رهان الغرام الجزء الثالث

من تأليف Sana mina
2019

محتوى القصة

رواية رهان الغرام

ضرباتو الفيقة على صوت الغيڤاي محققو على ساعة ثامنة صباحا ...هز ايدو وحبسها وناض من وسط المخاد ضايرين بيه ...عينيه مجبديين بشكل رجولي منفوخين بنعاس وسهرة ...بقا ليل كلو يخبط في هاديك ...حتى فرغ شهوتو ورسلها فحالها ... ناض گلس جنب ناموسية ...حرك راسو يمين وشمال وطرطق عنقو دوز عليه بايدو كيحكفي قرفادتو مرورا بلحيتو ...غمض عينيه بزاف ورجع حلهم قبل ميوقف بوقفتو عرياان ربنا خلقتها تمشا حتى دخل لدوش بضبط لشاور رووم طلق رشاشة الي لفوق حتى هبط ليه لما على شعرو الي هبط على عينيه مرورا بصدرو وعضلاتو لمعلم حتى وصل لاخمص القدمين ...خذا شامبو وغسل شعرو ودار باندوش عاد طلق رشاشات كلهم ...
كمل ودوش براحة راحتو وخرج لاوي على نصو فوطة كحلة وكينشف بلاخرى مشا لفون ديالو دوز لخط ...
غسان : معاش المقابلة ؟ اوكي ..قطع عليها وخرج لبس على خاطر خاطرو ...دوز على جسمو بديودرنت بادي لبس بوكسر وتبعو سروال توب اسود ولفوق قميجة كحلة تاهي دار على ايدو ساعة سواتش رجع شعرو لور كيف العادة ولبس سمطة كحلة بنفس الحرف وخدا صدايف ديال قميجة فكل وحدة حرف G مربع ركبهم وسد الكمايم تقاد مع لمري حتى دوز على لحيتو وقاد خصلات صغار من شعرو لقدام رجعهم رش بارفان وان مليون هز لفون وهبط لتحت لنفس القاعة ...
فدوى : مسيو علوان ...سيفيات واجدين ..
غسان : بداي تعيطي ...
دارت كيف قاليها وبدات كتعيط كانو تمنية البنات الي تعزلو وجوج غير سطاج منهم غرام وجودية ...دخلتهم بداو فالمقابلة حتى كملوهم ...
غسان : صافي ! 
فدوى : باقيات جوجات هادوك غير سطاج الى بغيتي تشوفهم بنفسك نعيط ليهم ...
غسان : اوكي عيطي ...
فدوى : خرجت على برا وعيطت ...غرام بنيس دخلي ...
ناضت غرام كانت عاد وصلت من دار البيضاء فداك صباح باش تعرف اشنو غايديرو معاها وامتا تبدا ...دخلت كانت لابسة قبية كري وسروال سليم كحل وبالغين فالگري طالقة شعرها ميكاب خفيف ايلاينر وگلوص غوز مع توتر داخلة حناكها مزنگين ...دخلت وتقابلت معاهم ...
فدوى : تفضلي كلسي ...كلست وهي تبدا ...غرام بنسودة خريجة جامعة نيفادا تخصص الادارة الفندقية ...يلاه تخرجتي واول مرة غاديري تدريب عندك رخصة من الجامعة باش دوزي سطاج فاي فندق او ...لمدة عام ...
غرام : يس اكزاكتلي ...بغات تكمل وهو يقاطعها ...
غسان : "صغر عينيه شوي وركز فيها ونطق وهو داير ايدو على ذقنو وصباعو زوج فوق فمو " سپيك ارابيك 
غرام : "شافتو وشافت ملامحو وهي تزنگ" او اح اوكي ...انا جيت باش ندير فورامايشن او سطاج لمدة عام باش نرجع لامريكا ونكمل وناخذ شهادة بمرة ...
فدوى : كتفكري تخدمي هنا ولا فامريكا ...
غرام : فين بان ليا احسن وفيه مستقبل كبير ليا غادي نخدم ...و...
غسان : "قطع هضرتها مشافش فيها حاذر راسو ف سيفي جودية الموالي " اوكي سيمانة جايا تبداي توقيت تفاهم معاكم فدوى ...ابتاسمت وناضت ضارت ضورة وهي تخرج لعند صاحبتها وهي وجهها مزنگ وعلى رجهها اعجاب كبير بزاف بغسان ...قبل متخرج فدوى تعيط لجودية هاد الاخيرة بانت ليها صاحبتها خارجة وحناكها ومنخرها مزنگين وعينيها كيلمعو ...
جودية : امالك سلخوك لداخل ! 
غرام : "ضارت وكتشوف فيها بقات تشوف فيها وتبتاسم " هممم ...
جودية : الله اكبر امالك ياهاد البنت ...
غرام : غادخلي غاتلقاي واحد الشخصية غير تشوفيها قلبك كيولي يضرب واحد رجولة وشخصية واااعرة وملامح اي هاڤ نوت سيين هور بيفور ...انبليڤيبل ذات بيرسن ...ماعليا غير نقول وااااو ...

وصلت لعشية من بعد ما تغذاو خلا ريان علاء يكمل غذاه وناض هو اتسغل لفرصة ودخل يدوش وخا حطوهم فحي شعبي اختارو ليهم دويرة زوينة ونقية بزاف ومصلوحة لان المهمة خارج اللوازم شخصية...كان دوش مزيان ونقي ورومي بامتياز ...طالق رشاشة وكيدوش وكيفكر فاولى الخطوات هي الي غاتبدا اليوم خاص اول حاجة يكسب ثقة الجوكر ..
علاء كان كيتغذى وهو يسمع صوت دقان ديال باب ناض يشوف شكون كان لابس غير ضوني سميطات كحل وسروال قطن كحل تاهو ...
علاء : "حل الباب وهو مخنزر لقا واحد البنت هي زوينة باقي صغيرة عمر 14 سنة ولكن العيب انه صغيرة ودايرة طاطواج لحجبانها لابسة سورفيت بيضا لاصقة على طايتها ومزيرة واحد مولاتي الكر كتندغ فالمسكة هازا طبسيل " بقا كيشوف فيها ...
هي : "شافت علاء تحلت " سلاام انا ماريا بنت جارة الي تحت منكم قالت ليك الوليدة الى خصاتك شي حاجة قولها لوليد هو يعاونكم "كتندغ فالمسكة وطرطق فيها " وعطاتني هاد طبسيل كسكسو قالت ليكم مرحبا بيكم ...
علاء : شد من عندها طبسيل ...الله يخلف وسلمي على الوليدة وقولي ليها الله يعطيك الخير اميمتي بغا يضور يسد الباب وهي تحبسو ...
ماريا : عطاتو ورقة فيها نمرتها ...هادي نمرتي الى بغيتو تسخروني هضر معايا غير فواتساب انا موجودة ...
علاء :"خلاها مادا الورقة حيث عرفها لاش بغات توصل "شحال فعمرك ابنتي ...
ماريا : ربعطاعش وطالعة فخمسطاعش 
علاء : فاش كتقراي 
هي: خرجت من رابعة ...
علاء : علاش خرجتي باش تقابلي ناس وتسخري ليهم خرجتي باش تخرجي على راسك ابنتي عرفتي كن كانت عندي بنتي فحالك مغانضربهاش لا غادي نتصاحب معاها ...
ماريا : "فهماتو غلاط " بصح 😍
علاء : غاتكون صاحبتي فحال ختي غادي نبهها ونرجعها لطريق صواب،،باش ترجع تقرا وتحمل ..
واعرة غير البدية ولكن مع صبر غادي نقرا ونوصل لاعلى المستويات ونخدم بدراعي وندير فوجهي وفلبسي لباس نقي من فلوس حلال ...دابا هاد لبسة الي لابسة شكون شراها ليك ..
ماريا : عطاتها ليا فاتن الكوافورة ..
علاء : وهاد فاتنتك الكوافورة اش دايرة فحياتها ! خدامة على راسها كتشري بعرق كتافها ونتي تعطيك شياطة وكن غير لبس مستور علاش نتي متخدميش وتولي حسن منها ونتي تعطيها باش تشري حوايج وتشري ليك من احسن ماركات وتعاوني واليديك وترفعي راسهم ...
ماريا : حست بهضرتو. واخا اول مرة غايسكن ويلاه تعارفو حست بهضرتو صحيحة ...
علاء : انا شفتك باقي صغيرة معجبنيش هادشي الي دايرة في راسك حيث عرفتي علاش ..
ماريا : علاش 
علاء : حيث الى كملتي فهادشي مغاديش تخرج عاقبتك على خير غادي تكرفصي نتي داخلاك المراهقة ملقيتيش الي يوعيك ودرب فين عايشة ممعاونكش عاجباك العيشة هاكا ...رابعة الي خرجتي منها فهاد الوقت نيڤو معاون ..غادي تخرجي على راسك وتخرجي لطريق وتولدي فلحرام وضيعي ولد يا طيحيه يا تديه لخيرية ..." عقدة الميتم "
من بعد مدة وهو كينصح فيها استاذن باش يدخل ومشات هي دخل طبسيل حطو فالكوزينة وخرج وهو ساخط عاد خارج ريان انتابه ليه مغوبش ...
ريان : امالك ..
علاء : كنشوف بنات صغار بوجه ديال ناس كبار وشيخات كيضرك خاطرك عليهم ...
ريان : مفهمتش ..
علاء : لبس لبس تنخرجو ونعاود ليك ...

