خرجات وخلاتو محطم نزل على ركابيه بصدمة مامصدقش شنو سرا ,,,مامصدقش هادشي لي وقع ,,لا هو كيتخايل ,,وجدان عمرها اتخليه عمرها اتبعد عليه هي واعداتو,,,اه واعداتوو,ولكن ولكن شنو سرا دابا ,,لا هادي ماشي وجدان لا ماشي هي وجدان حنينة وجدان لا ,,,ماشي هي دار يديه في وجهه وكيبكي,,,كينفي هادشي لي وقع ,,كينفي هادشي ,,لي شاف ,,كيفاش ترجيه ليها ودموعو ماأثروش فيها ,,ماحناتش فيه,,اه هو كدب عليها لا مشي كدب عليها هو خبا عليها ,,ولكن ماشي الخاطرو,,كيفاش قدات تشك في حبه ومعنات ليه بلي باغيها على حاجتو,,نسات بلي هو محافض عليها الحد الان,,,اه هو نعس معاها من الفوق ,,ولكن كراجل داكشي راه ماكيقنعوش ,,هو كيبغي يغرق ,,وبالخصوص واحد بحالو عندو تجاريييييييب طويلة مع الجنس اللطيف ,,كل يوم وحدة جديدة ,,كل وحدة كيفرغ فيها شهوتو ليلة ,,كل وحدة في نوع وفي شكل,,حتى البنات في الخدمة ديالو معطلهوم,,,كينات لي نعس معاهوم في المكتب ,,منهم ليلى,,ولكن هي غير ,,غير كلشي,,,بغاها نقية ,,كيف عاهدها ,,محافض عليها كيف الوردة ,,كتصحاب جوج بوسات هوما لي غايطفيو لهيبو وشهوتو ,,هادوك ,,راه غاكيزيدو يهيجوه,,وصابر عليها,,,عارفها معندهاش تجارب ,,مخليها ,,حلال,,نسات إيامهوم الجميلة وحبهوم ,,تفكرات غي الحوايج الخيبة ,,اه ماينكرش بلي لي دوزو عليها ماشي قليل,,ولكن ولكن ,,هو هكاك ,,مايقدش ,,,داكشي لي داز منه كبر منه,,واخا هكاك,,,كيسيطر على نفسه لاقصى درجة ماكون قتلها شحال هادي ,,,نسات ونسات ونسات عشقه وولهه وقلبه لي كيدق ليها ,,كيفاش قدات تنكر هادشي,,كيفاش قدات تخلى عليه بكل هاد البساطة ,,وتمشي كأنها مخلاتش قلب مكوي محروق ,,شخص ميت ,,,اه هي قتلاتو ,,كيبكي وغير ابه للسربايا لي كيطلو عليه,,مامسوق لتاحد باغي يفرغ باغي يخرج داكشي لي فيه محروووووووق بزاااااف ,,,ماعندوش دوا ,,ماعندوش
***اما من مشات خرجات كتجري ,,كتبكي وتنخصص اه هي كتبغيه وكتموت عليه,,وكبزاااف,,ولكن هي خايفة ,,خايفة منه لا يتقلب ديما كيعيشو نفس الاحداث ,,ديما نفس السيناريو كيتعاد ,,ماقداتش مزال ,,ماقداتش ,,,اه كتعدب وكثر منه كتعدب بزااااااف ,,ماحسات غي مزدوحة مع شي صدر كانت غطيح كون ماشدها هزات عينيها فيه حمرين ودامعين;اهئ اهئ جهاد
اه جهاد ,لي كان ,,من بعد ماوصلها ,,بقا واقف تم حدا باب الريسطو واكيد سمع لقاع حوارهوم وشاهد الكلشي,,,اثرو فيه بزووج,,,اه هو كيبغيها ولكن ماشي بحال كريم,,الراجل ,,ماكينزل على ركابيه وكيبكي,,إلا عاشق ولهان ولا كثر,,,اه داكشي عدبو,,ولكن حبهوم بحال اعادة ديال قيس وليلى,,شدها من دراعها و بعدها عليه;كتبغييييه
هزات عينيها فيه باكيين ,,ير عليها وغوت بجهد بحال يلا كيخرج داكشي لي فيه الحرقة يمكن;,وااااااااااااش كتبغيييييييييييه؟
حركات راسها باه وهي باقا كتبكي;اهèي هئ اهئ
شدها من دراعها وتم جارها;اهئ اهئ جمال طلق مني اهئ اهئ شنو كتدير اهئ اهئ
لاحها حدا باب الريسطو ;شوفي
دورات وجهها كان كريم باقي بارك على ركابيه كيبكي ,,بقات كتشوف فيه كان منظر ديالو كيحرقها ,,بزااف ,,كتشوف فيه وكتبكي بدورها;شفتيه؟كيبغيييييك اوجداااان,,(عض على قنانفو كيحبس دمعة تنزل ليه)ماكينش شي حد يقد يبغيك فحالو,,نتوما تخلقتو لبعضياتكوم (قرب ليها وشد وجهها بين يديه)شوفي في ,,سيري عندو عطي نفسكوم ,,فرصة جربيه ,,سيري
وجدان حركات راسها بلا وهي كتشوف في كريم عضات على قنانفها;اهئ اهئ
جهاد;وجداااااان,,,سيري ليه ,,شوفي حالتو (طلق منها ودفعها حتى طلعات درجة)كتبغييييه مكتهم تاحاجة من غير الحب ,,هو حبه ليك صادق وحتى نتي سيري اوجدان,,عطي لنفسكم فرصة ,,اتكوني نتي الخاسرة ,,وغتندمي من بعد حيت ماعطيتيهش فرصة,,جربيه,,سيري
دورات وجهها جهة ديال كريم لي كان كينوض و عينيه حمرين كيمسح دموعو وكيعض في قنانفو لي ساردين ,,مابقاتش قادة مزال تصبر مابقاتش قادة تزيد في عنادها وكيبرياءها محسات غي هي كتجري نحو اما جهاد بقا واقف كيشوفها طالعة في الدروج كتجري نزلات دمعة من عينيه مسحها بسرعة ومشا في اتجاه طوموبيلتو تكا عليه لمدة هز عينيه لي ولاو حمرين ودامعين جهة ديال الريسطو حل لباب وركن في لوطو كيسرا وزاد بسرعة
وقف كيمسح دموعو بأسف و أسى صافي تدمر قلبه تكسر لأشلاء مايقدش يتجمعو كيفاش ايعيش دابا ,,كيفاش ايزيد ,,يقاوم غدا,,الحاجة لي كانت كتخليه يزيد القدام هي وجدان,,اه واخا حتى خته ,,ولكن وجدااان ,,غير ,,وجدان هي الروح والقلب,,هي النوارة دحياتو كيف كيقول وهاهي خلاتو تاهي ,,تخلات عليه,,ايرجع ميت كيف كان ,,قلبه ايموت,,ايرجع لكوابيسو ,,ودكراياتو المؤلمة يرجع يعيش ماضيه لي كينساه معايا,,ايرجع العداب لي كان فيه,,خرجوه من تفكيرو ,,شي يديات رطاب و حنان في خدودو يديات حافض لمستهوم عن ظهر القلب حل عينيه بسرعة كيشوف وجدان واقفة قدامو وكتبكي كتحرك راسها بنفي ويديه في خدودو كيمسحو دموعو,,مامصدقش شنو كشوف قدامو,,كيصحابلو كيتخايل,,هي مشات هادشي لي كيدور ليه في بالو,,وعينيه عليها;جمال اهئ اهئ
هز يديه بشوية حطهوم في خدها لي فازك;مكنتخايلش ياك؟
حركات راسها بلا وكتبكي ا;اهئ اهئ لا
ماحسات غي هي في حضنو خاشيها فيه ,,زير عليها حتى ضلوعها تخشاو في بعضهوم,,صدرو كيتهز ,,ويتحط بسرعة,,قلبه كيضرب يضرب ,,يضرب ,,مسابق,,اما انفاسو كتصارع,,,هز راسو لفوق الترية لي بالالوان ونزلهوم خشا وجهه في شعرها دفن نيفو فيه وغمض عينيه بجهد وزاد عسرها ,,كيخرج منها قاع داك البعد لي بعدو,,حتى هي غرسات يديها في ظهرو و دفنات وجهها في صدرو العريض ,,كتنفس بسرعة وكتحرك وججها في صدرو وكتشهق,,,كانت محرومة ,,من هاد الحضن,,كانت محرومة من عطرو ,,من دقات قلبه ,,لي كتسمعهوم ,,بجهد ,,بحال شي جرس ,,ولا ناقوس ,,بقاو مدة وهوما في احضان بعضهوم ,,ماتفارقوش ,,كان كل واحد فيهوم,,كيعبر فيه على شوقو,,واشتياقو,,على عدابو,,وحبه اكيد,,السربايات لي كيتطالو ,,اثر فيهوم داك المنظر اكيد ,,عشاق باينين من النظرة الاولى ,,بعدات عليه بشوية واخا هو كان باقي كيطالب بالمزيد ,,باقي باغي حضنها ,,مزال,,باقي عطشان ,,نزل عينيه فيها لي كانو حمرين وهز يديه كيمسح دموعها لي هوادين;سامحتيني؟
نزلات عينيها ماعرفات ماتقول,,تنهدات وهزات راسها فيه ,,كان كيشوف فيها ,,كيدقق في ملاميحها لي اكيد ,,ماباينش فيهوم مسامحاه هو حافظها ودارسها مزيان من كتبغي تهرب من شي سؤال كتدير هك نزل يديه من وججها بحزن;فهمت
نطقات بهمس;انا غنعطيك فرصة ,,اجمال,,انعطيك فرصة,,اجمال,,انعطيها ليك
شاف فيها بسرعة;يعني انرجعو لبعضنا ؟
حركات راسها بايجاب وكتمسح عينيها;اه انرجعو لبعضنا
شدها من خصرها جرها لعندو;اتولي لي ياكي اتولي لي؟
وجدان:اه اجمال
بعد ليها شعرها على عينيها وتنهد بفرح;كنبغييييك اوجدان كنبغيييييك والله
حركات راسها بايجاب;عارفة
كريم;لا ماعرفاش قداش انا كنموووت فيك ,,كنحلف ليك ,,,بزاااف ,,(شد وججها بين يديه و قرب لعندها )توحشتك توحشتك بزاااف ,,كنت ميت ودابا حييت ,,,(بابتسامة)حيت نتي معايا ,,صافي رجعتي لي هه
وجدان هزات عينيها فيه;اخر فرصة اجمال ,,اخر فرصة
حرك وجهه بنفي;نساي ,,لمهم داابا نتي معايا ,,هادشي لي كيهم,,,(خشاها في حضنو ,,طلع نفس حارة وتنهد)كنشكرك اوجدان,,حتى فقدت الامل ,,ورجعتي مكنتش قاع متوقع بلي اتجي اووف
بعدات عليه وشافت فيه;جهاد لي قنعني ,,نجي ,,وجهاد لي قنعني نعاود نرجع ليك
زير على يديه وشاف فيها;يعني هو لي قال ليك ترجعي لي ,,,كون ماكان هو قاعمة ترجعي؟
حركات راسها بايجاب;اه ,,مكنتش بغيت نجي من الاول وهو لي قنعني نجي نسمع ليك,,ومن خرجت دابا هو لي رجعني ليك,,وقالي نعطيك فرصة,,نت عارف اجمال شنو درتي,,,؟مكنتش انسامحك ,,مكنتش نقد,,واخا دابا وباقا مامسحتك,,ولكن الكورة عندك,,نت قلتي اتصلح كلشي ,,وريني كيفاش اتدير ,,مانكدبش عليك,,تيقتي فيك تهزات ,,ومايمكنش نرجع معاك كيف كنت ,,مايمكنش نعطيك تيقتي تاني,,ولكن كلشي مرهون بيك دابا ,,كلشي,,,عندك,,طلبتي مني نعطيك فرصة اخيرة نجربك بيها ,,وهانا لبيت طلبك ,,كيف ديما,,وافقت حيت مابغيتش ندم من بعد ونقول,,ماعطيتوش فرصة واخا راك عارف شحال من وحدة عطيتك وخدلتيني رجعت ليك دابا ,,باش من بعد لا درتي شي حاجة مترجانيش ,,اجمال,,هانا تاني واقفة قدامك مادة ليك يدي,,يلا طلقتي منها هاد المرة اتكون للابد ,,عطيتك قلبي ثاني للمرة للاخيرة كتنمنى ماتكسرنيش كيف ديما ,,كنتمنى ماندمش تاني
شد ليها يديها بين يديه;عمرني عمرني نطلقها ,,عارف بلي غالط ولكن ماشي الخاطري ,,ايجي شي نهار وغتفهميني,,,وغتعدريني على كلشي,,انا اوجدان ,,,كنبغيك,,,هدا هو الاهم ون
قاطعاتو;قلت ليك الحب ماكيكفيش اجمال,,عمرو مكان كافي
كريم;انا نتي مكيفياني ,,يكفي انصبح عليك,,و نسمع صوتك,,يكفي ,,نعس وانا كنحلم بيك,,يكفي,,نهاري يدوز معاك,,وليلي بيك,,يكفي الثواني والدقايق ,,يطوالو بقربك,,ويعينيك مايبعدوش من عيني,,يكفي ,,تبقاي معايا لاخر نفس,,يكفي,,تبقاي في جنبي ,,يكفي,,تبتاسمي لي,,ماخاصني والو,,ماخاصني ,,والو من غيرك اوجدان,,كنت كنقول,,كينين شي حوايج مهمين ولكن من فقدتك ,,مابقاش ليهوم طعم,,فرحتي مابقاتش,,ماكملاتش,,,حياتي كاملة مابقاش ليها لون ,,كحلة,,انا كنت عارف بلي نتي هي كلشي ولكن دابا زدت تأكدت ,,عرفت بلي نتي هي أهم حاجة عندي ,,أهم حاجة ,,وتاحد مايقد يعوضك,,نتي نسيتيني في كلشي ,,ولكن تاحد ماقد ينسيني فيك,,هدا هو المشكل,,نتي هي كلشي في حياتي ,,اوجدان,,نتي كلشي كنتمنى حتى نتي تفهميني وتقدري شوية
