هزات واحد حلاتوو.. ورجعات لڤيديوو كليكات عليه تشوفوو..
بداااو تصااور كيدووزو.. وحدة من مووور لخرى..
تصاورها مني يالله خرجات من كرش مها.. مني غسلووها.. وهي عندها شهر.. شهرااين.. أول مرة تاكل.. أول مرة تتمشي.. أول ڤيديو ليها وهي كتدوي.. أول نهاار ليها فالمدراسة.. نهاار بلغاات.. تصااور عيد ميلاداتها كامليين.. وتصااورها هي ويااه كااااملين.. تحت نغمات:
انت الحب الكبيير 🎵🎶 الأول والأخيير 🎶
ولا غيييرك يا حبييبي.. قلبي لهوااه أسيير.. 🎶
أنا عاشق نور عنيك.. عاشق غرامها وسحرها..
أنا روووحي مابين ايديك 🎶
وحياتي انت ملكتهاااا..
بحبك كثييييييير ♥
غرغرو عينيها.. شي تصاور عمرها ما شافتهم حتال داباا.. كان مخبيهم ليها حتال نهار عرسها ولكن للضرورة أحكام ههه.. عجبها لڤيديوو واثر فيها بزاف 😻 يالله غينزلوو دمووعها.. سمعات صوتوو..
مسحاتهم دغيا قبل ماينزلوو.. ودارت عندو مخنزرة..
منصف: بلا بكا..
فيونا (معفرة): ماعندي علاش نبكي أصلا.. 😾
كان واقف متكي جنب على الدريسينگ.. طلق يديه وتمشى جيهتها.. گلس حداها متأسف..
دورات وجهها مبعدة نظرها عليه..
منصف: شنو دابا غتبقاي مخاصمة مع باباك..
فيونا: ...
منصف: عارفاني احبيبة ديالي ماكنبغي نخبي عليك حتى حاجة.. وعارفاني ماغنبغيش نقلقك.. كان خاصني نگولها ليك قبل اه ولكن عدريني وحسني الظن فنيتي.. كنت كنقلب غير على الطريقة لي نجبد بيها معاك الموضوع.. ساعا بلاصة مانخفف من حدة المشكل صدق خارج من يدي وكبر كتر..
شافت فيه مع اخر كلمة وقاطعاتوو..
فيونا: عرفتيه مشكل بعدا 😾
منصف: والله يهديك ابنتي.. اش فيها الى تزوجت؟ اش غيتبدل؟ والوو غير غيجي لي يونسنا.. ياك ديما كتبقاي مخشية نتي وليون هنا.. حتى انا غنجيب باش نتلاها.. حسبيها مشة خرى جبناها وصافي..
فيونا: الله يسمحليك.. دغيا كتسهلها..
منصف: علاش صعيبة؟ راه حتى نتي غدا ولا بعدوو غتزوجي وتمشي لدارك وأنا؟ مانبقاش فيك؟ نبقى بوحدي حتال نهار يدي مول الأمانة أمانتو وما يسيق ليا حد لخبار.. مانبقكش فيك؟
فيونا (غوبشات): الله يحفظ.. مامجوجاش أنا 😾 الله ينجيني..
منصف: إمتى يجيني هههه أحياني عليك..
دورات وجهها باقة عاقدة حجبانها..
منصف: شنو دابا مانتصالحووش؟
فيونا: لاائح 😼
منصف: إوا أري ليا داك الشكلاط لهنا..
جراتوو حداها دغيا..
فيونا: ديالي 😾 لقيتو فبيتي.. عطيتيني شي حاجة؟
منصف: الله ينعل بوك..
فيونا (شافت فداكشي لي شادة): يخ ماقيتي ماتجيب.. كون جبتي ليا غا لورد كي ناس.. (هزات راسها للسما) باش نلوحو فالزبل..
منصف: هههههههههههههههه أترو فيك الأفلام.. اوا صافي الله يرضي عليك.. سمحيليا على وجه الملحة والطعام لي مشاركين هههه
فيونا (كتشوف فيه بنص عين وماباغاش تبين ليه فرحتها): وشنو لي غيضمني؟
منصف: عمرني كدبت عليك؟
فيونا: امم
منصف: ايه وخاا.. تصبحي على خير..
دار راسو غينووض.. قاطعاتوو دغيا..
فيونا (يتخوف): والطموبيل؟
منصف (حابس الضحكة): ياك أنا كذاب..
فيونا: لا صافي أجي.. أمنا بالله..
منصف (رجع تقاد فالگلسة): شنو دابا؟ صافي يا لبن؟
فيونا (دورات وجهها ماعاجبهاش لحال): نفكر..
جرها عندو عنقها وباس ليها راسها.. ماتحركاتش..
منصف: وصافي ابابا الله يهديك..
فيونا (بعدات عليه): غدير شي حاجة هكا ولا هكا والله مانعقل عليها..
عاود عنقها..
منصف (مسايرها): واخا احبيبة..
فيونا (كتتبوحط): وشوفها وقلب عليا.. والله حتى نهز حوايجي ماتعرفني فين زدت.. 😾
منصف: كاين شي واحد كنسى لكبيدة ديالوو..
فيونا: اوا ماعرت.. هاحنا غنشوفوو..
بعد عليها گاليها بلي غيمشيو يدويو فالبنت.. مايغاتش تزيد تحكر عليه..
جرها من حنيكاتها.. باسها وناض فحالو ينعس.. خلاها هي داخلة فداك الشكلاط طوول وعرض وليوون حداها غادي جاااي.. حتى هي وجا تخشى فيها.. تكور ونعس.. بقات هي كتلعب فشعرو حتى داها حتى هي النعاس..
من تما وهي جابدة عليه حتال لحداش ونص دالصباااح.. عيات تتگلب بلاصتها حالة عينيها بزز عاد نعلات الشيطان وناضت.. دخلات غسلات وجهها وحكات سنانها وهبطاات..
لقاتهم فطروو وسالاو وقرب لغدا يطييب..
مشات باست بشرى لي لقات فالكوزينة كتطل على طاجينها.. ومشات گلسات فالصال امونجي حداها كتاكل لفطوور لي خلات ليها..
ردات لغطى لي كانت هازة فوق الطجين ودارت عندها..
