صورة مصغرة لـلعبة القدر الجزء 12

لعبة القدر الجزء 12

رواية لعبة القدر

دازت يومين على ابطالنا كريم من جهة كيقلب على المجرم القتال ,,ماخلاو حتى مخزن مافتشفو فيه و دابا بقا ليهم مخزن في طريق بوسكورة ,,اما وجدان و زينب فراهم ماخرجوش من الفيلا ولا بالاحرى ماخرجوش من الغرفة دارو اعتكاف ,,طافين التيلوفونار وعاطينها غي الحفاضة حتى من الماكلة كيجيبوهاليهوم حتى الغرفة و دابا نيت مسرحات في الزربية بيضة ديال الريش ناعسات على كرشهم وجدان لابسة غا بيل مهلهل و كيلوط غوز مشبك خاشية قلم في فمها وكتشوف في الكتاب مقابلة معاها زينب لابسة حتى هي غا كيلوط كحل وبيل سميطات ميني فونطر شي لي خلا واحد سيكاطريس محفرة تبان اسفل ظهرها حتى هي متكية على كرشها وهازة رجليها لفوق كتخمم ,,والكتوبة دايرين بيهوم من كل جهة 
زينب شعكات راسها;وااااااااع ماغاش هاد القلاوي يدخل لي المخي 
هزات وجدان فيها راسها وتنهدات;يا القحبة راه شرحناها ليك ,,راه الاعداد العقدية غا قواعد وكتبداي تعوضي شنو لي مافهماتيش ؟
زينب;واهاد زيد واكريك من كيجيو واناري تخربقت (شافت فيها)صافي انسقط انا 
وجدان ناضت ربعات وشافت فيها;شوفي القحبة ,,عاودي حفضي غا داكشي لي عطيتيك وهنينا ,,خليني انا واحلة مع هاد استرة حلمأة الله ينعل الزامل بو هدا لي ختارع شي شيمي 
ناضت زينب حتى هي ربعات شي لي بين حفرة كبيرة في كرشها عبارة عن سيكاطريس ;عرفتي انا وياك شنو غايسرا لينا؟
وجدان;شنو؟
زينب;السقوط بدون احتكاك ,,القانون الثاني لنيوتن انشاء الله حتى الغاطغاباج ماغنجيبوهش 
شيرات عليها بكتاب وهي تخوي ليه زينب;ها علامة الكلاخ ,,كين شي مجتهد كيشير بكتاب ,,اكنضيعو الوقت قاليك ,,حلاوة ديال الباك عامين ,,وحنا يله العام اللول نجيبوه العام الجاي نشاء الله 
وجدان;تنزلي تخشي وجهك فداك الكتاب ولا والله حتى نفرع مك من طرمتك 
زينب;وعندك باش؟
بانت ليها علبة مدورة طويلة كتدير فيها الاقلام ديالها;بهادي نشاء الله يلا ماهنيتيني (تنهدات وشافت في زينب)شنو ممكن يكون كيدير دابا؟
زينب;كينزل على شي وحدة راك احبيبة مامقانعهاش السيد ماموالفش ببوش ابوش هه راه فات داك المرحلة ههه دابا راه كياكل الحلوة ونتي باركة مخشية كتحفضي هه 
وجدان;الله ينعل الزامل بووك ,,تفووووو (رجعات نعسات على كرشها وبدات كتكتب ثاني اما زينب فربعات وهزات داك الكتاب كتشوف فيه وتشوف في وجدان و تعاود تشوف في الكتاب و تسب هه)
****
كريم وفهد وقفو لوطو قدام واحد المصنع كبير ديال الصباغة نزلو من اللوطو و تمشاو جهة ديال الباب كانت بوابة كبيرة مختصة بالكاميونات لي كيخرجو وباب صغير مختص بالعمال كان بارك حارس باقي شاب و في جنبو كلب شيان بوليس تقدمو حداه شاف فيهوم;السلام كين مانقضيو 
جبدو لي بادج ووراهم ليه;السلام معاك البوليس ,,
وقف ;كين مانقضيو الشاف؟
كريم شاف في فهد ونطق;كينين شي اسئلة بغيت نطرحهوم على العمال 
الحارس;اه اه تفضلو 
تم كريم غادي وهو يرجع لعندو;مم بغيت نسولك 
الحارس;وي شاف تفضل لا كانت شي حاجة تفيدكم انا معاكم ,,في خدمة القانون 
كريم بابتسامة جانبية;شكون عندكم هنا مهندس ديال الصباغة ؟لي كيكون مختص بصناعة ديال الالوان ,,يعني كيميائي لي كيصايب تداريج ديال الالوان 
الحارس;اااااه فهمت ,,كين اسيدي سي عمر راجل الله يعمرها دار ظريف وكلشي كيحتارمو ,,ومعاه لالة عفاف تاهي سيدة طيبة ,,وكين معاهم سي سعيد شاب تاهو الله يعمرها دار ديما مسكين يجي يسول فيا وينصحني وشحال من مرة مسكين كيجيب لي كتوبة نقرا فيهوم ظريف داك الدري (شاف في كريم باستغراب)واش كينا
قاطعو كريم;شكرا صافي رجع لخدمتك (وتمو داخلين هو فهد)
فهد;شنو بان ليك ؟
كريم;ههه والو حتى ندخلو وديك ساعة نشوفو ههه

دخلو وبقاو كيتسركلو في المصنع كشوفو فيه ومعاهو واحد من العمال كيوريهوم حتى وصلو لابوغاطواغ فين كيصنعو الالوان كانو بزاف ديال الالات فيه كل وحدة ولاش مختصة و صداع المدخات و الفرفارات وكانو ثلاثة الاشخاص مشرفين على دوك الالات لابسين طابليات بيضات طوال و دايرين ماسك في وجههم على حساب الريحة ونضاضر كبار في عينيهوم كان راجل في مقتبل العمر تقريبا في الاربعينيات كيبان باقي شاد فراسو هاز كتاب وواقف على واحد الالة كيقيد ومرا عاملة الحجاب هازة قرورة كتعاين فيها وشاب في الثلاثينيات دو بنية رياضية زوين و راد شعرو لور مقادو باين من هادوك لي كيعتانيو براسهم مزيان شاد سطل ديال الصباغة وخاشي فيها واحد الالة كيقيس بيها تقدمو عندهوم فهد وكريم لي محيدش عينيه من داك الشاب كيدقق فيه والحظ ديالو نزل شاب كيسد في السطل وهو يرمق قمشة في عنقو طويلة 
مشا العامل كيجري لعند هادوك الاشخاص كيدويو معاهم حركو راسهم باه وجاو عند كريم وفهد ;السلام عليكوم (جبدو البادج ديالهوم)البوليس ,,جينا نطرحو عليكوم بعض الاسئلة وبغيناكم تجاوبو عليها (شاف في المرا)نتي غا سيري كملي خدمتك بغيت هادو (كيقصد الراجل والشاب)
الشاب بلع ريقو وطلع لكول ديالو;واش كين شي مشكل ؟
فهد ;حنا لي كنسولو هاد الاسئلة ماشي نتوما (شاف في الراجل)فين كنتي نهار الاحد مع الستة ونص ديال الصباح ؟
كريم اواقف و ساكت كيشوف في الشاب كيبلع ريقو والعرق نازل معاه كيطلع الكول ديال الطابلية 
الراجل;نهار الحد ؟كنت غي في داري مع وليداتي ,,بالحكم الاحد روبو فكنبقا ناعس شوية واش كين شي مشكيل ؟
فهد;وقعات جريمة ,,في الغابة ديال معمورة مع ستة ونص تقريبا ,,لقينا في الضحية اثار ديال الصباغة ,و مخلي مارك (جبد من جيبو صورة ديال البنت مقتولة )كتعرف هاد البنت؟
الراجل غمض عينيه من هول المنظر;لا اسيدي ماكنعرفهاش ,,هادي راه فتاقدة ديال بنتي ,,لاحول ولا قوة الا بالله 
كريم شاف فهداك الشاب لي غا شاف طوف بحال يلا شاف قباط روحو هز حاجبو;كتعرف هاد البنت؟
هو بتلعثم;لا اسيدي و اصلا انا انا نهار الاحد كنت في القهوة ,,لا بغيت نقول كنت في الدار ,,ديك الوقيتة 
كريم;دابا غا قول لي شد غا حاجة وحدة يا كنتي في الدار ولا كنتي في القهوة باش نفهم 
هو;لا بغيت نقصد خرجت القهوة و رجعت للدار
فهد;تبارك الله نهار الحد و القهوة مع الستة الصباح موالف تفيق بكري ياك ؟
هو,اه اه ,,حدانا كيكونو قهاوي حالين فديك الوقيتة 
كريم مد يدو جهة ديال العنقو لاخر بدا كيرجع لور وهو يشدو كريم من الكول ديالو جرو عندو و طل على القمشة ;اووو شنو هادي؟احح شي مشة خايبة هادي اياي ياي 
هو;لا غي بنت ختي باقا صغيرة كنلعب معاها قمشاتني 
فهد;اووو بنت ختك عندها الظفار طوال ها؟
كريم;هههه (شاف فيه)مشيتي القهوة بوحدك ولا كان معاك شي حد ؟
هو;شمن قهوة؟ااااه لا لا كنت بوحدي 
فهد;اكيد الغارصون شافك ولا شي حد كان تم 
هو;لا ماعرفتش يمكن ماعقلوش علي 
كريم;وايلي نت كليان ديالهوم كل حد كتمشي لعندهوم ومايعقلوش عليك ؟(شاف في فهد)مايمكنش ؟
فهد;هههه سي انا تجي عندي غا مرة وحدة نعقل عليك ,,واكيد كاينين كاميرات ههه 
كريم بتعب,;جاني غا كنضيع الوقت مع هدا وعندي امور خرا (خشا يديه وراه و جبد المينوط ركبو ليه)
هو خرج عينيه;شني ؟لا ش؟ انا مدرت والووو؟كنحلف ليك؟
كريم جرو قدامو ;حتى لتم وغنشوفو واش داير ولا لا(شاف في فهد)سول لي على اقرب مركز الشرطة كاين هنا باش نحققو مع هاد خاينة بغيت نمشي نرتاح 
هو;لا والله مادرت شي حاجة كنحلف ليكوم,,,راكوم غي ظالميني ماكنعرفش ديك البنت 
فهد;باراك من الحلوف و سكتنا 
خرجو مينطينو لي دازو من حداه كيتصدمو من الشاب لي غادي معاهوم وهو كيطلب وكيزاوك وهوما قاعما مسوقين ليه شافهوم الحارس مركبينو تصمقل من الصدمة مافهم تا وزة بقا كيقول غي لاحول ولا قوة الا بالله 
لاحوه لور وركب حداه فهد اما كريم هو لي سايق في اتجاه اقرب مركز الشرطة

***اوكرانيا 
في غرفة مليئة باللوحات ديال الرسم كانت واقفة قدام واحد اللوحة سيلين لابسة كسوة طويلة بالازرق و جامعة شعرها لفوق حاملة قلم وباركة كتخطط في واحد اللوحة كانت يله بداتها في الرسم يمكن اتكون رسمات حاجب على حسب ما أظن ساهية كتعمر داك الخط بحال يلا كترسم فيه الشعر حتى كتحس بشي يدين حاوطوها من لور;هه محمد 
محمد عنقها من لور و خشا وجهه في الرقبة ديالها كيطل;مم شنو كتدير الحبيبة ديالي؟هي صافي رجعتي ترسمي؟
حركات راسها باه;اه تالين انبقى حازنة وجدان عندها الحق كنظن بلي جا الوقت نخلي اسيل ترتاح واخا باقي عندي داك الاحساس ديال (سكتات وهي تبتاسم)هه ماعلينا بما ان وجدان اتنجح في الباك قررت نرسم ليها لوحة و قلت اتكون اول لوحة ليا هدية ليها بمناسبة نجاحها ,,حيت قالت غي غتسالي الامتحانات اتجي تدوز العطلة هنا شنو بان ليك؟
دورها لعندو حط يديه على حناكها كيلمس فيهوم;غي مجرد انك وقفتي وبديتي تدوي وتضحكي ورجعتي لي فكنوز الدنيا مايساويو والو قدام داكشي لي دارت وجدان و فكرة ديال اللوحة فهي زوينة بزااف ,,اصلا وجدان عزيز عليها الحاجة المعنوية ماشي لمادية (بابتسامة)وانا أكيد غتعجبها ,
سيلين;هه هادشي لي ظنيت ,,كنت بغيت نشري ليها هدية ,,ولكن عارفاها ماكيعجبوهاش الشكليات فقررت نرسم ليها لوحة 
محمد;وهدا احسن قرار خديتيه ,,,,يله دابا نتعشاو راه دادا بيلا وجدات العشاء حتى الغدا و كمليها 
حركات راسها باه وحطات القلم من يديها حاوطها من خصرها وخرجو
******
زينب تلاحت على ظهرها بتعب ;الله واخيرا شديت هاد الاعداد العقدية اووف