دارت ابتسامة خفيفة ;ديما مقدراك,,اجمال,,وديما كندير المستحيل على قبالك ,,(تنهدات)هادشي فات دابا ,,(سلات يديها من يديه)خاصني نرجع دابا فات الحال
قرب حداها;باقا مكتيقيش في؟انا بغيتك ترجعي كيف كنتي,,قلب وقالبا,,,ديك وجدان,,لي عاهدت نشوف,,وليتي باردة بزاف
هزات عينيها فيه;نت لي منك كلشي,,نت لي غتخليني نرجع كيف كنت ونت لي غتزيد تبعدني مزال(اشارت ليه)كلشي عندك دابا اجمال,,كلشي عندك ,,انا الخطوة الاولى درتها والباقي كيرجع ليك
حرك راسو باه;واخا ,,ماقلتي عيب ,,(تنهد)الباقي كيرجع لي
وجدان;اه
شدها من يديها;نتعشاو؟كريت هاد ريسطو على قبالنا
وجدان;تعطلت بزااف مانقدش
قرب حداها وهو باقي شاد في يديها;قلتي كلشي علي,,خلينا نبداو بالعشاء ,,شنو بان ليك؟
حركات راسها بايجاب;اوك ,,مي ماغنتعطلش
كريم;اه واخا ,,يله نبركو
حنات راسها;اوك
نزل عينيه وهو يلا رجليها فيها الفاصمة و محرودة وقفها ;شنو هادشي,,,؟كيفاش ؟تضربتي؟(تحنى على ركابيه)مالك في ركبتك دويي
تنهدات ;مح(سكتات)طحت ,,كنت كنلعب في الزعلولة وطحت
وقف عندها;لا اكيد كينة شي حاجة ,,,مايمكنش تطيحي غي هكاك شي حد دفعك,,شكون؟شكوووووون لي دار فيييييييك هكا(بالغوات)شكووووووون اوجداااان؟
حط يديه في فيكها;شوفي في وقولي لي طحتي,,شكون دفعك اوجدان,,هادي ماشي طيحة طبيعية ,,,ماتضحكيش علي,,شي حد دفعك,,غا قولي لي شكون,,,نمحيه من الارض عمرو يقرب ناحيتك ,,,قولي شكون ماتخافيش ,,غادوي
وجدان;قلت ليك (تنهدات)طحت ,,صافي
بعدها عليه;كدااابة كتكدبيي,,عينيك كيدورو ماقاداش تشوفي في ,,(قرب ناحتيها)غا قولي شكون ,,ماتخافيش منه ,,انا انفرجك فيه (سكت)ماماك؟
حركات راسها بنفي;لا ماشي هي ,,(خدات نفس)قلتي انتعشاو ,,شفت بلي باقين واقفين وانا تعطلت راه الجوج ديال الليل,,وبابا عرفني مع جهاد,,يلا تاصل بيه وقاليه مامعياش ايتخلع
ناضت;وانا قلت ماشي دابا ,,كنظن باقي قدامنا وقت ,,,ووقت طويييييل,,على منرجع تيقتي فيك,,كتصحاب بالزواج ولا بالخطبة ولا معرت انرجعو كيف كنا (حركات رسها بنفي)لا ,,عمرهوم ,,ماكانو حل بالعكس ايزيدو مشاكيل,,,,وهادشي لاش كنقول ليك لا
مشا الكرسي حداها وبرك;علاش كتعديبيني هك علاش؟
بركات وشافت فيه;كون كنت باغا نعدبك ,,قاعمة تلقاني قدامك دابا,,(تنهدات)جمال,,فهمني,,,تقتتي فيك مايمكنش ترجع بسهولة ,,جوج كلمات,,ولا زواج ,,لا ,,الحد الان باقا كنشوف في عينيك وكنشك فيهوم,,كنشك في نظرتهم لي,,مانقدش نكر هادشي مزال,,مانقدش نرتابط بيك,,ونأمنك على حياتي,,اجمال,,ثاني,,انا عطيتك فرصة ونت قلتي اتصلح كلشي ونهار لي غترجع ثيقتي فيك ,,ديك ساعة ,,دير لي بغيتي أما دابا لا سمحلي
خشا يديه في جيابو جبد بواطة صغيرة حلها كان خاتم من الماس كيبري بسيط وجميل في نفس الوقت شاف فيه بسخرية;انا لي هه كنت ناوي نديرو عشاء رمانسي ,,ونتصالحو,,كلشي يرجع كيف مكان ,,ونطلبك الزواج,,وغدا ,,نجي نطلب يديك,,اتكوني فرحانة,,ولكن كنظن غي انا لي متحمس لهاد الفكرة ياك(هس راسو فيها)
وجدان بحزن;انا مكنتش عارفة اجمال,,انا جيت باش ندوي معاك صافي,,نت عارفني ,,مايمكنش نخدعك,,,,,مانقدش نقبل الزواج بيك,,وانا مامرتاحاش,,اه كنبغيك,,وكنموت عليك,,ولكن الزواج غير اجمال,,غير ,,نت جرحتيني ,,اجمال,,مايمكنش كلشي يرجع بهاد السهولة كيف ماقبل,,يلا درت هكا,,فراني غا كنكدب عليك ومسايراك صافي
بعينين مدمعين ;هي عمرنا نكونو لبعض ؟
حركات راسها بنفي وعينيها مدمعين;انا ماقلتش هكا,,ولكن نهار لي غتصلح فيه كلشي ,,داك نهار انقبل اجمال دابا للاسف
كريم دور وجهه;عتابريه كادو ديال النجاح مثلا ,,ماتعتابريهش ديال الزواج,,صدقيه لا ماعجبكش ولا لوحيه نتي قاع
جراتو من عندو بحزن حلاتو بهرها جمالو كان على حساب دوقها جبداتو بقات كتشوف فيه باعجاب هزات عينيها فيه كان كيراقبها بحزن ,,بحال يلا كيطلبها توافق وتنهي هاد العداب تنهدات ورداتو البواطة ديالو ومداتو ليه;خليه عندك,,نهار كلشي يولي مزيان ,,تطلب يدي ,,ركبو لي ديك ساعة ,,بغيتو هو ,,عجبني
بتاسم بحزن وحرك راسو بايجاب;اوك لي حبيتي (هزو دارو في جيبو تنهد بحسرة)شنو بغيتي تعشاي
وجدان;لي طلبتي ماعنديش مشكيل
حرك راسو باه وعيط النادلة ,,,كان طلب غي البنات لي يخدموهوم اما الرجالة نو لي فيه مامهنيه ,,جات النادلة ,,لي كان مأكد باش يكون لباسهوم محترم سروال كحل مع قميجة بيضة طلب منها سباكيتي وشي سالاد هو طلب ليه ويسكي وهي مشروب خالي من الكحول,,مشات وبقا مقابل معاها كيشوف في تفاصيلها الصغيرة,,,رجعات ولكن ماشي ديك وجدان,,اه منحقها ,,,تدير هكا,,ولكن,,ماشي بهاد الطريقة ,,واخا هو عارفها صريحة فهاد الامور,,بغاتك بغاتك مابغاتكش مابغاتكش,,ولكن بعد المرات الصراحة كتجرح ,,الواحد بعد المرات كيفضل كدبة كتفرح ولا حقيقة كتعدب هدا هو الانسان كيهوا غي الحاجة لي تجلب ليه السعادة,,عكس وجدان لي عندها طابت تحرقت الشن الطن ,,نيشان بلا لف بلا دوارن ,,ماكاتيقش فيه ,,هي مكتيقش فيه,,صافي,,كيف قال جهاد,,جا الوقت لي خاص يتوضعو النقط على الحروف,,واخا باقين شي كلمات مامشكلينش ,,ولكن كيف قالت خلات ليه الكورة في الملعب ديالو هو في يديه كلشي ,,يقد يرجعها ولا يخسرها بمرة ,,كيف قال نيت جهاد,,عطيه فرصة باش ماتندميش,,ودابا عطاتو فرصة ,,باش ماتلومش نفسها من بعد وتحسر ,,معاه دابا ,,ومستاعدة لأي ,,صدمة من بعد موجدة ,,باش ماتصدمش من توقع الفاجعة,,اصلا امور وقعات هاد الايام صدموها,,ولات توقع اي حاجة تجيها نورمال ,,تحط العشاء وتوزعو الاطباق ,,هزات الفرشيط وبدات كتاكل رغم هي حاسة بأعين كريم لي مختارقينها ,,حسات كيدقو في كل انش فيها ,,عرفات بلي جرحاتو بكلامها,,ولكن ماتقدش تدير ليه هو الخاطر وتعدب ثاني,,ماتقدش ,,خاصها تكون انانية لمصلاحتها ومصلاحتو اكيد,,شرعات في الاكل ,,لي كتدوزو غا بزز ,,اما كريم هاز كاس ديال الوسيكي كيشوف فيها ,,ساهي فيها,,كيرشف وعينيه فيها,,قدامو جنبو وبعيدة ليه ,,تنهد وهو كيرشف تحسرا على ايامهوم كيف كانت ,,قاعمة موالفة وجدان تبرك في الطابلة وتسكت ,,مامولفش الصمت في الطبلة ,,دابا كيسمع غي صوت الفورشيط في الطبسيل,,حتى انفاسها هادية عكسو هو ,,لي حاس بغصة في قلبه ,,وصابر بزز ,,ماباغيش يأزم الامور كثر ماهي مخرية ,,عقليتها كاورية,,لافقدات الثقة في بنادم كتفقدها بمرة ,,كيرشف وكيخمم كيفاش ايرجع كلشي كيف كان ,,كيفاشه اتولي كيف كانت ديك وجدان الحمقة الهبلة,,لي جا في بالها كتقولو,,عكس دابا,,هضرتها قاصحة,,حس بيها ناضجة ماشي ديك البنت ديال سبعطاش العام,,هادي مرأة دات وجابت في الايام,,,تنهد وهو كيفكر بلي قدامو طريق طوييييييييييلة مزااال,,اه شحال قدو يصبر ,,اههههه تم اههه سالاو ولا نقولو سالات العشاء اما هو قاعمة داقو ولا قاسو براكة عليه غي يشرب داك السم وصافي خرجو في اتجاه لوطو ديالو ركبات معاه وزادو في صمت تااااام مرة مرة كزيح نظرو عندها كيلقاها ساهية في الطريق كيتنهد وكيشوف قدامو
***فرانا قدام باب الفيلا ديالهوم شافت فيه;شكرا (مدات يديها تحل الباب وهو يحبسها كريم من يديها شافت فيه باستغراب;مالك؟
تنهد ;ماغتسلميش علي قبل ماتمشي؟
خدات نفس ودارت عندو قربات حداه وهي كتشوف في عينيه كان كيشوف ليها مرة في عينيها مرة في شفايفها قربات ليه حتى تخالطو انفاسهوم ,,كان هو غمض عينيه وحل شفايفو شوية رخاهوم صدرو بدا كيتهز ويتحط ,,مافاق غي بشفايفها دافين تحطو في خدو ,,حل عينيه كيشوف فيها بصدمة وهي كتبعد;بونوي
حرك ليها راسو باه بصدمة تعقد ليه اللسان حلات لباب ونزلات اما هو باقي تحت تأتير الصدمة كيشوف فيها غادة وكتلوح شعرها ورا كتفها وكتعرج برجليها شوية حتى دخلات ,,حط راسو على الفولون بتعب عاد ناض ديمارا لوطو و زاد
****
اصبحنا و اصبح الملك لله
وجدان في الغرفة ديالها مشبحة لابسة غا دوبياس بيضين شعرها مليوح على وجهها ويديها ورجليها منشورين تيلي كيصوني حدا راسها عنكشها مدات يديها حاقدة وجاوبات;وااا جهاد الصباح هدا او
كريم بارك في الصالة شاد تيلي كيلعب بيه وكيترعد ساهي حتى نزل فهد من الفوق وبرك حداه;مالك؟
كريم;راه مايلة لي نييييت
فهد دار رجل على رجل و هز حاجبو;ياك تصالحتو املك عقدها؟
هز عينيه فيه;واش كتضحك على ديلمي,,راه غي سمية ديال مصالحين ماشفت انا تاقلوة ,,عيطت ليها قبيلة (بسخرية)قالت لي جهاد ,,ومن قلت ليها يله ندوزو نهار بوحدنا مابغاتش بزز باش قتانعات نخرجو في العشية و سويييييييرتي,,انا للصبر ديالي حدود ,,,الحد الان باقي كنخبع ونحبس ,,,نخاف نفاجر عليها نصدق ماعاقل على تاشي قلوة نشد ديلمها من يديها ديريكت العدول و,فاريوها وديك ساعة بزز منها اتقبلي كيف جمال كيف كريم,,,طلع وتنزل وغتحطها في اللخر الارض (زفر)اووف
فهد ;يلا درتي هادشي ,,اكيد اتخسرها , كون مأكد
ناض;واش انا دابا ماخسرتهاش ,,طلبت منها الزواج وبركت على ركابية ورفضات,,وجدااان لي كنت نقول ليها بغيت منك ولاد ونتزوج بيك كانت كتفرح من كتسمعها ,,,كانت كتسناني غي نجي لدارهوم,,,ودابا رفضات في وجههي,,الخاتم قلت ليها خليه عندك رفضات ورداتو لي غي بالفن ,,مابغات تاحجة تربطها بي,,,فهمني افهد الله يخليك
ناض لعندو حط يديه في كتافو;كريم,,,نت لي منك لافوت وغتحمل مسؤولية هادشي لي درتي,,هي قاعمة كانت اتشوف فيك قاااع ,,ودابا رجعات ,,حيت كتبغيك فهمتي
شاف فيه;ههه لا حيت قالها ليها جهاد
