بدات كتقرب منو بإغراب باش تغويه لاكنه كمش فمو تحت نيفو باشمأزاز وقال
- ماعندي ما نعطيك بلا مطلقي عليا زينك
ابتاسمات بإغراء مافاهماش اش كيقول وزادت قربات منو وحطات يديها على صدرو بإعجاب ، حيد ليها يديها بإشمأزاز وقال
- متحطيش عليا يدك عفاك وسيري شوفي ليك واحد اخر حيت انا هنا باش نعس ماشي نعس داكشي اللي علا بالك ... يالاه خرجي عليا من هنا
دفعها جيت الباب وهي كتلوى عليه وتلسق وهوا كيهرب خايف على راسو من المرض ويبعد ليها يديها ... يالاه حل الباب بغا يخرجها وهما يهجمو عليه 4 اخرين عريانات كليا وفيهم اللي مغطيا راسها بتوب ترماو عليه تا كانو غيطيحو وبداو البنات يدخلو كيتجاراو ويغوتو هربانين ، يالاه بغا يوقف شاد الفوطة وهما يدخلو فيه وحدين اخري مقزبات وكيمشي نيشان جيهت السرجم وينقزو .. مافهم والو وناض مخلوع شاد الفوطة بيدو وطل بانو ليه البوليس كيتجراو .. حل عينيه وقال بالتلفة
- اش هاد الق***** مشا وجا بلاصتو ماعرف ما يدير وطار جيهت السرجم تا هوا تبع البنات وجر معاه سروالو وسليب ونقز جا مباشرة فوق واحد جوج بنات يالاه نقزو قدامو .. خرجو عينيهم بالتقل وناض بالزربة خلاهم وتبع البنات لخرين مع ممرات الاوتيل ماعارف فين يمشي ولا منين يدوز .. بقا غير تابعهم وهما قدامو عريانات تا وصلو لواح السرجم عالي وبداو يتعلقو باش ينقزو ... لحق عليهم بسرعة وبدا يدفع فالمؤخرات وحدة مور وحدة ويلوح تا لاحهم كاملين ورجع اللور شوية شاد الفوطة ونقز بواحد اليد شاد فيها سروالو وجا وسط واحد الدار بحال البرارك ماعرف ديال وكمل كيجري حفيان تابع البنات والبوليس موراهم كيعيطو باش يوقفو . ماشافش موراه بمرة وبقا غادي هارب مور البنات هما اللي كيوريوه الطريق تا خرج فالشانطي وتلف ماعرف بانو ليه البنات كل وحدة شدات اتجاه كتغوت وتهز وتحط فبزازلها بالتنقاز . وقف لبس الكالصون بالزربة ويالاه بغا يلبس السروال طار عليه بوليسي من اللور بغا يشدو.. بقاو رجليه فالسروال كيتعكل ووحل وخرج واحد الرجل بالزربة ودفع البوليس عليه ونقض عليه غطا ليه وجهه بديك الفوطة وبدا يدورو فبلاصتو تا داخ ودفعو فواحد القادوس ديال الماء كان محلول وطلع سروالو بالزربة ومشا كيجري فالشارع كيموت بالضحك غلى زهرو وعلى راسو بهستيرية وكيسد السروال .. حس براسو بعد وتحنا على ركابيه كيضحك تا عيا وهز راسو كيسوط ومشا كيقلب فالشوارع الديقة ديال الفيلاج على طموبيلتو فين كاينة .. وصل للبلاصة فين حطها وهوا يلقاها طارت مابقاتش تما .. خرجو عينيه معجب .. فين الطموبيل ؟ كيدارو هزوها ومستحيل يحركوها من بلاصتها حيت اصلا ماعندهاش السوارت وماعندهم كيفاش يسوقوها ، اكيد مشاو دافعينها ، وبما انهم مشاو دافعينها غيكونو قراب ماشي بعاد .. مشا مع الشارع كيقلب بغضب ويسوط ويدور من زنقة لزنقة والسكايرية حداه كل مرة منين يخرج ليه واحد ، بقا يقلب حتى بانت ليه من بعيد دافعينها واحد الطبقة من الشفارة وهوا يتبعهم كيجري.. هز واحد الحديدة فطريقة وقرب منهم بالشوية حتى خرج ليهم وبدا يشطب فيهم بديك الحديدة من هنا ومن لهيه ومضارب وسطهم ، عطبهم كاملين وطلع فالطموبيل بالزربة ديمارا ورجع منين جا عرف راسو فقرية غير آمنية وناسها كيستاغلو الفرص ، بعد عليها وفضل يبات فسيارتو احسن ليه تا صبح الحال
ورجع لداك الاوتيل المشؤوم لقاه محلول والشيباني جالس كما لقاه المرة الاولى ، شدو شنق عليه وقال
- طلع المكانة ... طلع المكانة ونعلق مك يالاه طلع
بقا الشيباني يغوت ويدير ليه بيديه ماعنديش
زياد : مغنتفاك معاك حتى طلع المكانة ... النصابة ولاد الحرام .. تاخدها باردة .. طلع لمك الساعة
قلب ليه جيابو لقاها وخدها وطلع للاوتيل وللغرفة فين كان خدا الكاط ديالو وهبط كيسب وينعل ومشا طلع فسيارتو وشد الطريق