وجدان هزات راسها وجهها حمر;استرة حلمأة اهئ اهئ ماقشبلت فيهوم والو,,اش بغينا حنا بشي كحول اهئ اهئ دابا لاش كيقريونا هادشي لاش؟
زينب;صافي صافي بلا ماتبكي هداك غي الجوع الحبيبة لي اثر عليك انصيفطو لينا على شي ربعة البيتزات تلاثة لي ووحدة ليك و ديك الساعة ايرجع ليك التركيز مزيان 
وجدان;ثلاثة مالكي محاربة مع الصومال 
زينب;واراه محاربة مع لي كثر منهم كل معادلة تنسيك في ختها وعاد القواعد الله الله (شافت فيها وهي تربع رجليها)اجي علاش متقوليش لجمال يراجع معانا زعمة هو استاد ديال الماط ,,يدير معانا مزيان ,,انا يراجع معايا الاعداد العقدية ,,والاحتمالات ,,ونتي استرة حلمأة و العمود
وجدان;العمود راه ساهل ساليتو قبيلة واحلة غي في استرة حلمأة صافي و زيدون اش جاب استاد ديال الماط لفيزيك وشيمي ,,نتي ابنت القحبة كتنشي غي على كبالتك 
زينب;اهئ واراه نتي عارفاني ماعنديش مع الماط اهئ ونتي دغية كتفهميه معرت منين كيدخل ليك وانا عيت نحاول نفهم وااااع حتى هاد المعادلات نسيتهوم (بدات تريش في راسها)غنسقط غنسقط 
وجدان حركات راسها يمين شمال;لا حول ولا قوة الا بالله انوض نخدم داك تيلي ندومونديو على بيتزا بنتي لي حماقتي 
زينب مشات عندها كتحبو ;اهئ اهئ في الجوع 
وجدان طوعاتها ;قودي شعلات تيلي لي يومين وهي طافياه لقات شي عشرة لي زابيل من كريم بغات تعيط ليه وقالت اكيد ايكون مشغول و تراجعات و عيطات باش ضوموندي على بيتزا
***في غرفة التحقيقات بارك الشاب في كرسي وجهه كله منفوخ بالضريب وتحت عينيه زرقا بارك قدامو فهد كيفيبري وكله عرقان مسرح شي تصاور ديال الضحايا فوق الطابلة وراه كريم متكي على الباب مقفد قميجتو وحال صدايف اللولانيين كيشوف في الشاب بحقد;اهئ اهئ والله ماانا اشاف راكوم غي ظالميني اهئ ماكنعرف تاوحدة فيهوم و
قاطعو فهد لي ضرب الطبلة بيديه;شوف اداك الزامل من الصباح ونت لاعب معانا المش مع الفار وحنا غادين معاك ,,قلتي لينا بلي مشيتي القهوة مع الستة الصباح تيقناك ,,,صيفطنا رجالنا يتأكدو ,,تاحد ماتعرف عليك ,,ولا شافك ,,قلتي رجعتي للدار ,,لبوليس مشاو سولو مك قالت ليهوم مابتيش قاع نهار السبت في الدار ,,قلتي لينا هاد القمشة لي في عنقك بنت ختك ,,دوزناها ,,وهاد القماشي لي في يديك و صدرك حتى هوما ديال بنت ختك ؟و نزيدك لقاو زغبة بين سنان الضحية وحنا خدينا عينة من الحمض النووي ديالك فمابقى غي مسألة وقت وكلشي ايتوضح ,,(بتعب)اللهم طلقنا الفراجة وخلينا نساليو هاد التحقيق ولا غتبق امشحفنا و في الاخير اتعتارف بلهلا يطريه ليك ,,
هو;انا مادرت و(ماعرف واحد الدقة منين جاتو الوجه جابتو طايح هو والكرسي الارض شد في نيفو لي سايل بالدم وهز عينيه في كريم لي كان كيشوف فيه بعينين حمرين )ماعندكمش الحق تضربوني ,,المتهم كيبقا بريئ الى ان (ماجا يكملها حتى جاتو دقة نساتو على سميتو )
شنق عليه من الكول ديال القميجة لي كلها محلولة و عامرة دم;شوف نقول ليك اداك الزامل دوك جوج سطورة سير عرضهم على موك من تكون تسول فيك ,,,نت متهم ب(قبل مايكملها سمع الدقان في الباب لاحو الارض ومشا في اتجاهه كيسوس يديه حلو)اش كاين ؟
الشرطي عطاه التحية ;الشاف (مد ليه واحد ورقة )هاهو التقرير لي طلبتي اشاف يله وصلنا في الفاكس 
حرك كريم راسو بايجاب وخدا الورقة;يمكن ليك تمشي 
لاخر عطاه تحية ومشا 
فهد دار عندو;وصل تقرير ديال الحمض النووي ؟
كريم حرك راسو باه وكيقرا الورقة هز راسو في الشاب لي وجهه صفار والعرق دايز منه شاف فيه بدون ملامح وهو يبدا يضحك;هههههه 
فهد;مالك ؟
الشاب من شاف كريم كيضحك قال في خاطرو سلت منها حتى هو بدا يضحك;هه قلت ليك بلي بريئ 
كريم;ههه مبروك عليك المؤبد سي عبد الكريم يمين نت متهم بستة جرائم قتل ,,و تمتيل الجثث ديالهو,,(تنهد)عرفتي شحال ايحكمو عليك ؟,,ستين ولا سبعين عام هادشي يلا مكان اعدام ستة الضحايا وتمتيل الجثة ديالهوم (تنهد)صعيبة القضية عليك

مشا عندو بخطا ثابثة وكيشوف فيه برك قفازي ووراه الورقة;شوف العينية لي خدينا منك ولاشعرة لي لقاو متطابقين ,,,بلا ماتعيينا راه فيك فيك ,,غي عاود لينا علاش درتي فيهوم هادشي وكيفاش ؟بغينا نفهمو شناهي العلاقة لي كتربطك مع هاد الضحايا ولاش درتي ديهوم هاد الحالة ؟
عبد هز راسو في كريم كيفيبري;بغيت نشرب 
كريم عطا الاشارة لفهد لي هز قرعة ديال سيدي علي مدها لكريم يله ايعطيها لعبد كريم وهو يخويها في الارض;حتى تعاود لينا شنو وقع وديك ساعة شرب ولا موت نت قاااع (لاح القرعة خاوية في الارض)واش غتدوي ولا ندويك بطريقتي,,
عبد تنهد ربع رجليه ;هادي ثلث سنين كنت يله ترقيت ووليت انا لمشرف في قسم الهندسة الكيميائية كانت حياتي عادي بين الخدمة و الدار حتى لواحد الليلة كنت راجع من الخدمة حطني طرونسبور (حرك راسو بنفي وحك نيفو)ديك ساعة باقي ماخديت طوموبيل ,,راجع للدار حتى كنسمع غوات شي بنت مشيت كتنجري لقيت واحد كيكريسي فيها تدخلت هو اشافني وهو يهرب هي تحامات في ,,كانت (بابتسامة)خايفة بزاااف ,,زوينة وشعرها كحل و عينيها خضرين كتبكي ,,,كانت بريئة بزاف ,,,بقيت معاها حتى وصلتها لدارهوم و في الطريق تعرفت عليها (هز راسو للسقف بحال يلا كيتدكر)احلام ,ههه سميتها احلام ,,عندها سطاش العام ,,كتقرا في السيزيام ,,ماعرفتش طلبت منها النمرة و عطاتها لي ودعتها ورجعت فحالي 
كريم بارك فوق الطابلة;مم كمل 
حنا عينيه فيه وتنهد;عيطت ليها وبقينا كندويو في تيلي ,,تعلقت فيها بزااف ,,,من بعد طلبت منها نتلاقاو بزز باش بغات ,,حيت خايفة من دارهوم عجباتني ,,هكا ,,وحتى انا مكنتش باغي منها شي حاجة ,,درنا نتلاقاو في كافي و تلاقينا ,,باقي عاقل جات لابسة كسوة طويلة بالغوز سميطات وبوليرو ديالو بيض شعرها طالقها هي زوينة بلا ماكياج 
فهد;ماقلناش ليك رسمها لينا شنو وقع من بعد
كريم شاف في فهد;خليه يكمل (تلفت عندو)شنو من بعد
عبد;بركنا دوينا ,,عجباتني العقلية ديالها ,,كتبان بنت دارهوم وماشي ديال اللعب ,,قلت ليها عجبتيني ,,وبغيت نديرو علاقة ,,ويلا بغيتي نجي لداركم من دابا ,,قالت لي هي باقا مكتفكرش فهادشي ديال الزواج ,,وزيدون يله تعرفنا ,,مابغاتش تزرب ,,عندها الحق ,,من بعد بدينا كنخرجو تقريبا يوميا ,,وليت كنبغيهااا بزااااااف بلا قياس,,الحاجة لي طلبات مني كنفدها ,,لبلاصة لي بغات تمشي ليها كنديها ليها,,خديت طوموبيل كنساريها فينما بغات,,ديما كتجي عندي ,,بابا خاصو الدواء ,,ماما مريضة بغيت ندير ليكوغ وماعنديش ,,غنسقط ,,مابغيتهاش تخصص من تاشي حاجة ,,وليت هازها هي ودارهوم كل سيمانة كنعطيها فلوس و دخلتها لاحسن مدارس ديال الدعم,,تقرريبا نص الخلصة ديالي كنعطيها ليها وماكيهمش المهم تكون معايا وماتمشيش عند شي حد تطلب منه ,,بقينا هكاك عام ,,وحنا هكاك ,,انا كل نهار كنطيح فيها كثر ,,واخا كانت كاتمشي معايا للدار ,,وكنبقاو بزوج ,,عمرني قربت منها ولا قستها ,,كنت محتافض عليها ,,كنشوف فيها مراتي ام ولادي,,فداك العام تغيرو بزاف ديال الحوايج ,,ولات باغا تلبس وتبان ,,كنلقاها مع شي بنات ,,كنضربها ,,(شاف في كريم)انا راجل,,وحاجتي مانبغيش يشوف فيها شي حد ,,ماشي كنضربها حيت بغيت لا نضربها ,,حيت خاف عليها ,,هي بنت واكيد قاع الاعين ايكونو عليها ,,حيث زوينة وعاطية العين,,وخا هكاك ديما كنصالحها بشي كادو,,ماكنبغيهاش تاخد فخاطرها مني ولا تبقا مقلقة ,,في داك العام ولاو طلباتها ماكيساليوش ,,ولات فينما تعيط لي بغات غي هادي وهادي ,,يلا قلت ليها صبري علي غي حتى الغدا كتكعى ماكانلقا مندير ,,كنسلت من الخدمة ونجي لعندها ونعطيها لي بغات ,,لمهم طلباتها مني انا ,,ومامشاتش عند غير ,,(عض على قنانفو و سكت)

