شريك القرن 21 الجزء السابع

فيوونا: هههه حسووومة..

أنيير (حرك الطمووبيل): حسوما ولا حشووما؟

فيوونا: نااء حسووومة 😹

أنيير: منووومرة نتي ههه

فيوونا (خرجاات ليه لساانها): 😝

أنيير: هههه فين نوگفوو باش تفطري؟ لبحر ماكاينش.. والجرادي فهااد الجو غتگرملنا الشمس فييهم..

فيوونا: شنو نديروو؟ ماكنعرفش وجدة أنا..

أنيير: ... الحل الوحييد هو الدار..

فيوونا: أووك.. رجع..

درب الدوورة نيشااان لدااروو.. هبط هز التخربييق من الكووفر.. عاونااتو فيهم فيوونا حتى دااهم.. هبطوو تاني لفطوورهم ودخلوو..

طلعوو لطااج اللول.. گلسوو فووق الفطوياات.. خدم أنير لكيمة.. جابلييها فورشيطة.. وخلاها تاكل على خااطرها قدااموو.. وقداام عينييه وهو كيشرب فقهوتوو.. حتى سالاات.. كانت لابسة شوورط دجين وتيشوورط فوقوو كم.. نطق أنير مسولها..

أنير: نجيب ليك شي تيشورط ديالي ترتاحي فيه كثر؟

فيوونا: وخاا..

طلع لبيتوو خدا شبغا وعااود هبط عندها.. لقاها هزاات دوك التخربيق لي فووق الطبلة ودااتهم لكوزينة..

أنيير: فدوى..

فيوونا: هاأنا هنا..

أنير (مدوو ليها): هاكي..

خداتو من عندوو ومشاات لبسااتو ورجعاات موحلة كماام يدييه لي هوما أصلا نص كم فستيماتها باش تنقص فطوولهم.. وتيشوورط مع حجم حلووفنا الأخضر (Meryem Ait Mahda) فاات ليها الشوورط ولات كتباان فحالا لابسااه غا بووحدوو..

دخلات لقااتو كيقااد الخضرة فبلاصتها.. خداات عاونااتوو.. لي هزااتها كتسولوو فين تحطها.. كيورييها وخداام بيدييه حتى هو.. لي حطووه فالتلاجة ولي حطووه برى وليقاامة ردووها فقراعييها حتى سالااو كلشي.. بقى ليهم غيير دااك الحووت..

أنيير: غيير حيدي.. أنا نغسلوو..

فيوونا: نو ماعلييش غير خلييني فحاال فحاال..

أنيير: غتخصري غير دفارك..

فيوونا (شاافت فييه بنص عيين): من نيتك.. (مداات ليه ضفارها) مامركبااهم ما مصابغااهم..

أنير: وخا هكااك مقاديين وزوينييه حراام يتهرسوو.. هعع

فيوونا: حراام حتى تغسلوو وأنا هنا ههه

أنير: وخا أنا نگااد باش نصاايبووه..

قااد الزييت والطحيين ولبييض ودييك الوصفة العجييبة لي غيدييرو فييها لگروڤيط والكلماار قبل ماا يتقلاااو.. جبد لخنشة دلفرييت لكونجلي لي كتتباع مقاادة مصاايبة..

حدااه فيوونا كتنقيي وتغسل فدااك الحووت.. قااتلاها ومحمقااها رييحتوو لي فالتيشوورط دياالو لي لابسة 😻..

فيينما دااز من حدااها.. حيد من على وجهها الشعر لي كيهبط علييه.. حتى ولى فينما يوقف علييها كتفهموو وتدور عندوو حتى يقااد لييها..

شاف حتى عياا وخرج من تم كيقلب على لاستيكاات لي كتنسى رييم عندوو فالداار فاش كيكوونو مجمووعين.. بستتة وستيين كشيفة لقى وااحد.. گااع غبروو فاش حتااجهم.. خدااه ورجع.. وقف ديريكت مووراها..

قرب كثر وبلا مايشعر قرب نييفو من شعرهاا كيشم فالنسماات لي فايحيين منهاا.. ريحت الشمبواان والبارفاان ولكريمات لي كديير مخلطيين بريتها هي..

للحظة وقفاات الحركة ووقفاات الدنيا.. مابقات كتسمع حتى حاجة من غيير تنفسهم ودقة قلبهم..

تشلوو يدييها قداامها.. حتى حساات بييه جر شعرها من القداام وردوو اللوور عندوو باش جمعوو لييها.. فطرييقوو قاس عنقها.. بوورشها..

شد شعرهاا بالباندة لي كانت عندوو وجمعوو ليها كامل..

حتى سالا ودوراات عندوو وجهها غير شوية..

فيوونا (بهمس): thank u..

أنير (جرها من نيفها): any tiime.. نصاايب سلاطة ولا تصاوبيلنا نتي سلاطتك العجيبة؟

فيوونا: هههه أنا نصايبها غيير جبد ليا التخبيق ديالها..

أنير: وشتا راك ديري فيهاا..

فيوونا: هاانتا حط ليا المانگ و...

بقاات هي كتگوول لييه وهو كيحط ليها فووق البوطااجي شخاصها حتى وجد ليها كلشي..

فيوونا: هااد الزوييطخ (كوكيااج الصغييور) شنو غديير لييه؟

أنير: غنشحروو مع الصووص فيغ (الصووص الخضرة لي كتصايب بالربيع وفلفلة خضرة والزييت.. مهم) حتى بوزرووگ غا خلييه..

فيووونا: وخاا.. غنصاوب شلادة والعصيير..

أنير: بلاش العصيير كاين.. ديري بلفروتة صلاد دفخوي الى كتعجبك..

فيوونا: كاينة لكرييم فريش؟

أنير: راها فالثلاجة..

فيوونا: اوكااااي..

بداات بشلادة هي لولة.. گرداات كولشي وحطااتو فواحد الطاصة فحاال البانيوو بيقامتها وخلاتها بلا ماتخلطها..

