عاشقة الثراء الجزء 17

من تأليف ليالي نسيم
2019

محتوى القصة

عاشقة الثراء الموسم الثالث الدم الملكي

انصرفات صوفيا و بقات المى قدام داك الباب حاطة يدها على البواني .. غمضات عينيها و دقات زوج خطرات حتى سمعات الاذن بالدخول من عند عبد العظيم عاد دخلات .. هازة راسها .....

وقفات قدام الكل .. عبد العظيم كان جامع العائلة ديالو الكبيييرة كااملة ...وقفات قدامهم تتشوف فيهم مت الطرف للطرف و دااخلها توثر كبييير لكن قنااع الجلييد مامبينش لي بداخلها .. مبين فقط وحدة زوينة .. و رشيقة .. أنيقة ..و واثقة من نفسها .. هذا هو الانطبااع لي تتعطي .. كان عبد العضيم جالس فالكرسي المتحرك ديالو و تيشووف فيها و الابتسامة على وجهو ساطعة .. كأنو اخيرا ضم ااخر قطعة من الشطرنج كانت موضرة ليه .. اما جلال لي كان حداه كان مورك على قبضة يدو ..و كيشووف فجمالها الطاااغي و عينيه على ولاد عمامو لي ااياطلووها بعينيهم ....اما الأعمام كل واحد كان تيشوووف فالاااخر ..تا حد ما حامل طلتها عليهن ولا حاملين رجوعها .. لكن الصدمة الكبيرة كانت من نصيب ساند لي جالسة بحلتها الجميلة بعد ما وصلات فداك الصباح النيت .. شافت فجلالي مامعبرهاش .. و رجعات شافت فألمى .. و حكات يعنيها ..و بالمف وقفات و مطقات بدووون ما تحس ....
- ساندي .. نتييييييي .. شاااا جاابك هنااا .. شنووو تديييرييي هناا و شكووون سمح ليك دخلي؟؟
- المى .." ربعات يديها و طلعات فيها حاجبها يالله غاتجاوبها و هو يتكلم عبد العظيم ..
- عبد العظيم .. تتعرفو بعض؟؟
-رؤيا .." نلضت بالخف و مشات عند المى وقفات قدامها .." .. يااه نتي هي بنت عمنا كمال .. هههه جدوو شكون لي ميعرفها انا مفرجة فجمييع افلامها كتحمقني .." عنقاتها" .. ممتيقااش طلعتي بنت عمي كمال ..اووه ..😍😍
-ساندي..."بغضب مامتيقااش راسها" ..كيفاش بنت تمي كمال ..رؤياااا رجعي لبلاصتك .. شكون قال لكم بنت عمي كمال ؟؟؟ درتو لها لا دي ان اي ..؟؟باش عرفتوووها!! بابا دويي .. 
- حميد .. فالحقيقة احم ..ساندي عمدها الصح ..
- امينة .." نقزات تا هي " ..اييه عندها صح ..شووف اعمي ضروري نتأكدو .. 
-ساندي ... و اذا طلعاات غير نصاابة!!! اذا طلعات طامعة ففلووس الهيلالييين و سميتهم ..!! اذا مكانتش تتنتمي لينا!!
- المى .." بهدوء شافت فجلال و عرفات انها مرتو من الطيارة ابتسمات" .. مراتك هادي اجلال.." ربعات يديها و شافت فيها من الفوق للتحت .. زوينة .. هههه و حاارة ... لكن ماحارااش فكولشي ..😉😉 مع غمزة "..خليني ساكتة .. من الحسن تخليني ساكتة لانو اذا حليت فمي غانفجر فوجهك و فوجه موك و بااك لهذا خليني ساااكته .. انا ماجيتش قلبت عليهم ..هوما لي جاو قلبو علبا و الحاجة هو لي جا عندي و أصر اني نجي نسكن هنا فالقصر .." شافت حميد و امية " ..و كنضن هذا ابسط حقوقي .. بعد هاد السن ..
- حياة .." ناضت لعندها" ..ساندي حتارمي راسك و جدك و النااس لي واقفين هنا كاملين ... و حتارمي راجلك .." ضارت عند المى و ابتسمات ليها بود" ..مرحبا بيك ابنتي ..اعتبري الدار دارك .. و اعتبريني انا ماماك .. انا حياة .. مو دجلال ..
- المى .. كانت حياة هي الوحيدة لي بان ليها فيها الضو ..ابتسمات ليها نصف ابتسامة" .. ربي يخليك ..
- ساندي .. ههههههههههه هادشي ماشي معقووول راااه لاااا يقبله العقل ..الحاااج قول شي حااجة الله يخليك ..بااش غانع...
- جلال .." قاطعها بصوت تيزغزع الحيوووط" ..سااااندييي كونييي اللرض ولاااا طلعي لبييييتك .. ماتخلينيييش نخصر الهضرة قداام الحاااج ..يالله مانسمعش حسك ..
رجعات حانية ودنيها جلسااات حدااه حاسة بالحگرة و الدموووع حبييسة فعيوونها و خصوووصا انو غوتو عليها قدام العائلة ..لا ..و قدام المى لي كي شافتها كيفاش جلسات مطيعة ضحكات من قلبها و غير بابتسامة وحدة عبرات بيها على استهزائها ...
- عبد العظيم .." طلع ليه الدم" .. كملتو المسرحية و المهزلة لي بديتو!!! .. اذا سمعوني مزياااان .. و كلامي حطووه بين عينيكم ..المى هي بنت كمال ولدي احب من احب و كره من كره .. اذا كنتي شااكة فيا اسااندي نتي و باك و مك تقدرو تفضلو و ماتسمعوش كلامي ولا تحضرو الاجتماع...
-حميد " نزل رايو" .. حاشى الحاج ..
- عبد العظيم .. هي الى سديتي لبناك فمها ومرتك تا هي ..
بقات امينة غا تضور فيعينيها بغلل ماحااملاااش المى و لا جدها امااا المى ابتسااامة استهزااء على وجهها و تتقول ليهم فنفسها شووفو هذاا غا نهار الاول و غاتسمعو على ودنيكم و لسة لي جاي احلى .. شافت فعبد العظيم ببراءة .. ..
- المى انا اذا بغاوني ندير التحاليل ماغنديش مانع .. غير هو الحاج تفكر بلي نتا لي جبتيني لهنا هاشي انا لي جيت تنقلب عليكم ..
- عبد العظيم ..مغايداار تا تحليل ..انا كلامي واثق منو ..و انا فرحان حيت بعد السنين هادي كاملة رجعاات ليا حفيذتي .. نتي لي كنتي ناقصة العائلة ديالنا باش تكمل .. 
بعد ما عرفها علىافراد العائلة فردا فردا .. من كبيرة و ولادها بزوج مراد و مؤمن .. من ساندي و رؤيا و اشرف و واليديهم ..اما خووتها فاكانو حكاية اخرى غير تيشووفو و مانطقووش تا هي ماعبراتهمش ولا داتها فيهم لا هوما لا كمال لا كان جالسة و شاد فيد بنتو فردوس ...و كي شافت فيهم المى مشات غينها نيشات ليديهم لي مشابكين .. ماعرفاتش باش حسات فديك اللحضة لكنها في ساع دورات وجهها لقات جلال مطول فيها الشووفه و عينيه معسسسلين فيها ..تنهدات و شافت جهة عبد العظيم لي شير ليها باش تجي حداه .. 
- عبد العظيم ..اجي حدايا ابنتي .. "شاف فساندي .." .. ساندي سيري حدا باك ابنتي خلي عبير تجلس جنبي ..
ياااا اللاااهي مارضاااتش فديك اللحظة خلات المى تبتسم ابتساامة انتصااار و هي تتشووف فيها قرباات تنزل الدموووع و نااضت من حداا جلال بااش تجلي فيه هي ...مشات بخطى وااثقة و العيووون تابعاهاااا .. حتى جلسات حدا جلال و حطات رجل على رجل بطريقة انثوية .. و على شفايفها ابتساامة من لي دخلات للمكتب مافارقاتهاش ....تحنات على جلال بميووعة قداام عيوونوساندي ليوكانو غايخرجو من بلاصتهم و تكلمات فودنو 

- المى .. مراتك زوينه .. نموووووت و نعرف علااش تتخونها ....
حدو خزر فيها و شااف فينا بنضرة كيتوعدها فيهااا بالرضااان الصرف ... اما هي .. ابتسمات بمكر لساندي و قاالت فنفسها هضرة وصلاتها ليها غير بعينيها...(نتي لي بديتي و البادي أظلم .. و ملي نتي مااشي قد اللعب ماتلعبييش ..). ..
- عبد العظيم .." براااااحة" .. الحمد الله حياني الله تا جمعتكم فدار وحدة ..حااس برااسي مرتااح و حمل كنت هااازو على كتافي زال ..
- حياة .." بحصرة" . مزالة بنتي الحااج ولا نسيتيها " حنات راسها"..
- عبد العظيم .. بنتك احياة راه مع راجلها .. و هي لي بغاتو .. و البنت ديما تتبع راجلها ..
-حياة... "طلعات فيه عينيها" .. يعني اذا حبات شي نهار تجي تسمح ليها دخل؟؟
- عبد العظيم.... مرحبا بيها ..
-سليمان..." ناض وقف" .. لي تعصى كلام بااها ماعندهااا فين ترجع .. انا خيرتها بيناتنا و بينو و ختارتو هو ..اذا عمرها تحلم تدخل لهاد الدار .
- حياة .. حشوومة عليك اسليماان ماتشوينييش فبنتي .. ..
-سليمان .. لي عندي قلتو ..
- جلال .." دوا بلا ميشوف فسليمان .." رجوى نهار لي بغات تجي غاتجي ..المصيبة هي لا مابغاتش تجي ..و نتوما عارف نفسها ..
- عبد العظيم .. الباب ديال هاد القصر محلول لكاع بناتو و ولادو .. ولي درتو شحال هادي ماغانعاودوش اولد الحااج ...
- المى .." غير تتبرق فعويناتهااا مافاهمة وااالو من كلامهم .."...
-جلال .. انا الخوادرية اذا بغات تشوف مها ماغاديش نحرمها منها غانجيبها تال عندها ..
- سليمان .." طلع ليه الدم" .. انا مااابقاااش كلامي يتسمع مابقاااش عندي قيييمه وسطكم ..
- عبد العظيم .. هاد الهضرااااا ماعندي ماندييير بيييها ... كل واااحد يشوووف شغلووو يالله ... و الى قلت شي حاجة ماعمر شي واحد فيكم ينااقشني ....
حناو روسهم و استأذنو و خرجو .. بقى غير جلال طبعا تحت طلب الحااج الكبير ..اما المى كي خرجات هي الاخيرة لقات اشرف فالباب واقف مكروازي رجليه و حداه ساندي مطلعة حاجب و منزلة لاخر هذا غير الشوووفة لي كانت قرطاس ..و الجنب الثاني واقفة رؤيا بملامح مبهجة ..اما مراد حاط يدو على لحيتو و عاض على شفتوو..و مؤمن منزل راسو و خاشي يديه فجيبو ..
-المى .."طلعات فيهم و نزلات جات دووز و هو يحبسها اشرف بيديه .. " ياك لاباس!!
- اشرف .." ابتسم حتى بانت الغمازة فخدو الايسر .. حتى هو زوين بحال خواتاتو .. مخلي شعرو طويل شوية و شهب فحالهم ..و عيونو خزية و فيها خطوط عسلية .." منتعرفوش على زين ؟؟
المى .." حطات يدها على خصرها" .. كنضن عرفكم عليا الحاج الداخل!؟ ولا غلطانه؟؟
- مراد .. هههه قويصحة مع راسك ..
- المى .."ضورات ليه راها" .. اه قويصحة .. و لي قرب ليا كانزييد نقصح معاه .. و بااش ماديريووش ليا فيها واعريين و ديرين ربطية مجمعين عليا .. انا نجيب ليكم من اللخر .. لي بغا يبان فيكم على لاخر ..!! مااشي على ضهري انا .. سمعتي منك ليه ليها!!

