خلاهم مشتين غالخلعة سالات معاهم عارفينو اش كيسوى عندو هيبة خااااصة بيه مجرد شوفة فيه كتخليهم يحسبو ليه الف حساب حيث معروف عليه عندو يا هكا يا بلاش تصرفات هبيلة مجنونة كراكتير خاص بيه ...
دخل مسافة شوي طويلة حتى وصل لبارك قدام دار بلاصة طوموبيل خلاها مديماريا وخلا فيها لكونطاكت وخرج منها وخلا لباب محلول وراه ....
دخل واول حاجة هي قلب على اميرتو عينيه وروح قلبو اختو صغيرة عندها 15 عام ولكن باقي يلاه كتعلم تهضر بحكم عاد دارت عملية زرع القوقعة ... باقي كتهضر بلغة الاشارات و معكلة بزاف فهضرتها ..قلب عليها حتى رمقها من بعيد كالسة جنب مو فجردة قدام لابيسين ...ابتاسم بفرحة ومشا قاصدهم ...
غسان : Reine de mon coeur et ma princesse ..
شافتو ختو وهي تنوض كتجري بالفرحة ولاباراي كتسني فودنها ....اساااااان "غسان حيث عاد كتعلم تنطق " خ خ خوووي...حل ذراعو على مصراعيهما ...تلاحت عليه هزها لعندو كيعنق ويستنشق ريحتها ريحة مدللته ....اممم ماسيليا قلبي ...عنكش ليها شعرها وتوجه ناحية مو قبل ايدها بكل لباقة ....روح روح ...
فداء : ولدي لحبيييب ...
غسان : على سلامتكم ...طريقكم كانت مزيانة ...
فداء : الحمد لله اولدي ..."حطت ايدها على حنكو " مالك جاي معصب ...
غسان : "باس باطن ايدها " تت متشغليش بالك غير معصب مع هاد الهمج ديال سيكيريتي مكيديروش خدمتهم ...
فداء : ولدي لحبيب رخف عليهم. را خدمتهم كيديروها غير كيسمعو سميتك يديروها ويفوتوها بلاش داك رعب ولجنون ديالك ...
غسان : هز عينو وشاف فيها شحال ...حبيبتي الى مكنتش هاكا مغاديش نحميكم الى معرفونيش مجنون وندير الي ميدار مغاديش تكونو فامان ...راكي عارفة بلا منقوليك الا نتي وماسيليا تقاص منكم شعرة نحرق كلشي ومنحنش فيهم ....راهم سامين على هادشي …
فداء : الله يهديك اولدي ...اجي مناويش دير دارك ها ختك نجحت ليها العملية يلاه اش كتسنى ...
غسان : ممساليش لهاد شي دابا مزال حياتي مرونة
فداء : وغاتوكل على الله وجيب لينا حفيد ...
غسان : الي تستاهل تكون فداري ونديرها فداري خاصها مية ومية ومية سنة ضوئية باش تكون اهل لهاد المسؤولية وتكسب ثقتي وتكون مدام جوكر ..."ابتاسم بجنب وغمزها "
من بعد ما صلاو صلاة ضهر فجامع خرجو منو وتمو غادين كيتمشاو على رجليهم بطلب من الحاج المختار ...حيث جامع قريب اصلا وحيث كيفضل يمشي يصلي على رجليه لكسب الاجر ...ومنها رياضة ...دازو خداو لبن الي طلبت الحاجة وتوجهو لدار يتغذاو ....
في صباح اليوم التالي مع الخمسة صباح لقاتو لابس حوايجو من بعد ما صلى الفجر ...لبس قميجة فالاسود وسروال دجين فالبلومارين وصباط موكاسان فالاسود ...كان كيقاد فسمطة حتى صونا ليه تيليفون ...دار لكيت بلوثوث فوذنو كيهضر ويعقد فسمطة ...
ريان : احترماتي شاف ...
العميد : واجد ..
ريان : واجد ...
العميد : غاتهبط غاتلقا سيارة كاتكات كحلة غايبان ليك منصف ركب معاه ...انا نتسنا فين غايجيبك معايا واحد الشخص حتى هو عاد جا ...
ريان : شكون ...
العميد : حتى تجي ...قطع معاه وكمل اش كان كيدير رش ريحتو وتقاد هز الفون وهبط لتحت ...
خرج من دار ولقا فعلا سيارة كيف وصفها ليه لقا منصف كيطل عليه دخل ركب حداه سلم عليه وانطالقو نيشان الوجهة فين كيتسناه العميد ...مشاو مسااااافة حتى وصلو لواحد الدار ...
منصف : غاتلقاه فطابق ثاني دار الي على ايدك ليمن
ريان : اوكاي ...نزل من طوموبيل وطلع لبلاصة فين نعث ليه ...دق ودخل كانت دار كبيرة ...سمع صوت باب كيتحل خرج منو العميد ...شير ليه باش يدخل ...كان باب بيت كبير فيه كم شاشة كبيرة معلقة وتصاور ...ديال واحد الشخص فقط ...
العميد : ريان ولدي غانبداو نيشان ...
ريان : وخا شاف ...
هذا الي فالصورة غسان علوان احد اكبر رجال الاعمال الاغنياء في البلاد عندو تقريبا نص فمنتجع مازاكان بالجديدة وصاحب كازينو مزاگان بيتش ....ومن اصغر رجال الاعمال ...ولد اشرف علوان مات وخلا ليه هو واختو ومو زبابل لا تعد ولا تحصى وشركة ديال اصدار وتصدير الحواسيب وبيع انضمة الحاسوب عندو نسبة ماشي شي حاجة وانما بعقلو ودماغو خلاه يكون شريك باسهم بنسبة 1% من شركة ابل حيث عندو دراية كبيييرة بسيستيم IOS ...بالنسبة لمنتجع والكازينو عاد ولا شريك فيه وعاد شرا الكازينو ...المافيا مخلات كيف دارت معاه باش يدخل معاهم ولكن هو مبغااش باغي مافيا ديالو بوحدو ميآمرو حد ميهددو حد عياو معاه بالخاطر بالتهديد والو ...حتى وصلت بيهم يهددوه باختو الي هي عقلو ...
ريان : "باعجاب "انتيريستينگ
العميد : المافيا مبغاتوش على ود القمر والشهرة والمال وعلى ود التهريب وداكشي الي كنعرفو ...
ريان : ؟؟؟
العميد : على ود واحد السيستيم هو اختارعو وهو عندو الكود ديالو دايرو فواحد الرقاقة على شكل كارط ميموار هاد نضام الي عندو الى فات حتى طاحت عليه المافيا غادي تقدر تحكم لينا فالانضمة ديالنا كيف ما بغات وكاع اسرار DST غادي تعرفها…
ريان : ايه كمل ...
العميد : هادشي فين وصلت مع الزميل والشريك الي غادي يرافقك بحكم تخصص ديالو ريزو انفورماتيك وغادي يكون معاك حتى فالجديدة ...
ريان : شكون ...
