الكوبرا الجزء الثاني

2019

محتوى القصة

رواية الكوبرا

الكلمة لي قالت مكانتش مجرد تنبغيك فقط ..كانت نابعة من أعمااقها و دخلات مبااشرة لأعمااقوو .. عض حنكو من الدااخل و زيير على يدهااا .. حس بييها فديك اللحظة فحال لا تتقوول ليه انا ديالك من اليووم .. انا معاك و عمري نتفرق علييك .. عيوونهاا قااالو لييه عممممرك ماطلق من يدي.. و انا وياااك للدواام ..تباادل النظراات لي كان بيناتهم يمكن اي وااحد 
يشوووفهم يقوول عليييهم خارجين من فيلم هندي لأن اللحظة فعلا طااالت لا هو متيق انهاااا نطقااات دييك الكلمه .. ولااا هي تيقاات انتا قاالت هادشييي و شداات ليه يدييه ماعرفااتش منين جااتها الجراة .....ولكن كلشي مباح في الحب هاد الاخيير لي كيخليك طااير وكتشووف الحيااة بالوان مفتخة ..ميخلي ليومك طعم وشكل واللون ولحيااتك معنى ووجوودك...كيحسسك انك مهم في حياة ناس ...دائما ما تنحسوو بالنقص فاش تنكونو بووحدنا ولكن فاش تنلقااو لي يعبي الفراغاات .. تسوو بالرضى التااام و الكمال نوعا ماا ..و هادشي لي وقع لأبطالنا .. لي ولاو تيحسوو ببعضيااتهم رووح وحدة في أجسااد مختلفة و بالرغم من البعد في المسافة بيناتهم و بالرغم من انهم مكيتشااوفقووش لكن قلووبهم دائما مجتمعين .. سليماان كيكوون مقاابل لاجونص ديالوو و العمل كي غااادي فييها و التيليفوون متيفاارقش يديييه .. حتى فالداار فااش تيكوون جالس مع الأم ديالو و خواتاتووو تيبقااو يتغاامزووو عليييه من هاد الشدة ديال التيليفووون لي ولات ملازماااه و متتفاارقووش .. اما احلااام خلااااص .. ولات تدخلوو معاااها حتال الطواليييط ..تعنس عليه وتصبح عليه ...
....
في صباح يوم من الايام ناضت احلام كتبتاسم لاحت عليها الغطى و كدندن و تحرك شعرها ... هزات فوطتها و دخلات خدات دوش خفيف بلا متقيس شعرها و قدات حاجتها ... مشات الماريو ديالها جبدات منو جينز ديلاڤي مع تريكو كول مونطي في الگرونة ... لبساتهم و هزات وراقيها و قبل متصبح على ماماها هزات تليفونها تصبح عليه لقاتو مصيفط ليها مسااج 
- " good luck"... 
فرحات ملی شافت مساجو وعرفاتو تفکرها ، صیفطات لیه مسج دیک ساع فیه صباح لخیر عاد خرجات عند مها لی کانت کتحط الفطور 
احلام... "تلاحت جبدات لمها حناكها بالبوسان "... صباح الخير ماميشكو 
فاطمة... صباح الخير حبيبت ماماها ... شفتك فرحانة و على غير عادتك 
احلام ... حيت واخيرا غنمشي ندفع لديك المدرسة لي قلت ليك و ندوز المقابلة ..."هزات كرواسة و تمات قاصدة الباب"... شي دعيوة من القلب احبيبتي 
فاطمة... الله يسر ليك ابنيتي و يسهل عليك ... خرجات احلام في اتجاه الطاكسيات ... غير وصلات ركبات و عطاتو الوجهة ل فين غادة... دارت لي كيت ديالها تتصنت القران بيدما وصلات...مساافه الطریق وکانت فی وجهتها دخلات دیریکت الاستقبال لی صیفطتها لبیر لي غدوز ليها المقابلة ... كيف وصلات دقات و سمحات ليها بالدخول ... 
الكاتبة... تفضلي جلسي 
احلام... شكرا 

الكاتبة... نتي لي جيتي على ود مساعدة المديرة " حرکات لیها راسها بالایجاب "....
عطيني عفاك الوثائق ديالك ... "مدات ليهاا احلام الوريقات ديالها و قلبها غيخرج ... دوزو المقابلة الروتينية لي منها الاسم و النيڤو و طبيعة العمل و واش فايت ليها خدمات ،كملات و هي راضية على راسها وعلماتها بلي توجد راسها غيتاصلو بيها ... خرجات من تم غطير بالفرحة لم لا وهی لقات خدمه لی تخليها تدخل وتخرج باريحية وبلا سين وجيم الاب ديالها نزلات مع الدرووج لي على برا تا كتلاقا بحب حياتها ... الحب لي دق قلبها و دخل بلا متسمح ليه هي ... تمشات في اتجاه سياتو وتگبلات معاه من الشرجم ..
احلام... "حطات يديها على جنبها و تتمازح معاه "... شكدير هنا اخويا ؟؟
سليمان... جاي ندي رزقي اختي ... وديك خويا باقا تعاويها نجي نخوي ليك الضهر ...
ضحكات احلام على كلامو و طلعات ركبات حداه ... هز ليها يديها و باسها اش درتي 
احلام... " وجها تزنگ وو الفرشات كيلعبو في كرشها "...قالو لي تا نعيطو ليك 
سليمان....."غادي مكسيري ومرة مرة يدور يشوف فيها "...قلت ليك خدمي معايا نتي لي مبغيتيش 
احلام.... "حطات ايدها على جنبها"....علاه انا عرفتك بعدا فاين خداام ....
سليمان... "هز حوايجبو لفوق ".....ايوا ا لالة مدام باغا تعرفي، غندوزو دابا نيت لخدمتي... 
قلب الاوطو في اتجاه الخدمة ديالوو لي هي اجاونس كبيرة ديال السيارات الفاخرة ... طول الطريق و هوما على الحب حتى وصلوو ... بلاصا الاوطو ديالو و هبط حل ليها الباب وشد ليها في يديها وتم داخل هو وياها قدام گاع لي خدام عندو ... 
سليمان....ها هي خدمتي ا الالة 
احلام..." لي عينيها خارجين و فمها مترعاه من السيارات لي قدامها"... دابا هاد لاجونس ديالك 
سليمان..."طلع فيها حاجب و نزل خووه"... علاه مستصغراني ولا كيفاش 
احلام .. اا.. لا ماشي هكاك غير تفاجأت 
سليمان..."ضربها بخفة لراسها وجرها معاه البيرو ديالو "... عارفك تتقولي كيفاش هذا عايش في ديك الحومة... "ابتسمات ليه احلام حيت فهمها"... ايوا الالة ديك الحومة تم فين تزاديت و تربيت وانا الحاجة الغالية عليا مكنسخاش بيها...." قرب منها وكيدوي وانفاسو كضرب فيها "..
احلام..." توثرات لكن منبيناش ".. اممم وكيفاش حتى درتي هادشي ... حيت تبارك الله هاا لامبورغيني ولا روزرايز وها البورش ... قل اعودو برب الفلق 😅
سليمان..." جابت ليه الضحك من كلامها وكيفاش تتعبر بيديها بقا ساهي فيها حتى تكلم"... هادشي اكيد مجاش بساهل دزت من مراحل باش وصلت لهنا... منها اني فاش كنت في ايطاليا خدمت صباغ و تريسيان واخا مكنت كنفهم في هادشي والو لكن خاصني نخدم باش نعيش و نكون راسي... خدمت حتى في غسيل الماعن في الريسطورات ... و في توصيل البيتزا و جمعنا لي قسم الله ودخلنا البلاد نستقرو فيها مع الوليدين و نتزوجو نديرو وليدات "وغمزها " 😉 ..
. هبطات احلام راسها و تتفرك في يديها من الخجل ...
سليمان...."مشى ريح في بلاصتو وهز تليفون "... ايوا قولي ليا شنو بغيتي تاكلي مدام جينا هنا نطلبو مناكلو 
احلام ..."كتسارا في البيرو ".. لي طلبتيه ليك طلبو ليا ... داكشي لي كان عيط سليمان الدري لي خدام تم و وصاه يجيب ليهم الغدا ... كملو حديثهم تا وصلتهم الماكلة ... وتغداو في جو مليىء بالحب و كلام سليمان ليها كيخليها غا متزيد تزنگ كثر و تا هو تيحك على الدبرة و يضل يدوي على الحشوومية ديااالها و حنييكاتها لي تيتوردوو و يعطييو جمالية و برائة فرييدة لوجنتيها و لوجهها كامل خصوصا ان عيوونها كبار كيف عيوون الرييم و فاش تيوسااعو تاتباان علييهم البرااءة .. اما هو ابتساامتوو الرجوليا و ضحكتوو كي تتسمعها قلبها تيزح بالجند تا تتسمعوو فوذنيييها و كل ماا زااد تكلم ولا ضحك قلبها تيزييد يبغي يطيير من بلااصتووو مشااعر لي جديدة عليها .. و اول مرة تحسهم لأنها مااشي ديك البنت لي متعودة على الحب وكلاامو لا .. كانت قطة مغمضة كيف تيقولو فالحب و العلاقااات الشيء لي خلاا سليماان يستمتع فالجلسة معاااها و ناال شرف تعلييمها كل اباجادياات الحب 

مرت الأياام وتوالات الليالي وکیف العاده الهضرة معاه يومياا في تليفوون يدويو بسااعات تااال اوقاات متأخرة من الليل ...
وقليل فين كتشووفو بحكم مزال مبداات الخدمة ، 
ولات مدمنه علیه ومیمکنش تدور نهار ومتهضرش معاه وقدام دارهم کیقضیوها مساجات هی ویاه وفی لیل وملي كتعزل عليهم في بيتها كيكملووها اتصالات حتی ینعسو بزووج ، كان حبهم كلما غادي وكيتزاد وهما غاديين ويتعلقو ببعض ..حتال لیوم لی غيتقلبو فيه الموازين ...
كان الاب دیالها نایض لحماام وبصدفة داز من جنب بیتهااا باش یطمن علیها واش مغطیه من البرد وهنا غیسمع ضحکهاا وحدییثهااااا ...
احلام...."ناعسه علی کرشها وتلعب برجلییها "....هههههه وااا صاافي سير تنعس زعمة راك غدا خداام قاابلني انااااا ، راني شومورة ...
سليمان.......انا الالة نخلصك وتولي بخدمتك...🤨
احلام...."بتساائل"....علاه مالی شکندیر گاع ؟؟
سلیماان....کتسمعي ليا ..كيخصك تعرفي اماما بلي ناس برا غير باش يهضرو كيحطوو حبة صحيحة ...
احلام....."بدات تلعب بشعرها" ....ايوااا سمعني نگولیک نبغییک تحول لیا فلووس لحسابي وغندير معاك المزياان نتخلص في هاد شهر لخر ههههه
عند بالها كتدوي وتفرنس بشوية وكلشي ناعس معرفاتش بلي بااها سمع كلشي ..
حل عليها الباب ودخل تحت نظراات عينيها لمخلووعيين...
احلام...."لاحت التليفون من ايديهاا "....باباااا ...
محمد...."مجوبهاش تم مقرب منها مخنزر هز تليفون دارو في وذنو "...
سليماان.....يااكما نعستيي ولا کتحسبي في لفلوس !!
" كرووشا تليفون في وجهو وحرك راسو قدامها كلو خيبة الم
فيهاا ، رمقها بنظرات كأنو كيقوول ليها ياا خساارة تمارة لي ضربت عليك..تا كبرتك وقريتك وربيتك...
احلام...."قلبها بدا يضرب وغرقات في حوايجهاا.. " ...بابا هادا راه...
محمد...."دار صبعو على فمو "....شوووووووووووت ، صوتك منسمعوووش " خلاها كتشوف فيه ودموع مجموعين ليه في عينيها ...خدا تليفوونها معاه وخرج
احلام...."بدات تندب".....ناري ميمتي سمعني الواليد ، صافي قفرتها هء هء ...هادي لخرة ليك ااحلام ، كيغندير مزال نهز فيه العين...😭..اويلي ويلي وتليفون داه..."حطات ايدها على قلبها حسات بالخنقة"....عندااك غيقوولها لخوويا هء هء ناري الا مشاو تا قراو مساجات 😭 صافي قفارت قفاارت
" بقات كتدور في البيت نعاس طار عليها كل مرة تحل لباب وتخرج راسهاا واش غتسمع حسو حتى يأست ومشات تكونات فوق ناموسيتهاا كتفكر في حريرتها كيف غتكمل في صبااح

" اصبحنا واصبح الملك لله "

حلات عينييها قبل منهم مكانتش ناعسة بعمق فقط ملاقية جفوونها ومرفووعة كتسنى فأي لحضة يعيط عليها....سمعات صوت تقرقيب في الكوزينة عرفاات الأم ديالها فاقت 
ناضت كتسلت لبسات في رجليها ومشاات عندها 
احلام....' كتعض على فمها ومزيرة على حوايجها "....سلام
فاطمة....."شافت فيها متعجبة"...صباخ لخير بنيتي ، اش جاك تا فقتي داابا . 
أحلام .....هااا ضربتني الفيقة وصافي انا نوجد معاك الفطووور....."بغى تسولها ومرگات ومعرفات منین تبدا لیها " ...ماما !!
فاطمه..."کتصایب فی صینیه " ...اش كاين ماالك ..
احلام.....واش بابا مقال ليك والو .." بقيا دور عينيها كتسنى جواابهاا
فاطمة.....لا علاش ابنيتي ....
احلام ....."بدات تبكي "....ماما دابا انا كنعرف واحد الولد ولكن مكنشووفوش مرة خدا نمرتي وبقينا دويو يااك والواليد سمعني كندوي لبارح معاه في تليفون...اهء اهء خداا ليا تليفون 
مرگت منو اماما ومعندی کیندیر تا نشووفیه..
فاطمه..."بتعجب"...تی اش ساایره تگوولی یا هاد البنت ،؟ امتی هادشی ؟؟
آحلام...."حدرات راسها"...لبارح فی اللیل ...
" یالله غتنگدو ليها وهي تسمعو كيغوت "
- فااطمة ، فاااطمة اري ليا شي كااس المااا ؟؟
أحلام...."حسات بالخلعة"....ناري فااق عفاك اماما جي من صفي انا راه والله مكندير شي حاجة خايبة...
" حركات ليها راسها بقلة حيلة وهزات کاس لما فی ایدیها وخرجات اما احلام دخلات لبيتها متلاتش بانت تاا سمعاات صووتو كيغوت عليها "
محمد ...." كيدوي بأوامر "....زوج كلمات قداام مك هاهي كتسمع فيك وراه يمكن قلتي ليها كلشي...
أحلام.....سمعني ابابا بعدا غییر نشرح ليك 
محمد ....."بالغوات"...قلت ليك زوج كلمات ...خرووج برااا نسااايه ، وتليفوون تا هو 
غتبقاي معزوة مكرمة في هاد الداار تاا نهار لي نبغي نظوجك فيه 
احلام....."تمردات على قرار باها ومتقبلاتوش "......علاش ابابا ميمكنش هادشي لي كتقول فيه راك عارف بلي قربت نبدا في خدمتي جديدة .
محمد...."خبط طبلة "...من ليووووووم مكاينة خدمة الالة انا معنديش لينات لي يخرجو زناقي حيت كيعلمو غا تصلگیط کتسمعي
" رمی علیها کلامو وخرج وخلاها کتشووف فی مهاا لی کتواسی فیها بعینیها..."
احلام......واش هاکدا کیتحلو الاموور اماما هااا ؟؟واش الوالید کیتعامل مع مینووغ معارفه فین تمشی ومنين تجي ....راني بعقلي بعقلييييي وعارفة اش كندير واشمن تصلگیط کیدوی علیه ، وریونی شی نهار درت لیه شی حاجه هبطات راسو الارض ها شنو هادشی کلو حیت سمعنی کندوی مع جنس ذکر ...ومن یقول هاد السید ناوی المعقوول
فااطمة....." تنهدات وبدات تطبطب عليها ".....عار ربي ابنيتي الاما سمعي كلامو خليه غا تا يبرد راك عاارفااه كيداير ، شنو غتبدليه باك هادا ومباغي ليك غا لخير والا كانت على الخدمة دابا تلقاي محسن منهاا ..
احلام...." رفعات حاجبها " ...نلقى محسن هااء ! " شافت فيها باستهزاء ".. لخدامي غيبقاو يتسناو لالة احلام تا ترشق ليها وتسمح ليها الحكومة برئاسه هتلر عاد تخدم ، اش غنقووليك الوااليدة معندي منقول 
"مسحات دمعتها لي كانت على وشك النزول ومشاات كتجري لبيتها "

