احسااااس جمييييل جدا ان تلقى شي حد الي يمد ليك يد المساعدة ويعاونك ونتا فعلا فامس الحاجة لهاد المساعدة بالضبط ...
لا ومن لفوق تحس بالاماااان التام شخص قدر غيير بجمل بسيطة يخليك تسلم ليه راسك انه يحميك من دياب كلهم الي تلخصو فديب واحد من الحمقى الي تجسدو فشخص واحد ...من المهوسيين الي تجمعو فشخص واحد ...قبلة على الجبين كانت مفيلة باش توصل احساسهم بزوج ...هي تنفس وتبرد وتحاول تاكد انها فايد امينة وتامن ليه ...هو احساس جاه فشكل من قبل جبينها حس انها طفلة تلاحت بين دراعو من جديد طفلة شبيهة لطفلة الميتم لا حول لها ولا قوة ...
ريان .:"فصل القبلة وشد وجهها بين ايديه مركز فعينيها سوداوين " اتافقنا ..
ابتاسم ليها كنوع من الاطمئنان حتى تمت جايا الفرملية ...
الفرملية : ختي اجي معايا باش ديري راديو ...
غرام : واخا ...كانت كالسة فالبياص رجليها مهزوزين بحكم قصر طولها هههه بغات تفورصي بالايد صحيحة كانت اليمنى وهي بنت عسراء يعني كتخدم غير باليسرى وتكتب بيها وحتى الماكلة عيا معاها باها والو گوشية فكل شي كتقوم بيه ...شافها بغات تكالي بيها كيحساب ليه مغاتعرفش بيها مع انها هي ركيزة ديالها ....بغفلة منها تحنا ودار ايديه تحت دراعها حتى خلعها وهزها بزربة حطها من على لبياص ...
غرام : "مرگت حيث قصيورة " ههه شكرا
ريان : انا نتسناك معاهم برا ...ابتاسمت ليه ومشات مع الفرملية اما هو فخرج بشوية عليه حتى لعندهم برا ...
جوديا : اشنو خبارها ...
ريان : مشات دير راديو ومن بعد يشوفو اش يديرو معاها شوي وتخرج ...
جر علاء لبعيد شوي ....
زااامل هو الي هرسها ...نرييييي نريييييي مكرهتش نغزز مو ومنبردش منبردش ...
علاء : ولد لحراام صافي ...نتا معليك غير تكالما متنساش خاصك تحكم فراسك حنا دابا قطعنا شوط كبييييير وربي عاونا من عندو حتى وصلنا لانك تكون بشخصك الدراع ليمن ديال جوكر ...مغاديش نطلبك ولكن غادي نهضر معاك بصفة اخرى غاتفها نتا ...اي خطا ناتج عن العواطف مغترحمش فيه هاني قلتها ليك ونتا وفهامتك....
شافيه ريان بتخنييييزرة نارية ...من امتا حنا مكنعاونوش المحتاج من امتا نخليو الايد الممدودة لينا ونزيدو هااا ... شووف لا تفرعش لطاسيلة مي كري بهاذ الهضرة انااا اكثر واحد عارف هاد المهمة قداش حساسة عندنا واكثر واحد عارفها مهمة لبلادنا ...
الابرياء هما اساس علاش حنا خداامين الحاج ...متنساش الشاف كلفنا بمهمات وسط هاد المهمة وهاد البنت او الضحية الي لداخل ماشي غير من المهمة هي غاتكون سبب رئيسي باش نوصلو لمبتغانا وعاد هي من الابرياء الي كندافعو عليهم وعلاش دايرين هاد المعمعة كلها ...
ريان : متنساش اصاحبي ان الشرطة في خدمة الشعب ...ومتنساش ان انا ونتا كنساعدو المحتاج ومتنساش الحاج المختار علاش ربانا ومتسناااش منين جينا وفي وسط اش كنا ...يعني العواطف ممكن تعاونا بشكل كبييييير ..."حدر راسو لعند وجهو وعوجو " اوكاااي بروو...ضار ضورة ومشا كلس حدا جوديا...
علاء : ههههه ناااري يا صحبي ناااري سكتي لديلمي الحس ...ولكن العواطف الي قصدت من نوع ااااخرر...ياربي الي كنفكر فيه ميكونش يااربي ...واجي بعدا اداك سلوم صبّاغة لهنا قوليا اش نديرو ...
بقاو كيتسناو جهد ساعة تقريبا ...ريان كلس فكرسي بحكم باقي جريح وعيان ...وانضمو ليه جوديا وعلاء ...حتى تحل الباب وخرجت منهكة وعلى وجهها علامات العياء والتعب الشديييد ...الم والحريق عياها بزااف لدرجة فمها ولا بيض ...خرجت هازا ايدها بباندا خاصة باصحاب الكسر ...ومضورين عليها صمطة باش مهزوزة فاللون بلومارين ...شافها ريان هو لول وهو ينوض ونسا وناض بجهد حتى غوت ...
ريان : ااااا "غمض عينيه " ففف فاك "شد جيهة جنبو حيث هي الي گمزاتو " اوووففف
علاء : بشوية عليك مالك كطير تانتا ...
مشات جوديا لعندها كتجري وهي كتبكي بقات فيها وهي فديك الحالة ...
عنقتها وهي غير كتشوف عينيها مرة مرة كيبغيو يغمضو ...شش جوديا صافي هاني موقع والو احبيبتي ...
جوديا : شوية باش كتحسي ...
غرام : ام فاين ناو ...ضارت شافت في ريان لقاتو واقف وتيغمض عينيه ..."بملامح تعبة وبصوت عيان " مالك !!
جوديا : "كتشوف فيها ماشي تا لهيه "غرام واش عييتي ...
علاء : ختي شويا اش قاليك طبيب ...
ريان : نسايني انا اشنو قاليك طبيب !!
غرام : كسر من درجة ثانية عطاني شهر ونص باش نحيد جبيرة ..."دارت ايدها على راسها "
ريان : مالك ؟
جوديا : حبيبتي يلاه نمشيو باش ترتاحي...
غرام : "كتشوف فيه جاي جيهتها وكيشوف فيها هي عيانة بزاف وعينيها ناعسين " نو نو غانمشي لوطيل ...
علاء : ناري عندها شوفة ديال هامتارو من كيتقلق 😿...ريان خليها ترتاح لا تعصبش تانتا مال ديلمك عووكسي ...
ريان : "مداهاش فهضرة علاء هو كيهضر وهو مركز فيها غا هي عندها حركات طفولية عفوية كلشي فيها عفوي وبديهي فشكل هادشي عاد بدا كيلاحضو فيها ....اوكي صباح نكونو عندك ...
غرام : "بابتسامة "ثانكيو ...جرتها جوديا وتمشاو هما خرجو ...
علاء : الى وصلتي ودنك عضها ...والله يا مك تا داكشي الي فبالي هو الي كاين ونبصم عليها بصباعي العشرة وصبع رجلي صغير تاهو خاصو يخدم يبقى غا مسخفني من يتضرب مع سداري 😾
في واحد الشاليه الشاليه ...ديالو في احد شاليهات سيدي بوزيد التابع لمدينة الجديدة ...من بعد ما دخل دوش وخرج لقاهم خرجو هاديك خيتي يتصرفو معاها ونقاو دنيا كان شيئا لم يكن ...بدل حوايجو وهز سوارت ولفون وهبط نيشان لبارك خذا سيارة وديمارا ديريكت لهاد شاليه ديالو ...كان معزول شوييي على شاليهات الي تما ...مطل على البحر كيضربو قدامو الامواج ...
كالس قدام الزاج الي كيطل على البحر ...حاضي الامواج كضرب قدامو وشاد فايدو كاس ديال ويسكي ...وگارو ...كيكمي ويشرب وعينيه مكيرمشوووش نهائيا ...غير كيشوف ويكمي ويشرب وتفكيييرو غااامض ...عريان لابس غير بوكسر فقط ...صونا لفون ديالو وصونا وهو مكيجاوبش نهااائيا ...انعازل على العالم عايش غير فعالم صنعو من تفكيرو وحدو وفيه بطلتو بوجهها البريئ ...الحب الي تسلل ليه واستوطن في قلبو ...حب غادي فتطور لماا لا يحمد عقباه ....
غسان : "طرطق عنقو وشرب جغمة من الكاس كما اخر شفطة من الكارو ولاحو فطفاية وتكا على الكاس تاني حتى غمض عينو ورجع حلها وابتاسم " غراام يا غرام تسلل الى عروقي واستوطن قلبي ..انتي لي نطق كل حرف وحدو كتاكيد على هضرتو ...ا ن ت ل ي ...ومن غيري مغاتكوني لتاواحد ...ليا او متكوني لتاواحد من غيري ....