علاء : انا اخاي زيييين 😁
ريان : "تصدم حيث عاد ولبارح خلاه وقاليه على سيمانة عاد يجي " لاااااا اله الا الله ...تاااابعة تااابعة بسم الله رحمن الرحييييم ...
بقا غير كيحنزز من صدمة ولا يحسبن ...ياااك قلتي السيمانة جايا عاد تجي امتا وصلتي ...
علاء : عاااد حطتني طيارة كنت جاي لدار حتى عيط ليا الحاج ...
الحاج : خلييونا من الهضرة دابا وركزو معايا ...عندكم سيمانة وغاتمشيو لجديدة ...مهمتكم هي تجيبو ليا "شير ليهم جيهة تلفازة " هاد الكارط ميموار مهمة صعيبة حيث تاحد ماعارف فين دايرها تاحد مقدر يعرف مخلاو كيف دارو والو ...هاد النوع من الاختراع كيعرفو ليه غير المغاربة بحكم دخاء ديالهم فهاد المجال وهاد الاختراع الي اختارع غسان علوان مهم بزاف وفي لكارط ميموار حتى واحد نضام مهم حتى لشركة Apple في سيستيم IOS حيث غايدير ليهم قفزة نوعية في تاريخ هاد الشركة وغاتبقى ديما فالقمة وضرب شركة samsung باشوااااط...
علاء : واااهيا رب العالي على داهية حولهم ديما كيتابعوه ويهددوه ...
العميد : هو مكيخافش كيخاف على عائلتو وعارفهم ميديرو والو حيث مهم بزاف بالنسبة ليهم هاد الاختراع ولكن ممنوع حيث خطير على DST هنا فين غاتبان الوطنية الى طالبناه بيه وكان شخص اخر غير غسان ممكن يعطيه لينا بدافع الوطنية ولكن حنا فمشكيل كبير حيث هاد غسان هو جوكر ...
العميد : العنوان منطقة المليحة زنقة مكة رقم دار *** "هاد البلاصة عامرة غير بشمكارة والخانزاات منطقة شعبية بامتياز...
علاء : وااااكواااك هاد البلاصة عرفتها فيها غير لقح** تا را سعااادة سعااادة ...ااا اا احح اكحح اكح ...
ريان : الله يعطيك جهل على داك الفم شي نهار نهرسو ليك 😡
كانت ناعسة في سابع نومة حتى وصلت لعشرة ديال صباح عاد ضربتها الفيقة على صوت الهاتف هزاتو وعينيها مسدودين وشعرها مشعكك وسروال رجل مهزوزة وفيها تقشيرة ورجل مقادة ومفيهاش تقشيرة اما تريكو طلع ليها لفوق نعسة ديال حسبي الله ونعم الوكيل الى كانو دوك الحوايج وناموسية كينطقو كن هزو جلايلهم وهربو ...
بقات شي ساعة عاد فاقت مزيان وناضت لطواليط حكت سنانها وغسلت وجهها وتوگضت وخرجت لبست بيجامة قطنية نصف كم وحد ركابي فالبيج وفوسطها ميكي ماوس وشعرها جامعاه اسفنجة مخربقة وجايا تتحك فيه فحال تقولي فيها القمل ...دخلت لكوزينة وتمشات حتى وصلت وراها عنقتها من لور وخشات فيها وجهها كتشمشم ...
نسرين : بنتي صباح الخير ..
غرام : صباح العسل ...باستها ومشات هزت ماگ mag غراف كبير دارت فيه قهوة كحلة عمراتو تا صلى عالنبي ...
نسرين : لحوت مشكل ...كالامار صول كروفيت وحوتة فالفران مع بوزروگ مهم مقلي وفالفران وشلايض ...ولفريت ...
غرام : هزت صبعها ديال ايدها الي فيها الغراف ديال لقهوة كتشرب وهازاه ...اممم thats it الفريت هو الي غانقلي ليك ...
نسرين : غاتمجني راسك ابنتي 😒
غرام : درت معاك المزيان 🤷🏻♀️ مشات وخلاتها غا كضحك عليها ...شربت قهوتها ومشات عاونتها حتى دخل باها وتغذاو مجموعين فجو عائلي حميمي لا يخلو من ضحك على هبال هاديك درية ....وصلت الوقيتة وهي تنوض خدات الاذن من باها ومشات لبست سروال دجين سليم فلبلومارين وفوق منو تشيرت طويل فلبيج ومكتوب بالاسود كيبري ...خشات لقدامي فسروال ولور بقا طويل وبالغي فلون الكتبة رشت بارفان ايسكادا ولميكاب اكتفات بگلوص فالغوز وماسكارا ... خلات شعرها مطلوق ووجدت ...صونات ليها جودية هزت تيليفونها خشاتو فجيب سروال وهزت صاكها سمطة طويلة دارتو فجنب وهبطت ركبت حداها واتاجهو لنايت كلوب سكاي تويني ايت sky 28
خرجو من دار وهما عالمين تمام العلم على المهمة وكيفاش غايتصرفو هما والخدمة الي عارفين وكيفاش غايتواصلو داكشي كيبقى سر من اسرار المهنة ...خرج علاء وريان معانقين وخا تيشد فيه ولكن اخوتهم فشكل ...
ريان : نمشيو فطاكسي ...
علاء : لا ها طوموبيل جبتها ياك قلت ليك جيت من لمطار لهنا ...
علاء :اجي فالعشية غاتمشي معايا لنايت الي قلت ليك ...
ريان : لا اله الا الله لااش راك عارفني معنديش مع دوك البلايص اعلاء ...
علاء : الحمار بغيتك غير تلاقا بادريس صاحبنا داير معاه تما حيث غايمشي فحالو غذا وبغا يشوفك والى مشافكش مبقيتيش غاتشوفو على عامين ...
ريان : تت مكاين تا حل ...
علاء : لاءح ...كسيرا علاء نيشان لفيلا ...باش يسلم على الوليدين ويرتاح ليه شوي بينما وصلت لعشية باش يمشيو لعند فين دايرين مع صاحبهم ....
في النايت ...الموسيقى مجهدة وناس شي كيشرب وشي كيتحاب وشي كيتضروگا بلباقة غير ناس الفريع الطبقة الراقية ...طبعا غرام وجودية من عائلة عادية ولكن ممكن دخل لبحال هاد البلايص الي حلت عليها فمها كتلقاها مفششة بزاف ومدللة ومفروحة ولكن عندها قلب حنين بزااف ...
ومن بعد ما وصلو دخلو نيشان لبلاصتهم ...بقاو كيهضرو ويضحكو ...
جودية : اش تشربي ...
غرام : عصير وذاوت الكهول ..
جودية : نشوووف ليك ...ناضت دوموندات شنو بغاو ...بقاو شوي حتى جاب ليهم سرباي طلب ...خداو العصير كيشربو ويتمايلو على نغمات ...
جودية : ار يو كريزي هنا را غير شكون وشكون اصحبتي مايلصقش فيك الى ما خذا الاذن عههه دونت كير ...
