مشات فرحانة كتقاد فحوايجها وفحالتها استعدادا لرؤيته وهي بكامل اناقتها ولكن حناكها وقلبها الي كيضرب بجهد خلاهم يتزنكو ويكتاسبو لون وردي شديد ...الشي الي زادها جمال وكياتة اكثر ...وصلت لسانسور كليكات عالبوطون ولكن لسوء الحض لقاتو عامر ...فماكان عليها الا تسنا ...ماهي الا دقائق كان تحل وتحلو عينيها وفمها معاه من الشخص الي شافت قدامها ...معقووول اش جابو لهنا ولااش جااا...فااااك ...
غرام : مااا نيم ايز غرااام ناااات روووومي...رووومي ايز ان ذا پاست ...سووو اي سوير ااااي سوير لقاك مزال تابعني ولا تقلب عليا ولا تحاول تقرب مني غادي ندم حيااتك كلها ونصيحة حاول تبعد مني حيث انا ملك لشخص الي يقدر فلمح البصر يغبر ليك الاثر ....بغا يهضر ثاني حبساتو ...فااااك يووووو "دارت ليه فاكيو حتى بصبعها "🖕🏿...عطات رجليها لريح باش تشد المصعد الثاني الي كان غايتسد ....
~~~الان \~~~~~
ضارت بالعرض البطيئ لعندو وهي تصدم من الجراة والهضرة الي نطق ....جيييينك واات ار يو دوينغ هييييير ...
جوديا : فاااك ...هذاك الكلب انا غانهضر معاه فاش نخرجو من هنا ...
غرام : مبغيتش نهضر معاه مبغيييييتش اهى ...
جوديا : يكون خير ...ولكن خاصك تهضري مع ريان وعاودي ليه القصة ديالو متخبي عليه والو ...
غرام : انا اصلا كنت غانقولها ليه وكنت غانقوليه كلشي عليا مكنبغيش نخبي عليه ...مجاتش الفرصة باش نقولها ليه اما كان غايعرف كلشي وعادي واحد كنت معاه متفاهمناش وكل شد طريقو ...
جوديا : عاودي ليه كلشي متخبي والو ...دابا هو معصب وعلى معاود ليا علاء مكيبغيش الي يهضر معاه وهو جاعر يقذر ياذيك ...خليه يتهدن وهضري معاه ضروري مغايبغي منك تفسير ...
غرام : اوكاي ....بقات معاها حتى طمانتها وحاولت ما امكن تهدنها باش تعرف تفكر ومتصرفش تصرف طايش ...خرجو من طواليط ورجعو لاكوي حتى تم جاي هو عينيه مخنزرين الي داز من حذاه كيسلم عليه مكيجاوبوش عينيه مكيرمشوش ...وصل لعندهم لاكوي كيهضر ومعاقلش على تا واحد تم ...
ريان ماشي غير غار على غرام وانما ماتقبلش يسمع واحد كيقول بديك الطريقة وديك الهضرة لغرام ...وقدامو ...صبر بزاااف وهو كيشوف محبوبة قلبو الي حركاتو ليه من بدع ما تزاد جامد ناحية الحب ...غرام ماشي غير محبوبتو وانما عشق الي مستحيل يفرط فيه مهما كانت الضروف ولكن ربي الى مكتب ليهم يكونو فنصيب بعضياتهم مهما كانت المشاكل وضروف يتلاقاو يتلاقاو ولكن لكان العكس وخا يطيرو ينزلو ....
وصلت الوقيتة حطت الوراق وكلفت جوديال الي طمنتها بعينيها مشات جيهة غرفة تبديل بدلت حوايجها وهزت صاكها وخرجت قلبها كيضرب فتسعين ...حتى لباب وهي تلقاه واقف بطوموبيل ...تمشات ودخلت كيف ركبت كسيرا حتى تهزت طوموبيل من بلاصتها ...حتى غوتت ...
غرام : وااااااااا ناااري عفاااك نقص من سرعة ...
ريان : فرااانا بجهد حتى مشات وجات لو ما سنتيغ كانت غاتخبط راسها ..."ضار جيهتها " سسسسسكتي حسك منسمعووووووش ...مجاوباتوش ...ضور وحهو وعاود كسبيرا باقصى سرعة حتى خرج على جديدة وخدا طريييق بعيييدة ...مهضرت ما قربت ما نفنفت كتسناه حتى يوقف راسو ...طبقت الهضرة ونصيحة الي نصحتها صاحبتها جوديا ....مسافة ساعتين وهما غادين ...غادي منير ...مخنزر ...حضاتو حجبانو المعقودين الي بان ضلهم من ضو القمر الي ساني فطريق ...مرة مرة كيحك فلحيتو بعصبية ...وكل مازاد صمت زاد رعبها ...حتى وصلو لواحد البلاصة خذا لبيست ودخل وسط شجر ...كانت غابة مسافة بسيطة كان قدام واحد الدار مبنية بالخشب ...فحال لكوخ ...بلاصا قدامها وسكت طوموبيل ...
ريان : هبطي
هبطات معنقها صاكها حيث كان نص من ليل...وكان برد رهييييب الشي الي خلاها تزيد تكمش فحوايجها وتقفقف ....
تمشا ريان حتى لعند الباب ...كانت دار مبنية بالخشب ديال هاديك البلاصة ...قريبة لبحر بشوي ...كيتسمع صوت امواجو ...ضاير بيها سور خشبي حتى لنص ودارو دروج ..ضار جيهتها لقاها باقا فبلاصتها ...خنزر فيها ...واش غاتبقاي تم ؟؟
غرام : هااا هاني هاني ...مشات لعندو ...تحنى وجبد ساروت من تحت المحبق ...حل الباب ...شعل ضو وبانت دار من لداخل حلات فيها فمها حتى نطقت ....وااااو ..كانت خشبية من لداخل صغيرة فيها بيت وكوزينة وسط صالون مفتوحة وقدام لفوطوي ديال صالون كان شوميني ديال لعواد ...مشا لحداه حط لعواد ورش عليهم ليصانص ...حتى شعلت لعافية ...خذا لغطا ...
ريان : گلسي هنا وتغطاي دفاي ...بغات تهضر مشا خرج ...شوية ورجع محمل ببلاستيكات دخلهم حطهم فالكوزينة ...لقاها تغوبات بديك المانطا ومقابلة شوميني باش دفا ...
زادت تمخشت فالغطا كترعد حتى بدات تحس بدفا ...دازت تقريبا ساعة واكثر وهي تسنا فيه يبان والو ...بغات تمشي خافت ولكن الي فيها ممهنيها بقات ترطى وتحرك وتحكك حتى ناضت واقفة ...وقررت تهبط لعندو والي بغا يطرا يطرا ...اصلا هي مفطومة على متحشمش وراس لقاصح ...وياريييتنا مقررت تهبط ....
هبطت لتحت وفي نفس الوقت كتكتاشف في ديك الدار ...عم الدفئ فيها بشوميني حتى ولا صهد ..حيدات جاكيط وبقات غير بتيشرت كانت لابساه فالابيض ومكتوب باالكحل ...جمعت شعرها باهمال ...بقات هابطة مع دروج فواحد لاكاف حتى بدات كتسمع صوت فحال غوات ...وتاوهات ...تبعت مصدر صوت حتى هبطت بان ليها ضو شاعل وصوت مجهد طلت بان ليها...بطولتو وكتافو العراض الي تورمو ...لابس غير شورط قصير ...وداير بانضة في فخادو فالاسود ...لابس ايرماكس كحلة ...كان كيهز فالحديد ...كل مكيهز كيغوت ...عروق راسو تنفخو ووجهو تزنگ والعرف هابط مع ضهرو شلاال ...حتى فزگ شعرو وهبط ليه مع عينيه وزغب صدرو تلصق غادي لعرق خط مع لخط ديال زغب الي هبط ليه حتى لصرتو ...كيهز وينفخ ويعض فسنانو...
غرام : تمشات حتى قربت ليه ...قاست واحد الحديدة تما وهي طيح ...حبس وضار بعصبية عينيه مخنزرييين ...شاف فيها ...ياك قلت ليك متهبطيييش هااا ...واش باغا نضربك علاش كتعاندي معايا ...
غرام ؛ "بخوف " شفتك تعطلتي ...
ريان : واش انا جبتك هنا قلت ليك كلسي يعني غانرجع قلت لملتك متهبطيش الى بغيتي تعصاي متهبطييييش واش قلتها واش كتقلبي نفرشخك ...خبط ديك الحديدة حتى تهزت لسما وتحطت ...وااافااااك واااا مكنبغيييييييش الي يتعاند معايا ...خلييييني تانتكالما ونهضرو ...هو كيهضر وفنفس الوقت جاي جيهتها وهي كترجع بلور ....
