كان حاط يدو على خصرها و هي متكية على صدروو مسخيااش بيييه و لا بهاد اللحظة و هو كذلك داك الحضن الدافئ بالنسبة ليه كان داك المكاان الضيق الأكثر اتسااعا .. و بالظبط فديك الوقييتة كان مهم بزاف حيت الموقف لي محطوطين فيه بزووجهم صعييب عليييهم و حتى القرار لي اتخدووو كاان فييه بعض التخوووف لأنه مع ذلك تا حااجة مكاتخباا و يا عاالم ايمتا و شكوون غايكشف هاد الملاقيااات السرية ديالهم ... خذا يدها باسها من الدااخل و جمع ليها شعرها لورا ودنيها .. ابتسم ليها واااخة فووق خاطروو و قلبوو تيتعصر احساااس حس بيييه صعيييب بزااف لأنو مستعد يضحي بحياااتو و حيد قلبوو و يرمييه للكلاااب فدااء لشووفة ومدة من عوييناااتها البندقية ..مسد ليها خدوودها بصبااعو من الدمووع لي كااانو فياااضين .. و نزل بااس ليها جبهتها و طووول فالبووسة .. .. تنهدد تنهيييدة بحييرة .. تا من عقلوو وقف مبقى عاارف لا يفكر ولا يخمم قدااام هاد الملاك لي كيبكي قدااموو و كل دمعة من عويناتها تتقطعووو من الداااخل ..
اما احلاام مالقاات غير ترمى فحضنوو .. لي كااان بمثابة الأمااان و الدفئ. بالنسبة ليها .. الحضن دبال هاد الرجل بالذااات تيحسسها ببزااف تالحواايج عمرها جربااتهم ..الحب .. الأمااان .. الحنااان .. وصلات لدرجة كبييييرة من درجااات الحب ..وصلاات للعشق ... و اي عشق هذا لي كيرمي صااحبه فالتهلكة .. وكيف تيقوولو الحلو مايكملش .. اي حااجة زوينة دائما تيكونو فيها المصاالعب و العقبااات .. خذااات نفس عميييق و للعات عينيها و رمشااات برموووشها الفااازكييين فييه بحركة سريييعة و نظرة طفوولية .. هاد النضرة بالذااات تترهق قلبووو بزياادة ..
احلام .." طلعات يديها لوجهو تتحسسو" .. عمري نسمعك تقوول تنشفق علييك ولا بقيتي فياا .. حيت هادشي لي هنااا .." ضرباات على صدرها" .. بزااف ... بزاااف اسليمااان .. مااغااانشفققققش علييك حيييت انا كنعشقك و شنووو لي فيييك نتااا ميتعشقش شنووو ؟؟
سليماان ......" تنهد وخدا ايدها وسط ايدو ".....سمحي ليا ااحلام حيت بكيتك وزدت عليك...ولكن خاصك تحسي بياا فكرة انك تبعدي عليا وتقوولي ليا نتفارقو متقبلتهااش ....راك لادرووك ديالي ااحلام لي منقدش نفرط فيه ....وغندير المستحيل باش تكوني ليا ...
احلام......" دلات قنانفها "....ولكن بلا شغب عفااك نخليو للما منين يدووز وتبرد القضية ومدبرها حكييم ...." بقات كتسنى فيه يجاوب تا ضربات على صدرو "........واااش صاااافيي ...
سليمان.....ميكون غا لي بغيتي ...يالله تحركي بنتي ليا ولفتي شوفي ساااعة قربات سبعة امداام ....
احلام...." خرجات عينيها وعاد عرفات القضية حماضت عليهااا ".......فيناهما هادوك لي خطفووني يوصلووني.....
سليمان...." جرها من ايدها وتم نازل هو وياها ".....وانا اش كندير هنا ...هادوك ساعتهم سالات...
احلام......." غادا تابعاه في دروج و كتدور في عينيها محاولة تستوعب شنو كيقوول " ....اويلي كبر منوو
سليمان....." هز صاكها عطاه ليها وجبد سوارت من جيبو "....نخليك داارك رااسك تا تعرفي عليها وتشووفي شكون كبير هو ولا هي ..." وقف وعطاها طريق "...يالله قدامي....
" خرجات من باب الفيلا وكتشووف في لفيلا من برا كيف دايرة حمقاتها "....
سليمان ..." بابتسامة خفية ...قرب منها وجرها لعندو حاط ايدو على خصرها وكيضرب نيفو مع انفها "......الا تزوجنا غتولي تاعك وتجي تسكني فيهاا
احلام ...." حلات فمها مع عينيها ممتيقاش ".....واش ديالك ؟؟
سليمان......اياه الالة ..." جرها لاتجاه فين حاط سيارتو "..وغتولي هي بليصتنا فين نتلاقاو تا يحن الله واراي متشووفي فيها ولكن دابا كيخصك تمشي ..." حل ليها لباب ركبات وديريكت جبدات تليفون لقاتو طافي شعلاتو وهي تلقى مکالمات الام دیالها "
سلیمان...." خرج راسو من شرجم وبدا یغوت "...واا مالنا البشااار مبقی لی یدوي مع مرتوو..
احلام...." عارفاه مطيح لوراق وبحال والو ينزل من سيارة وهي غاظا جراتو من ايديه وخاطباتو بصوت حنين "....صافي اسليمان سير رااه حنا معطلين ودابا يلقاك شي بوليسي وتخلص خطية...
سليمان.....اودي تنومرت معاهم غيشوفني يشير ليا من بعيد....
" بقات تضحك على تفرويحو ...جامع من كلشي عصبي حنين محب محترم ومفضي بالمرة معندوش لفرانات ولا كيفكر في عواقب شنو كيدير.....وقف طوموبيل بعيد على دار خوهااا وقبل متنزل ...
احلام...." خدات من عندو تليفون وقيدات نمرتها وصونات على راسهاا باش طلع ليها نمرتو..." يالله خود انا نمشي دابا اوك قبل ميصدق الواليد فارع عليها دار راه يديرها...
سليمان....تلقايه عندها....
احلام....لا تعيط ليا كون جاا...مهم انا مشيت تهلا في راسك وسير ترتاح..صوگ بشويه وسلم على خالتي..." جات نازلة وهو يجرها وبغفلة منها باسها جنب فمها "
سليمان.....واخاااا الحلم ديالي لي مزال كنستناه...
احلام...." توردو خدودها وحشمات بتسمات لیه بلاما تنطق تا کلمه ونزلات کتجری من سیاره قاصدة الدار ..قشعتها مرت خوها لی کانت کتطل من شرجم کتسنی فیها وحلات لیها لباب "...
مریم......"تسالمو وجلسو فی لبیت "...فین کنتی اصحبتی واش واقع ...
واش داوية من نيتك ولا تزنزني ووليتي تألفي قصص من دماغك...
أحلام....واش هادشي فيه الضحك اصحبتي ....زيدي عطيني بيجامة لبسها نرتاح من هادشي لي لابسة ونعاود ليك...
" عطاتها شنو بغات ومتزاحتش من حداها كانت بحال ضلها مفارقتها حتى خوات عليها المزيودة....
مريم....." ضربت ايد في ايد "...شفتي هاد سيد كون كنت منك....نهز صاكي ونهرب معااه
احلام....اش كتخربقي اصحبتي ...نهربو مالنا قاتلين " حركات راسها بنفي وجلسات فوق الفوطوي لي في سيجور "....لا اصحبتي انا بغيت حياة عادية طبيعية بلا هااادشي
مريم.....واش كضني الحلام يجي نهار لي باك يغير فيه رأيو..خوك حالو ساهل وضربيه عليا ولكن عمي نتي عرفاه كلمتو مكتعاودش زوج المرات...
احلام...." كلامها طيح عليها ضيم حيت عارفة عندها فيه الحق وبلي من سابع المستحيلات يقبل "......غنطلب الله وندعي ليل ونهار باش لي كان مستحيل يولي ممكن .......حنا دابا غنخليو كلشي لما هو عليه غنتقابلو كأول مرة منها نيت نزيدو نتعرفو على بعض ...
عرفتي امريم ليومة وراني واحد الوجه جامي شفتو منكرش بلي خفت منوو ولكن على قد عصبيتو على قد حنيتوو مكاينش شي حد يغامر براسو على ودك يخمم فيك وميديهاش في نفسو ولا حتى عائلتو انا نگول نتا وهو یقوولیا لی کیهمنی نتی ...
مریم.....رااجل وشخصیه وبحال هادا جامي يخلي شي حاجة توصليك ...مهم انا غنعاونك قد ما قدرت حيت بغيتك تحاربي على ود هاد الحب ومتنازليش عليه كيجي مرة في العمر اصحبتي ..
احلام....." تنهدات "...ان شااء الله ..
كملو كلامهم على داك النحو احلام لعشية كاملة وهي تعاود ليها عليه شنو دار وكي كيتحرك ..تصرفاتو شخصيتو مفلتات تا حاجة...ومريم كانت الوذن لي كتسمع وتنصح....وصل لعشية وسمعو صوت لباب كان سي محمد جاي يتأكد بلي احلام كاينة تما من بعد مخبراتو فاطمة بلي غتبات عند مريم....ملي لقاها تحجج بلي جا يشوف دراري ونزل....
تعشااو وكل وحدة مشات لبيتها ...مريم كانت متدوي في بيت مع راجلها واحلام يالله حطات راسها على المخدة وصلها مسااج
- بووحدك ولا حداااك شي باراج ...
" صونات عليه وهي مشتتة بالضحك "
-احلام....وليتي داير احتياطاتك...
-سليمان........على ودك اما انا الله يلعن بو البشاار معندو ميصور مني...
احلام......" بدات تاوب " ....عارفااك قلب حديدي ...
" قطع معاها وطلع لدارهم كان في درب واقف داكشي علاش ملقاش راحتو في الهضرة اما هي لاول المرة بعد لي طرا كي تحط راسها على المخدة دمااغها ميشد تا اتجاااه ...بالعكس تغفى براااحة
صباااح جديد .. يوووم اااخر و يااا عاالم كي غايدوووز ..كي فاقت احلااام نزلات فطرااات بالخف ..لقاات مريم موجدة نيت الفطووور .. سلماات علبها و اتجهاات ديريكت لدارهم تبدل عليها و تخرج لخدمتها .. دخلات لقااات غير الام ديالها صبحااات عليها و مطلعات للبيتها حتى ستجوباتها..ب
دلات حوايجها بما انه دخل الجو الصيفي و بداات الشمييسة تحمااا ..ختارت كسيورة لاسقة عليها فالأسود بلا درعين وااصلة فوق الركبة ..و لبسات عليها جاكيط طولة حد الركبة بالمااروون .. مشطات شعرها و خلاتو على رااحتوو و لما انها تواالة تلااقى مع حبيب القلب بغاات تكوون فأبهى حلة واااخة مكانتش عندها الكاانة ولكن بغاات تفرح واااخة غير سويعة معااه .. داىت مكيااج خفيف .. ثقلات غير شفايفها لي دارت لهم عكر ماط احمر .. و دارت كاسكيط فالابيض على راسها .. و سبادري تا هي فالابيض .. هزات صاكها و خرجات سلمات على ماماااها و خبراتها بلي خداامه تال موور الربعة تالعشرة .. عاد خرجااتت شداات طااكسي ديريكت لخدمتها ..
....
سکینه... " كانت خداامة حتى طلعات رايها فاحلام .." ..احلام ..
احلام .. " ملهية فالدوصيات لي تتسربييهم بااش تخرج بكري" ..امممم ..
سكينة...." تلاحت عليها تعنق و تبووس " سيري انا بغييت ليييك الستتتتر.. هيييح ..
خلاتها و اتجهات للبيرو ديالها بقاات ااحلااام تضحك على هباالها ..كيف اتفقوو غير كملوو الخدمة و مشااات احلام دوات مع الشااف عطااتو سبب قنعو و سمح لسكينة حتى هي انها تخرج مع تناش.. شكراااتها بحراااارة و تفاارقوو عند الباب ديال الخدمة .. سكينة شداات طااكسي و مشاات اما احلااام بقااات تدور رااسها و تقلب على لي مخلي باالها مامعاااهاااش حتى وقفااات قداامها رووونج بيضااا. و نزل الزاج ديالهااا غمزها طلع مع ابتساامتو التي تذييب اوصاالها .. طلعات و سلمااات عليييه الفرحة بشووفتو كاانت بااينة فعينيييها و عينيه تاااهو فااضحيين حبوو ليها بالرغم من خشوونة و صلابة ملامح وجهوو الا انه كيوصل عندها كيطيحو كواريه .. كسيرا في اتجاااه ''Sky 28'' .. هذا هو المكااان لي يقدر يطمأن انه الأب ديالها ولا خوها ميوصلووش ليه ..
ريحو فالطابل لي ختاار سليماان .. تا هي ريحااات و هو يجر لبها الكرسي حتى لاسقو مع ديالو و حط درااعو على الكرسي من اللور و دلى يديه على كتفها ..كل ما كانت قريييبى لييه اكثر .. كل ما حس بالراااحة النفسية اكثر ..اما هي ذاابت من الحركة بقاات تضوور فعوييناااتها و حاابسة ديك الابتساامة الخجووولة من الضهوور على شفايفها .. جا السيرفوور خذاا الطلبااات ديالهم .. لي كانوو عباارة عن كلااص كراميل ليها و كاافي نواار ليه هو .
سليمان .." شد لها فيدها " .. فرحانة الالة احلام !! ولينا كي المراهقين نتشاوفو بالتخبية ..خايفين من باك ..
احلام .." تنهدات و شافت فيه" .. عرفتي هاد الحظة لي انا جاالسة فيها معااك .. تسوا عندي الدنيا و ما فيها .. تنساا معااك كوولشي اسليمان ..كانبغي نبقى غيير معاااك .. و مانشووف تا حد من غيييرك ..نبقاو هاكدا لعمر كامل ولا نبعد عليك
سليمان .." زفرر نفس سخووونه كيف الناار لي شااعله فصدرو" ..هااد الهضرة ديالك هي لي جايبة مي على زنافري ...