دوزاات نهاارها وليلها مخشية في البيت وتبكي ...تا الماكلة كلاتها بزز وبطليب ورغيب من مها غا كدير ليها الخاطر تلقم شي حاجة بزز منها وصافي....عياات فاطمة تقنع في باها وتطلب منو يغفر ليها لكن والو راسو والف سيف دارت الذنب تستاهل العقوبة الخدمة وزنقة وتليفون هما لي عمرها تحلم مزال بيهم ....
داك نهاار سليمان داخ عليها بالمعقوول مخلا اتصالات ولا مسااجات وكان فينما يسمع هاتف مخاطبكم غير مشغل راسو يتزير ويتموى غير الشر ... خصووصا انها عمرها طفاتو ولا طولات عليه لغيبة في تليفوون...
بزز داز عندو نهاار معقلش عليه كيف دااير بقا يدور من لاجانص لدار حتى وصل الليل هز كاس اتاي في ايديه وطلع لبيتو كاان متوقع انها غتكون لهاتها شي حاجة بنهار ومقداتش تهضر داكشي علاش قرر يعيط ليها لكن بدون فائده سمع نفس الکلمه هنااا تعصب بالمعقووول وطلع لیه دم ...خبط داک الکاس مع الارض ونزل علی طریقو نیشااان لعندهاا
تقاابل مع دارهم لی عارفهااا حیت دیما کیوصلها تااا لیهااا باان لیه الضو فی بیتها طاافي ... بقا مدة و هو حاضي داك الشرجم على امل يشعل الضو و لا طل منوو لكن بدون جدوى تعصب و معرف ميدير واحد الراس كيقوليه هز الحجر و شير بيه في داك الشرجم ... ولا يكلاكصوني يفيق البشر .. و لا يدخل يدرم عليها تا لدارهم ولي بغى يقوع يوقع... صافي عينيه حمارو ومبقاش كيشووف قدامو ...حاجة وحدة لي عارفهاا هو خاصو يعرف شنو عند أحلام....الشك تسلل لدماغو لبارح اول مقطعات لكن قال يمكن طفى ليها تليفون ولا عيات ونعساات ...
حل باب طموبيلتو و تم قاصد دارهم تا وصل و هو يتفكر كلامها على الاب ديالها و مدى صعوبتو و قصوحية راسو ورجع ناعل الشيطان مباغبش يتسبب ليها فشي مشكيل ... 
سليمان ... "ضرب حجرة برجلو ودفل"... خخخ تفو ديل امو على زهر ...
رجع لطموبيلتو و كسيرا و ما عاجبو حال كان متمني يشوفها واخا غير من بعيد ... وصل لدارهم بلاصا الاوطو و طلع نيشان لبيتو و لي لقاها يخبطهاا ... سمعت مو الصداع في بيتو وطلعت عندو تتجري و مخلوعة ..
مليكة..."تتخبط في الباب و تغوت"... سليمان ولدي مالك حل ليا هاد الباب ... 
والو واش بغا يسمع ليها ويحل عليها تا شافها ولات تتبكي و تستنجد بقات فيه وخرج عندها 
سليمان..."عنقها وباس راسها"... هاني الواليدة غير هبطي تنعسي متخافيش معصب شوية وصافي 
مليكة ... الله اوليدي تا حاجة متستاهل هاد العصبية كل شي مع الوقت يحلو سيدي ربي 
سليمان ... ونعم بالله الوليدة .. غير سيري لبيتك ترتاحي راني بيخير غندخل ناخد دووش و نتلاح نعس راني عيان 
مليكة... سير اوليدي تصبح على خير ... 
مشات مو هبطات تنعس و هو دخل نيشان الدوش طلق عليه الما بارد باش تبرد ديك النار لي شعلت فيه ...
........
صباح يوم جديد على ابطالنا لي كلها وكيف دوز ليلو ...
غير بان الضو فاق سليمان ناض غسل وجهو و حك سنانو ... هز الكوناكط و تليفونو وهبط حذا الباب يكمي...
كما الگارو اللول و ثاني تيتسنى فيه ... رجع عيط ليهاا ولقاه طافي وهو يرميه من ايدو بجهاالة وعيط لختووو 

- صفااااااء ، نزلي عندي داابا
صفاااء ...." تمات نازلة عندو بسيرفيت كتجري عاد فاقت من نعاس "...هاني اسليمان ماالك ؟؟؟
سليمان.....زيدي يالله معايا بغيتك فشي حاجة 
صفااء....منتحرط من هنا تا تگول لیا لش کاین ...
سلیمان..." هی راشقه لیها وهو لا واصله فیه لعضم ..جرها من حوایجهاا "....بلاما نخلیک دیری جبیره اصفااء تحرکی .
معودتهاش معاه طلعات رکبات حداه بلاما تسول ولا حتی سؤال تاا هو مشرحش ليها....كسيرة نيشات تا وصل لقدام باب دار أحلام 

سليمان....."حاط ايديه بزوج فوق الفولون "...شفتي هاد الدار 
صفااء...."بتساائل"....اه ماالها اخوياا ...
سليمان......" كيشووف في شرجم ديالها لي مزال نازل وكيتكلم "....هادي الدار دأحلام...
غادة تنزلي دقي فيها ولي خرج ليك قوليهم نتي صاحبتها سولي ليا عليهاا ...
صفااء ....وعيط ليها في تليفوون ...؟
سليمان....."دار خنزر فيها "...مديريش ليا فيها وااعرة زعمة ، طبقي كلامي بالحرف يالله تحركي ...!!
" نزلات ودارت كيف قاليها ، صونات عليهم مرة وزوج عاد سمعات شي حد كيتكلم"
- شكووون...؟؟" كان صووت مامات احلام "
- سلام خاالتي كاينة أحلام .
- شكون نتي لي كتسولي عليها ابنيتي...
- صحبتها ، راه كنت دايرة معاها وعييت نعيط ليها في تليفووون لقیتو طافي ...
- " تعجبات حيت عارفة بنتها معندها صحابات ماينة غا سهام وهاد الاخيرة كتعرف صوتها ".....ايوا تسناي ابنتي نفيقها ليك !!

" مشاات دخلات لبيت عندها بان ليها كيف لعادة لفطور محطوط حداها وعينيها منفووخين بالبكى ..."
فاطمة....." مشات حلات الشرجم "...تي نوضي نعلي شيطان تالين غتبقاي دايرة گنازه .....
آحلام......"دارت المانطه علی راسها ومجوبتهاش ...
فاطمه ...نووضی راه شی بنت لتحت سمیتها صفاء کتسول علیک
أحلام...." قفزات من بلاصتها حيت عرفااتها متكون غا ختو "....فيناهيا ...."كتسول فيها ورجليها كتقلب على صندالة "
فاطمة...."حطات ايدها على حنكها "...نهار ونتي سادة عليك ومباغاش تنوضي غا سمعتي سميت هاد البنت نضتي قافزة...شكون هادي ؟؟ لهاد الدرجة مهمة ؟؟
أحلام...." مسحات على شعرهاا "....وااافيناهياا أمي الدرية...
فااطمة.....راهي التحت 
أحلام......" قاصدة الباب "...واخا انا نزل عندها 
فاطمة...فين غادة !! بغيتي تلاقاي مع باك رااه خارج غا مسخر 
أحلام...." بدات تغوت ".....واش تا صحاباتي منشووفهمش ، قتلووني نتونا حسن..
فاطمة.......الله يهديك على راسك اهاد البنت ، الدرية انا غنطلعها تاال عندك نتي غا جلسي ...
" داكشي لي دارت مها حلات لصفاء لباب وتلاقات ليها تا سلمات عليها ووراتها بيت أحلام "
صفااء....." تسالمو "...ناري يااختي سليمان شوية ويفرگع لباب ویطلع ..ماالکم اش طاری !؟
أحلام....." سدات عليهم الغرفة وبدات تبكي "....طاري مشكييل اصفااء بابا سمعني كندوي معاه قبل لبارح وخداليا تليفوون وحلف لباقي عتبت زنقة ولا حلمت بشي خدمة اعء اهء 
صفاء.....اويلي اش كتقوولي اصحبتي لهاد الدرجة ، هادشي غا سمعك كتدوي في تليفوون وكون شاافك اش يدير ...
أحلام...يدفني حية ،، با وانا عارفاه دقة قدييمة ومكيهرفش شناهيا شي بنت تدوي مع ولد...هو ملي كنت كنقرا كان يقووليا دراري دوي كعاهم في المدرسة والا دعاتك الضرورة اما برا نهائيا متخاطبيهمش...
صفاء...."بدات كتطبطب عليها "...ودابا اش غديري اصحبتي 
احلام.....معرفتش معرفتش ، مهم نتي فوولي لسليمان هاد شي وقووليه صبر بينما نسى بابا ولا حاولت نقنعو ماشي لخاطري ...
صفااء...."جمعات الوقفة "....واخا انا نقوولها ليه ....

" " لكلام لي قالتو ليها أحلام وصلاتو ليه ختوو بالحرف الشيء لي عصبو مكانش متوقع انها تكون فمشكيل بسبابو ..."

سليمان......" تم نازل من سيارتو "...ايوا نمشيو وندويو مع هاد بااها ونفضيو هاد لحريرة گااع ...🤨
صفااء....." جراتو من ايدو "....لا عنداك ديرها اخويا ، والله حتى تزيد تجبد ليها صدااع وتحقد عليك.....صبر كيف قالت ليك وخليها هي تحلها مع باها ودیک ساع تقووليك اش ديير ...
سليمان....." عاض فكو من لداخل ".....الزهر الکااافر دیلمووووووو..." قالها بالغوات "...صافي غير هادشي لي قاالت ليك ..؟
صفااء....اه صافي غا هادشي ، عرفتي مسكينة حالتها حالة غا كتبكي ...
سليماان........زیدي شعليني نيت باش نهز هاد قرعة ليصونص لي عندي في كوفر نشعل فدارهم لعافية ونخرجها بزز ونغبرها عليه ....
"زفرر بجهد وديمارا سيارتو لعند مول تليفووان كاين في الجواار ..خدا ليها واحد هو ونمرة ورجع ختو لعندها لي دارت سبة انها نساات سوارت 

صفااء....." مداتو ليها بتخبية "...هادا راه شراه ليك وراه دخل نمرتو وقاليك ملي تلقاي الفرصة دوي معاه نتي صاافي ....
راه معصب على لخر وكان طاالع يدوي مع باك بزز قنعتو يريح...
احلام...." تزادتها خلعة على خلعة "....نااري قوووليه عندااك يدييرها غادي يزيد يكحلها عليا وتوصل لخوويا وميرحمنيش 
قووليه ميدير تا حاجة اناا غندوي معاه ونشرح ليه واخا ...
صفااء...." باستها "...صافي ، تهلاي في راسك اختي ...

