الكوبرا الجزء الخامس

2019

محتوى القصة

رواية الكوبرا

انا مزاوگة ليك في المرحومة الى ما رحمهاا ورحمني معاهاا اخر مرة تخرج الزنقة نبوس ليك رجليك الى ما رحمهااا هء هء هء 😭 ...." كتطيح فيهم كيف لحجر لما لا وهي أم وكتشووف راسها غتحرم من بنتهاا "..
محمد ..." دفعهاا برجليه ".. علاه باقا شي حاجة لي عطا الله عطاه انااااا يوليو وصلوني تصاور بنتي معانقة مع شمكار....هي غنحيد هاد اللحية ونولي ديووثي 
فاطمة ... " كتخبط خفاضها "...وا راجل متحكمش عليها .. راه هاد الوقت تقدر تصايب تصاور كيف بغيتي ..
محمد .."وقفها بيديه ".. ا لالة المضلوم كيدافع على راسو ..اما بنتك ملي شافت راسهاا ما دوات متكلمت عارفة راسها اش دايرا .."وجه كلامو لأحلام " ... ونتي غتزيدي تخرجي عليا من داري و لا نرتاكب شي جريمة هنااا ونعصى الله 
احلام..." لي دموعها محبسووش حاسة بالحگره وبلی دنیا حتی كتضحك ليها شويية وترجع ضربهاا وتبكيهاا "...... هء هء علاش كدير فيااا هكا علاااش هء هء واش منعيش و ناخد الشخص لي ختاريت نكمل معاه حيااتي واااش ممنحقيش نتزوج لي ختار قلبي ...ولا بحالي خااصهم يرضااو بالكيية ، حراام علييك اباا حراام عليك " شانقة على حواايجهاا وكتخبط في صدرها "......صاافي قلبي عياااااااااااا
محمد .."شاف في فاطمة و ضحك باستهزاء وهز ايديه بتهديد " ... شفتي لي مظلومة كيف وااقفة في وجهي وكتراد معايا... بغيتي تزوجي بلي ختاريتي وتعيشي معاه واخا ا لالة اناا ناولك لي في بالك ستناي عليا .. .."تم طالع تيجري في الدروج تيجري و مشات احلام عند مهاا 
احلام ... ماما هء هء واش ماشي حشومة هادذي مبقيتش فيك غير قولي ليا نتي .. واش هادشي علاش ولدتووني راني تقهرت 
فاطمة ..."بقات فيهاا و عنقاتها "..ششش ابنيتي الله يرضي عليك متجاوبيش معاه راك تتشوفي فيه معصب خليه يقوول لي قال تا يتفش 
" بقاو كيهضرو تا سمعو محمد هابط في الدرووج وهاز في ايديه الحالة المدنية 
محمد .... بغيتي تزوجي بيه ابنيتي ايوااا بلاتي "جبد صفحتها ونترهااا مقطعهااا تحت نظراتها مع مهاا لي شافت اش دار عينيها خرجو"... يا الله هانتي دابا رتاحي ليا مع راسك ..داك النوع ميصلاحش لينا ... ختاريتيه و سمحتي فينا و دابا ها ني احتارمت قرارك و سيري خرجي علياااا ما عندي بنات انا ....غنمشي لمقبرة ونحط حجرة فشي قبرة و نترحم علييها 
فاطمة ..."جلست تندب و تويل " اويلي وحدي و شنو درتي يا هاد الراجل .. حرام عليك تا تدير فيناا هادشي حرااااااام 
محمد ... نتي باقي كلامي مسالا معاك و يااا تزيدي طلعي قدامي يا نتبعك ليهاا وورقتك تكون عندك و مخلصة من الفووق ..." جرها من ايدها "... خرجي عليا بحاالك 
احلام ..."لي دموعها تجمدوو و تتحس بحالا روحها زهقت و مبقات تتحس بوالو ...مسحات دمووعهاا وؤفعات عجبانهاا كتصفق "... واااو.تبارك الله عليك ا بابا قدرتي تقطعني من الحالة المدنية بدم بااااارد ... واش عارف هادشي لي درتي كيعاقب عليه القانون ...ولا نتا محرتي تا في دمك لي كيسري في عرووقك عاد تخمم في القانون
من الصباح و نتا كتعاتب فياا بااش درت ليك تا تعاقبني هاكدا ،بغيتي تسمع اش درتي ليا هانا غنقوول .. نتا دفنتيني وانا حية ...عيشتيني في ظلام ...قيدتيني وخليتيني نكدب علييييييك 
اااااه نتا سباب تاا خبيت علاقتي معاااه انا مزالة كنتلاقااه ومزالا كنبغيييه حيت بغيت ننسااه ومقدرتش وهادشي مااشي بيدي هء هء .....
" تسرسبات عليه مخلياه مشووكي وكيشووف فيها اما مها كانت كتبمي بقات فيها بنتهااا واش مخبية وساكتة "
علااش تحرمنا من بعض يااك جاا دق بابك وطلبني لحلال ....علاش حكمتي عليه من ماضيه وحياتو لي معندو دخل فيهاا وفرقتيينا وانا لي لقيتو دواايا وليه حكيت همي وشحال سمع شكاااياااا ...

عيييييت أبابا عييييت من هاد العبودية ديالك ... ما رحمتي ما خليتي رحمة سيدي ربي تنزل .... تتشوفني تنموت كل نهار قدامك و نتا كتشووف و مربع يديك ..."جات شداتها مها باش تسكتها"...طلقي ا ماما طلقي لي عطا الله عطااااه وقف في وجهتو وليت مسخووطة باها اميمتي غير خليني نخوي قلبي ... بغيتي تقتلني فكنقوليك و صلتي لداكشي لي بغيتي ملي قطعتي ديك الورقة راني مت .. ودابا الله يسهل عليكم و مباقيش غتشوف وجهي ..."هزات صاكهاا و دوك تصااور وخرجت مع الباب وخلات موراها ام تتغوت و تندب و اب قلبو مكسور و مبين الصرامة ..." 
فاطمة ..." وقفات ووجهة صبعها ليه".. وكلت عليك الله عندي عوينة وحدة فگستيها لياااا حرام عليييك قتلتي البنّت وهي باقا حية حرام عليك هء هء 
محمد..." تم طالع مع الدروج طاحت دمعة و مسحها"... كلامي قلتووو ليك بغيتيها نوضي خرجي تبعيها و وبراتك تلقايها ورااك
فاطمة .." جمعات الوقفة و دمووع فعينيها هوااديين .. بقات مدة قصيرة تتشوف فيه مسحات دمووعها و شاافت فيه بصلابة .." .. ييييه امحمد .. وصلنا فيها لبراااتي اوا سمعني مزيااااان اسيدي .. بنتي مانخليييهاش وااخة نموووت .. نهزها بسنااااني و نضووور بيييها و مانخليييهاااش .. عرفتي علاااش .. كبدتييي هاديييك .. بنتي الصغيييرة و عينيييي لي تنشوووف بييييهم .. سمعتيييينيييي ..." تتتغووووت و تلاااوح بيديها" .. اااااش زااايدني نتاااا اااش زااايدنييي بااااش نخلي بنتييي على قبلك تا الكلمة الزييينه ماتاتقاادها ليااا عييييييت و طجييييت .. و غانتبع بنتي امحمد .. هاااد البنت هي لي كااانت جامعاناااا صاااافي جريتي علييييها .. اوا شبع بدااارك و حيوووطها بقى معاااهم لعل وعسى يونسووووك .. "
جرات شاالها من العلاااقة ولاحت عليها العبياااية و خرجااات خلاااتو مصدوووم من كلااامها .. و فعلاي كيف قاالت لييه بقى تيشووف فحيوووط دااارو لي كان كلو امل يجمع ديك العائلة الصغييرة ديالهم ولكن العكس هو لي طرااا ..

فاطمة تبعااات بنتها تتجري و تنهج تا وصلااات عندهاا لقاااتها وااقفة فراس ديال الدرب حاطة راسها على يديها و متكية على حيط... شداتها من كتفهاا نا ضارت عنذها و تلاحت على صدرها تبكي و هي تبكي معاها و تصبر فيهاا ...
فاطمة ..."معنقاهاا و تبكي معاهاا"..شووت لاش تتبكي هادشي مقدرو الله و مكتاب عليينا 
احلام... هء هء هء فين غنمشيو امي و لمن غنعطيو الراس 
فاطمة ..." شافت فيهاا "... لي معندو سيدو عندو لالاه زيدي غنمشيو نجلسو عند خووك خالد تيدير الله تاويل 
احلام ... ولكن اماما اش غنقول لخالد و شنو السبب 
فاطمة ..." شداتها من دراعهاا و تمو غاديين"... نتي معندك ما تقولي انا لي غنقول ...
مشاوو و شدوو طريق دار خالد و مية و مية مطرقة كضرب في راس .. ولكن صبرات راسها بلي لي عطى الله عطاه تفضحت و جرا عليها باها و نكرهاا و سليمان غتشبت بييه .. هاد الفكرة طوول الطريق و هي تتفكر فيها تا وصلو.. دقت فاطمة تا حل عليهاا 
خالد ... "استغرب من مجيت مو وختو في ديك الوقيتة و حالتهم لي متعجب"... الوليدة مرحباا بييك 
فاطمة ... ترحب بيك الجنة .
خالد ... دخلي الوليدة لاش واقفة في الباب 
فاطمة ..." وقفاتو بيديها "... انا مجيتش باش نجلس و نمشي انا جيت انا وبنتي نجلسو معاكم 
خالد ..."باستفسار" كيفاش علاه اش طرا الوليدة .. سمحي ليا ماشي قصدي شي حاجة غير بغيت نعرف ماشي منعوايدكم 
" عودت لييه النازلة كما أنزلت و اشنو طراا من لي رجع باه من جامع تاا لفاش خرجو من داار 
خالد ..." عقد الحضاش و تم غادي لأحلام ".. ياك قلت ليك بعدي من داك الشمكار ااااه درتي لي في رلسك 
فاطمة ..." دفعاتو علييها و خلاتوو مخرج عينيه في موو لي صدماتو ".. شوووووف نقولييببك اولد كرشي بغيتي تجلسنا معاك مرحبا مبغيتش مرحبتين و بنتي تا واحذ معندو الحق يحاديهااا خصوصا نتا ... راني باااك و سمحت فييه و خليت ليه الدار ولي فيها و خرجت معاها يعني مغنخيرش فيك ...
ودابا القرار عندك نزيد خلفة و مباقيش تشووفو كمااارتي ..." نقزت علييها مريم من مور راجلها "
مريم ... اويلي اخالتي نعلي شيطان قالاك الى مهزاتكمش الدار نهزوكم فوق رووسناا .. بقات فاطمة مدورة وجها تتسنى اش غيقوول ولدهاا ..
خالد ..."باس لموو راسهاا " نعاي شيطان الوليدة دارك هادي ولاخليتيك تمشي راك مولدتيش الرجال.. 
جلسات فاطمة و فجمبها احلام لي منزلة راسها مهزاتووش ...
فاطمة....مريم الله يرضي عليك ديها ترتاح شووفي حالتها ..
مريم..." هزات راسها بالايجاب "...هي اللولة اخالتي ، اجي معايا ااحلام 
" وصلات معاها لبيت لي مخصصة ليها كتجلس فيه ملي كتجي لعندها...جلستها وجلسات جنبها ودموع تشكلو في عينيها بقات فيها احلام والحالة لي وصلات ليها "
مريم...هانتي اختي دخلي رتاحي شوية ومتفكريش بزاف دابا ربي يدير خير ... 
" كتافات تهز راسها وتكات حاطة ايديها تحت راسها ومكمشة ....طفات عليها مريم ضو وخرجات مخلياها ترتاح
....
في الصالون جالس خالد مع الأم ديالو كيتناقشو على هاد هادشي لي وقع 
خالد..."حاط يديه على رجليه و كيحركها بتوتر" ..واا الوليدة غير متحمقينيش واش عاجبك هادشي لي تدير بنتك ....
فاطمة. .." محارتش فيه وجهات ليه كلامها عصبية"... سمعني اولدي مزيان وكلامي دخلو لوذنيك....واش هاد ختك عمرك جيتي عندها وسمعتيها وقلتي ليها اااا ختي اش داارك....ةلا اش ناقصك ولا اش تشهيتي ولا شفت هاد اللبسة وقلت غتجي زوينة عليك ...صافي طتافيتي تأسس حياتك وتديها في ولادك ايوا وهي ممنحقهاش تسمع كلمة ولا مدح زين منكم وزايدون اش داارت تاا ديرو هاد الحالة و توصل بباك يجري عليها و لا والموصيبة قطعها من الحالة المدنية .. يااك الدري جا دق باب الدار و باك دار فيهاا فقيه الغابة و جرا علييه ... اش دارت ماا لقاها في ديور ما جابها من كوميساريات ..جالسة في عرس و قدام عيباد الله و الدنيا عاامرة...راه ابا مغفرتش ليكم ديك البنّت ربي مغيغفرش ...هادشي مايبيغيه لربي لعبدو و انا تنقوليك ختك ما دارت والووو حيت انا تايقة فيها وعارفة اش ولدت 
خالد..." ناض جنب موو لي شافهاا عروق جبهتها بانو".. صافي الوليدة غير تهدني اناا غنمشي نشووف الوليد و نهضر معااه وربي يدير تاويل ..
تنهد و ناض مشاا عند مرتوو و علمهاا دير العشااا و تهلا فيهم و هو غيمشي يشووف باه و يبات معاه هاد الليلة يهدنوو ...

يقال .." استند على نفسك و كأنك أكثر الأشياء ثبات بهذا الكون" ... هادي هي القولة لي دارت بيها احلام .. رمات البارح ورا ضهرها .. واخة الانكسااار و الوجع لي حسااات بييه البارح خلاها هشة ولكن تتحاول تقوي راسها براااسها و الحاجة لي بقات ليها مابغااتش تخسرها .. لبسات حوايجها و تماات خارجة لقات مها جالسة فالصالون و شادة حنكها .. غير شافتها و هي تقفز ..