مر اسبوع …كانت غرام وجودية حتى هما كيوجدو راسهم .... خداو طريق المنتجع ولكن في الاوطيل بحيث غايكونو موضفات الاستقبال ...
في هاد الاثناء …
ريان وعلاء كل تكلف بالبوسط ديالو لكن قبل ميتفرقو باش يبداو يسربيو ...جرى هاد الحديث…
ريان : حاااول ترد بالك لادق تفاصيل وباليل ملي نكونو فدار قوليا شنو شفتي وحتى انا نفس شيء ...
جاوبو علاء براسو وتفرقو ...
………
غرام : ياااربي يدير جولة ليوم ...
جودية : شكون !! 
غرام : مستر غسان علوان ...
جودية : دابا واش تتهضري بصح ؟؟
غرام : والله… اي سوير اي سوير حتى كنهضر بصح شي حاجة فيه خلاتني نتعجب بيه راه فشكل ماعرفتش ..."مزال كيتهضر حتى بانو ليها جوج بوديكارد جايين ووراهم غسان جاي وكيخندش فتيليفون 
غرام : فاااااك هاهو داخل 😍
غادي وكيخندش ومغوبش حتى هز لفون ودوز الاتصال ...
غسان : ايمن خمسة دقايق لقا خنشوشك عندي خمسة دقايق تعطل راك عارف ...قطع عليه وهو يتم غادي حتى لمح غرام شاف فيها وضور وجهو ومشا فاتجاه الكازينو ....
جودية : عههههه شدي على قلبك ...
غرام : اصلا الحب حرام 😑
كانت عندهم مناوبة ليلية بزوجات نفس شيء لعلاء وريان...وصلت تقريبا لعشرة ليل وغسان كان داخل لكازينو فالغرفة الخاصة بالقمار هو مكيلعبش ومكيقمرش ولكن بعض من رجال الاعمال كيجيو يدوزو وقت حتى تبلاو بيه والي دخل لقمار صعب انه يخرج منو يا غالب يا مغلوب ....كانت واحد الغرفة كيلعبو فيها غرفة عادية وكان. ريان كيسربي حتى وقف عليه واحد من البوديكارد...
البوديكارد : هييي نتا ..
ريان : كان كيقدم فشراب وهو يهز فيه راسو ...
لبوديكارد : تكلم لسي علوان دابا راه مشا لمكتب ..
ريان : "حط داكشي الي فايديه ومشا لعندو " 
غسان : دخل ...
دخل ريان بشخصية عادية بتخنزيرتو المعتادة والجدية الي على محياه ...سي علوان ...
غسان : "كيهضر ويطابي فلابتوب " نتا سرباي جديد ياك ! 
ريان : "كيهضر وعينيه مرة مرة كيفحصو المكتب " وي سي علوان ...
غسان : هممم فخبارك واحد الحاجة ؟ 
ريان : نعم اسيدي...
غسان : فخبارك بالي انا مثايقش فيك !! 
ريان : "صمط صمطة وحدة مدة عاد نطق" كيفاش !! 
غسان : "سد لابتوب " شاف فيه ...هضرتي مكنعاودهاش ..."ابتاسم معوج فمو " معرفتش علاش كمارتك كتجيب ليا شك ...طوال هاد الاسبوع وانا حاضيك مزال مقنعتينيش صراحة وكنفكر نطردك وقراري جدي "عوج فيه راسو وابتاسم" 

تصدم ريان ولكن مدار حتى رد فعل بقا غير كيشوف ...
غسان : شي حاجة فيك كتجيب ليا شك ...
ريان : عندك الحق سي علوان ..
غسان : انا من ديما عندي الحق فكل كلمة كنقولها ميحتاجش تقولها ليا ...
ريان : ممكن نسولك !! 
غسان : جريئ مع راسك ..
ريان : سي علوان ! السؤال مكيتعتابرش جراة ...
مع قالها ناض غسان على وقفتو مشا ليه طاير جرو من كول لقميجة ...
غسان : كيشووووف فيه بنضرات نارية ...عرفتي هاد الهضرة معمر شي حد تجرأ يقولها ليا ...
ريان : "محتافض بصرامة ديالو " عرفت سي علوان وكنلتامس منك العذر " مكرهش ريان يفرشخو تم ولكن لضرورة احكام كيلعب ليه على النفسية باش يكسب ثقة ديالو ويحيد اي شك " سمح ليا ...
غسان :"هز ايدو على شكل بونية ونزل عليه حتى تكا عالجنب وكان غايطيح " زامل الي ولدك عرفتي لقيتيني ناشط اما قبرك ليلة يتحفر ...
ريان : "مسح دم الي نزل ليه شوي من جنب فمو وتحكم فراسو بزز " سمح ليا اشاف 
غسان : ضرگ كمارتك ...
ضار ضورة معاودهاش معاه "نااااري يا غسان راك كتجمع " وخرج ...
بقا غسان كيمشي ويجي يمشي ويجي وهو يهز لفون وخرج من المكتب ومسا طلع لفوق وتجه ناحية لوطيل ...طلع لجناح ديالو ودخل لغرفة ...

علاء : انتابه لدم الي في فم ريان ...هاناري مالك ..
ريان : دونت كير ..."غمزو وعلاء فهم بالي ماشي هنا الهضرة " بدا كيسربي وحاضي جنابو ...حتى تم جاي الي مسؤول عليهم وعيط لريان ...
المسؤول : ريان اجي عندي ...
مشا لعندو ريان ...
المسؤول: طلع لفوق لوطيل غادي تهضر مع وحدة من الي فالاستقبال راه كاينين زوج بنات عطيهم هاد لاليست ديال بعض رجال الاعمال الي غايكونو نزلاء فلوطيل موصين على الحجز قوليهم يوجدو ليهم اجنحة ملكية ويهتمو بكل تفاصيل الحجز ...دابا ...
ريان : وخا الشاف "شد من عند الملف ومشا طلع فسانسور ...اتاجه لكونطوار الي فيه الاستقبال لقا وحدة من البنات الي قاليه ...
ريان : "كيهضر ومخنزر طالع ليه الخز باغي غير امتا يخرج يفرغ الغضب ديالو ولكن حيث البنت معندها ذنب اضطر يرطب " ختي ...
كانت جودية اما غرام مكانتش ...
جودية : "شافت فيه" وي ..
ريان : "مد ليها الملف وشرح ليها اشنو قال لمسؤل " 
جودية : ايه داكوغ ميغسي ...تم ضاير غادي وهي توقفو ..
جودية : خويا ممكن سؤال ...ضور وجهو جيهتها وحرك راسو بمعنى وي ...فايت تشاوفنا من قبل !! 
ريان : تت عمري مشفتك "ابتاسم بلباقة وضار مشا" تم غادي فواحد الممر يلاه بغا يضور معرفش مع هو طويل حس بزدحة فوسط كرشو على غفلة ...حذر راسو حتى بانت ليه بنت حادرة راسها وشعرها هابط كتحك فمنخرها ...
غرام : "جاتها دقة من صدرو القاصح لمنخر حتى بانو ليها نجوم هزت راسها وهي تشوفو واخا دار لحية عقلت عليه وبدون شعور" فااااااك يووو وات ايز ذات نتا ثاني شيييييت ...محست غير بدراعها ملوي وضهرها الي تزدح مع الحايط وانفاس حارقة كضرب ليها فوجهها وعينين كي جمر " هو معصب وهي جات فطريق " حط جبهتو فوق جبهتها وسنانو ملاصقين ...

انفاسو الحارقة كتصوط ليها فوجهها ...وجهو مكيبشرش بالخير ...قرب لوجهها اكثر وسنانو كيتغززو ...كان مفقوص وهو من نوع الى فات حتى جعر كيبرد الغضب ديالو فجري ...باسكيط او لبوكس المهم تكون رياضة تفريغ شحنات السلبية والغضب والى جعر بزااف كيتعماو ليه العينين وخا مكيكمي مكيشرب ولكن طبعو هكاك را سكوتي كيوزن الحاجة ولكن عصبيتو خايبة ...هي لقاتو معصب وزادت بالهضرة الي خصرت وعدوه لذوذ بنت تخصر الهضرة او تكون قليلة تربية ...
ضغط ليها على دراعها حتى غرغرو عينيها وحناكها حماارو ...
ريان : "كيهضر وهو مكزز " عدو دين مي برهوشة تخصر الهضرة عدو طاسيلتي نسمع هضرة خاسرة من قلالين ترابي ...خرجتي فيا ضربي فيا وزيدي لمرة لولة ميكت ثانية عطيتك تيساع ثالثة غاندير بوجه انك بنت وقليلة الحيلة مرة اخرى بربي حتى نبكيييييك "زاد ضغط " 
غرام : "كتنين خافت بزااف " اممم سمح سمح ليا...
ريان : كنعرف قبيلتك !!
غرام : "كترعد "هنن هن لاا 
ريان : مشاركي لولاد هااا ؟؟. لا اذن هاد المرة الى صادفتي خنشووووشي فوتي جرتي ولا نولي گرينك ونحسب ليك سنااانك ..."بالغوات " سماااااااعتيييي 😡😡
هي : اه اه اهى ....
بقا مخنزر فيها وشرار تيطير من عينيه مكرهش كن كانت راجل ينطحها تاترعف ...عض على فمو حتى كان غايطوش دم ...ملامح وجهو تضخمت ...دفعها حتى كانت غاطيح وضار ضورة ومشا فطريقو ...خدا اتجاه الكازينو مسافة بسيطة حتى وصل ...لقا المسؤول..
المسؤول : امضرا كلشي هو هذاك ..
ريان : وي هي غاتكلف ... رجع ريان كيخدم داك ليل كلو وهو كابح لغضب كيطيح فبعض الزبائن الي كيبغيو يخرجوه على طوعو حتى كيبغي ينطحهم ولكن كيدخل علاء ...حتى وصل الوقيتة الي غايخرجو فيها كانت الخمسة صباح ...خرجو على برا باش يديهم طرونسبور وهما يلقاو حتى جودية وغرام واقفين كيتسناو تاهما طرونسبور الي غايوصلهم فحال الموضفين..
جودية : بسس هييي مالك ...
غرام : "بالها مقلق لمحت علاء وريان واقفين وريان مخنزر كيشوف فقدامو " وااالو بغيت نمشي نعس ..
علاء : مالك اصحبي اش وقع ..
ريان : علااااء تنوصلو فرق كري هاد ساعة " لمح غرام " تفووو فااااك مشكيلة خرجت لينا ...
علاء : شنو ...
ريان : "كيهضر وهو مخنزر ومغوبش"غاندوي بلا مضور ليا ديك دورة لمفروشة الحبس ...هادوك جوجات وحدة منهم تلاقيتها فطيارة فاش كنت رااجع ...
علاء / فاااااك ...ايناهي..
ريان : القصيورة ...مشكيييلة اشنو ندييرو دابا ..
علاء : فااااك ..
ريان : مال حبك ...
علاء : وتييييتيييزة اصحبي ...
ريان : يااااربي صبر ياااا ربي..وصل طرونس ...مشا طلع وخلاه كيعيط ليه ...