كريم ربع يديه;ومنبعد
شاف فيه وبدا كيضحك;ههه من بعد ههههه عرفت بلي انا ضحكة,هه دمدومة ,,هه برهوشة بنت سطاش العام لعبات بي ,,دايرة فيها معيا بلي بنت دارهوم ,,وكتخاف ,,وهي دايرة علاقة مع واحد ,,هه كتصرف عليه من فلوسي ههه ههه 
فهد;وباش عرفتي هادشي ؟
عبد;واحد النهار ,,وقيتة ديال الغدا موالف كنتغدا في الخدمة ,,داك النهار قلت نعيط ليها ونخرجو نتغداو بزوج ,,نيت كنت هاملها دوك ليام بسباب الخدمة كانت مزيرة ,,وصلت حدا الفيروج لي حدا مدراستهم حتى بانت لي باركة مع واحد في الجردة معنقها و خاشيها فيه ,,مرة مرة كينزل (عض على قنوفتو))لعنقها كيبوسها فيه وهي عاجبها الحال هه انا عمرني قستها هه هههههههه عيطت ليها نسولها فينك ,,كنت بغيت نسمع شنو اتقول لي ,,اشافت لابيل ديالي وهي توريها لهداك عشيرها وكيضحكو دارت ليه اشارة بفمها سكت زعما وانا هادشي كامل كنشوفو جاوباتني قلت ليها فينك بدات ههه كتدوي بشوية زعما راها في الكلاس ,,والاستادة غتشوفها ,,هههه وقطعات وبداو كيضحكو علي ههه كنت بغيت نزل ليهوم ولكن بغيت نبقا نتفرج بغيت نحقد عليها ,,هي كتلاوح عليه وهو كيلمس فيها و كيتكيف حتى بانت لي شادة الكارو وكتكيف بتخبية زعما هو حاضي ليها ههه لعبات بي وعرفات كيف تدير حتى انا ديك النهار خصصتو اليها بوحدها بقيت امتبعها ,,حتى الليل ,,عرفت ان لمدرسة ديال الدعم ماكتمشيش ليها حيت بقات معاه حتى تسعود لوقت لي كنجي ليها نجيبها منها وقفات حدا باب لمدرسة ديال ليكوغ كتسناني زعمة ركبنا وسولتها كيف داز النهار بدات كتكدب علي ثاني ,,ماشعرتش حتى ضربتها لوجهها وبديت نغوت عليها ونسب عرفتي اش قالت لي بلي انا ازامل ,,و بارد ,,ماشي راجل ,,هه سري انا لي كنت محافض عليها ,,ستفزاتني بزااف بقيت سايق حتى وصلنا جهة ديال طماريس شديتها من شعرها ونزلتها من لوطو كانت الدنيا خاوية جريتها لغابة ,,نعست معاها ,,بزز منها اصلا لقيتها مرا ههه ,,كون لقيتها بنت كنت نشفع ليها ونتزوج منها ونحاول نسيها فداكشي واخا هي لي فوتيف هه ولكن صدقات مرا ماشعرت غي براسي قاجها (كيدوز على لسانو)كانت كبكي وكتطلب في وان وانا قاجها هكاك عينيها خرجو عيات (دور وجهو)تغوت وتبكي ونا حاكمها قتلتها بيدي هادو بهاد جوج يدين قتلتها هههه عيت نفيق فيها (هز كتافو)مابغاتش ههه خليتها مليوحة ورجع لوطو هزيت كلينيكس ولماء ههه ورجعت مسحت بصماتي وخليتها هكاك تستاهل هي لي فضلات برهوش انا شنو درت قالت لي ماشي راجل,,انا كنت معززها ,,ولكن هي بنت الزنقة قحبة 
كريم;هادي فهمناها ولاخرات شنو دنبهم

شاف فيه;كلهم بحالها كلهم طماعات ,,باغين الفلوس,,كيشوفو الطوموبيل و الفلوس كتحلو ,,بحال هادوك ,,خاصهوم يتمحاو من على وجه الارض ,,خاصهوم يموتو مايبقاوش ,,كيوسخو ,,الدنيا ,,كيوسخوها,,هادوك الماركات خاصهوم مايبقاوش ,,وانا لي قتلتهوم عرفتي هادي (ناض كيجري للطبلة هز تصويرة)هه هادي صيدتها غا من حدا باب الليسي ومشات معايا ههه بغات لفلوس تاهي قتلتها وهادي (هز تصويرة خرا)هه هادي تلاقيتها في قهوة ياسمينة قالت ليك كتحفض مسكينة كدابة هه تاهي تبعات لفلوس قتلتها هادي لا لاهي حتى هي قتلتها كانت دايرة فيها شريفة ,,ههه بغات تلعب علي بحال احلام ههه عرفتي شنو وكلتها ماء الجير ههه ههه كتبان ليه هك كتركل كتركل بغيت نقتلها ولكن قمشاتني بنت الكلبة هه وانا نكتب ليها في كرشها ,,انا منظف ديال الوسخ ,,هههه انا هو كلينر ههههههه 
كريم شدو من الكول ديالو وهو كيضحك وكيقول انا هو المنظف ديال الوسخ وتم غادي بيه جهة ديال لباب حلو كانو جوج شرطيين لاحو ليهوم;ديو علي هدا من هنا نزلوه 
عطاوه تحية و تمو غادين بيه دار عند كريم كيضحك;هههه نت فحالي ههههه انا منظف انا منظف ههه احلام ههه قتلتها 
فهد;بان لي هدا طار ليه الفريخ 
كريم برك فوق الطبلة وبدا كيحك في شعرو بتعب;اوووووف 
فهد;مالك؟
كريم;كنشوف غي فهاد خاينة ,,من ضحية ,,لقتال,,كان كيبغيها لعبات بيه ,,صدق قاتلها حتى ولا داكشي كيسري ليه في الدم 
فهد;القحاب كترو ,,وليتي توحل غا مع البرهوشات ديال سطاش العام ,,الحمد الله بلي وجدان و زينب ماشي هك 
شاف فيه كريم;كون كانت هك كون قتلتها اووف راسي اينفاجر يومين بلا نعاس 
فهد;لي علينا حنا درناه ,,دابا هوما لي غيتكلفو بيه صىافي مهمتنا سالات ,,خاصنا نشدو الطريق دابا 
كريم حرك راسو باه و شاد راسو ;يله زيد تحرك ,,خاصني نيت نشوف ديك خيتي لاش طافية تيلي يومين هادي 
فهد;كريم
كريم;مافي لي يتجاحد معاك يله نحيدو من هنا 
هز تجاكيط ديالو وخرجو من مادازو كيوقفو يعطيوهم تحية خرجو من المركز لي كان في سيدي معروف ركبو في السيارة وكسيراو نحو مدينة الرباط

وجدان لاحت القلم;صافي انا والله مابقا عندي فين نزيد مزال (هزات راسها في زينب لقاتها خاشية وجهها وسط الكتاب كتشخر )اودي اودي 
تلاحت على ظهرها بتعب;اوووف عيت هاد النهار (هزات راسها في الساعة وهي تخرج عينيها)اويلي الطناش ديال الليل من العشرة ديال الصباح؟اش داني لشي باك ت(قاطعها رنين ديال الهاتف لي كيصوني حداها اشافت نيم وهي تبتاسم فتحات الخط:يووووووومين ونتي طافية تيلي ,,,علاش ؟كنصوني كنلقاه طافي ,,,فين كنتي؟
وجدان;قول غي السلام بعدا ,,راه كنت كنحفض ,,ونت قلتي لي بلي ماعندكش الوقت باش تعيط لي ,,درنا انا وزينب باش نطفيو تيليفوناتنا باش مانتبرزطوش وحنا كنحفظو وهدا مكان ,,نت ديما تسبق العصا قبل الغنم 
تنهد;سمحيلي احبيبة غي مشاكيل و صافي ,,
وجدان;باقي خدام؟
كريم;لا ساليت ,,انا دابا فطريق الرباط انا و فهد ,,حنا فحد السوالم ,,كيف غادة مع الحفاضة بعدا 
فهد;وجدان صافا عليك ؟
وجدان بابتسامة;ههه صافا ونت ؟
فهد;احنا كنعديو مع هاد خاينة ايوا كيف غادة مع الحفاضة كلشي مزيان 
كريم;سوق وهنينا 
فهد;تا مالك كندوي مع وجدان ونت اش دخل حمارتك 
كريم ;اتسكتنا ولا نطوع مك من هنا 
وجدان;هههههه حشومة عليك,,احقا فهد,,راه ديما كندوي مع ماما سيلين في تيلي 
فهد;وااايلي ,,ههه مزيان انا شحال مادويت معاها ,,
وجدان;راه مقلقة عليك بزااف 
فهد;هه صافي انا ندوي معاها عنداك تكوني حرقتي لي الضواسا راني عارفك 
وجدان;ههه الله يقدرني على فعل الخير ههه 
كريم;واش انا معيط ليك ونتي كتدوي معاه راديني انا هنا كلووووون ولا شنو ؟
فهد;ههه ناري غايطرطق بم بم بااااااق 
وجدان;هههههههه 
كريم;راديني ضحكة دابا 
ربعات رجليها;هه لا ولكن مالك معصب ؟ههه 
فهد;هههه مسكين جاتو الغيرة اح اح راه غنصدقو قالبين هاد لوطو 
كريم;ايوا سوق وسكتنا 
وجدان;ههه تهدا عليه 
فهد;شفتي اختي شفتي اححح وصافي هاني ساكت ههه 
وجدان;هههه 
كريم;ايوا الحبيبة توحشتك 
فهد;هههه راني سايق زعما ايي 
وجدان;امالكوم حماقتو راه الطريق والليل هدا 
كريم;قوليها ليه لي خاشي طرمتو عندي اانا اندير ليزيات قاع ونتهنا 
وجدان;ههههه 
فهد;ههه مسكين محن هههه 
كريم;احم كتسمعيني دابا 
وجدان;ههه اه كنسمع 
كريم;في خبارك بلي توحشتك بزااف يومين مادويت معاك كنت غنحماق 
فهد;احح قلبي الصغير لا يتحمل 
وجدان;ههههه 
جمال ,,جمولتي ,,حبيب ديالي ,,اجي بوسني 
وجدان;هههه 
كريم;واش زمل عليك الضمير ؟
فهد;حبيبو جمال,,اجي بوسني مواح ههه 
وجدان;ههه حمق والله ههه 
كريم;كيف غادة مع القرايا بعدا 
وجدان;مزيان ,,ولكن واحد الشيمي ماعرفت منين نجيب طواسلو مافهلت فيه تا قلو احم احم تا حجة 
كريم;كمليها كمليها ,,نتي داك اللسان عندك خاصني نقطعو لمك يله نحيد منك ديك تخصار لهضرة زوينة هادي ,,السيدة ولات غا من السروال لتحت مابقا ليك والو وتحيديه نتي قاع 
وجدان ببرائة ;وراني محيداه نيت 
كريم;كح كح كح احم ها ؟
فهد;ههه شنو قالت ليك ناري السيد تجيف هههه 
كريم;احم ها شنو قلتي ؟
وجدان عاد طلع معاها القالب;ها والو ,,مافهمتش الاسترة وحلمأة و زينب مافهماتش الماط عيت نشرح ليها والو 
كريم;لا قولي شنو قلتي قبل؟
وجدان;و جمااااااال ماتحماضش 
كريم;ماغندويش دابا حتى نشد مك ,,وغنخرج منك قاع هادشي 
فهد;اتكايس راه بنية وحدة لي عدنا 
كريم;سوق وهنينا تا جمع بقالك ,,
فهد;لا لا انا ضعت تانا انضبر لي على شي ساطة حتى نولي نتعنب عليها ونقول ليها كنبغيك هه 
وجدان;ههههه 
كريم;سيري تنعسي ليك دابا حتى الغدا نوعيط ليك و نديرو شي وقيت جي نتي و زينب نخدم معاكم شوية 
وجدان;اش جابك لشي فيزيك و شيمي؟
كريم;الحبيبة ,,واخا ماكنقريش الفيزيك عندي معاه 
فهد;انا نشررح ليك الفيزيك لهلا يحوزك اححححح وهدا 
كريم ;باش تجمع فمك شوية 
وجدان;هه واخ ايله انا انمشي نعس راه عيت حاسة براسي غينفاجر بكترة الحفاضة 
كريم;سرك ناس كيحفضو قبل و هاد ليام كيخليوها غي المراجعة ونتي يله طاح عليك الوحي ماندويش دابا ,,سيري رتاحي ليك ميعادنا غدا 
وجدان;اووك 
كريم;كنبغيك 
وجدان;هه حتى انا 
فهد;هه حتا انا اييييي ههه 
وجدان;ههه حمق (وقطعات)
**فهد ;تا مال ديلمك احح دقة عطيتيها لي السلسول 
كريم كيحيد ليزيات;باش تجمع كرك هاد المرة ,,
فهد;هه جاتك الغيرة حتى مني انا ؟ههه 
كريم;سوق وهنينا (رجع راسو لور وغمض عينيه)
فهد;حبيبة كنبغيك ههه 
كريم ربع يديه وغمض عينيه كيبتاسم ,,