احلام .." ضحكات بخجل" هههه😊
سليمان .." خذا يدها باسها" ..انشااء الله كولشي غايكون هو هذااك .. نصبروو مزاال شويه ..
يالله بغا يدور رااسو و هو يصغر عينيه .. طلع يديه و شير للشخص لي كاان يالله دااخل من الباب ..
عثمان " جاي جهتو و معااه شابة في مقتبل العمر فسن احلام نيت .. سمراء البشرة .. حاط يدو على كتافها معنقها بيها اتجهو ديريكت عند سليمان و احلام.." نتا هنا ههه ...؟؟
سليمان .." سلم عليه سلام رجولي .. " .. لا لهيه اش جاي دير هنا؛؛؟
عثمان .. هاربين .. ههههه
سليمان .. في الهوااا سوااا ..
عثمان .." مد يدو سلم على احلام" ..اهلا ختي احلام صافا ..
احلام .." ابتسمات ليه " .. الحمد لله
سليمان ..شيماء شفتك ريحتي .. نوضي تبعي حبيك و ماتباانوش ليا هنا يالله .. رول ..باغي نريح مع المداام ..
شيماء. ." عوجاااتو " .. يااه على .." كحازت عند احلام " .. زيين زيين .. كي ديرة توحشتك .. لباااس عليييك كي بقييتي .
"تمات غادة في اتجاه البحر و تتهضر بصوت عالي "... انا هاابطة لهلا يهبطووو ليكم
- "ناضت و قفت حاضياها "... ناري يا ربي موصيبة و تسلطت عليا يخخخ
-" مكانتش مسوقة ليهم باركة تهضر فتليفون مع صاحبها ملي شاافت لغيط وديرونج لي سببوه ليها حيدات تليفون على وذنها" ... بغيت ليكم تسونامي واش تااا حبي مخليتوني نهضر معاه في خاطري و زايدون واش ديك البگرة دايرا عليها هاد الحالة خليها تهبط
-"جلسات مسلمة امرها للخالق "... راه الموصيبة متتعرفش تعوم و اليوم نتشوهو فيك الجديدة
-" جراتها من ايدها "...تي جلسي راه البحر يخاف منها وما عندو بيها غراض ،اش بغا يدير بكائنه غريبة
-" ضحكات على اخر كلمة تقالت " ناري و تسمعك اليوم تريشك ...
لوقت لي كانو شادين فيها الهضرو هي كانت واقفة مدة حدا البحر و خايفة ترددات شحال ولكن ريحة البحر ولونو جدبها وخلاها تلاح بلا هواها... عجبها الما و تكات على ضهرها و البحر غادي بيها الداخل ... جات بغات تحط رجليها لقات غا الما و رجليها تتلعب ... قالت مع راسها واقيلة غا ما وقفتش مزيان رجعات كسلت رجليها هنا عرفات راسها يا غتموت و لا غتشوه ر في كلتا الحالتين موصيبة ... بدات تتحاول تخرج راسها و تحس بالأرض لكن بدون جدوى ... محسات براسها تولات تتهبط تشرب الما و ترجع الطلع في هاد الأثناء ختها هزات راسها تشوفها تالقات غير يديها كيطلعو و يهبطوو ..
- اويلييييي وحدي شيماااء ..."حماااتها الغوات ومشات تجري قاصدة لماا ... في جنبها مجموعة ديال الدراري لي سمعو الغوات و تلفتو للمصدر ديالوو ... الا واحد فيهم لي لاح عينو نيشان البحر و طار كيجري داخل لييه ... اما هي استسلمات و عيات و رخات يديها هابطة التحت تا حسات شي حد شدها من خصرها و مطلعهاا ... حتى حسات بشي حد جارها ولات تتشعبط و تركل
عثمان..." مالقا كيفاش يحرك يديه و هي تتركل " رصاي الزمر راه غنغرقو بزوج
شيماء ..." عطاتها البكاء و بدات تتشهد "...اشهد ان لا الاه الا الله و اشهد ان محمد الرسول الله واعععع هء هء هء ... غير نتسامح مع ختي يا ربي هء هء
عثمان ..."فشلاتو بالضحك "....واخا يالله غا زگاي باش نخرجك..
شيمااء...." شانقة عليه ومعنقاه بيديها بزوج حالفة لا هي طلقاتو تا ولاا يبقبق لتحت كثر منها.."...غنمووووت عتقيني وااا ختي
عثماان.....وااااااااا زمررر طلقي.." عصباتو وهو يجمع معاها بضربة تسكت شوية وهي تفقد الوعي ...غير تجبدات جرها من خصرها و تم مخرجهاا تا وصلها للبر حطها فووق الرملة وبدا يضرب على وجهاا
عثمان ... ختي فيقي و نوضي تسامحي مع ختك هاهي حدااك
- " كتبكي وتنوح ".... شيماء فيقي اختي فيقي ..!!
- " يمكن خاصها تنفس اصطناعي نقزت صاحبتها" ...وديرو ليها خويا الله يسهل عليك البنت غتموت ليناا " ...
شاف عثمان تا عيا و هبط حل ليها فمهاا و خشا فمو فيه كينفخ شي تلاتة المرات تا بدات تتكحب حلت عينيها فيه نيشان
شيماء الله يا ربي الجنة شحال زوينة ...
عثمان ... نوضي ابنتي على سلامتك "و ضحك باستهزاء " تم غادي و عاطيها بالضهر و هي تنووض ليه ...
شيماء ... هييييه اش تيصحاب ليك راسك نتا عنتر زمانك عتقتينا الله يرحم الواليدين و دوزها بجغيمة الما
عثمان..." ضار بشوية عليييه و مفوض عينيه "... هادي هي شكرا في بلادكم ... الحاجة راه واقيلة كنتي تتغرقي وزايدون " قرب ليها حدا وجها " ملي متتعرفيش تعووومي اش داك ليييه ... و نييت حگل ربي فييك لي لابس هاد المسخ راه تشعل فيه العافية و هو تيتمشى
" ضار غادي بحالو يا الله غتجاوبو " تزيدي كلمة وجهك نصورو ليك في الرملة ... بنات اخر زمان
" عصبها وملي ملقات متصور منو جمعات الرملة في يديها وعطااتها ليه لظهر دار لعندها وهو يلقاها عاطيا رجليها لرييح
ضحك على هبالها ورجع فحالو ..
شيمااء...."حتاتها على عتعت كيف كدلعو بقرصة لحناك "...وهادا كان اول لقاء ، ومن وراها تلاقيتو في كازا حداا المحل لي خدامة فيه " ماكيووز "...مشيت نتغدى وهو كان تما وكانت بدااية مشواار العشق والغرام معااه
احلام....." بتاسمات ليها ودوات بهمس لسليمان ".....وكتبقى قصة لقاءنا حناا غيير شكل ...وحبناا غير شكل
سليمان...." برجوولية غمزهاا وظهرت شبه ابتساامة على محيااه "......تبغي نتغداو هنا ولا نبدلو لبلاصة ..
احلام.....خلينا مجمعين معاهم شويةةة..
سليمان....."خدا خصلة من شعرهاا وبدا يلويها على ايديه ".......وتواعدييني تعوضي ليا هاد النهاار ...
احلام.......كنواااعدك
" طلبو لغدااا مجمووعييين مسخاوش لبنات ببعض واخا سليمان طلعات ليه نقشة حيت مزال مشبع منها بووحدها لكن واعداتو تخلفهاا ليه.......تناولو الاكل ديالهم فجو مرح بحكم شخصية شيماء وعثمان الخفيفة على القلووب ...."
احلام...." شافت في ساعتها "....كيخصني نمشي راك عاارف باش..
احلام...."جاب ليها ضاحكة "...انا عارفة بلي مراضيش على هادشي ..نتلقاو في الخفااء بالحق نصبروو معندناا مندييرو يااك ....
سليمان......"حيد ايدي من على علبة السرعات ومسك ليها ذقنها كيجر فيها ".........نصبر ونزيد فيه غير تكوني ليا هي هاديك
" في خضم كلامو صونا تليفونو كان عثمان دار سبايكر ونطق "...
سليمان....امالك اش تمااا
شيماء......كل خير ان شاء الله ، مهم انا كنتكلم بالنيابة عليه بلش نعرض عليكم غدااا ان شاء الله راه غيير ويكاند شنو قلتوو ...
سليمان...." حيت عارف البير وغطاه رفض بلا ما يفكر "......مرة اخرى ان شاء الله ..
شيماء ...." صاطت ساخطة "...دوز ليا احلام عفاك حنا عيالات مع بعض نتفاهمو ونتا منك لصاحبك...
سليمان....هاهي كتسمع فيك ؟؟
احلام....شوشيتاااا... " بلحن "...
شيماء .......ياختي هزيت تليفون بان ليا الحال غدا مشمس وقلت لعتعت الجو غا تاع البحر واكيد ميحلى غير معاكم...اش بان ليك ؟؟ وافقي لصحبتي مهضرناش مزياان ومتعرفناش..
احلام....." عوجات فمها "...صراحة معرفتش اش نقووليك ولكن في ليل يكون عندك الجواب...
شيماء....حاولي اصحبتي عفااك...
سليمان......وااااا صاحبي تا شد عليناا موصيبتك
عثمان.....خرجات من بين يدي ههه ...معندي مندير ليك ...
" قطع معاه تليفون حيت كان وصل البلاصة فين كيحط احلام ..توادعات معاه ونزلات مشات هاد المرة ديريكت لدارهم كيف دخلات لقات ياها ومها جامعيين حوايجهم وكيستناوها...
احلام...." حسات بخنجر ضربها لقلبها "...احم نعس على جتب الراحة ابا ميكون غير لي بغيتي....
" توادعات معاهم ومشاو وهي دخلات دوشات بالخف وهوات مستلزماتها وحوايجهات ومشات لعند مريم لي عوظات ليها على تسافيرة واليديها وعلى نهارها
كيف داز "
احلام.....اجي خوويا امتى جااي ؟؟
مريم....." متبعة تلفازة عنقها عواج "...نهار تلات ولا لاربعااء ..
احلام......مزيااان..." بتسماات وخدات تليفونها كتبات ليه رسالة "...
《 يمكن لينا نمشيو معاهم غدا لبحر دار مكاينينش علم صلحبك يقولها لشيمااء ونعول عليك تعتقني تانا مكنعرفش نعوم 》
《أصبحنا و اصبح الملك لله 》
يووم جديد، امل جديد، تفاؤل جديد ، هادشي لي دارت البطلة ديالنا في راسها اول موعاات ... ناضت على غير عادتها تتغني و ضحك دخلات الحمام قدات حاجتها و توضات وخرجات صلاة صلاتهااا و ناضت كتلبس فحواايجهاا امااا سليماان
كيف فاق دخل قدا حاجتو و هز صاكو ديال السبور و قصد لاصال كيحيد فيه گاع الستريس ديال الاسبووع ... كمل لونتريما ديالو و رجع لدار لقا مو جالسة هي و خواتاتو وحاطين الفطور قدامهم دخل لقا عليهم السلام و علمهم بلي غيدوش و يهبط يفطر معاهم داكشي لي كان طلع دوش و لبس حوايجو ووجد حوايج البحر حطهم في صاك و هزو على كتفوو و هبط دوز فطور عائلي بامتياز من ضحك و تقشاب و علمهم بلي غادي يدوز نهار على برا
سليمان ... يا الله بسلامة عليكم هاد الساعة
مليكة ... سيري اوليدي رد البال لراسك و الله يرضي عليك
سليمان ... امين الوليدة خرج سليمان من دارهم و مشا الگراج هز السورفينگ (ركمجة) ودوز الخط لعثمان ... خبرو يتلقاو في بحر بوزنيقة داكشي لي كان قاد حوايجو في سيارتو و عيط لأحلام ...
احلام ... الو حبيبي
سليمان ..."تنهد و حط يدو على قلبو " ... العمر ديالي وااجدة
احلام ... " كانت كتقاد ماكياج خفيف في وجهاا " ...كنتسنى غير فييك
سليمان.....نص ساعة ولا قل ونكون عندك
" قطع معاها وزاد في سرعتو انا هي كملات على ماكيااجها لي كان مضاد الماء ..بعد مسلات خدات لمايو لي هزاتو دارتو في صاكها ونزلات عند مريم بقات مجمعة معاها شوية تا سمعات تليفونها كيصوني عرفاتو سليمان وصل ... قطعات عليه و هبطات تتجري..
" هزات تلبفوونها ودوزات لنمرة ماماها سولات فبهم كيف وصلو وطمنات على خالهااا عاد قطعات "....
- قالت ليا ولا شوية حمد لله ....مقلتيش ليا اين بحر غاديين
سليمان ... بلا منحرق ليك المراحل حتى نوصلو و تشووفيه ...
احلام ... وغير قوول عفاك .."ودلات شنوفتها " .. بقات كطلب فيه تا بان ليها شد طريق لتوروت و كسيراا .. ويلي حنا فين غاديين غتخطفني ثاني
سليمان ... و انا كرهت نخطفك من هنا و نمشيو لي بلاصة بعيدة ... كمل كلامو و بقا مركز مع الطريق ما هو الا وقت قليل تاا كانوو في بحر بوزنيقة لي غير تتشوف امواجو العالية تتشدك الخلعة ..
احلام ... هاخخخ شكون غيقدر يعوم هنااا 😱
سليمان .." جرها لعندو بخفة ونظرات حادة تا ترخات ".... علاه شكون قالك نتي غتعومي ياكما يصحابك غنخليك تعراي ليا هنا ..
واحلام...."صغرات عينيها وشافت فيه "...وشنو جايبني نحضي ليك الفوطات..
عوجات سفتهاا و تمشات قدامو كتنتر و معاجبها حال حتى لمحات شيماء واقفة كي عاصي ربي على عثمان "
شيماء ... ودابا مغتنووضش نعومو ؟؟
عثمان ... "وقف و شدها من شعرها مدورها البحر " ... فين باغا تعومي هاا بلا منفكرك و زيدون بربي و تعراي ليا هنا يا تنحسب ربي مخلقك وجلسي تكمشي لعبي برملة وديري وبني قصر ...