حطهم وكملو لمشي على رجليهم ...ريان غادي وخاشي ايدو فجيب تجاكيط حيث كان لبرد فداك صباح ...
علاء : اشنو غادير ...
ريان : والو اشنو غاندير اصلا هي فين كتعرفو حتى تقولها ليه ...
علاء : وخا متعرف اشنو كاين اصحبي ...خاص حل باش تكون هاني عرفتي الى عرفك جيتي من امريكا غير ودع المهمة ...
ريان : عرفتي كنت على وشك نودعها ليوم ضربني زااامل كنت شوي ونفتخ دينمو تم غا غاااا "تجنن حتى غوت وضرب حجرة ضربت مشة حتى دارت ايييييو " اععععع زااااامل ...
علاء : تكااالما الحبس هادشي ممسلكش نكملو لمهمة وشبع فدينمو عصا دابا خاصك تبدل كيف قال العميد ولا غادي يضيع كلشي ..عندي حل واحد لهاديك البنت ...
ريان : ؟؟؟ 
علاء : تمشي عندها تهضر معاها وتهرنن وتغبن وقوليها هادشي الي غانقوليك بالحرف "قاليه اشنو يدير ...
ريان : الى باقي عاودتيها بيضاتك نعلقهم لحبك فوذنيك ..."وذن الفجر " اعوذ بالله من شيطان رجيم ..
علاء مع الاسف هذا هو الحل الوحيد ولا غادي لقاو مشكيل كبييير ...
ريان : واش مرضتي فكرك ازبل !! 
علاء: واشنو غادير !!!
ريان : زيد زيد نمشي نتوضى ونعس عيييت وشعلني زامل ...
كملو المسيرة مشي حتى لدرب مع دخلة لقاو عبيقة كيتخروع ويتمايل زغبو الله وسكر ديك الليلة ...بان ليه ريان وهو يوقف كي لبوطو جمد ...ودار تحية "فحال حسو قلبو ريان راه بوليسي ويني الخوف وميدير هههه " 
ريان : شافو هكاك جمد خنزر فيه ومشا سبق ...
علاء : شافو باقي جامد مشا قرب ليه ...غاتبقا هكا تيصبح لحال؟ ...قاسو بصبعو وهو يجي مكرفط مشبح ...
علاء : يلاه تما تنعس ...غمض عينيك ...
عبيقة : هخخخ خننن ...غمض عينيه ...
علاء : لقاك نضتي من تم نحش ليك زنطيط ...يلاه دابا شخر ليا مع راسك ...تبع ريان وخلاه دار كيف قاليه متحركش ...
عبيقة : خرررر خررر "بدا تيشخر كيف قاليه حتى نعس تم بصح " 

استانفت الخدمة مرة اخرى دازت شي يومين ...و داز داك اليل بنفس روتين شي كيخدم وحاضي وشي كيخطط كيفاش يكسب ثقة الجوكر رغم عن انفه ...كانت غرام غير هي وحدها ...اما جودية فكانت عندها مناوبة فصباح ... فديك الوقيتة هي كانت كتهضر فتيليفون وهي تلمح غسان جاي وكيهضر فتيليفون ومنيرفي كيخاصم هنا وينزل على هذا من هنا ...تم دايز وهو يرجع ضرب دورة لعندها حتى وقف عليها ...
غسان : "شاف فيها بجدية "علاش نتي وحدك ؟؟ 
غرام : "قلبها تيضرب تلفت عليها الهضرة وطلعتها تزنيگة " همم غير احم البنت الي معايا عندها فصباح ...
غسان : طلعها وهبطها ...اجي نتا ... فالاستقبال كيكونو كتر من وحدة علاش كاينة غير بنت وحدة ...
ايمن : نن نعم اسي غسان نهضر مع فدوى ونفهم منها ...
غسان : مخلين لخدمة كلها على بنت وحدة !! 
غرام : نن ايتز اوكاي ...انا مكلفة ..
غسان : يجيك العطش تجوعي طواليط تقضي حاجتك ...تكون فيك هاديك الي كتجي لبنات ...
غرام وجهها بغا يطوش بدم ..
غسان : عاد نتي قصيورة على لكونطوار خاص تبان ليهم وحدة اطول ...
غرام : "غوبشت "نووو انا طويلة 
غسان : بقا كيشوف فيها وهي مغوبشة وحناكها بغاو يطرطقو بدم ...حتى نطق ...انا بنتي ليا قصيرة وخا انا طويل كندخل مكنردش ليك البال واقفة كتبان ليا غير صاحبتك ...يلاه بغات تهضر وهو يحبسها بايدو ...ااااا على اي ايمن عيط ليا لفدوى نتفاهم معاها على هاد تخربيق الي دارت ...خلاهم وزاد طلع لفوق ...
في هاد الاثناء كانو واحد زوج كيتقاشحو او بالاحرى واحد دمو نشف وهو يشرح ليه ...
علاء : وااا ثبي ...اشنو الحل ااااشنو ...
ريان : مغاااتقوليهش اصلا فين كتعرف خليقة مو هي غا مريضة تا تقابل معاه وضصر عليه ضصاارة هادي ...
علاء : ياكما كتغيري اخوييتي ...
جاتو بونية وسط المنخر حتى بانت ليه صاعقة كضرب ...واااخا القواد فاااكيووو ...
ريان : نغير دوزتها خويتي تعاود نعصي ملتك ...
علاء : "كيحك فضربة " اححح يعطيك ضربة تفووو ...حل واحد عندك باش تحيد شك تستسلم وتهضر معاها وقوليها اش قلت ليك ...
ريان : بربي منتنازل لشي مراة وهني كري فرعتيه ليا سير تخدم ولا نعاود ملتك لوجه نصيفطك لسبيطار ...
بقاو مني منك مني منك والو واش بغا يتنازل ليه ...اما هي فجات بنت وولد حداها فالاستقبال وغسان عطا لفدوى انذار الى تعاود فحال هاد تصرف غادي تطرد بصفة نهائية ...صونا لفيكس ديال الاستقبال ...
غرام . : بانت ليها رقم المكتب ديالو وهي تجاوب بسرعة ...وي موسيو علوان ...
غسان : نص ساعة وكوني عندي فالمكتب ...
غرام : اوكي موسيو...
مشات كتجري لطواليط هزت صاكها ودخلت ..تقابلت مع المري قادت فمها دارت كلوص زادتو بزااف ودارت فغاجو فحناكها دارت ماسكارا وقادت شعرها الاسود الليلي ...رشت بارفانها بنكهة الفريز ...وهي تقابل مع المري ...
غرام : يااا ربي متعلقنيش بيه الى كان ما فيهش خير ليا ...خدات نفس عمييييق وزفرت ...اوووفففف...وصلت لوقيتة مشات كتجري حطت صاكها ومشات طلعت لمكتب ديالو ...