طريق طويلة ماوقفش ... غادي بوحدو كيطحن الطريق لابيست بطموبيلتو وحال عين وحدة ومتكي كيسوق بحرية وبطلاقة مكاين اللي يزاحمو ، ضلام عليه الحال ووقف بات الليلة لداخل فالسيارة وحداه موس شادو للدفاع عن النفس ، لاكن حتى واحد ماقرب ليه والطريق مدازت منها حتى سيارة ، صبح الصباح عيان ..يالاه حل عينو شرب الماء وكمل الطريق ديالو نهار كامل حتى بانت ليه لافتة وسهم مكتوب عليها "chine" فرح وعجبو الحال وصل للصين .. تبع الاشارة اللي رشداتو للطريق الصحيحة ومشا كيطير بالطموبيل حتى بداو كيبانو ليه اراضي زراعية والخيرات والناس كتفلح .. خرج يدو من السرجم كيضربها الهواء ودخل لديك القرية الفلاحية .. نزل مصغر عينو وبدا من واحد السوق ، من اللي دخل هوا كياكل من خيرها حتى شبع وقرر يبات تما عاد يكمل طريقو .. بدا كيقلي ويدور ويسول على اللي الكبير ديالهم فالقرية حتى لقاه واستاضفو فدارو .. كان كبير القرية قاري وعرف يتواصل مع زياد باللغة الانجليزية .. طلب زياد يضايفوه عندهم حتى يصبح الحال ويكمل طريقو وبغا يحيد الساعة من يدو يعطيها ليه لأنه مكيملك حتى حاجة ، رفض كبير القرية ياخد من عندو ورحب بيه احسن ترحيب وكرمو عندو فدراو ، كلا زياد وشرب وفرح بالناس ديال القرية وتسارا فالاراضي الفلاحية ديالهم .. بالليل عطاوه غرفة وفراش ودخل دوش ولبس من حوايجهم ونعس مرتاح بحال الى عمرو مانعس . الصباح صبح كيودع ناس القرية باش يكمل طريقو من بعد ما عمرو ليه السيارة بالخيرات ديال ارضهم .. فواكه وخضر و اعشاب و قراعي ديال الماء ، وشد طريقو من جديد فرحان من بعد ما حط لطموبيل الماء باش تزيد حتى هي ومشا كمل طريقو غادي ومزال حتى بلاكة مايانت ليه ديال شي قرية ولا دولة ولاشي حاجة ، مع ذلك فرحان وعاحبو الحال كيعيش المغامرات وفين ما بغات توصل بيه السيارة توصل .. ميزيد ليها مازوط ولا ايسونص .. فيت ما وصل يعمر ليها الماء وغير قريعة صغيرة ديال الماء كضري بيه طريق طويلة .
من بعد اربع ايام ديال الطريق وصل لباكيستان ، وكالعادة مكيدخلش لوسط الدولة .. كيدوز على المدن والقرى اللي فالجنب ياكل ويشرب ويرتاح ويزيد يكمل طريقو سايق السيارة وغادي كيعبر من حدود لحدود و كيعطي الباسبور لبرازيلي ديالو للبوليس يطبعو ليه ويزيد .. ايام ديال الطريق .. كيمشي من بلاد لبلاد بحال الاجانب اللي كيحملو الصاك ويهزو وراقهم ويخرجو بلا فلوس باش يكتاشفو العالم و يعيشو المغامرات ، داز على باكيستان ، ايران ، العراق ، مصر ، لبيا ، نجيريا ، مالي ، موريتانيا ، واخيرا المغرب . دخل للمغرب و فجعبتو بزاااف مايحكي لمو من بعد 3 اشهور ديال السفر .. كل بلاد داز عليها عاش فيها قصة وخدا عليها فكرة .
دخل للمغرب بالسيارة غريبة صنع امريكيا عمرها بانت ختها فالمغرب ، سيارة سوداء اللون شبعانة غبرة وموديل قديم بزاف ونادر فالسيارات . منين ماداز بيها كلشي كيتلفت يشوف فيها وهي غادية وهوا فيها متكي فرحان يتسنا غير فوقاش يوصل . لاكن لسوء حضو شدوه البوليس على السرعة ووقفوه فالجنب
نزل زياد من السيارة عطاهم جواز السفر ديالو شافوه وزرب عليهم بالبرازيلية مابينش ليهم بمرة انه فيه شي عرق مغربي ، هما مافهموش وهوا كيسمع ليهم كيتقاتلو معاه بالانجليزية باغيين منو الفلوس ، غلباتو الضحكة على الانجليزية ديالهم المعثرة .. لا فرنسية ولا حتى لغة كيتقنوها وحتى هوا دار راسو مكيفهمش ، بقاو مقاتلين معاه كينقبو شوية من الفرونسي شوية من الاجنليزية وزياد كيضحك بوحدو ويشوف الارض ويرد عليهم بالبرازيلية حتى حمقهم فاللخر ضحكو بالفقصة وعطاوه الباسبور ديالو وطلع كمل طريقو كيموت بالضحك ، نقص السرعة باش ميحصلش مرة اخرى وشد الطريق مساري حتى لوجدة ، جمع النفس وطلقها سعيد جدا .. اخيرا وصل لمدينتو .. واخا معاش فيها بزاف لاكن عندو ذكرايات زوينة فهاد المدينة . دخل للحومة ديالو والكل متبع السيارة بعينيه حتى وقفات حدا دار كبيرة بابها مفتوح . نزل بلهفة من السيارة ودخل مع الباب كيجري وطلع مع الدرج للطابق الثاني .. وقف بلهفة كيشوف ارجاء البيت ويقلب بعينيه . فجأة بانت مو عاطية راسها للقبلة كدعي معاها فالصلاة و هازة كفوفها
- ياربي تحفض ليا وليدي .. ياربي تجيبو ليا سالم غانم .. ياربي تنجيه .. يا ربي تحفضو ليا يا ربي
ابتاسم ومشا طاح حداها كيبوس يديها خلعها تا غوتات وبدات تشوفيه مخلوعة باغا تهرب .. هز راسو فيها فرحان شدها كاملة عنقها وهي مخرجة عينيها .. شوية بدات تنخصص وتبكي وعنقاتو كتدي فيه وتجيبو وتبكي
بكات مو بالفرخة حتى طاب قلبها .. عنقاتو وباستو ماتيقاش عينيها .. كل شوية تبعد تشوف فبه وهوا كيضحك وترجع تبكي وتعنقو وتجرو وهوا كيسكتها ويبوس ليها راسها ويعنقها .