اصبحنا و اصبح الملك لله 
فاقت زينب هي اللولة عنقها عوج و ريوكها دايزين ماداك الشعر ماندويش عليه شاد لهوت بورد بركات مربعة رجليها كتحك عينيها وكتحاول تدكر شنو سرا بحال يلا كتدير لميزاجور لراسها ههه بان ليها الكتاب لي كانت ناعسة عليه فزك بريوكها خرجات عينيها وهزاتو بالخلعة قاع التخراج لي خرجات مشا ليها ;اويييييلي 
دورات كتقلب على وجدان حتى لقاتها منشورة فوق النامسية مقلوبة راسها في جهة ورجليها في جهة لاحت الكتاب و ناضت عندها كتجري لقاتها ناعسة على ظهرها حالة فمها حالة يديها و رجليها على طريقة تيطانيك ههه بقات كتشوف فيها لوهلة ساهية فيها وهي تنزل بشوية وكتضحك حتى وصلات حدا ودنيها ;نتي دابا في الطواليط باركة في لاساش كتبولي ,,بولي 
وجدان حكات ودنيها وتقلبات جهة اخرا ضحكات زينب وعاود قربات حدا ودنيها;نتي دابا محيدة الكيلوط و باركة كتشرولي فيها ,,بولي ,,بولي
شافت وجدان كتعقد حجبانها نزلات عينيها بان ليها الكيلوط الغوز بدا كيفزك حطات يديها على شعرها كتلمس فيه وحابسة الضحكة;هاكاك الحبيبة بولي ,,بولي احبيبة 
وجدان ناعسة مسكينة كتحلم راسها باركة في لاشاس وكتبول باركة تشرول وزينب كتلمس ليها في شعرها وتضحك حتى عمرات الفراش كامل مقداتش تصبر وهي تبدا تضحك;ههههههه واناري ههههههههههههه 
وااااااااااااااع (غوتات ليها في ودنيها حتى ناضت وجدان قافزة )شنو مالك ,,فين هربو شدي شدي 
زينب مابقاتش قادة توقف بركات في الازض نعسات كتركل و تضحك;ههههههههههههه لبوالة هههههه ههههههه 
وجدان;شكون بال ؟
زينب كتنعت فيها;هههههه نتي هههه بوالة 
وجدان بدات كتقلب في راسها حتى لقات راسها مسرسطاها ;اويليييييييي 
زينب;هههههه بوالة هههه هههههه 
وجدان;وايلي كيفاش بلت (بدات كتشم ريحة ديال الفراش)اويلي 
زينب;هههههههههههههه صابحة ناشطة ههههههههه بلتي في حوايجك هههه ناري ههه واع ههههههه 
شيرات عليها بمخدة;تفو سكتينا ,,اويلي اخر يامي وليت نبول 
زينب;ههههه بوالة هههه شوهتك شوهة هههههههه 
وجدان;واصافي ازمر يخ (ناضت ساخطة دورات زينب وجهها بان ليها بيل فازك من لور وهي تزيد تسرح;وااعهههههههههههه 
وجدان;الله ينعل الزامل بوك في هاد النهار 
زينب;هههههههههههه خاصك تولي ديري ليكوش ههههههه بوالة ههههه 
شيرات عليها بكتاب;زميه تفوووووو (ودخلات للدوش كتسب وتعاير اما زينب فبقات كتضحك في الاخير ناضت كتجري دخلات عليها للدوش )

**عند كريم وفهد 
حل كريم عويناتو لقا راسو ناعس فوق لفوتوي على كرشو ناض برك وكيحرك عنقه يمين شمال دور وجهه لقا فهد باقي منشور فوق لفوتوي لاخر تاهو على كرشو رجليه في الارض ويد لاخرا مطوعها و يد خاشيها في صدرو تصدم وهو كيدقق فيه نفس النعسة ديال وجدان ,,حرك راسو يمين شمال وهو كيمحي هاد الافكار قال النعاس هدا الواحد ماكيكونش عارف شنو يدير ,,ناض شاد في عنقو لي ضارو و طلع جهة ديال بيتو كيتعنكر دخل ليه بدا كيحل في القميجة لي كان لابس وهو غادي للدوش لاحها حدا لباب و دخل سد عليه
حل فهد عينيه تاهو بقا متكي كيرمش عينيه لمدة عاد برك كحك وجهه و شعرو وكيتفوه دار جهة ديال كريم مالقاهش ناض تم طالع وهو يتعكل مع الزربية كون ماشد في الطبلة كان غايجيب الربحة وتم غادي كيسب ويعاير 
***خرجات وجدان و زينب ملويات في بينوار زينب لابسة بينوار صفر فيه ودينات و وجدان لابسة بينوار غوز فيه ودينات تاهو طلو على البيت لقاوه مجموع و الفراش مبدل شافت فيها زينب,;هه شوهتك شوهة ليوم قاع الخدامات ايعرفوك بلتي هههه 
وجدان ضرباتها ;سكتي نتي السباب ابنت القحبة 
زينب كتحك طرمتها;هههه شي يبول وشي ياكل لعصا احح تخايلي هه كون كنتي حدا جمال وشرولتيها عليه هههه ناري هههههه منتخايلهاش هههه 
وجدان;صافي صاليتي؟نفكرك في ياماتك ولا بلاش ها؟نفكرك شحال من مرة لقتيك مشرولاها علي ولا بلاش وجمعي كرك انا بعدا راه نتي سباب مانتي ديما مشرولاها معرت غي هاد الشهورة لي عفا عليك الله 
زينب عوجات فمه;ايخخخ 
وجدان;ايوا جمعي كرك معايا قبل مانجمعو لختي (حلات لماريو كتشوف فيه)ناري خاصني نتشري حوايج جداد هادشي كله قصير 
زينب;هه الله يعز لح(قبل متكملها جاتها دقة الراس )اححح 
وجدان;زميه تفو ماعرفت مانلبس 
جبدات بعدا بيكيني بيض مشبك جبدات معاه سالوبيط سميطات ديال توب كيتحزم من لور مع بالغين جات زوينة صيبات شعرها نشفاتو و فرقاتو على جوج جا مموج من تحت قادات عينيها و دارت ايلاينر مع ريسيل ودارت عكر خوخي جات توتة جبدات ساك زرق كتخشي فيه الكتوبة وكتقاد داكشي لي بغات دارت عند زينب لي لبسات كسوة طويلة بالزرق مع سبرديلة سبور بالابيض جامعة شعرها شفنجة حتى هي دايرة ايلانر وعكر خوخي جات زاز;ويلي ويلي على التيتيز كيف داير ههه 
وجدان;ههه ياك بعد(قبل ماتكملها سمعات صووت الهاتف)ناري يمكن هو

مشات جهة ديال النامسية هزاتو نيت لقاتو صاحب دعوتها;الو 
كريم;صباح النور هه شفتك ليوم فايقة بكري معرت اش جاك ؟
وجدان;هه فيقاتني غا زينب ه
كريم;ايوا مزيان ,,يله وجدي راسك ربع ساعة نلقاك حدا باب داركوم انجي عندك انا وفهد 
وجدان;ولكن ياك قلتي لي حتى
قاطعها;دويييييت معاك بلا متسعريني على الصباح ربع ساعة نلقاك حدا باب داركوم(قطع وخلاها غا مصدومة شافت في زينب بدهشة ;واش هدا عندو انفصام الشخصية ولا شنو ؟؟
زينب;مالو؟
وجدان;قالي من هنا ربع ساعة نلقاك واجدة وبدا كيغوت هدا راه حماق والله كيعصبني بهادشي لي كيدير فيه 
زينب تنهدات وبركات حداها;هو دار هادشي غي على قبل الحفاضة ,,و زيدون مزيان نبداوها بكري ,,يله نوضي نزلو نفطرو باش من بعد نتحركو 
وجدان حركات راسها باه ناضت هزات ساكها لاحت فيه تيلي ديالها ونزلات لقات غا حنان باركة في الصالة اما الاب ديالها فمشا الخدمة بركو فوق الطبلة كيتسناو عائشة تجيب ليهوم الفطور ونيت ماكاملة حتى دقيقة حتى جات حاملة في يديها بلاطو حطاتو كان كاس ديال العصير و سندويش لزينب اما وجدان عارفين عاضتها قهوة كحلة هزات الطاس ديالها وكترمق حنان بطرف عينيها كتشوفها كيفاش باركة دايرة رجل على رجل كتصفح في مجلة الموضة مادايراش ليها اعتبار بحال يلا ماكيناش ولا عندها وجود ,,مصات قننانفها من اثر القهوة و عينيها متلألئين كيبريو كتشوف الجمود ديال الام ديالها من ناحيتها ,,مهزاتش فيها حتى الراس ولا سولاتها كيف غادين مع الامتحانات كأي أم كتخاف على مستقبل بنتها ,,هي لا ,,بحال يلا عمرها ولداتها ولا جابتها هاد الدنيا يمكن كتكرها في الباطن ديالها ,,يمكن تكون كانت باغا ولد هو اللول ,,وتزادت هي في عوض محمود ,,يمكن ويمكن ,,بقات كتقلب في الداخل ديالها على اي مبرر ليها ,,في الداخل ديالها كتقلب على اي سبب باش تشفع ليها وتفهمها ولكن مالقات حتى شي سبب مقنع لي يخلي الام تجاهل بنتها ,,حسات بقلبها تقبط و عينيها بداو كيكسكيوهوم الدموع بدون شعور نزلات دمعة من عينيها الليسرية بلا مترمشها وهي ساهية في حنان ,,فيقاتها يد تحطات على يديها خلاها ترجع و ترمش عينيها بسرعة بحال يلا شافت الضؤ مجهد دورات عينيها في زينب;ملك؟تيلي ديالك من قبيلة وهو يصوني (سكتات وشافت ليها في وجهها هزات يديها حطاتها في خدها)ماتديريش في بالك ,,يله نخرجو ايكونو وصلو (كتدوي وكتمسح ليها الدموع)
حركات راسها باه وهزات ساكها خرجات هي اللولة اما زينب بقات واقفة شحال كتشوف في حنان لي خاشية وجهها في الكتاب وكتحصر على وضع صاحبتها ,,,عارفاها كتألم من الداخل تنهدات وهي كتحرك راسها يمين شمال هزات ساكها وتبعاتها 
***كريم راكب في لوطو لابس شورط ديال دجين وبيل باج نص كم لاصق عليه مع سبرديلة سبور نايك بالكحل و كاسكيط كحلة في جنبو فهد لابس سروال ديال سورفيط مونطوني بالغري و بيل نص كم بيض لاصق عليه مع كاسكيطة بيضة نايك و سبرديلة كحلة وفيها البيض نايك داير نضاضر في عينيه ومقابلين الفيلا ديال وجدان;هادو فين تععطلو ؟
فهد;ايكونو خار(قبل مايكمل كلامو بانت ليو وجدان خارجة حانية راسها و حاطة يديها على عينيها باينة كتمسح الدموع نزل نضاضرو بحال يلا باغي يتأكد من شنو شاف بلا مايشعر حل باب ديال لوطو ونزل في اتجاهها خلا كريم مافاهم والو لي بدورو نزل تابعو)