واش انا ممحسوبش هااا مكنخلعش مكتحسبي ليا حساب حتى نفرشخ دينمك ..."من كيتعصب وكتوصل بيه مكيبقى عارف اش كيقول هاد الوجه مبغاهاااش تشوفو بيه " ضار دفل من فمو العرق الي دخل ...واش نضربك نضربك ...ماااال ملتك ..قبس واحد القرعة ديال زاج حتى جات فالحايط وتشتت زاجها تشتااااات ....
غرام راجعة بلور تخلعت بزاااف من المنضر ديالو مكتحشمش حذرها ومحشمتش نهااائيا ...بقات راجعة راجعة حتى كانت غاطيح ...وااااااععع ...بسرعة شدها ووقفها ...شدها من دراعها وجرها بجهد حتى غوتت ...رياااان اهى اهى عفاااك سمح ليا عفااااك ...اهى والله مبيني وبينو شي حاجة هو الي تبعني تفارقت معاه فاش كنا في امريكا قبل منجي بشحال ...
ريان : سكتيييييييي ....
غرام : غير خليني نشرح ليك ...هز ايدو تالسما حتى غطات بايدها لاخرا ....ااااااا لاا لا لا صافي سمح ليا ...
ريان : سديييي فمك ...واش قلت ليك سديه سديييييه ...دفعها مع لحايط حتى لصقت فيه ...كيهضر ودفال كيطير ليه من فمو كيهضر وشرااار خارج ليه من عينيه اما هي البولة مبقاش ليها بزااف وتهبط ...انااا الي نهضر اناااا الي نقول ....
ريان : هههه الاااءح .."خدا بوسة من فمها حتى تسمعت " youuu are my love والله والله ونسمعك قلتيها لشي حد من غيري نشوييييك ...
غرام : ونسمعك كتقولها لشي وحدة من غيري نذبحك هننن اهى "كتحلف وتنخصص"
ضحك عليها وعاود جرها خشها فيه ...
في الصبااااح مع حلت عينيها ...ضورت وجهها جيهتو لقاتو فسابع نومها معنقها وخاشيها فيه ...فحال خايف تهرب وضيع منو ...معنقها وفنفس الوقت راسو ملويبقاو ليل كلو فوق الفوطوي حتى نعسو فوق منو ...ابتاسمت وهي تقاد ليه راسو وبقات حاضياه وحاضية ملامح وجهو فحال كتشبع منو ....شدت صبعها ودوزاتو على لحيتو الي كتهبلها ...هبطت لفمو الي كيسالي معاها ويخدرها ...بقات كدوز عليه بايديها حتى بداو عينيه كيرمشو..… سانية فيهم شمش عطاتهم جمالية من نوع خاص ...شفارو الملاصقين ومشعكين بنعاس ...حجبانو المعقودين باش كيستوعب الفياق ...
غرام : "تزنگت ...قربت ليه بشوي وباستو في فمو ولكن هو مكفاتوش " خذا شفايفها بنهم كيدخلهم في فمو ويجر جرة طوييييلة حتى كيجر معاه ريق ...هبط لعنقها باسها فيه وطلع لوذنها جرها بفمو ...هذا هو صباح الي غادي تبقاي تصبحي عليا فيه ...مبقاش بزاف احبيبتي ونتزوجو والي بغا يوقع يوقع ...
غرام : علاش اشنو غايوقع ...
ريان : من بعد ازين ...اححح "تشبح وطرطق عنقو يمين شمال قبل مينوض وتشوفو بالبوكسر الي حيدو فاش لقاها نعست وتخش حداها " غوتت وضورت وجهها ...وااااع حشووومة عليك ...
ريان : "ضحك " هههه حشومة عليا راه نتي الي حشومة عليك ...
غرام : "مضورة وجهها " اشنو درت ؟
ريان : بغيتي تقتليه قرب يطرطق ...
غرام : اشنو هو
ريان : تنتزوجو ونعرفك عليه هذاك اهم شخص عندي خاصك تعرفي عليه حيث هو الي غادي يرافقك حياتك كلها فالمهمات صعبة وفولادك ...اوديي مغاتفهميش لداكشي من بعد ..انا مشيت ندوش غا ضوري وجهك ...
غسان : ابتاسم ليها ..مزيان ...مزال كيهضر حتى صونا الفون ديالو ...ناض وتمشا حتى بعد منهم ...وي ...مزيااان ...الاجتماع نهار سبت الي جاي ...مبغيت تا قواد ولا زامل تما سمعتي ..."ابتاسم بجنب " مكلف ريان ...قطع وضار جيهتهم مشا لعندهم سلم عليهم واستاذن منهم ...
فداء : كلس معانا شوي ...
غسان : حبيبتي خاصني نمشي ندير واحد الشغل مهم بزاااف بزاااف ...
فداء : لهاد درجة ...
غسان : بزاااف ...باس راسها وراس ختو وخرج ...ركب فسيارة وصل عند الباب ...
غسان : ردو بالكم هاد اليومين ...تعاود نتا داك لقواد دير نفس ديك المرة ز*** نحطو ليك فايدك ...
العساس : جمع حجرو بايدو ...ها لا لا سي غسان فايق حاضر كون هاني ...
غسان : خنزر فيه وكسيرا نيشان لوجهة ديال شاليه ديالو ...خدا مسافة وفطريق جاه اتصال من ريان ...ريان ...
ريان / سي غسان ...اتاصلت بيك باش نقوليك داكشي مامن مزيان ...
غسان : مزيان فينك نتا ...
ريان : انا خارج جديدة شوي وغانرجع لوطيل .. ...
غسان : فاش توصل دوز عندي المكتب ...قطع معاه وكسيرا حتى وصل لشاليه ...دخل لاح سوارت وحيد لفيستة بقا غير بالقميجة...
دخل لواحد البيت حيد القميجة وبقا عرياان ..طرطق عنقو ...هز الكاس فيه الويسكي ...كيشووووف ويبتاسم ....مقابل مع الحايط ...حايط معلق فيه جميع صور ديالها الي عاجبينو والي مات عليهم والي عشقهم ...لحضاتها الي كانت كتشاركهم فالانسطا ...تصاورها مع صحابها ...
غسان : "مبتاسم وعينيه فيهم لمعة خاصة لمعة عشق ...حتى طلق تنهيدة خارجة من اعماق قلبو " ااااااه يا غراام اااه ...كيفاش غاندير حتى نرجع نكسب اعجابك من جديد ...من بعد نكسب ثقتك من بعد نكسب حبك حتى تكوني ليا وملكي من جديد ....كنت اكبر حمار الي فكرت فيك نهار لول بدافع شهوة ...كيفاش غانرجع نكسبك ...هذي بحد ذاتها اكبر تحدي او اول تحدي بالنسبة ليا فهاد المجال ...كنبغيك وغانبقى نبغيك لاخر نفس غايخرج مني ...
خلاها غرقات فحوايجها بالخجل ...رغم انها مندفعة وقبيحة او نقولو شخصيتها كتولي قوية فور مكتكون حاجتها في خطر كيف كتسميها هي ...وخا هي كطير وخا مكتحشمش ولكن كتبقى انثى عندها عدة اسباب تخليها تحس بالخجل خاصة انها اول مرة كتشوف راجل شبه عريان وخا لابس بوكسر ولكن كيبقى ملابس داخلية ...وخا عاشت علاقة حب من بعد لكن عمرها سمحت لجينك يتعدى حدودو معاها ...لكن مع ريان غير وحتى مع غسان كانت كتحس بالخجل ...الاول حب والثاني اعجاب من قبل …لكن اي منهما سيكون عشق ...
الما سخون هابط ليه على جسمو بالكااامل ...مهبط معاه رغوة شامبو الي غسل بيه شعرو ...كيغسل ويفكر فاشنو وقع ليلة امس الامسية الي رغم انه كان شجار بيناتهم الا انها ختمت بقبل وحب بيناتهم هاد الحب الي هو منادمش عليه وكل مداز نهار كل مازاد تعمق ليه في قلبو وعقلو اي كل نهار كيزيد يبغيها حتى ولى هو الاخر كيحس بانه اصبح حتى هو مهووس بيها وهذا كيفرح ولكن فنفس الوقت كيخلق خوف لاشنو جاي من بعد...
#فلاش_باك_ليلة_امس ....
بقاو معانقيين كيسمعو فدقات قلوبهم الي كانت كضرب بجهد على غير العادة دقات مخلطة بين رعب وخو وبين غوات والقبل الي تبادلوها بعنف وحب وعشق واشتياق ....بقاو معانقين كيسمعو لانفاس بعضياتهم حتى تهدنو من كلشي ...
ريان : غرام علاش كديري الي فراسك ...عجبك هادشي الي شفتي مني ..."تقابل معاها وخذا وجهها بين ايديه " غرام مبغيتكش تشوفيني معصب حيث كيتعماو ليا عينيا وممكن نضربك ولا نجيب فيك شي دقة ومانتي فخير ...هاا "بصوت حنوون " وكون ضربتك ضربك خايبة ولا قتلتك فين نعطي راسي ...