الجارة : على سلامتك فرحت لك من غلبي .. يريحك ويفرحك .. الله يجيب ليه بنت الناس ويكمل دينو فبلادو يا ربي ... زوجيه باش يبقا حداك هاراني نوصي فيك
زوبيدة : ان شاء الله ياربي .. بسلامة عليكم
مشات وبقات
الجارة متبعة ليها العين وتقول
- ولا ولدها ... يعلم الله شنو جاب لها ... شتي ها ولدها ولا .. دابا تشوفي الى ماطيراتو شي وحدة ونتي بقاي تشوفي فيا .. حتى تجي لاللاك تديه لك ... الزين الفلوس وباه برازيلي ..شكون بحالك خاصك تكوني غير لاللة مولاتي
- علاش ناض .. وييلي نوضناه من بلاصتو .. غير يبقا حنا جينا نرغبو وصافي
زوبيدة : مرحبااا .. كيحشم ولدي داكشي علاش ههه
بدات تحط ليهم من تاني كاسكروط وجلسات معاهم كتجمع ويتعاودو ويشربو اتاي وبدات الجارة تشكر فبنتها وتعاود وزوبيدة كضحك وتجاملها .. شحال وهما جالسين وزياد فالبيت ساد عليه حتى مشاو وناضت زوبيدة للكوزينة وهوا يخرج عندها عرها بصبعو من اللور قفزها وقال
- زبيدة ديالي .... وشتا هاد الروايح
عوجات جنبها وقالت: الله ياوليدي خلعتني باقي فيك هاد الطبيعة ... هااا الدجاج المحمر ... ليه شحال من زياد عندي ... خاصك تغلع ديك الطبيعة منك حتى تزوج وردها
ضحك وقال: لقيتي ليا لمرى هههه
زوبيدة : وعلاش لا ... كاينة غير غولي واه وانا نجيب لك لاللات البنات
زياد : لبارح اخويا كمال ... ههه كي راك لاباس كولشي غاية ... اش كتعاود ؟
كمال : الحمد لله ... غير فهاد البلاد السعيدة ... كيراك داير وكيراها دايرة كوريا ؟ ... واش كنت فكوريا ولا فلبرازيل ؟ فين بالضبط ... شحال مابقيت تعيط ولا تسول .. قطعت خبارك
مشاو بجوج كيتجمعو ويضحكو للجامعة للي كتقرا فيها سلمى ودخل و بجوج سولو عليها لاكن كانت الصدمة قوية على زياد مللي لقاها نفاصلات على الدراسة هادي سنة تقريبا ، تصدم وبقا غير كيشوف فصاحبو اللي بدورو مصدوم وخرج من تما كيتسائل فين كتمشي من الصباح حتى لليل ؟ شنو كدير من موراهم وهما غافلين؟ عااام !!!! عام كامل ... وعلاش كتوهمهم باللي باقا كتقرا وكتكدب عليهم ... شنو اللي مخبية عليهم وشنو قصتها ؟ هبط صاحبو راسو ساكت كيشوف فالارض حشم يهضر ولا يقول شي كلمة وهوا ديما كيشوفها غادية جايا للجامعة وفالاخير تصدم حتى هوا
خرج من الجمعية ساكت راسو كي ويجيب ... صاحبو بقا ساكت حتى وصلو للحومة وابتاسم ليه وقال
مشاو بجوج لواحد الساحة كبيرة المركز المعروف عند البنات والدراري ، اللي خرج من شي قراة كيدوز يوقف تما شوية مع صحابو عاد كيمشي . لقا شي بنات قلال كيدورو تما و جوج دراري مجمعين فواحد القنت
كمال : الصباح دابا الساحة خاوية ، لعشية عاد كتعمر
زياد : نشوفو دوك الجوج لهيه واش كيعرفوها ولا كيعرفو شي حد كيعرفها
مشا زياد عند دوك الدراري بجوج سولهم ورد عليه واحد قال وهوا كيشير بصبعو
- ااه سلمى ... عرفتها ... راه هاد النهار عندها عيد الميلاد دايراه فالقهوة لتاااحت ... عاد الصباح كانو البنات كيبيعو ليزانفيتاسيون ديال عيد الميلاد
كمال : صافي عرفتها ... راه جديدة يالاه حلات انا نديك ليها
مشا زياد على رجليه هوا وصاحبو داز للكوميسارية هي اللولة جاب معاه سطافيت فيها كوميسير و نزلو حدا القهوة .. مع النزلة بدات كتسمع زداف داف داف . الموسيقى مجهدة والبنات كيبانو لداخل وسط الدخاخن ديال الكارو مقزبات عريانات ومنهم سلمى اللي مقنتة فالقنت وسط البنات والدراري وكولهم عريانات شي كيشطح شي كيفتخ الجوانات ، كانت لابسة غوب فالغوز مقزبة مغطية الصدر وعابطة حتى للفخاد ولابسة صندالة ديال الطالون عالية وجالسة على حجر واحد الولد طالقة الشعر والماكياج وكتلعب باطراف شعرها وضحك مع البنات والدراري ، فجأة سمعات الغوات والروينة ناضت وهزات راسها مافهمات والو بانو ليها البنات كيتجاراو شي من هنا وشي من لهيه واللي طيحها الطالون كيزطمو فيها الدراري هاربين ... قبل ماترمش جاتها طفاية من الباب ديال القهوى فالحنك نيشان وهي جالسة .. شدات وجهها وغوتات بصوت عالي ورجعات هزات عينيها وهي تشوف خوها زياد داخل عليها ومعاه البوليس وكيشير