الكوبرا الجزء العاشر

2019

محتوى القصة

رواية الكوبرا

بعد ما تحكم خالد المرة الاولى ب أربعين يوم ديال الحبس .. فاتت علييه بالكشاايف بسييف قدر يدووز ديك المدة باصرار منو و من محمد انوو ضروري خصو يخرج بكفالة لانو ماقدرش نهائياا يتحمل دايك المدة ديال الحبس تاعو .. داكشي علاش المحامي طلب جلسة اخرى و طالب فيها باخلاء سبيل موكلو بكفاالة .. كانو كلهم حاطين رجااهم فهاد الجلسة هادي خصووصا ان المحاامي عطااهم امل كبير و طمنهم بزااف و أكد ليهم ان هاد المرة غادي يجيب ليه اخلاء السبيل بالكفاالة محمد ماقدرش يجلس فالدار كيف طلب منو المحاامي .. بل نااض على النبووري يجري و يتجاارا .. كيدعي لربي يخرج ولدو و تا حااجة ماتعكس ولكن للأسف رجع بخفي حنين بدل ما يخرج بكفاالة زاادوه سبعين يوم .. يعني الدوبل ديال المدة الاولى .. هاد الحكم بووحدو طيح لمحمد الكتااف ماتلى عرف ااش يديير هز رااسو و رجع للدار ماعرف وااش يوااسي رااسو ولا يوااسي ولدو لا شنو يديير فالحاالة لي وصلوو ليها اما خاالد خلااص .. نفسيتوو زادت تدمراات كثر من الاول ولكن مالقى غييير يرضى بقدر الله و المكتاب لي كتب علييه موولاااه و كيف كيقوولو لي دارها بيديه يفكها بسنييه هو لي دارها لرااسو و خلى حيااتو على كف عفرييت .. ...
الطرييق بااش غايوصل محمد للدار حسها طوييلة بزااف الف حااجة دارت فرااسوومن نهار تشد ولدو .. ندم على كااع داكشي لي دار مع سليماان و حس بلي المكتااب كيتصرف فيه هو ولدو ..حس بليي فعلا كاع داكشي لي داار لييه خرج فييهم بالدووبل .. كي فتح البااب لقى قدااامو مريم و احلااام لي كانو طوول هاد اامدة تيتصلوو بيه و هو مكيجااوبش خاايف من ردة فعل مريم .. لي حالتها حاالة من نهاار تشد رااجلها ماعرف ما يقوول ليهم و هو تيشووف فعينيها كوولهم علاماات استفهااام .. اشنو يقوول ليهم ..!؟ خالد مستقبلو ضاع بمرة!!؟ خالد غايفووت اكثر من شهرين أخرى فالحبس!؟ .. 
دخل للدار بعد ما خوااو لييه الطرييق و تبعووه للصالة .. احلام بمجرد ما شاافت بااها عرفاات مصييبة وااقعة و عرفاات بلي داكشي لي بغااو ماقدةش يديرووه .. 

مريم .." بعييون كلها رجااء".. عمي .. قوول لياا غايخرج .. عافااك ماتخييبش رجااياا!!
محمد .." جلس و حنى راسو" .. رجاانا و رجااك على موولاانا ابنتي .. خالد تحكم علييه بسبعيين يوم اخرى ديال الحب .. رفضو يخليو سبيلو بالكفاالة .. خالد مستبلو غادي و كيضييع و انا يدي مربووطييين .. ولدي محبووس مع المجرميين و جاامد مالااقي ااش نديير .. 
مريم .." طااحت للأرض .." .. الله ياا سدي ربي و فييين غانحط الرااس .. هءههء😭😭😭 هادشي بزااف علياا بزااااف .. 
احلام .." غمضات عينيها بأسف على خووها و على حاالة مرتو" .. صاافي اختي ماديريش هكذا فرااسك .. صاافي .. ربي معااه و تنشااء الله غايفييق و يخرج ديك السااعة خاالد .. خلي املك كبيير فالله 

مريم .." كاتشهههق و شاادة فيها" ..قلبي كيتقطططع علييه ا احلااام ..معاارفة حاالتو .. معاارفااه وااكل ولا لاااا معاارفااه نااعس ولا لااا معاارفااه مغطيي ولا عريلان .. ماعارفااش نفسيييتو كيف ديرة .. انا عاارفة خاالد دغياا تيتخنق ..خصو على الاقل يخرج زوج مراات فنهاار .. كيف غااتكوون حالتوو دااابااا كيييف غاااتكوووون

محمد .." مد يدو طبطب على كتفها" .. كولشي غايفووت ابنتي .. دابا يرجع ليناا .. 

احلام .. زادت عنقاتهها" ..صاافي اصااحبتي صاافي الله يهدييك .. طلبي ربييي و اكييد خاالد غايرجع ..
مع كملات كلامها سمعااات خبطة فالباب .. دارو كولهم لقااو فاطمة كاضوور عجلة الكرسي المتحرك بيدها و كانحاول دخل .. للأسف كانت سمعاات كل الحواار لي دار بيناتهم و بغاات دخل تفهم منهم ااش وااقع .. 
فاطمة ... ولديي .. "تدوي بصعوبة لكن لسانها تسرح شوية " فين ولدييي .. ااش طراا لوادييي .. 
احلام .." طلقات من مريم و مشات قدام مليكة جلسات على ركابيها " .. ماما حبيبتي .. شوفي فياا .. خالد ما ماالو واالو .. قرييب غايرجع لينا غير تهدني .. 
فاطمة .." تتحرك رااسها بنفي و الدمووع في عينيها" .. سمعتكم .. ااااه يا ولدي .. علاااش خبييتو علياا علاااش .. ديماا تنقوول ليك توحشتو الله يا ربييي على ولدي حبيبي .. يعلم الله كيييف حاالتو .. 
محمد .." ناض لعندها" .. تهدني افااطمة .. بشوية على صحتك ولدك ديما كانشووفو ماخااصااه تا حااجة .. 
فاطمة .. اااش دااار علاااش يتحبس ااش داار كبييدتي حيياااتو كاملة و هو مااشي تحت الحيييط .. 
احلام .. داار كسيدة بالطونوبيل و السيد لي دار معاه كسيدة ناعس فصبيطار مزال ما فااق .. كي يفييق انشااء الله غايخرج خاالد غير تهنااي اميمتييي . 
فاطمة .. " حطات يدها على قلبها وبدات تغوت " .. الله يا ربي على ولدي ديييونييي عندووو ديييونييي نشووف ولدييي .. 
محمد .. يهديييك الله افااطمة فيين غاندييوك ميمكنش تشووفيه داا .. فاش يسمحو لينا بالزياارة تنواعدك غانديك تشووفيه. . 
فاطمة .." شدات راسها" اربي فين كاان مخبي لينا هادشي كلوو فييين .. و السيد لي فالسبييرطاار كييف راها حاالتو شكوون هو بعدا واش مشيتو شفتووه!!
احلام .." بلعات ريقها وسكتات شحال عاد جوبتها " دارها مع سليماان اماما .. 
فاطمة .." بصدمة " .. كيفاش!! سليمان!!اويلي على سليماان 
احلام .." مسحات دموعها و حركات راسها بالايجاب" .. كيف سمعتي 
فاطمة ..الله يا ربي الله يعلم الله كيف حاالة ميمتوو علاااشش اولدي علاااش .. الله يا ربي و فيين كاان هادشي مخبييي لييينا فييين .. خصني نمشي نشوووفو ضروووري .. 
احلام .." شدات لبها فيديها" .. غدا انشااء الله نديك احبيبتي غيير اجي ترتااحي ..عافااك ماتعصبييش رااسك لا يطلع لييك الطونسيوو .. عافاااك .. على وجهي اماما اجي ترتااحي .. 
فاطمة "بدات تضرب على صدرها "... .. منيين غاتجيي الرااحة منييين .. 
تنهداات و خلاات احلاام تتجه بييها لبيتها .. طلبات من الاب ديالها ينعس فالصاالة بااش هي تبقى مقاابلاااها .. لأنها باانت ليها مااشي هي هااديك و خافت لا يطلع ليها الضغط و ماتكوونش هي حدااها .. و فعلا بقاات النهاار كلو معاااها و بالليل كي عطااتها دوا شربااتو و نعساات توجهات لجنبها تا هي و حطات رااسها و تتفكر فسليماان و حاالتو اليووم كي غاتكوون خصووصا انها مامشااتش تشووفو اليوم بسبب الخوف ديالها على فاطمة لي حالتها مكانتش تطمن .. و بسبب الوضع ديال خووها كذلك لي بقاا فيها الحاال على حاالتو .. بقاات هكذاا فكر يدييها و فكر يجييبها حتى غفاات و دااتها عيينها ..

«فجأة لقات راسها في البحر .. دورات رايها تتشووف فالمكاان .. كان خااوي .. شافت حالتها لقااات رايها لابسة كشيوة صيفية فالأبيض خفيييفة .. و المكاان جنبها كلوو خااوي .. فقط أمواااج البحر الهادئة كأن البحر ناااعس و سااكن .. دورات رايها فالأرجااء تتقلب وااش يباان ليها شيي حد و لكن ماكاان تا وااحد .. قربت شوية من المااسء حتى لامس رجيلاتها و بقات غادية بجنب البحر حتى دفعات شي حاجة برجليها .. نزلات عينيها لقااتو سبيبيط ديال الوليدات الصغار .. هزاتو ساستو من الرملة و تمات غادية مكملة طريقها و تتشووف فداك السبيبيييط .. حتى باان لييها شي حد جاي جهتها من البعييد .. بداات تتزرب فالمشية و تتحقق يالله باان ليها شنوو لابس كاان تا هو لابس لبااس أبيض .. و باينة من البنية الجسمانية ديالو انو رجل .. كل ما هي غادية تتقرب و ملامحو تيزييدو يوضااحو قداامها .. حتى شاافت وجهو .. و فجاة وقف .. و حتى هي وقفات .. حساات بالزمن وقف و هي تتشووف سليماان هاز فدراعو ولد صغير و تيشير ليييها و على وجهوو ابتساامتو المعهوودة ليييها .. » ...

قبل مااا تزييد تقرب لييه .. فاقت مخلووعة .. كانت كوولها عرقاانة و حااسة بالدنيا مزمووته و قلبها بغا يخرج من بلاصتو .. ناضت وقفات و خرجات من البييت ديال فاطمة بااش ماتقلقهاا فنعااسها .. اتجهاات للكوزينا خذاات كاس ديال الماا شربااتو دفعة وااحدة و جلسات على الكرسي حطاات يديها على راسها و تتحاول تستوعب داك الحلم لي قلق نوومها ..

التقطه الخياال لزمان فات ولكن مزال كيحس براسو منتمتي ليه بكل جوارحو ...زمن الطفوولة الخالي من المخاوف ...والحنين الى أيامو الدافئةة
وكل الاحدااث الوااقعةة فيها مند صغرو حتى الان ...رجعات بيه ذااكرتوو وغرقات وسط صور قدييمة من ماضيييه لي ظلو متشبت بيه ....
عبد العزيز......" كيطل من الشرجم " وااا سياادنا حيدوو علينا الكرة من هناا..لي بغى يمضي كراوعو را تيران متصدعووش لينا راسنااا 
- وتكايس اعموو ليصدق مطرطق ليك عرق في الرااس وتجيب سبتك علينا ..وزايدون راك شاري غا دار ماشي شاانطيي....
" قفز من فووق سرير حفياان معصب كان شاب في بداية مرااهقة ديالوو ...جسم نحييل ونقي خالي من اي خدش عكس الان .....لكن من حيث الكاريزمةة كانت نفسهاا....نظراات حادةة ، حوااجب مگروونه وصوووت خشن وكييف عادتو وهادا طبع من صغرو يدوو ديما مسبقهاا على فموو....بلاما يفكر ولا يستفسر جمعهاا مع الولد بصفعةة خلاه يشووف نجووم في عز النهاار "
سليمان......" مخنزر وكيدوي مشمكر ".....تعييق على بناات الدرب وتحس بجناابك عليهم مااشي مشكل نسرطووهاااا ...تدير فيها واااعر وكاااين وتهلال في الليل وفي صبااح عاادي ندوزهاا بگاارو ودکه اتاي ..." جرو من گرفادتووو معنگرو "....ولكن لعدو ربك تهز صووتك على بااااااا لساااانك نقطعو ليييك .....
كتسمع باقا متزاادش هادا لي يهلل علينا وهاد الكرة...." جبد مضى صغير من جيبو فرگعها "...انا هنيتك منهاا داير فيها لاعب ونتا تدخل لتيران تخرا في سروالك ...
" خدا النقشة بدا يصرفقو بيها "....دابا غندوزها ليك معارفش راسك اش درتي ولكن مرا جاايا نتلفك على خربتكم..." خنزر فيه وغوت "....قود منبغيش نشووفك مزال دوور هنااا !?