يتسلل العشق الى قلبنا دون استئذان يدق الحب باب قلبنا دون موعد لا نعرف متى واين وكيف يكون ذالك لا ندرييي... 
دخلت عندو ...
غسان : هز راسو فيها وابتاسم ..."شير ليها لكرسي الي مقابل ليه فالمكتب "تفضلي كلسي ..
غرام / "بفرحة " مشات كلست
غسان : ناض من لكرسي وضرب ضورة وكلس فمقابل ليها ...كيف جاك سطاج ..
غرام : "وخا فرحت الا انها استغربت " هاا مزيان ...
غسان : هنا عندنا لخدمة معتمدة على التعامل لكسب زبون وحتى الابتسامة كتلعب دور كبير هادشي غاتكوني قريتيه فتخصص ديالك ...
غرام : يس قريتو ...
غسان : هادشي مكيمنعش ان حتى الجمال كيلعب دور ونتي طبعا هادشي مناقصكش بالعكس كتمتازي بيه وجمال عفوي وتقريبا ناذر ...
غرام : "تزنگات " احم ثانكيو سير ...thank you ser ...
غسان : "بقا كيشوف فيها مبتسم ابتسامة خفيفة " احم مهم انا بغيتك فموضوع غذا فالعشية عندك روبو مع سبعة كوني واجدة باش نجي نديك ...
غرام : "تصدمت من هضرتو " احم علاش ...
ناض غسان من لكرسي وقرب حتى لعندها كلس فوق طابلة الي قدامها وتقابل مع وجهها ...هز صبعو وجر خصلات من شعرها خشاهم ورا وذنها ...قبل ميحذر راسو ويقرب لعنقها "تبورشات فهاد لحضة وقلبها بدا يضرب جاها هادشي سريع " "غمض عينيه ونطق بصوت ساااحر جنتل " اممم ريحتك زوينة فحال ريحة ستراوبري ...رجع شاف فيها 
غرام : اممم اا انا عزيز عليا ستراوبري ..."كتهضر وعينيها فلارض كتلعب بصباعها " 
غسان : هزي راسك وشوفي فيا ...تت هزييي "هزو ليها بايدو " باقين بنات هاد الوقت كيحشمو وحناكهم كيوليو حمرين !! 
غرام : ابتاسمت بخجل ...
غسان : نتي زوينة بزاف ...
غرام : شكرا مستر علوان ...
غسان : حاليا غير مستر غسان …علوان للرسميات ...
غرام : "الفراشات كيطايرو ليهت فكرشها " شكرا ...
غسان : "بلا ميسولها حدد وصافي " موعدنا غذا مع سبعة نهزك من هنا فلوطيل ...
غرام : ولكن ممكن نعرف الموضوع ...
غسان : موضوع غادي يعجبك ومتاكد غادي توافقي عليه وبالفرحات عليك ...
هزت فيه عينيها جات نيشان مع الغمزة الي غمزها وابتاسم بجنب ...
غسان : تقدري ترجعي لخدمتك ...
مشات وحنوكها عامرين دم وسخااان ...خرجت دايرة كفوفها عليهم كتقيص حرارتهم ....يبدو ان العشق قد دق باب قلبها ولكن اي نوع من العشق هذا وهل سيستمر ...
خدات المصعد وهي تنزل نيشان رجعت لاستقبال بقات شوي حتى التقاطت انفاسها ورجعت لخدمتها ...سويعات دازو وهي غارقة فالخدمة والحجوزات ...كانت محنية على ملف كتقرا فليست ناس الي غايحجزو ومضاربة مع شعرها كتهز فيه بايدها ....
هيييي انسة 
ختي ...
شمعت صوت وهي تهز راسها ...
غرام : خرجت عينيها ... نتاااا ثاااني ...
ريان : "هاز منخرو لسما وكيهضر مباغيش يشوف فيها ومراااضييييش " ممكن نهضر معاك فشي حاجة ...
غرام : نن لا مبغيتش ...
ريان : انا حدا طواليطات الي هنا تعطلي عليا منعقلش عليك ...خلاها كتشطح بالفقصة ومشاا سبقها ...

خلاها ومشا لبلاصة فين قاليها خلاها كتغلي وتشنشن مراضياش ولكن ماشي بالقدر ديالو هو اكثر منها ومحاملش راسو ولكن لضرورة احكام ...ولابد ميهضر معاها وخا هو على دراية انها مكتعرفش غسان بحكم انه الشاف الكبير مكاين كيف توصليه ولكن الى قالتها لصاحبتها ممكن صاحبتها تقولها بشكل عادي لي معاها ومن هنا لهنا توصل لهضرة بسرعة لبرق لشاف الكبير ومول الشي...فالاحتياط واجب وخاصة هما فمهمة حساسة والخطأ ممنوع ...بقات شحال مبغاتش تمشي وخافت منو علاش خافت شعور اول مرة تحس بيه هي من نوع مكتعقل على تا شي قمقوم ومكتبغيش الي يتحكم فيها ولكن هو من قاليها ديك الهضرة خلاها تفيبري ...خبطت ستيلو ومشات عاضة على فمها مكرهتش تنطحو تيرعف ....لقاتو كيتسناها فين قاليها وخاشي ايديه فجيب سروال ديال يونيفورم سرباية ...
غرام : اش بغيتي ؟؟ 
ريان : "طلعها وهبطها او هبط عينو وبقا مهبطها قصيورة ههه " ( غرام الحقيقية فيها 1,58) بغيت نهضر معاك او بالاحرى غانجيك نيشان ممكن نطلبك طلب او ترجي الى بغيتيه !! 
غرام : هههههع ترجي ياا ويلي واش تنحلم 🤓
ريان : "مداهاش فهضرتها تيهضر ومنخرو فسما " ممكن متقولي لاي مخلوق كان انك شفتيني فطيارة !! 
غرام : هنن نقدر نعرف سبب 
ريان : ماشي شغلك ..
غرام : اهاااه ماشي شغلي وجاي طلبني نتا شوية لباس ؟؟ 
ريان : شوفي متقولي لتاحد ع احم عفاك ...
غرام : علاااش !! 
ريان : ماشي سوقك 😊
غرام : الگناوية بدات طلع ...واش نتا مالك مالك مبغيتيش تقول سوو علاش جاي ترجاني او طلبني مالك حاس براسك 😡
ريان : خلاها تتعرعر وتجبد حتى كملت ...شوفي نقوليك انا طلبتك او ترجيتك نتمنا متقوليها لحتى واحد حيث ماشي فصالح ديالي وغايجريو عليا الوووغ حبسي عليا هاد طيرة ونزلة الي فيك ومتمادايش "طلع حاجب ونزل لاخور"...
غرام : اييوى قولها من صباح قولها ليا غير فلاكوي فين خدامة لاش نمشي لطواليط و...
ريان : هاني قلتها ليك وكنتمنى تقبلي طلب ديالي تفاهمنا ...ومبغيتش نقولها حيث ببساطة مبغيت حد يسمعنا 
غرام : علاش جيتي تخدم هنا وعلاش غايجيريو عليك نتا جاي من امريكا لهنا ومبغيتي حد عرف علاش !!
ريان : فرعتي ليا راااسي ...شوفي مقلتهاش حيث انا جراو عليا من امريكا وانا محتاج لهاد الخدمة ملقيتش فرصة تما وهادي هي فرصتي حيث معندي منين "تفكر علاء قاليه تغبن عليها وكدب من هنا ومن لهيه ورقع باش تبقا فيها " نعيش من غير هاد الخدمة ...
غرام : هااا معندك من غير هاد الخدمة !! 
ريان : اااه براكة من الاسئلة بغيتي تعاوني معايا مرحبا مبغيتيش نتي وضميرك ابنت ناس ...خلاها وزاد ...

رجع كل واحد لخدمتو والبوسط ديالو ...كل خدم خدمتو كاين الي خدام بحذر وحضاي هنا وهنا وكيخطط لحضات القادمة وكاين الي خدام وهو كيفكر اشنو غايكون من هنا لغذا وكيفاش وعلاش بغاها اسئلة ارهقت تفكيرها وخلاتها مبرزطة وفنفس الوقت فرحاانة انه غسااان علوان بقدو وقامتو وبحضورو وفخامتو عارض عليها لعشا وبغاها فموضوع مشا بالها بعيييييد حتى يمكن نعست معاه ودارو لولاد 🙆🏻...
اصبح يوم جديد على ابطالنا هاد النهار كان روبو عندهم ...
حل عينيه على صوت جديد هاد المرة صوت الموسيقى مجهدة فدار الي مقابلة معاهم ...
ريان : فففففف لا حول ولا قوة الا بالله ...
علاء كان ناعس حال فمو ومرة مرة يتمتم فنعاس ...
ناض ريان كلس …عين مسدودة وعين محلولة شوي ومغوبش ...ياااااا ربي هاد الحبس شهاد زمر عالصباح ...."صوت الموسيقى مزالو مجهد" ...
ناض جمع الوقفة ولبس تيشرت ديالو مشا طل من شرجم بان ليه شرجم ديك المراة هو منين خارجة الموسيقى ...تت لا اله الا الله ففففف سد شرجم ومشا جيهة علاء كانت ساعة تقريبا تسعود صباح وهما مجاو تالخمسة ...علاااء نوووض
علاء : "تيتمتم " اننن هههه هااححح غا تاع انن كويا فكوية فكوية فكوياااا اوووه اا ههههه 
ريان : استغفر الله العضيم علاااااااء ...
علاء : ريان خليني نعس را مغانوضش قطعتي فديلمي حلمة لمرة جايا نوض نكوييييك ...
ريان : نوووض تگعد ازمر غادي نخرجو ...
علاء : مبغيتش ...
ريان : نوض الحبس را خدامين ماشي عطلة ...
علاء : حنا عندنا روبو ليوم ..
ريان : عندنا خدمتنا نضورو فدرب ونمشيو جيهة لفيلا ديال داك القواد ...
علاء : القواد هو نتا ...سير بعد مني انا كنكرهك مكنعرفش طاسية مك عطيني تيساع انا غانقدم استقالتي ياله وخلييييييييني نعس ...
ريان : ياك !! 
علاء : اه قود ...
مشا ريان لكوزينة هز كاس ديال لما بارد ومشا حتى لعندو وهزو تالسما وخواه عليه كان ناعس غير بالبوكسر ...
علاء : ناض بوقفتو ...ولد لقاااااااحبااااااا ...هز ايدو بغا يعطيه بونيا وهو يطاكي ريان شد ليه ايدو ...
ريان : غسل ولبس حوايجك وزيد نفطرو ونخرجو عندنا منقضيو برااا ...دفعو ومشا لكوزينة ...
سمع علاء صوت الموسيقى مجهدة وهو يمشي جيهة شرجم ...طل خرجت هاديك المرا كتشوفيه وتغني ..
هي : بحلم بيك انا بحلم بيك وباشواقي مستنيك ..وان مسالتش فيا يبقى كفايا عليا عشتي ليالي هنيا بحلم بيييييك انا بحلم بيك ...
بقا علاء كيشووف فيها حتى كملت جابت ليه الفقصة وردة وكلشي خاصة انها مراة كبر منو ودايرة ديك الحالة ....
علاء : شاف تا شاف وهو ينطق...وغير قوووولو انا معندي مشكيل معاها ومنحسدو لا غيري داها مبغيت وحدة فحالك غا غانن نشد مك نفرعك ..."خنزر فيها "باقي لقا مك كطلي علينا ولا طالقة لموسيقى وفارعة لينا كرنا غاد نخشي لمك راسك فلاشاص بخراااه ...ضرگي زلاااافتك 😡😡😡صبااح لله ..هي شافتو هكاك برك ليها لما فركابي سدت شرجم مبقات حلاتو …

