رهان الغرام الجزء 15 والأخير

من تأليف Sana mina
2019

محتوى القصة

رواية رهان الغرام

في الفيلا بالمغرب ،الدار البيضاء ،كاليفورنيا ...
كالسين على اعصابهم كل واشنو كيدير ...الحاج الي كيقرا فالمصحف والحاجة الي كتصلي وتدعي وغرام الي كالسة وشادة تيليفونها فايدها كتلعب بيه بتوتر كتسنى اتصال وعلاء الي واقف مقابل مع شرجم ديال لكوزينا ...شحال وهو واقف كيفكر ويفكر حتى هو الاخر فالاحداث الاخيرة وفي الشخص الي بان على اساس انه باه والعلاقة الدموية الي كتربطو بغسان الي نوعا ما عندو توتر من جيهتو ومعرفة مزويناش وب ريان الي كيعتابرو اخ بالنسبة ليه والي صدق من دمو ولحمو وهاد المسالة هي الي كتخليه يفرح رغم انه ممسوقش لباه ...بقا يفكر مرة يبتاسم مرة يغوبش 
حتى حس بشي حد دخل ضور وجهو لقاها جايا لعندو ...
علاء : غرام خاصك تبقاي مرتاحة علاش كتعيي راسك راه ماشي شي حاجة الي صعيبة غير مدة قصيرة وغادي يخرج ...
غرام : عارفة ولكن القلق ضروري منو ...
علاء : القلق عليه لو هو كان مصاب ولكن هو غير متبرع يعني مسالة ايام قليلة وغايجي ...
غرام : ان شاء الله ...
علاء : سيري رتاحي ...موصيني عليك بزااف والى مرديتيش لبال لراسك غادي يتقلق ...
غرام : خفتي يتقلق ولا خفتي على عضامك هههه
علاء : "حك فراسو " ههه واهو من ناحية عضامي خاااافت وليني نتي راك ختي ومرات خويا وهاد الولد الي بنت ليه انا فالبلان وبغا حاجتي تاهو ياكل منها راه مسؤليتي منبغيش ليه ضرر ...

غرام : ههه واخا غا سمح ليه اعمو علاء مبقاش ليه بزاف ...
علاء : ان شاء الله… الله يفكك على خير ...
غرام : امين...
ابتاسم ليها وباش ميخليهاش كتفكر ومتوترة على اعصابها قرر انه يصايب القهوة الي كتعجبها مدامهم فالكوزينة بزوج ...امم عرفتي اشنو فبلاصة منبقاو كالسين وكنتسناو يعيط رغم انه ماشي هو الي غادي يعيط غادي نسمعو الاخبار من عند واحد فيهم يا دكتورة يا ام ريان غادي تكلسي فديك طابلة رتاحي ليك مع راسك ندير واحد زوج كيسان ديال القهوة من الي كتعجبك ...
غرام : اووو عرض مغري ههه واخا ...مشات كلست حتى دخلت جوديا ...معاك ثلاثة ...
علاء : هااح الحب ندير ليك نتي لولة ...
غرام : جووديا هههه "عنقتها " حبيبة ديالي جيتي ...
جوديا : مشات سلمت على علاء بلابيز كان بغا يشدها غا خنزرت فيه ههه طلق الله يمسخك ...
علاء : وطلقينا نتي خلينا نمشيو نخطبو…
جوديا : كلست حدا غرام ...ههههه صافي هاني غانطلقك باركو ليا ساليت سطاج البارح وجيت ليوم لكازا بصفة نهائية ...
غرام : حلفي ولكن باقي غاترجعي ل 🇺🇸 usa باش تعطيهم تقرير السطاج ...
جوديا : طبعا ...شافت فغرام الي حدرت راسها ...حبيبة ديالي عندك الوقت تعاودي تاخدي سطاج اخور متنسايش غير ولدي وارتاحي وهضري مع ريان ها الامور تقادت مبقى حتى مشكيل او خوف ...
غرام : ان شاء الله يرجع ريان ونشوف من بعد ...
علاء : جاب ليهم القهوة ...فطرتي احبيبة ؟
غرام : فطرت ولكن فيا جوع تاني ومقلقة ففف
علاء : قلت حبيبة حبيييييبة ا حبيباااااااه حبيبتي حبيبة غانقولها ليك نتي يااا على واش نتي تسوطى ليك فيزيبل ورا حداك حبيبتي ...
غرام : ها سمح ليا هاناري
علاء : يالاه اسي ناااري وتولديه ناري نخطفو نخطفو ونخليك تهرنني على العجب الي خرجتو فيا ...
جوديا : عههههه صافي صافي برد وييي فطرت عطيني غير ديك القهوة نشربها ...اووف اخيرا كملت لهم ديال داك سطاج ...
علاء : ايوى هي لا طلقتينا لفراجة نديرو تاحنا دارنا باش نديرو شي وليد توحمي وخرجي ليا العجب فهاد النمسة الي حداك ...

بالمستشفى ببرلين ....
في البلوك...
واقف دكتور الخالدي عليهم كيراقب سيرورة الزرع كيفاش غادي يتم وجلنار على راس الاطباء الي كتقوم بنفسها بهاد العملية الي انتاضرتها بزاااف ...
الخالدي : جلنار بنتي علاش بنجتيهم كان ممكن غير بنج موضعي ...
جلنار : حالة غسان ضعيفة شوية ممكن يراقب ويقدر يتاثر ولا يوقع مضاعفات حنا في غنى عنها عاد زيد ريان مبغاش يعرفو بالي هو متبرع حاليا ...يعني مضطرة وعاد خففت ليهم غير نسالي ساعة هكاك وغايفيق كل واحد فيهم فغرفة خاصة فيه ...
غمض ليها عينيه ورجعت كملت بدقة وعناية معاها مرافقين كيتابعو حالة كل منهم الصحية خوفا من اي مضاعفات تقدر تنتج ممكن ارتفاع ضغط على غفلة ممكن اي حاجة توقع رغم ان العملية ديال زرع كتكون والمريض فايق ولكن لحالة غسان الصحية مناعتو ضعيفة الكيماوي الي كان كيدير لتكيف قبل العملية خلاتها تحضر افضل الاطلاء اي فريق طبي ممتاز ....

في الممر الي مقابل مع البلوك كالسة وشادة لمصحف الشريف فايديها كتقرا ما تيسر من الذكر الحكيم باش ربي يسر وينجح زرع ويشفا ليها ولدها ويخرجو ولادها سالمين ...بعد مدة وهي كالسة تما حتى تحل الباب ديال البلوك وخرج منو الدكتور الخالدي ...سمعت الباب تحل وهي تسد المصحف وناضت وقفت ...
فداء : "بخوف " دكتور امضرا ....
الخالدي : الزرع سالا ودابا داوهم لغرف ديالهم الحمد لله كلشي مزيان ...غايبقى غسان فغرفة منعازلة وحدو ...
فداء : "خلعها "علاش مالو !! 
الخالدي : عادي حيث هو الي تحول ليه نقي العضام خاص مدة يبقى معزول باش ميتعرضش لشي مرض معدي الي يقدر يتسبب ليه فمضاعفات عاد غانتسناو شي اسبوعين ريتما يتكيف النقي ويبدا يخدم عاد موراها باشهر قليلة نتاكدو من ان السرطان مشا بمرة ...
فداء : يااربي يااربي و ريان حتى هو ...
الخالدي : شوي وغايفيق وتقدري دخلي عندو ..."حط ايدو على كتفها " باش تبداي معاه شوي بشوي بداية مزيانة نصيحة مني بداي معاه بالحاجات الي كيبغي بتصرفات ومواقف غايخليوه يقرب منك شوي بشوي ويتقبلك ...
فداء : فحال اش ...
الخالدي : كيف يفيق مزيان عطيه يهضر مع مرتو كبادرة منك باش يرتاح اي حاجة تبعت ليه الاطمئنان والراحة وفريها ليه …
فداء : وخا اسي الخالدي …
الخالدي : ساعة وغايفيق ولكن اي حاجة غادي تسمعيها منو عرفيه غير كيهيتر حيث غايبدا يفيق من البنج كاع الي مخبيه غادي يقولو وممكن تفرزيه ممكن لا انا مبغيتش نقوليك دخلي عندو دابا ...حتى العشية ولكن من احسن اول مايحل عينيه يلقاك عند راسو ...غسان ماشي مشكيل ولكن ريان كيخصك تعوضيه حيث سنين وهو محروم منك وهو الاحق ....

بقا كيتناكر علاء مع غرام وجوديا تفك ومرة ضحك حتى دخلت عليهم الحاجة ...
علاء : الحاجة اجي شهدي معايا نهار يتزاد هاد البرهوش ..
غرام : ولدي ماشي برهوش ابلاتي يجي ريان ونقوليه علاء تيقول على ولدك برهوش ...
علاء : لموووك هذاك البرهوش العجب الي خرجتي فيا عليه انا الاحق فيه والى جا ريان نضاربو راجل لراجل ونشوفو هاد ريان الي تتهددوني بيه هااااكيييلي هاكاوا قاليك نقولها لريان ...قوليها وشوفي لطاسيلة مك شكون يفششك فالوحم ...
الحاجة : اناا نفششها والي بغاتها تحضر راه غاتجيب ليا حفيدي قاليك ...
غرام : مووووووت بالسم ...
علاء : تلحت لتووش وشكرا 🙂 
الحاجة : نتا سلگوط مباغيش دير عقلك ...شافت فجوديا ...اجي نتا مناويش تخطب هاد بنت ناس تبقى تخيط بيها دروبة ؟ 
جوديا : تزنگت ...احم انا هو احم 
علاء : تاهادي الكلافيي خاسرة 
غرام :"نقزت غرام " خههه كانت كتسنى اماما غير تكمل القراية وتيسر البارح سالات ...
الحاجة : هي نتيسرو لداركم ابنتي ان شاء الله ..
علاء : حتى يجي ريان ....غير ذكر ريان وهي تزير غرام وعينيها بداو كيغرغرو ...
غرام : معرفت اشنو دار مهضروش معانا ...
علاء : تت العشية وغادي نهضر انا متخافيش الدكتورة جلنار هي الي قالت ليا الى مهضرتش معاكم عيطو فالعشية يمكن حتى يفيق من البنج ويتوگض مزيان عاد يقدر يهضر ...
الحاجة : ان شاء الله خير اولدي ...
علاء : اانمشي ندير واحد كاسكروط فيه زوووج فرماجات كيري والكاشير و زوج بيضات مصلوقات "تيقول فيها بلعاني هههه" ونديرو فالبريسة ونعمر واحد الكاس ديال العصير تاع الحامض منعنع يا بتاع النعنع يا منعنع اسيدي ونمشي نتقابل مع لابيسين بينما عيطو ليا من تما ...
الحاجة : هاد ولد الهم علاش كيقلب 
غرام : "ريوگها هبطو " معاك معاك احمباااك ...
علاء : البعابع لا تبعك سييييري تموتي ...
غرام : انا مزااااوكة اهى اهى احموالديييك اعى ...
علاء : مد ليها ايدو ...بوسي ايدي 😌

بدات كتهرنن ليه كانت غاتقلبها ليه مندبة حتى بغات تنوض ليه الحاجة بصندالتها عاد حشم ههه ...
علاء : ناااري تنجيبها لراسي انا وناااري ...
جوديا : حرام عليك نتا الي جبدتيها ...اجي احبيبتي معايا ندير ليك الي بغيتي نمشيو عند خالتي نسرين ولا ها خالتي الحاجة دير ليك الي حب ليك خاطرك علاش تتلصقي فهذا مامزياانش ...
علاء : بلاتي على حبك تنفارد بيك نتي اليهودية زعما زوجة المستقبل ..
جوديا : متخرجش لصاحبتي العقل هي كتوحم حشومة عليك ..
علاء : هاديك الديبة كتبوحط عليا انا الي حافضها ...هاني نايض ندير ليك متجغددي ...تنضحك تنوحل الاطييف ...
ناض صايب ليها اشنو بغات داكشي الي ذكر بالضبط قالو ليها ...حتى حطو ليها ...يلاه غايگلس حتى دخلت الخدامة ...
الخدامة : ولدي علاء 
علاء : نعام اخالتي ...
الخدامة : ولدي تكلم الحاج راه فالمكتب معاه واحد راجل بغاو يهضرو معاك ...
علاء : ايه خبار الخير ولكن شكون الي جا عندو ..
الخدامة : واحد السيد اسمو محمد كيمشي بعكاز قال هو خال ريان ...
علاء بقا مكوانسي …من بعد ما كان كيضحك عقد غوباشتو وقلبها تخنزيرة حتى بدا كيعض فشفايفو ....
تاااايقول ليك الله يخرج الضحك على خير 🤷🏻‍♀️

كيف كملت العملية خداو كل واحد فيهم الغرفة ديالو ...ريان لغرفة عادية مع مراقبة من طرف الفرمليات وغسان لغرفة الي غاتكون معزولة نضرا لحالتو ولمناعتو الي ضعيفة فهاد نوع من زرع كيخص يتعزل باش ميتعرضش لعدوى وباش تكمل العملية بدون اي مضاعفات الي ممكن تسبب ...
في الغرفة ديال ريان الي كانت عادية وفانتظار يفيق دخلت لعندو من بعد ما لبسوها لباس المشفى ....قربت حتى وقفت ليه حدا راسو مقابلة معاه كان ناااعس ومجايب خبار الي كيضور حداه …
فداء : قبطت ليه ايديه وشدت ليه اكثر فصبعو مزيرة عليه ...عرفتي اولدي هاد الحركة الي درت ليك فايدك هي الي كنت كندير ليه فاش كنتي صغير وكتكون ناعس حدايا فحضني كنت كنشد ليك فحال هاكا عاد كتنعس كتاكد بالي انا حداك وهي الي كندير لغسان حتى هو فاش كان صغير ...تمنيت لو كبرتي فحضني وكتقوليا ميمتي فحال خوك تمنيت اولدي لو معشتيش الي عشتيه وتحرمتي مني تمنيت شحال من حاجة تخرمت منك وتحرمتي مني ولكن الحمد لله من صغرك ونتا راجل وعندك دراع من صغرك كسبتي هاد الصفة ....
ربي يحفضك ويشافيك ويخليك ليا وخا مغاديش تكون معايا وخا ممتقبلنيش عادراااك اولدي غير توگض وتقدر تمشي عند عائلتك وغانبقا ديما حاضياك ومراقباك وغانبقا ديما نسول عليك ومغاديش نمل ولا نعيا غانبقا نكافح حتى تسمح ليا وترجع لحضني من جديد ...حتى تفيق ونجي باش نعطيك تهضر مع مراتك و واليديك وخوك علاء ...جات بغات تنوض وهي تحس بصباعو زيرو على ايديها ...
فداء : شافت فيه لقاتو كيتمتم وعينيه كيتحركو محلولين شوي وبغاو يتحلو مزيان ...قربت ليه تسمع اشنو كيقول ...نعام اولدي اشنو كتقول !!
ريان : هممم واش سالاا كلشي !
فداء : الحمد لله اولدي سالاو نتا اولدي باش كتحس ...
ريان : سااالاااو "فمو ثقيل وتيخربق بداكشي الي فلداخل ديالو مكيجبدوش كاتمو جبدو ليه البنج " فيين هو خووويا فيييين 
فداء : "بغات تاكد " شكوون خوك اولدي 
ريان : خوووويااا غسااان ...
في هاد الاثناء كانت جلنار داخلة لعند غسان كتاكد من المراقبة ديال المؤشرات الحيوية ديالو وكتوصي كل فرملية على حسب المطلوب منها بدقة وكتزيد تاكد من كل حاجة هي هاديك حتى سمعت صوت هضرتو كيتمتم حتى هو ...قربت ليه وقبطت فايدو ...
جلنار : غسااان 
غسان : هممم 
جلنار : باش كتحس كضرك شي حاجة !! 
غسان : كيتمتم بحروف متباعدة وكلمات مخربقة…
جلنار : غسااان سمعنيي غسااان حاول تسمع صوتي وتبعو غسااان ...كتسمعني ...الى كتسمعني برك ليا على ايدي ولا دير شي حركة ...
غسان : برك ليها على ايدها ...زاد كيتمتم تاني ..
جلنار : شنو بغيتي تقول ...
غسان : ر ر "مغمض عينيه وكيحرك فيهم مضارب باش يفيق ..." رياااان ...
كانو هادو الكلمات باش نطقو بزوج ومع البنج كيحيد منهم بداو كيتمتمو بالشعور الباطني الي كاتمو كل واحد فيهم واحساسهم الحقيقي والبنج خلاهم ينطقو بيه…