فهد;كوميم يقولها ليها حتى المعطي ,,,عطاتك فرصة ,,كون قدها ولا هاد لمرة وجدان باح ,,وزيد دابا زينب ,,اكيد اتشوفكوم ,,ماتخليهاش تنويها فشكل,,اتصدق ماشي غي نت لي خاسرها ,,حتى زينب,,,فهمني ,,اكريم ,,راك كتلعب بالعافية وماشي قدها هاد المرة
*****
وجدان خارجة من الدار لابسة سروال بيض و شوميز و سندالة باج طالون وساك طويل باج ,,في اتجاه جهاد لي واقف على الكابو مربع يديه ومكروازي رجليه لابس جيلي سميطات بالغري مع سورال ديال سورفيط مونطوني بالنوار وسبرديلة نايك كحلة و فيها الغري و البيض ونضارات شمسية شافها جاية وهو ينوض ;هاي
زينب;والو,,(تنهدات)انا غي مجاتش يعني نتزوجو ,,وحنا باقين كنقراو هادشي فاش فكرت( بتاسمات وشدات ليه يديه)لي بغيتي,,ههه ولكن (عوجات فمها)باقي ماطلبيتينيش الزواج شفتك كتخرج عينيك هكاك
ضحك حتى بانت ليه ضرسة ديال العقل طلق من يديها وناض طلع فوق الكرسي ;وااااا الناس
زينب;اويلي نزل ناري
هز كتافو وبدا كيبرح ثاني;واااا الناس والحاضرين,,هانتوما شهدووو,,,انا كنبغي هاد البنت ,,,تلت سنين وهي مجرجراني ,,,ودابا بغيت نطلب منها الزواج وباركة تعفر علي ههه دويو معاها الله يهديها
كلشي بدا كيضحك اما هي حنات راسها الارض بالحشمة وكتويل شاف فيها وهو باقي طالع فوق الكرسي;شوفي نقول ليك من هنا ,,يا إما تقبلي علي يا إما نتاحر ليك من هنا هه ختاري
الكل;ههه وافقي وافقي اختي هههههه
زينب;نزل بغيت ليك معرت شوهتينا
انور;ماشي سوقي ,,شنو قلتي
زينب;واراه قلنا ليك اه غي نزل
انور;ههههه وافقات ههههه (نزل منقز ومشا عندها شدها من يديها ونوضها باسها من يديها بزوج)كنبغيييك
الكل كيصفق وكيضحك على هبالو
هو بدا كيشير ليهوم;شكرا شكرا ههه
زينب;حمق
انور;ههه بيك
****
محمد معنق سيلين وكيشوف الطابلو لي مغلفاه سيلين مدرقاه;واخليني نشوف
كيحرك راسها بنفي ومغمضة عينيها;اول وحدة اتشوفو هي وجدان صافي ههه
محمد ;زعما انا راجلك(باسها من عنقها)واخليني
سيلين;هه لا هي لا
محمد;ههه ياك دابا وليتي كتخبي علي
سيلين;حسبها كيف مابغيتي
محمد ;تانا شريت ليها كادو ,,مغنوريهش ليك
سيلين;شنو خديتي ليها
غمض عينيه;لا هي لا ههه
ضرباتو لصدرو;واخا عليك
عنقها جنب وزاد بيها برا;اش بان ليك ,,نتعشاو برا ليوم (وقفها في لكولوار وشد يديها)توحشت نخرجو انا وياك ,,شنو قلتي؟
سيلين بحشمة;اوك
بتاسم;هه واخا الثمنية نلقاك واجدة
حنات راسها ;ههه واخا
باسها من حنكها;كنبغيك(وزاد)
هي بقات واقفة في الكولوار كتبتاسم وتمات غادة في الكلوار;ههه بيلا بيلا بيلا
خرجو من لوطو دورات مع المعلم عطاتو زرقالاف اشافها وهو ينسا قاع العداب وتجرجير,,ماكرهش يقول ليها طلعي زيديك دورة ههه اما وجدان وجهاد طلعو في مازيراتي وزادو ,,شاف فيها جهاد وهو سايق ;ههههههههه
جهاد;هههههه واغي سطتيه وسكتي الشيب ركبتيه فيه ههههههه
بدات كتفكر شنو دارت المعلم وبدات كتضحك وتضرب في فخادها عينيها تسدو وفمها مطرعاه الغمازات كيبانو دار عندها كيبتاسم من شاف داك المنظر دغيا تجمعات الابتسامة وبقا ساهي في الضحكة ديالها ,,كانت اول مرة تضحك من قلبها واول مرة يشوف ضحكتها ,,بقا ساهي كدقق في ملاميحها لي ولاو حمرين و ضحكتها العجيبة مافاق غي بصوت الكلاكسون دور الفولون بسرعة ماكان غايدخل في لوطو جاية تنهد وبدا كيضحك على سخافتو,,وصلو المطعم لي جا في البحر كان راقي ديال الناس الهاي ,,نزل هو اللول ومشا حل ليها;تفضلي سمو الاميرة
جهاد;الحاجة لي اتبدلك خليك منها,,,لي غتحيدك من طبيعتك بعدي منها ,,الواحد ماكيكون حسن غي يلا كان في طبيعتو
وقف النادل;مساؤكم مبروك شنو حب الخاطر سيدي
جهاد;مم سلامون مشوي ,,و سالاد نيسواز ,,مع كالامار و شي بواسون بلا كحول بلز (شاف في وجدان)ونتي؟
وجدان;شي مرقة ديال اللحم عندك؟
شاف فيها النادل بصدمة بدات كتضحك;هههه ناري السيد تصرفق هههه
جهاد;هه بسيف مايتصدم ههه
هزات لموني;مم بغتيت صالاد بكروفيط مع كالامار مقلي ,,صافي
النادل حنا راسو ومشا
جهاد;من نيتك باغا مرقة باللحم ,,هدا راه مختص ابلحوت
وجدان حكات ودنيها;بغينا نشدو فيه ساعة مسكين مدوزين عليه بيد الميت مصرفق
جهاد;ههههه مسخوطة (دار يديه تحت دقنو)ايوا عاودي لي شنو سرا البارح
تنهدات;والو درت داكشي لي بغيتي وعطيتو فرصة صافي
جهاد هز حاجبو;بنتي لي مافرحاناش
هزات نظرها جهة ديال البحر;ماعرفتش ,,واش هدا هو القرار المناسب ولا لا ,,,انا درت هكا غا باش ماندمش من البعد كيف قلتي,,,,عارفة راسي غنتصدم من بعد وانا مستاعدة ,,ماشي كيف كنت ,,اه تصالحنا,,ولكن ,,مايمكنش نرجعو كيف كنا,,,,قول دابا بحال يلا مقمرة ,,ممكن نربح ممكن نخسر وانا مستاعدة ليهوم بزوج,,غا هو لا دار شي حاجة (سكتات ودارت شافت فيه)ديك ساعة بلا مايجي يطلبني ولا يرغب ,,اتكون هي اللخرا ليه كيف قلت ليه البارح
جهاد;واش بقا كتبغيه كيف كنتي ولا رجعتي ليه ,,غا حيت طلبيك (رجع ظهرو لور)بنتي لي بحال يلا مبززة على راسك
حركات راسها بنفي;لا ماشي هادشي,,انا باقا كنبغيه ويمكن كثر,,(هزات فيه عينيها)ولكن اجهاد ,,,انا ماشي من داك النوع لي كنخلي الحب يأثر على قراراتي,,اه كنبغيه وكنموت عليه ومستاعدة نضحي بكلشي في سبيله ,,وماعرت شنو,,ولكن ماكنحملش نعيش في كدبة شي نهار نفيق نلقا كلشي سراب,,وشكون خاسر انا,,هو كيف ماكان راجل,,,,,كنبغيه وسامحته على بزاف ديال الحوايج,,,وباغا نكمل حياتي معاه,,ولكن انا كيف داك الباطو الصغير وسط البحر,,ماعرفة نمشي يمين ولا شمال تالفة ,,وخايفة يجي شي اعصار يقلبني,,ونغرق,,هدا هو جمال,,بحال داك البحر ,,من كيديرك في كرشو,,,يمكن كيبغيني تاهو ,,ولكن ,,مابغيتش بحال داك الحب,,بغيت حب صادق ,,,نشوف ليه في عينيه (هزات عينيها فيه)نشوف غي انعكاسي فيهوم,,صافي ,,ماشي يكونو غامضين,,هو من كنشوف ليه في عينيه ,,كيكونو غامضين بزاااف,,,بغيت من نكون معاه مانخافش من غدا ,,ولا شنو ويوقع,,,نعيش معاه ومنخافش شنو ايسرا,,حيت عارفاه مغايخدلنيش ,,ومايخلينيش بوحدي,,عارفاه ماغيجيش شي نهار ويطعني في ظهري (تنهدات)وهدشي ماكينش فيه ,,هادشي كامل مالقيتوش,,في اقرب فرصة كيعطيني بالظهر,,,انا مابغيتش فحال هاد الحب
جهاد تنهد;احم وثنو اتديري دابا؟
هزات كتافها تلفتات جهة ديال النادل لي جاي ودارت عندو;انا انشوفو هو شنو ايدير ,,(بتاسمات النادل لي حط ليهوم داكشي وتنهدات)انخلي الوقت يحكم ,,هادشي لي غايكون
جهاد بتاسم للنادل وشاف فيها;مم وهادشي هو عارفو؟
وجدان خشات الفورشيط في فمها;اه قلتها ليه,,البارح طلب مني الزواج ورفضت ,,مايمكنش نبني حياتي على كدبة ,,
جهاد دوز ديك اللقمة غا بزز هز كاس وشرب منه;كيفاش طلب منك الزواج
وجدان;مم سي ,,وقلت ليه نو,,انا واخا كنبان ليك حمقة ولا معرت,,إلا انا فصريحة في هاد الامور,,,اصلا ,,تقريبا ,,انا ديما صريحة عكس كلشي لي قراب لي ,,وليت بواحد بواحد كنتصدم فيه(هزات فيه عينيها)نت وبابا وفهد و ماما سليلين الوحيدين لي وليت نقد نتيق فيهوم صافي
هز حاجبو;ياك صاحبتك زينب ك
قاطعاتو;تاهي ولات فحالهوم,ههه مابقيتش نقد نتيق فيها كيف كنت ,,انا منقدش نبقا مع شي حد مكنتيقش فيه,,كنشوف ليه في عينيه كنحس بيه كيغدرني
جهاد;وانا اشكتشوفي لي في عيني
وجدان بابتسامة;هههه كول كول عاودو ليك علي شوافة تعرابت ههه
جهاد;ههههه
**فهد وزينب وكريم باركين في الصالة
كريم;ستة العشية هادي وهي باقا ماعيطات
فهد;فرعتي لي مخي,,,من الصباح ونت شاد داك المشقوف في يديك وااااااه
زينب بابتسامة;الحب هدا
كريم ;سكتوني (دوز النمرة ديالها)
وجدان واقفة في لوطو ديال جهاد هازة غلاص وحداها جهاد دايري يديه في جيابو ومقابلين في لاكوط;ايوا اسي جهاد,,ماكيناش شي ساطة زعمة دات ليك القليب ولا والو
تنهد واش فيها;اه كينة ولكن ماشي ديالي ,,,هه دعي معايا ,,شي نهار تحن في ,,واخا عرف هادشي مستحيل
وجدان بحزن;علاش؟ واش مكتبغيكش؟ولا شنو؟
جهاد بابتسامة حزينة;ممكن نكون عزيز عليها,,ولكن ماشي بديك الطريقة لي بغيت ,,هي كتبغي واحد اخر ,,شفتي الدنيا كيف دايرة؟
وجدان;هادي راها عورة ,,كيفاش ها التيتيز وتشوف في واحد اخر وريها لي نفرشخ بوها
جهاد شاف فيها وضحك;هههههههههه اخليها ,,ههه دعي يتحلو ليها العينين (تنهد)واخا كيشوفو غي في شخص لاخر ماشي في
وجدان;سمحلي ماقصدتش (ترن ترن جبدات تيلي من الساك شافتو وهي تنهد)
جهاد;جمال؟
حركات راسها بايجاب ,,شاف فيها;جاوبيه
تنهدات ودوزات الخط;السلام
كريم;سلام احم فينك؟كنسمع صووت البحر
وجدان;اه انا خارجة,,
كريم;ممعاااامن احم معامن خارجة
وجدان;مع جهاد ,,
كريم;هااا واش الله ينعل (سكت)فينك دابا انا انجي عندك
وجدان;حنا في مارينا ,,
كريم;واخا واخا انا جاي عندك
وجدان;اوك (وقطعات)
جمال;مالو ؟
وجدان;قالي ايجي عندي (تنهدات)
حرك راسو بايجاب وشاف جهة ديال البحر;كيعجبوني الصيادة بعض المرات ؟
شافت فيه;كيفاش ؟
جهاد;كيخرجو كل يوم يصيدو ,,كين شي نهار يجيبو وشي نهار لا ,,ولكن عمرهوم ماستسلمو,,,ب"عد لمرات كتدوز أيام كحلة ولكن هوما كل نهار كيمشيو البحر على أمل يلقاو خير ,,وبعض لمرات كيكون البحر هايج ماكيخليهيمش يصيدو وهكاك كيصبرو,,مافهمتش,,علاش ,,واش حيت كيعجبهوم المغامارات ولا كيبغيو البحر (شاف فيها )باقي حد الان ماعرفتش
وجدان;اكيد كيبغيو البحر,,,كيعجبهوم داك السكون ديالو,,,كيحسو براسهوم حرين,,,ماكينش لي رابطهم بحال الطير الحر ,,واخا مايصيدوش واخا مايلقاو والو,,ولكن غي ريحة ديال البحر ,,وصوت الرياح الهادية والبرد ,,و السماء,,فوق منك ,,ماكين لا بنايات ,,لا ضجيج ,,لا فريع الراس,,(خدات نفس)ماكرهتش تكون حياتي بحالهوم,,بسيطة ,,,دار على قد الحال,,مقابلة مع البحر ,,نحل عيني على شميسة زوينة و صوت الطيور ,,الغروب كيكون جميل فيه,,,يكون عندي باطو صغير وندخل حتى انا نصيد ههه حياة بسيطة و زوينة هانية ,,,ماكينش لي يكرهك,على حساب الفلوس ولا ليشوف فيك شوفة ناقصة لي صورتيه كتصرفو فداك النهار وغادة الدنيا