غاد نمشي لكاراكتير المزيان ...غانخدم معاك غير المزيان ...حتى نشوفو اش كاين. …سمع الفون كيصوني من جديد وهو يضور مشربن عدوه لدود الي يصدعو فعز تفكيرو ومخططاتو ...هز وجاوب بعصبية ...قلت ملي منجااااوبش فالمرة لولة عرف مباغيش نجاوب ...مرة جايا ايمن نفرع ليك قلاويك ازااامل ...كرييي صدعتييييه 😡
ايمن : سس سمح ليا اسي علوان غير بب ...بغيت نقوليك انسة غرام بن سودة ...
غسان : لالاك غرام القوااد لالاك ازاامل ..
ايمن : لالة غرام مجاتش ودفعت شهادة طبية حيث عندها كسر فايدها وغاتغيب شهر وزيادة ...
غسان : عاد سرا معاه اش دار وتهز قلبو حتى غمض عينيه بحسرة وغضب حتى عض في شواربو على شوي يخرج دم ...
ايمن : لا لا...خلاه كيطلب وقطع عليه ...ناض على وقفتو ...بقا كيتفكر ويرجع ذاكرة لوراء عاد عقل اشنو وقع بضبط اصلا كان تفكيرو غير فانها رفضات ولكن بالي فورصا عليها حتى وصلت بيها لكسر ...بقا هكا كيفكر ويفكر ويفكر حتى تشخشخ ليه الكاس ديال ويسكي فايدو ...داز دم وويكسب هابط ليه مع ايدو وهو مكاينش هنا ....
نار شعلت ليه فصدرو وفراسو وفقلبو...
غسان : نتي ديالي وانا الي اذيتك ...نتي ديالي ومبغيت الي يقيصك والي قرب ليك نحيه من دنيا والى قلتها نقد بيها ونفوتها ..."ضور وجهو نصف ضورة وابتاسم بجنب " هممم غرام ههه غرام بنسودة وغسان علوان ...وقريبا مدام غرام علوان ...غراام علوان هههه اي لايكيت ...
كنبغيييييك احبيبتي كنبغييييك ... وقلبي ميضرب لحتى شي وحدة من غيرك ...وحتى نتي غاتبغيني ....
هز ايدو الي دايزة بدم مخلط بالويسكي الي ساح عليها ...لحس صبعو ...وشاف في نقطة بعيدة ....ونطق …اااااه احبيبتي ااااه غادي تعذبيييني وتمحنيييني معاك ااااه ..."عاود ابتاسم بجنب" ...هممم هههه ...غرام هي مدام جوكر رسميا ...اي لوف يو سو ماتش سويتي ...عض فشفتيه تحتانية باغراء ...
ناااعسة في البيت وفبلاصتها ...بعد تعب طويييل ...قدرت انها ترتاح ليها شوية ...حلت عويناتها الي عياو من البكا ومن صبر ...ضورت راسها لقات راسها فبيتها ...بغات تنوض وهي تحس بشي حاجة متقلة عليها فوق صدرها ...هزت راسها وهي تنتابه لايدها نساات راها مهرسة ...امم اففف اييي...كلمات تمتمت بيهم باش تنوض حتى دخلت عليها صاحبتها الي دخلت من لوطيل في صباح من بعد ماقدمت ليها شهادة طبية لقسم الموارد البشرية بالي عندها مدة من راحة ....
جوديا : حبيبتي صباح الخير ...
غرام : صباح النور"بدات كتنوض من الفراش " معاش جيتي
جوديا : جيت صباح بكري طليت عليك كنتي ميتة ماشي ناعسة هههه نعست تا انا عاد فقت وجدت لفطور وجيت نفيقك ...فين نايضة ارتاحي ..
غرام : تت بغيت نمشي لطواليط ...
جوديا : ااه. واجي نعاونك ...مشات جيهتها عاونتها حتى ناضت ومشات لطواليط سمعت صوت سرسار ....ومشات حلت ...
جوديا : ريان علاء ...مرحبا دخلو ..
ريان : كيف صبحات شوية ...
جوديا: شوية عاد فاقت كلشو شوي وغاتجي ...
مشات جوديا لعندها لقاتها عاد خرجت كتبدل ومضاربة مع حوايجها ...
جوديا : انا فنضري عاودي ليه شوفي الى كانو فجنبنا رجالة ماشي الى كنا بوحدنا ...هو بغا يعاونك مافيها باس قولي ليه اش كاين راه عادي معندك مناش تخافي بالعكس انا بلاصتك نقول كلشي ...هو الي عاونك فديك العشية ووقف بجنبك بدون اي مقابل ...وهو دابا جا يطل عليك قومي بالواجب كيف ما قام بيه من مشيتي عندو ..
استسلمت غرام ولبست بينوار فبيج ديال هيلو كيتي وبانطوفة فنفس الماركة ولون ...دارت ليها جوديا بونضو بيج ...طالقة شعرها الاسود اليلي الحااالك ...خرجت بوحنيكاتها مزنكين وغمازاتها ...وحتى الغمازة الي بين الشفة الفوقانية ديال فمها ومنخرها...كتبان سووو كيوت ...هادشي كلو من ملاحضات ديالو هو الي عاد بدات تبان ليه هاد الملامح....
غرام : سلمت عليه ...خويا ريان ...
ريان : سلم عليها حتى هو ...كيف صبحتي صافا ...
غرام : صافا الحمد لله ..خويا علاء هههه
علاء : ختي صبحتي شوية "كيتفوه " نعستي ؟
غرام : اه الحمد لله ..
علاء :"بغا يبكي " سعدااتك والله ..
غرام : علاش ؟
علاء : تانا بغيت نعس ولكن من خلاك من خلااك ...ضار شاف فريان لقاه كيتحلف ...شوووف نتا عييينييييك نجبدهم لعب بيهم البييي سمعتي تالنعاااس غانقتل مك غانفرغ فيك فردي غاندبح طاسيييلتك ندبح ...
ريان : ختي غرام ممكن نهضر معاك على انفراد الى بغيتي ...
علاء : دغيا بجرا نجيبو ...مشا طاير يجيب داكشي الي صاربو ضاربو على كرشو ...
بينما في هاد الاثناء كانو واحد زووج او واحد الشخص كيتسنا شنو غاتقوليه واش غادي تفتح ليه قلبها او الخوف غادي يسيطر عليها او تكل على الله وتامن ليه وتقوليه اشنو كاين ...
دخلو لبيت بزوج ...كان بيتها كتنعس فيه ...دخلت وكلست فناموسية وهو مشا جاب كرسي ديال مكتب تما وكلس تقابل معاها ...شاف فيها شحاااال كانت مستريسية وحادرة راسها ...مرة مرة كتهز ديك سمطة ديال لباندة حيث كضرها فعنقها وكتاكلها ...
ريان : كضرك هاديك سمطة ؟؟
غرام : "هزت فيه عينيها " هاا اه كتاكلني فعنقي "ةتحك في بلاصة عنقها الي ضرتها فيها سمطة ...
بانت ليه واحد البكية ديال لقطن الي كيمسحو بيه المكياج وناض هز منو بعض من الدوائر ومشا حتى لعندها هز سمطة دارهم ليها بين عنقها وسمطة ....دابا مغاتبقاش ضرك ...
شافت فيه بابتسامة ممزوجة بخجل ..هه ثانكيو ...
ريان : يو ويلكم ……رجع كلس و تكا بشوي ودار ايديه بزوج تحت ذقنو ...اشنو وقع ليك حتى دار ليك هاكا...
غرام : م...
ريان : غرااام ...انا بغيت غير نعرف باش مرة اخرى تكوني على بال بغيت نعاونك باش متعيشيش الالم بوحدك نتي وصاحبتك نتوما بنات هنا وحدكم مكاينش الي يحميكم واليديكم ممعاكمش هنا ؟
ريان : "بجدية " شوفي نتي فهاد المدينة بوحدك فالمغرب ماشي هو يو اس اي يعني مكاينش الي يعقل عليك ...ديك المرة عندك زهر لقيتيني انا فداك الخلا ...اشنو وقع حتى هرسك علاش واش كاين شي حيوان يدير هكا ؟؟ قولي ليا باش نعاونك انا وليت خدام معاه دراعو ليمنة مبقيتش سرباي فهاد الحادثة الي وقعت ...مهم قصة طويلة ....قولي وفتحي قلبك حسبيني خوك الكبير ...