مشا عندها بخطوات سريعة شدها من دراعها ;مالكي؟
هزات عينيها فيه دامعين ;لا والو غي 
قاطعهوم كريم ;مالك جاي (شاف وجدان عينيها مدمعين حيد يد فهد و حط يديه على حناكها)مالك شنو وقع ,,شكون بكاك؟دوي 
فهد ;مالكي اوجدان واش ضربك شي حد ؟
كريم;واش مك دارت ليك شي حاجة ؟
هزات عينيها فيه مدمعين حركات راسها بلا ;والو غي 
فهد دورها لعندو;ماتكدبيش واش مك عايراتك
حركات راسها بلا ومنزلة راسها ;هي (خدات نفس وشافت في فهد )هي (بلا متحس تلاحت عليه عنقاتو وكتبكي;هي اهئ متحملنيش اهئ كتعاملني (شهقات )هاء بحال يلا عمرني كنت اهئ فهد ,,هي كتكرهني اهئ اهئ انا حاسة بيها اهئ 
فهد شاف في كريم لي كيعض في صباعو وجهه ولا حمر تنهد و خشاها في حضنو;شش ماتديريش في بالك هادوك غي افكار و صافي 
هي زيرات عليه;اهئ اهئ لا هي اهئ (شهقات )عمرها حسصاتني بلي انا بنتها افهد اهئ مكتحملنيش اهئ ديما كتعاملني خايب انا مابقيتش هاء مابقيتش قادة عييت اهئ 
كريم شاف في زينب لي كتبكي و تنخصص وراها عاود شاف في وجدان لي مخشية في فهد وكتبكي حط يديه على عنقو كيحاول يتنفس ويبرد على راسو حاس بروحو غادي ينفاجر 
فهد حط دقنو على شعر وجدان بحال يلا كيستنشق ريحتو جاتو الريحة مألوفة غمض عينيه;شش شش ماتبقايش تبكي (وبسرعة حل عينيه بحال يلا رجع الوعي ديالو بعدها عليه برفق و نزل مستواها كيمسح ليها دموعها بشوية)شوفي كيرديتي حالتك قاع داك (بابتسامة)داك تخربيق لي في عينيك داع ليك وليتي كتباني فحال لباندا ههه 
وجدان كتمسح دموعها ;سم (شافت في جهة ديال كريم لي وجهه ولا حمر و عروقو خارجين باينة فيه معصب كارز على يديه وكيشوف فيهوم ,,ماعرفات ماتدير وماعرفات ماتقول ,,هي براسها ماحساتش بشنو سرا ,,كانت محتاجة لحضن حنين شي حد يواسيها ,,ولقاتو في فهد ,كتشوف في صدرو كيطلع وينزل بسرعة بلعات ريقها دورات وجهها جهة ديال فهد لي مبتاسم ليها)مابقيناش كنبكيو دابا؟(تنهد)اي حاجة عندها الحل ,,وهدايك كيف ماكانت فراها الام ديالك هادشي ماكيغيرو تاحد وزيدون (بابتسامة)راه ولات عندك ام خرا ,تانية خطفتيها مني هه و عندك خوك واقف معاك و عندك زينب و كين كريم شنو باغا كثر ؟هه وماتكونيش طميميعة هه 
بتاسمات وهي كتمسح دموعها ومشات جهة ديال كريم وهي كتبلع ريقها قربات حداه ماشافش فيها;يله نتحركو (وسبقهم لوطو ركب هو اللول وردخ لباب حتى طار دارت عند فهد لي غمزها مشا ركب حداه شافت في زينب لي جاية كتمسح خنونتها )تفو على كنص حتى لماكياج ماتخليهش فينا 
بتاسمات ليها و هي كتشوف في جهة ديال كريم لي كيلعب بصباعو في الفولون تنهدات و مشات ركبات لور و جات حداها زينب

عفط عفطة وحدة ماوقف غي في الفيلا ديالو وقف لوطو ونزل هو اللول كيزرب وجدان شافت في زينب ونزلو حتى فهد تبعهوم 
دخلو للصالة مابانش ليهوم شافت في فهد;فين زاد هدا 
فهد برك فوق الفوتوي ;ايكون في بيتو (شاف في زينب لي واقفة شادة ساكها باينة فيها خايفة بتاسم)ههه بركي غا مغناكلوكش هه
زينب;هه لا 
فهد;هه بركي بركي 
وجدان حطات ساكها ;انا انطلع نشوفو 
فهد;واخا 
***كريم بارك فطرف ديال النامسية كيفيبري ,,كل ماكيجي في بالو هي من كانت وجدان معنقة فهد ناض وهو كيوسع بيل ديالو حاس بنفسو سخونة ,,,حس بالباب تحل دار بسرعة ,,بانت ليه داخلة عندو ومنزلة راسها لتحت ما شعر غي هو غادي عندها بسرعة و غرس صباعو في دراعها حتى غوتات بصوت خافت;اي 
كريم ;شنو داكشي درتي قبيلة هاااااا ,,,انا قواد قدامك ,,,شنوووو داكشي درتي قبيلة (ضرب يديه مع الباب )دوييييييييي 
وجدان بالم;اي انا مقصدت والو ,,فهد راه فحال خويا ,,قبيلة (سكتات) واش كتشك في؟(هزات راسها فيه كتنسى جوابو)
لاحها حتى تزدحات مع البواني ديال لباب;انا لي خاصك تجي عندي,,وتلاحي في ,,انا لي خاصك تعنقيني ,,وتخشاي ,,وتبكي عندي ,,,اناااااا (كيضرب في صدرو)انا لي خاصك تجي تشكي علي ,,,انااااااا 
حطات يديها على ظهرها كتلمس في ظهرها لي وعتها ;انا مقصدتش كنحلف ليك,,والله ماقصدت اهئ اهئ ماقصدتش اجمال ,,كنحلف ليك (حطات يديها على وجهها درقاتو وكتبكي)
تنهد و عطاها بالظهر يد دايرها في جنبو ويد كيمسح وجهو بيها عاود دار عندها لقاها مدرقة وجهها وكتبكي زفر ومشا لعندها شدها من دراعها ونزل ليها يديها;دابا لاش كتبكي ؟
هزات عينيها فيه ;سمحلي اجمال ,,(وتلاحت عليه عنقاتو حط يديه في جنابها بغا يبعدها وهو يكمش يديه نزلهم وزيريهم وخلاها كتبكي في حضنو بلا مايبادلها العناق)
وجدان;اهئ اهئ سمح لي والله ماشي لخاطري ,,كنحلف ليك ,,فهد بحال خويا ,,عمرني شفت فيه بنظرة خرا تيق بي اهئ (نزلات يديها من عنقو وبدات كتبعد بشوية كتشوف فيها كيرمقها بدون حراك تنهدات وهي كتحاول تبت راسها وتجمع شتات نفسها لي تبعثرات لي وهلة ردات شعرها لور وهي كتمسح دموعها بسرعة)صافي فهمت,,كلشي توضح ,,سمح لي (وعطاتو بالظهر تمامت خارجة)
كريم;تزيييييدي خطوة ندفن ديلمك تم 
وقفات بلهلا يطريه ليها دارت عندو ببطئ كان باقي واقف في بلاصتو ,,هادشي قبل مايجي عندها و يشدها من دراعها ثاني;شنو كيصحاب ليك راسك دوي شنووووو كيصحاب ليييييييك رااااااااااسك ؟
وجدان حنات راسها مقداتش تجاوبو حط يديه على فكها و هزو ليها بعنف;دوييييييي 
تنهدات ;علاش كتدير هكا اجمال؟علاااش ؟
كريم;بغيتي تعرفي علاش؟هااااا؟ نتييييييي ديااااااااالييي ,,,ديالي بوحديييييي ,,,انا لي عندي لحق نلمسك ,,انا لي عندي الحق نعنقك ,,انا لي عندي لحق نبوسك ,,,انا انا بوووووووحدي ,,فهمتي ؟
وجدان;نت مريض ,,,سي(قبل ماتكملها جاتها صلية لوجهها حتى طاحت الارض شدات في حنكها وكتشوف فيه وكتبكي)قلت ليك مريض ,,
نزل عندها شدها من شعرها حتى حسات بجلدة طارت ليها;انا مريض ,,اه عندك الحق هه انا مريض ياك ؟واخا انا انوريك مريض كيف داير ,,درت مع زامل بوك الخاطز بلا قياس ,,ونتي فرعنتي باغا تطيري ,,جاياني مزوقة بحال الطعريجة ,,وباش مكملاها باركة تعنقي لي ,,ناقصك حنان؟انا غنعطيه ليك ,,(زادها بصلية خرا حتى رعفات وشدها من فكها )نتي القحبة ,,باغا ترديني شماتة ؟ها؟(زادها صلية خرا)بسيف مك ماتصرف معاك هكاك عارفة اش والدة ,,كون كنتي بنتي (هز يديه بغا يضربها حتى حبساتو شي يد هز وجهه في فهد لي قبالتو)شنو هادشي كتدير اصاحبي؟شوف كيف رديتي لبنت ؟
مدواش معاه عطاه كروشي حتى رجع جوج خطوات لور ;نت خرج من هنا انا حسابي مع (شد وجدان لي مليوحة الارض نيفها وفمها كله دم شدها من شعرها ووقفها عندو)انا حسابي مع هاد خايتي

وجدان بصوت باح;اهئ اهئ 
كريم;انا وليت زامل ياااك ها (هز يديه بغا يعطيها كروشي وهو يحبسو فهد هز عينيه حمرين فيه)شنو كتدير هنا خرج تقود 
فهد ;ماغنخليكش تبرد غضايضك في البنت ,,يلا عندك شي مشكيل ,,جي حله معايا ,,هي معندها حتى شي دنب 
كريم حدر راسو :اه واخا ماقلتي عايب (هز يديه حتى هزها وهو ينزل على فهد بكروشي حتى رعف)اه نحلو لمشكيل 
فهد ناض من الارض كيمسح نيفو ;واش زمل عليك الضمير ولا شنووووو؟واش عارف هادشي لي كتدير فيه دابا ؟(شنق عليه)عارف هادشي لي كتدير فيه,,,اتخسر صداقة ديال عشر سنين ,,فيييييق ماتخليش الغضب ديالك ,,يأثر علييييك ,,(طلق منه ولاحو)ماغنوسخش يدي فيك (شاف في وجدان لي باقا منشورة في الارض كتبكي مشا لعندها شدها من يديها )اجي معايا 
وجدان شافت في كريم بخوف;لا لا اهئ اهئ 
فهد غوت;قلت لييييك اجي معايا ,,شوفي حالتك كيف ولات ونتي باقا مسوقة ليه نوضي 
جات تنوض معاه حتى لقات راسها مشدودة من دراع لاخر دورات وجهها جهة ديال كريم;خرج افهد هاد ساعة ,,انا غنتكلف 
فهد شاف فيه بغضب;باقي باغي تزيد عليها؟ماقداتكش الحالة لي درتي فيها؟
حرك راسو بنفي ;غا سير انا غنتكلف ,,هبط عند زينب خليتيها بوحدها 
طلق منها فهد وشاف في وجدان;ماتخافيش ,,لا كانت شي حاجة انا معاك
حركات راسها باه وهي كتمسح نيفها لي دمو مابغاش يحبس خنزر في كريم وخرج ردخ لباب ,,,
كريم شاف الحالة لي ولات فيها شعرها كله مشعكك و نيفها دايز باالدم هو وفمها حنكها منفوخ ,,حس بقلبه تزير عليه ,,كيشوف فيها كتبكي وتنخصص و مكالية بيديها لايفوت فيها شي دقة ثاني عض على قنافنو بجهد حتى سال منهم الدم ,,ماكانش باغي يوصلو لهاد الدرجة ,,ولكن غيرتو ,,غيرتو دارتها ليه,,ماكيعرفش هو هدا بحال خويا ولا بحال با ,,كيعرف انه قال ليها مابغيت تاحد يقرب ليك,,يعني تاحد مايقرب ليك وسدات مدام تنهد وهو كيلوم نفسه على هادشي لي دار فيها ,,تم غادي بيها جهة ديال السرير هي اشافتو غادي بيها لتم وبدات كتبكي;اهئ اهئ جمال ماتديرش شي حاجة لي تندم عليها ,,اهئ والله مانبقا نعاود اهئ اهئ عافاك 
عينيه غرغرو من شافها كتطلب فيه بديك الطريقة ,,كان باين عليها الخوف هو غادي بيها جهة ديال النامسية وهي كترجع بلور وكتطلب فيه شدها من دراعها و بركها في القنت;اتزميه ولا لا ؟