" خرجات من عندها وفي طريقها تلاقات ببات احلام لي سول مرتو عليها وخبراتو بلي صاحبت بنتوو ... و احلام بقات في ديك الحالة غير سادة على راسها لا ماكلة لا شراب باش تحنن قلب باها فيهااا ساعة هوو تحرك الحجر و هو متحركش و كأنها دارت شي اثم كبير ... اما سليمان رجع في طريق لدارهم يوصل ختو ومشا لاجونس ... قرر يخشي راسو في خدمتو و يتلهى فيها حسن ميدير شي حاجة لي غيندم عليهاا... في ديك العشية جالس في خدمتوو و مرة مرة يطل على تليفونو لتكون سيفطات ليه ميساج ... هو ميكبغيش يعيط ليها باش ميوقعش شي مشكيل كبر من لي هوما فيه... هز ضوسي من ضوسيات لي عندو على سيارات دخلو جداد حتى كيسمع تيليفوني بلي وصلو ميساج ... سمح في كل شي و شد تيليفونو

- سليمااان 😔😔
- " تهز قلبو ملي شااف رسالتها "....طمنيني عليك نتي مزيان شنو وقع ؟؟
- ممزياان والو بابا سمعني كندوي في تليفوون معاك وخداه ليا وحرم عليا كلشي ....
- " كيضرب بايدو على بيروه "....وتالين هادشي مالنا في العصر الحجري...خليني مجي ندوي معاااه ونفضييو هاد المشكييل 
- لا واايااك ديريها ، انا باغا نعرف شنو سمع وغنحااول ننكر بشي حااجة ...
- " كيكتب بعصبية وكيهضر مع راسو "...وعلااش لي نجبدو مو هاد الحبل نجي ونفاريوهاا 
- انا لي كنعرفو اسليمان هاكدا غيقوول بلي كنلوي ليه يديه ويزيد يتعكس معاااياااا ...
مهم انا داابا غنحيد تليفون ملي نلقى شي فرصة نصيفط ليك تاني مسااج متخلعش عليا....
" خبات تليفونها في صدرها وخوات لا شاص وخرجااات ...
في طريقها تلاقات بمهااا غادا بكسكروط
فاطمة....دوزي تاكلي ...
احلام....معندو منين يدوز اماما...
فاطمة...."مشات لعندها وخنزرات فيها "...لا عندو منين يدوز ، ماشي غتبقاي مخزونة وكتفكريه بلي درتي شي زبلة ...صافي باني قدامو عادي باش ينسى ..." بأمر "...يالله جيبي الصينية وتبعيني

جلسات حدااهم كتاكل وكل لقمة كتحس بيها عافية كتنزل لمعدتهاا ...مقداات تاكل ولا تصرط حاسة بغصة في حلقها...وبراسها منبووذة وسط عائلتها خصوصا من معامله الجافه لي موجهها ليها باها
محمد....." شاف في مرتو "....فااطمة انا كنبهك قداام بنتك...اخر مرة دخلي لعندها شي بنت كتسمعي ....مرة جايل ميعجبكم حال بزوج ..
احلام...." كانت شادة الكاس في ايديها ومنزلة راسها الارض غير سمعات كلامو وهي تعليه......كيييفاااااااش ؟؟
محمد......كي كتسمعي تاا شي صلگوطه مدخل لداري ...
احلام...." تقادا صبرها "...سمع ليا ابابا هااصني ندوي معاك ونشرح ليك...
محمد.....شنو غتشرحي ليا هااا ؟؟...كيفاش كتفاهمي على الفلوس معاه ..
احلام...." حطات ايدها على فمها وبدات كتبكي "...اش كتقوول ابابا هادشي ممنو والو ...
محمد.....انااا ماشي بااك ، ميشرفنييش تكوون عندي بنت بحاالك كوون محشمت نحيدك من الحالة المدنية حيت متستاهليش تبقاي فيها....وسختو وجهي في تراب...كنت كنتعنى بيك وسط ناس ونهز الراس ...
ونقووليهم هادي بنتي...دابا حشمان نقوولها مع رااسي ..
احلام.....ماااشي لهاد الدرجة ابابا ...سمعتي لي بغيتي وخليتي لي بغيتي...ورجعتيني وسخت ليك وجهك دغيا هاا...انا لي قبل منفكر لراسي كنفكر ليكم ....وكندير بحسااابكم.....
لا ااحلام خاصك دخلي بكري بلش تا واحد ميقوول محمد والد لخلا...لا ااحلام متدويش مع من وااالاا و الجيران عليك بتيقار ..لا احلام كثرة صحابات مكاين لاش ..احلام هاديك كتكمي وهادييك كتسهر بليل وراه حوتة كتخنز شواري ... احلااام غانتحولوو..خلي كاااع ذكريااتك و صحابااتك تا حااجة ماشي مهمةاحلااام خرجب من خدمتك لي تتعطييكصالير زويين و نخلياااك مستقرة ماادياا لالا ماخااصاانااش حييت بعيييدو..احلااام ...عبري شبرك وجلسي عليه....
هادشي كامل لي درت ليه حسااب من وانا فسن المراهقة جيتي دااابا لحتيه الارض وعفطي عليك وباغي تقطعني من الحالة المدنية .....واها ابابا انا غنهنيك مني وقبل منمرد وجهك في ثراب نخليك تحطو عليا ..." تنهدات ومسحات دموعها " ......انا غنهنيك مني 

نسااحبات من الغرفه ومشات قاصده غرفتها مکتشووفش قداامهااا...مخلیه وراها نیران شااعله ...

فاطمة....." شافت في راجلها بعيوون كلهم عتااب ".....تباارك الله عليك زعمة وخلاص ..هاكدا تكوون معاقبة الاباء لبناتهم والا فالا برافو " بدات تصفق بيديها "..
محمد...." خنزر فيها ورفع حاجبو "...اش كتقصدي ؟؟
فاطمة...." دفعات صينيا وناضت "...سمعني نقووليك امحمد انا ديك البنت مغنجيش نعاود نولدها بعد هاد العمر من جديد ....
واش ملاحضتيش بلي قصيتي عليها 
محمد...." هز صبعو في وجه مرتو "...ونتي هادشي لي دارت عاجبك هااا ....مجاتكش طعنات سنين لي ربيتهم فيها وفقتي نتي باش تنعس هيا
فاطمة...." معوجة سيفتها "....دارت دارت دارت...لي سمعك يقوول لبنت جاايبة ليك كرش من زنقة وجايا ...ولا حصلتيها في بلايص مشبووهة ....هادشي كلو وهاد الحالة حيت سمعتيها كتدوي في تليفون...
بكري هزيتيها ووريتيها ووعتيها...وريتيها خطئها ونبهتيها...تقربتی منهااا وفیک حببتیهاا 
واش عمرک جلستی مع راسك وقلتي هاد البنت شحال عندها من عام ولا شنو گاع لقات فداک سید وملقاتوش فینا تا تدوی معاه فتلیفون....
واش عمرک امحمد قلتی لیها تعالی ابنتی نخرجک ، ولا یالله نسافرو ...ولا ندخلو گاع لقهوه ونسای بلی انا باک ونتی بنتی...
ولا گاع تگولیها کلمه زوینه وتمدحهااا ..." شافت فیه لقاتو مخنزر فیها "....وااالو انا بعدا عمرني شفت منك هاد الشي من غيير 
- معندك لاش تمشي لداك العرس ااحلام....نقصي لماكيااج ااحلام...ميلقاكش المغرب في زنقة.....لبحر مكاين لاش ...
وجاي دابا كتحاسب فيها ودقة ولحين نحيدك من الحالة المدنية عند بالك هاكدا غتردعها 
محمد....."بتهديد "...وبزز منها تردع ولا تشووف معايا لويل والله ثم والله ايلا نفيها ونصوومها
فاطمة.....ايوا اسيدي نتا الل کانت بنتک غلطات کیف کتگول ونضتی تخلیتی علیها بهاد سهوله ...انا لااااااااا " ورکات هلیها
نهزها بسناني ومنتخلاش على بنتي ...يكفي مسكينة لي قاصات ودوزات معاك وانا كنشووف ومكندويش ...
محمد..." جرها من ايديها "...اش هاد الهضرة كتقوولي يا هاد المرا...واش عقلك في راسك ولا لا باغا ثووري عليا معاها ...
فاطمة.....مغاداش نثوور عليك وفنفس الوقت مغاداش نشووف بنتي كتمرض فيها قداامي ونسكت ...عندي غاا احلام وحدة وحدةةةةةةةة 😡 

جمییلة هي بداايات الحب... .. فاش تيكونو روحين عاد تلاقااو ولقااو فبعضهم كااع داكشي لي خاصهم .. و كاع النوااقص تيعبيوهم لبعض ولكن دائما ماا تيواجهو المشااكل فينما كين الحب تيكونو المشااكل تتكوون الحيا حلوة و لوونها بمبي حتى تتقلب لسوااد في سوااد فجأة و بدوون اي مقدماات و في لحظة تيولي القدر ضددهم و الحياة كااملة ضدهم..
..ديك الليلة باتت احلام الدمعة على خدووودها و مافاارقااتش عيوونها النعااس ماشااافتووش احاسيس كانت دااخلها لااا تحسد عليها ..

ديك الليلة باتت احلام الدمعة على خدووودها و مافاارقااتش عيوونها النعااس ماشااافتووش احاسيس كانت دااخلها لااا تحسد عليها .. اولا كلام الأب ديالها حسسها بالذنب ..!! حسات براسها دارت شي حاجة لي ضرات بيها الوالد ديالها و هي هادي اااخر حاااجة تبغيها توقع .. فقداات الثبة ديال اعز النااس وكلنا تنعرفو شنو هي فقداان ثقة الأب .. و كلااام لييها جرحها بزاااف حسااات براسها دارت إثم كبييير وااخة هي ماتعدااتش علاقتها بسليماان حدود المعقوول و الإحترام ... تفكراات كاع لحظااتها الساابقة مع الأب ديالها و لي كلااامو اكد ليها انهم عمرهم ما هايرجعوو .. لحظاات من الطفووولة للمرااهقة للشبااب .. تفكراات كيفااش كانت تترااعي ليييه و كاانت هي مدللة ابيها تيخااف علييها كثر من عينيه .... و دابا تيقوول ليها يحيدها من الحالة المدنية!! حساات بألم كبيييير فقلبها و خصوووصا فاش تفكررات سليماان حتى هو ..😟سليماان لي بداات معااه علاقة حب نقية .. بداات بالإحتراام من طرفوو قبل منها ني .. عرفات معاه معنى الرجووولة و في كل موقف ليهم بزوووج تيثبث ليها انوو رااجل و مااشي تيدوز بييها الوقت و غايخلييها .. فكل مرة تيثبث ليها بلي راهي عندو عزييزة و غاالية و دايرها فمقاام كبيير مامفضلهااش على خواتاتو مراعي فيييها الله و ماكيقربش ليها ولااا حاول يحااديها بنية سيئة .. شاافت كييفااش ان القدر لعب لعبتوو ضد هاد الحب النقيي لي بيناتهم .. و كيفاااش احلاام ماااعندهااش زهر مع الحب .. و الانساان لي بغااتو .. اول وااحد فحيااتها اول وااحد تعطييه قلبها .. القدر وقف ضدهم و حاالف تا يفاارقهم .. خشات راسها تحت المخدة كااتمة صووت شهقااتها المتثالية بدوون انقطااع بااش حد ميسمعها .. و بقاات على ديك الحاالة عينيها مااحبسووش من الدمووع حتى باان نوور الصبااح .....
اما فااطمة فشهدات ليل كاامل على صووت بكى بنتهاا وملقات ليها جهد لي قدرها عليه الله هو الدعااء معاها وتصبرها....باتت ديك ليلة فجنبهاا مفارقتهااش و غير صبح لحال اصرات عليها تنووض تغير الجو 
فاطمة...." تنهدات ودخلات "....صباح لخير عليك ابنيتي ، نوضي تغسلي وجهك وكولي شوبة وجهك ولا صفر باش نخرجو ...
أحلام..." كتدوي بزز وبصوت باح "....مقاداش اماما غير خليني مرتاحة عضاامي طايحين عليا ومعندنا فاين نمشيو... ..
فاطمة...." بدات تبكي "...هء هء واش بغيتيني نتفقص ااحلام...راني كنموت بشوية ملي كنشووفكك ابنتي هاكدا...
احلام...." تنهدات ولاحت عليها الغطى بغات دير لخاطر لمها واخا مافيها لي يتحرك "....صافي سكتي اماما ميكون غا خاطرك هاني نايضة ... 
فاطمة...."بدات تعاون فيها "...الله يرضي عليك هاكدا نبغيك...
" لبسات صندالتها وقصدات الحمام تغسل اما مهاا فحلات الشرجم هوات لبيت
وبدات تجمع فيه تا سمعاات شي حاجة تخبطاات ...
فاطمة...." بخوف خرجات كتجري من لبيت تشووف اش وكاين وهي تفاجئ بیها طايحة الارض مكتحركش .."....احلاااااام..." نزلات لعندها "...ويلي بنتي ماالك...." بدات تقيص ليها في وجها وتفيق فيها....بدون فاايدة....."...وعتقووووني اعبااد الله بنتي غتمووت هء هء ...احلااام احلاام فیقی ابنتی بسم الله علیک 
" خرج محمد على صوت لغوات ، تصدم بالمنظر لي قدامو ..."
محمد ..." بنظرات مستفسرة كيشووف في بنتو "...ماالها اش وقع ....
فاطمة...." خوف طاغي عليها ".... هئ هئ معرت مالها خرجات تغسل تا كنسمعها طاحت واقلة بنتي غتموت هء هء...
محمد.....سكتينا اهاد المرا کیفاش غتموت مغيكون واالو ....
فاطمة...."بهستيرية کتضرب فی فخاضها "...متقوولياش والو متكتشووفهاش مكتحركش..فين عمر بنتي وقع ليها هاكدا......الله يابنتي الله ...شاافت فييه بنظرة كووولها لوووم و عتااب ..

فاطمه .. شفتييي فييين وصلتييينا شفتيييي فعاايلك .. شفتييي كلااامك فييين وصلنااا هءههءء ...😟😭😭😭 الله يا ربيي بنتييييي غاااضيعهاااا ليااااا .رجعتييي على هضرتيييي .. هززز البنتتت هزهااا 😭 غاااتوووقع ليها شي حاااجة وحق ربي حتااا نتبعهااا ههءهءهء .
محمد .." هز تيليفوونو من جيييبو تيتفتفف و طلب رقم الاسعااف عطااهم العنوان ديال الداار ..عاد اتصل بوولدوو خاالد لي كاان بعيييد و خااصو الوقت بااش يوووصل ليهم .. دارو معاااه يتسنااوه فالكلينييك.. حاولو يفييقووها ولكن والو مقدروووش .. حتى جاات الاسعااف و هزوووها ديك السااعة بالكشاايف خلاو الأم طلع معااها الدااخل اما الأب ريح حدا السائق و هزوووها دييرييكت للكليينييك .. كي وصلوو جرووها بالشااريوو ديريكت للاييرجوونص الحالة ديال الأم كاانت يرثى لهااا .. ماقاادااش تووقف على رجليييها .. و محمد شااد فيييها تيحااول يصبرهاا و الشعوور بالذنب بداا تيتسلل لدااخلووو..