فاطمة .. اويلي احلام فين غادي. ابنتي !!
احلام .." وقفات قدامها و شدات فيدها" .. غادية لخدمه اميمتي .. 
فاطمة ..اويلي شمن خدمه ابنتي .. الله يهدييك حاالنا حاال الخدمه دابا !!
احلام .. ماما لي عط الله عطاااه .. ماغانبقااش جالسة و شاادة حناكي فالداار .. لا البكااا ولا التنخصيييص غاينفعني نهار يجريو عليا من الخدمة .. من اليووم غانخدم على رااسي باااش نهز رااسي خوويااا غدا ولا بعدووو يقوول لياا الباااب الحباااب الى كان لي وااالدني و جرا عليا هو غايحشم .. " باست ليها راسها " .. خلييت ليك الراحة ..
فاطمة ... تنهدااات .. الله يهدييك ابنتي .. الله يهدييك .. 
خرجات احلام خذات فطريقها السقاطة تحيد بيها الجوع دالصبااح و اتجهات ديريكت للخدمة ديالها الطريق .......
.....
نهارها داز اكثر من عادي و ممل .. و مع اتصالات سليماان لي ما ملش و هو تيسيفط ليها و يعاااود و يصوووني و هي حرااام واش جاوبااتو لهاات راسها بالخدمة باش ماتفكرش فببه و مع ذلك تفكيرها كامل غير فيييه .. و فالمصييبة لي وقعات ليها مع الاب تاعها ..
كي كملات الخدمة و وصلات وقيتة تالخروووج سلمات على سكينة و تمات خاارجة يالله غاتقطع الشاانطي و هي تسمع الكلاكسووون طلعات راسها باان ليها سليماان فالاوطو ديالو .. تنهداات و مشااات ركبااات و ردخات الباب موراها بقى غا تيشووف فيهاا. ..
سليمان .. داك الزمر ديال تيليفووون لاش ديراااه ملي ماغاتجاوبيش ..!!
احلام .." وقفاتو بيديها" .. سليمان .. مافيا لي يسمع غوااتك .. لي فياا كافيني .. 
سليمان .. " باستغراب " .. اش كين ..طلع ليها وجهها بصبعو". . اش لي فيك !! مال عينيك حمريين و منفووخييين احلاام ...
احلام .." شافت فيه بألم " .. بغيتي تعرف اااش لي فياااا اوا ااسيدي صااافي سالااات اللعبة .. بابا عرف كوولشي ..
سليمان .. كيفاش عرف كولشي .. شكون قالها ليه!!
احلام .." لي قااالها ليييه من جهتك اسليمااان مااشي من جهتي ..

سليمان .. " خزر فيها بعدم فهم" ..كيفاش!؟؟
احلام.. كيفاش .. هه .." جبداتوالصور من صاكها و لاحتهم ليه" .. هااااا كيفااش .. البااارح وصلووو ليه هاد التصااور بالليل .. جرااا عليااا من الداار .. خرجني بلا رحمه بلا شفقة فالنصاصصصااااا تالليل هءههء😭😭 رما عليا حوااايجيي و تبراا منييييي .. قطعني من الحااالة المدنيييييييية .. وليييت بدووون اب .. دابا وليييت نكرة .. 
سليمان .." مامتيييقش و هو تيشوووف دووك تصااور و عااض فشوااربو بالعصاااب"كيفاش جرا علييك ..!! فين كنتي .. فين بااايتة!؟
احلام .." مسحات دموعها عند خاالد خوويااا .. 
سليمااان .." كيعض فشواربو" .. شكووون هاد ولد ال******* لي تجرأ شكوووون .. هتااععععع. ." ضرب فالفوولووون ضرباااات متتثالية" .. تفووووو .. 
احلام .. خصك تعرف شكووون اسليمااان .. خصك تعرف شكوون بغا يدمرنا .. انا صااافي .. صاافي اسليمااان خسرت بابا ..خسرتوو بمرة .. مابقاااش حتى معترف بيااا قتلني و انا على قيد الحياة .. تدمرت بمعنى الكلمه اسليمااان .. 
سليماان .." جرها من درااعها و خشاااها فحضنوو خلاها تتبكي على خااطرهاا .." .. شووت .. كنوااعدك غانلقاااه و بربي تا ندفعو الثمن غاااالي .. بربي تاا ناااخد ليك حقك احلااام ونبكييي موو 
احلام .. 😭😭😭😭 عيييت اسليمااان قلت لبابا كلااام عمري ضنييت غانقدر نقووولو لييه شي نهاار .. مي والله تا عيييت ..
سليمان .." طاحت فكرة على بااالو" .. ديري السانتور نوصلك لدار خووك .. بربي تا نجيييبو و ندمو على نهااار خلاق 
دارت كيــــف قال ليييها .. ربطات حزام الأماان و كسيييرا في اتجااه دار خااالد الطريييق كااملة و هو يسب و يلعن ماخلاا سطووب ما خرقهاااش .. و فينما يسمع الكلاكسوون يخرج راسو من السرجم و يبدا يعرعررر و يسسسب و يدفل ..حتى خلعها . كي حطها عند خوها وصااها تهلى فرااسها و تجاوبوو اذا اتصل بيييها و اكسيييرا للمكاااان لي كاااان قاااصد ....

تفارقات احلام مع سليمان لي خلاتو كيتوعد على هذا لي دار هادشي و علاش اصلا يتجرأ على الكوبرا ... وصلات الدار كيف دخلات لقا مريم و مها جالسين و كيهضرو و كيف شافووها سدو الموضوع ..
احلام..."تنهدات" السلام عليكم .. غير كملوو كلامكم عادي مالكم سكتو 
فاطمة ..."ناضت عندها تشوف حالها كيف ولا ".. لا والو ابنيتي غير كنديو ونجيبو في اللغا .. كيف بقيتي نتي شوية 
احلام ...واش نكدب عليك امي راني مكنحس بوالو عادي وصافي .. مهم انا مشيت نرتاح في بيتي .. مشات احلام و خلات مها كتأسف على حالتهاا و على هادشي لي وصلها باها لييه .. 
فاطمة..."مشات عند مريم ".. الله يرضي عليك ابنيتي لما نوضي هضري معاها ..حالها ما عاجبني خايفاها غير دير شي حاجة في راسها و نكون في ويل و نولي فويلتين 
مريم ..."شدات ليها في يديها كنوع من الاطمئنان"... ما تخافي من والو اخالتي و احلام راها عارفة بينها وبين الله ميمكنش تفكر تأدي راسهاا .. وغير خليها دابا ترتاح في العشا نعيط ليهاا..
في بيت احلام كيف دخلات نصلات حوايجها و دخلات توضات و صلاة ... مع كل ركعة تدعي و يطيحو دموعهاا و تايقة في الله هو لي غيوقف معاها و يدير ليها تاويل ... كملات صلاتهاا و مشات تقابلات مع الشرجم كطل و مخلية داك البرد كيدخل ليها في عضامهاا بقات هكاك ما يقارب لنصف ساعة بقات خيطي بيطي في داك البيت مرة تبكي مرة تحمد الله مرة تفكر كلام باها ليهاا وكلامها ليه ... بقات هكاك تا داتها عينيها .. 
وصل وقت العشا و باقا احلام متسمع ليها صووت.. قررات مريم تمشي تشووفهاا وتهبطها لعل و عسى تجمع معاهم على طابلة العشاء ..
مريم ..."حلات باب البيت لقاتو كولو ضلام و احلام ناعسة مكمشة و مغطية ".. الله ياختي الموت ديال الصهد. ونتي زامتا عليك هاد الزمتة و مغطية من الفوق .."مشات تتحرك فيها"... احلام فيقي اصحبتي تاكلي شوية 
احلام..."حلات عيني لي كانو منفخيين بالبكااا و هزااات راسها تتكسل ورجعات عليها الغطا".. غا خليني اختي مريم معندوش منين يدوز غير بصحة 
مريم ... "رجعات نترت عليها الغطا ".. ويلي نوضي باش باغا توقفي الى مكليتيش .. "جلسات حداها و تنهدات .." شوفي اختي نقوليك ربي نهار كيبتاليك بشي موصيبة عرفيه كيبيغك و باغيك ترجعي لييه هادشي لي وقع ليك ا احلام ماشي نهاية العالم نوضي و حاربي ووقفي فوجه الزمان 
احلام ..." طاحو دموعهاا و بدات تنخصص".. عمري اختي ضنيت ولا جا في باالي هادشي يوقع ليا حطات يديها على وجهها و بداات تنزل فدموووع كيف الباااطل عينييها ولاو كيف جغمة تالدم من هاد اليومين ديال البكاا .." .. عيييييت امريم .. عيييت و الله مابقيت قاادة على هاادشي .. كانعس تنقوول يااربي غييير يكوون كاابوووس ولا حلم مزعج نفييق منو على حيااتي عاادية كيف كنت فالاول .. علااش هادشي يطراا ليا انا بالضبط علاااااش ..ااااش درت گاااع اااش واش غير حيت حبيت و حبي طاح على وردة مشوكة.." شدات فيد مريم" هادشي لي كتب عليا الله اختييي يقبلو بيه ..
مريم .. غير صبري .." زيرت ليها على يدها" .. انا متأكدة ربي مخبي لييك الخير من هنا للقداام غير صبري و ماتقنطييش من رحمتووو .. و باااك تا هو مصيييرو يتقبل 
احلام .." حطات يديها بزووج على عينيها و بداات تتبكييي و تشهههق .. انهاارت كليااا و قلبها فاااض كانت تتسنى غا لي يط يدو على جرحها". . هء هء لي كواني في قلبي اختي هي انو نكرني و قطعني من الحالة المدنية گاع انا رخيصة عندو لهااد الدرجة ..؛؛!! لهااد الدرجة ماسااويااااش عندووو .. علااااش ولدوووني ملي غايعذبوووني بهاااد الطريييقة .. انا بنااادم .. هءهء ..بنااادم لحم و دم من حقي نعيييش و من حقي نختااار الإنسااان لي غانكمل معاااه حياااتي خااايب كااان ولا زوييين اناا بووحدي لي غانتحمل المسؤولية ديال اختياااري .. علاااش يديير فياا هاد الحاااالة .. و ينكرنييي علاااش ..😭😭

مريم ..." تنهدااات و ناضت قربااات ليها جراتها لعندها عنقاااتها و حطاات يدها على كتفها تدوزها عليها بحنااان بااش تهدييها شوية" .. ويلي الهبيلة باك حنا كلنا عارفينو كيبغيك و كيخاف عليك دابا يجي الوقت و هادشي يبقى غا تعاويد و ضحك ونزيدك عمر الدم يرجع ماا هادشي ديريها في بالك و باااك نتي عزيزة عليه كثثثر من خوووتك .. حيت نتي ااخر العنقووود نتي الصغييرة و الصغييرة ديييما الواليديين تيتعلقو بييها و تيبغييو حطوووها تحت الجناااح ديالهم .. غيير مقلق منك وونتي عارفة باكوفاش تيجعر انا تيخلعني .. ههه .. " مسحات ليها الدموووع لي فخدها" .. صاافي الله يرضي علييك .. نوضي اصحبتي تعشاي معانا 
احلام..." حطات يدها على راسها" لي دارها الله مرحبا بيها و انا مغاديش نوقف في وجه الله الحمد الله على كل حال .. و العشا اختي و الله ما رديتو في وجهك معندوش منين يدوز بغيت غير نعس 
مريم ... واخا و هانتي عافا ختي الى قدرتي تنوضي هبطي عندنا 
احلام ..."حركات ليها راسها بالإيجاب و رجعت الغطا عليها و قالت لمريم طفي عليهاا الضوو .. "

عند فاطمة لي جا ولدهاا. ..جالسين كيهضرو و كتستفسر منو اش قاليه ..
فاطمة ... امظرا اولدي اش قالك ..واخا انا عارفاااه مغاديش يسامحهاا لأنو قلبوو قاااصح اوليدي انا لي عاشرتوو و عارفاه الله يهديه 
خالد ... اش غنقوليك اميمتي الوليد معصب بزززاف و الليل كولو و هو فايق و مرة مرة يخبط يد مع ختهاا ..
فاطمة ..."شدت راسها بيديها ".. انا لي غيسطيني و هو واش لقاها فشي وضع لسمح الله استغفر الله العظيم 
خالد ... يدير الله خير انا غنوض نبدل حوايجي و نمشي عندوو ... مشا لبيتو يدوش ويبدل عليه داكشي لي كان طرق حالتو و خرج لبس حوايجو تا دخلت عليه مريم 
مريم ..."قربات ليه كتقاد ليه حوايجو من الفوق" خالد عفاك لما هضر معاك باك و قنعو يسمح لأحلام راه البنت مسكينة حالتها حالة 
خالد ... ديك الساع تفكر فيها قبل متكسر كلمتي ولا كلمة باها ضربت فينا حنا كلنا و ختارتو هو 
مريم ..."لي عصبهاا و بعدات عليه "... شووف ا خالد هادشي ماشي هي اللولة و لا الاخيرة لي بغات واحد ماضيه خايب و حتى من ماضيه ما عندو يد فيه .. حط راسك في بلاصتو و بلاصتها و قوليا على إحساسك .. متحكمش على الواحد من ماضيه و لا من المضهر ديالو ... عمرك فكرتي تجلس معاها و تفهم منهااا ولا تعيط لداك السيد و تجلسو و تعرفو كيف داير .. السيد جا و دق باب الدار و مجاش من الشراجم تقى الله ا خالد و عاون ختك 
خالد ... واش يتصحابك الالة حنا في اروبا .. حنا راه مسلمين و عائلتنا أسرة محافضة و مكيبقلوش بهادشي لي دارت غادية تلاقا ليا بييه من مور ضهرنا هذا هو الباب لي هضرتي عليه 
مريم ... علاه نتا اش درتي باش هاد البنت متحاولش دير هادشي وتلاقى بيه مور ضهركم .. مشيتي شديتيها من يديها و ديتيها لكوميسارية تشهد ضدو .. و هادشي غاا سمعتي و مدرتي تا مجهود انك تعرفو وتعرف عائلتو فضلتي الطريق الساهلة وسلكتيها .. 
خالد ..."دوا معاها بعصبية "نتي غا تتخربقي يتصحابك كنمتلوو مسلسل تركي هنااا ... راه الشرف و العرض هداااك و كون ما خوفي من مي منبقاش نشووفهااا ندبحها ونشرب من دمها
مريم ..."طلعات و نزلات فيه و دوات معاه باحتقار"...وااو على المثقف الواعي يسحابلي نتا غير على عمي بالحق بان ليا نسخة مصغرة منو ويا خوفي على بنتي منك..."خرجات خبطت عليه الباب و خلاتو تياكل في راسو "

عند سليمان لاول موصل لوجهتو سطاسيووونا الاوطو ديالو و خرج هز راسو قرا استوديو الأفراح .. و لي هو ديال المصور تاع العرس ديال ختو .. دخل لقااه هو نيت .. 
سليمان .. السلام عليكم .. 
المصور .. عليكم السلام سيدي .. لباس .. جيتي على ود السيدياات!!
سليمان .. لا .. جيت على بلان ااخر. . " جبد التصاور من جيب الجاكيط و حطهم ليه قدامو .. هادووو نتتااا لي صوورتيهم!؟
المصور .." .. خذاهم تيشوف فيهم" .. ايه انا لي صورتهم اسي سليمان ..
سليمان .." كيحك فلحيتووو " شكون قال ليك صورهم؟؟
المصور .. جات عندي واحد الدرية قالت ليا نصورك نتا و السيدة لي معااك قالت ليا بلي ختها ولا منعرف .. و طلبات مني تصااور ..
سليمان .. شكون هاد الدرية .. عندك فالتصاور ولا الفيدييو!!
المصور .. بلاتي كاينة فالفيديو ديال العرس .. " خذا السيدي ديال العرس دارو فال vcd و شعل التلفازة .. دوز الالفييلم تا وصلوو عند المكان لي كانت فيه ااية باااينة و هو يدير بوووز .. 
المصور .. هي هادي اسي سليماان .. الدرية لي جات عندي باش نصوركم ..
سليمان .." عض فشواااربو .. " ..بنتتتتتت الكاااااالب .. 
خرج مكشكش من عند المصووور و اتجه لسيااارتووو شد طرييق دار اااية. الطرييق كاملة و هو يسب فعرووقها كااملييين حتى وصل ناوي على خزييت ..
وقف الاوطو ديالو و خلى الباب محلووول من العصااب لي فيييه مشا ديريييكت لباااب دااار خالتو تيفرع فيييه ..
سليمان .."تيخبط فالباااب و ماعااااقلش على راسوووو" .. حلووو هاااد الق***ي حلوووووو .. 
طلات خالتو من السرجم تتولول حيت عمرووو جااهم فدييك الحاااله .. 
سليماان .. حليييي الباااب ولا نفرععع رب*** ديلمووو ..
نزلات تتجري حلات علببه البااااب يالله غاتنطق و هو يهز ايدووو في وجها تا تخلعات ما عااقلش ااش كيديير و هادي حالتوو اذاا تعصب تيتحول لواااحد اااخر ااتجه ديرييكت لبييت اااية .
سليماان .. فييين دييك اقحبااااااا ديااااال بنتااااك .. فييينها .. 
ردخ عليها داك الباب لقااها وااقفة مشوووكياااا غا بووحدها مزاال كاع ما وصل عندها .. 
ااية .. س..سليماان !! .. ششنوو كدير عنا .. مم ماالك يااك لباااس .. 
سليمان .. " انقض على شعرها جررررها منو و لواااه على يدوو .. انا غانوري لملة موووك شكووون هو سليمااان و اااش تيسوااا .. تم جاارهااا حتى وصلها لسيجوور و خاالتوو تتزااوگ و ترغب فيييه غيير يقوول ليها ااش داارت .. 
سليماان ." لاح ليها تصاااور". . هااااااد القحبة دييياااااال بنتك صوراااتنا و صيفطااات تصاااور لباااااات البنت .. جبداات ليها الصداااع ولي يجبد الصداااع لأحلاااام ينحييييه سليمااان .. 