غرام : مغاديش ضربني وحتى الى ضربتيني نستاهل انا الي مسمعتش ليك ...
ريان : الى نتي ممسوقاش لراسك انا مسوق ليك ...غرام متبقايش تخاطري براسك على حسابي ...
غرام : واخا ولكن فكلتا الحالتين خرجنا بنتيجة زوينة لا ليك ولا ليا المهم شفتك كيفاش كتكون فاش كتعصب وكتغضب ...
ريان : المرة الجايا ولي ديري بحسابك ومتعانديش معايا وميكون غير الخير ومنضركش واصلا منقدرش وهاني مقدرتش ..."باسها فشفايفها" ...يلاه اجي نطلعو ندوش ونتوضا نصلي ونديرو شي حاجة ناكلوها غاتكوني جعتي ...يلاه بغا يجرها وهي تحبسو بكلامها ...
غرام : ريان ...جينك واز ماي اكس بوي فراند ...جاست نورمال رولايشن شيپ ...ويذاوت لوڤ ويذاوت فيلينغز ..."جينك كان صاحبي القديم ...كانت علاقة عادية بدون حب بدون مشاعر ..." هي...بغات تهضر وهو يضور حط صبعو على فمها ونطق ...
ريان : شش اي تراست يو ..ثايق فيك وعارفك عندك ماضي وعارف جينك ...مبغيتش نسمع ديك كلمة صاحبك القديم او صاحبك حيث هاد الكلمة عندنا فالمغريب كلمة دياال ولاد ليسي ولا لكوليج ...جينك ماضي علاقة منجحتيش فيها فقط ...انا ماشي تعصبت عليك نتي انا تعصبت ...بففف تعصبت حيث...صافي زيدي زيدي ...نساي عليا داك القواد...
غرام : "حبساتو بغاتو ينطقها وسلام ههه " علاش "شافت فيه بنص عين " علاش تعصبتي ...
ريان : زيدي وهنيا ...
غرام : والله منتحرك حتى تقول ...
ريان : جرها حتى لصقت مع صدرو بجهد حتى غوتت حيث لصقها بجهد وتقصحت ...ااااي ...نطق بعينين مخنزرييين ...تعصبت حيث غرت عليك حيث مبغيت تا قواد يتامل يفكر فيك ويبغيك من غيري ...سمعتيييييني ...غسان تحلفت عليك عليه تاهو اش قلت ليك ؟؟؟
غرام : نن نشوفو ونبدل طريق ...
ريان : حتى هذا،، ولاخور،، ولاخور ،،وشكون انا ؟؟
غرام : ماي لاڤ ما الل "my love ,, my all " اند ما بايبي ..
ريان : الله يرضي عليييك ودابا ...تلاح عليها ثاني بتشلقييييم مطلقها حتى خنق ليها نفس كيتسمع فداك لاكاف غير صوت امم وصوت البوسان ...يلاه بغات تنفس وهو يحتي عليها هزها لاحها فوق كتفو كتغوت عليه يحطها ...وااععع حطنييي...
ريان : لملتك كتقلبي حتى نصدق عاصي الله ومخرجك من هنا قاضين لغراض قبل زواج ...
بعد مدة خرج من شاليه ...خذا طريق مباشرة لمنتجع ...من بعد ما وصل خلا طوموبيل لكارد يبلاصيها فالبارك ديالها تما ...اما هو فا كيف دخل اتاجه مباشرة لاستقبال ...لقا الفوج ديال نهار الي كانو فيه موضفين تما ...غير شافوه وهما يتقادو ...
غسان : "كيطلع فيهم ويهبط " الحجز ديال رجال الاعمال الالمانيين يتاكد ليوم بليل خليو رسالة لفوج ديال ليل باش يكونو على بال غايوصلو من المطار مع العشرة ليل ...
وحدة من الاستقبال : اوكي موسيو علوان ...
غسان : "بجدية صارمة "تاكدو من راحتهم حيث مهميمن ولو مكانوش مهمين مغاديش نجي انا شخصيا ناكد الحجز ...مبغيت حتى شكاية ولو غير بضحك ...مغايكفينيش طردكم ولكن غانوصل لحاجات اخراااا مغاديش تعجبكم ..."بابتسامة جانبية مصحوبة بتهديد من عينيه الي صغرهم " مزيااان ؟
الموضفة : "بخوف فمها ولا يترعد " كون ه ها هاني سي علوان ...
غسان : خليو رسالة لموضفة الاستقبال باسم غرام بنسودة هي غادي تعرف ...
الموضف لاخور : موسيو غسان الفوج ديال ليل على ما شفت فالسيستيم كاين غير جوديا علام و منير توفيق ...
غسان : "باستغراب " كيفاش !! عاود تاكد ..
رجع الولد تاكد للمرة ثانية ...وي سي علوان مكايناش ...
غسان : "اتاصل بمديرة الموارد البشرية " الو انسة غرام بنسودة علاش مكايناش ؟ اه شحال فيها ... trois jours !! ...قطع عليها ...شاف فيهم ...بلغو جوديا بتاكيد ...
جبد لفون وعيط ليها كانت متكية فالفوطوي ريتما يلبس ريان ويخرج ...لقات سميتو فالفون وهي تنوض ...الو موسيو غسان ...
جينك : فاااااك وات ايز ذاات ..يلاه بغا ينوض وهو يقبسو غسان لوسط لكرش حتى غوت...ااااعععع فااااااكيووو ...
غسان : وصلتني خبااارك ازااامل اش درتي لبارح قالت لييييييييك عطيها تيساع هي عطيها تيساع ...اولد القحبة معامن طحتي معاااامن ...عاود هز رجلو وعطاه تاني لكرش ..تحنى عليه وشنق عليه من لكول حتى نطحو ...طاح تاني ...
غسان : عرفتي هاديييييك خط احمر اولد القواد خط احمر ...
جينك : امممم اعععععع هو هوو ار يوووووو ...ااااع ..بغا ينوض تاهو يعطيه ولكن غسان كان الاقوى فهاد اللحضة ...هز ايدو عطاه بونية حتى خرج ليه دم من منخرو ...شد ليه سنسلة سروالو حلها وهو يخضي ايديه لمعلم نيشان شد ليها ق*** وبقجهم بايديه حتى طلقها بغوتة لربي الي خلقو ولكن مكاين الي يسمعو بحكم الجدران عارلين لصوت لانها غرفة خاصة جدا بيه ...
غسان : مخرج عينيه حتى قربو يطرطقو وفمو ولا بيض بالغضب ...اش قلت ليك غرااام ااااش ...
جينك : راااااام رييييد لااااين ...
غساان : گوووود فييييري گووود ...عاود برك عليهم حتى قرب يسخف ...عاد ناض ...خرج تقود عليا من هنا ومن لوطيل …مشا لمكتب كيمسح فايديه ب لانجيت معقم ومخسر سيفتو حيث عيفو ...فاااك ...جاه اتصال وهو يجاوب حتى تدها مع الفون ...هو كيمسح ويهضر وعاطي بضهر ...لاخور بالحر ناض بزز منو بانت ليه فازا فوق دابلة الفاصلة بين الكراسا ...يلاه هزها بغا يضربو من لور ...ضور وجهو بان ليه شير بيها ولكن كان ريان جا فاخر لحضة وغير ليها الوجهة برجلو لايد جينك حتى تسمع صوتها تضرب مع الحايط حتى تشتات قطع صغييييرة ... ...
ريان : "مشا ليه ضربو برجلو حتى جا لارض ثاني بخلاصة شرشمون بمعنى الكلمة "قاااال لقحبة تمك خرج قود قاليك غراااام خط احمر ومسمعتييييش ...هاااا ...شد ليه ايدو ولوها من لور حتى طرطق بجهد وتطوات كلها حتى غوت غوتة حااارا وعروقاتو كتكب ووجهو ولا حمررر لكن ليس باحمرار وجه ريان ...
ريان : "تحنى هضر ليه فوذنو " غاااا تقود كيف قاليك من هنا ومن لوطيل قدامك من هنا لصباح تكون فالمطار وقود من البلاد وعمرك مزال دخل لمغرب وجرب دخل او دير اي شكاية ولا تصرف اخور لايد لاخرا نحيدها ليك بمرة ...ضغط ليه على ايدو الي تقسمت ...ااااش قلت ....
جينك : اااااااااعععع "كيهضر سخفااان " او ا او اوكااااي اوكاااي جاست ليت مي گو ااااعععععع ....ناض من حداه ودفعو برجلو عيط على البوديكارد هزوه داوه من تم ...
غسان : ناااري على زامل سلك مني ...
ريان : كان خاصو يحشم من البارح ...مهم تصرفنا معاه ...سي غسان واجدين لبعد غذا ...
غسان : على ااااتم الاستعداد ريان ...