بشرى: غادي تمشي معانا؟
فيونا (شافت فيها): لاء
بشرى: شوف تشوف!!
فيونا: مافي لي يشوف كمارتها ويتفقص.. أصلا عندي مايداار 😈
بشرى: عنداكي نرجعو نلقاوك هدمتي الدار ههه
فيونا: هههه نديييرها..
بشرى: عارفاك..
بقات حتى سالات على خاطرها.. وطلعات لفووق تدوش..
من زهرها لقات لبوطة سالااات..
خرجات لدروج وطلات من ديك الوسعة لي بيناتهم.. مالكبيراش بزاف وما مديقاش.. جايا مربعة وتقدر تشوف منها لي يطل ولا لي واقف حدى لحديدات دالدرووج..
فيوونا (كتغوت): منصصصصصف.. منصف 🗣
هز راسو من السفلي گاع..
منصف: أااا ؟ أش كاين؟
فيوونا: سالات البوووطة ديال الدووش 😰
منصف: واخاا هانا غانجي نبدلها..
خرج مع الباب.. مشا جابها من الحانوت لي حداهم.. مابعيدش بزااف.. گول بين بابهم وهو ديك تلاتة دالديوور.. مهم، هزها طلعها حتال عندها.. جاب لكلامونيط وجا.. فك اللولة..
وركب الجديدة من مور ماحيد ليها البلاستيكة واللعيبة باش كتكون مسدودة.. ركبها مع التيوو وزيرها بلكلامونيط نيت..
غير سالا حط داكشي من يدوو وجبد بريكة.. مع شعلها طيدوزها عليها.. باش يجرب واش كتتنفس.. وهي تسمع " بااااااااااق 💣💥"
غمض عينيه على جهدهم.. ماعرف راسو باش تبلى..
ما خلاه يحلهم غا ضحكة فيوونا لي تعالاااات.. ومابقاتش قادة تحبسها.. الدموووووووع هبطوو ليها..
فاش كان كيركب فيها.. نفخاات هي بلاستيكة ووجداتها.. خلاتو حتى بدا يقلب فيها وفرگعاتها ليه عند ودنيه..
هز فيها راسو كيشوفها شدارت..
منصف (باستسلام): هدا جهدي عليك امحمد الخامس 😰 Joudia Elamrani
وقف حاط يديه فجنابوو كيشوف فيها.. وهي ولا بغا تحبس.. شاف فيها حتى برد وزاد فحالوو..
منصف (كيدور فراسوو): لاحول ولاقوة الا بالله العظيم..
تمرمداات حتى ما قدها عاد ناضت ناعلة الشيطان.. جرات معاها ليوون ودخلات دوشات دوش خفييف وخرجات مخشية فبينواارها هي ويااه..
حطاتو فوق الناموسية من موور مامسحات ليه.. نشفات شعرها هو اللول ليضربها البرد..
وبقات كدور فالبيت وتجبد حوايجها لي غتلبس.. غادا جاية.. حتى دازت من حدا الشرجم ووقفات.. دورات وجهها كطل.. مشاو عنيها ديريكت للشرجم المعلووم.. ومع كان محلوول.. بقات كتدور فراسها.. مرة تهزوو مرة تهبطوو.. مرة تحركوو جنب باش تشوف ما أمكن أش كاين تم ولا واش كاين حس خونا فلگرونة..
فديك لوقيتة.. السي أنير كان يالله فاق.. نايض خاسر بالنعاس خاصو غا معامن.. بقى غابشورطو لي نعس بيه وناض كيضور عريان من لفووق.. كيتسارى بعضلاتو البارزة ومشيتوو المعهوودة ( الطايح كتر من الواقف.. والواقف سخفان🤣)
غسل وجهوو وراسوو.. شد تليفونو فيد وكاس قهوتو لي كان دايرها تتقطر فاليد لخرى.. وجا جيهة الشرجم يضرب فيه شوية البرد لعل وعسى يصحصح شوية..
لهزة لي هز راسو من التليفووون.. لقاهاا غتتعنزا..
شداتو الضحكة من شكلها.. عنيييه غرغروو ليه بالضحك..
خصوصا أنها مستبعدة فكرة يكون كيطلع لطاج الفوقاني.. حين ريدواتوو ديما هابطيين قلييل فاش كيحلهم.. ومارداتش ليهم لبال هاد الصبااح.. يعني واخدة راحتها عالاخر.. هههه
بقا شحال كيشووف فيها.. وشفيراتها لي باقين فازگين.. ووجها لملائكي لي باقي فيه أثار النعاس.. باقين عويناتها لملونين منفوخيين..
مرسومة على شفافوو بتسامتوو المعهودة لي لقى راسو مبتاسمها بلا هواه.. عاد كتاشف أن بيتها مقابل مع بيتوو..
حاول يجمعها شوية..
أنير (بصوت مسمووع): pskeeesh..
سمعاات داك الصووت لي شل حركتها.. وتماات مطلعا راسها لمستوااه بشوية.. كتنعل حظها وكتتمنى ماتلقاش داكشي لي فبالها.. ساعة ليس كل مايتمناه المرء يدركة هههههه
لقاتو واقف.. حاط واحد اليد على الشرجم متكي عليه بكل خشونة ههه.. واليد لخرى باقي هاز بيها كاسوو لداخل.. مطلع حاجب ومنزل لاخر..
وما ان استقر نضرها عليه حرك راسو بتساءل بلا مايدوي.. زعما أش داكشي؟.. أش كاين؟
المعنى الحقيقي دياااربي نكوون كنحلم هههه ماكرهاتش الارض تسرطها ههه ماعرفات راسها باش تبلات ولا منين بعت معاها..
خنزرات فيه وعاود شافت لتحت دايرة راسها كاطل على شي حد كيدق لتحت.. مزيرة على پينوارها بيديها لا يتحل وتصدق فشوهة كبر..
زادت ضحكاتوو.. رغم انو عايق بتشيطينها عااجبوو وجايوو على گانتوو..
قاطع سهوتوو لي دامت تواني فنكرانها لشكانت كدير السونيط فبابوو هو نيت..
بشرى (كانت كتسناها تغوت عليه): الله ينعل هدا لي يدير راسو فيك 😠 تسناي حتى نوليو ونوريك وشتا ندير فيك..