اية .." بغات تشد ليه يديييه تبوووسها" .. سليمااان نبووس لييك يديييك لامااااا طلقني .. ماشي انا والله ما اناااا ماااشي انا اسليمااان تيييق بييياااا هءهءهء😭😭
سليمان .. هههههه .." صدى صووت ضحكتوو هزز البيييت كاامل .. انا عانورييك واااش نتي ولا ماشي نتي .. 
جرها من شعرها و تم غادي بيها فالدروووج مجروووورة كي الشرويييطه و هي تتركل و تحااول تفك منووو و وااالو فحااال لا تدفع فصخرة .. يمكن ثخرة و غاتزعزع و سليمااان مايتزعزعع ..رماااها على الرصيييف و النااس تيدوووزووو ناضت وقفات تتلملم فشتاااتها ولكن مع من عطاااها تسرفيييقة تا دارت زوج دورات و رجعات طااحت من جديدي .. 
سليمااان .. اناااا القحبة دمك تعبي ورااا ضهريي يانا تستغفلييينييي .. عند باالك لا قلتييها لبااها غانشووووف فوحدة بحااالك الشياااااطة .. لالاااااك احلااااام فيييين توصليييها واااخة غا فعقليييتها
ااية .. " ناضت شاادة نيفها" .. باااش حسن منيييي باااش علااااااش شتكووون هي بالسلااامه كاااااع ..
هنا فااض بييه ييااااال بصح قاال لبها بغييتيي غا الشوووهة نحن لهااا .. عطاها تصرفيييقة اخرة قااد ليها الحنااااك .. و نزل علييها بالتسرفييق وحده موور وحدة تا سيل لبها الدم من نيوووفها عيااات خااالتوووو ماترغب و تزااوگ فيه خصووصا فااش بداا تيركل فيييهاا و يعطييها فينما جاتهااا الدقة .. تجمعااات علييهم الجووقة و لي ماااش راا كيتنززززه و هو مززززااال ما شفى غليييلو منها ديك الدرب كلووو جرجرها فييين يعطي و يقوول ما عطيييت اما السباااان لعلك ترضى غير بالكلااام لي هو تحت السمطة .. ماطلق منها تا سخفااات تا حس بييها مابقاتش تاتحرك عاد وقف الضرب و حط يديه على خصروو تيشووف فديك الجوووقة لي قداامو " .. ااااااش كين نتووووماااا عندييري هناااا سووونييييماااااا كوووول واااااحد يقووود علياااااا لمغشيشتووووو .. يالللهه فرتكووو عليااا هاااااد الجوووقة ..
سليمان .." شاف فخالتوو لي نزلات تهز فبنتها و تبكي" .. و نتي فاش تفيقي بنتك هذا الى فاقت قوولي ليها الى شفت بااااااا بااات زاااامل ديال بوووها فدااامي سوا عندي فالداار ولا غير صدفة غاتاااكل بحاال هاادشي بالدوووبل .. 
قاااد حوايجو و رجع لسيااارتو لي لقااها كيف خلاااها و شكوون غايقدر يقرب ليييها .. باراكا علييهم غا لي شاافوووه ..

وصل لدار وطلع نيشان لبيتو بلاما يدوز على طبقة موو غير دخل لبيتو و هو يسمع التيليفون ديالو كيصوني ..هزوووو لقاها مليكة عرفها غاتعطييه محاضرة ..
سليمان .. وي الواليدة .. 
مليكة ..نزل عندي دااابااا بغييت ندوي معااك .. 
قطعات علبه عرفها وصلووها الخباار سخاان .. مشا بدل حوايجو و نزل عندها كيف طلبات منو لقاها جالسة فالصاالون و عاقدة راسها بالحامض غير شاافتوو بدات تتولول .. 
مليكة ... يااااااك اولدييي ياااك .. هاادي جزاااتي هااادشي لي غااااتعطيييني المعااادية مع العائلة و الخووووت اسليمااان ياااك اولديييي ..
سليمان .." جلس فوق سداري" ..ياك لبااس!! اش كين الواليدة ..
صفاء .." جالية كدا معا تتسكت فيها" .. زعما ماعرفتيش ااش داير 
سليمان .." هز كتافو ".. لا اش كاين . ..
مليكة ...لا واااالو ..والوووو غا عندي واااحد الولد فزعي فاااقس لياااا مرارتي .. اااش قربك لبنت خاالتك اسليمااان لااااش ضربها لاااش ..
سليمان ..." ضحك بالجنب" .. وصلوها لبك .. خلي مها ترباا تستاااهل .. 
مليكة .. علاااش اولدي ااش داارت ليك حصلتبها مع شر واحد؟؟ ..
سليمان .. انا مالي بيها نحصلها مع شي واحد لهلا يقلب ديلمها .. 
مليدة .." ضربات فخاضها" .. اواااا مااااالها اااش دارت ليك لاش دوات معايا خالتك تتحيير و تجدب..
سليمان .. ديك ختك كون كانت تتعرف تربي ماكناااش غانوصلو لهاد المااصل .. راك عارفااني الواليدة مخلي بيني و بين البشرية حدووود تجي خانزة تالخلااا تعداا دوك الحدووود نحي مهااا ..هاد المرة كانت قرصة وذن .. المرة الجاية ... بربييي .. هاني كانحلف .. بربيييي الوااالبدة تا نصبفطااا للروضة .. 
مليكة .. وا غا قوول ليا ااش دارت ليك اولدي .. 
سليمان .." ضحك بالجنب" .. بغيتي تعرفي ااش داارت .. واخة اللالة .. صفاء .. طلعي لفوق جيبي ليا الجاكيط لي كنت لابس راه معلق .. 
صفاء .. واخة خويا .. 
طلعات تجيب لب الجاكيط لي قااال ليها ونزلات فيي سااااع .. خذاه منها و جبد التصااور و ناض حطهم لبها فحجرها .. 
سليمان .. تفرجي ليا مع راسك الواليدة ..
مليكة .." تتشووف فالتصااور ما فاهمه وااالو. .." .. اش هادشي تصاور العرس !! اش دخلهم فهادشي 
سليمان ..هادوووك االالة ماشي اي تصاور .." تحنى و حط يديه على ركابيه و شاف فيها من تحت رموشو" ...هادو الالةةة الكلبة ديال ااية صيفطااتهم لباااات احلاام و نتي عااارفة الوضع كي دير .. 
ملبكة .." ضربات فخاضها" .. اويليييي على صيفطاتهم لبااات احلام و شكوون قاالك هي شكووون ؟؟
صفاء ." حطات يدها على حنكها" .. ماما نجيك من اللخر اية العرس كلو و هي تتقلب ما دير بااش ااحلام تبعد على سليمان ..و انا حذرتها و قلت لبها بعدي على احلام حيت سليمان ماغايرحمكش ..هي لي ماسمعاتش مني ..خليها تستاااهل تا هي قزيقزة .. 
مليكة .." خزرات فيها" .. الى ماغاتقوليش كلمه زينة حسن لبك تسكتي ..
صفاء .." نزلات راسها" .. انا غا قلت ليك اماما لي كين و هي لي قلبات عليه ..
سليمان .. شوفي الواليدة .. ماتقلبيش كيف تفكيهاا حيت رجعت عند المصور لي صور هاد تصاااور ..و هو لي وراني صورة لي قالت ليك يصورهم فالفيديوو .. داكشي علاش مشيت خليت دار بووها .. عرفتي من هادشي و التبرهييش ديال بنت ختك اااش طرا لأحلام؟!!
مليكة .. واااخة هكذااااك ماعندكش الحق دير فيها ديك الحااالة دير بحساااب غيير ختي و دير بحساااب العائلة .. 
سليماان .." ناض وقف معصصصصب " .. ينعلبوووها طسيييلة ا.. نحرق ديلمهم من طرف لطرف لا قربووو لأحلااام الوااليييدة .. 
دفع الطبلة معصصصصب مكشكش و طلع ديريييكت لدارو تيفكر فهادشي و كيفكر فاااش ممكن يدييير ...اما ملييكة بقاات تتشووف فدوووك تصاااور و تفكر بااش غايكووون بااها دار ليها بعد ما شاافهم خصووصا انهاا كانت فأغلب الصور تتشطح معاه و تيلان فحال لا معنقها و الصور لاخرين .. مشادين ولا تيشوفو فبعضياتهم .. شدها الخووف على احلام خصوصا انها عارفة الوضع ديالها هي و سليماان و انو باها رافض ولدها على ود ماضيه

اما ملييكة بقاات تتشووف فدوووك تصاااور و تفكر بااش غايكووون بااها دار ليها بعد ما شاافهم خصووصا انهاا كانت فأغلب الصور تتشطح معاه و تيلان فحال لا معنقها و الصور لاخرين .. مشادين ولا تيشوفو فبعضياتهم .. شدها الخووف على احلام خصوصا انها عارفة الوضع ديالها هي و سليماان و انو باها رافض ولدها على ود ماضيه
صفاء .. ماما صراحة غانعاود نقولها لبك كان خااصو يدگها باش تبعد عليه هي عارفاها مابااغيهااش و لاسقة فيه كي العلگة .. 

مليكة .." تنهدات" .. الغلط غلطي انااا .. انا لي من صغرها و انا مطمعاعا و كانقوول ليهم اية لسليماان و سليماان لآية .. و ماكانش فباالي واش غايتلاقى مع لي قلبو يبغيها .. احياااني على ولدي مسكين معذب من زوج جوايه و تا حد ما حاس بيه .. " ناضت وقفات" ..
صفاء .. فين غادة امي!!
مليكة .. نشوف خوك ... ندوي معااه عصبتو بكلامي 
صفاء ..سيري اميمتي راك عارفة سليمان ميقدرش يتعصب منك غير ديك الشالوطية ديال ااية هي لي مطلعة ليه القردة .. 

خرجات من الدار و اتجهاات لشقة سليمان لي فالطابق الثاني .. حلات الباب و دخلات بلا مدق لقاتو دير كرسي قالبو و مريح عليه كيكمي حدا السرجم حط عليه الطفاية و كاس تاع القهوة كحلة هزات كرسي و مشات حداه غير شافها طفا الكارو..
مليكة .. سمح ليا اكبيدتي راك عارف ميمتك قلبها عليك ولكنبغيش نخصر خاطر للعائلة ..
سليمان .." حط الطفاية فالأرض" .. عارف اش كين الواليدة .. 
مليكة .." تنهدات و حطات يد على يد" .. اربي ولدي ماتقلقش عليا ..
سليمان .." خذا يدها باسها" ..نتقلق على كولشي الواليدة و مانتقلقش عليك نتي .. ماتديش عليا راك عارفه هادشي مخربق ليا مخي .. 
مليكة .. احلام ااش قالت فهادشي ..؟
سليمان .." شاف بعيد و بقى مدة عاد نطق" .. اش عندها مسكينه ماتنطق ..تخاصمات مع باها .. قطعها من الحالة المدنية و جرا عليها فنصاصة تالليل .. 
مليكة .." خبطات فخاضها" .. اويييلي وحدي و فين جالسة !!
سليمان .. عند خوها .. و ربي لي عالم كيفاش تيعاملها تا هو .. " حك راسو ..'' ماباغييش نفكر فهادشي دمي كيفووور .. 
مليكة .. الله يسمح ليك اييية الله يسمح ليك على هاد الفعايل .. " شدات لبه فيديه" .. شوف اولدي .. انا مستعدة نمشي معاك هاد المرة و ندوي مع باااها .. 
سليمان .." ابتسم بالجنب " .. باها راسو قااصح .. ماغايقنعو لا مشبت بوحدي ولا ديتك معايا .. 
مليكة .. واا غير خليني نجرب الله يرضي على ولدي .. ماتعرف نقنعو .. 
سليمان .. " شد فراسو " .. اش غانقول ليك الواليدة و الله ماعرفت .. احلام تا هي من الصبااح و انا نضوور ليها مكااتجاااوبش . 
مليكة .. عرفتي اش دير .. نووض .. نوض تلبس انا غانخرگ عليا جلابتي و نمشيو داااابا عند بااها دروووك .. 
سليمان .. الله يهديك الوليدة غير غانمشيو هكذا و نرجعو ..
مليكة .. " ناشت وقفات و جراتو من يدو" .. نوض اولدي اوا خلاااص عليا نوووض .. 
سليمان .." عصر عينيه بصباعو'' مابغييتش نعرضك لموقف ماهوااش الواليدة .. 

مليكة .." تنندات و طلعات يديها تحسسات وجهو" .. شووف اولدي .. انا على قبلك ندير ايتها حااجة .. سمعتي راك توييناتي بااش تنشووف اكبيدتي ..
سليمان .." باس ليها رايها" .. الله يخليك ليا الحبيبة .. 