جهاد ;هه حنا كنحسدهوم على الهناء وهوما كيحسدونا على الفلوس هه
وجدان;تاحد مالقاها كيف بغاها ههه ولكن ايجي شي نهار وغنحقق فيه امنيتي (بابتسامة)
جهاد;شناهي؟
وجدان;انولي اكبر رسامة في العالم,,,وغيولي عندي باطو ديالي الخاص,,,اونلي ساكنة غي فيه هو
جهاد;هههه وراه يمكن ليك تشريه بلا داكشي ,,باباك راه عندو شحال من باطو
شافت فيه بابتسامة;حيت ديما كيبغي يهرب من الناس,,,ولي كيبغي يهرب من الناس ولا الصداع كينين جوج حلول إما الغابة ولا البحر ههه
جهاد;ههه معندي مانتسالك ههه
,,,,وجداااان
دارت بالخف لمنبع الصوت كان كريم لي وجهه حمر وعينيه غايطرطقو وهو كيدقق في لبسها و في قربها لجهاد كرز على قنانفو بغضب حتى ولاو بيضين وتم غادي جهتهوم هي بلعات ريقها بخوف اما جهاد فكان كيشوف فيه عادي ,بدا كتمشى عندهوم بسرعة ومكرز على يديه حتى وقف جنبهم جهاد دار ابتسامة;السلام سي جمال
وجدان بلعات ريقها ;السلام جمال
رد شعرو لور بغيض وكيزفر;يله نمشيو
وجدان حنات راسها مابغاتش شي مشكيل يسرا ,,بالخصوص وجهه كان لا يبشر بالخير تنهدات ودارت عند جهاد;باي
جهاد مع ابتسامة باهثة;بسلامة
حنات راسها وسبقاتو اما كريم بقا واقف مدة وهو كيخنزر في جهاد مكرهش يتلاح عليه مسح وجهه وتبعها كيزفر اما جهاد بقا واقف داير يديه في جيابو مراقبهوم حتى كسيرا كريم بلوطو تنهد ودار جهة ديال البحر كيراقب الغروب
كريم;لا مدرتي والو ,,,غا خارجة لي كلك عريانة ,كتافك باينين و صدرك كيطل ,,وكرشك,,لا مادرتي والو واقفة لي مع الزوامل حدا البحر هادشي كااااااامل مادرتي والو؟(شاف فيها كينهج)
تنهدات;,,الصهد اجمال الصهد,,راه الصيف هدا ,,و جهاد ,,راه بحال خويا صديقي علاش كتعاير فيه دابا وهو ماكيجبدك افي الخير مافهمتش
مد يديه بغا ينزل عليها بانت ليه تكمشات وهو يضرب الفولون;كتدافعي علييييييه قداااااااامي ,,(ضرب يديه مع الزاجة )قداااااامي
وجدان;دابا مالك؟ علاش مكبر الموضوع مافهمتش ,,ولا نت ديما كتبغي تدير من الحبة قبة ,,السيد ماجابدكش ,,و ديرها في راسك كون ماكان هو قاعمة تلقاني حداك دابا,,,او زدتي فيه بزاااف قاااع
مد يديه تاني;را غنزدح ديلمك مع ديك الزاجة نشرشم ليك راسك فيه,,,صافي غا طلقت ليك هاد ليام وليتي تديري لي بغيييتي الحد الان باقي محكم في راااااسي ,,ومبررررررررد(ورك عليها)نتي كتقلبي على التفرشييخ قوولي كنجبددددددك
تنهدات ودارت جهة ديال الزاج حابسة دموعها في طرف عينيها;هدا هو حالك ,,,ماكتعرفش تفاهم ,,ولا تدوي ,,كلشي (نزلات دمعة من عينيها)عندك بالعنف والسبان,,,
كريم;كووووون كنتي كتسمعي الهضرة ,,,ماغنغوتش,,,,شحاااااال هادي دوييينا على بحال هاد اللبس اه ولا لا؟وشحال من مرة كليتي قتلة عليه,,,,و شحال من مرة دويييييت على الدراااري,,واش انا زامل,,ها ,,نجي نلقا صحبتي عريانة ومطعرجة واقفة لي مع واحد كيتمنظرو في البحر ,,شنوو بغيتيني ندير ها؟
تنهدات;هاد الهضرة كتنطابق عليك ماشي علي اجمال ,,(دورات وجهها جهة ديال الزاج كتمسح دموعها )
تنهد ودور لفولون وووقف لوطو في جنب الطريق لفت وجهه لقاها مدوورة وجهها عليه خدا نفس وحط يديه على فكها بحنان دور وجهها جهتو هز عينيه فيها,,كانو عويناتها سايلين بالدموع عض على قنانفو وزفر;سمحيلي حيت غوت عليك,,ولكن نتي عارفاني شحال كنغير عليك(حط يديه في وجنتيها كيلمس في حناكها وكيمسح ليها دموعها)كون ماكنت كنبغيك,,قاعمة نتسوق ليك ديريها في راسك,,كنبغي نحبس راسي,,ولكن مكنقدش ,,,شوفي راسك كيف دايرة ,,كتفتني,,و عويناتك بحال شي مشة ,,كيتلونو,,وزدتي بينتيهوم بهاد العجب,,,فمك حمر و زدتي حمرتيه,,كتافك و صدرك كلشي باين فيك,,البارح جاية المدرسة بشورط قصيرة نص طرمتك كتبان ,,كلشي ولا حاضيك,,نساو النتائج ,,كنحماق ,,والله كنبغي نتمسطى من كنلقا كيشحد مخرج عينيه فيك,,نتي ديالي,,,(كيشوف في عينيها بحب وكيدوي بصوت خافت)كتفهمي شي حاجة ديالي؟ملكي,,,تاحد مايشوف فيها ولا يقرب ليها,,مائة مرة ,,قلت ليك باغا تلبسي تعراي ,,نكونو بوحدنا,,,دوري مصفحة,,العيب والعار يلا دويت,,ولكن في الزنقة لا ,,كلشي كيشوفو فيك باغين ينهشوك بحال الكلاب,,مانقدش ونفسي خايبة اوجدان,,,خايبة بزاااااااااف,,ومعاك نتي دايما كنطيح كوارية الازض,,,كندير معاك شي حوايج,,في حياتي مدرتهوم,,ولا نويت نديرهوم,,,ولكن نتي حيت غير,,,غير كلشي,,,,تاوحدة ماتقد توصل
ليك,,واخا غي ظفرك الصغير,,,وتاوحدة ماتقد توصل ولو جزء صغير من جمالك,,نتي بطبيعتك كتاخدي العقل بلا ماكياج بلا زواق,,بلا تاوزة ,,مكرهتش نشدك (بابتسامة خافثة)نخبيك,,,في صدري منخلي تاحد يشوفك,,ولا يعرف حتى لون عينيك,,لي مرة ليمونيين ومرة خضرين,,وشفارك ,,لي مستفين,,عاطينهم واحد الجمالية ماكيناش ,,نتي رسامة,,ولكن نتي براسك لوحة ,,ولوحة زوييييييينة بزاااااااف ,,مكنقدش نحيد عيني منها ,,ولا نغمض ,,والو ,,,(هز يديه كيلمس شعرها)شعرك ,,ملون من عند الله ليموني زويييين ورطب حرير ,,مابغيت تاحد يلمسو ولا يشم ريحتو,,كلشي فيك زوييين اوجدان,,,كلشي فيك كياخد العقل,,,كلشي فيك كيحمق,,,كنحس غي لا بعدت ,,غاياخدوك مني,,,واخا غا بعينيهوم,,,مابغيت تاحد ياخدك مني,,(حط يديه على يديها كيلمس فيهوم تنهد وهزهوم طبع فكل وحدة قبلة دافية)شفتيهوم شحال طبين ؟(هز عينيه فيها وحرك راسو بنفي)مابغيت تاحد يعرف كيفاش داير الملمس ديالهوم,,اكيد لي غايلمسهم ايدوب في نعومتهوم كيفي ,,رحميني ,,ورحمي قلبي لي طايح فيك,,,شنو فيها,,لا لبستي شي حاجة مستورة ,,شنو فيها لا بعدتي من الدراري,,هدا بحال خويا هدا صديقي,,رحميني اوجدان والله كنتعدب وكنصبر راسي ابزز,,,مابغيتش شي نهار ,,ندير شي حاجة نصدق نادم عليها طول حياتي,,,عارف راسي مقود في مخي,,شي نهار نفاجر ,,اوجدان (حط وجهه على يدياتها وغمض عينيه)رحميني ماعرفش واش نقد نصبر مزال مابقيتش قاد اوجدان والله عيت وتقادا جهدي والله
نزلات عينيها فيه كتراقبو كيداعب لور ديال يديها بوجهه ,,قلبها كيخبط ,,بسرعة,,كلماتو,,,كانو نابعين من القلب ,,واخا كان فيهوم نوع من التهديد ,,قدرات تلمسو,,,ولكن هي كيف ديما طفلة ,,بين احضان هاد المتسلط,,,,شوية من حنانو كيدوبوها,,,كيف العادة ,,واش حيت كتبغيه,,ولا معرت,,,ماعرفاتش باش تجاوبو,,,كانت حايرة كتخمم,,ولا يمكن الكلمات تجلاو ليها فديك اللحظة,,,هربو عليها الحروف ماعرفاتش باش اتجاوب ولا شنو تقول,,,كتحاول ما أمكن تجمع شي كلمة ولا جملة ترتبها كيتخربق ليها كلشي,,بحال أحاسيسها دابا مخربقين ,,,كتافات بالصمت هدا هو انسب حل ,,
حل عينيه بشوية بعد مدة و هز راسو فيها ,,كيشوف فيها بكل حب ووله وعشق ,,,هاد البنت الصغيرة ,,سبعطاش العام من عمرها ,,قدات تدير فيه هاد الحالة ,,يولي عبد ليها,,,,يلا مشات يموت وبيها يحيا ,,بحال السمكة يلا خرجات من الماء,,بحالها هو ,,كنوز الدنيا,,مايساويو ابتسامة منها ,,,كان كيقول,,يلا لقا خته ,,صافي كلشي ايولي مزيان,,ولكن هاهو لقاها ,,ولكن علاش ماعرفش ,,السعادة والفرحة,,علاش ,,تماك تأكد بلي العنصر الاساسي للسعادة ديالو هي وجدان,,,بلا بيها ماكيسوا والو,,بلا بيها يموت ولا معرت شنو يسرا فيه,,,كيشوف فيها وكيدقق في ملاميحها الجميلة لي تزادو اغراء مع الماكياج واخا خفيف وحيت ماكتديروش بزاااف ,,بان و برز مفاتينها,,مثلا عينيها لي زادو كبااارو كثر وشفران طالعين ومستفين كثر ماكانو ,,يقاومو الريح يلا جات ,,ولاو عينيها كيفتنو,,,كثر,,وداك الفم الصغير ,,بداك العكر تبرز ,,وزاد زيان ,,اكيد لي شافو ايتعطش لمداقو,,عنق طويل و بيض و ريحة نسائية هادية تخليك تغمض عينيك من تستنشقها ,,و صدر واقف كيبري بيض,,كلها كلها كتغري الواد كلها كتخلي لي يشوفها يتلف,,,مايعقلش علىى القبلة,,,حبه يمكن تملكي اكثر,,,يمكن شي وحدين يشوفوه استغلالي ,,كثر,,,ولكن كون يطلو على داك القلب اياي ياي,,,ماكينش شي حد يبغي شي بنت فحالو,,,,حبه فات الحدود ,,وفات كلشي,,,تعمق فيه حتى وصل القاع,,وباقي كينبش ,,ماباغيش يتحد,,,ماباغيش يكون عندو ,,نهاية ,,بكل بساطة حبه ليها ,,,فات إلى ما نهاية,,كيشوف فيها وكيفكر ,,من هنا ربع سنين كيف غتكون,,,اكيد ,,اتزاد نضوج ,,وغتزاد إغراء ,,كثر,,,باقين مفاتينها وجمالها,,ايتزادو,,هي دابا باقا غا طفلة,,,احح على طفلة ومدايرة فيه,,,كتخليه يتراقص تحت ايقاع انغامها,,,عبد اسير ليها,,,وليها غا بوحدها ,,ما تاحد في الدنيا ,,مايقد يكبح جموحو,,إلا هاد المدللة الصغيرة,,باقا طفلة حتى في عقلها ,,باغا تلعب باغا كلشي يكون زوين,,,ماتكرهش تلون الدنيا كامل باللون الزهري ,,,واخا كتبغي تبان قافزة و شويطرة,,ولكن في الاصل غا نية الريح لي جا يديها,,,كلشي باغا تسعدو ,,وكلشي باغا تفرحو,,عمرها داقت المعاناة والحرمان,,,يمكن الام ديالها ماكتبغيهاش,,ولكن كين الاب ديالها معوضعها على كلشي,,واخا هكاك كيبقا فيها الحال حيت حساسة بزاااف,,عمرها عرفات معنى تكبر بلا واليدين ,,بلا بيت ,,بدون مأوى,,الجوع والحرمان والعصى الفلاقة كتدوز ,,رجليك يطيبو,,ويوليو صايلين بالدم ,,عمرها عرفات العصى ديال المعسكر,,كيعلقوك بحال يلا صلبوك,,,وكيبداو يشحطو فيك,,,عمرها داقت معنى الشتاء كتصب ونت بارك في الساحة معرينك سولو ,,حيت معاقب,,,عمرها اتحس بيهوم ولا تعرفهوم,,اكيد دوزات طفولة جميلة ,,كتبني في قصر زهري وكتلعب بالدميات ,,نزل عينيه لتحت لي كساتهوم الدموع وهو كيتفكر بعض اللحظات لي دازو عليه في الجيش ,,داز عليه العدااااااب و العداااب ديال بصح ,,ماجاش ووصل لهاد المكانة لي فيها دابا ,,ماجاش ووصل لهاد المرتبة ,,إلا بإصرار و عزيمة ,,وبالخصوص ,,ماكانش وراه درع حامي,,شق طريقو بدراعو,,وبقوتو ,,ماكانش لي مد ليه يد المساعدة ,,وماكنش يطلبها ,,واخا يموت,,,تنهد وهو كحاول يمحي دوك اللقطات لي بانو على غفلة بحال مقتطفات ,,فاق غي بلمسة حنينة ورطبة على يديه هز عينيه فيها مع ابتسامة;كيف ديما نتي هي دوايا