فيوونا: ههههه غتنساي أ ميمة غير سيري 😝
بشرى (قلزات ليها): اوا هاكي 😠
تشتتو عليها بالضحك.. هدا حالها معاهم فيما ماكتقدش عليهم كتستعمل سلاحها الأخير..
سيدو: هههههههههههه
فيونا: ههههههههههههههه كتفسدي ليا أخلاقي ههه
بشرى: حتى يكونوو عند مك يخ 😒
فيووونا: هههه
دخل منصف يعيط عليهم.. تسناو مصطفى حتى هبط وزادوو.. عفطة وحدة حتال دار محمد رضا..
ستقبلهم نو ومرتوو بلحليب والتمر..
لابسين التقليدي حتى هوما ومتولين..
گلسوو دوااو وطلبوو يد زينب منهم على حسب الاصووول.. قبل بدورهم وقراو الفاتحة من مور ماجات البنت بقفطانها لبيض لي زادها نووور باش شافووها..
حددو العرس ديريكت.. لاغيين فكرة يجيو مرة خرى يخطبوها ويتكاتبوو.. خلاو كلشي للعرس لي غيداار من موور سيمانة فدارهم لي فالسعيدية.. دار مصطفى لي عايشين فيها..
المهم سالا داكشي على خيير.. صدقو ملبسين حتى لخواتم دايرين لخاطر لعريس الزربان.. تافقوو على كلشي وناضو رجعوو فحالهم.. مخلين موراهم بنت فمقتبل العمر.. كان أقصى أحلامها تسالي قرايتها وتتوظف وتحقق أحلامها.. حتى صبحات مخطوبة بدون سابق انداار وكتوجد لعرسها..
سبع سنين ديال لقرايا من مووور عامين ديال الصونطر دارت فيهم تخصص من مور الباك.. هي تسع سنين ضربوها ليها فالزيروو.. كتكافح.. وتجتاهد.. تصهر وتقرى وتوجد.. معولة تكمل وتوقف على رجليها.. تكون راسها وتهز مسؤوليتها وتستقل.. غا حتى حطوها أمام الأمر الواقع.. جاو گالوليها أحكا ماحگا أفلانة جاك عريس وغادا تتزوجي.. ماشاوروها ماسولووها.. ماعاروو اهتماام لاش باغة هي أصلا.. كأن لا صلة لها بالأمر.. ماعرفات لا بأي حق دارو هكااك.. لا بأي ذنب غيتحكم عليها تكمل حياتها على هواهم.. مع انها حياتها هي.. وهي أحق منهم باتخاد قراراتها.. خصوصا انها ماشي بنت صغيرة.. سبعة وعشرين عام راه تبارك الله قادرة تميز بين الصح والغلط..
المشكل لكبر انها فاش حاولات تعتارض.. سكتها محمد رضا بحجة انو أدرى بمصلاحتها وأنوو ماغيلقاش حسن من منصف يأمن عليها معااه..
سكتاات وتكمشات بلاصتها.. ولات كتتمنى لمووت ولا هادشي لي كتعيش.. كتبكي وتطلب ربي يلحقها على واليدييها لي مشاو وتحرمات منهم.. كزيد تتطعن فاش كتفكر أنهم كون كانوو مزال معاها ماكان حتى حد يقدر يفرض عليها شي حاجة..
بقات فيها غصة من جيهة خووها.. دغيا صخا بها.. ولا يمكن تقلات عليه.. وبغا ياخد راحتوو كتر مع مرتوو وولادوو.. ضدمها قراروو.. عمرها توقعاتها منوو هو لي كل ما يجي فيها شي حد كيردوو.. فاللخر قبل واخد كبر منها.. هو اه ماكيبانش فييه شارف وماتعطييهش لاج ديالوو ولكن راه بينها وبينوو كدا وعشرين عاام..
من داك النهار وهي وتعد فالأيااام.. كتصلي صلاة الاستخارة وتعاود.. كتدعي يكوون هادشي غااا هضرة خاوية ولا يتراجعوو فاخر لحظة.. حتى جاو حددو كلشي.. تأكدات من صحة الموضووع.. ومابقى ليها حتى حل اخر من غير ترضى بالمكتاب وتصبر لعل الأمر فيه خيير..
بشرى: يميلو ليك.. درت لنا الشوهة عند الناس.. مني نتا ناوي تلبس لخواتم وجايبهم معاك.. علمنا نجيو بالتاوييل وعلى حساب الاصول ماشي نجيو طوال.. بالشكلاط والورد وييييلي غدايدي وليت ضحكة فأخر يامي
منصف: هههه مالها الوليدة أش فيها.. داكشي لي كنا غنديو ليها نزيدوه معا الدفوع ومريضنا ما عندو باس..
بشرى (عصبها): عندو گلاك ماعندو.. خرجات عليك داك الطاليان ودوك لگور لي مشيتي گعدتي معاهم.. هنا راه ماشي بحال تم.. كل حاجة خاص تدار بوقتها..
مصطفى (قاطع نگيرها): الله يهدييك.. فحال فخال الله يرزق غا الصحة والسلامة.. أهم حاجة مايخصصها من والو..
بشرى: لوااه الحاج.. البنت أول مرة غتزوج ماشي معاودة خاص كلشي يدار ليها على حقوو وطريقوو..
منصف: الله يهديك.. عارفاني ماعنديش مع الصداعاات وفريع الراس.. خلي داكشي خفيف بيناتنا باركا..
بشرى: ماشغلكش فيا ندير لي بغيت ونعرض علامن بغيت.. ويلي تشهووني مع الجيراان..
سكتوو حتى واحد فيهم مازاد هضر مخليينها على خاطرها..
وصلوو لدااار.. كولا تنشر فالقنت باش ينوضوو موگديين..
عطى منصف لموو لفلووس باش تتكلف ليه بكلشي وخرج من سووق لعيالات.. ولا مقابل غا بنتوو كيحزر فيها ويعاود.. من جيهة كيشد بخاطرها ومن جيهة خرى باش ماتنوضش ديرلوو شي زبلة وتحزق ليه فالفيلم..
دوزات بشرى النهار غير فالعرادة دعيباد الله لي عندها معاهم ولي كانت مجاوراهم شحال من عاام..