حلت عويناتها المرمشين لاصقين فبعضياتهم ...مطلعة حاجب ومهبطة لاخور ..كان صوت المنبه ديال تيليفون الي فيقها ...ناضت حتى طفاتو وحيدت لمود افيون منو عاد بداو رسائل والاتصالات تيطلعو ليها ومن بينهم نمرة كانت خاصة مطالعاش راسلة ليها ميساج قراتو ..."موسيو غسان كيقوليك غايدوز عليك شيفور قبل بساعة حاولي توجدي فهاد الوقت ومتنقصيش دقيقة " ابتاسمت حتى دخلت صاحبتها عليها ...
جودية : صباح الابتاسااامااات ...اش كاين تم ..
غرام : وراتها لميساج الي فلفون ...ان ان ان هههه 
جودية : هههههه مش مطمنة ياختي ...
غرام :"تقادت فالكلسة " تت علاش !! 
جودية : معرفتش ولكن غسان علوان ونتي ماشي قضية نقص منك ولكن هادشي جا بسرعة ممثيقاش ولكن حاجة وحدة الي غاتخليني نتيق هي ..."سكتت " 
غرام : شنو !! 
جودية : ماعرفتش ولكن نتي ردي بالك هذا غسان علوان نتي الي معارفاهش هو كيبغي غير راسو مكيبغي يبقى مع تاوحدة معمرو صرح انه باغي يتزوج او كيبغي شي وحدة او ناوي تكون عندو علاقة واغلب علاقاتو كانو غير عابرة يعني ينعس معاها وصافي تلبية شهوة والي ينعس معاها ليوم تمشي متبقاش تبان ليه ...فهمتي !!
غرام : بقات كتشوف فيها وفنفس الوقت فحال الى تقلقت ...ممم مهم انا غانشوف شنو بغاني ليوم وديك ساعة هضرة اخرى ...
جودية : المهم ردي بالك ...اجي شنو غاتلبسي ...
غرام : ايني. ثينگ ...الي كان ماش مشكيل ...
جودية : راه غسان علوان ...
غرام : فرعتي ليا راسي بغسان علوان وخا انا لبس الي نرتاح فيه ...
جودية : خاصك تكوني سبيسيال بب خاص تلبسي لانوثثك ليس لغسان معمري شفتك لابسة لباس البنات كلشي عندك سبور ...بغات تهضر وهي تقاطعها بايدها هزتها بمعنى صبري ...مشات لبيتها وغوتت عليها من تم ...غرام نوضي دوشي وخرجي تفطري عاد اجي نقاد ليك شي ماسكات دغيااا ..
غرام : نوو ماسكات كنكرهم غادي ندوش ومجي نفطر ونشوف اشنو غالبس وخا را مزاال لحااال ...مجاوبتهاش ومشات دخلت لدوش طلقت عليها رشاشة وهي كدوش وفنفس الوقت كتفكر هضرت صاحبتها على غسان وكتقارن احساسها الي غالب عليها ...اول مرة كيعجبها شي حد لهاد درجة اول مرة كتبقى تفكر فيه بزاف فنعاسها فاحلامها فتفكيرها فماكلتها فكل حالاتها طيف غسان قدامها ...
غرام : غسان علوان ايز ماااي ومغايكون لتاوحدة من غيري هادشي جا فوق طاقتي وغانحاول ما امكن انني نخليه يبغيني ومنكونش مجرد علاقة عابرة ...ابتاسمت بكل ثقة ورجعت كملت دوش ديالها ...

كانو واقفين خداو طوموبيل نوع عادي وغير مثيرة لشكوك… هي فاش كيتحركو مرة مرة ...دارو ضويرة فالمدينة وتمشاو حتى لمرسى تغذاو تما وتحركو حتى وصلت تقريبا لعشية ...
علاء : نمشيو لشي كافي ...
ريان : اوكااي ...
كسيرا ريان حتى وصلو لواحد الكافي عادي ولكن كان مقابل مع ريسطو رااقي وخااص كيدخلو ليه غير طبقات راقية او الغنية ....
ريان : فااااك ..
علاء : اشنووو ..
ريان. : بلا مدير تا ردة فعل مستر علوان داخل لداك ريسطو ...
علاء : بشاااخ بزاف ديال لبوديكارد ..الي مبغاش يتفهم ليا هو كيخليهم بعاد عليه امتا كيرافقوه غير الى كانو معاه عائلتو بحسب البحث ديالي عليه !! 
ريان : فهاد الحالة غايكون معاه شي حد مهم !! 
مزالين كيعاودو حتى هبطت من سيارة بنت سبقو رجليها البيضين ...لابسة طالون اسود لامع هبطت على رجليها ثوب لكسوة الي كانت فالاسود ساتان فصالة كلوش حد الكعبة وهي تهبط كلها بشعر مجموع لفوق وخصلات هابطين ...ضار جيهتها من بعد ما حل ليها شيفور الباب ...وهو يشد ليها غسان ايدها وباسها بكل لباقة ...
علاء : بشاااخ صحيبة جديدة ههه ..
ريان : هاد البنت مخافياش عليا ...مع قالها ضارت هي وعينيه خرجو تصدم فيها ...ههه هاديك ختنا ههههه
علاء : بلاتي واش ديك الي قلت ليك خاص تهضر معاها !!! وينيييي الحمد لله اقتانعتي ومشيتي هضرتي معاها قبل ميفوت الفوت والله تا حفضنا الله اصحبي ...
ريان : راه هي اصلا معندها متقول وحتى ولو عرف غانقوليه جراو عليا وجيت عادي ...هههه 
علاء : مالك كضحك ...
ريان : شوف ليك تاهي اممم مثيييير ...
علاء : ضبر منها لمخها راه عارفاه هو شكون بغات تمشي معاه بصحتها ههه ..
ريان : كان كيبان عليها ماشي ديال هادشي وخا شحال من مرة معجبنيش صدف الي تلاقيت معاهم فيهم اصلا مشبوهين ..
علاء : ونتا سوقك فيها شغلها هذاك لاش هاز ليها الهم ...علاء كيهضر وهي دير ليه طن طرررن...زگاااااا ياكمااا ..
ريان : اشنو !!!
علاء : واش غرتي ياكما عجبااااتك هههه ونااااري "ضرب ايدو مع طابلة حتى ضارو ناس " ممصدقش ريان عجباتو بنت ههههههه ريان يعبر عن اعجابه ...معرفش داكشي منين جاه ولا ديك دقة كيفاش جاتو الي عرف هو انه اصبح عرضة للفرجة في المقهى لانه كان مستلق في الارض وهو كيشوف فالسما وتيحسبن ..
علاء : ااااا حنكي امي حنكي ااا حنكي ازامل لقواد حنكي ابلاتي وتشدك ليا الوقت القواد بلاتي ...خلاه ريان مشبح ومشا لطوموبيل كسيرا باقصى سرعتو وخلاه يضبر على فاش يجي هههههه