أحيانا تنحسوو أن الأمل قدامنا ..و احيااانا تنحسوو ان كوووولشي كاان غير اوهاام ..احياانا تنقوولو ان السكوون ارحم .. ولكن تتجيينا وااحد الهفوة و تتقوول لناا خرجوو على دااك السكوون ..انفجروووو .. و ثووورو تمردوو ..حيت الحيااة غاتعااش مرة وحدة ..و هادشي لي دارت احلام مع الأب ديالها حتى وصلااات لحاالة ماعمرها كانت ضاانة انها غاتوصل ليهااا .. و ماكاانش فباالها ان ديك الهضرة على المووت .. غاتوصلها فعلا للسبيطار 

الاب وااقف بعييد في زاوية منعزلة وحاط ايدو على خدوو كيفكر في تصرفاتو واش كانو في محلها ولا لا ، واش قسى عليها ولا لا ....
وفي الجهة الاخرى كاانت الام ، لي منهارة تماما وهي كتشووف بنتها فلذة كبد ديالها مرمية في سبيطار ومعارفات شنو بيهاا....صورتهاا وهي مرمية في الارض مغابتش عن بالها
جالسة كتناجي خالقها يحفضها ليها من كل شر تا تم دااخل خاالد " اخ احلام "...متعثر في جلايلو ..
خالد...."شاف في مو "...اش وقع الواليدة شنو عندها احلام 
فاطمة...."حركات راسها بالنفي "...معرفتش اولدي معرفتش ...هء هء تا لقيتها قدامي مليووحة في الارض ....
" مزال كيسول فيها وهو يتحل الباب وخرج طبيب منو "
محمد...." غیر بان لیه طبیب خرج مشی کیجری لعندو "...امدرا ادکتوور شنو کاین ماال بنتی ؟؟
- "حيد السماعات من وذنو و دوا"... دابا راه دگينا ليها برا باش ترتاح عندها اعصاب مجهدين ... ودرنا ليها لوكسيجين و السيروم شوية و تفيق... ولكن كيبان ليا التنفس ديالها ممنتاضمش ... كيف داير الاكل ديالهاا
فاطمه...." جوباتو محطمه "...هادي يوومين مكتاكلش مزيان غا دايرة ليا الخاطر وصاافي ...
-اذا شكي غيكون في محلوو ... "تكلم مع الاب ديالها" ... تبعني عفااك البيرو ديالي
خالد .....واش کاینه شی حاجه خطیره ادکتوور ...
- مکاینش تاا حاجه تدعي للخوف ...اجييو معاايا 
" توجه لغرفة ديالو وهما ورااه تا وصلو لبيرو "..
فاطمه...."باقا واقفه نطقات:...اش کااین اسی طبیب خلعتینی مال بنتی
الطبيب ... اول حاجة الحاجة بنتك الاعصاب لي فيها صعاب و الى بقات على هاد الحالة غنوليو فما لا يحمد عقباه ... ثاني حاجة غيكون عندها فقر الدم لي انو لون عينيها و ديك السخفة لي قالت ليا تتجيها فغتكون منو ... دابا غنعطيك شي دوا تبعو ... و ضروري دير ليا تحاليل فقر الدم و بغيتهم في أسرع وقت
فاطمه.....وااش یمکن لیها تمشی دابا معانا ولا غتبقی هنا
الطبيب ... لا اليوم غتجلس معانا ... خاصني نكونطرولي ليهاا التنفس ديالها و غنزيدهاا سيروم ثاني حيت صحتها ضعيفة بزااف ... ولم لا غدا نديرو تحليلات تاوعنا ..
خاالد.....اوك دير لي بانت ليك في مصلاحتها
" خرجو من عندو وفاطمة مشات نيشان قاصدة الغرفة لي فيها بنتها دخلات لقاتها ناعسة ومعلقين ليها السيروم...جلسات حداها كتقيس في شعرها وتبووس في ايدها...
فاطمة....خلعتيني عليك ابنتي ...صافي فيقي وانا كنواعدك نخلي بااك يرخف عليك ونكون معاك ونسااندك ...
" مسحات دمعتها فور مسمعات الباب تحل كانت الفرملية جايا وهازة في ايدها تليفون "
- هاكي امدام ، " مداتو ليها "..هادا لقيتو عندها في حواايجهااا 
فاطمة..."خداتو من عندها وخباتو " ...صافي الله يرضي عليك ابنتي
بقات مدة مريحة مع بنتها و الهمم تياااكل فييها من الدااخل قلب الأم و حنا عارفيينو كي دير .. .حتى دخل عليها خالد .. تلفتات ليه و رجعات شافت فبنتها ..
خالد .." باس ليها راسها " .. الواليدة يالله نديكم لدار ماتجهديش راسك ..
فاطمة .. مانخليييييش بنتييي و تقووول ..ديك دار مندخلش ليها وهي مافيهاش 
خالد .. الواليييدة الله يهدييييك قاالو لنا نخليييوها ترتاااح احلاام ماغاتفييق تااال غداا .. غير يالله على النبووري نصبح نجييبكم ..وزايدون غتمشييو عندي لداااار 
فاطمة .. "بقلة حيلة".. افف واخة هاني تابعااك ..

خلاتو تا مشاا و تبعااتو طلاات فالباااب ياكما كين محمد باان ليها بعييد على الباب هو و خالد وهي تمشي تجري حطاات لها التيليفوون تحت المخدة لي ناعسة عليها ..باست ليها جبهتها و خرجااات ...
اليوم كامل و هي ناعسة بسبب الحقنة ديال المهدئات لي عطاوها ..حتاال الليل عاد حلات عويناااتها . و كل ماا شاافت بياااض فيي بياااض ..و الضبااب هو لي طااغي ..رمشات عيوونها بالزربة و حطاتت يدها على عينيهااا مسحااتهم بااش تقدر تووضح ليها الرؤية .. .. و فعلااا توضحاات .. شافت السرااجم البوويض و خوااميهم ..شاافت الكااناابي و الاااالااات لي حداا راسها ..!! شاافت السيرووم لي معلق فيدها .. عضاات على شفتها و شداات فرااسها 
احلام .. اخخ .انا اش تنديير هنا .. ااح راسي ااش وصلك لهاد الحاالة يا احلاام .... 
تقادات فبلاصتهااا .. تنهداات .. و تنهييدة جراات خووتها و ذااكرتها لي رجعاات بييها اللور خلاات دمووعها لي كاانو محجرييين فعويينااتهااا ينزلوو ثقااال ..و هي تتهضر مع نفسهااا ..
احلام .... اااخ ..«من ااحب ما قتل» .. هاد الجملة تنظل نسمعها .. في افلاام .. مسلسلات ..و
روايات .. ااخر مرة هه .. سمعتها فمسلسل هندي .. و الهنووود هوما ملووك الدىاما و الكذووب ..هه .. ولكن ..انا عشتها بكل حرف ..عمري كنت تنفكر بلي على ود الحب ..غاندخل للسبيطار .." هزات يديها لي فيها السيرووم شافت فيها و ابتسمات بالجنب" ..ديما كنسمع .. فلاان داار على ود فلاانة .. فلاانة ضحاات على ود فلاان .. و هذا انتحر حييت حبيبتوو تزووجات بوااحد ثااني .. و هادي حاولات تنتحر حيت حبيبها خلااهااا و لا غدر بيهاا ديما كانسمع فلاان هااجر على ود فلااانة بااش ينسااهاااا ..و داائما كنت تنضحك ..و نستهزأ و نقوول علييهم هووبل ميمكنش الحب يوصل لها الحاالة .. و يمكن مكينش دااك الحب غير فاامسلسلااات .. حتى ذقت من نفس الكاااس . و بكييييت طيييحت نفس الدمووع لي طييحو لي قبل منييي .. عرفت انوو الحب صعيييب و المووو لاا يحتمل كيمرررض ...كيقهر .." طلهات رايها شاافت فالغرفة" ..كيوصل للسبيطااار .. اااخ ..يا سلماان ااش دخاك لحيااتي ..اااش .. البعد علييك موووت و القرب منك دماار .. 
تنهداات و حطات راسها على المخدة و خلااات دمووعها سيااالييين .. حطات يدها تحت المخدة عنقااتها و هي تقييس شي حااجة صلبة .. جرااتها و لقااتو تيليفوونها لي شرااا ليها سليماان ..

هزااتو في ايدييهااا وبدوون تفكير ولا تردد صيفطات ليه رسالة ...
- سليماااان ميمكنش لينا نكملو نسااني ...هادشي بزز مني وفووق طااقتي ولكن البعد فيه اريحية لياا
كان جاالس في سيارتو مقابل مع شرجم بيتها لي طافي فيه الضوو ..حتى وصلاتو الرسالة حلها بلهفة لكن سرعان متحولو نظرات لنظراات غاضبة ...لاح تليفوون ونزل بعضبية كيدق في الباب ويخبط ....
- علامن كتسول اولدي " كانت هادي جارة كتسكن في الطابق الارضي "...
سليمان ...."مشافش فيها "...على هاد الناس لي فووقك واش مكاين حد ولاا 
- يمكن في سبيطاار بنتهم مريضة جات اسعاف قبيلة داتها...
" بقات كتردد في وذنيه بنتهم مريضة ...وقف مفيكسي معرف باش تبلى رجع لسيارتو جبد منها تليفوونو وصوونا ليها ...رن مرات متواالية ومجوباتش ...
سليمان...."ضرب لعجلة برجليه ".........علاااااش كديري فيا هاكداا علاااااش 
" طلع لسيارتو وتم غادي مكسيري في طريق...ايد كانت على الفولون والايد لوخرا هاز بيها تليفوون "
- أحلاام جوبيني نطمن عليك رااني حدا داركم وعرفت بلي مشيتي لسبيطااااااااار 
متمرضيينيش رااه منضمنش ليك شنو ممكن ندير ....
أحلام....."هزات تليفوونها قرات رساالة وعضات على شفايفها "....بفف اش غندير داابا ...." تنهدات وقررات تعيط ليه ولي ليها ليها ....
سليمان...."دغيا شد الخط "...الووووو فينك نتي دابا ...
أحلام.....انا " بدات تدور راسها في المكان "....ميحتاجش تعرف اسليمان عفاك الا كنتي خايفة عليا بصح خليني ...
سليمان ....."حبس لفران تاا سمعاتو وعلى اثرو تهز قلبها كانت مخلووعة "....أحلاااااااااااام ...عطيني اسم الكلينييك ...
احلام......" شافت تقرير طبيب لي حداها ولي مكتووب فيه لسم المصحة "....كلينيك شمس ...عنداك يشووفك شي حد مبقيتش قادة على مشااكل...
سليماان......عاد غيبدااو هاد المشااكيل...
قطع عليها وكسيرااا لعندها. و يدييه غا تيضربوو فالفوولووون و يسسسب غا بوووحدو .. ماا وصل لدييك الكلينييك حتى كان غاينصلوو كامل و يحطوو .. دخل تيجري للريسيبشن .. سول على احلااام عطااهم اسمها الشخصي و العائلي ..عطاوه الرقم ديال الغرفة ديالها .. طلع لعندها تيجرييي صدروو تيطلع و ينننزل بالعصااب و الخووووف علييها ..كي وصل للعرفة مافكرش واش ممكن يكونومعاها شي حد فتح الباب و ردخو بالجهد .
سليمااان .. ناااوية تقتلييي ديييلمييي نتيياااا بالخووف عليييه ..

طاارت الحروووف من بيين شفاايفها كي شاافتوو قداامهت بلعاات رييقها و بللااات طرف شفتهاا بتوثر ..و نزلااتت دمعة حااالة من عينها .. مسحااتها بالخف و طلعات عينيها شاافت مبااشرة فعينيييه ..
احلام .. لي بينااتنا عمروو غايكمل اسليماان .. هء ..كوولشي .. كوولشي ضدنا من الأول .. صافي حبس .. حبس هاا ..هادشي ..

احلام... "بزوج دموع من لعین "..اللي بيناتنا عمروو غايكمل اسليمان هء كولشي ،كولشي ضدنا من الاول صافي حبس.. حبس هادشي..
سليمان.... "بعصبية مشا لعندها مقادرش یتخیل حیاتو بلا بیهاا "... اش كتروني نتي ماشي صافي باك حصلك كتهدري في تليفون مع راجل راه اخر الدنيا علاش مكبرة الموضوع ؟؟
احلام....."خرجات عینیها فیه ".. اشنو مکبره الموضوع انا ؟؟ هءء.. نتا غير داوي اسلیمان معارف والو حيت طول عمرك عايش براا وعاد نتا راجل وحيت حنا مجتمع ذكوري مكنحاسبووش الجنس الخشن غتقوول هاكدا ...ولكن انا ربي لعالم بيا " بدات تبكي من جديد مدرگه وجها بايديها ".. قلبي غينفاجر مشتفتيش ديك النضرة اللي ثلاتة وعشرين سنة وانا كنتفاداها باش عمري مجربتيش طرف من قلبك سكت ومع دالك كتحاول تخليه خدام... مجربتيش تشل عليك رجل ورجل مزال كتمشى ومع ذالك كتحاول تجرها
مجربتيش تصقي شجرة على كبرها... وكل منتى كتسقيها بالحب والاهتماااام والاهم. والاهم بالاحترام... وهيا فروعها كتكبر وكضلل وكتبعد عليك... ولاد وبنات الحرام
شجرة خلات طريقك بلا شوك... هونات عليك الهم والغم
شجرة وقت مغبتي عليها كذبل... وتشيل همك...
شجرة كل ماشافتك مبتسمة الا وكتزيد تفرع ورافعة عروشها بيك بالخصوص نتي ديك الزهرة المؤنتة بين ثمارها
وتجي في ثانية تقل جدورها وتقطع سقاها كيف بغيتيها تولي
غذبل في نفس الساعة
" شافت فيه بعويناتها الحمرين وشفارها الساردين " ...
ايوا بابا هوا ديك الشجرة
ديما مفتاخر بيا وديما انا غير الكل بكثرة الثقة خلاني نخرج بوحدي ونخرج نخدم رغم اني ممحتاجاش عاطيني الثقة الكاملة وديما انا فخر دارو بين عائلتو..وملي يجي النهار ويسمعني كنهدر مع غريب علي لا وسمعنا كنهدرو على الفلوس... اش كتسنى منو يصفق ليا. هءهء