مسالة انه يعرف بالي باه كيقلب عليه او مسالة ضهور باه فهاد الوقت وعاد دابا ؟ اشنو جابو واشنو بغاه وعلاش ملي بان قديك ساعة مجاش لعندو علاش حتى لدابا ...
الحاجة : ولدي تكااالما وسير شوف باك شنو بغاك سمع لباك عاد هضر وعرف اشنو كاين الله يرضي عليك متسرعش اولدي ...
مجاوبهاش مداهاش فيهم كاع الي كانو كالسين والي تحول الجو الي كان بيناتهم لتوتر ...جمع الوقفة ومشا لمكتب لعند باه الحاج المختار ...دق الباب ...
الحاج : دخل اولدي ...
محمد : كان كالس وحادر راسو شاد عكاز فايديه ...
علاء : دخل شاف فباه ...احم نعام الوليد هاني ..
الحاج : كلس اولدي ...
علاء : متبت مبغااش يتسرع كيحتارم باه بزاف وكيسمع ليه رغم كل شيء علاقة ريان وعلاء بوالديهم فشكل كيحتارموهم بزاف مكيهزوووش فيهم العين نهااائيا ...جلس فالكرسي مقابل مع محمد ...مكيشوفش جيهتو ...احم خبار الخير الوليد ...
الحاج : ولدي علاش اكيد نتا غاتكوني عرفتي بالي هاد سيد شكون ...
علاء : ايه !
الحاج : هذا اولدي هو باك الي ولدك ...
علاء : نتا هو با الحاج كنعرفك غير نتا ...
الحاج : ولديييي سمع الله يرضي عليك عرفت بالي انا باك ومغانختالفوش ولكن اولدي سمع منو وديك ساعة ليك القرار هو جا بغا يهضر معاك وبغا يبري دمتو امام الله بغاك غير تسمعو وديك ساعة نتا تعرف ...
علاء : "مخنزر " واخا واخا تفضل كنسمعك ...
محمد : ولدي انا جيت من بعد ماكنت فغيبوبة مدة خمس سنين هادي وفاش فقت كان خاصني مدة طويلة عاد نقدر نوقف مع ترويض والفحوصات واليوم كيف سمحو ليا جيت نيشان لعندك اولدي ...بغيتك تسمعني ..."عاود ليه الحكاية الي ديجا علاء عارفها من ريان وعاود ليه كيفاش حتى عرفو كاين والعلاقة غير شرعية الي نتج عليها علاء " هذا الي كاين ...
علاء : اممم واشنو المطلوب مني انا دابا ...
محمد : انا ارتاكبت اخطاء كتييييرة فحياتي ولكن كنت عبد مامور اولدي كان كيهددني بختي وبولادها والمشكيل مكنتش عارف عندو نوايا خبيثة اتجاهي مكنتش عارف حتى ختي ضحات براسها وبولادها وبراجلها باش تنقدني من الحبس مكنتش عارف ولو كنت عارف بيك اولدي كنت غادي ندير ايدي فايد خيتي ونحاربو على قبل ولادنا ...
علاء : فااات الفوت بسبابك ضاعو نااس بسبابك تشردو ولاد وتلاحو فالميتم غاتقوليا مكنتيش عارف بيا وملي عرفتي بحثي عليا ووقع الي وقع ...غانقوليك صافي شمعتك ولكن اسي محمد باش بسهووولة نتقبلك ونقوليك با هادي سمح ليا شبه مستحيلة ....
محمد : عارف مستحيلة حيث الي درتو ماشي ساهل اولدي والي قلتيها لا نتا لا فداء لا ريان عندكم فيه صح الي بغيتك تعرف هو عمري اولدي مغادي نمل ولا 
نعيا من انك تسمح ليا غانبقا حياتي كاملة نطلب سماحة مبغيت حتى حاجة غير الي اديتهم يسمحو ليا مبغيت والو وانا فرحان حيث عندي ولد راجل بمعنى الكلمة وكيشهدو برجولتو الناس وعندو دراع ومعول على راسو ومربي ...الله يخلف على الحاج المختار حيث الي ربى احسن من الي كيولد ...تقبلتيني 
ولا متقبلتينيش انا فخور فيك بزاااف وفرحان بزااف وهادشي الي بغيت ومع الوقت غادي تصافى القلوب ...
علاء : الي عندي قلتو ليك والى على المسامحة انا مسامح ليك الى كان هذا مرادك ...تربيتي الي رباني الحاج والحاجة رباوني على الاحترام والتسامح وانا منقدرش نهز فيهم العين ولا نعصاهم ...
محمد : ونعم التربية ...ناض وقف ...الله يسر ليك اولدي المهم شفتك وعطيتيني من وقتك الله يرضي عليك وكلشي مع الوقت اولدي ...ضار سلم على الحاج ومد ليه ايدو ناض علاء قبطها وباسها تفاجئ محمد وتصدم ...
علاء : بستها ليك حيث راجل كبير فالسن وهادشي علاش مربي وخا تكون كيما كنتي ولكن كتبقى راجل كبير فالسن والاحترام واجب مع السلامة 😊...

مستشفى برلين ...
وصلات العشية لقاتها كالسة حداه عند راسو حتى بدا كيحل فعينيه ضور وجهو لقاها كالسة شادا المصحف الشريف كتقرا فيه دايرة نضارات شوف ...بقا شحااال كيشوف فيها ويتفحص فملامحها فحال كيشوف فراسو تقريبا ...خلاها كتقرا وضار جيهة الكومدينو الي حدا راسو مد ايديه كيتجابد باش يجبد الفون عند راسو حتى سمعاتو وهي تهز راسها فيه ....
فداء : ريان فقتي ! 
ريان : مزالك هنا ؟ 
فداء : مشيت قبيلة طليت على غسان غير من زاج حيث ممنوع ندخل عندو ...
ريان : علاش ؟ 
فداء : حيث فغرفة معزولة ...
ريان : ديجا عارف ...اه فهمت ...هداكشي علاش جيتي لهنا ...
فداء : طوات المصحف وحيدت نضاضر من عينيها حطتهم حداها وناضت وقفت تمشات لعندو حتى لعند راسو وكلست فوق الكرسي ...لا اولدي. خليت غسان داوه الغرفة وتبعتك لهنا حتى فقتي شوية ورجعتي نعستي من تما وانا حداك طليت عليه خمسة دقايق وجيت حداك متحركتش ...
ريان : همم مزيان ...
فداء : شافتو باغي يهز الفون ...انا عيطت ليهم وهنيتهم عليك ...واعدت غرام غير تفيق نتاصل بيها وهادشي الي غاندير دابا ...خدات الفون ديالها ودوزت لغرام ابيل فيديو ...غرام بنتي شوفي شكون !! 
غرام : "عينيها دمعو " رياااان حبيبي ...
ريان : كبيدتي لباس عليك ..
غرام : مزيان نتا مكتحس بوالو معاش فقتي ..
ريان : ههه عاد فقت مزيان وكلشي مزيان كيف دايرة نتي مزيانة صحتك مزيان كتحسي بكرشك مزيانة ..
غرام : انا وليت لباس احبيبي متشغلش راسك بيا ...
ريان : وشنو عندي غير نتي وواليديا "شاف ف فداء الي تزيرت وحدرت عينيها بحزن " احبيبتي تهلاي فراسك بزاف 
غرام : حتى انت احبيبي رتاح ليك شوية ومن بعد نهضرو واخا ...كنبغيك ...
ريان : حتى انا تهلاي فراسك يلاه بب بيزو ...قطع معاها...مد لفداء تيليفون ...
فداء : احم ولدي انا غادي نخليك ترتاح غانمشي نهضر مع جلنار على حالتكم...جات بغات تنوض وهو يشدها من ايدها ...
ريان : انا مزيان حالتي مزيانة خاص غير هو يشد فراسو ويكون قوي باش يتم زرع مزيان انا الي عليا درتو ...
فداء : عارفة اولدي انا كتهمني حالتكم صحية كتر من راسي المهم تكونو لباس ...يلاه ناضت وقفت حتى حست بدوخة وهي تجي كالسة لارض ...اووو 
ريان : بلا شعور تحرك من بلاصتو شد فيها مخرج عينيه ...مالك اشنو ؟ 
فداء : شادا فراسها امكن طاح ليا ضغط اولدي مشربتش دوا من نهار جيتي تشغلت معاكم ...
ريان : كتشغلي مع ولادك بزااف وكتهملي راسك ...لو كنتي مهتمة براسك لو موصلتيش لهاد المواصل الي نتي فيها ...
فداء : عارفة اولدي عارفة براكة عليا الله يرضي عليك ...
ريان : كون اهتميتي براسك ومضحيتيش مكنتيش غادي تعذبي هاد العذاب المقصود من هضرتي ديها فصحتك حيث بنادم ممزيانش ونتي غاتجيبيها فراسك ...جا بغا ينوض وهي تحبسو ...
فداء : فين غادي راك مزال عيان ...
ريان : ما عيان والو انا مزيان الي عيان هو نتي غادي نعيط لجلنار غير من حداك ونرجع نتكا باش دير ليك شي حاجة الي تهبط ضغط ...

فور ما حل عينيه مزيان لقا الدكتورا عند راسو كتعبر ليه فضغط وكتراثب حالتو والمؤشرات الحيوية ديالو ...فكل ساعة كتراقبو كل ساعة كيتمناو مطراش شي مضاعفات وجسمو ميتقبلش النقي الي دخل ليه جديد... 
جلنار : قربت ليه عند ودنيه ...غساان كتسمعني ..
غسان : لا رد مغمااااض عينيه ...
جلنار : تت علاش مبغيتيش تفيق مالك !! غسااان واش كتسمعنييي ...
غسان : عرفتيييي صوتك زوييين وهو كيهضر بهمس ادكتورة ...
جلنار : تزنكت ...احم ها نتا فايق ومخليني كنفيق فيك بففف خلعتيييني ...
غسان : كاااع ...
جلنار : علاش درتي هاكا ...
غسان : بغيت نفقصك باش تموتي وتهنيني ...
جلنار : واحلة ليك فالحلاقم لهاد درجة غير تهنى خاصك غير تخلي جسمك يستاجب واسبوعين وغادي تمشي فحالك وتهنى من وجهي وغادي تكون فرصة سعيدة دوزتها معاك اسي علوان ...
غسان : ربي يخليك ...
بقات كتشوف فيه كيفاش مبرد وكيشوف فسقف بعينيه...شافت حتى عيات وهي تم ضايرة باش تخرج حتى شدها من ايدها ....مقلتش ليك سيري ...
جلنار : هاني شنو محتاج سي علوان ...
غسان : وليتي كتحتارمي منك لراسك بديتي كتعجبيني صراحة ...
جلنار : واش بغيتيني نتفقص ونجي نعس حداك ...
غسان : عرض مغري صراحة مكرهتش ههه 
جلنار : "تزنكت تاني " الله يمسخك ...
غسان : جاوبها .....ريان …كان كيهضر بصوت عياااان حتى طلق ليها من ايدها وهي تبدا الالة الي عند راسو كتغوت ...شافت فيه لقاتو مشااا غيب وهي تغوت ...غساااااان لا لا مالك غسان...طيييييييرو لعندي لهنااااا ...غسااان مالك ...ضارت لالة لقات دقات القلب كيتباطئو شنو جرا ليه وعلاش معرفتش ....