يلاه بغات تهضر وهي تلمح واحد جوج داخلين واحد منو بقات تتحقق فيه وبدات تصغر فعينيها وترمشهم ...حتى انتابهت ليها صاحبتها ...
جودية : واتس گوين اون ...اشنو مالك ...
غرام : ناااري هو هو هوو مول القمعة عنننن كم انت رحيم يا الله …والله يامو تنرجعها ليه ودرك ماحدني لقاتني بيه صدفة ...ناضت كتجري حتى وصلت لعندو..كان واقف مع علاء كيسلمو على صاحبهم هو مشافهاش يلاه وصلت لعندو هزت صبعها صغيور نغزاتو فكتفو ومع كتافو عراض كعما حس بنغزة خههه ...كان حادر راسو كيجبد فلفون الي صونا ليه هز راسو شير لصاحبو بالي غايهضر ويجي ..لقاها قدامو شاف فيها طلعها وهبطها وهو يجاوب ومشا خرج خلاها هازا صبعها واقفة مومياء مكوفرة بلاكة اطوروت اگادير اداوتنان ...
تشا را بزاااف بزااااف مهم بقات هكاك مرجعت مازادت ....
عدم.ردة فعل اتجاهها او كيف مكنقولو القمعة الثانية التشويطة الثانية الي دار ليها خلاتها تعيد النضر فتصرفاتها اتجاهو علاش تيدير معاها هاكا وعلاش هو حاس براسو لهاد درجة الشي الي خلاها اكثر انها دخل سوق راسو والو تصاب وصادفاتو المرة الثانية فغادي دير فحال الى مكتعرفوش واصلا هي مكتعرفوش اش قربها ولا جبدها ليه حتى يدير ليها هكا نيييت غزا فيها ...تضارب افكار فافكار في عقلها حتى نغزتها صاحبتها...
جودية : نوضي على سلامتك ازين ...
غرام : حبيتها البكية مرضااااتش ضارت بجنابها وهي ضور مشات لطابلة فين كانو كالسين وكلست تكااات على كاس العصير الي طلبت دقة وحدة بردت بيه الغدايد الي ركبوها ...
جات جودية كلست كتشوف فيها يلاه بغات تنطق وهي تهز غرام ايدها ...
غرام : شاااات اب ...
جودية : 😶
بقاو كالسين حتى دخل ريان مخنزر وعاقدهم مشا فاتجاه طاولة الي كالسين فيها صحابو ...
جودية : ناااري على زين فهاد الولد افففف...
غرام كتشرب وممسوقاااش صافي جمعت راسها ودخلت سوق جواها حسن متاخذ قمعة خماسية اخرى ...
جودية : غرام مالك !!
غرام : "بحزن " مماليش عادي ..
جودية : واش بقا فيك الحال !! معندو علاش يبقى فيك كن كنتي كتعرفيه اه ممكن اما هو مكتعرفيش وتصرف الي دار طبيعي حيث فهاد البلاصة نتي نغزتيه باش تهضري معاه هو كيحساب ليه واش شي وحدة من كيبغيو شي واحد يمشيو معاه لدار ولا يسهرو ونخلك ولا قمعك يعني فهمك غلاط ...
غرام : هههه كلشي انا فاهمني غلاط كلشي تاواحد مكيبغيني كلشي كينفر مني ...ماما الي ولداتني هاني يومين باس جيت ومتسوقتش ليا حتى فاش يلاه وصلت معيطتش ليا "عينيها غرغرو " ههه ولفت ...وجينك الي بغيتو وكان كيحساب ليا كيفهمني ساعاك صدق غير صاحب حاجتو باغي علاقة غير شرعية ...
جودية : ونتي اشنو مسنية منو يدير بيك العرس عاد يدخل عليك وتخرجي سروال ههههه راكي نصف امريكية وعشتي تما فترة طويلة بزاف هذا كافي انه يخليك تعرفي طبعهم اغرام ماشي شي حاجة جديدة وماماك قد ما جلست غادي تسول فيك واخا تخياب حتى تعيا ...ومعمري نسمعك كتقولي منبوذة نتي عندك حبابك باك مقاول معروف وعارف بينو وبين الله وضريف بزاف اي بنت تحلم بي باها يكون فحالو ...خالتي نيسرين دايراك كثر من بنتها لفشوش الي مفششاك مدارتوش ليك مك ...
غرام : الله يخليهم ليا ويخليك ليا حتى نتي صراحة لولاك معرفتش اشنو ندير ...
جودية : نتي ختي قبل صاحبتي والى مقبلت على هبالك اشمن صحبة هادي ..."غمزتها " تيكيت شفتي هذاك المعفر الى مطاحو كواريه هانا هانتي الى مطيحتيهم نتي طيحهم غيرك ...
غرام : انا الي غانبغيه خاص يكون مفروح كثر مني ازين ...
جودية : الي يقبل عليك خاص يكون عكس كراكتيرك اصحبتي غروووم ...😉
على لمسات يدين احن شخص واصدق مشاعر وقلب طيب ووجه بشوش محب حنون ...حل عينيه الي تنفخو بنعاس حيث فاق حتى صلى الجفر ورجع نعس وديك الفترة من مورا فاش كتصليه كيحلى ليك نعاس ومكتبغيش تفيق ...كن مدخلت هي تفيقو موحال كان يفيق فداك الوقت من صباح كانت تمنية ديال صباح ...
الحاجة : ولدي زوين الكبيدة ...
ريان : "مجبد قد سخط مكانش لابس لفوق كان ناعس غير ببوكسر ولكن مغطي نصو ..." ابتاسم ليها بعينيه ناعسين ...العمر ديالي ..باس ايديها ...
الحاجة : مبغيتيش تنوض تفطر معانا ...
ريان : نوووض علاش لا ...
الحاجة : مخمار مريح بزيت زيتون عاد مطحون وخضر ...وكاس اتاي مشحر الي عزيز عليك دكة معتبرة ..."غمزاتو " اش قلتي ...
ريان : "ضحكاتو بالغمزة "ههههههههه نري على غمزة عندك ازين طيح زرزور ...ناض ولوا عليه ايزار وتكعد باش ليها راسها وايدها ...ربع ساعة بالخف نغسل ونبدل وانا عندك ازين ديالي ..
الحاجة : الله يرضي عليك وبينما نوضت هاديك الضرة الي لداخل لا يتقلق ليا تاهو را الكبيدة ..
ريان : هههههه ضرة نوضيه عرفتي اشنو بغيتيه ينوض دغيا قولي ليه اشنو كيعجبو الى ملقيتو سبقني ها وجهي ... ضحكت معاه وهي تخرج خلاتو يبدل ودازت لغرفة ديال علاء الي لقاتو فوضعية ديال نعاس لا حول لها ولا قوة مغطي وممغطي رجل فلارض ورجل فناموسية عريان تاهو ولكن لابس شورط قصير ..وحال فمو ...مشات حداه ودارت ليه نفس مدارت لريان ...
علاء : الوليدة صباح نور ...ولكن غا خليني نعس مبغيتش نوض دابا انا مزاوگ...