هي تكمشات في طرف النامسية و بدات كتبكي;اهئ الله يرحم باك اهئ خليني نمشي فحالي اهئ اهئ 
ضرب يديه مع الكوافوز;اتزميه ولا نخشي ليك وجهك فداك الحيط 
تكمشات وهي كتبكي وتنخصص تنهد ومشا جهة ديال الحمام غا شافتو دخل جمعات الوقفة بغات تهرب غا وصلات حدا لباب;يلا سميت ديلمك مرا ,,عتبيها 
دارت عندو وكتبكي;شنووووووو بغيتي عندي هااااا؟شنوووووووو ,,انا شنووووو درت ليك ؟علاش كتدير لي هكا,,,,عمر شي حد ماحط علي يديه وتجي نت؟ انا ماشي عبدة عندك ولا قحبة جايبها من لبار,,فهمتي 
جاوبها ببرود;يلا ساليتي رجعي لبلاصتك (شافها باقا واقفة وكتمسح نيفها بزعاف وهو يغوت)بلااااااااصتك 
مشات كتجري بالخلعة بركات في قنت النامسية وكتبكي اما هو رجع دخل للدوش 
***زينب شافت في فهد لي متكي في الفوطوي كيلعب برجليه ;فين تعطلات وجدان؟
نزل عينيه فيها;غا كتدوي مع جمال ,,جبدي كتوبتك بداي بينما نزلو 
حركات راسها باه و حلات ساكها 
اما هو برك مفرق رجليه وكل ماكيدور في بالو الحالة لي شاف فيها وجدان 
***خرج من الدوش هاز فوطة في يديه ساردة و علبة الاسعافات ,,هي كانت مخشية في راسها اسمعات صوت الخطوات هزات راسها بخوف وبدات كترجع بلور حتى بان ليها هاز علبة الاسعافات و فوطة شافت فيه بكره وهو كيحط داكشي جنب ;تقتل لميت وتمشي في كنازتو 
شدها من يديها جرها لعندو;يلا قتلت ماكنتبعش 
هزات عينيها فيه ;مافهمتش ؟
برك قفازي وخدا لفوطة هزها;ماعندك شنو تفهمي ,,نتي لي جبتي لبلا على راسك ,,شحال من مرة دويت معاك ونتي مكتسمعيش الهضرة 
حط لفوطة على حنكها وهي تقفز ;اححح 
برك حداها بخوف ;توعتي ؟
دورات وجهها جهة اخرا وكتبكي بصمت تنهد وشدها من فكها دورها لعندو كانو عينيها حمرين بالبكا هز لفوطة بيد ويد اخرى حاكمها من فكها وبدا كيمسح ليها وجهها لبلاصة لي حط لفوطة عليها كتقفز بالالم ,,وهو كيبرد غضايدو افقنانفو كلهم جرحهوم ولا كيبان ليك االدم بين سنانو بقا معاها حتى نظف ليها وجهها ;كان جنب فمها منفوخ شوية و تحت عينيها حمر اكيد ايزراق من بعد تنهد ودفل في الارض كتبان ليك بقعة ديال الدم ومشا جهة ديال العلبة الاسعافات هزها حطها حداه هز بوماضة خواها في صبعو وبدا كيدهن ليها حنكها;احح 
هز عينيه فيها;رصاي باش ماتزراقش ليك 
كمل وهز بوماضة دارها ليهافي جنب فمها سالا وشاف فيها كانت باقا كتبكي حط يديه على حناكها بشوية;عجبك الحال؟
ضحكات بسخرية وهي كتشوف فيه;هه نت لي عاجبك الحال ,,كتلدد من كتشوفني هكا,,ديما كتبغي تفرض سيطرتك علي,,حيت مالقيتي عندي جهد,,ومانقدش ندافع على راسي,,عرفتي هاد النهار عمرني انساه ليك,,فهمتي ,,؟عمرني 
حيدات ليه يديها لي في حنكها تمات نايضة وهو يشدها من يديها وجرها حتى جات مليوحة فوق النامسية على ظهرها;شنو هادشي كتدير فيه؟
طلع فوقها وهو كيشوف في عينيها;عندي للصبر حدود ,,ونتي ,,تخطيتي الخط الاحمر اوجدان,,كنبغي نبقا معاك مزيان ,,ولكن نتي كتجبديني ,,واش انا ماشي راجل قدامك؟كتعنقي واحد اخر قدامي بغيتي نصفق ليك مثلا ؟ولا نعنقكم بزوج نديرو عناق اخوي ؟

دورات وجهها ;نت ديما متسرع ,,وانا ديما كنسامحك اجمال,,كنظن بلي صافي ,,خاصنا نساليو ,,انا لي في مكفيني ,,ماخصنيش بمشاكيل خرا ,,كنت كنظن بلي نت غتفهمني ,,بلا مانحتاج ندوي ,,ولكن (سكتات)كيف العادة عاد ماكتزيد تصدمني فيك (نزلات دمعة من عينيها)كل مرة كتجرحني بكلامك و كتضربني ,,بسيف مك تعامل معاك هكا ,,حيت عارفة شنو والدة (دورات وجهها عندو)شنو والدة؟دوييي؟ شنوو والدة؟شنو بنت ليك كندير اجمال؟كنشكي عليك باش في الاخير تسبني بيه ؟تعايرني بداكشي لي كيضرني ,,,حيت ديك النهار قلت (سكتات خدات نفس )قلت ليك بلي ماما مكتعاملنيش مزيان عكس محمود,,
كريم حط يديه علا حناكها;وج 
قاطعاتو بعينين بصوت مغنغن;كلشي نتوقعها منه إلا نت ,,ولكن (دورات وجهها شهقات )كيف ديما كتصدمني فيك ,,بسيف مك تدير فيك هكا ,,حيت عارفة شنو والدة ,,بسيف ,,اه بسيف ,,
كريم;سم
دورات وجهها عندو بسرعة;ماتحاولش ,,,حيت عمرني انسامحك(حركات راسها بنفي وكتبكي)عمرني ,,نت واحد اناني ,,كيبغي اراسو,,كيشوف عيوب الناس ,,وكينسا عيوبو,,باغي تمتالك كلشي,,,باغي تدير كلشي تحت سباطك ,,انا ماخصنيش بواحد بحالك ,,سمحلي ,,
دفعاتو من فوقها وناضت كان برك وهو مصدوم شافها غادة خارجة وهو ينوض كيجري لعندها شدها من يديها;سمعيني
حيدات يديها بشوية من قبضتو;كنظن بلي سمعت مافيه الكفاية ,,,مابقاش خاصني مزال ,,شكرا 
لاحت ليه يديه ونزلات خلاتو مصمر واقف ,,شافها فهد وطلق رجليه بسرعة ناض عندها;وجدان؟
زينب هزات راسها فيها وهي تصدم لاحت ستيلو وناضت عندها بسرعة شداتها من حناكها;اوييييلي ,,,شكون دار ,؟
وجدان بتاسمات;ههه ماوقع والو ,,غي نتي عارفاني ,,رجلي ماشي خوت ,,طحت ,,(تنهدات وهي كتشوف في زينب عينيها مدمعين)بلا ماتبداي تدمعي علي راه غي طحت (شافت ساكها لي فوق الفوتوي بتاسمات لزينب ومشات هزاتو)هانتي بقاي تحفظي ها فهد معاك من تسالي رجعي للدار
زينب مشات لعندها;واش حماقتي ,,فين غادة ,,شوفي وجهك ؟تسناي انا غادة معاك؟
وجدان;ههه راك خاصك تراجعي واقيلة ,,نتي مافاهمة تازفتة نا راه بقا لي ادرس و صافي ,,,وزيدون مايمكنش لينا نراجعو جوج حوايج في دقة وحدة خاصك تركزي ,,انا معندي ماندير هنا حيت فاهمة الماط انمشي للدار جاني نعاس ,,ونتي ها هو فهد معاك يرجعك واخا (شافت في فهد)هاهي معاك (دورات وجهها كان كريم واقف في الدروج كيشوف فيها عاود بتاسمات لزينب و زادت اخرجات من الفيلا وهي تبدا تبكي قاع الدموع لي كانت حابسة ,,خرجو بقات نازلة مع الدرب كتبكي وتشهق بصوت مسموع حتى وصلات للشارع بان ليها طاكسي جاي شيرات عليه ,وقف ليها و ركبات فيه

زينب;توما فهموني شنو واقع؟
فهد;ماعندك شنو تفهمي ,,ديري كتوبتك في الساك ويله نمشوي من هنا نراجع معاك 
زينب;و
قاطعها;ياك نتي مافاهماش لماط انا غنراجعو معاك ,,بحالي بحال (هز راسو في كريم لي باقي مصمر في الدروج)جمال ,,راه عندي مع الماط مزيان يله تحركي (حرك راسو زعما سيري )
تنهدات ومشات جهة ديال فوتوي جمعات كتوبتها دارتهم في ساكها ورجعات عندو ,,;اوك يله 
بتاسم ليها;هه واخا 
دورات وجهها لعند كريم;بسلامة شكرا 
ماجاوبهاش كتافا انه يبرك في الدروج بحال يلا فشلو عليه ركابيه دارت عند فهد لي قال ليها يله و عاود دارت جهة ديال كريم لي وجهه مخطوف منه لون كيشوف في نقطة وحدة ماكيدويش ماعرفاتش كيفاش حتى قادوها رجليها عندو حطات ساكها جنب وطلعات جهة لي بارك في الدروج كان حاط يديه على دقنو وساهي ماكيرمش ,,وجهه صفر وكيبان ليك كيطلع النفس غا بزز حطات عليه يديها بخوف;جمال ؟مالك؟ 
ماجاوبهاش بحال يلا قاعمة كينة باقي ساهي عاودات زعزعاتو من كتفي;جمال و جمال؟
هز راسو فيها بشوية كانو عينيه مدمعين;صافي مشات؟ وجدان مشات ؟؟
حركات راسها باه;اه قالت لي باغا تنعس (سكتات )شنو وقع؟
كريم زير على فمه و عينيه مغرغرين;انا ضربتها ,,سبيتها ,,قلت ليها (نزلات دمعة من عينيه)شي هضرة جرحاتها بزاااف ,,هي عمرها (نزلات دمعة خرا)مغاتسامحني مزال عمرها اتشوف جهتي ,,(هز كتافو و عينيه سايلين بدموع)انا خسرتها ,,صافي انا ضعت (تنهد وهو يرجع حنا راسو)مشات 
شافت فيه بصدمة دورات وجهها لجهة ديال فهد لي واقف بدون حراك وعاود شافت فيه ;شنو قلتي ليها؟
كريم ماهزش راسو فيها ;انا خصرتها خصرتها ,,هي مافهماتش اني درت داكشي في لحظة غضب ولكن(سكت وهو كيمسح نيفو)وجدان مشات صافي (ناض جمع لوقفة شاف فيها بعيون دامعة ولفت وجهه وطلع كجري الغرفة ديالو خلا زينب مصمرة كتشوف فيه دخل وسد لباب )
فهد تنهد وجا عندها ;يله نمشيو
زينب;ولكن
قاطعها;يله ازينب ,,وجدان مخلياك امانة عندي ,,,يله 
حركات راسها باه وهي باقا في تأثير الصدمة ماتوقعاتش كريم يبكي على وجدان هي كانت عارفة بلي كيبغيها ولكن عمرها ظنات انه لدرجة يبكي عليها ,,كتحاول تفكر فشنو ممكن يكون قال ليها ,,وفشنو دارت وجدان حتى خلاه يدير هكا ,,قاعما طاح في بالها بلي على قبال فهد ,,عيات تخيط و تفصل ماوصلات لحتى نتيجة ,ماحساتش امتى ركبات في لوطو وامتى مشاو ,,مافاقت غي على صوت الكلاكسون ديال لوطو حركات راسها وهي كتشوف بلي واقفين في الضؤ الاءحمر شافت في فهد;فين غادين ؟
دار عندها بابتسامة باهثة;انمشيو لداري تماك ,,اتركزي كتر 
زينب;ماكين لا
تلفت عندها;هههه تي مال نيتك عوجة ههه نا عندي دار حدا البحر ,,تتماك كين الهدؤ هادشي لاش غنمشيو ههه مايمشيش بالك بعيد 
حنات راسها ووجها غايطرطق بالحشمة كتلعب في السلسلة ديال ساكها تلف عندها لقاها في ديك الوضعية وهو يبدا يضحك وكمل السوقان ديالو
***
الشيفور;فين باغا تمشي اانسة راه نص ساعة وحنا غادين 
شافت فيه بعيون دامعة;غي سير ,,
الشيفور;راه نص ساعة ونتي كتقولي لي غا سير ,,شوفي شحال في الكونتور مائة و خمسة الدراهم 
تنهدات;ماكيهمش ,,شحال مكان انخلصك ,,(سكتات)واخا ديني لشركة سقراط للاعمار 
حرك راسو باه و دور الطريق
هي بدات كتمسح دموعها جبدات حلات ساك جبدات مراية كتشوف في وجهها حطات يديها في خدها لي ولا زرق وجاي لموف وتنفخ دغيا وجنب فمها منفوخ ماقداتش تحبس دموعها وبدات كتبكي تاني ,,والشيفور مقابلها من الزاج 
***
دخل الغرفة ديالو مصدوم باقي كيعاود الهضرة لي قالت ليه ,,كيسترجعها حرف بحرف ;وجدااااااااااااااااااااااااااااان (غوت باعلى صووت ,,سكت وهو كيتنفس بجهد ,,,صدرو كيطلع وينزل بانت ليه شي حاجة كتبري فوق النامسية ومشا في اتجاهها هزها كانت سنسلة ديال النقرة فيها حرف زيد عرف بلي كتعني زينب شدها بيديه وكيدقق فيها كانت سنسلة بسيطة و رقيقة كيتوسطها حرف زيد حط يديه على فمه بحال يلا كيشمها ماحس غي بدموعو نازلين بانت ليه علبة الاسعافات فوق الكوافوز وهو يطوع داك الكوافوز كامل برجليه طيحو بالفيزو بكلشي ليه ورجع ثاني حاط السلسلة حدا فمه شادها وكيبكي ,,كيتنخصص بحال شي دري صغير ,,صوت شهقاتو كيتسمعو منين ومنين )
***وصلات حدا الشركة ديالهوم خلصات الطاكسي ونزلات مخلية ليه الصرف بقات واقفة شحال قدام البناية ديال الشركة هزات راسها لفوق كتشوف طولها لي ماكيساليش عنقها عواج وهي باقا محداتهاش ,,كانت عالية بزاااف نزلات راسها في جهة ديال لباب لي كانو واقفين فين ربعة ديال الجغولة قد سخط ماكيسمحو لتاحد ماكيعرفوش يدخل لهاد الشركة الا بإدن من نبيل ,,وهادشي حماية ليه باش تبقا صورتو بعيدة غي الناس لمقربين ليه لي شايفينو ما معظم لي خدامين هنا في الشركة ماعرفينوش تنهدات وتمات غادة حتى وقفها واحد من الحراس;كين مانقضيو؟
تنهدات وشافت فيه مافيهاش لي يزيد يتعافر معاه ولا يزيد شي كلمة خشات يديها في الساك وجبدات ليه لاكارت ناسيونال ديالها اشافها وهو يوقف;سمحيلي ماكنت عار
ماخلاتوش يكمل كلامو وخداتها ليه من يديه وتمات داخلة