في هاد الاثناء الحرب نايضة ف الغرفة كانت جايا فداء هي وريان الي ناض بزز منها مخلاتوش ولكن هو شاف حالتها عيانة مقدرش يخليها وجابها حتى لعندهم باش يديرو ليها شي حاجة تقاد ليها ضغط وضربو ليها شوكة قادت ليها ضغط 
حتى بانو ليها لفرمليات كيجريييو وهازين واحد الالة ديال صعقات الكهربائية داخلين لغرفة غسان ....
فداء : شدت فدراع ريان ...و و ولدي مالو ولدي ...
ريان : معرف باش تبلى ...بانت ليه واحد الفرملية جرها بجهد ...خرج فيها عينيه ...شنووو واقع ؟؟؟ 
الفرملية : ماعرفناش القلب ديالو دقات بداو كيضعافو مفهمناش مناش هادشي غريب ...غالبا غاتكون جلطة .. كلمة جلطة دخلت لودنيهم فحال صاعقة مفهمو والو ...فداء رجليها فشلو حتى طاحت لارض فمها ولا بيض وكلمة وحدة بدات 
تردد فيها هي كلمة يااارب يااارب ....
ريان بدون شعور تكا عالحايط حتى تزدح ضهرو وغمض عينيه ...كان بلباس المشفى ...شحال وهما على اعصابهم ...
اما لداخل فكانت دكتورا عقلها خارج مفهماتش شنو واقع ...كتغوت وتفتف ...قربت ليه ...بغات تضرب ليه شوكة وهي ترجع الالة كتخدم من جديد وضربات تقادو ضارت مصدومة ..
جلنار : شنوو هادشي ...
الفرملية .: رجع القلب استقر ادكتورا كلشي مزيان بلا مضربي ليه شوكة ...
جلنار : "تنفست الصعداء " افففف الحمد لله الحمد لله يارب ...قربت ليه عند ودنيه ...عارفاك قوي اسي غسان عاارفااك صنديد وتاحد ميهزمك وهادشي علاش كنبغيك بزاااف ...ناضت ضارت لعندهم ...
انا غادي نخرج نبشر الام ديالو وخوه ...ردو ليه البال واي تطور انا فالمكتب ديالي واخا ...ضارت خرجت من الغرفة وخرجت من الجناح لقات فداء باقي كالسة وريان هاز راسو لسما ...تحل الباب ...شاف فيها وهو يضور مشا لمو مد ليها ايدو ...
فداء : هاا "شافت فيه بعينيها دايزين بدموع " اولدي ...
ريان : نوضي ...نوضها بشوي تكات عليه وقربو لجلنار ...
فداء : ولدي ابنتي ولدي ...
جلنار : الحمد لله موقع والو كلشي بيخير وهو ناعس دابا يفيق و دخلي عندو ..."حطت ايدها على كتفها " غسان قوي اخالتي عمر شي حاجة تهزمو ...
ريان : "خرجت ليه من فمو" جووكر ..
جلنار : ههه فعلا اسي ريان ...احم قبل ميوقع هادشي كان كيهضر معايا وقاليا ريان ومن تما مبقيتش عرفت ...
ريان : لارد ...
جلنار : واحد شوية وغادي تعطيك الفرملية لباس باش دخل عنذو ...
ريان : احم مكاين لاش حتى يفيق ويتعدا مرحلة الخطر ...
جلنار : هاد المرحلة تعدااها وهو دابا ناعس مغاديش يفيق حيث وصيت الفرملية باش ضرب ليه شوكة باش يرجع ينعس ثاني ...يعني مغاديش يشوفك ولا يحس بيك…
وخا انا مفهمتش هاد الازمة الي وقعت دابا كيفاش وقعت ولكن غالبا حيث مناعتو 
اصلا ضعيفة شوي غادي تكون ضمن المضاعفات ...على اي الى بغيتي دخل عندو مسموح ليك ....وقرارك انا لحد الان محتارماه حيث من واجبي الوضيفي …

في عتمة الليل ناااعس كيحلم بايد طفل صغييييير ممدودة ليه وضلام عليه ميبان ضو خفيف ساني ليه فوحدة من ايديه الي ممدودة ليه ...ضو تم غادي وكيضور حتى سنا ليه على عويناتو زرقين ....
ريان : نووور !!! خووويااا ههههه اجي ممتيش ؟ 
نور غير كيشوف فيه وكيمد فايدياتو مطيبزين ...اجيييي فين غادي نوووور ...نور كيشوف فيه وكيبتاسم حتى كتبان ليه سنينة صغيرة ...بقا كيبتااسم ويمشي يبتاسم ويمشي وريان تابعو حتى غبر وسط ضلام ومبقاش بان ...
ريان : نور نور نووووووووووووووور خويياااااااااااااا الاااااا خوياااااااااااا الااااااااااااا نوووووور ....

رجع ليه نفس الحلم الي كان كيراودو من شحال هادي الحلم الي كان ديما كيفكر فيه وماعرفش ليه التفسير ديالو ...هاهو رجع كيفكر فيه ثاني وهو داخل الغرفة الي فيها خوه نوور الي عاد فسرو وفهم معناه والي هو الان قدام التفسير ديالو ...لبسوه من بعد تردد كبيير باش يدخل لعندو قرر يدخل لعندو ....
داخل وهو عارفو انه ناعس ومغايحسش بيه داخل باش يشوفو من بعد تردد كبييير...
جلنار : غير دخل راه ناعس ...
ريان : ابتاسم ليها ...حلت ليه الغرفة بالكود وتحل الباب هز عينيه ...من بعد شحااال هاهو شافو ولكن النضرة تغيرت شي حاجة فيه خلاتو يشوف فيه بنضرة فشكل ....ناااعس مجبد فوق داك سرير فغرفة معزولة ....
لبس ريان لبسا الي غايمنع خروج اي نفس او سقوط اي شعرة او اي نفس غايخرج منو ...لقاه كيف قالت ليه ناعس والشي الي خلاه يتشجع ويقرب ليه ...نضرات ريان كانو عبارة عن نضارات غامضة وخا دخل عاقد حجبانو ولكن ديك نضرة كانت فشكل مكتفسرش ..وصل حتى لعندو وربع ايديه واقف كيشوف فيه ...
ريان : عاقد حجبانو وكيشووووف ...تفكر الحلم تاني تفكر نور الصغير ....حتى ....
غسان : حل عينيه نيشان لسقف ونطق ...شفتي علاش ديما انا سابقكم بخطوة جبت المتبرع حتى لعند راسي وبرجليه ...ضور وجهو ليه وابتاسم ديك الابتسامة الي ميل بيها وجهو ...
ريان : شرع عينيه بالصدمة ...
غسان : ايعقل عرفتك ضابط فالمخابرات و DST على قد قدها ومنعرفكش نتا المتبرع ؟؟ ....

باش توقع اي حاجة سااهل ولكن باش تصدم انك هاديك الحاجة الي كنتي متوقعها توقع ليك فلحضة مكنتييييش متوقعها فهادي حاجة اخرى ...ريان متوقع ان غسان غايعرفو يعرفو ولكن بهاد طريقة ويجيبو تالعند راسو وبرجليه متوقعهااااش ...هذاك بقا مربع ايديه ومصدوم وهذاك كيشوف فيه وكيبتاسم بجنب ....كل واحد فيهم مخبي شي حاجة فراسو 
اشنو هي الله يعلم ...
غسان : بغيتي تخبي راسك ومفكرتيش انني غانعرف بسهولة ؟
ريان : بقا شحاال وهو ساكت كيسمع ليه حتى ضحك بلهلا يطريه ليه ...ههه كنشوف راسي فهاد لحضة مغاديش نكدب عليك متوقعتهااااش منك ...
غسان : خاصك توقعها من اول ماعرفتك ضابط ...
ريان : فهادي عندك الحق ...
غسان : علاش ؟
ريان : هز فيه عينيه بتساؤل…؟؟
غسان : كيشوف فسقف ...علاش مبغيتيش تبين راسك ...مصر ديما تجيني متخفي بهويتك الحقيقية ...علاش مدرتيش فبالك انني غانعرفك كيف ما عرفتك فالمرة لولة ساهل نعرفك فهادي ولكن الي بغيت نعرف علاش مبغيتيش نعرف بالي نتا الي تبرعتي ليا ؟ 
ريان : كيلعب فشنايفو ...تقدر تقول مبغيتش صداع او تقدر تقول مبغيتش تعرف تقدر ...
غسان : نقدر نرفض ؟ 
ريان : لا رد ...
غسان : نهار عرفتك ضابط كان ساهل عليا انني نعرفك انا فطبعي انسان كنشك مكنرتاحش لمن ماكان كانو عندي دوافع لهادشي حيث ثقتي قليلة فناس مكنتقيش فيمن ما كان ومنكدبش عليك نهار دخلتك كدراعي ليمن ثقت فيك فديك لحضة ولكن رجعو ليا شكوك.ديالي من بعد ...بعدة تصرفات كانت صادرة منك ...
الشخص الي ركب وصنع سيستيم الي خايفة منو المخابرات ساهل يجبد شخص من المخابرات هادي نتوما تكلختو فيها ...
ريان : ولكن نتا استغليتي المهمة فمقابل !!
غسان : فمقابل غراام ...
ريان : تزير ولكن مدارش ردة فعل ...
غسان : الي جرا ليا والي دزت منو والعذاب الي مريت بيه والقصة الي سمعت قصة الوليدة وقصتك وحتى انا عندي قصة وانا فسن صغيرة ومعارفش ههههه…هادشي خلاني نعيد حساباتي ونعرف راسي.… .
غادي نقوليك بصراحة ...نهار تضربتي باش تحميني فعلا تخلعت عليك ولكن الي معارفوش نتا هو فاش تبرعت ليك كان احساسي الي خلاني نتبرع ليك ...
ريان : علاش خليتي صراع يتزاد بيناتنا ونرجعو اعداء 
غسان : تقدر تقول شديت ضد من نهار حليت عيني كنت الي بغيتها كنلقاها البنت الي بغيت ندوز معاها وقيتة ولكن البنت الي بغيت وكانت غادي يكون عندي معاها ولد حتى هي مكانتش كتبغيني فاول فرصة بغات تخوي بيا ولكن القدر خداها هي وولدي الي مشافش دنيا ...حتى جات غرام ولكن غرام ...
ريان : غرام بغيتيها ولكن عذبتيها كاين شي حب بالعنف ...
غسان : غرام عمري بغيتها ...
ريان : كيفاش !!

غسان : كيف كتسمع غرام اكتاشفت انني عمري بغيتيها عرفت بالي غير حب تملك فقط حيث تحداتني ومبقاتش بغاتني تما انا خديتها على نفسي تحدي ....فاش اكتاشفت اغلاطي كانت هي اول واحد كنطلب منو سماحة وهي الشخص الوحيد الي نطلب منو سماحة ....
ريان : امتا عرفتيني انا المتبرع ...
غسان : من اول ما حطيتي رجلك فالمانيا فالمرة الثانية ...قررت ندخل لسيستيم ديال المشفى كيف كتعرف ماشي شي حاجة الي صعيبة عليا ودخلت لسيستيم ديال لابتوب ديال دكتورة جلنار وعرفتك نتا ...
ريان : غير كيسمع ليه وكيبتاسم بدون شعور ...
غسان : فرحت من ناحية ان شخص من دمي ولحمي غايتبرع ليا ماشي شخص غريب وخا بيناتنا شحنات ولكن مع الوقت كلشي غايتقاد ...عشت عذاب كبير مع المرض شحال من مرة قربت لنهايتي كنشوف الموت بعيني وهذا سبب كافي يخليني نرجع لطريق ونصلح اغلاطي مع ناس ...
ريان : هاد الازمة الي وقعت ليك دابا !! 
غسان : مكاين حتى ازمة انا هضرت مع الفرملية لعبت بالالة ديال القلب ولعبت دور المغمى عليه والباقي عليكم ممكن تسميه اختبار ...
ريان : ههههه مكتقاداش من الاختبارات وهاد الاختبار بسلامة لمن ...
غسان : باش نعرف واش غاتجي لعندي ...
ريان : ايه ؟
غسان : الى مجيتيش عندي غانعرف بالي انا غير خوك او انسان انقذتي حياتو ...
ريان : ولكن جيت لعندك ...المعنى ؟
غسان : الى جيتي عندي هذا كيعني انني نور وفخامة هاد الاسم عندك تكفي "ضور عينيه لعندو بابتسامة " 
ريان : ضحك ضحكة خفيفة ...فعلا دخلت لعندك وانا كنشوف فعيني وقدامي نور ...الحمد لله على سلامتك غسان ...من بعد ونرجع عندك ومن تما غانرجع فحالي ...
غسان : شكرا ريان حيث تبرعتي ليا ...
ريان : انا تبرعت ماشي حيث خويا ...
غسان : المعنى !! 
ريان : قرب وحط ايديه على ايدو طبطب عليه ...تبرعت ليك حيث نتا نور وفخامة هاد الاسم عندي تكفي باش تفهم "غمزو وضار ضورة وخرج خلاه كيشوف فيه بنضرات مبتاسمة ....

سيداتي سادتي المسافرين المتوجهين الى مطار محمد الخامس الدولي المرجو ربط الاحزمة الهبوط الى الاراض المغربية بعد نصف ساعة ...
كانت هادي الكلمات الي تكلمت بيهم المضيفة لمسافرين القادمين من مطار برلين ...ضور الحزام عليه وسدو مزيان حط راسو على الكرسي رجع بيه تفكير لاخر ما جرى فهاد الاسبوع ونصف الي كان فيهم فالمشفى ... .....
الاحداث الي وقعت فالاخير والقصص الي تعرفت والي عاشها كل واحد فيهم والي عانى والي عاش المعاناة والحرمان كانت كافية باش تخليهم يعيدو تفكير فعلاقتهم ويحاول كل واحد فيهم يشوف الحلول ويفكر ويتوصل لحل ويتحد صراع والمشاكل … خوه كان كيشوفو غير من بعيد بحكم دكتورة منعتهم من انهم يقربو ليه اكثر ....
فهاد الفترة …حطت طيارة فالاراضي كمل الاجراءات وخرج ديريكت لبارك فين محطوطة سيارة ديالو الي وصى باش يجيبوها ليه يلاه غايوصل لعندها حتى لقاها متكية عليها ...
ريان : غرااام هههه 
غرام : شافتو وهي تمشي تجري تلاحت عليه عنقها حتى بغا يخنقها زييييير عليها بزاااف خاشي وجهو كيشمشم فيها ويبوس وحتى هي حتى خرج علاء وجوديا ...
علاء : وااطلقينا خلي سيد يرتاح ...
ريان : من بعيد ...مشكيتش عليك ..توحشتك احبيبة ..
غرام : حتى انا بزااف ...حطها باس ليها راسها وعنقها بكتفو وتمشى حتى لعند علاء حل ليه دراعو وتعانق هو وياه ...
علاء : على سلامتك العشير ...
ريان : الله يسلمك ...ختي جوديا "سلم عليها ...
جوديا : على سلامتك ريان ...
ريان : الله يسلمك ..ضار لقا غرام منخشة ...هبط لعند ودنيها ....توحشتيني بزااف ...
غرام : هههه بزااف بزاف ...
ريان : ههه ...يلاه مشينا ...
علاء : يلاه انا غانسوق طوموبيل حتى يجيبها لعساس غادي نرسلو نتا مخاصكش تسوق مزال عيان ...
ريان : هو من ناحية عيان عيااان ولكن ماشي من العملية غير من طيارة وصداع ...ركبو فسيارة ريان اختار يكلس لور حدا غرام معنقها وخاشيها فيه وجوديا جنب علاء ...
وصلو لفيلا ودخلو مشا نيشان سلم على واليديه الي توحشهم حتى هما والي ليهم عندو حق الواليدين هما لولين وحقهم فوق راس ...كانت وقيتة المغرب ...كالسين فصالة مجمعين كيضحكو حتى دخل عليهم ....
غرام : باااابااا هههه مشات لعندو عنقاتو هو ونسرين سلمت عليهم ...
اب غرام : ولدي ريان على سلامتك ...
ريان : سلم عليه ...الله يسلمك مرحبا الحاج ...
بقاو مجمعين حتى تفرقو رجال مشاو لصالة والعيالات لصالة ....
جوديا : قلتها لبابا وقاليا مرحبا بيه فاي وقت ...
غرام : قلتي ليه كلشي مخبيتيش عليه 
جوديا : طبعا انا مكنخبيش على بابا وعاد علاء حتى هو وصاني باش نقول ليه كلشي عرفتي عجباااو شخصيتو وخا مهضرش معاه قاليا راجل ونعم تربية الى فعلا هادشي الي كتعاودي عليه والى فعلا هاكا مغانلقاش ماحسن منو ...
غرام : ههه فرحت ليك غادي تجي حدايا غانتجمعو فدار وحدة ...
جوديا : وايييه هههه 
كتهضر معاها حتى جاها ميساج فالفون دخلت ولقاتو من ريان ..."بب طلعي لفوق بغيتك " 
جوديا : ههههه طلعي مصبرش ...
غرام : مغاديش يدير شي حاجة مزال متعشيناش وكاين بابا ...
جوديا : والى شداتو الي مكتعلم مغايعقلش علينا ...