خدماات لفريطووز (ماكينا دلفريت) وقادااتها خلاتو يطييب ومشاات وقفاات حدااه جيهت البوطة..

كاان أنير حااط حدااه الكروڤيط والكلاماار والتشوووبو (واحد اللعيبة دايرة فحاال الكلاماار وهي صغييرة فاش كتاكلها كتطلق واحد لكحوولية) كيطيب حاجة بحاجة..

لقاتوو نيت كيهز لي تقلات من المقلة.. مدات يدها باش تاخد وهو يحبسها..

أنير (بخوف): غتحرگي..

حط لا لووش (فحاال لمغرفة ومتقبة ههه) وهز من الطبسييل كروڤيطة حتى سااط عليها برداات شوية عااد مدها لفمها.. شداات هي فمعصم يدييه لي عطااها بيها بنعوووومة وكلااتها بشوية علييها.. تحت نظرااتو.. وضحييكتوو..

فيوونا: ممم جا بنيين 😻

أنير (بهمس): أخخخخ وكان..

فيوونا: أاا ؟

أنير: لفرييت.. غتحرگ هههه

داارت حيدااتها وقطعاات لفرووتة معااها.. قداات گااع داكشي فطباصل.. وجداات الكيساان وحطاات الطبلة..

تبعها هااز لي صوووص ولي بقى الكوزينة.. لقاها مزاال كتقااد.. تلفتاات عندوو..

أنير (مشى سبقها گلس): روااحي براكة علييك من صبااح ونتي واگفة..

فوونا: سفياان مايجييش؟

أنيير: شوية وتلگايه گبالتك كي الجن..

فيوونا: ههههه تلاقيتوو غا لحمق على خووه..

أنيير: أوااه.. هههه رواحي رواحي يا القطة گبل مانووض نوريك لحمااق لمن يگولووه..

فيوونا: هههه

گلساات حدااه فالفطووي لاخر مقاابلة مع التلفاازة.. يالله دارت الدغمة اللولة وحبساات.. دار شااف مالهاا لقاها مدلية قنووفتها..

أنيير (عقد حجبانوو): وشتا؟

فيوونا (بطفوولة): ليووون ☹

أنير: ههه (هز تليفوونو يدوي فيه) ألوو.. دووز عند منصف جيب ليوون وروااح دغياا گبل مايبرد هادشي..

فيووونا: 😇

أنير: صااافي؟ ههه

فيوونا: سي 😻

أنييير (مد يدييه لشعرها جر منوو لاستيييك طلقوو): هههه..

ماداازش بزااف حتى سمعوو الدقاان.. جات تنووض وحبسها..

أنيير: غي خليك.. عندوو السارووت غير قاتلوو لعگز ههه

فيوونا: هههه لا بزااف هههه گال ليا ماتعرفييش 😹

أنيير: ههههه..

سفيااان (تم دااخل): كتنممو فيا؟

فيوونا (شداات من عندوو ليوون): هههه علمك الله أخوويا..

ليوون (كيتمخشش فيها): ميييو..

سفياان (داار يدوو فجناابو كيشووف فالطبلة): يادينكم 😠 ايمتى كنتو غتعيطوو ليا..

أنير: حتى نسالييو..

سفياان: خصارة العشرة فيك 😡 دغيا بعْتْني..

أنير: گعد برااكة من الدراما.. 😒

گلس سفياان حدا أنيير.. ناضت فيوونا تزيد طبسيل على قبلوو.. وهو يشووف فيه شوفت المووت..

فهموو بلي مشا بالوو بغيد مني شافها لابسة تريكووه..

أنير (بصوت منخافض): ماتروحش بعيد.. دروگ تولي على رجليك..

سفيان: ووشتا راك تحاول دير؟

أنير: خرج سوقي 😒

تماات راجعة فيوونا.. لقاات ليوون مخشي فأنير كيوكلوو معااه.. ضحكاات.. حطاات داكشي من يدها ورجعاات گلسات فين كانت فاللول..

عصر ليها أنيير لحامض على الحووت لي قدامها وكملوو غدااهم وناضوو تعاونوو على دووك لماعن.. شي شاد فشي ومجمعيين..

حل ليها سفياان تحقييق فينما يتفكر شي حاجة يسولها عليها.. كتجاوبوو حتى هي مرة بسعة رحب مرة تعطييه حتى يدوور وتدريبلييه.. ماحتاجش أنير يجاوب عليها ولا يدافع..

خرجو لمرااح.. هزاات فيوونا ليووه عندها وگلساات..

طار سفياان ديريكت لتلفازاا.. خدا طيليكومووند وبدا يقلب..

سفياان: فااش نتفرجوو؟

أنير (وقف): شووف مع فدوى..

فيوونا: لي عجبكم ماعنديش مشكيل..

سفيان: صافي نديروو شي فييلم..

خلااهم أنير وطلع للكوزينا لي لفوق هز لي شيبس وتخربييق.. ورجع..

قرب عند فيوونا حط ليها بيمواات دياال شوكووولا وكيندر وماجاورة ودار حط فووق الطبلة شي لاخر وگلس حداهاا لايح يدييه على الفوق دياال لفوطووي لي گالسيين عليه..

تلااح سفيان حتى هوو.. دخل ليوتووب وبدى كيطااپي ويعااود.. ويدور فعينييه.. يجرب ويعااود باش مايعيقش ومايبينش..

شحاال كيدخل ويخرج من وااحد الوااحد عاد نطق..

سفياان (بدهااء): روااحو.. مانتفرجووش ف Shrek؟

عقد أنير حجباانو وخرج فيه عينييه.. عاارفوو أش باغي يديير ولايااش باغي يوصل..

جاوبوو لاخر بابتسااامة شر مُصِر 😈

فيوونا (كدور وجهها بيناتهم مافاهمة والوو): نتفرجوو هانية.. (شافت فأنير) ماكيعجبووكش لي أنيمي؟

أنير: لا عادي..