شيماء ...." عيبات فيه "...بغيتو يريب عليك ...
فرشات احلام فوطتها بعد ما تسالماات مع شيمااء و عثمااان .. حطات صاكها وجاا قدامها سليماان ،حيد التيشرت ديالووو ..مد رجل و رجل جامعها عطاها الاومبر صولاي ديرو ليه لضهروو .. بدات تدهن لييه فدااك الضهر لي مابغاش يكمل من كثرة ما وااسع .. بالكشاايف كملاتو .. حطاتو فالصااك و دار لعندها خطف بووسة في حنكهاا و نااض وقف هز السورفينگ ديالو في يديه
سليمان... انا داخل قبل ميهبط البحر .... " تحنى تااني عند احلام و تكلم في ذنيها " ... العمر ديالي ردي ليا البال لراسك ..." وتحنى باس ليها جبهتها
احلام ..." بان ليها البحر طالع بزااف و تخلعت هي اصلا ماعندهااش بزااف مع العومان فالبحر حيت تيخلعهاا " ... ويلي لا اسليمان بقى معايا شوف البحر كيف طالع ...
عثمان .." ضحك على كلامها "....علاه نتي ما عرفاش الهواية ديالو
احلام ..." عاقدة حجبانها" لا اشمن هواية
سليمان ... هانتي غتشوفيها بعينيك ... يا الله هاني هبطت
سبق سليمااان هو الأول خلا عثماان مزاال تدهن ليه شيمااء فضهرو او بالاحرى تتلعب ليه فيه خواات الاومبر و تترسم ليه قلووبة و نجيمات خلاتو تيتفقص تا كان غايجمعها معاها عاد تجمعات و دهناااتو ليه مزيان .. هز تا هو السورفينك ديالوو و اتجه للبحر تبع سليماان لي تكى على اللوح و بدا كيجذف بيديه بااش يدخل للبحر لدااخل كي دخل تحنى على ركبتو طلع شوية حتى تقااد على اللوح كي باانت لييه الموووجة الكبيييرة لي غايركب علييها و هو يوقف وبدى كيلعب باحتراافية تيتساابق مع المووج كأنو كيتحدااه و كيلعب ضدوو و كيحااول يكوون اااسرع من المووجة بماا انو مكتسب ديجا مهارااات حيت هادي هي الهوااية ديالو من صغرو و هو تيمارسها ماشي عاد و عندو قوة فالتجديف لي مخليااه يتحكم فالمووج و يوقف بتوااازن علييها بقى هو عثمااان تيتساابقو و احلااام وااقفة تتشووف مندهشة و قلبها حتى كيبغي يوقف فااش كاتشووفو تخشى وسط الموووجة و تترجع ضحك فاش تيخرج منها اما شيمااء تتغوووت و تصفر و ضحك تقوول وااقفة فمااتش ديال الرجاااء .. حامية السووق ..
واقفين البناات بجوج عاطيين وجهم البحر و كلا وحدة فيهم حاضية رزقها... وحدة كتشجع و تصفر والثانية واقفة تتشوف ومتفاجأة بداك العرض لي قدامهااا و ساهية فييه وكيف كيركب فوق الامواج باحترافية ...
شيماء ... ناري يااختي لبنات غياكلووهم بعينيهم " مسمعاتش جوابهاا وهي تدوور تشووف فيها ، لقاتها في عالم ثااني ...نادات عليها باسمها و نفس الشيء لارد....وهي تبدا تشير ليها قدام وجهااا "...كازا تطوان مراكش شاون اگادیر مبقاش ..
احلام... " قفزات "...اویلی ماالک
شیماء.....ومالک نتی اختي واشمن كار ركبتي...
احلام...." جمعات ايديها وعينيها كاشووف فيه "... تفاجئت بزااف في سليمان .. عمري ضنيت يكون عندو مع surf ولا البحر عشقو و هوايتو
شيماء ... "عنقاتها من كتفهاا "... مزال تعرفي بزاف ديال الحوايج عليه هادشي غا شوية من بزااف
احلام ... " رجعات شافت في سليمان "... عرفتي شحال وحنا كندويو عمرو قالها ليا
شيماء ... كنضن سليمان بغا يوريك و تشوفي كل شي بعينيك ماشي غير يعاود ليك ...
شيماء ..." مشات حداه ووقفات قدامو معلیه حواجبها و تتهضر بالغوات و بيديها " ... قياس الخير اخويا اش باغي في هاد الساعة خلا دار بووك
- "طلع فيها و هبط " ... اوووه قويصحة مع راسك و شكون غيخلي دار بوها مثلا نتي ...؟؟!زايدون مهضرتش معاك هضرت مع الفريز لي موراك ..
شيماء ..." بدات تجر فیها احلام باش یبعدو وهی حالفه تا تجاوبو "... ايوااا عنداك يجيك خاامج و تندم على هاد الوقفة لي داير ...
کیف غیجوبها وقف لیه لکلام ووحل فی الحلق اثر ضربه جاتو من لور تهز فیها و تخبط مع الارض
سليمان ..." عينيه خارجين و الماء كيتقطر ليه من شعرو و لحمو و عروق راسو تنفخوو " ...
سليمان ..." عينيه خارجين و الماء كيتقطر ليه من شعرو و لحمو و عروق راسو تنفخوو " ... ينعل ط*** يا ولد ال****، اش وقفک هنااا ساني على مووتك ...
" هز يديه عطاه كروشي تا طار ليه الدم من وفمو وتجبد فی الارض الجهد لی غیهز ایدیه مکاینش بقا عليه هادي تنفع هادي ضر تا رجعو حالتو...مکاینش لی قد یتقدم جیهتهم
احلام ..." دفعات عليها شيماء " ...اویلی کیفاش فاش غیسالی غیحبس راسو...راه بنادم هاداک لی کیضرب فیه ...
" بعصبیه مشات حداه جاراه من درعانو لی حساتهم قاصحين على غير عادتو "... سليمان اش کدیر ، واش تسطیتی غتقتل السید ...!!
" توقف علی الحرکه ملی سمع کلامها ودار لعندها جامع قبضه ایدیه بزووج وکیشووفیها بنضرات قاتله ..حتی تفافات ورجعات اللور...
کان غیجاوبها لکن زفر وعطاها بضهر کیتکلم مع عثمان "
سلیمان.....دي لبناات اعثماان ، وصلهم لديوورهم...
قال كلامو ومشى لمكان في جالسين فيه هز تيشيرطت لاحو عل كتافو وهز صاكادو ديالو تم طالع من رملة هادشي كلو داز تحت اعين احلام لي خدات اغراضها و ولحقات عليييه
كان غادي بخطوات بطيئه ومضروسه وکل حرکه منو ظهرو کیتقوس وملامح الکوبرا لی مرسوومه فی ظهرو کیتغیرو ...
" ضرب الفلوون وكسيرا سياارتووو بجهد حتى طااار الغبار ..."
طول طريق وهما ساكتين او بالأحرى هي لي مخشية في بعضها وسااكتة اما هو كان يصووط ويسب غا راسوو ...غادي طااير داير ايديه على ذقنوو وجبهتو مشكلة تنياات مسطريين ومتوازييين ونفسو كان ممنتظمش ..
احلام...." ترددات باش تدوي معاه لكن معندهاش الحل اخر بغات تعرف شنو عندو معاها وعلاش عاملها بديك الطريقة ".......سليماان مااالك واش مزال معصب صافي متدخلش داكشي لراسك ، راه ولا عادي ..
سليمان....." بالغوات معلي حاجب ونزل لاخور كيخنزر فيها " ....كيفاااااش عادي...شنو في بلادك واحد يتزلل عليك ماشي اشكاال هاااا....؟؟
احلام.......وراه خدا عقابو ومخليتي فيه غير لي نساا عمرو يمشي من بالو هاد نهار وجامي يعاود ...كنتي علاين تقتلووو ومزال مبردتي
سليمان......" مجاتوش يسووق ويدوي حيت محتاج يعرعر باش يبرد.. داكشي علاش صف سيارتو في جنب الطريق وشافيها "...يااكما بقى فيك...نرجعو نشووفووه كيف ولاا ؟؟
احلام....اسليمان يهديك الله واش نتا مكتخممش راني انا لي شفت السيد كيف ولا في يدك وعلى سبب ممستاهلش....واش عادي عندك تسلخ بنادم مكتحسش......" زلگات لیها هاد الکلمه الاخیره "
" ديمارا سيارتو وتحرك من تم ....حل علبة في سيارتو قدامها جبد منها مناديل عطاها ليها مسحات دموعهاا لي على سبهااا ..سالات وبغات ترجعها بلاصتها وهي تبان ليها اخر حاجة كانت متوقعة تشووفها...
سليمان ....راه بصح الاله .." خداه من عندها ووراها بلاصة الرصاص "....خاصني غااا قرطاس ونكسل ليك بنادم هنا ...
" مبقاتش قاادة تجاوبو ولا تهضر هاد الصدمة الاخيرة لي كتاشفاتها عندو كفات ووفات لی کان بقی لیها وخلات دمااغهااا يدوووووور علی راسو ومیوقفش وراسها یمشی ویجی معاه کتسول فی تفسها وتعاود
"شكون هو سليماان ؟؟"
جالسة في بيتها و جامعة رجليها عندها خاشية راسها وسطهم و تليفونها حداها ماسكتش ولا بغا يسكت ... كأنها مكايناش في هااد العالم عقل يديها و عقل يجيبهاا و فاش تتوصل لواحد النقطة من التفكير تتحس براسها روحها تتبغي تزهق ... حتى دخلت عليها مريم
"قررات احلام انها تعاود ليها كل شي من اول ما وصلو البحر حتى لأخر شيئ وقع بيناتهم "...
احلام ..."طاحو دموعها و شدات في وجها "... شكون هو سليمان شكون اوووف ... ولا مخوفني بتصرفاتو...عرفتي اول متلاقيتو جاني شخص مسالم....صحيح كلشي داير ليه اعتبار ولكن صوتو معايا مكنتش كنسمعو ...
ولكن دابا من ورا الحبس لهنااا ولا عصبي وعلى نقشة ...وعاد قضية هاد الفردي قلبات ليا كلشي...
احلام......ابدا سكت تا وصلت وتاهو منطقش تصرف ببرود بحالا داكشي عادي عندو ...
مريم....اش غنقووليك اختي يمكن احسن قرار خدا عمي هو موافقش على زواجك منو....حيت مدة لي عرفتيه بيها ماشي كافية باش تعرفي عليه من ساسو لراسو...دابا عاد فين غبانو ليك طباعو وصفاتو وغتعرفي راسك واش باغا تزيدو القدام معاه ولا ترجعي اللور وتبعدي عليه ...شفتي علاش كيقوولو زواج ليلة تدبيرو عام
احلام...." تنهدات وحطات راسها على لوساادة كتشووف في سقف مبقات عارفة متقوول ...
.....
مرو اياام بسرعة البرق ولي مبقاتش تلاقات فيهم مزال فيه حيت كان خارج المدينة ..كانو مقضينها غير تليفوون واخا كانت غير راضية على هاد الوضع وحاسة براسها ممرتاحاش من جهة انها كتضطر تكذب في وجه واليديها لي واضعين فيها ثقتهم وهي كتطعنهم في الظهر ..ومن جهة تانية مزال مأثر عليها موضووع الفردي لي شافت عندو ولي جامي جبداتو ليييه مزال من جدييد وتاهو متكلفش عناء الشرح....
كان كيتصرف كانو داكشي عاديي ومخلي الوقت هي الكفيلة توريها كلشي والمواقف هي اللي تعرفها علييه
اما هي كانت مستنية غير يوصل وتفاتحو بالمووضووع يشرح ليها ويفهمها .. باش ترتاح وبالها يصفى وخاطرها يهنى ..
قفزات على صووت تاع تليفون تخبط مع البيرو هزات راسها لقات سكينة لي لاحتو ...
احلام ..."هزات شافت عينيها في سكينة بتساؤل"... ياك لباس اختي شفتك على غير عادتك مالك اش مطلعليك دم...ملي دخلتي ونتي تخبطي هادي وديك...
سكينة ..." تنهدات و حطات يديها على وجها " ... غير سكتي يا ختي واحد صحبتي قطعات ليا في قلبي و ملقيت ليها جهد والو ...
احلام ... مالها ياك لباس ؟
سكينة ... كون غااا كان لاباس ...ضاعت حياتها مسكينة باسم الحب....ناري يا احلام مبقات تيقة في هاد الزمان ...
"حطات داكشي لي فيديها و عطات اهتمام لكلامها"... هاد صاحبتي كانت مصاحبة مع واحد عامين و هوما مع بعضياتهم تتموت علي تراب لي تيمشي عليه ياا ختي ... تصوري عامين و هوما بجوج و صابرة ليه على هبالو ... حتى لهاد الاسبوع قاليها بغيت نريح انا وياك بوحدنا و نرتاحو في جلستنا .. ومسكينة مع عينيها مغمضين بحبوو مشات معا الدار و ديڤييرجاها و بخاطر خاطرها ... الغد ليه قطع عليها التيليفون كأنوو مكانش في حياتهاا وفاش مشات عندو الخدمة ... خسر عليها جوج كلمات...بخاطرك درتي لي درايه وفيديو لي اصور كيشهد
احلام ..."خبطات في فخادها " ... اويلي على ولد الحرام .... لا حول ولا قوة الا بالله الله ياخد فيه للحق
سكينة ... اميين يا ربي انا يا ختي مبقيتش كنتيق و ليت خايفة بزااف ... عنداك ا احلام تيقي اختي وياااااك زمان غدار و ناس ذياااب ... الله يحفضنا و يحفظ گاع بنات المسليمين ... راه كولشي تعرفيه ليه تال راس بنادم ...متعرفي اش فيه
الدري يدخلك بحبيبة و كبيدة ونتي مرتي و مت ولادو و يتمسكن حتى يتمكن ... وفاش ياخد لي بغا ياخدك لحمة و يرميك عضمة و الله يلاقينا بولاد الناس لي يخافو ربهم
احلام ..." من النوع لي تدير الهضرة في راسها و تتبقى دورها فيه وهادشي لي سمعات زاد على ما بيهااا .. "... امين اختي امين خاطري عربتيه ليا والگانه علی خدمه مشاات ...