خرج من عندو من المكتب ودخل لمكتب ديالو ...كلس فالكرسي وشعل لابتوب اطالع على عدة ملفات ...كونفيرما شحال من خدمة ...تاكد ان كلشي هو هذاك وهو يخرج سد المكتب ومشا ...هبط لكازينو تاكد منو ان كلشي هو هذاك ورجع طلع خرج البارك وركب فطوموبيل ديمارا وكسيرا لوجهة الدار بالضبط الحي الشعبي لعند علاء ....
وصل من بعد ما بلاصا طوموبيل فبارك بعيييد على درب ...تمشى على رجليه حتى وصل لعند بابا درب فطريقو تلاقا بالثنائي عبيقة وسواريز ...خدامين تيفتخو فواحد الجوان كيف العادة مناوبين عليه ...حتى وقف عليهم ضل كبيييير وضخم بالنسبة ليهم ولكن عبيقة ولا حافض هذاك الضل مزيااان وعارفو لمن ...كانو عاطين بضهر خدامين يكميو حتى شافو الضل وهو يضور عبيقة وعطا سلام بلهلا يطريه ليه ..."وخا معارف عليه والو من غير شاب سكن هو وصاحبو وجاو لجديدة لدواعي العمل "
عبيقة : "سخف غا بالخلعة " اخخخخ خلعني ولد القحبة ناري على شوفات عندو عنديلمو لمطوط...
سواريز : وانوض عن ديلمك نتا نوووض ...
عبيقة : ناض من فوقو كيسوس فحوايجو ...نوض القووحبي نوض نكملو اش وصاونا...نوووض نووووض عن ديلمك ...
ناض تاهو ساس حوايجو وتيسر هو وعبيقة ...
اما سيهم ريان فا توجه لدار ديريكت حل الباب ودخل ...لقاها مغممة شراجم مسدودين ودنيا مضلمة عرفو غايكون مزال ناعس... مشا نيشان حل شراجم حتى تنفس دنيا ودخل شعا ...دخل لعندو البيت لقاه مكرشخ بالنعاس ثاني ...حتى حل عليه شرجم من بعد ماحيد الخامية وبان شعا ...
علاء : رياااان غانقتل مك حق الله ...
ريان : نوووض الحمار عندي منقوليك نوض تگعد ...
علاء : خلي تالغذا ..."رجع تغوبا "
ريان : "حيد عليه الغطا كلو " نوض الكلب اجي معايا تشوف شي حاجة ازمر ...
علاء : فااااكيو ...ناض عينيه مسدودين بنعاس ...مشا غسل وجهو باش يتوگض ورجع لعندو لقاه حال لابتوب كيشوف ويدقق فشي حاجة ...اش كاين تم ...
ريان : اجي تشوف ...
علاء : كلس حداه ...كان شاعل لابتوب مخدم فيديو الكاميرا ديال مراقبة الي حولها ليه علاء لكاع الجهات والاماكن الي مدايرش فيهم غسان الكاميرا والي شكو انه مدايرهمش لخصوصيات خاصة المكتب الي فالمنتجع والمكتب الخاص بالكازينو ...اشنو ؟
علاء : نرييييييي وكان فيه عرفتي را غانساليو المهمة فاقل مدة زمنية فتاريخ خدمتنا ...واااو ..
ريان : ان شاء الله وخا حاس بشي حاجة كاينة فالنص ماهياش ...
علاء : الله يحفض مع الله يستر غا تتقول هاكا كنعرفك قريب تموت خهنن هاناري ...
بقا ريان وعلاء مقابلين لابتوب واحد يحضي ولاخور كيتاكد ...بداو كيرسمو فخطة ...حتى سمعو دقان ديال الباب ...
علاء : سير حل نتا خليني نشوف هاد سيستيم الي هنا ...تفووو مكلنا تا حاجة فكرشنا كدخل كي بوليس دعارة ...
ريان : هادشي الي خاص لمك مرة مرة يدخلو عليك يلاه ترجل شوية ...
علاء : "كيعيب فيه " يا نننن نانا نانا ...جاتو مخدة وسط الوجه ...اسيييير بغيت لمك راگد تفو ...
مشا ريان حل الباب ...نوور !
نور : مع حل الباب تلاحت عليه كتبكيييي...اهى اهى "زيرت عليه "
ريان : "بخوف حط ايدو على شعرها" مالك !!
نور : اهى اهى ...بغيت نهضر معاك ...
ريان : وخا دخلي بعدا ..
نور : لا ...نهضر بعيد من هنا بغيتك بيني وبينك ...
ريان : واش واقعة ليك شي حاجة !!
نور : لا بغيت معامن نهضر وجيت عندك ...الى مكنتيش مسالي نرجع مرة اخرى "مسحت دموعها " وسمح ليا ...تمت غاديا حتى حست بيه جرها من دراعها ضورت وجهها لقاتو مخنزر وتيهضر من تحت سنانو ...نوووور من امتا كتقولي هاد الهضرة ؟؟ من امتا انا مكنساليش ليك !!
نور : غير مبغيتش نبرزطك ...
ريان : تسناي ...دخل لعند علاء ...علاء انا غانمشي مع نور ونرجع ونتا تاكد من داكشي الي تفاهمنا عليه باقي الخطة غانكونفيرميها معاك من بعد ...
علاء : وخا ...فين غادي مع نور ...
ريان : بغات تهضر معايا. راك عارف مرة مرة كتبغي تنفس على شي حاجة ضرتها ....انا شوي ونرجع خلاه ومشا معاها ....
علاء : داكشي الي ضارها غايضرك فحياتك اصاحبي ...قاصح تا قاصح اصحبي كتبقى نية ومعارف فسوق العيالات والو ...حذر راسو وكمل خدمتو ...اما ريان فخرج هو وياها وهبطو من دار خرجو على برا ...تمشاو مسافة حتى وصلو لشارع الي وراهم ...كانت واحد جريدة تما ...كانت هي الوجهة ديالها حتى كلست فواحد من الكراسا العموميين تما ....
ريان : شاف فيها كانت كالسة وعينيها حمرين بدموع الحزن ...دموع الي واش هما حقيقيين ونابعين فعلا من قلبها او دموع مصطنعيين ...
هز ايدو ودوز على عينيها بصبعو كيمسح ليها دميعاتها ...نور مالك خلعتيني عليك ...
نور : حادرة راسها وصدرها نفس ديالو ممنتاضمش ...
ريان : نور هضري راك عارفاني نشد ليك لخاطر ولكن نشوفك كتبكي ومباغاش تهضري را غانتعصب ونتي عارفاني الى جعرت ...
كان كيهضر وفور مختم كلامو تلاحت عليه وحطت راسها على صدرو عاطية بوجهها لجيهة لاخرى ...كتبكيييي...حط ايديه على شعرها كيتلمس فيه ..باسو وخلاها حتى كملت وتنفست ونفس ديالها انتاضم عاد هز ليها وجهها دارو بين ايديه بزوج ...نوور حبيبتي مالك !!
نور : "حطت ايديها على ايديه ...اهى ...عييت اريان عييت بزااف ...كل مكيوصل الوقت كتجيني هاد الحالة ...عييت...وخا نخبي حتى نعيا كتجي وقيتة وكنتهرس فنفسي وكيجيني انهيار مكنبقاش قادرة نصبر ....حتى انا بغيت يكونو عندي اب وام حقيقيين ...حتى انا بغيت ندخل لدار لقا ماما كتسناني وتقوليا فين تعطلتي ...تعايرني الى تعطلت برا ...نمرض تسهر عليا ...نبكي تعنقني نشكي تسمع ليا ...
ريان : "تنهد " اااه نور حبيبتي نتي عارفة هادشي حليتي عينيك عليه ...ماعليك غير ترضاي بالي مكتبو ليك الله ...ماشي انا ولا نتي ولا علاء لولين ولا لاخرين الي ترمينا فميتم. ومعندنا واليدين ...ربي بغا لينا هادشي الا وفيه حكمة ...ربي مبغاناش نعانيو مع واليدينا الحقيقيين ...ربي بغا لينا ناس ولاد ماس الي رباونا وحمارنا من شر داك الميتم الي نتي محضرتيش ليه انور ...شيء علدي وطبيييعي انك تحسي بهادشي فكل وقيتة وكل وقيتة احتاجيتيني انا موجود نسمع ليك ...
ولكن راه مغادي يغير والو سوى انك غادي تبقاي غير تبكي تشكي حتى تنفسي وترجعي لواقع ديالك ...وزايدون انا ربيتك الحاجة والحاج واليديك انا باك قبل منكون خوك ...
نور : "تزيرت من اخر كلمتين " نتا كتبقا مكتيجيني والو ...نتا كنشوفك الحامي ديالي الصدر الامن الامان بالنسبة ليا ماشي بابا را صغر منك غييير بسبع سنين "غوبشت "
هبط راسو لعندها وخشاه فعنقها وطلع لوذنها هضر بهمس باش يعطيها الامان ضننا منو هو ولكن هي غمضااات عينيها وقلبها بدا يضرب بجهد حتى نطق بالجملة الي قاليها ...غافل على صورة الي تخدات ليهم بزوج وهما فديك الوضعية والي شافهم يفهم غلاط وبزاااااف ...