من موراها دارت مع زينب ومرت خوها باش خرجو شرااو أش خاصها..
بدااو بالصياااغة.. على قبل خواتم الزواااج لي ختارتهم بزووج زينب بحكم منصف بغا حتى خاتموو على دوقها.. خداو معاهم بلاصت الدبالج لي معروفين فوجدة بلمسايس گرميطة دالدهب ماغليضاش ومامشارجياش.. مع سنسلتها وطوانگها.. موراها دازو لي شوميز دو نوي.. بنوارات.. فوطاات.. بانطوفة.. بيجامات جداد..
خداو لها جوج قفيطنات حلوين.. وجوج تكشيطات وجليلبات متيولين على عبارها.. ببلاغي وصبيبطات هي ختارتهم بيديها.. وصيكان..
شراو ريحات والتخربيق لي معاها.. سامسونيط صغيورة كاملة دالماكياج..
غادة معاها بشرى مسايراها.. مرة تأيدها فشكتختااار.. مرة تعوج عليها فمها.. مي مخلياها على خاطرها لا تتقلق ويصعر عليهم منصف وهي عارفااه لانااض أجا مايبردوو..
من مووور هادشي طلعات لسعيدية هي ومصطفى.. فديك التلتيام لي بقات جابت عيالات خملو ديك الڤيلة الصغيرة من سفاها لعلاها ردووها كتشعل.. ووقفات هي على التقدية لي غتجي وعلى الطيابات لي غيقوموو بداك العرس وبماكلتوو.. بالجووق وبالحلوة وشي لاخر كلوو.. معاونهم محمد رضا لي كيطلع عندهم كلما حتاجووه فشي غرض..
*نهار الحنة*
دخلات عندها مرت خوها.. للبيت لي كتنعس فيه مع ولادها بجووج.. لقاتها مكمشة فبلاصتها كتبكيي وتعيط للي يبكي معاها.. گلسات حداها بهدووء.. ودوزات يديها عليها..
حنان: نعلي الشيطان وبراكة عليك.. غتطيبي غير عينيك..
خرجووها ديريكة للصالوون فين غديير لابيلايووو وتصايب.. وهوما كل وحدة لحگات دارهم باش يالله يالله تتقاد وتوصل لبلاصة الحنة..
بقااات سوايع تما.. حتى سالات كلشي على خااااطر خاطرها.. شعرها وشبعوها ماسكات وماساجاات.. بلا ماكياج بلا والوو.. لبسوها سلهامها فوق قفطانها لخفيف.. غطاو ليها راسها بشال وخرجوها عند منصف لي كان كيتسناها برى فطموبيلتوو لمزوقة.. كتبان طموبيلة العرس من زداگادااگ..
أما جنيتنا.. فماكايناااش هنا.. ناضت حتال الطناش بشوية عليها.. كانت ضاباها بتحمحيمة من قبل.. هبطات كتجر فسيدوو حتى فاق ليها وسيفطاتو جاب ليها التكشيطة لي ختااارت باش تلبس.. ودخلات كتاكل بشوية عليها.. طالقة الموسيقة على جهدها فالداار.. لقات السيبة وهي تقلب بوها بواااط..
خالقة السعااادة هي وليووون.. متمسوقاش للعالم باش ماتخصرش مزاجهاا وتتقاد على گانتهاا.. تفقص حتى داك خاينة لي شادة معااه الطريق 😈
بقااات هكااك كدوور من قنت لقنت.. جمعات لبسة دالعرش.. وقفطان خفيف تدوور بيه فالدار.. ولحواايج لخرين لي غتحتاج.. هزات طروسة لي برودوي دياالها حتى هي خشاتها معاهم فشانطتها الصغيورة وسداتها حطاتها جنب..
وبدات دور تاني تشوف لانسات شي حاجة..
حتى وصلات التلاتة.. لاحت عليها كابيتشو طويل وهزات ليوو وهبطات لتحت.. كتفكر كي غديير ليه..
جاب الله رجع السي السيد ديك الساعة نيت.. خلاتليه التكشيطة فيديه يطلعها للبيت.. وليوون حتى هو يگبلوو.. وخرجات هي حتى هي لصالوون تصايب شعكااكتها.. وضفااارها..
من دييك لوقيتة ماطلقوووها حتى غفر ليها ربي گاااع الدنوووب.. دابت بدووك الصهوضات.. لخمسة دلعشية هي عاد راجعة..
شداتها بجرية وحدة حتال لفووق.. جبداات لباليطاات دالماكيااج ديالها وگلسااات ترسم وتقااد من هنا ومن هنا حتى كملات.. واحلة مع ليوون لي كل مرة يحط ليها يدوو على لوون.. شيبهاا..
كيقاااد فكرڤاطتوو لي تحلات ليه بلا مايرد ليها لباال لمرة لي كان لابسها قبل.. قلب فيوتييپ.. شاف الطريقة وسوا معاها يمااان ولا بغاات تتقااد.. كل مرة منيين تعوااج.. حتى عصباتو بدل الساعة بخرى خلاها هكااك محلولة فوق عنقو..
مع أخر درجة نزل منها.. على راسوو كيلقى فتاااة المواااقف الصعبة هههه
شيما تاااني.. غي شافها عقدهم.. ماحاملهاااش.. ماعرفها منين خرجات ليه ولا علاش جاية تاني.. وصلات عندوو.. وقف بكل رجولة.. حتى لهضرة معاها تقيلة عليه..
شيما: سلام..
أنير: وعليكم السلام 😒
شيما: لباس عليك؟ فين غتمشي..
أنير: معرووض.. علاش؟ وشتا تما؟
شيما: والو..
تسمع صوت طالوون.. دورات وجهها لجيهتو بلا ما تحس وهي مكملة جملتها..
شيما: غير سول.. 😯
تمات جاية عندهم لبعيليكة كتتعيوج.. هازة نيفها لسما.. عاجبها راسها وواثقة من نفسها.. مرة مرة كتبعد خصلات شعرها لي كيجيو ليها على وجهها..
شاف جيهة الصوت أنير وعاود شاف فشيما مبرزط معاها.. ساعاا عاود داار بالزربة مني ستوعب اش بان ليه..