شافت فيه وهي كتدقق في عينيه بحزن;شنو عندك اجمال؟
هز يديها و حط كفها في وجهه;مخنوق اوجدان,,مخنوق بزااف,,معدب,,,كنتحرق ,,كنتحرق ببزاااااف,,العافية ,,العافية شاعلة فييي,,,كتعدبني,,,كنحس بقلبي ايخرج من بلاصتو,,لا كنحس بصدري ايخرج,,تاحد مايقد يحس بيا ,,,تاحد مايقد ,,يصبر على هادشي,,,(تنهد )كنمووووووووت اوجدان كنمووووووووت هدا الله (خرج نفس سخونة وغمض عينيه )
ماعرفات ماتدير ,,كلماتو متفرزة ولكن مامفهوماش ,,,عميقة بزاااف ,,خالاها تزيد تسولو ,,يمكن يقد يشبع فضولها يمكن,,,تنحنات جهتو وهمسات حدا ودنيه;يلى عاودتي لي يمكن نساعدك,,
حل عينيه بسرعة;تاحد مايقد يعاوني اوجدان تاحد,,,داكشي كبيييييير ,,وكبييير بزاااااف ,,يلا سمعتيه اتصدمي,,وانا ماقادش نخسرك (زير على يديها)ماقدش نخسرك كيف خسرتهوم هوما ,,,ماقادش اوجدااااان ,,,,ضعت وانا صغير ,,,ومن لقيتك نتي لي رجعتيني,,مابغيتش نضيع تاني,,مابقيتش باغي مزااال كنحلف ليك,,,الكوابيس ,,كيزوروني كل ليلة الدم,,,ديالهوم,,كنشوفو,,,كنحس بيه في يدي ,,,كل ليلة كنحلم بيهوم مقتولين و دمهوم في حوايجي,,كيقولو لي علاش مانتاقمتيش ,,(نزلات دمعة من عينيه)علاش ,,بغينا نرتاحو,,,صورتهوم كانت خايبة اوجداااااان ,,,خايبة بزاااااااااف وكحلة ,,,العافية فكل مكان ,,ولاغوات,,,,ماتقديش اوجدان,,,ماتقديش كنحلف ليك,,,تموتي,,فيها نتي لي كتبعديهوم علي,,نتي ,,لي كتخليني نعس مرتاح نتيييي ,,,حيت وليت نحلم بيك,,ولكن من كتبعدي كيرجعو (هز فيها عينيه كانو حمرين بزااف )وليت نخاف ,,نخاف نعس ,,,وليت خايف نشوفهوم ثاني,,مابقيتش باغي نشوفهوم ,,(حرك راسو بنفي بالزربة)لا مابغيتش,,,بغيت نبقا نحلم بيك غي نتي صافي,,,بولادنا ,,وحياتنا,,,هما لا ,,هما لا مابغيتش لا مابغيتش لا لا هما لا هما لا
بقات كتشوف فيه بصدمة مافهمات تاوزة كتشوف فيه ماسك يديها حتى الدم تحبس منهوم,,وكيهثرت بهمس بلعات ريقها ,,وعينيها مضبين بالدموع;شكون هما اجمال ؟
هز راسو فيها بوجه حمر;الوليد,,والوليدة,,,مابقيتش باغي نشوفهوم,,,الدم ,,في يدي اها فيدي لا مابغيتش ,,
تصعقات واش زعما هو لي قتلهوم,,مافهمات والو شافت فيه و نطقات بهمس;شنو وقع ليهوم؟
كريم;هو هو قتلهوم,,قدامييي,,(زير على يديها ثاني حتى تألمات ولكن مابغاتش تبين كتافات بأنين صغير غير مسموع) تيرا فيهوم قدام عيني ,,,انا كنت صغير بزااف ,,كنت كنلعب انا وختي في الجردة ,,عندها ثلث سنين وانا كانت عندي ربعطاش العام (بداو الدموع ينزلو من عينيه وهو كيشوف في وجدان بلا مايرمش ,,بحال يلا كتدكر) كانت العشية ,,ديك الساعة الوليد يله جاي من الخدمة ,,كان عميد ديال الشرطة (بابتسامة وعينيه مدمعين)كلشي كان كيخاف منه ,,العميد عمر الفيلالي,,ماكيناش شي قضية و خسر فيها,,كنت ديما كنشوفو هو القدوة ديالي,,واخا كان صارم شوية,,,ولكن حيت كان محافض بزااف,,كلشي بالقوانين,,كنا عايشين مزيانن,,حتى لديك الليلة,,,كنت في الجردة كنلعب ,,مع ختي حتى سمعت القرطاس ,,درت وانا نلقا الحراس ميتين وسمعت واحد فيهوم كيقول ,,بغيت كلشي لي فهاد الدار يموت ,,شديت اية من يديها ومشيت كنجري دخلت من باب الوراني ديال الكزينة باش نعلمهوم (تنهد ونزل عينيه كيبكي )
وجدان كتشوف فيه وكتبكي;اهئ اهئ شنو اجمال,,قول لي يمكن ترتاح اهئ اهءه
خدا يديها وحطها على خدو;اهئ اهئ مغنرتاحش اوجدان اهئ اهئ
وجدان;شنو وقع من بعد اهئ اهئ
حل عينيه فيها;وكيبكي;اهئ اهئ وصلت معطل اهئ اهئ لقيتهوم منزلينهوم على ركابيهوم بغيت نمشي لعندهوم ولكن الوليد قالي تخبا ,,,تخبيت انا وايه ورا واحد الحيط درقت ليها وجهها وكنشوف فيهوم بنص عين وكنبكي,,كنت صغير معنديش قوة اهئ اهئ كنشوف في واليدية باركين في الارض والوليدة كتبكي,,تيراو فيها هي اللولة اهئ (هز يديه وحطها في راسو)هنا في الراس و تبعوها الوليد,,من بعد دوا مع البوس ديالو قاليه كلشي مزيان ,,تماك عرفت سميتو(كرز على سنانو )حميد الابراهيمي ,,سميتو ووجهه مابغاوش يحيدو من بالي,,واليدي كانو مرمريين في الارض وباش كملها ,,ماخالاش حتى جتتهم بيخير اهئ شعل في الدار كاملة العافية
ماشعرات حتى حيدات يديها من وسط يديه وسدات بيها فمها من الصدمة وعينيها شلال هز راسو فيها وكيبكي;اهئ اهئ كنت صغير ماعرفت باش تبليت ,,واخا هكاك قاومت و بغيت على الاقل ,,نعتق ختي هي لي بقات لي ,,ولكن كلشي كان مروق ,,والدار كلها عافية ,,تودرات لي اية وسط الكزينة بغيت نحماق كنبكي اهئ اهءه ونغوت بسميتها حتى بان ليا سباطها مشيت كنجري ونا نلقاها مرمية في الارض مغيبة وواحد العود في العافية طاح فوق كرشها ماعرفتش منين جاتني القوة واخا كان تقيل علي وتحرقت في يدي ولحتو,,هزيتها كانت مغيبة وخرجت كنجري بيها فداك الليل كل همي نعتقها ,,عرفت واليدي ماتو ,,ولكن على الاقل ,,هي تعيش ,,مافكرتش ,,وانا كنجري ,,,حتى جاو واحد الناس اهئ اهئ كانو جايين من العرس ولقاونا هزونا الكلينيك كانت حالتها صعيبة بزااااف وخاصها عملية ,,دوك الناس قالو لي ايتكلفو بالعلاج ,,ولكن خاصني نتخلى على ختي اهئ اهئ اهئ وافقت كان كل همي تكون هي بيخير ,,,من نجحات العملية ,,دخلت عندها كانت ناعسة ,,بحال شي ملاك,,(بعينين حمرين)ودعتها ومشيت ,,داوني عند واحد خينة ,,قالو لي ايحطني في معسكر ولكن هداك داني الخيرية كان المدير قبيييح بزاااف داكشي بحال الحبس ,,ديما كناكل العصى وديما ,,الفلاقة وكنبات بالجوع,,حيت ماحنيتش ليه الراس,,كان كيخيرنا بين زوج حوايج يا إما نديرو لي بغا ولا اندوزو الجحيم ,,كل ليلة كنسمع غوات شي دري من بيتو ,,كيتكرفس عليه,,كنعس معاه من لور,,اهئ اهئ مساكن ,,ختارو يعيشي هانين بنهار ويتكرفصو بليل,,,انا كنت خارج فيه,,ولكن كان مدوز علي العداب,,الطواليطات كنحكهم خانزين,,شحال من مرة تعصر لي الجفاف في فمي ,,الماكلة هكاك كيبان ليك صرقزيت كيلعب ,,ديما ,,واكل العصا,,,ماكانوش كيقدو علي الدراري ,,كان كيجيب الكلاب ديالو,,المعلمين كيربطوني وكيبدا يشحط في ,,بالمشويطة ,,بحال شي حمار,,اهئ اهئ ,,تعدبت اهئ ولكن كنت حالفها فيه ,,,كنت كنتسنى غا الفرصة,,,جات اهئ اهئ واحد البعثة من لميريكان اهئ اهئ بغاو شي دراري يديوهوم يدربوهوم,,,وختاروني,,الليلة لي غنمشي فيها ,,طلعت لبيت ديالو وهزيت موس لقيتو ثاني كتكرفس على ولد عندو ستة سنين الدري كيبكي وهو معريه ورابط ليه يديه لور و كينزل عليه ,,,ماعقلتش حتى خشيت فيه داك الموس خليتو بدمو ,,كيشرشر ,,ونزلت لبيتي ,,الدري لي كان معاه ماقد يقول والو ,,نزلت وجات البعثة ,,كان هو ديجا مسيني ,,بغا يتهنا مني ساعة تهنيت منه ,,وهنيت البشرية ,,ومشيت الامريكا,,دخلنا المعسكر ,,كنت اهئ اهئ كنصحابهوم,,اهئ ايدربونا باش نطلعو جنود ,,ساعة هوما باغين فين يتدربو,,كنا بحال شي سيكان ديال البوكس ,,كنلقيو وجهنا العصى ولا رفضنا كيصلبوك ويبداو يشحطو فيك,,ولا ضربتي شي حد منهم,,كيعريوك وكيخليوك في الساحة ,,باش تبقا عبرة ,,عرفتي شحال من ليلة بت فيها ,,وشحال ,,من عصى كليت وهكاك عمرني ستلمست,,لي عطاني كنعطي لديلمو,,,دقة في دقة فيه ,,كيربطوني ابزز,,وهكاك عمرني حنيت لشي قواد الراس (مسح نيفو بسرعة)تالواحد النهار جا الرئيس الكبير,,وشافني كنتقاتل مع واحد منهوم كان هو اقوى واحد ,,شروطتو ليهوم,,,تم ,,مابقاش يقعد الراس,,قاليهوم,,هدا ايولي من المتدربين,,تماك تبدلات حياتي,,وليت متدرب ,,,تماك فين تلاقيت فهد كان يله جا ,,غا عرفت كنيتو الابراهيمي,,وبلي جا من اوكرانيا,,شديتو في الطواليط بقيت نعطيه كنت انقتلو عاد عرفت بلي حتى خته ماتت بسباب داك الزامل لي هو عمه,,,تماك تعاهدنا نتاقمه منو بزوج,,دازت ثلث سنين وانا كندير بلاصتي (مسح عينيه)بقوتي ودكائي ماكيناش شي عملية خسرت فيها ,,ماكيناش ,,,حتى وليت انا هو الكموندو ,,تماك ,,كلشي ولا يخاف مني ويضرب الف حساب,,رديت ممتلاكاتنا,,لي كانو الزوامل كيلعبو فيها كيف بغاو,,,,كل ليلة كنحلم بالوليد والوليدة فداك المنظر وانا واقف قدامهوم وكلي دمي وججهوم كحل بحال الجمرة,,,وكيقولو لي علاش ماتنتاقمتيش لينا ,,ماغنسامحوكش ,,بغينا نرتاحو,,كان منظر ديالهوم كيخلع بزااف,,لدرجة مابقيتش كنقد نعس ,,ماكنقدش ,,قررت ندخل المغرب,,باش نقلب على ختي,,,اما داك الزامل كان غبر ليه الاثر,,وقاع هادوك لي كان كيتعامل معاهوم ماتو,,ماعدناش رأس الخيط ,,دخلت المغرب (خدا نفس هز راسو فيها كانت حاطة يديها في فمها كتبكي وكتشهق بلع ريقو وهو كيمسح دموعو )كان علي ندخل بهوية مغايرة ,,المخابرات مايمكنش تدخل شي بلاد بهويتك الحقيقية ,,خاصني ضروري نتخفا ,,باش مايعرفونيش ولكن الحكومة عارفيني,,هي فاش درت استاد ,,وتلاقيتك,,(بلع ريقو وهو كيشوف فيها منزلة يديها من فمها بصدمة)اه جمال هيلون هاديك غا الهوية المزورة ديالي ,,انا سميتي كريم الفيلالي,,الكموندو كريم الفيلالي,,,,درت استاد باش نتخفا ومنها نقلب على ختي كيف بغيت باش مايشك في تاحد اصلا حنا فينما كنسافرو لشي بلاد كنمشيو بهوية جديدة وخدمة جديدة ليوم استاد غدا طبيب بعد غدا سربيا وهكاك,,,القضية غادة,,دخلت هنا غي باش نقلب على ختي ونرجع فحالي صافي,,مكنتش (هز عينيه فيها وهي كتبكي ومدورة وجهها لجهة ديال الزاج)مكنتش داير بحساب بلي انبغيك,,,نهار شفتك اول مرة دق قلبي ليك,,ولكن مكنتش عارف ايلاقينا القدر ثاني,,حتى شفتك فنفس المدرسة لي غنقري فيها,,,جمالك,,و ابتسامتك,,وصبيانك,,,طغاو