سکینه....بغییتک تشووفی انااااا !!
الدري يدخلك بحبيبة وكبيدة ونتي مرتي ومت ولادي ويتمسكن حتى يتمكن.....وفاش يااخد لي بغا ياخدك لحمة ويرميك عضمة والله يلاقيناا بولاد الناس لي يخاافو ربهم...
احلام...." من النووع لي تدير الهضرة في راسهاا وكتبقى دورهاا فيه وهادشب لي سمعات زاد على مابيها ".....اميين اختي اميين...خاطري هربتيه ليا والگانه على الخدمة مشااات
" لعشية غنوصل لكازا.....توحشتك وباغي نشووفك ".... تنهدات اول موصلها لمسااج وجوباتو على الفور ...
" اووك ..تا انا بغيت نشووفك ...
......
بعد يوم طويل ليهم بزووووج .. كيف اتفقو داز عليها بما انه اليوم تتخرج بكري .. لقاتو واقف تيتسناها قدام مقر الخدمة ديالها هاد المرة بطونوبيل من نوع البورش .. لما لا و هو كيدخل و يخرج اشكاال و انواااع السيارات الحذيثة .. طلعات ديريكت سلمات و حرك الاوطو .
كسيرا لكافي جات حدا البحر و ختار الطاج الاخير ... بحكم كيكون خاوي و غير لي بغا يبعد على البشار كيطلع ليه ... مشا ريح حدا الشرجم فی جلیسه علی شکل فطویات وطويبلة قدامهم ... جلسات احلام وحطات صاكها .. وريح هو حداهاا قرب ليهاا لایح ایدیه علی کتفهاا
سليمان ...." كيدوز ايدو ورا وذنها "....كنت خدام وعقلي عندك بغيت امتى رجع ونشووفك ومن طريقي ليك نيشاان ... "هو كيهضر معاها و هي شادة تليفونهاا.. رسلات لمريم مساج و علماتها بلي اليوم غتوقف دوك الافكار لي مخربقين ليها في عقلهاا" ... شافها مجوباتوش وهو يجر خصلة من شعرها باش تنتابه ليه " .....فييييين عقلك لمن ساير نخبر اناا
احلام ..." تفافات "... ااه هاني معاك غير عييت اليوومة وباغا غير نحط الراس
سليمان ..." شافيها بعينيه ممتيقهاش ولكن بغا يدوزها"...علاش عندك شي مشكيل في خدمة شي حاجة قوولي ليا ..ياكما دايرين عليكم فيها شااف ؟؟
سليمان ..."هز يديها شابكها في يديه " قلت ليك اجي خدمي معايا كوراكي مرتاحة نتي تحكمي في البشار مكاين لي يتنثر عليك وتادابا انا غنوصي عليك حبابي كثار
احلام ... "منتابهاتش لكلامو حيت كان وصلها مسااج من عند مريم قراتو و بقات تتكب ليهاا و هو يخطف ليها تليفووون "..
سليمان...." تكحاز شوية من حداها وزير على تليفون مخنزر فيها "...ضاارب كيلومتراات تاع طرييق عيان مسخسخ باغي غا نريح راسي وقلت لا اسليمان سير شوف احلام هي اولى و اهم منك و من رااسك....!! ايوا ونتييي الالة جايا في طريق تدوي بالگرام من غير ليام لي فات ...ومن لي دخلتي ونتي هازا هاد الزبل في ايديك .." باستفهام وصوت مرتفع"...معااامن كتهضري ..وشنو شااغلك
احلام...." رجعات شعرها اللور بتوثر ناكرة "...ها لا تاشي حد معامن غنكون كنهضر .." بغات تقلب عليه
" مدو ليها وهو كيرمقها بنظراات قاصحة كتباتو ليه وفتحات ليه تليفون مخلياه يشوف شنو بغى منها نيت تفرگع هاد الرمانه ... اول حاجة دار دخل لمسااجات وقراا المحادثة لي بينها وبين مريم ....ضحك باستهزاء ولاح تليفوون فوق طبلة "......اش هادشي لي باغا تعرفي ومرون ليك دماغك الالة ...؟؟
احلام..." کتفرک فی صباعها وتحكي ليه گاع داكشي لي في بالها و مخربقها ما زادت ما نقصت .. هي تتهضر و هو حاط يدو على ذقنوو و طالق ودنيه مزيان معاها .." وهادشي ا سليمان نعاس ما بقا كيحلى في عيني بقوة تفكير فیه
سليمان ..."لي طلع ليه الدم و مبغاش يبين ليهاا شي حاجة"... ملي هادشي كولو نتي تتفكري فيه و مخربقك ... علاش مقلتيهش ليا
احلام ... انا مقدرتش في اللول نفاتحك فيه و لكن باش منبقاش هاكا قررت نقولو ليك
حيت جا من السفر لعندها مامدوش ما مبدل .. و هو من النااس لي متيحملووش يدوزو نهار كامل بلبسة وحدة وخصوووصا فالصييف مكيستحملش العرق و ريحتوو ..
سليمان .. " دار دوميتور لدار ديالو كانت في داك الاتجااه خلاها كاسائل فی بالهااا فین غادین ....موقف حتال قدام العماره. "...
احلام .." مستغربة " . فين حنا اسليمان!؟
سليمان ... " شیر لیها علی العماره "....لداري غاطلعي معايا ندوش و نبدل عاد نمشيو
احلام......" في بالها...علاه شحال عندك من دار ترددات وهي تزير على السانتور " .. هااا لالا بلاش غير خليني هنا!؟
سليمان ..." طلع فيها حجبانو باستفهام" .. كيفاش!؟
احلام .. قلت ليك غير خليني فالاوطو هنا تنتسنااك سير دوش و بدل غاتلقاني هنا ..
سليمان.. " زير على حنكو من الداخل .." اش نفهم من هاد الهضرة ؟؟.
ماعرفاتش ااش وقع لبها بصح خافت على راسها والافكار تراكمو في دماغها ...ولات عقل يدي ويجيب كيحلل ويفصل بوحدو ، منين خرجات هاد دار وعلاش عمرو قالها ليها كل مرة كتزيد تكتاشف فيه بشوية و هادشي لي خلعها منوو وخلاها ترفض .." ..
احلام.. واالو اسليماان ماغاديش نطلع معاك لدارك غير سير خليني غا هنا ..
سليمان .. " سيل الدم فاللحم ديال حنكوو بكثرة ما زير عليه مبغاهاش تعاندو ولكن مبغاش يحكر عليها ".......متايقاااش فياااا ..برااحتك الالة احلام !!
نزل من الاوطو طااالع لببه الدم بالمعقوول ماحملهااش تقوول ليه لا خصووصا انه شخصية عنييييدة و لي قااال ليه لا عاد تيشد معاه الزكاارة بالحق مبغاش يحكر عليها ويضغط كثر ...واخا بقا فيه الحاال ..قصد الدار وخلاها باغا تاكل راسها وكتعاتب فيه ....
احلام.....تفوو اش كديري ااحلام واش سليمان تخافي منو ؟؟ نسياي شنو دار على قبلك ؟؟...شنو دابا نتبعوو ...الله ياربي اللله 😭 ..
" حلات الباب ونزلات بجرا تابعااه لقاتو واقف قدام السانسوور وقفات حداه لكن معبرهاش....تحل ليهم المصعد وطلعو نيشان لطابق الاخير فين متواجدة شقتو كانت منها لسحااب ...حل الباب تحت اندهااش احلااام واعجابها بدار لي باان على وجهااا ....
احلام.....عمرك قلتيلي عندك دار منين جاتك...
سليمان....." بانفعال جاوب "...هادي خاصة بالخدمة قليل فين كنجي ليها...
" سورت الباب وحيد السوارت دارهم في جيبو تحت نظراات عينيهااا لي خرجووو
رجع ليها و وقف قداامها مزاال نفس النضرة القاصحة على وجهو " ..قولي ليا نسمع مناااش كنتي خاايفة!!! منييييي ..؟؟ منييييي انااا احلااااام!! داكشي علاش مكنتيش باغا طلعي معايا
احلام .. اننن .. انااا ..رااا .. هننن
سليمان ..صافي تحدو ليك وليتي دخلي وتخرجي في الهضرة.....هانتي دااابااا معايا بوووحدنا فدااري هانتي بييين يدييي نديير فييك ما بغييت
كيدويييي معصصصصب و مكشكشش خلاااها تشوووف وجهوو الثاااني حمر فيبها عينييييه و هي تكمش رجعااات اللور تا لسقاات مع البااااب ..و كدوور فعيووونها لي مدمعييين من الخوووف منوو تا الهضرة ماقداااتش تطلللعها مزااال ولااات تتطلب سله بلا عنب .. ولكن هووو حس برااسو فحاال نقصاااات منوو مارضااهااش على رااسو و هو لي لا طلبااات عينييه يجبدهم لبها يقطططع من لحموو و يعطيييها و بقى فيييه الحاال انها معااه هاد المدة كاملة و مزااال ماتاااقتش وماعرفااتش ااش رااهي باللنسبة لييه ..
سليمان .. "هز يدوو تااا هزها كورها و خشاااها فالباااب " واش بصح ماتااايقاااش فياا احلاااام!؟ عند باالك جايبك هناا على ود نتكرفص عليك ولا كيفاش!!!!
ماجاوباااتوش حدها بللعاااات ريقها و شاافت فييه بدووون ولا كلمه ولا نفس...
دفعها من يديها و داز للدووش ملي كان فدووش كاانت هي تتفكرر بصح غلطاات حيت متاقتش فييه ولكن من حقها تخااف على رااسها خصووصا فاش رفضاات و شاافت ردة فعلوو خاافت ديال بصح .. تنهدااات وناضت متدور في دار اول بلاصة قصداتها هي بيتو لي كانت مجمووعين فيها زوج ولا ثلاثة تالبيوون .. و الروينه فييه باانو ليها الحواايج مرميين و مشاات هزاتهم تنطوي و تحط فالبلاكار حتى كملاتهم جبدات ليه لبسة سروال من الجينز محكوك و تيشرت بلومارين .. حطات معاهم بالغينة و جلسات تتخربق فتيليفونها حتى خرج لابس بينوار ديال دووش .. ماشاافش فيهااا بقاات غا حاضيااه بعينيها ااش غايديير ..شافتو اتجه للبلاكار و هي تنقز لعندوو هازة الحوايج لي جبدات ليه
جبد البوكسر من البلاكار و طلعو وراه ليها بلا ميتكلم ..خدا من عندها لحوايج و اتجه للبيت لاخر لبس على خاطرو و رجع مشط شعرو و جبد كارو تيكمي فيه قدامها بلا ميشووف فيييها ولا يتكلم معاها حتى كملو و اتجهه للباب حلو و شير ليها
سليمان باش تخرج ..
سليمان .. يالله نتحركو ..
احلام .." هزات صاكها و اتجهات لعندو .. سدات الباب لي فتح و شافت فيه" .. سليمان ماغانخرجو من هنا تا نحلو هاد المشكل لي بدا هنا مبغيتكش تبقى مقلق عليا هكذا .. " كتدوي و تعبر بيديها" انا ماشي خفت منك .. انا ماعمري دخلت مع شي ولد ادارهم فهمتي داك التخوف مزرووع فيا من الصغر .. ماعندي فييه تا ذنب ..
سليمان ...ماشي هادي اول مرة كاتجي عندي احلااام .. رااك ديما كنتي كتجي لدارنا ولا نسييتييي ..
احلام .." عضات على شفتها" ..كنت تنجي لداركم ديال العايلة هادي غير ديالك بوحدك .. ..
سليمان .." ضحك باستهزاء" .ونهار كنا بزوج في فيلا . نسيتيه وداك نهار كون كنت مكنسواش كون ستغليتك ملي عرضتي ليا فييه رااسك !! كون بغييت غير هادشي كون دييك نهاار قضيييت الغرض ..
احلام .." نزلات راسها" ..
سليمان .." تنهد و طلع ليها راسها بيدوو .." خصك تعرفي احلااام اني شاااابع بنااات تا تگرعت گور و مغاااربة مااغانجيييش تاااال عندك نتي لي محااافض علييييك للحلاااال و
احلام .. " عينيها بداو تاني يدمعو" .. وا صاافي سمح لي مانبقااش نعااود معرفتش كيفااش تا خفت منك واااخة نتا الوحيييد لي عاطيااه تقتي كاااملة ..
سليمان .. " حرك رايو يميين و شمااال و جذبها من قرفادتها خبطها على صدرو و عنقها" .. نتي الروووح ا احلااام مكيينش لي كيبغي ياااادي رووحو ماعمرك ديري فباالك بلي غاانأذييك ..
احلام....." شدات في ايديه ومشات فوق الفوطوي كان تم ..بغات تصحح سوء ظنها فبه وتبين ليه بلي غير خطئات "...مکاین لاش نخرجو نبقاو غیر هنا عجبنی المنظر.." کانت دارو کطل علی ندینه الدار البیضاء کامله..." عندک میتشرب بعدا
سلیمان...." وراها الکوزینه وتلاح علی الکانابی هاز تلیکومند فی ایدیه " ...فیها کلشی جیبی لی عجبک ...
سليمان ... غاادي نجيك من اللخر باش بالك يرتاح الفردي لي شفتي احلام مرخص و بوراقيه ولکن لهیه فی طالیانو مدخلو للمغرب تخبيه ..
تانيا خصك تعرفي انه هاد عبد ربه لي واقف قدامك دار لي ميطييحش ليك فالبال وقت لي هربت من الخيرية ، انفوا حطيت رجلي في زنقة لقيت راسي وسط ديااب وسط اكبر منضمات ديال المافيا لي ميقد عليهم حد تصوري نتي فديك السن واحد خرج لشاريع اش غايلقى!؟ لا قراية لا توعية لا والو ، كيلقى راسو وسط المافيا وااخة ميمشيش بخاطرو رجليه تيديوه و هوما ماتيلقااو الفرصة .. كيبغيو دراري صغار يربيوهم على يديه يخرجوهم مكيعرفوش طريق الرحمه فين جات..