استقبلها احسن استقبال كانت في ابهى حلة جوهرة رائعة الماسة لامعة ...كانت كتبان فحال شي باربي لابسة الاسود مكياج خفيف ولكن عينيها بانو جذابين ...غمازاتها وحناكها الموردين بلا فغاجو زادو كملو ...وخاصة انها كانت بجنب رجل احلامها الشي الي خلا التوثر سيد موقفها فديك اللحضة قلبها بغا يخرج وهي قدامو وهي معارفاش اشنو بغاها وهي كلها احلام وتخيلات واعجاب واستغراب لهاد سرعة واش لهاد درجة بان عليها انها معجبة بيه حتى وصلو احساسها وخلاه بعرض عليها لهاد سهرة الخاصة !!
دخلو واستقبلهم المسؤل تما بنفسو خوا ليه جيهة خاصة ليهم بزوج ...فضل انه يتلاقا بيها بعيد على الكازينو ....وصلو حتى لطابلة الخاصة كان جنابها مزينة بشموع معطرة وباشكال متنوعة وبالوان مختلفة ...جيهة فيها لمسة خاصة ...موسيقى هاادئة ...وقفو وهو يجر ليها الكرسي ...حتى جلست وهبط لمستواها وبضبط تحت وذنها ونطق بصوت هاامس ...
غسان : جيييييتي غزااالة ...ابتاسم ومشا جيهة لكرسي ديالو ...اما هي قلبها تهز والفراشات كيلعبو فكرشها حتى طلعتها تزنيگة فوق تزنيگة وعينيها تغمضو ...احساس تسرب ليها من صبعها حتى لشعرها الي شوك من الكلمة الي نطق...اههه شكرا ...
غسان : "جا عندو سرباي خاص " اممم النبيذ علاش وصيت !! 
النادل : موجودة سي علوان وديال 24اكتوبر عام 1929 بالضبط تصنعت فيوم الخميس الاسود الي فالحرب العالمية الثانية ...طبعا المعروف ب...
غسان : انهيار بورصة وول ستريييت ...مثييير معندي منتسالك عارف بالضبط اشنو كنبغي ...
غرام : احم صوري مستر غسان ولكن انا بغيت غير عصير جاست ...الى ممكن ...
غسان : هز ايديه ...اوكااي الي بغيتي ...شاف فهذاك غمزو ومشا عارف اشنو غايجيب ...احم ندخلو فالموضوع ولكن حتى يجيب لينا العشا "غمزها " حط ايدو على دقنو وبقا حاضيها وحاضي كل تفاصيلها ...حتى حذرت راسها ...جابو ليهم العشا الي كان عبارة عن اكلة بحرية من الحوت الفاخر وانواع مختلفة ...مرفوق بسلطات مشكلة وخفيفة ...
غسان : "سرح ايدو " تفضلي !! خذا شوكة وسكين وبدا كيقطع بلباقة وياكل بكل جنتلمانية وبطريقة جذابة مركز بعينين نسر الي عندو نضرات حادة شكلو جذاب بزاف ورجولي مرفوق بلمسات شر الي خارجين من عينيه والحنون فطبعو ...حتى ابتاسم بجنب حيث عرفها لاحضت هاد تفاصيل ونطق وهو حادر راسو وكياكل ...كولي ومن بعد تفحصيني مزال غادي تفحصي حاجات خرين "خذا كاس النبيذ الي طلب شرب رسفة وغمزها "
غرام : ولات غير تترعد..احم اهههه مم اه ...
غسان : مبتاسم بجنب ومصغر عينيه فيها " 
غرام : اه "حكت رقبتها " ممكن نعرف اشنو الموضوع ..
غسان : مزروبة !! 
غرام : صراحة كتر فيا الفضول ...
غسان : اممم اوكاي از يو لايك ..."شير بايدو لواحد من البوديكارد جاب ليه ملف حطو ليه ..." حلي هاد الملف وقراي شنو فيه ...
غرام : جرت الملف ناحيتها ...بدات كتقرا فيه ...
تحاليل شاملة في مصحة خاصة وشيك بقيمة ...خرجت عينيها لمبلغ الي شافت وماشي هنا فين لمشيكل المشكيل انه باسمها ...م مم ف مفهمتش !! 
غسان : اممم ...تحاليل غاديريهم وتجيبيهم ليا وشيك من بعد ليلة السبت المقبل غاتاخذيه ...شافت فيه وهو يغمزها ...
غرام : اي دونت اندرستاند يووو ....

حالة اشكال جاتها حالة صدمة او نقولو مفهمتش اشنو المقصود بالضبط عرفات انه ليس اعجاب بيها وان احلامها تبخرت شيئا فشيئا ولكن اشنو المقثود من شيك والتحاليل شاملة لي غادير علاااش!!!...
غسان : كنضن وحدة فبلاصتك غاتفهمها نيشان شيء عادي بالنسبة ليك او لا !! 
غرام / اشنو الي عادي احم ممكن توضح ليا اكثر حيث مفهمتش اشنو قصدتي بالضبط ...اشمن تحاليل وعلاش غانديرهم واش مريض محتاج الي يتبرع ليك بشي حاجة !! 
غسان : ضحك باستهزاء ...هههه الى حتاجيت الي يتبرع ليا غالقاه بسهولة ميحتاجش ندير هاد العراضة كلها ...نتي عارفة اشنو بغيت ...نضراتك ليا وهضرتك عليا واعجابك بيا وفور مكتشوفيني كترعدي باغا غير كلمة مني ولمسة مني باختصار باغا تكوني ديالي ونكون ديالك ...
غرام : "تزنگت " انا منن غي....
انااا اختاصرت ليك…… هذا شيك بالقيمة الي قدامك وهادو تحاليل ديريهم فالمصحة غادي نوصي عليك باش يهتمو بيك تما ونشوفهم ونهار سبت غانتلقاو باش تكون ليلة الاحلام بالنسبة ليك ...
غرام : بدات كتفهم ...كتعني ...
غسان : ندوزو ليلة حمراء ...هممم صراحة منكدبش عليك عجبتيني بغيت نجرب معاك سكس بمفهوم ديالكم في usa ...مهم مكيعجبنيش نزيد نشرح ديريهم كيف قلت ليك ووجدي راسك نهار سبت ..."شير ليها بايدو " تقدري تبداي عشاك "ابتاسم بجنب ورجع كمل مكلتو " ...حتى حس بالوراق تزلعو ليه قدام وجهو ...وغواتها وصل لمسامع الناس وجاب الله هما فجناح الفووق ...
غرام .: بزااااف عليك الي نعس معاك انا الى كيحساب ليك انا بنت ليل ولا من هادوك الي كتجيبهم تنعس معاهم ليلة وصباح ميبانوش قدامك الى كيحساب ليك انا عاهرة فراااك غااااالط وبزاااف عليك ...يس انا معجبة بييك وبزاااف ولكن ضربتي كلشي فزيرو ولو نكون كنموووت عليك منديرهااااش ...هزت كاس ديال لعصير وهي تخويه عليه ...fuuuuck youuu ...
تمت غاديا ضارت وهي تحس بشعرها تجر وضورها بجهد جبدها معاها بتصرفيقة حتى بانو ليها نجوم ...عاود ليها لحنك لاخور ...جبد ليها شعرها حتى غمضت عينها من حر الالم ...
غرام : طلااااااق مني طلااااق ...
غسان : عرفتي راسك معااامن واااش عرفتي ...
جا واحد من البوديكارد بغا يدخل وهو يحبسو ...تت هادي غانخدم معاها بايدي خليها تعرف شوي شويييييي من غساااان علوان ...اول قحبة تجرا ...وفااااك يو من لفوووق ...هز رجلو وعطها لكرشها حتى تقطع فيها صوت وطاحت لارض ومشا جمعها معاها بطرشة حتى هبط ليها دم من فمها ....