مشا هبط الريدواات وظلم الدنياا ورجع دخل للفيلم.. وتلااح باللور تكاا.. جاار معااه ليز (ships) كبيير حلوو..

بداات القصة.. وبدا الفيلم..

متبعين معااه ومنساجميين بجووج بيهم.. على عكس أنير لي عين فييها وعين ففيونا..

حتى ستقرات أنظاروو فالأخيير عليها.. كيشوف فيها ويتفكر كي دوزوو نهارهم من الصبااح.. لحظة بلحظة.. كفاش كيرتااح وهي حدااه ومعااه.. كيتخايل كون كانوو نيت مزوجيين وعايشين بجووج.. ماكرهش يبقلاو هكداا كل نهاار.. تمنى للمرة الألف يكوون انساان عادي..

جر راسوو شحاال من مرة علييها وحااول يبعد وماينجرش..

حاول يهرب منها ومايعيرهاش أي اهتماام فحالها وفحاال گاع لي قبلها.. لكن قلبوو هاد المرة كان ليه رأيي اخر.. أصلا هي كلها شكل تااني.. كيحسها طبيعية كثر.. ماكتتسوقش وماكتتصنعش وماكتحاول تلفت انتبااه حد وهاد القضية فحد داتها لي لفتاات انتباهوو اتجاهها..

فعز سهوتوو هزاات راسها فيه.. لقاتوو كتوو كيشووف فيها.. هزاات الشوكوولا لي فيدها مداتها ليه تدوقوو..

زاادت ابتسامتوو غمض عينيه معوج نيفوو وفموو..

زادت مقرباهاا لفموو كثر..

دارليها خاطرها خداا من عندها.. ساعاا عمر ليه فموو وشوية من اللحية لي حداهاا..

أنير (بهمس): شُفتِ شنو درتي.. ههه

فيوونا (بنفس طبقة الصووت): ههههه

تقاداات فالگلسة دايرة عندوو ومقربة كثر..

حطاات يدييها مسحاات لحيتوو هي اللولة.. عاد حيداات منها ماساخيااش وداازت لشنيفاتوو دوزاات صبعها على لتحتانية لي عمراات..

يالله غتكمل وهو يعضها فصبعها غير بالشوية..

فيوونا (كتتبوحط): أااااي.. ههههه وحش 😹

أنير (بطبقة صوت أقل): لهلا يرگبك..

فيوونا: شنوو؟

أنير: هههه والوو.. تفرجي الشكيليطة هههه 😍

فيوونا: 😝

داارت قداامها كتكمل فيلمها.. مخلياه كيشووف فيها ويضحك بلا هوااه.. ماكارهش كوون داك الفييلم مايسالييش.. ولا يسالييوه ويبدااو واحد اخر باش تبقى قريبة ليه هكدااك ومخشية حدااه..

شااف فالتلفازاا هو يباان ليه لحماار لي مع shrek لي معروف عندنا بالميلودي كينقز وكيشطح..

أنير: ههههه شوفت روحك أدونكي ههههه

سفياان: 😏.. من گبيلة وأنا ميك عليك زعما.. مابغيتش ندور ليك السمطة..

أنير: وشتا غتگول گاع؟ shreek ؟ المغرب كامل راه يگولها دركا.. وياك كليت عليها قتلة مايهمنيش ههههه

فيوونا (تلفاات عندو دغيا): ضربتييه 😯؟

سفيان: ههههههه كُنا صغااار هههههههه

فيوونا: باينة كان كيحگر علييك..

سفيان: راك تشوفي فيها.. ههه

أنير: وااه وماكنتش ندافع عليك؟ 😒

سفيان: كدافع بلحق حتى نتى كنت تضرب..

فيوونا: ههههه هادي هي ديال نضربك وما نخلي لي يضربك..

سفياان: أوااه هههه

أنير: هههه

📲📲📲

فيوونا: ألووو..

منصف: دابا شكون لي نسا لاخر هاا؟

فيووونا: ههههه كنتفرجوو أعشيري 😹

منصف: هههه بصحتك.. ماغتجيش؟

فيونا: بااقي شوية؟ بغيتي شي حاجة؟

منصف: لاا.. غاتوحشتك..

فيونا: وأنا لا 😈

منصف: الله ينعل مك ههه تلاحي..

فيونا: ههه بابااي.. (قطعاات)

أنير: منصف؟

فيوونا (شافت فيه): سي..

كملوو فيلمهم.. كل مرة يوقفوو عند حاجة.. كل مرة يضحكوو على شي لقطة..

على شحاال عاد عم الصمت وسقلوو.. حتى كسراااتو فيوونا ونطقاات خلاتهم دار عندها بجووج مخرجين فيها عينيهم..

فيوونا: حتى أنا سميتي فيونا ههه

سفيان: وشتا؟ 😮

فيوونا: هههه مالكم 😹 راه ماماا طاليانية هههه عادي..

سفيان: وفدوى؟

فيونا: سميتي التانية..

سفيان: وماك؟

فيونا: مالها؟

سفيان (عاد وعى براسو): أاا سمحيلي على السؤال..

فيونا: هههه نو هانية.. شنو بغيتي تعرف؟

سفيان: فين راها زعما؟

فيوونا: فالطاليان يمكن ههه ماعرفتش.. (سكتاات شوية وزادت) عمرني شفتها ههه

مالقى باش يجاوبها سفياان.. أما أنير بقى عاقد حجبانوو.. كيشوف فيها.. لاحظات تبدل ملامح وجههم وبغاات تبدل الموضووع وتلطف الجو..

فيوونا: عادي ههه طلق لينا نتفرجوو..

داار سفياان وداار قدامو جامع الضحكة وحابس الضحك فمرة..

حط أنير يدوو من الجيهة لخرى وجرها لعندوو باس ليها راسها جنب وطلقها..

الوقيتة لي دار دونكي بلاي..

حط منصف تيليفونوو فووق البوطااجي..

منصف: ولاهيلا مزيان همها غا ليوون 😒

زينب (كتحك مطيشة): هههه غَرْت..