ضحكت وهي تستاذن منهم ومشات طلعت لبيت يلاه غاتسد لباب حتى شدو بايديه ...
رجعت باللور وهو يسد الباب برجليه وشدها ضور ايديه على خصرها ولصقها معاه ...
غرام : قلبها كيضرب ...ر ريان اشنو بغيتي دير ..
ريان : خشا وجهو كيهضر تحت ودنيها ...واالو غير بغيت نشم ريحتك احبيبة توحشتك بزااف ...حط ايدو على كرشها كيطلعها ويهبطها ويعنكش فيها ...كيف داير البطل ديالي ...
غرام : حتى هو توحشك ...
ريان : خذا وجهها بين ايديه وباسها فشفايفها ...عرفتي احسن حاجة طرات ليا فحياتي هي نتي وهذا الي جاي فطريق نتوما عينيا دابا نتوما هما عائلتي من هنا لقدام نتوما مسؤليتي وكل حاجة بالنسبة ليا نتوما روحي ...
غرام : ربي يخليك لينا ....باسها ثاني فشفايفها ...اححح لو ما مجموعين لتحت مغانفلتكش ليلة توحشتك توحشتك بزااف ...
غرام : هههه ايام الله طوييييلة ابب جايني ايام وليالي ...
ريان : ياااك هههه ..
غرام : نعم هههه ...يلاه نهبطو لتحت ...
ريان : بغيت ندوش ونبدل حوايجي ونهبط ...
غرام : وخا سير انا غادي نوجد ليك حوايج متلبس ...
ريان : باسها فراسها ...لهلا يخطيك ...مشات لدوش وهي ضارت لدريسينغ جبدت ليه مايلبس وحطتهم ليه وهزت لبينوار ودخلت لدوش حطاتو ليه وخرجت هبطت لتحت حتى دوش ولبس وهبط حتى هو .... تعشاو فجو حميمي اسري فيه ضحكاتهم وفرحتهم بلمتهم ...
وصلت الوقيتة واستاذن كل مشا فحالو وعلاء وصل معاه جوديا ومنها يتافقو على موعد باش يجي عند باها وغرام استاذنت باش طلع بحجة انها عيات ...بقا ريان يلاه غاتمشي لحاجة وهو يوقفها ...
غسان : الوليدة بغيت نهضر معاك قبل منسى ...
الحاجة :ايه اولدي خبار الخير ...جرها ومشا لصالون كلس وجلست حداه ...
ريان : احم الوليدة بغيت نقوليك شي حاجة وتبقى بيناتنا تقدري تقولي بغيتك تعاونيني فواحد المفاجئة ...
الحاجة :ايه انا معاك ...
ريان : بغيتك ...تعاونيني وبغيتك تكوني واقفة على هادشي بنفسك ...
الحاجة : ان شاء الله ولكن من احسن ديرها فواحد الوقت الي غايكون مناسب جدا ومن هنا لداك الوقت غايكون عندك مدة ووقت الي غايعطيك راحة باش ترتاح فخاطرك وعقلك اولدي وهي هاديك غاتلقاك مرتاح فنفسك ...
ريان : امتا ...
الحاجة : غادي تكون فحنة السابع ان شاء الله ...
"مغاتفهمو معنى هاد الهضرة حتى لحنة سابع ديال غرام وحنة سابع راه معروفة ميحتاجش نشرحها " 

في المستشفى ببرلين ...
مزالو في الغرفة المخصصة ليه والمعزولة ...كانت جلنار في واحد المكتب هي ومجموعة من الاطباء واقفين كيناقشو فحالة غسان والنتيجة ...
جلنار : امم هادشي دغيا طور ...على كل شكرا على مجهوداتكم مزال لينا بزاف ...
استاذنت منهم وهي تخرج فطريقها صونا ليها الهاتف كانت فداء الي رجعت من بعد ما طمانت على غسان بطلب منو كيف واعداتو غير تهنى على حالتو ترجع تلبي ليه شنو طلب منها برغبة منو فور ميرجع يرجع ببداية جديدة ...
جلنار : خالتي صباح الخير ...
فداء : صباح النور بنتي امضرا ...
جلنار : احم خالتي سمعيني مزيان ...
فداء : خبار الخير ....
......
في نفس الغرفة الي تحول ليها من بعد زرع نفس الغرفة المعزولة مزال فيها وكيتسنى اخبار على الزرع والنتيجة واااش استاجب لجسم ديالو واش تقبلو هذا هو النتيجة الي كااايتسناها …تحل الباب وتحلت الستارة عليه وهي دخل بملامح عادية ...
جلنار : صباح الخير ...
غسان : صباح نور ...
جلنار : مزيان ماجاكش الملل هنا ...
غسان : كنتسناو فسيادتكم تكرمو علينا وتحاايدي علينا هاد الملل الى بغيتي …"ابتاسم " 
جبنار : واااخا ...هو فالصراحة انا هادشي ماشي غريب عليا بحكم طبعك شخص قاصح عنيف جديد صارم وعصبي ومكيصبرش كتقهر ماشي غريب عليا كان خاصني نعرف حتى من المرض قهرتيه وهرب ....
غسان : هز عينيه لفوووق ...يااارب الصبر ...المعنى طلقيييني ...
جلنار : ياك نتا كتفهمها طايرة ياك كطير لدرجة مشيتي لعبتي بالالة ديال القلب باش دير ديك الدراما كاملة على حساب الخلعة ديال عباد الله اشنو قاليك راسك ....
غسان : فخبارك عرفت شحال من حاجة فهاد اللحضة والله حتى فكرة مزيانة …مرة مرة نديرها باش نختابر مشاعر عباد الله ....
جلنار : اممم ...ماغريبش عليا انك انسان قوي لدرجة تحديتي المرض الحمد لله على سلامتك الزرع او النقي توافق مع جسمك وبدا كيدير خدمتو فطرد السرطان وتعويضه بخلايا جديدة هادشي جا بسرعة كبيرة الحمد لله لقينا متبرع الي كان من عائلتك ومن دمك ولحمك ....
غسان : "تنفس الصعداء " اففف الحمد لله ...وامتا نقدر نخرج من هنا ...
جلنار : صباح غادي تحول لغرفة عادية ومن بعد ايام تقدر تغادر المشفى ولكن من بعد ثلاث اشهر خاصك ترجع باش نتاكدو ان السرطان مشا بمرة اضافة الى كنترول كل ست اشهر كيخصك ديرو ومراقبة حيث غاتكون في فترة نقاهة طويلة شوي ....
غسان : الحمد لله ...ضار لعندها ...جلنار شكرا بزاااف ...
جلنار : ابتاسمت ليه ...هذا واجب غسان ...نخليك من بعد ونرجع عندك ..يلاه غاضور ...
غسان : قلت ليك فديك اللحضة فاش غوتت الة القلب عرفت مشاعر بعض الناس ...
جلنار : مفهمتش كيف...تفكرت اشنو قالت ليه قبل ميدخل عندو ريان وهي تعض فشفايفها وغمضت عينيها ...ش ش شنو عرفتي ...
غسان : والو والو سيري ونتي بغيتي تموتي ...غير عرفت معزتي عند خويا ...
جلنار: هم هاا اه فهمت مزيان ...يلاه بغات ضور ثاني وهو ينطق ...
غسان : عرفتك كتبغيني ...
جلنار : خرجت عينيها حتى بغاو ينزلو لارض وفمها نمل وجهها ولا صفر قلبها خلاص بغا يخرج ....ضارت بالعرض البطيئ شافت فيه ...
غسان : ...هز ليها حجبانو بطريقة طفولية ....هههه ...

وسيري اجلنار لوحي راسك من سطح ستة المرات ومتبرديش ههههه ....

مع شروق شمس يوم جديد وكيف العادة فاقت متاخرة من نهار بدات توحم وهي كتفيق معطلة ...وخا ليوم فاقت بكري شوي ...حلت عينيها كانو منفوخين بالنعاس ضارت ملقاتوش جنبها ...حيدت عليها الغطا وناضت حتى كلست باش تفيق مزيان ...هزت الفون ديالها لقاتها تمنية تصباح وهو مكاينش عرفاتو غايكون هبط لتحت وخا مفيقهاش وقالها ليها ولكن احساسها هاكا قاليها ....رجعت لغطا وناضت مشات لطواليط غسلت حالتها وطرفتها وخرجت لديريسنغ بدلت حوايجها مشطت شعرها ولبست لباس الخروج ومع كان الحال سخن شوية اختارت كسيوة فالبيج وفوق منها جاكيط دجين جمعت شعرها اسفنجة ...دارت ايكخون شمس وگلوص فقط ...رشت ريحتها وخذات صاكها فيه لوازم ديالها من تيليفون والملف طبي ديالها ...لبست كونفيغس ديال دجين وخرجت من البيت هبطت لتحت ....
غرام : لقاتو كالس كيشرب فقهوتو وكيهضر معاه الحاج ...شاف فيها طلعها وهبطها ابتاسم ليها ..صباح الخييير ...
الكل صبحو عليها ...كلست حدا ريان كبت ليها الحاجة شنو بغات ووجدت ليها طبسيل فيه اشنو حب خاطرها ...
ريان : معاش قلتي موعد طبيبة ...
غرام : مع العشرة ان شاء الله ..
ريان : اووك وفطري مزيان شوية ونطلع نبدل ...شفتك ليوم كتباني زوينة ..
غرام : بخجل هههه ماعرفتش ...
ريان : هبط ايدو من تحت طابلة وحطها ليها فوق كرشها ...بدات كتبان ...
غرام : شوية بشوية ...
ريان : مشتاق نشوف عويناتو ...
غرام : تقدر تكون عويناتها هههه
ريان : ماشي مشكيل المهم الخلقة تامة ان شاء الله وتفكي على خير احبيبتي ...
غرام : امييين ...
ريان : يلاه بب انا نوض نطلع نبدل باش نخرجو نمشيو عند طبيبة ...
غرام : اوكاي بب ولكن وخا نطلبك طلب ...
ريان : اشنو خاصك ؟
غرام : بغيت نمشي للدارنا ليوم نشوف بابا وماما وبغيت نمشي عند جوديا غانخرج معاها باش تقدا شنو خاصها لخطبة الى بغيتي ...
ريان : ايه ماشي مشكيل ولكن ردي لبال لراسك ومتكتريش لمشي بزاف ...مهم غانسولو طبيبة ونشوفو اش كاين ...
غرام : وخا حبيبي ...ناض وقف ...الوليد انا غانطلع نبدل وغانمشي انا وغرام لعند طبيبة ...الحاجة ميمتي خاصاك شي حاجة ...
الحاجة : تا خير اولدي غير بشروني بصحة الولد وصحتك ابنتي هادشي الي بغيت ...
غرام : واخا ماما غير نخرج نعيط ليك احبيبتي ...
مشا ريان طلع لفوق وبقات غرام هي والحاجة ناض الحاج حتى هو استاذن وخرج يقضي شغالو علاء ديجا خرج لخدمتو واشغالو ...
الحاجة : بنتي ديري بحسابك غذا غانخرج انا وياك وجوديا هي تقضي معانا شغالها ونفس الوقت باش نتقداو داكشي الي غايخصنا ...
غرام : علاش اماما ...
الحاجة : بغيت ندير ليك العادة ابنتي وخا مزال شوي الحال ولكن بغيت نوجد باش ندير ليك حنة السابع ...
غرام : مفهمتش هههه 
الحاجة : ابنتي حنة سابع فاش توصلي لسبع شهور من الحمل ديالك كنديرو حنة سابع غاتجي نقاشة تنقش ليك ونديرو عراضة خفيفة بيناتنا حنا العيالات غادي نعيط لوستي الي مربية مع الحاج ولدها وبنتها غاتكون فديك الوقت وناس صحابنا وجيران والى سهل الله فخطبة علاء غادي ندوزو معاها العقد ديالو ...
غرام : نقاااشة 😍اييه ...
الحاجة : وداركم تاهما هما اللولين ابنتي ميحتاجوش لعراضة هما مالين دار عيطي لالة نسرين باش تاهي تخرج معانا نتقداو شنو خاصنا ...
غرام : ناضت لعندها وعنقتها باستها فحنكها وايدها ...ربي يخليك ليا يا احن واحسن ام فدنيا ...واااو غاتجي ايام زوينة ياربي ...
الحاجة : هههه ان شاء الله ابنتي ...نتي برجليك الي حطيتي فهاد دار الي خليتيها زينة بسبابك ولدي رجعت ليه روح بسبابك وخا بشكل غير مباشر بان خوه الي كان مخلي نفسيتو ضلام ...الحمد لله ....
تم جاي ريان لقاها معنقاها ...وانا متعنقونيش معاكم ...كان حاي لابس قميجة بلومارين وسروال دجين فالكحل وصباط موكاسان فالبلوكارين ومرجع شعرو لور وريحتو تعطعط...
غرام : ههههه ...غاتجيب ليا نقاشة فحنة سابع 😍😍😍...
ريان : خصر سيفتو تاني ...بففف تاني تاااني ...
غرام : حشومة عليك ...
ريان : يلاه الوليدة هاحنا مشينا ...جر غرام وخرجو برا ركبو فشيازة قادو سانتيغ وديمارا خرج من الفيلا ...
ريان : نتي الي حشومة عليك غانبقا صابر حتى الشهور لاخرة الي غادي نتيسر تاني تديري الحنة واش انا يهودي ...

غرام : نتا حبي نتا ههههه 
ريان : شاف فيها بنص عين ...صباغة عندك عشرة لضص ترررر ...
بقات كضحك عليه وهو مرة مرة كيضحك معاها ولا يطنز عليها ...غادين فطريقة حتى صونا ليها لفون ...
غرام : رقم ديال usa 🇺🇸 
ريان : ياكما اليونيفرسيتي (الجامعة ) 
غرام : تت منضنش حيث مزال على موعد تسليم رابور ديال سطاج ...واخا تسنا ...الو ...يلاه جاوبت حتى سمعت صوتها الصوت الي عمرو عيط ليها ولا سول فيها من نهار حطت رجلها فالمغريب ....
هي : هيلو سويتي ...
غرام : م م مااام (ماما ) ...ريان ضار مصدوم حتى هو ولكن مدارش ردة فعل كمل فسوكان وخلاها تهضر بنت وامها بيناتهم ...
هي : سويتي لباس عليك توحشتك ابنتي ...
غرام : ثانكيو ..
هي : بنتي بصح تزوجتي ...
غرام : ياس مام علاش كتسولي ...(طلقات غرام مكبر صوت ) 
هي : غير بغيت نتاكد ونسول عليك فرحت ليك ابنتي بزاف لقيتي الي يبغيك ويتهلى فيك وخا عارفة راسي معنديش مسؤلية ولكن متاكدة انك وسط ناس مهلين فيك ومع باك ومرات باك عارفاهم يحطوك فعينيهم ...
وخا تعاود الايام غادي نعاود نفس المشكيل وهي قلة المسؤولية انا شخص غير مسؤول ومكنعرفش معنى الامومة ومتهليتش فيك ولكن انا فرحانة حيث مع ناس مهليين فيك ...
غرام : همم اوكاي ثانكيو مام ...
هي : ويلكم بايبي ...تهلاي فراسك ابنتي ونهار نولي انسانة كتعرف الامومة ومعنى الابناء غادي نجي حتى لعندك انا دخلت لمركز اعادة تاهيل وغادي نحاول نحسن من راسي ونولي انسانة اخرى وغادي نجي عندك ابنتي ...
غرام : اي ويش ...نتمنى ...
هي : تهلاي فراسك باي ...قطعت ...خشات لفون فصاك حابسة بكيتها ..شافها ريان وهو يوقف سيارة فواحد البلاصة خاوية ...ضار لعندها ...
ريان : حل دراعو ...اجي لعندي ...مكانتش من العاگزين تلاحت عليه وعنقاتو وطلقت العنان لدموعها كتبكي وتقول مبكيت ...خلاها على خاطرها تنفس على راسها وتسد جروحها كيما كان الحال كتبقى امها الي ولدتها مهما طال الزمن ....