ريان : وعلاش مبقيتيش معجبة بيه علاش اصلا بينتي ليه ...فخبارك حنا رجال شرقيين مكنبغيوش البنت تبين لينا اعجابها الى بيناتو كنوليو نبغيو منها حاجة وحدة وهي نعاس ونتي تقدري تنعسي معاه ؟
غرام : "بعصبية " زمر فاك الي نعس معاه ...
ريان : "تعصب " صلحي فمك من الهضرة الخايبة ...قاطعو صوت تيليفونو طل لقاها نمرة غريبة ...الو ...نور !!
غرام من بعيد ...نتا المخلخل ال ال..."تزيدي تخصري لهضرة يگلس عليك " هننن "ضورت وجهها مغوبشة " شوي ضرب سرسار ...
مشات جوديا باش تحل الباب ومن زهر شافت من العين السحرية وهي تشهق بصوت مرتافع حتى شدت فجيهة قلبها الي بدا يخرج من بلاصتو ....واااااا...
غرام : اشنو مالك شكونن..
جوديا : هه هو هو هوو غس غسااان 😨...كحزت غرام لور حتى شدها ريان من ضهرها ونطق ...
ريان : "عقد غوباشتو " كيفاش ؟؟ علاش جاي ؟
غرام : وانا عزفت هانتا كلشي قدامك ...خنزر فيها وهي تهز كتافها ...
علاء : مخاصش يشوفنا ...شوف ليك هاد الكلابي ...
ريان : قرب جيهة غرام ...شوفي غاتحلي ليه وتهضري بالي معصبة ومبغيتيهش يدير ليك هاكا وحاولي فنفس الوقت ترطبي معاه وتعرفي شنو باغي ...هذا حالة وحدة الي خلاتو يجي هي يطلب منك سماح باش يحاول يكسبك مرة اخرى ...
غرام : لخرااااا الي يكسبني فاااك هيم ...
ريان : "ضربها لراسها " تي صلحي فمك ...سيري حلي ليه ولكن قبل انا وعلاء غادي نتخباو فشي بيت هنا ...
جوديا : اجي لبيتي "بيتها كان حدا الباب "
ريان : اوكي..اجي علاء ...عاود ضار جيهة غرام ووصاها بعينيه وعطاها بعض من الامان بالي متخاف من تاحاجة مدام هو وعلاء كاينين وتصرف كيف قالت ....اااه يا ريان وخا عاد تناقشتو مناسيش انك تحميها ....دخلو لبيت ديال جوديا ...
غرام : افففف ...اوكي حلي الباب...
جوديا حلت الباب وهي تلقاه واقف داير ايديه فجيابو لابس قميجة فالاسود القااتم حال صدايفها القداميين وسروالو فنفس اللون ...مرجع شعرو لور وكيشوف بنضرااات كااسرة ...نضرات ماضية امضى من سيف الفارس ....واقف معاه واحد من البوديكارد هاز ورد وشكلاط...كي حلت شاف فجوديا بابتسامة ....
غسان : صباح الخير !! نتي جوديا ياك ؟
جوديا : "صرطت ريقها وفنفس الوقت كتشوف مخنزرة " وي هي انا ...
غسان : غرام كاينة ؟
جوديا : اه هي مريضة شوي..
غسان: اي نو سويتي ...جيت نطل عليها الى مكان حتى مشكيل ...
جوديا : ها اه طبعا مرحبا ...
غسان : من لطفك شكرا ...
شافتو غرام عند الباب وهو يقشعها ..."ابتاسم بحزن ولوم على مدار ليها وهو كيشوف فيها كيفاش حالتها وهازا ايدها وجهها باين عليه المرض " غرام ...
غسان : "هو باقي واقف عند الباب مداخل مخارج " ام سو صوري غرام ...بليييز ممكن نهضر معاك ونمشي وديري الي بغيتي ..."هز ايديه باستسلام " ها مندير والو كنواعدك غير نهضر معاك ونمشي كوني هانية ..."بعيون مترجية " بلييييز بب...احم بليز غرام ...
علاء تيسمع لهضرة هو وريان هاد الاخير الي مشكل ايدو على شكل بونية وشفايفو ولاو صفرين بكترة معضهم ...هضر علاء بهمس ..وتا سمعتي اش سمعت قاليها بب ودارك الموقف وقال سميتها ....ماشي كيدار بن الكلابي هذا متعضش مو وسط رااس ...
دخل تحت انضار كل من جوديا وغرام من بعد لبوديكارد عطا لجوديا داكشي ونزل ...جوديا الي لخوف والكره من جيهتو وغرام الي الرعب والكره والاشمئزاز منو ...داخل بكل جنتلمانية وثقة فالنفس داخل فحال الى ماشي هو الي هرسها ...واش فعلا مكانش واعي واذا هاكا هذا العيشة معاه مستحيلة طبعا ومؤكد ....
كلس وكلست جوديا وغرام مقابلة معاه وفنفس الوقت مبعدة ...كانت خايفة منو لدرجة انها ممصدقاش هو الي جا يطل عليها ...هادي يقتل القتيل ويمشي فگنازتو ...
غسان : "حاط ايد فوق ركبتو وايد كيعبر بيها " غرام ...ماعرفتش اشنو وقع حتى درت ليك هاكا ...ثيقي بيا فاش مشيتي مضنيتش انني تسببت ليك فكسر ...عندك الحق تخافي مني وعندك الحق ديري اي تصرف ...
غرام : كنغوت ونتا ماشي هنا ...كناجي ومعقلتيش عليا ...مم مهم موسيو غسان انا مغانقدرش نجي لوطيل...
غسان : في الفترة الحالية طبعا معاك شهادة طبية تقدري تكلسي فوق المدة ماشي مشكيل المهيم راحتك ...
غرام : طبعا ...
ناض وقف وتمشا حتى لعندها ...بدات كترعد شوية معارفاش اشنو غايدير...حتى فاجئها بالبادرة الي دار...
غسان : "باس راسها حتى رجعت بلور " غرام سمحي ليا بزاااف متحكمتش في راسي يمكن مكنتش واعي فاش كنتعصب مكنعرفش شنو كندير ولكن فكرة انني ندير ليك هاكا كرهت راسي مية مرة ومبردتش ...قلبي تهز فور معرفت ان وقع ليك كسر بسببي مكنتش كنشعر فديك اللحضة ..الى بغيتي تقدمي بيا دعوة مستاعد لكاع تعويضات والي درتيها انا معاك ...
غرام : نو نو مغاديش نقدم شكاية ولكن الى تكرر التصرف مرة اخرى غادي نضطر باش نخليك تسني التزام بعدم التقرب ليا ...
غسان : ههه متخلعيش غير قلت ليك المهيم انني انا مغاديش نوصلك ومغاندير حتى تصرف يضرك ومغاديش نبزز عليك براحة راحتك ...كان املي انه تكوني حبيبتي وممكن طور مع الوقت لشي حاجة رسمية ولكن حتى حاجة مكتجي بزز ...
غرام : كنتمنى ...شكرا بزاف ..."ناض وقف " نخليك وبالشفاء العاجل واي حاجة خصاتك انا رهن الاشارة طبعا بحكم انا الي تسببت ليك فهادشي فا من الوجب ديال نقدم ليك المساعدة ما ربما تسمحي ليا …
غرام : نو بروبلم ser...ناضت حتى هي وصلت لعند الباب هي وياه وهادشي كلو وريان وعلاء مخشيين ورا الباب ديال البيت الي جنب الباب ...غرام تفكرت ريان كيفاش كان كيهضر مع نور بديك الطريقة وهي تشربن وفنفس الوقت بغات تردها ليه علاش هادشي الله واعلم ...وتفكرت فور موصلت حدا بيت جوديا …انهم تما…
غرام : موسيو غسان شكرا ليك حيث تفهمتيني ...
غسان : يو ويلكم سويتي ...تاحاجة ما بزز عليك ازوينة ..."ريان حاضي من شقة ديال لباب..."
غرام : "دارت براسها حشمت وهي مكرهتش تقتل مو ديك ساعة ولكن لضرورة احكام لهذاك صنديد الي لداخل " اوو ثانكيو "ابتاسمت بخجل " …
ريان : "ضار خنزر فيه " نقتل دينمك تانتا القواد مالك ؟؟
علاء : يميلو ليك ا قلتو ليا دخل سوق راسك لاش تتعاود ليا ...هز ريان ايدو على شكل قبضة بغا يعطيه لعين ..."تيهضرو بهمس " وناااري على لقواااد نااري ...مشعر تا عطاه لكمارة حتى تسمع دقة عالباب وهو يضور غسان وغرام جيهة مصدر دقة ...
ريان :"بعدم فهم ليها نطق فحال الى استسلم لتصرفاتها " الله يستر ...