منصف: نكراتني بنت الهم..

زينب: هههه

منصف (حرك راسو ليمن وليسر)

زينب: هههه ماگعدات الا ورتاحت معاهم..

منصف: خليها ههه راحتها هي اللولة ههه تعمري هادو ولاغير نعمرهك معاياا..

زينب (تافتات عندو): غير خليهم.. كمل لي باط لخرين..

داكشي لي دار نيت.. كيجمعوو ويدورو فالريسطوو ويوجدوو.. ها لبريواات.. ها لي شوصوون.. ها بطيبطات صغاار.. گاع داك التخربيق دالمملحاات لي غيحتاجووه فالافتاح قادووه وطيبوه..

كصايبوو وبالكثرة.. باديين بالمالح عاد يدوزو لحلوو.. ووسط انشغالهم بالتوجااد لافتتاح الرسطوو يدور ويبووسها ولا ينقها.. فرحاان بيها ومفششها.. مع حاس بيها حتى هي مادايراش حواجز بناتهم ومخلياه على راحتو كيبني فعلاقتهم على حسب شخصيتوو.. بداات تولفو نهار على نهاار.. وفعلا عجبها.. من غير معاملتوو وما شافت منوو.. فاش عاود ليها على ماضيه.. تزويجتو اللولة وكي عاش مع بنتوو.. زاد كبر فعنيها وتزعطاات فرجولتوو الزايدة.. وبطريقة تحكموو فزمام الأموور وخا عقليتوو منفاتحة لأبعد الحدوود..

قداام هاد الاغرائات كاملة والكريزمة الرهيبة لتيتيزنا الأبيض الأربعيني ما لقاات مادير من غير أنها تستسلم ليه وتحاول تحتل حتى هي بلاصة فحياتوو.. طامعة فحنانوو وحبوو ورجوولتو..

🥀🥀🥀

سفيان (كلاه فموو تاني): ماجاتكمش بحال الأميرة النائمة غير مبدلينها؟

فيوونا (باقي عنها على التلفازا): سي.. شفتي فاللول بادين بيها هي نيت فالكتاب.. المساج لي جاني باغيين يوصلو أن الشكل عمرو ما كان مقياس الجماال.. شحال من واحد رغم بشاعتو كيكون داخلو حسن من لي كيضربو على الشعا ولا كيتظاهرو بشي حوايج عكس حقيقتهم غير باش يوصلو لأهداف ماليها قيمة على الأقل بنسب لناس لي ماكيهتموش بالمناصب ولا بالمادة..

أنير (قاطعها): وخا.. راه وحش.. يخياب حتى يخياب بنادم مايوصلش لهكداك..

فيونا (دارت عندو سكتات شوي عاد جوباتو بثقة): من يحبك.. سيحبك كما أنت حتى وإن كنت ملطخا بالوحل ♥ وأكبر مثال فيونا وشريك..

بتاسم أنير.. عجباتو وجهة نضرها فالموضوع.. يالله غيبدا يفكر أنها تتقبل ويفكر شي نهار يفاتحها ويگول ليها الحقيقة دواات مرة خرى..

فيوونا (دارت قدامها): وكيبقاو تاني غير أفلام ديزني.. كيعتامدوو الخياال باش يوصلوو ليك فكرة.. يعني كيما گلتي ماكينينش وحووش..

أنير (حط يديه على لحيتو كيحك فيها بارتباك)

سفيان: كاين shrek ديالنا.. شريك القرن الواحد وعشرين.. هههه

هز فيه أنير راسو بزربة مخنزر وعاض على سنانوو..

فيوونا: هههه واييه.. وحش نيت.. (حطات يدها على دراعوو كتعبر فيها) شوف تبارك الله غا يدوو قدااش هههه

سفياان (كيضحك ويلعب ليه على أعصابوو): ههههه أوااه

أنير (بتاسم بزز باش مايبينش)

فيوونا (عقدات حجبانها بالضحك): وخاا خاص حتى نشوفوو كيلعب عاد نحكم واش شريك نيت هههه

عرفها كنطنز عليه بلعاني.. كان ضهرها مهزووز على لفطووي لي متكي عليه..

حط يديه على عنقها من اللور كيحركها بالضحك..

أنير: دروك نديك معايا لكلووب..

فيوونا (شافت فيه دغيا متحمسة): حلف 😳🙀

أنير (جر ليها حنكها وضحك حتى بانوو سنسناتوو)

سفياان: احم احم..

أنير: طلگ الا باغي تكمل الفيلم.. طلك ونتا حاضيني 😒

سفيان: وشتا عندي غيرك نحضي ههههه

أنير (هز مخدة شير علييه بيها)

فيوونا: هههه

توالااو المشاهد واللقطاات.. وزااد تحمسهم مع شرييك لي كان غادي لعرس فيوونا يحبسوو (غير فالفيلم).. ورغم أنهم عارفين النهاية سعيدة وفايتين مفرجين فيه أصلا ولكن كتوقع لينا كاملين كنعااودوو نعيشوو اللحظة..

عتارف ليها شريك.. غرباات الشمس وتحولات حتى هي لوحشة.. وما ان جا يبوسها..

شاف أنير ففدوى غير بالريط..

لقاها حشماات وهبطاات وجهها متفادية المنظر..

ضحك فصمت باش مايحرجهااش كثر..

مع اللقطاات اللخرة گلس سفياان وتقااد..

سفياان: نشوووفو التاني؟

..(تسمع صووت من برى) : سفياان.. سفيااااااااااااااان..

سفيااان (بالجهد): أااااا؟!

نااض لشرجم ديريكت طل يشووف علاش كتعيط لييه.. كانت ختوو.. عندها ديك خمسطاش العاام.. واقفة حاطة يديها على جنابها ماعاجبها حاال..

سفيان: وشتا؟

.. (كتعوج فمها): گالت ليك مّا رواح تشوف تليفونك لي راه يزگي علينا من الصبااح 🙄

سفيان: غبري راني جاي دركا..