هرب دري ولي كان يطل سد عليه شرجموو...نزل عبد العزيز لقى سليمان جالس قفازي لكن غير بان ليه باه جمع الوقفة داير يديه وراه وحدر راسووو...هز ايدو ورتب على كتفوو " 
عبد العزيز......هاكدا نبغيك اولدي جيب لعز لراسك وعائلتك....وخلي كلشي داير ليك حسااب وكلمتك مسمووعة زمان الصعيب والوقت خايبةة الحمية تغلب السبع ولمكنتيش ذيب ياكلووك ذياااب...ترجل اولدي وكون ظهري نعول علييك في حياتي وفحتى مماتي ...تكون اب تاني لخواتاتك وتخلي رجالاتهم يخشاو تقليقتك وتكون هيبتك دييمااا حاضرة بيناتهم ..ومتخلاش علييييهم تحت اي ضرف ...متخلاش عليييهم تحت اي ظرف ...متخلاش عليهم تحت اي ظرف ...
حل عينيه في فزع وتسارعات دقات قلبه في انفعال ، استيقظ عقله لكن كان باقي في ظلام مدة قليلة وفتح عينييه ببطئ كيدوور عينيه في جناابوو في حيرة..حرك سبابة واستعاد جزء من احساس ديالو بجسموو...لقى راسو ممد على سرير ومحاط بالالات....زعج مسامعو صوت خافت جاي من بعيد ولي كان مصدر ديالو صوت جهاز القلب لي ستقرو دقاتو.....طلع نفس وخرجها سخوووونةةةة من داخل ديااالوووو ....وهو كيشووف الاطبة تجمعو عليه 

سليمان......." شاف فيهم ونطق بصعووبة ".....شي حد يطفي هاد زبل صووتو ضرني فرااسي .. 
قرب منو الطبيب هاز في يديه سماعات القلب وبيل كيبحث فييه ماغافل على تا تفصييل الشيء لي طلع الدم لسليمان ودفعو ببطئ عليه 
سليماان......اش كااااين لاش هادشي ؟؟
-.." مشا لرجليه كيتحسسهم" ... سي سليمان باش كتحس ..
سليمان ..." شافيهم بتخنزيرة ونطق بحدةة " شي واحد فيكم يطوع و يشرح لياا 
-..." شاف في الأصدقاء ديالو و خايف يكون داكشي لي في بالو هو لي واقع " ...سي سليماان نتي درتي حاادثة سير هادي شهرين 
سليمان....." باستفسار هز حوااجبوو "....شهريين !! يعنيي ...
- "قااطع كلاموو.".... داكشي لي توقعتي هو لي طرا ، نتا اموسيوو كنتي في غيبوبة لمدة شهرين ..وكنا حتى فقدنا الامل انك تفيق لكن بالقدرة الإلهية الحمد الله هانتا معانااا ..
سليمان ... " بسخرية "...شهرين كلها تبارك الله .. 
الطبيب ... "رجع لفحصوو الروتيني "...واخا تقوليا اشنو سميتك و كنيتك و وواليديك شكون 
سليمان ..." هز يديه و حطها على شعرو " اسي الطبيب راني عاقل على كل شي وتا هاد الكسيدة عاقل عليها و وباش تأكد نهار طرات كنت كنبرم في جواان 
- ."حبس الضحكةة ملي سمع كلاموو واخا ريحووو "... واخاا هادشي مزيان .. " عرا ليه على رجليه " ... واخا تقدر تحرك رجليك 
سليمان ..." هز رجليه تالسما وخبطها " ها هي حركتها 
-..."ضحك على حركتو " على سلامتك اولدي
سليمان ... " صاط نفس سخوونةة "....الله يسلمك .. 
ضار الطبيب تكلم مع الفرملية لي كانت معاه و علمهم ينقلوه لغرفة عادية و يعلمو عائلتو بلي فااق .. وبالفعلل داكشي لي كان تنقل سليمان لغرفتو وتلقى الرعاية الازمةة واخا مرة مرة يتعصب عليهم و ما هي الا دقائق تا السبيطار تكسر بالزغاريت و بصوت ام جريحة كانت تطلب الله غير تشوف عوينات ولدها محلولين.. تلقات ليهم الممرضة في الطريق وراتهم الغرفة ديالو و بركات ليهم و كملات طريقها وصلوو لغرفة وكان اول الواصلين هو عثمان ما دق ما تسنى فرع الباب و دخل بان ليه صاحبو مجبد ولابس تيشورت في الخزي و كيشوف لي جيهة شرجم كيف سمع الحس دور وجهو لعندهم 
عثمان ..." دموع في عينيه " صاااحبي و خوويا .." تلاح عنقوو" على سلامتك !! 
سليمان ..." بادلو العناق " ... الكلب تگعد خنقتيني هههه ...
"بقا كيضحك معاه تا سمع تزغريتة من مور عثمان" ... احح ناري مليكة الحب ديالي غتخلي الطبا يجريو علينا 
مليكة ..." قربت ليه و الدموع غسلوو وجهاا تتبكي و باغا تحط يديها عليه و خايفة تعگرو " هء هء هء الله ياا ربي كنحمدك ونشكرك قوليا اكبيدتي باش تتحس واش نقيصك راني موحشاك وباغا نشم غير ريحتك .." شد ليها يديها و جرها خشاها في حضنو كتشم ريحتو وتحمد الله لي مرحمهاش منو " ... الله على الحبيب الله و شحال توشحت عويناتك 
سليمان ..." بغى بتمازح معاها " ... زدتي فيه ا مليكة كنت نغبر عليك اعوام 
مليكة ... احياني اوليدي راك تتغيب و كنسمع صوتك ماشي مرمي ليا في السبيطارات و شي كيقوليا غيفيق و شي يمسح ليا السما بليگة .. كنت نطلب الله غير نشوف عويناتك والى بغات تجي الموت مرحبا بيها
سليمان ..."باس ليها يديها " الله ينجيك لياا الحنانة .. ولدك سبع ما تخافيش عليه .
بغى يسولهم على صفاء حتى سمع التنخصيص مور الباب .. مقدراتش تدخل تشوفو حتى تفش قلبها بالبكااا .. دار لعند عثمان و قاليه يدخلها عندو .. مشا عثمان حل الباب غير جات عينيها في عينيه و هي تزيد فييه 
صفاء ..." حلات دراعهاا و قاصدااه " خوووووويااا هء هء هء .. ياك اخويا بغيتي تشوويني يااك 

سليمان ..." معنقها بدورو " شووت صافي المسطية ماالي مت. هاني فقت ورجعت ليكم و سكتي صاافي 
صفاء ... غير خليني اخووويا نبكي و نفش قلبي منهار طحتي و انا دمعتي مجموعة خليني نخرج نرتاااح .. خلاها على خاطرها تاا تفشاات و مطلقهاا حتى ضحكها ..
بقاو جالسين مجموعين سولهم على شيمااء وخبروه بلي جايا في طريق احلام الوحيدة لي مقدرش يسول على مكاانهاا خايب ليتخدل 
دخل الطبيب لي بدورو زاد فرحهم و علمهم بلي في يومين يقدر يرجع معاهم الدار .. شكراتوو مليكة على العناية لي عطاو الابن ديالها 

.......

في دار أحلام لي كانت تتوجد راسها باش تمشي السبيطار طل على حبيب قلبهاا .. لبسات وتقادات و كأنهاا متأكدة غادي يشووفها .. دازت لعند مهاا عطاتها دواها و علماتهااا انها غتمشي تشووفو .. ووصلات مريم عليهاا وخرجت شدات طاكسي نيشان لعندوو .. كيف دخلات مشات الغرفة الاعتيادية ديالو .. غير حلاتهاا طاح قلبها مع الحلة .. مشات لبلاصتووو لقاتها مجموعة و مقادة وهو مكاينش 
احلام ..." بداو دموعهااا نازلين كيف الشلال و تتويل " ... اويلي اويلي هء هء هء لا يا ربي دي عمري قبل منوو يا ربي يا ربي ميكونش هادشي لي فبالي طاري يا ربي ..." طاحت على الفراش تتجبد فيه وتفوت حتى دخلات عليها الفرملية " 
الفرملية ..." مشات نوضاتها" .. اختي رجوع الله مالكي درتي هاد الحالة في راسك 
احلام ..." بغات تسولها و خافت من الجواب" ... ع عفاك هاد السيد لي كان هنا فين هوو 
الفرملية .. كتقصدي سليمان .. راه حولناه لغرفة ثانية

احلام ... غرفة ثانية علاش اختي اشنو طرا ليه حتى تحولوه ..." بداو دموعهاا ثاني نازلين وشدات ليها في يديها " .. انا مزاوگة اختي متخبيش عليا...غير قوولي ليا لي كاااين 
-تهدني اختي لمووسيوو الحمد الله راه فاق و حل عينيه ..وباش تأكدي اجي معايا نوريك الغرفة ديالو 
احلام ..." مصدقاتش شنو كتسمع ...رجليها حساات بيهم مهازينهاش وحساات براسهااا فاشلةة " ... واا واش بصح اختي فااق ..
" شدات فيها كتطلب "...هانتي شوفي يدي ورجلي كيترعدو غير قوليا ليا اشنو كاين ...
بلا متجاوبها الفرملية سعداتها تا وقفاات وجراتها معاها حتى قرباتها الغرفة ديالو ..
- .. تقدري تأكدي بنفسك .. " بناسمات ليها وخلاتها واقفة على الباب و مشات .. بقات متبعة ليها العين حتى ختافات و قلبها غادي يسكت ....ستنشقاات الهوااء وحطات ايدها على بواني مغمضة عينيها وحلات الباب ...وهو يطيح نظرهااا علييه بان ليها متكي مجمع وكيضحك ...حسات بالقوى ديالها خارت وغوتات بصووت ضعييف 
احلام......س سليمااااان 
" غير نطقاات اسموو ونزلات مغمي عليها في الارض ...
مصدقش شنوو شافت عينيه ....بانفعال لاح الغطا و تگعد بغا ينووض حبسوو عثمان بايديه خايف عليه ولكن محارش فيه دفع ليه يديه وناض مسرع.... كانت سبقاتو كل من صفااء وشيمااء ختوو لي كانت كرشها لفمها اما مليكة محيلتها لاحلام ولاا لسليماان....تحنى لمستواها وزول شعر على وجها وبدا يضرب ضريبات خفاف ".....أحلام ، احلااام.....
" بغى يهزها وهي تعونو مليكة حطوها على فووطوي بقات شوية وهما يسمعووها كتنين ...
احلام......سليماان ممتيش يااك ...سليمان 
مليكة....." بدات تمسح ليها على شعرهاا "....بسم الله عليك ابنتيي فيييقيي...
" حلات عينيها بشوية وهو يبان ليها من جديد وعطاتها لبكى "....
أحلام ..." باقا على نفس الحال و هضرتها تتقطع " هء هء هء ياك ياك هوو يااك اخالتي هوو فايق يااك 
مليكة ..." وقفاتها و قرباتها ليه " اييه هوو لي فايق على سلامتك و سلامتنا احبيبتي .. طلقات احلام من مليكة و تقابلات معاه كان واقف حاط يديه وراه وكيشووف فيها عاجبو الحال حيت خاافت علييه 
احلام ..." قربات منو و حطات يديها على وجهوو ودموعها دايزين وهو غير كيشووف" س سليمان
"و تتسمح في نيفها هاد الحركة لي جابت ليه الضحكة ولكن جمعها " حبيبي فقتي 
سليمان ..." حيد ليها يديه من وجهو " شكوون انتي اختي 
احلام ..." بحالا شديتي فردي و خويتيه فيها طلقات منوو و كحزات لور شوية ".. لا لا الا هادي لا هء هء هء " دارت لعند عثمان " عثمان شوووف اخويا نساني ياااك 
عثمان ..." لي شداتو الضحكة و غمزو سليمان " ... صبري اختي احلام هادشي لي عطى الله 
احلام ..." طلقات من عثمان و مشات لسليمان شداتو من يديه " .. شوف فيااا وتفكررر... ياك ا سليمان نسيتي أحلامك ياااك هء هء " هبطت راسها مقلقة "
مليكةة......اويلي اوليدي ولي بكاتو عليك هاد الهبيلة ...سول عليها غا حيووط سبيطار يشهدو كانت تصبح هنا وتمسي هنااااا الله يسمح لينا منها

سليمان ..." جرها تا قربها حدا وجهو و هز ليها راسها " تنساك الموت العمر ديال سليمان .. نسى سميتي و منساش حب عمري ...
غير سمعت هاد جوج كلمات تلاحت تعنق و تبوس ليه في وجهو و راسو ويديه محاايرة في حد ولا مسووقة لييه كانت فرحانة برجوعووو وممصدقاش 
أحلام....... الحمد لله لي ربي حفضك ليااا "وعات براسها وشافتو واقف وهي تغوت تا قفز "....اويييلييبي شفتك والقف زييد ترتااح 
" جراتو تا لبلاصتو وقاداتو لاحت عليه ليزار مرة تقاد لمخدة هنا مرةة تسولو اش بغى من لهيه...وهو عاجبو الحال وفرحان باهتمامها بييه دوزو ديك العشية معااه فرحانين و ضاحكين و كيعاودو ليه شنوو كانو كيديرو باش يقدر يفيق ... حتى نطق بالكلمةة لي خلات شي كيشووف فشي 
سليمان ... مقلتوش لياا شكون هااد العور لي بغى يصفيهاا ليا 
" بغات تهضر احلام وهو يوقفها عثمان مربط ليه على كتفو"
عثمان.... تانتا تتقلب على الهم ..نوض بعدا و خرج من هاد الحبس و ديك ساع سول 
سليمان ......" خنزر فيه ".....واااش خدا لازم ولا لااا 
احلام......" بصووت غالب عليه الحزن"...متخافش اسليماان.راه محبووس داابا وكيتعذب وندمان على شنو دار 
سليمان....." رفع حاجبو وشافيها بتسااؤل "....ونتي باش عرفتي هادشيي 
مليكةة......كنعاودو ليها اولدي راه دارت بووم....." بغات تقلب الموضووع ".....مهم رتاح نتا انا نمشي نوجد باش ندير شي صدقة راني واعدت بيهااا زيدو معايا البنات..." شافت في عثمان "...ونتا زييد وصلني....
سليمان......جيبي ليا معاك حوايجي الوااليدة باش نبدل واخا ....
مليكة......راه ديك بلاستيكة لي حداك فيها شي حاجةة ...ملي سكعتك فقتي فكرت وهزيت شي بياسات مهم هاحنا مشيينااا 

توادعو معاه وخرجوو خلاوه غير هوو وأحلام ...هاد الأخيرة لي كانت جاالسة في الكرسي حداه وكتلعب بيدوو ....هز صبعوو وبدا يدووز على وجهاا وهي كتبتاسم لييه 
احلاام......توحشتك بزااف اسليمااان 
" خدات يدو لعندهااا وبااستها من لداخل وبداو يسيلو دمووعهاا "......شنو قال ليك رااسك هاا ؟؟ تغيب وتخليني وراك كنتعدب انا قلتهاا ليك قبل الا تخليتي عليااا غنتبعك مافيهاش...
ربي لي كان عالم بحالاي كيف كانت هاد ليام.....لگانه بقات عندي لااا عقل وليت بحال مسطي غادا في شارع ومشايفاش قداامي هء هء 
" خلاها تبكي تا تفشت وناض تقاد في الجلسة ووقفها جارها لعندوو كيطلع يدو وينزلها على ظهرها بطرييقة خلاتها ترخااات .. مد يدو الثاانية حاوط بيها وجهها و قربها لعندو أكثر .. حط جبهتو على جبهتها و نييفو على نيفها .. عينييه مبااشرة على عيويينااتها لي مخبيين دمووع الفرحة ..
سليمان .." كي نديير نخليك!! كين لي كيخليي روووحو و يمووت!! 
احلام .." حطات يدها على ذقنو برقة" الله ينجييك احبيبيييي .😣
زاد قرب لييها و يدوو تتحسس تقااسيم وجهها لي توحشووو ... طبع قبلة فجنب شفتها خلااها تغمض عويينااتها و تسرح معااه .. زااد قرب شفاافو لشافايفها و بااسها بووسة رقيييقة حنيينة عكس العااصفة لي كاانت بدااخلوو خلااها تحس بگااع أحسيسها مختلطة علييها .. بلعاات رييقها .. بقااو مدة على دييك القبلة حتى فصلها و جذبهاا فجأة لاحضاانو لعله يسكت انيين روووحو و مطلب جسدوو بضمها ..أماا هي دقاات قلبهاا ازدادوو فحاال لا كيقرع الطبوول مااشي تيدققق ..تآاااوه بخشووونة و زااد ضمهااا بقوووة و دفن رااسو فرقبتهااا و خلا ريحتها تتخلل أنفوو و تخدروو أكثر كانت بحال لادرووگ بالنسبةة ليه لي كيرفعوو لسابع سمااا وكيخلييه يغيب وفي ملاذ اخوور