" هي كتبكي وهو قلبو كيتقطع قرب حداها وحاوطها بدراعو باغي يهون عليها عارف كل كلمة منها عندها فيها الحق "
سليمان...." خشاها في صدرو وتنهد وهو كيشووف في السقف "...صافي ،كلشي غيتصلح... وغتصالحو وغتصحي منبغيش نشوف دموعك 
احلام ..." نزاحت من صدرو وشافت فيه مغبونة " اش غيتصلح تمنيت نموت و ميشوفش فيا ديك الشوفة ديال كسرتيني ،بغيت غير نهدر معاه... معطانيش فرصة بغيت غير نعتاذر منو مشافش فيا 
عرفتي اشنو هيا باك حداك ويتعامل معاك كانك شي غير موجود ،نقدر نكون كنبالغ. ولكن انا والديا هوما قلبي ولا غير تخاصم معايا واحد فيهم اذن انا لا شي
سليمان " حيد ليعا الشعر من على عينيها ومسحهم ليها " انا مستاعد.. نمشي نهدر معاه ونشرح ونبرر ليه كلشي ونطلبك منو ،ونقوليه بانك اطهر وانظف بنت شافتها عيني واصلا انا كنت كنتسنى الوقت المناسب وباغي نجي نخطبك
احلام " حركات راسها بنفي خايفة "..وياك اسليمان ديرها وياك خصوصا دابا !!
سليمان..." شافيها باستغراب..." علاش مباغانيش !؟ 
احلام ..." بسرعة جوباتو حيت فهمها بالعكس ".... لا ماشي هاكدا راك عارف شنو نتا ليا..." تنهدات "...بالحق خلي حتى دوز هاد المدة وتعبر هاد الغمامة ونصلح علاقتي بيه وديك الساعة مرحبا باي وقت اما حاليا نو من الاحسن "حدرات راسها حشمانة من كلامها "..
سليمان....." تفهمها وعذرها ..هز ايدو وبدا يطبطب على ظهرها ".. اوك الالة اللي يريحك ،مهم تكوني بيخير وباركة من الدموع طيبتي دوك العينين وطيبتي ليا قلبي معاك ،
" جرها لحضنو وبقى ساكت شحال عاد نطق "... دازت عليا هاد ليام فحال لعوام وحق الرب ، مقادر نهدر معاك فحال الناس ولا نشوفك كيما موالف واخة غير تخطفي ديك السويعة
صراحة نورتي حياتي ووليتي اهط عنصر فيها
وياربي يتاوينا لهخر وربي شاهد اني باغيك حلالي ومناويش نتفلا عليك ..
"ضهرت ابتسامة على محياها لي تمسحات ديك ساع فور مدخلات الممرضة "
- سمحليا اسيدي راه فات وقت الزيارة من زمان وممنوع تبقى معاها ،وهيا اصلا خاصها ترتاح
" توجه لعندها سليمان وهوا خاشي ايدو في جيبو
جرها جنب ودوا "
سليمان...... ديري مع خوك المزيان وخليني معاها شوية وبقهيوتك راه شحال مشفتها... وغنخليها تنعس غنبقى غير جالس حداها 
"شدات المية درهم وهيا كتفرنس"
- مشفتيني مشفتك لحصلوك
سليمان......"غمزها"..متخميش خووك فران وقاد بحوومة وتاا الا شافووني وخرجووني من لباب نقز من شرجم هانية عندي ..
- الله يجيب الشيفاء 
"خرجات الممرضة ورجع لعند احلام لعقلها مغيب "
سليمان... " كيشير قدامها "..الله يهديك ،ريحي عقلك شوية وغيكون غير الخير..
احلام ..."بتنهيدة كبيرررة.". ان شاء الله من فمك لربي، ياللع نوض سير راه تعطل الوقت
سليمان...."رفع حاجبو ".. ياك باغة تجري عليا، طلعتليك في الراس..
احلام..." دلات قنانفها".. ماشي هكاك غير مبغيتش يجي شيحد ويلقاك تاني هنا وتعمى كثر ماهي مكحلة..
سليمان...كوني هانية شكون غيجي في نص الليل، واصلا ممنوع الزيارة حاليا واخة يجيو
احلام.... ونت كيفاش غتبقى
سليمان....." بابتسامة خفيفة "...انا صعيب يخرجووني يوحلو فيا وممعاياش سلاكة...معلينا نسااي وخوي عقلك ومعندك مناش تخافي محدي حداك 

"بقات طول الليل وهيا تشكي. وتبكي عليه مرة يسكتهامرة يحاول يخرج ديك الضحكة المدفونة مسايس معاها ومخليهغ على راحتها... 
حكات ليه على علاقتها بي باها... لدرجة حيات في قلبو ذكريات مع باه 
هيا كبيرة في عينو من اول مرة ،ودابا تربعات وتعرشات حتى في قلبو
لانو كيقول المثل. :اللي ملوش خير في اهلو ملوش خير لا في ولادو ولا في زوجو "
فعلا ختار وعرف اشنو يختار... وتاكد انو مرضي الوالدين لانو ربي عثرو في نقرة غابرة
وقلالت في ايامنا هادي
بقات هدرة تجيب هدرة حتى وصلات السبعة الصباح
وجات الممرضة باش تعلمو ضروري يخرج دابا حيت غيدوز الكنطرول وخاص يديرو ليهها شي تخاليها 
سليمان...واها غير ربع ساعة ونخرج 
احلام... "كتطلب فيها "...نعل الشيطان الليل كامل ونتا سهران وحياة المرحوم سير رتاح ومن بعد نهدرو واصلا شوية الدار غيجيو ..." بقا كيشووف فيها مجوبهاش "...
- الا كانت عزيزة عليك سير 
" مع هاد الكلمة توجه باس راسها وتوادعو ووخرج وهو كيوصي فيها متقطعش عليه تليفون "...
- تليفون يبقى حداك ، دماغي غيتشغل عليك بجهد مفاهمين 
احلام....صافي واخا 

جا طبیب وخدا دم لاحلام باش یدیرو تحالیل من وراها جابو لیها لفطوور کیف کملاتو غفات محسات براسها غیر والکلام حداها حلات عينيها
لقات باها ومها و خوها قدامها بابتسامة سارعت نبع الحنان لعندها وباست ليها راسها

فاطمه......"تعنق فی بنتها وتعاود ".. كيبقيتي ؟؟ رتاحيتي؟؟ 
احلام...." حاطه راسها علی صدر مها "..الحمد لله اماما حسن من لبارح
فاطمه....خلعتینی علیک ابنتی منساش المنظر تاعک ...

"نطق خالد"
- وصافي بنتك راجل مغيلبهاش شوية المرض 
" قرب جهتها وباس راسها ضهرت ابتسامه من احلام وشافت فی باها لی کان ملامحو مطلوقه "
محمد....." بأمر "...انا غنشوووف طبیب ونتی وجدیها باش نخرجو "
خرج الاب عند طبیب وفاطمه عوناتها حتى بدلات لیها وخرجات لعندهم مسندة على الام ديالها طمنهم بلی تحالیل مزیانین وعندها فقر دم عاد بادي وخرج لیها دوا یقضی علیه ، خلص خوها لکلینیک وتوجهو لسیاره ديركت لدارهم ووراها مشی لخدمتو ...
على قول بسم الله دخلت لدارهم
ومشات الام توجد الشهيوات اللي كتحب لاالة احلام ،تغداو في جو هادئ ، أو هوما اللي كلاو اما هي مرفوعة عقلها غايب
تجمعات الطابلة وكاي بيت مغربي لازم كويس دتاي
حنحن الاب ودارو شافو فيه
محمد....." حادر راسو "...انا کنتسناک تدوی وتشرحي ليا نسمع ليك ؟
احلام...." بارتباك ، بدات تلعب بصباعها"... والله ابابا مدرت شي غلط ،وهاد السيد بيني وبينو غير الخير والاحسان تعرفت عليه مؤخرا صدفة ومكنتلقاوش بيناتنا غا تليفون وصافي
محمد ....." هز ايديه بانذاار ".كلامي نبغيه يكون وااااضح ااحلام ، لاول مرة واخر مرة نبغي نقوولو ليك....نتي بنت والبنت في عائلتنا مكتعرفش شي حاجة سميتها ندوي مع فلان ونتعرف عليه داكشي ممنوش وغير تفلية نهار يجيك رزقك غتزوجي وتستقري ... انا مغاديش نحكر على الموضووع دابا وغنسى هادشي لي طرا ، تليفونك هاهو " مدو ليها ".. وخدمتك اللي شحال وكطلبي وطلعي وتنزلي عليها تاهيا غتخدميها....
لكن ديري في بالك ديما غنكون مراقبك ولو شفت عليك غلط واحد بسيط غير نحس كاينة شي حاجة ماهياش .. 
حلف ليك عمر ديك الزنقة مغتشوفيها ..
تقتي فيك لكبيرة مغنقولش ليك مبقاتش لا تربيت ايدي وعارف اش ربيت لكن تزعزعات ولكن غنعطيك فرصة وهانا كنتبرى فيك قدام مك، داك السيد عمرك باقة دوي معاه " حكر عليها ".. وانا عمري نشوف عليك شيحاجة والا غنغضب عليك 
احلام..." خدات تليفونها في ايديها ومزال مصدومة من هدرت باها ،"....كنواعدك الواليد تشووف وتسمع لي بغيتي ونكون انا هي ديم الابنة لبارة لي كتمنى ..
"باست ليه راسو وطلبات المسامحة وباست مماها وطلعات لبيتها وكتفكر في الوعد لي قطعات لباها "
- كيندير منبقاش نشوفو ولا نسمع صووتو كيندير....
" تخلاحت فوق ناموسية على ظهرها وكتشوف في سقف منعزلة على حوار مها مع باها لي كانت هي محورو 
.......
فاطمة..." هزات كاس اتاي في ايدها وكتشربو بنخوة واريحية بعد مطمنات على بنتها "...الله على كبدتي عوينة وحدة وكانت غضيع منا ....ربي ستر قلت صافي خسرت ضحكتها 
محمد.....غمامة ودازت...
فاطمة...." شافت فيه "..خاصك تعرف اسمحمد ..لبنت مدارت تحاجة اللي تنزل لينا بيها راسنا للارض هيا قدامك مكتخرج مكدرج الا بموافقتك . حتى من الخدمة اللي كتونس بيها بعد مشرطتي عليها تجلس معودتهاش معاك
زعمة راك عارف احلام كلمتك عندها رقم واحد... وحاشى واش عمرها ثناتها بغيت نعرف كيفاش عطاتك راسك تقسى عليها 
محمد...." تعوذ من شيطان الرجيم "...واش انا قتليك بنتي خايبة... ولا شاك في تربيتها بنتي زينة البنات وعارف هادشي لكن الوقو صعابت.و البنات ضلعة عوجة تهرس وحدة طلع لخرى.... انا بغيتها تحس بغلطها وتعرف بقيمتي عندها لبنت عندنا نية..... وغير خبز ربي ،واش بغيتي نخلي الشمايت يضحكو عليها ونوليو شفايا لناس....
حياتي كاملة ميقدر حد ينعت فيا ونجي تال لخر وطيح سمعتي الارض وتولي بين رجلين ..
فاطمة..... دابا هي شرحات ليا وليك ...السيد معقوول ومكتلاقاش بيه ووعدتك تنساه وديرو كانو عمرو كان..وتانتا نسى ومتبقاش كل مرة تلوح ليها كلمة حتى هاد المرة منلقاو منعتقو فيها...
محمد...."بانفعال.... "والله يهديك يا هاد المرى.. بنتي مانيش لقيها باش نسخى بيه وانا عمري نفوت ديك لعوينة اللي عندي
خلينا انا دويت معاها وتنيت الصفحه
فاطمة...." عمرات ليها كاسو باتاي " .. ايوا الله يحنن القلوب ياربي 
هاكا كان حديثهم.. الحديث كيبقى حديث.. لكن شوف اش مقسما لرزاق واشنو حكمتو.... وباش يتليها ومعلينا غير نعيشو لقدارا للي مكتوبة علينا... واكيد مدبرها حكيم وسعدات اللي عندو باه ومو يفكرو ليه ويسولو عليه...والله يرحم من مات وغمض عليه عينيه 

دازو لياام وأحلام بين نارين 
بين قلب عاشق لي مقداش تخرج منو سليمان ولا حديثو معاها وكلامو....صوتو تصرفاتو وحتى احترامو ليها وخوفو عليها وبين ضمير معاتب لي کيحاول يخلي عقلها يغلب قلبها....كيفكرها كل دقيقة وتانية بوعدها لباها وكيحطها في دوامة الاختيار بين حبها وعائلتهااا....مخلیها تصبر راسها انه ای حاجه تعوض فی هاد دنیا الا الوالدین ...الا نسات سلیمان ربی یقدر یحط فی طریقها سلیمان اخور تبغیه تاهو ویبغیها اما الا عصات باها وکلامو
هادا لی میمكنش یجی فی بلاصتو ولا یاخد مکانو حد...
وداکشی لی کان تلیفون لی رجعو لیها باها خلاتو طافی..وخلات لی عطاها سلیمان هاد الاخیر لی صبح كي الثوور الهااايج من ورا كلامها على الفرااق لی ولا على لسااانها كل ساااع فين ما يدور معاها يقوول داباا ترجع لعقلها داباا تنساا و يفووتها الحال هذاا غيير الضميير ديالها كيأنبها حيت خباات على وليديها و حساات براسها مامزيااناش وااخاا عياا يدخل لیها الفكرة ديال انهم يتفاارقو غيير تنسااها من باالها حيت ماحدو حي هي لي ماغاتكوونش ليها من نهار رجعات من سبيطاار حس بیها قلللااات المكاالماات معااه مكااتبغييش تجاوبوو و تتخليه یتصل بعد المرااات تا يعياا تبقا شوية تصيفط ليك سمح لي كنت خارجة ولا كنت فالكوزينا ..... ولكن ااخر مكاالمة ليه معاها كانت متوثرة نوعا ما .. كي نطقاات حس الفرااق من ثااانيه لوله ماحسش برااسو خبط البيرو دياالو و وقف كيزفففر من نييفوو و فموو ريييح سخووونه و صدروو تيطلع و ينزل بالغضب ..

سليمان .. حس الفرااق هو لي عمررك .. عمممرك يا احلاام ماتجبدييه على لساانك انا غاندوي مع هاد باااك ونسدو هاد الموضوع ....
احلام .." ضربات حنااكها " ..اووييييلي وااش باااغي تخرج علياا ولا شنوو واش حماااقيتيييي اااش غاتقوول لبابااا ااش .. ؟؟ 
سلام انا هو لي كانت تدوي معاااه بنتك واااش عارف اش تتقوول .." مسحات دمووعها" واش بااغي تكمل البااهية اسليماان حرام عليك هادشي عاد غايزييد يكفرو علیا وتا گلت قلبو لان جهتی ..
سليماان .. " غووت عليها تا بعدات التيليفون .. واااااش الحلااااال ولاااا يكفففففر .. واااش باااغيااااني ندييير شي موووصيييييبة بربييي يا احلااام .. تااا ندیرها ونفووتها لهیه ومتجربینیش رانی مقود فی ريي 
قبل ما يكمل تهلالو و كلااامو قطعااات عليييه التيليييفوون ... خبطوو مع البييرو و نااض وقف تيمشي و يجييي و مزييير على يدييه حتى تيباانو العروووق و العصبااات .. 
اما احلااام حطات التيليفوون و انهاارت بالبكااء فووق مخدتها عضااات علييها بااش صووتها ميطلعش و حد ميسمع انينها المختلط بالشهقات .. بقااات ديك النهار كلو وهي كي لي مقطعيين لييه الرااس .. حتى دخلات عليها الأم ديالها .. .