قدام شرجم الي كان ديما كيوقف قدامو في فترة مرضو وفترة انشغالو بهمومو وفترة عصبيتو كان ونيسو فوحدتو لشهور قدامو كيشكي بعينيه وكيسرح بخسالو هاهو اللن قدامو لاخر مرة ولاخر ساعة قبل ميغادر المشفى من بعد ما اصبحت حالتو بيخير والزرع نجح ليه فالتطور والتكيف مع جسمو بنسبة مئة بالمئة ....دق الباب ...
غسان : ضار كيحساب ليه واش هي من نهار عرف بمشاعرها وصارحها بالي عرف وهي كتفادا تشوفو ولا تقرب منو حيث بكل بساطة مقاليها حتى باش كيحس واش بالحب ولا انجذاب ولا اعجبا ولا حتى برفض معطاهاش راس الخيط وحيث بغا يمشي فضلت تبعد عليه متبقاش تحاديه ....لقاها غير الفرملية ....
الفرملية : مستر علوان ...هذا ملف ديالك فيه جميع الفحوصات الي درتي الاخيرين ...
غسان / عادة هذا كتعطيه دكتورة الخاصة ...
الفرملية : ميس جلنار عندها عملية دابا ...
غسان : عملية للمرة سابعة اجتماع مؤتمر فيه اسبوع عندها مريض امممم ولات مشغولة بزاف ملاحضتيش بالي هادشي فشكل ...
الفرملية : مقشعت والو حيث هضر بالدارجة هههه ...اي دونت اندرستاند مستر علوان ...
غسان : اش عندك متفهمي ..اوكاي ...صافي غير حطيه تما وسيري ...حطاتو ليه وخرجت ...كان خاشي ايديه فجيابو ...صبر حتى عيا وهو يقلبها تخنزيرة حتى بدا يعض فشواربو بعصبية هز عينيه كيشوف بشر بديك النضرة الي اختافات طوال هاد شهور ...عقد صدايف قميجتو وهو يخرج ...خرج من الجناح ديالو ضار يمين وشمال وهو يمشي منير حتى وصل لاكوي ....بلا سلام ولا كلام ...
غسان : فين كاينة دكتورة جلنار دابا ...
الولد : انسة جلنار عندها عمل...مزال مكملهاش حتى حس براسو مشنوق وقدامو وجه كيزفر نااار ماشي غير انفاس حارقة ...غاااادي تقوليا فين كاينة ولا برب حتى نفرشخ ملتك هنا بلا منتواصلو لهادشي غادي تبلبل غادي نجمع لحزاق كامل نحرقو طلق ملتي وقول فين كاينة ولا غادي نخرج عليك وعلى خدمتك ...طلااااااااااقني ...😡....
الولد : و و جلنار .م مع دكتور سميث فمختبر تحليلات الي كاين فطابق لي لتحت سي علوان ....نعرف طاسيلتك وصلتيها ليها جهازك تناسلي نحطو ليك ...طلقو بجهد حتى كان غيجيف ...قاد لفيستة ومشا لسانسور مخنزر ركب رقم طابق وهبط سول على المختبر نعتوه ليه وصل ليه حل الباب حتى وقف كيشوف ...
كيشوف فيها واقفة مع طبيب كضحك وكيتمازح معاها حتى هو ...يلاه غايعيط ليها حتى بان ليه حط ايدو على حنكها هبط صبعو عليه ...
جلنار : احم دكتور سميث متبقاش تعاود هاد الحركة ...
سميث : وااي نتي سينگل وانا سينگل ومن زمان بغيت نصارحك ولكن مجاتش الفرصة وبما اننا سنگل علاش منطوروش علاقة صداقتنا ونوليو ا...مزال مكملاش حتى لقا راسو مشبح فلارض ...
جلنار : غوتت بالخلعة ولكن المنضر الي قدامها شخص عينيه حمرين وشرار خارج منو كان اكثر المناضر الي خلعتها ....غ غس غسااان ...قلبها بدا يضرب ...
مشا ليه جرو وشنق عليه ...حتى تكون سينگل وحتى ميكون عندها حد وحتى تكون شايطة على لقواد الي قالها ليك عاد فكر انك تفكر مجرد تفكير تحط عليها ايدك وهاد صبع الي "خذا ليه صبعو ولواه حتى بغا يطرطق حتى غوت لربي الي خلقو وجاب الله المختبر كان فيه غير هو وهي " هاد الصبع الي فكر وتحط على ممتلكاتي غادي نشوف من حالو ومغاديش نطير مو من بلاصتو ...نطحو براسو حتى جا لارض وناض من عليه ضور راسو ليها لقا وجهها صفر ...تم جاي ليها وهي راجعة بلور حتى قبط ايدها بجهد وجرها وراه ...

تم جاي ليها وهي راجعة بلور حتى قبط ايدها بجهد وجرها وراه ...
جلنار : غسان فين غادي بيا غسااان ...
غسان : لا رد ...جرها وراه غادي بيها قدام ناس كيشوفو حتى دخل لسانسور وبرك على رقم طابق الي فيه غرفتو طلع بيهم وتحل جرها ودخلها لغرفة ديالو وسد الباب ...
جلنار : غسااان علاش درتي هاكا ...
غسان : علاش مباغاش تجي لعندي علاش مبقيتيش كتجي وكتقولي عندك عمليات مؤتمرات علاش كتفدايني ...وعلاش داك زاامل خليتيه يقيصك فحنكك ويضحك معاااك علاااش ...
جلنار : كيفاش علاش واش نتا مالك فيا اشمن حق عندك عليا ...
غسان : حيث كتبغيني ...
جلنار : م ممكنب ...مكنبغيكش ...
غسان : قرب ليها اكثر وكالاها مع الحايط ...متاكدة ...قلتيها فوقيتة الي كتكون مشاعر خارجة بصدق ...
جلنار : هم متا متاك غسان بعد لهيه ...
غسان : مخنزر ...لااا 
جلنار : غسان عفاك بعد لهيه ...اااه قلتها ولكن طرف لاخور مقالهاش اذن مكيحس بوالو وكان خاصني نبعد عليك ونتجاهلك حيث غادي ترجع فحالك وكل غايرجع لحياتو علاش غادي نعلق راسي بيك ...
غسان : قلتها ليك ...
جلنار : "شافت فيه بعينيها " مفهمتش 
غسان : انا غادي نرجع لحياتي وغادي نرجع لمغريب ونبدا حياة جديدة ..انا عشت فحياتي سابقة مع بزااف ديال البنات عشت علاقات متنوعة شفت وجربت ولكن حياتي مغاتبقاش على هذاك المنوال غادي تبدل ونبدا حياة جديدة ...وهاد الحياة غادي تكوني نتي معايا فيها ...
جلنار : مفهمتش ...
غسان : مالك تكلختي مالك ...هز راسو وعاود هبطو خشا وجهو فعنقها وبضبط تحت وذنيها ونطق بصوت جاب ليها تبوريييييشة تاع بصح ...غادي تكوني فحياتي بصفتك مدام جوكر رسميا الالة جلنار ...
جلنار : كيفاااش ...
غسان : حتى تجي لمغرب ونفهمك كيفاش ...
جلنار : كيفاش نجي لمغرب ...
غسان : مناوياش تخدمي فبلادك ...
جلنار : مزال موافقتش على العروض الي جاوني من تما ...
غسان : حاولي هاد الشهر توافقي على واحد منهم دغيا ...
جلنار : يعني مصر متقولش ليا كنبغيك ؟ 
غسان : قلت ليك غادي تولي مدام جوكر رسميا مسمعتيش ...
جلنار : رفعت ايدها باستسلام ...هادي هي كنبغيك عندك 0.o...
غسان : واش كاين ماحسن من مدام جوكر واش عرفتي انك تنجحي فسطاج وتفوتي مية سنة وسنة ضوئية فشهور وتحضاي بشرف باش تكوني مدام جوكر را بزاف على كلمة كنبغيك ...
جلنار : يااااااربي ياااربي اش درت فحياتي حتى بغيتك ...هذا الله هذا الله ...انا مشيت حتى تبغي تمشي لمطار وغانمشي معاك نوصلك ...خرجت وخلاتو فالغرفة مبتاسم حتى غلباتو ضحكة ...ههههه ...

من بعد ماداز موعد عند الطبيبة ...كانو تحاليل والايكو مزيانين ...صحة البيبي والام على ما يرام ...نفسية مرتاحة وكلشي مزيان ...وصلها فين بغات لدارهم وعيطت لجوديا باس تلحق عليها ويخرجو مجموعين ...اما هو فخذا الوجهة هاد المرة من بعد تردد كبيييير توجه لمدينة الجديدة وبالضبط ازمور ...غادي وكيفكر يفكر حتى لقا راسو قدام الفيلا شير العساس الي عرفو وحل ليه الباب بفرحات ...حتى دخل وبلاصا سيارة حل الباب ونزل ضور وجهو لقاها واقفة كيف خبرها العساس خرجت كتجري ...واقفة ودايرة ايديها تحت ذقنها جامعاهم وكتشوف فيه بعينيها مغرغرين...وصل لعندها وتحنى باس ليها ايدها ...
فداء : ولدي فرحتيني ملي اتاصلتي بيا باش تجي ...
ريان : احم ياك ماشي مشكيل علمتك بزربة ...
فداء : قبطت ليه فايدو ...قلت ليك ديك المرة وقت الي بغيتي فليل لفجر صباح بكري فاي وقت جي اوقاتي كلها ليك اولدي ...تفضل مرحبا بيك فداركم اولدي ...
ريان : ابتاسم ليها ...شكرا ...دخلت ابتاسمتها على وجهها لفرحة الي كانت مفتاقدة نصها رجعات ليها ...دخلت لصالون ودخل حتى هو ...
فداء : نتغذاو دابا ...
ريان : انا عيطت ليك باش نهضر معاك ...
فداء : ايه اولدي تفضل ...
ريان : من بعد صمت طويييييل ...احم انا من بعد تفكير طويل فهاد شهور ومن بعد شحال مغاديش نكدب عليك ونقوليك انا استوعبت وتقبلت دغيا ...انا فكرت بزاف نتي معندك ذنب ولكن هاد الفترة الي كنت محروم منك فيها ومحروم من اخ كنت مفكر انه مات والي كان هو حياتي صدق عايش وشكون واحد كنت انا وياه اعداء ....
فداء : كتسمع ليه ...
ريان : انا جيت باش نقوليك صبري معايا والى انفاعلت وقلت ليك سي هضرة غاضرك متقلقيش مني حيث مسالة انني نتقبلك بسهولة كان شيئا لم يكون شوي صعيبة خلي زمان والايام او الوقت هما الي يحددو مسار هاد العلاقة وباش نهنيك مغاديش نكرك ونقول لناس ماشي الام ديالي ...بغيتك تبقاي تزورينا ديما وتبقاي تسولي والي خصاتك عيطي ليا والي ضراتك قوليها ليا وخا نتعصب صبري معايا ...داري مفتوحة ليك فاي وقت ...
مراتي غادي تستقبلك كا حماتها ثانية والاصلية وولدي غادي يعرفك على انك جداه والى تجي ديما ويوميا غادي نكون متاكد ان علاقتنا غادي تقاد مزيان وميبقاوش درك شحنات وديك بعد المسافة واضطراب فالعلاقة ..."حط ايدو على ايدها وشاف فيها يعينيه زرقين " الي خاصتك حاولي تجي عندي انا لول والى تازمتي لجئي ليا انا لول بهاكا غادي نتعوض ونحس براسي ولدك فعلا كنضن راك فهمتيني وانا جيت بنفسي باش نقولها ليك ...
من هنا لقدام فاش تجي عندي غادي نقدمك لناس على اساس نتي الام ديالي الي والداني ونتمنى متخدلينيش وتخلاي عليا ثاني حيث عمري مغادي نسمح ليك ...
فداء ؛ دموعها دايزين ..لا لا اولدي عمري نعاودها عمري اهى الله يرضي عليك كيف ما فرحتيني عمر ربي مايخيبك الله يفرحك اولدي قبطات ايدو باش تبوسها قلبها بزربة وباسها ليها هو ...
ريان : ابتاسم ...نتمنى نتمنى ..😊