- ساندي .. " ضحكات بصوت عالي و ضربات على يدها" ..هااهاااااهاااي .. تخلعت انا .. اوووه .. شووفي احبيبة ..هاد العيااقة نعطييك فيها يومين تحد ليك تحد .. داباا تصدمي فهاد القصر .. بلا ماتفرحي بالعيشة فيه ..
-المى .." ربعات يديها و ابتسمات بالجنب" .. شوفي الغزالة اي حااجة خاصة بياا ماسوقكش فيها .. ماتشغليش راسك بياا و تخلي تفكييرك كلو معايا .. ديها فراسك .. و فراجلك .. و بنتك .. اما انا فراان و قاد بحوومة .. قادة نتأقلم مع اي وسط تحطيت فيه .. غير هني ليا بالك ..😉
- ساندي .." بغيض" .. على فكرة نتي ماعارفاش قوانين القصر .. هههه ..
- رؤيا .. ساااندي ماالك هكذااا ماشي داباا خليها تا تولف و هاتعرف كولش ..
- المى .. شمن قوانين!!
- مراد .." ابتسم ليها ".. القانون الأول .. الخروج ممنوع للإيناث الا بعد موافقة كبار العائلة ..
- اشرف ..ثانياا .. الخدمة ممنوعة يا ممثلتنا الغزالة ..
- ساندي .." شافت فيها باستهزاء و زيرات على فكها عاد دوات" .. و الزوااج بوااحد من ولاد عمك مفرووض .. بعني يااا مؤمن .. يا مراد .. اما حتى خويااا صغير عليك الحمد لله ..
- اشرف .. على فكرة ماعنديش مانع انا فالسن .. و مكيباانش ليا شي فرق كبيير...
- ساندي .." قرصاتو فدراعو" ..سكت البرهوش ..
- المى .." جابو ليها الضحك" ..شوفو نقول ليكم واااحد الحاجة .. انا سميتي عبير .. و هاد الاسم ختاروه ليا لي ولدوني .. و مع ذلك نهار بغيت نبدلو لألمى ماقدر كد يوقف فطريقي .. لي بغيت نوصل ليكم الغزلان .هو انو انا مستحيييل نخضع لشي قانون .. انا كانحكم راسي ..قانوني هو عقلي ..
- ساندي ..علاش احبيبة نتي على راسك بطحة !! القانون فهاد القصر يسري على الجميع .." قربات ليها و قاست شعرها" .. حتى نتي بما انك فرد من العائلة .. " قربات ليها تالعند ودنيها" .. واخة بطريقة غير شرعية و ماعرفناك لا واش منا و ماعرفنا شكون رماك علينا .. لكن القولنين هنا تسري على الجميع ..

هضرتها قرصات المى ..و هزاااتها من الداخل .. لكن مابينااتش .. هزات فيها راسها و عينيها شافت فيها من الفوق للتحت حيت كانت قصيورة عليها ..
ا المى .. القوانين هنا تسري على الجميع .. لي هوما دمادم .. الطيااطن .. الگراابي .. الحميير لي كيحتااجو لي يسرهم .. اما لي عندهم عقل وسط رووسهم ميحتااجوش لجاام .. و اذا كنتي نتي عفواا .. " دارت زوج صباع على راسها ..بمعنى حمارة " فا انا وضعي مغااير تماما .. حيت شخصيتي و نفسي .. و انااا مانسمحش ان اي سلطة تتمارس عليا وااخة تكون من الراس الكبيرة ...
دلعات ساندي لي كانت قدامها حتى كانت غاطيح غير شدات فأشرف .. خلات كولشي مبهوور فيها ..اشرف تيشووف فيها باعجاب .. مؤمن مامسوقش .. اما مرااد عينيه على مؤخرتها فقط .. اما رؤيا اخيرا لقات لي بغات على الاقل وحدة فديك العائلة تتفكر فحالها بعد ما مشات رجوى ..اما ساااندي هضرتها ماتسرطااتش ليها .. جمعاات ليها كثر وكثر فقلبها ...

دخلات للجناح ديالها و ضربات بالباب بطرييقة عنييفة ماحملااتش رااسها من هضرة ساندي ليها و هزااات منها بزااااف فخاطرها لأنها من شافتها و هي تتحاول تهاجمها ..و هكذا عرفات انها عارفة بالعلاقة لي كانت بينها و بين جلال ..مشات للبالكون و جلسات فالفوتويات لي فيه تتفكر بالطرريقة لي تكلاشي بيها ساندي و تخليها تكمش حيت ماشي المى لي تسكت على حد غلط فيها .. 
....
فهاد الوقيتة جلال خرج من عند جدو باغي يطرطق بالعصااب .. لأن الموضووع لي كان باغيه فييه يشعل فيه العافية لي ماتطفاااش ...
(قبل قليل ..)

-جلال .. بغيتيني الحاج!
- عبد العظيم..يه اولدي بغيتك فموضوع كيخص عبير ..
- جلال .." طلع حجبانو بزوج" .. اشمن موضوع الحاج!؟
- عبد العظيم ..اولا بغيتك تعيط للمحامي باش يتكلف بنقل اسمها للهيلالي. . 
- جلال...علم و ينفذ..و ثانيا؟؟
- عبد العظيم ..ثانيا هو عبير خصعا تزوج بواحد من ولاد عمامها .. باش نضمن انها غاتجلس فهاد الدار .. وسط عائلتها ..
طاق طاااق .. طااح عليه كلام عبد العظيييم سم و قطرااان .. زير على فكوو و كفوو .. و طلع عينيه فجدو ..
- جلاال ..كيفاش الحاج!! باغي تزوجها لواحد من ولاد عمامها؛! هههه .. " ناض وقف" .. من نيتك الحاج لمن غاتزوجها .. لداك المدمن ديال اشرف !! ولا الشمااته ديال مراد؟؟ هااا لمن غاتزوجها الحااج!! عند بارك عبير فحالهم!! عند بالك هاتقبل؟؟.
- عبد العظيم .. اشرف صغير !! و طايش .. بقى لينا اختياار بين زوج .. مراد .. و مؤمن ..
- جلال ...مؤمن !!! الحااج .. عبير ماغاتزوج تا واحد فيهم .. تا وااحد ..
- عبد العظيم .. هي لي غاتختاار .. خلينا نشوفو اش غاتقول !!
- جلال .. انا عارفها ماغاتقبلش...
- عبد العظيم. ... خلينا نشوفو قرارها. .. خليها تولف شوية .. و ديك السعة نخبرووها و هي تختار .. و المفتاح غايكون فيدها ..و تسلمو لمن ما ختارت ..ولكن اولدب انت بغيتك نتا لي تدخل و تقنعها بهاد الموضوع .. كنظن عندك تأثير عليها لانها بفضلك جات لهنا ..
- جلال .." زير على يديه" ..انا خارج الحااج .. عندي مانقضي .. 
- عبد العظيم... جلال .. بغيت احذث انواع السيارات لعبير ..و جيب ليا السوارت لعندي ..
- جلال .." حرك ليها راسو بالايجاب .." ..

خرج مزنفر و الدخاخن خارجين من نيفو و وذنيه .. وقف قدام الباب تالمكتب معارف واش يمشي يمين ولا شماال .. هززز يدو و خبطهااا مع الحيط مرات متتالية .. كان عارف هادشي غايوقع .. و كان عارف بلي الوقت ماغاديش تغير لي كين .. ولكن على الاقل كان يتسنى شوية قبل ميطلق لو القنبلة فوجهو ..لا و طلب منو هو يفاتحها فالموضووع و يحاااول يقنعها. .يا سلاااام .. هز راسو للسماا لكن في ساااع نزلووو كأنو معندووش الوجه حتى بااش يطلب من الله يعااونو... تنهد و اتجه ديريكت للجناج ديالها بلا ميستأذن و بدون سابق انذار فتح الباب و اتجه ديريكت للداخل تيقلب عليها تا بانت ليه مطلعة رجليها للحديدات ديال البالكون و كاتلوي فخصلة من شعرها على صبعها ..ما حيلت بيه تا وقف قدامها ..

- جلال .. نوضي باغي ندوي معاك ..
- المى .." جاها صوتو .. و غمضات عينيها .. لكن رجعات فتحاتهم و جاوباتو بلا متشوف فيه". . كنسمع. .
- جلال .." طيح ليها رجليها بيديه ..و جرها من دراعها وقفها بنطرة" .. الى گلت ليك بغيت ندوي معامك ..غاتنووضي توريني طولتك ...
- المى .." نطرات منو يدها و دفعاتو من صدرو و باانو ملامحها الشرسة قدامو لي غراوه أكثر و أكثر". .اييااااااك ثم ايااااااك تحط عليااااا يدييك كتفهم .. ولو غير بالغلط .. خصك دييير خط بيني و بيينك و المرة الجاااية .. اذا بغيتي تدخل عندي دق الباااب عاد دخل .. ..
- جلال .." ربع يديه و شاف فيها مبتسم بالجنب " .. اووه .. ههههه هادشي غا شديتي جناح فالقصر ..كون شديتي القصر كامل ااش كنتي غاديري !!

- المى .." ربعات يديها بنفس طريقتو" ..غانتري عليكم واااحد موور لاخر .. و نتاا اولهم ..
- جلال .."قرب ليها" ..جدك بغا يزوجك بواحد من ولاد عمامك ... 
- المى .." طلعات فيه حاجبها". ههه اوووه .. دغيا دغيا .. سلم عليه زرب عليه ...ههه ..
- جلال .." صغر فيه عينيه و زاد قرب " .. شكون غاتختاري...!! امم ..
- المى ..شكون أغندى واحد فيهم!!
- جلال .." نطق بدون ميفكر" ..انا ...!
- المى ..بقات جامدة فمكانها"..ولكن على ما اظن .. نتا ماراكش فالقائمة!!!..
- جلال .." جرها من خصرها و كيتحس ضهرها" ..انا ماشي اي وااحد يديرها بيا .. جلال مكيتعلمش عليه!! دابا انا ح"**ك و نخليك لولد عمي يديك!! حشوومه!! و عييب فحقي ..
- المى..." حطات يدها على صدرو بجرأة" .. و مرتك مافكرتيش فيها!! ..
- جلال .. بالي مع وحده ...
- المى ... و انا غانختار وااحد من ولاد عمي .. حيت الوجه المشرووك عمرو يتغسل .. و نتا مزوج ..و انا لو كان عرفتك مزوج من الاول مانقربش جهتك ..
- جلال .." ضورها و زدحها مع الحيط حتى تآوهات...عض على سنانو." .. النهااار لي تزدتي فييه ندمك علييه ابنت كمااال .. فحاال واالو ضراافيت معااك .. حسييتي براسك .. شنتي ..!؟
- المى .."بهدوووء و عينيها فعينيه" ..طلق مني...!
- جلال .." ضحك بالجنب و زاد زير علبها و خشاها فالحيط .. و خشا فيها صبااعو فخصرها" ..كوون غييير ماتزدتييش .. نص مشاكلي هوما نتي .. كنتمناااا كوون غيير ماتزدتيييش .. كنت تنتمنى لومااان ماتلاقيينااش لوكان ماشفتش كماارتك و مادخلتيش حياااتي المقوودة ...
- المى ..." حسات بنغزة فقلبها" .. و انااا كثثثثر تيق بيااا..
-جلال ..بربي ااعااالي اعبييير ... كنقسم ليك فمي بالررررب و تواافقي على حد منهم .. قرجوووطتك نگلعهااا لييك .. سمعتيييي .." دوز شعرها ورا وذنبها .. و قرب وجهو تيستنشق عبيرها .. حط نيفو على عنقها" .. خذااا ديالي بووحدي .. " قبلها فعنقها حتى بورشات و طلع رايو تيشوووف فعينيها " .. عينيك يشووفو فيااا غير انا .. سمعتييي .." حط يدو على وجهها ز دوز على شفتها بصبعو الكبير" هاد الشفايف تا حد ما غايعضهم غيري .. كتفهمييي ..
.د- المى .." حساات براسها ضعيييييفة" .. بااشمن حق؟؟ هااا .. باش من حق اجلال .. تعيش نتا حياااتك كيف ما بغيتي و تنغص عليا انا عيشتي؟؟ " هزات يديها و حطتها على وجهو تتحسس لحيتو" .. عرفتي شنو مشكلتك اجلال!! .. مشكلتك انك تتبغي كولشي يكون ديالك ... و كاتمووت على الزياده .. عندك مراتك .. و باغي ديرني انا عشيقة .. نهار لي تنيرفيك المرا تجي عندي انا نسييك !! ..
- جلال ...عمرك منتي عشيقة .. ولكن نتي .. بتق**ن ديالك وصلتينا لهاد الحال !! ..
- المى .. "بهدووووء" .. جلال .. سير عند مراتك .. غاتكون تتسناك ..
- جلال ..خلبها تزبد تتسنا .. النهار طويل .. و الليل أطول .. و هي غاتحتاجني غير بالليل .. " ابتسم بمكر" فالاخير هي مرتي .. و غاتسناني واخة يطول غياابي ..
- المى .."
هاد الكلااام أفقدها اااخر خيط من عقلها .. كانت شاادة رايها غير بزز و هو كيتحكك عليها و يطلق عليها كلامو لي كيف السم .. و هي تنفجر بهستيريااا ديال الضحك" .. ههههههههههه ههههههههههه .. اوووه .. سمح ليا .. هههههههه مكنتش قااصدة نضحك .. انااا كانضحك على رااسي ههههههههههه ...ااه بصح هي مرتك .. و غاتسنااااك دييييما .. هههه .. و حتى نتااا غاترجع ليييها ديييما .. اوووه جلال ..بعد عليااا عافاااك .. مكنحسش برااسي بيخييير .. خصوووصا هاد الأياام الله يخلييك بعد عليااا .. كانحلف ليك اجلالللللاني مرهقة و كثر ماتخاايل .. خرج من بيتي عافاااك خرج اجلال ..بعددد عليااا ..