ترسمووو فعنيه لقلوووبة 😍.. طلعها ونزلها دغياا شافها اش لابسة.. ولوين كي جاها.. حقق فوجهها لي بان كبر من سنوو بالمكياج.. هازة تليفوونها بوحدوو فيديها..
دار تقاد ولا مقبال مع منين جايا مور ما كان واقف جنب كيدوي مع ختنا..
ضربات هي على عوجة الرجلين لي واقفة معااه مني خرجات مع باب الداار.. ولقاتها فرصة ومناسبة تبرگگها من قريب.. مادااام غتمشي هي وسييدو مع أنير فالطموبيل.. حيت هوما لي بقااو اللخرين تما.. مابقا لي غيديهم ومابغاوش يسبقوو ماحاملينش الروينة..
المهم وصلات عندوو.. وقفات قداموو بكل أنوثة.. وعلات فيه راسها.. فحالا واقف غابوحدوو.. ماعارت لخرى حتى اهتمام.. السلام اللخر مالاحتووش ليها..
فيوونا (ببرائة): مشينا؟
بقى حادر راسوو كيحقق فيها.. مرسومة على شفافوو بتسامة خفيفة.. وخاا لابسة الطالوون باقي فرق الطوول بينااتهم..
عجباتوو لأقصى درجة.. وريحتها دوخااتوو.. ماقدرش يحيد عينيه من عليها.. وكوون ماحشم كوون باسها تم أماام الملأ..
قاطعات سهوتوو بلارج.. لي قشرات فدوى وماحملاتش فيها الشعرة.. ونطقات مخنزرة تگول ضاربة بيه الگاغط وولدة معاه تلاتة 🤣
شيماا: شكوون هادي ؟
داار أنيير شاف فيها وهو وااقف كيما كاان..
اما فيوونا حطات يدها على ليد لي هازة بيها التيليفوون جامعة يديها بجوج قدامها وتحركات شوية حتى ولات مقابلة معاهاا كتهندس فتضاريس وجهها بكل غروور وكتتسنى فأنير يجاااوبها..
محساات غيير يدييه كتتخشاا بين يديها بجووج.. مباعديين بيناتهم.. جار يدها لي من جيهتوو وعندوو وهو كيشابك صبااعوو مع صبااعها..
خرجوو عينييها من بلاصتهم.. بقات غا كدور فيهم.. تمالكات راسها بزز باش ماتبينش قداام اللفعة الگرطيطة..
اما هو فهز يدييها حتال عند وجهوو وهبط راسوو باسها بهدووء وحناان.. بوسة دافية شلات حركتهاا.. وشلااتنا معاها 😭
هبط يدهم بجووج وجاوبها ببروود مبتاسم.. وهو كيحول يدوو لي كان شاد يدها بيها لموور ضهرهاا ومقربها عندوو كتر.. حتى ولى معنقها بيدوو..
أنير: مرتي.. 😏
سيدة فحالا صرفقتيها ولا خويتي عليها صطل دالثلج.. صفااارت.. زاد كملتها وجملتها ليها فيوونا فاش هزات حتى هي يدها لي فالجيهة لي معنقها منها وشداات ليه فشومييزتوو من اللور مأكدة كلاموو.. باش تزيييد تفقصها كتر..
غا لقات راسها فدوى هي ويااه الراس فالراس وهي تنتر منوو وبعداات.. مخبية ضعفها قداامو واستسلامها لقربو ليها بالعصبية..
فيوونا (بحدة): براكة عليك.. شفتك لقيتي الدفى 😾
زادت فحالها لطموبيل مخلياه واقف موراها كيضحك على الطريقة لي قبات بيها عليه وجهها.. وخا هكاك عاجبو الحاال.. خدمات معاه راجل وماحطاتوش بوجهوو.. ماعارفهاش بلي كانت حالفاها حسيفة فكحلة العفطة لي ماعارفاش راسها أصلا لاش كتكحل بلعمى كل مرة تشوفها جاية عندوو..
حلات الباب لقدامي وگلسات تگولها طموبيل باهاا..
تبعها حتى هو.. لاح لاڤيسط ديالوو لوور.. عاد ركب حداها وسد الباب موراه..
لقاها منزلة المراية وكتشوف راسها فيها.. شاف فيها بنص عين ونطق..
أنير: فين راه سيمحمد؟
فيونا (ردات هاديك كي كانت): هاهو جاي.. غير يكمل اللبس..
سكتات حتى عيااات.. بقى كياااكلها فمها حتى نطقاتها.. منها كتمعني عليه ومنها كتقللقل بيها السووق..
كتشوف فتليفونها وكتهضر..
فيوونا: بلاصة مانصدرو بنادم.. نقدرو نتفادااوه من اللول ومانخليوهش يتعلق بينا..
فهمها شبغات توصل ليه.. سكت شحاااال عاد جاوبها..
حاط يدوو على الشرجم لي حدااه.. وليد لخرى على البواط أڤيطييس..
أنير (دار شاف فيها): ماشي گاع الصوالح (لحوايج) راهم على الشكل لي راحنا نشوفوهم عليه..
رجع شاف قدااامو.. دارت عندوو هي كتحلل الجملة لي گال ليها.. باغا تعرف وماكرهاتش تسول.. بلحق ماشي ديالتها.. عزت نفسي ما بتسمحلي..
وهي كتشوف فيه بانت ليها كرافاطتوو محلولة..
فيونا (حابسة الضحكة): ماكتعرفش تصايبها؟
أنير (بهدووء): تْعْكْسَت..
فيووونا: أنجرب..
داار شاف فيها باستغراب من موور ما كان سارح بعينيه قداموو.. كيتأكد.. لقاها كتدوي من نيتها.. مبعدة ظهرها شوية على لكرسي.. ودايرة شويييكيكة جنب..
تقااد فگلستوو من موور ماكاان واخد راحتوو.. وداار حتى هو عندها مقرب باش تقدر توصل ليها..
مداات يديها مطولاها حتال عنقوو.. شداات ديك لكراڤااط قادااتها من موور كتسرح فيها وتطل جنب.. جابت طرافها على صدروو وگلسات كتجرب..
مني قربات ليه وهو حاضيها ماحيدش عينو من عليها.. كلاهاا بشوفااتوو..