جرها من شعرها وهي طايحة ودم دايز ليها من منخرها ...اما هو شراار خارج من عينيه والي داز جيهتو يتحرق بنار عينيه ...
غسان : عمرررر قحبة تاع الخلا متجرات تهز عينيها فيا حتى جيتي نتييييي ...لوا شعرها على ايدو وقرب وجهها العامر دموع وخنونة ودم لعندو وانفاسو الحارقة كضرب في وجهها ...
غرام : اعء اهء اهء بعد مني اهى اهى عمريييي نعس معاك فالحرااام عمرررك تحلم بيها ...
غسان : ااخر همي ...نتييي حفرتيييييي قبرك بايدييييك ابنت الكلب ...هز ايدو تالسما وعطاها بتصرفيقة بضعر ايدو ماشي بكفهم حتى غوتت وجات طايحة تاني ....هو كان ناوي يزيدها ولكن فلحضة شي حاجة ضربت ليه فعينيه وخلاتو يتراجع ...
غسان : اي زامل فيكم يجي عندي لهنااااا...جا واحد من الكارد ...هز عليا زمر ولوحها فشي خلا ...بلاتي بلاتي ...قرب ليها وتحذر لعندها ...عنداك يجيك فبالك متجيش لخدمة ...تغيبي ساعة نحيك ودعي متوصلنيش خبارك ولا شكاية انك مجيتيش سمعتيييي...دي عليا القحبة من هنا ...
الكارد : نقتلوها !! مشا ليه غسان عطاه بونية حتى كان غايطيح ...تقيس شعرة منها نصيفطك لكلاب ينعسو معاك ...ديهاا لوحها ترجع رااااسها 😡😡😡😡....
هزها من دراعها وجرها وهي دماياتها دايزين كتنخصص وقاتلها رعب والصدمة والدهشة كلشي تخلط عليها...داوها فسيارة كحلة مضلمة حتى لاقرب خلا قريب لبحر وفنفس لوقت قريب لشارع …ولاحوها فداك الضلام ...وهي شبه غايبة ...
بعد مدة بسييييطة بدات كتململ ...
~~~~~
من بعد ما خذا سيارة نيشااان بقا كيضور فالمدينة ونواحي حتى ليل ليييل وقف حدا لبحر بين طريق ازمور وجديدة ...وقفها ونزل تما فدوك صخور الي كيضرب فيهم امواج البحر كان ساني فيهم ضو طوموبيل الي بلاصا تما ...هبط وهز الفون واحد اخور ديالو ..دوز لباه الاتصال يطمان على احوالهم ...تخشع معاهم فالهضرة وخاصة ميمتو صدر الحنين الي كتبقى تفلي فيه ماشي غير كتسول ...
ريان : الحبيبة ديااالي ههه راه كبرت ماشي باقي مومو الي خليتيها نتي ههه ...
الحاجة : راه كنقوليك غاتبقا مومو فعيني اوليدي منتهنى تتكون حدايا ..داك سلگوط فينهو ..
ريان : خليتو مشا لدار وانا جيت لبحر نكلس شوي ونرجع ...مزالو كيهضر معاها حتى بان ليه خيال من بعيييد كيتلاوح ومرة كيطيح ...الوليدة قطعي تنعاود نعيط ليك احبيبتي ...قطع معاها وهو يمشي كيقرب ويصغر فعينيه...حتى بانت ليه بنت لابسة كسيوة وشعرها هابط عليها ...كتمشى وكتهرب من جنابها...
ريان : قرب حتى لعندها ...ختي واقعة ليك شي حاجة !!! 
هي بقات حادرة راسها ودموعها دايزين وكتهرب مشافتوش ومردتش البال لصوتو باغا غير تسلك وتمشي لشانطي حتى بدات كدفع فيه ...بعد مني اهى اهى ...هزت فيه راسها وهي تصدم وهو كتر منها ...
ريان : نتي!!! 
هي : بدات كتغبن ودموعها دايزين ..امم اهى اهى ضارت تمشات كتجري بغات طيح وهو يتبعها بغا يشدها زلقت فواحد الصخرة فيها الخز ديال لبحر وهي تجرو طاحت وحتى هو زلق شد ليها فايدها وهو يطيح نيشان فوق منها وفمو جا ملاصق مع فمها بالخبطة وصدفة ...
تههههه فرست كيس لغرام من ريان غير مباشرة ...

طاح فوق منها نيشان ومن صدف فمو جا فوق فهمها نيشان ...بالدعقة مفهم والو كيفاش طاحو ديك طيحة ناض على وقفتو كيسوس فتيشرت ديالو ...غوباشتو بدات كتطلع ...ضار خنزر فيها مد ايدو وجرها ...كيحساب ليه هي واش شاربة حيث كتخروع وهي غير من دوخة وراسها باقي كيضور من تصرفيق الي خذات والخلعة والدهشة مخلياها فهاد الحالة وخاصة اول مرة يوقع ليها هادشي ...
ريان : تفوو ملي مقاداش على شراب لاش جايا لمغريب لاش تفووو ...فين ساكنة نوصلك ...
غرام : ااهى ااهى افاااكيوو انا انن اهى اهء اهء ...كتشير ليه بايدها باش تشرح ليه وهي تحس بدنيا كضور بيها وقبل مطيح كان هو ملقي ايدو ليها باش متجيش فوق صخر...
ريان : شييييت ...هيييي "معارفش سميتها " نتييي واش لباس ...تت فاااك هاا الخراااا ديال الافلااام 😡 ...هزها دغيا بخفة كي القملة بين دراعو وتمشى جيهة الفوق حتى طلع وداها لطوموبيل حطها لور وكسيرا نيشان لعندهم لدار ...
وقف طوموبيل قدام دار وطلع هازها بين دراعو حتى دخل على علاء كان كيدوش ...
علاء : جيتي القواااذ ...ااا اااح هاااكاااك ...
ريان : ممساليش كري لهاد لهضرة ديالك ...اجي جيب شي حاجة نفيقو هاد خيتي مصييييبة كحلة مصييييبة تفوو ...مشا حطها فناموسية ديالتو ...
علاء : حقق فيها ...اشنو جابها لهنا ومالها ؟؟ شكون دار ليها هاذ الحالة ! ...
ريان : سكتنا فيك بلا بلا مالك مالك !! "عاود ليه اشنو وقع " 
علاء : "كيقلب ليها فوجهها وفدم الي جنب فمها حتى تورم مع بشرتها رطبة دغيا بان فيها ضرب " بففف منضنش هادي وجهها ما ديال تشمكير وتقحبين اصحبي ...عطاها شمت ريحة حتى بدات كتنين...
ريان : "بقا تيخنزااااار فيها ويعض فشواربو " تت ...هبط راسو بغا يشمها ...مفيهاش ريحة شراب ...جيب شي مانطة غطيها تتفيق ونعرفو اش كاين بلا هادشي هادي را معرضة لضرب يعني قضية كاينة هنا ...مشا علاء جاب مانطة وغطاها ومشاو لبيت لاخور حيد ريان تيشرت وداكشي الي لابس ودخل دوش وخرج غير ببوكسر تلاح حدا علاء كيتفرجو مقصرين على فيلم حتى لاش من وقت فليييل ...
ريان ناض جمع الوقفة وتمشا حتى لبيت حل الباب وهو يسمع صوت انيين ديالها ...كان ناوي غير يطل ويخرج من سمعها هكاك دخل ومشا جيهتها بانت ليه كلها عرقانة ومكمشة فالمانطة كترعددد ...قرب وقاص جبهتها لقاها طااايبة ...بغفلة شدت ليه فايديه وزيرت عليهم كانو سخااان حس بضو ضربو ...
غرام : اننن ااااا اااه ...
تزير وهو يحيد ايديها وخرج من البيت تلاقا بعلاء خارج من طواليط...
علاء : طلعو وهبطو لقاه لابس بوكسر وجيهة لمعلم منفوخة ...اطغفر الله اسطغفر الله ...صافي "كيشير بايديه كي الولية هههه " دزتي جيهتها طرگتيها هذا غا درويش المعقول خليتك قسم قضيتي الغراض ...جرو حتاها عليه بقجة وجمعو بنص حتى جا لارض ديييما كيغفلو ولا بغا يحشم ....
ريان : "تيهضر وهو مشربنن عينيه حمرين " باقي زامل الي ولدك تعاود هاد الهضرة نكويك من ودنييييك ...نوض تقود من هنا جيب من فارمسيان دوا ديال سخانة وجيب ليها متلبس ...
علاء : ويلي على متلبس را كلشي سد دابا اثبي ...
ريان : ماااشي سووقي 😡😡

شاف فيه علاء حتى عيا وهو ينوض جمع الوقفة ومشا بدل عليه وخرج فداك الليل ...مشا ريان لبس عليه تيشرت گري وسروال قطن كحل لاصق على رجليه ...وخرج مشا لكوزينة حل لفريزر جبد مكعبات ثلج دارهم فطاسة وخوا عليهم شوي دالما وهز لانجيت وزيف نقي من تم وخرج مشا دخل عليها البيت ...مشا زادها مانطة وهي مزال مستمرة فالانين ديالها ...كلس بجنبها ومبعد شوي ...وجهها تزنگ بزااف وفمها حمررر ...فراولة كرزية وردة جورية حمرااء...
هز زيف من بعد مغطسو شوي فالثلج حتى برد …عصرو وحطو على جبهتها الي كيف حطو عليها قفزت ...اااا ...لا لا اممم باارد اهى اهى ...
ريان : شش ...كيقاد فيه وحجبانو طالعين لسما ...اشنو وقع ليك ؟ 
غرام : هو الي ممزيانش 
ريان : كيفاش !! 
مجاوباتوش مشااات غفااات مرة اخرى ورجعت سخانة كطلع ليها تدريجيا ...بقا كيكمد ليها يكمد ...حتى دخل علاء لعندو ...
علاء : "داخل مدرم وتيهضر بصوت مجهد " هااك ها ...
ريان : "خنزر فيه " ششش هضر بشوي 
علاء : اييييوى لاااش مزينك 😾"نقص صوتو " ها aclav و doliprane واحد غايهبط سخانة ولاخور لصداع راس وباش تنعس ...
ريان : اوك جبتي ليها لحوايج ..
علاء : " رفع صوتو لحضة وولى نقصو ههه " غانقتل الزامل بوك الحبس منين غانجيبهم صباح نجيبهم را كلشي ساد الخرااا ...عطيها من حوايجك ...
ريان : عطيها نتا انا طويل ...
علاء : هء انا بنت ليك من الاقزام سبعة ..😒 
ريان : بفففف اش غايقدها را كلشي كبير عليها ...نخليوها غير فمانطة حتى لصباح وخرج جيب ليها شي حاجة ..اصلا صباح غاتمشي تقود فحالها ...
علاء : حتى نعرفو مالها اسي البوليسي ..
ريان : ههه ماشية مع غسان علوان اشنو عاقبتها ههه فاكيو على تفكيرك ...
علاء : وعطيها شي حاجة ولا اشنو نجيب ليها تيشرت من دياولي ...
ريان : تيشرت وسروال قطن ...هادو محوايج الي لابسة مااا حوايج لابسة العرا والمسخ ...