فاطمة.. " مشات عندها حطات يدها على راسها" .. الله يا بنتي واش غاتبقااي هكاا حابسة راسك و تتبكي تال اييمتا..
ياك بااه لي كيهمك في هادشي سمح ليك وطوى صفحة علاش عايشة في تأنيب الضمير . " جلسات حداها و حطات يدها على راسها .." ..
احلام .." ناضت اعتدلات فالجلسة و حااسة بقوااها خااائرة ..مسحات دمووعها و تنهداات وقررات تعاود لمها حيت هي لي عندها والا مباحتش بلي في خاطرها غتنفاجر " .. ماعندي منخبي عليك اماما ، صعيب سليمان يتنسى 
كل نهار كنقوول غنساه كثر من قبلو ووحشي ليه يقل وتفكيري فيه يتحد ، كيصدق العكس 
كنلقى راسي محدي غادا ونتعمق فيه ونزيد نذووب بحبال حبو 
كل ما انا كنبغي نرجع خطوة معاه اللور كيجرني لعندو لقداام ..
فاطمة .. هو لي كان يدوي معاك الصباح ....
احلام .." وسعات عينيها وحدرات راسها " .. هو .. 
فاطمة .." حطات يد على يد " شووفي ا احلام .. 
عارفة هادشي جديد عليك وعمرك حسيتيه ولكن صدقيني ابنتي غتنسايه وتجاوزيه ...وباش ديري هاد شي خاصك تا داك تليفون تقطعيه عليه راه بااك الى سمعك مزال كدوي معااه مغاديش يعقل علييك نتي تعرفي بووك كثر مني ..ماتندمينيش حيت قنعتو يرض ليك تيليفوون ..
احلام .." حطات يديها على عينيها و رجعاتها لوور جامعة بييها شعرها لي طااح على عيليهم " .. عيييت نقوول لييه يبعد عليا اماما ماابغاااش وتليفون ديجااا قاطعة عليه وبعد مرات كنجاوبو باش نتوسل ليه ينساني لكن تيقووول ليااا بااغي يدوي مع باا خاايفة يتهور و يديييرها .. خصووصا دابا بابا مزاال منساش هادشي غايشد الضد ..
فاطمة .." تنهدات" .. ماعندك زهر يا بنيييتي معندك زهر
احلام .." نزلوو دمووع من عينيها غيير ماعندي زهر و سكتي .. اوديي .. 
فاطمة .. الى كان نااوي الحلال خلييه يجي يدوي مع باااك لعل و عسى يتفش و يهدى يشوية فااش يشووفو نااوي المعقوول ..
احلام .. كدوي اماما فحال لا رااك مامعااشرااش مع الواليد كثىر من عشريين عاام ..

فاطمة ..استغفر الله يا ربي .." ناضت وقفات" .. نووضي نووضي لبسي حوايجيك و هزي شي صااك ديري فيه تبدييلة و بيجامه ..
احلام.. " طلعات فيها راسها" . فين ماشيية بالسلامة !!ناويين تصيفطوني للعروبية 
فاطمة ... الله يمسخك ..نوضي مرات خوك جات و جايبة معاها مصعب ولدها راه تتسناا قاالت ليا وااالو ندييها معاياا ترتااح شوية . 
احلام .." رجعات راسها بغات تتكى " . و الله ما فيا لي ينووض اماما .. خليني نعس عافاك ..
فاطمة .." نطرات منها الفراش" .. نوضي تكعدي احلاام نووضي .. منها تبدلي الحيووط و نتي عارفة مرااات خووك غاتخرجك و تفووج علييك .نوضي ابنتي الله يرضي علييك خوي رااسك شي يامات و رجعي ..

احلام .. تنهدات و ناضت من بلاصتها " .. وااخة اميمتي وااخة . 
ناضت جمعات فصاك صغيير زوج بيجامات سخان و تبديلات .. لبسات على بيجامتها مونطو .. حطات تيليفونها فصدرها كيف العادة و خرجات نزلات لقات مرات خوها جالسة و هازة ولدها الصغيور فحجرها 
مريم .. " حطات الولد و وقفات" .. كي بقيتي الخايبة خلعتينا عليك ..
احلام .." سلمات عليهاب الوجه" .. اه حگلك جيتي سولتي فيا فالسبيطاار ..
مريم .. ويلي رااه قلتها لخاالد قلت لييه غاتقلق مني ولكن والو مابغااش يديني معااه قال ليا ولاات بيخيير .. و حبسني نقاابل دراري راك عارفة ماعندي لي يقابلهم .. 
احلام .." ابتسمات بزز" .. عارفة لي كين غير ضحكت معاك نتي اخر وحدة نتقلق منها..
مريم .. عاارفة قلبك كبيير احبيبتي ..زيدي عندنا هضرة كثييييرة انا وياااك زيدي زيدي .. 
احلام .. كون غيير خليتيني امريم و الله الخااطر نمشي لشي بلااصة ماعنديييش ..
مريم .. تي زييدي شمن ماعنديش الخااطر راك غادية لدار خوووك و ختك ماشي لشي بلااصة اا زيدي ..
احلام .." حنات راسها " و الواليد ..
فاطمة .. دوينا معااه و قال لك غا سيري ..راه خرج ..
مريم .. راك عارفة عمي ميرفضليااش طلب .. 
احلام .. ياه اختي سعداتك ..
خرجو شدوو طاكسي و ديريكت للدار ديال خووها 
......

في مكان اخر كان سليماان مقابل مع نافذة لي متواجدة في البيرو ديالو هاز سيگار فی ایدیه وسارح فی اول لقاء لیه معاها کیفاش کانت مخلووعه ، تایه ومساافر فی حدیثهم بزوج بسوایع ولیالي فی تلیفوون......كيفاش كانت تدوي معاه وتخاف عليه وتسول فيه كيفاش بعد هادشي يجي دابا يفرقها كيف كتقوول...
كيزعف ويتعصب وتا كيقوول يمحيها من بالو ويرميها في خانة الذكريات لكن سرعان مكيبدل رأييو ملي كيتفكر وقفتها في جنبو في أصعب مرااحل حياتوو ...
كيقنع راسو بلي بزز منها كتعامل وكتطلب منو يتفارقو وكلها يشد طريق....كيبرر ليها ويقول قطة مغمضة ، تربيت باها ليها مخليها دير لكلامو الف حساب وتخاف على تقليقتو وتطلب رضااتو
وبلي يعطيها وقت دوزها الخلعة وترجع كيف كانت منقبل ...
شویه کیگوول بلی یدیر لی علیه ویتقااتل علیها حتی یبقی فیه عرق یخبط ویدیر هو سبب ویخلی کماله علی الله ویقصد باها ویطلبها منو ویشوف ردو وجوابو وداکشی لی کان وقرر فی دیک لیله بالضبط طفی سیگارو وقصد دارهم فی طریقو خدا فی ایدیه حلوی میدخلش خاوی ...دصل عند الباب وسطاسیونه طوموبیل هز راسو فی بیتهاا بان لیه مطرق کیف نزل عینیه لقی باها کیحل فی الباب بغی یدخل

وصل عند باب داارهم وسطاسيونة طوموبيل هز راسو في بيتهاا بان ليه مطرق كيف نزل عينيه لقى باها كيحل في الباب بغى يدخل.... سد الاوطو ديالوو و اتجه لعندو بخطى واثقة .. وقف علييه ..
محمد .." طلع فيه راسو و تفزع حيت جاه على غفلة " .. نعام؟؟ ياك لباس اولدي!!
سليمان .. حيد يديه من جيب الكويرة " .. اعتذر احااج خلعتك يمكن ..!!
محمد .. احم .. لا ماشي مشكل .. كتسول على شي حد ..؟؟
سليمان .." عاقد حواجبو" ..عليك الحاج ..باغي ندوي معاك الى كان ممكن .. ندخلو مانبقاوش على براا ! 
محمد ...." شافيه مخنزر "..واش انا لي جا غاندخلو لداري من گال ليا ما تكونش شفار ..!!
سليمان .." هز يديه جبد سوارت الطونوبيل فتحها و عاود سدها" ..واش الشفااار لي عندو بحال هادي اش غايشفر من عندك الحاج .. باغي ندوي معاك فموضووع مهم .. " معععصصصب و كيحااول يتمالك رااسو غا بزز " 
محمد .. " تنهد و حل الباب .. " .. زيد تفضل ..
دخلو للصاالون لي حدا الباااب و عيط على فااطمة تعمر ليهم كاس اتاااي تعجباات من انو جااايب ضيااف فدييك الوقت من الليل .. 
سليمان .."كي دخل حط شنو جايب فووق طبلة و حيد الكويرة حطها حدااه خلااا محمد غا تيشووف فيه " جلس الحاج بااش نعرفو نتكلمو في موضووعنا ..
محمد ...." مصغر عينيه و الشك بدا تيدخل لييه" .. منين تتعرفني بااش يكوون ليك معايا موضووع!!
سليمان .." تنفس بصوت مسمووع .." .. احم ..نتا ماكاتعرفنيش الحااج انا تانعرفك مزياان ..المهم نتمناو تكون معرفة خير ..
محمد .." طلع و نزل فيه" .. دخل فالموضوع ..!!!
سليمان .. المهم اعمي انا جاي نطلب منك يد بنتك فالحلال 
محمد .." خرجوووو عينيه و وحلاات لييه .."بنتي ؟!! شكون احلام؟؟
سليمان.." شاف فيه" .. كنضن هي لي عندك .
ركز محمد على وشاماات يديه لي ماكيبيينوووش لحمووو .. و الي زااد خلاااه يوسسسع عينييه كثر ديك الضربة لي فوسط درااعو اليسرى ..و لي باااين السيكاترييس ديالها..

محمد .. احم .. ونتاا منين تتعرف بنتي!!
سليمان .. * حط يديه على ركابيه " .. شووف .. من اللخر و لي نطولووه نقصرووه .. انا و احلام تعارفنا مدة قصيرة هادي .. و ربي شااهد نيتي كاانت الحلال من الاول .. و بنتيك تبارك الله محترمة و مربية .. عارفة الأصوول اشنااهووما و الا منجيش نطلبها منك دابا ..
محمد .." حط يدوو على لحيتوو تيحك فيها .. اهاه ..قووول نتا هو لي بسبابو بنتي مشاات لسبيطارات وكانت غتعصى باها ...
سليمان ..." زير على يديه "...اش وصلنا لهاد الهضرة ، اشمن عصيان كتدوي عليه 
راه حتى انا مربي وولد ناس مغاديش نتفلى على بنتك وعندي خواتاتي ، ودليل قدامك جاي داخل لدار من بابها ..
محمد...."كيتكلم قاصح " ...كون كنتي كيف كتقوول مغاديش تلعب بعقل بنتي وتخلي ثقتي فيها تهرس....كتقوول عندك خواتات واش تقلب بختك دوي مع شي مخلووق عمرها عرفاتو بسواايع والعلم الله تكون تلاقات بيه 
سليمان...." شافيه ودوا واثق بنفسو "....حيت ختي عجينة يدي وعارفهم " هز ايديه وراهم ليه " اش كيخرجو ، مغاديش نكبر الموضووع وندير منو فيلم غنجلسها ونفهم منهااا حيت كلشي كيتحل بالنقاش ماشي نمنع عليها زنقة وناخد ليها تليفوون ...
محمد...." باستهزاء "....هادشي كلو وصلك تباارك الله على بنتي ...
سليمان ...."عض على فكو من لدااخل "...ايه تبارك الله عليها وخاصك تفتاخر بيها ...حيت فكرات فيك وظارت ليك حسااب و دوات معايا وقالت ليا اولد ناس عندي غير باا ولو خيرووني بينو وبين الاف رجال غنختارو هو وقطعات علاقتها بيااا وداكشي علاش لقيتيني قدامك باش نشرح ليك بلي لي درناه مكيخالف لا شرع لا دين 
محمد...." وقفو مخلاهش يكمل "...سمعني ، سمعني اولدي نفهمك واحد الحاجة ...قبل متدوي على الدين والشرع 
انا وياك بينا اجيال كثييرة وجييل لي تربيت فيه انا ماشي هو لي كبرتو فيه نتوما اولاد اليووم...حنا جيل الحشمة والعفة كنأمنو بشي حاجة اسمها النظرة الشرعية بين الرجل والمراا سمعتي يعني هذا هو لي مكيخالفش عندنا الدين والعادات ..

.حنا جيل الحشمة والعفة كنأمنو بشي حاجة اسمها النظرة الشرعية بين الرجل والمراا سمعتي يعني هذا هو لي مكيخالفش عندنا الدين والعادات ..
ماشي ضحك وتقشاب تال نصاصات ليل ستغفوورت الله عليها كلمة ..وتجي دابا وتقوول ليا قاصد الباب 
تاالين تاا دخلتي من شرجم عاد عرفتي فين جاا هاد الباب ...؟؟
سليمان...." رخف اعصابو "...بفمك قلتيها داك زمان وهادا زمان والا جينا نتمعنو غنلقاو شحال من حاجة تبدلات من داك الوقت لدابا...
وتا دابا الحاج حقك على راسي والا شفتيني غلط انا طامع في سماحتك ليا كتبقى في مقام الواليد الله يرحمو وانا كنبقى فمقام ولدك وكنظن ولدك الا خطأ كتغفر ليه وتجبد ليه وذنيه اولا ....
محمد....." حرك راسو وبقى شحال يشووفيه تا عاود سولو من جديد . "....
سليماان....كنتسنى جوابك اعمي..؟؟

محمد ....فيناهما واليديك جااي تخطب بووحدك..؟؟
سليماان .." تيحك يدين ببعض" .. انا عندي غير الوليدة .. الوليد توفى الله يواليه برحمتو الواسعة .. و جيت نطلبها منك بااش نعرفك مواافق ولا لا بلا منجيب الوليدة نحرجها .. 
محمد .." عينيه على الوشاام" امم . فاش خدام؟؟
سليمان.." رجع لوور و ارتاح نوعاا ما حيت عطاه بصيص أمل ملي بدى يدي وجيب معاه في الهضرة" .. عندي اجونص ديال الطموبيلات .
محمد .. " حرك راسو بالايجاب بدوون ميجاوب .."
سليمان .." حنحن " .....نقراو الفاتحة ...
محمد .. " شاف فيه مدة عاد نطق" نو ماشي داابا لي نقدر نقووليك يكوون خيير .. نفكرو و نردو عليك ..فاااااططططمة فييين اتااااي. .؟؟
سليمان .."" ناض وقف جبد كارت فيسيت ديالو حطها ليه فوق الطبلة " .. الى فكرتي تصل بيا .. نتمنا يكوون خير .. تيق بياا ماغانخذلكش و بنتك ندييرها فوق الراس ..
محمد .. يكون خير ..
ناض ..سلم عليه و وصلوو للباااب تلاقااو مع فااطمة واقفةة عند الباب بالصينييية ديال اتااي سلم عليها و اتجه للخاارج عااد تنفس رييح الله .. امااا محمد غييير سد الباب و لقى فااطمة ورااه حاط يدييها على جناابها ..
فتطمة ..اوااااا هااااهو جاا يخطب و ناااوي الحلال طلع ولد النااااس .. اااش بغيييتي مزاال .. 
محمد .." تخطااها و دخل للداخل" ..كنتي كتسنطي 
فاطمة.....بصدفة سمعتكم...اش ناوي ؟
محمد ... تا نشووف ماغانعطييش بنتي لمن والاا تا نسوول علييه مزيااان عااد نقرر .."