من بعد ما خرج غسان واخيرا تنفسو الصعداء وكيف خرج وسدت جوديا الباب...خرج ريان وعلاء من البيت ...لقا غرام رجعت نافخة قمونتها ...نطق ريان : علاش درتي هذاك تصرف ؟؟ اشنو بغا توصلي ...
ريان : بشوية عليك قلت ليك كووون ...اولا "كيحسب بصبعو " مغاديش نقيسك انا مكنضربش القوى الضعيفة او البنات او الي كبر مني ...ثاانيا مغانفكرش نقرب ليييك اصلا ...ثااالثا وهذا المهييييم طيري لسما تنزلي مغانفكرش اصلا نقرب ليك ...قلت ليك حضري عقلك ابنتي حضريه ...متفكري فتاحاجة نتي فحمايتي حنا اصدقاء لا انا لا علاء الي ضراتك نتي وجوديا غاضرنا تا حنا ..."شد فكتافها وتطوا لتحت شاف ليها فعينيها نيشان "اوكاااي ..
غرام : هنن "بعجرفة " اوكااي ..
ريان : علاء يلاه نمشيو يلاه ...
جوديا : بقاو تفطرو معانا ..
علاء ؛ والله خاصني نفطر منقدرش مناكلش داك الملوي عفاااك بغيت نفطر ولا اشنو سير نتا تنفطر ونتبعك ...
ريان : "غوبش " يلاه لهيه وكولهم ...
جوديا : خويا ريان علاش خليه وفطرو معانا حشومة هو الي تقدا هادشي وبالعشق ميفطرش بيه ..
علاء : بتحكي جواهر عليييك نوور ..
جوديا : عارفة عههههه
غرام : "كتشوف فيه بنص عين " علاء بغيتي فطر معانا مرحباااااا بيك الى محطيناك فرق راسنا نحطوك بين رموووش عينييينا ...
علاء : هاااح على هامتارو هااح ربييي يخليييك ..
ريان : …علاااء زيد قداامي ..
علاء : عفاك اصحبي تا مالك عوكسي ..حشومة نرجعوها فوجههم ..
غرام : غا على وجهك نتا مكاين وجه اخور ...
ريان : اجي ضربييني نتي حسن 😡
غرام : "خرجت ليه لسانها "
علاء : ههههههههههههههههه
ريان : تت لا حول ولا قوة الا بالله ....
جوديا :وبراكة من المناگرة صافي هنيونا اجيو تفطرو را دزنا من صيرااااط ....مشات لجيهة طابلة وتبعوها هما..طبعا علاء سبق هو وجوديا ياكلو كرشهم اولى ليهم من تناگير دوك جوج الي حلفو لا هما يتفاهمو ....
بقا علاء وجوديا يفطرو ...الا غرام الي كالسة وهي ماشي فهاد العالم وشخص واحد مقابلها مرة مرة كيشوف فيها كيفاش ساهية واشنو الي خلاها ساهية واش خايفة وممطمئناش او حاجة اخرى ...
علاء. : ايييييوا دير خير ميطرا باس ..."تيتمتم بصوت غير مسموع " عبرت على مك لديك دقة قبيلة غا جيتيني مريض خفت ندخل لحبيسي بسبتك ...
ريان : تسكت لا !!
علاء: يسكت ليك ريح ...🙄
بالايام التي تمضي ننسى الااامنا او يمكن نحاولو نبداو فسلسلة التعود ...في حياة ابطالنا دازت ايام قليلة على اخر مرة ...كان شاد اللابتوب كيقرا وفي نفس الوقت كيبحث ويبقشش حتى صونا ليه تيليفونو شاف اسمها وهو يبتاسم تلقاائيا ...الكبيدة ديالي ...صباح الورد ...
نور : حبيب قلبي "عناتها" كيف وليتي دابا ؟
ريان : اووونفورم بطبيعة الحال !!
نور : الدنيا امان تما !!
ريان : وي علاش !!
نور : قطع نص ساعة وانا عندك ...قطع وهو مفاهمش اشنو بغات تقصد ...كان علاء ناعس وعاد فاق وتم جاي تيحك فعينيه ...ناااري المرض ...غانبقاو غا خدامين فهاد الحبس شي حركة مدرناها اووه فااك ...
ريان : فاش نرجع غادي يتبدل روتين كون هاني ..
علاء : نتمنى حيث تعطلنا بزااف ...معامن كنتي كدوي !؟
ريان : نور هاهي شوي وتجي ..
علاء : اوكاي ...مشا علاء يفطر دازت تقريبا نص ساعة بالحساب حتى جات ودقت حل ليها علاء الباب بمناوشات ومضاربة وتناگير حتى غوت عليهم صعصع فرق جقلة ...مشات لعندو كتجري كيف العادة ترمات في حضنو الي كتنسا فيه كلشي بمشاعر صادقة نقية ليه كتمت حبها من ولات واعية وبدات تحس من جيهتو بالحب والعشق حتى لدابا باقي نفس الاحساس اما هو فعكسها كيبادلها مشاعر حب بين اب وبنتو وبين اخ لختو ...
نور : طلقو ودنيييكم مزيااان ...انا دخلت معاكم فالمهمة ...غادي نكون وسط دار سيكم غسااان علوااان ...
علاء : شييييييييت نووو واااي اويلي الحاج شني هادشي عملتيييي
ريان : وعلاش !
نور : كيف كتعرف انا عندي دراية بعلم النفس وكوتش فالترويض ناهيك على انني ضابطة شرطة يااااك ...
ريان : كملي ..
نور : هممم غسان علوان دار اعلان باش يلقى مدربة لترويض باش تعاون ختو فالنطق وتعلمها الهضرة ...
ريان : ونتي غاتكوني او غاتقدمي باش دفعي لهاد الاعلان !
نور : "تتنفي بصبعها " نووو يو مين انني وليت رسميا مدربة فالنطق عندهم طبعا راك عارف كيفاش دخلت داكشي باش دخلتي نتا وعلاؤش دخلت حتى انا ...
فور منطقت بهاد الهضرة خلاتهم حالين فمهم ...طبعا الا شخص واحد الي عارفها غادي تلقا اي طريقة باش تكون بجنب ريان ومتفرقش عليه وتلقا كيفاش دير باش تكلف بهاد المهمة وطبعا الحاج مغايخصرش ليها خاطرها حيث عزيزة عندو ...بقا حاضيها علاء وكيحك فذقنو ومركز فيها ...
نور : عادي كيف كنعرفكم كيف لا مغادي تشكل حتى مشكيل المهم انني دخلت معاكم فهاد المهمة الكبيرة ....هههههه مفرحانش اول مهمة انكون معاك فيها ؟' ...
ريان : بقا ساااكت شحال وهو يولي ابتاسم وحل دراعو عنقها وطبطب ليها على شعرها وقبل راسها ...مرحبا بيك ابنتي...ههه ...
علاء : تهههه تا شوف ليك اللفتة البيضة تاهي ولات تدخل مع ضباط الكبار فالمهمات ...ياختي طييييري طييييري ولكن عندااك تجيبيها فراسك وتصدقي باااكية ازوييييينة ...
نور : ضحكت ليه باستهزاء ...ههههننهه ضحكتييييني ...
علاء : انا تنهضر بصح ازويييينة هضرتي بصح ...
ريان ؛ دابا فين غاتسكني ...
نور : فواحد البارطما والاغلبية عندهم ...مهم انا عضو تزرع فقلب دار غسااان علوااان ...
علاء : من ناحية مزيانة ومن ناحية ممزياناش ...
غادي تكون فصاحنا ومن ناحية غادي تنوض حرب من نوع ااااخر ...
ريان : اشمن حرب ...
علاء : مديرش فبالك غير من ناحية غسان وصافي ...مهم نور مرحبا بيك معانا ...
عاشق لم يعش تجربة العشق من قبل ولكن ملشي عشق عشق مرة وحدة ولكن لقا الرفض وتحول ليه لتحدي من فشل فالتحدي لقا راسو وسط دوامة العشق مرة اخرى عشق تحول لهوس ...يااا ويل ويل الي كان هو ضحية الهوس ...ولى مجنون ماعرف اشنو يدير يتخلى عليها باش مياديش معشوقتو ولا يحاول من جديد يكسبها او ينساها وفكرة انه ينساها مباغيييش وجملة وحدة في دماغو وعقلو وقلبو فقط ...انتي لي ولن تكوني لغيري ....