دفعاتو بحر جهدها ..حتى بقات بيناتهم مساحة محترمه.. طلع فيها عينيه .. قابلهم مع عينيها و حراام واش بغات تشووف فيه .. عينيها للحظة تهزو .. ماحملاتش راسها ..جمع قبضة يدو و ضربها مع الحيط بجنب راس المى. . حتى قفزات للور

- جلال ... عارفه رااسك ااش ديرة !! عارفاااا ..ولا مكاااارفااش .. خطفتي بنتي و مزااال عاااشقك .. مزااال فاش تنشووفك" ضرب فصدرو" .. هاد ولد الق*** كيضرب ليك .. و نتي عاااد ما زااايداة فييييه .. عند باالك ااش !!ماغانثدرش نبعد ولا كيفاش !! .. الى كنت مكانهمممكش لا نتي غاتهميني .. الى كنت تنگووول لملتك غاادي لعندها و نتي تردي عليا بالضحك لااش نمرض ك**ي معاك!؟؟ هاا ..
- المى .." وصلات للطوووب ديالها .." سدات يديها بودنيها بيديها .." .. صاااافي .. صاااااافيييي اجلال .. عييت .. اناااا خسرت راااسي معاااك .. رميييت شرفييي .. و خسرت ولدي... ولدي لي كااان داباا غايكبر فأحشااائي ..خسرررت بزاااف من نهاااار عرفتك .. ماجبتيييي ليااا غير الوجع و الضرر.. نسييتي شنووو انا!! نسيييتي كلااامك!! كيفاش بااغيني نتقبلك و نتا طعنتيني بسر بحت بيه غير ليك نتا!! كيفااااش !

طلعات و نزلات فييه بكرااهية ويالله بغات تقوتو و دوووز و هو يجرها من دراعها مزير عليها و جرها لعندو حتى حسات بعضلات صدروو بغاو يطحنوها و جهو كان كيبغد انش على وجهها ..و شفايفو كانوو قرااب يلتصقو مع ديالها ..لكنو مقربش اكثر.. فقط عيووونو لي كانو تيلتهموو شفايفها .. كان بااغي يدفع نص عمرو و يييخد شفايفها بين ديالو .. يلتهمهم يقطعهم .... لكن مادار والو .. فقط اكتفى باختلاط انفاسهم بزوج ..و عينيه فعينيها لي منزلاهم و ماقابلاش طلعهم فيه ..كانت تتسمع انينو الرجووولي و هو شاادها بين يديه محاصرها بجسدو لي كيتحرررق شوقا لجسدها ...كانت أسيرتو فديك اللحظة ..خلاااها تتمنى لووو تسخف ولا كرا لها اي حااجة باااش تكمل هاد اللحظة لي مخلياااها تضعف بهاد الطريقة ...

كانت أسيرتو فديك اللحظة ..خلاااها تتمنى لووو تسخف ولا كرا لها اي حااجة باااش تكمل هاد اللحظة لي مخلياااها تضعف بهاد الطريقة.. لدقيئق طوييييلة بقات جامدة فبلاصتها من الصدمة ..و مخلبة يديه ينتهكو جسدها بدووون اي اعترااض منها ..كان تيتلاعب بمشاعرها بطريقة فعلا مؤدية ..عقلها بداا كيتقاال و كيخلي الوضبيفة ديالو يأديييها قلبها .. و الحقيير تيعرف كيفااش يلعب على وثرها الحسااااس ..
شهقات بأنين حاولات تكتمو فاش حسات بيه زااد زير علبها و خذااها فحضنو بشكل ممكن يخليها تسلم راسها ليه من جديد .. غمضاات عيينيها و ترجااااات قلبها يجمد ترجااتو يقوى بااش تقدر تصدووو...

«لاااا ماديريهاااش المى .. ماديريييهاش ..عافااك ماديرييهاااش مااتخلييهش يعرف ان قوتك غييير قشرة من الفوووق .. ماتعريييش لبيه قلبك مرة اخرى .. ماتخليييهش يخذلك من جديييد ..ماتخليييهش يعرف انك مزالة تحت رحمه حبووو .. ماتخليييش رااسك تزيييدي تبغيييه و قلبك يتصدم من ثاااني .. ماتخليييهش يوجع قلبك من جديييد .. تفكريي شنوو قاال .. تفكرييي مزياان كلااامو .. تفكرييي ان الحب وجعك بزاااف و هرسك ..ماتعاوديييش الكرة .. يكفي لي جاااني منه .. لي فيييك يكفيييك المى .. حلييي عينييك ... دفعييه عليييك .. تفكريي انووو هذاا لي قدااامك و حااضنك هو لي جرحك بسكيين حاافي بزواااجو .. و بكلااامو ليييك .. ماتنساايش بلييي هذا هو لي خلاااك عامين بعد مااا ولدو نزل من كرشك ..ماتنساايش انو كمل حيااتو عادي بعد دووك السنييين كااملة ..ماااتعاودييش تدووقي من الهوى مرارتو .. ماتعاوديش نفس الغلط .. تفكريييه مزياان انو ولد عمك حاليا .. تفكريي انك دابا عااارفاااه مزوج .. اذا كاان عذرك قبل انك ماكنتييش عارفة .. دابا رااك عارفة .. و مع مرتو و بنتووو فدار وحدة .. تفكرييي هادشي مزيااان »

غمضات تبنيها و نفسها مقطططع و سخوون تيضرب فعنقو ..بدا الغضب كيعااود يرجع ليها من جديد حسات بالغضب غايلتهم روووحها و غايفجر قلبها..ماشي غير منو .. لالا .. من راسها قبل لأنها هي لي تتسمح ليه فكل مرة انو ينتهك رووحها ..و يخربق لها موازين قلبها .. حساات بالغلط لي كانت غاتوقع فيه من جدييد ..زيرات على سنانها بألم ..و حطات يديها على دراعو خشات فيه ضفارها الطواال بحرررر. جهدها حتى حساتهم تغرسو فلحمووو و زيير على عضلاتو فاش حس بالألم .. و هي عااد ما زاايدة تتوعتو تزييد تخشيهم حتى طلع راسو و شاف فيها .. رجع شاف يضفارها لي مغروشين فدراعو و عينيها لي مغمضيين و مزيرة علييهمابتسم بالجنب و طلع ليها ذقنها بصبعو كي حسات بلمستو طلقات منو ..و حلات عينيها ..
-جلال .. لاش هاد العذاب ..! عند بالك بهاد الطريقة وجعتيني .." وراها ذراعو لي كان سال منهم الدم بسبب ضفارها لي خشات فيه ..و عرا على دراعو من جهة اخرى فيها ضربة تالرصاص و باين عليها قديمة" ..نهار تضربت بالرصاص .. حزمت دراعي و جبدتها بزلاگ حامي ..!! " شد ليها يديها و حط صبعو على ضفارها لي كانو فيهم دمها" ..هادو هوما لي غايضروني!! 
- المى .." كترمش عبنينا و حاسة بقلبها كينغوها" .. لا ضرني ولا نضرك .. خلي مسافة بيناتنا .. الله يخليك .. جلال مابقيييتش بااغية نتشااد معااك غير بعد علبااا ..
-جلال ..."ضحك على كلامها و حط يدو على عنقها و قرب ليها كثر". .. علاش!! مزال كنأثر فيك!! .. مزالة كاتخربقي فاش كانقرب ليك .. نگول ليك باش تتحسي دابا .. حاسة ببركان الداخل .. الجمر زاااند فصدرك اعبوورة .. هه .. عمرك غاتقدري تطفييه واخة تشربي الماا .. عمر شي واحد يقدر يقرب ليك كيفي .. و نهار شي ز*"* يصور ليه عقلو يقدر يديرها ن*** مووو ..

.. كلامو عصبها حيت عارفااك كلو صحيح .. متقدرش حتى تفكري فراسها مع واحد غيرها بين دراعو و لا يقيسها .. جلال كان اول واحد فحياتها و انتهكها خير انتهاك ..هزت يديها لصدرو و دفعاتو بالجهد .. تحركات من قداموو هي شاة رااسها لكن رجعات من ثااني و عينها حمريين كيف الجمر لكن ماااقاابلة طيح حتى دمعة ...

- المى .. يا غروووورك يااا اخي .. اااش عند باالك شنووو مصووور ليك دماااغك !! لي خلقك كسر بعدك القالب؟؟؟ شنوو عند باالك نتااا لي رااجلك فهااد العااالم .. يااا اخييي عييييت من هاد الكلااام !!انا و انا و انا تقووول لي خلقك ماااخلقش غييرك !!! علاش هادشي .. شنو تيصحااب ليك راسك نتا الرجل لي مكينش منو زوج و اذااا عاشرتك مامقدرش نعاشر غيرك!! من نيتك!! 
- جلال .." خشا يديه فجيابو" ..بلا ماتبداي تخربقي فالهضرة .. غاتندمي حيت لا مديت عليك يدي اجااا ميفكك ..انا وياااك عارفين .. لي كان بيناتنا .. ميمكنش يكون مع واحد ااخر غيري ازين ....
- المى .."قلبها ماقاابلش يهدااا .. دقاااتو كيزييدو يعلااو و نفسها تطلللع و تنزل بعصبية" .. شنوووب اااغي مني اجلال!! هااا شنوووو!! .. يااك مزوج!! و واالد!! و ممكن فأي وقت تزييد تولد!! و اتا شنووو غانبقى هنا!! ننتسنااك تا تحن عليا و نهار ترشق ليييك تجييي تخويييي فيااا كبتك على فكرة انااا ماشي عاهرة .. و دابا خصك تحسب حسااب مزياان اني من عائلة الهيلالي .. و بنت عمك .. يعني مابقيييتش ديك لي مسميييييها ق*** ديااالك و كنتي شااريها بطييييارة و داار و طنووبيل ..
ماااعرفات منين نزلات عليها طرشة عوجاات ليها الحنك .. حسات براسها دار السبع دورات .. عينيها باانت عليييهم غمامة ..شدات حتكها و طلعات ليه راسها .. كان كيفووور و داك البروود لي كان مصدر ليييها وجهوو تيعكسوو تمااااما .. و عينيه كيف الجمرااات شاااعلين و معررررقين ..و مزييير على فكوو .. هذا غييير عرووقو لي برزوو فيديييه و عنقوو من كلامها لي كان معتبرو اهانة ليييه قبل ما تكوون ليها .. و ماحس براسو تا مرمقها معاها حيت هو فدااخلو عمرو حسبها كيف حاسباتها هي ..!!
-جلال .." جرها من فكها و زير عليها مزياان تا حساااتو غايتقب ليها حناكها" .. النهااار اللول ااش گلت لملتك!!! گلت لييك انا مااا ولد الق*** لي غانخليييك بعد ما نتقبك!! ولكن نتي درتي معاايااااا فعاايل ولاد الق*** نهااار لي حطيييتي يدك فيد دااك الكلب .. و طنعتييييني فضهري .. و نتي لي ختاريتي تسلكي طرييقك و تمشي . و خليييتك .. و نهااار رجعتيك مااارجعتك تاااا بديييت نحس بيييك تتخرجي الطريييق ابنت كمااال .. حيييت لووكان خليييتك و سمعت علييكي درتي شي بلااان كنت غاااااندوز عليييك فالبلااصة ..بلا هضرة بلا زوووج ..
طلق منها خلاها تتنهج .. و اتجه جهة الباب حتى حلو بااش يخرج و هو يتم راجع ليها .. وقف قدامها و مزير على قبضة يدو .. 
-جلال .. " ضور صبعو جهة عقلو" .عندااك ديييري فباالك غانخلي واحد فيهم بربي وااخة نعرف ندوز عليهم واحد وااحد .. و نتي معاهم ..ديريهااا فبااالك ..
- المى .." هزات راااسها فيييه و دموووعها مزززالين راافضيين النزووول قداامو .." وعد مني اجلال على هااااد التسرفيييقة .. وعد منيييي واااخة كنت راافضة الموضووووع .. غانكووون لواااحد منهم و مانكوونش ليييك يااا جلال. . عقل على كلامي ..
- جلال .." كان وصل عند الباب .. ابتسم بالجنب ..وحط يدو فجيبو و عاطيها بالضهر .." وريني شطارتك ..

