا ...يشد ليها فيديهاا ويمشي هواا وياهاا يضورو تماا يطلعهاا فوق السحاتة ويشد فيها تهبط كتسرسر... واميرة رادة البال كل شوية.. معاها.. فكل يوم من اياام كتخلي لين حتاا كتلاهاا اميرة فشي شغل مع جداتها ولا توجاد.. وتسلت لزنقة تجلس هياا وعمران وينوضو يلعبوا مع دراري... حتا كطلعهاا اميرة بدبااز خايفة تلف ولا طرا فيهاا شي حاجة... مبقاتش تخليهاا كاع تخرج.. ولا عمران يجي عندهم لدار ويجلس معاها فالصالون واميرة مرقباهم.. وهوماا كيخططو ويرسموا فوق الوراق وزليفات د حريرة وشباكية حداهم.. كتجلس قبالتهم وتلاحض تصرفااتهم.. يوم بعد يوم.. حتا لسيماناا لاخراا درمضان.. عاد رجع يعقوب عندهم وبقاا معاهم 3 ايام.. ويوم 27 كيتسالمواا بعناق حاار كيباركو العواشر مع بعضيااتهم دخل عندهم عمران وحزن باين على وجهوا.. عيط لين من الدروج هبطات عندو.. عطاها ميكا صغيرة مشدودة بالدونطيل ... فيها بوندو ومقيبضات صغار د شعر.. عنقهاا ومشاا خرج بحالو.. تففاات لين وحطاتهاا فالسدة د الدروج.. خايفة من يعقوب حتا هبط هوا اول عاااد قالتها ل أميرة عصباات عليهاا حتاا بغاات تهرس داكشي ورجعت دارتهم فصاكها وهبطت شادة فيديهاا وقفوا حدا طوموبيل وهياا تهز عينيها ف عمران لي واقف ف باب دارهم كيشوف فيهم.. طلعوا كلهم وشدو طريق لرباط عند خالو يدوزو معاهم العيد.. تقداو لي غيدخلو فيديهم ومشاو عندهم كملو معاهم دوك الأياام ودوزو معاهم العيد سيماناا.. عاد رجعوا بحالهم لطنجة ... يعقوب لخدمتوا واميرة لنادي نفس الروتين... حتا رجعوا فالعيد الأضحى عيدو مع خالو وحضروا لخطبة بنتو نهاد .. عاد مشاو لفاس دوزو معاهم يومين ورجعوا لطنجة..

هاكاا مشات حياتهم حتا داز عام.. واتصل معاذ بيهم وعلمهم انه بقاليه 7 شهور مباشرة كيف غيرجع غيدير العرس ويستقر ف طنجة.. كملات اميرة حياتها كتربي بنيااتهاا وعاطياا وقتها لحبيب قلبهاا شريك حياتهاا نصفهاا الثاني ... علاقتهاا نقية مع كاع الناس صغار و كبار.. مع اسرتها لي منسيهاش مع تلاميذها لي ولفااتهم ولفوهاا مع صديقتهاا المقربة ... 

لي بيناتهم محبة خالصة مزال مطولة حتا يحد الله الأجل ... 

الأرملة الصغيرة 

بقلمي العروصي مرياامة

اخر كلمة... 

اميرة صاحبة القصة اسم حقيقي كيفماا القصة حقيقة 1000% .. بجميع الأحداث لي قريتو.. كنضن عرفتوني كيفاش تعرفت على اميرة وكيفاش بدات صداقناا .. وسبب أول هوا #كروشيه 

بعدماا كنت ف اسوء حال رداتني لطريقي وساعداتني فحياتي بزاف.. هياا صديقتي هياا اختي هيا أستاذتي.. هيا قطعة مني وصعيب عليااااا نرد ليهاا شوية من داكشي لي دارت معايااا ... شاركت معاكم هاد القصة نتمنى تاخدو منهاا عبرة وتحاولو تراجعوا نفسكم شوية .. حيت مني وجبد راه حناا ممطفرينهش ... سمحولي طولت عليكم... مزال قصص خرين جايين فالطريق..

الله يعاونكم..