مرة مرة كيقسوو يدها صدروو بلا ماتقصد.. وتروها شوفاتوو ومابقات عرفات منيين تجي دااك الزمر.. عيات تعوج فيدييها حتى ولات باغا غا امتى تسالي.. شداات معاها لعكس حتى هي.. كل مرة تخرج ليها معوقة فشكل..
وهو حلف ما يتلفت يخليها تصايبها على خاطرها..
وباش كملها وجملها.. ميد يده حدا وجها.. جامع صبااعووو.. مخلي غا صبعوو لكبير.. قربوو حتال حدى فمها ومسح ليها شوية دلعكر كان قايس برى خط شفايفها..
ماعرفات باش تبلات.. حبسات شكانت كديير.. وحيدات يدها..
فيوونا: خليها غير هكاا جاتك ز..😶 مزيااانة.. حتى لاڤيسط بلاش (حركات يدها لي فيها 👔) هادي خلي حتى نصايبها ليك تلبسها غدا..
بتاسم بتسامة جانبية وداار قدااموو حاس براسوو شداير وعرف بلي كثر عليها ههه.. رد يدوو على البااب وحط عليها دقنوو كيتحسس فلحيتوو..
أما هي.. خشات راسها فتليفووونها ماعاوداتش هزاتوو..
وماهي الا دقايق قليلة وجا سيدوو لابس حتى هو لكلاص.. حط شانطتها فالكوووفر.. وطلع هاز ليوون فالصااك ديالوو حطوو حدااه..
هي هدييك.. شدوو طريقهم ديريييكت لسعيدية.. طالقيين الموسيقى تونسهم علاما وصلوو..
وماااهي الا ساعة وشي دقاايق.. ولقااو راسهم فالسعيدية.. كينعتو ليه فين كاينة الڤيلة دجدهم.. ماتسمعوش ڤيلة ويمشي بالكم لشي حاجة كبيرة.. ڤيلة غير صغيورة على شكل دااار فيها جووج طبقات وطيراس بلاصة السطح.. تقريبا فالتقادة دالدار دوجدة.. الفرق لي بينها أنها ما ملاسقة مع حتى دار خرى.. عندها ربعة دواجهاات وزاايدة عليها بشي ميترواات ديال الجردة دايرة بيها..
مهم حط طموبيلتوو حدا لبااب وهبطوو.. كل واحد فيهم هز ليها حاجة.. دخلوو لقااو الحنة بااادية ولعروسة بارزة كينقشوو ليهاا..
مادخلو گاع لبلاصة الگلسة.. تلقاتلهم بشرى مع الدخلة..
هزاات هي ديك الڤيسط.. وهي تضربها الريحتوو فنيفها.. قرباتها منها كتر وهي تتفكر النهاار لي كبات عليه فيه العصير.. يالله غتبدا تضحك وهي تجمعها دغياا وغوبشاات..
فيوونا: اختفووو.. ساتغفر الله.. 😒
علقاتها دغيااا وخرجاات من تم.. سادة الباب موراها بالسارووت..
نزلات بشوية عليها هازة جليلاتها وكتتمشى بلعباار حتى وصلات لفين خلات بشرى واقفة..
فيوونا: مااغتجيبيش معاهم الدفووع حتى نتي؟
بشرى: مالي هبلت نخلي داري وهي عامرة بالبراني؟
فيونا: نهار على نهار كنزيظ نتأكد بلي مايقد عليك غا لي خلقك اميمة هههه
بشرى: ههههه روحي روحي سلمي على مراة باك هههه 😈
فيوونا (عوجات فمها قالبة عينيها): بلا ماتخليني ندعي يديها وهي مادة يدها للحنة..
وهوما مزاال وااقفين تسمع صووت الگَلاَّلْ (فحاال المزماااار الكبير ولا النفاار ولا ماعرت أش كيگولوو ليه)..
تمشااو جيهة البااب.. لقااو الدفوووع جا.. سابقيين الدقاايقية بلبسهم التقليدي.. شي وحديين منهم هازيين طيافر كبااار فيهم دفووعها.. ولخريين كيغنييو ويطبلووو ويزمروو دايريين حالة.. مورااهم فاطمة الزهرة خت منصف وراجلها وولادها.. وخووه عبد الحق لي ساكن فكازاا ولي خلالو منصف الريسطو لي تم.. هو ومرتوو وبناتو.. عااد منصف وسيدوو وباه وخووه لاخر هوما اللخرين تابعينهم..
دغيا لحقوو على بشرى وفدوى البنات لي من عائلة زينب وقفوو معااهم باش يشووفو كي غيدووزو الأجوااء..
حتى دخلو لداااخل حطوو دوك الطياافر هوما والورد وواحد اللعيبة كبيرة فيها التمر وسطوو الگراااع قدااام زينب.. وكملوو على مابداااو..
عيااو لبنات يبرگگوو فالرجاالة اللخرين لي
داخلين.. ومع هوما كتار ضرهم راسهم شكوون فيهم لعريس.. فاخر المطااف ومن مور كترة التغامييز.. سحاب ليهم بات سيدوو هو لعرييس.. مع وهو لي باين فييه الكبر وسطهم.. ومشااو زالگييين..
كانت زينب سالاات ليها النقاشة.. دارت ليها غير حنة خفيفة.. وحاطيين قدامها مجمر صغير ديال النگافة باش دغيا تكرم ليها..
ومنصف واقف حدا بنتوو لي جر معاه.. كيبووس فيها مني كان داخل وكيشطح معاها عاطيها حتى هي وقت..
حتى شارت ليه النگافة عاد خلاها وتخطى گاع دووك الطيافر المحلوليين قدامها.. هازيين گاع داكشي جهاازها والحنة ولحلييب وغيييرووو..
السيد فكامل قوتوو البطنية.. مع هو من النووع لي مايحبسش السبووور.. الى كترتي وقويتي وزدتي فيه تعطيه ديك تلاتة وربعين عاام.. غير على وجه دوك الشيبة لي زايديين وجهوو وسامة..
ماحملوهااش.. سحابليهم غاا متلات عليهم ودارت راسها مابغااش باش مايقوسووش عليها ويتبعووها.. خصوصا ان السيد مافييه مايتعااب على مزيناااتو.. كوون لقااو ليها طريق يقلعووها من تم ونبتوو حدااه ماشي غيير يبرزوو..