.. (دارت غادية كتتعوج): شويني فيك 😒

خلاهاا ودخل رجع عندهم..

أنير: شتا؟

سفيان: غير نجوى مسيفطهالي ما.. نسيت تليفوني تما وراك عارف..

أنير: ضْبْرت عليها ههههه روح گبل ما تلگاها هنا..

سفيان: هههه أوااه أهو مشى..

فيونا (فهماتهم كيدويو على شي وحدة): هههه

تم هو غادي لدرووج ينزل وهي كتشوف فيه وكتضحك.. فنفس لوقيتة ثار انتباهها ورقة صغير لاصقة فالحييط📄..

ناظت جيهتها بفضوول.. حتى وقفاات مقابلة معاها كتقرى فيها..

{ وَالحظَة التي سَيبطُلُ فِيها هِي لحظَة اهتِزُاز ورَنِين وانسِجَام وانعطَاف بينَ النَفس و بينَ مَوضُوع اكتُشِفت فِيه النَفسُ ذاتُها وحقَائِقها وأسرَارها الدَفِينة..

سَيبطُل حين تُجِد مَن يُحبك عَلى مَاأَنتَ عَليه.. وأَنتَ في أسوَءِ حَالاَتِك. }

هز راسو أنير من تليفوونو لي برزطوو صوت الميساجات لي كيدخلوو ليه.. لقاها مسمرة تما..

بعد مروور يومين ⏭

منصف (كيدوي من لتحت گاع): زينب.. وااازيزوو..

زينب (مشات كتجري طلات عليه من الدرووج): ويي.. أراني.. وشتا؟

منصف: صلحتي ليا الشوميزة؟

زينب: أاا؟ لا بااقي..

منصف: وااسربي 😡 انا اللول عااد شوفي شي لاخر..

زينب: واا ريّد أصاحبي 😒 (ريد=تسنى)

منصف: هههههه تشرملتي 🤣

زينب: ههههه وا روح خليني نكمل صوالحي باش نهود نعاونك..

منصف: هههه سيري سيري كان كيسحابني بعقلك ههه

زينب: وشتا هو لعقل؟ ههه

منصف: لا حولا.. (دااار مشا فحاالو)

تماات نازلة فيونا من الفووق لابسة كسيوة خفيفة صيفية كحلة وسبرديلة.. مدردبة فالدروج وزينب باقا كتطل وتفرنس..

فيوونا (مع راسها كتعيب فيها): نانانانانا 😒 ديگولاااص..

مع وصلات لطااج لي لخرى فييه.. شافت فيها بشووفت شو كي دايرة ودخلات.. فهماتها لخرى خلاتها حتى داارت بتاسماات جنب ميكة عليها ودخلاات حتى هي..

رجعاات زينب لكووزينة.. طلات على لفراان.. لقات داكشي لي لايحة فيه باقس ليه شوية مزاال..

خرجاات الطبلة دالمصلووح لحدى الفطوويات وجابت الشومييزة سرحااتها وگلساات تصلح وتعاااود..

سهاااات وگلساات تفصل وتخيط حتى قفزها صوت الكيرسوور ديال الفراان لي داار الصوت من مور ما سالاو الدقاايق لي كانت مبروگراميااه عليهم..

زينب (شهقاات): وييل الشيييطااان 😱 اوياااااا

وقفاات المصلووح وطاارت كتجري.. مارجع فيها اللون حتى لقااتهم باقين مزاانين ومحمرين كيما بغاات..

جيدااتهم وحطااتهم فووق البوطااجي.. وگلساات تسقي فيهم قبل ما يبردوو..

فنفس الوقت وبينما هي ملاهيا فكوپ كييكها.. هزاات فيوونا بارفاان جدييد من لي شاريين وحاطيين فواحد الڤطرينة باش تجربوو وتمات راجعة منيين جاات..

حتى كيباان ليها دااكشي مسرح كيتسنااها..

كاين الناس كيقلبو على الشر وكاين لي الشر كيقلب عليهم..

غادا ماعليها مابيها.. حتى غمزها المصلووح.. ضحكات ضحكة اجرام ودوراات عنيها كتشووف واش جاية زينب.. ماباان ليها حد.. مشاات ديريكت حدا الطبلة دالصليح وقاست المسلوح بصبعها بكل برودة حتى طاح على الشوميزة..

فيوونا (كدور عينيها ببرائة): أوووپس 😯

جمعات ضحكتها بزز وطلعاات لبيتها حطاات داشي من يديها ونزلاات عند منصف..

أما زينب.. ومع العدد كثير.. وكتتكايس باش مايعمرش لومبلاج ديال لي پوپ كيك تعطلات.. ومع أخر حبااب.. حركاات نيفها باستغرااب.. كتحاول تكذب الريحة لي كتشم..

حطاات لي فيدها تاني كي الحمقة وخرجاات البرا..

سربراااااااايز 🎉🎊🎈

غيمة دخاان 💨 كانت كتتسنااها..

زينب (بالجهد): هييييييه 😮 (من الصدمة وقفات تواني عااد قدرات تتحرك فاتجاه المصلووح تهزوو) خلى دااار ماه.. 🙆 وشااا هادشي؟ فين عقلي؟ كيسرااالي؟

حيدااتو من الفووق الشومييزة لقااتها گاع تحرقاات وتطبعااات طبعة قد الوطن مع البيض.. بااينة من ستة ميطروو.. عقداات حجبانها كتستعقل كي خلاتوو.. على ما عااقلة وقفاتوو.. بلحق مني لقاتو هكااك دخل ليها الشك.. مافهماات واالو..

شافت فجنابها ليكوون لييون مول الفعلة مالقاتووش حداها گااع..

باقا على نفس الوضعية.. تم جااي منصف لي سمع غواتها..