مليكة .. اوا يالله لبس و نزل عندي
خلاتو و خرجات لدارها .. لبسات جلابتها و قادات فولارها .. و بقات تتسنااه حتى خرج ..تا هو لابس سروال كحل و قاميجة فوق منها كويرة .. اتجهو للاوطو ديالو حل ليها ركبات حداه و مشا هو لمكان القياادة في اتجاااه بيت احلام .. ..
الطرييق كاملة و هو كيخمم و يفكر كيفاش غايدخل باات احلام .. كيفاش غايشووف فيه مرة اخرى بعد ما طردو المرة الاولى و بعد ما حبسوو .. لو كان شي حد ااخر ماشي بااها يمكن كون راه من عداد الموتى ..
وصلو قدام الباب طلع راسو باان ليه الضوو .. عرف بلي كين فالدار و حيت اصلا جاو فالوقيتة لي تيكون .. مور المغرب .. نزل فتح لمليكة و شد فيديها تا نزلات .. سد الاوطو و اتجهو للدار .. دقو كي فتح الباب تشووكا من لي كان قداامو .. و مع سليمان قدو قد الباب .. حجب عليه الرؤية و مشافش مليكة لي كانت فالجنب ديالو .. 
سليمان .." كيشووف فيه غا بزز" .. الحاج كي دير!!
محمد .. " مخنزل فييه و طلع ليه دم للودنين" .. ااش كين لااش جااي عندي مزااال ؟؟
سليماان .. " عض فحنكو" جاي ن ..
مليكة .." دفعات سليمان شوية كحاز لجنب و بانت هي قدامو'' .. سي محمد الى سمحتي لينا ندويو فالداخل الله يعز مقدارك انا مامات سليمان .. بغيت ندوي معاك الحااج الى كان ممكن ..نتا ولد الخير اكيد ماغاتحشمنيش و تخليني عند الباب !!
محمد .." تنهد و فسح ليهم المجال يدخلو" .. دخلي الحاجة .. 
دخلو و اتجهو للصالون لي كان فيه خالد مشبح فوق السداري غير شاف سليمان .. دمو فار و ناض وقف مخنزر ناوي على خزيت .. 
خالد .. هذااا شكيدييير هنا الواالليييد ..
محمد .. خالد .. سير خلينا ندويو .. 
خالد .." شاف فسليماان مخنزر و هو كثر منو مصدر ليه وجه يخلع قبيلة .. رجع شاف فالام ديالو لي جلساات تا هي و تنهد بقلة حيلة".. هاهو غادي .. 
محمد .. " شاف فمليكة" .. نعام الحاجة ..خبار الخير!!
مليكة ..شوف اسي محمد .. نتا عاارف علاش جاايين لعندك .. بغيتك غير تفهمني هاد المرة و ماتقصحش مع الدراري .. حنا عشناا حياتنا و لي كان كان دابا عايشين غير ليهم .. الدراري مابقااوش صغار .. لا بنتك ولا ولدي .. داكشي علاش جاية نخطب بنتك لالة احلام لولدي سليمان .. بغض النظر على داكشي لي وقع شحال هدي .. ولكن غانديرو بلي تا حااجة ماكاانت و غنسااو .. اش قلتي اسي محمد .. 
محمد .. " كينضغ فشواربو" .. شوف الحااجة .. المجية ديالك على الراس و العين .. ولكن الطلب ديالك مرفوض ..
سليماان .." بانفعال" .. علاااش مرفوووض .. فهمني غييير علااش ..!! ماالك معااياااا اااش ردت ليك حتى دير معايا هاد البلانااات ؟؟ عندك معايا عداوة شليف عليا شي حاجة
محمد .. بغيتي تعرف مالي معاك؟؟ .. واخة اسيدي .. شووف .. انا اب .. هاد الكلمة مااشي غير كلمة و كاتقاال .. احلااام بنتي الصغييرة .. اااخر ما عندي .. واااش جاااتك عاادية نعطيها لوااحد مجرم؟؟ واش جااتك عادية نزوجها بواااحد من حبايسي ..مجرم حشايشي سكاايري ... حراااگ .. ويعلم الله ااش دير فحياااتك!؟ لا قراية لا خدمة ترفع راااس

محمد .. بغيتي تعرف مالي معاك؟؟ .. واخة اسيدي .. شووف .. انا اب .. هاد الكلمة مااشي غير كلمة و كاتقاال .. احلااام بنتي الصغييرة .. اااخر ما عندي .. واااش جاااتك عاادية نعطيها لوااحد مجرم؟؟ واش جااتك عادية نزوجها بواااحد من حبايسي ..مجرم حشايشي سكاايري ... حراااگ .. ويعلم الله ااش دير فحياااتك!؟ لا قراية لا خدمة ترفع راااس 
واش جاتك عادية نعطييها لييك و نحط راسي على المخدة و نعس عادي!! راه اولدي أكرم ليا نعطيها للبحر ولا نعطيهاش لييك!!
مليكة .. "خنزرات فييه "......سمعنيي اللي كتصلي ومتقي الله ومتكووونش قاااصح .... ولدي مكاانش عندووو ذنب فالمااضي ديالو .. وماختاارش انه يكووون كيف تتقووول نتااا !! واش عارف الضرووف لي خلاتو يولي كيفما تتقولل!! لا .. ماعارف واالو غير تترفض و تجرح بلا حتى ماتعرف شنوو ورا هاد بناادم ..... و زيدووون هادشي كااان .. ماااضي .. مابقاااش .. ولدي دابا خداام بالحلال تيجييبها بعرگ كتاافو .. ماشي مجرم كيف ما تتقوول .....والا كان زمان حرگ وتغرب هادشي خلاه يكون راجل ويعتمد على راسو ويجيبها من فم سبع مااشي يمد ايديه ويطلب كاارو ...اما البلية الله يعفو على وليدات المسلميين راه مزال ليام قدامك وربي لي كيبتاالي 
سليماان .. " شاف فيه سااااخط" .. شوف الحااج .. ماشي مهم تكون محترم فالماضي ديالك!! المهم نهار تعرف اغلاط تصححها و تولي محترم و رااجل .. خطط لبا على هاد رااجل حيت قليييل فين غاتلقى لي حط بنتك احلاام فعينيه .. قليييل فين غاتلقى رااجل لي يصوونها و يخاف عليها بحاال خوتو .. انا كون ماكنتش شااريها ماندخلش من الباااب .. ولكن حييت انااا شااري بنتك .. بااغي ندييها و نتا رااضي عليها و مواافق . ولكن نتا كلما تنرطبو معااك تتزييد تقصح معاانا ..و على سبب تافه .
محمد.. اذا كان سبب تافه عندك انااا عندي مهم نزوج بنتي لواحد مااضيه و حاضرو و مستقبلو نقي .. قلت لي عندي..
سليمان .. اذا رفعت الجلسة ..وعمري مزاال نحط رجلي في دااااارك خي كل ما كنرطب نتا كطلععع زيادة على كلاااامك المستفز لي كون شي حد خوور نحسب ليه .." سكتاتو مو قبل ميكملها وهو يدوي بانفعال "... نوضي الواااااليدة .. !!
مليكة .." تنهدات " .. الله يهديك الحااج الله يهدييك .. دير فباالك غاتخسر بنتك الصغييرة كيف قلتي .. هذا الى ماكنتيش خسرتيها .. و ديك السااعة غاتندم بزااف و غاتقووول كون غيير وافقت النهار الاول .. " جمعات الوقفة ".....خلينا ليك الراحة ..
سبقها سليمان و تبعاااتو منكسة على حاال ولدها لي كيبان جاامد من براا و هي عاارفااه مكسوور لمئة قطعة من الداخل و مخبي فقلبووو لكن قلب الأم.. كيف كيقوولو قلب الأم مدن لا تنام

بعد ما خرج سليمان والأم ديالو ... خرج خالد لعند باه يستفسر منو على سبب الزياارة 
خالد... " جلس حداه لقاه داير ايديه على وجهو وكيخمم "... الوليد هاد اش جا يدير عندنا تاني ..!!؟
شفت في قصوحية الوجه حتى لوجهو طلبت معاه التسليم 
محمد ... جا هو ومو باش يخطبوو ديك لي متتسمى و انا راني حالف و حلفتي مكنرجع فيهااا الى تكفنت قدامهاا ديك الساع الله يعرضها السلامة تزوج بييه .. ولايني محدي حي والله تم والله لا داها 
خالد ......متلفقين الواليد بالحق تالين هادشي مجاتش تجري عليها و تقطعها من الحالة المدنية .. نتا درتي غلط فوق غلط كبر منوو باش تجيبها لصفك و تخليها تنساه غير بشوية .. جريتي عليها و هي غا تركب راسها و تمشي تزوج بييه 
محمد ..."خاف من كلام ولدو "... لا ميمكنش احلام مديرهاااش انا عارفها مزياان 
خالد ... ايوا سمع الوليد تا هي مضناتكش تجري عليها و تقطع صفحتها .. هادشي لي درتي انا ضدو و معاارضك فييه و عاد زيد الوليدة و عشرة عمر تا هي سمحتي فيها 
محمد ... مك مسمحتش فيهاا هي لي هزت جلابتها و تبعت بنتها 
خالد ... ها نتا قلتيها بنتها و تا ام مغتخلي بنتها في زنقة بوحدها ياكلوها الذياب .. الله يهديك الوليد دير الما منين يدوز و هني الخواطر 
محمد ... الى بغيت نهني خاطري و خاطركم هي نزوجهاا بلي بغيت باش نتعنى ونطرق هاد المسمار لي ضارني في راسي وقلب حياتنا
خالد...." بتسااؤل هز حواجبو ".....وشكوون ؟؟
محمد....خالك نهار مشينا عندهم لمح ليناا باغي احلام لولدو سعيد و هو كان حاط العين عليهاا غير حناا كنا كنتهربو 
خالد ... " بنفي "....ملايقش الواليد راه عارف ولدو جدارمي يدوز شهر هنا و عام لهيه 
محمد ..." خرج فيه عينيه "... اللهم جدارمي محترم و لا حباس وحشايشي غذا ولا بعدو يشدووه البوليس ... نعطيك غا مثال شفتي حفيضة بنت عمر تا هي ركبة راسها و دارهم مخلاو ما دارو باش متزوجش بداك الحشايشي و ملي شافو البنت جهلت زوجوها ليه .. كان يضل يجي عند باها يبكي و حياك الحي اولدي تا درمو عليهم البوليس تالدار و هزوها هي وياه لقاو عندو الحشيش هي ...خرجها باها غا بكفالة ايوا وهو تشد ومالنا على هاد الحالة 
خالد ..."ضرب في ركبة باه" ... ايوا شغنقوليك الوليد يصبح صباح دير بلغتك في رجليك وتمشي تقووليهم هادشي ونشوفو شغتقوول 
محمد...." بصرامة تكلم ".....باقي عندها الوجه لي تعارض مزياان تبارك الله ...يديها فوق راسها تقبل بيه الا بغاتني نرجع نقبل بيها ولا والله تم والله ننكرهااا
......
يوم مغيم على قلبها كباقي الأياام اللي ولات كتعييشها....بالحق هدي هي الحيااة لا طعم لها بدون مشااكل ..ولا قيمة عندها بدون متاعب ...ولا اثر لهاا بدون صعااب تماما بحاال النهار ميحلى الا بوجود الليل والفرح مكيجي الا بعد الم ونجاح لا يعد نجاح بدوون تضحية ....
حلات عينيها قبل صووت المنبه توضاات وسجداات لخالقهاا ....لبسات اول لبسة جات عينيها عليهاا و هبطات الصالون لقات مريم ومها كيوجدو الفطوور غير شافتها مها نقزات عندها
فاطمة .." كتفقد فيها "... صباح نور اكبيدتي..زيدي جلسي ابنيتي تفطري معانا !!
احلام ... "بتاسمات ليها بزز "...صباح نوور ا ماما...."بصووت تعبان ".. لا والله معندو منين يدوز حاسة براسي شبعاانة مهم انا مشيت يا الله نوصل هذا الوقت ..
فاطمة ..."بقات فيها بنتها " سيري ابنيتي الله يدير ليك تاويل ويرضي عليك ...ولكن كلي ليك شي حاجة شوفي وجهك كيف صفر 
احلام ... "باستها"....واخا الواليدة لي بغيتي ...

خرجات احلام من باب الدار و توجهات لخدمتها و كيف عادتها تتوصل هي اللولة قبل كل شي ... جبدات شي ضواسا قدام تتلهي راسها بيهم بيدما بدات الخدمة ... وطلبات واحد من السكريتي يجيب ليها قهيوة تحل بيها دماغها كيف غتبدا خدمتها تخبطت يد فوق البيرو خلاتها هزات راسها و شهقت ..
احلام ..."بدات تتلفت في جنابها و هضرت غير بشوية ".. سليمان شنو كدير هناا ؟؟
سليمان ..." شاعل وواصلة فيخ لعضم ملامحو وجهو مكيبشرووش بالخير "... نوضي باغي نهضر معااك وداك المشقووف الى مغتستخدميهش هرسي موو حسن .. " بأمر " طلقييييني 
احلام ... " خرجات عينيها وكتدوي كارزة على سنانها "...سليمان الله يهديك ما عندي فين نووض... و زايدوون راني خدامة و ممنوع نخوي البوسط ديالي .. صافي سير بدل ساعة بختهاا الله يعطيك سترر 
سليمان..." طلع ليه الدم وولا يهضر بالغوات"... تي كيفاااش عندك هاااد بدل سااعة بختهااا
أحلام........سليمااااان رااااه خدمتي هادي ماشي تقلية وهي لي بقات لي الله يعطيك ستر متخلينيش نخسرها تاهيااا ...
سليمااان ....." بسخرية عض فكو من لدااخل ".....معندك متخسري متخافيش....." توجه لسيكيريتي "...فيناهو شااف ديكييب هنااا !!

سليمان....معندك متخسري متخافيش...." توجه عند السيكيريتي"....فيناهو شااف ديكيب هناا ؟؟ 
"نقز من موراه "
- وي نعام ا سيدي واش كاين شي مشكيل ؟ 
سليمان ... "ضار لعندو طلع فيه ونزل وخاطبوو بصووت خااشن ..." لا مكاين حتى شي مشكيل ، عندنا واحد مشكيل وكيخصني احلام تخرج داابااا....عندك شي اعتراض 🤨 ...
- "شاف في احلام بانت ليه منزلة راسها الارض ووجها حمر .." ..احلام بوانتيتي دخولك .
احلام ..." بصوت نازل " ... اه اخويا بوانتيت 
- صافي تقدري تمشي انا غنشد بلاصتك تتجي سكينة .. 