خشا وجهو فوذنها وهمس ليها كيف كان كيدير ملي كانت صغيرة فاش كان كيبغي يحسسها بالامان ومتخافش كانت كتشد ليه ف تيشرت ديالو او حوياجو وكيخشي وجهو فوذنها كيهمس ليها ...غافل على الصورة الي خذاوها ليهم فديك الوضعية ...
علاء : مبانش ليا ولكن المشاعر ديالك مكانش عليهم يبانو وحنا فلمهمة ومدام بانو خطب درية الى فعلا باغيها لزواج وكتشوف فيها ام ولادك الي كنتي كتقول من شحال هادي نهار تبغي غاتبغي الي تكون ام ولادك الي يكونو تحت جناحك وتعيشهم احسن عيشة وتعوضهم داكشي الي معشتيهش نتا ...
ريان : هادشي الي غايكون ومدام خرجت معاها وعرفتها على اهم حاجات عندي ومدام صارحتها بالمشاعر ديالي ومدام طلبتها لزواج فراني عند كلمتي والا بغيتها تكون مراتي وام ولادي ...ماجل حيث بغيت تنوصلو فمهمتنا متنساش المهمة والوطن اولى لينا عاد المشاعر ديالنا متنساش نهار ادينا القسم اعلاء قسمنا على ولائنا لبلادنا ...بلادنا عاد مشاعرنا متنساش شفوي داك لاخو خيرونا بين الوطن والحب عقلتي محمد الجواب الي عطاهم وكان سبب انه منجحش فالبوليس اشنو هو ...
علاء : سولوه الى جاتك مهمة وفنفس الوقت مك دارت كسيدة فين تمشي جاوب يمشي عند مو ...
ريان : هذا كان سبب باش منجحش وحنا اختارينا الوطن والي اختارو الوطن كلهم نجحو ...علاء مهمتنا هي علاش جينا عاد غرام حتى هي نوبتها جايا ...حنا جينا لمهمتنا صدقنا باغين نديو حتى بنت ناس معانا ...غير نكمل غادي نديها ونتزوج بيها ...غرام ماشي غير كنبغيها غرام مستحييييل نبغي وحدة من غيرها ...غادي تصدم غادي نقوليك هذا مكتابي ...كنبغيها ....ماعرفتش امتا ووقتاش ولكن بغيتها ...
علاء : انا عرفتك غاتبغيها من نهارحط عليها غسان عينو ودارها فراسو ...يعني باغي تحداه ..
ريان : كيفاش!!
علاء والو انا غا قلت …
ريان : كتهضر فحال شوافات ...تفو
علاء : انا تنقووول حكم حكمممم "حرك ليه حجبانو " "بينو وبين نفسو "قلت ليك غا صح اصاحبي راجع راسك را بنت ناس هاديك مضوروهاش بيناتكم ولا تا قواد فيكم مغايديها …المهيم غاتزوجها والله يكمل بالخير …
علاء : لا والله مكاين حاجة اويلي اصلا جوديا فحال مراتي يعني مغاتكون بيناتنا تاحاجة ...ناض وخلاه حال فمو ويرمش فعينيه ...فحال مراتي ؟
مسافة طريق ...مسافة طويلة شوية ...بعد مدة كان داخل البيست المؤدية للغابة الي فيها الكوخ ..دخل محمل فايديه ميكات مقدي ليها وجايب ليها حوايج جدادا شراهم ليها معطاتوش خاطرو هو كاين ويجيب ليها من عند جوديا حوايجها بغاها تلبس حوايج جداد من اختيارو هو ...داخل فرحاان ابتسامة على محياه خاصة انه على بعد ايام قلييييلة من تحقيق الهدف الاول علاش جا والهدف ثاني الي بغا ...ولكن معارفش اشنو مخبي ليه القدر ...تا واحد فينا معارفش فين غدا وشنو غايوقع من هنا لدقيقة ساعة غذا ايام ...ف دااائما نقولو ان شاء الله او الى كتاب الله ...
دخل ...كانت العشية المغرب فديك الساعة عرف راسو تعطل عليها وبزاف عرفها غاتكون قنطات وبغات رفقة ومن خير رفيق فهاد اللحضة سوااه ...حل الباب بانو ليه ضواو شاعلين ...دخل وسد موراه ...كيعيط باسمها اسم غرام الغرام الي استوطن قلبو وعقلو الاسم الي كيسمعو ضروري قلبو يخفق ليه ...غرااام ...مجاوباتوش...مشا حط الميكات وهز بلاستيكة الي فيها حوايجها وداها حطها فوق الفوطوي...يلاه ضار باش يمشي عندها حتى لقاها قدامو ...
غرام : كانت عاد خارجة من دوش لابسة واحد من تيشرتات دياولو فالابيض مكتوبة فيه NIKE بالاسود اكثر الماركات المفضلة عندو باعتبارو شخص محب اكثر وميال بزاف للملابس الرياضية ...شعرها الاسود فازك ومفرك كل شعرات ملاقين بالما ومفرقين على لاخرين ...قطرات الما كتقطر على تيشرت حتى فزك ليها من جيهة صدرها وبانو نص فسوتيان الي كانت لابسة فالاسود ...حناكها مزنگين من سخونية دوش وفمها الي ولى حمرر ...كتشوف فيه. بعينيها شفارهم الي تلصقو بالما كتبان فحال شي وحدة خارجة من رسوم ...تيشرت مع هو طوييل بزاف وصحيح كيجيه مزير هي جاها طويل حد ركبة وهابط نصو على كتفها ..."نطقات" رياان "بابتسامة ...
ريان : "سحراتو وحركات فيه رغبة جامحة بتقبيلها واكلها وشغف انه يكون معاها فهاد لحضة ويتلاحم جسدهم ولكن جمع راسو حتى لوقت المناسب ويكون ليها راجل ويوفي بكلمتو " غرام هههههه منين جاك هاد تيشرت ...
غرام : تقلقت بغيت نبدل ونغسل راسي ولكن ملقيت منلبس جبدت هذا من الماريو "شافت فيه ببرائة كترمش " ماشي مشكيل !
ريان : هههههه لا هانيا غا بقيتي فيا مع داك تيشرت تهههههه اجي اجي ...مشات عندو كتجري تلاحت عليه هزها عندو لوات رجيلاتها عليه ...باسها فحنكها ورجع حطها ...
ريان كيف قلت ليك من قبل انا كنت عايشة ف امريكا من الي خديت الباك هنا مشيت تما انا امي امريكية الاصل وتزاديت تما تفرقت مع بابا وجيت عشت معاه ومن بعد رجعت باش نقرا تما ...فخلال عيشي تما تعرفت على جينك ...
ريان : غرام ا...مخلاتوش يهضر ...
غرام : ريان خليني نكمل ...جينك انا عشت معاه العذااب الاليم خيانات متابعة وكنت كنبغيه وكنت صابرة ولكن كل مرة كنلقاه مع وحدة كل مرة ...حتى لنهار الي لقيتو مع "حذرت راسها بحزن ودمعة سبقتها " مع ماي مام "خانوها دموعها ...
ريان تصدم مبقا عرف ميقول ...
غرام : "مسحت دموعها " انا كنت كنقوليك كنهضر مع ماما غير باش متعرفش انني ماشي على وفاق معاها ديما كنكدب على ناس بالي كتهلى فيا وكتهتم بيا ولكن العكس عمرها داتها فيا انا رباتني غير مرات بابا وبابا الي لقيت فيها كلشي ناقصني ...انا وياك اريان متسابهين بزااف فشحال من حاجة ...بزاف تفاصيل غادي تعرفهم فاش تعرف على دارنا وبابا ...
ريان : "بصدمة " يعني ...
غرام : ريان انا موافقة نتزوج بيك وموافقة نكون مراتك ...ولكن طلبي الوحيد متخذلنيش حتى نتا ومتخونيش ومتكونش فحالهم عااافاك ...مبقاتش قدرت انهارت بالبكا حتى جرها وخشاها فيه كيبوس فراسها ....
اصبح يوم جديد ...يوم الي كل رجع ثاني لحياتو العملية من جديد ...كان يوم السبت اليوم المخصص الاجتماع الي وجدو ليه بحكم غيحضر ليه رجال خاصين من المافيا او اصحاب غسان ...هاد الاجتماع خاص بالهاكرز الكبار زوج من اكبر الهاكر غايحضرو الي هما غسان وشخص لاخور المنافس لغسان فهاد المجال ...
كانت الدنيا تما مطوقة بالبوديكارد ...كل قد سخط وبعاد على بعضياتهم ...كان على راسهم ريان الي مقابل معاهم وكيعطي فالتعليمات ...باش يكونو على اتم الاستعداد ...