بالطفايات من الباب ويقلب الكراسا والطبالي اللي قدامو وجاي جيهتها مباشرة فزع كاع هادوك اللي كانو جالسين حداها وبداو يخبيو فوجههم وينوضو هربانين بحال الدجاج . شغادي هاكا شي هاكا .. شي ماشي شي جاي .. زطم فيا نزطم فيك والسربايا كيكاليو فالطبالي والكراسا اللي كتقلب . ناضت مفزوعة مهرولة وحنكها كيشرش بالدم والدميات نازلة على عنقها كتجري .. هاربة وكتهبط الكسوة .. ماحدها كتهبطها من الجلين وهي كتعري ليعا الصدر .. كترجع طلعها على الصدر كتعري ليها الفخاد .. شافتو نقز فوق الفوطوي تابعها و هربات كتغوت وسط الروينة والزحام طالعة فالدروج لفوق .. طيحاتها الصندالة وزطمو فيها البنات وبالخلعة ناضت شافت موراها بان ليها قريب منها وهي تنوض كتجري طالعة على يديها وركابيها تالفوق وترمات فالطواليط سدات عليها وبدات تعلق فالسرجم العالي باش تهرب . طلعات فوق لافابو باش دخل فالسرجم وتلاح على برا .. ماهمها العلو ولا راسها يتفلق .. همها تهرب بأي طريقة .. يالاه خشات راسها بغات تزلق وهوا يفرع عليها الباب جرها من رجليها مقزبة ردخها فوق لافابو قدامو وشدها من شعرها خرجها ودماياتها كتشرشر
شدها من شعرها وجهها مكيبانش بالدم وقفها وعطاها ركلة للجنب فشلها طاحت على ركابيها ماقدراتش تنوض توقف ، رجع وقفها مخرجها كتمشي بزز وتشد فلحيوط ، رجليها مقدروش يوقفوها والصندالة كملات عليها ، الوليس جمعو كاع الدراري اللي هازين الحشيش و جمعو كاع البنات اللي تشدو وبالاخص القاصرات طلعو كولشي فالسطافيط ... كمال بقا كيدور بوحدو لتحت دايخ حتى شاف زياد كيجر سلمى ويسب فيها .. تعرض ليه كمال كيفك تخلع مللي شاف الدمايات كتشرش ويديها عامرين دم و عنقها حتا هوا وزياد كيكمل عليها ... تدخل كيفك وجرها كيطلب ويزاوك فزياد اللي باغي يقتلها وكيلهت ويجرها
زياد : الكلبااااا ... الله ينعل والديك الق**** جالسة ليا مع الز**** هادي هي كنقرا .... حيد خليني نقتل الكلبة ... الله يحرق زامل بوك ... كتمشي تقرااااي ااااه؟ هااا؟ كتقرااااااي السلكوطة ؟ .... هادي لقراية ؟ عام ديال التقحبين وكتكدبي علينا ؟ عام ونتي غادية جايا اللي جا يخور فيها الق***** .... حييييد اكمااال غنفوت فيك شي ضربة ... حيد نقتلها ونرتاح منها الله ينعل ****** تفووو (دفل عليها)
كمال : نعل الشيطان ازيااد . نعل الشيطان كولشي نحلوه بالعقل ... شوف حالتها بالدم . شوف راه غتقتلها
زياد : جرها من شعرها) نقتلها انا بغيييت نشرب دمها ... ندفها حية الكلبة ... علامن كنخدم انا .. علامن كندمر ؟ غير عليها باش تقرا .. وهي كترمي راسها من واحد لواحد هااا.... حيد اكمااااال
جرها عندو كيمخض فيها وكمال كيتدخل ويدافع يفك ، سلمى مابقاتش قادرة توقف على رجليها وكلات دقها للمعدة من عندو طيحاتها فالارض نيشان حاللة فمها وبغا يزيد يزطم فيها بجنون لاكن هز كمال دوك الطقات اللي كانو غيجيو فيها وتخلع وبدا يدفعو ويبعدو ... هزها كمال خرج بيها بينما خوات الدنيا فالقهوى والسطافيط هزات النص داتو وبقاو غير هما ... مشا كمال كيجري شد طاكسي خشا فيه سلمى وبدا يغوت على زياد
- واش بغيتي تمشي للحبس ؟؟؟ واش بغيتي تقتلها ... واش بغيتي تخرج على راسك
غوت زياد وقال : واش يخلعني الحبس انااااا ؟ الحبس خير ليا ما تبقا عندي بحال هاد الكلبة ..... نعيش فالحبس ومانعيش كنشوف وجهها .... خليييييييني نقتلهاااا .. خليييييني ... الحبس كيدخلو غير الرجال وانا الى ماخسرتش ليها داك الوجه اللي فضحنا ولا نقتلها راني ماشي راجل .. راني ولد الكلااااب ... نعيش فلحبس راجل ومنعيش شماتة معاها ... الكلباااااا
زياد عول على سلمى وناوي يصفي ليها العمر... تدخل مول الطاكسي كيفك ومول الحانوت وهوا حمر بحال الحمق كيغوت ويدخل عليها وسط الطاكسي وهي فشلانة مقادراش تهز راس ولا تحرك . بعدوه الرجال عليها كيهدنوه مخلاوهش يزيد يقرب ليها ... طلع كمال فالطاكسي وقال
- واش طلع نديوها طبيب ؟
شار زياد يدو وقال : ديها عليا للقبر ماتردهاش ... ديها عليا منشوفش وجهها الى ردتيها ليا ندبح باباها .