شكراتو و هزات صااكهاا تابعة سليمان .. لي غير طلع في الطموبيل كسيرا لبحر ...بلاصة سياارتوو في اعلى قمةة سكتهاا ونزل کمی گاروه تااا سالاه عاد رجع لسیارتو فی دیک المده کانت احلام رجعات الکوساان اللور وحااضیااه کان کیبان علیییه ضاایع وبالو ممعاهش ...
سليمان ... " طل علیها من زاج .." تهبطي و لا نبقاو غير هنا ؟؟
احلام ... نبقاو غير هناا .." حرك راسو بالايجاب وطلع جلس بلاصتوو "
أحلام....." بلا متشووف فيه "....شكوون سبابنا في هاد شيي اسليماان ؟
سليمان......باااااك .." بشووفات حاريين وحاقديين "
احلام...." لتافتات ليه وتقابلات معاه "....كيفاش باا مالو هو لي صورناا وصيفط تصاور لراسو ...
سليمان...." ضرب الفوولون ".....هو لي منقص مني وواقف في وجهناا اما موضووع تصااور مولاتهم خداات جزائهااا وبترييبل
أحلام.....وشكوون بسلامة ؟؟
سليماان. ....." بالغواات "....هاداا ماااشي موضوووعنااااا اااحلااااااام موضووعنا غييير.....خاصنا حل لهادششي حيت طلع ليا في ك *** ...
احلام......" بانفعال".....ماشي جايبني هنااا باش تغوت عليا ...باراكا لي فيااا كاافيني وموفيني 
.. نعاسي مبقى نعاس ،حياتي ماهيا حيااة كارهة راسي ودنيا وميجي منهاات ...
سليمااااان. ....واناااااا كيف كتباان ليك حاالتي مزياانة هااا....؟؟ كنبان ليك راشقة لياااا وعاجبني الحال ...." ضرب على صدرو "....داخل ديالي ااحلام بركاان شااعل معمرو يهمد ....
عمري سمحت لمي تتدل قدام عيني ونتفرج مندير والو تاال لبارح...ومن من طرف باك ودوزتها ليه وخا وحلات هناا " حط ايديه على خلقو "...جاني دمو كيجري في عرووقك ...وكبة من شيب واحترامو من حترامك....
احلام....." خرجات عينيها مفاهماش علاش كيدوي "....اش كتقوول كيفاش تدلات علاه فين شاافها ...!!
سليمان. .....ملي سمعات اش طرا ليك لصقاتني تمشي لعندو وتهضر معاه وداكشي لي كان مشييناااا ....
وفي وجها قال كلام لي كنقسم بجلال الله كون شي حد اخوور ندفنووو حي ...
احلام......" متحملاتش اش كيقوول "...اش كتقوول اسليمان راه باا هاداااك...
سليمان......" ضرب زاجة الباب لي حداه جاب الله متهرساتش "....وهااديك لي عاير تربيتها راه مي...
لي قال على ولدها كلاام ناازل راه ميي ،نتي مرضيتيش نقوول هاد الهضرة ولكن انا رضيت وغمضت عيني ملي قالها ولدك سكايري حشايشي حباااس وكملي من عندك....
تا أم ابنت ناس مغادا تستحمل تسمع هادشي ورغم ذلك مبينااتش على ودي سرطااتها ودوزاااتها على قبلي باش تشووفي فرحان حيت عارفة هادشي غيكوون غير معاااك ...
احلام...." رجعات الشعر اللور وتنهدات ".....حبنااا اذى الناس لي كنبغيو اسليمان عاجبك هادشي ؟؟
سليمان....." على حوااجبو "....لي عليا ومن جهتي راه درتوو كيبقى دوورك نتي داابا !!
احلام....." بتسااؤل خايفة من شنو غيجي ورا سؤاالها "...ولي هووووو ؟؟
سليمان......." شاف قداامو وتكلم "....ديري يدك في يدي ونتزوجو على سنة الله و رسوله ..
احلام.....الا درت هادشي غنخسر عائلتي في المقابل ...
سليمااان.......تالين غتخسريها يطيل زمان ولا قصاار غيتقبلو زواجنا ملي غيشووفوك كيف عايشة ويعرفووني مزياان 
احلام...." بدون متحس دازو دمووعها "...هادشي ماشي سااهل ...
سليمان. .....داكشي علاش غنعطيك فرصة تفكري فيها على خااطرك وكيف مكان قرارك غنتقبلو ..تا انا محتاج نعرف راسي من رجلي ...
دخول والخروج بتخبية وداك الزبل ماشي من سهميي ، مهم ابنت الناس الكرة عندك 
" ختم كلامو وكسيرة مرجعها منين هزها ...كملات خدمتها عقلهاا متوقف ...موقف لي تحطات فيه صعيب والخياار اصعب

كملات لعشية ورجعات لدار و عقلها موجة تديه و موجة ترجعوو ... 
كيف حلات الباب سمعات صووت مغريبش عليهااا كملات طريقها بكل عزم تا دخلات لصالون لقات كل من مها و مريم و باها و خوها جالسين وفاتحين موضووع لي تسد فور مدخلات 
جات عينيها في عين باها تهز قلبها و تحط متأسفة على حالتهم فين وصلات ..شافت فمهاا لقاتهاا منزلة راسهاا الارض بقات تدور على كل واحد فيهم كأنها كتقرى الكلام من عيوونهم ... حطات صاكهاا و حيدات سبرديلتهاا و لقات عليهم السلام ودخلات 
احلام ...السلام عليكم 
فاطمة ..."ناضت لعند بنتها تجيبها حداهاا".. وعليكم السلام ابينيتي جلسي رتاحي .. 
جلسات حداها و تتسنى شي حد فيهم يهضر تا نطق باها و يا ريتووو ما نطق 
محمد ..." كيهضر و مكيشوفش فيهاا و موجه كلامو لفاطمة "... عاجباكم هاد الحالة و هاد العيشة لي ولينا فيهااا .. 
فاطمة.......نتاا سباب اسمحمد ، جريتي على البنت لزنقة مغاجيش تسنى مني نربع يدي ونتفرج ....
محمد ... " هز صبعو فب وجها "....و لسانك ولا سليط يا هاد المرأة و كيبان لياا نتي لي مشجعة ديك لي حداك على هادشي 
فاطمة ..."ضارت لعندو منفاعلة" .. دابا واش جاي غا باش تقوليا هاد جوج كلمات ايوا اسيدي يكتر خيرك هاني سمعتهم و حفضتهم ..
خالد غير شااف الجو مكهرب و عاد ما زاد تكهرب من كلام بااه قرر يدخل 
خالد ..." نغز باه حداه" ... الوليد الوليدة يهديكم الله زعما راكم نتوما كبار العيلة و كيبان ليا با اليوم جاي و عندو شي كلام
فاطمة ... ايوا لعندو كلام حسن من هذا يهدر يقولو و حناا ها ودنينا لييه ..
محمد ... "خنزر في فاطمة " .. كيف كيقولو ناس زمان لحم فاش يخناز كيهزوه ماليه و الدم عمرو يصرا ماا .. "وجه كلامو لأحلام" ... و انا عندي كلام لأحلام الى بغات ترجع لحضن باهاا و ترجع معايا عندي شرط 
احلام ..."هزات راسها فيه متفاجئة .. بلهفة تكلمات ".. اي شرط ا با انا قابلاه غير سمح ليا .."بدات تبكي" 
محمد ... إيوا سمعي حلي ودنيك... ولد خالك سعيد بغاك لزواج وانا موافق ...بقاا قرارك نتي شنو هو واش مستعدة ترضي عائلتك وتطيعي كلام لي رباك وقرااااك وكان ظلك وحماايتك من صغرررك لكبرك ؟؟
احلام ..." تصدمت و دموع تحجرو في عينيها وحساات براااسهااااا وسط كاااابووووووس ..وكلها كيجرها لجيهتو ..".. ك كيفففااش نتزوج .. واش عارف ا بابا اش كتقول ، فين عمرك كنتي قابل داك سعييد 
محمد ..." وقف تقابل ليها مع وجها"....اللهم هو منا وفيناااا وكيشرف ....مهم كلامي و قلتو و ما عندي كلام فوقو لي نطولوه نقصروووه و هاني خيرتك السلام عليكم....
" لبس صندالتو وخرج هو وولدة مخلي احلام من ورااااه كتضحك بصووووت عاااااليييي .."
احلام.......هههههههه " كاشووف في مهاااا "...واااش سمعتيييه ياااك ولااا كيتهيأ ليا لا لا واقلة كنحلم ....
" حطات ايدها على وذنيها حابسة الاصوات المتداخلة لي سيطرو عليهااا"

《 واش مستعدة ترضي عائلتك وترضي كلام لي قرااك ورباك وكان ضلك وحمايتك من صغرك لكبرك 》
《 دري يدي فيديك ونتزوجو هلى سنة الله ورسووله وطال زمان ولا قصاار عائلتك تقبل بيك 》

.بعد ما مرت عدة اياام .. هاد المدة كاملة و دماغ احلام تيمشي و يجي .. اما سليماان خلاااص .. ملي جابت مليكة اية تجلس معاها فداار بااش مها متمشيش تبلغ على سليمااان و هو مكيعمرش ديك الدار وضع اية كان حالتو موعتة في ايدها وكلها طباعي ...الشيء لي خلا مليكة تبرد خاطر ختها وتجيبها هي وبنتها لعندها وتراضيها بكليمااات خوفا على ولدها بدرجة الأولى .. هاد الاخير لي كان كيجي بالليل و يطلع ينعس ديريكت بلا ميشووفهم...
المدة لي عطاها سليمان لأحلام نفذاات ..هاد المدة دازت في سرعة البرق ..شكون كان يقووول ان احلام يوصل بيها الحال لهاد الدرجة .. احلام لي تلاقاات بسليمان الكوبرا بالصدفة .. و حبااتو كذلك بالصدفة و لي ماكانش فالحسباان هو انها تعلق بيه لهاد الدرجة و كذلك غير بالصدفة .. هادشي كلو وقع فمدة وجيزة و فجأة تكتفات من ستين اتجااه .. حسات براسها وقفات بين الموت و الحياة .. لا هي ميتة ولا هي حية المهلة لي عطاها سليمان سالات .. و العرض ديالو بدا فالعد التنازلي ووهي مزالة حااسة راسها مزال خاصها الوقت اطول بااش تزييد تفكر حيت قرار انها تخلي عائلتها و تخلي حياتها لي كانت مولفاها و ضرب كولشي عرض الحائط في سبيل حبها هادي غاتكون انانية منها .. ولكن فاش تتفكر فالعرض ديال باها و تتفكر ان القرار صدر بااش تتزوج وااحد اااخر .. فهادي أنانية كبييييرة منهم .. حيت مافكرووش فيها نهائيا .. ولا قاالو هاد الإنساانة عندها قلب و ممكن تختار حياتها و الشخص لي غاتدوزها معاه و تعيش بجنبو و يكون السند ليها فالأياام الجاية بل الأنانية ديالهم خلاتهم يفكرو غير فروسهم فقط .. و ميفكروش فيها فكرو غير فروسهم و فشنو باغييين هوما ... 
يوم الأحد .. كيف العادة تتفيق احلام معطلة .. لكن النووم لي غايزور عينيها هاد المرة ماكينش .. الليل كلو و هي تتفكر فالقرار لي خصها تتخد .. يا تختار سعادتها و تعيش حياتها مع الحب ديالها .. يا تلغير رأيها و تلغي نفسها باش ترضي الأب ديالها .. فاقت تتكسل و تفوووه بقات مدة فالفراااش عاد عاد ناضت جمعات شعرها و مشات للحمام قضات حاجتها و غسلات وجهها .. توضات و رجعات لبيتها صلات صلاتها حتى بدات تتسمع فتيليفوونها كيصوني مارداتش تا كملات الصلاة و مشات هزاتو لقات سليمان لي متصل بيها .. حسات بقلبها تزير و تقبض عليها يالله غاتحط التيليفون و هو يصووني فيدها قفزها .. بقات دقيقة تتشوف فيه مقاااداااش تفتحها .. ولكن قصحااات قلبها و فتحات الرسالة .. 
«احلام المدة كملات .. مكين لاش نزيدو نطولو .. يا ريت تكوني خديتي القرار لي يصلاح ليك و ليا .. ديري فبالك الى ختاريتيني غاتكوني حياتي و كولشي و غانحطك فعيني و الى ماهزوكش نديرك فوق راسي .. ان شاء الله ماغاتخصك تا حاجة معاياا ..»
حطات تيليفونها و ناضت وقفات .. بلعات ريقها و مشاا باالها غير لفاطمة .. كيفادير تخليها و تمشي ..!! و في مريم .. الناس لي كاتبغيهم كيغادير تخلى عليهم و تزيد مع سليمان .. و واش غادي يتقبلوها من بعد ولا هادي هي اللخرة ليها معاهم .. تنهدات وقفات قدات الشرجم خلات الريح كيضرب فيها .. بقات مدة فديك الوضعية حتى عيطات ليها مريم باش تغدا ..حيت وقت الفطور فات من ايمتا .. نزلات تغدات معاهم و جلسات تتلعب مع ولد خوها شوية .. كانت فاطمة هاد المدة قلبها مامهنيهااش .. و غا تاتشووف فيها و فينما تسول احلام شنو عندك ولا تتخممي تتقوول ليها والو .. ماتاتعطيهاش راس الخييط و هادشي مامهنيهاش .. بقات احلام مريحة حتى سمعات تيليفونها تيصوني .. هزاتو لقاتو سليمان .. جاوبات قدامهم .. 
احلام .. الو ..
سليمان ..وي احلام .. شوفي .. الى كنتي واجدة مع ستة كنستناك ورا الدار ديال خوك .. 
وجدت كولشي لي كيخص زواجنا .. ماغاتخطي خطوة لداري حتى تكوني على ذمتي ،غانتسنااك .. !!و اذا ماجيتيش غانعرف قرارك شنو هو .. و كوني هانية ابنت الناس عمرك غاتشوفي وجهي ولا تسمعي صوتي مزال ..اما الى وافقتي كيف قلت ليك .. غانديرك فوق الراس ماغايخصك معايا حتى خير وغنكون اسعد وااحد ديك ساااع 
.. 
بعد هاد الهضرة قطع معاها .. شافت فالتيليفون و حطاتو فجيبها .. حطات ولد خوها كيحبو و ناضت وقفات .. 
فاطمة .. مالك شكون اتصل بيك!!
احلام ......كان سليمان .. !! انا غانطلع لبيتي .. 
فاطمة .. اجي لهنا .. " ناضت بغات تتبعها" ..اجي مال وجهك صفاار .." شافت فمريم .. تي مالها هادي .!!
مريم .. " تنهدات" .. خليها على راحتها اخالتي راك عارفة حالتها النفسية كيف دايرة .. 
فهاد الوقيتة كانت احلام بدون ما تفكر مزال جمعات حوايجها فالفاليز و دارت فيها كاع وراقها و داكشي لي كيخصها ..وبقات مايقارب ساعتين تمشي وتجي في البيت كتحاول تقنع راسها بقرارها .. 
شافت فالسااعة ديالها ولقات وصل الوقت لي دايرة معاه فيه ...داكشي علاش قررات تنزل و تخبر مريم و فاطمة بالقرار ديالها هزات صاكها و تمات نازلة بالفاليز .. غير شاافوها داخلة عليهم بشانطة و لابسة حوايج الخرووج ناضو خرجو و على وجههم علامات الاستفهام ..