اما السي السيد فما قادااه فرحة.. متقل ومرزن.. گلس بلاصتوو كيسنى يوصل وقيتة تكاتيبهم..
ميكاات عليهم فدوى على وجه باهاا.. ماشي داابا الهضرة.. حشومة قداام الناس.. ههه
لي زاد لهاها كتر.. وجوود أنير تما.. لي زاد شدهاو ليه لكلااس لي لابس.. والشاااغم لي عطااه.. بلا ماندوييو على مناسقتوو للالوان.. لحيتوو لي نقس منهاا.. تفاصيل كتيرة كتخطف الشوفة فيها مرة مرة فاش كتلقاه تلها ما شي حد فالدراري.. من الغير المراات لي كيدوور يشووف فيها حتى هو وكيحصلها فيهم.. كتدور عليه وجهها معفرة..
ووخا هكااك حاضية عنين الزايغاات لي ماهبطووش عينييهم عليه.. هالي كتتسناه يشوف فيها باش تغمزوو.. ولي كتقلب على شي طريقة تجييب نمرتوو..
أما واحد بنت عمها خلاااص.. تقابلات معااه وكتتسنى غا الفرصة باش دير السبة بخوتها وتمشي توقف حدااه..
من زهر بنت عمها (بنت خو منصف لي فكازاا) سالااات الحنة.. ونوضاات النكافة عروستها تطلع تترتاح باش يبقى عندها الجهد للعرس..
مشات معاها بشرى للبيت لي عاطياها تبقى فييه وحاطة فيه حوايجها.. وناضوو عيباد الله يتحركوو.. شي قلبها شطييح وشي تبرگييگ..
سيدوو وقف فبااب الصالات التلاتة البلديين لمحلولين على بعضياتهم ولي عندهم دخلة وحدة.. كيهضر مع أنير لي تعطل وصر يمشي فحاالوو وخا عياا يشد فيه يباات..
ستغلات الفرصة فريفرة ومشات وعندهم كتضحك مع ولد عمها.. عاد بان ليها وهي فالأصل ما كتتشامش معااه وماتحاملووش.. بدات تضحك ليه الضحكة الصفرة وتتبحلس باش ما يقمعهاش قداامو..
فيوونا كان معنقها مونصف من مور ما داو ليه مونيكتوو وناض من البرزة ومشى عندها ديريكت..
تفكراات التيتيز.. شافت فين خلاتوو لقاتو طااار.. دورات عينيها كتقلب علييه.. بان ليها لبلااان.. صفارت وخضارت هي هاد المرة ههه
جات تبعد عليه.. عفطات على طرف قفطانها.. يالله غتتعكل.. حط يديه دغياا مور ضهرها مع كانت قريبة ليه بزااف.. كالاها دغيا لاطيح.. تحنى شوية باقي شادها حتى جرليها جلايلها وهي معاوناه.. عاد حيد يدوو مور ضهرها بحركة بطيئة وهو كيقيسها.. حتى بقات حاطة هي على دراعو يدها ليشداتو بيها فكتفوو فاش جرها لاطييح.. ورجعو لوقفتهم العادية كيضحكوو وفيونا باقا شادة فييه هههه خايفاه يهرب 😅
هادشي كامل قداام عينين البوومة لي فهمات بلي بينهم شي حاجة ووصل ليها الميساج دفيوونا.. وماتسرطاااتش ليها.. كيفاش هداا كامل لي واقف حداها يديها فيها.. لاش لي مايكونش ليها هي نيت.. شافت فيها بحقد دارت راسها غتتكلم لشي حد ومشات.. غازادت.. طلقات منوو وجمعات راسها.. جامعة معاه تخنزيرتها..
فيوونا: ماتفهمش غلط.. عارفاها فريفرة.. مابغيتهاش تلصق فيك حتى والي تقلب على وحدة خرى تصدرها بيها.. 😒
قاطع كلامها سيدوو لي رجع جايب معاه منصف.. وماخلاو أنيير يخرج حتى تعشى مادام رفض يبات..
طلعات فيونا جابت ليه لڤيسط..
خرجاتها ليه برى حدا الطموبيل..
كانت يالله وصلات ديك لحدااش دالليل..
لقاتوو واقف خاشي يديه فجيبوو.. متكي عليها وكيتفكر أش دارت.. كيحاول يلقى شي تفسير ليه.. زعما تكوون غارت عليه زعما؟ لا موحااال.. ضروو راسوو..
خشى هو يديه فجيبوو جبد منها سنيسلة رقيقة ديال الذهب لاسقة فسميتها المكتوبة بأحرف عربية..
قرب عندها وهي مزال مهبطة راسها.. حل ديك السنسلة وحطها على عنقها.. بقى معاها بشوية حتى سدها عاد خرج شعرها من تحت السنسلة وقادوو ليها..
بقات واقفة مجمدة بلاصة.. ماصدرات حتى ردة فعل من الغيير شكرا لي نطقات بيها بتلعتم..
حط يد على عنقها وقرب حتى باسها فجبهتها عااد بعد..
منصف: تصبحي على خير..
ودااار خرج فحاالو.. مخليها تنعس..
دااازت دييك الليلة بخييير وعلى خيييير فصداااع الفرح بعييد على المشاكل..
وصبح صبااح نهااار العرس.. وكيف گاااع العرساات.. صابحة الروييينة وكلشي كيجري ويجااري.. ها لي يصلح.. هالي يمشط.. هاا لي يماااكي.. فيهم لي يصايب لعباد الله ويخلي راسو حتال الدقيقة تسعيين.. وفيهم لي هو اللول يتبند.. يتلمط ويبرز قبل لعروووسة..
وقفاات بشرى بقفطيين خفييف على الطريطووور لي جاابو زااد طبلات فالسفلي.. فين دوزوو الليلة لي قبل لحنة.. حتى جات النگافة سيفطاتها مع زينب ومرت خووها للكوافوورة.. باش تقادوليها ماكياجها.. شعرهاا واللبسة باش غتدخل..
وتلاهاات هي مع السرباية لي عاد وصلوو كتوصي فيهم لايخصرو ليها شي حاجة وواقفة على شغلها بيدييها..
لي مميز فعرسنا انوو بلاصة ماتكوون فيه عروووسة فيه جووووج..