كان الصباح الباكر شوي ديك سبعة صباح تقريييبا ...كان فاق وبدا كيتماتل لشفاء تمااما ...حتى ولا كيخرج فالصباح ويمارس رياضة الصباحية ديالو وهي الجري لمدة زمنية محددة ...كان كيجري فجنب البحر بعيد عن الضوضاء ...حتى حس بشي حد حداه حتى هو كيجري ...ضرب ضورة لقاها حتى هي كتجري شافت فيه وضحكت ...
نور : من ديما كنجري فالصباح ...هنن باغي تهنى مني خايف نولي صحيحة ونغلبك هااا ...
ريان : شدها من عنقها لور وضور عليها ايدو حتى هبطت لتحت ...دابا شنو ندير ليك ابنتي شنووو هااا...
نور : اااي صف صف لحفضك صافي ...
ريان : طلبيييني ..
نور : يرحم يماااك ...
ريان : بوسي ايدي ...
نور : هاهي ...عفاك طلق نااري ..مطلقها تا سخفت ...الاطيييف ...
ريان : باش تعلمي تحشمي ...حبسو جري وقلبوها مشي وهضرة ...حتى ضور وجهو ولمح واحد جوج شماكرية ...محمعين على شي حاجة وغوات شي بنت ...نور بلاتي بقاي هنا ..مشا كيجري حتى قرب لعندهم بانت ليه هي نييييت ...كتحاول تحما براسها وتبعد منهم ومعافرة بايدها ملقات جهد كانت ضعيييفة جداا جدا ...
ريان : غرام !!… بدات كتبكي وترجى فيهم وهما كانو زوج سكراانين بحرا لاحتهم الوقت فداك صبيحي ...مشعرت حتى لقاتهم مجرورين بزوج كانو كي سفود العيد شدهم من قرفادتهم عينيه حمريييين...هما
اصلا كانو غير تيصورو بيها معارفين تا اشنو باغين وهي بقات تتجابد معاهم وتاهما بقاو يتجابدو معاها ...شدهم بزوج نطحهم براسو حتى طاحو مشتتين كل تلاح فجيه ...
ريان : تتقواو على بنت الكلاااب...هااا هز رجلو وبقا يعطيهم وهما كيغوتو ومرة يغيبو حتى بدات هي كتبكي ...ضار شاف فيها لقاها كتبكي وكالسة فلارض ...مشا ليها وهبط لمستواها ...
ريان : ششش متبكيش موقع والو مكانو غيديرو ليك والو ششش "مسح ليها دموعها " اش خرجك فهاد الوقت ...
غرام : اهى اهى ان انا اهى ديما كندير سبور فصباح ولكن فهاد الاواخر مبقيتش كنديرها مع الخدمة ...ليوم فقت وحسيت بالخنقة وقلت نخرج لهنا جنب البحر خديت طاكسي وجيت اهى اهى قلت الحال صبح غادي تكون دنيا عامرة ...انن اهى ..
ريان : "بقات فيه " تت صافي" لعب ليها فشعرها وباسها فراسها" ..صافي متخافيش انا معاك ...اجي نوصلك ...خرجت راسها من تحت دراعو وقشعت نور واقفة دايرة ايدها على جنبها كتشوف فيهم وسم بغا ياكلها طبعا هاد سم بان لغرام بحكم هما بنات بزوج ...ونن هاديك "شيرت بصبعها" هز دراعو وضار ..تت تسناي هاني جاي..نوضها حتى وقفت وساس ليها حوايجها وخلاها واقفة ومشا لعند نور...
نور : رسلها فطاكسي علاش توصلها نتا… راك باقي عيان متكلفش على راسك على شي حاجة بسيطة !!
ريان : نور منقدرش نرسلها وحدها انور نتي قادة براسك ومدربة هي بنت ضعيفة وماشي فحالك انور ...
نور : لهاد درجة !!
ريان : "بدووون شعور مشاعر ديالو الي تكلمت فهاد لحضة "واكثر احبيبتي واكثر هادي غرام انور غراام ...عنكش ليها شعرها ومشا لعند غرام وخلاها كتشوف وتخنزر في غرام ...هاد الاخيرة الي حط ايدو على كتافها ضورت راسها وهي تشوف فيها ودارت ليها ابتسامة ديال مووتي بالسم هههه
تمشا معاها حتى وصلو لشانطي فين مبلاصي طوموبيل ديالو ...
غرام : "كتشوف في طوموبيل "طموبيلتك ؟
ريان : "حل بالكونطاكت "وي الى بغيتي ...حل ليها الباب حتى ركبت وبدا يقاد ليها ومهتم بادق تفاصيل حاضي لا يعگرها حاضي عليها بزاااف كيعاملها فحال جوهرة كيعاملها كيف الشفار الي خايف على الالماسة لا تضيع منو حاضيها كيف بنتو كيف ختو كيف ...الايام الي كفيلة باش تبين لينا المشاعر ديالو الي مزال غامضة او مزال هو بنفسو ممعتارفش بيها .... كيقاد ليها فسانتيغ ...تحنى و خشا راسو حتى قاد ليها سانتيغ ودخلها فبلاصتها ....هي فهاد الاثناء تكات راسها وحاضياه حاضية كل تفاصيل شعرو الرطب الي مرجعو لور وذنيه المزنگين صفاء عقنو ...لحيتو المشذبة وموسطاجو الكثيف شيئا ما...شفارو الكثيفة عيناااه المتميزتين والزرقاوتين عيناا جزر المالديف ...كيقاد و
هو كيقاد ليها ويعاونها تقاد فالكلسة باش متقورصيش على ايدها وهي حاضياه حتى طلقت اكبر تنهيدة عرفت هي شخصيا حتى دارت ايدها على فمها وخرجت عينيها ...
ريان : "ابتاسم " ههههه عجبتك لهاد الدرجة
غرام : هااا هاء لاااا ماشي هكاك ...
ريان : واش !؟
غرام : غير مع تخنقت ...
ريان : شنو خنقك ياكما انا ؟
غرام : تت الااا غير حيث كنتي كتصايب وبقيت تنشوف فيك وسهييييت سه...سه "حطت ايدها على فمها "
ريان : را سولناك واش عجبتك قلتي لا… قوليها من لول متبقايش دخلي وتخرجي فالهضرة ...
غرام : ايييوا بااز ...
ريان ساس راسو يمين وشمال لهبالها وضار ضورة ركب تاهو بلاصتو ...وديمارا طوموبيل نيشان لدار....وصلها وعاونها حتى طلعت ودخلت شكراتو ورجع هو لدار دخل نيشان لقا علاء ناعس ومشا دخل يدوش ...
نازل عليه الما وهو داير ايديه بزوج على الحايط وكيفكر ويبتاسم راسو كل مكيتفكرها اصبحت تشغل باله كثيرا فهاد الايام ...ولى كيلاحض شحال من حاجة فيها كيوت ...قصر قامتها وملامحها وهضرتها وشدان الضد كيف كيسميه هو ليست بالعنيدة وانما كتشد الضد ديال ضد ههه...
كمل عليه دوش ولوا عليه فوطة وخرج كينشف ويبقشش فتيليفون فنفس الوقت ...بدل حوايجو ..تيشرت بيج مكتوب بالبوردو وسروال قطن بنفس لون الكتبة ...مشا لمرايا مشط شعرو رجعو لور وخرج قاد ليه كاس قهوة كحل بلا سكار ...خذا الفون ودوز الاتصال لنبع الحنان الي عارفها غاتكون كتفطر هي والحاج دابا ...
ريان : نور العين صباح النور ...
الحاجة ؛ الكبدة صباح الخير اوليدي كي صبحتي ...
ريان : الى نتي لباس انا لباس امورك هانية الوليد لباس عليه !
الحاجة : اولدي راه دنيا هادي ههه ..فين داك سلگوط ؟ ناعس خامر دوزو ليا نهضر معاه..
ريان : كيجي عيان من الخدمة ولكن ندوزو ليك لعلى وعسى يفيق ليك ...خذا تيليفون ومشا لعندو لقاه مشتت رجل فجيه ولاخرى فجيه وفمو حالو كالعادة ..علااء ...علاااء...
علاء : ممكن نطلبك اريان ...
ريان : شنو !!
علاء : وخا تقود من قدامي والله منوض يلاه روول..
ريان : نوض الله يمسخ طاسيلتك الحمار الحاجة كتسمع فيك الكلب ...سمع الحاجة وخسر الهضرة وهو مكيقدرش يخسرها قدامها لا هي لا الحاج …مرگ...ناض واقف ..احم ..علاش تتخسر الهضرة الحمار مبقيتي تحشم ....الو الوليدا حشيشة قلبي صباح نور انوارتي ...
الحاجة : الله يمسخك السلگوط الله يمسخك ...قول امين ...