غير شاافوها داخلة عليهم بالفاليو و لابسة حوايج الخرووج ناضو خرجو و على وجههم علامات الاستفهام ..
........
مريم .. احلام ؟!
فاطمة .. اويلي هازة فاليزتك و فين غادية بالسلامة راجعة للدار!!
احلام .." تنهدات و طلعات عينيها ف فاطمة بقلب موجووع " .. لا اماما
" مشات حداها وشدات في يد كها كتبووس فيها وتشم ريحتها "....
انا قررت نمشي مع سليمان .. غانتزوجو و نكمل حياتي معاه..." تنهدات "...منكدبش عايك اماما ولكن هاد المدة كاملة و انا تنخمم و نفكر .. لقيت بلي حياتي ميمكنش تكون غير معااه و داكشي لي نااوي عليه خاالد و بابا مستحييل يوقع .. " بدات تبكي "....سمحي ليا مسخيتش بيك اماما .. ولكن منقدرش ، منقدرش نبقى و حياتي تضمر على يديهم .. 
فاطمة .." كأنك خويتي عليها سطل ديال الماا طاايب ،عينيها دمعو و بلعات ريقها ، حسات بفمها نشف و تجيفات من قرجوطتها"... ك .. كك كيفااش .. كيفاش غاتمشي مع سليماان اش هاد الهضرة تتقوولي ابنتي. ." ناضت وقفات و تتغوووت عليها" .. كيفاااش غاتزوووجي بيييه بااغية تهربي و تزوجيييي معاااه هااا بااغية تخلي ميمتك و تهربي ااحلااام مع واااحد عرفتيييه غير البااارح و انا لي تعذبت و ولدت و خرقت و ربيييت و سهرت الليااالي تخليني ووتهربي تا حقييي في اني نشوووفك عروووسة ماغاتعطيييهليياااش ا احلااام .. وليتي قاااصحة لهاااد الدرجة ابنتي !!!
احلام .." نزلو دموعها" .. هوما لي خلاوني نوصل لهاااد الدرجة .. هوما لي قصحوو قلبي .. هوما لي خلااااوني نولي وحدة اخرى غير احلام الحنينة ولكن .. انا غانشووفك اكييد غانجي نشووفك امامااا .. ماغانتعطلش عليك احبيبتي ..وغتشووفيني عرووسة ولكن معاه ..ميمتي فكري فيا وسمحي ليا ماشي بيديي 
فاطمة .. " كتحاول تنطق لكن حسات براسها مقجووجة...."....لاا ابنت.... قبل ماتكمل الكلمة .. طااحت على "وقفتهااا خلات احلام مبرقة عينيها .. 
مريم .. اويلي خااالتي .. 
نزلات عندها مريم تتطرش ليها فحنكها بشوية .. و تتعيط لاحلام تشووفها مالها بالسييف فااقت احلام من صدمتها و طلقات الفالييز مشات تنجري عند مها تتقلب فيييها ..
احلاام .. ماماااااااا هءههء .. ماماااا مالك .. ماما مااالك احبيبتي ماااالك!!! " هزات ليها راسها حطاتو فوق رجليها و تتبووس ليها فالجبهتها" .. هء هؤ مااامااا مااالك اويليييي ماما مااالها امريم ..ء هءههءهء" بدات تضرب في فخاضها "....😭😭😭😭 ناضت مريم تتجري عيطات لخالد في تليفون يجي يعتق مو .. بقات احلااام مدهية مع الام ديالها لي بالفقصة طاحت ماعقلاتش على راسها ماتقبلاتش ان بنتها تخليها و تهرب مع حبيبها .. ماتقبلاتش انها تحط راسها و راس بااها فالطيين كيف تيقوولو و تهرب .. الصدمة كانت عليها قوية .. ما هي الا ربع ساااعة جا خاالد و محمد هزووها ديريكت لمستشفى دخلوها ايرجونص .. 
فهاد الوقيتة كانت فاتت سااعة على الميعاد لي عطاها سليمااان .. خذا تيليفونو و عيا ميتصل بيها مكاتجاوبش عند باالو خذاات قرارها بااش تبعد علييه و هي غير خلات التيليفون فالداار من صدمتها و خوفها على فاطمه .. 
سليمان ..."هز تيليفونو خذا منو الكارت سيم هرسها و تبعها التيليفون ضربو مع الطروطواار .. طفا الكاارو ديالو و دخل لسيارتو .. " .. نتي لي ختاريتي احلاام .. من اليووم مابقااش سليمان .. من اليوم اعتبريني مت .. من اليوم احلام غانمسحها من حياتي .. خلييك مع بااك ووخوك .. .." تحرك بطوموبيلتو تا لدار خوها طلع راسو للدار وبقا شحال كيشووف " ..
فهاد الوقييتة جلسات احلام على وقفتها مسندة على باب العناية المشددة لي حطو فيها الأم ديالها ..دموو فعينيها شلال كاتبلع رييقها بالسييف و تندم فرااسها حيت كااانت هي السبب فالطيحة ديال مها و هادشي لي وقع ليها .. 
احلام ...." يااا ربي .. يااا ربي راااك عالم بحااالي .. يااا ربي خلي ليااا ميمتي .. ماتعاااقبنيييش بييييها يااا ربي 😭😭😭😭
بقات مدة على ديك الحالة .. ماقاادرااش تحيد من حدا الباب .. حتى خرج الطبيب و هي تنوض وقفات قدامو فاص و تمو جاييبن كاملين حدا الطبيب .. ..
احلام .." شدات ليه فدراعو" ..عافاك .. عافاك ماما .. بغيت نشوف ماما كي بقااات .. عافاك قوول ليا شنو عندها ..
الطبيب .." كيحاول يهديها" .. تهدني ابنتي .. الحالة ديال الام ديالك فالحقيقة جات متأخرة شوية داكشي علاش مقدرناش اننا نسيطرو على الوضع ولكن دابا حالتها مستقرة ..
احلام .." طرشات حناكها" .. ماماااااا اااااش عندهااااا😭😭.. 
خالد .. دكتور الله يحفضك شرح لبنا الوضع ..
الطبيب ..عندها ضغط الدم طالع بزاف .. و هادشي لي سبب ليخا شلل نصفي ..الجهة اليسرى ماغاتقدرش تستعملها ..
احلام .." شدات قلبها " ..شنووووو ..😭😭 ميمكنش ..ميمكنش ..

كيف العادة جالسة بجنب مهااا في الغرفة ممفارقاهاش ولو لحظةة .. تتضل فايقة معاها بالنهار و الليل و متبعة الممرضات و التعامل ديالهم معاها كيف دير .. و كيف تيديرو يبدلو ليها و يعطوها تاكل باش تا لا خرجات من الكلينيك تعرف كيفاش تتعامل مع الوضع .. فهاد الأياام كانت متبعة مع التروض ديال النطق بااش تقدر تعبر على داكشي لي بغات تقوول حيت ملي طاح عليها نصها ماابقاوش كيفهمووها شنو كتحاول تحكي 
احلام بقات هاد المدة كاملة و ضميرها كيأنبها و الهم شايلاه فوق رااسها قلبها مجروووح من زوج جواايه .. ندمااات على قرارها الاناني لي اتخدااات ..و كل ليلة تدخل تخشى فيها و تبدى تبكي و طلب منها السماااحة .. و طبعا قلب الأم في ساااع كيساامح.. صعييب انك تربي بنتك على شي قيم و اخلاق معينه ..و فالاخير كي تكبر تضربهم ليك فالزيرو ..اي نعم هي سانداتها من اول نهار ..وقفات معاها فالصح و فالغلط و عارضات راجلها على ودها تا كانو غايوصلو فيها للطلاق .. لكن كانت باغية غير تضغط عليه بااش من بعد يوافق على هاد السيد لي عاشقااه بنتها .. ولا عمرها فكرات و لا جا فبالها شي نهار ان بنتها غاتضرب الترابي و الأخلاق ديالها عرض الحائط و تقرر تهرب .. خصوصا اننا فمجتمع ذكوري متزمت .. حتى الراجل لي غاتهرب معاه ممكن تطيح من عينو و هذا هو واقعنا المغربي ولا العربي بصفة عامة ..ماشي اي وحدة هربات مع حبيبها تتلقى الحياة لي كانت باغية بالعكس تتصدم بواقع اااخر أمر مليون مرة على واقعها لي كانت عايشة ..كاتصدم براجل اااخر غير لي بغااتو كيقلب عليها و يعايرها بهرووبها معااه فالطالعة و الناازلة .. و غاتصدم انها ولات نكرة .. لا واليدين لا عائلة توقف معاها و غالبا هاد الفئة دائما تتنتهي بيهم بالطلاق ..هذا اذا تزوجو من أصلو هادشي كووولو جا فباال فااطمة فاللحظة اللي وقفات عليها احلام كتودعها . ومرتاحت تا حلات عينيها و شافت احلام بجنبها عاد تنفساات الصعداء .. الوقت ستفسر كل من محمد و خالد علة السبب ديال هاد الطيحة لي طاحت و ه يوكانت صحة سلام اصرت عليهم غير براسها انهم ميقوولوووش ليهم شنو كانت غادير احلاام ولا قرارها .. و حتى فاش بداات تتقدر تنطق شوية زااد اصرارها انهم ميعرفووش نوايا بنتها .. و فعلا قدرات مريم انها تقنعهم بلي غير الضغط ديال الأياام لي فاتو هو لي دار ليها هاكدا .. 
بقات هاد المدة احلام معاها .. مافارقاتهاش اما البقية كانو تيمشيو يباتو و من بعد يرجعو يزورووها .. اتصلات بالباطرون ديالها شرحات ليه الوضع لحسن حضها انو تعاطف معاها و قدر وضعها لكن عطاها مهلة محددة ترجع فيها لرأس عملها... حتال النهار لي سيناو خرووج فاطمة من الكلينيك .. جابت ليها مريم الحيواايج لي غاتلبس و بقات معاها احلام تتبدل ليها .. وفي الاخير قادووها في كرسي متحرك فاش غايدييوها للدار و باش غايبقاو يديوها للترويض حيت الطبيب حكر ليهم عليه و انها خاصها تديرو بانتضام باش تقدر تشافا بسرعة .. بعد ما خرجووها داوها ديريكت لدار ديال خالد .. .. جلسو معاها شوية وكل واحد مشا لمشاغلوو .. بقات غير هي ومريم معاها .. بعد ما وكلاتها ورتاحو شوية عاوناتها تبدل حوايجها .. ولبسات تا هي حوايجها و خرجاتها على الاقل تشم غير الهوا و يتمشاو . داكشي لي كان .. خرجو تيدوورو خصوصا ان جو المستشفى اثر على نفسيتهم بزوووج .... جلسسو فجريدة فيها البارك ديال الوليدات الصغاار .. كانت احلام جالسة تتخمم ماسكة يد مهااا وكتمسح عليهاا هاد الأخييرة لي مقابلة الماارة .. حتى وقفات عليها شيماء .. 
شيماء ...." تلاحت عليها عنقااتها ".....نااري ياا ختي احلام فييينك و الله تا حرام علييك اصااحبتي . خلعتيني عليييك .. تيليفونك طاافي و جيت عندك للداار مالقيتكش مشيت عندك للخدمة .. كل مرة تنرجع نجي عندك و واالو ..
احلام ..اش غانقوول ليك اختي التيليفون ماقربتش ليه .. ماقديتش و مالقيتلووش الوقت اصلا .. 
شيماء .... عاد لقيتيني قاصدة دااار خووك ونتي تباني ليا خارجة عيطت عليك تا شحفت وفي اللخر تبعتك .." شافت جهة الام ديالها" ..ياك لباس !! 
احلام .." تنهدات و بعدات هي ويااها" .. خليها عالله و صافي هانتي تتشووفي ..ختك فين غابرة 

شيمااء ......" عضات على شفايفهااا "......سليماان اصگعة تقلق بزاااف و الفگعة ديالو هو صعيييبة .. ركب رااسو ياا لالة و قاللك غايتزوج .. ملي ماجيتييش ديك النهااار لي كنتي ديرا معاااه و هو حاالف تا يكبتها على حياتو .. 
احلام .." بصدمة شهقااات ..".. ي.. يتزوج!؟ كيفاش ..و بيمن؟؟
شيماء ...... باااية🙁 محلف فيها يخرج فيها القديم و الجديد .. 
احلام .." عينيها بغاو يدمعو "...هاء ..دغيا بغايتزوج .." شيرات ليها لمها" ..بغيتي تعرفي لي منعني هاهي قداامك....شووفي حالتهاا و شنو طرا ليها ملي هزيت صااكي وبغيت نجي لعندووو طااح عليها نصها ....." بدات تضرب على صدرها "....بسبااابي ي اناا فاش عرفااتني غانمشي معااااه شووفي شنو طرا ليها ذنبها غانبقا هازااه طول ما انا عايشة .. داكشي علاش مجيتش لعندو ديك نهار 
شيمااء .. اووووييلي "تصدماات".. هو فهمهااا وااش مبغيتيييهش .. 
احلام .." ضحكات بمرارة"..ااه و ناض بغا يتزوج الله يسعدوو 
شيماء .." جراتها جلسو" ..قولي ليا كيفاش طرا هادشي .. !!
احلام ..." عاودات ليها بالتفاااصيل على ديك النهار المشؤوم " .. هادشي لي طرا هادشي لي منعني عليه .." مسحات دموعها" ..ولكن مزيان كل واحد يشد طريق .." ناضت وقفات ...سمحي ليا اشيمااء غاندي ماما لداار عياانه ..
شيماء .."شدات لبها فيدهاا" .. سليمان كيبغييك .. ديريها فبالك ..و الى حتاجيتي شي حاجة اتصلي بياا !! واخة .. 
احلام .." تنهدات" ..ربي يخليك اختي ..انا غدا نيت غانرجع للخدمه و حياتي العادية ....بسلامه ..
ودعاتها و دات مها للداار ..اما شيمااء ..هزات تيليفونها ديك السااعة و اتصلات بعثمان .. 
شيماء .. الوو فينك؟؟
عثمان .. البلاصة ديال ديما مع سليمان ..
شيماء .. هاني جايااكم قول ليه يتسنااني مايمشي فيين ..
قطعات عليه و شدات طاكسي ديرييكت للكافي لي تيجلسو فيها الدراري وقفات عليييهم و لاحت الصاك ديالها فوق الطبلة و حطات يديها على خصرها
شيماء ..واااش عاارف بلي ضلمتي البنت .. و غاتضلم تاااا رااسك .. 
سليمان .." تحنا باش ينوض" ..بديينا عاوتااني .. سكت هاد الراديو ديالك الى قديتي .. 
شيماء .. " جراتو من دراعو" ..جللللس ندوي معااااك .. جلس و ماتخزرش فيااا يالله .. اليوم تلاقيت بأحلام ..البنت كانت جاية عندك ديك النهااار .. و بسبب داكشي طاحت مهاا كوما ..طاح عليها نصها .. من ديك النهار و هي معاها فالكلينيك عاد خرجووها .. يعني اسليماان .. ضلمتيييها و غاضلم راااسك اذاا تزوجتي بااااية و نتا تتبغي احلااام .. كون تشووف حاالتها فاش قلت ليها بغيتي تزوووج .. تصدمااات حسيتها تهرسااات .. 
عثمان .. و نتي ضرووووري ياااكلك فمك و تقوولي بغا يتزوج .. ضروري مااك ما كادخلي سووق جوااك مالك .. 
سليمان .." مصدوووم زير على يديه وخبط طبلة " ..بلاتي بلاتي!!كيفاش ..كانت جاية و مها طاحت!! علاش ما قالت والو علااااااش 
شيماء .. كنقووول ليك مهااا مهااا ..و زيدووون تا لا بغات تتصل بييك فيين تيليفوونك فين نمرتك .. شوف اسليمان انا درت لي عليا .. شيبتووني معااكم ..صاافي فكيييت تا حريرتي زدتووني نتوما همكم اووو ..سير شووف الدرية و دويو وحل هادشي و نتا نووض وصلني الفلووس لي كانو عندي ركبت بيهم طاكسي .. 
عثمان .." خنززر فيها" .. دوزي قدامي . 
استأذن من سليمان و جرها باش يوصلها ..و خلاوه هو مزال مصدوووم تيحرك رجليه بعصبية و عااض على شوااربووو تا سيل فيهم الدم ..