《آول مرة شفتك...تمنيت ماتكون 
آخر مرة ..فرحان حتى عرفتك...وقلبي مفتون ...من آول نظرة...آول مرة القلب رتاح...والكلام تقاضى...يوم تلاقينا كان آجمل يوم...والحب..آه الحب...عليك وعلي نادى...عندي هدية للزمان...اللي بك لاقاني....ونشكر بزاف لمكان ...اللي فطريقك داني
...قبل منك كنت إنسان....تايه يحسن عواني....وجات ليوم لفراح .وتقاضات جميع آحزاني...واعدني تبقى جنبي
وعمرك ماتنساني.....طول ببنا العشرة...نكون آنا عنوانك....ونت تكون عنواني 》

دوزات معاه نهار تاا سالاتو مسخاتش بيه ولا بغات تفارقو حتى بان ليه راح نهار وجاي بلاصتو ظلام عيط لعثمان يجي وصلهاا وداكشي لي كان .
مشات احلام لدار و الفرحة ماسيعاهااا ... كيف دخلات دازت الصالون لقات مريم جالسة و حاطة يديها على وجها و تخمم .. تلاحت عليها معنقاها وبدات تنقز ..
احلام ... مريم مريم مريم .. سليمان و اخيرا فااق اختييي و هضر معانااا 
مريم ..." بحالا تخوا عليها سطل الما بارد ناضت واقفةةة شادة فيها شدة لعمى في الظلمة " اربي واش بصح فااق .. الله يا ربي و على خبار شحال زوينة .. ايوا قولي ليا قلتي ليه بلي خالد لي ضربو ياك غيسمح لييه 
احلام..." حيدات لافيست وتنهداات مقردة الأرض " لا مافراسوش اختيي بغيت نكون انانية و نقوولها لو ملي سوول بالحق قاطعاتني الام ديالو لأنو الى عرف بلي خالد خويا لي ضرب غادي يسامحو و هي باغاه يتعاقب وحلفات لبابا وتحداتو ..
داكشي علاش ضربت طم وسكت اش نقووليه وهو عاد حل عينيه شنوو نبان قدامهم فحالا گاع داكشي لي درت على قبلو .. غير باش يمسح لخويا وانا ربي لي كان عالم بحالتي بلا بيه 
مريم ..." بانفعال ".... ولكن ااحلام راه خوك كيتعذب و اش يهوون عليك يترمى في الحباسات .. مغتقوليش ليا غتفضلي سليمان عليبه 
احلام .....مريم مقدرتش نكون انانية ونفكر فراسي وفي سعادة عائلتي ....ايه هداك راه خويا واخا گاع المشاكيل لي دار ليا الا انه كيبقى من دمي ..
لكن انا حاليا مغنقدر نقوليه والو بغيتو حتى يتحسن ونعاود ليه كلشي وديك ساع ياخد هو القرار بنفسو
مريم ....." جمعات الوقفة غادا خارجة من البيت "...ماشي مشكيل اختي لي بان ليك ، نخليوه مرمي تما...
احلام....." وقفتها "....اش هاد العضرة امريم واش بنت ليك انا عاجبني الحال راني كنتضر كثر منكم وربي لي عالم بحالي قلبي كان مقسم على زوج....وسيد عاد فاق نقوليه راه خويا سبابك سمح ليه وتناول ...
والله مقدرت تيقي بيا ...راني فكرت فيها وﻻكن ملي شفت اعتراض مو وصاحبو في عينيهم كمدتها في قلبي وسكت...
مريم...." مكتشووفش فيها "...ماشي مشكيل اختي يصااوب الله

○●○● أصبحنا وأصبح الملك لله ○●○●

بداااية يوم جدييد مشرق في حيااة أحلام ...حساات بأصعب هم نزااح على كتافهاا واخا مزاال قلقها على خووها مستمر لكن كانت متفاائلةةة فااقت وقامت بروتيناتها الصبااحيةة واهمه حاجة توجهات للقبلة حمد وشكر للمولى عز وجل ...عاد مشات توجد لفطوور....لقات فاطمةة فايقة ومهموومةةة وحاطة يدها على وجههاا
أحلام...." تنهدات عاارفةة شنوو بيهااا وملاقية ليها الجهد ".....ماال فطوومتيي مقلقةة 
فاطمةة.......وكيف بغيتيني نكون ابنتي وانا عارفة ولدي مبقاش حر طليق ومابيدي منديير 
احلام....." باست لييها راسهااا " .....كنواعدك اميمتي غيخرج من تما غير تيقي بيا ، واش انا غيهوون عليااااا خووياااا وزايدوون عندي ليك خباار غتفرحك 
فاطمةة.....شنوو هي 
احلام.......سليماان فااق من الغيبووبةة ورجع حسن من قبل 
فاطمة......" طلعات النفس وهبطاتها باريحية "....الحمد لله ابنتي ديني لعندوو ابنتي 
احلام......ماشي دابا امي تاا يخرج لداارو ونمشيو لعندوو 
" سمعات صوت وراها "
مريم.....انا غنمشي لدااار نطل عليها راه ديت معايا دراري...

" حركات ليها احلام راسها بالايجاب ورجعات كملات فطوور لي تناولاتو هي ومهااا اما محمد كاان خارج من نهار تشد ولدو ولا مقادرش يجلس في دار...عيطات احلام على المرا لي كتجلس مع مهاا بينما جات مريم عاد توجهااات لمشفى...لقاتها مطوقة ولي دازت من حداه هاز حلاوي في يدييه ...اما عرفةة سليمان عمرات ورد وكولوارها كان في بووفي مشكل من حلوياات وهادشي كلو كان من تحت راس مليكةة وعثمان فرحانين برجوعو ليهم من المووت...دخلات لقاتو غاسل ومبدل حواايجو ومقااد شعروو ولحيتوو ناقص منهم وريحةة عطروو فايحةة في الغرفةةة ....
احلام...." غادا قاصدااه وكتغمز في مليكة باغا تشد فيه " .....فيناهو سليماانيي ..ويلي واش غلط في لمكان...." تمات غادا قاصدة الباب وهو يشر عليها بوردة "
سليمان..."هاز حواجبوو "......تريگلی جات معااك 
احلام......" غادا مبتاسمةة لعندو "...نتا لي جيتي معايا...." حطات شفايفها على حنكو مطولة البووسةة "....كيف صبحتي ليووم...
سليمان.....باغي نخرج من هاد زبل حسيت براسي بحالا نافس ومع هاد شي لي دايرة لواليدة كملات ...
مليكة....خرج وطل كلشي عاجبو الحال ...." هزات صاكها ودارت شافت في احلام "....مزيان ملي جيتي ابنتي بغيتك تمشي معايا نقضي واحد الغرضض وباغاك فيه 
سليمان....." قبل متجاوب احلام نطق هوو "....لفييين الوااليدةة 
مليكة...." شدات في احلام من يديها "...شغوول لعيالات هادااا...." خنزرات فيه "...جلس ورتاح ليك تعتب الباب نقوول طبيب يزيدك سيمانةةة 
" خرجو وخلاوه باغي يااكل رااسوو وزاد كمل عليه الاتصال لي جااه "
سليمان .. وي .. اش تما!؟
كلاوس .. وايلي اصاااحبي .. هكذا غاترد عليا و انا متصل نسول عليك !! حشووما!!
سليمان .." بنفاذ صبر كلاوس .. لخص اش باغي!؟ مافايقش ليك ..
كلاوس .. وا صاحبي بغينا غا نقولو ليك على السلامه!! .. ملي وصلووني الاخباار بلي فقتي و انا تنتصل و عاد تكرمتي و حليتي دااك تيليفوون .. 
سليمان .." ضحك بالجنب .." خراوها ليك دغياا؛!
كلاوس .." بقهقهة" .. بحاال الى ماتاتعرفنيييش ..؟!هه اي حااجة تتوصلني في رمشة عين .. 
سليمان .. وااخة اسي الواعر ااش خصك دابا!
كلاوس .. اوكي .. كنت بغييت نفكرك بلي الخدمة معاياا بقاات فالنص ووهادي مااشي عوايد الكووبرا .. اذا صحيتي اول حااجة ديرها هي تشووف خدمتك ..!!
سليمان .." زير على يديه و عض على سنانو بعصبية .." مليوووم مرة قلت لييك نهاار غانبغي نرجع مااغاتحتااجش تقوولها ليااا .. و دابا قوود عليا .. 
كلاوس .. وااخة اسيدي .. قبل متقطع تهلا فأحلام ..طحتي على الزين .. ...ههههه بااينة فيها كاتبغيك .. 
سليمان .." غوت عليه مكرهش يخرج ليه من تليفون " ......اللله ينعل الز*** لي حطك القوااد 

قطع الإتصاال و دمو فااير بالأعصااب .. رما التيلفوون فووق الطبلة ديال الأدوية و حط رااسو تكااا مغمض عينييه تيحااول يستجمع أنفااسو .. 
...........

كانت غادية جااية فدارها بحييرة .. ملي عرفاات بلي سليماان فااق و حل عينييه ..اجتااحتها فرحة و عمر قلبها بالأمل على الأقل اذااا مشاا تا عرف ممكن يدير بوجه احلام و يساامحوو ... ولكن فااش عرفاات بلي احلام رفضاات تخبروو حالياا قررات انها غادييير لي فباالها و تمشي تحاول تقنعو ..لبسات جلابيتها لي ولاات وااسعة عليها غير بهم هاااد الأياام لي تحبسهم خاالد .. رمااات عليها شاالها و خرجات ماقاالت لحتى وااحد فييين مااشية... 
شداات طااكسي و اتجهاات ديريكت للكليينيك لي نااعس فييه سليماان ..

شداات طااكسي و اتجهاات ديريكت للكليينيك لي نااعس فييه سليماان .. اختاارت وقييتة الغدا لي الكل فيها تينزل للكافيتيريااا .. اتجهاات دييركت لعندو بعد ما سولاتهم في الاستقباال على الغرفة ديالو .. عطااوها الرقم و مشاات ديرييكت وقفات قداام باابو .. ترددااات .. ااش غاتقوول ليه سمح للي دخلك للكلينيك و نعسك فيييه !! ولا شنو دير هادشي كلو داار فباالها ولكن كي رجعات تفكراات حاالتها و وليدااتها لي غادي يتوصموو باسم بااكم حباايسييي فورا دقات الباب و دخلات بعد ما سمعااتو سمح لييها .. 
مريم .." قربات ليه شوية بشوية " .. خويا سليماان .. كي بقيتي!!
سليمان .." طلع فيها حجباانو فالاول ما حققش فيها لكن فااش حقق عرفها تقلد في الجلسة وتكعد " . الحمد لله اختي ، دخلي !!
مريم .. سمح ليا جيتك فهاد الوقيتة ياك ما كنتي تدير لا سييست !!
سليمان .." ابتسم بالجنب" .. لا سييست شبعتها هاد الايام .. غير خودي راحتك .. 
مريم .." زادت قربات و وقفات حداه" .. طمني عليك!! وليتي شوية !!
سليمان .." حرك راسو بالايجاب" .. نقولو الحمد لله .. حسن من الاول طبعا ..
مريم .. ااحمد لله .. خلعتينا عليك اخويا .."كاتفرك فيديها معارفاش منين تبدا " .. خصووصا احلام .. تخلعات عليك بزاف .. مكاانت لا تتنعس ولا تاكل ..ماكاتفاارقكش.. حدها جالسة حداا باابك و كادعي لييك .. دمووعها مانشفووش . 
سليمان .. " تنهد و ضهرات على وجهو شبه ابتسامه بلاما يدوي " .....
مريم .." توثراات" .. احم .. كاتبغيك .. 
سليمان .." حرك راسو يمين و شماال مقتنع بالنتيجة .. لكن النظرة لي كانت في عينيها مااشي ديال وحدة جااية تقوول ليه الحمد لله على سلامتك. . " .. ااش بيك!! بغيتي تقوولي شي حاجة .. غير دوي !! حسيتك ممرتاحاش 
مريم .." جرات الكرسي لعندو و جلسات بقاات تاتشووف فيه" ماقالوش ليك مع من درتي الحادث !؟
سليمان .. " طلع فيها حبانو'' .. كاتعرفيه!!
مريم .." بلعات ريقها و طلعات فيه عينيها المدمعيين .." .. وعز المعرفة " تنهدات ورجعات كملات "..باات ولادي .. و راجلي .. 
سليمان .." تقااد فالجلسة و برق فيها عينيه بصدمة" .. كيفاش!!
مريم .." نزلو دموعها و حركتت راسها بالايجاب" ..احلام ماقاالت ليك واالو بااش ماتضغطش عليك تتناازل ليه .. و انا عاذراها ولكن تا انا بغييت شي حد يحس بياا .. انا عارفة بلي بكلاامي غانباان لييك انااانية بزااف .. ولكن .." مسحات دموعها" .. ولكن انا كانبغي خاالد و هو كوولشي فحيااتي .. خالد كان مهتم بياا و دايرني كيف بنتو و انا مكنتش مهتمة .." مسحات دموعها" .. ولكن فااش طراا لي طرا .. هءهءه .. عرفت قييمتو .. خاالد مشدوود فالحبس و اذاا ماتناازلتييش ليييه غايضييع مستقبلوو .. 
سليمان .." صغر فيها عينيها و رجع تكى ببروود " .. اكييد ماجاايااش تقوولي ليا نتناازل على حقي لدااك لي خلااني كوومة هاد الاياام كااملة و عذب الوااليدة و خووتي .. " سكت شوية و نطق " .. و احلام !! ..
مريم .." نطقات برجااء" .. اناا عاارفة بلي غلط .. ولكن .." بلعات ريقها" تييق بياا مااشي لخااطرو و ماداارهااش عن قصد .. انااا ضغطت علييه مؤخرا بزااف .. و نهاار ضربك كنت انا قاايلة لييه كلااام مس رجوولتو بزااف .. كسرتو بزااف و خيبت املوو لدرجة مشاا شرب .. سكر و طراا لي طراا .. داكشي علااش جييت و كلييي امل فييك اخوويا .. الله يعطييك كل ما تمنييتي .. نبووس يدييك. غيير ههءء .. غير تناازل عاافاك .. قلبي كيتحرق علييه كل نهااار كل نهاار شووف حاالتي كي ولااات .. اللقمة مابقااتش تتبغي دووز ليا من غييرو .. مااشي سااهل علياا نشووف فرااجلييي محبووس و حاالتو حاالة .. باارااكا عليينا غير المصييبة ديال الخدمة لي جراااو علييه منها .. مابقيييناا عارفيين تا منيين غانااكلوو .. عاافاااك .. شووف من حاالي .. و حاال وليدااتي .. الله يعطييك ما تمنييتي .. وتا ميمتو معذبةة واحلام برااسهاا كتعاني غير مكمداها في قلبها 
سليماان .." عزاات علييه وطاحت في بالو احلام وشنو كتحس فدااخلوو مابااغيش يسمح لييه .. " ..ااييه يا الاياام ..هاد خالد هو لي كان دخلني لحبس وتشديت فيها بشهوورة .. "ضحك بالجنب" .. الدنياا دووارة وجات تال عندي . 
مريم .." مسحات دموعها و ناضت وقفات " .. يمكن غلطت فاش جيت نطلب منك تسمح ليه .. الحمد لله على سلامتك ..