يحدث في الدروب الشعبية ان النساء تتجمعن فيما بينهم ممكن في الصباح في فترة ما بين الصباح والضهر يتبادلو الحديث والنميمة بشكل خاص ...وحدة طلب من عند وحدة بعض من الحاجيات الي ممكن تكون عند جارتها وكدا هو الحال بالنسبة للاخرى ...يديو الخبز الفران ...يخرجو يتقداو الخضرة،اللحم،الدجاج،الحوت...الخ...كل وفاش مدهي وكاين البعض الي مدهي فحاجات الي محرمها الله سبحانه وتعالى وهي علم الغيب او رؤية المستقبل او الدخول في عالم افكار الطرف الاخر او ما نسميه بالعامية ضريب الفال بهاد المفهوم نمشي عند شوافة باش ضرب ليا الفال وتعرف اش عندي واش الي معندي واش كاين فالمستقبل واش مديور ليا سحر او تقاف ...وهذا هو الحال في هاد الدروبة وخا ناسها طيبيين ولكن الحرام مخطا تا قنت مع الاسف…
في دار واحد الشوافة كانو كالسات نفس البنات الي كانو داك النهار كيهضرو على اجهاض الطفل البريئ الي كان ضحية علاقة او علاقات غير شرعية بين واليديه بزوج واحد من واليديه الي هي مو كانت عند هاد الشوافة الي كضرب ليها الفال في الكارطة....ملي كملت ...
الشوافة : غادي نعطيك عنوان واحد سيدة كاينة فمراكش بالضبط فسيدي عباد ...انوصيها عليك كلسي معاها عاونيها فشقا دار تتولدي ورجعي ...
هي : را مبغيتش هاد الولد...
الشوافة : خليه ليها هي غاتصرف ...
هي : واخا صافي ..
الشوافة : وصباح بكري وجدي. راسك باش تمشي ...وعلى زيكو كوني هانية غادي ندير ليه شي حاجة تخليه ميتلفتش فالعيالات تترجعي وخا بنيتي معرفتك اش عاشقة فيه ...
هي : "بفرحة "وعليه اختي ...تسالمت معاها وخرجت تحت انضار واحد زوج من الي سمعهم ريان وعلاء وهما مكلفين باش يحضيوها فين كتمشي وفين كدخل ومنين كتخرج .....
في هاد الاثناء و في واحد جيهة مغاايرة تماما عن الدرب او الحي الشعبي بالضبط دار عند جوديا ...كانت متكية وساهية كتفكر ومرة كتبتاسم حتى دخلت عليها جوديا عاد فايقة من نعاس ...
جوديا : صباح الخير زين ...مجاوبتهاش ..وااا صباح الخير ..والو حتى خبطت الباب وهي طير وتنزل دارت ايدها على قلبها ...هيييي حرام عليك خلعتيييني مالك الحمارة مالك ...
جوديا : كون مدرت هاكا كنتي غادخلي في فيقوقة ماشي غيبوبة مالك اشنو مسهيييك ...
غرام : هنن والو ...
جوديا : متاكدة ...قووولي مسهيييك هو هممم ...
غرام : "بعفوية بدووون كدب "وييي...
جوديا : كيعجبك كتحسي بشي حاجة ...
غرام : ببزاف دالحاجات جوديا ببزاف ...اول مرة انتابه ليه ولكلشي فيه وخا كنتناگرو ولكن فاش كنطيح كنلقاه هو فاش كنكون فالازمة كنلقاه هو راجل معايا فكلشي رغم اننا كنتعايرو ...
جوديا : يمكن داك المعيور هو الترجمة ديال الاعجاب بيناتكم ...
غرام : ولكن مع الاسف عندي تخوف كبييير "حذرت راسها بحزن عينيها مغرغرين " خفت حتى هو نتصدم فيه صدمة ثالثة من بعد جينك وغسان ...و...قاطعتها جوديا ...غرااام ...ريان عكس غسان مغانقولش ليك ريان ضريف وولد ناس حيث معاشرتوش ولكن نتي كتشوفي ريان بنضرة خاصة عكس النضرة ديال غسان ...
غرام بقات كتشوف فيها وتفكر تشوف وتفكر وهي تنطق ....بابا علمني هضرة وهي …الايام والضروف كتولد ولد الناس ماشي التصرفات...
جوديا : ولد ناس باين وولد لحرام كتبان من كمارتو ...ولكن اختي غسان حارو فيه العلماء اختي ....
في الفيلا من بعد ما فاق ودوش حتى هو خرج من الدوش لاوي عليه فوطة فالاسود وفوطة اخرى كينشف بيها راسو وشاد لفون وهو مخنزر صابح مشربن كيشوف غير شر هاد ساعة ...لاح الفوطة وحيد لاخرى بقا عريان مشا لدريسينغ لبس حوايجو ...كومبلي فالاسود كيف العادة رجع عنكش شعرو ...دار ساعتو فاليد اليمنى ورش بارفانو ...هز الفون والكونطاكت وهبط نيشان لتحت ...
فداء : "ناضت وجرت ليه منخرو " اه عارفاك دري صغير فعقلك اولدي الله يحضر سلامة معاك وصافي ...سير الله يرضي عليك ...
غسان :"ماشي وتيشير بصبعو " عقلييي الوليدة عقليييي هههه ...خرج مشا لطوموبيل ركب وكسيرا نيشان خدا طريق المقبرة ...بلاصا طموبيل فجنب وهبط داير نضاضر شمس ...كانت المقبرة الي فسيدي بوزيد ...وقف شوي حدا سيارة وحيد نضاضرو …سنات ليه شمش على عينيه عطاتهم لون مشع وغا مكيزيدو جاذبية وحدة ...
شافو العساس وجا كيجري لعندو...سي علوان مرحبا ...
غسان : "شير ليه براسو على محيط المقبرة ككل " غادي تعطي لرجالي كاع داكشي الي خاصكم باش تزيدو تصلحو المقبرة جديدة وتزيدو توسعو ...والي مات ليه شي حد و مفحالوش تكلفو بيه ...قرب ليه بنضرات شرانية ...تكلفو بيييه فهمتيييني لقا نقص ندفنك حي ندفنك حي ...
العساس : "صرط ريق" اا لا اسي علوان كون هاني غادي نعطيهم اشنو خاص ...تفضل اسي علوان ..."هز ايدو" غانمشي راسي عارف طريقي...خلاه مشا جيهة رجالو كيعطيهم المستلزمات الي خاصين ودخل هو قصد قبر الي شحااال هادي مزارو اعواام تقريبا ...وقف عندو ...بقا كيشوووف فيه ويتفكر طفولتو وكيفاش كان كيتصرف معاه ...من بعد ما دازت خمس سنوات على وفاتو ...هاهو كيرجع ذكريات من جديد...
غسان : الحاااج علواان ..."ابتاسم " الحاج الحاج الحاج هههه ...شحاال هادي مبقيت جيت لعندك وشكيت عليك شحال هادي ...كنت فينما ديق بيا نجي عندك حتى لنهار الي قررت نتحمل راسي براسي ...ودابا جات حاجة فوق طاقتي ومقدرتش نكمدها مقدرتش ندخلها كيف الازمات الي دازو حتى لقيت راسي قدام قبرك الحاج ...
عرفتي غسان علوان الشخص القوي الديكتاتوري المجنوون الي فراسو فراسو الي قالها ليه راسو هو الي كاين مكيعرفش المستحيل كلشي ممكن ....ولكن جات الحاجة الي خلاااتني عاااجز ومريييييض وحزييييين حتى مبقيت عرفت واش نرجع جوكر ولا نرجع انسان عادي ....
هاد الاخيرة مكنقدرش نتحكم فراسي ونرجع ليها ...مكنعرفش معنى الخوف الرحمة مكنعرفش نراف بالناس و "ابتاسم بحنب " مغانرحمش مغانرحمش كل من وقف فطريقي ...عرفتي الحاج الحاجة الوحيدة الي خلاتني نكون انسان طبيعي بزز مني وخا صعيب عليا ...هي "جبد الفون وجبد صورتها وقابلها مع القبر " هادي ...اااه وتعرف شحال وليت كنعشقها كنعشق تراب الي كتمشي عليه اضطريت تنتنازل على شحال من حاجة على قبلها ...
انا بغيت غير تكون فجنبي تحت نضرات عيني ...بغيتها تبغيني ...علاش متحاولش هي تبغيني وترجع تعجب بيا ...علاش الي بغيتها صدتني واش لهاد الدرجة !! انا بغيت غير تبغيني ونتزوج بيها ونولد معاها علوان صغير ..."هز راسو لسما محاول مينزلش دمعة خانتو نتيجة قلبو الي تزير عليه ...مسحها بصبعو " اااه غرام بنسودة...الاسم الي استوطن عقلي وقلبي وكياني الحاج ومقدرت نحيدو مقدرتش ...حدر راسو وحك عينيه عصرهم قبل مينوض نوضة وحدة ....