ديك الليلة دازت جحيييم عليييهم بزوووج سليماان لي مابقى عارف بااش يحس و احلام لي ماتقبلاتش كيفاش خذا قرار انو يتزوج بهاد السرعة!! .. 
لهاد الدرجة مابقاتش هاماه .. !! و بيمن غايتزوج بااية ، فزگاات وساادتها كيف العاادة و لعناات النهاار لي شاافتو و تعرفات علييه فيييه ولكن قدرات تقوي راسها و ماتضعفش حيت تا هي خذات قرارها ..و قرار انها تبعد على سليمان و هاد المرة لا رجعة فيه .. 
فاقت الصبااح طلات على ماماها و مشات لبسات حوايجها ..نزلات لقات مريم موجدة الفطور لخالد صبحات عليها و مشات تتصاايب لراسها قهوة
احلام ..فين خالد!!
مريم .. يالله لقيتيه مشاا للخدمه ..
احلام .. كنت بغيتو يوصلني فطريقو .. يالله ماعليش هاني مشيت بلا منوصيك على ماما .. 
مريم ..ماتحتاجيش احلام .. 
ابتسمات ليها و خرجات ..اتجهاات لخدمتها ديريكت .. مشات اعتذرات من المديير و اتجهات للبووسط ديالها تبدا خدمتها داكشي لي كان بقات خداامة تا سمعات البيرو تهز و تحط بالردخة ديال الباب .. طلعات راسها و هو يباان ليها اخر واحد كانت بااغية تشووفو خصوووصا فهاد النهار .. 
احلااام .." ناضت وقفات و شيرات ليه على الباب" .. الله يخليك خرج ..خرج من هناااا يالله رجعت لخدمتي بالكشاايف !!
سليمان .." طلع فبها حواجبو و تقدم لعندها مربع يديه" .. و اذا مابغيتش ..!! اااش غاديري !!! هااا ؟؟
احلام ..غانغوت ليك للامن اسليمااان 
سليمان .." طلع فيها حجبانو" .. و نتي عارفة عليا غانخاف !! 
احلام .." تنهدات باستسلام" .. لاش جاي .. اش بااغي !!
سليمان......" بعتااب كيتكلم محاسش براسو ".....علاش ماقلتيهاش ليا !!! هااا .. " قرب لعندها " علاش ماقلتيش لياااا مك طااحت كوومه ..
احلام .."ربعات يديها بنفس طريقتو" .. وعلاش نتا ماتسولش هااااه ..علااش؟؟ ولا صاافي شفتيني ماجيتش .. و قلتي صاافي هادي تخلات عليا ،ماحطيتيش ليا شي عذر نهائيااااا اسليمااان 
سليمان .." تعصصصب و شااد راسو بزز" .. و اناااا بااااش غانعرف كلفتي راسك تقوولي ليا شنو كاين 
احلام .." هزات يديها بمعنى صااافي" .. شوف اسليمان ..بلا ماتغوت عليا .. و تلوومني فهادشي حنا من اول ما تلاقينا .. و ربي مابااغيش يجمعنا من اول تعارفننا و حنا فالمشااكييل .. غاديين عكس التيااار حنا تنتحااوبو فجييه و المووجة غادية عكسنااا .. ملي تلاقينااا و حنا من حفرة لختها لبنت عمهاا .. انا وصلات بياا للحد اسليمااان هادشي بزاااف عليااا.. بزااف بسبابنا تتادى روحنا و النااس العزاز عليينا بلا مانحسوووو .. " حدرات راسها لتحت "... صااافي مابقييتش قاادة .. هء في الأول اادييت باابا و جرحتو بكلاامي وخسرتووووو مزاال لدابا مقااطعني و متيدويش معايااا .. و على شوية كنت غانخسر ماماااا للابد كنت غانجييب أجلهااا .. كانت غاتمووت بسببي لولاا ربي ستررر بسبب انانيتي و اختياااري ليييك.. كنت غانخسرها ..و ديك الساااعة اسليمااان مكنتش غانسمح لراااسي و ماغانسمحش ليييك حتى نتا .. كنت غانعيييش بذنبها حياااتي كاملة و جاامي غانساا واش بسببي طرا لي طراااا .. " مسحات دموعها بسرعة " .. و جاوني خباارك بلي تا نتي غاتزوج .. الله يسهل علييك احسن مدرتي 
سليمان .." كل كلمه قاالتها تحفراات فأعمااقوو و حس بيييها مكسوووورة .. قرب بغا يمد ليها يدو و هي تبعد للور عاود رجع لمكانو كيحاول يهضم ديك الكلمة ..باستهزاء رد عليها " ....احسن مدرتي هادا هو جوابك ، واش تقدي تشووفيني مع شي وحدة من غييرك هااا الى كنت انا منقدش نشووفك تاا تضحك لغيري في وجهو نتي تقدي تشووفيني مزوجة بغيرك 
احلام .." حاولات تشد فراسها" .. اااه ..غانقد نشووفك مع وحدة اخرى اسليماان غنقد 
سليمان....." كيحرك راسو بنفي "....الا كنتي بصح كتبغيني مغاداش تقدري 
احلام......" بتحدي "....غنقد ومستعدة نبرهن ليك 

سليماان .." دوز يدو على راسو و عطاها بالضهر تيحاول يكبح غضبووو " .. سمعيني ااحلاام عارف هادشي لي كتقوولي فيه دابا غير من الغضب ديتلك خااصك تعرفي بلي انا الا كنت بغيييت نتزوج باااية هادشي باااش نفدي فيييها الجدييد و القديييم حيت هي السبب .. 
هي السباااب فهااادشي كااامل .. فاش خدييت ديك القراااار قلت صاافي مابغيتييينيييش تخليتي عليااا داكشي علاااااش كانت لحظة غضب .. بعصبية مني خذيييت داااك القراااار كنت باااغي ننتاقم فلي كانت السبب اننا نتعذبوووو فحياااتنا و نتفااارقوو
احلام ..." ضحكات بالجنب .. " ..سليماان .. واش مقتنع بكلاامك!!! ماشي هي بووحدها السبب .. داكشي لي كنااا تندييرووه غلط و كااان مصييييرو اتكشف .. سوااء هي ولا مااشي هي سباااب كناااا غادي نحصلوو هي كاتبقاا غيير وسيلة وصلات بيها الخباار لبابا. و زيدوون ديك الهضرة ديال تنتقم و ماتنتقم .. هاديك كاتبقاا غير هضرة فاش غاتزووجو و تعااشرو كولشي غايكون مزيان .." ضغكات على قلبها وشيرات ليه للباب " .. الله يعرضك السلاامه و قرار زوااجك غايكوون احسن قرار ااتتخدو اسليماان حيت غاتكوون اقتنعتي اننا عمرنا كنا ولا غانكونو لبعض ..
سليمان .." ضحك بعصبية وخبط الباب " .. بهاد السهوولة كوولشي عندك لييه جوااب نتي ، كوولشي عندك ساااهل داكشي لي كان بيناتنا كاامل ماساااوي عندك تا حااجة!!
احلام .." مسحات دمووعها وعضات على شفايفها " .. ماساااهلش .. ماااااساااهلش اسليمااان ااه غانتعذب ..غانتعذب بزاااف و غانبكي غانعييش ايااام ماعالم بيينا غير الله اصلا انا من نهاار عرفتك و انا ياامي كوولها عذاااب .. ولكن دابا غانبكي مرة زوووج تلاااتة مصييري غاننسى مصيير دمعتي تنشف ولكن كون وقعااات شي حاجة لماما ولاومشاات تحت التراااب .. عممممر دمعتي كانت غاتنشف حيت هااديييك كاتبقى ماما و غاتكوون مشااات و عمرهاااا غاتعوووض .. اما الحب .. نقدر نعوووضووو و نلقاااه مرة اخرى .. 
سليمان" غزز سنااانو و شااف فيها بعيووونو لي كاانو كيف الجمممر العرووق فيييهم منفووخييين بكثرة الأعصاااب .. قرب للبيرو حط عليه قبضتي يديه" ..اذا كنتي نتي الالة غاتلقااي الحب مرة اخرى و غاتعوضييييني بوااحد اااخر .. انا لااااا احلااام و هانتي عقلي مزياااان على كلاااامي ..ياااك نتي دابااا ماااشي ليااا و بربيييي ماتكوووني لشي حد غيييري .. عقلي على كلااامي الى ماكنتيش لسليماالن ماغاتكونييييش لغييييروووو .. بغيتيني نتزوج احلااام .. هاني غانتزووووج .. و بيني ليااا بلييي بصح قااادة تنساايني و قااادة تشوووفي فعيني و انا مع وحدة غيييرك .. 
احلام .." عضاااات على شفايفها لي كانو تيترعدوووو" .. غانبين ليك غانبييين لييك و كوون اكييييد انا اول وحدة غاتحضر و تشطح فعرسك كوون هاني .. 
ضحك بجنب و ضرب البيرو بكف بيديييه ..قلب الدوورة و اتجه للباب شااف فيها مرة اخر مرة قبل ما يخرج و يردخوو موورااه .. اما هي كي خرج طاحت على الكرسي ديالها يديها تيرجفوو و عينيها بداااو الدموووع يسيييحو منهم بدون توقف

بشموووخ مزيف واقفة قدام لمرايا كتختار الابتساامة لي غتناسبها ولي غتقدر تخفي بيهاا الألم لي كتحس بيه ....كانت متألقة بقفطااان ملكي جمييل بحاال جسدها لي زادهاا فتنةة..ولي زادتو هي رونق ...شعر بلوون البني مجمووع للفووق بعبثية وخصلات نازلة من هنا ولهيه ....مااكيااج صاارخ من توقييع احسن ميكاب ارتييست علااش لا ماشي خساارة في حبيبهااا لي ليوم ليلة عرسوو وهي ضمن المعزوومين ...تفتح الباب ودخلات من ورااه مريم بملامح ممحية وخاطبتهااا بحزن ...
مريم...." مشات حدااها وطبطبات على ظهرها"....بااقا مصرة ؟؟
احلام....." موسعة عينيها مخلية لهوا يطرد دمووع لي غيخونوها وينزلو "....وكثر من قبل !! وصل الوقت يااك ...
مريم....." حركات راسها بالايجااب "..... وي هو هادا لحال ، وطاكسي كيستنانا التحتت...
احلام....." تنهدات وشدات جلايل قفطانها بيديهاااا "....يالله مشييينااا ...
تقدماات بخطواات جرييئة ساابقة مريم كأنها كتحاول تقووليها....انا بخيير وباحسن حاال واخا ليلة عرسو على وحدة اخرة ولكن هادا هو القدر ديالنااا ...لا انا مكتابة ليه ولا هو بقى ليا فيه نصييب داكشي علاش لفراق من احسن لينا يزوووج
طوول الطرييق وهي كتحااول تضغط على قلبهاا وتاخد الجرعاات الشجااعة من نفسها و تا من كلاامهاااا
صافي ااحلام بكي ليووم وغدااا تسكتي ....وتا لبكيتي تا غدا بعدوو گاع ينشفوو دمووعك وتنسي 
الفرح مكيدووم لحد والقرح مكيلازم حد ....سليمان ممكتابش ليك وربي مبغاااهش لييك !!
شحال حاربتي على ودو وفي الاخير خرجتي منهزمة فگاع المعاارک ... رضااي بلي مكتووب لييك وقتانعي بيه وغدا ان شااء الله حسن من ليومة لييك
دقاات قلبهاا تسااارعت فور مسمعت صوت الزغاارييد ليي مسمووعين من دخلة الدرب ....صف سائق الطاكسي قبل مكان العرس نتيحة الاكتضاظ ...هبطات وتابطات في ذرااع مريم لي حساات بقبضة يديها على دراعها كأنها كتقوول ليهاا انااا معاك في جنبك وغنشااطرك حزنك ...
توجهو لحفلة لي كانت مليانة ...شطيح ، زغاريد ، واحسن الأغااني واحلام دمووع فعينهااا حاولات تخبي وتدااري....
الكل كان فرحاان وسعييد وهي كتقااوم راسها بفم مبتسم وقلب مجرووح ....مشااعر مختلطة بين الم الفرااق وقسااوة المشهد ...ضورات راسها في الأرجااء كتقلب وسط الحاضريين علييه محسات غيرر بصفااء مقربة معنقاها
صفااء...." متأسفة على حالتهاا هي وخوها.....بأسى دواات وهي كتشووف في مريم كأنها كتقووليها شكدير هنااا واش جاابها "....احلاام واش متاكدة بلي باغا تحضري ؟؟ 
احلام....." بعوينات كلهم حزن لكن غالبة عليهم القوة "....معلووم ماا هذا عرس العزيز الغالي ...مجاتش منحضرش ليه وهو عرضني بنفسوو ....فيينها خاالتي ؟؟
حركات ليها راسها بقلة حييلة ووراتها مكان مليكة لي قصداتو تحت اعين الحاضريين الكل تقرييبا كيعرف شكوون هي احلاام وشنو كتعني لسليماان .. گاع عارغين خبهم وعشقهم الممنوووع ..وهي كتنقل وسطهم شي كان كيشووف فيها بأسى وشفقة ..والبعض بانبهااار ودهشة بشخصيتهاا وجرأتهااا ....
لهاد درجة قوية لي جات تحضر لعرس كانت غتكوون مولاتوو ...ولا کتضاهر غير بالصلابه ؟؟ عندها القجرة انها تشووفو بارز ومااسح في كف يدو ايج وخدى من غييرهااا
جمييع هاد الأسئلة قرااتهاا في وجووه الكثير لكنهاا كانت غير مبالية تجااهلات كلشي بابتسامة مكسوورة 