احلام .. " تتشووف فيه مبهوورة و خايفة من داكشي لي غايعاود ليها" .. ايه و شنو طرا من بعد ؟؟
سليمان .." ضحك بالجنب " .. قولي اش لي ماطراش المهم الالة .." ناض جاب طفاية وجبد كارو حطو فمو و شعلوو بقى شحال تا نتثر منو نترات عاد كمل " .. كي طحت فيديين المافيا بدااو معايا التداريب .. كانبداو بالحوايج الخفاف الگريساج و المضاربة ،نبيعو السماطي حدا الليسيات و فالدروبا مهم داكشي الخفيف .. و انا كنت قافز و راسي خفيف دغيا كانتعلم .. داكشي لي خلاهم يبداو معايا فالصح .. بدينا التهريب ديال بصح المخدرات السلاح .. و هي غادياا و انا غادي معاها .. كبرنا فديك الجوو لي جا فباالك درتو .. الشفرة شفرناها المخدرات و السلاح بعناهم ... تهديد ابتزاز.. ماشي مرةة مااشي زووج .. اي حااجة مشبووهة ..ولكن كنت عبد مامور من المافيا ..عندهم طريق وحدة .. يا تنفذ لي كيقولو يا يقتلووك .. داكشي علاش كملت معااهم ولا الكل تيحترمني تم .. الكوبرا ولا عندهم هو النامبر وان و عاد يجيو الأوباش من موراه .. قوييت الشخصية دياالي و ولييت وااحد ااخر انسان بصفة وحش ..مكنعرف لا رحمه لا شفقة نشووف لي شفت و مكيرفش لياااش جفن قلب حديد كيف كيقولو
- احلام .. 😳😳😳" غير مبرقة عينيها و تتشووف ماعرفااتش وااش تال هاد الدرجة حيااتو كانت هكذا كاملة اجرااام ..تخلعات و تصدماات تجمعو علبها مابقاات لاقة شتقووول .. بقات مصدوومه فقط ..".. ...
سليمان ..مالك ياكما خلعتك !! " باستفسار "
احلام .." جابوتو بدوون تردد" .. اه .خلعتيني بزاف هادشي لي كنسمع جديد عليا ...عالم اخور وحوايج كنشووفهم غير افلام امريكية .. .." خسر ليها الطاكتيل ولات غا تتفتف غير متجرء وتسولو " وااش عمرك قتلتي شي حد " قالتها وعضات على شفايفها حاضية فمو اش غيخرج "..
سليمان ....هادييك هي لي مدرتهااش ، نسلخ نهرس نعطب ....اما شي حد مضلووم وناخد ليه حياتو لااا
" شاف فيها لقا فمها نشف من الريق "..
بلا منكمل ليك واقلة .. لا تهربي تلاحي ليا من هاد السرجم .
سليمان .."طفى گاروه وتکااا علی الفوطوی لایح ایدو علی کتافخا وجارها عندو "... واخة للالة ..فين وصلنا!؟ ااه ..
مهم بقيت شاد مع المافيا الستون.. تا جمعت حصيصة و كونت راسي.. درت علاش نرجع بعاد المفهوم وبقیت کل مره نصیفط اصاحبی عثمان تا درت مشرووعی هنا ونجح ووقف علی رجلیه عاد دخلت للبلااد ..و من نهار دخلت قطعت العلاقة معاهم نهائیا . و عفى الله عما سلف .. على ود الواليدة و خووتي .. ماتليتش حاامل ندخل علیهم درهم حرام شفت بزااف و عرفت الدنيا كيف مااشية .. عندك ..
ميزي و دووز ماعندكش غاتهمش وااخة يكوونو عند ديلمك الشوااهد ديال مانعرف ااش ..
سليمان .." تنهد .. " ..ماخرجت من عندهم تا وقفت على رجلي ..حتى عرفت وااش غانقدر نحضي راسي .. و نهز راسي برااسي .. عاد خرجت و خليتهم بعدت منهم و من ديك الطريييق لي قليييل لي تيقد يرجع منها و زيدوون .. ماعندهم ميديو مني .. و هذا سبب ثااني اني عندي السلاح لي شفتي ..
احلام .. "بصدمة" .. يعني يقدو يجيو ليك شي نهااار!؟
سليمان .. " تنهد .." ..ممكن ولكن كي قلت ليك ماعند ديلمهم ما ينيطو مني و سلاحي ديما فجييبي ..
احلام .. خلعتيني عليك .. و الله .. 😣
سليمان .. " قرب ليها و شاف فعينيها" ماخفتيش مني !؟ عارف هادشی لی سمعتیه ماشی بساهل وبلي انا ماشي بشخص المناسب ولي ماضيه كيشرف ليك ولكن هادشي لي عطا الله
" سولات راسها واش خافت منو من ورا مسمعت هادشی لقات العکس ...هادشی لی سمعات مزادها غیر خوف علیه لا تخسرو ...علی قد مکان خالعها موضوع الفردي علی قد مرتاحت ملی سمعات حکایتوو واخا کان عاطیها نبذه علیها...صراحتو معاها خلاه يكبر في عينيها وتفهمو ...على عكس ازدواجیه شخصیتها لي متفهمتهاتش ..مره یخخ منو ومره عینی فیه...ملی کتسمع مغامراتو وشنو قاصی فی حیاتو وتالین وصل کیبقی فیها وکتقول هادشی ماشی بیدو الحیاه لی حکمات علیه بهادشی وحنا فیهاد الدنیا کنعیشو غیر لی مکتوب لینا ..والاهم عندها هو غظا وبعدو كيف غيكون معاه اما لي فات مغتسولش فيه " ..
احلام....نخاف منك!؟ انا نخااف عليك ااه ولكن منك صعييب .. كين شي حد كيخااف من راسو!؟ .. عارفة هادشي لي عشتيه كيخلع و اي واحد يخاف منك .. ولكن ولكن انا كانعرف سليماان .. الرااجل الشهم .. سليماان القلب الطيب الحنين .. سليماان مااشي هو الكووبراااا .. 😊 و زيدوون نتا قلتي ليا تبتي و عفى الله عما سلف و مبقيتييش تقرب للحرام ... اولا لا!؟
سبيمان .." خدا يدها فيدوو " نهاار وقفت على رجلي و حطيت فلووسي فمشااريع هنا فالمغرب .. خويت راسي من الحرام احلام .. كيف قلت ليك على ود الواليدة و خواتاتي .. و دابا كين سبب ااخر ..
احلام .." بستفسار وبابتسامه انثویه ساحره " .. لي هو!؟
سليمان .. " قرب ليها و جرها من ورا عنقها باسها جنب فمها " .. هو حبيبتي النفس لي كانتنفسها ..مراتي انشاء الله " .. طلع باس ليها جبهتها .." .. نتي هي اقوى سبب يا احلام .. على ود تا كون كنت تنفكر نرجع لداكشي دابا مستحيل نديرها ..
احلام .." حطات يدها على وجهو تحسسات حنكو" .. حتى نتا احسن حاجة وقعات ليا فحياتي اسليمان ..
سليمان .. " بغا يلطف معاها " .. ههه ماشي فصاليحك تقولي هاد الهضرة غايعجبني راسي و نتغر ..
سليمان .. " ضربها براسها بخفة "....منقدش نديرها ...
هز ليها يديها و تكى على ضهرو حط راسو على فخاضها و حط يدها على صدرو كيلعب بيها و مرة مرة يبوسها بقااو مدة و هوما على ديك الحاالة مجمعيين كيزين يعاود ليها مواقف وقعو ليه بااغي يعرفها على المااضي ديالو و مايغفل على حتى تفصيل باش ماتجيش فيوم من الاياام تقوول ليه لا حقا نتا خبيتي عليا هادي و لا هاديك .. داكشي علاش كان حريص انو يصارحها بأدق ادق التفاصيل .. كمل المعاودة ديالوو و هو متكي فووق رجليها حتى غفى من كثرة ما تتلعب ليه فشعرو حتى ماتلاش عاق براسو .. طلات عليه لقاتو غفى من فرط التعب تقوول ماشي هو هذا لي كان تيعاود على مغامرات الإجرام لي دوز فحياتو ..
احلام .. والله الى نعس .. ههه ..
نزلات باست ليه جبهتو و هزات راسو بشويييية حطاتو فوق المخدة .. ناضت تتشووف و تقلب فديك الداار شنو لي لي مرون فيها تجمعو .. كاع حويجاتو لي موسخين غزلاتهم ليه فشبكة ديال الصابون لي لقات و طرفات ليه دنيا و مشات للكوزينا غسلات دوك الكيسان و نقات البوطاجي .. مسحاتو مزيان فينما كين شي زبل جمعاتو خلات ليه الدنيا تتشعل .. يالله بغات ترجع تفيقو و هي تحس تيليفونها تيفيبري فجيبها .. جبداتو لقات مريم هي متصلة ..
احلام ..اووه سمحي ..مارديتش البال للتيليفون كنت مشغولة مع سليمان .. راك عارفة حلفت تا نفاريها معاه و نعرف شنو مخبي على حياتو ....
مريم .. امم ...اواا و فينك دابا ..
احلام .. معاه فالدار ديالوو ..
مريم .. واش مزال ماغاتجي !؟
احلام .. شي شوية و نجي .. مسخييتش اختي مسخيييتك .. مكرهتش نبقى معاه العمر كلو .. هو يتكلم و انا نسمع لا نمل ولا نغمض عيني ..
مريم .....كلامك فيه نوع من الراحة جاني عكس حالتك هاد الايام ..
احلام .." تنهدات من اعمااق اعمااق قلبها" ......حالتي ولات حالة يا بيه ولا بلا بيه
مريم......لحب طيحك طيحة هايبة
احلام....غير خايبة و سكتي .. كل نهار تنزيد نطيح فيه كثر و كثر .. الحياة بلا بيه غاتكون صعييبة بزااف ..
مريم .. اييه يا لالة قربنا نقوولو فيه شعر .... احيااني شهيتيني فى راجلي ، امدرا شنو قاليك ؟؟
احلام ..." ترددات تقوول ليها حيت ماشي بساهل تعاود ليها هادشي لي سمعات ولكن مالقاات غيرها حيت هي الداعم الوحيييد ليها و هي لي تتعاونها و متأكدة واش ماغاديش تعارضها" ..والو تيعاود ليا على المااضي ديالو راك عارفة حلفت تا نعرف شنو كين ..
مريم ..و عرفتي ..!؟..عاود ليك شنو قصة الفردي و منين جابو ..
احلام .. اااه .. عاود ليا كولشي و قال ليا بلي الفردي مرخص فايطاليا و عندو وراقيه ولكن مدخلو للمغرب بالتخبية
مريم ....."بخوف "..ااناري هادشي صعيب .. و علاش بالسلامه ااش بغاااه لاش يكون عندو فردي اصلا !!
احلام ..باش بحمي رااسو امريم حيت كان خدام مع المافيا .. اش غانقوول ليك الحواايج لي داار مايجييوش فبالك ..
احلام .. شوووت .. اصااحبتي واش حماقيتي .. الطرييق لي سلكتها مع سليمان مامنهاش رجووع .. و زيدوون تنقوول لييك مااضيييه و انا مااضييه ماهامنييش .. لي تيهمني هو الحااضر و المستقبل .. و سليماان حااضر نقي انشااء الله .. مستحييل نخليه حيت كاان عندوو مااضي مكاانش لييه فييه اختياار .. سمعتي امريم ..
مريم .. تت .. خلعتيني علييك دابا .. غاتخليني نشششك وااش عمي كان عندو الصح فاش رفض ..
احلام .. مريم ماتندمينيش على لي عاودتو ليك .. سليماان هو لي ماغانخلييش .. حيااتي غاتكونومعااه هو .. و بابا ماعندووش الصح و نتي عرفة مزياان بلي سعاادتي ماغاتكوون مع تا واحد من غيير ..
مريم......احلام مبقيتش فاهمااك واش نسيتي هاد اليومين كيف كانت حالتك غير ملي شفتي الفرظي ولش عارفة اش غيتسناك مع هاد السيد راه كان مع المافيا وماشي من نوع لي يخليو الواحد
احلام......" بانفعااااال "...انا حسمت قراري و ياريت ماتعاوديش تناقشي معايا في هاد السوجي امريم....هو صارحني ومخباش عليا وداكشي نرجع نأكد عليك كان في الماضي وتا واحد ممعصوم عن الخطأ الا كان جدنا ادم خطأ حنا مغادييش نخطئو ؟؟
مريم ....." تنهدات ".....اوک لی یحلا لیک انا معاك فیه وأي حاجة بغيتي تديريها و قلتها ليك نهار اللول غاندعم اي قرار اتخدتيه خصك غير ماتندميش ..
احلام .. تت ماغاندمش .. مهم تا نجي و نكملو الهضرة
قطعات معاااها و تنهداات .. بقات واقفة مقابلة السرجم تا حسات بيدين غلاض و قاصحيين ضارو على كرشها .. من ريحتو عرفاتو واش هو .. طبع قبلة على كتفها و حط راسو فعنقها كيستنشق عطرها لي سالب ليه العقل و الكيان .. من لي بدات المكالمة و هو واقف عند الباب بغا يخليها حتى تكمل عاد يدوي معاها ماقصدش يتصنط على هضرتها ولكن الكلام كان عليه و شحاال رتااح فاش سمع هضرتها .. حس بقلبو صفى على اي حااجة فالكوون كانت مقلقااه فديك اللحظة .. بقى مدة على ديك الوقفة و هوهو مزير على خصرها و هي كذلك حاطة يديها على درعانو ..
سليمان .. تنواعدك ماغانخليكش تندمي على كلامك عليا و قراراتك معايا ..