تسللات فاطمة من حدااه ودخلات لبيتهااا ناوية تفرح بنتها وتخرجها من حزنهاا....خدات نمرتها وعيطات ليها لقاا تليفونها طافي وهي تعيط عند مريم 
فاطمة....." كتهضر بشوية باش ميسمعهاش "...الو مريم حدااك أحلام ؟؟ دوزيها ليا أبنتي الله يرضي عليك....
" داكشي لي كاين عطاتها تليفون...أحلام غا سمعات مها بغاتها قلبها ولا يضرب "
أحلام....." بخوف"...أش كاين ماالك أماما ...؟؟....
فاطمة.....بغيت نسولك ابنتي واش دري لي كتعرفيه ، طويل وعامر وعندو لحية وواشم ايديه ..ومعندوش باه !!
أحلام...." فمها نشف بالخلعة وقلبي قرب يسكت "...اه اماما علاش...؟؟
فاطمة.....ايوا ابنتي راه جاا ليوم عند بااك ...
أحلام...." بالغواااات "....اوييييييييلي اوييلي دارهااا ناري وشنو قال بابا ، عيرني يااك داكشي لاش معيطة ليا ...
فاطمة...." بغاتها غا تسكت مسكتات "...وااتي قطعي الحس اناري....تا حاجة من هادشي لي في بالك موقعات ، بالعكس دوا معاه باك عادي وقاليه غنفكر في الموضووع ونجااوبك ...
أحلام...." بدات تتحس يشوية الامل "...بصح اماما هادشي لي كتقوولي يعني بابا مرفضش ...
فاطمة....بلاتي راه مرفضتش ومقبلش ، مهم قاليه نفكر ونجاوبك...انا قلت نقوولها ليك باش تكوني على بال وصافي 
ديري مفراسك والو ..
احلام..." حطات ايدها على قلبها فرحانة "...صافي اماما ...واخا سيري كيف فرحتيني الله يفرحك ..
" قطعات معاها وحطات تليفون على قلبها وبدات تضحك..."
أحلام.....الحمد لله الحمد لله 
مريم...." كانت واقفة عند الباب حاطة ايدها على جنبها "...هاي هاي هاي شي صفقة نجحات ليك هادي شفتي عتبة داري شحال زينة....
احلام...." جلسات فوق سداري وبدات تطلب "...مكرهتهاش تنجح والله منبقى باغا والو من دنيا ...
مريم....ياك لاباس ؟؟ شنو ،فيك متعودي ليا ولا نقلب 
أحلاام....." قررات تقووليها لي كاين حيت قريبة ليها وعارفاها بحالا عودات لنفسها "...انا كنبغي وااحد الولد.....
مريم...." هزات حوااجبها لسما مندهشة "......حب حب ومن ورايا ومخبية عليا ..امتى هادشي يا لخانزة هادا هو دم لي تشاركنا...
أحلام.....غا سمعي نكمليك....
مريم..." جرتها من ايدها "...زيدي حداايا الكوزينة وخوي ليا لمزيودة...
" بالفعل تعاونو على العشى ديك للليل وكان حديث ومغزل عودات ليها فيه احلام قصتها مع سليمان من اول نهار تااا لساعة لي جا عند باها "
مريم...." جلسات الارض حاسة بوخز في قلبها "...ياختي مقاداش نتيق والله ...
اش هاد زهر ااحلام عندك 
دابا عمي شنو غيواافق..
احلام..." تنهدات وبدات تبكي بدون شعوور "...معرفتش ، لي عارفة ومتأكدة منو هوو ياااااا رييييييت يواافق ...
حيت كنحس براسي عايشة في دوامة وغارقة وباغا لي يجبدني....ليل اامريم مبقاش يجيني فيه نعاس حيت مكندويش فيه مع سليمان ولفتو لدرجة ماتصوريهاش علقني بيه وبكلشي فيه...
تقديرو ليا وكيف كيدوي معايا ومحترمني وداير بحسابي وهو كلشي داير ليه الف حساب ...
كيكون سبع مع البشر ومعايا انا كيكون غيير 
مكيهزش فيا لعين ومكيشبع مني تا شووفةة ...صووتو قليل فين نسمعو عالي 
واش شي حد تعرفيه فهاد زمان واغلب هضرتكم في تليفون ونهار يعرف بلي تجبد ليك مشكيل بسبابو يجي لدااركم ويدوي مع بااك ...؟؟
مريم......يااختي نكذب عليك الا قلت مزال بحال هاد نووع....ولكن انا عندي ليك عتاب !! لاش بغيتي تفضي لي بينك وبينو واش الحب في نضرك تسمحي فيه فأول عثرة وقعتي فيهااا 
أحلام...." دموعها كيتياابقو على خدها "...خفت اختي خفت...عمري وقعلي هاكدا ولا طرا ليا ..وليت كنشووف كلشي ضلام في ضلام وقلت يقد تكون مرحلة عابرة وغدووز في حياتي وبلي غير ولفتوو وجاني فىرااقو صعيب....ومجاش نفضلو على الانسان لي كبرني ورباني وسهر عليا ليالي وعاد قطعت وعد مع شييخك وعارفاه كيف دااير 
مريم....." مشات عنقتها ".....عارفااه كيف دااير راه هو وباا عقلية وحدة ماشي خووت ، صعيييب تسمحي فلي كتبغي وتكملي حياتتك كأنو مكاينش داكشي علاش غنقووليه الله يلين قلب عمي عليك ويجمع بينكم حيت مراارة الحب صعيبة ومبغيتكش ذووقيهااا 
...

مريم من ناس لي بسباب العادات والتقاليد وحسب قولة خيرنا ميديه غيرنا والبنت بلغات خاصها تستر تزوجات بولد عمهاا خاالد بزز منهااا وسمحات في حب حيااتها لي قرات هي وياه وتخرجو جميع ونهار فكر يجي يتقدم ليها....تصااب الاب ديال عطى الكلمة لخوووه ووعدو وحيت وعد الحر دين عليه وبسباب كلمة خرجات من فاام الخووت بزوج ...ضحات هي بنفسها وضحات بشاب تاهوا صبر على الحلوة والمرة على ودها ويعلم الله بحالو تاهوا وتزوجات بشخص كانت كتعتابرو خووها ..عانات وقاسات. في البداايات وبمعاملة الزوينة تاع خالد ليها قدراات تبدا من جديد ومع الوقت بدات تناسى حبها لقديم وسط عيوون وليداتها.. وهوما كيكبرو قدامها.. على الاقل ربحات من هاد الزوج... اللي قليل اللي قليل اللي كيصدق ليه زوج محب وولدات كيعوضو ملي تكبر وياعالم كون تزوجات حبيبها غتكون حالتها هاكا ولالا

مرت ديك ليلة مختلفة على كلشي...فاطمة ليل كامل وتدعي مع بنتها هااد الاخيررة لي كتطلب من الله يوافق باها على زواجها من سليمااان ...
في المقابل سليمان قرر ميعيطش ليها ولا يدوي معااها منسااش كلامها ليه وجرح لي تسببات ليه فيه في كل مرة كتقووليه نتفارقو ...حس براسو فارض نفسو عليها وبلي دغيا قدرات تسمح فيه ورغم ذلك هو شراها وقت لي حاولت تبيعو فيه...
ماشي بووحدو لي كان مجروح كانت وحدة اخراا تفتحو عليها جرااح الماضي ورجعوو زارووها من اول وجديد فور مسمعات قصة احلام...باتت ليلة كاملة وهي كتبكي فصمت وتقلب حتى قررات تخرج لبيت واحد من ولادها باش متديرونجييش خاالد ...
صباح يووم جدييد بعد ليلة دازت طوييلة على ابطاالنا فاق فيها محمد وهو رااسم قرار في دماغو ..ناض فطر هوا الاول وتوجه لمدرية الامن لزيارة صديق قديم ليه هوا اللي غيقدر يساعدو باش عرف هاد السيد اصلو وقصلو منين واشنو قصتو... 
مهما كان الحال لفلوس ماشي هوما كلشي وعوينة وحدة اللي يكساب باغي يتهنى عليها قبل ميدي مول الامانة امانتو... كان هاد الموضوع هوا اللي شغل تفكيرو ليل كامل 
هو ماشي من ناس الطماعين يشووف الطموبيل والفلوس واللبس ويقبل لا اهم حاجة عندوو هو يطمن على بنتو ويعرفها معامن غتكمل حيااتها ..
توجه ديركت لمدرية سول على الظابط الممتاز لي جاي قاصد 
توجه ديركت لعندو وكيما العادة رحب بيه

- شرفتينا الحاج ، نورتي والله عاش من شافك 
محمد ... الله يعلي مقدارك الشاف 
- اعووذ بالله على الشاف....متقوولش هادشي منعلاوش قدامك..مهم امر و طلب اش حب الخاطر ؟ باينة هاد المجية ،ماشي زيارة عادية
محمد...."حرك راسو بالايجاب "...ايه منخبيش عليك جيت بغيتك في واخد الخدمة ..
راك عارف عندي بنت وحدة وجاني ليها واحد السيد طالبها مني وانا مكنعرفوش وداكشي علاش قصدتك ليكون دايزة عليك سميتو باش حتى لعطيت البنت نتهنى عليها مبقى في العمر منزيد..
- بطولت عمرك الحاج ، و احلام بنتي تا انا هاديك راه حنا جيران وكبرنا جميع ولمخدمنا معاها معامن نخدمو عندك سميتو وكنيتو
محمد... ايه موجودة تفضل هاهيا .." جبد كارت فيزيت من حيبو ومدها ليه "...
- عصااام ،عصااام " كينده على بوليسي معاه "
- احتراماتي شاف !!
- خود شوف ليا هدا صباح قبل مندخل بغيت نعرف مو اش مرضعاه ملي تزاد ، ضووسيه مفصل سكون عندي مفهووم 
- اك شاف علم وينفذ
- " دار شاف في محمد ". كون هاني صباح غتلقى اش بغيتي عندي
محمد..." جمع الوقفة ".. هدا المضنون فيك ،الله يكثر خيرك
مهم خليت ليك الراحة بلاما نشغلك وسمحليا
- ومبينتناش وخيرك سابق

"تودعو مع بعضياتهم وخرج فحالو وهو في راسو مية ومية مطرقة سليمان شغل تفكيرو و باغي يعرفو منين وشكون... 
توجه لدارو ويومو كامل غير كيخمم وساهي 
داز يوم عادي عند ناس وكئيب عند ناس وناس يومهم كيدوز الدقيقة بعام وكيما كان الحال اليوم غيمر ويتبعو الضلام.. لكن الاكيد غيبزغ فجر جديد وكل عبد وربي اشنو خازن ليه ولنيتو يلقاه 
مع بوصبيح الحاج مبكر من الفجر وهوا فايق حرت داك الصالون بالمشي والمجي 
فاقت فاطمة وجدات ليه الفطور ووالو مداز ليه باغي يطرق المسمار اللي دارو 
غير بانت ليه التسعود وهوا يهز راسو وخرج متلفت موراه 
وديركت طاكسي 
وصل ودخل ديريكت عند السيد
لي رحب بيه كالعادة 
- الوقت هو الوقت معندي منتسالك 
محمد ..."متوثر ".. نكذب علك... لجات عليا انا نجيك مع الفجر بالي مشوش 
- شكك في محلو ، ودماغك ممشغولش من الفاضي منكذبش عليك خونا مخلوض 
محمد ...." باستفهام "..
كيفاش ؟؟

شكك في محلو ، ودماغك ممشغوولش من الفاضي منكدبش عليك خونا مخلوض..
محمد..." باستفهام "....كييفااش ؟؟
.......
-السيد خرج حارك بطريقة غير شرعية وهو مينور معندوش حتى لكارت وعاد عندو سوابق عدليه... مدوز واحد ثلت شهور حبس في المغرب كان سلخ شي حد .. زائد انه مدخل ثروة مدخلوهاش اللي خدمو في الذهب... 
ويعلم الله منين جايب الفلوس... 
يعني من الاخر خونا مخلوض ومخدوم... وفيه الدغل مصافيش

" محمد من وقع الكلمات عليه لسانو تشلل ،ملقى ميقول 
حدو وقف وحدر راسو وشكر رفيق عمرو وخرج حشمان من نفسو ومن رااجل لي جاي ناوي يكمل مع بنتو حيااتها ...ركب طاكسي وتوجه لدارو مبقات كتباليه حتى حاجة كيوصل على وجه السرعة دخل عند مرتو لقاها بالكوزينة كتقاد لغدا 
محمد ..." بصوت عالي وكشاكشو خارجين "...فاااااطمة تبعيني بغيتك.. 
مدعووقة تبعاتو خالعها منظرو من البارح
فاطمة...." جلسات حداه في بيت لجلوس "...هانا هانا مالك ؟؟
محمد..."بالغوات مبقى حار فجيران ولا فحد "... تي شتي بنتك معامن مراافقة واش جاايبة لينا و باغا تزوج بيه ، 
حباس مو حراك فلوسو مشكوك فيها باغة تقتلني قبل الحين 
" اول مرة يهضر بهاد الطريقة ...مرتو صدمها كلامو حطات ايدها على فمها "...
فااطمة.....اش ساير تگول اسمحمد ، اویییلي واش بصح 
محمد..."خبط طبلة "....هادشي مافيهش صح ولا كدووب...
راني متأكد مناش كنقوول 
" حكى ليها الحكاية كما انزلت "
فاطمة.....لا لا معندها مندير بيه..انا متعذبتش على بنتي باش يديها وااحد رجل هنا ورجل في لحبس تضيع حيااتها بااطلة...
" بهستيرية بدات تدوي "...حنا خاصنا نبعدووها عليه..يالله امحمد نتحولو من هنا ...
اييخ نخليو كلشي ورانا ونزيدوو بنتنا اهم هادا باينة مغيخليهاش 
محمد...." بانفعاال "...معندنا فين نصدو هنا غنبقااو ...وبنتك عندي ليها كلام قاااصح يا تعيش تحت جناحي ياا نتبرى منهاااا ، أما هوو انا نوريه وبزز منو يفووتها ...