,,,طغاو علي,,وخلاوني نجادب ليك بلا مانشعر,,واخا عارف بلي داكشو لي كندير فيه غلط ماخسوش يكون,,ولكن ماكانش بيدي حيلة كنحلف ليك ,,كل همي هو نكون جنبك شي حاجة خرا مكتهمش ماكتهمش,,,شحال من مرة بغيت نصارحك ,,ماقديتش,,,,ولله مقديت لدرجة كنت بغيت نخلي سميتي جمال على قبلك,,يمكن انا اناني ,,هك,,ولكن مكنش عندي جهد,,نتي جيتي في واحد الوقت لي كنت محتاج لشي حد يساعدني ,,من بعد لقيت ختي لي كنقلب عليها,,,بانت بصدفة غي هادي خمسطاش اليوم,,وعرفتي شكون؟هي زينب صاحبتك
دارت عندو بصدمة وعينيها حمرين فالتين ووجهها كله دموع وخناينها دايزين عضات على قنانفها بحسرة وهي كتربط بين الكلام لي عاودات ليها زينب ,,وبين كلامو,,وعرفات علاش كانت كتكدب عليها هاد ليها ,,دموعها زادو كينزلو ,,و صدرها كيخبط بجهد حسات بحال شي موس فيه,,ماقداتش تدوي ,,يكفي داكشي لي سمعات هو نزل عينيه مدمعين الارض دوز على وججه بندم اه ندم حيت عاود ليها ,,ماكانش ,,باغي يقول ليها والو,,ولكن هي عرفات كيفاش تسل ليه لسانو,,كان ضعيف قدام اغرائها ليه,,تنهد ولكن ماباليد حيلة خاصو يكمل,,ليها;اخر مرة تضاربنا فيها ,,مشات هي وفهد لدارو وخلاوني مضيوم,,,ماعرفتش كيفاش فهد سولها حتى عاودات ليه كلشي وتماك عرف بلي هي ختي وجاو قالوها لي,,تماك في عرفتها
هزات نزلات فيه عينيها بحسرة وخيبة امل;يعني كلشي كان كدوب,,,كلشي كان كدوب ,,؟؟لهاد الدرجة انا كنت غبية (دموعها هوادين بغزارة)لهاد الدرجة راديني لعبة بين يديكوم,,كلشي كان كيكدب عليه ولا كيف الحمارة كنتيقكوم,,,نت وفهد ,,وماما سيلين وبابا محمد,,و حتى (بسخرية)زينب ,,,صاحبتي,,,كلشي كلشي كان ككدب علي ,,؟كلثي ؟؟؟مابقيتش قادة نسمع مزال مابقيتش(حلاتو لوطو ونزلات ,وقفات جنب لوطو وبدات كتبكي وكتشهق ,,كيفاش ,,قاع كلشي ,,كلشي كان كدبة ,,حتى سميتو كدوب,,تدكرات نهار قاليها يلا كان شي حد مخبي عليك شي حاجة شنو اتكون ردة فعلك ,,وهي كيف الحمارة كتجاوب فيه عد بالها ,,كيعطيها غي مثال,,وهو كان اكيسايس فيها تصدق ولا ماتصدق ,,لعبة ,,فهد ,,لي دارتو خوها ,,وسيلين لي دارتها بحال الام ديال ,,كتأمنها على اسرارها كيف البهلة وحتى من محمد لي كان ديما كيقول ليها انا انكون في جنبك,,و زينب زييينب اعباد الله,,,لي كتعتابرها كثر من ختها ,,الحاجة لي حلات عليها فمها تعطيها ليها,,,دايراها في عويناتها ,,شحال من مرة تضاربات على قبالها ,,كتدير المستحيل غا باش تسعدها,,كانت حاسة ,,كينة شي حاجة ,,كانت حاسة ,بلي كتكدب عليها,,ولكن ماظناتش لهاد الدرجة ,,كانت كتقول غا شي زبلة وخايفة تقولها ليها,,ماشي هادشي,,ماطاحش ليها في البال,,,عاد سرا معاها من قالت ليها بلي باتت عند فهد ,,كانت ديك ساعة مع كريم,,ومن قالت ليها ,,يله معايا ومابغاثته,,من انور قاليها ,,تغداو مجموعين,,وكريم معاهوم,,,كلشي هادشي واقع وهي كانت في دار غفلون,,,رجليها بداو كيترعدو ,,مابقاوش قادين يهزوها دموعها سايلين بغزارة وقلبها كيخبط يخبط يخبط ,,ماحسات غي هي جاية في الارض كون ماحبساتش بيديها كون جا وجهها ديريك في الارض كتبكي وتشهق الخيانة و الغدر ,,عندهوم الف لون ولون ولكن حتى لهاد الدرجة عمرها تصوراتها,,عينيها ولاو جغمة ديال الدم مكبدة ,,ووججها حمار وتزير عروقتو بانو;علاااااااااااااااااااااااااااااااااااااش ( غوتات حتى عروق عنقها برزو ضربات يديها مع الارض)علااااااااااااااااااااش ؟شنووووووووووو درت ليكوم ؟اللللله ياخد فيكوم الحق اهئ اهئ علااااااااااااش ؟
دفعاتو:بسع منيييييييييييييييي ,,كدااااااااااااااااااااااااااااااااااب كلكم كداااااااااااااابين,,,,كلكممممممممممم كدااااااااااااب (هزات عينيها فيه كتبكي مشات عندو كتحبو على ركابيها كان هو طايح في الارض بسباب الدفعة قربات حداه وشنقات عليه من بيل لي لابس وكتبكي;شنوووو درت ليك,,ها؟شنووووو درت ليك باش تدير في هاد الحالة؟ياك انا عطيتك قلبي,؟عطيتك كلشي في؟شنو درت فيييييك(كتخض فيه وكتبكي)باش أديتك اهئ اهئ اهئ باش ,,؟غا قول لي باش اديتك ؟نفهم,,,اهئ اهئ حرام عليك ,,اهئ اهئ مكنستحقش منك هادشي,,ماكنستحقش منكوم كاملين هادشي اهئ شنو درت فيكوم,,,العيب لي درت فيكوم,,ياك نت غي بغيتك ياك ؟مادرت ليك والو,,وفهد عتابرتو بحال خويا ياك ,,ماما سيلين,,انا لي رجعتها كيف كانت ياك عتابرتها بحال ماما,,وكثر ,,اهئ كنعاود ليها كلشي حتى من نعستي معايا قلتها ليها,,,اهئ اهئ زينب كانت ختي لا بزااف كثر,,,كبرنا انا وياها بزووج,,اي حاجة كنديروها بزووج حتى من نامسيتي كنشركها معاها ,,اي حاجة ديالي كنعطيها ليها,,,بلا متقولها,,,غي قول لي انا باش أديتكوم اهئ اهئ شنو درت ليكوم انا اهئ علاش بنتو في حياتي باش ترونوها ,,علااااش دخلتي لي حياتي الله ياخد في الحق اهئ اهئ اهئ اهئ الله ياخد فيك الحق اهئ اهئ (طلقات منه وعكزات على الارض بغات توقف مقداتش رجليها فشلو عليها ناض بسرعة شدها قبل ماتطيح وههي تدفعو وكتغوت وتبكي;بسع مني ماتقربببببببش لي ماتحطش في يديك المسخييييين بسع مني اهئ اهئ (حطات يديها في الارض و ناضت مبعدة عليه كتحاول ما امكن وججها مايجيش في الارض ,حتى كتقرب الطيح وكتقاوم,,كتبكي وتشهق اما هو كان كثر منها دموعهو سايلين وقلبه كيخبط تحرق وهو كيشوف فيها بديك الحالة ,,غادة في الشارع بحال شي زومبييي بغا يحماق ويتسطى ندم وندمو شديييييييد علاش عاود ليها لي خاف منه طاح فيه ,,,ناد في اتجاهها كيبكي;اهئ سمعني
هي غادة مرخية;بسع مني كدابين كلكم كداااابين ,,,مابقيتش بغيت نشوفكوم مزاااال ,,مابقيتش بغيت نسمعكوم مزال ,,دريتوني في راسي (هزات عينيها حمرين وشبه ناعسين جهة ديال الشارع بانت ليه سيارة جاية)انا غنرتاح من كدوبكوم,,صافي ,,انا انرتاح اه انرتاح(بقات غادة كتمايل جهة ديال لوطو لي جاية بسرعة دور عينيه فين غادة وهو يتصدم والدم وقف ليه ,,الزغب شوك والماء برد ليه في الركابي,,كيشوف فيها غادة جهة ديال لوطو لي مكسيرية نحوها غوت بأعلى صوت عندو;وجدااااااااااااااااااااااااااااااااااااااان (وتم غادي نحوها كيجري )
علات عينيها بشوية ضربها الضؤ ديال لوطو في عينيها وصوت الكلاكسون كيتجهد بتاسمات ;الله الراحة واخيرا انرتاح (وغمضات عينيها مشعرات غي هي مهزوزة ومليوحة في الارض صافي من تماك فقدات الوعي ديالها)
كانت مغمى عليها في الارض على ظهرها مستلقية ,,وفي الجانب لاخر مليوح كريم على وججه,,,,كان وصل لعندها قبل ماتضربها السيارة ,,بديك الخلعة لي كانت فيه و السيارة جاية موركة جيهتهوم ماعرف من غير يطوعها يلوحها هي يعتقها ويتلقا العصا في بلاصتها وهادشي لي سرا ,,طوعها بيديه حتى تفزعات وتلاحت بعيد ماجا يدور حتى لقا راسو مردوخ مع لوطو ومفزع وجاي الارض على كمارتو ,,وقف السائق لوطو وخرج مفزوع كيجري نحو كريم لي مليوح في الارض دورو على ظهرو كان وجهه كله دم بدا وغايب على الوعي بدا كيصرفق فيه بخوف ;خويا ,,خويا فييييق ,,,ناري شنو درت ناريييييي ,ناري على مصيبة هاد الليلة
حل عينيه فيه بشوية وحل فمه بهمس;وجدااان ,,وجدااان (كيغمض عينيه ويحلها فيه بتعب)وجدااان وجدااان
الشخص ;باقي عيش الحمد الله
كريم بلع ريقو بتعب والدم نازل من جبهتو ونيفو وكيحرك وجهه يمين شمال بتتاقل وكيهمس;وجدااان وجدااان
الشخص ;واش قاد توقف على رجليك,,؟,اخويا
مد ليه كريم يديه بشوية لي كلها مجروحة وكيحاول يبقا لاكثر مدة في الوعي ديالو ,,ضبابة على عينيه,,والودخة ,,راسو دايخ وعظامو كلهوم كيضروه,,شد فيه لاخر وكيترعد من شاف يديه في دديك الحالة وبدا كينوضو بشوية باش يبرك بدا كيعافر معاه حتى برك شد في راسو بألم;وجدان ,,(كنهج بتعب;وجدان ,,فينهي
الشخص باستغراب;وجدان؟ش(هز عينيه ورا كريم وهو يتصمقل من هول الصدمة ,,من بانت ليه وجدان مليوحة في الارض مشبحة و وجهها كله مغطي بالشعر ,,بلع ريقو والخلعة راكباه من صبعو الصغير شاف في كريم لي بارك شد في راسو كيهتهت بسميتها و شاف فيها ,,كانت مكتحركش برد ليه الماء في الركابي :الله و أكبر (طلق من يد كريم و ناض بشوية جهتها وكيدعي الله في خاطرو قرب نزل عندها كانت منشورة وسروالها كله مسخ وججها مدرق حط يديه في عنقها و مغمض عينيه تنهد من لقاها كتنفس بدا كيبعد خصلات الشعر من وجهها كان وججها مافيه والو من غي الماسكارا لي ضايعة شوية ,,واخا الخوف ,,إلا وجمالها ,,خلاه يسها فيها شوية ,,فيقو غي صوت كريم الخافت;وجداااان وجداان
الشخص;ناري على ليلة,,راهي موراك ماساري ليها والووو,,,,عاوني نديك لوطو ونجيبها لعندك ,,شوف حالتك كيف دايرة خاصنا نمشيو السبيطار ,,قبل مايتجمع جقلة ويجيو صحاب الوقت ماهزش لبيرمي,,نوض قبل مانمشي نخليك هنا
حط كريم يديه على بيل لي لابس وشنق عليه حتى نزلو لعندو ;واطلق اصحبي