تمشا خاشي ايديه فجيابو وصل لعند العساس الي شافو تاني وبدا يفيبري ...اي جنازة ماليها مفحالهمش تكلف بيها نتا ...كل نهار نبغي صدقة توزع ...منعاودش هضرتي مفهوم ؟؟
العساس : هي اللولة اسيدي هي لولة ...
خنزر فيه طلعو وهبطو وتمشي لطوموبيل ديمارا وعاود رجع لفيلا ثاني ...
مرت الايام تقريبا دازت مدة بشيطة على اخر الاحداث ...تماتل كل من ريان وغرام للشفاء التام ...واصبحو على اتم الاستعداد لبدء مشوار جديد...كانت سبعة العشية تماما ...وصلت الوقيتة الي غايستانف فيها العمل من جديد ...ريان وعلاء خداو طريق نيشان لكازينو من جديد علاء بعمله السابق وريان بعمله الجديد ...وصلو لمنتجع ودخلو علاء هبط لتحت وريان طلع نيشان لمكتب غسان علوان بصفته الدراع الايمن له....طلع فسانسور وصل لمكتب بلغ الكارد بوصولو ...
خرج عندو بلغو باش يذخل ...
متصفح فلابتوب مركز فاحب شيء ولا عندو او اكثر شيء ولا عندو هوس انه ضروري ميدخل ليه ياخذ جرعة باش يكالمي راسو ...معشوقتو محبوبتو ...وخا اعلن الهدنة عليها وكسبها كضديقة لكن بشكل مؤقت ريتما يكسب قلبها من جديد كيحاول يبان مكالمي فعينيها وخاصة انه خدا هاد القرار حيث غاد ترجع ليوم تستانف الخدمة من جديد وتكون تحت عينيه من جديد ....هز عينيه من بعد ما سمع بالباب تحل ...
غسان : اووو ريان ...ناض وقف ومشا لعندو سلم عليه ...الحمد لله على سلامتك ...
ريان : الله يسلمك سي غسان ...
غسان : دابا مستعد تبدا الخدمة ؟ غادي تكون معايا وفجنبي واي مهمة درتها تكون فدراعي تفاهمنا دابا انا اول مرة غانتيق فشي واحد عمري متقت فولد المراة ولكن من وصل انك تضحي بحياتك على قبلي هادي منساهاش ليك ..."ربت ليه على كتفو " مرحبا بيك معايا ...دابا غاتمشي لمكتب ديال ايمن الي كان مساعدي السابق غادي تكون نتا المسؤول على الكازينو فغيابي وحتى على لوطيل لفوق الكبيرة وصغيرة تحت ايديك واي حاجة ماشي هي هاديك تكون فعلمي ...
ريان : كون هاني سي غسان ...
غسان : ممتاز...تقدر طلع لمكتب ديالك ...ابتاسم ليه واستاذن منو وخرج خذا سانسور وطلع لمكتب ديالو ...دخل ليه وبدا كيكتاشف فيه قنت بقنت حاجة بحاجة ...كان مكتب مجهز ...كبير شوية ...مشا جيهة المكتب وكلس ...بان ليه لابتوب حلو لقاه شاعل وواجد فيه كلشي مفتوح نيشان على ليست الموضفين ...اول حاجة طاحت ليه فبالو و هي نفسها ...طاپا اسمها وطلعت ليه بالي عاد دخلت استانفت العمل اليوم ...واستغل الفرصة بحكم مبقاش زارها من اخر مرة كل تدها في مشاغل خداتو ...
ريان : الو قولي لانسة بنسودة غرام تفضل عندي المكتب الي فوق الطابق ديال لكازينو ...قطع وهو يجيه اتصال من نور ...
ريان : نوور افين غبرتي ...اشنو ااه صافي ...كي لقيتي الخدمة همم صافي دابا نوصيه عليك باعتبارك صديقة مقربة ...اووكي حبيبتي هههه ...حتى توحشتك بزاف شهر مبقيت شفتك ...ان شاء الله شي عشا هنا مع علاء ...طبعا اكيد ...صافي يلاه تهلاي ليا فراسك بزاف ...وردي بالك متبقايش تنعسي عريانة تاني ديك المرة لقيتك عريانة وكتكحبي ...يلاه حبيبتي ...تهلاي فراسك ....قطع وهو يهز راسو لقاها واقفة عند. المكتب مربعة ايديها ...دايرة بانضة لايدها الي كانت مهرسة....
غرام : بغيت نمشي عندو نسول فيه مهم شكرا موسيو ريان ...ضارت ضورة بغات تمشي حست براسها مجرورة من دراعها حتى كلسها فالكرسي بجهد تا غوتت ...اااي ...ريان : "بعينين نارييين مشربن معصب بعينين غاضبييين حتى عض فسنانو" بربي بربيييي وتعتبي لعندو حتى نقسم انا لايد تانية ورحليك بزوووج...سمعتي...
غرام : "تاهي شربنت " وبااااقي انا لقاك كتعيط لهاديك طويلة لعجلات ديالو نور ولا ضلاام نن ...
ريان : "حبس ضحكة " ننن اش اااش ...
غرام : "جراتو من كول لقميجة الي كان لابس فاللون الاسود مطرطقة عليه حتى حل صدايفها تلاتك لفوقانيين "قرب لعند وجهها فاصل بيناتهم سنتمتر انفاسهم كتحس بيها ...نحش ليك رجلييييك 😡...مشعرش براسو اول مرة فحياتو ميعقلش اش دار حتى لقا راسو جار شفايفها وسط شفايفو ...غارق في بوسة حنييييينة مغمض عينيه فلحضة شرعتهم قبل متغمض حتى هي وتمشي معاه....مزال كيتباوسو حتى تسمع الباب. وهي دفعو كتلهت...
ريان : "هز راسو مغوبش "شكون ...دخل علاء بعجاجتو طالع من لكازينو لتحت لقاها مزنگة كتلهت شافتو وهي تبتاسم ليه واستاذنت هربت ...ضار شاف في ريان وقوس فيه عينيه ...كنتو تديرو شي حاجة
علاء : نتا كتخاطر بزاف اريان ...انا غانقوليك رد بالك ...عرفتي شكون هاديك غرام البنت الي حط غسان عينو عليها ...انا داك نهار مثقتش فيه وخا تحلف ليا على الما يجمد الى مورا هاديك الهدنة ديالو معاها بركان وياربي السلامة الى انفاجر غايحرق كلشي وانا مباغيش نعاود نتحط فموقف انني فاي لحضة نخسرك ثاني اصاحبي منقدرش ...
ريان : حتى نكون انا ساهل ليه ...غسان علوان معمرو يحلم بيها غير يتهنى وغادي نساليو هادشي ويا غالب يا مغلوب ...
علاء : مريض نتا ...اجي بعدا كيفاش معمرو يحلم بيها ...واش الي فهمت صحيح ؟ واش كتحس من جيهتها بشي حاجة ريان !! ميمكنش نتا تبغي ؟ وخا دخلت عليكم وشكيت ولكن دوزتها بالضحك ...
ريان : طبعا كنحس من جيهتها بشي حاجة ...علاء انا ريان ريااان ...نهار غانحس غانكون فعلا كنحس ...علاء ...حاولت حتى عييت نخبي هاد الشعور ولكن مقدرتش ...غير كنشوفها مع غسان كنتجنن ...كنحس بيها قطعة مني ماعرفتش علاش اعلاء ...شعور اول مرة نعرفو ...
واش اعجاب واش مسؤلية واش حب ؟ ماعرفتش ...الي عارف هو انني خاصني نشوفها قدام عيني بجنبي ضروري منشوفها ...نبغي نقيصها ...نشم ريحتها نهضر معاها الله يجعلنا نتعايرو ...قبيلة بستها خههه ريان كيبوس ولا وفرحان ومبغيتهاش تسالي ديك البوسة ..."شير لقلبو " هذا ضرب قبيلة وبجهد ..
حسيت براسي فعالم اول مرة نشوفو فيه الامان عالم ديالي غير انا وهي عالم خلاب ...ولكن مع الاسف ...
علاء : "عينيه ولاو قلوبة " اشنو 😍
ريان هز ايدو على شكل بونية وعطاه وسط كرشو حتى تزوا ...دخل واحد ولد لحرام القواد حرم علينا اللحضة دخل الاشهار ديال mbc 4 حتى لحضة الحاسمة وقطعها علينا...