حركات ليها راسها بقلة حييلة ووراتها مكان مليكة لي قصداتو تحت اعين الحاضريين الكل تقرييبا كيعرف شكوون هي احلاام وشنو كتعني لسليماان .. گاع عارفين حبهم وعشقهم الممنوووع ..وهي كتنقل وسطهم شي كان كيشووف فيها بأسى وشفقة ..والبعض بانبهااار ودهشة بشخصيتهاا وجرأتهااا ....
لهاد درجة قوية لي جات تحضر لعرس كانت غتكوون مولاتوو ...ولا غير کتضاهر بالصلابه ؟؟ عندها القدرة انها تشووفو بارز ومااسك في كف يدو ايد وحدة من غييرهااا
جمييع هاد الأسئلة قرااتهاا في وجووه الكثير لكنهاا كانت غير مبالية تجااهلات كلشي بابتسامة مكسوورة
مليكة ..." قاطعات طريقها قبا متوصل ليهاا وعنقتهااا مدة طوييلة كتولاسي فييهاااا " ... بنيتي هادشي قسمة و نصيب والمزوجين راهم في سمااا قبل الأرض ، الله يلاقييك بولد النااااس لي ينسييك ويعوضك 
احلام ..."تنهدات وشافت فيها حاطة ايدهاا على كتفهااا "... خالتي هادشي ديال الله و انا قاابلة بيه متشغليش راسك بيااا دابا نولي مزيان ..." بابتساامة ".... .. واش يمكن ليا نجلس !!
مليكة... معلوووم ابنيتي مرحبا بيك .." تمشات معاها تا الطبلة ، حطات احلام بوشيط ديالها و هي تجي لعندها شيماء لي كانت مراقباها ملي دخلاات ...جلساات حداها تتعنق فييها و تتواسي 
احلام.....حسستيني بلي جالسين في جناازة اصحبتيي نعلي شيطاان 
شيمااء...." معوجة فمهاا "....على ودك جييت حيت عرفتك غتحضري كون منتي متلقاينييش 
احلام....." شافت في مريم وغمزاتها "...هاهيا تا هي بحاالك خايفاني نخسر العرس...." باستهزااء حركات رااسهاا "....جايا غيير نبااارك معندكم مناش تخافو وعفاكم بلا دووك النظراات تاع الشفقة انا في احسن حاال هااا دليل....
" هزات ايدها وبدات تصفق وتمايل في بلاصتهاا على انغاام الموسيقى الشعبيةة متظااهرة انها من المستمتعين لكن الدااخل دياالها كان ملياان...حزن ...وألم ..وحنيين 
حنين من دابا لجلسااتهم ، ولسهرااتهم في تليفوون ..من غيرتو وخوفو عليها من عصبيتوو وحبو المجنوون بيهااا....
توقفاات المووسيقى وكادت دقاات قلبها توقف معاهاا ملي حسات بليي وصللل ....تبدلوو ملامح وجهاااا وحساات بالحمى صابت الجسد دياالهااا شافت في مريم لي كانت كتشووف جهة الباب ونطقاات بصووت حنين 
احلام....." قررات متدوورش ".......جاااا زويييين ياااك 
مريم....." تفتحو جرووحها لقدام وحسات بلي هي بلاصة احلام ...نزلات دمعة حارة من عينيها وجرات الكرسي حداها مزيرة على ايديها "...يالله نمشيييو بحالنا ااحلام وجوودناا هنااا خطأ 
أحلام....." بدون وعي منها لقات راسها بدورها مزيرة على ايديها..وكتدوي بصووت كيترعد "....غير خلييني امريم عفااك ...نقنع راسي ونشبعو من شووفتوو ...خليني نجمع قلبي ومنبقاش طمعانة في حبو مزاال ونتأكد بعيني بلي صاافي متلاش لياااا ....وبلي لقى المراا لي غتكمل معاه حياااتووو 
" هزااات ايديها كتصفق ببطئ ، فجأة تحولو لقوة كتبرد فيهم نااااارهااا " ...شووفي امريم هاهو كيقرب من بعيد شووفي نااس كيف كيهنيو ويباركو فييه ..قرصيني عفااك واش بصح كيتزف قداامي ولا انا في حلم واش بصح حب حيااتي جات وحدة وخدات عندو مكاني ..كنت غنلييق لييه كثر منهااا يااك امريم 
مريم......" جرااتها من ايديهاا ".....صاااافي ااحلام باراكا يالله فحااالنااااا
احلام....." تنثرات منهااا "....لااا مزاااال مسيلت دم من قلبي باش عمرو مزال يدق لولد المرااااااا 
" هزاات حواااجبهااا ووسعات عينيهاااا كتشووف فيه كااان سااخط والعصاااب مكيجي واالو قدام شنو كيحس بييه ، بجمبو كانت ملييكة ماسكة من ايديه ومخبية لكلام لي في فمهااا بابتساامة تاع بزز 
مليييكةةة...." كارزة على سنانها "...الله يرضي على ولدو متشوهنيش قدام العائلة غير وصلها تاال لبرزة وخرج ...
سليمان.....واتي الله يلعن عدو ربو بنااادم سالي عليا هاد ابزبل دغيا الواليدةةة رااك عارفة اش كااين ....
" جات عندو نگافه خدات يدوو باش تشابكهاا بايد اية لي كانت كتقوول للارض نهدي محدا قديي ، لكن رمقها بتخنزيرات خلااهااا تسووخر اللور قبل لتوصل ليه ، مزالو بنفس الشووفات القاصحين كيدور في عينييه وهو يلمحهاا واااقفة مقابلة معاه وكتشووف فييه ....

《جئت لأودعك حبيبي ليكن ودااعناا عظييما وهائلا مثل حبنا》

مزاالو بنفس الشووفات القاصحين كيدور في عينييه وهي تبان ليه وااقفة مقابلة معاه وكتشووف فيه ...جات شعلات الناار لي في قلبو كثر وكثرر...مشى جهتهاا كيتمايل و عينيه تيتسدو كلشي كانو مترقبيينو شنو غيدير ...اية تجمدات بلاصتها ..مليكة تابعااه كيف ظلوو اما عثمان كان جالس في الكرسي ومهبط.راسو لتخت حيت حاس بصااحبوو 
سليمان... " عينيه على احلام و عاض في شفتو التحتانية..هز ايديه الفووق وضرب تلاتة ضربتت متوالين "... حبس حبس حبسسس...." وقفات الموسيقى وتوجهات الانظار ليه ".. .. كلشيي ناااشط وفرحااان ياااك وجاايين تفرحو معايا ....
واش عارفين بلي الكوبرا اليوم تيتحرق من الداخل واش عارفين بلي ليوووم كان غيكوون أسعد يووم فحيااتي كون كانت معايا هيي ... .."ضحك باستهزاء وضرب كرسي برجلييه طيحو الارض و تم غادي قاصد البلاصة فين واقفة .. اما هي غير شافتو جاي لعندهاا رجليها بداو يترعدو و يديها عرقوو ودقاات قلبهاااا تسااارعاات ..فصلات بيناتهم مساافة قديييمةة حتى ولات كتستنشق ريحة عطلو الرجوولي المخلط مع رائحة النبيذ والسجاير كان كوكتييل تحت اسم الكووبراا .. هزات عينيها في عينيه بان ليها عيااان و هاز في قلبو بزااف و ممرتاحش 
احلام ..."تنهدات و شافت فيه وهمساات بصووت حنين كيف عوداتو داايمااا " سليمان 
سليمان ..."هز ليها يديها و حطها فوق قلبو".. العمر ديال سليمان، الرووح ديال سليمان ..شتي هادا.."كيزير ليها على يدها فوق قلبو" ... كيتحرق بلا بيك و باغيك غير نتي ... هزي عينيك في عيني و عطيني غير اشارة نفرتك هاد القلاوي كولو متسينيش على اعدامي ااحلام 
احلام..." حيدات يديها من يديه و طبطبات ليه على صدرو مقوية رااسهااا "... سليمان كنتي و غتبقى احسن حاجة و احلا ذكرى و قعات ليا في حياتي ..واخا الفراق صعيييب و لكن غنبقى ديما فاينما نتفكر ندعي معاك ونجبدك بالخيير حيت هو لي شفت منك .. 
هادا قدرنااا اسليمان شحال حاربنا و صارعنا گاع الناس و لكن ممكتابش لينا نكونو بجوج يمكن جمعتنا مافيهاش خييير
سليمان....." بالغوااااات ".....هاد الهضرة خاوية عندي ااحلااام مكاينااش شي حاجة سميتها كنتي..." بدا يضرب على صدرها بعتااب ".....علااش تخليتي عليا وختاريتي الطرييق السااهلة 
احلام...." قاطعات كلامو "....كنتي بغيتيني نأكد ليك بلي نقدر نحضر لعرسك وننساك هانا اكدتها ليه....رجع عند عرووستك اسليمان وقفتك هنا ماليها معنى
مليكة....ولدي الله يرضي عليك نعل الشيطان ناس كيشووفو 
سليمااان.....خلييييهم امي خلييهم يشووفوووو الشخص لي كيخاف منو الكبير وصغييير لي شطح مافياات كثااار لي جامي حس براسو ضعيف جااا مرض سميتو الحب وبلااااه 
"بداو المعروضين كلا خاشي فمو في وذن لي حداه و يوشوش وقفات مريم ملي شافت القضية بدات تتشعل و هيا تمشي عندها جرتهااا من ذراعهاا"..
مريم .... احلام صافيي يا الله مكينش لاش نبقاو مزال ..
" جراتها من ايديها و تمو خارجين يالله خرجو برا وهي تحس بيد جرااتهاااا اكيد عرفاتو من لمستوو خاطباتو بلاما تشووف فيه 
احلام......متصعبهااش عليا عفااك 
سليمان...." دورهاا لعندووو تاا لصقاات على صدرووو وحوط ايديه على خصرهاا معنقها بقوووةة ضاغط عليييها باغي يشبع منها ومن كلشي فيهاا ..." ديري في بااالك الا مطناييش لياا مغتكوونيش لعيري نشرب من دموو لي غيفكر يرتاابط بييك....
" تسللات من بين يديبه وشافت فيه شووفة الودااع ومن ورااهااا عطاتو بالظهر ومشاات قبل ميلمح دمووع عيينييهااا 
لقات مريم موقفة طاكسي ركبات فيه احلام مخلية رووحها مع سليمان ...اشد انواع الوجع حسات بيه في ديك اللحظة تنفسهاا مبقاش منتظم حساات براسهااا تخنقااات ومبقاتس قادة تطلع النفس ردات ليها البال مريم واشارت لمول الطاكسي باش يوقف حلات عليها الباب ونزلاتها تشم الهوا لكن خاارت القوى ديالها وجلساات الأرض مطلقة العنان لدمووعة ولگاع لي كان مكبووح في قلبهااااا

احلام ..ااااااااه امريم ااااااااه مبقيتش غنشووفو مرة اخرا ...مبقاش ليا الحق فيه مزال.. " شدات لبها فيدها" .. مريم فيقبني عافااك فيقيني قوولي ليااا كااتحلمي .. قووولي ليااا هذااا غييير كااابووووس .. قووولي ليااا ماااشي بصح .. ماشي بصح هاااادشيييييي اااااااااه ... مريم كانمووووووت ... كانموووت امريييم قلبييي تيتقطع ..سمو مشاااا فعروووقييي اعبااااد الله ..يااا ربي شنوووو درت فحياااتي شنوووو دررررت ..مر.. مريم ..واش صاافي ..تزوج بيها.. هءهء .. واش صاافي مابقااااش سليمااان ديال أحلااام .. مابقييتش غانسمع صووتووو كل ليلة .. مابقاااش غايجي يشووفني بالتخبية على بابا .. اااااه هءهءهءه😭😭😭 حرااام هاادشي حراااااام و الله تا حرااام .. حبيبي اناااامشااا مع وحدة اخرىىىى . 
مريم .. " دمووعها ساالو على خدها" .. ماديرييش هاد الحااالة فراسك .. صاافي عاافاااك قطعتي ليااا قلبيي ي.." تتحاول تشد فيها .." 
احلام ... وااش .. واش شفتيييه ..شفتييه ياااك ..كان مقهوووور ... بااينة من عينيييييه مقهووور عمري شفتووو فديك الحاالة هءهءهء .. علاااش اربي علاااش .. علااش حناا لي مكتاااب علييينا نتعذبو و نتقهرو علاااااش .. " بالكااد كاتقدر تطلع النفس .. " .. واش مااشي من حقييي .. نفرح .. واش مااشي من حقي نحلم و نحقق حلمي وااش ماشيمن حقي نعيش كيفي كيف كااع الناااس .. حلمت بدار صغيييرة تجمعني معااه .. ماكنت بااغية تا حاجة من الدنية غيروووو .علاااااش ..
مريم .." مسحات دموعها و شدات ليها فدراعها" صاافي صاافي احلااام .. كنتي تقدري توقفي داك الخرااا كااامل و مادرتيييهاش ..داكشي علااااش مكين لااااش تبكي علييه داباااا ..
احلام .. " شافت فيها مدمرة و حيلها مهدوووود" واش حتى البكاااا ماااشي من حقيييي امريم ،حتى البكااا مااشي من حقييي داااتووو مني امريم دااااتوووو .. دااااتووووو ... ..
مريم البكاااا مور الميت خسااارة ..صاافي جمعي رااسك جمعي رااسك احلااام غاتحماااقي لا بقيتي هكذااا .. ماشي نتي اول وحدة حبيبها يتزوووج ..مااشي نتي اول وحدةقصة حبها تفشل .. 
احلام .." حطات يديها على وجهها و انهارت من جديد " .. ماااشي كوولشي كااان عندووو سلييماااان 😭 

《 الحب شي حاجة زوبنة بزااف ومكتعاودش بزاف دالمراات ...صعيب تلقى لي يبغيك ويخاف عليك ويفدي عمرو لييك ...ولي لقاه نصيحتي ليه ميفرطش فيه 
سليمان كان اول حب في حيااتي معااه عاودت عشت مرااهقتي....بغاني كأحلام ومبغاش الجسد ديالي ..حتارمني وقدرني وجامي غلط معايا ولا هز عينوو بالعاطل فيا....لكن خصاارة حبنا في داك الوقت كان مستحييل كان هو في كفة وعائلتي في كفة بقدر بزاف منكم قال انني انانية وممستاهلووش ولكن الكلام كيبقى غا كلام اما تطبيقو صعييب وكيبقى الواقع بعيد على الخيااال ....نهار عرسو حطيت على قلبي حجرة حامية ومشيت حضرت ليه ضلمتو وضلمت راسي معايا وسمحت فييه لكن ملي خرجت من عندو جيت بلا رووحي حيت بقات معلقة بيييه ....
شحال بكيت وشحال سهرت الليالي وعانيييت ولكن لا هو كان مكتاب ليا ولا انا لييه 
اخيرا غنقوول ليكم تسناو الفصل التاني لي غنشفيو فيه الجراااح ونداوييوهم وتشووفو شنو خبا لينا القدر مزاااال ويبقى دعائي لي لكم 
"يااارب لا تعلق قلووبنا بما ليس لناا" 》

الكوبرا
نهاية الفصل الأول 🌷

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.