من بعد مدة طوييييلة وهو غايب على البلاد الي شهد فيها كاع الاحداث الساخنة والقاسية وحتى الجميلة منها هاهو كيحط رجليه فيها من بعد ما وصل من المطار لقا فاستقبالو شيفور الي عيط ليه ولقاه واقف كيتسناه وفالوقت ...شافو وهو يتم جاي كيجري باش ياخذ عليه لفاليز صغيرة الي جارها فايدو ...
غسان : جيتي فالوقت ...
الشيفور : جيت قبل اسي غسان باش منتعطلش عليك وكنت مسخر لمدام فداء استغليت الفرصة باش متحسش كيف وصيتيني باش متعرفش راك جاي ...
غسان : معندي منتسالك ...ركب فطوموبيل وكسيرا نيشان لفيلا بسيدي بوزيد ....
كانت هي فالجردة كالسة مع ماسيليا كتهضر هي وياها ...
ماسيليا : انا عندي خويا كبير ؟ 
فداء : ايييه ابنتي خوك كبير كوميسير تبارك الله وزوين فحالك ابنتي ...
ماسيليا : علاش مكانش كيجي عندنا ...
فداء : حكاية طويلة احبيبتي من بعد ونحكيها ليك حتى يجي وغادي تعرفي عليه زوين بزاف ابنتي وفحال غسان خوك ...
ماسيليا : غساان مغايبقاش يجي توحشتو ...
يلاه بغات تهضر فداء حتى سمعت صوت الي ليه مدة مسمعاتو ....حتى هو توحشك احبيبتي ...
ماسيليا : ضورت وجهها وهو يبان ليها واقف وحال دراعو ...غ غساااان خووويااا ...مشات كتجرييييي تلاحت عليه عنقاتوو بجهد وحتى هو مكانش من العاگزين ...حبيبة خوها ...عنكش ليها منخرها ...كبرتي اا ...
فداء : غسااان ...مشا لعندها عنقها وقبل راسها ...الوليدة ...
فداء : مفاجئة زوينة هادي …
كلسو فجردة ...
غسان : اااه رحلة طويييلة ...
فداء : الحمد لله على سلامتك اولدي ...
غسان : الله يسلمك ...كاين شي عشا بعدا ..
فداء : دابا نوجدوه اولدي شنو حب خاطرك ...
غسان : حب خاطرييي بزااف الوليدة مهم اي شهيوة من ايديك عسل ...
فداء : الله اولدي عينيا نعطيهم ليك ...طلع دوش وارتاح بينما نحطو يوجد ونوصي عليه البنات يقابلوه ...ونوصيهم قبل يوجدو ليك دوش ...
غسان : لا بلاش ياك بيتي باقي هو هو ..
فداء : كل نهار كينضفوه اولدي ويحلو ليه شراجم بتهوى غادي تلقاه كيما هو ....
غسان : ايوى صافي ...ابتاسم ليها وناض طلع لبيتو دخل ليه ودخل لدوش ديريكت طلق رشاشة وحيد حوايجو كلهم دخل تحت منها حتى هبط عليه الما سخون حس بعضامو كيرتااحو ويرجعو لبلايصهم ...دوش مزيان وحيد عليه تعب اليفر والهم وخرج لاوي عليه فوطة ...دخل 
لدريسينغ بدل حوايجو ...لبس قبية فالگري مكتوبة بالاسود نايك وسروالها تاهو نفس لون ونفس الكتبة لبس تقاشر ومشا لمراية رجع شعرو لور ورش ديودرنت وقاد حالتو ...ضرب ضورة ومشا هز الفون اول شي دوز ليها الخط فساعتها جاوباتو ...
غسان : اووووو عالقرص سبحان الله ...
جلنار : وصلتي ...
غسان : وصلت انا فالدار ...اشنو درتي ...
جلنار : في اش 
غسان : فالعروض باش تجي فحالك المغرب ...
جلنار : اويييلي عاد صباح مشيتي كيدرت لهاد العروض ...
غسان : وخا وطلقينا ورجعي فحالك مبقا عندك ميدار تما وانا مكاينش 
جلنار ؛ وقبل متجي لالمانيا مكنتيش يعني متعودة وحدي ...
غسان : ولكن دابا انا كاين ...تعلمي ديري بحسابك انا معاك فالشادة والفادة ازين تعلمي تعلمي ولا نعلمك والى علمتك انا مانتي فخير ...يلاه تهلاي فراسك…
شن طن هاد غسان ههههههه

حط الفون ومشا لبس بانطوفتو وحل الباب وخرج هبط لتحت لقا ماسيليا كالسة كتراجع فلابتوب ديالها كلس حداها عنكش ليها شعرها وضحك معاها ...
غسان : الوليدة باقا فالكوزينة ؟ 
ماسيليا : اه ...
غسان : الى جات قولي ليها تلحق عليا لجردة ...
جاوباتو براسها ...ابتاسم ليها وناض يلاه ضرب ضورة باش يمشي لجردة حتى سمع صوت واحد شخص الي سنيييين مسمع صوتو بهاد طريقة ...
محمد : ولدي غسان على سلامتك ...
غسان : سمعو وهو يطلقها بتخنزيرة تاع القتيلة ضار ضورة كيشوف فيه شوفات القرطاااس والعافية ...
محمد : احم ولدي انا تسنيتك بفارغ الصبر حتى تولي لباس اخبارك كلها كناخذها من فداء ختي 
غسان : اخر شخص يقول ختي 
محمد : حذر راسو ...عارف اولدي ...تسنيتك باش نهضر معاك عارف انا هو الشخص الخايب فهاد القصة كلها من بعد باك علوان ويمكن انا كثر منو ولكن اولدي كتجي ضروف والوقت الي كتخلينا نعيدو حساباتنا ....ومدامك عرفتي الحقيقة شكون نتا وولد من غادي نقوليك السبب الوحيد الي خلاني دخل فالخط فداك الوقت ديال سندس ....
غسان / حرمتيني من ولدي الي مشافش دنيا ...تاقيت فيك وجه الله وحيث نتا اخ الوليدة مغادي نقول خالي حيث متستاهلش اما كون قتلتك ومندمش ...
محمد : من حقك وقلتها وعاودتها اي تصرف لا نتا لا غيرك درتوه مغاديش نلومكم انا بغيت غير المسامحة فقط وبنادم فطبعو خطاء ماشي ملاك ...بغيت غير تعرف حاجة وحدة والسبب الي خلاني تصرف هذاك تصرف هو اولدي لو مدخلتش ورجعت على قبلك كان غادي يقتلك معمر علوان شاف فيك 
الولد الي رباه ديما كان كيشوف فيك عدوه الي قتلو اي كيشوف باك الحقيقي اولدي وانا تدخلت مبغيتوش يقتلك كان كيبين ليك الوجه لمزيان والحقيقي كنشوفو انا وختك الي تكرفصت وكرفصتها معايا ...انا تسامحت مع ولدي المهم عندي ...وتسامحت مع فداء وكاع الي اذيتهم بغيتك
تسمح ليا باش نقدر نمشي وانا مرتاح ...انا غادي نسافر لدولة فين كنت شحال هادي والى ربي كتاب ليا غانرجع نشوف ولدي ونتجمع بيه من جديد المهم هو سمح ليا ولله الحمد ....سمح ليا اغسان انا مدرت هذاكشي غير خوفا عليك لا يقتلك هادشي الي كاين ....
غسان : صعيب نسمح ليك نتا دخلتي حتى ماتت انا مهمنيش هي حيث هي كانت سباب كانت غادي تفرق عليا خافت ومدافعتش عليا وتابرت باش تبقى معايا .....
محمد : قلت ليك اشنو كاين والى على المسامحة غادي نبقى نتسناها منك فاي وقت ...الله يسر ليك اولدي ...طيارة عندي بعد غذا ...الوقت الي ارتاحيتي وتنفستي من جيهتي بابي مفتوح ليك ...
غسان : مع الوقت مع الوقت والمسامحة صعيبة بالنسبة ليا ولكن الي دزت منو غايخليني نقوليك ...الله يسامح ...

رجع من عند الام ديالو من سيدي بوزيد وتوجه لخدمة تسالم مع زملاء ديالو وشاف والي تما ...ورجع كانت وصلت العشية عيط ليها ...
ريان .: نجي نجيبك بب ؟
غرام : واحد ساعة بب...
ريان : واخا حبيبتي ساعة ونكون عندك ...ضور لفولون وضور طوموبيل وخذا الوجهة لعندها كانت فعلا ساعة كافياه باش يوصل لعندها وداكشي الي كان ساعة حتى كان قدام باب العمارة صونا ليها وهبطت لعندو ...
ريان : ياكما عييتي ..
غرام : نوو معييتش داز نهار زوين اليوم مخليت ماخذيت كاع الي غايخصني واستغليت الفرصة خديت شي لعيبات ديال زيادة ...
ريان : داكشي ياك تافقنا ناخذوه بزوج او لا ...
غرام : ااه ولكن غير شفت هادو وعجبوني ...
ريان : ههه مصبرتيش الالة بصحتك حتى نخصص واحد نهار ونخرج معاك نتقداو شنو خاصنا ونوصيو انا وياك على الاتات ديال البيت ديالو ...
غرام : همم اوكااي تا هذا نضر ...
ريان : بقج ليها حنكها حتى خرجو شفايفها وجرهم بفمو ...يخليلي ضحيكة حبيبتي انا ...باس ليها راسها وضار تقاد مع طريق وكسيرا نيشان لفيلا ...
وصلو ودخلو لقاو الحاجة والحاج كالسين ...سلمو عليهم واستاذنت منهم غرام باش طلع لبيت...
غرام : غادي طلع 
ريان : تت غير سيري شوي ونطلع نبدل حوايجي ونهبط نتعشاو ...غير خلي هادو انا غادي نطلعهم ...
غرام : اووكاي ...طلعت هي وهو ضار ومشا كلس حدا واليديه ...
ريان : احم الحاجة ...وصيت على داكشي من عند صاحبي عبد الصمد قاليا سيمانة جايا يكون واجد منقدرش ندوز عندو حيث عندي الخدمة غانبدا سيمانة جايا تقدري تكلفي نتي ؟
الحاجة : اييه ولكن فاش غانبغي نخرج غرام غاتبقى تخرج معايا يعني مكاين كيف نديراولدي ...
الحاج / واش وصيتي عبد الصمد انا نجيبو من عندو غير تهنى اولدي ...
ريان : الهلا يخطيك علينا الحاج هههه صافي وعليه ...
الحاج : ضروري واحد الصدقة اولدي 
ريان : ضروري رجال غايكونو باليل غادي تعيط لطلبة والعيلات فالعشا الي غايكون الغذ ليه غادي تكون شي حاجة خفيفة ...
الحاج : كون هاني غادي نهضر مع باها باش نوصيو شي رجال وشي فقهة غادين يجيو من تما لتما يحن الله اولدي ...
الحاجة : ولكن الحاج مسولتش علاء واش يبغي يدوز العقد مع داك النهار ...
ريان : اجي شفتو تعطل ...هز الفون ودوز ليه ...افينك اوجه الحبس ...
علاء : هاني عاد بلاصيت طوموبيل وداخل اش بغيتي اوجه دحش توحشتيني ...
ريان : بزاااف اعمري ...
علاء : حتى انا الحمير ديالي ...
ريان : تادخل ابلكيدار ونوريك حمير دخل دغيا بغينا نهضرو معاك قبل متهبط غرام ...
علاء : هاني وصلت عند راسك ...لقاو عند الباب ديال صالون داخل ...اش كاين تم ؟ 
الحاجة : دوزي ابنيتي دوزي اكبيدتي ...
علاء : شام ريحة شي حاجة داخل فيها انا ولابد من موافقتي اش تم الحاجة ...كلس حداهم ...
الحاجة : كي شتي ابنيتي الحبيبة قريب مرات خوك توصل لشهورة لاخرة دابا ولله الحمد را بغات تخرج من الوحم مبقاش ليها بزاف ...
علاء : عاااار الله يعني غانبقى نعس بحاااطري ميخرج لحبي العقل يااااك ...
ريان : ايييييه غادي تهنى ...
علاء : على هاد الخبار اندير حفلة انا ...
الحاج غا تيضحك ....
الحاجة : اهااا شتي را بغينا نديرو الحفلة ولكن حتى توصل لسبع شهور اولدي ...
علاء : ايوى صافي احبيبتي ديروها غير هو علاش من صباح ونتي مرجعاني بنتك فاش تديري ليا هاكا تنعرفك باغا دوزي لشي حاجة ابشري...
الحاجة : مبقا ميتخبا اولدي غادي نديرو لعقد مع حنة السابع ديال غرام ...
علاء : غانتهنى من غرام غادي تلصقني حتى فحنة سابع ؟ علاش زعما هاد زهر المكوز عندي ااا ؟ علاش انا علاش ...دار راسو بين ايديه ...حسبي الله ونعم الوكيل ...

اصبح يوم جديد حلت عينيها وسط من دراعو ....كتحل وتغمض تحل وتغمض حتى فاقت مزيان هزتهم فيه كدقق ليه فملامح ديالو ملامح الشخص الي اسر قلبها وعشقاتو رغم الضروف...هزت ايدها وحطتها على حنكو كتلمس فيه وطلعت بصبعها لعينو كتلمس فشفارو هبطت لفمو الي حالو شوي ....قبل متهبط بفمها وتبوسو فحناكو حتى حست براسها لتحت وهو فوق منها عينيه مغمضين ...
غرام : ناااري خلعتيني اصحبي ...
ريان : هههه سمح ليا اسمحمد ...خشا وجهو فعنقها ...اممم توحشتك توحشتك بزاااف ...هبط باس ليها كريشتها الي بارزة كانت فشهر السابع تمااما ...اووو البطل كيكبر ....
غرام : اففف كنعيا بزاااف وخاصة هاد اليومين ...
ريان : بخوف ...شنو معييك احبيبة باش كتحسي ...
غرام : كطلع نفس بصعوبة شوي ...امم كنحس مرة مرة بوجيعات خفااف ...
ريان : نديك لطبيبة ديالك من امتا هادشي ...
غرام : غير هاد اليومين كيف قلت ليك ...ولكن عيطت ليها البارح قالت ليا شيء عادي ...
ريان : تت واخا احبيبتي وردي البال لراسك ...
غرام : اهننن توحشتك ( كتحس برغبة شديييدة اتجاهو ) 
ريان : وااايلي متاكدة هههه البارح عييتي مخليتيني حتى نكمل الماتش لاخر بخاطري ...
غرام : ماشي لخاطري ...
ريان : من كترت ما توحشتك هاد الشهر الي عفا عليا الله فيه وكون ماديك طبيبة بنت ناس بقيت فيها وحكيت ليها فالخاطر كنتي غادي تحرميني حتى من بعد الولادة بشحااال ...عيب عيب ...
غرام : ههههههه ...جراتو من عنقو وتلاحت ليه على شفايفو كتجر فيهم وتقول ماجريت حتى بدا كيسخن ومع كانو عريانين ملقاش مشكيل مع داك صباح دغيا ....
غرام : اااه قصحتيييني ااااي ...
ريان : جبدتيني كنت هاني كون نصنا دوشنا وتوضينا كون راكي لباس ودابا سكتي خليني نخدم ...
غرام : اووووو ص صااافي ههههه اوو. ...مطلقها حتى كمل على خاطر خاطرو عاد طلقها ....حس بيها عيانة شوية وهو يهزها بين دراعو ودخلها لدوش دوشو وتوضاو وخرجت هي اللولة لبست حوايجها ....نشفت شعرها وذهنت وجهها بكريم نهاري مرطب رشت بارفانها ...كانت 
لابسة بيجامة صيفية فالگرونة واسعة شوي عليها ولبست بانطوفة وخا سخون الحال ديما كتلبسها ...هزت الفون وهي تهبط كانت ساعة تمينة ونصف ...لقاتهم كالسين على طاولة الفطور كيفطرو ....
غرام : صبااح الخييير ...
الحاجة : صباح نور بنتي كلسي تفطري ...
غرام : وااخا عفاك بغيت حليب ...
الحاجة : هي لولة ابنتي ...بدات كتكب ليها وهو يتسمع صوت لانتيرفون مشات الخدامة تحل ...كان حتى علاء مزال ممشاش لخدمة ...
الحاج : ولدي مغاديش لخدمة ...
علاء : لا غادي الوليد كنتسنى غير فريان يهبط ...
مزال كيهضرو حتى سمعو صوت واحد الشخص ....
السلام عليكم ...
علاء غمض عينيه مبغاااااش يسمع مبغاااش مبغهااااش تكون هي ابدا ...ولكن للاسف كانت هي ....هز راسو وشاف فيها بعينيه مخنزريييين ...
اما غرام خلاص....
ريان : اش جيتي ديري هنا ...
نور : "عينيها مغرغرين شافت فيهم " رياان ...