احلام .." جاوباتو بدون ماتفكر" ..عارفة و متاكدة ..
سليمان .. الله يخليك ليا .."باسها فعنقها .."
احلام ..خصني نمشي تعطلت ..
يالله كان غايجاوبها ووهو يصوني تيليفونو .. طلق منها و اتجه لفوق الطبلة لي كان محطوط فيها التيليفون .. هزو لقاها الأم ديالو و هو يجااوب ..
سليمان ..وي الواليدة ..!
مليكة .. افينك واش باقي مدخلتيش لكازا
سليمان....." كيحرك في عنقو "......انا في داري امي ..
مليكة....واها اولدي عنداك تنسا النااس لي جايين يدويو فختك اليوم ..الله يرضي عليك جي بكري !!
سليمان ..لا الواليدة ماناسيش راني على بال ..
مليكة ..اوا هكذاك .. لاتعطلش ..
سليمان .. هه واخة الواليدة .. قطع معاها رجع عند احلام لقاها جمعات شعرها ببانضة و هزات صاكها تتسد فيه ..
مشاا لبس سبادري ديالو و ولى عندها لقاها واجدة ..
سليمان .. مشينا!؟
احلام .." ابتسمات ليه'' ..مشينا ..
اتجهو للاوطو ديالو ركبو و ديماىا كي خرج من الدرب سولها ..
سليمان .. فين غاتمشي داركم!؟
احلام .. تت غانمشي لدار خويا اليوم غايرجع .. خالي مزال عياان و مالين دار باقي ما جاو .. و انا مبغيتش نبقى بوحدي فالدار .. داكشي علاش تنبقى مع مريم ..
قلب الطريق في اتجااه دار خوووها وصلها سلمات و علبيه و نزلات و اتجه هو لدارهم على حسااب الناس لي جايين يخطبو لختو
واقف قداام مرآة المتواجدة في البيت ديالو ..كيسد ازرار القميص لي كان لابس ...مسك مشط عدل شعرو بطريقة عشوائية لبس سااعتو وفي الاخير رش من عطرو المفضل عاد توجه للأسفل مكان تواجد الأم ديالو لي كاانت مشرفة على كل ما يخص الضياافة...فرحتها كانت كبيرة لما لا وهي غتزوج بنتهاا الثاانية وغتهنى عليهاا
سليمان ... " دخل الكوزينة فين متواجدين بانت ليه موو واقفة على طيابات وكتعطي اوامرهاا .. باس لمو راسها".. الوليدة مخاص والو كل شي هو هداك ؟؟
مليكة ... " شداتو من خصرو "..كل شي هو هذاك اوليدي
سليمان ... " خطف زيتونة لاحها في فموو "....واخا مزيان انا غنطلع عند شيماء شوية ...
طلع قاصد بيت ختوو شيماء كيف وصل الباب دق حتى سمع الاذن ديالها
دخل لعندها مصغر عينيه وكيهز فراسو كانت لابسة جبادور في الگرونة و دايرا مكياج خفيف لي عطاها اطلالة طبيعية
سليمان... هزي راسك و جوبيني مكاينش لاش تحشمي ... وًانا خوك و ماشي شي حد غريب ، بغيت نسمع جواابك
شيماء ... "هزات عينيها في خوها و قررات تقوليه باش تتحس حيت خوها و معندهاش شي حد خر من غيرو".....اه انا قابله بيه اخويا وباغاه و مرتاحة معاه وهو لي ختاريتو نكمل معاه حياتي
سليمان... "باس ليها راسها " .. الله يكملك بعقلك و يكمل عليكم بالخير حنا دري مغنرجعوش دخل من الباب مرحبا بيه ...
"رتاح من جيهة ختوو وطمن عليه ... خرج على برا تاصل بعثمان لي لقا شحال من ابيل منوو ".. فين العود
سليمان... كيف وصلت الخاوا دزت لعند احلام و انا دابا في الدار عندي شي صوالح هاد الليلة غدا ونتشاوفو
عثمان ... وعليه سلم على الميمة مليكة
سليمان....يوصل !!
قطع معاه ودخل لداار يمشي ويجي عليهم ليحتاجوه .. ما هي الا ثواني حتى سمعو باب كيصوني ..
مليكة ..." جات لعندو جاراه من ايدو " ها هوما جاو شوف اوليدي كريم راه كان خدام مع عبد العزيز الله يرحمو في المحل .. ودري الله يعمر ليه الدار راهم كانو مخطوبين غا جات مع موت باك تلف لينا اللغا اوليدي ... عرف كيف تهضر معاه الله يرضي عليك
سليمان... "باس ليها يديها و طمنها".. كوني هانية معندك لاش تضربي الهم .. كلشي غيدوز لديك البرهوشة هو هداك
مليكة ..." ضحكات عليه "... برهوشة ها هي غتزوج و غتخوي عليا الدار
سليمان ... الله و أكبر الوليدة علاه فين غتسكن في المريخ راه غير حداك .. انا مشيت نشووف الناس ..
"مشا سليمان الصالون فين جالسين الخطاب و رحب بيهم ".. مرحبا بيكم نهار كبير هذا
اب كريم ... ترحب بيك الجنة و نعايمها اولدي
سليمان... كيف دايرة الوليدة في صحيحتك لباس شوية
الام... الحمد الله وليدي هاحنا كنعديو بهاد اليام لي باقا ليناا
سليمان... الله يطول فعمرك .. "هز تليفونو و عيط الام ديالو باش طلع عنذهم" ..داكشي لي كان طلعات مليكة و رحبت بيهم بصدر كبير و فرحانة
كريم...." منزل راسو الارض "...الا كنتي مزيانة الواليدة تا حنا نكونو مزيانين ..
مليكة......الله يرضي عليك
ام كريم .....كيف بقى الخاطر الحاجة ؟؟
مليكة ... الحمد الله اختي كون ما وليدي " شافت فيه معنية بيه ".. مغطيني بجناحو انا والبنات كون تسطيت اختي
ام كريم ... الله يبارك ليك فيه اختي و تشوفيه كيف بغيتي
مليكة .. امين يا ربي ويعطيك لي نويتي في وليداتك
تبادلو أطراف الحديث طلقو مع بعضياتهم لما لا وهوما غيوليو عائلة..
اب كريم ..." قرر يدخل في الموضووع ".. ايوا ا سيادنا اليوم جينا باش نفاتحوكم في واحد الموضوع .. وفيه خير ان شاء الله
سليمان... ميجي من جيهتكم غير الخير الحاج
اب كريم... جيت اولدي و نتمنى مترجعوناش بيدينا خاويين ... طالبين راغبين على سنة الله و رسوله بنتكم شيماء لولدي كريم وكيف كتعرف ديجا كنا طالبينها من عند الحق عبد العزيز الله يوليه برحمة الله وبما انك نتا ليووم في مقام باها نرجع نطلبوها منك ومنها نتذااكرو على التفااصيل بعد مواافقتكم
سليمان ..." دار ايديه على ركابيه وتكلم حاني راسو للاسفل ".. ايوا الحاج اش غنقوليك مرحبا بيك و بنتنا مغنلقاوش ما حسن من نسوبيتكم ....كلشي يشكر في اخلاق ولدك وفي سمعتك ...وكيف سمعتي الواليدة راه ولا نسيبها وبصمات عليها بيدها بزووج وكلمتها هي الفووق ...
مليكة.......اياه نسيبي ومنلقاش حسن منو لبنتي الله يكمل عايكم بالخير ..
"داكشي لي كان هبطات شيماء و معاها الاخت الصغرى ديالها صفاء شادة فيها ... كيف وصلو عندهم مشات جلسات عرووستنا حدا خووها لي دار ليها بلاصة حداه ، و تكلم معاها قدامهم كلهم " ... شوفي اختي هاد الناس جاو على ودك باش يزوجوك لولدهم كريم .. ودابا كنعاود نسولك واش قابلة بيه ؟؟ ...
حشمات شيماء و حدرات راسها مبتاسمة ، غير شاف ابتسامها
سليماان.....هاهي ختي غتولي امانتك وفي عنقك تهلى فيها وحسن بيهاا راه نوارة دار ومنسخاوش بيها
مليكة...." حركات راسها ودمعه في عينيها "...احيااني دار لبنات خاالية اوليدي ..
" طلقتها بتزغريتة بقاا يتسمع صداها في الدرب كاامل ....هزو اتاي وحطو العشاا مكبرين بيهم وحاسنين ضيافتهاا ...وبعدها تافقو على نهار العرس لي كان قريب و هذا كان شرط سليمان البنت تخبطت صافي خاصها تزوج وتمشي عند راجلها ...
وهما واقفين قدام لباب لتوديعهم تقدم سليمان لعند كريم
سليمان..." زير على كتفو " ... نعاود نوصيك ختي امانة عنذك منبغيهاش تشكي و تقوليا دار ليا وفعل ليا ... وبالنسبة لخدمة نتا لي غتشدها انا مكنكونش ديما هناا وعاد عندي خدمتي اذا نتا لي غتقابل الخدمة و هذاك راه رزق مرتك صونو و صونها حتى هي نتا حسن من براني وغتكون في مكان الحاج في داك الگراج
كريم ... خويا سليمان خيركم سابق عليااا و مباغي من هاد الدنيا والو غير نتجمع مع شيماء في الحلال حنا رجال و غتحس بيا... ونهار تأديها شي حاجة راه انا لي غنتأذى
سليمان... " هز راسو بالایجااب راضی علی کلاموو وحاس بیه لما لا وهو دایق من کاس الحب "......داکشی لی بغیییت الله یکمل علیکم
بعد مرور اياام .. علاقة احلام و سليمان مزالة فالتخبية .. كل نهار تيتلاقاو بعد ما تتخرج من الخدمه .. كل مرة تيديها لقنت فشكل باش مايحصلهمش الأب ديالها ولا خوها طبعا ..و هاد الوضع مكانش عاجب سليماان حيت عمرو بغا يكون بحال هكذا و يتخبى مع حبيبتو فحال المراهقين ولكن على ود احلامو كولشي يهوون .. علاقتهم زادت تطورات ولاو مستحيل يستغناو على بعضهم من كثرة ما كيبغيها .. مابقااش عارف شنو سر ولهو بها ..
احساسو من ناحيتها ولا كيف الجمر كيحرق قلبوو كل ما كيفكر بلي شي نهار يقدرو يحصلو ولا بااها يزييد يقصح رااسو ... لدرجة ولا فالكثير من الأحياان شريد البال وحبيس الأنفاس..كيفكر غير فيها و فالنهار لي ممكن تفضح علاقتهم ..!! مكرهش يسرقها و يخبييها فقلبو يسد عليها ماتشووف حد مايشووفها حد حتى باها .. باختصاار وصل لدرجة يولي متيم في العشق بكل الحواس .. و هادي لي عمرها كانت لو على الباال .. هاد الاياام كاملة كان هو مشغوول بالتجهييز لعرس ختو لي بغااه يكوون من افخم الاعرااس و كيف ما تمناااتو و لي كان مصر على انه احلام تحضر ليه داكشي علاش قرر انه العرس غايكون بالنهار مااشي بالليل ووسط السيمانة ..حيت عارفها ماتقدرش تخرج من دارهم غير للخدمة ..
اما احلام بعد ما جاو واليديها من عند خالها كي تحسن و ولى مزيااان رجعات لدارهم .. و رجعات خايفة من خياالها لا يكتشف الاب ديالها أمرها حتى تيليفونها اصبح طوول الوقت حاطااه صاامت لا يتصل ولا يجييها ميساااج .. ولااات حتى ميساجااتها معااه كل مرة تتمسحهم وااخة ماتاتسخااش بيييه و تتبغي تبقىىى تعاود تقرى فبهم مرة عن مرة ولكن ما باليد حييلة .. كيف العادة بعد ما تعشاات مع واليديها مساات عليهم و اتجهات لبيتها .. قفلاتو عليها و حلات السراجم من الحرارة .. جبدات تيليفونها تتشووف واش اتصل لقااتو فعلا اتصل و هي تصيفط لو ميساج ..
احلام..°° حبيبي هاني جيت .. ياكما نعستي!؟°°
سليمان ..°°مانعستشاي .. فين كنتي !؟°°
احلام .. °° تا فين .. راك عارف وقت العشا هادي .. تعشيت وانا دابا فبيتي .. و نتا اش كدير!؟°°
سليمان .. °° .. والو .. مريح مع عثمان فالكافي تنتفرج فالماتش ..°°
احلام ..°° .. امم مزيان .. توحشتك ..°°
سليمان ..°° و انا كثر ازين ديالي .. ..مهم غدا راه لحنا ديال الخوادرية عندااك تنساي !°°
احلام .. اش غانقول ليك غدا الثنين كاتكون الخدمة مزيرة .. ولكن غانشوف ..نحاول °°
سليمان ..°° مكين بو تحاولي .. غاتجي هي غاتجي .. °° ..
احلام .. ههههه غانشووف على حسب الخدمة .. ولكن نقولو انشاء الله نجي °° ..
بقااو على الجمااعة فالميساجاات حتى غفاات ..
الغد ليه فاقت بكري صايبات شعرعها ..لبسات حويجاتها لي كانو عبارة عن جينز مشرگ من الركبة و سبادري فالأسود .. تيشورت تا هو فالأسود ..هزات صاكها و اتجهات للخدمة كي دخلات مشات عند الشااف ديالها باش تطلب منو الإذن انها تخرج بكري اليوم و ماتحضرش الغد ليه ..
احلام .. سلام .. ممكن ندخل ..
المدير ... تفضلي .. اانسة احلام ..ياك لباس ..
احلام .." بتردد .." ..احم .. جيت نطلب منك اليوم نخرج بكري .. و .. غدا اذا كان ممكن تخويه ليا و نعوضو شي نهار ااخر ..
المدير .. " طلع فيها حواجبو و ضحك باستهزاء " ..يومين كااع .. الله اكبر...
احلام ..عندي ضرووف استااذ ..
المدير ..شوفي اانسة ..انا ماسووقيش فالضرووف لي عندك كاتهمني انا حااجه وحده هي الخدمه ..فقط ..