الحاجة : لا غاتنوض تبدل وتغسل ولحق عليا ريان تاهو نازل نوووض بغيت نجمع وليداتي حدايا فطابلة نوض بينما كمل باك قراية القرآن يوجد لفطور ...
علاء : "لا رد رجع حل فمو ونعس "
الحاجة : لا حول الله معذيب اولدي من صغرك فالفياق ...نووووض
علاء : خاليييييناااي ...
الحاجة ؛ ملوي مريح بزبدة عاد جات جديدة من الفيرمة هاد صباح وعسل حر تاهو من تما و قهوة معطرة تابخة على خاااطر خاطرها فوق الفاخر كيف كتعجبك ومخلطة بالحليب باقي طري ومعاهم زيتون كحل ...
علاء : واااااااكواااك الوليدة واكواك ...ناض على وقفتو حتى خلعها ...
غسان : "كره راسو الي نطق بهاد الهضرة قدامها جاب الله باقي عاد كتعلم الهضرة واول حاجة غاتعلمها هي هضرتو الخاسرة " احم اميرة روحي صباح الخير ...اشنو مفيقك فهاد صباح ...
ماسيليا : و و وحشتك ...
غسان : حتى انا اروحي انا شوي ونجي عندك حداك فداء " وخا مو تيقوليها فداء او الوليدة "
ماسيليا : اه ...عطات تيليفون لمها ...
فداء : وي كبيدتي ..
غسان : اش مفيقكم فهاد الوقت كاين شي مشكيل !!
فذاء : يهديك الله هادي راها تسعود تصباح وختك عندها حصة ديال ترويض حنا عند طبيب ديالها ..
فداء : اهيا كن تحشم را مك هادي معامن كتهضر وزايدون طبيب انا الي بغيت نمشي عندو وعيطت ليه حيث بغيت نخرج شوية انا وختك نفوجو فالمدينة ونطلعو لمول نفسيتها باش تعالج كيخصها تفوج وتاقلم مع الاصوات المحيطة بيها ..
غسان : سمحي ليا ...مزال كيهضر وهي تقطع عليه ...ناض كيجري حيد حوياجو كلهم حيث كان فلوطيل تعطل هاديك الليلة فالكازينو حيث كانو شي رجال فيه مهمين ...دخل تحت رشاشة دوش بالخف مطلوق عليه الما من جميع الجناب ...كنل وخرج مسح بفوطة ولبس حوايجو ...قاميجة فلبيض وسروال فلكحل خشا لقميجة ودار سمطة وحل صدايف القميجة الفوقانيين وطوا كمايم ايديه رش بارفانو عليه كلو وجمع شعرو لور بجيل وهز الفون ولكونطاكت وخرج ركب فالمصعد ونزل نيشان لكازينو لمكتب ديالو ...
غسان : "حل الباب ديال الممر المؤدي لمكتب ديالو ...لقا واحد من البوديكارد واقف وقفة ممقاداش ..."وقف حداه وخا طويل حتى غسان قاليه متعرفش من كيوقف قدامهم كيوليو قصار بالهيبة الي على وجهو من اثر الخوف منو ..."قرب عندي نتا لهنا ...
بوديكارد : نعام شاف ...
غسان : "هز رجلو وعطاه نيشان لوسط حجرو حتى خرج عينيه وطاح على ركابيه " تتتت ...تتت نو نو نو .... منين نضرب القح*** مك تبقى واقف متسخفش "عوج غسان وجهو وميل شفايفو " اشنو قلت ليك ازين !!
ناض هذاك وقف بلهلا يطريه ليه وخا قواه فشلت ...
غسان : مزيااان مرة اخرى لقاك ممقادش وممنتابهش غادي نجبد ليك ز** مع بيضاتك ونعطيهم ليك تاكلهم ...تفاهمنا ...
البوديكارد : تفاهمنا اشاف ...
تيدير ليهم هاد الحركات باش يعرفوه بالي معندو ما خاسر لعقل مسلسع ميعقلش عليهم كيتصرف معاهم فحال هاكا باش يخافو ويعرفوه علاش قاد باش يامن لحماية اكثر لعائلتو الي هي عقلو …دخل المكتب جبد وراق شافهم ورجع عيط لايمن باش يجي عندو منين يرجع من لفيلا من مايراضي مو الي قلبو مطاوعوش تقلق عليه ....
على طاولة الفطور كانو كيفطرو في راس طاولة كان الحاج المختار بهيبتو المعتادة لابس جلابة ديال جوهرة فالزيتي وطاقية فالاسود ...وبجنبو الحاجة بقميص فالمسكي ودايرة شال فنفس اللون وحداهم ولادهم الي عاد لتاحقو بطابلة وكلسو مقابلين مع بعضياتهم ...
ريان : "كياكل فالمخمار " الله واكبر الوليدة الله على شحال توحشت هاد الجو لبارح ملحقتش نفطر معاكم حيث عيطو ليا فالخدمة ..."شرب كاس رشفة من كاس اتاي " اح الله ...
الحاجة : بصحتك اولدي ...م
علاء : خاشي وجهو فالملوي والقهوة مداهاش فيهم ...
الحاج : امتا غادي تسافر اولدي ...
ريان : امتا غادي نسافرو بزوج مسافرين الوليد ...
الحاج : جديدة نيت ...نشوف ليك شي دار تما ولا شفتي ..
ريان : "حط ايدو على ايدها " واله الوليدة منحدد ليك وقتما سالات المهمة نرجعو وطلبي ربي نكملوها فقل من شهر دعي معانا ...
الحاجة : الله يسر امركم ويبعد عليكم ولاد لحرام ...الله يرضي عليكم ...
علاء : امييين اميمتي ...
#الوجهة مدينة الجديدة وبالضبط منطقة المليحة فاحد الاحياء الشعبية بامتياز الي فيها ...شماكرية دنيا ودين بانواعهم كل وفاش مشمكر وفاش مدهي ...قح** كلهم مجموعين تما بخلاصة منطقة شعبية مقودة....
كالسين واحد جوج شماكرية مقابلين غير الكماية ويعسو فراس درب الي غادي والي جاي ...واحد منهم كان كالس وكيكمي فلحشيش وحاط حداه كاس اتاي مشحر ...
عبيقة : تا را الموت الكحلة وبربي تا مقودة عالوقت فهاد البلاد ...فخبارك دار ديال ولد زوفري تكرات..."كيهضر معاه وهو لا حياة لمن تنادي "واوجه الكرشة..
سواريز : "حيث عزيزة عليه البارصا وخاصة سواريز العضاض ههه " عبيقة كيهضر وهو متبع لعين لواحد مولاتي لابسة جلابة فزرق مزيرة على ترمتها واحد مولاتي ترمة قد ماهاز قلبي معروف عليها ضل تشرب فدردك ودير فالگديرة ...يموووت عليها سواريز ...غير شافها وهو يقاد لكاسكيطة ...
غرام : مزال غانمشي مع جودية حتى نعطيوهم لوراق ونشوفو فين غايحطونا وديك ساعة عاد نجي نجيب حوايجي ونشوف سكنة...