زاد كيسب ويلعن خلا كمال واحل ماعرف مايدير ... طلع مول الطاكسي وزاد داوها للسبيطار ، دخلوها نيشان بداو كيمسحو ليها وجهها من الدم وهما يلقاو اللحم محلول فحنكها ، شرطة غارقة وفيها الزاج وهي كتكل عينيها وتبغي تحط يدها على وجهها محاساش بالضربة وتسول
هدنها الطبيب وبدا كينقي فالزاج ويمسح فالدم .. الجرح غارق بزاف ولو حطات صبعها فيه كان يدخل حتى لسنانها ... بنج ليها الحنك وبدا يخيط بلا متحس حتى سالا وغطاه بالفاصمة ودار ليها تقطرة لعينها اللي تكبد فيها الدم من اثر الضربة ... دوزو ليها لقاو لحمها كامل زرق بحال الى دخل فيها رموك ومعدتها كضرها و كتنفس بصعوبة
رجع زياد للدار كيسوط دخل سخون دمو كيغلي .. مشا نيشان عند مو وقال
- هاااحربش تدخل عليا ديك السلكوطة لهنا ... ألى دخلت عليا نقتلها
دارت يدها على فمها كتبكي بحرقة والجارة كترغب و صاحبو حتى هوا لاكن والو ... حلف مايدخلها وعاد ما جبد السمطة بالفقصة وبغا يجبد معاها .. فكل مرة كيشوف وجهها كيبغي يحماق ويطير عليها ، شافو حتى عياو وجراتها مها والجارة داوها للطبيب وبقا هوا جالس وسط الدار ملوي على يدو السمطة وصاحبو جالس معاه كيبرد فيه
الجارة : ملي راكي عااارفة خوك واعر علاش كتخاطري براسك ؟ مافهمتش!! انا نعرف خويا كيداير وشين وقبيح منقدرش ندير شي حاجة حيت عارفة غادي يقتلني ..الاخ ماشي هوا الاب .. الاب يقدر يحن فيك ولاكن راك عارفة خوك.. وعارفة شنو غادي يدير فيك الى حصل عليك شي حاجة
الام : راه بحال باها .. علاه شكون اللي رباها وحضاها وكلها وشربها وقراها حتى كبرات ودارت الجناح ... ودابا مرمدتلو وجهه فالارض ... ولاكن ابنتي والله ميخليك طيحي ليه وجهه ... والله حتى يشرب من دمك .. جلسي دابا شدي الارض مزيان ليك .. الله يعز الرجال فالدار .
تحبسات سلمى فالدار ورجعات كتحشم تبان لزياد ، حتى الطبلة مابقاتش كتقدر تجلس معاه فيها ولا تستحمل الشوفات اللي رجع كيدير فيها ، حنات الراس ومابقاتش كتقدر تخرج للزنقة ، مها كل شوية تفكرها بزبلتها و دور دور وتبدا تشكر فبنات الناس وطيح من قيمة بنتها ، اما زياد ديما جالس فالدار هوا والبيسي مكيتفارقوش .. حتى من صاحبو مابقاش كيعمر معاه بزاف ، داز اسبوع على الفضيحة .. لبسات مها الجلابة ولبسات سلمى حتى هيا جلابتها
ودازو قدام زياد اللي جالس وسط الدار طاوي واحد الرجل وداير يدو على فكو كيغزز دفارو مركز مع الحاسبو ، هز عينو فيهم وقال
- فين بيها بسلامة ؟
زوبيدة : نمشي معاها تغلع الفاصمة ونوليو
حرك راسو بالايجاب ورجع للحاسوب ديالو مركز معاه طول المدة اللي خرجات فيها مو . شوية سمع البكا طالع مع الدروج .. هز راسو بانت ليه سلمى طلعات كتبكي بغات تموت دايرة الزيف على راسها ومغطيا حنكها ومها موراها وجهها صفر . مشات سلمى لبيتها نيشان سدات عليها و مشات الام نيشان جلسات حدا زياد ودارت يدها على خدها مصدومة
زياد : شنو كاين ؟ ياك لاباس ؟
هزات مو يديها وبقات ساكتة كتشوف قدامها ...
زياد : وشتا وقع؟
تنهدات زوبيدة بعمق وقالت : مشلها وجهها
استغرب وقال : مشا؟
زوبيدة : سلمى .. خسرلها الوجه .
زياد : كفاش خسر لها الوجه ؟
زوبيدة : فين ضربتها ازياد اوليدي فين ...وشتا درت ازياد ... خسرتلها الوجه خليتلها سيكاتريس من الودن حتى لفم .... راه واخا دير لي دارت راه ختك ... وشداك للوجه خرجت عليها ... مابقالها وجه دروك .. مابقا عندها باش تشوف فالناس
زياد : تخسر لها الوجه ؟ مزياان ... دابا غادي نتهناااااو من دخل وخرج ... الووجه باش شوهاتنا غدام عباد الله هاهوا تخسر ... تهنينا
زياد : ماعندي خت ... وكن صبت كون دفنتها حية ... واش هادي خت هادي ... واش ماحشماتش على عراضها غالسة لي فوق رجلين الشمايت .. صافي بلا متفكريني .. خليها تشد الركنة كون بغات وجهها يبقا تمشي تقرا وتجي بحال قراينتها
سكتات زوبيدة وناضت دايرة يديها على راسها وتردد
- ياربي ترد بينا ... لاحولة ولا قوة الا بالله ...لا حولة ولا قوة الا بالله
عبس زياد ورجع للحاسوب ديالو .. تبدل الجو فالدار وتغيم .. حتى واحد ماضاحك وحتى واحد ماطالق البشرة ... حطات مو العشا فوق الطبلة ومشات هزات الصينية دوزاتها قدامو ودخلاتها للبيت عند سلمى لقاتها جالسة مكمشة فوق النموسية مهبطة الشعر على وجهها وعينيها حومر بالبكا ... قربات ليها مها بأسى حطات الصينية وقالت
- صافي ابنتي وصافي ... دروك تبراي ... دروك يوليلك وجههك .. نبيع عليك دهبي كامل ونغلعلك ديك الشرطة ... وصافي الله يرضي عليك ... صافي وكولي شوية ابنتي
قربات ليها الصينية وهي دفعها سلمى بيديها ورجليها قلباتها وبدات تغوت بصوت مرتفع وتبكي وزياد كيسمع من برا بلا ميتحرك ..
بدات تغوت وتفركل تا عيات فالاخير خرجات مها ودموعها فعينيها حطات ديك الصينية بالجهد فوق الطبلة قدام زياد وجلسات حداه دايرة يدها على خدها كأنها كتعاقبو بلا متهضر . بقا العشا محطوط حتى واحد ماكلاه ولا قرب ليه فالاخير هزاتو زوبيدة رجعاتو للكوزينة ومشات تنعس حدا بنتها وبقا زياد بوحدو قدام البيسي لوقت معطل .