علاء : وييلي ونتا سوقك ولا غرتي!! "مع قالها دار فيه تخنزيرة ديال فاي لحضة ينقز على ديلمو ببونية هاد المرة بدخل غيبوبة " ولكن لقاه خرج فرتح خلا غالبرد 😹😹😹
والله الكلب والله هاد المرة تنقتلك ميحدهاش طبيب لمك الزااااامل 😡😡😡

مشا علاء فرتح قبل ميجيبها فعضامو ...يجيب ليها متلبس من عندو حيث ريان مبغاش يعطيها من عندو حيث مغايقدرهاش وهي اصلا مغايقدها والو بصغر حجمها قدامهم وعلاء مقصيرش على ريان يعني هم واحد ههه ...جبد ليها تيشرت من عندو صغير عليه شوي وسروال قطن سبور كيلبسو كيجيه تحت ركبة ببانضة بحسب رياضة الي كيمارس هو وريان وهي يلاه يجيها قدها ...جبدهم وقادهم ومشا دخل عليه البيت لقاه كالس حداها ...
علاء : هاهما هاد سروال كنضن يلاه يقدها ..
ريان : مزيان وخا غايجيوها كبار معليش ...ضار لقا علاء تيحنزاااز فيه ..اش كاين 😒..
علاء : شكون غايلبسها ...
ريان : هااا 
علاء : شتي نتا بغيتي طييير ...مفكر فالحوايج وتلباس !! 
ريان : "حط ايدو على وجهو " فاااك ...هاديك بنت لميمة خديجة "جارتهم الي لتحت " 
علاء : واش مينعس حد اويلي موكا هما راه الحال قرب يصبح ...عرفتي اشنو ..غطيها صباح وتلبس راسها ..
ريان : ميمكنش ..
علاء : لبسها انا !! 
ريان : سييير تقود ..عرفتي اشنو خرج خرج انا غالبسها ...
علاء : لاا يا شييييخ غادير غض البصر ..
ريان : تت غانعس معاها 😊..غاد نفيقها تلبس راسها ...
علاء : لااا اشك ...صاف صاف هاني يلاه غير قضي ...خرج علاء وخلاه معاها ...بدا كيحرك فيها...
ريان : شش هيييي نوضي ...قرب لوذنها وغمض عينيه...ش شنو سميتك ...
غرام : اننن غا غ غرااااام ..
ريان : غرام !! وخا نوضي تلبسي ...
غرام : راااسيييي اهى دوخة بغيت نعس ..
ريان : نوضي غير لبسي ونعسي ...
غرام : تت عفااك اهى ..بقا يتعافر معاها حتى ناضت وهي مواعياش تابعة غير اش كيقوليها وكدخل وتخرج فالهضرة ...وتمتم بجمل ممفهوماش او هو مفهمهمش ..
ريان : شش شوفي هيييي ...هادو حيديهم ولبسي هادو انا غانضور وجهي واش فهمتيييني حضري عقلك معايا واخا !! 
جاوباتو براسها ...عطاها الحوايج وضار كيسمع غير فانينها والحوايج الي كتحيد حتى سمعها طاحت على ناموسية ضرب ضورة بنص عين وبشوويييي حتى بانت ليه ناعسة وممغطياش ...
ريان : تت لا نوضي نوضي تشربي دوا ..هز قرعة الما خوا منها فكاس ودار فيها صاشية من دوا خافض الحرارة ...خلطو وهز ليها راسها حتى شربو ليها ...تبعو لاخور مشرباتو ليه غير بالكشايف ...
ريان : تت ...رجعها تنعس وغطاها ...يلاه غايضور حتى سمعها ..
كتنادي باسم غسان ...ضور وجهو ...
غرام : غساان كنبغيييك ...ودمعة هبطت ليها من عينها ومشااات ...

بدا الحال كيصبح وريان باقي فايق منعسش مزال علاء مشا غمض ليه شوية حتى مشات بيه عينو وغفاااا...فهاد الاثناء ريان مشا وجد ليه كاس ديال لقهوة ...واقف فشرجم الي حدا راسها كيشوف فشروق الشمس عينيه مغمضوش داك الليل ...راسو تشغل ماشي بيها وانما اشنو وصلها لهاد الحالة ياكما تعرضت تحرش ضرب اغتصاب ...واش قضية جنحة !! افكارو البوليسية بداو كيضورو ليه فدماغو ...اهتم بيها لانها ضيفة فدارو اهتم بيها لانها عبد ضعيف لانها بنت !..حرمة والحرمة ضعيفة كتكون لا حول لها ولا قوة …بقات جملة غسان كنبغيك كضور ليه فدماغو كيفاش كتبغيه وصلو لهاد المواصل ولكن اش وصلها لهاد الحالة علاش هاد غسان الي كتبغي خلاها فداك الخلا اش وقع ليها راسو تخربق وخاص يعرف اش وقع بالضبط لان هذا غسان الهدف ديالهم فالمهمة الي هما علاش جاو اصلا ومخاطرين بحياتهم ……
سمع صوتها وهي كتقلب ...ضار جيهتها لقاها غافية وغارقة فنومة عمييييقة عاد بان عليها الراحة من بعد رحلة ليلية طويييلة كتصارع فسخانة ...
شوي بشوي بدات كتحل عينيها وكتحاول تركز وتعرف وتستوعب راسها فين كاينة ...شعا غلب ليها على عينيها حتى غطاه ليها خيال ضخم وطوييل ...بدات ضبابة كتلاشى حتى بان ليها واضح ...
غرام : اممم ش شكون نتا ...
ريان : مربع ايديه وكيشوف فيها حتى تبدا توعى على راسها ...
غرام : خرجت فيه عينيها وناضت قفزت حتى داخت ...اااه ..شكون اش كدير هنا اويلي فين انا 😳...بدات كتقلب فراسها لقات راسها مبدلة ولابسة حوايج كبار عليها ...ااااويلي اش اش شكون لبسني اوييييلي اش كندير هنا ...اهى ونااري اش درتي ليا ااااش ..."هو مخليها تعرعر ومربع ايديه كيلعب في شواربو ..كيتسنى تتكمل ..
غرام : وااااش نتا باغي تصطي طاسييييلتي واش فينما ضرت لقاك فكمااارتي ...واااات فاااك ايز ذااات وناااري ...اش درتي ليا ...ناضت من بلاصتها ومشات ليه كدفع فيه فدراعو ساعاك جابتها غير فايدها ...ااي ازمر اهى اهى اش بغيييتو عندي ...اااااش 😭...
ريان : سكتييي وخا ...
غرام : لااااا منسكتش اش درتي ليا ااااش علاش كلكم كتبغيييو حاجة وحدة علااااش اهى اهى ...
ريان / سكتيييي وتركني لارض ...
غرام : اش درتي لياااا ..علاش حطيتي ليا حوايجي ...
ريان : وا سكتي 
مبغاتش تسكت بقات تهرنن وترطى حتى غوت غوتة وحدة زلزلت دار على اثرها فاق علاء قافز وهي صقلت ...
شااااااااات اااااااااپ 😡😡😡
غرام : اهنن مم اهى ...
علاء : "طار ونزل "امصلي عليك ارسول الله 😳

صقلت صقلة وحدة من رعب والخوف وخاصة منضر وجهو وهو مشربن حيث مبغاتش تسكت فرعت ليه راس راسو وحمد الله مفرشخها وخا ميقيصهاش غير صوتو يجيب ليها تمام ...
ريان : قلت ليك زمي فمك هي زمييييه ...
دخل علاء كيجري لقاه شاعل وهو يدخل ...
علاء : صباح الخير ...ضار شاف فيها ختي كيف صبحتي !! 
غرام : عينيها مغرغرين وقلبها كيزدح بالخلعة ..هاا ل ل شوية ..شكون نتا !! 
علاء : انا علاء صاحب ريان وخدامين فمازاگان بيتش نتي فلاكوي ديال لوطيل ياك ؟ 
غرام : اه ..
ريان : دي الخرية شرح ليها ولا غانصدق ملصق شي حد هنا ...
غرام : عنداك غير تلصق راسك ...تم غادي جيهتها وهي تهرب ورا علاء ...
علاء : صااف غير سير انا نهضر معاها ...
خرج هو وياها على برا هي سبقاتو كتعكل فالحوايج الي لابسة ومضاربة معاهم ومن حيهة حاضية ريان بنص عين ..ضار علاء جيهتو ...برد اصاحبي راه غير بنت زعما راك بعقلك...
ريان : دي زمر فهمها ومن تبدا تهضر عيط ليا نسولوها ...مشا علاء حتى لحق عليها وكلس مقابل ليها حتى شرح ليها كلشي وكيفاش جات ...
غرام : انا كنت غير كنفكر حتى حسيت بالدوخة وطحت ونضت بديت كنتمشى حتى وقع الي وقع معرفتش اش طرا تالقيت راسي هنا ...تم جاي ريان وهو ينطق ...مكنتي مع تاحد من قبل ...
غرام :"خنزرت فيه " لاا ..
علاء : ضربة الي فجنب فمك !! 
غرام : راه قلت ليك طحت ..
علاء : متعرض ليك حد غير قولي ديريني خوك ومتخافي من والو ..
غرام : كتسولو فحال لبوليس !! 
علاء : هاء غير حيث جابك ريان فديك الحالة لا تكوني واقعة ليك شي حاجة نعيطو لبوليس !! 
غرام : نو نو موقع والو انا كنت غير خارجة كان عندي موعد وخرجت منو مشيت لبحر ورا قلت ليكم اش وقع ...
علاء شاف فريان الي شير ليه بعينيه ...اوك ..تسناي تنجيبو ليك حوايج ونوصلوك !!
غرام : هادو ديالمن ...
علاء : حوايجي ههه يلاه جاوك هاد سروال راه كيجيني فحال شورط خههههخ..
غرام : انا قصيييرة 😪...
علاء : لعب ليها فشعرها ..ويينو هههه ضار لقا واحد القرطاسة على وشك تخرج وتجيه وسط راس جايا من عينين ريان ...هاا ...ااا ...والعفو من دوك العينين 😾
ريان : وصلها فين بغات محد باقي تاحد مفاق من احسن ميشوفها حد يفهموها فشكل ...
غرام : كان عليك تفكر فيها قبل متجيبني ..
ريان : عض في فمو بمعنى راك كتقلبي نفرشخ طاسيلتك ..علاااء اجي معايا ...نتي سيري لبيت جيبي حوايجك علاء غايوصلك ...جر علاء ودخلو لكوزينة ...تاكد انها وصلت ورجع دغيا ...ضار كيشوووف قدامو وسرح ...
علاء : "حط ايدو على كتف ريان "مالك !!
ريان : ماعرفتش علاش حاس براسي شي حاجة غاتوقع ليا ومغانكملش فهاد المهمة ..
علاء : اعوذ بالله الله يحفض فمك لاحسو بوبي !! 
ريان : سييير سير وصل هاديك ورجع ترتاح عندنا ليوم ليل طويييل ...

يتبع ...

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.