خرج من عندها مكششششكش .. و حالتو تبقى فالكاافر ..حاالفة بحلووفها تا تخرج لبه العقل و تخليه غادي فالزنقة و يرمي فحوايجو .. اما عبير فاكاانت فحاالة ثااانية .. جلسات على ركاتبيها و طاحت دمعة حارة من عينيها و هي مزااالة شاادة فخدها و تتوعدووو انها غاتزوج ضد فيييه فقط ...مسحات دمعتها و ناضت وقفات على رجليها .. ...اما جلال .. دخل ديريكت للجناج ديالوو .. و ميجي يتفك من مصيبة تا يطيح فوحدة اخرى .. لقى ساندي جالسة فالناموسية شلدة الكاارو ديالها و تنكمي .. و تتهزز رجليها بقلق .....
- ساندي .." طلعات فيه راسها" .. كنتي عندها يااك!!! جايبها تال الدار ..!! جايبهاااا تال عندييي اجلال؟؟ 
- جلال .." شير لها لجهة الباب " .. برا .. يالله .. 
- ساندي .. " ناضت وقفات .. لقيتي لي بغييييتي.. شفتيييها كيف كانت تتشوووف فيااا فحال لا تتقووول ليا انا هي لي دييت ليك رااجلك .. عاني شوووفيني دخلت تال دااارك و غانعييش معااك .. علاش اجلال جبتييها!!؟!!
-جلال .. " تلاح على الكنابي و جبد السيكار ديالو لي مكتوب علبه حرف من اسمو و شعلو .. عاد طلع فيها العين .." .. اولا .. ماجبتهاش .. جدك لي جابها .. ثانيااا هاديك بنت عمك و من اليوم نتي ملزمه تحترميها .. و تعرفي كيف تدوي معاها ..انا سكتت ليك گبيلة غيرىحيت عاارفها غاتجاوبك بطريقتك .. اما كوون رااه حسابك معايا دابا عسير .. ثاالتااا انا اءا بغيت نجيبها لا هي لا اي وحدة ماغانتسنااش نتشاور معاك ..و دااااباا .." صاط الدخاان تالسيگار".. رووول عليا من هنا. ..
- ساندي .. جلال مبقيتش قادرة نستحمل .. عطيني فرصة وحدة ..كنأكد ليك ماهاديش تندك اجلال .. حيدها من باالك و عمروو بياا انااا مرااتك .. شووف فيااا .. " بدات تتلوى قدامو و مشات جلسات فوق ركابيه ديريكت على المعلم ..و بدات تتمشي و تجي علبه بتقااالة .. و عاضة على شفتها .. شادة لو التيشرت بيديها و مزيرة عليه و حاطة صدرها فوق و صدرو بان منو النص " .. جلال .. امم شووف فيااا نااا ماااشي فحاالهاا لاااا انا حسن منها .. زوييينة عليييها ..انا عيووني زووورق هي تينيها كحليين و هذا لووون كااين عند كوولشي ..شوووف فبااا انااا بييضااا ..هضرة .. و هي سمرااا .. علاااش تلغيييعا هي و تمسك بيعا لهاد الدرجة ..!! اناااا زوييينة علييها اجلال .. " شدات لو وجهو بدييها و بدات تتبووس فجهة لحيتوو .. تتبووس و تعاود من كل الجوانب وصلات لفمو و عضاتو بخاة فشفتو التحتية ..و طلعات عينيها شافت فيه .." .. جرب .. ماغاتخسر والو ... جربني شحاال هادي ماانعسنا بزوج اممم ..كتلمس فوجهو و اليد الثانية فصدرو" .. حتى انا تندي حقووق علييك اجلال .. ماتنساااش اني مرااتك .. انا حلااالك ..
- جلال .." حس برااسو بداا يقيييم و السخونية طلعات معاااه ".. عينيك زيديهم فك*** .. ماخاصينيش .. و .. شهوبيتك ماغاتغرينيش .. دابا قووولي ليا غير ااش بااغية ااش ..
- ساندي .." كتلمس بيديها فصدرو و غادية بيهم تال درعانو .." .. انا بااغياااك نتااا .. بغيييتك .. بغييتك دابااا اجلال .. "قاست جرووحو لي فداعو من ضفار المى" .. اشنو هادشي!! مالك فيديك؟!
- جلال .." ناض وقف بلا مايشدها جابها مشبحة فالأرض .." .. سوق مك!!!.. و تا حااجة مني ماتخصك .. جمعي ك** بديتي ضصري .. و هاد البااااب مزالة تفوووتيه نفوووتك من البالكون .. هاني دويت مرة وخرااا و حوااا ماحااويييكش نجيبها من زنقة ق*** و مانعاودش نحط فييك يدي.. يالله الباااب .. 

هزات راسها بخيبة أمل شافت فيه و نزلو دموووعها .. ندماات حيت جات عندو .. ماعرفاتش شنو دير باش ترضيه و ترضي نفسها .. لكن هو عاد مازايد مصعبها عليها .. ساندي من النوع لي كيبغي يشووف الحاجة يملكها ..و هي فاش قال لها راسها تحط فيه جلال بغات تملكو و ديرو ضمن المجوهرات و اللبااس و السيارات ديالها .. و نساات انو هذا جلال .. ساهل تكسبو فالأول لكن كي تخسرو كيصعاااب تكسبو مرة ثانية .. ناضت وقفات على رجليها و شافت فبه مرة اخرى .. 
- ساندي .. مصيرك ترجع ليا .. غداا و لا بعدو جدي غايزوجها .. و ديك الساااعة غاتبقى لييك غير. ساندي .. كون اكييد غاتلقااني تنتسنااك اجلال .. خرجات تتجري من قدامو و حانية راسها حابسة دمووعها و مع دلك خذلوها و نزلوو ..اما جلال هز يديه تا هزها و خبطها مع فيترينة ديال ديكوورات لاحها شتت كاع داكشي لي فيها ... و مشا ديريكت للدوش .. دوش بالما باارد كيف عادتو.. هضرة المى ماحملهاش .. ماقبلهاش عليها .. هضرتها ممكن تكون صح ولكن هو عمرو حسبها بديك الطريقة .. عض حنكو من الداخل و خرج لاوي على نصو الفوطة .. و الثانية ديرها على عنقو تينشف بيه ..ملامحو ماهداوش .. بقى كيف هو مزنفر ..و عاقد حواجبو ..لبس حوايجو ليوكانو عبارة عن سروال اسود باهت .. و تيشرت فالخزي ..لبس معاهن بالغينة ديال گوتشي فالأبيض .. و هز تيليفونو خرج ديريكت للجناح ديال حياة .. دق عليها عاد دخل طبعا تا تأكد ان سليمان مكينش .. دخل عندها لقاها تتصلي .. و فكل سجدة تطول عرفها تتدعي. لله ...جلس فوق الكنابي تيشووف فيها حتى كملات الصلاة ديالها و ضارت عندو و هي جالسة تتسبح حتى كملات ..
- جلال .. " ابتسم ليها" .. الله يقبل الحبيبة .. 
- حياة .." بادلاتو الابتسامة" .. اميين اولدي .. 
- جلال .. " حك لحيتو و شاف فيها" ...دعي معاياا .. راني كي لي مقطوع لييه الرااس .. عمري كنت تالف تال هاد الاياام ..
- حياة .." حطات يديها و طبطباتها حداها فوق الزربية". .. اجي حدايا ...ناض من بلاصتو و مشا حداها .. جلس فين فالت ليه تاني رجل و رجل مسرحها" .. و عرفتي علاش اولدي راك تالف!!
- جلال .. المشاااكل احبيبة ....المشااكل ..
- حياة .. لا اولدي مااشي من المشاكل .. الانساان عندو ديما مشاكل فحياتو .. لكن تتجي واحد الفترة تيتضغط ... تيوليو دوك المشاكل يخنقووه و يكتمو على نفسو .. و خصووووصا اذا كاان بعيد على لي خلقو ..وااش زعما ماشاايفش رايك بعييد على ربك اجلال!؟ كيقوول لك اولدي بين المؤمن و الكافر الصلاة .. دابا نتا كاافر؟؟ مكاتآمنش بالله!!
-جلال .." شاف فبها" .. أعوذ بالله الوالدة .. ااش تتگولي ..

- حياة .. وا هي هادي .. شنو ناقصة بااش ماتصليش!! عندك كوولشي فعوض ماتطلب ربي يزيد و يكمل علييك من نعمو و تحمدو عليها .. نتا يصحاب لك العمر طوييييل و غاتصلي فاش تشرف .. تصور متي لقدر الله غدا .. ولا دابا نتي .. باشمن وجه غاتوااجه ربك!! نتا لي متتصليش ماغاتحاسبش اصلا ديريكت لجهنمة اصلا .. اذاا بغييتي ترتااح اولييدي .. علييك بالصلاة .. هي مفتاح السعادة .. مفتاح الرزق.. غاتحس رووحك وليتي واحد ااخر ..غاتحس بالهم و الجبل لي فوق كتافك زاال ..شووف ربي شحال عطااك .. يمكن عطااك لي ماتمناهش .. ماال و الجااه .. مرا و بنت غزالة .. و عندك عائلة و ناس يبغيوك .. و نتا شنو درتي لربك بااش ترضيه !! شنو درتي خمس صلاواات .. تتزكي .. و تصوووم .. وماتصليش!!؟ عييب فين كاينة هادي اولدي !! انا مكانقوولش ليك هادشي باش نضغط علبك .. انا تنقوول لبك هادشي باااش ترتااح و تقرب لله عز وجل .. و تهز كفووفك ليييه و تدعي .. جرب تصلي و تدعي للرحماان كوون اكيييد غايستجب لدعائك و يريح صدرك .. شووف غير اذا سمعتي القرآن بااش تتحس .. رااحة رهييييبة .. اما الدعااء للرحماان شحاال كيييفييد .. دعيي و قوول يااربي نوور طرييقي .. دعيي .. كيقوول ليك ماعمرك تطلب الحاجة زوج مرات غييير من الله .. طلبها زووج .. ثلاثة .. عشرة ماتيأسش و نتا تطلب حييت اكييد شي نهار غايستجب لييك الله و غاتىجع تقوول مع رااسك شمن دعوة لي دعيييت و استجبتي ليا يا ربي حمدك و شكرك يا رب .... غاتقوول تقلت عليك بطلامي ولكن انا تندوي لمصلحتك .. مابااغاكش تمشي للهاوية .. و نقص داك الزبل لي تتكمي .. و داك الحراام لي تتشرب كيجيب غا قلّة الرزق .....
- جلال .." خذا يدها باسها ليها" .. كلامك كيرحني ...داكشي علاش فينما نوحل كانلقى رجلي جايبيني عندك ..
- حياة .. الله يهديي سرك احبيبي ..
- جلال .. امييين الواليدة .. اميين ..
- حياة ... اجلال .. بغيت نشووف ختك ..توحشتها .. 
- جلال .." ابتسم ليها " .. الوقت لي بغيتي گولها ليا نديك تشوفيها ...
- حياة .. " تنفسات براحة .. " .. الله يرضي عليك اولدي ..
- جلال .." ناض باس ليها راسها .. " .. هاني غادي الواليدة بغيتي شي حاجة!!
- حياة ..سلامتك احبيبي.. 
ابتسم ليها و ناض فحالو خارج .. لكن كلامها محفور فدماغو ..ء دور راسو لعندها و بقى كيشوووف فيها مدى و هو يرجع عندها ...
- جلال .. الواليدة عطيني سجاادة ..
- حياة .." ابتسمات ليه ..و ناضت دخلات للدريسينغ .. خذات منو سجادة جديدة جابتها من مكة ..".. هاهي الحبيب ديالي و جديدة مزال .. ياك ما تبغي نجيب ليك شي فوقية من لي مخبي باباك راهم جدااد ..
- جلال .." خدا السجادة " .. لا ماخصنيش .. عندي .. تنا السجادة و دارها تحت باطو و نزل خلاها تتشووف فيه من اللور و تبتسم على الاقل دارت خير اليوم و قنعاتو يبداا صلاتو .. 
حط السجادة فالكرسي لي حداه .. و ركب متجه ديريكت لمسجد كان تيسمع صوت المؤذن لي فين و تيعجبوو صوتو .. خصوصا فاش كيطلي بالنااس ولا تيقرا القرآن .. مشا لنفس المسجد .. دخل توضى .. و مشا يصلي ... و فصلااتو كاان حاس فالاول رالغرابة لانو ماموللفش .. لكن لحظة بعد لحظة .. ولا صدروو كيوسااع و حس بالهم لي كاتم على صدرو بدا كيزوول شوية بشوية ...