خرجات منكسرة ... اااخر امل عندها ماابقااش . يمكن كانت متوقعة قلبوو يحن .. ولكن فااش دواات معااه و شاافت الاستهزااء و البروود فعينيييه و نبرة صووتو .. عرفااات بلي كيف ديما تتقوول احلام .. قلبوو حجر ...حناات رااسها و رجعااات لداارها و ولاادها ..
امااا هو خلااتو عقلوو ماهنااش.. كيفكر كيفااش القدر انتقم ليه .. و كيفااش العداالة الإلاهية انتصراات ليه و ورااتو نهار فلي عيبو علييه فيووم من الايااام و قاالو علييه حباايسي و مجرم .. !! .. مع ذلك و مع كااع داكشي لي قاالو و داارو لييه .. قلبوو ماهنااهش . اييه سليماان متيرحمش ولكن مااشي سليماان لي يجي شي حد يطرق باابو و يسدوو علييه .. خصووصا انه خوو أحلااام .. 
خذاا تيليفوونو و ديك السااعة اتصل بالمحااامي ديالوو على الفوور ..
سليمان ..وي استاذ .. 
المحاامي .. سي سليماان .. الحمد لله على سلامتك .. فرحت لي وليتي بخير .. 
سليمان ..شكرا يحفضااك .. 
المحامي .. كنت ناوي نجي نزورك اليوم و لكن عندي ما يداار فالمحكمة بخصووص القضية ديالك بين الشخص لي ضربك .. مشيت بلغت بلي فقتي و غانبداو فالمحاكمة معااه .. 
سليمان .. وقف كولشي .. 
المحامي .." باستغراب" .. كيفاش !! علاش شنو طرا!!
سليمان .. وقف كولشي قلت ليك بلا اسئلة .. الشخص لي درت معاه ااحاذث من العائلة دير لي قلت ليك 
المحامي .. ولعجب .. الام ديالك كانت مصرة انكم تتباابعووه قاانونياا و قااالت بلي مستحيل انكم تتناازلو على الدعواا و خصو يااخذ جزاائو. 
سليمان .." شااد رايو بزز باش ميتعصبش .." .. واخة .. شكون تيخلصك !! انا ولا الواليدة!! مع من خداام!! انا ولا الوااليدة!!! كلام من خصوو يتسمااااع انا ولااا الوااليييدة!!
المحاامي .." .. احم .. تهدن اسي سليماان .. ميكون غير خاطرك .. انا غانخبرهم بلي غاتناازل .. 
سليماان .. مزيان .. " عض شواربو" و حاجة اخرى .. عرفتمهم جراو عليه من الخدمة ..
المحامي .. طبعاا اكيد غايفصلووه عليه فووت اكثر من شهر فالحبس ..تا قطااع ماغايقبل ان ااموضفيين ديالو يكونو خريجيين سجون .. 
سليمان .. انا عارف بلي معارفك كثار .. و غاتقدر تحلها ..توااصل معاهم و قوول ليهم بلي من طرفي و كان الخطأ منا بزووج .. 
المحامي .. ولكن راه ..
سليمان .. " قاطعو" .. مانبغي تا ولكن ..شووف انا ختااريتك النهار الأول حيت عارفك كاتخدم عقلك مزيااان قبل ماتخطي الخطوة .. و عارفك تدخل من عيين ليبرا .. حااجة بحاال هادي اكييد ماغاتكوونش صعييبة علييك .. و الأتعاب ديالك غاتاخدهم مدوبلين و نتا عارفني مزيان .. سخي. .
المحامي .. واخة اسيدي .. غانشووفو كي ندييرو نتدخلو لييه يرجع لخدمتو بقا لينا غير على خاطرك ..
سليمان .." ابتسم بالجنب .." .. يله بالي. 

قطع معاااه و حط تيليفونو حدااه .. بقا مدة بووحدو تيفكر فهاد الأحذااث لي قلبوو مواازين قصتو مع عايلة احلام .. بدل ما كاان هو فعينيهم المتهم !! ولاو هووما المتهميين .. و ولا ليه عندهم دين .. صعييب يردووه .. ولكن كييف كيرجع و يقوول ااي حااجة دارها فقط على ود أحلام .. ..كي جاات على باالو دخلاات عندوو بشوية و تتسحب يصحااب ليها نااعس ..

احلام.....نتاا فايق عند بالي ناعس...
سليمان....لش بغاتك الواليدةة 
احلام...." مشات جلساات حدااه وتكات على كتافو " شغل لعيالات...
بقات سااكتة حس بيهااا شي حاجة شاغلاهااا وفرحتها ناقصةة 
سليمان....مخبية عليا شي حااجةة ااحلام ...؟؟
احلام......." شافت فيه وتقادات معاه "......لا شنوو غنخبي عليك....
" بعدات وجهها حتى دورو لعندو معصبب "
سليمان........معنديييييييييييييش مع لكذووووووووب ، قوولي اش كاايين
احلام .."بلعات ريقها و شافت فيه" .. ويلي مالك تعصبتي !! ماكاين والو قلت ليك!؟
سليمان .. " زاد عقد حواجبو و شدها من درااعها زير عليها" .. شووفي فعينيي يالله .. شووفي ..!! 
احلام .." شافت فبه و هربات عينيها .." هاااني .. ياااه ..
سليمان .. "طلع فيها حواجبو "دوي ..قولي ااش عندك .. اش مخبية بلا ماتمرضيني احلاام .. 
احلام .. "نزلات رايها" .. سمح ليا ماغانقدرش نقوول ليييك .. واعدت نفسی 
سليمان .." رخف على يديها" .. باش واعدتبها .. ماتقوليش ليا بلي خووك هو لي ضربني؟؛
احلام .." برقات فيه عيينيها؛!! .. هاا .. كيفااش عرفتي .. شكوون قاالها لييك !!
سليمان ..ماشي سووقك كيفااش عرفت .. كاان خصني نعرف منك ..!! واش عند باالك شي حااجة تتخباا عليا!! عند باالكم ماغانعرفش !!
احلام .." حدرات راسها" .. انا مكنتش بااغية نشعلك و لا نأثر عليك ..
سليمان .." بانفعااال" ..انا وياااك واااحد ماااالك مكلخة ماااالك!!!

احلام .." طلعات فيه عينيها " .. حشمت ااش غانقوول ليك!! ماعرفت مانقوول .. 

سليمان .." هز ليها راسها بالسباابة ديالو" .. ااش غاتقوولي .. غاتقولي خوويا هو لي ضربك .. باش نتناازل على الدعوة ..حيت انا و ياااك وااحد .. نتي هيااا انااا و اناااا نتي. . هادي حااجة هصك دخليها لهااد الدمااغ . 
احلام .." تنهدات" ..لو كاان شفتي حاالة خاالتي وخواتاتك و نتااا طاايح كوومااا غاتعرف علااش ماقلتش لييك .. انا مااشي اناانية .. لاا .. انا مقتنعة بانه كل مذنب خصوو يااخد جزاائو .. وااخة يكوون خووياا ..خاالد غلط .. و داار جرييمة وااخة ماايكوونش قااصد .. المهم انه غلط .. اذاا خصوو يتجاازاا و القاانون قاادر يجاازييه ... ااه قلبي كيتقطع علييه اااه خوويااا و اقرب النااس ليا ولكن خوويا كاان غايكوون السبب فموت حبيبي لولا لطف الله .. 
سليمان .." ابتسم بالجنب" .. غير كاتخراي وحق الرب .. وااش بيني وبيينك هادشي!؟ خووك غلط معاايا اايه ولكن انا ماشي بحالو عاارف كينين اسبااب خلاوه وصل لديك الحاالة ..اييه غلط ولكن مااشي لدرجة نحاسبو بهااد الطريقة
احلام .. " شافت فيه بعيييون كيبرقوو" .. خالتي بغااتو يتعاقب 

سليمان .. " عقد فيها حواجبو" .. انا مكانعرفش هاد الهضرة .. كانعرف تااا حاااجة ماااتخبااا عليااا و السلااام .. خاالد كيبقى خوك .. خو مرتي .. 😉
احلام .." توردو حنيكاتها" ..صاافي رتاح دابا
سليمان .. " غمزها " .. قربي بااش نرتااح .. ..
احلاام .." زادت قرباات .. تنهداات و ابتسماات بحب" .. توحشتك بزااف اسليماان ..متخاايلش قدااش توحشتك... كنت غانمووت هاد الاياام من خووفي علييك ..
سليمان .. " مد ليها يديه شد يدها و جرها عندو تا كانت غاطيح عليه " ..فين كانت هاد الهضرة قبل ..!! امم ولا خصني تا نموت و نحيا عاد تحني فيا !؟ كانعقل اخر مرة تلاقينا كنت مضاربين على دااك الز .." سكت قبل لا ينطقها" .. يااكماا عمرووو دوااا معااك ولا تعرض ليك!!
احلام .. " ضحكات بخفة و حركات راسها بنفي" .. لا عمري شفتو .. 
سليماان .." صغر فيها عينيه" .. ياك ما تصل بيك؟؟
احلام .. " بنفي.. " توتو .. ههه ..جامي. . 
سليماان ..نعرفوو قرب ليك ندوووز على دييلموو .. 
احلام .." برقوو عينيها بالدمووع لي حاابسة .. بقاات مدة تتشووف فيه قبل ما تنطق " .. بغيت نعنقك .. !!
سليماان .." لمعوو عينييه و البؤبؤ وسااع".. الله يا ودي .. " كحااز شوية بصعووبة لكن قدر يخلي ليها المكاان فين تجي .." .. اجي عندي اااجي .. 

قربات عندو و جلسات فوق البيااص شاافت فييه بخجل و دورات راسها تا تكات حدااه عاد دارت عندو عنقااتو و استنشقاات رييحتوو من جدييد .. 

احلام ..عمرك ديير لياا بحاال هكذاا نمووت فييها نموووت .. ⁦😣😣
سليمان .." ضحك بخفة" .. عمر الشقي بااقي ..غير تهنااي .. ماغانمووت تا نشرف و نشرفك معايا. 
احلام .." ابتسماات من بين دموعها .. " .. الله يخليك لياا يا ربي ..

رجعاات حطاات راسها على صدرو .. حساات بالسكيينة و الرووح رجعاات لقلبها بدقاات قلبوو .. كل ما تاتشووفو فاايق تتحمد الله و تشكرو انوو زاادو فالعمى و ماحرمهااش منووو .. اماا هو ابتسم و ماضغطش علبيها تيعرفها تاتحشم بزااف وااخة بعد المراات تتدفع الجبهة ولكن تاتبقى احلام ديالو الحشوومية لي كيعرف كييفااش يخليي حنيكاتها يتوردوو بالخجل .. دوزااات معااه ديك العشية كااملة و تا حد ما قد يدخل عندهم لأن عثماان شاافهم كي مرتااحين و منع دخوول اي وااحد خدم معااهم عساااس لا هو لا شيمااء .. بقااو على ديك الحاالة تا وصلات الوقيييتة لي غادي يخص احلام ترجع فيها للدار ..عيط سليماان على عثماان يوصلها عاد دخلات عندو هو مو بقاات جالسةة معااه شوية. . 

يوووم جديد .. اليوم السعييد لي الكل فرحااان بوصوولو .. كي فاق سليماان بعد ما قدموو لييه الفطوور .. جاات العائلة كيف العاادة و هاد المرة مااشي للزياارة و إنما بااش يدييوه .. جابت ليه مو الحواايج ديالو فالصااك .. لبسهم بعد ما فطر فطوورو فجو زويين مع عائلتو الصغييرة .. اتجهوو ديريكت للسياارة لي طبعا ساايقها عثماان .. و من تما مشااو ديريكت للداار باش يرتااح كي دخلو مع الدرب ديالهم بدااو النااس تيتجمعو على السياارة كي خرج بدااو تيجييو يسلموو علييه شحاال من وااحد فرحااان برجووعوو .. 
خصووصا انه سليماان كان تيديير الخير فالنااس ديال الدرب و شحاال من عائلة هاازها و كيصيير علييها بسبب الفقر و هشاشة ديال الوسط لي عايشين فيييه ..
تدخلات ملييكة لي مابغاتهمش يزييدو يضغطوو عليه و هو عااد جاي من الكلينييك عيااان .. فرتكاات الجووقة غير بالفن و شكراااتهم ..دخلو للداار و اتجهوو للصاالون لي كاانو الطباالي ديالو كااع مجهزييين بالشهيييوااات و كل ما كيحبوو الخااطر .. الحلاااوي و المملحاات ..لي يتحل عليها الفم يلقااها و كااع داكشي لي كيبغي سليمااان .. 
سليمان .." كينقب من الطبلة" .. لاش هادشي كاامل الوااليدة .. 
مليكة .." تجري من هنا و من هنا مااقاادااها فرحة .. " ..فرحااانة برجوووع ولدي .. حمدتك ااااااربي و شكرتك .. 
سليمان .." شد يدها بااسها من الداخل" .. الله يخلي ليك صحييحتك الوااليدة ..
مليكة .. الله يخلي ديييما حسك على خووتك و علياا اولدي حبيييبييي ..
تجمعوو كامليين فالداار لحقاات عليييهم حتى ختوو شيمااء و الزوج ديالها .. و عثماان تا هو جااب معااه شيمااء .. لمااا لااا و سليماان صح بعد ماا كاانو كيضنووه موحاال يعااود يفييق .. الفرحة ديالهم بيييه كبييرة بزااف .. 
اكيييد مااشي غير هوووما .. احلاام بدورها كي فااقت اتجهاات للدووش ضرباتها بتدويشة و اتجهاات للبلاكار ديالها ختاارت لبيسة لبساتها و نشفات شعرها بالسووشواار .. طبقاات على وجهها ميك اب خفيييف جدااا ولكن حمرات الحنيكات مزياان بااش يزييد يطيييح عليها السر خصووصا انها بيضااء البشرة ديرة فحال ديال الوليداات الصغاار اي حااجة تتجي معاها ..
هزاات صااكها و تماات ناازلة من الدرووج اتجهاات للمطبخ صاايباات الفطوور مجات فين تكمل حتى فاقت مريم وفاطمةة اما محمد فكان جالس في صاالون كيقرا في القران ..تجمعو على الطبلة يالله غيباشرو فطوورهم وهما يسمعتو صووت الدقان ...مشات مريم هزاات لاباراي ....
مريم.....شكووووون ؟؟
خالد ..........فتحي الباب هاداا اناا 
مريم....." شادا تليفون بايديها وكتنقز"....خاااااااااالد اويلي وااش هربتييي 
خالد......." دوا كارز على سنانو ".....حلي لباب !!
فتحات ليه لباب وبدات تغوت تا كلشي عرف برجوعو ....ناض محمد تلقى ليه في الدرووج ....
محمد........ولدي !! 
خالد......" تلاح على باه عنقو وباس ليه يديه "....هاهو ولدك الواليد تطلق سرااحووو...
محمد....." بدا يبكي "....على سلامتك اولدي على سلامتك 
" قاطعهم صوت فاطمة جايا تنووح عاد لحقاات عليهم ..."
فاطمة...." بغات تنوض كون ما يد احلام لي تلقات ليها طييح "...الله على وليدي رجع ليااا هء هء على سلامتك...
" حط صااكو وتلاح عليها باس ليها يدهاا ورجليها وتحنى على ركابيها حاط راسو عليهم "
خالد.....سمحي ليا الوااليدة دوقتكم لمرار معايا ولكن ماشي لخاطري ومكنتش قاصد ....
فاطمةة......غير ملي رجعتي لوليداتك هاداك هو الفضل وراس الماال ...
كانو كيهضرو ومريم كتبكي اما احلام متكية على لحيط وحابسة دمووعها بزز ....وقف باش يدخل لصالون وهي تبان ليه ...جر ختو لعندو معنقهاا وبدورها كانت محتاجة دااك الحضن الأخوي لي توحشااتو

....وقف باش يدخل لصالون وهي تبان ليه ...جر ختو لعندو معنقهاا وبدورها كانت محتاجة دااك الحضن الأخوي لي توحشااتو 
احلام....." طبطبات ليه على كتافو "...على سلامتك اخوويا ، زيد دخل 
...دخلو لصالون وتوجهو لطبلة لفطوور تجمعو عليها وهاد المرة دايز ليهم....
محمد......كيف درتي تا خرجتيي اولديي...وعلاش المحامي مقال ليا والو 
خالد...." كان كيلعب بيد ولدو لي هاز "....خرجت حيت سليمان تنازل لياا وكلف محامييه يعجل بخرووجي داكشي علاش مسقتوش لخبار 
فاطمةة......مسكييييييين الله يرضي علييه ياربي 
محمد........كيخصنااا نمشييو نتشكرووه ونشووفووه وقف معاك اولدي كون ركب راسو وقرر يبقى داير دعوة لعلم الله شحال غتحبس 
مريم....." نقزات ".....احلام غادا تشووفو ليوم نمشيو معاها منها نشووفوه كيف بقى ومنهى نتشكرووه ...
محمد...." سكت شوية ودواا "......وجدو رااسكم لعشيةة حناا عندهمم ....