ناض سد البيسي ومشا فاتجاه البيت ديال سلمى ودخل بشوية لقاهم ناعسين فوق ناموسية وحدة ... قرب من الجهة ديال سلمى وجلس فطرف الناموسة حداها وبعد الشعر على خدها وهي ناعسة ودوز يدو على الجرحة بأسى وندم شديد .. لقاها جرحة طويلة ومخيطة وكتبورش اللحم لكل واحد لمسها .. تنهد بعمق ورد ليها الشعر مور ودنيها هبط باس راسها بشوية ورجع ناض .. يالاه عطاها بالضهر حلات زوبيدة عينيها وتنهدات بعمق وحزن وطلعات الغطى على سلمى وعنقاتها بيدها
جالسة نجمة فالاجتماع بالأسود كما مولفين يشفوها ديما من نها عرفوها .. دايرة رجل على رجل كتحرك يديها بكل انوثة دايرة قفازة من الدونتيل فيد وحدة ... وصباغة حمراء فدفارها بحال ديما ، تنهدات بعمق وقالت بجدية
- شنو المعمول دابا ؟ يالاه مسيو..... عطينا الحل (هزات يدها حدا وجهها بطريقة كلاسيكية ) الاشهار خرج ... تيليفون "مابيوبي بيه 1 " العالم شافو كما سبق وشافوه فأفلام الخيال العلمي ... شنو غانديرو دابا يالاه ... عطيوني حل .. (بهدوء ) حيت هادي اكبر مصيييبة وقعات فعالم التيكنولوجيا وطاحت فيها تيكنو الصونغ ... وتيكنو صونغ هي انا ... وانا الوجه ديالها باش كيعرفوها جميع الشركات الاخرى ... (تنهدات) يالاه عطيوني حل لهاد الكارثة العضمى فاش طحنا ( شافت فمستر مايكل ) يالاه كمل الخدمةيالك اللي بديتي ومانبغي حتى واحد يهرب من المشكل ولا ينسبو لواحد اخر...
الكل : الصمت
رجعات قالت وهي فكااامل العصبية ديالها الداخلية اللي عمرها بانت فهضرتها وأفعالها واخا كتكون فقمة الغضب كيتقلب عليها كولشي بالبارد
تنهد مايكل وهوا كيشوف قدامو بجدية وقال ... التيليفون نجح 100%
حطات يدها على الطبلة وقالت بصرامة : ولاكن خسر 100% التيليفون الناجح مكيدوزش 3 شهور ويسكت بحال الى عمرو شعل ...
تنهد مستر مايكل وقال بجدية : المشكل هو اننا
ثقنا فالتصميم ضنينا ان الامر ساهل و لاكن هو السهل الممتنع عندو شي حاجة فالبرمجة لي ضرووورية
حطات يدها على الطبلة وقالت : ايوا ديروها
تكلم مبرمج جالس معاهم كوري وقال بجدية
- ميمكنش ندخلو للبرمجة بلا كود ... والكود خوا بوحدو اللي عارفو ... حنا عطانا غير التصميم والتركيب .. والبرمجة اللي عطانا ماكاملاش .. ماعطاناش التفاصيل كاملة عليها .. بما اننا ماخديناش التفاصيل كاملة .. وماقدرناش ندخلو ليها ... قررنا نديروها راسنا بفضل المعلومات اللي خدينا منو . لاكن مصدقش مع الاسف ...جربنا وفشلنا كيف كتشوفو
تنهدات مغمضة عينيها وقالت : خاصنا لكود .. لكود باش ندخلو ونبرمجوه حسب البلان اللي خدم عليه هوا ... البرمجة اللي درتو غالطة مغدومش .. عندها وقت محدد وصافي .. ويقدر التيليفون ميشعلش .
قال مبرمج اخر كوري حتى هوا : البرمجة اللي درنا ليه حنا ديال الأندرويد ... لاكن ماصدقاتش
تنخدات بعنق وقالت : داير ليه برمجة خاصة ... سيستيم ديكسبلوطاسيون مبدل .. ميمكنش يدير ليه برمجة عادية ... وميمكنش نوصلو لبرمجة لي دار هوا ... صافي تيكنو الصونغ على ابواب النهاية (دارت يديها على جبهتها )
تنهد مايكل وقال : مزالين كنقلبو على حل و ..
شارت بيدها جيهتو وقالت والدوخة شاداها
- سكت الله يخليك ... سبب المشاكل كاملة هوا نتا ... لقينا كنز يزيد بينا لقدام ونعطيوه حقو لاكن ضيعناه بسببك ... اخر واحد يعطي رأيو فهادشي هوا نتا ... سكت الله يخليك . (هزات راسها فيهم وقالت)
شافت فيه بنضرات غاضبة وقالت : سكت الله يخليك ... احسن حاجة درتها هوا انني خرجتو من الحبس باسم الشركة ... على الاقل مانلقاوهش حاقد علينا ويقبل يرجع لينا من جديد ... حنا دابا مضطريين نردوه بأي وجه كان ... بأي طريقة ... حنى فمشكل كبير وكبير بزاف . خاصنا نلقاوه ضاروري وفأقرب وقت (شافت فمايكل ) الى مالقيناهش غتدوع هاد الشركة الى الابد ... (بفا يهضر وسكتاتو) ماتسناش انك مدير وحنا اللي درنا مدير .. ماشي شريك اوك ... هادشي علاش خاصني نحرص على انه يكونو عندي افضل المديرين فعاظ الشركة ماشي اسوءهم (وقفات ) سالا الاجتماع
دحلات للمكتب الكبير ديالها جلسات على لكرسو فرقة رجليها من لتحت وملسقا فخادها و ركابيها مع بعضهم من الفوق عيانة وصبعان يديها على جبهتها ، غمضات عينيها شحال وتفكراتو فاش وقف قدامها وبدا يغوت بغضب شديد " غتندمي .. غتندمو " هزات راسها بتعب وقالت
- بصح ندمنا ... ندمنا ومكاينش من غيرك اللي يخرجنا من هاد الموصيبة .
هزات قارورة صغيرة فيها حبوب مهداة وتناولات وحدة منهم شربات عليها الماء وناضت هزات لافيست ديالها لاحتها على كتافها وخدات صاكها وخرجات من الشركة تابعينهت المساعدين ديالها كل واحد شم كيقول
- صافي براكة ... لغيو ليا جميع المواعيد ديال اليوم .. من غير حصة اليوكا ..