لكن لحظة بعد لحظة .. ولا صدروو كيوسااع و حس بالهم لي كاتم على صدرو بدا كيزوول شوية بشوية ...كمل صلاتو .. كان المسجد خوااا ..ربع رجليه و جمع كفوفو قدامو .. هز راسو للفوق فعلا كلام حياة نفعو ..حتى الجلسة غالمسجد ورااء وااحد الشخص لي جالس و تيجود القرآن بوحدو فالمسجد ..و صوتو كيشرح الصدر .. ناض من بلاصتو و قرب ليه .. جلس موراه مباشرة تيتصنط ليه .. كان تيقرى سورة الفتح .. و وقف عند الآية الرابعة من السورة ...لي خلاها تتعاود على مسمع جلال .. « هو الذي أنزل السكينة في قلوب المؤمنين ليزدادو إيمانا مع إيمانهم و لله جنود السماوات و الأرض و كان الله عليما حكيما ..» .. هاد الآية بالضبط .. وقف عندها و خلا رااسو يتمعن فيها ... تنهد بصوت خشن .. و صوت الشاب لي كان قدامو كيرعش القلوووب .. لدرجة انو تخشع معاه و خلا دمعة من عينو تنزل سخووونه على خدو .. لدرجة هو تعجب من راسو .. لكن الواحد منا دائما فاش تيتقرب من الله ولو انش واحد كيقوول اااش كنت تندير!! علاش مكنتش تنصلي ؟؟ علاش ماكنتش تنقرا القرآن ...(الله يسمح لينا) ...
حياة هضرتها على الصلاة مع جلال مكانتش اول مرة تقولها لو .. لكن الطريقة باش قالتها لو هاد المرة مختلفة .. حس بييها توشااتو .. حس براسو فعلا لا علاقة ليه بالاسلام .. و فحال فحال أي ملحد ..لقى راسو مكيتفكرش الله غير بالصدفة!! لقى راسو كيصوم .. و كيزكي .. لكن مكيصليش!! لقى راسو كيدير حوايج كلها استهتاار .. لقى راسوو مكينش الحرام لي ماداروش .. و كيديرو كل يوم .. الشرااب و الحشيش تا هو .. علاقات محرمة بعدد شعر راسو .. لقى راسو غلط و غلط بزاف ..تنهد وا فاق من افكارو فاش توقف الشااب على قراءة القرآن و سمع هو "صدق الله العظيم " .. مكرهش يقول ليه فين غادي ..!! علاش وقفتي !! كان بااغي يجلسو بزز و يخليه يقرى و يجود ليه القرآن و هو يسمع و يزييد يتخششع و يلوم راسو ..
ضار عندو و ابتسم ليه لقاه صغيير و غايكون فالعشرينيات ملامحو عادية ..لابس فوقية فالأسود و مدير لا لحية لا الشاب عاادي جدا كان متوقع انو غايكون ملتحي .. و كبر من هكذا ..الشيء لي خلاه يتصدم و يبقى غا حال فيه عينيه .. كيفاش شاب فهاد السن قرانو فالديسكويات و هو جاي للمسجد كيقرى فالقرآن 
- الشاب ..السلام عليكم ..
- جلال .." بادلو الابتسامه بالجنب" .. عليكم السلام ..تبارك الله عليك .. صوتك توشاني داكشي علاش مريح حداك ..
-الشاب... بارك الله فيك اخاي ..
- جلال ..صوتك خلاني نتخشع ..
- الشاب .." ابتسم ليه" ..كيقول لك اخويا .. كل الأدوية مرة .. الا القرآن .. و حنا الله يسمح لينا كنهملووه .. كانتفكرووه غير فرمضان .. و هذا اذا تفكرناه .. ماعارفينش بلي الله سبحانه و تعالى عندو حكمة فاش نزل لينا القرآن .. جرب تريح مع راسك و تشد كتاب الله بين يديك .. و تقرى .. حرف بحرف .. سطر بسطر .. ااية بآية .. بزاف تالحوايح ماغاتفهمهمش فالأول .. لكن من بعد .. غاتفهم .. و تقتنع ان الله هو لي قادر يحل ليك مشاكلك .. ماشي العبد .. 
- جلال .." حرك راسو بالايجاب" .. عندك الصح .. 
- الشاب ..انا اسمي أحمد و نتا!!
-جلال .. "طلع فيه راسو" ..جلال ..
- أحمد .. عاشت الأسامي اسي جلال .. فايت ليا شايفك يا فالتلفازة يا فالتيليفون المهم دايز على عيني...
- جلال .." ابتسم بالجنب " .. مايهمش فين ..
- أحمد .. ههه .. باين عليك مهموم .. "ناض وقف " ..قرا شوية تالقرآن .. غاترتاح ..
- جلال .. " حرك ليه راسو بالايجاب". ..
- أحمد .." جبد من جيبو كتيب صغيور و مدو ليه.." .. خلي هذا معاك .. غاتحتاجو .. اعتبرو هدية .. تذكار من واحد تلاقيتي معاه فبيت الصلاة ... 
- جلال .." مطلع فيه راسو.." .. شكرا .." خذا من عندو الكتاب ..
- احمد .. الله يقبل .. و الله يعاونك ..و ماتنسااش ..قوله عز و جل ..«و عزتي و جلال لأعفرن لهم ما دامو يستغفروني ..» ... اكثر نن الاستغفار باش ربي يسهل عليك الصعاب ..
خرج الشاب من المسجد .. و خلا جلال تابعو بعينيه حتى اختفى .. شاف فالمصحف .. لقاه مخليه مفتوح .. قرب ليه كان مزال مفتوح على صورة الفتح نيت .. بدا كيقرا فيها .. كمل القراية و سدو .. رجعو هزو رجعو لمكانو و جبد الكتيب لي عطاه ليه داك الشااب .. بدا كيقرى فالدعاء .. عجبو و حس براسو رتاح نوعا ما واخة دماغا مزالو ملخبط لكن على الاقل ديك الديق لي كان على صدرو مابقااش و خرج من المسجد حاط فبالو قرارو ...

فهاد الوقت لي اتخد فيه جلال قرارو .. و اتجه ديريكت للقصر .. كانت المى لملماات اشلائها .. و قدرات تتماسك لأنو مرورو عليها فيق عليها جرووح كانت مقررة تنساهم .. مسحات دميعاتها لي نزلو عصبااا عنها .. و طولات عنقها كيف العادة ... جلسات فالتيراس ديال الجناح تاعهعا حتى سمعات الدقان فالباب .. سمحات بالدخول لأنو كان عند بالها الخدامة جايبة ليها القهوة لي طلبات .. لكن تفاجآت فاش شافت وليد و فردوس شادة فدراعو .. و معاهم بنت أخرى فالسن ديالها ..
- وليد .. باين عليه التوثر " ..جينا نتعرفو عليك .. ماسمحاتش لنا الفرصة اننا نتعرفو قبيلة ...
- المى .." طلعات و نزلات فيهم" .. اه.. دخلو .. زيدو ..
- وليد ..مشا جهتها و وقف قدامها" .. عارف الوضع مخربق .. ماغاديش نقول ليك حاس بيك .. حيت جامي تحطيت فهاد الموقف ..
- المى .." ابتسمات بالجنب و ناضت وقفات قدامو" .. طبعا ماغاتحسش بيا ..حيت نتا ولد القااح و البااع من جهة الام و الأب .. اما انااا .. فا بنت ديك لي خاان معاها بااك مك .. كيغايدير تحس بوحدة عاشت فالميتم و نتا حياتك كاملة مخشي فحضن باك و مك ..
- ولبد .." مد ليها يديه" .. سلمي عليا ..
- المى .." طلعات و نزلات فيه و ربعات يديها" ..
- وليد .." جمع يدو باحراج" .. واخة ..شوفي لي غانقول ليك هو انا و فردوس .. معندنا تا ذنب فهادشي .. بحالك تماما .. و انا ماباغيش العداوة بيناتنا .. واخة منكونوش من ام وحدة .. يكفي نسبنا واحد .. 
- المى .. فاش غاينفعنا النسب ..!! انا داخلي تا حد ماهايحس بيه .. 
- وليد .. فتحيه لينا نحسو بيه .. حنا خووت .. دمنا كيجري فعروق بعض .. مابغيتكش تكرهينا .. انا ماعرفت بلي عندي اخت غير مؤخرا ..اه حاولت عليك ولكن مكانت عندي عليك تا معلومة .. و دابا تقي بيا انا فرحان حيت شفتك ..
- المى .." شافت فعبنيع لقات المظرة ديالو فعلا ديال واحد مابااغي لا كره ولا عداوة .. واحد عرف ختو و بغا يحتويها" .. انا عيشت حيااة صعييبة بزااف فالوقت لي كنتو نتوما عايشين تحت جناح بااكم .. هادشي كي غاندير ننساه ..." عبنيها عمرو دموع" .. انا عشت حياة صعيببة بزااف متقدرش تخايلها لا نتا لا ختك .. 
- وليد ..ختي هي ختك .. و انا خوك " جر فردوس لحداه" .. و هي ختك الصغيرة .. شوفيها .. تتشبه ليك بزاف .. سبحان الله. .
-فردوس .." تتدوي و تحرك يديها" .. اشوف انا مايعرفش الأربية بزاف .. نتا يدوي معايا معيوور انا مايفهمش ..
- وليد ..اااخ فردوس ماشي وقتك هادي ..
- فردوس .. شنووو يديير .. شنو .. بابا حينا هنا قال ليا انگلش مكينش .. باح .. و جدي تا هو ..و انا ميفنمش هوما لوك لوك هضرة بزاف و ميفهمش اناااااا ... شوف انا تصدم بزاف نتا ختي .. تصدم اليوم بزاف ....
- المى .." شافت فيها و تكرشخات بالضحك عليها و على هضرتها" .. ههههههههههه .. مالها تدوي هكذا؟؟؟
- وليد .. ههههه ماعندهاش مع العربية ...هاهي غاتقلق عليك .. ولكن غا ملي ضحكتي فوجهنا راه غا ضحكي عليها ..
- المى .. هههه .. بصح هضرتها تضحك ..
-فردوس ...تضحك علياا يااااك.. ماشي مهم ..." مدات يدها شدات لها فيدها و قربات عندها" .. انا تصدم اه .. ولكن انتي ختي ..و انا غايبغيك ..
- وليد.. هههههه ... شفتي .. باش تعرفي قلبنا بيض و بصح باغيينك .. و ماغانخليوكش تحسي بهاد السنين بلي ماكنااش معاك .. غاتحسي بلي تتعرفينا من زمان .. و غايعجبك الحال معانا .. " مبتسم ليها. . " .. ولكن راني بعد الخطراات تنتعصب .. خصك تميكي الى غوت ..
-المى .. " شافت فالبنت لي معاهم" .. شكون هي!!
- مردوش ..ااه هي كاتي .. مراتو .. 
- المى .. امممم ..
-كاتي ...." مرتو اجنبية .. ماداتها لا فألمى لا فيه لا في فردوس .. كان ضاغط عليها باش تمشي معاه و ضاغط عليها اكثر باش تجي معاه للمغرب و هادشي لي خلق مشاكل معاها .. قلبات فيهم عينيهااا و دوات بالاينجليزيةا" ..انا غانمشي ..
خرجات و خلاتهم كيشوفو .. اما وليد طلع ليه الدم لكن حاول مايبينش ..رجع شاف فألمى لي لقاها ساااهية فيه .. ابتسم و مد لبها يديه ..
- وليد .. شنو!! ماغاتسلميش عليا .. ديريني بحال خوك راني ضريف ولاهيلا ههههه ..
- المى .." ابتسمات و مدات ليه يديها شد فيهم بزوج .. " .. انا ماشي خايبة .. ولكن مكانتقبلش الواحد بسهولة ..
- وليد .. بفف .. عارف .. و عاد القصر صراحة مفيه ميتعجب ..و مافيه تا گنس يدخل للخاطر ..
- المى .." شدات فمها" .. هههههه بصح .. 
ابتسم ليها و جرها لعندو .. حضنها ..و فهاد اللحظة بالذاات بعد الحضن لي كانت محتاجاااه من الاب ديالها ... حسات بمعنى حضن الاخ لي كانت تتسمع عليه ... 