مكانوش متوقعين انها غادي ترجع بكل هاد الوقاحة جات حتى لقلب دارهم ولكن ديما مخاصناااش نسبقو العيب حتى نعرفو السبب ...بقا ريان وغرام وعلاء مخنزرييين فيها هاد الثلاثة ...حتى نقز الحاج باش يعتق الموقف ...
الحاج : بنتي نور امتا جيتي ...
نور : با الحاج ...مشات كتجري باستو وباست ليه ايدو وحتى الحاجة كذلك سلمت عليها ومشات وقفت وتقابلت معاهم ...
نور : انا جيت باش نشوفكم وجيت خصيييصا باش نقوليك اريان سمح ليا بزاااف ترددت شحال من مرة باش نجي ومقدرتش ...حيث ضميري انبني وبزااااف مقدرتش نسامح راسي الشخص الي رباني وكبرني وتهلى فيا ميمكنش ليا "شافت فغرام " ميمكنش ليا نبغي بابا يمكن حيث تعلقت فيه بزاف وشفت جل اهتمامو الي كان ليا تحول ليك يمكن غرت او مرضيتش وشديت معاك ضد ...
علاء : هادشي كان عليك تعرفيه وياما حدرتك بطريقة غير مباشرة باش تفهمي راسك ولكن نتي تبعتي شيطانك وغواك حتى خسرتي الشخص الي كان دايرك كتر من بنتو ...
نور : حدرت راسها ...عندك الحق ...شافت فريان نيشان ...انا عرفت معنى الحب مع شخص اخور لقيتو فعز محنتي وياسي قدر يخرجني من هاد الدوامة الي صنعت بنفسي وراني الحياة كيفاش كتكون مع الشخص الي غايكون من نصيبك وهو كان من نصيبي كنت بغيتك تحضر لزواجي كيف كنتي كتقوليا غانوصيه عليك ولكن مكتابش ومغاديش
لومك حيث انا الي جريت راسي لهاد المواصل ...غرام ...هزت فيها عينيها ...سمحي ليا بزااف ونتا اريان كنتمنى تنسا داكشي الي وقع وتسمح ليا بزاف ...وسمحي ليا على ديك صورة ريان مكانش فخبارو وهو كان فنيتو غير يساعدني حيث بنتو او ختو وانا استغليتها ...بغيتو تسمحو ليا سمحو مبغيتوش نتمنى من الايام هي الي تخليكم تنساو شنو درت ....الحاج الحاجة انا سكنت هنا فكازا نيت عاد جاني قرار الانتقال غير هاد سيمانة وجيت ليوم لهنا ...مرحبا بيكم فاي وقت فداري وطبعا الترحيب شامل كلشي
يلاه بغات ضور حتى وقفها ...
ريان : تسناي ...شاف فغرام الي غمضت ليه عينيها ...مشا حتى لعندها ...احم مبروك عليك والله يكمل بيخير ...
نور : الله يبارك فيك ...
علاء : من بعيد ...مبروك اللفتة البيضة ...
نور : ههههههه الله يبارك فيك ...
ريان : نتي وراجلك مرحب بيكم فاي وقت والى لقيتي شي وقيتة جيبيه باش نتعرفو على هاد الكيدار ...ياك اعلاء ...
علاء : دوزيه ليا نملخ مو طالع ليا دم طالع نبرد فحبو غدايدي ...
نور : تفرق ليا على زماني ...
علاء : امم غانتي والكلبة الي تزوجتو تف سيري سيري ....ابتاسمت ليهم وهي تستاذن منهم شافت فغرام الي ابتاسمت ليها ...الله يفكك على خير ...
غرام : امييين ...سلمت عليهم وهي تخرج ومشات فحالها ....
اما علاء وريان استاذنو ومشاو لخدمتهم بقات غير غرام والحاجة اما الحاج حتى هو خرج كيف العادة ...
الحاجة : بنتي باقي فيك الوجع ...
غرام : شوي …ليوم لا مفياش ...
الحاجة : عادي ابنتي …المهم نوضي وعيطي لالة نسرين وجوديا ومها باش نمشيو صباح الحمام الي كرينا ...
غرام : وااخا …

تحت ضغوطات الحياة نجد انفسنا تحت تاثيرها بشكل كبييييير كااع الي كيدوز علينا كيعلمنا معنى الصبر ومعنى اننا نتعلمو من الاخطاء ديالنا ومنطيحوش فنفس الاخطاء...ومعنى الايام الى دازت فعلا هي الي كتعالج والى تصرينا على حل نفس المشكيل معمرو يتحل فلذلك لازم ولابد من الصبر وانتظار الايام هي الي تهدي نفوس وتصلح الوقت ومن قال ان واحد زوج الاشخاص الي كانو اعداء هاهما اليوم بيناتهم هدنة ولا وهما خوت وشقاق ....
كانت مرت اشهر قليلة ...
.من بعد ما وصل صف السيارة قدام البحر ترجل منها كان داير نضارات شمسية حيث الحال سخون وشمس ساطعة ...ضار هنا وهنا حتى قشعو واقف لابس تيشرت فالاسود وسروال دجين فالبلومارين ...ناض ليه شعر من جديد ولكن هاد المرة بكثافة اكثر كان مطلعو لفوق ...طلع ما بين صخر كينقز هادي وهادي الي حتى وصل لعندو بلا ميعيط ليه حس بيه وضار لعندو ....
ريان : واقف فهاد شمس مخفتيش على راسك مزال متعديتيش فترة نقاهة بشكل كامل ...
غسان : توحشت الشمس بغيت باش يدخل ليا لفيتامين D يرجعو عضامي صحاح ...
ريان : ضحك ضحكة خفيفة ...وعلاش مثلا ...
غسان : شرع ايديه وضور وجهو …باش نسلخك مثلا ...ابتاسم ليه ...
ريان : مغاديش تقد عليا ...
غسان : ومغاديش تقد عليا ...
ريان : يعني متعادلين ...
غسان : ربما وربما لا يقدر غلبتيني ويقدر غلبتك المهم الحياة كانت منصفة معانا المهم ان كل واحد فينا خذا نصيبو من العذاب وخذا نصيبو من العقاب وكل خدا شنو بغا ...
ريان : يا غالب يا مغلوب فكل واحد منا اخذ نصيبه والي مكتاب ليه ...
غسان : ههه فعلا ...
ريان : هاني جيت حتى لعندك ..
غسان : تقابلنا ... ...ريان يمكن غادي تصدم ويمكن مغاتوقعهاش او غاتوقعها بطريقة اخرى ولكن مغانكدبش عليك من نهار دخلتي لحياة الوليدة وهي انسانة اخرى ديما ناشطة وديما كضحك وجهها نور اكثر مغادي نكدب عليك جاتني الغيرة يمكن حيث
كان محور اهتمامها غير عليا انا او ماسيليا ولكن كنت واخد الاهتمام بزاف ولكن شحال من مرة كان كيبان عليها الحزن وهذاكشي علاش مكنتش كنبغي الي يقلقها ....
ريان : حياتها مكانتش فحال حياتي عانيت وقاصيت بزااف ماشي حيث تحرمت منها ولكن حيث فقدت واحد الشخص كان هو ونيسي فداك الميتم كنت كنحس براسي ماشي يتيم حيث هو كان معايا كنت كنشوف فيه عينيا كان شيء مقدس بالنسبة ليا غسان ....
غسان : حك فراسو بهبل ههه دابا هاد الشخص المقدس عندك الي كتحكي عليه بهاد طريقة راه هو انا !! 
ريان : حدر راسو وهز دراعو باستسلام ...ههه مع الاسف هذا مكتابي عينيا ونور ديالهم هو نتا ...
غسان : نتخطاو المشاكل ونساو الي فات كل خذا نصيبو وكل عاش ضروف قاصحة علماتو ...
ريان : صفحة جديدة !! 
غسان : صفحة جديدة ا احم نااري خاصني نقولها انا ؟
ريان : جاتك ثقيلة اصحبي ...قولها وطلق راسك غاتبقى راسك مقصحو ديما ؟ 
غسان : واخا صفحة جديدة اخويا ...
ريان : الاااطيف ...مد ليه ايدو وجرو تعانقو وضربو على كتافهم بجهد كان منضر ديالهم رااائع مكاين ما احسن من الواحد ديما يتسامح وينسا اغلاط لاخور والى بقينا محكرين على نتا الي درتي نتي 
الي درتي مغاديش يتحل المشكيل ديما دوزيها باش معطا الله غادي دوز الايام وكل غايفيق على شنو دار وغادي يراجع اغلاطو ويعرف صح من الغلط لااا داعي انك تحكر على نفس الحاجة ...

ناضت غرام دارت داكشي الي قالت ليها الحاجة ...حست بوجيعات خفاف فكرشها حتى غمضت عينيها وكلست لارض حتى تنفس ...بقات شحال حتى تنفست وهي تنوض كملت شنو كتوجد ....
داز نهار تاني طويييل بين توجاد والمقدية ومن هنا وهنا ....عيطت حتى لفداء حتى هي باش تمشي لحمام كان اجتماع عائلي بامتياز وريان كل ساعة يعيط ليها ياكما فيها الوجع ثاني رغم انه السابع ....حتى وصل ليل وكل رجع فحال ...
………
يوم جديد هو اليوم الموعود عند علاء وهو عقد القيران ...كان الكل مضغوط وعلى اعصابو وجري .....
كانت جوديا فالغرفة هي وغرام ...من بعد ما كملت ليها الكوافورة ولبست ...قفطان فالبيج مرصع بالاحجار فالذهبي والمارون ومشيطة خفيفة فشعرها اما المكياج فكان سموكي برز لون عينيها الخضرين ...وغرام بقفطان سامبل فالازرق ملكي مرصع بالاحجار خفيفة فالفضي والازرق ...طالقة شعرها بوكلي ...صايبت ليها حتى هي الكوافورة مكياج سموكي وغوج اليفغ فالغوز ...واقفة كتقاد وترش فبارفانها وكدير اخر لمسات ....
غرام : علاش صايبت ليا الكوافورة ياك حتى لغذا عاد كاين العيالات واصلا مكاين لاش غير عشا خفيف ...
جوديا : هههه العشا لخفيف راه اليوم ابنتي جمعو رجال فجيه والعيالات فجيه مكتسمعيش طلبة ...
غرام : مفهمتش ...
جوديا : شوي وغاتفهمي المهم زاحمتيني اختشي فالعقد ديالي وزاحمتيني فالوحم مع راجلي هذا الله ...صافي غا سكتي دابا تفهمي ...شوي دق الباب وهو يدخل ريان ...
غرام : رياان ...
ريان : ختي جوديا قالو ليك غير خرجي راه العدول جا تكلمي لباك ...
جوديا : ههه واخا ...خرجت جوديا وهو يضور جيهة غرام طلعها وهبطها ...اححح على زين تاني ...علاش لابسة طالون...
غرام : راه لابسة قفطان وهو طويل عليا ...
ريان : هههه قلت ليك ملي كان طول كيتفرق فين كنتي نتي ...حط ايدو على كرشها ...باقي فيك الوجع ؟ 
غرام : تت دابا لا ...جرها عنقها بجهد وباس ليها عنقها ...كنبغيييك اعمري ...
غرام : اناا اكثر حبيبي ...نخرجو ؟ ...
ريان : قبط ليها فايدها …يلاه ...شدات ليه فايدو وشابكو صباعهم وخرجو من البيت غادي معاها دقة دقة وهي مرة مرة كتغمض عينيها ومباغاش تحسسو بشي حاجة ....وصل بيها حتى لصالة وهو يوقف ....ضورت راسها لقات كلشي واقف ...صالة مزينة وفوسط منها البرزة مقادة فاللون الاخضر وحداها نقاشة ...
ريان : حبيبة دخلي را الحاجة تما وحتى ال "مقالها غا بزز " الوليدة تاهي "على فداء " ضارت مفهمت والو ابتاسم ليها وخلاها ومشا جيهة رجال حتى تسمع صوت زغاريت ونكافات جايات جيهتها كيصليو عالنبي ..عاد عرفت بالي البرزة ديالها ....
غرام : مااايمكنش ههههه ...
جوديا : غادي تنقشي وحدك اليوم ...
غرام : والعقد ؟ 
جوديا : شوية وغايعيطو ليا باش نسني ...انجوووي بايبي ...
بدات كضحك ...مشات مع نكافات حتى لبرزة وكلست تقادت وهي تبدا نقاشة كتنقش ليها طلبت منها تعمر ليها ايديها ورجليها وداكشي الي كان ....شوية عيطو لجوديا الي حتى هي خداوها نكافات غطاو ليها راسها بزيف ديال اورگانزا وداوها لبيت فيه غير العدول وباها وريان والحاج وعلاء ...يلاه غاتكلس حتى ...
غسان : سمحو ليا تعطلت ...
علاء : الى ماتعطلتي مغاتسماش جوكر ميمكنش ضروري من شي لعبة ...
غسان : كنت فالمطار استقبلت دكتورة ...
ريان : صافي جات بمرة ...
غسان : صافي بمرة وقريب تحضرو لعرس ...
ريان : بابتسامة ...ربت ليه على كتفو ...مبروك عليك ...
غسان : الله يبارك فيك ...علاء مبروك ...
علاء : الله يبارك فيك ...
بدا العدول المراسم ديال عقد القيران ....فهاد الاثناء كانت غرام كالسك كتنقش بفرحة على عينيها ...كملت ليها نقاشة ...تسنات حتى نشفت ليها شوي وهي تبدا تحيدها ليها ....
غرام : علااش ؟ 
نسرين : متخافيش غادي تنضار ليك هادي حنة العروس الي مدرتيش خاصها تحيد دغيا غادي تمسحها ليك بما زهر ...دغيا باش يجي ريان ...
غرام : علاش غايجي ...
الحاجة : بنتي باش تركبو الخواتم ولا مبغيتي ديري العادة الي مدرتيش خاصك خاتم زواج ابنتي وصا عليه ريان ذهايبي صاحبو وجدو ليه ...
غرام : اووه هههه ...زادتها فرحة على فرحة وحتى واعدوها تعاود تنقش مرة اخرى بالخاطر ...مسحت ليها وهي دخل جوديا بلغتهم بالي العقد تسنا ...تعالت زغاريت ...سالاو رجالة وعطاوهم يتعشاو هما وطلبة والعدول ...حتى مشاو عاد دخل ريان وعلاء ومعاهم غسان ....الي شافتو غرام من بعد مدة طويييييلة حتى رجعت بالور ...لو ما ريان الي شدها ....