اب غرام : لقيتو دار لكرا ...
غرام : تت كاينة دار جودية كيجيو ليها فصيف هي فين غانسكنو ...
نسرين : احسن ابنتي باش منبقاوش مهولين عليك ...غاتخصك شي حاجة بعدا متلبسي شهيوات تديهم معاك ...
غرام : اححح هادوك هادوك شهيوات من هاد لايديدات الي كيخرجو شهد ...
نسرين : هههه وخا على راس والعين ...
في هاد الاثناء في منتجع مازاكان وبالضبط كايرنو بيتش كان كالس في المكتب ديالو وقدامو مديرة الموارد البشرية ...كانو كيراجعو لاليست ناس الي غاتخدم بشكل رسمي فكل من المنتجع ككل بما فيه الاوطيل والكازينو ...الكازينو خاصة حيث ديالو .
غسان : عطيني لاليست السرباية والي غايخدمو فالاستقبال ونتي تكلفي شوفي لاليست ديال شيف الي غايدخلو جداد وتيست راك عارفاه يكون قاسي مبغيت حتى غلاط افدوى ...
غسان : هادو الي هنا غادي ترسليهم لوطيل هما الي درت ليك عليهم علامة وعطي هاد الاختيارات لباقي الشركاء حتى يصادقو عليهم...وهادو غادي نشوف كيفاش نفرقوهم مهم غانخلي ايمن يتكلف ...ونتي غادي تفرقيهم على حسب خبرتك انا هادشي مكندخلش فيه ولكن من ليوم غادي يتبدل نضام فالكازينو ...
نضام تبدل مبقيناش غادي نخليو الموارد البشرية الي تكلف وحنا نخرجو سوق حيث من بعد ما لقينا الفرضى هنا فالمنتجع قرر مجلس الادارة حتى يضادقو مالين شي عاد الموارد البشرية تكلف تفاديا لمشاكل مرة اخرى …
فدوى : وخاا نعام سيدي..يلاه بغات تنوض وهو يوقفها ...
هاد جوج بانو ليا عاد تخرجو من معهد الفندقة ...غادي يتحطو تحت المراقبة وسطاج ستة شهور هنا فالكازينو عاد نشوفو كيف نديرو ليهم ...
فدوى : شنو سميتهم ..
غسان : ريان بنيس وعلاء مشكور ...
فدوى : وخا كن هاني اسيدي ...خرجت هي وبقا هو مع واحد لاليست بقات ليه كيلعب بالولاعة ديال لگارو ديالو مكتوب فيها حرف GA كشعل ويطفي حتى توقف وصغر عينيه كيركز ...
كان واقف قدام الماريو فدريسينغ كيجبد في بعض من حوايج اللازمة ليه وكيستفهم في فاليز ديالو ...كيطمات وبعض الملابس داخلية ....حتى صونا ليه تيليفون كان العميد ديالو ...
ريان : الحاج ...
العميد : ولدي لباس عليك كلشي هو هذاك ...
ريان : كلشي مزيان كنجمع فلحوايج وبعض لوازم وكنتسنى غير تعليمات ديالك ...
ريان : علم وينفذ ...قطع معاه ومشا لبس عليه تيشرت كحل وسروال دجين فلبلومارين وسبادري فالكحل ولاح عليه تجاكيط فلكوير ...قاد شعرو ولبس ساعتو هز لفون ولكونطاكت وخرج لقا علاء عاد خارج تاهو نزلو بزوج ركبو فسيارة ريان واتاجهو نيشان لمديرية ...لقاوه كيتسنا فيهم ...لقاو تحية ...
العميد : كلسو ريتما نجي خمسة دقايق ونكون هنا ...
ريان وعلاء : وخا الحاج ...
بقاو كالسين المدة الي قاليهم ورجع هاز معاه واحد الملف حطو فالمكتب وكلس تقابل معاهم ...حلو وجبد منو بعض الوثائق ..
العميد : "مد وراق لريان " هادو اوراق ثبوتية فيها سميتك وكنيتك وكارط ناسيونال ديالك وفين تزدتي وكاع المعلومات جديدة هنا ...راجعهم مزيان باش لا وقع شي مشكيل متحصلش ...
ريان : وخا اشاف ...
مد لعلاء حتى هو وراقو ...وشرح ليه تاهو كلشي ...
العميدة : دابا حاجة هاديك اللحية غير خليوها تكبر بلا متحيدوها "حيث هما فالبوليس ممنوع لحية ونتا وشاف الي شادك كاين الي صعيب ومكيتاعتقش وكاين الي كيطلق ليهم سمطة والحاج مكانش عندو مشكيل ولكن الانتباه احسن فاش تيجي الي كبر منهم كيخصهم يكونو محيدينها ....وهما كانو مخلينها حيث كانو فامريكا عندهم فورماسيون مكانوش محكرين عليهم بزاف "
علاء : وخا اشاف ...
العميد : غادي تمشيو كيف الناس العاديين وتواصل بيناتنا فاش نبغي اي معلومة غادي نعرف كيفاش نتواصل معاكم المهيم هو متحاولوش ثيرو شكوك ونساو الحياة الي نتوما كنتو عايشينها يعني من هنا القدام غادي توليو تعتامدو على راسكم دار الي غاتسكنو فيها كريناها ليكم فوسط حي شعبي مثير لشبهات ممكن تساعدونا منو فبزاف ...دابا تقدرو تيسرو وطريق سلامة ...
ناضو سلمو عليه ولقاو تحية وخرجو باس يكملو جميع باش صباح بكري يكونو فمحطة الكيران ديال ولاد زيان ...
في صباح الباكر
تسالمو مع دارهم وتوجهو ناحية المحطة الطرقية اولاد زيان ...بتعليمات من العميد كيخصهم ياخذو الكار العادي ويمشيو فحال ناس العاديين باش يبانو انهم ناس عاديين وميثيرو حتى ولو جزء بسيط من الشك ...خاصهم يبداو لمهمة وهما ناس جداد الحياة الحقيقية ينساوها بشكل مؤقت ...خداو الكار مع سبعة صباح المتوجه لمدنة جديدة التابعة لنفس الجهة جهة الدار البيضاء السطات "التقسيم الجديد" ...لكن قبل بساعة قطعو تيكيت من شباك التذاكر ...وتوجهو لكار ...
علاء : واش هادشي بنماري ...
ريان : وطلع اصحبي كلس فلبلاصة الي لقيتي خاوية ...اجي اجي ...طلعو لقاو بلاصة فيها جوج كراسة خاويين وكلسو ...حط ريان راسو عالكوسان كيتسنى فالكار الي كيحساب ليه علاء غايزيد كيف يركب هو ...
علاء : مال دنمو هذا مبغا يزيد ..
ريان : حتى يعمر البلايص ...
ضار علاء لقا الكار فيه غير هما شي عشرة وتقريبا الكار تيهز شي خمسين هكا ...لاااااااهو كباااار ..."الله اكبر " ...عيط لگريسون ...
علاء : معاش غايزيد الكار ..