اتجهات للبيرو ديالها و تكباات على ديك الخدمه و الشااف ديالها غادي جاي علييهاااا يشووفها وااش نييت تتخدم حيت مااشي اي وااحد يجي يعطييه عطلة ..من كثرة الخدمة حتى البرييك ديال الماكلة ما خداتوووش غير سكينة لي جابت ليها سوندويش كلاتو و هي خداامة..لدرجة ما انتبهاتش للسااعة و لا حتى للميساج لي جاها من شيماء .. حتى سمعات تيليفوونها تيصووني. . هزاتو باان ليها سليمااان و شدااتها القفقاافة ..
احلام .. الوووو ..
سليمان .. وي .. فينك تعطلتي .. !! شيماء من قبيلة تتسول عليك ..
قطع عليها و خلاها غا تتشووف فالتيليفوون .. حطاتو بالزعاافة و شداات فراسها .. كملات خدمتها و حاولات ماتعصبش كثر بااش تساالي داك الرويينه ديال الخدمة و تصاالح سليماان من بعد ..
كملات خدمتها بمشقة الأنفس ..ومشات للدار عياااانة و طاالع ليها الزعف .. الليل كلو و هي تتصل بسليمان و تيليفونو طاافي ..عارفااه تقلق عليها ولكن صيفطات لو ميساج بااش تهديييه بعدا لا حل تيليفوون طلبات منو السمااحة و أكدات عليه انها غاتحضر .. و وراها اتصلات بمريم طلبات منها قفطانها لي عاد فصلات بما انها تتفصل القفاطن و تكااشط بزااف ..و احلام اغلب حوايجها عصري ماعندهاش مع البلدي ..بعدما رتبات كلشي ققرات تنعس بكري باش ترتاح وتفيق الييييز
.....
يوم جديييد فاقت احلام على النبووري باش يالله توجد راسها لعرس شيمااء .. جمعات داكشي لي غاتحتاج من اكسيسوارات و اتجهات ديريكت لعند مريم لي تصلات بيها و تأكدات منها ان خالد خرج لخدمتو ..
طلعات ديريكت عندها .. لقاتها تتجمع فالداار ..دخلات للدووش ضرباتها بتحميمة فاعلة تاركة رخات فيها عضامها و خرجات
لقاتها مريم موجدة ليها القفطاان و الصنيدلة ديال الطاالووون مع بووشيطة ديالها ..
مريم .. هاني احبي ..غايجييك وااعر ..جربي نشووف ..
احلام .." خذااتو من عندها و لبساتو جاها على عبارها ديريكت .."
احلام ..هاني كي جاني؟؟
مريم .. قل اعوذ برب الفلق ..كايحمق علييك ما شاء الله ..تبارك الله ..اصلا تنلبسو نفس العبار ..
احلام ..لهلا يخطييك عليا و صاافي معرفتش بلا بيك شنو كنت هاندير .. كون كانت ختي و الله لا دارت معايا هادشي لي تتديري نتي ..
مريم .." ابتسمات لبها و شدات فيدها" ..شووفي احلام ..انا كون كانت عندي ختي بنت ..يمكن ماكنتش غانبغيها كثر منك ..راك عارفة لي كاين ..
احلام .." عنقاتها" ..لهلا يخطييك عليا ..
مريم ..خذيت ليك رونديفو فالصالون ..اجي نشربو اتاي بينما قربات الوقيتة باش نمشيو ..
احلام .." مشات معاها للكووزينا و كلسوو على حت حت شادين النميمة فسليماان و كيف العادة تتعاود ليها عليه و على شخصيتو .. تا وصلات ليهم الوقت للصاالوون ...خرجو شدو طاكسي مشاات معاها مريم كيف اتفقوو .. صاوبات شعرها و المكياااج لي جاها ولا أروع و تمو راجعيين من ثااني لداار .. لبسات القفطان لي كان ديال الموبرا فالأخضر ملكي مرصع بالايسطراس و مطرز بالربااطي ..و الصمطة ذهبية بحال الخياطة طبعا .. اما الصنيدلة تا هي كانت ذهبية و كلاس .. شعرها خلاتو على راحتو شدات لا فرونش فالجنب ب بروش خفيف و صغير مبينها اكثر لطافة و رقي .. لبسات اكسيسواراتها و خذات تيليفونها اتصلات بسليمان لقااتو على القرص ديجا وصل و كيتسنا فيها .. ودعات مريم و نزلات عندو لقاتو تيتسنااها فالرونج ديالو غير شافها و هو ينزل ديريكت بقا غا تيشووف فيها .. زاد جماالها اضعااف .. نسااا رااسو وااش مقلق منها
كان لا يقل وساامه عليها ..مكستم بكوستيم فالنوااار و شوميز بيضااء حال ليها الصدييفات ديال الصددر .اول مرة تشووفو بدون ملابس رياضية ..بقاو هكذاك كلها يشووف فالثاني .. مبلوكيين ..حتى تقدم و مسك يدها باش تنزل من الطروطوار
سليمان .. قلبييي ..
احلام .." ابتسمات بحفة" ..مالو!؟
سليمان ..الله يرحموووو ..
احلام .. " عقدات حواجبها" ..الله ينجييه ..
سليمان .." حل ليها الباب ديال الاوطو" ..طلعي ابنتي طلعي
طلعات واتجه بدورو لمكان القيادة .. و ديمارا الاوطو في اتجااه العرس . ..
الطريق كااملة و هو تيغاازل فييها و فجماالها و كل مرة يااخد يدها و يبووسها .. من فرحتو بيها انها غاتحضر العرس ديال ختوو ..لدرجة نساا و ماجاش فبالو يعااتبها على الباارح فاش كان مقلق منها نهائيا... وقف الاوطو فراس الدرب طبعا بسبب الالازدحاام لي كان تم بكثرة السيااراات و خرج حل ليها الباب .. مد ليها يديه شداات فيهم و اتجهو للحفل القاااعة المتنقلة لي كانت شاادة من راس الدرب تال راس الدرب .. الغرييب و القرييب حااضر .. كي دخلووو كل من جااالس تلفت .. و كل من كاان تيشطح وقف الشطييح ..كيف لا و ملك الدرب وصل و مااشي بووحدوو .. معاااه حبيبتو احلام لي العائلة ماليهااش سيرة غييرها ...بسبب الأم ديالو و خواتاتو لي تيعااودو عليها قدام العائلة بزااف لدرجة ولاو كاملين عارفيينها و عارفين قصتها مع سليماان قبل ما يشوفووها ..
لدرجة ولاو كاملين عارفين قصتها مع سليمان قبل ما يشووفوهااا .. استغربات و جااها داكشي فشكل فاش باانو ليها تيشووفو فيها اما سليماان هاز رااسو كيف العاادة اتجهوو ديريكت لعند العرووسة و العرييس لي كانو فالبرزة ..العرس كان مئة بالمئة مغربي .. و كولشي فيه متول و هو هذاااك ..جايب ليها احسن و اغلى جووق. . اما النااس خلااص تيتمناو لسليماان غير الرضى يرضى ..
احلام ." سلمات على شيماء اخت سليمان " ..مبرروووك عليك احبيبة .. فرحت ليك ..
شيماء .. الله يباارك فيك ازيين .. العقووبة لييك .." شافت فسليمان لي غمزها" ..
باست شيمااء و اتجهاات هي و يااه لعند مليكة لي كانت جالسة فالطابلة مع وخواتاتها ...کان غادی بکل رجوولیه حاط ایدو علی خصرهاا ومجامع حواجبوو ....اما هی الابتسامه مفارقتهاش ملی دخلات
ملییکه غا شافت احلام و هي تنووض وقفات و حلات ليها درعانها مبتسمة و فرحانة حيت حضرات" ..اهلا. اهلا بالزييينه مراات ولدي ..
- تبارک الله صلاه علی النبی وطلعتی عندک الذووق اولد ختیی
- لاواه هي لي عندها ذوق ختاراتو ...سيد رجاال والف وحده تمناه
سليماان......وانااا تمنيتها هي ..." شد فيدها و جرها لعندو" .. نخليوك الوااليدة .. لنصدق م " عض فمو تا غموات ليه مو بمعنى ها سخط ها رضى دير عين ووذن ميكة "
اتجهوو ديريكت للطبلة لي جالس فييها عثماان و شيمااء مع صفااء ..
شيماء .." نقزات عليها عنقااتها" .. ياااا ختييي على القمر لي كيطل عليينا من العاام للعااام .. توحشتك الزغبية ..تي كي ديرة ..
احلام بادلاتها العنااق" .. تا انا توحشتك بزااف احبيبة .. كي ديرة لباس عليك ..
سليمان .. ريحي .." جر ليها الكرسي جلسات حدا شيماء و هو خدا الكرسي قلبو و ريح بجنب عثمان .. "
احلام .. عثمان خويا لبااس عليك ..
عثمان .. لباااس اختي ملي مزال بعقلي مع هاد المسطية راني لباااس و مووت بيخير ..
شيماء .." عوجات سيفتها" ..يشوييينييي فييك انا الف وااحد يتمناني ولكن حبي طاااح على حجرة.
عثمان .." حط يديه على الطبلة" .. وريني غااا واااااحد من عاد الألف ..
احلام ..ههههههه غاتبدااو تااني ..
شيماء .. احلاااام ..يالله نشطحوو بليييز ..😶
سليمان .. " خنزر فشيماء "..شناااوااا ..مكين شطييح ..العرس مخلط .. شاف فعثمان" ..دوي مع مصيبتك اصاحبي .
عثمان .. غير خليها راني محلف فيها تنووض رجليها نگرضهم ..و نخليها تشطح فركة ..
احلام .." شافت فسليماان ببراائة " ..ولكن طالقين الشعبي 👀
سليمان .. " خزر فيها .." .. قول ليهم يطلقو تا الخليجي ..واحد ساعة ونشطع انا ويااك
شيماء .." تكات على كتف احلام" ..شفتي الحگرة .. كااااان مااالها العزوبية يعني ..كنت شااطحين مقزبييين و حد ما محكم فينا ..
بقااو على النگير تا بداا كوولشي تييييشطح و هناا جعرو البناات ولاو يشطحو غا بيدييهم و مفقووصااات ..خلاو سليمان و عثمان غا تيشووفو عرفووهم تهااوشوو على الشعبي و هوما ينووضو دارو فيهم خيير و دااوهم يشطحو معاااهم .. شيمااء غير وصلات لوسط القااعة ماتلاتش عقلات على عثماان تحيير و تقوول ماتحيراات اما سليماان كالاااها فوااحد القنت و خلاها تتشطح معااه على رااحتها و هو عبنيه غاا علييها حتى تلفها و خلاها تفافا من شووفاتو ......ايديه مزولهاش عل اسفل ضهرها ومرة مرة يهمس ليها في وذنهاا .....مليكة تقدماات لجووق وعلقات لييهم وخلاتهم يتغناو بسمية سليمان واحلام ..
الاعين نتاقلو ليهم حاضيينو وهو كان حااضيها وممحيدش عينو عليها وهي كتشطح مع الأم دياالو ..
فهاد الوقييتة لي كانو كايشطحوو عيوون كلها حقد و سد و غيييرة كااانو حااضييينو .. ..مشات جلسات مع صفاااء و كلللها غدااايد ..
صفاء .." طلعات فيها حجبانها" ..علاش مالو كان مواعدك بشي حاجة" ..
اية ..هادي هي المصيبة ..ماموااعديني بواالو .. و ولكن والله لا كان ليها ..
صفااء .. شووفي اية .. نتي بنت خالتي ..غانصحك نصيحة لوجه الله .. بعدي على سليماان و ماتحاوليش دخلي بينو و بين احلااام ..عرفتي علاش!! حيت سليماان ممكن يقتلك على ودها .. فهمتي ..احلام شي حااجة كبيييرة عندو ..حسن لييك وقرييهم . انا قلتها ليك و نتي ضبري رااسك ..غا نتي لي غاتخسري اية ..شووفي غيرووو .."😉😉"
اية .." خزراتت فيها و قاالت فنفسها" .. نشوف غيرو ..هاهاااي ..دابا نشوووفو شكوون غايشووف غيرو ..
جمعات جلايلها و اتجهاات ديريكت لعند المصوور ديال العرس .. طااحت عليها فكرة غاتدييها لبيباان جهنم زااحفة ..
اية ..خوويااا وااخة نطلب منك طليبة!!
المصور ..مرحبا اختي .."
ااية .."شيرت ليه جهة احلام لي كانت هي وسيليماان تيشطحو مشاادين اليديين و مقااربين كثر من القيااس " ..صوور ليا ختي .. وااخة ..راهياا بغييت نديير ليها تصويوراات الغفلة .
ضحكات بالجنب و مشات ريحاات حدا صفااء .. و خلاات المؤاامرة تتنفذ ..
دااز العرس كلوو على احسن وجه كيف كااان مخطط لييه ..احلام عجبها الحاال بزاف خصوصا انها تعرفات على عائلة سليماان و رحبو بيها احسن ترحيييب ..ناهييك عن الام ديالو لي فرحات بيها ..اما سليماان خلاااااص ..الوقت كلو و هو تيوصي علييها و يسول على شنوو نااقصها هازها فووق رااسو و ماقاادااه فرحة .. حتى فاش تحطاات المااكلة تاابعها تااكل و تيوصي عليها احسن حااجة تحط ليها و هاادشي لي غاااض ااية اكثر و اكثر حيت عمرها شاافت سليماان هكدا مع شي وحدة .. و نفذاات داكشي لي كان فباالها خذاات من المصوور كاع الصور لي التقط ليها و خطاتهم فالبووشيطة ديالها .. مبتسمة بخبث و تتوعد ليها شر الأعمااال..
وصلات ليها الوقييته فااش غاتمشيي .. ودعات الكل و رجعاات بااركاات للعروووسة عاد مشاات مع سليماان يوصلها طبعاا لداار خوووها .....