فك طيركوه من القبضة ديالو و شدو من دراعو نوضو ماناض غي بزز ماقادش لاخر وللا وجهه حمر تكا عليه كريم و بدا كيعرج برجليه وصلو لوطو حل لباب لوراني حطو فيه ومشا كيجري ناحية ديال وجدان هزها بين يديه كانت مرخية بحال شي ريشة شاف فيها;بسيف مايهتهت بسميتك (ومشا كيجري حطها حدا كريم )هاهي وجدان
سد لباب وركب القدام وعفط بسرعة
كريم متكي على الكرسي بتعب والدم نازل من جبهتو بغزارة نزل عينيه جهة ديال وجدان لي باقا مغيبة كان راسها على فخدو حط يديه بشوية وكيبلع الدم لي خارج من فمه;بغيتي تمشي وتخليني (هز راسو كيحاول يبقا فايق مايفقدش الوعي ديالو وعاود نزلو فيها وكيلمس شعرها لي عمر كله دم بسباب يديه;ماحرامش ؟(خدا نفس بتعب)نموت انا و ماتمشيش نتي (غمض عينيه وعاود حلها بتعب ردو راسو لور وبدا كيحاول يتنفس ,,عينيه كيتلصقو وهو كيحلهوم ,,حتى حس بالفران بان ليه الشخص نازل كيجري تنهد ونزل عينيه في وجدان بتعب كيشوف فيها كانت بحال يلا ناعسة ,,سمع الباب تحل من جهتو دور عينيه كانو الممرضين جارين باياص همس بتعب;وجداااان وجدان
حركات الممرضة راسها بايجاب مشاو جهة ديال باب لوراني مشا الشخص حلو وهزها حطها فوق البياص وتمو غادين بيها كيتجاراو عاد جاو عاونوه يخرج و حطوه فوق البياص وغادين كيتاجاراو بيه بدا غادين بيه في الكلوار عينيه كيتغمضو وكيشوف في البولات بيضين ديال السقف,, والضجيج و الصداع,,ودنيه بداو كيصفرو,,دور وجهه ترخا وغمض عينيه ,,اما الممرضين كيتجاراو بيه بسرعة حتى دخلو بيه الغرفة العمليات
حرك راسو بنفي;لا ايجاوبني ,,واخا هكاك,,وغيقول لي قلب ساعة بالخرا ,,هدا ماكيجاوبش وحتى وجدان,,خفت غا لايكون دار فيها شي مصيبة ,,ياربي تحفض ,,ماعرفتش حاس بقلبي ضارني ,,اووف (زفر)
زينب;برك الارض شوية ايبانو ليك جايين
**
دازت كثر من ساعتين و كريم في غرفة العمليات ووجدان في غرفة ديال الفحص لي حداه الاطبة ديارين بيهوم من كل جهة ,,الشخص غادي جاي وكياكل في ظفارو الطبيب ولا الممرض لي بان ليه كيشد فيه يسولو,,;كان علي نسمع هضرة الوليدة من قالت لي برك في الدار ,,صدقت خارج بلا بيرمي بلا والو,,مشيت فيها مشيت (بانت ليه ممرضة خارجة من غرفة العمليات اشافها وهو يتلاح عليها)شنو وقع ماتو ؟ولا باقين عيشين عافاك قولي باقين عايشين عافاك
حيدات ليه يديه من الكول ديالو;;البنت معندها تاشي حاجة ,,خطيرة ,,غي شي كضمات خفاف في ظهرها بسباب الطيحة ,,يومين ويبراو ليها,,فقدات الوقعي ,,عندها انخفاض الضغط بسباب العصاب عطيناها مقويات شوية وتفيق اما الدري لي معاها هو لي واكل الدق شوية واخا ماشي شي حاجة خطيرة ,,جاتو دقة الراسو,,ويديه مقصح فيها شوية ,,وعاد شي كضمات في الجسم ديالو,,مي ماشي خطيرين,,,شوية وينقلوه الغرفة خاصة وديك ساعة يمكن ليك تشوفو
حط يديه على صدرو بارتياح;اووف الحمد الله يعني ماشي شي حاجة خطيرة؟
حركات راسها بنفي;لا كيف قلت ليك اشوية ,,و يحولوه الغرفة خاصة اما البنت فراه كترتاح في الغرفة يمكن ليك تشوفها لا بغيتي
حنى راسو ليها;اووف الحمد الله بدا كيدور في عينيه في الكولوار كيقرا الارقام ديال اغرف حتى بانت ليه النمرة ديال غرفة ديال وجدان مشا في اتجاهها وقف حدا الباب تنهد وحلو ,,دخل كانت هي ناعسة ملبسينها كوة زرقة ديال السبيطار ومعلقين ليها سيروم منقين ليها وجهها كتبان بحال ,,قرب حداها جر كرسي وبرك;واش كين شي جمال بحال هدا في المغرب؟سي سمير صافي حماقتي (هز عينيه فيها)كنت انمشي الحبس بسبابكوم الحمد الله الطريق كانت خاوية ,,ولكن نتوما لي منكوم لا فوط ماعرفتكوم منين خرجتو,,الحمد الله من كلشي داز مزيان
هزات يديها حركاتها,,حلات عينيها في السقف كانت الرؤية باقا ماواضحاش ليها في اللول عاد بان ليها السقف و بولة بيضة ضراتها في عينيها حولات عينيها في الغرفة كتحاول تستكشفها ,,نزلات عينيها في الكسوة لي لابسة و هزات يديها كتشوف السيروم عاد شافت في سمير لي حال فمه من الدهشة;شنو وقع ؟
حطات يديها على راسها بالم وكتدكر الاحداث لي وقعو,,اخر حاجة عقلات عليها هي انها كانت شانقة على كريم وكتبكي وتغوت عليه شي حاجة خرا مابقاتش عاقلة عليها ,,هزا عينيها في سمير لي حال دلقوشو;شكون جابني لهنا ,,كيفاش جيت لهنا ؟
سمير;ها ؟انا لي جبتك نتي وداك الدري لي معاك ,,كنتي واقفة قدام الطوموبيل ديالي عيت نكلاكسوني عليك,,مابغيتيش تحركي,,بالخلعة باش نبرك على الفران برك على الفيتاس,,شوية حتى جا شي حد كيجري ماعرفتو منين خرج,,ونقز في بلاصتك,,
شافت فيه بصدمة;جمااااال؟فينووووووو؟شنو وقع ليه(نترات السيروم من يديها جات وقف كانت اتطيح بسباب الدوخة كن ماشدها هو;رتاحي ,,راه قالو لي بيخير ,,ماعندو تاشي حاجة خطيرة
بعداتو عليها بتعب وناضت كانت اتطيح كن ماشدات في النامسية;بغيت نشوفو
تنهد سمير ومشا لعندها شدها من دراعها ;واخا اجي معايا
حركات راسها بايجاب وعينيها دايزين دموع وخرجو من الغرفة شافت وجدان واحدا الممرضة دايزة شداتها كتبكي;اهئ اهئ واحد اهئ اهئ كان اهئ فينو
الممرضة حركات راسها بعدم فهم شاف فيها سمير;واحد الدري كان في الغرفة ديال عمليات دابا ,,واش خرجوه ولا باقي؟
الممرضة;اه را خرجوه ماعندو تاشي حاجة خطيرة ,,ديناه الغرفة ديالو يرتاح ,,من دخل وهو كيهتهت بسمية ديال شي وحدة سميتها وجدان (شافت في وجدان لي كتبكي وتنخصص;هي نتي؟
وجدان;اهئ اهئ كنت كنغوت عليه اهئ اهئ اهئ ماخليت فيه لي قلت اهئ اهئ اهئ
سمير غادي بيها;ماتديريش في بالك,,هو كون ماكان كيبغيك,,قاعمة يتلاح في بلاصتك,,ماعرفتش كيفاش خرج من الجنب لاحك وتلقا الدقة ,,,الحمد الله لي دازت طريفة ,,
وجدان:اهئ اهئ هو ضحا براسو على قبلي اهئ اهئ نا مامزياناش اهئ اهئ
وصلو حدا غرفتو مد يديه سمير حلها و دخلو ,,وجدان اشافتو وهي تشهق من هول الصدمة والدموع ديازين ,,من عينيها كانو لاوين ليه على راسو فاصمة ,,وحناكو محرودين وحتى نيفو يد دايرين ليها فاصمة لاوينها عليه ويد محروضة و ملصقين فيها سيروم حسات بقلبها ايخرج من بلاصتو وهي كتشوفو بديك الحالة بدات بعدات من سمير وبدات كتقدم نحوه بشوية و عينيها شلال كيتبكي وتشهق صوت تنخصيصها كتمسع منين ومنين وقفات حداه وشدات ليه يديه لي محرودة وكتبكي;اهئ اهئ كون ماغوت عليك,,اهئ اهئ قاعمة يسرا هادشي اهئ اهئ واخا كدبتي علي اهئ اهئ ولكن اهئ اهئ نت ضحيتي براسك على قبلي,,اهئ اهئ جمال اهئ اهئ نوض عافاك اهئ اهئ اهئ صافي سمحت ليك اهئ اهئ غا نوض اهئ اهئ اهئ مغنقدش نعيش بلا بيك,,اهئ اهئ (نزلات راسها على يديه)اهئ كنترجاك اهئ اهئ اهئ اهئ
كريم بهمس;سامحتيني؟
هزات عينيها فيه بسرعة ,,كان حل عينيه وكيشوف فيها ,,كيرمش بشوية ويغمضهوم,,شحال بلع ريقو بتعب;سامحتيني؟
حركات راسها بايجاب بسرعة وتلاحت على صدرو ,,كتبكي وتشهق ,,كان حس بوغز في صدرو ولكن ماقدش يبعدها ,,هز يديه لي فيها السيروم بشوية وحطها على شعرها;ششش دابا لاش البكا ؟(خدا نفس)ماسرا والو,,لمهم نتي ماوقع ليك والو ياكي؟ماتضربتيش ؟
وجدان كتشهق في صدرو;اهئ اهئ لا ,,اهئ فقت قالو لي اهئ اهئ نت هنا اهئ اهئ
تنهد وهو يعض على قنانفو بألم;ششش (تنفس)هانا دابا مزيان ,,لاكنتي بيخير هدا هو المهم,,,(سكت)واش سامحتيني اوجدان؟
علات عينيها فيه حمرين وكتبكي;اهئ اهئ اه ,,,اهئ انا كنبغيك,,اهئ اهئ كون مشيتي اهئ اهئ كون اهئ (شهقات)اهئ تبعتك اهئ
دار ابتسامة جانبية:كون (تنهد)ععرفت بلي اتسامحي ليه كون (خدا نفس)شحال هادي تلقيت لشي طوموبيل
بتاسم ليها;قلبي لي كان كيوعتني ,,ولكن من حيدت هاد الحمل ,,لي فيه ,,وعاودتك ليك كلشي (تنهد)دابا لا بغات تجي لموت اتجي,,
خنزرات فيه;جمااااال
شف فيها;شحال من مرة قلت ليك ,,(بلع ريقو)وليت كنبغي هاد السمية غي على قبلك هه
بعدات عليه كتمسح دموعها ;علاش ماعودتيش لي داكشي ,,شحال هادي (بحزن )واش مكنتيش كتيق فيه
شاف فيها بحزن;قربي لعندي
بركات في الجانب ديالو,,ومنزلة راسها ,,عينيها مدمعين,,تنهد ومد يديه ليديها خداها ;شوفي في
هزات عينيها فيه بحزن عض على قنانفو بحسرة;كنتيق فيك كثر ,,من راسي ,,فهمتي,,,انا عارف غلطت من لي خبيت عليك,,,,نتي جيتي في وقت غير مناسب ,,خربقتي لي حياتي كاملة,,,ماكنتش عوال نبغيك,(تنهد خدا نفس),,حتى لقيت راسي غرقت ,,فيك ,,ديك ساعة ,,كنتي كتعرفيني بجمال,,بغيت نصارحك شحال من مرة ولكن خفت نخسرك ,,ولي خفت منه طحت فيه (غمض عينيه)شوية وكنت انفقدك بمرة,,فهد وكلشي قالو لي نصارحك,,ماتحمليهمش اللومة ولكن انا لي اسريت عليهوم ,,يخبيو ,,كيف مكان الحال داكشي كيخصنا ,,واخا متانعو,,ولكن ماقدو يديرو والو,,انا عارفك كنتي حاسة بي,,وهادشي علاش وليتي كتنفريني,,,ولكن ماكانش عندي حل,,لدرجة قررت نبقا انا داك جمال استاد لي كتعرفي,,ماشي كريم,,مكنتش بغيت نصدمك,,عارف كراكطير ديالك صعيب وبلي ماكتحمليش لي كدب عليك,,ولكن انا مكان عندي تاشي دنب براسي,,داكشي كبر مني اوجدان,,كبر مني بزااف,,ماعرفتش قبيلة كيفاش حتى عاودت ليك كلشي,,,,ولكن حتى لقيت راسي كنسرسب لك,,كنت محتاج (خدا نفس)ليك,,محتاج نخوي ليك كلشي,,نرتاح,,كيف دابا ,,نرتاح من عينيك,,لي كانو كيشوفو في وخايدين من احتياط ,,نرتاح من تأنيب الضمير,,وجدان (كرز على يديها بشوية)كنبغيك كثر من راااسي,,كثر من كلشي,,نموت على قبلك,,نتي هيا حياتي وكلشي ماكانملك,,واخا لقيت اية ,,ونتي بعيدة,,ماحسيتش بديك الفرحة,,كيف تخايلت ,,انا غا بمجرد كنشوف ضحكتك كنتلف ,,تماك عرفت بلي,,تاشي حاجة ماتقد تجي في بلاصتك,,تاحجة,,كنكون معاك كنسا راسي وخدمتي ولماضي كله ,,ولكن تاحجة ماتقد تنسيني فيك,,,ساكنة لي (خدا نفس وبلع ريقو)في قلبي ومخي معشعشة فيهوم,,ماكتحيديش ,,كتسراي لي مع الدم,,,مانقدش نتخايل,,لحظة بلا بيك,,عشريام ونا في العداب,,ماخليت فين قلبت عليك,,طلعت حتى الاوكريانيا,,,غاي باش نشوفك وماطحتش لي في البال اتكوني في الفيرمة,,,اه غلطت معاك بزااف