بعد مدة كان غسان اول الواصلين ...جا بسيارتو نوع جيب سيارة رباعية الدفع فالاسود ...وقفها ليه قدامو...خرج منها داير نضارات شمسية لابس الاسود بدون فيستة غير قميجة كحلة وسروال كحل ...مطلع شعرو الي نقصو ...حيد نضاضر وبانو عينيه الخضراوتين سانية فيهم شمس البحر عطاتو جاذبية حادة ...
ريان : سي غسان ...
غسان : الامور هي هاديك ؟
ريان : كلشي هو هذاك انا غانتكلف بالداخل مهم الامن مزيان وكلشي ناضي نتا قوم غير باجتماعك وخلي الباقي عليا وعلينا ...
غسان : معندييييش شك ابدا سي ريان ...وخا اجي معايا ...مشا غسان وتبعو ريان من لور حتى وصل لشاليه ودخل مشا نيشان البيت ...دق عليه ...
غسان :"كيطوي فكمام القميجة " دخل ريان ...
ريان : دخل لعندو ...
غسان : اجي معايا ...دخل تاني البيت لي مقابل وهو يتبعو كان مضلم ...
ريان : "كيشوف في البيت المضلم " سي غسان !
غسان : ريان ...بغيتك تشوف شي حاجة كتخصني والي نتا وحدك غاتعرفها ...وهنازيبقا سر كنعرفك راجل عندك كلمة ومكتخرجش اسرار ناس اولد الناس ...
ريان : طبعا ...
شعل ليه ضو وضوا البيت وبانو الاسرار المخبية فداك البيت وبانو صور الي معلقين والي كلهم ديالها ديال البنت الي اسرتهم بزوج واش فعلا عشقوها ولا هذا تحدي ليهم بزوج ..كل واحد فيهم شد ضد من لاخور ...نفس البنت نفس العشق ولكن هي ضحية بين خصمين قويين كل واحد كيقول هو مولا دعوتها ....
غسان : "تطلق فالهضرة نيشان " شفتي شفتي حبي فين وصل ليها شفتي عشقي حتى لين وصل ...شفتي هادو تصاور لحضة بلحضة ليها شفتي هنا هادو من نهار تزادت حتى كبرت بلغت قرات تخرجت سافرت ضحكت ...غاتعجب وتسول ...ااه كنتصطى على تراب الي كتمشي عليه لدرجة خلاتني نجيب صور ليها فجميع المراحل ...شفتي هاد صورة "شير ليه لواحد صورة " هادي فاش خانها داك القواد الزامل الي سلخنا انا وياك ....هنا حالتها كانت مريضة ومتقبلتش الخيانة ...هنا فاش خرجت وسافرت ل هواي رحلة مع صحابها...ضحكتها دموعها فرحها حزنها كلو عرفتو ...
غسان : بغيتك تعرف انني انا الي نستاهلها واخا عصبي عنيف نقدر نتبدل على قبلها ...نقدر نقتل على قبلها نقدر ندير المستحيل على ودها ...حتى انني شفت شحال من حاجة سكت على شحال من حاجة على قبلها ...لو مكنتش كنبغيها كنت قتلتك اريان داني شحااال هادي ...
ريان : "زغب شعرو وقف لسانو تشل صدمو بنطق اسمو الحقيقي " لا رد ...
ريان ضور وجهو بالعرض البطييييئ...لقا قبالتو حايط فيه تصاور ديالو وهو عاد تخرج من الشرطة ..."عينيه خرجو " ضور وجهو جيهتو ...
غسان : تحولو عينيه لي كانو كيلمعو فاش هضر عليها لنضرات شراااانييين فيهم تحدي وعنف وغضب كبييييييير كاتمهم ....ونطق ....
غسان : "كيهضر وكيعبر بايديه"ريااان داني عميل المخابرات المغربية DST رجل شهم كفء صاحب المهمات الصعبة روح الوطنية الي دخلة ليه مع دم ....ريان داني باعتبارك جيتي على ود مهمة الكارط ميموار او سيستيم المدمر ...غسان علوان ...عرضي ليك ...وحمد الله عرضت عليك عرض اما دماغ زامل الي ولدك يتشتت ....
غسان : ريان داني ...الكارط ميموار هاهي ..."كان هازها فايدو " نعطيها ليك مقابل وجهك وكمارتك منشوفهاش ومقابل تبعد على غرام بنسودة بمرة وعمر وجهك تشوفو ...تكرهها فيك ...
ريان غير كيسمع فالهضرة غييير كيسمع ...ممجاوبووووش..
غسان : " هز فيه ريان عينيه مخنزر كيشوف فيه بنضرات حادة نفس شيء غسان " الوطن مقابل غرام سيادة الضابط...."عوج راسو وابتاسم ليه "
انفجاارات ...قنابل ...رصاصات حااارقة ...نيراان مشتعلة ...حرب لما بعدها حرب ...صواعق ورعد يضرب بقوة ...كل هذه الاشياء لخثت وترجمت في نضراتهم الشرانية ...واخيرا انزل الستاار وبان الي كان مخبي من اسرار وكذبات وتلاعبات ...وحتى المشاعر الي كانت مدسوسة ومضغوط عليها لانها لو بانت كان واحد فيهم فرشخ ثاني وبدون رحمة ولا شفقة ...هاد زوج بضبط ملاقاتهم صعييييبة وصعيبة طول وخاصة لو كان القاسم المشترك بيناتهم الحب والعشق لنفس الشخص ولكن القاسم المشترك الحقيقي تاع بصح وهو #ضد ....
بقاو مدة وهما كيتبادلو نضرات بيناتهم ...الشاليه كان فيه غير هو وياه ...ساد صمت فانتضار رد فعل كل واحد منهم ...حتى ...
ريان : "طلق ضحكة نابعة من القلب " هههههههههههههههههههههههههه اوووو مستر غسان علوان هههه او نقولو سي غسان ياك اشاف ديالي ...
غسان "كيعض فشواربو ومخنزر كيسمع ليه "
اممم دابا من هاد القلاااوي كااامل بغيتيني نعطيك قراري واش نقبل نخدم الوطن ديالي او تبقى ليك غرام بنسودة هههههه اوووكاي ...طبعا غادي نقبل واكيد ومؤكد غانختار الوطن ولكن اشنو غايضمن ليا بالي نتا معندكش نسخة من هاد الميموري كارط او شنو يضمن ليا بالي فيها فعلا سيستيم ...
غسان : "صغر فيه عينيه مدة قبل ميبتاسم جانبيا " همم هههه برافو "كيصفق بايديه " رياان داني الرجل الذكي الداهية فعالم شرطة كيخدم غير بدماغو ...."رخا راسو باستسلام " اااااا ااسي لقلاوي ...شووف انا معنديش مع هاد تقواديت وهاد زبل ديال الافلام انا ذكاء ديالي كنخدمو فحاجات كتهم مصلاحتي اولا ...انا عطيتك عرض ميموري كارط مقابل غرام ...ومدام قلتها الا وعارف ودارس جميع الجوانب ...
ريان : من لاخر ضمان !!
غسان : ميموري كارط فيها سيستيم الي نتا محتاجو وباقي سيستمز …السيستيم لي علاش كتقلب ميمكنش ندير ليه نسخة اخرى هذاكشي علاش معمرهم لقاوه وحتى ولو يلقاوه كيخصو كود الي "شير لدماغو " الي كاين فهاد الدماغ و نتا تقدر دخل لدماغي ؟ نوو سوو عرضي ليك للمرة الالف غرام مقابل خدمة بلادك ... نعطيك لكود دخل ليه وبدل ليه الكود راسك وتكون عارفو غير نتا تحسبا …انا عندي كود اخور الي يقدر يمحي سيستيم فخطرة وغير من بعيد...تقدر تجيب داك صاحبك الهاكر التلميذ ديال علاء الي عاد قال بسم الله يتاكد من كلشي وتاكد انني عند كلمتي وممكن دير اي حماية لهاد الفلاشة مهم هو را غايعرف باش نكونو عند كلمتنا وكلمتي كلمة رجال ...المهيم عندي هي غرام فقط … نتاكد انك بعدتي منها نلغي لكود والى فكرتي ترجع ليها كون هاني غادي نمحي ليكم سيستم فرمشة عين ومهمتك طلعها معاك ازين "غمزو"
ريان فهاد اللحضة تزير بات المزيان ....لا رد
غسان : سوو …عندك مهلة تكرهها فيك او تغبر عن الوجود او الي عجبك من هنا لغذا مع ليل تجي هنا يا ترجع ونتا واخد قرار تاخذ طريق نجاح مهمتك يا تاخذ منحى اخور ونصيحة متاخذش القرار ثاني ....
هنا مشعرش ريان عض على شواربو وطار نقز لعندو شنق عيه نطحو حتى كان غايجي لارض لو ما غسان حتو هو صحيح....
بغفلة من ريان هز رجلو عطاه لكرش حتى تلاح لهيه...وطار فوقو عطاه بونية ...