" مشات أحلام لبيتها هازة تلييفون باش تعلمو بلي مغتجيش دابا تا تجي مع دارهم...."
سليمان....." كان شادو في يدو غا صونا جاوب "...فيينك ابنتي
أحلام.....مجاياش...
سليمان...." تعصب "...وعلاش ؟؟
أحلام......تال لعشية وغنجي ولكن ماشي راسي انا وداارنااا " بغات تشد فيه "....نااوية نخطبك من عند خالتي ملييكةةة ...

و حين يسألوونك عن جهاد النفس الحقيقي .. أخبرهم أن اصدق الجهاد هو قدرتك على أن تبقي قلبك مليء بالأمل و التفاؤل بغد أفضل ..أن تجعل قلبك نقيا و صاالحا للحياة .. 

اذا مكانش الأمل فحياتنا كونو على يقيين انها غاتكون بدون معنى .. غانكونو مآمنين كل يوم انو عمرها غاتعطيينا الأفضل بل غاتخلينا كل نهار عايشيين فحزن .. احلااام مع كل هاد المصااعب لي عااشتهم من نهار عرفات سليماان او بالمعنى الأصح من نهاار بغاات سليماان و عطااتو رووحها و قلبها .. ماعمرها استسلماات و دائما مع كل دمعة كاانت تتقووول داباا يجيي الفرج .. دااباا ربي يحن ..
بعد ما وجدو العائلة كاامليين رووسهم .. خدااو زوج طاكسيات بما انهم كثار و ميمكنش طاكسي وحدة تهزهم عطاوهم العنواان و توجهوو ديرييكت لداار سلييماان ..الطرييق كااملة و احلاام معااه فالميسااجات كل مرة تضحك و يدور بااها يشووف فيها ولكن مكيعلقش و مكيقوول ليها والو .. كي وصلوو خبراتو انهم قداام البااب كاامليين .. و نزل بنفسو استقبلهم و رحب بيهم على عكس مقاابلة محمد ليه فكل مرة كاان تيجيي لداارهم بااش يطلب يدها منو .. كل مرة تيزييد يتبهر بالتعامل ديالو و بالرغم من داكشي لي دوز عليه كامل مزاال تيحدر راسو احترااما لييه ... ..
رحب بييهم و طلعهم للدار.. عاون خالد حتى طلعو فاطمة بالكرسي ديالها بحكم الدروووج ... دخلوو و حلوو فييها فمهمم بمعنى الكلمة .. ماكاانوش متوقعيين دييك الدااار لي شاافووها من على براا تكوونوهي نفسها هادي من الدااخل .. اصلا الحي كلو ماعاطييش ديك الصوورة انوو ممكن تكوون فدااخلو داار فحاال هادي .. دخلوو لصاالونن لي يمكن قد دارهم كاملة ..الصاالون بووحدو يجرييو فييه الخيل .. هذاا غير الطباالي لي معمرااهم ملييكة طبعااا عمرها ماتبغيي وجهها يصفاار وااخة قدااام شي حد مابااغياااش وجوودو فداارها ولكن كوولشي تيدووزووه بجغييمة ديال المااء على ود احلااام.. جلساات العاائلة بعد مااا رحب بييهم سليماان و خواتاتوو .. عاد دخلات مليكة محزمة و مرزمة شاافت فخاالد بحدة و جلسات حدا ولدها بعد ما القت عليهم السلام .. 
مليكة .." وجهات كلامها لفاطمة" .. مرحبا بييك اختي فاطمة .. و ربي يشاافيك من عندو 
فاطمة .." ببشااشة" .. اميين الحبيبة .. و تا نتي حمد لله على سلامة ولدك. ربي لي شااهد رااه كييف ولدي ..ومكنتش سايقة لخبار لهادشي لي طااري تال هاد ليام وقررت نجي نطلب منو سماحة ويمسحها فياا 
مليكة .." طلعات و نزلات فخالد لي كي شااف نضراتها لييه نزل عينييه حشماان منها" .. تا احلااام بنتك بحاال بنتي و كوولشي كيدووز على وجهها ربي لي عالم بمعزتها .. اي وااحد يحط سليماان فعينييه نحطو انا فووق رااسي و لي دارتو معانا فالكلينيك مااشي قليل .. 
احلام .." ابتسمات و اتجهات لعندها جلسات حداها" .. ربي يخليك اخاالتي .. شووفي .. خاالد رااه و الله ماا خاايب ... غير المشااكل لي كاانوو سبااب .. ماتحقدييش عليه الله يعطييك الخير .. 
مليكة .." تنهدات" .. خوووك .. كان غايقتل ولدي .. و صعيييب نساامحو . وااخة سليماان ساامحو و لكن قلبي انا قلب ام كاان غايتحرق على ولدها صعييب تساامح .. 
تنهداات احلام و طبطبات ليها على بديها .. مابغااتش ضغط عليها لأنها عاارفة وااش فعلا تعذباات ملي كاان سليماان طاايح كوومة و فعلا كانت فحالة يرثى لها ..يمكن لو كاان طرات شي حااجة لسليماان تا احلام عمرها كانت غاتساامح خاالد .. .. اما سليماان .. كان حااط رجل على رجل بطريقة مفرقة و رجوولية و مااد يديه على المخدات باريحية .. كيشووف فعيوون الموجوودين بكل ثقة فالنفس و كبرياااء خصووصا محمد و خالد .. 

محمد .. " بخجل" .. حنا عارفين بلي ولدنا غلط .. و اليووم ماجينااش غيير باااش نشكرووكم .. و انماا انا جيت بااش نعتذر ليك اولدي شخصياااا .. على كل كلمة صدرات مني فحقك .. و على كل تصرف غير لايق تصرفتو معاك من قبل .. 
سليمان .." ضحك بالجنب" .. حنا البشاار هكذا مكاانعرفوو بناادم تا كايدير معانا المزيان .. 
محمد .. فعلا ..و البني ااادم خطااء .. و انا معترف بالخطأ ديالي لأني فعلا ظلمتك ماشي مرة مااشي زووج .. و دابا تبثتي ليااا بلي نتا حسن مني ان الانساان مااشي بالمظهر ديالو كيتقاس و أنما بدااخلو و قلبو .. 
مليكة .." تدخل سريع" .. و بعد شنو عرفتي هاادشي الحااج!! بعد ما ولدي كان غايمشي فييها !! .. اييه ياا زمن .. تعقل نهار جييتك انا ولدي .. دقييت باابك .. و رضيتيني .. سديتيه فوجهي و مارحمتيش ... و هانتاا اليووم فدااري .. 
محمد .. الله غفوور رحييم الحااجة .. 
مليكة .. هذااك الله عز وجل .. انا غير عبد .. و العبد قلبووو صعييب يحن خصووصا الأم فلي آداا ولدها .. 
سليمان .. الوالدة هاد الهضرة غير زايدة دابا مكين لااش تقال .. لي طرا طرا و الحمد لله ما وقع والو .. 
خالد .." كان غير كيدور فعينييه تا سمع شنو قاال سليماان و هو يتكلم .." ..الحااجة .. اناا عارف وااش غضباانة علياا .. تيقي بياا انا ماقاادش نساامح رااسي و كون طرات شي حااجة لولدك مكنتش عاارف ااش كنت غانديير حييت الرووح عزيزة عند الله و مااشي سااهل تقتلها .. انا عارف مزياان بلي ماكرهتييش لو كنت محبووس و كانااخد الجزااء ديالي و لكن تيقي بياا هاد الايااماات لي تحبست كانقسم ليك بالرب الى كاانو اكفس اياام حيااتي دوزت الجحييم فييهم .. بالنسبة لوااحد غادي تحت الحييط حيااتو كاملة هادي تجربة صعييبة بزااف عليااا .. كاانو عندي مشااكل و دخلت فبزااف ديال ااحواايج انا مااشي قدهم .. انا عارف داكشي لي درت كلو غلط و خصني نطلب السمااحة حتى من واليديااا مااشي غير منكم حييت هادشي لي درت لا يغتفر .. ولكن انا طاامع فييك واااخة غيير تحااولب تديريني ولدك و تفهمي الموقف ديالي .. وااخة ماتساامحينييش ولكن غير حااولي "شاف فسليمان".. خاي سليمان .. الحمد لله على سلامتك ..
سليمان ..." طلع فيه عينيه و شااف فيه مخنزر .. ماحاااملووش ولكن ضاااغط على رااسو .." ..
خالد .. سمح ليا بالزااف على داكشي لي طراا .. ماكنتش فالوعي دياالي .. ..عاارف هضرتي تقييلة علييك .. و حشماان منك الصرااحة ماعاارف مانقوول .. ولكن غايبقى هذاا دين فرقبتي .. و لي بغيتييها انا موجوود نفدييك بااشماا طلبتي. . لي درتييه معااايا عمريي غانسااه لييك اخااي .. 
سليمان .." جمع يديه و حطهم على ركابييه .. طول فييه الشووفة و شااف فأحلام لي ابتسماات لييه .. " .. نجييكم من اللخر ..خصكم تعرفوو كاااملبين ان اي حااجة درتها مااشي على ودك نتا و لا على ود تا حد .. على ود احلاااام .. غير سميتها عندي نعطي علييها حياتي كاملة .." حمر فييه الشووفة" ..شفتي لو كان ماكاانتش هي بربي ما نرحمك ..حيت مااشي سليماان لي يخليي حقوو ولكن على وجهها كوولشي يدووز .. 
فاطمة .. بغات تكسر ديك الجو خصووصا بعد كلاام سليماان" .. لالة ملييكة .. شنوو ماغاتضاايفيناااش غانخرجو من عندك ماشااربينش تا كويش ديال اتااي .. 
مليكة ..ناضت بالخف اتجهات للميدة لي كانت فيها الصينية" .. الله يا ودي مرحبا بيك اختي .. داارنا معرووفة بالكرم .. 
احلام .." نطقات بدون ماتحس متمدح في حبيها ليهمم " ..ااه بصح اماما .. خصك تعرفي كي كيعااملو سليماان فالحي .. كل داار هنا لييه الفضل عليها لي رااجل ميت كيقووم بييها و بولاادها لي خااصااه خدمة كيخدمو لي خااصوو الدوا يجييبو ليه المهم مااكيفووت تا حد من ولااد دربوو ..
فاطمة ..تبارك الله .. تبارك الله .. الله يرضي عليك اولدي .. 
سليمان .." ابتسم ليها و ناض اتجه لعندها باس ليها يديها " .. الله يبارك فيك اميمتي كي بقيتي شوية مزياانة!!
فاطمة .. الحمد لله اولدي ملي شفتك وااقف على رجليك وليت حسن .. 
سليمان .. انشاء الله دابا نرجعو نشووفوك تا نتي وااقفة على رجليك .. 
فاطمة .." ابتسمات ليه و طبطبات على يدو" .. انشااء الله اولدي ..
خاالد و بااه بقااو غير كيشووفو لأنهم ماعندهمش علم بتوطد العلاقة بين سليماان و فااطمة .. جاتهم عجب الطرييقة بااش كيدوي معااهاا ولكن تا حد فيهم ما قدر يعلق ولا يقوول تا كلمة .. شكرااتو مريم تا هي و خذاا من عندها ولدها بقاا مدة كيلعب معااه بحكم انه عزاز عليه الوليدات الصغار و تا هوما دغيا تيولفووه .. كانت احلااام اكثر من فرحاانة و هي تاتشووف العاائلااات بزووج وااخة كاان توثر وااضح بين الطرفين ولكن على الأقل تجمعو فووق طبلة وحدة .. فينما كانت تتشووف فيه و تبتسم تيغمزها ماقدرااتش دوي معااه قدام الاب ديالها تا هو مااحكرش علييها ..خصووصا ان ديك الجلسة مكانتش ديال الهضرة فأي مواااضيع ثاانية ..
ضاايفاااتهم مليكة و صفاااء .. ماقصروش معااهم وااخة هاازين من خااطرهم لكن كيف قاال سليماان كولشي يفووت على وجه احلااام .. عطاوهم وقييتة جلسو فييها الحلقة كانت دايرة الاكثرية على فاطمة و احلاام هوما لي تلقااو احسن معااملة لا من مليكة ولا من سليمان وااخة خاالد و محمد تا هوما تعااملو معااهم مزياان لكن كاانو وااخديين على احلام و الأم ديالها اكثر ..