,,وكنعتارف,,مكانش علي نخبي عليك,,ومكانش علي نقول داكشي على ماماك,,ولكن لحظة غضب,,انا طلعت لبيت ,,باش نبرد حتى لقيتك قدامي,,كل مكانشوف هو انك معنقة فهد,,ماشي حيت ماتقتش فيكوم,,(حرك راسو بنفي بشوية)ولكن حسيتو بحال يلا اياخدك مني,,,في اصعب حلاتك ختاريتيه علي,,كنت بغيتك,,تجي عندي ,,وتبكي,,في حضني,,كيف انا في اضعف حلاتي كنكون غي معاك,,,كون ماكانت مك ,,لي ولداتك,,كون قتلتها ,,ولا غبرت ليها الاثر,,(تنهد)ولكن عندها الزهر,,والزهر بزااااف حيت مك,,انا مقصدتش نعايرك,,ولا نقص منك,,,كنحلف ليك,,عارفك شنو كتسواي,,تاحدة في الدنيا ماتقد توصل ليك,,,فكلشي فيك,,عارف بلي انا اول واحد لي تصاحبتي,,معاه,,وعارف بلي اول واحد باسك وقرب منك,,كنعرف داكشي اوجدان,,عارفو,مزيااااان,,وهادشي لي زاد علاك عندي,,عاررفك ,نقية,,نقية بزااااف,,,واخا كنفقد السيطرة على راسي,,ولكن ماشي دنبي يلا كنتي نتي زوينة وكتغريني,,فكلشي فيك,,دابا ونتي كتبكي زوينة مكرهتش نتلاح عليك,,(حنات راسها بحشمة)حشومية وجهك دغيا كيولي حمر مزنك,,كلشي فيك كيغريني اوجدان,,,انا ماشي غا جيت وبغيت نزرب في الزواج,,,عارف مانقدش نصبر ,,كتطلب مني قوة كبييييرة ,,,باش نكون معاك في نفس البلاصة وماندير فيك والو,,كنبغييييك,,,كنعشقك,,لا بزاااف ,,,ديك يومين لي غبرت ,,قلت ليك كنت في خدمة(هزات راسها فيه)كانت عندي مهمه كان واحد كيقتل,,في البنات يغتاصبهوم ويلوحهوم,,شحال وحنا كلنقلبو عليه,,و المرة الاخرا معرت كيفاش غفا ودار خطاء,,كنت مشغول,,,واخا هكاك,,مكتحيديش من بالي,,,يومين بلا نعاس,,,مامشيت تاشديتو,,كان ممكن تكوني نتي ولا اية ولا غيركوم,,كانو قدكوم في العمر,,بنات ليسي,,واخا كانو مدوزات ولكن ,,كيبقاو بنات,,غا ساليت مابغيتش نرتاح حتى نشوفك,,,قلت لي عندك الحفاظة ,,قلت ليك غدا نبدا معاك المراجعة ,,تم فين سرا المشكل,,,ديما كنتي كتشوفي فيا بشك,,كتصحابيني ,,عندي علاقة مع شي وحدة (بلع ريقو)من نهار شفتك,,عمرني تلفت لشي قحبة,,اه غلطت مع ليلى ولكن والله ماالخاطري,,,انا اصلا ماعاقلش كيفاش مشيت معاها كنت مغيب وهي استغلات الوضع ,,وهكاك ندمتها,,,,بعدت منك,,باش منجرحكش,,زي اية قالت صيفطات ليها الفيديو,,انا ماعرف فيه والو,,ماكنتش بغيتك تشوفيه,,ساعة كلشي مشا بالعكس,,,عمرني,,ماخنتك ,,ولا خنت تقتك في,,,وفي ليك في غيابك وحضورك,,عمرني سلمت على شي بنت,,ولا قلت ليها حتى شحال في الساعة ,,ماعنديش صديقات,,واخا في الخدمة,,والوو,,,يكفي عندي نتي مكيفياني وموفياني,,عيني ماكيشوفو غي نتي,,بوحدك,,,صافي,,عارفك دابا باقا واخدة في قلبك من جهتي,,ولكن راك عرفتي قصتي كاملة,,كينين شي حوايج عودتهوم ليك سراو في الخرية تاحد ماعرفهوم واخا فهد براسو مافخباروش,,,حيت نتي غير كلشي,,اوجدان,,نتي هي انا ,,ظروفي كانو صعااااب بزاااف,,,مانقدش انجي ونبدا نعاود,,وعاد خدمتي لي كلها ,,سرية,,هادشي كامل ,,ماخاصنيش نعاودو,,,ليك,,,,حيت نتي ماشي اي واحد,,خبيت حيت خفت عليك,,صافي,,كنت بغيت نحميك,,حتى مني انا,,,مابغيت تاحجة توقع ليك,,قبيلة,,غا الخلعة كانت اتقتلني,,ما يلا تقاسيتي,,,كون راه ودعت ديال بصح كنحلف ليك,,,مانقدش نشوفك مقيوسة ولو غا بخدش صغير ,,صغييير بزاااف ,,منقدش نتحمل ,,(هز عينيه فيها)واش نيت سامحتيني؟
عضات على قنانفها و نزلات راسها ,,تنهد وقلب وجهه;اوك فهمت
ماحس بيها غا مخشية فيه بتاسم وتسوخر بشوية رغم الالم للي في ظهرو ودار ليها بلاصة;يعني سامحتيني؟
مادواتش معاه حطات راسها صدرو وغمضات عينيها;ليوم داز طويل بزاااف بغيت نعس (حلات عينيها ودورات وجهها جهة ديال باب مالقات تاحد)فين مشا هداك؟
كريم بابتسامة;هادي ساعة باش خرج ونتي يله رديتي ليه البال؟نعسي احبيبة نعسي ,,بنتي لي باقة مقلوبة ,,واخا خاصني انا لي ندوخ
هزات فيه عينيها;كريم
تنهد بابتسامة;اححح على سميتي كيف خارجة من فمك,,(نزل عينيه فيه)كانت امنيتي نسمع سميتي من فمك,,(هز يديه بشوية حطها على حناكها)عيون كريم
شافت فيه;اخر مرة تخبي علي شي حاجة ,,
كريم;كنواعدك,,احياتي,,عمرني نخبي عليك,,,الاسرار لي كانو ,,كلهم,,بانوو,,صافي ,,شي حاجة خرا مابقاتش كتهم
بلعات ريقها;وشنو غتدير مع عم فهد
شاف فيها وتنهد حط يديه على راسها;نعسي احبيبة,,,وخوي بالك من هادشي ,,دابا اماشي وقتو
حطات راسها على صدرو;الانتقام عمرو ,,ماكيريح,,بالعكس,,اتولي نت فحالو,,قتال,,الله فوق كلشي,,هو لي كيعاقب وهو لي كيحكم,,,,اتزيد اتعدب من بعد,,شنو ايخليك,,مغاير عليه,,,شنو اكريم؟
تنهد وهو كيشوف في السقف;العداب هو لي عايش فيه اوجدان,,كل ليلة واليدية كيوقفو قدامي,,باغيني نتاقم ليهم,,لدمهوم,,مانقدش ,,نسا اوجدان,,,داك المنظر,,وهوما راكعين ,,والخوف في عينين الوليدة ,,والرصاصة ,,لي جاتهوم,,ماخلانيش حتى ندفنوم,,ونزور قبرهوم,,نفش قلبي عليهوم,,حرقهوم,,,ولكن نسا بلي حرق قلبي معاهوم,,وغندوقو نفس العداب ,,انحرق ليه قلبه كيف حرق لي قلبي( تنهد)اه ولوكان يطيح في يديه ,,ماخليت فين قلبت عليه,,اكيد دار شي عملية وزور هويتو,,قاع الناس لي كان كيتعامل معاهوم,,ماتو,,مالقيت تا طرف فيال الخيط يوصلني ليه
وجدان;يمكن حيت الله مابغاكش توصل ليه,,وتوسخ يديك فيه,,يمكن يكون مات,,قتلوه,,بحال هادو كيكونو عندهوم بزااف ديال اعداء اكيد ماغيبقاش حي
كريم;بحال هادوك قاعمة كيموتو بالساهل,,
نزلات دمعة من عينيها;وانا؟
نزل عينيه فيها;مالك نتي؟
خدات نفس;مافكرتيش في؟
تنهد;بالعكس ,,نتي واخدة كل تفكيري ,,ولكن حتى نتي فهميني اوجدان,,,مانقدش ربعطاش العام وانا كل نهار كنرسم ونخطط ليه,,,حرمني,,من واليدية من ختي,,من طفولتي,,ماعشتهاش كيف الدراري,,حرمني من السعادة,,بسبابو,,قلبي مات,,وليت عنيف بزاااف,,كنخلع,,,بسبابو وليت مريض,, ماكنقدش نعس ولا نغمض كل ليلة كابوس في شكل,,يلا درت هادشي,,واليدي ايرتاحو,,,و غنرتاح حتى انا فهميني صعيييييييب علي,,,,,نتخلى على فكرة الانتقام,,,انا عارف هادشي ماغايعجبك,,ولكن كنحلف ليك كن كنتي في بلاصتي,,,اتديري نفس الشئ وكثر,,اتحرقي الدنيا باش تلقايه,,بعدا انا من لقيتك,,
وجدان;شنو ايوقع من بعد؟
تنهد;ماتشغليش بالك,,لي غايوقع هو ايخلص على فعلتو,,ووغنمشيو ,,انا وياك لشي بلاصة مايعرفنا تاحد,,يمكن نستاقل من خدمتي,,بغيت نهرب ,,لابعد نقطة ,,في العالم,,غي انا وياك,,نبدا حياة جديدة,,كريم ووجدان,,فشي جزيرة مثلا ,,تكون عدنا دار كتطل على البحر ,,مفتوحه ومهوية,,مخلي الشركات يتكلفو بيهوم كيف دابا ,,ونشري باطو,,نخرج نصيد بيه,,البحر والشمس,,زوين وهادي,,نجي للدار ,,نلقاك في غرفة ديال الرسم ,,كترسمي,,وفرحانة ,,كرشك ,,سابقاك,,لفمك,,وغنجي وراك,,نعنقك,,واخا خانز ,,اتسبيني وكلشي,,وانا ممامفاكش ,,معاك,,(بابتسامة )نمشي ندوش ونرجع نسولك على الغدا واكيد مغنلقاهش حيت مدام وجدان مكتعرف الطيب حتى البيض ,,غنمشي على وعدي وسعدي نبدا نطيب وغتجي سمو الاميرة كتمختر بكرشها ,,لعندي,,كتنقب,,في الليلة نتمخشو في بعضياتنا ,,كيف ديما ,,هادي هي الحياة لي راسم لينا بزوج,,بسيطة ومريحة ,,ماكين لا صداع لا ضجيج لا والو,,وقتما توحشتي باباك ,,طيارة نجيو نشوفوه ونرجعو لدارنا,,,
دفنات وجهها في عنقو مع ابتسامة;في خبارك انا وياك عدنا نفس الحلم ؟حتى انا كنحلم تكون عندي دار مقابلة مع البحر وباطو ,,ههه نصيد فيه,,كنت عارفاك كتبغي الكالم,,ولكن مكنتش كنظن بلي اتكون كتحلم بحالي
بتاسم وهو مغمض عينيه كيحس بانفاسها سخونة في عنقو;اكيد راه انا وياك بزوج فحال فحال ,,بسيف مايكون عندنا نفس الحلم,,(تنهد)كتسنى داك نهار بفارغ الصبر اوجدان
لاحت يديها على صدرو ودفنات وجهها في عنقو مزيان;عيييت بزاف,,بغيت نعس
حيد يديه من فوقها نادت شوية ودازها من تحتها حطات راسها على صدرو وغمضات اما هو حاوطها باس ليها راسها ,,وبقا دافن وجهه في شعرها لمدة,,عاد هز راسو لسقف بقا ساهي فيه كل ماكيدور في بالو هي اللقطة لي كانت جاية الطوموبيل وكانت غتضربها ,,كون ماجاش في الوقت ولا تعطل ولا بجزء من الثانية كان ايفقدها بمرة ,,ماعقلش كيفاش مشا كيجري لعنها ودفعها لاحها ,,وتلقا في بلاصتها الدقة ماكانش كيهمو الامر كثر من سلامتها,,هي ,,ديك اللقطة وهي واقفة مستاعدة لوطو باش تضربها ,,,كانت مستسلمة لموت,,,عينيها كانو ماتو,,مابقاش عندو الوقت لي نبهها ولا يغوت عليها,,كانت هي مرفوعة,,كيف ديما,,اكيد اتكون جاتها الحالة ثاني,,زير عليها بيد ,,حتى حس بالالم,,واخا هكاك مايفوقش المه ,,وهو كان كيتخايل بلي فقدها ,,مايفوقش المه,,,وهو كان كيشوف في عينيها ,,داك الانكسار,بحال شي مراية وتهرسات ,,محطمة,,,ومدمرة ,,هز عينيه لسقف كيحاول ياخد نفس ,الحاجة الوحيدة لي كان عايش على قبلها ,,كان ايخسرها,,,تنهد وهو كينفي داك الامر ,,من بالو ,,نزل عينيه مغرغرين فيها,,كانت حالة فمها في حضنو ومخشية فيه كيف عادتها ,,من كتنعس بجانبو,,هدا هو الحضن لي فتاقدو هادي ايام,,حضنها ,,اكيد ,,بتاسم,وهو كيشوف ريوقها ,,معمرين الكسوة لي لابس باس ليها راسها ودفن وجهه في شعرها مغمض عينيه حتى غفا ونعس
لعبة القدر الجزء 16
محتوى القصة
التنقل بين الأجزاء