شدها ريان وهي تهز فيه راسها ...شافت فيه غمزها بمعنى كلشي مزيان ...تقدم هو لناحيتها مد ليها ايدو ...
غسان : غرام مبروك عليك والله يفكك على خير ...
غرام : مم الله يبارك فيك ...ومبروك عليك حتى نتا ...
غسان : الله يبارك فيك ...ابتاسم ليها وهو يرجع حدا فداء شدت ليه فدراعو ...جابو الخواتم فبواطة كبيرة ...عطاتو ليه نگافة ...حلها وجبد منها زوج خواتم واحد عين وحاجب ديال ذهب الخالص مرصع بالاحجار ووسط منو قليب صغير مكتوب فيه سمياتهم بزوج ...عطاتو صباعها وخشاه فصبعها ...
غرام : واااعر هذا هو ...
ريان : هههه هو هذا الي شفتي وعجبك خبيت صورتو عندي ووصيت عليه وصاوب ليك فحالو ...عطاها خاتم ديالو هو ركباتو ليه تحت زغاريت ...كملو تركاب الخواتم وباركو ليهم الكل ...تحط العشا تعشاو ناس مجموعين ...كيف سالا كلشي بارك ليهم وكل تيسر في حالاتو ...بقاو غير هما العائلة ...
غرام : ريان بغيت نطلع لفوق عييت ...شادة فكرشها ...
ريان : بخوف مالك ...
غرام : مقدرتش بغيت نعس ...
ريان : وخا يلاه نطلع معاك ...شد ليها فايدها وهي تشد ليه فدراعو بليد لاخرا وهي طلقها بغوتة حتى صمكت كاع الي كالسين تما ...
ريان : ماااالك ؟؟؟؟ غرااام ...
فداء : انتابهت لتحتها مع القفطان زرق لقاتو عمر بشي حاجة نازلة ...غراام بنتي واقيلة سقية طرطقت ...
ريان : لا لا عاد سابع لااا غراام عفاك شدي فراسك ماشي دابا ...
غرام : اااااااااااااااا مبقيتش قدرت وجع وجاااااااع اربييييي اهى اهى ....ماااااااااااااامااا ...
ريان فشلو ليه رجلين مبقاش قدر يشدها غير علاء وغسان الي تدخلو جروه وغسان مشا لغرام ...خاصنا نديوها لكلينيك ....ريااان صاحبي توكض ماشي وقت سخفة ....
جوديا : علاء هزها نديوها لسبيطار ...
الحاجة ؛ السقية طرطقت ...ولدي طير بيها هاحنا غانمشيو كلنا ...تت لا حول الله ياربي بانت على وجهها وكتقول غير العيا ....
ريان بقا مصدوم معرف باش تبلى ...تقابل معاه علاء ...ريااان توكض اصحبي يلاه نمشيو ...جرو مشا كيطير داوها لكلينيك غادين بيها كتغوت لربي الي خلقها حتى وصلو ودخلو مجموعين كلشي غادي داخل بتكاشطو ....شافوها كتغوت بلغوهم بحالتها وهما يطيرو بيها لاصال داكوشمون عيطو لطبيبة خاصة بالنساءالي دخلت لعندها .....
بقاو كيمشيو ويجيو يمشيو ويجيو حتو بغا يجهل ريان ...غسان عيط لجلنار الي لحقت عليهم وخا كانت عاد واصلة من المانيا ...حتى دخلت ...
جلنار : غسان ...
مشا ليها غسان ... اش وقع ليها ...
غسان : ماعرفتش يمكن غاتولد ...
جلنار ؛ تت مشات لعند ريان ...ريان متخافش سابع غايعيش انا بصفتي دكتورة كنقولها ليك ويمكن هو باغي يجي قبل الوقت باش يصدعك او لا مبغيتيهش ههه 
ريان : مغايوقع والو ياك ؟ 
جلنار : والو انا غادي نشوف وندخل لعندها غير تهنى ...مشات هي دخلت وبصفتها طبيبة خلاوها دخل ...اكثر من ساعتين وهما على اعصابهم ...كانو كلهم كيتسناو اما ريان خلاص بقا ليه غير شوي ويهرس عليهم كاع داك زمر الي تم ....
ريان : وااااش وااااش مغايقولينا تا شي حد شي زبلة واش اش واقع ...خراااااا 
علاء : تكالما اصحبي راه كتولد ماشي ساهلة ...
ريان : تكا راسو على الحايط كيخبط ...وااربي واااربي ...
بقاو شحال حتى خرجت جلنار كتجريي لعندهم شاف فيها ريان وهو يمشي عينيه مكيرمشوش ...
ريان : امضرا امضرااا ...
بات غرام : امضرا بنتي ...
جلنار : ريان تقدر دخل لعندها بغاتك ...
ريان : مالها ...
جلنار .: والو متخافش غير بغاتك تحضر معاها مع الاسف غادي تولد مقدروش يحبسو الوجع باش متولدش دابا حيث طرطقت سقية ومبقا ميدار دونك خاصها تولد دابا ...مشا كيجري دخل لعندها ...لقاها ناعسة وهازين ليها رجليها كتزحم ....لبسوه ...غير بان ليها وهي طلق لعنان لدموعها اكثر مدت ليه ايدها ....
ريان : حبيبتي ...قبط ليها ايدها ...
غرام : غانموووووووووت اهى اهى غانمووووت بزااااااف ياربي بزااااااااف ...
طبيبة : دفعي ابنتي عارنينا دغيا باش يوقعش مشكيل ...
ريان : حبيبة ديري شنو تعلمتي دفعي احبيبتي دفعي انا معاك فكري فولدنا عاونيه باش يخرج ...
غرام : عيييييييييت عييييييت ااااااامممممممممم اربيييييييييي اهى اهى واااااااااكواااك ...من قبيلة من قبيلة رااه بزاااف ...
طبيبة : غير هاد دفعة وغايخرج ابنتي غير هاد دفعة ...
غرام : امممممممم اربي ربي ربي ربي ربيييييييييييييي واااااااااااااااا. ....تعصرت حتى بغات تخرج روحها عاد ربي فك سراحها ...
طبيبة : هااهوواااا ههه على سلامتك ابنتي ...
ريان : علاش مكيبكيش ...
غرام : هزت راسها عينيها منفوخين وعروقاتها كتكب المكياج تجلخ ...م م مالو ...
طبيبة : متخافوش هاهو غايبكي ...شداتو من رجليه وقلباتو ضرباتو ضربات خفاف عاد غوت تسمعت غوتة صغيييييورة ...
ريان : ههههه على سلامتنا اسي ..."عينيه غرغرو " ضار جيهتها ...باس ليها راسها بوسة طويييييييلة قبل متغيب وتمشييييي...
ريان : مالها "بخوف " 
طبيبة : غير عيات خليها ناعسة شوي ويبدلو ليها وغادي تخرج لغرفة عادية ...والولد غادي يمشي لحاضنة حتى نفحصوه عاد نحددو ليه شحال غايبقى فيها ...

من بعد شي ساعة عاد خرج لعندهم لقاهم كيتسناو كلشي كان مجموع علاء جوديا الحاجة والحاج وبات غرام ومرات باها وفداء وغسان وجلنار....
بات غرام : امضرا اولدي ...
ريان : مشا ليه باس ليه راسو وضحك ...هههه ولدات ولد "بالفرحة " حيث مكانوش عارفين جنس المولود بغاوه يكون مفاجئة ...
اب غرام : اللهم لك الحمد ...
الحاج : صحتها مزيانة اولدي ...
ريان : شوي وغادي تمشي لغرفة عادية ولدات عادي ...
فداء : الحمد لله اولدي ...
غسان : على سلامتها ...
ريان : الله يسلمكم ...
كملو ليها ولبسوها وداوها لغرفة ناعسة مجايبة لدنيا خبار عيات تكابر فالوجع ولكن كان فوق طاقتها حتى استهلكت ما تبقى ليها من طاقة فالولادة ...طفل جا فغير الموعد ديالو وفنهار تركاب خواتم واليديه ...ولدات بخاتمها فايدها ...
حلت عينيها من بعد ليلة متعبة كان صبح الحال اطمانو عليها واليديها ومشاو باصرار من ريان والحاجة والحاج حتى هما مشاو ...حلت عينيها على لمسات زوجها الحبيب الي بقا معاها ليلة كلها عند راسها ...حيد الفيستة وبقا غير بقاميجة بيضة وسروال فصالة كحل …
ريان : صباح الخير ماما هامتارو ههه "باسها فشفايفها " 
غرام : هههه صباح نور ...واش ولدت ولا غير كتحلم ...
ريان : ههههه لا بصح كانت ليلة مشحونة ازين ...
غرام : بزاااف عييت نكابر فالوجع حيث قالت ليا طبيبة عادي ولكن مضنيتش غادي طرطق ليا السقية ...
ريان : مكتاب احبيبتي ...
غرام : فينهو ...
ريان : فالحضانة احبيبة ...تقدري تمشي تشوفيه ؟
غرام : همم نقدر ...عاونها حتى ناضت بشوي ومشات هي وياه حتى لعندو ...دخلوها لعندو لداخل كان صغيييييييور ....عويناتو مغمضين وكيلعب بفمو ملامح ديالو كانو مفرزين شوي ...لبسوها لبسة ومشات لعندو خشات ايديها ...كان ريان وراها معنقها كيشوف فيها شدات ليه فايدو صغيورة حتى شد ليها فصبعها ...
غرام : حبيبة دياالي ماما انا ...
ريان : ههههههه ماعرفتش ولكن خاصني نقولها ...
غرام : عرفتك اش بغيتي تقول جاك كيشبه لعلاء ...
ريان : عهههههههه حق الله الى دعانا يربح دعوة ويديه ...
غرام : ههههه يستاهل ...بقاو شحال وهما كيضحكو ويشوفو فيه حتى دخلت طبيبة وبلغتها باش ترضعو رضعة لولة ليه ....وداكشي الي 
دارت ....
......دازت شهرين بالتمام والكمال تحسنت صحة البيبي وسمحو ليهم باش ياخذوه حيث صحتو كانت مزيانة وكمل اشهر الي باقية ليه بصحة جيدة ...عطاوه ليها بين دراعها مغطي فكاشة زرقة ودايرين ليه طاقية فالشيبي ولباس فالشيبي ...لكن قبل هزو ريان حتى اذن ليه …
ريان : يلاه نمشيو را كيتسناو فالفيلا ...عاونها حتى خذاتو بين دراعها مزيان وخذا صاك ومشا هو وياها ركبو فالسيارة ...ركبت هي لور حداه الوليد فكرسيه الي شراه ليه خصيصا ...وركب هو ضار تاكد منهم وكسيرا نيشان لفيلا لقاهم كيتسناو فيهم غير دخلو وهما يبداو بزغاريت ...كانت جوديا واليدين غرام والحاج والحاجة وفداء وغسان وحتى جلنار .....
فداء : على سلاامتكم ...اري ليا الحبيب ديالي اريي ...
مداتو ليها ...كان ناااعس مجايب لدنيا خبار ...
علاء قرب لريان وهضر ...شفتيه شهيب فحالي ندعي مك ولا مندعيش ؟؟
ريان : غاا شوف معانا العشير ودير بوجه اليل ونهار الي كنبات خدام عليه وشفت الويل حتى خلق انا مزاااوك ...
علاء : ومنعرف لديلمك هاني قلتها ليك والله توحم تاني ونلقاها حدايا تنقتلكم بزوج ...
باركو ليهم تحت فرحة كبيييرة بقدوم اول حفيد لهاد العائلك والي مزال ماتختار ليه اسم ...
الحاج : ولدي خاص تسميه قبل مدبح راه وجدت البهيمة من الفيرما ...
ريان : غادي نعطي لواحد الشخص هو الي غايسميه وصراحة يستاهل ...شاف فغرام غمزاتو حيث عرفت شكون كيقصد ....

مشا جيهة علاء وحط ايديه على كتافو ....صبرتي معانا بزاااف اخويا وصاحبي كنتي معايا فالشادة والفادة كنتي كتعاوني وتحرس معايا باش نمشي "شاف فغسان " نشوف خويا نور الي كان مزال صغير بزاف ومريض ...
فداء : عينيها غرغرو ...
كنتي معايا فالمرض والازمة والمحنة عمري شكيت عليك وتضريتي من جيهتي عمرك مجرحتيني ولا وقفتي ضدي كنتي كتعايرني ونتا فصفي كنتي معايا فكل كبيرة وصغيرة ففرحي وحزني وحتى من مراتي درتي ليها خاطرها وصبرتي معاها ...كنتي نتا هو با ومي وكلشي فحياتي عمري مغادي نتفرق عليك ولا نسا خيرك اعشيري ديال بصح ....
علاء : عينيه غرغرو حتى هو ...حنا خوت الحمار خوووت ...
ريان : هذاكشي علاش بغيتك نتا تسمي هاد الولد الي نسخة منك مع الاسف ...
علاء : غزا فيك الله صباح ندفع لمحامي يرفع عليكم دعوة الحضانة ...
غرام : هههههههه تستاهل ...
ريان : تستاهل ...مشا خذا الولد من عند غرام وجابو ليه حطو ليه بين دراعو ....مكرهتش تعاود تاذن ليه وتسميه ....
علاء : هههه ايه علاش لا ...حدر راسو لودنين الولد واذن ليه ...الله اكبر الله اكبر ...حتى كمل الاذان ...اسمك اسمك هز عينيه فريان ورجع هضر فودن الولد ...اسمك ايهم ...
ريان : ايهم ...صاحبنا الي (شاف ففداء الي حدرت راسها وغسان الي تزير حتى هو ) الي كان حتى هو كيعاوني باش نمشي نشوفك اغسان ...ولكن شاءت الاقدار وودع حياتو وهو فعمر صغير ...لاداعي لتفاصيل ...الحاج قول لعزيز يوجد لبهيمة انا شوي ونجي ندبحها معاهم ....
ضار جيهة علاء مد ليه الولد من بعد ما باسو ...عطاه لفداء اما غرام ضارو بيها مها وجوديا والحاجة ....
اما ريان فشاف فغسان وغمزو ...جا هو وياه وقف هو حدا فداء من ليمن وغسان من ليسر ...جات وسطهم ...هزت فيهم عينيها مفهمت والو ....
ريان : غرام ...ناضت غرام وسط منهم هزت الفون ودارت الكاميرا ...شاف غسان فريان وهما يضورو باسو راس فداء وهي شادة الوليد بين درعها وهنا التاقطت ليهم صورة ...صورة الي كان
خاصها تلتاقط من زمااان لو كانت ضروفهم عادية ولكن شاءت الاقدار ووصل وقتها وكان هو هذا ...الام الي ضحات هاهي تجمعت بولادها الولاد الي عاناو وعاشو 
ضروف جد صعيبة وكانو فواحد الوقت اعداء هاهما تجمعو وربي كبير كيسامح شكون حنا فملك الله الي منسامحوش فالاخير كل واحد فيهم خذا نصيبو الي مكتاب ليه ...ريان الي كانت غرام من نصيبو رغم الضروف الي مرت بيها ...وغسان الي تعافر وتقاتل على غرام ضد خوه فالاخير الي كسبت قلبو هي البنت 
الي كافحت فحالو على قبل حبها وفالاخير كانت هي من نصيبو وهادشي علاش 
روعة رهان الغرام ان لا غالب ولا مغلوب فكلاهما سيفوز بقلب من يحب ويعشق ....ريان غمز غرام وغسان غمز جلنار ورسل ليها قبلة بعينين مليئين بالعشق الي حالف على ديلمو لا هو قال كنبغيك ههه ....
نهاية رهان الغرام ....والنهاية مفتوحة ومفرحة ....

الى اللقاء فقصة اخرى 😘😘😘

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.