مشات كتجري حناكها بغاو يطرطقو ...خذات سانسور كيف تسد تكات على الحايط ...صدرها كيطلع وينزل ...قاست حناكها كانو سخاان بزاااف ...بقات شحال عاد تفكرت القبلة الي اول مرة كتعيشها بداك الشكل ..تفكرت قبلة غسان شرسة ...كيفاش باسها بداك العنف ...هل فعلا هو عاشق لها عشق مجنون عنيف ...قبلك ريان الحنونة الي كتحمل احاسيس جياشة مليئة بالامان ...غيرة عنيفة ...رجعت تفكرتها من جديد حتى لقات راسها مبتاسمة ولكن ...تحل الباب تحل فكها لقاتو هو نفسو في وجهها ...كان مضور ضهرو وشافها وهو يبتاسم بجنب ....رجع قلبها كيضرب من جديد فور مكتشوفو كيركبها رعب ...
غرام : بعد تفكير ...."ملقات جهد وخصوصا ان هذا غسان متقدرش ترفض امر الباطرون "…اوكاي ...
تنحى بجنب ودار ليها طريق بايدو باش تسبقو ...ليديز فرست ...ابتاسمت ليه وتمشات حتى وصلو المكتب ديالو ودخلو ...كلست في فوطوي الي مقابل لمكتب ديالو ...سد موراه الباب وكلس حتى هو لكن مقابل ليها ...دار ايديه تحت ذقنو كيف العادة وكلس بكل جنتلمانية ...غرام ...ممكن طلب او ترجي الى بغيتي...
غرام : داخل فاطار الخدمة ...
غسان : "هز ايديه " مع الاسف خارج اطار العمل ...بليييز محتاج ونتي تقدري عفااك ...وسمحي ليا ...
غرام : علاش ...اشنو طلب !
غسان : فاش كنت غانتلاقا بيك داك نهار فاش ضنيت اننا غانكونو اونكوبل بزوج كنت فاتحت الام ديالي بالموضوع والمشكيل ماشي هنا المشكيل فاختي الصغيرة كنت وريتها صورتك واصرت تعرف عليك ....
غسان : "تزير حتى عض فسنانو بلا ميبين …بدا صدرو كيطلع ويهبط وبزز باش قدر يبرد " فففف...غرام بليييز طلب صغير ...ختي احم ختي حساسة بزاف الى تقلقت تقدر تجيها كريز ...متحرجينيش اكثر غرام جاست طلب بسيط غير تشوفك ومتبقايش تلاقاي بيها بليز ...
انا مكنبغيش نهضر فهاد الموضوع حيث حساس بالنسبة ليا دونك متزيديش اكثر ...ساعة صافي ونرجعك ...
حلت عينها توجهت لدوش دوشت باش تفيق مزيان ...خرجت لابسة بينوار فالغوز فيه رسوم هيلو كيتي ...دايرة فوطة فراسها ...حنيكاتها مزنگين ...مشات لماريو ...تقابلت معاه دايرة صبعها في فمها كتفكر اشنو تلبس وفنفس الوقت متخوفة من ريان الي مزال معالمش بالي غادية مع غسان لفيلا عندهم ...والمشكيل انها كدبت عليه بالي غاتبقى فدار ومغاتخرج باش تهضر مع باها وامها بحكم هي ف امريكا فداك الوقت غاتكون فايقة ...بعد تفكييير طويل قررت تلبس ستيل ديالها ...
اختارت دوبياس فالازرق وضوني فنفس اللون لبستهم ورشت ديودرنت من بعد ما ذهنت بكريم مرطب للجسم بنكهة الكوك...و بما انه شوي الحال بارد اختارت قبية فالگري مكتوبة بالاسود وسروال دجين سليم بلومارين ...لبستهم وفردت شعرها نشفاتو بسوشوار خلاتو مطلوق وجمعت غير جوج خصلات بفيليل على شكل فراشة ...تقابلت مع المراية دارت ايلاينز ومشطت حجبانها ...رشت بارفان جادوغ ...خرجت برا من بعد ما خذات الفون دارتو فصاكادو ودارتو فضهرها من جيهة ليمن ...لقات جوديا كتفرج ...
غرام : "صونا ليها الفون كان غسان كيبلغها باش تنزل " جوديا ساعة ونرجع اوكااي...
جوديا : غرام علاش كدتبي على ريان ؟
غرام : باش منجبدش صداع بيناتنا ...
جوديا : والى عرف غايتقلق ..
غرام : علاه اشنو بيناتنا حتى يتقلق خطيبي حبيبي راجلي بات ولادي "هزت ايديها بزوج " نوو ثينغ بب ...يلاه گود باي هاني ...رسلت ليها قبلة من بعيد وخرجت هبطت كتجري من بعد مالبست ايرماكس فلون القبية ...خلاتها غير كتشووف هادي مكيعجبش ....
من بعد ما هبطت لقاتو واقف كيتسناها كان تا هو انيق بقميجة فالابيض مزيرة عليه بارزة عضلاتو وطاوي كمامها خاشيها فسروال اسود كلاس ...مرجع شعرو لور كيبان جذااب بزاف ...ابتاسم ليها حتى وصلت عندو قبل ايدها بحب وحل ليها الباب...تفضلي ...مرة اخرى شكرا ليك ...ابتاسمت ليه وركبت مشاو نيشان لفيلا ...لقاو فاستقبالهم فداء وماسيليا الي غير شافت غسان وهي تمشي تجري لعندو ...
غسان : اميييرتي ...باس راسها ...ها غرام الي دويت ليك عليها جات لعندك هههه ..
ماسيليا .: اوو غ ر ا م "غرام " مشا ليها باستها في حنكها ...
غرام : سويتي يو ار سو بيوتيفل حبيبة زوينة بزاف ...ابتاسمت ليها وهي تقدم ليها امو ...
غسان : فوق بزااف ...ابتاسمت غرام بخجل من هضرتو ...دخلو لداخل تعرفو عليها بقاو يضحكو معاها ويسولوفيها الا غسان الي حاضيها غير هي كيفاش كضحك كتغوبش تعجب تسول كل حركاتها اثاارت جنونه بهذا المفهووم...حتى طلبت الاستئذان ...موسيو غسان ...خاصني نمشي دابا ...
غسان : اوكاي تسناي نوصلك ...
فداء : غسان محتاجاك دابا على ود شي وراق خاصك تسنيهم الى قدرتي غرام معندكش مشكيل تسناي حتى نقضي معاه ...
غرام : نو نو اوكاي انا تقدر ترسلني مع شيفور ! او طاكسي ...
غسان : "سمع مرة اخرى زرعت فيه امل من جديد غادي يجيبها " همم اذا هاكا اوكاي از يو لايك ...غانعيط ليك الي نامنو عليك تسناي ...تنحى بجنب ودوز ليه الخط...الو ربع عندي فالفيلا بغيتك توصل شي حد منقدرش نامن تا شي واحد عليه ...اوكي ...ضار جيهتها ..تسمحي لينا ربع ساعة غايكون هنا يوصلك ؟
ابتاسمت ليه استاذن منها ومشا مع مو لاتمام بعض الامور المتعلقة بامورهم ...حتى دازت ربع ساعة تحل الباب ودخل بسيارة الي عطاه كانت نوع رينج فالاسود ...دخل ودخلو بلغوها باش تخرج ...سلمات على ماسيليا بحب وخرجات كتجري حناكها مزنگين اصلا على سبة ...دقت عليه زاج الي كان فيمي وهو يتحل ليها الباب وركبت بجنبو ...
غرام : ثانكيو " ضربت ضورة وهي تخرج عينيها وقلبها بدا يزدح تا بغا يسكت حست بالبكية وشمتة وكلسي ماعرفت باش تبلات حست براسها اكبر حمارة وكلشي وكدبت عليه " ر ر ريان 😨....ريان بليز سمعني ...
ريان : هز ايدو بمعنى سكتي ...عص في شواربو حتى كان غايطير دم ديمارا طوموبيل وكسيرا خرج من الفيلا وهو يشد طريق كسيرا بجهد حتى نقزت طوموبيل وغوتت ...غادي بسرعة خيالية وهي قلبها بغا يخرج ...
غرام : ر ريااان رياان نقص عفاك رياااان بلييييز ....موصلها حتى غفر ليها الله ستين ذنب وذنب ...بقا شحال واقف وهي كتسترج انفاسها ....اول مرة تشوفو مخنزر لهتد درجة وجهو مكيبشر بخير ابدا ...
رهان الغرام الجزء الخامس
محتوى القصة
التنقل بين الأجزاء