الكريسون : هاهو غايزيد دابا كون هاني اخويا ...
علاء : صافي مغايعمرش ...
ريان : وخا يقوليك هكا الى ما عمر والله لا تحرك ...
بقاو شي ساعة وهما كيتسناو الكار يعمر ومع ديال صباح دغيا عمر ....ناس باغا تمشي تقضي اغراضها ...فوقت مبكر وكاين الي باغي يوصل بكري كل واش كيفضلو توقيت بكري ...وهما فطريق ...
كانو واحد جوج رجال كبار ولكن مسكتوووووش من الهضرة حلفو لا هما صمطو ...كان جل هضرتهم على لفلاحة ولارض والفدادن ...بغاو غير يرتاحو مخلاوهمش وتيليفونهم يصوني واحد نوكيا بيل يلاه يسكت يهضرو هما يسكتو يصوني هو ومبغاوش يسكتو وريان مبغاش يدير الكيت ومبغاش يجبد تيليفون اصلا...
بعد مدة عاد سكتو وماشي حيث عياو وانما واحد فيهم جاتو دوخة وبغا يرجع ...حتى نغز علاء من لور ...ضار عندو ساخط ..
علاء : شنووو
الراجل : ولدي مجايبينش معاكم شي ميكة زايدة ..
علاء : لا علاش غانجيبوها ...نجيفك بيها مثلا …
راجل يلاه بغا يهضر معاه وهو يخرج عينيه وضار كيبوع ويقول مبوعت والمنضر كلو داز قدام علاء الي خرج عينيه ومبقاو بغاو يدخلو ...ضرب ضورة كي روبو...
ريان : مالك !!!
علاء : ضار عندو بشوية ونطق ...نهار باقي يا ولد الخانزة تقوليا نمشيو فهاد الكار نحش لدينمك زنطيط ونخليك خنتى ...
ريان : اش وقع لهادشي كلو ...
علاء : الى عاودت ليك غادي نحط ليك شعرية بالحليب الي صايبت لواليدة في حجرك وزم عليا فمك درك… زم وسكت ...ولا عرفتي اش دير قتلني تنوصلو ونوضني ...
وصل الكار بعد جهد جهيد وبعد عذااااب قااهر حيث عمرهم ركبو فكار عادي الى اضطرو كانو كيستقلو ساتيام او سوبراتور ...ولكن الحاج مكانش مخصصهم طوموبيل لكل واحد فيهم وخا كيعتامدو على راسهم ولكن من جابها ليهم كادو مبغاوش يحشموه وخداوهم ...وصلو لمحطة طرقية ديال جديدة نزلو ساخطين حاقدين عالوضعية ...دبانة تزنزن يتيريو فيها ...
علاء : لا باقي ركبت فهاد العجب غادي نتيري فيهم واحد واحد حق ربي حااااق ربييييي...
ريان : كان لابس سورفيت گري "عاقد حجبانو ومخنزر تخنزيرة القتيلة "زيد وسكت فرعتي ليا كري ازمر ...اجي ناخذو طاكسي لدار ...تمشاو حتى خرجو من لمحطة وقبطو طاكسي نيشان لبلاصة او الحي فين غايسكنو حطهم عند باب درب ...
تمشاو حتى بانو ليهم واحد جوج شمكارة كالسين قفازي عند راس درب تيتبخو فجوان مناوبين عليه واحد داير طاقية مشرگة من جنب ولابس تيشرت بيض وسروال دجين ضارب فيه زمان تحفى بلبوس ولاخور داير كاسكيط كحلة باهتة ولابس تيشرت البارصا مكتوب فيه سواريز ..
علاء : واحد سلام عليكم ...
عبيقة : جر ليه جرة طويلة من جوان حتى عينيه ولاو حمرين هزهم فيه ...ولكم بمثلها ...كاين شمنقديو الخو...
علاء : بغينا دار بنعلي فينهي ...
سواريز : وشكون نتوما ؟
عبيقة : وشكون بنعلي ...
ريان كيشوووف فيهم ومغوبش وخاضيهم بنص عين ...
علاء : بنعلي طاليان هههه ...
عبيقة : نغز صاحبو ...وتا را تيدوي على دار ولد زوفري ...هز فيه راسو ...شكون نتوما بسلامة ...
علاء : وريها لينا لا سمحتي مشغلكش شكون حنا ...
لاح عبيقة جوان وعسف عليه برجلو ...
سواريز : نعل ديل ديلمك اعبيقة الكلب عسفتي على جوان الي جاب لينا زيكو من الكازينو اولد لقاااحبااا ...
مداهاش فيه عبيقة ناض بوقفتو قدامهم تيبان كي النملة نفخ دوك جوج عضام الي فصدرو طوا تيشرت حتى خلا دريعاتو عريانين هههع ..حيد طاقية عطاها لصاحبو ...
علاء : تيهضر مع ريان ...هذا مالو 😒
عبيقة قرب جيهة ريان وعلاء ...وشد فتيشرت ديال ريان جرو بشوي ...تت خاصنا نعرفو شكون نتوما ولا تا قواد ميدخل هنا بالرب العالي تنحسب لديلمك مصارنك هنا ...بغا يدفعو بايدو وهو يتقصح ...
علاء : شديييد مع راسك ااا ...بلا لعب ديال زوامل تحرك ورينا فين هي دار بنعلي ...
عبيقة : واش القوادة باغينها فيكم ولا كيفاش را " قرب ليه حتى لعندو هز فيه راسو " ميغرنيش طولك بغا يجبد لموس ...
ريان : كتقلبي ازوينة على هذا ...
عبيقة : طلق داك لموس هنا ...
ريان : تت هذا "هرسو بايدو حتى تقسم فحال شكلاطة " مشااا باااح ..."عينيه حمرين اصلا وصل حاقد عالوضعية وملامح ديالو متعجبش ..
علاء : سمع ولد زامل وهو يجعر يلاه بغا يمشي ليه لقا ريان سبقو معرفش هذاك عبيقة كيف طرا ليه لقا راسو مهزوز من باطو مزير عليه وايديه فشلو ...سواريز تم غادي كيجري ...
ريان : مخنزر وحجبانو معقودين عينيه ولاو حمرين ولون لخضر فيهم ولا مشعشع عروق وجهو تنفخو صافي قرب يوصل لطوب ديال لعصب ديالو ...بربي بربي هاد لمرة لقاك عاودتي هاد لكلمة ز*** نحطو ليك فايديك ...برك عليه ...اش قلتي ...
عبيقة : ااااااعععع ... والله اشاف عاتنضحك عماكم دار زوفري فدار ثانية الي فدورة لولة على ايدك ليمن الي خصاك اشاف انا حاضر ..سمح لينا اشاف ...وسواريز نعل لخامجة الي حطت مك المكبوت نعلبوها صحبة ...واميييي صافي صافي اشاف ...