منصف: مااالك؟ 🤨

ْزينب: تحَرْگَت (الشوميز) 😖

منصف (شاف فالطبلة عاقد حجبانو وعاود شاف فيها): ولاش كتغوتي؟ 😠

زينب: والله حتى گعدتها وماعرفت كيسرى زلگت علييها.. ولا مانيش عارفة 😞

منصف: صااافي؟ هادشي لاش دايرة هاد الحالة؟

زينب (حدرات راسها بأسف): ☹

منصف (قرب عندها): تي صافي راه غاشرويطة.. لهلا يردها.. دخلي أحبيبة جيبي ليا غامن لي معلقين ولڤيسط معاك.. بناقص منو شي صليح گاع لي غيگعي ليا مرتي..

(هاد الصنف من الرجال غير متوفر في المغرب وشكرا ⛔)

زينب (كلماتو ريحاتها وشافت فيه): واخ..

منصف (قاطعها ببوسة على غفلة وزااد مخليها مكوانسية)

زينب: 😳 هبيل هههه

منصف: هههه سالي وهبطي..

حيداات داك الزمر من تم رداات كل حاجة لبلاصتها ولاحت ديك الشرويطة المنحووسة.. ورغم ردة فعلوو اتجااه الموضوع تبرزطاات.. ويلي على هي أول مرة غتشقى ولا غدير كثر من حااجة فوق وااحد؟ أكيد الله.. أول مرة طرى ليها فحاال هاد لفضيحة 😒

رجعاات لكوزية.. زوقاات داكشي بلكرييم والتخربييق وهي كتتفنن وتعوج فيدها..

دخل لريسطوو.. لقى بنتو محنية على الطبلة.. كتقااد بوحدة بوحدة.. ودير التوش اللخرة.. وكتغني ما مسوقاش..

منصف (بضحكة جانبية): هاد المرة تحرگات غا الشميزة.. المرة الجاية تحرگي بونا كامليين 😒

فيونا (هزات راسها شافت فيه مكمشة وجهها فحالا دايرة خنيفيسة ديال الدراري الصغار): 😇

منصف: غنجي نعض مك 😠

فيونا: هههه نائح تقدش 😹

منصف: غتشرفي جدي بلا وقت..

فيونا: هاء وراك شرفتي أبا منصف هههه خاصك غا عمرة ونولي نعيط ليك الحاج ههههه

منصف: غندي حسك معايا باش نتي تگولي لحاج وأنا نعاودك بالحاجة 😈

فيونا: هههه نگولها صطووف 😝

منصف: گوليها حتال بااك..

.. : سلام وعليكم..

منصف (شاف جيهت الباب): وعليكم السلام.. دخل أولدي..

.. (تم داخل كيتحلف على فيونا غا بالريط): كي راك داير؟

منصف: الحمد لله..

منصف: نتوما كيدايرين؟

سفيان: الحمد لله..

منصف: داركم؟

سفيان (تم غادي عند فيونا): شوية ويهبطو..

فيوونا (بهمس مني وقف حداها): دووونكي 😹

سفيان: دروك نگولك فيونا وتبكي هههه

فيونا: هههه صافي هاه 🤐

سفياان: هههههه ماتنفع معاكم غير العين الحمرة ياخوياا 😈

فيونا: سري أنا لي گايلاها ليكم 😾 بالحق غا بلاتي حتى يجي أنير

سفيااان: أوياااا ههههه خلَعْتْنِي 😱 هههه

فيوونا: بلاتي.. بقى معايا واحد الدقيقة..

(خرجاات قداام البااب وبداات كتعيط بالجهد)

أنييير.. أنيييييييييير 🗣

وااقف قداام لمرايا.. كيقاد فشعروو الشبه فازگ بيدييه باهمااال وكيصفر.. لابس غير سرواال فلكحل وتيشورطوو باقي كيتسنى فيه فوق الناموسية..

🗣: أنييير..

حبس الحركة ودار جيهة الشرجم وهو بلاصتوو.. وما ان سمع الصوت ىي تعااود مرة خرى.. ضحك.. تفكر أول مرة جاات ونوضها معااها فاش كانت كتعيط لباهاا هههه يا لسخرية الأقداار ههه شكون گال غاتعاود نفس الفعلة مرة خرى.. لا وتعيط عليه هو نييت ويجبو الحاال هاد المرة عكس لي قبل.. شكوون گال يتعلق قلبوو ببعلووكة كاسرة دنية وماهامها حد.. أي حاجة كتجي فراسها كديرها مهما كانت عواقبها..

طل عليها عااد سكتااات وبداات كتفرنس..

فيوونا: 😇

أنير: وشتا؟

فيونا (خرجات قنوفتها لتحتانية بطفولية): ماغتنزلش؟

أنير: أني هابط.. ههه خاصك شي حاجة ولا؟

فيونا: امم.. حتى تجي ههه (حسات شي حد وقف حداها)

.. : بنت العم..

جمع ضحكتوو وسد عينيه وحلهم بانزعااج.. ودخل من الشرجم.. هز تليفونوو وتريكووه نازل وكيلبس فييه حتى وصل لتحت.. رد البباب مورااه وخرج..

وصل مع الحلقة الأخيرة.. لقا خونا باقي كيسلم عليها بلوجه.. وفيونا وخا ماعندهاش معاه وكتتفاداه ولكن مجاتش تقمعوو على الأقل على وجه باها وجدها لي ماكيخسروش خاطرها وحاطينها أميرة فوق ريوسهم..

جمع قبضت يدو وتحكم فأعصاب.. تمشى جيهتهم بكل برود عكس العاافية لي شاعلة فيه لدااخل.. لاح ليه سلام باردة فحالا عاد بايت معاه وداار عندها..

أنير (بنص بتسامة طالعة بزز): وشتا نتيا مانخافوش؟ ماكاين رجال فالحوما لي باركة تزگي علينا؟

فيوونا: سفيان مولاها.. كيعايرني گتليه حتى يجي أنير گاليا أنخلي دار بوك نتي وداك أنير ديالك 🤥

أنير: ههه وايلي؟ رواحي نشوفو فين راه هاد بريسلي..