بقات كتدور عينيها في الشركة رغم انها واصلة فيها حتى العظم ولكن مقداتش تنكر اندهاشها بجمالية تصميم ديالها ,,بقات كتشوف في الموظفين الرجالة كلشي لابس كوستيم والكرافاط و البنات سايات مقزبات ,,كيتمسع غي صوت ديال الطالون ديالهوم ,,بتاسمات في خاطرها ,,بحال يلا داخلة المعسكر ديال التجنيد,,,تاحد ماكيدوي ,,كلشي دايها في خدمتو لدرجة قاعما هزو فيها الراس وهي داخلة ولا داوها فيها وصلات لمكان ديال الاستقبال والارشادات كانت مغطية بزاج وباركين جوج اشخاص ولد وبنت وقفات عندهوم;السلام 
الولد;بونجوغ ,,فاش ممكن نساعدوك؟
وجدان;بغيت لمكتب ديال مسيو نبيل سقراط فين جا؟
البنت;سمحي لي ولكن ممنوع شي حد يطلع لعندو ولا 
قاطعاتها وجدان لي مدات ليها لاكارت;كنظن بلي انا ماشي اي واحد؟
البنت;اه سمحي لي سمحيلي ماعرفتكش ح
قاطعاتها;ماكين تامشكيل,,عافاك واخا ممكن تقولي لي فين جا المكتب ديالو 
البنت;اه طلعي فداك سانسور(نعتات ليها بيديها)راه في الطابق السابع ,,داك الطابق كين غا المكتب ديالو و غرفة ديال الاجتماعات صافي,,حيت تاحد ماكيطلع ليه 
حركات راسها باه وهي كتاخد لاكارط من عندها ;شكرا
ومشات جهة ديال المصعد وركات على الزر تفتح ودخلات فيه ,,ضغطات على الطابق السابع ورجعات لور ,,كتحاول تاخد نفس ,,حاسة براسها فاشلة ,,ورجليها مابقاوش قادين يهزوها تعبانة بزااااف طلعات نفس وخرجاتو تحل لباب وخرجات كان في كولوار طويل واقفين فيه ربعة ديال الحراس ديالهوم اشافوها وهوما يحنيو ليها الراس وجمعو لوقفة وقفات حدا سيكيرتيرية لي كانت بنت متحجبة باقا صغيرة ;عفاك واش كين مسيو سقراط ؟
البنت;عندك معاه غونديفو؟
وجدان بتعب حطات يديها على الطبلة;انا بنتو كاين؟
االبنت;اه سمحيلي دخلي تفضلي مسيو سقراط عندو اجتماع دابا ,,
وجدان بهمس;ايتعطل؟
البنت;ماعرفتش ,,ولكن راه هادي ساعة وهوما داخلين الغرفة ديال اجتماعات ,,تفضلي رتاحي بينما جا 
حركات وجدان راسها باه ,,وحاسة بالدنيا كتدور بيها بتاسمات ليها ووقفات حلات ليها الباب ديال المكتب ديالو لي كان مصنوع من الخشب والجلد لفري دخلات وحلات عينيها بسبب جمالية ديال المكتب واللوحات لي معلقين معظمهوم كانو لوحاتها هي لي راسماهوم بتاسمات بتعب وهي بدات كتشوف جوج جوج من الحاجة مقداتش تزيد تحقق كثر بان ليها فوطوي كبير مصنوع من الجلد وتمات غادة نحو كتجر في رجليها وكتحاول تبقا لاكثر مدة صاحية غا وصلات حداه حطات راسها عليه وجمعات رجليها ومشات

الشخص بصوت حاد;مسيو سقراط موجود 
وقفات :لا ,,بغيت نقول عندو اجتماع ,,سمحلي امسيو العم
ماخلاهاش تكمل هضرتها و دخل لمكتب مشا ديركت برك فوق واحد لفوتوي خشا يديه في جيب دخلاني ديال كوستيم جبد علبة ديال سيكار جبد واحد ورد لعلبة جبد بريكا و شعلو دار رجل على رجل بكبرياء و بدا كيدخن وهاز راسو لسقف كيخرج الدخان بعجرفة حتى رمق شي حاجة بطرف عينيه شي حاجة برتقالية فوق لفوتوي دور راسو جهتها وهو يشوف وجدان ناعسة شعرها مليوح على وجهها مدرقو و يدياتها لبيضين مخشيين بين رجليها تصدم ماعرف باش تبلى ماحس غي براسو حاط السيكار فوق الطفاية وفك ركليه نزلهم وناض في اتجاهها وعينين الرماديين كيحققو فيها وصل حداها وبرك قفازي ;شكون هادي؟ (قالها بصوت هادي)
حط يديه على شعرها لبرتقالي الرطب و كيبعد خصلاتو من على وجهها بشوية بحال يلا كيحاول مايفيقهاش حتى بان وجهها لملائكي تصدم وهو كيدقق في ملاميحها ,,الهادئين و نيفها لمنقاد و عينيها لمشفرين وحنيكاتها لموردين وفمها الصغير لحمر نزل عينيه كيدقق في وجهها بان ليه منفوخ من تحت و جنب فمها منفوخ وباينة كانت باكية ,,دموعها باقين راسمين خط في حناكها ,,;شكون نتي؟وشكون دار فيك هاد الحالة؟
حط يديه على حنكها كيلمس فيه بدون شعور وهي ناعسة ولا نقولو غايبة عن الوعي ,,كانو حناكها رطبين عكس يديه لي كانت صلبة بقا غي بارك ساهي فيها ,,وهي ناعسة ويديه في حنكها كيلمسو بطرف صبعو مافاق غي بالباب تحل عاد جمع الوقفة وناض بسرعة 
نبيل داخل لابس كوستيم كحل وداير نضارات شاف الشخص وهو يبتاسم;مسيو العلوي (تقد نحو ومد يديه)سمحلي على التأخير كان عندي اجتماع طارئ فمقدرتش نأجلو)
العلوي;ماكين حتى مشكيل 
نبيل;تفضل تفض(قبل مايكمل كلامو بانت لي وجدان ناعسة فوق الفوتوي تصدم)وجدان ؟
طلق من يدين الشخص بسرعة ومشا في اتجاهها ;وجدان ؟(حط يديه على حناكها )وجدان ؟وجداااان (كيحرك فيها وهي ماكيناش شاف في الشخص بخوف)شنو وقع ليها ؟
اثلهخص;بحالي بحالك دخلت لقيتها هنا شكون هي؟
ماجاوبوش ناض بسرعة جهة ديال لبيرو ديالو هز قرعة ديال لماء خواها في يديه وبدا كيرشو في وجهها وكيصرفق فيها برفق وينادي باسمها حتى بدات كتغمض عينيها بجهد وكتحرك في راسها ,,حلات عينيها بشوية وهي كتحاول تشوف حيت الصورة باقا مضببة حتى بدات كتوضاح ليها ,,كان وجه نبيل لي بارك قدامها مخلوع;وجدان ؟
هي بتعب ;بابا ؟
نبيل;مالكي شنو وقع ليك (شاف فمها منفوخ وحنكها زرق)شكون دار فيك هاد الحالة؟دوييي واش شي حد قرب ليك ؟
هي علات عينيها فالشخص لي واقف بحال يلا حتى هو كينتاظر جوابها وعاود حناتهم في نبيل لي ماسك حناكها;لا ,,غا قبيلة ,,زلقت وجيت طايحة على وجههي 
الشخص بدا كيقرب عندهوم وكيحقق في عينيها وهضر بصوت مستفز نوعا ما;لي طاح كيتحرد في يديه ولا رجليه ,,انا مابان لي مافيك تادقة 
وجدان بلعات ريقها;لا ,,راه الزليج هادشي علاش ماتدربتش في يدي ولكن انا دابا مزيان ,,(شدات في راسها وشافت في باباها;)كيفاش دخلت لعندك؟
نبيل هز حاجبو باستغراب;واش ماعاقلاش؟
هزات حاجبها عاقداهوم;لا اخر حاجة ,,عقلت عليها ,,هي نعت لمول الطاكسي الشركة ديالك,,شي حاجة خرا ,,(شدات راسها بألم)اييي 
الشخص;بانت لي الحالة ديال البنت ديالك ,,خاصها الطبيب 
حركات راسها بنفي وهي شادة في راسها;لا ماكين لاش انا (عضات فمها)مزيان غا شوية ديال الصداع ,,
نبيل مد ليها كاس ديال لماء;هاكي شربي 
خدات من عندو لكاس كترعد ماقاداش تشدو شدو من عندها نبيل وشربها لماء ورجعات حطات راسها فوق لفوتوي;بغيت غي نعس 
نبيل;واخا رتاحي دابا ,,انا شوية نديك للدار 
حركات راسها بنفي;مابغيتش نمشي ليها 
نبيل;علاش(سكت )واخا حتى لمنبعد وندويو في هاد الموضوع رتاحي دابا 
حركات راسها بايجاب وعطاتهم بالظهر وسرعان تاني مامشات 
ناض نبيل وهو كيتحسر على حالتها عرف بلي جاتها الحالة ثاني شاف في الشخص بحزن;سمح لي امسيو العلوي مكن
قاطعو ;عادي 
نبيل;تفضل معايا لمكتب 
قاطعو ثاني;كنظن نخليو البنت تنعس ونخليوها مرة اخرى
نبيل بابتسامة;هه يله نمشيو الغرفة ديال اجتماعات نتكلمو على خاطرنا 
الشخص حنا عينيه في وجدان لي عاطياهم بالظهر تنهد وحرك راسو باه ;واخا تفضل