لبس حوايجو قميجة فلبلومارين وسروال توب فالاسود قاد صدايف وحل زوج فوقانيين ودار سمطة متوسط فيها حرف G اول حرف فاسمو بتصميم خاص ..رجع شعرو لور تقابل مع لمراية دوز على لحيتو بايدو لي رش فيها بارفان ودوزها عليها حيث عاد شذبها بطوندوز ...مع سروال ثوب لبس صباط كحل لاماع ...عاود رش بارفانو وهز سوارت ولكونطاكت وتيليفون خشاه فجيبو ولاح عليه فيستة فالاسود ...وخرج ...داز حتى سلم على مو وختو وخرج ركب فطوموبيل وكسيرا مباشرة لكازينو ...
غسان : فدخلة لقا فاستقبالو فدوى مديرة الموارد البشرية ...سي علوان ...را جاو دوك الدراري الي غادي ندخلو لكازينو بحسب الاعلان الي لحنا وعزلنا منهم عشرة بحسب شروط الي طلبتي سيفيات ديالهم ...
غسان : الكازينو شغلي نوقف عليه بنفسي سمعتيني يكون الي بغا يكون ياك ...غانميك حيث مراة مرة جايا فحالك فحال رجال ...قرب لوذنها شوي وكيهضر من بعيد ...الجهاز تناسلي ديالك غادي نجبدو ليك حيث مكنبغيش الي يوريني اشنو ندير ...
فدوى / سمح ليا سي علوان توصل لوقيتة نعلمك ...
خلاها كتهضر ومشا فاتجاه المكتب دخل وسد عليه كيراجع فبعض الملفات دخل لواحد منهم بقا كيشوف فيه كان ملف او ضوصي فلابتوب ماك الخاص بيه دخل لسيستيم شاف فيه شي حاجة بقا هكا حتى وصلت الوقت وعيطت ليه فدوى ...طوا كمايم القميجة ودار لفون فجيبو وخرج سد المكتب وطلع فسانسور لفوق ودخل لقاهة الاجتماعات فين غايدير المقابلة لمرشحين باش يكونو سرباية فالكازينو ...
فدوى : دابا غانعيطو لواحد بواحد باش تشوفهم عاد غادي تقرر فين توزعهم فالكازينو واش فالغرفة الخاصة ولا يقابلو لمشروبات ويوزعوهم او ...على حسب الي تشوفو مناسب اسيدي ...
غسان : عيطي لول ...
عيطات لول دخل سولاتو شحال من سؤال ثاني وثالث حتى وصلت لمرشح رابع وهي تعيط ...
فدوى : "خرجت حتى لبرا وهي تعيط " ريان بنيس
ريان وقف وهو يتقاد وتبعها حتى وصلو لعند الباب وهما يدخلو ...كان غسان محني على سيفي ديالو كيدقق فيه حتى وقف قدامو ...
كان حاني راسو ومركز كيقرى فسيفي ديالو الي تختار من ضمن العشرة الي غايتوزعو فالكازينو بضبط ويتفرقو بحسب كل بوسط او فين غايكونو ...
وقف قدامو ماشي بكل ثقة وعزم لااا وقف على اساس انه اول مرة يدوز شي مقابلة عمل فمكان ضخم بحال هذا باش يبان را فعلا ولد شعب وباغي يخدم ...
هز فيه عينيه وشاف طولتو وفورمتو الي وحات ليه شوية بالشك حيث مگضر بزاف وصحيح ...
غسان : "تكا على لكرسي شاد ستيلو وكيدوز بصبعو على ذقنو وفمو ...
فدوى : ريان بنيس خريج معهد الفندقة والسياحة بالدار البيضاء دفعة 2012...cv ديالك حافل بالشواهد والتداريب فعدة فنادق ومن بينهم فنادق خمس نجوم ...مثير ...فايت ليك خدمتي بعقود عمل ممكن تعطيني لمحة على اخر عمل درتي وعلاش خرجتي ؟
ريان : كلنا كنحلمو بمكان احسن من الي كنخدمو فيه وملي شفت الاعلان تقدمت ليه ومتمني انني نخدم هنا كيف كتشوفي ف سيفي ديالي خدمت غير مع عقود عمل اقل من عمل في مازاكان او كازينو بيتش بالضبط ...
فدوى : نفهم الى جاك عمل حسن من مازاكان غادي تمشي ؟
ريان : الى كان على برا حيث بحكم قرايتي الي قريت تخصصي هو الفنادق والسياحة كيف كتشوفي انا خريج حتى معهد السياحة فمراكش !الى غالقا حسن من مازاكان فغايكون فالخارج حيث طوب ديال الفنادق هنا هو مازاكان ويوازيه فنادق ومنتجعات اخرى امثال هيلتون ، وغيرو من الفنادق خمس نجوم ...
فدوى : الى جاتك فرصة فهادو الي ذكرتي او فرصة خارج البلاد تقدر تمشي ؟
ريان : فرصة داخل لبلاد فجوابي لا وخارج البلاد فجوابي اه شكون يكره فرصة خارج البلاد ولكن الى كان احسن من هنا ...
ريان : انا الي عرفت انني تعزلت من ضمن الي تقبلو ..
فدوى : ولكن ماشي اكيد فاي لحضة نقدرو منقبلوكش ...مدام قلتي كاين ماحسن من هنا ..
ريان : انا قلت صراحة والخدمة الى بغيت نخدمها عندكم خاصني ندخل بلا غش ولا كدوب والا مغاديش تكون ثقة فيا ...
هنا غسان تگعد وصغر عينيه فيه كيركز فكل كلمة كيقول ...
فدوى : تقدر تمشي ...
يلاه ضار بغا يمشي وهو يوقفو صوتو ...
غسان : هييي وقف ...
ضار عندو وتمشا حتى قرب لعندو ...
غسان : "طلعو وهبطو من فوق تا لتحت " كيعجبك رياضة بزاف كتهتم بتمارين رياضية ولونتريمون !؟ علاش ؟
ريان : كتعرف ولاد شعب كيبغيو يبانو زوينين وانا غير حيث كتعجبني رياضة كنمارسها ولكن ماشي بشكل يومي ...
غسان : نتا جيتي من مراكش ! عندك عائلتك هنا ! ولا ساكن وحدك ...
ريان : شاف فيه وابتاسم ونطق بكل عفوية ولكن بقلب حزييييين الهضرة الي غايقول رغم انه مفتاخر ولكن بمجرد مكتفكر انه معندكش الواليدين فعلا وبصح وخا الي ربى و كبر هو الاب او الام ...نطقها بكل ثقة وعفوية .....
ريان : ساكن مع واحد الولد حتى هو من لكونديدا كنسكن غير راسي وهاد المرة جيت معاه حيث انا مع الاسف غير ولد الخيرية 🙂
بعد مدة تحل الباب وخرج ريان وهو مكمل المقابلة بكل ثقة ودخل وراه علاء حتى هو شي نص ساعة وهو داخل عندهم وبقاو هكاك حتى كملو المرشحين ....