فيونا (تبسماات بشر وزاادت معاه)

جرها وخلاو لاخر كي الشجرة بوحدوو.. شاف حتى عياا دار يدو فجيبوو وتبعهم..

دخلوو لدااخل.. لقااو زينب تما كتقااط فالبوڤي مع منصف لي كان عبارة على طبلة طويلة ممدوودة فيها گااع داكشي لي وجدوو.. حاطنهم بطريقة ايطالية.. وسفياان شاد عليهم ليوون باش مايخربق ليهم والوو.. وماگادش علييه.. كيفركل ليه فيدييه ويعااود ومع كبير تبارك الله ووازن غلبوو وما قدش عليه..

وقفوو عليه غافلينوو.. شد أنير من عندوو ليوون دغياا وجمعوو عندوو.. حتى هو غا شدو ورسا فحالا عرفوو.. بقا مطلع غا ودنيه الفووق وكيدور فراسو ويدوور عند أي حاجة تحركاات ولا صدراات صووت باهتماام..

أنير (بطنز): گديتي حتى على مش تگد عليا أنا 😅

سفيان: أهياناري.. حجارك يشدوك 😒

فيونا: ياك ماكيخلعكش 😹

سفيان: واهو لخوف ماخافينش.. وليني الضحك مامعاهش اللعب..

فيونا (كتخرج ليه لسانها مدرقة بأنير وتفقص فيه)

أنير: ههههه أوااه يادينك 🤣

منصف (جاي فاتجاههم): امتى جيتو؟

مهدي (نطق من موراهم): دوركا شوية..

تجموو كلهم حداه كيدوييو معاه هضرة عادية الا فيونا لي تسلتاات لحدى لكونطواار هزاات منو تلفوونها ودخلاات لواتسااب:

"راس الطاارو.. ماغتجيش؟" ، فيونا

"هاني جاي فالطريق.. (⬇Photo)" ، سيدو

"عقل الشمكاار 😾 حتى تجي تدوي معايا" ، فيونا

"رووحي تبردي 😈" ، سيدو

رجعاات عندهم وهي مزاال كتقرا جواابو.. سيفطاات ليه " تفوو " كرد أخير وجمعاات وطواات..

توالى قدووم الناس لي عرضوو عليهم للافتتاح.. وعمر دااك الريسطوو..

ومع الطابلات كحزوهم لجنااب بقى غير الوسط خااوي هو نييت فين واقفين..

وسط موسيقى هادئة ووشوشتهم لي مالية لمكاان.. قطع منصف الشريط لحمر لي عقدووه فالبااب كاعلان لافتتاحو لمطعموو الايطالي تحت تسفيقاات الكل.. عاد بدا اغلب الحظور فتذوق داكشي لي موجدين من حلوو وماالح وعطااو رأيهم فييه وعبرووو على شدة اعجاابهم بيه..

ماهي الى ساعاات قلييلة سالات التبركااات المقدمة وبدااو كينساحبوو شوية بشوية..

كل مرة كيسلم واحد على منصف وزينب وبات سفيان لي واقفين حدا البااب..

أما فيوونا فمن بعد ماعيااات جرات كرسي دواحط الطابلة فالقنت فموقع استراتيجي مخليها تشوف گاع لي كيطرى وگلساات.. ماادازش بزااف حتى جا حداها أنير لي مالقاهاش حدااه ودار كيقلب عليها.. هاز فيدوو كااس طويل ديال العصيير تموضع فالكرسي لي حدااها.. لايح ديه على ظهر كرسيها بكل ثقالة ورجولة وثقة فالنفس..

تبعهم سفياان كيكركر ويتبربص فالهضرة كعااادتوو..

گالسين ضاحكين ناشطين حتى نبت حداهم مهدي فحال النبتة الكابرة فغير أرضها..

شاف فيه أنير وقلب عينيه فسفياان لي فهموو هز حاجبوو بالاستلام بلا مايبين وكمل هضرتوو..

سفياان: المرة جاية ونلعب معاك نتي ونشوفو واش تربحيني لي گاعدة تضحكي عليا..

فيونا: نلعب معاك هانية.. ياك غير بلاي مالوو غيخلعني ههه

سفيان: دركا نشوفوو..

مهدي (بنضرات غياكلووها مني گلس): ماشي كونتي تلعبي مع السمحمد؟

فيونا (بهمس): اللقوة أحمد الفرشة 😒

أنير (سمعها): ههههه

عرفاتو عاق بيها دارت عندوو جنب حابسة الضحكة عااد شافت فمهدي..

فيوونا (بطنز 😈): يمكن..

سفياان: مهم خطينا من الهضرة.. غدا ونتفاهمو..

فيونا (هزاات كتاافها): أوكاااي.. ههه

سفيان: مازكيش كي البص فاللخر وصافي.. ههه

فيونا: ههه لواه غنگولها لبابا هههه

هوماا كيدوييو وأنير حاضي مهدي لمقزدر لي مامهبطش عينوو عليها..

عصبوو وهكااك حافظ على هدووئوو.. حك لحيتوو بعدم صبر وعينييه كيدوروو وسط راسو..

تكعد من على كرسيه وحط مرفقوو فوق الطبلة ويدوو لخرى باقة فووق كرسيها لدرجة ولى كيبان فحالا معنقها..

وهي كتهضر شاف فيدييها.. لفت انتبااهوو الگورميطة ديال النقرة لي دايرة ولي فيها شي تخربيقاات هابطين منها كل وحدة فيهم فشكل..

هز عنيه غير بالريط لقى مهدي حاضيهم بملامح مامرتاحااش..

بتااسم ابتسامة جانبة وحط يديه عليهم يشووف وحدة بوحدة شنوو فيها..

فيوونا (شافت جيهة يديه تفهم اش كيدير)

أنير (بضحكة وبهمس كيدوي غير بينوو وبينها): خديتيها هكا ولا نتي لي خْترتي وشتا فيها؟

فيوونا: نوو أنا لي ختاريتهم..