ابتسم ليها و جرها لعندو .. حضنها ..و فهاد اللحظة بالذاات بعد الحضن لي كانت محتاجاااه من الاب ديالها ... حسات بمعنى حضن الاخ لي ...لي من ديما كانت تتسمع عليه انو هو داك الجبل لي فااش تتميل بيك الدنياا تتسندي عليه رااسك..حسات فعلا بلي حاطة راسها على جبل .. حسات باحساس مغاير .. من ديما كانت تتمنى يكون عندها شخص يحميها .. يحميها و يسندها فالشدائد ..كيفاش كانت غاتقدر تصدو!! و لا ترفضو و هو جايها بكل ود ماد لها دراعاتو و خذاها فحضنو متقبلها بكل صدر رحب .. و كيقوول لها انا خوك و ماهاز ليك فقلبي غير كل حب .. كيفاش غاترفضو و هو غايولي رفيق دربها و سندها فالحياة لي تجي تشكي لو الى شي حد من داك القصر غلط فحقها .. هو لي غاتوليي تحط عليه راسها .. و غايكون السند و العضيد ...ريحات راسها على كتفو .. و خلات راسها بين يديه .. حتى هو حس بيها فعلا محتاجة داك الحضن .. شافت فيه فردوس بقلق فاش شافتها ترخات .. شير ليها بيديه و طمنها .. و زاد عنق المى اكثر .. 
- المى .. " نطقات بدون ماتفكر" .. كنت محتاجة هاد الحضن بزاف .. تعطلتي بزااف حتى جيتي .. تعطلتي... كون جيتي بكري مكنتش هانغلط فبزااف تالحوايج ... كنت غانخاف منك يمكن كاي اخ كبير. .!! لكن كنت غانحترمك اكييد .. اذاا كنت انا دابا و احترمتك .. " بعدات عليه شوية و شافت فيه" .. عرفتي .. احم .. انا من ديما كنت تنقوول سعدات لي عندهم خوت ولاد .. يدافعو عليهم ..يبغيوهم .. يخافو عليهم .. واااخة نااكل العصاا صبااح و عشية .. ههه حيت انا عارفة راسي عنيدة بزااف .. لكن ..كنت غانبغييك بزااف تيق بيا .. كون غير كنا خووت من الأول .. و فضرووف احسن من هادي ..
- وليد .. " ابتسم تا بانت الغمازة فخدو الأيسر " ..تا دابا مزال الحال .. موال نهرس ليك رااسك اذا درتي البسالة .. شوفي انا اخ متحرر بزاف معندك مناش تخافي مني .. خصك غا تحضي راسك من هاد الحلالف لي فالقصر .. بانو ليا ماشي ساهلين .. 
-المى .." ابتسمات ليه و حطات يدها على حناكو" .. و اذا قلت ليك غانعطييك نتا هاد المهمة .. نتا حميني .. نتا ..لي توقف فوجهم اذا قربو ليا .. اش غاتقول!!
- وليد .." ابتسم و حط يدو على راسها" .. غانقول ليك اي قال فيك كلمة و لا حط عليك صبعو غانحيه .. من اليوم نتي مسؤوليتي .. " باس لها جبهتها ..
- فردوس .." دلات شفتها بطفولية" .. بفف انا هاااكذااا غايغيير .. 
- المى .." ضحكاتها هضرتها" .. هههه لا ماتغيرش نتاا ازوين .. هههه نتي الكل فالكل .. و ملتنسايش راك خذيتي بزااف منو .. خليني ناخد منو تا انا شوية. .
- فردوس .." نشات عليها بيديها" .. خودوو كولووو .. مانبغيييهش ..
- المى ..." شافت فوليد" هادي ختك؟؟؟
-وليد .." حرك راسو كيمثل خيبة الأمل" .. للأسف .. و ختك تا نتي .. 
- فردوس ..انا غاااضبة عليكم ..
- المى .." مدات ليها يديها" .. هادي قاديتيها احيااني عليك .. جي عندي تا نتي .. ههه ..

مشات عندها تا هي نقاتها و زيرات عليها كانا فسن خولة .. طلقات منها و ابتسمات ليهم ماغاترد البال غير للوشم لي فيد وليد كان واشم نص يدو .. و فردوس تا هي واشمة فيدها ..
- المى .. بغيت نوشم تا انا .. علاش نتوما واشمين و انا لا ..!!
- وليد.... بدينا فاااغيرة من دابا ههههههههههه ...
- المى .. بصح بغيت نوشم .. بالحق فرجلي .. مو يدي ..
- فردوس .. كيوشم .. هو يدسر ليك لي بغيتي ..
- المى .. بصح نتا تتوشم؟؟
- وليد .. ههه .. خدمتي ..
- المى .." صغرات فيه عبنيها " ..بلييييييييز 
- وليد .. هههه واخة الالة ..نوشمو ليك علاش لا ..
- المى .. شحال و نتوما عايشين على برا!!
-وليد ...من الضغر .. قبل لا تزادي نتي ههه ..
- المى .." كدور على صبعها خصلة من شعرها .." ..اااه .. 
- وليد .. يالله .. وجدي راسك .. عارضكم للعشا بزوجكم ..يالله سوسو تا نتي سييري لبسي. .
- فردوس .. اوكييييي...
خرج ولبد لبيتو يبدل علبه و تبعاتو فردوس لي صيفطات لألمى بوسة فالهوااء و مشات تتجري فالكولوار باش توصل للجناح ديالها هي و كمال ..مع غاتفتح الباب خرج فيها العضمة ديال اشرف تا كانت غاتجي على راسها كون ما جرها من ذراعها .. لكن بدل ما يشدها دفعها للقدام تا جات مكوزة ليه واقفة على يديها و رجليها منضرها جاب ليه الضحك و ماحاوش يحبسها تكرشخ عليها بالضحك ...
- اشرف .. وااا ههههههههههه .. لالا بزاف هادي خطيرة .. بوزيسيووون ديال القطوط ههههه ..
-فردوس .." ماارضاااتش .. نلضت تتسوس يديها شافت فيه مخنزرة". . لاااش تضحك ..!!
شاف فيها و طلع و نزلةمزياان كانت لابسة شوميز حط الفخض فالأسود و معاها شورط جينز قصيور بزاااف مكيبانش تحت منها... قرب ليها و عينيه ماطلعهمش من عليها ..
- أشرف .. واااو بلا ضواااو ..هادشي ماموالفش نشووفو فهاد المنفى...
- فردوس .. " عوجات فمها بعدم فهم" .. هاا!!! شنو!!
- أشرف .. هاااح .." كيحك صدرو بيدو" .. الشليقماات غا ديال البوسان ..
-فردوس .. نتا شكون؟؟
- اشرف ..انا اشرف..ولد عمك" قرب ليها و كالاهاااا مع الحيط" .. ولد عمك الفسرة .. 
ما حس براسو تا جاتو دقة للمعلم ..شدو ديك السااعة و بدى كيتلو قداامها ..
- أشرف..ولادي ينعلط**مك ..
- فردوش .. ولد عمي ولد خالي نتا ميقربش انا .. ها...
ضربات بشعرها و دخلات خلاتو تيتوجععع و يتحلللف فيها مينساهالهااش ..

كل واحد فيهم شنو لبس .. المى لبسات سورفيت شورط قصير فالأسود مع الالقبية ديالو .. جمعاش شعرها للور و دارت ميك اب خفيييف .. لبسات سبادري بيضاااء نايك كيف السورفيت .. اما فردوس .. لبسات كسوة لاسقة علبها فالأسود و معريةةمن الصدر .. واصلة حد الفخض .. دارت ميك اب تقييل .خرجو بزوجهم وتلاقاو مع وليد تا هو نازل نزلو معاه و حاميينها للضحك من هضرة فردوس لي كل كلمة عندها مراجلة مع ختها... مع الخرجة من القصر بان ليهم جلال داخل وقف قدامهم مخنزر ..
- جلال .. لفين بالسلامة؟؟
- وليد ..مخرج الخوادريات تخرج معانا!! 
- جلال .. بصحة ماخاصنيش .. 
- وليد .. براحتك .. 
كملو طريقهم و المى فحال لا سرفقتيها فاش تلاقات معاه.. تا الشووفة هي اللخرة كا شافتهاش فيه واخة عارفة بلي كاان تيخزر فيها و بااغيها تشوف فيه ... كملو طريقهم لسهرتهم .. اما جلال .. طلع ديريكت لعند عبد العظيم .. استأذن قبل لا يدخل عندو .. 
- جلال .. الحاج!! مزال فايق..!!
- عبد العظيم .."معاه الممرضة تدير لو الترويض ليديه و رجليه .." ...مزال اولدي دخل .. 
- جلال .." دخل جلس حداه بعد ما باس ليه راسو ..."احم ..الحاج بغيتك فواحد الموضوع ..
- غبد العظيم .. كانسمعك اولدي .." صرف الممرضة" .. و هاحنا كاع بوحدنا ..
-جلال .. الموضوع بخصوص.. احم .
- عبد العظيم ..دخل فالموضوع بلا مقدمات .. راك عارفني متنبغيش دخول و الخروج ..
- جلال .. بدون مقدمات الحاج بغيت نتزوج ..بعبير ..
- عبد العظيم .." صغر فيه عينيه و طلع حواجبو" .. راك مزوج اجلال نعل الشيطان .. و اذا كنتي مخاصم مع مرتك سير تصالح معاها ماشي تزوج عليها ..." انفعل عليه"...باغي تاخد بنات العم !!؟
- جلال ..الحاج راك مافاهمش .. انا وساندي مامزوجين ما والو .. عاد الهضرة مكانش خصني نقولها.. ولكن ااش ميمكنش نخلي عبير تزوج واحد اخر من غيري واخة نعرف نحروو..
- عبد العظيم .." تعصب عليه .." ..مابقيتي تتحترم حد اجلال .. اش هاد الهضرة اولدي .. زعما نتا لي بعقلك .. شنو خليتي لبهم ميديرو هوما؟؟
- جلال .. الحاج فهمني .. ماشي مسألة عقل .. عبير انا وياها كنا داخلين فعلاقة .. هادشي قلب مانعرف راهي بنت عمي .. كانت حاملة مني .. احم ..
- عبد العضيم ..كيفاااااش ..اش كاتخربق !! درتي معتها علاقة فالحرام!!!
- جلال ..الحلج حاول تفهمني انا و ساندي عمرك تحلم من عندنا لا بولد ولا ببنت ثانية ..عبير هي لي تليق ليا .. و هي لي غاتجيب حفيدك ..و زيدون وحدة عاطها جناح الأميرة تالقصر ..لمن غاتزوجها من غيري!! غاتكونوعيبة فحقي الحاج !! .. و فحقها تا هي .. اللهم فيا انا عارفها كيف ديرة و عارفاني كيف دير ..
-عبد العظيم .. ديرها قد راسك و جاي تدوي معايا عادي فحال لا مدير والو .. ضيعتي بنت عمك اجلال ..
- جلال .." الهضرة مابقاتش هاماه ." ..الحاج نقصرو الهضرة هاني غانصل الغلط ديالي و نزوج بيها ..
-عبد العضيم ..استغفر الله العظيم من كل ذنب عظيم .. بغيتي تزوجها .. غانوافق .. لكن بشرط .. تجي ساندي لعندي .. و تقول ليا بلي موافقة تتزوج عليها ..
. - جلال .." حنا راسو" .. غانطلقها ..تا هي تمشي تشوف حياتها .. فوق سبع سنين و هي مربوطة و مزوجة كانها ممزوجااش ..داكشي علاش خذيت قرار نطلقها و نبعدها عليا ..كولشي بالمناشبه الحاج الا الزواج بالاتفاق .. و انا قررت نحررها ..
- عبد العظيم .. و بنتك؟؟؟
- جلال .. مالها بنتي؟! جالسة فدارهم .. واكلة شاربه مكسية ..شنو ناقصها .. و مها راها غاتعيش معاها فنفس المكان واخة نطلقين.. راه دارها هادي الحاج ..ماشي قلت ليك غانجري عليها من حياتي و من الدار .. ولكن راه صافي الحااج .. غاديين و كنكبرو و حياتي مااباغي ندوزها بهاد الطريقة .. 
- عبد العظيم .." ابتسم في سرو ." ..عبير غاتزوج لي تختارو .. دعي ربك تختارك ..
- جلال .." ابتسم بالجنب فاش عرف رايو دخل لقائمة العرسان" ..نشوفو شكون لي غايديها ...واخة نعرف نهرس نهرس ليها داك الراس القاصح ..
- عبد العظيم .. اااه من الحب .. كنت عارف بينك و بينها شي حاجة .. ماغااتخفاش عليا .. لكن خليتك على خاطرك .. 
- جلال ..ههه .. الحااج تصبح على خير .." باس باس ليه راسو"الله يطول لينا فعمرك ...
- عبد العظيم .. وافقت لأنك نتا عزيز عليا و منقدرش نرفض ليك طلب .. ولكن عبير الى ماختارتكش ماغاتكونش ليك ..دير هادي فبالك ..
- جلال .." ضحك بالجنب" ..هههه دابا نشوفو الحاج .. 
خرج من عندو مطرق بعدا واخد المسمااار .. هز راسو و ديريكت للجناح ديالو .. دوش و لبس سورفيت ديالو ووجلس فوق نموسيتو تيفكر .. فلي وقع من صغرووو تال دابا .. و كيحاول يربط الأحذاث لي وقعو .و يضحك على ذكريات عندو مع عبير .. اخر حاجة كان ممكن يفكر يديرها هي يخليها .. واخة كاع داكشي لي دارت و فعايلها معاه لكن مستحيل كان يقدر يتخلى على كراميلا .. خصوصا ان لي داز بيناتهم مكانش غير علاقة عادية .. كانت علاقة جسدية لي نتج عنها طفل قدر الله انو ينزل قبل مايوعى .. و بعد الصلاة .. بانت ليه الطريق لي غايسلك .. لكن قبل قرر يلعب علييها و يضغط عليها نفسيااا ..... ابتسم و اتصل بالكارد لي صيفط وراها هي و خوتها.. وصلوه خبارهم انهم فالسينيما وصاه ميفارقهمش .. عاد حط راسووو لي فعلا كان مرهق لدرجة يبدر ينعس و هو فايق ...كي حط راسو مشااا