دخلات مريم عند فيوونا للبيت مزوقة كمااارتها.. ودايرة لبابيلييز لشعرهاا كلوو لاويااه لفووق.. لقاتها ناعسة على ضهرها وليوون مكسل فووق منها.. مشات زادت هزات الريدو لي كان مدخل غاشوية الشعى.. ورجعاات عندها كتحركها بشوية وخايفة لا يصدق ليوون لي فايق ونايض ليها..
خلاها حتى قربات للتحت ومد ليها يدييه شدها حتى كملات الدريجات لي بقاو ليها..
منصف: أححح على التيتيز 😍
فيووونا (باستوو): 😇
منصف: تمشي معاياا؟
فيونا: نااء غيير خليني.. غنمشي نگلس مع سيدوو فالجردة على ما ترجع..
منصف (جرها معاه): زيدي..
خرجوو برى..كاان داك الساعة لحاال بدا كيضلام..
مشى هو وخلاهم تما شادين النمييمة فالدااخل والخارج.. كينقطوو فشنو لابسين عيباد الله.. بلووزة وحدة (لبس تقليدي وجدي) تعجبهم.. وتكشيطت لخرى تجيهم معربنة.. ماكيااج وحدة معيق وشعر التانية مزيت.. خالقين جوو ومدوزيين وقت هاربين حتى على بشرى لي كل مرة تسيفطهم يسلموو على كماارة من طريكتهم العوجة..
بقاااو تما حتى خرج عندهم خوو سيدوو لكبير.. وقف عليهم..
مهدي: راكوم تتعونوو (كتتبردو).. بصحة..
فيونا (شافت فيه): يعطيك الصحة.. صاڤا؟
مهدي: الحمد لله.. راك ديري لفرزيات.. تگعدي غامع سيدو.. وشتا زعما غي هو لي ولد عمك..
فيونا: حاشا 😊 راه الكرسي الى بغيتي تگلس..
جروو وتبند حدااهم.. جمعو هوما وطواو.. ولاو يدويو بلعباار.. لا هي لا هو ماعندهمش معاه بزااف.. كيجيهم بطبعوو باسل.. عاطيها غا لبناات والطموبيلات.. ووخا كبر من سيدوو من ناحية لعقل العكس..
بقااو مسرحيين رجليهم تم حتى خرجوو الدقايقية تاني ووقفات طموبيلة منصف.. دخلوو لعرووسة تابعينها النگافاات بالصلااة والسلام حتى برزاات بتكشيطتها البيضة.. وتبعوهم حتى هووما..
بدات التقصيرة وكلشي نااض يشطح.. وكيماا معرووووف على الجييهة الشرقية ماااا يكملش العرس بلا العرفة ولعلاااوي والمشهووورة فالمغرب كااامل بالرگاادة 😻
تصاافوو جووج صفووفة مقاابليين وبدااو يشطحوو على الدقاات المتسلسلة والمحسووبة.. فتنااغم.. كتباانك لوحة راقصة بلا توجااد..
وفنفس الوقت لي گالسة فيوونة فكرسي جيت لبااب مقابل مع البرزة كتتفرج فيهم وتحرك معاهم كتافها بكترة ما كيعجبوها.. تم داخل أنير..
وقف فالباب كيقلب على شي حد فالدراري.. بانلو مهدي والطبقة.. زاد خطوات يمشي عندهم.. دور وجهو ليمن بلاقصد.. وهي تبان ليه.. دايرة رجل على رجل.. وگالسة بكل أنوثة وصواااب..
قلب الدورة ورجع عندها فلبلاصة.. تحدر حدى ودنيها جنب.. بعد شعرها بجوج صبااع ودوا بصوت تقدر تسمعوو..
أنير: فين گرفاطتي.. ؟
فيوونا (هراتها نفسو السخونة لي ضربات فعنقها.. بعداتو دغيا مكمشاه): 😳.. (قفزها.. هزات فيه عنيها) بقات لفووق..
ناضت وقفاات بشوية عليها طالعة تجيبها ليه ساعا تبعها.. بخطوات بطيئة.. داير يديه فجيبوو ومثقل مشيتوو.. راسم ضحيكة جنب وكيطلع وينزل فالتكشيطة لي لابسة كي جاتها.. وفالشدة لي شادة جلايلها وكتتحرك بداك الطالوون لي غالبها ومقاتلة معااه..
وصلوو لبيت.. حلاتوو ودخلات..
فيوونا: ردوو معاك عفااك ليخرج ليوون..
سدو أنير موراه.. وزااد لداخل فين واقفة..
لقاها هازة لگرفااط لي ديجة صايبات..
فيوونا (مدااتها ليه): ها هي..
أنير: وشتاهو زعما ماغتگاديهاش؟ (شناهو)
فيوونا (دارت راسها مكلخة): راها مقادة.. خاص غير تلبسها..
أنير (زاد بخطوات عندها): لبسيهالي نتي..
لقاها مافيها لي يتجابد معاه خلاوها وجادة بمعنى تجاوب معاه ولا تتشاد معاه فالهضرة..
حلااتها.. شداتها بيدها بجووج وعلات يديها لفووق..
حدر هو راسو عندها.. خشاتها فعنقوو وعاود وقف كي كاان..
بداات كتقاااد فييها حتى صايباتها.. تحت نظراااتو المعهووودة..
يالله غتحيد يديها وهي تزييد تزيرها قاجااه بيها..
طلع حاجب ونزل لاخر كيشووف فيها وحابس ضحكتوو..
طلعاات فيه راسها بضحكة بريئة وسادة عنيها كأنها ما دااارت واالو..
فيوونا: 😇
طلق ضحكتوو على راحتها.. طلع يدوو عند يدها لي باقة كتسرح فخيووط لگرفااط من لتحت.. شدهاا وعلاها حتال عند وجهوو.. هبط راسو شوية وباس كفها من لداااخل..
حشماات هي وتزنگااات وطلعوووليها لفراشاات مع كرشها ههه مالقات ما دير من غيير أنها تحني راسها لتحت مخبية وجهها علييه..
سكت شوية.. مسرح عينوو فتفاصيلها ونطق بصوووتوو الرجووولي وبدفىء..
شريك القرن 21 الجزء الثالث
محتوى القصة
التنقل بين الأجزاء