غسان : لو مدخلتيش فالخط كانت باغاني من لول ازااامل كيحساب ليك غافل هههه ...دفعو ريان بجهد وناض وقف تيمسح في فمو وعينيه بغاو يخرجو من مكانهم وكون كانو قرطاس كانو قتلو بعضياتهم بدوك نضرات ...
ريان : اش بغيتي من لاخر الزااامل اش بغيييتي ...
غسان : عرضي قلتو ليك غرام مقابل لفلاشة الي عندي ...هاد سيستيم اصلا معندي مندير بيه كان اختراع واختارعتو ...
ههههه نتا كان كيحساب ليك انك تكون صريح معايا غادي تكسب ثقتي كيحساب ليك تقوليا معايا غرام مشيت مع غرام مغاديش نشك ههههه ...زااامل الي ولدك كشفتك من قبل متحاول تلقى رصاصة الي جات فيك عوض متجي فيا ...متنساش انا الي اختارعت سيستيم المدمر لمخابرات والي غايعاونها فنفس الوقت فكيفاش مغاديش نجبد لمك مصارنك منين نتا ومن فين جيتي ...مغاديش نعاود هضرتي يا تقبل بعرضي وتقود من هنا ومن حياة غرام يا غادي نتصرف تصرف اخور ...
ريان : شنو تقتلني هههه
غسان: مكنقتلش الابرياء ازين ولكن الى اضطريت غادي نرزيك فاعز ناس ليك ومتحاولش تجربني ...اش خبار الحاجة غيثة نرييييي على اش سميتو اااه بطبوط بزيت البلدية "باس صباعو الي كمشهم" اممم اله يعطيها صحة ...
خرج من عندو راسو بغا يطرطق كلشي تضرب ليه فعرض الحائ اول مهمة كيوقع ليه مشاكل ومشاكل كبييييرة ...ربكب فسيارة كيف ديماراها كسيرا باقصى سرعة حتى تحكو روايد مع شانطي ولات بلاصتهم حموم ....مشا طاير منير طريق كلها وهو مخنزر كيصوط ...تحط فموقف لا يحسد عليه ...مسافة طريق لمدة ساعة كانت كافية باش توصلو لواحد الخلا ...فيه صخور نفس الخلا الي تلاقا فيه غرام ملي رجعت من الموعد الاول مع غسان ...والي وقع ليها اغماء وفقدت الوعي ...نفس المكان الي كيجي ليه ديما من نهار حط رجلو فهاد المدينة ...ترجل من سيارة وهبط مع دوك الصخرات حتى بعد وقرب وصل لعند صخور الي كيضرب فيهم امواج البحر الي كان هايج فديك لحضة....
~~~ريان..~~~
ااااه شحااال صعيب تحط فهاد الموقف ياااارب ...عمري توقعت نتحط فهاد الموقف عمرييي ...زاامل قدر يلعبها عليا ...من ناحية الوطن الي على ودو جيت لهاد المدينة الوطن الي عامين وانا وخويا دوزنا فورمايشنز عامين متتالية ...باش يجي قواد تاع الخلا يحطني في ابشع موقف ...شنو ذنب ديك بنت الناس فانها تكون اكبر ضحية فهاد المهمة شنو ذنبها طيح بين ايدين هاد الشخص ...كرهت نهار الي فكرت انني ندخلها ضمن هاد تحدي وهي متستاهلش ابدا ...كرهت نهار الي زربت فيه ودخلتها معايا ضد فيه يااارب شنو ذنبها ...متوقعتش بهاذ سرعة الفائقة تقبل عرض زواجي ...اش درت ياربي ...ماشي هذا هو انا ماشي هذا هو ريان داني الي تربى تربية رجولة ...غانكون اكبر زامل وفعلا انا اكبر زامل
"گلس فواحد الصخرة وشد راسو بين ايديه " يااااارب سمح ليا يااا رب ...كون مع هاد بنت ناس يارب حيث غاتعاني وبزااف يااارب عطيني القوة من هنا القدام باش ميقتلنيش الذنب وندم انني حطمت حياتها ودمرتها يااارب ....
بقيت مدة ما يقارب ساعتين حتى ضلام الحال وليل ليل ...وانا تما قبل منجبد لفون وندوز لعلاء ...
ريان : علاء رجع لدار ...
علاء : علاش ؟
ريان : قلت ليك رجع انا جاي دابا ...قطع عليه ...قبل مندور دورة نرجع صرت جيهة البحر شي حاجة فيا كنحسها بغات تخرج بصرخة كبيييرة ...طلق صرخة زلزلات ديك البلاصة جات موجة كبييييرة ضربت صخرة حتى وصل الما وضرب فيه ...فزگ كولو ومحرك حتى ساكن ...ضرب ضورة من بعد ما غوت ديك الغوتة باش قدر يتنفس شوية ...طلع لطوموبيل وخدا طريق دار ....
من بعد ما وصل طلع لدار دخل لقاه كالس كيتسنى فيه مفاهم والو مع دخل هز فيه عينيه لقاه مخنزرين عينيه حمرييين ومغرغريين ...
علاء : ياك لباس ...
ريان : "هز فيه عينيه " عاود ليه كلشي كاع الهضرة كلها الي دازت ....
علاء "دار ايديه على راسو وكلس لارض " الله اكبر ...
ريان : ولد القحبة ولد القحبااااااااا ذكي زمتني الله سنعل زااامل بوه "هز ايدو وضرب بيها واحد الفاز حتى تشتت ...حيد تيشرت وبقا عريان صدرو تورم بالاعصاب كيطلع وينزل ...
علاء : تكالما معند الغوات باش ينفعك ...مهمتنا سالات دغيا اكثر من المتوقع ...
هز فيه ريان عينيه خنزر فيه ...اشنو !؟؟؟؟؟؟؟
علاء : تهدن ..هادشي الي بغينا ...الحاجة معندو ميوصلها حتى نكونو حنا رعاوين وحمير عاد نخليوه يقرب ليها ...نااري ويطيح فايدي زامل ناري نوريه يذكر الوليدة على فمو ...
بقاو شحاال وهما ساكيت حتى نطق ريان ...غرااااام غادي دمر ...
علاء : ههههه حتى يكون كيهمك اصلا ...
ريان : اشنووو !؟؟
علاء : علاش نتا دابا كتهمك غرام هاااا غاتقوليا كنبغيها غانقوليك القلااااوي انا اصلا سكت وصبرت ليك قلت غادي تبغيها فعلا ولكن نتا اريان بغيتي ولا كرهتي فاش شفتيها كتميل ليه وهو بدا كيبغيها بصح فلول خديتيها كتحدي باش تاخذ منو الاختراع وتاخد منو حتى البنت الي كيبغي او الى كان فعلا تاهو كيبغيها ....بغا يهضر ريان مخلاهش ...
علاء : لا نتا لا زامل بغيتوها بجوجكم كتلعبو بيها وخديتوها تحدي بيناتكم ودابا من الي توضح كلشي زادت شكوكي تاكدت ....ريان مبغيتيش غرام وانما غير شديتي ضد معاه وتاهو نفس الشيء وحسبي الله ونعم الوكيل فيكم بزوج على ديك البنت ذنوبها على رقبتكم الى يوم دين ......غذا جيب الزمر علاش جينا ويلاه نقودو فحالنا وشوف كيف دير مع ديك بنت الناس ولو كانت تهمك اصلا فضي الحبس حسن متفاقم المشكيلة وتخرجو على ديك البنت …نتا وياه سلعة وحدة اسيادة ضابط الفرق انه كيلعب على لمكشوف ونتا لعبتيها من تحت لتحت...
ناض من حداه وخلاه حادر راسو دايرو بين ايديه حيث عارف راسو اش داير وندم بدا كيدخل ليه… لأن من قبل ضد وتحدي والغضب كان عامي ليه عينيه ....
في دار جوديا ...
عينيها الي ولا فيهم لمعان اكثر عن دي قبل ...فرحة تخترق صدرها لتصل قلبها فتزيد من عدد دقاته ليصبح خفقان بنكهة الحب ...عشق كبيييير تمر به ...تعشقه بكل كيانها ...لدرجة ان اعراضه بدات بالضهور فاصبحت واضحة للكل ان هاته الفتاة غرام عاشقة لهاد الشخص ريان ...فعلا ريان هو من كسب قلبها وكسب الرهان ولكن ماذا سيحدث في المستقبل وفي الايام القادمة ...اااه فرحة هذه العاشقة ممكن او على وشك ان تدمر فرحتها للمرة الثانية ...
شعور زويييين بزاااف من بعد ما كتحددي مسار حياتك وهي انك توافقي على زواج بشخص الي تحلم بيه اي بنت الشخص الي بغيتيه وغاتزوجي بيه شخص فحال ريان وسامة وجاذبية وحدة وعصبية وغيرة وكل حاجة فوقتها ...كل طباعو كتخليني مجنونة بيه غير مكنزيد نتعلق بيه ...اااااه شحال زوين سوو سووو هاندسم ...ما وافقت على قرار زواجي بيه حتى فكرت وفكرت ...علاش غانزفض عشت علاقات وياما تخذلت ...بغيت من قبل وتعرضت لخيانة وكانو تجارب كافيين باش يخليوني نفكر ومنعطيش قرارات سريعة حتى نفكر وندرسها من جيمع الجوانب...