كملات السهرة ديال المى مع خوتها و لي دازت مفروجة .. نسااوها الهم .. وليد بشخصيتو المرحة فبعض الأحيان و فاش تيشووفهم زاغو ولا شي واحد شاف فيهم ولا قال لهم شي كلمه تيخرج عينيه و يتعصب .. الطريق كاملة و هو شلد لألمى فيدييها كيف ما شاد ففردوس تماما و اي حاجة دارها لختو الصغيرة تيديرها لألمى ماخلاهاش تحس بالفرق نهائيا .. و هادي اكثر حاجة حبباتها فيه ..
كانو غاديين جهة القصر تا اصرت عليهم المى يتوجهو لدار عايشة باش تعرفهم عليها .. دقاات الباب و كي فتحات ليها خولة طارت عليها تتعنق فيها و تبووس استقبلاتهم عايشة برحاابة صدر .. و خصوووصا انهم تأقلمو معاها دغيا هي و خولة و انجمجو .. شبعو ضحك على فردوس و لسانها المگرود لي كيهرس الهضرة .. و عجبهم وليد لي لسانو مطلووق و مفروح .. حتى من خولة تلاقات هي و فردوس فنفس لاج توالمو و خذاو ارقام بعض ..دوزو معاهم وقيتة زوينة و عائلية و رجعو للقصر واخة معطلين لكن بما انوو كان معاهم وليد تا حد ما قدر يدوي مع انهم لقاو الكل كيتعشاو .. مشاو هوما سلمو علبهم اما المى تخطاتهم هازة خنافرها للسما و ماداتها فحد خلاتهم كاملين تيشوفو فيها و يتمتمو بقلة ادبها و وقاحتها لانها محتارماتهمش ..تخشات فبلاصتها بعد ما لبسات بيجامتها و هزات تيليفونها .. كاتخربق فيه .. تفكرات جلال لي مكانش فالطبلة تالعشاء .. لا هو . لا ساندي .. ولا حتى توليب .. قالت مع راسها .. راجل و مرتو و انا ماالي. . غطات راسها بالمخدة و بدات تتصاارع مع افكارها حتى نعسااات و خاطرها مضروور....

بعد مرور يومين .. كولها دوزاتها المى مع فردوس و وليد لي كيجي يشكي ليها من كاتي لي كانت تتهددو انها غاتمشي و تخليه و المى طبعا بنصائحها الجميلة تتقولةليه لي يبيعك بيعو ماتحاولش حتى تشوف فيه😂.. و الولد ديالو لي كانت عندو عام قالت لو بلي هي مستعدة تربيه معاه و الله يقدرها على فعل الخير ..صبح صباااح جديد كيحمل فطياتو أحذات جديدة .. ومفاجآت جديدة لكل واحد ..هزات المى تيليفونها .. و اول حاجة بعد ما فاقت و دوشات و هي مزالة بالبينوار تاعها .. اتصلات بعايشة .. 

- المى .. احلى مامي .. توحشتك احبيبتي ..
- عايشة .. بنتي ..كبيدتي كي ديرة .. !! لباس عليك ..
- المى ...الحمد لله احبيبتي .. توحشتكم ..
- عايشة .. احياااني علييك شفتينا غا الباارح .. كي ديرة مع دوك الناااس .. ؟؟
- المى .." تتلعب بحزام البينوار" ..هاد النااس كل وااحد و كيف دير .. شي ماحاملنييش .. و شي عاجباه .. و شي مامهتمش .. كلها يلغي بلغااه ولكن ولاد الكلاب عايشين عيشة الملوك ..
- عايشة .. المهم هو تقدري تعاشي معاهم ..
- المى .." ابتسمات بالجنب " .. مالي بيهم و مالهم بيا .. بفف .. عندي زوج ناس مهتمين ليا هنا هوما خوتي .. و راك شفتيهم دغيا تأقلمو معايا .. معاك نتي و خولة... يعنيانا هلدو لي تيهموني .. اما باقي طز فيهم ..
- عايشة .. ماتقووليش هكذااك ابنتي عائلتك هادوووك و بااك هذااك .. 
- المى .. مابايا ما باه .. با من ايمتا بالسلامة ..
- عايشة .. الله يهدييك ابنتي .. الله يهدييك .. 
- المى ..اميين هههه يالله خليني نمشي نطلب الفطوور .. ماني ماكااناكلش معاهم ههههه ..

قطعات المكالمة ديالها مع عايشة .. و يالله غاتطلب الفطور حتى سمعات الباب تيدق ..كانت صوفيا هي لي تدق عليها سمحات ليها دخل ..دخلات و وراهازوح خدامات جارين طبيلة ديال الفطور... ..
- صوفيا .. صباح الخير لالة .. فطورك واجد .." شيرات للخدامات يحطوه ليها قدامها ..
- المى .. اوه .. شكرا عاد كنت غانطلبو...
- صوفيا .." شيرات للخدامات باش يخرجو" ..شنو ناوية تلبسي لالة .. باش نحط قبالتك كولشي ..
- المى .. شافت فيها و ابتسمات" .. جبي ليا الاونصومبل .. الكارو .. الصاية القصيرة و الفيست .. ااه و الديباىدور البيج .... معاهم طالون لي بووط الطوال .. الكوحل .. 
- صوفيا .." بابتسامة" .. نعام لالة .. 
مشات دارت كيف قالت ليها المى .. جابت ليها داكشي لي قالت عليه .. حطاتو قبالتها بابتسامة كيف العادة .. وبقات واقفة قدامها حتى كملات فطورها ..

- صوفيا .. بالصحة ...
- المى ..ميغسي .. تقدري تمشي .. 
- صوفيا .." ضغطات على الزر باش يجيو الخدامات ياخدو الطبلة .. " .. لالة .. الحاج طالب يشوفك .. بعد ما تلبسي سيري للغرفة ديالو .. صباحك مبرووك .. 
خرجات من الجناح ديال المى خلاتها لبسات و تمكيجات .. رشات بارفانها و لبسات اكسيسواراتها .. طلات على راسها اخر مرة فالمراية و ابتسمات بثقة .. عاد خرجات ..اتجهات لبيت عبد العظيم و هي ماحاملاش الوضع غير تدير الخاطر بما انو كبير العائلة .. دقات و دخلات بعد ما سمحو ليها بالدخول .. كانت الممرضة تتدير لو مسات ليديه .. فاش شافتها نزلات ليهوالتريكو على يديه و انصرفات كيفوطلب منها .. تسناها تا سدات الباب و ابتسم لألمى ..
- عبد العظيم .. " طبطب على الجنب تالناموسية حداه" .. اجب ابنتي قربي ..
-المى .." قربات ليه كيف طلب و جلسات حداه" .. هاني الحاج .. بغيتي شي حاجة ..علاش طلبتيني!!
-عبد العظيم .." مبتسم ليها" .. انا باغي نصبح على وجه بنتي الغزالة .. فيها شي حاجة هادي؟؟ 
- المى ..." طلعات فيهةحاجبها" .. هلا و الله .. ههه .. من حقك الحاج...
- عبد العظيم .." شير ليها علىىالمجر ديال الكومود.. " .. جبدي من المجر صندوق صغير .. عطيه ليا ..
- المى .." ضارت للمجر جبدات لي قال ليها ..حطاتو ليه بين يديه" .. تفضل ..
- عبد العظيم .." جبد ليها زوج كارطات ديال طونوبيلات .. " .. هادو ديالك .. الله يعطيك خيرهم و يكفيك شرهم .. احذث انواع السيارات .. كلفت اكثر شخص خبرة بهاد القصر فهادشي .. و هو لي جابهم .. 

- المى .." بعدم تصديييق .. قلبها تهز و تحط بالفرحة .." .. هاا!؟؟ بصح ديالي!! زوج؟؟؟؟؟ سيبا بوسيبل !!
- عبد العظيم .." ابتسم ليها و حط يدو على يدها" .. هادو ديالك و اذا مععجبوكش .. ختاري نتي لي بغيتي .. ..
- المى .."بابتسامة عريضة حركات راسهت بالايجاب" ..ااه واخة .." بقات تتشوف فيهم و هو حاضي ملامح وجهها و مبتسم..حتى طلعات فيه راسها و سولاتو".. ولكن .. هادشي باشمن مناسبة!!! 
- عبد العظيم .. الهيلالي الكبير ميحتاجش مناسبات باش يعطي لولادو .. الخير خيركم .. و كل واحد تياخد نصيبو ....
- المى .." هزات كتفها" .. ام .. اكي .. 
- عبد العظيم .." مد ليها كارط گيشي " .. هادي تا هي وصلات اليوم .. فيها الفلوس لي غاتحتاجي .. خسريهم براحتك مانبغي تا حاجة تخصك .. 
-المى .. شدات الكارت كيشي .. و هي مستغربة و ماعارفاش لاش باغي يوصل الشيباني .. صغرات فيه عينيها" ..الحاج بغيتي مني شي حاجة !!!
- عبد العظيم ... هههههه كتفكريني فجلال .. لو كان عطيتو هادشي غايقول ليا نفس الجملة ... 
- المى .. " عوجات فمها .." ذكرنا سمن و العسل ماسطي مع من تشبهني .. ..
- عبد العظيم .. نعام؟؟
- المى ..والو الحاجة .. شكرا علىى كولشي .. 
- عبد العظيم .. اكيد جلاا هضر معاك فموضوع الزواج!!
- المى .. ا" حطات كولشي من يدييها و شافت فيه" .. شوف الحاج .. انا ماباغاش نتزوج .. و حفادك تبارك الله عليهم ما فيهم تا واحد يحمر الكمارة ..مالغيت نتزوج بحتى واحد فيهم ...
- عبد العظيم .. ههههه غير تتقولي هاد الهضرة .. فاش تعاشريهم غايعجبوك .. على العموم ابنتي نتيةبالذااات ضروري تزوجي من العائلة و مستحيل تزوجي من برا ..
- المى .. علاه مستحيل بالسلامه!!!
- عبد العظيم .. حيت لغيتك نتي تكوني سيدة هاد القصر يا أميرتي .. بغيت نهارنسلم كل واحد مهامو و حقو نتي نحط فيدك مفاتيح تسيير القصر .. الامر الاناهي ولكولشي يدير ليك حساب مابغيتيش هادشي!!
- المى .." صدمها بكلامو .. عمرها كانت متوقعة انها شي نهار تيسر القصر ولا كيف قال كولشي يسمع كلامها و ينفذو و يدير لها الف حساب.." .. كيفاش مبغيتش .. مانكرهش طبعا..
-عبد العظيم ..اذا عليك تختاري واحد من ولاد عمامك .. و المفتاح هاهو" جبدو حطو ليها فيدها" .. فاش تختاري واحد منهم حطي لو هذا فيدو.. غاتكوني سلمتيه مفتاح قلبك ..
- المى .." خذات من عندو المفتاح القديم كاتشوف فبه" .. مفتاح قلبي!! صعييب الحاج نعطي 
- عبد العظيم ... علاش صعيب!! ياكما كاتبغي شي حد .. ولا عندك شي علاقة مع شي واحد !!
- المى... "تضهشرات ..شافت فيه بتوثر " .. اا .. لا الحاج غير ..
- عبد العظيم .. بصرامة" .. غير ااش!! ..دابا غاتمشي تشوفي طونوبيلاتك .. و غاتلقاي حتى الشيفور لي غايولي يوصلك لأي مكان الى بغيتي .. و هاذ الحق مامعطيش لكولشي فهاد القصر .. كنتمنى تحافضي على مكانتك و تقدري تختاري الاختيار المناسب ليك .. و لينا ....
- المى .." بقات غا تتشوف فيه .. ماعرفات ما تقدم ولا ماتوخر .. نزلاتت راسها فداكشي فوق رجلها .. سوارت تالطون بيلات .. و الكارت گيشي .. و المفتاح .. يعني هادو مقابل هذا .. و الإختيار ما أصعبه" .. ولكن انا مكانعرف تا واحد فيهم ..