حل ليها السائقة باب سيارتها الفخمة وطلعات لور والمساعدة ديالها القريبة منها لقدام ... تلفتات عندها لور شافتها عيانة وقالت
- مادموزيل تزاد عليك الحال ؟ واش كتحسي براسك لاباس ؟ نعيطو على الدكتور يجي داابا
حركات نجمة راسها وقالت : لا لا شكرا ... غنمشي للدار .. عيانة وبغيت نرتاح
حطات يدها على جبهتها وغمضات عينيها ، وصلات لناطحة السحاب فين كاين الاوتيل عندهم فالاسفل كبير مشهور والشركات فوق منو بكترة و شقق فخمة فالاعلى للأثرياء وطلعات فالسانسور شادة راسها وكل شوية كتميل باغا طيح وتشد فيها المساعدة ديالها مخلوعة وترجع تقول
المساعدة : بخوف) يمكن تزاد عليك الحال بزاف .. ليوم عندك موعد مع الدكتور ديالك وخاصك تشوفي ضاروري .
نجمة : لا بلاش .. انا لاباس خاصني الراحة وصافي
خرجات من الاسانسور هازة راسها بصرامة كتمشى فخط واحد حتى للشقة ديالها .. فتحو ليها الباب دخلات كالعادة رافعة راسها غادية فاتجاه غرفة نومها حتى طاحت طيحة وحدة على غفلة فالارض فاقدة الوعي
فاقت لقات راسها جالسة فوق السرير ديالها حداها الدكتور ديالها كيفحصها والمساعدة ديالها .. دارت يديها بتعب على راسها وقالت
- انا لاباس صافي شكرا
الدكتور : متبعة الدواءيالك فالوقت ؟
المساعدة : اه ادكتور متبعاه فالوقت
الدكتور : اامم خاصك تاخدي الدواءيالك يوميا بلا انقطاع ... وتابعي الحالة الصحية ديالك حتى هي بدون انقطاع ، الى مادرتيش هادشي راكي عارفة شنو يقدر يوقع ليك
حركات راسها بتعب وملل وقالت : وي عارفة ... ميغسي
ناض خرج مشا بحالو وبقات هي جالسة ففراشها كتخمم فالمشكل ديالها وكفاش دير تحلو ... جلسات بجنبها المساعدة ديالها وقالت
- ماخصكش تعصبي ... خطر عليك
حركات راسها بلا مبالات وقالت : انا فمشكل كبير .
المساعدة : واخا يكون المشكل كبير ... كتبقا صحتك كبر منو ... هادشي علاش ماخاصكش تعطيه كتر من قيمتو .
تنهدات نجمة بتعب وقالت : ماعندي مندير ... انا اللي غلطت .. خاصني تحمل العواقب ديال الغلط ديالي ... انا ضلمت واحد الشاب بزاف ... كتر من اللي كتخيلي ... رجعت كنشوف راسي فالمراية وحدا اخرى ... ماشي انا .. وليت كنحس براسي ماشي انا ... ماشي انا اللي نضلم بهاد الطريقة ... ولا نآدي شي واحد وناخد ليه حقو ... ماشي انا اللي ندير هشي ... ماعرفتش شنو وقع ليا ... لو ماوقعش هاد المشكل ماكنتش نقدر نفيق براسي ونراجع حسابي واخا ضميري كان كيأنبني ... ولاكن ندمت ... ندمت وخاصني ندفع الثمن (دارت يدها على راسها)
المساعدة : اول مرة نشوفك بحال هاكا ؟ شنو وقع ليك؟ شكون اللي ضلمتي؟
تنهدات وقالت : ضلمت واحد الشاب .... التيليفون الجديد اللي من المفروض يخرج للسوق فهاد قبل نهاية راس السنة ... ماشي من ابتكارنا ... من ابتكار واحد الشاب كان فالشركة خدام ... شاركو معانا وطلب حقو من الارباح ديال التيليفون ... ومن حقو ... لاكن انا ضلمتو ... قطعت ليه وعد باش نديرو فوق راس الشركة مللي نربحو ... وبعت ليه الاوهام ... فالاخير جريت عليه من الشركة على غفلة ... خدينا الابتكار وحاولنا نخمو عليه ... لاكن فشلنا (دارت يديها على وجهها) فشلنا وهاد الفشل غادي يدمرنا ... غادي ندمر كل ما بناه بابا ... شنو كان يوقع لو وفيت بالوعد ديالي ليه ... شنو كنت غادي نخسر كاع ... غيرجع بحالو بحال مايكل ... واصلا مايكل شنو الدور ديالو فالشركة .. جالس كيعطي الاوامر صافي ... مكنستافدو منو بحتى حاجة ... شنو كنت غنخسر لو كسبت عبقري لشركتي وضميتو لينا .. كان غايدير اللي مقدروش لخرين يديروه .. كان غادي يهز بينا اكثر ونزيدو معاه القدام ... كان غادي يخدم تيكنو صونغ وكانت باينة فعينيه عندو الكتاف ديال الخدمة .. ومتحمس وباغي يطور من نفسو حتى هوا ويدير شي حاجة .. فضل شركة تيكنو صونغ على جميع الشركات وتاق فينا وبغانا نكومو ديما احسن ... لاكن حنا وحوش ... حنا نستاهلو شنو كيوقع فينا ... هاد الشاب كان خطوة كبيييييرة فحياة تيكنو صونغ مللي بان لينا ... كان خطوة كبييييرة للمستقبل . وكان خطوة كبييييرة للوراء وللفشل والانكسار .. انا مفكرتش ... مافكرتش بالمرة ... عطانا الخطوة وخلانا نختارو .. واش نطلعو لفوق ولا نهبطو لتحت ... وحنا اختارينا بالغباء ديالنا نهبطو لتحت ... هوا كان نجاح لتيكنو صونغ وانكسار ليها .