ارتاح ضميير خالد بعد مزاار سليماان وطمن عليييه....اول مرجعو من عندو هز ولادو وقصد داارو هارب من اسئلة باه لي كيستفسرو على سباب لي وصلووه لديك حاالة بعدما كان صلااة مكتخطاهش ولا لكااس معمر يدوو .....هز لغطى ومشا لصاالون ينعس تحت نظرات مريم لي متصدماتش من تصرفوو 
.. بعد ليلة خايبة عليهم بجوج وصلت السبعة ديال الصباح فاق خالد على صوت تليفوتو كيصوني ..جاوب و سمع احسن خبر في ديك الفترة لي كيدوز من حياتو .. ناض كيجري وفرحان دخل الطواليط قضى حاجتوو .. ومشا لبيت النعاس حلو بشوية باش ميفيقهااش ..معند بالووش بلي هي منعسااتش من اصلو.. سمعت لباب تحل بشوية و دارت لعندوو ..
مريم .. خالد ؟؟
خالد .." بلا ميشوف فيهاا مشا الماريو يجبد الكوستيم ديالو .. " ... عيطو ليا الخدمة باش نرجع البوسط ديالي و نستأنف الخدمةة .. غير رجعي تنعسي نتي 
مريم ..." لاحت الغطى عليها و مشات وقفات قدامو " ... خالد واخا نهضرو شوية 
خالد ... مريم ممساليش دابا راك سمعتي كيف قلت ليك انا خارج الخدمة .." كتن كيدوي وكيلبس وغير شاف تحكيرها عليه وقف وتكلم " قبل منخرج بغيت نقوليك شي حاجة غتريحك الى كانت عيشتك معايا امريم خانقاك انا مستعد نعطيك حريتك وتعيشي خياتك كيف بغيتي ومعامن بغيتي 
مريم ..." حسات بخجر دگ ليها في قلبها " احم شنو قلتي ؟؟
خالد ... كيف سمعتي مهم الكورة ها هي عندك بغيتي حريتك انا مستعد نعطيها لييك و تقدري ترفعي دعوة الطلاق اليوم 
مريم ..." حركت راسها الجنب باش مطيحش دمعتها " احم لي بغيتي اخالد تديرو ديرو .. 
خرجات و خلاتوو يكمل لباسو و هي مشات الكوزينة كتحجج بالفطور وهي غير مهربة دمووعها عليه مطلقتهم بأريحية حتى سمعات باب الزنقة تسد.. جلساات على الكرسي وبدات تشهق ..
ياااه اخالد شحال وليتي قااصح..!! شنو لي بدلك قدرتي بهاد السهوولة تقوول هاد الكلمات بعد ما جيت عندك و طلبت منك السماحة و اننا نساو لي فات .. و جالسة كنفكر كيفاش نرجع علاقتنا حسن من الاول .. ولكن نتا تتفكر في الطلاق وضربتي كااع لي دوزنا فعرض الحائط بزوج كلمااات ....
" نوخات وبطات على خاطرها وملقات غير أحلام تشكي ليها حيت فاضت بيهااا صيفطات ليها مسااج ومشات تركنات كتسناهاا 
....

غادية في طريقهاا لدار خووها و تتهضر في تليفوون مع سليماان حبيبها و الضحكة مخطياش محياها ..فرحانة حيت حاسة بلي قريب الدنياا تجي في صفهم ...نهاو حديثهم بعد ما تافقو في لعشية يتلاقاو في قهوتهم ... قطعات معاه و خشات تليفونها في صاكها و كملات طريقها و هي كدندن ... كيف بغات تدوور قف عليهاا شاب شعرو زعر شادو بلاستيك .. وعينيه زرقين وواشم دمعة تحت عينيه .. منظروو غريب على البلاصةة 
احلام ..." هزات عينيها فيه مخنزرة وفي نفس الوقت خايفة حيث شكلوو مكيرحيش " ... واخا تحيد من طريقي عفااء 
-" زاد قرب ليها " ... و الى محيدتش شنو غديري الزوينة هااا ..." عض على شنوفتو التحتانية " 
احلام ..." دفعاتو عليها " ... اش هاد قلت الآداب غتحيد من قدامي ولا غنجمع عليك عباد الله 
-" نتر من گاروه على وجها "... لي في جهدك ديریه ونقووليهم بلي كنعرمها وطماعة دات فلووسي وشووفي شكون يصدقوو "بدا كيدوز لسانو على فمو بطريقة مقززة " 
..." كتفات بصمت و قلبات طريقهاا راجعة حتى شدها من دراعهااا ودورها لييه وهو ضاااغط على دراااعهااااا ، غوت في وجهاااا" ...وااااش قلت ليك سيييريييي 
احلام....." بدات تحيد ليه في يديه ودور في راسها شكال ويمسن على وعسى يدووز لي يخلصها منوو ولكن تاا حد مافي قلبو الرحمةة "....حيد عليااا يديك وطلققق مني ولا مغيعجبك حاال ...شكون نتا لي موقفني واشنو بغيتي منيييي ..." خنزرات فيه دلفعةة جبهة ودايرة فيها واعرة وبنت الوقت وهي داخلها عالم بيه غاااا الله "
- اوووه و مروضك مزيان براڤو عليييه 
احلام ... علامن كتهضر شكون كتقصد 
- " حط يدو على حنكها وضرب ضريبات خفاف بصباعو ".... وصلي تحياتي لكوبرا وقووليه كلاوس كيسلم عليك و كيقووليييك تشيتشيليا كتسناااك 
.." جبد شعرها لعندو سمو وزاد وخلاها غير مصدومة و كتشووف و يديها كيترعدو "

طوول الطرييق وهي كتفكر في الشخص لي تسلط علييها حتى وصلات لدار خوها حلات عليها مريم الباب وعطاتها لبكا أحلام معرفات باش تبلات ....بقات مصدوومة وكتحاول تفهم منهاا اش وقع حالتها نسااتها لي طرا ليهاا من شوية دخلاتها لصالون حاولات تهدييهاا باش تعرف سباب الخللة لي وصلات ليها 
احلام ..." جابت ليها كاس دلمااا " .. هاكي شربي و تهدني و قولي ليا شنو كاين ؟؟
مريم ..." مسحات دموعها وبللات ريقها تا رجعات فيها الروح عاد جوبتها " .. خوك ا احلام قاليا الى مكنتش مرتاحة نرفع دعوة الطلاق 
احلام....." عضات شفايفها وعلات حواجبها مستفسره عن رأيهاااااا ". ..ونتي اشنو قررتي 
مريم ..." ضربات على صدرهااا بقلة حييلة "......اويلي اختي على شنو قرررت ...واش انا جالسة هنا نطلب الله وندعي يرجع لينا ويفك سراحو على ودي انا ووليداتو وناوية ليام لي جايا تكون حسن ليا معاه وهو هادشي لي قدرو عليه الله ....صاافي مبقيتش ساوية عندوو حتى ستةة زرييعةة 
احلام ... " كتحاول ترضي لخواطر وتصفيهم "..كون مكنتي ساوية عندو ميقوولش داك لكلام ...راه الى جينا نشوفو وتمعنااه غنلقاوه كيفكر لييك مدام قالك الى كنتي مخنوقة معايا يعطيك حريتك .. اذا راه باقي كيفكر لييك و كيبغيك ... 
مريم......." بدات تبكي " ...اشمن كيبغيني ....لي كيبغي مغاديش يقدر يتخلى ، واخا نكون انا لي باغا نطلق ولكن باين ليا خووك توحشت تازوفريت وندم من زواجو بيااا وقرر ينقذ راسووو ويصييع 
احلام....." تنهدات ".....هاد الهضرة لي كتقوولي فيها ممنها والو وانا متاكدة غير غيكون لاح ليك دوك زوج سطوورة يقيس ليك النبض اما ميسخاش بيك...." قربات ليها وعنقاتها "...صافي مسحي دموووعك ونعلي شيطان وان شاء الله مغادي يكون غير لخير وغتقوولي قالت احلام...لعشية يرجع من الخدمةةة ضاحك ناشط مأنو منطقش بهاد الكلام من اصلووو 
مريم...." حطات راسها على كتفهاا ".....ان شااء الله ياربي 

بقات احلام مع مريم لي غا كتشكى ومعجبها حال أما هي كان مرة عقلها معاها مرة يهرب ويفكر في الشخص لي وقف علييها الشيء لي كيخلي الخوف يتسللها ملي تطيح في بالها فكرة انو ممكن يديرو لسليمان شي حاجة...
ودعات مريم وخرجات لدارهم قضات شنو تابعها من غدا وشقى...وكلات الام ديالها وغسلات ليها...بقاو مجمعين حتى وصلها مسااج من عند سليمان بلي كيستناها في القهوة لي كيجلسو فيها...لبسات حوايجهاا بخفةة وشدات طاكسي صغيير نيشاان لعندووو 

وصلات لقاتو كيتسناها كيف العادة ..جاااالس في مكان مقنت بعيد على البشااار تحنات لعندو سلمات عليه عاد جلساات 
سليمان ..." شد ليها حنكها بيدو" .....بخيييييررر 
احلام .....صافا ونتا كي وليتييي 
سليمان.......هو هااداك ...شنو تشربي 
احلام ... على ذووقك بالحق تكون شي حاجة باردة .. 
هز رااسو بالايجااب وطلب ليها اش بغات ..
سليماان.......ايوا فين كنتي هاد صبااح 
احلام....." تخطف اللون من وجها بحالا مرتاكبة شي حاجهه " .....هااااا شكووون انااااا ؟؟ 
سليمان....." حط يدو على حنكو مستغرب "....مالك قفزتيي كاينةة شي حااجةةة طرات 
احلام......" هزات قرعة الما نزلات عليها وحطاتها قداام طبلةة "..شنوو بغى يطراا كاع والو مشيت غير عند مريم كانت مقلقة ورجعت بحالي...
سليمان......واخااا 
احلام...." بنرفزة "....شنووو متيقتينييش ؟؟
سليمان......قلت ليك متيقتكش ؟؟ " حركات ليه راسها بلا "....ايوا تكمشي وسكتيي 
طول الجلسةة ووسط حديثهم ثار نتيباهو انو جالسة متوثرة وغير تدور في عينيها و تتفرك يديها شي لي خلاه تكى على الكرسي و حط يديه على دقنو و متبع ليها العين حتى ذاقت بيه 
سليمان ... مغتقووليش ليا اش بيك الالة " رشف من قهوتو و غمزها " 
احلام ... ااا .. لا والو اش غيكون مالي .. نوض يا الله نغيروها من هنا ولا يا الله نمشيو نجلسو في دارك حسن نبقاو على راحتناا 
سليمان ... اياه وصلنا لداري گاع " وقف وهز سورتو بغى يخليها على راحتها حيت شااف عدم ارتيااحها فديك البلاصة ".. نوضي الحاجة مبقيتيش تتكونطرولي وضبري راسك معايا
" شدات ليه في دراعو ونزلو لباركينغ خداا طوموبيلتوو ركبووها وكسيراااا غادي في طريق حتىى كسر صمت 
سليمان ... نسيت مقلتش ليك غدا وجدي ليا راسك .. غنمشيو الڤيلا لي حدا البحر 
احلام ..." كتاكل في ظفارها "..
شكون غيكوون 
سليمان ... عثمان و شيماء غنديرو شي جليسة نديفوولاي ... حركات راسها بالإيجاب و كملو طريقهم و هي مرة مرة كدور موراها تشووف واش شي سيارة تبعاهم ... حتى فرانة سليمان بجهد 
احلام ..." شدات في قلبها " اويلي ا سليمان بشوية قلبي غيخرج 
سليمان ..." كيشوف ليها في عينيها باش متهربهمش " ... شوفي فيا نتي !! راه كاينة عندك شي حاجة اذا يا تخوي المزيودة ولا نعرف نخويها منك راسي 
احلام ... و مكاين والو ا سليمان معرفتش علاش باغي دير انو كاينة شي حاجة...
زفرر باعلى صووتو وكسيرااا سليمان بدوون ما يجاوبها بحتى شي كلمة .. هزات عينيها فييه لقاتو عاقد حواجبووو و قلب يا الله غتهضر معاه حبسهاا بيديه 
احلام ... س 
سليمان ..." هز يدو حابس كلامها " ... بلا متهضري عارفاني مكنحملش الكدوب .. عرفتي شنوو " دار دوني توور تا كان يتهيأ ليها غتقلب طوموبيل شدات في قلبها من الخلعة "...غترجعي لداركم تركني تخلي هاد النهار يدوز حيت تشربنت حتاال غدا و يحن مولانا كمل طريقوو لدار احلام .. اما هي ضربت الطم ما هضرت ما زادت حرف فوق كلامو .. كيف وصلهااا لدارها هبطت و كسيرا خلا غا العجاج موراه خلاها غير تتشوف تأفأت دخلات سلمت على مهاا و من وراها طلعت لبيتها جبدت تليفونها تتعيط ليه وهو كيقطع حتى وصلها مساج منو فيه تبدل ساعة بخرا

اشرقت شمس يوم جديد على أبطاالنا .. سليماان لبس و وجد بااش يدووز على احلام كيف اتفق هو ويااها وخاا مزال كاعي على لبارح بالحق ميك وحاول يتناسى و هي كي فاقت دخلات لدوش قضات حاجتها و غسلات وجهها و سنيناتها .. خرجات ديريكت لبسات حوايجها لي كانو عبارة عن كسوة قصيرة لاسقة عليها فوق الركبة و عليها جاكيط زيتية مع سبادري فالأبيض .. صايبات شعرها و دارت مكياج خفيف دارت كاسكيطة بيضااء على راسها توجهات ديريكت للكوزينا فطرات مع فاطمة و محمد ودعاتهم عاد خرجاات فاش صيفط ليها سليماان ميساج بلي وصل للدرب ديالهم ..
خرجات من الدار طبعا محمد ماعارضهاش لأنها خذات منو الإذن فالليل و قنهاتو بطريقتها انها خارجة مع صحاباتها يفوجو و يبدلو الجو ديال هاد الأياام لي ضغط على نفسيتها أكثر .. و كذلك فاطمة كاان ليها الفضل انو يقتنع .. 
كيف العادة مادخلش للدرب كي وصااتو بااش مايجبدش ليها شي صدااع مرة اخرى .. اتجهاات عندو لقااتو فالمكاان لي قالت ليييه .. كان دااخل سيارتو لابس تيشرت اسود و نضارات سوود ..كان كيكمي غير شافها و رمى الگاارو من السرجم ..جبد بارفان ديالو من المجر و رشو فالسياارة باش ماتبقااش الرييحة .. 
حلات الباب و دخلات لقات السلام ودخلات وهي كتشووف ملامح موجهو كيف دايرين واش مزال كاعي ولا لا...دعات في خاطرها ميضغطش عليها ويحاول يعرف حيت رافضة تخبرو خايفةة عليه ليمشي لعندهم وتصدق خاسراه مرة اخرة ...
احلام.....صباح لخير 
سليمان .." بلاما يشووف فييها " .. صبااح الخير ...
دارت الصمطةة وكتشووف فيه بنص عين كيفاش غادي مركز مع طريق وممعبرهااش رد ليها البال وهو يدور لعندها 
سليمان .." طلع فيها حجبانو ."..مالنا ياك لبااس !!
احلام .. احم .. اا لا واالو ..
سليمان .. "حط صبااعو فموو" ...واخة الالة .. 
احلام ..اا .. شيمااء و عثماان فينهم!؟
سليمان .. " كيدوي و مركز مع الصووگاان " ..مكين تا عثماان وتا شيمااء .... ناوي نخطفك ..
احلام .." برقاات فييه عينيها" ..اويلي وااش بصح؟؟
سليمان .." شاف فيها مستغرب من ردة فعلها" .. علاش كين شي مشكل ي
باغي نبقى معاك بوحدنا!؟
احلام .." رجعات تقاادات فبلاصتها فاش شاافت تغيراات تقاسييم وجهو و حساات انها بالغت في ردة فعلها " .. لا مكين تا مشكل عادي غير بحيت قلتي لي الباارح انهم غايكونو معانا .. 
سليمان .." ابتسم بالجنب .. " .. غانلقاوهم تيتسنااوناا فالفيلا .. 
احلام .. تتفلاا علياا .. 
سليماان . ..ندوزو بيك الطرييق .." جرات يدو لعندها شابكتها مع يدها و
بقاات غادا فارعة ليه راسوو مسالاتش من الهضرة باغا تموهو على شنو وقع لبارح وهو كان حاس بيها ومخليها على خاطرها .. لكن فجأة ضهرات سياارة تتجاارا ورااهم ..ماحسووش بييها فالاول لكن كي احتكت السياارة مع سيارتهم و شاافت احلام شكوون لي كان فيها كحلاات بالعمااا خصووصااا فاش ضحك لييها و غمزهااا ..نفسوو .. نفس الوجه البغييض .. نفس العيووون الحادتين .. نفس الوشم لي فوجهوو .. .. فجأة عينيها تعرقوو و زيراات على يدوو بالخوووف اماا هو كان ملااهي مع الطرييق