- عبد العظيم .. شحال و نتي ماكادوي مع تا واحد فيهم!! انا خليت ليك الوقت قبل باش تعرفي على كل واحد فهاد الدار .. على العموم اليوم بالليل غانتسناو جوابك ..
- المى ..." مالقات ماتقول .. عارفة راسها اذا رفضات ماغاتكونش مميزة ... غاترجع كأي واحد فداك القصر و المنصب لي باغي الحاج يطها فيه ماغايبقااش .. اللهم تقوول سمعا و طاعة و تختار لي يناسبها .." واخة الحاج .. ولكن تا انا عندي شرط .. و ياريت تنفذو ليا ..
- عبد العظيم .." رجو ملامحو يضحكو'' .. نتي تآمري يا اميرة ..
- المى .. احم .. بغيت ماما عايشة و ختي خولة يجيو يعيشو معايا هنا .. 
- عبد العظيم ...'' طول فيها الشوفة" ..فيك الخيير يا بنتي .. القصر واسع .. مرحبا بيهم ..
- المى .." بصدمه و فرحة" .. 😍بصصصصح. . شكرا بزاف الحاج ..
- عبد العظيم ..هه يالله نووشي شووفي داكشي واش غايعجبك ..
- المى .." ابتسمات نصف ابتسامه .." .. واخه ... 
هزات داكشي لي عطاها عبد العضيم و مشات ديريكت لبيتها .. خبات الكارت كيشي و الساروت .. نفضات كااعوكلامو من راسها و نزلتت تتجري للباركينغ ديال القصر تشوف السيارات ديالها .. مع خرجات لجردة شافت فالجنب ديال الباركينغ تا بانو ليها زوج طونوبيلات من النوع الرفيع وحدة سبور و وحدة كلاس و كبيرة .. بقات حالة فمها .. جا واحد من الكارد تيجري عندها وقف قدامها ..
- الكارد ..مدموزيل غاتخرجي!!
- المى .." شافت فيه " .. واش هادو هوما ديالي
- الكارد .." حرك لها راسو باليجاب" .. نعام لالة ..
- المى .." القلوووبة خرجو من عينيها .." .. هاااح .. حيد حيد نمشي نضرب دويرة ..
- الكارد ..اعترض طريقها" .. ممنوع الالة ..ضروري نخرج معاك .. سي جلال كلفني انا شخصيا يحمايتك ..
- المى.." صعرات فيه عينيها" .. شنو سميتك نتا ..!!
- الكارد ..مصطفى الالة .. 
- المى ..امم .. شوف امصطفى .. غاتقول لداك سييك جلال انا قاادة برااسي و نحرس بلاد .. حيد من قدامي .. بقيتي ليا غا نتا و سيك جلال .. سك جلال على راسو ماعيلايش انا ..
فالوقت لي هي تتعاير فجلال الهيلالي قدام الكارد كان واقف و مربع يديه ... كيقوول ليه يسكت و ميقولش ليها بلي هو وراها و يخليها تعبر كيف بغات ... خلاها تا كملات على خاطرها .. و هو يحدر الكارد راسو و مشا خلاها بلا كلمة بلا زوج فاش شير لو جلال ينصرف...

- جلال ..ايه شنو نسيتي مزال !!!
- المى .."غمضات عبنيها و عضات على شفتها عاااد ضارت عندو بالعررض البطييييئ" .. نتا هنا!!!! من ايمتا !!!
- جلال .."قرب ليها" .. ملي بديتي تمدحي فيا ...!!
- المى .." جاها الضحك ..شدات فمها و شافت فبه بنص عين" .. انا بغيت نصوك طونوبيلاتي لراسي نجربهم ..
- جلال..." مزنفر فوجهها" ..اش هاد البس لملتك!!! "جرها من الكول تالفبست .." .. هادشي ماشي من الحوايج لي تم!! منين جبتي هاد الخرا ..!!
- المى ..ماسوووقكش😡😡 و الخرااا طلييه ..
- جلال .."مكرهش يسرفقها ..زدحها على الاوطو و ضربها بيدو " .. داك اللسااان غانقطعوو لملتك قد ما صبرت عليك و هاااد الق*** ماتعاوديييييش تلبسييه تتفهمييي..
- المى .." خزرات فيه" ... الطونوبيييل ازمرررر غاتعوجها ..
-جلال .. ختاري يا نعوجها يا نعوجك ..!!" خرج فيها عبنيه" .. تلاحي بدلي عليا هاد المسخ ..
- المى .." خزرتت فيه و شداات الزكااارة "ما سوووقكش ..شكون نتا !! باا .. مي... جداا .. جدييي.. ولا لا تكون موياا ..لالا وااااقلة راك راجلي .. تا سير تحيد عليا ماتبقاش تدخل فيا ..
- جلال .." غمض عينيه و شير للباب بيديه" ....يالله .. مانشووفكش كضوري ليا بهاد ربع ميتر دتوب ..القصر عامر زوافرية و نتي معرية ليا الفخاض .. مزياان ..
- المى .."ربعات يديها" .. فاش نقول مابغيتش .. هي مابغيييتش .. 
-وجلال ..." ما حس براسو تا هز يدو و شحطها مع فخاضها تا حسات بيه كيوزوز" .. غاتق** تلحگي بيتك ولا نرعف أصل مك .. 
خزرات فيه و مشات تنجري دخالات للفيلا ماحملاتش راسها يتعامل معاها بديك الطريقة .. الطرييق كاملة و هي تتسب .. اما هو عيط على الكارد و وصااه عليها ماتخرجش بوحدها واخة تعوااج .. عاد مشا للشركة ...
..........
#في مكان ااخر و تحديدا أنقرة بتركيا .. بعد ما بدل السكنة تاني لأنو متيبقاش فمنطقة وحدة ..كان مىيح كيشرب الشااي المخمر و يدخن الشيشة ديالو .. حتى جااه اتصاال بجميييع معلومات و ما يدور بلقصر .. من موضووع المى تلل موضووع زواجها .. هذا غير اخبار ثانية على جلال و الخدمة ديالو و جميع تحركاتو .. .. لكن هو طبعا ركز على الجاانب لي فييه المى و خصوووصا الزواج لي طرحو عبد العظيم ..
- مرتضى ..بغيتها تختارك امراد .. دير اي حااجة باش تختارك .. غادي ضرب جلال فضهروو. ..
- مراد..يا صاحبي ماحملاتنيييش انا متأكد غادي تختار الخوادري تيبان درويش .. تا رافينما نبغي ندوي معاها تتهز يديها و تخطاني بحال عتوگة ..
- مرتضى .. ههههههههههه هي هادي المى ديما هازه مناخرها للسما .. النخوة عالاخواا ..
- مراد .. ولكن نتا منين كاتعرفها !!
-مرتضى .. هاديك راه عشيقتو احبيبي .. و فاش تزوج بيها نتا غاتكوون ضربتيييه ضربة قوية ..
-مراد .." حط لحيتو و ابتسم بالجنب .. " .. ميهمش شكون ليتختااار .. المهم هو مغيقدرش ياخدها هههه تهلا .. فاش نسالي نتصل بيك و نخبرك بالمستجدات ..
قطع علبه قبل ميسمع مرتضى اش غايقول ليه .. و بهاد الحركة عصبووو نيؤيت .. ضرب التيليفونومع الطبلة ..
- مرتضى .. الله ينعلطواصل مك المكلخ .. تفووووو ......
....

طلعات لجناحها ديريكتت جميييع انوااع السباان و المعيووور قالتهم .. مشات لبسات سورفيت و نزلتت يصحاب لها غاتلقاه تم ساعة ماكانش .. لقات نفس الكارد عرفاتو وصاه .. رمات ليه السوارت و تسناتو فتح ليها الباب ديال الاوطو سبور وركبات كتنفخ و تصووط .. ضورها فينما بغات و ماخلاات بيه تا قنت جرجراتو نيييت باش تعلمو ميسمعش الهضرة .... بعد الدورة الشرفية ديالها رجعات للدار حتى بدا الضلام يطيييح و طبعا رجعو بلا ميتشاور معاها حيت جاه اتصال من جلال لي عطاه اوامر باش يرجعو للقصر .. ..كي دخلات مشات ديريكت للجناح ديالها ..دخلات للدريسينغ بغات تبدل حوايجها .. جبدات جليلبة قصيرة تحت الركبة على شكل گندورة .. .فيها السيور من القدام و مخططة بالبيض و الأسود .. لبسات معاهت بالغينة حمرا .... جمعات شعرها كوتشوفال و مشات غسلات وجهها مسحاتو عاد دارت عكر حمر كااااط و مسكارا .... حمرات الحنيكات بانت كيووت .. يالله كاتلبسالساعة فيدها باش تنزل تبوبا عليهم ماحدهم فالصالون و هي تسمع الباب تيدق ..!! سمحات بالدخوول .. كان وليد لي على الباب ..
-وليد .." باينه علبه طالع ليه الدم" ..اجي نزلي كولشي مجموع فالصالون و الحاج كيتسناك ..
- المى .." ناضت لعندو وقفات قدامو" ..ناري .. مالك مغوبش !! مضارب معاها عاوتاني !!
- وليد .. تت هاد المرة ماشي مضارب معاها ..مخاري معاها بالمعنى الصريح .. گلت ليها هزي قلوعك و باتي ماتصبحي .. خلات ليا فهد و مشات .. ماحنات تا على ولدها!! ترجع تسول عليه تحر مها ..
- المى.. " بصدمه .." هادشي كامل!!! ويلي ايمتا طرا هادشي!!
- وليد .. الصبااح .. كون الالة كنتي معمرة الدار كونش فتي كولشي بعينيك .. القصر كامل تفرج فينا ..
- المى .." شدات فمها" .. الصراحة ديك العقروشة الصفريطة مارتاحيتش ليها ..
-وليد .. ينعلبو لي بغا يتزوج بالگور ..
- المى .. ههههههههههه معليش .. حبيب عميتو انا نربيه و نديرو داخل عيوني ..
- وليد .. العز ..ر ضربها لكتبفها" .. يالله زيدي نزلي ..

- المى.. وليد الحاج اش باا!!!
- وليد .. موضوع زواج .. قال لبنا دوا معاك فيه !! واش نتي موافقة!! حيت هادشي مداخلش ليا لمخي..
- المى.." شافت فيه بتردد عاد نطقات" ..اه موافقة .. صافي نزل هاني ماجية ..
- ولبد .." حرك رايو بالايجاب ..".. اوكي ..
خرج و خلاها..مشات هزات ريحتها رشاتها .. و دخلات للدريسينغ .. خذات المفتاح لي عطاها عبد العظيم ..و اتجهات لعندهم .. كي دخلات كولشي تيشوووف فالعرووس المنتضرة اصلا هي كانت في ابهى حلة و البلدي واتاها .. خصوصا انها عامرة من القناات لي لبساتها تنجيها هي هاديك .. خصوصا من لور ..لقات التحية بوجهها مرفوع .. ماداتها فحتى واحد .. و ماشافتش فشااندي لي لو كانو عينيها يشيرو بالقرطاااس كون الله يرحمها .. ولاوحتى فجلال لي جالس مزلع فوق القوتوي حاط رجل علىرجل مفرقين برجوولية و و كيلعب بالسوارت غيديه .. جلسات فين شير ليها عبد العظيم .. و تسانااتو يدوي .. شافت فولاد عمها بتلاتة جالسين واحد حدا لاخر .. عقلها تيقوول ليها شووفي الصغيير .. و تترجع تقوول غدا نكبر و نخليه .. شافت فمراد لي غمزها من عند ربي ماحملاتش تشوووف فكاارتو استبعدااتو تمااااما ... بقااا غيير مؤمن لي كان فدنيا غير الدنيااا ..شاد تيليفونو و باينة عليه تيدوي مع شي حد .. فالواتسااب .. طلعات فيه حجبانها .. من نهار جا عمرو تقرب ممنها وىا حاول يجي جهتها و هو الوحيد لي أيثار فضولها .. مافاقت غير على صوت ضباط جلال لي ضرب فالأرض .. طلعات عينيها فيه لقاتو مخنزر و عينيه كعرقييين باينه عليه معصصصب .. 
- جلال .. الحااج معاك داوي ..
- المى .." شافت فعبد العظيم" .. نعام الحاج...
- عبد العظيم ..." عطينا قرارك ابنتي .. نوضي وقفي .. و سلمي المفتاح للي ختاريتيه يكون راجلك ..انشاء الله ..
- المى .." ناضت وقفات و شافت فيهم كاملين .. كل واحد تيشووف فيها باهتمام باغيين يعرفو قرارها الا جلال .. قالب وجهو و كيحك لحيتو و رجلو تضرب فالأرض بعصبية .." .. احم .. انا ..
-جلال .." ناض وقف و و جر منها الساروت خشاها فجيبو " .. ختارتني انا .. يالله نوضو فرتكو عليا هاد الجوقة .." جرخا من خصرها لاسقها عليه خلاها مصدووومة غير تتشوف .. اما ساندي جاتها اللقوة عينيها خرجوو .. 

يتبع ...

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.