فدوى : سي علوان اشنو قررتي ؟
غسان : ربعة لاخرين غادي نحطوهم فالكازينو ...والي بقاو غادي يمشيو لريسطو تابع الكازينو ...ناض وقف ...تكلفي ...اه ودوك البنات الي غادي نحطو فالاستقبال عيطي ليا فاش تكون المقابلة نختارهم بنفسي تافقت مع باقي شركاء باش انا نتكلف بيهم معاك وتحت اشرافي مفهوم ..
فدوى : مفهوم سي علوان ...
خرج من القاعة ونزل حتى لمكتب ديالو بقا شوي ورجع خرج حتى لفيلا ...دخل دوش وكلس شوي مع مو واختو وطلع لبس حوايجو وعاود خرج فاتجاه الاوطيل طلع لجناح ديالو ودخل لغرفة حط حوايجو ولبس بوكسر ...مشا هز شامبانيا وشعل كارو تقابل مع زاج الي كيشوف برا حتى سمع دقان ...
غسان : ڤا ام فريينتشي …"تفضلي" ...نطق بالبرتغالية حيث كانت بنت الي دخلت لجناح ديالو بطلب منو هو… كانت سائحة نزيلة في الاوطيل ...مدخلها حتى قامت باللازم ودارت تحاليل باش يتاكد انها ليست مصابة باي مرض معدي وماشي اي بنت هي مودل برتغالية معروفة ...
دخلت بنت اية في الجمال سمراء اللون عينيها عسليين وطويلة لابسة كسوة كحلة ديال جلد لاصقة على طايتها فايتة مؤخرتها بشوي طالعة حد صدرها وصباط عالي طالون ديالو رقييق تاهو كحل فيه سيور بزاف مضوراهم حتى لفوق سيقانها ...هازا شعرها لفوق على شكل ذيل حصان وفخونش على عينيها الي مكحلاهم مزيان حتى برز عسل عينيها وعكر بوردو ماطر ..هازا فايدها بوشيط فالبوردو ....
هي : "اسمها فالينسيا " ola ghassan اولا گاسان ...
هو كان شاد الكاس وكيشوف قدامو داير ايديه فجنب خصرو ...نطق ... sinõre ...مستر ..."Não ghassan" ماشي غسان "ميل راسو بجنب جيهتها و خنزر فيها" ...
"كاسا دجي بينيواوسو لاذو" ...الحمام حداك ...
فهمات قصدو ومعاوداتش معاه الهضرة حيث عاطينها تعليمات قبل مدخل بالي متعاودش هضرتو وهي متفهمة وعارفاه شخصية صعبة ومجنونة ...دخلت لدوش حيدت داكشي الي لابسة بقات غير بسترينغ وحدو طلقت شعرها وخرجت لعندو لقاتو واقف حتى قربت ليه ...
غسان : طلع فيها من اخمص قدميها حتى طلع لصدرها حتى وصل لشفايها الي ركز عليهم حط الكاس في جنب وضار لعندها شدها بحركة مفاجئة عنييييفة ...تلاح عليهم كيبوس فيهم بعنف ويحك في لمعلم الي تهز وطلع لسما بغا يخرج من لبوكسر ...هبط ايدو لتوتو ديالها كيدوز عليه بصبعو يطلع ويهبط ...
هي : اووووه ممممم مااايس مااايس ايومو ايسو ..."زيييد زييييد كنموت على هذا " اففففف واااااووو ....
ضور ايدو على ضهرها ولصقها اكثر وكيحك فيه حتى مبقاش قدر ودفعها جيهة ناموسية لاحها طلع فوق منها وحيد ليها سترينغ وحيد البوكسر هز رجليها لفوق وبلا مقدمات خشاه طلعو معاها حتى غوتت لربي الي خلقها ....دجيتشي شو كومپلاتامنتيييييي "دخلو كلوووو" …
مكيهضرش في العلاقة فقط كيلهث وانفاسو مكتبقاش منتاضمة ....هممم هممم بقا يطلع ويهبط يطلع ويهبط حتى حس براسو بغا يجيبو وحيدو بسرعة طاح على كرشو فرغو فوق الفراش ...حتى خدا نفس وضار على ضهرو وهي طلع فوق منو ورجعت كلست عليه فوق لمعلم الي بمجرد مدخلاتو بايدها رجع طلع وانتاصب ...بقاو هكا حتى فرغ كاع المازوط الي كان جامع ...
اصبح يوم جديد هاد المرة على الاخوان داني ...اليوم الثاني ليهم فداك الدرب الي سكنو فيه جديد كانت دويرة مزيانة مصلوحة ونقية فيها دوش واحد وطواليط رومية ومعزولة لفوق وتحت منها كراي اخرين ...ضرباتو الفيقة على نبوري كيسمع فصوت واحد كيغوت ...جافيييييل روووح ما لقاطع گريزين ههههه ...
علاء : "مغمض عيني وعين كتقلب على مصدر صداع " سكت علينا داك الحبس اويلي يوتيب مع نبوري ...
علاء : وااااااا طفيييييييييييييي الحاااابس ولا برب تنشخشخو على القحبة الي قالت لطاسيلة الحمار الي حط والدين يماك ابلقواااااد ....
ريان :"ناض ساااااخط عريااان لابس غير بوكسر كيهضر وعينيه حمريييين منفوخييين بنعاس هز الفون ومشا شنق عليه وحطوليه عند خنشوشو " هااا هو ابلقواد لاخور هو نييييت غانشد حبك نفرشخ لدينمك العضاااام شفتييييه طاااافيييييي ....عاود سمعو نفس العيطة ...مشا ريان هكاك طل من شرجم حتى بان ليه مول كروسة راجل كبييير فالسن مضور بيها لبيدويات وفيها طوارو كبار زرقين ...
ريان : شي واحد عندو كروسة منعرف اش داكشي كيبيع !!
علاء : "مغمض عينيه وكيهضر " قوليه يسكت ...
ريان : شغانقوليه راه كيبيع نقطع لسيد رزقو ...
علاء : قتلو وخليه يموت شهيد جنة حسن ليه من دنيا فيها غالمنكر ...
ريان : نعس نعس ...يلاه بغا يضور يرجع ينعس حيث عندهم سهرة طويلة لخدمة تحددت ليهم بليل غايسربيو فالكازينو ولكن غير ريسطو حيث مع الاسف الغرفة الخاصة بالقمار ماشي هما الي غايسربيو فيها...سمع صوت شي وحدة كتبسبس ...ضار يشوف حتى بانت ليه وحدة مقابلة مع شرجم لابسة ضوني حمر وصدرها كبير عندها حناك كي طبل ههه دايرة طاطواج كحل بزاف فحجبانها وبيرسينغ فمنخرها ...
هي : نتا جار جديد ...
شاف فيها طلعها وهبطها وهو يسد شرجم وغمم دنيا ورجع ينعس ...رجعو حتى تخشعو فنعاس وصلت تسعود وهو يجي سيدهم الي كيبعي سردين ...
سرديييين كباايلا شرن "هههههه "
علاء : القلاوي ز*** ترامي لخرااااا ...واش هادشي غانبقاو ديما نصبحو عليه ينعل زبووور مهم ...
رهان الغرام الجزء الثاني
محتوى القصة
التنقل بين الأجزاء