سليمان ...بعصبية خرج يدووو من الشرجم كيعرق و يسسسب و اليد الثاانية تيكلاكصووني بييها " .. الحيواان ماال الزاااامل بوووووك ماكااتشوووفش 
احلاام..." مزيرة على يدييه .." .. سليمااان عاافاااك زرب ماتوووقفش لييه عافااك ..
سليمان .." استغرب من كلامها .. و بقا رااد الباال مع السيااارة و تبييين لييه انه فعلا لاحقهم" .. كاتعرفييه!؟ شكون هذاا .. 
مزال ما كل كلاامو حتى قطع عليييه الطرييق فالوااقع كانوو زوج سيااراات لكن سياارتو هو لي كانت تتحتك بديال سليماان .. هنا سليماان فهم ..و عرف شنوو ضااير .. حيد الصمطة و حل الباب .. دار شاف فاحلام لي كانت مخلوووعة تتبكي و ترغب فييه مينزلش .. 
احلام ...لالا ماتمشيييش عندهم عافاااك اسليمااان ..ماتمشيييش .. 

سليمان .." غوت عليها " .. احلااااام ..ريحي الأرض غانزل نشووف اااش كااين غاتبقاااي هنا ياا ويييل ويييلك و تخرجي من الطونوبييل . هاني علمتك .. 

خرج و سد الباب توجه لعند الشخص لي كان واقف و مسند على سيارتو تيشووف فيه و مبتسم بالجنب .. هاز في يدييه المسدس ديالو و رجالو وراااه .. 
سليمان .. " جاااي ناافخ سدرو و عينييه كيف الجمر ..", ماالناا ااااش كاااين .. موحى !! شكاادييير هنااا
موحى ..ههههههه " قرب ليه " .. كيباان ليا مابلغاتكش سلامي!!
سليمان .." صغر فيه عينيه .." ..اش كاتقصد !!!
موحى...." ضحك بالجنب و شير ليه على أحلام " .. سير سولها اش تانقصد ..
سليمان .." شاف فاحلام و عض حنكو من الداخل " قربتي ليها!! " زاد قرب ليه...
موحى.... " هز يديه الفوق " .. غيير قلت لها تبلغك سلاامي .. و سلام كلاوس ..!!
سليمان .. " عض شواربو بعصبية" .. داب نتا جااي لهنا باش تهددني ياك!!
موحى... .. ابداا .. كلاوس قاال ليك ديير عقلك فراسك .." حط المسدس ديالو فراس سليمان .. " نتا عارف مزياان لي كيقصح رااسو مع هاد النااس ااش كيطرا ليه .. المهم هادي اعتبرها نصييحة .. انا جااي هنا بااش نقوول ليك زووج كلماات قالهم ليا كلاوس .. الخدمة لي خليييتييي مكركرة وراااك تا حد ماااغايلمها غييرك .. رجع و ديير عقلك ..و فأقرب وقت ..
سليمان .." ضحك بالحنب و دوز لسانو على شفتو .. فلحضة شنق عليه لاخر ماعرف راسوبااش تبلا" ..كاتعرف الكوبرا مزياااان ااش تيسوا يااك!!! .. انا ماكانتهددش ..و هاد اليد .."شد ليه اليد لي كان فيها المسدس لواها ليه تا غووت" ..نفلعص ديلمها قداامك ونخليك هاازها .. اليييد لي تمد على الكووبرا قبل متوصل لعندو كاتگرض .. انا عارفك غير كلب من كلاب كلاوس .. داكشي علاش .." طلق منو " ماغانوسخش فيك يدي .. " ..دابا غاتقوود من قداامي وهااد العرض ديال السيرك لي درتي ماتعاودش دييرو .. شووف ليك الجديد اميخي .. غبر من قداامي و قوول لكلاوس بيني وبيينو ليااام .. 
موحى... " خنزر فيه ماحملش رااسو قداام الرجاال لي معااه" .. هااد قصووحية الرااس غايكوون ثمنها راااسك اسييي .." ضحك بالجنب " . الكووبرا .. 
سليمان .."غوت علييه بالجهد" ..الا قدرتي غاا تجرأ يالله تصب قود فحالك 
بعد ما مشاااو اتجه لسيااارتو معصصصصب مكششششكشششش لقى احلام غاتمووت بالخووف هادشي عاادة تتشووفو غير فالأحلام .. و داباا شاافتو فالوااقع ..مع سليماان .. احلام ..ااااش بغاااو .." مسحاات وجهها" .. هااا..اااش بغااو منك ..
سليمان .." مخنزر ضاار عندها" ..علاااش مااقلتييش لياا تعرض ليييك هاد الكللللب هااااا .. 
احلام .." تكمشاات فبلاصتها" .. ماتغووتش عليااا عافااك ..😭😭
انا مابغييتكش ترجع لييهم تاااني .. خفتك ترجع اذاا قلتهاا لييك وااش مشفتييش هاز عليك فردي باغي يقتلك اسليمان 
سليمان .." مسح وجهو بيدييه بعصبية و شااف فيها مدة بدوون ما ينطق " .. ااااش عندك فدااك الرااس غيييير قوولي ليااا ااش عندك
احلام ..... عندي نتا خايفةة عليك 
سليمان .. لا حول الله يا رب .. واش بااغية تخرجي ليا هاد الگراام لي بقاا عندي ديااال العقل ولا كييفااش !! واش تعرض ليييك مافيووووزي و مااااقاايلاااهااش وااش صافاا ولا صافاابااا .. ايييمتااا هادشي طرااا امتااا!!!كيدوي و يضرب فالفوولوون" .. 
احلام .." مااحيلتها تخلع منووو ولااا من ليي تعرضوو ليييهم" .. ا.. الباارح فالصبااح ..
سليمان .."ماكرهش يسووس ليها سناانها" .. هااااا ااش قلنااا كنت عاارفك مخبييية شي مصيييبة .. 
احلام .." جمعاات نفسها" .. داباا وااش غاتخليييي المشكل الرئييييسييي و تبدااا تغووت و تعاااتب فياا انااا
سليمان ..." ديماارا الاوووطو و كسييرا" .. دبااا غيير سكتيي الله يرحم بااك مااتزييدي تا كلمة .. ولا نقلبوو ديلمها هاد الشقفة نتشتتو كاامليين .. 
مازاادتش معااه الهضرة مزاال .. زماات فمها و بكاات فسرها مااشي خوفاا منوو انماا خوفاا علييه هي عاارفة ان المافياا ماكاترحمش و اعماالهم كوولها غير قاانونية مابغااتوووش يزييد يتوورط معااهم .. كي وصلو للفيلا نزلو من الاوطو و هو بااقي على حاالو مكشكش و الخطر بااين من جبهتوو .. لقااو عثماان و شيمااء كيتماازحو فالجردة منااگرين كيف العاادة .. دخل ديريكت للفيلا ماادوا مع حد .. تا هي غي شاافت فيهم و تبعااتو عرفو ان كااينة شي حااجة دخلو و ااهم لقااوهم كيتغااوتوو ..
احلام .. يعني شنوو غااااطرااا دابااا لااش تيصيييفطووو ليييك واااش غايقتلووووك ..اويلييي اسليمااان جاااوبنييي شفتك خايف الموضووع عادي
حاالة من الهيستييرية شدااتها ولات تندب و تغووت حتى خااف علبييها ماتوقعش انها تطييح فهاد الحاالة كااملة. بسبب الخووف .. 
شيماء .. اويلي ااش طااري .." مشات عندها جلساتها على الكنابي و عنقاتها" .. ااش كااين ماالكم ..!!
سليمان .." مشاا جلس قدامها شد ليها يدها و بااسها من الداخل" .. هادشي عاادي ماتخافيش .. لا هو ولا عشرة بحاالو يقدوو علياا؛! .. 
احلام .." عينيها مدمعييين .. واعدنييي وااعدني مااترجعش عندهم عافااااك😭
سليماان ..." خربق ليها شعرها .." بلا مانوااعدك .. ولكن خدمة مغاديش نخدم معاهم مزال .
عثمان .. "حط يدو على كتف سليمان " ياك لبااس!! 
سليمان .. الزاامل دياال كلااوس بغا يعكر ليا الجووو !! 
عثمان .. اش بغا!!
سليمان .." عاود ليه بالتلخيص" ..مصيفط ليا موحى ..!! اوديي .. 
عثمان ..و شنو ناوي دير ..
سليمان .. " دار عندو و غمزو " ..هادشي نشووفو لبه حل من بعد .. جايين هنا ندوزو نهاار و نفوجو .. و نتي نووضي غسلي وجهك باارااكا متغبني علياا هنا قلنا لييك مكين واالو. 
داارت دااكشي لي قاال لييها طبعاا شيمااء ما خلاتها تا ضحكااتها عاد دااتهاتغسل وجهها و رجعو تجمعوو فالجردة ديال الفيلااا ..

بالسييف قدروو يسكتوو أحلام من البكااء .. و مع ذلك الخووف على سليماان و من داكشي لي شاافت باادي من على وجهها .. داكشي علااش شيمااء حاولات تحييد ديك الحوو ديال السكووت لي خييم علييهم .. 

شيماء .. وا فياا الجوووع .. واش جايبيينااا هنا تجوعوونا .. وا قوولو غيير ااش تشربوو ااش تااكلو. .. جايبيين الطريييق بجووعنا تا بيييمو ماشراااه لباا غا نسد بييه معدتي .. 
سليمان .. خااصو يشريي ليك بااش تسدي فمك اما معدتك كاطلب الشرع ..
عثمان .." حرك راسو " .. شفتيي منااش كانعااني ..
شيماء .." ربعاات يديها بطريقة طفولية " .. لهلاا يحييكم بزووج .. وا بغييت نااكل يااه .. 
سليمان .." شير لبها على ااكوزينا" .. فيها كولشي .. سيري طيبي ماتاكلي .. ولا ماعارفتيش كوليه خضر .. 
عثمان ..هههههههههههه
شيماء .." ضرباتو لصدرو" .. تاضحك عاجبك الحاال .. دابا تشووفوو ااش غانطيب يااك احلام .. 
احلام .." كانت ساهية سمعات سميتها و قفزات" .. ها .. اه . 
شيماء .." ناضت وقفات و جراتها من يديها" .. وووهوووه .. نتي كااع ما كينة فكوكبنا .. 
احلام .. فين غودية وا غير بشوية .. 
شيماء .. غاديين للكوزينا ولا ماناااكلووش مانطيبووش .. 
احلام .." حيدات الجاكيط لي كانت لابسة و الكاسكيطة حطاتهم" .. هاني الالة ااش غانطيبو ..!!
شيماء .. " مشات للثلاجة حلاتها" ..نشووفو بعدا شنو كين هنا .. " حلاتها و تصدمات كانت عااامرة و فييها كوولشي " .. اووه قوول ااشنوو مكينش .. " جبدات فخيضات الدجاج من الفريجيدير و حطاتهم " .. غانشرملووهم و نديرووهم فالفراان .. و نديرو كفيتة تا هي راجلي حبيبي سيد الرجال تتعجبو كفييتة مع لا صووص .. 
احلام .." ضحكااتها وااخة مافيها لي يضحك" .. ههه .. مسطية صافي .. انا شنو غاندير .. 
شيماء .. " جبدات ليها الربيع و الثوم" .. قطعي هادوو بينما درت اارووز يتسلق .. 
احلام .. وااخة الالة .. 
" خذات من عندها داكشي لي عطاتها غسلاتو و جبدات القطااعة بداات تتقطع و سااهية .. يدييها كاانو تيترععدوو و ماقاادااش تحكم فالمووس كل ما كيدوووز المنضر لب شاافت قدام عينيها .. " 
شيماء .." شافتها فديك الحالة مىة تهز المووس مرة تحطوو مرة تبدا تقطع و يدييها تيترعدوو كاانت غاتقطع صبعها كوون ماشداات لبها شيمااء المووس" .. اويلي اصااحبتي فيين دماغك كنتي غاطيري صبعك حيدي حيدي انا غانصايب كولشي غير رتااحي ..
احلام .." غسلات يديها و حطاتهم على جبهتها بتوثر" ..دااك المنضر مابقاااش يمشي لي من باالي ..ماقاااداااش مااشي لخااطري .. اووف .. ..ميتة بالخلعة اشيماااء .. عمريي شفت شي وااااحد هاااز السلاااح على وااحد ااخر داباا شفتووو هاازو على سليماااان ..مااقاادااش نتخااايل اذاا وقعات لييه شي حاااجة نمووت فييها ..!! .. اااش هااد الناااس كيعرفاااش هاااد النااس .. 