*عند زينب لي باركة كتدور في فيلا ديال فهد لي جات كتطل على شاطئ بوزنيقة ;واااو دارك زوينة 
فهد خرج من الكوزينة هاز بلاطو فيه بيمووات و جوج كيسان ديال العصير حطو فوق الطبلة;ههه هادشي لي لقيت ,,حيت ماكنجيش ليها بزاف قليل اكثرية كانكون في دار كريم 
زينب خرجو عينيها من شافت البيموات ها كيط كاط ها مارس ولاو عينيها كيبريو مشات ديريكت لبلاطو هزات ثلاثة لبيمووات ورجعات فوق الفوتوي حطاتهم حداها وبدات كتلتاهم فهد ضحك ;هه ابشوية عليك 
زينب;هه واراه انا والشكلاط خوت هه ديما كنتضاربو عليه انا ووجدان 
بتاسم;اجي شحال باش كتعرفي وجدان ؟لاحظت كيفاش مرتابطين ببعضكم ,,لابكات وجدان نتي كتبكي ولا بكيتي نتي كدالك,,كتخافو على بعضياتكم ,,وعاد مكتفارقوش ,,هادشي كيظل بلي صداقتكم قوية 
زينب;هه كنعرفها هادي حداش العام ,,انا وياها موس واحد ,,مكنتفارقوش ,,حداش العام,,وحنا مصاحبات ,,كثر من الخواتات ,,مكنخبي عليها والو وهي كدالك
هز حاجبو;اووو صداقتكوم قوية ,,كيفاش حتى تعارفتو ؟يعني ماشي من الساهل باش تلاقاو ,
زينب حيدات لبيمو من فمها;فهمت ,,حيت هي لاباس عليها وانا لا(هزات عينيها فيه مدمعين)
فهد تقاد في البركة ;لا مقصدتش هكاك,,,ولكن جاتني عجب ,,شفت
قاطعاتو بصوت مغنغن;تلاقيت بيها في الكلينيك ,,
****في غرفة الاجتماعات
نبيل في الكرسي امخصص ليه وفي جنبو الشخص لي ساهي 
نبيل;مسيو العلوي ,,كيف قلت ليك ماعندك مناش تخاف ,,البناء المستشفى ديالك ,,غادي على احسن مايرام ,,كلشي غادي هو هداك و احسن (شاف فيه)مسيو العلوي 
الشخص ;ها اه اه اه شكرا 
نبيل;ماكين لاش حنا كانديرو خدمتنا ,,و التصميم ديالو كيف ما بغيتي ,,(بابتسامة)راه ماشي اول مرة غنتعاملو مع بعضياتنا 
الشخص;سي ,,وهادشي لاش ,,انا كنتعامل مع الشركة ديالك ,,حيت كنتيق فيك ,,,(سكت وعاود تكلم)شنو لمشكل ديال البنت ديالك؟
نبيل شاف فيه بصدمة ,ماكانش متوقع يسولو هاد السؤال ,,تنهد وحيد نضاضرو;هاديك ;وجدان تعرضات لصدمة من كانت صغيرة ,,شي لي كيخليها من كتعصب ولا تقلق كتفقد اعصابها ,,وكتدير شي حاجة بلا وعي ,,ومن كتفيق ,,ماكتبقا عاقلة على والو 
الشخص;يعني قبيلة من قالت ليك ماعرفاتش كيفاش جات كانت كتعنيها؟
نبيل تنهد;اه ,,كيف قلت ليك ,,ماكتعرفش شنو كتدير ,,واكيد ,,دوك الضرابي ماشي طيحة ,,مابغيتش نحكر عليها ,,شفتي من بغات تفكر شدها راسها ,,والدكتور ديالها ,,قالينا ,,يلا جهدات على نفسها ولا غي تقلقات ,,(بلع ريقو)تقد يتطرطق ليها شي عرق و تموت ,,هادشي علاش ,,مكنحاولوش نفكروها فداكشي لي دارت ,,كنقولو ليها بلي غا طحتي ولا تضربتي 
الشخص;واش شفتي ليها طبيب نفسي ,,كنظن بلي الحالة ديال بنتك صعيبة ,,ماخصكش تخ
قاطعو ;كتجيها ديك النوبة ,,مرة مرة ,,وكيف قلت ليك حتى كتقلق ولا كتعصب ,,وانا ديما كنبعدها على الثوثر ؤاي حاجة كتقلقها ,,مافهمتش شنو سرا ليها دابا لي خلاها ترجع لحالة ديالها 
الشخص;يلا بغيتي يمكن لي نعين ليها احسن الاطبة النفسانيين عندنا ,,,واكي
قاطعو;ماكين لاش امسيو جهاد ,,هي متبعة عند الدكتور حتى هو بارع ممكن تكون كتعرفو عثمان قباج ,,هو لي متبع الحالة ديالها ومشرف عليها 
جهاد;اه الدكتور عثمان وشكون لي مايعرفو؟حتى هو مزيان ,,لمهم لا كانت شي مساعدة فراك عارف 
نبيل بابتسامة;ولو عارف لي كاين شكرا 
جهاد;نخليك دابا (شاف في الساعة )هه جوج هادي ,,
نبيل;هه الوقت دغيا كيدوز ,,(سكت وهو يشوف فيه)اش بان ليك نتغداو مجموعين ,,هادي وقيتة ديال الغدا ونيت انا في الجوع اكيد لا مكان عندك تاشي مانع؟
الشخص بابتسامة;هه واخا 
نبيل ناض ;انا انشوف وجدان ونرجع 
جهاد;اوو ك 
مشا نبيل وبقا جهاد بارك في الكرسي ساهي طاحت في بالو من كانت وجدان ناعسة فوق الفوتوي وشعرها مدرقها ,,ومن بدا كيرد ليها شعرها لور وبان وجهها كتبان بحال شي اميرة بتاسم هو كيتدكر من فاقت وهزات عينيها فيه كانو دهبيين مخلطين بالخضر ماكتعرفش لونهوم وصافين ,,بقا غي بارك و ساهي في تفاصيل وجدان الدقيقة 
***بارك في القنت ديال الحيط من بعد مارد ديك الغرفة كلها سفاها على علاها كلشي مقربل وكلشي مدقدق و الدم منقط في كل جهة ,,شاد السلسلة ديالها لي ولات كلها دم وكيشوف فيها بعينين حمرين ودامعين وججه مزنك وعرقان كينهج عريان من لفوق لابس غي شورت لي ولا تاهو كله دوم و سبرديلة تاهي عامرة دم كيشوف في السلسلة وكيبكي;ماتخلينيش عافاك ,,ماتمشيش وتخليني حتى نتي كيف دارو واليدية ,,ماتديريهاش اوجدان,,لا (حط السلسلة على فمه باسها ويديه نازلين دم مع دراعو )كنبغيك ,,كنبغيك

***نبيل دخل عند وجدان لقاها باقا ناعسة وهاد لمرة مشبحة كل رجل في جهة وحالة فمها كتشخر ضحك على نعستها ومشا في اتجاهها كيلمس شعرها بشوية;وجدان نوضي ابنتي باراك من النعاس وا وجدان
حكات نيفها بطرف يديها وتقلبات جهة اخرى ضحك ورجع كيلمس في شعرها;وجدان ,,وانوضي خلاص 
قاطعو صوت جهاد;مابغاتش تفيق؟
نبيل; هه هادي راه واحد النعاسة منها مكان ,,يلا نعسات ماتبقاش تفيق ليك (رجع يلمس على شعرها)وجدان وجدااان 
وجدان بصوت مغبن;واخليوني نعس واااه 
نبيل;شفتي؟
جهاد بتاسم
نبيل;وجدااان ونوضي راه غنمشي ونخليك هنا في البيرو ,,وانوضي ,,(قرب حدا ودنيها)اندي بنتي تاكل بيتزا ,,كاط سيزون لي كتعجبك ,,ونديك لبارك تلعبي اش قلتي؟
اسمعات بيتزا وبارك وهي تحل عينيها بلا هواها دارت عندو;حلف حلف 
نبيل;هههه انا موالف نكدب عليك يله نوضي
وجدان بابتسامة;هههه غنمشيو براك ديال سندباد زوين 
حرك راسو باه;هه نمشيو بارك لسندباد ,,
تلاحت عليه;وااع ههههه 
نبيل;حمقة 
وجدان;ههه (وهي تهز عينيها في جهاد لي مقابلها ومبتاسم بعدات على نبيل بشوية وكتشوف في جهاد ,,نبيل تلفت ;هدا جهاد العلوي ع
قاطعو جهاد,كنظن بلي خاصني انا نقدم ليها راسي 
نبيل;هه تفضل 
جهاد تقدم عندها هي وقفات كتقاد في الكسوة ديالها وكتشوفو فيه (انقدمو ليكوم ,,جهاد العلوي ,,صاحب اكبر مستشفيات في المغرب ,,ورتهم عن الاب ديالو وهو زاد وسعهوم وزاد عليهوم مستشفيات خرين ,,واخا باقي صغير سنه تسعود وعشرين سنة ,,تخرج من اكبر كلية الطب في المانيا ,,كيتعد من احسن الدكاتير المختصين في جراحة الدماغ ,,دو بنية جسدية رياضية بحكم مزاولتو السبور يوميا طويل ,,و سميمر شوية عيوناتو

صغار شوية ولكن عندهوم واحد لون زوين بين الغري والخضر ومشفرين ,شعرو اسود رادو لور و لحية خفيفة ولي كتميزو هي ابتسامتو ساحرة وكتدخل القلب ,,رغم انه صارم لي حد ما ,وا هكاك حنين ولي وقف عليه ماكيردوش خايب شحال من عملية دارها غي فابور وتكلف قاع بالعلاج ديال بزاف ديال الناس ودابا كيبني في مستشفى خاص بالفئات المعوزة,,تقدم حداها ومد ليها يديه)جهاد العلوي ,,دكتور مختص في جراحة الاعصاب 
نبيل;وصاحب اكبر المستشفيات في المغرب 
وجدان مدات يديها ليه;متشرفين ,,انا وجدان 
هو ;الشرف لي 
كتافات بابتسامة و سلات يديها من وسط يديه شافت في باباها ;نمشيو ؟
نبيل;اوك اهو ايمشي معانا سي جهاد ,,انتغداو مجموعين 
قربات حدا ودنيه وكتشوف في جهاد لي هاز حاجبو;شوفو كيف داير هدا باين عليه من صحاب لي كيمشيو الريسطورات ديال الشيكي (عوجات فمها وكتشوف في جهاد بنص عين لي حابس الضحكة)انا راه والله مانعتب فيهوم سير قوليه يتغدا بوحدو ,,ولاسير معاه نت نيت انا غا وصلوني حدا السناك حتى تساليو وطرقوني 
جهاد ماقدش يحبس الضحكة;ههههههههههه 
بعدات من نبيل وشافت فيه ;شنو لي ضحكك؟
جهاد;ههه والو ,,ههه 
وجدان;الضحك بلا سبب من قلة الادب 
نبيل;وجدان حشومة 
جهاد;ههه خليها حليها من حقها ,,وماقالوش ليك ,,إن بعد الظن إثم ها؟شكون قاليك انا كمشي المطاعم ديال الشيكي ,,؟
دورات عينيها و عضات على فمها وهي تدور عنده;وشكون قاليك تطلق ودنيك نت أصلا ,,انا كندوي مع بابا ونت مالك 
نبيل;وجداان سكتي 
جهاد;هه وراه نتي مكتعرفيش تدوي بشوية ,,هاد لمرة لا بغيتي تعايري شي حد هضري غا بشوية عليك باش مايسمعكش 
دورات عينيها مالقات باش تجاوبو وهي تسكت 
نبيل;ايوا من صاليتو ,,,يمكن لينا دابا نمشيو نتغداو 
جهاد;نسولو الانسة وجدان ,,لا مكانش عندها شي مانع 
وجدان;من كتمشي للسناك ,,فماكين عندي حتى مشكيل 
جهاد;الحمد الله هه 
نبيل;هه سيري هزي ساكك ويله نمشيو اجي فين هي زينب؟
وجدان كتدور في عينيها;اه خليتها مع واحد الدراري كيقراو معانا كيراجعو 
نبيل;ونتي؟
وجدان;انا فاهمة دوك الدروس ,,بقات لي استرة حلمأة مالقيتش لي راجعها معايا وخليتها هي تحفض لماط 
جهاد;هه أسترة حلمأة كتقراي في الباك؟
وجدان;شوف نت؟
جهاد;ههه ايوا الالة الشخص المناسب لهاد المهمة هاهو واقف قدامك ,,نقد نعاونك في هاد الاسترة حلمأة ونعاونك حتى في العلوم 
وجدان مشات عندو كتجري;حلف حلف ؟
جهاد;ههه هاد البنت عندك علام ,,(شاف فيها)علاه حنا كنلعبو شوفي غي الوقت المناسب لي عندك وانا معاك 
وجدان;هه مشات دابا نت صدقتي ,,يله نمشيو نتغداو دابا راه في الجوع 
جهاد;هه رشيوية 
نبيل;هههه (وخرجو)

يتبع ...