ريان شخص الي جاني نيشان وطلبني لزواج شخص الي مبغاش يتفلى عليا ...وخا مكيقولش ليا كنبغيك بزاف...شفت فيه مستقبلي وحاضري ...قادر يعيشني فسعادة الي بغيت ممكن يعوضني على كلشي عانيت منو ...فلول اعجابي كان لغسان ولكن طبعو خلاني نفر منو ونبعد على فكرة انه يكون فارس احلامي الي بغيت حتى جا شخص المناسب ليا والي خلاني نسا اكبر خيانة من اقرب ناس واعزهم ليا ....اااااه كنبغيييييه ومقادراش نتخيل شي نهار ومنشوفوش فيه ....في خضم افكارها جات جوديا ...
غرام : قاليا يسالي شي حاجة ويتقدم ليا وغالبا حتى نكمل لفوغماسيون ديالنا ...
جوديا : عاااام اصحبتي ...
غرام : منضنش مهم قاليا يسالي واصلا هو الي طلب زواج وكان مزروب يعني فاي لحضة غايتقدم ليا ...وخلييينا تانتي عايشين دابا حياة الليسي ههههه
جوديا : مزينكم ههههه ...مهم احبيبتي ردي بالك من ديك خيتي ديال نور ...انا ممرتاحاش ليها ...
غرام : ...ههههه حتى يكون هو كيفكر فيها ...جوديا راها غير كتخوي الما فرملة عايشة فالاحلام ...اصلا كون غايفكر فيها هادي سنين كلها وهي قدامو كون عارفاه غايبغيها كون تزوجو شحال هادي ...
غرام : اصلا ريان خط احمر لا ليها ولا لغيرها ...تفكر شي بيتش تفكر فيه عارفة اش غاندير ...
جوديا : تقتليها ...
غرام : اكيييد ...
جوديا : خههن معنديش شك ازين ...مهم نوضي وجدي راسك اختي من دابا ساعة خاصنا نخرجو ...خرجت من عندها من البيت خلاتها ناضت توجد راسها باش يخرجو لوطيل ...فطريقها لبيتها سمعت صوت الفون ديال غرام ...مشات ليه كان فوق طابلة وهزاتو باش تديه ليها لقاتها داخلة لدوش ...غرام تيليفونك ...
غرام :"من دوش" ريان ؟
جوديا : نن نمرة غريبة ...
غرام : جاوبي نتي شوفي شكون لا يكون داك زمر قولي ليه مكايناش ...
جوديا : الووو الوو ...مشات لواتساب وهي دخل لنفس النمرة دخلت لصورة وهي تخرج عينيها وقلبها بدا يضربببببب ...كانت صورة الي التاقطت لريان مع نور فوضعية وخا يحلف بالمصحف متيقو ...وخاصة لو كانت الغيرة عامية عينيها ...ولانها عارفة ماضيها مع الخيانات المتتالية مطاوعهاش قلبها تشوفها ...دارت لصورة طخونسفيغ يعني لاحتها لنمرتها ومسحت الميساج وصرة من الگالغي ..وهي تخرج غرام ...
غرام : "كتمسح وجهها " شكون !! ياكما داك الزمر ...
جوديا : "بغات تبكي فبلاصتها " هاا نن لا لا تاواحد ..غير نمرة غالطة ...احم يلاه دغيا باش نمشيو ...
غرام : اوكاي نعيط لريان ونمشيو ....مشعرتش براسها حتى طارت ونزلت من الغوتة الي غوتت جوديا عليها ...
جوديا : "بالغوات " غرااااااااااااام لبسي بلا تا خرا متعيط لبوقلااااوي سيري تلبسي ويلاه تقودي وهاد الفون اريه غايبقى عندي مغاتديهش ...والله لا عيطتي لشي قواد ولا نهرس دينمو نشخشو اقسم بالله ...
داز عليهم نهار على غير العادة ...كل وكيفاش عايش احاسيسو ومشاعر ديالو ...كاين الي عايش فرحان والفراشات كطاير فكرشو وكاين الي عايش الغضب ممزوج بلذة النجاح فالمهمة باسهل ميكون ...وكاين الي عايش هاد لحضة وقلبو تيبكي دم على ديك بنت ناس ...وكاين الي كيشوف فديك بنت ناس غاترجع تعاني من جديد وشكون يخرجها من هاد المعاناة ....
فلوطيل ...
جوديا : ندى ختي دي هاد لاليست لريان ...مشات البنت وهي ضور جوديا لقات تيليفون غرام الي خدات ليها مكاينش عرفتها هزاتو …القحبة هزاتو …
تمت غاديا البنت حتى وصلت لممر ديال سانسورات وهي تلاقا بغرام ...
النادل : ماعرفتش غير شي ساعة دابا جا وتوادع معانا ومشا ....استاذن منها خلاها غير كتشوف مفهمت والو ...دوزت نمرة علاء تاهي نفس الشيء ...لقات راسها تعطلت وهي طلع لخدمتها ...دوزتها كلها وبالها مشغول ...هزت عينيها ....حتى بان ليها ريان داخل ...وهي تبتاسم حتى بانو ليها حلاقمها ...
غرام : ريااان حبيبي ...
جوديا : فين غاديا القوادة كلسي تخدمي ...
غرام : خلييني ...مخلاتهاش جوديا وهي تدفع ليها ايذها ومشات كتجري تبعاتو حتى وصلت لمكتب دخل هو بدا كيجمع فشي وراق تما ...حتى دخلت عليه كتجري تلاحت عليه عنقاتو من لور ..."غمض عينيه بجهد حتى تكمشو جنابهم وتجعدو ...وعض فسنانو "حبييييبي ....عااافاك متغوتش عليا عااافاك ...
غرام : والله حتى تخلعت عليك تيليفونك طافي نهار كلو ومدخلتيش الواتساب من صباح بكري ...مشعرتش فاش بنتي ليا دابا حتى تبعتك عاافاك ...تمخشت فيه ...احح توحشتك ...
غرام : هممم غير عاير اصلا عارفني راسي قاصح ههه ...مهم غير توحشتك وتخلعت عليك صافي مبقايش نجي هنا كون هاني ...
ريان : غرام سمعيني ...
غرام : صااافي متعايرش كتخلعني عفااك والله مباقي نعاود وحتى نتا متبقاش طفي تيليفونك وتغبر نهار كلو ...كنخاف تكون واقعة ليك شي حاجة ..."تلاحت عليه عنقاتو وهزت راسها جرت ليه راسو حتى لعندها وهي تبوسو في حنكو ورجعت تمخشت فيه " ملي غانتزوجو دير بالك را كنبقى مشوشة عليك وغانبقا نصدعك حتى تقوليا بعدي مني فرعتي ليا راااسي ...
ريان : غرام عمرنا مغانتزوجو ...فهمتيها ...انا قلتها ليك ودابا سيري خرجي قودي من هنا ...فريع الكر هو نتي ...
غرام : "تشلل ليها لسان ولات كتسمع غير صفارات حيث ودنيها اصلا متقبلوش اش يسمعو " ك ك...قبل متنطق جرها وخرجها من المكتب ..خرجي تقودي خدمي على راسك ...دفعها تا خرجت ...
غرام : "عينيها دايزين بدموع غير راسهم "ريان مالك اشنووقع ليك ...رجعت لعندو ...خذات وجهو بين ايديها كتلمس فلحيتو الشي الي خلاه يزيد يتقهر وميقدرش مزال ...مشعرش براسو غير وهو شادها من دراعها ومزير عليها ...
غرام : اهى اهى كذاااااااااااب اعى اهى كتكدب الى درت شي حاجة ومقلق مني غير قولها والله مباقي نعاود عفااااك اهى ...اي ضريتيني
ريان : لخرااااا...شدها وهو يدفعها بجهد حتى تزدحت مع لارض وتضرب راسها حتى تسمعت زدحة وهو يضرب فيها وزاد مانع دموعو ميهبطووش ..خلاها طايحة فلارض وزاد ضرب ضورة ..مدة وهي طايحة ...حتى وقفو رجلين عند راسها وايد تمدت ليها هزتها من لارض ...
غسان : "بخوف " غرام ...اش واقع ليك ...
غرام : اهى اهى ...
غسان : ششش ..وقفها وجرها عنقها ...ششش تاحاجة متستاهل دموعك ..اجي معايا ...دار دراعو عليها وعنقها بجنب وداها هي كتبكي وهو كيبتاسم بفرحة ...
رهان الغرام الجزء السابع
محتوى القصة
التنقل بين الأجزاء