وصلات ليها الوقيتة فاش غاتمشي ..ودعات الكل و رجعاات باركاات للعرووسة عاد مشاات مع سليماان يوصلها لدااار خووها طبعااا ..ديجا كان الضلام نزل و الوقت فات علييها .. هزات تيليفوونها و اتصلاات بمريم ..
احلام ..مريااامتي ياااكما جا خاالد ..شتك معيطة لياا مسمعتش مع الهرااج دالعرس ..
مريم .. بحال الى علمك الله .. خوك اليوم جااا بكري ماعرفت ااش طرا ليه .. ااش غاندييرو دابا راني تندوي معاك غا من البالكوون ..
احلام .. ويلييي حي على يااامي ..!!
ااش غانديير دابا
سليمان .." نغزها" ..اشكين!؟
احلام .." شدات تيليفون بيديها" ..خالد خويا رجع لداار بكري اليووم و شوو انا كي مكشطة والله اليوم تا يعلقووني .. "ردات تيليفون لوذنيها .. ..عرفتي شنوووو .. هبطي حواايجي حطيهم فالدروووج ..انا اانجي ناخدهم و نزيد .
مريم .. و فين غاتلبسييهم الفهييمه ..
احلام ..وا نضبر الى حكمات الضروووف نلبسهم تا فالدروووج ..
سليمان ..شناااااااهووواااا!!!🤨🤨
احلام.. و شنو غانديير اسليمااان ااش .. اليوم نتفضحو مافيهاش ..
سليمان ..كاالمااا..انا غانديك تشري حويج لبسيهم و عاد سيري
مريم .." سمعاتو" .. هاهو عطاااك الحل شووفي .. و خالد اصلا ماعارفكش ااش كنتي لابسة ماغايدي ميجييب و انا غاندخل دابا نكدب عليه شي كذبة نقوول ليه سخرتك تجيبي ليا قفطاني من المصبنة. . ولا شي حاجة بحال هكذا ..
سلبمان .." طلع يدها بااسها من الداخل" .. ماغايقدووش انوور عيني .. ماغايقد حد يحرمك مني غير تهناي ماغايوقع والو ..
...
اتجهو ديريكت لمحل ديال الملابس على الواجهة فالمعاريف .. دخل هو ويااها ختارت دااكشي لي باااات .. قبية عريضة و طويلة شوية فالموف و كولون اسود .. و سبادري تا هي كحلة .. لبساتهم تما و فكاات شعرها من البىووش و طلعاتو على شكل كعكة .. و لي لانجيت من صاكها خففااات بيه الميك اب خلات غير عينيها و شفايفها .. و خرجات لقااتو تتيتسنااها .. مشاات معاااه خلص خذات من عندهم صاك حطات فيه القفطان و الصنداالة .واتجهو للسياارة .. كسيرا ديريكت لدار خووها باااش مايزييدش يعطلها كثر .. بلاصاا فبلاصة مجنبة على الموبل. .
سليمان .. يالله هاحنا وصلنا ازين .. ماطرا واالو .. و ماغايطرا والو بحول الله ..
سليمان .." بقى تيشووف فيها حتى خرجات و مشاات للمووبل شيرات ليه و هو يلووح ليها بيديه عاد كسييرا في اتجااه العرس لأنهم كيتسنااوه يجي عاد يكملو العرس و غير وصل كملو لي بقى ليهم من العرس و هلت الزغاريد من جديد .. وقف سليمان قداام العرايس و فتح يديه لختو ترماات فحضنو و الدمووع فعينيها هواادين و الكل متأثر باللحظة .. من لي رجع سليمان من الطالياان و هو كيديير اي حااجة بااش يسعد خواتاتوو .. و يخلييهم ماناقصيين حتى حاااجة و فااش كااع ماات الأب ديالو خلاااص .. ولا بمتاابة الأب ليهم و الحااجه قبل لا يطلبووها كاتحضر ..
سليمان .." شاف فراجل ختو" .. تشكي منك .. ولا تخصها شي حاجة .. تنزل دمعة من عينيها بسبابك .. غانحييك ..راك عاارف شكون انا .. بلا مانفكرك .. مابااغيش نهددك نهار عرسك لي غانقوول ليك هو تهلا فيهااا..
العريس .. هههه غانديرهاااا فعيني اسليمان
سليمان .. " جبد تيليفونو لي كان تيصووني .." .. وي .. واجد؟؟ نتا برا !! واخة هاهوما خارجين ..
سليمان .. " طلع راسو شااف فيهم " .. هاد الليلة غادوزوووها هنا فكازاا .. فأحسن اوطيل .. و ليموزين تتسنااكم على برا .. " و غدا انشااء الله غاتشدو الطرييق لأكادير .. حجزت ليكم فأوطيل روايال أطلس .. و هذا هو الكادو ديالكم ..
شيمااء .." عنقاتو" .. لهلا يخطييك عليا حبيبي ..
العريس .. عدبتي راسك .. شكرا ..
شكرووه و اتجهوو لي مووزين لي غاتوصلهم للفندق لي غايبااتو فييه تفارقاات معاااهم بالجهد الجهييد البكاا و التنخصييص لا هي لا الأم و الأخت ديالها .. فراقها جاهم صعييب حيييت ماعمرهم تفاارقوو ولو غير سلااعة ديما مع بعضهم .. ..
في هذا الوقيتة كلنت احلام سلمات على خووها و هزات حوايجها .. شكرااات مريم لي وقفات معااها و ديما وااقفة معاااها فااشما احتااجتها تتلقااها .. و فعلا الكذبة دخلات على خاالد و ماقشع واالو .. اصر انو يوصلها بنفسوو تال الدااار و دااشي لي كاان و هاد الحركة عاونااتها قداام بااها و سلمااات من الاستجوااب لي كااان موجدوو ليها حيت تعطلاات
الأوقات الزوينة في رمشة عين كتمر وهاكدا داز عرس شيماء طاير كيف البرق بعد ماا انتهى لي مشى لدارو مشى ولي بقى طلع لداار ومنهم خواتات مليكة لي تفرقو مشمرین علی ذراعهم کیقادو رویینه..
فِي المطبخ كانت جالسة مليكة هي وختها تيفرقوو الحقوق و كيتبادلو أطراف الحديت تا لاحت ليها ختها عايشة الهضرة ...
عيشة ... "تتاكل الحلوة و مطلعة حاجب و منزلة خوه"..هاديك البنت لي جات ليوم هي لي ولدك بدل بنتي عليهاا .. علاه باش حسن من بنتي هي ... وانا لي كنقوول خيرنا يديه غيرناا
مليكة ..."تتكلم معاها و وخدامة بيديها "... ايوا اختي الدري قلبو بغاها و هي لي ختار .. نقوليه لاا خلي هاديك لي ختاريتي و تزوج بنت ختي اية
عيشة ..."حطات ايدها على خصرهاا "... ايييه ومالها الى قلتيها ليييه غيطيح منك النص ... والا خبز الدار يااكلو البراني ...
مليكة ... واش نتي اختي غا باغا تفقصيني و بنت ليك في البلان دابا ...وزايدون مبناليك موقفين عرسو دابا .. غير خلي داك الجمل ابنت بووويا راگد
عيشة ..." باستفسار شافت فيها باغا تعرف ".. علاه اش كاين راهم بيخير و فرحانين ؟؟
آیه...."باستهزاء"...شنو کیسالی لمن بغی ...هادیک مخلی عرس ختو وغادی موصلهاااا ولا حلال علیهم ولا حراام ...
صفااء....... اويلي اختي من نيتك كتهضري سيدة مخلية خدمتهاا غير باش تجي تفرح لختي ويخليها تمشي وهي سااكنة بعيدة
أية ... علاه هي فاااش خدامة بالسلامة
شيماء ... خدامة في البريد المغرب لي في البرنوصي ..
اية ... امممم ايوا مزيان ...يالله نخليك دابا ..
" مشات دخلت للطواليط و جبدت التصاور من صاكها و تتشوف فيهم ..
ايه..."كتضرب بيهم على ايدها "...صرااحة كنت بغيت نخليك دايعة في شوانط متعرفيش شنو هو الحب من اصلو ولكن كاينة طريقة اخرى حسن وملفيها ذنووب ...بتاسمات على النوايا السيئة لي كتدوور في بالها ...
.......
يوم جديد كانت احلام منغامسة في خدمتهاا .. لي زابيل و لي كارط ناسيونال و كل واحد خاصهاا تكتبو عندمن طلع من بعد نهار كولو خدمة و لعيااا وصلات الوقيتة لي تتخرج فيهاا .. ناضت طلعات الحمام غسلات و جهاا و هبطات بوانتات خروجها و سلمات على سكينة ..
خرجت مع الباب غادية في الطريق مرفووعة و مسخسخة باغا غير وقتاش توصل تلاح ترتاح و غافلة على الاعين لي تابعينهاا.. وصلات لدارهم سلمات على باها و مهاا وطلعات تحط راسها تنعس ..بعدما بدلات حوايجها يا الله غتحط راسها وهي تسمع تليفونها كيڤيبري لقاتو سليمان هضرت معاه بصون غالب عليه نعاس
سليما.....شفتك غابرة الحاجه
احلام.....امم عيانة عاد حطيت راسي مزال مشبعت نعاس ..
سليمان....." حس من صوتها بلي مرهقة ".....صاافي سيري رتاحي ليييك الا فقتي فيبيني
" قطعات على الفور بعدما سمعات كلاموو وحطات راسها على المخدة مغيبة تا فيقها صووت صراخ باها من غرق نعاااس
كيف عادتو صلا صلاتو و خرج من جامع ...وصل الباب دار حلهاا وبدون مينتاابه زطم على شي حاجة قاصحة نزل راسو بان ليه جوااا مسدود نزل هزو كيستفسر بملامح وجهو بشنوو فيه ....توقف على الحركة وتصعق ملي شاف محتواه ...
تصاور جالسة فيهم بجنبو ومعنقها...تصاور اخرين واقفين وكيشطحو الدم تيجمد ليه و دقات قلبو تسارعو و يدو بدات ترجف ... كمش دوك التصاور و طالع كيتفتف و فمو نااشف وصلو لعند مرتوو ...
محمد ..."ردخ الباب و بدا في الغوات "... فاااااطممممممة
فاطمة ..."لي كانت الفوق كتطوي الحوايج غير سمعاتو قلبها كان غيوقف و حست بشي حاجة خايبة وقعات "... يا ربي تحفظ يا ربي سلامة ...
"تمت غادا عندو رجل مقدماها ورجل مرجعها اللور توصلت عندو "... اويلي يا هاد الراجل فمك بيض ياك لباس
محمد..."كشاكشو خارجين و عاطيها الغوات"... واش بنتك خلات فيها لباس ... واش ناويين تقتلوني ...الله ياخد فيها الحق وكلت عليها الله هوو ياخد فيها الحق ... غادا تحط راسي لي التراب و ديرني ضحكة وسط العادي و البادي
فاطمة ... " فهمات انو الموضووع كيخص احلام "... يا هاد الراجل يهديك الله لاش تدعي على البنت اش دارت ليك جلس وفهمني بالعقل ....
محمد ... "مشا الكوزينة شرب كاس ديال الما ورجع عندها لاح ليها التصاور على وجها"... هاا اش كاين ا لالة كون كنتي كيف العيالات حاضية بنتك ... كون ميوصلونيش بحال هاد التصاور ..." تم غادي لبيتها كيجري "
فاطمة ... "تتابعاه " ... واا محمد اش غديير ...
الوقت لي كانو هما لتخت كيتغاةتو كانت احلام حاطة يديها على قلبها لي كيضرب من ورا مسمعت الغواات عارفاات شي حاجة ملي مخبية تفضحاات تكمشات في بلاصتها كتسنى في باهاا لي صوتو كيقرب لعندها محسات غير بالباب محلول على جهدوو وبيد جااراااها من شعرهااا
"... ياك ابنت الحرام انا تشوهيني و تحطي راسي في التراب ... زيدي الله ياخد فيك الحق ...
فاطمة...." كتفك ليه في يدو من شعرها كانو وسط الداار احلام طايحة الارض وباها جارها ".....وااا طلق من البنت غتخلي شعرها في يدك اويلي طلق..
محمد.." لاحها عليها " ...شدي ا لالة شتي تربيتك فين تتوصلنا جري عليا برهوشتك وليا معاكم كلام بجوج ... جرات فاطمة بنتها لي كانت منهارة و حالتها بالبكا و هو موراهم غا لي جات على فمو كيلوحهاا ... وصلو لبيت الجلاس و ضار عند فاطمة "... اري دوك التصاور لهنا ... مشات فاطمة ورجليها فاشلين عيات و ملأت من هاد الصداع جات ليه التصاور مداتهم ليه و جلسات شادة راسها اما احلام غير تتشوف شنو غيصنع باها و خايفة بزاااف ..جبد ليها التصاور وبدا كيوريها تصويرة بختهاا و لي مصورهم مركز اكتر على قربهم لبعض
احلام ..."لي ضربتها اللقوة و معرفات متقول "... با .. بابا غير سمعني
محمد ..."قاطع كلامها بتصرفيقة"...سكتي قطعي حسك ... " جلس فوق سداري وبدا كيبكي " اش درت ليك تا ديري ليا هاد الحالة اش درت ليك واش عمري قصرت معاك ... دوي واش عمري خليتك تخصي حتى تتناقمي مني بهادشي ...
ولكن غندير حل اليووم ... اليووووم مغتبقا تربطني معاك حتى علاقة ..." مشا قاصد ماريوها وفاطمة من موراه تتندب و تشد فيه "..حيدي يديك ولا نگرضها ليك حيدي .." كيهز في الحوايج و يخشي في الصاك تا جمع ليها گاع شراوطها ...مشى لعندها لبيت لقاها جالسة في الارض و تبكي جرها من دراعها حتى غوتت وتم غادي بيها الدروج ولاح ليها حوايجها" ..
يا الله الباب ما باقيش نشوف كمارتك سيري عيشي مع داك الشمكار الحشايشي تزوجي بيه ولا عيشي معاه في الحرام هادشي مابقاش كيعني ليااا
الكوبرا الجزء الرابع
محتوى القصة
التنقل بين الأجزاء