شيماء .." شدات لها فيدها" ..ماتخاافيش علييه اصااحبتي ..سليماان قااد بشغلووو .. و عارف مزياان ااش تيديير ..حيدي هاد الخووف من باالك ..سليماان ااخر وااحد تخاافي اذا كنتي معااه انا تنعرفوو مزيااان .. 
احلام ..مااشي بيديي ..مااشي بيديي خاايفة علييه منهم انا شفت بعييني جاو تيهددو فبيه اذااا المرة الجااية يعلم الله ااش غايدييروو .. 
في هااد الأثنااء سليماان كاان جااي يشووفهم ااش تيدييرو و وقف عند اابااب تيتصنت لييهم ضرب الباب بيدوو و دخل عندهم وقف قداامها بقاات غا تاتشووف فييه مسحاات دمووعها بالخف .. 
سليمان ...اجي هنا
احلام .." قربات ليه و حانية راسها .. " .. شنو !؟
سليمان .." جرها من قرفادتها و طلع ليها راسها" ..ااش قلنا قبيلة!! واش ماتايقااش فكلامي ولا كيفااش!!! احلااام بلا ماتزييدي فييه و تكبري الموضووع .. انا عارف شغلي ماانييش دري صغيير تخافي عليا لهاد الدرجة .. 
احلام .. " دمعو عينيها من جديد" .. خاايفاااهم ييديييرو ليييك شي حااجة ..
سليمان .. اذا كانت غاطرا ليا شي حاااجة كوني اكييدة بييهم بلا بيهم غاطرااا .. الي مكتاابة غانشووفوووها واخة يوقع لي وقع ...و داباا تركني لرض و مسحي عليا خناينك .. هادشي لي طراا اليووم مسحييه ليا من الميمواار ديالك .. خلي هااد النهار يدووز بيخيير ..كانشووفك فهااد الحاالة كنتنرفز "خبط يدوو مع القنت دياال القطااعة جاات فالمووس ديرييكت تا ساال الدم" .. بلا ماتخليني نطلع لدييلموووو داباا نييت و نصفي حساابي معاااه 
احلام ..وجهها صفااار بالخلعة .. واش تشد يدوو لي ساايلة بالدماياات ولا تشد فكلامو لي زااد خووفها .."....ويلي يدك اسليمااان ..
سليمان .." نطر يدو بعدها" .. خليينا من يديي دابااا .. 
احلام .." عينيها عامريين بالدمووع و صووتها بااين فييه الخووف من الرجفة لي تتسمع لييه فقلبوو" .. عافاك اسليماان ماديرهااش .. ماتمشيييش عندوو صاافي هاني غانسكت .. صافي .... 

عاوداات جرات ليه يدييه و توجهات بيه للطبلة هادشي كلوو داز تحت نضرات شيمااء لي ولفاات هاد المهاوشاات ديالهم كل مرة .. كملاات غدااها و ماداارتش معااهم باالها تا جاا عثماان عندها ضور يديه على خصرها و بقاات ملاهية معااه .. اما احلام مشات هزات صاكها جبدات منو المعقم ديالها لي تتهز معاها و شوية ديال القطن تتمسح لييه و عينيها عامرييم بالدمووع .. و هو حااس بييها وااش خاايفة و عارفها كاتساايروو.. طهرات لييه يدوو و شدات فييها ..شافت فييه بعييووون كلها رجااء .. 
احلام .. عافاك اسليماان وااعدني ماغاتمشييش ..
سليمان .." زفر بصوت مسموووع و شااف فالسقف بنفاذ صبر" .. ماغانقدرش نواعدك ولكن لي نقدر نواعدك بيه هو اني غانكون بيخير .. " جرها لعندو لحضنووو زير عليها" ..هذاا كلوو خووف علياا الخاايبة .. 
احلام .." ديماراات و بداات تااني فالتنخصيص تاتقلب غير على السبة" .. هءهء ..هءههء .. ماقدييتش فااش شفتوو هاز علييك السلاااح قلبيي طاااح بيين رجلي .. 
سليمان .. شكون موحى!! تا هذااك يخافو منو النااس ههههههه شووت .. صافي .." عنكش لبها شعرها" .. ماتخافيش كولشي غايساالي كأن شيئا لم يكن .. 
بقى معاااها تا هدنها و قدر يسكتها بطريقتو واخة عصر على راسو مييية لموونة بااش يقدر يشد معااها الخااطر ولكن فالاخير قدر يسكتها و يخلييها تبتسم .. عاد خرج هو مكشكش للجردة .. تبعوو ديريكت عثماان حيت عرفوو غايطرطق غير من الخطواات ديالو .. لقااه غاادي جاااي فالجردة و كيگنگم غا بووحدووو ..

عثمان .." حط يدو فوق كتف سليمان .. " ..اش ناوي ديير اخااي ..
سليمان .." تنهد و حك راسو بيديه بعصبية " ..مانعرف ..النهار اللول لي دخلت لهاد الخرااا كنت عاارف ماعندووش مخرج .. ولكن دابا كولشي تبدل ... شكووون قااال لبااا انا غادخل لحياااتي شكوووون .. 
عثمان .. المشكلة مااشي هي احلام دابا .. ..المشكلة كيغااديير تفك؛! نتا رجعتي ليهم برجلييك اسليماان .. 
سليماان .. " كيعض فشوااربوو بعصبية ..."غانلقى لييها مخرج ..
عثمان .." صغر فيه عينيه" .. علايااش نااوي اسليماان!!!كلامك مع احلاام شمييت فييه رييحة ماهيااش .. ناوي تمشي ولا كيفاش!!
سليمان .." شااف بعييد و صدرو تيطللللع و ينزلللل الرييح سخوونة تيخرجهاا من نييفووو .." ..معلوووم نااوي نطلع لشمااااتة نشوووف أصل مووو اااش خصووو .. 
عثمان .. دير فباالك احلام الى عرفاتك غاتمشي غاتحماق. .. 
سليمان .. حيت تنفكر ليها قبل مانفكر لرااسي داكشي علاش غادي نصفي حساابي .. ميمكنش ندخلها فهادشي ..كلاوس يدييه بداات تطواال .. و انا غانقطعها ليه قبل لا توصل ليها .. ماشي سليماان لي خلي الشماايت يوصلوو لشي حاااجة كاتخصوووو ..
عثمان .." ضربو على كتفو " .. نتاا عارفنيانا ديماا وااقف فضهرك و مسااندك فأي قرار خذيتييه .. .. غير هو ماديرش شي حااجة ضرك .. 
سليمان .." ضرب لبه على كتفوو" .. عارف بااش غانسلك رااسي .. الوحيد لي كيعرف كيفااش يلعب على كلاوس هاهو واقف قدامك .. 
عثمان .. ههه مانخافش عليك العشير .. 
احلام .."خرجاات تاتشير ليهم" ..يالله اجييو الغداا وااجد ..

في صبااح يوم بااكر ...كان حاط راسو تحت الوسادة وغاطس في نوم عميق حتى صووناا تليفوونو هزو لقى رسالة من عثمان كيأكد ليه حجز لرحلتو لي غتكون بعد ساعات ...دخل لحماام حط راسو تحت الما وخلااه مطلوق علييه حتى فاق مزيان من وراها خرج بدا يوجد وحقييبتوو ولي كانت خفيفة سدها وحطها قدام الباب دخل يبدل حوايجو لاكن قبل وز نمره آحلام وحط تليفونو داير مكبر الصووت...لاح گارو في فموو وكمل على شنو كيدير 
احلام....." كانت باقا ناعسة جوبات بلسان ثقيل بزز منها اول مشافت نمرتو "......الو سليماااان 
سليماان....." كيحزم سيوور سبرديلتوو "....فيقتكك !!
احلام...." تقدات في الجلسة "....مااشي مشكيل ماالك ياك لاباس ...
سليمان ....." مشى جهة مرايا رش بارفانو ودار ساعتو عاد جاوبهاا "....بغيت نشوووفك ، نص ساعة وندووز عندك حدا الدرب لقاك في البلاصة منين كنهزك 
احلام....." تنفضات "....ولكن رااه مزاال عاد فايقة 
سليمان......نزلي الالة ببجامتك قابل عليك ...خمسة دقايق نشووفك ورجعي فحالك يالله انا جاي ...
قطع معاها خلاها جمعات نوضةة ديﻻيكت لحمام غسلات وجها وسنانها سرحات شعرها ولاحت عليها كاااب وجلسات تسنى فيه يصووني علييها وبالفعل نص ساعة وسمعات تليفوونها نزلات بالحس كان مزال كلشي ناعس...مشات لبلاصتهم لقاتو واقف بطوموبيل حلات لباب وركبات ..
احلام...." سلمات عليه وهي كطلع فيه وتنزل باستغراب ".. يااك لاباس واش غادي بشي بلاصة ..
سليمان...." دار جنب مقابل معاها "...مسافر " خرجات عينيها فيه يالله غتجوبو وقفها بيدو ".....عندي شي سلعة جاياني من برا خاصني نوقف عليها غير شي يامات ونرجع ...
" مبغاش يقووليها شنو كاين حيت عارفها غتعيش في الضغط وتبقى مشوشةة ولكن مدازتش عليها الكدبةة "
احلام....." شداتها لخلعة وقلبها بدا يضرب "....متضحكش عليا ، غتمشيي لعندهم ياااك نسيتي وعدك اسليماان 
سليمان...." صاط باعلى صوووت ".....احلام انا عااارف اش كنديير وتا انا واعدتك وقلت ليك معندك مناش تخافي ودابا جاي لعندك باش يمشي بالي هاني علييك متخلينيش غادي منكري راني دويت معاك قبل
سيمانة مغاديش نفووتها الالة
احلام......" بدات تبكي "....وعلاش غتمشي من اصلو عللش تعرض راسك للخطر والا مرجعتيش ليا ورا سيمانةة 
سليمان....." بدا يمسح ليها في الدموع "...غادي نرجع ومن المطار غنجي نيشان لعند باك نخطبك حيت صبر تقادا صاافي يالله وجدي ليا راسك 
" بقات تبكي حتى جرها لعندو معنقهاا و خاشي راسها في عنقوو " 
سليمان........صااافي دويناااااا " شد وجهها بيدو وتحنى باسها من حناكها"......مغاديش نصبر عليك بزااااف دوي مع سمحمد 
احلام......." عارفاه راسو قاصح وواخا تجلس تركل ليه تما غيدير غير لي في دماغو ".....توصل عيط ليااا ...
سليمان....واخا الالة 
احلام...." هزات صبعها بتهديد "....وسيماانة متفوووتهاش 
سليمان....." كيلعب بشعرها "....كوني هانية كانية شي حاجة اخرةة
احلام...." دلات قنانفها "...لا صافي ...
سليمان....واا قربي نقووليه " زادت لعندو شوية وهو يحط فمو على فموو حتى ترخات بقى كيسمع غير صووت صوت النفس ديالها كيطلع وينزل غمضات عينيها وخلاتو على هواه ..مفاقت من بحر الحب حتى حسات بشفايفو على جبينهاا ".....يالله سيري فحالك ...
احلام...." حلات عينيها قلبها كيضرب تلفات مبقاتش عارفة شنو غتقول "...هااا !! هاني صافي واخا ...
" حلات لباب ورجعات شافت فيه "...سليمااان توقع ليك شي حاجة نموووت فيهاا ديرها في بالك ..
"كتفى يحرك ليها راسو منهد حاس برلسو هاز حمل وجبل فوق كتافو ...تبع ليها العين تا مشات عاد كسيييرةةة للمطار رحلتوو كاانت قرييبةة

°•°•• في مسااء نفس اليووم وبالضبط بتشيشيلياا ••°°°°

جالس في بيروه راسو غيطرطق بالاعصاب و كيفكر في السلعة لي بقات واقفة بسباب الكوبرا و الموصيبة الأكبر مكاينش شي حد من غيرو يقدر يكملها .. كان متكي على قرعتو حتى دخل عليه موحى
كلاوس ..." كيف شافوو وقف و عينيه بزز حالهم " ... عطيني خبار زوينة و قوليا غيجي ولا غنتيري في ز***. 
موحى ..." حدر راسوو و عاود ليه اش طرا مع الكوبرا ...محس غير بكلاك في وجهووو .. هز عينو في كلاوس لقا الشرار خارج منهم هنااا دارها في سروالو و ما عرف باش تبلى 
كلاوس ..." كيضرب و ينهج" يا ولد القحبة واش انا قلت ليك سير دير علييه مسلسل المهمة المستحيلة .. اااه اش قربك لبنتت نتااا دوي من بعيييد واش نتا متتعرفوووش مزياااان .. " مشا جلس على الفوطوي و شد راسو " .. في بلاصت متجيبو لصفنا حقدتيه علينا 
موحى ..." كيمسح وجهو من الدم " .. ما عندو ما يدير مفيدووووش
كلاوس ..." تعصب من كلامو جبد الفردي من جنبو و حطو ليه في راسو " ... باين ما فيدوش نتا مزال متتعرف الكوبرا .. وتلقااه في طريقو لياا و مستعد في اي لحظةة يصفيها ليا وليك داكشي علاش ..." وجه سلاح لراسو "... ترحم على رووحك خاصني نتهنى منك باش نكمل خطتي 
مخلاهش يرغبوو تيرا فيه و سط راسو و خلاه طايح عايم في دماياتو ... علم رجالو يجيو يديوه يدفنووه وهو رجع لمكان ديالو ... يا الله غيتكى على كرسيه حتى تفرع عليه الباب .. دورة لي دار لقا مسدس موجه ليه على وجهوو .. 
سليمان ..." داير قبوو و معوج عنقو " .. اووووووه ميستر كلاوس الواعر لي كيسيفط ليا كلابو يهددوني .. لا والواعرة قصدو حاجتي و حاجة الكوبرا مكتقاصش ...
حفرتي قبرك بيديك نتا وداك الزامل 
كلاوس ..." غير شافو كحل بالعمى بعدما كان متمني انو يشوفو ولكن على قبل الخدمة بدا يشرش في عينيه ولسانو تعقد ..." الكوبرا تهدن و خلينا نهضرو بالعقل .. انا ما عارفش اش دار موحى معاك حتى لدابا و راه خدا الجزاء ديالووو شوف بعينييك 
سليمان ..." قرب ليه حتى لوجهو مقوس عينيه مداخلاش ليك هاد غنااية لي كيقوول لراسو " ولاش لديلمك مصييفطو ليا يتبعني .. " ضربو بقبضة الفردي ".... واش كتفكر ولا لا 
كلاوس ..." كمد الدقة و ضاغط على راسو " .. سليمان راه الخدمة بقات واقفة بسبابك و انا ولاو يوصلوني تهديدات من البوص 
سليمان ... وا سير تقود نتا و هاد البوص ديالك .. انا نهار كنبغي نرجع كنرجع بخاطري .. وملي كنخرج كنخرج بخاااطرس مغنتسناش من حمير بحالكم يبداو يتقحبنو علييا
كلاوس ... هادشي ماشي بالخاطر ا سليمان .. هادي راه المافيا و ماشي اي مافيا ..الخدمة مكركرة و البوووص مغيدوزهاش لا ليا لا ليك بالساهل 
سليمان ... دابا جيني من الاخر اش تم ؟؟ 
كلاوس ... عندنا اكبر صفقة غدخل و نتا الوحيد لي تقدر عليها وديك الساع الله يعاونا و يعاونك ... 
سليمان....." جلس في الكرسي ودار رجل على رجل " .....معامن خداميين هاد المرةة 
كلاوس...الماافيا الروسية 
سليمان......"...هز راسو متعجب "...ايياااااه والكمية 
كلاوس.....عمرك دوزتي بحال هاد الحموولة وتااا المقاااابلل غيعجبك 
سليماان......" جمع وقفة "....غدا صيفط ليا كاع المعلومات وهادي اخررررر عملية غنديييرها كتسمع 
" عطاه بظهرو وخرج خلا كلاوس من وراها كيبتااسم بجنب وكيشووف فيه بنظراات ماااكرةةة
كلاوس....وغيكوون تا اخر نهار لييه غييير تهنىى 

يتبع ...
الجزء الأخير

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.