أنير (شد وحدة فيهم): راه يعجبك لفلامينگو؟ ههه

فيونا: هههه سي..

بقى كيدور فديك الگورميط وكيكتاشف شنو فيها وهي كتشووف فيه وفشنوو كيديير وفطريقة لمساتوو.. ومهدي كيتحرگ من قساوة المشهد.. ومع ما التوشويش ويديه لي علييها كيباان أنو كيداعبها ماشي كيدوي معاها على داكشي..

فقسووه حتى ناض طاااج من حدااهم حااقد.. تااجه ديريكة لبرى جبد گارووه وكماااه.. خلا الدراري كيتغامزوو علييه بشر..

حتى مشاو گاع الناس وبقااو غا هووما بينااتهم ناضو فحاالهم حتى هوما..

وقفوو يتساالموو مع منصف وزينب لي بقااو غابوحدهم حتى البااب..

سفياان: مهم مبروك عليك مرة الخرى.. والله يجعلو باب الربح عليك..

منصف: بارك الله وفيك اولدي..

سفيان: الوليد طلع؟

منصف: اه يالله دابا شوية..

فنفس الوقت لي هوما ملاهيين بالهضرة بيناتهم.. لاحظات انزعااج زينب فوقفتها وارتباكها.. حركاات راسها بشوية كيقلب وتطلل على شكااين لقات سرااق الزييت كبير حداااها.. ووخاا محاولة تحافظ على رزانتها وتصرفاتها الا ان علاماات الخووف مرسوومة وظاهرة علييها.. بقاات حاضيااها ولخرى حاضية الكافر بالله حتى دخل لوااحد القادووس عااد رجع فيها اللون..

أنير: الله ييسر ليك والله يعطيك الصحة..

فيونا (جرات سفيان حداها بلا ماتلفت انتبااه): سفواان..

سفيان: لواه سنديان.. وشتا؟

فيوونا (بتمسكين): ختك أنا؟

سفيان (بالزربة): لا..

فيوونا (صغراات فيه عينيها): شو كيداااير 😒

سفيان: لابااس ههه بَعديني..

فيوونا (جايرجع بلاصتوو وهي تعااود تجروو) وأااجي الزمر ههههه

سفيان: وشتا طلگينا..

فيووونا: تقدر تدبر ليا على صراق الزيييت؟

سفيان (باستغراب وبالجهد): شتا هو صرا..

فيوونا (سدااتليه فموو دغياا قبل مايكملها وجاب الله كانو ملاهيين مع بيناتهم ماردوش الباال): يا ولد الهم 😾

سفيان (بهمس هاد المرة): وشتا هوو واش گريلوو ولا؟ (صرق الزيت)

فيووونا: وا أااه..

سفياان (كيحك فوجهوو ويشوف فيها بحيرة): وشتا ديري بييه؟

فيوونا (كدور فعينييها): محتجااه ضرووري..

سفياان (بقى كيشووفيها ماقنعاتووش)

فيوونا (كتزرب عليه فالهضرة باش تدوخوو): واافشي حاجة ماتهرفهاش.. (سكتات شوية وزادت دغياا) واا غاا على ايوون..

سفياان (بعدم تصديق): ل ليووون 🤔

فيوونا (بنفااد صبر): واداباا منك ولا مامنكش؟

سفيان (ماتحركش)

فيوونا (بغات تمشي): بناقص.. نجمعهم راسي 😒

سفيان : شحاال خاصك؟

فيوونا (وقفاات ونطقاات بحمااس): بزاااف 😻

سفيان (دار ليها حركة بيدوو): هبلتي؟

فيوونا: شحال ما كان مهم بغياهم.. 😒

أنير (داار جيهتهم): وشتا راكم ديرو تما؟

سفياان (تدعق): أاا 😰

فيوونا (بالزربة): وااالو.. غير كندويو على شي حاجة.. 😇

أنير (صغر فيها عينيه): وشتا هاد الحاجة؟

فيونا: غيير على ليوون.. مابقاش فيك النعاس؟

أنير: راك تجري عليا لمك؟

فيوونا (كدوخ فيه): نووو غير باش ترتااح.. عارفاك كتفيق بكري.. هههه

أنيير: همم.. (جر ليها شوية من شعرها على وجهها) تصبحي على خير..

فيوونا (بطفوولية): حگااار ههه وانت من أهل الخير..

سفياان: وليييت شجرة 😑

أنير وفيونا (دقة وحدة): هههه

فرقوو الجقلة ودخل كل وااحد فحاالو.. كانت منصف ومرتوو دخلوو فحالهم.. وسدوو الريسطوو من برا..

دفعاات فيوونا باب الداار عااد دازت عندهم..

فيوونا (باست منصف بالجهد): نمشي نبدل ونجي نعااونك..

منصف: والله ما نگولك لا ههه

فيوونا: مايضحكش معاك الواحد بشي حاجة الله يحفض ههه

منصف: ههه وتگوول..

فيوونا: 😌

منصف (بصووت مرتافع): ماتنزليش ليوون ليهرس شي حاجة..

فيونا (وصلات للدرووج): واخااا..

مشاات طلعاات فيوونا لبييتها.. وبقى هو وزيزوو كيقاادو فداكشي.. كيحيدوو لي مزياان ويلوحوو شي لاخر باش كيخوييو لماعن يغسلووهم.. يدوروو من هنا ومن لهييه حتى جاات زينب حدااه كتحط فلمااعن فلاڤابوو.. ضحك معااها..

زينب (بادلاتوو الابتساامة بفرح): الحمد لله داز كلشي مزيان.. مبرووك عليك 😍

منصف (بحب): مبرووك علينا ❤ (بداا كيقرب عندها بشوية بشوية وهي كتشووف فيه حشماانة وعاااجبها الحاال)

فيوونا (تماات جاية): احححم احم 😒

يتبع.. 💚

شريك القرن 21 الجزء السابع

محتوى القصة

التنقل بين الأجزاء