" هز تليفوون وجبد من جيبو كارت فيزيت قيظ نمرتو في تليفون ودور ليه "
محمد....... " بدون مقدمات لاح ليه لكلام "....اسمعني نقوولييك معنديييش بنات لزواج ، والله يسهلك في بنت الناس
سليمان....." كان جالس مرخي فووق الكرسي غاا سمع الهضرة وهو يتوگض عرفو شکون. جااوبو بصوت عالي "..اش كتقوول اعمي واش كتفلى....
محمد..... قدي قدك نتفلى معاك؟؟ اللي عندي قلتو مباغيش نزوج بنتي ونهار نفكر نزوجها غيكون لشي حد اخوور ماشي نتاا ،ونهار نلقاك معيط ليها اولا كتحاول تواصل معاها لينا حساب تاني
سليمان......"خبط ايدو على جهدهاا وعقد غوباشتو وبدا يدوي بتهديد "..... انا جيتك نيشان وقصدتك وطلبتها منك... ماشي من وراك خيطت بيها الزناقي ولعبت عليها كيف كيديرو بزاف ببنات ناس ..لا انا نويت لحلال وبان ليا نتا مقدرتيش هادشي ....ايوا سمعني نقووليك احلااااام غتكووون غيير لياااااا قد بغيتي قد كرهتي من غيري متخلاااق وعقل على كلامي مزياان 
محمد...." حط تليفون قداام فمو وبدا يغووت بانفعال واللعلب كيتطلير من فمو "....والله ومعطيتيهاش التيساع.... حتى غنصيفطك واحد ثلت شهور اخرى، تحيي بيها الماضي يمكن نسيتيه
" بشووفات حادة كان كيشووف وكلام باها ورفضوو ليه بدا يعرف سببو انطلاقا من هضرتو "....
محمد.....سكتي ، يحسابلك مغنعرفش..ايوا سمعني تا حاجة مكتخبى وخبارك كلها وصلاتني... منهار حركتي ولد صغير تال نهار رجعتي وشنو درتي وسطر عليها مزياان.
الا بصح كتعز هاد البنت كيف كتقوول عطيها التيساع لاني عمري غنوافق عليك دام الروح مزال كطلع ولا غتسبب ليها غير فصداعات معايا وتمرر عليها عيشتهاا

قطع معاه وخلا سليمان شتت تليفووونو ، واللي جات قدامو تفصلات مخلا تحاجة صحيحة شيحاجة فيه تهرسات.
من نهاية طفولتو ولبداية مراهقتو حتال الشباب ديالو، وهوا عايش في الظلام وحياتو كانت كد وجهد حتى شاب قبل الوقت ، حتال نهار دخلات لحياتو وضواتها... حياتو بيها ولا ليها طعم ولون وشكل وملمس..وفي الاخير باغين يحرموه منها
واش ميستاهلش يرتاح من بعد هاد التعب اللي فيه من صغرو
علاش بنادم مكيرحمش باش رحمة ربي تنول... واش اللي عندو خيط اسود في حياتو ممنحقوش يعيش البياض اللي مزال مقاسو. 
احلام بنسبة ليه هيا بصيص الامل للقدام ، هيا اللي دخلت البسمة لشفايف بعد منسى شكلها ، هي اللي حركات ذاك القلب االي جمد من سنين وايام.. كيفاش باغين يحرمو جسد من قلبو ودماغو..كفاية انو الحياة خدات باه... ودابا بغات تاخد فرحتو وبسمتو وكل متمناه ...
لكن هادا حال الدنيا ماشي كل مكترجاه وتمناه تلقاه و رغم طول الطريق واعوجاجها.... الا وكاين نهاية..
وياعالم نهايتك اسليمان كيف غتكوون واش غتنساحب وترجع اللور ولا وغتمشي في طريق محبوبتك لكلها شووك 

لاح تلیفون من ایدیه جلس الارض فمو ناشف علیه وشاد علی قلبو کینهج ویدوی غا بززز 
محمد...." عمل لمرتو اشاارة بايديه "...جيبي ليااا نشرب ..
" مشات مدعوقة ومخلووعة لكووزينة جابت ليه كاس الماا عمراتو ليه "...
فاطمة......ماالك ياا هاد الراجل اش گال ليك ؟؟
محمد..." خطف الكاس نزل عليه شربو "....اش بغى يقووول شمكار تاع لخلااا ..باغي يتزوجها صحة....فين كان مخبي لينا هادشي فييين ، اشمن جهة نشووف بيها وباشمن وجه نبان لنااس الا ساقو لخباار
فاطمة...." بدات تندب".....متفكرش ليا في المرووك شووف رااسك وحنا ولي عندو فمو يحلو ويزيد تاا يديه
محمد....هز دااك تليفوون ودوری لیا ولدک 
فاطمه..." هزاتو من فوق زربیه وهی كتستفسر " ...لاش بغیتيه.
محمد...."بالغوات" ....دیری لی قلت لیک !!
" بالفعل دوزات نمره ولدها وعطاتو تلیفون "
محمد....ااالو !! خااالد جییب ختک وجي لدااار داابا....وااااسمعنيييييي " بعصبية "......تاحاجة ممهمة دابا من غير هادشي لي بغيتك فيه....دابا تكووون عندي ...
" تخلع من طريقة كلام باه وطوالت عليه المسافة حتى وصل لداارو ، دخل لقى كل من مريم وأحلام جالسين كيتفرجو 
خالد.......احلام جمعي راسك يالله لدار عيط ليا لواليد يمكن واقعة شي حاجة
" شعوور بالخوف تسلل لداخل ديالها ، تشلل عقلها وتفكييرها ومبقات توقعات ابدا شننو ممكن يكون وقع ...الشيء لي قدات عليه انها تجري تلبس عليهاا وتبكي ..."
مريم..." جرات وراها لبيت "....ماالك ؟؟ علاش كتبكي دابا...
مريم...." كتهز حوايجها بدون وعي "......انا حاسة هادشي لي وااقع متعلق بييا ،
مريم....." حيدات ليها دامشي لي فايديها وبدات هي تقاد ".....تبثي راسك اصحبتي وحضري عقلك شنو غيكون واقع گاع....وتا الا كان هادشي متعلق بيك كي كتقوولو والش هاكدا غتواجهيه فيناهيا قوتك شفتها تبخرت....
أحلام...."بترجي "...زيدي يالله معانا امريم عفااك...
مريم...." كانت كتسنناها تطلب منها تبقى في جنبهاا " .....واخا انا نمشي لبس....
" وجدو راسهم ومشااو لدارهم لي كانت مبعيداش بزااف ...حلات ليه فاطمة الباب ودخلو...
احلام...." داخلة عاضة على شفايفها وكتشووف في وجه مها لي صفر وكتسول فيها براسها "...شنوووو واااقعععع ؟؟..
فاطمة....." دارت صبعها غلى فمها كتبه بنتها باش تسكت".....دخلي بعداا 
" دخلو لصاالون فين جالس محمد لي غير شافهم نااض شد احلام من يدها وجرها "

محمد.....باااقا كتدوي معااه هااااا !! 
أحلام....." بدا فمها يترعد بالخوف "...ب باا با ، شكون هااا ..
محمد...." بقوة اكثر "......متدوخيييييش علياااا ، جوبيني على سؤاالي ولش قطعتي علاقتك بييييه 
خاالد....." فك ختو من بين يدين بااه "...مااالك الواااليد شكون هادا واشمن علااقةةة...
محمد...." جلس سااخط "....شنو في هادشي ميتعااود ...
خاالد....واا رسسني الواليد نفهم اش طااري 
محمد.....ختتتتتككك اشريييييف جاايبا ليا حباااس مدوز عكااشة هنااا ولهييه وقاليك باغي يتزوج بيهااا 
" شاف خالد فيها لقاها كتبكي "
خالد .....هاادشي بصح !! دويي ؟؟ علاااش سااكتة
فاطمة.....جاا راسو مصيفطو حد ويااك قلتي ليه لااا ايوا سد الموضووع هنا امحمد سدوووو !!
محمد....يااك عاد قبيلة كنتي خايبة ونتحولو ودابا باغي يتسد الموضووع ...
خالد....واش انا هنا طرطور جايبيني وسطكم نتوما دويو وانا نسمع ومفاهمش ...يا اما اشرحو ليا ولا نخرج بحالي....
جلسوو بااه وعود لیه القصه لی خباو علیه 
خاالد....هادشی کلو طاري من ورايا ..." شااف في أحلام...خيبتي ضني فييك اختي..
كون سمعتها من لغريب منتيقش ...نتي ااحلام ديري هادشي !! 
أحلام...."بهستيرية كتبكي " ....شنو درت انااا مفهمتش علاش كتحسبووني على شي حاجة مكيناااش ....واش الا تقد ليا شي حد هادا في نظركم حاجةة خاايبة...
خاالد....كتبقى فشكون هاد الشخص لي تقدم ليك اصلو وففصلووو 
احلام...."بانفعاااااال "....واناااااا متين غنعرف اخويااااا منين...شفتو مرة ولا زوج گاع اش عرفني بقصة حياتو وزاايدوون وااش على ود هادشي لي سمعتوو غنحكمو على بناادم بالخاايب ....علم الله شنو ضرووفو تاا هاجر اولا دخل لحبس ...
محمد...." بدوون شعوور هز ايدو ونزل عليها لحنك " ....شفتككك كداااافعي عليييه قداامي بلا حشمة بلا حية .....واش متي هي بنتي لي ربيت ولا كنكدب 
فاطمة...." دارت بنتها وراها "...اش درتي امحمد....
محمد...." شافيها مخنزر "....نتييييي متدخلييش كتسمعي....ديييهاااااا وغبري من قداامي دابا ولا منضمنش شنو ندييير 
" جراتها مها ومريم وخواو الصالون ...اما محمد وولدو كملو حديثهم "
خاالد.....دابا نتا تهدن ابا وومتشغلش راسك بهادشي..ياك عطيتيه جواابك صافي سدينااا 
محمد...جواابي عطيتو وانما سيد كيهددني قااااليييييييك بزز مني تكون لييييه وااش مستوعب هادشي...
خاالد....." بصوت خشن "...راها ماشي سايبة باش يدير لي بغى راه كاين القاانون ونهار يفكر غييييير يفكرر يقرب ليها يمشي فين يتربى .... 
محمد......" حرك راسو بالايجاااب " ....هادشي لي غيكوون...
خاالد...." بغى يهدئ الاوضاع "..نوض الوالید نمشیو نصلیو الظهر وهاد المشکل مدبرها حکییم هو یقاد من عندو ...
محمد...." تنهد "...والنعم بالله 

" كلام ولدو طمئنو نوعاا مااا ..جلس وتنفسو الصعدااء عاد خرچوو قصدو المسجد مخلیین فی المقابل وحده خاارج عقلهااااا 

احلام ......" ولاو فیها ربعه مبقی قد علیها حد "... هءهههءهء علااااش اسيدييي ربيي...علااااش علاااش انا ماعندييي زهرررر علاااش هءههء شنووو شنووو درت فحياااتي تا نستححححق هاد العذااااااب علاااش كوولشي مععععككككس علاااش؟؟.." شافت في ماماها لي كانت كتحااول تسکت فیها ".... كووون غييير ماااولدتوووونييييش لاااااش وااالدييينيييي باااش تعذبوووونيييي هءهءه " نااضت وقفات بكل جهدها ومها ومريم كيشدو فيها دارت يديهاا على الحيط بدات تتخبط بحرررر الجهد لي عطاها سيدي ربييي "كوووون غااا مت يااا ربييي 
" هزات ایدها لسما ".... دينيييي لعندك و رييحنييي ياااا ربييي خوووود روووحي و هنيني من العذاااب يااا ربييي هءءه ..علاااش انا بالضبط علاااش .. عييييييييت عييييييت اربي عييييت ..علاااش انااا لي خصني نتححححط بييين نارييين .. ما حيييلتي لسليمااان ما حيييلتي لبااااباااا کلها کیحااسب فیا بطرییقتووووو...علااااش هاااادشيييي علاااش صاافي عيييت ..
تلاحت على ركاابيها من كثرة ماا بكااات و تجنننااات و ركلااات ..هي تبكي وهما يبكييو بقات فيهم وعزاات عليهم.... ماخلااات ما داارت بااش تبرد الناار لي فقلبها ووااالو ..
تمغطات فالأرض و عطااتها للنحيييب لي يقططططع فالقللللب و كل شهقة تطيييح الضيم على بلاااد ..عينيها ولاو غا سيليين بلا حبيييس و عروووقهم تنفخووو ولاااو كي جغمه الدم حسااات برااسها صاافي تهااوت و هادي هي اللخرة لقلبها من كثرة ما كيضرهااا ..التنهييييدااات ولااات تطللقهم وحدة مووور وحدة .. 
بقاات مدة من الزمن على ديك الحاالة وهما غير كيشووفو فيها مخلينها تبرد... حتى حسات راسها قاادة تااخد نفسها .. جبدات التيليفون من صدرها .. حلاتو و جبدات لاكارت سيم ..هرساتها و رماتها .. وخبطااات تليفون مع الحيييط ...و رجعات انهاااارت بالبكاااء لي يقطططع فالقلللب ..
احلام ..." تتنخصص " هءههءهء ..منقددددرش نكمل بلااا بييييك اسليييمااان منقدرررررش نعييييش بلااا بيييك ..هءهه مابغيييت وااالووو اسيدييي ربيييي جمعنيييي غييير مع سليماااان و صااافي هءههء😭😭 صااافيييي ...كي غاندييير ندووووز نهاااري بلااا سليمااان كي غاندييير نعس بلا منسممممع صوتوووو .. كي غانديييير و فييين غانلقى بحال قلبوووو و حنااانو عليااأاا هءههء جرات دمووعها بكم السوورفيت ديالها " .. ههءهء ..ميمكنننننش نكملللل بلااا بيييك هءهء ،ولكن هادا هو قدرنا بزووج ممکتابش لییییناااا متجمعوووو

" الحياة عمرها ما غادي تسيير و تمشي بدوون عقباات دائمااا تتحطنا في اوسخ الموااقف .. معمرها تشووفنا فرحاانين و تخليينا هاانييين دايما خصها تنكد عليها .. ودوقنا لمراار خصووصا في الحب هاد الاخيير لي كيكوون زوين غير في بداايااااتو لكن طوول ما هو غادي كيكبر ويتزاد الا وكيتزااظو معااه مشااكلو وكيولي يتحاارب من جمييع الجهاات كأنه عدوو ودااخل لسااحة المعركة 
....
تحت طلب منها خرجو وسدو الباب خلاوها ضامه رکابیها لیها وو كوولها تترجف وکتشووف مبااشرة فنقطة وحدة..بقات على داک الحااال شحاال حتی غفاات لسااعات كثييرة ...مخلات مريم تاا حد يفيقها بحجة ترتاااح ...لكن مقدراتش تمنع صووت غوااتو في ساعات متأخرة من ليل لي خلاها بلا شعوور نااضت قاافزة 

- ااااااااحلاااااااااااام ، عمرييي نفرقك !! نتييي لياااا كتسمعي ليااااااا بزز من بااااااك غنتزوج بييييك 

يتبع ...

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.