شافت فيها بأسى وقالت : مستحيل يرجع ... دمرناه ... علاش غيرجع ؟ وفين نقدرو نلقاوه ... خليت كولشي لمايكل ... يا أما يحضرو ليا يا أما نخرجو من الشركة وهوا اللي غيتكلف
ابتاسمات المساعدة وقالت : عندي واحد الخطة ... الى لقاه مايكل .. بلا يهضر معاه على الرجوع للشركة ... يعطينا البلاصة فين كاين .. ونمشي انا نتعرف عليه كصديقة مثلا ونحاول نتقربو منو ... وشوية بشوية نجرو للشركة ... حيت صعيب تقنعوه يرجع
نجمة بتشكيك : وتقدري ؟
ابتاسمات المساعدة وقالت : علاش لا ... نمشي عندو فين ما كان .. الهدف نرجعوه للشركة ... انا المساعدة ديالك ... علاش منساعدكش
فرحات نجمة وجلسات كتسنى الرد من عند مايكل اللي كيقلب بشتى الطرق على زياد فين كاين ، وفكل مرة تسولو نجمة كيرد عليها بنفس الجواب " حنا كنقلبو عليه "
فيوم من الايام كانت نجمة جالسة فالشرفة الزجاجية لابسة بينوار ناعم الملمس ومسرحة رجليها فوق كنبة مريحة كتشرب الشاي ، شادة تيليفون فيديها وكتقلب عبر التواصل الاجتماعي على الحساب ديالو ، فجأة شافت الصفحات المشهورة كتحط نفس المنشور عليه الصورة ديال زياد مصور بالجنب كأنه كيضحك مع شي واحد . وكاتبين عليه مقال مثير للاهتمام بخصوص السيارة اللي ختارع كتمشي بالماء والكل مهتم وكيبرطاجي . بدات كتعمق اكثر مصدومة لقات الصحافة الإلكتروني كاتبة عليه ومسجل الاختراع بأسمه ، بدات كتقلب حتى لقات الحساب ديالو ولقات فيه ازيد من 300k والغريب فالامر ان الحساب مكانش وشحال قلبات عليه من قبل مالقاتوش ، وهاذا كيعني انه عاد دار حساب خاص بيه ونسبة المتابعة غادية وكطلع
فالحين دارت ليه متابعة وبدات كتشوف المنشورات ديالو اللي حاط ولقات من بين ديك المنشورات الهاتف اللي ابتاكر بنفس الصورة اللي كان حاط فالمخيلة ديالو وكاتب عليه بالانجليزية " المستحيل موجود في قاموس الاغبياء فقط"
هنا حسات نجمة انها فعلا غبية ... غبية حيت مقدراتش توصل للي وصل ليه .. وغبية انها جرات عليه ، سخن فيها الدم وبدات تعمق كثر .. لقاتو كاتب خواطر ساخرة بزاف على التيليفون ديالو وكاملين قاسو نجمة كأنه كيقصدها هي وفعلا أثرو عليها ، خرجات من الحساب ديالو خلات لليوتوب لقات الهضرة عليه بزاف والكل باغي وكيطلب بالسيارات اللي كتمشي بالماء والكل فرحان لهاد الابتكار اللي غيكون حتى هوا خطوة كبيرة للمستقبل .
الاخبار اللي مهتمة بيها الصحافة بكثرة ورجع هوا حديث الساعة .. ومتابعينو ومراقبينو وكل مرة تنزل حاجة جديدة عليه .
داز اسبوع ونجمة معتاكفة فالدار حاضية اخبارو فين وصلات .. وبحال كل صباح كدخل لقات ضجة كبيرة فالمواقع وعلى اليوتوب وحتى فالصفحاة ، وهاد المرة فيديو كيهضر فيه هوا وبصرامة قدام الصحافة وبكل جرأة وغضب يقول
استغربات نجمة علاياش كيهضر وشنو مشكلتو بالضبط ، دخل عليها مايكل زربان شافتو مافهماتش مالو ، جلس حداها بسرعة وقال
- واش عارفة شنو وقع؟
نجمة: شنو ؟ مافهمتش؟
مايكل : زياد تعرض لمحاولة قتل ... ميمكنش ماتكونيش عارفة ! كولشي كيهضر على الطموبيل اللي كتمشي بالماء ، كاع شركات ديال الطموبيلات طالبينو من اللحضة اللي حط فيها هوا صور ودار لقاء مع صحافة مغربية ..وداع الخبر عير مواقع التواصل الاجتماعي
نجمة: اه فراسي !!! ولاكن علاش تعرض لمحاولة قتل ! مافهمتش؟
مايكل: انا نفهمك ، فاش تنشر الخبر بهاد السرعة وبهاد الطريقة ... و الشركات الكبار ديال الطموبيلات كيتهافتو عليه ويتسابقو ، جات السعودية طلبات باش يبيع ليها الاختراع ... رفض ... فاش رفض بغاو يقتلوه فهمتي ... ماعرفتش القصة كاملة كفاش وقع ليه حتى فلت لاكن اللي عارف واللي مكتوب فالمواقع انه عيطو ليه وهوا فبلادو على اساس يديرو معاه ندوة صحافية .. ومشا ووفآخر لحضة كتاشف انها مكيدة باش يخطفوه وهرب وخرج بتصريح فالحساب ديالو كيقول ان السعودية دارت ليه مكيدة وهضرو معاه بصفتهم صحافة مغربية باسم مزيف .
نجمة : بدهشة ) ايوا!!!!!
مايكل: داع التصريح اللي خرج بيه ، وميريكان سيفطات ليه باش يمشي ... قالت ليه حنا نحميو ليك الاختراع ديالك ونحميوك نتا صنع عندنا وصدر من عندنا ... ومشا هوا واعاءلتو ومزال مهدد بالقتل .. وليوم خرج الأول مرة بفيدو كيهضر فيه مع الصحافة الامريكية وكيوجه الرسالة للسعودية
العنكبوت الجزء الثاني
محتوى القصة
التنقل بين الأجزاء